Uretse aba bamaze gushyikirizwa ubushinjacyaha, abayobozi b’Akarere ka Rubavu bungirije aribo; Buntu Nsengiyumva Ezechiel, ushinzwe imari n’iterambere ry’ubukungu na Nyirasafari Rusine Rachel ushinzwe imibereho myiza y’abaturage babyutse bitaba Polisi ngo batange amakuru.

Umuvugizi wa Polisi mu Ntara y’Uburengerazuba, Superintendent Hitayezu Emmanuel avuga ko bafashe Sheikh Bahame kuko bafite ibimenyetso. Icyaha kimuhamye yahanishwa igifungo kitari munsi imyaka 5 n’ihazabu ikubye inshuro 10 indonke ya miliyoni 4 z’amafaranga y’u Rwanda bashakaga afatanyite na Noteri Kayitesi Judith.

Sheikh Bahame yatawe muri yombi ku mugoroba wo ku cyumweru tariki ya 22 Werurwe 2015 asanze mo Kayitesi wafashwe tariki ya 18 Werurwe 2015.

I Rusizi ho Amakuru aturukayo aravuga ko uwari umuyobozi w’akarere, Nzeyimana Oscar na bagenzi be bari mu rukiko aho bakurikiranyweho ibyaha byo gukoresha inyandiko mpimbano batanga imibare itari yo mu birebana n’ubwitabire bw’abaturage mu bwisungane mu kwivuza (MUSA).

Sebuharara Syldio