Nyuma y’aho amakipe yo mu cyiciro cya kabiri yo mu ntara y’Iburasirazuba yitwaye neza mu mikino ya ¼ cy’irangiza yo kwishyura yabaye ku cyumweru tariki 27/4/2014, byahesheje iyo ntara kuzaba ifite ikipe mu cyiciro cya mbere muri shampiyona itaha, gusa iyo kipe ntabwo iramenyekana.

Ku mugoroba wa tariki ya 26/04/2014 Ishuri rikuru rya ICK riherereye mu karere ka Muhanga naryo ryifatanyije n’Abanyarwanda bose mu gikorwa cyo kwibuka ku nshuro ya 20 Jenoside yakorewe Abatutsi mu mwaka 1994. Umuhango ukaba watangijwe n’urugendo rw’abanyeshuri biga muri iki kigo, abayobozi baryo ndetse n’inshuti zitandukanye.

Abakirisitu basaga ibihimbi 30 bakoze urugendo rw’umutambagiro mutagatifu muri paruwase ya Ruhango mu ijoro rishyira ku cyumweru tariki 27/04/2014 mu rwego rwo gutegura umunsi w’Impuhwe z’Imana uba buri cyumweru gikurikira Pasika.

Mu murenge wa Gihango mu karere ka Rutsiro tariki 25/04/2014 habereye umuhango wo kwibuka ku nshuro ya kane abantu baguye mu kiyaga cya Kivu mu mwaka wa 2010 bagiye kwibuka abazize Jenoside yakorewe Abatutsi mu 1994.

Mu karere ka Rusizi hateraniye inama yiga ku kuvugurura imiturire hagurwa imigi imwe n’imwe hirya no hino mu igihugu muri gahunda yo kugabanya abucucuke mu mugi wa Kigali ndetse bikazanafasha kuzamura iterambere ry’imibereho myiza y’abaturage bahaturiye.

Kamanzi Michel wamenyekanye cyane akina hagati muri Kiyovu Sport ndetse no mu ikipe y’igihugu Amavubi, arasaba abakinnyi bakiri bato kwita cyane ku mupira w’amaguru bakawukunda cyane kurusha gukunda amafaranga, kuko ngo nibwo bazagera ku nzozi zabo.

Nyuma yo gutakaza imyaka 15 akorana na FDLR, aho yiberaga mu mashamba ya Repabulika iharanira demokarasi ya Congo, Faustin Gashumba arishimira intambwe amaze kugeraho mu myaka itanu gusa amaze afashe icyemezo cyo gutaha mu Rwanda.

Hashize igihe kitari gito hagaragara isuku nke mu bice bitandukanye by’umujyi wa Kabarondo mu karere ka Kayonza, cyane cyane mu gice cyo ku isoko n’imbere y’amwe mu maduka yo muri uwo mujyi. Hamwe mu hakunze kugaragara umwanda ni inyuma y’ibagiro riri hafi ya gare ya Kabarondo, hakunze kugaragara ibirundo by’imyanda yavanywe (…)

Nyuma yuko inzego zishinzwe abinjira n’abasohoka i Bukavu zitangiye kwishyuza viza Abanyarwanda bajya kuhakorera cyangwa bahiga, umuryango w’ubukungu w’ibihugu by’ibiyaga bigari (CEPGL) urategura inama yo kwiga kuri icyo kibazo.

Umwe mu barwanyi b’umutwe wa Nyatura muri Masisi watashye taliki 25/4/2014 avuga ko kuba mu mashyamba ya Kongo byari igihombo kuko asanga mu Rwanda ari heza kurusha kuba mu mashyamba ya Kongo babamo bashaka amaramuko.

Nyuma yo kubona ko barekuwe bagakurikiranwa bari hanze bashobora gutoroka ubutabera, abantu bane muri 11 bakekwaho gufatanya kunyereza umutungo wa Duterimbere IMF mu mashami ya Nyagatare, Kabarore na Gahini usaga miliyoni 275, bakatiwe gufungwa by’agateganyo iminsi 30.

Mu rwego rwo gusobanurira abana amateka ya Jenoside yakorewe Abatutsi muri 1994, umuryango nterankunga AVSI (Associations des Volontaires pour les Services Internationales), wazanye abana ufasha gusura urwibutso rwa Jenoside rwa Kamonyi rushyinguyemo Abatutsi basaga ibihumbi 35, ngo barebe imibiri ihashyinguye , (…)

Abanyeshuri, abayobozi n’abakozi b’Ishuri Rikuru ry’Abaforomo n’Ababyaza rya Rwamagana, tariki 25/04/2014 bibutse ku nshuro ya 20 Jenoside yakorewe Abatutsi, batsindagira ko nyuma y’imyaka 20 iyi jenoside ihagaritswe, bakomeje kwibuka biyubaka.

APR FC yiyongereye amahirwe yo kwegukana igikombe cya shampiyona cya 14 mu mateka yayo, ubwo yatsindaga Espoir FC ibitego 2-1 mu mukino w’umunsi wa 25 wabereye i Rusisiz, naho Rayon Sport zihanganye inyangira Esperance ibitego 4-0 kuri Stade ya Kigali Nyamirambo.

Mu gihe kuri uyu wa 27 mata 2014 Papa Yohani Pawulo II ashyirwa mu rwego rw’abatagatifu, twahisemo kubagezaho ibintu by’ingenzi byaranze urugendo yagiriye mu Rwanda akaba ari na we mu papa wenyine umaze kugenderera igihugu cy’u Rwanda.

Umuganda rusange usoza ukwezi kwa kane muri uyu mwaka wa 2014 mu karere ka Rutsiro wabereye mu murenge wa Kigeyo mu kagari ka Nyagahinika, hakaba hatunganyijwe imihanda y’imigenderano ifite uburebure bwa kilometero ebyiri.

Umwana w’imyaka 13 wo mu kagari ka Gihundwe mu murenge wa Kamembe yatwikiwe mu rugo rw’umuturage azira ko yari yagiye kwiba ibiryo kuwa kane tariki 24/04/2014.

Minisitiri w’Abakozi ba Leta n’umurimo, Anastase Murekezi, arasaba abakozi n’abakoresha kurushaho guteza imbere umusaruro ariko bakamenya ko ibyo bitagerwaho mu gihe abakozi badafite ubuzima bwiza ndetse n’umutekano mu kazi.

Abakozi b’ikigo cy’u Rwanda gishinzwe guteza imbere uburezi (REB) kuri uyu wa 25/04/2014, basuye urwibutso rwa Nyarubuye ruherereye mu murenge wa Nyarubuye mu karere ka Kirehe mu rwego rwo kureba amateka y’uru rwibutso no kuhigira ibintu bitandukanye byaranze amateka ya Jenoside yakorewe Abatutsi mu mwaka w’1994.

Rumwe mu rubyiruko rw’abakobwa rukora umuhanda w’ibitaka ugana ku kiyaga cya Burera, mu murenge wa Kagogo, mu karere ka Burera, ruvuga ko nubwo ako kazi bakora gasaba ingufu nyinshi, bagakora bishimye kuko kabaha amafaranga akabarinda kwiyandarika kandi bakayaguramo ibyo bakeneye byose.

Ikibazo cy’ibicanwa no kubungabunga amashyamba kizakemurwa no gukoresha rondereza za canarumwe, ingufu z’imirasire y’izuba na Bio-gaz; nkuko bitangazwa n’ubuyobozi bw’akarere ka Nyagatare nyuma y’uko hishimirwa ko imvura isigaye igwa muri aka karere katakiri ubutayu.

Abacururiza mu bice bitubakiye by’amasoko ya Kayonza ari mu mirenge ya Mukarange na Kabarondo bavuga ko babangamiwe cyane muri ibi bihe by’imvura, kuko banyagirwa ndetse na bimwe mu bicuruzwa bya bo bikangirika igihe bagerageza kubyanura imvura ibari ku mugongo.

Toto Vilanova wahoze atoza ikipe ya FC Barcelona yitabye Imana kuri uyu wa gatanu tariki ya 25/5/2014 azize Kanseri yo mu muhogo yari arwaye kuva mu Ugushyingo 2011.

Ubuyobozi bw’urwibutso rwa Jenoside rwa Kigali ruri ku Gisozi bufatanyije n’inshuti zarwo, basabye abanyarwanda kutirara bareka gusura inzibutso za Jenoside, kubera urwitwazo ko baba barazisuye cyangwa ko ntaho babona ho kwibukira ku Gisozi.

Umugabo witwa Uwamahoro Deogratias w’imyaka 38 y’amavuko yafatiwe mu cyuho aha ruswa umupolisi y’amafaranga ibihumbi 120, kugira ngo arekure imodoka ye ifungiye kuri sitasiyo ya polisi ya Nyamata mu karere ka Bugesera.

Kuva ukwezi kwa Mbere kugera mu kwa Gatatu 2014 mu karere ka Rubavu abaturage barwaye indwara ya maraliya bakajya kwa muganga bagera kuri 237, harimo abashoboye kwivuza bagataha 185 naho barwaye bikaba ngombwa ko bavurwa baba mu bitaro 52.

Umuhanzi King James nyuma y’igihe atigaragaza cyane mu bikorwa bya muzika kubera uburwayi bw’umunaniro yari amaranye iminsi kwa muganga bakamusaba kuruhuka, kuri ubu yashyise hanze indirimbo yise “zizane tuzinywe.”

Urugaga rw’Abavoka mu Rwanda rwakoze urugendo rwakoze umuhango wo kwibuka inzirakarengane zazize Jenoside yakorewe Abatutsi mu 1994, by’umwihariko abari abakozi b’uru rugaga.

Abatuye umurenge wa Mukindo ho mu karere ka Gisagara baremeranywa n’umuryango International Alert ukunze kubafasha mu bikorwa bigamije ubumwe n’ubwiyunge, ko uwafashe ibiyobyabwenge ataba agishoboye kumvikana n’abo babana ndetse ko nta n’iterambere yageraho.

Uruganda rwa BRALIRWA rukora ibinyobwa, rwavuze ko rwibuka ku nshuro ya 20 abari abakozi barwo bazize Jenoside yakorewe abatutsi, ruzirikana ingingo eshatu z’amahitamo igihugu kigenderaho nk’uko zasobanuwe na Perezida wa Repubulika, Paul Kagame ubwo yatangizaga kwibuka ku itariki 07/4/2014.

Mu karere ka Gicumbi hibutswe abari abaganga mu bigo nderabuzima no mubitaro bikuru bya Byumba bazize Jenoside yakorewe Abatutsi mu 1994, hanaremerwa bamwe mu barokotse bo muri iyo miryango kugira ngo babafashe kuzamura imibereho yabo kuko abenshi basigaye ari impfubyi.

Ujeneza Germaine ni umubyeyi ukiri muto utuye mu Kagali ka Kigombe mu Murenge wa Muhoza ho mu Karere ka Musanze ariko atandukanye n’abandi kubera ubuhanga bwe mu bukorikori. Akora imitako n’ibikoresho bitandukanye mu bibabi by’imigori, impapuro n’ ibirere ngo akinjiza ibihumbi 200 ku kwezi.

Itsinda ry’intumwa z’abayobozi b’amakomini muri Benin riri mu rugendoshuri mu Karere ka Karongi, aho ryaje kwigira imiyoborere myiza ku Rwanda by’umwihariko aho u Rwanda rugeze rwiyubaka muri iyi myaka 20 nyuma ya Jenoside yakorewe Abatutsi n’uruhare rw’abaturage muri gahunda za leta.

Nyuma y’imvururu zabaye ku kibuga ku musozo w’umukino wahuje Rayon Sport na AS Kigali ku cyumweru tariki ya 19/4/2014, aho abakinnyi, abafana n’abatoza bashyamiranye n’abasifuzi ndetse na polisi y’igihugu kubera kutishimira imisifurire, ikipe ya Rayon Sport muri rusange yafatiwe ibihano bikomeye.

Minisitiri w’Abakozi n’Umurimo, Anastase Murekezi, atangaza ko kugira ngo amajyambere yihute ari uko ubuzima bw’abaturage buba butekanye kandi ibikorwa byose aribo babigiramo uruhare.

Umusore witwa Kwihangana Eric afungiye kuri sitasiyo ya polisi ya Nyamata mu karere ka Bugesera azira guha umupolisi ruswa y’amafaranga ibihumbi bitanu nyuma yo gusanga imodoka yari atwaye idafite controle technique.

Itsinda ry’Abafaransa bibumbiye mu ishyirahamwe RBF France (Forum de la Memoire cyangwa Remembrance Forum) bari kumwe n’umwe mu basenateri bo mu gihugu cy’u Bufaransa basuye Akarere ka Karongi bagamije kwirebera no kwiyumvira uruhare rw’u Bufaransa muri Jenoside yakorewe Abatutsi mu Rwanda by’umwihariko mu Karere ka Karongi.

Inama iteraniye mu Rwanda y‘abaministiri b’ingabo n’umutekano mu bihugu 10 bigize akarere k’Afurika y’uburasirazuba, izasoza yemeje ishyirwaho ry’umutwe witeguye gutabara mu bihugu bifite umutekano muke (EASF). U Rwanda narwo ngo rubonye amaboko yo kurwanya FDLR na RNC, nk’uko Ministeri y’ingabo yabitangaje.

Uruganda rucukura amabuye y’agaciro rwa Rutongo ruherereye mu murenge wa Masoro ho mu karere ka Rulindo, ngo rufasha byinshi ku baturage barukoramo kimwe n’abaruturiye muri gahunda zitandukanye zijyanye n’imibereho yabo ya buri munsi.

Umusore witwa Munyaneza Xavier afungiye kuri sitasiyo ya polisi ya Nyamata mu karere ka Bugesera ashinjwa gukora impushya zo gutwara ibinyabiziga.

Abaturage bo mu murenge wa Mareba mu Karere ka Bugesera baravuga ko indwara zaterwaga n’umwanda uturuka ku kunywa amazi mabi zigiye kugabanuka nyuma y’uko umushinga wa Access ukorera muri Minisiteri y’ubuzima wabahereye imashine ziyungurura amazi umuntu akayanywa adatetse.

Umwe mu bantu mbarwa barokokeye Jenoside yakorewe Abatutsi i Murambi mu karere ka Nyamagabe haguye imbaga y’Abatutsi bagera ku bihumbi 50, avuga ko yageze ubwo yihakana murumuna we kugira ngo batabicana bose dore ko we bari bamaze no kumutemagura ari hafi yo gupfa.

Nyuma y’aho sacco yo mu murenge wa Nzahaha mu karere ka Rusizi yibwe n’abakozi bayo bakaburirwa irengero, ibindi bigo by’imirenge sacco byo mu yindi mirenge birasabwa kuba maso byirinda ko amafaranga y’abaturage yakomeza kunyerezwa.

Providence Uwanyuze w’imyaka 24 ni we mukobwa wenyine watinyutse gukora akazi ko gutwara imizigo mu mu Mujyi wa Musanze, ngo icyo cyemezo yagifashe kubera ko mbere akiri umwana muto yakundaga gutwara moto arabikurana hiyongeraho ko uyu munsi kubona akazi kandi bitoroshye.

Ikibazo cy’inkwi zikoreshwa mu gucana mu bigo by’amashuri gikomeje kuba umutwaro ku bigo by’amashuri kubera ibiciro by’ibiti bigenda byiyongera bigatuma n’amafaranga ibigo byaka ababyeyi yiyongera mu gihe ababyeyi bo basanga bitoroshye guhora basabwa kongera amafaranga.

Imvura y’amahindu ivanze n’umuyaga bidasanzwe byaguye mu murenge wa Busasamana akarere ka Rubavu mu tugari twa Gasiza na Kageshi byasenye amazu 14 naho imyaka yangiritse igera kuri hegitare 30.

Semavenge Cyprien warokokeye Jenoside mu cyahoze ari komine Murama ubu ni mu murenge wa Bweramana mu karere ka Ruhango ubu hazwi cyane ku izina rya Gitwe, avuga ko yakijijwe no kwihisha muri parafu y’inzu umuryango we wari wihishemo mbere y’uko ujyanwa kwica.

Nyuma yo kugerageza amarushanwa y’abagabo bahiga abandi mu kugira igitsina gito bakabona abakiliya n’abafana benshi umwaka ushize, mu mujyi wa New York City ahitwa Brooklyn, ku wa 14 Kamena 2014 hagiye kongera kubera andi marushanwa y’abagabo bahiga abandi mu kugira ubugabo buto.

Ubwo hibukwaga abana bazize Jenoside mu karere ka Nyagatare, hatanzwe ubutumwa ko urwango rwubatswe n’abakoroni rukwiye gusimbuzwa urukundo n’ubumwe hagamijwe kubaka indangagaciro nyarwanda. Gusa ngo ibi bizagerwaho buri munyarwanda yumvise ko ari inshingano ye kubitoza abana babyiruka.

Nyuma y’aho bamariye kubona gare igezweho yo gufatiramo imodoka, abaturiye gare ya Nyakarambi mu karere ka Kirehe barashishikarizwa gukorera mu mazu ari muri iyi gare mu rwego rwo kuyiteza imbere hame no kwakira abagana iyi gare.