Hari imibavu yo mu kwaha ishobora gutera kanseri y’ibere

Muri 2011, ikigo cy’u Bufaransa gishinzwe iby’umutekano w’ibikoresho by’ubuzima n’imiti (ANSM), mu bushakashatsi cyakoze cyemeje ko ‘sel d’alminum’ yagiye igaragaza aho ihurira n’indwara za kanseri.

Naho muri 2016, abashakashatsi bo mu Busuwisi bapimiye amakuru yabo ku mbeba zifashishwa mu bushakashatsi, na bo bemeje ko imbeba bahaye ‘sel d’alminiun’ zarwaye kanseri.

Icyakora ibi byazamuye impaka cyane cyane ku bakora ibicuruzwa bigaragaramo ‘sel d’alminium’, ndetse n’abandi bashakashatsi mu by’ubuzima.

Inkuru dukesha ikinyamakuru La Depeche, iravuga ko mu gihe ‘sel d’alminium’ ikoreshejwe n’umuntu usanzwe unywa inzoga n’itabi, ari bwo ibyago byo kurwara kanseri y’ibere biba biri hejuru cyane.

Iki kigo kiravuga ko gifite ibimenyetso bigaragaza ko iyi ndwara ishobora kwandurira muri metero zirenze imwe aho umurwayi wanduye ashobora kwanduza abandi kandi bari kure ye.

Ikigo CDC kivuga ko no kuba abantu bahuriye ahantu umwuka utinjira cyangwa se ngo usohoke neza na byo bifite uruhare rukomeye mu kuba abantu bahandurira cyane cyane nk’igihe abantu baririmba cyangwa bakora imyitozo ngororamubiri.

Uko kwandura ngo bishobora kuba kuva ku minota kugeza ku masaha mbere y’uko virusi iva ku muntu umwe ijya ku wundi.

Raporo y’iki kigo CDC kandi ivuga ko amatembabuzi yaba make cyangwa menshi ava ku banduye atitaye ku ntera iri hagati y’abo n’abatarandura kuko aba agifite ubushobozi bukomeye bwo kwanduza.

Icyo gihe ngo biba iyo umuntu akoroye, yitsamuye, aririmbye, avuze cyangwa se ahumetse.

Ishami ry’Umuryango w’Abibumbye ryita ku buzima ryo rivuga ko abantu bahuriye ahantu hamwe ari benshi bashobora kwandura nubwo haba harimo intera ya metero ebyiri.

Iyi nkuru ya BBC iravuga ko mu myanzuro y’iyo raporo CDC isaba abaturage gukomeza kwambara udupfukamunwa igihe cyose basohotse mu ngo zabo kandi bagashyira intera nibura ya metero ebyiri hagati yabo kandi bagasukura kenshi aho hantu bakoresheje imiti yica coronavirus.

Minisitiri ushizwe ubuzima Kalumbi Shangula, yatangaje ko amabwiriza yo kwirinda covd-19 yatanzwe mu mashuri, akwiye gukurikizwa neza kugira ngo abanyeshuri babashe kwiga bafite ubuzima bwiza.

Ibitangazamakuru byo muri Namibia biri kuvuga ko icyorezo cya cCronavirus kiganje cyane mu gace ka Oshikoto, rimwe mu mashuri yaho, akaba ari ryo rifite umubare mwinshi w’abanyeshuri banduye.

Amashuri yari yasubukuwe muri Kamena nyuma y’uko afunzwe muri Werurwe.

Akaba yari yasabwe gusaba abanyeshuri bose n’abakozi bose kwambara neza udupfukamunwa, guhana intera ndetse no gukaraba amazi meza n’isabune inshuro nyinshi.

Iyi nkuru dukesha BBC iravuga ko kugeza ubu muri Namibia abarenga ibihumbi 11 bamaze kwandura, naho 123 bamaze gupfa kubera Covid-19.

Ni nyuma y’uko umushinga wo gushyira mu bikorwa iryo tegeko ushyikirijwe ubunyamabanga bushinzwe umutekano muri Amerika (DHS).

Ubusanzwe uburenganzira cyangwa Visa zihabwa abanyeshuri bajya kwiga muri Amerika usanga zifite igihe cy’imyaka 4 ariko harimo abagiye kujya bahabwa imyaka 2 gusa.

Ikigo kiri kwiga kuri uwo mushinga kiri kuvuga ko icyo cyemezo cyafashwe ku bw’impamvu z’umutekano bitewe n’ibyaha byinshi bya magendu, ubugizi bwa nabi n’ubwicanyi bikomeje kwiyongera.

Abiganje ku rutonde rwakozwe n’iki gihugu ni abantu bakomoka mu bihugu birimo nka Sudani, kubera ibihugu byabo bifasha abakora iterabwoba.

Ariko kugeza ubu, igice kinini ni abava mu bihugu bifite abantu babyo barenga 10% bafite viza zarangije igihe.

Muri ibi harimo Nijeriya aho mu 2019 yari ku rugero rwa 13% rw’abarengeje iminsi yo kuba muri Amerika byerekanwa n’ibarurwa ryakozwe na DHS.

Ibindi bihugu bigaragara kuri urwo rutonde harimo; Burkina Faso, Burundi, Kameruni, Repubulika Iharanira Demokarasi ya Congo, Gabon, Gambia, Liberiya, Malawi ndetse na Uganda.

Dr. Isaac Munyakazi yasabye kugirwa umwere kuko ibyo ashinjwa nta shingiro bifite (photo internet)

Ibi ni ibyatangajwe kuri uyu wa kane taliki 17 Nzeri 2020, ubwo urubanza Dr. Munyakazi aregwamo ndetse na Gahima Abdu nyiri Harvest School rwasubukurwaga.

Ahagana saa tatu za mu gitondo ni bwo uru rubanza rwasubukuwe, Dr. Munyakazi mu ikote ry’ubururu bwijimye n’ishati y’umweru n’inkweto z’umukara hamwe na Gahima Abdu mu ishati y’igitenge irimo amabara ya kaki n’umuhondo n’ipantalo ya kaki n’inkweto z’umukara, ni bwo bongeye kugaragara imbere y’urukiko, aho aba bagabo bombi bateye utwatsi ibirego baregwa.

Gahima Abdu ny’ir’ishuri Good Harvest Primary School arashinjwa gutanga ruswa y’ibihumbi 500 kugira ngo ishuri rye rizajye mu mashuri yatsindishije cyane kurusha andi, umwaka 2019 aho ngo ryakuwe ku mwanya wa 141 rigashyirwa ku mwanya wa cye.

Naho Dr. Munyakazi agashinjwa kuba ikitso cy’icyaha cya ruswa kuko yemeye ko mugenzi we bakoranaga bitaga Dr. Alphonse yakira ruswa ya miriyoni ebyiri z’amanyarwanda, akamuhamo ibihumbi magatanu kugira ngo bahindure urutonde rw’amashuri yatsinze kurusha andi.

Dr. Munyakazi kandi arashinjwa icyaha cyo gukoresha ububafasha yari afite icyo gihe nk’umuyobozi agakora ibinyuranyije n’amategeko.

Abunganira aba bagabo bombi batangaje ko ubushinjacyaha nta bimenyetseo bifatika bufite bushingiraho bubashinja ibyo byaha, kuko ngo bushingira ku buhamya bw’uwitwa Alphonse wemeza ko ngo uko ari batatu bahuye kabiri baganira k’ubw’uwo mugambi wabo.

Bwa mbere ngo bahuriye muri restora ya Khana Khazana i Nyarutarama, ubundi bahurira mu modoka ku Kimironko kuri sitasiyo ya lisansi ya ENGEN.

Ikindi ubushinjacyaha bugenderaho ngo ni uko Munyakazi yasabye imbabazi Umukuru w’Igihugu akanegura ku mwanya we, ibintu avuga ko we yakoze kugira ngo ave mu kazi areke inzego z’iperereza zibashe gukora akazi kazo.

Ubushinjacyaha bwasabiye Dr. Issac Munyakazi igihano cy’igifungo cy’imyaka irindwi n’ihazabu ya miliyoni imwe y’amafaranga y’u Rwanda, naho Gahima asabirwa igifungo cy’imyaka ine n’ihazabu ya miriyoni imwe y’amafaranga y’u Rwanda, nk’uko biteganwa n’itegeko rihana ibyaha bya ruswa.

Nyuma yo kumva impande zombi yaba ubushinjacyaha n’abaregwa, Perezida w’urukiko yatangaje ko imyanzuro y’urubanza rwabo azayibagezaho taliki 16 Ukwakira 2020 ku isaha ya saa munani.

Uwo mwana w’umuhungu yahamijwe ibyo byaha muri Kanama 2020 kubera ko ngo yatutse Imana ubwo yarimo ajya impaka na mugenzi we muri Leta ya kano iherereye mu Majyaruguru ya Nigeria.

Leta ya Kano ni imwe muri Leta 12 za Nigeriya zigendera ku mategeko agendera ku idini ya Isilamu mu buryo bukomeye kandi bwemerwa n’abatuye mu Majyaruguru ya Nigeria.

Uhagarariye UNICEF muri Leta ya Kano, Peter Hawkins, atangaza ko amategeko mpuzamahanga arengera umwana atubahirijwe muri iyo Leta, uwo mwana akaba akwiye guhita arekurwa.

Iyi nkuru dukesha BBC iravuga ko tariki ya 9 Nzeri 2020 uwunganira uyu mwana yari yasabye kujurira aho yavugaga ko amategeko arengera abana muri afurika atemera na busa ibyo bihano.

Muri Rukumberi mu minsi itandukanye ishize guhera mu kwezi gushize hamaze kuboneka imibiri irenga 600 mu gikorwa cyo gushakisha abiciwe hafi y’ikiyaga cya Mugesera

Gushakisha iyo mibiri byatangiye mu kwezi gushize kwa Kanama nyuma y’uko abana bari baragiye amatungo mu isambu iri ku kiyaga cya Mugesera bamenyesheje umubyeyi wabo ko babonye imibiri y’abantu, uwo mubyeyi na we abimenyesha ubuyobozi.

Ku ikubitiro tariki ya 27 Kanama 2020 ubwo batangiraga gushakisha imibiri habonetse imibiri itanu, tariki 02 Nzeri 2020 haboneka 42, nyuma y’iminsi ibiri haboneka 120, hagiye hakomeza kuboneka indi kugeza kuri uyu wa mbere tariki 14 Nzeri 2020 aho babonye imibiri 180 yose hamwe mu gihe kitageze ku kwezi ikaba irenga 600.

Perezida wa Ibuka mu Karere ka Ngoma, Jean Pierre Musafiri, avuga ko abarokotse Jenoside yakorewe Abatutsi bababazwa cyane n’amakuru nk’aya kuko atuma ibikomere byabo bidakira.

Yagize ati “Birababaza kubabarira umuntu wakoze Jenoside, akanahabwa ibihano ariko ntatange amakuru, bituma ihame ry’ubumwe n’ubwiyunge ribangamirwa.”

Abarokotse Jenoside yakorewe Abatutsi kandi bavuga ko kumenya ababo muri iyo mibiri iboneka bitoroshye bitewe n’uko ababishe babanzaga kubambura imyenda, nk’uko Musafiri akomeza abivuga.

Agira ati “Muri ibi bihe urabona hashize imyaka 26, imibiri yarangiritse kuko bamaze imyaka bahahinga, guhita umuntu amenya uwe biragoranye cyane, n’imibiri y’abakuru n’abana birivanze mbese ntabwo byoroshye.”

Mu murenge wa Rukumberi hari mu hantu mu gihe cya Jenoside yakorewe abatutsi haguye abantu benshi cyane aho no mu rwibutso rwa Jenoside rwaho haruhukiye abasaga ibihumbi mirongo ine.

Amabanga y’ibikorerwa kuri za mudasobwa na telefone agiye kujya abungwabungwa mu buryo bwizewe

Ako gakoresho gashya kakaba kari kugurishwa amadolari ya Amerika 55, ni ukuvuga hafi ibihumbi 60 by’amafaranga y’u Rwanda.

Abahanga mu bijyanye n’ikoranabuhanga baravuga ko ako gakoresho gafite ubushobozi bukomeye kandi bwizewe mu kurinda umuteno w’amakuru bwite y’abantu cyangwa ibigo.

Ako gakoresho kandi gashobora kwinjizwa muri telefone igendanwa kakaninjizwa muri mudasobwa mu mwenge usanzwe winjiramo ‘USB’.

Iki kigo cya Yobico, ni cyo cya mbere ku isi gicuruza ibikoresho byo kurinda umutekano mu bijyanye n’ikoranabuhanga, yaba kuri murandasi, muri mudasobwa, telefone n’ibindi nk’uko ikinyamakuru CBNET dukesha iyi nkuru kibitangaza.

Iki kigo akaba ari cyo giha imfunguzo z’umutekano ibigo bikomeye nka Microsoft, Google, Facebook na Twitte,r kugira ngo abakora ibyaha byifashishije ikoranabuhanga rya murandasi (Cyber crimes) batinjirira ibyo bigo.

Iki kigo kandi ni cyo cyakoze ikoranabuhanga ryo gukoresha igikumwe, ijisho n’isura, kugira ngo umuntu abashe kwinjira muri telefone ye cyangwa mudasobwa.

Abayobozi b’Umujyi wa Kigali basobanuriye abanyamakuru impamvu hashyizweho ibihano by’amafaranga ku batubahiriza amabwiriza yo kwirinda COVID-19

Ibi ni ibyatangajwe mu kiganiro n’abanyamakuru kuri uyu wa kane tariki 3 Nzeri 2020 n’ubuyobozi bw’Umujyi wa Kigali, nyuma y’uko inama Njyanama iteranye igasanga abakomeje kurenga kuri aya mabwiriza bakwiye guhabwa ibihano.

Nyuma yo gusanga abatuye Umujyi wa Kigali bakomeje kurenga ku mabwiriza yo kwirinda icyorezo cya COVID-19, nyamara ntako ubuyobozi butagira ngo bukore ubukangurambaga butandukanye hirya no hino mu Mujyi wa Kigali, abarenga kuri ayo mabwiriza yaba abaturage, inzego za Leta n’iz’abikorera bagiye kujya batanga amande y’amafaranga n’ibindi bihano birimo kujyanwa ahabugenewe bamara atarenga 24.

Umuyobozi w’Umujyi wa Kigali Pudence Rubingisa yatangaje ko batagamije guca abantu amafaranga ahubwo igishyizwe imbere ari ubuzima buzira COVID-19 by’abatuye Kigali.

Yagize ati “Intego ni uko twegera wa muturage tukamusobanurira neza, kuko twatangiye tudapfusha abantu none ubu bari gupfa, icyatumye dushyiraho ibihano by’amafaranga ni uko tumaze igihe cy’amezi twigisha abantu ariko imibare ikaba ikomeje kwiyongera.”

Uretse abaturage basanzwe n’ibigo bikomeye ndetse n’amazu y’abikorera akorerwamo ubucuruzi atazajya yubahiriza ibisabwa na yo azajya acibwa amafaranga menshi.

Ikibazo cy’abana batubahiriza amabwiriza yo kwirinda na bo bakomeje kugaragara hirya no hino ababyeyi babo bazajya bacibwa amande kuko babafite mu nshingano nk’uko umuyobozi w’Umujyi wa Kigali wungirije ushinzwe ubukungu n’imibereho myiza Umutoni Gatsinzi Nadine yabitangaje.

Yagize ati “Umwana uri hejuru y’imyaka ibiri utubahirije amabwiriza yo kwirinda nko kwambara agapfukamunwa, bizajya bibazwa umubyeyi we, n’umubyeyi ufite umwana uri mu muhanda agomba kumenya ko umwana yatahiye igihe kandi ari kwirinda.”

Ibigo bya Leta n’ibyigenga bitubahirije 30% na 50% y’ubwitabire na byo bizajya bicibwa amafaranga kuva ku bihumbi ijana na mirongo itanu (150,000) kugera kuri miliyoni (1,000,000).

Umujyi wa Kigali kandi wibukije ko uzahanwa inshuro zirenze ebyiri, bizafatwa nko kwigomeka ku buyobozi bw’igihugu akazakurikiranwa n’inzego z’umutekano n’iz’ubutabera akagezwa n’imbere y’inkiko agahanishwa ibiteganywa n’amategeko.

Pascal Lissouba

Lissouba ni we perezida wa mbere watowe mu gihe cy’amashyaka menshi mu 1992 akaba yaguye mu gace kitwa Perpignan mu Majyepfo y’u Bufaransa mu makuru yemejwe n’umuhungu we Jeremie Lissouba abicishije ku rubuga rwe rwa Facebook.

Lissouba ni we washinze ishyaka UPADS mu 1991, mu gihe igitutu cy’amahanga cyahatiraga Perezida Denis Sassou Nguesso, wagiye ku butegetsi mu 1979, kwemera amatora y’amashyaka menshi.

Iyi nkuru ya RFI iravuga ko muri Kamena 1997, imirwano mu murwa mukuru Brazzaville yashyamiranyije ingabo zari zishyigikiye Pascal Lissouba n’izishyigikiye General Sassou Nguesso maze abagera hafi ku bihumbi icumi bahasiga ubuzima.

Perezida Lissouba yaje guhungira mu Bufaransa. Mu gihe yashakaga kuba yasubira muri politike, mu gihugu cye yahamijwe ibyaha by’ubugambanyi bukabije hamwe n’umugambi mubisha kuri Sassou Nguesso.

Umuvugizi w’ishyaka rye avuga ko Lissouba azashyingurwa i Perpignan ahantu abo mu muryango we batashatse gutangaza.

Ibi ni ibyatangajwe kuri uyu wa mbere tariki 25 Kanama 2020, n’abaganga bakurikiranaga uwo murwayi aho bemeza ko ubwoko bwa covid-19 bamusanzemo budasanzwe ari bushya.

Ibi kandi biratangazwa mu gihe abaganga bavuga ko abantu banduye covid-19, biremamo ubudahangarwa budasanzwe bwo guhangana n’iyi ndwara kuko baba bayikize, bityo bikabafasha kuba batakongera kuyandura. Icyakora bakavuga ko hataramenyekana ubushobozi bw’ubwo budahangarwa n’igihe bwamara.

Iyi nkuru dukesha BBC iravuga ko mu gihe nta bushobozi umubiri w’umuntu ufite bwo kurema ubudahangarwa buhoraho, bisaba ko hazakorwa inkingo nyinshi cyane ngo nubwo bwose abarwayi baremba bagakira bo bigoye kuba bakongera kwandura.

Aba baganga bo mu Buyapani baravuga ko ubundi bwoko bwa Coronavirus burimo common cold, busanzwe bwongera kwandura uwabwanduye bityo kuba virus ya sars Co V 2 itera covid-19 yakongera kwandurwa ari ibisanzwe.

Ishami ry’Umuryango w’Abibumbye ryita ku Buzima (OMS) riratangaza ko abantu badakwiye gutangira gushyuha umutwe kubera gusa ibisubizo by’umurwayi umwe mu barware miriyoni 23 ku isi bamaze kwandura iki cyorezo hirya no hino ku isi.

Ishami ry’umuryango wabibumbye ryita ku buzima kandi riravuga ko nta nyandiko zihagije n’ubushakashatsi burashyirwa hanze ku mugaragaro bwemeza iby’ayo makuru.

Uyu mu mugabo w’imyaka 33 warusanzwe afite ubuzima buzira umuze, yongeye kugaragarwaho ubu burwayi bushya nyuma y’uko apimwe inshuro ebyiri bagasanga ari muzima.

Gusa ubwo yari ku kibuga cy’indege agiye gufata urugendo nibwo bamupimye bakabona agaragaza ibimenyetso bya covid-19.

Abashyamiranye bashyize intwaro hasi

Impande zombi zirimo Guverinoma iriho ndetse n’Inteko Ishinga Amategeko ya Tobrouk, zatangaje ko nta bushyamirane zizongera kugirana nyuma y’amezi 16 zitangiye intambara y’ubushyamirane.

Impande zombi kandi zemeje ko hazabaho Guverinoma y’ubumwe muri werurwe umwaka utaha wa 2021.

Misiri yari yaremereye Guverinoma ya Libiya ingabo zo guhangana n’abatavuga rumwe na yo, ikaba yishimiye cyane icyo cyemezo cyafashwe n’impande zombi.

Umuryango w’Abibumbye na wo wishimiye iki cyemezo, aho kigiye gusubiza igihugu ku murongo nyuma y’igihe kirere kiri mu bushyamirane.

Bimwe mu bicuruzwa bya Apple ntibishirwa amakenga kuko byifitemo ubushobozi bw’ubutasi bukomeye

Ibi uru ruganda rwabikoze rugamije gufasha Guverinoma ya Leta zunze ubumwe za Amerika gutata abaturage bakoresha izo Ipod.

Amakuru yatangajwe n’uwahoze akora mu ruganda rwa Apple Eng. David Shayer, avuga ko izo Ipod zashyizwemo utwuma cyangwa se (sensors), dukurura ayo makuru nyir’igikoresho atabizi.

David Shayer avuga ko uwo mushinga wari uzwi n’abantu bane muri icyo kigo, babiri muri bo bakaba bari abahanga mu by’ingufu boherejwe n’igisirikari cya Amerika gukora muri urwo ruganda mu mwaka wa 2005.

Bakaba ngo baragenzwaga no gufasha uru ruganda gukora Ipod nk’izisanzwe, nyamara mu buryo bw’ibanga bashaka gushyirano izo sensors.

Mu magambo ya Shayer, agira ati “nubwo nari kumwe na bo muri uwo mushinga, ariko bakoze uburyo bwose bushoboka ntazamenya ako gakoresho bongeyemo ako ari ko, kandi koko sinigeze nkamenya kubera ko abo ba Engeniyeri babiri bamaze amezi menshi bakorera hanze y’inyubako za Apple”.

David Shayer akomeza avuga ko abo bantu bombi bikoreye igerageza ry’izo Ipod, bagasanga zibaha amakuru yose bifuza aho n’ako gakoresho kabasha no gupima ibyo bita ‘radiations’ mu buryo bw’ibanga.

Abo bantu bombi bari bavuye mu ishami ry’umutekano rishinzwe ingufu ari na ryo rikora ibisasu bya kirimbuzi byifashisha ibyo bita ‘Nuclear Power’.

Hagati aho ariko, ubuyobozi bwa Apple bwateye utwatsi amakuru ya Engeniyeri Shayer, buvugako ari ibinyomba ariko abandi bakozi benshi bakomeye bakoreye urwo ruganda bemeza ko avuga ukuri.

Muri bo harimo uwahoze ari visi Perezida w’ishami rya Ipod, Tony Fadell, watangaje ko nta bwisanzure n’umutekano benshi bibwira ko bafite kuko igihe cyose baba bari kubatata, aho nta cyizere cy’uko ibikoresho by’ikoranabuhanga bisohoka ubu bafite nta kibyihishe inyuma kirimo.

Ibi kandi biratangazwa mu gihe Apple yabaye uruganda rwa mbere muri Leta zunze ubumwe za Amerika rufite agaciro ka miliyari ibihumbi bibiri z’amadolari ya Amerika, nyuma y’uko muri 2018 uru ruganda rwabashije kwesa agahigo ko kuzuza miliyari 1000 z’agaciro karwo.

Ibi rubikesha ibicuruzwa byarwo bikunzwe ku isi hose birimo telefoni zigendanwa zizwi nka Iphones.

Ni gahunda izakemura ibibazo by’imyenda abantu bahuraga na yo batabizi kubera kutamenya ikigero cy’amazi bakoresha, no kuba abakozi ba WASAC batabashaga kugera muri zimwe mu ngo kubera ko zifunze.

Mu gihe ubusanzwe abantu bamenyereye mubazi y’umuriro w’amashyarazi, ubu n’amazi agiye kujya ahabwa mubazi izajya ifasha kubona amakuru nyayo kuko mbere habagaho kwibeshya kwinshi.

Umuyobozi muri WASC ushinzwe isaranganya ry’amazi, Innocent Gashugi, avuga ko gahunda isanzweho yatumaga hari ingo badaha fagitire.

Yagize ati “Tuzaba dufite imodoka irimo ibikoresho bihagije, izaba ifite utuntu dukurura amakuru kuri mubazi, kugira ngo babone imibare nyayo, kuko mbere wasangaga ibipangu bimwe bifunze, cyangwa ari nk’ibyabayobozi bakomeye, abakozi bacu ntibabashe kubyinjiramo”.

Akomeza anasobanura impamvu iyo gahunda yari yasubitswe. Ati “kubera ikibazo cya covid-19, abakozi twari twatumije barimo abayobozi b’ibigo bikomeye bimenyereye ibi bintu bya mubazi y’amazi ntibabashije kuza ngo tubiganireho, ariko ubwo ingendo zatandiye muri uku kwezi kwa munani iyo gahunda irasubukurwa”.

Gashugi kandi yagarutse no ku kibazo cy’ubuke bw’amazi mu Mujyi wa Kigali, avuga ko imiyoboro ishaje n’izuba ryinshi biri mu bituma gusaranganya amazi mu baturage bikomeza kuba ikibazo.

Kwangirika kw’imiyoboro y’amazi biri mu bituma abaturage batabona amazi

Ni mu gihe kandi iki kigo kivuga ko 38,9% by’amazi agomba guhabwa abaturage apfira ubusa mu nzira kubera ikibazo cy’imiyoboro y’amazi yangizwa n’ibikorwa bitandukanye, birimo kubaka imihanda n’ibikorwa remezo, ndetse no kuba hari ishaje yubatswe kera.

Amase y’inzovu asanzwe afatwa nk’umuti ukomeye

Ni mu gihe kuri uyu wa Gatatu tariki 19 Kanama 2020, Minisitiri w’Ubuzima wa Namibia Kalumbi Shangula yatangaje ko amase y’inzovu atari umuti uvura covid-19.

Abavuzi gakondo bo muri iki gihugu bavuga ko ubusanzwe amase y’inzovu atunganywa, agashyirwa mu bushyuhe bwinshi, ubundi agashyirwa mu kintu cyiza gitunganyijwe neza, abantu bakayahumeka akabakiza ibicurane, umutwe ndetse n’imyanda.

Naho abavuzi ba kizungu bo bavuga ko ubwo buryo siyansi itabushishikariza abantu kuko ubuziranenge bwayo butizewe.

Minisitiri Shangula yatangarije ibiro ntaramakuru by’Abafaransa AFP ko batewe impungenge n’abavuzi gakondo bari kuvurisha abaturage uwo muti ukozwe mu mase y’inzovu bavuga ko ukiza Coronavirus.

Ikindi ni uko hari abashobora gutuma abaturage bimaraho amafaranga bagura uwo muti kandi mu by’ukuri ntawe uzi ubushobozi bwawo mu gukiza Coronavirus.

Iki gihugu cya Namibia giherereye muri Afurika y’Amajyepfo kimaze kugaragaramo abantu ibihumbi 4,464 bamaze kwandura naho 37 ni bo bamaze guhitanwa n’iki cyorezo.

Abambara ubusa bagaragaje impungenge baterwa n’inyamaswa zibasagarira iyo bari mu bwisanzure bwabo

Ni nyuma yaho abaturage benshi bari bambaye ubusa bari bahuriye ku kiyaga cya Teufelessee giherereye mu Budage bakunze gusura, aho bose baba bambaye ubusa bota izuba, bafata amafunguro n’ibyo kunywa maze ingurube yitwa Elsa ikabatera.

Umuyobozi ushinzwe ako gace karimo ikiyaga mu kigo gishinzwe amashyamba Katja Kammer yatangarije ikinyamakuru The Guardian ko ubusanzwe izo ngurube z’ishyamba zibana n’abantu neza kandi zatojwe kutabasagarira cyangwa kuba zabica.

Icyakora iyo ngurube yo ngo yarenze ku mategeko ayigenga ari yo mpamvu abo bambara ubusa bakoraniye imbere y’ibiro by’iyo parike bigaragambya basaba ko yaraswa cyangwa igakurwa muri iryo shyamba kuko ishobora no kwica umuntu.

Bamwe mu bambara ubusa bota akazuba muri ako gace bavuga ko ubusanzwe izo ngurube zitajyaga zibasagarira ahubwo ziba zishakira ibyo kurya bataye hasi cyangwa basigaje.

Abaturage bagera ku bihumbi birindwi ni bo bamaze gusinya ku busabe bw’uko iyo ngurube na ngenzi zayo zari ziyiherekeje zikurwa muri iryo shyamba cyangwa zikaraswa.

Iyi nkuru kandi ivuga ko uwo mugabo w’imyaka 54 yagize amahirwe yongera gusubirana igikapu cye cyarimo imyenda ye, ibikoresho bye bwite n’iby’akazi.

Kimwe mu byateye impungenge aba baturage ni uko mu mwaka wa 2015, ingurube y’ishyamba yishe mugenzi wabo wambara ubusa wari umusaza w’imyaka 77 y’amavuko.

Hagati aho ariko abarengera uburenganzira bw’inyamaswa z’ishyamba bo ntibashyigikiye ko izo ngurube zicwa.

Resitora y’Abashinwa yasabye imbabazi nyuma yo kugenera abantu ibiryo bike

Ibi bibaye mu gihe u Bushinwa bwari yatangije ubukangurambaga bwo kwirinda kwangiza ibiribwa aho usanga abantu bajugunya ibiryo byagakwiye gutunga abandi.

Iyi resitora imenyerewe ku mwihariko wo guteka inyama z’inka, mu cyumweru gishize nibwo yashyize iminzani ibiri minini ku muryango w’abinjira muri iyo resitora.

Nyuma yo kumenya ibiro by’abakiriya, basabwaga kubyuzuza mu ikoranabuhanga rikaba ari ryo ribagenera ibyo kurya rikurikije ingano yabo n’ibyo umubiri wabo ukeneye.

Ibyo ngo bikaba byarafashaga iyo resitora guha abantu ibiryo bamara ntihagire ibisigara ku masahane ngo bipfe ubusa.

Ibi rero bikaba byarahise biteza impaka ku mbuga nkoranyambaga zo mu Bushinwa, by’umwihariko ku rubuga ruzwi nka Weibo aho inkuru irebana n’iyo resitora yarebwe inshuro zirenga miliyoni 300.

Iyi resitora yasabye abanyagihugu imbabazi nyuma yo kumva nabi gahunda ya Leta. Resitora yisobanura ivuga ko ibyo bakoze byose byari bigamije kugabanya ibiryo bimenwa.

Prezida w’u Bushinwa XI Jinping yari yavuze ko igihugu gihangayikishijwe n’ingano y’ibiryo bipfa ubusa kuko ari igihombo ku gihugu n’abanyagihugu ubwabo.

Icyakora hari zimwe muri za resitora zagabanyije umubare w’ubwoko bw’ibiryo bitekwa kugira ngo abantu batazajya babisaba byose ugasanga babisigaje bikamenwa.

Umuryango FAO wita ku biribwa uvuga ko toni 1 na miliyari 6 z’ibiryo ku isi hose buri mwaka bijugunywa mu bimoteri mu gihe hari abantu benshi babarirwa mu magana biganjemo abana bicwa n’inzara.

Ibi kandi bigira n’uruhare mu kwangiza ibidukikije kuko hari ibijugunywa mu mazi.

Habaye umuhango wo kwibuka imyaka 75 ishize u Buyapani burambitse intwaro hasi

Yabivuze mu gihe u Buyapani bwibukaga igihe bwashyize intwaro hasi mu ntambara ya kabiri y’isi yose mu 1945, ni ukuvuga mu myaka 75 ishize.

Kuri uyu wa Gatandatu tariki 15 Kanama 2020 nibwo Abayapani bizihije uyu munsi aho Ministiri w’Intebe Shinzo Abe yatanze ituro ryo kwishimira icyo gikorwa mu rusengero rwibukirwamo Abayapani bazize urwo rugamba.

Iyi nkuru dukesha BBC iravuga ko abaminisitiri bane bitabiriye iki gikorwa bikaba bishobora guteza umwuka mubi mu bihugu by’u Bushinwa na Koreya y’Epfo bitewe n’agaciro u Buyapani bwahaye icyo gikorwa.

Ni ubwa mbere mu myaka ine ishize abayobozi bo ku rwego rwo hejuru bitabira icyo gikorwa muri urwo rusengero, mu rwego rwo kwibuka abayobozi bakuru b’Abayapani bapfiriye ku rugamba.

Abiganjemo urubyiruko muri iki gihe usanga bahoza ijisho ku mbuga nkoranyambaga

Urubyiruko by’umwihariko rumara amasaha agera muri atanu aho byitezwe ko ayo masaha ashobora kuzagera ku icyenda mu bihe biri imbere.

Mu gihe benshi bishimira ko imbuga nkoranyambaga zitanga amakuru mu buryo bwihuse, ubusabane, n’ibindi, abashakashatsi mu by’ubwenge bwa muntu bavuga ko kuzikoresha cyane bizateza uburwayi bwo mu mutwe burimo agahinda gakabije, no kutigirira icyizere mu buzima.

Abasesenguzi ku ngaruka z’imbuga nkoranyamabaga bavuga ko abana bato ari bo bazagirwaho ingaruka zikomeye n’ikoreshwa ry’izi mbuga kuko uretse gutuma bata umwanya, zibigisha ibitabafitiye akamaro akenshi binabigisha imico itari myiza n’urugero rukomeye rwo kwifuza.

Akenshi ibi bituruka ku mafoto n’amashusho ndetse n’inkuru birimo ibinyoma ibindi bitujuje ubuziranenge aho abantu benshi bashishikarizwa kugenzura amakuru babona niba ari ukuri.

Mu mwaka wa 2018 abakoreshaga imbuga nkoranyambaga nkoranyambaga bari miliyari 3,1 naho mu mpera za 2019 bari bamaze kwiyongeraho miliyoni 362.

Nubwo imbuga nkoranyambaga zifite ibyiza byinshi ariko kuzimaraho umwanya munini ngo byateza ingaruka ubuzima

Ubu bushakashatsi kandi bugaragaza ko miliyoni 210 z’abantu bazaba bafite uburwayi bwo kubatwa n’ikoreshwa ry’imbuga nkoranyambaga buzatuma baba imburamukoro.

Ni mu gihe abana bamara igihe ku mbuga nkoranyambaga bo bafite ibyago byinshi byo kurwara agahinda gakabije cyangwa se depression ariko cyane cyane abagera kuri 58% b’abakobwa ibi kandi bituma benshi bakora ibikorwa by’uburaya bakiri bato kuko bahura n’abantu bakuru babashukisha amafaranga.

Ikindi kigaragaza ababaswe n’imbuga nkoranyambaga ni uko usanga bararana telefoni zabo ku musego yaba mbere yo kuryama cyangwa mbere yo kubyuka ugasanga ari ho bamaze igihe kiri hagati y’isaha n’iminota 30 aho usanga abantu bahorana umunaniro ukabije kubera kutaruhuka bihagije.

Naho abajya ku mbuga nkoranyamabaga batwaye imodoka bo bagirwa inama yo kubireka kuko biteza impanuka zo mu muhanda kandi na byo bikagaragaza kubatwa gukomeye.

Abanyeshuri bo mu Budage bashishikariza ab’u Rwanda kubyaza umusaruro imyanda

Ibi bikaba byarakozwe binyujijwe mu mushinga witwa Skate-Aid, aho abanyeshuri bo mu ishuri rya HLA Gernsbach bohereje mu Rwanda inkunga y’amafaranga ibihumbi magana atanu (500,000) yahawe ikigo kirera impfubyi (SOS) cyo mu Rwanda.

Aba banyeshuri batangije igikorwa cyo gutunganya imyanda, bakayibyazamo ibikoresho bitandukanye birimo n’iby’imyidagaduro babifashijwemo n’umwalimu wabo Martin Strauss.

Icyorezo cya Coronavirus ubwo cyadukaga, cyatumye abo banyeshuri batigunga kuko bakomeje kubyaza ibishingwe umusaruro aho bakoragamo ibikoresho bitandukanye harimo utubati (étagère) kamwe bakakagurisha amafaranga ahwanye n’ay’u Rwanda ibihumbi 25,000.

Umwalimu w’aba banyeshuri avuga ko bifuza kubaka umubano n’urubyiruko rwo mu Rwanda nk’uko n’ubundi hari gahunda nyinshi zihuza u Budage n’u Rwanda kandi zikomeje gutanga umusaruro ku mpande zombi.

Agira ati “Turifuza kubaka umubano n’urubyiruko rwo mu Rwanda aho bajya bungurana ibitekerezo n’abanyeshuri bacu ndetse bagakorana imishinga nk’iyi yo kubyaza umusaruro imyanda cyangwa se ibikoresho bitagikenewe mu bihugu byombi.”

Ushinzwe amahugurwa akanahuza urubyiruko rw’ibihugu byombi Divine Umulisa yatangaje ko iyi nkunga ibereye isomo urubyiruko rw’u Rwanda mu kubyaza umusaruro ibigaragara ko nta kamaro bifite.

Yagize ati: “Iki gikorwa abanyeshuri ba HLA Gernsbach bakoze sinabyita gutera inkunga gusa ahubwo ni nko gufungura irembo ryinjira mu bufatanye, kwigira hamwe ndetse no kungurana ubumenyi n’urubyiruko rwo mu Rwanda.”

Yakomeje avuga ko ibi bizafasha urubyiruko kwikura mu bukene no gutanga umusanzu mu guteza imbere igihugu.

Yagize ati: “Ndahamya ko natwe Abanyarwanda dufite byinshi byo gusangiza urubyiruko rwo mu Budage, kwimakaza umuco w’ububanyi n’ibindi bihugu ndetse no gushishikariza urubyiruko kugira uruhare mu iterambere rirambye.”

Iyi gahunda yo kubyaza imyanda ibindi bikoresho kandi ngo ifasha urubyiruko kutarambirwa mu rugo aho ushobora gusanga urubyiruko rwinshi rwigira mu biyobyabwenge, ubusambanyi n’ibindi bidafite umumaro cyangwa se rukaba rwagira uruhare mu gukwirakwiza icyorezo cya covid-19.

Gahunda ya “Chat der Welten” cyangwa se Chat of the World mu rurimi rw’Icyongereza ni porogaramu y’Abadage ihuza Abanyeshuri babo n’abo mu kigero cyabo mu bihugu byo muri Afurika, Asia, Amerika y’Amajyepfo ndetse n’inzobere ku isi.

Umunuko w’imbuto zaboze ushobora gutanga ingufu muri telefoni igendanwa ikabona umuriro

Ni mu gihe ubutabire bwa ‘Lithium-ion’ buba muri za batiri zikoreshwa yaba mu matelefoni agendanwa, mudasobwa ngendanwa, imashini zisukura, n’ibindi, buri kugenda bwangiza ibidukikije ku buryo ahazaza h’isi hakomeza kujya mu kaga.

Mu gihe ubu benshi bishimiye kuba bagendana telefone zabo zibitse umuriro, kandi n’abavumbuzi bavumbuye batiri zibika umuriro bo muri kompanyi ya ‘Sony’ banahawe igihembo cy’amahoro muri 2019 (Noble prize), kubera iryo koranabuhanga bavumbuye mu mwaka wa 1991, hari kwibazwa impamvu y’ahazaza hazo kuko ziri mu byangiza ibidukikije n’umubumbe muri rusange.

Abashakashatsi kandi bavuga ko impamvu hakenewe ubundi buryo bwo gushaka ingufu, ari uko mu bihe biri imbere izuba n’umuyaga bitazaba bigishoboye gutanga ingufu zisanzwe zikoreshwa mu gutunganya ibikorwa bitandukanye.

Abahanga mu bya siyansi bavuga ko umunuko ukabije w’imbuto zashaje ushobora kubyazwamo umusaruro w’ingufu ufite ubushobozi nk’ubwa lithium, buvana ingufu ku kintu kimwe bujyana ku kindi.

Aba bahanga kandi bavuga ko ubu buryo bwageragejwe kandi burengeje urugero zimwe muri batiri zisanzwe zikorwa.

Umwalimu akaba n’umuhanga mu bya siyansi muri kaminuza ya oxford yo mu Bwongereza Mauro Pasta, avuga ko ubushakashatsi bwinshi bwakozwe bugafasha benshi mu iterambere ubu butangiye kugeza isi ahantu habi, ari yo mpamvu hari gushakwa ibindi bisubizo.

Mwalimu Pasta kandi avuga ko batiri ari ikintu kimaze gufata umwanya ukomeye mu buzima bw’abantu kubera ikoranabuhanga rikomeje gukataza.

Kugeza ubu ku isi hose hakenerwa miliyarii zirindwi z’ubutabire bwa lithium-ion buri mwaka zicuruzwa, kandi byitezwe ko muri 2027 hazakenerwa ubukabakaba miliyari 15.

Ibi kandi bigira ingaruka ku mazi kuko ashobora kuzaba ikibazo gikomeye kuri ejo hazaza ku isi, kuko mu bucukuzi bwa lithium hifashishwa amamiliyari n’amamiliyari y’amazi, aho nko mu gihugu cya Chilie honyine hacukurwa ibiro 900 buri mwaka, bigatwara amazi menshi utaretse no kwangiza ibidukikije.

Mu bihugu byinshi ariko haracyari ikigero cyo hasi cyane cyo gupima, bivuze ko abanduye bashobora kuba barenze abamaze kuboneka, mu gihe kandi ubwandu bwinshi kugeza ubu bwiganje mu bice by’imijyi.

Ku isi, abantu barenga miliyoni 18.6 babasanzemo iyi ndwara, naho abagera ku 702,000 imaze kubica nk’uko bivugwa n’Ishami rya ONU ryita ku Buzima (OMS/WHO).

Muri Afurika, iki cyorezo kimaze kwica abantu 21,000 mu gihe abagera ku 670,000 bagikize.

John Nkengasong, ukuriye ikigo cy’umuryango w’ubumwe bwa Afurika cyo kurwanya ibyorezo (DCD), yabwiye BBC ko 70% by’abanduye iyi ndwara muri Afurika bayikize.

Yagize ati “Sintekereza ko uyu mugabane ukwiye gushya ubwoba, ahubwo tugomba kwibanda ku gukora ibikwiriye no gukoresha siyansi mu gufata ingamba”.

Mu bihe bishize, OMS yavuze ko Umugabane wa Afurika ufite ikibazo cy’ubuke bw’imashini zifasha abarembye guhumeka (ventilators).

Mu bihugu bimwe abaganga binubiye ko badafite ibikoresho byabugenewe byo kwirinda mu gihe bari kwita ku barwayi muri iki gihe cy’icyorezo.

Ni mu gihe ibikorwa bya muntu ari byo biza ku isonga mu kwangiza umubumbe ndetse n’ibidukikije muri rusange.

Abashakashatsi mu by’ubutabire bo mu Bwongereza mu Mujyi wa Londre, bavuga ko uburyo abantu bakomeje guhingamo bwangije ubutaka ku buryo mu myaka iri imbere kubona ibiribwa bizaba ikibazo gikomeye, hadakoreshejwe ubundi buryo bushya bwo guhinga.

Ubu abashaka ibiribwa ku isi bakomeje kwiyongera, ari na ko abavuka ari benshi bigatuma hakoreshwa amafumbire menshi mva ruganda atanga umusaruro mwinshi bigatuma ubutaka bwangirika.

Imiti iterwa ibihingwa bivugwa ko 98% itaguma ku bihingwa, ahubwo yigira mu butaka bityo bugatakaza ubushobozi bwo kweza no kubika amazi.

Ibi kandi bikomeje no kugira ingaruka ku binyabuzima bitandukanye birimo n’inyamaswa.

Abashakashatsi ubu bari gukusanya ibizakenerwa kugira ngo ubuhinzi bukorewe mu kuzimu buzabashe kugerwaho, kandi nyuma y’igeragezwa ryakozwe ryagaragaje ko ubuhinzi bukozwe muri ubu buryo butanga umusaruro wikubye inshuro mirongo ine.

Dr. Richard Ballard, washinze Growing Underground, ikigo cya mbere ku isi gikorera ubuhinzi ikuzimu, avuga ko ubu buhinzi bworoshye gukorwa kurusha ubusanzwe.

Agira ati “Ubuhinzi bwo mu kuzimu butworohereza kumenya ikigero cy’ubushyuhe cyangwa ubukonje, bukenera amazi make kugera kuri 70%, kandi icyo gihe umusaruro uba mwinshi. Ikindi ntibukenera ifumbire mva ruganda cyangwa imiti yica udukoko”.

Abashakashatsi bakaba bavuga ko ubu buhinzi nubwo bugira umusaruro mwisnhi, bukenera igishoro kiri hejuru y’igisanzwe bityo abashoramari bakwiye kububonamo nk’amahirwe akomeye bakabuteza imbere, kuko ubutaka bwo guhingaho bugenda buba buto.

Abo bagabo mbere yo gupfa babanje guta ubwenge kuko izo handsaniters bari bazivanzemo umutobe n’amazi. Bahise bihutishwa kwa muganga ariko biba iby’ubusa kuko bahise bashiramo umwuka.

Amaduka acuruza inzoga akaba yari yafunzwe kubera ko uwo mujyi batuyemo wari umaze kugaragaramo abantu benshi banduye covid-19, bituma ubuyobozi bufata izo ngamba.

Polisi y’Umujyi wa Delhi ikaba yatangiye iperereza ryimbitse ku rupfu rw’abo bantu.

Ubugenzuzi bwakozwe n’Ishami ry’Umuryango w’Abibumbye ryita ku Buzima (OMS/WHO), buvuga ko mu Buhinde ababarirwa mu magana bapfa bazize inzoga z’inkorano buri mwaka.

Bensi muri abo baturage usanga bicwa n’inzoga bikoreye zidafite ubuziranenge.

Hari n’abanywa lisansi, abandi bakanywa icyo bita ‘methanol’ gisangwa muri arukoro ikoreshwa kwa muganga.

Ibi kandi biratangazwa mu gihe mu Buhinde abantu ibihumbi 35,000 ari bo bamaze guhitanwa na coronavirus, aho buri gusatira u Butaliyani mu gupfusha abantu benshi kurusha ibindi bihugu.

U Rwanda rwahawe imashini 100 zizafasha mu kwita ku barembye

Iki ni igikorwa cyabaye kuri uyu wa kane taliki 30 Nyakanga 2020, aho ambasederi wa Leta zunze ubumwe za Amerika yashyikirizaga iyo nkunga Minisitiri w’Ubuzima w’u Rwanda.

Izi mashini 100 zitwa Zoll Portable Critical care, zakorewe muri Leta zunze ubumwe za Amerika, zije gufasha u Rwanda mu gukomeza guhangana n’icyorezo cya covid-19, ndetse no kwita ku barwayi barembye kuko zibafasha guhumeka.

Ambasaderi wa Amerika mu Rwanda Peter H. Vrooman, yatangaje ko igihugu cye kizakomeza gufasha u Rwanda mu guhangana n’iki cyorezo.

Yagize ati “Leta zunze ubumwe za Amerika ni umufatanyabikorwa wa Leta y’u Rwanda mu rwego rw’ubuzima, iyi nkurunga y’izi mashini ibarirwa mu kayabo ka miliyari y’amafaranga y’u Rwanda, vuba hari abaganga bazaza guhugura abo mu Rwanda uko izi mashini zikoreshwa kugira ngo zizifashishwe mu gihe habonetse abarwayi barembye”.

Naho Minisiteri y’Ubuzima yashimye iki gikorwa gikomeye cyo gutera inkunga u Rwanda, nk’uko byatangajwe na Minisitiri w’Ubuzima Dr. Daniel Ngamije.

Imashini zizafasha kugenzura ibipimo by’abarwayi na zo ziri mu byatanzwe

Ati “Nk’uhagarariye Guverinoma y’u Rwanda, turashimira cyane Leta zunze ubumwe za Amerika ku bw’iyi nkunga, kuko izarokora ubuzima bwa benshi, cyane Parezida Donald Trump wemereye Nyakubahwa Perezida wa Repubulika iyi nkunga, mu biganiro bagiranye mu ntangiriro z’uyu mwaka bigaragaza umubano ibihugu byombi bifitanye”.

Ibi kandi bitangajwe mu gihe Leta zunze ubumwe za Amerika zimaze kwemerera Leta y’u Rwanda inkunga ya miliyari 10 zirenga z’amafaranga y’u Rwanda, mu rwego rwo guhangana na covid-19 ihangayikishije isi ndetse n’u Rwanda.

Ibindi bikoresho byatanzwe harimo imiti yo gukaraba (Hand sanitizers), uturindantoki, imashini zigenzura abarwayi, n’udufuka twabigenewe mu kubika imyanda.

Minisiteri y’Ubuzima kandi yatangaje ko izo mashini 100 zizashyirwa mu bigo bitandukanye hirya no hino mu gihugu, byita kubanduye covid-19.

Imodoka bahawe ni nshya ntiziragenda

Ibi ni ibyatangajwe kuri uyu wa kabiri tariki 28 Nyakanga 2020, ubwo Banki ya Kigali yashyikirizaga abo bashoferi imodoka nshya zo mu bwoko bwa Suzuki zifite agaciro ka miliyoni 15 z’amafaranga y’U Rwanda buri imwe.

Ni umushinga watangijwe n’ikigo ‘Yego Cab’ kigamije gufasha abakora umwuga wa Taxi voiture kubona imodoka nshya, kugira ngo batange serivisi nziza ku batuye Umujyi wa Kigali n’abanyamahanga benshi bawugana.

Uyu mushinga ‘Yego Cab’, ukaba waregereye Banki ya Kigali kugira ngo yorohereze abashoferi kubona inguzanyo mu buryo bworoshye kandi n’Akagera Group gatange izo modoka ku giciro gito.

Umwe mu batwara taxi voiture wahawe iyo modoka ku mugaragaro, Papias Fikiri, yavuze ko bajyaga batanga serivisi mbi kubera imodoka zishaje.

Bishimiye kujya batanga serivisi inoze mu modoka nshya

Yagize ati “Turanezerewe cyane kuko tubaye abataximan ba mbere mu Rwanda bagiye gutwara imodoka nshya za zero kilometre (zitaragenda). Twahoraga mu magaraje, imodoka ikadupfiraho mu nzira, umuntu akaba yakwicwa n’izuba n’ivumbi kubera nta buryo bwo kubimurinda”.

Naho Banki ya Kigali, nk’uko byatangajwe n’Umuyobozi Mukuru wayo Dr. Diane Karusisi, avuga ko bifuje gufasha abatwara taxi gukoresha imodoka nziza kandi zitangiza ibidukikije.

Umuyobozi Mukuru wa Banki ya Kigali, Dr. Diane Karusisi

Yagize ati “Kugira imodoka zishaje bitanga isura itari nziza ku gihugu, kandi zikanabahenda kubera zishaje, kuko zinywa nabi, bagahora no mu igaraje, kandi zikangiza ibidukikije. Turanashishikariza abandi bashoferi kugana ibigo by’imari nka BK tukabafasha kuko twifuza guhindura ibijyanye no gutwara abantu mu Rwanda”.

Urwego Ngenzuramikorere (RURA), na rwo rwashimye iyi gahunda kuko n’ubundi hari gahunda zatangiye zo gukura imodoka zishaje mu muhanda, kugira ngo bidatanga isura mbi ku Rwanda, ndetse binafashe mu kubungabunga ikirere kubera ibyotsi bibi biterwa no gusaza kw’imodoka.

Abatwara taxi bakaba bashishikarijwe kugana Banki ya Kigali kuko bagabanyirijwe inyungu ku nguzanyo, ikava kuri 19% igashyirwa kuri 16% bishyura mu gihe cy’imyaka itandatu.

Mu Rwanda abantu bagera kuri 3,5% bakora ingendo zabo bifashishije taxi voiture, abakoresha amapikipiki ni 13 % naho abakoresha bisi zisanzwe ni abantu 80%.

Ibi ni ibyatangajwe ku wa gatandatu taliki 25 Nyakanga 2020, n’igitangazamakuru cyo muri Koreya ya Rugurugu KCNA.

Icyo gitangazamakuru kivuga ko umuyobozi mukuru wa Koreya ya Ruguru Kim Jong Un, yahise atumiza inama y’igitaraganya yahuje inzego z’ubuyobozi zitandukanye, maze asaba ko akarere ka Kaesong uwo muntu yagaragayemo gashyirwa muri gahunda ya guma mu rugo.

Ubusanzwe Koreya ya Ruguru ni igihugu kizwiho kubaho mu ibanga rikomeye, aho cyari cyatangaje ko mu gihe ibindi bihugu bizahajwe na covid-19, cyo nta murwayi n’umwe uhabarizwa, icyakora ibi byatewe utwatsi n’abasesenguzi mu by’ubuzima.

Kim Jong Un akaba yarasabye ko hakorwa iperereza ku bantu bafashije uwo muntu kwinjira mu gihugu ku mupaka urinzwe cyane, kandi ko abazafatwa bazahabwa ibihano bikomeye.

Ibi kandi bibaye mu gihe Kim Jong Un yari yavuze ko igihugu cye gifite intsinzi ikomeye kuko cyabashije gukumira covid-19 kuva yakwaduka mu mpera z’umwaka ushize.

Icyakora icyo gihe igihugu cyashyize mu kato abantu babarirwa mu bihumbi amagana, kubera ko bari bagiye mu bihugu iyo ndwara yavugwagamo.

Senateri Johnson Sakaja uhagarariye akarere k’Umurwa Mukuru Nairobi, mu mpera z’icyumweru gishize yasanzwe ari kunywa inzoga mu kabari i Nairobi, hashize amasaha umukwabu wa saa tatu z’ijoro utangiye.

Bijyanye n’uwo mukwabu, nta muntu uba wemerewe kuba ahatari iwe guhera saa tatu z’ijoro kugeza saa kumi za mu gitondo.

Senateri Sakaja yafungiwe by’akanya gato ku biro bya polisi byo mu Mujyi wa Nairobi, mbere y’uko afungurwa amaze gutanga amafaranga y’ingwate.

Biteganyijwe ko kuri uyu wa kabiri agezwa mu rukiko, ariko avuga ko yiteguye kwirengera ibikorwa bye kandi akaba yakuwe ku buyobozi bw’akanama gakomeye ko mu nteko kagenzuraga uko Kenya iri kwitwara mu kurwanya Covid-19.

Video iri guhererekanywa ku mbuga nkoranyambaga yagaragaye ku cyumweru, yerekana Bwana Sakaja w’imyaka 35 ari muri kasho ya polisi aterana amagambo n’abapolisi, nyuma yo gutabwa muri yombi.

Abanyakenya bamaze igihe binubira ko amategeko akaze yo kurwanya coronavirus ashyirwa mu bikorwa mu buryo butandukanye bitewe n’uwo uri we.

Binubira ko abanyapolitiki bayarengaho ku mugaragaro bagakoresha inama zitabirwa n’imbaga kandi izo nama zitemewe.

Polisi ya Kenya na yo yanenzwe gukubita, gukomeretsa no kwica Abanyakenya mu gihe cy’iyubahirizwa ry’ayo mategeko.

Zimwe mu ngamba zikaze zibuza guterana mu nsengero no kubuza ingendo mu duce tw’ingenzi tw’izingiro rya coronavirus, kuri ubu zakuweho, nubwo coronavirus ikomeje kwiyongera mu gihugu.

Ni mu gihe kugeza ubu muri Kenya abanduye coronavirus bageze ku 13,353, muri bo 234 imaze kubica.

Hari abadashyigikiye itegeko ryemerera abana gukuramo inda

Ibi ni ibyatangajwe n’ababyeyi n’abakobwa bo mu Mujyi wa Kigali ubwo baganiraga na Kigali Today ku kibazo cy’inda zitateguwe gihangayikishije sosiyete Nyarwanda ndetse n’ahandi henshi ku isi.

Nyuma y’ubukangurambaga bwatangijwe n’umuryango utegamiye kuri Leta uharanira uburenganzira bwa muntu ndetse n’ubuzima, bwo kumenyesha abana b’abangavu ibirebana n’icyo amategeko agena ku gukuramo inda, Kigali Today yifuje kumenya icyo ababyeyi batekereza kuri uwo mwanzuro.

Ni mu gihe umwana wese utwise aatarageza imyaka y’ubukure, akaba se yarahohotewe, cyangwa se inda ikaba yamutera ibibazo runaka, itegeko ryemera ko uwo mwana yegera abaganga babizobereyemo bakamukuriramo inda.

Ibi ntibivugwaho rumwe na bamwe mu bakobwa n’ababyeyi, aho bavuga ko gukuramo inda atari wo muti kandi ko bishobora kuzagira ingaruka zikomeye.

Umubyeyi utashatse kwivuga izina yavuze ko umwana we atwise atashyigikira ko akuramo inda ahubwo yamufasha.

Yagize ati “Yabyara uwo umwana kuko aba yaniyemeje akagenda agakora imibonano no kumubyara yamubyara. Ntibiba bishimishije ariko urabyakira kuko iyo ibibazo byaje ntubihunga ahubwo urabikemura”.

Raporo zagiye zishyirwa ahagaragara zigaragaza ko mu turere ku mwaka usanga abana batewe inda batagejeje imyaka y’ubukure baba bakabakaba hafi mu bihumbi 2,000.

Ibi byahagurukije inzego zitandukanye aho n’amategeko ateganya ko umwana utifuza kubyara ngo abe yakwangiza ejo he hazaza cyangwa akaba yacikiriza amashuri, yafashwa.

Abakobwa bo mu karere ka Musanze baganiriye na Kigali Today bavuga ko iyo bamenya ko hari amategeko abarengera baba barakuyemo inda kubera ko babayeho ubuzima bubi kandi nta hazaza n’ahabana babo babona.

Umuhuzabikorwa w’umushinga BAHO NEZA uhuriweho na HDI, Ministeri y’Ubuzima na Imbuto Foundation, Uwase Marie Ange avuga ko hari abana bakuramo inda mu buryo bwa magendu bikaba byatwara ubuzima bwabo.

Agira ati “Abenshi mu bagana muri serivisi zo kubyara usanga baba barakuyemo inda mu buryo butateganyijwe. Iri tegeko rero rifasha abo bifuza gukuramo inda kubikora mu buryo bunoze, ikindi hari ababa barahohotewe ugasanga bakuyemo inda mu buryo bwa magendu”.

Ubushakashatsi bwakozwe n’imiryango irengera uburenganzira bw’abana bugaragaza ko 33% by’abatera inda abana ari abantu bakuru, naho 66% bakaba urungano rwabo.

Umwaka ushize wa 2019, mu Rwanda habarurwaga abangavu barenga ibihumbi 17,000 batwaye inda zitateguwe.

Kiliziya ikomeye kandi imaze imyaka myinshi yafashwe n’inkongi y’umuriro

Abashinzwe kuzimya inkongi y’umuriro babarirwa muri 60 ubu ni bo bari kugerageza kuzimya uwo muriro nk’uko bitangazwa n’ibitangazamakuru byo mu Bufaransa.

Kugeza ubu ntiharamenyekana icyaba cyateye iyo nkongi y’umuririo ariko hatangiye iperereza.

Gusa si ubwa mbere iyi kiriziya ifashwe n’inkongi y’umuriro kuko no mu mwaka 1972 byabayeho igisenge cyose kikangirika bigafata imyaka itanu yo kucyubaka.

Ibi bibaye mu gihe umwaka ushize na bwo indi kiliziya ikomeye mu Bufaransa ya Notre Dame de Paris, mu murwa mukuru yibasiwe n’inkongi y’umuriro.

Imodoka zizajya zitwara bidasabye umushoferi ziri hafi kugezwa ku isoko

Ibi ni ibyatangajwe n’umuyobozi wa Tesla Elon Musk, ubwo yari mu nama mpuzamahanga y’ikoranabuhanga ry’ubwenge bw’ubukorano izwi nka ‘World Artificial Intelligence Conference’ yabereye i Shangayi mu Bushinwa.

Umuyobozi wa Tesla avuga ko bageze kure mu gutunganya ibikoresho byose bikenewe kugira ngo izo modoka zitagira abashoferi zitangire gukoreshwa.

Ubwoko bw’izo modoka bavuga ko ziri ku rwego rwa gatanu cyangwa se ‘level five’, buje bukurikira urwego rwa kabiri rusaba ko umushoferi aba yiteguye gushyira mu bikorwa ibyo imodoka imusaba gukora ku mapine.

Ibyo bikorwa biciye mu ndangururamajwi ziba ziri mu modoka ye zashyizwemo mu buryo bw’ikoranabuhanga.

Iyi kompanyi yemeza ko imodoka zo mu rwego rwa gatanu (level five) zizabasha kujya zitwara bitagombeye ibindi byuma bizashyirwa mu modoka, ahubwo hakazifashishwa ikoranabuhanga rizajya riziha ubushobozi bwo kwiyobora.

Ku ruhande rw’abasesenguzi mu bijyanye n’ikoranabuhanga, bavuga ko kubona ubwo bwoko bw’imodoka zo ku rwego rwa gatanu ari nk’inkongoro ntagatifu mu bijyanye n’iby’inganda.

Ibi ngo bigaterwa n’uko amabwiriza mpuzamahanga agenga ibinyabiziga atazemerera izo modoka kujya mu mihanda nta bashoferi zifite kuko bishobora guteza ingaruka zikomeye kandi ntizibe zakwakirwa ku isoko mpuzamahanga.

Inzobere kandi zivuga ko iki ari igikorwa gishobora kuzafatwa nk’ubwiyahuzi bitewe n’uko n’ubundi abaherwe ku isi bagendera mu modoka zo mu bwoko bwa Tesla bakoresha nabi ikoranabuhanga ryazo.

Inkuru dukesha urubuga bbc.com iravuga ko izo modoka kugira ngo abaturage baziboneho uburenganzira zigomba kugeragezwa mu buzima bw’ibinyabiziga busanzwe kandi zikaba zifite ubushobozi bwo kutaraswa (bullet proof), ndetse no kuba nta muntu wapfa gucokoza ikoranabuhanga ryazo akaba yakwangiza ibikorwa remezo cyangwa agahitana ubuzima bw’abantu (fool proof).

Kugeza ubu imodoka zo mu bwoko bwa Tesla ziri hagati y’ibihumbi 35 na 124 by’amadolari ya Amerika, ni ukuvuga hagati ya miliyoni 35 na 124 z’amafaranga y’u Rwanda.

General James Kabarebe

Ibi yabigarutseho kuri uyu wa Gatandatu tariki 11 Nyakanga 2020, ubwo za Ambasade z’u Rwanda zikorera muri Aziya, mu Burasirazuba bwo hagati ndetse n’igice cya Pacifique bizihizaga imyaka 26 ishize u Rwanda rwibohoye, uwo muhango ukaba wabaye hifashishijwe ikoranabuhanga.

Ababohoye igihugu ngo ntabwo bari biteze ibyababayeho, aho ngo bateye tariki ya 1 Ukwakira 1990, nyuma y’iminsi ine gusa Abafaransa barabatera bavuye muri Santarafurika, buracya tariki 5 Ababiligi na bo babagabaho ibitero barabarasa.

Nyuma y’aho, Mobutu wayoboraga RDC yohereje igisirikare cye, ingabo zahoze ari iza RPA nyinshi zihasiga ubuzima kubera intwaro zikomeye ababateye bari bafite. Icyakora ntibyababujije gukomeza urugamba rwo kubohora Igihugu cyari mu bihe bibi by’amacakubiri n’ivangura byagejeje u Rwanda kuri Jenoside yakorewe Abatutsi igahitana abarenga miliyoni.

Mu bitabiriye iki gikorwa cyahuje abahagarariye u Rwanda muri ibyo bihugu, harimo n’abayobozi nka General James Kabarebe wavuze ko kubohora igihugu rutari urugamba rworoshye kandi ku ikubitiro bapfushije benshi ariko ntibemera gutsindwa.

Yagize ati “Twapfushije abasirikare benshi n’abayobozi benshi, ariko ibyo ntabwo byaciye abantu intege kuko twari dufite umutima wo kwitangira igihugu, kugikunda ndetse no kukimenera amaraso.”

General Kabarebe kandi yakomeje avuga ko abari babarangaje imbere bagize uruhare rukomeye rwatumye babasha kubohora igihugu.

Yagize ati “Ikintu cyadufashije cyane ni ubuyobozi. Buriya umuyobozi ni intwaro ikomeye ku rugamba kuri buri muntu wese uri mu rugamba, rwaba urw’amasasu rwaba n’urwo kubaka igihugu, kuko hari intego n’icyerekezo umuyobozi agomba kwereka no kumvisha abo ayoboye.”

Ambasaderi Jean De Dieu Uwihanganye uhagarariye u Rwanda muri bimwe mu bihugu bya Aziya, Uburasirazuba bwo hagati na Australiya yavuze ko Abanyarwanda bafite inshingano zo guteza imbere igihugu cyabo, bafatiye urugero ku bihugu barimo byateye imbere bihereye ku busa.

Yagize ati “tugomba kwigira ku gihugu nka Isirayeli cyaranzwe n’umutekano muke, kikaba gifite ubutayu bwa 60% ariko cyiteje imbere mu buhinzi, ubu kiri mu bihugu bikize cyane ku isi, ibihugu nka Qatar na byo byiteje imbere kandi bifite ubutayu bunini.”

Urubyiruko rukaba na rwo rushishikarizwa gukomeza gusigasira ibyo intwari zaharaniye kugira ngo igihugu gikomeze gutera imbere.

Aho basengera hamaze iminsi hafunze mu rwego rwo kwirinda icyorezo cya COVID-19

Ibi ni ibyatangajwe n’umwe mu bashumba b’itorero ry’abapantekote rikorera mu Mujyi wa Kigali, mu gihe hitegurwa isubukurwa ry’ibikorwa by’insengero, kiliziya ndetse n’imisigiti.

Mu ntangiriro z’uku kwezi kwa Nyakanga, Ministeri y’ubutegetsi bw’igihugu ifite mu nshingano amadini n’amatorero yashyize hanze inyandiko ikubiyemo amabwiriza agomba kuzakurikizwa n’insengero igihe zizaba zafunguye.

Amwe muri ayo mabwiriza harimo gutanga igaburo ryera mu buryo bwo kwihereza (self-service), kwambara udupfukamunwa mu gihe baririmba ndetse banabwiriza.

Umushumba w’itorero ry’abapantekoti mu Rwanda Mujyambere atangaza ko mu gihe insengero zizaba zafunguye, ikijyanye n’igaburo ryera kizaba kitaboroheye aho bigoranye bashobora kuryihorera bakazajyanwa mw’ijuru n’iryo bariye.

Yagize ati “Tuzareba niba gutanga igaburo abantu bihereza, cyangwa ku kayiko bishoboka, ariko bitewe no kwizera kwa muntu abona bitameze neza, ashobora kuvuga ati nzongera gufata igaburo ryera coronavirusi yararangiye nitarangira nkazajyanwa mu ijuru niryo nariye.”

Akomeza avuga ko amabwiriza yo agomba gukomeza kubahirizwa kubazafata igaburo ryera cyangwa se n’abazahitamo kurireka kuko rizaba ribangamiye imyerereyabo kandi ridakurikiza ibisabwa n’ijambo ry’Imana ryo muri Bibiliya.

Yagize ati “Erega kuyubahiriza harimo uburyo bubiri, hari ukuba wowe ushobora gufata igaburo ryera uko uko amabwiriza yanditse, wakumva utabishobora ntubikore byose nabwo uzaba uyubahirije, kuko uritanze uko bidategetswe waba uri kwanduza abantu.”

Kigali Today yagerageje kuvugana n’umuvugizi wa kiliziya gatolika ngo atubwire uko biteguye guhaza abakiristu ntitwabasha kumubona kuri telephone ye igendanwa.

Uyu mugabo w’imyaka 26 y’amavuko yari yaragaragaje ibimenyetso bya COVID-19 na mbere y’uko akora ubukwe ahitwa Bihar mu buhinde tariki 15 Kamena 2020.

Icyakora ikinyamakuru Metro cyo kiravuga ko kuko atapimwe n’abaganga, bitakwemezwa neza niba yarahitanywe n’iki cyorezo bitewe n’uko umubiri we wahise utwikwa nk’uko bisanzwe bigenda mu migenzo ya bamwe mu bahinde iyo umuntu yitabye Imana.

Iyi nkuru kandi ivuga ko yari yajyanywe mu bitaro kubera ubwo burwayi ariko aza gusezererwa agiye gushyingirwa.

Umuvandimwe we atangaza ko yari yasabye ko ubwo bukwe bwasubikwa ariko ababyeyi barabyanga kubera amafaranga menshi umuryango wari washoye muri ubwo bukwe.

Umuyobozi w’umujyi wa Bihar ubwo bukwe bwabereyemo yatangaje ko abo barwayi bose bashyizwe mu kato kandi bari kwitabwaho n’abaganga.

Ikindi ngo abitabiriye ishyingurwa ry’umusore bose basabwe kwishyira mu kato igihe cy’iminsi 14 kugira ngo hagize uwaba yanduye adakwirakwiza ubwo burwayi.

Ku bw’amahirwe, umukobwa we nta burwayi bamusanzemo nyuma y’uko apimwe.

Ubusanzwe amategeko yo mu Buhinde yemerera abantu 30 gusa kwitabira ubukwe no gushyingura ariko muri ubwo bukwe abantu 300 ngo ni bo bari babwitabiriye naho ishyingurwa ry’umusore ryitabirwa n’abagera kuri 200.

Ibi ni ibyatangajwe na guverinoma y’u Bwongereza mu rwego rwo gukomeza guhangana n’icyorezo cya covid-19.

Kwiyakira ndetse n’indi minsi mikuru na byo bizitabirwa n’abo mu miryango ibiri gusa yo ku mpande zombi iwabo w’umukobwa n’iwabo w’umuhungu.

Icyakora abo bantu ngo ntibagomba kurenga batandatu muri buri muryango.

Ikindi ni uko abashyingiranwa basabwa kwirinda kuririmba kuko amatembabuzi y’uwaba yanduye ashobora kugera ku bandi akaba yabanduza.

Iyi nkuru yanditswe n’urubuga metro.co.uk iravuga ko n’ubwo abageni bemerewe gukora ubukwe amabwiriza y’ubwirinzi agomba kubahirizwa abantu bakomeza guhana intera, kwirinda kuramukanya ndetse no kwambara neza udupfukamunwa.

Ibi kandi bizubahirizwa no ku babatirisha abana ndetse n’indi mihango ituma abantu barenze umwe bahurira hamwe.

Pierre Nkurunziza

Pierre Nkurunziza yitabye Imana tariki 08 Kamena 2020 azize urupfu rutunguranye, nk’uko itangazo Guverinoma y’u Burundi yasohoye icyo gihe ribivuga.

Byari biteganyijwe ko azava mu biro bye muri Kanama 2020 agasimburwa na mugenzi we Evariste Ndayishimiye watsinze amatora yabaye tariki 20 Gicurasi 2020.

Icyakora Nkurunziza yagombaga guhabwa umwanya w’umuyobozi w’ikirenga aho yari kujya ahabwa akayabo k’amafaranga ndetse n’ibindi yakenera.

BBC yatangaje ko mu myaka ya nyuma Nkurunziza yagaragaye mu bikorwa by’amasengesho no kubwiriza kurusha ibikorwa bya politiki.

Ikindi ni uko yigeze kumara imyaka 8 mu nyeshyamba mbere y’uko asinya amasezerano y’amahoro agahita agirwa perezida muri 2005, ayo masezerano y’amahoro akaba yarasoje intambara y’ubushyamirane yari imaze imyaka 10.

Ubwo bashakaga kumukura ku butegetsi ntibikunde muri 2015, habayeho imvururu abantu bamwe baricwa, abandi barenga ibihumbi 200 barahunga.

Mu rwego rwo kwifatanya na Guverinoma n’Abavandimwe b’Igihugu cy’abaturanyi cy’u Burundi mu kunamira uwari Umukuru w’icyo gihugu, Perezida wa Repubulika y’u Rwanda, Paul Kagame, yategetse ko Ibendera ry’u Rwanda n’iry’Umuryango wa Afurika y’Iburasirazuba, ari mu Rwanda, yururutswa kugeza hagati, guhera ku wa Gatandatu tariki 13 Kamena 2020 kugeza igihe Pierre Nkurunziza azashyingurirwa.

Iri tangazo ryaturutse mu Biro bya Minisitiri w’Intebe w’u Rwanda ryagiraga riti “Dukomeje kwifatanya n’Abarundi bose n’Umuryango wa Nyakwigendera muri iki gihe cy’Akababaro.”

Usibye u Rwanda, ibindi bihugu byo mu Muryango wa Afurika y’Iburasirazuba (EAC) na byo byagaragaje ko byifatanyije n’u Burundi mu kababaro.

Ibi ni ibyatangajwe ku wa mbere taliki 15 Kamena 2020 n’inzobere, zivuga ko uyu muti uzwi nka dexamethasone usanzwe wifashishwa mu buvuzi.

Uyu muti wa dexamethasone biravugwa ko ubaye umuti wa mbere ugiye gukoreshwa kugira ngo barebe niba koko uzakiza abarembye kubera icyorezo cya Coronavirus.

Iyi nkuru dukesha BBC iravuga ko kuva aho icyorezo cya Covronavirus giteye mu Bwongereza, uyu muti warokoye ubuzima bw’abarwayi barenga ibihumbi 5,000 bari barembye nk’uko abashakashatsi babyemeza.

Ikigo cy’u Bwongereza gishinzwe ubuzima kiravuga ko uyu muti ugiye kwegerezwa abarwayi bose banduye kugira ngo ubafashe kugabanya ibyago byo kuba bahitanwa n’iki cyorezo.

Icyakora kugeza ubu abarwayi 19 kuri 20 baba barafashwe n’icyorezo usanga cyikiza nta miti bafashe ndetse bataranajyanwa mu bitaro.

Dexamithasone ikaba ngo igiye kuba igisubizo ku bihugu bikennye mu guhangana n’iki cyorezo cya Coronavirus kuko za guverinoma bizazorohera kuwubona.

Ni inshuro ya mbere mu myaka 12 ishize iyi ndwara igira ubukana bukaze muri iki gihugu.

Uretse kuba iyi ndwara ifata n’andi matungo yo mu rugo, ngo ifata n’inyamaswa zo mu ishyamba.

Icyakora ku bw’amahirwe ikaba idafata abantu, nk’uko iyi nkuru ya BBC ibivuga.

Iyo ndwara ngo ishobora kwica ingurube mu masaha make nk’uko byemezwa n’ishami ry’umuryango w’abibumbye ryita ku buzima bw’inyamaswa.

Kuva iki cyorezo cyakwaduka muri Nigeria, ingurube zirenga ibihumbi 300 zimaze gupfa.

Ibi biratangazwa mu gihe, hirya no hino mu gihugu haba mu magereza no mu muryango nyarwanda hari abantu bagize ihungabana n’umuhangayiko batewe n’ingaruka z’ubukungu zavuye ku cyorezo cya Covid-19.

Nyuma y’amabwiriza yashyizweho agena imyitwarire igomba kuranga abo mu magereza ndetse n’ababagana, hakemezwa ko gusurwa bigomba kuba bihagaze, bamwe mu bagororwa bagize umuhangayiko ukabije.

Umuryango CBS Rwanda ku bufatanye n’ubuyobozi bw’amagereza mu Rwanda, bifashishije abahuguriwe gahunda ya mvura nkuvure kugira ngo bahumurize abari bahangayikishijwe no kutazongera kubona abo mu miryango yabo vuba.

Umuyobozi wa CBS Rwanda Diogene Karekezi avuga ko ubwo hemezwaga gahunda ya guma mu rugo aho nta gusura kwari guhari mu magereza byahangayikishije benshi.

Agira ati “Igihe cya guma mu rugo kigitangira, mu magereza habaye ikintu gikomeye cy’umuhangayiko, gahunda yo gusura mu magereza yose yari yarahagaze, byatumye umubare w’abakenera serivisi zacu wiyongera.”

Akomeza avuga ko no mu miryango bagiye bafite abandi bantu batandatu kuri buri mudugudu, bagenda bafasha bagenzi babo bafite ihungabana mu ngo ariko ko na bo bagiye bahura n’ingaruka za Guma mu rugo.

Agira ati: “Byumvikane ko na bo ari Abanyarwanda nk’abandi, ubuzima bari babayeho muri guma mu rugo ntibwari bworoshye, benshi bagaragaza ko byabateye ubukene, kandi bakagaragaza impungenge z’ejo hazaza, bituma tubaba hafi cyane tukabaganiriza kugira ngo badasubira hasi.”

Naho umuvugizi w’Urwego rushinzwe imfungwa n’abagororwa, SSP Sengabo Hillary, avuga ko hashyizweho uburyo bwo gufasha imfungwa kubona iby’ibanze ndetse no kuvugana n’imiryango yabo.

Agira ati “Icya mbere cyo ni ukugira ngo usurwa abonane n’uwe, amenye uko ameze, icya kabiri ni umugezaho iby’ibanze, rero twashyizeho uburyo bwa telefone icishwaho amafaranga yo kugura ibyo bikoresho maze tunashyiraho telefone aho abantu bavugana n’abo mu miryango yabo bakamenya uko bameze.”

Abashinzwe amagereza bavuga ko ibi byatanze umusaruro abari mu magereza bameze neza kandi ko ubuzima bwo kugororwa bukomeje nk’ibisanzwe.

Nk’uko bigaragazwa n’icyegeranyo giheruka cyakozwe n’Urwego rw’Igihugu rw’Imfungwa n’Abagororwa (RCS), ubu mu magereza hirya no hino mu gihugu harabarurwa imfungwa zisaga hafi ibihumbi 73,000.

Umuyobozo Mukuru wa RBC, Dr. Sabin Nsanzimana

Ni nyuma y’uko Ishami ry’Umuryango w’Abibumbye ryita ku Buzima (OMS), risanze agapfukamunwa ari ngombwa mu kwirinda ko utakambaye yagerwaho n’amatembabuzi ya mugenzi we ushobora kuba arwaye, ryasabye ibihugu na za guverinoma gushishikariza abaturage kukambara kugira ngo babashe guhashya covid-19.

Mu gihe ku isi hose kwambara agapfukamunwa byagizwe itegeko kandi bikaba bumwe mu buryo bw’ibanze bwo kwirinda icyorezo cya Covid-19, abaganga basaba abakoresha udupfukamunwa kwibuka kurinda uruhu rwabo.

Inzobere mu ndwara z’uruhu muri kaminuza ya George Washington mu ishami ry’ubuganga na siyansi y’ubuzima Adam Friedman, yatangarije CNBC ko kwambara agapfukamunwa igihe kinini bitera indwara z’uruhu ariko ko hari n’uburyo bwo kuzirinda.

Agira ati “Iyo uvanze umwuka uhumeka, icyuya n’amavuta mu gapfukamunwa bituma mu maso hawe hahora hahehereye bityo bikakuviramo gusesa ibiheri cyangwa se n’udusebe”.

Icyakora yakomeje avuga ko hari uburyo bworoshye umuntu ashobora kwifashisha kugira ngo arinde uruhu rwe birimo kwambara udupfukamunwa dukozwe 100% muri koto (coton), dutuma umuntu ahumeka neza umwuka mwiza ukagera mu maso.

Ikindi abaganga bavuga ni uko ako gapfukamunwa kagomba kugirirwa isuku ihagije nk’uko byagarutsweho na Dr. Sabin Nsanzimana, Umuyobozi Mukuru w’Ikigo cy’Igihugu cy’Ubuzima (RBC), mu bukangurambaga barimo bwo gushishikariza abantu kwambara neza agapfukamunwa.

Agira ati “Agapfukamunwa kambarwa amasaha atandatu ubundi kakambarwa neza, ubundi ukagakuramo neza utagakorakoye, ukakamesa neza mu mazi meza n’isabune ihagije, ubundi ukagatera ipasi mbere y’uko wongera kugakoresha”.

Indi nama inzobere zigira abambara udupfukamunwa, ni uko bajya bisiga amavuta meza atarimo ibinyabutabire byangiza uruhu, bakanogereza uruhu kugira ngo mikorobe zitabasha gucengera mu ruhu.

Uwambaye agapfukamunwa kandi na we agomba guhorana isuku ku ruhu rwe, byaba ngombwa agakaraba nibura gatatu ku munsi n’amazi meza n’isabune kugira ngo mikorobe zaba zagiye ku ruhu rwe zipfe.

Kuba ubukwe n’ibirori byarahagaze byateje igihombo gikomeye abasiga abantu ibirungo

Ibi ni ibitangazwa na bamwe mu bakora uyu mwuga, umaze gufata intera ikomeye kandi ukaba utunze imiryango ugafasha n’abawukora kwiteza imbere.

Mu gihe abakora umurimo wo gusiga abantu ibiringo bazwi nka ‘Make Up Artists’ mu Rwanda bari bakomeje kwiyongera no gutera imbere, baravuga ko icyorezo cya Covid-19 cyatumye bagwa mu gihombo gikomeye kubera ko batakibona abakiriya.

Uwitwa Murekatete Rehema uzwi mu gusiga abantu ibirungo ubarizwa mu Nyubako ya CHIC, avuga ko abakiriya batakiboneka kubera ko ibyatumaga babagana byahagaze.

Agira ati “Ntabwo abakiriya bari kuza nk’uko mbere bazaga, akenshi twakoreraga nk’abantu bagiye mu bukwe n’abagiye mu birori runaka bitandukanye, kuri ubu rero byarahagaze nta kintu kiri gukorwa mbese biragoye kubona abakiriya”.

Icyakora akomeza avuga ko nubwo byagabanutse hari bamwe mu bakiriya babo bahura bitewe n’ubwoko bw’akazi bakora, ariko bagakurikiza amabwiriza yashyizweho yo kwirinda icyorezo cya covid-19.

Agira ati “Ariko babandi bakeya baboneka bitewe n’akazi bakora, ntibivuze ko tutabasha guhura na bo kuko tubakorera. Umukiriya we ntiyakwambara agapfukamunwa kuko utamusiga akambaye, ariko twebwe tubanza kwisukura neza tugakaraba ubundi tukambara agapfukamunwa, hanyuma ugatunganya umuntu wawe nta kibazo”.

Murekatete kandi avuga ko uyu mwuga ubateza imbere n’imiryango yabo kuko abakenera serivisi batanga bamaze kuba benshi kandi basobanukiwe agaciro ko gusa neza.

Agira ati “Ubu turi mu gihombo kuko mbere wasangaga muri weekend umuntu afite abageni benshi, ku wa gatandatu babiri cyangwa batatu, ku cyumweru undi umwe cyangwa babiri, ariko sinkeka ko tuzasubira inyuma nubwo abakiriya ari bake, kuko ibi bibazo nibirangira tuzakomeza gukora nk’ibisanzwe”.

Abakora uyu mwuga wo gusiga ibirungo bavuga ko umuntu umwe yishyura amafaranga ari hagati y’ibihumbi 30 n’ibihumbi 50 by’amafaranga y’u Rwanda, aho muri weekend usanga barakoreraga amafaranga abarirwa mu bihumbi 300 gusa hari n’abayarenza bitewe n’uko bamaze kwamamara.

Abana bo mu miryango ikennye na bo bagiye gufashwa kwigira kuri radiyo

Kuri uyu wa kane taliki 28 Gicurasi 2020, ni bwo Ikigo cy’Igihugu gishinzwe guteza imbere Uburezi (REB), ku bufatanye n’umuryango Save The Children Rwanda, bashyikirije izo radiyo imiryango ikennye.

Nyuma y’igenzura ryakoze, REB yasanze hari imiryango myinshyi itishoboye bigora no kubona iby’ibanze bikenewe, ugasanga nta buryo abana bavuka muri iyi miryango bafite bwo gukurikirana amasomo akaba ari yo mpamvu y’iyi gahunda izagezwa no mu gihugu hose.

Umuyobozi Mukuru wa REB Dr. Irené Ndayambaje, yatangaje ko babifashijwemo n’inzego z’ibanze bashatse imiryango ikennye mu gihugu kugira ngo ifashwe.

Yagize “Ku bufatanye na Save The Children, hamwe n’inzego z’ibanze, twakoze isuzuma kugira ngo tumenye iyo miryango ifite abana biga ariko batabona amasomo kubera nta bushobozi bwo kugura radiyo ifite. Uyu munsi mu Karere ka Rulindo ni ho turi butange radiyo, tukazakomereza n’ahandi mu gihugu”.

Dr. Ndayambaje kandi arongera gusaba ababyeyi n’imiryango muri rusange gukomeza gushyigikira abana muri iyi gahunda yo kwiga hifashishijwe ikoranabuhanga n’itangazamakuru, kuko hari abo usanga bakurikira ibyo basanzwemo kuri za radiyo na televiziyo.

Yagize ari “Hari abantu usanga bafite nka televiziyo imwe ariko ari nk’umuryango w’abantu batandatu, maze hakagira uhitamo kwirebera umupira akabuza amahirwe wa mwana ugomba kwiga, bityo turasaba ababyeyi gufasha abana gukurikirana amasomo kugira ngo badasubira inyuma”.

Ababyeyi kandi barasabwa gukora iyo bwabaga ngo bashakire abana iby’ibyibanze bibafasha gukurikirana amasomo kugira ngo batazasubira inyuma.

REB kandi ivuga ko yazirikanye n’abana bafite ubumuga butandukanye basanzwe biga, kugira ngo na bo batazasigara inyuma, aho nko kuri televiziyo hifashishwa ururimi rw’amarenga kugira ngo abafite ubumuga bwo kutumva no kutavuga bashobore gukomeza amasomo yabo.

Impanuka zaragabanutse kubera ubuke bw’urujya n’uruza rw’ibinyabiziga

Mbere y’uko ubukangurambaga bwa Gerayo Amahoro butangira, mu Rwanda habaga impanuka zisaga 5000 buri mwaka, abantu 500 zikabahitana. Icyakora kuva iyo gahunda yatangira muri Gicurasi 2019, impanuka zagabanutseho 27%, nk’uko umuvugizi wa Polisi y’u Rwanda CP John Bosco Kabera yabitangaje.

Umuvugizi wa Polisi y’u Rwanda CP John Bosco Kabera, yemeza ko muri ibi bihe bya Guma mu rugo impanuka zagabanutse bitewe n’urujya n’uruza rw’abantu n’ibinyabiziga ari bike mu muhanda.

Agira ati “Muri iki gihe duhanganye n’icyorezo cya Covid-19 ingendo zaragabanutse bituma n’impanuka zigabanuka. Urebye abamotari, abatwara amagare n’abanyamaguru kenshi ni bo bagira ibyago byo guhura n’impanuka kurenza ibindi byiciro by’abakoresha umuhanda, mu gihe bitemerewe gutwara abagenzi, birumvikana ko n’impanuka zagombaga kugabanuka ku kigero kigaragara”.

CP Kabera kandi avuga ko impanuka zari zaragabanutse kubera gahunda ya Gerayo amahoro yagiye ikorerwa ahantu hatandukanye, aho abaturage cyane cyane abafite ibinyabiziga na bo basabwe kugira uruhare mu gukumira izi mpanuka.

Yagize “Namwe muvuga ngo ka mfate akamoto ni ko kihuta, ukabwira motari ngo ihute, ni mwe muteza impanuka. Mugomba kubwira abamotari bakagenda neza”.

Polisi y’u Rwanda kandi iraboneraho gushishikariza abakoresha umuhanda gukomeza gukumira impanuka kandi birinda gutwara banyoye ibisindisha, cyane ko no muri iki gihe hari abagifatwa nkuko CP John Bosco Kabera abivuga.

Agira ati “ Barafatwa ariko bake ugereranyije no mu bindi bihe. Iyo tubafashe bagenerwa ibihano bigenerwa abatwaye ibinyabiziga basinze, ariko icyo twasaba abatwara ibinyabiziga ni uko bakwirinda ikosa ryo gutwara ibinyabiziga banyoye ibisindisha kuko bitera ibyago by’impanuka zihitana ubuzima bw’abantu ndetse zikangiza n’imitungo”.

Mu gihe Ishami ry’Umuryango w’Abibumbye ryita ku Buzima (OMS), ritangaza ko impanuka zo mu muhanda zihitana abantu miliyoni imwe n’ibihumbi 350 buri mwaka ku isi, Polisi y’u Rwanda ivuga ko 80% by’impanuka zakwirindwa mu gihe abantu bakurikije amategeko agenga umuhanda.

Mu gihe abarenga miliyoni icyenda mu Bwongereza bafite ubu bumuga, Guverinoma irasabwa gutanga amabwiriza y’uko utwo dupfukamunwa twakorwa.

Abafite ubumuga butabemerera kuvugana n’abandi ubu bagerageza gukoresha ibimenyetso bitandukanye kugira ngo babashe kubona ibyo bakeneye.

Ibi kandi biratangazwa mu gihe u Bwongereza buvuga ko bitarenze Nyakanga 2020 ubuzima busanzwe bugomba gukomeza ariko abaturage bagakomeza kwambara udupfukamunwa dupfuka neza amazuru n’umunwa kugeza ku kananwa.

Umuyobozi mukuru w’ishyirahamwe riharanira uburenganzira bw’abafite ubumuga bwo kutumva no kutavuga, Steph Hadler, avuga ko abana bato bafite ubwo bumuga ari bo bazagirwaho n’ingaruka zikomeye mu gihe hadakozwe udupfukamunwa tubonerana kuko batazabasha kumenya ibyo abandi bavuga.

Iyi nkuru dukesha ikinyamakuru Metro.co.uk iravuga ko icyakora, hifashishijwe ikoranabuhanga hashyizweho uburyo bwo gufasha abafite ubwo bumuga kubasha kumva, harimo no kuba hakoreshwa inyandiko zanditse ku mpapuro.

Hari n’abandi bamaze iminsi bagaragaza ko batakibona uko barimbisha amasura yabo, kimwe n’abacuruza ibyifashishwa mu kurimbisha isura bavuga ko batakibona abakiriya. Aba na bo bari mu bashobora kwakira neza ikorwa ry’utu dupfukamunwa tubonerana.

Uru ruhinja rw’iminsi ibiri rwari rwavutse igihe kitageze, biravugwa ko hifashishwaga imashini irufasha guhumeka bitewe n’uko rwari rwavukanye iki cyorezo cya covid-19.

BBC iravuga ko abantu bamaze guhitanwa na covid-19 muri Afurika y’Epfo bagera kuri 339, naho abamaze kwandura bararenga ibihumbi 18, icyakora abagena ibipimo by’ubukana bw’iyi ndwara baravuga ko mu mezi make ari imbere abantu ibihumbi 40 muri iki gihugu bashobora guhitangwa na covid-19.

Minisitiri w’Ubuzima Dr. Zweli Mkhize yatangaje ko bibabaje kuba umwana muto w’uruhinja yitabye Imana nyuma y’iminsi ibiri gusa avutse.

Minisitiri Zweli Mkhize avuga ko urwo ruhinja n’ubundi rwahise rushyirwa ku mashini irufasha guhumeka rukivuka kubera umwuka utageraga mu bihaha.

Ku mugabane wa Afurika, iki gihugu ni cyo kiza ku mwanya wa mbere mu kwibasirwa na coronavirus kigakurikirwa na Misiri ndetse na Algeria.

Ingagi z’ibirunga ntawe zizakubita mu gihe zizaba zongeye gusurwa na ba mukerarugendo

Ibi ni ibitangazwa mu gihe izi ngagi zimaze amezi agera muri abiri zidasurwa na ba mukerarugendo, kubera gahunda ya #GumaMuRugo, ndetse no kuba imipaka igifunze aho ibikorwa by’ubukerarugendo byabaye bihagaze mu gihugu muri rusange.

Muri ibi bihe bidasanzwe byatewe n’icyorezo cya Covid-19 aho ibikorwa byinshi byahagaze birimo no gusura ingagi, umuntu ashobora kugira amatsiko yibaza ku myitwarire y’ingagi mu gihe zizongera kuba zisuwe, aho zatinya abantu cyangwa zikaba zanabakubita kubera ko zitabaheruka.

Umuyobozi wa Pariki yIgihugu y’Ibirunga, Prosper Uwingeri, avuga ko umunsi ku w’undi ingagi zisurwa n’abakozi babishinzwe, zikitabwaho nk’ibisanzwe kandi ko zitigeze zihindura imyitwarire.

Agira ati “Kuba ingagi zitabona abazungu ntacyo byazihungabanyaho, kuko ingagi zimenyera abantu kuko zikurikiranwa, kuko n’ubundi ntabwo zivuga ngo zamenyereye kanaka, icyo dukora ni uko abantu bajya kuzireba bakazikurikirana nkuko bisanzwe bikorwa kandi tutagira icyo dukora kizibangamira”,.

Uwingeri avuga kandi ko gukurikirana ingagi bisaba kwigengesera hagakurikizwa amabwiriza agenga uko zigomba kwitabwaho, kugira ngo hatagira ibibazo bivuka birimo no kuba zakwanduzwa icyorezo cya Covid-19.

Agira ati “Icyo twibandaho ni ayo mabwiriza yo kumenya uko tuzisura, gushyiramo intera, kutazihungabanya, ni byo byangombwa, kuko n’iyo waba usanzwe ujyayo ukagira icyo ukora gitandukanye n’ayo mabwiriza byavamo ibibazo. Icya ngombwa ni ukwirinda”.

Ubuyobozi bwa Pariki y’Igihugu y’Ibirunga kandi buvuga ko ikindi gihe ingagi zamaze zidasurwa ari mu mwaka wa 1998, mu gihe cy’abacengezi bari barayogoje Intara y’Amajyaruguru cyane cyane mu Turere twa Musanze na Burera, aho ingagi zamaze igihe kigera ku mwaka zidasurwa.

Ubusanzwe buri mwaka Pariki y’Igihugu y’Ibirunga yinjizaga miliyoni 120 z’amadolari ya Amerika, ni ukuvuga asaga miliyari 100 z’amafaranga y’u Rwanda, aturutse mu bukerarugendo. Gusa uyu mwaka ushobora kuzagaragaramo igihombo gikomeye kubera igihe iyi Pariki izamara idasurwa.

Christiane Umuhire, Umuyobozi ushinzwe iterambere ry’umuryango muri MIGEPROF

Umuyobozi ushinzwe iterambere ry’umuryango muri MIGEPROF, Christiane Umuhire, akaba asaba ko ababyeyi bakwiye guhorana amakenga bakamenya ababa bari kumwe n’abana.

Yagize ati “Ubu ikiza ni uko ababasambanyije bari mu butabera, ku buryo turashaka gukangurira abantu kugira ngo abana barindwe ku buryo bwose bushoboka. Turizera ko mu kwezi gutaha abakoze ibyo byaha bazaba bafashwe”.

Ku rundi ruhande ariko, gahunda ya guma mu rugo yatumye amakimbirane yo mu ngo agabanuka ku buryo bushimishije nk’uko Umuhire yakomeje abisobanura.

Yagize ati “Njyewe mbona byaratanze umusaruro kuko abantu babonye umwanya wo kuganira no kujya inama, ariko n’ubundi utwo tubazo tugenda tuboneka mfite icyizere ko na two tuzakemuka”.

Mu nkuru yacu iheruka mu mibanire y’ingo muri ibi bihe bya gahunda ya guma mu rugo twababwiye ko mu bindi bihugu bitandukanye ku isi, umubare w’amakimbirane mu ngo ndetse n’ihohoterwa rishingiye ku gitsina wiyongereye.

Ibi byanatumye Umunyamabanga w’Umuryango w’Abibumbye, Antonio Guterez, ahamagarira za guverinoma kwita kuri ibyo bibazo kugira ngo baramire ubuzima bw’abagore bahohoterwa.

Yagize ati “Twabonye mu bihugu bimwe na bimwe imibare y’abagore bahohoterwa bahamagara inzego z’umutekano yikuba kabiri, ni mu gihe abapolisi, abaganga n’abandi bakozi baremerewe kandi n’imfashanyo iri kugenda iba nke. Ndasaba guverinoma na za leta guhaguruka bakarwanya iryo hohoterwa rikorerwa abagore”.

Muri ibi bihe kandi ingo 18 ni zo zagaragawemo amakimbirane, mu gihe ukwezi gushize zari ingo 183. Abana 24 barasambanyijwe, abandi batanu bakorerwa icyaha cyo gukubita no gukomeretsa.

Raporo iheruka y’Ikigo cy’Igihugu cy’Ibarurishamibare (NISR) ya 2019, ivuga ko 18% by’abagore bubatse bakorewe ihohoterwa ryo gukubita no gukomeretsa mu ngo, naho abagabo bagera kuri 7% ni bo bakorewe ihohoterwa.

Iyi raporo kandi ivuga ko abagore 8% basambanyijwe ku ngufu n’abo bashakanye mu gihe abagabo ari umwe ku ijana.

Naho ku bijyanye n’amagambo akomeretsa anababaza umutima, abagore bahohotewe muri ubwo buryo ni 19% mu gihe abagabo ari 14%.

Umva hano munsi mu kiganiro uko MIGEPROF isobanura imibanire y’abagize umuryango muri iki gihe cyo kuguma mu rugo

Impunzi zirasagwa kubahiriza amabwiriza yo kwirinda COVID-19

Ni mu gihe mu nkambi z’impunzi hirya no hino mu gihu habarurwa abantu benshi kandi batuye mu buryo bwegeranye, ku buryo baramutse batubahirije aya mabwiriza bashobora kwanduzanya iki cyorezo mu gihe haba hari uwanduye.

Minisiteri y’Ibikorwa by’Ubutabazi, ivuga ko inkambi z’impunzi zikurikiza amabwiriza rusange muri iki gihe cyo gukumira icyorezo cya covid19, ariko inkambi bitewe n’imiterere yazo hakaba andi mabwiriza yihariye zihabwa.

Umunyamabanga Uhoraho muri MINEMA, Olivier Kayumba, avuga ko serivisi zose z’ibanze zisanzwe zihabwa impunzi zirimo ibiribwa n’ibijyanye n’isuku n’isukura zakomeje.

Ati “Serivisi z’ibanze nk’ubuzima, imirire, amazi, isuku n’isukura ndetse no gutanga ibyangombwa nkenerwa, ibibafasha guteka nka gaz, burikete (brickette) byose biratangwa, ariko bigatangwa hakurikizwa amabwiriza yatanzwe yo gusiga umwanya uhagije hagati y’impunzi”.

Iyi Minisiteri isaba impunzi by’umwihariko, gukomeza kubahiriza ayo mabwiriza kugira ngo birinde ikwirakwira rya covid-19.

Kayumba agira ati “Impunzi zirasabwa kubahiriza amabwiriza, nta mpunzi n’imwe yemerewe gusohoka mu nkambi ndetse nta n’ukwiye kwinjira mu nkambi keretse igihe hatanzwe impamvu ifatika, kandi dufite inzego zitandukanye zishinzwe gukomeza kureba niba ayo mabwiriza ashyirwa mu bikorwa”.

Umwe mu mpunzi z’Abanyekongo bavuye i Mulenge, uherereye mu nkambi ya Kigeme mu Karere ka Nyamagabe, Gashema Sebahire Ephrem, yatangaje ko bakomeje kubahiriza ayo mabwiriza, icyakora ko nk’abandi baturage batuye isi byabagizeho ingaruka zirimo gutakaza ibiraka bajyaga bakorera hanze y’inkambi.

Yagize ati “Ubu ntabwo turi gukorera amafaranga kuko ntidushobora gusohoka mu nkambi. Ibi bituma tutihaza, kuko hari akazi twakoraga hanze y’inkambi, ariko ingamba dukomeje kuzikaza dukaraba buri kanya kandi twirinda kwegerana”.

MINEMA itangaza ko kugeza tariki ya 31 Werurwe 2020, mu Rwanda habarurwa impunzi 148,268.

Ibi kandi biratangazwa mu gihe Leta zunze ubumwe za Amerika zageneye impunzi ziri mu Rwanda miliyoni 440 z’Amadolari ya Amerika, biciye mu Ishami ry’Umuryango w’Abibumbye ryita ku Biribwa ndetse n’irishinzwe impunzi.

Umuryango wa Ambasaderi w’u Rwanda muri Singapore mu gikorwa cyo kwibuka

Ibi ni ibyatangajwe kuwa Gatandatu tariki 18 Mata 2020, ubwo Abanyarwanda baba muri ibyo bihugu bibukaga ku nshuro ya 26 Abatutsi bishwe muri Jenoside.

Mu muhango wo kwibuka Abatutsi bishwe muri Jenoside wabaye hifashishijwe ikoranabuhanga, abawitabiriye barimo abayobozi batandukanye, abarokotse Jenoside yakorewe Abatutsi, inshuti z’u Rwanda n’abafatanyabikorwa batandukanye, bongeye kwibutswa uruhare rwa buri wese mu kuvuga ukuri ku byabaye mu Rwanda.

Ni mu gihe bamwe mu Banyarwanda baba mu bihugu byo hanze bakomeje guhakana no gupfobya Jenoside yakorewe Abatutsi ariko banahembera amacakubiri.

Ambasaderi w’u Rwanda muri Singapore, Eng. Jean De Dieu Uwihanganye, akaba ari nawe uhagarariye u Rwanda muri Australia, New Zealand na Indonesia, avuga ko bari gusaba ibyo bihugu guta muri yombi no kuburanisha abakekwaho ibyaha byo gupfobya Jenoside.

Agira ati “Hari abantu bakekwaho gupfobya Jenoside, muri New Zealand turabafite, muri Australia turabafite, bagerageza gukwirakwiza amakuru atari yo, ariko nyine turi gukorana n’ibihugu mu rwego rwa dipolomasi, kugira ngo dusabe ko ibyo bihugu byababuranisha cyangwa bikabohereza mu Rwanda”.

Ambasaderi Uwihanganye avuga kandi ko muri ibi bihe bidasanzwe bya gahunda ya guma mu rugo kubera icyorezo cya Covid-19 cyugarije isi, bateganyirije abarokotse Jenoside uburyo bwo kubitaho no kubakomeza.

Ambasaderi Uwihanganye yasabye urubyiruko kuvuga ukuri ku byabaye mu Rwanda no kwamagana abapfobya Jenoside bakoreshe ikorabuhanga

Yagize ati “Abanyarwanda bari muri ibi bihugu, bafite imiryango barimo bagakurikirana bagenzi babo, cyane cyane muri iki gihe cyo kwibuka, ariko nanone na serivisi za Ambasade isanzwe itanga, zirakomeje hari n’umurongo wa telefone twashyizeho n’abantu bagomba gufasha ugize ikibazo”.

Frida Umuhoza, watanze ubuhamya akaba yaratanze n’ubuhamya muri uyu muhango, yavuze ko kwibuka bimusubiza mu bihe bya Jenoside kandi ko ababazwa n’abagikomeje gupfobya no guhakana Jenoside yakorewe Abatutsi.

Frida Umuhoza wanditse igitabo ’Chosen to Die’

Umuhoza yananditse igitabo kizwi nka “Chosen to Die” (Yatoranyirijwe Kwicwa), kivuga ku nzira y’umusaraba yabayemo muri Jenoside yakorewe Abatutsi.

Muri uyu muhango kandi urubyiruko rwasabwe kwifashisha amahirwe rufite y’ikoranabuhanga, rukajya ruvuga ukuri ku byabaye ku mbuga nkoranyambaga, kugira ngo rurwanye abakomeje kuyipfobya.

Dr. Augustin Iyamuremye, Perezida wa Sena

Ibyo byatangajwe na Dr. Augustin Iyamuremye, Perezida wa Sena, ubwo yari mu kiganiro kuri televiziyo y’u Rwanda kuri uyu wa mbere tariki ya 13 Mata 2020, ari na bwo hashojwe icyumweru cy’icyunamo kibanziriza iminsi ijana yo kwibuka Abatutsi barenga miliyoni bishwe muri Jenoside yakorewe Abatutsi muri Mata 1994.

Kuri iyi taliki ya 13 Mata, ni bwo ubusanzwe hibukwa abanyepolitique bazize Jenoside yakorewe Abatusti n’abandi barwanyaga ingengabitekerezo ya Jenoside.

Mu kiganiro bamwe mu Basenateri barimo Perezida wa Sena Iyamuremye Augustin, Senateri Odette Nyiramirimo, Tito Rutaremara n’abandi bayobozi batandukanye bagiranye na TVR, bagarutse ku ruhare rw’amashyaka muri Jenoside yakorewe Abatutsi, ndetse no ku banyepolitike batifuje kwifatanya na Guverinoma ya Habyarimana yari ifite umugambi mubisha wo kumaraho Abatutsi.

Perezida wa Sena, Iyamuremye Augustin, yatangaje ko kuva mu ishyaka rya MRND rya Habyarimana ryagenderaga ku macakubiri mu myaka ya 90, byari nko kwiyahura kuko benshi babigerageje bagirirwaga nabi abandi bakavanwa mu mirimo.

Icyakora yavuze ko nyuma iryo shyaka ryaje gutakaza abayoboke benshi kuko bemeraga gusinya amasezerano ya Arusha yo kugarura amahoro no kwimakaza ubumwe.

Yagize ati “Kugira ngo uve muri MRND cyane cyane igifite Ministeri zose, Guverinoma yose, kwari ukwihara amagara, kuko abenshi birukanwe ku kazi, abandi bagirirwa nabi, ariko abantu baje kuva muri iryo shyaka, ubwinshi bwabo butuma bagira ingufu”.

Umunyabanga w’Ishyaka PL, Odette Nyiramirimo, wari umunyepolitike muri icyo gihe, na we yemeza ko abantu batangiye kujya mu mashyaka atandukanye bigatera ubwoba MRND ari bwo yatangiye kubagirira nabi.

Yagize ati “Amashyaka yari afite imikorere ariko byaje kugeraho noneho MRND igerageza kujya itangira abantu bagiye muri za mitingi, niba PSD yagiye muri mitingi mu majyepho, ugasanga bashyizeho abantu babatangira, bagakubitwa, baterwa amabuye abandi bakicwa.

Abaturage benshi bari bamaze kubona ko ishyaka rya MRND ritagendera kuri demukarasi baratangiye kuyoboka andi mashyaka arimo na PL.

Gusa bitewe n’uko uwiyandikishije mu ishyaka yahabwaga ikarita, benshi ugasanga bafite amarika atandukanye kugira ngo nihagira ubabaza niba ari abayoboke ba MRND babashe gukiza amagara yabo”.

Muri iki kiganiro kandi hagarutswe k’ukuntu Habyarimana yifashishaga ishyaka rya CDR kugira ngo ashyire mu bikorwa imigambi ye yo guhemukira Abatutsi, ari na yo mpamvu ishyaka CDR ritigeze risinya ku masezerano y’amahoro ya Arusha hagati y’ishyaka rya FPR Inkotanyi na MRND, ndetse n’andi mashyaka yari mu gihugu icyo gihe kubera ko ayo masezerano yakuragaho ivangura iryo ari ryo ryose.

Ku rwibutso rwa Rebero ni ho hashyinguye bamwe mu banyapolitike bamenyekanye cyane barimo Frederic Nzamurambaho wari Perezida w’Ishyaka PSD, Jean Pierre Mushimiyimana na we wari muri PSD, Charles Kayiranga na Landouard Ndasingwa bari mu ishyaka PL ndetse n’abandi.

Hagati aho, Agathe Uwilingiyimana wari Minisitiri w’Intebe, we warwanyije cyane ivangura hagati y’Abatutsi n’abahutu akaza kwicwa Jenoside igitangira, we yashyinguye ku Gicumbi cy’Intwari i Remera, na we akaba azirikanwa kuri iyi taliki.

Prof. Jean Pierre Dusingizemungu, Umuyobozi wa IBUKA

Ibi ni ibitangazwa n’Umuryango w’abanyeshuri barokotse Jenoside yakorewe Abatutsi (AERG), hamwe n’Umuryango Ibuka, uharanira inyungu z’abarokotse muri rusange.

Mu gihe ubusanzwe imiryango itandukanye yita ku barokotse Jenoside yakorewe Abatutsi igira ibikorwa byo kubasura, bakaganirizwa, bakanahumurizwa, kuri ubu muri ibi bihe bidasanzwe bya gahunda ya Guma mu rugo, ibyo bikorwa ntibyakozwe.

Ibi bikaba byagira ingaruka zikomeye ku barokotse Jenoside, ari yo mpamvu hashyizweho uburyo bwo kubitaho kugira ngo hirindwe ko bagira ikibazo cy’ihungabana nkuko bitangazwa na Emmanuel Muneza, Umuyobozi wa AERG ku rwego rw’igihugu.

Agira ati “Twashyizeho uburyo bwo kwita ku bantu tuzi ko bagira intege nke muri ibi bihe twibuka, ni umurongo wa telephone bahamagaraho, bakavuga ibibazo bafite bagafashwa”.

Hari kandi n’uburyo bw’ikoranabuhanga, ahifashishwa imbuga nkoranyambaga zirimo amatsinda ya whatsapp atangirwaho ibiganiro bitandukanye.

Muneza avuga ko ubu buryo ari bwo basanga buzanabafasha kwirinda icyorezo cya covid-19, kuko ubuzima bwabo bugomba kubungwabungwa ariko ntibikureho gahunda yo kwibuka.

Agira ati “Tugomba kwibuka abacu, ariko tukirinda coronavirus kugira ngo n’abari basigaye, tutababura, kandi ari abacu twari dusigaranye”.

Ibi kandi byanagarutsweho na Perezida wa Ibuka, Prof. Jean Pierre Dusingizemungu, mu kiganiro ‘Ubyumva Ute’ yatangiye kuri KT Radio.

Yagize ati “Twateguye abantu bize ihungabana ku rwego rw’akarere, turashaka ko bagera no ku rwego rw’umudugudu, nubwo baba batarabyize mu ishuri ariko barabihuguriwe, tukabaha amatelefoni, hari n’abo twashinze abantu bakwiye guhamagara buri munsi bakamenya uko bameze n’uko biriwe”.

Nomero Ibuka na AERG batanga zo kwifashisha k’uwaba agize ikibazo ni 5476, 1024 na 7494.

Ni mu gikorwa cyabaye kuva ku wa kabiri tariki 07 Mata kugera ku wa kane tariki 09 Mata 2020 mu turere twa Gasabo, Nyabihu, Kayonza, Ngoma na Burera.

Polisi y’ u Rwanda iravuga ko mu Mujyi wa Kigali, mu Karere ka Gasabo, mu Mirenge ya Jali na Kinyinya ari ho hafatiwe urumogi nk’uko byemezwa n’umuvugizi wa Polisi y’u Rwanda CP John Bosco Kabera.

Yagize ati “Hari abafatanywe udupfunyika tw’urumogi. Muri Jali hafatiwe uwitwa Jean Bosco Ntawuyirushintege w’imyaka 51, hafatwa Kanyamashyaka na Niyongira bombi bari hagati y’imyaka 22 na 25, muri Kinyinya naho hafatiwe uwitwa Tuyishime w’imyaka 33 na Ishimwe w’imyaka 19.”

Polisi ivuga ko uretse kuba ibiyobyabwenge bitemewe, biteza umutekano muke kandi bikangiza n’ubuzima bw’abantu aho no muri iyi minsi bishobora kubangamira gahunda ya Guma mu rugo n’izindi gahunda zigamije gukumira icyorezo cya COVID-19 nk’uko akomeza abivuga.

Yagize ati “Murabizi ko Polisi ihora ikangurira urubyiruko n’abantu bose muri rusange kwirinda ibiyobyabwenge, kuko ni bo maboko y’igihugu, ejo hazaza ariko nyine baba bakwiye kubyirinda kugira ngo bitabangiza.”

Polisi y’u Rwanda ivuga ko inzoga z’inkorano usanga ari abaturage bazikorera mu ngo zabo aho batumira bagenzi babo kuza kuzinywa.

Abafatanywe izi nzoga bakaba barafashwe ku matariki atandukanye mu turere dutandukanye zose hamwe akaba ari litiro 3,900.

CP Kabera ashimira abaturage bakomeje kumenyesha inzego z’umutekano ku bikorwa nk’ibyo bitemewe.

Yagize ati “Nk’urumogi ruturuka mu bihugu duhana imbibi, ari ibituruka mu burasirazuba muri za Tanzania, Uganda, Repubulika iharanira Demokarasi ya Congo, ari na yo mpamvu dushimira abaturiye imipaka kuba baduha amakuru tukabasha gufata abo bantu.”

Polisi y’u Rwanda kandi ivuga ko ikomeje ubudatuza gusaba abaturage kwirinda ibiyobyabwenge kandi batangira amakuru ku gihe y’ababigurisha n’ababikoresha muri rusange.

Bosenibamwe avuga ko ubwirinzi bw’icyorezo cya COVID-19 bukomeje gukazwa mu bigo bishinzwe igororamuco

Ibi bitangajwe mu gihe u Rwanda rwinjiye mu yindi minsi 15 yo kuguma mu rugo igamije gukumira ikwirakwira ry’ubwandu bw’icyorezo cya COVID-19 cyugarije isi.

Ikigo cy’Igihugu gishinzwe Igororamuco (NRS) gifite mu nshingano ikigo cya Iwawa nk’ahantu hari urubyiruko rwinshi ruhagororerwa rurimo abahoze ari inzererezi n’abandi bakoreshaga ibiyobyabwenge.

Ubuyobozi bw’icyo kigo butangaza ko hafashwe ingamba zikomeye zo kurinda abanyeshuri ndetse n’abakozi bahakora.

Bosenibamwe Aimé uyobora iki kigo avuga ko bitewe n’uko Ikigo cya Iwawa giherereye ku kirwa, abahari bigoye kuba bakwandura ariko ko amabwiriza ya Ministeri y’Ubuzima yubahirizwa.

Yagize ati “Mu rwego rwo kwirinda, ibijyanye no gucyura abana barangije n’abashya bagomba kugezwa Iwawa byarahagaze, kugira ngo twirinde urujya n’uruza rw’abantu, ikindi ni uko abakozi bakorera Iwawa batemerewe kuvayo bagumyeyo.”

Abemerewe kujya kuri iki kigo nk’uko Bosenibamwe yakomeje abivuga ni abagemuye ibiribwa n’ibikoresho by’isuku kandi bigakorwa mu buryo bwubahiriza amabwiriza ya Minisiteri y’Ubuzima.

Yagize ati “ibintu by’abantu basura abana na byo byarahagaze, ubu ntawemerwe gutemberera Iwawa avuye hanze icyo waba ugiye gukorayo cyose, abemerwe kujyayo ni abatwara imiti, ibikoresho by’isuku, kuko ubwato bazamo ntaho buba buhuriye n’ubujyamo abandi bantu kugira ngo bataba bakwanduza iyo ndwara.”

Naho ibigo binyurwamo n’inzererezi n’urundi rubyiruko rwafatiwe mu byaha bitandukanye bizwi nka Transit Center, hagenwe uburyo bw’ubwirinzi hagendewe ku mabwiriza yatanzwe nk’uko yakomeje abivuga.

Yagize ati “Abashya bafashwe bagomba kubanza gupimwa, hari ibikoresho byabugenewe, ariko kubera iyi ndwara ishobora kumara iminsi 14 itaragaragara mu muntu, uwo ari we wese winjiye w’inzererezi hari icyumba ajyamo akamaramo iminsi 14, kugira ngo tubashe kurinda n’abandi baba bahasanze.”

Kugeza ubu mu kigo cya Iwawa hamaze kugororerwa urubyiruko rubarirwa mu bihumbi 19.

Ni mu rwego rwo kugaragaza ko n’umwana w’umukobwa cyangwa se igitsina gore muri rusange na cyo gishoboye, bikanabera urugero abakiri bato kugira ngo babashe kuzagera ikirenge mu cyabo.

Ester Mbabazi

Ester Mbabazi, Umunyarwandakazi wa mbere watwaye indege (Photo:Internet)

Ni we Munyarwakazi wa mbere wabashije kubona impamyabushobozi imwerera kugurutsa indege mu kirere, yakuye muri kaminuza yo muri Leta zunze ubumwe za Amerika muri Leta ya Floride.

Ester Mbabazi yabonye ibihembo bitandukanye birimo n’igitangwa na Imbuto Foundation, kigenerwa urubyiruko rwabaye indashyikirwa.

Ubu akorera Ikompanyi Nyarwanda y’indede ya Rwandair.

Emma Claudine

Emma Claudine yamenyekanye cyane kubera kuvuga ku buzima bw’imyororokere mu rubyiruko (Photo: Internet)

Ni umunyamakuru wamenyekanye cyane mu biganiro byerekeranye n’imyororokere yatangiraga kuri Radiyo Salus, aho yari akunzwe cyane.

Icyo gihe umubare w’abagore mu itangazamakuru wabarirwaga ku ntoki, yagize uruhare runini mu guteza imbere umuziki nyarwanda aho yari ayoboye ikigo kizwi nka ‘Ikirezi Groupe’, cyateguraga kikanatanga ibihembo bya Salax Awards.

Dr. Claire Karekezi

Dr. Claire Karekezi umuganga w’umugore umwe rukumbi ubaga indwara zo mu bwonko

Ni umuganga rukumbi kandi w’umugore mu Rwanda ufite impamyabushobozi yo kubaga indwara zifata ubwonko ibyo bita ‘Neurosugeron’, akaba akorera mu Bitaro bya Gisirikare i Kanombe.

Amashuri ye abanza, ayisumbuye na kaminuza yabyigiye mu Rwanda, akomereza muri Suede, aho yize kubaga ubwonko akanimenyereza yo akazi igihe kitari gito.

Jeanne D’Arc Ingabire (Knowless Butera)

Knowless Butera

Ni umuhanzikazi nyarwanda, uhimba akanaririmba indirimbo nyarwanda, akaba amaze igihe kinini mu muziki nyarwanda aho yagiye ahabwa ibihembo birimo Salx awards, agashyirwa ku rutonde rw’abagomba gutorerwa ibihembo mpuzamahanga birimo AFRIMAA, n’ibindi.

Professor Jeannette Bayisenge

Prof. Bayisenge Jeannette, Minisitiri w’Uburinganire n’Iterambere ry’Umuryango

Kuri ubu ni Minisitiri w’Uburinganire Iterambere ry’Umuryango. Yabaye umwarimu muri kaminuza mu byerekeranye n’uburinganire, akaba azwiho guharanira iterambere ry’umugore ndetse n’uburinganire muri rusange hagati y’abagabo n’abagore.

Ari mubo twita intiti bake mu Rwanda babashije kwiga amashuri menshi akagera ku mpamyabumenyi ya Professorat, akabasha kwitwa Professeur.

Rtd Captain Daphorse Intaramirwa

Yareraga abana mu gihe cy’urugamba rwo kubohora igihugu no guhagarika Jenoside

Ni Umunyarwandakazi ufite ipeti rya Captain ariko uri mukirihuko k’izabukuru, wagaragaje kuba indashyikirwa kuva mu mwaka wa 1990 kugeza 1994 ubwo yari ku rugamba rwo kubohora u Rwanda.

Muri icyo gihe yasigaranaga abana b’impinja n’abandi bato bari barokotse ubwicanyi bw’interahamwe muri Jenoside yakorewe Abatutsi, babaga bahungiye mu bice byarimo Inkotanyi, maze akabitaho, akabagaburira, akabambika akanabakinisha.

Louise Mushikiwabo

Louise Mushikiwabo umunyepolitike ku rwego mpuzamahanga

Ni we Munyarwandakazi watorewe kuyobora umuryango w’ibihugu bikoresha ururimi rw’igifaransa (Francophonie).

Mbere yaho yari Minisitiri w’Ububanyi n’Amahanga n’Ubutwererane, ndetse yanabaye Minisitiri w’Itangazamakuru.

Madamu Mushikiwabo kandi yagaragaje imbaraga mu kugaragariza amahanga intambwe y’iterambere u Rwanda rukomeje gutera nyuma y’ibihe bibi by’amateka ya Jenoside yakorewe Abatutsi rwaciyemo.

Yanabaye kandi umuvugizi wa Guverinoma y’u Rwanda.

Cécile Kayirebwa

Cecile kayirebwa ikirangirire mu ndirimbo gakondo z’ibitaramo

Ni umuhanzikazi uhimba akaririmba indirimbo za kinyarwanda zikunze gukoreshwa cyane mu bitaramo.Ni umuhanzi ukunzwe mu ngeri zose z’abantu haba abakuru n’abato.

Hagati y’Umwaka wa 1959 na 1969 ni bwo yashinze itorero rye rya mbere, ubwo yari mu ishuri ry’ahahoze ari muri Perefecture ya Butare ku Karubanda.

Marie Immaculée Ingabire

Ingabire Marie Immaculée, uzwiho kudacecekana ibitekerezo bye (Photo:Internet)

Ni Umuyobozi Mukuru wa Transparency International Rwanda, akaba n’Umunyarwakazi waharaniye cyane iterambere ry’umugore ndetse n’uburenganzira bwa muntu muri rusange.

Ni umugore ufite gushira amanga mu kuvuga uko yumva ibintu n’uko byagakwiye kumera.

Yagiye ahagaragari u Rwanda n’Akarere k’Ibiyaga Bigari mu nama zikomeye cyane ku isi, avuga ku burenganzira bw’umugore.

Yagize uruhare rukomeye mu gufasha imiryango nka PROFEMME TWESE HAMWE, HAGURUKA na Rwanda Womens Network gushinga imizi.

Ikindi ni uko akunze gukora ubuvugizi mu bijyanye no kurwanya ruswa n’akarengane, aho adatinya gutunga agatoki inzego cyangwa abayobozi bakomeye bagaragarwaho ruswa.

Kathia Uwamahoro

Uwamahoro Kathia yesheje agahigo mu gukina cricket amasaha 26

Uyu mukobwa w’Umunyarwandakazi yamenyekanye muri 2017, ubwo yamaraga amasaha 26 akubita udupira dukoreshwa mu mukino wa Cricket, akaba yaraciye agahigo ku isi aho yashyizwe mu gitabo cya ‘Guiness De Record’.

Umukino w’uyu mukobwa ukaba waratumye u Rwanda rumenyekana ku isi hose n’umukino wa Cricket urushaho guhabwa agaciro.

Ni mu gikorwa cyabaye kuri uyu wa Gatandatu tariki 28 Werurwe 2020, cyo kugeza inkunga y’ibiribwa ku batishoboye muri ibi bihe imirimo yahagaze kuri bamwe mu rwego rwo kwirinda ikwirakwizwa ry’icyorezo cya coronavirus.

Abaturage bahawe ibiribwa abenshi bari biganjemo abakora umurimo w’ubukarasi, abakora ubuyede, abakoraga ibiraka bitandukanye, abamotari n’abandi basanzwe bafite imirimo yahagaritswe kandi batishoboye.

Umunyamahanga uturuka muri Repubulika iharanira Demokarasi ya Congo witwa Godfrode Mirindi umaze imyaka 10 mu Rwanda wazanywe no gushaka imibereho na we yashimye ko batahejwe nk’abanyamahanga.

Yagize ati “Turashimira cyane ubu bufasha duhawe, turashimira ubuyobozi bwadutekereje kubera ubu hari benshi batari bafite ibyo kurya n’ukuri turishimye.”

Uwitwa Nshimiyimana Constantin wari umunyonzi mu murenge wa Gatenga akaba afite umuryango w’abantu 5 yashimiye igikorwa Leta yakoze cyo kwibuka abatishoboye.

Yagize ati “Turishimye cyane pe kuko ubusanzwe kugira ngo umuntu abone icyo arya byasabaga kujya gutwara abagenzi ku igare, ariko muri iyi minsi byarahagaze, ubu mfite umwana wonka kandi ugeze n’igihe cyo kunywa igikoma nabonye kiri mu byo bampaye birashimishije ubundi twari tubayeho dusaba ba boss bakaba baduha nk’ikilo cy’umuceri.”

Bamwe mu bayobozi baganiriye na Kigali Today baravuga ko bifashishije amasibo n’ibyiciro by’ubudehe mu gutoranya abagomba guhabwa iyi nkunga nk’uko Umunyabanga Nshingwabikorwa w’Umurenge wa Rwezamenyo mu Karere ka Nyarugenge, Chantal Uwamwiza yabitangaje.

Yagize ati “Ni ukuvuga ngo dusanzwe dufite ibyiciro by’ubudehe, icyiciro cya mbere n’icya kabiri, ariko noneho dufite n’amasibo aho isibo irimo ingo 15, urumva rero kubatoranya biroroshye.”

Ibi kandi biravugwa mu gihe Perezida wa Repubulika Paul Kagame ku mugoroba wo ku wa gatanu tariki 27 Werurwe 2020 yatangaje ko hateguwe uburyo bwo kwita ku batishoboye muri ibi bihe bidasanzwe igihugu cyugarijwe n’icyorezo cya COVID-19.

Umujyi wa Kigali uvuga ko abagomba kugerwa n’iyi gahunda mu Karere ka Nyarugenge ni imiryango 11,895, Kicukiro ni imiryango 5271, naho Gasabo ni imiryango 7734. Ibiribwa bahawe bikaba byavuye mu bigega bya Leta.

Reba mu mashusho (Video) uko byari byifashe bahabwa iyo mfashanyo

Video: Richard Kwizera

Amafoto: Plaisir Muzogeye

Kureba andi mafoto menshi, kanda HANO

Minisitiri w’Ubuzima Dr. Daniel Ngamije avuga ko ubushakashatsi buheruka bugaragaza ko virusi ya Covid-19 ishobora kumara ku bintu hagati y’amasaha atatu n’atanu (Photo:Internet)

Ibi biratangazwa mu gihe hirya no hino ku mbuga nkoranyamabaga hakomeje gukwirakwira amakuru atandukanye avuga ku masaha covid-19 imara ku bintu runaka ndetse no mu kirere.

Hari ifoto imaze iminsi icicikana ku mbuga nkoranyambaga ivuga igihe iyi virusi imara ku bintu, aho ngo imara amasaha hagati y’abiri n’umunani ku bikozwe mu cyuma cya aluminiyumu, n’amasaha 48 ku byuma bisanzwe.

Iyo foto kandi igaragaza ko iyi virusi imara iminsi hagati y’ine n’itanu ku mbaho, ibirahuri, pulasitike n’impapuro, naho ku turindantoki (gants) dukoreswa kwa muganga ikamaraho amasaha umunani.

Minisiteri y’Ubuzima, ishingiye kuri raporo iheruka, iravuga ko amakuru ari gucicikana avuga ko icyi cyorezo kimara amasaha umunani mu kirere atari yo kandi ko n’abavuga ko iyi virusi ishobora kumara iminsi ahantu atari yo.

Mu kiganiro kuri telephone, Ministiri w’Ubuzima, Dr. Daniel Ngamije, yagiranye na KT Radio, yatangaje ku gihe iyo virusi imara ku bintu n’ubwo ikiri kwigwaho.

Yagize ati “Ubushakashatsi burakomeje ariko ikizwi ni uko imara amasaha hagati y’atatu n’atanu ku bintu, haba ku rubaho, haba ku meza ku kintu icyo ari cyo cyose umuntu yaba yakororeyeho cyangwa yitsamuriyeho arwaye”.

Minisitiri Dr. Ngamije kandi yanyomoje amakuru avuga ko iyi virusi imara amasaha umunani mu kirere, avuga ko amakuru aheruka avuga ko atari byo.

Yagize ati “Ni ibyo bamwe bari kuvuga ko ishobora kuguma mu mwuka, ariko amakuru ya nyuma ni uko atari byo, ari na cyo gituma tuvuga tuti ‘uri hafi y’umuntu wanduye akaba yakwitsamura cyangwa agakorora amatembabuzi ye ari yo yakwanduza, ariko umwitaruye hejuru ya metero ebyiri ntabwo wandura, kuko ntibiremezwa ko waca ahantu umuntu yitsamuriye cyangwa yakororeye ngo wandure”.

Minisiteri y’Ubuzima kandi irakomeza gushishikariza Abanyarwanda gukomeza kwirinda baguma mu ngo zabo, birinda ingendo zidakenewe, bagerageza guhana intera ndende n’abandi mu gihe basohotse, ndetse no gukaraba kenshi birinda kwikora aho ari ho hose mu maso.

Kiliziya Gatulika yageneye abakirisitu bayo uburyo bazakurikira misa ku munsi mukuru wa Pasika

Ni mu gihe amabwiriza ya Leta y’U Rwanda yategetse abanyamadini n’amatorero kuba bafunze insengero mu gihe isi ikomeje kwibasirwa n’icyorez cya Coronavirus.

Umuvugizi wa Kiliziya Gatulika mu Rwanda, Musenyeri Phillipe Rukamba, yatangaje ko nubwo bigoranye ariko Kiliziya izirikana abakirisitu bayo, aho abapadiri n’abasenyeri bazajya bageza ku bakirisitu misa hifashishijwe ikoranabuhanga.

Yagize ati “Tugiye kohereza itangazo ribwira abakirisitu yuko mu gihe cya Pasika, abapadiri, abasenyeri cyane cyane abapadiri bakuru, bazasomera misa mu makiriza atarimo abantu, ariko babwire abakirisitu amasaha izo misa zizasomerwaho babashe gukurikira bakoresheje ikoranabuhanga”.

Yakomeje avuga ko bakomeje kwifashisha n’itangazamakuru kugira ngo bakomeze kugaburira abakirisitu babo ijambo ry’Imana.

Yagize ati “Muri ibi byumweru bibiri, nko ku cyumweru twacishije misa kuri televiziyo y’u Rwanda, twavugiye misa kuri Radio Maria, Isango Star, mbese dukoresha itangazamakuru kugira ngo tugere ku bakirisitu benshi bashoboka”.

Kiliziya Gatulika kandi irashishikariza abakirisitu bayo n’Abanyarwanda muri rusange, gukomeza gukurikiza amabwiriza bahabwa n’inzego z’ubuzima ndetse n’umutekano kugira ngo hirindwe ikwirakwizwa ry’icyorezo cya COVID-19.

Kugeza ubu mu Rwanda nk’uko Minisiteri y’Ubuzima ibitangaza, hamaze kwandura abantu 36.

Umuyobozi wa OMS Dr. Tedros Adhanom Ghebreyesus, arasaba ibihugu gukaza ingamba basaba abaturage kuguma mu ngo zabo

Ni nyuma y’aho abamaze kwandura iki cyorezo bagera ku bihumbi 367,000, naho abamaze kwicwa na cyo bakaba bagera ku bihumbi 16,100 mu minsi 67 gusa kuva cyakwaduka.

Umuyobozi wa OMS, Dr. Tedros Adhanom Ghebreyesus, mu kiganiro cyagenewe itangazamakuru mu ijoro ryakeye cyari imbonankubone (Live) kuri twitter, yavuze ko bishoboka ko intera iki cyorezo kiri gufata ishobora guhindurwa n’abatuye isi bafata ingamba zikarishye.

Yavuze ko kugira ngo ikipe itsinde bidasaba kurinda izamu gusa, ahubwo bisaba no gutera indi kipe, bityo hakwiye ingamba zo gutera icyi cyorezo kandi ko nta bundi buryo butari ubwo kuguma mu ngo z’abantu.

Dr. Tedros arasaba ibihugu gukaza umurego mu gupima buri muntu wese uketsweho iki cyorezo, gushyira mu kato abakekwaho ko banduye, ndetse no kwita kubamaze kwandura iki cyorezo.

Ikindi ni uko buri gihugu gikwiye gushakisha byimazeyo buri muntu wese waba warahuye n’uwaketsweho cyangwa uwanduye iki cyorezo, kuko ari bwo buryo bwonyine bwo kurwanya ikwirakwira ryacyo no kugihashya muri rusange.

Ishami ry’Umuryango w’Abibumbye ryita ku Buzima kandi rirasaba Leta na za Guverinoma guha abaganga bita kuri aba barwayi ibishoboka byose bibarinda kwandura.

Yagize ati “Abaganga bashobora gukora akazi kabo neza ari uko na bo bikingiye bishoboka, nubwo twakora ibindi byose uko bikwiye ariko badafite ibibarinda kwandura, twaba turi kuvomera mu kitoze, kuko niba na bo barwaye, abanduye ntibazabona ubitaho”.

Iri shami kandi riravuga ko rigiye kuganira n’ibihugu bikize ku isi bigize umuryango wa G20, ku kuntu hakorwa ibikoresho byo kwikingira n’ibindi byose bikenewe kwifashishwa mu kwita ku barwayi no guhashya iki cyorezo muri rusange.

Abahanga b’abashakashatsi mu bya siyanzi n’ubuganga bavuga ko indwara yitwa icyorezo mu gihe yandura kandi ikanica umubare w’abantu benshi mu buryo bwihuse.

Icyorezo cya Smallpox

Icyorezo cya smallpox kiri mu byahitanye abantu benshi ku isi (Photo:Internet)

Indwara ya Smallpox y’ibiheri byabaga byuzuyemo amashyira ku mubiri wose, ni yo ndwara kugeza ubu ku isi yahitanye abantu benshi, kuko yahitanye abari hagati ya miliyoni 300 na 500 mu gihe cy’imyaka ibihumbi 12 yabaye ku isi.

Icyorezo cy’agakoko gatera Sida

Iki cyorezo kimaze guhitana abantu babarirwa muri miliyoni 36 kuva cyakwaduka ku isi, aho cyabonetse bwa mbere muri Repubulika ya Demokarasi ya Kongo mu mwaka wa 1976. Umubare munini w’abo cyahitanya bakaba bari baherereye muri Afurika yo munsi y’Ubutayi bwa Sahara.

Umuntu wanduye agakoko gatera sida (Photo:Internet)

Icyakora hagati y’imyaka ya 2005 na 2012, yatangiye kugabanuka kubera uburyo bwo kuyirinda bwari bwaramaze kumenyekana, ndetse n’imiti igabanya ubukana bwayo ikaba yaragiye iboneka.

Ibicurane (Influenza)

Iki cyorezo na cyo cyahitanye abantu bagera kuri miliyoni kuva aho kigaragaye bwa mbere mu mwaka wa 1968, cyatewe n’agakoko ka virusi y’ibicurane bidasanzwe.

Umubare munini w’abo cyahitanye ukaba wari muri Aziya hari kandi n’indi virusi isa na yo yari yayibanjirize mu myaka ya 1918, 1956 na 1958 ndetse na yo yahitanye miliyoni zibarirwa muri 50.

Cholera

Indwara ya chorela iri mu zahitanye abantu benshi mu isi

Cholera yo ku rwego rwa gatandatu na yo iri mu byorezo byahitanye abantu bagera kuri miliyoni hagati y’umwaka wa 1910 na 1911.

Cyahereye mu Buhinde mbere yo gufata Afurika y’Amajyaruguru n’u Burusiya.

Kuva cyakwaduka, cyagiye kirwanywa ku buryo imibare yagiye igabanuka ku buryo bugaragara.

Urupfu rwirabura (Black death)

Iki cyorezo na cyo kiri mu byahitanye ababarirwa muri miliyoni 200 kuva mu mwaka wa 1346 na 1353, gikwirakwira ku migabane yose ukuyemo umugabane wa Amerika.

Kugeza ubu ibyorezo bihangayikishije isi ni icyorezo cya Ebola kimaze guhitana ababarirwa mu bihumbi muri Afurika y’Uburengerazuba no muri Repubulika ya Demukarasi ya Kongo.

Coronavirus

Indwara ya coronavirus ubu iri mu zugarije isi

Indi ndwara ihangayikishije isi ishobora kuvamo icyorezo ni coronavirusi (covid19), aho umubare w’abayanduye hirya no hino ku isi umaze kurenga ibihumbi mirongo icyenda na kimwe na magana atatu (91,300) mu bihugu birenga 76 birimo ibya Afurika nka Senegal, Tuniziya na Maroc.

Imibare yo mu gitondo cyo kuwa kabiri tariki 03 Werurwe 2020 y’inzego zishinzwe ubuzima mu bihugu byose ku isi birwaje Coronavirus, zatangaje ko iki cyorezo kimaze guhitana abantu barenga 3,120.

Cyakora hari n’abavuga ko ubworozi bw’intama ari ubworozi nk’ubw’ayandi matungo magufi, aho abazoroye zibatunze hamwe n’imiryango yabo.

Hambere mu Rwanda, ubworozi bw’intama bwatumaga ababyeyi bakoresha uruhu rwazo nk’ingobyi abandi bita impetso, amata yazo akanyobwa n’inyama zazo zikaribwa nk’uko Dusabimana Florence wo mu Karere ka Musanze yabitangaje.

Yagize ati “Intama zaracitse zarashize, impamvu ni uko mbere uruhu rw’intamba twarukoreshaga duheka abana, ni yo mpamvu zari nyinshi ariko ubu dukoresha ibigoma n’impetso bya kizungu.”

Indi mpamvu yatumaga abaturage borora intama ngo ni uko zarindaga inka kona, hakaba abavuga ko zanatumaga inkuba zitakubita inka nko mu bice by’Uburengerazuba cyane cyane mu turere twa Rutsiro na Karongi.

Ku rundi ruhande ariko, hari abacyorora intama ndetse bavuga ko zibafitiye akamaro. Umwe muri bo witwa Nzabarantuma Innocent yavuze ko ubworozi bw’intama bumufitiye akamaro n’umuryango we.

Yagize ati “Noroye intama rwose zirenda no kumpa umusaruro mu minsi mike, zikunze rwose kungaburira. Icyakora impamvu intama abantu batakizorora nka mbere ni uko baciye kuragira ku gasozi, intama yororoka vuba mu mezi atatu cyangwa ane iba ibyaye, kandi zirunguka mu gihe ihene ibyara rimwe cyangwa kabiri mu mwaka.”

Ikigo cy’Igihugu gishinzwe guteza imbere ubuhinzi n’ubworozi (RAB) cyo kivuga ko muri gahunda zitandukanye zo guteza imbere ubworozi bw’amatungo magufi harimo no guteza imbere ubworozi bw’intama n’ibizikomokaho.

Umuyobozi wungirije muri RAB, Dr. Solange Uwituze, avuga ko bafite gahunda yo kubungabunga ubworozi bw’amatungo gakondo yahoze mu muco nyarwanda kuva hambere.

Yagize ati “Dufite gahunda yo kubungabunga amatungo gakondo kandi n’intama zirimo, kuko turateganya gufasha aborozi bazo kubona icyororo kiza no kubereka uburyo bwiza bwo kuzororamo kugira ngo zibashe kubaha umusaruro mwiza.”

Ibi kandi biravugwa mu gihe gahunda ya Guverinoma y’u Rwanda ya 2017-2022 irebana n’ubworozi nk’uko RAB ibitangaza, irimo ubworozi bw’intama bugamije gutanga inyama n’ubwoya bwazo bwifashishwa mu bikorwa bitandukanye birimo n’imyambaro.

Mu mpera z’umwaka wa 2018/2019 intama ziri mu Rwanda zabarirwaga mu bihumbi 763,635.

Ibikomoka ku ntama bishobora kwinjiriza uzorora harimo, inyama z’intama ziri munsi y’amezi 14 zizwi nka ‘Lamb’, inyama zitwa Mouton z’intamba zirengeje amezi 14, amata y’intama akungahaye kuri Vitamin A, B na E, ndetse n’ubwoya bw’intama bukoreshwa mu gukora imyenda itandukanye n’imiti ivura uruhu rwa muntu.

Abantu bagirwa inama yo gukora siporo isanzwe kuruta gukoresha indi miti (Ifoto: https://www.muscleandfitness.com)

Ubushakashatsi buvuga ko mu gihe izi nyongerera biryo zirimo ibinini n’ipuderi igizwe n’ibyubaka umubiri (protein), bishobora kuba intandaro y’uburwayi bw’impyiko, iyangirika ry’amagufa, guhorana iseseme no kwiyongera kw’ibinure.

Abakunze gukora imyitozo ngororamubiri iyo ari yo yose mu buryo buhoraho, inzobere zivuga ko bakwiye kongera ibyubaka umubiri cyangwa poroteyine mu ndyo yabo ya buri munsi kugira ngo basane inyama ziba zakoze cyane mu gihe bakora imyitozo.

Nyamara hari abiringira ibinini n’ipuderi byakorewe abo bantu ntibongeremo izindi ntungamubiri zigomba kuboneka mu ndyo yuzuye kugira ngo bananuke mu buryo bwihuse kandi babashe kubaka umubiri.

Girumugisha Gael ni umwe mu nzobere mu bijyanye no kubaka umubiri akaba afite ubunararibonye bw’imyaka 8 we avuga ko umuntu wifuza guta ibiro akubaka umubiri we adakeneye iyo puderi cyangwa se izo vitamini mu gihe yariye indyo yuzuye kandi irimo ibyubaka umubiri bihagije.

Agira ati “Mu bantu benshi natoje hari abagiye bubaka umubiri, abandi bagata ibiro mu buryo bugaragara kandi badakoresheje izo poroteyine, ntabwo nagira inama abantu gushaka izo poroteyine, keretse mu gihe bashaka kugera ku ntego bihaye mu buryo bwihuse.”

Girumugisha kandi akomeza agira inama abadafite ubumenyi ku myitozo bagakwiye gukora kugira ngo bate ibiro babe banakubaka umubiri wabo uko babyifuza.

Agira ati “Abashaka kubaka umubiri bakwiye guhera ku maguru kuko ari yo yikoreye umubiri wose, bakora umwitozo wo kwiruka, ubundi bagakora imyitozo ikomeza umugongo kuko ari ho imbaraga zose zituruka, bakabona no gukora ibindi bice bisigaye by’umubiri, kuko hari abahera ku kubaka igituza ugasanga byabagiraho ingaruka, ikindi uba ugomba kurya indyo yuzuye kandi ihagije.”

Hagati aho ibiryo byubaka umubiri birimo inyama y’inka, iy’inkoko, amagi, soya, ibishyimbo, umuceri n’amata. Ni byo inzobere zisaba abantu gufata kuko ibinini n’amapuderi ava mu nganda akenshi aba agamije inyungu z’ababikoze.

Ishami ry’Umuryango w’Abibumbye ryita ku buzima rivuga ko umuntu akwiye gufata ku munsi nibura igarama rya poroteyine kuri buri kilo kigize umubiri we, yaba akora imyitozo ikomeye irimo guterura ibyuma akaba yakongeraho.

Umuti wa viagra ushobora gutera ingaruka zirimo kutabyara n’ubugumba

Ibi biravugwa mu gihe umubare w’abagabo n’abasore bawukeneye ukomeje kwiyongera aho bamwe bawugura banifashishije ikoranabuhanga rya murandasi, aho miliyoni zirenga esheshatu zawuguze muri farumasi ibihumbi birindwi zo kuri murandasi.

Umuti wa viagra wavumbuwe mu mwaka wa 1998, ubwo abashakashatsi mu by’ubuzima bariho bapima umuti wo kuvura umuvuduko w’amaraso n’ububabare bwo mu gatuza maze bagasanga utera ubushake.

Ubushakashatsi bwakozwe na Dr. Louis Anderson, inzobere mu by’imiti, wo mu kigo cya ‘urology care foundation’ cyo muri Leta zunze ubumwe za Amerika, bugaragaza ko hari abagabo n’abasore bayikoresha kandi mu by’ukuri batayikeneye, bikaba byabagiraho ingaruka zikomeye.

Uretse kuba uwufashe ashobora kurwara umutwe, indwara y’umutima, gucibwamo, umugongo, kubura ibitotsi, ikirungurira n’ibindi, viagra ishobora gutera ubugumba no kubura ubushake burundu.

Dr. Anderson agira inama abagabo gusaba uruhushya muganga kugira ngo babashe gukoresha uwo muti, cyane ko abawucuruza bo baba bashaka inyungu zabo bwite.

Anagira inama abagabo kuri bimwe mu biribwa bafata bikabongerera ubwo bushake, birimo water melon, inyama, ubunyobwa, indimu, divayi itukura, icyayi, shokola n’icyayi, maze bagakora n’imyitozo ngororamubiri bakirinda n’umubyibuho.

Ibi kandi biravugwa mu gihe abagabo barenga miliyoni 100 ku isi bari hagati y’imyaka 40 na 70, bafite ikibazo cyo kutagira ubushake bwo gukora imibonano mpuzabitsina.

Raporo y’Ishami ry’Umuryango w’Abibumbye ryita ku Buzima (OMS) yashyizwe ahagaragara mu 1998, yavugaga ko abagabo bari mu kigero cy’imyaka 65 bagera hafi ku 140 bahitanywe na viagra.

Deogratias Mazina, Umuyobozi w’uyu muryango RESIRG

Ibi ni ibivugwa n’umuryango mpuzamahanga w’ubushakashatsi kuri Jenoside (Réseau International Recherche et Génocide -RESIRG) ukorera mu Bubiligi, nyuma y’uko hari abakomeje kugaragaza ingengabitekerezo ya Jenoside ku mugabane w’i Burayi.

Nyuma yo gusanga hari umubare muke w’inyandiko z’ubuhamya, ibitabo n’amakuru muri rusange kuri Jenoside yakorewe Abatutsi, umuryango RESIRG wiyemeje gukora ubushakashatsi unakusanya amakuru ndetse n’ubuhamya ku bagizweho ingaruka na Jenoside.

Umuyobozi w’uyu muryango, Deogratias Mazina, avuga ko ubushakashatsi bakora buzaba igisubizo ku kibazo cy’amakuru make ahari i Burayi, kugira ngo banyomoze abagoreka amateka y’u Rwanda.

Agira ati “Hari Ababiligi, bamwe ni abarimu muri kaminuza bari bafitanye ubucuti na leta yakoze Jenoside, babikoresha nk’iturufu kugira ngo bagaragare, ngo bitwe ko ari impuguke kuri Jenoside yakorewe Abatutsi.

Uugero ni nk’uwitwa Philippe Reyntjens ukunze gukoresha inama no kwandika ibitabo bihakana Jenoside yakorewe Abatutsi”.

Akomeza avuga ko ubushakashatsi bakora no gukorana n’abanditsi batandukanye bubafasha mu kujya kunyomoza ibyo abo bapfobya bavuga, kuko hari igihe babura amakuru afatika yo kwifashisha muri ibyo biganiro.

Yanagarutse ku banyamakuru barimo Peter Verlinden ukunze kuvugira abakoze Jenoside yakorewe Abatutsi.

Ati “Twasanze afitanye ubucuti bwihariye n’abantu bamwe na bamwe bakekwaho Jenoside kugira ngo abavugire agaragaze ko uruhare bagize rwari rufite ishingiro, ni yo mpamvu dukora ubushakashatsi bwo kunyomoza amakuru bafite no kumenyesha amahanga ukuri ku byabaye”.

Ibi biravugwa mu gihe Komisiyo y’Igihugu ishinzwe kurwanya Jenoside (CNLG), itangaza ko ubushinjacyaha bw’u Rwanda bumaze kohereza mu mahanga inyandiko 800 zo guta muri yombi abakekwaho uruhare muri Jenoside yakorewe Abatutsi.

Uyu muryango kandi ukaba ugenda ushishikariza abagizweho ingaruka na Jenoside yakorewe Abatutsi, gutinyuka bagatanga ubuhamya bw’ibyababayeho, kugira ngo bifashe mu kubika amakuru yo kwifashisha mu bikorwa bitandukanye birimo n’imanza.

Dr. Vincent Biruta, Minisitiri w’Ububanyi n’Amahanga

Ibi yabitangarije mu kiganiro yagiranye n’itangazamakuru, cyabaye kuwa gatatu tariki 8 Mutarama 2020.

Minisitiri Biruta yabajijwe n’umunyamakuru uko umubano w’u Rwanda n’amahanga wari wifashe mu cyerecyezo 2020 u Rwanda rurangije, atangaza ko uwo mubano wageze ku ntera ishimishije aho ambasade nyinshi zafunguwe.

Yagize ati “Umusaruro w’icyerekezo 2020 ni umusaruro ushimishije, kuko hanafunguwe Ambasade nyinshi mu bihugu by’amahanga, ikindi n’ibindi bihugu byinshi byafunguye Ambasade zabyo mu Rwanda”.

Ibi biravugwa mu gihe umwaka ushize wa 2019 wonyine, hagunguwe Ambasade nshya muri Ghana, Quatar, Singapore, na Leta zunze ubumwe z’Abarabu.

Dr. Biruta yakomeje avuga ko hari n’ibindi bikorwa bitandukanye byagiye bihuza u Rwanda n’amahanga.

Yagize ati “Hari inama nyinshi mpuzamahanga zagiye zibera mu Rwanda, abakuru b’ibihugu bitandukanye basuye u Rwanda, abashoramari, n’abandi bantu batandukanye”.

Icyakora nubwo umubano wagenze neza muri rusange, Minisitiri Biruta anavuga ko hari aho utifashe neza, nko ku ruhande rw’u Rwanda na Uganda ndetse n’u Rwanda n’u Burundi.

Ku rundi ruhande ariko, ishoramari na ryo ryariyongereye mu Rwanda muri 2019, aho Urwego rw’Iterambere (RDB) ruvuga ko handitswe imishinga y’ishoramari ifite agaciro ka miliyari 2.4 z’amadolari ya Amerika.

Aba bagabo bakurikiranyweho kwiyitirira polisi bakariganya abaturage amafaranga babizeza perimi

Abo bagabo beretswe itangazamakuru ku wa mbere tariki 30 Ukuboza 2019 mu rwego rwo kuburira n’abandi baba bafite iyo migambi mibisha kuyireka.

Nyuma yo gutabwa muri yombi na polisi, uwitwa Ndagijimana Daniel yasobanuye uko yariganyije abaturage amafaranga yabo.

Yagize ati “Twajyaga tujya aho bakorera ibizamini, tukaka abaturage telephone tukibipa, tukabona nomero zabo nyuma y’ikizamini tukabahamagara tukabaka amafaranga, nabikoreye mu turere dutandukanye tw’igihugu nari maze kwinjiza agera ku bihumbi 800 utabariyemo ayo mba naragiye nkoresha.”

Icyakora mugenzi we Ndagijimana Mussa ushinjwa guha Ndagijimana Daniel simukadi y’umupolisi ukora mu ishami rishinzwe umutekano wo mu muhanda yateye utwatsi ibyo ashinjwa.

Yagize ati “Njyewe nisanze muri iki kibazo ni n’ubwa mbere mbyumvise kuko njyewe nakoreraga muri Congo namenyanye n’aba bagabo nakoze impanuka ya moto bambwira ko bazamfasha kubona moto yanjye, ibya simukadi bavuga ntabyo nzi.”

Polisi y’u Rwanda iburira abantu kwitondera ababatekaho imitwe bashaka kubambura amafaranga yabo baba bakoreye abavunnye nk’uko byatangajwe n’umuvugizi wa polisi y’u Rwanda CP John Bosco Kabera.

Yagize ati “Nta muturage n’umwe wagakwiye kubazwa ibidateganywa n’amategeko, ngo yakwe ibirenze kuri serivisi agomba guhererwa ubuntu, nk’uko mwabyumvise bajya ahabera ibizamini bakiyita abapolisi bakaka abaturage amafaranga.”

Bamwe mu baturage basabwe amafaranga batifuje ko amazina yabo atangazwa baravuga ko bakuyemo isomo rikomeye banagira inama bagenzi babo kwitondera abambuzi bariho.

Umwe yagize ati “Njyewe nabanje gutanga ibihumbi 250, ubundi nongera gutanga ibihumbi 50 amaze kunyoherereza message yo kudekarariho y’impimbano, akayoherereza n’abandi bakampamagara bambwira ko idakora, dutegereza perimi turaheba.”

Polisi ikomeje iperereza ku bantu bose baba barigize abapolisi bakaka amafaranga abaturage kandi iri no gukora dosiye y’abo bagabo izashyikirizwa ubushinjacyaha.

Nibahamwa n’ibyaha baregwa bazahanishwa igihano cy’igifungo kuva ku mwaka umwe kugera ku myaka itatu n’ihazabu y’amafaranga y’u Rwanda angana na miliyoni.

Ku cyumweru tariki ya 15 Ukuboza 2019, Umuyobozi w’ikirenga wa Qatar, Sheikh Tamim Bin Hamad Al Thani, yagejeje kuri Guverinoma y’ u Rwanda inyandiko ikubiyemo ayo masezerano agamije imikoranire hagati y’u Rwanda na Qatar mu bijyanye n’ubukerarugendo, ubucuruzi, siporo n’ibindi.

Ayo masezerano yari yashyizweho umukono ku itariki 21 Mata uyu mwaka wa 2019, ubwo Umuyobozi wa Qatar yasuraga u Rwanda.

Ni amasezerano yitezweho kugurura amarembo y’ubufatanye n’amahirwe aza yiyongera ku mikoranire isanzwe hagati y’ibihugu byombi.

Mu itangazo Guverinoma ya Qatar yashyize ahagaragara ku cyumweru, yemeje ayo masezerano yashyizweho umukono na Prezida w’u Rwanda Paul Kagame, ari kumwe na Amir wa Qatar.

Muri ayo masezerano, ajyanye na siporo na yo agomba kwemezwa n’ibihugu byombi.

Kugeza ubu mu bikorwa ibihugu byombi bifatanyamo, harimo ibijyanye n’ubwikorezi bwo mu kirere, kurinda ishoramari rihuriweho n’ibihugu byombi, n’ubufatanye mu bucuruzi.

Hagati aho, Umuyobozi w’Urwego rw’Igihugu rw Iterambere (RDB), Claire Akamanzi, yatangaje ko hataranozwa neza urwego rwo mu bukerarugendo n’ubucuruzi ibihugu byombi bizafatanyamo, ariko ko umunsi byanogejwe bizatangazwa mu gihe cya vuba.

Amadarubindi ashobora kukurinda indwara z’amaso, ubuhumyi ndetse n’indwara z’uruhu muri rusange

Ni mu gihe kandi abagera kuri miliyoni 900 ku isi, bafite ikibazo cy’ubuhumyi no kutareba neza kubera imirasire y’izuba izwi nka Ultra Violets rays (UVR) icengera mu jisho ikaryangiza.

Inzobere mu burwayi bw’amaso muri rusange, zivuga ko kwambara amadarubindi y’izuba bigabanya ibyago byo kurwara kanseri y’uruhu no guhuma.

Ariko nanone ngo ntabwo ari amadarubindi yose arinda amaso kuko hari ashobora kongerera umuntu uburwayi akorwa n’inganda zitandukanye zigamije amafaranga, ariko adafite ubushobozi bwo kwirinda nibura kuri 90% imirasire ya UVR na UVB.

Kwambara amadarubindi kandi birinda ikitwa ‘macula lutea’ (rumwe mu ngingo zigize ijisho) mu gihe cyangiritse gituma umuntu atarora neza, aho aba abona ibikezikezi ndetse no kwirinda indwara zitandukanye z’amaso ziterwa n’izuba.

Uretse kuba amadarubindi akumira imirasire ya UVR itera uburwayi bw’amaso, akumira umuyaga, umwanda, umucanga, urubura n’ibindi byose byakwangiza amaso.

Ubushakshatsi kandi bugaragaza ko mu gihe ijisho ritokowe, bigatuma habaho kwibyiringira bizana amarira, bitera iminkanyari no kugira munsi h’amaso hirabura.

Ishami ry’umuryango wabibumbye ryita ku buzima rivuga ko akayungirizo k’izuba kazwi nka ‘ozone’, uko gakomeza kwangirika ari nako indwara z’amaso zikomeza kwiyongera n’izuruhu muri rusange zimaze kugera ku bihumbi 300,000, aho abaturage bagirwa inama yo kurinda uruhu rwabo hifashishijwe amavuta atandukanye, amadarubindi n’indi myambaro itandukanye kugira ngo birinde.

Ishami ry’umuryango wabibumbye ryita kubuzima rivuga ko abarenga miliyari ebyiri na miliyoni magana abiri ku isi bafite ikibazo cyo kutareba neza n’ubuhumyi, muri bo abagera kuri miliyari bakaba ngo bari bafite ubushobozi bwo kwirinda ubwo burwayi.

Ni nyuma y’uko agize amahirwe yo kugaruka mu Rwanda kuri uyu wa gatatu tariki 27 Ugushyingo 2019, avuye muri Uganda aho yari afungiye igihe kirenga umwaka.

Ruzigamanzi yatangarije Kigali Today ko nubwo atabashije kumenyana na bagenzi be b’Abanyarwanda ariko ngo na bo yababonye aho yari afungiye, bityo akaba agira inama Abanyarwanda yo kutajya muri icyo gihugu.

Yagize ati “Ubutumwa bwo naha abanyarwanda ni uko bareka ubugande, bakaguma mu gihugu cyabo, kubera ko gifite amahoro.”

Ruzigamanzi yakomeje avuga ko yagiye muri Uganda muri Nyakanga 2018 gushaka akazi nyuma yo kwibwa igare yakoreshaga mu kazi k’ubunyonzi.

Yagize ati “Icyatumye njya gukora mu Bugande ni uko nari ngiye gushaka amafaranga, njyewe banyibye igare ntinya gusubira mu rugo ndavuga nti reka nkorere igare ry’abandi, ninyabona ngaruke, nibwo buryo nagiyemo.”

Uyu musore w’imyaka 23 kandi yasobanuye ubuzima yari abayeho muri gereza.

Yagize ati “Ubuzima bwari bumeze nabi, kuko barankubise, barampingisha bankoresha ibindushije imbaraga, sinarya. Twaryaga rimwe gusa, ibiryo ushyira mu kanwa rimwe ukaba urangije kurya.”

Ruzigamanzi afite inkovu mu mugongo no ku maguru zigaragaza iyicarubozo yakorewe

Hashize iminsi Abanyarwanda batuye muri Uganda n’abasanzwe bagendayo bahohoterwa, bagakorerwa iyicarubozo, abandi bagatabwa muri yombi bashinjwa kuba intasi z’u Rwanda.

Bamwe muri abo bafatwa bamaze iminsi bazanwa n’inzego zo muri Uganda zikabajugunya ku mupaka w’u Rwanda na Uganda barembye kubera iyicarubozo baba barakorewe.

Icyakora u Rwanda rwo rwakomeje kugaragaza ko ibivugwa na Uganda nta shingiro bifite, ko ibikorerwa Abanyarwanda muri Uganda ari ihohoterwa n’akarengane, dore ko abo bantu bafatwa badashyikirizwa inkiko ngo baburanishwe ku byo baregwa.

Ni mu gihe ubwoko bw’amaraso (groupe sanguin/blood type) umuntu afite, bunatuma agira imyifatire n’imitekerereze ituma hari ubwoko bw’amaraso runaka batakorana.

Ubusanzwe ubwoko bw’amaraso ni O, A, B na AB.Ubu bwoko bushobora kuba ‘negatif’ cyangwa ‘positif’, bitewe n’ibigize ubwo bwoko ari byo bita ‘antigenes’ na ‘antibodies’.

Icyo ubushakashatsi buvuga

Ubushakashatsi bwakozwe n’umunyabwenge Prof. Furukawa Takeji wo mu Buyapani mu mwaka wa 1927, bugaragaza ko ubwoko bw’amaraso bwerekana uko umuntu ateye, imitekerereze ye n’uko yiyumva.

Ibi bikaba byaratumye ubu mu Buyapani hatangwa akazi cyangwa amahirwe bitewe n’ubwoko bw’amaraso y’umuntu, nko mu mashuri, ubucuruzi, imikino ndetse hagakorwa ibiribwa n’ibinyobwa bigenewe amaraso runaka.

Ubwo bushakashatsi kandi bugaragaza n’indwara abafite ubwoko bw’amaraso runaka baba bafite ibyago byinshi byo kwandura.

Imiterere y’amoko y’amaraso

Ubwoko bw’amaraso O: Ni ubwoko umubare w’abantu benshi ku isi wiganjemo, bakunze kugira umutima wo gusabana cyane, aho bumvikana n’umuntu uwo ari we wese, nta bwoba bagira bwo kugerageza ibintu bishya kandi bakagira n’amakenga. Hagati aho ariko bashobora kwigirira icyizere gikabije bigatuma batakwishimirwa n’abantu badakunda gusabana.

Ubwoko bw’amaraso A: Ni abantu usanga bazi kuvumbura no guhanga udushya, bafite ubwenge, badacika intege kandi bakuzuza inshingano bafite, bakunze kurakazwa n’ubusa ariko nanone bakigarura vuba.

Ubwoko bw’amaraso B: Ni abantu na bo bazi guhanga udushya tudasanzwe, bahora bishimye, bafite umuhate n’imbaraga zo gukora ibyo bakunda, ariko ku rundi ruhande, barikunda cyane, ntibabe bakuzuza inshingano kandi bagatungurana haba mu bibi cyangwa mu byiza, bigatuma abantu batabasha kubasobanukirwa neza.

Ubwoko bw’amaraso AB: Abantu ba AB ni abantu bashyira mu gaciro, ntibakunda kuba bafashwa n’abandi, kuko bagira umuhate wo kwikorera ibintu byabo.

Hagati aho ariko bakaba bakunze kwibagirwa cyane, bigatuma hari inshingano batuzuza. Ni abantu iyo mubaye inshuti mugirana ibihe byiza.

Urukundo hagati y’ubwoko bw’amaraso

Abantu bahuje ubwoko A iyo bakundanye usanga ari abantu bagirirana urukundo ariko bakunze guhora mu mpaka zidashira no kutumvikana bakagirwa inama yo kwifashisha ibiganiro kugira ngo babashe kumvikana.

Umuntu ufite A iyo akundanye n’ufite O, barakundana cyane bakumvikana kuko batandukanye mu miterere ariko nanone uko kuba batandukanye kukaba kwatuma batandukana bakagirwa inama yo kutita ku tuntu duto tubatandukanya.

Abantu bafite A na B iyo umwe akunze undi, bakunze guhorana amakimbirane kuko batandukanye cyane bagahora bashwana. Abenshi bakunze gutandukana ariko hari ababishobora umwe akakira undi.

Abantu bafite A na AB, na bo ngo ni abantu bigoye ko bahuza kubera imiterere itandukanye.

Abantu bafite O na O, bo ni abantu bashimishije kureba, kubera ukuntu bose basabana, bagira urukundo, barumvikana kandi bakabwizanya ukuri ariko nanone uko kubwizanya ukuri bishobora kubabera imbogamizi.

Abantu bafite O na B, na bo ngo ni abantu bakundana cyane urukundo rudasanzwe rukanaramba, kubera ko abantu ba O bihanganira B bakunze gutungurana.

Abantu ba B na B, na bo ni abantu bakunze guhura bagahita bakundana, kandi urukundo rwabo rugakomera.

Abantu ba B na AB, ni abantu bagira ubwumvikane budasanzwe batajya bashwana kuko umwe yubahira uko undi ameze.

Abantu ba AB na AB ngo ni abantu na bo bakundana cyane, bakubahana, bagatera imbere. Ni babantu bakundana bakabera abandi ikitegererezo.

Uretse kuba ari ingenzi kuba abantu bakwiye kumenya ubwoko bw’amaraso yabo, binabafasha mu gihe barwaye bagomba guhabwa amaraso.

Umuryango mpuzamahanga utarabara imbabare ‘Red Cross’ ku isi, uvuga ko buri mwaka ubuzima bw’abaturage barenga miriyoni enye n’igice (4,500,000) butabarwa no guhabwa amaraso kandi bakayahabwa n’abantu bafite amaraso akorana n’ayabo.

Ibi ni ibyatangajwe kuri kuwa gatanu tariki ya 1 Ugushyingo 2019, ubwo urubanza abaturage n’inzego zitandukanye zirimo kaminuza y’u Rwanda n’umuryango ‘Transparency International Rwanda’ (TI-R) baregeye urukiko rw’ikirenga ku musoro ku mutungo utimukanwa rwasubukurwaga.

Abagejeje icyifuzo cyabo ku rukiko rw’ikirenga bagarutse ku kibazo cy’uko amategeko mashya arebana no gusora ahabanye n’ibyo itegeko nshinga riteganya.

Ni mu gihe ingingo za 16, 17, 19 na 20 z’itegeko ryatowe muri 2018, rigatangira gushyirwa mu bikorwa muri 2019, rigena inkomoko y’imari n’umutungo by’inzego z’ibanze zegerejwe abaturage bikomoka ku misoro ku bibanza n’inyubako zidahura n’ibiteganywa n’itegeko nshinga.

Impamvu akaba ari uko ingingo ya 34 y’itegeko nshinga ivuga ko umutungo utimukanwa w’umuntu aba ari ntavogerwa.

Kaminuza y’ u Rwanda iri mu batanze ubusabe yasabye ko urukiko rwavugurura iryo tegeko, kugira ngo uburenganzira bw’umuturage bwubahirizwe cyane ko ngo uyu musoro uzagira ingaruka ku muturage usanzwe akodesha aho nyir’inzu azazamura amafaranga y’ubukode.

Ibi biravugwa mu gihe inzu zo guturamo n’ibibanza bizajya bisora 1% by’agaciro, inzu z’ubucuruzi 0,1% naho inganda zisore 0,5%.

Umuyobozi mukuru w’umuryango Transparency International Rwanda, Marie Immaculee Ingabire, yatangaje ko uyu musoro ubangamiye uburenganzira bwa muntu.

Yagize ati “Iri tegeko rero rizanamo amananiza, iyo ritangiye kukubwira ko ikibanza kidafite icyo gikora gisora ijana ku ijana, bagasumbanya inzu z’ubucuruzi n’inganda kurusha izo guturamo, ugasanga harimo ubusumbane binakandagira uburenganzira bwa muntu.”

Ingabire yakomeje avuga ko hari imisoro imeze nk’ibihano.

Yagize ati “Nk’iriya ngingo y’ikibanza kidakoreshwa, haba hari impamvu nyinshi zatuma umuntu atagikoresha zirimo ihindagurika ry’igishushanyo mbonera, urubyiruko rudafite amikoro, ibyo rero ntiwabihora umuturage uriya wo twawise umusoro gihano.”

Ku ruhande rwa Guverinoma y’ U Rwanda, nkuko byatangajwe n’abunganira Leta yashyizeho ayo mategeko, biregura bavuga ko iri tegeko ritagamije gusubiza inyuma abaturage ahubwo rigamije kubateza imbere kuko imisoro batanga ari yo yubaka igihugu.

Ikindi Leta ivuga ku busumbane mu gusora, ivuga ko abacuruzi bagabanyirijwe bitewe na gahunda ihari yo guteza imbere ishoramari n’ubcuruzi muri rusange.

Leta kandi ivuga ko isaba imisoro abadakoresha ubutaka bwabo kuko usanga buba indiri y’abajura bateza umutekano muke bikanatuma umujyi utagaragaramo isuku.

Hagati aho ariko urukiko rukaba rwibanze ku kubaza impamvu abasaba bavuga ko iyo misoro ari iy’ikirenga.

Prezida w’urukiko rw’ikirenga, Prof. Sam Rugege n’abacamanza bari bafatanyije, nyuma yo kumva impande zombi, yatangaje ko umwanzuro w’urubanza uzasomwa taliki 29 Ugushyingo 2019 ku isaha ya saa tanu z’amanywa.

Ibi ni ibyatangajwe kuri uyu wa kane tariki 31 Ukwakira 2019, ubwo Perezida wa Singapore yakiraga ku mugaragaro Ambasaderi Jean de Dieu Uwihanganye mu biro bye bizwi nka Istana.

Kuri uyu munsi nibwo Ambasaderi Uwihanganye yagejeje kuri Guverinoma ya Singapore impapuro zo guhagararira u Rwanda muri icyo gihugu aho yari anaherekejwe n’umufasha we Pacifique Mukaseti n’ushinzwe ubucuruzi hagati y’ibihugu byombi, Lucas Murenzi.

Muri uwo muhango kandi Ambasaderi Uwihanganye yatanze intashyo z’umukuru w’igihugu cy’u Rwanda Perezida Paul Kagame ushimira ubuyobozi bwa Singapore umubano mwiza ibihugu byombi bifitanye.

Ambasaderi Uwihanganye yatangarije Perezida wa Singapore ko babijeje ubufatanye no gukomeza gusangira ubunararibonye.

Yagize ati “Tugendeye ku mubano mwiza uri hagati ya Singapore n’ u Rwanda, itsinda dukorana twiyemeje gushimangira ibyagezweho kugira ngo dukomeze tunasangire ubunararibonye haba mu ikoranabuhanga no guhanga udushya, igenamigambi ndetse no kuzamura ubushobozi. Bizateza imbere imibereho myiza y’ubukungu n’iterambere by’u Rwanda.”

Ku ruhande rwa Singapore, Perezida Halimah Yacob yavuze ko biteguye gukomeza gushyigikira u Rwanda.

Yagize ati “Abanyarwanda n’Abanyesingapore bahuje indangagaciro n’intego bimwe, ni yo mpamvu twiteguye gukomeza gukorana n’ u Rwanda biciye mu bufasha butandukanye bugamije kuzamura ubucuruzi, ishoramari ndetse n’ubukerarugendo hagati y’ibihugu byombi.”

Ambasaderi Uwihanganye yari Umunyamabanga wa Leta ushinzwe ubwikorezi muri Minisiteri y’Ibikorwa remezo, mbere y’uko ajya guhagararira u Rwanda muri Singapore.

Umuyobozi wa BRD Eric Rutabana avuga ko basaba abacuruzi kugana iki kigega kugira ngo babashe guteza imbere ubucuruzi bwabo bwambukiranya imipaka

Ibi ni ibyatangajwe kuri uyu wa gatatu tariki 30 Ukwakira 2019, ubwo Banki y’u Rwanda Itsura Amajyambere (BRD) yatangizaga ku mugaragaro ubukangurambaga bugamije gushishikariza abanyarwa iby’ikigega (EGF) cyashyizwemo miliyari 12 z’Amadolari ya Amerika yo gufasha abifuza kohereza hanze ibikorerwa mu Rwanda.

Mu rwego rwo kuzamura umubare w’ibyoherezwa hanze y’u Rwanda no kubimenyekanisha, muri 2016 Guverinoma y’u Rwanda ibinyujije muri Minisiteri y’Ubucuruzi na BRD, yatangije ikigega cyo guteza imbere ibyoherezwa hanze (Export Growth Fund).

Iki kigega giha amabanki amafaranga yo guha abacuruzi maze bakishyura 14% by’inguzanyo. Kizajya kandi gifasha abo bacuruzi kugera ku isoko mpuzamahanga bahabwa amadori ibihumbi 100 ni ukuvuga hafi miriyoni 100, ndetse gitange ingwate ya 80% mu gihe habayeho igihombo giturutse ku mpamvu zitandukanye.

Iki kigega kandi cyagenye uburyo bwo gufasha abifuza gutangira iyo mishinga by’umwihariko urubyiruko.

Umuyobozi wa BRD ifite mu nshingano icyo kigega Eric Rutabana yatangaje ko kugira ngo umubare w’abafashwa kohereza ibintu byabo hanze wiyongere leta n’abafatanyabikorwa bayo bamaze gushyiramo amaranga menshi.

Yagize ati “Leta imaze gushoramo amafaranga agera kuri miriyari eshatu, ariko birenze kuri ayo mafaranga, BRD ikoresha n’andi mafaranga yayo kugira ngo umubare wabo dufasha wiyongere, muri uyu mwaka twabonye inkunga ya miriyoni 8,5 z’amaeuro twahawe na banki y’abadage.”

Ayo mafaranga akaba anyuzwa mu mabanki arimo banki ya Kigali, banki y’abaturage, equity bank, I&M bank, n’zizindi bikorana n’iki kigega kugira ngo abaturage babashe kuyabona.

Rutababana kandi yakomeje asobanura ku bisabwa kugira ngo uwifuza guhabwa kuri aya mafaranga abe yayabona.

Yagize ati “Kubatangira bagomba kuba bafite imishinga myiza inoze, abadafite ubwo bushobozu turabafasha, ikindi niko tugusaba kuba washobora kohereza ibicuruzwa ku kigera cya 40% mu myaka itanu, ikindi n’ibijyaye n’ubuziranenge uba ugomba kuzuza, urebye ni nkibisanzwe bisabwa ariko ikiyongeraho ni ubufasha butandukanye dutanga.”

Kugeza ubu kuva cyatangira gukora muri 2016 kimaze gufasha abacuruzi 31, abandi 19 bakaba baratangiye kujya batwara ibicuruzwa byabo hanze.

Ubu bukangurambaga bukaba buzamara igihe cy’umwaka BRD izenguruka hirya no hino mu gihugu.

Marie Michelle Umuhoza, umuvugizi mushya wa RIB

Ibi ni ibyatangajwe n’uru rwego rubinyujije ku rubuga rwa twitter, ku mugoroba wo kuri uyu wa gatanu tariki ya 25 Ukwakira 2019.

Mu nama idasanzwe y’Abaminisitiri yari iyobowe na Perezida Paul Kagame, tariki ya 19 Ugushyingo umwaka ushize wa 2018, Umuhoza yari yagizwe umugenzuzi (Investigation analyist) muri RIB.

Kuri uwo munsi kandi ni bwo umuvugizi wa RIB ucyuye igihe Mbabazi Modeste yari yashyizwe kuri uwo mwanya.

Kutiyakira no kutihangana ni byo bivamo agahinda gakabije (depression). Iyo katavuwe ku gihe, gashobora kuvamo indwara yo mu mutwe ikomeye, bituma uyirwaye ntacyo abasha kwigezaho mu buzima.

Inzobere mu bijyanye n’ubuzima bwo mu mutwe mu bitaro bya kaminuza by’i Kigali (CHUK) Gasana Udahemuka Magnus avuga ko kudaha agaciro umuntu mufite aho muhurira yaba uwo mukorana, umuvandimwe, umubyeyi, umwana bigira ingaruka zikomeye mu buzima bwo mu mutwe.

Yagize ati “Igihe cyo mudashoboye kumutega amatwi, igihe cyose umuntu atanogewe mu isano abanamo n’abandi biragorana bikaba bisaba ko yitabwaho, bituma ubuzima bwo mu mutwe butengamara.”

Ibituma ubuzima bwo mu mutwe buhungabana harimo n’ibyago bitandukanye ndetse no kuba mu muryango w’umuntu hari abigeze guhura n’ubwo burwayi nk’uko yakomeje abisobanura.

Yagize ati “Ubundi umuhangayiko n’ishavu ni bimwe mu bintu byigenzi byatuma ahungabana mu mutwe ariko kimwe nk’izindi ndwara bishobora kuba bifite inkomoko ya kure, iyo hari uwigeze kurwara indwara yo mu mutwe mu muryango haba hari ibyago byinshi by’uko uzamukomokaho ashobora kuzayirwara.”

Raporo y’ishami ry’umuryango wabibumbye ryita ku buzima yashyizwe ahagaragara muri uyu mwaka wa 2019 ivuga ko umuntu umwe kuri bane ku isi afatwa n’uburwayi bwo mu mutwe bivuye ku makimbirane.

Ni mu gihe kandi muri uku kwezi tariki 10 Ukwakira 2019, hizihijwe umunsi wo kurwanya uburwayi bwo mu mutwe butera benshi kwiyahura, aho buri masegonda 40 ku isi umuntu yiyambura ubuzima.

Gasana Magnus usobanukiwe ibijyanye n’ubuzima bwo mu mutwe avuga ko mu buryo bwo guhangana n’ubu burwayi uwagaraje ibimenyetso byo kwigunga, kutumvikana n’abandi, agahinda n’ibindi, yegera inzobere.

Yagize ati “Yegereye inzobere bakaganira, agashira amanga byamufasha kandi tugashimira itangazamakuru riba ryatwegereye kugira ngo abantu basobanukirwe n’iki kibazo cy’indwara zo mu mutwe kuko bibangamira iterambere ry’imiryango.”

Minisiteri y’Ubuzima yo ivuga ko Abanyarwanda bagera kuri 11% babana n’agahinda gakabije, naho mu barokotse Jenoside yakorewe Abatutsi by’umwihariko ababana n’agahinda gakabije bakaba ari 32%.

Ambasaderi Uwihanganye Jean de Dieu yashimye iterambere Singapore igezeho

Ibi yabitangaje abicishije kuri twitter, avuga ko u Rwanda nirukomeza mu nziza rurimo na rwo ruzabasha kubigeraho.

Ambasaderi Uwihanganye yasimbuye Ambasaderi Guillaume Kavaruganda. Ubwo Uwihanganye yari amaze kwicara mu biro bye bishya, areba hanze y’inyubako akoreramo, ngo yatunguwe n’ubwiza bw’Umujyi wa Singapore.

Mu butumwa bwe yasangije abamukurikira kuri Twitter, yavuze ko igihugu nka Singapore kitari gifite ubutunzi cyabashije kwigeza kure, bityo ko ari urugero rwiza ku Rwanda.

Yagize ati “Aho nicaye mu biro byanjye bishya bya Ambasade y’ u Rwanda muri Singapore, ndabasha kureba ubwiza n’iterambere by’iki gihugu. Ndibaza ukuntu babigezeho mu myaka 50 gusa.”

#RwOT Great view from my new office in @RwandaSingapore ! Quite inspiring!! Can’t imagine that they achieved these only in last 50 years! No natural resources, the country size equals Kigali ! With continued Focus and hard work Rwanda will achieve it! Let us do it !!! pic.twitter.com/ALkBuTZRgi

— Eng Jado Uwihanganye (@Jadouwihanganye) October 21, 2019

Ubwo butumwa bwe bukomeza buvuga ko n’u Rwanda ruzabigeraho kandi Abanyarwanda bose bafatanyije.

Yagize ati “Nta butunzi kamere igihugu gifite, ubugari bwacyo bungana na Kigali, rero u Rwanda nirukomeza icyerekezo rurimo ndetse no gukora cyane, u Rwanda ruzabigeraho, rero mureke dukore.”

Abakurikira Ambasaderi Uwihanganye, barimo na Ambasaderi Oliver Nduhungirehe, bashimye ubwo butumwa yanditse kandi bavuga ko bamwitezeho kuzabahagarira neza banamwifuriza kuzagira imirimo myiza.

Uwitwa Lizinde Malik Shaffy yagize ati “Tukwifurije amahirwe masa ku rugendo rushya utangiye kandi uzaheshe u Rwanda ishema”

Ambasaderi Uwihanganye Jean de Dieu azwiho kuba yaraminuje mu bijyanye n’imyubakire. Akurikirwa n’abantu barenga ibihumbi bitatu kuri Twitter akaba ari umwe mu bayobozi b’u Rwanda bakiri bato kandi batanga icyizere mu guteza imbere u Rwanda, dore ko mbere yo kuba Ambasaderi yari Umunyamabanga wa Leta muri Minisiteri y’Ibikorwa remezo.

Aya ni amwe mu mafoto Ambasaderi Uwihanganye yakoresheje agaragaza ubwiza bwa Singapore

Maitre Eduard Murangwa yaregeye urukiko rw’ikirenga ku karengane gashobora kuzagaragara mu byemezo bizafatirwa abaturage batazubahiriza itegeko rishya ry’ubutaka ngo rihabanye n’itegeko nshinga

Ibi byatangarijwe mu rubanza rwabaye kuri uyu wa gatanu tariki 11 Ukwakira 2019, aho umunyamategeko yaregeraga urukiko rw’ikirenga zimwe mu ngingo z’itegeko rishya rigenga ubutaka zidahuza n’itegeko nshinga rivuga ko ubutaka bw’umuturage ari ntavogerwa.

Ingingo za 16, 17, 19 na 20 z’itegeko ryatowe muri 2018, rigatangira gushyirwa mu bikorwa muri 2019 rigena inkomoko y’imari n’umutungo by’inzego z’ibanze zegerejwe abaturage bikomoka ku misoro ku bibanza n’inyubako, ntizihura n’ibiteganywa n’itegeko nshinga.

Maitre Eduard Murangwa waregeye urukiko rw’ikirenga iby’izo ngingo yarusabye ko mu bushobobozi n’ubushishozi rufite ruzisuzuma.

Yagize ati “Ingingo ya 34 y’itegeko nshinga ivuga ko umutungo utimukanwa w’umuntu n’abe ari ntavogerwa. Rero umusoro wose uzaba wananiye umuturage kwishyura, biba bimugiraho ingaruka muri za ngingo ya 34 ku mutungo we utari ntavogerwa, uw’amazu cyangwa uw’ubutaka.”

Yakomeje avuga ko itegeko rishya rigena ibihano bikomeye birimo kwambura umuturage ubutaka bwe, uburenganzira bwe n’ubushobozi bye biba bititaweho.

Yagize ati “Iyo umuturage atemeranyijwe n’ibivugwa mu masezerano y’ubukode, buriya ariya ni amasezerano ari ku cyangombwa cy’ubutaka, iyo bikunaniye ubutaka urabwamburwa mu minsi 15 nta yindi nteguza nyamara itegeko nshinga riteganya ko umutungo we ari ntavogerwa.”

Uretse n’uyu munyamategeko, Kaminuza y’U Rwanda na yo yagejeje icyifuzo gisa n’iki kuri uru rukiko rw’ikirenga biciye mu nyandiko ndende yanditswe tariki 10 Ukwakira 2019 igashyirwaho umukono n’umuyobozi w’ishuri ry’amategeko muri kaminuza y’u Rwanda Dr. Denis Bikesha.

Nyuma yo gusoma ikirego cy’uyu munyamategeko Eduard Murangwa ndetse n’icya Kaminuza y’u Rwanda, urukiko rwanzuye ko urubanza ruzasubukurwa tariki ya 01 Ugushyingo 2019. Urukiko rwahaye ikaze n’ibindi byifuzo n’ibitekerezo kuri iryo tegeko rishya, rusaba inshuti z’urukiko rw’ikirenga na buri munyarwanda wese muri rusange kurugezaho ibyifuzo birebana n’iri tegeko rishya bitarenze tariki 25 Ukwakira 2019.

Iyahoze ari gereza ya Kigali -1930

Ibi biravugwa mu gihe umujyi wa Kigali wari watangaje ko bitarenze Kamena 2017, gereza nkuru ya Kigali (1930) izaba yahinduwe inzu ndangamurage.

Iyi gereza ya 1930 yubatswe n’Ababiligi mu myaka ya 1930, ikaba ari yo nyubako twakwita iya kizungu yubatswe bwa mbere mu Rwanda n’Ababiligi.

Igikorwa cyo kwimura imfungwa n’abagororwa bari bafungiye yo cyatangiye muri Gashyantare 2017, aho kwikubitiro himuye abagera ku bihumbi bitatu, naho mbere y’uko imiryango ifunga bimura abagore 607 bari barasigaye.

Umujyanama w’umuyobozi w’umujyi wa Kigali, Fred Mugisha, yatangarije Kigali Today ko bagitegereje abashoramari bashyira mu bikorwa uwo mushinga wo guhindura 1930 inzu ndangamurage.

Yagize ati “Uriya mushinga rero ntabwo hari abashoramari bari baboneka, gusa ababonetse tubabwira uko igishushanyo mbonera cyaho giteganyijwe, tukabagezaho icyo twifuza n’ubu haracyashakishwa abashoramari”.

Ku ruhande rw’umuyobozi mukuru w’ikigo cy’ingoro z’umurage w’u Rwanda, Ambasaderi Robert Masozera, we yatangaje ko gereza ya 1930 igomba kubungwabungwa nkuko biteganywa n’itegeko kuko ari umurage ukomeye.

Yagize ati “Twebwe hariya hantu tuhafata nk’ahantu hari amateka, hari umurage ugomba kubungwabungwa hakurikijwe amategeko. Hari itegeko ryashyizweho muri 2016, kugira ngo rero hanabungwabungwe hagomba kujya ku rutonde rw’ahantu hatangwa na Minisiteri ifite mu nshingano umuco”.

Yakomeje avuga ko nk’abashinzwe ingoro z’umurage, bari bagejeje icyifuzo ku babishinzwe, basaba ko gereza ya 1930 yajya ku rutonde rw’ahandi hantu hagera ku ijana hagomba kubungwabungwa nk’ahantu habitse amateka akomeye y’u Rwanda.

Gereza ya 1930 iramutse ihinduwe inzu ndangamurage yajya ku mwanya wa cyenda, aho yajya isurwa na ba mukerarugendo ndetse n’Abanyarwanda bifuza kumenya amateka yayo.

Ni mu gihe raporo y’ishami ry’umuryango wabibumbye ryita ku buzima (OMS) yo mu mwaka wa 2018, ivuga ko hirya no hino ku isi, hari abana bafite guhera ku myaka 14 kuzamura usanga baratangiye gukora imibonano mpuzabitsina.

Iyo raporo y’umuryango wabibumbye kandi, ivuga ko ku mugabane wa Afurika no muri bimwe mu bihugu bya Aziya, uwo mubare wongerwa no gushyingira ku ngufu abana bakiri bato, kubafata ku ngufu ndetse no kubasambanya bakiri bato.

Ibi bikagira ingaruka zikomeye ku bwonko bw’umwana, aho zitangira kwigaragaza ageze mu myaka ya 20 kuzamura.

Abahanga mu bijyanye n’imitekerereze (Psychology) bavuga ko umwana usambanye akiri muto bimuviramo kuba imbata yabyo, kwandura indwara yo kwiheba no kutigirira ikizere (Depression), ndetse no gushaka gukoresha ibiyobyabwenge.

Ubushakashatsi bwa Kari Kugler, bwakorewe ku bana bari hagati y’imyaka 14 na 19 bakoze imibonano bakiri bato n’abandi batigeze bayikora, bwasanze abayikoze kare bagira imterereze itandukanye n’iyabatarayikoze.

Ikindi ngo ni uko abayikoze kare bagira ibyago byinshi byo kwandura indwara zo mu mutwe bakagira n’imyitwarire idasanzwe muri sosiyete ugereranyije n’abatarayikoze kare.

Mu Rwanda imibare y’abana bakora imibonano mpuzabitsina bakiri bato ikomeje kuzamuka aho kugeza ubu, Ministeri y’ubuzima ivuga ko abana b’abakobwa bagera ku bihumbi 19 bamaze guterwa inda zitateguwe.

Ibinini n’inshinge ngo hari abo bigiraho ingaruka

Kuwa kane 26 Nzeri 2019, ni bwo hijihijwe umunsi mpuzamahanga wahariwe kuboneza urubyaro.

Nyuma yo kubona ko kubyara indahekana n’abana benshi muri rusange biteza ubukene kandi n’abana ntibabashe kubona ibibatunga n’uburere bwiza, imiryango myinshi mu Rwanda imaze gusobanukirwa na gahunda zo kuboneza urubyaro.

Uwitwa Nsengiyumva Fidele yatangaje ko bumwe mu buryo bukoreshwa bugwa nabi abagore babo.

Yagize ati “Ni inyigo Minisiteri y’ubuzima yagakwiye kwiga kuko biriya binini ntabwo bigwa neza ababyeyi, ibinini byica ababyeyi narabibonye n’agapira. Hari ubundi buryo umuntu akoresha n’umugore we nko kwiyakana kuko nabajije abazi ubwenge bambwira ko ari byiza”.

Naho undi mugabo we avuga ko uburyo bw’urunigi ari bwo we yasanze bwafasha abantu, kuko imiti ngo atari myiza ku mugore we.

Yagize ati “Uburyo bw’urunigi abantu babwize bakabasha kumenya igihe cy’umugore ubundi bakabona gukora imibonano mpuzabitsina, byafasha mu kuboneza urubyaro kandi nta ngaruka z’imiti bigeze bagira”.

Bamwe mu bagore baganiriye na Kigali Today na bo bemeje ko uburyo bw’agapira n’ibinini bubagwa nabi.

Ayingeneye Speciose yagize ati “Njyewe nakoresheje urushinge rw’amezi atatu nshiduka nasamye, nkoresha agapira k’imyaka itatu na ko ngasamiraho ubu sinzi icyo gukora cyakora ndashaka kugerageza uburyo bwa kamere”.

Ku rundi ruhande ariko, hari n’abagore bavuga ko bo ubu buryo bwabaguye neza nkuko Manirakiza Florence abivuga.

Agira ati “Njyewe nkoresha urushinge rw’amezi atatu kandi ntacyo runtwara. Ubu mfite impanga ebyiri kandi nasobanukiwe akamaro ko kuboneza urubyaro kuko bindinda indahekana”.

Ushinzwe ubuzima bw’imyororokere mu kigo cy’igihugu cyita ku buzima (RBC), Serucaca Joel, avuga ko ubu buryo hari abagore bubera bwiza, hakaba n’abo byanga bitewe n’umubiri wabo.

Yagize ati “Abagore ntibagira imibiri imwe, kuko iyo misemburo baterwa hari igihe itabagwa neza ariko tubagira inama zo gukoresha uburyo butandukanye kugira ngo na bo babashe kuboneza”.

Icyegeranyo cya Ministeri y’ubuzima cyo muri 2015 giheruka, kigaragaza ko ababyeyi bakoresha imiti yo kuboneza urubyaro bangana na 48%, naho abakoresha uburyo bwa kamere bakaba ari 53%.

Ministeri y’ubuzima kandi yemeza ko imyumvire ku bijyanye no kuboneza urubyaro yazamutse cyane, aho inashora akabakaba miliyari ebyiri mu miti, ndetse na miliyoni 500 ku bindi bikorwa bitandukanye byo kuboneza urubyaro buri mwaka.

Nyamara bamwe mu basore n’abagabo baganiriye na Kigali Today batangaje ko nta bumenyi bari bafite ku kuba imyambaro ifashe yabateza ubugumba ahubwo bagaragaza zimwe mu ngaruka bagiye babwirwa na bagenzi babo.

Zimwe muri izo ngaruka harimo nko kudakura kw’igitsina no kutabasha gukora imibonano mpuzabitsina neza.

Ubushakashatsi bwakozwe ku bagabo 200 bari hagati y’imyaka 20 na 38 bwo, bugaragaza ko abagabo bambaye umwenda w’imbere ubahambiriye, watumye ikorwa ry’intanga mu dusabo twazo ryarasubiye inyuma ho 1.6% mu gihe ku bambaye ubarekuye byagumye kuri 1.9%.

Cyakora ku ruhande rwa bamwe mu basore n’abagabo bavuga ko bambara umwenda w’imbere ubafashe cyangwa ubarekuye bitewe n’amahitamo yabo nk’uko uwitwa Alexis Kubwimana yabisobanuye.

Yagize ati “Ari ibimfashe ari ibindekuye byose ndabyambara, numva nta ngaruka zihari zo kwambara umwenda ugufashe keretse wenda nk’iyo uguteye amayasha nko hagati y’amatako ukababara hakazamo utuntu tw’uduheri, uretse ko njyewe nkunda by’umwihariko indekuye kuko ari yo nisanzuramo.”

Naho mugenzi we witwa Joel avuga ko we akunda izimufashe kuko zimurinda byinshi birimo kuba itagaragaza igitsina cye.

Yagize ati “njyewe nkunda imfashe bitewe n’uko ushobora guhura n’umukobwa wamusuhuza wagira ikibazo ntigutamaze ariko irekuye ishobora gutuma utaragara neza, ariko numva bavuga ko zishobora gutuma igitsina kidakura.”

Abashakashatsi mu bya siyansi yerekeranye n’imyanya y’ibanga y’abagabo, bemeza ko nubwo ibyago byo kuba umwenda w’imbere ufashe wateza ubugumba atari byinshi, ngo kwambara uwo mwenda bigira ingaruka ku ikorwa ry’intanga zifite umwimerere.

Zimwe muri zo ngaruka nk’uko VE Kuzmichev abigaragaza harimo indwara ya dyspermia ituma udusabo tw’intanga dukora izifite ubumuga ndetse no gushyuha kw’udusabo tw’intanga ngabo bigatera n’ububabare.

Ubushakashatsi kandi bugaragaza ko kwambara uyu mwenda ufashe mu nda cyane na byo byongera ibyago byo kuba wafatwa n’ubu burwayi bwavuzwe haruguru.

Raporo y’ishami ry’umuryango w’abibumbye ryita ku buzima yo muri 2005 ivuga ko umubare w’abagabo bahura n’ikibazo cy’ubugumba usigaye uruta uw’abagore kubera umubyibuho ukabije, ibiyobyabwenge, indwara zo mu mutwe n’ibindi.

Ibi bituma intanga zitagira imbaraga hakifashishwa uburyo buzwi nka ICSI aho bafata intanga y’umugabo nzima bakayitera mu igi ry’umugore akabona gusama. Kuva ubu buryo bwatangira kwifashishwa ku isi hose hamaze kuvuka abana barenga miriyoni umunani.

Si byiza ko impeta igufata bigeze aha kuko ari iyi ndwara itangira

Ni mu gihe kwambara impeta ku bashakanye bikorwa kugirango bigaragaze, umubano n’isezerano bigomba kuranga uyambaye bigatuma abenshi batazikuramo ntibabashe no kwita kukuba zitakibakwira.

Bitewe no kwambara impeta igihe kinini cyangwa kuyikuramo ukoresheje imbaraga, bituma udutsi duto dutembereza amaraso mu rutoki twangirika. Akenshi ngo usanga uwo bibayeho atabyitaho nyamara nta maraso akigenda mu rutoki ari byo bituma abaganga baca urutoki.

Abaganga mu bijyanye no kubaga bavuga ko abarwayi babagana ari abo impeta ziba zitagikwira bakazikuramo bihata aribyo bigenda byangiza utwo dutsi.

Dr. Cluetts avuga ko by’umwihariko abagabo cyangwa abagore bakora mu nganda ahantu impeta ishobora gufatwa mu cyuma, abakinnyi, n’abakunda gukora imirimo yo mu rugo bakwiye kujya babanza kuzikuramo kuko iyo zifashwe nabyo biteza iyi ndwara.

Nkuko abaganga babivuga abenshi mu bafatwa n’iyi ndwara basa nk’ababa babisuzuguye, gusa bakakugira inama yo kwihutira kwa muganga mu gihe urutoki rubyimbe, rutukuye kandi rwiretsemo amaraso ndetse no kumva ibinya mu rutoki cyangwa se runakuryaryata.

Cyakora nkuko urubuga www.verywellhealth.com rubitangaza, bishobora kugera ku rwego rwo gucibwa urutoki iyo utihutiye kujya kwa muganga ngo bakuvure ukire.

Matt Jones na Sameer Gujral mu gitabo cyabo banditse bacyita Open Access Journal of plastic surgery, bagendeye ku bushakashatsi bakoze bagaragaza ko abarwayi baciwe intoki hari ubwo bagira ihungabana bityo uwagize iki kibazo agomba no kubonana na muganga w’indwara zo mu mutwe.

Amakuru dukesha urubuga www.inquiztr.com avuga ko abantu ibihumbi 150 (150,000) ku mwaka ku isi barwara iyi ndwara ya ring avulsion ari nabyo bituma abashyingiranwa benshi basigaye bihutira kugura impeta zikoze muri purasitiki izwi nka silicon.

Abitabiriye inama yo kumurika umushinga wa CASS basobanuriwe imikorere y’uwo mushinga

Ibi ni ibyatangarijwe mu nama yiga ku mbuto nshya y’imyumbati yahuje abahinzi, inzego za Leta n’imiryango ishinzwe iterambre yateguwe n’ikigo mpuzamahanga cy’ubushakashatsi mu buhinzi (IITA).

Mu rwego rwo guhangana n’ibihe by’amapfa ndetse n’uburwayi bwa kabore n’ububembe bufata igihingwa cy’imyumbati, Guverinoma y’u Rwanda ku bufatanye n’inzego z’abikorera n’imiryango itegamiye kuri Leta ishinzwe iterambere ry’ubuhinzi, binyuze mu mushinga Cassava Agribusiness Seed Systems (CASS) ugamije guteza imbere ihererekanya ry’imbuto z’imyumbati binyuze mu bucuruzi, bagiye gufasha abaturage kubona imbuto nshya izatanga umusaruro uhagije nk’uko bitangazwa na Daniel Rwabigo, umuyobozi ushinzwe ishami rishinzwe imbuto mu Kigo cy’Igihugu cy’Ubuhinzi n’Ubworozi (RAB).

Yagize ati “Twashyizeho gahunda nshya yo guhunika ibikomoka ku myumbati mu kigega cy’igihugu cy’ibiribwa, kugira ngo igihe habaye inkomyi ituma ibiribwa bitaba byinshi mu gihugu tubashe kubishyira ku isoko, bitume abahinzi bakomeza guhinga ari nako twagura amasoko.”

Ku ruhande rw’abahinzi, bavuga ko umusaruro wabo wajyaga ubapfira ubusa ariko ko iyo gahunda yo guhunika no kwagura amasoko izabateza imbere.

Umwe muri abo bahinzi yagize ati “Ubundi twahingaga imyumbati ikera ku bwinshi tukagurisha imbuto nkeya baduhenze izindi zigapfa ubusa, ariko ndumva muri iyi nama batubwiye ko imbuto zacu zitazongera gupfa ubusa.”

Imbuto nshya ihinzwe mu buryo bwa kijyambere ibasha guha abahinzi toni 20 z’imyumbati kuri hegitare imwe mu gihe izisanzwe zakundaga no kurwara kabore n’ububembe zatangaga toni eshanu kuri hegitari.

Kugirango izi mbuto za pomme zice umuntu ufite nk’ibiro 70 byasaba ko yaba yariye nk’izo muri pomme 18. Gusa n’inke ntabwo zabura kugira ibyo zangiza mu mubiri w’umuntu

Ni mu gihe pomme ari urubuto rukunzwe cyane kandi rurinda indwara zitandukanye zirimo iz’umutima, canceri, diyabete, umubyibuho ukabije, n’izindi.

Ubu bushakashatsi bwakozwe na kaminuza yo mu buhinde buvuga ko utubuto twa pomme twifitemo uburozi buzwi nka cyanide kandi bukaba bwica, cyakora umize akabuto akaba ahanini arindwa n’uko igihu cy’ako kabuto kiba gikomeye kandi gitwikiriye ubwo burozi.

Aba bashakatsi ari bo Jyoti Signh, Shivesh Sharma na Seema Nara, bavuga ko iyo umuntu ariye izi mbuto atazihekenye zinjira mu mubiri zikabasha gusohokamo zidashwanyutse. Bikaba byateza ibibazo birimo urupfu cyangwa pararize mu gihe uwaziriye ariye nyinshi.

Muri rusange akabuto kamwe ka pomme kifitemo amagarama 0.49 y’ubu burozi. Ubu bushakashatsi buvuga ko kugira ngo uburozi bwa Cyanide bube bwahitana umuntu aba yariye byibuza mirigarama 1 ku kilo 1 kigize ibiro bye, ni ukuvuga ko umuntu w’ibiro 70 kugira ngo abe yakwicwa n’ubu burozi yaba yariye utubuto 143 duhwanye na pomme 18.

Utu tubuto ku bana nubwo tudashobora guhita tubica ngo dushobora kubagiraho ingaruka zikomeye zirimo pararizi.

Hagati aho ariko nkuko tubikesha urubuga www.medicalnewstoday.com ruvuga ko hari bamwe bagikomeje kwizera ko izi mbuto zishobora kuribwa nk’ubunyobwa bukaranze.

Nubwo hari ubushakashatsi bukomeje gukorwa, inzobere mu by’ibiribwa zivuga ko umuntu akwiye kwirinda guhekenya utu tubuto kuko hari uburozi twifitemo dushobora kugira ibyo twangiza mu mubiri ariko kandi ko mu gihe hari uduhekenye by’impanuka yihutira kuducira nubwo tudahita tumwica.

Robot yitwa Simoni yakozwe n’abanyeshuri bo ku ishuri ryisumbuye rya APACOPE

Ibi ni ibyatangajwe n’ishami ryo muri Minisiteri y’Ikoranabuhanga rishinzwe ihangwa ry’udushya.

Ibi kandi bitangajwe mu gihe hari abana b’abanyeshuri biga mu mwaka wa gatatu w’amashuri yisumbuye muri G.S APACOPE bakoze robot yitwa Simoni ivuga indimi enye kandi ishobora kuyobora inama ikananasubiza buri kibazo cyose ibajijwe.

Umukozi muri Ministeri y’Ikoranabuhanga, ishami rishinzwe guhanga udushya Victor Muvunyi avuga ko gukoresha robots byongera umusaruro kandi bikoroshya akazi.

Yagize ati “Niba nk’inama yayoborwaga n’umuntu umwe wenda utavuga indimi zihagije, robot ishobora gukoresha indimi zose, bigatuma akazi karushaho kunoga no koroha, bigatuma n’umuntu akora ibindi byagura ubwenge bwe.”

Victor Muvunyi yasobanuye akamaro ko gukoresha robots rigezweho

Yakomeje avuga ko abashinzwe ikoranabuhanga mu nshingano bashishikariza abakiri bato kwitabira ikoranabuhanga rishya (emerging technology).

Yagize ati “Imikoranire myiza hagati y’inzego zaba iza Leta, abikorera ndetse n’imiryango itegamiye kuri Leta ni byo bizatuma ikoranabuhanga ryubahirizwa rigateza imbere urubyiruko n’igihugu muri rusange.”

Urubyiruko kandi rushishikarizwa kwitabira amasomo ya siyansi kuko ari rwo Rwanda rw’ejo nk’uko yakomeje abisobanura anamara impungenge abakeka ko robots zazatuma bahinduka abashomeri.

Yagize ati “Dushishikariza abakiri bato kuko ari byo bizatuma bahanga udushya, kuko ubwenge bwabo buba bukibasha kuvumbura. Ikindi ni uko ubukungu bw’u Rwanda mu minsi iri imbere buzaba bushingiye ku yindi mirimo y’ubwenge itari ubuhinzi gusa n’ubworozi ari byo bizatanga n’akazi.”

Robot yitwa Sophia iherutse gutumirwa munama ikomeye i Kigali

Imashini-muntu zitangira, zaje zigamije gushimisha abantu aho bamwe mu bahanga babayeho barimo Leonardo Da Vinci na Al Jazari bakoze robot ya mbere yafashaga abayobozi n’abami bakomeye kwidagadura.

Naho mu kinyejana cya 20 ibi byaje guhinduka aho ikoranabuhanga rishya ryatumye robots zikora nk’abantu zirushaho koroshya akazi.

Hagati aho ariko ikigo mpuzamahanga cyita ku bukungu cya McKinsey, muri raporo giheruka gushyira ahagaragara kivuga ko abagera hafi kuri miliyoni 800 bashobora kubura akazi ku isi kubera robots.

Gutandukana kw’imikaya bishobora gutuma ugira inda nini

Ni mu gihe ubushakashatsi bwakozwe na kaminuza ya Trobe n’ibitaro bya Angliss byo muri Australia, bugaragaza ko zimwe mu mpamvu abagore cyangwa abagabo bananirwa kugabanya inda biterwa n’itandukana ry’imikaya (muscles) iba yaragutse ntifungane maze bakora gahunda zo kugabanya ibiro n’imyito ugasanga inda igumyeho.

Ubu bushakashatsi buvuga ko abagore 40% babyaye, bahura n’iki kibazo aho bata ibiro ariko bakabangamirwa n’inda ibabuza kwambara imyenda bari basanzwe bambara bataratwita.

Ese ni gute wamenya ko ufite ubu burwayi?

Inzobere kuri iyi ndwara zivuga ko kugira ngo umenye ko ufite iki kibazo, uryama hasi, ugahina amavi, ubundi ugafata ikiganza cyawe ukirebesha ku birenge ukagishyira hejuru y’umukondo ubundi ukegura umutwe ukagerageza gusa n’ucukuramo umwobo ukoresheje ikiganza iyo wumvisemo umwanya uba ufite iki kibazo.

Icyakora hari ibindi bimenyetso bishobora kukwereka ko ufite iki kibazo, birimo kubabara umugongo uhoraho, kutabasha gutangira inkari, impatwe no guhora utumbye inda.

Umubyeyi wasobanukiwe n’iki kibazo akagikosora abasha kongera kugira mu nda hato

Ese wakora iki kuri iki kibazo?

Abaganga bakugira inama yo gukora imyitozo yo gufunga uyu mwanya, birimo kuryama hasi uhinnye amavi ukajya uzamura umugongo (bridges), gufunga umwuka ukisonjesha (stomac vacuums), ukabikora amasegonda icumi no kugabanya amasukari n’amavuta n’ibindi biryo byongera ibinure mu nda.

Gusa bakugira inama yo kwegera umuganga ubizobereyemo kandi ufite ubumenyi buhagije kuri iyo ndwara.

Ugomba kwirinda ibyo bita abudomino, pompage (pushups), planks no guterura ibiro biremereye.

Iyo byananiranye, umurwayi asaba kubagwa ariko umugore wifuza kuzabyara abandi bana bisaba ko akoresha uburyo bwavuzwe haruguru.

Iyi ndwara yaba ifite izindi nkurikizi?

Udakosoye iki kibazo bishobora kukuviramo uburwayi bw’umugongo udakira, kudafata inkari, impatwe, uburibwe mu gihe ukora imibonano mpuzabitsina no kubabara mu nda yo hasi cyangwa ikibuno.

Ese birashoboka koko inda igenda igasubirayo burundu?

Ubu bushakashatsi buvuga ko kudacika intege, guhozaho, imirire ifite intungamubiri, kunywa amazi menshi no gukora imyitozo ya bugenewe byagufasha gutandukana n’iki kibazo.

Abaganga kandi bamara impungege abafite iki kibazo, ko kidatera ubumuga cyangwa ngo kibe cyakwica umuntu.

Iyi ndwara ikunze kwibasira abagore batwite n’ababyaye ariko igafata n’abagabo cyane cyane abahora bicaye n’abafite umubyibuho ukabije aho amaraso avura akaba yagera mu mpyiko, umutima cyangwa se n’umwijima ari byo biviramo uwafashwe na yo urupfu.

Mu kiganiro Ashimwe Christine yagiranye na Kigali Today yatangaje ko ubumenyi buke kuri iyi ndwara ari bwo butuma ihitana benshi.

Yagize ati “Ikibazo rero kibaho ni uko kubera kutabimenya ihitana benshi bitewe no kuba barayitindanye bayitiranya n’izindi ndwara. Ubu kuva umwaka watangira tumaze gushyingura abagore batanu, bagasiga impinja, bagasiga abandi bana bari bakurikije ugasanga bishwe no kutamenya n’imiryango yabo nta cyo ibiziho.”

Akomeza avuga ko yiyemeje gukora ubukangurambaga kugira ngo Abanyarwanda bayimenye kuko nubwo itandura ngo ni indwara mbi, yica.

Mu ngamba zafashwe harimo gukora ubukangurambaga bayisobanurira abantu nko ku miganda, siporo rusange (Car Free day), ubushakashatsi ndetse no kuyigisha abaganga kuko basanze bayitiranya n’izindi ndwara.

Yagize ati “Ni ukwigisha abaganga cyangwa se ubukangurambaga mu baganga, kuko twasanze n’abaganga batayizi kuko igira ibimenyetso bisa nk’izindi ndwara. Usanga umuntu bamuvura ‘infection’ cyangwa n’ibindi bintu. Biba byiza rero. Abaganga turabegera bakayimenya, bakibuka kuyivura abarwayi.”

Ashimwe Christine kandi yakoze ubushakashatsi mu bitaro bya Kaminuza bya Kigali (CHUK), ibya gisirikare by’i Kanombe ndetse n’ibyitiriwe Umwami Faisal. Ubwo bushakashatsi bwagaragaje ko ku bagore 150 batwite, 14 gusa ari bo bayizi kandi na bo bakaba barayimenye muri 2015 ubwo batangizaga ku mugaragaro ubukangurambaga bugamije kumenyekanisha no kwirinda iyi ndwara.

Ashimwe Christine ashishikariza Abanyarwanda kuyishakaho amakuru bakayimenya kuko hari abakiyitiranya n’amarozi.

Ibi Polisi ibitangaje mu gihe irimo gukora ubukangurambaga ku mutekano wo mu muhanda mu rwego rwo kwirinda impanuka no kubungabunga ubuzima bw’abakoresha umuhanda, yaba abatwara ibinyabiziga ndetse n’abagenzi.

Mu kiganiro umuvugizi wa polisi ishami rishinzwe umutekano wo mu muhanga SSP Jean Marie Ndushabandi yagiranye na Kigali Today, yatangaje ko akuma ka Alcotest gafite ubuziranenge n’isuku ku bagakoresha ku buryo nta mpungenge bakwiye kukagiraho.

Yagize ati «Umuheha utwaye ahuhamo ukoreshwa inshuro imwe gusa, mu rwego rw’isuku, ikindi ni uko utemera ibipimo yagaragarijwe, ajyanwa kwa muganga, agapimwa mu maraso agahabwa ibisubizo, gusa tumusaba ko yiyishyurira amafaranga y’ivuriro. »

Yakomeje avuga ko uwo basanze afite ibipimo biri hejuru ugereranyije n’ibyagenwe ahanwa nk’uko amategeko abiteganya.

Yagize ati «Ufashwe yanyoye ibipimo bikajya hejuru yambikwa amapingu, agacibwa amande y’ibihumbi 150 kandi agafungwa kugeza igihe isindwe rimushiriyemo.»

Polisi ivuga ko ibipimo bihanirwa ari kuva kuri 0,80 kuzamura, naho abafite ibipimo bya 0,79 kumanura ngo bararekurwa.

Imibare ya Polisi y’u Rwanda igaragaza ko muri 2018 abantu 456 bahitanywe n’impanuka zo mu muhanda, naho 654 bazikomerekeramo.

Polisi isaba Abaturarwanda gukomeza kwirinda gutwara banyoye.

Umuyobozi w’iterambere ry’ubukungu muri MINALOC avuga ko habayeho ibiganiro n’abakora imirimo itandukanye bakaba bagiye kujya bafasha abaturage

Ni nyuma y’uko itegeko rigenga umuganda ryemeje ko abakora imyuga itandukanye irimo ubuvuzi, amategeko, ubwubatsi, abanyamabanki, abanyamadini n’ibindi byiciro, bazajya begera abaturage mu gihe cy’umuganda bakabafasha mu zindi serivisi.

Minisiteri y’Ubutegetsi bw’Igihugu (MINALOC) ivuga ko inzego z’ibanze zikwiye kujya zikorana n’abakora imyuga itandukanye, kuva ku rwego rw’umudugudu kugera ku rwego rw’akarere, maze bagateguza abaturage aho umuganda uzabera n’ibikorwa biteganyijwe.

Mu kiganiro umuyobozi ushinzwe iterambere ry’ubukungu muri Ministeri y’Ubutegetsi bw’igihugu (MINALOC), Bugingo Emmanuel, yagiranye na Kigali Today, yatangaje ko bamaze kugirana ibiganiro n’amahuriro y’abakora imyuga itandukanye.

Yagize ati “Tumaze kugirana na bo inama inshuro ebyiri, kuva twatangira uyu mwaka kugira ngo ibyo bikorwa byabo bibashe kujya mu igenamigambi ry’akarere. Twahuye n’abahagarariye abaganga, abenjeniyeri, abanyamategeko, abakora ibya banki, ibyo byose byari bigamije kubasobanurira politike nshya n’icyo tubitezeho.”

Yakomeje asobanura ko ibikorwa biteganywa gukorwa bitegurwa kandi bikamenyeshwa abo bigenewe mbere.

Yagize ati “Umuganda ugomba gutegurwa waba uw’abanyamyuga (professionals), yaba ari umuganda usanzwe ku buryo igenamigambi riba rinoze, ariko noneho abaturage bakamenyeshwa aho umuganda uzakorerwa, nk’uko itegeko ribivuga nibura iminsi irindwi mbere y’uko umuganda uba.”

Inzego z’ibanze zisabwa kujya zikurikirana ibikorwa biba byakozwe kugira ngo hamenyekane impinduka byazanye cyangwa se niba hari icyangiritse gisanwe.

MINALOC ivuga ko muri uyu mwaka w’ingengo y’imari wa 2018/2019 hakozwe umuganda ufite agaciro ka miliyari 21 z’amafaranga y’u Rwanda ariko ko biteze ko umwaka utaha wa 2019/2020, ayo mafaranga azaba yiyongereye akagera kuri miliyari 22.

Kimwe mu bitabo Fred Mfuranzima yanditse

Ibyo bitabo ni “Urwandiko ruvuye kugasozi I Bututsi” ikindi ni “Dreams to find another World”

Ibi yabitangaje kuri uyu wa kane, ubwo umuryango Never Again Rwanda wongeraga kugirana ibiganiro ku nshuro ya 8 n’urubyiruko, ku bijyanye n’ibikorwa byo kwibuka jenoside yakorewe abatutsi.

Mu cyahoze ari prefecture ya Butare, komini Rusatira, hiciwe Abatutsi babarirwa mu bihumbi birenga mirongo ine, akaba ari yo mpamvu Mfuranzima w’imyaka 21, yashenguwe no kuba nta mateka yanditswe, avuga kuri ubwo bwicanyi nkuko yabitangarije Kigali Today.

Yagize ati “Nize I Butare n’uko njya kwibuka, nsura urwibutso rw’i Rusatira nsanga hapfiriye Abatutsi barenga ibihumbi 43, ndavuga nti aha hantu haphiriye abantu bangana gutya icyarimwe kuki nta mateka yaho yanditswe? Nari nsanzwe nandika udutabo tw’abana ndavuga nti reka ntangire nandike.”

Dr. Joseph Nkurunziza avuga ko kwandika amateka bidasaba kuva waravutse mbere ya Jenoside yakorewe Abatutsi

Mfuranzima avuga ko abantu bo mu bindi bihugu bitandukanye, biganjemo urubyiruko bamutumira kugira ngo abagezeho ibikubiye mu bitabo bye, aho anashishikariza urundi rubyiruko gutinyuka rukandika kuko isi ikeneye kumenya.

Yagize ati “Kwandika byatanze umusanzu yaba mu Rwanda ndetse no hanze, kuko mbona ubutumire bwinshi bunsaba kujya kuvuga kubyo nanditse bashaka kumenya amateka y’igihu cyacu, ubona ko dufite inkuru nyinshi zo kubwira isi ariko tutandika.”

Dr. Joseph Nkurunziza umuyobozi wa Never again Rwanda yadusubije ku kibazo bamwe bashobora kwibaza ku mwana wavutse nyuma ya Jenoside yakorewe Abatutsi ubasha kwandika ibyabaye.

Yagize ati “Ntago yabonye Jenoside ariko ibyo yabonye birahari, ntago bisaba kuba waravutse mbere ya jenoside... Hari n’abandi bafite impano zo kwandika... Hari abarokotse Jenoside yakorewe Abatutsi, urubyiruko rero rushobora kwandika ubwo buhamya, kugira ngo abandi babashe gusoma ibyabaye.”

Mfuranzima amaze kwandika ibitabo bitanu, akaba afite n’indi mishinga y’ibitabo bitarashyirwa hanze.

Minisitiri w’Ububanyi n’Amahanga Dr Richard Sezibera

Ibi ni ibyatangajwe na minisiteri y’ububanyi n’amahanga mu gikorwa cyo kwibuka cyahuriyemo abahagarariye ibihugu byabo n’abahagarariye ibigo bikomeye mpuzamahanga bikorera mu Rwanda, cyabaye kuri uyu wa kane 11 Mata 2019.

Minisitiri w’ububanyinamahanga Dr. Richard Sezibera yashimye intambwe bimwe mu bihugu bimaze gutera mu kuburanisha, kohereza ndetse no gutanga amakuru kuri Jenoside yakorewe Abatutsi ariko yongera gusaba ko hacukumburwa inyandiko zerekeye Jenoside zigahabwa u Rwanda.

Yagize ati “Ndifuza gushimira ibihugu byamaze kuduha izo nyandiko kandi nkasaba ibindi bihugu bitarabikora kubyihutisha kuko kubika izi nyandiko bidafasha gukumira Jenoside gusa ahubwo ko nizitangwa bizafasha no mu kuba Jenoside nta handi yakongera kuba ku isi”.

Minisitiri Dr. Sezibera kandi yavuze ko umuco wo kudahana ukwiye gucika agaruka no kubakekwaho Jenoside bakomeje kwidegembya mu mahanga.

Minitiri w’Ubutabera hamwe n’Umunyamabanga uhoraho muri minisiteri y’Ububanyi n’amahanga

Yagize ati “Tugomba guca burundu umuco wo kudahana, tugatuza ari uko abakoze Jenoside yakorewe Abatutsi batawe muri yombi bakagezwa imbere y’ubutabera. Uyu munsi u Rwanda, rwohereje inyandiko zirenga 900 mu bihugu 33 byo ku isi zisaba itabwa muri yombo ry’ abakekwaho uruhare muri Jenoside cyakora ndashimira bimwe mu bihugu mu byubahiro byanyu muhagarariye, bimaze kuburanisha cyangwa se bakohereza abo bantu mu Rwanda.”

Uwarokotse Jenoside yakorewe Abatutsi Dartagnan Habintwari ukomoka mu ntara y’Amajyepfo, akarere ka Huye, watanze ubuhamya yagarutse ku nzira y’umusaraba yaciyemo n’umuryango we kugeza igihe biciye abavandimwe be bane bari bihishe mu kiriziya na se wishwe ubwo yaramaze kurambirwa gukomeza kwihisha.

Yagize ati “yavuze ko arambiwe gukomeza kwihisha, kuko ntiyumvaga impamvu ari kwihisha abamuhiga kandi azi neza ko nta kibi yakoze, mukuru wanjye Pierre yaramukurikiye, yari inshuti cyane na papa maze basohotse mu nzu bahura n’interahamwe zari zigabye igitero zihita zibatwara kafi na kiriziya zirabica.”

Uyu musore kandi akaba yarakijijwe no kuba yarambaye imyenda ya gikobwa, akanahishwa n’umuryango utarahigwaga bari baturanye.

Abitabiriye iki gikorwa baganiriye ku ruhare rw’amahanga mu kurwanya Jenoside, no guhangana n’abakomeje kuyihakana no kuyipfobya nuko amahanga agenda biguru ntege mu kuburanisha abakekwaho kwica no gukemura amakimbirane ndetse ugasanga atitaye ku ngaruka yagize ku Banyarwanda.

Andi mafoto menshi

Martine Urujeni umuyobozi w’ishami rishinzwe kwegereza abaturage ubutabera aravuga ko abunganizi bagiye kujya begera abana kugira ngo batayoba mu bitekerezo

Ibi ni ibyatangajwe ku wa kane tariki 04 Mata 2019 mu nama nyunguranabitekerezo Minisiteri y’Ubutabera yagiranye n’inzego zitandukanye zirimo RIB, inkiko, abunganira abana, urugaga rw’abavoka n’abandi.

Mu mbogamizi abunganira abana bagaragaje harimo kuba abana bafunganwa n’abakuru, bikagira ingaruka ku miburanishirize hamwe n’ubuzima bwabo muri rusange.

Maitre Icyimanizanye Beatrice wunganira abana mu Karere ka Musanze avuga ko iyo baganiriye n’abana babaha amakuru nyayo maze bagera mu rukiko ugasanga abana bahinduye amakuru bakaba basaba ubuvugizi ko bagira amakasho yabo.

Yagize ati “Ahari abantu bakuru nyine hari indwara abana bashobora kwandura mu buryo bworoshye, kandi n’abo bantu bakuru barabigisha bakabahindura mu mutwe ku buryo iyo mwaganiriye atarinjira muri kasho, ejo ugaruka ugasanga byahindutse.”

Maitre Icyimanizanye akomeza avuga ko bigorana kunganira abo bana kubera amakuru atandukanye batangaza kuko bagera mu nkiko ntibahuze na bo.

Abungabira abana bavuga ko amategeko y’abana usanga adakurikizwa

Yagize ati “Umuntu aba yahereye muri RIB amwunganira, mu bugenzacyaha, ariko mwagera mu rukiko agahindura imvugo, kubera abo bantu kuko iyo ukurikiranye umwana akubwira ko bamushutse, urugero umubaza imyaka akakubwira ko atayizi kandi mbere yakubwiye ko afite 15.”

Indi mbogamizi yagaragajwe ni uko amategeko yashyiriweho abana atubahirizwa nk’uko bitangazwa na Maitre Ntibarigera Innocent.

Yagize ati “Amategeko yashyiriweho abana ntakurikizwa n’inzego zibishinzwe. Nk’iyo uvuze ngo iyo iperereza rigikorwa umwana agomba kuba ari hanze ubugenzacyaha ntibubyumva kuko ubundi aba agomba gufungwa ari uko habayeho isubiracyaha.”

Minisiteri y’Ubutabera yo ivuga ko hari gahunda zashyizweho mu rwego rwo gukomeza kwita ku butabera buhabwa abana nk’uko Urujeni Martine umuyobozi w’ishami rishinzwe kwegereza ubutabera abaturage yabitangaje.

Yagize ati “Tubwira abavoka ko baba bagomba kwegera abana kugira ngo batayoba mu bitekerezo, tubwira abunganizi ko bakwiye kubaganiriza bagafata umurongo w’uko bagomba kwitwara mu manza, kuko twasanze hari abategera abo bana.”

Kugeza ubu ibyaha byiganje usanga abana bakora ku mwanya wa mbere haza gukubita no gukomeretsa, ubujura, ibiyobyabwenge n’ihohotera rishingiye ku gitsina.

Ibi ni bimwe mu byo abaganiriye na Kigali Today batangaje kuri uyu wa mbere tariki 01 Mata 2019. Iyi tariki hirya no hino ku isi hari abayifata nk’umunsi wo kubeshya ariko batagamije kugirira nabi umuntu ahubwo bigakorwa mu buryo bwo kwishimisha no gutera urwenya.

Kuri iyi tariki hari abantu babeshya abandi, ibitangazamakuru ugasanga byanditse inkuru z’ibinyoma ariko bigakorwa mu buryo uwabeshya yivuguruza ku binyoma bye kugira ngo atagira ibyo yangiza.

Ni muri urwo rwego Kigali Today yifuje kuganira na bamwe mu Banyarwanda kuri uyu munsi, bavuga ko utakibashishikaje ahubwo ko icyo bashyize imbere ari ugushakisha imibereho.

Uwitwa Habineza Claude yavuze ko kubeshya ntacyo bimaze kandi nta n’icyo byamarira mugenzi we.

Yagize “Hari ibindi bintu abantu dukwiye gutezanyamo imbere, kubeshya se bimaze iki? Abantu barashonje abantu bararya rimwe ku munsi.”

Jean Marie Vianney Uwitonze wari uvuye mu kazi afite ibikoresho by’ubwubatsi we yavuze ko abantu bakuru usanga batakitaye kuri uyu munsi wo kubeshya.

Yagize ati “Aho nakoreye nahoze numva babeshya ariko nkabona ari ibiparu, gusa nta bantu cyane cyane abakuru bakibyitayeho ahubwo urubyiruko ni rwo rubigerageza.”

Nubwo benshi bahangayikishijwe n’imibereho, hariho n’abavuga ko badashobora kwibagirwa uyu munsi harimo abigeze kubeshywa mu bihe byashize nk’uko Ndayisenga Assumani akomeza abivuga.

Ati “Umukozi umwe ni we wambeshye ngo mugenzi wanjye arampamagaye nuko ngiyeyo ndamubura ambwira ko yambeshyaga, kera nkiri umwana nabwo bambeshye ko batetse inyama nagiye gukina umupira nishimye. Nje nsanga bambeshyaga batetse umutsima w’uburo, gusa ubu abantu bashishikajwe na ‘business’ no gushaka icyabatunga.”

Kugeza ubu amateka avuga kuri uyu munsi ntavugwaho rumwe ku nkomoko yawo. Inyandiko zivuga ko wadutse mu kinyejana cya 19 aho abantu babeshyanaga ariko ntawugambiriye guhemukira undi.

Uwatemye inka 12 yatawe muri yombi

Ibi ni ibyatangajwe kuri uyu wa kane taliki 28 Werurwe 2019 n’Urwego rw’Ubugenzacyaha RIB.

Imbere y’ibitangazamakuru bitandukanye, Karabayinga Jacques yiyemereye ko yishe izo nka mu ijoro ryo ku wa gatandatu taliki 23 Werurwe 2019 mu Karere ka Nyabihu, maze agahita asubira mu nkambi i Karongi icyakora yahakanye ko yashakaga kwica nyirazo.

Yagize ati “Ahagana mu ma saa mbili n’igice z’ijoro, nagiye mu kabari ngura amacupa ya warage abiri, ndayagotomera ndangije ngura umuhoro njya mu rwuri mu ishyamba aho izo nka zari ziri maze ndazitemagura.”

Karabayinga abajijwe niba yarifashije mu gutemagura izo nka yavuze ko ari we ku giti cye wazitemye ntawe bafatanyije.

Impamvu ngo yafashe icyemezo cyo gutemagura izo nka, ngo ni uko mugenzi we yari yanze kumwitura kandi basanzwe bagabirana, bityo biza no kuvamo amakimbirane yatangiye muri Kanama umwaka ushize wa 2018.

Umuvugizi w’Urwego rw’Ubugenzacyaha Mbabazi Modeste avuga ko ayo makimbirane bakiri kuyakoraho iperereza gusa ko hari abaturage bemeza ko yashakaga kwica uwitwa Ndabarinze.

Yagize ati “Twafashe abashumba 16, bagiye baduha amakuru dushakamo uwaba ari inyuma yo gutema izi nka, abaturage baduhaye amakuru ko bari bafitanye amakimbirane kandi ko Karabayinga yashakaga kwica Ndabarinze, ariko turacyakora iperereza.”

Uretse icyaha cyo kwica inka, Karabayinga akurikiranyweho no gukoresha ibyangombwa mpimbano kuko amazina akoresha ku ndagamuntu atandukanye n’ayanditse ku ndangampunzi, akaba anafite ind
angamuntu kandi ari impunzi.

Umuvugizi wa RIB yakomeje asaba Abanyarwanda kwirinda ibikorwa nk’ibi byubunyamaswa, cyane cyane muri ibi bihe u Rwanda rwitegura kwibuka ku nshuro ya 25 Jenoside yakorewe Abatutsi kuko aho gusana imitima, bikomeretsa imitima.

Mbabazi Modeste, Umuvugizi wa RIB asaba abantu kwirinda ibikorwa nk’ibi by’umwihariko muri iyi minsi Abanyarwanda bitegura kwibuka ku nshuro ya 25 Jenoside yakorewe Abatutsi

Abagore ibihumbi 100 bo mu murenge wa Kimihurura nibo bazahabwa inkunga

Kuwa Kane tariki 14 Kamena 2018 hatangijwe umushinga ugamije guhangana n’imbogamizi abagore bahura nazo zigatuma batiteza imbere mu bijyanye n’ubukungu.

Abaterankunga batandukanye harimo n’ibigo by’imari biciriritse bitanga inguzanyo zihariye, batunze agatoki abagore bahabwa inguzanyo cyangwa inkunga, aho kuyikoresha icyo igenewe, bakayukenuzamo abandi bakajya mu tubari.

Ni muri urwo rwego umuryango Action for Women Foundation, watangije umushinga wo gufasha abo bagore kugira ngo babashe kwivana mu bukene. Aho uzakorera mu tugari n’imidugudu ifite abagore benshi bakennye kurusha abandi mu murenge wa Kimihurura.

Umunyamabanga nshingwabikorwa w’Umurenge wa Kimihurura Patricie Murekatete yavuze ko hari imbaraga zigiye gushyirwa mukwigisha abo bagore.

Yagize ati “Icyambere ni ukuzabanza tukabahugura, bakumva ko amafaranga bagiye guhabwa cyangwa ubushobozi atari ubwo gupfusha ubusa, ntibumve bakwiye kuyikenuzamo cyangwa gukemura ibibazo basanganywe kuko icyo twifuza ni uko umugore w’umunyarwanda azamuka.”

Aba bagore bazigishwa no gucunga umutekano

Assumpta Tuyishimire waruhagarariye abandi bagore bo mu murenge wa Kimihurura yatangaje ko bishimiye uwo mushinga kuko uzatuma abagore barushaho kwigirira ikizere kubera imbogamizi zitandukanye bahuraga nazo.

Ati “Uyu mushinga twawishimiye, ubu twahuraga n’inzitizi z’uko umugore atifiye ikizere, benshi bagiteze amaramuko ku bagabo, ariko nanone ni urugendo rurerure kuko hari abagiye babyumva n’abandi ubu bagiye kuzamuka kuko kwigisha ari uguhozaho.”

Ikiciro cya mbere cy’uyu mushinga kikazatangirira mu tugari tubiri aritwo Rugando na Kimihurura, ukazagera ku bagore ibihumbi ijana bazigishwa gucunga umutungo no gushora imari yabo mu mishanga myiza.

Abagabo 20 nabo bazigishwa uko bakwiye gushyigikira umugore mu bikorwa by’iterambere rirambye.

Minisitiri w’Ubucuruzi n’Inganda Vincent Munyeshyaka

Ibi ni ibyatangajwe kuri uyu wa gatanu taliki 8 Kamena 2018, ubwo hakorwaga amahugurwa agamije kwemeza inyandiko y’itegeko rishya rigenga umutungo bwite ushingiye ku bwenge (Intellectual Property).

Nyuma yo gusanga hari imitungo bwite ishingiye kubwenge (Intellectual Property) cyangwa se ibitekerezo by’abantu baba barihimbiye ugasanga bikoreshejwe n’abandi, guverinoma y’u Rwanda irashishikariza abanyarwanda kujya bandikisha buri gitekerezo cyose.

Rumwe mu ngero zatanzwe hakaba harimo, nk’abantu bafite amafaranga usanga biba umutungo w’abanyeshuri biga mu mashuri makuru y’ubumenyingiro n’imyuga azwi nka IPRC bakawubyaza umusaruro nyamara abanyeshuri bawuvumbuye ntibibazanire inyungu.

Minisitiri w’ubucuruzi n’inganda Vincent Munyeshyaka yatangaje ko hamwe n’inzego zitandukanye bagiye gukora ubukangurambaga butandukanye kugira ngo abanyarwanda basobanukirwe.

Yagize ati “Iyo habaye ikibazo ku isoko, umuntu atarandikishije umutungo we nibyo bizana ingorane, niyo mpamvu MINICOM ifatanije na RDB, minisiteri y’ubutabera n’izindi nzego tuzakorera hamwe dushishikarize abanyarwanda kwitabira kwiyandikisha.”

Abitabiriye iyi nama

Uretse kuba ibitekerezo cyangwa ibihangano by’abantu bizarindwa n’itegeko ry’U Rwanda, hateganijwe no kuryifashisha mu buryo bubarengera mu bindi bihugu nkuko Minisitiri Munyeshyaka akomeza abivuga.

Ati “Itegeko dufite ubu ngubu riteganya ko, umuntu kugira ngo akoreshe igihangano cyawe yaba televiziyo cyangwa radiyo yo hanze ikoresheje icyo kintu nta burenganzira, uwo muntu yarega amategeko akamurengera.”

Gregoire Hategekimana umwe mu bari bitabiriye ibi biganiro akaba n’umuhanzi yatangaje ko bajyaga babangamirwa n’uburyo itegeko rishyirwa mu bikorwa ariko kuba rigiye kuvugururwa bizahindura byinshi.

Ati “Hari ukuntu hari ibyaburagamo cyane cyane ibijyanye n’ikoranabuhanga, biriya byo kwakira amafaranga y’ibihangano, ikindi twabonaga cyagombaga guhinduka cyari uko abahanzi batari bazwi, ariko itegeko rishya rikaba ribiteganya.”

Iri tegeko ry’umutungo kamere ushingiye ku bwenge rikaba rizuahirizwa mu bice byose by’ubuzima bw’ubucuruzi, haba mu buzima, ubucuruzi, ubuhinzi, ikoranabuhanga, n’ibindi.

Madame Jeannette Kagame ageza ijambo ku bitabiriye Café Littéraire

Yabitangaje kuri iki Cyumweru tariki 27 Gicurasi 2018, ubwo yari yitabiriye ibiganiro bigendera ku nyandiko ziba zaranditswe bizwi nka Café Literaire.

By’umwihariko ibyo biganiro byari byibanze ku nyandiko zahariwe Jenoside yakorewe Abatutsi, mu rwego rwo kwibuka Jenoside yakorewe Abatutsi ku nshuro ya 24.

Hibanzwe ku bijyanye n’uko kuva mu 1990 amahanga yari yaramaze gutahura itegurwa rya Jenoside kandi afite n’ibimenyetso by’uko izaba, kandi ari umugambi ugamije kuzarimbura ubwoko bw’Abatutsi.

Madame Jeannette Kagame yashimiye abanditsi bakomeje kugaragaza ukuri kuri Jenoside yakorewe Abatutsi mu rwego rwo guhashya abayipfobya ndetse n’abayihakana.

Yagize ati “Ndashimira buri wese wiyemeje kuvuga,akajya mu rubuga rw’abiyemeje kuzana urumuri ku kibazo cy’abatemera n’abapfobya jenoside yakorewe Abatutsi mu mahanga.”

Madame Jeannette Kagame aganira n’umwe mu banditsi, André Twahirwa, na Ange Kagame mu gikorwa cya Café Littéraire.

Madame Jeanette Kagame kandi yashimiye abategura ibyo bikorwa kuko bigira uruhare runini mu gukindisha Abanyarwanda umuco wo gusoma no kwandika.

Ati “Ndashimira abateguye Café Litteraire, kuko bituma twagura imitekerereze n’imyumvire, mbashishikariza kuzabikomeza kuko ari ubwenge n’ubukungu bushya bwiyongera mu muco wacu.”

André Twahirwa, Dr Jean Damascène Bizimana na Albert Toch bari mu bitabiriye ibyo biganiro

Umunyamabanga nshingwabikorwa wa komisiyo ishinzwe kurwanya Jenoside (CNLG) Dr. Jean Damascene Bizimana,akaba n’umwe mu banditsi banditse kuri Jenoside yakorewe Abatutsi na we avuga ko ibyo bandika byatanze umusaruro ukomeye mu mahanga.

Ati “Ubu isi yose ifite inshingano zo guhana icyaha cyo guhakana no gupfobya Jenoside yakorewe Abatutsi kuko Umuryango w’Abibumbye wasabye ibihugu gushyiraho ayo mategeko kandi agakurikizwa.”

Bibaye mu gihe mu ntangiriro z’uyu mwaka, Umuryango w’Abibumbye (UN) wemeje ko atari Jenoside yo mu Rwanda ahubwo ko ari Jenoside yakorewe Abatutsi mu Rwanda mu 1994.

Muri 2014 akaba ari bwo uwo muryango wari wemeje bwa mbere ko guhakana no gupfobya jJenoside ari icyaha mpuzamahanga gihanwa n’amategeko.

Kugeza ubu umubare w’abaririmbyi bishwe ni 23 nubwo hari abandi bataramenyekana amazina.

Iki akaba ari kimwe mu bikorwa ngarukamwaka iyi chorali ikora mu mezi atatu yo kwibuka Jenoside yakorewe Abatutsi.

Iki gikorwa cyo kwibuka ku nshuro ya 24, cyabimburiwe n’igitambo cya misa, ariko cyane cyane bibuka bamwe muri bagenzi babo bagera kuri 23 bishwe urwagashinyaguro.

Umuyobozi w’iyi chorale Dr. Albert Nzayisenga, yatangaje ko nabo bafite bagenzi babo baburiye ubuzima muri jenoside bityo ariyo mpamvu babageneye igihe cyo kubibuka mu buryo bwihariye.

Yagize ati «Tuzi neza ko Jenoside yakorewe Abatutsi yakoze ku bantu benshi cyane, natwe nk’umuryango wa Chorale de kigali watakaje abantu bari bawufitiye akamaro harimo n’abawushinze, ku buryo uyu munsi twifatanije n’Abanyarwanda bose ariko by’umwihariko bagenzi bacu. »

Yongeyeho ko mu rwego rwo gushyigikira abasigaye, kugira ngo babagarurire icyizere cy’ubuzima bw’ejo hazaza babaremera ndetse bagasura n’inzibutso kugira ngo biyibutse amwe mu mateka mabi yaranze jenoside.

Yagize ati «Twibuka buri wa gatanu wa nyuma wa Gicurasi, buri mwaka turemera inshike n’imfubyi zikomoka ku bahoze ari abo mu miryango ya bagenzi bacu. Dusura n’inzibutso kugira ngo twiyibutse amateka mabi yaranze Jenoside yakorewe Abatutsi twagiye Gisozi, i Ntarama, ikindi ni uko twihanganisha Abanyarwanda nk’abana b’Imana tukibuka twiyubaka. »

kwibuka abaririmbyi bazize Jenoside yakorewe Abatutsi byatangijwe n’igitambo cya Misa

Hagati aho ariko Chorali de Kigali irasaba uwaba yarabuze uwe waririmbaga muri iyi chorali mu gihe cya jenoside kumuvuga kuko hari amazina badafite y’abishwe.

Kugeza ubu iyi korali ikaba imaze imyaka irenga 50 ibayeho, igizwe n’abaririmbyi babarirwa mu 100.

Abo mu miryango n’inshuti z’abazize jenoside na bo bari bitabiriye icyo gikorwa

Abagore bakunda kugaragara ku migereka ariko ntibibabuza kwitabira amatora

Urwego rw’igihugu rw’abagore (CNF) rurabishishikariza abagore,mu gihe hasigaye amezi atatu ngo u Rwanda rwinjire mu matora y’Abadepite.

Kuri uyu wa Gatanu tariki 25 Gicurasi 2018, uru rwego rwahuje abahagarariye abagore kugira ngo bibutse bagenzi babo ko imirimo idakwiye kubibagiza uburenganizira bwabo bwo gutora.

Vice presida wa CNF Francine Mukakalisa, yatangaje ko impamvu y’iyi nama ari ukugira ngo bibutse abagore abenshi usanga bahugiye mu yindi mirimo irebana n’ingo bakaba bakwibagirwa inshingano yo gutora.

Yagize ati “Ni ukugira ngo tubongeremo ububyutse mu gihe hari gukosorwa urutonde babe mu ba mbere, yewe no mu matora bagaragare ari bo ba mbere n’ubwo baba bavuga ko bari mu mirimo myinshi y’ingo.”

Mukakalisa Francine Umuyobozi wungirije wa CNF

Uwimana Chantal waturutse mu Karere ka Gasabo, umwe mu bari bahagarariye bagenzi babo, yavuze ko bafashe ingamba z’uko igihe cy’itora kizagera nta mugore utarikosoje.

Yagize ati “Nk’ubu ejo ni umuganda tuzifashisha uwo munsi tubibashishikarize kandi tuzagera mu kwezi kwa cyenda twese turi ku rutonde.”

Abo bagore ariko bemeza ko n’ubwo batinda kwitabira ibikorwa byo gutora bigatuma baza ku migereka, bitababuza kwitabira amatora yose abera mu Rwanda kandi bagatora neza.

Abagore bitabiriye iyi nama

Mu myanya 80 y’Abadepite basanzwe mu nteko ari na bo bazatorwa, imyanya 24 ingana na 30% yahariwe icyiciro cy’abagore, ibiri iharirwa urubyiruko n’aho umwe uharirwa abafite ubumuga.

Abayobozi ba Banki ya Kigali mu Kiganiro n’abanyamakuru

Ibyo ni ibyatangajwe kuri uyu wa gatanu 18 Gicurasi 2018 mu kiganiro n’itangazamakuru nyuma y’inama ngarukamwaka y’abanyamigabane bo muri Banki ya Kigali.

Nyuma y’ibiganiro Banki ya Kigali yagiriye muri Kenya ku bijyanye no kujyana ku isoko ryayo imigabane, yafashe icyemezo cyo kubishyira mu bikorwa ariko bibanje kwemezwa n’abanyamigabane.

Mu myanzuro yafashwe kandi ikemezwa n’abitabiriye iyo nama, mu gihe cya vuba Banki ya Kigali izaba yagejeje imigabane yayo muri Kenya, akaba ari nacyo kigo cya mbere mu Rwanda kigiye ku isoko mpuzamahanga ibintu bizafasha igihugu kumenyekana no gukurura abashoramari.

Kwambutsa imipaka imigabane ya BK ikagezwa ku isoko rya Kenya byemerejwe mu nama y’abanyamigabane ba BK

Umuyobozi wa Banki ya Kigali Dr. Diane Karusisi yatangaje ko abanyamigabane ba Banki ya Kigali bazabonamo inyungu nyinshi.

Yagize ati “Mwabibonye abanyamigabane babyemeye ko ducuruza imigabane ya Banki ya Kigali ku isoko ry’imigabane rya Kenya, ibi bikazatuma abaturutse hirya no hino ku isi bagura imigabane yacu, kandi bizatuma ibiciro byiyongera bityo abanyamigabane bakabona inyungu.”

Yakomeje avuga ko ugereranije ubunini bw’isoko rya Kenya ndetse n’umubare munini wa Banki mpuzamahanga zikomeye zihakorera bizatuma n’u Rwanda rumenyekana.

Yagize “Ku isoko ry’i Kigali iyo hacurujwe menshi ni ibihumbi 20 by’idolari, ariko muri Kenya ni Miliyoni 7, kandi kubera ko u Rwanda rukunzwe hano ku mugabane wa Afrika,abashoramari baburaga uko bashora imari mu Rwanda, rero kuba izaba iri muri Kenya bizaborohereza.”

Dr Karusisi Dianne yavuze ko yi gahunda izungukira abanyamigabane ba BK ikanatuma igihugu kirushaho kumenyekana mu Karere

N’ubwo bikunze guhindagurika, kugeza ubu umugabane shingiro wa Banki ya Kigali uragera kuri Miliyoni 200 z’Amadolari y’Amerika, Banki ya Kigali biciye mu banyamuryango bayo irateganya gukusanya Miliyoni 80 z’Amadolari y’Amerika izazifasha guhatana kuri iryo soko.

Mu mafaranga azakusanywa agera kuri Miliyoni 20 z’Amadolari azifashishwa mu kubaka ibikorwaremezo by’ikoranabuhanga kubera ibihe by’ikoranabuhanga isi irimo.

Umuyobozi mukuru wa WDA Jerome Gasana

Ibi ni ibyatangajwe kuri uyu wa kabiri 13 Werurwe 2018, ubwo ikigo cy’igihugu gishinzwe guteza imbere ubumenyingiro (WDA) cyashyikirizwaga ibitabo n’Ikigo cy’Abadage gishinzwe ubutwererane (GIZ) bizafasha abanyeshuri n’abarimu kurushaho kunoza ibyo bakora.

Muri gahunda WDA ifite yo kongera ireme ry’ibyo yigisha, yongeye kubona umuterankunga wo kongera ibitabo mu mashuri bikazafasha abanyeshuri kujya ku isoko ry’umurimo bafite ubushobozi rikeneye aho ubwayo yarimaze gutanga ibitabo ibihumbi bitandatu hirya no hino mu mashuri y’ubumenyi ngiro.

Umuyobozi mukuru wa WDA Jerome Gasana, avuga ko GIZ nk’igiko cy’ubudage kibafasha muri gahunda zo guteza imbere ubumenyingiro, bongerera abanyeshuri ubushobozi, bakigira ho byinshi mu bijyanye no gukora ibikoresho binoze.

Ati “Ikintu twigira ku Budage ni inararibonye bafite mu bijyanye no kunoza ibikoresho bitandukanye cyane cyane nk’imbaho, bihereye ku gufata neza igiti, uko kibazwa, n’uko kinozwa ku buryo intebe, utubati, ameza bishobora kumara imyaka nka 30.”

Abitabiriye umuhango wo gushyikiriza ibitabo WDA

Umuyobozi w’ishuri rya TVET Mpanda, Gilbert Ndangamira uri mu bahise batahana ibi bitabo, yatangaje ko ibi bitabo bizabasha kuzuza inshingano bari barahawe na WDA.

Ati “Ubusanzwe twari dufite ibitabo bike, WDA ikaba yari yaduhaye gahunda nshya. Ibi bitabo rero bikaba bizadufasha gushyira mu bikorwa iyo gahunda, bikazanadufasha mu byiciro byose bikenerwa aho abanyeshuri bahabwaga ubushobozi bw’ibanze gusa.”

Umuyobozi wungirije ushinzwe amasomo kuri TVET Germaine Mudahogora umukozi ku kigo cya Nyamirama TVET nawe avuga ko ibyo bakora bigiye kurushaho kuba byiza.

Ati “N’ubwo twari dufite isoko ibyo twashyiragaho ntibyari binoze neza, ariko ibi bitabo bizabidufashamo,kugira ngo ibigo by’amashuri n’uturere duha ibikoresho byishimire serivise tubaha.”

Ellen Khalinoski umuyobozi mu bijyanye n’ubujyanama mu bumenyingiro mu bijyanye no guhanga imirimo muri GIZ, yatangaje ko bazakomeza gukorana n’U Rwanda mu gutanga ubumenyi bushya bugezweho.

Ati “Ibitabo biba bikenewe kuvugururwa buri gihe kugira ngo ibyigishwa bijyane n’ibikenewe ku isoko tukaba tuzakomeza gukorana na guverinoma y’u Rwanda twifashishije ikoranabuhanga.”

Amashuri akaba ashishikarizwa kuzabyaza umusaruro ibi bitabo, bigera ku bihumbi bine, bizaza byiyongera kubyo bahabwa, ntibibe ibyo kubika mu masomero gusa ngo bizatore agahungu.

Bimwe mu bitabo Tome Close yageneye yageneye abana bibakundisha gusoma binabatoza umuco

Mu Kinyarwanda baca imigani itandukanye irimo ko ‘Umwana apfa mu iterura’, ‘Igiti kigororwa kikiri gito’, bashaka kwerekana ko uburere umwana akuranye ari bwo bumugira uwo ari we.

Mu rwego rwo gutesha agaciro umwirabura, hari abacaga imigani bavuga ko iyo ushaka kugira icyo umuhisha ucyandika, kuko bazwiho umuco wo kudasoma.

Babaga bashaka kugaragaza ko nta muco wo gusoma uba mu birabura, mu gihe benshi mu bahanga batanga inama zo kugana ibitabo kuko ari byo soko y’ubumenyi.

Ubushakashatsi bw’Umuryango "Save the Children" ukorera mu Rwanda, bugaragaza ko abana 13% basoza amashuri abanza batazi gusoma Ikinyarwanda.

Ubu bushakashatsi bwakozwe muri Nyakanga na Kanama mu mwaka wa 2016, bwavugaga ko Impamvu zibitera cyane ari uko ababyeyi bavuga ko nta gihe bafite cyo gufasha abana gusoma, ariko ngo hari n’ubukene bukabije mu ngo, butuma abana batabona ifunguro ntibabashe gutekereza neza.

Mu gutanga umusanzu wo gukemura iki kibazo Dr. Muyombo Thomas umuganga akaba n’umuhanzi mu Rwanda uzwi nka Tom Close, yanditse ibitabo by’Ikinyarwanda bigenewe abana.

Iibi bitabo bikaba bigamije kubakundisha gusoma, ndetse no kubatoza indangagaciro z’umuco Nyarwanda, bakazikurana bakiri bato.

Dr Tom Close yahagurukiye gutoza indangagaciro abana abicishije mu bitabo

Ibi bitabo Dr Muyombo Thomas yabigejeje mu isomero rusange rya Kigali (Kigali Public Library) kuri uyu wa Kabiri tariki 7 Werurwe 2018.

Iyi gahunda yari yitabiriwe n’abana biga ku bigo bibiri birimo Inema Primary School na Kacyiru Primary School.

Dr. Muyombo Thomas avuga ko mu myandikire ye yibanda ku nyigisho nyinshi abana bazajya bakura muri ibi bitabo, kugira ngo bazavemo abanditsi b’ejo hazaza.

Yagize ati "Biragoye kwigisha umwana ngo ntukabeshye, ariko iyo ubicishije mu bitabo abyumva kurushaho kuko abona umuntu wakoze ibintu bibi, bikamugiraho ingaruka, yaba uwabeshye, uwibye n’ibindi."

Dr. Muyombo yongeyeho ko ibitabo bye ubu bikoreshwa mu mashuri nyuma yuko byemejwe n’ikigo cy’igihugu gishinzwe uburezi (REB).

Ati "Ibitabo birenga 60 bimaze kwemezwa na REB, kandi byatangiye gukoreshwa mu mashuri atandukanye hirya no hino mu gihugu. Hari n’abacuruza ibitabo bamaze kubigura ndetse ku bufatanye n’abafatanyabikorwa hari ibitabo bihabwa abana ku buntu."

Umwe mu banyeshuri bitabiriye Gatesi Ervi wiga mu mwaka wa Gatanu kuri Inema School avuga ko bagiye kurushaho gukunda ururimi rwabo, cyane ko kubona ibitabo by’Ikinyarwanda byabagoraga.

Ati "Gusoma bizajya bidufasha kumenya ururimi rwacu, kumenya umuco wacu, kuko ntitwavuga indimi z’amahanga tutabanje kuvuga ururimi rwacu kuko ntabandi bazaza kuruvuga atari twebwe."

Abanyeshuri ba Inema Primary School na Kacyiru Primary School bitabiriye imurikwa ry’ibitabo

Pacifique Mahirwe wari uhagarariye isomero rusange rya Kigali akangurira ababyeyi kurushaho gukundisha abana babo gusoma, kuko mwarimu wenyine adahagije kugira ngo umwana abashe kumenya ibitangirwa mu ishuri.

Iri somero ryagejejwemo ibitabo ibihumbi 200, bizajya byifashishwa n’abarigana, ku nkunga ya USAID Dr.

Muyombo akaba ateganya kubigeza ku bana batuye ibyaro ku buntu.

Abanyamakuru b’abagore bakanguriwe kwitinyuka no kwigirira icyizere mu mwuga wabo

Yabitangarije mu mahugurwa ajyanye n’imyitwarire mu kazi ndetse no ku bunyamwuga mu bagore bari mu itangazamakuru mu Rwanda, yateguwe n’ishyirahamwe ry’abagore bakora itangazamakuru (ARFEM).

Muri aya mahugurwa yabaye ku wa kane taliki 8 Gashyantare 2018 hagaragajwe ko, abagore bakora itangazamakuru hari zimwe mu nkuru zikomeye zirimo iza politiki, zirimo iz’ubukungu, umutekano, siporo n’izindi batoherezwamo, kubera ko batagirirwa icyizere .

Ibi bishimangirwa n’ubushakashatsi bwakozwe n’Urwego rw’abanyamakuru bigenzura, RMC, bugaragaza ko abagore bizerwa ku kigero cya 3.3% mu gihe abagabo bo bizerwa ku kigero cya 65%.

Mbungiramihigo ashingira kuri ibi asaba abagore gutera intambwe igaragara mu kugaragaza koko ko bashoboye, bakizerwa, kandi ko ntawuzabaha icyizere batabanje kukiha.

Yagize ati “Abagore mu itangazamakuru tubashishikariza, kwitinyuka kuko barashoboye, kandi babashije gukora ibyo bagenzi babo b’abagabo bakora.”

Ibi kandi bishimangirwa na Egidie Ingabire umuyobozi wa ARFEM, uvuga ko abagore bagomba gufata iya mbere ntibemere guhezwa no gusubizwa inyuma nk’uko bimeze hamwe na hamwe mu bitangazamakuru bikoresha abagore.

Yagize ati “Ubwo ari twebwe tugomba kuzana iyo mpinduka, nitugende tube abambere, mu gutanga ibitekerezo by’inkuru nziza. Nibaziha abagabo duharanire uburenganzira bwacu, ntitugende ngo tubereke ko turi ba bantu bavuze ko badashoboye.”

Umwe mu banyamakuru b’abakobwa waganiriye na Kigali Today, yemeza ko abagore bashoboye, ariko bakeneye guhabwa urubuga kugira ngo bigaragaze nka basaza babo.

Mukobwajana Assiyata umunyamakuru wa Isango Star yagize ati “Abagore turashoboye sinumva ko watanga igitekerezo cy’inkuru nziza wayikora neza ngo ubutaha ntibakohereze muri izo nkuru abagabo bakora. Gusa abayobozi b’ibitangazamakuru nibagirire icyizere abagore bizikora.”

Ibindi bibazo abagore bagaragaje muri aya mahugurwa ngo harimo kuba hamwe na hamwe usanga badahembwa kimwe n’abagabo bagenzi babo kandi bakora inshingano zimwe, no kuba muri rusange hakiri umubare muke w’abagore bakora itangazamakuru.

Abayobozi bakuru muri uyu muhango bataha ku mugaragaro aya mashuri

Byatangajwe n’Umunyamabanga wa Leta muri iyi Minisiteri ushinzwe amashuri abanza n’ayisumbuye, Munyakazi Isaac, kuri uyu wa kabiri taliki 16 Mutarama 2018.

Hari mu muhango wo gutaha ibyumba by’amashuri birimo Groupe scolaire Kacyiru II Perezida Paul kagame yashyizeho ibuye ry’ifatizo mu muganda wo ku itariki 29 Ukuboza 2017 yakoranye na Minisitiri w’intebe wa Ethiopia Hailemariam Desalegn.

Perezida Kagame na minisitiri w’Intebe wa Ethiopie bashyira ibuye ry’ifatizo ahubatswe aya mashuri

Nubwo hari gushyirwa imbaraga mu kubaka ibikorwa remezo n’afashwa na Leta bushire, ngo hirya no hino haracyagaragara ikibazo cy’abana bata ishuri, abandi bakishora mu ngeso z’ubusambanyi ndetse n’ibiyobyabwenge.

Munyakazi Isaac yavuze ko buri wese akwiye guhaguruka kugira ngo imbaraga igihugu gikoresha muri ibi byose zidapfa ubusa.

Yagize ati “Ibiyobyabwenge n’ubusambanyi ni byo byugarije cyane abana muri iyi minsi. niyo mpamvu mpamagarira buri wese, guhaguruka tukabirwanya kuko biri mu bibuza abana b’u Rwanda kwiga’’.

rimwe mu masomero y’iri shuri

Ibyumba byatashywe byubatswe ku bufatanye n’ingabo z’u Rwanda. Muri uyu muhango zari zihagarariwe na General Fred Ibingira wavuze ko kuri bo urugamba rwo kwita ku muturage ruba rugikomeje.

Ati “Tugira uruhare mu bikorwa byinshi dufatanyije n’izindi nzego, kugira ngo dufatanye kubaka igihugu. Bimwe muri ibyo bikorwa tugiramo uruhare ni aya mashuri dutashye none. “

Gen Fred Ibingira avuga ko Ingabo zikomeje urugamba rwo kurengera abaturage zibubakira ibikorwa by’iterambere

Ababyeyi bafite abana muri aya mashuri barishimira ko iki gikorwa kije gusubiza byinshi mu bibazo bari bafite, kandi ko biteguye gukomeza gufasha igihugu kurera, nk’uko Sengabo Furgence yabitangaje.

Ati “Niba umwana ari mu ishuri ntabwo abona umwanya wo kujya mubitamufitiye umumaro, birimo ibyo biyobyabwenge, ubwo burara, ubujura, n’ibindi. “

Muri rusange hatashywe ibyumba 26, ubwiherero 32, amasomero, ibyumba by’ikoranabuhanga, n’irerero.

Byubatswe n’inkeragutabara mu mwaka w’amashuri wa 2017 mu karere ka Gasabo, byuzura bitwaye miriyoni hafi 316 z’amafaranga y’U Rwanda.

Munyakazi avuga ko icyabuza umwana w’u Rwanda kwiga cyose cyahagurukiwe

Abayobozi berekwa igishushanyo mbonera cy’uko iri shuri ryubatse

Iri shuri rije kugabanya ubucucike bw’abanyeshuri

Aha niho abanyeshuri bazigira ikoranabuhanga

Madame Jeannette Kagame ubukangurambaga ku miyoborere n’imibereho myiza mu muryango

Ibyo yabitangaje kuri uyu wa 11 Ukwakira 2017, ubwo yatangizaga ku mugaragaro ku rwego rw’igihugu, ubukangurambaga ku miyoborere n’imibereho myiza mu muryango, mu Karere ka Kirehe, Umurenge wa Gatore, Akagari ka Nyamuryango, Umudugudu wa Gashanga.

Ubwo bukangurambaga bwateguwe mu rwego rwo guteza imbere imiyoborere myiza hagamijwe imiryango itekanye.

Ibyo bikazakemura imitangire ya serivisi, kwimakaza umuco w’uburinganire n’ubwuzuzanye, ibibazo biri mu miryango ndetse no kubungabunga ubuzima bw’umwana.

Bitewe n’ikibazo cy’abana b’abakobwa baterwa inda gihangayikishije , guta ishuri, n’imirire mibi, Madamu Jeannette Kagame yibukije ababyeyi ko ari bo bagomba gufata iya mbere mu guhangana nabyo.

Yagize ati « Ababyeyi turasabwa kugira umwanya uhagije wo kuganira ku burere bw’abana bacu, tukabaha ibikenewe byose, kugira ngo babashe kwiga no gukura neza, tukibuka ko uburere bw’ibanze, ari twe bureba mbere y’abarezi na Leta. Turasabwa kandi kuganiriza abana kugira ngo imbogamizi zabonetse zikemurwe hakiri kare. »

Ababyeyi batandukanye bitabiriye uyu muhango

Ibyo bibaye mu gihe mu Rwanda umwaka ushize wa 2016 habaruwe abana b’abakobwa batwaye inda zitateguwe bagera ku 17,000, by’umwihariko muri ako Karere ka Kirehe, 994 bakaba baratwaye inda bari munsi y’imyaka 18.

Madamu Jeannette Kagame, yasabye urubyiruko kwirinda abarushora mu bikorwa byo kwiyandarika kuko bibangamira ejo heza harwo.

Ati « Rubyiruko bana bacu, namwe nk’inkingi zikomeye z’umuryango, mwibuke ko ubuzima bwanyu bushingiye ku mahitamo meza yanyu, mwirinde ababashuka, babajyana mu ngeso mbi, ibi tuzakomeza tubivuge kugira ngo iyi mibare iteye ubwoba batubwiye izabe itakigaragara, ituma mudategura ejo hanyu heza. »

Ku ruhande rwa bamwe mu babyeyi bo ngo bagerageza kwigisha abana babo gutora imico myiza bashishikarira ishuri, nk’uko Batamuriza Claire abivuga.

Madame Jeannette Kagame ubwo yaganirizaga abitabiriye uyu muhango i Kirehe

Yagize ati « Njyewe mu rugo mfite n’ikibaho mbarangarizaho, bandika ibyo bize, ubwo rero bituma mbaganiriza mbabwira nti nyabuna uramenye ntuzamere nka bariya, kuko ntiwazavamo umubyeyi nkanjye, ntuzanywe itabi n’ibindi.»

Ubu bukangurambaga bukaba bwarateguwe n’inzego zitandukanye za leta zirimo Ministeri 9, polisi, ingabo z’u Rwanda, imbuto foundation, ibigo bishamikiye kuri leta ndetse n’abandi bafatanyabikorwa batandukanye.

Madamu Jeannette Kagame yasuye abana mu irerero

Itara rya Waka Waka rizafasha abaturage mu kubungabunga ubuzima bwabo n’ibidukikije kandi babashe no gucomekaho terefoni zabo.

Kuri uyu wa kane tariki 25 Kanama 2016, mu Karere ka Nyamagabe hatangijwe umushinga w’ubucuruzi, ugamije gukwirakwiza amatara yifashisha imirasire y’izuba, afite ubushobozi bwo gucomekaho terefoni kandi bikazafasha mu kubanya ibicanwa byagira ingaruka mbi ku buzima bwa muntu.

Jeannette Kayitesi uhagarariye uyu mushinga wa EEP atangaza ko nyuma y’ubushakashatsi bwakozwe, bagasanga umuturage ata umwanya n’amafaranga ashaka urumuri naho yacomeka terefoni bigira ingaruka ku iterambere bityo kwifashisha imirasire y’izuba bikazabafasha.

Yagize ati “Abaturage batugaragarije impungenge bafite zo gukoresha peterori, ibishirira bacana, tubona byangiza ubuzima bwabo ndetse no gucomekesha terefoni zabo rimwe zikibwa zikangirika, rero iri tara rya Waka Waka rikoresha imirasire y’izuba rije gukemura icyo kibazo.”

Akarere ka Nyamagabe gasanga iki gikorwa gihuje n’ibyifuzo by’abaturage.

Umuyobozi w’akarere, Philbert Mugisha yatangaje ko uyu mushinga ugwa neza mu murongo wa gahunda akarere kaba gasanganywe zo gukwirakwiza amashanyarazi n’urumuri ruturuka ku mirasire y’izuba kugira ngo bifashe umuturage kugera ku iterambere.

Ati “Iki cyerecyezo ni dufite hano muri Nyamagabe ni nacyo cy’igihugu, turabibona ko ari igikorwa gifatika kuko kizabasha kugera kubagenerwabikorwa bagera ku bihumbi 40, dushimira abafatanyabikorwa muri uyu mushinga kuko bije bisubiza n’ubundi ibyifuzo by’abaturage.”

Abaturage bishimiye iki gikorwa kuko byabavunaga kubona urumuri, bagahendwa bagura peterori, buji cyangwa se bajya no gucomekesha za terefoni, nk’uko Emmanuel Vuguziga yabigaragaje.

Ati “Ubu buryo twabwishimiye kuba tuzajya dutanga amafaranga 500 ku cyumweru gusa tukabona iri tara tugacomeka, tukamurika mu ngo zacu, abana babone uko biga, kandi twirinde n’iyo myotsi n’uwo mwuka wa peterori n’amafaranga twatangaga kubicanwa azagabanuka.”

Uyu mushinga uterwa inkunga na World vision, ufatanije n’isosiyete Waka Waka izajya ikwirakwiza iri tara ryifashisha imirasire y’izuba kandi ukazakorera mu turere twa Nyamagabe na Huye.

Hari bamwe mu baturage banenga imikorere y’ubuyobozi mu gushyira abaturage mu byiciro by’ubudehe kuko hadakurikizwa ubushobozi bafite.

Bamwe mu baturage bo mu Murenge wa Mugano, baranenga ubuyobozi kudakurikiza amakuru buba bwahawe, urutonde rw’ibyiciro by’ubudehe rwasohoka ugasanga ibyakurikijwe bihabanye n’amakuru abaturage baba batanze mu nteko rusange.

Fortune Muhoracyeye atangaza ko mu gushyira abaturage mu byiciro by’ubudehe hagaragaramo akarengane kuko usanga ufite ubushobozi ariwe ushyirwa mu kiciro cyo hasi naho umukene agahabwa ikiciro adakwiye.

Yagize ati “Hari ahantu barikugenda baturyamira kandi abayobozi benshi baba banatuzi banadusobanukiwe bagafata nk’umuntu nyakujya w’umukecuru bakamushyira mu kiciro cya gatatu noneho ufite amikoro agashyirwa mu cya mbere ubwo icyo gihugu barakiganisha he.”

Alphred Niyomugabo nawe avuga ko ari muzabukuru we n’umukecuru we bakaba nta mbaraga zo gukora ariko batunguwe n’icyiro bashyizwemo.

Ati “Banshyize mu cyiciro cya kabiri kandi simbashije n’umukecuru wanjye arakambakamba ntawe mfite undengera, kandi bakambwira ngo nintange mutuweli urabona ko ntawe nakorera ngo ampe ifaranga rye urabona ko nta ntege.”

Ubuyobozi bw’Akarere ka Nyamagabe buvuga ko abaturage batishimira ibyiciro baba bashyizwemo bitewe n’inyungu babifitemo ngo bagamije guhunga kwishyura ubwisungane mu kwivuza nk’uko Philbert Mugisha umuyobozi w’akarere abisobanura.

Ati “Nk’umuturage hari igihe aba ashaka kugerageza ngo arebe akifuza kuba yahindurirwa ikiciro afite izindi nyungu ze ku giti cye agamije avuga ko ahinduriwe byatuma adatanga ubwisungane areba n’abari mu muryango we.”

Ubuyobozi bw’akarere buvuga kandi ko ibyiciro by’ubudehe bitagamije gukoreshwa hatangwa ubwisungane mu kwivuza ahubwo ko byifashishwa no mu gukora igenamigambi muri gahunda za leta zitandukanye zifitiye abaturage akamaro.

Abaturage ngo haba harabayeho kwibeshya bemerewe kugeza ibibazo byabo ku tugari, ku mirenge cyangwa se no ku karere ahaba harabayeho kwibeshya hagakosorwa.

Urubyiruko rurakangurirwa kwiga no gukoresha ikoranabuhanga.

Inzu y’ikoranabuhanga izwi nka ‘Telecentre’ iherereye mu Murenge wa Kaduha, yafashije bamwe mu baturage, abakozi ba Leta n’abikorera, kubona serivisi z’ikoranabuhanga no kuryiga.

Cyakora ngo haracyari ikibazo cy’uko urubyiruko rwaho rudashishikarira kubyitabira, mu gihe ngo ahandi, usanga urubyiruko ari rwo ruba ku isonga mu kwiga no gukoresha ikoranabuhanga.

Dukuzumukiza Charles, Umukozi w’Akarere ka Nyamagabe ushinzwe kugeza Serivisi z’Ikoranabuhanga ku Baturage, avuga ko urubyiruko rurangije amashuri yisumbuye rushishikarizwa kwiga ikoranabuhanga ku buntu ariko ntirubyitabire nyamara abiga bishyuye bakabishishikarira.

Yagize ati “Sinzi niba ari ukubisuzugura. Hari abigira ubuntu, nk’intore, nigeze kubibashishikariza ariko mu ntore zose ugasanga haje nka batanu gusa. Iyo mbonye umuntu yicaye ku mashini nkabona nta kigenda musaba gushaka bagenzi be ngo mbigishe ariko ntibaze.”

Abashinzwe gutanga serivisi z’ikoranabuhanga muri Telecentre ya Kaduha banenga urubyiruko rudashishikariye kwiga ikoranabuhanga kandi ari ubuntu.

Nubwo hari abatitabira serivisi z’ikoranabuhanga, abakora mu nzego z’ibanze ryabafashije kunoza akazi kabo nk’uko byemezwa n’Umunyabanga Nshingwabikorwa w’Akagari ka Nyamiyaga, Mujawamariya Chantal.

Agira ati “Mbere twakoraga raporo n’intoki ariko ubu twandika raporo n’imashini. Iyi telecentre yaradufashije, n’abaturage bigatuma tubaha serivisi zijyanye n’igihe.”

Umuyobozi w’Akarere ka Nyamagabe, Mugisha Philbert, avuga ko binyuze mu nzego z’urubyiruko, bagiye gushishikariza urubyiruko kwitabira ikoranabuhanga.

Yagize ati “Komisiyo y’urubyiruko n’inzego z’ibanze zibishinzwe by’umwihariko, zizafasha urwo rubyiruko kuko serivisi zose zikenerwa ubu zifashisha ikoranabuhanga nk’Irembo kandi buri muturage wese akwiye kubimenya. Ni yo mpamvu dukwiye kubishyiramo imbaraga.”

Muri aka karere, hamaze kubakwa Telecentre mu mirenge itandatu ya Gasaka, Cyanika, Musebeya, Mushubi, Kamegeri na Kaduha. Hakaba hasigaye indi mirenge 11 y’aka karere zitarageramo.

Kuhira imusozi mu gihe cy’izuba byatumye umusaruro w’ingano urushaho kuba mwinshi.

Abahinzi b’ingano bo mu Murenge wa Tare, bavuga ko kubika amazi y’imvura bakabasha kuhira imyaka yabo mu gihe cy’izuba, byatumye umusaruro wabo wikuba inshuro nyinshi ugereranije n’uwo babonaga mbere batarakoresha ubwo buryo.

Nyirandinda Jacqueline, umuhinzi w’ingano akaba n’umwe mu bigishijwe gufata neza amazi y’imvura n’umushinga “IPFJ”, atangaza ko kuva atangiye gukoresha ubu buryo, umusaruro wikubye kabiri.

Yagize ati “Ubungubu izuba ryavuye kare mu kwezi kwa gatanu, bari baraduhaye imipira yo kuvomera tukanyanyagiza mu mirima mu gitondo na nimugoroba, nuko umusaruro uriyongera: mbere nezaga nk’umufuka umwe ariko ubu neza imifuka ibiri.”

Ndahimana Marcel we avuga ko mbere babwirwa ko bagomba gufata amazi batabyumvaga, ariko bakaza kubona inyungu zirimo.

Gufata amazi y’imvura byafashije abahinzi b’ingano kubona umusaruro ushimishije.

Yagize ati “Twibazaga ‘ibidamu’ bacukuye uko bizuzura amazi n’uburyo bizifashishwa ariko baje kutwigisha uko dufata amazi ava ku mazu n’ava mu mihanda mu mivu, turacukura tuyakusanyiriza hamwe. Mbere nezaga kg10 kuri Are imwe, ariko ubu kg30 na kg32 ndazibona.”

Umuyobozi w’Akarere ka Nyamagabe, Mugisha Philbert, atangaza ko iyi gahunda yafashije abaturage kugira uruhare mu bibakorerwa kandi bikazamura imibereho yabo.

Yagize ati “Iki gihembwe cy’ihinga B turangije, aho twahinze igihingwa cy’ingano, ubona ko izuhiwe imusozi zitandukanye n’izindi, bityo twishimira ibyo uyu mushinga wakoze kandi ari ibintu dukomeza gushishikariza n’abandi baturage mu gufata neza amazi y’imvura.”

Ibi kandi ngo bifasha guhangana n’imihindagurikire y’ikirere usanga akenshi igira ingaruka ku musaruro ukomoka ku buhinzi.

Buri mwaka, u Rwanda rutakaza toni miliyoni n’igice by’ubutaka bitewe n’isuri ku butaka bwagatunze abaturage ibihumbi 40. Abaturage bafashe neza amazi y’imvura, barinze imirima yabo kandi babasha kubona umusaruro ushimishije batandukana n’ubukene.

Abageze mu zabukuru batishoboye bahabwa inkunga y’ingoboka barinubira ko ntayo bagihabwa kandi n’amafaranga bagiye bakatwa y’ubwizigame ntibagire inyungu bayabonaho.

Abagenerwa inkunga y’ingobobaka bageze mu zabukuru bo muri uyu murenge, mu tugari twa Sovu na Yonde, baribaza impamvu bamaze amezi atandatu badahabwa inkunga y’ingoboka, ntibanahabwe no ku nyungu iva mu bukode bw’inzu bubatse ku mafaranga bizigamye.

Apolinariya Mutumwinka w’imyaka 83, avuga ko bagiye bakatwa amafaranga ngo bagamije kuzabaha amatungo ntibayabahe bakabasha no kubaka inzu mu bwizigame bayige batanga ariko bakaba ntacyo babona.

Agira ati “Nubatse inzu bayita koperative noneho iyo nzu ntacyo yamariye, n’uko batuvanaho amafaranga ngo batugurire ingurube ntibazigura, bucyeye badusaba kongera ngo tugure ihene ntibaziduha noneho baravuga ngo bazaduha amafaranga tuyagabane sinayabonye.”

Narisisi Nkurunziza w’imyaka 90, avuga ko ari umupfakazi amafaranga y’ingoboka yahabwaga twamufashaga kwita ku bana babana ariko atazi impamvu atagihabwa iyi nkunga.

Ati “Bampaye udufaranga twingoboka none baratunyambuye ubu reba uko ngana ntako meze, none umbarize impamvu batunyambuye, badukuyeho amafaranga igihumbi ngo yo kwizigama icyo gihumbi ntacyo dufite.”

Francois Xavier Utazirubanda, umunyabanga nshingwabikorwa w’Umurenge wa Mugano, avuga ko habaye ho kwibeshya ariko ko iki kibazo kigiye gukurikiranwa hifashishijwe umuyobozi w’iyi koperative abatarabonye amafaranga bakayahabwa.

Ati “Ubwo habayeho kwibeshya abandi bari bayahawe, ndibwegere umuyobozi wa koperative ndebe aho ikibazo kiri n’amafaranga y’iyo nzu arahari ayo bishyura buri kwezi. Ubwo ndibubabwire bayabaye ndumva nta kibazo kirimo kuko amafaranga arahari.”

Abageze mu zabukuru batishoboye bahabwaga inkunga y’ingoboka ingana n’i 8,500Frw buri kwezi.

Ubuhinzi bwabo bwahombejwe n’amatunda bahinze akabemba.

Abahinzi b’amatunda cyane cyane abo mu Kagari ka Buteteri, bavuga ko byabateye ubukene kuko barumbije mu mezi ane ashije kandi bari barashyizemo imbaragazabo zose.

Innocent Mutirende umwe muri aba bahinzi, avuga ko mu kagari kabo keraga amatunda menshi amakamyo agapakira ariko ubu bamaze igihe barayaretse, agasaba ubuyobozi kubashakira indi mbuto.

Agira ati “Hano amatunda yaraheraga abantu hafi ya bose ndetse n’imodoka z’ibugande zikaza gupakira hano bucyeye amatunda azamo ibintu by’indwara ukabona bimeze nk’amavunja mo imbere, ibibabi bikabemba amatunda bayareka batyo.”

Igihingwa cy’amatunda cyatumaga babasha kugemurira inganda zitunganya imitobe ariko aho imbuto ibembeye ntacyo bakibona.

Anamariya Mukantwari avuga ko nawe yahingaga amatunda agira ikibazo yuko yaphaga nyuma baza kubasaba ko arandurwa.

Ati “Amatunda twarayahinze tuza kugira ikibazo cyo kuma noneho, badusaba kuyarandura, kuko twarayajyanaga twayageza mu isoko bakatubwira ngo ni intameneka, amafaranga twabonaga ntitukiyabona n’imyumbati nayo yarasaze ubu ntacyo turimo guhinga.”

Alphrodice Nziheberimana avuga ubuyobozi bubashakiye indi mbuto byabafasha.

Ati “Amatunda nanjye nigeze kuyahinga ariko yajemo indwara yitwa nyirakabuye, ariko mudukoreye ubuvugizi tukabona indi mbuto nshya mwaba mudufashije tukongera guhinga tukivana mu bukene.”

Umuyobozi w’akarere ushinzwe iterambere ry’ubukungu, Lambert Kabayiza atangaza ko hari hakozwe ubushakashatsi bukagaragaza ko ikibazo gishobora kuba kiri mu butaka, ariko ko hagiye gukorwa igeragezwa abaturage bakaba bakongera guhinga amatunda.

Ati “Turabona rero dushobora kongera tugashyira imbaraga muri kino gihingwa ariko noneho tukifashisha abashakashatsi hakabaho gupima ubutaka noneho tugafata imirimashuri n’imbuto shya twabona bikunze tukongera gushishikariza abaturage kuyahinga.”

Amatunda yeraga muri aka gace yafashaga inganda zitunganya imitobe nk’uruganda rw’Inyange na Nyirangarama n’izindi nganda zo hanze y’igihugu, bigatuma abaturage bayahinga abateza imbere.

Sosiyete sivile n’inzego zibanze zarushijeho gusobanukirwa n’uko uuvizi bukwiye gukorwamo kugira ngo ibazo by’abaturage birusheho kumvikana.

Sosiyete sivile n’inzego z’ibanze za leta kuri uyu wa gatatu 10 Kanama 2016, zahuguwe ku buryo ubuvugizi bugomba gukorwamo, n’uburyo ibibazo by’abaturage bigomba kugera kubafite mu nshingano uruhare runini kugira ngo bikemurwe bityo n’umuturage agere ku iterambere.

Imiryango itegamiye kuri leta n’inzego z’ibanze zakiraga ibibazo bitandukanye by’abaturage kugira ngo bishakirwe umuti kandi agire uruhare mu bimukorerwa, ariko hakaba imbogamizi z’uburyo bigomba gukorerwa ubuvugizi.

Umuyobozi w’ishami rishinzwe imiyoborere myiza mu karere ka Nyamagabe, Denys Hategekimana atangaza ko aya mahugurwa agiye gutuma akazi karushaho gukorwa neza ijwi ry’umuturage rikagera kure.

Imbogamizi ku bumenyi bucye mu bijyanye no gukora ubuvugizi byatumaga ibibazo by’abaturage bitumvikana neza.

Yagize ati “Hari ibibazo by’abaturage tugenda twakira, biba bikeneye gukorerwa ubuvugizi ku nzego zo hejuru, kuri za minisiteri zinyuranye cyangwa se no ku bindi bigo, aya mahugurwa rero atwigishije uburyo n’ibyifashishwa mu gukora ubuvugizi kugira ngo ibibazo bice mu nzira nziza.”

Callixte Habimana, umuhuzabikorwa w’ihuriro ry’imiryango itegamiye kuri leta ikorera muri Nyamagabe (IPC) igamije gufasha umuturage kugira uruhare mu bimukorwa yatangaje ko nka sisiyete sivile bagiye kujya bacukumbura ibibazo kuko usanga n’umutubi wabyo uba uhari.

Ati “Ibyo twakoraga ubumenyi bwiyongereye ubu tugiye kurushaho kubikora neza, ubu tugiye kujya dusesengura ibibazo, dushaka n’igisubizo kirambye kandi turusheho gukorana n’ubuyobozi kuko twari kumwe aha dushake ibisubizo aho gushaka ibitagenda neza gusa.”

Jean Baptiste Ruzigamanzi umukozi wa komisiyo y’ubutabera n’amahoro ya diyosezi ya Gikongoro nk’uwitabiriye iyi nama nawe avuga ko imyumvire ku bibazo n’ubumenyi bicye mu gusesengura ibibazo by’abaturage ari yo mbogamizi bari bafite ariko ko yavuyeho.

Aya mahugurwa yateguwe na IPC ku nkunga ya GIZ, yari yanatumiwemo n’inzego z’ibanze zo mu turere twa Nyamasheke na Nyanyaruguru muri gahunda yo gukomerezamo iyi gahunda yo gufasha umuturage kugira uruhare mu bimukorerwa.

Abaturage batwika imisozi bashaka ko hazatoha ubwatsi bwiza ngo babone aho baragira inka.

Hirya no hino mu Karere ka Nyamagabe, usanga ku misozi imiriro igurumana bitewe n’impamvu zigiye zitandukanye zirimo gutwika ku bushake, uburangare n’urugomo kuri bamwe, bityo ubuyobozi bwibutsa ko bitemewe kuko biteza isuri n’ingaruka ku bidukikije muri rusange.

Umuyobozi w’Akarere Philbert Mugisha, avuga ko ubutumwa baha abaturage ari ukwirinda ikintu icyari cyo cyose cyateza inkongi y’umuriro kuko yangiza byinshi.

Yagize ati “Hakwiye kubaho kwitwararika muri ibi bihe by’impeshyi mu gukumira no kurwanya inkongi, hari abashobora kuba banywa itabi bakajugunya umusozi ugashya, gutwika ibiyorero by’amakara, ibyo byose byateza inkongi tubasaba kuyirinda uko bishoboka.”

Urugo rwafashwe n’inkongi y’umuriro iturutse kuwarumaze kunywa itabi.

Avuga ko uretse abagira impanuka cyangwa n’impamvu z’uburangare, hari n’abaturage batwika amashyamba ku bushake bagambiriye ko hashibuka ubwatsi bw’inka bakabona aho baragira amatungo yabo.

Ati “Mu makuru tubona abenshi batwika imisozi baba bagamije gushaka ubwatsi bw’amayungo ariko ntibyemewe kuko ni ukwangiza ibidukikije.”

Ndamukunda Claudine utuye mu murenge wa Gasaka, ni umwe mu baturage batuye ahafashwe n’inkongi y’umuriro, avuga ko yaturutse ku munywi witabi wari uritaye ku rugo maze rukagurumana.

Ati “Ubwo rero ukuntu hano hatangiye hashya nari ndi hano ku cyumweru, ndi mu mirimo noza ibyombo hariya ubwo numva ibintu biratururutse hariya ubwo ndebye mbona n’umuriro nahise nsohoka igipangu, abana bambwira ko ari umusekirite waruhataye itabi.”

Ndamukunda akomeza vuga ko we n’abana bari aho bavugije induru bagatabaza, bakaza kuzimya amahirwe ntihagira uhasiga ubuzima ariko bimwe mu bikoresho byo muri uru rugo birangirika.

Ubuyobozi bwibutsa abaturage ko uzajya afatirwa mu makosa yo guteza inkongi z’umuriro cyangwa no gutwika amashyamba ko hari amategeko abihanira.

Gutuza abaturage ku midugudu bizafasha abaturage kuba munzu zigezweho kandi n’ibikorwa remezo bibagereho mu buryo bwihuse.

Tariki 3 Kanama 2016, Ubuyobozi bw’Akarere ka Nyamagabe mu nzego zitandukanye zirimo n’izumutekano, bwasuye imirenge iri mu ikeneye kwitabwaho kurusha iyindi, ikubakwamo imidugudu y’icyitegererezo kugira ngo iterambere ry’iyi mirenge rizamuke.

Umuyobozi w’akarere Philbert Mugisha yavuze ko Umurenge wa Mugano umwe mu mirenge iri mu bwigunge, watoranyijwe mu kubakwamo bityo n’ibikorwa remezo bikahagera mu buryo bworoshye.

Abatuye Akagari ka Sovu bagiye kubakirwa umudugudu w’icyeitegererezo uzatuma bava mu manegeka bakagezwaho ibikorwaremezo.

Yagize ati “Uyu murenge twawusuye ndetse n’abandi dufatanya dusanga ni ahantu ugereranije n’ibindi bice by’akarere ko hakeneye kwitabwaho mu buryo bw’umwihariko, ariyo mpamvu duteganya ko ariho hajya umudugudu w’icyitegererezo uhanzwe bushya ku rwego rw’akarere.”

Abaturage bubwabo bihitiyemo ahazubakwa uyu mudugudu, bakava mu manegeka n’abatuye nabi muri rusange, kandi bakegerezwa ibikorwa remezo birimo umuriro w’ashanyarazi n’amazi.

Faustin Rwigema umuturage utuye muri uyu murenge wa Mugano, Akagari ka Sovu, Umudugudu wa Bugarama ya mbere atangaza ko iyi gahunda ibagezeho yabavana mu bwigunge kuko babayeho nabi.

Abaturage bishimiye ko kuva mu manegeka bizabakiza marariya ituruka mu gishanga cya Mbirurume.

Ati “Turi mu bwigunge nta mihanda tugira, amashanyarazi nayo ntaboneka, turamutse rero tubonye uwo mudugudu w’icyitegererezo byazaduha kubona amshanyarazi hafi, ndetse n’ivuriro ryacu rikaba ryabona amashanyarazi n’abana bacu bakiga neza begereye amashuri.”

Francine Irafasha nawe utuye muri uyu mudugudu atangaza ko bizabashimisha kubona bakuwe mu manegeka kubera ko aho baturiye uruzi rwa Mbirurume haba marariya ikabije.

Ati “Dore umudugudu wacu wasigaye inyuma mu majyambere urabona nta muhanda dufite, uduhuza n’indi mirenge, kuva hano ujya Karongi, I Mushubi ntawujyayo nubu sinzi ko bagerayo mukomeze uwo mushinga Nyakubahwa yaduhaye ugerweho.”

Aka karere karatoranyije imirenge ya Gasaka, Mugano na Nkomane izubakwamo imidugudu y’icyitegererezo, umubare w’amazu azubakwa ukaba utaragenwa gusa akarere kateganije arenga miliyoni 337Frw kandi kizeye n’inkunga izava mu bafatanyabikorwa.

Abatuye i Musebeya bishimira ko babonye amashanyarazi.

Aho umuriro w’amashanyarazi ugereye mu rusisiro rw’ubucuruzi rwa Musebeya mu mwaka wa 2009, byatumye harushaho gutera imbere, havuka imirimo yifashisha umuriro w’amashayarazi nko gusudira, gusya no kogosha.

Ikindi bishimira ni uko amatara yo ku mihanda mu mwaka wa 2014-2015, yatumye umutekano urushaho kuba mwiza.

Nabagize Aphrodice ukora umwuga wo gusudira, atangaza ko bishimira ko begerejwe amashanyarazi bigatuma bakora, bityo imibereho yabo ikaba myiza.

Yagize ati “Inaha nta mibereho yari ihari, nanjye nari narahavuye naragiye gupagasa, bingezeho [ko haje umuriro] ndavuga inti ubwo ino hageze amashanyarazi reka nze ndebe ko hari icyo nahakorera. Ubu nubatse inzu, mfite inka, mfite inkoko zigera kuri 20 kandi mbikesha gusudira.”

Uwimana Emmanuel, na we atangaza ko kwegerezwa amashanyarazi byatumye urubyiruko rwinshi ruva mu bushomeri rukabasha gukora imirimo itandukanye.

Yagize ati “Hirya no hino bamwe bafite inzu z’ubwogoshi barakora, ubundi abashomeri bari benshi ariko ubungubu twagiye tugabana imirimo ku buryo bamwe basudira, harimo n’abakora amatelefoni.”

Uretse kuba umuriro w’amashanyarazi waravanye benshi mu bushomeri, watumye umutekano w’iyi santere n’abayigana uba mwiza kubera amatara rusange yashyizwe ku muhanda kandi ngo byongereye n’amasaha yo gukora.

Umuyobozi w’Akarere ka Nyamagabe Wungirije ushinzwe Iterambere ry’Ubukungu, Kabayiza Lambert, avuga ko kugeza amashanyarazi i Musebeya byateje imbere ubucuruzi buhakorerwa kandi bikongera ubuhahirane bw’abaturage baho n’ab’ahandi.

Uyu muyobozi avuga ko abahacururiza basigaye batanga serivise zinoze zirimo ibinyobwa bikonje, hubatswe amacumbi y’abagenzi ndetse bitewe n’imirimo myinshi yahavutse, ngo SACCO y’Umurenge wa Musebeya yazamuye umubare w’amafaranga yakiraga, kandi irushaho kwitabira ikoranabuhanga kuko ifite amashanyarazi.

Muri rusange, umuriro w’amashyarazi n’ibindi bikorwa remezo birimo umuhanda uhuza iyi santere na kaburimbo, byatumye haba nyabagendwa, ubucuruzi butera imbere ku buryo ngo hasigaye hari umurongo w’imodoka zitwara abagenzi bajya i Kigali no gusubirayo.

Muri aka karere hari kugenda hubakwa amashuri atandukanye (Photo: Internet)

Mbere y’uko iri shuri riherereye mu Karere ka Nyamagabe ryubakwa abana bajyaga kwigira mu wundi murenge ariko imvura yagwa ntibige, bitewe n’umugezi bambukaga, nk’uko bamwe mu bahiga babisobanura.

Bavuga ko mbere ritarubakwa bajyaga bahera hakurya y’uruzi ntibabashe kwambuka, cyane iyo imvura yagwaga ari nyinshi rwuzuye, bityo bigatuma n’abana bamwe bareka ishuri abandi bakarivamo burundu.

Umuyobozi w’iri shuri Evariste Kayihura, avuga ko bishimira ishuri ryegerejwe abana, ariko ko hakiri imbogamizi z’umubare w’abanyeshuri benshi usanga bigira mu cyumba kimwe.

Agira ati “Dufite ibyumba bikeya dufite nk’ishuri aho usanga nko mu mwaka wa mbere dufite abana 131 mu ishuri rimwe, aho usanga inshuke twigira mu rusengero, ikindi aka ni agace twifuzamo amashanyarazi byatuma ishuri rirushaho kubona iterambere no gukora neza.”

Umuyobozi w’Akarere ka Nyamagabe, Philbert Mugisha arizeza abaturage baturiye iri shuri ko hari gahunda yatangiye yo kongera ibyumba by’amashuri kandi bakagezwaho n’amashanyarazi.

Ati “Hari ibyumba byari byatangiye kubakwa tuzakora ibishoboka byose kugira ngo byuzure vuba, ku buryo umwaka utaha, byibura twaba tuhafite ibindi byumba bitatu byinyongera, kugira ngo umwaka wa 2017 bizigirwemo.”

Ku bijyanye n’amashanyarazi, ubuyobozi bw’akarere ku bufatanye n’ikigo cy’igihugu gishinzwe uburezi na Minisiteri y’uburezi ubwayo, bari kwigwa uko hakoreshwa imirasire y’izuba mu kwegereza iri shuri amashanyarazi kugira ngo n’abakoresha ikoranabuhanga boroherezwe.

Izi mbabura ngo zimuha nibura ibihumbi 500 ku kwezi.

Iyo mbabura avuga ko yakoze mu rwego rwo kurwanya ubutayu no kurengera ibidukikije, ngo ikoresha amakara atatu agahisha ibiryo.

Avuga ko itaka riva ahaba amashyuza ryifashishwa mu gukora imbabura ziswe “cana make” mu kurondereza ibicanwa kugira ngo itemwa ry’amashyamba rya hato na hato rigabanuke.

Agira ati “Nkora imbabura tubasha gushyiraho udukara duke cyane, tugashyiraho ubutaka bw’amashyuza budufasha kurondereza ya makara. Mu gihe twakoreshaga umufuka w’amakara mu kwezi kumwe, wa mufuka tuwukoresha igihe kingana n’umwaka wose.”

Iri buye ngo rifite ubushobozi buhagurutsa moteri.

Nkundumukiza akomeza avuga ko uretse no kuba ubu butaka bw’amashyuza bufasha kurondereza amakara, bubasha no gutanga ingufu z’amashanyarazi aho bwakwifashishwa mu gucomeka amaterefoni ngo bukaba bwanahagurutsa moteri.

Yagize ati “Iryo taka twasanze ribyara umuriro w’amashanyarazi ku buryo wacomekaho terefoni, ugacuranga radiyo cyangwa se ugashyiraho tereviziyo ukareba nta zindi ngufu, kandi twaje gusanga rihagurutsa moteri nta mazutu, tuzarimurika mu imurikagurishwa i Kigali.”

Uyu murimo Nkundumukiza yahanze ubasha kumuha amafaranga agera ku bihumbi 500 buri kwezi, dore ko yemeza ko abona isoko cyane cyane biciye mu imenyekanishabikorwa rye akora yifashishije amamurikagurishwa agenda aba hirya no hino mu gihugu.

Muri iyi mbabura hifashishwamo amabuye yo mu itaka ryo mu mashyuza n’amakara atatu.

Ibi bikorwa bya Nkundumukiza ngo ntaho bihuriye n’ubumenyi bwo mu ishuri kuko yize amashuri atandatu abanza gusa.

Avuga kandi ko uko ubushobozi buzagenda bwiyongera azageza umusaruro we no ku isoko mpuzamahanga kugira ngo abifashisha ibicanwa byinshi babigabanye.

Abatushoboye n’abafite ubumuga barishimira gutuzwa aheza.

Umurenge wa Gasaka ni umwe mu mirenge yabashije kwesa umuhigo wari wihaye wo kubakira abacitse ku icumu rya Jenoside batishoboye, abafite ubumuga n’abandi baturage batishoboye muri rusange, aho wabashije kubaka amazu 15.

Bernadette Mukashyaka, umwe mu batishoboye bahawe inzu, avuga ko byashimishije, kuko iyo yabagamo yari yuzuyeho amabuye kugira ngo idasambuka, rimwe na rimwe amabuye akamwituraho.

Yagize ati “Natekaga igikoma ntapfundikira imiswa, amabuye, umwanda w’inyoni bikagwamo! Bavuze ngo mbonye inzu sinabyemeye mpaka bampaye imfunguzo nkayiraramo.”

Ananias Burabo, ufite ubumuga bwo kutabona, we avuga ko aho yabaga yari acumbikiwe n’umugiraneza ariko ko kuba abonye inzu ye bwite bimushimije.

Yagize ati “Nishimye cyane ino nzu ibonekeye mu gihe Imana ibishaka, kuko ngewe ntabwo ndeba ndi ikimuga kandi mbana n’akaguru kavunitse muri make rero ndishimye sinabona uko mbivuga.”

John Bayiringire, Umunyamabanga Nshingwabikorwa w’Umurenge wa Gasaka, atangaza ko abahawe amazu bazakomeza gukurikiranwa cyane ko harimo abatishoboye kandi babana n’ubumuga.

Yagize ati “Turateganya gukomeza kubafasha kuko abenshi ntibishoboye ni abakecuru, ni abasaza bafite ubumuga! Tuzakomeza dufataye n’akarere tubashakire ubushobozi bwo kubafasha, kuko mu byukuri nta kintu bafite.”

Izi nzu zigera kuri eshanu zahawe aba baturage zifite agaciro ka miliyoni 35 z’amafaranga y’u Rwanda.

Umurenge wa Gasaka wizera ko mu mwaka w’imihigo wa 2017-2018, abaturage muri rusange ari abatishoboye n’abatuye mu manegeka bazaba bamaze gutuzwa heza.

Abaturage baribustwa ko ubuharike butemewe. Amategeko ya Leta y’u Rwanda yemera umugore umwe n’umugabo umwe.

Ibibazo bituruka ku makimbirane ashingiye ku buharike bigezwa ku rwego rushinzwe ubufasha mu by’amategeko (MAJ) mu Karere ka Nyamagabe, bimaze kugera kuri 60% bitewe n’abashakanye bata ingo bagashaka izindi, bityo ubuyobozi bukaba bubibutsa ko bitemewe.

Umuyobozi w’Akarere Ka Nyamagabe Wungirije ushinzwe Iterambere ry’Ubukungu, Lambert Kabayiza, atangaza ko hari abaturage bashobora kuba bakigendera ku mico ya kera yo gushaka abagore benshi ngo babone abana benshi, ariko ko Leta y’U Rwanda itabitangira uburenganzira.

Yagize ati “Hari abagifite imyumvire ya kera ko iyo ufite abagore benshi aba ari amaboko, hakaba hari abakibigereranya nk’uko kera babyitaga ngo ni ukugira amaboko, ariko uyu munsi turi mu gihugu kigendera ku mategeko, aho itegeko ryemera umugore umwe, ritemera ubuharike.”

Ndiwabo Valens utuye mu Murenge wa Buruhukiro, umwe mu mirenge irangwaho ubuharike bukabije, avuga ko yaharitse umugore we wa mbere kuko atabyaraga, biteza amakimbirane.

Avuga ko nyuma yo guharika umugore we wa mbere, uwa kabiri yaje agatangira kwiba uwa mbere, maze amakimbirane aravuka ndetse biza kugeza ubwo amutana abana yari amaze kubyara, ajya gushaka undi mugabo.

Niyonsaba Charles w’imyaka 45 afite umugore umwe ngo kuri we amakimbirane niyo akurura ubuharike kandi aho gukiza ibibazo ahubwo bikiyongera.

Yagize ati “Iyo umugabo atumva umugore cyangwa umugore atumva umugabo aramureka akajya kwishakira undi, ibi bikongera ibibazo kuko iyo umuntu ageze hirya abyara abana, ari byo biteza n’amakimbirane mu gihe gikurikiraho ariko ibyiza ni uko abantu bakumvikana.”

Ubuyobozi bwizera ko muri gahunda yashyizweho buri wa Gatatu w’icyumweru yo gukemura ibibazo, buzajya bugaruka ku mibanire mu ngo kandi no gushyira imbaraga mu mugoroba w’ababyeyi mu kunga imiryango bizarwanya ubu buharike.

Umusaruro w’ibirayi mu Karere ka Nyamagabe uturuka mu Murenge wa Buruhukiro nk’ikigega kigaburira akarere n’abo hanze yako, ariko bitewe n’imbuto y’ibirayi ishaje ngo byateje igihombo abaturage.

Abahinzi mu murenge wa Buruhukiro bahangayikishijwe n’imbuto y’ibirayi yashaje igatuma ntacyo bagisarura

Silas Ndikuryayo atuye mu Mudugudu Rambya, Akagari ka Byimana, muri uyu murenge, agira ati “Nubwo bavuga inaha ngo tweza ibirayi ariko ntabyo tukeza, nta mbuto y’ibirayi nziza tukibona.”

Uwitwa Theo Maniriho, na we ni umuhinzi wo muri uyu murenge utangaza ko batanasobanukiwe gukoresha ifumbire bahabwa, na byo bigatuma bateza neza.

Yagize ati “Ikigaragara hari abadakoresha ayo mafumbire, nk’izo za DAP batavangavanga usanga ibirayi bimeze neza! Aho nakoze ubushakashatsi icyo gice ibirayi ni binini, ariko igice natejemo UREE byarakutse, ku buryo aho nakuraga ibilo 400 ejo bundi nahakuye 50.”

Umuyobozi w’Akarere ka Nyamagabe ushinzwe Ubukungu, Jean Lambert Kabayiza, atangaza ko impamvu yateye iki kibazo, yaturutse ku kuba ikigo cy’igihugu gishinzwe ubuhinzi (RAB) cyareguriye ubutubuzi bw’imbuto abatubuzi bigenga.

Yagize ati “Tugiye gushyira imbaraga mu bakora ubutubuzi mu karere, kugira ngo babyikorere ari na benshi kubera ko abahinzi ubwabo bari bamenyereye ko buri gihembwe RAB ibaha imbuto.”

Minisiteri y’Ubuhinzi yarageneye Akarere ka Nyamagabe miliyoni 40FRW azafasha mu bukangurambaga ku itubura ry’imbuto n’ikoreshwa ry’ifumbire, bizafasha akarere kongera umusaruro uturuka ku gihingwa cy’ibirayi n’ubuhinzi muri rusange.

Abafite uburwayi bwo mu mutwe bagiye kuvuzwa.

Ubwo itsinda ry’abadepide bagize Inteko Inshinga Amategeko ryasuraga aka karere muri Kamena 2016, ryagaragaje ikibazo cy’abaturage bafite uburwayi bwo mu mutwe batavuzwa, ugasanga bamwe bateza n’umutekano muke.

Mu Isentere ya Rambya, mu Kagari ka Byimana, Umurenge wa Buruhukiro, ni hamwe mu duce twasanzemo abaturage bagaragaza uburwayi bwo mu mutwe ariko ukabona ko batereranywe.

Umuyobozi w’Akarere ka Nyamagabe Wungirije ushinzwe Ubukungu, Jean Lambert Kabayiza, atangaza ko hafashwe ingamba zo kubarura abafite ubwo burwayi bakajyanwa kwa muganga, imiryango yabo igakomeza kubakurikirana n’abadafite ubushobozi bakavuzwa.

Ku ikubitiro ngo hagaragaye abafite uburwayi bwo mu mutwe batanu ariko ngo akarere kagiye kugenzura mu mirenge yose kugira ngo n’ahandi bari bashwe kwivuza.

Yagize ati “Ni ugukora ubukangurambaga tukegera abaturage tukabagaragariza ko uburwayi bwose ari kimwe kuko hari abumva ko umurwayi ari uwaheze mu buriri wananiwe kubyuka. Dufatanije n’abashinzwe ubuzima mu mirenge, tuzabegera tubagaragarize ku ruhare rwabo.”

Abaturage bafite imiryango ikomokamo abafite uburwayi bwo mu mutwe, bakaba bashishikarizwa kubimenyesha ubuyobozi, kandi bagafata iya mbere mu kubavuza.

Ababyeyi, urubyiruko n’abana bakwiye kuba bari mu ishuri buri wese n’akajerikani biriwe baretse imirimo birirwa bategereje kuvoma mazutu.

Mu saa kumi n’ebyiri za mu gitondo kuri uyu wa gatatu tariki 13 Nyakanga 2016, ikamyo yo mu bwoko bwa Actros yahirimye, ubwo yerekezaga iBukavu muri Repubulika Iharanira Demokarasi ya Congo, abaturage bakibona iyi mpanuka, bahise batangira kurwanira kuvoma mazutu yarimo imeneka.

Polisi y’igihugu yahise yohereza itsinda rishinzwe gucunga umutekano, kubera akavuyo kari katejwe n’abaturage bari bahari, biganjemo urubyiruko n’abana bagakwiye kuba bari mu ishuri.

Ikamyo yahirimye abaturage bateza akavuyo barwanira kuvoma mazutu.

Impamvu zateye iyi mpanuka ntiziramenyekana nk’uko Umuvugizi wa polisi mu ishami rishinzwe gucunga umutekano wo mu muhanda Spt. Jean Marie Vianney Ndushabandi yabitangaje.

Yagize ati “Polisi irimo gukora iperereza ku makuru y’impamo yaba yateye iyi mpanuka, nizimenyekana zikaba zizamenyeshwa.”

Polisi y’igihugu yakomeje gucunga umutekano w’iyi kamyo mu rwego rwo kwirinda impanuka zaturuka ku nkongi y’umuriro kubera mazutu yagiye isandara mu muhanda no mu nkengero zawo, mu gihe iyi kamyo itarahakurwa.

Abaturage batandukanye barimo n’abafite amamodoka bari bafite ibijerekani byo kuvomeramo mazutu.

Ubwo hategurwaga igiterane cyiswe Rwanda Shima Imana, kuri uyu wa 12 Nyakanga 2016, mu nama yahuje ubuyobozi n’abahagarariye amadini n’amatorero mu Karere ka Nyamagabe, abanyamadini n’amatorero bemeza ko guhurira mu biterane bitabangamira imyemerere yabo.

Guhuriza hamwe nk’ubuyobozi bwa leta n’abanyamadini n’amatorero ngo bifasha wa muturage kugira imibereho myiza n’iterambere

Sheikh Karera uhagarariye idini ya Islam mu Karere ka Nyamagabe atangaza ko nk’idini rya Islam ritavangura kandi kwifatanya n’abandi gushimira Imana biri mu nshingano basanganywe.

Yagize ati “Twebwe abisilamu dushimira Imana cyane kandi buri gihe, ariko uziko abayisilamu tutaririmba ariko twe twifatanya n’abandi, kugira ngo tuzamure igihugu, ntawe tuvangura ntawe dusubiza inyuma iyo badutumiye rero tuba turi abambere.”

Umushumba mu itorero ry’Abangirikani mu Rwanda Dative Nkundizana, akaba arihagarariye mu Murenge wa Tare atangaza ko mbere y’uko baba abanyamadini n’amatorero ari Abanyarwanda kandi bishimira guhura n’abandi bagashima Imana aho yavanye U Rwanda mu mateka mabi.

Yagize ati “Mbere na mbere icyo mbona twese turi abanyarwanda, turebye ingaruka twese jenoside yakorewe Abatutsi yatugizeho, hanyuma turashima Imana turebye aho tugeze, uburyo igihugu cyatangiye kwiyubaka rero Imana twese dusenga itwumva kimwe nk’abanyarwanda.”

Umuyobozi w’Akarere Philbert Mugisha atangaza ko gutegurira igikorwa nk’iki hamwe ari ingenzi cyane ko ari abanyamanyadini n’amatero bose baba bifuza ubuzima bwiza bw’umuturage.

Yagize ati “Urubuga duhuriyeho twese hamwe nta kibazo kiba kirimo kubera ko twese tuba twashyize hamwe bigarargarira no myiteguro noneho na bo dutumira ni ba bandi twese tuba dushaka ko bagira imibereho myiza n’iterambere.”

Igiterane cyo gushimira Imana ibyo yagejeje ku banyarwanda, ni igitekerezo cyaturutse kuri bamwe mu banyamadini n’amatorero, ariko kiza gushyigikirwa na minisiteri ishinzwe ubutegetsi bw’igihugu, ubu giteganijwe kuba mu gihugu hose kuya 7 Kanama 2016.

Abaturage bishimira ko igiciro cy’amafumbire n’imbuto cyagabunutse.

Akarere ka Nyamagabe kari mu gice cyahoze ari Gikongoro, kakundaga kurangwamo amapfa yatumaga bamwe bateza ndetse aka gace kakarangwamo inzara, ariko aho gahunda ya Nkunganire itangiriye, abaturage bakabona imbuto z’indobanure, ifumbire n’ishwagara, umusaruro wariyongere babona ibyo barya basagurira n’amasoko.

Mukantwari Jacqueline utuye mu Kagari ka Byimana, Umurenge wa Buruhukiro, atangaza ko ubutaka bwashariraga ntihagire ugira icyo asarura.

Yagize ati “Hari ubutaka bwashariraga, butera ariko aho bazaniye Nkunganire, turahinga tukeza tugasagurira n’amasoko, batuzaniye n’amashwagara noneho bwa busharire buba mu butaka bwacu buvamo.”

Gahunda ya Nkungariye yatumye abaturage babona umusaruro bavuga ko ushimishije.

Uwamahoro Marie Jeanne na we utuye mu Murenge wa Buruhukiro, atangaza ko iyi gahunda yabafashije kandi bishimira ko amafumbire bayashyize ku giciro cyo hasi.

Yagize ati “Iyi gahunda narayitabiriye tubona baduhera ku giciro cyiza, DAP (ubwoko bw’ifumbire) ni 470Frw, mbere yabaga ari 500Frw. Ubu turahinga tukeza kandi mbere ubutaka bwarashariraga, ubu turarya nta kibazo.”

Nubwo iyi gahunda yafashije abaturage ariko bagize impugenge z’uko hari ubwo yatindaga kubageraho bikagira ingaruka ku musaruro.

Umunyamabanga nshingwabikorwa w’umurenge wa Buruhukiro, Paul Manirarora, avuga nubwo yajyaga itinda, ngo ubu isigaye ibonekera igihe.

Yagize ati “Nubwo Leta iba yashyizemo inkunga, hari abantu baba bayiranguye, bakaba ari bo bayigeza ku baturage. Hari igihe byajyaga bitinda ariko ubu nkekako bitagitinda, ubu iza kare abashaka kugura bariyandikisha muri gahunda ya ‘Twigire Muhinzi’.”

Uhagarariye Ikigo cy’igihugu gishinzwe ubuhinzi (RAB) mu Ntara y’Amajyepfo, Ngenzi Parfait, yemeza ko gahunda ya Nkunganire yatindaga, ariko ko mu bihembwe bishize yabonekeye igihe, kandi ko mu rwego rwo kwirinda ko yazongera gutinda, hafashwe ingamba zo kwegurira isoko ryayo Inkeragutabara.

Ikigo RAB kikaba kivuga ko iyi gahunda yatumye umusaruro ukomoka ku buhinzi muri rusange mu gihugu wariyongereyeho 4%.

Amazu yatujwemo abacitse ku icumu rya Jenoside batishoboye babaga mu mazu ashaje.

Bamwe mu batishoboye bacitse ku icumu rya Jenoside yakorewe Abatutsi bo mu Murenge wa Tare, Akarere ka Nyamagabe, barishimira amazu bubakiwe, nyuma yo guhora bashaka aho bacumbika bitewe n’inzu zendaga kubagwaho kubera uburyo zari zubatsemo zidakomeye.

Consesa Uzamushaka ni umwe mu bacitse ku icumu atangaza ko bashimira umukuru w’igihugu ku bikorwa akomeje gukorera abacitse ku icumu rya Jenoside.

Yagize ati “Njyewe byandenze ubu ndashimira Leta y’Ubumwe iduhaye aho tuba, ubundi twirirwaga twirukankana imifariso y’ibitanda twimuka, none ubu rwose nishimye ndashimira umubyeyi wacu Paul Kagame y’uko yaduhaye inzu nziza isobanutse.”

John Karekezi, na we wahawe inzu atangaza ko ikimushimije nk’umupfakazi byongeye w’umusaza ari uko abana be batazandagara mu guhe azaba yatabarutse.

Yagize ati “Inzu nabagamo yari ishaje nkaba nta mbaraga zo kubaka nari mfite, reba izi mpinja ni njyewe uzirera ndi umupfakazi, ariko ikinshimishije muri byose ni uko n’ejo nzisazira abana mbasize mu icumbi.”

Nubwo hari abatuzwa mu mazu meza, haracyari abacitse ku icumu baba mu mazu yangiritse, ibi bikaba byaratewe n’uko yubatswe huti huti, nyuma ya Jenoside yakorewe Abatusti bityo amwe muri ayo mazu akaba yarashaje cyane.

Umuyobozi Wungirije w’Akarere ka Nyamagabe ushinzwe Imibereho Myiza y’Abaturage, Prisca Mujawamariya, avuga ko bafite gahunda yo gukomeza kwita ku bacitse ku icumu batuye mu mazu yangiritse.

Yatangaje ko hari miliyoni 16 zakusanijwe mu cyumweru cyo kwibuka, ngo akaba agiye kwifashishwa mu gusana amazu 18 yangiritse cyane byaba ngombwa bakanifashisha n’ibikorwa by’imihigo.

Amazu agera ku icumi yatanzwe kuri uyu wa 4 Nyakanga yubatswe ku bufatanye na FARG yuzura atwaye amafaranga y’u Rwanda abarirwa muri miliyoni 73 n’imisago naho ibikoresho byo mu nzu bitwara agera kuri miliyoni 2.

Abadepite baranenga abanyamabanga nshingwabikorwa b’utugari muri Nyamagabe badakorera abaturage uko bikwiye.

Kuri uyu wa 29 Kamena 2016, itsinda ry’abadepite ryagaragarije ubuyobozi bw’akarere, abayobozi b’imirenge, inzego z’umutekano ni iz’ubutabera, ibibazo bagaragajwe n’abaturage, aho bibanze ku mikorere “mibi” y’ubuyobozi bw’utugari.

Honorabure Depite Athanasie Nyiragwaneza, wari uyoboye iryo tsinda, yatangaje ko bibaza impamvu iyo abayobozi b’utugari bakorewe igenzura usanga bafite amanota yo hejuru adahura n’ibikorwa.

Yagize ati “Ese ko abaturage bagaya abo bayobozi b’utugari cyangwa ab’imirenge mu mikorere, kwa kundi babaha amanota y’imikorere ugasanga hari abafite 80% na 90%, kandi babagaya babihuza gute! Tukifuza rero ko ubuyobozi bw’akarere bwabisuzuma.”

Yakomeje avuga ko ubuyobozi bw’akarere bukwiye gukurikiza ibyo amategeko ateganya ku bakozi batuzuza inshingano zabo.

Iri tsinda hari byinshi ryagaragaje ko ryasanze bitagenda neza, birimo bamwe mu bayobozi batarangiza imanza, aho byagaragaye ko ku rwego rw’akagari nta manza zirangizwa, ugasanga ari na ho havuye amakimbirane mu miryango no mu baturage muri rusange.

Umuyobozi w’Akarere ka Nyamagabe, Philbert Mugisha, yijeje abo badepite ko makosa yagaragaye agiye gukosorwa hagafatwa ingamba, abayobozi batubahiriza inshingano bakabibazwa.

Yagize ati “Abafite amakosa agambiriwe badashaka kwikosora ni ukubafatira ibyemezo byo mu rwego rw’akazi.”

Inama yahuje abarebana n’umushinga wo kubungabunga imigezi yisuka muri Nyabarongo.

Kuri uyu wa 30 Kamena 2016, ni ubwo uyu mushinga wo kubungabunga icyogogo cy’Umugezi wa Mwogo, Akarere ka Nyamagabe gaterwamo inkunga n’Ikigega cy’Igihugu cyo Kubungabunga Ibidukikije, FONERWA, watangijwe ku mugaragaro.

Umuyobozi w’Akarere ka Nyamagabe ushinzwe Ubukungu, Jean Lambert Kabayiza, yavuzw ko mu rwego rwo kubungabunga ibidukikije no kubungabunga Umugezi wa Nyabarongo, basanze igisubizo ari ukubanza kubungabunga imigezi yisukamo.

Yagize ati “Turimo gushakira igisubizo indi migezi yose yiroha muri Nyabarongo, kugira ngo amazi yayo abe urubogobogo, … nkatwe hano muri Nyamagabe ni twe dufite imigezi myinshi yiroha muri Nyabarongo! Turi mu ba mbere rero bagenewe ino nkunga kugira ngo tubungabunge iyo migezi.”

Yakomeje avuga ko bishimira ko abaturage bumvise uwo mushinga, kuko bafite uruhare runini kugira ngo ugere ku ntego zawo, birinda ko imigano n’urubingo biteganywa guterwa bitakononwa n’amatungo.

Jean Pierre Migabo, umwe mu bahawe akazi muri uwo mushinga, avuga ko kuba abaturage ku bihumbi bibiri barawuhawemo akazi bitanga icyizere ko ibyo bikorwa bizitabwaho ntibyangirike.

Yagize ati “Iki gikorwa turacyumva neza kuko ni twe gikorerwa, biri gukorerwa mu mirima yacu ahari gucibwa amaterasi n’imirwanyasuri, abari bafite ibibazo byo kubona ubwisungane mu kwivuza, ibikoresho by’abana n’ibindi bibazo twumva uyu mushinga uzabikemura.”

Uyu mushinga uzafasha kandi cyane cyane inganda zitunganya amashanyarazi, kuko zizabasha kubona amazi menshi bitewe n’uko amazi mabi ubundi yangizaga amamashini bikabera imbogamizi kubabyaza amazi umuriro w’amashanyarazi.

Nyuma yo kurangiza amashuri yisumbuye, abakobwa babiri bongeyeho kwiga imyuga, bashinga ’Atelier’ ikora inkweto.

Bamwe mu bakobwa bo mu Murenge wa Gasaka, nyuma yo kurangiza amashuri yisumbuye bakabura buruse, bahisemo kwiga gukora inkweto mu ishuri ry’imyuga, bafungura inzu (Atelier) ikora ikanadoda inkweto z’amako atandukanye, ibikapu, imikandara, n’ibindi bikomoka ku ruhu.

Mukamurenzi Laurence yarangije kwiga amashuri yisumbuye mu ishami ry’Imibare, Ubukungu n’Ibidukikije (MEG), ubu akora inkweto mu mpu. Avuga ko yarebye kwicara iwabo ntacyo bizamumarira, yihangira umurimo, none ku kwezi abasha kubona amafaranga ibihumbi 80Frw.

Yagize ati “Maze amezi atanu nkora kano kazi nyuma yo kuva kubyiga. Ubu mbasha gukodesha inzu yo kubamo n’iyi dukoreramo. Mbasha kugura amavuta, imyambaro, nkafasha n’umuryango wanjye kandi nkibuka no kwzigamira.”

Mukamurenzi avuga ko ikibazo cy’urubyiruko ruri mu bushomeri, giterwa n’imyumvire yo kumva ko imyuga yigwa n’abana b’abaswa, bityo rukaguma mu rugo rwicaye.

Aba bakobwa bari mu kazi ko gutunganya inkweto. Nta bute bagira kuri uyu murimo.

Yagize ati “Akazi ntabwo kabuze ahubwo habuze mu mutwe, kuko ibyo gukora biriho. Nari nararangije kwiga mbona nta buzima, biba ngombwa ko njya kwiga gukora zino nkweto, ubu sandari y’abagabo nyigurisha 5000Frw, iy’abagore nkayigurisha 4000Frw.”

Benshi mu rubyiruko bakunze kuvuga ko nta gishoro, ariko Mukamurenzi avuga ko byose ari ubushake kuko we yatangije ibihumbi 30Frw, bivuye mu bishyimbo yari yarahinze.

Musabyimana Alice na we akora inkweto, atangaza ko yagiye kwiga imyuga abikunze kuko yashakaga ikizatuma yihangira umurimo nubwo atahabwa akazi.

Yagize ati “Ntiwaburara kuko tubona amafaranga. Turakora bakaturangurira, ku kwezi ninjiza amafaranga ibihumbi 100Frw, mu myaka itanu tuzaba tugeze kure, amafaranga twizigamira turateganya kuyaguramo ibikoresho bihagije kugira ngo duhaze abatugana.”

Amafaranga bizigama bateganya kuzayaguramo ibikoresho bizatuma akazi kabo karushaho kunoga.

Aba bakobwa bishyize hamwe ari babiri, ngo kugeza ubu nta mbogamizi n’imwe bafite, kandi mu gihe kiri imbere bamaze kugura ibikoresho bihagije, ibyo bakora bazabigeza ku isoko mpuzamahanga.

Abayobozi b’ibigo by’amashuri ngo basigaye batunganya akazi batagombye gukora ibilometero bajya mu mujyi w’akarere kabo.

Bavuga ko inzu y’ikoranabuhanga, Telecentre, yo mu Murenge wa Musebeya, yafashije abayobozi b’ibigo by’amashuri kohereza raporo zinoze kandi ku gihe, bitewe n’uko amwe mu mashuri, nta mashanyarazi arayageramo.

Iyi Telecentre ngo yagabanyije ingendo abo bayobozi bakoraga bava i Musebeya na Buruhukiro bagana mu mujyi wa Nyamagabe, aho bagendaga ibilometero hagati ya 35 na 40. Nta modoka zitwara abagenzi rusange zihaba ku buryo byabasabaga gutega moto y’amafaranga ibihumbi 5000Frw byo kugenda na 5000Frw byo gusubirayo.

Muhizi Etienne, Umuyobozi w’Urwunge rw’Amashuri rwa Kizimyamuriro mu Murenge wa Buruhukiro, atangaza ko aho baboneye Telecentre ya Musebeya, akazi kabo karushijeho kunoga.

Yagize ati “Iyi Telecentre ntabwo idufasha kubona interineti gusa ahubwo iyo ufite izindi nyandiko, ushobora kuba wakoze uraza ukazifotoza. Mbere twakoreshaga intoki cyangwa tukajya i Nyamagabe mu mujyi, ariko byose bikorerwa aha. Urabona ko hari amamashini afotora n’asohora impapuro.”

Nyirabanyuzahabo Speciose, Umuyobozi w’Ikigo cy’Amashuri Abanza cya Bishyiga, avuga ko nubwo bafite amashanyarazi aho bakorera, ariko nta interineti ihaba, bityo ko kugana iyi Telecentre byabafashije.

Yagize ati “Ndimo kuzuza ibintu bigaragaza imibare y’abanyeshuri ku kigo, abatanze mituweli, imibare y’abarimu n’ibyo bigisha, mbese muri rusange ubuzima bw’ikigo. Mbere ibi twajyaga kubyuzuriza i Nyamagabe ariko nindangiza ndahita nohereza, ubu twarasubijwe.”

Kuba nta Internet ihagije babona, bituma zimwe mu mashini zidakora.

Uretse kuba iyi Telecentre yarafashije abayobozi b’ibigo by’amashuri, byanafashije abaturage n’urubyiruko kungurana ibitekerezo kuko bahahurira ari benshi. Gusa ngo haracyari imbogamizi ya interineti idahagije.

Nyiramajyambere Immaculée ushinzwe iyi Telecentre, avuga ko bifashisha ‘modem’ mu gutanga interineti ku babagana ariko bikaba bikomeje kugaragara ko ari nkeya.

Umuyobozi w’Akarere ka Nyamagabe Wungirije ushinzwe Iterambere ry’Ubukungu, Kabayiza Jean Lambert, atangaza ko akarere kagiye kubikurikirana ku buryo icyo kibazo kizakemuka.

Yagize ati “Twifashishije umukozi ushinzwe ikoranabuhanga ku karere, ni ikibazo tugiye gukemura. Nitunasanga ari igikoresho kirenze ubushobozi bw’akarere, tuzakora ubuvugizi ku bo bireba.”

Ubusanzwe, iyi Telecentre ikurikiranwa n’Ikigo cy’u Rwanda gishinzwe Iterambere (RDB) ariko ubuyobozi bw’akarere bukaba bugiye kongera imbaraga mu ikurikiranabikorwa ryayo kugira ngo ifashe abayigana.

Florida yashimye Ibitaro bya Kigeme batekereje kubasanira amazu.

Kuri uyu wa gatanu tariki 17 Kamena 2016, mbere y’urugendo rwo kwibuka ku nshuro ya 22 abari abakozi, abarwayi n’abarwaza b’ibitaro bya Kigeme, abahakora ubu basuye inshike basaniye amazu yari yarangiritse

Florida Mukagashumba umwe mu nshike eshatu zasaniwe amazu atangaza ko inzu yabagamo iyo atabona abaterankunga yari kumugwaho kuko yari yarangiritse cyane.

Yagize ati “Inzu nabagamo yari icyondo, nturuzi uriya musarani uko umeze ibiti byari hanze, habanza abaturage kumfasha bashyiraho icyondo, ariko uri hanze akakubona uri munzu, ntako narimeze gusa nshima Imana yo mw’ijuru.”

Therese Nyiragaju nawe inzu ye yinjiragamo amazi akorerwa rigori ashyirirwa n’isima mu nzu bituma nzu he haboneka isuku.

Abakozi b’ibitaro bya Kigeme n’abafatanyabikorwa babo bakoze urugendo rwo kwibuka abari abakozi, abarwayi n’abarwaza baguye ku Kigeme.

Ati “Nta sima yarimo imbere n’aka karangi, ubu ubuzima bwarushijeho kuba bwiza ubu ndashimira Imana, nukuri barakoze kudufasha.”

Iyi akaba ari gahunda abakozi b’ibitaro bya Kigeme biyemeje yo kujya bita ku bacitse ku icumu batishoboye haherewe cyane cyane ku nshike zitagira uzifasha.

Umuyobozi n’umuganga mukuru mu bitaro bya Kigeme Dr. Ephrem Nzabonima yatangaje ko abakozi b’ibitaro biyemeje kwitanga kugira ngo hafashwe abacitse ku icumu babaye kurusha abandi babifashijwemo n’ubuyobozi.

Ati “Tubifashijwemo n’ubuyobozi bw’ibanze na komisiyo y’igihugu ishinzwe kurwanya jenoside, baturebera ababaye cyane duhereye ku nshike, noneho tukabarura amafaranga buri mukozi atanga uko yishoboye kikaba n’igikorwa ngarukamwaka dukora mu bihe byo kwibuka.”

Ibikorwa byo gusana aya mazu y’inshike, byaratwaye agera kuri miliyoni 1,7Frw. Uko ubushobozi buzakomeza kuboneka n’abandi bakazafashwa, nk’uko babyiyemeje.

Akarere ka Nyamagabe ubu karera ku buryo inzara ngo yabaye umugani

Mu murima bezagamo ibiro 20 by’imyaka, kuri ubu bisigaye bigera ku 100 cyangwa 150, babikesha gahunda y’amaterasi y’indinganire yazanywe n’umushingwa LWH.

Uyu mushinga watangiye urandura imyaka y’abaturage aho yagombaga gucibwa, kuyitabira bibanza kugorana ariko abaje kuyitabira babonye umusaruro atanga bicuza impamvu babanje kwinangira.

Pascal Ndayisabye atuye mu murenge wa Musebeya, Akagari ka Gatovu, atangaza ko mbere batishimiye uburyo gahunda yaje irandura imyaka ariko nyuma inyungu zavuyemo zikaruta kure izo babonaga.

Abaturage biteje imbere biturutse ku musaruro bavanye mu materasi kandi bari babanje kuyinubira.

Yagize ati “Bwa mbere uyu mushinga ugitangira abantu ntibabyumvaga kimwe, kuko waje urandura imyaka twari twarahinze bakatubwira ngo ibijumba, imyumbati hano nta musaruro bigira, ariko baduhaye amashwagara, imborera ubu umusaruro wikubye gatatu cyangwa kane.”

Sipirayani Munyemana utuye mu Murenge wa Musebeya, Akagari ka Sekera nawe atangaza ko bamuranduriye ibyo yari yarahinze akumva ko bamuhemukiye ariko nyuma akaza gusanga byaramufashije.

Yagize ati “bavugaga kuyaca tukumvako ari ugutengagura imikingo, tukumvako ntacyo tuzasaruramo n’amatunda nari nahinze ndavuga nti barampemukiye, ariko nasanze barangiriye neza, neza ibishyimbo n’ibirayi byinshi.”

Abaturage bo muri iyi mirenge bishyize hamwe muri koperative kugira ngo bazabashe kubona imbuto n’amafumbire ku gihe.

Benjamin Bucyana ushinzwe amahugurwa mu mushinga LWH/RSSP atangaza ko koperative iba igamijwe ubucuruzi, abahinzi bagakusanya kandi bakajyanira hamwe umusaruro wabo ku isoko, bityo n’ibiciro bikiyongera kuko abaguzi baza bagana koperative atari umuhinzi umwe.

Umuyobozi w’akarere wungirije ushinzwe iterambere ry’ubukungu Jean Lambert Kabayiza, atangaza ko nk’ubuyobozi buzakurikirana ibikorwa by’iyi koperative kugira ngo iterimbere.

Yagize ati “N’uko nka koperative yatangiye gushaka ibyangombwa izahita yinjira mu zindi koperative dusanganye mu karere, kuko dufite ishami n’abakozi babikurikirana, twashyizeho n’akanama kazajya kayikurikirana by’umwihariko kuko ifite abanyamuryango benshi.”

Kwishyira hamwe kw’aba bahinzi bagera ku 1,092, babashije no kwizigama agera kuri miliyoni 14Frw, bizabafasha guhinga ku materasi yose yatunganijwe bityo n’umusaruro wiyongere.

Imirimo yo kubaka ibiro by’Akarere ka Nyamagabe ngo igeze kuri 90%.

Iyi nyubako yagombaga kuzura muri Kamena 2015, yahuye n’imbogamizi zo kutuzuza amasezerano kuri rwiyenmezamirimo wari watangiye kuyubaka ndetse aza guhagarikwa.

Abapataniye gukomeza imirimo tariki ya 27 Mata 2016, ari bo Royal Trust company ifatanyije n’Inkeragutabara, ku wa 7 Kamena 2016 bijeje ubuyobozi bw’Intara y’Amajyepfo, ubwo bwari mu isuzuma ry’imihigo ko mu gihe cy’amezi atatu gusa, imirimo izaba irangiye.

Guverineri w’iyi ntara, Alphonse Munyantwari, yatangarije Kigali Today ko bakurikije uko babonye umuvuduko w’imirimo iri gukorwamo na Rwiyemezamirimo mushya, hari icyizere ko inzu izuzura vuba.

Yagize ati “Twabonye ko rwiyemezamirimo akarere kabonye ashoboye, ku buryo yanatwemereye ko mu gihe yari kuzakoresha azakigabanyaho amezi abiri. Dukurikije abakozi bahari, ibikoresho bafite n’uko bateganya kuzakora ibikorwa, turabona ari ibintu bizashoboka.”

Nyuma y’amazi atatu, inyubako y’akarere yari yaradindiye iraba irangiye.

Mbulu Mweya wo muri Royal Trust company uhagarariye imirimo, atangaza ko mu gihe cy’ukwezi bamaze bakora, bakoze imirimo myinshi ku buryo bashobora kurangiza imirimo mu gihe gito kitageze ku mezi atandatu bahawe.

Ku bijyanye n’undi muhigo wo kubaka isoko rya kijyambere ryahawe abikorera, na byo ngo biratanga icyizere kuko imirimo y’ibanze basabwe na banki ngo ibagurize bayigeze kure, nk’uko Guverineri Munyantwari yakomeje abitangaza.

Yagize ati “Dukurikije aho twabonye bageze, bakoresheje n’abantu babisuzuma bageze kuri 28, dosiye batubwiye ko bamaze kuyigeza kuri banki, ndumva rero bitazatinda nibamara kuyabona nk’uko babitwijeje, mu kwa gatandatu k’umwaka utaha bazaba barangijje.”

Iyi mihigo uko ari ibiri ngo nirangira izatuma ubukungu n’iterambere by’akarere birushaho kwihuta.

Rwiyemezamirimo wapatanye, yijeje ubuyobozi bw’intara ko mu gihe gito azaba asoje imirimo.

Inyubako y’akarere ngo igeze hafi kuri 90% naho isoko rikaba rikiri kuri 30%. Cyakora, imirimo isigaye ngo ikaba itazatinda kuko gutangirira hasi ari byo byabanje kugorana.

Abaturage bo mu Karere ka Nyamagabe bamaze kwiteza imbere.

Mu isuzuma ryakozwe n’Intara y’Amajyepfo kuri uyu wa Kabiri, tariki 7 Kamena 2016, ryagaragaje ko raporo z’aka karere zigaragaza ishyirwa mu bikorwa ry’imihigo, zitandikwa ku buryo bunoze kandi bugaragaza uko imwe mu mihigo yashyizwe mu bikorwa n’ibipimo byayo.

Guverineri w’Intara y’Amajyepho, Alphonse Munyantwali, yatangaje ko imihigo yifashe neza na buri muhigo ufite igitabo cyawo, gusa ko hagaragayemo amakosa yo kudahuza neza za raporo ziva mu mirenge no mu tugari, aho usanga zanditswe mu buryo butandukanye.

Akarere kagiriwe inama yo kunoza imyandikire ya raporo y’imihigo.

Yagize ati “Hari aho twabonye amakosa kuri raporo zituruka ku mirenge, ku tugari, ni byiza ko ziza zinoze, ariko noneho no guhuza raporo kugira ngo bigende neza, bisaba ko izo abantu bakora ziba zisa kugira ngo byorohereze kureba imibare n’aho akarere kageze mu mihigo.”

Umuyobozi w’Akarere ka Nyamagabe, Philbert Mugisha, yijeje ubuyobozi bw’Intara ko inama bagiriwe bagiye kuzishyira mu bikorwa bakanoza ibyo akarere kasabwe gutunganya, gafatanyije n’abakozi n’abafatanyabikorwa bako.

Verena Mukandekezi umwe mu basigajwe inyuma n’amateka yikuye mu bukene bivuye ku nka yahawe.

Ati “Hari inama zanditse hari n’izo twagiriwe aho twasuye ibikorwa, ahakiri ibyuho nk’uko byagaragaye mu mihigo hamwe na hamwe, mu ngo ndetse no mu nzego z’imitegekere y’igihugu nko ku tugari aho byabaga bimeze neza, ahandi bitameze neza, ni inshingano zacu kugira ngo hose tuhakosore.”

Muri iri suzuma, abaturage basuwe haba mu ngo cyangwa se n’aho bakorera ibikorwa by’iterambere, bagaragaje ko bamaze kwiteza imbere.

Mukandekezi Verena, umwe mu bo amateka agaragaza ko bari barasigajwe inyuma, avuga ko inka yahawe yamuvanye mu bukene.

Ati “Inka yanjye yarabyaye, ubu ndanywa amata, n’aho ndyamye nsenga Imana ngo indindire indahangarwa kuko intunze, simbumba inkono, simpinga kuko nta sambu, ariko ifumbire iragurwa nkagura ibishyimbo, amata nkagemura nkabona ibihumbi 7Frw.”

Akarere ka Nyamagabe kageze ku kigero cya 80% kesa imihigo.

Hari mu iburanisha ryabereye mu ruhame ku wa 28 Mata 2016, aho Urukiko Rwisumbuye rwa Nyamagabe rwari rwaje mu Kagari ka Gasarenda mu Murenge wa Tare, ruburanisha uyu mugabo ushinjwa guhakana Jenoside yakorewe Abatutsi avuga ko yakozwe n’abayobozi, nta muturage wayikoze.

Umushinjacyaha ku rwego rwisumbuye rwa Nyamagabe, Oscar Butera, yavuze ko Ananias Buturano ashinjwa icyaha cy’ingengabitekerezo ya Jenoside bitewe n’amagambo yavuze ubwo yari mu biganiro byo kwibuka ku nshuro ya 22 Jenoside yakorewe Abatutsi mu 1994.

Ayo magambo ngo yagiraga ati “Abayobozi ni bo bakoze Jenoside, nta muturage wayikoze. Abakomeye bashobora kuva inaha mu kanya bakigira i Burayi. Abana hagati y’imyaka 12 na 15 ni bo bagomba kujya mu biganiro byo kwibuka.”

Ubushinjacyaha buvuga ko bushingiye ku bimenyetso by’uko nyir’ubwite agifatwa yemeye icyaha, akacyemerera imbere y’ubugenzacyaha, akabyemera imbere y’abaturage, ubuhamya bwatanzwe na raporo y’ubuyobozi bw’ibanze bituma Buturano atsindwa.

Nubwo Buturano yemera ibyo ubushinjacyaha bumushinja, yavuze ko yari yanyweye inzoga zikamuvugisha amagambo atateguye.

Yagize ati “Rwose nari nasinze ndateshuka mvuga ibidakwiye. Ibyaha byose bandega ndabyemera ari na yo mpamvu nsaba imbabazi rwose n’abaturage bari aha barabizi sinigeze nkora Jenoside, sinasahuye mbana neza na buri wese ndetse n’abacitse ku icumu.”

Ubushinjacyaha bwo busabira igihano cy’igifungo cy’imyaka icyenda giteganywa n’ingingo ya 116 mu gitabo cy’amategeko ahana mu Rwanda, kuko ngo impamvu atanga avuga ko yari yasinze bifatwa nko guhunga icyaha, cyane ko nta bimenyetso byabigaragaje.

Isomwa ry’icyemezo kuri uru rubanza rizaba tariki 4 Gicurasi 2016 saa tatu n’igice za mugitondo, rikazabera aho yaburanishirijwe.

Umuyobozi w’Akarere ka Nyamagabe, Philbert Mugisha, avuga ko bahagurukiye abazana uburiganya muri gahunda ya "Gira inka".

Athanase Ndagijimana, umuturage utuye mu Murenge wa Kibirizi, avuga ko gahunda ya “Gira inka” itigeze ica mu mucyo kuko abayobozi babaka amafaranga kugira ngo bahabwe inka kandi baba bemejwe n’abaturage ko bakwiye kuzihabwa.

Yagize ati “Inka bazihera abafite amatungo kandi hari utagira n’itungo na rimwe. Iyi gahunda mbona bitajyamo neza kuko bamwe zitabageraho, usanga harimo ruswa kandi iyo bazitanga ntibatinya rwose kukwaka nk’amafaranga nka bitanu cyangwa icumi, utayafite ntibamuha.”

Mariya Rosa Mukashyaka, utuye mu Murenge wa Cyanika, we avuga ko atigeze ahabwa kuko amafaranga basabwa gutanga ngo bayibone atayabona.

Yagize ati “Ibya ruswa rwose birahari, bakwaka amafaranga ngo bakwandike utayabona ntuyibone, na wa mukene ntayibone ugasanga duheze mu bukene. Nk’ubu nta nka ngira kandi mba nkeneye udushingwe two gushyira mu murima.”

Umuyobozi w’Akarere ka Nyamagabe, Philbert Mugisha, yatangaje ko iki ari ikibazo ubuyobozi bwahagurukiye, aho kugeza ubu batanu bari mu maboko ya polisi bakurikiranyweho ibyaha bya ruswa no kunyereza inka.

Yagize ati “Twasanze hari inka zitituwe zanyerejwe n’izindi ziragurishwa! Uyu munsi rero birimo birakurikiranwa mu butabera ngo tumenye ukuri kwabyo, hari abakozi bane barimo bakurikiranwa n’umucuruzi w’inka wagaragajwe n’abaturage.”

Akarere ka Nyamagabe kanatangije icyumweru cyahariwe gahunda ya Gira inka, aho ngo kazakomeza gukurikirana mu karere hose abanyereje inka bakaziryozwa.

Gahunda ya Gira Inka yashyizweho na Perezida Paul Kagame, igamije gufasha abatishoboye bakava mu bukene bakiteza imbere, haba mu mirire no kubona ifumbire ariko abaturage banenga bamwe mu bayobozi b’ibanze bayidindije kubera ruswa n’akarengane.

Isentere y’ubucuruzi ya Mushubi, iherereye mu Murenge wa Mushubi, Akarere ka Nyamagabe, ubucuruzi buyikorerwamo butuma ibamo amafaranga menshi bityo abana bagata ishuri bakaza kuyishakamo amafaranga gusa hakaba uwiyemeje gufasha abana kurisubiramo.

Silas Majyambere mu bushobozi bwe bucye yabashije gufasha abana bari barigize inzererezi gusubira mu ishuri.

Silas Majyambere, umwalimu mu ishuri ryisumbuye rya Mushubi, atangaza ko nyuma yo kubona abana bazerera muri iyi sentere kandi bagakwiye kuba mu ishuri yifuje kumenya impamvu ibibatera.

Agira ati “Abana baje muri iyi sentere kubera abacuruzi bakomeye barimo, narabaganirije bambwira ibibazo bahura nabyo, harimo imfubyi hari ufite umubyeyi umwe, n’ababafite ntibabiteho nuko bakaboneza iy’umuhanda.”

Akomeza avuga ko amaze kumenya ibibazo bafite yabahaye ibikoresho basubira mu ishuri.

Pacfique ubanza ku ruhande rw’ibumoso wabaye uwagatanu mu ishuri nyuma y’uko arivuyemo kubera kubura ibikoresho.

Ati “Bemeye gusubira mu ishuri ariko bambwira ko bafite imbogamizi y’ibikoresho, narabaze rero ibikoresho byabo bana umunani ndavuga nti kandebe ko aribyo byatumye bareka ishuri ndabibaha, ababigisha bamwbira ko bakurikira nta kibazo.”

Pacifique Niyoyizera afite imyaka 15 yiga ku ishuri ribanza St Ethienne, atangaza ko yatsinze mu ishuri nyuma yo gufashwa kurisubiramo.

Ati “Nari naravuye mu ishuri kubera nabuze ibikoresho ariko aho mbiboneye naragarutse ndiga ndatsinda mbasha kuba uwagatanu mu gihembwe gishize.”

Kuba isentere y’ubucuruzi ya Mushubi ikomeye bituma abana bata ishuri bakaza kuyishakamo amafaranga.

Germais Niyirora umuyobozi wiri ishuri uyu mwana yigaho atangaza ko iyo abana bagarutse ku ishuri baba bitegurira ejo heza habo hazaza. Ati “Iyo abana bagarutse biradushimisha cyane kuko abasha kwigirira akamaro akabasha no kukagirira igihugu.”

Muri iki kigo abana 62 kuri 888 bataye ishuri gusa hakaba hari gahunda yo kubashaka kandi bakigisha ababyeyi kwita ku burere bw’abana babo kuko aribo mizero y’igihugu.

Umukuru w’igihugu Nyakubahwa Paul Kagame yakigarutse kuri iki kibazo kiri mu gihugu hose ubwo aherutse gusura Akarere ka Rubavu, agasaba abayobozi gushishikariza ababyeyi kohereza abana ku ishuri.

Tariki 21 Mata nibwo hibukwa Abatutsi barenga ibihumbi 50 baguye i Murambi mu Karere ka Nyamagabe muri Jenoside yakorewe abatutsi mu 1994.

Dr. Bizimana asanga abarokoye abatutsi bagakwiye kubera urugero rwiza nk’abarwanyije ingengabitekerezo mu bihe bikomeye.

Abaje gufata mu mugongo abaharokokeye n’abitabiriye bibukijwe kurwanya ingengabitekerezo ya jenoside bafatira urugero ku bagize abo barokora.

Umunyamabanga nshingwabikorwa wa Komisiyo y’Igihugu ishinzwe kurwanya Jenoside, Dr. Jean Damascene Bizimana yatangaje ko ingengabiterezo isigaye muri bamwe ishobora kurwanywa harebewe ku bayirwanyije mbere bagahara ubuzima bwabo bagakiza abandi.

Abanyarwanda bashyize hamwe ingengabitekerezo yarandurwa burundu.

Yagize ati “Abantu bagiye barokora abandi bakabitangira, nibo iyo tuvuga kurwanya ingengabitekerezo ya jenoside, nibo bagomba kutubera urugero, kuko bayanze no mu bihe bikomeye kurusha ubu dufite ubuyobozi bubidufashamo bufata abantu bose kimwe.”

Nubwo abanyapolitiki benshi bateguye bakanashyira mu bikorwa jenoside yakorewe abatutsi hari ho n’abeza batari bashyigikiye ko abatutsi bicwa.

Dr. Bizimana yatanze n’urugero rwa bamwe bahoze mu ishyaka ryari ku butegetsi mu gihe cya jenoside yakorewe abatutsi MRND basezeye mu ishyaka kubera ryari rishyigikiye amacakubiri.

Hibutswe abatutsi barenga ibihumbi 50 biciwe i Murambi.

Ati “Umuntu bita Rumiya Jean Albert yari umwalimu muri kaminuza, muzi Mugesera ijambo yavugiye ku Kabaya, Rumiya wari muri nyobozi ya MRND icya mbere yakoze yasezeye mu ishyaka yandikira Habyarimana ko adashyigikiye ko bigisha urwango ku mugaragaro bategura n’ubwicanyi.”

Guverineri w’Intara y’Amajyepho Alphonse Munyantwari, wari n’umushyitsi mukuru yagarutse ku kibazo cy’ingengabitekerezo ya jenoside aho yabwiye abitabiriye ko Abanyarwanda ari abavindimwe bashyize hamwe bayirandura burundu.

Ati “Hari abari hanze Abafaransa basangiye ingengabitekerezo n’abajenosideri, ntabwo rero wavuga ngo ni ikibazo cyoroshye, ariko ni ikibazo cyoroshye ku Banyarwanda bashyize hamwe kuko igihe cyose twashyize hamwe twatsinze.”

Kugeza ubu ubushakashatsi bugaragaza ko ingebitekerezo yagabanutse mu Rwanda aho bigeze ku kigero cya 83%

Abaturage batuye mu isantere y’ubucuruzi ya Gahira, mu Murenge wa Uwinkingi, Akarere ka Nyamagabe, nta mashanyarazi bagira kandi baturiye ingomero zayo. Ibi bigatuma baba mu bwigunge n’abayobozi b’ibanze, ugasanga bibangamira akazi kabo kuko bayakenera.

Abaturiye ingomero ntibabasha gukora ibikorwa by’iterambere kubera ko badahabwa amashanyarazi kandi ari bo yagakwiye guheraho.

Paul Uwimana, umuturage wo muri uyu murenge, atangaza ko kuba nta mashanyarazi bafite kandi baturanye na yo ari ikibazo kuko bari bakwiye kuyahabwa mbere y’uko ajya ahandi.

Yagize ati “Mu by’ukuri, hano duturiye ingomero zigeze kuri ebyiri ariko tubabazwa no kuba inaha nta muriro tugira kandi mu murenge wacu ibyo bikorwa by’iterambere bihari ariko ntatugereho.”

Abaturage batangaza ko bakizirikana ijambo Umukuru w’Igihugu, Paul Kagame, yigeze kuvuga ubwo yatahaga urugomero rumwe rwari rwuzuye, asaba ko amashanyarazi mbere yo kujya ahandi yagahereye ku baturiye ingomero.

Alphonse Manirakiza atangaza ko Umukuru w’Igihugu yababwiye ko mbere y’uko ibikorwa by’iterambere bijya ahandi, byagakwiye guhera ku babituriye.

Ati “Perezida wa Repubulika yavuze ko ahantu igikorwa cy’amajyambere kirimo gukorerwa abo kigomba kugeraho bwa mbere ari abahaturiye. Amashanyari ni twe yagombye guheraho, tugashaka imashini zibaza, birya bintu bakorera za Nyabugogo mu kabande, twabikora natwe.”

Uretse kuba abaturage babangamirwa no kuba badatera imbere kubera amashanyarazi, Umunyamabanga Nshingwabikorwa w’Akagari ka Gahira atangaza ko bituma na bo nk’abayobozi batuzuza inshingano.

Ati “Ubu kugira ngo nkoreshe mudasobwa, binsaba kujya ku murenge cyangwa ahandi hari umuriro. Bituma raporo zacu zikererwa, bigatuma hari ibyo dutanga dukoresheje amakaramu kandi mu gihe tugezemo bitari bikwiye.”

Umunsi aba abaturage babonye amashanyarazi bazabasha kwiteza imbere bakora ibikorwa bikenera amashanyarazi nko kogosha, gusudira, gushyira umuriro muri terefoni n’ibindi kandi babashe no kubona serivisi zihuse mu buyobozi.

Ubwo hasozwaga icyumweru cy’icyunamo, kuri uyu wa gatatu tariki 13 Mata 2016 mu Murenge wa Kaduha, Akarere ka Nyamagabe, abaturage bitabiriye iki gikorwa basabwe kwirinda ingengabitekerezo ya Jenoside, kuko n’abakiyitsimbarayeho ibihano bihari kandi bibategereje.

Abaturage bibukijwe ko ingengabitekerezo ya jenoside ifite amategeko ayihanira.

Hon.Ignacienne Nyirarukundo, yibukije abaturage ko igihe cyo kubingingira kureka ingengabitekerezo ya Jenoside cyarangiye kuko amategeko ayihanira ahari.

Yagize ati “Abantu bareke kwibeshya, nta n’uwo biteye impungege kwigisha nyine ni byiza ariko nta n’ibintu byo kwinginga. Amategeko arubatse kandi ku bw’igihe kirekire, umuntu wumva ashobora kuvuruganya abanyarwanda, abashyira mu ntimba nta burenganzira abifitiye.”

Umuyobozi w’akarere ka Nyamagabe Philbert Mugisha, akaba nawe yashimangiye ikibazo cy’ingengabitekerezo ikigaragara kuri bamwe, bakoresheje ikoranabuhanga asaba ababyeyi gukangurira urubyiruko kwitabira ibiganiro kugira ngo rutavaho ruyobywa.

Yagize ati “Urubyiruko ntirwigeze rwitabira ibiganiro, hari abagifite ingengabitekerezo ya jenoside bandika ibintu bitandukanye bishobora kubayobya igihe bari bonyine mu ngo batitabiriye n’ubwo nta mutima mubi baba bafite ariko bagomba gutera indi ntambwe.”

Abaturage bibukijwe ko ingengabitekerezo ya jenoside ifite amategeko ayihanira.

Alphonse Gahonzire wacitse ku icumu rya Jenoside yakorewe Abatutsi, yatangaje ko nk’abaturage bakwiye kwimakaza umuco w’ubumwe n’ubwiyunge bakirinda ingengabitekerezo.

Ati “Bwa bumwe n’ubwiyunge bahora batwigisha, umuntu atajya abuvuga mu magambo gusa ahubwo twajya tubushyira mu mitima yacu, ukumva ko mugenzi wawe ari umuntu musangiye igihugu.”

Nubwo icyunamo cyasojwe ariko ibikorwa byo kwibuka no gufata m mugongo abacitse ku icumu rya Jenoside yakorewe Abatutsi, birakomeje kugeza ku italiki 3 Nyakanga 2016.

Nyuma y’ibiganiro byatangiwe muri Gereza ya Nyamagabe ku ngengabitekerezo ya Jenoside, Kuri uyu wa kabiri tariki 12 Mata 2016, abafungiye n’abagororerwa muri iyi gereza biyemeje gusaba ababasura kuyirwanya, kuko yatumye abarenga miriyoni bicwa muri Jenoside yakorewe Abatutsi.

Muri ibi bihe byo kwibuka imfungwa n’abagororwa bongera kwigishwa amateka mabi yaranze igihugu n’uko yakwirindwa.

Mbanza Damascene umwe mu bafungiye icyaha cya Jenoside yakorewe Abatutsi mu 1994, yavuze ko ubutumwa aha bagenzi be ari ukuganiriza imiryango yabo ibasura ku ngengabitekerezo ya Jenoside n’ingaruka zayo.

Yagize ati “Turi abantu dufite imiryango hanze, turanasurwa, dufite abana, abadamu, niba wasuwe, aho kugira ngo woshye umwana wawe ngo kwa naka bimeze bite, mubwire arebe icyaha gitumye abanywarwa benshi bafunze, nibiba ngombwa nataha agusabire imbabazi.”

Innocent Harerimana nawe yongeyeho ko nk’abari mu bihano muri gereza bakwiye gushishikariza abasura kurwanya ingengabitekerezo ya jenoside baharanira ubumwe n’ubwiyunge.

Umuyobozi w’Akarere ka Nyamagabe yasabye imfungwa n’abagororwa ko abakoze Jenoside yakorewe Abatutsi ko ari bo bagomba no kurwanya ingengabitekerezo ya Jenoside kurusha abandi.

Ati “Twarigishijwe twumvise ibiganiro, twagombye gutanga umusanzu wacu, tubuza imiryango yacu yaje kudusura, kutabana n’abandi neza mu mahoro, tubatoza urukundo, kubaka igihugu, kubana n’abandi no kwikorera kugirango ejo utazararikira ibyamugenzi wawe.”

Umuyobozi w’Akarere ka Nyamagabe Philbert Mugisha, wari wagejeje ikiganiro ku bari mu bihano byabo muri iyi gereza, yatangaje ko abagize uruhare muri Jenoside yakorewe Abatutsi aribo bagomba gufata iyambere mu guhashya ingebitekerezo yayo.

Imfungwa n’abagororwa biyemeje guhashya ingengabitekerezo ya jenoside basaba imiryango ibasura kuyirinda.

Ati “Abagize uruhare muri jenoside yakorewe abatutsi bagomba gukomeza kugira uruhare mu kuyamagana, kandi twabonye ko benshi bemeye icyaha bakanihana, twabonye ko ingengabitekerezo ya jenoside yatangiye muri 1959, ikaba ariyo yatumye U Rwanda rusenyuka.”

Kugeza ubu ubushakashatsi bwakozwe, bugaragaza ko ingengabitekerezo ya Jenoside yagabanutse, aho n’abagera kuri 83% bemeye icyaha bagasaba n’imbabazi.

Nyuma y’imyaka 21 Jenoside ihagaritswe, abayirokotse bari barasenyewe amazu, barasahurwa, abandi bakurwa mu twabo, bituma babaho mu gahinda n’ubukene; ariko hakaba abahisemo kudaheranwa n’agahinda bakora ibikorwa bibakura mu bukene.

Julienne Nyirahabimana yanze guheranwa n’agahinda akora ubucuruzi bwo gupima ikigage abasha kugeza amazi meza iwe kandi atunze umuryango w’abana batatu yasigaranye.

Julienne Nyirahabimana w’imyaka 60 umwe mu barokotse Jenoside, atuye mu Kagari ka Nyamugari, Umurenge wa Gasaka mu Karere ka Nyamagabe, atangaza ko yanze guheranwa n’agahinda agacuruza ikigage, kikaba kimutunze n’abana yasigaranye.

Agira ati “Nagannye amatsinda banguriza ibihumbi 40Frw, mbasha gupima ikigage kinteza imbere, mbasha kwishyura amafaranga bangurije. Ubu niteje imbere kuko inyungu nabonaga narayibikaga mbasha kugeza amazi iwanjye mu rugo kugira ngo mbashe no kwinika amasaka.”

Nyirahabimana akomeza avuga ko, nk’abarokotse Jenoside badakwiye guheranwa n’agahinda ngo bicare mu rugo kuko babaho mu bukene bakabura ibyo bambara n’ibyo kurya, ugasanga bibateje n’indwara.

Ati “Sinshaka guheranwa n’agahinda kuko burya uheranywe n’agahinda wabaho nabi, ugasanga uri umukecuru uri aho nta cyo kurya no kwambara, ugasanga uri umuntu warwaye amavunja wibera imuhira, kwicara udakora ntaho wagera, ntaguhora utegereje gusaba.”

John Bayiringire, Umunyamabanga Nshingwabikorwa w’Umurenge wa Gasaka, atangaza ko bafite gahunda yo kwita ku bafite ubushobozi buke na bo bakiteza imbere.

Ati “BDF yadusabye urutonde rw’abantu bakeneye inkunga bagakora, twararutanze. Hari abaturage twahaye imibyizi, bahingirwa ibishyimbo, batererwa n’imigozi y’ibijumba kugira ngo na bo biteze imbere bave mu bukene.”

Abacitse ku icumu rya Jenoside by’umwihariko, bashishikarizwa kudaheranwa n’agahinda, bagakora kugira ngo biyubake batere imbere kandi bateze imbere igihugu cyabo.

Umurenge wa Gasaka ari nawo Umujyi wa Nyamagabe uherereyemo, uhurirwamo urujya n’uruza rw’abaturutse mu y’indi mirenge n’utundi turere, hahora higanje urugomo ruturuka ku banywa inzoga z’inkorano.

Hari abaturage basanga abacuruza inzoga z’inkorano bakwiye kujya bafungirwa kuko bateza umutekano mucye mu baturage,

Umunyabanga Nshingwabikorwa w’Umurenge wa Gasaka John Bayiringire, avuga ko abanywa inzoga z’inkorano zibashyushya mu mitwe bagateza umutekano mucye urimo urugomo rwiganjemo gukubita no gukomeretsa.

Agira ati “Turiya tubari twagiye dufungira ni utubari ducuruza inzoga z’ibikorano izo bakunze kwita ibikwangari, akenshi abantu bazinywa iyo bavuyeyo bata ubwenge bakarwana, twumva rero ari uburyo bwo gukumira no gukemura ibibazo by’umutekano.”

Yongeraho ibyo byiyongeraho no kuba aho izo nnzoga zicururizwa haba higanje umwanda, nabyo bikaba mu bizatuma hafungwa.

Ati “Usanga utubari twinshi hano mu mujyi wa Nyamagabe, tutujuje ibisabwa kugira ngo dutange serivisi zo gucuruza ibinyobwa cyangwa ibiribwa zinoze, ahubwo usanga henshi ntaho bagira ho kogereza ibyakoreshejwe n’ubwiherero ugasanga biteje indwara ziva ku mwanda.”

Faustin Maniriho utuye ahakunze kwitwa mu Dusego harangwa n’utubari ducuruza izi nzoga, mu Kagari ka Nyabivumu muri uyu murenge, avuga ko benshi banywa inzoga z’inkorano bateza umutekano mucye.

Ati “Hari abazinywa ugasanga barasaze burundu ugasanga bagiye kurwana, ariko hari n’abataha bakituriza burya abantu si kimwe, gusa abantu babyenga bakwiye kubafungira kugira ngo umutekano uboneke, abavuye aha mu dusego bazamuka batongana basakuza.”

Iki gikorwa kizakomeza kugeza igihe abafite utubari bumva ko bagomba gucuruza ibinyobwa n’ibiribwa bifite isuku kandi byujuje ubuziranenge.

Abakecuru b’incike za Jenoside yakorewe Abatutsi bo mu Mudugudu wa Nyakibungo, Akagari ka Jenda, Umurenge wa Musange, batuye mu nzu zangiritse, zimwe zikaba ziva izindi zigiye kuzabagwaho kubera ko izo bubakiwe zituzura.

Hari ababana n’amatungo mu nzu kubera ko inzu bibakiwe zituzura bakaba nta n’ibiraro bafite.

Atanaziya Mukarwego ni umwe mu ncike zituye muri uyu mudugudu, atangaza ko bamaze imyaka itandatu barubakiwe amazu ariko akaba atuzura basaba ko bakubakirwa kuko ari inkunga Umukuru w’Igihugu yari yabahaye.

Yagize ati “Inzu bari bazitangiye bageza igihe cy’icyunamo bakazikoraho rimwe cyarangira bakabita, ubu koko waba uba mu nzu unyagirwa ugatega umutaka n’ijoro ugatega amasahane, ntakubaho neza dufite, uu tubana n’inka kuko nta n’akana ngira ngo karanyubakira ikiraro.”

Amazu yagombaga guhabwa incike za jenoside yakorewe abatutsi amaze imyaka itandatu yubakwa ariko atuzura.

Genesita Mukandutiye nawe utuye muri uyu mudugudu atangaza ko inzu batuye zibavira bakarara bicaye kandi nta bushobozi bwo kwiyubakira bafite.

ati “Ni ukurara umuntu anyagirwa, ibitonyanga bijojoba, ntacyo nimariye sinigira mu murima ngo ndahinga, n’abayobozi ntibabe bandeba ngo byibuze bantere inkunga.”

Umunyamabanga nshingwabikorwa w’agateganyo w’umurenge wa Musange Michel Muhikira, atangaza ko biciye mu muganda no gukora ubuvugizi ku batanga ubundi bufasha aba bakecuru bagiye gufashwa bakubakirwa.

Inzu zubakiwe incike za jenoside yakorewe abatutsi zimaze imyaka itandatu zubakwa zituzura.

Ati “Izi nzu zabo twazifatiye ingamba, ngera hano iki kibazo barakimbwiye ubu twatangiye gucukura imisarani, tugiye kubaka ibikoni inzu bazigemo, dukomange hirya no hino aho twabona amafaranga y’isima, tunifashishe urubyiruko ruri ku rugerero mu muganda.”

Ubuyobozi bw’umurenge bukazanakora ubuvugizi ku kigega cyita ku bacitse ku icumu rya jenoside yakorewe abatutsi, kugira ngo ibikoresho bihenze byakenerwa bizaboneke.

Mu nama y’umutekano yaguye yo kuri uyu wa kane tariki 16 Werurwe 2016, yahuje abayobozi b’inzego z’ibanze, iz’umutekano n’izubutabera, hagaragajwe ko icyaha cyo gusambanya abana kiri gufata indi ntera, aho mu mezi abiri ashize habonetse ibyaha bitanu no muri uku bikongera kuboneka.

Inzago z’ibanze ziyemeje guhagurukira ikibazo cy’abasambanya abana.

Umunyamabanga nshingwabikorwa w’umurenge wa Gasaka John Bayiringire, umwe mu mirenge yagaragayemo ibi byaha byo gusambanya abana, yavuze ko zimwe mu mpamvu zibitera, ari abanywa ibiyobyabwenge n’abakozi bo mu ngo usanga bangiza abana.

Yagize ati “Ibibazo byagaragaye ni abantu baba banyweye ibiyobyabwenge na bya biyoga bitemewe bagata ubwenge, n’abakozi bo mu ngo basigarana abana bamenyerana ugasanga abahohoteye, ni ugushishikariza ababyeyi kubyitaho bakamenya neza abo basigira abana.”

Umuyobozi w’akarere ka Nyamagabe, Philbert Mugisha we avuga ko icyaha cyo gusambanya umwana atari icyaha cyo kwihanganira. Avuga ko biciye mu babyeyi no mu mashuri hagiye gukorwa ubukangurambaga icyo kibazo kikamaganirwa kure.

Ati “Ni ugutangirira mu muryango cyane cyane kwigisha ababyeyi kugira uruhare rukomeye ku buzima bw’abana babo, kumenya aho bari kugira ngo hirindwe uwabahohotera, no kujya mu mashuri abana bakaganirizwa uko bakwiye kwitwara no kumenya ibibazo byabo.”

Umuyobozi w’akarere akomeza avuga ko bufatanye n’inzego zitandukanye, iki kibazo bizeye kugikemura.

Ati “Abayobozi twese, ab’inzego z’ibanze, abayobozi b’inzego z’umutekano ni ugufatanya mu kwigisha bihoraho ariko noneho, hakabamo no guhana no gukurikirana ndetse no gufatira ibihano abayobozi badashishikajwe no kubungabunga ubuzima bw’abana.”

Muri iyi nama hafashwe imyanzuro yo gushishikariza, abarezi, ababyeyi, abayobozi mu nzego zose kwigisha no gukurikirana aho iki kibazo cyavuka kugira ngo kirandurwe burundu.

Mu bushakashatsi sosiyete sivire yagaragarije inzego z’ibanze mu Karere ka Nyamagabe, kuri uyu wa gatatu tariki 15 Werurwe 2016, bwagaragaje ko hari abaturage bataragira uruhare mu bibakorerwa, bitewe n’uko gahunda nyinshi zibituraho batabanje kuzisobanurirwa, bigatuma batazitabira bumva ko zitabareba.

Inzego zibanze zagiriwe inama yo kunoza imikorere hagati y’ubuyobozi n’abaturage.

Pasiteri Theoneste Mbazibose, umwe mu bagize ihuriro rya sosiyete sivile, yavuze ko impamvu abaturage batagira uruhare mu bibakorerwa ari ubuyobozi rimwe na rimwe budashyiramo imbaraga zo kwegera abaturage n’abaturage igihe batumiwe ntibitabire.

Yagize ati “Leta iba ifite imirongo migari yateganijwe, bikava ku rwego rw’igihugu bijya mu bayobozi b’inzego z’ibanze kugira ngo bigezwe ku baturage, hari igihe abayobozi b’inzego z’ibanze rero babigiramo ubushake bucyeya, tukaba tubagira inama yo kwegera abaturage.”

Emmanuel Nkundukize, umuturage wo mu murenge wa Gasaka, atangaza ko ibintu byinshi bibituraho batabigizemo uruhare n’ibitekerezo batanze ugasanga bidakurikijwe ntibahabwe n’ubusobanuro.

Akarere ka Nyamagabe kashimye ibibazo sosiyete sivire yagaragaje kuko aribyo biherwaho hashakwa ibisubizo.

Ati “Gahunda nshya ya Leta ije, baraza bakatubwira ngo hari iki n’iki, wenda ari nk’ibyiciro by’ubudehe, noneho abaturage nabo bagatanga ibitekerezo, ariko ntibagaruka ngo batubwire imyanzuro yafashwe bikaba iyo tugategereza tugaheba hakiyongeraho n’ibindi.”

Denis Hategekimana umuyobozi w’ishami ry’imiyoborere myiza mu karere, atangaza ko kuba sosiyete sivile ibagaragariza ibitagenda neza ari intambwe ya mbere yo kubikemura.

Ati “Ibibazo bimaze kugaraga batanga n’inzira zo kubikemura izo nzira rero, izo nzira rero nizo tuba tugomba kwifashisha kugira ngo ibibazo bikemuke.”

Ubuyobozi bw’akarere buvuga ko bugiye guhugura abakozi, kuva ku rwego rw’umudugudu kugeza ku mu murenge, kugira ngo burusheho kunoza imikoranire myiza n’abaturage.

Kuba Umurenge wa Buruhukiro ukora ku ishyamba rya Nyungwe, byatumye hera icyayi cyinshi aho usanga ubuso buhingwaho icyayi ari bunini, abaturage bakabasha kubonamo akazi, gusa abaturage bavuga ko bamaze igihe bakorera isosiyete y’ishoramari (MIG) ariko ntibahembwe.

Gatarina ababazwa n’uko bazana imishinga bakayikorera ariko ntibahembe kandi ariho baba bateze amaramuko.

Gatarina Nyirangirente, ni umuturage wahawe akazi na MIG ari nayo ifite mu nshingano zayo uruganda rw’icyayi rwa Mushubi, atangaza ko bamaze imyaka itatu barambuwe kandi nta handi bakura.

Agira ati “Muduha imishinga tukayukorera, ukamara ukwezi, abiri, atatu mbega ntiduhembwe, twakoreye MIG tubagara ibyayi ariko ugasanga umaze nk’amezi atanu udahembwe, iki kibazo kimaze igihe kirekire kuva muri 2013 bavuga ko ari ipatano ntibarayihemba na rimwe.”

Sylvestre Bayisabe nawe yubatse ku ruganda rutunganya icyayi, akaba atangaza ko MIG yabambuye amafaranga asaba ko bakorerwa ubuvugizi bakishyurwa kuko byabateje igihombo.

Abaturage bakoze mu byayi bavuga ko bamaze imyaka itatu badahembwa bifuza guhabwa ibirarane byabo.

Ati “Twakoze ku ruganda dutangirira hasi muri fondasiyo, kandi uruganda rumaze imyaka itatu rukora, ariko kugeza nanubu ntibaratwishyura, bandimo amafaranga agera ku 180,000, ikiza mwadukorera ubuvugizi tukishyurwa,amazu turimo baratwishyuza tukabura icyo dutanga.”

Umunyamabanga nshingwabikorwa w’Umurenge wa Buruhukiro Paul Manirarora, atangaza ko impamvu habayeho gutinda kw’amafaranga byatewe n’uko aho yari guturuka atabonekeye igihe, gusa ko iki kibazo kiri hafi gukemuka.

Ati “Icyo kibazo turakizi ariko bari mu nzira zo kubahemba, uruganda rwari rwagujije amafaranga n’uko ntiyaboneka ariko abaturage barimo bakora, ariko ubwo icyayi cyatangiye gucuruzwa amafaranga ari hafi kuboneka, maze bakabahemba.”

Kigalitoday yagerageje guhamagara ku murongo wa telefoni, Vincent Ngarambe umuyobozi w’uru ruganda kuri iki kibazo ariko ntiyaboneka.

Ubuyobozi bw’uyu murenge bukaba burigukomeza gukora ubuvugizi ngo abaturage bishyurwe kandi bwizera ko bikemurwa vuba.

Babitangarije mu nama nyunguranabitekerezo yahuje amakoperative y’ubuhinzi n’abafite aho bahuriye n’igihingwa cy’ingano, baganira ku inozwa ry’ihingwa n’ubucuruzi bw’ingano, kuri uyu wa gatatu tariki 9 Werurwe 2016.

Inama y’abahinzi bingano yagaragaje ko umusaruro wazo ari muke udahagije isoko abahinzi basabwa guhinga imbuto itanga umusaruro ukenewe ku isoko.

Abahinzi b’ingano batangaza ko impamvu umusaruro wabaye muke ntubashe guhaza isoko byatewe n’imbuto idakenewe ku isoko bahingaga n’ikibazo cy’ifumbire y’imborera idahagije.

Seraphine Nyirabarinda, umuhinzi w’ingano mu Murenge wa Uwinkingi, atangaza ko icyatumye batabona umusaruro uhagije kandi wifuzwa n’abanyenganda ari ubwoko bw’imbuto.

Yagize ati “Kutabona umusaruro mwinshi ni uko twahingaga Musama, ariko RAB yatwemereye ko igiye kudushakira imbuto EN 161, ubu twizeye ko tugiye kubona umusaruro uhagije.”

Abagize ihuriro ry’abahinzi b’ingano bagiye gutubura imbuto RAB yabemereye bakazayigeza no ku bandi baturage batari mu makoperative kugira ngo nabo biteze imbere.

Innocent Havugirije uhinga ingano akaba ni umufashamyumvire mu bijyanye n’ubuhinzi, we avuga ko kuba baramaze imyaka myinshi batabona isoko ry’ingano zabo byatumaga abahinzi bihingira uko bishakiye ariko bagiye kubigisha.

Ati “Ndi umufashamyumvire, haba mu nama kuva ku kagari kugeza ku mudugudu nshobora gufata ijambo mu nama, nkashishikariza abaturage kwitabira gukoresha ifumbire ikenewe n’imbuto yifuzwa ku isoko kuko ubu abaturage ntibahingira inda gusa.”

Simoni Mutangana, umuyobozi w’ihuriro ry’abahinzi b’ingano bakorera mu turere Nyamagabe na Nyaruguru, atangaza ko Ikigo cy’Igihugu gishinzwe Ubuhinzi (RAB) yemereye koperative yabo, imbuto izatububurwa abaturage bose ikabageraho.

Ati “Imbuto EN161 RAB yayitwemereye, toni 10, ubu tuzazifata tuzihe abanyamuryango bazitubure, bazahe n’abandi baturage batari muri koperative wasangaga bihingira Musama kandi itakiri ku isoko.”

Kugeza ubu ihuriro ry’amakoperative y’abahinzi (UNICOPAGI), rihuriwemo n’abingano, mu myaka itanu ishize rikaba ryari ryasaruye toni zigera ku 1112 z’ingano. Iri huriro rikaba riteganya kwagura n’ubuso buhingwaho.

Abahinzi bagirwa inama yo kongera umusaruro kuko noneho babonye uruganda rutunganya ingano rwa Tare, rubagurira ingano mbere zarabapfiraga ubusa.

Yagarutse ku kuba hari abagore batuzuza inshingano zabo bitwaje uburinganire bakigira mu tubari, abandi ugasanga bitwara nabi mu myifatire kugeza aho bamwe bitwa ingare bidakwiye; ko ahubwo bakwiye kumenya inshingano zabo.

Abagore bo mu Murenge wa Cyanika bacengewe n’ihame ry’uburinganire bavuga ko bakwiye kuba ba mutima w’urugo bakuzuza inshingano nk’ababyeyi.

Epiphanie Mukarihamye wari witabiriye uyu munsi w’abagore atuye Murenge wa Cyanika avuga ko nk’abagore bazi inshingano bafite badakwiye gukora ibyo bishakiye.

Yagize ati “Umudamu kuba yarageze ku buringanire ntabwo bituma yihunza inshingano cyangwa ngo bitume yumva ko atagomba gukora ibimureba mu rugo rwe.”

Mugenzi we Mariam Nyirakamana avuga ko kuba barahawe agaciro bitatuma abagore bigira ingare.

Yagize ati “Nta mugore wagakwiye kujya mu kabari yitwaje uburinganire, ni ukuzuzanya n’abo twashakanye, tukamenya inshingano zacu ndetse n’abatware bacu tukabaha icyubahiro kibakwiye. Twarasobanukiwe twumva ko nta mugore w’umusinzi nta n’ugomba no kwiyandarika.”

Ntirantagorana yasabye inzego z’ubuyobozi gushyiraho isaha mu mashuri yo gutoza umwana w’umukobwa kuzavamo umubyeyi ukwiye.

Yagize ati “Ako kantu turakabasabye nk’ababyeyi kugira ngo dutoze abana bacu b’abakobwa kuzavamo ababyeyi babereye igihugu kandi bizatuma tubasha kubaka umuryango muzima.”

Ubuyobozi bw’akarere bwijeje abagore kuzashyiraho isaha mu mashuri yigisha uko umwana w’umukobwa akwiye kuzavamo umubyeyi igihugu cyifuza.

Umuyobozi w’Akarere ka Nyamagabe, Philbert Mugisha, akaba yemereye abagore ko nk’uko bisanzwe mu nshingano zabo bigiye gushyirwamo ingufu.

Yagize ati “Birashoboka ko binyuze no mu itorero mu mashuri, abanza n’ayisumbuye, iyo saha yaboneka izo nyigisho zigatangwa tuzareba ibikenewe kugira ngo bishyirwe mu bikorwa.”

Iyi gahunda ikaba izanakorwa ku bandi bana b’abakobwa batari mu mashuri biciye mu itorero riri ku rwego rw’umudugudu.

Kuri uyu wa kane tariki 3 Werurwe 2016, abagize komite nyobozi nshya y’aka karere basuye abaturage b’Umurenge wa Mugano mu gikorwa cyo kubiyereka no kumva icyo babategerejeho.

Nyobozi nshya irizeza abturage ubufatanye kugira ngo abaturage bakomeze gutera imbere.

Mariya Goreti Kakuze umuturage wo mu murenge wa Mugano, akagari ka Sovu yatangaje ko nta mihanda myiza bafite bigatuma bahera mu bwigunge.

Yagize ati “Nk’uko namwe mwagiye mugenda muri uno muhanda mwabonye ko ari mubi cyane, turifuza ko uyu muhanda wacu mwawudukorera.”

Aminadabu Niyomugabo nawe yatangaje ko kuba nta mihanda mizima bafite mu murenge bibangamiye iterambere ry’abaturage asaba ko bahabwa umuhanda n’amashanyarazi.

Abaturage b’umurenge wa Mugano biteze kuri nyobozi nshya muhanda mwiza n’amashanyarazi.

Ati “Umuhanda wa Yonde ubabaje abantu benshi, twaheze inyuma pe, ikibabaje ni uko abaturage ba Mugano bagize uruhare mu gukora indi mihanda itandukanye mu karere ariko bo bagasigara inyuma turabasaba ngo muduhe umuhanda muduhe n’amashanyarazi.”

Umuyobozi w’akarere Philbert Mugisha, yemereye abaturage ko n’ubwo umuhanda basaba uri ku rwego rw’igihugu rutari ku ngengo y’imari y’akarere, hagiye gukorwa ubuvugizi umuhanda ukaboneka bidatinze.

Ati “Iriya mihanda rwose buri wese arayifuza, anezezwa no kuba yava I Kaduha akazenguruka Yonde ugaterera Buteteri ugakomeza n’i Mushubi, tuzakora ubuvugizi bushoboka kuko hari ibirenze ubushobozi bw’akarere hazamo na minisiteri rwose ntitwicaye.”

Ubuyobozi kandi bukaba bwakiriye ibibazo bigera kuri 29 bitandukanye abaturage bari bafite, bimwe bikemurirwa aho ibindi bihabwa umurongo w’uko bizakurikiranwa.

Urubyiruko rugera kuri 800 rwigishijwe gukoresha mudasobwa mu gihe cy’amezi umunani.

Bavuga ko impamyabushobozi bahawe mu gukoresha porogaramu zinyuranye za mudasobwa zabafashije guhita batangira gukorera amafaranga, nk’uko babitangaje ubwo bashyikirizwaga impamyabushobozi zabo kuri uyu wa gatatu tariki 2 Werurwe 2016.

Urubyiruko rwigishijwe ikoranabuhanga ruvuga ko rwabashije kwiteza imbere.

Musabyimana Josephine, umwe muri bo, avuga ko yifashishije ubwo bumenyi, yagiye abona akazi (ibiraka) kamuha amafaranga, abasha kwivana mu bukene n’umuryango we.

Yagize ati “Kumenya ikoranabuhanga byaramfashije kuko nabonye umuntu umpa ikiraka cy’amezi atatu, nkajya nandika amaraporo ku mashini ye ampemba ibihumbi 50 ku kwezi.

Ntiyambereye imfabusa kuko naguzemo inka, ubu mu rugo ntitukibura ifumbire y’imirima.”

Nduwimana Jean Claude na we wize ikoranabuhanga, avuga ko nk’imfubyi yirera itagiraga uyifasha, ibyo yigiyemo byamufashije kwibeshaho adateze ibiganza.

Ati “Ubumenyi nahavanye ni uko mbasha kwegera bagenzi banjye batanga indirimbo ku bikoresho by’ikoranabuhanga nkabafasha tukagabana ayo dukoreye, bityo nkagenda nyabika akagwira, nkagura itungo.”

Aya mahugurwa ku ikoranabuhanga agamije iterambere ry’abaturage.

Umuyobozi w’ishami rishinzwe guteza imbere ishoramari n’umurimo mu Karere ka Nyamagabe, Constantin Nzabirinda, yavuze ko imirimo mito mito ivamo iminini kandi igatanga n’akazi.

Yavuze ko kongerera ubumenyi urubyiruko biri mu rwego rwo kugabanya ikibazo cy’ubushomeri kirwugarije.

Uyu muyobozi avuga ko imirimo iciriritse igenda ivuka, itanga icyizere mu kugabanya ubushomeri mu rubyiruko.

Akarere kahise gatangira gutunganya no kongera ibikorwa remezo, nko gutunganya ubusitani buzashyirwamo interineti rusange, aho buri wese ufite mudasobwa cyangwa telefoni azabasha kuyikoresha ku buntu.

Ubusitani buri gutegurwa bwitezweho kuzakurura ba mukerarugendo.

Umunyamabanga nshingwabikorwa w’Umurenge wa Gasaka, ari nawo uyu umujyi uherereyemo, John Bayiringire, atangaza ko iki gikorwa kigamije gufasha buri muturage kubona interineti ku buntu kandi bikazafasha na bamukerarugendo bahasura.

Agira ati “Iki gikorwa kizafasha abatuye umujyi n’abawugenderera kubona interineti ku buryo bwihuse, umuntu akabasha gusoma, kwandika, kureba ibibera hirya no hino. Ni ku muhanda ujya muri pariki ya Nyungwe tuzashyiraho n’icyapa maze ba mukerarugendo bajye bahagana.”

Bayiringire akomeza avuga ko abatuye Umujyi wa Nyamagabe byabagoraga kubona interineti bigatuma bajya mu tundi turere kuhashakira serivisi zayo.

Ati “Mbere abaturage ntibabonaga interineti ku buryo buboroheye, kubera nta Cyber Caffee, bamwe bakajya i Huye cyangwa se bakabyihorera, rero dusanga kuyibegereza bizafasha.”

Abatuye n’abagenderera umugi wa Nyamagabe bagiye gushyirirwaho interineti y’ubuntu.

Germaine Ntigurirwa, umunyeshuri wiga mu mwaka wa gatandatu, atangaza ko bizatuma abasha gukora ubushakashatsi mu masomo yiga kandi akabasha no kumenya amakuru.

Ati “Nko mu isomo ry’ubumenyamuntu, tuba dukeneye gukora ubushakashatsi kugira ngo uzatsinde neza, urumva ko yaba itugiriye akamaro tukajijuka, no kumenya ibibera hirya no hino.”

Iki gikorwa kikaba kizatwara amafaranga y’U Rwanda miliyoni 15Frw, kandi kitezweho kuzafasha abaturage n’abasura akarere.

Mu gace Nyamagabe iherereyemo ni twagize ibihe bitari byiza umwaka ushize, kuko waranzwe n’izuba n’imvura nyinshi ikangiza ibyo abaturage bahinze.

Imvura nyinshi n’izuba ryacanye igihe kinini ryatumye abaturage ntacyo basarura.

Imiterere y’aka karere igizwe n’ubuhaname bw’imisozi n’ubutaka bworoshye, nayo iri mu byatumye imyaka yaratwawe n’isuri n’iyasigaye izuba rirayibasira, nk’uko abahatuye babyemeza.

Manase Hakizumwami utuye mu murenge wa Cyanika, atangaza ko kubona ibiribwa bimwe na bimwe ku isoko bigoye kubera ibihe byabaye bibi imyaka ikangirika.

Agira ati “Umusaruro wabaye muke twararumbije ibishyimbo cyane, ibijumba nabyo ntabyo dufite. Muri macye kubona icyo urya ntibyoroshye, mbere iyo twasaruraga mironko yaguraga 300Frw ariko ubu ni 500Frw, havuye izuba ryinshi n’abahinze mu kibaya imvura irabijyana.”

Elias Ntawukuriryayo nawe atangaza ko nk’abacuruzi nabo bahomba, kuko mu gihe abaturage bashonje nta myaka iriho, ubuyobozi bukwiye kugabanya imisoro kuko bibateza igihombo.

Ati “Twarahinze izuba n’imvura byangiza imyaka nkubu ntiwabona igitebo cy’ibijumba utadatanze 3,000Frw kandi mbere yari 1,200Frw. Tukifuza ko imisoro bayigabanya kuko niba amafaranga yabuze n’imisoro bagakomeza kuyongera umuturage agenda ahomba cyane.”

Umukozi ushinzwe ubuhinzi mu karere ka Nyamagabe, Donata Mukamuganga, nawe ntashidikanya ko umusaruro wabaye muke kubera imihindagurikire y’ibihe. Ariko akavuga ko bitguye neza igihembwe cy’ihinga B gikurikiye.

Ati “Twabonye imvura dukerewe no guhinga turakererwa, ndetse bidukoma no mu nkokora muri iki gihembwe tugiye kwinjiramo, kuko turebye nk’imirenge myinshi ihinga ibigori biracyari mu mirima, ariko iki gihembwe twakiteguye neza buri murenge uzi icyo uzahinga, tukaba twizeye umusaruro.”

Muri iki gihembwe B bitewe n’aho ibihingwa byera, hakaba hazahingwa ingano, ibishyimbo n’ibirayi. Abahinzi batiyandikishije ku rutonde rw’abazahabwa nkunganire bakaba bakangurirwa kubyitabira.

Kuri uyu wa 8 Gashyantare 2016, mu gikorwa cyo gutora komite z’abayobozi b’inzego z’ibanze ku rwego rw’Umudugugu n’inzego zihariye, zirimo iz’urubyiruko, iz’abagore n’abafite ubumuga, bamwe mu bagore bagaragaje kwitinyuka, bariyamamaza bagirirwa icyizere baratorwa.

Abatora baba bizeye abo batoye b’igitsina gore kuko bababonamo ubushobozi

Florida Mukamazimpaka, ni umwe mu bagore bari bitabiriye igikorwa cy’amatora mu murenge wa Gasaka, mu kagari ka Nyamugari, atangaza ko nk’abagore nabo bafite uruhare mu miyoborere myiza.

Yagize ati “Abadamu baratinyutse kandi baharanira kwiteza imbere, impamvu umudamu iyo agira ngo yuzuze inshingano ze, ni uko ibintu byose agomba kubibangikanya kandi bikagenda neza, yarangiza akagira n’icyo ageza ku banyarwanda n’urugo rwe bwite.”

Marie Josee Uwimana, yatorewe amakuru mu kagari ka Nyamugari, Umudugudu wa Nyamugari, atangaza ko kuri we kwiyamamaza ari ibintu yatinyutse kuko ashoboye.

Yagize ati “Abagore turashoboye nk’ubu njyewe niheraho, ndi umugore muri ba bandi bitinyaga mbere, ndangije kubera impamvu zo kuba narayoboye cyane, nkatorera ubunyangamugayo, niyo mpamvu wabonye njyewe nitinyutse nkiyamamaza kuko ntacyo bintwaye.”

Benshi mu bagore baratinyutse ariko abatuye mu migi, bagira imbogamizi y’umwanya kubera inshingano nyinshi baba bafite zijyanye n’imirimo y’ubucuruzi.

Abagore bemeza ko bitinyitutse batazuyaza mu kwiyamamaza kandi bagatorwa

Umunyamabanga Nshingwabikorwa w’uyu murenge wa Gasaka John Bayiringire, atangaza ko abagore batuye Akagari ka Nyamugari kuko kari mu mujyi wa Nyamagabe, baba bahugiye mu bucuruzi no gushaka amafaranga bikababera imbogamizi.

Yagize ati “Muri aka gace ka Nyamugari abadamu benshi bahagurukiye ubucuruzi, ububoshyi, ubukorikori, ugasanga batinye kujya mu nzego z’ubuyobozi batinya kubura umwanya, ariko babirenzeho bemera gutorwa dukomeza rero kubibashishikariza.”

Ibikorwa by’amatora muri rusange bikaba byagenze neza kuri site 6 zo mu murenge wa Gasaka, no mu yindi mirenge uko ari 16 igize akarere ka Nyamagabe.

Komisiyo y’igihugu y’amatora, kuri uyu wa 5 Gashyantare 2016, yagiranye ibiganiro n’abakandida bitegura kwiyamamariza imyanya itandukanye mu nzego zibanze n’izihariye, ku mategeko n’amabwiriza agenga ibikorwa byo kwiyamamaza n’ibyo bemerewe n’ibibujijwe.

Abakandida barasabwa kwirinda abatekamutwe biyita abakozi ba komisiyo babasaba amafaranga ngo bazabashe gutsinda amatora

Theoneste Gisagara, uhagarariye ishami ry’amategeko muri Komisiyo y’igihugu y’amatora, atangaza ko abakandida bakwiye kwirinda gukora ibidateganyijwe mu bigenga amatora, kuko hari abagaragaye ko bahamagara abakandida babasaba amafaranga ngo bazabafashe gutsinda.

Yagize ati “Twabwiye abakandida ko nta muntu n’umwe ukwiye kubahamagara agira ibyo abizeza ko azabafasha kugira ngo babashe gutorwa, ubu ngubu igikorwa kigiye gukurikira cyo kwiyamamaza, abiyamamaje uko bivuze ibigwi ni byo byonyine bishingirwaho kubazabatora.”

Abafite ijambo ryo gufasha umukandida gutora akaba ari inteko itora, ntawe ugomba kuzashukishwa impamvu iyo ari yo yose.

Bimwe mu bikorwa abakandida batangarijwe ko bemerewe, ni ukuzifashisha inyandiko, amafoto, imbuga nkoranyambaga, n’ibindi biteganywa n’amategeko. Bibukijwe kandi kwirinda gusebya abakandida bagenzi babo cyangwa kwiyamamaza mu masaha n’igihe kitagenwe.

Ubuyobozi bw’Akarere ka Nyamagabe, nk’uko Jean Pierre Nshimiyimana umuyobozi w’Akarere w’agateganyo yabitangaje, ngo bizeye ko igikorwa cyo kwiyamamaza kizagenda neza kuko abakandida biteguye kandi basobanukiwe n’amabwiriza abagenga.

Ubuyobozi bw’akarere ntibushidikanya ko igikorwa cyo kwiyamamaza kizagenda neza kuko abakandida n’abafite uruhare bateguwe neza

Yagize ati “Iki gikorwa cyo gusobanurira abakandida amabwiriza n’amategeko abagenga twagishimye, kugira ngo twirinde umuvundo, imico mibi, cyangwa ibibujijwe n’amategeko, ni igikorwa kizagenda neza abaturage bakazatora umukandida babona uzabageza ku iterambere.”

Igikorwa cyo kwiyamamaza kikazabera mu mirenge uko ari 17, igize Akarere ka Nyamagabe, kikazatangira ku italiki ya 6 Gashyantare kugeza kuya 21 Gashyantare 2016.

Abatuye ahakunze kwitwa mu Gatyazo mu mujyi wa Nyamagabe, mu kagari ka Nyamugari, Umurenge wa Gasaka, bafungiwe amazi bitewe n’uko abari bashinzwe kuyabagezaho bafitiye imyenda WSAC, ibi bikaba byaragize ingaruka ku baturage zo kurwara malariya n’inzoka.

abaturage bagiye kwicwa n’inzoka na malariya kubera gufungirwa amazi barasaba ko hakorwa ubuvugizi bakabona amazi meza.

Chantal Uwimana atuye mu Gatyazo, atangaza ko bagiye kuzicwa n’inzoka na malariya, basaba ubuvugizi ngo babafungurire amazi bazakurikirane abafite imyenda ku ruhande.

Yagize ati “Nukuri mudukorere ubuvugizi bafungure amazi kuko tunywa ayo mu bishanga inzoka na malariya bigiye kuzatwica, abo bari mu myenda bakurikiranwe ariko amazi yafunguwe.”

Esperance Mukamuhirwa nawe aratangaza ko amazi basigaye bakoresha ari mabi cyane bakwiye gufashwa bakabona ameza.

Ati “Ubu tujya kuvoma hariya kuri kiriya kigega, twayasaba bakayatwima ngo bazayakoropesha amashuri, twanayiba tugasangamo iminyorogoto yiruka turavuga tuti amazi areka ni mabi reka tujye tuvoma ruhurura, ubwo rero ni mumbwire inzoka mfite ntiwazibara.”

Marita Mukansoro wari wahawe akazu gatangirwamo amazi bitewe n’uko abaturage bari bamutoreye ubunyangamugayo, atangaza ko nta mwenda abereyemo WSAC ahubwo ko abamukurikiye bose batigeze bishyura.

Ati “WSAC ninsibire izina kuko nta deni ndimo, bashyireho abayariho mfite impapuro narazibashyiriye z’ubwishyu, nibankize kari gakiyosike niba narasezeye narasezeye, bakupa nyuma ya fagitire ebyiri, sinaba nkikarimo ngo habemo ibyo bihumbi, ni uburangare bakoze.”

Umuyobozi w’akarere w’umusigire Jean Pierre Nshimiyimana atangaza ko bagiye kuganira na WSAC abaturage bakabona amazi abafite imyenda bakazakurikiranwa nyuma.

Yagize ati “Sinarinziko icyo kibazo cyo kuba bahagarika amazi cyabayeho, ubwo icyo ngiye gukora ni ukuganira na WSAC, tukareba niba bataha kariya kazu undi rwiyemeza mirimo, kugira ngo abaturage babone amazi meza, ukurikiranywe agakurikiranwa ku ruhande rwe.”

Abaturage bakaba bamaze amazi arenga atatu nta mazi meza bafite ariko ko hari ikizere ko bagiye kubona amazi meza.

Akarere ka Nyamagabe, ni kamwe mu turere tugize Intara y’Amajyepho. Nubwo kaza mu turere dutanu dukennye mu gihugu, mu myaka yashize kateye imbere mu buryo bugaragara, aho abaturage bari munsi y’umurongo w’ubukene bavuye kuri 73% bakagera kuri 41%.

Imirimo y’inyubako y’isoko yadidindijwe no kuba ubushobozi bwari bwitezwe mu bikorera butabonekeye igihe

Aka karere kateye imbere ariko imwe mu mihigo kari kihaye ikomeye, nk’uwo kubaka isoko rya kijyambere n’inyubako y’akarere, yananiranye bitewe n’imbogamizi zitandukanye.

Umuyobozi w’Akarere ka Nyamagabe ucyuye igihe, Philbert Mugisha, atangaza ko nk’ubuyobozi busoje imirimo, butanga icyizere kuko hari ibisubizo busize bijyanye n’uko iyi mihigo ibiri yagerwaho.

Yagize ati “Hari inyubako y’isoko rya kijyambere dufatanya n’abikorera. Hagiye hagaragaramo ibibazo, imirimo ntiyihute uko bikwiye. Hari abataratanze imisanzu nk’uko byari byitezwe ariko dusize hari ingamba zafashwe, imirimo yarasubukuwe, abasigaye bazakomeza gufatanya.”

Ku bijyanye n’inyubako y’ibiro by’Akarere ka Nyamagabe, yakomeje avuga ko habayeho ikibazo cya rwiyemezamirimo utarujuje ibikubiye mu masezerano, bikaba ngombwa ko imirimo isubikwa ariko ko isoko ryo kubaka ryongeye gutangwa, hakaba hasigaye kumenyekana uwatsinze.”

Isoko ryo gukomeza kubaka inyubako y’ibiro by’Akarere ka Nyamagabe ryongeye gushyirwa hanze

Umuyobozi w’Akarere ka Nyamagabe by’agateganyo, Jean Pierre Nshimiyimana, atangaza ko nk’abasigaranye imirimo, bagiye gukomeza gukurikirana iyo mihigo ikazagerwaho mu gihe cyateganyijwe.

Inyubako y’Akarere ka Nyamagabe yagombaga gutahwa muri Mutarama 2015, naho isoko rya kijyambere ryari riteganyijwe kurangira muri Gicurasi 2015. Kugeza ubu, hari abakozi bubatse ku karere bamaze umwaka n’igice batarahembwa cyakora abakoze ku isoko bo barahembwe.

Kuri uyu wa Kane, tariki 28 Mutarama 2016, mu karere ka Nyamagabe habaye umuhango w’iherererekanyabubasha kuri komite isoje manda n’iy’inzibacyuho igiyeho, aho abawitabiriye mu nzego zitandukanye zirimo n’iz’umutekano, basabwe gukomeza kubahiriza inshingano basanganywe.

Manda z’inzego zibanze zashoje imirimo yazo abasaigaranye inshingano bakaba bitezweho kuba maso bagakomeza inshingano.

Umunyamabanga Nshingwabikorwa w’Akarere ka Nyamagabe, Jean Pierre Nshimiyimana, wasigaranye inshingano ku buyobozi bw’akarere by’agateganyo, yasabye abo basigaranye mu nshingano kuba maso kuko mu bihe by’inzibacyuho hari abakora ibishobora kubasubiza inyuma.

Yagize ati “Inzego z’abakozi nko kuva ku kagari, umurenge no ku karere batagize ijisho ridahuga, hari abashobora kwikinga bagakora ibikorwa bibi nko kubaka mu kajagari, kudakurikiza amategeko; nkaba nkangurira abantu ngo dufatanyirize hamwe, hatagira uduca mu rihumye.”

John Bayiringire, Umunyamabanga Nshingwabikorwa w’Umurenge wa Gasaka, ukunze kurangwamo akajagari n’abateza umutekano muke, atangaza ko biteguye gukomeza akazi kandi ko nta kizahungabanya iterambere bagezeho.

Hakenewe imbaraga n’uruhare rwa buri wese mu kubungabunga ibyo akarere kagezeho.

Bayiringire ati “Kuba hari abasoje ikivi ntibivuze ko ubuyobozi buvuyeho. Twakoze inama n’abayobozi n’abakozi batandukanye ku midugudu kugeza ku murenge, inyangamugayo;... ndumva mu by’ukuri akazi kazakorwa nk’uko bisanzwe hakurikizwa amategeko.”

Umuyobozi w’Akarere ka Nyamagabe ucyuye igihe, Philbert Mugisha, atangaza ko bishimira intambwe akarere kari kateye cyane mu myumvire, abaturage bakagira uruhare mu bibakorerwa kandi bizera ko bizakomeza.

Ati “Muri iyi manda y’imyaka itanu ishize twishimira cyane imyumvire y’abaturage yahindutse ikaba myiza kurushaho, aho abaturage bagira uruhare mu kwishakamo ibisubizo bafatanyije n’abayobozi. Urugendo rwo ruracyari rurerure, harimo rero gukomeza gufatanya.”

Mu mpera z’ukwezi kwa Werurwe, ni bwo inzego z’ibanze nshya zizamenyekana mu karere no mu gihugu hose muri rusange.

Bamwe mu baturage batuye Mudugudu wa Birambo, Akagari ka Karama, batangaza ko bataratuzwa ku midugudu bari babayeho nabi, ariko ubu ubuzima bwabo ngo bwarahindutse kuko babonye amazi meza hafi n’amashanyarazi.

Abaturage bavuga ko kuva bagera mu mudugudu, begerejwe amazi n’amashanyarazi.

Jacqueline Uwimbabazi, umubyeyi w’abana babiri, avuga ko mbere kubona amazi, kujya ku isoko cyangwa se no mu gihe abana bajya kwishuri byabaga bigoranye bagituye mu manegeka.

Agira ati “Kuba dutuye hano ku mudugudu byaradufashije cyane kuko byatumye tubona umuriro bitatugoye, amazi aratwegereye nta mbogamizi nk’ubu tuvoma hano haruguru y’urugo. Mbere twavomaga epfiriya mu kabande, guhaha twajyaga mu Miko ariko hano hari abacuruzi.”

Gutura ku mudugudu byatumye imibereho y’abaturage irushaho kuba myiza.

Gutura ku mudugudu ngo byafashije kandi abakecuru bahatuye b’incike za Jenoside yakorewe Abatutsi mu 1994, kuko bavuye mu icuraburindi bakegerezwa amashanyarazi bakabona n’amazi hafi.

Daphrose Kandera, umwe muri bo, atangaza ko nk’abageze mu zabukuru bavunikaga cyane kuko nta n’akana ko gutuma baba bafite.

Ati “Ubu se uruzi amazi tutayabonera hafi di! Byaradufashije cyane nkanjye w’umukecuru urabona narigushoka hariya mu kabande nkazabishobora.”

Umunyamabanga Nshingwabikorwa w’Umurenge wa Cyanika, Chrisostome Ndolimana, avuga ko muri rusange hasigaye imiryango 20 ikiri mu manegeka itishoboye.

Imwe ngo izubakirwa indi ihabwe ibikoresho byo kubaka n’umusanzu biciye mu muganda rusange bitarenze Kamena 2016.

Zimwe mu nzibutso ziherereye mu mirenge ya Mushubi, Musange, Kamegeri, Mbazi na Tare, zari zifite ibibazo by’uko imirimo yo kuzubaka yasaga nkaho yahagaze, ariko ubuyobozi bw’akarere ka Nyamagabe bukemeza ko icyumano kizatangira zarubatswe.

Ubuyobozi bw’akarere burizeza abaturage ko buzubaka inzubtso kandi zikarangira ababo bakabasha gushyingurwa neza mu cyubahiro.

Umuyobozi w’akarere wungirije ushinzwe imibereho myiza y’abaturage, Emile Byiringiro, atangaza ko hari inzibutso zuzuye n’iziteganywa kuzura mbere y’icyunamo gusa hakaba hari izuzura mu ngengo y’imari izakurikira.

Agira ati “Mu karere ka Nyamagabe, turi kubaka inzibutso eshanu, Urwibutso rwa Mushubi rwaruzuye, tukaba dufite n’izindi ebyiri urwa Mbazi na Kamegeri zizuzura mbere y’uko icyunamo gitangira, Hakaba hari n’izindi ebyiri zizuzura mu ngengo y’imari itaha.”

Byiringiro akomeza avuga ko umusanzu abaturage bari bihaye wo gufasha mu kubaka inzibutso batarabyubahirije neza bigatuma kubaka zimwe mu nzibutso bidindira.

Ati “Twari twatangiriye rimwe kubaka inzubutso eshanu, hari rero ingengo y’imari twazigabanije ngo zubakwe ariko hari n’uruhare rw’abaturage rwagombaga kujyaho, mu by’ukuri uruhare rw’abaturage rwaje kuba ruto, ugereranije n’ubushobozi bwari bukenewe.”

Frida Nyirampari, uhagarariye abacitse ku icumu mu murenge wa Kamegeri, umwe mu mirenge iri kubakwamo inzibutso atangaza ko bari biyemeje gutanga 1.000Frw ubushobozi bukaba bucye, mu nama iteganijwe ku ya 25 Mutarama bikazaganirwaho hagafatwa imyanzuro.

Kuri uyu wa mbere tariki 19 Mutarama 2016 hasojwe itorero inkomezabigwi ikiciro cya II, aho urubyiruko rwaryitabiriye ruvuga ko rwakuyemo inyigisho zijyanye n’indangagaciro na kirazira by’umuco Nyarwanda n’amateka y’igihugu na gazunda zacyo muri rusange zigamije iterambere.

Umukoro ngiro wo gusigasira igisenge wahaye isomo rikomeye intore ro gufatanyiriza hamwe kugira ngo babashe kugera ku ntego.

Jessica Dari Umugwaneza uturuka mu murenge wa Gasaka, atangaza ko isomo rikomeye akuye mu itorero biciye mu mikoro ngiro bakoze, ari imbaraga zo gushyira hamwe, Abanyarwanda bakagira ubumwe kuko ari wo musingi ukomeye wo kubaka igihugu.

Yagize ati “Umukoro ngiro wo gusigasira igisenge wanyigishije ko twebwe abanyarwanda dushobora gufata igihugu cyacu tukakigeza ahantu heza, tutagombeye imfashanyo ziturutse hanze, buri wese agakora neza mu ruhande rwe igihugu twakigeza aho twifuza.”

Urubyiruko rwasabwe gushyira mu bikorwa ibyo rukuye mu itorero kugira ngo rugaragaza uruhare rwarwo mu kubaka igihugu.

Liberee Mukandoli uturuka mu murenge wa Cyanika, nawe atangaza ko kugira ngo igihugu gitere imbere abantu bakwiye gufashanya ntihagire abasigara inyuma.

Ati “Baduhaye ibiti byo kwambukiraho turi benshi, bigasaba ko twese tugomba kwambuka ntawusigaye, isomo ririmo rero umaze kuva mu bibazo ugomba kumenya ko hari n’abandi bari hasi yawe bakeneye kuzamuka, mugafashanya igihugu cyacu kigatera imbere.”

Norbert Karinijabo uturuka mu murenge wa Gasaka nawe atangaza ko iyo itorero ritagaruka mu Rwanda umuco wo gushyira hamwe wari kuzimira.

Ati “Abakera bari bafite umuco wo gufashanya no gutabarana, kuburyo iyo hatabaho itorero ibyo byari kuzacika burundu umuntu akajya yifasha.”

Itorero rikaba ryasojwe no gutarama bishimira ibyo bagezeho mu minsi 10 bari bamaze.

Izi ntore zikaba zihaye imihigo irimo kwigisha abaturage gusoma no kwandika, umuco w’isuku, gutanga mutuweli, kwitabira imyitozo ngororamubiri n’ibindi.

Umuyobozi w’akarere ka Nyamagabe Philbert Mugisha, yasabye intore ko aho zigiye ku rugerero zizashyira mu bikorwa ibyo zize bityo zigatanga umusanzu wazo mu kubaka igihugu.

Iryo tsinda ryari rigizwe na ba Depite Ignacienne Nyirarukundo na Joseph Desire Nyandwi, ryasuye Akarere ka Nyamagabe mu gikorwa kigamije gusuzuma ibikorwa by’ubuhinzi n’iterambere kandi harebwa no ku isuku n’imirire.

Akarere ka Nyamagabe kasabwe kwiha igihe ntarengwa bagaza umwanda burundu.

Akarere ka Nyamagabe kari kateye intambwe mu kurwanya umwanda, ariko 60% by’indwara zikagaragaramo ngo ziracyaturuka ku mwanda.

Inzego z’ibanze n’abafite isuku mu nshingano by’umwihariko basabwe kwiha igihe umwanda ugacika burundu.

Hon Ignacienne Nyirarukundo, wari uyoboye iryo tsinda, yatangaje ko iby’akarere kerekana ko isuku ari urugendo bikwiye kuvaho, ahubwo bakiha intego yo kurandura umwanda.

Yagize ati “Akarere kari kateye intambwe kashyizeho amabwiriza agenga isuku, bakoze n’imfashanyigisho, ariko twababwiye tuti ‘dukwiye kwiha igihe, tukavuga tuti mu myaka 5, 10, n’iyo yaba 20 ariko icyo gihe kikazagerwaho mu karere isuku ari umuco’.”

Abayobozi mu nzego z’ibanze zitandukanye basabwe kugira uruhare muri gahunda zo kwimakaza isuku.

Umukozi w’Akarere ka Nyamagabe ushinzwe Isuku n’Isukura, Venuste Twagiramungu, avuga ko ingamba basabwa gushyiraho bagiye kurushaho kuzishyiramo ingufu kugira ngo isuku igerweho.

Ati “Isuku irashoboka, tugiye gukora ubukangurambaga buhoraho, abaturage bahindure imyumvire n’imyitwarire. Ubu dufite ifishi izatwereka uko isuku yifashe mu rugo, ku bintu by’ibanze, nk’umusarani, umugozi wo kwanikaho, n’ibindi twizerako bizadufasha.”

Uruzinduko abadepite bagiriye mu Karere ka Nyamagabe ruzamara icyumweru aho bazasura ibikorwa by’iterambere n’imibereho myiza y’abaturage muri rusange, ariko banibanda ku nganda zitanga akazi ku baturage kuko biri mu bizamura ubukungu.

Mu rwego rwo kurwanya ubushomeri no kwicara, bamwe mu rubyiruko rwo mu karere ka Nyamagabe, mu murenge wa Gasaka bamaze kwihangira imirimo itandukanye y’ubuhinzi, ubucuruzi, ubworozi n’indi.

Urubyiruko rwiyemeje kureka kujya ruhora rusaba akazi ruhitamo kwihangirimo bituma rubasha kwiteza imbere

Celestin Nkundimana atangaza ko yatangiye kuba rwiyemezamurimo akiri muto nyuma yo kurangiza kaminuza mu by’amashanyarazi aho akorana n’ibigo bikwirakwiza amashanyarazi mu kuyageza ku baturage bityo ntiyirirwe agendana amabaruwa yo gusaba akazi.

Yagize ati “Mvugana n’abaturage bo mu mirenge ya Mugano, Musange, Nkomane batarabona amashanyarazi , njyewe nkagura ibikoresho by’amashanyarazi nkayageza ku baturage bakanyishyura narabyigiye muri KIST mfite impamyabushobozi urumva ko nihangiye umurimo.”

Callixte Nsabimana atuye mu kagari ka Nyabivumu, umurenge wa Gasaka, atangaza bihangiye umurimo wo korora ingurube zikaba zimaze kororoka ari nyinshi, agira inama urubyiruko ko, iyo wihangiye umurimo ubona ugutera inkunga ugaterimbere.

Yagize ati “Twishyize hamwe nk’urubyiruko dutangira korora ingurube n’uko umukoreya adutera inkunga yo korora ibiraro bya kijyambere, twatangiriye ku ngurube4, tugeze ku ngurube 44 n’ibibwana 36, zirunguka cyane nyuma y’amezi 3 iba yungutse ibibwana byinshi.”

Gerome Nsabimana nawe utuye muri uyu murenge atangaza ko nk’urubyiruko biteje imbere bakava mu bukene.

Yagize ati “Njyewe nabaye umwalimu, ngeza aho mba motari, uri kumva iriya radiyo, yitwa ijwi rya gare Nyamagabe, uyu munsi ifatanya na RBA kugeza amakuru ku baturage, no kubigisha rero abantu dukwiye kwiteza imbere dushingiye kubyo dufite uyu munsi tukagera no ku bindi.”

Urubyiruko rwa Nyamagabe rwizera ko, uko ruzagenda rurushaho kwihangira imirimo bizatanga akazi ku bandi batagafite bikazamura n’iterambere ry’akarere.

Abanyeshuri bo mu Karere ka Nyamagabe bitabiriye itorero “Inkomezabigwi” icyiciro cya kabiri, batangaje ko mu minsi itatu bamaze mu itorero bamaze kungukiramo byinshi, birimo gukorera ku gihe, gushyira hamwe n’ibindi nyamara mbere ngo barumvaga ari ahantu bazahurira n’ibibazo.

Abanyeshuri batinyaga kwitabira itorero bazi bagira ngo riravunanye bararivuga imyato.

Elysee Habimana, uturuka mu Murenge wa Gasaka, avuga ko mbere yumvaga itorero ari ibintu bigoye bitewe n’ibyo ababanjirije bababwiraga nyamara we akemza ko ari ryiza kandi amaze kuryungukiramo byinshi.

Yagize ati “Mbere numvaga itorero ari ibintu bikaze cyane, ari ibintu biteye ubwoba byitwaga ingando nkumva ni ahantu umunyeshuri ahurira n’ubuzima bukomeye, ariko uko imyaka ishira n’uko dukomeza kugira ubuyobozi bwiza, baduha ibyo dukeneye.”

Habimana akomeza avuga ko amaze kuhigira gukorera kuri gahunda kandi ugakora ibintu bitandukanye mu gihe gito kandi umuntu akenera mu buzima bwa buri munsi.

Agira ati “Nk’ubu dutorezwa aho bita mu isibo ugomba kubarizwa, rero no mu buzima busanzwe bikwigisha ko ugomba kugira aho ubarizwa ku buryo ugukeneye amenya aho agushakira. Batwigishije kudatatira umuco wacu n’indangagaciro na kirazira.”

Emmanuel Karangwa Rwibutso, na we ni umunyeshuri witabiriye iri torero. Atangaza ko amaze kunguka byinshi birimo uruhare rw’urubyiruko mu gusigasira ibyo igihugu kimaze kugeraho.

Ati “Twagiye dusobanukirwa ibijyanye n’igihugu cyacu, amateka y’igihugu cyacu, iterambere igihugu kimaze kugeraho ndetse n’uruhare rwacu nk’urubyiruko tugomba kugira, kugira ngo iryo terambere turikomeze kandi n’ejo hazaza tuzavemo abantu basobanutse.”

Itorero “Inkomezabigwi”, icyiciro cya kabiri mu Karere ka Nyamagabe bose hamwe ni 1685 bakaba bakorera kuri site ya E.Sc. Nyamagabe, TTC Mbuga, ku Murenge wa Tare ndetse na E.S Kaduha.

Abaturage batuye mu cyahoze ari Gikongoro, ubu ari Akarere ka Nyamagabe kakunze kurangwamo n’amapfa, bemeza ko batakiri abatebo nkuko babitaga, ahubwo ko biteje imbere bivuye ku buyobozi bwiza, bubegera bukabigisha gukora no kwivana mu bukene.

Akarere ka Nyamagabe kateye imbere kabasha no kugeramo ibikorwa remezo aho abaturage bavuye mu bukenene ku kigero cya 73% bagera kuri 41%.

Dancille Mukandoli utuye mu murenge wa Gasaka, Akagari ka Nyabivumu, Umudugudu wa Gasharu atangaza ko yari umukene ubayeho nabi ariko yavuye mu bukene abikesha ubuhinzi n’ubworozi.

Agira ati “Ni ukuvuga ngo biturutse ku buyobozi bwiza bwegera abaturage, barampuguye numva ikiza cyo korora n’iterambere byangejejeho, byabaye ngombwa ko mba mwalimu, nanjye nigisha ku bworozi, inkaza zapfaga zarabyaye ubu nta nzara ikirangwa i Nyabivumu.”

Felicien Yankundiye nawe atangaza ko mbere batari bazi gukora, kuko ntawabegeraga ngo abigishe gukoresha amafumbire cyane ko ubutaka bwabo busharira.

Dancilla Mukandoli atangazako biteje imbere kubera guhugurwa n’ubuyobozi bwiza bubegera hasi mu cyaro.

Ati “Ubu turahinga turorora, nkubu ngubu rwose muri Nyamagabe dufite ibiryo bihagije ntabwo tukijya gusabiriza za Butare, za Kibungo, mbere nta baveterineri, nta ba goronome batwegeraga,ubu baratwegera bakatwereka uko duhinga, dufumbira, niyo mpamvu dusa neza.”

Dominique Nkurikiyinka nawe utuye muri uyu murenge wa Gasaka atangaza ko gahunda yo guhuza ubutaka yatumye bava mu bukene, akarere kabo ntikabe kagitewe ishyamba nkuko byari biteganijwe.

Ati “Twahuje ubutaka dukora umushinga w’ikawa, hari utugari nka dutatu twose duhinga igihingwa cy’ikawa ni cyo gituma twigeze kuba abambere, bari bagiye gutera Gikongoro yose ishyamba ariko ntibariteye kuko hasigaye hera.”

Akarere ka Nyamagabe ni kamwe mu turere dukennye, ariko mu myaka itanu ishize abari munsi y’umurongo w’ubukene 73% mu 2011 bagabanutseho 31%, naho abari mu bukene bukabije bava kuri 45% bagera kuri 13%.

Bamwe mu rubyiruko rwo mu cyaro, basanga batangiye gutozwa bakiri bato no gufashwa kuzamura impano zabo mu bijyanye n’imikino itandukanye.

Urubyiruko rwo mu cyaro rwifuza gufashwa kuzamura impano zarwo rugahesha igihugu ibikombe.

Emmanuel Vita atuye mu Murenge wa Cyanika mu Kagari ka Ngoma, arangije umwaka wa gatandatu w’amashuri yisumbuye. Avuga ko nk’urubyuriko baba bafite impano nyinshi zitandukanye ariko ugasanga zipfukiranywe, akifuza ko ubuyobozi bwababa hafi.

Agira ati “Dukora imyitozo ngororamubiri, ariko ku bijyanye n’ibikoresho byo gukinisha nk’imipira dushaka gukina ntitubibone kuko nta ngufu babishyiramo. Urabona buri muntu wese aba afite impano ariko zigenda zipfa kubera kubura imipira ngo zitezwe imbere.”

Emmanuel Mugabo, umunyeshuri na we ugeze mu mwaka wa gatanu w’amashuri yisumbuye, avuga ko ubuyobozi buramutse bubishyizemo ingufu umupira w’amaguru watera imbere mu Rwanda.

Ati “Twifuza gukora bakazadufata mu ikipe y’igihugu cyacu, kandi byazana twazana ibikombe bakajya banadushima ngo dore Messy aratambutse ngo dore Haruna aragiye.”

Umunyamabanga Nshingwabikorwa w’Umurenge wa Cyanika, Chrisostome Ndolimana, avuga ko batangiye kubaka ibibuga by’imikino itandukanye kandi no kubona imipira hari uburyo bikorwamo.

Yagize ati “Hari intambwe yatangiwe aho twakoze ibibuga bitandukanye byaba ibya volley na basket. Dufite n’ikibuga cy’umupira w’amaguru nk’uko babibabwiye imipira iracyari mike kuko ihita ishira ariko dufatanyije n’ibigo by’amashuri tuzajya dutiririkanya.”

Ubuyobozi bw’umurenge bugasanga imipira ari ikibazo kizakemurwa vuba kuko icyari kigoye cyari ibibuga.

Igihembwe cy’ihinga B cyatangiye gitinze bitewe n’imvura itaragwiriye igihe, biba ngombwa ko hari n’abarandura imyaka bagatera bundi bushya, ariko nyuma y’uko imvura iguye, abahinzi bizeye kuzagira icyo baronka n’ubwo ibihe bitababereye byiza.

Abaturage bizeye kuzasarura ibishyimbo nubwo hari ibyangiritse.

Immacule Zaninka umwe mu bahinzi batuye mu kagari ka karama, umurenge wa Cyanika atangaza ko n’ubwo hari imyaka yangiritse kubera imihindagurikire y’ibihe yizeye kuzagira bicye arokora agakomeza kwiteza imbere.

Agiara ati “Aho bigereye ubu umuntu azasarura ibizaboneka ariko nk’ibishyimbo ku ruhande rumwe bimwe byarapfuye, ariko umuntu azasarura nk’imyumbati n’ibindi, ubuhinzi bwaduteje imbere nahereye ku nkoko ubu ngeze ku ngurube eshatu zibwaguye.”

Marie Claire Uwimbabazi we atangaza ko bategereje kuzagira icyo basarura n’ubwo batinze guhinga.

Ndolimana avuga ko bashishikariza abaturage kujya bajyana n’iteganyagihe bagahingira igihe kuko byabafasha kubona umusaruro.

Ati “Twahinze ibishyimbo ubu nibyo bigezweho uretse ko bitagenze neza, bitewe n’izuba ryavuye hanyuma ntitwahingira igihe, yenda ubu tuzarokora dujeya ubu turategereje kuko ibishyimbo bitarera.”

Umunyamabanga nshingwabikorwa w’umurenge wa Cyanika Chrisostome Ndolimana, atangaza ko nk’ubuyobozi bagira inama abaturage yo kujya bahingira igihe kiba cyateganijwe kandi bagakoresha n’ifumbire kugira ngo babashe kuzasarura.

Ati “Ubu icyo dushishikariza abaturage ni uguhingira ku gihe, koko tukajyana n’itaganyagihe duhabwa n’ikigo kibishinzwe, abantu bakagerageza guhingira igihe kandi bagafumbira tukareba ko bazeza.”

Abaturage kandi bashishikarizwa kujya bitabira amatsinda ya twigire muhinzi, kuko ariyo abafasha kubona ifumbire mu buryo bworoshye n’imbuto za kijyambere bibasha gutanga umusaruro mwinshi.

Mu rwego rwo kugabanya imanza no kwigisha abaturage uburenganzira bwabo, kuri uyu wa 30 Ukuboza 2015, mu murenge wa Cyanika, Akarere ka Nyamagabe, abaturage basobanuriwe amategeko atandukanye n’uburyo baharanira uburenganzira bwabo mu gihe barenganye.

Kutamenya uburenganzira n’amategeko bituma abaturage bahora mu makimbirane y’ubusa.

Abaturage basobanuriwe amwe mu mategeko agenga imitungo y’imukanwa n’itimukanwa, amategeko arengera uri mu karengane, amategeko agenga abashakanye, amategeko agenga izungura n’uburyo n’aho bagana mu gihe bahuye n’ibibazo bitandukanye.

Alphonsine Mukansonera atuye mu Kagari ka Ngoma, Umurenge wa Cyanika, atangaza ko nyuma yo kwigishwa ibijyanye n’amategeko n’uburenganzira batazongera guheranwa n’ibibazo.

Ubuyobozi bushima ko abaturage bamenye amategeko batirirwa bajya mu manza zitari ngombwa.

Yagize ati “Twamenye aho tugomba kugana, niba ari uwahohotewe afite kujya mu bunzi, niba ari umutungo uri munsi ya miriyoni 5 akajya mu bunzi nabo bakamurenganura kuko babiherewe uburenganzira, banadusobanuriye ibibazo bijyanye n’ubutaka n’inzira bicamo.”

Mukansonera yakomeje avuga ko impamvu bahuzagurikaga bagahora no munza ari ukutamenya amategeko n’uburenganzira bwa muntu.

Ati “Namenye uburenganzira bwanjye, kubera kutamenya amategeko ntusobanukirwe ibyo ari byo, bituma ugira ibibazo byinshi ntumenye naho werekeza, ariko ubu hari aho bituvanye hari naho bitujyanye.”

Ubuyobozi bw’umurenge wa Cyanika, nkuko Gitifu Chrisostome Ndorimana abitangaza, ngo kwigisha abaturage amategeko n’uburenganzira bibagenga bituma abaturage bava mu manza zidakenewe.

Ati “Dushimira Komisiyo y’ubutabera n’amahoro ya Diyosezi gaturika ya Gikongoro, idufasha guhugura abaturage k’uburenganzira n’amategeko, nko ku makimbirane y’ubutaka, hari abayagirana bitakagombye, bityo izi nyigisho zikadufasha kugira ngo babyumve neza.”

Ibibazo ubuyobozi bwakira, 70% bituruka ku kuba abaturage badasobanukiwe amategeko n’uburenganzira, ariko uko bigishwa bikazagabanya imanza.

Umurenge w’Uwinkingi uri kure ya kaburimbo kandi n’imihanda iwuganamo ntimeze neza, bikabangamira abafite ubumuga dore ko abenshi nta nsimburangingo cyangwa inyunganirangingo bagira.

Akarere kijeje ubuvugizi abafite ubumuga.

Claude Nsabimana, umwe mu bafite ubumuga bo muri uyu murenge, agira ati “Inaha ngaha abantu bafite ubumuga ntabwo tubayeho neza bitewe n’ahantu tuba duturuka. Nk’umuntu ufite ubumuga akwiye kuba yakwambara insimburangingo, izo ntabwo tuzikoresha nta n’ibigo biba inaha ngo bibe byadufasha kuzibona.”

Alphonsine Nyirakamana, na we wo muri icyo cyiciro, atangaza ko hari abadasohoka mu nzu kubera ubushobozi buke.

Yagize ati “Hari abagenda bicaye, bacitse amaguru ndetse n’abandi baba baraheze imuhira. Rimwe na rimwe babatwara babahetse mu mugongo.”

Umuyobozi Wungirije w’Akarere ka Nyamagabe ushinzwe Imibereho Myiza y’Abaturage, Emile Byiringiro, avuga ko bifashisha abafatanyabikorwa, mu kunganira abafite ubumuga kuko bo nta mikoro, bityo akabizeza ubuvugizi.

Yagize ati “Ibikoresho bifasha abfite ubumuga birahenze cyane, iyo urebye nk’insimburangingo zitandukanye buriya zirahenda. Ariko tugenda dushaka ibisubizo tugenda dukora ubuvugizi ku yindi miryango, urego twahawe amagare 40 na Diyosezi ya Gikongoro.”

Abafite ubumuga basaba ababahagarariye batoye mu nzego zitandukanye kwibuka inshingano zabo, kuko bifuza kugendana n’abandi Banyarwanda mu iterambere.

Tariki 24 Ukuboza 2015, Inama y’Igihugu y’Abagore yagiranye amasezerano n’ubuyobozi bw’akarere, ubw’imirenge igera kuri itandatu na za SACCO, y’ubufasha bw’amafaranga miliyoni 12Frw, bwahawe abagore bacururizaga mu kajagari kugira ngo bakore ubucuruzi bwemewe.

Abacururizaga ku muhanda batewe inkunga yo kujya mu masoko.

Bernadette Mukashyaka ushinzwe imibereho myiza mu nama y’igihugu y’abagore, yatangaje ko nyuma y’amasezerano yasinywe hagati y’inzego zitandukanye, abagore ba Nyamagabe bazava mu bucuruzi bw’akajagari.

Yagize ati “Aya mafaranga agiye gufasha abagore, biteze imbere, ka kajagari mwajyaga mubona hano muri Nyamagabe kagabanuke, abagore bagire umurongo wo gukoreramo, mbese bakore ubucuruzi bwizewe butari ubwo kugataro.”

Agnes Uwimbabazi, ni umwe mu bagore bahawe inkunga ucururiza mu murenge wa Gasaka, yatangaje ko bitewe n’uko nta bushobozi bacuruzaga nabi ariko ubwo batewe inkunga byinshi bigiye guhinduka.

Abayobozi b’akarere abimirenge na za SACCO basinye amazeserano y’uko bakurikirana amafaranga yahawe abacururizaga mu kajagari.

Ati “Ubwo baduteye inkunga tugiye gukorera mu isoko ubwo tubonye igishoro, kandi batwijeje ko isoko rishya bagiye gushyiramo ingufu rikuzura vuba, noneho tukarushaho gutera imbere dukorera ahantu hemewe.”

Abagore batewe inkunga, bizeye gukora kugira ngo baziteze imbere kandi babashe gusubiza amafaranga bahawe kugira ngo bizagere ku bandi, nk’uko Reocadie Ntancuti imwe abitanga.

Ati “Twakoreraga mu bukene ariko tubonye ikitwunganira, tuzakora twiteze imbere kandi tubishyure kugira ngo muzagaruke mudutere inkunga.”

Emile Byiringiro umuyobozi w’akarere wungirije ushinzwe imibereho myiza y’abaturage yatangaje ko n’ubwo bahawe amafaranga bitarangiriye aho bazakurikiranwa kugira ngo bayabyaze umusaruro.

Ati “Dufite ingamba zo gukurikirana aya mafaranga agitangira gukoreshwa n’ubuyo azajya yishyurwa, dufite inzego zitandukanye zizadufasha, kandi aba bagore bari basanzwe mu makoperative nubwo bakoraga mu buryo budahwitse bikaba bizatworohera.”

Umusaruro w’aya mafaranga ukazakomeza no kujya muzindi koperative abagore bakarushaho gutera imbere.

Kuri uyu wa 25 Ukuboza 2015, mu Mujyi wa Nyamagabe byari ibisanzwe, utamenya ko habaye Noheri nk’uko mu yindi mijyi mu gihugu biba byifashe.

Abantu wabonaga bari mu kazi nk’ibisanzwe, bakavuga ko biterwa n’inshingano n’ubushobozi buke kuri bamwe bagahitamo kwikomereza akazi.

Uyu we yazindukiye ku kiraka cyo gucukura ingarani.

Dominique Munyengabe, umufundi twasanze arimo gucukura ingarani, avuga ko bitewe n’ubushomeri buriho atari kwitesha akazi ngo ni uko ari kuri Noheli.

Yagize ati “Turi gucukura iyi ngarani kuri uyu munsi wa Noheli, akazi kamaze iminsi karabaye gakeya. Twakabonye turavuga ‘tuti aho kugira ngo kaducike abandi bagatware turi mu bushomeri icyatubera cyiza ni uko twagakora’ ariko mu kanya turajya kuruhuka tuyizihize tumeze neza.”

Amaduka yari afunguye nk’ibisanzwe.

Felicien Nteziryayo, undi mwubatsi, avuga ko kuba bari mu kazi bitavuze ko batemera Noheri cyangwa se batayizihiza ahubwo aba ari impamvu z’ubushobozi buke.

Yagize ati “Noheri rwose ndumva kuyizihiza ari byiza ndanayemera, ariko kandi ubu nimva mu kazi nanjye ndahita njya kuyizihiza. Numva gukora ukanizihiza Noheri ntacyo byaba bitwaye.”

Nubwo hari abakomeje akazi, abakirisitu bari urujya n’uruza mu nsengero zabo bajya kwizihiza umunsi w’ivuka ry’umwana w’Imana Yezu Kirisitu cyangwa se Yesu Kirisito.

Muri gare naho wabonaga ari ibisanzwe.

Muri rusange mu Mujyi wa Nyamagabe, ari abakora umwuga wo gucuruza amayinite ya terefone, abamotari, abadoda inkweto, abatwara ibintu n’abantu ,amaduka atandukanye n’ahandi hari hafunguye abantu bari mu kazi nk’ibisanzwe.

Abacitse ku icumu n’abagize uruhare muri jJnoside yakorewe abatutsi, barebanaga ayingwe bigatuma nta terambere bageraho, ariko abatuye Umurenge wa Cyanika mu karere ka Nyamagabe, bemeza ko ibyo guca ukubiri babirenze bagashyira hamwe bagaharanira icyabateza imbere.

Mukankaka yishimira intambwe bagezeho mu bumwe n’ubwiyunge ko ubu baharanira icyabateza imbere aho kureba amoko.

Anonsiyata Mukarugabiro, atuye mu kagari ka Karama, umurenge wa Cyanika, atangaza ko amoko kuri bo atagifite umwanya ahubwo bishyize hamwe ngo biteze imbere.

Yagize ati “Ubu twishyize mu makoperative, uwo utiyumvagamo ugasanga muri kumwe, twumva ko tugomba kubana ureba mugenzi wawe ntumwishishe, twese duharanira icyaduteza imbere nta kuvuga ngo uriya ni ubwoko ubu n’ubu.”

Francoise Mukankaka, ni umwe mu bacitse ku icumu rya jenoside yakorewe abatutsi, atangaza ko iyo batagira amahirwe yo guhugurwa ngo bumvikane n’ababahemukiye bari kuzahora inyuma.

Byatangae bamwe mu baturage kuba basigaye babana neza n’abo bahemukiye bagasangira akabisi n’agahiye.

Ati “Nk’ishyirahamwe ryacu ry’ubumwe n’ubwiyunge, iyo komisiyo y’ubutabera n’amahoro ya Diyosezi ya Gikongoro, itaduhugura ngo twurure imitima ntanubwo iterambere twari kuzarigeraho, abana bacu bari kuzahora mu makimbirane y’Abahutu n’Abatutsi.”

Mudenge Yuvenali ari mu bireze ibyaha bagahanwa bakarangiza ibihano, atangaza ko bitangaje kuba basangira bakabana n’abo bagiriye nabi.

Ati “Murabona kwicira umuntu mugahura we yarahahamukaga, nawe ugaca munsi y’urugo, Ubu nta kibazo dufitanye turahura tukaganira, tugasangira, tukajyana mu Manama, tukanahugurwa ku mibanire myiza.”

Jean Baptiste Ruzigamanzi umuhuzabikorwa wa komisiyo y’ubutabera n’amahoro ya Diyosezi gaturika ya Gikongoro, yahuguye aba baturage atangaza ko nyuma y’ubumwe n’ubwiyunge abaturage bashakira hamwe icyabateza imbere.

Ati “Ni byiza ko ubumwe n’ubwiyunge bigaragarira mu bikorwa biganisha ku iterambere, kuko irindi zina ry’amahoro ari amajyambere, twagiye muri iyi gahunda dushakako ituze rugaruka mu bantu ubundi bagakorerahamwe bagatera mbere.”

Abaturage bizeye kuzagera ku iterambere igihugu cyifuza.

Kuri uyu wa 18 Ukuboza 2015, mu murenge wa Kitabi Akarere ka Nyamagabe, abaturage bazindukiye mu gikorwa cyo gutora itegeko nshinga rivuguruye, aho mu murenge wa Kitabi, akagari ka Kagano, saa yine bari bageze ku gigero cya 98%, aho na bamwe bahageze saa saba z’ijoro.

Serafine Mukandekezi yahembwe iradiyo kuko yageze ku biro by’itora saa saba z’ijoro akabasha gutora bwa mbere

Umukecuru Cerafine Mukandekezi wageze ku biro by’itora bya site ya Kitabi saa z’ijoro yatangaje ko ntacyari kumubuza kuzinduka kuko mu gihugu hari umutekano.

Yagize ati “Ni ubwa gatatu ntoye, ntoye gatatu kose nzinduka ariko uyu munsi nishimye kuko ariho bampembye, nageze hano saa saba z’ijoro nari nizeye umutekano kuko ntacyo nari kuba.”

Uyu mukecuru yakomeje avuga ko nyuma yo guhembwa iradiyo agiye kujya akurikirana amakuru yo mu Rwanda no mu mahanga.

Yagize ati “ Iyi radiyo izajya imbwira ibyo ntari nzi ari ibyo mu gihugu ari ibyo mu mahanga, mbese ibyo nshatse kumenya byose.”

Saa yine za mu gitondo kuri site ya Kitabi nta baturage wabonaga batambuka kuko bari hafi gusoza bageze kuri 98%

Muri uyu murenge wa Kitabi by’umwihariko kuri site ya Kitabi, abaturage bakaba bari bazindutse aho banisabiye ko amatora yajya atangira kare kuko bazinduka nkuko Celestin Nyekabahizi umukorerabushake uhagarariye iyi site yabitangaje.

Yagize ati “Saa kumi n’imwe abaturage benshi bari bamaze kuhagera urabona ko ubu dusa nkaho dusoje, ahubwo ikibazo twagize ni uko abaturage badusabye ko twajya tuzinduka byibuza amatora agatangira saa kumi n’ebyiri.”

Abaturage bagera kuri batanu akaba aribo bahawe amaradiyo n’umurenge wa Kitabi ku bufatanye n’uruganda rw’icyayi rwa Kitabi.

Bamwe mu baturage bo mu kagari ka Uwingugu, ntibibona muri gahunda za leta bitewe n’uko nta burenganzira bahabwa bwo kuzitabira, bigatuma badatera imbere.

Umuyobozi w’Akarere ka Nyamagabe ashima abaturage ko bagaragaza ibitagenda neza bigashakirwa umuti

Justin Munyaneza, ni umuturage wo muri aka kagari ka Uwingugu, Umudugudu wa Gisarenda yatangaje ko nta serivisi bakibona badatanze amafaranga.

Yagize ati “Twasubiye inyuma muri gahunda ya Girinka ntitwibonamo, nta ruhare tugiramo ni ukuvuga ngo, hano ku Uwingugu nta kibazo cyaho gikemurwa udatanze ifaranga rya ruswa ntabwo ushobora gukemurirwa ikibazo.”

Emmanuel Hakorimana ni umuturage wo muri aka kagari nawe atangaza ko serivisi zo ku kagari zisigaye zitangirwa mu tubari.

Yagize ati “Iyo turebye imikorere yo ku kagari dusanga yarapfuye, kuko nta serivisi zikihaba, usanga zitangirwa mu kabari nabwo kugira ngo bagusinyire ukabanza gutanga amafaranga birazwi ku uwingugu kasha ni ibihumbi 2 iyo ari ibintu byoroshye.”

Gahunda za leta zigamije guteza imbere abaturage zikaba zarashyizweho ibiciro nk’uko Emmanuel akomeza abivuga,

Agira ati “Abaturage bagombaga gutuzwa ku mudugudu basabwaga ibihumbi 40 cyangwa 30, ntawujya muri gahunda ya VUP adatanze amafaranga ibihumbi 10, byabaye ubucuruzi.”

Nyuma yo gusanga abaturage barimo barengana, bamwe bafashe iyambere mu kubishyikiriza njyanama y’akagari ka Uwingugu ariko bakaba badafite umutekano gusa Gitifu w’akagari ka Uwingugu Marie Chantal Vuguziga, ahakana yivuye inyuma ibyo abaturage bamushinja.

Agira ati “Abaturage bazana ibibazo ni uko ukemura ibibazo atakwishimira umwanzuro ugasanga agize inzika ko ikibazo cye kitakemutse, abavuga ko mbasaba amafaranga barabeshya kuko dusaba amafaranga afitiwe gitansi.”

Umuyobozi w’akarere ka Nyamagabe Philibert Mugisha yemeza ko Chantal hari byinshi yarezwe arimo akurikiranwa.

Yagize ati “Twumvise ibibazo bimuvugwaho turimo turamukurikirana kandi hari ibyemezo tuzafata nk’ubuyobozi, n’ibyo tudashoboye tumushyikirize ubugenzacyaha.”

Ubuyobozi bukaba bushima abaturage, ubwisanzure bamaze kugira bwo kugaragaza ibitagenda neza bigashakirwa umuti.

kuri uyu wa gatatu tariki 16 Ukuboza 2015, mu murenge wa Gatare, abasenateri bari bayobowe na Perezida wa Sena Bernard Makuza, bagaragarije abaturage bo muri uyu murenge n’uwa Buruhukiro ko bakiriye ubusabe bwabo bakavugurura itegeko nshinga.

Presida wa Sena Bernard Makuza yibukije abaturage ko ubutegetsi ari ubwabo aribo babugena kuko itegeko nshinga ribigena.

Perezida wa Sena Bernard Makuza yagaragarije abaturage ibyavuguruwe mu itegeko nshinga cyane cyane ku ngingo yayo y’101 yazitiraga Perezida Kagame kuba yakongera kwiyamamaza, ababwira ko ubutegetsi ari ubwabo kuko ari bo bihitiramo ukwiye kubayobora.

Yagize ati “Murabyiyumviye y’uko ubutegetsi ari ubw’imbaga y’Abanyarwanda, ari mwebwe, ari iy’abanyarwanda bari hirya no hino mu gihugu, ko ari mwebwe mu butanga, kandi ko mushobora kubukoresha binyuze muri referandumu cyangwa se ababahagarariye.”

Perezida wa Sena yakomeje avuga ko nyuma yo gusesengura ibyasabwe n’abaturage, inteko inshingamategeko yemeye gukora ibyo abaturage bifuza nk’uko amategeko abibemerera.

Abaturage bishimiye ko itegeko nshinga ryavuguruwe kandi biteguye kuritora.

Ati “Twaganiriye n’abaturage hari abaje hano, turongera dusubirayo tuganira ku byo abaturage bavuze ku italiki ya 10 Kanama, dusanga byuzuza cyane n’ibyo miriyoni zigera kuri enye zanditse n’uko dufata icyemezo uwo munsi ko itegeko nshinga rigomba kuvugururwa .”

Emmanuel Ntawunganyimana umwe mu baturage bari bitabiriye atangaza ko bishimiye ko ubusabe bwabo bwabonye igisubizo cyiza kandi yiteguye gutora itegeko rishya.

Ati “Ikarita y’itora n’irangamuntu ndabifite gutora nzahagera saa kumi nimwe, nishimye cyane kuko mubanditse narindimo mfatanije n’umuryango wanjye bitewe nibyo twishimira Perezida Paul yatugejejeho.”

Honore Mukarugamba nawe aravuga ko nk’abagore ibyo basabye bihuye nibyo bagaragarijwe.

Ati “Ibyo twifuzaga ni uko iriya ngingo y’101 yahindurwa n’izindi zose ziyibangamiye, Perezida Paul Kagame akongera akiyamamaza kuko twumvaga ntawundi mu perezida dushaka.”

Amatora yo gutora itegeko nshinga rivuguruwe, ateganyijwe kuri uyu wa gatanu kuwa gatanu taliki 18 Ukuboza 2015.

Mu Rwanda hirya no hino mu kwezi k’Ugushyingo, hagaragaye imyuzure yatewe n’imvura nyinshi, bituma inyubako zimwe zisenyuka, ibintu birimo n’ibikorwa remezo birangirika, n’abantu bamwe bahasiga ubuzima, impuguke zigasanga biterwa n’imikurire y’imijyi.

Ibiza byakunze kwibasira agace ka Nyabugogo mu myaka yashize bitewe n’amazi yaturukaga hejuru Kimisagara atarafatwa.

Herve Villard Habonimana, inzobere n’umushakashatsi mu bijyanye n’ibiza akaba n’umwalimu muri kaminuza y’U Rwanda, asanga imyuzure iri kwiyongera mu Rwanda, iterwa n’imikurire y’imigi hakiyongeraho imihindagurikire y’ikirere (climate change), aho usanga hubakwa inyubako kumuvuduko mwinshi ariko uburyo bwo gucunga amazi agenda yiyongera ugasanga bitarateganyijwe.

Agira ati “Impamvu nyamukuru irimo itera ukwiyongera kw’imyuzure muri iyi minsi ya none, n’uburyo imigi yacu irimo ikuramo, amazi kera yinjiraga mubutaka ahantu hakiri icyaro ugasanga ntawateganyije uko azacungwa hahantu hamaze guhinduka umujyi. Bityo hakitabazwa imiyoboro yirukankana amazi menshi mukabande n’umuvuduko munini agatera imyuzuro rimwe na rimwe akanatera inkangu.”

Inzobere mu bijyanye n’ibiza, zitangaza ko guverinoma y’u Rwanda, n’abafite mu nshingano zabo ibijyanye n’imicungire y’ibiza, bashyira hamwe naza kaminuza hakigwa uburyo byo gukumira ibiza cyangwa kugabanya ingaruka zabyo, kuko hadafashwe ingamba ingaruka zikomeye zarushaho kwiyongera ku gihugu n’abagituye.

Uko ibiza byifashe mu Rwanda

Aho ni mu Gasantere ko mu karere ka Nyabihu ahari haretse amazi y’imvura.

Habonimana aganira na Kigali Today, yakomeje avuga ko byinshi mu biza bigaragara mu Rwanda, usanga ari kimeza bitewe n’imiterere y’igihugu.Muri rusange ibiza byiganje mu Rwanda ni imyuzure, inkangu. imitingito, amapfa, inkubi z’imiyaga n’inkuba.

Byinshi muri ibi biza ni kimeza, bivuze ko ntaruhare umuntu abigiramo kugira ngo bibe, n’ubwo ariko ingaruka kubyangirika umuntu ashobora kugira uruhare mukuba zaba nyinshi cyangwa nke. Hari n’ibiza bibaho ariko umuntu akaba y’abigizemo uruhare, twavuga nk’inkangu n’imyuzure.

Ati “Imiterere y’u Rwanda, ubuhaname bw’imisozi yacu, ubutaka bwayo, n’imvura ibugwaho byaterainkangu. Iyo bitijwe umuringi n’abantu nkiyo batema amashyamba, bahinga, cyangwa bubaka imihanda byongera inkangu nkuko dukunze kubibona mugice cy’uburengerazuba bw’u Rwanda.”

Impamvu zitera ubwiyongere bw’imyuzure muri iyi minsi

Herve Villard Habonimana Inzobere mu bijyanye n’imyuzure avugako muri iyi minsi mu Rwanda imyuzure yongerwa n’imikurire y’imijyi.

Mubushakashatsi twakozwe n’ikigo cya kaminuza cyiga kubijyanye n’ubumenyi bw’isi n’ikirere (CGIS: Centre for GIS and Remote Sensing), mubaturage babajijwe, abakuze bemeza ko kuva muri za 1960 muri Kigali habaga imyuzure. Aricyo gihe. ntacyangirikaga.

Uyu munsi rero abantu barahitanwa n’amazi y’imyuzure, amazu agasenyuka, imihanda igatwarwa, imyaka ikangirika, ubuzima bugahagarara muduce tumwe na tumwe. Ibi bigaterwa ahanini no kuba nta buryo bwateganyijwe bwizwe neza bwo gufata amazi agendana n’imikuririre y’umujyi.

Ati “Niba wubatse inzu ahantu imvura yagwaga amazi akinjira mu butaka, ayo mazi azatemba agana mukabande. Dufashe urugero rw’inzu ifite ubuso bwa metero kale 120, iyo iguweho n’imvura isanzwe ya milimetero urugero nka 20, itanga amazi angana litilo 2400.

Bivuze ko nk’umugi wa Kigali ufite amazu asaga 280,000, nk’uko byatangajwe n’ibarura rya 2012, ubona amazi asaga miliyoni Magana atandatu na mirongo irindwi (670million littles) avuye kumazu."

Aya mazi rero iyo haje imvura idasanzwe arushaho kuba menshi cyane. Ushobora kwibaza rero aho aya mazi ajya kuko akenshi imibande yoherezwamo iba ituwe cyangwa ifite ibindi bikorwa ikorerwamo.”

Aya mazi ni menshi kandi hari imvura nyinshi zifite ubukana zitezwe imbere, abashakashatsi bagasanga hakorwa ubushakashatsi n’itegurwa ryuko amazi y’imvura yajya acungwa mu migi kubw’ahazaza heza h’abanyarwanda.

Habonimana akomeza avuga ko indi mpamvu itera imyuzure ari uburyo imiyoboro y’amazi mu Rwanda yubatswemo aho usanga iyatiza ingufu, n’umuvuduko munini.

Ati “Hari uburyo hategurwa imiyoboro itwara amazi mu kabande ariko usanga imiyoboro akenshi ikozwe n’amabuye n’isima, amazi yagendaho ugasanga afite umuvuduko munini, akagera mu kabande ari menshi, akabande kadashoboye kuyakira icyarimwe akabyara imyuzure.”

Izindi mpamvu zitera imyuzure muri rusange zikaba zituruka ku mihindagurikire y’ikirere igaragara mu Rwanda no ku isi muri rusange, nubwo ino itaremezwa neza ikigero igezeho hagikorwa ubushakashatsi bwimbitse.

Hari byinshi byakorwa imyuzure igakumirwa

Habonimana inzobere mu bijyanye n’ibiza atangaza ko, hari byinshi byakorwa imyuzure igakumirwa cyane cyane hibandwa kukuvugurura imyubakire.

Ati “Dukwiriye kurenga y’uko tuvuga ngo umuyoboro mwiza ari ukozwe n’amabuye n’isima, hashobora kuba hateyemo ibiti, ibyatsi, ukaba ari umuyoboro usanzwe, kuburyo amazi nawugeramo atirukanka ajya mu kabande cyangwa hakubakwa imiyoboro imeze nka esikariye.”

Akomeza avuga ko imyuzure igomba kurwanywa ihereye imusozi kuko ariho amazi aturuka ntihibandwe cyane mu mibande.

Ati “Ntabwo twakwimura abantu bose batuye aho amazi aturuka, kimwe nk’uko tutakwimura ibikorwa biri aho amazi agana rero hakenewe kuvuga ngo tubikire umwanya amazi aho azajya, tunatekereza buryo ki y‘amazi y’imvura ajya mu butaka aho kugira ngo atembe.”

Ku bijyanye n’imyubakire, abantu bakaba bari bakwiye kubaka amazu yabo, bagashyiraho imireko iyobora amazi mu bigega byabugenewe, kugira ngo nanone amazi ataba menshi mu butaka agateza inkangu cyangwa agasenya amazu.
Habonimana nk’umushakashatsi mu bijyanye n’ibiza asanga, uburyo burambye bwo gukumira ibiza, hakwiye ubufatanye hagati y’inzego zifata ibyemezo na za kaminuza.