Ubuyobozi bw’umujyi wa Kigali bwatangaje ko abatuye ku misozi ihanamye (ku manga) hamwe n’abatuye mu bishanga bagomba kuhimuka mu buryo bwihuse badategereje ingurane, kuko aho batuye nta bikorwa bigamije inyungu rusange umujyi wahateganyirije.

Bamwe mu barwayi 71 bari bari mu bitaro bya Kigeme bazira kurya ibiryo bihumanye batangiye koroherwa ku buryo bamwe barangije gutaha iwabo. Kugeza kuwa kabiri tariki 29/05/2012 abarwayi 41 bari bamaze gusezererwa.

Abakora imirimo ijyanye n’ubucukuzi bw’amabuye y’agaciro mu karere ka Ngororero bemeje ko bagiye kuvugurura imikorere ku bijyanye n’umutekano w’abakozi ku kazi, kubashakira ibikoresho bibarinda impanuka, kubahugura mu bikorwa by’ubutabazi bw’ibanze, kubungabunga ibidukikije no kwirinda gukorera mu kajagari.

Umunyamerika witwa Timothy Brown niwe muntu byemejwe ko yakize SIDA kuri iyi si ya Nyagasani. Uyu mugabo yarokotse iki cyago mu mwaka wa 2007 i Berlin mu gihugu cy’ Ubudage bitewe n’utundi tunyangingo bashyize mu bwirinzi bw’umubiri we (systeme immunitaire).

Guverinoma y’Ubuyapani yageneye Minisiteri yo Gukumira Ibiza n’Impunzi (MIDIMAR) inkunga ya miliyoni 172 z’amafaranga y’u Rwanda zizakoreshwa mu gusana inkambi ya Kigeme, iherereye mu karere ka Nyamagabe, mu ntara y’Amajyepfo.

Ababamaje gahunda ya SIMBUKA ya Banki y’abaturage y’u Rwanda mu ishami rya Nyanza barasaba kwishyurwa amafaranga bakoreye nk’uko bari barabisezeranyijwe.

Ibihugu byitabiriye inama ya banki nyafurika itsura amajyambere (AfDB) iteraniye Arusha muri Tanzaniya bisabwa gutanga ubumenyi ngiro bufasha urubyiruko guhanga imirimo no guhangana n’ibiciro biri ku isoko.

Umwana w’umukobwa w’imyaka icyenda wo mu gihugu cya Kenya yibarutse umwana w’umuhungu ku wa mbere tariki 28/05/2012 mu bitaro bya Kangemi.

Ubuyobozi bw’abanyamadini mu Majyaruguru y’igihugu cya Pakistan bwakatiye abagore bane n’abagabo babiri igihano cy’urupfu bazira ko bagiye mu bukwe bakaririmbana ndetse bakanabyinana.

Micho yasabye Tchad ko basimbuza abakinnyi 12 kugira ngo akomeze guha abakinnyi umwanya.

Samuel Nsengiyumva na Samuel Rugaba bafungiye kuri Sitasiyo ya Polisi ya Gisozi mu karere ka Gasabo kuva tariki 28/05/2012 bazira kwiba mudasobwa ngendanwa (laptops).

Komisiyo ishinzwe imibereho myiza mu Nteko Ishinga amategeko irasaba Ministeri ifite imibereho myiza mu nshingano gushyiraho gahunda yo gushyingura mu buryo bworoheye buri wese kuko ibiciro by’amarimbi bihanitse cyane.

Umutoza wa Algeria, Vahid Halilhodzic, yatangaje ko Madjid myugariro w’ikipe y’igihugu ya Algeria, Bougherra, atazakina umukino bafitanye n’u Rwanda tariki 02/06/2012.

Umurimbyi wo muri Jamaica, Sean Paul, mu mpera z’icyumweru gishize yambikanye impeta n’umukunzi we Jodi “Jinx” Stewart bamaranye igihe kirekire bakundana.

Abayoboke 72 b’idini ry’Abadiventisiti b’umunsi wa karindwi bari mu bitaro no mu kigo nderabuzima bya Kigeme bazira indwara itaramenyekana. Batangiye kurwara nyuma yo gusangira amafunguro baherewe mu busabane ku rusengero rwa Kirehe kuwa gatandatu tariki 26/05/2012.

Urubugwa rwa internitet rwa Foxsport rubinyujije kuri Twitter, tariki 27/05/2012, rwabeshye ko umukinnyi w’igihangange wa FC Barcelone, Lionel Messi, yitabye Imana.

Abashoye imari yabo mu buhinzi bw’Icyayi, barimo Umushoramari Pierre Claver Karyabwite, baravuga ko kuba uruganda rutunganya icyayi rwa Gatre rutari kuzura biri kubahombya, kuko bibasaba kukijyana ku rundi ruganda rwa Gisovu ruherereye mu karere ka Karongi.

Ministeri y’Ibikorwaremezo (MININFRA) yatangaje ko igiye kubaka no kugura amazu yo gukoreramo mu rwego rwego rwo kurinda Leta gutanga amafaranga arenga miliyari ennye buri mwaka yo gukodesha aho ibigo byayo bikorera.

Igitero inyeshyamba za FDLR zagabye mu gace ka Chaminunu, mu karere ka Kalehe mu Ntara ya Kivu y’Amajyepfo, cyahitanye abaturage batanu mu cyumweru gishize, nk’uko abaharanira uburenganzira bwa muntu mu Ntara ya Kivuy’Amajyepfo babitangaza.

Mugarura Emmanuel w’imyaka 26 y’amavuko utuye mu mudugudu wa Kinyana mu kagali ka Migina mu murenge wa Muyira mu karere ka Nyanza yivuganye umugabo mugenzi we witwa Nyamihirwa w’imyaka 60 y’amavuko amutemesheje umuhoro ahita apfa.

Umuvugizi wa Leta ya Congo Minisitiri Lambert Mende, yatangaje ko ibihuha bivuga ko u Rwanda rufasha umutwe uyirwanya M23, bimaze iminsi bivugwa ntabyo bazi ahubwo ko Leta ye iri kwikorera iperereza.

Umugore n’umugobabo baraye barwanye, bapfuye inkono y’inyama kugeza aho umwe muri bo akomereka ku munwa, mu ijoro ryo kuri uyu wa Mbere rishyira kuwa Kabri tariki 29/05/2012.

Jacques Mungwarere yagejejwe bwa mbere imbere y’ubutabera bw’umujyi wa Ottawa, muri Canada, kugira ngo asomerwe ibyaha yakoreye mu Rwanda muri Jenoside y’Abatutsi 1994, mu rubanza rwatangiye kuri uyu wa Mbere tariki 28/05/2012.

Umunyarwandakazi, Depute Julianna Kantengwa, yatorewe kuba Visi Perezida wa Kane w’Inteko Ishinga amategeko Nyafurika (PAP), atsinze Umunyakenya ku majwi 89 kuri 59.

Abadepite bagize komisiyo ishinzwe imibereho myiza baragaragaza impungenge baterwa n’uko ubutaka buzaba bucye mu gihe kizaza, bitewe no guhamba abantu mu mva za kijyambere bisigaye bigezweho.

Inama y’umutekano yaguye y’akarere ka Nyanza yateranye kuri uyu wa Mbere tariki 28/05/2012, isuzuma uko umutekano uhagaze, yongeye kwikoma abacuruzi n’abanywi b’ibiyobyabwenge ko bakomeje kutava ku izima.

Abafundi bubatse amashuri abanza ya Kabonanyoni mu murenge wa Rukozo, akarere ka Rulindo, barasaba ko barenganurwa, bakishyurwa amafaranga yabo bakoreye mu myaka itanu ishize.

Ubuyobozi bw’akarere ka Ngoma buratangaza ko mu cyumweru cyahariwe kwita ku bidukikije, hazakorwa igenzura ku bacuruzi bagikoresha amasashe kandi bitakemewe.

Uruhinja rwari rwavutse amara n’umwijima biri hanze, rwitabye Imana mu ijoro rishyira ku Cyumweru tariki 27/05/2012, nyuma y’iminsi ine gusa ruvutse.

Minisitiri ushinzwe Ububanyi n’Amahanga akaba n’Umuvugizi wa Leta y’ u Rwanda, Louise Mushikiwabo, atangaza ko ibikubiye muri raporo ya ONU itarasohoka, ishinja u Rwanda gutera inkunga inyeshyamba zo mu Burasirazuba bwa Congo ari ibihuha.

Ikigo cy’Igihugu cy’Ibarurishamibare (NSIR), kirasaba Abanyarwanda kuzatanga amakuru nyayo ubwo ibarura rusange rya Kane mu Rwanda rizaba ritangiye, guhera tariki 16/08/2012 kugeza 30/08/2012.

Bamwe mu bana bari munsi y’imyaka itanu bo mu karere ka Nyabihu bahawe urukingo rw’impiswi, ari naho iki gikorwa cyatangirijwe ku rwego rw’igihugu kuwa Gatanu tariki 25/05/2012.

Umunyarwanda waje ku mwanya wa hafi mu Isiganwa ry’Amahoro ryabereye i Kigali kuri iki Cyumweru tariki 27/5/2012, yaje ku mwanya wa gatatu muri kimwe cya kabiri cy’iyi marathon cya kirometero 21, mu gihe mu birometero 42 yaje nyuma y’imyanya 11.

Umutoza Micho yasabye imbabazi Abanyarwanda, avuga ko nawe atashobora gusobanura icyateye kunyagirwa na Tuniziya ibitego 5-1, mu mukino wa gicuti waraye ubaye ku mugoroba wo kuri iki Cyumweru tariki 27/05/2012.

Umushoferi wari utwaye ivatiri yo mu bwoko bwa Toyota Corolla yakomeretse ubwo imodoka ye yagongaga ikamyo nini itwara izindi modoka, mu mpanuka yabereye mu Ruhango kuri iki Cyumweru tariki 27/05/2012.

Egide Nkuranga, Visi Pereziza wa IBUKA, asobanura ko gushyingura abazize Jenoside yakorewe Abatutsi mu 1994 hamwe bigira akamaro ko kurinda amateka y’urupfu rudasanzwe bapfuye, bikanafasha igihugu n’ababo kubarindira umutekano w’imva bashyinguyemo no gusurwa mu cyubahiro.

Abayoboke b’idini ry’Abadivantisiti b’umunsi wa karindwi 35 bagiye mu busabane nyuma y’igabiro ryera ryabaye kuri icyi cyumweru tariki 27/05/2012 mu mudugudu wa Gasaka, akagari ka Kigeme, umurenge wa Gasaka mu karere ka Nyamagabe bamaze kugera kwa muganga nyuma yo gufatwa n’indwara itaramenyekana.

Abacuruzi b’ifu y’imyumbati bakorera mu isoko rya Ngororero bamaze iminsi binubira igihombo bavuga ko baterwa n’abantu bacururiza ifu ku mbaraza z’amabutiki yabo kandi bitemewe bityo bagahagarika abakiriya ntibinjire mu isoko.

AJIC (Anti-Corruption Justice and Information Center) ni ikigo kigamije gufasha abaturage kurwanya ruswa n’akarengane. Nyuma y’amezi atanu iki kigo gitangiye ibikorwa byacyo mu karere ka Ngororero, umukozi wacyo muri aka karere, Niyigaba Fidele atangaza ko abaturage bacyiyambaza ari benshi.

Ikipe y’igihugu ya Algeria yatsinze iya Niger ibitego bitatu ku busa mu mukino wa gicuti wo kwitegura kuzakina n’u Rwanda. Uyu mukino wabereye kuri stade Tchaker iherereye mu mujyi wa Blida ku wa gatandatu tariki 26/6/2012.

Ubuyobozi bwa East African Promotors (EAP) buratangaza ko nta rutonde na rumwe rw’uko abahanzi bagenda bitwara muri PGGSS bwigeze bushyira hanze. Ubu buyobozi buvuga ko abahanzi bose bitwara neza kandi ko bakora uko bashoboye ngo bashimishe abafana babo.

Umutoza w’ikipe y’u Rwanda, Milutin Micho, yagaye imyitwarire ya Uzamukunda Elias ‘Baby’ kugeza ubu utari wagera mu myitozo y’ikipe y’igihugu aho iri muri Tuniziya, mu gihe Uzamukunda we avuga ko yamusobanuriye impamvu ataraza kandi ngo akaba yumva zifite ishingiro.

Kuva muri Nyakanga 2011 kugeza muri Mata 2012 akarere ka Nyabihu kakoze ibikorwa by’umuganda bifite agaciro k’amafaranga agera kuri miliyoni 412 mu gihe mu mihigo ya 2011/2012 hari hiyemejwe ko hazakorwa umuganda ufite agaciro kangana na miliyoni 350.

Abatuye santere ya Gitare iri mu murenge wa Kagogo, mu karere ka Burera bavuga ko muri iyo santere hakorerwa uburaya bwinshi kandi bukorwa ahanini n’abana b’abakobwa bakiri bato.

Amarushanwa y’umukino wa Volleyball ukinirwa ku mucanga (Beach Volley) yaberaga mu karere ka Rubavu yarangiye u Rwanda rwegukanye umwanya wa gatandatu nyuma yo gutsindwa n’ikipe ya Algeria.

Umugore utuye mu kagari ka Ruhanga, umurenge wa Kigina mu karere ka Kirehe yahengereye umugabo agiye gutangaza aho umuganda wa nyuma w’ukwezi uri bubere ahita atwara ibikoresho byo mu nzu afatanije na murumuna we baburirwa irengero.

Ntahondereye Jean Baptiste, umunyeshuri wimenyereza umwuga wo kuvura mu bitaro bya Bushenge mu karere ka Nyamamsheke wateye umwana urushinge agapfa, yatawe muri yombi na polisi y’igihugu tariki 24/05/2012.

Ubwo hizihizwaga umunsi wo kurinda umutungo bwite w’ubwenge hagaragajwe ko bikwiye ko Abanyarwanda bose basobanukirwa n’icyo umutungo bwite w’ubwenge ari cyo, ndetse n’itegeko riwugenga rigashyirwa mu bikorwa ku buryo bugaragara.

Ubushakashatsi bwakozwe kuri Lionnel Messi umukinnyi ufatwa nka nimero ya mbere ku isi mu mupira w’amaguru, bwagagaje byinshi birimo ko adakunda ko hagira umukingiriza mu byo akora byose.