Mu gihe habura imikino itatu gusa ngo shampiyona y’umupira w’amaguru mu Rwanda igere ku musozo, umutoza wa APR FC Mashami Vincent asanga bagifite amahirwe menshi yo kwegukana igikombe, ndetse bakazanagerekaho n’icy’Amahoro.

Minisiteri y’Abakozi ba Leta n’umurimo (MIFOTRA) n’ubuyobozi bw’akarere ka Nyanza bafashe mu mugongo abarokotse Jenoside yakorewe Abatutsi muri Mata 1994 babatera inkunga ya miliyoni 8.5 muri gahunda yo kuvugurura umushinga wabo batangije w’ubworozi bw’ingurube.

Inama y’iminsi ibiri yatangiye taliki 14/4/2014 mu karere ka Rubavu ihuje impugucye zishinzwe ubushakashatsi mu buhinzi n’ubworozi mu bihugu bigize umuryango w’ubukungu w’ibihugu by’ibiyaga CEPGL kugira ngo baganire ku mikorere y’ikigo IRAZ gishinzwe ubushakashatsi mu buhinzi n’ubworozi muri CEPGL.

Abahagarariye za Banki zitandukanye zikorera mu Rwanda bamaze kwemeranywa n’ubuyobozi bw’Ikigo cy’imisoro n’amahoro (RRA) itariki ntarengwa ya 15 Gicurasi 2014 yo kuba abishyura imisoro bose bagomba kuba bakoresha ikoranabuhanga mu kwishyura iyo misoro batiriwe bajya gutonda imirongo kuri Banki.

Urukiko rukuru rwa Gisirikare, rwari rwimuriye imirimo yarwo mu murenge wa Cyanika, mu karere ka Burera, rwasubitse urubanza rw’ubujurire rw’abagabo batatu baregwa kugira uruhare mu rupfu rw’umucuruzi Habinama Sostène warashwe mu ntangiriro z’umwaka wa 2013 agahita apfa naho abandi babiri bari kumwe mu modoka bagakomereka (…)

Abacitse ku icumu bo mu murenge wa Rusororo bibutse ababo bapfuye muri Jenoside yakorewe Abatutsi mu 1994, banashyingura mu cyubahiro indi mibiri igera kuri 287yabonetse mu cyobo nyuma y’imyaka 20.

Minisitiri w’Umuco na Siporo unafite abahanzi mu nshingano ze, Protais Mitali, yatangaje ko Kizito adakwiriye kongera kwitwa ikirangirire, nyuma yo gutabwa muri yombi azira ibikorwa bigambanira igihugu kuko ibyatumye afungwa ari ukubera “amaco y’inda.”

Mu cyumweru cy’icyunamo, abaturage bo mu Karere ka Musanze bakusanyije miliyoni 17 n’ibihumbi 843, amadolari 105 n’amashiringi 500 yo gufasha abacitse ku icumu batishoboye.

Nyuma y’imyaka 20 Jenoside ibaye imibiri igera ku bihumbi 60 itari yagashyinguwe mu cyubahiro, izashyingurwa kuri uyu wa gatandatu tariki ya 19/04/2014 mu murenge wa Kinazi mu cyahoze ari komine Ntongwe benshi bazi ku izina ry’Amayaga.

Abayobozi b’imirenge y’akarere ka Rusizi bakoze inama bemeza ko amashyamba yatewe n’umushinga PAREF azasarurwa na ba nyiri amasambu ateyemo ndetse no kuba basubiranije amashyamba yangijwe mu gihe cyo kubakira abatishoboye bakuwe ahantu h’amanegeka vuba bishoboka.

Mbonigaba Jean de Dieu wo mu murenge wa Kaniga akagari ka Rukurura mu karere ka Gicumbi afungiye kuri sitasiyo ya polisi ya Byumba azira gukubita ifuni mu kase mu mutwe.

Umugabo witwa Nkunzimana Alphonse wo mu murenge wa Mutete mu karere ka Gicumbi ari mu maboko ya polisi azira gutema umuturanyi we witwa Iradukunda Herena.

Urwego rw’Umuvunyi ngo rwizeye ko abakozi barwo, Polisi y’igihugu n’Urwego rw’ubushinjacyaha, babona ubumenyi buhanitse mu gukumira no kurwanya ruswa nini, aho bari mu mahugurwa y’iminsi itanu bahabwa na Polisi mpuzamahanga (INTERPOL), guhera kuri uyu wa mbere tariki 14/ 4/2014.

Umuhanzi Kizito Mihigo, kuri uyu wa kabiri taliki 15/4/2014, yibwiriye itangazamakuru ko ibyaha aregwa byo kuba akorana n’imitwe y’iterabwoba ya RNC na FDLR abyemera.

Nubwo mu karere ka Ngororero hakomoka abantu benshi babaye abacurabwenge ba Jenoside yakorewe Abatutsi ndetse bakayishyira mu bikorwa, abahatuye ndetse n’abarokotse bishimira ko hari bamwe mu baturage bagerageje kugaragaza umutima wa kimuntu bagakiza abahigwaga.

Ubwo mu karere ka Rusizi hasozwaga icyumweru cyo kwibuka Jenoside yakorewe Abatutsi mu Rwanda, hatanzwe ubuhamya bw’ukuntu ahitwa mu Gatandara habereye ubunyamaswa bukabije kuko haranzwe no kurya bimwe mu bice by’imibiri y’Abatutsi bahicirwaga.

Mu kiganiro yagiranye na KTRadio tariki ya 09/04/2014, Sekamondo Francois, umukozi muri ministeri y’imari n’igenamigambi (MINECOFIN) yagaragaje aho u Rwanda rugeze rwiyubaka kandi rwibohora mu rwego rw’ubukungu nyuma y’imyaka 20 ishize habaye Jenoside yakorewe Abatutsi.

Nubwo hishimirwa uko ibitaro bya Nyagatare bigenda byagurwa haracyari ikibazo cy’abaganga bahindagurika buri munsi kimwe n’abaganga b’inzobere batahaboneka. Ibi ni ibyagaragarijwe abadepite bagize komisiyo y’imibereho myiza mu nteko inshingamategeko kuri uyu wa 14 Mata ubwo basuraga ibi bitaro.

Ishyaka riharanira demokarasi no kurengera ibidukikije (Democratic Green Party), ryishyize hamwe n’Ihuriro ry’imitwe ya politiki yemewe mu Rwanda (NFPO) kuri uyu wa mbere tariki 14/4/2014. Iri shyaka rivuga ko rije gukosora ibitagenda neza no guharanira kugera ku butegetsi bw’igihugu, ngo ridakoze intambara.

Umuhanzi Seth Nyungura warokotse Jenoside afite imyaka 4 arahamagarira abantu bose cyane cyane urubyiruko guhaguruka bagaharanira icyateza imbere ubumwe Imana yabihereye.

Umuryango wa Masengesho Sylvestre wari utuye mu mudugudu wa Ruvumbu, akagari ka Buvungira, mu murenge wa Bushekeri , akarere ka Nyamasheke, wiyubakiye urwibutso nyuma y’uko abaturage benshi bari batuye aho ngaho baroshywe mu cyobo cyari gihari.

Umugabo witwa Twizere Philibert utuye mu murenge wa Rukomo mu kagari ka Kariba mu karere ka Gicumbi ari mu maboko ya polisi kuva tariki 14/04/2014 azira gufatanwa ibiti by’umishikiri bigera kuri toni 7.

Umusore witwa Ngabonziza Jérôme ukomoka mu murenge wa Rwabicuma mu karere ka Nyanza yafatiwe mu mujyi wa Nyanza afite udupfunyika 32 tw’urumogi ndetse n’uducupa 4 tw’inzoga itemewe ya Kanyanga arimo ashakira abakiriya ibi biyobyabwenge.

Mu cyunamo cyo kwibuka ku nshuro ya 20Jenoside yakorewe Abatutsi, abantu batanu bo mu karere ka Kamonyi barimo umukecuru w’imyaka 73 bagaragaweho kuvuga amagambo no gukora ibikorwa bipfobya n’ibihakana Jenoside yakorewe Abatutsi.

Abayobozi bakuru b’umuryango mpuzamahanga wa Police (Interpol), barizeza u Rwanda ko bagiye gushyira ingufu mu bufatanye kugirango abantu 200 bakekwaho ibyaha bya Jenoside bari hirya no hino ku Isi bashyikirizwe ubutabera.

Perezida wa Sena y’u Rwanda, Ntawukuriryayo Jean Damascene, arasaba abaturage bo mu karere ka Ngororero kurwanya bivuye inyuma ibikorwa bisesereza abarokotse Jenoside yakorewe Abatutsi ahubwo ko bagomba kurushaho kubaba hafi bakabakomeza.

Abimukira ngo bakomeje kudindiza iterambere ry’akarere ka Nyagatare kuko nta genamigambi baba bakorewe. Ibi byagarutsweho mu biganiro ku mibereho y’abaturage yahuje ubuyobozi bw’aka karere n’abadepite bagize komisiyo y’imibereho myiza mu nteko inshingamategeko.

Ubuyobozi bw’umurenge wa Busoro mu karere ka Nyanza buratangaza ko tariki 13/04/204 ahagana saa saba z’amanywa muri uwo murenge hari abana wambuwe igisasu cya gerenade barimo bagikinisha ariko ku bw’amahirwe kitagize uwo gihitana.

Minisitiri w’Intebe w’igihugu cya Santarafurika, Andre Nzapayeke, hamwe n’abandi ba Minisitiri bifatanije n’Ingabo z’u Rwanda ziri mu butumwa bw’amahoro muri icyo gihugu mu muhango wo gusoza icyunamo cyo kunamira abazize Jenoside yakorewe Abatutsi mu Rwanda.

Abanyeshuri n’abakozi ba Kaminuza y’Umuryango w’Abibumbye (United Nations-Mandated University for Peace-UPEACE) iri mu gihugu cya Costa Rica, bifatanyije n’amahanga mu kwibuka ku nshuro ya 20 Jenoside yakorewe Abatutsi muri Mata 1994.

Mu gihe hari hashize iminsi abantu bibaza irengero ry’umuhanzi Kizito Mihigo, Polisi y’igihugu kuri uyu wa mbere taliki 14/4/2014 yasohoye itangazo rivuga ko uyu muhanzi ari mu maboko ya Polisi kimwe n’abandi bantu babiri bakekwaho gukorana n’imitwe y’iterabwoba nka RNC na FDLR.

Mu karere ka Rutsiro hashyinguwe imibiri 57 yabonetse hirya no hino mu mirenge ya Mushubati, Mukura na Gihango, iyo mibiri ikaba yashyinguwe ku cyumweru tariki 13/04/2014.

Umwe mu barokotse ubwicanyi bwakorewe muri Kiriziya ya Nyamasheke ubwo Jenoside yakorewe Abatutsi yashirwaga mu bikorwa, Kabanda Kayitani ngo asanga ukuri ari ko kuzakiza u Rwanda.

Mu gihe shampiyona y’icyiciro cya kabiri yagereje umusozo, amakipe umunani yitwaye neza kurusha ayandi mu mikino yo mu matsinda abiri yari agize shampiyona, agiye guhatanira imyanya ibiri ya mbere yo kujya mu cyiciro cya mbere.

Nyuma yuko uruganda rwa Gisakura Tea Company rukiranutse n’umushoramari Habimana Gervais rwari rwarabujije kubaka hoteri ruvuga ko ubutaka yubakaho ari ubwarwo ariko nyuma bikagaragara ko Atari byo, ubu hari ibindi bibazo byinshi by’abaturage bafitanye n’uru ruganda aho basaba kurenganurwa mu karere umunsi ku munsi.

Tariki 11 Mata buri mwaka nibwo mu Karere ka Gatsibo hibukwa inzirakarengane ziciwe i Kiziguro, abenshi muri bo bakaba bariciwe muri Kiliziya ya Kiziguro aho bari bahungiye bagatabwa mu rwobo runini rwari ruhacukuye.

Umuyobozi w’intara y’iburasirazuba, Uwamariya Odette, avuga ko kuba hari abantu batavuga ahajugunywe imibili y’abazize Jenoside itarashyingurwa neza bituma abatarashyingura ababo bikomeza kubabera igikomere.

Umusore w’imyaka 22 y’amavuko yatawe muri yombi n’abaturage amaze kwica ihene yari yibye tariki 13/04/2014 bamuzengurutsa umujyi wa Ruhango bamutwaye kuri polisi ishami ryayo rya Nyamagana.

Abayobozi bakorera mu karere ka Kirehe hamwe n’abaturage baturiye umupaka wa Rusumo bifatanije n’abatuye mu gihugu cya Tanzaniya ahitwa Ngara mu gikorwa cyo kwibuka Abatutsi batawe mu mugezi w’Akagera bityo Abatanzaniya b’abagiraneza bagakuramo imirambo 917 ikaba ishyinguye ku rwibutso ruri mu gihugu cya Tanzaniya.

Umuhanzi umenyerewe cyane mu ndirimbo zo kwibuka Jenoside yakorewe Abatutsi, Dieudonne Munyanshoza, atangaza ko urubyiruko rugomba gufata iya mbere mu guhindura amateka kuko aribo mbaraga z’igihugu.

Ivuriro ryari rimaze imyaka isaga itatu ryubakwa mu murenge wa Kigembe ho mu karere ka Gisagara, ubu noneho riri mu nzira zo gufungura imiryango, bikazafasha abaturage b’uyu murenge bavuga ko bakoraga ingendo ndende bajya kwivuza.

Mporanimana Jean Bosco wahoze ari umukozi wa koperative KOPAKAMA y’abahinzi ba kawa ikorera mu murenge wa Mushubati mu karere ka Rutsiro yirukanywe ku kazi ahabwa n’amezi atanu kugira ngo abe yarangije kwishyura amafaranga miliyoni ebyiri n’ibihumbi 400 yanyereje.

Abagabo hafi ya bose bakomoka mu cyahoze ari komini Kinigi na Mukingo bishwe mbere y’uko Jenoside yakorewe Abatutsi muri Mata 1994 itangira, ngo ibi byakozwe mu rwego rwo kugerageza Jenoside nk’uko byagarutsweho mu buhamya bwatanzwe kuri uyu wa 13/04/2014 hasozwa icyunamo mu Murenge wa Kinigi, akarere ka Musanze.

Ndibabaje Assiel Katarya utuye mu Kagali ka Mpanga, Umurenge wa Kinigi, Akarere ka Musanze wari umuyobozi wa cellule akaba n’umukuru w’itorero mu idini ry’Abadiventisti b’Umunsi wa Karindwi mu gihe cya Jenoside yagize ubutwari bwo guhara amagara ye agira uruhare mu kurokora Abatutsi babarirwa muri 300.

U Rwanda rwabonye itike yo kuzakina imikino Olympique y’urubyiruko mu mikino bita Beach Volleyball ikinirwa ku mucanga, rukaba rwabigezeho nyuma yo kwegukana umwanya wa mbere mu mikino Nyafurika yasojwe muri Ghana ku cyumweru tariki ya 13/4/2014.

Abanyarwanda baba muri Cote d’Ivoire, barimo abapolisi bari mu butumwa bw’amahoro ONUCI boherejwemo n’Umuryango w’Abibumbye UN bahuriye hamwe n’inshuti zabo bibuka Jenoside n’abayiguyemo, banasabira abayirokotse kuri iki cyumweru tariki ya 13/04/2014.

Sebufiriri Deogratias, umunyeshuri wiga mu mwaka wa mbere wa kaminuza y’u Rwanda mu ishami rya Nyagatare yigomwe amafaranga y’inguzanyo ahabwa na Leta mu kwiga, aguramo itungo ry’ ibihumbi 22 aryoroza uwacitse ku icumu utishoboye mu rwego rwo kumufata mu mugongo.

Senateri Dr Jean Damascene Bizimana, yagaragaje uburyo Colonel Theoneste Bagosora n’agatsiko k’intagondwa zo muri Hutu Power, ari bo bahanuye indege ya Habyarimana mu rwego rwo gushyira mu bikorwa Jenoside yakorewe Abatutsi yari imaze imyaka itegurwa na Leta ya Habyarimana, ibifashijwemo n’ibihugu by’u Bufaransa n’u Bubiligi.

Abaturage baturiye hafi y’ibirunga nka Nyamuragira baragirwa inama yo kwitwararika isuku mu gihe ikirunga cya Nyamuragira gitangiye kuruka kuko ivumbi ryacyo rishobora gutera ibibazo; nk’uko bitangazwa n’umuryango utabara imbabare Croix-Rouge.