Bamwe mu bagabye igitero bahasize ubuzima bamburwa na zimwe mu ntwaro bari bitwaje

Impamvu ni uko ngo bizeye Ingabo z’u Rwanda zabarinze ntihagire n’umwe uhitanwa n’abateye uwo mudugudu, kandi ngo na bo biyemeje kuzifasha.

Umwe muri bo agira ati “Twumva amasasu n’amabombe ku wa Gatanu ushyira uwa Gatandatu tariki 27 Kamena 2020, twakutse umutima ariko tuguma mu mazu nk’uko twabihawemo amabwiriza, mu rwego rwo korohereza ingabo z’u Rwanda guhangana n’umwanzi nta muturage uguyemo. Ku cyumweru nabwo twararanye ubwoba, ariko ubu bwashize.”

Akomeza agira ati “Hari umuturage umwe bandikiye bamubwira ko bazagaruka, ariko ubu twibereye mu bikorwa byacu, nta kuvuga ngo biriya byaduca intege. Oya! Erega turi kumwe n’ingabo!”

Mugenzi we na we ati “Amarondo arakomeza kurarwa uko yararwaga, ndetse twaranayongereye, twitaye ku hantu umwanzi ashobora kunyura. Ariko abantu baratuje, ni ibisanzwe nk’uko byari byifashe bataratera.”

Hari n’umuhinzi igisasu cyasamburiye inzu ho agace gatoya uvuga ko urebye imirwano yabereye mu mirima ye, abarwana bakamwangiriza imyaka ku buryo ntacyo azasarura, ariko na none ngo haguma ubuzima.

Ati “Nari mfite ingano z’intangarugero ku butaka bungana na Are nka 50. Urebye abari bateye ni zo bihishemo, banyuzemo bakurura inda hasi barazinyukanyuka, hasigara agace gatoya cyane. Imirima y’ibigori na yo bayinyuzemo barabinyukanyuka, ibisigaye biribwa n’inka zari zamennye zumvise amasasu. Ariko kuva ubuzima bwanjye bwararokotse, nta kibazo.”

Ubundi ibitero byo mu ijoro ryo ku wa Gatanu rishyira uwa Gatandatu tariki 27 Kamena 2020, byahitanye ubuzima bw’abantu bane mu bari bateye u Rwanda babarirwa mu ijana, naho batatu muri bo bafatwa mpiri. Ku ruhande rw’u Rwanda ho hakomeretse batatu bidakabije, nk’uko Umuvugizi w’ingabo z’u rwanda yabitangaje bikimara kuba.

U Rwanda rwatangaje ko abagabye icyo gitero baturutse i Burundi bakaba ari na ho basubiye, ariko u Burundi bwo buhakana buvuga ko butateye mu Rwanda.

Mu gushaka kumenya amaherezo y’abishwe muri icyo gitero, Umuyobozi w’Akarere ka Nyaruguru, François Habitegeko, yabwiye Kigali Today ko bashyinguwe, kandi ko aho bashyinguwe hazwi, ku buryo uwashaka imirambo yabo yazayibona.

Naho abafashwe mpiri bo, ngo uko bazafatwa hazakurikizwa amategeko mpuzamahanga agenga imfungwa z’intambara, nk’uko bivugwa n’umuvugizi w’ingabo z’u Rwanda, Lt. Col. Innocent Munyengango.

Ati “Imfungwa zifasha mu iperereza, ariko byaba na ngombwa zigashyirwa imbere y’ubutabera.”

Gukaraba intoki ni bumwe mu buryo bwo gukumira ikwirakwira rya COVID-19

Yabitangaje ku wa Kabiri tariki 30 Kamena 2020 ubwo abagize Guverinoma nshya mu Burundi barahiraga.

Yatangaje izo ngamba nshya zo kurwanya COVID-19 mu gihe u Burundi bwakunze kunengwa n’amahanga ndetse n’imiryango mpuzamahanga ko budashyira ingufu mu kurwanya icyo cyorezo gihangayikishije isi yose.

Perezida mushya w’u Burundi yavuze ko mu rwego rwo kongera isuku, igiciro cy’isabune kigiye kugabanukaho 50% hagamijwe korohereza abaturage kuyibona.

Yabwiye abakora isabune n’abazicuruza ko badakwiye kugira impungenge kuko icyo gice kindi cy’igiciro cy’isabune Leta ari yo izacyishyura.

Yavuze kandi ko mu mijyi mikuru y’Intara, Leta igiye kugabanya igiciro cy’amazi kugeza igihe bizagaragara ko icyo cyorezo kitakigaragara mu Burundi

Perezida mushya w’u Burundi, Evariste Ndayishimiye, yumvikanisha ko ashaka kuzana impinduka mu Burundi

Mu zindi ngamba yavuze ni uko mu ntara zose z’u Burundi hagiye gushyirwaho uburyo bwo gupima icyorezo cya COVID-19, kandi ko hagiye kubaho igikorwa cyagutse cyo gupima abaturage bose cyane cyane ahantu bikekwa ko haba haramaze kugaragara icyo cyorezo.

Ati “Uzanga kujya kwipimisha na we azaba agaragaza ko arimo afatanya n’icyo cyorezo mu kwanduza abantu. Murumva ko uwo ntaho azaba ataniye n’umurozi, kandi umurozi asanzwe afatirwa ibihano bikomeye.”

Yongeyeho ati “Mumenye ko Coronavirus ari umwanzi urimo kuduhungabanya, muve hasi turwanye icyo cyorezo. Twese tuzirikane ko Coronavirus ari icyorezo cyandura cyane ndetse kikica umuntu ugisuzuguye.”

Abandi yaburiye ni abarya ruswa, abamenyesha ko mu bihe byashize bakunze gukingirwa ikibaba n’abashinzwe kuyirwanya babatinyaga, ariko ko ubu batazihanganirwa.

Yabivuze mu ijambo yagejeje ku bitabiriye umuhango wo guherekeza Pierre Nkurunziza witabye Imana mu byumweru bibiri bishize.

Ni umuhango wabereye muri sitade Ingoma y’i Gitega, ukaba witabiriwe n’abantu babarirwa mu bihumbi biganjemo abambaye imyenda yera.

Perezida Ndayishimiye yavuze ko “we n’Abarundi bazakomeza gukurikiza umurage wo gukunda igihugu basigiwe na Perezida Nkurunziza, nk’uko na we yabikoze agera ikirenge mu cy’abamubanjirije”

Yagize ati “Ntituzagutererana, tuzakomeza kugera ikirenge mu cyawe nk’uko nawe wageze ikirenge mu cy’abatuboneye izuba nka Ntare Rushatsi, Mwezi Gisabo, Rwagasore, Ndadaye, n’izindi mfura z’u Burundi”.

Umurambo wa Nkurunziza wavanywe mu bitaro urinzwe cyane

Denise Nkurunziza, umufasha wa Perezida Nkurunziza yavuze ko umugabo we aherekejwe n’imirimo myiza yakoze. Denise Nkurunziza yasubiyemo amagambo yavuzwe na Nkurunziza ubwe, avuga ko “ikibi atari ugupfa ahubwo ari ugupfira igihugu nabi, umuryango ukawupfira nabi".

Yagize ati “Nimureke dushime Imana kuko agiye atigeze aduhemukira kandi ntiyahemukiye n’igihugu, iyo aba yarahemutse tuba dufite ipfunwe ariko turi hano tudafite ipfunwe kuko arangije (urugendo rwe) amahoro"

Yashimangiye ko Perezida Nkurunziza yakoze ibikorwa byinshi bimuherekeje ku buryo yanagize urupfu rw’amahoro.

Uretse Abarundi babarirwa mu bihumbi bitabiriye umuhango wo gusezera kuri Pierre Nkurunziza, kumusezera byanitabiriwe na Minisitiri w’intebe wa Tanzania, Kassim Majaliwa ndetse na Madamu wa Perezida wa Zambia.

Denise Nkurunziza yashimangiye ko Pierre Nkurunziza aherekejwe n’imirimo myiza yakoze

Minisitiri w’Intebe wa Tanzania yakomoje ku bikorwa byakozwe na Perezida Nkurunziza avuga ko muri byo harimo kubanisha u Burundi na Tanzania, anavuga ko bibabaje kuba agiye atagejeje u Burundi mu Muryango w’Ubukungu w’Ibihugu bya Afurika y’Amajyepfo (SADC) kandi yari yarabisabye.

Yijeje Perezida Ndayishimiye ko Tanzania izamufasha kugira ngo u Burundi bwemerwe muri uwo muryango.

Nyuma y’imihango yo gusezera bwa nyuma Pierre Nkurunziza, umurambo we urashyingurwa mu irimbi ryihariye rimaze iminsi mike n’ubu rikaba ricyubakwa i Gitega.

Kumusezeraho byitabiriwe n’abantu babarirwa mu bihumbi

Ibihugu by’u Rwanda, Kenya, Tanzania na Uganda byari byifatanyije n’u Burundi mu kababaro byururutsa amabendera yabyo kugeza muri kimwe cya kabiri, akaza kongera kuzamurwa Perezida Nkurunziza amaze gushyingurwa.

Pierre Nkurunziza

Pierre Nkurunziza yitabye Imana tariki 08 Kamena 2020 azize urupfu rutunguranye, nk’uko itangazo Guverinoma y’u Burundi yasohoye icyo gihe ribivuga.

Byari biteganyijwe ko azava mu biro bye muri Kanama 2020 agasimburwa na mugenzi we Evariste Ndayishimiye watsinze amatora yabaye tariki 20 Gicurasi 2020.

Icyakora Nkurunziza yagombaga guhabwa umwanya w’umuyobozi w’ikirenga aho yari kujya ahabwa akayabo k’amafaranga ndetse n’ibindi yakenera.

BBC yatangaje ko mu myaka ya nyuma Nkurunziza yagaragaye mu bikorwa by’amasengesho no kubwiriza kurusha ibikorwa bya politiki.

Ikindi ni uko yigeze kumara imyaka 8 mu nyeshyamba mbere y’uko asinya amasezerano y’amahoro agahita agirwa perezida muri 2005, ayo masezerano y’amahoro akaba yarasoje intambara y’ubushyamirane yari imaze imyaka 10.

Ubwo bashakaga kumukura ku butegetsi ntibikunde muri 2015, habayeho imvururu abantu bamwe baricwa, abandi barenga ibihumbi 200 barahunga.

Mu rwego rwo kwifatanya na Guverinoma n’Abavandimwe b’Igihugu cy’abaturanyi cy’u Burundi mu kunamira uwari Umukuru w’icyo gihugu, Perezida wa Repubulika y’u Rwanda, Paul Kagame, yategetse ko Ibendera ry’u Rwanda n’iry’Umuryango wa Afurika y’Iburasirazuba, ari mu Rwanda, yururutswa kugeza hagati, guhera ku wa Gatandatu tariki 13 Kamena 2020 kugeza igihe Pierre Nkurunziza azashyingurirwa.

Iri tangazo ryaturutse mu Biro bya Minisitiri w’Intebe w’u Rwanda ryagiraga riti “Dukomeje kwifatanya n’Abarundi bose n’Umuryango wa Nyakwigendera muri iki gihe cy’Akababaro.”

Usibye u Rwanda, ibindi bihugu byo mu Muryango wa Afurika y’Iburasirazuba (EAC) na byo byagaragaje ko byifatanyije n’u Burundi mu kababaro.

Mbere y’uko arahira habanje kuba isengesho ryo kumusabira.

Musenyeri wa Diyosezi ya Gitega Simon Ntamwana yamusabye gukora ibishoboka byose kugira ngo acyure impunzi, kandi yongere afungure amarembo kugira ngo hongere habeho imigenderanire n’ubuhahirane hagati y’u Burundi n’ibihugu by’amahanga.

Yasubiyemo indahiro iteganywa n’ingingo ya 107 y’itegeko nshinga ry’u Burundi, avuga ko atazatezuka ku masezerano y’ubumwe bw’Abarundi, ku itegeko nshinga rya Repubulika y’u Burundi n’andi mategeko, kandi ko azaharanira ineza y’Abarundi n’u Burundi akubahiriza ubumwe bw’Abarundi, amahoro n’ubutabera kuri bose.

Evariste Ndayishimiye yarahiriye kuyobora u Burundi

Yanarahiriye kurwanya ibitekerezo by’ivanguramoko no guharanira uburenganzira bwa muntu.

Abarundi babarirwa mu bihumbi bambaye amashati y’ibitenge bitabiriye umuhango w’irahira rye.

Abaturage bambaye amashati y’ibitenge bitabiriye umuhango w’irahira

Nta bakuru b’ibihugu by’amahanga cyangwa abandi bayobozi bavuye hanze y’u Burundi benshi bitabiriye uwo muhango kubera icyorezo cya Covid-19, icyakora byitabiriwe n’abayobozi batandukanye bahagarariye ibihugu byabo mu Burundi.

Mu babyitabiriye bavuye hanze y’u Burundi harimo visi Perezida wa Tanzania Samia Suluhu na Jakaya Mrisho Kikwete wahoze ari Perezida wa Tanzania. Hari kandi abaminisitiri b’ububanyi n’amahanga b’ibihugu bya Guinée Equatoriale na Congo Brazaville ndetse n’intumwa ya Perezida wa Misiri.

Amafoto yafashwe muri ibyo birori agaragaza abantu bamwe batambaye udupfukamunwa bicaye mu myanya y’icyubahiro, mu gihe hari abakomeje kwikanga icyorezo cya Covid-19 bakeka ko bashobora kwandurira muri ibyo birori.

Umuhango w’irahira rye witabiriwe na Visi Perezida wa Tanzania Samia Suluhu (wicaye imbere hagati) na Jakaya Kikwete (wambaye karuvati) wahoze ayobora Tanzania

Stade yabereyemo irahira rya Perezida Gen. Ndayishimiye

Amafoto: Ntare House

Perezida Ndayishimiye, agiye ku butegetsi mu gihe mu Burundi havugwa ibibazo byo gicikamo ibice mu baturage, ubukene, ibi byiyongeraho icyorezo cya Covid-19.

Evariste Ndayishimiye w’imyaka 52 y’amavuko, ararahirira i Gitega kuri Stade ya Ingoma, saa sita z’amanywa, mu buryo budasanzwe mu rwego rwo kwirinda Covid-19 ku bari buwitabire. Abaturage basabwe kuhagera kare kugira ngo bakarabe intoki ndetse bapimwe n’umuriro.

Abanyacyubahiro bahagarariye ibihugu byabo mu Burundi batumiwe muri uwo muhango, naho Perezida Félix Tshisekedi wa Congo Kinshasa biteganyijwe ko ari we mukuru w’igihugu wenyine uza kwitabira uwo muhango aturutse hanze y’u Burundi.

Perezida mushya Evariste Ndayishimiye asimbuye Pierre Nkurunziza w’imyaka 55, wari umaze imyaka 15 ku butegetsi. Yitabye Imana tariki ya 08 Kamena 2020 azize indwara y’umutima nk’uko byatangajwe na Leta y’u Burundi.

Urukiko rushinzwe kurinda Itegeko Nshinga rwafashe icyemezo cy’uko Evariste Ndayishimiye ahita arahira hatagiyeho Leta y’inzibacyuho. Ishyaka CNDD-FDD riri ku butegetsi ryiyemeje kugarura mu murongo mwiza igihugu cyaranzwe n’intambara n’ubwicanyi, bwahitanye abagera ku bihumbi 300 mu myaka 27 gusa.

Perezida Evariste Ndayishimiye, wari unashyigikiwe n’uwo yasimbuye Pierre Nkurunziza baturuka mu ishyaka rimwe, yiyemeje gukomereza aho mugenzi we yari agejeje. Gusa benshi bategereje kureba niba hari impinduka azakora cyane cyane nko mu kugarura umubano mwiza w’u Burundi n’ibindi bihugu ndetse n’imiryango mpuzamahanga, no kumvikanisha Abarundi, abahunze ubutegetsi bwa Nkurunziza bakaba bataha.

Evariste Ndayishimiye ashobora kurahira ku wakane

Umuvugizi wa Guverinoma y’u Burundi ntiyemeje cyangwa ngo ahakane ayo makuru, ahubwo asubiza umunyamakuru wambubajije kuri iyi ngingo, yagize ati “ufite amakuru”.

Umwe mu banyamakuru bari mu Burundi yabwiye BBC ko bamenyeshejwe ko bakwitegura uwo munsi w’irahira rya Evariste Ndayishimiye uzabera mu murwa mukuru wa Politiki mu Ntara ya Gitega.

Ku wa Gatanu w’icyumweru gishize, Urukiko rushinzwe kurinda Itegeko Nshinga mu Burundi rwanzuye ko igihe cy’inzibacyuho kidakenewe, nyuma y’urupfu rwa Perezida Pierre Nkurunziza, rwemeza ko uwatorewe kumusimbura yarahira vuba bishoboka.

Ku wa Gatandatu w’icyumweru gishize, Evariste Ndayishimiye yavuze ko Pierre Nkurunziza agiye gusimbura “yamuteguye bihagije, ndetse yamweretse ibyo yari akeneye kumenya byose”.

BBC yabonye ubutumwa bivugwa ko ari ubw’abakuru b’ishyaka riri ku butegetsi CNDD-FDD, butumira abo muri iryo shyaka ku nzego z’amakomini kuzajya muri uwo muhango bambaye imyenda iranga iri shyaka.

Ndayishimiye w’imyaka 52 ugiye kurahirira kuyobora u Burundi ni Umunyamabanga Mukuru w’ishyaka CNDD-FDD kuva mu 2016, umwanya yasimbuyeho Pascal Nyabenda kuri ubu uyoboye inteko ishinga amategeko.

Kuva muri 2006 yagizwe Minisitiri w’Ubutegetsi bw’Igihugu, nyuma agirwa umujyanama mu bya gisirikare wa Perezida Pierre Nkurunziza.

Perezida wa Repubulika y’u Rwanda, Nyakubahwa Paul Kagame, yategetse ko Ibendera ry’u Rwanda n’iry’Umuryango wa Afurika y’Iburasirazuba , ari mu Rwanda , yururutswa kugeza hagati, uhereye kuri uyu wa Gatandatu tariki 13 Kamena 2020 kugeza igihe Nyakwigendera Perezida Petero Nkurunziza azashyingurirwa.

Itangazo ryaturutse mu Biro bya Minisitiri w’Intebe w’u Rwanda riragira riti “Dukomeje kwifatanya n’Abarundi bose n’Umuryango wa Nyakwigendera muri iki gihe cy’Akababaro.”

Perezida Pierre Nkurunziza yitabye Imana tariki 08 Kamena 2020 azize urupfu rutunguranye, nk’uko itangazo Guverinoma y’u Burundi yasohoye icyo gihe ribivuga.

Icyo gihe mu Burundi hahise hashyirwaho icyunamo cy’iminsi irindwi, ibendera ry’Igihugu rirururutswa kugera hagati, imihango yo kumuherekeza na yo ikaba yarahise itangira gutegurwa. Icyakora itariki yo kumushyingura ntiratangazwa.

Urukiko rushinzwe kurinda itegeko nshinga mu Burundi, ku wa Gatanu tariki 12 Kamena 2020, rwememeje ko Evariste Ndayishimiye arahira vuba, agasimbura Pierre Nkurunziza wari usigaje amezi abiri ku butegetsi.

Icyakora itariki Ndayishimiye azarahiriraho ntiyahise itangazwa.

Urwo rukiko rwasanze nta nzibacyuho igomba kubaho mu Burundi, ahubwo rwemeza ko Général-Major Evariste Ndayishimiye uherutse gutorerwa kuyobora u Burundi arahira vuba agasimbura Nkurunziza.

Evariste Ndayishimiye yatorewe kuyobora u Burundi mu matora yabaye tariki 20 Gicurasi 2020, bikaba byari biteganyijwe ko azarahira mu kwa munani ubwo Nkurunziza yari kuzaba arangije manda ye.

Icyakora urupfu rutunguranye rwa Perezida Pierre Nkurunziza rwabaye ku wa mbere tariki 08 Kamena 2020, rwatumye urwo rukiko rubona ko hari icyuho mu buyobozi bukuru bw’igihugu, rufata uwo mwanzuro wo gushaka usimbura Nkurunziza mbere y’igihe cyari giteganyijwe.

Usibye u Rwanda, ibindi bihugu byo mu Muryango wa Afurika y’Iburasirazuba (EAC) na byo byagaragaje ko byifatanyije n’u Burundi mu kababaro.

Flags at the #EAC HQ fly at half-mast as the region mourns the passing on of H.E. Nkurunziza. His untimely death is a loss not just to the Republic of #Burundi but also to the entire Community. #RIPNkurunzinza pic.twitter.com/wdbdjXfK0H

— East African Community (@jumuiya) June 10, 2020

Urwo rukiko rwasanze nta nzibacyuho igomba kubaho mu Burundi, ahubwo rwemeza ko Général-Major Evariste Ndayishimiye uherutse gutorerwa kuyobora u Burundi arahira vuba agasimbura Pierre Nkurunziza.

Evariste Ndayishimiye yatorewe kuyobora u Burundi mu matora yabaye tariki 20 Gicurasi 2020, bikaba byari biteganyijwe ko azarahira mu kwa munani ubwo Nkurunziza yari kuzaba arangije manda ye.

Icyakora urupfu rutunguranye rwa Perezida Pierre Nkurunziza rwabaye ku wa mbere tariki 08 Kamena 2020, rwatumye urwo rukiko rubona ko hari icyuho mu buyobozi bukuru bw’igihugu, rufata uwo mwanzuro wo gushaka usimbura Nkurunziza mbere y’igihe cyari giteganyijwe.

Mu Burundi hashyizweho iminsi irindwi yo kunamira Nkurunziza (Ifoto: AFP)

Nkurunziza witabye Imana afite imyaka 55 y’amavuko, mu kwezi kwa munani k’uyu mwaka wa 2020 nibwo yagombaga guhererekanya ubutegetsi na Gen Maj Evariste Ndayishimiye watsinze amatora, ariko mu ntangiriro z’iki cyumweru yitabye Imana biturutse ku guhagarara k’umutima nk’uko Guverinoma y’u Burundi yabitangaje.

Inama idasanzwe y’abaminisitiri yateranye kuri uyu wa kane iyobowe na Visi Perezida wa mbere, Gaston Sindimwo, ikaba igamije kuganira ku hazaza h’u Burundi muri ayo mezi abiri Pierre Nkurunziza yari asigaje ngo asoze manda ye.

Mbere y’uko iyo nama y’abaminisitiri idasanzwe iterana, umuvugizi wa Guverinoma y’u Burundi Prosper Ntahorwamiye yari yabwiye ishami rya BBC rikorera mu karere k’ibiyaga bigari (BBC Great Lakes) ko bakiri kwiyambaza urukiko rushinzwe kurengera itegeko nshinga mu kureba ugomba gusimbura Pierre Nkurunziza, avuga ko bizafata iminsi mike.

Nubwo hataramenyekana ugomba gusimbura Pierre Nkurunziza ku buyobozi bw’igihugu, itegeko nshinga ry’u Burundi mu ngingo yaryo ya 121 rivuga ko iyo umukuru w’igihugu yitabye Imana cyangwa akagira ibindi bibazo bituma adashobora gukomeza kuyobora, asimburwa na Perezida w’inteko ishinga amategeko akayobora inzibacyuho, ku buryo Pascal Nyabenda uyiyoboye kuri ubu ari we wagombye kumusimbura.

Pierre Nkurunziza yiteguraga guhererekanya ubutegetsi na Gen Major Evariste Ndayishimiye mu kwezi kwa munani, ku buryo hari abibaza niba kumuha ubutegetsi bizakorwa mbere y’igihe cyari giteganyijwe ngo hataba icyuho mu gihugu.

Ibiro ntaramakuru by’Abafaransa AFP byatangaje ko byahawe amakuru n’umuyobozi utashatse gutangazwa amazina avuga ko abaminisitiri atari bo bazagena ugomba kuyobora, ahubwo bizagenwa n’akanama gashinzwe kwita ku bibazo bidasanzwe gakorera mu biro bya Perezida.

“Mu by’ukuri, ntabwo ari inama y’abaminisitiri izafata icyemezo ku kigomba gukorwa...ibintu byose byamaze gufatwaho umwanzuro n’ako kanama gakorera mu biro bya Perezida” niko uwo muyobozi utavuzwe amazina yabwiye AFP.

Ako kanama ngo kagizwe n’abasirikari b’abajenerali bafite ijambo rinini mu butegetsi bw’u Burundi.

Mu butumwa yanyujije kuri twitter, Perezida Kagame yagize ati “Mu izina rya Guverinoma n’iryanjye bwite, nohereje ubutumwa bwacu bwihaganisha Leta n’Abaturage b’u Burundi ku bw’urupfu rwa Perezida Nkurunziza. Ubu butumwa kandi bugenewe umuryango wa Perezida. Imana ibahe umugisha”.

Amakuru y’urupfu rwa Pierre Nkurunziza wari Perezida w’u Burundi yatangajwe na Guverinoma y’iki gihugu ku mugoroba wo ku wa kabiri tariki 09 kamena 2020, bivugwa ko yagize ikibazo cyo guhagarara k’umutima.

Yari asigaje amezi abiri n’igice, agaha ubuyobozi Gen Maj. Ndayishimiye Evariste babanaga mu ishyaka rya CNDD-FDD, watorewe kuyobora u Burundi mu matora yaherukaga kuba tariki ya 20 Gicurasi 2020.

Uretse perezida Kagame, hari n’abandi bayobozi bakomeye hirya no hino ku isi bagiye bohereza ubutumwa bwo kwihanganisha abaturage b’u Burundi ndetse n’umuryango wa Nkurunziza.

Abo barimo Moussa Faki Mahamat, Perezida wa Komisiyo y’Umuryango wa Afurika yunze Ubumwe. Mu butumwa bwe, yagize ati “Nihanganishije Leta n’abaturage b’u Burundi ku bw’urupfu rwa Nyakubahwa Perezida Pierre Nkurunziza. Ibitekerezo n’amasengesho yanjye biri ku muryango we n’inshiti zawo”.

Minisitiri w’Intebe wa Ethiopia, Dr. Abiy Ahmed na we yanditse ati “Nihanganishije umuryango wa Pierre Nkurunziza ndetse n’abaturage b’u Burundi ku bw’urupfu rwe rutunguranye”.

Mu bohereje ubutumwa bwo kwihanganisha Abarundi kandi, harimo na Perezida wa Kenya Uhuru Kenyatta, wavuze ko Pierre Nkurunziza “yakoze ubudacogora aharanira ko igihugu cye kigira amahoro n’umutekano, ndetse n’akarere muri rusange”.

Perezida wa Somalia Mohamed Abdullahi Farmajo na we yatanze ubutumwa bwe agira ati “Nihanganishije Guverinoma n’abaturage b’u Burundi. Mu izina ry’abaturage ba Somalia no mu izina ryanjye bwite, twunamiye urupfu rwa Perezida Pierre Nkurunziza. Yari inshuti nziza ya Somalia”.

Perezida wa Repubulika ya Demukarasi ya Kongo Felix Tshisekedi, na we yavuze ko atewe intimba n’urupfu rwa Nkurunziza amwifuriza kuruhukira mu mahoro.

Perezida wa Tanzania Dr. John Pombe Magufuli, nawe abinyujije ku rubuga rwa twitter, yihanganishije igihugu cy’u Burundi nk’umunyamuryango wa Afurika y’Uburasirazuba (EAC), avugako atewe agahinda n’urupfu rwa Nkurunziza nk’umuntu waharaniye amahoro.

Kuva ku wa kabiri tariki 09 Kamena, Guverinoma y’u Burundi yahise ishyiraho iminsi irindwi yo kunamira Pierre Nkurunziza. Nubwo itariki n’umunsi azashyingurirwaho bitaramenyakana ariko, amabendera yururukijwe agezwa hagati, mu rwego rwo kumuha icyubahiro.

Mu kwezi kwa Kanama 2020 ni bwo Nkurunziza yagombaga guhererekanya ububasha na Perezida mushya watowe General Ndayishimiye Evariste.

Mu gihe haburaga amezi agera kuri abiri, ntiharamenyakana umuntu uba ayoboye iyi minsi ifatwa nk’inzibacyuho, ariko igenwa ry’uko abayobozi basimburana ku myanya mu Burundi, riteganya ko Perezida w’Inteko Ishinga Amateko ari we uhabwa umwanya wa Perezida.

Pierre Nkurunziza bivugwa ko ku wa gatandatu tariki 06 Kamena yitabiriye imikino ya volleyball, ariko nyuma yaje kuremba ajyanwa mu bitaro kuri uwo mugoroba.

Daily Nation yo muri Kenya yanditse ko umugore we Bucumi Denise, aho arembeye muri Kenya ari kugezwaho ubufasha bw’abaganga n’imiti yingenzi ihabwa abanduye icyorezo cya COVID-19.

Guverinoma y’u Burundi yasohoye itangazo rivuga ko Pierre Nkurunziza wayoboraga u Burundi yari arwariye ku bitaro bya Karuzi mu Burundi, akaba yitabye Imana biturutse ku guhagarara k’umutima (arrêt cardiaque).

Iryo tangazo riravuga ko ku wa gatandatu tariki 06 Kamena 2020 Pierre Nkurunziza yari muzima areba umukino wa Volleyball waberaga i Ngozi. Icyakora uwo munsi mu ijoro rishyira ku cyumweru ngo nibwo yumvise atameze neza, ahita ajyanwa igitaraganya ku bitaro bya Karuzi.

Ku cyumweru ngo yari yorohewe, aganira n’abari kumwe na we, icyakora bukeye bwaho ku wa mbere mu gitondo arushaho kuremba, umutima urahagarara.

Mu Burundi hahise hashyirwaho icyunamo cy’iminsi irindwi, ibendera ry’Igihugu rirururutswa kugera hagati, imihango yo kumuherekeza na yo ikaba yahise itangira gutegurwa.

Pierre Nkurunziza yavutse tariki 18 Ukuboza 1963 (yari afite imyaka 56 y’amavuko). Yayoboye u Burundi kuva muri 2005 akaba yari aherutse kubona umusimbura kuri uwo mwanya ari we Général Evariste Ndayishimiye wari n’inshuti ye. Général Ndayishimiye yatorewe kuyobora u Burundi mu matora yabaye tariki 20 Gicurasi 2020.

Nkurunziza yari amaze imyaka 15 ayobora u Burundi. Byari biteganyijwe ko azashyikiriza Gen Ndayishimiye ubutegetsi mu kwezi kwa munani muri uyu mwaka wa 2020.

URGENT: Le Gouvernement de la République du Burundi annonce avec une très grande tristesse le décès inopiné de Son Excellence Pierre Nkurunziza, Président de la République du Burundi, survenu à l’Hôpital du Cinquantenaire de Karusi suite à un arrêt cardiaque ce 8 juin 2020. pic.twitter.com/PP46kKzAM5

— Burundi Government (@BurundiGov) June 9, 2020

Muri ubwo butumwa, u Rwanda rwaboneyeho gutangaza ko rwiteguye kugira uruhare mu kuvugurura umubano w’amateka w’ibihugu byombi bisanzwe bifite byinshi bihuriyeho.

Guverinoma y’u Rwanda yifurije ubuzima bwiz, amahoro n’iterambere abaturage b’u Burundi ndetse n’ubuyobozi bwabo, by’umwihariko muri iki gihe kigoye cy’icyorezo cya COVID-19.

Message de félicitations du Gouvernement de la République du Rwanda au Président élu de la République du Burundi. pic.twitter.com/adIAR7AIJT

— Ministry of Foreign Affairs & Int'l Cooperation (@RwandaMFA) June 6, 2020

Nahimana Dieudonné (Ifoto: Indundi)

Yabivugiye mu kiganiro yagiranye n’abanyamakuru kuri uyu wa Gatanu tariki 29 Gicurasi 2020. Dieudonné Nahimana yabonye amajwi ari munsi ya 1%, ariko kandi avuga ko n’ubwo hari ibitaragenze neza muri aya matora, abona ko adafite byinshi byatuma agana urukiko rushinzwe kurinda itegeko nshinga mu Burundi. Imwe mu nenge yavuzeho, hari nko kuba hari aho abatora bategekwaga gutora umuntu runaka ku gahato.

Akomeza asaba abatangajwe na Komisiyo y’Amatora mu Burundi (CENI) ko batsinze amatora cyangwa ko batsinzwe, ko bakwiye kwemera ko ikintu cy’ingenzi ku gihugu ari umutekano hagati y’Abarundi, bityo ko nta muntu ukwiye gupfa cyangwa ngo agirirwe nabi azira ibitekerezo bye cyangwa uwo ari we.

Evariste Ndayishimiye wo mu ishyaka CNDD-FDD ni we watangajwe na komisiyo y’amatora (CENI) ko yegukanye intsinzi n’amajwi 68%, akurikirwa na Agathon Rwasa wo mu ishyaka CNL ritavuga rumwe n’ubutegetsi wagize amajwi 22%.

Ishyaka CNL na ryo ryatangaje ko muri ayo matora hagaragayemo ibitaragenze neza byinshi, rikaba ryemeza ko ari ryo ryatsinze amatora n’amajwi arenga 58%.

Ku wa kane w’iki cyumweru Agathon Rwasa yagejeje ikirego cye mu rukiko rushinzwe kurinda itegeko nshinga, mu gihe risabwa kuba ryatangaje ibyavuye mu matora mu buryo ntakuka ku itariki ya 04 Kamena 2020.

Ndayishimiye Evariste ni we watsinze amatora (Photo:BBC)

Komisiyo y’Amatora yatangaje ko abari biyandikishije gutora aria bantu miliyoni 5,115,418 ariko hakaba haratoye 87% byabo.

Dore uko abakandida bakurikorana ku rutonde rw’agateganyo:

–  Evariste Ndayishimiye (CNDD-FDD): 68,72%

–  Agathon Rwasa (CNL): 24,19%

–  Gaston Sindimwo (Uprona): 1,64%

–  Domitien Ndayizeye (Kira Burundi): 0,57%

–  Léonce Ngendakumana (FRODEBU): 0,47%

–  Nahimana Dieudonné (wigenga): 0,42%

–  Francis Rohero (wigenga): 0,20%

Iri barura ry’agateganyo riragaragaza ko ntagihundutse, Evariste Ndayishimiye ari we Perezida wa Repubulika y’u Burundi.

Amatora ya Perezida mu Burundi yabaye tariki ya 20 Gicurasi muri uyu mwaka wa 2020.

Perezida Nkurunziza yaje gutora ari ku igare (Ifoto: Iwacu)

Ibi yabitangaje nyuma y’igikorwa cyo gutora yakoreye i Buye, muri Komini Mwumba mu Ntara ya Ngozi, aho Perezida Nkurunziza yavuze ko amatora yo kuri iyi nshuro yagize umwihariko wayo kubera impamvu eshatu.

Iya mbere yavuze ko aya matora kuba yaratewe inkunga n’Abarundi ubwabo ari ikintu cy’ingenzi muri Demokarasi.

Icya kabiri, yavuze ko mu matora yandi yabaye mu Burundi, habaga hari umuterankunga witwazaga icyo yatanze agategeka cyangwa se agashyiraho amabwiriza y’uburyo amatora agomba gukorwa ibi bikagira ingaruka ku byavaga mu matora.

Icya gatatu, Nkurunziza yavuze ko aya matora bayateguye mu gihe itegekonshinga ry’u Burundi ryavuguruwe, no mu gihe Imana ishobora byose ari yo yahawe umwanya wa mbere.

Yongeyeho ko aya matora agaragaje intambwe ikomeye mu mateka y’u Burundi ndetse akazatuma ejo hazaza h’Abarundi haba heza kurushaho.

Iyi nkuru y’Ikinyamakuru Iwacu ivuga ko Nkurunziza kandi yashimiye Imana agira ati “Turishimye cyane ko iyi tariki ya 20 Gicurasi 2020 yageze mu gihe u Burundi buri mu mahoro no mu mutekano. Ari na yo mpamvu tuboneyeho gushima Imana ishobora byose yarinze u Burundi ndetse ikanafasha Abarundi gutegura neza aya matora mu mutuzo no mu mahoro”.

Ati “Turishimye cyane rwose ko Imana yadushoboje nk’Abarundi, tukabasha gukusanya twebwe ubwacu ibyari bikenewe byose kugira ngo tubashe gutegura neza aya matora akaba yagenze neza.”

Andi matora yabayeho mu Burundi mu myaka yahise kuva u Burundi bwabona ubwigenge yabaye mu 1965, 1993, 2005, 2010 na 2015.

Abaturage bazindukiye ku biro b y’itora ari benshi (Photo:BBC)

BBC imaze kuvugako hari abakoresha Virtual Private Network (VPN), bahisha umwirondoro w’uri kuyikoresha, ari bo gusa ngo bashoboraga kubona imbuga nkoranyambaga.

Ibiro by’itora byafunguwe mu gitondo cya kare.

Imiryango iharanira uburenganzira bwa muntu yari yasabye Guverinoma kudahagarika interineti ku munsi w’itora kuko bizabangamira kubona amakuru y’amatora akenewe gutangazwa.

Ibi birego byatanzwe bavuga ko iryo hagarikwa rizagira ingaruka no ku batavuga rumwe n’ubutegetsi batazashobora gushyira ahagaragara imyitwarire mibi yaranze amatora, mugihe baba hari ibyo bifuza gutangaza.

Dr Matshidiso Moeti ukuriye OMS/WHO muri Afurika yabwiye abanyamakuru ati: "Ntabwo tuzi impamvu bafashe icyo cyemezo ariko turi gufatanya n’abakozi b’Umuryango w’Abibumbye muri icyo gihugu ngo bafashe bagenzi bacu kuhava".

Inyandiko iboneka ku mbuga nkoranyambaga ya ministeri y’ububanyi n’amahanga y’u Burundi imenyesha ko abantu bane (4) barimo uhagarariye ishami ry’umuryango w’abibumbye ryita ku buzima OMS/WHO mu Burundi "badakenewe" mu gihugu.

Inyandiko igaragara nk’iyanditswe n’iyi minisiteri imenyesha ko Dr Walter Kazadi Mulombo uhagarariye OMS mu Burundi, Pr. Tarzy Daniel, Dr Ruhana Mirindi Bisimwa na Dr Jean Pierre Murunda Nkata bategetswe kuva ku butaka bw’u Burundi mbere ya tariki 15/05/2020.

BBC dukesha iyi nkuru iravuga ko yavuganye na Ezechiel Nibigira minisitiri w’ububanyi n’amahanga w’u Burundi ariko ntiyahakana cyangwa ngo yemeze ibivugwa muri iyi nyandiko.

Umwe mu bakozi ba minisiteri y’ububanyi n’amahanga utifuje gutangazwa yemereye BBC ko iriya nyandiko ari iy’ukuri kandi ari iya minisiteri y’ububanyi n’amahanga.

Iyi nyandiko ntisobanura impamvu yo kwirukanwa kw’abo bakozi ba OMS mu Burundi.

Leta y’u Burundi ivuga ko hamaze kuboneka abantu 27 banduye Coronavirus, 11 bayikize n’umwe yishe.

Mu gihe hakomeje ibikorwa byo kwiyamamaza bihuza abantu benshi cyane begeranye, hari abagaragaza impungenge ko iki cyorezo gishobora kwiyongera muri icyo gihugu.

Ibi bamwe babifashe nk’amananiza yo kwangira indorerezi za EAC gukurikirana amatora yo mu Burundi azaba tariki 20 Gicurasi 2020 (asigaje iminsi icyenda gusa), bivuze ko indorerezi zitazabasha gukurikirana ibikorwa by’ amatora.

U Burundi bwatanze icyifuzo busaba ko abakozi ba EAC basanzwe muri iki gihugu bafata inshingano z’indorerezi, nk’uko bigaragara mu ibaruwa yanditswe na Isabelle Ndahayo, Minisitiri ushinzwe ibibazo by’Umuryango w’Ibihugu bya Afurika y’Iburasirazuba.

Igihugu kandi cyanze kwemerera indorerezi z’Umuryango w’Abibumbye ndetse n’indorerezi z’ imiryango itegamiye kuri Leta gukurikirana amatora; nk’uko ikinyamakuru Daily Nation cyabitangaje.

Amatora aheruka kuba mu 2015 yanenzwe n’inzego z’akarere ndetse n’amahanga bavuga ko atari yujuje ibisabwa kugira ngo amatora abe yizewe kandi abe mu bwisanzure.

Hagati aho, mu gihe amatora ateganyijwe kuba tariki ya 20 Gicurasi 2020, ibikorwa byo kwiyamamaza ku bakandida bazahatana mu matora birakomeje ari nako hakomeje kuvugwa ihohoterwa n’iterabwoba ku bayobozi b’amashyaka atavuga rumwe na Leta ndetse no ku bayoboke b’ayo mashyaka.

Abanyamakuru bane b’ikinyamakuru Iwacu hamwe n’umushoferi wabo ubwo bari mu rukiko i Bubanza tariki 30 Ukuboza 2019 (Ifoto: AFP)

Inkuru ya Radio Mpuzamahanga y’Abafaransa (RFI) ivuga ko muri 2019, aribwo aba banyamakuru batawe muri yombi ubwo bari mu kazi kabo ko gutara inkuru mu Ntara ya Bubanza iherereye mu Burengerazuba bw’iki gihugu, ku bijyanye n’igitero cyagabwe n’inyeshyamba z’Abarundi (RED Tabara) ziturutse muri Repubulika iharanira Demokarasi ya Congo.

Aba banyamakuru bane (Térence Mpozenzi, Agnès Ndirubusa, Egide Harerimana na Christine Kamikazi), bajuriye nyuma y’uko bakatiwe igifungo cy’imyaka 2 n’amezi 6, bashinjwa kugerageza kugambanira inzego za Leta z’ubutasi bw’imbere mu gihugu.

Iki cyemezo cyamaganywe n’imiryango yose iharanira uburenganzira bwa muntu mu Burundi n’iy’itangazamakuru.

Antoine Kaburahe washinze Ikinyamakuru Iwacu, kuri ubu, uba mu buhungiro mu Bubiligi, avuga ko yizeye ko noneho ubu kuri iyi nshuro uburenganzira aribwo bugiye kwivugira.

Ati «Turizera neza ko ubu noneho abacamanza bagiye gufata bagenzi bacu bane nk’uko bari, mbese bafatwa nk’abanyamakuru. Abanyamakuru gusa ».

Abinyujije kuri Twitter, Kaburahe yashimiye umuryango wa Afurika yunze Ubumwe wohereje abawuhagarariye gukurikirana uru rubanza rwabereye i Bubanza.

Imyanzuro izasomwa nyuma y’iminsi 30.

Ibi bikorwa byo kwiyamamariza amatora azaba kuwa 20 Gicurasi 2020, bitangiye kandi mu gihe mu gihugu hamaze kugaragara abantu 14 banduye Covid-19, hanavugwa umwuka mubi wa politiki.

Ni nyuma y’uko mu mpera z’icyumweru gishize, mu kiganiro n’abanyamakuru, umuyobozi wa komisiyo y’amatora mu Burundi, Pierre Claver Kazihise, yatangaje ko kwiyamamaza bizajya bitangira saa kumi n’ebyiri z’igitondo kugera saa kumi n’ebyiri z’umugoroba, anasaba abiyamamaza kubikora bubahiriza umutekano kandi bakurikiza amategeko yashyizweho hagamijwe kwirinda ikwirakwira rya Covid-19.

Mu bahatanira umwanya w’umukuru w’igihugu, harimo Evariste Ndayishimiye w’ishyaka CNDD-FDD riri kubutegetsi, Agathon Rwasa wo mu ishyaka ritavuga rumwe n’ubutegetsi (CNL), Gaston Sindimwo uhagarariye ishyaka UPRONA, Léonce Ngendakumana uhagarariye ishyaka FRODEBU, na Domitien Ndayizeye uhagarariye ishyaka KIRA BURUNDI.

Usibye abo baturuka mu mashyaka atandukanye, harimo n’abakandida bigenga babiri ari bo Francis Rohero na Dieudonné Nahimana.

Kugeza ubu, abantu 11 nibo bamaze kumenyekana ko banduye Coronavirus mu Burundi.

Muri iryo tangazo, Minisiteri y’Ubuzima ivuga kandi ko bakomeza gukurikirana abandi bantu baba barahuye n’abo barwayi kugira ngo na bo basuzumwe.

Iyi minisiteri ikomeza ivuga ko abarwayi batanu ba mbere bongeye gusuzumwamo Coronavirus ku itariki ya 18 n’iya 19 z’ukwa kane 2020 bagasanga nta virus bagifite, bityo bakaba bahawe uburenganzira bwo gusubira mu miryango yabo kuri uyu wa 21/04/2020.

Coronavirus yatangiye kumenyekana mu Burundi ku wa 31 Werurwe 2020.

Amatora mu Burundi azaba mu kwezi gutaha kwa Gicurasi 2020 (Photo:Internet)

Ibi biri mu ibaruwa Minisiteri y’Ububanyi n’Amahanga yandikiye abahagarariye u Burundi mu bindi bihugu.

Bamwe mu Barundi baba mu mahanga bavuga ko uburenganzira bwabo butubahirijwe, bagasaba ko leta yahindura icyo cyemezo kugira ngo na bo bashobore guhabwa amahirwe yo kwitorera umukuru w’igihugu.

Ku wa 20 Gicurasi 2020, leta y’u Burundi irateganya amatora y’uburyo butatu ku munsi umwe, aho bazatora umukuru w’igihugu, abadepite n’abajyanama ba za komine.

Abarundi barenga miliyoni eshanu ni bo bari bitezwe ko bazagera ku biro by’amatora bitandukanye kugira ngo batore abazabayobora.

Muri abo, abagera ku 12.933 ni bo Barundi bari mu mahanga bari bategereje gutora, nk’uko imibare itangwa na komisiyo y’amatora mu Burundi ibigaragaza.

Minisitiri w’Ubuzima mu Burundi, Dr Thaddée Ndikumana (Ifoto: Burundi Government)

U Burundi bwari mu bihugu bike bitari byagaragaramo umuntu wanduye icyo cyorezo.

Aganira n’abanyamakuru ku mugoroba wo kuri uyu wa kabiri, Minisitiri Ndikumana yasobanuye ko abagaragayeho icyo cyorezo ari abagabo babiri b’Abarundi b’imyaka 56 na 42 y’amavuko, bakaba ngo barinjiye mu Burundi baturutse mu bihugu byo hanze.

Hari hashize iminsi mu Burundi bivugwa ko hashobora kuba hari abanduye Coronavirus, ariko bamwe bakavuga ko icyo gihugu cyahishe amakuru kikanga kubishyira ku mugaragaro.

Inzige zimaze iminsi zivugwa mu bihugu bya Afurika y’Iburasirazuba no mu ihembe rya Afurika (Ifoto: Internet)

Minisitiri w’Ubuhinzi n’Ubworozi mu Burundi, Deo Guide Rurema, asobanura ko no mu bihe byahise ari wo muti Abategetsi i Burundi bakoresheje mu kuzicogoza.

Inkuru ya Radio Ijwi rya Amerika ivuga ko u Burundi bumaze kwibasirwa n’inzige mu bihe bibiri bitandukanye. Ubwa mbere ngo hari ku ngoma y’Umwami Mwezi Gisabo wayoboye hagati y’umwaka wa 1852 n’umwaka wa 1908.

Ubwa kabiri hari ku butegetsi bwa Perezida Jean Baptiste Bagaza mu 1986. Icyo gihe ku butegetsi bwa Bagaza ngo inzige bazihanishije kuzifata barazirya, n’ubu ngo bakaba biteguye kuzifungura mu gihe zaramuka zibeshye zikagera i Burundi.

Mu kiganiro Minisitiri w’Ubuhinzi n’Ubworozi mu Burundi, Deo Guide Rurema aherutse kugirana n’abanyamakuru, yamaze impungenge abibaza ku byo kurya inzige.

Yagize ati “Twebwe tukiri bato twirukaga inyuma y’ibihore kandi iyo twabifataga twabishyiraga ku mushito tukabyotsa. Wasangaga imbere harimo umuceri. Twarabiriye cyane.”

Minisitiri Rurema yatanze urugero rw’abafungura inswa, asobanura ko no gufungura inzige nta kibazo kirimo, ndetse ko hari ibihugu byinshi birya udukoko dutandukanye kandi ntibagire icyo baba.

Ati “Niziramuka zigeze hano iwacu, izizahagera zose tuzazifungura.”

Minisitiri w’Ubuhinzi n’Ubworozi mu Burundi, Deo Guide Rurema, avuga ko mu zindi ngamba zafashwe ari ugushyiraho itsinda ririmo abakora mu buhinzi n’abandi bafatanyabikorwa babo bazafatanya mu kuzirwanya no kuzikumira.

Ngo hazashyirwaho kandi uburyo bwo guhanahana amakuru hagati y’ibihugu bimaze guterwa n’izo nzige kugira ngo bihane ubunararibonye mu kuzikumira.

Abaturage ngo bazashishikarizwa gutera ibiti bigira uruhare mu kurwanya udukoko nk’utwo no kubashishikariza kuzitora bakazirya.

U Burundi burateganya no gushyira ingufu mu bigo by’ubushakashatsi no guteza imbere ibikoresho byo kurwanya izo nzige.

Ibihugu bya Afurika byibasiwe n’inzige kuva mu mpera z’umwaka ushize wa 2019 birimo Kenya, Ethiopia, Sudani y’Epfo, Eritereya, Somalia na Uganda.

Inkuru bijyanye:

U Rwanda rwiteguye guhangana n’ibitero by’inzige

Udusimba twagaragaye i Nyagatare si inzige - Meya Mushabe