Kabuga Félicien

Iyo raporo ku buzima bwa Kabuga, yakozwe n’inzobere eshatu z’abaganga bo mu buzima bwo mu mutwe barimo Profeseri Henry Kennedy, Profeseri Gillian Mezey na Profeseri Patrick Cras ari na we wasorejweho kumvwa n’urukiko ku ya 29 Werurwe.

Muri iyo raporo, izi nzobere zihuriza ku kuba ubuzima bwa Kabuga butatuma ashobora gukomeza gukurikirana urubanza rwe.

Izo nzobere nyuma yo gugabwa umwanya n’urukiko zibazwa n’uruhande rw’ubwunganizi, n’ubushinjacyaha n’abacamanza kuri iyo raporo, ku wa kane nibwo impande z’ubwunganizi bwa Kabuga n’ubushinjacyaha zahawe ijambo.

Umwunganizi wa Kabuga, Maître Emmanuel Altit yavuze ko inzobere zose zagaragaje mu buryo bwumvikana kandi buhuriweho ko Kabuga atabasha gukurikira urubanza bityo ko adashoboye kuburanishwa.

Yifashishije ingero z’ibyagiye bitangwa n’izo mpuguke ku bijyanye n’ikibazo cyo mu mutwe gituma hari ibintu bimwe adashoboye gusobanukirwa maze avuga ko nta bundi buryo bushoboka urukiko rufite uretse ugutangaza ko Kabuga adashoboye kuburanishwa.

Hari aho yagaragaje ko muri raporo yatanzwe n’izo nzobere ko nubwo mu isuzuma ryamukorewe yashoboye guhitamo icyo yifuza ku ifunguro rya mu gitondo, hagati ya pmme n’umuneke bidasobanuye ko buri gihe yatanga igisubizo kijyanye n’ibiriho mu by’ukuri.

Yanavuze ko ubwo Prof. Mezey yari mu rukiko, yavuze ko ubajije Kabuga ibyavugiwemo uwo munsi atabyibuka.

Yanavuze ko ubwo Profeseri Mezey yari mu rukiko, yavuze ko ubajije Kabuga ibyavugiwe mu rukiko uwo munsi atabyibuka.

Umwunganizi wa Kabuga, yasoje avuga ko ubundi buryo bwose bwakoreshwa muri uru rubanza, nko kuburana ku bimenyetso, nkuko urukiko rwabyifuzaga ubwo izi nzobere zabazwaga kuri raporo zakoze, ngo byaba bitandukanye n’icyo uru rugereko rwashyiriweho.

Umucamanza Ian Bonomy yabwiye umwunganizi wa Kabuga, Maître Altit ko nubwo yakiriye ibitekerezo bye, akwiye no kureba mu buryo bwagutse ku byo amasezerano ya loni ateganya ku kuburanisha abafite ubumuga.

Umushinjacyaha muri uru rubanza Rupert Elderkin yasabye ko urukiko rukoresha ruzakoresha inyurabwenge ni rujya gufata umwanzuro ukurikira muri uru rubanza.

Yavuze ko nubwo hari ibimenyetso byagaragajwe ku buzima bwa Kabuga, ariko bidahagije mu kwemeza ko uyu musaza w’imyaka 90 adashobora kuburanishwa.

Yavuze ko atatesha agaciro raporo yakozwe n’izo nzobere ariko nanone idakwiye gushingirwaho yonyine n’urukiko mu gufata umwanzuro, ahubwo ari iyo kwitonderwa kuko hari ingingo idatangaho ibisubizo.

Yatanze urugero nk’aho Professor Cras yemeye ko aho Professor Mezey yigeze gusuzuma Kabuga mu buryo bw’iyakure yifashishije amashusho hari icyo bishobora kugabanya mu bisubizo, kurusha kwihurira na we mu gihe undi yavugaga ko ntacyo byakwangiza.

Yagaragaje ko izi nzobere zishyizemo ko ibintu bibera mu rukiko bikomeye cyane kandi bitandukanye n’uko bigenda mu rubanza.

Yavuze ko ibisabwa kuri Kabuga muri uru rubanza rwa Kabuga bisobanutse, bikaba birimo nk’ibyo yakoze, ibye na RTLM n’Interahamwe.

Umushinjacyaha Rupert Elderkin, yakomeje abwira urukiko ko urubanza rukwiye gukomeza nk’inshingano, hagamijwe ubutabera ariko kandi hanubahirizwa uburenganzira bwa Kabuga.

Umucamanza Bonomy nawe yabajije Maître Altit niba aho Kabuga bamubona yicaye kuri gereza y’urukiko arimo kubumva, amusubiza ko ari ko abifata, ari ko gusobanukirwa n’ibyo bavuga ari ikindi.

Nyuma y’impaka z’urudaca hagati y’impande zombi, Umucamanza Ian Bonomy, yavuze ko urubanza rusubitswe kugeza igihe kitazwi ariko ko hazatangazwa umwanzuro kuri iyi raporo iyo raporo y’inzobere mbere cyangwa mu mpera za Mata na Gicurasi 2023.

Kabuga w’imyaka 90 afatwa nk’umuterankunga wa Jenoside yakorewe Abatutsi. Aregwa ibyaha bya Jenoside, guhamagarira abantu mu buryo butaziguye kandi mu ruhame, gukora jenoside, ubwumvikane bugamije gukora jenoside, itoteza rishingiye ku mpamvu za politiki, itsembatsemba, n’ubuhotozi nk’ibyaha byibasiye inyokomuntu byakorewe mu Rwanda mu 1994.

Kabuga Félicien

Raporo yo mu 2023, yanditswe n’impuguke eshatu yanzuye ko Kabuga adashobora gukomeza urubanza rwe kuko ameze nabi.

Mu iburanisha ryo ku ya 15 Werurwe 2023, Umucamanza Iain Bonomy ukuriye inteko iburanisha, yasabye ko hatangira gukorwa ibizamini by’ubuzima bwa Kabuga bigakorwa n’itsinda rihagarariwe na Prof. Harry Gerard Kennedy, umuganga w’indwara zo mu mutwe.

Iyi raporo yakozwe uyu mwaka yazaga yunganira iyari yakozwe mu 2022, yagaragazaga ko ubuzima bwa Kabuga butameze neza kuburyo yatangira iburanishwa.

Prof. Kennedy yasobanuye ko Kabuga hari bimwe mu bizamini atasoje ariko kandi ko n’ibyarangiye bigaragaza ko uyu musaza adafite ubushobozi bwo gukomeza gukurikira urubanza rwe.

Raporo y’impuguke yo mu Kuboza 2022 yari yanzuye ivuga ko uyu mukambwe afite ibibazo by’ubuzima birimo no kugira urujijo no kudasobanukirwa neza aho aherereye.

Prof. Kennedy yavuze ko raporo ya 2022, yerekanaga ko Kabuga atabasha kumva neza ibimenyetso cyangwa gutandukanya ibibazo abajijwe mu rukiko.

Urugero, mu kiganiro uregwa yabajijwe, ku ya 17 Gashyantare 2023, izi mpuguke z’abaganga zasanze ngo adashobora kumva neza no gutandukanya bimwe mu bibazo abajijwe mu rukiko.

Iyi nzobere mu bijyanye n’ubuvuzi bw’indwara zo mu mutwe yakomeje ibwira urukiko ko nk’uko byashyizwe muri raporo ya 2022, Kabuga afite uburwayi bwo kwibagirwa cyane n’ubwo gutakara mu ntekerezo.

Uyu muganga yavuze ko ibibazo Kabuga afite bigabanya ubushobozi bwo mu bitekerezo, bituma umuntu ashobora kumva igisobanuro cy’amagambo ariko ntiyumve icyo ashatse kuvuga mu by’ukuri.

Kennedy yagize ati: “Kugeza ubu, imiterere y’ubuzima bw’uregwa [Kabuga] yarushijeho kuba mibi aho kuba myiza kandi nta n’ubwo akibasha kuganira n’umwunganira”.

Prof. Kennedy yavuze ko yemera ko gutakaza ubushobozi bwo mu mutwe, bizatuma Kabuga atazashobora gukomeza gukurikira uru rubanza kandi ko ibi abihuriyeho n’itsinda ry’impuguke eshatu.

Nubwo hari amahirwe make y’uko ubushobozi bwa Kabuga mu bijyanye no mu mutwe bushobora kugaruka, Prof. Kennedy yavuze ko bishoboka ariko nanone ashingiye ku myaka y’uyu musaza bigoye.

Umucamanza Bonomy yabajije iyo impuguke niba mu bihe nk’ibi, Ubushinjacyaha bushobora gusaba Kabuga gutanga bimwe mu bimenyetso mu bwiregure bwe binyuze mu nyandiko yanditse.

Prof. Kennedy yasobanuye ko ibi byasaba ko Kabuga ahabwa igihe kinini kandi ko ibyo bizagira icyo bihindura.

Umucamanza Iain Bonomy ukuriye inteko iburanisha yabajije uyu muganga niba kuba ibiganiro bagiranye na Kabuga byarabaye atarakira neza indwara eshatu yari amaranye iminsi nta ngaruka byagize ku buryo bwe bw’imisubirize.

Aha Muganga Kennedy asubiza yavuze ko ibyo na byo yabirebyeho, ariko kandi ugukomeza gusubira inyuma cyane kwe mu ntekerezo, mu buryo abona ibintu no mu kwiyitaho kwa buri munsi na n’ubu kugikomeza, we yibwira ko impamvu yabyo irenze gushakirwa gusa kuri izo ndwara zindi.

Umucamanza Iain Bonomy yabajije iyi mpuguke y’umuganga niba byakwizerwa neza ko Kabuga atarimo kujijisha abaganga agaragaza uburwayi bwe ku rwego rudahuye n’urwo mu by’ukuri buriho, agamije kuyobya urukiko.

Aha Muganga Kennedy yavuze ko bijya bibaho ko umuburanyi ashobora kujijisha abaganga agamije kuyobya urukiko.

Nubwo bimeze bityo ariko, Prof. Kennedy n’abandi baganga bakorana bavuga ko kuri Kabuga, ashingiye ku makuru ya kiganga yabonye mu nshuro eshatu yamusuzumye mu bihe bitandukanye, bigaragara by’ukuri ko ubuzima bwe bwo mu mutwe bugenda buba bubi kurushaho umunsi ku wundi.

Umucamanza Iainy Bonomy yabajije Muganga Henry Kennedy niba asobanukiwe icyo bivuze mu buryo bw’inzego z’ubutabera kwanzura ko uburana atagifite ubushobozi bw’imitekerereze bwo kuburana.

Muganga Kennedy asubiza ko mu nzego z’ubutabera za byinshi mu bihugu, iyo uregwa atagishoboye burundu kuburana urubanza ruhagarikwa.

Kabuga aregwa ibyaha bitandatu: birimo icya Jenoside, icyo gushishikariza abantu mu gukora jenoside, ibyaha byo gucura umugambi wa Jenoside, n’ibyaha bitatu byibasiye inyoko muntu no gutotezwa ku mpamvu za politiki, gutsemba n’ubwicanyi.

Kabuga Félicien

Kabuga wahoze ari umwe mu baherwe mu Rwanda, akurikiranyweho ibyaha birimo icyaha cya Jenoside, gukangurira runanda gukora Jenoside, kuba icyitso cy’abakoze Jenoside, guhamagarira abantu mu buryo butaziguye gukora Jenoside, gutoteza abantu ku mpamvu za Politike, ubwinjiracyaha bwa Jenoside, ubwumvikane bugamije gukora Jenoside n’ibyaha byibasiye inyokomuntu.

Kuva yatabwa muri yombi muri Gicurasi 2020, byari biteganijwe ko Kabuga atangira kuburana kuri ibyo byaha byavuzwe haruguru akurikiranyweho ariko urubanza rwe rwagiye rutinzwa no kwimurwa.

Kabuga w’imyaka 89, aheruka kwitaba urukiko hifashishijwe ikoranabuhanga rya video muri Gashyantare 2022, asaba ko yifuza guhindura umwunganizi we Emmanuel Alti agasimburwa na Peter Robison.

Kabuga icyo gihe yasobanuriye urukiko ko impamvu yo guhindura umwunganizi we ari ukubera ko atamuhaga cyangwa ngo amenyeshe umuryango we amakuru n’inyandiko ku rubanza rwe.

Amatariki y’ingenzi mu rubanza

Ku ya 30 Nzeri 2020, Urukiko rwo mu Bufaransa Cour de Cassation rwanze ubujurire bwa Kabuga ku cyemezo cy’izindi nkiko zategetse ko yohererezwa urukiko mpuzamahanga.

Ku ya 1 Ukwakira 2020, Perezida Carmel Agius yashyikirije uru rubanza Urugereko rwa Mbere rw’Iremezo rugizwe n’umucamanza Iain Bonomy, uyobora, umucamanza Graciela Susana Gatti Santana, n’umucamanza Elizabeth Ibanda-Nahami.

Ku ya 21 Ukwakira 2020, Umucamanza Iain Bonomy yahinduye icyemezo cyo gufata Kabuga ndetse ategeka ko yoherezwa I La Haye mu Buholandi, ahakorera Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha ndetse ibyo byatangiye gukurikizwa ku ya 26 Ukwakira uwo mwaka.

Bimwe mu birego

Kabuga ni we washinze aba na Perezida wa Comité d’Initiative ya Radio Télévision Libre des Milles Collines (RTLM).

Iyo Radio ishinjwa kuba yarabibye inashimangira urwango rushingiye ku moko no gusakaza ubutumwa burwanya Abatutsi hagamijwe kubarimbura.

Kabuga akurikiranyweho kandi gufasha no gutera inkunga Interahamwe zishe abatutsi mucyahoze ari perefegitura ya Kigali, Gisenyi, na Kibuye.

Urugero, hari Inyandiko y’ibirego ivuga ko Kabuga yashyigikiye mu buryo bwinshi itsinda ry’interahamwe ku Kimironko, I Kigali, rizwi ku izina ry’ “Interahamwe za Kabuga” kandi ko iri tsinda ryagize uruhare mu bitero, kwica no kugirira nabi abatutsi muri perefegitura ya Kigali-Ville, kuri bariyeri, n’ahari hahungiye abatutsi.

Bivugwa kandi ko Kabuga yakusanyije inkunga yo kugura no gutumiza imbuda n’amasasu byahawe Interahamwe muri perefegitura ya Gisenyi.

Inyandiko y’ibirego ivuga ko izo ntwaro zakoreshejwe mu kwica no kugirira nabi Abatutsi muri za Perefegitura ya Kigali, Kibuye na Gisenyi.

Kabuga Felicien mu rukiko i La Haye

Urubanza rwa Kabuga rwatangiye ku isaha ya saa munanu ku isaha y’i La Haye, saa cyenda zo mu Rwanda.

Urubanza rugitangira, Umucamanza Iain Bonomy, yabajije Kabuga niba yitabira iburanisha mu rurimi yumva neza, Kabuga Félicien asubiza mu rurimi rw’Igifaransa ati “Ndabumva! Nitwa Kabuga Felisiyani”.

Kabuga yari yicaye mu igare ry’abafite ubumuga

Kabuga yari yambaye ikoti ry’umukara, ishati y’umweru na karuvati irimo amabara y’umukara n’umweru. Yari yicaye mu igare ryagenewe abafite ubumuga, yambaye agapfukamunwa, imbere ye hateretse agakombe k’umweru.

Umucamanza yibukije ko icyahoze ari Urukiko Mpuzamahanga Mpanabyaha rwashyiriweho u Rwanda (ICTR), rwakoreraga Arusha muri Tanzaniya, mu 1997 ari bwo rwashinje Kabuga ibyaha birimo ibya Jenoside, ibyibasiye inyoko muntu n’ibindi.

Yabajije abunganira Kabuga niba yarashyikirijwe inyandiko ikubiyemo ibiregoashinjwa kandi mu rurimi yumva, ubwunganizi bwe buvuga ko yayishyikirijwe, gusa buvuga ko ananiwe cyane.

Umushinjacyaha asoma ibirego Kabuga ashinjwa

Umucamanza yahise asaba ubushinjacyaha gusoma ibirego Kabuga Felicien ashinjwa, uko byakozwe ndetse n’igihe byakorewe.

Nyuma y’iminota isaga 20 umushinjacyaha asoma ibyaha Kabuga ashinjwa, umucamanza yamuciye mu ijambo, ategeka ko habaho ikiruhuko cy’iminota 30, nyuma y’uko umwunganizi wa Kabuga yari asabye akanya ko kuruhuka kuko uwo yunganira ananiwe cyane.

Nyuma y’iminota 30, iburanisha ryakomeje, ubushinjacyaha bukomeza gusoma ibyaha Kabuga ashinjwa, birangiye hongera gutangwa iminota 30 y’ikiruhuko.

Nyuma y’iki kiruhuko, abunganira Kabuga bahawe umwanya, maze bavuga ko bavugishije umukiriya wabo, akavuga ko bitewe n’uburyo yiyumva, atameze neza ku buryo yagira icyo atangaza ku byo ashinjwa.

Umwe muri bo yagize ati “Twavuganye na Kabuga mbere y’iburanisha, ntabwo yiteguye kuvuga bitewe n’uburyo ameze. Twasaba ga ko mwakwemera guhitamo guceceka kwe”.

Ubushinjacyaha bwavuze ko bugikomeje iperereza ku byaha Kabuga ashinjwa, buvuga ko bugikomeje kubaza abatangabuhamya, ku buryo bugikeneye nk’amezi atandatu ngo bube bwamaze kwegeranya ibimenyetso.

Biteganyijwe ko Kabuga agera mu rukiko ku isaha ya saa munani z’amanywa mu Buholandi, bikaza kuba ari saa cyenda ku isaha yo mu Rwanda.

Urwego rwasigariyeho icyahoze ari Urukiko Mpuzamahanga rwashyiriweho u Rwanda (IRMCT, rwavuze ko Kabuga Felicien yari akwiye kugera mu rukiko kugira ngo anabonereho kubonana n’umwunganira mu mategeko, ariko ko aramutse abishatse ashobora no kwitaba urukiko hakoreshejwe ikoranabuhanga, we ari muri gereza aho afungiye.

Icyakora uru rwego rwatangaza ko kubera icyorezo cya Covid-19, abanyamakuru ndetse n’abandi bantu bifuza gukurikira urubanza batemerewe kugera mu rukiko kuri uyu wa Gatatu.

Icyakora ngo uru rubanza ruraza kunyuzwa ku rubuga rw’urwo rwego ari rwo :https://www.irmct.org/en/cases/mict-courtroom-broadcast, ariko rukaza gutangira kunyuzwaho rukerereweho iminota 30.

Kabuga yafatiwe mu Bufaransa tariki ya 16 Gicurasi 2020. Mu kwezi gushize k’Ukwakira, ku itariki 21 Urwego rwasigariyeho icyahoze ari Urukiko Mpuzamahanga rwashyiriweho u Rwanda (IRMCT) rwemeje ko abanza kujyanwa by’agateganyo ku ishami ryarwo i La Haye mu Buholandi, aho kujyanwa Arusha muri Tanzania.

Inteko y’abacamanza baburanisha uru rubanza rwa Kabuga igizwe n’umucamanza Iain Bonomy, ari na we uyiyoboye, umucamanza Graciela Susana Gatti Santana, ndetse n’umucamanza Elizabeth Ibanda-Nahamya.

Yoherejwe i La Haye nyuma y’icyemezo cy’urukiko cyafashwe mu cyumweru gishize cyo kumuburanishiriza i La Haye aho kuba i Arusha muri Tanzania nk’uko byari byatangajwe mbere.

Icyo cyemezo cyahindutse biturutse ku mpungenge abamwunganira bagaragaje z’uko ubuzima bwe butifashe neza, ndetse ngo akaba afitiye impungenge icyorezo cya Coronavirus.

Icyakora hari abateye utwatsi izo mpamvu, bagaragaza ko Kabuga yashatse gukomeza kwibera i Burayi mu nyungu ze bwite.

Kabuga yafatiwe mu Bufaransa tariki 16 Gicurasi 2020, nyuma y’imyaka 26 yari amaze yihishahisha ubutabera.

Urukiko rusesa imanza rwo mu Bufaransa, ku itariki 30 Nzeri 2020 ni bwo rwemeje gushyikiriza urubanza rwa Kabuga urwego rwasigaranye inshingano zo kurangiza imanza z’Urukiko Mpuzamahanga Mpanabyaha (MTPI), nyuma yo gutabwa muri yombi muri Gicurasi amaze imyaka 25 ashakishwa n’ubutabera mpuzamahanga.

Mu iteka ryarwo, urukiko rusesa imanza rw’u Bufaransa ari na rwo rwego rusumba izindi mu butabera bw’iki gihugu, rwemeje umwanzuro w’icyemezo cyafashwe muri Kamena n’urukiko rw’ubujurire rwa Paris, rwavuze ko nta nzitizi z’ubutabera cyangwa z’ubuzima zihari zishobora kubangamira iyoherezwa rya Kabuga akajyanwa Arusha muri Tanzania, ahari ishami ry’urwego MTPI kuburanishwa ku byaha ashinjwa bya Jenoside n’ibyibasiye inyoko muntu.

Uhereye ku itariki 30 Nzeri 2020, u Bufaransa bwari busigaranye iminsi 30 kugira ngo bumushyikirize urukiko rwa Arusha.

Hagati aho ariko inkuru dukesha TV5Afrique, iravuga ko uwunganira Kabuga mu butabera Me Emmanuel Altit, yabwiye ibiro ntaramakuru by’u Bufaransa (AFP) ko yasabye urwego MTPI “ashingiye ku mpamvu z’ubuzima bw’uwo yunganira butameze neza, kuba ageze mu za bukuru no kuba muri Tanzania hari icyorezo cya Covid-19”, yakoherezwa La Haye aho kujyanwa Arusha.

Umushinjacyaha wa MTPI, Serge Brammertz, yashyigikiye icyo cyifuzo ariko bitari ibya burundu, mu cyemezo cyo ku itariki 6 Ukwakira 2020 ubwo yaganiraga na AFP, akavuga ko Kabuga yagombaga “mbere na mbere” koherezwa i La Haye kugira ngo abanze asuzumwe “n’umuganga utari uwa leta”.

Impamvu yabyo nk’uko umushinjacyaha Brammertz yabisobanuye, ngo ni ukugira ngo babanze barebe niba uko ubuzima bwe buhagaze bitamugora koherezwa no gufungirwa muri Tanzania.

Kugeza ubu igitegerejwe ni icyemezo cya burundu kigomba gufatwa n’umucamanza wa MTPI kuri icyo cyifuzo ku itariki itari yamenyekana.

Félicien Kabuga w’imyaka 87 nk’uko ibyangombwa afite bibigaragaza, yatawe muri yombi ku itariki 16 Gicurasi 2020 mu gace kitwa Asnières-sur-Seine i Paris mu Bufaransa; arashinjwa kugira uruhare mu gutera inkunga y’ibikoresho n’amafaranga byakoreshejwe mu gushyira mu bikorwa Jenoside no kurema umutwe w’abicanyi biyise Interahamwe, bagize uruhare nyamukuru muri Jenoside yakorewe Abatutsi mu Rwanda.

Ibyaha byose Kabuga ashinjwa n’ubutabera mpuzamahanga ni birindwi (7), ariko byose arabihakana.

Kabuga Félicien ashinjwa gutera inkunga ikomeye Interahamwe zishe Abatutsi barenga miliyoni mu mezi atatu gusa

Zimwe mu mpamvu zashingiweho ni izagaragajwe z’uko Kabuga Félicien arwaye indwara zikomeye ku buryo kumwohereza kuburanira i Arusha byaba ari ukubangamira uburenganzira afite ku buzima bwe.

Mu itangazo ryashyizwe ahagaragara na Perezida w’Urukiko Carmel Agius, yagaragaje ko zimwe mu mpamvu yashingiyeho afata icyo cyemezo ari izagaragajwe n’abunganira Kabuga mu mategeko zirimo ivuga ko kumujyana i Arusha byaba ari ukumuvutsa uburenganzira bwo kuba hafi y’umuryango we kandi abyemerewe.

Umucamanza Carmel yatangaje ko Kabuga afite uburenganzira bw’ibanze ku buzima bwe n’uburyo Isi ikeneye ubwirinzi bukomeye kuri COVID-19, kumwohereza i La Haye ngo akaba ari byo bitanga umutekano n’uburenaganzira busesuye kuri Kabuga.

Kabuga kandi ngo naburanira i La Haye bizafasha Inkiko gutegura no gukurikirana urubanza neza mu mizi, kandi ngo kohereza Kabuga i La Haye nta ngaruka bizagira ku migendekere y’urubanza n’uko ruzategurwamo.

Kabuga n’abunganizi be bari bakomeje gusaba ko atajyanwa i Arusha, ahubwo bagasaba ko akwiye gufungwa hifashishijwe icyuma gitanga amakuru y’aho umuntu aherereye kugira ngo agume iwe yitabweho n’umuryango kubera uburwayi.

Icyakora urukiko rw’ubujurire rwa Paris rwari rwateye utwatsi ibyo byifuzo ahubwo rufata umwanzuro wo kohereza Kabuga i Arusha, ndetse n’abacamanza bazamuburanisha bakaba baramaze gushyirwaho.

Aba ni bo bacamanza batatu bazaburanisha Kabuga Félicien

Ni nyuma y’uko Urukiko Rusesa imanza rwa Paris mu Bufaransa rwategetse ko Kabuga Félicien yohererezwa Urwego rwasigariyeho Inkiko Mpuzamahanga Mpanabyaha (IRMCT) rukaba ari rwo rumuburanisha.

Umucamanza wo muri Scotland witwa Iain Bonomy azayobora urugereko afashijwe n’umucamanza wo muri Uruguay witwa Graciela Susana Gatti Santana n’umucamanza uzaturauka muri Uganda witwa Elizabeth Ibanda-Nahamya, nk’uko Urukiko rw’Umuryango w’Abibumbye rwabitangaje.

Nubwo Kabuga yoherejwe kuburanira i Arusha mu rukiko rwa IRMCT mu rukiko rwa Loni, umwunganizi we yifuzaga ko yaburanishirizwa i La Haye mu Buholandi, avuga ko batewe impunge n’ubuzima bwe; imyaka ye, ndetse n’icyorezo cya coronavirus.

Kabuga Félicien ashinjwa gutera inkunga ikomeye Interahamwe zishe Abatutsi barenga miliyoni mu mezi atatu gusa

Itegeko ryo mu Bufaransa ku kohereza imfungwa kuburanira mu kindi gihugu cy’amahanga rivuga ko Kabuga azaba yagejejwe i Arusha mu gihe cy’ukwezi.

Tariki 16 Gicurasi 2020, nibwo Kabuga ushinjwa gutera inkunga ikomeye Jenoside yakorewe Abatutsi mu Rwanda mu 1994, yafatiwe mu nkengero z’Umurwa Mukuru wa Paris mu Bufaransa.

Uyu mwanzuro watangajwe kuri uyu wa Gatatu tariki 30 Nzeri 2020, nyuma y’uko Urukiko rw’i Paris mu Bufaransa rwari ruherutse kwemeza ko yohererezwa Urwego rwasigariyeho Inkiko Mpuzamahanga Mpanabyaha, (IRMCT) rukorera Arusha muri Tanzania, ariko Kabuga n’abamwunganira mu mategeko bahise bajurira bavuga ko akwiye kuburanira mu Bufaransa, kubera ubuzima bwe butameze neza.

Mu kwezi gushize kwa Kanama, Umushinjacyaha Mukuru w’Urwego rwasigaranye imirimo y’icyari Urukiko Mpuzamahanga Mpanabyaha rwashyiriweho u Rwanda (IRMCT), Serge Brammertz, yari yavuze ko Kabuga Félicien ashobora koherezwa i Arusha muri uku kwezi kwa Nzeri cyangwa mu Kwakira 2020.

Icyo gihe Brammertz yari mu Rwanda, aho yari yaje gushaka ibimenyetso byiyongera ku bishinja Kabuga, hamwe n’andi makuru yafasha gushakisha abandi batarafatwa baregwa kugira uruhare muri Jenoside yakorewe Abatutsi.

Tariki 16 Gicurasi 2020, ni bwo Kabuga ushinjwa gutera inkunga ikomeye Jenoside yakorewe Abatutsi mu Rwanda mu 1994, yafatiwe mu nkengero z’Umujyi wa Paris mu Bufaransa.

Brammertz yabitangarije i Kigali kuri uyu wa Kabiri tariki 25 Kanama 2020, aho yaje gushaka ibimenyetso byiyongera ku bishinja Kabuga, hamwe n’andi makuru yafasha gushakisha abandi batarafatwa baregwa kugira uruhare muri Jenoside yakorewe Abatutsi.

Yagize ati "Biracyagoranye kumenya igihe urubanza rwa Kabuga Félicien ruzatangirira, turacyategereje ko yoherezwa muri gereza y’Urukiko, bishobora kuba muri Nzeri cyangwa mu Kwakira, ntabyo nzi, itsinda ryanjye rikomeje kwegeranya ibimenyetso byuzuza dosiye ye, turakora ibishoboka ngo tuzabe twiteguye".

Yongeyeho ati "Icyakora dushingiye ku zindi manza nk’uru, ni na ngombwa cyane ko n’abamwunganira bitegura bihagije, mu mateka y’uru rukiko kugira ngo rutangire iburanisha bifata nk’umwaka umwe kuva igihe umuntu afatiwe kugera ku itangira ry’urubanza".

Serge Brammertz avuga ko kwihuta k’urubanza rwa Kabuga Félicien, bizaterwa n’impande zombi z’ababurana, Ubushinjacyaha ku ruhande rumwe ndetse na Kabuga hamwe n’abamwunganira ku rundi ruhande.

Ubushinjacyaha bw’u Rwanda bwakiriye Umushinjacyaha w’Urwego rwasigariyeho Urukiko rwa Arusha

Brammertz akomeza avuga ko ikindi cyamugenzaga ari imikoranire na Leta y’u Rwanda kugira ngo abaregwa kuba abacurabwenge ba Jenoside yakorewe Abatutsi bakidegembya na bo batabwe muri yombi.

Umushinjacyaha Mukuru wa Repubulika y’u Rwanda, Aimable Havugiyaremye yavuze ko yakiriye Brammertz kugira ngo barebe ibimenyetso bishya byakongerwa muri dosiye ya Kabuga, kandi ko abagishakishwa na bo hari icyizere ko bazafatwa.

Havugiyaremye yagize ati "Turacyakorana (na IRMCT) mu gushakisha abandi, amaherezo na bo bazafatwa. Ikindi nk’uko bisanzwe, iyo umuntu afashwe, nk’abashinjacyaha turongera tukareba mu bimenyetso dufite cyangwa iby’abatanze ubuhamya, niba nta kindi gishya cyakwiyongeramo cyangwa ibigifite akamaro, kugira ngo twitegure neza urubanza".

Ati "Ku ikurikiranwa rya Kabuga rero, urwandiko rumushakisha rwatanzwe mu mwaka wa 2007, ni byiza ko uyu munsi nyuma y’imyaka 13 kureba ibyo bimenyetso byariho icyo gihe no kureba uko bihagaze n’uburyo dushobora kuba twabyongera tugendeye ku makuru mashya, ibyo bimenyetso rero birahari bikaba ari byo turimo gukorana hamwe na IRMCT kugira ngo dutegure dosiye ye neza".

Brammertz (iburyo) hamwe n’abo bakorana baganiriye n’Umushincyaha Mukuru w’u Rwanda, Aimable Havugiyaremye (ibumoso)

Abandi baregwa Jenoside yakorewe Abatutsi Ubushinjacyaha bw’u Rwanda hamwe n’ubw’Urukiko Mpuzamahanga barimo gushakisha, barimo Protais Mpiranya, Fulgence Kayishema, Aloys Ndimbati, Phéneas Munyarugarama na Charles Sikubwabo.

Kabuga Félicien wari umaze imyaka 13 ashakishwa n’inkiko mpuzamahanga, Polisi yo mu Bufaransa yamufatiye muri icyo gihugu ku itariki 22 Gicurasi 2020, akaba ashinjwa gukangurira abantu gukora Jenoside (yakorewe Abatutsi) ndetse no kuyitera inkunga.

Iyi filime yasohotse tariki 05 Kanama 2020, ikoze ku buryo bworoshye kumva, ku bashaka kumenya neza ibikorwa byaranze Kabuga Félicien, mbere ya Jenoside, muri Jenoside na nyuma yayo. Hagiye hifashishwa bumwe mu buhamya bunyuranye bw’abarokotse Jenoside, bari bazi bimwe mu bikorwa bya Kabuga.

Harimo kandi na bamwe bagiye bakorana mu gutegura Jenoside, barimo Bemeriki Valerie wari umunyamakuru kuri RTLM, kuri ubu ufunzwe azira icyaha cya Jenoside. Ku ruhande rwa Leta y’u Rwanda, hagaragaramo Dr Jean Damascène Bizimana, Umunyamabanga Nshingwabikorwa wa Komisiyo y’Igihugu yo kurwanya Jenoside, asobanura uruhare rwa Kabuga muri Jenoside.

Ambasaderi Pierre-Richard Prosper wari umushinjacyaha ukurikirana ibyaha byo kurema uduco dukora amabi, yahawe inshingano ku bijyanye no kurwanya ibyaha by’intambara kuva mu mwaka wa 2001, ari nabwo yahise ashyiraho inyigo yo guta muri yombi abantu bakomeye basize bakoze Jenoside mu Rwanda, bari hirya no hino ku isi. Izina Kabuga, ryagarukaga kenshi mu madosiye, nk’uko abyivugira muri iyi filime.

Amb. Pierre-Richard Prosper

Amb. Richard, avuga ko nubwo yari amenyereye gufata abicanyi, kenshi agahura n’imirambo, atari yiteguye kubona nk’ibyo yabonye kuri Jenoside yakorewe Abatutsi. Amb. Richard yavuze ko yashyizeho n’igihembo cya miliyoni 5 z’Amadolari ku muntu uzatuma Kabuga afatwa, akavuga kandi ko nta na rimwe yacitse intege ngo arekere aho gushakisha Kabuga.

Iyi filime igaragaza ibihugu byinshi Kabuga Félicien yagiye ahungiramo, nk’u Busuwisi, Congo Kinshasa na Kenya aho kenshi yakoreshaga impapuro mpimbano, akamara imyaka myinshi mu gihugu atuye asa nk’aho ntacyo yikanga, akingirwa ikibaba n’inzego z’ubuyobozi, kubera gukoresha amafaranga yari atunze.

Kabuga yinjiye mu Budage ku byangombwa bigaragaza ko ari Umunyatanzaniya

Harimo kandi byinshi mu bimenyetso byerekana uruhare rwa Kabuga mu gutegura Jenoside, birimo uko yaguze imihoro yahawe Interahamwe, uko bashinze Radio ya RTLM ndetse akaba ari na we uyiha umurongo w’ibyo igomba kujya itangaza. Kabuga Félicien, agaragara asobanura ko RTLM ari Radiyo ivuga ukuri ariko ko itashimisha bose, kandi ko nta n’umwe uzatinyuka gufunga iyi Radiyo. Umuyobozi wageragezaga kuvuguruza Kabuga yaricwaga.

Urupapuro rugaragaza uko Kabuga yaguze imihoro yakoreshejwe mu kwica Abatutsi

Ku musozo w’iyi filime mbarankuru bagaragaza mu mashusho ifatwa rya Kabuga Félicien i Paris mu Bufaransa, muri uyu mwaka wa 2020.

Uru ruhererekane kandi rugaragaza ibikorwa n’itabwa muri yombi ry’abandi bantu bashakishwa cyane ku isi, ari bo Ismael “El Mayo” Zambada Garcia wo muri Mexico, Umwongerezakazi Samantha Louise Lewthwaite, Umurusiya Semion Mogilevich ndetse na Matteo Messina Donaro ukomoka mu gihugu cy’u Butaliyani.

Netflix yashyize izi nkuru mu ndimi nyinshi zinyuranye, kuko igaragara mu Cyongereza, Igifaransa, Igitaliyani, Ikidage, … kugira ngo byorohereze benshi bazakenera kuyireba.

Gilbert Masengo, umwe mu barokotse utanga ubuhamya kuri Kabuga muri iyi filime

Jean Jacques Fontaine, umunyamakuru w’Umusuwisi wagiranye ikiganiro na Kabuga ubwo yari ari i Kinshasa

Umukobwa wa Kabuga, yamufashaga gusemura mu gifaransa ubwo yaganiraga n’umunyamakuru

Bemeriki Valerie avuga ko abayobozi bakoze Jenoside benshi bakidegembya hanze

Iyi Filime igaragaza uburyo Interahamwe zashishikarizwaga kwica Abatutsi

Amashusho agaragaza igikorwa cyo gufata Kabuga

Asnières, agace Kabuga yafatiwemo

Muri iyi filime y’uruhererekane, agace kavugwamo Kabuga kari ku mwanya wa 2

Ibyo ni ibyagaragajwe n’Intumwa ihoraho y’u Rwanda mu Muryango w’Abibumbye, Ambasaderi Velentine Rugwabiza, ubwo yari mu nama y’Akanama ka LONI gashinzwe umutekano, yabaye ku wa Mbere, ivuga ku mikorere y’urwego rwasigaranye inshingano z’ibyahoze ari Inkiko Mpuzamahanga Mpanabyaha.

Muri iyo nama, Perezida w’urwo rwego Carmel Agius, yagaragarije Akanama k’amahoro ka LONI raporo ya 16 ku mikorere yarwo, ari na ho Amb. Velentine Rugwabiza yavuze ko Kabuga Felicien uherutse gufatirwa mu Bufaransa, atashoboraga gucika ubutabera mpuzamahanga atabifashijwemo na bimwe mu bihugu, gusa ntiyavuga amazina yabyo.

Ambasaderi Rugwabiza yagize ati “Birumvikana ko Kabuga atari kubasha gucika ubutabera mpuzamahanga igihe kirekire kuriya, adafashijwe n’umuyoboro mugari, w’abamufashije kubona ubufasha bw’ibihgu muri Afurika n’Iburayi, aho yihishe kuva mu 1994”.

Ati “Ibi bizamura ibibazo byinshi twizera ko bizabonerwa ibisubizo mu rubanza rwe”.

Amb. Rugwabiza yavuze ko ifatwa rya Kabuga w’imyaka 87, ryabaye akazi gakomeye ku butabera mpuzamahanga ko gufata abateguye bakanashyira mu bikorwa Jenoside yakorewe Abatutsi mu 1994 bahunze ubutabera mu myaka irenga 20.

Ati “Turashimira umuhate w’ibiro by’Umushinjacyaha Brammertz n’ubufatanye bw’inzego z’amategeko z’u Bufaransa. Kubahiriza inshingano zabo no gufatanya n’ibiro by’umushinjacyaha, ni byo byatumye afatwa akagezwa mu butabera”.

Kabuga yafatiwe mu Majyaruguru y’Umujyi wa Paris mu Bufaransa, aho yari amaze igihe aba akoresha amazina atari aye. Akekwaho kuba umuterankunga w’ibanze wa Jenoside yakorewe Abatutsi, akaba kandi umunyamigabane w’imena n’umuyobozi wa Radiyo rutwitsi ya RTLM.

Ubwo yagezwaga mu rukiko mu Bufaransa, Kabuga yahakanye ibyaha byose aregwa birimo no kugura imihoro ibarirwa mu matoni akayinjiza mu Rwanda, yakoreshejwe n’Interahamwe mu kwica Abatutsi.

Kabuga agomba koherezwa kuburanira i Arusha muri Tanzania, ariko we ashaka kuguma mu Bufaransa akaba ari ho aburanira.

Ambasaderi Rugwabiza yavuze ko ubutabera ku bazize Jenoside yakorewe Abatutsi butaratangwa uko bikwiye, mu gihe hari abagize uruhare muri Jenoside bakihishashisha.

Ati “Ndifuza kwibutsa ko Umushnjacyaha Mukuru w’u Rwanda yohereje impapuro zita muri yombi zirenga 1000 mu bihugu by’ibinyamuryango bya LONI, harimo n’ibigize aka kanama (k’amahoro), zisaba ubufatanye mu gufata no gushyikiriza ubutabera abantu bashinjwe ibyaha bya Jenoside cyangwa se bakoherezwa mu Rwanda kuba ari ho baburanishirizwa. Ibihugu bike cyane ni byo byagize icyo bikora kuri izo mpapuro”.

Kurekura abahamijwe ibyaha bya Jenoside mbere y’igihe

Hashize igihe Leta y’u Rwanda yamagana irekurwa ryihuse ku bantu bahamijwe ibyaha bya Jenoside. Amb. Rugwabiza avuga ko ari ingenzi ku rwego rwasigaranye inshingano za ICTR, gusuzuma ubusabe bw’abasaba gufungurwa cyangwa kugabanyirizwa ibihano, mu rwego rwo guha agaciro impungenge z’u Rwanda.

U Rwanda rusaba urwego rwasigariyeho ICTR ko rwashyiraho ingingo zikomeye ku basaba gufungurwa mbere y’igihe.

Ati “Ibyo bikozwe, ni bwo twakwizera ko abafunguwe barangije ibihano byabo bazumva neza uburemere bwo kujya mu bikorwa bya Jenoside, cyangwa ingengabitekerezo yayo”.

Ambasaderi Rugwabiza yibukije urwo rwego zimwe mu mpungenge zagaragajwe muri raporo y’Umushinjacyaha, z’uko guhakana no gupfobya Jenoside bigikomeje gukwirakwizwa hirya no hino.

Ati “Raporo y’Umushinjacyaha igaragaza ko guhakana no gupfobya Jenoside yakorewe Abatutsi no kuyigabanyiriza ubukana bikomeza kwiyongera no gukwirakwizwa n’abakoze Jenoside bataragezwa mu butabera ndetse n’ababashyigikiye, harimo n’ibihugu bimwe by’ibinyamuryango bya LONI. Ibyo bikorwa bigomba guhanwa n’aka kanama”.

Kabuga Félicien yafatiwe mu Bufaransa tariki 16 Gicurasi 2020 akaba yifuzaga kuburanishirizwa mu Bufaransa.

Imwe mu mpamvu we n’abamwunganira batangaga ngo ni uko ashaje cyane, dore ko avuga ko afite imyaka 87 y’amavuko, ariko hakaba n’izindi nyandiko zigaragaza ko afite imyaka 84 y’amavuko.

Saa munani z’amanywa kuri uyu Gatatu tariki 03 Kamena 2020 nibwo Kabuga yagejejwe imbere y’urukiko rw’i Paris kugira ngo rufate umwanzuro w’aho agomba kuburanira, hagati yo mu Bufaransa, i La Haye mu Buholandi n’i Arusha muri Tanzania, maze hafatwa umwanzuro ko agomba kuburanira i Arusha.

Kabuga Félicien akekwaho uruhare rukomeye muri Jenoside yakorewe Abatutsi mu Rwanda mu 1994, yafashwe nyuma yo kwihisha ubutabera imyaka 26 yose. Yitabye urukiko rw’ubujurire rwa Paris mu Bufaransa ku wa Gatatu tariki 27 Gicurasi 2020, aburana ku cyemezo cyo koherezwa kuburanira i La Haye mu Buholandi, Arusha muri Tanzania cyangwa se kuguma mu Bufaransa.

Kabuga Félicien we yasabaga ko yaburanishirizwa mu gihugu cy’u Bufaransa, aho yafatiwe. Icyo gihe ubwo yitabaga urukiko, yari yasabye ko yarekurwa akaba abana n’abana be kuko ari bo bazi neza uburyo bwo gukurikirana ibibazo bye by’ubuzima.

Abamwunganira mu mategeko bari bavuze ko akeneye kwemererwa gusanga abana be, hanyuma agashyirwaho agakomo gakoranye ikoranabuhanga gatuma aho ari hose aba agaragara.

Nyamara ariko, umushinjacyaha yavuze ko Kabuga yihishe ubutabera igihe kirekire mu bihugu nk’u Budage, u Busuwisi, Kongo Kinshasa n’ahandi, avuga ko gusaba ko ajya kubana n’abana be na bo ubwabo bagize uruhare mu kumufasha kwihisha atari igitekerezo cyiza, bityo urukiko rwanga ubusabe bwa Kabuga.

Mu 1997, Urukiko Mpuzamahanga Mpanabyaha rwashyiriweho u Rwanda (ICTR) rwashinje Kabuga ibyaha birindwi, birimo ubufatanyacyaha muri Jenoside, gushishikariza gukora Jenoside, kugerageza gukora Jenoside, ubugambanyi mu gukora Jenoside, ubwicanyi n’itsemba, n’ibindi byose bifitanye isano na Jenoside yakorewe Abatutsi mu Rwanda mu 1994.

Yari mu rukiko rw’ubujurire rwa Paris mu Bufaransa, aburana ku cyemezo cyo koherezwa kuburanira i La Haye mu Buholandi, Arusha muri Tanzania cyangwa se kuguma mu Bufaransa.

Kabuga Felicien we asaba ko yaburanishirizwa mu gihugu cy’u Bufaransa, aho yafatiwe ku wa gatandatu tariki 16 Gicurasi 2020.

Abamwunganira mu mategeko bavuze ko Kabuga wihishe ubutabera imyaka 26 yose, akeneye “kwemererwa gusanga abana be, hanyuma agashyirwaho agakomo gakoranye ikoranabuhanga gatuma aho ari hose aba agaragara”.

Abo banyamategeko bavuga ko “muri gereza Kabuga ntawe yumva, ntawe umwumva. Akeneye ubufasha buhoraho, abana be bamwitaho”.

Nyamara ariko, umushinjacyaha yavuze ko Kabuga yihishe ubutabera igihe kirekire mu bihugu nk’u Budage, u Busuwisi, Kongo Kinshasa n’ahandi, avuga ko “gusaba ko ajya kubana n’abana be na bo ubwabo bagize uruhare mu kumufasha kwihisha atari igitekerezo cyiza”.

Urukiko rwanze ubusabe bwa Kabuga.

Mu 1997, Urukiko Mpuzamahanga Mpanabyaha rwashyiriweho u Rwanda (ICTR) rwashinje Kabuga ibyaha birindwi, birimo ubufatanyacyaha muri Jenoside, gushishikariza gukora Jenoside, kugerageza gukora Jenoside, ubugambanyi mu gukora Jenoside, ubwicanyi n’itsemba, n’ibindi byose bifitanye isano na Jenoside yakorewe Abatutsi mu Rwanda mu 1994.

Biteganyijwe ko umwanzuro w’urukiko ku kohereza Kabuga kuburanishwa n’Urwego rw’Umuryango w’Abibumbye (IRMCT) rwasigaranye inshingano zo kurangiza imirimo yasizwe n’icyahoze ari Urukiko Mpuzamahanga Mpanabyaha rwashyiriweho u Rwanda (ICTR), uzafatwa ku wa gatatu tariki 03 Kamena 2020.

Ni inshuro ya kabiri Kabuga Félicien yongeye kugezwa mu rukiko i Paris mu gihugu cy’u Bufaransa ngo aburane ku birebana no koherezwa gufungwa n’urwego rwasigariyeho urukiko rwashyiriweho u Rwanda rwakoreraga i Arusha mu gihugu cya Tanzania.

Ibiro ntaramakuru by’Abongereza Reuters bivuga ko mu rukiko Kabuga yabajijwe niba yarumvise ibirego aregwa n’urwego rwa UN rwasigaranye inshingano yo kurangiza imanza zasizwe na ICTR, abwira umusemuzi ko ari ibinyoma.

Yagize ati; “Ibi byose ni ibinyoma, sinigeze nica Umututsi n’umwe. Nahoze nkorana na bo.”

Félicien Kabuga ushinjwa kuba umuterankunga ukomeye wa Jenoside yakorewe Abatutsi, yahakanye ibyo ashinjwa, avuga ko Abatutsi bari abakiliya be. Ngo yajyaga anabaha inguzanyo yo guteza imbere bizinesi zabo, ku bw’iyo mpamvu akaba ngo atari guhindukira ngo abice.

Kabuga yafatiwe mu Bufaransa tariki 16 Gicurasi 2020 nyuma y’imyaka 26 ashakishwa n’ubutabera kugira ngo abazwe uruhare yagize muri Jenoside yakorewe Abatutsi 1994.

Me Laurent Bayon uburanira Kabuga uvuga ko afite imyaka 87 y’amavuko, avuga ko ashaje kandi akaba arwaye bityo akaba atajyanwa kuburanishirizwa mu rukiko rwa Arusha. Yaje mu rukiko yambaye ipantalo y’ikoboyi n’ishati y’ibara ry’ikijuju, mu rukiko hagaragaye abantu benshi bari baje gukurikira urubanza rwe.

Biteganyijwe ko Kabuga Félicien azasubira mu rukiko tariki 03/06/2020.

Mu ibaruwa ifunguye iyo miryango yandikiye IRMCT, yagaragaje ko kuva muri 2012 ubwo uru rwego rwasigaranaga inshingano zahoze ari iz’Urukiko Mpuzamahanga Mpanabyaha rwashyiriweho u Rwanda, inshingano ikomeye cyane rwafashe yari ugushakisha no guta muri yombi abantu batatu ba ruharwa bashinjwaga n’urwo rukiko, bakaba bari bakihishahisha ubutabera.

Abo ni Félicien Kabuga, Protais Mpiranya na Augustin Bizimana, bose bashinjwa Jenoside n’ibyaha byibasiye inyoko muntu.

Ku birebana na Kabuga Félicien, iyi miryango ivuga ko uyu yahoze ari umucuruzi ukomeye kandi wari inkoramutima y’umuryango wa Habyarimana Juvenal wari Perezida, mu bikorwa bafatanyagamo bizwi nka ‘AKAZU’, ndetse n’ibindi nka ‘Réseau Zéro’, aho ingengabitekerezo ya Jenoside yacuriwe.

Iyi baruwa kandi ivuga ko Kabuga yagize uruhare mu gutera inkunga ibitangazamakuru birimo Radiyo rutwitsi ya RTLM, Kangura ndetse n’ibindi binyamakuru byakoreshejwe mu gukwirakwiza ubutumwa bubiba urwango mu Banyarwanda n’ubukangurambaga mu iyicwa ry’Abatutsi.

Ikomeza ivuga ko “Mu 1993, mu nama yateguwe n’ishyaka rya MDR igamije gukusanya imisanzu ya RTLM, Kabuga yahatangarije intego nyamukuru ya RTLM, avuga ko igamije kurinda Hutu Power”.

Mu rubanza ku itangazamakuru rwabereye mu Rukiko Mpuzamahanga Mpanabyaha rwashyiriweho u Rwanda (ICTR), uwahoze ari umunyamakuru wa RTLM, Georges Ruggiu yavuze ko Kabuga yari we muyobozi mukuru wa RTLM, wari ufite inshingano zo kuyiyobora no kuyihagararira.

Iyi miryango yandikiye IRMCT, ikomeza ivuga ko kuva muri Mutarama 1993 kugera muri Werurwe 1994, Kabuga yaguze imihoro irenga 500,000 yakoreshejwe mu kwica Abatutsi mu gihe cya Jenoside.

Bongeraho kandi ko mu 1997, ICTR yashinje Kabuga ibyaha birindwi, birimo ubufatanyacyaha muri Jenoside, gushishikariza gukora Jenoside, kugerageza gukora Jenoside, ubugambanyi mu gukora Jenoside, kwica no gutsemba n’ibindi, byose bifitanye isano n’ibyaha byakozwe muri Jenoside yakorewe Abatutsi mu 1994.

Nyamara ariko, iyi miryango ikavuga ko kuva ashinjwe ibyo byaha, imyaka yari ibaye 23 kumufata no kumugeza mu butabera byaranze, bitewe n’ubutunzi bwe ndetse n’abantu bari hanze y’u Rwanda bashinjwa kumushakira ubwihisho ngo akomeze kwihisha ubutabera.

Abayobozi benshi barimo na Leta zunze ubumwe za Amerika bagerageje kumufata ngo agezwe mu butabera, ndetse zanashyizeho igihembo cya miliyoni eshanu z’Amadolari ya Amerika, ku muntu wese uzagira uruhare mu itabwa muri yombi rye.

Iyi miryango ivuga ko nyuma y’uko Kabuga afatiwe mu Bufaransa kuwa 16 Gicurasi 2020, iminsi ine nyuma yaho, yagejejwe mu rukiko i Paris, atanga umwirondoro we. Abunganizi be mu mategeko bavuze ko Kabuga afite uburenganzira bwo kwitwa umwere, ndetse bavuga ko atazavanwa mu Bufaransa ngo ashyikirizwe IRMCT. Umwe mu bamwunganira witwa Laurent Bayon, yavuze ko Kabuga yifuza kuburanira mu Bufaransa.

Kugeza ubu ariko, umushinjacyaha wa IRMCT yasabye ko Kabuga ashyikirizwa uru rwego rukamuburanisha. Biteganyijwe ko kuri uyu wa Gatatu tariki 27 Gicurasi 2020, aribwo Kabuga ari busubire mu rukiko i Paris.

Nyamara ariko, Ibuka n’imiryango y’abafatanyabikorwa yibutsa u Bufaransa amategeko mpuzamahanga ndetse n’umusaruro muke wagaragaye mu miburanishirize y’abakekwaho Jenoside baba mu Bufaransa.

Ibuka ivuga ko muri 2007, ICTR yemereye u Bufaransa kuburanisha Padiri Wenceslas Munyeshyaka n’uwahoze ari Perefe Laurent Bucyibaruta, ariko ibyavuye muri izo manza zombi byagaragaje gutenguha no kwibazwaho, kuko abo bagabo bombi bemerewe kuva mu butabera bagakomeza kwibera mu Bufaransa nta nkomyi.

Abarokotse barasaba ko Kabuga yoherezwa kuburanira mu Rwanda aho yakoreye ibyaha akekwaho

Ibuka n’imiryango y’abafatanyabikorwa ivuga ko mu izina ry’abarokotse Jenoside yakorewe Abatutsi mu 1994, basaba binginga IRMCT ndetse n’Akanama ka Loni gashinzwe umutekano (UNSC), kohereza Kabuga kuburanira mu Rwanda aho yakoreye ibyaha akekwaho.

Iyi miryango ivuga ko kohereza Kabuga mu Rwanda bitari mu nyungu z’abarokotse Jenoside gusa, ko ahubwo biri no mu nyungu z’ubutabera ari na cyo IRMCT na UNSC zashyiriweho.

Iyo miryango ikomeza ivuga ko butaba ari ubwa mbere ICTR/IRMCT yohereza mu Rwanda ukekwaho ibyaha bya Jenoside. Ikomeza ivuga ko kohereza ukekwaho ibyaha kuburanira mu gihugu cye, bigaragaza ihame ry’ubwuzuzanye mu kazi.

Iyi miryango igaragaza ko nubwo nyuma gato ya Jenoside yakorewe Abatutsi byinshi mu bikorwa remezo birimo n’iby’ubutabera byari byarazahaye, ariko ubu hari intambwe yatewe mu kuzahura ibikorwa remezo mu nzego zose harimo n’ubutabera.

Ivuga kandi ko u Rwanda rwakoze ibishoboka byose ngo urwego rw’ubutabera rugere ku rwego mpuzamahanga, harimo no kuba rwarakuyeho igihano cy’urupfu.

Amavugurura ya vuba harimo no kwemerera abacamanza mpuzamahanga kwitabira imanza z’aboherejwe mu gihugu, ndetse n’uburyo bunyuranye bwo kurinda ubuhamya bw’abatangabuhamya, byatumye urukiko rwa ICTR rwohereza imanza zirenga 10 rwagombaga kuburanisha ziburanihswa n’u Rwanda, kandi zose zagenze neza mu nyungu z’ubutabera.

Iyi miryango kandi ivuga ko Jenoside yakorewe Abatutsi yagize ingaruka ku isi yose, ariko ko ibikomere byayo bifitwe n’Abanyarwanda ubwabo. Ubwicanyi bwakozwe n’Abanyarwanda, bukorerwa Abanyarwanda ku butaka bw’u Rwanda. Ikomeza ivuga ko abarokotse bababaye kandi ko bazakomeza kubabara igihe cyose kubera kubura ababo.

Iyi miryango igaragaza ko Kabuga atari umuntu usanzwe, bityo ko urubanza rwe rusobanuye byinshi ku butabera mpuzamahanga no ku Banyarwanda, ariko by’umwihariko ku barokotse Jenoside.

Iyo baruwa ikomeza igira iti “Ni yo mpamvu dusaba duciye bugufi ko Félicien Kabuga yoherezwa kuburanishwa n’inkiko z’u Rwanda, byaba nk’urwibutso kuburanishiriza mu Rwanda umwe mu bateguye Jenoside. Imanza ziri hafi, byanze bikunze zigabanya intera kuruta iziri mu nkiko mpuzamahanga mpanabyaha.

Muri make, kumuburanishiriza mu Rwanda bizorohereza Abanyarwanda cyane cyane abarokotse gukurikirana urubanza”.

Mu gihe kohereza Kabuga mu Rwanda bitemewe, Ibuka n’imiryango y’abafatanyabikorwa isaba Perezida wa IRMCT kohereza urugereko rwayo mu Rwanda, hagendewe ku ngingo ya kane ivuga “Kuburanishiriza hanze y’icyicaro cy’urwego”.

Bati “Nyakubahwa Perezida, iyo ngingo yubahirijwe, Abanyarwanda cyane cyane abarokotse Jenoside bazabasha gukurikiranira uru rubanza hafi yabo mu Rwanda, aho kuba Arusha cyangwa i La Haye”.

Iyo miryango kandi isaba ko aho Kabuga yazaburanishirizwa hose, abarokotse Jenoside bazafashwa kuhagera, kandi Abanyarwanda bagahabwa amahirwe yo gukurikirana urubanza hifashishijwe ikoranabuhanga rigezweho.

Félicien Kabuga ni Umunyarwanda w’umuherwe waranzwe no gushyigikira byimazeyo, gucura no gushyira mu bikorwa Jenoside yakorewe Abatutsi mu 1994. Yatawe muri yombi mu Bufaransa ku itariki 16 Gicurasi 2020.

Mu myaka 26 ishize, Félicien Kabuga yabashije kubaho atagaragara kandi yarashakishwaga n’ubutabera mpuzamahanga, mu bihugu byose yabashije kubamo nta muntu ubasha kumuca iryera.

Yabaye mu Busuwisi, DRC, Kenya n’ahandi kugeza ageze mu Bufaransa aho yacakiriwe bitunguranye ageze ku myaka 84.

Angelique Ingabire uhagarariye ishyirahamwe ry’Abanyarwanda baba mu Bufaransa, ahamya ko muri iyo myaka yose, nta kabuza, Félicien Kabuga yari afite abantu batandukanye bagendaga bamufasha kuva mu gihugu kimwe ajya mu kindi, mu gihe hari abandi bamufashaga kwivuza, gucumbika n’ibindi yabaga akeneye mu buzima.

Angelique Ingabire wa CRF, mu itangazo rigenewe abanyamakuru, avuga ko abantu bose cyangwa imiryango bafashije Kabuga, batumye abaturage b’u Bufaransa batagezwaho ubutabera ariko by’umwihariko ku barokotse Jenoside yakorewe Abatutsi.

Umushinjacyaha mukuru w’urwego rwasigaranye imanza zitarangijwe na TIPR, Serge Brammertz, mu kiganiro yagiranye n’urubuga vanityfair.com kuri uyu wa Gatandatu tariki 23 Gicurasi 2020, yavuze ko ubwo Kabuga yatabwaga muri yombi afatiwe i Paris mu Bufaransa, bamusanganye ibyangombwa birenga 20 ni ukuvuga indangamuntu zitandukanye na passports enye.

Serge Brammertz yasobanuye ko ibyo byangombwa byose basanze byaratanzwe n’inzego zibifitiye ububasha kandi n’izo passports basanga atari impimbano cg inyibano kuko baje gusanga zaratanzwe n’ibihugu byo muri Afurika.

Serge Brammertz ati “Nta kabuza ibi byose yabigezeho kubera ruswa cyangwa ubundi buryo ubwo ari bwo bwose yabashije gukoresha.”

Brammertz yongeraho ko mu myaka ya mbere yakurikiye Jenoside yakorewe Abatutsi, yabanje kugenda afashwa n’abambari be bo muri MRND, benshi muri bo na bo ubu ni impunzi kubera uruhare bagize muri Jenoside.

Uko igihe kigenda gishira ariko, ari nako bakomeza kugenda babundabunda ni ko ubushobozi bwo guca mu rihumye ubucamanza bugenda buyoyoka, kugeza ubwo ababafashaga bose babashiraho bagasigarana abo mu miryango yabo gusa nk’uko byagendekeye Kabuga.

Mu gusoza inyandiko yabo, ishyirahamwe CRF rivuga ko ryasabye Umushinjacyaha wa Nanterre mu Bufaransa Madame Catherine Denis, ko yatangiza iperereza ryo gushyira ku mugaragaro imyirondoro y’abo bantu bose, ubundi bagatangira gukurikiranwa, bagafatwa kandi bagahanwa baba ari abantu ubwabo cyangwa imiryango runaka yafashije Kabuga kwihisha.

Kanda hano munsi wumve iyi nkuru mu ijwi rya Gasana Marcellin:

Yabitangaje nyuma y’uko Urwego IRMCT rushinzwe kurangiza imirimo yasizwe n’icyahoze ari Urukiko Mpuzamahanga Mpanabyaha rwashyiriweho u Rwanda, rutangarije ko Bizimana Augustin wari ku rutonde rw’abashakishwa cyane kubera uruhare muri Jenosidenyakorewe Abatutsi, yapfuye mu kwezi kwa Kanama 2000, akaba yaraguye muri Kongo Brazaville.

Mu kiganiro kigufi Siboyintore yagiranye na Radiyo Rwanda, yavuze ko kuba Bizimana atagaragaye imbere y’ubutabera ngo aryozwe ibyo yakoze ari ikibazo, kuko iyo umunyacyaha adakurikiranywe ngo amategeko amubaze ibyo akekwaho, apfa nk’umwere.

Siboyintore yavuze ko umuntu nka Bizimana wahoze ari Minisitiri w’Ingabo mu gihe cya Jenoside, ubutabera bwifuzaga kuba yagezwa imbere y’urukiko akaburana akabazwa ibyaha akurikiranyweho.

Yagize ati “Ni yo mpamvu rero kiba ari igihombo mu itanga ry’ubutabera, abatangabuhamya baba barabajijwe, abakorewe icyaha baba bakeneye ubutabera, ni yo mpamvu iyo umuntu apfuye yakurikiranwaga kiba ari igihombo cy’ubutabera. Ni na yo mpamvu iyo ubutabera budatangiwe igihe, ibintu nk’ibi bikunda kubaho. Twavuga ko dosiye ye nta kindi kiba gisigaye ni ukuyishyingura”.

Yavuze ko dosiye ya Bizimana ubu igiye gushyingurwa kandi ko urwego rwari rushinzwe kumushakisha ari rwo ruzayishyingura kuko biri mu nshingano zarwo.

Siboyintore yavuze ko hari hashize igihe hari amakuru avuga ko Bizimana yapfuye, ariko ko nta gihamya cyayo cyari gihari.

Yavuze ko Ubushinjacyaha bw’u Rwanda bwakomeje gusaba ko hakorwa iperereza ryimbitse, kugira ngo niba koko yarapfuye habe hari ibintu bifatika, byizewe ko yapfuye koko.

Ati “Kuba urupfu rwe rwemejwe, twari dusanzwe tuzi ko biriya bipimo birimo gukorwa, ndetse hari n’ibyo u Rwanda rwagizemo uruhare, icyo twari dutegereje ni uko hemezwa ko yapfuye koko, cyangwa ko akiriho.

Kuba rero byemejwe ko yapfuye, ibyo birumvikana ko mu mategeko iyo umuntu apfuye ikurikiranacyaha rirahagarara, akaba ari cyo kigiye gukurikiraho”.

Siboyintore yavuze ko Bizimana yari ku rutonde rw’abashakishwa, ariko ko amakuru yaje kugaragaza ko yaba yarapfuye, gusa ngo ayo makuru ntiyari ahagije ngo hemezwe ko yapfuye, kuko hagombaga gukorwa iperereza, ryo kumenya ngo yaguye he, yashyinguwe he, ... ari na yo mpamvu byafashe igihe kirekire, kuko amakuru yavugaga ibihugu bibiri ntahurize ku gihugu yaguyemo n’aho ashyinguye.

Yavuze ko ibi byaje gutuma hakorwa iperereza ryimbitse bajya gushaka aho ashyinguye, hafatwa umubiri w’uvugwa ko ari Bizimana, bafata ibizamini bya DNA hapimwa abo bafitanye amasano (ababyeyi be, abana be, …), ku buryo hapimwe ibizamini bikoherezwa mu Buholandi nyuma bikoherezwa muri USA, ndetse n’abatangabuhamya bagiye babazwa.

Yavuze ko Ubushinjacyaha bw’u Rwanda bwagiye bukorana n’Urwego IRMCT rushinzwe kurangiza imirimo yasizwe n’icyahoze ari Urukiko Mpuzamahanga Mpanabyaha rwashyiriweho u Rwanda, kugira ngo iki cyemezo kigerweho.

Ati “Ni ukuvuga ngo hagiye hakorwa amaperereza ku buryo bwimbitse ndetse no ku buryo budashidikanywaho, na cyane ko ubushinjacyaha bw’u Rwanda ndetse n’Urukiko Mpuzamahanga, twagiye twakira amakuru menshi y’abantu bashakishwaga, ariko bakagenda bakina amayeri y’uko bapfuye, ariko bikagaragara ko bakiriho. Ni yo mpamvu twagombaga kubyitondera kugira ngo noneho bitangazwe byizewe”.

Urwo rwego ruravuga ko bikekwa ko Bizimana yapfuye muri Kanama 2000, mu gace ka Pointe Noire, muri Repubulika ya Kongo (Congo Brazaville).

Bizimana yari Minisitiri w’Ingabo muri Guverinoma yiyise iy’Abatabaazi ari na yo yashyize mu bikorwa umugambi wa Jenoside yakorewe Abatutsi.

Mu 1998, Bizimana yashinjwe n’Urukiko Mpuzamahanga Mpanabyaha rwashyiriweho u Rwanda, ibyaha 13 bya Jenoside, ubufatanyacyaha muri Jenoside, gutsemba abantu, ubwicanyi, gusambanya ku gahato, iyicarubozo, ndetse n’ibindii bikorwa bya kunyamaswa bitesha agaciro umuntu, byose bifitanye isano na Jenoside yakorewe Abatutsi mu 1994.

Mu bindi byaha yashinjwaga, Bizimana ashinjwa kuba ku isonga mu rupfu rw’uwahoze ari Minisitiri w’Intebe Agathe Uwiringiyimana, ndetse n’abasirikare 10 b’Ababiligi bari mu butumwa bwa LONI, ndetse n’ubwicanyi bwakorewe abasivili mu zahoze ari Perefegitura za Gisenyi, Ruhengeri, Butare, Kibuye na Cyangugu.

Kwemeza ko Bizimana yapfuye, ni umwe mu misaruro iri gutangwa n’iperereza ryimbitse kandi rikoresheje ikoranabuhanga uru rwego ruri gukora rufatanyije n’abayobozi mu Rwanda, Congo Brazaville, u Buholandi na Leta zunze ubumwe za Amerika.

Mu mwaka ushize, uru rwego rwakoze ibizamini by’isano-muzi (DNA) ku bisigazwa by’umubiri w’umuntu byakuwe mu mva muri Pointe Noire.

Amaperereza yakozwe hamwe no kugereranya n’ibyavuze muri ibyo bizamini, byagaragaje ko uwo mubiri wari uw’undi muntu, ariko urwo rwego rukomeza kugenzura ibindi bimenyetso bifite aho bihuriye n’urupfu rwa Bizimana.

Ibyo ni byo byatumye kuri uyu wa Gatanu, urwo rwego rwemeza ko Bizimana yapfuye, bigakekwa ko yaba yarapfuye mu kwezi kwa Kanama umwaka wa 2000.

Urwo rwego (IRMCT), rushimira by’umwihariko Ikigo cy’u Buholandi gishinzwe gupima ibimenyetso (Netherlands Forensic Institute) ndetse na Laboratwari y’igisirikare cya USA ishinzwe gupima ibimenyetso n’isano-muzi, ku bw’ubufasha bahaye uru rwego kuri iki kibazo.

Ifatwa rya Kabuga Felicien ku wa gatandatu w’icyumweru gishize, no kwemeza ko Bizimana yapfuye, bisobanuye ko ubu uru rwego rumaze gushyira ku ruhande abantu babiri muri batatu bashakishwaga cyane n’Urukiko Mpuzamahanga Mpanabyaha rwashyiriweho u Rwanda (ICTR).

Mu bashakishwaga bakomeye, ubu hasigaye Protais Mpiranya, wahoze ayobora umutwe w’ingabo zari zishinzwe kurinda umukuru w’igihugu, kandi uru rwego ruvuga ko na we rukomeje kumushakisha.

Urwo rwego kandi ruvuga ko rukomeje gushakisha abandi bantu batanu bashinjwe na ICTR, ari bo Fulgence Kayishema, Phénéas Munyarugarama, Aloys Ndimbati, Ryandikayo na Charles Sikubwabo.

Uru rwego rusaba ibihugu byose binyamuryango by’Umuryango w’Abibumbye, gushyira imbaraga mu bufatanye, mu rwego rwo guta muri yombi abo bagishakishwa kugira ngo bashyikirizwe ubutabera.

Jean Bosco Siboyintore ukuriye ishami ry’Ubushinjacyaha bw’u Rwanda rishinzwe gukurikirana ababa hanze y’u Rwanda bakekwaho uruhare muri Jenoside yakorewe Abatutsi mu 1994, yavuze ko kuba byemejwe ko Bizimana Augustin washakishwaga n’ubutabera kubera uruhare akekwaho muri Jenoside yakorewe Abatutsi yapfuye, ari igihombo ku butabera. Soma iyo nkuru irambuye HANO

Iyi nkuru Kigali Today ikesha ikinyamakuru Jeune Afrique, iragaruka ku rugendo rukomeye rwo kumushakisha kugeza ubwo yatabwaga muri yombi.

Ibikorwa byo kumushakisha byongeye gushyirwamo imbaraga muri Nyakanga 2019 i La Haye mu Buholandi mu nama y’urwego rw’Umuryango w’Abibumbye ’International Residual Mechanism for Criminal Tribunals’ (IRMCT) rwasigaye rurangiza imirimo yasizwe n’Urukiko Mpuzamahanga Mpanabyaha rwashyiriweho u Rwanda (ICTR/TPIR) i Arusha muri Tanzania.

Ni Urukiko ruburanisha abari ku isonga muri Jenoside yakorewe Abatutsi mu Rwanda mu 1994.

Kabuga Félicien umaze imyaka 26 ahunze u Rwanda, ari mu bantu batatu bashakishwaga cyane kugira ngo baryozwe uruhare rukomeye bashinjwa kugira muri Jenoside.

Umunyamafaranga, akaba hafi y’ubutegetsi mbere na nyuma ya Jenoside, Kabuga Félicien ni umwe mu batangije Radiyo/Televiziyo RTLM (Radio-Télévision libre des Mille Collines), yagize uruhare mu gukwirakwiza ubutumwa bubiba urwango mu Banyarwanda n’ubukangurambaga mu iyicwa ry’Abatutsi.

Ashinjwa kandi gutumiza mu mahanga toni nyinshi z’imihoro, ikaba yarakwirakwijwe mu baturage bityo babona intwaro yoroshye yo kwifashisha mu gukora Jenoside. Amafaranga menshi yari afite, na yo ngo yayifashishije mu gutwara Interahamwe aho zajyaga hirya no hino mu bikorwa by’ubwicanyi.

Mu nama yafatiwemo umwanzuro wo kongera kumuhiga, Umushinjacyaha Mukuru w’Urwego rwasimbuye Urukiko Mpuzamahanga Mpanabyaha rwashyiriweho u Rwanda, Serge Blammertz, yiyemeje gukorana n’Abajandarume bo mu biro bishinzwe kurwanya ibyaha byibasiye inyokomuntu, ibyaha bya Jenoside n’ibyaha by’intambara(OCLCH) mu Bufaransa, ariko bakorana bya hafi n’abo mu bindi bihugu nk’u Bwongereza n’u Bubiligi kugira ngo bongerere ingufu itsinda « Tracking Unit » ryahawe inshingano zo guhiga abashinjwa kuba ku isonga muri Jenoside, iryo tsinda rikaba ryarashyizweho ubwo hatangizwaga urukiko rwa TPIR.

Abo bantu bahawe inshingano zo guhiga by’umwihariko Kabuga Félicien wakomeje gushakishwa kuva mu 1997, kudafatwa kwe bikaba byari biteye ikimwaro n’ipfunwe inzego z’ubutabera mpuzamahanga.

Kabuga wavuzweho kuzenguruka mu bihugu bitandukanye birimo u Busuwisi, Repubulika Iharanira Demokarasi ya Congo (RDC), Kenya n’u Budage, byageze aho abantu batekereza ko adashobora gufatwa. Nyamara yaje gutabwa muri yombi n’urwego rw’Abajandarume (OCLCH) rwo mu Bufaransa, ndetse afatirwa muri icyo gihugu.

Colonel Éric Emeraux uyobora urwo rwego kuva muri 2017 avuga ko ubwo basabwaga gukorana n’abandi mu gushakisha Kabuga, batatekerezaga ko yaba ari ku mugabane w’i Burayi.

Mu gihe cyo kumuhiga no kumuta muri yombi, abari bafite izo nshingano ngo ntiborohewe n’igikorwa, dore ko babonaga amakuru atamuvugaho rumwe cyane cyane ku bijyanye n’aho yaba aherereye, bamwe bakavuga ko yaba ari muri Afurika, aho yamaze igihe kirekire yihishahisha, abandi bakavuga ko yaba ari i Burayi aho yahungiye nyuma ya Jenoside.

Kwihisha kwe kandi ngo yaba yarabifashwagamo n’ibihugu bimwe na bimwe ndetse n’abari ku butegetsi bw’ibyo bihugu. Igihugu kigarukwaho cyane ni Kenya yayoborwaga na Daniel Arap Moi.

Ubwo yashyirirwagaho impapuro zo kumuta muri yombi mu 1997, Kabuga Félicien yakomeje guca mu rihumye inzego z’umutekano zamushakishaga, ariko bikvugwa ko amafaranga menshi yari afite ari yo yifashishaga kugira ngo adatabwa muri yombi, ndetse muri icyo gihe akaba ngo yarakomeje ingendo mu bihugu by’u Busuwisi, RDC n’u Budage.

Icyakora izo ngendo ze zaje kugera ku iherezo ndetse ingufu zongerewe mu kumuhiga zisiga atawe muri yombi. Itsinda ryo kumuhiga ryashyizweho na Serge Brammertz ryakajije imikoranire y’inzego z’umutekano z’ibihugu by’u Bufaransa, u Bwongereza n’u Bubiligi.

Mu ntangiriro z’umwaka wa 2020, ibikorwa byo kumuhiga byacaga amarenga ko yaba yihishe mu Bufaransa ndetse hatangwa amabwiriza yo gukurikirana binyuze mu itumanaho abakekwagaho kugirana ibiganiro na Kabuga, ari na bo bamufashaga kwihisha.

Ihanahanamakuru hagati y’inzego z’umutekano mu bihugu by’u Bufaransa, u Bwongereza n’u Bubiligi ryashyize iherezo ku bikorwa byo gushakisha Kabuga, dore ko ayo makuru ari yo yatumye afatirwa mu icumbi ryo mu gace ka Asnières-sur-Seine i Paris mu Bufaransa aho yabaga akoresha umwirondoro muhimbano.

Umwe mu bakurikiraniraga hafi iyi dosiye avuga ko amakuru y’ibanze yatumye afatwa yaturutse mu Bwongereza. Abapolisi bo mu Bwongereza ngo bamenyesheje bagenzi babo bari bafatanyije muri icyo gikorwa ko umwe mu bakobwa ba Kabuga (wabyaye abana 11) akora ingendo zihoraho ava i Londres mu Bwongereza yerekeza i Paris mu Bufaransa.

Ku rundi ruhande, abari mu iperereza mu Bufaransa na bo baje gutahura ko umwe mu bahungu ba Kabuga akora ingendo kenshi ava mu Bubiligi aza mu Bufaransa, ibyo bituma Inama y’Urwego rwasimbuye inkiko mpuzamahanga zashyiriweho u Rwanda na Yugoslavia (IRMCT) yateranye mu kwezi kwa Kabiri muri uyu mwaka wa 2020 ifata umwanzuro wo kongera ingufu mu gushakishiriza Kabuga mu Bufaransa by’umwihariko muri ako gace.

Imirongo ya telefone y’abo bana ba Kabuga ngo yarakurikiranywe, bigaragara ko bose berekezaga muri ako gace ka Asnières, iperereza muri ako gace ritahura ko hari icumbi ryakodeshejwe n’umwe mu bahungu ba Kabuga Félicien.

Abari mu bikorwa byo kumushakisha bavuga ko gahunda yo guhagarika ingendo mu Bufaransa kuva tariki 17 Werurwe 2020 yaba yaragize uruhare mu gutuma Kabuga aguma mu gace kamwe, byoroshya gukurikirana amakuru y’aho yari aherereye.

Kabuga yafashwe hashize iminsi mike abatuye mu Bufaransa bemerewe gusubukura ingendo, icyo gihe abamuhigaga barushaho kureba niba yaba ari mu gace bamukekagamo nubwo na none bakomeje kugira impungenge ko yaba atari ho ari kuko ngo atakundaga kugaragara.

Nyuma yo kutamubona acaracara muri ako gace, mu rukerera rwo ku itariki ya 16 Gicurasi 2020, Abajandarume ngo biyemeje gufungura urugi rw’inzu byavugwaga ko yihishemo, bamusangamo, nk’uko bisobanurwa na Colonel Éric Emeraux ukuriye Abajandarume bari muri icyo gikorwa.

Mu gihe cy’imyaka 26 yamaze yihishahisha, Kabuga Félicien ngo yaba yarakoresheje ibyangombwa bimuranga 28 bitandukanye by’ibihimbano, akagira na pasiporo yahawe n’igihugu cya Afurika ariko kitatangajwe.

Benshi bakomeje kugaragaza amatsiko ku kumenya amakuru menshi amwerekeyeho asobanura uburyo yabashije kwihisha muri iyo myaka yose ishize, no kumenya igihe nyacyo yari amaze mu Bufaransa, ndetse n’abamufashije muri urwo rugendo rwose.

Ni intambwe ya mbere ku rubanza rw’uyu munyemari ukekwaho kuba umuterankunga ukomeye wa Jenoside yakorewe Abatutsi mu 1994.

Biteganyijwe kuri uyu wa Gatatu Kabuga ashobora kuza kugaragara mu Rukiko rwa Paris, ariko umwunganizi we mu mategeko Me Emmanuel Altit, we yasabye ko umukiriya we yazagezwa mu rukiko ku wa gatatu w’icyumweru gitaha, hakazaba ari tariki ya 27 Gicurasi 2020.

Urukiko ruzaba rufite iminsi 15 yo guha agaciro impapuro zo guta muri yombi Kabuga, zashyizweho n’Urwego rwasimbuye icyahoze ari Urukiko Mpuzamahanga Mpanabyaha rwashyiriweho u Rwanda (ICTR).

Umushinjacyaha yamumenyesheje ibijyanye n’impapuro zimuta muri yombi zatanzwe n’urwo rwgo. Urukiko na rwo rugomba kuzamumenyesha ibyo aregwa, nyuma mu gihe cy’iminsi umunani abacamanza bakazatangira gukurikirana ikirego cye.

Amabwiriza ateganyako umuntu wahunze ubutabera mpuzamahanga mu gihe cy’imyaka 26 agomba koherezwa i La Haye mu Buholandi, agacibwa urubanza n’urwego rwatanze impapuro zo kumuta muri yombi (IRMCT).

Bivuze rero ko urubanza rwe rushobora kuzabera i La Haye cyangwa se i Arusha muri Tanzaniya.

Amafoto: Gettyimages

Brammertz avuga ko gufata Kabuga bivuze guhiga bukwera abandi bakoze Jenoside bakihishahisha

Umushinjacyaha Mukuru Blammertz avuga ko gufata Kabuga Felicien byashyizwemo imbaraga nyinshi mu myaka ibiri ishize kandi ko hari kwifashishwa ikoranabuhanga mu gushakisha abakoze Jenoside yakorewe Abatutsi.

Serge Blammertz yavuze ko abakihishahisha ku byaha bya Jenoside bakoze mu Rwanda nta buhungiro bafite kandi ko ababashakisha bahagurukiye kubafata byanze bikunze.

Yavuze ko hari kwifashishwa ikoranabuhanga mu guhiga abakoze Jenoside bakihishahisha kandi ko ikoramabuhanga mu kubafata riri gutanga umusaruro, urugero ruka ari urwa Kabuga Felicien uherutse gutabwa muri yombi.

Agira ati “Ababashakisha barahari kandi barimo gukora cyane hifashishijwe ikoranabuhanga rihambaye, bishobora gufata igihe ariko bizarangira tubafashe, n’iyo byafata amezi cyangwa imyaka”.

Ati “N’uyu wafashwe mu buryo bufatika yahinduye amazina ku buryo busaga 10 yiyoberanya. Yego birashoboka ko byafata igihe, ubutumwa ku bakihishahisha rero ni ubu, turaje, tuje kubashakisha turacyakora amaperereza dufite urutonde rw’abandi bashakishwa, nka Mpiranya na Bizimana, akazi karakomeje turacyahiga bukware abakoze Jenoside bakihishahisha”.

Blamertz avuga ko atangiye inshingano ze yakoze amavugururwa menshi mu gushakisha abakoze Jenoside bagahera kuri Kabuga Felicien, hakarebwa amakuru yose yavugaga aho yabaye haba ku mugabane wa Afurika no mu Burayi.

Avuga ko hafashwe umwanzuro wo guhera aho byari bizwi ko yabaye, mu mwaka wa 2007 maze hashyirwaho itsinda ry’abashinzwe gukashakisha Kabuga kugeza muri polisi mpuzamahanga na polisi yo ku mugabane w’Uburayi.

Avuga ko tekiniki nshya zo guperereza ibijyanye n’imari no gukusanya amakuru mu gihe gisaga umwaka byagaragaje ko yaba ari mu Bwongereza, Ubufaransa cyangwa mu Bubiligi, ku buryo mu mezi atatu ya nyuma ari bwo hamenyekanye ko Kabuga yaba ari mu Bufaransa.

Avuga ko nyuma yo gushaka amakuru y’aho Kabuga yihishe hakurikiyeho imikoranire n’inzego z’ubutabera n’iz’umutekano mu gihugu cy’Ubufaransa maze bamenya inyubako Kabuga yari yihishemo bakamugeraho bakamufata.

Umushinjacyaha Blammertz avuga ko nyuma yo gufata Kabuga Felicien hari kurebwa aho azaburanira, bikaba bishoboka cyane ko azaburanira i La Haye mu Buholandi, cyangwa akaburanira i Arusha muru Tanzaniya.

Agira ati “Icya mbere ni ukwishimira uburyo yafashwe kuko hari benshi twaganiraga i Kigali bavuga ko umunsi nk’uyu utazigera ubaho, abacitse ku icumu rya Jenoside ubu bariruhukije kuko hari hashize imyaka 26 tuwutegereje ubu rero dushobora kubyishimira”.

“Kuri ubu ari i Paris akaba agiye no kugezwa imbere y’ubutabera bwo mu Bufaransa, kandi nshingiye ku mpapuro z’ubutabera mpuzamahanga ashobora kuburanira i Paris ariko birashoboka cyane ko azaburanira Arusha muri Tanzanyiya igihe cyose urubanza ruzaba rutangiye”.

Kabuga Felicien ni umwe mu bashakishwaga cyane n’ubutabera mpuzamahanga ku byaha bya Jenoside yakorewe Abatutsi akurikiranyweho ku buryo hanashyizweho akayabo ka miliyoni eshanu z’amadorari ya Amerika ku muntu wese wagaragaza aho ari ngo atabwe muri yombi.

Kuri ubu inkuru yakwiriye mu bitangazamakuru byo muri Kenya iravuga ko abavandimwe b’umunyamakuru William Munuhe Gichuki wishwe agiye kumenyekanisha aho Kabuga yari yihishe muri Kenya; na bo batangiye gusaba ko bahabwa ubutabera ku muvandimwe wabo warashwe azira ko yari agiye gutangaza amakuru ya Kabuga ku rwego rushinzwe ubutasi rwa Amerika rwa (FBI).

Umwe mu bavandimwe b’uyu munyamakuru ukomeje gukurikirana iki kirego mu nkiko za Kenya witwa Josephat Muriithi Gichuki yabwiye itangazamakuru ko atigeze acika intege mu gushakisha ubutabera ku muvandimwe wabo. Uwo muvandimwe wabo yari umunyamakuru ukora inkuru zicukumbuye (investigative journalism). William Munuhe Gichuki yishwe agerageza gushyikiriza FBI Félicien Kabuga wari muri Kenya, nk’uko aba bo mu muryango we babivuga.

BBC yanditse ko mu kwezi kwa 12 mu mwaka wa 2002 uwo munyamakuru Kichuki Munuhe yagiye gusura umuryango we utuye mu karere ka Nakuru ababwira ko hari igikorwa kinini ari gukora kandi agifatanyije n’abo yise abazungu mu mvugo ye; yemezaga ko nikigenda neza azagihemberwa bishimishije ndetse bizahindura ubuzima bubi umuryango we wari ubayemo. Icyo gihe ngo nibwo baje kumenya ko umuvandimwe wabo yari yaramenye aho Kabuga yari yihishe muri Kenya, ariko ku bw’ibyago by’uwo munyamakuru aza kwicwa mu kwa mbere mu mwaka wa 2003 ataratanga ayo makuru.

Mu kwa gatatu; umuvandimwe w’uyu munyamakuru wishwe avuga ko aribwo inkiko zari gutangira kuburanisha urubanza aregamo Leta ya Kenya kuko yanze gukora iperereza ku rupfu rwa murumuna we Munuhe ndetse yongeraho ko icyababaje umuryango wabo cyane ari uko igipolisi n’abayobozi muri Leta batangaje ko umunyamakuru Munuhe yapfuye yiyahuye azize kubura umwuka kubera imbabura nyamara ngo ku murambo we bigaragara ko yarashwe isasu ryo mu mutwe ndetse ngo no ku maboko afite ibikomere byerekana ko yabanje kurwanya abamwishe.

Agira ati: “Ubwo twari tumaze kumenya amakuru y’urupfu rwa Munuhe, twagiye kumureba i Nairobi mu cyumba cy’abapfuye byagaragaraga n’amaso ko afite igikomere cy’isasu mu mutwe ndetse no ku bice by’amaboko byabonekaga ko yari afite ibikomere nk’aho yarwanye n’abamwishe.

Kabuga Félicien wafashwe ku wa gatandatu tariki 16 Gicurasi 2020, BBC ivuga ko yabaye igihe kinini muri Kenya akingiwe ikibaba na bamwe mu bategetsi kubera ruswa n’inyungu z’ubucuruzi.

Jenoside ikirangira mu Rwanda, amakuru atangwa n’inzego zitandukanye avuga ko Kabuga yahungiye mu Busuwisi. Amakuru akomeza avuga ko yahise ajya i Kinshasa muri Congo nyuma yerekeza i Nairobi muri Kenya aho kuva mu 1995 bivugwa ko yakoraga ubucuruzi mu gace kitwa Kilimani.

Umuvugizi w’Ubushinjacyaha bw’u Rwanda, Faustin Nkusi, avuga ko bishimiye icyemezo cyo guta muri yombi Kabuga Félicien ushinjwa kuba umuterankunga ukomeye wa Jenoside yakorewe Abatutsi mu 1994, kurema umutwe w’Interahamwe ndetse no gushinga radio RTLM.

Nkusi yabwiye KT Radio ko n’ubwo urwego IRMCT rukorera i Arusha muri Tanzaniya ari rwo rufite ububasha bwo kuburanisha Kabuga Félicien, ngo hari amadosiye rwagiye rwoherereza u Rwanda y’abantu batandukanye, ku buryo ngo n’iyo rwaramuka rumwoherereje inkiko z’u Rwanda ngo ziteguye kumuburanisha.

Urukiko rwa ICTR rwaburanishaga ibyaha bya Jenoside i Arusha muri Tanzania, mu 1998 rwasohoye impapuro zo guta muri yombi Kabuga. Muri icyo gihe Leta zunze ubumwe za Amerika na zo zashyizeho akayabo ka miliyoni eshanu z’Amadolari ku wari gutanga amakuru y’aho Kabuga yari yihishe kugira ngo atabwe muri yombi.

Kabuga yafashwe ku wa Gatandatu tariki 16 Gicurasi 2020, afatirwa mu Bufaransa n’Igipolisi cyaho, nyuma yo kumushakisha ku bufatanye na Polisi y’u Bubiligi, u Bwongereza ndetse n’Urwego rwasigariyeho icyari Urukiko Mpuzamahanga Mpanabyaha rwashyiriweho u Rwanda na Yugoslavia (IRMCT).

Ubuzima bwa Kabuga mu myaka 26 ishize bwaranzwe no kwihishahisha mu bihugu binyuranye, abifashijwemo n’inzego zitandukanye ndetse n’abana be.

Mbere yo kuvuga ku buzima bwe, ubundi kabuga Felicien ni muntu ki?

Amakuru make agaragara mu kirego cye, agaragaza ko Kabuga yavutse mu 1935, avukira ahitwa Mugina, mu cyahoze ari Komini Mukarange, Perefegitura ya Byumba.

Abaturanyi bo mu muryango we mugari, babwiye Kigali Today / KT Press, ko ako gace ubu hasigaye ari mu Kagari ka Gatenga, Umurenge wa Mukarange, Akarere ka Gicumbi mu Ntara y’Amajyaruguru.

Kwitwa “umuterankunga wa Jenoside”, Kabuga yari umucuruzi ukomeye wabanaga bya hafi n’umuryango wa Habyarimana Juvenal wari Perezida w’u Rwanda. Yagize uruhare mu ishingwa rya komite y’agateganyo y’ikigega cy’umutekano w’igihugu (“Comité Provisoire du Fonds de Défense Nationale – FDN”), ayibera umuyobozi, ndetse anaba umuyobozi wa komite nyobozi ya radiyo/televiziyo RTLM.

Kabuga kandi yari umurwanashyaka w’ishyaka ryari ku butegetsi (MRND), rya Perezida Habyarimana, ndetse n’umutwe w’urubyiruko wari urishamikiyeho waje no gushyira mu bikorwa Jenoside.

Kabuga kandi yari umuterankunga w’imena w’iyo mitwe yose, ndetse n’umuterankunga w’ibikorwa byayo byo gutegura, gutera inkunga no gushyira mu bikorwa Jenoside, ibikorwa yahaye imbaraga cyane hagati ya 1990-1994.

Inyandiko y’ikirego cye hari aho igira iti “Mu bindi, uyu mugambi wabibye urwango, irondabwoko no gutsemba Abatutsi, gutoza umutwe witwaza intwaro, no gukora urutonde rw’abantu bagomba kwicwa.

Kabuga avugwaho gutegura, gushishikariza no kwitabira ubwicanyi mu gusohoza uwo mugambi”.

Ni yo mpamvu kuva muri Mata kugera muri Kamena, ku itegeko rya Kabuga, ku bufatanye na Guverinoma y’inzibacyuho, hamwe n’Interahamwe, bahagarikiye banagenzura abayobozi b’inzego z’ibanze hamwe n’abaturage bishe Abatutsi mu gihugu hose.

Icyo kirego kiti “Kuva muri Mata 1994, abo bayobozi hamwe n’uwo mutwe n’ingabo, bategetse banitabira ubwicanyi bwibasiye Abatutsi n’Abahutu batari bashyigikiye uwo mugambi mu Rwanda hose. Kabuga yari azi ubu bwicanyi ariko ntiyigeze akoresha imbaraga ze ngo abuhagarike”.

Bigaragara ko Kabuga n’abo bari bafatanyije bari bafite uburyo bukomeye bwabafashaga gutanga amategeko akubahirizwa, ari bwo radiyo/televiziyo RTLM ndetse n’ikinyamakuru Kangura, bivugwa ko Kabuga ari we wari warabishoyemo imari.

“Mu nama yo gukusanya imisanzu ya RTLM, Kabuga yavuze ko RTLM yagombaga kuba radiyo ya “Hutu Power”. Mu Ugushyingo 1993, no muri Gashyantare 1994, Kabuga yahamagajwe n’uwari Minisitiri w’Itangazamakuru, amusaba guhagarika gukwirakwiza ubutumwa bugamije guhembera inzangano".

Bivugwa kandi ko kuva mu 1992, binyuze muri Kompanyi ya Kabuga yitwaga ETS, byavuzwe ko yatumije amatoni y’imihoro, amasuka ndetse n’ibindi bikoresho by’ubuhinzi, byakekwaga ko byari kwifashishwa nk’intwaro mu gihe cy’ubwicanyi.

Hiyongeraho kandi ko Kabuga yaba yaratanze ibikoresho ku Nterahamwe, harimo gutanga intwaro, impuzankano, no kuzitwara mu modoka ze.

Muri Werurwe 1993, bivugwa nanone ko Kabuga yatumije imihoro 5000 muri Kenya.

Bivugwa kandi ko muri Jenoside hagati, Kabuga yakomeje gushka izindi nkunga, mu rwego rwo gukomeza umugambi we.

Bivugwa ko Kabuga yayoboye komite y’ikigega gishinzwe umutekano w’igihugu, mu rwego rwo gushaka inkunga ya Leta y’inzibacyuho mu gutsemba Abatutsi. Icyo kigega cyashyizweho tariki 25 Mata 1994.

Raporo ikubiyemo ikirego cye, ivuga ko icyo kigega cyari cyashyiriweho kugura intwaro, imyambaro ndetse n’imodoka byo gufasha Interahamwe, ndetse no gukwirakwiza intwaro hirya no hino mu gihugu.

“Kabuga yagizwe umuyobozi wa komite y’agateganyo y’icyo kigega, ndetse ni nawe wari wemewe nk’’umusinyateri’ kuri konti z’ikigega”.

Kwihisha imyaka 26

Nkuko bigaragazwa n’inyandiko yemewe n’amategeko, Kabuga yasabye ubuhungiro mu Busuwisi ku itariki ya 22 Nyakanga 1994, kuri viza yemewe. Yaje kugarurwa mu Rwanda ku itariki ya 18 Kanama 1994, ariko abasha guhita ahungira i Kinshasa muri RDC, mnbere y’uko ihuriro ry’Abanyarwanda babaga mu Busuwisi ritanga ikirego kuri we.

Igihugu cy’u Busuwisi cyishyuye urugendo rwe n’abana be barindwi, ku mafaranga 21,302 y’Amasuwisi.

Raporo ivuga ko “Uretse ibyo, mbere yo kwirukanwa, bigaragara ko yabashije kubona uko ajya muri banki yari iri i Geneve, abasha kubikuramo amafaranga”.

Tariki ya 18 Nyakanga 1997, yacitse umukwabu wo kumuta muri yombi wari wiswe “Naki”, wakorewe ahitwa Karen mu murwa mukuru wa Kenya, Nairobi. Bivugwa ko umupolisi w’Umunyakenya yaretse Kabuga akigendera.

Nkuko abagenzacyaha ba ICTR babivuga, Kabuga ngo yaba yarahawe umutekano n’uwari Perezida wa Kenya Daniel Arap Moi. Muri Mata 1998, bivugwa ko Kabuga yagaragaye mu nzu yari iya mwisywa wa Perezida Moi, yari yegeranye n’iy’umuhungu wa Moi.

According to ICTR investigators, Kabuga was reported to be protected Raporo y’Ishami ry’Umuryango w’Abibumbye rishinzwe gukurikirana intwaro zaguzwe n’umutwe witwaraga gisirikare wa Leta y’u rwanda, bivugwa ko Kabuga yagaragaye mu burasirazuba bwa Asia muri Nzeri 1998. Nyuma muri 2000, bivugwa ko yahise ajya mu Bubiligi, aho bivugwa ko umugore we atuye.

Tariki ya 11 Kamena 2002, Leta zunze ubumwe za Amerika, zatangije ubukangurambaga mu itangazamakuru bwo guta muri yombi Kabuga, ndetse ubwo bukangurambaga bwaje no kugera ku gihembo cya ,iloyoni eshanu z’amadolari ya Amerika, ku muntu wari gutanga amakuru yatuma atabwa muri yombi.

Umuvugizi w’Ubushinjacyaha bw’u Rwanda, Faustin Nkusi avuga ko bishimiye icyemezo cyo guta muri yombi Kabuga Felicien ushinjwa kuba umuterankunga ukomeye wa Jenoside yakorewe Abatutsi mu 1994, kurema umutwe w’Interahamwe ndetse no kugira uruhare mu gushinga radio RTLM.

Nkusi yabwiye Kigali Today ko nubwo urwego IRMCT rukorera i Arusha muri Tanzaniya ari rwo rufite ububasha bwo kuburanisha Kabuga Félicien, ngo hari amadosiye rwagiye rwoherereza u Rwanda y’abantu batandukanye, ku buryo ngo ruramutse rumwohereje inkiko z’u Rwanda ziteguye kumuburanisha.

Yagize ati “Impapuro zimuta muri yombi zashyizweho n’urwo rwego rukorera i Arusha, ni na rwo rwamushakishaga, cyane ko na dosiye ye ni ho iri, ubu rero igikurikiraho ndumva ari uko yajyanwa i Arusha kugira ngo aburanishwe”.

Ati “Uru ni uwego rwashyizweho n’Umuryango w’Abibumbye(UN), ni urwego rwizewe kandi rwahawe inshingano, icyo rusabwa rero ni ukuzuzuza nta kindi”.

Nkusi yakomeje agira ati “Kuba Kabuga yatawe muri yombi nyuma y’imyaka 26, ni icyemezo twishimiye kuko habayeho ubufatanye mpuzamahanga bw’inzego nka Interpol n’ibihugu bitandukanye.

Ibi biratanga ubutumwa bukomeye bugaragariza abakoze ibyaha ko aho bari hose, umunsi uwo ari wo wose bashobora gufatwa”.

Minisiteri y’Ubutabera y’u Bufaransa yasohoye itangazo rivuga ko inkiko z’icyo gihugu zizashyikiriza Kabuga Felicien Urukiko Mpuzamahanga mpanabyaha rukorera i La Haye mu Buholandi, akaba ari rwo rumuburanisha, ariko urwo rukiko rukaba n’ubusanzwe ari rwo ruyobora Urwego IRMCT.

U Bufaransa buvuga ko Kabuga Félicien yari atuye mu icumbi ryo mu gace kitwa Asnières-sur-Seine, aho yabaga mu bwihisho abifashijwemo n’abana be ngo bari baramuboneye imyirondoro mishya.

IBUKA irifuza ko Kabuga Felicien yaburanishirizwa mu Rwanda

Bitangajwe nyuma y’uko Kabuga Felicien atawe muri yombi i Paris mu gihugu cy’u Bufaransa nyuma y’igihe kirekire ashakishwa n’ubutabera mpuzamahanga ku byaha bya Jenoside yakorewe Abatutsi.

Umuyobozi w’Umuryango Ibuka Prof. Jean Pierre Dusingizemungu, yavuze ko mu izina ry’abacitse ku icumu ahagarariye, bashimishijwe cyane n’itabwa muri yombi rya Kabuga Felicien, bikaba byarushaho kubashimisha aramutse azanywe kuburanira mu Rwanda aho yakoreye icyaha.

Agira ati “Ku bacitse ku icumu icyifuzo cyacu ni uko yagezwa mu Rwanda, niba ubuyobozi bw’u Rwanda hari icyo bwakora ku bufatanye nk’uko bwakunze kugaragaza ubwo bufatanye, Kabuga aje kuburanishwa aho yakoreye icyaha muri iki gihugu, akagezwa i Kigali rwose byadushimisha kurushaho”.

Ati “Abacitse ku icumu barushaho kumva ko ubutabera bukora, ko ubufatanye bw’ibihugu cyane cyane ku ruhare u Rwanda ruba rwabigizemo, bakumva ko urwo ruhare ruhari kandi ko n’abandi bakidegembya bizashoboka. Umuntu arihisha ariko kera kabaye agafatwa biratugaragarira ko bishoboka, Kabuga rero agejejwe mu Rwanda byarushaho kudushimisha”.

Prof. Dusingizemungu avuga ko nubwo biteganywa ko azoherezwa i Lahaye mu Buholandi mu butabera mpuzamahanga byaba byiza azanywe mu Rwanda.

Avuga ko Umuryango IBUKA bashimira uruhare Leta y’u Rwanda yakomeje kugira mu gushakisha abakoze ibyaha bya Jenoside barimo na Kabuga Felicien, kandi ko kuba yafatiwe mu gihugu cy’u Bufaransa ari ikimenyetso gikomeye cy’ubutabera mpuzamahanga.

Agira ati “Kuba yafatiwe mu gihugu cy’u Bufaransa ni ikigaragaza ubufatanye bw’ibihugu bitandukanye birimo n’u Bufaransa n’u Bubiligi n’ibindi bihugu ku mugabane w’Uburayi, ndetse n’ubushinjacyaha bw’u Bufaransa, inzego za Polisi mpuzamahanga ndetse na Polisi yo ku mugabane w’Uburayi”.

Avuga ko gufatwa kwa Kabuga ari ikimenyetso gifatika kigaragaza ko icyaha cya Jenoside kidasaza ku buryo n’abandi bazakomeza gufatwa.

Uyu mugabo ni umwe mu bantu bashakishwaga cyane ku isi, kubera uruhare akekwaho muri Jenoside yakorewe Abatutsi, ndetse Leta zunze ubumwe za Amerika zari zarashyizeho igihembo cya miliyoni eshanu z’amadolari ya Amerika ku muntu uzatanga amakuru yatuma uyu mugabo afatwa.

Kabuga yafatiwe i Paris mu Bufaransa, ku bufatanye n’abayobozi b’ u Bufaransa bafatanyije iperereza n’ibiro by’Urwego rwasigariyeho Urukiko Mpuzamahanga Mpanabyaha (IRMCT).

Umushinjacyaha Mukuru w’urwo Rwego, Serge Brammetz yavuze ko ifatwa rya Kabuga ari ikimenyetso cy’uko abagize uruhare muri Jenoside bose bazagezwa mu butabera igihe icyo ari cyo cyose.

Yagize ati “Ibitekerezo byacu by’ibanze biri ku barokotse n’abazize Jenoside yakorewe Abatutsi. Kubakorera ubuvugizi, ni icyubahiro cya kinyamuga ku kazi kanjye”.

Serge Brammetz avuga ko ifatwa rya Kabuga rigaragaza ko haramutse habayeho ubufasha bw’Umuryango w’Abibumbye, ibyagerwaho ari byinnshi.

Ati “Uyu musaruro turawukesha Akanama ka Loni gashinzwe Amahoro, kiyemeje gushyiraho uru rugereko ngo rukomeze gukurikirana ibibazo kuri Jenoside yakorewe Batutsi ndetse n’ibyo muri Yugoslavia.

Turashimira u Bufaransa n’urwego rwabwo rushyiraho amategeko, cyane cyane ibiro bishinzwe kurwanya ibyaha byibasira inyoko muntu, ibya Jenoside ndetse n’iby’intambara, tugashimira n’ ibiro by’Umushinjacyaha Mukuru mu Rukiko rw’Ubujurire rwa Paris”.

Yavuze ko gufata Kabuga bitari gushoboka izo nzego zose zitabigizemo uruhare.

Serge yashimiye n’abandi bafatanyabikorwa bagize uruhare mu itabwa muri yombi rya Kabuga, harimo inzego zishyiraho amategeko ndetse n’ubushinjacyaha zo mu Rwanda, u Bubiligi, u Bwongereza, u Budage, u Buholandi, Australia, Luxembourg, u Busuwisi, USA, Polisi y’Uburayi na Polisi mpuzamahanga.

Ati “Iri tabwa muri yombi rigaragaza rigaragaza umusaruro udasanzwe waboneka binyuze mu bufatanye bw’inzego mpuzamahanga zishyiraho amategeko ndetse n’ubucamanza”.

Yavuze ko mu ntangiriro z’uyu mwaka, ibiro uru rwego rwasuye urwibutso rwa Jenoside rwa Ntarama muri Bugesera, mu rwego rwo kunamira inzirakarengane zazize Jenoside, ndetse no kuvugurura ibyo twiyemeje gukora mu gutanga ubutabera, akavuga ko itabwa muri yombiu rya Kabuga rigaragaza imbaraga zashyizwemo.

Mu 1997, Urukiko Mpuzamahanga Mpanabyaha rwari rwarashyiriweho u Rwanda (ICTR), rwashinje Kabuga ibyaha birindwi bya Jenoside, ubufatanyacyaha muri Jenoside, gushishikariza mu buryo butaziguye no gukangurira rubanda gukora Jenoside, gushaka gukora Jenoside, umugambi wo gukora Jenoside, gutoteza no gutsemba, byose bifitanye isanona Jenoside yakorewe Abatutsi mu Rwanda.

Nkuko biteganywa n’amategeko y’u Bufaransa, biteganyijwe ko Kabuga ajyanwa gufungirwa mu rugereko rwihariyerwasigariyeho icyahoze ari ICTR, akazabona kugezwa mu rukiko.

Serge yavuze ko Polisi y’u Bufaransa yataye muri yombi Kabuga u buryo butoroshye, bwahujwe n’ibikorwa byo gusaka mu bice bitandukanye.

Urwego rwasigariyeho urukiko Mpuzamahanga Mpanabyaha rwashyizweho n’akanama ka Loni gashinzwe umutekano, mu rwego rwo kurangiza imanza zasizwe n’icyahoze ari Urukiko Mpuzamahanga Mpanabyaha rwashyiriweho u Rwanda na Yugoslavia, rwahagaritse imirimo yarwo muri 2015 na 2017.

Theodor Meron, Perezida w’urwego mpuzamahanga ruzakora imirimo ya ICTR, asanzwe ari Perezida w’urukiko mpuzamahanga mpanabyaha rwashyiriweho Yougoslavia.

Mu muhango wo gutangiza urwo rwego wabaye tariki 02/07/2012 ku kicaro cya ICTR Arusha muri Tanzania, Theodor yavuze ko abo Banyarwanda ari Felicien Kabuga wari umucuruzi, Majoro Protazi Mpiranya wari umuyobozi w’umutwe w’ingabo zarindaga Habyarimana na Augustin Bizimana wahoze ari minisitri w’ingabo bose bagishakishwa.

Urwego mpuzamahanga rushinzwe gukora imirimo izaba isigaye y’urukiko mpanabyaha mpuzamahanga rwashyiriweho u Rwanda rwatangijwe ku mugaragaro n’uwungirije umunyamabanga mukuru w’umuryango w’abibumbye ushinzwe amategeko, Stephen Mathias.

Stephen yijeje ubufatanye abacamanza bagize urwo rwego,yibutsa ko rufite inshingano ikomeye yo guta muri yombi abakekwaho Jenoside batarafatwa.

Umushinjacyaha mukuru w’u Rwanda, Martin Ngoga, wari witabiriye uwo muhango wo gutangiza urwo rwego rushya, yavuze ko afite icyizere ko urwo rwego ruzashyiramo imbaraga gushakisha no guta muri yombi abo bagishakishwa kubera uruhare bagize muri Jenoside yakorewe Abatutsi.

Umushinjacyaha mukuru w’u Rwanda yasabye urwo rwego ruzakora akazi kakorwaga na ICTR gushyira mu bikorwa nshingano rwahawe aho kuguma mu magambo gusa.

Martin Ngoga yanasobanuye ko ubushinjacyaha bw’u Rwanda bwakoze ibishoboka kugira ngo abakekwaho Jenoside batarafatwa ngo batabwe muri yombi. Kugeza ubu ubushinjacyaha bw’u Rwanda bwaratanze inyadiko zo kubafata mu bihugu bitandukanye harimo n’igihugu cya Tanzania.

Mu kwezi gushize nibwo abacamanza 9 bagize uru rwego rushya ruzakurikirana abakekwaho Jenoside barahiye. Mu barahiye harimo Umunyakenya Lee Muthoga, Solomy Bossa B.uturuka muri Uganda, Joseph Masanche na C.William H.Sekule bo muri Tanzania.

Kigali Today

Abantu 9 bashakishwa cyane na ICTR na USA bashinjwa kugira uruhare muri Jenoside y’abatutsi.

Leta zunze Ubumwe z’Amerika kandi zanijeje uzatanga amakuru ko izina rye rizagirwa ibanga ndetse akazacungirwa umutekano w’aho azaba ari kuri iyi isi n’aho azaba ashaka kujya.

Uza ku mwanya wa mbere muri abo barashakishwa, ni umunyemari Kabuga Felicien, uregwa kuba yaratanze inkunga y’ibikoresho ndetse akanatanga amafaranga menshi yo guhemba no kugura ibikoresho byakoreshejwe mu gutsemba abatutsi muri Jenoside, birimo kugura imihoro atanga n’imidoka zajyaga kwica abantu. Amakuru avuga ko yaba yihishe muri Kenya aho akomeje gukora ubucuruzi ni ubwo icyo gihugu kibihakana. By’umwihariko urukiko mpanabyaha mpuzamahanga rwashyiriweho u Rwanda (ICTR) rukaba rwaratangije kumva abatangabuhamya bashinja uwo mugabo, bukazabikwa kugeza igihe azatrebwa muri yombi.

u mwanya wa kabiri hari Bizimana Augustin, aho bivugwa ko yaba ari muri Repubulika Iharanira Demokarasi ya Kongo, mu mwaka ushije bikaba byavugwaga ko yaba yaragiye mu bihugu nka Angola, Guinne, Kenya ndetse na Kongo Brazzaville.

Bizimana akaba ashinjwa kuba yarateguye Jenoside yakorewe abatutsi no kwica abandi banyapolitiki batavugaga rumwe n’ubutegetsi, ndetse ngo no mu gihe cy’iminsi 100 Jenoside yamaze, Bizimana akaba yarateraga inkunga abicanyi, abaha anabigisha intwaro.

Akaba yaragize uruhare mu gutegura amazina y’abantu bagombaga kwicwa, by’umwihariko akaba yarategetse abamurinda kwica abantu babiri bari bafatiwe mu muhanda wo hafi y’aho yari atuye.

Undi uri ku mwanya wa gatatu ni Protais Mpiranya wari wungirije umuyobozi w’ibikorwa bya gisirikare n’ubutasi muri batayo yari ishinzwe kurinda umukuru w’igihugu (GP), mbere yo kugirwa umuyobozi wa batayo yari ishinzwe kurinda umukuru w’igihugu mu mwaka wa 1993.

Kuva mu ntangiriro z’umwaka wa 1992, Mpiranya bivugwa ko yagenzuraga imyitozo y’Interahamwe yaberaga mu Ruhengeri, Cyangugu, Gisenyi, Butare n’ Umutara, by’umwihariko mu bigo bya gisirikare bya Gabiro, Gako, Mukamira na Bigogwe.

Avugwaho gukwirakwiza intwaro mu mutwe w’abagizi ba nabi ndetse n’abaturage b’indobanure bari bafite umugambi wo gutsemba abatutsi. Uyu mugabo bivugwa yaba abarizwa mu gihugu cya Zimbabwe mu Mujyi wa Norton, uretse ko abayobozi bashinzwe iperere muri icyo gihugu nabo bakomeje guhakana ko ariho ari.

Undi ni Pheneas Munyarugarama na we ari ku rutonde rw’abashakishwa, uyu akaba yari Liyetena Koloneli mu ngabo zatsinzwe (Ex-FAR) na we ashinjwa ibyaha birimo Jenoside, ibyaha byo mu ntambara n’ibyibasiye inyokomuntu.
Aloys Ndimbati wahoze ari burugumesitiri wa Komine Gisovu mu cyahoze ari perefegitura ya Kibuye, ashinjwa kwica abatutsi bo mu Bisesero afatanyije n’interahamwe abajandarume,abapololisi ba Komine n’abasirikare.

Abandi bari ku rutonde rumwe na none ni Ladislas Ntaganzwa wahoze ari Burugumesitiri wa Komine Nyakizu i Butare akaba yarahoze ari na perezida wa MRND ishyaka ryari ku butegetsi mu cyahoze ari Komine Nyakizu, Charles Ryandikayo wari umuyobozi wa resitora yo ku Mubuga mu cyahoze ari Komine Gishyita, wagize uruhare mu iyicwa ry’abatutsi bari bahungiye muri kiliziya yo mu Bisesero n’abandi nka Charles Sikubwabo, wari Burugumesitiri wa Komine Gishyita mu cyahoze ari perefegitura, na we ashinjwa kuba yaragize uruhare mu bwicanyi bwabereye muri kiliziya ya Bisesero.

Ku mwanya wa nyuma mu bashakishwa hari Kayishema Fulgence wari umwe mu bayobozi ba polisi mu cyahoze ari Komine Kivumu mu cyari Perefegitura ya Kibuye. Aregwa kugira uruhare mu bwicanyi bw’abatutsi cyane cyane abari ahitwaga Nyamabuye aho yayoboye ibitero by’ishe abatutsi benshi kuko ariwe wasaga naho ategeka interahamwe n’abandi bicanyi kuko uwo yavugaga ko yicwa atararaga.

Egide Kayiranga