KT TV
Rubavu: Ibisasu bivuye Congo byahitanye umugore, batatu barakomereka binasenya inzu
Kuri uyu wa kane tariki 29/08/2013 saa 9h15 igisasu kivuye mu bice bya Congo kiguye iruhande rw’isoko rya Mbugangari mu mujyi wa Rubavu gihitana umubyeyi naho umwana yari ahetse ndetse n’undi muntu barakomereka ndetse kinasenya inzu.
Ubwo umunyamakuru wa Kigali Today yageraga aho iki gisasu cyaguye yasanze umubyeyi n’umwana ahetse bamaze kwitaba Imana naho uwakomeretse ajyanwa kwa muganga na polisi y’igihugu.
Iki gisasu kikimara kugwa mu mujyi wa Gisenyi, inzego z’umutekano zahise zitabara naho abaturage bakwira imishwaro cyane ko kiguye hafi y’isoko rikorerwamo n’abantu benshi, ahantu hatuwe cyane muri Gisenyi kandi hakaba hari ibigo by’amashuri.
Saa 11h12 ikindi gisasu cyaguye mu mujyi wa Gisenyi gikomeretsa umuntu wigendera muri Kaburimbokiramwangiza bikomeye ubu ari kuvurirwa mu bitaro bya Gisenyi.
Uyu muntu ngo yitambukiraga ibice by’isasu kiguye mu rugo rwahoze ari akabari kitwa La Bella biramwangiza cyane mu mugongo.
Kuva ibisasu biva muri Congo byatangira kugwa mu Rwanda, ni ubwa mbere igisasu kiguye mu mujyi rwagati. Kuva ejo tariki 28/08/2013, mu karere ka Rubavu hamaze kugwa ibisasu 11 bovuye muri Congo.
Andi mafoto ajyanye n’iyi nkuru:
Sylidio Sebuharara
Ibitekerezo ( 44 )
Ohereza igitekerezo
|
|
Ibi birakabije rwose! leta yacu nigire icyikora!
Ariko turaziriki koko. Ibyotwabonye birahagije. Congo tubasabye amahoro
IMANA ibaire mubayo ario ibindabona birenze
ariko mu shishoze ababitera ari bande quid
Aruiko abo bacongomani baradushakaho iki? Intambara y’iwabo irabananiye, none barahimbira ku baturage b’inzirakarengane b’abanyarwanda batagize aho bahuriye n’intambara yabo? Imana y’i Rwanda itube hafi idutsindire abo babisha bokamwe no kumena amaraso y’inzirakarengane!
Nyakubahwa Perezida wa repubulika, mwaretse tukarasana na Congo ko abasore duhari, ingufu tuzifite kandi turi tayari aho kugira ngo abantu bakomeze baduteshe umutwe, please mureke tubigizeyo nibura hafi bagarukira habe ari nka Kisangani
Ese mubona ari iyihe mpamvu ingirwa television yacu(TVR) itajya yerekana ibyo muri Congo?
ibi birakabije kdi birababaje nagasomborotso gusaaaaa cg!!!!!batubwire icyo bashaka tubafashe kugishaka bakibone byihuse.
ariko congo irashaka iki IMANA nitabare u Rwanda rwacu nta ntambara dushaka ibyo twabonye birahagije
IGITANGAJE NTABYO TVR IRI BUVUGE,AHUBWO BARI BUTUBWIRE IBYO MURI SYRIA..BIRABABAJE
ababuze ababo bihangane mubuzima bibaho
Imana byose iba ibibona,ibacyire mubayo!