Abantu bataramenyekana bibasiye inka z’abaturage barazitemagura, kuko ibyo bimaze gukorwa mu murenge wa Kamabuye ndetse n’uwa Ngeruka yose yo mu karere ka Bugesera.

Mu gihe bamwe mu baturage b’umurenge wa Rukomo mu karere ka Nyagatare bavuga ko guhisha inzoga ugahamagara bagenzi bawe mu gasangira byacitse kubera ko urukundo n’ubusabane byasimbuwe n’urukundo rw’amafaranga, ubuyobozi bw’uyu murenge bwo buvuga ibi byatewe n’iterambere rishinga imizi kimwe n’iyimakazwa ry’umuco wo kugira isuku.

Umugore utaramenyekana yataye umwana w’uruhinja ufite hagati y’amezi atanu n’atandatu, mu rusengero rwa ADEPR ruri mu murenge wa Kamabuye mu kagari ka Mpeka mu mudugudu wa Byimana mu karere ka Bugesera.

Mu gihe bamwe mu bakobwa bo mu murenge wa Rukomo mu karere ka Nyagatare bavuga ko bashaka ari bato kubera ko baba bakunzwe cyane, ubuyobozi bw’uyu murenge bwo busaba urubyiruko kwihangana bagashakana bagejeje imyaka yemera ubushyingirwe dore ko ngo hafashwe n’ingamba zo gutandukanya ababikoze igihe kitaragera.

Abaturage b’umurenge wa Mugombwa ahamaze amezi 9 hashyizwe inkambi y’impunzi z’Abanyekongo, barasabwa kongera umusaruro w’ubuhinzi kugirango babashe guhaza isoko bungutse.

Abanyamuryango ba FPR-Inkotanyi mu karere ka Nyanza basaga 300 bahuriye mu nteko rusange yabo yateranye kuri iki cyumweru tariki 07 Nzeri 2014 bongera kwihwitura ari nako bishimira ibikorwa byabaye indashyikirwa muri uyu mwaka wa 2013-2014 muri gahunda zinyuranye zo kwihutisha iterambere ryaho batuye ndetse n’iry’igihugu (…)

Abanyeshuri b’abakobwa bo mu rwunge rw’amashuri rwa Gasagara mu murenge wa Gikonko mu karere ka Gisagara bibumbiye mu matsinda yo kwizigama, barahamya ko bituma badata amashuri ku mpamvu zo kubura ubushobozi.

Bamwe mu batuye santere ya Rwanza mu murenge wa Save ho mu karere ka Gisagara, hamwe mu hazaba hagize umujyi wa Gisagara barishimira ibikorwa bari kugeraho ndetse bakanizera kuzakuza imikorere yabo bivuye ku kwaguka kwa santere yabo.

Mu gihe mu karere ka Kirehe amashyamba y’inturusu yugarijwe n’icyorezi cy’udusimba twitwa inda (Puceron) dufata ku mababi y’igiti bityo igiti cyose kigatangira kuma buhoro buhoro ndetse hakabaho n’ibyarangije kuma burundu, bamwe mu baturage bafite amashyamba batangiye guhangayika bibaza ku gihombo batejwe n’icyo cyorezo.

Abatuye akagali ka Mahango ho mu murenge wa Kibungo mu karere ka Ngoma bakoresha abakozi bo mu ngo barasabwa gushyirisha abo bakozi mu bwisungane mu kwivuza kugirango birinde ingorane bahura nazo gihe barwaye badafite ubwisungane mu kwivuza.

Abikorera bo mu bihugu birindwi, bamaze kwemeza ko bazitabira imurikagurisha rya 6 ry’Intara y’Iburasirazuba riteganyijwe tariki 18-28/09/2014 mu karere ka Rwamagana, nk’uko byemezwa na Eng. Habanabakize Fabrice, ukuriye urugaga rw’abikorera mu Ntara y’Iburasirazuba.

Kumenya no kwandika imwirondoro y’abakozi bakoresha mu ngo nibyo bikangurirwa abaturage muri rusange ni nyuma y’aho ku gicamunsi cyo kuri uyu wa 06 Nzeli umusaza Bihayiga Augustin w’imyaka 83 y’amavuko wari utuye mu mudugudu wa Cyenjojo akagali ka Cyenjojo umurenge wa Rwempasha akarere ka Nyagatare yishwe n’umushumba (…)

Bamwe mu bakora umurimo wo kuvunja amafaranga ku mupaka w’Akanyaru ugabanya u Rwanda n’u Burundi baravuga ko bagenzi babo bakorera hakurya i Burundi bakora mu kajagari bigatuma abakora uyu murimo mu Rwanda batabona abakiriya.

Abanyonzi bakorera mu karere ka Ruhango, barishimira ko nta muntu ukibahutaza mu muhanda ababuza gukora akazi kabo ndetse ngo nabo bafashe ingamba zo kugabanya umuvuduko ku muhanda bagamije kwirinda impanuka.

Banki ya Ecobank iri mu gikorwa cy’amezi atandatu cyo gukangurira Abanyarwanda kwizigamira, aho iri gutanga ibihembo bitandukanye ku banyamahirwe barushije abandi kwizigamira amafaranga menshi ku ma konti yabo aheereye muri iyi banki.

Komanda Kojera Kwinja Musanganya Jean Pierre wo mu ngabo za Kongo (FARDC) hamwe na Samuel Konji Bilolo bari mu Rwanda kuva taliki ya 29/8/2017 aho bahagaritswe bambutse umupaka w’u Rwanda mu buryo butemewe n’amategeko.

Nk’uko bigarukwaho n’umuyobozi w’akarere ka Muhanga, urubyiruko rw’abakobwa ngo nirwo rwibasiwe n’ibishuko birushora mu busambanyi, akaba ari narwo ruvamo abakobwa bagurishwa hanze kubera irari ryo gukunda ibintu.

Kuva mu mwaka wa 1994 amafaranga akomoka ku misoro n’amahoro u Rwanda rwinjiza ngo yagiye yiyongera ku buryo bugaragara, ariko biba akarusho ubwo hashyirwagaho ikigo cy’igihugu cy’imisoro n’amahoro mu mwaka wa 1998 nk’uko byavugiwe mu birori byo kwizihiza umunsi w’abasora wabereye mu karere ka Kayonza tariki 06/09/2014 ku (…)

Muri gahunda y’uburezi budaheza, abafite ubumuga biga mu mashuri abanza ndetse n’ayisumbuye bo mu karere ka Rutsiro boroherejwe kwiga bitabagoye n’umushinga utegamiye kuri Leta Handicap International.

Ubuyobozi bw’akarere ka Rusizi bwemeza ko gahunda ya VUP igamije gufasha abatishoboye kuva mu bukene hari abatayumva neza bigtuma hazamo imbogamizi mu kugaruza amafaranga yabaga yatanzwe mu nguzanyo, kuko ngo hagiye habamo na ba bihemu.

Gusenyera umugozi umwe no guharanira ko imbaraga zabo zidafushwa ubusa nizo mpanuro zahawe abahinzi b’umuceri bo mu ntara y’amajyepfo bari mu rugendo shuli mu karere ka Nyagatare rwari rugamije kuzamura ubumenyi ku kongera umusaruro w’igihingwa cy’umuceri.

Ubu butumwa bwagarutsweho n’abayobozi baganiriye abanyeshuri biganjemo abiga mu bigo by’amashuri yisumbuye byo mu Karere ka Huye, tariki 05/09/2014, ubwo hatangizwaga ubukangurambaga bwo kurwanya ihohoterwa rikorerwa abana, by’umwihariko b’abakobwa, mu Ntara y’amajyepfo.

Abenshi mu bakora akazi ko mu rugo mu karere ka Rusizi nta bwisungane mu kwivuza buzwi nka mitweli usanga bafite kandi bakora imirimo ishobora kubaviramo ingaruka, ibi biraba mu gihe buri muturarwanda amaze kugenda asobanukirwa n’akamaro k’ubwisungane mu kwivuza.

Kwicisha bugufi, gutega amatwi no gukemura ibibazo by’abaturage nibyo byasabwe abayobozi bo mu karere ka Nyagatare hari mu nama njyanama yateranye kuri uyu wa gatanu 5/9/2014.

Abayobozi b’ibigo by’amashuri bikorera mu karere ka Rusizi badatangira ku gihe imibare y’abana bafite mu mashuri yabo cyangwa bagatanga imibare igoretse ku nyungu zabo bwite, ntibazongera kwihanganirwa,ahubwo bazajya bafatirwa ibihano bikaze birimo no kuba bavanwa kuri iyo myanya.

Kuri uyu wa 5 Nzeri 2014, Mu ishuri rya IPRC West mu Karere ka Karongi batangije itsinda ryagutse (Cellule Specialisée) ry’Umuryango wa FPR Inkotanyi rigizwe n’abanyamuryango bakora muri IPRC West, kuri uyu wa gatanu tariki 5/9/2014.

Ikigo kirwanya ruswa n’akarengane AJIC gikorera mu muryango utegamiye kuri Leta Tubibe Amahoro cyashyize ahagaragara imiterere y’ubutabera mu karere ka Ngororero. Ibi byakozwe mu rwego rwo kwinegura ariko hagamije kwiyubaka.

Abakozi b’akarere ka Rutsiro kuva ku kagali kugeza ku karere bibumbiye muri koperative COTOPROCO (Congo Nil tourism Promotion Cooperative), biyemeje kubaka inzu y’ubucuruzi bazajya bakodesha.

Abagize urwego rushya ruzaba rushinzwe gucunga umutekano basabwe kuzaba inyangamugayo no kuzaba ijisho rya rubanda mu kazi kabo, bagatandukana n’urwego basimbuye rwari rutangiye gutakaza icyizere mu baturage.

Kuri uyu wa gatanu tariki 5/9/2014 mu murenge wa Rusiga mu karere ka Rulindo, imodoka itarwa abagenzi ya Kigali coach yo mubwoko bwa Coater yagonganye n’ikamyo ya hakomerekamo abantu 17.

Ahagana mu masaa yine z’amanywa yo ku wa gatanu tariki 5/9/2014, inzu y’uwitwa Uwamahoro Innocent utuye mu kagali ka Kigembe umurenge wa Gacurabwenge, mu karere ka Kamonyi, muri senteri Rugobagoba, yafashwe n’inkongi y’umuriro. Nta muntu wayihiriyemo, ariko hahiriyemo ibikoresho byinshi.

Abakarani bakorera ku mupaka w’Akanyaru uhuza u Rwanda n’u Burundi, baravuga ko babangamiwe n’abagore baza kuri uyu mupaka baje gusabiriza barangiza bakanivanga mu kazi ko kwikorera imizigo kandi batari no muri koperative yabo.

Abagore bari mu buyobozi mu karere ka Gakenke n’abagize inama y’igihugu y’abagore mu mirenge igize aka karere, bahawe amahugurwa agamije kubongerera ubumenyi ku gukumira ihohotera rishingiye ku gitsina, mu mahugurwa y’umunsi umwe yabaye kuri uyu wa gatanu tariki 5/9/2014.

Raporo y’ibanga ishami ry’umuryango w’Abibumbye (Monusco) rikorera muri Repubulika iharanira Demokarasi ya Congo, igaragaza ko rwinshi mu rumogi rucuruzwa mu Burasirazuba bwa Congo ruhingwa n’inyeshyamba za FDLR mu duce twa Ikobo, Lusamambo, Bukumbirwa, Buleusa, Miriki, Luofu, Lusogha, Kanandavuko,Lueshe, Mirangina, (…)

Umutahira mukuru w’itorero ry’igihugu, Rucagu Boniface, abwira abatoza b’intore mu mashuri makuru na kaminuza ko ibikorwa byiza bazakora ndetse n’imyitwarire myiza bazagaragaza bari ku rugerero ari byo bizahindura imyumvire y’Abanyarwanda bityo bakubaka Ubunyarwanda bugakomera.

Guverineri w’intara y’amajyaruguru, Bosenibamwe Aimé, arasaba abaturage bo mu murenge wa Nemba, mu karere ka Burera, guharanira kuva mu bukene babyaza umusaruro kandi bafata neza ibikorwaremezo bagezwaho.

Abaturage 45 bo mu karere ka Rusizi bakora akazi ko gucukura umuyoboro uzacishwamo insinga z’amatara yo ku muhanda bahawe na sosiyete ya MICON LINE, bazindukiye ku biro byayo basaba kwishyurwa amafaranga yabo bayishinja kubambura, mu gitondo cyo kuri uyu wa gatanu tariki ya 05/09/2014.

Nyuma yo kubona ko akarere ka Gicumbi kugarijwe n’ikibazo cy’abana bata amashuri bakajya gusoroma icyayi ubuyobozi bw’akarere ka Gicumbi bwafashe ingamba zo gukora ubukangurambaga ku ma koperative y’ubuhinzi bw’icyayi kureka kujyana abo bana muri iyo mirimo byakwanga bakitabaza inzego z’ubutabera bagahanwa.

Mu murenge wa Kamembe mu karere ka Rusizi, kuri uyu wa Kane tariki ya 04/09/2014, hatoraguwe umurambo w’umusore w’imyaka 21, wari warohamye ari koga.

Abantu babiri bakubiswe n’inkuba bahita bitaba Imana kuri uyu wa 04 Nzeli ahagana saa kumi n’iminota 10 mu mudugudu wa Byimana akagali ka Mimuli umurenge wa Mimuli akarere ka Nyagatare.

Umukuru w’igihugu cy’u Rwanda, Perezida Paul Kagame, arashimangira ko kuvugurura amategeko y’u Rwanda ari mu rwego rwo kuyarinda ko hagira umuntu uyakandagira agamije kubangamira Abanyarwanda, kuko nta muntu mu Rwanda uri hejuru y’amategeko.

Umurambo w’umuntu utaramenyekana wabonetse mu bwongero bwo mu rugo rw’umuturage mu kagari ka Mbugangari mu murenge wa Gisenyi ahagana saa kumi n’imwe za mu gitondo kuri uyu wa gatanu taliki 05/9/2014.

Umusore w’imyaka 22 ukomoka mu murenge wa Kageyo mu karere ka Gicumbi afungiye kuri sitasiyo ya polisiya Byumba akurikiranyweho icyaha cyo gusambanya mushiki we w’imyaka 16.

Ubuyobozi bw’umurenge wa Mareba mu karere ka Bugesera buravuga ko bugiye guhagurukira ikibazo cy’abana bata ishuri mu maguru mashya kandi abo bana bagahita basubizwa mu mashuri bari baravuyemo.

Mu karere ka Nyanza mu murenge wa Busasamana hatashwe ishuri ry’inshuke ryo mu rwego rwo hejuru ryubatswe n’umuryango “Gira Impuhwe” ku nkunga y’ambasade y’Ubuyapani mu Rwanda.

Bamwe mu basore n’abagabo bakora imirimo isaba ingufu mu Mujyi wa Musanze, Umurenge wa Cyuve ariko bakorera amafaranga atari menshi, barya imbada aho gufata amafunguro ya saa sita asanzwe kuko ngo barazirya bakumva barahaze bakabona n’imbaraga zo gukomeza akazi nta kibazo.

Nubwo bamwe mu banyeshuri bashima gahunda ya Leta yo kugaburira abana ku mashuri, hari abatarabashije kwishyura imisanzu ibahesha uburenganzira bwo kugaburirwa ku ishuri kimwe n’abandi, ku buryo ngo iyo bagenzi ba bo bagiye kurya bo basigara mu mashuri bigatuma biga amasomo ya nyuma ya saa sita bibagoye kuko abatariye baba (…)

Mangli Munda, umuhindekazi w’imyaka 18, yasabwe gukora ubukwe n’imbwa yibunza, kugira ngo imyuka mibi yari imuriho imuveho.

Capt Kayitana wari umuyobozi wungirije muri CRAP itsinda rishinzwe iperereza muri FDLR riyobowe na Col Ruhinda muri Nyiragongo na Goma, taliki ya 3/9/2014 yiciwe ahitwa Rusayo n’umwe mu bamurinda.

Nsanande Athanase w’imyaka 51 utuye mu mudugudu wa Kaburiro mu kagari ka Karengera mu murenge wa Kirimbi, afungiye kuri sitasiyo ya polisi ya Kanjongo nyuma yo gushinjwa kuruma umukobwa yibyariye umukondo, ndetse agahita yifungirana mu nzu akica ihene eshatu indi akayivunagura.