Agaruka ku mukino we wa nyuma yambaye umwenda w’Amavubi, Haruna Niyonzima yagarutse ku cyifuzo cye cyo kuzakina umukino wa nyuma agasezerwa mu cyubahiro mu ikipe y’igihugu Amavubi.

Haruna Niyonzima ubwo yari yujuje imikino 105 akinira Amavubi

Ibi yabigarutseho mu gitaramo cy’urwenya cya Genz Comedy gitegurwa n’umunyarwenya Fally Mercy avuga ko mu gihe Federation y’Umupira w’Amaguru mu Rwanda "FERWAFA" itategura umukino wo kumusezera mu cyubahiro nyuma y’imyaka 18 n’imikino 110 yakiniye Amavubi akanayibera Kapiteni, we azicara agatumira bamwe mu bakinnyi bakinanye bagategura uwo mukino we wa nyuma mu ikipe y’igihugu.

Iri rushanwa ryahurije hamwe abakina nk’ababigize umwuga ndetse n’abatangizi (amateurs) haba mu cyiciro cy’abagore ndetse n’icy’abagabo hiyongereyeho icyiciro cy’abashyitsi ndetse n’abakiriya ba Banki ya Kigali bari bitabiriye bifuza kumenya byinshi kuri uyu mukino, abatsinze muri buri cyiciro bashyikirizwa ibihembo.

Umuyobozi Mukuru wa Banki ya Kigali, Dr. Diane Karusisi, yavuze ko nubwo iri rushanwa ribaye ku nshuro yaryo ya mbere ariko nka Banki ya Kigali bishimira umusaruro wavuyemo harimo no kuba Banki igira umusanzu mu gushyigikira siporo.

Dr Karusisi usanzwe ari umukunzi w’umukino wa Golf nyuma yo kwishimira uko BK Golf Tournament yagenze, yavuze ko agiye gutangira gukina uyu mukino mu gihe cya vuba.

Karusisi yavuze ko bifuza ko abakina Golf baba abanyamigabane muri BK, bityo banki na yo ikagira urwunguko maze uko bagera ku ntsinzi yo mu kibuga, bikaba ari nako banki na yo ibamenyesha uko imigabane yabo igenda yunguka.

Yagize ati “Turifuza kubakira tugakorana, kwinjira mu muryango w’abakunzi ba Golf ni ukuwongerera uburyohe n’ubwiza kurushaho.”

Abahatanaga muri iri rushanwa bahembwe mu buryo bukurikira: Icyiciro cy’uwitwaye nabi kurusha abandi (The Piga Mingi), mu cyiciro cy’abagore hahembwe Christine Uwingabire mu gihe mu bagabo yari Dieudonné Nzafashwanayo.

Mu cyiciro cya mbere n’icya kabiri mu bagore (Handicap 0-18), Han Jing Keza ni we wabaye uwa mbere akurikirwa na Matutina Irumva, mu gihe Linda Mugeni yaje ku mwanya wa gatatu.

Mu cyiciro cya Gatatu mu bagore (Handicap 19-28), Eve Tusabe Muvunyi ni we wabaye uwa mbere, mu gihe Gloriose Uwanyirigira yabaye uwa kabiri, naho Teta Mpyisi aza ku mwanya wa gatatu.

Mu cyiciro cya mbere mu bagabo (Handicap 0-9) Joseph Ntambara ni we wabaye uwa mbere, akurikirwa na Biru Rai, mu gihe Young Joo yaje ku mwanya wa gatatu.

Banki ya Kigali yashimiye abakiriya bayo bitabiriye iri rushanwa maze ihemba umushyitsi cyangwa umukiriya witwaye neza, aho Simon Matsiku ari we wabaye uwa mbere mu gihe yakurikiwe na Célestin Muvunyi naho Roger Bayingana aza ku mwanya wa gatatu.

Han Jing Keza, umwe mu babonye ibihembo muri iri rushanwa yashimiye Banki ya Kigali yateguye iri rushanwa ku nshuro yaryo ya mbere kuba byarabahaye amahirwe yo kongera kugaragaza impano yabo nubwo hari hashize igihe kinini atagaragara mu kibuga kubera uburwayi.

Yagize ati, “Nsanzwe ndi umukiriya wa Banki ya Kigali, biranejeje kandi kuba ngarutse nkatsinda muri iri rushanwa nyuma y’igihe nari maze ntakina aho bambagiye umugongo.”

Maurice Toroitich, wahoze ari Umuyobozi wIshyirahamwe ry’Amabanki mu Rwanda, yavuze ko BK yashyizeho urugero rwiza andi mabanki na yo yagakurikije mu kwamamaza ibikorwa byayo no gushaka abakiriya bayo b’imena binyuze mu marushanwa nk’aya.

Umuyobozi Mukuru wa Kigali Golf Club, Marcel Byusa, yavuze ko abakina uyu mukino bagiye biyongera aho bahoze kuri 200, ubu bakaba bageze kuri 700, bikerekana gukura k’uyu mukino mu Rwanda.

Audrey Kazera, Umuyobozi ushinzwe Imenyekanishabikorwa muri Banki ya Kigali, yatangaje ko Banki iri gutegura andi marushanwa atatu muri uyu mwaka (Gicurasi, Nyakanga ndetse na Nzeri) bizafasha banki gushyikirana n’abakiriya bayo binyuze mu mikino n’imyidagaduro.

Mu gufasha abakiri bato kubakundisha umukino wa Golf, Banki ya Kigali ndetse na Kigali Golf Club bahembye Roshni Shah, umunyeshuri w’imyaka 11 wakinanye n’ababyeyi be muri iri rushanwa.

Bikurikire muri iki kiganiro:

Hakaswe umutsima mu kwizihiza iyi sabukuru y’imyaka 27 uyu muryango umaze ushinzwe

Ni ibirori byitabiriwe kandi na Minisitiri w’Ubumwe bw’Abanyarwanda n’Inshingano Mboneragihugu Dr Jean Damascène Bizimana aho yasabye abagize umuryango AERG kongera kuzirikana agaciro k’umuryango, nk’ahantu umwana akurira agakenera kurerwa ndetse n’utannye bakagira uko bamukebura.

Minisitiri Bizimana yijeje ubufatanye bwa Guverinoma mu gukomeza kwita no kubungabunga amateka ya Jenoside aho yagize ati:

“Abacitse ku icumu rya Jenoside yakorewe Abatutsi muri icyiciro cyihariye kigize amateka adasanzwe, amateka yo guhindura igice kinini cy’abanyarwanda, mufite amateka agomba gukomeza kubungwabungwa, muri abatangabuhamya badasanzwe muri ikiciro kigomba gukomeza guhamana umwihariko kandi uwo mwihariko ukabera isomo abandi kuko muri isomo ry’amateka.”

Dr Jean Damascene Bizimana Minisitiri w’Ubumwe bw’Abanyarwanda n’Inshingano Mboneragihugu

Umuhuzabikorwa w’uyu muryango Audace Mudahemuka asanga iyo hataza kubaho uyu muryango benshi muri bo bari kuba bagihanganye n’ibibazo bikomeye by’ubuzima, ariko kubera AERG uyu munsi babaye ababyeyi babasha kwiyubaka banubaka n’igihugu.

Umuryango w’Abanyeshuri barokotse Jenoside yakorewe Abatutsi mu Rwanda (AERG) washinzwe mu mwaka w’i 1996 ushingwa n’abari abanyeshuri 12 mu cyahoze ari Kaminuza Nkuru y’u Rwanda (UNR).

Muri icyo gihe bihurije hamwe nyuma yo gusanga bahuriye ku bikomere basigiwe n’amateka ya Jenoside yakorewe Abatutsi hagamijwe guhangana n’ingaruka za Jenoside kuko abenshi muri bo bari basigaye ari imfubyi.

Andy Bumuntu ni we muhanzi nyarwanda waririmbye muri iki gitaramo

Ahagana saa Mbili n’igice z’umugoroba nibwo umushyushyarugamba Regis Isheja yahamagaye umuhanzi Andy Bumuntu wakiranywe urugwiro mu ndirimbo zinyuranye ze zirimo ‘Snack’, ‘On Fire’, ‘Mine’ n’izindi. Yageze ku ndirimbo ‘Igitego’ aseruka gitore mu mugara n’umuhamirizo, abari muri iki gitaramo barizihirwa biratinda.

Nyuma ya Andy Bumuntu, ibintu byahinduye isura muri BK Arena abari bakiri hanze barinjira, ubundi umwanya wo kwicara urabura, Abanyakigali baririmbana n’iri tsinda rya Boyz II Men ryari ritegerejwe na benshi bari biganjemo abakuze bakunze indirimbo zabo zo hambere nka ‘End of The Road’ baririmbanye n’abakunzi babo ijambo ku rindi, indirimbo nka ‘I’ll make love to you’ batunguje abakunzi babo indabo z’amaroza n’izindi.

Itsinda rya Boyz II Men ryashinzwe mu mwaka wa 1985 muri Philadelphia muri Leta zunze ubumwe za Amerika. Iri tsinda ryakunzwe cyane ku bw’amajwi yabo meza azira amakaraza, rikaba rigizwe na Nathan Morris, Shawn Stockman hamwe na Wanyá Morris ndetse n’abandi babiri batabashije gukomezanya ari bo Micheal McCary waririmbaga ijwi rya Bass akaza guhura n’ikibazo cy’uburwayi, hamwe na Marc Nelson.

Itsinda rya Boyz II Men ryatunguje abakunzi babo indabo z’iroza hagati mu gitaramo

Bamwe bageraga ku nyubako ya BK Arena yabereyemo iki gitaramo bagafata ifoto y’urwibutso ko bitabiriye iki gitaramo cy’amateka

Bamwe basohokanye n’abakunzi babo muri iki gitaramo cy’amateka

Reba ibindi muri iyi Video:

Ni ubukangurambaga bwatangijwe ku Cyumweru tariki 22 Ukwakira 2023, muri stade y’ishuri ry’imyuga n’ubumenyingiro rya IPRC Kigali.

Mu gutangiza ubu bukangurambaga, Perezida w’Umuryango GAERG, Jean Pierre Nkuranga, yasabye ko siporo nk’iyi yaba inzira yo gukira ibikomere no kubyomora abandi.

Yagize ati, “Aho tugeze twiyubaka, birakwiye ko tubisangiza n’abandi.”

“Abacitse ku icumu tugira kwirenga ku buryo dufasha uwababariwe mu guhinduka ngo twongere tubane mu mahoro.”

Bamwe mu barokotse Jenoside yakorewe Abatutsi bari mu muryango wa GAERG hari ibisubizo biteze muri ubu bukangurambaga.

Gasasira Pauline, umwe mu banyamuryango ba GAERG, asanga ubu bukangurambaga buje kubafasha guhuriza hamwe imbaraga, kuko akenshi umwe yabaga nyamwigendaho ku bwo kumva ko ari we ubabaye kurusha abandi.

Yagize ati “Iyo uteze amatwi mugenzi wawe, ubikuramo isomo rigufasha kurenga ibyo witaga ikibazo kuri wowe, bityo mu kumwumva ukamuvura wivura nawe ubwawe.”

Gishoma Darius, umuyobozi mw’ishami rishinzwe ku bungabunga ubuzima bwo mu mutwe mu Kigo cy’Igihugu gishinzwe Ubuzima (RBC), yagarutse ku kamaro k’imyitozo ngororamubiri mu kubungabunga ubuzima bwo mu mutwe mu isi yugarijwe na byinshi byashobora ku buhungabanya, ati “Gukumira icyahungabanya ubuzima bwo mu mutwe ntibigomba kubera kwa muganga gusa,…Uko ubuzima bwaba bubi kose umuntu ashobora kwirwanaho, kimwe muri byo ni ugukora imyitozo ngororamubiri.”

Uretse kuba Siporo ihuza abantu, ni na kimwe mu bifasha umubiri n’intekerezo kuruhuka. Ubushakashatsi bwagaragaje ko umuntu umwe muri batanu aba afite ikibazo cy’ubuzima bwo mu mutwe.

Basabwe gukora siporo kenshi gashoboka no kwirinda ibiribwa n’ibinyobwa byahumanya umubiri, bibutswa na gahunda ya ‘TunyweLess’ igamije gushishikariza abantu kwirinda kunywa inzoga nyinshi.

Nyuma y’iyi myitozo ngororamubiri, hakomerejeho umukino wa gicuti w’umupira w’amaguru hagati y’ikipe ya GAERG ndetse n’ikipe y’abanyamakuru b’imikino mu Rwanda AJSPORT, umukino urangira ikipe y’abanyamakuru itsinze GAERG ibitego bitatu ku busa.

Reba ibindi muri iyi Video:

Minisitiri Utumatwishima aganiriza urwo rubyiruko

Ibi yabitangarije urubyiruko rugera kuri 80 ruri mu ruzinduko mu Rwanda, mu rwego rwo kumenya byinshi ku gihugu cyabo harimo amateka, umuco, ndetse no gusura ibyiza nyaburanga bitatse Igihugu.

Minisitiri Utumatwishima yibukije uru rubyiruko ko u Rwanda rwanyuze mu mateka ashaririye, yarugejeje kuri Jenoside yakorewe Abatutsi muri Mata 1994, ndetse bigizwemo uruhare n’abari urubyiruko. Yabibukije ko hari urundi rubyiruko bagenzi babo bari barahejwe ari nayo mpamvu habayeho urugamba rwo kubohora Igihugu, ubu Umunyarwanda haba uri mu Rwanda ndetse n’uri mu mahanga akaba afite ishema ryo kugira ku isoko.

Yagize ati “Mu gihe muri mu Rwanda mwakabaye mwibaza, ese byagenze gute ngo u Rwanda rubohorwe? Ese byaturutse kuki? Ndagira ngo mbabwire ko atari uku byahoze, aho umwana w’Umunyarwanda aza yisanga iwabo.”

Basabwe guhoza ku mutima Igihugu cyabo

Yasabye uru rubyiruko guhaha ubumenyi iyo mu mahanga ariko rukibuka ko Igihugu gikeneye imbaraga zabo mu rugamba rw’iterambere, ko bakwiye kugaruka bakareba icyo bafatanya na bagenzi babo bari imbere mu gihugu, mu kubaka urwababyaye.

Christelle w’imyaka 27 ni umwe mu bitabiriye iyi gahunda aturutse mu Bubiligi, wavuye mu Rwanda afite imyaka ibiri gusa, ni inshuro ya mbere agarutse mu rwamubyaye, kimwe na bagenzi be afite amatsiko menshi yo kumenya aho u Rwanda rugeze mu iterambere akamenya amateka y’Igihugu cye.

Mu gihe Tonny utuye ndetse wakuriye muri Canada, we arifuza kumenya amahirwe ari mu Rwanda ku rubyiruko, ndetse n’uburyo bafatanya na bagenzi babo mu iterambere ry’Igihugu.

Gaëlle Umubyeyi

Gaëlle Umubyeyi ni umwe mu rubyiruko bafashe iya mbere ubwo yari asoje amasomo ye mu Bubiligi ari naho yakuriye, afata umwanzuro wo kuza mu Rwanda gutangira ubuzima bushya, nubwo yashidikanyaga uburyo azabigeraho atabasha gutumanaho n’abo aje asanga, kubera Ikinyarwanda yavugaga gicye benshi bamuca intege ko atazabigeraho. Kuri ubu ni umwe mu bunganira abantu mu mategeko, yabwiye uru rubyiruko ko nta heza nk’iwabo.

Yagize ati “Iyo ngize icyo nkora, nkabona ntanze umusoro nzi neza ko uri bugaruke ukubaka Igihugu cyanjye, bintera ishema”, Yashishikarije bagenzi be kuza nabo bakubaka Igihugu cyabo.

Uru rubyiruko rugera kuri 80 rukaba rwarahurijwe hamwe n’umuryango w’urubyiruko rw’u Rwanda ruba mu Bubiligi, uteguye iki gikorwa ku nshuro ya gatatu, uru rubyiruko rukaba rwaturutse mu bihugu 15 hirya no hino ku Isi birimo u Bubiligi, Norvege, u Buholandi, Danmark, u Bwongereza, Gabon, Kenya, Mauritius, Guinea, Canada na Leta zunze Ubumwe za Amerika, bakaba bagiye kumara ibyumweru bibiri mu rugendoshuri basobanurirwa amateka y’u Rwanda, bakazasura ahantu nyaburanga ndetse berekwe n’amahirwe y’ishoramari mu iterambere ry’u Rwanda.

Basabwe guhoza ku mutima Igihugu cyabo

Ni igikorwa cyitabiriwe na Minisitiri w’Uburinganire n’Iterambere ry’Umuryango, Prof Bayisenge Jeannette, wari Umushyitsi Mukuru, ndetse n’abarerewe muri iyi Seminari yitiriwe Mutagatifu Vincent.

Iki gikorwa cyatangijwe n’igitambo cya Misa cyo gusabira abazize Jenoside yakorewe Abatutsi by’umwihariko abaguye muri Seminari Nto yitiriwe Mutagatifu Vincent.

Umutoni Jean Luc warokokeye muri iki kigo ubwo yari afite imyaka 16 y’amavuko yagarutse ku nzira ibabaje yanyuzemo bikamuviramo kuhaburira abavandimwe be ndetse n’umubyeyi.

Ntagara Innocent wari uhagarariye IBUKA, yagarutse ku nshingano zo kwibuka ndetse n’agaciro ku buhamya mu gihe nk’iki, asaba abakiri bato barererwa muri iri shuri kwanga uwo ari we wese wababibamo urwango.

Yagize ati “Impamvu zo kwibuka ni ukubwira abayikoze ko nta cyiza basaruye, ni ukubwira abayirokotse kandi ngo mukomere.”

Mu butumwa bwe, Minisitiri Prof Bayisenge yagarutse ku ruhare rw’ababyeyi mu gutoza abakiri bato indangagaciro nzima.

Minisitiri Prof Bayisenge yasabye ababyeyi gutoza abakiri bato indangagaciro nzima

Yagize ati “Abakoze Jenoside nta rukundo bigishwaga. Biragoye kwiyumvisha uko gukunda Igihugu babyumvaga. Ntabwo wakunda Igihugu ngo ucyambure amaboko.”

Yasabye abarezi kandi gutekereza ku burere baha ababyiruka, baharanira kuraga abana Igihugu kizira Jenoside.

Reba ibindi muri iyi Video:

Ibyabaye kuri Kayigi n’ubu iyo abitekereje byongera kumubabaza

Yaje kugenda arorongotana agera i Kabgayi aho yahuye n’ubuzima bukomeye burimo uburwayi, inzara no kubaho atazi ko buri bucye kubera ubwicanyi bwakorwaga n’Interahamwe.

Kayigi ageze i Kabgayi yahavuye akurikiye impunzi z’Abanyarwanda zahungiye muri Repubulika Iharanira Demokarasi ya Congo yitwaga Zaire muri icyo gihe. Inzira yose yagiye ahura n’Interahamwe zigashaka kumwica akazirokoka ku buryo bw’igitangaza.

Mu rugendo rwe, yaje kugirirwa impuhwe n’umwe mu miryango yiteguraga guhunga uza kumuhererekanya n’izindi mpunzi ziramwambukana muri Congo i Goma, aho muri Congo (yahoze yitwa Zaire) ntiyabaye mu nkambi ahubwo yajyanwe mu muryango w’umukire witwa Gakwavu wamuhaye nyina ngo ajye amumara irungu.

Uyu mukecuru ariko yari afite urwango rukomeye rw’Abatutsi maze n’ubwo Kayigi yari yaramuhishe ko ari Umututsi, aramutoteza bikomeye akamukoresha imirimo ivunanye kandi yari yarashyizeho abazajya bamukubita gatatu ku munsi. Hari n’ubwo yigeze kumuzirika ku cyobo cy’umusarani wuzuye.

Ibi Kayigi yabibayemo igihe kinini.

Amafoto agaragaza Kayigi mu bihe bitandukanye

Uburyo Kayigi yaje kuva muri ako kaga akaza gutahuka mu Rwanda n’uburyo akomeje kwiyubaka, ni byo bikubiye muri iki kiganiro:

Ntabwo ari ku nshuro ya kenshi mu Rwanda haba igitaramo cy’imbyino nyarwanda gusa, ku wa 19 Werurwe 2022 mu ihema rya Kigali Conference and Exhibition Village ahazwi nko kuri Camp Kigali, habereye igitaramo cy’Inyamibwa, cyahuruje abaturutse imihanda yose.

Ahagana saa mbili nibwo itsinda ry’abakaraza bakiri bato rya ‘Nyundo Kid Drumers’ ryabimburiye Inyamibwa ku rubyiniro, mu murishyo w’ingoma ndetse n’umudiho, maze babimburira abandi mu ngamba, nuko baheraho barabyina biratinda.

Ntibyatinze kuko Itorero Inyamibwa naryo ryahise ryinjira mu mukino w’Urwejeje Imana, wagarutse ku rugendo Igihugu cyanyuzemo kugeza uyu munsi, aho kirangamirwa n’amahanga kubera ibyiza nyaburanga bigitatse.

Bongeye kugaruka kandi ku buryo imbyino n’imihamirizo Nyarwanda, yafashije abasore n’inkumi bari bisanze mu mashuri makuru nyuma ya Jenoside yakorewe Abatutsi mu 1994, maze umuco nyarwanda ubafasha kubomora ibikomere by’umutima, binyuze mu mbyino n’imihamirizo gakondo.

Iki gitaramo cyahuriranye n’imyaka 25 iri torero rimaze, ritoza abasore n’inkumi imbyino n’umuco nyarwanda.

Costa Titch yitabye Imana

Costa Titch w’imyaka 27 y’amavuko, yaguye ku rubyiniro ubwo yari mu gitaramo cya Ultra Music Concert i Johannesburg mu gihugu cye cya Afurika y’Epfo, akaba yabanje kugwa bwa mbere arahagurutswa, mu kanya gato arongera aragwa, abo bari kumwe babona bikomeye akurwa ku rubyiniro birangira yitabye Imana.

Uyu muhanzi yaherukaga gusinyana amasezerano n’inzu ifasha abahanzi ya Konvict Culture, yashinzwe na Akon, baherutse no gusubiranamo indirimbo Big Flexa, yaguye ku rubyiniro arimo gucuranga.

Urupfu rwe rwashenguye benshi hirya no hino ku Isi, by’umwihariko abanya Afurika y’Epfo bari bakiri kuzirikana urupfu rwa AKA, na we wishwe arashwe ku ya 10 Gashyantare 2023, bakoranye album yiswe ‘You’re welcome’ muri 2021.

Costa yari inshuti y’umuhanzi AKA na we uherutse kwitaba Imana

Kugeza ubu ntiharamenyekana niba ari uburwayi cyangwa ikindi cyaba cyateye urupfu rw’iki cyamamare.

Reba imwe mu ndirimbo ze:

Bahamya ko Ishusho TV iziye igihe

Umwihariko w’iyi televiziyo nshya, igiye kugaragaraho amwe mu mazina yari asanzwe amenyerewe mu mwuga w’itangazamakuru, ni ukwibanda ku muco nyarwanda ndetse na siporo.

Mugabo Jérôme, Umuyobozi Mukuru wa Ishusho Tv yagize ati “Igihugu kitagira umuco kirazima, aho niho twifuje kwerekeza gahunda y’Ishusho.”

Undi mwihariko abafatabuguzi ba StarTimes bazasanga kuri iyi shene nshya ya Ishusho, ni amakuru y’imikino imwe n’imwe idakunze kugarukwaho cyane mu bitangazamakuru.

Ishusho TV yatangijwe ku mugaragaro

Iyi televiziyo yatangiye kugaragara ku bafite ifatabuguzi rya Nova, yatangiranye ibiganiro bibiri aribyo iSports izajya ikorwa na Faustin Mugenzi uzwi cyane nka Simbigarukaho, wanyuze ku bitangazamakuru bitandukanye hano mu Rwanda. Azajya afatanya na Antoine Rutsindura uzwi cyane nka Mabombe, watoje amakipe atandukanye hano mu Rwanda akaba afatwa nk’umubyeyi w’abatoza.

Ikindi kiganiro ni Round and About kizajya gikorwa n’umunyarwenya Babou Joe, ndetse na Uwase umenyerewe ku biganiro bitambuka kuri Youtube.

Icyumba kizajya cyifashishwa mu ihuzwa ry’amashusho

Ushinzwe porogaramu zitambuka kuri StarTimes, Réné Paruku, asanga ishusho ije mu gihe cyiza kuko n’ubundi Startimes irimo gutegura Poromosiyo igenewe abana n’urubyiruko muri iki gihe bitegura kuza mu biruhuko.

Yagize ati “Turimo gutegura poromosiyo aho twazanye amashene mashya arimo nk’iyi Ishusho, twazanye shene nshya ya Cartoon Channel igenewe abana bakiri bato, hamwe na ST African Movie izafasha abakiri bato kuruhuka neza bareba filime zo muri Afurika.”

Umuyobozi wungirije w’Inteko y’Umuco, Jean Claude Uwiringiyimana, yizeje ubufatanye mu kunoza ururimi mu biganiro bitambuka ku Ishusho, aho biteguye kubafasha mu rugendo rwiza rwo guteza imbere umuco nyarwanda, binyuze mu mivugire ikwiye y’ururimi.

Mugabo Jérôme Umuyobozi Mukuru wa Ishusho TV

Babou Joe ni umwe mu banyamakuru bashya ba Ishusho TV

Jean Claude Uwiringiyimana

Amafoto: Eric Ruzindana

Tariki ya 5 Werurwe 2023 nibwo Jali na Salazar bamaze imyaka 10 bakundana bifuje
gusangiza imiryango yabo ibi birori mu busitani buri ku musozi wa Rebero ahazwi nka Mlimani Garden.

Nyuma y’umuhango wo gusaba no gukwa byakozwe mu muco nyarwanda aba bombi bateganya gusezerana imbere y’Imana mu byumweru bibiri. Bikazabera mu gihugu cya Espanye ku ivuko rya Salazar.

Biteganyijwe ko nyuma yo gusezerana imbere y’Imana muri Espanye, uyu muryango uzatura i Buruseli mu Bubiligi aho aba bombi bamenyaniye ari naho Jali asanzwe atuye.

Izi nyamaswa uretse kuba zihurira mu muryango w’ibikururanda, zizwiho ubukana ndetse n’igitinyiro muri rubanda, zarabungabunzwe ndetse zikoreshwa mu kwigisha ko bishoboka ko umuntu yabasha kubungabunga urusobe rw’ibinyabuzima kandi akabana na byo.

Umukozi w’Inteko y’Umuco ifite mu nshingano iyi Ngoro Ndangamateka ya Richard Kandt, Nyirabahire Marie Constantine, yasobanuriye abanyamakuru ba Kigali Today uko izo nyamaswa zitabwaho, ndetse zikaba ari inyamaswa zizwiho kuramba, ahereye ku ngona imaze imyaka umunani ibayeho, zikaba ngo zishobora kubaho kugera no ku myaka ijana. Iyi ngona igaburirwa inshuro imwe cyangwa ebyiri mu cyumweru.

Hari kandi ubwoko butandukanye bw’inzoka ziboneka mu bice bitandukanye by’Igihugu cyane cyane mu duce tw’imisozi ndetse zirimo n’iz’ubumara zirimo insana (black mamba) izwiho kuba ari inkazi ku isi hamwe n’impiri, inshira, uruziramire, insharwatsi n’izindi zinyuranye.

Reba ibindi muri iyi Video:

Ni igikorwa cyabereye ku Gisozi muri stade ya Kaminuza yigenga ya Kigali (ULK), aho kuba kuri Stade ya Kigali i Nyamirambo nk’uko byari bimenyerewe, benshi muri bo bakaba bari baherekejwe n’ababyeyi babo.

Kavutse Vianney, umuyobozi w’Ishami Rishinzwe Ireme ry’Uburezi bw’Ibanze n’Amashuri y’Imyuga n’Ubumenyingiro, asaba ababyeyi kujya bohereza abana kare kugira ngo badahura n’ikibazo cy’ibura ry’imodoka.

Ati “Turasaba ababyeyi kujya bubahiriza ingengabihe, birangira babazanye umunsi wa nyuma ugasanga hano huzuye umuvundo”.

Yaboneyeho kwibutsa ko n’abafatirana ibihe by’itangira by’amashuri bakazamura ibiciro by’ingendo uko biboneye, ko ku bufatanye na RURA bagomba gukurikiranwa.

Iki gihembwe ni cyo cya mbere abana bagiye kwiga nyuma yaho hagiyeho ingengabihe nshya y’amasaha yo gutangira amasomo yabo mu gitondo.

Ingabire Angela, ashimira Leta kuba yarashyizeho ko amashuri azajya atangira inyuma ho isaha imwe ku isaha ya saa mbili n’igice yari isanzwe, kuko bizabafasha kujya basubira mu masomo yabo batuje ndetse bakabona n’umwanya uhagije wo kwitegura.

Aho abanyeshuri bafatira imodoka, bari baherekejwe n’ababyeyi babo, ku buryo gusezeranaho wabona bitoroshye kubera amarangamutima.

Amafoto: Eric Ruzindana

Reba ibindi muri iyi video:

Uretse kuba ari umunsi ufite icyo usobanuye ku muryango, by’umwihariko abana bawufata nk’umunsi mukuru wabo wihariye, wo kwitabwaho n’ababyeyi, babasohokana, ndetse bakabagenera n’impano zitandukanye.

Ku rundi ruhande, abacuruzi bawufata nk’umunsi ukomeye w’ubucuruzi kuri bo by’umwihariko abacuruza ibyo kurya birimo akaboga, imyambaro, ibikinisho by’abana, abandi bakishimira kuwuharira kuba hamwe n’imiryango yabo.

Hari imiryango iharira uyu munsi kwita ku banyantege nke n’abatishoboye by’umwihariko abakiri bato.

Inyama ziri mu biribwa bigurwa cyane

Kenshi mu kwitegura Iminsi mikuru isoza umwaka usanga ibikorwa bitandukanye bikorerwa mu miryango migari. Bamwe mu bakora n’abatuye muri Kigali usanga bizihiza iminsi mikuru bari kumwe n’imiryango yabo, bigateza ikibazo cy’ingendo ziva n’izijya mu Ntara.

Benshi bakora ingendo bigatuma kubona imodoka bitoroha

Kwizihiza Noheli ni byiza ariko abanyarwanda basabwa kuzirikana ubuzima bwa nyuma y’uwo munsi aho basabwa kudasesagura ndetse bazirikana n’abababaye.

Kigali Today yaganirije ingeri zitandukanye z’abantu badusangiza uko barimo bizihiza Noheli.

Abana baba bateguriwe uburyo butandukanye bubafasha kwidagadura

Mu gihe bamwe bari mu byishimo, amatungo yo arahababarira

Reba ibindi muri iyi video:

Diamond Platnumz

Byari byitezwe ko umuhanzi Diamond Platnumz ari bugere i Kanombe n’indege ye bwite ku mugoroba wo kuri uyu wa Kane tariki 22 Ukuboza 2022 ku isaha ya saa Kumi z’umugoroba gusa we n’abagombaga ku mwakira ntibigeze bahagera.

Umunyamakuru wa Kigali Today yagerageje kuvugana n’itsinda ryari riri gutegura iki gitaramo ariko inshuro zose ntibabashije gufata telefone.

Amakuru agera kuri Kigali Today ni uko bishoboka ko hari ibyari bitaranozwa ku masezerano uyu muhanzi yari yemerewe n’abateguye iki gitaramo. Gusa hari andi makuru avuga ko yaba yari akirimo gusaba uburenganzira bwo kwemererwa guparika indege ye ku kibuga cy’indege cya Kanombe.

Iki gitaramo cyagombaga kubera muri BK Arena kuri uyu wa 23 Ukuboza, hakaba hibazwa niba kizakomeza umuhanzi mukuru wari waratumiwe ntawe dore ko byari byitezwe ko agomba kubanza agasura ibikorwa by’uruganda rwa Skol ndetse agahura n’abakunzi be kuri Romantic Garden ariko byose bikaba bisa nk’aho bitakibaye.

Iri murikagurisha (Kigali Shopping Festival Expo), ryateguwe n’Urugaga rw’abikorera mu Rwanda (PSF) ku bufatanye n’Umujyi wa Kigali, rikaba ryaritabiriwe n’ibihugu birimo u Rwanda ndetse n’abandi bamurika baturutse hirya no hino ku Isi mu bihugu nka Kenya, Tanzania, Uganda, Ghana, Misiri, Syria, Pakistan, India ndetse na Turkey bagera kuri 254.

Ni imurikagurisha mpuzamahanga ryitabiriwe n’ingeri zitandukanye z’abamurika haba imyambaro, ibikomoka ku buhinzi, ibikoresho by’ubwubatsi n’ibyo mu nzu, abatanga serivisi z’itumanaho, ubukerarugendo ndetse n’ibigo bya Leta byegereje serivisi abaturage.

Sylvie ni umwe mu bari kwitegura ubukwe mu ntangiriro z’umwaka utaha, akaba asanga ari amahirwe yagize yo kubasha kwihahira bimwe mu bikoresho nkenerwa, yakabaye ajya gushaka hanze y’Igihugu kandi akabibonera hamwe.

Yagize ati “N’ubwo ibiciro ku isoko biri hejuru ariko byibuze umuntu abasha kwihahira ibyo akeneye, bitewe n’abanyamahanga baba bazanye ibikoresho bidakunze biboneka hano mu Rwanda.”

Umujyi wa Kigali ni rumwe mu rwego narwo rwegereje serivisi nkenerwa ku batuye uyu mujyi mu imurikagurisha.

Uwamariya Clementine ushinzwe imisoro n’amahoro asanga iyi Expo ije ari igisubizo by’umwihariko ku baturage bari basanzwe bagorwa no kubona serivisi zinyuranye, cyane cyane mu mpera z’umwaka harimo kwishyura imisoro ndetse no gukora ihererekanya ry’ubutaka, kuko bari kubibonera hamwe bagataha bikemutse.

Umuvugizi wa Hunde Rubegesa Walter, ashima abamurika banyuranye baturutse imihanda yose ndetse n’abakomeje kuza kwihahira iby’iminsi mikuru, n’ubwo ubwitabire butaraba bwinshi nk’ubumenyerewe mu yandi mamurikagurisha.

Yagize ati “Ugendeye ku minsi ya mbere biragaragara ko ubwitabire bugenda buzamuka, kuko twavuye ku bantu 200 ku munsi wa mbere kuri ubu tugeze ku 1000, imibare y’abitabira irimo kugenda izamuka.”

Iyi mibare byitezwe ko ikomeza kugenda izamuka by’umwihariko ko benshi mu bitabira imurikagurisha, umubare munini ari urubyiruko kandi benshi bari bakiri mu masomo.

Iyi mishinga yatoranyijwe mu yindi igera ku 10 yari yarahize iyindi ku rwego rw’Igihugu, aho yari imaze iminsi mu mwiherero no guhabwa inama zitandukanye, zizafasha kuyikurikirana no kuyishyira mu ngiro.

Imishinga yatsinze hakaba harimo 2 mu kiciro cy’imishinga ifite aho ihuriye n’ubuzima bw’imyororokere, ariyo Inclusive Education ya Imanirabaruta Honoré, Ndetse na Outburst ya Alda Igihozo.

Mu kiciro cy’imishinga igize aho ihuriye n’ubufasha ku buzima bwo mu mutwe, harimo ‘Bigomba Guhinduka’ ya Japhet na Etienne, basanzwe ari abanyarwenya hano mu Rwanda hamwe na ‘Ndiho’ ya Kawera Joelle Claudette afatanyije na Nathalie Uwamwezi.

Umuyobozi wungirije w’umuryango Imbuto Foundation yateguye iri rushanwa, Umutesi Geraldine, yibukije uru rubyiruko ko bakwiye gukora ibishoboka bagaharanira kubaka Igihugu cyabo.

Yagize ati “Mufite Igihugu kibitayeho, ndetse n’ababyeyi bakora ibishoboka ngo urubyiruko rugire ubuzima bwiza.”

Yibukije uru rubyiruko ko abatsinze mu byiciro bine byatambutse babashije kugira impinduka ku barenga miliyoni hirya no hino mu gihugu, ko nabo bakwiye gukora ibishoboka ngo ikibazo cy’ubuzima bwo mu mutwe n’ubw’imyororokere, bubashe gutanga impinduka ku muryango Nyarwanda.

Umunyamabanga wa Leta muri Minisitere y’Ubuzima, Dr Yvan Butera, yibukije urubyiruko ko nta terambere u Rwanda rwageraho mu gihe abariharanira badafite ubuzima buzima bwo mu mutwe.

Yagize ati “Ubuzima bw’Abanyarwanda bumeze neza ni inkingi ikomeye kugira ngo tugere ku iterambere riduturukamo.”

Mu bushakashatsi bwashyizwe ahagarahara n’Ikigo gishinzwe ubuzima mu Rwanda (RBC) bwagaragaje ko 25% by’Abanyarwanda babana n’agahinda gakabije, bityo kugira ngo uyu mubare ugabanuke hakwiye gushyirwa imbaraga zidasanzwe mu guhangana n’iki kibazo, bigendeye ku mateka y’umwihariko Igihugu cyanyuzemo.

Iri rushanwa ritegurwa n’umuryango Imbuto Foundation ku bufatanye na Minisiteri y’Urubyiruko, kubufatanye n’abafanyabikorwa barimo Ikigega cya Koreya y’Epfo gishinzwe iterambere (KOICA), hamwe n’Ishami ry’Umuryango w’Abibumbye ryita ku mibereho myiza y’abaturage (UNFPA).

Iri rushawa ryitabiriwe n’urubyiruko rwifitemo impano mu bugeni, ubuvanganzo, kuririmba, mu gukora no kumurika imideri no mu bindi byiciro bitandukanye, bibarizwa mu nganda ndangamuco, mu gihe kiri imbere abatambutse bakazahatana ku rwego rw’Igihugu.

Abakomeje muri buri kiciro bakaba bagiye kwerekeza mu mwiherero, aho bazahabwa amasomo anyuranye azabafasha kwagura impano zabo.

Aya marushanwa ategurirwa urubyiruko, amaze igihe abera mu ntara zose z’Igihugu mu rwego rw’amajonjora, aho buri wese wiyandikishije yahabwaga umwanya wo kwerekana ibyo ashoboye, akaba afite insanganyamatsiko igira iti “Agura impano yawe”.

Ni Irushanwa ritegurwa na Imbuto Foundation ku bufatanye na Minisiteri y’Urubyiruko, Ishami ry’Umuryango w’Abibumbye ryita ku iterambere (UNDP) ndetse n’Ikigo cy’iterambere cyo muri Koreya y’Epfo (KOICA).

Reba ibindi muri iyi video:

Iri rushanwa ritegurwa na Imbuto Foundation n’abandi bafatanyabikorwa, rizitabirwa n’urubyiruko rufite kuva ku myaka 18 kugeza kuri 30, aho abazatsinda bazagenerwa igishoro kingana n’ibihumbi 10 by’Amadorali, ndetse bagahabwa n’inama n’ubufasha mu ikorwa ry’uwo mushinga.

Umuyobozi Mukuru wa Imbuto Foundation, Sandrine Umutoni, yibukije urubyiruko ko aribo igihugu gitezeho amaso mu gushakira ibisubizo ubuzima bw’ejo n’ubw’uyu munsi, ku buzima bw’imyororokere ndetse n’ubuzima bwo mu mutwe.

Yasabye urubyiruko kubyaza umusaruro ayo mahirwe bahanga imishinga itanga udushya mu muryango Nyarwanda.

Ati “iAccelerator ni amahirwe afasha urubyiruko kugira uruhare mu gutanga ibisubizo, bihindura imibereho y’umuryango.”

Sandrine Umutoni

Uhagarariye UNFPA mu Rwanda, Kwabena Asante-Ntiamoah, yashimye iAccelerator yaje ari igisubizo ku bibazo bigaragara mu muryango Nyarwanda, ndetse ko umuryango ahagarariye wiyemeje kugira uruhare mu gukomeza gukuraho icyabera imbogamizi imibereho myiza y’abagize umuryango.

Ati “Tuzakomeza gutanga uruhare rwacu mu gushyigikira icyatuma ubuzima bwo mu mutwe, ndetse n’ubuzima bw’imyororokere buba bwiza kurushaho”.

Nyuma yo gutangiza iri rushanwa, hakomerejeho Ihuriro ry’Urubyiruko aho inzobere mu bijyanye n’ubuzima bw’imyororokere n’ubwo mu mutwe, bafashije urubyiruko gusobanukirwa ubuzima bw’imyororokere, indatana n’ubuzima bwo mu mutwe, binyuze mu nsanganyamatsiko igira iti “Kwimakaza ibiganiro mu miryango bigaruka ku buzima bw’imyororokere n’ubwo mu mutwe.”

Umunyamabanga uhoraho muri Minisiteri y’Uburinganire n’iterambere ry’Umuryango, Batamuriza Mireille, yasabye abagize umuryango kujya bagira umwanya bakaganira, kuko ibiganiro bituma umuryango ushinga imizi ihamye.

Ati “Birakwiye ko tugira umuco wo kuganira, ntabwo kuganira gusa hagati y’umuryango bikwiye kuba mu gihe gusa hari ibibazo. Mu muryango hakwiye kubaho gushyigikirana hagati y’ababyeyi n’abana.”

Hari ibyago byinshi ko umwana wavukiye mu buzima aho ababyeyi batabanye neza, na we atabona uburere bukwiriye ndetse no kurindwa bihagije, bishobora kuba imvano y’iyangirika ry’ubuzima bwo mu mutwe.

Riderman yashimishije benshi muri iki gitaramo

Ni igitaramo cyateguwe na Banki ya Kigali, kikaba cyagaragayemo Abaraperi bakomeye nka Riderman, Bull Dogg, Fireman, Itsinda ry’abagize KinyaTrap rigizwe n’abarimo Bushali, B Threy na Slim Drip bongeye guhurira ku rubyiniro nyuma y’igihe havuzwe umwuka utari mwiza hagati y’aba bombi.

Harimo kandi abahanzi nka Ish Kevin, Mistaek, Oda Paccy, Angel Mutoni, Kivumbi King na Ariel Wayz bahamagaraga abahanzi ku rubyiniro.

Ni igitaramo cyagaragayemo udushya dutandukanye turimo kuba ari ubwa mbere Bushali yazanye umuhungu we, Full Moon, yitiriye alubumu nshya.

Bushali yazanye n’umuhungu we Full Moon ku rubyiniro

Muri iki gitaramo kandi hazirikanwe abahanzi bitabye Imana bari abanyamuziki barimo Yvan Buravan, Dj Miller ndetse na Jay Polly wafatwaga nk’ishyiga ry’inyuma muri iyi njyana.

Ubwo umuhanzi Bull Dogg yarageze ku rubyiniro yasabye abari mu gitaramo gufata umunota umwe bakazirikana k’umusangirangendo wabo, nyuma y’aho ahita yibutsa abakunzi b’iyi njyana ko ntaho yagiye, agira ati “Ndacyariho ndahumeka, nahejwe kuva cyera ariko nakomeje imfuruka… Ntawe wari uziko naba kizigenza muri muzika.”

Kivumbi King na Angel Mutoni baririmba indirimbo yabo Pull Up

Umushyushyarugamba Lucky yageze aho asaba Barrick wafashije benshi mu bakora iyi njyana kumenyekana, kuza ku rubyiniro amushimira uruhare rutaziguye mu kwitangira iyi njyana.

Abakiriya ba BK bibukijwe ko ibyiza aribwo bigitangira, abafite ikarita ya BK Prepaid Card bazajya babona ibyiza byinshi harimo ibitaramo nk’ibi, ndetse bakagabanyirizwa ibiciro ku zindi servici zibarizwa muri iyi nyubako.

Tuff Gang n’ubwo badaherutse gukora indirimbo nk’itsinda baracyakunzwe

Reba ibindi muri iyi video:

Abanyamideri ntibahatanzwe

Ku ikubitiro ku wa 16 Kanama 2021, abanyempano barenga 45 baturutse mu turere twa Gatsibo na Nyagatare bateraniye kuri Midland Hotel mu Karere ka Kayonza, ngo banyure imbere y’akanama nkemurampaka mu gutoranywamo abazahagararira iyi Ntara ku rwego rw’Igihugu.

Aka kanama nkemurampaka kari kagizwe na Mazimpaka Kennedy, umenyerewe mu itunganywa rya filime, abahanzi Riderman na Nirere Shannel, Uwamahoro Angel, Bushayija Pascal mu bugeni ndetse n’umuhanzi w’imideri Laurène Rwema.

Ubugeni

Abahatanye barushanijwe mu byiciro by’ubuhanzi binyuranye, birimo kubyina no kuririmba, gushushanya, gukina ikinamico, imideli, gukina filime n’ubuvanganzo.

Umwe mu bahatanye w’abashije kubona Yego 6 imbere y’akanama nkemurampaka, Ukwishatse Wivine ukora ibihangano bitandukanye by’ubugeni, yiteze ko azakuramo imbaraga zo gufasha bagenzi be naramuka atsinze.

Yagize ati “Nifuza gufasha bagenzi banjye, abari n’abategarugori bakamenya ko nta mwuga batakora, ndetse ngo ubatunge mu gihe bawushyizemo imbaraga.”

Miss Shanel areba ibihangano

Mazimpaka Kennedy, umwe mu bari bagize akanama nkemurampaka, yashimye urubyiruko rwanyuze imbere yako, n’ubwo bose atari ko babashije gutsinda, gusa buri wese yatahanye impanuro zamufasha kunoza umushinga we.

Abanyempano barenga 3,402 biyandikishije ku rwego rw’uturere haza gutsinda 741 mu turere twose, aribo barimo guhatanira guhagararira intara zabo ku rwego rw’igihugu.

Dore uko gahunda ya ArtRwanda-Ubuhanzi iteye

16-18 Kanama 2022: Kayonza, ahahurira abatsinze ku rwego rw’uturere mu Ntara y’Iburasirazuba.

23-24 Kanama 2022: Rubavu, hazahururira abatsinze ku rwego rw’uturere mu Ntara y’Iburengerazuba.

26 Kanama 2022: Rusizi, hazahururira abatsinze ku rwego rw’uturere twa Karongi, Nyamasheke na Rusizi mu Ntara y’Iburengerazuba.

30 Kanama-2 Nzeri 2022: Huye, hazahururira abatsinze ku rwego rw’uturere mu Ntara y’Amajyepfo.

7-8 Nzeri 2022: Musanze, hazahururira abatsinze ku rwego rw’uturere mu Ntara y’Amajyaruguru.

13-15 Nzeri 2022: Mu nzu ndangamateka ya Kanombe, hazahurira abatsinze muu turere tugize Umujyi wa Kigali.

Riderman mu bakemurampaka

Kureba andi mafoto, kanda HANO

Reba ibindi muri iyi video:

Amafoto: Moise Niyonzima
Video: Eric Ruzindana

Iri serukiramuco ryasojwe ku wa Gatandatu, tariki 13 Kanama 2022, i Rebero muri Canal Olympia abaryitabiriye banyuzwe n’imiririmbire y’abitwaga abahanzi bakuru barimo Kizz Daniel, Bruce Melodie ndetse n’abandi bagezweho kuri ubu mu muziki nyarwanda barimo Kivumbi King, Ariel Wayz n’abavangavanga imiziki bamenyerewe mu birori nka DJ Ira hamwe n’itsinda rya NEP Djs, hamwe n’abahanzi bakishakisha mu gihugu cya Nigeria.

Ahagana saa tatu n’igice nibwo abashyushyarugamba MC Tino na Anita Pendo bazamutse ku rubyiniro batangira gususurutsa imbaga nke y’abantu bari bahageze ari nako bahamagaye umuhanzi wa mbere ku rubyiniro.

abashyushyarugamba MC Tino na Anita Pendo bari bafite udukoryo dutandukanye twatumaga abari muri iki gitaramo basusuruka

N’ubwo iki gitaramo cyatangiye abantu ari mbarwa haba mu myanya y’icyubahiro n’ahasigaye hose, abantu bakomeje kugenda baza urusorongo kugeza ubwo umuhanzi mukuru yagezweho abo gutaramira babonetse.

Byageze saa tatu z’umugoroba ahitwa muri VIP nta bantu baraza

Benshi mu bakunzi b’umuziki baguze amatike yo kureba bari bategerezanyije ubwuzu igihe umuhanzi Kizz Daniel ari bugerere ku rubyiniro by’umwihariko mu ndirimbo ye ‘Buga’ yaje gusoza igitaramo ahagana hafi saa munani z’urukerera.

Reba mu mafoto uko byari byifashe:

Umuhanzi France yaririmbye indirimbo yakoranye na Yvan Buravan, aboneraho no kumwifuriza gukira vuba

Bruce Melodie yinjiriye mu ndirimbo ye Nta Kibazo

Abakunzi b’umuziki birekuye ntibahisha amarangamutima

Kivumbi King ukunzwe n’urubyiruko rwinshi yageze hagati yikura agapira yari yambaye akanagira abafana

Bamwe banyuzagamo bakaganira, bakanasangira

Benshi mu bakunzi b’umuziki bari bari aha ubwo Ariel Wayz yari ageze ku rubyiniro ntibahwemye ku mwaka indirimbo ye igezweho yitwa Demo na Away yakoranye na Juno Kizigenza yaje gusorezaho

Kizz Daniel ni uku yaserutse yambaye

Reba ibindi muri iyi video:

Amafoto + Video: Eric Ruzindana/Kigali Today

Gentil Misigaro

Uyu muhanzi uheruka gusohora indirimbo nshya yise ‘Nzagutegereza’, aganira n’umunyamakuru wa Kigali Today, yavuze ko abahanzi bagitangira umuziki wo kuramya basabwa gusenga no kwicisha bugufi, kuko ari byo bibashoboza kugera kure.

Yagize ati “Inama nagira abahanzi b’indirimbo zo kuramya no guhimbaza Imana bagitangira, ndetse n’abamaze igihe ni uko uyu murimo usaba amasengesho, gukora cyane udacitse intege ariko nanone kubaha buri wese, ukagira intumbero n’ikinyabupfura no kwicisha bugufi."

Ibi Misigaro abibona nk’intwaro yabashisha abifuza gukora uyu murimo kuba bagera kure, ndetse bagera kuri byinshi birimo guhembura imitima y’abumva ibihangano byabo, no gusakaza ubutumwa bwiza.

Gentil Misigaro wamamaye mu ndirimbo nka ‘Biratungana, Buri Munsi, Umbereye Maso’ n’izindi, akomeje gukora ibitaramo bizenguruka Isi yise ‘Amashimwe World Tour’, aho kuri ubu ibiteganyijwe harimo ikizabera i Hannover mu Budage, i Manchester mu Bwongereza, Brussels mu Bubiligi ndetse n’ibindi bibiri azakorera muri Leta Zunze Ubumwe za Amerika.

Misigaro ari mu bitaramo hirya no hino ku isi

Gentil Misigaro yakomeje avuga ko kuri ubu umuziki we arimo kuwufashwamo n’umugore we, Rhoda Mugiraneza, basigaye bafatanya no kwandika zimwe mu ndirimbo arimo gukora muri iki gihe, zirimo n’iyo aheruka gushyira hanze yitwa ‘Nzagutegereza’.

Usibye kwandika kandi Rhoda afasha umugabo we imirimo Misigaro, yo gutegura no gukurikirana imigendekere myiza y’ibitaramo uyu muhanzi ari gukora hirya no hino ku Isi.

Madamu Jeannette Kagame yashimye uruhare Abanyarwandakazi bari mu Nteko Ishinga Amategeko bagize mu iterambere ry’Igihugu, bashyiraho Amategeko asubiza agaciro umwari n’umutegarugori, ndetse n’abagabo bafashe iya mbere mu gushyigikira ko uburenganzira bw’umugore bwubahirizwa, bashyiraho amategeko atagira uwo asubiza inyuma.

Yongeyeho kandi ko u Rwanda ari Igihugu cyemera ihame ry’uburinganire, ndetse n’uburenganzira kuri buri wese ntawe usigaye inyuma, bityo asaba abashyiraho amategeko kuzirikana ku mategeko ashyirwaho, ko yakabaye agendanye n’uburenganzira bwa buri umwe mu bagize umuryango.

Madamu Jeannette Kagame yagize ati “Kuba uyu munsi turushaho gutera imbere, ni ibyo kwishimirwa nk’Inteko, igizwe n’umubare munini w’Abanyarwandakazi bagaragaza ubushobozi, n’icyerekezo mu iterambere.”

Perezida w’Inteko Inshinga Amategeko y’u Rwanda, umutwe w’Abadepite, Hon. Mukabalisa Donatille, yashimiye Madamu Jeannette Kagame uruhare agira mu iterambere ry’umwari n’umutegarugori, ndetse agaragaza intambwe imaze guterwa mu gushyiraho no kuvugurura Amategeko aha agaciro Umunyarwandakazi.

Hon Mukabalisa yagize ati “Cyera mu muco Nyarwanda umukobwa ntiyagiraga agaciro nk’aka musaza we ku izungura, iyo yahohoterwaga ntiyabonaga ubutabera, cyari ikizira ko umugore yakora ubucuruzi cyangwa yakwaka ideni muri banki.”

Yagaragaje kandi ko aho iri huriro ry’Abanyarwandakazi bari mu Nteko Ishinga Amategeko rigiriyeho, byabaye umwanya mwiza no guha urubuga ubukangurambaga busubiza umugore ijambo, detse ashima Madamu Jeannette Kagame ku ruhare yagize kugira ngo bigerweho, Umunyarwandakazi asubirane agaciro.

Iri huriro ry’Abanyarwandakazi bari mu Nteko Ishinga Amategeko, rijyaho mu 1996, ryashinzwe n’Abanyarwandakazi 12 bari bagize Inteko Ishinga Amategeko, hagamijwe guha agaciro uburenganzira bw’umugore ndetse no guca icyazana cyose ubusumbane mu muryango Nyarwanda.

Kuri ubu u Rwanda nicyo gihugu cya mbere gifite umubare munini w’abagore bari mu Nteko Ishinga Amategeko ku Isi, ndetse no mu zindi nzego zifata ibyemezo, umusanzu wabo ukaba ugenda wigaragaza haba ku muvuduko w’iterambere ry’Igihugu mu bukungu, ndetse n’imibereho myiza y’abenegihugu.

Uwo musangiro wanahujwe no kwishimira imyaka 20, ihuriro ry’abagore bagize Inteko Zishinga Amategeko mu muryango w’ibihugu bikoresha igifaransa (Francophonie) rishinzwe, ni igikorwa cyabereye muri Kigali Convention Center.

Ibyo byavugiwe mu nama y’Ihuriro ry’Inteko Zishinga Amategeko mu bihugu bikoresha ururimi rw’Igifaransa, imaze iminsi ibera i Kigali, ifite insanganyatsiko igira iti “Uruhare rw’Inteko Zishinga Amategeko mu kugarura amahoro arambye”.

Perezida w’uyu muryango w’abagize Inteko Zishinga Amategeko icyiciro cy’Urubyiruko, Sébastien Lemire, asaba inzego zifata ibyemezo z’ibi bihugu bihuriye muri uyu muryango ukoresha ururimi rw’Igifaransa, ko zaha umwanya ukwiye urubyiruko kuko ari imbaraga kandi zagera kure zishyigikiwe.

Lemire yagize ati “Dukwiye kumva ko umwanya urubyiruko rwagahawe atari impuhwe rugirirwa, ahubwo ari uko rubikwiye kandi n’ubushobozi rubufite, kimwe nk’abandi bose bari mu myanya ifata ibyemezo.”

Hon Depite Mugisha Alexis uhagarariye u Rwanda muri iri huriro, yasangije amateka y’u Rwanda n’ukuntu urubyiruko ari rwo rwagize uruhare muri Jenoside yakorewe Abatutsi, ndetse n’uburyo nyuma ya Jenoside urubyiruko arirwo rwongeye kuzahura ubuzima bw’Igihugu.

Ibyo ngo biri mu bituma bemeza ko mu gihe urubyiruko rwahawe ijambo mu nzego zifata ibyemezo, imbaraga zarwo zigakoreshwa neza rutanga umusaruro.

Bimwe mu bibazo byagaragajwe n’izo Ntumwa za Rubanda ziri mu nama ikomeje kubera i Kigali, hari bimwe mu bihugu bigikumira umwari n’umutegarugori ku burezi, ndetse rimwe na rimwe yagira ngo aranize ntabe yakwiga amasomo ya siyansi kimwe na basaza babo.

Hagaragajwe kandi ko bimwe mu bihugu bitarumva ko umugore afite uburenganzira bungana n’ubw’umugabo, ndetse no mu nzego zifata ibyemezo umubare wabo ukiri muto.

Aha hatanzwe urugero aho bikigaragara ko no mu gihe cyo kwiyamamariza kwinjira mu Nteko Ishinga Amategeko, hari bamwe badahabwa umwanya uhagije kimwe n’abagabo mu matora yo guhatanira umwanya mu Nteko, ndetse kandi aho usanga hari ibihugu aho umugore n’umugabo bakora akazi kamwe, ariko bagahembwa umushahara utandukanye.

Hon Depite Nyirabega Euthalie, umwe mu bahagariye u Rwanda muri iyi nama, asanga hakenewe urukomatanye rw’inzego mu gushakira umuti iki kibazo.

Yagize ati “Hari ibigomba kwinjizwa mu mategeko kugira ngo akureho iryo tsikamirwa, ndetse n’ibikwiye gukorwa muri politiki z’igihugu hagakorwa ubukangurambaga, kugira ngo mu miryango twese twumve kimwe ko nta terambere igihugu cyageraho mu gihe hakiriho itsikamirwa ku gice cy’abaturage gisigaye inyuma, haba abagore n’abakobwa.”

Perezida w’iryo huriro ry’abagore b’Intumwa za Rubanda mu bihugu bya Francophonie, Maryse Gaudreault, yasabye ko ibitekerezo basangiye muri iyi nama byasangizwa Inteko z’ibihugu bahagarariye, maze umugore akabasha kugira uburenganzira bungana n’ubw’abagabo.

Uku gusangira ubunararibonye hagati y’ibihugu bigize uyu muryango, hanzuwe ko abagore bakwiye kwigirira icyizere ndetse kigahera no mu miryango bavukamo, ndetse ko uburenganzira bw’umugore bukwiye kurindwa, kimwe n’ubw’abagabo bakagira ijambo aho guhezwa.

Ni ihuriro ribaye ku nshuro ya 47 rikabera i Kigali mu Rwanda, aho rifite insanganyatsiko igira iti “Uruhare rw’Inteko Zishinga Amategeko mu kugarura amahoro arambye”, bikaba biteganyijwe ko izitabirwa n’intumwa za Rubanda zirenga 300 ziturutse mu muryango wa Francophonie.

Perezida w’Inteko Inshinga Amategeko y’u Rwanda, umutwe w’Abadepite, Mukabalisa Donatille, mu kiganiro n’itangazamakuru yatangaje ko ari umwanya mwiza wo gusangira ubunararibonye mu bagize uyu muryango, mu gukemura ibibazo bitandukanye bibangamira rubanda.

Hon. Mukabalisa Donatille

Iryo huriro rikaba rizaba mu byiciro birimo icy’urubyiruko ndetse n’andi makomisiyo agiye atandukanye, mbere y’uko inteko rusange y’uyu muryango iterana.

Iyi nama igiye kuba mu gihe hirya no hino mu bihugu bihuriye muri uyu muryango, by’umwihariko ibiherereye muri Afurika, havugwamo intambara ndetse n’imitwe y’iterabwoba, izi ntumwa za rubanda zikaba zizarebera hamwe uko iki kibazo cyabonerwa umuti, imyanzuro izavamo ikazashyikirizwa inama y’Abakuru b’Ibihugu bigize uyu muryango, iteganyijwe mu kwezi k’Ugushyingo uyu mwaka.

Perezida wa komite y’ababyeyi bagize uruhare mu iyubakwa ry’iyi nyubako, Dr Ntaganira Vincent, yatangarije KigaliToday ko ibi babigezeho biturutse ku musaruro wo gushyira hamwe hagati yabo n’ubuyobozi bw’ishuri ndetse ko bishimiye ko bayitashye mu kwezi kwa Nyakanga mu gihe u Rwanda rwizihiza umunsi wo Kwibohora.

Dr Ntaganira yagize ati “Ni ibyishimo utabona uko uvuga, mu gihe nk’iki cyo Kwibohora. Nk’ababyeyi barerera muri Stella twibohoye inzu ya nyakatsi, kuko inzu twari dufite ntiyari ifite ubushobozi bwo kutwakira.”

Ku ruhande rw’ishuri, Umuyobozi mukuru waryo Soeur Kankindi Christine asanga iyi nyubako ari igisubizo ku burezi butangirwa muri iri shuri kuko hari amasomo cyangwa se ibiganiro byasabaga guhuriza hamwe abanyeshuri bose ariko hakabura uburyo bikorwamo kubera inzu mberabyombi bari bafite ari nto.

Iyi nzu mberabyombi y’ishuri ryisumbuye rya Stella Matutina yuzuye itwaye amafaranga y’u Rwanda arengaho gato miliyoni 700 umushinga wo kuyubaka ukaba waratangiye mu myaka ibiri ishize ubwo hari habaye inama y’ababyeyi bamwe muri bo ntibabashe kuyikurikirana bakaza kunyagirirwa hanze. Ifite ubushobozi bwo kwakira abantu bagera kuri 800 bicaye neza.

Reba ibindi muri iyi video:

Minisitiri w’Intebe, Dr Edouard Ngirente yunamiye abari abakozi b’ibyo bigo bazize Jenoside

Minisitiri w’Intebe Ngirente yabigarutseho ubwo yifatanyaga n’abakozi b’Ibiro bya Minisitiri w’Intebe, aba Minisiteri y’Ubutabera, Minisiteri y’Ibikorwa remezo na Komisiyo y’u Rwanda ishinzwe Ivugururwa ry’Amategeko, mu kwibuka ku nshuro ya 28 Jenoside yakorewe Abatutsi mu 1994, igikorwa cyabaye ku wa 30 Kamena 2022.

Ni umuhango witabiriwe n’abahoze ari abakozi ba Leta barokotse Jenoside, bakoraga mu byahoze ari MINITRANSCO, MINITRAPE na MINIJUSTE (itarahinduye inyito), hamwe n’imiryango y’ababuze ababo bahoze bakora muri ibyo bigo.

Musabyimana Emmanuel wahoze ari umushoferi wa Minisiteri y’Ubutabera mbere ya Jenoside, yatanze ubuhamya bw’ukuntu yakorewe itotezwa, ritangiwe n’abakozi b’iyo Minisiteri babanaga umunsi ku wundi, batangiye mbere ya Jenoside kubiba urwango n’amacakubiri, bigaragara ko umugambi wari warateguwe kuva na mbere hose.

Musabyimana yagize ati “U Rwanda rwagize ibihe by’umwijima, aho abayobozi barwo batitaga k’ubo bayobora, duhereye hano muri Minisiteri y’Ubutabera, nta butabera bwahabaga.”

Bafashe umunota wo kwibuka

Senateri Prof Dusingizemungu Jean Pierre wari witabiriye uyu muhango, mu kiganiro yatanze yasabye Abanyarwanda kwiyaka ibibazo byose basigiwe na Jenoside, kugira ngo bubake Igihugu.

Yagize ati “Hari igitekerezo cyo kwiyaka ihungabana, kwiyaka abadutega iminsi kubera ko atari bo Mana. Tugomba kwiyaka ibituremerera, tugakora ibyo dushoboye.”

Mu ijambo rye, Minisitiri w’Intebe Dr Edouard Ngirente, yatangiye afata mu mugongo imiryango y’abari abakozi ba Leta bazize Jenoside yakorewe Abatutsi muri Mata 1994, yasaba ko mu gihe cyo Kwibuka, Abanyarwanda bajya bibuka bazirikana aheza hari imbere habategereje.

Yagize ati “Kwibuka twiyubaka, ni ukwibuka twubaka umubiri w’umuntu ndetse no kwibuka twubaka Igihugu cyacu, ngo gikomeze gutera imbere kitazigera gisubira inyuma”.

Minisitiri w’Intebe, Dr Edouard Ngirente, ubwo yagezaga ijambo ku bitabiriye icyo gikorwa

Yongeyeho ati “Jenoside yakorewe Abatutsi mu Rwanda ni ikintu cyashegeshe Igihugu cyacu. Intego yacu ibe kubaka igihugu kizira amakimbirane, kizira Jenoside, kizira ikibazo cyose cyaba mu muryango nyarwanda, ahubwo twubake Igihugu abantu bose batangarira.”

Abakozi bibukwa harimo 126 bahoze bakorera iyari Minisiteri ya Taransiporo no gutumanaho (MINITRANSCO), harimo kandi 74 bakoreraga Minisiteri y’imirimo ya Leta n’ingufu (MINITRAPE), izo zombi nyuma ya Jenoside zaje kwihuriza hamwe muri Minisiteri y’Ibikorwa remezo (MININFRA).

Hibutswe kandi 22 babahoze ari abakozi ba Minisiteri y’Ubucamanza, ari yo yahindutse Minisiteri y’Ubutabera (MINIJUST).

Icyo gikorwa cyabeye ahari inyubako izo Minisiteri zikoreramo ku Kimihurura mu Mujyi wa Kigali, cyabanjirijwe no gushyira indabo ahari urukuta rwanditseho amazina ya bamwe muri abo bakozi bazize Jenoside.

Antoine Cardinal Kambanda ni we wayoboye uwo muhango

Gufungura icyo kimenyetso cy’Urwibutso byahuriranye n’umuhango wo kwibuka ku nshuro ya 28 abari abanyeshuri, abarimu, abakozi n’abari barahahungiye bazize Jenoside yakorewe Abatutsi muri Mata 1994.

Abarokotse Jenoside bari barahahungiye bongeye kugaruka ku butwari bwaranze uwari umuyobozi w’iryo shuri mu gihe cya Jenoside, Padiri Uwimana Chrisostome, wakoze uko ashoboye akarwana ku Batutsi bari barahahungiye haba mu kubahisha ndetse no kubamenyera ikibatunga, n’ubwo yari azi neza ko na we ashobora kubizira.

Mu buhamya bwatanzwe na Madamu Gashayija Mukayiranga Marie Rose, yashimye ubutwari bwaranze abari Ingabo za RPF Inkotanyi, asaba urubyiruko kugira umutima nk’uwazo kuko urebye uburyo bari bazengurutswe n’interahamwe n’abari abasirikare ba Leta, nta kuntu byumvikanaga uburyo Inkotanyi zitagera no kuri 20 zabashije kubavana muri St André, zikabageza kuri CND.

Régis Kayitana uhagarariye abarokokeye muri Saint André

Uhagarariye imiryango y’abarokotse Jenoside kuri St André, Kayitana Aimé Régis, yasabye Nyiricyubahiro Antoine Cardinal Kambanda, ko yabafasha mu bigo by’abihayimana hakajya haboneka ibitabo bigaruka ku mateka ya Jenoside, bityo ababyiruka bakajya bamenya amateka ya nyayo y’Igihugu cyabo.

Kayitana yagize ati “Turifuza ko imbaraga zo kurwanya ikibi zihera mu bumenyi, kuko barumuna bacu niho bazakura amateka yacu y’ukuri bakabasha no guhangana n’abayagoreka.”

Mu ijambo rye Antoine Cardinal Kambanda, yagarutse ku butumwa Umushumba wa Kiliziya Gatolika ku Isi, Papa Francisco, wasabye abihayimana kubaka uburezi bwubaka umuntu.

Ati "Biragayitse kubona umuntu utagendera ku ndangagaciro za Gikristu, akijandika mu bikorwa by’indengakamere nka Jenoside. Tugomba kwiga kubana, kubahana no gukundana, ibi nibyo tugenderaho no mu kwemera kwacu”.

Ishuri rya Saint André ryatangijwe mu 1957 n’Abapadiri ba Namur mu Bubiligi. Ryabaye mu mashuri meza yizemo abantu b’ingeri zose bagiye bavamo n’abayobozi batandukanye mu nzego nkuru z’Igihugu.

Mbere ya Jenoside yakorewe Abatutsi mu 1994, nk’andi mashuri yose, kubona umwanya byakurikizaga gahunda ya Leta yari iriho icyo gihe, ariyo y’iringaniza rishingiye ku bwoko.

Ryari rifite amashami menshi nk’imibare n’ubugenge (Math Physique); ibinyabuzima n’ubutabire (Chimie Biologie); indimi (Lettres); ubuforomo (Sciences Infirmières) ndetse n’ibijyanye n’isuku n’isikura (Hygiène et Assainissement).

Mbere gato y’uko Jenoside itangira, muri Collège Saint André hahungiye abantu benshi bakuwe mu byabo n’umutekano muke, cyane cyane nyuma y’iraswa ry’Interahamwe yitwaga Katumba mu Biryogo.

Jenoside igitangira hahise haza izindi mpunzi nyinshi, zimwe zijya muri kiliziya kuri Paruwasi Karoli Lwanga, izindi zijya mu kigo muri Saint André ndetse no mu bafurere b’Abayozefiti.

Tariki ya 08 Mata 1994, Abasirikare n’interahamwe bagabye igitero muri kiliziya bica abantu benshi.

Igitero simusiga cyaje ku ya 13 Mata 1994, cyica Abatutsi benshi bari barahungiye muri Saint André, harokoka mbarwa biganjemo abagore n’abana kuko bo bavugaga ko babibikiye.

Mu ijoro ryo ku wa 14 Mata 1994, nibwo abasirikare b’Inkotanyi bake cyane baturutse ku Irebero baje kurokora abari bakiriho, barabatwara babageza ku Gishushu hafi ya CND.

Abasigaye mu kigo bihishe, ndetse no mu bindi bice binyuranye bwa Nyamirambo bakomeje kwicwa, cyane cyane ko abasirikare ba Leta (Inzirabwoba) bahunze mu kigo cya Kanombe ubwo cyafatwaga n’Inkotanyi, bimukira muri Saint André hahinduka ikigo cya gisirikare.

Nyuma y’imyaka 28 yose babisaba, abaharokokeye barashimira cyane Nyiricyubahiro Antoine Cardinal Kambanda wabemereye kubaka ikimenyetso cy’urwibutso rw’abahoze ari abanyeshuri, abarezi, abakozi n’abari bahahungiye, bazize Jenoside yakorewe Abatutsi mu 1994.

Madamu Rose Gashayija watanze ubuhamya

Padiri Uwimana Chrisostome wahishe Abatutsi bari barahungiye muri St André

Uhereye ibumoso: Kayitana Aimé Régis Umuyobozi w’umuryango w’abarokokeye muri Saint André; H.E Amb Dr Ron Adam Ambasaderi wa Repubulika ya Israel mu Rwanda na Sixbert HABIMANA Umuhuzabikorwa wa Dukundane Family

Minisitiri Uwamariya ashyira indabo ku rwibutso

Mu gihe cya Jenoside yakorewe Abatutsi, iyi Seminari yahungiwemo n’ingeri zitandukanye z’Abatutsi bari batuye muri Ndera no mu bice bihana imbibi naho, nk’ubuhungiro mu bihayimana ndetse bareraga abiteguraga kuyiyegurira.

Uwari umuyobozi w’iyo Seminari, Padiri André Havugimana, kuva mu 1983 kugeza ubwo habaga Jenoside kuri ubu waje kuba Musenyeri, yasobanuye inzira y’umusaraba banyuzemo.

Uru rugendo rwatangiye ku itariki ya 9 Mata, ubwo bagabwagaho igitero cy’Interahamwe zaje zifite urutonde rw’abo zishaka kwica ku ikubitiro. Gusa Padiri Havugimana akomeza kubarwanaho yumvisha uburyo izo nterahamwe ataziha ubushyo ayoboye kandi azi neza ko na we ashobora kubizira.

Musenyeri Havugimana ugeze mu gihe cy’izabukuru, yasabye abasemineri kubiba urukundo n’ukuri mu bandi, kuko ngo icyo ubibye aricyo usarura byanze bikunze.

Gasore Rukundo Bonfils, umwe mu banyeshuri barimo kurererwa muri iyo Seminari ya Mutagatifu Vincent, yasabye urubyiruko bagenzi be kurwanya ingengabitekerezo ya Jenoside n’ibitekerezo bihembera urwango.

Yagize ati “Ni byiza ko twe twiga duhuza ubumenyi dukura ku ishuri n’indangagaciro z’Igihugu, kuko aribyo bihesha isura nziza umuryango mugari kandi nawe wisangamo.”

Minisitiri w’Uburezi, Dr Valentine Uwamariya witabiriye uyu muhango, yasabye urubyiruko rwa none guhaguruka rukarwanya ikibi kandi kukirwanya ari ukunyomoza abagerageza kuyobya amateka y’Igihugu cyabo, gusa nanone yibutsa ababyeyi ko urwo rugamba rutagerwaho mu gihe cyose atari bo bafashe iya mbere mu gusangiza ayo mateka abana babo ndetse bakabikora batayaca ku ruhande.

Yashimye abarokotse Jenoside ukudatezuka kwabaranze mu rugendo rw’ubumwe n’ubwiyunge.

Yasabye kandi abarezi kuzirikana ubutumwa baha abo barera, hakumirwa icyahembera ingengabitekerezo ya Jenoside mu mashuri.

Minisitiri w’Uburezi, Dr Valentine Uwamariya

Yagize ati “Ndasaba abasaseridoti mwe mwahamagariwe kuragira inama za Kristu, kurangwa n’ubutwari bwo kwanga ikibi kandi mukabitoza imbaga y’Abanyarwanda, cyane cyane urubyiruko.”

Semineri nto ya Mutagatifu Vincent i Ndera habarurwa Abatutsi barenga 8,000 bahaguye muri Jenoside barimo abihayimana, abari bahahungiye abakozi ndetse n’abaseminari.

Musenyeri André Havugimana

Reba ibindi muri iyi video:

Inkuru bijyanye:

Yemeye gutakaza ingingo z’umubiri we kubera kwanga gutanga Abatutsi bari bamuhungiyeho

Eric Rwigamba ahemba umwe mu batsinze

Abo banyeshuri ba za kaminuza zitandukanye, bahatanye mu byiciro bibiri birimo kwandika ndetse n’ibazwa ku bumenyi rusange, bufite aho buhuriye no kwizigamira ndetse n’Isoko ry’imari n’imigabane.

Kuri uyu wa 27 Gicurasi 2022, nibwo hari hagezweho guhitamo abanyeshuri batatu muri 15 bageze mu kiciro cya nyuma.

Mu marushanwa y’ibazwa uwaje ku mwanya wa mbere ni Faustin Habimana, uwabaye uwa kabiri ni Iverson Mico Nsabagasani, mu gihe uwabaye uwa gatatu ari Egide Tumukunde, batsinze mu kiciro cy’ibazwa ku bumenyi rusange bufite aho buhuriye no kwizigamira ndetse n’Isoko ry’imari n’imigabane.

Eric Bundugu, Umuyobozi wa CMA ahemba uwatsinze

Abatsinze mu kiciro cyo kwandika, uwa mbere ni Pascal Niyomuremyi, uwaje ku mwanya wa kabiri ni Samuel Tuyisenge mu gihe uwa gatatu yabaye Daniel Mwenedata.

Aba batsinze ku rwego rw’Igihugu, mu gihe hari abandi babashije guhagararira ibyiciro by’Intara n’Umujyi wa Kigali mu irushanwa rya University Challenge, ritegurwa n’ikigo cya CMA.

Ku ruhande rwa CMA yateguye iryo rushanwa, Eric Bundugu, Umuyobozi mukuru w’icyo kigo akaba yasabye abo banyeshuri kuba ijwi rya bagenzi babo aho biga, bakabumvisha ibyiza byo kwizigamira no kugana Isoko ry’imari n’imigabane, kuko byabafasha mu kuzabona igishoro bazatangirana umunsi bazaba bavuye ku ntebe y’ishuri.

Eric Rwigamba, umuyobozi w’urwego rushinzwe guteza imbere imari muri Minisiteri y’Imari n’igenamigambi, wari witabiriye uwo muhango, yasabye urubyiruko kugira umuco wo kwizigamira bakiri bato, hagamijwe kwishakamo ibisubizo bibfasha ubwabo, imiryango yabo ndetse n’Igihugu muri rusange, abibutsa ko ubumenyi bakuye muri iryo rushanwa atari ubwo kujya kwicaza gusa.

Yagize ati “Uyu munsi turishimira ko abanyuze muri iri rushanwa mu myaka 8 ishize batangiye gushyiraho amatsinda mu kwizigamira no gushora. Mu by’ukuri abatsinze ni abazavana ubumenyi hano bakajya kubushyira mu bikorwa, bagatangira kwizigamira no gushora ubushobozi bwabo mu bikorwa bibabyarira inyungu ndetse babishishikarize bagenzi babo.”

Mu rwego rwo kubatoza umuco wo kwizigama, abatsinze muri iryo rushanwa bahawe ibihembo by’umugabane ku Isoko ry’imari n’imigabane, aho kuba amafaranga afatika.

Muri buri cyiciro, uwa mbere yagenewe umugabane w’ibihumbi 400Frw, uwa kabiri yahawe uw’ibihumbi 300Frw, mu gihe uwaje ku mwanya wa gatatu yagenewe umugabane ufite agaciro k’ibihumbi 200Frw.

Ni irushanwa ryitabiriwe n’ibigo 37 bya za kaminuza n’amashuri makuru mu Rwanda, aho abanyeshuri barenga 1000 biyandikishije kuzahatana guhera ku wa 19 Mata 2022, muri bo 30 bakaba barabashije kubona ibihembo ku rwego rw’Intara n’Umujyi wa Kigali.

Eric Bundugu aganira n’abitabiriye icyo gikorwa

Ni umuhango wabereye mu ishuri rya Gisirikare rya Gako, kuri uyu wa Gatatu tariki 18 Gicurasi 2022, aho Ingabo z’u Rwanda zitegura kujya mu butumwa bw’amahoro hanze y’Igihugu, zatangiye guhugurwa ku bumenyi bw’ibanze ku isomo ry’Igifaransa, ngo babashe koroshya itumanaho hagati y’abo ndetse n’abaturage b’ibihugu bajya gukoreramo ubutumwa.

Mushikiwabo yatangaje ko kuba u Rwanda ari igihugu cya kane ku isi mu gutanga umusanzu mu kugarura amahoro mu biguhu byibasiwe n’intambara, ngo ni ngombwa kumenya urwo rurimi rukoreshwa henshi muri ibyo bihugu, bikazafasha mu kugarura amahoro no gushyikirana n’abaturage babyo.

Yagize ati “Ibihugu byinshi u Rwanda rujya gutabaramo, Ingabo zarwo zikorana n’abaturage, kujya rero gutabara abantu bisaba ko muvuga ururimi rumwe. Ni akazi dusanzwe dukora nk’Umuryango Francophonie, gufasha Ingabo ziri mu butumwa bwo kugarura amahoro hirya no hino ku Isi, kubigisha ururimi rw’Igifaransa.”

Col Jean Chrisostome Ngendahimana, ushinzwe amahugurwa n’ibikorwa bya gisirikare mu Ngabo z’u Rwanda, yashimye OIF yazanye iyo gahunda yo guhugura Ingabo z’u Rwanda, kuko ari musanzu babahaye mu kubafasha gukora akazi kabo.

Uru ni uruzinduko rwa mbere rw’akazi Umunyamabanga mukuru wa OIF akoreye mu gihugu cye cy’u Rwanda, kuva yashingwa iyo mirimo.

Mu 1994, Cyivugiza yabaye ihuriro ry’Abatutsi bahungaga ubwicanyi bwabakorerwaga mu bihe bitandukanye hirya no hino, barimo abahunze mu bice bya Gikondo, Biryogo n’ahandi nyuma y’urupfu rw’interahamwe yitwaga Katumba.

Leta ya Habyarimana ngo yateguye Cyivugiza nk’ahantu heza ho kurundanya impunzi z’Abatutsi zaturukaga hirya no hino, kugira ngo izabone uko ibarimbura biyoroheye bigizwemo uruhare n’abari interahamwe nkuru ku rwego rw’igihugu, bari bahatuye ndetse n’ingabo zari iza Leta y’icyo gihe.

Mu kiganiro umwanditsi w’ibitabo Yolande Mukagasana, umwe mu barokokeye ku Cyivugiza yagiranye na KigaliToday, yagaragaje ibimenyetso by’itegurwa rya Jenoside ku Cyivugiza ndetse n’uruhare rwa bamwe mu bari interahamwe nkuru, bashishikarizaga abandi bahutu kwica Abatutsi binyuze muri Radio RTLM, barimo Mwamini Espérance ndetse na Noël Hitimana.

Hari ibikontineli byari byarazanywe hagati y’aho Noël Hitimana wahoze ari umunyamakuru kuri RTLM yari atuye ndetse na Karera François wari burugumesitiri wa Nyarugenge mbere gato ya Jenoside, bari barabyise ‘Ibitunda Abahutu’. Babihashyize bagamije gutera ubwoba Abahutu ko Abatutsi bafite umugambi wo kubica bakabibatundisha.

Kuba hari abakidegembya hanze y’Igihugu ndetse badafatwa ngo baryozwe ibyo bakoze muri Jenoside yakorewe Abatutsi ku Cyivugiza, bituma abayirokotse batabasha gukira ibikomere by’umutima nk’uko byagarutsweho mu muhango wo Kwibuka ku nshuro ya 28, Jenoside yakorewe Abatutsi ku Cyivugiza.

Muyango Sylvie, umwe mu barokotse Jenoside ku Cyivugiza, yagarutse ku bikomere abarokotse Jenoside bagendana nabyo umunsi ku wundi, by’umwihariko ibitagaragara aribyo bibashegesha mu rugamba rwo kwiyubaka, ahanini biterwa n’uko hari ababo bishwe batazi aho baguye, ari ho bahera basaba abafite amakuru kubafasha bakayabaha.

Yagize ati “Iki gihugu tugomba kucyubaka ngo cyeme, gusa ntibyashoboka tutabashije kumva ko ibikomere by’imbere muri twe byavuwe.”

Uhagarariye Umuryango ureberera inyungu z’abarokotse Jenoside (Ibuka) ku Cyivugiza, yashimiye Inkotanyi zabarokoye. Yagaragaje uruhare rw’abaturanyi babi barimo abicanyi ruharwa nka Hitimana Noheli wa RTLM warangaga aho abatutsi bihishe akoresheje iyo Radio.

Hari kandi Karera François wayoboye Komine na Nyarugenge na Prefecture ya Kigali ngari, ndetse na Mwamini Esperance wayoboye ibitero bikomeye ku Cyivugiza, agashinyagurira abagore bagenzi be abica urubozo.

Iyo Laboratwari igizwe na mudasobwa zigezweho za HP ndetse n’ama porogaramu yabugenewe mu gufasha abahanzi kuba babasha gusangiza umuryango mugari, inkuru zabo hifashishijwe ikoranabuhanga.

Nk’uko Tanyella Evans, umuyobozi wa NABU abisobanura, uyu mushinga ugamije gufasha abana bari munsi y’imyaka 10 y’amavuko, gukunda gusoma.

Yagize ati “Intego yacu ni ugukemura ikibazo cyo kudakunda gusoma, twifashishije ibitabo biri mu rurimi rwabo kavukire. Hirya no hino ku isi habarurwa abana barenga miliyoni 250 bakigorwa no kubasha gusoma neza, imwe mu mpamvu ni uko batabasha kubona ibitabo byabagenewe ku myaka yabo mu rurimi bavuga ndetse babasha kumva.”

Abana bazajya bahugurirwa muri iyi Laboratwari iherereye mu isomero rusange ry’umujyi wa Kigali ku Kacyiru, ibi bikaba bije kunganira umurongo wa Leta y’u Rwanda wo kwegereza abaturage ikoranabuhanga, ubwo abagera kuri 30% bamaze kugerwaho na telefoni zigezweho mu gihe cy’imyaka ibiri, hagamijwe koroshya itumanaho no gusakaza amakuru.

NABU isanzwe imenyerewe nk’icapiro rifasha abakiri bato gukurana umuco wo gusoma, dore ko kugeza ubu bamaze gusohora ibitabo birenga 160 byanditswe n’abanditsi b’Abanyarwanda, hifashishijwe amashusho ndetse ukaba wabasha no kubisanga kuri porogaramu ya NABU kuri telefoni.

Iyi Laboratwari ikaba itegerejweho kongera ibitabo, abanditsi ndetse n’abashushanya, bikazazamura umuco wo gusoma no gutyaza inganzo.

Agaruka ku ndangagaciro y’ubupfura yaranze abafashe iya mbere mu gushinga iri ishuri, yagize ati, “Mwatubereye Imfura ! Kuko Imfura, ni yo musangira ntigucure, mwajya inama ntikuvemo, wapfa ikakurerera."

Mu gusoza ijambo rye, Madamu Jeannette Kagame yijeje umusanzu we mu gushyira mu bikorwa umushinga wo kubaka ishuri rya St Albert mu Rwanda.

Amavu n’amavuko ya Collège St Albert

Mu mwaka w’i 1959 bamwe mu Banyarwanda barameneshejwe ubwo habaye icyiswe ‘Revolution’ yo kwamagana ingoma ya cyami. Icyo gihe imiryango y’Abatutsi yaratotejwe ndetse bamwe barameneshwa bagana inzira y’ubuhungiro.

Ishingwa rya Collège St Albert ryagizwemo uruhare n’abanyeshuri b’Abanyarwanda bigaga mu gihugu cy’u Bubiligi bagamije gufasha bagenzi babo bari impunzi babuzwaga amahirwe yo kwiga.

Ishuri St Albert ryashinzwe ku itariki ya 15 Ugushyingo 1963 ritangirana abanyeshuri 76.

Abaryizemo n’abaryigishijemo batozwaga kurangwa n’ubwitange ndetse n’ubupfura n’ubwo bataburaga guhura n’imbogamizi nyinshi zirimo nko kuba benshi mu bahigishaga bari abakorerabushake. Bamwe muri bo ndetse bahisemo gusezera akazi kabahembaga ku kwezi biyemeza kuza gutanga umusanzu muri iryo shuri. Byatumye abahigaga na bo biga bashyizeho umwete maze ubumenyi bwahatangirwaga bubagirira akamaro.

Collège St Albert yongera kandi kuzirikanwa kubera uruhare iri ishuri ryagize mu rugamba rwo kubohora u Rwanda, aho abari abasore n’inkumi bayinyuzemo bitanze batizigama ndetse bamwe bemera guhara imirimo itandukanye bari bamaze kubona aho bari baherereye, basanga bagenzi babo ku rugamba.

Abagize umuryango Club Solidarité St Albert ihuriwemo n’abize, abigishije ndetse n’inshuti za Collège St Albert barifuza kongera gushinga ishuri ry’indashyikirwa mu Rwanda rikitiriwa Collège Saint Albert mu rwego rwo gusubiza agaciro isoko bavomyeho ubumenyi ndetse n’umuco.

Kureba andi mafoto menshi, kanda HANO

Amafoto: Niyonzima Moise/Kigali Today

Kurikira ibindi muri iyi video:

Ruger

Ni igitaramo cyahurije hamwe abahanzi bakizamuka hano mu Rwanda, bafite indirimbo zigezweho muri iyi minsi ndetse n’abandi babiri bo muri Nigeria, barimo AV ndetse na Ruger wari umuhanzi mukuru muri icyo gitaramo.

Ubwitabire muri iki gitaramo ntibwari hejuru cyane nk’ibimenyerewe mu bindi bitaramo bitumirwamo abahanzi mpuzamahanga, bafite ibihangano bigezweho hano mu Rwanda.

Kuva ku isaha ya saa kumi ubwo abantu bagendaga binjira umwe umwe kugera saa 18:37, nibwo umushyushyarugamba Lion Imanzi yageze ku rubyiniro, ubwo abantu mbarwa aribo bari babashije kwinjira mu gitaramo.

Ahagana ku saa 19:37, nibwo Lion Imanzi yahamagaye ku rubyiniro umuhanzi Afrique, abimburira abandi.

Uwo muhanzi ukunzwe cyane mu ndirimbo Agatunda, yasusurukije abari bari aho maze abinjiza mu gitaramo nyirizina.

Nyuma ya Afrique, umushyushyarugamba Lion Imanzi yahamagaye ku rubyiniro umuhanzi Okkama ariko utari uri aho hafi, maze hazamuka Gabiro Guitar, mu ndirimbo ze zitandukanye zirimo Akaninja, Igikwe n’izindi zinyuranye.

Nyuma ya Gabiro Guitar haje gukurikiraho abahanzi batandukanye barimo Okkama waje kuboneka, nyuma y’aho Gabiro aviriye ku rubyiniro, akurikirwa na Ariel Wayz, Kenny K Shot ndetse na Ish Kevin utagiriye ibihe byiza ku rubyiniro.

Ubwo Ish Kevin yahamagarwaga ku rubyiniro, yinjiriye ku ndirimbo Amakosi, ariko uko aririmba ibyuma bikamutenguha akanyuzamo akabaza ati, “Ni nde unzimirije micro?” Ibi byarakomeje maze igihe kiragera abwirwa ko umwanya yagenewe warangiye, maze nawe mu kuva kuri stage asiga acomokoye ibyuma.

Abafana bari bari aho biteye hejuru bati turashaka Ish Kevin, ari na ko kunyuzamo gutera udukombe tw’inzoga umushyushyarugamba Lion Imanzi, maze nawe arababwira ati “Ibi ntibyankanga, uretse n’ibi n’amabuye narayatewe”, Aha yavugaga ubwo yari mu irushanwa rya PGGSS ya mbere, ubwo yatangazaga ko Tom Close ari we wayegukanye.

Nyuma ya Ish Kevin haje gukurikiraho abahanzi bo muri Nigeria, uwitwa AV mu ndirimbo ye Confess ariyo yari izwi cyane, yayisubiyemo ubugira kabiri maze ava ku rubyiniro.

Agashya kandi ni uko Ruger yaguye ku rubyiniro

Nyuma ya AV hakiriwe umuhanzi Ruger waserutse mu mwambaro wa Ijezi umenyerewe hano mu Rwanda, umwe mu mideri ikorerwa mu nzu ya Tayo. Nk’uko bimenyerewe, uyu muhanzi yaserutse ku rubyiniro yapfutse ijisho rimwe n’ubwo atamaze igihe kinini ku rubyiniro, ariko abafana bageze ku ndirimbo ye Dior bamufasha kuyiririmba biratinda.

Akandi gashya kabaye muri icyo gitaramo, ni uko Ruger yaguye ku rubyiniro, gusa ntihamenyekanye icyatumye agwa.

Benshi mu bafite imirimo igize aho ihuriye n’ubwikorezi bw’abantu n’ibintu by’umwihariko abakoresha umuhanda wa Kigali-Gatuna-Kampala baravuga ko bishimiye isubukurwa ry’ingendo.

Katabuza Jean Claude, umushoferi wa Trinity Express, ni umwe mu baganiriye na Kigali Today. Katabuza yakoraga ingendo zijya n’iziva i Kampala akaba yari amaze imyaka itatu akazi ke karahagaze. Yagize ati “Nari mfite akazi, ariko aho imipaka ifungiwe akazi karahagaze ntangira gutera ibiraka, rimwe na rimwe bikabura ubushobozi buragabanuka bigira ingaruka no ku buzima bw’abana banjye mbahindurira ibigo bigaho. Ariko ubwo imipaka yafungutse ubu ubuzima bugiye gusubira mu buryo nk’uko byahoze.”

Ibi kandi abihuriyeho na benshi mu bateraga ibiraka muri Gare ya Nyabugogo byo kuyobora abagenzi ku modoka zikora ingendo Kigali - Kampala. Uwitwa Hassani yagize ati “Ubu amafaranga tugiye kongera kuyabona. Ku munsi najyaga ninjiza hagati y’ibihumbi 15 na 20 ariko ubu no kubona igihumbi na magana atanu (1500 Rwf) byari ikibazo hakaba n’igihe n’igihumbi utagicyura.”

Bongeye kubona akazi

Biturutse ku ngamba zo gukumira icyorezo cya Covid-19, ingendo kuri uyu mupaka zisa n’aho zitasubiye gukorwa nk’uko byahoze mbere, gusa icyizere kikaba ari cyose ko ibintu biza gusubira mu buryo, dore ko inzego z’ubuzima z’ibihugu byombi ziri kurebera hamwe amabwiriza azafasha urujya n’uruza rw’abaturage b’ibi bihugu.

Kurikira ibindi muri iyi video:

Mu mwaka wa 2014 nibwo Leta y’u Rwanda yashyizeho ikigo cya Bella Flowers gikora ubuhinzi n’ubucuruzi bw’indabyo z’amaroza haba mu Rwanda no mu mahanga.

Iki kigo giherereye mu Karere ka Rwamagana mu Ntara y’Iburasirazuba kimaze gutanga imirimo ku bakozi barenga 1000. Iki kigo cyanatumye umusaruro w’ibyoherezwa mu mahanga byiyongera ari na ko birushaho kumenyekanisha isura nziza y’u Rwanda n’ibikomoka mu Rwanda.

Uyu musaruro w’indabo za BELLA FLOWERS woherezwa hirya no hino ku isi haba ku mugabane w’Iburayi no muri Aziya.

Benshi mu rubyiruko rwabashije kubona akazi binyuze muri iki kigo bavuga ko icyizere cy’ubuzima cyazamutse ndetse imihigo ikaba ari yose mu kwiteza imbere.

Byinshi kuri izi ndabo bikurikire muri iyi video:

Yaje kwiga amashuri ye abanza, akomerezaho n’ayisumbuye mu ishami ry’amashanyarazi. N’ubwo atabashije gukomeza kaminuza, yaje kwifuza kuzakabya inzozi yahoranye akiri muto zo kuzakora umwuga wo gufotora kuko uretse kuba abona ko abawukora bawubyazamo amafaranga yawukunze kuva mu buto.

N’ubwo akigorwa no kubona ibikoresho byamufasha kwihugura muri uyu mwuga nyuma y’aho aherewe amahugurwa y’ibanze, afite icyizere ko igihe kimwe azaba ari umwe muri ba gafotozi beza mu Rwanda.

Mu kiganiro yagiranye na Kigali Today, Patrick Isumbabyose ashima ko mu Rwanda abafite ubumuga butandukanye bagira amahirwe angana n’ay’abandi ndetse asaba urubyiruko guhaguruka bagashaka umwuga bakora kuko ari inzira nziza yo kubakura mu bushomeri ndetse ibyara amafaranga.

Reba ubuhamya bwa Patrick Isumbabyose muri iyi video:

Umwaka wa 2021 waje usanga Isi ndetse n’u Rwanda biri mu rugamba rwo guhangana n’icyorezo cya Covid-19 ndetse no kuzanzahura ibikorwa by’imyidagaduro gahoro gahoro nyuma y’igihe kirekire byarahagaze.

Duhereye ku bitarabaye byiza mu matwi ya benshi bakurikirana imyidagaduro mu Rwanda, biragoye kuzibagirwa ko muri 2021 aribwo Tuyishime Joshua wamenyekanye mu itsinda rya Tuff Gang nka Jay Polly wari umwe mu bikomerezwa mu njyana ya Hip Hop yatabarutse ndetse na Habineza Joseph wari uzwi ku kazina ka ‘Joe’ wabaye Minisitiri w’Umuco na Siporo ndetse akaba n’inshuti magara ya benshi cyane cyane urubyiruko.

Jay Polly ubwo yashyikirizwaga ibihembo na Joe Habineza bombi bakaba baritabye Imana muri 2021 mu mezi akurikiranye

Mu bindi byagiye bivugwa cyane harimo abahanzi ndetse n’abandi babarizwa mu bijyanye n’imyidagaduro byagiye binanira kubahiriza amabwiriza yo kwirinda icyorezo cya Covid-19 bikarangira batawe muri yombi. Aha twagaruka cyane ku muhanzi nka K8 wari usanzwe utuye muri Leta zunze ubumwe za Amerika, abantu benshi bakamenya ko ari mu Rwanda ari uko ari kwerekanwa we na King James ndetse na Shaddy Boo bari mu Ntara y’Iburengerazuba.

Abahanzi nka Social Mula, Khalfan, Ariel Wayz, Jay Polly mbere y’uko yitaba Imana ndetse n’abandi batandukanye, basabwe gutanga ibisobanuro ku mpamvu batubahirije amabwiriza yo kwirinda Covid-19.

Tukiri ku ifungwa n’ifungurwa, inkuru y’umukobwa witwa Kayesu Shalon wamenyekanye nka Shazz byaje kuvugwa ko yafashwe ku ngufu maze bamwe mu bakurikiranwaga batabwa muri yombi barimo amazina azwi mu muziki nka Davis D, Kevin Kade ndetse n’umufotozi Thierry bakorwaho iperereza gusa nyuma y’igihe biza kugaragara ko ari abere icyaha bagihanagurwaho basohoka muri gereza.

Kayesu Shalon yaramamaye nyuma yo kuba intandaro y’ifungwa ry’abahanzi na gafotozi ndetse no guhagarikwa mu ikipe y’Amavubi kw’umunyezamu Kwizera Olivier

Isezera ry’abari abahanzi ndetse n’umujyanama mu nzu (label) ifasha abahanzi yitwa The Mane na byo biri mu byavugishije benshi muri 2021. Mu kwezi kwa Mata nibwo uwari umujyanama w’iyi nzu ifasha abahanzi Aristide yandikiye umuyobozi we Bad Rama amumenyesha ko batagikomezanyije, bityo bidaciye kabiri Queen Cha na we aba yanditse indi baruwa ihagarika amasezerano yari afitanye n’iyi nzu akurikirwa na Marina nubwo we yaje kugera igihe akisubiraho akagaruka. Umuhanzi Calvin Mbanda we yari asanzwe akora nta masezerano afitanye n’iyi nzu mu gihe Safi Madiba na Jay Polly na bo babarizwaga muri iyi nzu ya The Mane, umwaka wa 2020 wasize batakiyibarizwamo.

Tuvuye ku bitaragenze neza muri 2021 hari n’ibindi byinshi byo kwishimirwa bisize amateka atibagirana mu myidagaduro yo mu Rwanda. Ku itariki ya 22 Gicurasi 2021 nibwo umuhanzi Ngabo Medard Jobel wamenyekanye cyane mu muziki nka Meddy yasezeye ku busiribateri yambikana impeta y’umubano na Mimi bari bamaze igihe bakundana.

Ubukwe bwa Meddy na Mimi bwaravuzwe cyane mu mwaka wa 2021

Ku rundi ruhande n’ubwo mugenzi we The Ben atarongoye ariko birasa n’aho ari ho bigana kuko yambitse impeta Uwicyeza Pamella amusaba ko yamubera umufasha undi na we arabimwemerera. Ku wa 17 Ukwakira 2021 nibwo aba bombi bashyize amafoto yabo ku mbuga nkoranyambaga berekana ko bamaze kwemeranywa kubana nk’umugabo n’umugore.

Usibye kuba hari abagaragaje ko bahagaze neza mu rukundo, ariko hari n’abandi umubano wabo wagiye uvugwa ariko bidaciye kabiri hakumvikana inkuru z’uko batagifitanye umubano wihariye. Aha twavuga nk’urukundo rw’abahanzi Ariel Wayz na Juno Kizigenza batunguranye mu butumwa bandikaga, amafoto n’amashusho bashyiraga ahagaragara abagaragaza nk’abakundana bya nyabyo, ndetse babihamya babinyujije mu ndirimbo zakunzwe n’abatari bake, bamwe bavuga ko babona banaberanye, ariko kuri ubu bakaba bagaragaza ko urukundo hagati yabo rwayoyotse.

Juno Kizigenza na Ariel Wayz bagaragazaga ko bakundana ariko ubu urukundo biravugwa ko rwaba rwararangiye

Icyakora hari abatekereza ko ibi bakoze byo gukundana no gushwana byaba ari ibyo baba barateguye kugira ngo bakomeze kuvugwa no kwamamara.

Ku rundi ruhande, umwaka wa 2021 usize abakunzi b’inzu ‘Ibisumizi’ ifasha abahanzi ndetse na studio by’umuhanzi Riderman wazamuye abahanzi barimo Social Mula, Queen Cha na Ama G The Black igarutse mu gihe abakunzi b’Itsinda rya Active uyu mwaka usize bakuyeho urujijo ku hazaza habo nk’itsinda kuko bongeye gusubirana nyuma y’imyaka 3 nta gakuru kabo nk’itsinda ndetse amakuru menshi ahamya ko batandukanye.

Abagize itsinda Active baragarutse nyuma yo kumara igihe kirekire batagaragara mu muziki

Mu bahagaze neza muri uyu mwaka barimo Bruce Melodie wagize ibihe byiza muri
muzika ndetse ari nako ayibyazamo amafaranga, asinya amasezerano y’imikoranire y’amafaranga atari yarigeze abaho mu mateka ya muzika nyarwanda n’ubwo bamwe bahindukira bakemeza ko habamo no gukabya ku yo aba yasinyiye ari bya bindi byo kugira ngo akomeze avugwe.

Igitaramo cya Bruce Melodie muri Kigali Arena ni kimwe mu byasusurukije abantu muri 2021

Icyizere cy’abakunda ibitaramo mu ntangiriro z’Ugushyingo cyarazamutse aho ibikorwa bimwe na bimwe byagiye bikomorerwa bitewe no kugabanuka bw’ubwandu bw’icyorezo cya Covid-19. Ku ikubitiro, tariki 6 Ugushyingo 2021, Bruce Melodie wizihizaga imyaka 10 amaze mu muziki yakoze igitaramo cyitabiriwe ku bwinshi, akurikirwa n’abahanzi bo muri Nigeria barimo Omah Lay na Rema nyuma yaho itsinda rya Symphony ritumira Ric Hassani washimishije abakunzi ba muzika ye bari mu Rwanda.

Benshi bibazaga niba igitaramo cya Koffi Olomide kizaba cyangwa niba kizasubikwa

Muri icyo gihe ni nabwo habaga igitaramo gikomeye cy’umuhanzi Koffi Olomide utaravuzweho rumwe, dore ko mbere y’icyo gitaramo hari benshi bari bacyamaganye kuko bavugaga ko Koffi Olomide avugwaho guhohotera abagore n’abakobwa.

Ibitaramo bininibyasojwe n’igitaramo cya Chorale de Kigali, nyuma yacyo ibindi byinshi byari byateguwe mu mpera z’umwaka mu rwego rwo kwizihiza Noheli n’Ubunani birasubikwa, mu rwego rwo gukumira ubwandu bushya bwa Omicron bwari bumaze kugaragaza ubukana hirya no hino ku Isi n’u Rwanda rurimo.

Abakunzi ba Chorale de Kigali bongeye kuryoherwa n’igitaramo ibategurira mu mpera za buri mwaka

Mu mwaka wa 2021 kandi hari imvugo zakunze gukoreshwa mu buryo bwo kwidagadura cyane cyane ku mbuga nkoranyambaga zirimo #Ntagikwe, #SafariNyubaha, #Cano, #InyogoYe, #Kabaye n’izindi.

Chrisy Neat

Kanoheri Christmas Ruth uzwi nka Chrisy Neat ni umwe mu babashije kurenga izo mbogamizi akaba yarize muzika ndetse akabasha kuyitunganya nk’akazi ka buri munsi.

Kuri ubu Chrisy Neat ni umwe mu basinyishijwe n’inzu ifasha abahanzi (Label) y’Ibisumizi yashinzwe n’umuhanzi Riderman ngo ajye atunganya imiziki y’abahanzi bahagana.

Chrisy Neat akora aka kazi ko gutunganya imiziki mu buryo bw’amajwi akabikora mu buryo bw’umwuga nk’uwabyize ku ishuri ry’umuziki ku Nyundo ndetse akabihuza n’inshingano zindi z’ubuzima busanzwe. Kuri we abona ntacyo bibangamira ubuzima bwe n’ubw’umuryango we, nk’uko abisobanura muri iki kiganiro:

Ni imurikagurishwa ribaye ku nshuro ya kabiri mu bihe bidasanzwe aho isi ihanganye n’icyorezo cya Covid-19, iry’uyu mwaka rikaba ryitabiriwe n’abasaga 400 baturutse hirya no hino mu mpande zitandukanye z’isi ndetse no mu Rwanda, n’ubwo ubwitabire atari bwinshi nk’uko byari bisanzwe.

Benshi mu barijyamo barimo guhaha ibikoresho bitandukanye by’iminsi mikuru isoza umwaka, birimo ibiribwa, ibinyobwa, ibikoresho byo munzu ndetse n’ibindi bitandukanye.

Abitabira Expo 2021 bavuga ko ibicuruzwa bihari kandi ibiciro bidahanitse, bityo ko barimo guhahira iminsi mikuru nk’uko babyifuza, gusa na bo bemeza ko imurikagurisha ridashyushye nk’uko byari bisanzwe kubera Covid-19.

Abamurika ibicuruzwa bavuga ko abakiriya barimo kuza bake bake kuko ubwitabire na bwo bwakomwe mu nkokora na Covid-19, gusa ngo bishimiye uko Abanyarwanda babagana ndtse ngo bakizera ko umwaka utaha bizaba byiza kurushaho.

Nsabimana abaye uwa mbere utsindiye miliyoni muri Inzozi Lotto

Nsabimana utuye mu Karere ka Muhanga, Umurenge wa Nyamabuye, Akagari ka Gahogo Umudugudu wa Nyarucyamo I, atomboye ayo mafaranga nyuma yo gushora 1,500 gusa muri uwo mukino.

Nsabimana, umubyeyi w’abana bane usanzwe ukorera mu Karere ka Huye, asanga aya mafaranga atsindiye muri Tombola ya Inzozi Lotto agiye kumufasha kubasha kurihira amashuri abana.

Yagize ati “Ndaza kwicarana n’umuryango turebere hamwe icyo tuyakoresha, ariko ndatekereza ko mu by’ingenzi harimo kwishyurira abana amashuri”.

Nshuti Thierry ashyikiriza Nsabimana sheki y’amafaranga yatsindiye

Gutsinda kwa Nsabimana muri tombola ya Inzozi Lotto abibonamo amahirwe akomeye, kuko bitamusabye gushora amafaranga menshi nyuma yo kugerageza amahirwe inshuro ebyiri, ku ya gatatu ni bwo yabashije kuba umunyamahirwe watsindiye miliyoni wa mbere, akaba yarashoye agera ku 1500 gusa none atsindiye miliyoni.

Nshuti Thierry, Umuyobozi mukuru wungirije wa Carousel, kompanyi itegura tombola ya Inzozi Lotto, ashima umusanzu Abanyarwanda bakomeje gutanga mu guteza imbere sport nyarwanda, bagana tombola ya Inzozi Lotto ndetse ko benshi irimo kugenda ibahindurira ubuzima.

Ibyishimo ni byose kuri Nsabimana

Bikurikire muri iyi video:

Ni igikorwa cyishimiwe n’ababyeyi bahangayikishwaga n’imikurire y’abana babo kuko batabaga bizeye uko abana babo babayeho mu gihe na bo bari mu mirimo.

Iri rerero rifite ubushobozi bwo kwakira abana 25 aho begerejwe ibibafasha gukura neza harimo ibibafasha gukina, kuruhuka, kubona ifunguro ndetse n’aho kwidagadurira.

Kurikira ibindi muri iyi video:

Ric Hassani yandika mu gitabo cy’abashyitsi ku rwibutso rwa Kigali

Ibyo ni bimwe mu byo uwo muhanzi ukomoka muri Nigeria, yasize yanditse mu gitabo cy’abashyitsi bagenderera urwibutso rwa Jenoside yakorewe Abatutsi rwa Kigali ruri ku Gisozi, ubwo yari mu Rwanda aje mu gitaramo yatumiwemo n’itsinda rya Symphony Band.

Ric Hassani yagize ati, “Ibyo nabonye uyu munsi, byanshyize mu nzira ntabasha gusobanura. Kureba amashusho, buri kimwe, ndumva amagambo yashize ivuga. Nabashije kwiga bya nyabyo uko imbabazi za nyazo zakabaye zisa. Iki ni igihugu cy’indashyikirwa. Ntabwo byoroshye kuba wabasha kwigobotora ibihe by’icuraburindi nk’ibi, bisaba kugira umutima, mu byukuri, uyu ni wo mutima wa Afurika. Imana ihe umugisha u Rwanda”.

Umuhanzi Ric Hassani akaba yaranyuzwe n’uruzinduko yagiriye mu Rwanda, abinyujije ku mbuga nkoranyambaga akaba yarasangizaga abakunzi be ibihe bitandukanye umunsi ku wundi byagiye bimukora k’umutima ubwo yari mu rw’imisozi igihumbi.

Uyu muhanzi kandi akaba yarakoranye remix y’indirimbo ‘My Only Baby’ n’umuhanzi nyarwanda Mike Kayihura yanyuzwe bikomeye n’imiririmbire ye ndetse we ubwe yisabira itsinda rya Symphony ko ryajya rimufasha gucuranga mu bitaramo bye akorera hirya no hino ku isi.

Mu gihugu cy’u Bubiligi aho yatangiye gukorera ibikorwa bye bya muzika ndetse no hirya no hino ku mugabane w’i Burayi abakunzi b’izi njyana birahira ibihangano bye. Araririmba, akandika ndetse agatunganya indirimbo haba mu buryo bw’amajwi ndetse n’amashusho.

Ni umuhanzi nyarwanda ubarizwa ku mugabane w’i Burayi mu Bubiligi ari ho yakuriye ndetse akaza no kuhakomereza amashuri ye mbere gato y’uko agaruka mu Rwanda mu gihugu cye cya mubyaye n’ubwo atigeze ahaba igihe kirekire kuko yahavuye akajya kuba mu Bubiligi.

N’ubwo agorwa no kuba atavuga neza ururimi rw’Ikinyarwanda ariko umuhate n’imbaraga ashyiramo bituma abasha gutambutsa ubutumwa bwe muri urwo rurimi rw’abasekuruza be.

Umuhanzi Jali mu rugendo rwe rwa muzika yakabije inzozi za benshi mu bahanzi zo kuba bagira inzu itunganya umuziki ikomeye nka Universal Music Group bakorana na yo, iyi nzu ikaba yaramufashije mu gukora Alubumu ye ya mbere yitwa ‘Une seconde avant l’aube’ hamwe n’iya kabiri ‘Des jours et des lunes’ iriho indirimbo zagiye zikundwa ndetse zikamuhesha ibihembo mpuzamahanga nka ‘Española, Mon Paris, 21 Grammes’ n’izindi.

Bimwe mu bihembo Jali yagiye yegukana harimo kuba mu mwaka wa 2012 yarabaye umuhanzi mwiza w’umwaka ndetse na alubumu ye ‘Des jours et des lunes’ iba alubumu y’umwaka mu bihembo bya Octaves de la Musique bitangwa mu gihugu cy’u Bubiligi.

Mu mwaka wa 2014 Jali yatoranyijwe nk’umuhanzi mwiza wabera umutoza abitabiriye irushanwa rya ‘The Voice Belgique’ .

Mu kiganiro yagiranye na Kigali Today, Jali yadusangije byinshi ku rugendo rwe rw’ubuzima, uburyo yabaye umuhanzi ndetse n’impanuro agenera abahanzi bakiri bato bifuza kugeza muzika yabo ku rwego mpuzamahanga.

Kurikira ikiganiro:

Reba indirimbo Jali yise ‘Española’

Koffi Olomidé yahanaguweho icyaha cyo gusambanya ababyinnyi be

Ibi byaha Koffi yashinjwaga bikaba bivugwa ko yabikoreye ku babyinnyi be bagera kuri bane mu ntangiriro z’umwaka wa 2000, gusa ubuhamya abo bakobwa batanze bakaba na bo ubwabo baravuguruzanyaga, ari ho ubutabera bwo mu Bufaransa bwahereye buvuga ko ikirego nta shingiro gifite.

Icyakora uyu muhanzi akaba yaje guhamwa n’icyaha cyo gufungirana umuntu no kumubuza uburenganzira bityo akatirwa igifungo cy’imyaka itatu ariko isubitse, ndetse no kuriha indishyi ihwanye n’amayero ibihumbi 28 ni ukuvuga agera ku bihumbi birindwi kuri buri muntu.

N’ubwo igitaramo cya Koffi Olomidé mu Rwanda hari abatifuzaga ko kitaba, byaje kurangira kibaye ku itariki 4 Ukuboza 2021 nk’uko byari biteganyijwe.

Ni igitaramo cyatangiye ahagana ku isaha ya saa Mbili z’umugoroba muri Kigali Arena cyitabirwa n’abakuru n’urubyiruko, bari biganjemo ab’igitsina gore.

Cyayobowe n’umushyushyarugamba Umulisa, umuhanzi wa mbere yahamagaye ku rubyiniro akaba ari uwitwa Chris Hat.

Iki gitaramo cyatangiye mu gihe bamwe barimo bakibaza niba kiri bube cyangwa niba kiri buburizwemo. Ni nyuma y’uko ku mbuga nkoranyambaga hari hamaze iminsi hagaragaye abacyamaganaga biganjemo abavugaga ko baharanira uburenganzira bw’abagore n’abakobwa batifuzaga ko uyu muhanzi yataramira mu Rwanda kuko ngo ashinjwa guhohotera abagore n’abakobwa barimo n’abajyaga bamufasha ku rubyiniro.

Abakunzi b’injyana ya Rumba bagiye biyongera buke buke aho cyabereye, ndetse abenshi b’igitsina gore bakaba batatanzwe muri iki gitaramo.

Umuhanzi Chris Hat ufashwa muri muzika na Muyoboke Alexis ni we wabimburiye abahanzi ku rubyiniro. Uyu muhanzi ubasha kuririmba anacuranga yinjiriye ku ndirimbo ye ‘Diva’ aherutse gushyira hanze.

Nyuma ye, Umushyushyarugamba Umulisa yahamagaye Dj Mupenzi asusurutsa abakunzi b’umuziki bari bakereye gutarama maze mu guha icyubahiro umuhanzi Jay Polly indirimbo ze abakunzi ba muzika baziririmba umurongo ku wundi bamuzirikana.

Dj Mupenzi yaje gukurikirwa n’umuhanzi Yvan Buravan winjiriye na we mu ndirimbo ‘Tiku Tiku’ aherutse gushyira hanze, mu ijwi rizira amakaraza akajya anyuzamo akaririmbana n’abakunzi be.

Uyu muhanzi yaje gukurikirwa na King James wari umaze igihe kirekire atagaragara mu bitaramo kub w’imishinga y’ubucuruzi yari yaramuhugije ndetse no gutunganya alubumu ye ya karindwi.

King James yeretswe ubwuzu bwinshi muri iki gitaramo guhera ku ndirimbo ye ya mbere y’injiriyeho ‘Meze neza’ abakunzi ba muzika bamufashije kuyiririmba ibintu biza guhinduka ageze ku ndirimbo ‘Ganyobwe’ na ‘Umuriro watse’ maze si ugucinya akadiho bishyira kera nk’umuhanzi mukuru asoza abafana bakimushaka.

Nyuma ye hari hagezweho umutumirwa mukuru ari we Koffi Olomide uzwi ku mazina atandukanye menshi cyane harimo Grand Mopao Mokonzi, Patraõ, Le Rambo, Nkolo Lupemba, Mokolo Bilanga, Ackram Ojé, Légende, L’Homme Aux Mille Idées, Jeune Pato, Le Grand Ché, Milkshake Koffi Olomide n’andi menshi atandukanye yabimburiwe n’ababyinnyi be babanje ku mutegurira inzira maze binjiza abakunzi ba muzika kwakira umwami w’injyana ya Rumba ku isi bari mu bicu.

Uko iminota yigiraga imbere ni ko ibintu byahinduraga isura maze abakunzi ba muzika baturutse imihanda yose y’ibiyaga bigari bakomeza kunyeganyega ari nako Koffi yanyuzagamo akabwira abamukurikiye ko yishimira iterambere igihugu cy’u Rwanda kigezeho aho yakigeranyije na paradizo babikesha Perezida Kagame, ndetse ko ashishikajwe cyane n’uko umubano w’igihugu cye cya Repubulika iharanira Demokarasi ya Kongo ndetse n’u Rwanda wakomeza kuba mwiza.

Mu ndirimbo zifite amateka akomeye hano mu Rwanda zanogeje imitima y’abitabiriye iki gitaramo ka ‘Loi’ yamenyekanye nka ‘Dombolo ya Solo’, yayigezeho abari muri iki gitaramo bakaraga umubyimba akaguru kamwe bakajyana imbere akandi inyuma maze umuziki si ukuwuceka biratinda.

Nyuma yaho, yakurikijeho indirimbo yasize amateka mu mikino y’igikombe cy’Afurika cy’abakinira imbere mu gihugu yabereye hano mu Rwanda izwi ku izina rya ‘Selfie’ yamenyekanye cyane nka ‘Ekotite’ ndetse na ‘Waah’ yakoranye n’umuhanzi w’icyamamare muri Tanzania Diamond maze igitaramo kirushaho gukesha imitima y’abakitabiriye baryohewe n’imbyino z’abakobwa bamufashije ku rubyiniro.

Lionel na Bijoux baritegura kurushinga

Izina Bijoux uretse kumenyekana muri filime Bamenya, ntiyari mushya mu makuru y’imyidagaduro kuko yakunze kwifashishwa mu mashusho y’indirimbo zitandukanye z’abahanzi Nyarwanda, mu gihe Lionel Sentore ari umuhanzi nyarwanda ukora injyana gakondo ndetse akaba ari umwuzukuru wa Sentore Athanase.

Lionel Sentore yaherukaga kuvugwa mu rukundo na Mahoro Anesie, wagaragaye mu irushanwa rya Nyampinga w’u Rwanda mu mwaka wa 2014 ndetse aza kumwambika impeta, ariko hadaciye kabiri umubano wabo urahagarara.

Munezero Aline (Bijoux) kandi na we yaherukaga kuvugwa mu rukundo hamwe na Abijura Benjamin, wanamwambitse impeta amusaba kumubera umufasha, muri Kanama 2020 gusa bidaciye kabiri na we baba baratandukanye.

Kuri ubu Lionel Sentore na Munezero Aline bakaba basangije imbaga ibakurikirana ku mbuga nkoranyambaga, ko biteguye kurushinga ku itariki 8 Mutarama 2022.

Lionel Sentore akora umuziki uri mu njyana gakondo nyarwanda, abarizwa mu itsinda Ingangare ahuriyemo na mugenzi we Charles Uwizihiwe, iryo tsinda rikaba ryarifashishijwe na Cecile Kayirebwa mu itunganywa rya alubumu riherutse gusohora yitwa Urukumbuzi.

Munezero Aline we aracyari umukinnyi wa filime nyarwanda y’uruhererekane ica ku rubuga rwa Youtube yitwa Bamenya.

Indirimbo za Omah Lay nka Damn, Godly, Understand kuza kugera kuri Free my Mind yasohotse ageze i Kigali aje gutaramira Abanyarwanda, zakoze ku mutima abakunzi ba muzika bumva batatangwa kujya kumwereka urukundo bamufitiye.

Omah Lay ku rubyiniro

Ubwitabire bwari buri hejuru muri icyo gitaramo bishingiye ku nyota abakunzi b’umuziki bari bafite nyuma y’igihe kirenga umwaka n’igice ibitaramo byarahagaze kubera Covid-19.

Abahanzi Nyarwanda barimo Davis D, Platini, Bushali, Ish Kevin, Ariel Ways na Juno Kizigenza berekanye ko umuziki Nyarwanda ufite imbaraga, ndetse Abanyarwanda bawunyotewe kuwumva no kuwubyina.

Omah Lay agakote yari yaje yambaye byageze hagati akajugunya mu bafana kubera uburyo abakunzi be bamwakiriye ku rubyiniro.

Omah Lay utarashoboye guhishira amarangamutima ye ku nkumi z’Abanyarwandakazi, yaje gusaba babiri muri bo kuza bakamusanga ku rubyiniro maze umuziki si ukuwuceka biratinda.

Uyu muhanzi kandi yasabye umwe mu bafana bari begereye ku rubyiniro kumutiza telefone ye ngo amusigire agafoto k’urwibutso nyuma yaho abonyeko benshi mu bitabiriye iki gitaramo bamaze umwanya munini bari kubika gihamya cy’uko bari kumwe, maze na we akoresha telefone y’umufana yifotora ifoto azatunga nk’urwibutso.

Itsinda rya Symphony ryaje gufasha uyu muhanzi ku rubyiniro, ryaserukanye umwambaro w’amajipo nyuma y’uko mu gitaramo cya Bruce Melodie bongeye guseruka bambaye umwambaro wagaragaye muri filime igezweho kuri ubu ya Squid Game, ibintu byatangaje cyane abari baje kwitabira icyo gitaramo.

Massamba Intore

Ibi Massamba Intore yabigarutseho ubwo hari mu muhango wo kugaragariza itangazamakuru umushinga ahuriyeho n’umuhanzi Yvan Buravan ugamije guteza imbere ubuhanzi bushingiye kuri gakondo nyarwanda ndetse n’ubuhanzi bugezweho kuri ubu bahaye inyito ya ‘Twande’ . Ubwo buhanzi buzaba bugamije kwigisha abakiri bato, imbyino, indirimbo gakondo n’ubusizi kuko uretse kuba ari ishema ryabo nk’Abanyarwanda ari na wo mwambaro babasha guserukana mu mahanga bagaseruka bemye.

Ibi yabigarutseho ahereye ku kuntu mu cyumweru kimwe gusa mu mujyi wa Kigali haba ibitaramo bitandukanye kandi ababyitabira batajya bahinduka.

Kuba u Rwanda rufite abanyempano beza ariko hakaba habura ubufatanye hagati yabo ngo ni byo bituma hari ahantu muzika nyarwanda itajya irenga.

Ibi yabivuze ahereye ku nkubiri y’ibitaramo by’abahanzi biri kuba muri iyi minsi nyuma y’uko Leta isubukuye ibikorwa by’imyidagaduro harimo n’ibitaramo nyuma y’igihe kigera ku mwaka byari byarahagaze kubera ingamba n’ubwiyongere bw’icyorezo cya Covid-19.

Massamba yagize ati “Kudafatanya ni byo bituma dukomeza kwitwa uruhinja mu bintu byose, ni gute ushobora kunsobanurira uburyo mu cyumweru kimwe abaturage b’umujyi wa Kigali hari bubemo ibitaramo bigera ku munani, ugatatanya abantu tuzi abitabira ibyo bitaramo abo ari bo?”

Ibi Massamba yabihereyeho asaba by’umwihariko abategura ibitaramo kujya bashyira hamwe bagashyigikirana bityo igitaramo kimwe cyarangira bagashyira imbaraga mu kindi aho gutatanya imbaraga kuko bishobora no kuzabashora mu bihombo mu gihe kiri imbere.

Yasabye ababarizwa mu byerekeranye n’umuziki n’imyidagaduro gusenyera umugozi umwe bagashaka icyateza imbere muzika nyarwanda muri rusange kuko inyungu zizavamo zizashyigikira n’inyungu za buri muntu mu babigiramo uruhare.

Yvan Buravan

Amwe mu masomo umuhanzi yakuye muri ibi bitaramo harimo kuba yarasanze gukora ibihangano byiza ariko bidafite umwimerere wa gakondo y’iwanyu haba hari icyo umuhanzi akibura. Ibi byatumye uyu muhanzi ashaka umwihariko wazajya umutandukanya n’abandi, yiyemeza kujya akora ibihangano byifitemo umwimerere ndetse bigaragaza isura y’aho akomoka mu Rwanda

Yvan Buravan asanga kuba wakora ibihangano byiza bidafite umwimerere w’iwanyu utazabasha kubikora neza nk’aho ubikomora. Ati “Twumvise imiziki myinshi itagize aho ihuriye n’iby’iwacu bituma duhanga ibihangano bitagize aho bihuriye n’iwacu ndetse bitadushyira n’aho twagakwiye kuba turi.”

Buravan agaruka ku isomo rikomeye ryatumye yiyemeza gukora umuziki ufite aho uhuriye n’umuco n’imbyino nyarwanda, yagize ati “Ngendeye ku byo nize n’ibyo nabonye, naserukiye igihugu, umuziki natwaye ntaho wari utandukaniye n’uwo bari bafite, yego ijwi ryanjye riratandukanye ariko ntabwo umuziki ubwawo werekana aho mva.”

Ibi bikaba byaratumye uyu muhanzi afata igihe gihagije cyo gukora ibihangano bifite aho bihuriye n’umuco n’imbyino nyarwanda zose hamwe azikubira muri alubumu yise “Twaje” ndetse atangiza n’umushinga uzafasha abakiri bato kwihugura ku muco n’imbyino n’indirimbo nyarwanda bahaye izina rya “Twande” ahuriyeho n’abahanzi b’injyana gakondo barimo Massamba Intore ndetse n’amatorero ya Kinyarwanda.

Alubumu “Twaje” ya Yvan Buravan izaba iriho indirimbo 10 eshanu muri zo zikaba ziri mu njyana gakondo, izindi zikaba zikozwe mu njyana zigezweho. Izi ndirimbo zigize iyi alubumu harimo izo yamaze gushyira hanze zirimo nka “Ye Ayee” ndetse na“ Tiku Tiku” hamwe n’izindi yakoze wenyine zirimo Gusaakara, Twaje, Ituro, I love you too, na Ni Yesu yakoze yo guhimbaza. Harimo kandi izo yafatanyije na bagenzi be zirimo Bwiza yahuriyemo na Andy Bumuntu, Impore yahuriyemo na Dj Marnaud hamwe na Ruti Joel, VIP yakoranye na Ish Kevin hamwe na Pro Zed. Izo zikaba ari yo mbumbe y’indirimbo zizaba zigize iyi alubumu ya Yvan Buravan yihariwe ahanini n’aba producers bagezweho hano mu Rwanda Bob Pro na Made Beat.

Alubumu “Twaje” ni iya kabiri nyuma ya “Love Lab” ikaba izajya hanze mu kwezi k’Ukuboza uyu mwaka wa 2021.

Reba indirimbo TIKU TIKU ya Buravan

Itsinda rya Active

Itsinda rya Active rikivuka, ryaje risanga andi matsinda yari akomeye arimo nka Dream Boyz, Urban Boyz yari yarigaruriye imitima y’abafana b’umuziki nyarwanda, Active iza ari itsinda rifite byinshi rihuriyeho birimo kuba ari ababyinnyi beza bagiye banyura mu matsinda abyina anyuranye.

Ntibyatinze kuri iri tsinda ngo ribashe kugaragaza ubuhanga ndetse ibitangazamakuru byibanda ku myidagaduro bitangira kubashyira mu nkuru nyamukuru cyane cyane ubwo basohoraga indirimbo yabo ‘Udukoryo Twinshi’ itaravuzweho rumwe ku bw’ibyamamare bagiye bagarukaho byatumye bigararurira imbaga nini y’urubyiruko rwakundaga indirimbo zibyinitse ndetse bagakundirwa n’uburyo basusurutsa abantu ku rubyiniro.

Umuhanzi Tizzo ubarizwa muri iri tsinda

Igihe cyarageze itsinda rya Active riza gutandukana n’inzu ifasha abahanzi ya Incredible Records ya Bagenzi Bernard wagize uruhare mu guhuriza hamwe abagize iri tsinda berekeza muri New Level bagamije kwagura ibikorwa byabo.

Umunsi ku wundi Active nk’itsinda ni ko ryakuraga ndetse batangira gukorana n’abahanzi banyuranye bo hakurya y’imbibi indirimbo nka Waga waga bakoranye na Vampino, Amafiyeri bakoranye na Barnaba Classic ndetse na Go Mama bakoranye na Mwana FA ziri mu byabafunguriye imiryango mu Karere ka Afurika y’Iburasirazuba.

Uretse gukora indirimbo nziza zibyinitse, Ikibatsi cy’urukundo rwa Dereck na Miss Teta Sandra ndetse na Olvis hamwe na Miss Vanessa n’uburyo rwaje kuyonga ni bimwe mu byagiye bifata imitwe y’inkuru nyamukuru z’ibitangazamakuru bikora inkuru z’imyidagaduro mu Rwanda.

Umuhanzi Olvis

Umwaka wa 2018 wasize Dereck, umwe mu bagize iri tsinda afashe umwanzuro wo gusubira ku ntebe y’ishuri akajya kwiga muzika ku Nyundo asize bagenzi be bakoranaga mu itsinda. N’ubwo byari ikintu cyiza haba kuri we ndetse no ku itsinda, bisa nk’ibitarigeze biganirwaho hagati yabo kugira ngo barebere hamwe uko imyigire ye itagira ingaruka ku buzima bw’itsinda. Byaje gusa n’ibyatumye havuka agatotsi hagati yabo, ibihangano byabahuzaga birabura ndetse bamwe ntibatinya kwemeza ko iri tsinda riri mu marembera cyo kimwe n’andi anyuranye yagiye atandukana nyuma yo gucika intege no kutumva ibintu kimwe mu bayagize.

Ubwo bari mu kiganiro na MC Tino kuri KT Radio

Binyuze mu kiganiro Dunda Show gitambuka kuri KT Radio, Umunyamakuru MC Tino yabajije aba bahanzi ku byagiye bivugwa ko batandukanye ndetse n’aho bamaze igihe babarizwa, Dereck umwe mu bagize iri tsinda agira ati, “Turi hano ngo abakunzi bacu tubamare impungenge ibyo byari ibihuha (aha yagarukaga ku gutandukana kwabo) kugeza igihe tugarukiye ibyo bihuha tukabikuraho amakuru y’impamo ni uko Active iri mukazi.”

Dereck avuga ko abagize Active bakiri kumwe kandi ko bagarukanye imbaraga

Kuri ubu iri tsinda riri mu mikoranire n’inzu ifasha abahanzi rishya mu muziki rya DON DADA Entertainment ndetse ikaba yaragarukanye n’imbumbe z’indirimbo bise ‘Activity’ imwe muri izo ndirimbo bashyize hanze ikaba ari ‘Amabara’ basohoranye n’amashusho yayo.

Reba video y’iyo ndirimbo nshya ‘Amabara’ ya Active

Karigombe

Ntabwo ari kenshi uzumva umuhanzi by’umwihariko ukona injyana ya Hip Hop mu Rwanda ubikora yarabyize ndetse akaba ari wo mwuga umutunze. Karigombe ni umwe mu basoje amasomo yabo mu cyiciro cya mbere cyakiriwe n’ishuri ry’ubugeni n’ubuhanzi mu Rwanda ahazwi nko ku Nyundo.

Mu mwaka wa 2014 nibwo Leta y’u Rwanda binyuze mu kigo cy’Igihugu gishinzwe guteza imbere imyuga n’Ubumenyingiro yashyizeho ishuri ryahurizaga hamwe urubyiruko rwiyumvamo impano y’ubugeni n’ubuhanzi. Nguko uko Karigombe yaje kugirirwa amahirwe akaba umwe mu batoranyijwe kujya gutangirana n’iryo shuri.

Bidatinze nyuma y’imyaka itatu, banogeje amasomo atandukanye ajyanye no kuririmba no gucuranga. Mu mwaka wa 2017 iri shuri ryaje kwibaruka imfura zaryo zarimo na Karigombe, umuhanzi wiyeguriye injyana ya Rap.

Karigombe ubanza iburyo ubwo bari mu muhango wo guhabwa impamyabumenyi yo gusoza amasomo y’umuziki ku Nyundo

Ni ibintu bitari bimenyerewe ndetse no kugeza na n’ubu ntibisanzwe kumva umuhanzi ukora injyana ya Rap mu Rwanda wumva ko bikwiye kujya kwicara ku ntebe y’ishuri akihugura ngo abashe kunoza umwuga we neza. Karigombe we yabibonyemo amahirwe akomeye kuko yumvaga abaraperi mu Rwanda bakunze kunengwa cyane kuba bakora indirimbo nziza ariko byagera mu gukora umuziki mu buryo bw’umwimerere (live) hakumvikanamo ubumenyi buke. Ni yo mpamvu Karigombe yiyemeje kujya kwiga muzika kugira ngo abashe kwihugura byuzuye.

Karigombe ari mu mirimo ya nyuma yo gusoza Alubumu ye ya mbere. Mu kiganiro kirambuye yagiranye na Kigali Today, yagarutse ku rugendo rw’uko yize muzika, n’impamvu yahisemo kwiga umuziki mu gihe atari ibintu byari bimenyerewe ku bahanzi bakora injyana imwe na we.

Yasobanuye uko yaje kumenyana no gukorana na Riderman ndetse n’ibikubiye mu gitabo yanditse ubwo yasozaga amasomo aho yagaragazaga isano iri hagati ya Hip Hop n’ubusizi bukorwa mu gitaramo nyarwanda.

Bikurikire muri iyi video:

Umva indirimbo nshya “Ipikipiki” ya Karigombe afatanyije na Hope Irakoze

Ishimwe Clement

Binyuze mu kiganiro ubyumva ute, gitambuka kuri KT Radio, Ishimwe Clement, umwe mu batunganya imiziki hano mu Rwanda hamwe n’umunyamategeko Maitre Steven Salim Gatari basobanuye itegeko rigendanye n’umutungo mu by’ubwenge rikunze kugonganisha abahanzi n’abanyabugeni.

Maitre Gatari Steven

Ese igihangano kiba icyawe ryari? Uburenganzira bwawe nk’uwagihanze mu gihe hagize ushaka gukora igisa na cyo amategeko abivugaho iki? Ibyo byose byagarutsweho muri iki kiganiro cyateguwe na Ines Ghislaine Nyinawumuntu, umunyamakuru wa KT Radio.

Bikurikire muri iki kiganiro:

Mutabaruka Ghislain ni umwe mu bahuye n’ubu burwayi buturuka ku gucika kw’imiyoboro y’amaraso ijya mu bwonko.

Mu buhamya ndetse n’impanuro aha abakiri bato, abagira inama yo kujya bitwararika bakamenya gukoresha igihe cyabo neza bakirinda kujya mu bigare bibaganisha kunywa itabi, kwirinda umubyibuho ukabije ndetse n’ibindi byose byatuma batagira umwanya uhagije wo kuruhuka kuko iyo asubije amaso inyuma asanga ari ho ashobora kuba yarakuye iyi ndwara.

Bikurikire muri iyi video:

Ni ibirori by’amateka yakoreyemo igitaramo kibereye ijisho, ashima abakunzi b’umuziki we n’abakunzi b’umuziki nyarwanda muri rusange, kubera imyaka bamaranye abasusurutsa na we bakamushimira ibihangano bye.

Ahagana saa kumi n’ebyiri zirengaho iminota micye nibwo umushyushyarugamba MC Tino yahamagaye itorero Inganzo Ngari ryaserutse mu mbyino gakondo, nyuma yaho hatangira kuririmba abahanzi batandukanye barimo Papa Cyangwe Dj Toxxyk aza ku rubyiniro avangavanga imiziki, Alyn Sano na we akurikiraho, Niyo Bosco na we ntiyahatangwa yerekwa urukundo n’abafana, Bull Dogg asusurutsa abakunzi ba Hip Hop, umuhanzi Mike Kayihura wagiye werekwa urukundo yunganirwa na Christopher mu ndirimbo ze zagiye zinyura imbaga zitandukanye kugeza kuri Mi casa aherutse gusohora. Nyuma ye nibwo Dj Marnaud yasoreje abandi bahanzi mbere yo kwakirwa k’uwari utegerejwe cyane muri iki gitaramo ari we Bruce Melodie wari wateranyije imbaga.

MC Tino

Ahagana saa Mbili n’iminota 44 nibwo Umunyamakuru wa KT Radio MC Tino wari umushyushyarugamba yahamagaye mugenzi we Arthur Nkusi kuza kumufasha kwakira umuhanzi Bruce Melodie.

Umushyushyarugamba Arthur Nkusi

Bruce Melodie yasusurukije abitabiriye igitaramo mu ndirimbo ze nyinshi zakunzwe haba mu Rwanda no mu mahanga, kuva ku ndirimbo yahereyeho mu myaka icumi ishize nka ‘Tubivemo, Telephone, Inkovu,... kugera kuri ‘Sawa Sawa’ aherutse gusohora. Izi ndirimbo yaziririmbiye abakunzi be babarirwa mu bihumbi bari bitabiriye ibi birori maze na bo baramufasha umurongo ku wundi ari na ko bakaraga umubyimba.

Ni urugendo rw’akazi katoroshye yakoze ko kudahagarara ari na ho abakunzi be bahereye bamubatiza akazina ka ‘Munyakazi’ kubera kudacika intege nk’abandi bahanzi baza nyuma y’umwaka umwe, cyangwa ibiri bakabivamo bakigira mu bindi. Kuri Bruce Melodie imbaraga yatangiranye umunsi wa mbere n’uyu munsi ntizicogora ahubwo ziriyongera.

Ibirori byakomeje nyuma yo kuririmba nyinshi mu ndirimbo yahereyeho akajya abivanga no gutumira zimwe mu nkoramutima ze muri uru rugendo rwe bagiye bamufasha agitangira umuziki barimo Ama G, Riderman, Dj Pius kugera ku bahanzi bakiri bato na we yaharuriye inzira mu rugendo barimo Kenny Sol.

Mu gihe kirenga isaha n’igice uyu muhanzi yamaze ku rubyiniro, ahagana ku isaha ya saa tanu n’iminota micye nibwo iki gitaramo cyasojwe, maze abakunzi b’umuziki bari bamaze igihe kirenga umwaka n’igice batizihirwa bataha bakeye ku mutima.

Yafashe amashusho y’urwibutso nka gihamya ko yari ahibereye bitari inkuru mbarirano

Bishimiye ko ibitaramo byasubukuwe nyuma y’ibihe bitoroshye by’icyorezo cya COVID-19

Abo mu itsinda rya Mackenzie ribarizwamo Nyampinga w’u Rwanda Nishimwe Naomie na bo bari bahari

Basusurukije abantu ubwo Bruce Melodie yaririmbaga Complete me

Producer Element Eleeh utunganya imiziki wanakoreye Bruce Melodie zimwe mu ndirimbo ze zikunzwe muri iyi minsi

Muyoboke Alex wabaye umujyanama w’abahanzi benshi bakomeye mu Rwanda

Alyn Sano nyuma yo kuririmba na we yaje akurikira igitaramo ari na ko anyuzamo agacinya akadiho

Gloria Mukamabano, Paul Rutikanga na Rigoga Ruth, abakozi ba RBA na bo ntibahatanzwe

Umunyamakuru w’imyidagaduro Yago ni umwe mu bitabiriye iki gitaramo

Symphony Band ni yo yacuranze muri iki gitaramo

Dj Brianne ni umwe mu baryohewe cyane n’iki gitaramo

Urukweto Bruce Melodie yaserukanye ku rubyiniro

Kenny Sol (uri hagati) wahoze muri label y’Igitangaza ya Melodie na we yitabiriye iki gitaramo

Riderman inshuti ya Bruce Melodie ni umwe mu bahanzi bafitanye indirimbo nyinshi. Bruce Melodie yavuze uburyo yahoze ari umufana ukomeye wa Riderman kuva mu buto

Abarimo Kate Bashabe ntibigeze bicara kuva ubwo Bruce Melodie yageraga ku rubyiniro

MC Nkusi Arthur na MC Tino ni bo bayoboye iki gitaramo

Bralirwa muri iki gitaramo yatangarije Abanyarwanda ko Bruce Melodie ari ambasaderi w’ikinyobwa cyayo Primus

Dj Pius ubwo yasangaga Bruce Melodie ku rubyiniro bagakorana indirimbo yabo "Ubushyuhe" bafatanyije

Andereya na Peter benshi babamenyeye ku mbuga nkoranyambaga na bo bari baje kwihera ijisho igitaramo cya Melodie

Video: Reba incamake y’iki gitaramo mu mashusho

Hari mu kiganiro cy’imyidagaduro MC Tino asigaye akora kuri KT Radio guhera saa cyenda kugeza saa kumi n’ebyiri n’igice z’umugoroba.

Reba agace k’ikiganiro bagiranye:

Reba indirimbo nshya yitwa “Setu” ya Alyn Sano

Gishara Elevanie

Nyuma y’aho u Rwanda ruboneye ubwigenge, umuryango wa Gishara ni umwe mu miryango yameneshejwe maze bagana inzira y’ubuhungiro mu gihugu cya Uganda.

Nyuma ya Jenoside yakorewe Abatutsi ubwo u Rwanda rwabohorwaga n’ingabo zari iza FPR - Inkotanyi, Gishara yaje kugaruka mu gihugu cyamubyaye.

Kuri ubu ni umubyeyi ubura umwaka umwe ngo yuzuze imyaka 100. Yibarutse abana 9 muri bo bane baje kwitaba Imana. Afite abuzukuru 22 n’abuzukuruza 21.

Gishara ni umubyeyi w’urugwiro ukunda gusabana n’abato n’abakuru. Twaramwegereye tugirana ikiganiro gikubiyemo ubutumwa yifuza kugeza ku mukuru w’Igihugu cy’u Rwanda, Perezida Paul Kagame. Uretse ibyo kandi yatubwiye n’uburyo umuhango wo gushyingirwa wakorwaga mu muco nyarwanda mu gihe cyabo.

Bikurikire muri iki kiganiro:

The Ben yambitse impeta Pamella

Hari hashize igihe kirekire hibazwa iby’aho umubano w’aba bombi werekeza nyuma yaho guhera mu mwaka wa 2019, hatangiye kugenda havugwa iby’umubano w‘umuhanzi The Ben bombi na Pamella.

Mu mashusho yasakajwe ku rubuga rwa Instagram, The Ben ari kumwe n’umukunzi we Pamella mu bwato buherereye mu birwa bya Maldives, agaragaza Pamella yishimiye intambwe yateye we n’umukunzi we.

Pamella akaba ari umwe mu bakobwa bagaragaye mu marushanwa ya Nyampinga w’u Rwanda mu mwaka wa 2019

Stromae mu gitaramo cy’amateka i Kigali

Paul Van Haver wamenyekanye mu bikorwa bya muzika nka Stromae, kuva mu mwaka wa 2015 aho afatiwe n’uburwayi bwa malaria yakuye muri Congo ubwo yari mu bitaramo hirya no hino ku isi, byo kumurika alubumu ye ‘Racine Carrée’, yahise afata icyemezo cyo kuba ahagaritse ibikorwa bye bya muzika.

Hari hashize igihe kigera ku myaka 6 atagaragara mu bikorwa bitandukanye by’umuziki, abakunzi be mu ndirimbo nka Papaoutai, Formidable, Alors on Dance, Ta fête n’izindi zitandukanye amaso yari yaraheze mu kirere, nyuma y’uburwayi bwa malaria bwamushegeshe bwaje buhurirana n’ibitaramo yari amazemo igihe.

Nyuma y’igihe kirekire abakunzi ba Stromae bamutegereje kuri ubu yashyize hanze indirimbo yise ‘Santé’ bisobanuye ‘Ubuzima’, akaba agaruka ku bakora imirimo isa n’iciye bugufi cyangwa se imirimo idatuma babasha gufata akanya bakaba basabana n’abandi, batajya bahabwa umwanya wihariye ngo bashimirwe kandi byari bikwiye.

Benshi mu bakunzi b’ibihangano bye bakaba bamugaragarije amarangamutima menshi bamubwira ko bari bakumbuye kumva indirimbo ye ndetse ko n’ubwo yatinze atabatengushye, ku bw’indirimbo ifite icyanga, kandi ko ni umwimerere we atigeze awutakaza.

Iyo ndirimbo yazamuye amarangamutima ya benshi mu bakunzi be bari bamaze igihe kinini batamubona hirya no hino, haba mu gusohora indirimbo ze bwite cyangwa se mu bitaramo.

Mu mwaka wa 2017 ni bwo yatangaje ko abaye ahagaritse ibikorwa bye bya muzika, nyuma y’umwaka umwe muri 2018 yaje kongera kumvikana mu ndirimbo ‘Defiler’ yari yarakoze mu rwego rwo kumurika imideri yari ashyize hanze.

Stromae

Umuhanzi Stromae aheruka mu Rwanda mu mwaka wa 2015 mu gitaramo cy’amateka yakoreye mu murwa mukuru w’u Rwanda i Kigali, ubwo yari mu gikorwa cyo kumurika alubumu ye ‘Racine Carrée’ ndetse abona umwanya wo kugera ku ivuko rya Se, hamwe no guhura na benshi mu bo bafitanye isano.

Reba hano indirimbo nshya ‘Santé’ ya Stromae

Hari hashize igihe atagaragara mu bikorwa bya muzika nyuma y’aho ahuye n’ikibazo n’uburwayi bw’ibihaha bwatumye amara igihe kirenga umwaka n’amezi atatu mu bitaro. Nyuma y’aho amariye gutora agatege, yongeye gusubukura ibikorwa bye bya muzika.

Muri iki kiganiro aragaruka ku mateka yagiye amuranga kuva mu buto, uko yaje kwinjira mu buhanzi ndetse n’ibihe bitandukanye yagiye anyuramo haba mu burwayi ndetse n’ibyagiye bivugwa byerekeye umubano we n’umuhanzikazi Nina.

Kuri ubu usanga bimwe mu bihangano by’abahanzi nyarwanda birimo urunyurane rw’indimi mu gihangano kimwe cyangwa se urundi rurimi bo ubwabo bahuriyeho, ibizwi nk’inshoberabakuru. Inteko y’umuco isaba abahanzi bakora ibi kuzibukira kuko byangiza umuco ndetse ntibiheshe ishema ba nyirawo.

Ibi byagarutsweho ku wa 11 Ukwakira 2021 ubwo hasozwaga iserukiramuco mpuzamahanga ryiswe ‘Urusaro International Women Film Festival’ ryari rimaze igihe kigera ku cyumweru ribera mu Rwanda. Ni Iserukiramuco rigamije gushyigikira abari n’abategarugori bakora umwuga wa Sinema ndetse no kubafasha kwaguka muri uyu mwuga.

Niyomugaba Jonathan

Niyomugaba Jonathan, impuguke mu guteza imbere umuco n’ubuhanzi asaba abakora ibikorwa bitandukanye by’ubuhanzi haba abaririmbyi cyangwa se abanditsi ba sinema ko bajya bazirikana ku gaciro k’umuco wabo mu buhanzi bwabo, ati: “Umuhanzi mwiza ni uvoma mu muco, ni uwubaha umuco ni uwubaha ururimi rw’Abenemuco.”

Ibi yabigarutseho ubwo yagarukaga kuri amwe mu ma filime usanga arimo urunyurane rw’indimi yibutsa abakora uyu mwuga by’umwihariko abanditsi kuzirikana ko ubuhanzi ari inkingi ikomeye mu iterambere ry’Igihugu.

Akomeza agira ati: “Ivangandimi risanzwe ryo kuba ndi kuvuga Ikinyarwanda mu buryo bwo kuryoshya ngahita mvuga urundi rurimi icyo cyo ni ikibazo kandi kidakwiye kuko filime cyangwa se ibindi bihangano byose bigomba kubaha ururimi.”

Ati “Hari igihe abantu baba bumva ururimi ntacyo ruvuze kandi ururimi ni igikoresho gikomeye gitambutsa umuco cyanacuruzwa kikanateza imbere Igihugu.”

Uyu mwaka iri serukiramuco ryabaye umwanya wo gufasha abashoramari b’abari n’abategarugori uburyo bahuriza hamwe imbaraga mu mishinga igamije gushora imari muri sinema aho bagaragarijwe inyungu bakuramo mu gihe baba bateguye umushinga wabo uko bikwiye kuko Sinema ari umwuga nk’indi yose ishobora kubyarira inyungu uwayishoyemo amafaranga.

Bikurikire muri iyi Video:

Oswald Rurangwa yagejejwe mu Rwanda

Rurangwa yamenyekanye cyane mu bitero byahitanye Abatutsi kuri Sainte Famille ndetse no kuri Saint Paul mu gihe cya Jenoside yakorewe Abatutsi mu Rwanda.

Oswald Rurangwa yavutse mu mwaka wa 1962 avukira mu Karere ka Gasabo mu Murenge wa Gisozi. Azwiho kuba yarakoranaga bya hafi na Col Renzaho Tharcisse wari Umuyobozi w’Umujyi wa Kigali mu gihe cya Jenoside yakorewe Abatutsi.

Umuvugizi w’Ubushinjacyaha, Faustin Nkusi, yasobanuye ko urugaga rw’Abavoka mu Rwanda rwageneye Rurangwa umwunganira mu mategeko kugira ngo amufashe.

Inzego z’ubutabera zo muri Amerika ni zo zamuzanye, yakirwa na Ambasade ya Leta zunze Ubumwe za Amerika mu Rwanda, noneho bamuhereza inzego z’ubutabera z’u Rwanda.

Rurangwa aramenyeshwa icyemezo cya Gacaca cy’igifungo cy’imyaka 30 yakatiwe, hanyuma bamubwire n’uburenganzira afite kuri icyo cyemezo, kuko n’ubwo yakatiwe adahari, yemerewe kugisubirishamo nk’uko biteganywa n’amategeko.

Rurangwa arahita ajya gufungirwa muri gereza ya Mageragere, ibizakurikiraho bindi by’amategeko, umwunganizi we akazamufasha kubikurikirana.

Mu mwaka wa 2008 nibwo u Rwanda rwatanze impapuro zimuta muri yombi, ariko icyo gihe hakaba hari hariho n’igifungo cy’imyaka 30 yari yarakatiwe n’inkiko Gacaca.

Inzego z’ubutabera zo muri Amerika icyo zakoze ni ukumwohereza kugira ngo aze arangize ibihano bye yakatiwe.

Ubushinjacyaha bw’u Rwanda buvuga ko Rurangwa Oswald yari Perezida w’Interahamwe muri Gisozi akaba yarakoraga n’akazi k’ubwarimu. Yagaragaye no mu bikorwa byinshi bya Jenoside yakorewe Abatutsi harimo kwica, kujya mu nama zateguraga Jenoside, kujya mu bitero. Araregwa ibyaha bya Jenoside, ubufatanyacyaha mu gukora Jenoside, gukangurira abantu gukora Jenoside, kwica nk’icyaha cyibasiye inyoko muntu no kurimbura imbaga, n’ibindi bikorwa bitandukanye yagiye agaragaramo.

U Rwanda rufite benshi rugishakisha bacumbikiwe n’ibihugu hirya no hino ku isi bashinjwa uruhare muri Jenoside yakorewe Abatutsi. Ubushinjacyaha buvuga ko hari inyandiko 1146 zoherejwe mu bihugu bitandukanye, abamaze koherezwa mu Rwanda bakaba ari 27.

Umuvugizi w’Ubushinjacyaha bukuru bw’u Rwanda, Faustin Nkusi, asanga hari icyizere ko n’abandi bakidegembya hazagera igihe bagashyikirizwa ubutabera. Yabisobanuye muri aya magambo, ati “Turashima inzego z’ubutabera zo muri Amerika akazi ziriho zikora mu kohereza abantu.”

Faustin Nkusi

Ati “Ni ubufatanye muri rusange ngo turwanye abakora ibyaha bakumva ko nibagera hanze bazajya bidegembya aho bari, ibi bitanga isomo ku bakiri hanze bakatiwe na Gacaca na bo umunsi wabo ushobora kugera bagafatwa kandi turabyizeye ibihugu byinshi turafatanya.”

Leta zunze ubumwe za Amerika zimaze kohereza 6 mu bakurikiranyweho ibyaha bya Jenoside, mu gihe impapuro zisaga 23 zohererejwe iki gihugu.

Andi mafoto:

Reba uko iki gikorwa cyagenze muri iyi video:

Ubushakashatsi bwakozwe n’ikigo ‘Motion Picture Assossiation’ bwagaragaje ko uruganda rwa sinema muri Amerika rwatanze imirimo igera kuri miliyoni ebyiri n’igice ndetse rufasha gufungura ubucuruzi (Business) bushingiye kuri uyu mwuga burenga ibihumbi 93. Nk’uko byumvikana mu mibare ni uruganda rufatiye runini ingeri zitandukanye z’abantu aho muri Amerika.

Tuve gato i Hollywood tugaruke mu Rwanda aho uru ruganda nyuma ya Jenoside yakorewe Abatutsi mu 1994 rugenda rwaguka umunsi ku wundi rukaba rutunze ibyiciro bitandukanye by’abantu bakora uyu mwuga.

Abari n’abategarugori bamaze kwiteza imbere babikesha sinema (Ifoto yo mu bubiko)

Mbere ya Jenoside yakorewe Abatutsi, sinema nyarwanda yakorwaga binyuze mu ikinamico aho abakinnyi b’icyari “Indamutsa” batambutsaga umukino wabo binyuze mu majwi gusa dore ko icyo gihe isakazamashusho ryari ritaragira imbaraga rifite nk’uyu munsi n’ubwo uko babikoraga mu majwi gusa bitaburaga gukora ku marangamutima y’abakuru n’abato bikaba ngombwa ko bamwe banika amabuye ku kazuba kugira ngo ikinamico itabacika.

Uruganda rwa sinema nyarwanda muri rusange nta myaka 20 rumaze rutangiye mu buryo bufatika. Muri uyu mwuga, abari n’abategarugori ntibasigaye inyuma kuko uko ibihe byagendaga bisimburana na bo bagendaga batinyuka kuwujyamo ndetse bagenda bagira uruhare mu mirimo itandukanye ikenerwa muri sinema.

Mu ikorwa rya filime kugira ngo izasohoke igere hanze, hakenerwa imirimo itandukanye irimo ubwanditsi, kuyiyobora, kuyishoramo amafaranga, kuyikina, kuyitunganya, ifatwa ry’amajwi, amashusho, kuzayicuruza no kuyisakaza ndetse n’ibindi bikorwa byinshi bikenerwa kugira ngo igihangano kigere hanze kinoze kibereye ijisho.

Icyakora n’ubwo mu Rwanda abari n’abategarugori batasigaye inyuma muri sinema, hari bamwe bagaragaza impungenge ndetse n’ibigusha biri muri uyu mwuga.

Hakunda kumvikana bamwe mu bari n’abategarugori bagaruka ku nzitizi bahuye na zo ubwo binjiraga muri uyu mwuga aho bamwe mu bayobora cyangwa se abahitamo abakinnyi babanza kubaka ruswa kugira ngo babashe gutoranywa mu bakinnyi b’imena muri filime runaka n’ubwo benshi baterura ngo bashyire hanze uwabasabye iyo ruswa cyangwa wabashyizeho andi mananiza.

Mukakamanzi Beatha wamenyekanye muri sinema nyarwanda nka ‘Mama Nick’ muri filime y’uruhererekane ‘City Maid’ itambuka kuri Televisiyo Rwanda asaba abakiri bato by’umwihariko abangavu bifuza kugana uyu mwuga kuba maso ndetse imbaraga nyinshi bakazishyira mu kwihugura mu kunoza umwuga aho kwizezwa ibitangaza n’abifuza kubaganisha mu bishuko.

Mukakamanzi Beatha wamenyekanye cyane nka Mama Nick muri sinema nyarwanda

Ni byo yasobanuye ati “Mujye mujyana ubwenge, ntimugatware imibiri yanyu, imibiri yanyu si yo izatuma mukora akazi neza, ahubwo ubwenge ufite ube ari bwo ushyira imbere kuko ni bwo buzakubashisha gukora akazi neza ukanoza umurimo neza uko babyifuza.”

Ku bigendanye n’abatanga amafaranga ngo babashe guhabwa imyanya yo gukina muri filime runaka, Mukakamanzi aburira abakiri bato ko aho kuyaha ushinzwe gutoranya abakinnyi ngo abahe ibyo batagenewe, bakabaye bayashyira mu mashuri abatoza kuzavamo abakinnyi beza.

Ati “Njya mbabwira nti ese wowe urayatangira iki? Umuntu nimba akubwiye ngo arakunyuza muri filime ye ibyo birimo ubwenge? Aho kuyatanga aho, wakabaye uyatanga aho wiga gukina filimi (Acting) kuko ni byo byakugirira akamaro.”

“Iyo watswe ruswa y’igitsina nawe ukayitanga uba uri injiji, ukwiye guhabwa ikintu kuko ugikwiye aho gutanga umubiri wawe. Ibyo byari bikwiye gucika kuko ntuba uhaye agaciro umubiri wawe”.

Jacqueline Murekeyisoni Umuyobozi mukuru wa Cine Femme Rwanda, umuryango w’abari n’abategarugori babarizwa mu mwuga wa sinema mu Rwanda, na we asanga bitari ngombwa ko abari n’abategarugori bose bakwirundira mu kintu kimwe ari cyo gukina gusa (Acting) kuko muri sinema habamo imirimo itandukanye kandi yose itanga amafaranga. Bagakwiye kuyihuguraho maze ikabarinda kuba bagira aho bahurira n’iryo hohoterwa rivugwamo.

Jacqueline Murekeyisoni, umuyobozi wa Cine Femme Rwanda

Yagize ati “Umu star (icyamamare) agirwa umu star n’ikintu cyabanje kubaho uwanditse ya filime, uwayirariyeho amajoro, uwo muntu atariho wa mu star ntabaho, wa muntu ukina ntabaho, ese wowe wakoze icyo kugira ngo nawe utange akazi, hera aho ngaho, fata ikaramu wandike bya bindi wakinaga nawe ukinishe abandi. Imirimo ya sinema irungikanye kandi irimo amafaranga.”

Kuva ku wa 4 kugeza kuya 11 Ukwakira mu Rwanda hari kubera Iserukiramuco mpuzamahanga ngarukamwaka ry’abagore muri sinema ryiswe “Urusaro International Women Film Festival” rifasha kugaragaza impano z’abari n’abategarugori muri uyu mwuga kuri iyi nshuro rikaba rizibanda cyane ku gufasha abategarugori kubereka inyungu ziba mu kwihuza ndetse no kwihugura ku murimo wo gutunganya filimi. Ayo mahugurwa azajya abera mu cyumba cy’ikoranabuhanga no guhanga udushya muri IPRC Kicukiro ndetse iri serukiramuco rikaba rizasozwa no kwerekana amafilimi abari n’abategarugori bagizemo uruhare mu gutunganya bikazabera kuri Canal Olympia ku Irebero.

Kaneza Floriane, Umuyobozi w’iserukiramuco mpuzamahanga Urusaro International Film Festival

Iterambere ry’umwuga wa sinema ntiryagerwaho mu gihe ubunyamwuga butabanje kubakirwa ku bumenyi ubufatanye n’ubushobozi bw’abayikora, ibi bikaba byagarutsweho n’umuyobozi wa Urusaro International Women Film Festival, Kaneza Floriane. Intego y’uyu mwaka muri iri serukiramuco ni ugufasha abashoramari b’abari n’abategarugori gushora imari muri sinema kuko uyu ni umwuga wabasha kubyazwamo andi mafaranga menshi mu gihe ubikoze abifiteho ubumenyi buhagije ndetse yabashije kwishyira hamwe na bagenzi be.

Uyu muyobozi yagize ati “Uyu mwaka twaje kubona ko ubufatanye no gukorera hamwe mu Banyarwanda muri sinema ari ikintu gikwiye guhabwa imbaraga kurusha uko byari bisanzwe kugira ngo sinema itere imbere.”

Ubwo Jenoside yakorewe Abatutsi yatangiraga, iyi Batayo yari igizwe n’amakampani cyangwa se amatsinda ane arimo Tiger, Chui, Headquarter, Simba na Eagle.

Baciye indaki zo kwifashisha ngo babashe guhangana n’ibitero by’ingabo bari bahanganye zashakaga uko zinjira muri CND ngo ziburizemo iby’ayo masezerano ndetse bashyire mu bikorwa umugambi wa Jenoside.

Ingoro y’amateka y’urugamba rwo guhagarika Jenoside yakorewe Abatutsi yamuritse izo ndaki mu rwego rwo gusangiza abagenderera iyo ngoro inzira ingabo 600 zanyuzemo kugira ngo zibashe kubohora Abanyarwanda ndetse no guhagarika Jenoside yakorewe Abatutsi.

Bikurikire muri iyi video:

Mu gihe umuryango w’umukobwa wemereraga umugeni umuryango w’umusore hakurikiragaho umuhango wo gukosha maze umuryango w’umusore bagatanga inka yari ikimenyetso cy’inkwano mu muco w’Abanyarwanda.

Inkwano muri iyi minsi ya none hari aho yasimbujwe amafaranga ndetse igiciro baragihanika ku buryo hari imiryango imwe n’imwe isigaye yumva byarabaye ikibazo gikomereye umuryango mushya ndetse hari n’ababona ari intambamyi ku ihame ry’uburinganire aho hari abumvise nabi ibigendanye n’ihame ry’uburyo uyu muhango ukorwamo.

Umunyamakuru wa KT Radio Kamanzi Natasha yagiranye ikiganiro mpaka n’abatumirwa barimo Juliette Karitanyi hamwe na Rutindukanamurego Marc Roger badusangiza byinshi ku bigendanye n’uyu muhango hagendewe ku gaciro k’inkwano mu bihe bya kera ugereranyije n’ubu.

Bikurikire muri iyi video:

Benshi bamukunze cyane ubwo yari mu mwuga w’itangazamakuru, abantu bakamukundira urwenya rwarangaga ibiganiro bye. Kuri ubu ni umwe mu bahanga mu bijyanye n’imodoka dore ko afite uruhushya rwo gutwara ibinyabiziga mu byiciro byose bitangwa mu Rwanda.

Ni n’umwe mu bantu bakurikiranira hafi ibijyanye n’amategeko y’umuhanda ndetse akaba ageze kure umushinga wo gukora feri ahamya ko izagabanya impanuka zo mu muhanda.

Bikurikire muri iki kiganiro yagiranye n’umunyamakuru wa KT Radio na Kigali Today, Umugwaneza Jean Claude Rusakara.

Iyi miryango igera kuri 40 yari imaze imyaka 25 itujwe muri uyu mudugudu ariko nta mashanyarazi bafite ndetse umuyobozi wese wabegeraga bamugezagaho icyo cyifuzo ariko manda ye ikazarangira ntacyo agikozeho.

Imbarutso yo gutekerezwa kuri iyi miryango yabaye ubwo umwe mu bagize itsinda ry’abafana ba Arsenal mu Rwanda yavuganaga n’umwe muri aba babyeyi kuri telefone ari we Mukagashugi Esperance akamubwira ko ubwo yamubuze yari yagiye gucomekesha telefone, ko iwabo amashanyarazi atarahagera.

Mukagashugi Esperance yagize ati "Ntitwasohokaga nijoro twari mu icuraburindi rikomeye, n’abajura baboneragaho kutwiba mu mwijima ndetse bakaba banaduhitana."

"Turashima iri tsinda ry’abafana ba Arsenal mwarakoze cyane, ndetse turashima imiyoborere myiza ya Perezida wa Repubulika."

Mwami Aaron Kevin, umuyobozi w’abafana ba Arsenal mu Rwanda

Mwami Aaron Kevin wari uhagarariye iri tsinda ry’abafana ba Arsenal mu Rwanda asanga ibikorwa nk’ibi ari byo byakabaye biranga abafana aho guhuzwa no gufana ikipe imwe bikarangirira aho, ati "Byageze aho bamwe mu bafana bagenzi bacu b’ayandi makipe batubwira ngo twe turi seriye (serieux) kurusha ikipe dufana, twumva tudakwiye kuba aho turi abo gufana gusa ntacyo dufasha umuryango nyarwanda."

"Iki ni kimwe mu bikorwa ubundi dusanzwe tugiramo uruhare buri mwaka aho mu busanzwe twajyaga tubikora mu kwezi kwa Mata mu gihe cyo kwibuka ariko twahuye n’imbogamizi uyu mwaka ntitwabisozereza igihe gikwiye ku bw’icyorezo cya Covid-19".

Uyu mushinga wo guha amashanyarazi imiryango igera kuri 40 iherereye muri uyu Mudugudu wa Nyentanga watwaye agera kuri miliyoni 70 z’amafaranga y’u Rwanda harimo ubwitange bwaturutse ku banyamuryango b’abafana ba Arsenal mu Rwanda ndetse n’ubuvugizi bakoze kuri Sosiyete y’u Rwanda ishinzwe ingufu (REG) ikabasha kubegereza amapoto muri ako kagari.

Umuyobozi w’Akarere ka Nyamagabe wungirije ushinzwe iterambere ry’ubukungu, Kabayiza Lambert, asanga iki gikorwa aba bafana ba Arsenal bakoze cyakagombye kubera abandi urugero ndetse ashima ko cyaje cyuzuza umuhigo wa Leta y’u Rwanda wo kuba bitarenze mu mwaka wa 2024 abaturage bose bazaba bafite amashanyarazi.

Kabayiza Lambert wari uhagarariye ubuyobozi bw’Akarere ka Nyamagabe

Kabayiza yagize ati "Iki gikorwa mwakoze ni inkunga yunganira icyifuzo cy’Umukuru w’Igihugu wacu cyo gucanira Abanyarwanda byibuze bitarenze mu mwaka wa 2024. Ni umusanzu ukomeye mwatanze mu kwesa uwo muhigo. Turashima umuntu wese ushyigikira ibikorwa bya Leta y’u Rwanda irangajwe imbere na nyakubahwa Perezida wa Repubulika kugira ngo abaturage barusheho kubaho neza batekanye."

Akarere ka Nyamagabe kuri ubu gafite abaturage bagera kuri 41% bafite uburyo bacana haba amashanyarazi cyangwa se izindi ngufu z’imirasire y’izuba gusa ubuyobozi bufite icyizere ko ugendeye ku murongo umukuru w’igihugu yatanze wo gucanira Abanyarwanda bose muri 2024 n’abandi amashanyarazi azagenda abageraho haherewe ku ngomero ziri kubakwa muri aka karere.

Iki gikorwa kikaba cyahuriranye n’intsinzi ya mbere ya Arsenal muri uyu mwaka w’imikino ubwo yahuraga n’ikipe ya Norwich ku mukino warangiye ari igitego kimwe ku busa cyatsinzwe na Aubameyang dore ko yari imaze imikino igera kuri itatu nta ntsinzi ndetse nta n’igitego mu mikino ya shampiyona y’u Bwongereza kuva yatangira.

Reba uko iki gikorwa cyagenze muri iyi video:

Igikorwa cyo guhererekanya iyo modoka cyabereye ku mupaka wa Rusumo

Iyo modoka yafatiwe ku mupaka wa Rusumo muri Gicurasi uyu mwaka, ubwo yinjiraga mu Rwanda yikoreye imizigo yerekeza muri Repubulika Iharanira Demokarasi ya Congo, nyuma y’uko barebye muri sisitemu bagasanga yaribwe.

Zingiro Jean Bosco ushinzwe itumanaho muri Interpol-Kigali, asaba Abanyarwanda kujya bamenyesha Urwengo rw’Ubugenzacyaha (RIB) mu gihe bibwe ibinyabiziga, kuko ubufatanye na Interpol bubafasha gushakisha ibyo binyabiziga byabo.

Reba ibindi muri iyi video:

Reba muri aya mashusho uko aka gace karimo kuvugururwa