Ku Cyumweru tariki 19 Nyakanga 2020, ni bwo uyu muryango wa Ange I. Kagame na Bertrand Ndengeyingoma wibarutse umwana wabo w’imfura, nyuma y’umwaka bashyingiranywe.

Icyo gihe Perezida Paul Kagame yatangaje kuri twitter ko we n’umuryango banejejwe no kwitwa ba sogokuru na nyogokuru (Grandparents), kandi ko bishimiye kubona umwuzukuru.

Mu butumwa Ange Kagame yanyujije kuri twitter, na we yashimiye abantu bose baboherereje ubutumwa bubashimira, kandi agira ati "Tunejejwe no kwitwa ababyeyi b’aka kamalayika gato".

Ange Kagame na Bertrand Ndengeyingoma bashyingiwe muri Nyakanga umwaka ushize

Mu butumwa yanyujije kuri twitter, Perezida Kagame yagize ati “Kuva ejo hashize, tunejejwe no kugira umwuzukuru. Turabashimiye A&B (Ange na Bertrand)”.

Umuryango wa Perezida Kagame ubonye umwuzukuru nyuma y’igihe kigera ku mwaka umukobwa wa Perezida Kagame ari we Ange Kagame ashyingiranywe na Bertrand Ndengeyingoma.

Since yesterday we are very happily and 'officially' grand parents. Congratulations A&B!!
..:):):) What a joy!?

— Paul Kagame (@PaulKagame) July 20, 2020

Ange Kagame

Ubwo bukangurambaga bushishikariza abantu gukaraba neza intoki, kuko byagaragaye ko ari bumwe mu buryo bwizewe bwo gukumira ikwirakwizwa ry’icyorezo cya Coronavirus cyahawe izina rya COVID-19.

I am participating in the @WHO & @DrTedros #SafeHands challenge.

Thank you dad @PaulKagame. Challenge accepted!❤️

I now challenge @cakamanzi @Contact_Makeda @eliz_tanya @MariaSharapova @Zain_Verjee @SoniaRolland @GaelFaye @YKaritanyi @agnesbinagwaho. pic.twitter.com/gTD8e0sl9O

— Ange.I. Kagame (@AngeKagame) March 17, 2020

Ange Kagame ni umwe mu bo Perezida Paul Kagame yashishikarije kwitabira ubu bukangurambaga, ubwo tariki 15 Werurwe 2020 Perezida Kagame na we yatangazaga ko abushyigikiye.

I joined @WHO #SafeHands challenge. Handwashing is key to preventing the spread of #COVID19. I challenge President Kenyatta @StateHouseKenya, @Macky_Sall, @MagufuliJP, President Tshisekedi @Presidence_RDC, @CyrilRamaphosa, @BorisJohnson, @KGeorgieva to join in by sharing a video pic.twitter.com/udaVPCexCJ

— Paul Kagame (@PaulKagame) March 15, 2020

Mu bandi Perezida Kagame yahamagariye kwitabira ubu bukangurambaga, harimo Umunyamabanga Mukuru w’Umuryango w’Ibihugu bikoresha Ururimi rw’Igifaransa (OIF), Louise Mushikiwabo.

Mushikiwabo na we kuri uyu wa kabiri tariki 17 Werurwe 2020, abinyujije mu mashusho n’ubutumwa yashyize kuri Twitter, yagaragaje ko ashyigikiye ubwo bukangurambaga bwo gusukura neza intoki, mu rwego rwo kwirinda ndetse no gukumira icyorezo cya COVID-19.

Yagize ati “Nidushyira hamwe imbaraga, tugakurikiza amabwiriza duhabwa n’Ishami ry’Umuryango w’Abibumbye ryita ku buzima, nta kabuza tuzahagarika ikwirakwizwa rya COVID-19.”

Mushikiwabo yavuze ko gukaraba intoki bidakwiye gukorwa mu buryo bw’umuhango gusa, ahubwo ko ari ingenzi gukaraba neza intoki hagati y’amasegonda 40 n’amasegonda 60 hifashishijwe amazi n’isabune cyangwa imiti yabugenewe yifashishwa mu gukaraba intoki.

Ati “Ni ngombwa gukaraba neza impande zombi z’ikiganza haba imbere n’inyuma, hagati y’intoki no mu nzara.”

Ati “Ndabashishikariza gushyigikira ubu bukangurambaga, no gukurikiza amabwiriza y’Ishami ry’Umuryango w’Abibumbye ryita ku buzima (OMS).”

Je relève le #DéfiMainsSaines lancé par @DrTedros et par mon Président @PaulKagame, car c'est en joignant nos efforts et en suivant les recommandations de l'OMS, que nous freinerons la propagation du COVID 19. #SafeHandsChallenge#Francophonie @WHO pic.twitter.com/dlCvsbeRdE

— Louise Mushikiwabo (@LMushikiwabo) March 17, 2020

Louise Mushikiwabo yashimiye Umuyobozi mukuru w’Ishami ry’Umuryango w’Abibumbye ryita ku buzima, Dr. Tedros Adhanom Ghebreyesus, ashimira na Perezida w’u Rwanda Paul Kagame, bafashe iya mbere mu kwitabira ubu bukangurambaga bwo gusukura neza intoki, no kubikangurira abandi.

Ange Kagame yiyemeje gushyigikira ubu bukangurambaga bw’uruhererekane burimo gukorwa binyuze cyane cyane kuri Twitter, nyuma y’uko uwitwa Gaëlle yari amaze kwemera gutanga udupaki 50, na we agasaba abandi bantu batandukanye barimo na Ange Kagame kwitabira ubu bukangurambaga.

Merci Gaelle. I accept the challenge. I pledge 80 sanitary pads to @Imatter_Period. I challenge @BeliseKariza @NatButera @raissagak @LNtayombya @oruzibiza @InzukiDesigns. https://t.co/jMvMxMf2Fz

— Ange.I. Kagame (@AngeKagame) January 28, 2020

Ange Kagame na we ntiyagarukiye aho, ahubwo yahamagariye abandi bantu batandukanye barimo n’umubyeyi we, Madamu Jeannette Kagame, kudacikanwa n’iki gikorwa.

I’d also like to challenge my mummy @FirstLadyRwanda 😊 https://t.co/C9yfLO3HTA

— Ange.I. Kagame (@AngeKagame) January 29, 2020

Umubyeyi we na we ntiyatinze kumusubiza, kuko abinyujije kuri Twitter yahise yemera gutanga udupaki ijana buri kwezi mu gihe cy’umwaka, na we asaba abayobozi mu muryango Imbuto Foundation na Unity Club gushyigikira ubu bukangurambaga.

Thank you Ange! I commit 100 packs per month, for one year to the @Imatter_period and challenge @Imbuto board members and @UnityClub. -JK

— First Lady of Rwanda (@FirstLadyRwanda) January 29, 2020

Ubu bukangurambaga burimo gukorwa hifashishijwe Hashtag zitandukanye nka #EndPeriodShame, #EndPeriodpoverty , @Imatter_Period , #IMatter2020 , #EndPeriodShame , #Freetheperiod , n’izindi.

Uwemeye gushyigikira ubu bukangurambaga yandika umubare w’udupaki tw’ibyo bikoresho by’isuku atanze ubundi agahamagarira abandi bantu ko bakwifatanya na we mu guhashya ubukene butuma abana b’abakobwa batiga neza bitewe no kubura ibyo bikoresho.

Ambasaderi Nduhungirehe Olivier abinyujije kuri Twitter, na we yagaragaje ko ashyigikiye ubu bukangurambaga, atangaza ko yiyemeje gutanga udupaki 100 tw’impapuro z’isuku zikorerwa mu Rwanda zitwa Tamu, ahamagarira umunyamideli Mbabazi Shadia, abenshi bazi nka ShadyBoo kwitabira ubwo bukangurambaga.

Challenge accepted. I have just donated 100 #MadeInRwanda @Tamu_Pads to young girls from 12YBE and call on @_shaddyboo to join the cause.#FreeThePeriod https://t.co/1fLiou8ebD

— Amb. Olivier J.P. Nduhungirehe (@onduhungirehe) January 29, 2020

Umwana w’umukobwa akenera gukoresha nibura udupaki 3 cyangwa 4 ku gihembwe kandi agapaki kamwe kagura amafaranga y’u Rwanda magana atandatu (600frw) kuzamura.

Inkuru bijyanye:

Nduhungirehe yasabye Shadyboo gutanga impapuro z’isuku muri #FreeThePeriod

Perezida Kagame n’umuryango we mu bukwe bw’umukobwa we, Ange Kagame. Buri wese uri muri iyi foto yiyemeje gutanga Telefoni zigezweho muri gahunda ya #ConnectRwanda Challenge

Umukuru w’Igihugu watangije iyo gahunda ku wa gatandatu tariki 21 Ukuboza, yahize ko azatanga telefoni zigera ku 1.500 zo mu bwoko bwa ‘Mara smartphones’.

Nyuma mu ijoro ryo kuri iyo tariki yanditse ku rubuga rwe rwa twitter ko yasabye abagize umuryango we kwinjira muri iyo gahunda kandi bakaba babyemeye.

Yagize ati “Ndashimira umuryango wanjye ko bemeye kugira uruhare muri gahunda ya ‘ConnectRwanda’ bakaba bitanze telefoni ‘MaraPhones’, Jeannette yatanze 27, naho abana banjye Ivan: 23, Ange Kagame &Bertrand: 15, Ian: 15, Brian (mu mafaranga azigama ayakuye mu kwimenyereza umwuga ‘internship’):5, Umwisengeneza wa Jeannette witwa Nana ukiga muri kaminuza azatanga :3,”

Madamu Jeannette Kagame mu bushobozi bwe, yatanze telefoni 27 mu gihe umuryango ahagarariye wa “Imbuto Foundation”, wo witanze telefoni 100 za ‘Mara Phones’.

Ange Kagame yari yabanje kwitanga telefoni 10 za ‘Mara Phones’avuga ko yifuza ko zazahabwa abafite ubumuga binyuze mu Nama y’Igihugu y’Abafite ubumuga (National Council for Persons with Disabilities), kugira ngo na bo bajye babona serivisi mu buryo bworoshye.

Nk’uko bitangazwa na MTN Rwanda na Minisiteri y’Ikoranabuhanga batangije iyo gahunda, bavugaga ko kugeza ku itariki 23 Ukuboza 2019, abantu n’ibigo bitandukanye bari bamaze kwemera gutanga telefoni zirenga 24.000, ariko imibare Kigali Today yakoze mu gitondo cyo kuri uyu wa kabiri, yabonye ko telefoni zimaze kurenga 26.000.

Mitwa Kaemba Ng’ambi, umuyobozi mukuru wa MTN Rwanda na Minisitiri w’Ikoranabuhanga na Inovasiyo Ingabire Paula batangaje ko gutanga telefoni zakorewe mu Rwanda bitari ihame, ni ukuvuga ko n’izindi zemewe.

Kuri Twitter ye, Ingabire Paula yagize ati “Iyo utanze telefoni zakorewe mu Rwanda, uba ufashije zimwe mu ngo z’Abanyarwanda kwinjira mu ikoranabuhanga kandi unashyigikiye gahunda ya ‘Made in Rwanda’ icyarimwe ” .

Umuntu akoze impuzandengo ya telefoni zimaze gutangwa kuva iyo gahunda itangiye mu mpera z’icyumweru gishize, asanga hatangwa telefoni zigera ku 8.000 ku munsi. Bikomeje bityo, mu minsi 45 hazaba hamaze gutangwa telefoni 360.000 .

Perezida Kagame yavuze ko iyo gahunda yo gufasha zimwe mu ngo z’Abanyarwanda zikennye gutunga ‘smart phone’ ikorwa ku bushake, ko nta muntu ukwiye guhatirwa gutanga.

MTN Rwanda na Minisiteri y’Ikoranabuhanga na Inovasiyo ni byo bigo biyoboye mu kuba byaratanze telefoni nyinshi.

MTN Rwanda izatanga telefoni 1.100 igerekeho na simukadi iriho interineti ya ‘1GB’ izajya itangwa buri kwezi mu gihe cy’amezi atatu. Hazajya habaho ubufatanye n’inzego z’ibanze kugira ngo hamenyekane abakwiye guhabwa izo telefoni.

Ange Kagame umukobwa rukumbi wa Perezida Paul Kagame yasabwe tariki 28 Ukuboza 2018, umuhango wo gushyingirwa uba kuri uyu wa gatandatu, ibirori byabereye muri Kigali Convention Center.

“I have found the one whom my soul loves”– Songs of Solomon 3:4💍❤️ 📸: @chris_schwagga pic.twitter.com/IEoyc42uMq

— Ange.I. Kagame (@AngeKagame) July 7, 2019

Mu butumwa bugaragara ku rubuga rwe rwa twitter, Madame Ange Kagame yifashishije amagambo agaragara muri Bibiliya, mu gitabo cy’Indirimbo ya Salomoni igice cya 3 umurongo wa 4 agira ati “Nabonye uwo umutima wanjye ukunda”.

Amafoto

Ange Kagame Asanga abakobwa bakwiye kubazwa mu Kinyarwanda gusa cyane ko aricyo bisanzuyemo

Abinyujije ku rukuta rwe rwa Twitter, Ange Kagame yagize ati “Kuvuga mu kinyarwanda byaba bihagije. Mu irushanwa rya Miss Universe baba bafite abasemuzi, basobanurira abatavuga icyongereza, wakongeraho ibibazo ubwabyo bibajijwe mu cyongereza cya ntacyo”.

Yagumye agaragaza ko umukobwa ubajijwe akavuga mu Kinyarwanda gusa, agaragara nk’uciye bugufi utazabasha kwisobanura mu ndimi zitari iz’amahanga, kuburyo hari abo byaviragamo kubazwa inshuro eshatu cyangwa enye.

Ubutumwa Ange Kagame anyujije ku rukuta rwe rwa twitter

Speaking Kinyarwanda should suffice. Miss Universe pageants have translators for the contestants that don’t speak English. PLUS, the questions themselves are poorly worded in poor english. 😞

— Ange.I. Kagame (@AngeKagame) January 26, 2019

Benshi mu bamukurikira kuri Twitter, bahise bavuga ko nabo batumva uburyo umukobwa utazaba Miss w’ubwongereza cyangwa Miss wa Amerika ashobora gusuzugurirwa ko ananiwe kwisobanura mu ndimi z’amahanga kandi ibyo yabajijwe mu Kinyarwanda yabisubije neza.

Uwitwa Olive Musoni nawe wakurikiraga iki kiganiro kuri Twitter, yavuze ko guheranwa n’indimi muri iri rushanwa ari ikimenyetso cy’ubukoroni mu irushanwa, ahita agira ati “Ibi bigaragaza ukuntu tugikoronijwe mu bwonko kandi ubukoroni bw’ubwonko burica”.

Mu gihe gito cyane, abakurikira Ange Kagame kuri Twitter, banditse ibitekerezo byinshi bigaragaza ko kuvuga icyongereza neza bitagombye kuba igipimo cy’ubwenge bw’umuntu runaka.

Mu gice cya mbere cy’ibazwa muri Miss Rwanda 2019, buri mukobwa wese yari ategetswe gusubiza ikibazo kimwe cy’ikinyarwanda n’ikibazo cy’icyongereza, naho batanu bakomeje mu kindi kiciro cyo gutorwamo Miss, byari itegeko gusobanura umushinga wabo mu rurimi rw’icyongereza.

Abinyujije ku rubuga rwe rwa Twitter, yashimiye Ange Kagame wamufashije amuha amadolari 1500 yo kwivuza kanseri, agira ati “Ndashimira buri wese. Nshatse naba ntangira gufunga ibikapu. Imana yakoze ibitangaza. Ndashimira by’umwihariko Ange Kagame. Imigisha myinshi.”

Umunyamakuru Edmund Kagire urwaye kanseri y’umwijima.

Mu kiganiro yagiranye na Kigali Today, Kagire ugiye kwivuza indwara ya kanseri yo mu mwijima yaniyemeje kuzatangiza umushinga wo gutabariza abafite uburwayi bwa kanseri namara gukira.

Avuga ko azabikora mu rwego rwo gushimira umuryango Nyarwanda uri kumufasha kugira ngo abone ubufasha bwo kwivuza kandi akaba afite ikizere ko amafaranga asabwa azaboneka akerekeza mu Buhinde kwivuza mu cyumweru gitaha.

Ange Kagame ntiyatewe isoni zo kugaragaza ko atewe ishema ryo gufasha Kagire.

Yagize ati “Muganga yambwiye ngo nze, ngo kuko kwa muganga hariya ntabwo bigombera ko umuntu yishyurira rimwe amafaranga yose. Namaze kubona ayavamo itike n’ibindi by’ibanze kuburyo ubu ikintindije ni ukubona viza gusa.”

Edmund Kagire kandi yakomeje ashimira abantu hirya no hino bakomeje kumwereka ko bari kumwe, anashimira abagiye bishyira hamwe mu kumufasha gukusanya inkunga yo kumufasha kwivuza.

Ange Kagame asanzwe agaragara mu bikorwa by’urukundo.

Ibikorwa byo kumufasha biracyakomeje, kumunsi w’ejo tariki 18 Nzeri 2015 muri Masters kuri MTN Center Nyarutarama hari igitaramo cyo gukusanya inkunga kizatangira ku isaha ya saa moya z’ijoro kugeza bukeye.

Ku cyumweru tariki 20 Nzeri 2015 muri KClub guhera saa kumi z’umugoroba aho hose kwinjira bizaba ari amafaranga y’u Rwanda ibihumbi 10, buri muntu muri buri gitaramo. Hazaba hari abahanzi batandukanye n’abandi bantu bazaba baje kwifatanya nawe.

Marie Clemence CYIZA UWIMANIMPAYE