Abasigajwe inyuma n’amateka batuye mu mudugudu wa Kiyovu, akagari ka Musumba, umurenge wa Nyamirama mu karere ka Kayonza, bamaze amezi arenga umunani badacana umuriro w’amashanyarazi kandi warashyizwe mu mazu batujwemo.

Janvier Habineza, umushoferi utwara ikamyo yo mu bwoko bwa FUSO yikorera amakara, afungiye kuri sitasiyo ya polisi ya Ngoma mu Karere ka Huye akurikiranyweho kugerageza guha umupolisi ukorera mu Karere ka Huye ruswa.

Impuguke mu bya biogaz zo mu muryango wa COMESA, kuwa 25/09/2012 zasuye gereza ya Ririma mu karere ka Bugesera mu rwego rwo kunoza imikoreshereze ya Biogaz yifashishwa mu guteka ibiribwa by’imfungwa n’abagororwa.

Umushinga w’itegeko ryo kugenzura itumanaho uherutse kwemezwa n’Inteko ishingamategeko umutwe w’Abadepite, waraye wongeye kwemezwa n’umutwe wa Sena ku gicamunsi cyo kuri uyu wa kabiri tariki 25/09/2012.

Audace Niyomugabo ni we wegukanye imodoka ya nyuma muri tombola ya SHARAMA na MTN. Umuhango wo kuyimushyikiriza wahuriranye n’uko MTN yizihizaga isabukuru y’imyaka 14 imaze ikorera mu Rwanda, kuri uyu wa Kabiri tariki 25/09/2012.

Umuhanda w’ibirometero 7,5 uhuza u Rwanda n’u Burundi mu karere ka Rusizi wafunguwe ku mugaragaro na minisitiri w’ibikorwaremezo w’Uburundi ari kumwe n’umunyamabanga wa Leta ushinzwe gutwara abantu n’ibintu mu Rwanda kuri uyu wa kabiri tariki 25/09/2012.

Komisiyo y’Igihugu ikorana na UNESCO yatanze inkunga ifite agaciro ka miriyoni 12 z’amafaranga y’u Rwanda kuri za clubs UNESCO 15 kuri uyu wa kabiri tariki 25/09/2012.

Umuryango mpuzamahanga wa gikiristu (Word Vision) ufasha mu kurengera ubuzima bw’umwana, kurwanya ubukene n’akarengane, ntiwishimiye kuba mu Rwanda hari abana bagera kuri 52/1000 bapfa batarageza ku myaka itanu, bitewe n’impamvu zishobora kwirindwa.

Ishami ry’umuryango W’abibumbye ryita ku iterambere ry’abaturage (UNFPA) ritangaza ko kutita ku buzima bw’imyororokere bitera ingaruka nyinshi zirimo impfu z’ababyeyi basaga ibihumbi 800 bapfa babyara buri munsi ku isi.

Ubuyobozi bw’akarere ka Ngororero bufatanyije n’izindi nzego bakomeje igikorwa cyo kwishyuza abantu bambuye amabanki n’ibigo by’imari biciriritse byaba ibikora n’ibitagikora kugira ngo amafaranga asubizwe ba nyirayo.

Minisitiri w’ububanyi n’amahanga wa Singapore atangaza ko igihugu cye cyifuza kongera umubano gifitanye n’u Rwanda kuko basanze u Rwanda ari igihugu kigendera ku mategeko kandi gishishikajwe no kongera ishoramari.

Umubyeyi witwa Uwimana Veronika w’imyaka 38 y’amavuko wari atuye mu mudugudu wa Marabuye, akagari ka Nyakarera mu murenge wa Ruhango mu karere ka Rutsiro yitabye Imana ku wa mbere tariki 24/09/2012 yishwe n’inkuba.

Umuryango wita ku burezi bw’abana, Plan-Rwanda, watangije igikorwa cyo kuzenguruta uturere twose uhamagarira abantu gushyigikira uburezi bw’umwana w’umukobwa bufite ireme biciye mu bukangurambaga bwiswe “Because I am a girl”.

Inkuba yakubise umupasiteri w’itorero ry’Ababatisita witwa Buzizi Joel wo mu murenge wa Kirimbi, mu kagari ka Karengera mu mudugudu wa Nduba, ku gicamunsi cyo kuwa mbere tariki 24/09/2012 maze Imana ikinga ukuboko.

Abanyarwanda barakangurirwa kwitabira ubukerarugendo bwo gusura inyoni maze bakareba amoko atandukanye ndetse bareba n’ibyiza bitatse u Rwanda.

Abadepite 79 bari mu Nteko Ishinga Amategeko y’u Rwanda batangiye umwiherero kuri Muhazi mu Karere ka Rwamagana bagamije kwisuzuma ngo barebe uko basohoje ibyo bari bahize kugeraho.

Ihuriro ry’amashyirahamwe agenzura uko serivisi z’ubuzima zihabwa abaturage mu bigo nderabuzima no mu bitaro mu karere ka Nyamasheke na Rusizi (FASACO) riri guhugura abakangurambaga b’urungano bazarifasha guhugura urubyiruko ruri hagati y’imyaka 14 na 24 ku kurwanya icyorezo cya SIDA n’indwara zandurira mu mibonano mpuzabitsina.

Rwanda Military Hospital, tariki 24/09/2012, yatangije igikorwa cyo kuvura abacitse ku icumu bafite uburwayi butandukanye mu karere ka Kirehe ku bufatanye na FARG mu cyumweru cy’ibikorwa byahariwe ingabo (Army week).

Mu nama y’Inteko Rusange y’Umuryango w’Abibumbye yiga ku buyobozi bugendeye ku mategeko (rule of law) yabaye tariki 24/09/2012, Perezida Kagame yagaragaje ko ubutabera mpuzamahanga bwabaye igikangisho ku bihugu bicyennye aho kuba ubutabera bwunga abanyagihugu n’ubutabera mpuzamahanga.

Kuri uyu wa mbere tariki 24/09/2012, ikigo cy’igihugu cy’itangazamakuru (Orinfor) cyatangije radiyo yitwa Magic FM ije kunganira radiyo Rwanda mu kugera ku nyota y’urubyiruko.

Umuryango SFH (Society for Family Health) uherutse kwegurirwa ibikorwa byakorwaga na PSI, kuri uyu wa 23/09/2012 yatangije ku mugaragaro ibikorwa byayo mu karere ka Ngoma ahari hasanzwe hakorera PSI.

Colonel Samson Mande wahoze mu ngabo za Uganda nyuma akaza guhungira mu gihugu cya Suede, ngo yaba ashaka guhirika ubutegetsi bwa Museveni.

Abarwanyi 200 ba Al-Shabab bishyikikirije ingabo za Afurika Yunze Ubumwe zishinzwe kubungabunga amahoro muri Somaliya (AMISOM) nyuma y’ibitero bikomeye bari bagabweho kuwa gatandatu tariki 22/09/2012.

Nyuma yo kumenya ko ikipe y’u Rwanda y’abatarengeje imyaka 17 izakina na Botswana mu cyiciro cya kabiri cy’amajonjora yo gushaka itike yo kuzakina igikombe cya Afurika, u Rwanda ruzatangira kwitegura iyo kipe kuri uyu wa gatandatu tariki 29/09/2012.

Kuri uyu wa kabiri tariki 25/09/2012 no ku wa gatatu tariki 26/09/2012 shampiyona y’u Rwanda irakomeza, ikaza kuba igeze ku munsi wa kabiri wayo.

Abahanzikazi b’injyana ya Hip Hop Sandra Miraj na El Poeta babuze umuvandimwe wabo witwaga Umutesi wazize indwara z’ibibyimba mu mutwe.

Imibare itangwa n’abayobozi ku Ntara y’Iburasirazuba iragaragaza ko muri iyo Ntara barengeje miliyoni 172 ku misanzu bari bateganyije gutanga mu kigega AgDF.

Norce Gatarayiha ufite kompanyi ihinga ikanatunganya Macadamia, aragira inama abahinzi bagenzi be bahinga iki gihingwa kudacikanwa n’iki gihe cy’ihinga kuko ariho bakura umusaruro mwinshi.

Urukiko Rukuru rwa Kigali rwashimangiye icyemezo rwari rwafashe cy’uko Pasiteri Jean Uwinkindi akomeza gufungwa by’agatenyo iminsi 30, nyuma y’uko yari yatanze ikirego cy’ubujurire.

Abatuye akarere ka Ngoma ubundi gasanzwe kazwiho kugira ibitoki byinshi, baravuga ko bugarijwe n’izamuka ry’ibiribwa birimo n’ibitoki ririguterwa n’umuyaga waguye ari mwinshi ukonona insina.

Nubwo u Rwanda rubarirwa mu bihugu bikennye ku isi, ntibirubuza kuza ku mwanya wa gatandatu ku isi mu bihugu biharanira amahoro uyu mwaka wa 2012.

Minisiteri y’imicungire y’ibiza no gucyura impunzi (MIDIMAR) irasaba abanyamadini kuyifasha gukumira ibiza bitaraba. Abanyamadini ni bamwe mu bantu bagira abayoboke benshi kandi ku buryo buhoraho.

Ishyirahamwe ry’abatumva ntibavuge mu Rwanda (RNUD), ryatangiye icyumweru cy’ubukangurambaga guhera kuri uyu wa mbere tariki 24/09/2012, kugira ngo inzego za Leta n’abaturage muri rusange, bamenye ko hari uburenganzira batabona nk’abandi baturage basanzwe.

Mbonyubwabo Epimaque yatorewe kuba Perezida yungirizwa na ba visi perezida babiri aribo; Kanyambo Ibrahim na Nyiransengimana Donatille mu matora y’abahagarariye urugaga rw’abikorera mu karere ka Ngororero yabaye mu mpera z’icyumweru gishize.

Umumisitiri muri Guverinoma ya Pakistani ushinzwe inzira za gari ya moshi yashyizeho igihembo cy’amadolari ibihumbi 100 y’amerika ku muntu wese uzica cyangwa agafasha kwica uwakoze filme anti-islam yiswe L’innocence des musulmans, isebya intumwa Muhamedi.

Umugabo witwa Muhirwa yambukanye itabi ryo mu bwoko bw’Intore arivanye mu Burundi arigejeje mu mudugudu wa Rwanamiza, akagali ka Rukingiro, Umurenge wa Busoro mu karere ka Nyanza ararifatanwa hamwe n’umumotari bari kumwe umuhetse bose bakizwa n’amaguru bariruka.

Kanye West yareze imbuga za internet urubuga rwa AllHipHop.com ndetse n’izindi zitandukanye avuga ko yavogerewe mu buzima bwe zerekana umuhanzi Kanye West arimo gukora imibonano mpuzabitsina n’umukobwa bahoze bacuditse.

Abantu babiri bitabye Imana, abandi batandatu barakomereka bikomeye mu mpanuka z’imodoka zabaye mu mpera z’icyumweru mu turere dutandukanye; nk’uko bitangazwa na Polisi y’igihugu.

Inzu y’ubucuruzi Nova Market Complex yatashwe ku mugaragaro kuri uyu wa mbere tariki 24/09/2012 ibaye igisubizo kuri bamwe mu bacururiza mu isoko rya Musanze rigiye gusenywa kugira ngo ryubakwe bijyanye n’igiye.

Ubuyobozi bw’ikipe ya Yanga yo mu gihugu cya Tanzaniya mu mpera z’icyumweru gishize bwafashe icyemezo cyo kwirukana uwari umutoza w’iyo kipe Tom Saintfiet ukomoka mu gihugu cy’u Bubirigi.

Hari amakuru avuga ko Apple imaze iminsi ireshya abakozi ba Google ikabaha akazi ku bwinshi kubera ko bafite ubumenyi ikeneye mu koranabuhanga ry’amakarita Apple ikeneye cyane.

Siku Mingi Marafiki, (Iminsi myinshi nshuti zanjye)

Perezida wa Leta Zunze Ubumwe z’Amerika (USA) Barack Obama yashimye Perezida wa Misiri, Mohamed Morsi, kuba abashinzwe umutekano muri icyo gihugu bararinze ambasade y’Amerika iri Cairo, mu gihe cy’imyigaragambyo yo kwamagana film ipfobya idini ya Islam.

Umukecuru uzwi ku izina rya Kansirida, utuye mu murenge wa Mwendo mu karere ka Ruhango, yemerewe na Depute Nyirabagenzi Agnes inkunga yo kwinjira muri SACCO Abahizi Dukire ya Mwendo kuko yagaragaje kwiteza imbere.

Umuhanzi Jules Sentore usanzwe amenyerewe mu njyana gakondo, kuri ubu arimo gukora indirimbo yageneye abatuye muri Afurika y’Uburasirazuba ibakangurira kwishyira hamwe.

Abasore babiri bo mu itsinda rya Goodlyfe aribo Mowzey Radio na Weasel, mu cyumweru gishize bahaswe ibibazo nyuma yo gufatanwa forode ku kibuga cy’indege cya Entebbe muri Uganda.

Umuyobozi w’akarere ka Ngoma, Nambaje Aphrodise, aranenga abantu badakora bakirirwa mu masengesho maze bajya kubwiriza ubutumwa bagasaba abakristu kubashakira amatike.

Igikorwa cyo kuvura amaso imfungwa n’abagororwa cyakorwaga n’ikipe y’abaganga bo ku bitaro bya gisirikari by’u Rwanda (RMH) muri za gereza zitandukanye cyarangiye 7609 babashije kubona ubufasha.

Kayijamahe Gabriel w’imyaka 60 utuye mu kagari ka Rugarama mu murenge wa Kigina afunzwe akekwaho gufasha Akimanizanye Chantal w’imyaka 23 utuye mu kagari ka Rugarama mu murenge wa Kigina gukuramo inda y’amezi atanu.