Karibushi Protais w’imyaka 38 acumbikiwe kuri Sitasiyo ya Polisi ya Gakenke nyuma yo gufatanwa litiro 20 za kanyanga. Uyu mugabo yatawe muri yombi mu gitondo cyo ku wa 04/09/2012 yikoreye kanyanga kandi bigaragara ko yasinze.

Kuri uyu wa gatandatu tariki 08/09/2012, kuri stade nto i Remera, urubyiruko rugize FPR-Inkotanyi mu karere ka Gasabo, ruzishimira ibyo rumaze kugeraho, mu rwego rwo kwitegura isabukuru y’imyaka 25 FPR imaze ishinzwe.

Umukobwa witwa Dina Nyirabanyiginya niwe wegukanye imodoka muri tombola ya SHARAMA ku nshuro ya kabiri, mu modoka eshatu zigomba gutomborwa muri tombola yashyizweho na MTN.

Abasirikare bakuru biga mu ishuri rikuru rya Gisirikare ryo muri Tanzania kuri uyu wa gatatu tariki 05/09/2012 basuye umupaka uhuza u Rwanda na Congo mu karere ka Rubavu, uruganda rwa Gaz methane hamwe n’uruganda rukora inzoga rwa Buralirwa.

Umuyobozi w’akarere ka Rusizi n’intumwa ayoboye, batangiye uruzinduko mu mujyi wa Speyer mu ntara ya Rhenanie-Palatinat, mu Budage mu rwego rwo kwizihiza isabukuru y’imyaka 30 y’umubano uri hagati y’u Rwanda n’iyo ntara n’imyaka 10 y’umubano wihariye hagati y’akarere ka Rusizi n’umujyi wa Speyer.

Abaturage bo mu karere ka Rubavu hamwe n’abahakorera, tariki 05/09/2012, bakusanyije miliyoni 521 n’imisago zo gushyigikira ikigega Agaciro Development Fund kandi abaturage biyemeje guteza imbere iki gikorwa.

Inzabya ebyiri bategura nk’umutako (vase) zifite agaciro k’amafaranga ibihumbi 30, zaguzwe amafaranga ibihumbi 500 mu cyamunara tariki 04/09/2012. Izo nzabya zatanzwe n’umugore wahejejwe inyuma n’amateka nk’umusanzu we wo gushyigikira ikigega Agaciro Development Fund.

Umunyamabanga wa Leta muri Ministeri y’uburezi, Dr Mathias Harebamungu, yemeza ko u Rwanda rumaze kuba ubukombe mu bijyanye n’ireme ry’uburezi, ugeraranyije n’imyaka 18 ishize nyuma ya Jenoside yakorewe Abatutsi.

Bishop John Rucyahana, Perezida wa Komisiyo y’Igihugu y’Ubumwe n’Ubwiyunge, arabeshyuza abavuga ko u Rwanda rwakuyeho amoko; avuga ko ahubwo rwafashe ingamba zo gukumira Abanyarwanda mu kuyakoresha kugira ngo abatandukanye.

Abambutsa abantu mu mazi mu Murenge wa Ngeruka mu Karere ka Bugesera barifuza ko mu kiyaga cya Cyohoha ya ruguru hashyirwa ubwato bushya bukabafasha guhahirana n’abatuye indi mirenge, kuko ubwakoreshwaga bwahagaritswe.

Minisiteri yo gucyura impunzi no guhangana n’ibiza (MIDIMAR) iratangza ko ku fatanye n’ishami ry’umuryango w’abibumbye ryita ku mpunzi (UNHCR) barangije kwimurira impunzi z’Abanyekongo babaga mu nkambi ya Nkamira bazijyana mu nkambi ya Kigeme.

Muri gahunda yayo yo kwiyubaka ngo izabashe kuba ikipe ishinze imizi mu kiciro cya mbere, ikipe Musanze FC yamaze gusinyisha myugariro wa APR FC, Bebeto Lwamba.

Kuva aho umutwe udasanzwe w’ingabo z’u Rwanda zari kumwe n’iza Repubulika iharanira demokarasi ya Kongo (RDC) zitahiye, uduce zari zirimo ubu twamaze kwigabanywa n’imitwe yitwaje intwaro ariyo M23, FDLR na Mai mai.

Ubushakashatsi bwakozwe n’Abanyamerika bwagaragaje ko kugabanya imyuka mibi yangiza ikirere bikiri ku kigero cyo hasi nubwo nubwo hari ibitekerezo n’ubushake bwo kubigabanya.

Umugabo w’umwongereza witwa Scott Brown aherutse gutsindira amapawundi ibihumbi 50 (asaga miliyoni 48 ubaze mu mafaranga y’u Rwanda) maze ahitamo gushaka uburyo bwose ayatagaguza kugira ngo atazayagabana n’umugorewe bari hafi gutandukana.

Umugore witwa Pamela Frazer w’imyaka 30 y’amavuko wo mu gihugu cy’u Bubiligi yibarutse abana babiri b’impanga ariko badahuje uruhu, kuko umwe ni umuzungu undi ni umwirabura.

Mu gihe Leta ya Congo irega u Rwanda kuyivogerera ubutaka rwohereza ingabo muri icyo gihugu, umuryango w’abibumbye (UN) uremeza ko wari usanzwe uzi ko u Rwanda rufiteyo ingabo zigera kuri 350 mu kurwanya umutwe wa FDLR.

Umugore w’imyaka 42 afungiye kuri Sitasiyo ya Polisi ya Muhima mu Mujyi wa Kigali kuva tariki 03/09/2012 nyuma yo gufatanwa imisongo 41 y’urumogi.

Urupfu rwa Ngendahayo Gaspard w’imyaka 41 wo mu kagari ka Shara, umurenge wa Nzahaha mu karere ka Rusizi rwateje urujijo ubwo umurambo we wabonekaga mu cyumba cye kuri uyu wa mbere mu gitondo.

Abanyamakuru Ally Soudy na Dj Adams bazwi mu myidagaduro (showbiz) ntibarebana neza aho umwe ashinja undi ko yamuvuze ko afata ruswa y’abahanzi mu rwego rwo kugira ngo abamenyekanishe.

Kuri uyu wa kabiri tariki 04/09/2012, inzego n’ibigo bitandukanye ndetse n’abaturage ku giti cyabo bo mu karere ka Rutsiro bakusanyije umusanzu wabo urengaho gato miliyoni 349 wo gushyira mu kigega Agaciro Development Fund.

Mu rwego rwo gushyigikira ikigega Agaciro Development Fund, kuri uyu wa 04/09/2012 Akarere ka Gicumbi kakusanyije inkunga ingana na miliyoni 401 n’ibihumbi 762 n’amafaranga 633.

Abatuye umujyi wa Kibungo bavuga ko bahangayikishijwe n’ubujura bw’ibikoresho byo mu rugo buri gukorwa n’inzererezi ziri muri uyu mujyi.

Akarere ka Kayonza kakusanyije miliyoni 565, ibihumbi 598 n’amafaranga 390 yo gutera inkunga ikigega Agaciro Development Fund. Muri ayo mafaranga, ayahise yishyurwa ni miliyoni imwe n’ibihumbi 22.

Ikipe ya Rayon Sport na APR FC, nk’amwe mu makipe akomeye kandi afite abafana benshi mu Rwanda, zirimo kuganira uko zazakina umukino wa gicuti mu rwego rwo gukusanya amafaranga azashyirwa mu kigega ‘Agaciro Development Fund’.

Urubyiruko rwo mu bihugu bihuriye mu muryango uhuje u Rwanda, u Burundi na Congo-Kinshasa barigira hamwe uburyo bakwimakaza amahoro n’amajyambere mu bihugu byabo bagamije gushyira hamwe aho kwitabira imitwe yitwaza intwaro.

Guverineri w’Intara y’Uburasirazuba, Uwamariya Odette, arihanangiriza abayobozi bafata bugwate umuturage wazinduwe no kubasaba serivisi kubera ko hari ibyo yagombaga gukora atakoze.

Minisiteri y’Uburezi yatangije ikigega gishinzwe guteza imbere udushya mu burezi kiswe “Innovation for Education”, kizafasha abafite imishinga igaragaza ko yongera ireme ry’uburezi mu Rwanda.

Guverinoma y’igihugu cy’Ubwongereza imaze gutangaza ko igiye kurekura igice cy’inkunga igenera u Rwanda yari yahagaritswe kuko u Rwanda rugaragaza ko rufite ubushake mu gukemura ikibazo cy’umutekano muke muri Congo.

Ubuyobozi bwa polisi mu karere ka Ngoma burasaba abayobozi n’abaturage gutafanya nayo mu gukumira impfu zitunguranye z’abantu bagwa mu biyaga bya Sake na Mugesera.

Mu mukino wa gicuti wahuje Rayon Sport na Kiyovu Sport tariki 01/09/2012 kuri Stade ya Kigali i Nyamirambo, mu rwego rwo gukusanya amafaranga yo gufasha uwahoze ari umukinnyi wa Rayon Sport Sembagare Jean Chrysostome wavunitse bikomeye habonetse miliyoni umwe n’ibihumbi 508.

Umutoza w’ikipe y’u Rwanda y’abatarengeje imyaka 17 (U17) ndetse n’iy’abatarengeje imyaka 20 (U20), Richard Tardy, avuga ko afite icyizere cyo kuzajyana ikipe ya U17 mu gikombe cya Afurika nubwo iheruka kunyagirwa na Nigeria ibitego 8-0.

Ku mugoroba wo kuwa mbere tariki 03/09/2012, abaturage, abakozi n’abikorerera mu karere ka Muhanga bakusanije inkunga izajya mu kigega cy’Agaciro Development Fund ingana na miliyoni 407, ibihumbi 477 n’amafaranga 721.

Ikipe y’u Rwanda ya Sitting Volleyball kuwa mbere tariki 03/09/2012 yasoje urugendo rwayo mu mikino Paralempike irimo kubera i London mu Bwongereza.

Mbarubukeye Jean Marie Vianney w’imyaka 42 y’amavuko utuye mu murenge wa Ntyazo mu karere ka Nyanza yagejejwe mu bitaro bya Nyanza yatemwe ukuboko kwe kw’iburyo na mukuru we amuhoye ko amubujije gukomeza kurwana.

Umuhanzi Danny Vumbi, umwe mu bagize itsinda ry’abaririmbyi “The Brothers”, atangaza ko kuba muri iyi minsi asigaye aririmba indirimbo nyinshi wenyine (solo) bimufasha kuko ngo hari igihe ajya kuririmba indirimbo akabura bagenzi be ngo baririmbane.

Abanyeshuri biga mu ishuri rya Ecole Secondaire Sainte Trinite riri mu Ruhango, bamaze iminsi ibiri barara hanze ubuyobozi bw’ikigo bwarababujije kujya aho barara, bitewe n’uko baje gutangira ishuri batarishyura.

Abanyekongo icyenda bo mu mujyi wa Bukavu bacumbikiwe kuri sitasiyo ya polisi ya Kamembe mu karere ka Rusizi kuva tariki 03/09/2012 bazira gukoresha inzira zitemewe n’amategeko basubira iwabo ubwo bari bavuye mu Rwanda.

Abantu 10 bakurikiranyweho n’ubutabera gukora icyaha cyo gufata abana ku ngufu mu karere ko Bugesera nk’uko byagaragajwe na raporo ya polisi ishami rikorera muri ako karere.

Umugabo witwa Mbarushimana Joseph w’imyaka 37 wo mu murenge wa Giheke akagari ka Kigenge yafatiwe mu cyuho cyo guca umugore we inyuma.

Kuva kuwa mbere tariki 03/09/2012, ishuri Sonrise ribarizwa mu karere ka Musanze rayatangiye kwirukana abanyeshuri barenga 250 kugira ngo bajye gushaka amafaranga y’ishuri kuko abari basanzwe babishyurira babihagaritse.

Ministiri w’imari n’igenamigambi, John Rwangombwa, akomeje gusaba abayobozi b’ibigo kudahatira abantu gutanga umusanzu mu kigega Agaciro Development Fund ( AgDF), ahubwo bagomba kubakangurira kuyatanga n’umutima ukunze, kandi buri muntu agasinyira ayo yatanze.

Mu mujyi wa Kisangani muri Repubulika Iharanira Demokarasi ya Congo (RDC), Abanyeshuri basaga 4000 biga ku bigo bya Institut Maele na Lycée Mapendano» mu mujyi wa Kisangani muri Kongo ntibabashije gutangira amasomo nk’abandi kuwa mbere tariki 03/09/2012.

Abantu 14 bo muri Repubulika Iharanira Demokarasi ya Congo bitabye Imana bazize indwara ya Ebola. Abo bantu bapfuye bakomoka mu Ntara y’Iburasirazuba (Province Orientale) aho icyorezo cyagaragaye guhera tariki 17/08/2012.

Umuhanzi uririmba indirimbo zihimbaza Imana, Bahati Alphonse, yishimiye ko igitaramo yakoresheje tariki 02/09/2012 mu Ntara y’Uburasirazuba cyo gukusanya inkunga yo kubakira abana b’imfubyi badafite aho baba cyagenze neza.

Abantu batatu bafungiye kuri Sitasiyo ya Polisi ya Muhima kuva tariki 02/09/2012 bakekwaho kwiba iduka ry’umucuruzi ukomoka muri Pakistan witwa Faraz Ismail ukorera mu Kagali ka Kiyovu, Umurenge wa Nyarugenge mu Karere ka Nyarugenge.

Abashakashatsi bo muri Afurika y’Epfo n’abo muri Koreya y’Epfo bari kwiga uburyo bakora telefoni igendanwa yo mu bwoko bwa « smartphone » izaba ifite ubushobozi bwo gupima agakoko ka Sida.

Inkunga akarere ka Ruhango kari katanze mu kigega Agaciro Development Fund yavuye ku mafaranga miliyoni 55 igera kuri miliyoni 297 n’ibihumbi 360 n’amafaranga 628.

Ubwo yafunguraga ku mugaragaro itorero ry’indangamirwa mu bucuruzi, tariki 03/09/2012, Minisitiri Francois Kanimba yavuze ko aho u Rwanda rugeze mu bukungu hashimishije ariko ko ari ngombwa kongera umuvuduko kugirango icyerekezo 2020 kigerweho uko byifuzwa.