Mu Rwanda hadutse imisengere itari imenyerewe

Umunyamategeko akaba n’umunyamakuru, Edward Mubalaka yashyizeho umunsi ngarukamwaka w’amasengesho azajya ahuriramo abemera Imana y’abakurambere b’u Rwanda.

Inteko y
Inteko y’abantu 30 iyobowe n’uwitwa Edward Mubalaka irimo gutegura umunsi ngarukamwaka mu Rwanda wiswe “Umunsi wera w’umucyo”

Avuga ko uyu munsi witwa “Umunsi wera w’umucyo” uzajya wizihizwa buri mwaka tariki ya karindwi Nyakanga, ukazahuza abantu basenga hashingiwe ku mahame bishyiriyeho ubwabo.

Uyu munyamakuru agira ati ”Ntabwo tuzasenga dushingiye kuri Bibiliya cyangwa Korowani, twe tuzishyiriraho amahame yacu”.

Mubalaka avuga ko bazajya bahurira ahantu bahisemo hagendewe ku mubare w’abanditse kuri murandasi babisaba cyangwa bahamagaye kuri radio, mu biganiro bizatambutswaho mbere yo guhura nyirizina.

Abo biyandikishije ngo bazahuzwa no gusenga no kwegeranya inkunga yo gusura no gufasha abababaye, nyuma bakazajya basoreza uwo munsi mu birori byo kwishima.

Mu kiganiro yagiranye na Kigali today, Mubalaka yagize ati:”Niba twiyemeje guhurira kuri Stade Amahoro, buri muntu azajya asengera ibyifuzo bimukomereye byamunaniye”.

Ati “Tuzashingira ku myemerere yacu kandi nta muntu duhagaritse kuko ayo masengesho azitabirwa n’abayisilamu, abakirisitu, aba gakondo n’abandi.

“Ibyaha abantu bavuga byo gusambana n’ibindi ntabwo bitureba, twebwe amahame tuzagenderaho ni ubumuntu bushingiye ku bupfura, buvuga ko idini ryiza ari irifasha impfubyi n’abapfakazi”

Abazitabira ‘umunsi wera w
Abazitabira ‘umunsi wera w’umucyo’ bazajya bawusoreza mu birori byo kwishima

Mubalaka akomeza agira ati:“Imana y’i Rwanda niyo Mana nyayo. Uzakubwira ngo so cyangwa sogokuru ni umudayimoni niba atakibaho, ngo nubarota bazaba ari abazimu, uwo yarakubeshye.

“Ndibaza nti ‘ni gute ahubwo mbaye ndusenga ntatangira mvuga ngo Mana ya data! Kuko so niwe wagushyize ku isi! Reka dusenge mu izina ry’Imana yacu yaturemye”.

Mubalaka avuga ko kuri uwo munsi wiswe “Umunsi wera w’umucyo” abantu bawitabira bose basabwa kwambara imyambaro y’urwererane.

Avuga kandi ko amaze guhuza abantu bagera kuri 200 bazajya basenga Imana hatitawe ku idini cyangwa itorero baturukamo.

Yakomeje asobanura ko hari icyizere cy’uko uwo munsi uzaba uw’ikiruhuko mu gihugu hose, kuko ngo yabonye yakirwa neza n’Urwego rw’Igihugu rw’Iterambere (RDB) ubwo yari agiye kubisaba.

MENYA UMWANDITSI

kigalitoday android app mobile

Ibitekerezo   ( 50 )

Ngewe ndabashyigikiyee ! Nigute dusenga imana za islaer izabarabu nabaroma kd natwe dufte imana yacu ba sogokuruza basengaga kuki twunvako abazungu bazajya. Badutecyerrereza kugez no mumyizerere!.. Nikibazo gikomeyee

Mugabo benjamin yanditse ku itariki ya: 4-11-2019  →  Musubize

HAHAHAHHAHAHA Kubandwa no guterekera hafi muri make!!!!! kO numvise ko na Ryangombe na Nyabingi nabo ari abanyamahanga?

Mbega gusubira inyuma? Imana dusenga niyo abakurambere bacu basengaga kuko nta yindi ibaho. Bayisengaga batayizi neza, Kristu yaje kuyisobanurira isi yose. Ni muri we twacunguriwe, mureke kuyoba mujya inyuma y’aho abakurambere bacu bari bari.

mahoro yanditse ku itariki ya: 29-10-2019  →  Musubize

Ubwo ni ubuyobe gusa Imana niyo yatangije umurimo ninayo izawusohoza mumureke nawe azabyibonera KO atari mumurongo ibitarimo Imana ntagaciro bigira

Eliab yanditse ku itariki ya: 26-10-2019  →  Musubize

Murekeraho kuvuga ibyo mutazi amadini tubamo ntaho duhuriye nayo. Ariko twese nkabanyarwanda duhufiye kuri gakondo yacu Gihanga ingomijana.

Sibomana yanditse ku itariki ya: 20-10-2019  →  Musubize

Icyo gitekerezo turagishyigikiye, twari dusonzeye kwisubiza agaciro mu muco wacu. Aho gukurikira imico y’ahandi dukwiye natwe kwamamaza umuco gakondo Nyarwanda natwe izina ryacu rikamamara kuruta uko dukomeza kwamamaza amazina y’abandi ngo(tuzataha iwacu i Yerusalemu, ngo Gakondo yacu Kanani, Ngo Mana ya Islaheli, Ngo Mana ya Daniel meshake na Bidenego,...), dukwiye rwose guhindura imyumvire!! Mutugezeho ahubwo Contacts twababonaho!! Muragahorana Imana yahanze urwatubyaye!

alias yanditse ku itariki ya: 17-10-2019  →  Musubize

Mukomereze ahoo twisubize agaciro ndabashyigikiye rwose nanjye

Iki gitekerezo nicyiza cyane imico mva mahanga yamize umuco wabasogokuruza yanditse ku itariki ya: 20-10-2019  →  Musubize

Uwo muntu musabire yarayobye.bibiriya niyo muyobozi wacu.

Dusabimana yanditse ku itariki ya: 11-10-2019  →  Musubize

twabyishimiye

kana mugire mutabazi yanditse ku itariki ya: 5-10-2019  →  Musubize

Ntacyo Yezu yavuze kitazasohora, gusa uwanduye nakomeze yandure n’uhagaze neza ntate umurongo naho ubundi tugeze mu bihe bibi Pawulo yavuze

Chriner yanditse ku itariki ya: 1-10-2019  →  Musubize

Imana ya ba sogokuru ntaho itaniye niyo twahishuriwe na Kristu nkuko Tubisanga muri bibliya Ibi byaba ari ugusubira inyuma

Niyogihozo yanditse ku itariki ya: 27-09-2019  →  Musubize

USIBYE NO KUBA BIBABAZEBITEYE AGAHINDA
GUSA NTA WA MENYE

ANACRET HAGENIMANA yanditse ku itariki ya: 27-09-2019  →  Musubize

Nibyo kbs urumva banyuranijwe nibyanditswe byera.nibyigenge muri make.ibyanditswe bigomba gusohora ntakundi

Mathieu yanditse ku itariki ya: 13-09-2019  →  Musubize

nonese utazagendera kuri bibiliya ni ijambo ry’Imana agiye kwamamaza?,GUSA BURI wese nakomeze inzira yatangiye,kuko bibiliya ari muyobozi wacu.

igiraneza enock yanditse ku itariki ya: 13-09-2019  →  Musubize
1 | 2 | 3 | 4

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka