Haravugwa ibigo by’amashuri birangana abana barwaye bikabagiraho ingaruka (Ifoto: Internet)

Ni nyuma y’iminsi ine agaragaza ibimenyetso by’uburwayi, aho ngo yabanje kuribwa ijisho, uburwayi bukomeza gukura atangira kuva imyuna kugeza apfuye.

Nyuma y’urupfu rwe, ushinzwe imyitwarire y’abakobwa ku ishuri (Animatrice), yahise atabwa muri yombi, akekwaho kurangarana umwana.

Gusa we yisobanuraga avuga ko yitaye kuri uwo mwana amukurikirana mu burwayi bwe mu buryo bwose bushoboka, aho yanamuhaye uruhushya ajya kwivuza mu ivuriro rikomeye mu mujyi wa Musanze, ndetse uwo mwana akaba yaranaguye mu bitaro.

Muri uku kwezi kandi humvikanye ibigo bibiri by’amashuri byarwaje abana basaga 70, aho bafashwe n’uburwayi budasanzwe, biteza impagarara mu kigo.

Mu minsi ishize no muri Lycée Notre Dame de Citeaux (LNDC), umwana w’umukobwa yitabye Imana, azize uburwayi budasobanutse, bishengura abanyeshuri, ababyeyi n’ubuyobozi bw’ishuri.

Bikavugwa ko kuba abo bana barwara kugeza ubwo bapfuye, hari ubwo ishuri ribigiramo uburangare, aho batinda guha abana impushya ngo bajye kwivuza, kubera kwizera abaganga bita ku bana mu kigo, impushya zigatangwa uburwayi bwamaze kubarenga.

Ibigo by’Amashuri bikomeje gutungwa agatoki ni iby’Abihayimana, aho ngo bagira igitsure cy’umurengera umwana yarwara ntibamwemerere gusohoka mu kigo ngo ni ukwirwaza, ntibabimenyeshe n’ababyeyi be, umubyeyi agahamagarwa abwirwa ko umwana we yitabye Imana.

Ababyeyi bavuga iki kuri icyo kibazo

Gutoza umwana ikinyabupfura no gutanga uburezi bufite ireme, ni kimwe abarerera mu bigo by’Abihayimana by’umwihariko ibya Kiliziya Gatolika bashima cyane, bakumva bibateye ishema kurerera muri ibyo bigo.

Gusa hakaba abemeza ko hari ubwo bagira igitsure cy’umurengera, kugeza ubwo umwana yimwe n’uruhushya rwo kujya kwivuza mu gihe arwaye.

Umwe mu babyeyi barerera muri Lycée Notre Dame de Citeaux yagize ati “Uburezi bwabo turabushima, batoza abana ikinyabupfura bakagira n’abahanga cyane, aho umwana arangiza amashuri mu bumenyi atandukanye n’uwize ahandi, ariko ikibazo ni igitsure cy’umurengera kugeza n’aho bima umwana uruhushya rwo kujya kwivuza kandi babona arembye”.

Undi ati “Nk’uwo mwana wigaga muri Lycée uherutse gupfa, yamaze iminsi arwariye, aho yitabwagaho n’umuforomo w’ishuri, noneho araremba cyane ntibigera babimenyesha ababyeyi. ‘Communication’ ni ikibazo, n’abandi bana bazaga kumusura aho arwariye bakabibona bakabwira animatrice ko umwana arembye. Urumva habayeho uburangare”.

N’ubwo abo babyeyi bashinja ishuri uburangare, hari abandi batemeranya kuri bwo burangare bashinja ayo mashuri, aho bemeza ko ubuyobozi bw’amashuri ntako butagira ngo bwite ku bana haba mu bumenyi, haba no kubitaho mu gihe barwaye.

Umubyeyi witwa Sindayiheba Phanuel urerera muri Lycée Notre Dame de Citeaux, ati “Ni ishuri ryita ku bana mu buryo butangaje, urugero rufatika mu minsi ishize umwana wanjye yararwaye, bahise bampamagara njya kumufata kandi nahuye n’abandi babyeyi batandukanye bagaruye abana abandi babajyanye kubavuza. Kuba hari umwana witabye Imana, kandi nta nubwo yari ku ishuri yari kwa muganga, nk’umubyeyi w’Umunyarwanda mbifata nk’ibyago cyangwa impanuka yaba”.

Arongera ati “Ntabwo mbifata nk’uburangare, simbibonamo igitsure gikabije nk’uko bamwe babivuga, ahubwo ni ibyago byagwiriye umuryango nk’uko n’iwanjye mu rugo naba ndi ku kazi bakambwira ngo umwana ararwaye, namugeza kwa muganga akitaba Imana”.

Sindayiheba arasaba ababyeyi bagenzi be kumenya ko abarezi ku ishuri ari ababyeyi ba kabiri, nyuma y’ababyeyi b’umubiri.

Ati “Abo bantu birirwana abana amezi icyenda mu mwaka twe tubamarana atatu, abo bantu tutabagiriye icyizere ntaho twaba tugana, dukwiriye gufatanya n’abayobozi b’ikigo kuko ni ibyago byatugwiriye nk’uko byagwira umubyeyi mu rugo, ariko ntibikwiye kwitwa ko ari ikigo cy’Abihayimana, ahubwo dukwiye no kubashimira kuko bagira n’icyo kintu cyo gucengeza ikinyabupfura mu buryo bwisumbuyeho, bakita no kubuzima bw’umwana”.

Abashinzwe uburezi Gatolika bagize icyo buvuga kuri icyo kibazo

Padiri Dusingizimana Lambert, uyobora Ibiro by’Inama y’Abepisikopi bishinzwe uburezi Gatolika mu Rwanda (SNEC), ntavuga rumwe n’abemeza ko amashuri ayoborwa n’Abihayimana bagira igitsure kigira ingaruka ku bana.

Ati “Usibye abantu bakabiriza ibintu, ubundi umwana iyo agiye ku ishuri, ubuyobozi bw’ishuri n’abarezi, abo bose bafatwa nk’ababyeyi babo, umwana iyo arwaye twese turabizi umwana ajya kuvuzwa”.

Arongera ati “Biriya by’umwana uherutse kwitaba Imana muri LNDC ni ‘accident’, ibyago biba bibaye, kuvuga ko bamwimye uruhushya arinda apfa, none se ko yapfiriye mu biganza bya muganga ubu bashinje muganga ko bamuhaye umwana akananirwa kumuvuza agapfa. Yaguye ku bitaro kandi n’iyo yapfa ari ku ishuri, n’iyo waba uri inyamaswa ntabwo umwana yakurembana urebera, urupfu ntawe ruteguza”.

Padiri yavuze ko ababyeyi benshi bifuza kurerera mu mashuri ya Kiliziya, ariko bamwe bakabibura kubera ubushobozi buhari bwo kwakira abana, sinzi abavuga ko tugira igitsure gikabije icyo bashaka.

Ati “Ibyo barabihuza n’Abihayimana gute se? Kuko batoza abana ‘discipline’, ubwo ababyeyi barashaka ko abana bajya babareka bakitwara uko bashaka?”

Urwego rw’Igihugu rw’Ubugenzacyaha (RIB), rugenda rukora iperereza kuri izo mpfu zigenda zigaragara mu bigo by’amashuri.

Mu gitondo cyo kuwa 19 Mata nibwo itsinda rya nyuma ry’abapolisi 80 ryerekezaga Sudan y’Epfo

Kubera ikibazo cya COVID-19 aba bapolisi bagiye basimburana mu byiciro ariyo mpamvu mu gitondo cyo kuri uyu wa mbere tariki ya 19 Mata ku isaha ya saa yine hagiye itsinda rya gatatu rigizwe n’abapolisi 80, babisikana abandi nkabo bo mu cyiciro cya gatanu.

Aba bapolisi barimo gusimburanwa mu butumwa bw’ Umuryango w’abibumbye bugamije kubungabunga amahoro(UNMISS) mu gace ka Malakar.

Itsinda ryagiye kuri uyu wa mbere ryagiye riyobowe na Superintendent of Police (SP) Prosper Nshimiyimana bakaba basanzeyo bagenzi babo 160 bagiye mu cyiciro cya mbere(80) n’icya kabiri(80), bose hamwe bakabazaba bayobowe na Chief Superintendent of Police (CSP) Faustin Kalimba.

Aba bapolisi babisikanye na bagenzi babo 80 bageze ku kibuga cy’inde mpuzamahanga cya Kigali ku isaha ya saa cyenda n’igice baje bayobowe na Chief Superintendent of Police (CSP) Fabien Musinguzi ari nawe wari uyoboye icyiciro cyose cya 5 cyari mu butumwa bw ’amahoro muri kariya gace ka Malakal.

Abagiye babisikanye n’Aba Polisi 80 bataha

Umuvugizi wa Polisi y’u Rwanda, Commissioner of Police (CP) John Bosco Kabera, ubwo yakiraga aba bapolisi bari bavuye mu butumwa bw’amahoro muri Sudani y’Epfo ku kibuga cy’indege mpuzamahanga cya Kigali ari kumwe n’abandi bakomiseri muri Polisi y’u Rwanda yabahaye ikaze abashimira imyitwarire myiza bagaragaje mu kazi bari bashinzwe.

Yagize ati “Mu izina rya Polisi y’u Rwanda tubashimiye imyitwarire myiza mwagaragaje yatumye mukora akazi neza mugahesha ishema Polisi y’u Rwanda n’Igihugu cyabatumye muri rusange.”

CP Kabera yabibukije ko bakomeza kwitwararika birinda icyorezo cya COVID-19 bubahiriza amabwiriza yashyizweho yo kukirinda.

CP John Bosco Kabera yakira abapolisi 80 bavuye mu butumwa bw’Amahoro

Uwari uyoboye iri tsinda ryavuye muri Sudani y’Epfo, CSP Musinguzi yavuze ko akazi bamazemo umwaka urenga bagakoze neza nk’uko byari biteganyijwe.

Yagize ati “Nubwo twahuye n’imbogamizi zitandukanye zirimo Covid-19, twakoze akazi neza twasabwaga,twakoze imirimo itandukanye irimo kurinda abaturage bakuwe mu byabo n’intambara, guhosha imyigaragambyo, kurinda abayobozi bakuru muri iki gihugu cya Sudani y’Epfo ndetse na bamwe mu bayobozi b’umuryango w’abibumbye n’ibikoresho bya Loni no kurinda ibikorwaremezo. Si ibyo gusa kandi twanakoze n’ibikorwa bizamura imibereho myiza y’abaturage nko gutanga amazi meza, kubigisha kuboneza imirire, kugira isuku n’ibindi bitandukanye."

Yasabye abapolisi bavanye mu butumwa bw’amahoro ndetse n’abaturarwanda muri rusange gukomeza kwirinda Covid-19 kuko ntaho yagiye, bakabikora bubahiriza amabwiriza yashyizweho kugira ngo bazabashe kuyihashya.

Abapolisi b’u Rwanda buri gihe mbere y’uko berekeza mu butumwa bw ’amahoro mu mahanga babanza guhabwa amahugurwa ajyanye n’inshingano baba bagiyemo, bajya no kugenda bakabanza guhura n’ubuyobozi bukuru bwa Polisi y’u Rwanda bagahabwa impanuro.

Murekatete Patricia Uyobora Umurenge wa Niboyi

Babitangaje mu Mpera z’iki cyumweru ubwo bakoraga umuhango wo kumurika Ikirango cy’Ubumwe n’Ubwiyunge bakoze, kizashyirwa mu mbibi zose z’uyu murenge, kugira ngo abawutuye, abawuturiye n’abawugenda barusheho gucengerwa n’indangagaciro y’ubumwe n’ubwiyunge.

Umuyobozi w’uyu Murenge Murekatete Patricia yabwiye Kigali Today ko kunga ubumwe, byabafashije kwihuta mu iterambere binabafasha kandi kumva ko bagomba kubisigasira no kubirinda.

Ati “Dufite imihanda iri kugana ku musozo yubatswe ku bufatanye n’abaturage mu midugudu. Abaturage kandi barifatanyije bubakira abatishoboye 20 batuzwa i Masaka, baguriye intebe 150 Umurenge zizashyirwa muri sale y’inama, ndetse twarafatanyije tunaremera Uwacitse ku icumu utishoboye tunamusigira 250,000Frw’’

Yakomeje agira ati” Muri uyu Murenge kandi abaturage bagize uruhare mu kubaka Urukarabiro rufite agaciro ka 3,670,000Frw, mu mihanda batanga Miliyoni 85M, mu kubakira abatishoboye batanze miliyoni 55 andi yatanzwe n’Akarere, Intebe zo batanze asanga Miliyoni 4.”

Ikirango cy’Ubumwe n’Ubwiyunge kizashyirwa mu mbibi z’uyu Murenge

Mukashyaka Immacullee wacitse icumu rya Jenoside yakorewe Abatutsi waremewe muri iki cyumweru cyo kwibuka cyasoje kuya 13 Mata 2021, yabwiye Kigali Today ko abaturage bo muri aka Karere akurikije uko babanye, abona batanga icyizere cy’Uko Ibyatanyije Abanyarwanda bikabageza kuri Jenoside bitazongera ukundi.

Umuyobozi w’Umurenge wa Niboye Murekatete Patricia avuga ko ibi byose abaturage babigezeho babifashijwemo n’uko Ubuyobozi bubegera bukabigisha, bukanamenya ibyo bakeneye, bakanafatanyiririza hamwe kubikora, ahari ibibazo bakahumvikanaho bagafatanya kugikemura ntawusiganyije undi.

Umuyobozi w’uyu Murenge wa Niboyi amurikira abayobozi batandukanye ibyo Uyu Murenge umaze kugeraho ku bufatanye n’abaturage

Mukashyaka Immacullee uwacitse ku icumu rya Jenoside yakorewe Abatutsi waremewe

Banamurikiye abayobozi Indirimbo y’Umurenge wa Niboyi yahimbwe na Intore Tuyisenge

Abayobozi bari bitabiriye uyu muhango bataha Ikirango cy’Ubumwe n’Ubwiyunge

Meya w’Umujyi wa Kigali Pudence Rubingisa n’Umunyamabanga mukuru wa Komisiyo y’Igihugu y’Ubumwe n’Ubwiyunge Fidele Ndayisaba bari bitabiriye uyu muhango

Abitabye Imana ni umugore w’imyaka 61 (i Kigali) n’abagabo babiri b’imyaka 91 (i Nyamasheke) na 53 (i Huye).

Aba bagore bari mu mfungwa 400 zarekuwe ejo ku wa Gatandatu

Ibyo kandi ngo ni n’imbabazi zatanzwe na Perezida Emmerson Mnangagwa, zikaba zireba ahanini abafungiye ibyaha byoroheje kandi bari bamaze gukora nibura kimwe cya gatatu cy’igihano cyabo, abagera kuri 400 bavuye muri gereza zitandukanye bakaba baramaze gusubira mu miryango yabo.

Gereza zo muri Zimbabwe zifite ubushobozi bwo kwakira imfungwa 17,000 ariko zikaba zari zirimo abagera ku 22,000 mbere y’uko Perezida Mnangagwa atanga izo mbabazi, nk’uko ikinyamakuru africanews cyabitangaje.

Umuyobozi w’amagereza mu murwa mukuru wa Zimbabwe ari wo Harare, Alvord Gapare, avuga ko mu magereza yo muri uwo mujyi hagaragaye imfungwa 173 zanduye Covid-19 ndetse umwe ikaba yaramuhitanye.

Kugeza ku itariki 17 Mata 2021, abanduye Covid-19 muri rusange muri Zimbabwe ni 37,523 muri 1,551 ikaba yarabahitanye, nk’uko bitangazwa n’ikigo nyafurika gishinzwe ibiza no kubikumira.

Nk’uko byagenze mu bindi bihugu byinshi, Zimbabwe na yo hashize igihe yarahagaritse gahunda yo gusura imfungwa kubera Covid-19, mu gihe irimo gutegura uburyo zakingirwa icyo cyorezo mu rwego rwo kugihashya.

Umurambo w’Igikomangoma Philip watwawe mu modoka yo mu bwoko bwa ‘Land Rover’ ifunguye inyuma ari na ho isanduku yari iri nk’uko yari yarabiteguye mbere y’uko yitaba Imana, cyane ko iyo modoka ari we ubwe wayihinduye kugira ngo izabashe gutwara umurambo we.

Umwamikazi we yari mu yindi modoka mu gihe abandi bose bitabiriye uwo muhango, dore ko bari na bake cyane kubera kwirinda Covid-19, bagendaga n’amaguru baherekeje ya modoka itwaye umurambo, bakaba bari biganjemo abo mu muryango w’Ubwami.

Gusezera ku murambo byabereye muri Kiliziya ya St George’s Chapel iherereye muri paruwasi ya Windsor, iri ku butaka bw’Ubwami ari na ho Igikomangoma Philip yashyinguwe ndetse akaba ari na ho Umwamikazi Elizabeth II na we azashyingurwa, nk’uko byatangajwe n’ikinyamakuru Le Point.

Mbere yo kumushyingura habayeho umunota wo guceceka, ukaba wabanjirijwe ndetse unasozwa no kurasa imizinga mu rwego rwo kumuha icyubahiro, cyane ko na we yabaye umusirikare.

Umva muri iyi Video uko Umuvugizi wa RIB, Dr. Murangira B. Thierry, asobanura ibyaha akekwaho n’ibimenyetso byabyo.

Aba bagabo 9 barakekwaho gukora no gukoresha Perimi z’impimbano

Bamwe mu baguze izi Perimi bemereye itangazamakuru ko batekewe Umutwe n’abiyitaga aba Polisi babizeza ko bababonera Perimi mu buryo bworoshye batiriwe bajya mu bizami, bakishyura amafaranga ibihumbi bisaga 400.

Umuvugizi wa Polisi y’Igihugu, CP John Bosco Kabera mu butumwa yatanze, yasabye abaturage guca mu nzira za nyazo zo kubona ibyangobwa byo gutwara ibinyabiziga, bakirinda ababashuka babizeza kubibabonera kuko baba bagamije kubiba.

Yakomeje yihanangiriza abacura izi perimi avuga ko ntaho bazacikira Polisi kuko yashyize imbaraga nyinshi mu kubafata, anashimira abaturage ku bufatanye bwabo bwa buri munsi butuma abantu nk’aba batabwa muri yombi bakabiryozwa.

CP Kabera yabwiye itangazamakuru kandi ko aba bagabo bagiye gushyikirizwa ubugenzacyaha, bukabakorera dosiye bukazazigeza kubushinjacyaha, bakazagezwa imbere y’inkiko. Inkiko nizibahamya Iki cyaha, bazakatirwa imyaka iri hagati ya 5-7 y’igifungo, hacibwe n’ihazabu iri hagati ya miliyoni 3 ariko zitarenze 5.

Reba Video Polisi yerekana abantu 9 yafashe ibakekaho gukora Perimi z’Impimbano

Abitabye Imana ni abagore babiri b’imyaka 81 (i Kigali) na 74 (i Nyabihu) n’abagabo babiri b’imyaka 90 (i Nyanza) na 71 (i Kigali).

Uwo mugore babana byemewe n’amategeko, mu kirego yagejeje kuri RIB avuga ko umugabo we amuhoza ku nkeke mu bihe bitandukanye, ku buryo byari bigeze ku rwego atagishobora kubyihanganira.

Yagize ati “Nk’ubu ku itariki ya 11 Mata 2021 yatashye yasinze afata umwenda arawunigisha, nakijijwe na Nyagasani”.

Dr Murangira B Thierry, Umuvugizi w’Umusigire wa RIB, yabwiye Kigali Today ko uwo mugabo ukekwaho iki cyaha ubu ari kubazwa mu bugenzacyaha, dosiye ikaba izuzura vuba agashyikirizwa ubushinjacyaha.

Ku bihano bigendanye n’iki cyaha mu gihe urukiko rugihamije ugikekwaho, Dr Murangira yagize ati “Guhoza ku nkeke uwo mwashyingiranywe ni icyaha gihanwa n’ingingo ya 147 y’itegeko Nimero 68/2018 ryo ku wa 30 Kanama 2018 riteganya ibyaha n’ibihano muri rusange”.

Icyo cyaha iyo kiguhamye itegeko rivuga ko uhanishwa igifungo kitari munsi y’umwaka umwe ariko kitarenze imyaka ibiri.
Mu butumwa RIB igenera abaturage, Dr Murangira yagize ati” RIB iributsa abantu bose ko itazihanganira uwo ari we wese uzafatwa yakoze icyaha nk’iki cyo guhoza ku nkeke uwo bashyingiranywe. RIB iributsa kandi abantu ko mu gihe baba bafitanye amakimbirane, bajya bagana inzego z’ibanze zikabafasha kuyakemura”.

Uyu mugore w’Imyaka 62 y’amavuko RIB ivuga ko Nsabimana yamufatiye ku ngufu mu Karere ka Ruhango, Umurenge wa Bweramana, Akagari ka Gitisi, Umudugudu wa Nyarunyinya tariki ya 11 Mata 2021.

Dr Murangira B Thierry, Umuvugizi w’Umusigire wa RIB, yabwiye Kigali Today ko Nsabimana ubu afungiye kuri Sitasiyo ya RIB ya Ruhango, mu gihe dosiye ye ikomeje gutunganywa kugira ngo izashyikirizwe ubushinjacyaha.

Dr Murangira yanakomoje ku bihano Nsabimana ashobora guhabwa aramutse ahamwe n’iki cyaha cyo gukoresha undi imibonano mpuzabitsina ku gahat.

Agize ati “Iki cyaha gihanwa n’ingingo ya 134 y’Itegeko Numero 68/2018 ryo ku wa 30 Kanama 2018 riteganya ibyaha n’ibihano muri rusange.

Iyo gukoresha imibonano mpuzabitsina ku gahato byakozwe ku muntu ufite hejuru y’imyaka 65yrs, ku muntu ufite ubumuga cyangwa uburwayi butuma adashobora kwirwanaho; uwabikoze iyo abihamijwe n’urukiko ahanishwa igifungo kirenze imyaka 15, ariko kitageze kuri 20 n’amafaranga y’u Rwanda atari munsi ya 1,000,000 frw ariko atarenze 2,000,000 frw.

Dr Murangira yanatangaje ko RIB yibutsa Abaturarwanda bose ko itazihanganira uwo ari we wese uzafatwa yakoze icyaha nk’iki cyo guhohotera undi, inibutsa abantu ko ari icyaha gihanwa n’amategeko.

Uwitabye Imana ni umugore w’imyaka 71 i Kigali.

Abari muri iyo nama kandi baraganira no ku ngamba zo kurushaho kwirinda no gukumira icyorezo cya COVID-19 nk’uko ibiro by’Umukuru w’Igihugu bibitangaje.

Aba baribaga bakabyitirira inzego z’Umutekano.

Muri aba bagabo 12 bakekwaho ubujura, harimo umwe muri bo waguze imbunda bakoreshaga mu bujura, ayigura muri Repubulika iharanira Demokarasi ya Congo RDC, akoresheje amafaranga yahawe nk’Inkwano y’Umukobwa we.

Inkuru irambuye y’Uburyo ubu bujura bwakorwaga, bakabutwerera inzego z’Umutekano, turayigezwaho birambuye n’Umuvugizi w’Umusigire wa RIB, Dr Murangira B Thierry muri iyi Video.

Bafashwe bari mu kabari banywa inzoga bitemewe

Umuvugizi wa Polisi mu Ntara y’Amajyepfo, SP Theobald Kanamugire, avuga ko abo bantu bafatiwe mu gasanteri ka Kabadaha mu Kagari ka Munazi, Umurenge wa Mushishiro mu masaha ya saa munani z’amanywa bari mu kabari banywa inzoga.

Yagize ati “Nk’uko bisanzwe Polisi yari iri mu kazi kayo ka buri munsi ko kugenzura iyubahirizwa ry’amabwiriza yo kwirinda ikwirakwira ry’icyorezo cya Covid-19, ni bwo Abapolisi bageze ku kabari ka Gashirabake basangamo abantu 22 barimo banywa inzoga begeranye nta n’umwe wambaye agapfukamunwa.

Mu mabwiriza ajyanye no kwirinda ikwirakwira rya Covid-19, nta na rimwe bubahirije kuko n’ubusanzwe utubari ntitwemerewe gufungurwa”.

SP Kanamugire avuga ko abo bantu bafashwe baturuka mu mirenge itatu y’Akarere ka Muhanga ariyo Mushishiro, Rugendabari na Muhanga. Abo bantu bamaze gufatwa baraganirijwe bibutswa uruhare rwabo mu gukumira ikwirakwira ry’icyo cyorezo no kwirinda ingaruka zayo.

Yibukije abaturage ko nubwo hari serivisi zagiye zikomorerwa bitavuze ko icyorezo cyarangiye, abasaba kutirara ahubwo bakarushaho kubahiriza amabwiriza.

Ati “Covid-19 ntaho yagiye iracyahari, niba mukurikira neza amatangazo ya Minisiteri y’ubuzima ya buri munsi mubona ko muri iyi minsi Intara y’Amajyepfo ari ho harimo kwiganza ubwandu bw’iyo ndwara, ndetse hari imwe mu mirenge yashyizwe mu kato. Turabakangurira kubahiriza amabwiriza yose ajyanye no kwirinda icyo cyorezo. Mwirinde utubari, aho muri hose mujye muhana intera, mwirinde amakoraniro, mwambare agapfukamunwa, mugire isuku mukaraba amazi meza n’isabune n’andi mabwiriza yose”.

Abafashwe bahise bajyanwa kuri Sitasiyo ya Polisi ya Mushishiro barigishwa banacibwa amande nk’uko amabwiriza abiteganya.

Ku itariki ya 10 Mata 2021 hafashwe uwitwa Ndahiro Rutagengwa Jean Bosco w’imyaka 33, tariki ya 12 Mata 2021 hafatwa Sibobugingo Benjamin w’imyaka 23 (azwi ku izina rya Sibori), kuri uwo munsi hanafatwa uwitwa Ntakirutimana Pierre w’imyka 21(bakunze kwita Kiragi cyangwa Kihebe).

Umuvugizi wa Polisi y’u Rwanda mu Ntara y’Amajyepfo, SP Theobald Kanamugire, avuga ko mbere y’uko abo batatu bafatwa, tariki ya 01 Mata 2021 hari habanje gufatwa uwitwa Iradukunda Leonidas w’imyaka 22 (uyu dosiye ye yamaze gushyikirizwa ubushinjacyaha) akaba ari na we watanze amakuru avuga uko yakoranaga na bariya batatu, nk’uko bigaragara ku rubuga rwa Polisi y’Igihugu.

SP Kanamugire yagize ati “Abaturage batanze ibirego bavuga ko hari abantu batazi babatega nijoro bafite imihoro n’inkota bakabambura amafaranga n’amatelefoni byaba ngombwa bakakwambura ibyo wambaye nk’ikoti cyangwa inkweto. Ibyo bikorwa byaberaga mu mirenge wa Nyamabuye na Shyogwe, twahise dutegura igikorwa cyo gufata abo bantu”.

Akomeza avuga ko ku itariki ya 31 Werurwe 2021 hari abajura bateze abantu babiri mu Murenge wa Shyogwe barabatema byoroheje baranabambura, bucyeye tariki ya 01 Mata hafatwa uwitwa Iradukunda Leonidas, uyu niwe waje kuvuga bamwe mu bagize itsinda yakoranaga naryo nyuma haza gufatwa Sibobugingo, Ntakirutimana na Ndahiro Rutagengwa Jean Bosco.

Ati “Iradukunda amaze gufatwa yavuze ko bajyaga kwiba bitwaje imihoro n’inkota bagategera abantu mu nzira hagati ya saa mbiri z’ijoro na saa yine. Uwateraga amahane adashaka kubaha ibyo bamusabye niwe batemaga. Nyuma bagenzi be batatu na bo barafashwe bemera ko bibaga muri iyo mirenge bakaba bari babimazemo igihe kinini kuko bagendaga bahindura aho biba”.

Umuvugizi wa Polisi mu Ntara y’Amajyepfo yavuze ko abaturage batatu bo mu Murenge wa Nyamabuye ari bo bari bamaze gutanga ibirego ko batezwe n’abajura bitwaje intwaro na ho mu Murenge wa Shyogwe abantu babiri ni bo batanze ibirego.

Yakomeje avuga ko Sibobugingo Benjamin yari aherutse kuva iwawa aho yari amaze umwaka wose agororwa nyuma yo gufatirwa mu bikorwa by’ubujura n’ubuzererezi, na ho Ntakirutimana akaba yari avuye muri gereza nyuma yo kurangiza igihano cy’imyaka ibiri yari yarakatiwe n’inkiko nyuma yo guhamwa n’icyaha cyo gukoresha ibiyobyabwenge.

SP Kanamugire yashimiye abaturage batanze amakuru abasaba gukomeza ubwo bufatanye barwanya ibyaha. Yanakanguriye urubyiruko gukura amaboko mu mifuka bagakora bakirinda ibikorwa byose bibagusha mu byaha kuko bidateze kubahira.

Ati “Turashimira abaturage bakomeje kugaragaza uruhare mu kwicungira umutekano ariko tunabizeza ubufatanye. Ku bufatanye n’abaturage ubu hakajijwe amarondo ya nijoro cyane cyane yibanda ahakunda kuvugwa ibikorwa bihungabanya umutekano, byose Polisi y’u Rwanda izabifatanyamo n’abaturage binyuze mu marondo yabo.”

Abafashwe uko ari batatu bahise bashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Nyamabuye kugira ngo hakorwe iperereza hamenyekane n’abandi baba bakoranaga. Ni mu gihe uwitwa Iradukunda Leonidas idosiye ye yamaze gushyikirizwa ubushinjacyaha.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 168 ivuga ko kwiba hakoreshejwe kiboko cyangwa ibikangisho bihanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Iyo kiboko cyangwa ibikangisho byakoreshejwe ubujura byateye indwara cyangwa kubuza umuntu kugira icyo yikorera ku buryo budahoraho, uwakoze icyaha ahanishwa igifungo kirenze imyaka irindwi (7) ariko kitarenze imyaka icumi (10).

Iyo kiboko cyangwa ibikangisho byateye indwara idakira, ubumuga buhoraho butuma umuntu atagira icyo yikorera cyangwa byateye kubura burundu umwanya w’umubiri, uwakoze icyaha ahanishwa igifungo kirenze imyaka icumi (10) ariko kitarenze imyaka cumi n’itanu (15).

Iyo kiboko cyangwa ibikangisho byakoreshejwe hatagamije kwica ariko bigatera urupfu, igihano kiba igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25).

Nyamara iyi misa yaje gusubukurwa ku itariki nk’iyi ya 13/04/2021 iba mu mutekano ndetse irasozwa.

Abatutsi barokokeye muri iki kigo bashima cyane Padiri Uwimana Chrisostome kubera uburyo yababaye hafi mu bihe bitari biboroshye bya Jenoside yakorewe Abatutsi.

Padiri Uwimana Chrisostome ashimwa ubumuntu yagaragaje ubwo yarengeraga Abatutsi Interahamwe zashakaga kwica

Padiri Chrisostome yinginze Interahamwe azibuza kumena amaraso y’abantu bari bamuhungiyeho, Ati “Ndabaha amafaranga, mfite inka z’imbyeyi ndazibaha ariko ntimumene amaraso y’aba bantu.”

Nyamara Interahamwe ntizamwumviye, zaranze zirabica.

Padiri Chrisostome tariki nk’iyi 13/04/1994 yarimo asomera Missa Abatutsi bari bahungiye mu Kiriziya ya Karoli Lwanga iherereye i Nyamirambo muri Saint Andre. Iyi Missa ntiyasoje kuko barashweho igisasu bakwira imishwaro. Uyu munsi dusoza icyumweru cyo #Kwibuka27 Misa irasoje. pic.twitter.com/92QfGgOM6H

— Kigali Today (@kigalitoday) April 13, 2021

Perezida Kagame

Ibi Umukuru w’Igihugu yabigarutseho mu nama y’iminsi ibiri yitabiriye ku wa Mbere tariki 12 Mata 2021, inama yiga ku ikorwa ry’inkingo muri Afurika, ikaba yarateguwe n’Umuryango wa Afurika yunze Ubumwe (AU), hamwe n’Ikigo gishinzwe kugenzura no gukumira indwara muri Afurika (Africa CDC).

Raporo y’Ishami ry’Umuryango w’Abibumbye ryita ku Buzima, OMS, igaragaza ko Umugabane wa Afurika utarimo kwihuta mu kugeza inkingo z’icyo cyorezo.

Umuntu umwe mu basaga 500 muri Afurika ni we umaze gukingirwa, ni mu gihe umuntu umwe muri bane mu bihugu byateye imbere amaze guhabwa urukingo rwa mbere.

Ubufatanye hagati ya Leta n’abikorera ni kimwe mu bintu by’ingenzi Perezida Kagame yagaragaje ko bikenewe kugira ngo iyo ntego yo kwikorera inkingo zirimo n’iza COVID-19 igerweho.

Perezida Kagame yavuze ko umugabane wa Afurika ukeneye ubushobozi bwo kwikorera inkingo n’indi miti ikenerwa kwa muganga ndetse n’ibindi bikoresho bitandukanye, ibi bikaba bijyanye na gahunda ibihugu bya Afurika byiyemeje yo kongera amafaranga agenerwa ibyerekeranye n’ubuzima.

Perezida Kagame yavuze ko aherutse kugirana ibiganiro na zimwe mu nganda zifite ubushobozi bwo gukora inkingo za COVID-19, hakaba harimo urwagaragaje ko rufite ubushake bwo kwagurira ibikorwa byarwo ku mugabane wa Afurika.

Perezida Kagame yavuze ko hari bagenzi be b’abayobozi muri Afurika baganiriye kuri iyo ngingo, ariko bakaba bateganya no kubigeza no ku bandi.

Umukuru w’Igihugu yongeyeho ko Afurika na yo ifite gahunda yo gukomeza kwishakamo ubushobozi bwo gukora inkingo, u Rwanda rukaba ngo rwiteguye gukomeza gutanga umusanzu warwo mu guteza imbere ibijyanye n’ubuzima ku mugabane wa Afurika.

Mu bandi bitabiriye iyo nama yabaye hifashishijwe ikoranabuhanga, harimo Perezida Félix Antoine Tshisekedi wa Repubulika iharanira Demokarasi ya Congo ari na we uyoboye Umuryango wa Afurika yunze Ubumwe, Cyril Ramaphosa wa Afurika y’Epfo na Macky Sall wa Senegal.

Yitabiriwe kandi n’abandi bayobozi barimo Moussa Faki Mahamat uhagarariye Komisiyo ya Afurika yunze ubumwe, Dr. Ibrahim Assane Mayat, Umuyobozi mukuru w’ishami rishinzwe iterambere rya Afurika yunze ubumwe n’Ubufatanye mu gutsura iterambere rya Afurika (AUDA-NEPAD).

Dr Tedros A. Ghebreyesus

Dr. Ngonzi Okonjo-Iweala

Mu zindi nzobere zitabiriye iyo nama harimo Dr Tedros A. Ghebreyesus, uyobora Ishami ry’Umuryango w’Abibumbye ryita ku buzima (WHO), Dr. Ngonzi Okonjo-Iweala Umuyobozi Mukuru w’Umuryango Mpuzamahanga w’Ubucuruzi ‘World Trade Organisation’ (WTO), Winnie Byanyima, Umuyobozi Mukuru wa Porogaramu y’Umuryango w’abibumbye yo kurwanya SIDA (UNAIDS), Dr. Vera Songwe, Umunyamabanga Nshingwabikorwa wa Komisiyo y’Ubukungu bwa Afurika, Steven Masiyiwa, Intumwa yihariye ya Afurika yunze Ubumwe ku bijyanye n’icyorezo cya COVID-19, ndetse na Prof. Senait Fisseha, Umuyobozi wa porogaramu mpuzamahanga muri ‘Susan Thompson Buffet Foundation’.

Félix Antoine Tshisekedi

Cyril Ramaphosa

“Africa needs to expand production capacity for vaccines & other essential medical products. For Africa to move from being very sorry for ourselves, we have to take the blame for that & move from what we know hasn’t worked well for Africa to something we can do.” President Kagame pic.twitter.com/RqqCNz2XOh

— Presidency | Rwanda (@UrugwiroVillage) April 12, 2021

Umuyobozi wa Polisi mu Karere ka Bugesera, SP Issa Bacondo yibukije abaturage ko kubahiriza amabwiriza yo kurwanya COVID-19 ari ukurengera ubuzima bwa benshi

Igikorwa cyatangiye ku isaha ya saa munani n’igice kigeza saa kumi n’imwe n’igice. Muri iki gikorwa hari umuyobozi w’Akarere ka Bugesera wungirije ushinzwe imibereho myiza y’abaturage, Imanishimwe Yvette, ari kumwe n’umuyobozi wa Polisi mu Karere ka Bugesera, Superintendent of Police(SP) Issa Bacondo.

Abo bantu 164 bose nyuma yo gufatwa bajyanywe muri sitade ya Bugesera baraganirizwa. Umuyobozi w’Akarere ka Bugesera wungirije ushinzwe imibereho myiza y’abaturage yakanguriye abaturage ko badakwiye kwirara ngo barenge ku mabwiriza yo kwirinda COVID-19 abagaragariza ko icyorezo kigihari bakaba bagomba kubahiriza amabwiriza yo kukirinda uko yakabaye.

Yagize ati “Hari bamwe mu bantu muri iyi minsi ubona basa nk’abiraye bakumva ko icyorezo cyarangiye ndetse bagatangira kwica nkana amabwiriza yo kukirinda. Ni yo mpamvu inzego ziba zakoranye kugira ngo zigenzure bene abo bantu bafatwe baganirizwe bongere bikosore bubahirize amabwiriza uko yakabaye.”

Yakomeje avuga ko iyo Leta yafashe icyemezo cyo gukomorera zimwe muri serivisi bitavuze ko icyorezo cyarangiye. Avuga ko bitumvikana ukuntu kugeza ubu hari umuntu utarabasha kumva uko yambara agapfukamunwa n’impamvu yo kukambara mu gihe nyamara inzego zitandukanye cyane cyane iz’ubuzima zihora zibisobanura.

Ati “Mu bantu bafashwe harimo abarimo gutembera mu Mujyi wa Nyamata batambaye agapfukamunwa, abandi bakambaye nabi kari ku kananwa batapfutse guhera ku mazuru n’umunwa, hari abafashwe batahanye intera ndetse na bamwe mu bacuruzi batari bafite za kandagira ukarabe. Inzego z’ubuzima ndetse n’izindi nzego nta gihe badasobanurira abantu ko kubahiriza biriya bintu biri mu birinda ikwirakwira rya COVID-19.”

Imanishimwe yakomeje akangurira abaturage bo mu Karere ka Bugesera kurushaho kubahiriza amabwiriza kugira ngo abaturage bo muri ako Karere batazongera gufatirwa ibyemezo byo kuguma mu Karere nk’uko mu minsi ishize byari byagenze.

Umuyobozi wa Polisi mu Karere ka Bugesera Superintendent of Police(SP), Issa Bacondo yibukije abaturage ko Polisi y’u Rwanda itazigera itezuka ku kugenzura ko abantu bubahiriza amabwiriza kandi abazajya bafatwa bazajya babihanirwa. Yabagaragarije ko ikigamijwe atari uguhana ko ahubwo buri muntu kubahiriza amabwiriza yo kwirinda COVID-19 akwiye kubyumva akabigira ibye kuko biri mu rwego rwo kurengera ubuzima bwe n’ubw’abandi.

Ati “Buri muntu akwiye kumva ko kwirinda no kurinda mugenzi we iki cyorezo ari inshingano ze ntibibe ngombwa ko inzego zitandukanye zitegura igikorwa nk’iki cyo gufata abarenze ku mabwiriza. Igihe ariko hari abakomeje kugaragaza kwinangira bakarenga ku mabwiriza hazajya hafatwa ibyemezo.”

Abafashwe bose uko ari 164 nyuma yo kuganirizwa ku kamaro ko kubahiriza amabwiriza yo kwirinda COVID-19 baciwe amande bararekurwa barataha.

Ni inkuru dukesha Polisi y’u Rwanda

Inkuru yatangajwe n’Ubushinjacyaha bw’u Rwanda ivuga ko tariki ya 21 Werurwe 2021 mu Mudugudu wa Ramba, Akagari ka Ramba, Umurenge wa Mata, Akarere ka Nyaruguru, hagaragaye umugabo ukurikiranyweho icyaha cyo gusambanya abana batatu b’abakobwa bari mu kigero cy’imyaka itandatu. Umwana umwe mu basambanyijwe avuga ko yari kumwe na bagenzi be babiri aho bari bari gutora inkwi, uyu mugabo abashukisha amandazi arangije arabasambanya.

Abana baratashye babibwira ababyeyi, na bo babivuga mu nama y’abaturage yabaye bukeye bwaho tariki ya 22 Werurwe 2021. Ubuyobozi bwahise busaba ko abana bahohotewe bajyanwa kwa muganga, uregwa na we arakurikiranwa.

Uregwa aramutse ahamwe n’icyaha akurikiranyweho, yahanishwa igihano cy’igifungo cya burundu. Icyaha cyo gusambanya umwana giteganywa kandi kigahanishwa ingingo ya 4 y’ Itegeko no 069/2019 ryo ku wa 8/11/2019 rihindura itegeko no 068/2018 ryo ku wa 30/08/2018 riteganya ibyaha n’ ibihano muri rusange.

Kayitaramirwa Sylvia

Abarokotse Jenoside barimo Kayitaramirwa Sylvia, mu buhamya bwabo, bagaruka ku bugome ndengakamere bwakozwe muri Jenoside yakorewe Abatutsi, dore ko byinshi babyiboneye, ndetse na bo bakaba bararokotse ku bw’amahirwe.

Kayitaramirwa Sylvia avuka ahahoze ari muri Segiteri Gasogi, ubu ni mu Murenge wa Nyamirama mu Karere ka Kayonza mu Ntara y’Iburasirazuba.

Ubwo Jenoside yatangiraga, Kayitaramirwa Sylvia yari afite imyaka 18 y’amavuko, akaba yari uwo mu muryango w’abana 19.

Ubwo ubwicanyi bwarushagaho gufata intera yo hejuru by’umwihariko mu gace bari batuyemo mu matariki 13 Mata 1994, abo mu muryango we baratatanye, bamwe bahungira ku musozi wa Nkamba witegeye icyuzi cya Ruramira.

Icyuzi cya Ruramira

Icyo cyuzi cyubatswe hagati mu myaka ya 1983-1987, kugira ngo gifate amazi yo kwifashisha mu kuhira imyaka cyane cyane umuceri.

Nyamara Interahamwe zo zakibonye nk’ahantu hazifasha kwihutisha umugambi wazo wo kumaraho Abatutsi.

Mbere yo guhunga, Kayitaramirwa avuga ko yari asigaranye na musaza we mukuru ndetse na murumuna we. Ngo babanje kujya kwa Konseye wayoboraga Segiteri witwa Paul Gakwavu, bamusaba ko yabafasha akabahisha akanabacungira umutekano.

Ati “Nyamara aho kudufasha, yaduhaye umuhungu we wari umwalimu aramubwira ati Jyana uwo mwanda aho ugomba kujya.”

Uwo mwalimu ngo yarabajyanye, bageze ku muhanda munini bahura n’igitero kinini cy’Interahamwe, arabawira ngo nibasange izo Nterahamwe zibafashe.

Abavandimwe babiri bari kumwe na Kayitaramirwa ntibabashije kurokoka icyo gitero, ariko ku bw’amahirwe Kayitaramirwa we yarirutse arabacika ahungira ku musozi wa Nkamba asanga abandi bavandimwe be bari bahahungiye.

Muri icyo gihe bari kuri uwo musozi ngo bari bitegeye icyuzi cya Ruramira bigaragara ko nta bikorwa byo kwicirayo abantu byari byatangira kuhakorerwa.

Nyuma yo kumara iminsi ine kuri uwo musozi nta biribwa bafite, ngo barashonje, umubyeyi wabo (se) yiyemeza kuhava asubira ku icumbi gushakayo ibyo barya, ariko ngo ntiyagarutse.

Nyuma yo kumara iminsi irindwi kuri uwo musozi, nyina wa Kayitaramirwa yasanze bagomba kuva kuri uwo musozi bagasubira iwabo aho bari batuye baramuka bapfuye bakaba ari ho bagwa kuko nta yandi mahitamo bari bafite.

Bamwe mu baturanyi babo na bo bari bahungiye kuri uwo musozi bashyigikiye icyo gitekerezo, biyemeza kuva kuri uwo musozi.

Bakigera hpfo y’umusozi ngo bahuye n’igitero cy’Interahamwe zibasaba kubaha amafaranga zikabareka bakagenda, cyangwa se zikabica.

Izo Nterahamwe ngo zafashe abakecuru babiri batabashije kubona amafaranga yo kuziha babajugunya munsi y’ikiraro.

Kayitaramirwa avuga ko umubyeyi we yahaye izo Nterahamwe amafaranga 800 yari afite kugira ngo zibareke bakomeze. Icyakora muri icyo gihe Kayitaramirwa we ngo yahise abacika ariruka asubira kuri wa musozi.

Amatariki ntayibuka neza kubera ihungabana yahuye na ryo biturutse kuri ibyo bihe bikomeye, gusa yibuka ko ku munsi wakurikiyeho wari uwo guhiga bukware Abatutsi.

Umubyeyi we (nyina na bamwe bo mu muryango we bajyanywe ku cyuzi cya Ruramira, Interahamwe zizamuka hejuru ku musozi zivanayo abandi batutsi bari bihisheyo zibazana kuri icyo cyuzi, Kayitaramirwa na we zimuvanayo hamwe n’abandi.

Kayitaramirwa avuga ko yabonye nyina yicirwa kuri icyo cyuzi cya Ruramira, hanyuma we agezweho, Interahamwe zimuha amahitamo atatu.
Ziti “Urahitamo abagabo babiri bafate amaguru yawe bagutanyuremo kabiri, cyangwa se tuguteme, cyangwa se tugusambanye kugeza upfuye.”

Kayitaramirwa ngo yabuze icyo ahitamo muri ibyo bitatu, mu gihe agitakambira izo Nterahamwe, ngo zifata umwanzuro wo kumujugunya muri icyo cyuzi ari muzima.

Icyakora ku bw’amahirwe yaje kurokoka, ubu akaba ari umubyeyi w’abana babiri.

Ati “Baramboshye, banjugunya mu cyuzi, bankurikiza n’ibiti bisongoye. Icyakora nagerageje koga mvamo, barongera baramboha babanje kunyambura imyenda yose nari nambaye kugira ngo bankoze isoni.

Interahamwe zakomeje kumukorera urugomo rwo kumujugunya mu mazi zibanje kumuboha yavamo zikongera zikamusubizamo, zibikora inshuro zirindwi zose, ariko ku nshuro ya karindwi, zimukorera ibibabaje kurusha ibya mbere.

Ati “Ku nshuro ya karindwi banjugunyemo mpambiriye amaboko n’amaguru bampambiraho amabuye rimwe mu gituza irindi mu mugongo, kugira ngo ntongera kwivana mu mazi.”

Kayitaramirwa ngo yagerageje gukoresha imbaraga nke yari afite kugira ngo atibira munsi ahubwo agerageza kuzamuka hejuru, agize amahirwe ibuye rimwe rimuvaho bituma umutwaro wari umuremereye usa n’uworoshye.

Ati “Haje Interahamwe yari ikuriye izindi ivuye kwica Abatutsi ahandi, ihageze iravuga iti kuki mwishe umuzungu? aroga ankuramo arampambura ankandagira ku nda nduka amazi nari nasomye.”

“Nari umukobwa w’inzobe cyane mfite n’uruhu rukeye, iyo Nterahamwe itekereza ko naba ndi umuzungu, antwara iwe ndahaba kugeza Inkotanyi zihageze.”

Kayitaramirwa avuga ko byamugoye kuba mu rugo rw’uwo mugabo witwaga Iyakaremye kuko yari Interahamwe ikomeye ndetse iwe akaba ari ho Interahamwe zazaga kurira zigamba ibyo zimaze gukora.

Avuga ko ngo uwo Iyakaremye yavugaga ko Kayitaramirwa namara gukura bazamugira umugore akabyara abana b’Abahutu.

Kayitaramirwa avuga ko kuri uwo munsi yahuye n’akaga gakomeye kuko kuri icyo cyuzi batangiye kuhatoterezwa kuva mu gitondo nka saa kumi n’ebyiri, ahava saa kumi n’ebyiri z’Umugoroba.

Iyo nterahamwe yagiye kumucumbikira ngo yamuhaye ijaketi yo kwambara ahisha ubwambure, abagore babiri baramusindagiza kuko we atabashaga kugenda.

Mu nzira bagenda, Kayitaramirwa yibuka ko yabonye Interahamwe zica Umututsi zirangije zinywa amaraso ye.

Ngo yagumye mu rugo rw’iyo nterahamwe iminsi mike, akomeza kubabara ku bw’ibikomere yari afite, kugeza ubwo Inkotanyi zahageraga zigafata Kayonza, ziramurokora.

Umuyobozi wa Ibuka mu Karere ka Kayonza Ndindabahizi Didace avuga ko icyo gice cyo muri Kayonza Inkotanyi zakibohoye hagati y’amatariki ya 17-20 Mata 1994.

Kayitaramirwa yahise atangira kuvurwa, akira ibikomere byagaragaraga ku mubiri, ariko agakomeza kugira ikibazo gikomeye cy’ihungabana, igihe yabaga yibutse ibihe bigoye yanyuzemo.

Yagize amahirwe yo kongera guhura na basaza be babiri, nyuma ya Jenoside yakorewe Abatutsi yibanda ku bikorwa by’ubuhinzi bimufasha mu mibereho.

Kayitaramirwa ubu ni umuhinzikazi, akabifatanya no gukora umwuga w’ubudozi. Icyakora avuga ko yumva afite inzozi zo gukora ubuhinzi bw’umwuga.

Avuga ko yahawe n’inka muri Girinka irapfa, ariko akaba yizeye ko azahabwa indi.

Amazi yari muri iki cyuzi yakuwemo mu rwego rwo gushakisha imibiri

Igikorwa cyo gushakisha imibiri y’Abatutsi bishwe muri Jenoside yakorewe Abatutsi muri Mata 1994 bakajugunywa mu cyuzi cya Ruramira cyatangiye muri Nyakanga umwaka wa 2019 gisubikwa ku wa 05 Gicurasi 2020 kubera icyondo cyinshi cyaterwaga n’imvura.

Icyo gihe hari hamaze kubonekamo imibiri 218. Iyo mibiri ubu iri ku rwibutso rwa Jenoside rwa Ruramira aho yamaze gutunganywa hakaba hategerejwe ko igikorwa cyo gushakisha iyindi kirangira hagategurwa uburyo bwo kuyishyingura mu cyubahiro.

Mu buhamya bwe, Dusengiyumva avuga ko yavukaga mu muryango w’abana batanu, abo bavukana uko ari bane ndetse n’ababyeyi babo bakaba barishwe muri Jenoside, arokoka wenyine binyuze mu nzira ndende kandi igoye.

Nubwo ababyeyi be bishwe muri 1994, ariko na mbere yaho baratotezwaga mu buryo butandukanye. Avuga ko se yari umushumba w’itorero (Pasiteri), naho nyina akaba yari umuganga, ayobora ikigo nderabuzima.

Akenshi ngo se yababwiraga ko kuva muri 1973, yari ageze mu mwaka wa gatanu w’amashuri yisumbuye, ariko nubwo atigeze ahagarika kwiga, yarinze yicwa muri 1994, atarangije iyo myaka ibiri ngo abone impamyabumenyi ye.

Dusengiyumva avuga ko kuba se atarabonaga impamyabumenyi, bitaterwaga n’uko yari umuswa, kuko ngo bajyaga babona indangamanota ze, bakabona atsinda neza, gusa ngo iyo umwaka w’amashuri wajyaga kurangira, ntibaburaga ibyo bamushinja, rimwe na rimwe akanafungwa, bityo akadindira.

Nyina na we, nubwo yari umuganga bahoraga bamutumiza kuri parike (ubushinjacyaha), bamushinja ko ahungabanya umutekano w’igihugu kandi ngo ntabyo yabaga yakoze.

Mu gihe cya Jenoside muri 1994, indege y’uwari Perezida w’u Rwanda icyo gihe imaze guhanuka, ku itariki ya 07 Mata, ngo nta kintu kidasanzwe cyabaye aho bari batuye, keretse amarondo yatangiye gukorwa, ku buryo umuntu yari gutekereza ko hari ikintu kibi kigiye kuba.

Mu minsi mike yakurikiyeho, batangiye kubona abantu bahunga baturuka mu Bugesera, batemaguwe, abandi batwikirwa. Kugeza ku itariki ya 12 Mata, ngo nibwo ibitero byatangiye kwica Abatutsi no kubatwikira aho muri Komini Ntongwe.

Umunsi wakurikiyeho nibwo uwari Burugumesitiri wa Komini Ntongwe witwaga Kagabo yagiriye inama abaturage bo muri za segiteri zose yo guhungira kuri Komini, ngo kuko bazaharindirwa.

Uko birwanyeho

Dusengiyumva, avuga ko umutekano bari bijejwe kubona kuri Komini ntawo babonye, kuko ngo intego yari ukubakusanyiriza hamwe, kugira ngo babone uko babica. Ngo hari hateraniye abantu benshi bagera nko ku bihumbi ijana, ariko nta mazi yari ahari, nta cyo kurya, mu by’ukuri ngo bwari ubuzima bugoye cyane.

Samuel Dusengiyumva (umwana wambaye agapira karimo ibara ritukura, useka) hamwe na se na nyina n’abavandimwe be n’abashyitsi bari babasuye

Nyuma y’iminsi ibiri, ibitero by’interahamwe byatangiye kubasanga kuri Komini, bagerageza kwirwanaho nubwo nta ntwaro babaga bafite, kuko Umututsi wageraga aho kuri Komini, Burugumesitiri n’abapolisi bahitaga bamwambura icyo yabaga yitwaje cyose, yaba inkoni cyangwa umuhoro, bikabikwa.

Birwanyeho rero bakoresheje amabuye, abana n’abagore bakayarunda, abagabo n’abasore bakayatera. Iminsi ibiri ibanza basubijeyo ibitero, ku munsi wa gatatu igitero cyaje kirimo n’abasirikare bica abantu batanu, mu bageragezaga kwirwanaho, bahita batangira kubona ko ibintu bikomeye.

Nyuma y’icyo gitero byagaragaye ko batazashobora kubatsinda aho kuri Komini, kuko hari ahantu ku musozi, igitero kikaza bakibona, bakitegura. Burugumesitiri Kagabo yahise atumiza abandi basirikare n’abajandarume ndetse n’abapolisi kuri Superefegitura ya Nyanza n’iya Ruhango, icyo gihe arangije abwira Abatutsi bari bahungiye kuri Komini ko kuhabarindira bitagishobotse.

Uwo Burugumesitiri Kagabo yabagiriye inama yo guhungira kuri Superefegitura ya Ruhango, ariko wari umutego, kuko inzira iva aho kuri Komini igana kuri Superefegitura yanyuranga ahantu hari ikibaya cyitwa Nyamukuma kiri hagati y’imisozi, aba ari ho babategera igico, kuko ntibashoboraga kwirwanaho.

Ku itariki 20 Mata, Abatutsi bavuye kuri Komini bagerageza kujya kuri Superefegitura bageze muri icyo kibaya, basanga bahabategeye, barabarasa babatera za gerenade, ku buryo nko mu minota mirongo itatu bamaze barasa, Abatutsi bari bahunze, hafi ya bose bari baryamye hasi, abenshi bapfuye.Nyuma interahamwe ziraza zirabatemagura kuko ntibashoraga kwirwanaho.

‘Mujyane, hari igihe ari we wazarokoka!’

Dusengiyumva avuga ko aho ari ho yatandukaniye n’umuryango we, icyakora ajyana na murumuna we umwe na Nyirarume, bagenda bahunga baza kugera i Shyogwe, Nyirarume amushyira mu muryango wari inshuti z’iwabo, na murumuna we bamuhisha mu wundi muryango baturanye,naho uwo Nyirarume akomereza i Kabgayi aho yaje kwicirwa na we.

Nyina wa Dusengiyumva na we yaje kugera aho i Shyogwe, we yihisha mu cyumba cy’ishuri, nyuma igihe cyo guhunga kigeze, kuko ingabo za RPF, zagendaga zisatira aho i Shyogwe, umugore wo mu rugo rwari ruhishe Dusengiyumva yagiye kubaza nyina ati, “Ese uyu mwana ko nari muhishe tukaba tugiye guhunga muguhe cyangwa se tujyane?”

Samuel Dusengiyumva

Nyina wa Dusengiyumva ngo yamusubije ijambo rikomeye ryamuherekeje mu buzima bugoye yanyuzemo nyuma ya Jenoside. Ngo yaramubwiye ati, “Uwo mwana n’ubundi ni wowe wari umuhishe mujyane, hari igihe ari we wazarokoka.”

Uko ni ko byagenze kuko murumuna we wari warahishwe n’undi muryango w’aho i Shyogwe, mu gihe cyo guhunga bageze i Kaduha ku Gikongoro, yahuye n’abana biganaga bamuzi bamwereka interahamwe ziramwica.

Abandi bana babiri bavukanaga bahunganye na se, agerageza kugera ku ishuri rya paruwasi kuko yari Umupasiteri, ariko ntabyamukundira kuko yageze kuri bariyeri baramwica, abana bari kumwe na we basubira inyuma, ariko Burugumesitiri Kagabo arabafata, abohereza aho bakomoka na bo barabica.

Nyina na we yagerageje guhunga ari kumwe n’umwana w’umuhererezi bari kumwe, bageze ahitwa i Mushubati, ahasanga interahamwe zimuzi zimwicana n’uwo mwana bari kumwe.

Ku Gikongoro, Dusengiyumva yagarukiye hejuru y’icyobo

Dusengiyumva n’umuryango wamuhishe bageze ku Gikongoro, yibwiye ko ari kure y’aho akomoka, ko nta kibazo, ngo ajya mu isoko ari kumwe n’umwana wo mu muryango wari umuhishe. Agezeyo, ahura n’umwana biganaga, abwira interahamwe ati, ‘mbonye umwana wo kwa Ruhamya’.

Icyo gihe ngo bamukozeho uruziga bagiye kumwica, bamwegereza icyobo, bamukuramo imyenda, ariko umwe muri bo abwira bagenzi be ko se w’uwo mwana yari Pasiteri, ngo bareke abanze asenge, gusa umwana wo mu muryango wari umuhishe, yabonye bamufashe ajya kubwira ababyeyi be.

Nyuma umubyeyi wo muri urwo rugo, yahise yitabaza umupolisi wari hafi aho, ati ‘bagiye kunyicira umwana’ uwo mupolisi ahita aza arahamukura asubira mu muryango wari umuhishe, ariko atangira kubona ko aho atazahakirira ashakisha uko yahava’.

Dusengiyumva yaje kubona Abasirikare b’Abafaransa, abasaba kumukura aho, bashaka kumwangira, ariko arakomeza arahatiriza birangira bamushyize mu ikamyo yabo bamujyana aho bari bafite ibirindiro i Murambi.
Ahageze nabwo yabonye ko nta mutekano uhari kuko interahamwe zajyaga ziza zigatwara abantu cyangwa zikabicira ku irembo ry’icyo kigo cya Murambi Abafaransa barebera ntibagire icyo bakora, ikindi kandi ngo yabonaga Abasirikare ba Habyarimana bahora baza aho, bakaganira n’abo Bafaransa.

Ibyo byatumye rero ashaka uko yazagera mu gice cyari cyarafashwe n’Inkotanyi, ni ukuvuga icyari Butare icyo gihe. Nubwo byari bigoye cyane kuhagera kuko hari n’abandi bagendaga basubira mu gice cyafashwe n’Inkotanyi, na we yarabigerageje birakunda, arahagera yakirwa neza, anahasanga bamwe mu bo bari kumwe i Murambi.

Abana be bose yabise izina rya se ‘Ruhamya’

Kimwe mu bintu Dusengiyumva avuga ko byamugoye kubyumva ni ukuntu uwigishije ingengabitekerezo ya Jenoside yabigenje ku buryo igera no mu bana bato, kuko ngo bahunga hari aho banyuze basanga abana bari hagati y’imyaka 5-10, babatera amabuye, na we ubwe rimwe rimukomeretsa mu mutwe ariko arakomeza, akibaza ukuntu byari byarinjiye no mu mitwe y’abana bato ko Abatutsi bagomba gupfa.

Nyuma yo kurokoka, Dusengiyumva yakomeje amashuri ye, arangiza kaminuza muri 2005, kuko yumvaga ashaka kugira umuryango kugira ngo izina rya se ritazazima, yahise ashinga urugo muri 2008. Ubu afite abana bane, akaba bose yarabise izina rya sekuru ari ryo ‘Ruhamya’, bityo akaba yizeye ko mu minsi izaza hazabaho umuryango witwa ‘Abahamya’, abo bana be kandi yanabise amazina y’abavandimwe be bishwe.

Gusa ikindi Dusengiyumva avuga, ni uko yababariye abo bose bamuhemukiye. Avuga ko hari bamwe muri bo baje kumusaba imbabazi, arazibaha. Ashimangira ko gutanga imbabazi bitavuze ko ari umunyantege nke, ahubwo ngo ni amahitamo yakoze.

Reba Video y’ubuhamya bwa Dusengiyumva

Abo bantu ngo bishe umuntu mu Murenge wa Gihundwe, bakomeretsa n’undi mu Murenge wa Mururu ndetse biba n’amafaranga mu Murenge wa Kamembe muri ako Karere ka Rusizi.

Polisi iravuga ko abacyekwa bafungiye kuri Sitasiyo ya Polisi ya Kamembe.

Mwaramutse,

Twafashe abantu 12, bacyekwaho kwiba bakoresheje intwaro mu bihe bitandukanye mu Karere ka @RusiziDistrict, aho bishe umuntu mu Murenge wa Gihundwe, bagakomeretsa undi mu Murenge wa Mururu ndetse bakiba n'amafaranga mu Murenge wa Kamembe.....

— Rwanda National Police (@Rwandapolice) April 11, 2021

Ubwo hatwikwaga ibi biyobyabwenge hari uhagarariye Urwego rw’ubugenzecya(RIB), uhagarariye Polisi y’u Rwanda ndetse n’abayobozi mu nzego z’ibanze.

Umuyobozi wa Polisi w’umusigire mu Karere ka Burera, Chief Inspector of Police (CIP) Callixte Kayitana yavuze ko biriya biyobyabwenge byafashwe mu mezi atatu atambutse yo muri uyu mwaka wa 2021, bifatirwa mu bikorwa bya Polisi ku bufatanye n’abaturage.

Yagize ati” Ku bufatanye n’abaturage kuva muri Mutarama uyu mwaka twakoze ibikorwa byo kurwanya ibiyobyabwenge duhere ahantu abaturage bagiye batwereka bikunze kwinjirira muri aka Karere ka Burera. Abantu 48 nibo bafatiwe muri ibyo bikorwa ubu bashishikirijwe ubutabera, ariko hari n’abandi bagiye bashobora gucika bagahita basubira mu gihugu cya Uganda ari naho bakura biriya biyobyabwenge.”

CIP Kayitana yaburiye abantu bakishora mu bikorwa byo kwinjiza mu Rwanda ibiyobyabwenge n’ibindi bicuruzwa bya magendu kuko amayeri yose bakoresha yaramenyekanye. Yashimiye abaturage bakomeje gutanga amakuru kandi bakayatangira ku gihe asaba n’abandi kujya bihutira gutanga amakuru igihe hari abantu babonye bakora ibinyuranijwe n’amategeko.

Ati” Hari abantu bakitwikira ijoro bakanyura mu nzira zitazwi(Panya) bakajya mu gihugu cya Uganda gukurayo ibiyobyabwenge n’ibindi bicuruzwa bya magendu. Ndabakangurira kubireka kuko usibye kuba ibyo bakora ari icyaha gihanwa n’amategeko ariko bashobora no kuhaburira ubuzima bitiranijwe n’abaje guhungabanya umutekano w’u Rwanda.”

Yabasabye gushaka indi mirimo bakora yemewe n’amategeko kandi ibyara inyungu bakareka gukora ibiteme n’amategeko ndetse binagira ingaruka ku buzima bw’abaturage ndetse bikanaba intandaro y’iindi byaha.

Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Ingingo ya 5 y’Iteka rya Minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

Ni inkuru dukesha Polisi y’u Rwanda

Aba bombi bakurikiranyweho ibyaha bitandukanye harimo gukoresha nabi umutungo ufitiye rubanda akamaro, gukoresha ububasha bahabwa n’amategeko mu nyungu zabo bwite, gusonera imisoro mu buryo bunyuranye n’amategeko no gufata icyemezo gishingiye ku itonesha, ubushuti, urwango n’icyenewabo.

Ibyo byaha bakekwaho byakozwe mu bihe bitandukanye mu kwezi kwa gatanu mu mwaka ushize wa 2021.

RIB iratangaza ko abakekwa bafungiye kuri sitasiyo ya Kamembe mu gihe iperereza rikomeje kugira ngo hakorwe dosiye ishyikirizwe Ubushinjacyaha.

Umuvugizi wa Polisi mu Ntara y’Iburasirazuba, Chief Inspector of Police(CIP) Hamdun Twizeyimana yavuze ko gufatwa kw’abo bantu byaturutse ku bufatanye n’abaturage kuko nibo batanze amakuru.

Ati” Abaturage bavuga ko bakunze kubona abasore babiri bakunda kugenda mu rugo kwa Mukandera no kwa Nyirambarushimana kandi bagakunda kubona bahisha ibintu mu mirima ya bariya bagore bagira amacyenga. Babimenyesheje abapolisi bajya mu rugo kwa Mukandera bahasanga umuti w’ubururu wifashishwa mu kwigana amafaranga, bamubajije ibijyanye n’amafaranga y’amiganono agira ubwoba amenya ko byamenyekanye ababwiza ukuri.”

CIP Twizeyimana akomeza avuga ko Mukandera avuga ko tariki ya 03 Mata uwitwa Manirafasha Onesphore(aracyarimo gushakishwa) yavuye mu Mujyi wa Kigali azanye amafaranga menshi ahaho uwitwa Dusengimana Eric ibihumbi 227, Dusengimana yagiye kuyataba mu murima wa Mukandera. Abapolisi bagiye muri uwo murima bataburuye basangamo koko amafaranga ibihumbi 227 y’amiganano.

CIP Twizeyimana yagize ati” Nyuma yo kubona ayo kwa Mukandera abapolisi bagiye no kwa Nyirambarushimana Chantal kuko hari amakuru ko nawe akorana na Dusengimana Eric na Manirafasha Onesphore. Bagezeyo Nyirambarushimana ababwira ko hari amafaranga ibihumbi 170 y’amiganano yabikijwe na Manarifasha Onesphore bajya kuyataba mu murima kuko ngo hari umuti yari atarayasiga kugira ngo batangire kuyakoresha ku isoko.”

Umuvugizi wa Polisi mu Ntara y’Iburasirazuba yavuze ko nyuma yo gufata Makandera na Nyirambarushimana hakurikiyeho gushakisha Dusengimana Eric na Manirafasha Onesphore, habonetse Dusengimana gusa Manirafasha aracyashakishwa. Uyu Dusengimana avuye vuba muri gereza nyuma yo kurangiza igihano cy’imyaka ibiri yari yarakatiwe n’inkiko kubera guhamwa n’icyaha cy’ubwambuzi bushukana.

CIP Twizeyimana yashimiye abaturage bagize amacyenga bakihutira ngutanga amakuru yafashije Polisi gufata bariya bantu. Yakanguriye abacuruzi n’abandi baturage muri rusange kujya babanza gushishoza igihe bahawe amafaranga y’inoti mashya kuko hari igihe usanga ari amiganano.

Abafashwe uko ari 3 bahise bashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Karenge. Ni mugihe hakirimo gushakishwa uwitwa Onesphore wafatanyaga na bariya bandi bafashwe.

Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 269 ivuga ko Umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7).

Ni inkuru dukesha Polisi y’u Rwanda

Umuhango watumiwemo abahagarariye abandi mu rwego rwo kubahiriza ingamba zo kwirinda icyorezo cya Koronavirusi waranzwe no gucana urumuri rw’icyizere, gushyira indabo ahari ikimenyetso cyo kwibuka inzirakarengane zazize Jenoside yakorewe Abatutsi, ubuhamya n’ubutumwa bwa bamwe mu bayobozi bitabiriye iyo gahunda.

Perezida w’Umuryango w’Abanyarwanda baba muri Senegal, Patrick Karamaga watanze n’ubuhamya nk’uwacitse ku icumu rya Jenoside yakorewe Abatutsi, yagarutse ku mateka mabi yo gukwirakwiza urwango mu Banyarwanda banahereye mu mashuri y’abana bato, ashima by’umwihariko ingabo zari iza FPR Inkotanyi zahagaritse Jenoside yakorerwaga Abatutsi, zikabohora Igihugu, anasaba ko Abanyarwanda bakomeza gutahiriza umugozi umwe mu guteza imbere igihugu, kandi bagakomera ku bumwe bwabo.

Ambasaderi w’Igihugu cya Gabon muri Senegal, Michel Regis ONANGA NDIAYE wavuze mu izina ry’Abahagarariye Ibihugu n’Imiryango Mpuzamahanga muri Senegal, yagarutse ku mwanzuro w’Inteko Rusange y’Umuryango w’Abibumbye mu 2018 yemeje ko itariki ya 7 Mata ya buri mwaka ari umunsi mpuzamahanga wo kuzirikana Jenoside yakorewe Abatutsi mu Rwanda mu 1994.

Abagize uruhare muri Jenoside yakorewe Abatutsi bakihishahisha hirya no hino bakurikiranwa n’ibihugu bihishemo kimwe n’abahakana n’abapfobya Jenoside yakorewe Abatutsi. Yagaragaje ko nyuma y’imyaka 27 Jenoside ihagaritswe, Abanyafurika bose batewe ishema n’ibyiza u Rwanda rwagezeho muri icyo gihe, muri gahunda yo kubaka ubumwe bw’Abanyarwanda na gahunda z’iterambere muri rusange. Yagarutse ku ijambo rya Nyakubahwa Perezida Paul KAGAME yavuze mu gihe hibukwagwa ku nshuro ya 25 Jenoside yakorewe Abatutsi aho yagize ati : « Mu 1994 nta cyizere cyariho, hari umwijima gusa, ariko uyu munsi hari urumuri, twapfutse ibikomere, ibyo byatumye turushaho kuba umwe kandi ku buryo buhoraho. U Rwanda rwabaye umuryango umwe ».

Mu bandi batanze ubuhamya harimo Abanyasenegal barimo Mabousso THIAM, washakanye n’Umunyarwandakazi wagaragaje uko na we itotezwa ry’Abatutsi na Jenoside yabakorewe byamugizeho ingaruka zikomeye kuko Jenoside yahitanye benshi mu bo mu muryango yashatsemo n’inshuti nyinshi. Yagaragaje ko ubu u Rwanda ari Igihugu cyubashywe, kihesheje agaciro kandi cyagaruriye Abanyarwanda icyizere cyo kubaho.

Undi watanze ubuhamya ni Eugénie Rokhaya AW N’DIAYE, wabaye mu Rwanda akaba yagarutse ku kababaro n’agahinda abagore batewe na Jenoside yabagize abapfakazi ndetse ikanahitana abana babo. Yagarutse ku butwari bwabo ndetse n’uruhare rwabo mu kubaka umuryango nyarwanda nyuma ya Jenoside yakorewe Abatutsi.

Uhagarariye Guverinoma ya Senegal muri gahunda yo Kwibuka ku nshuro ya 27 Jenoside yakorewe Abatutsi, HABIB Leon NDIAYE, Umunyamabanga Mukuru muri Minisiteri y’Umuco n’Itangazamakuru yagaragaje ko Guverinoma ya Senegal yifatanyije n’Abanyarwanda muri iki gihe bibuka Abanyarwanda b’inzirakarengane basaga miliyoni bishwe muri Jenoside yakorewe Abatutsi kubera ubuyobozi bubi. Yashimye uko Abanyarwanda bishatsemo ibisubizo nyuma ya Jenoside yakorewe Abatutsi kandi agaragaza ko Senegal izakomeza gushimangira umubano mwiza uri hagati y’ibihugu byombi.

Ambasaderi w’u Rwanda muri Senegal, Jean Pierre Karabaranga, yashimye cyane umubano uri hagati y’u Rwanda na Senegal, anashima ko icyo gihugu cyanahaye ahari ikimenyetso cyo kwibuka abishwe muri Jenoside yakorewe Abatutsi. Yasabye abantu bose gukomeza kwamagana abakirangwa n’imvugo n’ibikorwa byo guhakana no gupfobya Jenoside yakorewe Abatutsi kimwe n’abakwirakwiza ingengabitekerezo ya Jenoside barimo bamwe mu Banyarwanda basize bahekuye u Rwanda na bamwe mu Banyamahanga babibafashamo.

Mu nyubako ya Kigali Arena ni ho hari hateguwe, hahurira abitabiriye ibiganiro byo kwibuka, ariko hakaba hahuriye Abayobozi bakuru b’Igihugu, abahagarariye ibihugu byabo n’imiryango mpuzamahanga, ndetse n’abayobozi b’ibyiciro bitandukanye by’Abanyarwanda.

Uku guterana byakozwe hubahirijwe amabwiriza yo kwirinda Covid-19, nk’uko bigaragara mu mafoto.

Video: Richard Kwizera
Amafoto: Muzogeye Plaisir

Kureba andi mafoto menshi, kanda HANO

Ni igikorwa cyabereye mu bice bitandukanye ahari abapolisi b’u Rwanda aho bari mu bikorwa byo kurinda impunzi z’abasivili mu nkambi zo mu gihugu cya Sudani y’Epfo.

Igikorwa cyabaye hanubahirizwa amabwiriza yo kwirinda COVID-19. Bakurikiranaga televiziyo y’u Rwanda bicaye bahanye intera hagati y’umuntu n’undi, bambaye agapfukamunwa kandi babanje gukaraba intoki n’amazi meza n’isabune.

Igikorwa cyabanjirijwe n’umunota wo kunamira abazize Jenoside yakorewe Abatutsi mu 1994.

Chief Superintendent of Police Carlos Kabayiza, umuyobozi w’itsinda ry’abapolisi bari Sudani y’Epfo (FPU-2) yavuze ko n’ubwo bari mu butumwa bw ’umuryango w’abibumbye bwo kubungabunga amahoro bitababuza kwifatanya n’abandi banyarwanda n’inshuti z’u Rwanda kunamira inzirakarengane z’abatutsi bazize Jenoside muri Mata 1994.

Yagize ati "Tuzakomeza kwibuka kandi tunakora inshingano zacu zo kubungabunga amahoro. Uyu munsi abapolisi batagiye mu kazi bahuriye hamwe twibuka kandi tunakurikiza inama za Nyakubahwa Perezida wa Repubulika y’u Rwanda Paul Kagame aho atugira inama yo kunga ubumwe n’amahoro ari nayo mpamvu turi muri iki gihugu cya Sudani y’Epfo nk’abanyarwanda babungabunga amahoro mu baturage b’abasivili."

Hari kandi irindi tsinda ry’abapolisi b’u Rwanda, itsinda ryiganjemo abagore riri mu murwa mukuru wa Sudani y’Epfo i Juba. Aba nabo bakurikiye umuhango wo gutangiza icyumweru cyo kunamira inzirakarengane z’abatutsi bazize Jenoside muri Mata 1994, babikurikiraniye kuri televiziyo y’u Rwanda.

Senior Superintendent of Police (SSP) Jeanette Masozera , umuyobozi w’iryo tsinda (FPU-3) yavuze ko n’ubwo bari mu bihe bigoye byatewe n’icyorezo cya COVID-19 bitababuza kwibuka.

Ati " Turi mu bihe bigoye byatewe na COVID-19 aho tugomba kubahiriza amabwiriza yo kwirinda iki cyorezo, ariko ntibitubuza kwibuka inshuti n’abavandimwe bazize Jenoside yakorewe abatutsi muri Mata 1994. Tuzakomeza gukurikira imihango yose kuri televiziyo y’u Rwanda , twunamire inzirakarengane, dusengere abarokotse ari nako dukomeza kuzuza inshingano zacu hano mu butumwa bwo kubungabunga amahoro."

Mu Ntara ya Upper Nile mu gace ka Malakal hari abapolisi b’u Rwanda (FPU-1) bayobowe na Chief Superintendent of Police (CSP) Fabian Musinguzi yibukije abapolisi ko bagomba gukomeza gufatikanya bagashyigikirana muri ibi bihe by’akababaro.

Ahari aba bapolisi b’u Rwanda, hahagaritswe ibikorwa byose bijyanye n’imyidagaduro mu gihe cy’icyumweru cyo kwibuka.

Mu butumwa bw’umunyamabanga mukuru w’umuryango w’abibumbye Antonio Guterres yavuze ko Isi yose yabonye ibyabaye mu Rwanda mu 1994 ndetse n’ingaruka zabyo asaba abatuye Isi gukomeza kwirinda urwango.

Ati "Twabonye ibyabaye mu Rwanda mu 1994 kandi tunazi ingaruka zo kwimakaza urwango. Kugira ngo twirinde ko amateka nk’aya yazongera kuba ukundi ni uko twarwanya ibihembera urwango byose bikomeje kuba imbogamizi ku Isi."

Guterres yakomeje avuga ko abantu bagomba kubungabunga uburenganzira bwa muntu tugakomeza gushyira imbaraga muri politiki zubaha abantu bose.

Ni inkuru dukesha Polisi y’u Rwanda

Reba Video yerekana uko iki gikorwa cyagenze

Amafoto: Roger Marc Rutindukanamurego

MINALOC ivuga ko icyo cyemezo cyafashwe nyuma y’isuzuma ku bwandu bwa Covid-19, ryakozwe n’inzego z’ubuzima n’izindi zibishinzwe.

Gahunda ya Guma mu rugo muri iyo mirenge ndetse n’izindi ngamba zatangajwe, bizamara igihe cy’ibyumweru bitatu (3).

Imirenge yashyizwe muri Guma mu rugo ni uwa Ruhashya na Rwaniro mu Karere ka Huye, Umurenge wa Gikonko, Kansi na Mamba mu Karere ka Gisagara n’uwa Ruramba mu Karere ka Nyaruguru.

Uwapfuye ni umugore w’imyaka 64 (i Kigali).

Abapfuye ni abagabo babiri b’imyaka 83 (i Nyanza) na 40 (i Huye).

Igitaramo cya Pasika kizakurikiranirwa kuri radiyo na televiziyo

Ubusanzwe abizihiza Pasika, bucya iba bajyaga bahurira ku nsengero mu masaha y’ijoro mu masengesho ari byo bita Igitaramo cya Pasika, ariko uyu mwaka si ko bizagenda kubera kubahiriza amabwiriza yo kwirinda icyorezo cya Covid-19, ahubwo icyo gitaramo kikazabera kuri radiyo na televiziyo nk’uko bikubiye mu mabwiriza ya MINALOC.

Ayo mabwiriza yibutsa abakuriye amadini n’amatorero ko no kuri Pasika urusengero rwemerewe kwakira abantu batarenga 30% by’ubushobozi bwarwo.

Moto zafashwe zirimo guhindurirwa ibyuma bizigize

Umuvugizi wa Polisi mu Ntara y’Amajyepfo, Superintendent of Police(SP) Theobald Kanamugire avuga ko Nsengiyumva yari kumwe n’abandi bantu babiri ariko bo bikanze abapolisi bahita biruka baracika. Avuga ko gufatwa kwa Nsengiyumva kwaturutse ku makuru yatanzwe n’umuturage wababonye agahita atanga amakuru.

Ati” Umwe mu banyerondo yari mu isantire ya Kamuhanda ari mu kazi abona abantu barimo gukura ibyuma muri moto imwe babishyira mu yindi. Yabegereye ababaza ibyo barimo muri iryo joro baramutuka baramubwira ngo areke bamuhe amafaranga y’u Rwanda 500 aceceke, kubera ko yabonaga ibyo barimo babikora mu ijoro yagize amacyenga ajya ku ruhande ahamagara Polisi.”

SP Kanamugire akomeza avuga ko ako kanya abapolisi bahise baza basanga koko Nsengiyumva (umukanishi ) yahambuye moto ebyiri imwe yari ishaje arimo guyikuramo ibyuma agiye gushyiramo ibya moto nshya.

Yagize ati” Abapolisi bakimara kuhagera abasore babiri bari kumwe na Nsengiyumva bahise biruka baracika hasigara Nsengiyumva wafunguraga moto. Yahise afatwa avuga ko abo bacitse aribo bamuhaye ikiraka muri iryo joro bari kumuhemba amafaranga y’u Rwanda ibihumbi 3, ariko avuga ko atabazi, agacyeka ko baba ari abavuye mu Mujyi wa Kigali.”

Umuvugizi wa Polisi mu Ntara y’Amajyepfo yavuze ko kugeza ubu nta muturage wari waza gutanga ikirego avuga ko yabuze moto. Nsengiyumva yahise ashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Runda kugira ngo hatangire iperereza hamenyekane nyiri moto ndetse hashakishwe na bariya bacitse.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 166, ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ni inkuru dukesha Polisi y’u Rwanda

Ibigo by’ubucuruzi buto bifatiye runini ubukungu bw’igihugu cyacu, tugomba kubishyigikira

Kimwe mu bikorwa bigize ubwo bukangurambaga ni irushanwa rishishikariza abantu gutanga amazina y’ibigo by’ubucuruzi bito babona bigira imikorere myiza. Ibigo by’ubucuruzi bizatsinda bikazahabwa igihembo cya miliyoni imwe y’Amafaranga y’u Rwanda (1.000.000Frw) hamwe na serivisi z’ubujyanama zitangwa n’impuguke mu bucuruzi.

Icyiciro cy’ubucuruzi buzatsinda ku mwanya wa kabiri kizahabwa inkunga yo gukurikirana amahugurwa atangwa n’Ikigo Nyafurika Kigamije Guteza Imbere Imiyoborere (AMI), yiswe "Komeza Utere Imbere – Survive to Thrive". Binyuze kuri ayo mahugurwa, ba rwiyemezamirimo bazunguka ubuhanga, bahabwe ibikoresho byabugenewe, bige n’ingamba zabafasha guhangana n’ibibazo bagakomeza gutera imbere muri ibi bihe bikomeye byatewe n’icyorezo cya COVID-19. Nanone, bazahahurira n’abandi bacuruzi bo mu Rwanda no muri Afurika.

Umuyobozi wa Access to Finance Rwanda, Iyacu Jean Bosco, asobanura uko SME Response Clinic ifasha ibigo by’ubucuruzi, agira ati “Urubuga rwa SME Response Clinic rufasha ba rwiyemezamirimo kubona amahugurwa, amakuru n’inama ku buryo bwo gukora ubucuruzi neza mu bihe turimo, n’inama mu bijyanye n’imicungire y’imari mu rwego rwo guhangana n’ibibazo by’ubukungu byatejwe na Covid-19”.

Yongeraho ko SME Response Clinic ari umushinga uhuriweho n’abafatanyabikorwa aribo Access to Finance Rwanda, Consumer CentriX, Urugaga rw’Abikorera mu Rwanda (PSF), Ishyirahamwe ry’Ibigo by’Imari Iciriritse mu Rwanda (AMIR), Ikigo Nyafurika Kigamije Guteza Imbere Imiyoborere (AMI), New Faces New Voices Rwanda, n’Ishyirahamwe ry’Amabanki mu Rwanda (RBA).

Ibigo by’ubucuruzi buto birashimirwa uruhare rwabyo mu gufasha Leta kuzahura ubukungu, nk’uko bisobanurwa na Ida Ingabire, Umuhuzabikorwa w’Umuryango Nyafurika New Faces New Voices Rwanda.

Ati “Ibigo by’ubucuruzi buto birimo gufasha u Rwanda kandi ntawakwirengagiza uruhare rwabyo mu rugendo rwo kuzahura ubukungu bwazahajwe na COVID-19. Ibyo bigo biteza imbere ubukungu bw’u Rwanda, bitanga serivisi, ibicuruzwa no guhanga imirimo. Ubukangurambaga bwa “Twiteze Imbere” bugamije gushyigikira no kuzirikana urwo ruhare”.

Iyacu asobanura kandi uburyo iryo rushanwa rya “Twiteze Imbere” ririmo gukorwa, n’igihe gutanga amazina bizasorezwa.

Ati “Ubwo bukangurambaga ni uburyo bwo kugaragaza ko dushyigikiye ibigo by’ubucuruzi byo mu gihugu n’uruhare rwabyo mu kuzahura ubukungu mu bihe nk’ibi bikomeye. Gutanga amazina y’ibigo bizatoranywamo ibizahembwa bizakomeza kugeza ku Cyumweru tariki 4 Mata, saa tanu n’iminota mirongo itanu n’icyenda za nijoro (11:59 PM)”.

Ati “Kugira ngo utange amazina y’ibigo, sura urubuga www.smeresponse.clinic/ibihembo, uhitemo ubucuruzi buto ubona bwagaragaje ubudasa muri ibi byiciro bikurikira: Ibigo by’ubucuruzi byashinzwe cyangwa biyoborwa n’abagore, Ibigo by’ubucuruzi bicyiyubaka cyangwa byagaragaje udushya (bitaramara imyaka ibiri bikora), Ibigo by’ubucuruzi byamaze gukomera (bimaze imyaka irenga ibiri bikora). Ushobora kandi gutanga izina ry’ikigo cy’ubucuruzi wihitiyemo uhamagara kuri 0781 024 420”.

Ingabire agaruka ku buryo ibigo bito bizafashwa nyuma y’ubwo bukangurambaga bwa ‘Twiteze Imbere’, ati “SME Response Clinic izaba ihari mu gihe cyose ubukangurambaga buzaba bukorwa na nyuma yabwo. Turateganya gukomeza guha ibigo by’ubucuruzi buto ibyangombwa bikenewe na serivisi z’ubujyanama mu bijyanye n’ubucuruzi bizabifasha gukomeza gutera imbere. Ibyo bigo bifatiye runini ubukungu bw’igihugu cyacu kandi tugomba kubishyigikira”.

Yongeraho ati “Turi gushishikariza cyane ibigo by’ubucuruzi bito byashinzwe cyangwa biyobowe n’abagore kujya bisura kenshi urubuga rwa SME Response Clinic kugira ngo bishobore kubona amakuru”.

Muri abo bantu harimo umuhanzi Mugwaneza Lambert wamenyekanye nka Social Mula, hamwe n’abanyamakuru Phil Peter na Murindahabi Irenée.

Polisi y’u Rwanda ivuga ko abo bantu bavuye muri gahunda yo gufata amashusho y’indirimbo y’umuhanzi Social Mula, hanyuma bavuyeyo ngo bahurira mu rugo bahakoresha ibirori.

Polisi ivuga ko ubwo abo bantu bafatwaga, umuhanzi Social Mula yabwiye nabi umupolisi, ndetse ko we azabikurikiranwaho by’umwihariko.

Umuvugizi wa Polisi y’u Rwanda CP John Bosco Kabera, asaba abantu gukomeza kwitwararika ku mabwiriza yo kwirinda Covid-19, kuko iki cyorezo kigihari.

CP Kabera kandi asaba urubyiruko by’umwihariko kubahiriza amabwiriza yo kwirinda, kandi bakareka imyumvire yo kumva ko hari abakingiwe bityo ko batakwandura, kuko n’ubwo umuntu yaba yarakingiwe ashobora kwandura.

Mu bafashwe hari abemera ko barenze ku mabwiriza nkana, bakavuga ko batazabisubira.

Nyuma yo gufatwa, aba bose barapimwa icyorezo cya Covid-19 kandi biyishyurire, hanyuma bacibwe amande yemejwe n’Inama Njyanama y’Umujyi wa Kigali.

Abapfuye ni abagabo batatu b’imyaka 91 na 38 (Nyanza), 79 (Kigali) n’umugore w’imyaka 84 (Ruhango).

Icyakora iryo tangazo rivuga ko ingendo zibujijwe kuva saa moya z’ijoro (7:00pm) kugeza saa kumi za mu gitondo (4:00), mu turere tw’Intara y’Amajyepfo twa Ruhango, Nyanza, Huye, Gisagara, Nyaruguru na Nyamagabe.

Iryo tanagazo ryasohotse kuri uyu wa Mbere tariki 29 Werurwe 2021, rikubiyemo n’ibindi byemezo birebana n’impinduka ku mabwiriza yo kwirinda Covid-19.

Ikiganiro cya Ed-Tech Monday Rwanda gitumirwamo abantu batandukanye bitewe n’ingingo iba yateguwe ngo iganirweho, kikaba kinyura kuri KT Radio ndetse no ku murongo wa You Tube wa Kigali Today ku wa mbere wa nyuma wa buri kwezi.

Mu kiganiro cy’uyu munsi abatumirwa ni Rita Mutabazi, Umuyobozi mukuru w’ishuri rya Tumba College, Grace Ingabire, Umuyobozi mukuru w’Ikigo cya RICTA na Raisa Kamariza, Umuyobozi wa Moringa School mu Rwanda.

Ikiganiro giheruka ari nacyo cyari icya mbere, cyibanze ku masomo umwaka wa 2020 wasigiye Abanyarwanda mu burezi, cyane ko wabaye umwaka wagoranye kubera icyorezo cya Covid-19.

Uwo mwaka wa 2020, wagaragayemo imbogamizi zitandukanye abagore b’Abanyafurika bahuye na zo kugira ngo babashe kwiga bifashishije ikoranabuhanga, harimo ko imirimo yo mu rugo yabatwaraga umwanya wo kwiga cyangwa ntibabone ibikoresho by’ikoranabuhanga bari kwifashisha bari mu ngo, mu gihe bizwi ko kuzamura umugore ukiri muto ari urufunguzo rw’iterambere rirambye mu miryango no mu bihugu muri rusange.

Ababyeyi, abanyeshuri, abarezi ndetse n’abayobozi b’ibigo by’amashuri bakaba bararikiwe gukurikira ikiganiro cyo kuri uyu wa Mbere, basobanukirwe byinshi ku ngingo iganirwaho.

Perezida Kagame

Yavuze kandi ko hari icyizere cyo kongera kuzamura ubukungu bw’Igihugu, nyuma y’uko kuri ubu habonetse inkingo zikomeje gutangwa hirya no hino mu gihugu.

Ibi Umukuru w’Igihugu yabigarutseho mu ijambo yavugiye mu Isengesho ryo gusengera Igihugu no gushima Imana ryabaye kuri iki Cyumweru tariki 28 Werurwe 2021. Ni isengesho ryabaye hifashishijwe ikoranabuhanga mu rwego rw’ingamba zo gukumira icyorezo cya COVID-19.

Ubu ni ubutumwa Perezida Kagame yatangiye muri iryo sengesho:

Abagize Rwanda Leaders’ Fellowship,
Abari hirya no hino mu gihugu,
Mbanje kubasuhuza.

Nishimiye ko umuco wo gushima no gusengera Igihugu cyacu ugikomeza, no muri ibi bihe by’icyorezo cya COVID-19.

N’ubwo guhangana na cyo bidutwara igihe kinini, birakwiye ko dufata uyu mwanya tugasengera Igihugu cyacu.

Dufite byinshi byo gushimira.

Turashimira cyane cyane ko Abanyarwanda twese dufatanyije n’abayobozi bacu, twashoboye kwirinda ingaruka zikomeye z’iyi ndwara.

Twishimiye kandi inkingo twabonye zizadufasha gusohoka muri ibi bihe twatewe na COVID-19 tukongera kubaka ubukungu bw’Igihugu cyacu.

Nk’Abayobozi rero, guhura dutya, ni umwanya mwiza wo gutekereza ku nshingano zacu no kongera imbaraga, ubushake n’uburyo byo gukomeza gukorera Abanyarwanda.

Ntawashidikanya ko iki cyorezo cyagize ingaruka zikomeye ku Banyarwanda, cyane cyane abasanganywe intege nke.

Ibyo dukora byose rero, tugomba kubikora tuzirikana buri gihe ko tubikorera abo dushinzwe.

Ntabwo nshidikanya ko iri sengesho ry’uyu munsi ritwongera imbaraga n’ubushake byo gukorera hamwe kugira ngo tugeze Igihugu cyacu ku rwego twifuza.

Ibi biradusaba gukora byinshi kurushaho, kandi neza, tunashakisha uko twakwishumbusha igihe twatakaje. Uwo ni wo mugisha twifuriza u Rwanda n’Abanyarwanda.

Murakoze.

Rev Dr Rutayisire Antoine watanze inyigisho muri iryo sengesho yabwiye abantu kwizera ko n’ubwo ibibazo bihari, ko Imana izazana ibisubizo

Korali Ambassadors of Christ mu majwi meza, yasusurukije abakurikiye iri sengesho mu ndirimbo zihimbaza Imana

Abapolisi b’u Rwanda bambitswe imidali ku wa Gatandatu tariki ya 27 Werurwe 2021 bari mu itsinda ry’abashinzwe kurinda abaturage bakuwe mu byabo n’intambara no kurinda abandi bayobozi (Rwanda Formed Police Unit-One), itsinda riyobowe na Assistant Commissioner of Police (ACP) Safari Uwimana, rikaba ryarageze muri iki gihugu cya Santarafurika mu kwezi k’Ukuboza 2019.

Iri tsinda rya FPU-1 rikorera mu Mujyi wa Bangui aho bakora ibikorwa bitandukanye byo kurinda abayobozi bakuru, gucunga umutekano w’abaturage, kurinda abakuwe mu byabo bari mu nkambi, gukora amarondo, kurinda ibikorwa remezo, guherekeza, n’ibindi bikorwa bitandukanye.

Iyi nkuru dukesha Polisi y’u Rwanda iravuga ko umuhango wo kwambikwa imidali wayobowe n’umuyobozi w’imitwe ishinzwe ubutumwa bw’Umuryango w’Abibumbye bugamije kubungabunga amahoro mu Mujyi wa Bangui Brig. Gen. Driss Oukaddour.

Uyu muhango wakozwe hubahirizwa amabwiriza yo kwirinda ikwirakwira rya COVID-19.

Iki gikorwa kitabiriwe n’abapolisi n’abasirikari bakuru n’andi matsinda ari mu butumwa bw’Umuryango w’Abibumbye baturutse mu bindi bihugu.

Brig. Gen. Driss yashimiye abapolisi b’u Rwanda bambitswe imidali ku bwitange n’umuhati bagaragaje mu kazi kabo bakagakora kinyamwuga n’ubwo bahuye n’imbogamizi z’icyorezo cya COVID-19 n’ibindi bibazo bitandukanye.

Umuyobozi w’iri tsinda ry’abapolisi b’u Rwanda, ACP Safari Uwimana, na we yashimiye abapolisi ayoboye kubera imyitwarire no gukorera hamwe byabaranze mu kazi kabo ka buri munsi.

Yagize ati “Ndashimira aba bapolisi, bagaragaje imyitwarire myiza akazi bashinzwe bagakora kinyamwuga. Turashimira n’abayobozi batahwemye kutugira inama bigatuma tubasha gusohoza ishingano no gushyira mu bikorwa ibyo dushinzwe.”

ACP Safari yashimiye ubuyobozi bwa MINUSCA muri rusange, ashimira abaturage b’Igihugu cya Repubulika ya Santarafurika n’abandi bose bagiye bafatanya mu gihe cy’amezi 16 bahamaze.

Iyi poromosiyo yatangiye tariki 15/03/2021 ikazarangira tariki 08/05/2021.

Harimo Ibihembo byinshi byo gutombora nka:

1. Televisiyo nini cyane (STARTIMES 55“ 4K LED Ultra HD Smart TV),
2. Firigo nziza cyane za made in Rwanda za FLORSA,
3. Telefone zigezweho cyane za Maraphones (Model: S, X1, ndetse na Z1),
4. Ekuteri za Airpods na bafure nto zikoresha Bluetooth z’ikigo iYOU,
5. Ndetse na Moto nk’igihembo nyamukuru.
6.
Icyitonderwa mu kuba umwe mu banyamahirwe bazatsindira ibihembo:

• KU MUGUZI USANZWE: Gura ifatabuguzi ry’ukwezi kuri bouquet iyo ari yo yose

• KU MUGUZI MUSHYA: Gura Dekoderi, televisiyo, cyangwa umurasire wa StarTimes.

Abatsinze bazajya batangazwa buri wa Gatandatu kuri ISIBO TV kuva 19:00 kugeza 19:30, tariki (27/03/2021; 03/04/2021; 17/04/2021; 24/04/2021; 01/05/2021, 08/05/2021).

Nyamuneka iyi Poromosiyo ntizagucike dore ko ifite ibihembo bishimishije.

StarTimes irabibutsa ko Dekoderi zayo zikiri iza mbere zihendutse ku isoko. Gana aho StarTimes ikorera cyangwa ku bacuruzi bayo baherereye hirya no hino mu gihugu ubundi wihahire nawe winjire mu banyamahirwe batsindira ibihembo muri Poromosiyo ya TERIMBERE HAMWE NA STARTIMES.

Wabasha no guhaha utiriwe uva mu rugo aho uhamagara StarTimes kuri 0788156600 cyangwa ugatumiza ukoresheje WhatsApp kuri 0784033202 ubundi ibikoresho bya StarTimes bikakugeraho mu rugo witurije.

Ntimuzacikwe kureba buri wa Gatandatu ISIBO TV kuva saa 7:00pm-7:30 z’umugoroba dore ko wasanga ari wowe wegukanye moto.

Ku bindi bisobanuro mwahamagara 0788156600, cyangwa mukandika ku mbuga nkoranyambaga za StarTimes: Facebook, Instagram, Twitter.

Umuvugizi wa Polisi mu Ntara y’Iburasirazuba, CIP Hamdun Twizeyimana avuga ko gufatwa kw’aba bantu byaturutse ku makuru yatanzwe n’abaturage bari bamaze kubona Muhire na Kwizera bavuye mu nzu y’umuturage witwa Uwumubano Jeannine bamaze kwibamo batiri imwe.

Ati “Kwizera na Muhire bivugira ko bari bamaze kwiba batiri 3 bazikuye mu ngo 3 z’abaturage batandukanye aribo , Habimana Leonard, Uwumubano Jeannine na Ntamuhanga Samuel. Bavuga ko bazibaga mu bihe bitandukanye, ngo banyuraga mu madirishya ari ku manywa nta muntu uri mu rugo bakazitwara. Bafatiwe mu cyuho n’abaturage bamaze kwiba batiri yo kwa Uwamahoro”.

CIP Twizeyimana akomeza avuga ko abaturage bakimara gutanga amakuru Polisi yakurikiranye bariya basore irabafata isanga ngo bari bamaze icyumweru biba izo batiri bakajya kuzigurisha uwitwa Nzabonimana Obama. Uyu akaba yarabahaga amafaranga y’u Rwanda ibihumbi 10 kuri buri batiri.

Ati “Abapolisi bakimara kubafata bahise bavuga ko uwo bazigurisha ari we Nzabonimana Obama, abapolisi bagiye iwe basanga koko hariyo batiri 2 yaguze n’abo basore. Muhire na Kwizera biyemerera ko ari bo bazimugurishije nyuma yo kuziba abaturage”.

Abaturage bibwe izo batiri bashimiye Polisi y’u Rwanda yabafashije kongera kubona batiri zabo kuko bari baramaze kuziheba, bavuga ko nyuma yo kwibwa batiri bahuye n’ibibazo bijyanye no kubura umuriro mu nzu basubira gucana udutadowa. Banashimiye abaturage bagize uruhare mu gutuma bariya basore bafatwa.

CIP Twizeyimana yashimiye abaturage batangiye amakuru ku gihe bigatuma bariya basore bafatwa, yaboneyeho gukangurira urubyiruko n’abandi baturage muri rusange gukura amaboko mu mifuka bagaharanira gukora bakiteza imbere aho kwiba. Yabibukije ko kwiba ari icyaha, iyo ubihamijwe n’urukiko ubihanirwa.

Abafashwe bahise bashyikirizwa Urwego rushinzwe ubugenzacyaha (RIB) ikorera muri sitasiyo ya Polisi ya Mimuli kugira ngo hakorwe idosiye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 166, ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Abatuye muri uyu Murenge wa Nkomane bavuga ko amashanyarazi bayumvaga nka baringa kuko bari baramenyereye kubaho mu buzima butayagira.

Abakozi bakorera ku biro by’Umurenge wa Nkomane na wo utari ufite amashanyarazi mbere, bavuga ko batangaga amafaranga menshi bajya gushaka serivisi zikenera amashanyarazi mu isantere ya Gasarenda, ndetse bigatuma batanga serivisi mbi ku baje bifuza serivisi ku Murenge.

Irakuzwa Aimé Patrick ni Umunyamabanga Nshingwabikorwa w’uyu Murenge wa Nkomane. Yemeza ko amashanyarazi yahinduye serivisi batangaga ku Murenge ndetse n’imibereho y’abaturage muri Nkomane yahindutse cyane.

Yagize ati “Amashanyarazi tuyabonye vuba aha mu mpera z’umwaka ushize. Mbere byadusabaga amafaranga asaga 5,000 gutega moto tujya mu Gasarenda gushaka serivisi nyinshi zirimo gusharija telefoni, gufotora impapuro, kwemprima, gukoresha mudasobwa, gusudirisha ibyuma n’izindi. Ibyo byose byatumaga hano ku Murenge serivisi ihatangirwa itaba nziza ndetse n’abaturage hari byinshi bakeneraga mu ngo iwabo bikenera umuriro bakabibura ariko ubu byarakemutse.”

Uyu mugabo akomeza avuga ko abaturage bakorera mu isantere ya Nkomane ubu bamwe batangiye gutanga serivisi nyinshi zirimo kuhageza imashini zisya ibinyampeke n’ibindi, inzu zitunganya imisatsi, imashini zikora imirimo yo gusudira n’ibindi.

Karinganire Innocent, umuyobozi w’ishami rya REG mu Karere ka Nyamagabe, avuga ko uyu mwaka w’ingengo y’imali wa 2020/21 bashyize ingufu cyane mu kugeza amashanyarazi mu Mirenge yose y’Akarere ka Nyamagabe. Karinganire avuga ko usibye Nkomane, amashanyarazi bayagejeje no mu Mirenge ya Mugano na Musange.

Yagize ati “Uyu mwaka tumaze gutanga amashanyarazi ku ngo zirenga 400 mu Murenge wa Nkomane, ndetse mu Tugari twose tw’uyu Murenge uko ari dutandatu twatugejejemo amashanyarazi kandi amashuri yose ari muri uyu Murenge ubu afite amashanyarazi, turateganya no kugenda duha amashanyarazi hose mu baturage muri Nkomane.”

Abaturage barashima Leta y’u Rwanda yabakuye mu bwigunge

Mukabatabazi Verene ni umudamu uri mu kigero cy’imyaka 25 wahise ashinga butike ndetse anatangiramo serivisi nyinshi zirimo kugurisha ibikoresho by’amashanyarazi mu isantere ya Nkomane.

Mukabatabazi avuga ko ashima Leta y’u Rwanda kuba yarabatekerejeho ikabaha amashanyarazi kandi Umurenge wabo usa n’uwari ku ruhande ugereranyije n’indi Mirenge ya Nyamagabe ndetse ukaba ari Umurenge ukennye.

Yagize ati «Uyu Murenge uri ku ruhande kuko uhana imbibi n’Umurenge wa Mutuntu wo muri Karongi, ntitwiyumvishaga uburyo natwe twabona amashanyarazi kubera ukuntu hano hari ubukene ndetse turi ku ruhande, turashimira Leta y’u Rwanda yadukuye mu bwigunge. »

Mugabo Jean De Dieu, ni umugabo uri mu kigero cy’imyaka 30 wahise ashinga inzu itunganya imisatsi muri santere ya Nkomane nyuma y’aho aboneye amashanyarazi.

Mugabo avuga ko serivisi atanga zifasha abantu benshi mu isantere ya Nkomane, ndetse mbere y’uko babona amashanyarazi abaturage bifuza gukoresha umusatsi bategeshaga amafaranga asaga 5,000 bajya gukoresha imisatsi mu Gasarenda cyangwa i Nyamagabe mu Mujyi kuko ari ho bashoboraga kubona inzu zitunganya imisatsi hafi cyangwa abatishoboye bagahitamo gukoresha imashini za nyonganyonga cyangwa imakasi.

Bucyedusenge Claire na we ni umukobwa w’inkumi w’imyaka 21 warangije amashuri yisumbuye abura akazi ariko ashaka igishoro ashinga « Papéterie » nyuma y’aho baboneye amashanyarazi.

Bucyedusenge avuga ko amafaranga yayakuye aho yabanje gukora mu ruganda rw’icyayi kugira ngo ashinge « papéterie », ubu atanga serivisi z’Irembo, gufotora, kwemprima n’ibindi ndetse abona abakiriya benshi kandi byamufashije mu buzima no kwiteza imbere.

Uyu mukobwa avuga ko ibyo amaze kugeraho ubu nta muntu yakorera, ndetse abikesha Leta yabagejejeho amashanyarazi.

Kugeza ubu mu Karere ka Nyamagabe ingo zisaga 49,6% zigize ako Karere zimaze kubona amashanyarazi.

Mu rwego rwo kurushaho kwihutisha iterambere ry’ubukungu, Leta y’u Rwanda yihaye intego ko buri muturarwanda azaba afite amashanyarazi bitarenze umwaka wa 2024.

Imibare igaragazwa na REG kugeza ubu yerekana ko abasaga 59,7% bamaze kugezwaho amashanyarazi mu Rwanda.

Umuvugizi wa Polisi mu Ntara y’Iburasirazuba, CIP Hamdun Twizeyimana, yavuze ko Turabayo yari amaze igihe akwirakwiza ayo mafaranga mu baturage nyuma baza gutanga amakuru arafatwa.

Yagize ati “Ku nshuro ya mbere Turabayo yagiye muri butike kugura ibicuruzwa yishyura inoti y’ibihumbi bitanu baramugarurira arataha, amaze kugenda umucuruzi yitegereje ya noti asanga n’impimbano abura uko yamufata yagiye. Nyuma bidatinze ku cyumweru tariki ya 21 Werurwe 2021 yaragarutse aza afite inoti ebyiri z’ibihumbi 5 nabwo aje kugura ibicuruzwa nibwo bahise bamufata bahamagara Polisi”.

CIP Twizeyimana akomeza avuga ko atari ubwa mbere Turabayo akwirakwije amafaranga y’amiganano kuko hari n’umuturage yabwiye ko amaze gukwirakwiza agera ku bihumbi 400.

Ati “Hari inshuti ze za hafi zivuga ko yazibwiye ko akora inoti mpimbano z’ibihumbi bitanu akagenda agura utuntu bakamugarurira mu mafaranga mazima. Ngo yababwiye ko amaze gukwirakwiza amafaranga y’amiganano agera mu bihumbi 400”.

Uwo muyobozi yashimiye abaturage bagize uruhare mu gutuma Turabayo afatwa, akangurira n’abandi kuba maso bakirinda umuntu wabaha amafaranga y’amiganano.

Ati “Dukangurira abaturage cyane cyane abacuruzi kujya bitondera inoti zose nshya bahawe kuko hari abadukanye ingeso mbi yo guhimba amafaranga. Akenshi babikora mu noti z’ibihumbi bibiri ndetse n’inoti y’ibihumbi bitanu, dukangurira abantu kujya bihutira kuduha amakuru igihe hari abo babonye”.

Turabayo akimara gufatwa yahise ashyikirizwa Urwego rushinzwe ubugenzacyaha (RIB) ikorera muri sitasiyo ya Polisi ya Kiramuruzi kugira ngo hakorwe iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 269 ivuga ko Umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7).

Yayambuye uwitwa Misiri Thadée w’imyaka 69 amushuka ko agiye kumuhuza n’abayobozi ba sosiyete y’itumanaho ikorera mu Rwanda (Airtel) ngo bakamugurira ikibanza cyo gushyiramo umunara wabo. Sebahutu yafatiwe mu Mudugudu wa Mwili mu Kagari ka Migera mu Murenge wa Mwili.

Umuvugizi wa Polisi mu Ntara y’Iburasirazuba , Chief Inspector of Police (CIP) Hamdun Twizeyimana yavuze ko tariki ya 22 Mutarama uyu mwaka wa 2021 Sebahutu yagiye kwa Misiri amubwira ko sosiyete ya Airtel ishaka kugura ikibanza cyo gushyiramo umunara. Yamusabye amafaranga y’u Rwanda ibihumbi 30 ya komisiyo kugira ngo azamuhuze n’abayobozi b’iyo sosiyete y’itumanaho. Nyuma yaragiye amara amezi atatu ataragaruka.

CIP Twizeyimana yagize ati” Sebahutu ubusanzwe utuye mu Murenge umwe na Misiri ariko mu tugari twegeranye, kuva icyo gihe amaze gushyikira ayo mafaranga yaragiye arabura Misiri ntiyongera kumubona. Tariki ya 20 Werurwe 2021 Misiri yongeye kumubona arimo gutembera mu Mudugudu hafi aho abwira abaturage baramufata bahamagara Polisi iraza.”

CIP Twizeyimana yaboneyeho gukangurira abaturage kuba maso kuko muri uyu Murenge wa Mwiri hamaze iminsi abantu b’abambuzi birirwa bahamagara abaturage ku ma telefoni bababwira ko Airtel irimo gushaka ikibanza cyo gushyiramo umunara.

Ati” Ibi bintu bimaze iminsi bivugwa n’abaturage batandukanye muri uriya Murenge wa Mwiri bavuga ko hari abantu babahamagara babasaba amafaranga ngo babahuze n’abayobozi ba sosiyete y’itumanaho ya Airtel ishaka kugura ikibanza muri kariya gace ikahashyira umunara wayo. Turakangurira abaturage kubima amatwi, ni abambuzi kuko iyo sosiyete ibaye ishaka icyo kibanza hari inzira zizwi yabinyuzamo ku buryo n’ubuyobozi bwaba bubizi.”

Yashimiye abaturage bagize uruhare mu gufata uriya Sebahutu asaba abantu gukura amaboko mu mifuka bagakora bakareka ibyaha kuko gushuka umuntu ukamwambura ibye ni icyaha. Iyo ubihamijwe n’urukiko urabihanirwa.

Sebahutu yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Rukara kugira ngo hatangire iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, Ingingo ya 174 ivuga ko Umuntu wese wihesha umutungo w’undi, imari ye yose cyangwa igice cyayo mu buryo bw’uburiganya yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Ni inkuru dukesha Polisi y’u Rwanda

Abitabye Imana ni umugore w’imyaka 37 n’abagabo babiri b’imyaka 69 na 52 i Kigali.

Umuhango wo gushimira izo Ngabo z’u Rwanda wabereye mu murwa mukuru w’icyo gihugu Bangui, ku wa Gatanu tariki 19 Werurwe 2021, ukaba warayobowe n’Umuyobozi w’Ingabo za MINUSCA, Brig Gen Driss Okaddour.

Uwo muyobozi yashimiye Ingabo z’u Rwanda, ahereye cyane cyane ku buryo zitwaye mu gucunga umutekano mu gihe cy’amatora ya Perezida wa Repubulika ya Santarafurika n’abagize Inteko Ishinga Amategeko, yabaye mu kwezi k’Ukuboza umwaka ushize.

Brig Gen Okaddour yavuze ko akazi Ingabo z’u Rwanda zikora gashimwa cyane n’abanyamuryango ba MINUSCA ndetse n’abaturage ba Santarafurika kuko zuzuza inshingano zazo zo kubungabunga amahoro n’umutekano, akibuka ukuntu zasubije inyuma igitero cy’inyeshyamba zari zagabye i Bangui.

Igihugu cya Santarafurika kimaze igihe kirangwamo umutekano muke kubera ibitero by’inyeshyamba zitavuga rumwe n’ubutegetsi buriho, ari yo mpamvu hagiyeyo Ingabo za Loni.

Brig Gen Driss Okaddour

Abagize DASSO biyemeje kubakira utishoboye

Icyo gikorwa cyaranzwe no gucukura imisingi, gutunda amabuye no gutangira ibikorwa bya Fondation y’inzu bateganya kubaka, izaba ifite ibyumba 3 n’uruganiriro. Uwo muturage akaba azubakirwa kandi igikoni, ubwogero n’ubwiherero.

Nk’uko bigaragazwa n’umuhuzabikorwa w’Urwego rwa DASSO mu Karere ka Nyarugenge, Bwana Ndirima Patrick, yasobanuye ko urwo rwego rudakora gusa ibikorwa bijyanye n’umutekano ahubwo banagira uruhare mu iterambere ry’Imibereho myiza y’abaturage mu bikorwa bakora bitandukanye buri mwaka. Iki gikorwa cyo kubakira uyu muturage kikaba giteganyijwe ko kizamara igihe cy’amezi atatu.

Umuyobozi Nshingwabikorwa w’Umurenge wa Mageragere, Ntirushwa Christophe, yashimiye abagize urwo rwego kuri icyo gikorwa bakoze anagaragaza ko inkunga yabo igikenewe, kuko muri uwo Murenge hakiri abaturage usanga bafite ibibazo bibangamiye imibereho myiza yabo nk’abafite amazu n’ubwiherero bikenewe gusanwa.

Mukampogazi Jacqueline yashimye abagize DASSO kuri icyo gikorwa cyo kumwubakira, akagaragaza ko we numuryango we batari bafite aho kuba.

Ibyo bafatanywe ahanini ni ibyo gupima abantu icyorezo cya SIDA, diyabete ndetse n’ibyo gupima Covid-19, bakavuga ko babikuraga mu bubiko bw’imiti bw’ibigo byita ku buzima bya Leta bakajya kubicuruza mu mavuriro y’abigenga.

Umwe mu bafashwe waguze ibyo bikoresho akajya kubicuruza, asobanura uburyo abibonamo n’ababimuzanira.

Yagize ati “Ncuruza imiti n’ibindi bikoresho byo kwa muganga, ababinzanira ahanini ni abakora mu mavuriro ya Leta, cyane cyane abakora muri laboratwari cyangwa abandi bakora kwa muganga banzanira ibyo gupima indwara nka SIDA. Iyo maze kubibagurira nanjye mbigurisha mu mavuriro y’abigenga nkarenzaho inyungu yanjye”.

Akomeza avuga ko ibyo bikorwa amaze igihe abikora kuko yabitangiye muri 2017, akemeza ko atari azi ko binyuranyije n’amategeko.

Bimwe mu byo bafatanywe

Umuvugizi wungirije wa Polisi y’u Rwanda, CSP Africa Sendahangarwa Apollo, yavuze ko ibyo bikorwa ari bibi kuko ibyo bacuruza batabyemerewe kandi ko bidafite ubuziranenge.

Ati “Uko mubibona ni ibikoresho n’imiti ivanwa mu mavuriro ya Leta bakajya kuyicuruza mu bigenga kandi bigakorwa n’abantu batize ubuganga, bivuze ko nta buziranenge biba bifite, mbese bagamije inyungu zabo gusa ntabwo ari ukuvura Abanyarwanda. Ndasaba abantu bose baba abashinzwe umutekano, abanyamakuru n’abaturage kwamagana ibi bintu kuko byangiza ubuzima”.

Ati “Turashimira abaturage badufashije mu kuduha amakuru kugira ngo bafatwe. Ubu tugiye kubashyikiriza RIB ibakorere amadosiye kuko murabona ko ari ukunyereza umutungo w’igihugu, bityo bahanwe hakurikijwe icyo amategeko ateganya”.

CSP Africa Sendahangarwa Apollo

Polisi yanerekanye kandi abandi bantu bafashwe bacuruza magendu y’amavuta yo kwisiga ndetse n’amashashi yaciwe ku isoko ryo mu Rwanda.

Yababwiye kandi ko batagomba gukora bagamije inyungu zabo, cyangwa ngo bakore uko babyumva, ahubwo ko bagomba gukora bagamije inyungu z’Abanyarwanda.

Perezida Kagame yagize ati “Tugomba gukora nk’uko twabyumvikanyeho, ntabwo ukora nk’uko ubyumva uganisha ku nyungu zawe bwite. Ni ugukorera inyungu z’Abanyarwanda.”

Minisitiri w’Ubucuruzi n’Inganda, Beata Habyarimana

Yaboneyeho kandi no kwibutsa abasanzwe mu nshingano ko ubwo butumwa bubareba, ati “Inshingano murahiriye natwe twese abasanzwe mu mirimo yo gukorera Igihugu ku nzego zitandukanye ziratureba. Ubu turi mu bihe bigoranye by’icyorezo, byagize ingaruka ku bukungu bw’Igihugu, no ku buzima bw’abantu. Tugomba kurushaho gukoresha imbaranga nyinshi, ubwitange no gutekereza cyane, ariko dufasha n’abaturage gusobanura impamvu ibyo bari bategereje bitagenze uko byari biteganyijwe.”

Ati “Ndabifuriza rero imirimo myiza n’ubufatanye duhora dushaka gushyira imbere mu nzego zose.”

Minisitiri w’Ubutegetsi bw’Igihugu, Gatabazi Jean-Marie Vianney

Perezida Kagame kandi yongeye kwihanganisha Tanzania n’abaturage ba Tanzania kubera urupfu rwa Perezida Magufuli, avuga ko u Rwanda n’abaturage barwo bazakomeza kuba hafi Leta ya Tanzania muri ibi bihe bitoroshye.

Reba hano impanuro z’Umukuru w’Igihugu (Video)

Safari na Ntawugororuwanga bafashwe baroba mu kiyaga cya Kivu mu buryo butemewe n’amategeko

Abafashwe ni Safari Samuel w’imyaka 37 na Ntawugororuwanga Jean Damascène w’imyaka 40, bafatanwa ubwato n’imitego itemewe yo mu bwoko bwa Kaningiri ndetse n’amafi mato bari bamaze kuroba.

Umuvugizi wa Polisi mu Ntara y’Iburengerazuba, Chief Inspector of Police(CIP) Bonaventure Twizere Karekezi yavuze ko bariya bantu bafashwe biturutse ku makuru yatanzwe na bamwe mu barobyi bibumbiye muri koperative y’uburobyi mu kiyaga cya Kivu.

Yagize ati” Ku mugoroba nka saa kumi n’ebyiri abarobyi nibo bahamagaye Polisi bavuga ko babonye abantu barimo kuroba mu buryo butemewe n’amategeko. Abapolisi bahise bajyayo basanga koko bariya bagabo bari mu bwato buto bubaje mu giti barimo kuroba mu buryo butemewe n’amategeko ndetse barimo no kurobesha imitego itemewe yo mu bwoko bwa Kaningiri.”

CIP Karekezi yavuze ko iriya mitego yo mu bwoko bwa kaningiri yica amafi mato bityo bikangiza ubworozi bw’amafi mu kiyaga cya Kivu.

Ati“Iriya mitego ya Kaningiri ikoze mu nzitiramubu(Super net) niyo bafatanwe barimo kuroba amafi. Iyo bayishyize mu mazi ifata amafi yose matoya ndetse n’amagi yayo, bigira ingaruka mbi ku bworozi bw’amafi kuko byica amafi ari mu kiyaga kandi akiri mato.”

Umuvugizi wa Polisi mu Ntara y’Iburengerazuba yakomeje avuga ko Polisi y’u Rwanda idahwema gukangurira abantu baturiye ibiyaga kwirinda kuroba binyuranyije n’amategeko. Ashimira abagize uruhare mu gutanga amakuru kugira ngo bariya bafatwe.

Ati” Dukangurira abantu kwibumbira mu mashyirahamwe y’uburobyi kugira ngo umwuga wabo utere imbere kandi banagire uruhare mu kubungabunga urusobe rw’ibinyabuzima byo mu biyaga. Tubagaragariza ko iriya mitego ndetse n’ubundi burobyi butemewe bihanirwa n’amategeko tukabasaba kubireka.”

Abafashwe bahise bashyikirizwa Urwego rw’Igihugu rw’ubugenzacyaha(RIB) rukorera muri sitasiyo ya Polisi ya Bwishyura kugira ngo bakurikiranwe.

Itegeko n° 58/2008 ryo kuwa 10/09/2008 rigena imitunganyirize n’imicungire y’ubworozi bwo mu mazi n’uburobyi mu Rwanda, ingingo ya 30 ivuga ko umuntu wese ukora ibikorwa by’uburobyi atabifitiye uruhushya ruvugwa mu ngingo ya 16 y’iri tegeko, ahanishwa ihazabu y’amafaranga y’u Rwanda kuva ku bihumbi mirongo itanu (50.000) kugeza ku bihumbi magana abiri (200.000) n’igifungo kuva ku mezi atatu (3) kugeza ku mezi atandatu (6) cyangwa se kimwe muri ibyo bihano no kwamburwa ibikoresho byakoreshejwe.

Ingingo ya 11 muri iri tegeko igaragaza ibibujijwe mu burobyi aribyo gukoresha ibintu bihumanya bigamije kuyobya ubwenge amafi, kuyananiza cyangwa kuyica, gukoresha ibintu biturika, gukoresha uburyo bwa rukuruzi cyangwa amashanyarazi, gukubita amazi ugamije guhinda amafi, kuroba aho ibinyabuzima byo mu mazi byororokera.

Ingingo ya 29 ivuga ko Ku bw’iri tegeko, aba akoze icyaha umuntu wese, ukoresha uburyo, imiti cyangwa ibikoresho by’uburobyi bibujijwe, urobera ahantu habujijwe cyangwa mu bihe bibujijwe, udahita asubiza mu mazi ubwoko bw’ibinyabuzima byo mu mazi bitemewe kurobwa, ibifite uburemere cyangwa ingero biri munsi y’ibiteganyijwe muri iri tegeko, ubuza mu buryo ubwo ari bwo bwose abakozi bashinzwe kugenza ibyaha gukora imirimo basabwa n’iri tegeko, ukora igikorwa cyose cyatuma igice ibinyabuzima byo mu mazi byororokeramo gisenyuka cyangwa cyakwangiza ahantu cyimeza ho gutuburira no kongerera umutungo w’ibinyabuzima byo mu mazi, usenya cyangwa uhisha ibimenyetso by’icyaha bivugwa muri iyi ngingo.

Ni inkuru dukesha Polisi y’u Rwanda

Perezida Kagame yavuze ko inkuru y’urupfu rwa Magufuli ari incamugongo, dore ko yamufataga nk’umuvandimwe we ndetse akaba inshuti ye ikomeye.

Perezida Kagame ati “Uruhare rwe mu iterambere ry’Igihugu cyacu n’iry’Akarere muri rusange ntiruzibagirana.”

Yihanganishije umuryango we n’abaturage ba Tanzania, avuga ko u Rwanda rwifatanyije na Tanzania muri ibi bihe bikomeye.

We are saddened by the loss of my brother and friend, President Magufuli. His contribution to his country & to our region will not be forgotten. My deepest condolences to his family and the people of Tanzania. The people of Rwanda stand with Tanzania during this difficult time.

— Paul Kagame (@PaulKagame) March 18, 2021

Perezida Kagame yashyizeho igihe cy’icyunamo mu gihugu hose guhera kuri uyu wa 18 Werurwe 2021 kugeza ku munsi Perezida Magufuli azashyingurirwa.

Itangazo ryashyizweho umukono na Minisitiri w’Intebe, Dr. Edouard Ngirente, rivuga ko amabendera y’u Rwanda n’ay’Umuryango wa Afurika y’Iburasirazuba yururutswa kugeza hagati, mu Rwanda hose ndetse no muri Ambasade zarwo.

Urupfu rwe rwababaje abaturage batari bake bo muri Afurika y’Iburasirazuba, rukaba rwatangajwe mu gihe benshi bari bamaze iminsi bibaza ku buzima bwe n’aho yaba aherereye dore ko ataherukaga kugaragara mu ruhame.

@jumuiya join our brothers and sisters in Tanzania in mourning the death of H.E President John Pombe Magufuli @MagufuliJP Our sincere condolence. pic.twitter.com/vtPcqRlVqZ

— East African Community (@jumuiya) March 18, 2021

Ange Sebutege

Umuyobozi w’Akarere ka Huye avuga ko kugeza ubu abasaga 49.5% batuye aka Karere bafite amashanyarazi ariko yizera ko umwaka w’ingengo y’imali wa 2021/22 uzarangira byibuze 65% bafite amashanyarazi kandi ko banafite icyizere ko umwaka wa 2024 uzasoza abatuye muri Huye bose baramaze kubona amashanyarazi nk’uko bikubiye mu ntego ya Leta y’u Rwanda.

Sebutege avuga ko kimwe mu byo bishimira ari uko hari Imirenge itaragiraga amashanyarazi muri aka Karere ariko ubu yayabonye ndetse iterambere muri aka Karere rirarimbanyije.

Yagize ati “Ubu twishimira ko Imirenge yose ya Huye uko ari 14 ifite amashanyarazi. Uyu mwaka twashyize ingufu cyane mu kugeza ibikorwa by’amashanyarazi kuri bose, turakeka ko mu mwaka utaha tuzaba turi hejuru ya 65% uvuye aho turi ubu kuri 49.5%. Ibi byose tubigeraho tubifashishijwemo n’abafatanyabikorwa bacu barimo Sosiyete y’u Rwanda ishinzwe Ingufu (REG), kandi turakomeza gushaka abandi baterankunga ngo amashanyarazi akwire hose muri Huye vuba.”

Ahageze amashanyarazi iterambere ririhuta

Sebutege avuga ko Imirenge ya Kigoma na Rwaniro ari yo yari itaragerwagamo n’amashanyarazi muri Huye, ariko amashanyarazi bakaba barayabonye mu mpera z’umwaka ushize wa 2020 ndetse batangiye kuyabyaza umusaruro, biteza imbere.

Abaturage bamaze kubona amashanyarazi muri Huye mu Mirenge atabagamo bemeza ko yahinduye imibereho yabo

Havugimana Antoine, umukozi ushinzwe ubutaka, ibikorwaremezo n’imiturire mu Murenge wa Kigoma, mu Karere ka Huye, ashima cyane iterambere abatuye muri uyu Murenge bamaze kugeraho nyuma y’uko babonye amashanyarazi.
Havugimana avuga ko muri uwo Murenge wa Kigoma nta mashanyarazi yahabaga ndetse byagoraga abaturage baza gusaba serivisi muri uwo Murenge.

Ku kigo nderabuzima (Centre de santé) cya Kigoma muri Huye barishimira ko hageze amashanyarazi

Uyu mugabo avuga ko ubu serivisi zabaye nziza kubera ko babonye amashanyarazi, akemeza ko mbere amashanyarazi batarayabona gufotora impapuro, gutegura raporo ku mashini, kwemprima n’ibindi byabasaga ko bajya kubikorera kure i Nyamagabe mu Mujyi cyangwa ku Karambi ndetse bakishyura amafaranga menshi y’urugendo ariko ubu aho amashanyarazi aziye serivisi zikorerwa aho ku Murenge bityo n’abaturage bakabona serivisi zihuse.

Habinshuti Philippe, umukozi ushinzwe gukurikirana ibikorwa by’abajyanama b’ubuzima mu Murenge wa Kigoma, ndetse akaba ari umukozi ukorera ku kigo nderabuzima cya Kigoma, avuga ko mbere hari imirimo myinshi kuri icyo kigo nderabuzima batakoraga kubera kutagira amashanyarazi.

Yagize ati “Raporo byasabaga ko tujya kuzikorera ku Karambi, ibizamini byinshi bisaba kuba ufite amashanyarazi ntitwabikoraga ndetse hari n’ibizamini byinshi twajyaga gukoresha mu bindi bigo nderabuzima. Ariko aho umuriro ubonekeye ubu turatanga serivisi nziza ku batugana ndetse ibizamini byinshi turabipima ntibikidusaba kujya ahandi.”

Mu rwego rwo kurushaho kwihutisha iterambere ry’ubukungu, Leta y’u Rwanda yihaye intego ko buri muturarwanda azaba afite amashanyarazi bitarenze umwaka wa 2024.

Imibare igaragazwa na REG yerekana ko kugeza ubu abasaga 59,7% bamaze kugezwaho amashanyarazi mu Rwanda.

Bafashwe bagerageza gushuka umuturage ngo bamuhe Amadolari y’amiganano (Ifoto: Polisi y’u Rwanda)

Abafashwe ni Uwiringiyimana Jean Baptiste w’imyaka 38, Singirankabo Aphrodice w’imyaka 47, Sibomana Jean Baptiste w’imyaka 41 na Niyitegeka Valens w’imyaka 34. Aba bose bakomoka mu Karere ka Rusizi ariko babiri basigaye baba mu Mujyi wa Kigali.

Umuvugizi wa Polisi mu Ntara y’Amajyepfo, Superintendent of Police(SP) Theobald Kanamugire yavuze ko bariya bantu uko ari bane bafatiwe mu Murenge wa Kayenzi mu Kagari ka Mataba, Umudugudu wa Nyarubaya bagiye kwambura uwitwa Nsengimana Eric.

Yagize ati “Bariya bantu bafashwe bafite agasanduka karimo ibipapuro bisanzwe ariko hejuru yabyo barengejeho inoti mpimbano isa nk’amadorali ya Amerika, ibyo bipapuro babishukishaga Nsengimana bamubwira ko bingana n’amadolari ya Amerika ibihumbi ijana. Uriya muturage bari bamubwiye ko bamuha ayo bitaga amadolari noneho we akabaha amafaranga y’u Rwanda ibihumbi 500 akaziyungukira agiye kuvunjisha.”

SP Kanamugire akomeza avuga ko umuturage kuko yari asanzwe afite amakuru y’abo bantu yahise abimenyesha abapolisi bavugana uko bafatwa. Bafatiwe mu cyuho barimo kugerageza kumuha ya madolari y’amahimbano. SP Kanamugire yaboneyeho gukangurira abaturage kuba maso bakirinda abantu baza babashuka babizeza ibitangaza.

Ati “Abantu bakwiye kuba maso bagashishoza, nta kuntu umuntu yaza akwizeza kuguha amadolari ya Amerika ibihumbi 100 ngo wowe umuhe amafaranga y’u Rwanda ibihumbi 500 gusa n’ukuntu agaciro k’amadolari kifashe muri iki gihe, izo mpuhwe hari ikindi kiba kizihishe inyuma. Turashimira uriya muturage bari bagiye kwambura ariko we akagira amakenga akihutira kubivuga.”

Bariya bagabo bamaze gufatwa banze kuvuga uko batangiye umugambi wo kwambura abaturage banga no kuvuga abo bamaze kwambura n’amafaranga bamaze kubambura. Gusa icyo bahuriyeho ni uko bose uko ari bane bakomoka mu Karere ka Rusizi ariko ubu umwe gusa ni we usigaye atuye i Rusizi, undi umwe atuye mu Karere ka Kamonyi abandi babiri baba mu Mujyi wa Kigali. Umugambi wo kwambura abaturage ngo bawutegurira ku matelefoni.

Abafashwe bahise bashyikirizwa Urwego rw’urubugezacyaha(RIB) ikorera muri sitasiyo ya Polisi ya Kayenzi.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 269 ivuga ko umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7).

Ingingo ya 174 ivuga ko Umuntu wese wihesha umutungo w’undi, imari ye yose cyangwa igice cyayo mu buryo bw’uburiganya yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Ni inkuru dukesha Polisi y’u Rwanda

Bashimiye Umukuru w’Igihugu

Gushyirwa mu myanya kw’abo bayobozi byagaragaye mu itangazo ry’Inama y’Abaminisitiri yateranye ku wa Mbere tari ya 15 Werurwe 2021, ikaba yari iyobowe na Perezida Kagame.

Abo bayobozi babicishije ku rubuga rwa Twitter, bashimiye Umukuru w’Igihugu kubera ikizere yabagiriye, aha twavuga nka Gatabazi Jean Marie Vianney wagizwe Minisitiri w’Ubutegetsi bw’igihugu, wanditse agira ati “Ni ukuri mbashimiye mbikuye ku mutima, Nyakubahwa Perezida Kagame, kuba mwongeye kungirira ikizere kigeretse ku kindi, munshinga kuyobora Minisiteri y’Ubutegetsi bw’igihugu”.

Arongera ati “Nongeye kubizeza kutazigera mbatenguha cyangwa Umuryango FPR. Nzaharanira impinduramatwara iganisha ku iterambere ryubakan u Rwanda twifuza”.

Habitegeko François nawe ati “Ndanezerewe ku bw’ikizere mungiriye Nyakubahwa Perezida wa Repubulika Paul Kagame, mukanshinga kuyobora Intara y’Iburengerazuba. Ndabizeza kuzakorana umwete, umurava n’ubunyangamugayo. Imana yo mu ijuru ibyumve ibimfashemo”.

Dr Beata Habyarimana wagizwe Minisitiri w’Ubucuruzi n’Inganda yagize ati “Ndishimye cyane kubera ikizere Nyakubahwa Perezida Paul Kagame yangiriye akampa izi nshingano. Niyemeje gukorera igihugu cyacu mu bushobozi bwanjye bwose”.

Soraya Hakuziyaremye wagizwe Umuyobozi mukuru wungirije wa Banki nkuru y’u Rwanda (BNR), yagize ati “Ndashimira cyane Perezida wa Repubulika Paul Kagame, kuba yangiriye ikizere nkabona amahirwe yo gukora muri Banki nkuru y’igihugu, nzitanga uko nshoboye”.

Ati “Ndashimira abacuruzi bo mu Rwanda kuba barashyigikiye nkiri ku mwanya wa Minisitiri w’Ubucuruzi n’Inganda ndetse n’abagize Guverinoma ku mikoranire myiza”.

Hazaba hari inzira z’abanyamaguru n’abatwara amagare

Nk’uko byatangajwe n’Ubuyobozi bw’Umujyi wa Kigali bubinyujije ku rubuga rwa Twitter kuri uyu wa Kabiri tariki 16 Werurwe 2021, imirimo yo gutunganya igice cya mbere cy’aho hantu izamara amezi atatu (3), ni ukuvuga ko izarangira muri Gicurasi uyu mwaka.

Umujyi wa Kigali ukomeza uvuga ko ako gace katangiye gutunganywa kazaba kagizwe n’inzira z’abanyamaguru n’abatwara amagare, ubusitani, kiosike zo gucururizamo ndetse n’ahagenewe kumurikira ibikorwa bitandukanye.

Imirimo yo kuhatunganya yatangiye

Iyo Car Free Zone izaba kandi ifite ahagenewe imyidagaduro y’abana, hazaba hari kandi intebe rusange z’abashaka kuhaganirira, aho abantu babona Wifi (Internet), ubwiherero rusange n’ibindi abantu bazakenera.

Bakekwaho gutema ibi bya Leta batabiherewe uburenganzira

Abo bagabo ubwo bafatwaga bari bafite imbaho zigera kuri 279 babaje mu biti bya Leta, abafashwe ni Niyibizi Jean Claude w’imyaka 34, Mbabarenkoriki Eric w’imyaka 32, Hategekimana Frederick w’imyaka 30, Bizimana Cyriaque w’imyaka 31, Sebahire Mathieu w’imyaka 34 na Mbonabucya Emmanuel w’imyaka 24.

Umuvugizi wa Polisi mu Ntara y’Amajyepfo, SP Theobard Kanamugire, yavuze ko gufatwa kw’abo bagabo byaturutse ku makuru yatanzwe n’abaturage bo mu Kagari ka Ngoma mu Midugudu ya Sabununga, Cyivugiza na Kabahazi ahari umuhanda uteyeho ibyo biti bavuga ko hari abantu batema ibiti byo ku muhanda byaterewe gufata ubutaka bw’umuhanda no kurwanya isuri bakabibazamo imbaho.

Yagize “Abaturage bo muri iriya Midugudu baduhaye amakuru ko hari abagabo basanzwe ari ababaji batema ibiti biteye ku muhanda by’iganjemo ibyo mu bwoko bwa Gereveriya bakabibazamo imbaho bakazigurisha. Natwe tukimara guhabwa amakuru kubera ko abaturage bagiye batubwira aho batuye n’aho babariza ibiti twaragiye duhita tubafata uko ari 6 maze tubasangana imbaho 279”.

SP Kanamugire yavuze ko abo bagabo bakimara gufatwa bavuze ko ibyo biti babitemaga muri iyo Midugudu itatu (3) iherereye muri ako Kagari ka Ngoma, Umurenge wa Nyamiyaga ndetse bakanabibariza hafi aho ku muhanda aho babaga babitemye.

Yagize ati “Aba bagabo bakimara gufatwa bemeye ko ibyo biti babitemaga ndetse bari bamaze gutema ibirenga kuri 20 ariko bavuga ko bahabwaga akazi na Niyonzima Jean Pierre na Muyango Jean Eric ari nabo babarizaga izo mbaho”.

Umuvugizi wa Polisi mu Ntara y’Amajyepfo, yibukije abakora umwuga w’ububaji kimwe n’abandi bantu muri rusange ko bakwiye kwirinda gutema ibiti biteye ku muhanda kuko biba byatewe kugira ngo bifate ubutaka bw’umuhanda biwurinda gutenguka.

Yagize ati “Gutema ibiti bya Leta ibyo ari byo byose ni kwangiza ibidukikije, ni icyaha gihanwa n’amategeko, niyo mpamvu duhora dukangurira abantu kubyirinda. Ikindi tunasaba abaturage gutanga amakuru y’umuntu wese babonye ubitema cyangwa ubyangiza kuko iyangirika ryabyo rigira ingaruka ku binyabuzima”.

SP Kanamugire yashimiye abaturage batanze amakuru abasaba gukomeza ubwo bufatanye n’imikoranire myiza batangira amakuru ku gihe y’ikintu cyose cyahungabanya umutekano w’abantu n’ibintu.

Aba bagabo bose bashyikirijwe Urwego rw’ubugenzacyaha (RIB) rukorera kuri Sitasiyo ya Polisi ya Mugina ngo bakorerwe dosiye.

Itegeko N°48/2018 ryo ku ya 13/08/2018, mu ngingo yaryo ya 44 ivuga ko hagamijwe kurengera ibinyabuzima, ibikorwa bikurikira birabujijwe: gutwika amashyamba, pariki z’Igihugu n’ibyanya, gutwika ibishanga, inzuri, ibihuru, ibyatsi hagamijwe ubuhinzi cyangwa gutunganya inzuri z’amatungo ndetse n’ibindi bikorwa ibyo ari byo byose byangiza ibidukikije birabujijwe.

Ingingo ya 59 y’iri tegeko ivuga ko umuntu wese utuma ibimera bikomye bipfa, ubisenya, ubisarura cyangwa ubyangiza, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’Amafaranga y’u Rwanda atari munsi ya miliyoni imwe (1.000.000 Frw) ariko atarenze miliyoni eshatu (3.000.000Frw).

Gatabazi JMV yari asanzwe ari Guverineri w’Intara y’Amajyaruguru

Gatabazi Jean-Marie Vianney wari Guverineri w’Intara y’Amajyaruguru yagizwe Minisitiri w’Ubutegetsi bw’Igihugu asimbuye Prof Shyaka Anastase wari kuri uyu mwanya kuva mu Kwakira 2018, Shyaka na we akaba yari yawusimbuyeho Francis Kaboneka.

Gatabazi Jean Marie Vianney yayoboraga Intara y’Amajyaruguru kuva muri Kanama 2017, akaba mbere yaho yari Umudepite mu gihe cy’imyaka 14.

Undi washyizwe ku mwanya wa Minisitiri ni Beata Habyarimana wagizwe Minisitiri w’Ubucuruzi n’Inganda. Asimbuye Soraya Hakuziyaremye wari kuri uyu mwanya kuva tariki 18 Ukwakira 2018.

Beata Habyarimana

Soraya Hakuziyaremye yagumye mu byerekeranye n’ubukungu n’imari, dore ko yagizwe Guverineri wungirije wa Banki Nkuru y’u Rwanda (BNR). Uyu mwanya awusimbuyeho Dr Monique Nsanzabaganwa uherutse gutorerwa kuba Visi Perezida wa Komisiyo y’Umuryango wa Afurika yunze Ubumwe.

Dr Monique Nsanzabaganwa uyu mwanya wa Guverineri wungirije wa Banki Nkuru y’Igihugu yari awumazeho imyaka ibarirwa mu icumi, dore ko yawugiyeho muri Gicurasi 2011. Na we yagiye kuri uyu mwanya nyuma yo kuba Minisitiri w’Ubucuruzi n’Inganda kuva mu 2008 kugeza mu 2011.

Izindi mpinduka zakozwe mu buyobozi bw’Intara y’Iburasirazuba, Intara y’Iburengerazuba no mu Ntara y’Amajyaruguru.

Emmanuel Gasana wahoze ayobora Intara y’Amajyepfo, yagizwe Guverineri w’Intara y’Iburasirazuba, akaba asimbuye Mufulukye Fred wayoboraga iyi Ntara kuva muri 2017, aho na we yari yasimbuye Kazayire Judith.

Emmanuel Gasana yagizwe Guverineri w’’Intara y’Iburasirazuba

Emmanuel Gasana yagizwe Guverineri w’Intara y’amajyepfo tariki 18 Ukwakira 2018, mbere yaho, akaba yarayoboraga Polisi y’u Rwanda mu myaka hafi icumi. Icyo gihe yahawe kuyobora Intara y’Amajyepfo asimbuye Mureshyankwano Marie Rose wari uyiyoboye kuva muri 2016.

Ku itariki 25 Gicurasi 2020 Guverineri Gatabazi JMV wayoboraga Amajyaruguru na Guverineri Emmanuel Gasana wayoboraga Amajyepfo bahagaritswe ku mirimo kubera ibyo bagombaga kubazwa bari bakurikiranyweho.

Mu kwezi kwa Karindwi 2020, Gatabazi Jean Marie Vianney yasubijwe ku mirimo ya Guverineri w’Intara y’Amajyaruguru, Intara y’Amajyepfo ihabwa Umuyobozi mushya ari we Madamu Alice Kayitesi wari usanzwe ari Umuyobozi w’Akarere ka Kamonyi ko mu Ntara y’Amajyepfo.

Mu bandi bayobozi bashyizwe mu myanya, harimo Dancilla Nyirarugero wagizwe Guverineri w’Intara y’Amajyaruguru asimbuye Gatabazi JMV wagizwe Minisitiri.

Hari kandi na Habitegeko François wayoboraga Akarere ka Nyaruguru, akaba yagizwe Guverineri w’Intara y’Iburengerazuba, asimbuye Munyantwali Alphonse.

Habitegeko François wayoboraga Nyaruguru agiye kuyobora Intara y’Iburengerazuba

Akarere ka Nyaruguru ni ko kabaye aka mbere mu kwesa imihigo y’umwaka w’ingengo y’imari wa 2019-2020.

Icyo gihe muri iyo mihigo, ku rwego rw’Intara n’Umujyi wa Kigali, Intara y’Iburengerazuba ni yo yari yabaye iya nyuma.

Ni inama yitezweho gufatirwamo imyanzuro ishobora koroshya ingamba zimaze iminsi zikurikizwa zigamije gukumira ikwirakwizwa ry’icyorezo cya COVID-19.

Izo ngamba zari zisanzweho zishobora kuvugururwa zirimo nko kuba amasaha y’ingendo yari yemewe kugeza saa mbili z’umugoroba, ingendo hagati y’Umujyi wa Kigali n’ahasigaye mu gihugu ntizari zemewe, kimwe n’ingendo hagati y’Uturere, keretse ku wabiherewe uburenganzira n’inzego zibishinzwe.

Icyakora hari izindi gahunda na zo zimaze igihe zitegereje zirimo nk’utubari, ibikorwa by’imyidagaduro n’ibindi bitarigera bifungurwa kuva inngamba zo guhangana n’iki cyorezo zatangira kubahirizwa guhera mu ntangiriro z’umwaka ushize wa 2020.

N’ubwo icyorezo kikiriho, icyizere cy’uko zimwe mu ngamba zishobora koroshywa, abantu bagishingira ku kuba ubu u Rwanda rukataje muri gahunda yo gutanga inkingo, ndetse imibare y’abandura n’abicwa na COVID-19 ikaba imaze iminsi bigaragara ko yagabanutse.

Kanda HANO urebe imyanzuro yafatiwe muri iyi nama y’Abaminisitiri.

Abatanze ibiganiro barimo Madamu Rose RWABUHIHI, Umuyobozi w’urwego rugenzura iyubahirizwa ry’ihame ry’uburinganire n’ubwuzuzanye hagati y’abagabo n’abagore (Gender Monitor Office), Madamu Fatou AMINATA LO, uhagarariye UN Women mu Rwanda, Bwana Fidele RUTAYISIRE, Umuyobozi Nshingwabikorwa wa RWAMREC, Madamu Fabiola NGERUKA, ukorera muri UNFPA MALI, Madamu Agnes AMMEUX, ukorera Enabel muri Guinée-Bissau na Dr Angelique MUKESHIMANA, wigira ubuvuzi muri Kaminuza ya Havre.

Amb. Jean Pierre KARABARANGA uhagarariye u Rwanda muri Senegal n’abacyitabiriye bagarutse ku nsanganyamatsiko yo ku rwego rw’igihugu igira iti: “Munyarwandakazi, ba ku ruhembe mu isi yugarijwe na Covid-19”, bagaragaza urwego umugore agezeho mu kwiteza imbere, uruhare afite mw’iterambere ry’igihugu, ibibazo umugore cyangwa umwana w’umukobwa ahura na byo mu mibereho ya buri munsi.

Amb KARABARANGA yongeye kwibutsa ubutumwa bwa Nyakubahwa Perezida wa Repubulika ku munsi mpuzamahanga w’abagore ubwo kuri Twitter ye yagize ati: “Uyu munsi ni ukwibuka ko uburinganire butareba abagore gusa. Nta terambere ryabaho hatabaye ubwitabire n’amahirwe angana kuri bose. Buri wese muri twe afite uruhare mu kurwanya ubusumbane kandi ihezwa nta mwanya rifite mu gihe kiri imbere.”

Abatanze ikiganiro bagiye bagaruka ku ntambwe ndende kandi ifatika u Rwanda rugezeho mu byiciro byose: mu burezi , mu buzima n’ubuvuzi, mu bukungu, mu miyoborere n’inzego z’ubuyobozi, mu mutekano no mu butabera. Bavuze ko ubu bwiyongere bw‘abagore mu nzego zose, bikwiye kwishimirwa no guterwa imbaraga kandi bigakomeza.

Ambasaderi KARABARANGA yibukije ko ibi byose byashobotse kubera ubuyobozi bwiza bwa Perezida Paul KAGAME kandi ko byatangiye muri 1994 nyuma ya Jenoside yakorewe Abatutsi. Amb KARABARANGA yagize ati : “Kuva muri 1962 u Rwanda rubona ubwigenge kugeza muri 1994 ,umugore n’umwana w’umukobwa nta gaciro bahabwaga haba mu miryango yabo ndetse no muri politiki y’igihugu. Nyuma ya Jenoside yakorewe Abatutsi Guverninoma y’Ubumwe bw’Igihugu yashyizweho na FPR ni yo yashyize mu bikorwa politiki yo guha agaciro abagore, kubateza imbere, kubashyigikira muri byose kuko n’ubundi byari muri porogaramu politiki ya FPR kuva yavuka”.

Ibiganiro byabaye hifashishijwe ikoranabuhanga

Hagaragajwe kandi ko hari gahunda nyinshi cyane zakozwe zijyanye no gufasha abadamu ariko ko hakwiye no kumenya ibibazo bahuye na byo mu gihe cya Covid-19 mu buryo bwimbitse n‘uburyo byakemuka kandi abafatanyabikorwa ba Leta na bo bakabyitabira ari benshi. Abari muri ibyo biganiro bibukiranyije ko umunyarwandakazi kuva kera yagiye agaragaza ubushobozi , ubwitange no kwihangana mu bihe bikomeye nko mu rugamba rwo kubohora igihugu, ku buryo bitanga ikizere ko n’ubundi abagore bazashobora kuva mu bibazo batewe na Covid-19, cyane cyane ko Leta ibari inyuma kandi ibashyigikiye muri byose.

Bifuje kandi ko muri diaspora ibiganiro bijyanye n’uburinganire byashyirwamo ingufu cyane cyane mu miryango, kugira ngo urubyiruko, ari rwo Rwanda rw’ejo ruzashobore gusigasira ibyagezweho.

Umuvugizi wa Polisi mu Ntara y’Iburengerazuba, Chief Inspector of Police (CIP) Bonaventure Twizere Karekezi yavuze ko gufatwa kw’aba bagabo byaturutse ku makuru yatanzwe n’abaturage.

Ati"Mu masaha ya saa kumi n’ebyiri z’umugoroba (18h00) abaturage baduhaye amakuru ko iyo modoka irimo gupakira ibintu kandi ko uri kubipakiza ariwe Ngaboyishema asanzwe azwiho gucuruza amabuye y’agaciro mu buryo bwa magendu. Tukimara guhabwa ayo makuru abapolisi bakorera muri uwo Murenge bahise bajyayo barabafata."

CIP Karekezi avuga ko aba bagabo bombi bakimara gufatwa babajijwe ibyangombwa bibemerera gucuruza amabuye y’agaciro bereka ibya kompanyi icukura amabuye mu Karere ka Muhanga.

Bafatiwe mu Mudugudu wa Gasave, Akagari ka Bijyojyo mu Murenge wa Ndaro mu Karere ka Ngororero kwa Ngaboyishema.

Abapolisi barebye mu modoka ibyo bapakiye basanga n’amabuye y’agaciro yo mu bwoko bwa Gasegereti na Koluta. Umushoferi w’iyi modoka ariwe Murekeyimana we akaba atuye mu Karere ka Kicukiro, Umurenge wa Gikondo, Akagali ka Kabuye, Umudugudu wa Kabuye.

Umuvugizi wa Polisi mu Ntara y’Iburengerazuba avuga ko abo bagabo bababajije aho bari bajyanye ayo mabuye bavuga ko bari bayajyanye mu Mujyi wa Kigali. Abaturage bavuga ko uyu Ngaboyishema asanzwe acukuza amabuye muri uwo murenge atuyemo wa Ndaro ndetse akanayacuruza mu buryo butemewe n’amategeko.

CIP Karekezi yagiriye inama abantu bacukura bakanacuruza amabuye y’agaciro mu buryo bwa magendu ko bakwiye kubicikaho kuko amayeri n’uburyo bwose bakoresha babikora yatahuwe batazabura gufatwa.

Yagize ati "Kujya gutira icyangombwa muri Kompanyi zemerewe gucukura no gucuruza amabuye y’agaciro ni ukwibeshya cyane, kuko inzira zose uzacamo n’uburyo bwose uzakoresha uzafatwa. Nubikora uyu munsi ntufatwe umenyeko ejo uzafatwa ugashyikirizwa ubutabera, icyaruta ni uko ababikora babireka bagakora ibintu byemewe n’amategeko."

Yashimiye abaturage batanze amakuru yatumye ababombi bafatwa, yibutsa n’abandi muri rusange kujya batangira amakuru ku gihe cyane ko amabuye y’agaciro iyo acukuwe mu buryo butemewe byangiza ibidukikije birimo; amashyamba, amazi, imirima, imihanda n’ibindi.

Abafashwe bashyikirijwe Urwego rw’ubugenzacyaha (RIB) rukorera muri Sitasiyo ya Polisi ya Gatumba ngo bakorerwe dosiye.

Itegeko rigena ubucukuzi bw’amabuye y’agaciro na kariyeri nimero 58/2018 ryo kuwa 13/08/2018, mu ngingo ya 54 ivuga ko umuntu wese ushakashaka, ucukura, utunganya, ucukuza amabuye y’agaciro cyangwa kariyeri nta ruhushya aba akoze icyaha.

Iyo abihamijwe n’urukiko ahanishwa igifungo kitari munsi y’amezi abiri (2) ariko kitarenze amezi atandatu (6) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

Urukiko rutegeka kandi ubunyagwe bw’amabuye y’agaciro cyangwa kariyeri byafatiriwe biri mu bubiko, bicuruzwa cyangwa bitunganywa nta ruhushya.

Ni inkuru dukesha Polisi y’u Rwanda

Nyuma y’uko Rusesabagina atangaje ko avuye mu rubanza, Me Rudakemwa umwunganira na we yavuze ko ashyigikiye ibyo Rusesabagina yavuze byo gusezera mu rubanza.

Ibi Rusesabagina yabivuze nyuma y’uko urukiko rwari rumaze kwanzura ko rutesheje agaciro ubusabe bwa Rusesabagina bw’amezi atandatu yo gutegura dosiye, rwemeza ko urubanza rukomeza.

Umucamanza yavuze ko iburanisha rikomeza, Nsabimana Callixte akaba ari we wari ugezweho.

Bigenda bite iyo umuntu yikuye mu rubanza?

Iyo umuntu yikuye mu rubanza nk’ibi bya Rusesabagina, amategeko ateganya ko urukiko rumuhamya ibyaha byose aregwa nk’uko abishinjwa n’Ubushinjacyaha, rukamukatira ibihano.

Soma inkuru irambuye HANO ku bijyanye no kwikura mu rubanza.

Niyonsenga Fulgence acyekwaho kwiba moto y’umumotari witwa Ndagijimana Etienne

Umuvugizi wa Polisi mu Ntara y’Amajyepfo, Superintendent of Police(SP) Theobald Kanamugire yavuze ko Moto ya Ndagijimana yibwe ku mugoroba tariki ya 9 Werurwe ahagana saa tatu z’ijoro, ikimara kwibwa Ndagijimana yahise atanga amakuru kuri Polisi irakurikiranwa.

SP Kanamugire yagize ati” Ndagijimana yari yatije inshuti ye moto ageze mu Mudugudu wa Kona ayihagarika hanze yinjira mu nzu Niyonsenga aramucunga arayitwara. Ikimara kubura wa muntu yabibwiye Ndagijimana ariwe nyiri moto Ndagijimana nawe yahise atanga amakuru kuri Polisi avuga ibirango by’iyo Moto dukorana n’inzegi z’ibanze turayikurikirana.”

SP Kanamugire yakomeje avuga ko muri iryo joro iyo moto yafatiwe mu rugabano rw’umurenge wa Mugina n’uwa Rugarika, Niyonsenga niwe wayifatanwe avuga ko yari agiye kuyigurisha mu Karere ka Muhanga.

Umuvugizi wa Polisi mu Ntara y’Amajyepfo yaboneyeho gukangurira abantu kujya bihutira gutanga amakuru igihe bagize ikibazo ariko nanone bakarushaho kurinda ibinyabiziga byobo kugira ngo bitibwa.

Ati “Turashimira Ndagijimana wihutiye gutanga amakuru akimara kubura moto ye, byadufashije kuyikurikirana hakiri kare ihita ifatwa. Turanashimira abayobozi bo mu nzego z’ibanze ku gikorwa cyo guhanahana amakuru bigatuma iriya moto ifatwa.”

Moto yari yibwe Ndagijimana Etienne

Ndagijimana yashimiye Polisi y’u Rwanda uko yihutiye gushakisha Moto ye ikarinda iboneka itaragera kure ngo igurishwe. Yanashimye imikoranire myiza iri hagati ya Polisi y’u Rwanda n’abayobozi mu nzego z’ibanze kuko habayeho igikorwa cyo guhanahana amakuru.

Iyi nkuru dukesha Polisi y’u Rwanda ivuga ko Niyonsenga yahise ashyikirizwa Urwego rw’ubugenzacyaha(RIB) rukorera muri sitasiyo ya Mugina kugira ngo hakorwe iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 166, ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Mu bandi bakingiwe harimo abatwara abagenzi kuri moto, abakora mu mavuriro yigenga n’abageze mu zabukuru.

Mbere yaho ku wa Gatatu tariki 10 Werurwe 2021 mu Rwanda hakingiwe ababarirwa mu bihumbi icyenda, buzuza umubare w’abagera ku bihumbi 230 bari bamaze gukingirwa mu gihugu hose.

Perezida Kagame yakingiwe Covid-19

Madame Jeannette Kagame nawe yakingiwe

Gukingira Perezida Kagame na Madame Jeannette Kagame byabereye ku bitaro byitiriwe Umwami Faisal mu Mujyi wa Kigali, bakaba bakingiwe nyuma yaho ku wa Gatanu w’icyumweru gishize hatangijwe ku mugaragaro igikorwa cyo gukingira Abanyarwanda Covid-19 mu gihugu cyose kandi kikaba gikomeje.

Ku itariki 3 Werurwe 2021 ni bwo mu Rwanda hageze inkingo zisaga ibihumbi 300, zaje biciye muri gahunda yiswe Covax y’Ishami ry’Umuryango w’Abibumbye rishinzwe Ubuzima (OMS), igamije gusaranganya inkingo ku batuye isi bo mu bihugu byose, zikaba zahise zikwirakwizwa mu turere.

Biteganyijwe ko iyo nama izabera mu Rwanda mu kwezi kwa Kamena muri uyu mwaka wa 2021.

Mu gitondo cyo kuri uyu wa Kane tariki 11 Werurwe 2021, uwo muyobozi yagiranye ibiganiro na Minisitiri w’Ububanyi n’amahanga w’u Rwanda, Dr Vincent Biruta ku bijyanye n’iyo myiteguro.

Baganiriye kandi ku zindi ngingo zitandukanye zirimo ibirebana n’ingamba zo guhangana n’icyorezo cya COVID-19 ndetse n’ibyerekeranye n’imihindagurikire y’ikirere.

Berekeje muri Sudani y’Epfo mu bikorwa byo kubungabunga amahoro

Ni itsinda riyobowe na CSP Faustin Kalimba, kubera ibibazo by’icyorezo cya COVID-19 abo bapolisi baragenda mu byiciro aho ikiciro cya mbere hagiye abapolisi 80 bayobowe na SP Leon Niyomwungeri. Bagiye gusimbura bagenzi babo 240 bagize itsinda riyobowe na SSP Fabien Musinguzi, abo nabo hakaba habanje kuza abapolisi 79 bayobowe na SP David Kalimba.

Abo bapolisi bose ku kibuga cy’indege mpuzamahanga cya Kigali baherekejwe banakirwa na bamwe mu bofisiye bakuru muri Polisi y’u Rwanda bari bayobowe na CP Bruce Munyambo.

Ubwo hakirwaga itsinda ry’abapolisi bari bageze i Kigali, Umuvugizi wungirije muri Polisi y’u Rwanda, CSP Africa Sendahangarwa Apollo, Polisi y’u Rwanda yohereje abapolisi bajya gusimbura bagenzi babo mu butumwa bw’umuryango w’abibumbye bugamije kubungabunga amahoro muri Sudani y’Epfo.

Yavuze ko abapolisi bagiye bagize igihe gihagije cyo guhugurwa ku nshingano bagiyemo, zo kurinda abaturage b’abasivili ndetse bakanakora ibikorwa bitandukanye bizamura imibereho yabo.

Yagize ati "Aba bapolisi mbere yo kujya gusimbura bagenzi babo bagira igihe cyo guhugurwa ku nshingano bazakora ndetse bakanahugurwa mu gukoresha ibikoresho bazifashisha. Usibye inshingano ya mbere yo kurinda abaturage bakuwe mu byabo n’intambara, banabafasha mu bikorwa bijyanye no kwicungira umutekano, ibijyanye n’isuku, umuganda, kubakira abatishoboye n’ibindi bitandukanye”.

Yakomeje avuga ko abo bapolisi bagize igihe cyo kwirinda icyorezo cya Covid-19 bakiri mu Rwanda, ndetse ko nibanagera muri Sudani y’Epfo bazakomeza gukurikiza amabwiriza yo kukirinda.

Ati “Kubera ko turi mu gihe cya Covid-19, abapolisi barimo kugenda mu byiciro, abo bapolisi 240 bazagenda mu byiciro 3, uyu munsi hagiye 80. Impamvu ni uko iyo bageze aho bagiye mu kazi bagomba kujya mu kato k’iminsi 14, mbere yo kugenda barapimwe inshuro nyinshi banabanza kujya mu kato k’iminsi 14”.

Abo bapolisi b’u Rwanda barimo kujya mu butumwa bwo kubungabunga amahoro muri Sudani y’Epfo ni ikiciro cya 6, u Rwanda rwatangiye kohereza abapolisi muri icyo gihugu mu butumwa bw’umuryango w’abibumbye kuva mu mwaka wa 2015.

Umuyobozi mukuru wa Polisi y’u Rwanda, IGP Dan Munyuza, yahaye impanuro abo bapolisi, abasaba gukomeza kurangwa no gukora kinyamwuga, ikinyabupfura, ubunyangamugayo, gukorera hamwe nk’ikipe, kubaha abaturage n’indangagaciro zabo bazirikana ko biri mu rwego rwo gukomeza guhesha isura nziza u Rwanda n’abanyarwanda.

Buri tariki ya 8 Werurwe, u Rwanda rwifatanya n’Isi yose mu kwizihiza umunsi mpuzamahanga wahariwe abagore.

N’ubwo hari byinshi byamaze kugerwaho mu Rwanda mu kubahiriza ihame ry’uburinganire, hari ahakigaragara icyuho cyane cyane mu nzego z’abikorera.

Ubuyobozi bw’Uruganda rwenga ibinyobwa bisembuye n’ibidasembuye, SKOL Brewery Ltd (SBL), buvuga ko muri gahunda zabwo bwiyemeje guteza imbere uburinganire bw’abakozi barwo, bukabasaranganya amahirwe aboneka mu byiciro bitandukanye.

Bwagize buti “Tuzi ko gushyigikira ihame ry’uburinganire n’ubufatanye atari ikintu cyiza cyo gukora gusa, ahubwo bifitanye isano n’ubucuruzi bwacu.”

Bwakomeje bugira buti “Iyi mihigo yahujwe n’indangagaciro n’imyizerere y’ikigo cyacu cyane ko uyu munsi cyakira buri wese tutitaye k’uwo ari we, yaba umugabo cyangwa umugore, icyiciro arimo, ibara ry’uruhu n’aho dukomoka. Ibyo bisobanuye kubakira kuri byombi haba aho abakozi bakorera hose, no guteza imbere icyo twita ubutwari mu bikorwa byacu hamwe n’abakunzi b’ibinyobwa byacu dukorera.”

Umuyobozi Mukuru wa SKOL Brewery Ltd, Ivan Wulffaert, anywa ku mazi yakozwe n’uruganda ayobora

SKOL ivuga ko kandi n’ubwo hari ahakigaragara ubusumbane hagati y’abagabo n’abagore mu bigo bitandukanye, mu mikorere yayo, abakozi bose bafatwa kimwe ndetse bigakorwa hagendewe ku buryo buzwi bwashyizweho.

Yagize iti “N’ubwo ubusumbane bukigaragara mu bigo bimwe, twe twahisemo uburinganire mu kazi kacu. Ibi bishimangirwa n’ikipe ishinzwe abakozi ishyiraho amategeko ngenderwaho kugira ngo abantu bose bamenye ko bahabwa amahirwe angana ndetse abakozi bagafatwa kimwe igihe cyose haba mu guhabwa akazi cyangwa igihe bamara mu kazi.”

Yakomeje igira iti “Mu bice byose by’akazi, nko gushaka abakozi bashya, gutanga amasoko, amahugurwa, kuzamurwa mu ntera, SBL ikora ku buryo abakandida batoranywa hagendewe ku bushobozi bwabo n’ubunararibonye bafite.”

“Nta na hamwe hashingirwa ku gitsina, imyaka, imyizerere ishingiye ku idini cyangwa ibindi byose bifitanye isano, amategeko n’indangagaciro zayo bibuza, bigenderwaho mu gutoranya umukandida mu bandi.”

Uruganda rwa SKOL Brewery Ltd rukomoka kuri sosiyete nini ya UNIBRA. Rukorera mu Rwanda kuva mu 2010, aho rutunganya ibinyobwa bisembuye n’ibidasembuye.

SKOL Malt, SKOL Gatanu, SKOL Lager, SKOL Panache Virunga Mist na Gold n’ikinyobwa cy’amazi ya Virunga bashyize hanze vuba, ibi byose ni bimwe mu binyobwa bitunganywa n’uru ruganda.

Hamed Bakayoko

Ibitangazamakuru bitandukanye birimo AFP na Reuters byanditse ko Hamed Bakayoko yahabwaga amahirwe menshi yo gusimbura Perezida wa Côte d’Ivoire, Alassane Ouattara.

Minisitiri Hamed Bakayoko yari amaze ukwezi yivuriza i Burayi. Perezida wa Côte d’Ivoire, Alassane Ouattara, yatangaje ko yababajwe n’urupfu rwa Hamed Bakayoko yafataga nk’umuhungu we ndetse bakoranaga bya hafi.

Hamed Bakayoko nta gihe kinini yari amaze kuri uwo mwanya kuko yashyizweho mu mwaka ushize wa 2020 mu kwezi kwa Nyakanga, asimbuye Amadou Gon Coulibaly na we wari umaze kwitaba Imana mu buryo butunguranye.

Abitabye Imana ni abagabo babiri b’imyaka 70 na 64 i Kigali.

Bafashwe bakwirakwiza urumogo mu baturage

Umuvugizi wa Polisi mu Ntara y’Iburengerazuba, CIP Bonaventure Twizere Karekezi, yavuze ko bariya bantu bafashwe mu bihe bitandukanye ndetse n’ahantu hatandukanye. Bamwe bafashwe biturutse ku makuru yatanzwe n’abaturage abandi bafatirwa mu bikorwa bya Polisi bisanzwe.

CIP Karekezi yagize ati “Habimana Moses w’imyaka 39 n’umugore we Uwamahirwe Feza w’imyaka 36 bafatiwe mu Murenge wa Rubavu mu Kagari ka Buhaza biturutse ku makuru yari yatanzwe n’abaturage, mu rugo rwabo hafatiwe udupfunyika tw’urumogi 1,016. Bari barutabye mu mwobo uba mu murima w’imboga mu rugo rwabo”.

CIP Karekezi yakomeje avuga ko uwitwa Baranyeretse Theoneste w’imyaka 39 na Manishimwe Froduard w’imyaka 31(umumotari) bafatiwe mu Murenge wa Gisenyi bafatanwa udupfunyika tw’urumogi 1,500 barutwaye kuri moto.

Ni mu gihe uwitwa Niyibizi w’imyaka 27 yafashwe afite udupfunyika 90, Manirakiza Abdoul w’imyaka 33 we yari afite udupfunyika 10.

CIP Karekezi ati “Abapolisi bari mu kazi kabo ka buri munsi babona abantu bari kuri moto barimo kwiruka cyane babagirira amakenga barabahagarika. Nyuma yo kubahagarika barebye mu gikapu cyari mu mugongo wa Baranyeretse wari uhetswe kuri basanga harimo udupfunyika 1500 tw’urumogi”.

Uwo muyobozi yongeraho ko bamaze gufatwa bavuze ko urwo rumogi bari barukuye mu gihugu cya Repubulika iharanira Demokarasi ya Congo bagiye kurucuruza mu bice bitandukanye byo mu Karere ka Rubavu.

CIP Karekezi yavuze kandi ko abapolisi nyuma yo gufata Baranyeretse na mugenzi we w’umumotari bahise bafata Niyibizi na Manirakiza bombi bafite udupfunyika 100 tw’urumogi. Yashimye ubufatanye abaturage bakomeje kugaragaza mu kurwanya ibiyobyabwenge n’ibindi byaha.

Ati “Ni kenshi Polisi y’u Rwanda ifata abantu bakwirakwiza ibiyobyabwenge biturutse ku guhanahana amakuru. Ibi bigaragaza ubufatanye buri hagati ya Polisi y’u Rwanda n’abaturage mu kurwanya ibyaha, ari nabyo dukangurira n’abandi baturage gukomeza ubu bufatanye”.

Hari abafashwe batwaye urumogi kuri moto

Yibukije abaturage ko usibye no kuba kwijandika mu biyobyabwenge ari icyaha gihanwa n’amategeko, urumogi nirwo ntandaro y’ibindi byaha bikunze kugaragara mu muryango nyarwanda nko gukubita no gukomeretsa, ubujura, ihohotera rishingiye ku gitsina n’ibindi bitandukanye.

Abafashwe bose uko ari 6 bashyikirijwe urwego rushinzwe Ubugenzacyaha (RIB) kugira ngo bakorerwe amadosiye.

Iteka rya Minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranyije n’amategeko, aba akoze icyaha.

Iyo abihamijwe n’urukiko ahanishwa igifungo cya burundu n’ihazabu y’Amafaranga y’u Rwanda arenze miliyoni makumyabiri (20.000.000Frw) ariko atarenze miliyoni mirongo itatu (30.000.000Frw) ku byerekeye ibiyobyabwenge bihambaye.

Perezida Kagame

Perezida Kagame yavuze ko uyu munsi ari umwanya mwiza wo kuzirikana ko ibijyanye n’uburinganire n’ubwuzuzanye bitareba abagore gusa.

Ati “Nta terambere ryabaho impande zombi zitabigizemo uruhare ndetse zigahabwa amahirwe angana.”

Umukuru w’Igihugu cy’u Rwanda yagaragaje ko buri wese afite uruhare asabwa kugira mu guharanira ko ubusumbane bushingiye ku gitsina no guhezwa kwa bamwe birandurwa kuko nta mwanya bifite mu hazaza heza h’igihugu.

Happy #IWD2021! Today is a reminder that gender equality is not just a women’s issue. There can be no progress without equal participation and opportunity for all. Each one of us has a role to play to ensure gender disparity and exclusion has no place in our future.

— Paul Kagame (@PaulKagame) March 8, 2021

Bakekwaho kwiba amashanyarazi

Tariki ya 6 Werurwe 2021, Ukurikiyeyezu Damas na Twizerimana Vedaste bafatiwe mu Mudugudu wa Munyinya, Akagali ka Ruli, Umurenge wa Shyogwe mu Karere ka Muhanga, bakekwaho kubaka imiyoboro y’amashanyarazi itemewe bagaha bamwe mu baturage batuye muri uwo mudugudu amashanyarazi.

Abo bombi bahise bashyikirizwa RIB ya Muhanga kugira ngo bakurikiranwe kuri ibyo byaha.

Tariki 05 Werurwe 2021, i Musanze mu Murenge wa Musanze, mu Kagali ka Cyabagarura, Umudugudu wa Ruvumu, uwitwa Mutabazi Regis w’imyaka 25 yahafatiwe na REG ifatanyije n’inzego z’umutekano, nawe yubaka umuyoboro w’amashanyarazi utemewe ndetse ahita ashyikirizwa RIB ya Cyuve ngo akurikiranwe.

Tariki 03 Werurwe 2021, i Musanze na none mu Murenge wa Muko, mu Kagali ka Kabere, umudugudu wa Ruvumu, uwitwa Ngizwenimana Nicodem yafashwe yibira umuriro mu nzu ye y’ubucuruzi.

Uyu nyuma yo gushyikirizwa RIB yahise yemera kwishyura amafaranga ya amande angana na miliyoni eshatu (3,000,000Frw) ndetse yemera no kwishyura amafranga y’umuriro wose yibye nk’uko biteganywa n’itegeko nyuma ararekurwa.

Umuyobozi w’Ishami rishinzwe ubucuruzi mu Kigo cy’Igihugu Gishinzwe gukwirakwiza amashanyarazi (EUCL), Karegeya Wilson, avuga ko abakekwa bose bagezwa imbere y’ubutabera bagakurikiranwa kuri ibyo bikorwa bibi.

Karegeya yamaganye ibikorwa byo kwiba amashanyarazi, anasaba abaturage kubyirinda kuko ngo uretse kuba bidindiza iterambere ry’igihugu, bishobora no guteza impanuka za hato na hato.

Ati “REG ifatangiye n’inzego z’umutekano n’abaturage buri gihe ikora ubugenzuzi bugamije guhagarika ibikorwa by’abantu biba amashanyarazi mu gihugu hose, kuko uretse kuba ari igihombo ku kigo, ni igihombo no ku gihugu kuko bibangamira intego z’iterambere ry’igihugu”.

Kwiba amashanyarazi ni icyaha gihanwa n’itegeko nimero Nº52/2018 ryo ku wa 13/08/2018 risimbura iryavuguruwe Nº21/2011 ryo ku wa 23/06/2011.

Batawe muri yombi ngo bakurikiranwe ku cyaha bakekwaho

Ingo zisaga 5,000 muri Kirehe zahawe umuriro w’amashanyarazi

Izo ngo zahawe amashanyarazi zahise zituma iziyafite muri ako Karere ziva kuri 54.7% zigera kuri 60.1%, ni ukuvuga ko ubu harimo ingo 47.3% zifite umuriro w’amashanyarazi afatiye ku muyoboro mugari, naho 13.8% zifatiye ku mashanyarazi ahanini akomoka ku mirasire y’izuba.

Umuyobozi w’ishami rya REG mu Karere ka Kirehe, Mupenzi Théogène, avuga ko kuba kugeza ubu abatuye ako Karere basaga 60% bafite amashanyarazi, ari ibintu bishimishije cyane kuko bwa mbere amashanyarazi agezwa muri Kirehe hari mu mwaka wa 2010.

Yagize ati “Muri Kirehe iterambere ririmo kuzamuka cyane kuba ingo zifite amashanyarazi ubu ari 60%. Mwibuke neza ko urugo rwa mbere rwabonye amashanyarazi muri aka karere hari muri 2010, murumva rero ko ari intambwe ishimishije mu gihe gito”.

Mupenzi avuga ko izo ngo zabonye amashanyarazi REG ibifashijwemo n’umuryango nterankunga w’ababiligi witwa ENABEL.

Akomeza avuga ko bafite abandi baterankunga bazatanga amashanyarazi mu ngo zo muri Kirehe zisaga 5,000 na none mu gihe cya vuba, ndetse bari no gufatanya n’ubuyobozi bw’ako karere mu kongera amashanyarazi kandi ko mu mwaka wa 2024 ingo zose ziri muri Kirehe zizaba zifite amashanyarazi.

Abaherutse kubona amashanyarazi bemeza ko yahinduye imibereho yabo

Iyumva Muyobozi John, Umunyamabanga Nshingwabikorwa w’Akagari ka Kabuga gaherereye mu Murenge wa Musaza, ashima cyane iterambere abatuye ako Kagari bamaze kugeraho nyuma y’uko babonye amashanyarazi.

Iyumva avuga ko ubu mu gasantere ka Kabuga hagejejwe imashini zisya, inzu zitunganya umusatsi, imirimo yo gusudira ndetse n’umutekano wa nijoro wiyongereye.

Uwo muyobozi avuga kandi ko na serivisi batanga ku biro by’Akagari zabaye nziza kubera babonye amashanyarazi, akemeza ko mbere ataraza gufotora impapuro, gutegura raporo ku mashini, kuzishora mu mashini n’ibindi byabasaga ko bajya kubikorera ku Murenge wa Musaza ariko ubu aho amashanyarazi aziye serivisi zikorerwa aho ku Kagari bityo n’abaturage bakakirwa neza.

Uwimana Didiane ni umucuruzi ufite butike mu gasantere ka Gasarabwayi gaherereye mu Kagari ka Gasarabwayi, mu Murenge wa Musaza muri Kirehe, avuga ko iterambere ryihuse cyane muri ako Kagari kabo nyuma y’aho babonye amashanyarazi.

Uwo mugore avuga ko ubucuruzi bwe bugenda ndetse akurikije uburyo amashanyarazi yazanye iterambere bazarushaho gukora amasaha menshi mu gihe icyorezo cya Covid-19 kizaba kirangiye bemerewe gukora amasaha bashaka yose.

Habaguhirwa Pierre nawe atuye mu Murenge wa Musaza, yahise ushinga studio itanga amafilimi ndetse n’imiziki ku babyifuza.

Ati “Serivisi za studio nazitangije nyuma y’uko tubonye amashanyarazi, ubusanzwe izo serivisi abaturage bajyaga kuzishakira i Nyakarambi kuko ariho hafi bashoboraga kubona umuriro”.

Uwayezu Jean Baptiste ni umusore uri mu kigero cy’imyaka 25 wahise ashinga inzu itunganya imisatsi nyuma y’aho aboneye amashanyarazi.

Uwayezu avuga ko serivisi atanga zifasha abantu benshi mu isantere ya Gasarabwayi, yo mu Murenge wa Musaza, ndetse mbere y’uko babona amashanyarazi abaturage bifuza gukoresha umusatsi bategeshaga amafaranga asaga 3,000 bajya gukoresha imisatsi i Nyakarambi ariko byose ubu babibona hafi.

Mu rwego rwo kurushaho kwihutisha iterambere ry’ubukungu, Leta y’u Rwanda yihaye intego ko buri muturarwanda azaba afite amashanyarazi bitarenze umwaka wa 2024.

Imibare igaragazwa na REG kugeza ubu yerekana ko abasaga 59.7% ari bo bafite amashanyarazi mu Rwanda.

Ni mu buhamya uyu mukozi w’Imana w’Umurundi, yatanze imbere y’Urugereko rwihariye rw’Urukiko Rukuru ruburanisha ibyaha mpuzamahanga n’ibyambukiranya imipaka. Ni mu rubanza ruregwamo Rusesabagina Paul, Nsabimana Callixte ‘Sankara’ na Nsengimana Herman ndetse n’abandi 18 ku byaha bifitanye isano n’ibikorwa by’iterabwoba.

Bikurikire muri iyi Video:

Hafashwe amabaro 20 y’imyenda ya caguwa icuruzwa mu buryo bwa magendu

Abafashwe ni Niyondamya Eduard w’imyaka 36 na Uwanyirigira Consolée w’imyaka 32 bari bafite amabaro 8, bafatiwe mu Murenge wa Kimisagara naho Nshimiyimana Yassin w’imyaka 29 na Sikubwabo Emmanuel w’imyaka 41 bafatanwe amabalo 12, bafatiwe mu Murenge wa Rwezamenyo mu Kagari ka Kabuguri I, bose bafatiwe mu Karere ka Nyarugenge.

Umuvugizi wa Polisi y’u Rwanda, CP John Bosco Kabera yavuze ko bariya bantu bafashwe mu masaha atandukanye ariko bafatwa umunsi umwe, bose bafashwe biturutse ku makuru yatanzwe n’abaturage.

Yagize ati “Habanje gufatwa Niyondamya Eduard na Uwanyirigira Consolée bafatirwa mu isoko rya Kimisagara barimo gupakurura amabalo 8 y’imyenda ya Caguwa. Imyenda yabanje gufatanwa Uwanyirigira avuga ko atari iye ko ari iya Niyondamya ari nawe ufite ububiko bwayo i Nyamirambo, uyu nawe yarafashwe atwemerera ko iyo myenda ari iye ndetse nta misoro yayo afite”.

Kuri uwo munsi na none ishami hafashwe Nshimiyimana Yassin na Sikubwabo Emmanuel, bafatanwe amabalo 12.

CP Kabera ati "Iriya myenda yafatiwe mu rugo kwa Nshimiyimana ariko uyu akaba yari ayibikiye uwitwa Kayiranga Enock na Sikubwabo Emmanuel. Kayiranga yahise acika hafatwa Sikubwabo na Nshimiyimana. Ubusanzwe ibalo y’imyenda ipima ibiro 45 ariko aba bo ibalo imwe ipima ibiro 90”.

CP Kabera yakomeje avuga ko gufatwa kwa Sikubwabo kwaturutse ku kuba yaraje gutanga ruswa kugira ngo abapolisi barekure iyo myenda.

Ati "Kayiranga amaze gucika yaragiye ahura na Sikubwabo kuko nawe yari afitemo imyenda amabalo abiri amubwira ko yaza kuganiriza abapolisi akabaha amafaranga ya ruswa kugira ngo iyo myenda irekurwe. Abapolisi bamufashe arimo kubaganiriza uko abaha iyo ruswa nyuma aza kuvuga ko nawe muri iyo myenda harimo iye".

CP Kabera yakanguririye abantu gucika ku bucuruzi bwa magendu kuko bunyuranyije n’amategeko ndetse ko amayeri bakoresha amaze kumenyekana, n’ikipe ibafasha kwinjiza mu Rwanda magendu yaramenyekanye.

Ati "Bamwe mu bantu bazana magendu bayikuye mu gihugu cya Repubulika iharanira Demokarasi ya Congo bafiteyo umuntu w’umunyarwanda uzana iyo myenda ya caguwa akayambukana mu mazi mu kiyaga cya Kivu anyuze mu kirwa cy’Ijwi akayigeza mu Karere ka Rusizi. Iyo myenda iyo imaze kugezwa i Rusizi bayishyira mu modoka noneho hejuru yayo bakarenzaho imifuka irimo imbuto z’imyembe, hari n’ubwo basorera imyenda mikeya bakayivanga n’itasoze".

Yashimiye abaturage barimo gukorana na Polisi mu kurwanya ibyaha abasaba gukomeza gutanga amakuru kuko biri mu rwego rwo kwiyubakira Igihugu. Yibukije abaturarwanda muri rusange ko abacuruza imyenda ya caguwa baba barimo kunyereza imisoro kandi ariyo yubaka Igihugu bityo kigatera imbere.

Imyenda yafashwe ndetse n’abayifatanwe bajyanwe ku ishami rya Polisi rishinzwe kurwanya ubucuruzi bwa magendu kugira ngo bakorerwe amadosiye.

Itegeko ry’umuryango w’ibihugu byo mu Karere k’Iburasirazuba rinakoreshwa mu Rwanda ingingo yaryo ya 199, rivuga ko ibicuruzwa bya magendu byafashwe bitezwa cyamunara.

Iyo hari imodoka yakoreshejwe muri ubwo bucuruzi bwa magendu nayo itezwa cyamunara ndetse umushoferi wayo agacibwa amande angana n’ibihumbi bitanu by’amadorali y’Amerika (US$5000).

Tariki ya 26 Gashyantare 2021, abapolisi bakorera mu Karere ka Nyanza mu Murenge wa Busasamana bafashe uwitwa Ukwigize Daniel w’imayaka 44 na Ndayiragije Milliam w’imyaka 28, bafatanwe magendu y’ibitege 465, ikarito irimo litiro 5 za divayi n’ibizingo 25 by’insinga z’amashanyarazi.

Ku rukuta rwe rwa Twitter, Miss Jolly yagaragaje amafoto yifotoje yambaye iyo kanzu igaragaza ibice by’umubiri nk’imbavu, inda n’umugongo, ikaba ndende cyane ku buryo ifite n’ibikururuka inyuma iyo agenda. Ubutumwa bwaherekeje ayo mafoto bwashimiraga uwamudodeye iyo kanzu.

Mu bagize icyo bavuga kuri iyo kanzu kuri Twitter, hari uwitwa Ruhurwinda wavuze ko yari yambaye neza iryo joro. Uwitwa Frank ati “Aho kwica style rata wakwicwa n’umusonga, wambaye neza Miss w’ibihe byose, ramba ramba”.

Icyakora hari n’abamunenze nka Mama J wagize ati “Nibaza impamvu ba Role model muvuga atari bo mukurikiza no mu kwambara. Wari wabona yambara yagaragaje ibice by’umubiri kweli? Uzi ko uramutse ubaye nk’umuyobozi runaka wiyubashye, iyo foto wajya uyireba agahinda kakakwica!”

Kuri uwo mugoroba, Miss Jolly ntiyagaragaye mu kanama nkemurampaka muri icyo gikorwa nk’uko byari bisanzwe kuva muri 2018, gusa nta mpamvu yatangajwe y’iryo hagarikwa rye, icyakora yagaragaye atanga ‘Pass’ ku bakobwa bemerewe gukomeza guhatana.

So besides of the cameraMan , credit to my beautiful dress of yesterday’s preselections goes to @tangadesigns pic.twitter.com/l7gt9ZY3QB

— Jolly Mutesi. #TeamPK (@JollyMutesi) March 7, 2021

Aba barimo 75,056 bakingiwe ku wa Gatanu tariki 05 Werurwe 2021 kongeraho abandi 83,842 bakingiwe ku wa Gatandatu tariki 06 Werurwe 2021, nk’uko imibare yatanzwe n’Ikigo cy’Igihugu cyita ku buzima (RBC) ku bufatanye na Minisiteri y’Ubuzima ibigaragaza.

Uwitabye Imana ni umugabo w’imyaka 40 i Kigali.

Minisiteri y’Ubuzima yagaragaje kandi imibare y’abakingiwe Covid-19 mu gihugu cyose ku itariki ya 5 Werurwe 2021.

Aheshi bahereye ku bayobozi mu nzego z’ibanze ndetse n’abaganga, nka bamwe mu bahura n’abantu benshi ku buryo baba bafite ibyago byinshi byo kwandura icyo cyorezo.

Niyonsenga Aimé François, FED Gakenke

Abakingirwa babanza kuzuza urupapuro ruriho amabwiriza ajyanye n’urwo rukingo ku wifuza gukingirwa.

Rubavu

Abategereje gukingirwa buzuza ibyangombwa

Nyagatare

Bugesera

Burera

Abanjyanama b’ubuzima bakingiwe

Muhanga

Ku bitaro bya Kabgayi abikingiza bitabiriye ari benshi

Abakingiwe bameze neza

Abakecuru bihutiye kujya kwikingiza

Uwitabye Imana ni umugabo w’imyaka 71 i Kigali.

Igiciro cya Lisansi i Kigali ntikigomba kurenga Amafaranga y’u Rwanda 1,088 kuri litiro, mu gihe igiciro cya Mazutu i Kigali kitagomba kurenga Amafaranga y’u Rwanda 1,054 kuri litiro.

Ugereranyije n’ibiciro RURA iheruka gutangaza muri Mutarama uyu mwaka, ibi biciro by’ibikomoka kuri peterori byazamutse, kuko Lisansi yaguraga Amafaranga y’u Rwanda 987 kuri litiro i Kigali, naho Mazutu ikagura Amafaranga y’u Rwanda 962 kuri litiro.

Nk’uko biri mu itangazo rya RURA, ibyo biciro byiyongereyeho 10% bitewe n’uko ibiciro by’ibikomoka kuri peterori ku isoko mpuzamahanga byiyongereye bikabije.

Igiciro cya Lisansi cyiyongereyeho 30% naho icya Mazutu cyo cyiyongeraho 26% ku isoko mpuzamahanga.

Yavuze ko izi nkingo zari zimaze igihe kirekire zitegerejwe, ndetse imyiteguro yo kuzakira ikaba yari imaze igihe yarateguwe, ariko kandi ikaba ikomeje.

Perezida wa Repubulika yavuze ko muri rusange izi nkingo zikenewe ku bantu bose kurusha uko bamwe batekereza ko bazikeneye kurusha abandi. Ibi kandi Umukuru w’Igihugu cy’u Rwanda yakunze kubigarukaho mu minsi ishize, agaragaza ko ibihugu bikize bidakwiye kwiharira inkingo, ahubwo ko n’ibihugu bidafite ubukungu buhambaye bikwiye guhabwa kuri izo nkingo kuko zikenewe n’abantu bose muri rusange ku buryo bwihutirwa.

Mu butumwa yanyujije kuri Twitter, Perezida Kagame yashimye gahunda ya COVAX yashyizweho n’Umuryango Mpuzamahanga, kuko intego y’iyo gahunda yo gufasha ibihugu bidafite amikoro ahambaye kubona urukingo irimo kugerwaho.

It's been long wait,some better prepared and more ready.. not to mention sm 'more equal than others' BUT certainly all of us in urgent NEED. Now good NEWS to see #COVID19 Vaccines arrive in Africa starting with Ghana...this morning in Rwanda & more. Thanks #COVAX

— Paul Kagame (@PaulKagame) March 3, 2021

Ni inkingo 102,960 zo mu bwoko bwa Pfizer, zikaba zigejejwe mu Rwanda n’indege ya kompanyi ya KLM.

Izo nkingo zije zikurikira izindi zo mu bwoko bwa AstraZeneca 240,000 zageze mu Rwanda mu gitondo cyo kuri uyu wa Gatatu, aho zakiriwe na Minisitiri w’Ubuzima Dr Daniel Ngamije n’abandi bayobozi, aho yavuze ko nyuma yo kwakira izo nkingo hazahita hakurikiraho gahunda yo gukingira abaturage, baheye ku byiciro bishobora kwibasirwa n’icyo cyorezo kurusha ibindi.

Minisitiri Ngamije yavuze kandi ko mu ntangiriro z’icyumweru gitaha u Rwanda ruzakira izindi nkingo 500,000 zo muri gahunda ya Covax, ndetse ko zizakomeza kuza buhoro buhoro uko zizagenda ziboneka.

Ukwigize Daniel na Ndayiragije Milliam bafatanywe magendu bari bakuye mu gihugu cya Repubulika iharanira Demokarasi ya Congo (Ifoto: Polisi y’u Rwanda)

Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire yavuze ko bariya bantu bafashwe ubwo abapolisi bari mu kazi, bahagaritse imodoka bayisatse bayisangamo biriya bicuruzwa.

SP Kanamugire yagize ati” Bariya bantu ubundi ni abo mu Karere ka Rusizi ariko ibicuruzwa bari babikuye i Bukavu muri Congo. Baraje bageze mu Karere ka Nyanza mu Murenge wa Busasamana abapolisi barabahagarika barabasaka basanga mu modoka bafitemo ibitenge 465 bidasoreye, litiro 5 za divayi n’ibizingo 25 by’insinga z’amashanyarazi byose batabitangiye imisoro.”

Magendu yari igizwe n’ibitenge 465, ibizingo 25 by’insinga z’amashanyarazi na litiro 5 za Divayi

SP Kanamugire yavuze ko ibyo bicuruzwa byari ibya Ndayiragije Miliam, Ndayiragije avuga ko yari agiye kubiranguza mu bacuruzi bo mu Karere ka Ngororero naho Ukwigize Daniel we yari yamuhaye akazi ko kumutwara.

Yagize ati “Abapolisi bamaze kubona ukuntu bimwe muri biriya bicuruzwa bari babihishe munsi y’intebe bagize amacyenga ko ari magendu, Ndayiragije bamusabye imisoro y’ibyo bicuruzwa yerekana inyemezabwishyu y’ibitenge 462 naho ibindi bitenge 465 ntabwo yari yabisoreye. Ibizingo 25 by’insinga ndetse na divayi nabyo ntabwo byari byasorewe.”

Umuvugizi wa Polisi mu Ntara y’Amajyepfo yakanguriye abantu kwirinda ubucuruzi bwa magendu kuko ari icyaha gihanwa n’amategeko ariko abibutsa ko abakora ibyo baba basubiza inyuma Igihugu.

Ati “ Ni kenshi abaturarwanda cyane cyane abacuruzi basobanurirwa ko imisoro ariyo yubaka Igihugu bityo bagakangurirwa gusorera ibicuruzwa byabo kandi bagasorera ku gihe kandi bakirinda magendu. Niyo mpamvu Polisi y’u Rwanda itazahwema kugenzura no kurwanya ubucuruzi bwa magendu ariko tunakangurira abaturage kujya baduha amakuru y’aho babonye ibicuruzwa bya magendu.”

Imodoka n’ibicuruzwa byahise bijyanwa ku biro by’ ishami rya Polisi rishinzwe kurwanya ubucuruzi bwa magendu riherereye mu Karere ka Muhanga mu Murenge wa Nyamabuye.

Itegeko ry’umuryango w’ibihugu byo mu Karere k’Iburasirazuba rinakoreshwa mu Rwanda ingingo yaryo ya 199 rivuga ko ibicuruzwa bya magendu byafashwe bitezwa cyamunara.

Imodoka yakoreshejwe muri ubwo bucuruzi bwa magendu nayo itezwa cyamunara ndetse umushoferi wayo agacibwa amande angana n’ibihumbi bitanu by’amadorali y’Amerika (US$5000).

Ni inkuru dukesha Polisi y’u Rwanda

Kimenyi Yves yamamaye mu makipe atandukanye arimo APR FC, Rayon Sports, Kiyovu, akaba no manyezamu b’ikipe y’igihugu.

Miss Muyango Uwase we yamenyekanye cyane ubwo yitabiraga irushanwa ry’ubwiza rya Miss Rwanda 2019, icyo gihe ndetse akegukana ikamba rya Nyampinga uberwa n’amafoto (Miss Photogenic).

Urukundo rwabo rwagiye ku mugaragaro muri Kanama 2019 kuva ubwo bakaba ari bamwe mu bakundana bakomeje kuvugwa cyane mu Rwanda biturutse ku mafoto n’amagambo y’urukundo babwiranaga cyane cyane babinyujije ku mbuga nkoranyambaga.

Kimenyi Yves yasabye kuzabana akaramata na Muyango bamaze igihe kinini bakundana. @Samishimwe @ktradiorw @rayon_sports @ktpressrwanda #RwOT pic.twitter.com/sw245LCN1M

— Kigali Today (@kigalitoday) February 28, 2021

Kanda HANO urebe uko uyu muhango wagenze mu mafoto

Mu bukangurambaga bwiswe “Mu Munyenga na Mastercard” bwo guteza imbere umuco wo kwishyurana abantu batitwaje amafaranga mu ntoki, BK yatangiye guhemba abantu bahaha bakoresheje ikarita yemewe hose ku isi ya ’Mastercard’ kuva ku itariki ya 14 Ukuboza 2020.

Mu minsi iyo poromosiyo imaze, hatanzwe moto eshatu(3), mudasobwa umunani zo mu bwoko bwa Laptops, amakarita 80 yo guhaha ibintu ahwanye n’agaciro ka miliyoni enye (Frw 4,000,000), ndetse n’ibihembo 60 by’amafaranga angana na miliyoni eshatu n’ibihumbi magana atatu (Frw 3,300,000).

By’umwihariko ku wa Gatandatu tariki 27 Gashyantare 2021, BK yahamagaye abakiriya bayo babiri kuri Televiziyo y’Igihugu, ibagenera buri wese moto yatsindiye kubera gukoresha ikarita yo kubitsa no kubikuza ya ’BK Mastercard’ mu gihe barimo guhaha.

Umucuruzikazi witwa Uwimana Huguette hamwe n’umuganga witwa Nkuranga John Baptist, bitabiriye igikorwa cyo gutanga ibihembo cyatambukijwe(live) kuri Televiziyo y’u Rwanda, BK ikaba yageneye buri wese moto nshyashya.

Uwimana Huguette yabwiye BK ko azayinambaho kubera gutanga serivisi zitagira amakemwa, by’umwihariko ko umwana we n’ubwo akiri muto, ngo yamenye ko iyo Banki iteza imbere abakiriya bayo.

Uwimana yagize ati "BK ni banki nziza, nararikira abantu kwitabira iri rushanwa kuko hari imodoka ikirimo guhatanirwa, kandi nanjye ndakomeje".

Muganga John Baptist Nkuranga na we avuga ko ikarita ya ’BK Mastercard’ yari asanzwe ayikoresha mu kugura no kwishyura ibintu bitandukanye, ariko atazi ko ari mu marushanwa yo guhatanira ibihembo.

Aba bakiriya ba BK bakoresha ikarita ya ’Mastercard’ mu guhaha, yaba ikojejwe ku kamashini kitwa POS, cyangwa hifashishijwe imibare iri kuri iyo karita mu guhahira ku ikoranabuhanga (online shopping).

BK irizeza ko mu gihe kitarenga icyumweru kimwe gisigaye (kugeza tariki 05 Werurwe 2021) kugira ngo poromosiyo ya "Mu Munyenga na Mastercard" irangire, hakomeje gutangwa ibihembo bitandukanye buri cyumweru, bizasozwa n’igihembo nyamukuru cy’imodoka.

Ni amahirwe BK isaba abakiriya bayo kutitesha kuko ikarita ya ’Mastercard’ irimo guhabwa ako kanya umuntu wese uyifuza ku mashami y’iyo banki hose mu gihugu.

Uhatanira ibihembo asabwa kuba ari umukiriya wa BK kandi agakoresha ’Mastercard’ ahaha ibintu bifite agaciro k’amafaranga nibura ibihumbi makumyabiri na bitanu (Frw 25,000), ubwo akaba yinjiye mu mubare w’abazahamagarwa bajya gufata ibihembo.

Mu gikorwa cyo gutanga moto ebyiri ku bakiriya ba BK bakoresha ’Mastercard’ ku wa Gatandatu, Byukusenge Tharcissie ushinzwe serivisi y’amakarita muri BK yahamagariye bamwe mu batsindiye ibihembo batarabifata kwihutira kujya kuri Banki kubihabwa.

Yakomeje agira ati "Ibihembo dufite bijyanye n’iki gihe, nka mudasobwa murabizi ko zikenewe cyane kuko abantu bari gukorera mu rugo, ndetse n’abanyeshuri basabwa kwigira bimwe na bimwe mu rugo iwabo".

Banki ya Kigali ivuga ko abantu 100 bazaba baritabiriye inshuro nyinshi gukoresha BK Mastercard mu guhaha ibintu bifite agaciro nibura k’amafaranga ibihumbi makumyabiri na bitanu (Frw 25,000) ari bo bazatoranywamo uhabwa imodoka yitwa Mahindra KUV 100 NXT muri iyi Poromosiyo izarangira tariki 05 Werurwe 2021.

Ni inama yabaye hifashishijwe ikoranabuhanga mu rwego rwo gukurikiza ingamba zo kwirinda icyorezo cya COVID-19.

Iyi nama yatangarijwemo Umunyamabanga Mukuru mushya w’umuryango wa EAC, ari we Umunyakenya Dr. Peter Mathuki, ndetse n’abacamanza mu rukiko rwa Afurika y’Iburasirazuba.

Iyi nama yaje kurangira ifatiwemo imyanzuro itandukanye. Kenya yahawe kuyobora EAC, Abanyarwanda Muhumuza na Mugeni baba Abacamanza mu rukiko rw’uwo muryango. Soma inkuru irambuye HANO

Nzabahimana Deo arashinjwa kwiba nyina amafaranga y’u Rwanda arenga Miliyoni

Umuhungu we witwa Nzabahimana Deo w’imyaka 26 babanaga mu nzu ni we bayafatanye.

Umuvugizi wa Polisi mu Ntara y’Iburasirazuba, Chief Inspector of Police (CIP) Hamdun Twizeyimana yavuze ko gufatwa kwa Nzabahimana byaturutse ku makuru yatanzwe na nyina wa Kayitankore avuga ko yibwe amafaranga.

Yagize ati "Tariki ya 20 Gashyantare uyu mwaka, Kayitankore yajyanye n’umuhungu we Nzabahimana bajya kubitsa amafaranga y’u Rwanda angana na 1,555,000 kuri banki ya KCB ishami rya Mukarange, bagezeyo saa kumi n’imwe z’umugoroba (17h00) basanga banki yafunze. Umuhungu we amugira inama y’uko bayabitsa ku mukozi w’imwe muri sosiyete z’itumanaho zicuruza serivisi zo kubitsa, kubikuza no koherereza abantu amafaranga (Agent) nyina arabyemera."

CIP Twizeyimana akomeza avuga ko nyuma yo kubitsa ayo mafaranga kuri uwo mucuruzi baratashye bukeye tariki ya 21 Gashyantare Nzabahimana yibye nyina telefoni, kuko yari azi umubare w’ibanga yagarutse aho bari babikije amafaranga asaba wa mucuruzi kuyamubikurira nawe arayamubikurira mu byiciro bitatu.

CIP Twizeyimana avuga ko muri uko kubikura ayo mafaranga muri ibyo byiciro harimo ayo Nzabahimana yasabye umucuruzi kuyoherereza umukobwa w’inshuti ye utuye mu Murenge wa Rukara angana n’ibihumbi 55 ndetse kuva uwo munsi ntiyongera gusubira mu rugo kwa nyina babanaga. Kayitankore yabonye umwana we atagarutse agira amakenga ahita ajya kuri wa mucuruzi yabikijeho amafaranga asanga yarabikujwe niko guhita yihutira gutanga amakuru kuri Polisi.

CIP Twizeyimana yagize ati “Tariki ya 24 Gashyantare nibwo Kayitankore yahise aza kuduha amakuru avuga ko yibwe amafaranga kandi ko yagerageje no guhamagara telefoni y’umuhungu we agasanga ntiboneka.”

Umuvugizi wa Polisi mu Ntara y’Iburasirazuba avuga ko Polisi n’izindi nzego bahise bajya kuri wa mucuruzi wa serivisi z’itumanaho bari babikijeho miliyoni imwe n’ibihumbi 555 bareba nimero yoherejeho bya bihumbi 55 barayihamagara basanga ni inshuti ya Nzabahimana bamubaza aho Nzabahimana ari ababwira ko ari mu Murenge wa Mukarange bajyayo baramufata basanga asigaranye 1,250,000."

Nzabahimana amaze gufatwa yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Nyamirama kugira ngo akorerwe dosiye.

Kayitankore yashimiye Polisi yahise imukurikiranira ikibazo ikabasha kumubonera amwe mu mafaranga yari yibwe n’umuhungu we, nk’uko iyo iyo nkuru Kigali Today ikesha Polisi y’u Rwanda ibivuga.

CIP Twizeyimana yibukije abaturage muri rusange kujya bagira ubushishozi bw’abo barikumwe mu gihe bagiye kubitsa cyangwa kubikuza amafaranga. Abakangurira kujya bahisha umubare w’ibanga igihe batizeye abo babana.

Yasabye abafite ingeso yo kwiba kuyicikaho kuko ari icyaha gihanwa n’amategeko ahubwo bagakura amaboko mu mufuka bagakora bakiteza imbere, yongeye kwibutsa kandi abantu ko mu gihe bahuye n’ikibazo bajya bahita bihutira gutanga amakuru hakiri kare.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 166, ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Mu Karere ka Kamonyi mu tubari tubiri two mu mirenge ya Mugina na Nyamiyaga hafatiwe abantu 32 naho mu Murenge wa Runda mu tubari tubiri hafatiwe abantu 22. Mu Karere ka Gisagara mu Murenge wa Save mu kabari kamwe hafatiwe abantu 27.

Umuvugizi wa Polisi mu Ntara y’Amajyepfo , Superintendent of Police (SP) Theobald Kanamugire yavuze ko gufatwa kwa bariya bantu bose byaturutse ku makuru yatanzwe n’abaturage.

Yagize ati “Mu mikoranire n’abaturage nibo bagiye baduha amakuru ko hari utubari bazi ba nyiratwo barenga ku mabwiriza yo kurwanya COVID-19 bagacuruza inzoga. Abapolisi bagiye mu kabari ka Bangugwira Felix wo mu Murenge wa Save basangamo abantu 27, mu Murenge wa Runda mu Karere ka Kamonyi mu kabari ka Djuma Jean Claude w’imyaka 32 hafatiwemo abantu 18 naho mu Kabari ka Umutoni Uwase Doreen hafatiwe abantu 4. Ni mugihe mu mirenge ya Mugina, Nyamiyaga mu kabari ka Tugirimana Alexis w’imyaka 23 na Ntibiramira Anselme w’imyaka 41 hafatiwe abantu 32.”

SP Kanamugire yakomeje avuga ko bariya bantu 81 bose bafashwe mu masaha ya nijoro nyuma ya saa mbiri bagombaga kuba bageze aho bataha, bari bicaye begeranye nta n’udupfukamunwa bambaye.

Ati “Bariya bantu bari barenze ku mabwiriza yose aherutse gushyirwaho n’inama y’Abaminisitiri ya tariki ya 19 Gashyantare yatangiye kubahirizwa guhera tariki ya 23 Gashyantare. Bose bafashwe baraganirizwa bongera gusobanurirwa amabwiriza icyo avuga ndetse n’impamvu agomba kubahirizwa nyuma bacibwa amande, utubari two twahise dufungwa.”

SP Kanamugire yavuze ko ibikorwa byo kugenzura iyubahirizwa ry’amabwiriza yo kurwanya COVID-19 mu Ntara y’Amajyepfo ntibizigera bihagarara , asaba abantu kubahiriza amabwiriza uko yakabaye.

Tariki ya 22 Gashyantare ubwo bwari bucye abaturarwanda bagatangira kubahiriza amabwiriza mashya yari yashyizweho n’inama y’Abaminitiri ya tariki ya 19 Gashyantare, Umuvugizi wa Polisi y’u Rwanda, Commissioner of Police (CP) John Bosco Kabera yari yongeye kwibutsa abaturage ko bagomba kubahiriza amabwiriza yose uko yakabaye ariko cyane cyane bakazirikana ko utubari dukomeza gufunga. Yanibukije abantu ko Polisi y’u Rwanda ku bufatanye n’izindi nzego batazahwema kugenzura iyubahirizwa ry’amabwiriza ariko asaba buri muturarwanda gukurikiza amabwiriza atabihatiwe n’inzego izo arizo zose kuko biri mu nyungu z’ubuzima bwa buri muntu.

Ni inkuru dukesha Polisi y’u Rwanda

Urukiko rwanzuye ko Rusesabagina agomba kuburanira mu Rwanda

Urwo Rukiko rwahamije ko rufite ububasha bwo kuburanisga Rusesabagina kuko ibyaha akurikiranyweho yabikoreye ku butaka bw’u Rwanda, ikindi ngo ni uko ibyo byaha agomba kubikurikiranwaho yaba Umunyarwanda cyangwa umunyamahanga.

Nyuma yo gusoma uwo mwanzuro, Rusesabagina n’abamwunganira bahise batangariza Urukiko ko bagiye guhita bajuririra icyo cyemezo.

Polisi yafashe abiba imirindankuba

Umuvugizi wa Polisi mu Ntara y’Iburasirazuba, CIP Hamdun Twizeyimana avuga ko abaturage baturiye umuhanda uva mu Murenge wa Gashora ugana ku mupaka uhuza u Rwanda n’u Burundi, hari abantu bitwikira ijoro bagacukura imirindankuba itabye ku nkingi z’amashanyarazi bakajya kuyigurisha.

Yagize ati “Ni ibikorwa bimaze igihe aho bacukuraga iyo mirindankuba bakajya kuyigurisha. Twabafatanye imirindankuba itatu bamaze kuyicukura ariko iyo ugeze ku nkingi nyinshi kuri uriya muhanda usanga barayicukuye bakayitwara”.

CIP Twizeyimana akomeza yongeraho ko bariya basore bavuze ko iyo bamaraga kwiba iriya mirindankuba bajyaga kuyigurisha ku ruganda ruba mu Karere ka Bugesera rugura ibyuma bishaje (inyuma). Bavuze ko iriya mirindankuba igira agaciro cyane kuko iremera bityo bigatuma bayibonamo amafaranga menshi.

Ati “Ntibashaka kuvuga uko bagurishaga ikiro cy’iriya mirindankuba ariko baremeza ko ihenze kubera iremera. Ubu hatangiye igikorwa cyo gusubizamo imirindankuba yagiye yibwa ariko ubu noneho barayikotera na sima kugira ngo hatazagira uwongera kuyiba”.

Umuvugizi wa Polisi mu Ntara y’Iburasirazuba yaboneyeho gukangurira abaturage cyane cyane abegereye umuhanda uriho amashanyarazi, kujya bagira uruhare mu kurinda ibikorwaremezo Leta iba yabahaye.

Ati “Leta yakoze igikorwa cyo gucanira uriya muhanda kugira ngo abawukoresha bajye bawunyuramo habona kandi batekanye. Turakangurira buri muturage kumva ko afite inshingano zo kurinda ibikorwaremezo kuko igihe babiretse bakiba iriya mirindankuba inkuba zizakubita ariya mashanyarazi apfe basigare mu kizima kandi bizagira ingaruka kuri buri muntu”.

Yanakanguriye urubyiruko rukunze kugaragara muri kariya gace ka Gashora kwirinda ubujura n’ibindi bikorwa bibi bibashora mu byaha bakaba babihanirwa, yabasabye gukura amaboko mu mifuka bagashaka imirimo bakora.

Abafashwe uko ari batatu bahise bashyikirizwa Urwego rushinzwe ubugenzacyaha (RIB) kugira ngo hakorwe iperereza ku cyaha bacyekwaho cy’ubujura.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, Ingingo ya 166 ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ingingo ya 167 ivuga ko ibihano byikuba kabiri iyo icyaha cyakozwe nijoro cyangwa cyakozwe n’abantu barenze umwe.

Bakekwaho kwiba lisansi bakayicuruza binyuranyije n’amategeko

Abafashwe ni Hakuziyaremye Issa ufite imyaka 31 na Hakizimana Hassan ufite 35 y’amavuko bose bafatiwe mu Murenge wa Kabaya, mu Kagali ka Kabaya.

Umuvugizi wa Polisi mu Ntara y’Iburengerazuba, CIP Bonaventure Twizere Karekezi, yavuze ko abo bantu bafashwe nyuma y’amakuru yatanzwe n’abaturage.

Yagize ati “Abaturage batuye mu gasanteri ka Kabaya baduhaye amakuru bavuga ko batewe impungenge n’abantu bahacururiza lisansi mu buryo bunyuranyije n’amategeko, ku buryo ubwo bucuruzi bushobora kubateza ibibazo birimo inkongi y’umuriro”.

CIP Karekezi avuga ko nyuma yo gufata abo basore babiri byaje kugaragara ko iyo lisansi bayikuraga mu Karere ka Nyabihu ahari kubakwa imihanda, aho bayivomaga mu modoka ziri mu bikorwa byo kubaka iyo mihanda.

Hakuziyaremye na Hakizimana basanzwe bakora akazi k’ubukanishi bakaba bari banafite inzu bakoreramo ubucuruzi mu isanteri ya Kabaya.

CIP Karekezi yakanguriye abantu kwirinda ubucuruzi bw’ibikomoka kuri Peteroli kuko bishobora guteza ibibazo aho batuye ndetse no mu baturanyi babo.

Yagize ati “Ubucuruzi bw’ibikomoka kuri Peteroli bukozwe mu buryo bunyuranyije n’amategeko bushobora gutera ibyago bikomeye birimo inkongi y’umuriro igahitana ubuzima bw’abantu cyangwa bikangiza ibintu bitandukanye. Buriya umuntu ashobora kurasa umwambi ashaka kunywa itabi cyangwa umwana akahakubaganira akarasa umwambi ako kanya umwuka ugakurura icyo kibatsi cy’umuriro kikagera ahateretse amajerikani inkongi y’umuriro igatwika iyo nzu n’izindi zihegereye”.

Uwo muyobozi yibukije abatunze ibinyabiziga kwirinda kugura ibikomoka kuri Peteroli bigurishwa mu buryo butemewe kuko bishobora kubangiriza ibinyabiziga.

Yagize ati “Ibikomoka kuri Peteroli bicururizwa kuri sitayo zizwi, ariko lisansi nk’iriya yafatanwe bariya bantu akenshi usanga itujuje ubuziranenge kuko bashyiramo amazi cyangwa ibindi bintu byica umwimerere wayo bikaba byakwangiza ikinyabiziga”.

Yashimiye abaturage batanze amakuru kugira ngo bariya basore bafatwe, asaba n’abandi kujya bihutira gutanaga amakuru ku gihe y’abakora ubucuruzi nka buriya butemewe.

Hakuziyaremye na Hakizimana bashyikirijwe Urwego rw’Igihugu rw’Ubugenzacyaha (RIB) rukorera muri Sitasiyo ya Kabaya kugira ngo hakorwe iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, Ingingo ya 166 ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’Amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ibihano ku cyaha cyo kwiba byikuba kabiri (2) iyo uwibye yakoresheje guca icyuho, kurira cyangwa yakoresheje igikoresho icyo ari cyo cyose gifungura aho utemerewe kwinjira; Iyo kwiba byakozwe mu nzu ituwemo cyangwa isanzwe ibamo abantu cyangwa mu nyubako ziyikikije; Iyo kwiba byakozwe n’umukozi wa Leta yishingikirije imirimo ye cyangwa umuntu ushinzwe imirimo iyo ari yo yose ifitiye abaturage akamaro.
Hari kandi iyo uwakoze icyaha yiyitiriye izina cyangwa yitwaje ibimenyetso biranga umukozi wa Leta cyangwa by’umuntu ushinzwe umurimo rusange ufitiye abaturage akamaro abeshya ko yabitumwe n’urwego rwa Leta; Iyo kwiba byakozwe nijoro; Iyo kwiba byakozwe n’abantu barenze umwe.

Izi nka uko ari 4 zafatiwe mu rugo kwa Bahati Jean Paul harimo iyo abapolisi basanze mu cyumba cyo mu nzu Bahati abamo (Ifoto: Polisi y’u Rwanda)

Umuvugizi wa Polisi mu Ntara y’Amajyepfo, Superitendent of Police (SP) Theobald Kanamugire yavuze ko hari hashize iminsi abaturage bo mu mirenge ya Ndora na Kibirizi bataka ko bibwa inka n’abantu batazwi. Polisi nibwo yatangiye gufata abakekwaho ubwo bujura kuri ubu hamaze gufatwa abantu 8.

Yagize ati “ Ejo ubwo hafatwaga uwitwa Mbagire Emmanuel yavuze ko we na bagenzi be atashatse kuvuga amazina bari bamaze iminsi biba inka mu baturage bakajya kuzigurisha uwitwa Bahati Jean Bosco uyu nawe akajya kuzibaga. Mbagire amaze kuduha amakuru twagiye kwa Bahati dusangayo inka 4 harimo n’iyo yari yarahishe mu cyumba mu nzu abamo.”

SP Kanamugire akomeza avuga ko mu nka 4 zafashwe, 2 muri zo (inka n’iyayo) zahise zibona nyirazo. Mu kwezi kwa Mutarama na Gashyantare 2021 mu Murenge wa Ndora hari hamaze kwibwa inka 9 naho mu Murenge wa Kibirizi hari hamaze kwibwa inka 5. Muri izo nka zose hakaba hari hamaze kuboneka inka 7 izindi ntiziraboneka kuko hari izabazwe .

SP Kanamugire yagize ati” Abaturage bo muri iriya mirenge bakundaga gutaka ko bibwa inka, Polisi ku bufatanye n’izindi nzego twashoboye gufata inka 7 muri 14. Mu makuru yatanzwe na Mbagire Emmanuel yavuze ko iyo bamaraga kwiba inka bajyaga kuzigurisha Bahati Jean Bosco wo mu Murenge wa Kibirizi nawe akajya kuzibagira ahantu bafite ibagiro muri Kibirizi.”

Umuvugizi wa Polisi mu Ntara y’Amajyepfo yakomeje avuga ko inzego zirimo gukorana kugira ngo Bahati waguraga ziriya nka akazibaga afatwe ndetse hanashakishwe n’abandi bari inyuma y’ubu bujura bw’amatungo y’abaturage.

Yashimiye abaturage bagiye batanga amakuru yafashije Polisi gufatwa abacyekwa ndetse na zimwe mu nka zibwe zigafatwa zigasubizwa ba nyirazo. Yabasabye gukomeza ubwo bufatanye batangira amakuru ku gihe. Yaburiye abafite ingeso yo kwiba no gukora ibindi byaha ko nta mahirwe bazagira kuko amaherezo bazagenda bafatwa abo bihamye babihanirwe hakurikijwe amategeko.

Itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 166 ivuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ibihano ku cyaha cyo kwiba byikuba kabiri (2) iyo uwibye yakoresheje guca icyuho, kurira cyangwa yakoresheje igikoresho icyo aricyo cyose gifungura aho utemerewe kwinjira; Iyo kwiba byakozwe mu nzu ituwemo cyangwa isanzwe ibamo abantu cyangwa mu nyubako ziyikikije; Iyo kwiba byakozwe n’umukozi wa Leta yishingikirije imirimo ye cyangwa umuntu ushinzwe imirimo iyo ari yo yose ifitiye abaturage akamaro; Iyo uwakoze icyaha yiyitiriye izina cyangwa yitwaje ibimenyetso biranga umukozi wa Leta cyangwa by’umuntu ushinzwe umurimo rusange ufitiye abaturage akamaro abeshya ko yabitumwe n’urwego rwa Leta; Iyo kwiba byakozwe nijoro; Iyo kwiba byakozwe n’abantu barenze umwe.

Ni inkuru dukesha Polisi y’u Rwanda

Idamange Iryamugwiza Yvonne

Idamange w’imyaka 42, akurikiranyweho ibyaha bitatu ari byo guteza imvururu cyangwa imidugararo muri rubanda, gukubita cyangwa kugirira urugomo abayobozi mu nzego za Leta no kwigomeka ku buyobozi.

Ku wa Mbere tariki 15 Gashyantare 2021, nibwo RIB yatangaje ko yataye muri yombi Idamange Iryamugwiza Yvonne, akekwaho guteza imvururu cyangwa imidugararo muri rubanda.

Yafashwe nyuma y’uko yari amaze imisi agaragara ku mbuga nkoranyambaga cyane cyane You Tube, avuga amagambo yanenzwe na benshi aho bavugaga ko yuzuyemo ihakana n’ipfobya rya Jenoside yakorewe Abatutsi mu 1994, no guharabika ubutegetsi bw’u Rwanda.

Mu ifatwa rye, Polisi y’u Rwanda yatangaje ko Idamange yakomerekeje umwe mu bashinzwe umutekano amukubise icupa mu mutwe.

Uyu musore Ndayambaje Bahati wo mu Karere ka Musanze ngo yari amaze icyumweru akorera Rutayisire George mu rugo ku Kicukiro mu Mujyi wa Kigali.

Uwo musore ngo yari amaze igihe gito avuye muri urwo rugo bamwirukanye kuko yangije igikoresho cyo mu rugo.
Ngo yagarutse aje kwiba amafaranga muri urwo rugo ariko asanga nyiri urugo ari mu nzu baragundagurana bivamo kumwica, atwara n’amafaranga asaga ibihumbi 400 by’u Rwanda.

N’ubwo uyu musore avuga ko kwica uwo Rutayisire byabaye impanuka, nyamara yahise atoroka, akaba yafatiwe muri Kimironko mu Mujyi wa Kigali.

RIB yatangaje ko iperereza rikomeje kugira ngo hakorwe dosiye ishyikirizwe Ubushinjacyaha.

Icyo kiganiro kizajya kinyura kuri KT Radio ndetse no ku murongo wa You Tube wa Kigali Today ku wa mbere wa nyuma wa buri kwezi ari na ko biri bugende uyu munsi, kikaba cyatumiwemo abantu batandukanye bazobereye mu ikoranabuhanga mu burezi.

Mu kiganiro cy’uyu munsi, abatumirwa ni Umunyamabanga wa Leta ushinzwe amashuri abanza n’ayisumbuye muri Minisiteri y’Uburezi, Twagirayezu Gaspard, hari kandi Umuyobozi w’ishami ry’ikoranabuhanga n’itumanaho mu Rugaga nyarwanda rw’abikorera, Alex Ntare ndetse n’Umuyobozi w’ishami rya Mastercard rishinzwe inovasiyo mu ikoranabuhanga rikoreshwa mu burezi mu karere u Rwanda rurimo, Joseph Nsengimana.

Insanganyamatsiko y’icyo kiganiro igira iti “Uburezi bukoresheje ikoranabuhanga: Amasomo twigishijwe n’umwaka wa 2020”.

Ikiganiro ED-Tech, cyibanda ku ngaruka n’ibibazo byatewe na COVID-19, ndetse n’ingamba zashyizweho kugira ngo zifashe abana b’u Rwanda mu gukomeza kwiga mu gihe cy’icyorezo, gihereye kuri gahunda z’umwaka wa 2020 zashyizweho mu gufasha abana.

Ababyeyi, abanyeshuri, abarezi ndetse n’abayobozi b’ibigo by’amashuri bakaba bararikiwe gukurikira icyo kiganiro.

Bashimiki Emmanuel

BASHIMIKI Emmanuel ni umuhinzi w’imyumbati umaze imyaka isaga 20 akora uyu mwuga. Bwana BASHIMIKI, avuga ko hari byinshi imyumbati yamugejejeho harimo iterambere ry’umuryango we, ndetse n’abaturanyi be muri rusange. Muri iyi myaka yose amaze ahinga imyumbati, avuga ko yasaruraga hagati ya toni 10 na 15 kuri hegitari imwe. Gusa kuri ubu, avuga ko nyuma y’ubumenyi yakuye mu rugendoshuri yagiyemo i Kirehe mu Ntara y’Iburasirazuba, rwateguwe na Sendika INGABO ku bufatanye na AGRITERRA, ashobora gusarura toni zisaga 50 kuri hegitare imwe, aho igiti kimwe cy’umwumbati cyera ibiro 50 kivuye ku biro 10.

BASHIMIKI ygize ati “Mu mwaka wa 2019, nibwo Sendika INGABO yantoranyije nk’umwe mu bahinzi bitabira urugendoshuri rwari rugamije kwiga uko umuhinzi w’imyumbati yazamura umusaruro ku buso. Amasomo twize twayashyize mu ngiro, aho ubu dufite ubuhamya ku kwiyongera k’umusaruro w’imyumbati.”

Uko bikorwa:

“Utangira ucukura ikinogo gifite metero ebyiri kuri ebyiri (2×2m), mu bujyakuzimu kikagira hagati ya santimetero ziri hagati ya 40 na 60 (kugira ngo umwumbati uzabashe kubona aho ushorera neza). Hagati y’ibinogo bibiri hajyamo metero imwe (1m). Iyo turangije hasi mu cyobo dushyiramo ibyatsi bibora kugira ngo bizavemo ifumbire, binafashe koroshya ubutaka ntibwitsindagire ngo bureme ikimeze nk’urutare. Iyo tumaze gushyiramo bya byatsi, dushyiramo itaka twavangiye hejuru n’ifumbire, hanyuma tugakora ikintu kimeze nk’ibimba muri cya cyobo, tugateramo umwumbati nk’uko bisanzwe. Dutera ingeri y’umwumbati hagati, ku buryo uzashora hirya no hino muri za metero ebyiri, ndetse no hasi, uyu mwumbati ukaba ushobora no kureshya na metero.”

Umusaruro uboneka ubu

Usibye kongera umusaruo, umuhinzi w’imyumbati BASHIMIKI, avuga ko ubu buryo bumufasha gukoresha imbuto nke kuko mu buryo busanzwe umuhinzi atera ingeri z’imyumbati ibihumbi 10 kuri hegitare imwe, gusa iyo umuhinzi akoresheje ubu buryo bushya, atera ingeri 900 gusa kuri hegitare. Ibi bimufasha kubona inyungu nyinshi, ndetse no kwishakamo ibisubizo.

Ikindi uyu muhinzi avuga, ni ubu buryo butuma akoresha neza ubutaka, dore ko hagati ya bya byobo ahingamo indi myaka ku buryo butabangamye. Ashingiye kuri izi nyungu, uyu muhinzi ashishikariza abandi bahinzi bagenzi be kwitabira ubu buryo butagaya ingano y’ubutaka, dore ko hari abandi bamaze kubuyoboka.

Ati “Ntakuvuga ngo ubutaka ni buto. Uko bwaba bungana kose butanga umusaruro. Icyo nasaba abandi bahinzi bahinga imyumbati bose, ni uko bayoboka ubu buryo mu rwego rwo kongera umusaruro ku buso, dore abantu turi kwiyongera ariko ubutaka buvaho ibidutunga bwo ntibuve aho buri.”

Umusaruro uboneka ubu

Sendika INGABO, ivuga ko nk’umuryango w’abahinzi ugamije guteza imbere ubuhinzi bw’umwuga, mu rwego rwo kwihaza mu biribwa no guhaza isoko, yashyize imbaraga muri ubu buryo, nyuma y’urugendoshuri yajyanyemo abahinzi n’abandi bafatanyabikorwa batandukanye, mu Karere ka Kirehe mu Ntara y’Iburasirazuba, aho ubu buryo bumaze kuzamura umusaruro w’imyumbati.

Umuyobozi mukuru wa Sendika INGABO Madame Césarie KANTARAMA, avuga ko icyerekezo ari ukuzamura umubare w’abahinzi bakoresha ubu buryo, bityo bikarushaho kuzamura umusaruro w’imyumbati mu gihugu nk’imwe mu nshingano za Sendika INGABO yo kongerera ubushobozi abahinzi.

Umusaruro wa kera

Ni byo yasobanuye, ati “Imwe mu nshingano za Sendika INGABO harimo kubakira abahinzi ubushobozi hagamijwe kongera umusaruro mu bwiza no mu bwinshi. Ubu buryo twabwigiye mu Karere ka Kirehe mu rugendoshuri twajyanyemo bamwe mu banyamuryango bacu, ku bufatanye n’abandi bafatanyabikorwa bacu nka AGRITERRA. Kuko imyumbati itarahingwa uko bikwiriye bituma abahinzi bayo bahomba, kuko bashora amafaranga menshi ariko bagasarura bike.”

Yongeyeho ati “Isoko ry’imyumbati rirahari, gusa ntitubasha kurihaza, ari yo mpamvu dukwiriye gukora umwuga w’ubuhinzi nka ba rwiyemezamirimo.”

Hakurikijwe ubuhamya bw’abahinzi ubu basaga 200 bari guhinga imyumbati muri ubu buryo, nta mpungenge ko mu gihe bwaba bwongewemo imbaraga zisumbuyeho, byaba kimwe mu bisubizo byo kuzamura umusaruro w’imyumbati imbere mu gihugu, dore ko kugeza ubu ukiri muke, kugeza n’aho umwinshi ukurwa ku masoko yo mu bihugu byo hanze, nyamara hari ubuso bunini buhingwaho imyumbati imbere mu gihugu, gusa umusaruro ukaba muke bitewe n’uburyo bw’imihingire y’imyumbati.

Ikinogo giterwamo imyumbati kiba gifite metero ebyiri kuri ebyiri (2x2)

Gutera mu kinogo cyabugenewe cya metero 2x2

Gusubiza itaka rivanze n’ifumbire mu kinogo giterwamo

Umusaruro uboneka ubu

Umuvugizi wa Polisi mu Ntara y’Iburasirazuba, Chief Inspector of Police(CIP) Hamdun Twizeyimana yavuze ko Nkuriyingoma yari amaze ibyumweru birenga bibiri akora kiriya kinyobwa kandi nta byangombwa afite bitangwa n’Ikigo cy’Igihugu gitsura ubuziranenge(RSB) ndetse n’abayobozi mu nzego z’ibanze ntibari bazi ko akora icyo kinyobwa.

Yagize ati “Gufatwa kwa Nkuriyingoma kwaturutse ku makuru yatanzwe n’abaturage batubwiye ko bamaze iminsi babona za moto zijya mu gipangu uriya mugabo yakoreragamo zigakurayo ibintu batazi. Twahise dutegura igikorwa cyo kumufata, kuri uyu wa Gatandatu saa sita z’amanywa nibwo yafashwe dusanga nta cyangombwa na kimwe afite kimwemerera gukora kiriya kinyobwa ndetse nta zindi nzego z’ubuyobozi zibizi.”

CIP Twizeyimana avuga ko Nkuriyingoma yafatiwe ahantu mu gipangu kiri ahantu hadakunda kugera abantu mu rwego rwo kwihisha ubuyobozi. Yanavuze ko ibintu yamvangaga akora kiriya kinyobwa n’uburyo yagikoraga bishobora kugira ingaruka ku buzima bw’abakinywa.

Yagize ati “ Nkuriyingoma amaze gufatwa yavuze ko mu gukora kiriya kinyobwa(Umuneza) yacaniraga amazi agashyiramo Tangawizi, isukari ikaranze yabaye ikivuge, Ubuki n’indi misemburo. Yarangiza akabibika ahantu(agatara) nyuma y’iminsi 3 agashyira mu macupa ya Pulasitike akajya kubiranguza mu bakiriya be.”

Umuvugizi wa Polisi mu Ntara y’Iburasirazuba avuga ko ruriya ruvange rw’ibintu akoramo iriya nzoga bishobora kugira ingaruka ku buzima bw’umuntu wabinyoye, cyane ko nta nzego z’ubuzima cyangwa urwego rw’Igihugu rutsura ubuziranenge rwabipimye ngo zimwemerere gucuruza icyo kinyobwa.

Iyo yamaraga gukora izo nzoga yajyaga kuzicuruza kure y’Akarere ka Nyagatare kuko yari afite abakiriya mu Karere ka Gatsibo na Kayonza. CIP Twizeyimana yaboneyeho gukangurira abaturage kwirinda kunywa cyangwa kurya ibicuruzwa babonye byose byaje ku isoko kuko bishobora kubagiraho ingaruka.

Ati “Biriya bintu byose bavanga bishobora kugira ingaruku ku buzima bw’umuntu mu gihe cya vuba cyangwa mu gihe gitinze. Icyo dukangurira abantu ni ukujya bagirira amacyenga ibintu byose babonye ku isoko ahubwo bakihutira gutanga amakuru bigakurikiranwe.”

Iyi nkuru Kigali Today ikesha Polisi y’u Rwanda ivuga ko ibinyobwa bya Nkuriyingoma byahise bimenwa na we ajyanwa mu buyobozi bw’umurenge acibwa amande hakurikijwe amategeko ndetse n’aho yakoreraga harafungwa.

Urwego rw’Igihugu rutsura ubuzirange(RSB) rukangurira abantu kujya bihutira kumenyekanisha ibyo bagiye gukora mbere y’uko bijya ku isoko kugira ngo uru rwego rusuzume ko icyo kinyobwa cyangwa ikiribwa kitazagira ingaruka ku buzima bw’abantu. Uru rwego kandi rugaragaza amwe mu mabwiriza agomba kugenderwaho harimo nko kugaragaza izina ry’igicuruzwa, kugaragaza aho gikorerwa, kugaragaza ingano yacyo (litiro cyangwa Mililitiro), kugaragaza ibipimo by’imisemburo wakoresheje, itariki y’igihe icyo gicuruzwa kizatakariza agaciro n’igihe cyakorewe, amabwiriza yo kubika icyo gicuruzwa n’uko gipfunyikwa n’ibindi bitandukanye.

Ingingo ya 5 y’Iteka rya Minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

Abapfuye ni umugore w’imyaka 60 n’umugabo w’imyaka 92 (i Kigali).

Dr Tedros Adhanom Ghebreyesus

Kugaragaza iyo mibare ngo byatuma abaturage b’icyo gihugu bashyirwa muri gahunda yo gukingirwa icyo cyorezo, nk’uko bitangazwa n’Umuyobozi mukuru wa OMS, Dr Tedros Adhanom Ghebreyesus, uvuga ko yaganiriye n’abayobozi b’icyo gihugu ku buryo cyakumira icyo cyorezo ariko bakaba bataragaragaza ubushake bwo kugira icyo bakora.

Agira ati “Ndasaba igihugu cya Tanzania gushyira mu bikorwa gahunda zo kubungabunga amagara y’abantu hirindwa Covid-19 n’ikwirakwira ryacyo, kandi Leta ikitegura no kwakira inkingo z’icyo cyorezo”.

Tedros yongeraho ko hari abanya Tanzania baherutse gutemberera mu bihugu bituranyi ndetse n’ahandi ku isi, bapimwe babasangamo Covid-19 nk’uko bitangazwa na BBC, ibyo ngo bikaba biteye impungenge ari yo mpamvu asaba icyo gihugu guhafata ingamba zikomeye zo kurinda abaturage bacyo.

Perezida wa Tanzania, John Pombe Magufuli, aherutse gusaba abakuriye amadini n’abaturage muri rusange, gusenga cyane kugira ngo Imana irinde igihugu cyabo icyorezo cya Covid-19, cyane ko na mbere hose yagaragaye mu mbwirwaruhame zinyuranye avuga ko amasengesho ariyo azarinda igihugu cye iyo ndwara.

Abitabye Imana ni abagabo babiri b’imyaka 71 (i Nyamagabe) na 47 (i Muhanga).

Umuvugizi wa Polisi mu Ntara y’Iburengerazuba, Chief Inspector of Police (CIP) Bonaventure Twizere Karekezi yavuze ko urwo rumogi rwafashwe biturutse ku makuru yatanzwe n’abaturage.

Yagize ati” Abaturage batanze amakuru kuri Polisi ko hari urumogi rwinjiye mu gihugu ruturutse muri Repubulika iharanira Demokarasi ya Congo hakoreshejwe inzira yo mu mazi mu kiyaga cya Kivu, hahise hategurwa igikorwa cyo gufata urwo rumogi n’abarwinjizaga mu gihugu,rwafatiwe mu rugo rwa Nyirahabimana ruhereye mu Murenge wa Kirimbi,Akagari ka Nyarusange.”

CIP Karekezi yongeyeho ko ibyinshi mu biyobyabwenge bifatirwa mu Ntara y’Iburengerazuba bituruka mu gihugu cya Repubulika iharanira Demokarasi ya Congo.

Yagaragaje ko Polisi yari imaranye iminsi amakuru ko Nyirahabimana asanzwe acuruza urumogi nubwo yari atarafatwa.

Yagize ati” Twari dufite amakuru ko Nyirahabimana afite abaturage bo muri kiriya gihugu cya Repubulika iharanira Demokorasi ya Congo bakorana nawe, afatwa yavuze ko aribo bari bamuzaniye urwo rumogi, bafata ubwato ahurira nabo mu kiyaga cya Kivu abaha ibihumbi 200 abasigaramo andi nk’ayo bigaragara ko bari basanzwe bafitanye imikoranire ya hafi."

Umuvugizi wa Polisi mu Ntara y’Iburengerazuba yibukije abaturage ko urugamba rwo kurwanya ibiyobyabwenge barufitemo uruhare rukomeye,abasaba gutanga amakuru y’ababicuruza n’ababikwirakwiza aboneraho gushimira abaturage bakomeje gufatanya na Polisi mu kurwanya ibiyobyabwenge.

Nyirahabimana yashyikirijwe Urwego rw’Igihugu rw’Ubugenzacyaha(RIB)rukorera muri sitasiyo ya Gihombo kugira ngo hakorwe iperereza.

Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Mu minsi ishize Polisi iri kumwe n’urwego rw’ubushinjacyaha ndetse n’urw’Ubugenzacyaha bakoze igikorwa cyo gutwika ibiyobyabwenge byafatiwe mu gihugu harimo n’ibyafatiwe mu Ntara y’Iburengerazuba.

Ni inkuru dukesha Polisi y’u Rwanda

Abitabye Imana ni abagore babiri b’imyaka 77 (ku Kamonyi) na 42 (i Kigali)

Inyubako ziyongereye agaciro

Tugiye kuvuga ku bintu byahinduye amateka n’imibereho myiza y’abaturage b’Akarere ka Nyarugenge, Umurenge wa Nyarugenge mu tugari twa Biryogo, Kiyovu, Agatare na Rwampara, ni Umushinga wo kunoza imiturire mu Mujyi wa Kigali (Agatare Upgrading Project).

Uwo mushinga ni igikorwa cy’ibanze cyane ku guteza imbere kimwe mu bice by’Umujyi bishaje cyane kandi bituwe mu buryo butanoze (Unplanned Settlement Upgrading), giherereye mu Karere ka Nyarugenge, Umurenge wa Nyarugenge hafi y’ahagenewe ibikorwa by’ubucuruzi mu Mujyi rwagati (CBD), n’igice gituwe cyane ku bucucike bw’abaturage 220/ha.

Kunoza imiturire muri ako gace bivuze kubegereza ibikorwa remezo by’ibanze, harimo imihanda, inzira z’abanyamaguru, kubaka no gutwikira ruhurura, gushyiraho amatara yo ku mihanda n’ayo ku nzira z’abanyamaguru ku buryo bimwe byo kwamburwa kw’abaturage bitewe n’uko hatabona byagizwe amateka.

Nyuma yo kuganira n’Abaturage no kumva ibyifuzo byabo, Umushinga wo kunoza imiturire mu Mujyi wa Kigali, wibanze ku bikorwa bikurikira ari nabyo bigenda bihindura ubuzima bw’abaturage kugeza ubu:

Hubatswe Km 6.64 by’imihanda mishya ifite inzira z’amazi, inzira z’abanyamaguru n’amatara, ihuza abaturage ibihumbi 15. Umushinga watunganyirije abaturage 2,000 ibilometero 2.5 bya ruhurura hagamijwe kugabanya ingaruka z’imyuzure, guteza imbere isuku no kurinda iyangirika ry’imitungo y’abaturage.

Hari kandi na Km 6.2 z’inzira z’abanyamaguru zifite ubugari kuva kuri metero imwe n’ibice bitanu (m 1.5) kugera kuri enye (m 4) zifashishwa n’abaturage 3,000.

Umwe mu mihanda wamaze kuzura ukaba uriho amatara n’inzira z’abanyamaguru na ruhurura zipfundikiye

Ibintu 10 byahindutse mu Biryogo na Rwampala nyuma y’uko havuguruwe

1. Agaciro k’umutungo w’abahafite ibikorwa kariyongereye

Ku muntu uhafite umutungo, uhafite inzu zikodeshwa n’ibindi bikorwa yamaze kubona ko agaciro k’umutungo we kiyongereye nyuma y’uko hagejejwe ibikorwa remezo byavuzwe haruguru.

2. Impushya zo kuvugurura inyubako zo gutura kuri kaburimbo ziratangwa

Bitewe n’ibikorwa remezo, nta muturage usaba kuvugurura mu tugari twavuzwe haruguru ngo abyangirwe kuko ibikorwa remezo byahashyizwe ntabwo byajyanirana n’inzu zigeretseho amapine cyangwa amabuye ku mabati hejuru, zikingishijwe ibideyi cyangwa zenda kugwa kuri ba nyirazo.

Nk’abantu batuye kuri kaburimbo buri wese avugurura imiturire ijyanye n’ibikorwa remezo yegerejwe.

3. Guparika imodoka ku kagari cyangwa kure yaho utaha byabaye amateka

Mbere wasangagaga umuturage ajya gushakisha parking ku kagari cyangwa ahandi hashoboka ko yaraza imodoka kandi akahishyura, yamara kuyisigayo agakora urundi rugendo ngo agere iwe, ubu rero buri wese anezezwa no kuba imodoka ye imugeza mu rugo nta rundi rugendo akoze.

Kimwe n’abatarabonaga inyungu zo kugura imodoka, ubu bamaze kuzigura kuko noneho babona ibyiza byo kwegerezwa ibikorwa remezo.

Kugira ngo umuntu yimuke nabwo byabaga bigoye, yimukaga ku mutwe bikamutwara nk’iminota 20 abitwaye ku mutwe ngo agere aho imodoka ibasha guhagarara.

4. Biryogo na Rwampala ntabwo hagiteye ipfunwe nka mbere

Bitewe n’uko agace runaka kaba kazwiho imiturire y’akajagari idatana n’umutekano muke, bigera aho abahatuye bakumva batewe ipfunwe no kubarizwa aho hantu. Kuri ubu buri wese atewe ishema na Biryogo na Rwampala birimo imihanda ya kaburimbo, amatara yo ku mihanda, ruhurura zipfundikiye n’umutekano w’abanyamaguru kubera amatara ku nzira z’abanyamaguru.

5. Ruhurura zitwikiriye zifasha kunoza isuku

Ikibazo cya ruhurura gikunze kumvikana hirya no hino bamwe baziguyemo kuko zidapfundikiye cyangwa se amazi yazo agasenyera abazituriye, mu kuvugurura imiturire rero izo ruhurura zarapfundikiwe, isuku ikaba iganje kandi zikaba nta mpanuka zateza.

6. Inzira z’abanyamaguru zikozwe neza kandi ziriho amatara

Ubusanzwe inzira z’abanyamaguru usanga zirimo ibibazo ndetse n’ingorane zo kwibwa nko mu kabwibwi. Kuba rero ku nzira z’abanyamaguru harashyizweho amatara ni kimwe mu bitanga umutekano. Ibyo kandi bibarinda ibyondo mu gihe cy’imvura n’ivumbi mu gihe cy’izuba.

7. Ibiza byaterwaga n’agace kadatungajije byavugutiwe umuti

Imiturire y’akajagari ntitana n’ibiza no gusenyuka kw’inzu kuko nta buryo bwiza bwo kuyobora amazi buba bwarashyizweho, ubu noneho amazi yayobowe neza muri uwo mushinga wo kuvugurura imiturire.

8. Abashoramari batangiye kuhabenguka

Ibikorwa remezo byakuruye abashorsmari batangira kuhubaka

Bitewe n’ibikorwa remezo, hari abashoramari batangiye kuhabengukwa ndetse bahashyira amagorofa, hari amahirwe menshi y’uko hazakomeza kugezwa ibindi bikorwa bishya kubera ko havuguruwe.

9. Harigwa umushinga wo kwegereza abana ibikorwa remezo by’imyidagaduro

Nyuma y’uko imihanda ishyizwemo kaburimbo, abana bakiniraga mu muhanda babuze aho bazajya bakinira, ariko muri uwo mushinga hateganyijwe ahantu hazashyirwa ibikorwa remezo byagenewe imyidagaduro y’abana.

Imikino izaba yemejwe nyuma yo gukusanya ibitekerezo by’abana basanzwe bakinira mu muhanda ndetse n’ababyeyi babo, abana benshi basabye ko bahabwa aho bazakinira biye (bille), ikibariko ndetse n’ikibuga cya basket. Ibyifuzo by’abo bana ni byo bizashyirwa mu bikorwa muri ako gace. Ibyo bikorwa remezo by’imyidagaduro bizanafasha abana bafite impano mu mikino nka football cyangwa basketball kubona aho bazitoreza, bagakuza impano zabo.

10. Ubucuruzi buragenda neza kandi bukaguka

Abakora ubucuruzi bemeza ko bugenda kuko byorohera abakiriya kubageraho, ibicuruzwa bibagezwaho byoroshye bidasabye imodoka no kuza kongera kubyikorera ku mitwe ndetse n’amazu y’ubucuruzi ajyanishwa n’igihe.

Abaturage begerejwe uwo mushinga nabo bagize icyo babivugaho:

Nturubiko Aimé uhagarariye komite y’abaturage mu mushinga w’Agatare mu Kagali ka Biryogo ati “Uyu mushinga wadufashije kuvugurura imiturire, muzi ko mu Biryogo nta mihanda twagiraga, twari utuyira tutanyuramo n’imodoka ariko ubu nyuma yo gucamo imihanda habaye nyabagendwa, baduhaye amatara mbese harasa neza”.

“Abaturage begereye umuhanda batangiye gusaba ibyangombwa byo kuvugurura, no mu buryo bw’isuku harasa neza, imodoka zitwara ibishingwe nazo zitugeraho. Amazi y’imvura yubakiwe ruhurura yanyuraga mu mazu y’abaturage, amwe yaraguye ariko ubu za rigore n’inzira z’amazi zaratunganyijwe nta mwanda ukiharangwa, Biryo turimo gutura mu buryo bw’icyerecyezo.”

Murekatete Mariam Sidi ati “Ndashimira cyane Leta y’u Rwanda, kubona imiturire dufite ubu biranejeje. Nkanjye wagonzwe n’umuhanda nkimuka, kubarirwa imitungo yanjye byagenze neza, nishimira iterambere ryahageze rwose nta kibazo nagiriyemo kuko igenagaciro ryakozwe neza,

kandi Leta ikomereze aho duture neza ku buryo uwagira ikibazo atabarwa vuba kuko inzira ziba zihari”.

Umusaruro w’ibyagezweho ni inyungu z’ishyirwa mu bikorwa ry’Umushinga wo Kunoza Imiturire mu Mujyi wa Kigali (Agatare Upgrading Project), watangiye gushyirwa mu bikorwa ku itariki 18 Kamena 2018 ukaba ugikomeza.

Ni umushinga watangiye ari igerageza (pilot phase) ariko nyuma yo kubona impinduka zawo nziza, uzakomereza mu tundi tugari 10 mu Karere ka Nyarugenge n’Utugari 3 muri Kicukiro na tubiri muri Gasabo.

Uwo mushinga uterwa inkunga na Banki y’Isi ku bufatanye na Leta y’u Rwanda, ukaba ufite ingengo y’imari ya miliyoni 10 z’Amadorali ya Amerika.

Abimuwe mu ishyirwa mu bikorwa ry’uwo mushinga ku bw’inyungu rusange bahawe ingurane ikwiye, bityo n’aho bagiye ubuzima bwabo bugatera imbere.

Umujyi wa Kigali

Uyu muryango RJSD urimo gutegura umuhango wo gutangiza ibikorwa byawo ku mugaragaro, nyuma yo kubona ibyangombwa byemewe biteganywa n’amategeko bitangwa na Rwanda Governance Board ‘RGB’ ku miryango idaharanira inyungu ikorera mu Rwanda.

Ni umuhango uzaba hifashishijwe ikoranabuhanga mu nama itegerejwe kuwa ku itariki 25/02/2021, saa 10:00AM.

Iyi nama izakorerwa ku ikoranabuhanga rya Zoom, ndetse inyure imbonankubone ku zindi mbuga nkoranyambaga nka YouTube, Facebook n’izindi, mu rwego rwo kubahiriza amabwiriza yo kwirinda icyorezo cya Covid19 nkuko biteganwa na Minisante na OMS.

Muri iyi nama hazaberamo ibiganiro bitatu, byose bigamije kugaragaraza imigabo n’imigambi y’umuryango ‘RJSD’ no kwakira abanyamuryango bashya bifuza kwinjira mu muryango. Ikindi kandi ibi biganiro byose bizagaruka kuri gahunda ziteganwa imbere, harimo no gufasha abanyarwanda kumenya amakuru no gusobanukirwa byinshi ku cyorezo cya Koronavirus kimaze guhangayikisha abatuye isi muri rusange.

Muri 2019 nibwo abanyamakuru baturutse bo mu bitangamamakuru byo mu Rwanda no mu mahanga, bishyize hamwe bashinga umuryango wa RJSD ‘Rwanda Journalists for Sustainable Development’ bagamije gufasha abanyarwanda muri rusange kugera ku iterambere rirambye, hifashishijwe uburyo burambye n’uburenganzira bwo kubona no kumenya amakuru kuri buri wese, cyane cyane amakuru agamije iterambere, icyo bise “ACCESS TO INFORMATION FOR DEVELOPMENT” mu rurimi rw’icyongereza.

Abashinze uyu muryango bagamije gutanga ubufasha ndetse n’ubujyanama ku banyamakuru bakizamuka n’abakiri bato muri uyu mwuga.

Ntawirema Celestin, umuvugizi w’uyu muryango, avuga ko abanyamakuru bakizamuka bakeneye ubuvugizi n’ubufasha ngo kuko bidakozwe byazateza icyuho gikomeye igihe aba banyamakuru bubatse amazina baba bamaze gusaza bataratoje abanyamakuru batoya.

Ntawirema ati: “Urabona hano mu Rwanda tumenyereye ko abanyamakuru basanzwe bafite amazina azwi ko aribo bagenda bahinduranya ibitangazamakuru bitandukanye. Hakaba n’abandi banyamakuru bakinjira muri uyu mwuga, ariko ugasanga haracyarimo urugendo muri iki kiciro cy’aba banyamakuru bashya, kuko bidapfa koroha kubona igitangazamakuru bakorera badasanzwe barubatse amazina akomeye muri rubanda”.

Umuvugizi w’uyu muryango RSJD, Celestin Ntawirema, yarangije muri kaminuza ya Southern New Hampshire muri Amerika

Asobanura ko mu byo uyu muryango ugamije harimo no gufasha iki cyiciro gukomeza kongera ubumenyi n’ubuhanga kugeza binjiye mu kazi.

Ati: “Mubyo tuzafasha iki cyiciro harimo kubafasha kubona amahugurwa no kubafasha kongera ubumenyi ku rwego mpuzamahanga hagamijwe kubinjiza mu kazi kabaha umusaruro ubageza ku iterambere rirambye.”

Uyu muyobozi akomeza avuga ko hakiri umubare munini w’abanyamakuru biga itangazamakuru mu Rwanda, ariko barangiza ntibakore ibyo bize ngo kuko uretse kuba n’isoko ry’umurimo rikiri ritoya, ku rundi ruhande ngo kubona akazi biracyagoye ku banyamakuru bashya naho bakabonye ntigakore nk’umwuga wabageza ku iterambere.

Kuri Ntawirema yemeza ko imbuga nka YouTube channel ari indi mbogamizi ku itangazamakuru abantu bari kwirengagiza, kandi ishobora kuzateza ikibazo mu gihe kiri imbere mu ruganda rw’itangazamakuru mu Rwanda.

Asobanura ko abakora aka kazi bakwiye kongera kwibutswa amahame rusange agenga abanyamakuru yaba mu Rwanda no ku isi hose.

Ati “Reba nk’urugero, abantu batangiye kwinjira muri uyu mwuga batarawize, ntanamahugurwa bafite, bityo ugasanga ibintu biri kwivanga mu buryo butari bwiza. Harasabwa ibintu byinshi nkuko uyu muryango wacu ‘RJSD’ turi guteganya gukorana na leta n’izindi nzego zireberera inyungu z’abanyamakuru, abantu bakoresha imbuga nkoranyambaga zitandukanye, tukabahugura, tukabongerera ubumenyi bagakora neza”.

Mu bindi bikorwa RJSD iteganya, harimo gukorana n’amashuri makuru naza kaminuza yigisha itangazamakuru n’itumumanaho (Journalism, media & communications), ndetse n’amashuri yisumbuye. Ni mu rwego rwo gufasha abiga muri aya mashuri kubongerera ubumenyi bukenewe muri iki gihe no kubafasha kwinjira mu kazi kinyamwuga.

.

Biravugwa ko imodoka zibarirwa muri 18 ari zo zihiriye muri iryo garaje ryitwa ‘Pure Pro’, muri izo modoka hakaba harimo n’iy’umukinnyi Sugira Ernest ukina umupira w’amaguru.

Polisi y’Igihugu, ishami rishinzwe kuzimya inkongi, yihutiye gutabara igerageza guhangana n’uwo muriro, gusa byinshi mu byari muri iryo garaje bikaba byari byamaze kwangirika.

Idamange Iryamugwiza Yvonne yatawe muri yombi

Itangazo rya Polisi y’u Rwanda rivuga ko Polisi ifatanyije n’Urwego rw’Igihugu rw’Ubugenzacyaha (RIB), nyuma y’ubwo bugenzuzi, izo nzego zataye muri yombi Idamange Iryamugwiza Yvonne, akaba akekwaho ibyaha byo guteza imvururu cyangwa imidugararo muri rubanda, kwigomeka ku nzego z’umutekano no gukomeretsa umwe mu bashinzwe umutekano.

Polisi yatangaje ko Iryamugwiza yakomerekeje umwe mu bashinzwe umutekano akoresheje icupa yamuteye mu mutwe, ahita ajyanwa igitaraganya ku bitaro bya Kacyiru kugira ngo avurwe.

Idamange Iryamugwiza Yvonne

Umuvugizi w’umusigire wa RIB, Dr. Murangira B. Thierry, yemereye Kigali Today aya makuru, yirinda gutangaza byinshi ku itabwa muri yombi rya Idamange kugira ngo bitabangamira iperereza.

Uyu mugore kuri ubu ufungiye kuri sitasiyo ya RIB i Remera mu Mujyi wa Kigali atawe muri yombi nyuma y’uko yari amaze iminsi agaragara ku mbuga nkoranyambaga cyane cyane kuri YouTube avuga amagambo benshi bamaganiye kure bamushinja gupfobya Jenoside yakorewe Abatutsi mu Rwanda no guharabika ubutegetsi buriho mu Rwanda.

Amakuru atangazwa n’Ubushinjacyaha Bukuru bw’u Rwanda aravuga ko ku wa 10 Gashyantare 2021 Urukiko rwisumbuye rwa Rusizi rwaciye urubanza Ubushinjacyaha bwarezemo umwana w’imyaka 16 icyaha cyo gukoresha undi imibonano mpuzabitsina ku gahato n’icyaha cy’ubwicanyi buturutse ku bushake byakorewe abagore babiri. Urukiko rwamuhamije ibyo byaha byombi ahanishwa igihano cy’igifungo cy’imyaka 15.

Ku itariki ya 06 Mutarama 2020 saa tanu n’igice z’amanywa umurambo w’umugore wabonetse mu gashyamba mu Mudugudu wa Nyagatare, Akagari ka Shagasha mu Murenge wa Gihundwe ndetse no ku wa 12 Mutarama 2020 haboneka undi murambo w’umugore mu gashyamba k’inturusu kari mu mudugudu wa Isha, Akagari ka Kamashangi, Umurenge wa Giheke, hafi y’ahabonetse uwa mbere, kandi bombi bagaragaza ko basambanyijwe. Uregwa yaraketswe, atangira no gukorwaho iperereza.

Ku wa 16 Gashyantare 2020 uyu mwana yaje gufatirwa hafi y’aho iyo mirambo yabonetse ari gukurubana undi mugore yamutuye hasi ashaka kumujyana mu ishyamba ateshwa n’abagenzi bari mu modoka batambukaga mu muhanda.

N’ubwo uwo mwana yaranzwe no guhindura imvugo no kwivuguruza mu nzego z’iperereza no mu rukiko, ibizamini bya ADN byagaragaje ko yasambanyije umwe muri ba nyakwigendera mbere yo kumwica.

Ku wa 10 Gashyantare Urukiko rwazuye ko uregwa ahamwe n’icyaha cyo gukoresha undi imibonano mpuzabitsina ku gahato n’icyaha cy’ubwicanyi buturutse ku bushake maze ahanishwa igihano cy’igifungo cy’imyaka 15.

Tunga Dekoderi ya DTT (imwe ikoresha antene y’udushami) wishyuye amafaranga 7000 Rwf gusa, maze wongereho 8000 Rwf bya abonema ya Classic Bouquet.

Cyangwa se ugure Dekoderi ya DTH (ikoresha igisahane cyangwa Dish) wishyuye amafaranga 6500 Rwf maze wongereho 8500 Rwf bya abonema ya Smart Bouquet.

Wishyuye aya mafaranga utaha ufite (Dekoderi + antene + umugozi ndetse na abonema y’ukwezi).

Si ibyo gusa kandi kuko uhabwa inyongera yo gukoresha App ya StarTimes ON ukwezi kose ku buntu, ukanabasha no kuyisangiza abandi bantu 2 kuri Telefone zabo za smartphone nta yandi mafaranga wishyuye.

Ntucikwe n’iyi poromosiyo y’akarataboneka mu Rwanda. Ku bindi bisobanuro wahamagara 078 815 6600.

Utunze Dekoderi ya StarTimes ntacikwa n’amakuru, umupira, filime, seri, novella, ibiganiro bitandukanye ndetse n’abana StarTimes yarabazirikanye. Tunga Dekoderi ya StarTimes usezere ku irungu!

Abitabye Imana ni abagore babiri b’imyaka 69 (mu Ruhango) na 49 (i Kigali) n’umugabo w’imyaka 63 (i Nyagatare).

Umuvugizi wa Minisiteri y’Ubuzima, Julien Mahoro Niyingabira yabwiye Kigali Today ko ku ikubitiro hakingiwe umubare muto uhwanye n’inkingo zari zabonetse, ariko ntiyashimye gutangaza umubare w’abakingiwe n’igihe nyakuri ibyo bikorwa byatangiriye.

Yagize ati "Hari umubare muto w’inkingo zari zaje zikoreshwa kuri abo bantu bake, ariko hari izindi dutegereje mu byumweru bisoza ukwezi kwa Kabiri, nk’uko Minisitiri yari yabitangaje."

Abaherwaho mu gukingirwa barimo abakora kwa muganga, barimo abaganga, abaforomo, n’abita ku barwayi ba COVID-19.

Mu bandi bazakingirwa mu ba mbere harimo abakuze bafite imyaka guhera kuri 65 kuzamura, hakabamo abantu bafite uburwayi budakira nka Diyabete, umuvuduko w’amaraso, Kanseri n’izindi.

Hazakingirwa kandi n’abandi bafasha mu bikorwa byo gukumira ikwirakwira rya COVID-19 nk’inzego z’umutekano, abakorerabushake (Youth Volunteers) bafasha abantu kubahiriza amabwiriza yo kwirinda COVID-19.

Biteganyijwe ko umubare w’abakingirwa uzagenda waguka ku buryo mu myaka ibiri uhereye muri uku kwa Kabiri hazaba hamaze gukingirwa 60% by’abaturage.

U Rwanda ruvuga ko rwamaze gutegura ibyangombwa bikenewe ndetse ko rwamaze guhugura abazafasha muri ibyo bikorwa byo gukingira.

@RwandaHealth National Vaccination Program has begun vaccinating high-risk groups. pic.twitter.com/Fpq1yDAC8m

— Ministry of Health | Rwanda (@RwandaHealth) February 14, 2021

Agasozi bahimbye Saint Valentin kubera kwivugana umusore

Uwo musozi uri ku muhanda uva i Muhanga werekeza i Karongi ugeze mu rugabaniro rw’Imirenge ya Rugabano mu Karere ka Karongi na Nyange mu Karere ka Ngororero.

Abaturiye ako gasozi bazi neza amateka yakabereyeho bavuga ko umusore n’inkumi babyumvise kimwe (kumvikana), bajya haruguru y’umuhanda ahantu hari umukingo witegeye umuhanda ariko hari n’agashyamba.

Ubwo nyamusore n’inkumi ye bisunze agahuru kari hafi aho, ariko begereye cyane ahareba mu muhanda kuko bari batinye kuzamuka ngo bajye mu ishyamba hagati kandi bwari butangiye kwira.

Umusore yaratangiye arashishikara ariko afashe ku gati kadakomeye, umukobwa na we afashe ku giti kinini, noneho bageze mu mahina umusore ntiyibuka ko ari ku mukingo na ka gati yari afashe arakarekura aho yari ahagaze haratenguka amanuka uko yakabaye, yiyesura mu muhanda ku ruhande ruriho umugenda wa sima.

Umukobwa yabuze uko abigenza aremera ajya gutabaza, abaturage bahageze basanga umusore yumye nk’ejo ipantalo iri mu mavi. Umugabo apfa atyo azize urw’abagabo, agasozi na ko bahita bagahimba ’Saint Valentin’ ari we mutagatifu w’abakundana.

Umunsi wa Saint Valentin wakomotse ku mupadiri w’Umunyaromani witwa Valentin wabayeho ku gihe cy’umwami w’abami Claudius II ahagana mu myaka ya 269 na 273 mbere y’ivuka rya Yezu kiristu. Muri icyo gihe, tariki ya 14 Gashyantare habaga umunsi mukuru wo kwihiza umunsi w’umwamikazi Juno wafatwaga nk’imana y’abagore.

Kuri uwo munsi, abasore bandikaga amazina y’abakobwa bari mu kigero kimwe bakayashyira mu kintu, umusore yazamura izina ry’umukobwa guhera ubwo akamuherekeza bakajya kwizihiriza uwo munsi hamwe.

Ngo ibyo byatumaga abakobwa bahura n’abasore kuko mbere byabaga bibujijwe, ubucuti bwabo bugakomera bukavamo no kubana ubuziraherezo.

Ku ngoma ya Claudius igihugu cye cyaje kugarizwa n’intambara zikomeye, agira ikibazo cy’abasirikare bagomba kurwanira igihugu kubera ko abagabo bakiri batoya bangaga gusiga abagore babo ngo bajye ku rugamba.

Umwami Claudius yafashe icyemezo cyo guhagarika gushaka, ariko Saint Valentin ntiyabyakira neza. Afatanyije na Saint Marius batangira gusezeranya abantu bashaka kubana mu ibanga. Amakuru yageze ku mwami Claudius ararakara ategeka ko Padiri Valentin afatwa agafungwa.

Padiri Valentin yarafunzwe, akatirwa urwo gupfa akubiswe amahiri akanacibwa umutwe. Ngo igihe yari ategereje iherezo rye, abantu bazanaga indabyo n’ubutumwa bwo kumukomeza bakazinyuza mu idirishya.

Uyu munsi uvugwaho byinshi. Hari n’abavuga ko ubwo Valentin yari afunzwe, umukobwa w’umucungagereza yakomeje kumuba hafi, amusura kugeza igihe cyo kunyongwa. Uwo mukobwa yari afite ubumuga bwo kutabona, ariko ibitangaza byabaye mu gihe yasengeraga Valentin, yongeye kureba.

Ubwo haburaga umunsi umwe ngo Valentin anyongwe, bivugwa ko yanditse ku ruparuro amagambo agira ati: “Love from your Valentine” ni ukuvuga “urukundo rwa Valentin wawe” amushimira urukundo n’ubudahemuka yamugaragarije.

Ikirango cya ATLANTIQUE MICROFINANCE PLC

Ikigo “ATLANTIQUE MICROFINANCE PLC” gifite Icyicaro gikuru i Kigali mu nyubako ya CHIC mu igorofa rya mbere, hamwe n’amashami i Nyabugogo, Kabuga, Kimironko na Rubavu.

Ubuyobozi bw’iki kigo buvuga ko bugiye gufungura andi mashami i Nyamirambo(Kigali) no mu Karere ka Musanze mu gihe cya vuba.

Ikigo “ATLANTIQUE MICROFINANCE PLC” kivuga ko kwitwa iri zina rishya byashingiye ku mwanzuro w’abashoramari bacyo, ariko ko imikorere na service gisanzwe kigeza ku bafatanyabikorwa n’abakigana bose bitahindutse.

Umuyobozi wa “ATLANTIQUE MICROFINANCE PLC”, Charles Kayumba yizeza ko bazakomeza kubahiriza intego yo "Gutanga Serivisi zihuse kandi zihendutse", aho usaba inguzanyo ngo adashobora kurenza icyumweru atarayihabwa.

Kayumba yagize ati "Nta mafaranga yo kwiga dosiye tugusaba".

Iki kigo kivuga ko abifuza services z’imari zihuta kandi zidahenze za “ATLANTIQUE MICROFINANCE PLC” kiteguye kubakirana yombi.

Inzira zinyura mu bishanga biri mu nkengero z’Umujyi wa Huye zikunze kuvugwamo ibikorwa by’ubujura

Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire yavuze ko hari abantu bateze Manishimwe ari mu gitondo agiye kwiga muri Kaminuza y’u Rwanda ishami rya Huye bamwambura amafaranga yari afite ndetse na mudasobwa (Laptop). Nyuma yahise aza gutanga amakuru Polisi itangira gushakisha abo bantu.

Yagize ati “Hari abantu bategeye Manishimwe mu gishanga kiri mu Mudugudu wa Cyezuburo mu Kagari ka Rwanza mu murenge wa Save. Bamuteze ari mu gitondo hagati ya saa kumi n’ebyiri na saa moya, Manishimwe ntiyabashije kumenya amazina yabo ariko yasobanuye uko bari bambaye n’uko basa, abayobozi mu Mudugudu no mu Kagari bahise bemeza ko umwe ari Nikobiri nawe avuga ko yari kumwe na Hategekimana.”

SP Kanamugire akomeza avuga ko atari ubwa mbere muri kiriya gishanga kiri mu Mudugudu wa Cyezuburo havugwa abantu batega abantu bakabambura. Yavuze ko Polisi ifatanije n’izindi nzego bashyizeho uburyo bwo gucunga umutekano hariya hano harimo kuhapanga amarondo ya nijoro.

Yagize ati “Twafashe bariya babiri barimo gucyekwa kwambura Manishimwe ariko turacyarimo gushaka n’abandi kuko hari abaturage benshi bagiye baduha amakuru ko hariya hantu bakunze kuhamburirwa n’urubyiruko ruhajya cyane cyane ku mugoroba.”

Umuvugizi wa Polisi mu Ntara y’Amajyepfo yakanguriye urubyiruko gukura amaboko mu mifuka bagakora bakareka gukomeza gukora ibyaha bategereje gutungwa n’ibyo bambuye abaturage. Yavuze ko Polisi y’u Rwanda k’ubufatanye n’izindi nzego z’umutekano mu baturage biteguye guhashya abantu bose bashaka guteza umutekano mucye mu baturage.

Iyi nkuru Kigali Today ikesha Polisi y’u Rwanda iravuga ko Hakizimana na Nikobari Polisi yahise ibashyikiriza Urwego rw’Igihugu rushinzwe ubugenzacyaha (RIB) rukorera muri sitasiyo ya Polisi ya Save.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 166, ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ingingo ya 167 yo muri iri tegeko ivuga ko ibihano ku cyaha cyo kwiba byikuba kabiri (2) iyo kwiba byakozwe n’abantu barenze umwe, iyo kwiba byakozwe nijoro, iyo uwibye yakoresheje guca icyuho, kurira cyangwa yakoresheje igikoresho icyo aricyo cyose gifungura aho utemerewe kwinjira.

Abitabye Imana ni abagabo batanu b’imyaka 86, 82, 68, 63 (i Kigali) na 54 (i Kayonza).

Umuvugizi wa Polisi mu Ntara y’Iburasirazuba, Chief Inspector of Police (CIP) Hamdun Twizeyimana yavuze ko Mugisha yafashwe biturutse ku makuru yatanzwe n’aho yari avuye kugura icyayi muri resitora.

CIP Twizeyimana yagize ati “Mugisha yagiye kunywa icyayi muri resitora amaze kukinywa arishyura, uwacuruzaga arebye neza asanga amuhaye amafaranga y’amiganano niko guhita yihutira kubimenyesha Polisi.”

CIP Twizeyimana yakomeje avuga ko Polisi yihutiye gutabara isanga Mugisha yagiye, afatirwa aho yari acumbitse asanganwa amafaranga y’u Rwanda y’amiganano angana n’ibihumbi 110 yemera ko yari yishyuye muri resitora ibihumbi 2 n’andi ibihumbi 8 y’ubukode bw’aho yari acumbitse yose y’amiganano.

Abajijwe aho yayakuye, yavuze ko yayahawe n’Umugande witwa Byamukama Alexis ayamuha nk’inguzanyo azishyura mu mezi abiri, avuga ko atari azi ko ayo mafaranga ari amiganano.

Umuvugizi wa Polisi mu Ntara y’Iburasirazuba yasabye abaturage kwirinda gukora cyangwa gukwirakwiza amafaranga y’amiganano kuko bigira ingaruka ku muntu ubifatiwemo ndetse no ku bukungu bw’Igihugu. Yasabye abaturage kujya bashishoza mu gihe bahawe amafaranga bakareba niba ari mazima basanga afite ikibazo bakihutira gutanga amakuru, abashishikariza gukoresha ikoranabuhanga mu kwishyurana mu rwego kwirinda ababaha amafanga y’amiganano ndetse no kwirinda ikwirakwira ry’icyorezo cya COVID-19.

Polisi yahise ishyikiriza Mugisha Urwego rw’Igihugu rw’Ubugenzacyaha (RIB) rukorera muri sitasiyo ya Polisi ya Tabagwe kugira ngo hakorwe iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 269 ivuga ko umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7).

Abitabye Imana ni abagabo batatu b’imyaka 85, 56 (i Kigali) na 69 (i Gatsibo) bitabye Imana.

Abitabye Imana ni abagore batatu b’imyaka 73 (i Kamonyi), 29 (i Kigali) na 27 (i Huye).

Abitabye Imana ni abagore babiri b’imyaka 96 na 91 n’umugabo w’imyaka 47 bitabye Imana i Kigali.

Minisitiri w’Ububanyi n’Amahanga wa Repubulika ya Santarafurika, Sylvie Baïpo-Témon

Yavuze ko igihugu cye cyiyemeje kwigira ku Rwanda kuko na bo banyuze mu mateka mabi, bakaba bashaka kwigira ku Rwanda kugira ngo barangize ibibazo bafite.

Uruzinduko rwe yarutangiye asura Urwibutso rwa Jenoside rwa Gisozi, nyuma yaho agirana ibiganiro na mugenzi we w’u Rwanda, Minisitiri Dr. Vincent Biruta.

Sylvie Baïpo-Témon hamwe na Dr Vincent Biruta baganiriye ku guteza imbere umubano w’ibihugu byombi

Ibihugu byombi bisanzwe bifitanye umubano mu byiciro bitandukanye birimo umutekano n’ubucuruzi.

Minisitiri Sylvie Baïpo-Témon yavuze ko bashaka ko ubwo bufatanye bw’ibihugu byombi burushaho gukomera, by’umwihariko Santarafurika ikaba igomba kwigira ku Rwanda nk’ibijyanye no gusubiza mu buzima busanzwe abavuye ku rugerero, kugarura umutekano, guteza imbere ishoramari, n’ibindi.

Minisitiri Sylvie Baïpo-Témon agiriye uruzinduko mu gihe igihugu cye cya Santarafurika gikomeje kugaragaramo imyivumbagatanyo yakurikiye intsinzi ya Perezida Faustin-Archange Touadéra wongeye gutorerwa kuyobora icyo gihugu mu matora yabaye mu Kuboza.

Ingabo z’u Rwanda ziri muri icyo gihugu mu butumwa bw’Umuryango w’Abibumbye bwo kugarura umutekano (MINUSCA). Icyakora mu mpera z’umwaka ushize u Rwanda rwiyemeje koherezayo izindi ngabo zijya gufasha mu bikorwa byo kubungabunga umutekano, izo ngabo zikaba zaragiyeyo ku bwumvikane bw’ibihugu byombi.

Abitabye Imana ni abagore babiri b’imyaka 79 (Kayonza), 38 (Kigali) n’umugabo w’imyaka 66 (Kigali).

Abatanze ibiganiro barimo Hon. Edouard BAMPORIKI, Umunyamabanga wa Leta muri Minisiteri y’Urubyiruko n’Umuco, Hon. Tito RUTAREMARA, Perezida w’Urubuga Ngishwanama rw’Inararibonye z’u Rwanda, Gen. Maj. Emmanuel BAYINGANA, Umugaba w’Ingabo zirwanira mu Kirere na Ms Christelle KWIZERA, umwe mu rubyiruko rwihangiye imirimo, Amb. Jean Pierre KARABARANGA uhagarariye u Rwanda muri Senegal n’abandi batandukanye bakitabiriye.

Bagarutse ku nsanganyamatsiko igira iti: “Ubutwari mu Banyarwanda, Agaciro kacu”, bagaragaza ubutwari bwaranze Abanyarwanda mu mateka yabo, Abanyarwanda bitangiye abandi mu gihe cyo kubohora u Rwanda no mu gihe cya Jenoside yakorewe Abatutsi, babera Abanyarwanda urugero rwiza harimo n’ingabo zari iza FPR-Inkotanyi zabohoye u Rwanda, zikanahagarika Jenoside yakorerwaga Abatutsi mu 1994.

Amb Karabaranga yongeye kwibutsa ubutumwa bwa Nyakubahwa Perezida wa Repubulika ku munsi w’Intwari uyu mwaka, ubwo kuri Twitter ye yagize ati: “Mbifurije umunsi mwiza w’Intwari. Intwari twizihiza, ni Abanyarwanda bagaragaje kwitangira u Rwanda batizigama. Batubereye urugero rw’ibishoboka. Ubu u Rwanda rukaba ari imbuto z’ubutwari bwabo. Uwo muco ugomba kuba uruhererekane tuzakomeza kuraga abato.”

Abo barimo intwari z’Imanzi zirimo ingabo itazwi izina ihagarariye izindi ngabo zose z’u Rwanda zitangiye igihugu zaguye ku rugamba cyangwa zashoboraga kurugwaho mu gihe cyahise, icy’ubu ngubu n’ikizaza zirwanirira Igihugu, hakabamo na Gen. Maj. Fred Gisa Rwigema waguye ku rugamba rwo kubohora u Rwanda, akabera abandi urugero rwiza rw’ubwitange kimwe n’abandi bari mu cyiciro cy’Imena zaranzwe no kugaragaza ibikorwa byiza bidasanzwe mu gihugu, birangwa n’ubwitange, akamaro n’urugero bihanitse.

Umwe mu nshuti z’u Rwanda wari mu butumwa bw’Umuryango w’Abibumbye bwo kubungabunga amahoro MINUAR, Colonel Mamadou Adje wo mu Gihugu cya Senegal hamwe na mugenzi we Capt. Mbaye Diagne watabaye abantu benshi bahigwaga mu gihe cya Jenoside yakorewe Abatutsi, yashimye ubutwari bw’ingabo zari iza APR zaranzwe n’ubwitange bukomeye mu gukiza inzirakarengane zicwaga, by’umwihariko ashima Nyakubahwa Paul KAGAME.

Innocent Rwamigabo, umunyarwanda wari umusirikare mu ngabo zatsinzwe Ex-FAR witabiriye gahunda ya “Come and see” mu 2011 yatanze ubuhamya bw’uko yari yarabuze agaciro nyuma yo kuva mu gihugu akazenguruka amahanga asaba ubuhunzi ariko ko ubu yagasubijwe n’Igihugu cye, akangurira n’abandi Banyarwanda kwihesha agaciro no gukunda Igihugu cyabo ntibite ku makuru abayobya, ahubwo bakamenya gushungura.

Abitabye Imana ni abagabo bane b’imyaka 79, 61, 56 na 51 i Kigali.

Biteganyijwe ko Perezida Kagame ageza ku bitabiriye iyi nteko raporo igaragaza amavugurura yakozwe mu nzego z’umuryango wa Afurika yunze Ubumwe.

Perezida Kagame aranavuga ku bijyanye n’ibyakozwe bigamije gutera inkunga urwego rw’ubuzima kuri uyu mugabane wa Afurika, cyane cyane mu guhangana n’icyorezo cya Afurika gikomeje kugaragara hirya no hino muri Afurika no ku isi muri rusange.

President Kagame is now attending the 34th Ordinary Session of the @_AfricanUnion Assembly
where he will be presenting a report on the Institutional Reform of the African Union as well as an update on Domestic Health Financing. #AUSummit2021 #AUSummit pic.twitter.com/SUh8hxIEyy

— Presidency | Rwanda (@UrugwiroVillage) February 6, 2021

“I take this opportunity to emphasise the importance of our domestic health financing agenda, particularly in light of the Covid-19 pandemic. Without strong national health systems in every country, our continent will remain vulnerable to pandemics.” President Kagame | #AUSummit pic.twitter.com/IPolIDvmuI

— Presidency | Rwanda (@UrugwiroVillage) February 6, 2021

Padiri Edouard Sinayobye agiye kuyobora Diyosezi ya Cyangugu

Diyosezi ya Cyangugu yahawe kuyobora yari imaze imyaka ibiri iyoborwa na Musenyeri Célestin Hakizimana wabifatanyaga no kuyobora Diyosezi ya Gikongoro, nyuma y’uko Musenyeri Bimenyimana Jean Damascène wayoboraga Diyosezi ya Cyangugu yitabye Imana mu mwaka wa 2018.

Kanda HANO umenye amateka ye arambuye.

Abitabye Imana ni abagabo batatu b’imyaka 80, 52 i Kigali na 45 i Nyagatare.

Umuvugizi wa RIB w’Umusigire, Dr. Murangira B. Thierry yasobanuye ko batawe muri yombi ku wa Kane tariki 04 Gashyantare 2021. Bakurikiranyweho icyaha cy’ubuhemu, bakaba bakomeje gukorwaho iperereza.

Mu kiganiro yagiranye na RBA, Dr. Murangira yirinze kuvuga byinshi ku byo bakurikiranyweho kuko ngo bikiri mu iperereza.

CSP Kayumba Innocent afungiye kuri sitasiyo ya RIB ya Remera, Ntakirutimana Eric afungiye kuri sitasiyo ya RIB ya Kicukiro, naho Mutamaniwa Ephraim akaba afungiye kuri sitasiyo ya RIB ya Kimihurura hose hakaba ari mu Mujyi wa Kigali. Bose uko ari batatu bakoranaga muri Gereza y’i Mageragere.

Muri sitade ya Kigali i Nyamirambo harayemo abantu 65, muri sitade Amahoro harayemo 97, muri sitade ya ULK harayemo abantu 90 naho muri sitade ya Kicukiro(IPRC) harayemo abantu 111, abafashwe bari barenze ku mabwiriza atandukanye nko gukora siporo mu masaha atemewe, kutambara agapfukamunwa, hari abafatiwe mu tubari twa rwihishwa banywa inzoga n’andi makosa atandukanye.

Gatoya Dominique ni umwe mu baturage baraye muri sitade Amahoro, yavuze ko yafatiwe mu Karere ka Gasabo mu Murenge wa Kimironko aho yafatiwe ku mugoroba arimo kugenda atambaye agapfukamunwa. Gatoya avuga ko kurara muri sitade bimusigiye isomo, akangurira n’abandi kujya bubahiriza amabwiriza uko yakabaye.

Yagize ati “Nafashwe nakuyeho agapfukamunwa ndimo kuvugira kuri telefoni, bimviriyemo kurara muri sitade, umuryango wanjye ntuzi aho ndaye kandi ndibucibwe n’amande. Icyo nabwira n’abandi ni uko twakubahiriza amabwiriza duhabwa yo kwirinda COVID-19.”

Abenshi mu bafashwe wasangaga nta ruhushya basabye rubemerera kuva mu rugo mu gihe mu Mujyi wa Kigali ariyo gahunda irimo kubahirizwa. Aba bantu barenga ku mabwiriza ya guma mu rugo barangiza bakanafatirwa mu yandi makosa ajyanye no kutubahiriza amabwiriza yo kurwanya COVID-19.

Umuvugizi wa Polisi y’u Rwanda, Commissioner of Police(CP) John Bosco Kabera yavuze ko hari bamwe mu bantu bakomeje kurenga ku mabwiriza nkana nyamara bayasobanurirwa buri munsi.

Yagize ati “Tumaze ibyumweru bibiri abantu bari muri gahunda ya Guma mu rugo mu Mujyi wa Kigali, kandi inama y’Abaminisitiri yongereyeho indi minsi 7. Icyo abaturage basabwa ni ukubahiriza amabwiriza, iyo urebye aba bantu barenga 360 baraye mu masitade atandukanye mu Mujyi wa Kigali bikugaragariza ko hari abantu bisa nk’aho ntacyo bibabwiye. Hari abantu bakora siporo nimugoroba kandi bimaze iminsi bisobanurwa ko siporo ikorwa mu gitondo kuva saa kumi n’imwe kugeza saa tatu za mu gitondo, hari abafashwe basenga biremye adutsiko, hari urubyiruko rukoresha ibirori bakanywa inzoga hari abirirwa bahagaze ku mihanda n’abandi birirwa bagenda ari benshi (igihiriri) wababaza ibyo barimo bakabibura, hari abafashwe batambaye agapfukamunwa.”

Muri iyi minsi abantu bafatwa barenze ku mabwiriza hakunze kwiganzamo urubyiruko cyane, mu gihe mu minsi yashize wasangagamo n’abantu bakuze. Umuvugizi wa Polisi y’u Rwanda yasabye urubyiruko kumva neza icyo basabwa, bakamenya kwirinda kandi bakarinda n’abandi banyarwanda.

Yagize ati “ Ubutumwa naha urubyiruko ni uko bakwiye kumva neza icyo basabwa, kwirinda kandi bakarinda abo babana. Ariko ikiruta byose ni ukubahiriza amabwiriza ashyirwaho na Leta, urubyiruko ni amaboko y’Igihugu, hari abitwara neza(urubyiruko rw’abakorerabushake) ariko hari n’abandi usanga bafite imyitwarire itari myiza abo nabo bakwiye kuba bigira kuri bagenzi babo.”

CP Kabera yasabye abantu kubahiriza amabwiriza uko yakabaye muri iyi minsi isigaye mbere y’uko gahunda ya Guma mu rugo mu Mujyi wa Kigali irangira, ariko yabibukije ko n’ubwo guhera tariki ya 8 Gashyantare hari andi mabwiriza mashya azatangira kubahirizwa abantu barasabwa kuzayubahiriza neza uko yakabaye.

Umuvugizi wa Polisi y’u Rwanda yavuze ko buri muturarwanda agomba kumva ko kwirinda ari inshingano ze ariko ababirenzeho bazajya bafatwa berekwe abanyarwanda banahanwe kubera ko aribyo baba bihitiyemo.

Abitabye Imana ni umugore w’imyaka 69 (i Kigali) n’umugabo w’imyaka 56 (i Muhanga).

Nishimwe Naomie ni we uheruka kwegukana ikamba rya Miss Rwanda 2020

Nk’urubuga ruha imbaraga abakobwa bakiri bato mu gukurikira inzozi zabo no guteza imbere ubukerarugendo bushingiye ku muco, abategura iri rushanwa, mu Ukuboza 2020 batangaje ko hari impinduka zikomeye z’irushanwa ry’umwaka wa 2021, biyemeje kuyobora Miss Rwanda y’uyu mwaka mu buryo bw’ikoranabuhanga n’umuhezo kugira ngo harindwe ubuzima bw’abahatana.

Umuyobozi ushinzwe itumanaho muri Miss Rwanda, Meghan Nimwiza yagize ati: “Miss Rwanda ni amarushanwa ngarukamwaka abakobwa benshi bifuza kwitabira. Mu myaka yashize, aya marushanwa yaramenyekanye cyane mu Rwanda ndetse no hanze yarwo mu gihe amahirwe atanga na yo yagiye yiyongera buri mwaka.”

“Tumaze gutangaza Miss Rwanda 2021 no gusuzuma ko abifuza kuzitabira amarushanwa bari bamaze kwiyandikisha kuri murandasi, twatekereje ko ari ngombwa gushakisha uburyo bwo kuyobora amarushanwa mu murongo w’ikoranabuhanga ndetse n’umuhezo aho kuyasubika.”

Bitewe n’icyorezo cya COVID-19 n’ingamba zo kwirinda ziriho, abategura Miss Rwanda bateguye gahunda ifatika hamwe n’umurongo ngenderwaho uzatuma Miss Rwanda yo mu 2021 ikorwa ariko mu buryo bwizewe mu kurengera ubuzima, haba ku bahatana ndetse n’abategura.

Muri gahunda nshya, ibyiciro bitanu byose byo gutora bizakorwa neza, aho amajonjora n’ibindi bikorwa by’ibanze bizaba hifashishijwe ikoranabuhanga naho ‘pre-selection,’ umwiherero na finale bikorwe hifashishijwe uburyo bw’umuhezo.

Mu gice cy’amajonjora y’ibanze, abazitabira amarushanwa bazasabwa gutanga amashusho yabo n’ibisabwa byihariye, abagize akanama nkemurampaka bazabisuzuma hanyuma bashingiye ku nsanganyamatsiko y’‘ubwiza, ubuhanga n’umuco’, hatorwe abahatana bujuje ibisabwa.

Abazitabira amarushanwa bazanyura mu igenzura hamwe n’itsinda ryose ritegura irushanwa bakorerwe ikizamini cya PCR COVID-19 hanyuma bashyirwe mu muhezo aho ibyiciro byose bizakurikira bizabera kugeza kuri finale.

Nimwiza yakomeje agira ati: “Iyi gahunda yaragenzuwe kandi yumvikanyweho n’impande zose n’abaterankunga nyuma y’inama zitandukanye. Ibyiciro byose bizamenyeshwa kandi abaturage bazakurikirana amakuru y’irushanwa yose ku Kigo cy’Igihugu cy’Itangazamakuru (RBA) n’ibindi bitangazamakuru bitandukanye.”

“Ibikorwa byinshi ku isi byabaye ngombwa ko bihinduka mu buryo bushya nyuma y’iyaduka ry’iki cyorezo, ntacyabuza na Miss Rwanda. Inzira zose zarashakishijwe kugira ngo imyiteguro y’irushanwa rya 2021 ikorwe neza, nk’ibindi bikorwa byinshi ku isi.”

Kwiyandikisha kuri murandasi birakomeje ariko bizasozwa ku ya 8 Gashyantare 2021. Icyemezo cyo gukomeza iyi myiteguro cyaje nyuma y’isuzuma ryakozwe, ryerekanye ko amajonjora ya Miss Rwanda ashobora gutegurwa hifashishijwe uburyo bw’ikoranabuhanga ry’amashusho.

Nimwiza yongeyeho ati: “Iki cyemezo cyatewe ahanini n’uko abakobwa benshi bari bamaze kwiyandikisha kandi bagaragaza ko bifuza kwitabira kandi ntitwashoboraga kubabuza amahirwe. Turizera ko icyorezo kizagabanuka vuba kugira ngo habeho urwego runaka rw’ibisanzwe ariko bitabaye ibyo, ubuzima bugomba gukomeza ariko mu buryo bw’ubwirinzi.”

Mu mpinduka nshya, kwiyandikisha bizarangira ku ya 8 Gashyantare mu gihe ibikorwa by’amajonjora y’ibanze byo bizatangira kuva ku ya 9 Gashyantare kugeza ku ya 18 Gashyantare. Kuva ku ya 19 Gashyantare, abategura bazatangira kwerekana abahagarariye intara zitandukanye bazaba batsinze amajonjora y’ibanze.

Gutora kuri murandasi na SMS bizatangira ku ya 22 Gashyantare kugira ngo hamenyekane abazaba batsindiye imyanya ya mbere 20. Abahatana bazinjira mu muhezo ku ya 3 Werurwe mu gihe ‘pre-selection’ yo gutoranya izaba ku ya 6 Werurwe.

Abahatana 20 ba mbere, bazagera mu cyiciro cya nyuma, bazajya mu mwiherero uzatangira ku ya 6 Werurwe kugeza ku ya 20 Werurwe, ubwo hazaba ari ku munsi wa nyuma w’irushanwa. Finale izabera kuri Kigali Arena kandi izaba itambuka kuri RBA.

Ku ya 11 Ukuboza 2020, abateguye Miss Rwanda batangaje impinduka zikomeye mu irushanwa rya Miss Rwanda 2021, ryiswe ‘Miss Rwanda y’impinduka’, nyuma y’amavugurura mu mitegurire, ryakinguye amarembo ku bakobwa benshi mu gihe ibihembo na byo byavuguruwe.

Uzegukana ikamba rya Miss Rwanda hamwe n’abazatsindira amakamba atandukanye bazahabwa ibihembo n’inyungu nyinshi mu rwego rwo gutuma aya marushanwa aha imbaraga abakobwa benshi bashoboka.

Mu mpinduka nshya, imyaka yemewe isabwa uwitabira yongerewe kuva kuri 18 kugeza kuri 24 igera kuri 18 kugeza kuri 28, mu gihe uburebure bwasabwaga bwavanyweho. Abitabira amarushanwa bagomba kuba bari mu rwego rwiza rw’umubiri (BMI).

Bitandukanye no mu marushanwa y’imyaka yashize, uwatsindiye Miss Rwanda 2021, abatsindiye andi makamba n’abageze mu cyiciro cy’umwiherero bazashyigikirwa mu buryo butandukanye, harimo gutera inkunga imishinga yabo n’impano zabo nziza mu gihe cy’umwaka wose.

Ni inkuru dukesha abategura Miss Rwanda 2021

Madamu Jeannette Kagame yashishikarije abantu kwisuzumisha uburwayi nka Kanseri hakiri kare kandi mu buryo buhoraho kugira ngo abo babusangamo bavurwe batararemba (Ifoto yo mu bubiko)

Ibi yabigarutseho kuri uyu wa Kane tariki 04 Gashyantare 2020 ku munsi mpuzamahanga wo kurwanya Kanseri.

Mu butumwa bwe, Madamu Jeannette Kagame yavuze ko abantu bakwiriye kuzirikana ko iyo babasanzemo uburwayi cyane cyane nka Kanseri, ubuzima bwabo buhinduka ntibukomeze kuba nk’uko bwari bumeze mbere.

Yagaragaje rero ko ku munsi nk’uyu wo kurwanya Kanseri, abantu bakwiriye kujya bisuzumisha mu buryo buhoraho kugira ngo babeho neza, batekanye. Ibi ngo byanafasha uwagaragaraho uburwayi guhabwa ubuvuzi akeneye kandi ku gihe.

Abitabye Imana ni umugore w’imyaka 105 n’abagabo babiri b’imyaka 85 na 52 i Kigali.

Abitabye Imana ni abagore bane b’imyaka 75, 50, 37 (i Kigali), 64 (i Rulindo) hamwe n’abagabo batatu b’imyaka 80, 60 (i Kigali) na 66 (i Nyaruguru).

Perezida Kagame yifurije Abanyarwanda umunsi mwiza w’Intwari

Muri ubwo butumwa, Umukuru w’Igihugu yagize ati “Intwari twizihiza, ni Abanyarwanda bagaragaje kwitangira u Rwanda batizigama. Batubereye urugero rw’ibishoboka. Ubu u Rwanda rukaba ari imbuto z’ubutwari bwabo. Uwo muco ugomba kuba uruhererekane tuzakomeza kuraga abato.”

Perezida Kagame kandi yagarutse no ku butwari muri iki gihe cy’icyorezo cya COVID-19, ati “Iki cyorezo cyatweretse ko twese dushoboye ibikorwa by’ubutwari. Mu gihe tugikomeje urugamba rwo kurwanya Covid-19, turashima inzego z’ubuzima bari ku isonga, n’inzego z’umutekano kubera ubwitange n’ubutwari bwabo. Buri munyarwanda akomeze guharanira kurinda mugenzi we.”

Umunsi w’Intwari z’u Rwanda urizihizwa ku nshuro ya 27, kuri iyi nshuro insanganyamatsiko ikaba igira iti “Ubutwari mu Banyarwanda, Agaciro kacu.”

Mbifurije umunsi mwiza w’Intwari. Intwari twizihiza, ni Abanyarwanda bagaragaje kwitangira u Rwanda batizigama. Batubereye urugero rw'ibishoboka. Ubu u Rwanda rukaba ari imbuto z'ubutwari bwabo. Uwo muco ugomba kuba uruhererekane tuzakomeza kuraga abato.

— Paul Kagame (@PaulKagame) February 1, 2021

Abishwe na COVID-19 ku Cyumweru ni abagore batatu i Kigali b’imyaka 91, 72 na 66.

Bahise buzuza umubare w’abantu 196 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku Cyumweru mu Rwanda habonetse abantu bashya 186 banduye COVID-19, naho 283 mu bari barwaye bakize.

Abo banduye bashya 186 babonetse mu bipimo 10,782 barimo ababonetse i Kigali: 35, Karongi: 50, Gicumbi: 12, Gakenke: 11, Muhanga: 11, Kirehe: 11, Nyamagabe: 9, Gatsibo: 9, Kayonza: 7, Rutsiro: 7, Rusizi: 6, Kamonyi: 4, Nyanza: 3, Ruhango: 3, Rwamagana: 3, Nyagatare: 3, Nyaruguru: 1, Ngoma: 1.

Kugeza ku Cyumweru, mu Rwanda abari bamaze kwandura icyo cyorezo ni 15,304 muri bo abamaze gukira ni 10,087 naho abakivurwa ni 5,021.

Urwo rwego rwatangaje ibihangano bitatu bya mbere muri buri cyiciro. Muri rusange rwakiriye imivugo 61. Nyuma y’ijonjora ku bufatanye n’Inteko y’Umuco na Federasiyo y’abahanzi mu Rwanda, imivugo itatu ya mbere yatoranyijwe ni:

1. Ndikeshe Nzikesha wa Uwanyirigira Josiane
2. Imvune zabo, Imvano z’Ibyiza wa Uyisaba Pascaline na Ndizihiwe Erick
3. Isoko Nkesha iyi nseko wa Murara Aimé Prince

Urwego rwakiriye kandi indirimbo 55. Nyuma y’ijonjora ku bufatanye n’Inteko y’Umuco na Federasiyo y’abahanzi mu Rwanda, indirimbo eshatu za mbere zatoranyijwe ni izi zikurikira:

1. Turate Intwari ya Bahoze Diane
2. Mwabaye Intwari ya Karasira Clarisse
3. Umuco w’Ubutwari ya Tuyisenge Jean de Dieu (Intore)

Urwego rushinzwe Intwari z’igihugu, Imidali n’Impeta by’Ishimwe (CHENO) ruvuga ko n’ubwo aba ari bo bahize abandi, rwashimye ibihangano byinshi birenze ibi bikwiye gutangarizwa Abanyarwanda. Urwo rwego rurashishikariza bene byo gukomeza inganzo nziza iteza imbere umuco n’indangagaciro cyane cyane iy’ubutwari no kubitangariza Abanyarwanda mu buryo basanzwe bakoresha.