Ubwo umunyamakuru wa Kigali Today yageraga aho iki gisasu cyaguye yasanze umubyeyi n’umwana ahetse bamaze kwitaba Imana naho uwakomeretse ajyanwa kwa muganga na polisi y’igihugu.

Igisigazwa cy’igisasu kiguye mu Mbugangari kikica umugore n’umwana kikanasenya inzu.

Iki gisasu kikimara kugwa mu mujyi wa Gisenyi, inzego z’umutekano zahise zitabara naho abaturage bakwira imishwaro cyane ko kiguye hafi y’isoko rikorerwamo n’abantu benshi, ahantu hatuwe cyane muri Gisenyi kandi hakaba hari ibigo by’amashuri.

Saa 11h12 ikindi gisasu cyaguye mu mujyi wa Gisenyi gikomeretsa umuntu wigendera muri Kaburimbokiramwangiza bikomeye ubu ari kuvurirwa mu bitaro bya Gisenyi.

Uyu muntu ngo yitambukiraga ibice by’isasu kiguye mu rugo rwahoze ari akabari kitwa La Bella biramwangiza cyane mu mugongo.

Kuva ibisasu biva muri Congo byatangira kugwa mu Rwanda, ni ubwa mbere igisasu kiguye mu mujyi rwagati. Kuva ejo tariki 28/08/2013, mu karere ka Rubavu hamaze kugwa ibisasu 11 bovuye muri Congo.

Andi mafoto ajyanye n’iyi nkuru:

Umwobo igisasu gicukuye mu muhanda mu mujyi wa Rubavu.

Uko inzu igisasu kiguyeho ibaye.

Inzu yegereye umuhanda yangiritse; umugore wishwe yigenderaga mu muhanda.

Aho igisasu kiguye mu muhanda n’abantu baje kureba.

Igisigazwa cy’igisasu kiguye mu Mbugangari kikica umugore n’umwana kikanasenya inzu.

Abantu bashyira umurambo mu modoka.

Abantu bari gushyira uwakomeretse mu modoka ya polisi yari itabaye.

Abantu bari batabaye aho igisasu kiguye.

Sylidio Sebuharara