Uhagarariye ingabo z’u Rwanda mu Karere ka Rwamagana, Lt Col Mujuni, arahamagarira abatuye ako Karere ndetse n’ahandi mu Rwanda kutagira impungenge ko FDLR izigera ibabangamira kuko itazigera igira aho ifata ku butaka bw’u Rwanda.

Abanyamuryango ba FPR-Inkotanyi batuye Umudugudu wa Kamanga i Kigabiro muri Rwamagana bamaze kugurira ingo z’abakene 36 imifariso kandi biyemeje ko bazasoza uyu mwaka wa 2012 baratandukanye no kuryama ku misambi n’ibyatsi bita Nyakatsi yo ku buriri.

Minisitiri w’Intebe, Dr. Pierre Damien Habumuremyi, yashimangiye ko ikibazo cyo gusubiza impfubyi za Jenoside imitungo yabo kigomba kuba cyakemutse mu mezi abiri, nyuma y’uko Umukuru w’igihugu nawe yihanangirije abayobozi abasaba kwita kuri icyo kibazo.

Bamwe mu batuye umujyi w’akarere ka Muhanga baratangaza ko barambiwe no kuba mu mujyi utagira amazi kuko ngo ahora abura bikangana nk’aho batayagira.

Abaturage bo mu karere ka Muhanga bavuganye na Kigali Today barifuza ko inama y’umushyikirano izatangira tariki 13/12/2012 yaziga ku kibazo cy’amabanki atemera ingwate z’ubutaka n’amashyamba.

Umuyobozi w’intara y’Amajyepfo, Alphonse Munyantwali, arasaba abatuye iyi ntara kwihesha agaciro bahereye mu miryango yabo kuko ari yo shingiro y’umuryago nyarwanda wose.

Kuva tariki 10/12/2012 abatuye mu karere ka Kirehe na Ngoma nta muriro w’amashanayarazi bafite. Ikibazo ngo cyatewe n’insinga z’amashanyarazi zaregutse ahitwa i Kabare mu karere ka Ngoma; nk’uko bitangazwa na EWSA.

Guverineri w’Intara y’Amajyaruguru, Bosenibamwe Aime, arakangurira abaturage bo mu mirenge ya Janja na Cyabingo mu Karere ka Gakenke kwicungira umutekano, bakora amarondo kandi bakurikirana abantu batazi bahita mu mirenge.

Mu muhango wo gutangiza umushinga USAID Gimbuka, mu karere ka Kamonyi tariki 11/12/2012, Guverineri Alphonse Munyentwari yashimiye Caritas Rwanda uburyo idahwema gufasha abatishoboye, ariko kandi asaba abafashwa guharanira kwiyubaka.

Ubuyobozi bw’umujyi wa Kigali bwafashe izindi ngamba zo kurushaho guteza imbere isura nziza y’umujyi, aho buvuga ko ubu umuntu uzajya ufatwa ajugunya umwanda mu mujyi, azajya acibwa amande y’amafaranga ibihumbi 10.

Ikiraro kiri ku mugezi wa Rukarara gihuza umurenge wa Mbazi n’uwa Kaduha yo mu karere ka Nyamagabe cyari kimaze igihe kirenga umwaka cyarangiritse ku buryo imodoka zitari zikibasha kugendaho, ubu noneho ngo mu minsi mike kiraba cyongeye gukoreshwa.

Inama y’umushyikirano ya 10, itegurwa mu mpera z’iki cyumweru izafa gahunda yihariye yo kugira u Rwanda igihugu kigize (self-reliance); nk’uko bitangazwa na Minisitiri Protais Musoni ushiznwe inyemezo by’Inama y’Abaminisitiri.

Kuri uyu wa kabiri tariki 11/12/2012, Perezida wa Repubulika, Paul Kagame, yakiriye abahagarariye Ubufaransa, Thailand, Canada hamwe na Sri Lanka mu Rwanda; bijeje ko bagiye guteza imbere umubano mwiza n’ubukungu hagati y’ibihugu bahagarariye n’u Rwanda.

Abaturage b’akarere ka Musanze barasabwa kwirinda ibihuha bigamije kuyobya Abanyarwanda ndetse no kubashyushya imitwe, birimo ubuhanuzi bw’uwitwa Nsabagasani, ndetse n’ibindi bitanga amakuru akura umutima.

Premier soldat Tuyishime Jean Paul na Caporal Nibishaka Jean Paul batahutse tariki 10/12/2012 bavuye muri FDLR bavuga ko uwo mutwe ntacyo uzageraho kubera kutumvikana. Ngo abayobozi nibo babona inyugu gusa mu gihe abasirikare bato batabona n’isabane yo koga.

Amategeko nakurikizwa uko yagenywe na minisiteri y’Ubuhinzi n’Ubworozi, inka 21 za Ruhimbana Protais bita Corneille zizabagirwa i Rwamagana kandi ntahabwe ifaranga na rimwe.

Nyuma y’uko ingabo za Leta ya Congo na Polisi bagarutse mu mujyi wa Goma batangiye ibikorwa byo guhohotera Abanyarwanda n’abavuga Ikinyarwanda babashinja kuba intasi za M23 yavuye muri uyu mujyi tariki 01/12/2012.

Umunyamerika ukina filime, Ben Affleck, abinyujije ku rubuga rwa Twitter yanditse ko ababajwe cyane n’urupfu rwa Inyumba Aloysia, yafataga nk’intwari ndetse nk’inshuti ye.

Abakristu bo mu rusengero rw’itorero rya ADEPR ruri mu murenge wa Byumba akarere ka Gicumbi bamurikiwe umushumba wabo mushya Pasiteri Ruyenzi Erneste mu muhango wabaye tariki 10/12/2012.

Abasirikare bakuru bo mu ishuri rya Gisirikare rya Kenya, baje kuzenguruka mu bice bitandukanye by’u Rwanda, mu gihe kingana n’icyumweru, guhera tariki 09-16/12/2012, mu rwego rwo kwiga ingamba zitandukanye zijyanye n’ubuyobozi bw’igihugu.

Abanyamuryango ba FPR-Inkotanyi mu karere ka Gatsibo n’inshuti zabo, ku cyumweru tariki 09/12/2012, bari mu birori byo kwizihiza isabukuru y’imyaka 25 umuryango umaze ushinzwe.

Bimwe mu bihugu bigize akarere ka Afurika y’Uburasirazuba birifuza ko ubutaka bwarushaho guhabwa agaciro kugirango bube bwanabafasha kwiteza imbere mu buryo bufatika aho aho kubutungira bubagaburira gusa.

Abahuzabikorwa b’inama y’igihugu y’urubyiruko ku rwego rw’imirenge yose igize akarere ka Nyamagabe basinyanye imihigo n’umuhuzabikorwa w’inama y’igihugu y’urubyiruko ku rwego rw’akarere kuri uyu wa mbere tariki 10/12/2012.

Mu mpera z’ukwezi k’Ugushyingo 2012, abagabo babiri bataramenyekana babeshye umugabo witwa Munyarushyana Telesphore wo mu murenge wa Mugina mu kagali ka Kiyonza, maze bamutwara amafaranga miliyoni imwe.

Abakora umwuga w’uburaya bo mu mujyi wa Ngororero bavuga ko bahura n’ingorane mucyo bita ko ari akazi kabo ka buri munsi none bakaba bagiye kwishyira hamwe ngo babashe guhangana n’ibibazo baterwa n’abo bita abakiriya babo.

Umukuru w’igihugu, Perezida Paul Kagame, aremeza ko kubura Inyumba Aloyiziya ari igihombo gikomeye ku Rwanda, kubera ibikorwa bye by’ubutwari byamuranze no kwihangana ntiyihugireho kuva mu ntambara yo kwibohoza kugeza yitabye Imana.

Muri uyu mwaka wa 2012, akarere ka Nyamasheke kongeye kuza ku mwanya wa kabiri ku rwego rw’igihugu mu marushanwa y’imiyoborere myiza no kurwanya ruswa ategurwa n’urwego rw’umuvunyi. Umwaka ushize nabwo Nyamasheke yari yabaye iya kabiri.

Umukecuru witwa Merisiyana Nyirakaje utuye mu murenge wa Rusarabuye, mu karere ka Burera, arashimira umuryango wa FPR-Inkotanyi kuba waramutuje aheza mu nzu nziza maze akava mu mwanda yabagamo.

Umusore witwa Rukundo uri mu nkabi y’agateganyo ya Nyagatare ibarizwa mu murenge wa Gihundwe mu karere ka Rusizi arashakisha umuryango we baburanye mu gihe cy’intambara y’umutwe wa M23 na Leta ya Congo.

Nyuma yo gusezerana kubana byemewe n’amategeko ya Repubulika y’u Rwanda, imwe mu miryango yo mu murenge wa Rwempasha mu karere ka Nyagatare itangaza ko ubusugire bw’ingo bugiye kwiyongera.