Bashyize indabo ku rwibutso rwa Musanze

Urwo rwibutso rwa Jenoside rwa Musanze rwubatse ahahoze Ingoro y’Ubutabera ya Ruhengeri (Cour D’Appel de Ruhengeri), rushyinguyemo imibiri y’Abatutsi yiganjemo abahoze ari abayobozi mbere ya Jenoside, bakuye mu yahoze ari Superefegitura ya Busengo, nyuma y’uko bahahungiye bizeye kuhakirira.

Umwihariko w’urwo rwibutso, ni uko ariho hari amateka yihariye ku Isi, yo kuba abasivili bariciwe mu nzu y’ubutabera, nk’uko Fidèle Karemanzira, Visi Perezida wa Ibuka mu Karere ka Musanze yabitangarije Kigali Today.

Ati ‟Umwihariko w’uru rwibutso rwa Cour D’Appel, n’uko ariho ku Isi honyine hiciwe abasivili, bakicirwa mu nzu bakagombye kuboneramo ubutabeta. Ibi ubushakashatsi bwagaragaje ko muri Jenoside zose zabaye ku Isi, uretse hano mu Majyaruguru y’Igihugu, aha muri Cour d’Appel nta handi byabaye”.

Arongera ati ‟Amateka arimo aragaragaza uburyo ingengabitekerezo yatekerejwe n’uburyo yagiye yimakazwa mu mikorere y’ubuyobozi bubi bwabaye muri iki gihugu kugeza mu 1994 Jenoside iba. Undi mwihariko, kubera ko turi mu gice cy’Amajyaruguru y’Igihugu cyari cyaribasiwe n’intambara y’abacengezi, aha muri uru rwibutso ni ho hagaragaza ibyaranze intanbwara y’abacengezi, nk’uburyo bwari buje bushya bwo guhakana no kurangiza umugambvi bari baratangije. Iyo ntambara yaje kurangira ihagaritswe kandi n’abahagaritse Jenoside, bafatanyije n’abaturage b’Amajyaruguru n’ab’Iburengerazuba”.

Urubyuruko rwatunguwe no kumva ko icyari ingoro y’ubutabera cyahindutse indiri y’ubwicanyi

Mu mateka urwo rubyiruko rwabwiwe, harimo ko icyari ingoro y’ubutabera cyahindutse indiri y’ubwicanyi, banenga ubwo bwicanyi ndengakamere bwakorewe Abatutsi aho bakagombye gutabarirwa.

Kamucyo Claudette ati ‟Twaje hano mu rugendo rwo kwibuka abacu bazize Jenoside tuhigira amateka atandukanye. Twize uburyo abicanyi bakuraga abantu muri Superefegitura ya Busengo bakabazana hano kuhabicira kandi bari bazi ko baje guhabwa ubutabera”.

Arongera ati ‟Kumva bakubwiye ngo uze baguhungishirize mu rukiko ntabwo wabishidikanyaho, kuko aba ariho honyine wabonera amahoro. Twabonye ko hari abayobozi batandukanye bagiye babigiramo uruhare rwo kubica bakagombye kubafasha. Ubu turashimira ubuyobozi bwiza buhari bwaje kudufasha ibyo bihe bibi tukabivamo, tukaba twese turi Abanyarwanda nta macakubiri akirurangwamo. Mureke twomore imitima y’ababyeyi bacu bareke kugumana ya mateka ya kera, tubabwire ko ibyabaye bitazasubira”.

Nshimiyimana Théogène ati ‟Twaje kwiga amateka yaranze Igihugu cyacu cy’u Rwanda, tubwiwe amateka y’abantu biciwe hano ku rukiko tunenga abayobozi bagize uruhare mu kwica inzirakarengane bakagombye kubarengera. Birababaje kuba ahatangirwa ubutabera harabaye indiri y’ubwicanyi. Twe nk’urubyiruko dutahanye umukoro wo kuganiriza ababyeyi bacu tubarinda inzika kugira ngo twubake u Rwanda ruzira amacakubiri”.

Umunyamabanga Nshingwabikorwa w’Umurenge wa Gacaca, Mukasano Gaudence, yavuze ko kuzana urubyiruko gusura urwibutso biri mu buryo bwo kubafasha kumenya amateka no gufata ingamba zo kurwanya ingengabitekerezo ya Jenoside.

Ati ‟Twateguye iki gikorwa kugira ngo abana bacu bamenye amateka y’ibyabaye, ariko banayigireho kugira ngo bajye barwanya Jenoside n’ingengabitekerezo yayo ku isi”.

Arongera ati ‟Ni ukubatoza kurwana intambara ikomeye cyane cyane iba ku mbuga nkoranyambaga, y’abantu bahakana bakanapfobya Jenoside yakorewe Abatutsi. Ni byiza rero ko urubyiruko rwacu rwo maboko yacu, rwamenya aya mateka bakajya bahangana n’abapfobya Jenoside yakorewe Abatutsi n’abapfobya Jenoside aho yakozwe hirya no hino ku Isi, noneho bagafata n’ingamba no kuba batabara aho babona hagiye gukorwa Jenoside”.

Amani Patient, umwe mu bayobozi b’urubyiruko rwo mu Murenge wa Gacaca, avuga ko icyo bifuza kuri urwo rubyiruko ari ukuba imboni ya bagenzi babo batabashije kuza kwiga ayo mateka, aho rwitezweho kuzayabasobanurira bagafatira ingamba hamwe zo kurwanya ingengabitekerezo ya Jenoside rwivuye inyuma, baharanira gusigasira Politiki y’Igihugu itavangura, aho iteje imbere Ubumwe bw’Abanyarwanda.

Umunyamabanga Nshingwabikorwa w’Umurenge wa Gacaca, Mukasano Gaudence,

Abana bibutse bagenzi babo bazize Jenoside

Ni mu rwego rwo guha agaciro no gusubiza icyubahiro abana n’impinja bazize Jenoside yakorewe Abatutsi mu 1994, ahatangwa ubutumwa butandukanye bujyanye n’ikigero cy’abana.

Mu Karere ka Nyabihu mu Ntara y’Iburengerazuba, ni ho icyo gikorwa kimaze iminsi itanu gikorerwa mu mashuri yose uko ari 115 agize ako karere, arimo ay’inshuke, abanza n’amashuri yisumbuye arimo ay’imyuga n’ubumenyingiro.

Ndayisaba Fabrice usanzwe uzwi mu bikorwa byo kwita ku bana bahuye n’ibibazo bitandukanye, akaba ari na we wateguye icyo gikorwa, aganira na Kigali Today yavuze ko nk’umufatanyabikorwa w’Akarere ka Nyabihu, yagiye agaragara kenshi mu bikorwa by’akarere birimo no kwibuka Jenoside yakorewe Abatutsi, akorwa ku mutima n’ubuhamya bwagiye butangirwa mu gikorwa cyo kwibuka, bituma atekereza ku bana n’impinja nk’umuntu usanzwe afasha icyo kiciro.

Ati ‟Nabonaga ko Nyabihu iri mu turere twacuriwemo umugambi wa Jenoside, nk’umufatanyabikorwa nsanga hari umusanzu ngomba gutanga. Binyuze mu mateka nagendaga numva mu buhamya bwatangwaga, nasanze nk’ahantu hacuriwe umugambi wa Jenoside ngomba kugira umusanzu ntanga”.

Arongera ati ‟Ndavuga nti ni uwuhe musanzu natanga mu gutuma abana b’aha hantu hacuriwe ingengabitekerezo ya Jenoside, bakurana umuco w’ubumuntu, umuco w’imitekerereze n’imyumvire myiza, bakure bafite umuco utarangwamo ingengabitekerezo ya Jenoside”.

Abana bahabwa ubutumwa bujyanye n’ikigero barimo

Uburyo kwibuka abana n’impinja bitegurwa, bitandukanye n’ubusanzwe, aho mu minsi itanu abana batangira amasomo bamaze kugezwaho ubutumwa butandukanye, bujyanye no kwibuka abana n’impinja bishwe muri Jenoside, nk’uko Ndayisaba abivuga.

Ati ‟Ni ubutumwa ntegura nkabugeza ku buyobozi bw’akarere ndetse n’ubwa Ibuka mu karere, bakareba ko hari ibyakosorwa n’ibyakongerwamo. Buri gitondo mu bigo byose by’amashuri ku isaha imwe, abana bose bahurizwa hamwe mbere yo kwinjira mu ishuri, bagafata umunota wo kwibuka noneho umwana umwe akabusomera bagenzi be, nyuma yaho bugashimangirwa n’umuyobozi w’ishuri noneho abana bagahabwa umwanya wo kubaza ibyo badasobanukiwe”.

Arongera ati ‟Muri uko kwibuka kandi habaho n’umwanya w’udukino dutandukanye dufasha kuzirikana no gusubiza agaciro n’icyubahiro abana bose bishwe, utwo dukino duhita twisanisha n’utwo abana bishwe bakundaga gukina, abana bagakina bisanisha na bo”.

Kwibuka abana n’impinja bazize Jenoside, ni igikorwa cyakiriwe neza n’ubuyobozi bw’Akarere ka Nyabihu, ubwa Ibuka n’ubw’ibigo by’amashuri aho basabye ko cyakwaguka kikagera mu gihugu hose.

Abanyeshuri babanza gufata umunota wo kwibuka

Nishimwe Samuel, Umuyobozi wa Ibuka mu Karere ka Nyabihu ati ‟Kwibuka abana n’impinja ni igikorwa cy’ingirakamaro, kuko inshuro ebyiri kibaye byatumye abana barushaho kumenya amateka, bumva ko ari n’inshingano zabo zo kuzirikana no kwibuka bagenzi babo bazize Jenoside yakorewe Abatutsi”.

Yavuze ko nk’uko bakomeje kubisabwa n’abarezi, ko icyo gikorwa gikwiye kugera hose mu gihugu kuko basanze ari ingirakamaro ku bana, ashimira Ndayisaba Fabrice ku gitekerezo cyiza yagize cyo gutegura icyo gikorwa.

Umuyobozi w’Akarere ka Nyabihu, Mukandayisenga Antoinette, yatanze ubutumwa butandukanye ku byaranze icyo gikorwa.

Ati ‟Ndayisaba warakoze cyane mu gutegura iki gikorwa, kandi turagushimira cyane umusanzu utanga mu kubaka Igihugu cyacu, by’umwihariko twibuka impinja n’abana bishwe muri Jenoside yakorewe Abatutsi. Ni amateka abana, abanyeshuri bagomba kumenya neza, bakayasobanukirwa twese tubigizemo uruhare. Dukomeze Twibuke Twiyubaka”.

Ndayisaba Fabrice wavuze ko icyo gikorwa cyabaye n’ubushakashatsi bwo kumenya imitekerereze n’imyumvire y’abana kuri Jenoside yakorewe Abatutsi hagendewe ku bibazo bagiye babaza.

Asaba Minisiteri y’Ubumwe bw’Abanyarwanda n’Inshingano Mboneragihugu (MINUBUMWE), ubufasha kugira ngo icyo gikorwa kigere mu gihugu hose, nk’uko byagaragajwe mu byifuzo bya benshi mu bacyitabiriye, barimo abayobozi b’ibigo by’amashuri n’Abanyamabanga Nshingwabikorwa b’Imirenge.

Ndayisaba Fabrice wateguye igikorwa cyo kwibuka abana n’impinja bazize Jenoside

Ndayisaba ni inshuti y’abana

Akagari ka Ruhengeri ni nako kubatsemo ibiro by’Akarere ka Musanze, Urwibutso rwa Jenoside rwa Musanze ruri ahahoze Ingoro y’Ubutabera (Cour d’Appel de Ruhengeri) rushyinguyemo imibiri irenga 800 y’inzirakarengane zazize Jenoside yakorewe Abatutsi mu 1994.

Imibiri ishyinguye muri urwo rwibutso, ni iy’Abatutsi biciwe ku rukiko, ubwo bazanwaga bakuwe aho bari bahungiye kuri Sous Perefegitura ya Busengo, bababeshya ko babahungishirije ahatangirwa ubutabera, abandi bakaza bagana urwo rukiko aho batekerezaga ko bakirira babiraramo barabica.

Mu muco w’Abatuye akagari ka Ruhengeri gafite bamwe mu biciwe kuri urwo rukiko, ni ukugira umunsi wihariye bategura buri mwaka bakibuka Jenoside yakorewe Abatutsi aho bajya ku nzibutso za Jenoside bagasobanurirwa amateka, mu rwego rwo guharanira ko amacakubiri n’ingengabitekerezo ya Jenoside itagera mu kagari kabo.

Ni nabyo bakoze ku wa 20 Kamena, ubwo bateguraga umunsi wo kwibuka Jenoside, maze bakora urugendo rwo kwibuka Jenoside, bagana ku rwibutso rwa Musanze.

Mukamusoni Djasmini

Abenshi mu babona icyo gikorwa cy’ako Kagari, bavuga ko ari urugero rwiza abandi bakwiye kwigiraho, mu rwego rwo gukumira ingengabitekerezo ya Jenoside bigira ku mateka.

Umuyobozi wungirije wa Ibuka mu Karere ka Musanze, Karisa Claude wari waherekeje abo baturage ni umwe mubishimiye icyo gikorwa, agira ati ‟Ibi mukoze nk’Akagari ni urugero rwiza rwo kurwanya ingengabitekerezo ya Jenoside”.

Abo baturage bavuga ko bashyize hamwe mu gukumira icyababibamo amacakubiri n’ingengabitekerezo ya Jenoside, babikangurira cyane urubyiruko, nk’uko Umunyamabanga nshingwabikorwa w’Akagari ka Ruhengeri, Mukamusoni Djasmini abivuga.

Agira ati ‟Mu myaka 31 twibuka Jenoside yakorewe Abatutsi twize byinshi, abatuye Akagari ka Ruhengeri bafite imyumvire myiza. Kuza hano ku rwibutso rwa Jenoside nibo ubwabo babyitegurira”.

Yavuze kandi ko abo baturage bafite inyota yo gukosora amateka mabi yaranze u Rwanda, bakabitoza urubyiruko, ari nayo mpamvu buri mwaka basura urwibutso rwa Jenoside bagasobanurirwa amateka atandukanye.

Abenshi mu bitabiriye iki gikorwa ni urubyiruko ruvuga ko rwifuza gusigasira ubumwe bw’abanyarwanda, barwanya uwo ari we wese wagarura amacakubiri mu banyarwanda.
Boneza Jean Christian ati ‟Urubyiruko kuba twibuka bidufasha kumenya amateka yaranze igihugu cyacu, turushaho gusigasira ubumwe bw’abanyarwanda”.

Abaturage b’Akagari ka Ruhengeri, bageneye babiri mu batishoboye barokotse Jenoside igishoro cy’amafaranga y’u Rwanda miliyoni imwe.

SP Brigite Uwamahoro (hagati) agaragiwe n’abavandimwe be

Yagaragaje imbamutima ze kuri uyu wa gatanu tariki 20 Kamena mu muhango wo gutanga impamyabumenyi.

Ubwo bari bageze mu mwanya wo gutanga ibihembo ku bahize abandi, bahamagaye abanyeshuri babiri bitwaye neza kurenza abandi mu masomo atandukanye babashyikiriza ibihembo.
Nk’uko bisanzwe bigenda muri ibyo birori, hari hategerejwe uwahize abandi muri byose (Overall winner).

Uwari ufite ijambo yahamagaye SP Brigite Uwamahoro, bamwe mu bari aho kwihangana biranga batera akamo mu majwi aranguruye bagaragaza ibyishimo, abicaranye batangira kongorerana bavuga bati ‟arabikwiye”.

SP Uwamahoro, atangaza icyamushoboje kugera kuri iyo ntsinzi yagize ati ‟Nta rindi banga ni ukugira inzozi ngari. Nkimara kubona amahirwe yo kuza mu masomo y’aba ofisiye bakuru, nahise numva ko ngomba kugira inzozi zo gutsinda. Byatumye n’izindi nshingano zo mu rugo mba nk’uzishyize ku ruhande ho gato, hanyuma n’amarangamutima yanjye ndayagabanya cyane kugira ngo mbashe kwiga kandi ntsinde neza”.

Icyakora ngo si we wakoze wenyine, ahubwo agira ati ‟Wabonaga twese tugaragaza imbaraga no guhatana kugira ngo tubashe kugera ku ntego zo gutsinda, no gutera ishema imiryango yacu n’ibihugu byacu. Icyo kintu cyo gukorera hamwe cyagiye kidushimisha cyane, njye ubwanjye byaranshimishije mu buryo budasanzwe”.

Igipolisi nacyinjiyemo atari uko nabuze akazi

SP Uwamahoro, avuga ko yinjiye mu gipolisi cy’u Rwanda, aho yari asanzwe afite akazi keza muri Minisiteri y’ubuzima.

Ati ‟Nagiye mu gipolisi mbona ari umwuga nakora, aho nari mvuye muri Minisiteri y’Ubuzima aho nakoreraga, numva mfite ubushake bwo kujya mu gipolisi kuko numvaga bindimo, numva mfite ubushake bwo gukorera igihugu. Nari ntarabona ahantu nkora nkumva imbaraga zanjye ziri kugaragara, ubwo rero ngira amahirwe yo kwinjira mu gipolisi.”

Mukuru wa SP Uwamahoro witwa Murekatete Consolée umwe mu bari bamuherekeje muri ibyo birori, yavuze ko bucura bw’umuryango wabo abahesheje ishema kandi ko atari bwo bwa mbere, kuko akunze kwitabazwa mu bikorwa binyuranye mu muryango.

Ati ‟Ndumva mfite morale itabaho, kuko bucura bwacu mu muryango aduhesheje ishema, yarakoze cyane ahesheje isura nziza igihugu cye ndetse n’umuryango akomokamo, ndetse abaye intangarugero ku bana be n’abana bose mu muryango wacu. Turanezerewe cyane”.

Arongera ati ‟Mu muryango niwe bucura, ariko iyo dukeneye umuntu uduhagararira haba mu birori cyangwa se twagize ibyago, niwe twese duhitamo kuko azi kuvuga kandi byose akabikora mu kinyabupfura. Icyo namubwira kuri iyi saha, n’uko Imana ari Indahemuka kuko ariryo jambo umubyeyi wacu (Mama) yakundaga kutubwira mu gihe yabonaga ko uri kurwana n’ibintu bimwe na bimwe”.

Murekatete yagarutse ku rugendo rwa SP Uwamahoro mu gipolisi cy’u Rwanda, aho nka bakuru be babonaga ko ari kujya mu bintu atazashobora, batungurwa no kubona ushyize imbaraga n’ubushake mu mwuga we aho yagiye ashimwa akazamurwa mu ntera.

SP Brigite Uwamahoro umubyeyi w’abana batatu, asanzwe akorera umwuga we ku cyicaro gikuru cya Polisi y’u Rwanda giherereye Kacyiru mu Mujyi wa Kigali.

VIDEO - Abayobozi batandukanye bamaze kugera mu ishuri rikuru rya Polisi i Musanze ahagiye kubera umuhango wo gutanga impamyabumenyi kuri ba Ofisiye bakuru bamaze umwaka bahabwa amasomo muri iryo shuri. pic.twitter.com/U1tci3TU1f

— Kigali Today (@kigalitoday) June 20, 2025

VIDEO - Reba uko Minisitiri w'Umutekano, Dr. Vincent Biruta, yakiriwe ubwo yari ageze i Musanze mu ishuri rikuru rya Polisi mu muhango wo gutanga impamyabumenyi kuri ba Ofisiye bakuru bamaze umwaka bahabwa amasomo muri iryo shuri. pic.twitter.com/QTMRwx03cK

— Kigali Today (@kigalitoday) June 20, 2025

VIDEO - Ibirori byo gutanga impamyabumenyi kuri ba Ofisiye bakuru bamaze umwaka bahabwa amasomo mu ishuri rikuru rya Polisi i Musanze, byatangijwe n'akarasisi.

Abasoje amasomo ni ba Ofisiye 34 baturutse mu bihugu 9 byo muri Afurika. pic.twitter.com/f8E5VRawvU

— Kigali Today (@kigalitoday) June 20, 2025

VIDEO - Bamwe mu bagore bafite amapeti yo hejuru muri Polisi y'u Rwanda, barimo ACP Teddy Ruyenzi, ACP Marie Rose Kampire, na CSP Gorette Mwenzangu, bitabiriye ibirori byo gutanga impamyabumenyi kuri ba Ofisiye bakuru bamaze umwaka bahabwa amasomo mu ishuri rikuru rya Polisi i… pic.twitter.com/j7vDYRIaRu

— Kigali Today (@kigalitoday) June 20, 2025

Yabitangarije mu ishuri rikuru rya Polisi y’u Rwanda kuwa 20 Kamena mu muhango wo gutanga impamyabumenyi ku bapolisi bakuru 34 bamaze umwaka bakarishya ubumenyi mu masomo atandukanye.

Yagize ati ‟Uyu ni umugabo ntanga wo guhamya ko Ibihugu bya Afurika bikorera hamwe mu gushaka ibisubizo by’ibibazo bihari, mu gutanga umusanzu wo kubaka amahoro Umugabane wa Afurika wifuza”.

Yavuze ko gukemura amakimbirane mu buryo buhamye bisaba ubufatanye bw’Akarere n’Isi muri rusange muri iki gihe cy’ikoranabuhanga.

Bamwe mu basoje amasomo baganiriye na Kigali Today, bavuga ko ibanga ryo gutsinda, harimo gukorera hamwe no kubana neza, basangira ubumenyi butandukanye bw’ibihugu byabo.
SPT Brigite Uwamahoro, Umupolisi w’u Rwanda yagize atii ‟Ikintu cyo gukorera hamwe cyaradushimishije cyane. Ikindi cyanshimishije ku giti cyanjye ni ukwigana n’Abapolisi b’ikindi gihugu, kubera ko ubigiraho byinshi ku bijyanye n’imico y’iwabo, uko ugomba kubana nabo. Byatumye ndushaho kumenya imikorere ya Polisi y’ahandi duhuza ubunararibonye.”

Lt Col James Garang wo muri Sudan y’Epfo ati ‟Uyu munsi nishimiye kuba ndi mu bashyikirijwe impamyabumenyi. Ni ibyishimo ku muryango wanjye no kuri Juba.”

Uretse impamyabumenyi bahawe ijyanye n’amasomo yo kurushaho kunoza umwuga, bahawe n’impamyabumenyi (Postgraduate) mu miyoborere (Strategic Leadership and Management) yatanzwe na African Leadership University.

Bahawe kandi n’impamyabumenyi y’icyiciro cya gatatu cya Kaminuza (Masters) mu kubungabunga amahoro no guhosha amakimbirane (Master’s degree in Peace Studies and Conflict Transformation) bahawe na Kamunuza y’u Rwanda.

CP Rafiki Mujiji, Umuyobozi wa NPC, yavuze ko abasoje amasomo muri icyo cyiciro cya 13 cyatangiye ku itariki 21 Nyakanga 2024, ari 34 aho 20 muri bo ari abo bagizwe n’aba Ofisiye bakuru muri Polisi y’u Rwanda, abakozi b’Urwego rw’Igihugu rushinzwe Iperereza (NISS), abakozi b’Urwego rw’Igihugu rw’Ubugenzacyaha (RIB), n’aba Ofisiye mu rwego rushinzwe Igorora (RCS).
Abanyeshuri 14 baturutse muri Botswana, Santarafurika, Kenya, Lesotho, Malawi, Namibia, Somalia na Sudani y’Epfo.

VIDEO - Abayobozi batandukanye bamaze kugera mu ishuri rikuru rya Polisi i Musanze ahagiye kubera umuhango wo gutanga impamyabumenyi kuri ba Ofisiye bakuru bamaze umwaka bahabwa amasomo muri iryo shuri. pic.twitter.com/U1tci3TU1f

— Kigali Today (@kigalitoday) June 20, 2025

VIDEO - Reba uko Minisitiri w'Umutekano, Dr. Vincent Biruta, yakiriwe ubwo yari ageze i Musanze mu ishuri rikuru rya Polisi mu muhango wo gutanga impamyabumenyi kuri ba Ofisiye bakuru bamaze umwaka bahabwa amasomo muri iryo shuri. pic.twitter.com/QTMRwx03cK

— Kigali Today (@kigalitoday) June 20, 2025

VIDEO - Ibirori byo gutanga impamyabumenyi kuri ba Ofisiye bakuru bamaze umwaka bahabwa amasomo mu ishuri rikuru rya Polisi i Musanze, byatangijwe n'akarasisi.

Abasoje amasomo ni ba Ofisiye 34 baturutse mu bihugu 9 byo muri Afurika. pic.twitter.com/f8E5VRawvU

— Kigali Today (@kigalitoday) June 20, 2025

VIDEO - Bamwe mu bagore bafite amapeti yo hejuru muri Polisi y'u Rwanda, barimo ACP Teddy Ruyenzi, ACP Marie Rose Kampire, na CSP Gorette Mwenzangu, bitabiriye ibirori byo gutanga impamyabumenyi kuri ba Ofisiye bakuru bamaze umwaka bahabwa amasomo mu ishuri rikuru rya Polisi i… pic.twitter.com/j7vDYRIaRu

— Kigali Today (@kigalitoday) June 20, 2025

Abagannye ubwishingizi bw’ibihingwa n’amatungo barishimira ko iyo bahombye bishyurwa

Yavuze ko iyo gahunda izwi nka ‘Tekana urushingiwe Muhinzi mworozi’, yagize uruhare runini mu kuzamura umusaruro mbumbe w’Igihugu, uzamukaho 9.1% kuva muri 2021 kugeza 2024.

Yavuze ko serivisi z’ubuhinzi ziza ku isonga mu kuzamura ubwo bukungu, aho yazamutse ku mpuzandengo ya 7% bifasha ubukungu kuzamuka vuba mu gihe na serivisi y’inganda iza ku mwanya wa kabiri, aho yazamutse ku mpuzandengo ya 4% muri iyo myaka itatu.

Ati ‟Gahunda y’ubwishingizi ku bihingwa n’amatungo igabanya igihombo ku bahinzi mu gihe cy’ibiza, ndetse igatinyura ibigo by’imari kuguriza abahinzi n’aborozi”.

Arongera ati ‟Ikindi kintu gikomeye cyane abantu batavuga cyane, n’uko aho dushyiriyeho gahunda y’ubwishingizi bw’amatungo n’ibihingwa, byatumye abahinzi n’aborozi bagana amabanki na yo atangira gutinyuka kubaguriza, kuko baba bazi ko niba baguhaye inguzanyo hakaza ibiza byangiza imyaka n’amatungo baba bazi ko assurance izishyura banki ntihombe. Byagize uruhare ku mibereho y’abaturage kuko byatumye amabanki akorana kurushaho n’urwego rw’ubuhinzi bworozi”.

Minisitiri w’Intebe yagarutse kuri nkunganire ya 40% Leta igenera umuhinzi n’umworozi bagannye ubwishingizi, aho abahinzi babonye inyongeramusaruro ku giciro gito bangana na 60%, ibyo bikabafasha guteza imbere ubuhinzi n’ubworozi.

Abahinzi n’aborozi bagannye gahunda y’ubwishingizi bishyuwe igihombo bagize

Abaturage bakomeje kwishimira gahunda y’ubwishingizi bw’ibihingwa n’amatungo, aho abagize igihombo bakomeje kwishyurwa.

Ni muri urwo rwego, abatuye Intara y’Amajyaruguru n’Iburengerazuba, nyuma y’igihombo bagiriye mu buhinzi mu gihembwe cy’ihinga A2024 abandi bagapfusha amatungo, bishimira Miliyoni 45Frw baherutse kwishyurwa n’ikigo cy’ubwishingizi cya SONARWA General, mu bukangurambaga buherutse gukorerwa mu Karere ka Musanze mu cyumweru gishize.

Nyuma yo kwishyurwa, bavuga ko gahunda ya Tekana urishingiwe Muhinzi Mworozi bayinjiyemo batayumva neza, ari nko kubura uko bagira, ariko ubu bakaba bemeza ko ari gahunda yaziye igihe, aho na Leta ibaha nkunganire ya 40%.

Uwitwa Basaja Sosthène wo mu Karere ka Burera ati ‟Nagize igihombo muri sezo A 2024 cy’ibirayi nahinze imvura igwa ari nyinshi yangiza ubuso bwa hegitari ebyiri nari nashyize mu bwishingizi. Igishoro natanze mu bwishingizi ni ibihumbi 450Frw, ariko SONARWA inyishyuye asaga Miliyoni imwe n’ibihumbi 200 Frw”.

Arongera Ati ‟Nk’umuhinzi ni ibyishimo bikomeye kuko ayo mafaranga nari nayatanze nshidikanya ko bazanyishyura, ariko ni inkuru nziza kuri njye, ndi kumva ntekanye mu mutima wanjye. Ngiye kuba umuhamya w’ubwishingizi. Ngiyi imiyoborere myiza Igihugu cyacu gihora kidukangurira mu kwitabira gahunda za Leta, ubu ngiye gukuba kabiri ubuso nahingagaho kandi ndakangurira n’abahinzi kugana ubwishingizi birinda ibihombo”.

Biyemeje gukangurira abandi kugana ubwishingizi bw’ibihingwa n’amatungo

Umworozi witwa Twagirayezu Zerubbabel ati ‟Mbere iby’ubwishingizi ntabwo nabyumvaga neza kuko numvaga ko bidashoboka. Ndabyibuka nigeze gupfusha inka ihagaze miliyoni ndahomba, nibwo veterineri yanyegereye aranganiriza ndabyumva mfata icyemezo inka zanjye zose nzishyira mu bwishingizi”.

Arongera ati ‟Kuri uyu munsi ndishimye cyane, inka napfushije nari nayishyize mu bwishingizi bw’ibihumbi 800Frw, none SONARWA irayansubije, ntashye nishimye ngiye kongera ngure inyana nziza nyishyire mu kiraro. Icyo nabwira bagenzi banjye n’uko ubwishingizi bwizewe, ni bagane iyo gahunda”.

Ubuyobozi bwa SONARWA, buvuga ko n’ubwo abahinzi n’aborozi batangiye batumva neza ibyiza by’ubwishingizi bw’ibihingwa n’amatungo, ngo ku bufatanye na Minisiteri y’Ubuhinzi n’Ubworozi, hakomeje gukorwa ubukangurambaga, ubu umubare w’abajya mu bwishingizi ukaba ukomeje kuzamuka nk’uko Immaculée Uwimana, ushinzwe ubucuruzi muri SONARWA General abitangaza.

Ati ‟Urugero abaturage bagezeho mu kujya mu bwishingizi ruragenda ruzamuka, aho batangiye batabyumva ariko ku bufatanye na MINAGRI, dukora ubukangurambaga ubu bageze hafi ya 20%”.

Arongera ati ‟Mbere umuturage yarahombaga pe, umuhinzi agahinga agatahira aho, umworozi inka ye igapfa agataha ubusa. Murebe namwe umuntu wahawe inka muri gahunda ya Girinka Munyarwanda, uyu munsi inka irafasha abandi, ariko mbere iyo yapfaga yabaga ahombye ndetse n’Akarere kagahomba, ariko uyu munsi irapfa bakamushumbusha gahunda igakomeza”.

Ngendahayo Jean, Umukozi w’Akarere ka Musanze uyobora ishami ry’ubuhinzi ubworozi n’umutungo kamere, asanga igikorwa cyakozwe cyo gushumbusha abagize igihombo, ari urugero rwiza rwo kwereka umuhinzi n’umworozi inyungu ziri mu bwishingizi ku buhinzi n’ubworozi.

Minisitiri w’Intebe Dr Edouard Ngirente yahamije ko ubwishingizi bw’ibihingwa n’amatungo bwafashije kuzamura umusaruro mbumbe w’Igihugu

Muri 2024, SONARWA yishyuye abahinzi n’aborozi agera kuri miliyoni 410Frw, zingana na 14% by’ubwishyu bwose bwatanzwe mu bwishingizi butandukanye muri uwo mwaka.

Ibihingwa byishyingirwa ni ibigori, umuceri, ibirayi, urusenga, imiteja, imyumbati, ibishyimbo bishingirirwa n’ibidashingirirwa na soya.

Nyuma ya Covid-19 u Rwanda rwazamuye ubukungu ku gipimo kiri hejuru

Ni ibyo yatangaje ku wa Kane tariki 19 Kamena 2025, mu Nama y’Inteko Ishinga Amategeko ihuriwemo n’imitwe yombi, aho Minisitiri w’Intebe yatangazaga ibikorwa bya Guverinoma ku byagezweho mu rwego rwo guteza imbere imibereho myiza y’Abanyarwanda.

Dr. Ngirente, yavuze ko hagati y’umwaka wa 2021 na 2024, umusaruro mbumbe w’ubukungu bw’u Rwanda wazamutse ku mpuzandengo ya 9.1%, aho avuga ko ari intambwe ikomeye igihugu cyagezeho.

Yavuze uko ubwo bukungu bwagiye buzamuka mu myaka irindwi ishize (2017-2024) kugeza ubwo umusaruro mbumbe wari ku mpuzandengo ya 7%, nubwo icyorezo cya COVID-19 cyagize ingaruka ku izamuka ry’ubukungu bumanuka ku mpuzandengo ya 3.4%, ibitarabaye umwihariko w’u Rwanda gusa bishegesha Isi yose.

Ati ‟Kuva 2017 kugera 2024, ubukungu bwacu bwakomeje kugenda buzamuka bugera ku mpuzandengo nibura ya 7%. Nubwo tuzi ko mu bihe bya COVID ku Isi hose ibintu byamanutse bigera hasi cyane cyane ku mugabane wa Afurika, ariko nyuma ubukungu bwacu bwarabyutse bugera ku kigero cya 9%”.

Arongera ati ‟Muri icyo gihe cy’imyaka irindwi ubukungu bw’u Rwanda bwazamutse ku kigero cya 7%, mu mibare isanzwe, muri 2017 yari kuri Miliyali 7,694FRW, aho ubu imibare igeze kuri Miliyali 18,785FRW.

Yasobanuye icyakozwe kugira ngo umusaruro mbumbe w’u Rwanda uzamuke ku kigero kiri hejuru ya 9%, bifasha Igihugu kuziba icyuho icyorezo cya COVID-19 cyateje.

Ati ‟Iri zamuka ry’ubukungu cyangwa se umusaruro mbumbe w’Igihugu cyacu, icyafashije n’uko Leta yafashe ingamba zikomeye zo kuzahura ubukungu ahagiyeho gahunda ya ‘Recovery program muri Recovery Fund’, ahagiyeho amafaranga agenewe gufasha inzego zitandukanye z’ubukungu mu kongera kubyutsa umutwe”.

Avuga ko iryo zamuka ry’ubukungu ryagizwemo uruhare n’inzego nyinshi, cyane cyane muri serivisi y’inganda yazamutse ku mpuzandengo ya 4%, na serivisi y’ubuhinzi yazamutse ku mpuzandengo ya 7% bituma ubukungu buzamuka vuba bigizwemo uruhare n’Abanyarwanda ubwabo.

Ati “Ndashimira abakoze muri izo nzego, aho muri 2021-2024 ubukungu bwazamutse ku mpuzandengo ya 9%, nubwo ubukungu bwazamutse, ntaho turagera, turacyafite byinshi byo gukora kugira ngo imibereho myiza y’abaturage ikomeze kugenda neza”.

Izamuka ry’ibiciro ku masoko

Dr. Ngirente, yagarutse ku izamuka ry’ibiciro ku masoko mu Rwanda, avuga ko Leta yakomeje gukora ibishoboka kugira ngo ibiciro bimanuke kugeza muri Gicurasi 2025, aho u Rwanda ruri kuri 6.9% Leta ikaba yarihaye intego y’uko izamuka ry’ibiciro ritarenga hagati ya 2% na 8%.

Ati ‟Imanuka ry’ibiciro ryagize uruhare mu kongerera abaturage ubushobozi bwo guhaha, kuko iyo ibiciro biri hejuru guhaga biragorana, ndetse n’igabanyuka ryibiciro birimo servisi z’ubwikorezi, byorohereza n’ibindi byorohereza benshi”.

Minisitiri w’Intebe yavuze ku bijyanye n’ubucuruzi mpuzamahanga, aho umusaruro w’ibyo u Rwanda rwohereza mu mahanga wikubye inshuro zirenga eshatu ugera kuri Miliyali zirenga 3.2 z’Amadorari ya Amerika, ibicuruzwa byoherezwa mu mahanga bikaba byarazamutse ku gipimo 6,9% bihwanye na Miliyoni 735$ byinjiza, kuva muri 2023 azamukaho Miliyoni 354$.

Minisitiri w’Intebe, Dr. Edouard Ngirente

Nubwo ibyo u Rwanda rwohereza hanze byiyongera, Dr. Ngirente avuga ko n’ibyo rutumiza hanze nabyo byikubye inshuro zirenga ebyiri, aho bigeze kuri Miliyari hafi 3,7$. Avuga ko hakenewe imbaraga nyinshi kugira ngo ibyoherezwa mu mahanga byiyongere.

Servisi z’ubwikorezi bwo mu kirere, zazamutse ku gipimo kiri hejuru ya 40, aho zinjije agera kuri Miliyoni 183$ muri 2024, avuye kuri Miliyoni 130$ u Rwanda rwariho muri 2017.

Uruhare rw’u Rwanda rwageze kuri 80% mu ngengo y’imari

U Rwanda rurakataje mu nzira yo kwigira, aho mu ngengo y’imari y’Igihugu, amafaranga ava imbere mu gihugu ageze kuri 80% nk’uko Minisitiri Ngirente abivuga, nyamara mu myaka yashize umubare munini wari ugizwe n’inkunga.

Ati ‟Ngiki ikimenyetso cyiza, nibyo Abanyarwanda twita ukwigira”.

Arongera ati ‟Ingengo y’imari yacu tuba tugomba gukoresha nk’Igihugu, muri rusange amafaranga ava imbere mu gihugu iyo yongeweho n’inguzanyo tuba tuzishyura, ubu ni 80%”.

Yavuze ko mu myaka irindwi ingengo y’imari Igihugu gikoresha ikomeje kwiyongera.

Ati ‟Yiyongereyeho amafaranga agera kuri Miliyari zirenga ibihumbi 3.2FRW, kuko yavuye kuri Miliyari ibihumbi 2,5FRW twariho muri 2018-2019, ikaba igeze kuri Miliyari zirenga ibihumbi 5,8FRW. Hanyuma nk’uko mu bizi banyakubahwa Badepite, ingengo y’imari mwatoye y’umwaka utaha 2025-2026, yo izagera hafi muri Miliyari ibihumbi 7FRW.

Dr. Ngirente yavuze ko kuva muri 2018-2024/2025 imisoro n’amahoro yikubye inshuro zirenga ebyiri, aho avuye kuri Miliyari zirenga 1,500FRW agera kuri Miliyari hafi 3,400 FRW.

Umusaruro mbumbe ku Munyarwanda ugeze ku Madorari 1,029 ku mwaka

Dr. Ngirente yavuze ko ibyo Umunyarwanda imwe yinjiza ku mwaka, bimaze kwiyongereye ku kigero kirenga 30% kuva 2017-2024.

Ati ‟Ndabibutsa ko muri 2000 uwo mubare wari hasi cyane, aho mu myaka 25 ishize umuturage avuye ku Madolari 268 ubu tukaba tugeze ku Madolari 1,029”.
Nk’uko byagaragajwe n’ubushakashatsi bwa karindwi bwakowe n’Ikigo cy’Ibarurishamibare muri Mata 2025, byagaragaye ko Abanyarwanda bagera kuri Miliyoni 1.5 bavuye mu cyiciro cy’ubukene, aho igabanuka ringana na 12.4% mu myaka irindwi ishize.

Ababarizwa mu bukene bukabije, nabo bavuye kuri 11.3% muri 2017, ubu bakaba bageze kuri 5.9% muri 2025.

Dr. Ngirente ati ‟Iri gabanyuka ry’ubukene ryagizwemo uruhare runini na gahunda za Leta zitandukanye zo gufasha abatishoboye bari muri uwo murongo w’ubukene kubuvamo. Izo ni gahunda ya Girinka, gahunda yo gutanga amatungo magufi, VUP na gahunda yo kwishyurira ubwisungane mu kwivuza abatishoboye. Izo gahunda zituma abantu bagira icyo binjiza, bakagenda bazamura imyumvire yo kwikura mu bukene”.

Abanyarwanda bafite hejuru y’imyaka 16 bafite akazi, bavuye kuri 44.2% muri 2017, muri 2025 bagera kuri 53.5%.

Leta ikaba ikomeje ingamba zo gufasha Abanyarwanda guhanga imirimo, aho buri wese agomba kuba afite akazi mu kurwanya umubare w’abashomeri, dore ko umubare w’abikorera ukomeje kwiyongera ibyo bikaba ibisubizo kuri benshi.

Ibyakozwe mu mibereho myiza y’Abanyarwanda

Minisitiri w’Intebe yavuze ko Leta yashyizeho gahunda zitandukanye muri serivisi z’ubuhinzi n’ubworozi, zigira uruhare mu kuzamura Abanyarwanda.
Muri izo serivisi, zirimo guhuza ubutaka no kugira ibihingwa byatoranyijwe kiberanye n’ubwo butaka, gahunda ya nkunganire ku igumbire, imbuto n’imiti yica udukoko twangiza imyaka n’izindi.

Dr. Ngirente, yavuze ko hari na gahunda yo kuhira imyaka ku buso buto, gahunda yo gutunganya ibishanga, kubungabunga ubutaka hakorwa amaterasi ndinganire n’amaterasi yikora, gahunda y’ubwishingizi bw’ibihingwa n’amatungo, gahunda y’abajyanama b’ubuhinzi, gukora imihanda ifasha abaturage kugeza umusaruro ku isoko, gutera intanga hashakwa icyororo gitanga umusaruro, gahunda y’amakusanyirizio y’amata n’zindi.

Mu mibereho myiza hari gahunda yo kwihaza mu biribwa no guhangana n’imirire mibi hongerwa umusaruro w’ibiribwa, aho muri 2017 ingo zari zihagije mu biribwa zari 80%, muri COVID-19 zigera kuri 78.4%, ubu zikaba zigeze kuri 83%.

Dr Ngirente, avuga ko abo 13% batarihaza mu biribwa bagomba gufashwa kugeza ubwo umuturage wese w’u Rwanda agera ku rwego rwo kwihaza mu biribwa.

Muri gahunda za Leta, ngo n’uko umuturage agerwaho n’amazi ku buryo adakora urugendo rurenga iminota 30, ingo zibona amazi meza zikaba zaravuye kuri 87% zigera kuri 89%, aho abanyarwanda babona amazi meza badakoze urugendo rurenze iminota 30 ari 68%.

Nk’uko Minisitiri w’Intebe akomeza abivuga, muri 2017 ingo zifite umuriro w’amashanyarazi zavuye kuri 34% zigera kuri 72% muri 2025.

Ati ‟Ibyo byose maze kuvuga byagiye bihindura imibereho y’Abanyarwanda, Birumvikana umunyarwanda akeneye gutura heza, akabasha kubona amazi hafi, akabona amashanyarazi, akazi karagenda kaboneka n’ibindi n’ibindi”.

Arongera ati ‟Mfashe nk’urugero rw’amazi meza, byatumye abaturage bagira ubuzima bwiza, kubera ko twakomezaga gushishikariza abantu kugira isuku bakatubwira bati ntiwakora urugendo rw’amasaha abiri ujya kuvoma, ntacyo ayo mazi yakumarira ngo woze umwana, ngo umutekere, umese cyangwa se unayanywe, ariko uko amazi yegera abantu isuku ikaboneka indwara zifata abana bato zigenda zigabanyuka, nk’uko tugenda tubibona muri raporo za MINISANTE”.

Yabivugiye mu muhango wo gusoza amasomo ya Gisirikare (Senior Command and Staff Course) icyiciro (Intake) cya 13, wabereye muri iryo shuri riherereye i Nyakinama mu Karere ka Musanze kuri uyu wa 16 Kamena, aho aba Ofisiye bakuru 108 bashyikirijwe impamyabumenyi.

Ni abanyeshuri baturutse mu bihugu 20 byo ku migabane itandukanye, aho ibihugu 19 ari ibyo muri Afurika n’igihugu cya Jordaniya cyo muri Aziya.

Muri abo banyeshuri, 26 ni abanyamahanga, mu gihe 82 ari Abanyarwanda barimo 78 bo mu Ngabo z’u Rwanda (RDF), babiri bo muri Polisi y’u Rwanda na babiri bo mu Rwego rushinzwe igororero (RCS).

Ngirente yabibukije ko ibirori byabo ari ikimenyetso kidakwiye kuba umuhango gusa, ahubwo ko gikwiye kuba ikimenyetso gikomeye cy’imbaraga zashyizwe mu bumenyi bahawe mu iterambere ry’imiyoborere y’igisirikare.

Yababwiye ko intambwe nziza bateye idakwiye gukoreshwa mu nyungu zabo, ahubwo ko ikwiye gufatwa nk’igishoro gikomeye mu kubaka umutekano ku bihugu byabo.

yagize ati ‟Banyeshuri musoje amasomo, amahirwe masa ku ntambwe muteye. Iyi ntambwe nziza ntabwo ari iyanyu ku giti cyanyu gusa, nibe nk’igishoro gikomeye mu iterambere ry’umutekano ku bihugu byacu”.

Yabibukije ko inshingano bagiyemo zitandukanye n’ubutegetsi, ababwira ko ari serivise bagiye gutanga ku bihugu byabo no ku baturage babituye, abibutsa kandi ko bahawe inshingano zibasaba kurangwa n’urukundo rw’akazi, ukwihangana no guhora bahangayikiye abo bashinzwe.

Mu kanyamuneza karanze abasoje amasomo, bavuze ko bungutse byinshi mu kuyobora ingabo hagendewe ku bihe bitoroshye isi igenda yerekezamo, aho biteguye kurushaho gutoza ingabo bagiye kuyobora kunoza umwuga bashinzwe.

Col Dr. Dan Gatsinzi wahawe igihembo cy’indashyikirwa mu basoje ayo masomo yagize ati ‟Mu gisirikare habamo inzego zitandukanye, aya masomo ari mu rwego rujyanye no kuyobora ingabo ku rwego rwa Division (Intara) no ku rwego rwa Brigade. Ni n’umwanya wo kumenya neza izo ngabo, ase uziyobora ute bijyanye cyane n’igihe tugezemo, kuko ibihe bigenda bihinduka, murabona ibibazo biri ku isi hose, ntabwo ibihe twarimo mu myaka 10 ishize aribyo turimo uyu munsi, ayo masomo ahuza imyigire y’ibihe byahise n’ibihe tugezemo”.

Arongera ati ‟Gushyira mu bikorwa ibyo twize nicyo cy’ingenzi, kwiga ukabisiga mu mpapuro nyacyo byatumarira, ni ugushyira mu bikorwa byaba mu kazi kacu ka buri munsi ariko mwibuke ko twiganye n’abaturutse mu mahanga mu bihugu 19.Kumenyana n’imikoranire nabyo ni kimwe mubyo tuba twungutse, kandi muzi ko u Rwanda ruhora mu butumwa bw’amahoro dufatanya n’ibindi bihugu, kuba twagutse tukamenyana bizadufasha cyane”.

Col Nombuso Dlamini NOBUHLE wa Kingdom of Eswatini yavuze ko amasomo asoje ariyo masomo akomeye kandi y’ingirakamaro yabonye mu buzima bwe bwa gisirikare, avuga ko ubumenyi bahakuye bugiye kubafasha kurushaho kunoza ubunyamwuga mu bijyanye n’umutekano wa Afurika ariko avuga ko yishimiye uko yasanze u Rwanda.

Ati ‟U Rwanda ni igihugu cyiza ntigeze mbona ahandi kubera uburyo rwakira abantu, niyumvise nk’uri mu rugo”.

Umuyobozi w’ishuri rikuru rya Gisirikare, Brig Gen Andrew Nyamvumba, yavuze ko mu gihe cy’umwaka abo banyeshuri bamaze biga, bungutse byinshi birimo gukorera hamwe, guhuza imbaraga mu kubaka ubunyamwuga mubya gisirikare, guhanahana ibitekerezo ku mikorere y’amashuri ya Gisirikare mu Karere k’ibihugu byabo no ku rwego mpuzamahanga.

Ni umuhango kandi watangiwemo impamyabumenyi y’icyiciro cya gatatu cya Kaminuza(Masters), mu ishami ry’inyigisho mu by’umutekano (Security Studies), ku banyeshuri 73 bari mu basoje ayo masomo.

Abo banyeshuri 108 basoje amasomo muri iryo shuri, bahagarariye ibihugu 20, aribyo Benin, Botswana, Burkina Faso, Repubulika ya Centrafrica, Eswatini, Ethiopia, Ghana, Guinea, Jordan, Kenya, Malawi, Mali, Mozambique, Niger, Nigeria, Rwanda, Sudani y’Epfo, Tanzania, Uganda na Zambia.

VIDEO - Minisitiri w'Ingabo, Juvenal Marizamunda, n'Umugaba Mukuru w'Ingabo z'u Rwanda, Gen Mubarakh Muganga, bari mu bayobozi bamaze kugera mu ishuri rikuru rya Gisirikare i Musanze ahagiye kubera umuhango wo gusoza amasomo kuri ba Ofisiye bakuru 108 bari bamaze umwaka… pic.twitter.com/jSMqn58BhB

— Kigali Today (@kigalitoday) June 16, 2025

VIDEO - Akanyamuneza ni kose ku Bofisiye 108 bakorewe ibirori byo gusoza amasomo bari bamaze umwaka biga mu ishuri rikuru rya Gisirikare i Musanze. Bagizwe n'abanyamahanga 26 barimo abaturutse mu bihugu bitandukanye bya Afurika n'umwe wo muri Jordan muri Aziya na 82… pic.twitter.com/1WTM9aH9G6

— Kigali Today (@kigalitoday) June 16, 2025

VIDEO – Reba uko byari byifashe ubwo Minisitiri w'Intebe, Dr. Edouard Ngirente, yageraga mu ishuri rikuru rya Gisirikare i Musanze aharimo habera ibirori byo gusoza amasomo ku Bofisiye 108 bari bamaze umwaka bahiga. pic.twitter.com/vlRQvgGkNm

— Kigali Today (@kigalitoday) June 16, 2025

VIDEO - Abofisiye bakuru 108 barimo abo mu Rwanda no mu mahanga bahawe impamyabumenyi z’amasomo bari bamaze umwaka biga mu ishuri rikuru rya Gisirikare riherereye i Musanze. Col Dan Gatsinzi wo mu ngabo z'u Rwanda yatwaye ibihembo bibiri birimo n'uwabahize bose mu masomo. pic.twitter.com/noA8NU5XTk

— Kigali Today (@kigalitoday) June 16, 2025

VIDEO – Abofisiye basoje amasomo mu ishuri rya Gisirikare i Musanze, bishimanye n'abo mu miryango yabo, bishimira ubumenyi bungutse mu gihe cy'umwaka bari bamaze bahiga. pic.twitter.com/z927lsTeDG

— Kigali Today (@kigalitoday) June 16, 2025

Nyiranshimiyimana Donatille

Uwo mubyeyi umaze gutanga amaraso inshuro icyenda, mu buhamya yatangiye mu Karere ka Musanze ahizihirijwe umunsi mpuzamahanga w’abatanga amaraso ku wa Gatandatu tariki 14 Kamena 2025, yavuze ko aho ageze hose atanga ubuhamya bw’ibyamubayeho, mu rwego rwo gukora ubukangurambaga bushishikariza buri wese gutanga amaraso.

Ubwo yahabwaga ijambo yagize ati ‟Muri 2018 natanze amaraso, nyuma yaho bimvamo nkurikije ukuntu amaraso ntanze ari menshi nta kiguzi, ndeba iyo shashi yose ntanze, numva ko kuyagaruza bizantwara igihe, numva ko ubuzima bwanjye busa n’aho butakaye, mbese gutanga bimvamo burundu”.

Akomeza agira ati ‟Muri 2019 natwaye inda, igihe cyo kubyara kigeze njya ku kigo nderabuzima ndabyara, nyuma yaho mpura n’ikibazo gikomeye ndava cyane, biba ngombwa ko bahamagara imbangukiragutabara injyana ku bitaro bya Ruhengeri ndi muri koma. Nari nabyaye saa tatu za mu gitondo, ikibazo cyanjye abaganga bakurikiranaga gikemuka saa kumi n’imwe z’umugoroba”.

Uwo mubyeyi avuga ko nyuma yo kuva muri koma, yahawe amakuru y’uburyo ikimugaruriye ubuzima ari amaraso abagiraneza batanze.

Ati ‟Ngikanguka nahawe amakuru y’uko igitumye ngarura ubuzima ari amaraso abagiraneza batanze, byatumye ntekereza byinshi ndavuga nti ese iyo aba bagiraneza bantabaye bafata umwanzuro wo kwanga gutanga amaraso nk’uwo nafashe ubu mba ndi hehe? Bituma nanjye niyumvamo icyo gikorwa uburyo kimfashije n’uburyo kingaruriye ubuzima, numva ko nanjye nkwiriye kuzagikorera abandi”.

Ngo guhera muri 2022, ubwo yari amaze kugarura neza ubuzima, yatangiye kwitabira gahunda yo gutanga amaraso, aho amaze kuyatanga inshuro icyenda.

Ati ‟Nkurikirije ibyambayeho, niyemeje gutanga amaraso kugeza igihe nzapfira cyangwa abaganga bakansaba kurekera aho. Gutanga amaraso, ni igikorwa nishimira ndetse no gutanga ubuhamya ku byambayeho ntibinkoza isoni, kuko kuyatanganishimira kubiratira abandi nkanabibakumbuza”.

Arongera ati ‟Ndasaba abantu bagifite imyumvire, ngo gutanga amaraso ni iby’ababyibushye cyangwa se ufite ubuzima bwiza mu bigaragarira amaso gusa, mbabwira ko ari igikorwa cyo gutabara, kuko nshobora gutabara uyu munsi ejo nanjye ngatabarwa”.

Asoza agira ati ‟Ni birinde rero imyumvire yo hasi nk’iyo nari mfite, aho numvaga ko amaraso ntanze ari menshi, ko nta bihembo abatanga amaraso bahabwa. Iyo myumvire si yo, ahubwo nibaze dutange amaraso kuko ni igikorwa cyiza cyo gutanga ubuzima”.

Uko Umunyarwanda yagiye kwivuriza muri Kenya abuze amaraso atabarwa n’Igihugu cye

Umuyobozi w’ishami ryo gutanga amaraso mu Kigo cy’Igihugu Gishinzwe Ubuzima (RBC), Dr. Muyombo Thomas, yashimiye abatanga amaraso, avuga ko nta Munyarwanda wigeze agira ikibazo ngo akenere amaraso ayabure, kugeza n’ubwo n’Abanyarwanda bivuriza mu mahanga hari ubwo bakenera ubufasha bw’amaraso mu Rwanda.

Dr. Muyombo Thomas

Yatanze urugero rw’Umunyarwanda wagiye kwivuriza mu Gihugu cya Kenya, agize ikibazo cy’amaraso u Rwanda ruramutabara.

Ati ‟Hari umuvandimwe w’Umunyarwanda wagiye kuvuza umubyeyi we muri Kenya, biba ngombwa ko bamutera amaraso. Muri icyo gihugu uburyo bo bakoresha, umuntu atanga amaraso iyo umuvandimwe we agiye kuyahabwa. Bagiye kumutera amaraso bamutuma abaza gutanga asimbura ayo yongererwa, bazenguruka mu Banyakenya babura n’umwe waza kuyatanga”.

Akomeza agira ati ‟Uwo muvandimwe yaraduhamagaye aratubwira ati umubyeyi wanjye yabuze amaraso, kandi bagomba kumubaga aho bisaba ko abanza guterwa amaraso. Icyabaye ni uko twamubwiye ko aho Umunyarwanda ari u Rwanda ruba ruhari, hanyuma amaraso turayegeranya kuko ayo yifuzaga twari tuyafite menshi mu bubiko, tuyashyira hamwe dushaka indege, ku kibuga cy’indege nabo baratworohereza amaraso agera muri Kenya, umubyeyi bamwongerera amaraso”.

Abavuga ko gutanga amaraso bibabaza ngo baribeshya

Yashimye abatanga amaraso ku butabazi bakomeje gukora, avuga ko muri 2024, igipimo cya 99,72% by’abayakeneye bayabonye, ariho ahera yemeza ko amaraso ari umuti usabirwa umurwayi mu gihe nta kindi cyamutabara gihari, akaba agomba kuboneka kugira ngo uyakeneye wese ayahabwe.

Ni ibyagarutsweho mu muhango wo kwizihiza umunsi mpuzamahanga w’abatanga amaraso, wizihirijwe mu Karere ka Musanze ku wa Gatandatu tariki 14 Kamena 2025.

Mu nsanganyamatsiko igira iti ‟Tanga amaraso, Tanga icyizere, Twese hamwe dutabare abarwayi”, Dr Muyombo yagarutse ku mpungenge bamwe mu baturage bakunze kugaragaza zijyanye n’imyumvire zikaba imbogamizi zibuza bamwe gutanga amaraso.

Mu mpungenge bamwe bagaragaza hari abagira bati ‟Nsanzwe mfite uturaso duke, muyatange mwe mubyibushye mufite menshi”, undi ati ‟Sintanga amaraso ntatakaza ibiro byanjye”.

Mu gihe hari n’abavuga ko ari abakene badashobora gutanga amaraso kandi batihagije mu biribwa, ko nta nyama barya bati ‟Gutanga amaraso ni iby’abakire barya izo nyama, waba utunzwe no guca inshuro ukajya gutanga uturaso duke wifitiye?”.

Abafatanyabikorwa mu gutanga amaraso bahawe icyemezo cy’ishimwe

Bamwe mu bakire nabo bati ‟Twibereye muri shuguri, nta mwanya wo gutakaza tujya gutanga amaraso mu bintu bitatwinjiriza amafaranga”, n’ibindi.

Dr. Muyombo yagize icyo avuga kuri icyo kibazo cy’abagishidikanya n’abatarumva neza akamaro ko mu gutanga amaraso, avuga ko kuyatanga ari igikorwa cy’ubutabazi.

Ati ‟Gutanga amaraso, si iby’abakire si iby’abakene si n’iby’ababyibushye gusa, kuko hari n’umuntu ushobora kuba abyibushye ariko ingano y’amaraso ye iri hasi, iri ku kigero kitamwemerera gutanga. Ni ukuvuga ngo umuntu wese ufite ubuzima buzira umuze yatanga amaraso”.

Arongera ati ‟Gutanga amaraso kandi ntibigombera ko uba wariye bya biryo bita iby’abakire cyangwa birimo inyama nyinshi, umuntu wese urya indyo yuzuye isanzwe igizwe n’ibyubaka umubiri, ibitera imbaraga n’ibirinda indwara, umubiri we uba ufite ubushobozi bwo gukora amaraso ahagije yamutunga we ubwe n’ayo yafasha abayakeneye. Gutanga amaraso rero ntabwo bigendera ku bukire n’ubusirimu runaka, umuntu ufite ubuzima ufite amaraso ahagije, aba ashobora kuyaha abandi”.

Yavuze ko utanga amaraso ahorana ubuzima buzira umuze kuko buri gihe ahora azi uko buhagaze, kandi umubiri ugahora ukora andi akabaho neza, kandi akirinda icyatera ubuzima bwe indwara kuko aba yaracengewe n’uburyo ashobora kwirinda.

Dr Muyombo Thomas (Tom Close)

Yungamo ko kuva ikigo cy’Igihugu cyo gutanga amaraso cyashingwa mu 1976, hari abatangiranye nacyo na n’ubu bikagaragara ko ntawe gutanga amaraso byagizeho ingaruka.

Dr. Muyombo yagarutse ku ishusho y’uburyo gutanga amaraso bihagaze mu Rwanda, avuga ko nta kibazo Umunyarwanda aragira giterwa no kubura amaraso, ari na ho ahera ashimira ubuyobozi bw’Igihugu bukora ibishoboka byose kugira ngo serivisi yo gutanga amaraso igende neza.

Ati ‟Twahawe ibyo dukeneye nk’ikigo cy’igihugu cyo gutanga amaraso kugira ngo tugere ahashoboka hose hari Umunyarwanda wifuza kuyatanga, n’abanyamahanga turabafite benshi bayatanga. Muri make umuntu ufite ubushake bwo gutanga amaraso, aho aherereye hose mu gihugu dushobora kumugeraho”.

Avuga ko icyo kigo cyashyizeho n’uburyo bw’ikoranabuhanga bwifashishwa mu kubona umuntu wigeze gutanga amaraso n’aho aherereye, ku buryo iyo hakenewe amaraso mu buryo bwihuse bamugeraho agatanga ubufasha.

Hari n’ingengabihe yashyizweho yo gutanga amaraso ku hantu hose atangirwa mu gihugu, bigatuma amaraso yose azasabwa muri uwo mwaka ashakwa mbere y’uko akenerwa hakabaho na drones zifashishwa mu kugeza amaraso ku bayakeneye, bityo ubutabazi bugakorwa mu buryo budatinze.

Ababaye indashyikirwa mu gutanga amaraso bahawe icyemezo cy’ishimwe

Muri uwo muhango, abantu babiri muri buri Ntara bahize abandi mu gutanga amaraso, bahawe icyemezo cy’ishimwe kubera kuyatanga inshuro nyinshi, bagaragaza ibanga bakoresheje ngo bitabire icyo gikorwa kurenza abandi.

Bagirishya Eugène umaze gutanga amaraso inshuro 74 ati ‟Igitekerezo cyo gutanga amaraso, nakigize mu 1999 ndi mu mwaka wa kabiri w’amashuri yisumbuye. Nta ntego nari mfite kubera ko nari muto ariko byaje kurangira bibaye umuco. Ikintu kinkururira gutanga amaraso ni wa mutima wo gufasha, iyo nyatanze mba nzi ko hari abantu mpaye ubuzima”.

Arongera ati ‟Ubutuma ntanga, ni uko ntawe ukwiye kugira ubwoba, natangiye gutanga mfite imyaka 17 none ngize 43 kandi nta kibazo na kimwe nigeze ngira cy’ubuzima, abantu birinde ibihuha gutanga amaraso nta kibazo bitera ubuzima bw’umuntu”.

Nzamukosha Théodette umaze gutanga amaraso inshuro 45 ati ‟Ibyiza byo guhabwa amaraso iyo urwaye ukajya kwa muganga ubuzima buba bumeze nabi iyo amaraso wayabuze, iyo ugize amahirwe hakaboneka abayatanze ukayahabwa, ibibazo wari ufite birakemuka ukaba muzima”.

Bakoze urugendo rwo kwizihiza umunsi mpuzamahanga w’abatanga amaraso

Arongera ati ‟Gutanga amaraso ni cyo kintu cya mbere nkunda mu buzima, ni yo mpamvu nzayatanga kugeza nujuje imyaka itazaba inyemerera gutanga, icyo nkora ni ukubishishikariza abandi cyane cyane urubyiruko ruzadusimbura”.

Kugeza ubu Intara y’Amajyaruguru ni yo iza ku isonga mu kugira umubare w’abantu benshi batanga amaraso, ibikomeje gushimisha ubuyobozi bw’iyo Ntara, bwiyemeje kongera imbaraga mu bukangurambaga bwo gutanga amaraso, nk’uko Guverineri Mugabowagahunde Maurice abivuga.

Ati ‟Raporo ya RBC ya 2024, igaragaza ko mu gihugu hose abantu batanze amaraso bari 58,688, muri bo 10,329 bangana na 18% ni abo mu Ntara y’Amajyaruguru. Ni abo gushimirwa kuko amaraso batanze yagize uruhare rukomeje mu guhaza bwa busabe bw’ibitaro byasabiye amaraso abarwayi, RBC ikabasha kubahaza ku kigero cya 99,72%”.

Akomeza agira ati ‟Ni ibintu dushima cyane, nk’Intara y’Amajyaruguru, kandi turongera ubukangurambaga mu nama ziduhuza n’abaturage, imibare y’abatanga amaraso izamuke”.

Guverineri Mugabowagahunde Maurice

Habaye n’ibiganiro bishishikariza abantu gutanga amaraso

Hari imodoka zabugenewe mu kwakira abatanga amaraso

VIDEO – Bagirishya Emmanuel watangiye gutanga amaraso mu 1999 afite imyaka 17 y’amavuko, ubu afite imyaka 43 akaba amaze kuyatanga inshuro 74. Arateganya kuyatanga kugeza ku nshuro 100 cyangwa akanazirenza. Ashishikariza n’abandi kuyatanga kugira ngo baramire abarwayi barembye. pic.twitter.com/OoKZRhAr9O

— Kigali Today (@kigalitoday) June 15, 2025

Minisitiri w’Uburezi, Joseph Nsengimana

Ni ibyagarutsweho mu nama idasanzwe igamije kugaragaza ishusho rusange y’uburezi mu Rwanda, hibandwa ku mashuri y’incuke n’abanza, yabereye i Kigali kuri uyu wa Gatanu tariki 13 Kamena 2023, yitabirwa n’abayobozi mu nzego zitandukanye za Leta, abafatanyabikorwa mu bijyanye n’uburezi, abikorera n’abandi.

Ubwo hatangwaga umwanya w’ibibazo, uwitwa Neuron Rusatsi abinyujije ku mbuga nkoranyambaga, yanditse ubutumwa bugufi abaza Minisitiri w’Uburezi, ikibazo kijyanye n’igihe umwarimu yemererwa gusaba kwimurirwa ku kindi kigo (Transfer).

Muri icyo kibazo, yagaragaje impungenge z’uko igihe cy’imyaka itatu abarimu bahawe ngo bemererwe gusaba kwimurirwa ku bindi bigo, basanga ari kirekire cyane.

Icyo kibazo kibajijwe mu gihe bamwe mu barimu bakomeje kugaragaza ko hari ubwo bakorera akazi kure y’imiryango yabo, imibereho yabo ikabasaba ikiguzi kinini kirimo gukodesha amacumbi n’ibindi, ari na ko ngo babura umwanya uhagije wo kwita ku miryango yabo.

Mu gusubiza icyo kibazo, Minisitiri Nsengimana yavuze ko icyo gihe cy’imyaka itatu bakigennye bagendeye ku nyungu rusange zijyanye n’uburezi, mu kwirinda akavuyo byateza mu mashuri n’imyigire mibi y’abana, mu gihe umwarimu asabwe kwimurwa mu gihe gito.

Ati ‟Tugomba kureba imikorere y’ishuri, urabona iyo umwarimu atangiye akazi agashaka kwimurwa mu mwaka umwe kandi ishuri arimo kwigishaho niho atangiye kurimenyera, abana nibwo batangiye kumumenyera, ugasanga kwimurwa buri mwaka byatera akavuyo mu mashuri abana ntibige neza”.

Arongera ati ‟Rero iyo tuvuze ngo imyaka itatu, ni ukuvuga ngo umuntu aba ashatse imyaka itaruhije cyane ku barimu, ariko nanone idateye ibibazo ku ishuri no ku banyeshuri”.

Minisitiri Nsengimana, yavuze ko hakwiye kubaho ibiganiro hagati y’abarimu n’abashinzwe abarimu mu Kigo cy’Igihugu Gishinzwe Uburezi bw’Ibanze (REB), kugira ngo baganire bumve neza ko imyaka itatu itapfuye gufatwa gusa, ahubwo ko hari icyo bashingiyeho.

Yavuze ko abarimu bashobora gutanga ibitekerezo kuri icyo kibazo, bakagaragaza igihe gikwiriye cyo gusaba kwimurwa, bidahungabanyije ishuri n’abanyeshuri.

Ati ‟Icyo ni ikiganiro cyakagombye kubaho, ariko ubu imyaka itatu ni yo yari yagenwe kuba aricyo gihe bitwara kugira ngo umwarimu ashobore gusaba kwimurwa, ariko ari REB ari MINEDUC turifuza kwicarana n’abarimu, nabo batubwire igihe bumva ko cyaba aricyo cyiza ngo basabe kwimurwa”.

Abagize JADF y’Akarere ka Musanze

Yabitangaje ku wa Gatatu tariki 11 Kamena 2025, ubwo yatangizaga Inteko Rusange y’Abafatanyabikorwa mu Iterambere ry’Akarere, mu nama isoza ingengo y’imari ya Leta 2024-2025, aho yitabiriwe n’abafatanyabikorwa b’akarere mu nzego za Leta no mu bikorera.

Mu ijambo rye, Meya Nsengimana yashimye ibimaze kugerwaho n’akarere ku bufatanye n’abo bafatanyabikorwa, aho imihigo 112 Akarere ka Musanze kahize, 90 muri yo imaze kweswa ku kigero cya 100%.

Yavuze ko bimwe mu byagezweho mu ngengo y’imari irangiye birimo kubakira abatishoboye n’abarokotse Jenoside yakorewe Abatutsi inzu 35, hubakwa ibyumba by’amashuri, hubakwa ingo mbonezamikurire Ku bufatanye na MINEMA, mu Murenge wa Musanze hakaba hagiye kuzura inzu 115 zubakirwa abasenyewe n’ibiza, gusa agaragaza ko hakibura ibikoresho byo kwifashishwa n’abazatuzwa muri izo nzu ariho ahera asaba abo bafatanyabikorwa ubufasha.

Uwo muyobozi ubwo yavugaga byinshi mu bimaze kugerwaho, yagarutse cyane ku bikorwa byo kuvugurura Umujyi wa Musanze bikomeje gutangaza abenshi mubawugana.

Ati ‟By’umwihariko nk’abafatanyabikorwa, hari ibikorwa bijyanye no kuvugurura umujyi wacu wa Musanze, ndetse bikomeje gutangaza abagenderera aka karere kacu. Murabona uburyo akarere kacu gakataje mu kwiteza imbere hubakwa ibikorwaremezo byinshi bitandukanye”.

Meya Nsengimana yagaragarije abafatanyabikorwa b’akarere zimwe mu mbogamizi zidindiza iterambere ryako

N’ubwo avuga ko uwo mujyi ukomeje gutera amabengeza, Meya Nsengimana ntiyishimiye uburyo iryo terambere ritajyanye n’imibereho myiza y’umuturage, aho yagarutse ku bigomba gutekerezwaho no kunozwa kugira ngo ubuzima bwiza ubuyobozi bwifuziza abaturage bukomeze gutera imbere.

Yahereye ku mubare w’abana bakiri mu igwingira, aho Akarere kagifite umubare ukiri hejuru ya 20%, agaruka ku miryango 606 ikiba mu makimbirane, ariko yibanda cyane ku mbaraga zikwiye gushyirwa mu kwimakaza umuco w’isuku.

Ati ‟Hashize igihe Musanze igarukwaho mu bijyanye n’umwanda, no mu minsi ishize ubwo twasuraga abaturage twasanze dufite imiryango 84 y’abantu barwaye amavunja. Ntabwo byumvikana kuba mu mwaka wa 2025 dufite abantu barwaye amavunja, hari abaryama mu nzu ubwazo ziteye kwibaza utabona igisobanuro cy’izo nzu”.

Arongera ati ‟Dufite imiryango irenga 1,500 iri mu miturire mibi aho imiryango 350 badafite amacumbi, tukagira imiryango irenga ibihumbi 3000 itagira ubwiherero, aho usanga barashinze ibiti bine bakingizaho supaneti ishaje, hakagaragara n’imiryango itagira buri buri (ubwiherero)”.

Uwo muyobozi yavuze ko bibabaje kuba imiryango 1,800 irarana n’amatungo, ati ‟Dufite umujyi ugenda urera imbere, inyubako zigeretse, amagorofa arazamuka, ariko uragenda ibirometero bitatu uvuye mu mujyi ugakubitana n’ibintu wabireba ubwabyo ukipfuka mu maso, ni gute twaba dufite Umujyi wa kabiri mu Rwanda, ariko tukaba tugifite abaturage bakarwara amavunja?”.

Yibukije abo bafatanyabikorwa ko Musanze ifatwa nk’amarembo y’Igihugu kuko ari umujyi w’ubukerarugendo, aho yavuze ko hari abanyamahanga bafata indege bakaza mu Rwanda kureba ibyiza nyaburanga biri i Musanze. Yasabye abo bafatanyabikorwa guhuriza hamwe imbaraga bazamura iterambere ry’Akarere, ariko batibagiwe umuturage ugatuye.

Ni inama yakanguye abagize JADF, bavuga ko inama nk’iyo ituma basubiza amaso inyuma bakongera imbaraga mu bikorwa bakora baharanira gushyira umuturage ku isonga.

Mukarurinda Elisabeth ati ‟Inama nk’iyi y’inteko rusange y’abafatanyabikorwa b’Akarere ka Musanze, tuyungukiramo imbaraga zidufasha kurushaho gutekereza ku mibereho myiza y’abaturage, abafite ibibazo by’igwingira n’indwara ziterwa n’umwanda tukabakura muri ibyo bibazo ku bufatanye n’abanyamadini, icyo dusabwa ni ukubegera tukabigisha bagahindura imyumvire”.

Pasiteri Muhoza Desire ati ‟Ibyo twungukiye muri iyi nama ni byinshi, birimo kumenya uko imihigo akarere kahize ihagaze. Umusanzu wacu nk’abafatanyabikorwa ni uko tugiye kurushaho kwegera abaturage dushyiraho za Komisiyo zibasura mu kurushaho kubigisha”.

Mugabukomeye Benjamin, uhagarariye JADF mu Karere ka Musanze, yashimiye abafatanyabikorwa bose bagira uruhare mu iterambere ry’abaturage avuga no ku mbogamizi bagize, nyuma y’ihagarikwa ry’imwe mu mishinga bafashwagamo n’ibihugu bitandukanye.

Ati ‟Isomo rikomeye twakuyemo n’ubwo hari abafatanyabikorwa bacu bagiye bahura n’ibibazo byo kutabona ingengo y’imari nk’uko byari byateganyijwe, ibikorwa hafi ya byose byari biteganyijwe byarakozwe kandi n’ikoreshwa ry’ingengo y’imari kuba rimaze kurenga 80% mu gihembwe cya gatatu, twizeye ko ibyabaye bitakomye mu nkokora cyane imigendekere myiza y’imihigo”.

Meya Nsengimana Claudien

Ubuyobozi bw’Akarere ka Musanze bwakanguriye abo bafatanyabikorwa 86 b’ako karere, gukomeza kwitegura neza abashyitsi bazagenderera akarere mu minsi iri imbere, aho ku itariki 14 abarenga ibihumbi bitanu barimo abayobozi bose b’uturere bazaba bari mu Karere ka Musanze, ahazabera imikino ya nyuma y’irushanwa Umurenge Kagame Cup.

Bibukijwe n’umuhango ukomeye wo ‘Kwita Izina’ wo ku itariki 05 Nzeri 2025, hizihizwa n’isabukuru y’imyaka 20 uwo muhango umaze utangiye.

Ambasaderi w’u Buhinde na Guverineri Mugabowagahunde bifatanyije n’abaturage muri siporo ya YOGA

Ni siporo yitabiriwe n’abantu b’ingeri zitandukanye barimo ingimbi n’abangavu, abasore n’inkumi, abagore n’abagabo ndetse n’abageze mu zabukuru ntibatangwa, si ukunanura imbavu karahava.

Iyo siporo yateguwe mu rwego rwo kurushaho kwitegura umunsi mpuzamahanga wahariwe umukino wa YOGA, uzizihirizwa i Kigali tariki 21 Kamena 2025.

Wabaye n’umwanya wo kurushaho kunoza amasezerano hagati y’Akarere ka Musanze n’u Buhinde mu by’ubufatanye bushingiye ku bucuruzi, guteza imbere inganda, Siporo n’umuco, hagamijwe kurushaho guteza imbere siporo ya YOGA, ifatwa nk’ingirakamaro ku buzima bw’abantu nk’uko byatangajwe na Ambasaderi w’u Buhinde mu Rwanda, Mridu Pawan Das.

Ambasaderi Mridu yishimiye uburyo abaturage b’ingeri zitandukanye bitabiriye uwo mukino, abasaba gukora iyo siporo mu buryo buhoraho mu rwego rwo kubaka ubuzima bwiza, aho yabibukije ko iyo myitozo ifasha umubiri no mu mitekerereze ikongerera n’umubiri imbaraga indwara ntizigire aho zimenera.

Ni siporo yashimishije cyane abayitabiriye

Uwo muyobozi yatumiye Abanyamusanze kuzifatanya n’Abanyarwanda bose kwizihiza umunsi mpuzamahanga wa YOGA, aho Leta y’u Buhindi ifite uruhare runini mu gutegura uwo munsi, ashimira Leta y’u Rwanda uburyo ikomeje guteza imbere siporo ya YOGA.

Abenshi mu bitabiriye iyo siporo, baravuga ko batajyaga bayiha umwanya uhagije mu buzima bwabo kubera kutayisobanukirwa neza, bemeza ko kuba bayikoranye na Ambasaderi w’u Buhinde bagasobanukirwa neza ubwiza bwayo, bigiye kubafasha kurushaho kuyikunda bayitabira kenshi.

Umuhire Ange Belise ati ‟Yoga ni siporo ifasha abantu kugorora imitsi, kugorora ingingo igatuma abantu barushaho gutekereza neza no kuruhuka. Dusanzwe tuyikora ariko ntabwo tuyikora tuyizi, uko umuntu agenda amenya ibintu bituma arushaho kubikunda”.

Arongera ati ‟Kuri twe kuba twakoze iyi siporo turi kumwe na Ambasaderi w’u Buhinde, ni umugisha ukomeye cyane kuko bitumye turushaho kuyisobanukirwa no kuyikora neza kuko turi kumwe na ba nyirabyo babizi neza, kubyerekwa n’ababivukiyemo ni umugisha kuri twe”.

Ntwari Eric, umuganga wa siporo wabigize umwuga, avuga ko YOGA ari siporo ya bose abantu bakora bitonze kandi ikagirira umubiri akamaro, aho ibice byose by’umubiri bikora, ikaba siporo igaragarira amaso ko yoroshye nyamara umuburi uba wakoze cyane.

Ntwari yasabye ko ibyo byishimo bidakwiye kuba uby’umunsi umwe, ati ‟Guverineri yatubwiye ko Intara ifitanye umubano ukomeye n’igihugu cy’u Buhinde, nkaba numva byagira akamaro cyane ibi byishimo bitabaye iby’umunsi umwe, ikaba ari siporo ihoraho dore ko duhawe n’ibikoresho by’iyi siporo, ni tubibyaze umusaruro siporo ihoreho, kuko bibaye iby’umunsi umwe umubiri wakwangirika gusumba uko byawugirira akamaro”.

Umuyobozi w’Intara y’Amajyaruguru, Mugabowagahunde Maurice witabiriye iyo siporo, yavuze ko kuba hateguwe YOGA mu buryo budasanzwe, bijyanye no gushyirwa mu ngiro amasezerano Akarere ka Musanze kagiranye n’igihugu cy’u Buhinde.

Ati ‟Hari amasezerano ari hagati y’Akarere ka Musanze n’u Buhinde mu by’ubufatanye mu ngeri zitandukanye, harimo ubucuruzi, guteza imbere inganda ariko na siporo n’umuco. N’ubutaha ni ko tubyifuza, natwe hari ibikorwa tugiye gutegura bizadufasha kwerekana umuco w’u Rwanda by’umwihariko ibikorwa birebana n’umuco wa Musanze mu Buhinde bakabimenya”.

Guverineri Mugabowagahunde yaboneyeho n’umwanya wo gutumira Ambasaderi w’u Buhinde mu gutaha imishinga itandukanye yo mu Ntara y’Amajyaruguru, irimo umuhango wo kwita izina 2024-2025 uteganyijwe ku itariki 05 Nzeri 2025.

Ambasaderi w’u Buhinde mu Rwanda, Mridu Pawan Das

VIDEO - Mu kigo cy'urubyiruko cya Musanze habereye Siporo yitabiriwe n'abarimo Ambasaderi w'u Buhinde mu Rwanda na Guverineri w'Intara y'Amajyaruguru, Mugabowagahunde Maurice, igamije kwitegura kwizihiza Umunsi Mpuzamahanga wa Siporo ya YOGA uzizihizwa tariki 21 Kamena 2025. pic.twitter.com/PvxLIpFSvo

— Kigali Today (@kigalitoday) June 7, 2025

Umuyobozi wungirije wa BNR Dr. Justin Nsengiyumva

Ni ibyavugiwe mu gikorwa cya Banki Nkuru y’u Rwanda (BNR) kijyanye n’itangizwa ry’Umushinga wo gukangurira abagore gukoresha ikoranabuhanga rya Telephone muri serivisi z’imari, cyabereye mu Karere ka Gakenke ku wa kane Kamena.

Ni nyuma y’uko ubushakashatsi bwa BNR bugaragaje ko abagabo aribo bitabira serivisi zo guhererekanya amafaranga hifashishijwe ikorenabuhanga, aho bari kuri 92% mu gihe abagore bari munsi ya 80%.

Umuyobozi wungirije wa BNR, Dr. Justin Nsengiyumva, mu kiganiro yagiranye na Kigali Today, yagarutse ku mbogamizi bamwe mu baturage bagira mu guhererekanya amafaranga hifashishijwe ikoranabuhanga. Yavuze ko ikiguzi gisabwa abakoresha izo serivisi hari ubwo kibaremerera.

Niho ahera avuga ko BNR iri kwiga kuri icyo kibazo agira ati ‟BNR duhora tubitekerezaho, niba iki gihugu dufite gahunda yo kwirinda gukoresha kashi tugakoresha ikoranabuhanga mu kwishyurana, mu by’ukuri ayo mafaranga baca kugira ngo umuntu yishyure agomba kuba ari make mu buryo bushoboka”.

Yongeraho ati ‟Ntabwo mvuga ko wenda adakwiye kubaho kubera ko n’izi kampani zibikora nazo ziba zashoye kugira ngo izi serivisi zishoboke, ariko akwiye kuba make ku buryo adakwiye guca intege abantu.”

Avuga ko BNR iri gukorana n’ikigo cyitwa RSwitch, ku buryo uko kwishyurana kose kwanyura muri icyo kigo bikagabanya icyo kiguzi cyose.

Ku bijyanye n’umushinga wo gukangurira abagore gukoresha ikoranabuhanga rya Telefoni muri serivisi z’imari, muri buri karere hahugurwa abagore 7500 muri serivisi z’imari no gutegura imishinga y’irerambere.

Ni gahunda imaze kugera mu turere dutanu ari two Nyamagabe, Nyamasheke Rulindo, Ngoma na Gakenke, aho kugeza ubu hamaze guhugurwa abagore 35,000 abagera ku 5,000 bafashwa gufungura mobile money mu gihe batajyaga bayikoresha.

Dr. Nsengiyumva ati ‟Iyi ni gahunda ndende izagera mu gihugu hose kugira ngo turebe uko twageza serivisi z’imari ku banyarwanda, by’umwihariko ku bategarugori kuko dutekereza ko iterambere rigizwe n’abategarugori rihita rikwira igihugu cyose”.

Mu bagore bitabiriye icyo gikorwa, bavuga ko ari ubukangurambaga bungukiyemo ubumenyi bubafasha guhindura imyumvire, biyemeza guhindura abandi.

Meya w’Akarere ka Gakenke Mukandayisenga Vestine

Nyirambarushimana Clemence ni umwe muri bo, akaba agira ati ‟Iri koranabuhanga ryo guhererekanya amafaranga hifashishijwe telefoni, ni ryiza, kuko gukora ingendo ujya kwishyura umuntu bituma dutakaza umwanya twagombye gukoramo ibindi”.

Umuyobozi w’Akarere ka Gakenke, Mukandayisenga Vestine, yagaragaje ko ubwo bukangurambaga buziye igihe kuko 96% by’Akarere ka Gakenke ari icyaro, bityo guhererekanya amafaranga hifashishijwe ikoranabuhanga bakaba bakiri kuri 61%, mu gihe abatunze telefoni bari kuri 81,4%.

Ni ibyo yatangarije mu Karere ka Burera ku wa 30 Gicurasi, mu nama ndetse n’amahugurwa agenewe abahagarariye abandi mu nzego z’abagore n’iz’urubyiruko mu barwanashyka bo mu Ntara y’amajyaruguru.

Frank Habineza yavuze ko ishyaka Green Party rihangayikishijwe n’iyubahirizwa ry’uburenganzira bwa muntu, aho ngo usanga rimwe na rimwe butubahirizwa uko bikwiye.

Yagize ati ‟Icyo tugomba gushyiramo imbaraga cyane ni ikijyanye no kubahiriza uburenganzira bwa muntu nk’uko biri muri Manifesto yacu, aho abantu usanga bafungwa igihe kirekire kandi badafite amadosiye, ugasanga umuntu amaze imyaka ibiri afunzwe mu by’ukuri nta n’icyaha yakoze cyangwa se ugasanga afungiwe ahantu hatemewe muri za Transit Center”.

Arongera ati ‟Ibyo bintu turi kubyigaho cyane ku buryo byazavaho cyangwa se byavugururwa, amategeko akubahirizwa. Transit center zo murabizi ko tuzirwaye cyane, ndetse hari na gahunda yo kuzatanga ikirego kugira ngo zizaveho”.

Habineza, yavuze ku ndishyi zikwiye guhabwa uwafunzwe akaza kugirwa umwere, avuga ko ishyaka rya Green Party ryiteguye kubiregera niba nta gikozwe.

Ati ‟Ubundi itegeko mpuzamahanga rijyanye n’uburenganzira bwa muntu n’ukwishyira ukizana, harimo ingingo iteganya ko iyo umuntu afungiye ubusa agomba guhabwa indishyi z’akababaro, kandi twabishyize muri manifesto y’ishyaka ryacu. Twari twavuze ko Leta igomba gushyiraho ikigega cyo gutanga indishyi z’akababaro ku bantu bafungiwe ubusa”.

Arongera ati ‟Uwo twiteguye kurega ni Leta, kandi iyo turega Leta turega itegeko, dushobora kurega mu rukiko rw’ikirenga cyangwa mu rukiko rw’administration. Ni ukuvuga tuba tureba uburyo itegeko ryabangamiwe ariko tukaba dufite n’ubuhamya bw’abantu barenganyijwe, maze twerekane ukuntu itegekonshinga ryabangamiwe.”

Yavuze kandi ko mu gutanga indishyi bifuza ko itegeko rikorwa rireba n’abakorewe ako karengane mu myaka byibura ibiri ishize.

Atanga igitekerezo agira ati ‟Umuntu wakoze icyaha gitoya, wibye telefoni aho kumufunga atange amande atahe, niba umucuruzi basanze adafite EBM aho kumujyana muri transit Center bamuce amande birangire, inzego z’abunzi tuzihe imbaraga zikore. Icyakora dufite na gahunda yo kongerera ubushobozi RIB ikagira n’abakozi benshi, ibyo byose ni ukubihuza n’amikoro y’igihugu kandi turizera ko bizagerwaho”.

Yagarutse no ku mategeko agenga igihe umuntu ukurikiranwa amara muri RIB no mu zindi nzego z’ubutabera, avuga ko rimwe na rimwe ayo mategeko atubahirizwa ugasanga umuntu amaze igihe kirekire aho adakwiye kuba ari, asaba ko hakorwa n’ubukangurambaga abaturage bakamenya amategeko abarengera.

Dr. Habineza, aravuga ko ikintu ishyaka rya Green Party rishyize imbere, kitari ukurega Leta, ahubwo ko ari uburyo bwo guteza imbere umuco wo kubahiriza amategeko.

Ati ‟ihame ryo kubahiriza amategeko risesekare mu Rwanda rishinge imizi, nicyo cyifuzo cyacu.

Dr. Frank Habineza yavuze ko kindi ishyaka ayoboye ribona kibangamiye ubukungu bw’igihugu, harimo izamuka ry’imisoro itandukanye rya hato na hato.

Ati ‟Ibintu bijyanye n’ubukungu turabangamiwe cyane, abanyarwanda barabangamiwe, imisoro imaze iminsi izamuka myinsi itandukanye, ari ijyanye n’ubukwe, ari ijyanye n’amacumbi, ari ijyanye na za lisansi n’imodoka zinjira, yewe byabaye byinshi”.

Arongera ati ‟Icyifuzo cyacu nk’ishyaka, ntabwo twanga imisoro ariko nibeho mu buryo butabangamiye abaturage, ikaba itari imisoro ihanitse cyane, ari imisoro iringaniye ku buryo umuturage ayitanga yishimye ndetse bikanadufasha kugira ngo abakwepa imisoro cyangwa abakora magendu tube twashobora kubakumira ku buryo nabo babireka kuko baba babona ko kwishyura umusoro atari ikibazo kuribo”.

Arongera ati ‟Muri gahunda y’ishyaka ryacu, ibyo birimo kandi tuzi neza cyane ko mu bukungu iyo umusoro ubaye mwinshi cyane wica umusoro abaturage bakawuhunga, mu gihe iyo ubaye umusoro uringaniye abasora baba benshi igihugu kigakira”.

Dr. Frank Habineza, yakanguriye abanyarwanda kwitabira gahunda za Leta, baharanira iterambere ry’igihugu kandi babungabunga ibidukikije, barwanya n’abangiza amashyamba.
Ati ‟Gahunda ya Green Party, n’uko iyo utemye igiti kimwe utera icumi”.

Barahiriye kwinjira muri FPR-Inkotanyi biyemeza kubera abandi urumuri

Ni ibyo batangaje ku mugoroba wo ku wa Kabiri tariki 27 Gicurasi 2025, mu gikorwa cyo kurahiza abo banyamuryango bashya no kubakira mu muryango.

Mu mbamutima z’abarahiye, bagaragaje impamvu nyamukuru zabateye kwinjira mu muryango FPR-Inkotanyi, bavuga icyo bagiye kuwufasha mu kurushaho kuwuteza imbere, biyemeza cyane cyane guhangana n’abo ari bo bose barwanya Igihugu nk’uko biri mu ndahiro barahiye.

Uwitwa Nsengiyumva Roger ati ‟Nishimiye kurahira ninjira mu muryango wa FPR-Inkotanyi, nari mfite amashyushyu yo kwinjira muri uwo muryango, numvaga isaha yo kurahira yantindiye. Ni umuryango watabaye Abanyarwanda uhagarika Jenoside yakorewe Abatutsi, icya kabiri umuryango wa RPF uduteza imbere nk’urubyiruko, aho uha amahirwe buri Munyarwanda wese nta vangura, umutekano ni wose mu gihugu, turawushimira”.

Arongera ati ‟Abarwanya Igihugu barahari, nkatwe tugera ku mbuga nkoranyambaga turababona. Uyu ni umwanya wo kubasubiza, mbabwira ko ibyo bavuga atari ukuri”.

Bishimiye igikorwa bagezeho

Umuhire Sandrine ati ‟Ubusanzwe umuntu aba ari umunyamuryango ku mutima, ariko mu buryo bwo kugira ngo bigutere imbaraga, uravuga uti reka ndahire ku buryo no mu bikorwa byanjye bya buri munsi nzajya ntekereza, ninjya no gutana nibuke ko ndi umunyamuryango wa FPR”.

Arongera ati ‟Bigiye kumpa imbaraga zo gufatanya na bagenzi banjye mu bikorwa biteza Igihugu imbere, mu buryo bwo gushyigikira Chairman wacu Paul Kagame. Imbaraga tugomba kugira nk’abanyamuryango bashya ni ugukorera hamwe, mu buryo bwo kurwanya abo bose baza bashaka gusubiza u Rwanda rwacu inyuma”.

Mugenzi wabo witwa Moline Kansime ati ‟Kuba ninjiye mu muryango wa FPR ni ibyo kwishimira, kuba nteye intambwe nanjye nkaba umwe mu banyamuryango ba FPR-Inkotanyi ndumva binshimishije. Ni umuryango nkunda, nahoraga mfite amatsiko yo kuwinjiramo mu buryo bwemewe, ni iby’agaciro”.

Arongera ati ‟Imbaraga nzanye ni izo gufatanya na bagenzi banjye gukunda umuryango wa FPR-Inkotanyi, dushishikariza buri wese kurinda ibyagezweho. Bavuga ko urubyiruko ari imbaraga z’Igihugu, tugomba gutanga amakuru ku gihe mu gihe tubonye umuntu ushaka kugarura Igihugu mu icuraburindi, kandi tugashishikariza bagenzi bacu kumva intego nyamukuru y’uyu muryango”.

Umwe mu banyeshuri bari muri FPR-Inkotanyi yagejeje ku banyamuryango ibyagezweho

Abo banyeshuri 168 barahiriye kwinjira mu muryango wa FPR-Inkotanyi, baje bakurikira abandi 110 barahiye mu mwaka ushize.

Abo banyamuryango bakomeje ibikorwa bitandukanye biteza imbere imibereho myiza y’abaturage, birimo kubakira abatishoboye, kubaka ubwiherero binyuze mu bikorwa by’umuganda rusange, kwiga no gucengerwa amahame y’umuryango, gukora ingendoshuri ku ngoro ndangamateka zo kubohora Igihugu, gusura inzibutso zitandukanye za Jenoside yakorewe Abatutsi n’ibindi, aho bemeza ko intego bihaye y’ibikorwa bazakora uyu mwaka igeze kuri 90%.

Dr. Charline Uwilingiyimana, umuyobozi ushinzwe amasomo n’ubushakashatsi muri INES-Ruhengeri akaba ari na we Chairperson wa FPR-Inkotanyi muri iryo shuri, yavuze ko abanyeshuri muri INES-Ruhengeri bakunze ibikorwa by’umuryango wa FPR-Inkotanyi bakabifatanya no kwiga, aho ubwo bumenyi butandukanye bufasha Igihugu mu iterambere.

Ati ‟Dutegura aba banyeshuri nk’abazavamo abayobozi b’ejo hazaza, nibo Rwanda rw’ejo twifuza dutezeho ibyiza biri imbere bakigira kubatubanjirije. Ni yo mpamvu tubategurira ibiganiro, tukababwira ibyiza by’umuryango, tukababwira ko kuba twiga tumerewe neza dufite umutekano biva ku byo umuryango watugejejeho. Tugendeye k’umutekano dufite, byose tubikesha imiyoborere myiza ya Paul Kagame”.

Dr. Charline Uwilingiyimana, Chairperson wa FPR-Inkotanyi muri INES-Ruhengeri

Arongera ati ‟Ni yo mpamvu nk’urubyiruko ruri hano, nkatwe tubahagarariye nk’abayobozi tugomba kubatoza gukunda Igihugu, tukabatoza kandi kugera ku byiza by’ejo hazaza. Urebye muri INES-Ruhengeri, umuryango uhagaze neza, kuba tubashishikariza tukabaganiriza ibyiza by’umuryango, hakarahira umubare ungana utya, ni igikorwa gishimishije cyane kandi tugomba guhora dushyizemo imbaraga. Dufite ibyiringiro ko tuzagera ku mubare munini cyane, kuko uko umubare w’abanyeshuri ugenda wiyongera, ni na ko abinjira mu muryango bakomeza kwiyongera”.

Mu mpanuro bahawe n’abayobozi batandukanye mu muryango FPR-Inkotanyi bitabiriye uwo muhango, barimo Visi Chairman wa FPR-Inkotanyi ku rwego rw’Intara y’Amajyaruguru, Niyibizi Ildephonse, bashimye uburyo abiga muri INES-Ruhengeri bakomeje gufasha umuryango wa FPR-Inkotanyi mu bikorwa biteza imbere Igihugu.

Abarahiriye basabwa kubera abandi urumuri mu bikorwa bizamura imibereho myiza n’iterambere ry’abaturage, gukorera hamwe mu bufatanye, gukunda Abanyarwanda bose batavangura, kandi baharanira kwigira ku mateka y’ahahise, barwanya abashaka kugarura Igihugu mu icuraburindi.

Bamwe mu bayobozi ba INES Ruhengeri bitabiriye icyo gikorwa

Visi Chairman wa FPR-Inkotanyi mu Ntara y’Amajyaruguru, Niyibizi Ildephonse

Biyemeje guhangana n’abavuga nabi u Rwanda

Abamotari bagiye kubona kasike zujuje ubuziranenge kurenza izo bajyaga bakoresha

Ni mu kiganiro bagiranye n’inzego zitandukanye z’ubuyobozi kijyanye n’ubukangurambaga butegurwa na Minisiteri y’Ibikorwa Remezo (MININFRA) ku bufatanye na Polisi y’u Rwanda, Ikigo Gitsura Ubuziranenge (RSB) n’izindi nzego, ku wa Gatatu tariki ya 21 Gisurasi 2025 muri Sitade Ubworoherane y’Akarere ka Musanze.

Muri icyo kiganiro, abamotari basobanuriwe gahunda y’ubukangurambaga ijyanye no kurinda umutwe w’Umumotari n’umugenzi yiswe ‘Kasike ikwiye, Umutekano w’umutwe wawe’, aho hatangiye igikorwa cyo gusuzumwa kasike zujuje ubiziranenge.

Ni kasike zishobora kurinda ubuzima bw’abantu mu buryo buri kugipimo kinini, nyuma y’uko bigaragaye ko Kasike zisanzwe zikoreshwa zidafite ubushobozi buhagije bwo kurinda umutwe w’umuntu mu gihe cy’impanuka, nk’uko ubuyobozi bwa RSB bubitangaza.

Ngo muri icyo kigo hari ubushobozi bwo gupima izo kasike harebwa ubuziranenge bwazo mu kurinda umutwe w’abagenzi, harebwa uburyo ifungwa mu gihe yambawe, kurinda ubuzima bw’uwagushije umutwe, umusaya n’ibindi bice.

CSP Vincent Habintwari aganiriza abamotari ba Musanze

Mu minsi itanu hapimwa kasike 12, hakaba hitezwe ko mu mezi ari imbere izo kasike zizaba zageze ku isoko, buri mumotari akayibona mu buryo bworoshye, kandi ikaba ifite ikirango cya RSB kugira ngo hatagira uwahangika abamotari kasike zitujuje ubuziranenge.

Habimana Faustin, umwe mu bamotari ati ‟Izo kasike barazidusobanuriye baranazitwereka dusanga ni nziza mu kurinda ubuzima bw’abantu, batubwiye ko tudakwiye kugira impungenge yo kuzibona, kuko tuzaba dukoresha izacu mu gihe zizaba zitaraba nyinshi ku isoko”.

Arongera ati ‟Twahoranaga imbogamizi za kasike zitujuje ubuziranenga, aho twagwaga ugasanga ikirahuri gitemye umuntu, ariko izi batweretse tubonye ko nta kibazo zizateza kubera ubuziranenge bwazo, ni zigera ku isoko tuzazigura kandi n’abakiriya bazazishimira”.

Muri ibyo biganiro kandi hatanzwe inama ijyanye no kurinda umutekano w’umuhanda, aho n’abamotari bahawe umwanya wo kubaza ibibazo bafata nk’imbogamizi mu kazi kabo.

Bibukijwe kurinda ubuzima bwabo n’ubwabagenzi batwara

Muri ibyo bibazo harimo kuba batemererwa gutwara umugezi ufite akazigo, gucibwa amande n’abatabifitiye ububasha (abasekirite babo), ikibazo cy’amafaranga ibihumbi 18 bishyura buri mezi atatu muri RURA, kugongwa n’abatwara amagare amakosa akaba ay’abamotari, amafaranga y’ubwishingizi akiri menshi, ariko bashimira ubuyobozi bwabagabanyirije ikiguzi cy’amande bajyaga bacibwa.

CSP Vincent Habintwari wari uhagarariye Polisi y’u Rwanda muri ibyo biganiro, asubiza ibibazo by’abo bamotari, yabibukije ko ingamba zishyirwaho ziri mu nyungu y’ubuzima bw’umuturage.

Ati ‟Hari abamotari muhura ukamuhagarika cyangwa abapolisi bakamwandikira akaza kurega ngo bamwandikiye yari atwaye akazigo, nta n’ubwo bavuga ko ari umuzigo, ariko wajya kureba umupolisi wamwandikiye ugira ngo umurenganure, ugasanga yari atwaye igifuka kireshya na metero eshatu cya karoti hejuru yashyizeho ibirayi, ibyo akabyita akazigo. Uretse kwikunda twe tuzi ingaruka zabyo, tuzi benshi bimaze gutwara ubuzima‟.

CSP Habintwari, yabwiye abamotari ko ari abafatanyabikorwa bimena, kuko abenshi ngo aribo bafasha Polisi gukangurira abandi kwitwara neza mu muhanda, ababwira ko umwuga bakora udakwiye gukeretswa kuko utunze benshi mu gihugu, abasaba guharanira kubungabunga umutekano wo mu muhanda mu kurengera ubuzima.

Twagirimana Janvier, Umukozi wa Minisiteri y’Ibikorwa Remezo

Twagirimana Janvier, Umukozi wa Minisiteri y’Ibikorwa Remezo, yavuze ko ubwo bukangurambaga bw’umutekano wo mu muhanda ku bamotari no kwambara kasike yujuje ubuziranenge, ari uburyo bwo kwirinda impanuka, aho ngo mu bihe bitandukanye bagiye babona ko imfu z’abantu ziterwa n’impanuka ziyongera, ariyo mpamvu batekereje kuri kasike zishobora kurushaho kurinda umuntu mu gihe habaye impanuka.

Yavuze ko hakozwe inyigo mu Ukubuza 2024 hamurikwa laboratwari ipima kasike zigiye gushyirwa ku isoko, mu rwego rwo kunoza uburyo bwo kubungabunga ubuzima bw’abantu bakora ingendo hifashishijwe moto, ahumuriza abamotari ababwira ko ibiciro by’izo kasike bitazaba bitandukanye cyane n’izisanze.

Mu gihe izo kasike zikorerwa mu nganda zitandukanye zo mu bihugu birimo u Bushinwa n’u Buhinde, RSB irizeza abanyarwanda ko mu gihe kitari kirekire zizaba zikorerwa mu Rwanda.

Mu Rwanda harabarurwa abarenga ibihumbi 50 bakora umwuga w’ubumotari.

Bakanguriwe umutekano wo mu muhanda binyuze muri gahunda ya ‘Kasike Ikwiye’

Bishimiye kuganirizwa ku mutekano wo mu muhanda

VIDEO - Bamwe mu byamamare muri filime nyarwanda barimo uwo bita Mama Sava, Digidigi na Nyiragitariro bashimishije benshi ubwo batangaga ubutumwa mu bikorwa byo gukangurira abamotari kurinda umutekano wo mu muhanda hamwe n'ubukangurambaga ku kurinda umutwe w'umumotari n'umugenzi… pic.twitter.com/50nSh4rlya

— Kigali Today (@kigalitoday) May 21, 2025

Antoine Cardinal Kambanda na Papa Leo XIV

Ni mu kiganiro yagiranye na Pacis TV ku wa Mbere tariki ya 19 Gicurasi 2025, nyuma y’uko agarutse mu Rwanda aho yari akubutse i Vatican mu mihango yo gushyingura Papa Francis no gutora Papa mushya.

Abajijwe uko abona Papa Leo XIV yagize ati ‟Papa Leo wa 14 rwose ubona ko Imana yo mugenga w’amateka yaduhaye Papa ukenewe muri iki gihe. Ni umuntu ufite ukwemera guhamye, ukwemera gukomeye, ukwemera kurimo urukundo rw’Imana”.

Arongera ati ‟Ijambo rya mbere yavuze, yagize ati nimuhumure Imana iradukunda, ikibi ntabwo gishobora gutsinda kubera ko Imana ni urukundo”.

Cardinal Kambanda yavuze ko Papa Leo XIV yarerewe mu muryango w’abihayimana b’aba Augustinian, bakomoka ku nyigisho no ku mahame ya Mutagatifu Augustin agira ati ‟Ujye ukunda ubundi ukore icyo ushaka, urukundo nyakuri ruguha gukora ibikwiye”, ngo ni yo mpamvu Papa Leo XIV iyo avuga agaruka cyane ku rukundo rw’Imana, buri gihe agashimangira uko kwemera.

Ati ‟Leo XIV ni Papa ufite ishyaka ryo kumenyakanisha inkuru nziza y’urukundo, iyo abantu bamenye ko Imana ibakunda ntabwo bahangayika, baba bafite ukwizera, ntabwo biheba, ikindi iyo umuntu amenye ko Imana idukunda twese, amenya ko na mugenzi we Imana imukunda akamufata nk’umuvandimwe, ibyo bigatuma abantu bashobora kugera ku mahoro, iyo ni yo vanjiri ya Papa Leo XIV”.

Papa Leo XIV ubwo nyuma yo gutorwa yasuhuzaga imbaga y’abantu bari ku rubuga rwa Mutagatifu Petero

Arongera ati ‟Ni Papa ufite inyota n’ishyaka, agahora ahangayikishijwe cyane n’amahoro ku Isi bishingiye nanone ku kubona abavandimwe. Abantu bose ni abantu b’Imana, ni abavandimwe, kwicana no kurwana ni bibi cyane. Papa Leo XIV ni umuntu ugira urukundo no gutega amatwi, akagira impuhwe no kwicisha bugufi, ni ikintu ahuriyeho na Papa Francis”.

Yungamo ati ‟No mu Misa ye y’itangizwa ry’ubutumwa, yagize ati natowe ntitira. Mumfate nk’umuvandimwe tugendera hamwe, dutega amatwi, twicisha bugufi mu mahoro, mu bufatanye no kugendera hamwe. Ubumwe ni ikintu agarukaho cyane”.

Yavuze kandi ko Papa Leo XIV afite ubunararibonye buhagije nk’umuntu wavukiye muri Leta ya Chicago muri Amerika, amaze kuba Padiri ajya gukorera ubutumwa mu gihugu cya Peru muri Amerika y’Epfo, nk’ahantu hari abayoboke Gatolika benshi ku Isi, aho yakoze igice kinini cy’ubutumwa bwe, anakora ubutumwa butuma agenda Isi yose.

Papa Leo XIV yaba agiye kwifatanya n’Abanyarwanda guhimbaza Yubile?

Abajijwe niba Papa Leo XIV azifatanya n’Abanyarwanda guhimbaza Yubile y’imyaka 125 ivanjiri igeze mu Rwanda, na Yubile y’imyaka 2025 Jambo yigize umuntu izaba mu mpera z’uyu mwaka, Cardinal Kambanda yavuze ko bigoye ko aza kubera akazi kenshi afite muri iki gihe.

Nyuma yo gutorwa yari yishimiwe cyane

Ati ‟Kubisaba byo turabimusaba ariko biragoye ko muri uyu mwaka Papa Leo XIV asura u Rwanda, byongeye ho ko Papa Francis yitabye Imana muri ibi bihe twiteguramo Yubile, afite gahunda nyinshi. Turateganya kumutumira mu gihe gikwiye kandi rero Papa ni Umukuru w’igihugu cya Vatican, ntabwo ari twe tumutumira gusa”.

Cardinal Kambanda, yavuze ko Papa Leo XIV yumva ibibazo bya Afurika nk’umuntu wakoreye ingendo zitandukanye kuri uwo mugabane, asura Abakirisitu yumva n’ibibazo byabo.

Ati ‟Ni umuntu wumva ibibazo byo mu bihugu byacu cyane cyane Afurika, noneho guharanira amahoro n’uko abantu barushaho kubana nk’abavandimwe. Abanyarwanda mu mateka yacu twahuye n’ibihe bikomeye cyane by’amacakubiri kandi turi abavandimwe, afite ubutumwa rero buhuza neza n’ubuzima bwacu, ni ukumusabira no gufatanya na we muri ubu butumwa”.

Arongera ati ‟Muri Kiliziya ya Afurika no muri aka karere dutuyemo, Kiliziya yacu uko iteye arayizi, ibibazo duhura nabyo by’iyogezabutumwa, iby’amahoro arabizi, ubwo rero ni muri urwo rwego kuba Papa Francis twaramutumiye ngo asure Kiliziya y’u Rwanda, n’uyu tuzamutumira”.

Igikorwa cyo gutora Papa kiyoborwa n’ububasha bwa Roho Mutagatifu

Cardinal Kambanda yagarutse ku muhango w’itorwa rya Papa yitabiye bwa mbere, avuga ko ari igikorwa Gitagatifu afata nk’Isakaramentu, aho uwitabira ayo matora yiyumvamo ububasha bwa Roho Mutagatifu, avuga n’uburyo amatora ya Papa akorwa.

Antoine Cardinal Kambanda

Ati ‟Urumva nyuma y’uko gutegurwa, muri iyo minsi nta telefoni, nta television, nta radio nta tumanaho na rimwe, bihindura ubuzima noneho umuntu akumva igikorwa arimo ari ugusenga. Roho Mutagatifu ni yo iyobora Kiliziya, Kiliziya Gatolika ni yo ‘Institution’ ku Isi imaze imyaka 2000 iyoborwa na Roho Mutagatifu, kuko n’iyo hari ikibazo ubona ko ari Roho Mutagatifu iza ikigaragaza, cyane cyane nko muri icyo gikorwa cyo gushyiraho Papa”.

Avuga ko Abakaridinali bagabanyije mu byiciro bitatu, aribyo Abakaridinali b’ababadiyakoni, abakaridinali b’abapadiri n’ab’abepisikopi.

Mbere y’uko abakaridinali binjiye muri Chapeli Sistine, ngo ibikorwa byose bibera i Vatican bitangirwa n’indahiro kuva ku bakaridinali kugera no ku mukozi wese akorera muri iyo nyubako, kugeza ubwo umunsi w’amatora ugeze aho abantu bose basabwa gusohoka muri Chapeli Sistine, hagasigaramo abakaridinali batarengeje imyaka 80 y’amavuko.

Cardinal Kambanda ati ‟Bose barasohoka nta n’umusokereteri usigara, umuto mu bakaridinali ni we wakingaga urugi twe tugasigaramo twenyine. Numvaga turi muri Cenaculo, Bikiramariya turi kumwe, twiyambaza Roho Mutagatifu”.

Arongera ati ‟Twumvaga amasengesho y’abakirisitu bose ku Isi twari twarasize turaritse ngo badusabire, ndetse n’abatari Abagatolika dusaba ngo Imana iduhe Papa ukwiye. Ni igikorwa Gitagatifu, ni Isakaramentu, ku buryo wumva ububasha bwa Roho Mutagatifu, nka kwa kundi umuntu ahabwa Ubupadiri cyangwa se Ubwepiskopi”.

Ibyishimo byari byinshi nyuma y’itorwa rya Papa Leo XIV

Cardinal Kambanda yavuze ko bishimiye uko itorwa rya Papa ryagenze, aho ritamaze igihe kinini nk’uko andi matora yagiye agenda, igikorwa avuga ko bashimiye Imana.

Ati ‟Twese tuba dusenga ngo Imana itwereke Papa mushya. Haba harimo no gutegura umuntu tuvuga tuti nyabuna rwose reka utowe ntazaduhakanire, kuko nyuma yo gutorwa ashobora kugira ubwoba akavuga ati ibi bintu si ibyanjye mumbabarire, bikaza kutugora”.

Arongera ati ‟Iyo Papa amaze kuboneka, ni ibintu afata nk’ibiremereye cyane cyane ko umuntu aba yamaze kubona uko Kiliziya imeze n’ibibazo ifite, ni yo mpamvu tumwereka ko ari umusaraba we ko yemera kuwakira kandi ko natwe tuzakomeza kumufasha, ariko cyane cyane Imana iba yamutoye iba izabimufashamo”.

Ikibazo cya mbere Papa abazwa iyo amaze gutorwa

Cardinal Kambanda, avuga ko Papa Leo XIV akimara gutorwa ikibazo cya mbere yabajijwe ari ‟Urabyemera?”, ni ikibazo kibazwa buri mu Papa nyuma yo gutorwa, dore ko mbere yo gutora nta n’umwe winjira muri conclave (mu mwiherero) yiyumvamo ko ari we ugomba gutorwa cyane ko ngo ari Roho Mutagatifu umutora.

Ati ‟Papa Leo XIV akimara kwemera inshingano zo kuba Papa nyuma yo gutorwa, yagiye mu cyumba cy’amarira, ari naho yambariya imyambaro ya Papa, ni nabwo za mpapuro yatoreweho zatwitswe hashyirwamo produit zituma haza umwotsi wumweru, byose bikorerwa imbere y’abakaridinali”.

Arongera ati ‟Muri icyo gihe twe ntabwo tuba tuzi n’ibirimo kubera hanze kuko nta tumanaho tuba dufite, ntabwo tuba tuzi abantu bahari uko bangana. Iyo Papa amaze kwambara turamuyoboka tukamusezeranya kumwumvira, hanyuma agasinya inyandiko zo gutorwa no kwemera inshingano, ni yo mpamvu hagati y’umwotsi no gusohoka kwa Papa ajya gutanga umugisha bifata umwanya”.

Urwibutso rwa Papa Francis kuri Cardinal Kambanda

Cardinal Kambanda nk’umuntu watowe na Papa Francis inshuro eshatu zirimo kuba umwepisikopi wa Kibungo, kuba Arikiyepiskopi wa Arikidiyosezi ya Kigali no kuba Cardinal, yavuze ko Papa Francis yaranzwe n’imbaraga zikomeye mu guteza imbere ukwemera muri Kiliziya.

Ati "Nyuma y’urupfu rwa Papa Francis Kiliziya yari ibayeho nk’imfubyi, byabaye mu gihe cya Pasika nyuma yo kuzuka kwa Kirisitu agasubira mu Ijuru, Kiliziya yari iri nko muri Cenaculo ubwo abigishwa bari bafite ubwoba bakikingirana muri Cenaculo basenga bari kumwe na Bikiramariya. Mu myaka 12 yari amaze, yashyize Kashe nshya muri Kiliziya, ayiha imbaraga zikomeye”.

Yavuze ko Papa Francis yarangwaga n’impuhwe, gukunda abantu cyane cyane abakene, aho ngo yahoraga abaza mu bunyamabanga bwe ati ‟Nta muntu ushonje ngo tumufashe?”

Yavuze ko Papa Francis yari umuntu wicisha bugufi, akanga intambara aho yagenderaga ku mikorere ya Mutagatifu Francisco wa Asizi wakundaga amahoro, agakunda gusoma ibirenge by’abaciye bugufi.

Cardinal Kambanda, yavuze ko Papa Francis yaranzwe no kwita kuri Kiliziya yo muri Afurika, aho yatanze Ubukaridinali ku bepiskopi benshi bo mu bihugu bya Afurika birimo u Rwanda, Uganda, DRC, Tanzania, Sudani y’Epfo n’ibindi.

Papa Leo XIV

Yavuze ko umuhango wo gushyingura Papa Francis witabiriwe ku buryo budasanzwe, ati ‟Mu gushyingura Papa Francis, Perezida Trump yaraje, mu gihe hategerejwe ko umuhango wo gushyingura utangira bamuha agatebe yicarana na Zelensky baraganira, ni igitangaza gikomeye”.

Papa Francis washyinguwe n’abasaga ibihumbi 400 ku itariki 26 Mata nyuma y’uko yitabye Imana tariki 21 Mata 2025, asimburwa na Papa Leo XIV watowe ku itariki 08 Gicurasi 2025.

Papa Leo XIV akomeje gusurwa n’abayobozi batandukanye

Trump ni umwe muba Perezida b’ibihugu bitabiriye umuhango wo gushyingura Papa Francis

Papa Leo XIV watowe

Ni mu matora yari amaze iminsi ibiri abera i Vatican muri Chapeli ya Sistine, aho saa kumi n’ebyiri z’umugoroba inkuru yageze ku mbaga y’abatuye Isi, ibanza gutangazwa hifashishijwe umwotsi wera wasohotse mu itiyo icometse muri chapeli Sistine yaberagamo ayo matora.

Ku mugoroba wo ku wa Gatatu tariki 07 Gicurasi 2025, nibwo amatora yatangiye abimburirwa n’indahiro y’Abakaridinali ijyanye no kubika ibanga ry’imigendekere y’amatora, aho nyuma y’iyo ndahiro abari muri Chapeli Sistine bose basabwa gusohoka mu ijwi riranguruye rigira riti “extra omnes” (buri wese nasohoke), hasigara Abakaridinali 133 bemerewe gutora Papa, n’uko imiryango y’iyo Chapeli irafungwa.

Amatora yahise atangira muri uwo mugoroba, ari na ko ku rubuga rwitiriwe Petero Mutagatifu, abaturage bagendaga biyongera umunota ku munota, bategereje iyo nkuru idasanzwe ya Papa mushya.

Mu ma saa mbiri z’umugoroba, nibwo hasohotse ibyavuye mu matora ya mbere, ariko ntibyafatwa nk’inkuru yari itegerejwe kuko muri ya tiyo igenewe gusohora umwotsi nk’ikimenyetso cy’uko amatora ari kugenda, hasohokaga umwotsi wirabura (Umukara).

Ntabwo abaturage bacitse intege ahubwo bakomeje kuza ari benshi kuri urwo rubuga rwa Petero Mutagatifu, ari na ko bakomeza gusengera ayo matora ngo agende neza.

Papa Leo XIV asuhuza abakristu nyuma yo gutorwa

Mu ma saa yine y’igitondo cyo kuri uyu wa kane, nibwo iyo mbaga y’abantu yari ikoraniye ku mbuga ya Petero yongeye kubona umwotsi wirabura, ugaragaza ko amatora yakozwe muri icyo gitondo nta cyavuyemo, ndetse no mu matora yabaye saa sita birangira nta gisubizo atanze.

Byabaye ngombwa ko iyo mbaga y’abantu bakurikiranaga itorwa rya Papa itegereza ku nshuro ya kane, nuko mu ma saa kumi n’ebyiri z’umugoroba bashimishwa no kubona umwotsi wera, bavuza induru z’ibyishimo ari nako bakoma amashyi y’urufaya, inzogera ziravuzwa mu ma Diyosezi n’ama Paruwasi yose i Roma.

Mu byishimo byinshi by’abaturage bari bamaze kwizera ko Papa yatowe, icyari gitegerejwe ni ukubibwirwa mu magambo no kumwibonera amaso ku maso.

Byabasabye gutegereza mu gihe kijya kungana n’isaha kugira ngo Nyirubutungane Papa wari umaze gutorwa aze abiyereke, abasuhuze abagezeho n’ijambo yabateguriye, ari na ko basusurutswaga n’akarasisi ka Gisirikare.

Isaha imwe nyuma yo gutorwa, nibwo idirishya Papa ahagararaho iyo ageza ubutumwa ku bakirisitu bitabira isengesho ryitwa Angelus ribera ku rubuga rwa Perero buri cyumweru ryafunguwe, umwe mu Bakaridinali 133 bari bamaze gutora, aza atangaza iyo nkuru nziza mu rurimi rw’Ikiratini ati ‟Habemus Papam” (Dufite Papa).

Nyuma yo gutangaza iyo nkuru, yanatangaje amazina ya Papa umaze gutorwa, igihugu akomokamo n’izina yahisemo ry’ubutungane, agira ati ‟Habemus Papa, Papa watowe yitwa Robert Francis Prevost uvuka muri Amerika i Chicago, izina rye ry’ubutungane ni Leo XIV”.

Ageza ijambo ku bakurikiye icyo gikorwa

Nyuma y’ibyo, Uwari Cardinal akaba Papa Leo XIV yafunguriwe idirishya ryari rifungishije rido itukura n’indi yera, aherekejwe n’Abakaridinali abandi bajya mu madirishya atandukanye y’iyo nyubako, asuhuza imbaga y’ikoraniro ry’abantu bari kuri urwo rubuga abaganiriza mu gihe cy’iminota 14.

Mu ijambo yabagejejeho, ryibanze ku gushimira Papa Francis asimbuye, yagize ati ‟Merci Papa Francis”, amushimira ko yaranzwe n’imiyoborere myiza.

Yasabye iyo mbaga y’abaturage kurangwa n’urukundo rw’Imana no kugira ubumwe buranga abana b’Imana, bagendeye muri Sinodi isaba imbaga y’Imana kugendera hamwe.

Nyuma y’itorwa rya Papa Leo XIV, Inama y’Abepiskopi Gatolika mu Rwanda yahise isohora itangazo ryo gushimira Imana, ku bw’itorwa rya Papa mushya Leo XIV.

Papa Leo XIV ni muntu ki?

Papa Leo XIV ni we mu Papa rukumbi ukomoka muri Amerika ya Ruguru Kiliziya Gatolika igize, aho yavukiye i Chicago muri Leta Zunze Ubumwe za Amerika, tariki 14 Nzeri 1955, afite imyaka 69.

Ni umwe mu ba Kardinali bashya, kuko yatowe na Papa Francis tariki 30 Nzeri 2023.

Imbaga y’abantu bari bamutegereje ku rubuga rwa Mutagatifu Petero

Papa Leo XIV yahawe isakaramentu ry’ubusaseridoti tariki 19 Kamena 1982, aba Umwepisikopi muri 2014 aho yahawe inkoni y’ubushumba tariki 12 Ukuboza 2014.

Yakoze ubutumwa mu bihugu bitandukanye, burimo kuba Umwepisikopi w’Umumisiyoneri muri Diyosezi ya Chiclayo muri Peru, igihugu cyo muri Amerika y’Amajyepfo aho yakoreye igihe kirekire ahabwa n’ubwenegihugu.

Hari benshi bazi ubuzima bwa Papa Leo XIV barimo na Padiri Nzabamwita Dieudonné ukorera ubutumwa mu Butaliyani, aho mu kiganiro yagiranye na Pacis TV yavuze ku nkomoko y’izina Leo XIV Papa mushya yahisemo, ahereye kuri Papa Leo Xlll, wayoboye Kiliziya kuva mu 1878-1903.

Avuga ko Leo XIII yari umu Papa wateje imbere amahame n’inyigisho zishingiye kuri Kiliziya (Doctrine Sociale de l’Eglise), abinyujije mu nyandiko (Encyclique) yitwa ‘Rerum Novarum’ (Ibihe bishya).

Naho Papa Leo I, ngo ni umwe mu bashimangiye ukwemera kwa Kiliziya kugera ubwo ayirwanira yirukana ingabo zashakaga gusenya umujyi wa Roma, ari naho havuye akabyiniriro bamwise kubera ubutwari yagaragaje kagira kati Papa ‟Leo the great”.

Professeur Jean Paul Niyigena, Umunyarwanda watowe na Papa Francis kuba mu kanama ka Papa gashinzwe uburezi, yagize icyo abwira Pacis TV ku itorwa rya Papa Leo XIV, nk’umwe mu batuye i Roma wabonye umwanya wo gukurikiranira hafi ayo matora.

Ati ‟Kuba Papa Leo XIV atowe ku munsi wa kabiri wa Conclave, ubwabyo ni ibintu dushimira Imana cyane, Roho Mutagatifu yongeye kutwereka ko ari we umenya aho aganisha Kiliziya kurusha uko abantu babikeka cyangwa babivuga, kuko abo bavugaga cyane ntabwo aribo tubonye”.

Bamwe barijijwe n’ibyishimo

Arongera ati ‟Ikintu cyahise kigaragara, hari izina rye, ariko hari n’amagambo yahise avuga. Uretse amagambo hari n’uko yagaragaye, icyo nahise mbona ni uburyo ubwo butumwa yabwakiriye. Wabonaga ko ari umuntu bwakoze ku mutima, yabwakiranye ukwemera kandi anabona ko mu by’ukuri buremereye, umuntu yabibonaga ku maso ye”.

Yavuze ko Papa Leo XIV, ubwo yagezaga ijambo ku baturage, hagiye hagaruka amagambo areba Isi yose ati ‟Yagarutse ku ijambo amahoro, ati twese ayo mahoro tuzayaharanire n’Imana izayaduhe kandi tube bamwe igihe cyose. Nibwira ko ari ijambo ry’ihumure abantu benshi bari bategereje barimo abayoboke Gatolika, ababa mu yandi madini ndetse n’abatemera”.

Arongera Ati ‟Yagarutse ku ijambo ryo kuganira (Dialogue), ni ukwerekana ko kuganira abantu bamwe n’abandi bakavugana bakagirana umushyikirano, nabyo ni ibituma abantu bagira amahoro. Kugira amahoro ni umushyikirano nk’uko Imana muri Yezu Kirisitu yashyikiranye ku buryo busesuye n’inyoko muntu, icyo nacyo ni ikintu gishimishije”.

Mu bindi Papa yagarutseho yavuze ko Kiliziya ashyize imbere ari Kiliziya iri muri Sinodi bivuze ‟Kugendera hamwe”, iyo ntego ikaba ijyanye n’igikorwa cyatangijwe na Papa Francis, avuga ko Kiliziya igomba kugendera ku kwamamaza ubutumwa hafi na kure (Eglise Missionnaire).

Jean Paul Niyigena ati ‟Nyirubutungane Papa Leo XIV, rimwe nigeze kumubona i Roma, ni umuntu wicisha bugufi, nta wakekaga ko yaba Papa. Ariko abantu bakoranaga uko bamuvuga, ngo ni umushumba ukunda gufata umwanya wo kumva abantu. Hari abo tumaze kuvugana bakoranaga barambwiye bati tubonye umushumba ufata umwanya akumva abantu. Turasabwa kumusabira kuko ubutumwa bwatangiye, kugira ngo abashe koko kurushaho gutuma Kiliziya zitandukanye zunga ubumwe no gutanga imirongo migari Kiliziya igiye kugenderaho”.

Abajijwe ku nyungu zihariye kuri Amerika aho Papa Leo XIV avuka, Niyigena yagize ati ‟Ikintu gishishikaje abantu muri Kiliziya ni ukwamamaza inkuru nziza ya Yezu Kirisitu, kuyamamaza kwa mbere n’uko abo uyibwira bagira ubutumwa butuma bahura na Yezu Kirisitu by’ukuri”.

Arongera ati ‟Naho kuvuga ko avuka mu gihugu runaka ntacyo bivuze kuko Abakaridinali mbere y’Amatora baba bafashe umwanya ukomeye wo kumenya icyo Kiliziya ikeneye, noneho bagatoranya umwe muribo bakavuga bati uriya naduhagarara imbere akatuyobora, azadufasha anafashe Kiliziya kugera ku byo twabonye. Papa atorwa n’Abakaridinali, inshingano ze ni ugukora ku buryo ubwo bumwe bwa Kiliziya bukomeza gushinga imizi”.

Papa Leo XIV, afite impamyabumenyi zitandukanye zirimo iy’imibare, akagira n’impamyabumenyi zihanitse zirimo n’ijyanye n’amahame ya Kiliziya.

Ni umwe mu ba Papa bazi kuvuga indimi nyinshi, izo avuga adategwa zikaba zirindwi arizo Icyongereza, Icyespagnol, Igitaliyani, Igifaransa, Igiportugali, Ikiratini n’Ikidage.

Leo XIV ni Papa wa 267, aho asimbuye Papa Francis witabye Imana ku itariki 21 Mata 2025, akaba afite intego igira iti ‟In illo uno unum” bishatse kuvuga ngo “Turi umwe muri Kirisitu”.

Icyasabwaga kugira ngo haboneke Papa, n’uko 2/3 by’Abakaridinali 133 bari kuba bamutoye, bivuze ko Leo XIV yatowe n’umubare utari munsi y’Abakaridinali 89.

Abakaridinali bemerewe gutora cyangwa gutorwamo Papa ni abatarengeje imyaka 80, ayo matora akaba mu muhezo aho bifungirana muri Chapel Sistine bakazasohoka ari uko Papa abonetse.

Igihe cyose Papa ataraboneka, abo ba Karidinakli baguma muri icyo cyumba kugeza ubwo 2/3 byabo bihuriza ku muntu umwe, dore ko mu mateka y’itorwa rya Papa hari ubwo gutora byananiranye kugeza ubwo bimara imyaka itatu.

Nyuma yo gutora Papa Abakaridinali bagaragaye mu madirishya

Papa Leo XIV yagizwe Cardinal muri 2023

Perezida Trump yashimiye Papa Leo XIV

VIDEO - Papa Leo XIV yavukiye i Chicago muri Leta ya Illinois tariki 14 Nzeri 1955 (afite imyaka 69). Akimara gutorwa, yasuhuje abakirisitu bateraniye ku mbuga ya Bazilika yitiriwe Mutagatifu Petero, abifuriza amahoro. pic.twitter.com/qziztl42Lp

— Kigali Today (@kigalitoday) May 8, 2025

Papa mushya Leo XIV

Saa kumi n’ebyiri z’umugoroba wo kuri uyu wa kane nibwo imbaga y’abakirisitu bari bateraniye ku rubuga rwa Petero Mutagatifu, babonye umwotsi wera, ibyishimo birabarenga by’iyo nkuru y’itorwa rya Papa.

Papa Leo XIV wavutse tariki 14 Nzeri 1955, nyuma y’uko Abakaridinali batoye inshuro eshatu amajwi yagenwe adakunda, yatowe ku nshuro ya Kane.

Papa Leo XIV ni uwa 267 aho asimbuye Papa Francis witabye Imana ku itariki 21 Mata 2025, akaba yarakoreye ubutumwa igihe kinini muri Perou, muri Amarika y’Amajyepfo.

Urwambariro rwa Papa uza gutorwa

Mbere y’uko Abakaridinali binjira mu cyumba kiberamo Conclave, muri Bazilika ya Mutagatifu Petero hamaze guturirwa igitambo cya Misa ibanziriza igikorwa cy’amatora ya Papa mushya usimbura Papa Fransisiko witabye Imana, cyo gusabira icyo gikorwa, aho iyo misa yitabiriwe n’imbaga y’abakirisitu, mu rwego rwo gusaba Imana ko ayo matora ayoborwa na Roho Mutagatifu.

Nk’uko byatangajwe ku mbuga nkoranyambaga z’ikinyamakuru Vatican news, mu byumba byamaze gutegurwa biberamo ayo matora yitabirwa n’Abakaridinali 133 batarengeje imyaka 80, harimo Icyumba cy’amarira (Rooms of Tears), gifatwa nk’urwambariro rwa Papa uraba amaze gutorwa.

Muri icyo cyumba cyegereye Chapeli ya Sistine, cyashyizwemo ibirango byose biranga Papa birimo amakanzu yera, n’ibindi biranga Umupapa birimo inkoni ya gishumba, ingofero n’ibindi.

Urwambariro rwa Papa mushya rwiswe Icyumba cy’Amarira, nyuma y’uko byagiye bigaragara kuri bamwe mu ba Papa, bagiye bajya mu rwambariro kubera kwakirana igishyika no gutekereza ku nshingano ziremereye batorewe, zo kuyobora Kiliziya Gatolika ku rwego rw’Isi, bamwe amarira agashoka.

Ku masaha y’igicamunsi nibwo abakaridinali 133 bemerewe gutora bahurira muri Chapeli ya Sistine, aho bifungirana buri wese agashyira ikiganza kuri Bibiliya agakora indahiro yo kugira ibanga ryo kutazavuga ibibera mu gikorwa cyo gutora Papa kugeza avuye ku Isi.

Ni ubwa mbere inteko itora Papa (Conclave) yakiriye umubare munini w’Abakaridinali bemerewe gutora Papa mushya, aho ari 133 abarenga 80% bakaba baratowe na Papa Francis.

Mu ba Cardinali 133 bagiye gutora Papa isimbura Francis witabye Imana tariki 21 Mata 2025, barimo n’Umunyarwanda Antoine Cardinal Kambanda ufite imyaka 66.

Mu mateka y’uruhererekane rw’ubuyobozi bwa Kiliziya Gatolika, kuva kuri Petero Mutagatifu, Papa utorwa araba uwa 267.

Abakaridinali bemerewe gutora cyangwa gutorwamo Papa bagomba kuba batarengeje imyaka 80 y’amavuko

Biyemeje kwikura mu bukene

Ayo mahugurwa y’iminsi itanu agenewe amatsinda na Koperative z’urubyiruko rufite ubumuga ari kubera i Musanze, aho yatangiye ku itariki 28 Mata akazasozwa ku itariki 02 Gicurasi 2025, yitabiriwe n’urubyiruko rurenga 20 rugizwe n’abahagarariye abandi, ruturutse mu turere tune aritwo Rubavu, Burera, Musanze na Rutsiro.

Dr Hakizimana Nicodème, Umuyobozi nshingwabikorwa w’Umuryango w’abafite ubumuga bw’uruhu mu Rwanda (OIPPA), yavuze ko uwo mushinga wa Turengere abafite ubumuga uterwa inkunga n’Umuryango w’Ubumwe bw’i Burayi (Europian Union), wibanda ku ntego eshatu hagamijwe gukemura ibibazo abafite ubumuga bahura nabyo.

Ati ‟Intego ya mbere ni ugukora ubuvugizi ku bibazo abantu bafite ubumuga bahura nabyo muri sosiyete, birimo kutagera kuri serivisi z’imari, iz’uburezi n’iz’ubuvuzi. Intego ya kabiri ni ugufasha abafite ubumuga kwikura mu bukene kuko byagaragaye ko inzitizi abafite ubumuga bahura na zo ari ubukene, butuma hari ibibazo bimwe na bimwe batabasha kwikemurira”.

Avuga ko uwo mushinga uzafasha abafite ubumuga gukora imishinga itandukanye irimo iy’ubuhinzi, ubworozi, uburobyi n’indi mishanga itandukanye y’urubyiruko, ikazaterwa inkunga.

Intego ya gatatu ngo ni iyo gukora ubuvugizi kugira ngo abafite ubumuga bajye bashyirwa muri gahunda zitandukanye Leta igenera abaturage, nyuma y’uko ari ubwo abo bantu bafatwa nk’icyiciro cyihariye bigatuma ubukene bubazahaza.

Bagiye guterwa inkunga ya Miliyoni 20Frw

Mu gihe urubyiruko rufite ubumuga rukigorwa no kugera kuri serivisi z’imari, ni kimwe mu byagendeweho mu gutegura ayo mahugurwa hagamijwe kurwongerera ubumenyi bubafasha kuva ku matsinda rugashinga amakoperative, aho bagiye guterwa inkunga y’amafaranga angana na Miliyoni eshanu kuri buri tsinda.

Dr Hakizimana Nicodème, Umuyobozi nshingwabikorwa wa OIPA

Dr. Hakizimana ati ‟Uyu munsi twasanze urubyiruko rwinshi rufite ubumuga rwugarijwe n’ubukene bukabije, kubera ko iyo bagiye kwaka inguzanyo mu mabanki bagorwa no kubona ingwate, iyo bagiye mu matsinda cyangwa mu bimina hari ubwo babura amafaranga yo gukoteza kandi ubwo ni bwo buryo bwo kubona igishoro”.

Arongera ati ‟Twaje kubahugura ku bijyanye no gukora imishinga no gucunga amatsinda mato n’amakoperative, hanyuma tuzafashe ayo makoperative gukora imishinga. Buri rubyiruko rwibumbiye hamwe tugiye kubaha inkunga ingana na Miliyoni eshanu, ubu dufite uturere tune tugiye gushyiramo miliyoni 20 aritwo Rubavu Burera, Musanze na Rutsiro, ariko hari n’utundi turere tuzafata mu bindi byiciro”.

Bamwe mu bitabiriye ayo mahugurwa baremeza ko ibibazo byari bibugarije bigiye gukemuka, kubera ubumenyi bahabwa muri ayo mahugurwa buzabafasha gushinga no gucunga amakoperative yabo.

Uwingabiye Solange ati ‟Icyo twiteze muri aya mahugurwa ni ubumenyi budufasha kubaka koperative, imikorere yayo, kumenya ufite ubushobozi bwo kwinjira muri koperative n’ibindi. Dusanzwe duhuriye mu matsinda, ubu turi guhugurirwa kuva ku rwego rw’amatsinda tukaba mu makoperative”.

Arongera ati ‟Ibibazo abafite ubumuga duhura nabyo ni byinshi, cyane cyane twugarijwe no kubura ubushobozi kandi dufite imbaraga n’ubwenge bwo gukora. Aya mahugurwa aradukura ku rwego rumwe tujya ku rundi dore ko bagiye no kudutera inkunga y’amafaranga, umushinga wacu w’ubuhinzi bw’ibirayi uratera imbere tuve ku rwego rw’ubuhinzi tuzamuke tugere ku rwego rw’ubutubuzi bw’imbuto”.

Niyongira Emmanuel ati ‟Twamaze gusobanukirwa imikorere ya koperative, abafite ubumuga dukunze guhura n’ikibazo cy’ubushomeri, nk’ubu turi abahinzi ariko tubikora mu buryo budafatika kubera ubushobozi buke, ariko mu gihe bazaba baduhaye iyo nkunga tuzakora ubuhinzi bufite intego”.

Umuyobozi w’umushinga Turengere abafite ubumuga, Alice Kabonesa Justine, avuga ko icyo bategereje ku bari guhugurwa ari ukugeza ubumenyi ku rubyiruko rutandukanye rw’abafite ubumuga, hagamijwe kuzamura ubumenyi ku mikorere n’imicungire y’ama koperative, mu kuzamura iterambere n’imibereho yabo.

Ni umushinga uzagera ku rubyiruko 160 wateguwe ku nkunga ya European Union, ku bufatanye n’Umuryango w’abantu bafite ubumuga bw’uruhu mu Rwanda (OIPPA), Umuryango wita ku basigajwe inyuma n’amateka (AIMPO), Umuryango wa Hand in Hand Development (HIHD) n’Umuryango wa ISDO.

Umuyobozi w’umushinga Turengere Abafite Ubumuga, Alice Kabonesa Justine

Abahuguwe barishimira ubumenyi bahabwa ku micungire y’amatsinda na Koperative

Ubwo Abepisikopi b’u Rwanda basuraga Papa muri 2023

Ayo mateka yagarutsweho n’Umushumba wa Diyosezi ya Kabgayi, Mgr Balthazar Ntivuguruzwa, mu gitambo cya Misa yihariye yo gusabira Papa Francis witabye Imana, yaturiwe muri Basilika nto ya Kabgayi ku wa Gatatu tariki 23 Mata 2025 no mu ma Paruwasi yose agize iyo Diyosezi.

Ati ‟Papa Francis yakundaga Kiliziya y’u Rwanda agakunda u Rwanda. Tuzamwibukiraho ko ari we watoye Karidinali wa mbere muri iki gihugu cyacu, mu mateka y’imyaka 125 Kiliziya imaze hano ku butaka bw’u Rwanda. Umukaridinari uri no mu rugaga rugiye kumuherekeza, ndetse ruzatora n’ugiye gusimbura Papa Francisco, ni ikintu gikomeye cyane”.

Arongera ati ‟Ntabwo asize Kiliziya yacu ari nk’imfubyi, asize ayishakiye Abepisikopi, ubu Diyosezi zose zifite abepisikopi bwite. Mu bepisikopi icyenda bayobora ubushyo bw’Imana, mu icyenda, umunani bose ni we wabatoye. Njye ndamushimira ku bw’icyizere yangiriye, mu mwaka ushize nagize umugisha wo guhura na we, mbona umwanya wo kumushimira”.

Mu bepisikopi icyenda ba Diyosezi icyenda zo mu Rwanda, Musenyeri Vincent Harolimana, Umushumba wa Diyosezi ya Ruhengeri ni we rukumbi utari mu batowe na Papa Francis, aho yatowe na Papa Benedigito XVI ku itariki 31 Mutarama 2012.

Abasenyeri umunani batowe na Papa Francis ni Antoine Cardinal Kambanda, Musenyeri Céléstin Hakizimana Umushumba wa Diyosezi ya Gikongoro, Musenyeri Anaclet Mwumvaneza, Umushumba wa Diyosezi ya Nyundo, Musenyeri Edouard Sinayobye, Umushumba wa Diyosezi ya Cyangugu.

Hari kandi na Musenyeri Papias Musengamana, Umushumba wa Diyosezi ya Byumba, Musenyeri JMV Twagirayezu, Umushumba wa Diyosezi ya Kibungo, Musenyeri Balthazar Ntivuguruzwa, Umushumba wa Diyosezi ya Kabgayi na Musenyeri Jean Bosco Ntagungira Umushumba wa Diyosezi ya Butare.

Antoine Cardinal Kambanda, Arikiyesikopi wa Kigali

Papa Francis ni we wahaye Kambanda Ubukaridinali

Papa Fransisco yatoreye Padiri Antoine Kambanda kuba Umushumba wa Diyoseze ya Kibungo ku itariki ya 07 Gicurasi 2013, nyuma y’amezi abiri atorewe kuba Papa.

Musenyeri Kambanda yahawe inkoni y’ubushumba tariki 21 Nyakanga 2013, aho yari asimbuye Musenyeri Kizito Bahujimihigo.

Mu myaka itanu ayobora Diyosezi ya Kibungo, Musenyeri Antoine Kambanda yakiriye ubutumwa bukubiye mu itangazo ry’ibiro by’Intumwa ya Papa mu Rwanda ku wa mbere tariki ya 19 Ugushyingo 2018, rimumenyesha ko Papa Francisco amutoreye kuba Arikiyepiskopi wa Kigali.

Mu myaka itageze kuri ibiri, nibwo uwari Umushumba wa Kiliziya Gatolika ku Isi, Papa Francis, yatangaje ko Arkiyepisikopi wa Kigali Antoine Kambanda agizwe Cardinal, ubwo hari ku Cyumweru ku itariki 25 Ukwakira 2020, nyuma y’isengesho rizwi nka Angelus, rivugirwa ku rubuga rwa Mutagatifu Petero i Roma.

Intego ya Cardinal Kambanda ni ‘Ut vitam habeant’ isobanura iti ‘Bose bagire ubuzima busendereye’ (Jn 10,10).

Antoine Cardinal Kambanda ari mu bitabiriye umuhango wo guherekeza Papa Francis, washyinguwe ku wa Gatandatu tariki 26 Mata 2025, akaba no mu bakaridinali basaga 130 biteguye gutora no gutorwamo Papa mushya.

Musenyeri Céléstin Hakizimana wa Diyosezi ya Gikongoro

Musenyeri Céléstin Hakizimana

Ku itariki ya 26 Ugushyingo 2014, nibwo uwari Papa Fransis yatoreye Padiri Hakizimana Céléstin kuba umushumba wa Diyosezi ya Gikongoro, yari imaze imyaka hafi itatu nta mushumba ifite.

Musenyeri Hakizimana yasimbuye muri izo nshingano Musenyeri Misago Augustin witabye Imana tariki 12 Werurwe 2012, aguye mu biro bye ubwo yari ku kazi.

Mbere yo kugirwa Umushumba wa Diyosezi ya Gikongoro, Musenyeri Hakizimana yari Umunyamabanga mukuru w’Inama y’Abepiskopi mu Rwanda, akagira intego igira iti ‘Duc in Altum’ bisobanura ngo ‘Erekeza mu mazi magari’, Luka 5:4.

Musenyeri Anaclet Mwumvaneza wa Diyosezi ya Nyundo

Musenyeri Anaclet Mwumvaneza

Papa Francis yatoreye Padiri Anaclet Mwumvaneza kuba umushumba wa Diyosezi ya Nyundo, mu makuru yatangajwe na Radio Vatican ku wa gatanu saa munani zo mu Rwanda, tariki ya 11 Werurwe 2016, nyuma yuko yari asanzwe ari Umunyamabanga Mukuru wa Caritas Rwanda.

Uwo mushumba wavutse ku itariki 04 Ukuboza 1956, yasimbuye Musenyeri Alexis Habiyambere wayoboye iyo Diyosezi kuva mu 1997, ajya mu kiruhuko cy’izabukuru aho yari yujuje imyaka 77.

Intego ya Musenyeri Anaclet Mwumvaneza ni ‘Misericordes Sicut Pater’ bivuze ngo ‟Ni mube abanyampuhwe nk’uko So ari umunyampuhwe’.

Musenyeri Edouard Sinayobye, Umushumba wa Diyosezi ya Cyangugu

Musenyeri Edouard Sinayobye

Ku itariki 06 Gashyantare 2021, nibwo Papa Francis yatoreye Padiri Edouard Sinayobye kuba umushumba wa Diyosezi ya Cyangugu.

Musenyeri Sinayobye yatorewe izo nshingano, nyuma y’uko iyo Diyosezi yari imaze imyaka ibiri iragijwe Musenyeri Hakizimana Céléstin wayiyoboraga abifatanya no kuba umushumba wa Diyosezi ya Gikongoro, nyuma y’uko uwari Musenyeri wayo Bimenyimana Jean Damascène yari yitabye Imana muri 2018.

Musenyeri Edouard Sinayobye afite intego igira iti ‘Fraternitas in Christo’bivuze ngo ‘Ubuvandimwe muri kristu”.

Musenyeri Papias Musengamana wa Diyosezi ya Byumba

Musenyeri Papias Musengamana

Umushumba wa Kiliziya Gatolika ku Isi, Papa Francis, yatoye Musenyeri Papias Musengamana ku buyobozi bwa Diyosezi ya Byumba ku itariki 28 Gashyantare 2022, aho yasimbuye Musenyeri Servilien Nzakamwita wagiye mu kiruhuko cy’izabukuru.

Ngo akimara kumenya iyo nkuru, Musenyeri Musengamana yagize ati “Nabimenye umunsi umwe mbere y’uko babitangaza ku mugaragaro, ubu ntabwo nari nafata intego ngo mvuge ngo izaba ari iyo kuko burya ijyana na gahunda y’iyogezabutumwa. Intego ndacyayitekerezaho ariko mu minsi idatinze irajya ahagaragara”.

Papias Musengamana wavutse tariki 21 Kanama 1967, yagizwe umushumba wa Diyosezi ya Byumba, nyuma y’uko yari asanzwe ari Igisonga cy’Umwepiskopi wa Diyosezi ya Kabgayi, akabifatanya no kuba Umuyobozi Mukuru wa Seminari Nkuru ya Tewolojiya ya Nyakibanda.

Intego ye imuyobora mu mirimo ye ya Gishumba ni ‘In Caritate et Misericordia’ bivuze ngo ’Mu rukundo n’impuhwe’.

Musenyeri JMV Twagirayezu wa Kibungo

Musenyeri JMV Twagirayezu

Ku itariki ya 20 Gashyantare 2023 nibwo Papa Francis yatoreye Padiri Jean-Marie Vianney Twagirayezu, kuba Umushumba wa Diyosezi ya Kibungo.

Uwo Musenyeri wavutse ku ya 21 Nyakanga 1960, yavuze ko akimenya iyo nkuru nziza ubwo yari ku Nyundo ari mu kazi gasanzwe akora muri Caritas Rwanda, yavuze ko iyo nkuru imutunguye.

Ati ‟Iyo nkuru nanjye nyumvise mu kanya gashize. Nabyakiranye ukwemera n’icyubahiro dusanzwe tugirira Kiliziya yacu. Ndashimira Papa n’Abepiskopi bangaragarije icyo cyizere kandi nanjye nkumva nyuzwe no gukomeza gukorera Kiliziya n’abantu bose”.

Musenyeri Twagirayezu uvuka muri Paruwasi ya Crête Congo-Nil iherereye mu Karere ka Rutsiro, yahawe Ubupadiri ku itariki 08 Ukwakira 1995. Yatowe nyuma y’uko yari asanzwe ari Umunyamabanga Mukuru wa Caritas Rwanda.

Musenyeri Balthazar Ntivuguruzwa, umushumba wa Diyosezi ya Kabgayi

Musenyeri Balthazar Ntivuguruzwa

Ku itariki 02 Gicurasi 2023, nibwo Papa Fransis yatoreye Padiri Ntivuguruzwa Balthazar kuba Umushumba wa Diyosezi Gatolika ya Kabgayi, asimbuye Musenyeri Smaragde Mbonyintege wagiye mu kiruhuko cy’izabukuru.

Musenyeri Ntivuguruzwa wavutse ku itariki 15 Nzeri 1967 mu Murenge wa Shyogwe, yashinzwe Diyosezi ya Kabgayi nyuma yo kuba umuyobozi w’Ishuri Rikuru Gatolika rya Kabgayi (ICK).

Intego Musenyeri Balthazar Ntivuguruzwa yahisemo izamuyobora mu murimo wa gishumba, igira iti ‘Orate in Veritate’ bisobanuye ngo ‘Nimusenge mu kuri’.

Musenyeri Jean Bosco Ntagungira, Umushumba wa Diyosezi ya Butare

Ku itariki ya 12 Kanama 2024, nibwo Papa Francis yatoreye Padiri Jean Bosco Ntagungira kuba Umushumba wa Diyosezi ya Butare, asimbuye Musenyeri Rukamba Philippe wagiye mu kiruhuko cy’izabukuru.

Padiri Ntagungira wavutse ku itariki ya 03 Mata 1964, yahoze ari Padiri Mukuru wa Paruwasi ya Regina Pacis yo muri Arikidiyosezi ya Kigali.

Papa Francis uherutse kwitaba Imana

Trump na Zelensky baganiririye i Roma

Mu minsi ishize nibwo umubano wa Perezida Donald Trump na Perezida Vlodimir Zelensky wajemo agatotsi, kugeza ubwo Perezida Trump avuga ko Amerika ititeguye kugirana imikoranire na Ukraine, mu gihe icyo gihugu cyaba kiticaranye n’u Burusiya ngo bashyikirane.

Ni nyuma yo kugaragara ko Amerika n’u Burusiya bifitanye ubucuti bwihariye, nyuma y’uko Donald Trump yongeye gutorerwa kuyobora Amerika.

Perezida Trump na Zelensky kandi baherutse kugirana ubushyamirane ubwo bari mu biganiro, byabereye mu biro bya Perezida wa Leta Zunze Ubumwe za Amerika, ubwo Perezida Trump yasabaga Perezida Zelensky kwemera ibiganiro n’u Burusiya, kugira ngo intambara iri mu gihugu cye cya Ukraine irangire, ariko icyo cyifuzo Vlodimir Zelensky ntiyacyakira neza bagaragara mu cyumba cy’uruganiriro baterana amagambo, nyuma yaho Trump atangaza ko ahagaritse inkunga ya gisirikare Amerika yageneraga Ukraine.

Kuri uyu wa gatandatu, nibwo abenshi batunguwe no kubona abaperezida bombi batavugaga rumwe bicaranye ubwo Misa yo gusezera Papa Francis yari ihumuje, aho abo bayobozi bombi bari bahuje urugwiro muri Bazilika ya Mutagatifu Petero, bamwe bati ‟dore igitangaza cya mbere Papa Francis yigaragarijemo”.

Nibwo abenshi bemeje ko abo ba Perezida bahujwe n’urupfu rwa Papa Francis utarahwemye guhamagarira abo bombi guharanira amahoro, intambara y’u Burusiya na Ukraine ikarangirira mu biganiro.

Mu bitabiriye iyo Misa yo gusabira no gusezera bwa nyuma Papa Francis, barimo Abakuru b’ibihugu bitandukanye, Abami n’Ibikomangoma, Abahagarariye za Guverinoma, abahagarariye imiryango mpuzamahanga, abihayimana n’abakristu baturutse hirya no hino ku Isi.

Mu nyigisho yatanzwe na Giovanni Battista Ree, umwe mu ba Karidinali bakuze kurusha abandi, yavuze ko Papa Francis yari uw’abantu bose, aho yarangwaga n’ubugiraneza ndetse n’umutima ufungukiye abantu bose.

Ni misa yitabiriwe n’abarenga ibihumbi 200, barimo Abakaridinali barenga 200, Abepisikopi n’abapadiri bakabakaba 800, abakirisitu Gatolika n’abasengera mu madini n’amatorero atandukanye.

Mu baperezida bitabiriye umuhango wo gusezera bwa Nyuma Papa Francis, harimo Donald Trump wa Amerika, Perezida Javier Milei wa Argentine aho Papa Francis avuka, Perezida Sergio Mattarella w’u Butaliyani, Perezida Bajram Began wa Albanie na Perezida Vlodimir Zelensky wa Ukraine.

Hari kandi na Perezida Frank-Walter Steinmeier w’u Budage, Prezida Alexander Van Del Bellen wa Autriche, Perezida Luiz Inacio Lula da Silva wa Brezil, Perezida Djuro Macut wa Serbie n’abandi ba Perezida bo mu bihugu byo ku migabane itandukanye, ba Visi Perezida n’aba Minisitiri b’Intebe.

Francis wari Papa wa 266, yitabye Imana ku itariki 21 Mata 2025 aho yari yaraye agaragaye mu Misa ya Pasika, akaba azize indwara y’ubuhumekero yari amaranye imyaka irenga 50.

Kuri uyu wa gatandatu nibwo ashyingurwa muri Bazilika Santa Maria Maggiore, nk’uko yabisabye mbere yo kwitaba Imana.

Nyuma yo gushyingura Papa Francis, biteganyijwe ko mu minsi itarenze 17 Papa yitabye Imana, ba Kardinali barenga 130 batarengeje imyaka 80 baba bamaze kwitoramo Papa mushya.

Aba Karidinali n’Abasenyeri ni uku bari bambaye

Imihanda y’i Vatikani yari yuzuye abaturage

Abaperezida bombi baherutse kugaragara batongana

Polisi yageneye Miliyoni 10Frw abahoze mu burembetsi

Ni inkunga baherutse kwemererwa na Polisi y’u Rwanda tariki ya 17 Werurwe 2025, mu bikorwa ngarukamwaka by’Ingabo na Polisi bigamije gufasha abaturage mu mibereho myiza n’iterambere ryabo.

Abo banyamuryango b’iyo koperative bavuga ko nyuma y’uko abagize inzego z’umutekano babakanguriye kuva muri ibyo bikorwa bibi, byo kwambuka umupaka mu buryo bunyuranyije n’amategeko batunda ibiyobyabwenge na magendu, bavuye ahakomeye aho ngo babagaho mu buzima busa n’ubwiyahuzi nk’uko babivuga.

Murekatete Julienne, umuyobozi w’iyo koperative ati ‟Njye nafunzwe inshuro umunani, twabivuyemo kubera ingaruka byatugiragaho zirimo guhora muri Transit Center, guhora ugenda ukebera. Sinagombaga kugera ahantu hari ubuyobozi ngo ntafatwa, ariko ubu ndatekanye, mbona umwanya wo kwita ku muryango wanjye. Turashimira Polisi yatuvanye muri ibyo bikorwa bibi, tukayizeza kuba intangarugero muri sosiyete”.

Mu rwego rwo kwirinda ikoreshwa nabi ry’iyo nkunga Polisi yabahaye, abagize iyo koperative basabwe kugaragaza imishinga iteguye irimo ubuhinzi n’ubucuruzi bw’ibiribwa, aho itunganywa ry’iyo mishanga rigeze ku musozo nk’uko babivuga.

Murekatete ati ‟Iyo nkunga barayitugeneye irahari, twagombaga kuyifashisha mu mushinga w’ubuhinzi n’ubucuruzi, tubonye ko igihembwe cy’ihinga cyamaze gutangira, biba ngombwa ko tubanza gukora umushinga w’ubucuruzi”.

Arongera ati ‟Umushinga w’ubucuruzi ugeze ku musozo, twese twamaze gusinya, igisigaye ni ukuwohereza mu buyobozi amafaranga akoherezwa kuri konti yacu, ubu ubuyobozi bwamaze no kuduha inzu yo gukoreramo”.

Mugenzi we witwa Nisingizwe Marie Claire ati ‟Iyi nkunga twatewe na Polisi izadufasha byinshi. Umushinga twasabwe twamaze kuwutegura igisigaye ni ukuwohereza mu buyobozi amafaranga akoherezwa tugatangira”.

Arongera ati ‟Imikorere yacu ntabwo izatugora kuko ubuyobozi bwamaze kuduha imiryango ibiri yo gukoreramo mu isoko mpuzamipaka rya Cyanika. Turifuza ko iri shyirahanwe ryacu riba intangarugero ku buryo abakigaragara muri ibyo bikorwa byo gutunda ibiyobyabwenge na magendu bazabireka bakaza batugana”.

IGP Felix Namuhoranye ubwo ku itariki ya 17 Werurwe 2025 yemereraga Twiheshe Agaciro Cyanika iyo nkunga

Bamwe ntibumvise neza uko iyo nkunga bahawe na Polisi izakoreshwa

N’ubwo bibumbiye muri koperative, bakaba bari mu mishinga y’ubucuruzi n’ubuhinzi, hari bamwe muri bo badakozwa ibyo gukorera mu makoperative, aho basaba ko iyo nkunga Polisi yabageneye bayigabana, buri wese akayikoresha uko abyifuza.

Ni ibikorwa abenshi mu bagize koperative banenze, ndetse bashinja abo bake badashaka gukorera muri koperative gukwirakwiza ibihuha bivuga ko inkunga bahawe na Polisi yanyerejwe.

Ufitimana Emmanuel ati ‟Hari bamwe muri twe bashaka ko iyo nkunga bayihabwa mu ntoki, aho bari kugenda basebya ubuyobozi bavuga ko Polisi yohereje inkunga ubuyobozi bwanga kuyitanga. Abo ni abafite inzara bashaka kuyimarwa n’inkunga igenewe koperative”.

Murekatete ati ‟Twatunguwe no kumva hari bamwe muri twe bagiye bakwirakwiza ibinyoma, bavuga ko Polisi yatwemereye amafaranga ntiyatugeraho. Bamwe mu bari kugenda bakwirakwiza ibyo binyoma nta n’ubwo ari abo muri koperative yacu, bo barifuza kuyahabwa mu ntoki mu buryo butari muri gahunda, kandi ayo mafaranga ari ayo kutwunganira mu bikorwa bya koperative”.

Nisingizwe ati ‟Bamwe bumvise ko Polisi itugeneye inkunga, bari bazi ko ari amafaranga tugiye kugabana buri wese akayakoresha icyo yishakiye, birengagije ko ari amafaranga agenewe iterambere rya koperative. Uwari ufite amadeni yari azi ko agiye kuyishyura binyuze muri ayo mafaranga, hari n’abari bazi ko bagiye gukora ubucuruzi ku giti cyabo”.

Arongera ati ‟Bakimara kubona ko ayo mafaranga agomba gukoreshwa mu bikorwa by’umushinga, batangira gukwiza impuha bavuga ko amafaranga twagenewe na Polisi atatugezeho. Ntabwo twakoresha inkunga icyo itagenewe, twamaze gutunganya umushinga tugiye kuwohereza mu buyobozi nk’uko twabisabwe”.

Umunyamabanga Nshingwabikorwa w’Umurenge wa Cyanika, Sebagabo Prince, avuga ko umushinga wa Koperative Twiheshe Agaciro wamaze gutegurwa, igikurikiye akaba ari ukuwohereza mu buyobozi bwa Polisi, amafaranga akoherezwa.

Ati ‟Umushinga wamaze gutegurwa, uyu munsi aba nyuma nibwo basinye, tugiye kuwohereza mu rwego rwa Polisi, turabizi inzego z’umutekano mu gihugu cyacu imvugo ni yo ngiro, ibyo bavuze bigomba kuba byo. Ntabwo batinze kohereza amafaranga, ahubwo byatinze ho gato kubera ko umushinga wahindutse aho gukora uw’ubuhinzi kubera ko sezo y’ubuhinzi yari yarageze kure, hakorwa uw’ubucuruzi”.

Arongera ati ‟Nyuma y’uko umushinga urangiye turabizeza ko amafaranga abageraho noneho hakaba inteko rusange yo gutegura uburyo bazakora. Kuri bwa bufatanye n’ubuyobozi bw’Umurenge ndetse n’Akarere, abagize Koperative twabashakiye inzu, imiryango ibiri hafi y’umupaka, aho bazacururiza”.

Bacinye akadiho bishimira icyo gikorwa cyiza cya Polisi y’u Rwanda

Musenyeri Vincent Barugahare yashimwe na benshi

Uwo Musaseridoti uvuka muri Diyosezi ya Byumba, Paruwasi ya Nyarurema, mu Murenge wa Kiyombe muri Nyagatare, yaherekejwe mu cyubahiro mu gitambo cya Misa cyaturiwe muri Katedarali ya Ruhengeri, ku wa Gatatu tariki 16 Mata 2025.

Musenyeri Barugahare waherekejwe n’Abepiskopi barindwi baturutse muri Diyosezi zitandukanye z’u Rwanda, Abapadiri, Abihayimana n’imbaga y’abakirisitu baturutse mu duce dutandukanye tw’Igihugu, yavuzwe ibigwi byaranze ubuzima bwe mu butumwa yari ashinzwe bwo kogeza inkuru nziza y’umukiro ku bantu.

Mu bigwi byamuranze nk’uko Gabin Bizimungu, Igisonga cy’Umwepisikopi wa Ruhengeri yabigaragaje mu mwirondoro we, Musenyeri Barugahare ni umwe mu basaseridoti b’u Rwanda bagize amahirwe yo kurambikwaho ibiganza na Papa, ndetse kuri ubu abo ba Papa babiri bakaba ari Abatagatifu.

Abo basaseridoti ni Antoine Cardinal Kambanda, Arikiyesikopi wa Kigali, Musenyeri Vincent Harolimana, Umwepisikopi wa Diyosezi ya Ruhengeri bahawe Ubupadiri na Mutagatifu Papa Jean Paul ll, ubwo yasuraga u Rwanda muri Nzeri 1990 bakiyongeraho Musenyeri Barugahare, wahawe Ubupadiri na Mutagatifu Papa Paul Vl, mu 1975.

Ku itariki 24 Werurwe 2014, Papa Francisco yashyize Musenyeri Barugahare mu rwego rw’ibyegera bya Papa ahabwa izina ry’Umwizerwa wa Papa, akaba yari amaze imyaka 26 ari no mu bajyanama bihariye b’Umwepisikopi wa Diyosezi ya Ruhengeri.

Musenyeri Barugahare Vincent wavutse ku itariki 1 Mutarama 1948, yize amashuri abanza aho avuka mu 1956, ayisumbuye ayiga muri Sominari nto ya Rwesero mu 1962-1969, akomereza muri Seminari nkuru ya Nyakibanda, aho yize Filosofiya na Tewolojiya ahabwa Ubudiyakoni mu 1974 muri Diyosesi ya Nyundo.

Misa yo gusezera Musenyeri Barugahare

Yaherewe Ubupadiri i Roma mu 1975 na Papa Paul Vl, ahitamo intego izamuyobora mu butumwa bwe ya ‟Ngaho ndaje Nyagasani ngo nkore ugushaka kwawe”.

Mu butumwa yakoze, yabaye Padiri wungirije muri Paruwasi ya Janja mu 1975-1976, akomereza ubutumwa muri Paruwasi ya Busogo nka Padiri mukuru kuva 1976-1983, nyuma akomereza ubutumwa muri Seminari nto ya Rwesero aho yamaze umwaka umwe ari umurezi.

Kuva mu 1984 kugeza mu 1993, Musenyeri Barugahare yakomereje amasomo i Roma mu bijyanye n’amahame ya Kiliziya, mu 1993 ahabwa ubutumwa muri Seminari nto ya Nkumba aho yamaze umwaka umwe ari umuyobozi wungirije.

Mu 1994 yahawe inshingano zo kwita ku buzima bwa Roho ku bakirisitu bo mu nkambi z’impunzi mu cyahoze ari Zaïre, inshingano yamazemo umwaka umwe, naho mu 1995 kugeza mu 1999 aba umurezi w’abaseminari bakuru ba Diyosezi ya Ruhengeri babaga muri Zambiya.

Mu 1999, Musenyeri Barugahare yagizwe Padiri mukuru wa Paruwasi ya Rwaza, aho yavuye muri 2001 ahabwa inshingano mu Iseminari nkuru Philosophicum ya Kabgayi, aho yari umurezi ashinzwe n’ubuzima bwa Roho (Père Spirituel).

Kuva 2002 kugeza 2006, Mgr yakoreye ubutumwa mu iseminari nkuru ya Nyakibanda, aho yari umurezi ashinzwe n’ubuzima bwa Roho, muri 2006 agirwa umuyobozi wa Seminari nto ya Nkumba aho yahinduriwe inshingano muri 2010, akomereza ubutumwa muri iyo Seminari ari umurezi anashinzwe Ababikira b’Abavizitantine kugeza muri 2018.

Muri 2018, Musenyeri Barugahare yagiye gukorera ubutumwa muri Paruwasi ya Butete nk’umupadiri wungirije, aho yamaze umwaka umwe, muri 2019 ajya gukomereza ubutumwa muri Foyer de Charité (Remera-Ruhondo) kugeza muri 2022.

Kuva muri 2022, yakoreye ubutumwa muri Paruwasi ya Busogo nka Padiri wungirije, ari naho yitabye Imana ku itariki 10 Mata 2025 akorera ubutumwa, apfira mu bitaro byitiriwe umwami Faisal azize uburwayi.

Ababanye na Musenyeri Barugahare bararata ibigwi bye

Mu gitambo cya Misa cyo guherekeza uwo musaseridoti cyaturiwe muri Katedarali ya Ruhengeri, iyoborwa na Antoine Karidinal Kambanda, uwatanze inyigisho muri iyo Misa ni Musenyeri Servilien Nzakamwita, Umwepisikopi wa Diyosezi ya Byumba uri mu kiruhuko cy’izabukuru, nk’umuntu bakuranye, bavuka mu gace kamwe, akaba ari na we wamwinjije mu muhamagaro wo kwiha Imana.

Musenyeri Nzakamwita yavuze ko Barugahare agiye kugororerwa kubyo yakoze ati ‟Yego turababaye kuko adusize, ariko muhumure agiye kuduteguriza, agiye ku Mana kudusabira. Ntabwo tuzongera kumubona, ariko turi kumwe kuko aho agiye ni ku Mana, kuva ubu tugiye kujya duhurira mu Mana”.

Arongera ati ‟Nta mipaka agifite, imipaka y’ubuzima ayihuje n’Imana, tuzabana rero mu Mana, Imana tubana dute? Tubana mu isengesho, ngiyo Rendez-vous aduhaye, tujye duhora mu isengesho. Igihe dusenga Imana tujye tumenya ko uyu muvandimwe wacu ari kumwe nayo kandi ari kumwe natwe. Duhumure rero duhumurizwe n’ijambo ry’Imana, Barugahare arangije ubutumwa, agiye guhembwa”.

Musenyeri Nzakamwita avuga ko yamenyanye na Musenyeri Barugahare bakiri bato, aho bari baturanye barahurirana umuriro.

Ati ‟Twajyaga tujya iwabo kurahura umuriro nabo bakaza iwacu. Twamenyanye turi bato ariko njye muruta, ni nanjye wamuyoboye mufata akaboko mujyana mu Iseminari ya Rwesero mu 1962 aho yari afite imyaka 14 njye mfite 19”.

Musenyeri Servilien Nzakamwita

Ngo babanye mu Iseminari ya Rwesero ari abanyeshuri, mu 1963 Mgr Nzakamwita yimukira muri Seminari ya Nyakibanda, Barugahare ngo amusangayo mu 1968.

Ati ‟Igitangaje kandi gishimishije, n’uko Barugahare ubwo yari amaze kuba Padiri yatangiriye ubutumwa muri Paruwasi ya Janja nari mbereye Padiri mukuru. Ikivi cye aracyushije, Imana imuhamagaye tukimukeneye, imuhamagaye kugira ngo imuhembe, imuhembere ibyo yakoze bigashimwa, Imana yari yaramudutije, aratubanira turamubanira, aradukunda turamukunda, by’akarusho Imana yamutoyeho kuba Umusaseridoti, Umuhuza wacu n’Imana, Umuhuza w’Abantu n’Imana kandi yarabikoze, yatuyoboye ku Mana”.

Arongera ati ‟Uyu musaseridoti duherekeje twabanye neza ndi mukuru we, anyubaha nanjye mukunda, kandi nshima imyitwarire n’imyifatire ye mu mirimo ya Gisaseridoti, kandi na n’ubu agiye nkimushima, nkimukunda”.

Abahawe ijambo bose, barimo Abapadiri babanaga muri Paruwasi ya Busogo, abo muri Foyer de Charité, Abakirisitu, Abepiskopi, abo mu muryango we n’abandi, barashima imirimo myiza yaranze Barugahare.

Musenyeri Vincent Harolimana ati ‟Ku itariki 6 Mata ubwo twahuraga bwa nyuma, ariko ntabwo nari nzi ko ari ubwa nyuma, twagiranye ikiganiro kirekire mu Bitaro by’Umwami Faisal. Ndetse nk’Umwepisikopi we, ngira n’umwanya wo kumubaza ibyo yumva yifuza, icyo nababwira yanze ko ngenda ntamufashije kwigorora n’Imana mu Isakaramentu ry’imbabazi”.

Arongera ati ‟Ni umuntu w’Imana koko, yabaye umukirisitu mwiza, umusaseridoti ubereye Kiliziya kandi w’Ingirakamaro, w’imfura urangwa no kwicisha bugufi, wubaha, wumvira kandi w’intangarugero, nk’Umwepisikopi we ndi umuhamya w’ibyo”.

Akomeza agira ati ‟Mu kohereza Abapadiri mu butumwa, hari igihe twatekerezaga ku burwayi bwe, tukavuga tuti twamuhitiramo aha n’aha, nkabanza kumubaza. Muzi igisubizo yampaga buri gihe? Yarambwiraga ngo uri Umwepisikopi wanjye, aho uzangenera hose, ubutumwa uzangenera bwose nzabujyamo, aho uzantuma hose nzajyayo. Abasaseridoti bari hano barumva icyo bisobanuye, yari umuntu utuje umuntu w’amahoro, umuntu wo kwizerwa”.

Musenyeri Smaragde Mbonyintege ati ‟Musenyeri Barugahare twarabanye mu Nyakibanda turi abafaratiri mu ishuri rimwe, twarabanye mu busaseridoti, imyitwarire y’umusaseridoti ni ishuri rikomeye ku bakirisitu babanye na Barugahare. Mu nzira ye ya gisaseridoti n’iya gikirisitu yubatse imibereho myiza y’ubusaseridoti, yari umuvandimwe wa twese, yaturwanyeho twese, akaba umuyoboke w’Imana, yari afite urukundo rwa Kiliziya rutavuga cyane ngo rusakuze ariko rukagaragara”.

Arongera ati ‟Adusigiye urwibutso rwiza rw’ukuntu umupadiri yitwara mu bandi, hari abapadiri bakoze ibintu byinshi, ari iby’ubwenge, ari iby’amaboko, ari iby’ubuhanzi, ugasanga rwose barabikora kandi bigashimisha imbaga, bigashimisha igihugu ariko ubuzima bwo kubaho gisaseridoti ugasanga ni ikibazo, Barugahare adusigiye urwibutso rw’umusaseridoti nyawe”.

Antoine Cardinal Kambanda ati ‟Musenyeri Barugahare ndamuvuga nk’umurezi, namumenye bya hafi tubana mu Nyakibanda dufatanya mu butumwa bw’uburezi bw’abasaseridoti, abapadiri dutegurira kuba abasaseridoti. Hari abapadiri benshi bari hano mu Rwanda no mu mahanga barezwe na we mu nzira z’ubusaseridoti”.

Arongera ati ‟Musenyeri Barugahare akaba urugero rw’uko umusaseridoti ayobora imbaga y’Imana, namubonyemo umunyamabanga w’Imana mu bantu, ushinze imizi muri Nyagasani abamubona bakamubonamo ukwizera, adusigiye umurage w’indangagaciro z’umusaseridoti. Aruhukire mu mahoro”.

Musenyeri Barugahare yitabye Imana mu gihe yari mu myiteguro yo guhimbaza Yubile y’imyaka 50 amaze ari umupadiri, ibirori yari kuzakora muri Kamena 2025, ubwo Kiliziya izaba ihimbaza Yubile y’ubusaseridoti, mu birori biteganyijwe kubera i Shangi muri Diyosezi ya Cyangugu.

Antoine Cardinal Kambanda

Misa yabereye muri Katedarali ya Ruhengeri

Abitabiriye Misa yo gusezera kuri Mgr Barugahare

Barugahare yaherekejwe n’imbaga y’Abakirisitu barimo abihayimana

VIDEO - Muri Diyosezi ya Ruhengeri habaye umuhango wo gushyingura Umusaseridoti wayo Musenyeri Barugahare Vincent witabye Imana tariki 10 Mata 2025. pic.twitter.com/qQWVzqyRJD

— Kigali Today (@kigalitoday) April 16, 2025

VIDEO - Musenyeri Barugahare Vincent washyinguwe kuri uyu wa Gatatu, ni umwe mu Basaserdoti bo mu Rwanda bafite amateka yihariye. Yahawe Ubupadiri na Mutagatifu Papa Paul wa 6 i Roma mu 1975. pic.twitter.com/QQia2T98Dg

— Kigali Today (@kigalitoday) April 16, 2025

VIDEO - Umuhango wo gushyingura Musenyeri Barugahare Vincent witabiriwe n'Abepisikopi barindwi baturutse muri Diyosezi zitandukanye zo mu Rwanda, Abapadiri, Ababikira, abayobozi mu nzego zitandukanye, abakirisitu ndetse n'abandi bagaragazaga ko bababajwe n'urupfu rwe. pic.twitter.com/PeIziMDN3U

— Kigali Today (@kigalitoday) April 16, 2025

Bacanye urumuri rw’icyizere

Ni impanuro bahawe ku itariki 11 Mata 2025, ubwo muri iryo shuri haberaga igikorwa cyo kwibuka ku nshuro ya 31 Jenoside yakorewe Abatutsi, cyitabirwa n’abayobozi batandukanye mu nzego z’Igihugu, abanyeshuri, abarimu n’abaturiye iryo shuri.

Mu bayobozi batandukanye batanze ibiganiro, bose bagarukaga ku mugambi wo gutegura Jenoside kuva ubukoloni bwagera mu Rwanda, kugeza ubwo muri 59 Abanyarwanda baciwemo ibice kugeza ubwo ingengabitekerezo y’urwango igejeje Igihugu muri Jenoside, hicwa Abatutsi barenga miliyoni.

Depite Diogène Bitunguramye, mu kiganiro yatanze ku mateka ya Jenoside, avuga ko inkomoko muzi y’ingengabitekerezo y’urwango iva ku mwaduko w’abazungu, kuko mbere yaho Abanyarwanda bari babanye mu mahoro, bumva ko indangagaciro yabo ishingiye ku Bunyarwanda, ururimi rwabo rukabahuza.

Yavuze ko amacakubiri yadutse nyuma y’uko u Bubiligi bugeze mu Rwanda mu 1916 kugeza mu 1962, busenya imigenzo n’imiziririzo by’u Rwanda, buzana intekerezo nshya zicamo Abanyarwanda ibice, bubagabanya mu moko bugendeye ku ndeshyo bibabibammo amacakubiri.

Abiga muri Tumba College basobanuriwe amateka ya Jenoside yakorewe Abatutsi

Hon Bitunguranye, yasobanuriye abanyeshuri uburyo Jenoside yateguwe n’uburyo yashyizwe mu bikorwa, abasaba kwigira kuri ayo mateka ashaririye Igihugu cyanyuzemo bakayakuramo isomo, abibutsa ko ubumwe bw’Abanyarwanda buruta ibyabatanya.

Mafeza Faustin, Intumwa ya Minisiteri y’Ubumwe bw’Abanyarwanda n’Inshingano Mboneragihugu n’Umuyobozi wa Ibuka mu Karere ka Rulindo, Murebwayire Alphonsine, basabye abanyeshuri biga muri Tumba College kugira uruhare mu kurwanya abakiri mu ndorerwamo y’amoko.

Murebwayire ati ‟Turabasaba umusanzu wo kudufasha kurwanya abagifite indorerwamo y’amoko, kuko icyo ikora ni ukumunga, kwica urubyiruko n’abandi bikadindiza gahunda ya Ndi Umunyarwanda. Rubyiruko imbere heza harahari ariko nanone haraharanirwa, ntabwo wahagera ugifite ya ndorerwamo y’amacakubiri, ntiwahagera ugifite ibikikumunga mu mutima wawe, ibyo byose nitubirwanya bizadufasha kugera aheza. Dufite ubuyobozi bwiza, dufite ingero nziza twagenderaho tukubaka urwatubyaye”.

Mafeza ati ‟Rubyiruko, iyo tuvuga ngo turwanye ingengabitekerezo ya Jenoside, iyo tubona hari bamwe bagifite iyo ngengabitekerezo, abo mukwiye kubegera nk’urubyiruko mukababwira ko iyo ngengabitekerezo ituganisha ahabi”.

Hon Bitunguranye Diogene

Arongera ati ‟Dukoreshe uburyo bwose bushoboka, turwanye abahakana Jenoside yakorewe Abatutsi, kuko icyo bagamije ni ugusibanganya no kugoreka ukuri kw’amateka kugira ngo Jenoside igaruke”.

Guverineri w’Intara y’Amajyaruguru, Mugabowagahunde Maurice, yavuze ko mu Rwanda by’umwihariko mu Ntara y’Amajyaruguru hakigaragara abagifite ingengabitekerezo ya Jenoside, avuga ko no muri iki cyumweru twibuka ku nshuro ya 31 Jenoside yakorewe Abatutsi hari abagaragaye, aho biganjemo urubyiruko n’abarezi.

Yavuze ko kurwanya ayo macakubiri bitazakorwa n’ubuyobozi gusa, ahubwo bisaba uruhare rwa buri wese.

Ati ‟Rubyiruko banyeshuri ndabasaba kugira uruhare rugaragara mu kurwanya abashaka kutugarura mu bihe bibi bya Jenosdie twabayemo, munyomoze abapfobya Jenoside cyangwa se abagoreka amateka y’Igihugu cyacu. Mwakoresha imbuga nkoranyambaga ariko n’uburyo bwo kwandika ubuhamya ukabushyira mu gitabo ni ibintu byiza cyane, bituma amateka atibagirana ariko n’abahakana bakabona gihamya zibanyomoza”.

Guverineri Mugabowagahunde Maurice

Abanyeshuri bishimiye izo mpanuro, bavuga ko kumenya aho Icyavuye n’aho kigeze ari kimwe mu bizabafasha guhangana n’abashaka kugisubiza mu mateka ashaririye cyanyuzemo, biyemeza gutanga umusanzu wabo.

Samvura Emmy ati ‟Kutubwira aya mateka ni ikintu gifasha nkatwe n’urubyiruko, aho tumenya uko u Rwanda rwari rwunze ubumwe abakoloni baza bababibamo urwango, icyongera kuduha icyizere ni uburyo Abanyarwanda ubwabo aribo bagerageje gushaka icyabubaka. Ntitwitaye kuri abo bakoloni, kuko ubwacu dufite ubushobozi bwo kubaka Igihugu cyacu tukunga ubumwe. Nkatwe urubyiruko icyo tugomba gukora ni ukurwanya ingengabitekerezo idusubuza ahabi nk’uko tubitozwa”.

Umusanzu w’abiga muri Tumba College ku barokotse Jonoside

Umuyobozi wa Tumba College, Eng. Mutabazi Rita Clémence, yihanganisha imiryango y’ababuze ababo muri Jenoside yakorewe Abatutsi, avuga ko mu kubaha ubufasha no kubagarurira icyizere, abiga muri Tumba College buri mwaka bageza urumuri ku miryango 20 y’abarokotse Jenoside itishoboye.

Ati ‟Mu bikorwa by’ingenzi dukora nk’ishuri byongerera icyizere abarokotse Jenoside, twahisemo kubacanira urumuri, aho buri mwaka duhitamo imiryango 20, abanyeshuri ndetse n’abakozi tukifatanya n’iyo miryango tukayiha urumuri. Ikindi dufasha urubyiruko gusura inzibutso za Jenoside kugira ngo bige amateka nyakuri, bazabe abahamya bafite intwaro zifatika zo kurwanya ingengabitekerezo ya Jenoside”.

Umuyobozi wa Tumba College, Eng. Mutabazi Rita Clémence

Imiryango y’abarokotse Jenoside yagejejweho umuriro n’abiga muri Tumba College, muri iki cyumweru cyo kwibuka ku nshuro ya 31 Jenoside yakorewe Abatutsi, ni iyo mu Mirenge itanu yo mu Karere ka Rulindo ariyo Bushoki, Murambi, Cyinzuzi Burega na Kinihira.

Ni igikorwa cyitabiriwe n’abantu batandukanye

Bageza umuriro ku miryango itishoboye bakabaha n’ibikoresho bitandukanye birimo ibiribwa n’ibiryamirwa

Buri mwaka hacanirwa imiryango 20

Urubyiruko rwiga muri Tumba College rukomeje gufasha abarokotse Jenoside

Ishuri rya IPRC Tumba ryibutse Jenoside yakorewe Abatutsi, aho icyo gikorwa cyabimburiwe no kumurika ibikorwa abanyeshuri bakoze byo kugeza umuriro ku miryango ituriye iryo shuri ifite ababo bazize Jenoside yabagaho nta muriro. Ni igikorwa cyitabiriwe na Guverneri w'Intara… pic.twitter.com/tkSzuJXdoP

— Kigali Today (@kigalitoday) April 11, 2025

Nyirahonora Theophila (ufashe micro) yatanze ubuhamya ku buzima bushaririye yanyuzemo

Ni mu buhamya yatanze ku wa Kabiri tariki 08 Mata 2025 mu kwibuka ku nshuro ya 31 Jenoside yakorewe Abatutsi mu 1994, igikorwa cyabereye mu Murenge wa Busogo ahibukwa Abatutsi biciwe mu cyahoze ari Komini Mukingo, no kunamira imibiri 460 ishyinguye mu rwibutso rwa Jenoside rwa Busogo.

Nyirahonora wavutse mu 1962, imbere ya Minisitiri w’Intebe Dr. Edouard Ngirente wari witabiriye icyo gikorwa, avuga ko yatangiye gutotezwa yiga mu mashuri abanza, akabuzwa uburenganzira bwe bwo kwiga atekanye.

Ati ‟Iri zina nitwa rya Nyirahonora byaje maze kuba mukuru kubera Politiki mbi yo kudafata abantu kimwe, no kudaha amahirwe umuntu uwo ari we wese ufite ubushobozi, kugira ngo ayo mahirwe ayakoreshe yubaka Igihugu”.

Nyirahonora wapfushije umubyeyi we (Papa) mu 1969 amaze gutangira ishuri, ngo uwo mubyeyi yapfuye nyuma y’itotezwa yakorerwaga agafungwa yitwa icyitso.

Ngo nyuma y’urupfu rwa se, Nyirahonora yize ashyizeho umwete, kubera ubuhanga bwe, byababazaga bamwe mu barimu bamwigishaga, kuko bari bazi ubwoko bwe ntibifuze ko atsinda.

Ati ‟Nari umuhanga cyane kuko nabaga uwa mbere, uretse mu mwaka wa kane nibwo mu gihembwe cya kabiri nasubiye inyuma, kubera kuzira ubwo buhanga”.

Arongera ati ‟Umwarimu wanyigishaga, aho kwishimira ko nabaga ndi umuhanga, yaduha imyitozo y’imibare nkayitsinda ndi umwe. Yarabinzizaga akankubita avuga ngo ariko ubwenge bw’Abatutsi buva he?”

Avuga ko mu gihembwe cya kabiri yari amaze gusobanukirwa neza ko afitiwe urwango, mu gushimisha umwarimu yiga nabi aba uwa 29.

Nyirahonora ati ‟Mu gutangaza amanota, abantu bibajije impamvu ntahamagawe bwa mbere nk’uko nari narabamenyereje kuba uwa mbere. Uwari Maître Principal bimurya ahantu ambaza impamvu yatumye nsubira inyuma, ndabimubwira nti iyo nabaye uwa mbere mwarimu arankubita. Arambaza ati ese nguhindurire mwarimu? Ndavuga nti oya ndamukunda uretse ko we anyanga”.

Arongera ati ‟Bashobora kuba baramuganirije mutsindisha urukundo, nibwo nongeye kwiga neza ndongera mba uwa mbere ndimuka njya mu wa gatanu. Ngeze mu wa gatandatu dukora ibizamini bya Leta, uwari Inspecteur ni we wazanaga amanota y’ibizamini ku ishuri, ahurira na Mama mu nzira amubwira ko bantegurira ibyangombwa kuko natsinze”.

Nyirahonora akimara kubwirwa na nyina iyo nkuru, ngo yahise yirukira kuri Komini Mukingo kureba ishuri bamwoherejemo, atungurwa no kwibura kuri lisite, gusa ngo asanga hari aho basibishije ‘blanco’ bandikamo irindi zina bifashishije ikaramu.

Uwo mwana (Nyirahonora) ngo yagarutse mu rugo arira abwira nyina ko atibona kuri lisite y’abatsinze, nibwo bababaye ariko barabyakira asubiye gusibira nabwo ntiyatsinda, abenshi bibaza ibiri kumubaho.

Nibwo yafashe umwanzuro wo kugana isuka ashaka kureka ishuri, icyemezo umubyeyi we atakiriye ahubwo akomeza kumukangurira kwiga, ari nabwo bafashe umwanzuro wo guhinduza izina uwari Niwemuto yitwa Nyirahonora.

Ati ‟Kubera ko umubyeyi wanjye yashakaga ko niga, yaratekereje ati uriya mwana azira ko ise azwi, nibwo bashatse uko bahindura amazina yanjye. Mama yagiye kwinginga ngo bankorere ifishi banyita Nyirahonora utari mwene Mbanzarugo wari uzwi, banyitirira Rutura twari duturanye”.

Avuga ko icyo gihe yahinduye ikigo kuko aho yari atuye bari bamuzi, ajya kwiga ku ishuri rya Muhoza mu Mujyi wa Musanze ahahoze ari Ruhengeri, abanza gutozwa kuvuga neza umwirondoro we bari bamaze kumwitirira, kugira ngo atabusanya.

Ati ‟Kugira ngo menyere kuvuga umwirondoro wanjye n’uwababyeyi dore ko n’amazina ya Papa twari twayahinduye, Mama yamaze icyumweru abintoza mbere yo kujya ku ishuri, ngira Imana ishuri ritangira nabimenyereye”.

Bamwe mu bakurikiye ubuhamya bwa Nyirahonora

Avuga ko nyuma yo kujya kwiga aho batamuzi, yatsinze ikizamni cya Leta yoherezwa kwiga ku Nyundo muri Lycée Notre Dame d’Afrique, atsinze Tronc Commun akomereza icyiciro cya kabiri cy’amashuri yisumbuye ku Kibuye mu ishuri Pédagogique ry’Ababikira.

Yahuye n’uruva gusenya ubwo yari atangiye akazi

Nyirahonora avuga ko akimara kurangiza amashuri yisumbuye, kubera ubuhanga yari azwiho yahise abona akazi n’ubwo atagatinzemo, nyuma yo kwakwa ruswa y’igitsina.

Ati ‟Nkirangiza amashuri nabonye akazi ahantu habiri, nari nabonye akazi muri Diyosezi ya Nyundo mbona n’akandi ko kwigisha hafi y’iwacu, mpitamo gukorera hafi y’umubyeyi wanjye. Nibwo haje Inspecteur d’Arrondissement (Umuyobozi w’ifasi) wavukaga hano i Busogo wari wamenye ko natangiye akazi kuri icyo kigo, aza kundeba”.

Arongera ati ‟Inspecteur yarambajije ati ni nde waguhaye akazi kuri iki kigo, ndavuga nti ni Inspecteur Scolaire wambwiye ngo nze nigishe. Ati sohoka muri iri shuri, nyuma ya saa sita uze mu biro byanjye kandi uze witwaje icyo wumva nkwiriye”.

Nyirahonora avuga ko ibyo bikimara kumubaho, yahise ataha ajya kubwira umubyeyi we ibyamubayeho, afata icyemezo cyo kujya ku Nyundo aho yari yabonye akandi kazi, ariko agenda nta cyizere afite atekereza ko uwo mwanya utakiri ku isoko.

Ati ‟Nkigera ku Nyundo, banyakiranye urugwiro bati twari twarakubuze mu kazi, ariko nirinda kubabwira ibyambayeho mu kazi ko kwigisha nari natangiye. Nibwo negereye uwari Musenyeri wa Diyozezi ya Nyundo, Wenceslas Kalibushi mubwira ibibazo nagize”.

Musenyeri yansubije ati ‟Mwana wanjye bikubuza amahirwe ufite yo kubaho, hano hari ubuzima, subira mu rugo uzane ibyangombwa ubwire umubyeyi wawe ko uje mu bandi babyeyi utangire akazi”.

Muri 1984 nibwo Nyirahonora yatangiye akazi muri Diyosezi ya Nyundo, avuga ko yahagiriye umugisha, kugeza ubwo yoherezwa mu butumwa bw’akazi muri Kameruni mu 1990.

Ngo akigaruka mu Rwanda, nibwo yumvise inkuru y’uko u Rwanda rwatewe aho umuryango we watangiye guhigwa, Abatutsi batangira gusenyerwa babwirwa ko ari uburyo bwo kwihorera.

Ati ‟Muri 1990 Inkotanyi zikimara gutera u Rwanda, habaye itotezwa rikomeye, sinabona uko ndivuga. Kwari ugukubitwa inkoni buri munsi, bigakorwa n’abajandarume n’abasirikare bayobowe n’uwari Burugumesitiri wacu witwa Kajerijeri Juvenal, iwacu barahasenya bica inka, Mama ahungana n’umukazana we mukuru n’abana”.

Arongera ati ‟Bahungiye ku muhungu we ari we Musaza wanjye wari umucuruzi witwa Uwayezu Emmanuel, wari umaze imyaka ibiri yitabye Imana. Bakihagera basanga naho bahasenye, barongera baratorongera bajya ku mwarimu witwa Nshutinzima Sabine”.

Nyirahonora wari ku kazi ku Nyundo, avuga ko uko intambara yamaraga iminsi, ari nako ibibazo ku bantu bo mu bwoko bw’Abatutsi byakomeraga, aho bagendaga bafunga abantu cyane cyane bahereye ku bize, bafungamo basaza be babiri.

Ati ‟Bafungaga umuntu wese bazi ko afite icyo arusha abandi. Mu kwezi k’Ukuboza 1990 musaza wanjye nakurikiraga baramufunguye, mu kwezi kwa mbere 1991 Inkotanyi zigaba igitero mu Mujyi wa Ruhengeri zifunguye gereza, nibwo abajandarume n’abasirikare bahise baduhindukana, Kinigi bayisanzuramo barica barinigura”.

Arakomeza ati ‟Ku ikubitiro hicwa abana babiri ba musaza wanjye bari abasore, bica n’uwo Pierre Chrisologue, bica babyara banjye bari batuye i Busogo, bica mwarimu Sabine, bica mwarimu Gasahani n’abandi”.

Ngo bamwe mu batarishe mu muryango we n’abandi batutsi batuye muri Komini Mukingo bari barokotse, bahungira muri Paruwasi ya Busogo harimo inkomere nyinshi.

Ngo nibwo Musenyeri Kalibushi wari umukoresha we yamenye ibiri kuba ku muryango we, aho yari ku kazi ku Nyundo amushyira mu modoka baza muri Komini Mukingo aho Nyirahonora avuka.

Ngo mu nzira ntibyaboroheye aho bagendaga bahura na bariyeri nyinshi zibahagarika, cyane cyane ku rugabano rw’Akarere ka Nyabihu na Musanze, aho yari atangiye guhura n’abantu bamuzi, ku bw’amahirwe bagera i Busogo.

Avuga ko bakigera i Busogo, bahasanze bariyeri bagiye kubica umugore umwe wari ufite ubuhiri kubera gutinya Musenyeri ati ‟Mureke bagende”.

Minisitiri w’Intebe Dr Edouard Ngirente yitabiriye icyo gikorwa

Ngo nibwo berekeje kuri Paruwasi ya Busogo ahari hahungiye Abatutsi bari barokotse ubwicanyi, mu gihe Musenyeri agiye kuganira na Padiri, Nyirahonora ajya kuganira n’umubyeyi we umwe mu bari bahungiye kuri iyo Paruwasi.

Nyirahonora avuga ko nyuma yo gusubira mu kazi ku Nyundo, yatewe n’abicanyi bavugaga ko umuryango we ari inyenzi, ari nabwo Musenyeri Kalibushi yamuhungishije amukorera icyangombwa cy’inzira amuha umushoferi amuhungishiriza i Kigali aho yagiye kuba ku muvandimwe we wari utuyeyo.

Jenoside muri Komine Mukingo ku itariki 07 Mata 1994

Nyirahonora wakurikiranaga ibibera ku ivuko mu 1994 ari i Kigali, ngo yababazwaga n’uburyo Abatutsi bari kwicwa, dore ko umubyeyi we n’abavandimwe be bari barokotse ubwicanyi bwo mu 1991-1992, yari yamaze kubahungishiriza i Kigali.

Ati ‟Ngiye muri 1994 rero ya ndege bavuga, urumva ko yaje twebwe bararangije ibyo bakora, abari bahari birukiye kuri Paruwasi bahageze ku itariki ya 07 Mata 1994 mu ma saa tanu bose bari babamaze. Muri aka gace ka Mukingo harokotsemo abantu babiri gusa, abandi mubona turi gutanga ubuhamya, kurokoka ni uko tutari duhari, twari twaragiye”.

Arongera ati ‟Mu 1994 rero, hano muri Mukingo akazi bari bagasoje bafata umwanya wo kujya gufasha ahandi kwica, mu tundi duce dutandukanye tw’igihugu, nta hantu na hamwe utakumva umuntu wo muri Mukingo wisheyo.

Arongera ati ‟Ngeze i Kigali nyuma yo guhungishwa na Musenyeri, nabonye akazi ndashaka ndabyara, abo tuvukana barimo na Mama baraza turabana. Kuba 94 yaradusize ntacyo twarushije abandi. Ku itariki 07 Mata 1994 n’umuryango wanjye twahungiye muri St Paul, niho Inkotanyi zaturokoreye zokabyara”.

Nyirahonora arasaba ko urwibutso rwa Jenoside rwa Busogo rugirwa urwibutso rw’amateka akomeye ya Mukingo, nk’ahantu havukaga abacurabwenge bakomeye ba Jenoside bishe Abatutsi, mu rwego rwo kugira ngo n’ababyiruka bajye bigira kuri ayo mateka.

Yasoje ubuhamya bwe ashima ati ‟Sinsoza nsaba, ndasoza nshimira, ndashimira mwe mwese mwadutabaye, ngashimira Inkotanyi, nshimira uwo ari we wese wumva ko iki kintu cyabaye kitazongera kubaho ukundi, ahubwo ko umurage mwiza tugomba gutanga ari uw’uko abana bacu babana nta mpungenge bafite, Igihugu kikaba icya buri Munyarwanda wese”.

Guverineri Mugabowagahunde ni we watangije icyunamo hibukwa Jenoside yakorewe Abatutsi ku rwego rw’Akarere ka Rulindo

Mu Ntara y’Amajyaruguru, icyo cyumweru cyatangirijwe ku nzibutso zitandukanye zishyinguyemo inzirakarengane zazize Jenoside, zubatse hirya no hino mu turere dutanu tugize iyo Ntara.

Ahatangijwe icyo gikorwa hose hagiye hagaragara imbaga y’abaturage, hagaragara kandi n’abayobozi mu nzego zitandukanye biganjemo Intumwa za Rubanda mu mitwe yombi (Abasenateri n’Abadepite), Ubuyobozi bw’Intara n’ubw’Uturere.

Musanze

Mu Karere ka Musanze, icyumweru cy’icyunamo n’iminsi 100 yo kwibuka ku nshuro ya 31 Jenoside yakorewe Abatutsi mu 1994, cyatangirijwe ku Rwibutso rwa Jenoside rwa Musanze ahahoze ari Cour d’Appel, rushyinguwemo imibiri irenga 800 y’inzirakarengane zazize Jenoside.

Nyuma yo kwenyegeza urumuri rw’icyizere muri urwo rwibutso, umuhango wo kwibuka wakomereje ku rwibutso rwa Jenoside yakorewe Abatutsi rwa Kinigi, rushyinguyemo imibiri ikabakaba 200, ahashyizwe indabo.

Meya w’Akarere ka Musanze, Nsengimana Claudien ashyira indabo ku mva

Urwibutso rwa Jenoside ya Kinigi rufite amateka yihariye, aho imibiri yose ishyinguye muri urwo rwibutso ari iy’Abatutsi bishwe mbere ya 1994.

Ni igikorwa cyabanjirijwe n’urugendo rwo kwibuka rwasorejwe ku biro by’Umurenge wa Kinigi, ahakomereje umuhango wo Kwibuka ku nshuro ya 31 Jenoside yakorewe Abatutsi mu Rwanda mu 1994.

Gicumbi

Mu Karere ka Gicumbi naho habereye igikorwa cyo gutangiza icyumweru cy’icyunamo, cyitabiriwe n’imbaga yabaturage bari bateraniye ku rwibutso rwa Jenoside rwa Mutete, kibimburirwa no kunamira inzirakarengane zisaga 1000 zishyunguwe muri urwo rwibutso, kwenyegeza urumuri rw’icyizere ndetse no gushyira indabo ku mva ziruhukiyemo imibiri y’abazize Jenoside yakorewe Abatutsi 1994.

Gicumbi, iki gikorwa cyabereye ku Rwibutso rwa Jenoside rwa Mutete

Nyuma y’icyo gikorwa, abayobozi batandukanye barimo Nzabonimpa Emmanuel na Amb. Dr. Harebamungu Mathias, batanze impanuro zitandukanye ziganisha ku mateka yaranze Jososide yakorewe Abatutsi mu 1994, no kuyakuramo isomo.

Gakenke

Ku rwego rw’Akarere ka Gakenke, icyo gikorwa cyabereye ku Rwibutso rwa Jenoside rwa Muhondo, ruruhukiyemo imibiri 203 y’Abatutsi bazize Jenoside mu 1994.

Mu butumwa bwatangiwe muri icyo gikorwa, abenshi bagarutse kuri Politiki mbi yaranze Leta zayoboye u Rwanda bigeza Igihugu muri Jenoside yakorewe Abatutsi, ariko bashima na Politiki Leta yashizeho ishimangira Ubumwe bw’Abanyarwanda.

Bashyimiye abaturage bagiye barangwa n’ubutwari bwo guhisha Abatutsi bahigwaga mu gihe cya Jenoside, birengagije ko nabo bashoboraga kwicwa, basaba buri wese kwigira ku mateka ashaririye igihugu cyanyuzemo bikaba isomo ryo kurwanya ikibi hakimakazwa icyiza.

Gakenke, iki gikorwa cyabereye ku Rwibutso rwa Jenoside rwa Muhondo

Umuyobozi w’Akarere ka Gakenke, Mukandayisenga Vestine ati ‟Igihugu cyacu cyaranzwe n’amateka ashaririye, dukwiye kuyigiraho akadufasha kurwanya no gukumira ingengabitekerezo y’urwango n’amacakubiri byasenye umuryango Nyarwanda”.

Arongera ati ‟Kwibuka ni ugusigasira amateka yacu nk’Abanyarwanda, ni ukugira ngo abakiri bato (urubyiruko) basobanukirwe kandi bakomeze kuzirikana amateka mabi igihugu cyacu cyanyuzemo, nino kubumbatira ubumwe bw’abanyarwanda no gusigasira indangagaciro na kirazira”.

Rulindo

Igikorwa cyo gutangiza icyunamo hibukwa ku nshuro ya 31 Jenoside yakorewe Abatutsi mu 1994, ku rwego rw’Akarere ka Rulindo icyo gikorwa cyayobowe na Guverineri w’Intara y’Amajyaruguru, Mugabowagahunde Maurice wari kumwe n’umuyobozi w’ako Karere Mukanyirigira Judith, aho cyabimburiwe no kwenyegeza urumuri rw’ikizere ku kimenyetso ndangamateka cyubatse ku biro by’Umurenge wa Rusiga.

Kwibuka Jenoside mu Karere ka Rulindo

Nyuma yo kwenyegeza urumuri rw’icyizere, ibikorwa byo wo gutangiza icyunamo byakomereje ku rwibutso rwa jenoside mu Murenge wa Mbogo, aho byabimburiwe no gushyira indabo ku rwibutso no kunamira imibiri y’inzirakarengane zazize jenoside yakorewe Abatutsi ishyinguye muri uru rwibutso.

Kuri urwo rwibutso ni naho hakomereje ibiganiro bivuga ku mateka yaranze Jenoside muri ako gace, abaturage basabwa kwirinda icyaricyo cyose cyabashora mu bikorwa bibi biganisha ku ngengabitekerezo ya Jenoside.

Burera

Igikorwa cyo gutangiza icyumweru cy’icyunamo hibukwa ku nshuro ya 31 Jenoside yakorewe Abatutsi mu 1994 mu nsanganyamatsiko igira iti "Twibuke Twiyubaka”, ku rwego rw’Akarere ka Burera icyo gikorwa cyabereye ku Rwibutso rw’Akarere ruri mu Murenge wa Rugarama.

Ni igikorwa cyayobowe n’umuyobozi w’Ako karere Mukamana Soline, wakanguriye abaturage gukura isomo mu mateka mabi yaranze u Rwanda arugeza kuri Jenoside, abasaba kurangwa n’ubumwe Leta yifuriza abanyarwanda.

Ku Rwibutso rwa Jenoside rwa Rugarama mu Karere ka Burera hashyizwe indabo

Mu karere ka Burera bakoze urugendo rwo kwibuka berekeza ku rwibutso rwa Jenoside rwa Rugarama

Mu Karere ka Burera bashyize indabo ahashyinguye inzirakarengane

Igikorwa cyo gutrangiza icyumweru cy’icyunamo cyitabiriwe n’abayobozi batandukanye biganjemo Abadepite

Musenyeri Vincent Harolimana ashyira indabo ahashyinguye imibiri y’Abazize Jenoside yakorewe Abatutsi

Abaturage bari benshi ku rwibotsio rwa Jenoside rwa Mbogo

Ubwitabire bwari bwinshi mu Karere ka Gakenke

Abagize COVMUB bavuga ko bahuye n’ibiza bashumbushwa Miliyoni 18Frw

Yabigarutseho ku wa Gatanu tariki 04 Mata 2025, aganira n’abanyamakuru bamaze iminsi itanu mu Ntara y’Amajyaruguru basura abaturage, mu rwego rwo kureba uburyo gahunda ya Leta y’ubwishingizi ku bihingwa n’amatungo ishyirwa mu bikorwa, n’uburyo abaturage bayumva.

Guverineri Mugabowagahunde yavuze ko uko iminsi ishira indi igataha, abaturage bagenda bumva akamaro k’iyo gahunda y’ubwishingizi ku buhinzi n’ubworozi bashyiriweho na Leta, n’ubwo hakiri benshi bayigendamo biguruntege, avuga ko ubukangurambaga bukomeje.

Ati ‟Icyo dusaba abaturage, ni ugukoresha neza ayo mahirwe bahawe, kuko urumva niba Leta ibashyiriraho nkunganire ya 40% ni ikintu cyiza, aho kugira ngo umuturage abe yahinga agahomba mu gihe ibihe bitagenze neza”.

Uwo muyobozi yavuze uburyo hari abaturage bagikerensa iyo gahunda, ugasanga baguye mu gihombo batangiye kwicuza impamvu batagiye muri iyo gahunda nziza Leta yabashyiriyeho, ya Tekana Urishingiwe Muhinzi Mworozi.

Ati ‟Burya ikintu kigorana, umuturage ajya mu bwishingizi rimwe yabona ikirere kigenze neza agatangira ati harya bya bihumbi byanjye bitanu nabitangiriye iki, ni nka mituweli ni ko twatangiye. Yaravugaga ngo ariko ko umwaka urangiye ntarwaye ibihumbi byanjye bitatu nabitangiye iki?”.

Mu Murenge wa Gataraga abahinzi bashinganishije imyaka iri kuri hegitari umunani

Arongera ati ‟Ibyo arabivuga ariko igihe azarwarira azakenera ibihumbi 100 byo kwivuza, ni yo mpamvu dukomeje ubukangurambaga tubegera tubasobanurira, ariko nabo kandi bakwiye kumva ko ayo ari amahirwe bahawe, basabwa kubyaza umusaruro bityo iterambere rikarushaho kwiyongera”.

Nk’uko bitangazwa na Guverineri Mugabowagahunde, icyo Intara y’Amajyaruguru irimo gukora kugira ngo abaturage barusheho kugana ubwishingizi bw’amatungo n’ibihingwa, mu gihe iyo gahunda yatangiye batayumva neza, ngo n’uko Intara yafashe icyemezo cyo gukora ubukangurambaga bwimbitse aho ubuyobozi bwagiye busura imirenge yose y’uturere tugize iyo Ntara bahura n’abahinzi.

Ubwo bukangurambaga kandi burimo inama zihuza ubuyobozi n’abahagarariye abahinzi hirya no hino mu Mirenge, inama zihuza ubuyobozi n’abaturage zirimo Inteko y’abaturage, umugoroba w’umuryango, inama zitegura igihembwe cy’ihinga kuva mu Ntara kugera ku tugari, itangazamakuru n’ibindi., aho batangiye bakora inama zirebana n’ubuhinzi, hifashishwa abajyanama mu by’ubuhinzi, mu nteko z’abaturage n’imigoroba y’imiryango.

Abamenye gahunda ya Tekana Urishingiwe Muhinzi Mworozi bari mu byishimo

Abibumbiye muri Koperative ya KOABUIRU ikora ubuhinzi bw’ibirayi mu Murenge wa Gataraga mu Karere ka Musanze, bavuga ko ubuso bishinganishije bungana ha hegirari 8.

Barakangurirwa gushinganisha amatungo yose

Umuyobozi w’iyo Koperative Habimana Théoneste, avuga ko bakimara kwinjira muri iyo gahunda y’ubwishingizi batangiriye ku buso bwa hegitari imwe, aho bahuye n’ibiza barashumbushwa ibikubye igishuro hafi inshuro eshanu.

Ati ‟Ubwa mbere tujya mu bwishingizi twari twishinganishije ubutaka bwa hegitari imwe dutanga 111,500Frw, duhura n’ibiza izuba riva igihe kirekire ibirayi birapfa. Nibwo Banki ya Kigali yatugobotse itwishyura ibihumbi 536,000Frw”.

Arongera ati ‟Nyuma noneho twahuye n’ibiza by’imvura aho twari twishyuye 115,000Frw mu bwishingizi, mu kudushumbusha batwishyura 537,000Frw, iyo tudashinganisha ibihingwa twari gutaha gutyo, nyuma twarahinze bigenda neza tureza ubu tumeze neza”.

Ndacyayisenga Théobald uhagarariye Koperative COVMUB ihinga ibirayi, igigori n’imboga ku buso bwa hegitari 347, mu gishanga cya Nyirabirandi cyo mu Murenge wa Nemba mu Karere ka Burera, aravuga uburyo bagobotswe n’ubwishingizi.

Ati ‟Muri 2024 twarumbije hegitari 84 baratugoboka batwishyura Miliyoni 18Frw, zishyurwa abahinzi kandi n’ibyo twarumbije twemererwa kubisarura. Iyo tutajya muri gahunda ya Tekana urishingiwe Muhinzi Mworozi akacu kari gashobotse”.

Ibigori biri mu byishingirwa bigatuma abahinzi badahomba

Manishimwe Clarisse, umworozi w’inkoko mu Murenge wa Muhoza Akarere ka Musanze, avuga ko na we yagobotswe na gahunda y’ubwishingizi nyuma y’uko yajyaga yorora inkoko zigapfa, bikamutera ibihombo bikomeye.

Uwo mugore umaze imyaka icyenda mu bworozi bw’inkoko ati ‟Nkoresha ubwishingizi bwa BK, napfushije inkoko 48 mu nkoko 500 nari noroye banyishyura arenga ibihumbi 200Frw. Ndashimira Leta yadushyiriyeho ubwishingizi ikanadushyiriraho nkunganire ya 40%, kuko byadukuye mu bihombo byari bitwugarije”.

Guverineri Mugabowagahunde avuga ko nkunganire ya Leta ya 40%, ari kimwe mu bifasha ubuyobozi kumvisha abaturage gahunda y’ubwishingizi bw’ibihingwa n’amatungo.

Uwo muyobozi yagaragaje icyo imibare igaragaza ku bijyanye na Gahunda y’ubwishingizi mu Ntara y’Amajyaruguru mu mwaka ushize, dore ko iyo gahunda igenda ishyirwa mu mihigo y’Intara n’Uturere, aho umuhigo ku bwishingizi ku matungo batawesheje uko bari bawuhize, ariko umuhigo ku bwishingizi ku bihingwa ugera hejuru ya 120%.

Ati ‟Mu mwaka ushize mu Ntara y’Amajyaruguru twari twihaye umuhigo wo kwishingira amatungo 58,628, agizwe n’inka 7,977, inkoko 48,470, harimo ingurube 2,181, aho mu isuzuma ryakozwe twasanze umuhigo utareshejwe nk’uko twari twabyifuje. Twasanze twarishingiye amatungo 45,663 angana na 77.9%”.

Manishimwe avuga ko inkoko ze zatewe n’icyorezo zirapfa bakamushumbusha

Ni mu gihe mu buhinzi intego Intara y’Amajyaruguru yari yihaye yarenze igipimo, aho bari bahize kwishingira ibihingwa ku buso bungana na hegitari 1,188, bagera kuri hegitari 1,435 z’ibihingwa byishingiye harimo ibigori, ibirayi, ibishyimbo n’umuceri biri ku gipimo cya 120,8%.

Tekana Urishingiwe Muhinzi Mworozi, ni gahunda ya Minisiteri y’Ubuhinzi n’ubworozi (MINAGRI) ishyirwa mu bikorwa na RAB-SPIU. Iyo gahunda ikaba yaratangiye muri 2019, itangirira ku nka z’umukamo mu gihe ku bihingwa yatangiriye ku muceri n’ibigori.

Umuyobozi wa Koperative KOABUIRU, Habimana Théoneste

Ibishyimbo byongewe mu byishingirwa

Umwe mu batejwe imbere na Gahunda ya Tekana Urishingiwe Muhinzi Mworozi

Guverineri Mugabowagahunde Maurice

Guverineri Mugabowagahunde Maurice yagiranye ikiganiro n’abanyamakuru

Bahawe umuceri n’ibikoresho bitandukanye nk’ubwasisi

Gutanga ubwasisi ni igikorwa ngarukamwaka, gitegurwa n’Ikigo cya Horizon SOPYRWA gishinzwe kwita ku bahinzi b’ibireti mu Rwanda, mu rwego rwo gushimira abahinzi b’ibireti no gukomeza kubaha imbaraga mu byo bakora bazamura iterambere ryabo n’iry’Igihugu.

Mu bagaragaje imbamutima z’ibyishimo nyuma yo guhabwa ubwo bwasisi, harimo uwitwa Nyirabasetsa Léonille, wavuze ko ubuhinzi bw’ibireti bukomeje kuzamura abahinzi mu iterambere.

Ati ‟Ubu ntashye nikoreye umuceri, babiri bari kugabana umufuka w’ibiro 25. Twahinze ibireti turabikorera turasarura baduha amafaranga none baduhamagaye ngo tuze baduhe n’umuceri, ku itariki umunani batubwiye ko buri wese azaba yamaze kwishyurirwa mituweli. Ubu ntiwareba ni ibyishimo gusa, ubu baduhaye n’itike ituzana n’iducyura”.

Uwo muhinzi arishimira uburyo amafaranga bahabwa ku bireti akomeje kuzamuka umunsi ku munsi, aho ikilo kigeze ku 1,260Frw, ubwo buhinzi bakaba bakomeje kubufata nka zahabu yabo, aho bakomeje kongera ubuso bahingaho icyo gihingwa gikomeje no gutuma ubutaka bwabo burumbuka.

Basanga ubuhinzi bw’ibireti buzabageza ku bukire

Abo banyamuryango 1,201 bahawe ubwasisi bugizwe n’umuceri ufite agaciro ka Miliyoni zisaga 20Frw, abanyamuryango 60 bahize abandi mu kongera umusaruro bongererwaho amahema yo kwifashisha mu gusarura ibireti, afite agaciro ka 995,200Frw, abamamazabuhinzi bahabwa inkweto za bote n’imitaka.

Ubuyobozi bwa Koperative KOAIKA, buvuga ko mu gihembwe cy’ihinga gishize bazamuye umuzaruro barenza umuhigo, nk’uko Muzuka Aloys, Umuyobozi wungirije w’iyo Koperative abivuga.

Ati ‟Ubwasisi twatanze bufite agaciro ka Miliyoni 24,052,000Frw, muri sezo ishize abahinzi bazamuye umusaruro mu buryo budasanzwe, aho twarengeje 100% ku muhigo twari twiyemeje. Mu mwaka ubanziriza uyu twagemuye ibireti ku ruganda rwa SOPYRWA dupimisha toni 545, ariko ubu twapimishije toni 728”.

Arongera ati ‟Abahinzi barishimye cyane kuba barinjiye mu gikorwa cy’indashyikirwa, kandi batahanye umuhigo wo kuzarenza ku mafaranga bagezeho muri sezo ihise. Turashimira ubuyobozi bw’Igihugu cyacu bukomeje kutuba hafi, tunashishikariza abahinzi gukomeza guhinga ingemwe zizewe, zitanga umusaruro mwinshi”.

Biyemeje kuzamura umusaruro w’ibireti

Amwe mu mahirwe abahinzi b’ibireti babona asumba ay’abahinga ibindi bihingwa, ngo ni uko Koperative zabo zibishingira muri SACCO ikabaha amafaranga yo kwifashisha mu gihe batareza, bikabafasha gukomeza kwita ku bihingwa byabo no guteza imbere ingo zabo bakora imishinga itandukanye.

Mu ihuriro ry’Amakoperative ahinga ibireti mu Rwanda, KOAIKA yakunze kuza ku isonga mu kugira umusaruro mu bwinshi no mu bwiza bwawo.

Intara y’Iburengerazuba, ihingwamo ibireti ku buso butari munsi ya hegitari 1500. Umwaka w’ubuhinzi wabanjirije uyu ushize, abibumbiye muri KOAIKA bejeje toni 545 z’ibireti, ubu bakaba bararengeje intego bari bihaye yo kweza toni 600, beza toni 728.

Barishimira ubwasisi bahawe

Umusaruro w’ibireti ukomeje kwiyongera

Usibye kuba ari intangarugero muri ako Karere mu bagiriwe akamaro na Gahunda ya Girinka, avuga ko n’umukuru w’igihugu Paul Kagame yigeze gusura ako karere amutangaho urugero rw’umuntu witeje imbere ahereye kuri Girinka.

Ati ‟Ubwo Nyakubahwa Perezida Paul Kagame yasuraga Akarere ka Gicumbi, mu ijambo rye yamvuzeho aranshima anyereka abaturage abasaba ko banyigiraho kugira ngo iterambere ryabo rikomeze kuzamuka nk’uko nabigenje”.

Mu kiganiro uwo muhinzi mworozi wa Kijyambere yagiranye n’itangazamakuru ubwo ryamusuraga iwe, muri gahunda yo kureba uburyo gahunda y’ubwoshingizi ku bihingwa n’amatungo ya ‟Tekana Urishingiwe Muhinzi mworozi” igera ku baturage, mu mbamutima ze yagaragaje aho Gahunda ya Girinka yamukuye n’aho imugejeje.

Yagize ati ‟Mbere yo kumpa inka muri gahunda ya Girinka, nari umukene ukabije, mutaza kureba iwanjye uko muhasanze mukagira ngo niko hahoze. Nabaga mu cyari nk’inyoni. Ntekereza ko iyo bataza kumpa inka nshobora kuba ntakiriho, nari kuba narapfuye”.

Arongera ati ‟Bayimpaye ndi umukene uzwi mu Karere ka Gicumbi, nabayeho ndi impfubyi kuko Data yapfuye niga mu wa gatatu w’amashuri abanza, ndangije umwaka wa Munani ubuzima bwanjye bwo kwiga burangirira aho nta rindi shuri kubera ubukene”.
Akomeza agira ati ‟Nibwo bampaye inka impindurira amateka. Ubu mfiote imodoka ebyiri naguze ku giteranyo cya Miliyoni 44 z’Amafaranga y’u Rwanda.Nta kindi mbikesha uretse ubuhinzi n’ubworozi”.
Uwo mugabo wo mu kigero cy’imyaka 60, avuga ko mbere yo gushyirwa muri gahunda ya Girinka yararaga aho bwije. Nyamara uyu munsi iyo ugeze iwe uhasanga inzu ijyanye n’icyerekezo ndetse n’ibiraro yororeramo inka ze cumi n’eshanu z’ubwiko bwa Frizone.

Uzabakiriho Gervais, umuhinzi mworozi ntangarugero wazamuwe na Girinka

Yemeza ko ubworozi n’ubuhinzi akora bumuteje imbere dore ko ngo buri nka mu zo yoroye igeze ku rwego rwo gukamwa litiro 40 ku munsi, ibyo bikamushyira ku isonga mu bagemura umukamo mwinshi mu Karere ka Gicumbi. Uyu munsi, agemura litiro 200 ku munsi.

Uzabakiriho ngo ubwo yahabwaga inka ya mbere yatunze muri gahunda ya Girinka muri 2011, yakomeje kuyitaho aho amaze kuyibyaza inka zikabakaba 50 agira umugisha inyinshi mu nka ze zikabyara inyana ebyiri, biba incuro esheshatu.

Yisunze gahunda y’ubwishingizi

Uzabakiriho Gervais ngo yari umwe mubatarumvaga neza gahunda y’ubwishingizi bw’ibihingwa n’amatungo yitwa Tekana Urishingiwe Muhinzi Mworozi, ubwo yari imaze gutangizwa muri 2019.
Avuga ko yahumuwe amaso no kubona mushiki we wari umaze kuzamuka mu bworozi icyorezo kigera mu nka ze kirazitsemba, ngo nibwo yahise yinjira muri iyo gahunda y’ubwishingizi mu bambere.

Ati ‟Ndi umwe mu bashishikariza abandi kujya mu bwishingizi kuko ni byiza, urugero rufatika ntanga, mfite mushiki wanjye wari ufite inka enye zose zihaka, ariko zitaru mu bwishingizi. Rimwe icyorezo cyazigezemo zipfa zose asigara mu marira.”

Avuga ko inyungu abona muri ubwo bwishingizi, ari uko ahora atekanye, akavuga ko n’ubwo hatera icyorezo zigapfa yashumbushwa.

Tekana Urishingiwe Muhinzi Mworozi, ni gahunda ya Minisiteri y’Ubuhinzi n’ubworozi (MINAGRI) ishyirwa mu bikorwa na RAB-SPIU. Iyo gahunda ikaba yaratangiye muri 2019, itangirira ku nka z’umukamo naho ku bihingwa itangirira ku muceri n’ibigori. Kugeza ubu iyo gahunda igeze ku matungo ane arimo inka, ingurube inkoko n’amafi nk’uko Joseph Museruka, Umuyobozi wa gahunda y’ubwishingizi muri RAB yabitangarije Kigali Today.

Avuga ko ubwishingizi bwavuye ku bihingwa bibiri bukagera ku bihingwa 10 birimo ibigori by’imbuto n’ibigori biribwa, ibirayi by’imbuto n’ibiribwa, urusenda, imiteje, soya, ibishyimbo n’imyumbati.

Abahinzi n’aborozi kandi bahabwa nkunganire ya Leta ingana na 40%, hakaba hakomeje ubukangurambaga kugira ngo gahunda y’ubwishingizi igere kuri bose.

Shirimpumu (ibumoso) na Dusabemariya bahamya ko batandukanye n’igihombo kuva bajya mu bwishingizi

Ni ubwishingizi bugendanye na gahunda ya Leta yitwa ‘Tekana Urishingiwe Muhinzi Mworozi’, ya Minisiteri y’Ubuhinzi n’Ubworozi (MINAGRI) aho ishyirwa mu bikorwa na RAB-SPIU.

Iyo gahunda yashyizweho mu rwego rwo gushyira mu bikorwa gahunda ya Guverinoma y’imyaka irindwi, na Gahunda ya 5 yo kuvugurura Ubuhinzi n’Ubworozi (PSTA5), ndetse na gahunda y’Igihugu ya 2 (2024-29) Leta y’u Rwanda ibinyujije muri MINAGRI, RAB-SPIU ishyira mu bikorwa iyo gahunda y’ubwishingizi bw’ibihingwa n’amatungo.

Uko iminsi ishira indi igataha, ni ko abaturage bagenda bitabira iyo gahunda, abayumvise mbere bakaba bakomeje kuyishimira nk’uko babigaraza.

Mu baganiriye na Kigali Today harimo aborozi b’ingurube bo mu Karere ka Gicumbi na Rulindo, aborozi b’inka, abahinzi b’ibigori n’abandi.

Barerekana inyungu ziri muri gahunda y’ubwishingizi bw’ibihingwa n’amatungo, bakavuga ko bagiye bahura n’ibyorezo ndetse n’ibiza mu bihe bitandukanye bagashumbushwa.

Dr. Jean Claude Mwenedata, umwe mu banyamuryango b’Icyerekezo Modal Farm, bakorera mu Murenge wa Kisaro mu Karere ka Rulindo boroye ingurube 226, ni umwe mu bashima gahunda ya Leta ya Tekana Urishingiwe Muhinzi Mworozi, aho bigeze gupfusha ingurube ebyiri bashumbushwa bidatinze.

Ati ‟Nkatwe aborozi duharanira gukumira indwara, ariko tugashimira Leta yacu ku buyobozi bwiza no kureba kure batuzanira gahunda y’ubwishingizi. Tumaze gupfusha ingurube ebyiri kandi zarishyuwe, ntabwo ari ingurube gusa no mu nka twororera mu Murenge wa Murambi, mu bihe bitandukanye twapfushije ebyiri kandi zarishyuwe”.

Shirimpumu Jean Claude, Umwe mu bagize ishyirahamwe ry’aborozi b’ingurube (Vision Agribusiness Farm)

Shirimpumu Jean Claude, umwe mu bagize ishyirahamwe ry’aborozi b’ingurube (Vision Agribusiness Farm) ukorera uwo mushinga mu Murenge wa Kageyo Akarere ka Gicumbi, aremeza ko yashyize mu bwishingizi ingurube 102.

Uwo mworozi asanga gahunda y’ubwishingizi bw’ibihingwa n’amatungo yaraje ari igisubizo, aho yatumye ubworozi bwabo butera imbere mu gihe mbere y’iyo gahunda hari ubwo yapfushaga ingurube agahomba.

Ati ‟Kuva namenya iyi nkuru ndi mu ba mbere bitabiriye ubwishingizi, kuko numvaga ko bifite akamaro. Iyo wishingiye itungo ryawe wumva utekanye ukumva ko n’iyo ryagira ikibazo ushobora kwishyurwa, ntabwo njye mu kwishingira amatungo yanjye nteganya impanuka cyangwa uburwayi n’ibindi”.

Ati ‟Mba numva ko igihe nayishyize mu bwishingizi iramutse igize ikibazo nakwishyurwa ariko n’igihe itagize ikibazo ikampa umusaruro, mu gihe mbere y’uko iyi gahunda iza hari ubwo twapfushaga amatungo tugahomba. Nashishikariza umuntu wese waba woroye kwitabira ubwishingizi kuko bituma umuntu yumva atekanye mu mutima, wumva ko amatungo yawe nta kibazo ashobora kugira”.

Uwo mworozi ari ku rwego rwo kugura icyororo cy’ingurube i Burayi gifite agaciro gasaga Miliyoni 3Frw, ubwo bworozi bwe bugeze ku rwego rwo gufata intanga zikagurishwa.

Abahinzi b’ibigori bibumbiye muri Koperative COVAMABA yo muri Rulindo, bahinga ibigori, imboga n’ibirayi mu gishanga cya Bahimba gihuza imirenge itanu. Bavuga ko mu buhinzi bwabo bahoraga mu marira kubera guhinga ntibasarure, bitewe n’imyuzure yibasira icyo gishanga bagatahira aho.

Hakizimana Thacien, Umuyobozi wa COVAMABA

Bavuga ko aho gahunda y’ubwishingizi iziye, abenshi muri bo bihutiye gushyira imyaka yabo mu bwishingizi, aho mu bigori bishingira ubuso bungana na hegitari 230 mu gihe ku birayi bishingira hegitari 150 na hegitari 30 ku bishyimbo.

Umuyobozi w’iyo Koperative, Hakizimana Thacien, avuga ko bamaze gushumbushwa Miliyoni zikabakaba 6Frw, ibyo bibatera ishyaka ryo kurushaho kunoza ubuhinzi bwabo.

Mugenzi we witwa Dusabemeriya Françoise ati “Twahingaga twumva tutabikunze kubera gucibwa intege n’ibiza, ariko twinjiye mu bwishingizi turabikunda cyane turunguka. Ikigo cy’ubwishingizi cyaraje kiratwigisha bamwe ntibabyumva, twe twabyumvise batwoherereza amafaranga ba bandi banze kwishingira ibihingwa biri ku buso bwabo bikabatera ipfa, bikarangira nabo bagiye mu bwishingizi”.

Intego n’uko muri 2029 ubwishingizi ku buhinzi n’ubworozi buzaba bugeze kuri 30%

Kugeza ubu ubwishingizi ku buhinzi n’ubworozi mu Rwanda buri munsi ya 10%, hakaba hitezwe ko muri 2029 ubwo bwishingizi buzaba bugeze kuri 30% nk’uko Joseph Museruka, Umuyobozi wa gahunda y’ubwishingizi muri RAB yabitangarije Kigali Today.

Ati ‟Twavuga ko ubwitabire ari bwiza ariko butaragera aho bwifuzwa, kuko bukiri munsi ya 10%, mu gihe twifuza ko byibura mu gihe cy’imyaka itanu, ni ukuvuga 2029 twaba tugeze kuri 30%, ni ukuvuga by’amatungo yose ari mu bwishingizi na 30% y’ubuso buhujwe ku bihingwa”.

Joseph Museruka avuga ko ubwishingizi butaragera ahifuzwa

Arongera ati ‟Ikindi ni uko muri gahunda yo kuvugurura ubuhinzi (NST2), byifujwe ko ubwishingizi bw’ibihingwa n’amatungo byagira uruhare mu kuzamura inguzanyo zihabwa abahinzi n’aborozi, zikava kuri 6% zikagera ku 10%. Ahakwiye gushyirwa imbaraga ni ubukangurambaga kugira ngo byibura abahinzi bose bamenye ko iyi gahunda ihari. Turifuza ko umuhinzi agira umutekano w’ishoramari rye kubera ko hari ubwishingizi bwa Tekana Urishingiwe Muhinzi Mworozi”.

Tekana Urishingiwe Muhinzi Mworozi, ni Gahunda yatangijwe ku mugaragaro ku wa 23 Mata 2019, ikaba kugeza ubu ikorera mu turere twose tw’Igihugu.

Amafaranga angana na 6,448,769,162Frw amaze gushumbushwa abahinzi n’aborozi, umugabane washumbushijwe abahinzi ni wo munini, aho ungana na 3,492,644,699Frw mu gihe aborozi bamaze gushumbushwa 2,956,124,463Frw.

Uko iminsi ishira, ni ko abagana iyo gahunda y’ubwishingizi bagenda biyongera, aho ku mwaka abahinzi basaga 160,000 bagizwe n’abagabo basaga 80,000 n’abagore bakabakaba 77,000 bafata ubwishingizi, Leta ikabaha nkunganire ya 40% binyuze muri gahunda ya Tekana Urishingiwe Muhinzi Mworozi.

Ni mu gihe aborozi hafi 50,000 aribo bafata ubwishingizi bwunganiwe na Leta muri iyo Gahunda buri mwaka.

Aborozi b’ingurube bavuga ko Gahunda ya Tekana Urishingiwe Muhinzi Mworozi yabagobotse

Ibihingwa 10 ni byo bimaze gushyirwa muri gahunda ya Tekana Urishingiwe Muhinzi mworozi, aribyo umuceri, ibigori biribwa, ibigori by’imbuto, ibirayi biribwa, ibirayi by’imbuto, urusenda, imiteja, imyumbati, soya n’ibishyimbo, mu gihe ku matungo harimo inka, ingurube, inkoko n’amafi.

Ushaka kujya mu bwishingizi ku buhinzi n’ubworozi yegera ushinzwe ubuhinzi n’ubworozi mu Murenge, cyangwa umujyanama ushinzwe ubuhinzi n’ushinzwe ubworozi, hakaba na nimero ya telefoni ya MINAGRI itishyurwa ya 4127, ifasha ukeneye ubwishingizi guhura n’uwabumuha.

Uzabakiriho Gervais yakuwe mu bukene na Gahunda ya Girinka

47 bavuye mu mashyamba basubijwe mu buzima busanzwe

Ni ibyo yatangarije mu Kigo cya Mutobo mu Karere ka Musanze ku wa Gatanu tariki 28 Werurwe 2025, mu muhango wo gusoza icyiciro cya 73 kigizwe na 47 bahoze mu mitwe yitwaje intwaro mu mashyamba ya Congo, barimo batatu b’igitsina gore, uba n’umwanya wo gutangiza icyiciro cya 74 kigizwe n’abahoze mu mitwe yitwaje intwaro ahamaze kwakirwa 79.

Mu ijambo rye, Minisitiri Patrice Mugenzi yibukije abasubijwe mu buzima busanzwe, kurangwa n’ishyaka ryo guharanira kubaka Igihugu, mu rwego rwo gusigasira ibyo kimaze kugeraho, abibutsa ko kuba barahisemo kugaruka mu gihugu cyabo ari intambwe nziza bateye bava mu buyobe bahozemo.

Ati ‟Kuba mwari imbata z’abasize bakoze Jenoside bakabagira ingwate, kugira ngo bakomeze babacurireho umugambi mubishya wo gukomeza ingengabitekerezo ya Jenoside yakorewe Abatutsi, babumvisha ko Abanyarwanda tutari hamwe, muri hano mwabibonye ko turi Abanyarwanda twese”.

Arongera ati ‟Dore Afande hano yambaye inyota z’Igihugu, mwe izanyu zirihe ko nta n’umwe wazambaye? Kuba mutambaye amapeti yanyu ni icyerekana ko mwari mwarayobye, ntayo mwambaye ni ukuvuga ngo iryo ni ipfunwe wakagombye kuba ufite ahangaha, ryo kuba tukubonamo umuntu wari warayobye”.

Akomeza agira ati ‟Ndagira ngo mwitekerezeho mwumve ko kuba mugiye muri sosiyete Nyarwanda, icyo tubifuzaho n’uko amasomo muvanye aha yabagirira akamaro ko kugira ngo mutekereze icyo mwafasha Igihugu cyacu, Mugomba kwirinda gushyigikira abatera u Rwanda, ndabasaba nkomeje ntimuzatatire igihango mugiranye n’Igihugu.

Minisitiri w’Ubutegetsi bw’Igihugu, Dr. Patrice Mugenzi

Bamwe mu barangije amahugurwa basubizwa mu buzima busanzwe, biganjemo urubyiruko rwo mu kigero cy’imyaka 20 na 25, baravuga ko ibyo barimo mu mashyamba babishowemo n’ababakuriye.

Soldat Mushimiyimana Marthe wavukiye mu mashyamba ya Congo muri 2000 ati ‟Naravutse nisanga muri FDLR, twabayeho mu buzima bubi pe, abana nta burenganzira twari dufite bwo kwiga, twakoreshwaga imirimo ivunanye. Uko intambara igenda ikura aho tubereye bakuru badushora mu gisirikare, twe abakobwa twakoraga akazi ko kwikorera imbunda tuzitwaza abarwanyi”.

Arongera ati ‟Hari aho byageze tubura amahwemo, aho unyuze hose bakaguhahana ngo dore Umunyarwanda, nibwo ababyeyi banjye bari baratashye mbere yanjye, batwakuye batubwira ko mu Rwanda ari amahoro natwe twareba ubuzima bubi turimo turavuga tuti reka tujye muri icyo gihugu turebe ko amakuru batubwira ariyo. Naratashye, batwakira neza batwereka urukundo biradushimisha, ndashimira Leta kuko uko batwakiriye neza ntabwo twabikekaga”.

Mu ijambo rya Adjudant Chef Hakizimana Pierre Céléstin wavuze mu izina ry’abasubijwe mu buzima busanzwe, yashimye Leta y’u Rwanda yabakiriye neza ibaha ubumenyi butandukanye, bahabwa ibikenewe byose bibafasha gukurikirana amasomo ajyanye no kwihangira imirimo iciriritse, avuga ko abatashye batazi gusoma, kwandikwa no kubara babyigishijwe barabimenya.

Ni umuhango witabiriwe n’abayobozi batandukanye

Yavuze ko baje gufatanya n’abandi Banyarwanda kubaka Igihugu, kandi ko bagiye gukora ibishoboka byose ngo bagenzi babo basize mu mashyamba nabo batahe baze kubaka igihugu cyabo.

Nyirahabineza Valerie, Umuyobozi wa Komosiyo ishinzwe gusezerera no gusubiza mu buzima busanzwe abahoze ari abasirikare (RDRC), yavuze ko abahoze mu mitwe yitwaje intwaro mu mashyamba ya Congo bo mu cyiciro cya 73, batigeze babagorana mu nyigisho bahawe nk’abantu batashye ku bushake bwabo.

Ati ‟Bajya gufata umwanzuro wo gutaka mbere yo kwikorera isuzuma bagasanga yataye umwanya, cyane cyane iyo umwe avuganye na mugenzi we wagize ubutwari bwo gutaha mbere, asaga yarataye umwanya agafata icyemezo. Aba dusezereye uyu munsi twabahaye uburenganzira barasohoka tubajyana hirya no hino mu gihugu basura bagenzi babo batashye mbere basanga biteje imbere ku buryo bavuyeyo bavuga bati, n’ubwo twataye umwanya tugiye gukora cyane”.

Abasubijwe mu buzima busanzwe bahawe ibyangombwa birimo indangamuntu na seritifika y’uko basoje amasomo y’icyiciro cya mbere.

Icyiciro cya 74 gitangiranye n’abavuye mu mitwe yitwaje intwaro 79 biganjemo abo mu mutwe wa Wazalendo.

VIDEO - Caporal Cyuzuzo Olivier warimo guhugurirwa i Mutobo, avuga ko yinjijwe mu barwanyi ba FDLR akiri umwana w'imyaka 16. Ashima ko ubu yafashijwe gutaha mu Rwanda. pic.twitter.com/3VeoUjpBPO

— Kigali Today (@kigalitoday) March 28, 2025

VIDEO - Soldat Mushimiyimana Marthe na we wari muri FDLR avuga ko bari babayeho nabi mu mashyamba ya Congo. Nk'abagore, bakoreshwaga cyane cyane imirimo yo gushaka ibitunga abagize umuryango, bakikorezwa imbunda, bakita no ku bana. Mushimiyimana w'imyaka 25 afite umugabo n'abana… pic.twitter.com/ER5C2d4fPW

— Kigali Today (@kigalitoday) March 28, 2025

Basanga abantu bafite ubumuga bakigorwa no kubona serivisi

Ni ikibazo cyatunzwe agatoki cyane mu nama y’iminsi ibiri iri kubera mu Karere ka Musanze, yatangiye ku itariki 27 kugeza ku itariki 28 Werurwe 2025, itegurwa n’Umuryango Nyarwanda w’abantu bafite ubumuga bwo kutumva no kutavuga (Rwanda National Union of the Deaf/ RNUD).

Igamije gukora ubushakashatsi ku kureba uko servisi z’ubwiteganyirize no gufasha abatishoboye zigera ku bafite ubumuga, by’umwihariko abafite ubwo kutumva no kutavuga n’abumva bigoranye.

Abitabiriye iyo nama ni abayobozi mu nzego zitandukanye, barimo abo ku rwego rw’akarere bashinzwe serivisi zirengera abaturage, abahagarariye inzego z’abafite ubumuga, urubyiruko, abagore n’abayobozi bashinzwe imibereho myiza mu Mirenge igize Akarere ka Musanze n’abandi.

Mu byo baganiriye, bagarutse kenshi ku kibazo cy’imyumvire mu miryango igikandamiza abantu bafite ubumuga bwo kutumva no kutavuga, aho bagifatwa nk’abadafite ubushobozi, ndetse bagaragaza ko hakiri n’imiryango ibafungirana mu ngo bakabuzwa amahirwe bagenerwa.

Mu zindi mbogamizi bahura na zo, harimo ukutamenya ururimi rw’amarenga ku bakozi b’ibigo bitanga serivisi zitandukanye, ibyo bigaheza abafite ubumuga mu gihirahiro.

Rwandekwe Gilbert, urimo gukora ubushakashatsi ku mibereho y’abantu bafite ubumuga bwo kutumva no kutavuga, yagarutse ku bibazo byagaragajwe n’abayobozi bitabiriye iyo nama, nyuma y’umukorongiro bahawe berekana imbogamizi z’abafite ubumuga, avuga ko ibyo bitekerezo bagaragaje ari kimwe mu bigiye kwifashishwa mu gushaka ibisubizo by’ibibazo byugarije abantu bafite ubumuga.

Rwandekwe Gilbert, urimo gukora ubushakashatsi ku mibereho y’abantu bafite ubumuga bwo kutumva no kutavuga

Ati ‟Dukurikije ibyo tumaze kubona mu bitekerezo by’abitabiriye iyi nama, dusanze ko serivisi zigenewe abantu bafite ubumuga zitabageraho, ntazo bahabwa pe! Kuko abayobozi tuganiriye bavuga ko batari babizi ahubwo ko babigizayo, kuko bumvaga ko badashobora kujya mu mirimo y’amaboko, muri VUP, ko badashobora kujya mu bumenyingiro, ko badashobora guhabwa inka bakumva ko batazayishyura”.

Arongera ati ‟Ariko nyuma y’ibiganiro, bigaragaye ko abafite ubumuga bafite ubushobozi bungana n’ubw’abandi, tukaba dukomeza igikorwa cyo kuganira kugira ngo hazavemo ubuvugizi buzagera mu gihugu hose. Ubu bushakashatsi turabushyira mu nyandiko noneho RNUD ikomeze ubuvugizi. Tuzagera mu mashuri no mu nzego zose zifata ibyemezo, hafatwe ingamba zirengera abafite ubumuga”.

Ku bafite ubumuga ibanga ryo kwa muganga ntiribikwa

Bizimana Jean Damascène, umwe mu bafite ubumuga bwo kutavuga, avuga (afite umusemuzi) ko nk’uko bizwi ibanga ryo kwa muganga rimenywa n’umuganga n’umurwayi gusa, ngo ku bafite ubumuga biratandukanye kuko hazamo n’abasemuzi.

Ati ‟Urajya kwa muganga urwaye nugera ku musekirite ntimwumvikane ku rurimi agucunaguze, urumva imbogamizi mu gusaba serivisi zitangiriye ku muryango. Urinjiye ugeze kwa muganga kumvikana na we binanirane kandi wenda uburwayi ufite bukwiye kuba ibanga, urugero SIDA, ugasanga umuganga ahamagaye umusemuzi w’ururimi rw’amarenga, ibyari ibanga ugatinya ko bijya hanze. Ugasanga ntabwo wisanzuye mu kubwira muganga icyo urwaye”.

Bizimana, umwe mu bafite ubumuga bwo kutavuga asobanura ibibazo bahura na byo

Yagarutse no ku zindi serivisi zigenewe abatishoboye bimwa, zirimo amakuru ku bwisungane mu kwivuza, kubura amakuru ajyanye n’imirimo igenewe abatishoboye, agasaba ko hakenewe ko ururimi rw’amarenga rwigwa ku bantu batanga serivisi zitandukanye.

Ati ‟Kuki indimi z’Igifaransa n’Icyongereza zaje abantu bose bagashishikarira kuziga, ariko se kubera iki ururimi rw’amarenga rutingwa ngo rwemezwe mu ndimi zikoreshwa mu gihugu, kandi abarukoresha ari Abanyarwanda?”.

Mu Karere ka Musanze, byagaragaye ko nta mukozi n’umwe uzi ururimi rw’amarenga, nk’uko Uwitonze Heslon, Umukozi w’Akarere ka Musanze uhagarariye abafite ubumuga yabitangarije Kigali Today.

Ati ‟Mu bakozi bose b’akarere ubumenyi ku rurimi rw’amarenga ni 0/100, mu bitaro n’ibigo nderabuzima bibishamikiyeho, ururimi rw’amarenga ni 0/100, mu Mirenge no mu tugari ururimi rw’amarenga ruri kuri 0/100, muri Polisi ni uko”.

Martin Ntirenganya, Umuyobozi w’ishami ry’iterambere ry’imibereho myiza y’abaturage mu Karere ka Musanze, yavuze ko ibyo biganiro bibakanguye, aho bagiye gushyira imbaraga mu bukangurambaga bufasha abaturage kuva mu myumvire iheza abafite ubumuga, no gushaka uburyo ubumenyi ku rurimi rw’amarenga bwagera kuri benshi.

N’ubwo mu Karere ka Musanze hakigaragara izo mbogamizi, ni akarere gashimwa mu gihugu hose mu guteza imbere abafite ubumuga muri serivisi zimwe na zimwe zirimo imyidagaduro, aho kaza ku isonga mu kugira amakipe menshi kandi akomeye y’abafite ubumuga.

Bahawe n’umwanya w’imikorongiro

Ingabo za Nigeria zirashima uruhare rw’u Rwanda mu kubungabunga amahoro

Ubwo iryo tsinda ryasuraga Ikigo cy’Igihugu cy’Amahoro (RPA), giherereye i Nyakinama mu Karere ka Musanze kuri uyu wa Kabiri tariki 18 Werurwe 2025, ryatambagijwe icyo kigo ryerekwa imikorere yacyo, hakorwa ibiganiro nyunguranabitekerezo hagati y’ubuyobozi bwa MLAILPKC na RPA.

Maj Gen Ademola Taiwa Adedoja ukuriye iryo tsinda, yagarutse ku mikoranire y’u Rwanda na Nigeria mu gutanga ubumenyi burebana n’ubutumwa bwo kubungabunga amahoro, avuga ko kuba ibihugu byombi bihuriye ku bigo bihugura abajya mu butumwa bw’amahiro, biri mu mpamvu zo gusurana mu rwego rwo kurushaho kunoza imikoranire.

Ati "U Rwanda nk’Igihugu gisangiye na Nigeria umwuga wo gutanga amasomo arebana n’ubutumwa bwo kurinda amahoro (Peacekeeping), twabasuye tugamije kureba imikorere y’ikigo cy’igihugu cy’amahoro cy’u Rwanda, tunyurwa n’uburyo amahugurwa yo kubungabunga amahoro ategurwa. Twasanze gusangira ubwo bumenyi ari kimwe mu bizafasha iterambere ry’amashuri y’ibihugu byombi, dore ko ibyo dukora tubihuje".

Maj Gen Ademola Taiwa Adedoja yasinye mu gitabo cy’abashyitsi

Ni uruzinduko rwitezweho gufasha ibigo byombi mu guhanahana ubumenyi, bufasha iterambere ry’ibyo bigo no kurebera hamwe imbogamizi bahura nazo hagamijwe gushaka ibisubizo, nk’uko Col (Rtd) Jill Rutaremara, umuyobozi wa RPA yabitangarije Kigali Today nyuma y’ibiganiro yagiranye n’abagize iryo tsinda.

Ati "Uruzinduko nk’uru rufasha ibigo byombi kunoza imikoranire, nk’abantu duhuje umwuga umwe wo kuba dufite Ikigo cy’igihugu cy’Amahoro. Bifasha bamwe kwigira ku bandi, ahari imbogamizi zigakemuka dore ko hari n’imiryango duhuriramo ijyanye no kubungabunga amahoro".

Mbere y’urwo ruzinduko iryo tsinda ryaturutse muri Nigeria ryagiriye muri RPA, ryabanje gusura Ishuri rya Rwanda Military Academy Gako, risobanurirwa imikorere y’iryo shuri mu rwego rwo kureba ibyo bongera mu ishuri ry’Aba Ofisiye ry’icyo gihugu.

U Rwanda na Nigeria kandi ni ibihugu bihurira mu miryango itandukanye, irebana no kubungabunga amahoro ku rwego rwa Afurika no ku rwego rw’Isi, irimo African Peace Support Trainers Association (APSTA) na International Association of Peacekeeping Training Centers (IAPTC).

Col (Rtd) Jill Rutaremara yatanze impano ku itsinda ry’abasirikare baturutse muri Nigeria

Abana bagaburiwe indyo yuzuye

Icyo kibazo cy’igwingira kirimo kuvugutirwa umuti, binyuze mu bukangurambaga ngarukamwaka bugamije gukumira ikibazo cy’igwingira, aho abaturage bigishwa gutegura indyo yuzuye no kuva mu makimbirane akomeje kuvugwa mu miryango.

Ni ibyagarutsweho n’abaturage, abafatanyabikorwa batandukanye b’Akarere ndetse n’Umuyobozi w’ako karere ka Musanze wungirije ushinzwe imibereho myiza y’abaturage, Kayiranga Theobald, mu Murenge wa Rwaza ubwo hatangizwaga icyumweru cy’ubukangurambaga ku mirire no kurengera umwana, uba n’umwanya wo gushishikariza abaturage kwirinda indwara y’amaso cyane cyane iy’ishaza aho abaturage begerejwe abaganga b’inzobere bavura amaso nta kiguzi.

Icyo gikorwa cyatangijwe ku nshuro ya gatatu kuri uyu wa Kabiri tariki 11 Werurwe 2025, abaturage babifata nk’igisubizo ku kibazo cy’igwingira cyugarije abana, ahatanzwe ibikoresho bitandukanye bifasha amarerero (Ingo mbonezamikurire) kurushaho kunoza inshingano zo kwita ku bana.

Ayinkamiye Agnes, umwe mu bayobozi b’irerero yagize ati "Twishimiye ibikoresho twahawe birimo amasafuriya, indobo, amajerekani, imikeka n’ibindi, biradufasha kurushaho kugirira abana isuku bakure neza. Ni ibikoresho bije bikenewe kuko icyo aya marerero yashingiwe ni ukurwanya igwingira mu bana. Wasangaga isuku idahagije kubera ibikoresho bike bityo igwingira ntirigabanuke uko bikwiye, ariko ubu icyo kibazo kirakemutse igwingira riraba amateka, ibipimo by’abagwingiye bigere kuri zero".

Abahagarariye amarerero bahawe ibikoresho bitandukanye bibafasha kunoza isuku

Naho Akimanizanye Esperence, umwe mu bahuye n’ikibazo cy’igwingira, avuga ko umwana we yakize nyuma y’ubukangurambaga bwakozwe bumusigira ubumenyi bwo kwikura mu makimbirane yari yugarije umuryango we, yigishwa gutegura indyo yuzuye bifasha umwana kuva mu igwingira.

Ati "Nari mfite umwana nkabona adakura uko bikwiye, nyuma y’ubukangurambaga nigira inama yo kujya kumupimisha basanga ari mu mutuku. Abaganga baranyegereye banyigisha gutegura indyo yuzuye aho mu mwaka n’igice umwana yari yamaze kujya mu cyatsi, iyo mubonye akina n’abandi bana biranshimisha".

Uwo mubyeyi avuga ko akomeje gahunda yo guhugura abaturanyi be bafite abana bari mu igwingira, abafasha gutegura indyo yusuye no kureka amakimbirane yo mu miryango afata ko ariyo ntandaro y’ibyo bibazo.

Umurenge wa Rwaza watangirijwemo ubwo bukangurambaga, ni wo wagaragayemo umubare munini w’abana bafite ikibazo cy’igwingira, aho mu bana 105 bakurikiranirwa mu bigo nderabuzima mu Karere ka Musanze, 21 ari abo mu Murenge wa Rwaza.

Bubatse akarima k’igikoni

Umuyobozi w’Akarere ka Musanze wungirije ushinzwe Imibereho myiza y’abaturage, Kayiranga Theobald, yasabye abatuye Umurenge wa Rwaza kwirinda ingeso mbi zikomeje kugusha abana mu igwingira zirimo ubusinzi, amakimbirane mu miryango kandi ababyeyi bagafatanya kurera, aho yemeza ko bamwe mu bagabo bagifite imyumvire y’uko abagore aribo bonyine bafite inshingano zo kwita ku bana.

Ati "Ibyo dukora byose mu gihe imiryango yaba idatekanye ntacyagerwaho. Turifuza ubufatanye bw’ababyeyi, umugabo afatanye n’umugore mu burere bw’abana kandi umuryango uharanire kubyara abo ushoboye kurera, kandi ababyeyi bitabire gahunda yo kujyana abana mu marerero".

Arongera ati "Biragayitse kuba Musanze ifatwa nk’ikigega cy’ibiribwa ariho hagaragara igwingira, kuba raporo ya 2024 igaragaza ko mu igwingira turi ku gipimo cya 21.3% biragayitse. Twiyemeje kubihagurukira tukagera kuri zero mu gihe gito, ni yo mpamvu buri mwaka dutegura ubu bukangurambaga, kandi biragaragaza impinduka".

Ku kibazo abagore bakora mu marerero bagaragaje cyo kudahabwa agahimbazamusyi, mu gihe bita ku bana ntibabone uko bakorera ingo zabo, Visi Meya Kayiranga yavuze ko hari ubufasha bategabyirizwa buri minsi 15, avuga ko niba hari abo ubwo bufasha butageraho ari ikibazo agiye gukurikirana.

Insanganyamatsiko y’ubwo bukangurambaga iragira iti "Duhurire mu miryango, Tujyanemo".

Visi Meya Kayiranga Theobald

Umwe mu bafite abana bavuye mu igwingira

Abaturage biyemeje kurwanya igwingira

Mwalimu Muswahili Paulin yavukiye i Bushekeri mu Karere ka Nyamasheke mu 1923, yitaba Imana muri Kamena 2001. 

Amashuri abanza yayize ahitwa Kagano mu Karere Ka Nyamasheke, ayisumbuye ayiga mu Ishuri ryisumbuye ry’ Abihayimana ryayoborwaga n’Abayozefiti i Kabgayi, akomereza mu Ishuri ryitwaga Indatwa (Groupe Scolaire Officiel de Butare). 

Amasomo ye ya Kaminuza yayize mu Bubiligi akomereza muri Kaminuza yitwa Université de Fribourg mu gihugu cy’Ubusuwisi akurikira n’amahugurwa yo gukarishya ubwenge i Oxford mu Bwongereza. 

Mu mpano yari afite harimo ubuhanzi, gucuranga inanga za kizungu, kuririmba, kubyina no guhamiriza. 

Muswahili ni umwe mu banyamuryango icumi bashinze Chorale de Kigali mu 1966.

Icyakora, uburezi ni cyo gihe kinini cyaranze imirimo ye, by’umwihariko muri Kaminuza y’u Rwanda, aho yabanje akorera ishami ryitwaga Institut Pedagogique National ryakoreraga i Huye.

Nyuma y’ivugururwa rya Kaminuza yakomereje mu Ishami ryakoreraga i Nyakinama mu Karere ka Musanze. 

Mbere yo kujya mu kiruhuko cy’izabukuru yigishaga muri Kaminuza i Butare. Hagati aho, yigishije no mu Iseminari Nkuru ya Nyakibanda ndetse no muri Kaminuza zitandukanye mu cyahoze ari Zaïre ubu ni Repubulika Iharanira Demokarasi ya Congo. 

Amateka ye afite umwihariko w’uko yasize umurage wabaye intangiriro yo guhanga inkuru zisetsa ku buzima bwe ariko ntibirangirire ku rwenya ahubwo izo nkuru zigatanga inyigisho zo kwimakaza indangagaciro zikwiye kuranga Umunyarwanda mu mibereho ye no mu mibanire ye n’abandi. 

 Uko muza kubisoma mu buhamya tubasangiza muri iki cyegeranyo, bimwe mu bivugwa ni ukuri kw’ibyabaye, ibindi ni amakabyankuru no gutebya mu kuryoshya ibiganiro n’igitaramo. 

Dr. Nsengiyumva Emmanuel, umwe mu banyeshuri bigishijwe na Muswahili, avuga ko uyu mwalimu na we yari mu cyiciro cy’abatanga ubutumwa binyuze mu kwiyaka icyubahiro cye akicisha bugufi agamije kwigisha.

Agakuru batwerereye Prof. Muswahili: Indirimbo y’igihugu bayiririmba bicaye?

Dr. Nsengiyumva yagize ati ‟Muswahili Paulin yigishaga isomo rya Ethique muri Kaminuza, maze rimwe ari mu rugendo ava i Kigali yerekeza i Butare, yicarana n’umunyeshuri we muri taxi. Abantu bose bagendaga mu modoka rusange, bityo n’abanyeshuri bose umwarimu ngo yabaga abazi kuko bari bacye. Mwalimu Muswahili rero yaramurebye aramumenya”.

Icyo gihe ngo Muswahili yaramubajije ati ‟Ariko sha si wowe watsinzwe? Uje gukora deuxième session? (ikizamini cyakorwaga n’umunyeshuri mu isomo yatsinzwe), maze umunyeshuri ati ni byo Prof, ngiye gukora deuxième session mu isomo ryawe”.

Muswahili ati ‟None se uwakuvuna amaguru nkakubaza watsinda bikaba bikemutse, umunyeshuri ati waba umfashije Prof”. 

Mwalimu Muswahili yamusabye kuririmba indirimbo yubahiriza Igihugu cy’u Rwanda, kandi ubwo bari bicaranye mu modoka, umunyeshuri ibyishimo biramusaga ati isomo ndaritsinze, atangira kuririmba. Umunyeshuri arangije kuririmba, Mwalimu Muswahili aramubwira ati ‟Uratsinzwe, wigeze ubona umuntu uririmba indirimbo yubahiriza Igihugu yicaye? Ahubwo n’ubundi gukora deuxième session ntabwo ubikwiriye.

Umunyeshuri mu mayirabiri ubwo yabazwaga imbwa n’umugabo hagati ya se n’umwarimu

Akenshi hari ubwo umuntu wize akaminuza agira amahitamo mabi amuganisha no ku rupfu, ugasanga ba rubanda rugufi rwize make ruribaza igiteye iyo njijuke guhitamo nabi.

Ni ho usanga bamwe mu bize barimo ababaswe n’ubusinzi, ibiyobyabwenge, ubusambanyi, ruswa n’izindi ngeso mbi zambura umuntu icyubahiro.

Prof. Muswahili Paulin niho yaheraga agafata umwanya wo kugerageza abanyeshuri be, akababaza ibibazo bituma umunyeshuri wo ku rwego rwa Kaminuza akura mu mahitamo ye. 

Rimwe ngo Muswahili yabajije umunyeshuri ati ariko sha, ari njye na so, imbwa ninde umugabo ni nde?

Umunyeshuri yabanje gutinya, ariko Muswahili “ati subiza ni ikizamini.”

Ngo umunyeshuri yumvise ko ari ikizamini dore ko abanyeshuri mu byo bakunda harimo n’amanota cyane cyane ayo batakoreye, ati ‟Umugabo ni wowe imbwa ni Data”. Muswahili ati ‟apuuu, burya wabyawe n’imbwa?, uratsinzwe.”

Umutego wanga ikinyoma washibukanye abanyeshuri ba Muswahili

Muswahili, ngo n’ubwo yakundaga gutebya rimwe na rimwe akaba yakoza umuntu isoni mu ruhame, ngo yari n’umugabo ugira impuhwe ku buryo ngo wasangaga abanyeshuri bamwishyikiraho.

Ngo rimwe bamwe mu banyeshuri be basibye ikizamini baramwegera baramwinginga ngo abategurire ikindi kizamini.

Aba banyeshuri bari bahimbye ikinyoma, bahuza umugambi wo kubwira Mwalimu wabo ko icyabasibije ikizamini ngo ari uko bari bagiye mu birori byo gushyigikira umuvandimwe wabo wari washyingiwe.

Muswahili Paulin yari yamaze kumenya amakuru y’uko abo banyeshuri basibye ikizamini bagiye mu businzi n’izindi ngeso mbi, nk’uko bari basanzwe babizwiho, arababwira ati ‟Nta kibazo, mwicare mbahe ikizamini”.

Mu cyumba gitangirwamo ikizamini, abanyeshuri basabwe guhana intera ya metero ebyiri ngo hatagira ukopera.

Ikibazo cya mbere kigira kiti ‟Nimwandike amazina yombi y’umukobwa mwari mwatahiye ubukwe”.

Ikibazo cya kabiri kiti ‟Nimwandike izina ry’umusore washakanye n’umuvandimwe wanyu, mwandike n’aho ubwo bukwe bwabereye”.

Kubera ikinyoma cy’abo banyeshuri, babuze ibyo bandika kuko batari bagiye inama ngo bumvikane kuri ayo mazina, basibira batyo.

Muswahili Paulin yateze moto yishyura ay’igare

Mwalimu Muswahili Paulin kandi ngo ubwo yari agiye mu gace byasabaga kugenda ahamanuka, yateze umumotari amuca amafaranga 500.

Kubera kugenda ahamanuka, nibwo umumotari yashatse kuramira lisansi, moto arayizimya ayitwara bugare nk’uko abamotari benshi bakunze kubigenza.

Mwalimu Muswahili Paulin nibwo yabiteye imboni, atangira kuganiriza motari amubaza ati ‟Iyo ntega umunyonzi nari kumwishyura angahe? umumotari ati umunyonzi yishyurwa amafaranga 100. Mwalimu Muswahili Paulin ati ‟oh! Ni byiza, twikomereze”.

Ageze aho ajya, yakoze mu mufuka akuramo inoti y’ijana yishyura umumotari, uwo mumotari arasakuza ati “ntitwavuganye ko hano wishyura amafaranga 500 Mzee?”.

Mwalimu Muswahili yaramushubije ati ‟N’ubundi wantwaye bugare jyana ayo”.

Agakuru batwerera Muswahili: Isomo yaritangiriye mu modoka’

Mwalimu Muswahili kandi yari umuntu ukomeye ku ndangagaciro yo kubahiriza igihe, aho ngo imodoka itwara abarimu ba Kaminuza yigeze gutinda kuza kumufata, isaha zo kwigisha zigeze isomo aritangirira iwe, agenda yigisha inzira yose, nk’uko Dr. Nsengiyumva abivuga.

Ati ‟Habaga hari imodoka ziza gufata aba Professeur, abashoferi n’abashinzwe logistics za Kaminuza, rimwe na rimwe bakaza igihe baboneye bigakereza abarimu”.

Mwalimu Muswahili rero, ngo yabaga azi ko niba ku ngengabihe isomo rye riratangira saa mbili rikarangira saa yine, yarazindukaga akitegura akubahiriza igihe cye, ategura ko saa mbili aba ari mu ishuri.

Akomeza agira ati ‟Rimwe umushoferi yaje kumufata saa tatu, ariko we saa mbili zikigera yatangiriye isomo iwe, ati “La fois passé nous avons étudié…, kugeza ubwo imodoka yaje ayijyamo yigisha ntawe umusuhuza, kugeza ageze mu ishuri akomereza aho agejeje isomo rirangira abanyeshuri babihombeyemo”.

Dr. Emmanuel Nsengiyumva, avuga ko ibyo Prof Muswahili Paulin yabikoraga byabaga birimo isomo rijyanye no kubahiriza igihe, mu kurinda bamwe kubangamira abandi.

Ati ‟Haba harimo isomo ryo kubwira abantu gukorera ibintu ku gihe kandi buri wese inshingano ze akazuzuza neza, aho kugira ngo umwe yice gahunda yagenwe bigire ingaruka kuri benshi.”

Dr. Mfurankunda Pravda wateye ikirenge mu cya se

Mu baduhaye ubuhamya bwa Muswahili, harimo n’umuhungu we Dr.Mfurankunda Pravda, wateye ikirenge mu cya se akaba na we amaze imyaka irenga 25 yigisha muri Kaminuza y’u Rwanda.

Yadusobanuriye ko se ari umwe mu bimakaje ihame ry’uburinganire n’ubwuzuzanye bw’umugabo n’umugore.

Dr. Mfurankunda, avuga ko Muswahili yashyigikiye umushinga w’uwo bashakanye, Mukakigeli Prisca wiyemeje gukomeza amasomo ye yari yaracikirije amaze kubyara abana be batandatu, agakomeza amashuri ye kugeza arangije icyiciro cya kabiri cya kaminuza mu burezi. 

Icyo gihe ngo byabaye igitangaza kubona umugore wo mu gihe cy‘imyaka ya 1980 ajya kwiga ibintu bitari bisanzwe kuri mutimawurugo wafatwaga nk’ugomba kwita ku rugo no kurera abana. 

Nk’uko Dr. Mfurankunda abivuga, ngo ibikorwa by’ubuhanga byaranze Mwarimu Maswahili, abikomora ku masomo yakoze yamuhesheje impamyabumenyi y’Ikirenga ya Docteur ès Lettres ikubiyemo amasomo yihariye yakurikiye mu rurimi rw’Igifaransa ariyo Langues et Littérature (Indimi n’Ubuvanganzo), Philosophie, Histoire, Géographie, Archéologie, Philologie classique, Linguistique, Sciences sociales, Psychologie na Histoire de l’Art. 

Ariko nanone ngo abikomora ku bitabo byinshi by’abaphilosophes yasomye birimo ibya Platon, Aristote, Socrates, Epictète, Spinoza, Schopenhauer, akabikomora no ku bushakashatsi ubwe yikoreye mu bice bitandukanye by’u Rwanda, mu myemerere agaharanira guhuza idini n’umuco w’Igihugu. 

Dr. Mfurankunda avuga ko mu byo yibukira ku mubyeyi we, harimo ko yari umubyeyi ugira igitsure igihe cy’amafuti ariko akanagira urugwiro, n’urwenya rwinshi mu rugo, ari kumwe n’abashyitsi, abo bakorana n’abandi.

Ngo yaharaniraga mbere ya byose kumererwa neza k’umuryango we, umugore we n’abana be agahora abashishikariza kwiga, uburere bwiza, kwihugura no gushyira imbere umurimo unoze.
Mwalimu Muswahili ngo ni umwe mu bagabo bake bajyaga kwihahira mu isoko agamije kunganira no kuzuzanya n’umugore we, akabitoza n’abana be. 

Ikindi ngo yagiraga indangagaciro yihariye yo kubahiriza igihe, idakunze kugaragara mu Banyarwanda benshi.

Ngo ijambo yakundaga kubwira abana be rikabasetsa, yahoraga agira ati “Uwo hejuru basha” akarivuga akina n’abana be batarama basabana.

Avuga ku murage se yabasigiye, Dr. Mfurankunda yagize ati ‟Data yakundaga ijambo ry’Ikidage “Immer Arbeiten”, mu gifaransa risobanura ‟toujours travailler”, mu Kinyarwanda rikagira inyito ivuga ngo ‟Buri gihe n’imburagihe tugomba kurangwa no kwita ku murimo dushinzwe”. 

Minisitiri w’Ingabo, Juvenal Marizamunda mu gutangiza icyo gikorwa

Ni igikorwa cyatangijwe ku mugaragaro mu muganda rusange usoza ukwezi kwa Gashyantare 2025, aho ku rwego rw’Akarere ka Musanze wabereye mu Kagari ka Kabazungu mu Murenge wa Musanze, umuganda wibanze ku bikorwa byo gutunda amabuye no gucukura imisingi mu bibanza bizubakwamo izo nzu 115 z’abatishoboye, basenyewe n’ibiza ndetse n’indi miryango itishoboye itagira aho iba.

Ni umushinga uzashyirwa mu bikorwa na MINEMA ku nkunga na Banki y’Isi, ukazakorwa mu byiciro bitandukanye, aho ingengo y’imari yo kubaka izo nzu ingana na Miliyoni 836FRW, nk’uko Umukozi wa MINEMA, Virgile Mugisha akaba n’Umuyobozi ushinzwe gukurikirana umushinga wo kubakira inzu abasenyewe n’ibiza mu Ntara y’Amajyaruguru n’Iburengerazuba, yabitangarije Kigali Today.

Yagize ati ‟Ingengo y’imari yo kubaka izi nzu 115 ni Miliyoni 836FRW, ariko ingengo ny’imari muri rusange yo kubaka inzu zose zangijwe n’ibiza mu gihugu ni Miliyoni 17 z’Amayero ndetse na Miliyoni 9 z’Amadolari, hakazubakwa inzu zirenga 4000 mu gihugu hose”.

Mugisha avuga ko icyiciro cya mbere cyo kubaka izo nzu kizarangira ku itariki 30 Mata 2025, inzu zo mu cyiciro cya kabiri zikazaba zuzuye muri Kamena mu gihe izizubakwa mu bindi byiciro zizaba zuzuye mu kwezi k’Ukuboza 2025.

Icyo gikorwa cyo kubakira abatishoboye basenyewe n’ibiza, cyashimishije bamwe mu baturage babagaho mu buzima butaboroheye.

MINEMA yatangiye kubakira imiryango yasenyewe n’ibiza

Uwitonze Fororida ati ‟Ubuzima bwanjye bwari bumeze nabi, nabanaga n’umwana wanjye mu kazu gato, nta gikoni n’ubwiherero twagiraga. Ubuzima bwari bumeze nabi kumenya ko bukeye narebaga hejuru mu mabati yatobotse, ni nko kurara hanze none Leta uradutabaye”.

Undi ati ‟Imibereho yari imeze nabi, imvura yagwaga tukanyagirwa ntitubone aho kurambika umusaya, ariko iki gikorwa batangije cyo kutwubakira kiratunejeje, turishimye cyane, inzu yanjye yangijwe n’ibiza amabati yarapfumaguritse, twari dusa n’abarara hanze ariko ubu bigiye gukemuka”.

Mu bagiye kubakirwa batishoboye, barimo imiryango 115 yasenyewe n’ibiza hakaba n’indi miryango yabagaho nabi, nyuma yo gufata nabi inzu yari yarubakiwe zigasenyuka kubera uburangare.

Ni ho Minisitiri w’Ingabo, Juvenal Marizamunda, imboni y’Akarere ka Musanze wifatanyije n’abaturage muri uwo muganda, ahera anenga bamwe mu baturage bagiye bafata nabi inzu bubakiwe, nyuma yo kwikuraho inshingano zo kuzisigasira nk’izabo, bakazifata nk’aho ari iza Leta, ibyo bizigiraho ingaruka zo gusenyuka ndetse hakaba hagaragaye n’abagiye bazisenyera.

Minisitiri Marizamunda yibukije abo baturage ko inzu bubakirwa bagomba kumva ko ari izabo, abasaba kuzisigasira.

Ati ‟Inzu tugiye kububakira twizere ko mutazongera kuzangiza nk’uko bamwe muri mwe bagiye babikora, ibyo ni nko gutema ishami ry’igiti wicayeho. Turashaka ibintu birambye kandi tukumva ko ari ibyacu, ntabwo ari ibyo bagutije ni ibyawe kandi tuba tugira ngo Abanyarwanda bose aho bari tugendane mu rugendo rw’iterambere”.

Kubakira abatishoboye byashyizwemo imbaraga

Arongera ati ‟Nta Banyarwanda baremewe gusigara inyuma, nta n’Abanyarwanda baremewe gusiga abandi. Ni yo mpamvu iterambere Nyakubahwa Perezida wa Repubulika twagiriye icyizere tukamutora, yifuza ko igihugu cyacu kigerwaho ni iterambere rigera kuri bose”.

Izo nzu zizaba zubatse mu buryo butari umudugudu, aho bazubakirwa n’ibikoni mu kwirinda ko bazicanamo zikangirika, ndetse bukazubakirwa n’ubwiherero mu rwego rwo kunoza isuku n’isukura.

Hatunzwe amabuye yo kubakira abasenyewe n’ibiza

Minisitiri Marizamunda aganira n’abaturage

Umuganda witabiriwe n’abayobozi mu nzego zitandukanye

Nyuma y’umuganda abaturage baganiriye n’abayobozi

Abashoramari b’Abahinde hamwe n’abayobozi b’intara y’Amajyaruguru n’abashinzwe ubukerarugendo

Muri iyo mishinga, uwavuzwe kenshi ni uw’inyubako nini yakira inama mpuzamahanga zikomeye yiswe ‟Musanze Convention Center”, yagombaga gutuma Umujyi wa Musanze ufatwa nk’igicumbi cy’ubukerarugendo urushaho kwakira neza abawugana.

Iyo nyubako ni kimwe mu bikorwaremezo byifuzwa byagarutsweho na benshi mu biganiro byabereye mu Karere ka Musanze kuri uyu wa kane tariki 20 Gashyantare 2025, byahuje bamwe mu Bashoramari baturuka mu gihugu cy’u Buhinde n’Ubuyobozi bw’Intara y’Amajyaruguru bwari buherekejwe n’ubw’Akarere ka Musanze.

Ibyo biganiro byari bigamije kurebera hamwe amahirwe y’ishoramari aboneka mu Ntara y’Amajyaruguru by’umwihariko mu Karere ka Musanze, no kurebera hamwe uburyo Abashoramari b’Abahinde bakongera ibikorwa by’ishoramari bahakorera bikarushaho guteza imbere ako gace k’ubukerarugendo n’abagaturiye.

Nyuma y’ibyo biganiro, Guverineri w’Intara y’Amajyaruguru, Mugabowagahunde Marice, yatangarije Kigali Today ko iryo shoramari ry’u Buhinde mu Ntara ayoboye hari byinshi rije gufasha mu kurushaho kuzamura iterambere ry’abaturage, Intara n’Igihugu muri rusange.

Yagize ati ‟Ni ubufatanye n’abo bashoramari b’Abahinde. Iibyo bifuza gushoramo imari harimo urwego rw’uburezi, urwego rw’ubuvuzi aho bazongera umubare w’ibitaro, ubukerarugendo, inganda n’ibindi. Ariko ayo mashuri natwe turifuza ko abana barererwa muri iyi ntara bose babyungukiramo. Ayo mavuriro na yo ni ayigenga ariko ari ku rwego rwiza ku buryo abajyaga kwivuriza hirya no hino baba bagize ahantu bivuriza, Ikindi, izo nganda n’amahoteli byose bizatanga imirimo n’ubushobozi,”

Guverineri Mugabowagahunde, yagarutse no ku nyubako ya Musanze Convention Center yavuzweho kenshi muri iyo nama, hakaba hari umushoramari w’Umuhinde wifuje kuyubaka.
Ati ‟Hari uwifuje kubaka salle nini yakira inama, yavuze ko ashaka gutangiza miliyoni 6$ mu kubaka icyo cyumba cy’inama mu mujyi wa Musanze, ariho navugaga nti abantu bagiye kwicara bige kuri ibyo bikorwa, barebe ngo byakubakwa bite, byatwara amafaranga angana iki”.

Ambasaderi w’u Buhinde mu Rwanda, H.E Mridu Pawan Das, witabiriwe ibyo biganiro asanga u Rwanda ari igihugu cyiza cyo gushoramo imari, aho yibanze ku miterere y’ikirere.

Avuga ko mu bikorwa u Buhinde bugiye kongera by’umwihariko mu Karere ka Musanze birimo kuzamura ubuhinzi nk’agace kera cyane, guteza imbere ubukerarugendo hubakwa ibikorwaremezo birimo inganda n’amahoteli, mu rwego rwo kurushaho gufasha abahagana baza kureba ibyiza nyaburanga birimo ibirunga n’ingagi.

Harerimana Jean Leonard uhagarariye Rwanda Hospitality Association mu Ntara y’Amajyaruguru zone B, avuga ko Akarere ka Musanze kari mu duce tutaragera ku rwego rwo kwakira abantu bose baza bakagana, aho yemeza ko ibikorwaremezo bikenewe kongerwa.

Yaguze ati ‟Birasaba ko abashoramari bakomeza kubaka ibikorwaremezo kuva kuri hoteli y’intenyeri imwe kugeza ku nyenyeri eshanu. Tumaze gukorana inama n’aba bashoramari bo mu Buhinde, ku kubaka inyubako abantu bose bakwibonamo, ibyo byazatworohereza muri aka gace kumva ko turi ku rwego rwakwakira abantu benshi. Ni yo mpamvu nakomeje kugaruka ku nyubako nini ya Musanze Convention Center ishobora kwakira abantu benshi, tuyibonye yadufasha cyane”.

Raporo y’Urwego rw’Igihugu Rushinzwe iterambere (RDB) yerekana ko mu 2023 Abahinde bashoye mu Rwanda miliyoni 175.2$ arenga miliyari 245 FRW mu mishinga igera ku bihumbi bitatu.

Iryo shoramari ryakomeje kwaguka kugera kuri Miliyoni magana ane z’Amadolari ya Amerika uyu munsi.

Buri sosiyete ku isi igira Filozofiya yayo; abanyarwanda nabo, kuva ku bakurambere hari Filozofiya ibafasha kubaho mu buzima bwa buri munsi.

Mujya mwumva bamwe mu Banyarwanda b’abahanga bagiye bagaragaza imyitwarire itangaje, ibyo mu mvugo y’ubu bita ‟udutendo, udukoryo”. Bamwe babafata nk’abataye umutwe, ariko abasobanukiwe bagakura isomo mu butumwa buherekeje imibereho n’imyitwarire yabo.

Byagaragaye ko imyifatire yabo itangaje ikubiyemo inyigisho zo kubahiriza igihe, kwiyoroshya, kugira amakenga, kwirinda kwigira inari jye, kubaha buri wese utitaye ku butunzi bwe cyangwa ku gihagararo, kubaha ikiremwa muntu utagendeye ku moko n’ibindi.

Abo bahanga n’ubwo bakagombye kubaho bubahwa kubera amashuri ahanitse bize, bo usanga batabiharanira, batanabishaka, ahubwo bahitamo kwiyambura icyubahiro bakaba mu buzima bw’insuzugurwa kubera imibereho isa n’iciriritse mu maso y’abantu.

Mu Rwanda, abakunze kuvugwa cyane ni Nayigiziki Xavier (Saverio), Mwarimu Muswahili Paulin, Musenyeri Alexis Kagame n’abandi.

Kajuga Jérôme, umuyobozi w’ishami ry’umuco, ubumenyi bw’imibereho n’imibanire y’abantu muri Komisiyo y’Igihugu ikorana na UNESCO akaba n’umwe mu bakoze ubushakashatsi kuri ubu bwenge bw’Abafilozofe agira ati ‟Abenshi bakunze kwibeshya babona umuntu ukoze ikintu cyo kwibazaho bati uyu ni umufilozofe, babona uwo ibibazo byarenze ugenda mu nzira yivugisha bati dore Umufirosife, nyamara iyo siyo Filosofiya”.

Kajuga avuga ko hari ibintu umuntu ashobora gukora agendeye ku buhanga, mu myandikire ye, imyemerere ye gutanga igitekerezo nta bwoba ibyo nabyo bikaba byakwitwa Filosofiya nk’uko Nayigiziki yari ateye. Ngo ntiyagiraga ubwoba bwo gutangaza ukuri kwe, kabone n’ubwo yakuzira.

Ngo mu bafilozofe bemewe kandi babyigiye, Musenyeri Alexis Kagame aza ku isonga haba mu Rwanda ndetse no muri Afurika, aho afatwa nk’umuhanga muri filozofiya.

Kajuga avuga ko ku rutonde rw’abafilosofe bakomeye muri Afurika, Mgr Alexis Kagame arugaragaraho, mu gihe Nayigiziki Xavier yakoraga ibyo nk’uburyo bwe yari yarahisemo bwo kubaho, nawe agafatwa nk’Umufilozofe.

Tumwe mu dukoryo twakozwe n’Abafilozofe mu Rwanda

Nayigiziki Xavier (Saverio) ni we mu filozofe ugaruka kenshi mu ntekerezo z’abanyarwanda. Azwi nk’umwami w’udushya n’udukoryo mu kugaragaza ibitekerezo n’inyigisho ze mu buryo abantu batamenyereye.

Uwo mugabo yavutse mu 1915 i Mbazi mu Karere Huye, ahahoze ari Butare, maze amashuri ye abanza ayigira i Save, hanyuma akomereza ayisumbuye muri Seminari nto ya Kabgayi ariko akora n’ubushakashatsi butandukanye, kandi yandika n’ibitabo by’inkuru ndende -Roman.

Nayigiziki yitabye Imana mu 1984 azize indwara.

Umwuzukuru wa Nayigiziki ari we Claire Gasamagera, avuga ko mu minsi ya nyuma uyu mugabo yari yaranze izina rye kuko ngo yumvaga rifite amaganya, ahitamo gukuramo ingombajwi ’y’ akandika Naigiziki. Niho uzabona mu nyandiko zimwe handitse Nayigiziki mu zindi ari Naigiziki.

Nayigiziki yateze rifuti ataha mu irimbi ahita iwe

Dr. Emmanuel Nsengiyumva, umuyobozi w’ishami nderabarezi mu ishuri rikuru Gatolika rya Kabgayi - ICK akaba yaranakoze ubushakashatsi ku munyabigwi Nayigiziki, avuga ko ibyo yakoraga abenshi babifataga nk’ubusazi bikarangira bibabereye inyigisho.

Dr. Nsengiyumva ati ‟Nayigiziki yari atuye i Cyarwa hafi ya Kaminuza y’u Rwanda. Umunsi umwe rero yari avuye ahitwa mu Matyazo yahaze agatama, yaka rifuti umugabo wari umunyuzeho atwaye imodoka, arahagarara, aramutwara. Bageze mu nzira aramubaza ati ndakugeza he? Ni bwo Nayigiziki yamurangiye ku irimbi rya Karubanda, bahageze atunga urutoki mu irimbi, ati ngaho iwanjye turahageze nsiga."

Ngo mu gihe uwari umuhaye rifuti akibyibazaho, Nayigiziki yaramubwiye ati ‟Kandi nawe wabishaka utabishaka aha ni iwawe, umenye ko aha ari iwabo wa twese”.

Dr. Nsengiyumva, avuga ko ikindi gihe Nayigiziki yatashye ubukwe bwabereye ahahoze ahitwa ku Ngoro i Huye, agenda yigize umuvumbyi, abakobwa bari muri serivise bamubonye n’uburyo yambaye inshabari bati ‟Ntiwinjira, bererekera abambaye neza, naho wowe w’inshabari wapi”.

Nyuma yo guhezwa, Nayigiziki yanyarukiye mu rugo yiyambura inshabari yambara costume maze agarutse bamwakira nk’umushyitsi w’imena.

Nsengiyumva yagize ati ‟ubwo bamaraga kumusuzugura, yasubiyeyo yambara neza maze agarutse bamusamira hejuru bamwicaza iruhande rw’abageni, bazana byeri bayimuhaye ati iyi byeri si iyanjye."

Arongera ati ‟Yafashe ya byeri ayiranguriza mu mifuka y’ikote arangije arisohokera, ati n’ubundi nzi kwisengerera, filozofiya yanyu ndayibonye muri ba Habanabakize."

Dr. Nsengiyumva avuga ko iyo mikorere ya Nayigiziki yatumaga abantu bamufata nk’umuntu uciriritse utuzuye, ariko bamwe bakabiha agaciro, ku buryo byahaye Nayigiziki ububasha bumugira Umufilozofe.

Ati ‟Nkeka ko ariho abantu bahera bamwita umufilozofe ariko mu bisobanuro bya Filozofiya sinibaza ko ari ko umuntu yamwita. Turebye ba Aristote, ba Platon n’abandi ntabwo yakabaye ajya mu Bafilozofe."

Nayigiziki bamwambuye umushahara bawuhaye umugore we ahagarika akazi

Claire Gasamagera umwuzukuru wa Nayigiziki yavuze indi nkuru itangaje ya sekuru, aho ngo yakoreraga Musenyeri Jean Baptiste Gahamanyi wa Diyosezi Gatolika ya Butare.

Icyo gihe ariko, ngo haje kuzamuka ikirego giturutse ku mugore wa Nayigiziki ari we witwaga Isabelle. Uyu mubyeyi ngo abigiriwemo inama n’abana be, yagiye kurega Nayigiziki ku mukoresha we, ko asesagura umutungo w’urugo, awumarira mu nzoga n’abagore.

Ngo Musenyeri akimara kubyumva, yaramuhamagaye aramubwira ati ‟Nayigiziki, nzajya nguhemba igice cy’umushahara, ikindi ngihe umugore wawe. Aha ngo Nayigiziki yarabyemeye maze asubiza mu rurimi rw’igifatansa ati " D’accord" (ndabyemeye)”.

Gasamagera avuga ko ngo Isabelle yatashye abyina, igihe cyo guhembwa kigeze Nayigiziki ahembwa 1/2 cy’umushahara, nuko yigira inama yo gukora iminsi cumi n’itanu, maze indi cumi n’itanu isigaye arabura.

Aha, ngo yaba yarigiriye mu Bugesera mu rugo rwe, akomeza imirimo yo kwandika igitabo cye ku Nyoni. Mu kwandika, ngo yumvirizaga amajwi y’inyoni mu ishyamba maze akazigana. Icyo gihe cyose umukoresha we, ari we Musenyeli Gahamanyi yari yaramubuze.

Bigeze ku itariki ya mbere y’Ukwezi gukurikiraho, Nayigiziki yagarutse ku kazi, maze Musenyeri Gahamanyi akimukubita amaso amwakirana uburakari. Amubajije impamvu yataye akazi, Nayigiziki mu rurimi rw’igifaransa agira ati " tiens , Isabelle n’est pas venue au travail?”.

Aho rero, Musenyeri utaribukaga izina ry’umugore wa Nayigiziki yagize ati ‟Qui est Isabelle ?”, Nagiziki ati ‟Ma chere femme”, mu gihe Musenyeri akiri mu rujijo, Nayigiziki ati ‟Nakoze iminsi 15 mpembwa iminsi 15, nawe yagombaga gukora 15”.

Nayigiziki ahuye n’abasirikare saa munani z’ijoro yasinze

Kajuga Jérôme yemeza ko mu mibereho ya Nayigiziki yari umuntu wigenga (un homme libre), ku buryo ngo nta muntu wamushyiragaho igitutu. Ngo i Butare yabaga yigendera n’amaguru mu masaha yose ashakiye kuko nta wamukangaga.

Avuga ko n’ubwo Nayigiziki yigishaga mu Iseminari ya Karubanda afite abagore benshi kandi anywa inzoga uko abishaka, ntawabaga yatinyuka kumwirukana.

Ati ‟Nta muntu wamukangisha ngo ndakwirukana ku kazi, ntiwamubwira ngo ndagufunga cyangwa umubwire ngo ndakwica ntacyo byari bimutwaye. Yagiraga ati ubwo wowe ni uko ubyumva, nunyica se ndaba iki?”.

Mu gihe cya Nayigiziki, ngo nta mugabo wabaga yahakana inyito ya Milita. Umunsi rero, Nayigiziki yahuye n’abasirikare yasinze bamwise Milita ababwiza inani na rimwe.

Kajuga ati ‟Nayigiziki yari avuye kwinywera urwagwa, maze anyura imbere y’Ikigo cya Gisirikare saa munani z’ijoro, abasirikare baramureba bati uraho Militant, Nayigiziki ati ye?, ngo Militant? militare?, ntabwo ndi umuvuzampiri nkamwe."

Kajuga avuga ko ubusobanuro bw’ijambo Milita (militant) ari umuntu urwana, militare bikavuga intambara, ati ‟Kwanga kwitwa milita muri kiriya gihe kwari ugukora ibara."

Umudepite waboneye uruva gusenya kuri Nayigiziki

Kajuga avuga ko Nayigiziki atajyaga yiburira mu kazi kose yakoze, aho kera mu nteko Ishinga amatekeko abadepite bamwe babaga barize make, bagatorwa bagendeye cyane cyane ku barwanashyaka ba Parimehutu.

Ngo kubera ubumenyi buke bamwe mu badepite bashakaga ko ibyo bavuze byose bigaragazwa mu nyandiko mvugo yakozwe.

Umunsi umwe rero, Nayigiziki go yakoze inyandiko mvugo y’inama, ayisomye abadepite barasakuza ngo Nayigiziki yanditse nabi imyanzuro, ngo hari ibyo bavuze atanditse,. Nyamara we yari yakoze inshamake nk’umuntu ubifitemo ubuhanga.

Aha rero, abadepite bamuhaye amabwiriza agira ati"ugomba kwandika ikintu cyose kivuye mu kanwa ka buri mudepite, uko cyakabaye." Akimara guhabwa ayo mabwiriza, yarikirije ati ‟Ndabyemeye ba Nyakubahwa”.

Ntibwakeye kabiri, abadepite bajya kwiyakira, bajyana n’umwanditsi wabo Nayigiziki, maze mu gihe bafataga amafunguro umwe mu badepite agubwa nabi, araruka. Nayigiziki nk’umukozi mwiza kandi wumvira amabwiriza, yabyongeye mu nyandiko mvugo, maze igihe cyo gusoma raporo kiragera.

Nayigiziki ngo yaratangiye arasoma, arasomaaa, aza kugera kuri ya ngingo maze agira ati "kuri iyi saha Depite runaka arariye arahaga araruka, aruka ibishyimbo, aruka amashaza, aruka n’inyama z’inka…"

Agisoma ibyo ikibazo cyaravutse mu nteko bati ibi se kandi uzanye ni ibiki ko bidafite aho bihuriye n’inama”.

Nayigiziki ati ‟Ariko mwambwiye ko ikizava mu kanwa k’umudepite cyose nzajya ngishyira mu nyandiko mvugo”.

Nayigiziki yakoze inyandiko zitandukanye zirimo n’amakinamico

Abagiye bakurikirana amateka ya Nayigiziki, bavuga ko filozofiya ye yamufashije gutanga ubutumwa burwanya ivangura ry’amoko ryo mu 1959, abinyujije mu nyandiko ariko ubwo butumwa ntibwahabwa agaciro.

Nk’uko Dr. Nsengiyumva abivuga, ngo Nayigiziki yanditse inyandiko mu buryo bw’ikinamico yitwa L’Optimiste (Nayigiziki, S.J., L’Optimiste, Astrida, Groupe Scolaire d’Astrida (Frères de la Charité), 1954. ), ikubiyemo ubutumwa bukangurira Abanyarwanda kuba umwe.

Ati ‟Iyo kinamico yitwa l’Optimiste, harimo isomo rikomeye cyane, nk’abantu dukora icukumbura mu by’ubuvanganzo tuyibonamo Ndi Umunyarwanda y’ubu. Urumva mu gihe yayandikaga mu 1954-1955 hari ibibazo by’irondakoko mu Rwanda, Abahutu n’Abatutsi”.

Arongera ati ‟Ubundi uko Abanyarwanda batwitaga mu moko yacu y’ubuhutu n’ubututsi, Nayigiziki yari umuhutu, akaba wa muhutu mwiza cyane utarigeze wijandika mu macakubiri abandi bijanditsemo”.

Akomeza agira ati ‟mu myaka ye nk’urungano rwa Perezida Kayibanda, ngira ngo banavukiye rimwe mu 1915, ariko Nayigiziki ntiyigeze abona akazi muri Politike, yari umwarimu muri Seminari ya Karubanda kandi abo banyapolitike bose yabarushaga ubwenge”.

Dr. Nsengiyumva, avuga ko ubwo hashingwaga amashyaka menshi amwe aganisha ku bwoko, Nayigiziki yahisemo gushinga icyitwa la Concorde, ashaka inzira yo gutanga ibitekerezo bye biganisha ku bumwe, ubusabane no kubanisha abantu neza.

Ngo ni nabwo yanditse iyo kinamico yise L’Optimiste, agamije gushaka igisubizo cy’ibibazo biri hagati y’Abahutu n’Abatutsi.

Ngo muri iyo kinamico, harimo inkuru y’abana babiri umwe witwaga Siliveri n’uwitwaga Monika, mu mukino bakaba abafiyanse, aho umuhungu yaturukaga mu bwoko bw’Abahutu umukobwa aturuka mu bwoko bw’Abatutsi.

Ati ‟Muri filozofiya ya Nayigiziki, yakoze iyo nyandiko avuga ati, abantu benshi bamaze kwandura bamwe baribonamo ubuhutu abandi ubututsi, ariko buriya umwana wavuka ku muhutu n’umututsi, yaba ari umunyarwanda, uwo niwe ukenewe. Aho niho yakuye umutwe w’uwo mwandiko l’Optimiste”.

Nk’uko Dr. Nsengiyumva abivuga, ngo ubwo buhanga bwo kubona ibintu agakumira mbere y’uko biba, niho bahera bavuga ko umwanditsi ari umuhanuzi, aho Nayigiziki mu bikorwa bye yashyiraga imbere Ndi Umunyarwanda mu myaka 60 ishize, none akaba ariyo tugenderaho ubu.

Nayigiziki ngo wakunze kwandika za Romans, aho mu kwereka abazungu ko abirabura bashoboye bitandukanye n’uko babikekaga, yanditse igitabo gifite umutwe ugira uti ’Mes transes à trente ans’ mu gice yise ’Un singe qui a avalé un Français’, cyasohotse mu 1955.

Nk’uko Dr. Nsengiyumva abivuga, iyo nyandiko yari igamije gutanga ubutumwa ku bazungu bakomezaga kwibaza uburyo Nayigiziki avuga neza igifaransa, bagatekereza ko yaba ari umufaransa yamize umuvugiramo.

Ati ‟Abazungu bamubonaga avuga neza igifaransa, bakwibaza uburyo bafata umwirabura nk’akaguge, bagatangara bakavuga bati siwe ubivuga, ahubwo ashobora kuba ari kuvugirwamo n’umuzungu yamize, bibaza ko ururimi rwabo bitaga igitangaza umwirabura atabasha kuruvuga neza”.

Kivu Choice Ltd ngo yiteze gusarura toni 8000 z’amafi muri 2025

Umuyobozi mukuru ushinzwe ubworozi muri Minisiteri y’Ubuhinzi n’ubworozi (MINAGRI), Jean Claude Ndorimana, avuga ko muri 2035 u Rwanda rufite intumbero yo kuba rugeze ku musaruro w’amafi wa toni 80,000 nk’uko biri mu gahunda y’icyerekezo cy’Igihugu.

Leta y’u Rwanda irateganya kuzamura umusaruro w’amafi aboneka hifashishijwe ubworozi bukorerwa mu byuzi no mu cyitwa kareremba, aho umusaruro w’amafi uzava kuri toni 9,000 ukagera kuri toni zisaga 80,000.

Ati ‟Dufite igenabikorwa rirambye ry’ubworozi bw’amafi, aho duteganya ko muri 2035 tuzaba tugeze kuri toni 80,620 zivuye mu bworozi bw’amafi, tuvuye hafi kuri toni ibihumbi icyenda turiho uyu munsi”.

Ngo iyo ntego izagerwaho, kubera ko aho kororera hahari, aho u Rwanda rukungahaye ku biyaga, dore ko 8% by’ubuso bw’u Rwanda ari amazi.

Ibyo kandi ngo bizagerwaho mu gihe hazaba hashyizwe imbaraga mu kubona icyororo (abana b’amafi) gitanga umusaruro, kubona ibiryo by’amafi birimo intungamubiri zihagije n’abakozi bafite ubumenyi buhagije mu bworozi bw’amafi bazifashishwa mu kurinda amafi indwara no kugwingira, hanongerwa amasoko agurishirizwamo uwo musaruro n’ubwo kuri uyu munsi ahagije.

Ndorimana avuga ko iryo genabikorwa rya 2023-2035, ryo kuzamura umusaruro uturuka ku bworozi bw’amafi ryateguwe neza rikazanagerwaho, bityo bikazamurira u Rwanda gahunda yo guteza imbere imirire ikungahaye ku ntungamubiri.

Ati ‟Iri genabikorwa rirambye rya 2023-2035 rirateguwe, ubushobozi bwo kurigeraho turabufite isoko turarifite, ariko kandi turebye ibyo tugenera Umunyarwanda umwe, dusanga arya hafi ibilo 3,5 by’ifi ku mwaka. Biracyari bike cyane, kuko hari ibindi bihugu bigeze ku bilo 20 by’amafi umuturage arya ku mwaka”.

Ubworozi bw’amafi mu kiyaga cya Kivu

Amafi ni kimwe mu biribwa bikungahaye ku ntungamubiri zirimo Omega 3 ituma ubwonko bukura neza, ari naho hava imyumvire ya benshi, bavuga ko umwana wariye ifi ngo amenya ubwenge.

Ifi kandi igira icyo bita proteine Noble, ifasha umubiri kubika intungamubiri nk’uko Ndorimana akomeza ku bivuga.

Ati ‟Mujya mwumva umuntu wariye inyama nyinshi akarwara goutte, ariko ku ifi biratandukanye, urya izo ushaka zose ntibikugireho ingaruka, niho ifi itandukanye n’izindi nyama”.

Mu kubona umusaruro uhagije w’amafi, hateguwe amaturagiro y’imbuto y’amafi hirya no hino mu gihugu, ahamaze kubakwa atandatu atanga imbuto y’amafi yizewe, hakaba hari umushinga wo kongera ayo maturagiro akagera kuri 12, mu kwirinda igwingira ry’amafi.

Nk’uko Ndorimana abivuga, ngo hari n’uburyo bwateguwe bwo kongera ibiryo by’amafi bikubiyemo intungamubiri zihagije zirimo Vitamini, protein, imyunyu ngugu, mu kwirinda guhendwa n’ibiryo bitumizwa mu mahanga, ahamaze kuboneka inganda zitandukanye zitunganya ibyo biryo.

Ati ‟Mu bworozi bw’amafi, ikintu cya mbere gihenze ni ibiryo byayo, aho ugabura hagati y’ikilo n’amagarama 200 n’ikilo n’amagarama 500 kugira ngo ubone ikilo kimwe cy’ifi, ariko ugasanga ifi ni ryo tungo rigaburirwa bike kuko mu yandi matungo usanga kugira ngo ubone ikilo bitwara ibiryo biri mu bilo bitatu kugeza ku bilo bine”.

Ahiganje ubworozi bw’amafi mu Rwanda babayeho bate?

Hirya no hino mu gihugu, usanga umusaruro w’amafi uboneka mu duce dukungahaye ku biyaga, ahakorerwa uburobyi busanzwe.

Ni umushinga mugari w’ubworozi bw’amafi

Mu guteza imbere ubworozi bw’amafi n’ubuhinzi bw’imbuto, MINAGRI yashyizeho umushinga uzwi ku zina rya ‘Kwihaza Project’ uterwa inkunga n’Umuryango w’Ubumwe bw’i Burayi ku bufatanye na Guverinoma ya Luxamburg, aho ushyirwa mu bikorwa n’Ikigo cy’Ababiligi gishinzwe iterambere (ENABEL), nk’uko Umukozi wa MINAGRI Ushinzwe Itumanaho Eugène Kwibuka yabitangarije Kigali Today.

Yavuze ko uwo mushinga wa MINAGRI, waje nk’igisubizo mu gufasha abaturage kongera indyo ikungahaye ku ntungamubiri, muri gahunda yo kurwanya burundu indwara ziterwa n’imirire mibi n’igwingira mu bana.

Mu duce tumaze gutera imbere mu bworozi bw’amafi harimo Akarere ka Nyamasheke n’aka Nyagatare, aho usanga abaturage baramaze kwiteza imbere babikesha ubworozi bw’amafi bakorera mu byuzi, aho bibumvira mu makoperative.

Mu kiyaga cya Kivu mu gace k’Umurenge wa Kagano muri Nyamasheke, ni ahantu hafatwa nk’igicumbi cy’ubworozi bw’amafi bukorwa na Kampani yitwa Kivu Choice Ltd, binyuze muri Kwihaza Project.

Ni ahantu usanga abakozi biganjemo urubyiruko bagera kuri 300, bishimira ko ubwo bworozi bubafatiye runini kubera akazi gahoraho bakorera iyo kampani, bakemeza ko byabarinze ubushomeri n’izindi ngeso mbi.

Nizeyimana Alphonse ati ‟Maze amezi icyenda mbonye akazi k’uburobyi muri kampani y’ubworozi bw’amafi. Nkatwe urubyiruko byaradufashije cyane biturinda ubushomeri bushobora kudukururira ingeso mbi z’ubusinzi n’ubujura. Hano dusaga 300 bafite akazi gahoraho, ubu ku kwezi mpembwa amafaranga agera ku bihumbi 90 bikamfasha mu mibereho yanjye iganisha ku iterambere”.

Uwo mushinga wororera amafi mu kiyaga cya Kivu, washowemo Miliyoni 10 z’Amadolari ya Amerika, ugenda utera imbere umunsi ku munsi, aho muri 2024 wasaruye toni ibihumbi 3500 z’amafi, ukaba witeze gusarura toni ibihumbi 8 by’amafi, nk’uko Safari Karim ushinzwe ibikorwa bya Kampani ya Kivu Choice abitangariza Kigali Today.

Ati ‟Uyu mwaka turangije wa 2024 usoje dusarura toni 3,500 z’amafi, ariko dufite ingamba zo gusaruro toni 8,000 muri 2025. Ku munsi ubundi dusarura nibura hagati ya toni 15 na 20 bitewe n’uko tubisabwe n’abakiriya bacu”.

Karim avuga ko mu masoko manini y’amafi arobwa mu Kivu, harimo n’igihugu cya Repubulika Iharanira Demokarasi ya Congo.

Ati ‟Kongo ni isoko rinini ry’u Rwanda, kubera ko Kivu Choice ari umushinga munini w’amafi turabagaburira, kandi intumbero zacu ni uguhaza amasoko y’u Rwanda tugahaza n’ayo hanze”.

Allen Kusasira, Ushinzwe kwita ku buzima bw’amafi muri Kivu Choice ati ‟Isoko ry’amafi mu Rwanda twafata ko riri kuri 40%, aho tugemurira Amahoteli, za supermarket (Shops), mu mashuri no mu bigo bitandukanye. 60% ni amasoko yo muri RDC kubera ubwinshi bwabo, bakagira n’umuco wiharitye wo gukunda ibikomoka ku nyama”.

Buri munsi amafi yororwa na Kivu Choice Ltd agaburirwa toni 22 z’ibiryo, mu gihe cyo gusarura buri kazu kamwe kagatanga umusaruro wa toni zirenga enye z’amafi.

Ahandi bateje imbere umuco wo kororera amafi mu byuzi, ni mu Karere ka Nyagatare, ahari amakoperative atandatu yorora amafi.

Abibumbiye muri Koperative CODEPOITA bo mu Kagari ka Nyagatoma Umurenge wa Tabagwe igizwe n’abanyamuryango 42, bavuga ko bamaze kumenya ubukungu bwihishe mu kiribwa cy’amafi.

Nibarukeneyeho Félicien ati ‟Navukiye ku mazi, mu biyaga bya Burera na Ruhondo, mfite imyaka 65 ariko mfite ingufu ziruta iz’umusore kubera kubaho mu buzima bwo kurya ifi. Nimukiye muri Nyagatare, nk’umuntu ubimenyereye ubu ndafasha bagenzi banjye korora amafi, aho tugeze ni heza, umusaruro uradushimishije ubu tumaze kubaka ibyuzi 8 dugiye gutangira gusarura ibyo twakoreye”.

Gashumba Emmanuel ati ‟Twatangiriye ku cyuzi kimwe none tugize umunani, twiteguye iterambere mu myaka iri imbere. Kugeza ubu nta munyamuryango ugira ikibazo, ukigize koperative iramugoboka, akamaro k’ifi kuri twe ni iterambere mu mirire myiza, umuntu wariye ifi agira ubuzima bwiza, usanga turi abasore kandi dushaje”.

Imbogamizi aborozi b’amafi bahura nazo

Zimwe mu mbogamizi z’abo borozi b’amafi, ni ubujura bukorerwa mu byuzi byabo, ahifashishwa imitego itemewe, hakaba amazi mabi y’imvura aturuka mu misozi akiroha mu byuzi akica amafi kubera kutagira ubushobozi bwo kubaka inzira y’amazi, kutabona imbuto z’amafi zihagije, umusaruro ukiri muke, ibiciro by’amafi biri hejuru mu duce tumwe na tumwe, abaturage bakabura ubushobozi bwo kurya ibyororerwa iwabo n’ibindi.

Ubwo Kigali Today yageraga mu isoko rya Nyagatare, byagaragaraga ko abakeneye amafi batayabona uko bikwiye, nk’uko umwe mu bacuruzi bayo yabitangarije.

Ati ‟Murabona ko ndi gucuruza udufi duto, amafi meza aboneka ku munsi bayarobye nabwo akajya mu bifite, ni na yo mpamvu nanjye nashatse ayo gucuruza ndayabura, ubu ni ku wa kabiri, amafi meza niteguye kuyabona kuwa kane”.

Kubwimana John, Umuyobozi wungirije w’ihuriro ry’amakoperative y’abarobyi mu Karere ka Nyamasheke ati ‟Dufite ikibazo cya ba rushimusi bakoresha imitego itemewe irimo kaningiri, super net, n’indi mitego yonona ibinyabuzima byo mu mazi”.

Arongera ati ‟Bigira ingaruka nyinshi ku bashoye amafaranga borora amafi mu buryo bwemewe, dore ko abenshi baba biyambaje banki, bikagira n’ingaruka kuri bo no ku bukungu bw’Igihugu”.

Ndorimana Jean Claude, Umuyobozi Mukuru ushinzwe ubworozi muri Minisiteri y’Ubuhinzi n’Ubworozi

Akomeza avuga ko abakora ubwo burobyi butemewe bakomeje gufatwa ku bufatanye n’ubuyobozi bw’inzego z’ibanze, aho muri Nyamasheke hamaze gufatwa imitego igera kuri 80.

Mu rwego rwo gufasha aborozi b’amafi hirya no hino mu mirenge, MINAGRI binyuze muri RAB, yashyizeho abakozi bashinzwe kwita ku borozi b’amafi no kumenya ibibazo byabo bikagezwa mu nzego zibishinzwe, mu rwego rwo kubikemura, nk’uko Uzahirwa Pelagie Umukozi ushinzwe ubworozi bw’amafi mu Murenge wa Tabagwe abivuga.

Mu guteza imbere ubworozi bw’amafi, Leta yashyizeho nkunganire ya 40% ku makoperative y’aborozi bayo, ndetse n’inyungu ku nguzanyo mu ma banki iragabanuka iva kuri 18% igera ku 8%.

Ubworozi bw’amafi buratanga icyizere

Kwibuka Eugène ushinzwe gahunda z’itumanaho muri MINAGRI

Kamran Ahmed washinze Kivu Choice Ltd

Abarwayi ngo bagaruye icyizere cyo gukira

Izo mbamutima bazigaragaje ku Cyumweru tariki 9 Gashyantare 2025, ubwo muri ibyo bitaro hizihizwaga umunsi mpuzamahanga w’abarwayi, wateguwe n’ibitaro bikuru bya Ruhengeri ku bufatanye na Diyosezi Gatolika ya Ruhengeri.

Bamwe mu barwariye muri ibyo bitaro ndetse n’abarwaza, bavuga ko gusurwa n’inzego nkuru z’ubuyobozi bagahimbazanya igitambo cya Misa no gusangira amafunguro, bibaha icyizere cyo kuva mu bwihebe bikabagarurira ubuzima.

Kanakuze Bernadette ati ‟Kuba Musenyeri na Guverineri badusanze ku gitanda bakaduha ibiryo, ni kimwe mu biduha icyizere cy’ubuzima, uwari wihebye kubera uburwayi akagarura ubuzima akumva ko akunzwe kandi ko azakira”.

Arongera ati “Noneho hakwiyongeraho ko twasenganye mu Misa, bikaba akarusho icyizere cy’ubuzima kikagaruka. Uwihebye iyo yumvise ayo masengesho biramufasha”.

Dusabimana Gaudence ati ‟Umunsi w’abarwayi watunejeje, abayobozi baje baratugaburira twariye twahaze turishimye ibindi Imana irabikora. Abarwayi twabonye agasabune, amavuta, isukari n’ibindi byinshi, twabashimiye turanezerewe Imana ibongerere, icyizere cyo gukira kiragarutse”.

Bishimiye uko bitaweho

Minani Paul ati ‟Iyo uri mu bitaro ukabura ugusura cyangwa ngo aguhumurize urigunga ugahora wihebye, ariko nk’ubu twasuwe n’abayobozi babona ibibazo dufite ndetse baranatugemurira tunasangira igitambo cya Misa, byaduhaye imbaraga zikomeye, njye nari nihebye ariko ndumva nakize”.

Umushumba wa Diyosezi ya Ruhengeri, Musenyeri Vincent Harolimana wasomeye Misa abarwariye mu bitaro bya Ruhengeri, yavuze ko gusura abarwayi ari uburyo bwo kubarinda kwiheba no kubagaragariza urukundo.

Ati ‟Uyu munsi ni umwanya wo kugaragariza urukundo abavandimwe bacu bahuye n’uburwayi. Twifuje kuza hano mu bitaro kugira ngo tubasure bo n’abarwaza, ndetse n’abashinzwe iby’ubuzima bita kuri abo barwayi bose”.

Arongera ati ‟Ubutumwa tubazaniye ni ukubabwira ngo turi kumwe mu bibazo bafite, tukaba duhamya neza ko mu gihe dufatanyije twabasha kubikemura. Ubutumwa mpa abita ku barwayi ni ugutanga serivisi nziza, atari ukuvuga ngo ni umurimo gusa usanzwe, ahubwo bikaba ubutumwa bwo gufasha abababaye kuko ibyo bakora bihuye cyane n’ubuzima bw’umuntu”.

Abarwariye mu bitaro bya Ruhengeri bahawe ibikoresho bitandukanye

Umuyobozi w’ibitaro bikuru bya Ruhengeri, Dr Muhire Philbert, avuga ko umunsi mpuzamahanga wahariwe abarwayi wizihizwa ku nshuro ya 33, hari byinshi ubasigira mu kurushaho kunoza imirimo bashinzwe yo kwita ku barwayi.

Ati ‟Uyu munsi icyo udusigira, abantu ba mbere bagomba kubigiramo uruhare ni twebwe, kuko ari twe tuba turi kumwe n’abarwayi, abo twirirwana mu kwizihiza uyu munsi hari amasomo babona, ariko kuri twe by’umwihariko nk’ababifite mu nshingano bidusigira ikintu gikomeye kirimo kumva ko abarwayi badukeneye”.

Arongera ati ‟Niba abantu baba bavuye hanze, abanyamadini, abo mu miryango itandukanye idufasha n’abandi bo mu buyobozi bwite bwa Leta, bose bakaza gufatanya n’abarwayi kwizihiza umunsi wabo, bidusigira amakuru ko dukomeza inshingano zacu zo kubavura kandi neza. Ntabwo ari uyu munsi gusa no mu nshingano zacu za buri munsi biba bidusaba ko twumva ko abarwayi badukeneye, kandi ko tugomba kunoza na serivisi badukeneyeho”.

Bagaburiye abarwayi

Umuyobozi w’Intara y’Amajyaruguru, Mugabowagahunde Maurice, kuri we gufatanya n’abarwayi kwizihiza umunsi wabo biri muri gahunda yo kubifuriza koroherwa bagakira vuba, kugira ngo baze gufatanya n’abandi mu bikorwa by’iterambere.

Avuga kandi ko ari umwanya wo kuzirikana ibikorwa Leta ikora bigamije kwifuriza abaturage kugira ubuzima bwiza, birimo Mituweli, gahunda ya Minisiteri y’Ubuzima yo gukuba inshuro enye ubushobozi bukenerwa burimo abaganga, ambulance n’ibindi.

Uwo muyobozi yagize impanuro aha abashinzwe kwita ku barwayi, ati ‟Abakora mu nzego z’ubuzima ndabashimira kuko ni umurimo utoroshye, ariko nkabasaba kurangwa n’indangagaciro zituma batanga serivisi inoze aho kwa muganga. Iyo serivisi nziza ibuze biba byatwara ubuzima bw’abantu, ni batekereze cyane ku murwayi baba baha serivisi zimukura mu kaga”.

Ibitaro bikuru bya Ruhengeri bifite ibitanda 328, Ubuyobozi bwabyo bukemeza ko bikiri bike hagendewe ku mubare munini w’abarwayi babigana, rimwe na rimwe muri serivisi zitandukanye abarwayi bakabura aho barara.

Abayobozi batandukanye bagemuriye abarwayi mu bitaro bya Ruhengeri

Nk’uko Dr Muhire Philbert abivuga, ngo hateganyijwe gahunda yo kwagura ibyo bitaro, aho igishushanyombonera gisohoka mu kwezi gutaha.

Bishimiye gusomerwa Misa aho barwariye mu Bitaro bikuru bya Ruhengeri

Dr Muhire Philbert, Umuyobozi w’ibitaro bikuru bya Ruhengeri

Akanyamuneza kari kose ku barwayi n’abarwaza

Abana bifatanyije n’abandi kwizihiza umunsi mukuru w’abarwayi

Komite Nyobozi yatowe

Ni mu nteko rusange idasanzwe y’Umuryango FPR-Inkotanyi ku rwego rw’Intara y’Amajyaruguru, hatorwa 10 muri Komite Nyobozi y’Umuryango FPR-Inkotanyi muri iyo ntara igiye kuyobora mu gihe cy’imyaka itanu.

Mu ijambo rye, Mugabowagahunde usanzwe ari na Guverineri w’Intara y’Amajyaruguru, yashimiye abanyamuryango bongeye kumugirira icyizere, agaragaza n’ibikorwa byihutirwa bigiye gukorwa, birimo no gukomeza guhugura abanyamuryango.

Ati ‟Hari ibikorwa byihutirwa, turifuza guhera ku mahugurwa kugira ngo izi nzego zose zatowe, kuva aho twatangiriye iki gikorwa ku rwego rw’umudugudu kuzamuka, uyu munsi tukaba twageze ku rwego rw’intara”.

Arongera ati ‟Ni ukugira ngo abantu bose bajye mu nshingano bumva ikibategereje, no ku bikorwa mu buryo bwihuse. Turifuza kugera ku bikorwa byinshi kandi mu gihe gito”.

Chairman Mugabowagahunde yavuze ko mu bindi byihutirwa bigomba gushyirwamo imbaraga, harimo kongera gukangurira abanyamuryango kwitabira gahunda z’umuryango, cyane cyane bahereye ku rwego ry’umudugudu.

Mugabowagahunde Maurice Yongeye gutorerwa kuyobora Umuryango FPR-Inkotanyi mu Ntara y’Amajyaruguru

Ati ‟Hari ubwo abanyamuryango bitabira ari benshi ku rwego rw’Intara nk’uko mubibona byagenze uyu munsi, ariko mu mudugudu kandi ariho imbaraga ziva ari na ho ibitekerezo biva, ugasanga abitabira muri twe ntabwo ari benshi”.

Arongera ati ‟Ubukangurambaga tugiye kubushyiramo imbaraga bijyane no gushyigikira Manifesto y’umuryango ari na yo yatsinze amatora, ikaba igaruka kuri gahunda yo gushyira umuturage ku isonga, tukabasha kuva muri bya bibazo twagarukagaho mu minsi yashize, birimo igwingira, birimo umwanda, birimo ubusinzi”.

Tumaze kwizigamira Miliyoni 700Frw zo kubaka icyicaro cya FPR-Chairman Mugabowagahunde

Mugabowagahunde, yavuze ku mushinga barimo gutegura wo kubaka ibiro by’icyicaro cy’Umuryango FPR muri iyo ntara.

Ati ‟Tumaze iminsi dufite umushinga wo kugira icyicaro cyacu nka RPF ku rwego rw’Intara. Uwo mushinga aho ugeze banyamuryango, ntabwo ari habi kuko uko turi hano tumaze kwizigamira amafaranga arenga Miliyoni 700 ajyanye n’uyu mushinga”.

Ni mu nteko rusange idasanzwe y’Umuryango FPR-Inkotanyi ku rwego rw’Intara y’Amajyaruguru

Arongera ati ‟Tuzakomeza nka Komite kuganira n’izindi nzego dukorana, kugira ngo turebe uko twakwihutisha uyu mushinga, natwe tukagira icyicaro, tukagira aho dukorera haberanye n’iterambere ry’uyu Mujyi wa Musanze, kandi hanadufasha kuba twahahurira nk’uko twahuye ubungubu, kandi hakaba haninjiriza umuryango”.

Visi Chairperson w’Umuryango wa FPR Inkotanyi ku rwego rw’Igihugu, Uwimana Consolée witabiriye iyo nama, yasabye abatowe guha agaciro icyizere bagiriwe, banoza inshingano batorewe.

Abizeza ko ubunyamabanga bukuru bw’Umuryango buzababa hafi, bubafasha cyane cyane kubaka ubushobozi bw’abayobozi bufasha abaturage mu iterambere.

Ni muri urwo rwego ngo mu cyumweru gitaha hateganyijwe amahugurwa areba inzego zose zatowe, cyane cyane mu nzego z’umudugudu, ahabarizwa umubare munini w’abaturage bakeneye kuzamuka mu iterambere.

Ati ‟Ubutumwa tubaha ni ubwo basanganywe, ni ugukomeza kubaka umuryango nka moteri ya Guverinoma. Tugomba kuba dufite abayobozi bazi neza inshingano barimo, kandi bafasha Guverinoma gushyira mu bikorwa inshingano zayo”.

Visi Chairperson w’Umuryango wa FPR-Inkotanyi ku rwego rw’Igihugu, Uwimana Consolée

Abatowe ku rwego rw’Intara y’Amajyaruguru, Mugabowagahunde Maurice ni we Chairman, yungirijwe na Niyibizi Ildephonse, Umunyamabanga aba Ukundwa Brigitte, mu gihe hatowe n’abayobozi ba za Komisiyo enye arizo Komisiyo y’Ubukungu, iy’Imibereho myiza y’abaturage, iy’Imiyoborere myiza n’iy’Ubutabera.

Izo komisiyo zigiye kuyoborwa na Nkusi Gilbert, Uwingabire Denyse, Abayisenga Emile na Ndamukunda Rachel.

Hatowe n’abayobozi batatu bahagarariye urubyiruko muri Komite nyobozi ya FPR-Inkotanyi ku rwego rw’Intara, aribo Kaneza Gihozo Kevine, Mporanyi Uwera Anaise na Murigo Chris.
Mugabowagahunda Maurice watorewe kuyobora umuryango FPR-Inkotanyi mu Ntara y’Amajyaruguru asanzwe muri izo nshingano yatorewe kuva mu kwezi k’Ukuboza 2023.

Banyuzagamo bagacinya akadiho

Abitabiriye inteko itora

Mugabowagahunde Maurice yatorewe kuba Umuyobozi (Chairman) wa FPR-Inkotanyi mu Ntara y'Amajyaruguru. Yatowe n’abagize Inteko rusange idasanzwe y'Umuryango FPR-Inkotanyi ku rwego rw'Intara yateranye kuri uyu wa Gatandatu. Hatowe n’abandi bagize Komite Nyobozi igiye kuyobora… pic.twitter.com/fLlPQTWM6n

— Kigali Today (@kigalitoday) February 8, 2025

VIDEO – Abitabiriye Inteko rusange idasanzwe y'Umuryango FPR-Inkotanyi ku rwego rw'Intara y’Amajyaruguru, bacinye akadiho, bishimira ko amatora y’abagize Komite Nyobozi yagenze neza. pic.twitter.com/wvXWIqSRmk

— Kigali Today (@kigalitoday) February 8, 2025

Abahuguwe bashyikirijwe seritifika

Ayo mahugurwa y’iminsi itanu yitabiriwe n’abakozi 20 baturutse mu kigo cy’igihugu gishinzwe ubutaka yatangiye tariki 27 asozwa kuri uyu wa gatanu tariki 31 Mutarama 2025, agiye kuba igisubizo mu ikoranabuhanga ryifashishwa mu kunoza imicungire y’ubutaka nk’uko Umukozi w’Ikigo Gishinzwe Ubutaka (NLA), Jean Baptiste Mukarage, nk’umwe mubitabiriye ayo mahugurwa yabitangarije Kigali Today.

Yagize ati ‟U Rwanda twateye imbere mu micungire y’ubutaka, ariko hari byinshi bigenda bihinduka uko imyaka ihita, niba twaranditse ubutaka muri 2009 kugeza 2013, hari byinshi bigenda biza byadufasha kugira ngo iyo micungire y’ubutaka irusheho kugenda neza”.

Arongera ati ‟Twize byinshi mu kwandika ubutaka, mu guhanahana amakuru no kuyageza ku baturage ndetse no kubyaza umusaruro ayo makuru nk’uko twabonye ko mu bindi bihugu amakuru y’ubutaka agurishwa, kugira ngo haboneke ingengo y’imari ifasha imicungire y’ubutaka gukorwa neza."

Arongera ati ‟Nk’abashinzwe imicungure y’ubutaka n’imikoreshereze yabwo, ikoranabuhanga tugiye kuribyaza umusaruro mu kunoza imicungire n’imikoreshereze y’ubutaka”.

Aoife Ossendorp, Umujyanama muri Programme z’ikigo LAND-at-Scale (Programme Advisor LAND-at-Scale of Netherlands), avuga ko u Buholandi bwatangiye imikoranire n’u Rwanda mu mishinga itandukanye ijyanye n’uburyo bwiza bwo gucunga ubutaka muri 2020, binyuze mu Kigo cy’igihugu gishinzwe Ubutaka.

Avuga ko iyo gahunda y’imicungire y’ubutaka yifashishije ikoranabuhanga rigezweho, ari ingenzi mu micungire y’ubutaka, ariyo mpamvu abakozi bakora muri NLA bagenerwa amahugurwa ahoraho, nk’abantu basabwa gukora ibyinshi muri serivise z’ubutaka.

Aoife Ossendorp, yavuze ko mu bundi bumenyi abo bakozi bahawe, harimo no kumenya kwegera abaturage, bagakorana n’uturere mu gutegura imikoreshereze y’ubutaka kugira ngo icyo gikorwa kibe rusange, aho abaturage bagira uruhare, amakuru akaboneka neza kandi agakusanywa mu buryo bwizewe.

Avuga ko ayo mahugurwa ari n’uburyo bwiza bwo gushyira imbaraga mu gukemura amakimbirane ashingiye ku butaka, mu mikoranire n’abunzi mu nzego z’ibanze.

Yakomeje agira ati ‟Aya mahugurwa y’uyu munsi yibanze cyane ku kongerera ubushobozi abakozi b’Ikigo cy’Igihugu gishinzwe Ubutaka, no kubahuza n’inzobere mu by’ubutaka ziri imbere mu gihugu, kugira ngo bagire uruhare runini mu miyoborere no mu micungire myiza y’ubutaka mu Rwanda”.

Ishuri rikuru rya INES Ruhengeri ryakiriye ayo mahugurwa, ni umwe mu bafatanyabikorwa b’ayo mahugurwa, dore ko ari ishuri ritanga ubumenyi mu gupima ubutaka n’imicungire yabwo.

Umuyobozi w’iryo shuri, Padiri Dr. Jean Bosco Baribeshya yagize ati ‟Bahisemo ko amahugurwa abera muri INES-Ruhengeri, ishuri ritanga ibyasabwaga byose na Guverinoma y’u Buholandi yemera gutanga inkunga, tureba abari gukora imirimo yerekeranye n’ubutaka, cyane cyane dutekereza uburyo twabyaza umusaruro ubutaka buke dufite."

Yongeraho kandi ati "Twe nka Kaminuza, turigisha ariko biba byiza iyo dukoranye n’abari muri uwo murimo kugira ngo turebe ko ibyo twigisha bihuye n’ibikenewe ku isoko ry’umurimo. Murabona ubutaka bwacu kugira ngo bubyazwe umusaruro hakenewe ubumenyi butari ubwo mu bitabo gusa, ahubwo bujyanye n’igikenewe."

Avuga ko ayo mahugurwa asigiye INES Ruhengeri umukoro wo kurebera hamwe uko abari muby’imicungire y’ubutaka babinoza harebwa n’ibibazo bafite ndetse n’ubufasha bwatangwa no kumenya icyakwitabwaho mu bumenyi hagendewe kucyo abaturage bifuza, kugira ngo ubutaka bubyare umusaruro uhagije abanyarwanda babone ikibatunga, birinda ko hari n’ubutaka bwakomeza gupfa ubusa.

Ati ‟Icyo muri INES dukeneye cyane si inyungu z’amafaranga, dukeneye inyungu z’ubumenyi rusange bugera kuri rubanda."

Aya mahugurwa yateguwe n’Ikigo cy’Igihugu gishinzwe ubutaka, ku bufatanye na INES-Ruhengeri, ku nkunga ya Guverinoma y’u Buholandi binyuze mu mushinga witwa LAND-at-Scale, University of Twente n’ikigo gishinzwe ubutaka mu Buholandi cyitwa Kadaster International kizwiho uruhare mu gufasha u Rwanda gushyiraho sisiteme ibika amakuru y’ubutaka.

SG Gasamagera ashengurwa n’urubyiruko ruriyambika ubusa

Ni mu ijambo yavugiye mu Karere ka Musanze ku Cyumweru tariki 26 Mutarama 2025, mu Nteko rusange y’abagize urugaga rw’urubyiruko n’urw’abagore, zishamikiye ku Muryango FPR-Inkotanyi mu Ntara y’Amajyaruguru, ahabaye amatora y’abayobozi bahagarariye izo ngaga ku rwego rw’Intara y’Amajyaruguru.

Ni nyuma y’ijambo rya Sandrine Uwimbabazi Maziyateke, Komiseri w’Umuryango FPR-Inkotanyi ushinzwe ububanyi n’amahanga, ubukangurambaga na Diaspora, wari umaze kwibutsa urubyiruko inshingano zarwo, aho yaganishaga ku bikorwa bibi bikomeje gukorerwa ku mbuga nkoranyambaga.

Komisiri Maziyateke yagize ati ‟Mukomere ku ndangagaciro z’Abanyarwanda. Manifesto yacu 2024-2029 ibiyigize bijyanye na vision y’Igihugu, ariko mureke twisuzume nk’urubyiruko. Hari ibintu tubona ku mbuga nkoranyambaga biteye isoni, izo mbuga zifite amakuru menshi afite akamaro wasangiza abantu akabafasha, ariko waba uri mu rugo ni mugoroba cyangwa ugiye kuryama ukabona kuri izo mbuga hari ibintu biteye ubwoba, hari amashuho ateye isoni”.

Arongera ati ‟N’ejobundi Nyakubahwa Chairman yarabitugayiye, ukibaza uti ese uru nirwo rubyiruko, ni yo visiyo tugiye kugeramo? Mwikubite akashyi muzane abandi bajene dukore ibintu byiza byubaka turwanye ibibazo byugarije urubyiruko birimo ibiyobyabwenge n’ubuzererezi, dukore ibikorwa bijyanye n’icyerekezo cy’igihugu natwe tubibafashemo”.

Mu ijambo rye, Umunyamabanga mukuru w’Umuryango FPR-Inkotanyi mu mbamutima zirimo akababaro, yasabye abatowe kuba umusemburo w’impinduka mu mibereho y’abaturage.

Mu butumwa bwe yifashishije amakuru amaze iminsi acicikana ku mbuga nkoranyambaga, ya bamwe mu rubyiruko rukomeje kugaragara mu bikorwa by’urukozasoni.

Ati ‟Mwabonye ejobundi Chairmana wacu atubwira amagambo akakaye, avuga ku myitwarire y’Abanyarwanda cyane cyane urubyiruko. Mwa babyeyi mwe, ko muri ababyeyi mwari mwabona umwana w’umukobwa w’inkumi ageze mu gihe cyo kubaka urugo, cyo gushaka umugabo ajya kwiyanika ku musozi hariya?”

Arongera ati ‟Agafotora akaboherereza ugasanga turimo turavuga ngo dore sha, dore akandi ka video kaje, ngaho rero. Mwebwe, twebwe abanyamuryango tuzi ko umuryango nyarwanda byadutwaye imbaraga imyaka 30 yose kugira ngo tugere aho tugeze, noneho mu kudamarara hazemo n’indi mico idafite shinge na rugero”.

Akomeza agira ati ‟Umwana w’umukobwa ubone ari kwirongoza icupa, mumbabarire mbivuge, akirongoza icupa akabifotora akabitwoherereza tukirirwa dutumbiriye ibyo ngo dore noneho n’akandi kaje. Ni ikibazo gikomeye, utangira kuvuga abantu bagahaguruka ngo ni uburenganzira ngo ni iki, njye iyo mba nari mbifitiye ubushobozi nakabasakumye bose ngafungirana mu nzu, maze ubwo busa bwabo bakajya babwerekanira aho ngaho”.

Abatorewe kuyobora urugaga rw’abagore rushamikiye ku Muryango FPR Inkotanyi mu Ntara y’Amajyaruguru

SG Gasamagera yatunze agatoki ababyeyi badohotse ku nshingano, aho usanga bavuga ngo ibi ntibikiri ibyacu, bakavuga bati ‟None se tubigire dute ko abana batunaniye”.

Ngo niho usanga ababyeyi barateshutse ku nshingano zabo, aho no mu migoroba y’ababyeyi bavuga ibidafite umumaro, bakibagirwa ikibazo gihangayikishije abana babo.

Ati ‟Uruhare rw’ababyeyi si abagore gusa, namwe abagabo, muhaguruke biriya bintu tubyamagane, naho kuvuga ngo umwana yigize ingunge umubyeyi akabirebesha amaso ati none se nabigira nte ko ariho isi igeze, ibyo mubirekere abazungu babizanye kandi nabo bibageze ahabi”.

Uwo muyobozi yagarutse ku kibazo cy’ababyeyi batinya guhana abana babo, bitwaje ko ngo abana babajyana mu buyobozi, avuga ko ibyo ari urwitwazo rudafite ishingiro.

Ati ‟Ababyeyi mwarademisiyonnye, nta mubyeyi ugihana umwana, nta muntu mukuru ugihura n’umwana ari mu mabi ngo amucyahe, ngo ni uburenganzira bwe amuhannye yajya kumurega kuri Polisi, ariko ntabwo Polisi yabujije ababyeyi kugira inshingano ku bana babo”.

Arongera ati ‟Mu bana banjye nta n’umwe ntakubise, kandi ntibyabagize ibicibwa, ntibyababujije kumenya ubwenge, mfitemo ba injeniyeri, ba Dogiteri, hari n’ubwo nabivuga mukagira ngo ni ukugira… Ntabwo ari ukwirata, ndavuga ibibazo dufite kandi tugomba kumenya, umwana mubwize ururimi natabyumva shaka ubundi buryo ariko ajye mu nzira nziza”.

Yasabye ababyeyi kujya bishakamo umwanya wo kuganiriza abana babo, bakabarinda ikibi gishobora kubagwira mu gihe inama bakagiriwe n’ababyeyi bazigirwa n’abashaka kubagusha mu bishuko, kandi uguhana bikaba ku bitsina byimbi hatarebwe uruhande rw’abakobwa gusa.

Gasamagera yijeje abatowe imikoranire ihoraho ati ‟Ntawe uzongera kumbona i Rusosoro (ku cyicaro gikuri cya FPR), muzajya mumbona hano buri gihe, kuko n’ukuri ndambiwe kubura icyo nsubiza ndamutse mbajijwe, si ngombwa kandi gutegereza ko mbazwa inshingano, ngomba nanjye kubyibaza mu mutimanama wanjye, ndaje rero tujye dukorana”.

Abagore biyemeje kugira uruhare mu mibereho myiza y’urubyiruko

Arongera ati ‟Twafashe ibyemezo bigoye mukongera kubaka iki gihugu, twari tugeze aho igihugu rwose cyigenza, yewe na kwa kundi turirimba ngo turi mu munyenga koko twari mu munyenga, ariko uyu munyenga ejobundi uraza kudukubita ku giti, uraza kudukubita mu nyenga nitudahindura imikorere”.

Arongera ati ‟Iriya Manifesto ya Chairman wacu nitwe tugomba kuyishyira mu bikorwa, buri wese akibaza ati uruhare rwanjye muri Manifesto ni uruhe? Nyigeze he nyishyira mu bikorwa”.

Abatowe biyemeje kuba umusemburo w’impinduka mu iterambere ry’Igihugu

Iyamumpaye Iranzi Nadège yagize ati ‟Ngiye gufatanya n’urubyiruko tugiye kuyobora, kugira ngo turwanye bimwe mu bitwangiza twubake Igihugu twe urubyiruko nk’imbaraga z’igihugu zubaka”.

Arongera ati ‟Ni ugusanga abo tugiye kuyobora tukabaganiriza tugashaka icyaduteza imbere, aho guhora dukora ibyaduhesha isura mbi, turaharanira ko isura mbi bamwe mu rubyiruko bari kuduhesha tuyihindura nziza, turwanya ibiyobyabwenge kuko nibyo biri kutwica mu mutwe tugatangira kujya mu bikozasuni bitabereye umwari w’u Rwanda”.

Mugenzi we ati ‟Nk’umubyeyi, dutahanye umukoro wo kwita kubo tubyara, nk’uko SG Gasamagera abitugiriyemo inama, nibyo rwose twaradohotse ntitukigira abana bacu inama ngo uteshutse tumuhane. Tugiye kuba ijisho ry’abana bacu bave mu buyobe barangamire ibikorwa biri muri Manifesto ya Chairman wacu Paul Kagame”.

Mukarutwaza Alphonsine wo mu Karere ka Burera, ni we watorewe kuyobora urugaga rw’abagore rushamikiye ku Muryango FPR-Inkotanyi mu Ntara y’Amajyaruguru.

Mu gihe Twambazimana Irené wo mu Karere ka Gakenke, yatorewe kuyobora urugaga rw’urubyiruko rushamikiye ku Muryango FPR Inkotanyi muri iyo ntara.

Abandi batowe mu buyobozi bw’urugaga rw’abagore, harimo Nyiramugisha Denyse Visi Perezida, Uwitonze Patricie, Umunyamabanga n’abakomiseri bane aribo Ugirimbabazi Jacqueline, Yamfashije Thérèse, Uwamahoro Donatille na Nyirandimubanzi Domitile.

Ni mu gihe mu rubyiruko, Visi Perezida ari Imanirabaruta Jeannette, Rusaro Sandra atorerwa kuba umunyamabanga n’abakomiseri bane aribo Iradukunda Shadia, Kabarere Emeritha, Uwihirwe Fils na Uwase Pascaline.

Muri komite nyobozi y’urubyiruko kandi hatowe n’abakandida batandatu barimo abazahatana ku rwego rw’igihugu, aribo Kaneza Gihozo Kevine, Mugisha Samuel, Uwera Mporanyi Anaise, Muligo Chris, Uwimpuhwe Heureuse na Iyamumpaye Iranzi Nadège.

Dr. Edward Kadozi

Mu nama y’igihugu y’amashuri makuru na Kaminuza (HEC), ari na rwo rwego rugenzura amashuri makuru na Kaminuza mu Rwanda, Dr. Rose Mukankomeje wari Umuyobozi Mukuru yasimbujwe Dr. Edward Kadozi.

Mu bindi bigo bishamikiye kuri Minisiteri y’Uburezi, naho abakozi bashya bashyizwe mu myanya inyuranye, aho Carlene Seconde Umutoni yagizwe Umuyobozi Mukuru wungirije mu Kigo cy’igihugu gishinzwe ibizamini n’ubugenzuzi bw’amashuri(NESA).

Dr. Flora Mutezigaju we yagizwe umuyobozi wungirijwe mu Rwego rw’igihugu rushinzwe uburezi bw’ibanze (REB).

Inama y’Abaminisitiri yashyizeho kandi abahuzabikorwa b’uburezi ku rwego rw’Intara n’Umujyi wa Kigali.

Muri iyi nama, hemejwe inama y’ubuyobozi bw’ibitaro by’Umwami Faisal igizwe n’abantu icyenda bayobowe na Dr. Thierry Kalisa, wungirijwe na Dr. Nathali Mc Call.

Inama y’Abaminisitiri kandi yemeje abahagarariye ibihugu n’imiryango mpuzamahanga, aribyo Sudani, Repubulika ya Angola, Repubulika Yunze Ubumwe ya Tanzaniya, Côte d’Ivoire, Repubulika Yunze Ubumwe ya Somaliya, Portugal n’uhagarariye UNICEF.

Minisiteri y’Ubucuruzi n’inganda ndetse n’Inteko ishinga amategeko Umutwe w’abadepite, naho abakozi bashya bashyizwe mu myanya itandukanye.

Abagituriye barimo Mudugudu witwa Rutsi Sirikani bavuga ko icyo kiyaga cya Nyirakigugu cyadutse muri za 1960-1963, gitangira ari akazenga gato cyane ndetse bamwe bakajya gushorayo inka zabo.

Rutsi umuyobozi w’Umudugudu wa Gisozi aho icyo kiyaga kibarizwa, avuga ko mu mwaka wa 1965 ako kadendezi katangiye gukura biturutse ku isuri yaturukaga mu misozi miremire yo muri ako gace, rimwe na rimwe bamwe mu baturage bagasenyerwa n’ayo mazi bakimuka.

Avuga ko izina Nyirakigugu ryakomotse ku mukecuru wari utuye hafi y’icyo kiyaga witwaga Nyiramagugu, aho nawe ari mu bimuwe nacyo.

Ati ‟Hari umukecuri wari ahatuye kera muri 1965 witwaga Nyiramagugu, ako kadendezi k’amazi kaje bakitirira uwo mukecuru bakavuga ngo ni aka Nyirakigugu kubera ko yakundaga gufata akeso akajya kuvoma muri ako kazenga, bati Nyiramagugu agiye kuvoma muri Nyirakigugu izina rifata rityo”.

Arongera ati ‟Uko isuri iturutse mu misozi ikiteka muri ako kazenga, kakomeje gukura kugeza ubwo amazi yako akomeje gutera mu ngo z’abaturage akabasenyera kugeza bibaye ikiyaga, nk’ubu mu muryango wanjye kimaze kwimura batandatu.”

Uwo musaza w’imyaka 78 avuga ko iryo zina baryitirira uwo mukecuru nawe yari ahari, ndetse ngo uko cyuzuraga uwo mukecuru ari mubimuwe, ubu akaba yaramaze kwitaba Imana.

Ngo mu mabyiruka ye, Rutsi yagiye abona uburyo icyo kiyaga kigenda gikura, kugeza ubwo amazi abaye menshi agera mu muhanda wa kabulimbo, ari nabwo Leta yafashe umwanzuro wo gusatura umuhanda hashyirwaho amatiyo ahitisha amazi kugira ngo amazi y’icyo kiyaga adakomeza kwangiza ibikorwaremezo.

Ni iki gitera icyo kiyaga gukama ubundi kikuzura?

Rutsi avuga ko impamvu yagiye ituma icyo kiyaga kigabanuka ubundi kikuzura, biva ku makoro akigize aho hari ubwo imvura iba nke, inzira zo muri ya makoro ari mu bujyakuzimu bwacyo zikazibuka amazi agahita.

Ngo impamvu cyuzura kikarengera ibikorwa remezo n’imirima y’abaturage, biterwa n’isuri imanura amazi avanze n’icyondo bikaziba twa tuyira tw’amazi yo mu makoro amazi yabura inzira yo guhita akuzura.

Aha rero, ngo niyo mpamvu hari ubwo mu gihe cy’imvura icyo kiyaga cyuzura mu buryo budasanzwe.

Agira ati ‟Kimaze kuzura inshuro ebyiri mu buryo buteye ubwoba kugeza n’ubwo kabulimbo bayisatuye bubaka ikiraro, kuva icyo gihe nibwo twahumetse, ubundi cyaruzuraga kikadusanga hakurya mu misozi”.

Uwo musaza avuga ko icyo kiyaga gifite ubujyakuzimu butandukanye aho ahari ahagera ku burebure bwagera no kuri metero 120.

Ikindi kandi, ngo ntibyorohera abakunda koga kucyogamo bitewe n’ubukonje bukabije buba mu mazi yacyo.

Uwitwa Nyirabwiza Espérence ati ‟Iki kiyaga ni amayobera, hari ubwo cyuzura ubundi kigakama, ariko mbere rwose cyajyaga gikama burundu ku buryo twacyambukaga n’amaguru. Ibibazo kiduteza n’uko iyo cyuzuye kidutera mu ngo kikangiza n’ibikorwaremezo.

Mu kwezi kwa Kane kiruzura kikagera ubwo tubyuka tugasanga amazi yarengeye inzu. Abenshi barimuwe bajya gutuzwa ahandi twe twasigaye ibyo tumaze kubimenyera.

Barasaba kwemererwa guhinga ubutaka bwabo bwegereye icyo kiyaga

Kuri icyo kiyaga hari ubutaka bunini bwimuwemo abaturage budakoreshwa, aho abana birirwa bakinira umupira, abaturage bagasaba ko mu gihe icyo kiyaga kituzuye, bajya bemererwa kujya guhinga ubutaka bwabo, dore ko ngo hari ubwo usanga cyuzuye rimwe mu myaka itanu.

Nyamara n’ubwo iki kiyaga cyavutse, kigakura ndetse kikanatuma benshi bimurwa, mu myaka micye ishize ikiyaga cyatangiye kwisubirira muri ya ngobyi yacyo ya cyera, none kiragenda gikama buhoro buhoro, ku buryo abo cyagaburiye ifi bashobora kuzarwara ubworo.

Ni ubutaka bungana na hegitari eshatu nk’uko Umuyobozi w’imudugudu wa Gisozi abivuga, akemeza ko ubwo butaka bwagakwiye kubyazwa umusaruro n’abaturiye icyo kiyaga mu rwego rwo kongera umusaruro w’ibiribwa.

Ati ‟Iki kiyaga sinavuga ko ubu hari aho kibangamiye umuturage, ahubwo babangamiwe n’uko batari guhinga amasambu yabo yegereye iyo kiyaga. Hari ubutaka bungana na hegitari eshatu zigikikije bupfa ubusa, hariya hakagombye guhingwa nk’uko byahoze abaturage bakabona ibiryo”.

Icyo kiyaga ni umugisha-Meya wa Nyabihu

Umuyobozi w’Akarere ka Nyabihu, Mukandayisenga Antoinette avuga ko ikiyaga cya Nyirakigugu bagifata nk’ahantu nyaburanga, nka kimwe mu bumenyekanisha akarere.

Yemeza ko icyo kiyaga gifatiye runini abaturage kuko cyororerwamo amafi bigafasha umuturage kubonera ifi hafi bigateza imbere imirire myiza ndetse n’aborora ayo mafi bakarushaho gutera imbere.

Ku kibazo cy’ubutaka bwegereye icyo kiyaga abaturage batemerewe guhinga, yagize ati ‟N’ubundi abaturage baturiye kiriya kiyaga hari igice bahinga, ariko nk’uko mubizi ibiyaga cyangwa imigezi bigira metero zigenwa zidahingwa mu buryo bwo kugira ngo ayo mazi abungabungwe”.

Icyakora meya avuga ko azabasura akabumva kugira ngo babashe kubonerwa igisobanuro cyangwa cyiza gihwanye n’imiterere y’icyo kiyaga.

Uwo muyobozi w’Akarere yavuze ko imiryango yimuwe kubera ukuzura kw’icyo kiyaga igera kuri 20. Abishoboye bagiye biyubakira nyuma yo kubona ko ubuzima bwabo bwugarijwe n’ikiyaga, ariko hari n’abatari badafite ubushobozi bwo kwiyubakira bafashwa n’akarere.

Kugeza ubu ikibazo cyo kuzura kw’ikiyaga cya Nyirakigugu cyamaze gukemuka, nyuma yo gushakira inzira amazi bakoresheje ikiraro cyubatswe ku muhanda wa kaburimbo.

Agira ati “nyuma yo kuhakora ikiraro, amazi ntashobora kuzura ngo yongere arenge umuhanda cyangwa ngo asenyere abantu, kuko abona aho anyura bigatuma icyo kiyaga kitongera kuzura”.

Ku bijyanye n’abaturage bakorera impanuka muri ayo mazi, Meya yagize ati ‟Umutekano w’abantu muri icyo kiyaga twese turabizi, ni kimwe n’umuhanda uwukoresheje nabi imodoka yakugonga. Ni ibiganiro bihoraho ababyeyi bakamenya ko umwana adakwiye kujya gukinisha amazi”

Imbyino gakondo mu byanyuze benshi

Abo mu Rwanda bari bakenyeye umushanana nk’uko byahoze mu myambarire y’umuco Nyarwanda, abo muri Sudani y’Epfo nabo bagaragara mu mukenyero, hagaragara n’abagabo bambaye ingutiya nk’uko biri mu muco w’iwabo.

Ni ibirori byabaye ku wa Gatanu tariki 10 Mutarama 2025, aho byitabiriwe n’abasirikare bo ku rwego rwa Ofisiye 108 biga muri iryo shuri, barimo 82 b’u Rwanda.

Muri ubwo busabane bujyanye no kumurika imico, abo basirikare kandi bagiye berekana amateka y’ibihugu byabo, uko ingoma zagiye zisimburana, batibagiwe n’ibikoresho gakondo byabafashije kugeza ibihugu byabo ku bwigenge.

Mu Rwanda ni ho herekanwe ubwoko bwinshi bw’ibiribwa birimo isogi, umutsima w’amasaka bita rukacarara, impengeri n’ibindi biribwa bitetse Kinyarwanda, badasije n’ibinyobwa birimo amarwa, inkangaza n’umutsama.

Col Dr Danny Gatsinzi, Umunyeshuri ukuriye abiga muri iryo shuri, yavuze impamvu z’uwo munsi wo kumurika imico, agaragaza n’icyo ubafasha mu buzima bwa Gisirikare.

Ati “Rino shuri ryakira abanyeshuri baturutse mu bihugu bitandukanye, guhora mu mashuri gusa dusangira amasomo ya Gisirikare ntabwo bihagije, dukeneye kumenyana, tukamenya ibyo dukunda, tukamenya imiziro y’ibihugu bitandukanye, nicyo uyu munsi uvuze, kugira ngo turusheho kumenyana birenze iby’amasomo asanzwe tumenye n’imico y’aho abantu baturuka”.

Ibinyabwoya ni ikiribwa gikunzwe muri Zambia

Arongera ati “Iyo ukorana n’umuntu uzi ibyo akunda n’ibyo azira, byanze bikunze byoroshya imikoranire. Hano abenshi turi mu kigero kimwe byaba mu mapeti ya gisirikare byaba mu myaka, byanze bikunze nibo bantu tuzaba dukorana. Ni byiza kuba tuziranye, tuzi ibyo bamwe banga n’ibyo bakunda, icyo gihe byoroshya akazi”.

Ibinyabwoya ni kimwe mu biribwa byatungunye, abenshi batinya kubirya, mu gihe mu gihugu cya Zambiya bo babifata nk’ikiribwa cyiza ku isonga mu gukundwa, nk’uko umugore wo muri icyo gihugu yabitangarije Kigali Today.

Ati ‟Ibinyabwoya ni ikiribwa duha agaciro mu gihugu cyacu, kuko tuzi uburyo gikungahaye ku ntungamubiri. Ni ikiribwa tugaburira cyane abana bigatuma imikurire yabo igenda neza. Umunyezambiya iyo ku mafunguro ye habuze ibinyabwoya ntacyo aba ariye”.

Lt Col Robert Ouma Odeke, wo mu gihugu cya Uganda, we avuga ko afata u Rwanda nko mu rugo, aho ngo abona ibyo bihugu byombi hari imico myinshi bihuriyeho. Ashimira cyane ubuyobozi bw’ishuri rikuru rya Gisirikare ry’u Rwanda, ryashyize umunsi w’imurikamico muri gahunda y’amasomo.

Ati ‟Ubuzima tubayemo hano i Musanze ni bwiza, cyane ko mu Rwanda naho mpafata nko mu rugo kubera imico myinshi duhuje, kumurika imico itandukanye ni iby’ingenzi kuko byubaka ubucuti mu gisirikare, aho usanga mu minsi iri imbere wisanze uri kumwe n’umusirikare w’igihugu runaka mukorana mu kazi, imikoranire ikaba myiza kuko muba muziranye”.

Umuyobozi w’ishuri rikuru rya Gisirikare ry’u Rwanda, Brig Gen Andrew Nyamvumba, yibukije abo banyeshuri ko umunsi wo kumurika imico biri mu ndangagaciro z’iryo shuri, mu kurushaho guteza imbere uburezi bushingiye ku mico itandukanye y’abaryigamo mu rwego rwo kubaka ubufatanye muri bo.

Umuyobozi w’ishuri rikuru rya Gisirikare ry’u Rwanda, Brig Gen Andrew Nyamvumba

Ni umunsi ubaye ku nshuro ya 12, aho witabiriwe n’abasirikare bo ku rwego rwa Ofisiye 108, baturuka mu bihugu 20 birimo 19 byo ku mugabane wa Afurika, n’igihugu cya Yordaniya (Jordan), 82 muri bo bakaba ari Abanyarwanda barimo abapolisi babiri n’abacungagereza babiri.

Ni abanyeshuri batangiye amasomo amara umwaka mu ishuri rikuru rya Gisirikare muri Kamena 2024, bakazayasoza muri Kamena 2025.

Jordan na yo iri mu bihugu byamuritse imico yabyo

Bakaki Shafiki wahagaritswe

Umukino w’ikirarane w’umunsi wa karindwi wa Shampiyona, Musanze FC yakiramo APR FC kuri uyu wa Gatandatu tariki 04 Mutarama 2025 kuri Sitade Ubworoherane y’Akarere ka Musanze, myugariro wayo Bakaki Shafiki ukomoka mu gihugu cya Uganda ntabwo agaragara ku rutonde rw’abakinnyi bitabira uwo mukino nyuma yo guhagarikwa.

Ni mu itangazo ryashyizwe ku mbuga nkoranyambaga z’ikipe ya Musanze, rigira riti ‟Twahagaritse Bakaki Shafiki, nyuma yo kurangwa n’imyitwarire itari iya kinyamwuga mu mukino twatsinzwemo na Vision FC ku munsi wa 15 wa shampiyona”.

Mu kumenya ikosa nyirizina uwo mukinnyi yaba yakoze ryamuviriyemo igihano cyo guhagarikwa ku mukino uzahuza Musanze FC na APR FC, Kigali Today yaganiriye n’umutoza w’ikipe ya Musanze, Habimana Sosthène yemeza ko uwo mukinnyi yahagaritswe kubera imyitwarire mibi (Discipline) ariko yirinda kuvuga byinshi kuri iyo myitwarire yatumye umwe mu bakinnyi ngenderwaho ahagarikwa kuri uwo mukino ukomeye.

Ati ”Bakaki Shafiki yahagaritswe kubera imyitwarire mibi (Discipline), yazize imyitwarire mibi muri rusange, ntabwo yahagaritswe kubera gutsindisha Musanze FC ku mukino wayihuje na Vision FC nk’uko byakomeje kuvugwa”.
Arongera ati ‟Nta cyuho bitanga ku ikipe yacu, kuko burya ikinyabupfura nicyo cya mbere gituma ikipe iba ikipe”.

Umutoza Habimana Sosthène

Uwo mutoza yavuze ko kuba uwo myugariro yamaze guhagarikwa kuri uwo mukino, bitababuza kugera ku ntego yo gucyura amanota atatu kuri uwo mukino.

Ati ‟Guhagarika umukinnyi kubera imyitwarire mibi ntibitubuza gutsinda APR FC, ni umukino turi kwitegura neza dushaka intsinzi nk’ibisanzwe, iyo ukora imyitozo uba ushaka gutsinda, ubundi ugategereza ibiva mu kibuga. Abafana turabasaba kudushyigikira kumukino uduhuza na APR FC, natwe turabizeza gukora ibishoboka byose tukabashimisha”.

N’ubwo umutoza Habimana Sosthène yirinze kuvuga byinshi ku ihagarikwa ry’uwo mukinnyi, amakuru agera kuri Kigali Today aravuga ko, akekwaho kugira uruhare mu gusindwa na Vision FC ibitego 3-0 mu gice cya mbere cy’umikino wabaye ku itariki 30 Ugushyingo 2024, aho muri uko kumukeka ngo banamusimbuje ava mu kibuga atukana, ndetse ngo ntiyategereza ko umukino urangira ahita ataha.

Muri uwo mukino uba kuri uyu wa gatandatu, ikipe ya Musanze FC yamaze gushyira hanze ibiciro byo kwinjira kuri uwo mukino uzaba guhera saa cyenda (15h00).

Abicara mu myanya y’icyubahiro (VIP) bazishyura 10,000 Frw, abicara mu myanya yegereye VIP bazishyura 5,000 Frw naho abicara ahasigaye hose bo bakazishyura 3,000 Frw, ikite ikishyurwa hakoreshejwe uburyo bwa telefone busanzwe, aho ukanda *939# mu gihe ukoresha uburyo bwa interineti we yifashisha urubuga rwa https://gahunda.palmkash.com/.

Musanze FC izaba yakiriye APR FC mu mukino w’umunsi wa Karindwi wa Shampiyona y’u Rwanda utarakiniwe ku gihe.

Musanze FC

Inyubako igendanye n’igihe

Ni Intara ikunze gusurwa n’abantu baturutse mu bihugu bitandukanye hirya no hino ku Isi, baza kuhareba ibyiza nyaburanga batabona iwabo, birimo ibirunga bifatwa nk’ubuturo bw’ingagi zitangarirwa na benshi.

Muri uyu mwaka wa 2024, n’ubwo umuhango ngarukamwaka wo ‘Kwita Izina’ abana b’ingagi ku nshuro ya 20 utabaye bitewe n’icyorezo cya Marburg cyagwiriye Isi yose, ntabwo byahagaritse ibikorwa by’iterambere muri iyo ntara cyangwa ngo bibuze ba Mukerarugendo kuyigana.

Ni muri urwo rwego Kigali Today yabateguriye icyegeranyo gikubiyemo bimwe mu bikorwa byakozwe muri uyu mwaka urangiye wa 2024, n’icyo bigiye gufasha abaturage.

Ni ibikorwa bikubiyemo inyubako z’ubucuruzi n’izibiro by’ubuyobozi, imihanda, ibiraro n’ibindi bifitiye rubanda nyamwinshi akamaro.

Isoko ry’ibiribwa rya Musanze

Mu bikorwa remezo binini byubatswe mu Ntara y’Amajyaruguru, harimo isoko ry’ibiribwa rya Musanze riherereye mu mujyi wa Musanze ryuzuye ritwaye Miliyari enye n’igice z’Amafaranga y’u Rwanda.

Ni igikorwa remezo cyari gikenewe na benshi, aho mbere y’uko ryubakwa ubwinshi bw’abacuruzi n’abarema isoko wasangaga buruta ubunini bwaryo, ibyo bigateza akajagari mu bucuruzi, abacuruza mu buryo butemewe bariyongera.

Isoko ry’ibiribwa rya Musanze

Ni isoko rifite ubushobozi bwo gukoreramo abacuruzi 2,000, mu gihe mbere ritarubakwa iryari rihari ryakiraga abatarenga 800.

Ibiro by’Akarere ka Burera

Mu bindi bikorwa remezo umwaka wa 2024 usigiye Intara y’Amajyaruguru, harimo inyubako y’ibiro by’Akarere ka Burera, yuzuye itwaye akabakaba Miliyari 3Frw.

Iyo nyubako yatashywe ku mugaragaro tariki 18 Kamena 2024 yishimiwe n’abaturage, aho bemeza ko baruhutse imitangire mibi ya servisi yajyaga itangirwa mu nyubako ishaje, bakavuga ko yari nto cyane abakozi b’akarere bagakorera mu mfundanwa.

Iyo nyubako igeretse gatatu, bamwe mu baganiriye na Kigali Today bemeza ko bakomeje kuyitangarira nk’inyubako bafata ko ari akataraboneka, muri icyo cyaro cyo mu Murenge wa Rusarabuye mu Karere ka Burera, abandi bakayifata nka zimwe mu nyubako z’imiturirwa zo mu bihugu byateye imbere.

Uzaberwa Clementine ati “Ni etaje nagereranya na za zindi zo muri Amerika. Nayitambagiye ndeba ukuntu yubakanwe ubuhanga, biragaragara ko ijyanye n’igihe koko, iratangaje”.

Arongera ati ‟Njye byandenze mu buryo udashobora kwiyumvisha, tugiye kujya duhabwa serivisi nziza bitandukanye na mbere, aho wasangaga abakozi bakorera mu twumba duto mu mpfundanwa”.

Ntawuruhunga Dominique we abona ntaho itandukaniye n’amagorofa y’i Kigali aho Minisiteri zikorera, ati “Iri ku rwego rwa za Minisiteri neza neza. Ibi biro biraboneye, bibereye urwego twe nk’abaturage ubuyobozi bwacu butugejejeho rw’iterambere”.

Arongera ati ‟Ntitwari twarigeze dutekereza ko ino aha iwacu haza inzu nk’iyingiyi, none dore birangiye ayo majyambere atugezeho”.

Iyo nyubako nshya y’ibiro by’Akarere ka Burera, ngo bayitezeho kujya bayihererwamo serivisi zinoze, nk’uko Ndacyayisenga Anaclet yunze mu rya bagenzi be.

Inyubako y’ibiro by’Akarere ka Burera

Agira ati “Ukurikije ukuntu twayibonye n’uburyo iteye imbere, dukeneye ko n’imitangire ya serivisi izajyana n’urwego iriho. Niba tuje kwaka serivisi, bajye batwakira neza, birinde kuturangarana cyangwa kudusiragiza”.

Iyo nyubako y’ibiro by’Akarere ka Burera, ije ikurikira iy’aka Gakenke n’iy’aka Gicumbi, mu gihe Rulindo nako kamaze gukora inyigo yo kubaka inyubako nshya y’ibiro by’akarere.

Umuyoboro w’amazi wa Mutobo ugiye gutanga ayikubye inshuro 4

Kwagura umuyoboro w’amazi wa Mutobo ni umwe mu mishanga igiye gufasha Intara y’Amajyaruguru kugeza amazi mu ngo zitandukanye z’abaturage, nyuma y’uko uwo muyoboro waguwe ukaba ugiye gutanga amazi yikubye hafi inshuro enye ku yo wajyaga utanga, nk’uko Umuyobozi w’Akarere ka Musanze, Nsengimana Claudien yabitangarije Kigali Today.

Ni nyuma y’uko mu duce dutandukanye tugize ako karere, abaturage cyane cyane abaturiye ishyamba rya Pariki y’Ibirunga, bagiye bagaragariza ubuyobozi uburyo bavoma ibirohwa kandi bakoze ingendo ndende, ugasanga bakwepana n’inyamaswa.

Yagize ati ‟Ikibazo cy’amazi mu Karere ka Musanze no mu tundi turere tugakikije kigiye gukemuka, umuyoboro w’amazi wa Mutobo waragutse uva kuri 12,500m3 ugera ku bihumbi 55m3”.

Arongera ati ‟Umuyoboro uraha amazi iki gice cy’Ibirunga aho abaturage bavomaga bibagoye, ubu imiyoboro yamaze kugera ku mashuri ya Rwinzovu, n’abatuye Rungu munsi y’ishyamba ry’Ibirunga, mu gihe kidatinze amazi araba yabagezeho”.

Uruganda rwenga inzoga mu birayi

Mu ntara y’Amajyaruguru harimo kubakwa inganda zitandukanye zirimo urutunganya ibyuma rwa A1 Iron & Steel Rwanda Ltd mu cyanya cy’inganda cya Ruvunda mu Murenge wa Kimonyi, ariko uruganda ruteye abenshi amatsiko ni urumaze kuzura mu Murenge wa Nyange mu Karere ka Musanze, rwenga inzoga mu birayi.

Inzoga yenzwe mu birayi

Urwo ruganda rwenga inzoga ya Vodka mu birayi rwitwa Virunga Mountain Spirits, ruherutse gufungurwa ku mugaragaro mu Ukuboza 2024, igikorwa abaturage bafitiye amatsiko, bibaza uburyo ibirayi byabo bahinga byavamo inzoga.

Bamwe bati ‟Dufite amatsiko yo gusogongera kuri iyo nzoga iva mu birayi byacu”.

Ni uruganda rwashinzwe rugamije kubyaza umusaruro ibyo abaturage bafata nk’aho bitagira umumaro, rubafasha guteza imbere n’ubuhinzi bw’ibirayi, aho ngo ruzajya rubagurira na tumwe mu turayi duto abaturage batajyaga bitaho mu gihe basarura, bimwe bakabirekera mu mirima kubera kubura isoko.

Bamwe mu baturage barishimira urwo ruganda, aho bemeza ko nta kirayi kizongera gupfa ubusa, nk’uko Niyonzima Jerôme na bagenzi be babivuga.

Yagize ati ‟Hari ubwo ibirayi byaguraga amafaranga 600, ugasanga uturayi duto baraha umuhinzi amafaranga make, ariko niba ibirayi bito bigiye kujya bigurwa kimwe n’ibinini, ni inyungu ku muhinzi. Wasangaga baduhenda cyane ku birayi bito ndetse bamwe mu bahinzi bakabisiga mu murima bigapfa ubusa”.

Mugenzi we ati ‟Ni inyungu ku muhinzi kubera ko uturayi duto bagurishaga ku mafaranga make, umuhinzi agiye kujya abizana hano bakamuha amafaranga menshi, ubuhinzi bugatera imbere”.

Hari n’abifuje ko urwo ruganda rwajya rukora n’inzoga mu bijumba, kuko ngo hari ubwo babyeza bikabura isoko.

Félicien Nyiribambe ati ‟Ni byiza rwose, bakomeze ubushakashatsi barebe no mu bijumba ko havamo agasembuye”.

Ibiraro byubakishijwe ikoranabuhanga ryifashisha Amakoro

Muri uyu mwaka wa 2024, Akarere ka Musanze kavumbuye uburyo bwo kubaka ibiraro hifashishijwe amabuye y’amakoro, aboneka cyane muri ako karere.

huzuye ibiraro byubakishijwe ikoranabuhanga ryifashisha amabuye y’amakoro

Ni ibiraro usanga bifite uburambe kuruta ibyubatse mu buryo busanzwe, aho byajyaga bisenywa n’ibiza by’imvura, uburyo bwo kubaka ibiraro hifashishijwe amabuye y’amakoro bikaba bizafasha akarere kubyaza umusaruro uwo mutungo kamere gafite w’amakoro.

Hamaze gutahwa ku mugaragaro ibiraro bitatu byubatswe n’akarere ku bufatanye na Bridges to prosperity (B2P), aho bihuza imirenge imwe n’imwe igize ako karere, bikaba byishimirwa n’abaturage, aho bemeza ko bajyaga bakoresha ibiraro bikoze mu biti bikangirika vuba, bakagira ikibazo cy’imigenderanire.

Inzu zirenga 10 z’amagorofa mu mujyi wa Musanze zubatswe muri 2024

Uko umwaka ushira undi ugataha, mu mujyi wa Musanze harazamurwa inzu z’amagorofa, nk’uko byemejwe bishyirwa no mu gishushanyo mbonera cy’umujyi wa Musanze, aho nta wemerewe kubaka inzu itageretse nibura gatatu.

Uwo mujyi ufatwa nk’uwa kabiri kuri Kigali, uragenda uzamurwamo inzu zijyanye n’icyerekezo kandi zikabona abazikoreramo, dore ko uko uwo mujyi ugenda ukura wakira umubare munini w’abawugana bifuza kuwuturamo no kuwukoreramo, aho uzasanga amwe mu makaritsiye yarahawe amazina atandukanye arimo Mateus, mu Kizungu n’andi.

Imwe mu nyubako zuzuye mu mujyi wa Musanze

Umuyobozi w’Akarere ka Musanze Nsengimana Claudien, avuga ko muri uyu mwaka mu Mujyi wa Musanze bafunguye ku mugaragaro inzu z’amagorofa zirenga icumi, avuga ko mu mwaka utaha biteguye gufungura inzu 25.

Uko uwo mujyi ugenda ukura ni na ko uhenda, aho ukeneye ikibanza cyo kubakamo igorofa akigura amafaranga atari munsi ya Miliyari.

Urwibutso rwa Jenoside rwa Mutete

Uyu mwaka mu Karere ka Gicumbi huzuye urwibutso rwa Jenoside rwa Mutete rujyanye n’icyerekezo cy’Igihugu, hagendewe kuri gahunda y’Akarere ka Gicumbi yo guhuza inzibutso za Jenoside yakorewe Abatutsi mu 1994.

Urwo rwibutso rwa Jenoside rwa Mutete ruherereye mu Murenge wa Mutete, rushyinguyemo imibiri y’inzirakarengane zazize Jenoside yakorewe Abatutsi igera mu 1000, rwari rusanzwe ruriho ariko rutajyanye n’icyerekezo, nyuma yo kuruvugurura rukaba rugiye kuba igisubizo mu kubungabunga imibiri y’Abazize Jenoside yakorewe Abatutsi, nyuma y’ubusabe bw’abafite ababo biciwe muri ako gace.

Urwibutso rushya rwa Jenoside rwa Mutete rwuzuye muri uyu mwaka wa 2024

Mu ntangiro za 2023, ni bwo hafashwe icyemezo cyo kuvugurura urwo rwibutso rwa Jenoside rwa Mutete, igikorwa cyateganyirijwe ingengo y’imari ingana n’Amafaranga y’u Rwanda Miliyari imwe na miliyoni 600.

Inyubako ya TVET Giti

Iri shuri rishya rya TVET Giti ryubatse mu Murenge wa Giti mu Karere ka Gicumbi, ryigisha ubukanishi bw’ibinyabiziga bya moteri (Automobile Technology) n’Ubwubatsi (Building Construction), uyu mwaka Leta ikaba yaramaze koherezamo abanyeshuri bo kwiga muri ayo mashami yombi.

Ni ishuri ryuzuye ritwaye ingengo y’imari ikabakaba Miliyari ebyiri z’Amafaranga y’u Rwanda.

TVET Giti

Inzu ndangamurage y’urugamba rwo kubohora Igihugu

Mu murenge wa Kaniga mu Karere ka Gicumbi huzuye inzu ndangamurage y’urugamba rwo kubohora Igihugu (Mulindi Heroic Museum), igamije ibikorwa byo kubumbatira amateka yaranze urugamba rwo kubohora u Rwanda.

Mu bindi bikorwa byatangijwe ariko bitaruzura, harimo ibyo kubaka imihanda irimo umushya wa kaburimbo Nyacyonga-Mukoto mu Karere ka Rulindo, ufite kilometero 36.

Umuhanda wa kaburimbo Base-Butaro-Kidaho uzatwara agera kuri Miliyari 96 z’Amafaranga y’u Rwanda, aho ureshya na Kilometero 63, watangiye kubakwa mu Ukwakira 2022, ukazakorwa mu gihe cy’imyaka itatu.

Hari n’umushinga wakozwe ugamije guteza imbere ubuhinzi bw’imboga, aho abahinga mu gishanga cya Gako, mu Murenge wa Ntarabana mu Karere ka Rulindo, bakomeje kukibyaza ifaranga mu musaruro w’imiteja bahinga.

Ntitwabura kuvuga no ku rugomero rw’amashanyarazi rwa Nyabarongo ll, ruri kubakwa hagati y’Uturere twa Gakenke na Rulindo mu Ntara y’Amajyaruguru n’Akarere ka Kamonyi mu Ntara y’Amajyepfo, rutanga icyizere ku baturage bataragezwaho umuriro w’amashyanyarazi.

Urugomero rw’amashanyarazi ruri kubakwa mu Karere ka Gakenke

Ni urugomero ruzatanga Megawati 43.5, ruri kubakwa mu mushinga munini witezweho gukwirakwiza amashyanyarazi mu gice kinini cy’Intara y’Amajyaruguru, rukazafasha n’Intara y’Amajyepfo ndetse n’Umujyi wa Kigali.

Ni Umushinga uzakorwa mu gihe cy’imyaka itanu aho watangiye muri 2022, ukaba witezweho gukemura ibibazo by’umuriro wari muke, bikadindiza abaturage mu iterambere ryabo, nk’uko Umuyobozi w’Akarere ka Gakenke Mukandayisenga Vestine yabitangarije Kigali Today.

2024 usize hatashywe uruganda rwenga inzoga mu birayi

Ibyishimo ni byose ku baturiye umuhanda wa kaburimbo Nyacyonga-Mukoto uri gukorwa

I Musanze harubakwa uruganda rutunganya ibyuma

Guverineri Mugabowagahunde Maurice yasabye abashinze uruganda rwenga inzoga mu birayi guteza imbere abaturage

Siko byifashe mu Karere ka Musanze cyane cyane mu mujyi, aho uburyo bwo kwishimira iyo minsi mikuru isoza umwaka wa 2024 n’itangira uwa 2025, haragaragara impinduka z’uburyo abaturage bishimira iminsi mikuru ya Noheli n’ubunani.

Mu kwizihiza iyo minsi, bikomeje kugaragara ko abaturage benshi bashishikajwe no gusenga kuruta kwishimisha mu buryo bwo kwiyakira mu tubare nk’uko byahoze.

Byatangiye kugaragara ubwo mu ijoro rya Noheli, mu ma saa yine y’umugoroba, mu mihanda igize umujyi wa Musanze wabonaga nta nyoni itamba, aho amahoteli n’utubari muri ayo masaha nta bakiriya bari barimo, uretse umuziki ariko nawo wacurangirwaga intebe.

Ni mu gihe mbere ho gato y’ayo masaha, mu mihanda hari urujya n’uruza rw’abantu bavuye gusenga muri Kiliziya Gatolika, mu madini n’amatorero atandukanye, kugeza ubwo mu mirongo igenewe abambuka umuhanda n’amaguru (Zebra crossing) mu mihanda itandukanye igize umujyi wa Musanze, hari hashyizwe abapolisi bashinzwe gufasha abantu kwambuka kubera ubwinshi bwabo.

Muri uwo mugoroba, Katedarali ya Ruhengeri yakiriye umubare udasanzwe w’abakirisitu baje kwizihiza Misa y’umugoroba wa Noheli, aho Kiliziya yakira abagera mu bihumbi bitanu yuzuye abajya kungana n’abari mu kiliziya bakurikiranira igitambo cya Misa ku mbuga ya Katedarali.

Ni nako byagenze mu zindi nsengero no mu yandi madini n’amatorero, aho urujya n’uruza rw’abantu bagaragaye mu mihanda hagati ya saa mbiri kugeza saa tatu bari abantu bafashe bibiriya mu ntoki bavuye gusenga.

Ni mu gihe stade ubworoherane ikunze kuberaho ibitaramo yari ifunze nk’uko bisanzwe, aho byagaragaraga ko nta gishya cyabaye muri uwo mujyi.

Amaduka atandukanye yari afunguye, amwe yashyizweho imitako yaka nk’uko bisanzwe mu gihe cyo kwitegura Noheli, gusa abakiriya bari mbarwa kuko abenshi wabonaga bishimiye gutaha kare.

Nyuma ya saa tatu ubwinshi bw’abamotari bwari buruta ubwinshi bw’abagenzi bakibaza ikibazo kimwe bagira bati ‟Aha tuyatayemo.”

Uretse mu ijoro rya Noheli no mu yindi minsi yarikurikiye, urwo rujya n’uruza mu tubari rwakomeje kubura ariko mu bitaramo by’amakorari abantu bagakubita bakuzura.

Urugero ni urw’igitaramo cya Korali Ishema ryacu ya Katedarali ya Ruhengeri cyo ku mugoroba wo ku itariki 29, aho icyumba mberabyimbi cya Centre Pastoral Notre Dame de Fatima cyari cyakubise cyuzuye.

Aho niho abenshi bahera bemeza ko mu gusoza umwaka wa 2024, imbaraga z’isengesho zaruze imbaraga z’inzoga.

Ni iki cyabujije abaturage kwidagadura nk’uko bisanzwe?

Bamwe mu bagaragaza impamvu abidagadurira mu tubari babaye bake kurusha abagana insengero bavuga ko bagiye bigira ku mateka y’iminsi mikuru yagiye ihita, aho bakomeje bumva amakuru y’imfu zitandukanye mu gihe cyo gusoza umwaka no gutangira undi ibyo bikabatera kwigengesera.

Ngo niyo mpamvu mu kwizihiza iminsi mikuru yo gusoza umwaka no gutangira indi habaho kwidagadura ariko bigakorwa mu rugero.

Ndetse abenshi bemeza ko bahitamo kwizihiriza iyo minsi mu miryango, birinda ingorane bahurira nazo mu kwizihiriza iyo minsi mikuru hanze y’ingo zabo, izo ngorane bakemeza ko zirimo impanuka zitandukanye, gusesagura imitungo, ubukene, izamuka ry’ibiciro ku masoko, amafaranga y’ishuri aba ategereje dore ko abantu barya ubunani bitegura gusubiza abana ku ishuri n’ibindi.

Uwo twasanze muri tumwe mu tubari two mu ikaritsiye yo mu Mujyi wa Musanze ahitwa mu Gashangiro, ubwo yarimo anywa irya nyuma yitegura gutaha mu ma saa mbiri z’umugoroba, yagize ati ‟Ntabwo narenza saa mbiri z’umugoroba ntaragera mu rugo. Twagiye tubona imfu nyinshi zitunguranye mu gihe twitegura gusoza umwaka tujya mu wundi, niyo mpamvu ngomba kwigengesera ngataha kare naba ngifite inyota nkaritahana nkarinywera mu rugo kugira ngo hatagira icyambuza gusoza umwaka no gutangira undi.

Nyirakabari ati ‟Ubundi mu minsi isanzwe mfunga akabari saa saba z’ijoro, ariko reba nk’ubu saa mbiri ziri hafi ariko abakiriya bamaze gutaha nsigaye njyenyine, abenshi bafite ubwoba muri iyi minsi isoza umwaka ngo abantu bajya bapfa cyane”.

Mugenzi wabo na we ati ‟Njye sinshobora no gutega moto cyangwa imodoka mu gihe hasigaye igihe gito ngo umwaka urangire twinjire undi. Ntababeshye ubu mfite ubwoba ngomba kwigengesera kugira ngo ninjire mu wundi mwaka, kuko ubu urebye nabi wahasiga ubuzima, mu mpera z’umwaka hapfa benshi niyo mpamvu ndi gusenga cyane”.

Hari n’uwatanze urugero ku bantu akomeje kumva ko babuze ubuzima mu mpera z’uyu mwaka 2024, akomoza kubakora umwuga w’itangazamakuru.

Ati ‟Nibyo rwose muri iyi minsi gusenga bigomba kuruta kwishimisha mu bundi buryo, kugira ngo umuntu yinjire mu wundi mwaka. Nk’ubu muri iki cyumweru numvise ko hapfuye abanyamakuru batatu, barimo umwe wari ufite ubukwe kuri Boxing day (umunsi ukurikira Noheli), urumva umuntu yabuzwa n’iki kugira ubwoba, imodoka iranturuka inyuma nkirukira munsi y’umuhanda kubera kwigengesera.”

Mu bo twasanze kuri Katedrali ya Ruhengeri biganjemo urubyiruko, bavuze impamvu mu minsi isoza umwaka abitabira Misa baruta abitabira utubari.

Umusore umwe ati ‟Kuza gusenga turi benshi, akenshi haba harimo n’ubwoba tukavuga tuti Imana iturinde dusoze uyu mwaka mu mahoro, kuko mu minsi mukuru nk’iyi imfu ziriyongera. Icyakora nk’urubyiruko tuba twaje kubera n’amatsiko y’uburyo Kiliziya itatse.”

Umukobwa mugenzi we ati ‟Akenshi kugana insengero tuba dufite amatsiko yo kureba uko bateguye ivuka rya Yezu, tureba uko ikirugu cyubatse, uko Kiriziya itatse, ariko tukanasenga twiyunga n’Imana ngo idufashe gusoza umwaka no gutangira undi”.

Arongera ati ‟Nk’ubu njye sinkunda kujya mu Misa nsenga kuri Noheli, ibyo nkabikora ngo ndebe ko Imana yambabarira ku bibi mba narayikoreye ikamfasha ngasoza neza umwaka. Ababyeyi baduhitishijemo kujya kutwakirira muri Hoteli, no kutujyana mu gitaramo cya Noheli, abana twese duhitamo kwiyizira gusenga, ubu tugiye gutaha batwakirire mu rugo.”

Ikindi abaturage bagaragaza gituma bayoboka insengero kuruta utubari, ngo ni uburyo bwo kwirinda gusesagura aho bemeza ko hari ubukene budasanzwe buterwa cyane cyane n’izamuka ry’ibiciro ku masoko, bagakangwa kandi n’itangira ryamashuri ryegereje.

Iyi mashinei yagiye iteza impanuka mu bihe bitandukanye, ndetse bamwe bahaburira ubuzima, nk’uko bigaragara mu nkuru ya Kigali Today yo ku itariki 06 Kamena 2023, ubwo umugabo w’imyaka 36 witwa Rukundo Ndahiriwe Laurent, yaguye mu mpanuka yaturutse kuri iyi mashini akoramo isuku.

Imashini ikora rimwe na rimwe

Nyuma y’iyo mpanuka, imashini yakomeje gupfa hato na hato.

Byiringiro Enock ati ‟Iyi mashini - Ascenceur ikora rimwe na rimwe, kandi ugasanga nta kizere tuyifitiye, ku buryo bamwe bahisemo kwikomereza inzira y’akmadarajya nk’uko bisanzwe no ku zindi nyubako.”

Nizeyimana Omar na we ati ‟Ikora rimwe na rimwe ubundi bakayifunga, iyo ikora bitworohereza mu rugendo ukagera mu nzu wifuza gusabiramo serivise mu buryo bwihuse.”

Arongera ati ‟Iyo ifunguye biratworohera kugera mu nzu dushaka, nk’ubu kujya muya kane n’iya gatanu biravuna, cyane cyane abantu bafite ubumuga.”

Uretse iyo escenceur ifite ikibazo, abo baturage baranenga n’inzira yubakiwe abafite ubumuga muri iyo nyubako, aho bemeza ko inyerera.

Nizeyimana ati ‟Iyi nta nzira irimo, ahantu umuntu agenda afite ubwoba waba wambaye inkweto zinyerera ukahagwa, hari benshi nzi bagiye bagwa bakahakomerekera. Urabona abayinyuramo bose baragenda bafite ubwoba bafatirije ku byuma, iyi nzira ikwiye gukosorwa”.

Umunyamabanga nshingwabikorwa w’Akarere ka Musanze, Kanayoge Alex, yabwiye Kigali Today ko ikibazo cy’ibi bikorwa remezo byombi bagiye kubikurikirana bigakemuka byihuse.

Yagize ati ‟Tugiye gukorana n’ubuyobozi bwa GOICO turebe uko ibi bibazo byakemuka.”

Ni ibyo yatangaje kuri uyu wa Mbere tariki 23 Ukuboza 2024, nyuma yo kwakira indahiro y’abayobozi bashya aribo Minisitiri wa Siporo, Nelly Mukazayire, Umunyamabanga wa Leta muri Minisiteri ya Siporo, Rwego Ngarambe n’Umunyamabanga wa Leta ushinzwe Imari muri Minisiteri y’Imari n’Igenamigambi, Godfrey Kabera.

Mu ijambo rye, Perezida Kagame ubwo yakiraga indahiro z’abo bayobozi, yavuze ku nshingano zabo, abibutsa ko mu byo bagomba kumenya mu mwanya bahawe wo gukorera Igihugu, hari abandi Banyarwanda benshi bashobora gutunganya neza izo nshingano bahawe.

Ati ‟Haba hari Abanyarwanda benshi bakwiye gukora iyo mirimo, ariko kuba ari mwe mutoranyijwe bikwiye kubongerera uburemere bw’izo nshingano”.

Yababwiye ko umuntu adakwiye gushakisha impamvu zo kutubahiriza iyo mirimo, abibutsa ko mu nzego zose z’Igihugu guhera ku rwego rwa Perezida wa Repubulika, urwego rukuriye urukiko rw’ikirenga, urwa Minisitiri w’Intebe, urw’abakuriye Inteko ishinga amategeko n’abandi bakorera mu mikoro adahagije, ariko ko bidakwiye gutuma umuntu akora nabi inshingano ze.

Ati ‟Iyo uri ku mirimo ntabwo ushakisha impamvu ibintu bitagenze neza cyangwa se bishobora kugenda nabi, ni nk’abavuga ngo wampaye umurimo cyangwa Igihugu cyampaye imirimo, ariko nticyampaye ibikoresho bihagije”.

Arongera ati ‟Ibyo biba bivuze iki, iyo mirimo nahawe, haba harimo no gushaka ibikoresho, amikoro Igihugu gifite ntabwo arangiza byose, ntashobora. Kuko ntabwo ari urwego rumwe ruriho ngo ayo mikoro yose y’Igihugu ajye muri urwo rwego, oya! Amikoro Igihugu gifite adahagije agabanywa mu nzego zose, ni ukuvuga ngo buri rwego rubona ibidahagije, Igihugu gifite ibidahagije”.

Yavuze ko abantu mu byo bashingwa ari ukuzuza inshingano bahawe, ariko hakabamo n’inshingano zo kongera amikoro.

Niba mu nshingano mwahawe batababwiye ko hiyongereyemo gushaka amikoro, bababwiye ibituzuye

Umukuru w’Igihugu yabwiye abarahiriye inshingano, ko mu byo bashinzwe harimo gushaka amikoro y’Igihugu, yibutsa abo muri Siporo kuyibyaza umusaruro igatanga amikoro.

Ati ‟Mwebwe abagiye mu rwego rwo gukorera Guverinoma, mumenye ngo muje mu nshingano mwabwiwe, mwemeye kandi muzi, ariko muri izo nshingano niba batababwiye ko hiyongereyemo gushaka amikoro ubwo ntabwo byari byuzuye”.

Arongera ati ‟Abo muri siporo, mu byo tugerageza gukora ni ukugira ngo ibyo siporo igeza ku bantu havemo n’amikoro, siporo ni Business ishingiye kuri Talent (ku mpano) mu Banyarwanda cyangwa se mu baturuka ahandi, iyo talent rero hari uburyo icuruzwa, hari uburyo ibyazwa amikoro, iyo ni yo ntego yacu”.

Perezida Kagame, yibukije abo bayobozi ko Igihugu cyagiye cyubaka ibikorwa remezo bya siporo hirya no hino mu gihugu, avuga ko uyu ari umwanya wo kubibyaza umusaruro bigatanga amikoro.

Perezida Kagame yasabye abarahiye gushakira amikoro Igihugu

Yabwiye kandi Umunyamabanga wa Leta ushinzwe Imari muri Minisiteri y’Imari n’Igenamigambi, Godfrey Kabera, ko inshingano ze atari ukujya kubara imari iri mu isanduku y’Igihugu gusa, amubwira ko ashinzwe no kumenya aho iyo mari ituruka, bityo imari y’Igihugu igakomeza kwiyongera.

Ati ‟Ugomba gushakisha uko amafaranga yinjira ukanagena uko asohoka, kugira ngo cyane cyane aho yinjira ava hagende hiyongera. Ni ibyo, ubundi mu mirimo nta kigoye, bigorana ari uko abantu ubwabo batuma igorana. Iyo ushatse ko yoroha iroroha, washaka kuyikomeza bikagukomerana”.

Umukuru w’Igihugu yibukije abagiye mu nshingano nshya ko indahiro barahiye itari umugenzo, ababwira ko indahiro ifite uburemere bwayo bujyanye n’imirimo igiye gukorwa.

Yasoje ijambo rye, yifuriza abayobozi bashya akazi keza, kandi abizeza ko igisigaye ari ubufatanye na bagenzi babo bagiye gukorana mu nzego zitandukanye.

Ati ‟Ndabashimiye kandi muzagire akazi keza, na ko mugire akazi keza, kuko mugahereye nonaha”.

Paruwasi Gatorika ya Save mu karere ka Gisagara, imwe mu za mbere mu Rwanda

Kiliziya yakuye kirazira, ni imvugo ikunze gukoreshwa na benshi ari abazi inkomoko yayo ndetse n’abatayizi, ibyo bikaba intandaro yo kugoreka ururimi rw’ikinyarwanda rwo nkingi amateka y’umuco nyarwanda yubakiyeho.

Mu bakiri bato (urubyiruko) batuye mu Karere ka Musanze baganiriye na Kigali Today kuri iyo mvugo, abenshi muri bo bemeza ko bakoresha iyo mvugo buhumyi, batazi igisobanuro cyayo.

Umwe ati ‟Akenshi iyo twagiye muri Party (mu birori), hari ubwo turengera ugasanga twishimye cyane twasinze udukebuye tukamusubiza tuti, ni ibigezweho, ntuzi ko Kiliziya yakuye kirazira”.

Undi ati ‟Nkoresha iyo mvugo kenshi, ariko untunguye ukambaza icyo isobanura sinakikubwira, gusa nyikoresha iyo ndi mu mafuti ungiriye inama nkamwima amatwi, mu kwihagararaho mu mafutri yanjye nkamubwira nti, ndeka ninezeze, Kiliziya se ntiyakuye Kirazira”.

Nk’uko urwo rubyiruko rubivuga, n’abakuru ngo hari ubwo bakoresha iyo mvugo ariko batazi inkomoko yayo, gusa abenshi bakemeza ko bitabaza iyo mvugo mu gihe umuntu ari mu bikorwa bihabanye n’umuco nyarwanda, haba mu mikorere, mu mivugire no mu migendere.

Inararibonye mu mateka ajyanye n’umuco Nsanzabera Jean de Dieu inzobere mu busizi, umuco n’amateka y’u Rwanda, avuga ko iyo mvugo yadutse k’ubwabakoroni n’abamisiyoneri, aho abakoresha iyo mvugo usanga bikuraho amakosa baba bakoze, bahunga imiziririzo na kirazira nk’ipfundo ndahamburwa mu muco w’Abanyarwanda.

Kiliziya yakuye kirazira ngo ni insigamigani yadutse mu 1941, ubwo Kiliziya Gatolika yari irimbanyije mu guhanga Misiyoni hirya no hino mu gihugu.

Ngo umupadiri w’Umufaransa witwa LA VALLART Paul, ubwo yageraga mu Rwanda muri Nzeri 1938, yabaye muri Misiyoni ya Cyanika ubwo yari imaze gushingwa.

Ngo igihe cyarageze ajya mu Bugesera agamije igikorwa cyo guhanga za Misiyoni hirya no hino mu gihugu. Muri icyo gihe ngo nibwo Sheferi (Akarere) y’u Bugesera muri Teritwari ya Kigali yatwarwaga n’Umushefu witwa Ruhorahoza.

Ati ”Ahasaga mu 1941, Umupadiri witwa LA VALLART Paul yafashe inzira ajya gusura umushefu Ruhorahoza mu nkubiri yo kwihinda mu batware kugira ngo bemere bayoboke Kiliziya, noneho n’abaturage babone aho bahera bayoboka”.

Arongera ati ‟Padiri LA VALLART akimara gusaba Ruhorahoza kuyoboka, uwo Mushefu abwira Padiri ati ibyo unsabye byo kubatizwa, reka nzabanze njye kubaza. Abazungu rero bari bazi ko kujya kubaza ari ukujya kuraguza”.

Akomeza agira ati ‟Padiri LA VALLART arihanukira ati have have sigaho, Kiliziya yakuye Kirazira”.

Ngo Padiri akimara kuvuga ibyo, Ruhorahoza yaramurebye amubaza ikibazo kirimo uburakari.

Ati ‟Ariko Padiri, niba Kiliziya yarakuye kirazira ubwo wowe warongora nyoko?”.

Ngo Padiri yamusubije agira ati ‟Uri umupagani ntabwo nakubatiza, Ruhorahoza ati ‟Simbabonye?, niba iwanyu mugira icyo muziririza, twe kuki mwumva ko tutagira icyo tuziririza”.

Nsanzabera avuga ko iyo mvugo Kiliziya yakuye Kirazira ikoreshwa n’abantu bayitwikira inyuma bagakora amafuti arimo ubujura, ubusinzi, ubusambanyi, ubwambuzi…,mu buryo bwo kwirwanaho mu mafuti, ariko ikagira n’ibyo ihanagura mu muco w’u Rwanda, yerekana ko bitakiri ngombwa.

Nsanzabera kandi yagize ati ‟Ni umugani w’abirengera, hari imiziro bashaka kuzimya kandi mu Kinyarwanda umuziro ntujya uzima, ntabwo uwo mugani ukwiye gushyigikirwa no guhabwa agaciro kuko wadukanywe n’abashaka guhanagura umuco, amateka n’imiziro y’abanyarwanda, kandi ntabwo ikwiye kuzima”.

Musenyeri Ntihinyurwa aravuga iki kuri iyo mvugo?

Musenyeri Thadée Ntihinyurwa, Arikiyesikopi wa Kigali uri mu kiruhuko cy’izabukuru, nawe yavuze ku mvugo Kiliziya yakuye kirazira, aho anenga abayitirira Kiliziya, kandi Kiriziya yaraje mu Rwanda itagamije gusenya umuco isanze ikaba itarigeze ihatira abantu kureka imyemerere yabo ngo bayigane.

Yabanje gusobanura kirazira ati ‟mu burere bw’abana, ababyeyi bakundaga kubabwira ko kureba ikintu kitameze neza ugaseka atari byiza kuko nawe ejo waba nkacyo, kirazira guca mu ijambo umuntu mukuru uko wiboneye, kirazira kwica akantu kose ubonye…”

Arongera ati ‟Kirazira ko umwana abona agasimba mu rugo akakica cyangwa akagaca amaguru, uwo mwana yafatwaga nk’inkunguzi, bakabuza umwana kwica utwo tuntu, ugasanga hari umwana utwica asa n’udushinyagurira. Uwo mwana yafatwaga nk’igikenya, kubona igishyimbo cyameze mu ntanzi z’urugo ukakirandura kirazira, ntawe urandura imyaka”.

Akomeza agira ati ‟Gutoza umwana izo kirazira niko yarerwaga kugira ngo akure yubaha ibyo abona, yita kubyo yumvise no kudashinyagurira ibyo abona nk’ako gasimba abona akagatanyaguza. Babonaga ko umwana udatinya izo kirazira byazamutera ubugome, ntabigire ku dusimba gusa akazabigira no ku bantu, ibyo rero barabibabuzaga, byari kirazira”.

Musenyeri Ntihinyurwa avuga ko imvugo Kiliziya yakuye Kirazira idakwiye gufatwa nk’aho abamisiyoneri baje bategeka abanyarwanda kuyoboka imyemerere yabo kuko n’umwami Rudahigwa yemeye kuyoboka Kiliziya nta gahato.

Ati ‟Hari abantu wasangaga batuye hafi ya Kiliziya kandi batabatije, barabandwaga ndetse ahari na Padiri akabyumva, ntacyo yigeze abatwara, wenda yasanze bitamureba cyangwa yanze kubahohotera”.

Arongera ati ‟ Kiliziya ntabwo izanwa no guhutaza izanwa no kwigisha kugira ngo muri uko kwigisha ni wumva bikunogeye uzayikurikire, niwumva kandi bitakunogeye ntabwo uzayikurikira, ntabwo Kiliziya yaje guhagarika umuco gakondo”.

Abatuye ako kagari bemeza ko bari mu bwigunge bukabije aho batagira umuriro, amazi n’ibindi bikorwaremezo bijyanye n’imyidagaturo, ngo bikaba byagusha urubyiruko mu bishuko by’ubujura n’izindi ngeso mbi.

Bavuga ko ubasuye agakenera amazi yo kunywa, bigorana kuyabona aho bagira ipfunwe ryo guha umushyitsi amazi bakoresha y’amarekano.

Mu gihe cy’izuba ngo bakoresha amazi y’ibiziba bajya kuvoma aho aba yiretse mu binogo byo mu ishyamba rya Pariki.

Ku kibazo cy’umuriro, abo baturage bavuga ko hirya no hino mu Murenge wabo wa Gataraga umuriro wamaze kugezwa ku baturage, ariko mu Kagari ka Rungu bakaba bategereje amaso agahera mu kirere.

Ubu ngo bashinze amapoto, ariko bategereje kubona umuriro, nyamara hashize umwaka. 
Bahangana n’imbogo bajya kuvoma

Aba baturage, ngo kujya kuvoma mu ishyamba, ngo hajyayo abagabo bafite imparaga zo gukora urugendo rw’amasaha atatu aho bagenda bakwepa inyamaswa zitandukanye ziganjemo imbogo.
Akingeneye Olive ati ‟ Ni abagabo gusa bajya kuyavoma nta mugore cyangwa umwana wapfa kwikoreza iyo nzira. Abagabo bacu iyo bagiyeyo dusigara dusenga ngo baze amahoro aho bagenda babisikana n’imbogo”.

Arongera ati ‟Dore nk’ubu mpetse uruhinja rutaramara n’icyumweru ruvutse, gufata uruhinja rwavutse wo munsi ukamukarabya amazi y’ibiziba atemba ni ikibazo, turakennye ku mazi ni badufashe”.

Zirimwabagabo Jean Marie Vianney we agira ati ‟Urajya kuvoma ibizenga mu byobo biba mu ishyamba ukagenda witwaje igikombe cyo kudaha, wagera mu rugo ugasanga amazi wavomye yuzuyemo imisundwe, ibyo bikaturwaza indwara z’inzoka. Ikibazo cy’amazi gikwiye gukemuka, tubayeho nabi pe bitewe n’urwo rugendo dukora rw’amasaha agera muri atatu tujya kuvoma ibyo birohwa”.

Abo baturage bavuga ko hari abagerageza bakajya kuzana amazi mu mirenge baturanye nka Musanze na Shingiro, bakayagurisha ku mafaranga 600 ku njerekani, ariko abo na bo ntibahoraho.

Aba baturage ngo bafite kandi ikibazo cyo kutagira ibikorwa remezo by’imyidagaduro, aho urubyiruko ruhavuka rwemeza ko ngo hari impano zo gukina umupira w’amaguru ziri gupfa ubusa.

Umwe ati ‟nta mupira w’amaguru tugira, ariko n’iyo twawubona, simpamya ko twabona aho tuwukinira. Icyakora tubanga umupira tugakina karere mu mihanda ikinyabiziga cyaza tugahagarika umukino, tugategereza ko kigenda.”

Undi ati ‟Ntawagura inkweto za siporo kuko ntiwazigura ngo uzikinishe karere mu muhanda. Nk’ubu nari kuzavamo umukinnyi ukome ye nka Ronaldo, ndetse andi makipe yo mu mirenge ifite ibibuga aza kuntira andwanira. Rwose ni badufash tubone ikibuga tuzamure impano ikipe y’igihugu Amavubi iradukeneye”.

Umuyobozi w’Akarere ka Musanze, Ndengimana Claudien, yabwiye abo baturage ko hari gukorwa ibishoboka ngo ibyo bikorwaremezo bitandukanye bibageraho.

Nko ku bijyanye n’amazi meza, yabijeje ko uruganda rw’amazi rwa Mutobo rwamaze kwagurwa rukaba rugiye gutanga amazi yikubye hafi inshuro enye. Iki ngo ni kiwme mu bisubizo bizabafasha gukemura ikibazo cy’amazi meza.

Umuyobozi w’akarere yambika abana inkweto

Ni ubukangurambaga bwatangirijwe mu kigo cy’amashuri abanza cya Nyabirehe giherereye mu ntanzi z’ibirunga mu Kagari ka Rungu mu Murenge wa Gataraga, kuri uyu wa kabiri tariki 17 Ukuboza 2024.

Ni ubukangurambaga butangiye ku gitekerezo cy’Umuryango Ireme Education for social impact (IESI) ufite icyicaro muri uwo murenge, nyuma y’uko ushinzwe n’abanyeshuri bize amashuri abanza kuri icyo kigo cy’amashuri cya Nyabirehe, nyuma yo kwiga bakaminuza biyemeza gusubira ku ivuko guteza imbere agace kubatsemo ishuri ryabareze dore ko ari ahantu h’icyaro habura byinshi birimo amazi meza.

Ubwo bukangurambaga bwatangijwe ku bufatanye bw’Ikigo cy’igihugu cy’ubuzima n’Ubuyobozi bw’Akarere ka Musanze buribanda ku mashuri yo mu Murenge wa Gataraga, Umurenge wa Musanze n’uwa Shingiro yegereye ishyamba ry’ibirunga, aho byagaragaye ko ako gace kugarijwe n’indwara zitandukanye zigenda zibasira bimwe mu bice by’umubiri cyane cyane ibirenge.

Nk’uko byagarutsweho n’umuyobozi wa IESI, Nyiraneza Olive, yavuze ko gutangiza ubukangurambaga bugamije isuku mu bana biri mu rwego rwo kubarinda izo ndwara zugarije ako gace.

Abayobozi basuye umurima w’igikoni w’iri shuri

Ati ‟Ubu bukangurambaga bugamije kuzamura ireme ry’ubuzima n’uburezi mucyo twise ‟Ipfundo fremwork”, mu kwirinda indwara ziterwa n’isuku nke twambika abana inkweto Ahateganyijwe inkweto 10,085.”

Nyiraneza yavuze ko mu byo biteze muri ubwo bukangurambaga, abaturage biganjemo icyiciro cy’ababyeyi, abanyeshuri n’abarezi bazasobanukirwa imbogamizi ziri mu gace batuyemo katagira amazi ahagije, bamenye uko batunganya amazi mu kwirinda indwara ziterwa n’umwanda zirimo inzoka, ndetse baharanire kwita kuri gahunda yo kwambara inkweto birinda indwara zirimo imidido zikunze kugaragara muri ako gace.

Mu kunoza imirire, uyu mushinga wateye inkunga ubworozi bw’inkoko ku ishuri rya Nyabirehe

Mu bushakashatsi bwakozwe n’Ikigo cy’Igihugu Gishinzwe Ubuzima (RBC) muri 2022, byagaragaye ko ku rwego rw’igihugu indwara ziterwa n’umwanda cyane cyane inzoka zibasiye abaturage ku kigero cya 40%.

Akarere ka Musanze kakaza ku bipimo biri hejuru, aho indwara z’inzoka ziri ku gipimo cya 48% nk’uko Nshimiyimana Ladislas, Umuyobozi w’agashami gashinzwe kurwanya indwara zititabwaho muri RBC abivuga.

Uko abaturage bakiriye ubwo bukangurambaga

Bamwe mu babyeyi barerera mu kigo cya Nyabirehe, bavuga ko bakuyemo isomo ryo kwita ku buzima bw’abana babo babambika inkweto mu kubarinda indwara zitandukanye.

Makuza Anastase ati ‟Wasangaga umwana yambara agakweto kamwe akagahoramo ugasanga arabangamiwe, yavaga ku ishuri inkweto akazikuramo akajya kuvoma yambaye ibirenge, kuba abonye inkweto ntabwo asongera kugendasha ibirenge akandagira hasi ku buryo byamutera amavunja”.

Umuyobozi w’Akarere ka Musanze, Nsengimana Claudien wafunguye ku mugaragaro ubwo bukangurambaga yasabye ababyeyi kurangwa n’isuku birinda indwara ziterwa n’umwanda, abizeza ko amazi agiye kugezwa muri ako gace nyuma y’uko umuyoboro wa Mutobo wamaze kwagurwa ukaba ugiye gutanga amazi yikubye inshuro enye kuyo wajyaga utanga.

Mu mihigo ya 2021-2022 Akarere ka Musanze kaje mu turere dutanu twa nyuma (25/27).

Naho muri Raporo y’Ikigo cy’Igihugu cy’Imiyoborere ya 2024 igaragaza uko abaturage bishimira imiyoborere, ako karere kagaragara ku mwanya wa 30/30.

Ibi kandi byiyongeraho imyanya mibi ako karere kakunze kuzaho muri gahunda yo kurwanya igwingira mu bana, ndetse no muri gahunda y’isuku n’isukura.

Ni akarere kandi kakomeje kugaragaramo ibibazo mu miyoborere, aho kamaze kuyoborwa n’aba Meya batanu mu myaka irindwi ishize.

Ibyo bibazo bigenda bigaragara muri ako karere, bikaba byagira ingaruka ku mibereho myiza n’iterambere ry’abaturage bigashyira akarere mu myanya mibi, ni kimwe mu bikomeje kwibazwaho na benshi mu batuye ako karere, nk’uko bamwe mu baturage babitangarije Kigali Today.

Hagenimana Venuste ati ‟ tukababazwa no guhora twumva akarere kacu mu myanya ya nyuma mu mihigo no mu zindi Raporo tubona. Twumvise ko ako karere kari no ku mwanya wa nyuma muri raporo ya RGB y’uburyo abaturage bahabwa serivise”.

Arongera ati ‟Iyo turebye, tubona akarere kacu kari gutera imbere. Reba iyi miturirwa yubakwa, reba amahoteli yo ku rwego rw’isi yubatswe mu Kinigi, reba imihanda urebe uburyo abantu bakunda kudusura baza kureba ibyiza nyaburanga birimo ingagi n’ibirunga, ariko buri gihe tukiyumva inyuma, twe biratuyobera”.

Mugenzi we ati ‟Birangora kwiyumvisha uburyo tuza inyuma mu bintu byose kandi dukize, nitwe tugaburira hafi igihugu cyose ibirayi, nitwe dufite ubutaka bwera, nitwe dukungahaye ku kirere cyiza udusuye akumva atataha, ariko ukumva ngo turi abanyuma mu mihigo, mu miyoborere, mu kurwanya igwingira, ntabwo tubyumva”.

Nyuma yo kubona izo mpungenge abatuye Akarere ka Musanze bagenda bagaragaza, zijyanye n’uburyo akarere kagenda kaza inyuma muri raporo zitandukanye z’uburyo uturere dukurikirana, Umuyobozi w’ako karere, Nsengimana Claudien, yagize icyo avuga kuri icyo kibazo, mu nama Komite Nyobozi y’ako karere iherutse kugirana n’abanyamakuru bakorera mu Ntara y’Amajyaruguru.

Yavuze ko kuba akarere gahora kaza ku mwanya wa nyuma, icyabuze ari ukumenyekanisha ibyo akarere gakora ngo abaturage babimenye.

Ati ‟Umwanya wa nyuma twagiyeho muri Raporo ya RGB, nimusoma iyo raporo murasanga kuba Musanze yaraje ku mwanya wa 30, si uko tudafite ibikorwa byadushyira ku mwanya wa mbere. N’ikimenyimenyi Huye yabaye iya mbere iri mu rugendoshuri hano i Musanze, bivuze ngo hari ibyo bagomba kutwigiraho”.

Arongera ati ‟Icyabuze ni ukumenyekanisha ibyo dukora, tukabatumira ngo mudufashe kubimenyekanisha, ku baturage ari nabo bagenerwabikorwa. Mu by’ukuri ibikorwa birahari ariko abaturage ntibabizi, ndetse n’ibitakozwe ngo basobanurirwe impamvu bitakozwe n’ingamba biri gufatirwa ngo bikorwe”.

Yerekana uburyo iyo raporo igaragaza ko abikorera b’i Musanze (PSF) hari ibyo batakoze mu gihe uyu mwaka akarere katashye inzu icumi z’amagorofa.

Akomeza agira ati ‟Ntabwo ari twebwe twaba tugaragara ko tudafite ibikorwaremezo mu gihe dufite imihanda ya kaburimbo iri ku burebure bwa kilometero 168.

Arongera ati ‟Ntabwo ari twe twavuga ko turi inyuma mu gihe twujuje isoko ry’ibiribwa ryatwaye miliyari 4,5Frw, mu gihe dufite isoko rinini nka GOICO, mu gihe dufite agakiriro kagezweho n’ibindi. Bivuze rero ko icyaburaga ari ukumenyekanisha ibyo dukora, ese tumenyekanisha dute ibyo dufiteho ibibazo cyangwa tutarakora ngo abaturage bacu babimenye, ndetse banatekereze bagaragaze n’uruhare rwabo mu guhigura imihigo”.

Uwo muyobozi yasabye abanyamakuru kugira uruhare mu gufasha abaturage gusobanukirwa ibyabateza imbere n’icyazamura imibereho yabo, birinda amakosa arimo kubaka ahashyira ubuzima bwabo mu kaga bakubahiriza igishushanyo mbonera n’ibindi.

Abakoresha ubu bwiherero bavuga ko ku muntu uhakorera, iyo wegeranyije amafaraga ijana batanga uko bagiye mu bwiherero usanga bahendwa.

Nk’uko bamwe bakomeza kubivuga, ngo hari ubwo usanga uwabuze ayo mafaranga agira ikibazo gishobora kumukururira kwiherera ahatemewe bigateza umwanda, basaba ko igiciro cyagabanywa, kikajya byibuze ku mafaranga 50.

Umubyeyi witwa Uwababyeyi Béâtrice, ati ‟Kwishyura ubwiherero bikomeje kuduhombya. Urajya mu bwiheroro ukishyura 100Frw, kandi mu by’ukuri badusaba kunywa amazi mu buryo bw’intungamubiri, ariko sinshobora kunywa litiro y’amazi kuko byansaba kujyayo kane, gatanu bitewe n’uko umubiri wanjye wakoze. Sinabona ayo mafaranga ya buri munsi”

Uwo mubyeyi avuga ko arwara indwara imusaba kujya mu bwiherero byibura gatanu ku munsi, ariko kugerageza kwifata ngo na byo bishobora kumwangiriza ubuzima kurushaho.

Umutoniwimana Solange we agira ati ‟Ni ikibazo gikomeye, nk’ubu umuntu ava mu rugo anyweye amazi cyangwa igikoma bikaba ngombwa ko ajya kwihagarika n’inshuro eshanu, none amafaranga 500 si ikibazo? Hari n’ababura igiceri bakajya kwihagarika ahandi hantu hatemewe bikaba byateza umwanda”.

Kigali Today yegereye umukozi ashinzwe gucunnga no kwishyuza ubwo bwiherero, avuga ko ibijyanye no kugabanya icyo giciro byakwigwaho n’abakuriye isoko, yemeza ko hari uburyo bashyizeho bworohereza abafite ibibazo bitandukanye.

Ati ‟Umugore utwite n’umuntu urwaye diabete ntabwo tubishyuza, bazana ibyemezo byo kwa muganga bakihagarika ku buntu. Twe twahawe akazi, abadukuriye nibo bafata icyemezo cyo kugabanya icyo giciro, dukora ibyo dutegetswe”.

Umunyamabanga nshingwabikorwa w’akarere ka Musanze Kanayoge Alex, avuga ko icyo kibazo cyabo bacuruzi gifite ishingiro, ngo barakiganiraho gikemuke.

Ati ‟Reka mbihuze na bya bihumbi 10Frw twaka, ni ukugira ngo tubone amafaranga yo kwita ku nyubako si ugushaka gusaba abantu amafaranga menshi, ariko hagiye gutorwa Komite ibareberera. Tuzicarana twongere turebe icyakorwa, ibyo turabisuzuma kandi birakemuka vuba”.

Iri soko rifite ubushobozi bwo gukoreramo abacuruzi bagera mu bihumbi bibiri.

Imbwa z’ibihomora zongeye kwica ihene z’abaturage mu Karere ka Gakenke

Umuyobozi w’Akarere ka Gakenke Mukandayisenga Vestine, yatangarije Kigali Today ko izo mbwa bari baziteze hapfamo eshanu, hakaba bakomeje gushakwa uburyo bakiza abaturage izo mbwa zikomeje kubahungabanyiriza umutekano zibicira amatungo.

Yagize ati ‟Nibyo ejobundi izo mbwa z’ibihomora zishe amatungo atanu, iki kibazo cy’izo mbwa, ubwo zicaga amatungo umunani twasuye abaturage tubagira inama z’uburyo bakwiye kurinda umutekano w’amatungo yabo”.

Arongera ati ‟Icyo twakoze, hari imiti dukoresha twateze izo mbwa hapfa eshanu, kariya gace ka Huro hariyo imbwa nyinshi, turakomeza kuzitega ndetse n’ubu tuvugana Polisi yagiye i Kigali kuzana undi muti. Ni ibibwa bituruka aho mu bihuru, tuzakorerayo inteko ku wa kabiri tuganire n’abaturage turebere hamwe impamvu y’izo mbwa zikomeje gutera abaturage”.

Meya Mukandayisenga arashinja abaturage uburangare

Uwo muyobozi nyuma yo gutangaza ko bagiye gushumbusha abo baturage bari biciwe ihene umunani, avuga ko bisubuyeho kuri icyo cyemezo bashumbusha umwe muri bo byagaragaye ko atishoboye, abandi barabareka nyuma yo gusanga bishoboye.

Ati ‟Ubwo se washumbusha umuntu ufite uburangare ntube uri kubumwongerera, ni ukubumwongerera ndetse wasanga buri wese yagiye kuzirika amatungo ku gasozi, kubera ko aba yizeye gushumbushwa mu gihe amatungo agize ibibazo, urumva bari benshi ariko twarebyemo ukennye muri bo abandi twasanze bifashije, singombwa gukomeza gufasha abifashije kandi tugifite abakene”.

Meya Mukandayisenga kandi yagarutse ku burangare bw’abaturage, nyuma y’uko ngo bagiriwe inama yo kwirinda gusiga amatungo yonyine ku gasozi, avuga ko bakwiye guha agaciro k’amatungo boroye.

Ati ‟Abaturage twarabihanangirije tubabwira ko mu gihe bajyanye amatungo yabo kuyazirika ku gasozi basigayo umuntu wo kuyacungira umutekano, umuturage niwe ukwiye gufata iya mbere akirinda kujyana amatungo ku gasozi, kuko izo mbwa na bo ubwabo bazi ko zihari barazibonera, ni gute umuturage atigira kubyabaye mbere agasubira mu ikosa, uburyo bari gufata nabi amatungo yabo birasa nabi”.

Uwo muyobozi yavuze ko nawe ubwe, hari ubwo anyura ahantu agasanga amatungo aranyagirwa, akababazwa n’uburyo abaturage bataramenya agaciro k’amatungo boroye.

Ati ‟Uyu muco mubi wo kutita ku matungo urahari hano mu Karere, nanjye ubwanjye njya ngenda nkagera ahantu imvura iri kugwa, nkabona ihene ku gasozi ziranyagirwa nta muntu uzitayeho ku buryo ndi umujura nafata ihene ngashyira mu modoka, nta n’uwamenya uwazibye, mu by’ukuri harimo uburangare bw’abaturage bacu”.

Uwo muyobozi yabasabye kwirinda kurangara bagafata neza amatungo yabo borora bayategerejeho imibereho. Abizeza ko icyo ubuyobozi buri gukora ari ugushaka igisubizo kirambye cy’ikibazo bafite cy’izo mbwa zikomeje kubicira amatungo.

Abanyamusanze barishimira ko igiciro cy’ibirayi cyamanutse

Igipimo fatizo cy’ibirayi gikunze gufatirwa ku mbuto ya Kinigi, abenshi bemeza ko ariyo mbuto ikunzwe na benshi, bakemeza ko ari nayo mbuto ibasha kwihanganira uburyo bwose yatekwamo ntibihungabanye umwimerere wayo.

Ubwo Kigali Today yageraga mu masoko atandukanye yo mu Karere ka Musanze ndetse no muri butike zimwe na zimwe zo mu nkengero z’Umujyi wa Musanze, abaturage bayitangarije ko bishimiye igabanuka ry’igiciro cy’ibirayi, dore ko hari abemeza ko bari barabihagaritse ku ifunguro ryabo rya buri munsi kubera uburyo byari bihenze.

Nzabarinda Isaac, Umuhinzi w’ibirayi wabigize umwuga wo mu Karere ka Musanze, yavuze ko iryo gabanuka ry’igiciro cy’ibirayi ryatewe n’uko bigeze igihe cy’umwero wabyo, imvura nayo ngo ikaba yaraguye ku rugero rwiza.

Abaturage bishimiye igabanuka ry’igiciro cy’ibirayi

Ati ‟Ibirayi byabonetse ku bwinshi, ibyo Abanyarwanda bifuje twe abahinzi twabibakoreye ibiciro biramanuka. Mu cyaro ikilo cy’ibirayi kiri hagati ya 370Frw na 400Frw. Igiciro fatizo navuga ko ikilo cy’ibirayi ari amafaranga 400”.

Arongera ati ‟Ibanga n’uko twahinze byinshi imvura igwa mu rugero n’izuba riva mu rugero birera umusaruro uriyongera, ubu hari ibyo turi guhinga bizera muri Werurwe no muri Mata 2025, twafatiye ingamba ubuhinzi bw’ibirayi, ibiciro ntabwo bizongera kuzamuka cyane, bizazamuka gato mu kwezi kwa mbere n’ukwa kabiri”.

Ubwo Kigali Today yageraga mu isoko ry’ibiribwa rya Musanze, yasanze ibirayi byiza bya Kinigi biri ku mafaranga 450, uguze indobanure akishyura amafaranga 500 ku kilo, mu gihe uwitwaje amafaranga 400 nawe yabonaga ibiri mu rugero.

Hari abemeza ko bari barabihagaritse ku ifunguro ryabo rya buri munsi kubera guhenda

Iryo gabanuka, ni ibyishimo ku baturage nk’uko bamwe muri bo babivuga, ndetse bakemeza ko ipfa bari babifitiye rigiye gushira.

Umurerwa Daphrose ati ‟Kinigi nziza ikilo kiri kugura 450Frw kuko umucuruzi ari kubirangura kuri 420Frw, turishimye kuko ibirayi byaryaga umugabo bigasiba undi aho mu minsi ishize ikilo cyari ku mafaranga 700 na 800, ariko ubu kuba biri kuri 400Frw, buri muturage aba afite ubushobozi bwo kubihaha, uwaguraga ikilo cy’ibijumba 350Frw ari kongeraho igiceri cya 50 akagura ikilo cy’ibirayi”.

Arongera ati ‟Hari abari babivuyeho burundu, none se niba ufite ibuhumbi 2000Frw ukaba waguraga ibiro bitagera kuri bitatu none ayo mafaranga akaba ari kugura ibiro bitanu urumva atari inkuru nziza. Gusa nta mahirwe twabiha ko bizagera ku minsi mikuri bigihendutse, kuko ubusanzwe ibirayi biduha ibyumweru bitarenze bibiri byo kumanuka cyangwa kuzamuka, ubu wasanga kuri Noheli bizaba byuriye”.

Hari abavuga ko batizeye ko bizageza mu minsi mikuru isoza umwaka bigihendutse

Undi ati ‟Abaturage turishimye cyane kuba ibirayi byamanutse, nari narabivuyeho none nabisubiyeho kandi ndi kurya ngahaga, nagiraga 1000Frw singire icyo nkimaza, none ndi kukiguramo ibiro bibiri bakangarurira, ubu mu rugo iwanjye ni amahoro”.

Bamwe mu bacuruzi b’ibirayi kuri bo ngo kumanuka kw’ibirayi ni igihombo

N’ubwo abenshi bishimiye iryo gabanuka ry’igiciro cy’ibirayi, bamwe mu babicuruza baremeza ko iryo gabanuka rikomeje kubateza ibihombo kubera ko iyo biri ku giciro gito, biteza ikibazo cyo kubigurisha mu kajagari badasora, bigahombya abasora.

Icyizanye Francine ati ‟Ibirayi byamanutse abaturage bishimye kuko babonye ibiryo, ariko twe abacuruzi biraduhombya, hano ni hafi y’imirima umuturage arasaruro akabizengurukana aho ariho hose agenda ku maduka aho asanze amamodoka bakamwegera, igiciro cyose bamubwiye akacyakira kubera ko nta misoro baba bakwa”.

Bamwe mu bacuruzi b’ibirayi kuri bo ngo kumanuka kw’ibirayi ni igihombo

Arongera ati ‟Abo bagenda bazenguruka mu mihanda bibizerereza mu maduka nibo baduhombya, agurisha make akigendera kubera ko biba byabaye byinshi”.

Mugenzi we witwa Umutoniwimana Solange ati ‟Twe abacuruzi turi guhomba kubera ubwinshi bwabyo, nk’ubu nacuruzaga ku munsi ibiro 300 ariko ndi gucuruza 100 gusa, kubera uburyo abaturage bari kubyeza bakabigurisha mu kajagari ntitubone abaguzi”.

Ikilo cy’ibirayi bya Kinigi ni 450Fw na 500Frw, ubundi bwoko bw’ibirayi ni 400Frw, ikilo cy’igitoki ni amafaranga 500 na 450, ibijumba ni 350Frw, ikilo cy’ibitunguru kiragura 1000Frw, ikilo cy’amashaza 1300Frw, ikilo cy’ibishyimbo byumye ni 1300Frw naho ibitonore 1000Frw, ikilo cy’umuceri ni 1500Frw na 1700Frw, karoti 1000Frw, inyanya 1500Frw intoryi 1500Frw.

Icyo Kigo Nderabuzima giha serivisi abaturage babarirwa mu bihumbi 21 biganjemo abaturuka mu Mirenge itatu ari yo Umurenge wa Muko, uwa Nkotsi n’uwa Kimonyi, cyubatswe mu 1986 izo nyubako zivugururwa muri 2023, ahashyizwe ibikoresho bitandukanye byifashishwa mu gutanga serivisi zitandukanye z’ubuvuzi.

Abagana icyo kigo barashima cyane ko cyavuguruwe inyubako zishaje zirasenywa izindi ziravugururwa hubakwa izijyanye n’icyerekezo zirimo igeretse rimwe, abo baturage bakemeza ko ibyo bikomeje kubarinda umwanda wagaragaraga muri iryo vuriro waterwaga n’izo nzu zishaje kugeza ubwo abazaga kwivuza banyagirwaga.

N’ubwo bishimira izo nyubako nziza, bavuga ko serivisi basabira muri iryo vuriro zitaranozwa neza kubera ubucye bw’abaganga n’abakozi b’iryo vuriro, bagasaba Leta ko yabongerera abakozi mu kwihutisha serivisi z’ubuvuzi.

Uzamukunda Spéciose ati “Twishimiye iterambere Leta yatuzaniye ivugurura iri vuriro. Ariko turifuza ko batwongerera abaganga kuko abari hano ni bake, hari ubwo ugera hano mu gitondo wazindutse cyane ugataha mu ijoro”.

Arongera ati “Urasanga abaganga babiri bari ku kazi, umugore utwite yaza kubyara ugasanga umuganga wari uri kwita ku bandi agiye kwita kuri uwo mugore, ugasanga turi kwitotombera abaganga kandi na bo nta kundi babigenza aho usanga bavura benshi kandi bo ari bake, ugasanga natwe uburwayi buriyongereye kubera gutinda kuvurwa. Ntacyo tuveba abaganga barakora pe, ikibazo ni bake”.

Tuyisenge Etienne ati “Ibibazo by’inyubako byarakemutse, ariko na none abaganga ni bake cyane ugereranyije n’umubare w’abantu bakira, bakeneye kongerwa kugira ngo abantu bareke gukomeza gutinda ku mirongo, mu rwego rwo kwirinda ko umuntu ashobora kuba yaharembera”.

Barasebanya Patrice umaze imyaka 36 akora isuku mu Kigo Nderabuzima cya Kabere, na we asanga umubare w’abakozi muri icyo Kigo Nderabuzima ari muto ku bakinaga, agasaba ko abaganga bongerwa.

Ati “Abaganga ntabwo bahagije rwose, usanga abaturage bategereza igihe kirekire kubera ubuke bw’abaganga”.

Icyo kigo nderabuzima gitanga serivisi zitandukanye zakira abaza kwivuza bataha n’abacumbika. Zimwe muri izo serivisi zirimo kwakira ababyara, gupimisha inda, kuboneza urubyaro, kwita ku bafite indwara zitandura, kwita ku bana bafite ikibazo cy’imirire mibi, gukingira, serivisi za Laboratwari, kuvura inkomere, abafite uburwayi bwo mu mutwe n’izindi.

Umuyobozi w’Ikigo Nderabuzima cya Kabere, Janvière Mukarusine, na we yemeza ko ikibazo cy’abaganga bake kikiri imbogamizi muri iryo vuriro.

Ati ‟Nk’uko abaturage bakomeje kubivuga, dufite abaganga bake aho abo duteganyirijwe mu mbonerahamwe y’abakozi hari abo tudafite. Ubu dufite abaforomo barindwi n’umubyaza umwe, tukagira n’abunganira abaganga icyenda”.

Arongera ati “Abo n’ubwo bahari dufite icyuho turacyabura abaganga batatu kandi n’ubwo bakwiyongeraho nabwo wasanga badahagije kuko usanga umuganga umwe azenguruka muri serivisi zirenga eshatu.

Arongera ati ‟Niba hari abagore baje kwipimisha inda hakaba hari undi waje kubyara, wa muganga arasiga abaje kwipimisha ajye kubyaza, kandi kubyaza ni ibintu bifata umwanya, ugasanga ba bandi baje kwipimisha inda barambiwe”.

Abagana iki kigo nderabuzima bavuga ko serivisi zaho zidindizwa n’umubare udahagije w’abakozi

Mu kumenya icyo inzego nkuru z’ubuzima zivuga kuri icyo kibazo, Kigali Today yavuganye n’Umuyobozi w’Ibitaro bya Ruhengeri, Dr. Muhire Philbert, bifite mu nshingano kureberera icyo Kigo Nderabuzima, avuga ko icyo kibazo bakigejeje kuri Minisiteri y’Ubuzima (MINISANTE) babwirwa ko barimo kwiga uko bagikemura.

Ati ‟Ikigomba gukorwa muri rusange ni ukuvugurura imbonerahamwe y’imyanya y’imirimo mu Bigo Nderabuzima kuko itajyanye n’Akazi kagomba kuhakorerwa. Naho imyanya iba itarimo abakozi yo turabikurikirana bagahita bajyamo”.

Ikindi abo baturage bagarutseho, ni ikibazo cy’umuhanda mubi ugana kuri icyo Kigo Nderabuzima cya Kabere, aho bigora abarwayi kugera mu bitaro bya Ruhengeri mu gihe bibaye ngombwa ko boherezwayo.

Mu rugo kwa Niyonsaba Agnes utuye mu Murenge wa Nkotsi

Uwo mugore warokotse Jenoside yakorewe Abatutsi, aherutse gutangaza ko mu bimuhangayikishije harimo umutekano we nyuma y’uko bamwe mu baturanyi be bakunze kumubwira amagambo akubiyemo ivanguramoko n’ingengabitekerezo ya Jenoside.

Nyuma yo gutangaza izo mpungenge ze, ubuyobozi mu nzego zitandukanye bwaramusuye bukurikirana ikibazo cye ndetse ngo abagore batatu bakekwaho kumutoreza batabwa muri yombi, nk’uko Kayiranga Théobald, Umuyobozi wungirije w’Akarere ka Musanze ushinzwe imibereho myiza y’abaturage yabitangarije Kigali Today.

Ati ‟Icyo kibazo cy’uwo mubyeyi twaragikurikiranye, abantu baramusuye mu buryo butandukanye, inzego za IBUKA n’abakozi b’Akarere twagiyeyo turamusura twumva ikibazo cye. Kugeza ubu hari abantu batatu bafunze bari gukurikiranwaho ibijyanye n’itotezwa ry’uwo mubyeyi”.

Arongera ati ‟Ubu nta kibazo, umutekano we urizewe, inzego z’umutekano zirahari n’umuryango yashatsemo bamubwiye ko bamuri hafi”.

Nyuma y’uko uwo mugore agaragaje impungenge z’umutekano we muke, bamwe mu bo ashinja kuwuhungabanya bakanabifungirwa, Kigali Today yanyarukiye iwe mu rwego rwo kumenya uko abayeho nyuma yo kugaragaza izo mpungenge z’abakomeje kumubwira amagambo amukomeretsa.

Aganira na Kigali Today yavuze ko afite ubwoba bw’umutekano we abona ko ugerwa ku mashyi, ati ‟Mbaho mu bwoba, umutekano wanjye uragerwa ku mashyi, ubuyobozi buzi ko bwakemuye ikibazo cyanjye ariko njyewe mbona ndi gukabakaba urupfu”.

Yavuze urugendo rwo kumutoteza, aho ngo bamwe bamuteye mu rugo rwe barimo abitwaje intwaro gakondo, inzego zitandukanye ziramutabara, zifunga abo bari bamuteye, nyuma y’igihe gito barafungurwa.

Ati ‟Uwa mbere yanteye mu rugo yitwaje urusangurizo (uruhabuzo) aza anyita umututsi, baramufashe baramufunga ngiye kubona mbona agarutse, bamufungurana n’undi wari wambwiye ngo azanyica ngo angure ibihumbi 100, baraza bakora ibirori n’umuryango wabo, nibwo batatu mu bari muri ibyo birori banteye iwanjye barabafunga, ikimbabaza n’uko ababikora bose ni abagore bagenzi banjye”.

Natunguwe no guhurira mu nzira n’abo nari nzi ko bafunze

Niyonsaba avuga ko icyamutunguye ari uguhura n’abo yari azi ko bafunze bazira kumuhohotera, avuga ko afite ubwoba bw’uko bashobora kumugirira nabi.

Ati ‟Amakuru mfite n’uko abo bari bafunzwe bamaze gufungurwa, babiri muri bo namaze kubabona turaturanye rwose, niba ari ruswa batanze baranyica batange andi mafaranga”.

Arongera ati ‟Kuba abo ubwo bari mu birori byo kwishimira ko bagenzi babo barekuwe, bakantera iwanjye bakambwira bati, ese ko abavandimwe bacu bafunguwe bataramaramo iminsi 30 ubwo ntabwo umwaye, none baje nta n’iminsi 10 bamaze, kandi ubuyobozi bwaba ubw’Umurenge n’Akagari bose bazi impamvu batashye”.

Uwo mugore aravuga ko kuba abantu bafunzwe bazira kumuhohotera nk’uwacitse ku icumu rya Jenoside, icyifuzo cye ari uko bari kubanza kubimumenyesha byaba na ngombwa bakabahuza aho guhurira nabo mu nzira kandi yari azi ko bafunze.

Ati ‟Niba ubuyobozi buriho ni bundenganure, niba umuntu akoze icyaha akaba acyemera, akaba yemera ko yanteye iwanjye n’umuhoro n’urusangurizo barangiza bakamufungura, ubuyobozi butandenganura, nonese bazandenganura bamaze kunyica?, njye mfite ubwoba Leta n’indenganure”.

Arongera ati ‟Nturanye n’abo baje bigamba, ese urabona mbakizwa n’iki ko bitwaza ko nabafungishije bakampiga, ubu nabaye ikihebe mfite ubwoba ko nshobora gupfa, kuki bajya kubafungura batabimbwiye nkababona mpuriye na bo mu nzira?”.

Uwo mubyeyi arashimira bamwe mu baturanyi be bakomeje kumuba hafi, ati ‟Hari abaturage beza babona urwo rugomo nkorerwa bakambera n’abahamya. Mudugudu yankoreye anketi zirenze eshatu ndetse ubwa mbere bansaba imbabazi ndazibaha, ariko aho nazibahereye nibwo nabuze amahoro cyane, nibwo bagiye bansanga mu nzu bakavuga ngo ndi Umututsi ibintu nk’ibyo, ndasaba ubuvugizi”.

Abaturanyi barabivugaho iki?

Bamwe mu baturanyi b’uwo mugore na bo, baremeza ko mu bibahangayikishije umutekano we urimo, nyuma yo kumva ko abari barafunzwe bazira kumukorera ivangura bafunguwe.

Uwitwa Kamugisha Laurent ati ‟Ikibazo cy’uyu mubyeyi kirakomeye, mu minsi yashize hari abagore baturanye bajyaga bamutoteza bakamucyurira ngo ni Umututsi, ngo ukwezi kwa kane kugiye kugera ngo agiye kubona ibyo kurya, bakazana n’imbaraga bakamurwanya, urabona aho atuye ni ku nzira, bakamusanga iwe”.

Arongera ati ‟Ubwo bari bamuteye iwe bagenda bamutera amabuye tugatanga amakuru bakabafunga, twamenye ko babafunguye kandi bari bakoze ibigaragarira abaturage ko bitari byiza. Nibura iyo babarekura bakabatuzanira bagasaba imbabazi, ntabwo twumva impamvu abo bagore babarekuye kandi baratuzaniye ingengabitekerezo ya Jenosdide aho dutuye”.

Akomeza agira ati ‟Ubu nti tuzi impamvu barekuwe, ese bagizwe abere, basabye imbabazi, byagenze bite?, rwose ubuyobozi buduhe amakuru kuba abantu nk’abo baza bishima cyangwa bamutoteza bamubwira ngo yikojeje iki?, rwose imbere y’abaturage natwe iyo tubonye uwagize nabi atashye biratubabaza”.

Kigali Today yashatse kuvugana n’abo baturage bakekwaho gutoteza Niyonsaba Agnès, kugira ngo bagire icyo batangaza kubibavugwaho ariko ntibyakunda.

Visi Meya Kayiranga, arasaba abaturage kureba ibihuza Abanyarwanda kuruta kureba ibishobora kubatanya.

Ati ‟Uyu munsi dufite ubuyobozi bwiza bwigisha abantu kubakira ku buvandimwe, kuri Ndi Umunyarwanda, bwerekana ko abantu bafite uburenganzira bungana. Dufite umutekano, ibikorwaremezo, ibyo byose tubigeraho kubera ko twakoreye hamwe, dukwiye kureba ibiduhuza kuruta ibidutanya”.

Inkuru bijyanye:

Musanze: Uwarokotse Jenoside amaze imyaka itatu atotezwa n’abaturanyi

Ni impanuka yabereye aho bita ku kamakara saa kumi n’ebyiri n’igice z’umugoroba zo kuri uyu wa kabiri tariki 03 Ukuboza 2024, aho uwo muturage ngo yasohotse mu modoka yi Coaster yavaga mu Mujyi wa Musanze yerekeza i Rubavu, agogwa n’imidoka yavaga i Rubavu nk’uko Umuvugizi wa Polisi mu Ntara y’Amajyaruguru, SP Jean Bosco Mwiseneza yabitangarije Kigali Today.

Yagize ati ‟Mu muhanda wa Kaburimbo habereye impanuka y’imodoka iri mu bwoko bwa Prado, itabashije kumenyekana yavaga mu cyerekezo cya Nyabihu yerekeza i Musanze, igonga umunyamaguru wambukaga umuhanda witwa Ndabarinze Théoneste w’imyaka 40, akigezwa kwa Muganga yitaba Imana”.

Ndabarinze Théoneste waguye muri iyo mpanuka, biravugwa ko yari umwarimu mu Rwunge rw’Amashuri ya Kamubuga.

Uwo mushoferi wagonze umuntu agakomeza urugendo aracyashakishwa kugira ngo akurikiranwe n’amategeko.

Mu kiganiro Umuvugizi wa Polisi y’u Rwanda, ACP Boniface Rutikanga aherutse kugirana n’abanyamakuru bahagarariye ibitangazamakuru bikorera mu Ntara y’Amajyaruguru, cyibanze ku kunoza imikorere n’imikoranire mu kurwanya ibyaha bigaragara muri iyo ntara n’ishusho y’uko umutekano wifashe. Aha yagarutse ku mubare munini w’Abapolisi birukanwa n’ikibatera kwirukanwa.

Avuga ko kuba bigaragarira benshi ko umubare munini w’Abapolisi birukanwa bidakwiye guca igikuba, kuko bituruka na none ku mubare munini w’abakozi icyo kigo gifite bityo hakabonekamo abakosa.

Ati ‟Abapolisi kuba bashobora kuvanwa mu nshingano ari benshi ni uko Polisi ari kimwe mu bigo bifite abantu (abakozi) benshi. Kuba ufite abakozi barenga ibihumbi 20 birashoboka ko kugiramo abantu bafite imyitwarire ituma umubare munini uva mu kazi, bitandukanye n’ikigo gifite abantu 50 cyangwa 100”.

Arongera ati ‟Mwibuke ko dukora akazi gasaba kwihanganira amakuru ayo ari yo yose, cyane cyane ko dukora akazi gafite aho gahuriye n’aho umwe mu bakozi ashobora kwitwara nabi akarenganya abantu, abandi bakabirenganiramo kuko crédibilité (isura) y’ikigo ituruka ku myitwarire y’abakozi bagikorera”.

ACP Rutikanga, yavuze ko nta mupolisi n’umwe wirukanwa hatabayeho kubanza kumugira inama inshuro zirenga ebyiri, avuga ko uwirukanwa aba yihanganiwe mu buryo bwose bushoboka.

Ati ‟Uriya mubare w’abirukanwa ni munini, ariko umubare uba wababariwe bitewe n’uko abayobozi babikurikiranye ni munini kurusha”.

Akomeza agira ati ‟Nta mupolisi n’umwe wirukanwa nibura adaciye mucyo twita Disciplinary Unit nibura inshuro ebyiri bamugira inama, rimwe agafungwa akagirwa inama akarekurwa agasubira mu kazi, akongera agasubira mu makosa bakongera bakamugira inama, akongera byananirana agashyirwa kuri lisite yo gutaha”.

Ruswa ku isonga mu byirukanisha umupolisi

ACP Rutikanga mu kiganiro n’abanyamakuru

Umuvugizi wa Polisi, yavuze ko mu birukanwa akenshi usanga bazira ruswa nk’icyaha kitababarirwa muri Polisi y’u Rwanda, kugeza n’ubwo uretse n’uwahamijwe icyo cyaha n’uwayiketsweho atababarirwa.

Ati ‟Ruswa yo ntabwo urindira kugirwa inama kabiri gatatu, ishobora kutaguhama mu rukiko ariko twebwe kuba ufite iyo sura ya ruswa, ni ukuvuga ko utaba ugifitiwe icyizere cyo guhabwa umurimo uguha izi mbaraga, iri darapo twambaye rifite imbaraga zikomeye, ukinnye nabi abaturage bahagwa”.

Arongera ati ‟Twifitemo ububasha (autorité) muri twe, ntabwo wakomeza kwihangana ngo utange amahirwe ku muntu ufite autorité iremereye, ngo akomeze akore amakosa umubona ko hari ibyo ari bwangize, hari abantu ari bubangamire, ahubwo wamuha amahirwe agasohoka akajya mu bundi buzima”.

Akomeza agira ati ‟Ruswa ni kimwe mu byaha Polisi itajya yihanganira na gato, iyo uyivuzweho kabiri gatatu kandi koko tukabona ko kubyo uvugwaho bigaragara ko harimo ruswa, nubwo tutayigufatana turareba tuti urazi? Biragaragara ko tutazakomeza gukorana, nubwo tutagufatana igihanga ariko bikagaragara ko aho hantu yahabaye uwo mupolisi arataha. Ariko hari komite zibyigaho zikabireba tukareba n’imyitwarire y’umuntu tukavuga tuti oya uyu muntu agomba gutaha”.

ACP Rutikanga, yagarutse ku bindi byirukanisha umupolisi mu kazi, avuga ubusinzi, ubusambanyi, kwiyitirira umwuga udakora, guta akazi…, avuga ko uwo bigaragayeho akarenga ku nama agirwa atihanganirwa.

Ati ‟Ubusinzi buhora bwisubiramo nibura kabiri kikurikiranya, bakakugira inama ugasubira mu kazi ukongera ugasinda bimwe wiyandarika ukandarika n’urwego (Polisi), ibyo ngibyo biragucyura”.

Arongera ati ‟Ubusambanyi, kwiyandarika muri rusange bikura umupolisi mu kazi. Guta akazi ukagenda kugeza ubwo urangiza ya minsi irindwi utari mu kazi nta makuru, nta ki…, ibyo birahagije kugushyira kuri lisiti yo kwirukanwa”.

Uwo muyobozi yatanze urugero ku mupolisi wari ukirangiza amahugurwa amwinjiza mu Gipolisi, afatirwa mu cyaha cyo kwiyitirira umwuga, ahita yirukanwa.

Ati ‟Umupolisi ukirangiza, muri aba barangije ejobundi, yagiye muri cya kiruhuko bahabwa bakajya gusura imiryango mbere y’uko batangira akazi, ageze mu cyaro iwabo atangira kujya mu masoko gusoresha abantu yigize umukozi wa Rwanda Revenue Authority”.

Arongera ati ‟Harya uwo ugize amahirwe yo kumubona hakiri kare, wamubwira ngo nibwo ukirangiza ukamubabarira koko?, urumva uwo wamurekera muri Polisi?, cyangwa wamubwira uti warakoze nyine hita utaha”.

Akomeza agira ati ‟Ari wowe uyobora Polisi umuntu nk’uwo wamuha andi mahirwe kandi yakwiyeretse hakiri kare?. Ntabwo aranamenyera, ntabwo aratangira akazi agiye mu bantu yigize umukozi wa Rwanda revenue, noneho niyambara imbunda ikizakurikiraho ni iki?”.
ACP Rutikanga yavuze ko mu gusezerera umupolisi binyura mu nzego (Comité) zitandukanye, aho umupolisi aba afite uburenganzira busesuye bwo kujuririra umwanzuro yafatiwe.

Ati ‟Tugira Komite ishinzwe discipline, naho dukorera hose tugira komite ya discipline, na hano mu Ntara y’Amajyaruguru irahari, izo komite zibamo na komite y’ubujurire, iyo komite y’urwego rw’ibanze inaniwe, wa wundi uri kuregwa akabona ko arenganye ajuririra komite ya disipline iyikuriye”.

Akomeza agira ati ‟Hari naho agera kuri komite ya disipline y’Urwego rw’igihugu ku Kacyiru, ikuriwe n’Umuyobozi mukuru wa Polisi wungirije ushinzwe abakozi, bakamwumva akaba yagabanyirizwa igihano, akaba yarenganurwa bakemeza ko asubizwa mu kazi cyangwa akirukanwa bitewe n’imyitwarire”.

Akenshi ngo umupolisi yisanga kuri lisiti yo kwirukanwa iyo aregwa ruswa, icyaha cyo kwiyitirira inshingano, gusubiramo amakosa amwe namwe yagiriweho inama yo kuyareka arimo ubusinzi, ubusambanyi n’ibindi.

Umupolisi wakoze icyaha ahanirwa he?

ACP Rutikanga yagarutse ku byibazwaho na benshi byo kuba umupolisi ukekwaho icyaha afunganwa n’abasivire, avuga ko itegeko rigenga Polisi muri iki gihe ari ko ribiteganya.
Ati ‟Abapolisi turi abakozi ba Leta, amategeko ateganya ko duhanirwa mu butabera bwa gisivile, birumvikana ko umupolisi wakoze amakosa yisanga afunganwe n’abandi banyabyaha b’abasivile”.

Arongera ati ‟Kugeza ubu ntabwo ari itegeko rishyirwaho na Polisi nka Polisi gusa, ni itegeko rusange, kugeza igihe itegeko ritazaba riteganya gutyo wenda icyo gihe tuzisanga natwe dufite ibitugenga, ariko birashoboka ko umupolisi yisanga afunganye n’abandi kuko kugeza ubu amategeko ateganya ko natwe ibyaha penal tubikurikiranwaho kimwe n’abandi bantu bose b’abasivile”.

Abagaba b’ingabo zirwanira ku butaka mu Rwanda no muri Uganda

Ni amasezerano basinyanye tariki 30 Ugushyingo 2023, ubwo hasozwaga iyo nama nyunguranabitekerezo yari imaze iminsi itatu ibera mu Karere ka Musanze, aho yari igamije kurebera hamwe imibanire y’abaturage baturiye imipaka ihuza ibihugu byombi.

Hari kandi no kurebera hamwe uburyo bwo kurushaho kunoza umutekano w’imipaka hirindwa ibiwuhungabanya, birimo kwambutsa ibiyobyabwenge, ubucuruzi butemewe burimo ubwa magendu, gukoresha umupaka mu buryo bunyuranyije n’amategeko n’ibindi byaha byambukiranya imipaka bishobora guhungabanya umutekano w’ibihugu byombi.

Umuhango wo gusoza ibyo biganiro bibaye ku nshuro ya gatatu, witabiriwe n’Umugaba Mukuru w’Ingabo z’u Rwanda zirwanira ku Butaka, Maj Gen Vincent Nyakarundi aho yari kumwe n’Umugaba Mukuru w’Ingabo za Uganda zirwanira ku butaka, Lt Gen Kayanja Muhanga.

Asoza ibyo biganiro, Maj Gen Vincent Nyakarundi, yavuze ko ibyo biganiro biba bigamije kunoza imicungire y’umutekano w’imipaka ihuza ibihugu byombi, ingabo zishinzwe gucunga iyo mipaka ku bihugu byombi zikarushaho kugira imikoranire yubaka umutekano urambye.

Yagize ati ‟Iyo tuvuye mu nama nk’iyi havamo imyanzuro yubaka imikoranire, abayobozi mu nzego za Batayo na Brigade bakomeza kuvugana kugira ngo ibyo twavuze bidahera mu magambo, bakorana n’inzego zose ikibazo babonye bakagishakira umuti”.

Arongera ati ‟Urugero ejobundi muri Nyagatare ba Komanda babiri, uw’u Rwanda n’uwa Uganda barahuye bakora Patrouille (irondo) yambukiranya umupaka, bavugana n’ibibazo by’abaturage nyuma babigeza ku nzego zishinze kubikemura. Ibyo byagize akamaro kanini cyane aho ibibazo bitandukanye bisigaye bikemurirwa ku mipaka”.

Maj Gen Vincent Nyakarundi kandi yavuze ko uretse ubufatanye mu kubungabunga umutekano w’imipaka, ngo ibyo biganiro byongera umubano n’ubucuti ku bihugu byombi.

Ati ‟Iyo abantu bahura gutya ubwabyo bituma bongera kuba bamwe, bagakundana bakibukiranya ko nta kibazo kizajya hagati y’u Rwanda na Uganda. Tuzakomeza tube abaturanyi ariko kandi tube n’abavandimwe”.

Lt Gen Kayanja Muhanga, na we yashimangiye akamaro ibyo biganiro bisigiye ingabo zabyitabiriye ziganjemo izishinzwe umutekano w’imipaka ihuza ibihugu byombi.

Ati ‟Umusaruro w’iyi nama tuwitezeho byinshi. Biratanga impinduka mu mikorere n’imikoranire hagati y’ingabo z’ibihugu byombi. Ibi birarushaho gufasha ingabo gukorera hamwe bakemura ibibazo byose bireba imipaka mu buryo bwihuse”.

Arongera ati ‟Mu gihe gishize ibibazo byajyaga bikemurirwa i Kigali cyangwa Kampala ugasanga hari ubwo bitinze, ariko ubu birakemurwa n’abakozi bashinzwe kurinda imipaka”.

Ku itariki 29 Ugushyingo 2024, ku munsi wa kabiri w’ibyo biganiro, izo ngabo zagiriye uruzinduko ku Rwibutso rwa Jenoside yakorewe Abatutsi rwa Kigali ruherereye ku Gisozi, zunamira inzirakarengane zisaga ibihumbi 250 zishyinguye muri urwo rwibutso.

Uwo munsi kandi izo ngabo zasuye n’Ingoro y’Inteko Ishinga Amategeko, zitambagizwa Ingoro y’Amateka y’Urugamba rwo guhagarika Jenoside, zisobanurirwa amateka yaranze urwo rugamba.

Inama y’ubutaha izabera mu gihugu cya Uganda mu ntangiriro z’umwaka wa 2025.

Bunamiye inzirakarengane zazize Jenoside zishyinguwe mu rwibutso rwa Kigali

Basobanuriwe amateka ya Jenoside yakorewe Abatutsi mu 1994

Basuye n’Ingoro y’Amateka y’Urugamba rwo Guhagarika Jenoside

Umusore umwe yagize ati ‟Ibi bintu byabaye mpari, umuseriveri wa Hoteli bamusabye gusohora imodoka, mu gihe ari kuyisohora, niba yikanze ko feri yahindutse umuriro, twagiye kubona tubona imodoka hejuru y’inzu, ni amakuru asekeje kandi anababaje”.

Ku bw’amahirwe, iyi mpnuka ntawe yahitanye

Iyo mpanuka yabereye mu Kagari ka Nyabisindu, Umurenge wa Remera, Akarere ka Gasabo ku gicamunsi cyo ku wa Gatandatu tariki ya 30 Ugushyingo 2024, aho ishobora kuba yatewe n’umushoferi utakoresheje neza uturebanyuma (Rétroviseurs), nk’uko Umuvugizi wa Polisi y’u Rwanda ishami rishinzwe umutekano wo mu muhanda, SP Emmanuel Kayigi, yabitangarije Kigali Today.

Yagize ati ‟Mu bigaragara byatewe n’uburangare, imiyoborere mibi no kudakoresha neza uturebanyuma (rétroviseurs), mu gihe shoferi yavaga muri Parikingi”.

Arongera ati ‟Nta muntu iyo mpanuka yahitanye, nta n’uwakomeretse, hangiritse inzu yonyine. Abantu batwara ibinyabiziga nibagire ubwitonzi, birinde amakosa yo mu muhanda ayo ari yo yose yateza impanuka”.

Abayobozi barimo Perezida wa Sena na Guverineri Mugabowagahunde bateye ibiti

Muri uwo muganda wabaye kuri uyu wa gatandatu, tariki 30 Ugushyingo 2024, abo Basenateri bifatanyije n’abaturage mu Turere dutanu tugize Intara y’Amajyaruguru, ku rwego rw’Intara, icyo gikorwa kibera mu Kagari ka Kabirizi, Umurenge wa Gacaca Akarere ka Musanze.

Mu itsinda ry’Abasenateri bakoreye umuganda mu Karere ka Musanze rigizwe n’Abasenateri batanu bayobowe na Perezida wa Sena Dr.Kalinda François Xavier, ku bufatanye n’ubuyobozi muri iyo Ntara ndetse n’abaturage, hatewe ibiti bigera ku bihumbi umunani ku buso bungana na hegitari 10.

Sena yifatanyije n’Abanyamusanze mu muganda rusange

Kuba Abagize Sena bose bari mu Ntara y’Amajyaruguru, ngo ni mu rwego rwo kureba aho bageze mu iterambere, kubatiza amaboko mu gikorwa cy’umuganda no kuboneraho umwanya wo kuganira ku byiza bagezeho bamenya n’ibibazo bihari bikwiye kuganirwaho no kubishakira umuti, dore ko ngo muri manda ishize Sena yasuye abaturage mu gihugu hose Intara y’Amajyaruguru isigara idasuwe.

Muri iyi minsi turi kumva ingengabitekerezo ya Jenoside muri iyi Ntara - Perezida wa Sena

Nyuma y’umuganda Perezida wa Sena y’u Rwanda Kalinda François Xavier yagize ubutumwa agenera abaturage, bujyanye no kubumbatira ubumwe bw’Abanyarwanda.

Perezida w’Inteko Ishinga Amategeko Umutwe wa Sena, Dr. Kalinda François Xavier

Ati ‟Mbafitiye ubutumwa bwa Sena, bubashishikariza gukomeza kubumbatira ubumwe bw’Abanyarwanda, nibwo nkingi twegamiye ni nabwo bubumbatiye ukubaho kwacu”.

Arongera ati ‟Dufite amahirwe y’uko dufite igihugu cyiza, kiyobowe neza kandi gihora kidushishikariza kubaho, kubana neza no gukorana mu bumwe”.

Muri iryo Jambo, uwo muyobozi yanenze ibikorwa bibi bikomeje kugaragara mu Ntara y’Amajyaruguru bigamije guhungabanya ubumwe bw’Abanyarwanda, asaba abaturage kubyirinda no kubirwanya batanga amakuru mu nzego z’ubuyobozi zibegereye.

Sena yakoreye umuganda mu Ntara y’Amajyaruguru inenga ingengabitekerezo ya Jenoside iri kuhavugwa

Ati ‟Muri iyi minsi hariho ingengabitekerezo ya Jenoside ishaka kongera kwiyongera hano mu Majyaruguru, kandi imibare twari dufite mu myaka ishize yagendaga igaragaza ko ingengabitekerezo ya Jenoside igenda igabanuka umwaka ku wundi, ariko muri ino minsi hari ibikorwa bigayitse bifitanye isano n’ingengabitekerezo ya Jenoside”.

Arongera ati ‟Hari ibikorwa bibi, bigayitse byo guhohotera Abarokotse Jenoside yakorewe Abatutsi. Nyabuna turi Abanyarwanda, gahunda ya Ndi Umunyarwanda ikwiye kuducengera, igihe cyo kwibona mu ndorerwamo z’amoko cyararangiye, Jenoside yarahagaritswe tubana mu bumwe, dukwiye kubaka Igihugu cyacu”.

Umuyobozi wa Sena yasabye abatuye Intara y’Amajyaruguru gukumira ingengabitekerezo ya Jenoside iri gututumba muri iyo Ntara

Yakomeje agira ati ‟Nta n’umwe uzihanganirwa kuzana amacakubiri, dufite umutekano kandi tuwukomereho. Ntabwo byumvikana uburyo ibintu byo guhohotera uwarokotse Jenoside bidakumirwa, kuki amakuru adatangwa ngo twubahirize umutekano wa bagenzi bacu?. Twese biratureba dukwiye gukumira ingangabitekerezo ya Jenoside, amacakubiri akwiye guhagarara tukarangamira iterambere, tugakorana tugashyigikirana tukareka ibiturangaza”.

Yibukije abaturage kandi kwirinda amakimbirane akomeje kuba intandaro y’imibereho mibi mu miryango aho igwingira mu bana rikomeje kwiyongera.

Yibukije abaturage kandi kwirinda amakimbirane akomeje kuba intandaro y’imibereho mibi mu miryango

Asaba abaturage gufata neza ibiti byatewe, mu rwego rwo gukomeza gukumira ikibazo cy’igwingira, abibutsa kandi ko ibyo biti ari ingirakamaro mu gufata ubutaka kugira ngo budatwarwa n’isuri.

Tuve mu manegeka twirinda ko ejo tuza gushyingura bazize ibiza - Guverineri Mugabowagahunde

Umuyobozi w’Intara y’Amajyaruguru Mugabowagahunde Maurice, yibukije abaturage ko ibiti by’imbuto byatewe mu rwego rwo kongera imirire myiza mu miryango no kurwanya ikibazo cy’igwingira n’indwara zituruka ku mirire mibi zikigaragara muri iyo ntara.

Uwo muyobozi yibukije abaturage ko ari ingenzi gufasha inzego z’ubuyobozi kuva mu manegeka birinda ingaruka bashobora guterwa n’ibiza.

Ati ‟Mureke dufatanye twirinda ingaruka z’ibiza zatugwirira, twimuke tuve mu manegeka, tujye ahantu hatuje hari ibikorwaremezo. Turacyabona abaturage bamwe na amwe bagishaka kwizirika aho batuye bavuga ko ari amasambu n’abasokuruza babo batuyeho, rwose ibyo ntabwo aribyo”.

Arongera ati ‟Haguma ubuzima ibintu twabishaka ariko turi bazima, aho kugira ngo tuzagaruke hano ejo cyangwa ejobundi tuje gushyingura abantu bazize ibiza kandi twarategujwe, ni ngombwa ko twese twafatanya tugakiza amagara, tugatura ahantu hazima”.

Mu karere ka Gakenke abaturage bitabiriye umuganda ari benshi

Yasabye abo baturage kwirinda ubusinzi no gusesagura aho imibare iri kugenda igaragara muri iyo Ntara ibyaha byinshi byiganjemo gukoresha inzoga nyinshi no gukoresha ibiyobyabwenge, abasaba no kwirinda ubucuruzi bwa magendu n’urunguze rukomeje gusenya imiryango kubera kwaka inguzanyo ku nyungu nini zinyuranyije n’amategeko.

Guverineri yashimiye Abanyamusanze kuba barahinduye imyumvire mu kwitabira gahunda zitandukanye za Leta zirimo gutanga ubwisungane mu kwivuza no kwitabira gahunda ya Ejoheza, aho Akarere ka Musanze kavuye mu myanya ya nyuma kariho mu myaka ishize, ubu kakaba kari ku mwanya wa Gatanu mu kwitabira gahunda ya Ejoheza.

Yagarutse no ku butumwa bwatanzwe n’umuyobozi wa Sena, yibutsa abaturage gukomera ku bumwe bw’Abanyarwanda mu kwirinda ko bwahungabana nk’uko bikomeje kugaragara muri iyo Ntara aho hari abarokotse Jenoside yakorewe Abatutsi bakomeje kwibasirwa.

Uko Sena yakoranye umuganda n’abatuye utundi turere tw’Intara y’Amajyaruguru

Mu Karere ka Gakenke umuganda wakorewe mu Kagari ka Kagoma mu Murenge wa Gakenke, ahatewe ibiti bivangwa n’imyaka ku buso bungana na hegitari eshatu.

Meya w’Akarere ka Gakenke Mukandayisenga Vestine

Muri ako Karere kandi, abagize Inteko Ishinga Amategeko Umutwe wa Sena barimo Mureshyankwano Marie Rose, hamwe n’ubuyobozi bw’Akarere, abagize inzego z’umutekano n’abaturage bacukuye Imirwanyasuri mu Kagari ka Rwesero, Umurenge wa Ruli, mu rwego rwo kurinda ubutaka gutwarwa n’isuri.

Mu muganda rusange wabereye mu Karere ka Rulindo, itsinda ry’Abasenateri riyobowe na Hon. Umuhire Adrie, ryifatanyije n’abatuye Umurenge wa Cyinzuzi mu muganda rusange usoza ukwezi k’Ugushyingo 2024, ahakozwe ibikorwa byo gusibura imirwanyasuri mu ishyamba riri mu Kagari ka Rudogo.

Abasenateri bakoranye umuganda n’Abanyarulindo

Mu Karere ka Gicumbi kandi abagize Inteko Ishinga Amategeko Umutwe wa Sena, bifatanyije n’abaturage mu muganda rusange aho ku rwego rw’Akarere wabereye mu Kagari ka Mulindi mu Murenge wa Kaniga.

Naho mu Karere ka Burera, iryo tsinda ry’abagize Inteko Ishinga Amategeko Umutwe wa Sena ryifatanya n’abaturage mu muganda rusange bo mu Kagari ka Rusumo, Umurenge wa Butaro.

Abasenateri barimo Mureshyankwano bafatanyije n’abaturage bo mu Karere ka Gakenke gucukura imirwanyasuri

Umuyobozi w’akarere ka Gakenke n’abandi bayobozi bateye ibiti

Mu muganda wabereye mu karere ka Gakenke, hatewe ibiti bitangiza imyaka

Umuganda mu Karere ka Gakenke

Abasenateri bafatanyije n’Abanyarulindo gucukura imirwanyasuri

Umuganda mu Karere ka Rulindo

Ibitaro bya Gatonde biherereye mu Murenge wa Mugunga mu Karere ka Gakenke ni bimwe mu byo abaturage bemerewe na Perezida Paul Kagame

Ibyo kandi birajyana na gahunda y’ubwisungane mu kwivuza (Mutuelle de santé), hagamijwe gufasha umuturage kwivuza mu buryo butamugoye.

Ibyo bikorwa remezo bijyanye n’ubuvuzi byarubatswe hirya no hino mu gihugu, kuva ku rwego rw’igihugu ahari ibitaro by’icyitegererezo, hubakwa ibitaro biri ku rwego rw’Intara, ibitaro by’Uturere, mu Mirenge hubakwa Ibigo Nderabuzima kugeza ku mavuriro y’ibanze (Paste de santé), akomeje kubakwa mu tugari.

Amajyaruguru ni imwe mu Ntara zikungahaye ku bitaro n’amavuriro

Kugeza ubu Intara y’Amajyaruguru ibarizwamo ibitaro umunani, aho Ibitaro bya Nemba n’ibitaro bya Ruli bicungwa na Kiliziya Gatolika.

Mu Ntara zose z’u Rwanda ukuyemo umujyi wa Kigali, Amajyaruguru niho uzasanga akarere gafite ibitaro byinshi, aho Akarere ka Gakenke kabarizwamo ibitaro bitatu.

Ibyo bitaro ni ibya Gatonde, ibitaro bya Nemba n’ibitaro bya Ruli, Akarere ka Rulindo kakagira ibitaro bibiri aribyo Kinihira Rutongo.

Ibitaro bya Ruli ku bufatanye n’abaganga bo mu bitaro bikomeye byo hirya no hino ku Isi, bafasha abaturage babavura indwara zitandukanye

Dukundane Dieudonné, Umuyobozi w’ibitaro bya Gatonde, aganira na Kigali Today, yavuze impamvu zaba zaratumye Leta izamurira ubuvuzi Akarere ka Gakenke hubakwa ibitaro bitatu.

Ati ‟Impamvu Leta yashyize imbaraga muri gahunda z’ubuvuzi mu Karere ka Gakenke, ndatekereza ko ari uko ari Akarere k’imisozi miremire, ihanamye mu buryo bukabije, aho gufasha umurwayi usanga bigoranye, imihanda mibi, imvura iri kugwa…”.

Arongera ati ‟Niyo mpamvu bavuze bati, reka tubahe ibitaro bitatu kugira ngo abantu babashe kubona ubuvuzi mu buryo bworoshye, kuko wabonaga mbere y’uko ibitaro bya Gatonde byubakwa, kugira ngo ujye kwivuriza i Nemba cyangwa mu bitaro bya Shyira n’ibya Ruhengeri byabaga bigoranye cyane kubera imihanda mibi”.

Ni Intara uzasangamo ibitaro byo ku rwego rwa Kabiri mu buvuzi (Level ll Teaching Hospital), birimo ibitaro bya Butaro n’ibitaro bya Ruhengeri.

Ibyo bitaro umunani bibarizwa mu Ntara y’Amajyaruguru, bikomeje gufasha abaturage babituriye ndetse n’abaturutse mu tundi duce tw’igihugu kwivuza neza, kugeza ubwo serivise z’ubuvuzi mu Rwanda zikomeje kwishimirwa n’abaturutse mu mahanga bakomeje kugana u Rwanda baza kwaka serivise z’ubuvuzi.

Mu Ntara y’Amajyaruguru ni ho uzasanga ibitaro bifite umwihariko mu kuvura Kanseri, ahari ibitaro bya Butaro bikomeje kwakira umubare munini w’ababigana baturutse mu bihugu bitandukanye.

Ibitaro bya Butaro bivura Kanseri

Ni ibitaro biherereye mu Murenge wa Butaro, mu Karere ka Burera, aho byafunguye imiryango mu mwaka wa 2006 ushyira 2007, bitangira bikorera mukigo Nderabuzima cya Ruhondo ku nkunga y’Umushinga ‟Inshuti mu Buzima” (Partners in health) ku bufatanye na Minisiteri y’Ubuzima.

Inyubako nyirizina y’ibitaro yatashywe muri Mutarama 2011, ibyo bitaro by’ikitegererezo bikaba bisuzuma bikanavura Kanseri ku rwego rwo hejuru (Butaro Ambulatory Cancer Center/BACC), aho byamaze gushyirwa ku rwego rwa kabiri, nk’uko Umuyobozi wabyo Lt Col Dr. Emmanuel Kayitare yabitangarije Kigali Today.

Ati ‟Umwihariko w’ibitaro ni Kanseri, kuko byitwa Cancer Center of Excellency aho byavuye ku rwego rw’Akarere bijya ku rwego rwa LevEl II Teaching Hospital. Servise ziba zigomba kunozwa no kwiyongera kubera ko tuba dufite abanyeshuri biga ubuganga baza muri stage iwacu”.

Uwo muyobozi, avuga ko ibyo bitaro bikomeje kwakira abantu benshi babigana baza kwivuza Kanseri n’izindi ndwara, aho n’abadafite ubushobozi bafashwa kubonera imiti ku buntu.

Ati ‟Tuvura abantu baturutse imihanda yose, abaturuka Congo nibo benshi cyane. Ku munsi twakira abantu bivuza Kanseri bari hagati ya 60 cyangwa 70. Imiti ya Kanseri irahenze ariko umufatanyabikorwa wacu Partners in Health, adufasha kubona iyo miti”.

Arongera ati “Iyo miti abantu batugana biyibonera ku buntu, kandi abo barwayi bacu tukabaha care aho tubaha ifunguro, kuko iriya miti iba ikomeye, ni ukugira ngo itabagiraho ingaruka, kubanza kugaburirwa niwo muti wa mbere”.

Ibitaro bya Butaro byamaze kwagurwa, hubakwa izindi nzu mu rwego rwo kubifasha kongera umubare wababigana, aho ibikorwa byo kwagura ibyo bitaro byasojwe mu mpera za 2023, ibyo bikaba byaramaze gufasha ibitaro kuzamurwa biva ku rwego rw’ibitaro by’Akarere bigera ku rwego rw’ibitaro bya Kaminuza.

Bamwe mu barwayi bivuriza indwara za Kanseri mu bitaro bya Butaro, ni abahamya b’uburyo indwara ya kanseri ivurwa igakira, bagasaba buri wese kwisuzumisha kare kugira ngo uwo basanganye uburwayi afashwe.

Umwe mu bagore bivuriza Kanseri yo mu ibere mu bitaro bya Butaro, mu buhamya bwe, avuga ko amaranye ubwo burwayi imyaka ibiri aho yatangiye kubabara ibere ritangira kuzamo utubyimba.

Ntabwo ngo yahise ajya kwipimisha Kanseri, ahubwo ngo yamaze igihe kinini yivuza indwara atazi ndetse n’abamuvura bakamurya amafaranga y’ubusa batazi icyo bamuvura.

Ati “Nanyuze mu mavuriro menshi bampa imiti ariko batambwira icyo ndwaye kuko na bo ubwabo batari bakizi, ahubwo bajyaga bampererekanya mu mavuriro atandukanye”.

Arongera ati “Naje kumenya icyo ndwaye ngeze i Kigali nyuma yo kumfata ibizamini, banyohereza hano mu bitaro bya Butaro none maze gukira”.

Ibitaro bya Butaro bifite ibitanda by’abarwayi birenga 200, Ibigo Nderabuzima by’ibyo bitaro ni 19, bikagira Ambulance zigera ku 10, bakifuza ko buri Kigo Nderabuzima cyazagira ambulance yacyo.

Ni ibitaro kandi bifite imashini kabuhariwe izwi nka scanner yifashishwa mu gusuzuma indwara zirimo na kanseri, ndetse n’icyuma cyihariye mu gupima kanseri y’ibere dore ko mu bushakashatsi bwa RBC byagaragaje ko Kanseri y’ibere n’iy’inkondo y’umura byihariye 47% bya Kanseri zose zivurirwa mu bitaro bya Butaro.

Imibare y’Ikigo RBC igaragaza ko mu Rwanda, Kanseri iri mu ndwara zihangayikishije bitewe n’uburyo umubare w’abayirwara ugenda wiyongera, aho muri 2015 kugeza muri 2019, abari bayirwaye bikubye inshuro zirenga ebyiri kuko bavuye ku 2,115 bakagera ku 5,040.

Ibitaro bya Ruhengeri biranengwa kugira inyubako zishaje

Ibindi bitaro byo ku rwego rwa Kabiri byo mu Ntara y’Amajyaruguru ni ibya Ruhengeri biherereye mu Karere Ka Musanze byatangiye kwakira abarwayi mu 1940, aho byakira by’umwihariko abaturuka mu duce two mu mirenge y’Akarere ka Musanze n’ay’Akarere ka Nyabihu.

Umuyobozi w’ibyo bitaro Dr. Muhire Philbert, mu kiganiro yagiranye na Kigali Today, yavuze ko ibyo bitaro bifite ibitanda 328 aho biba biriho abarwayi ku gipimo cya 90%.

Uwo muyobozi yavuze ko muri serivise zimwe na zimwe hari ubwo umubare w’abarwayi urenga ibitanda bafite, ati ‟Muri serivise zimwe na zimwe, usanga umubare w’abarwayi waruse ibitanda, barabirenga ndetse cyane. Ntabwo twabura umunsi umwe cyangwa iminsi ibiri mu cyumweru gusanga muri serivise zimwe na zimwe abarwaye barenze umubare w’ibitanda”.

Uwo muyobozi avuga ko abivuza bataha, ku munsi bakira hagati ya 250 na 300, aho ku kwezi usanga bavura abari hagati y’ibihumbi 65 na 70.

Avuga ko bitewe n’aho ibitaro biri ahari imihanda ifasha abaturage kubigana, usanga bakira n’abaturage bakagombye kujya kwivuriza mu bitaro bibegereye, birimo ibitaro bya Shyira na Butaro ariko bakagana ibitaro bya Ruhengeri bitewe n’uburyo buborohera kuhagera burimo imihanda.

Ibitaro bya Ruhengeri bifite Ibigo Nderabuzima 17, bikagira Ambulance umunani zirimo eshatu zikorera mu Bigo Nderabuzima, ibyo bitaro bikaba bifite icyizere cyo kwakira izindi Ambulance enye byemerewe mbere yuko umwaka wa 2024 urangira.

Dr. Muhire avuga ko ibitaro bya Ruhengeri byashyizwe mu cyiciro cyo ku rwego rwa kabiri (Level ll Teaching Hospital), aho byakira abanyeshuri biga ubuganga n’abiga mu rwego rwa specialization.

Ibyo bitaro bikeneye ko abaganga bongerwa, nk’uko Dr Muhire abivuga ati ‟Abaganga dufite ntabwo bahagije baracyari bake cyane, urebye abo dukeneye baba bagera kuri 50%”.

Ni ibitaro bimaze imyaka irenga irindwi bivugwaho kwagurwa, icyo cyemezo kikagenda gihinduka, ndetse n’abaturage bagahora bishyuza inyubako nshya bemerewe ariko ntibahabwe igisubizo.

Ibitaro bya Ruhengeri

Dr. Muhire ati ‟Nubwo hari izo mbogamizi zose zijyanye n’inyubako n’abakozi bake, turagerageza tugatanga serivise uko bikwiye, kubera nk’izo nkunga tuba twabonye zirimo izo ambulance n’abaganga b’inzobere bake bake bagenda biyongera, turagerageza serivise dusabwa gutanga tukazitanga”.

Ibitaro by’Intara bya Kinihira byatangiye gukora mu mwaka wa 2012, nyuma y’uko Perezida wa Repubulika Paul Kagame abyemereye abaturage.

Ni ibitaro biri ku rwego rw’Intara (Kinihira Provincial Hospital) ariko bivugwa ko biri gutegurirwa gushyirwa mu cyiciro cyo ku rwego rwa kabiri (Level ll Teaching Hospital), bikaba biherereye mu Murenge wa Kinihira, Akarere ka Rulindo, Intara y’Amajyaruguru.

Byakira abarwayi by’umwihariko baturuka mu Mirenge ya Kinihira, Tumba, Rukozo, Base na Cyungo, aho bikorana n’ibigo nderabuzima umunani birimo Kinihira, Mushongi, Rukozo, Marembo, Buyoga, bikagira amavuriro y’ibanze 19.

Gatera Donath umwe mu baturage bivuriza muri ibyo bitaro aremeza ko byaziye igihe, ati “Ibi bitaro usanga byegereye abatuye imirenge itano yo mu karere ka Rulindo, mbere yo kubyubaka twararwaraga tukaremba cyane kubera kubura aho twivuriza, ariko ubu icyo kibazo cyabaye amateka”.

Dr. Espérence Uwayitu, Umuyobozi w’ibyo bitaro, avuga ko byakira abarwayi bivuza bataha bakabakaba ibihumbi 17 buri mwaka, abivuza bacumbikiwe mu bitaro bakarenga 5,000.

Ubuyobozi bw’ibyo bitaro buvuga kandi ko izo Ambulance ishanu z’ibitaro zidahagije, aho byifuza ko byibura buri Kigo Nderabuzima cyagira ambulance yacyo, ku buryo ikigo nderabuzima cyajya kizana abarwayi ku bitaro, mu rwego rwo kubarinda gutegereza ko ambulance iva ku bitaro iza kubafata.

Ibitaro byo ku rwego rw’Uturere byabaye igisubizo ku buvuzi

Umuyobozi wese ugeze mu Murenge wa Mugunga gace kubatsemo ibitaro bya Gatonde nta kindi abaturage bamwakiriza, uretse intashyo ya Perezida Paul Kagame bavuga ko yabagobotse abemerera ibitaro bakaba bararuhutse ingendo ndende bajyaga bakora bagana ubuvuzi.

Mu 1999, ubwo yasuraga abaturage b’iyahoze ari Komini Gatonde, Perezida Paul Kagame wari Visi Perezida icyo gihe nibwo yaganiriye n’abaturage, bamutura ibibazo bibagoye bijyanye no kubura ubuvuzi bubegereye, ari bwo yabemereye ibitaro bya Gatonde.

Nyuma y’uko icyo cyemezo kitahise gishyirwa mu ngiro, muri Werurwe 2016 ubwo yongeraga kubasura, abo baturage bagihabwa ijambo bongeye kwibutsa Perezida wa Repubulika rya vuriro yabemereye, anenga inzego nkuru z’ubuvuzi, ari nabwo yahise asaba ko imirimo yo kubaka ibitaro bya Gatonde itangira kandi ikihutishwa.

Imvugo yabaye ingiro, kuko ibyo bitaro byatangiye kubakwa muri Gicurasi 2017 umurwayi wa mbere abihererwamo serivise muri 2021. Ibyo bitaro by’akarere ka Gakenke byuzura bitwaye miliyari zikabakaba 3FRW.

Umuturage witwa Mukasano Providence ati “Turashimira Perezida wacu wita ku baturage cyane cyane abo mu byaro, ino iwacu ni mu misozi ariko mu bihe byiza haragendeka, kuko hari imihanda, twishimiye ibitaro batwegereje kuko umubyeyi yajyaga ku bise yitegura kubyara, bikagorana ugasanga hari ubwo abyariye mu nzira kubera gukora urugendo rurerure”.

Ibyo bitaro bitanga serivise y’ubuvuzi ku baturage barenga ibihumbi 100, nk’Uko Umuyobozi w’ibyo bitaro, Dr. Dukundane Dieudonné, yabitangarije Kigali Today.

Ati ‟Ibarura rishize, ryerekanye ko ibitaro bya Gatonde byakira abaturage barengaho gato ibihumbi 100 nyuma y’uko bitangiye byakira ibihumbi 85. Ni abaturuka mu mirenge itanu ariyo uwa Muzo, Janja, Busengo, Mugunga na Rusasa”.

Mu bigo Nderabuzima 23 bigize Akarere ka Gakenke, ibigo Nderabuzima ibitaro bya Gatonde bikorana na bitandatu byo mu Mirenge itanu.

Ibitaro by’Akarere bya Gatonde bitangirwamo serivisi zirimo ubuvuzi bw’amaso, indwara zo mu mutwe, ubugorozi bw’ingingo, indwara z’amenyo, indwara z’abagore n’abana, kubyaza, kubaga n’izindi.

Mu karere ka Gakenke kandi hubatse ibitaro bya Nemba, byakira abaturage baturutse mu bigo Nderabuzima icyenda byo mu Karere ka Gakenke, n’ibindi bigo Nderabuzima bitatu byo mu Karere ka Rulindo.

Ni ibitaro bya Kiliziya Gatolika Diyosezi ya Ruhengeri, aho byakira abaturutse mu Mirenge itandukanye yo mu Karere ka Gakenke ariyo Nemba, Gakenke, Gashenyi, Karambo, Mataba, Kivuruga, Cyabingo na Kamabuga.

Dr. Habimana Jean Baptiste, Umuyobozi w’ibyo bitaro, avuga ko ibitaro bifite ibitanda 181, bikagira Ambulance zirindwi zifashishwa mu kuvana abaturage mu bigo Nderabuzima zibajyana mu Bitaro.

Mu korohereza abaturage, ibyo bitaro bya Nemba bikomeje gukorana n’impuguke mu buvuzi ziturutse mu bitaro bikomeye mu Rwanda no mu mahanga, mu gutanga serivise zirimo kubaga inkomere, ibyo bigafasha abaturage kwivuriza ahabegereye, nk’uko umwe mubo byavuye yabitangarije Kigali Today.

Ati “Ndi umukecuri w’imyaka 80, naratsikiye muri 2020 igufa ry’ukuguru riravunika, nari nzi ko mfuye birangiye ariko nagejejwe hano mu bitaro bya Nemba mpasanga abaganga b’impuguke mu gusubiranya amagufa, none narakize sinkigendera mu mbago”.

Akarere ka Gakenke kandi gafite ibitaro bya Ruli biherereye mu Murenge wa Ruli, bikaba ibitaro bya Arikidiyosezi ya Kigali.

Ibitaro bya Ruli ni ibya Kiliziya Gatolika

Icyumba cyihariye cyashyiriweho ababyeyi bafite ibibazo bitandukanye bishobora gutuma batabyara neza, cyubatswe mu bitaro bya Ruli

Ibyo bitaro byo mu Karere ka Gakenke bikomeje gutera intambwe ishimwa na benshi mu mitangire ya serivisi y’ubuvuzi, aho muri raporo yigeze kugaragara yerekanye ko kuva mu ntangiriro za 2018 kugeza muri Kanama 2019 nta mubyeyi n’umwe wahapfiriye abyara, ibyo ngo bakabikesha serivisi nziza kandi inoze.

Ni ibyagaragarijwe Minisitiri w’Intebe Dr. Ngirente Edouard ubwo yasuraga ibikorwa binyuranye bibarizwa mu Karere ka Gakenke, yishimira imikorere myiza yasanze muri ibyo bitaro.

Minisitiri w’Intebe ubwo yasuraga ibitaro bya Ruli mu myaka itanu ishize, yashimye serivise bitanga

Ibitaro bya Ruli byubatswe icyumba cyihariye cyashyiriweho ababyeyi bafite ibibazo bitandukanye bishobora gutuma batabyara neza. Ni cyumba gifite ubushobozi bwo kwakira ababyeyi 15 icyarimwe.

Ni ibitaro bifasha abanyeshuri biga ubuganga n’ububyaza bo mu Ishuri rikuru ry’ubuzima rya Ruli (Ruli Higher Instititute of Health/ RHIH), rituriye n’ibyo bitaro.

Mu Ntara y’Amajyaruguru kandi mu karere ka Gicumbi hari ibitaro bya Byumba, aho byagaragaye kuri lisiti y’ibitaro icyenda Leta yashyize mu bitaro biri ku rwego rwo gufasha abiga ubuvuzi.

Muri ibyo bitaro icyenda Minisiteri y’Ubuzima (MINISANTE), yashyize ku rwego rwo kwigishirizamo abiga ubuvuzi mu Rwanda hagamijwe kongera inzobere z’abaganga, ni ibitaro bya Ruhengeri, Kibungo, Rwamagana, Kabgayi, Butaro, Kibogora, Kibagabaga, Nyamata, ndetse n’ibya Byumba.

Ibitaro bya Byumba

Ibitaro bya Byumba biherereye mu Karere ka Gicumbi mu Ntara y’Amajyaruguru, bitanga serivise ku baturage baturutse hafi mu mirenge yose uko ari 21 igize Akarere ka Gicumbi n’abatuye mu tundi turere twegereye ibyo bitaro.

Ni ibitaro byakunze kumvikanamo ibibazo by’igihombo biterwa n’abarwayi baza kwivuza bakabyambura, bikabangamira imikorere y’ibitaro bya Byumba, mu gihe abivuza baba bahawe imiti n’izindi serivisi, bagenda batishyuye ibitaro bikagorwa no kubona imiti yo gufasha abandi barwayi.

Mu myaka itatu kuva 2018 kugeza 2021, ibyo bitaro byagize igihombo cya miliyoni zirenga 16FRW, gitewe n’abarwayi bivuza bamara gukira bagatoroka ibitaro.

Ibitaro bya Rutongo by’Akarere ka Rulindo, bizwiho kwita kuri serivise zitandukanye, aho ari bimwe mu bitaro byatangije gahunda ya serivisi zikomatanye mu buvuzi bw’amaso, aho bashobora gusuzuma, bagatanga imiti ndetse n’inyunganira ngingo (Lunette).

Kuva aho ibitaro bya Rutongo, byimuriwe ahitwa i Remera y’Abaforongo bivuye mu Murenge wa Masoro aho byahoze, hari benshi babifashe nkaho bibagiye kure.

Ni ibitaro biherutse gushimwa nyuma y’uko bifashije uruhinja rwavukanye amagarama 600, rwitaweho n’abaganga kugeza umwana akuze, iyo mitangire y’iyo serivise yo kwita kuri uwo mwana izamura icyizere abaturage bagirira ibyo bitaro.

Abakozi b’ibitaro bya Nemba bigishijwe gukoresha Kizimyamwoto

Abaturage ntibishimira uburyo basuzumwamo ku bitaro bya Nemba nyuma bakandikirwa kujya gushaka imiti hanze

Aho ibitaro bya Rutongo byahoze mbere y’uko byimurirwa mu nyubako nshya

Abaganga b’ibitaro bya Rutongo bashimiwe kurokora umwana wavukanye amagarama 600

Ibitaro bya Gatonde bitanga serivisi ku bagera ku bihumbi ijana

Ibitaro bya Rutongo

Ibitaro bya Nemba

Ibitaro by’Intara bya Kinihira

Inyubako y’ibitaro bya Rutongo

Ubuvuzi mu bitaro bya Ruli burashimwa na benshi

Bakiriwe n’Umuyobozi w’Akarere ka Musanze wari kumwe n’Umuyobozi w’Akarere ka Gicumbi

Ni inama yatangijwe ku wa Kane tariki 28 Ugushyingo 2024, yitabirwa n’ingabo z’ibihugu byombi, aho itsinda ry’Ingabo z’u Rwanda riyobowe na Brig Gen Frank Mutembe, Umuyobozi w’Ingabo mu Ntara y’Amajyaruguru, mu gihe itsinda ry’Ingabo za Uganda riyobowe na Brig Gen Paul Muhanguzi.

Mu gutangiza ibyo biganiro bihuza ingabo zishinzwe kurinda umupaka biteguwe ku nshuro ya gatatu byiswe ‟Third Proximity Commanders meeting”, ku munsi wa mbere hari hatumiwe abagize ubuyobozi bw’uturere tw’u Rwanda dufite imirenge ikora ku mupaka, turimo Akarere ka Burera gafite imirenge itandatu ikora ku mupaka wa Cyanika n’Akarere ka Gicumbi gafite imirenge itatu ikora ku mupaka wa Gatuna.

Mu ijambo ry’ikaze, Umuyobozi w’ingabo mu Ntara y’Amajyaruguru, Brig Gen Frank Mutembe, yashimiye itsinda ry’ingabo za Uganda zitabiriye iyo nama, ashimangira akamaro k’imikoranire myiza ijyanye n’imicungire y’imipaka ihuza ibihugu byombi.

Yagize ati ‟Ibi biganiro tubitegura tugamije guhanahana ibitekerezo ku bibazo bitandukanye bireba imipaka iduhuza, birimo ubucuruzi bw’ibiyobyabwenge, gukoresha imipaka mu buryo bunyuranyije n’amategeko, ubucuruzi bwa magendu, kwangiza amashyamba n’ibindi”.

Mugenzi we wo mu gihugu cya Uganda, Brig Gen Paul Muhanguzi, yashimiye imikoranire y’ingabo z’ibihugu byombi, ashima uburyo Abanyarwanda baberetse urugwiro kuva ku mupaka wa Cyanika kugera mu Karere ka Musanze.

Ati ‟Mfashe uyu mwanya wo gushimira ubuvandimwe twagaragarijwe mu nzira zose twanyuzemo tuza, kuva ku mupaka wa Cyanika kugera hano i Musanze, ubundi n’u Rwanda turufata nko mu rugo hacu ha kabiri (Rwanda is our second home)”.

Arongera ati ‟Mbikuye ku mutima, ndashimira ubuyobozi bw’ingabo z’u Rwanda n’ubuyobozi bw’ingabo za Uganda by’umwihariko abagaba bakuru b’ingabo z’ibihugu byombi, bemeye ubusabe bwacu bwo guhura kugira ngo tuganirire hamwe ku mutekano w’abaturage bacu n’umutekano w’imipaka iduhuza. Tubijeje ko tuzakomeza gushyira mu ngiro icyerekezo cy’abadukuriye mu ngabo, duharanira kubaka umutekano uhamye ku mipaka iduhuza”.

Mbere y’ibyo biganiro, izo ngabo zamurikiwe raporo n’ubuyobozi bw’uturere twa Burera na Gicumbi, aho bagaragaje imibereho n’imibanire y’abaturage baturiye umupaka mu bihugu byombi, bishimira imikoranire myiza ijyanye n’imigenderanire ndetse n’ubuvandimwe bukomeje kubaranga, nk’uko Umuyobozi w’Akarere ka Gicumbi, Nzabonimpa Emmanuel yabigaragaje.

Yagize ati ‟Abaturage b’u Rwanda na Uganda tubanye neza, turasabana tugasangira amakuru, ibibazo bivuka turabikemura, abayobozi hagati y’ibihugu byombi turahura tukaganira ku mibereho y’abaturage tuyoboye, imipaka irafunguye turagenderana, ndetse hari n’ubwo duhura tukidagadura mu mikino itandukanye irimo n’umupira w’amaguru”.

Kuri uyu wa Gatanu tariki 29 Ugushyingo 2024, ibyo biganiro bihuza ayo matsinda y’ingabo za RDF na UPDF byakomeje, ahateganyijwe n’igikorwa cyo gusura Urwibutso rwa Jenoside rwa Kigali ruherereye ku Gisozi rushyinguyemo imibiri isaga ibihumbi 250 y’Abatutsi bazize Jenoside mu 1994.

Bageneye impano Umuyobozi w’Akarere ka Musanze wabakiriye

Biyemeje kurushaho kunoza umutekano wo ku mipaka

Umunyeshuri wari wabuze yabonetse nyuma y’iminsi itatu

Umubyeyi we usanzwe ari umurezi muri iryo shuri umwana we yigaho, yabwiye Kigali Today ko mu ma saa yine yo kuri uyu wa Kane tariki 28 Ugushyingo 2024, bahamagawe na telefoni y’Akagari bamubwira ko umwana we abonetse, avuga ko kugeza ubu uwo mwana atarabasha gutanga amakuru ku ibura rye.

Ati ‟Baduhamagaye batubwira ko bamubonye mu Murenge wa Kimonyi, ubu turi kumwe nakomeje kumubaza impamvu yageze muri Kimonyi kandi yari yasabye uruhushya rwo kujya kwivuza, ari kumbwira ko nawe atazi uburyo yagezeyo”.

Arongera ati ‟Ubu ndi kubanza kumwondora, nyuma wenda araduha amakuru kuko ntabwo natwe turamenya neza icyatumye abura muri iyo minsi itatu, buriya namara kuruhuka aratubwira ibyamubayeho”.

Mbere y’uko uwo mwana aboneka, uwo mubyeyi yari yabwiye Kigali Today ko ku wa Kabiri tariki 26 Ugushyingo 2024, aribwo uwo mwana yasabye uruhushya avuga ko agiye kwivuza, bararumuha agenda yambaye imyenda y’ishuri, bategereza ko yagaruka baraheba.

Ati ‟Ubwo yari mu ishuri yambwiye ko ari kubabara umutwe asaba uruhushya, yuzuza impapuro zimwemerera gusohoka mu kigo ubuyobozi buramusinyira arasohoka yurira moto, ninjye wari wamusabye kujya kwivuza kuko yari yambwiye ko afite ikibazo cy’umutwe, kuriya umuntu aba yakoze cyane akumva mu mutwe arababara”.

Arongera ati ‟Nka kuriya umuntu ajya muri farumasi agafata utunini twa parasitamol akanywa amazi agakira, ntabwo byari ibintu bikomeye kuko iyo biba bikomeye twari kumuha umuherekeza nk’uko bisanzwe bikorwa”.

Uwo mubyeyi avuga ko yari yamusabye kujya kwivuriza mu ivuriro ryo kwa Kanimba, mu rwego rwo kumurinda ko yasanga abarwayi benshi mu Kigo Nderabuzima akaba yatinda.

Ngo nibwo ku ishuri yakomeje akazi ke ko kwigisha, bigera igihe cyo gutaha atangira kwibaza impamvu umwana wagiye nkwivuza yatinzeyo, kugeza ubwo ijoro riguye uwo mwana ataragaruka.

Uwo mubyeyi ngo yazindutse ajya mu mavuriro yose yo mu Mujyi wa Musanze, ahereye kwa Kanimba aho yari yamwohereje kwivuriza bareba mu mpapuro bandikamo abaza kwivuza ntibabonamo izina rye, ajya mu mavuriro yose ntiyamubona ari nabwo yahise afata icyemezo cyo kugana Urwego rw’igihugu rw’Ubugenzacyaha (RIB).

Ati ‟Nkimara kumubura mu mavuriro yose nahise mfata umwanzuro wo kujya muri RIB bampa uburenganzira bwo kurangisha umwana nifashishije uburyo bwose bushoboka burimo n’imbuga nkoranyambaga, nibwo natangiye gukwirakwiza amafoto ye ntanga n’itangazo kuri Radio Rwanda”.

Twari twahangayitse bikomeye - Umuyobozi w’ishuri

Byamukama Isaac, Umuyobozi wa Sonrise School yabwiye Kigali Today ko yari yahangayikishijwe bikomeye n’ibura ry’umunyeshuri we, yiruhutsa nyuma yo kwitaba telefoni imubwira ko umwana abonetse.

Ati ‟Mu gitondo saa tatu, nibwo nitabye telefoni yo ku Kagari bambwira ko umwana wacu abonetse, uburyo yabonetse ngo yahiye n’umu mama amubonye ngo ararira. Nibwo uwo mubyeyi yamujyanye ku Kagari amugejejeyo bafata za telefoni twari twashyize ku itangazo baraduhamagara duhita tunyaruka tujya kumureba”.

Arongera ati ‟Umwana twasanze ari muzima ameze neza, imyambaro ye y’ishuri isa neza nk’uko yari imeze asohoka mu kigo, urukweto rurahanaguye aranyuzamo agaseka. Twari twahungabanye ariko uzi kubura umuntu wa Leta, ntabwo yari akiri uwanjye cyangwa uw’umubyeyi we, ni uwa Leta ni uw’Igihugu”.

Uwo muyobozi yavuze ko uwo mwana nta kibazo na kimwe asanganywe ku ishuri, avuga ko birinze no guhita bamubaza ibyamubayeho mu rwego rwo kugira ngo aruhuke mu mutwe.

Ubutabazi bwakorewe uwo mwana akimara kuboneka, ngo ubuyobozi bw’ishuri, inzego z’umutekano na RIB bahise bamugeza kwa muganga ngo bamenye niba nta kibazo yagize, bajya no kuri Isange One Stop Center kugira ngo barebe ko atahohotewe.

Uwo mwana amaze imyaka ibiri apfushije umubyeyi (Nyina)

Nk’uko Se yabitangarije Kigali Today, ngo hashize imyaka ibiri uwo bashakanye (Nyina w’uwo mwana) yitabye Imana, amusigira abana bane babyaranye, barimo abahungu batatu n’uwo mukobwa wa gatatu muri abo bana.

Uwo mubyeyi avuga ko umwana we asanzwe agira ishyaka n’intego zo kuziga akaminuza nka basaza be.

Ati ‟Ni umwana w’umuhanga utsinda cyane, uhorana intego zo kwiga akazaminuza nka basaza be, kuko umwe ni ingénieur undi nawe agiye gusoza kaminuza, nta kibazo na kimwe nzi afite”.

Abaturage biciwe amatungo bagiye gushumbushwa

Izo nyamaswa zishe ayo matungo ku mugoroba wo ku itariki 23 Ugushyingo 2024, aho abo baturage bo mu Kagari ka Huro, Umurenge wa Muhondo bagiye gucyura amatungo yabo batungurwa no gusanga yose yapfuye.

Mu makuru Umunyamabanga Nshingwabikorwa w’Umurenge wa Muhondo, Gasasa Evergiste yatangarije Kigali Today, yavuze ko mu kwirinda ingaruka izo mbwa z’ibihomora zateza abaturage, ubuyobozi bw’Akarere ku bufatanye n’inzego z’umutekano bateze izo nyamaswa hifashishijwe umuti, imbwa ebyiri mu rizo zihita zipfa.

Zimwe muri izo mbwa zishe amatungo zamaze kwicwa

Mu gihe abiciwe amatungo bari bakiri mu rujijo bibaza ku gihombo batewe n’izo nyamaswa zabiciye amatungo, Umuyobozi wungirije w’Akarere ka Gakenke ushinzwe iterambere ry’ubukungu, Niyonsenga Aimé François, yatanze ubutumwa bubahumuriza, avuga ko Akarere kiteguye kubashumbusha.

Yagize ati ‟Izo nyamaswa zishe amatungo y’abaturage, ni imbwa z’ibihomora, zamaze gutegwa zirapfa kugira ngo zidakomeza guhombya abaturage. Bariya baturage amatungo yabo yapfuye, ubuyobozi bw’Akarere ka Gakenke burabashumbusha”.

Hafashwe ingamba zo guhiga imbwa zikomeje kwica amatungo y’abaturage

Ni imbwa zikomeje kugaragara cyane cyane mu masaha y’umugoroba zizerera mu duce twegereye umuhanda Kigali-Musanze, aho bikekwa ko zizanwa n’abakire baturuka mu Mujyi wa Musanze n’uwa Kigali, bakitwikira ijoro bakazijugunya mu duce tw’ibyaro, birinda kuzimukana aho baba bateganya kwimukira mu tundi duce dutandukanye tw’Igihugu.

Mu makuru Umunyamabanga Nshingwabikorwa w’Umurenge wa Muhondo, GASASA Evergiste yatangarije Kigali Today, yavuze ko izo nyamazwa zishe ayo matungo zikomeje guhigwa aho hamaze gupfa imbwa ebyiri.

Yagize ati “Kuwa gatandatu mu ma saa kumi n’imwe z’umugoroba, abaturage bagiye gucyura amatungo bari baziritse aho twita mu Gisagara, basanga yapfuye. Ni ibintu bitari bisanzwe hano mu murenge wacu, twapfushije amatungo umunani, ihene esheshatu n’intama ebyiri”.

Arongera ati ‟Ni amatungo y’abaturage bo mu miryango itatu, Umuyobozi wa Polisi mu murenge, inzego z’umurenge, mu tugari n’imidugudu twagiyeyo tuganiriza abaturage, ariko n’ayo matungo aratabwa kugira ngo abaturage batayarya akaba yabagiraho ingaruka”.

Uwo muyobozi avuga ko bataramenya neza izo nyamaswa zishe amatungo y’abaturage, gusa yemeza ko nyuma yo gutega izo nyamaswa bakoresheje umuti, hamaze gupfa imbwa ebyiri.

Ati ‟Ku bufatanye na Polisi y’igihugu, hari umuti twateze mu ijoro ryo kucyumweru, ku buryo hamaze gupfamo imbwa ibyiri, ntekereza ko yaba ari imbwa zigenda ku gasozi byaba ibyo bisimba, bishobora kwicwa n’uwo muti”.

Kugeza ubu abaturage bapfushije amatungo ntacyo barafashwa, Gitifu Gasasa akaba akomeje kubihanganisha agira ati ‟Ni ukubihanganisha kubera ko nk’umuturage nyine birasaba ko haramutse habonetse ubundi bufasha twabitaho, ariko kugeza ubu nta bufasha turabona”.

Uwo muyobozi yasabye abaturage gushyira amatungo yabo mu bwishingizi, abasaba kandi kwirinda kuzirika amatungo mu misozi bakororera mu biraro, mu kurinda amatungo yabo ibibazo bitandukanye.

Ibibazo nk’ibi by’inyamaswa zirya amatungo y’abaturage byigeze kugaragara mu karere ka Nyabihu mu mwaka wa 2022, icyo gihe aborozi basangaga inka zabo ziganjemo izikiri nto mu rwuri zapfuye.

Inkuru bijyanye:

Gakenke: Abo imbwa ziciye amatungo bagiye guhabwa andi

Gervase Twinomujuni yari Padiri Mukuru wa Paruwasi ya Bishyiga mu Murenge wa Buruhukiro muri Nyamagabe

Padiri Gervase Twinomujuni yitabye Imana tariki ya 23 Ugushyingo 2024 azize uburwayi, nk’uko bigaragara mu itangazo ryo kubika rya Musenyeri Célèstin Hakizimana, Umushumba wa Diyosezi ya Gikongoro ryanyujijwe ku mbuga nkoranyambaga z’iyo Diyosezi.

Imihango yo guherekeza Nyakwigendera izaba ku itariki 29 Ugushyingo 2024, ibimburirwe n’igitambo cya Misa cyo kumusabira kizaturirwa muri Katedarali ya Gikongoro guhera saa tanu za mu gitondo.

Muri uyu mwaka wa 2024, Diyosezi ya Gikongoro ipfushije Abapadiri batatu bazize uburwayi, ari bo Padiri Peter Balikuddembe witabye Imana mu gitondo cyo ku wa Kane tariki 14 Werurwe 2024, Padiri Félicien Hategekimana, witabye Imana ku itariki 08 Nyakanga 2024 na Padiri Gervase Twinomujuni witabye Imana tariki ya 23 Ugushyingo 2024.

Mu minsi ibiri gusa mu Karere ka Musanze abantu batanu bariyahuye

Mu mpera z’Ukwakira 2024, niho icyo kibazo cyagaragaye cyane aho ku itariki 30 hiyahuye abantu batatu naho ku itariki 31 hiyahura abantu babiri.

Mu makuru Kigali Today ikesha raporo y’inzego z’ibanze, aragaragaza uburyo mu minsi ibiri gusa mu Karere ka Musanze abantu abantu batanu biyahuye, batatu bahita bapfa naho babiri bajyanwa mu bitaro guhabwa ubuvuzi bwihuse.

Iyo raporo iragaragaza ko saa mbiri n’iminota 52 zo mu gitondo cyo ku itariki 31 Ukwakira 2024, uwitwa Hakizimana Aboulakim w’imyaka 22 wo mu Kagari ka Cyabagarura Umurenge wa Musanze, akekwaho kwiyahura akoresheje umugozi.

Ngo Umubyeyi we (Papa), niwe wamubonye bwa mbere ubwo yinjiraga mu nzu agasanga ari mu mugozi, mu kumutabara ahita aca uwo mugozi ariko asanga umwana we yamaze gupfa.

Muri raporo yatanzwe n’ushinzwe umutekano mu mudugudu wa Gikeri, iragaragaza ko uwo Hakizimana ukekwaho kwiyahura, asanzwe afite uburwayi bwo mu mutwe, aho ngo ku itariki 25 Ukwakira 2024, yari yagiye kuvurizwa mu bitaro bya Ruhengeri, apfa bari bamuhaye umusi wo gusubirayo wo ku itariki ya 01 Ugushyingo 2024.

Ku itariki 30 Ukwakira 2024 mu masaha y’igicamunsi, Dusabimana Pacifique w’imyaka 33 wo mu kagari ka Nyonirima mu Murenge wa Kinigi, nawe akekwaho kwiyahura akoresheje umuti batera mu nyanya.

Ngo akimara kumywa uwo muti, yahamagaye Nyirasenge amusaba ko yamutabara, Nyirasenge atabaza abaturage bahageze basanga yamaze gupfa, aho basanze hafi y’umurambo we agacupa karimo uwo muti.

Nk’uko iyo raporo ibigaragaza, ngo Nyakwigendera yabaga wenyine nyuma y’uko umugore we yari amaze amezi abiri amusize agasubira iwabo n’abana babo babiri, aho bivugwa ko bari bafitanye amakimbirane, ikirego cyabo kikaba cyari cyaragejejwe mu bunzi.

Ku itariki 30 Ukwakira 2024 kandi, uwitwa Muhoza Solange w’imyaka 22 wo Kagari ka Rubindi, Umurenge wa Gataraga yaketsweho kwiyahura akoresheje umugozi ahita apfa.

Ku itariki 30 Ukwakira 2024 uwitwa Ahishakiye Iradukunda w’imyaka 20, nawe yaketsweho kwiyahura akoresheje umuti wica udukoko uzwi ku izina rya rocket, aho bivugwa ko uko kwiyahura kwaturutse ku makimbirane yo mu muryango aterwa no kutumvikana ku mitungo.

Hakozwe ubutabazi bwihuse, agezwa mu Kigo Nderabuzima cya Musanze, nyuma yoherezwa mu bitaro bya Ruhengeri ngo yitabweho n’abaganga.

Ku itariki 31 saa mbiri n’igice z’umugoroba, uwitwa Mukarugabiro Francoise w’imyaka 45 wo mu Kagari ka Rwambogo, Umurenge wa Musanze, akekwaho kunywa umuti wa rocket agerageza kwiyahura.

Uwo mugore ngo yari afitanye amakimbirane n’umugabo we witwa Bigirimana Cyprien w’imyaka 46, bapfa ikibazo cyo gucana inyuma.

Nyuma yo kunywa uwo muti, yaratabawe agezwa mu Kigo Nderabuzima cya Musanze, nyuma ajyanwa mu Bitaro bya Ruhengeri ngo ahabwe ubutabazi bwisumbuye.

Bamwe muri abo biyahura, hari ubwo barokorwa n’uko abaturage batanze amakuru bakagezwa kwa muganga mu buryo bwihuse, bakavurwa bagakira.

Ni iki gikomeje gutera abantu kwiyahura?

Mu kiganiro KigaliToday iherutse kugirana n’Umuyobozi w’Ibitaro bya Ruhengeri, Dr. Muhire Philbert, mu rwego rwo kumenya igitera iryo zamuka ry’imibare y’abiyahura mu Karere ka Musanze, avuga ko imibanire mibi mu miryango ariyo ikomeje guhungabanya ubuzima bwo mu mutwe, bigashora abantu mu kwiyahura.

Yagize ati “Imibare y’abiyahura iragenda izamuka. Icyo tugenda tubona, biraturuka ku makimbirane cyangwa se ukutumvikana mu bagize imiryango, ni ibintu bigenda bigaragara hose, bikagira ingaruka ku mitekerereze bikangiza ubuzima bwo mu mutwe, iyo abantu badashoboye kwakira ibibagora muri sosiyete barimo, bihungabanya cyane ubuzima bwo mu mutwe”.

Uwo muyobozi yavuze ko uko kwiyahura kuri guturuka cyane cyane ku mibanire mibi hagati y’abana n’ababyeyi no hagati y’abashakanye.

Ati “Hari aho ubona umwana atumvikanye n’ababyeyi agahitamo gushyira akadomo ku buzima bwe, hari abagore cyangwa abagabo batumvikana ukabona bafashe icyemezo kibi cyo kurangiza ubuzima bwabo”.

Arongera ati ‟Ibyo byose biraterwa n’ibyo bibazo by’imibanire n’imibereho mibi iri muri sosiyete, bigenda bigahungabanya ubuzima bwabo bwo mu mutwe, bikagera ku rwego rukomeye binaganisha ku gushyira akadomo ku buzima bwabo”.

Uwo muganga yavuze ko igisubizo kuri icyo kibazo, kigomba guhera mu nzego z’imiryango, inzego z’ubuyobozi bw’ibanze, inshuti z’umuryango n’ahandi.

Avuga kandi ko ibitaro bya Ruhengeri bitarebera icyo kibazo, ahubwo bikomeje gushakira hamwe umuti w’icyo kibazo gikomeje gutuma umubare w’abiyahura wiyongera, aho abakozi b’ibitaro bashinzwe ibijyanye no kwita ku buzima bwo mu mutwe no kuvura uburwayi bujyanye nabwo, bari gukorana n’abakozi bo mu bigo Nderabuzima bafasha abaturage.

Avuga ko abo bakozi bari no kwitabira inteko z’abaturage batanga ubujyanama, mu rwego rwo kubarinda ibyo bibazo bibagiraho ingaruka zigera aho zibatera kwiyambura ubuzima bwabo.

Imodoka itwara abagenzi ya Coaster yangiritse cyane

Iyo mpanuka ibereye ku muhanda uturuka ku Rutare rwa Ndaba werekeza i Rubengera, aho mu bagenzi 13 bakomeretse, bane muri bo bakomereka bikomeye bagezwa mu bitaro, abandi bajyanwa mu Kigo Nderabuzima cya Rubengera, nk’uko Umunyamabanga Nshingwabikorwa w’Umurenge wa Rubengera, Nkusi Medard yabitangarije Kigali Today.

Yagize ati ‟Ikamyo igonganye na Coaster mu bagenzi bari muri iyo Coaster 13 barakomereka, aho bane bakomeretse bikomeye, icyenda bakomereka byoroheje. Bamwe bamaze kugezwa mu bitaro bya Kibuye, mu gihe abandi bajyanwe mu Kigo Nderabuzima cya Rubengera”.

Yongeye agira ati ‟Ni amakuru tumenye mu kanya mu ma saa cyenda n’iminota 45. Aho iyo mpanuka yabereye ni mu gace karimo amakorosi menshi, iyo umushoferi yarangaye gato imbere ye hakaza indi modoka ashobora kuyigonga, bisaba kuhagera ukitonda cyane".

Kigali Today ntiyabashije kumenya imodoka yari mu makosa kuko Polisi ikibikurikirana, gusa ikigaragara ni uko Coaster yangiritse cyane.

Umusore yagiye kwiba yiyambika nk’abagore baramutahura

Yafatiwe mu Kagari ka Mpenge Umurenge wa Muhoza mu Karere ka Musanze, saa munani z’ijoro, aho we n’uwitwa Sabato Mugisha bari bamaze kwinjira mu gipangu cy’uwitwa Munyaneza Eugene, irondo ry’umwuga rirabatesha.

Iryo rondo rikimara kugera muri icyo gipangu cy’umuturage wari utabaje, bahise bafata uwo witwa Sabato Mugisha, abarangiye aho abandi banyuze, nibwo abagize irondo bakomeje gushakisha basanga uwo musore mu nzira yamaze kwiyambika nk’abagore.

Ngo babanje kumushidikanyaho bakeka ko ari umugore atagenzwa no kwiba, ariko nyuma bibaza kuri uwo mugore uri kugenda muri iryo joro, nibwo bamufashe basanga ni uwo musore, nk’uko Umunyamabanga Nshingwabikorwa w’Akagari ka Mpenge, Ally Niyoyita yabitangarije Kigali Today.

Yiyoberanyije ariko baramutahura

Ati Ni ‟Ni amayeri y’abajura, bagiye kwiba irondo rirabatesha tubanza gufata umwe, tumubaza abo bari kumwe atwereka aho bacikiye, tubakurikiye urumva ko iyo abajura bagiye kwiba bagendana amayeri menshi. Nibwo uwo musore yahise akuramo imyambaro ye yigira umukobwa”.

Arongera ati ‟Yahise yambara kora arenzaho kariya gakanzu, ku buryo twabanje kumunyuraho, ariko nyuma twibaza uwo mugore uri kugenda saa munani z’ijoro kandi mu cyerekezo bari bamaze kwibiramo, nibwo twamufashe atwemerera ko nawe ari mu bajura baje kwiba uwo muturage”.

Kabayiza Jean Bosco na mugenzi we bahise bagezwa kuri Polisi Sitasiyo ya Muhoza, aho bafungiye kugeza ubu, mu gihe abandi bakekwaho ubujura bari kumwe bakomeje gushakishwa.

Bamaze igihe basiragizwa bishyuza ingurane ku masambu yabo yashyizwemo ibikorwaremezo

Ubwo Kigali Today yabasangaga ku biro by’Akarere ka Musanze mu gitondo cyo ku itariki 29 Ukwakira 2024, bategereje ubuyobozi ngo babugezeho ibibazo byabo, bavuze ko bamaze imyaka igera muri itatu basaba kwishyurwa amafaranga yabo, nyuma y’uko bayabariwe ariko ntibayahabwe.

Uwitwa Munyarubuga Léonard ati ‟REG yanyujije umuyoboro iwanjye badusaba ibyangombwa by’ubutaka, bambarira 98,640FRW, maze imyaka itatu nishyuza ariko ayo mafaranga narayabuze. Uwo muyoboro aho bari bawunyujije barawuhinduye bawushyira ahandi maze bashyiramo ipoto”.

Arongera ati "Uko bagendaga bawimura niko banyangirizaga imyaka irimo ibishyimbo, ibigori n’uko ibiti bya voka bitanu barabitema, mbajije bati reka uzabanze wishyurwe aya mbere, none ndi mu gihirahiro kugeza magingo aya, ni mudufashe mudukorere ubuvugizi kuko twirirwa hano ku karere ntitugikora, ikibazo cyacu cyanze gukemuka, ubu saa kumi n’ebyiri na 40 nibwo nageze hano ku Karere, duhora twishyuza umwaka ugashyira tugatangira undi”.

Bizimana Jean Bosco ati ‟Icyatuzanye hano ku Karere ni agahinda kenshi kuko tumaze imyaka myinshi twishyuza amafaranga yacu, bati ikibazo turagikemura tugategereza tugaheba. Imyaka ibiri irashize tuza kwishyuza”.

Arongera ati ‟Saa kumi n’ebyiri nari ngeze hano ku Karere, mu by’ukuri tumaze kunanirwa, byaraturenze batubabariye bakaduha utwacu byadufasha tukava muri uku gusiragizwa dutakaza igihe, twakagombye gukora ibindi byaduteza imbere”.

Uwitwa Hategekimana Jean Bosco we avuga ko ishyamba rye baritemye, bamubwira ko ingurane ye ingana n’ibihumbi 225FRW bayohereje ayobera ahandi, akibaza uko ayo mafaranga azamugeraho kuko bahora bambwira ko bari kubikurikirana, akavuga ko ibyo biti bye batemye muri 2021 ariwe wasigaye adahawe ingurane mu gihe abo baturanye bamaze kwishyurwa.

Aba baturage bavuga ko iterambere ryabo ryagiye ridindizwa n’uko kwamburwa amafaranga y’ingurane z’ibyabo

Abo baturage bavuga ko iterambere ryabo ryagiye ridindizwa n’uko kwamburwa ayo mafaranga yabo bakagombye kwifashisha biteza imbere.

Hategekimana ati ‟Ingaruka byangizeho, ni ubukene nk’ubu nta kintu nkigira mu rugo, iryo shyamba niryo nari narateye ngo rizangoboke, niyo mpamvu nirirwa hano ku Karere ngo ndebe ko bampa amafaranga yanjye”.

Mugenzi we ati ‟Hari ubwo abana banjye babirukana ku ishuri natekereza ko nambuwe amafaranga yakagombye gufasha umuryango wanjye, bikambabaza”.

Ubuyobozi bwagize icyo butangaza kuri icyo kibazo

Nyuma yo kubona abo baturage ku Karere baza kwishyuza ibyabo, Kigali Topday yegereye Umuyobozi wungirije w’Akarere ka Musanze ushinzwe iterambere ry’ubukungu, Uwanyirigira Clarisse, avuga ko icyo kibazo bari kukiganiraho na REG mu rwego rwo kugishakira umuti.

Umuyobozi wungirije w’Akarere ka Musanze ushinzwe iterambere ry’ubukungu, Uwanyirigira Clarisse

Uwo muyobozi yavuze ko muri dosiye ibihumbi 11 z’abaturage babariwe ingurane ku masambu yabo yanyujijwemo ibikorwaremezo, mu mezi atatu abagera ku 8,700 bamaze kwishyurwa amafaranga y’ingurane ku mitungo yabo, avuga ko Akarere kari gukorana na REG kugira ngo hishyurwe abaturage 3,800 basigaye.

Ati ‟Twari twarabonye n’ikibazo cy’abaturage batarabarirwa ingurane mu Murenge wa Muko na Rwaza. Twakoranye na REG barabarirwa, ubu tugiye gushyiramo imbaraga ku buryo abo baturage batarishyurwa bagera ku 3,800 biyongeraho n’abo 40 bishyurwa bidatinze, ku buryo mu kwezi kwa 12 bazizihiza iminsi mikuri amafaranga yabo bayabonye”.

Nzamurambaho Marcel uhagarariye Ikigo cy’Igihugu gishinzwe Ingufu (REG) ishami rya Musanze, yavuze ko bari kureba neza mu madosiye ngo bamyenye abatarishyuwe n’icyatumye batinda kwishyurwa, kugira ngo bakemure ikibazo cyabo mu buryo bwihuse.

Ati ‟Kwishyurwa byo ni ihame kuwangirijwe, icyo twashakaga ni ukureba ngo utarishyurwa ni iki cyabiteye, kugira ngo tumenye kanaka utarishyurwa ni iki gituma atishyurwa, noneho tumenye igisubizo niba hari ikimureba kurwe ruhande agitunganye niba hari ikitureba nacyo gikorwe, ariko kwishyurwa ni uburenganzira buteganywa n’itegeko nta cyatuma batishyurwa, birakemuka vuba”.

Mu gukwirakwiza amashanyarazi, Akarere ka Musanze kageze ku gipimo cya 75,4%.

Minisitiri w’Ubutegetsi bw’Igihugu, Dr Patrice Mugenzi

Minisitiri w’Ubutegetsi bw’igihugu, Dr. Patrice Mugenzi yagize icyo atangaza kuri icyo kibazo kijyanye no kutumvikana ku mwanzuro wo gusubiza uwo mukozi wirukanwe mu kazi, aho gikomeje guteza impaka.

Mu kiganiro Minisitiri Mugenzi yagiranye na Kigali Today, yavuze ko icyo kibazo muri Minisiteri bakizi, yemeza ko bagiye kukiganiraho kandi ko bidakwiye gufatwa nka byacitse.

Ati ‟Uko ikibazo kimeze turakizi, turaza kukiganiraho dukurikirane tureba icyakorwa, urebye nta byacitse birimo kandi ubwo natwe ku rwego rwa Minisiteri twabimenye, natwe turashyiraho akacu kugira ngo gishobore gukemuka”.

Abajijwe niba Minisiteri ishobora gutegeka Umuyobozi w’Akarere kubahiriza imyanzuro ya Komisoyo y’igihugu ishinzwe abakozi ba Leta, Minisitiri yagize ati: ‟Meya ntabwo tumutegeka gusubiza umukozi mu kazi, ahubwo tugomba gukurikirana uko ikibazo kimeze tukajya inama tukareba umwanzuro wafatwa, naho kuvuga ngo turategeka Meya se ku mpamvu yihe? Duhereye ku ki?”.

Arongera ati ‟Icyo tugiye kureba ni icyatuma uwo mwuka mubi uhagarara, ibyo mubiduharire birakemuka”.

Ni ikibazo cyavutse nyuma y’uko Umuyobozi w’Akarere ka Rulindo yirukanye mu kazi umukozi witwa Ndagijimana Froduald ku mwanya w’Umunyamabanga Nshingwabikorwa w’Umurenge wa Mbogo.

Nyuma y’uko uwo mukozi agejeje ikibazo cye muri Komisiyo y’igihugu ishinzwe abakozi ba Leta agaragaza ko yirukanwe arengana, iyo Komisiyo yazusumye ikibazo cye isanga ikosa yirukaniwe ryo guhindura amazina y’umwana mu bitabo by’irangamimerere atari we warikoze, ryakozwe n’umukozi ushinzwe irangamimerere.

Komisiyo yandikiye Umuyobozi w’Akarere ka Rulindo ibaruwa ya mbere imusaba gusubiza umukozi mu kazi, nyuma y’uko bigaragaye ko iryo kosa atariwe warikoze, nk’uko byemejwe n’Ikigo cy’Igihugu cy’Indangamuntu (NIDA) ku itariki ya 06/11/2023.

Meya wa Rulindo yandikiwe indi baruwa imwibutsa gushyira mu ngiro imyanzuro ya Komisiyo, yongera kumusaba gusubiza mu kazi uwo mukozi.

Ni ibaruwa igaragaramo ingingo isaba Meya kumenyesha iyo Komisiyo ishyirwa mu bikorwa ry’uwo mwanzuro mu gihe kitarenze iminsi 15, ahereye igihe aboneye iyo baruwa.

Ku itariki 22 Ukwakira 2024, ni bwo Umuyobozi w’Akarere ka Rulindo Mukanyirigira Judith, yandikiye Umunyamabanga nshingwabikorwa wa NPSC, ibaruwa isaba Komisiyo kongera gusesengura neza mu bushishozi, hagahabwa agaciro impamvu zashingiweho kugira ngo uwo mukozi ahabwe igihano cyo kwirukanwa.

Umuyobozi w’Akarere mu byo ashingiraho byatumye yirukana uwo mukozi, nk’uko biri muri iyo baruwa yandikiye Umunyamabanga Mukuru wa NPSC, ngo ni uburemere bw’ibyaha bikoreshejwe ikoranabuhanga, aho uwo mukozi kandi yakoresheje nabi ububasha afite.

Ngo uwo mukozi yirengagije gukora neza inshingano ze, aho iyo mikorere mibi ngo ishobora kugira ingaruka ku rwego rw’ubuyobozi no ku gihugu, biba ngombwa ko uwo mukozi yirukanwa nyuma yo kwandikirwa amenyeshwa amakosa yakoze.

Kanda HANO usome inkuru yari yabanje ivuga iby’iki kibazo

Biyemeje kuba nkore neza bandebereho

Babitangarije mu Kigo cy’Ubutore cya Nkumba giherereye mu Murenge wa Kinoni mu Karere ka Burera, ku wa Kabiri tariki 29 Ukwakira 2024 mu muhango wo gusoza iryo torero, bahiga imihigo itandukanye ijyanye no gusigasira ubusugire bw’Igihugu, basobanura amateka y’u Rwanda uko ari.

Umwe mu bitabiriye iryo torero witwa Niyonsaba Kantesi Onella yagize ati “Iri torero ridusigiye ibintu byinshi, ariko cyane cyane badusobanuriye amateka y’u Rwanda mu buryo bwimbitse, ku buryo haramutse habonetse uwashaka kuyagoreka, niteguye kuyamubwira uko ari”.

Arongera ati “Twize uko twakwihangira umurimo dukoresheje ubumenyi dufite, twiga indangagaciro na kirazira by’umuco w’u Rwanda birimo gukunda Igihugu, ubumwe, kunoza umurimo n’ubupfura, dutozwa n’imikorongiro igamije kutwigisha indangagaciro zidufasha kubaka Igihugu. Ducyuye impamba ifatika ku mateka y’u Rwanda, cyane cyane duca ibihuha bigenda bigaragara ku mbuga nkoranyambaga bisebya Igihugu, ubu tugiye ku rugerero”.

Mugenzi we witwa Hirwa Rusigana Eric ati “Inyigisho twakuye aha nk’Intore, ni uko twebwe urubyiruko dushyize imbaraga mu byo dukora, tuva mu bidafite umumaro tukajya mu biteza imbere Igihugu, turwanya abakoresha imbuga nkoranyambaga bagoreka amateka y’Igihugu cyacu. Iyi ni impamba ifatika ducyuye tugiye gusangiza abandi”.

Mu Itorero Morale yari nyinshi

Arongera ati “Njye ku giti cyanjye, ntabwo nari nzi amateka ahagije ku Gihugu cyanjye, ariko abayobozi bakomeye baraje badusangiza kuri ayo mateka nk’abayabayemo, tugiye kwigisha abandi”.

Mu mihigo bihaye nyuma y’Itorero, harimo gukomeza kuba Imbuto zitoshye zidasobanya mu kubaka u Rwanda, biyemeza kuba umusemburo w’ubumwe bw’Abanyarwanda, barwanya abashaka kugarura ingengabitekerezo iganisha kuri Jenoside.

Urwo rubyiruko rwiyemeje kandi kurangwa n’imyitwarire myiza, birinda ingeso mbi zigaragara kuri bamwe mu rubyiruko, baba intangarugero mu kwitabira gahunda zitandukanye za Leta, barangwa kandi no gukunda Igihugu bitabira urugerero rw’inkomezabigwi na gahunda z’ubukorerabushake mu gukemura ibibazo bibangamiye imibereho myiza y’abaturage n’ibindi.

Ni itorero ryateguwe n’Umuryango Imbuto Foundation na Minisiteri y’Ubumwe bw’Abanyarwanda n’Inshingano Mboneragihugu (MINUBUMWE), mu rwego rwo gutoza urwo rubyiruko umuco n’indangagaciro by’umuco nyarwanda, bafashwa gusobanukirwa amateka y’Igihugu mu kurwanya abayagoreka.

Hari byinshi byagendeweho mu gutoza izo ntore, nk’uko Umuyobozi ushinzwe Itorero no guteza imbere umuco muri MINUBUMWE, Uwacu Juliennne abivuga.

Uwacu Julienne yasabye urwo rubyiruko kurwanya ikintu cyose cyagambirira kugirira nabi Igihugu

Bahawe ubumenyi ku mateka y’u Rwanda

Ati ‟Mu gutoza izi ntore, hakoreshejwe uburyo butandukanye burimo ibiganiro 11 byatanzwe n’impuguke zifite ubumenyi. Ibyo biganiro byibanda ku mateka, indangagaciro, icyerekezo 2050 nk’amahitamo y’Igihugu cyacu, uburyo bwiza bwo gukoresha imbuga nkoranyambaga, imikoreshereze y’umutungo, ubuzima bw’imyororokere n’ubuzima bwo mu mutwe byose bigaherekezwa n’imikorongiro”.

Uwacu yavuze ko urwo rubyiruko barwitezeho kuzaba indashyikirwa mu masomo bagiye gukomeza, abasaba kurwanya ikintu cyose cyagambirira kugirira nabi Igihugu binyuze mu ikoranabuhanga cyangwa mu bundi buryo, ariko bakarwanya ingeso mbi zugarije umuryango nyarwanda n’urubyiruko by’umwihariko, kandi bakazayobora abandi ku rugerero.

Ni intore kandi zisigiye abatuye Umurenge wa Kinoni ibikorwa, aho mu gitondo cyo ku wa Kabiri tariki 29 Ukwakira 2024 bazindutse batera ibiti by’imbuto, aho bifuje ko ibyo biti bibyara imbuto zitoshye nk’izina ribaranga mu butore.

Umuyobozi Mukuru wa Imbuto Foundation, Elodie Shami yashimiye Jeannette Kagame watekereje umushinga wa Imbuto Foundation ushyirwa mu bikorwa muri 2002, aho uyu munsi hatangiye gusarurwa imbuto zawo.

Umuyobozi Mukuru wa Imbuto Foundation, Elodie Shami

Ati ‟Ikintu cyo gutekereza ejo hazaza uko hazaba hifashe, turabishimira Nyakubahwa Jeannette Kagame, aho natwe biza muri bimwe dukomeza gutekereza, tuti uyu munsi hari ibyo dufite ariko ni izihe nzozi twarotera abana bazadukomokaho, kugira ngo bazasange u Rwanda rwiza nk’urwo dufite uyu munsi?”

Yashimiye urwo rubyiruko imyitwarire myiza n’ubwitange bagaragaje mu Itorero, avuga ko ubuyobozi bwa Imbuto Foundation buzakomeza kuba hafi urwo rubyiruko no kurwiyambaza ahakenewe imbaraga zarwo mu kuzamura iterambere ry’Igihugu no guteza imbere imibereho y’Abanyarwanda.

Guverineri w’Intara y’Amajyaruguru, Mugabowagahunde Maurice, asoza iryo torero, yibukije urwo rubyiruko ko u Rwanda rwabuze ubumwe bisenya Igihugu, aho byakigejeje kuri Jenoside yakorewe Abatutsi mu 1994.

Abasaba kubyaza umusaruro impamba bahawe abona nk’igisubizo gikomeye mu gukemura ibibazo abaturage bahura na byo. Avuga ko urugerero bagiye kwitabira rugomba kugaragaza itandukaniro kubera ubumenyi bahawe, barwanya ingeso mbi mu rubyiruko zirimo ubusinzi, kunywa ibiyobyabwenge, umwanda, abana bata ishuri n’ibindi.

Ni itorero ryatangiye ku itariki 23 Ukwakira 2024, aho ryitabiriwe n’urubyiruko 253 rugizwe n’abana baba baratsinze neza ibizamini bya Leta, ariko bakomoka mu miryango itishoboye, mu myigire yabo bagafashwa n’Umuryango Imbuto Foundation.

Icyivugo cyabo kiragira kiti ‟Imbuto zitoshye mu Mbonezamihigo, ni umwanya w’imiyoborere myiza, ni umusemburo mu mpinduka nziza, ni nkore neza bandebereho, ni indashyikirwa mu bumenyi n’ikoranabuhanga, ni umurinzi w’ibyagezweho uharanira kwigira no kwihesha agaciro, nkaba ku isonga mu kubaka u Rwanda rushya n’iterambere rya Afurika”.

Bateye ibiti by’imbuto

Bagize umwanya wo kubaza ibibazo

Ambulance yari itwaye umugore utwite yakoze impanuka inda ivamo

Mu makuru Kigali Today itangarijwe n’umwe mu bayobozi b’Akagari ka Cyingwa, ushinzwe imibereho myiza, ubukungu n’iterambere (SEDO) Rudahunga Walter, yavuze ko iyo mpanuka yabaye mu ijoro rishyira itariki 27 Ukwakira 2024.

Yagize ati ‟Bampamagaye mu ma saa munani z’ijoro, bambwira ko Ambulance ikoze impanuka, niyambaza abaturage, abantu bari bakomeretse tubegereza umuhanda, indi Ambulance yari igiye ku bitaro bya Mibilizi irabajyana”.

Uwo muyobozi, yavuze ko abakomerekeye muri iyo mpanuka barimo umushoferi, umuganga, umugore n’umwana yari ahetse, ndetse n’uwo mugore wari utwite inda ikavamo, ubu bari kwitabwaho n’ibitaro bya Mibilizi.

Ati ‟Abo bakomeretse bajyanywe mu bitaro bya Mibilizi, icyo namenye ni uko umugore umwe muri abo bari muri iyo modoka wari utwite inda yavuyemo, andi makuru ni ibitaro bya Mibilizi byayamenya, kuko ubwo twabatabaraga ni ho bajyanywe”.

Amakuru agera kuri Kigali Today ni uko uwo mubyeyi wagizweho ingaruka n’iyo mpanuka inda yari atwite ivamo, ngo yajyanywe mu bitaro bya Kaminuza bya Butare (CHUB), kugira ngo yitabweho mu buryo bwihariye.

Ababangamiwe n’iyo nzu (iri hagati) bavuga ko yahindutse ubwiherero n’indiri y’amabandi

Ni ikibazo cyagaragajwe ku mbuga nkoranyambaga n’uwitwa Imanishimwe Pierre, aho yasabaga ubuyobozi bw’Akarere ka Burera, gukurikirana icyo kibazo cy’iyo nzu, ibangamiye abaturiye isoko rya Rugarama ndetse n’abaza kurirema.

Yagize ati ‟Mu Murenge wa Rugarama, iyahoze ari inzu y’ubucuruzi mu isoko rya Rugarama, yahindutse ubwiherero n’icumbi ry’ibisimba n’amabandi, harangwa n’urusazi ruturuka ku nkari zihuzuye”.

Undi muturage uturiye iryo soko ati ‟Iriya nzu imaze imyaka n’imyaka tuyibona kuriya, yamaze kuba igihuru aho ikomeje kuduteza umwanda ukabije. Ugiye mu bwiherero niho agana, amabandi niho yihisha, ubuyobozi turabusaba kuyidukiza, ikavugururwa cyangwa ikavanwaho”.

Abaturage barasaba ubuyobozi kugira icyo bakora igasenywa

Mu kumenya icyo ubuyobozi buvuga kuri icyo Kibazo, Kigali Today yavuganye n’Umunyamabanga Nshingwabikorwa w’Umurenge wa Rugarama, Ndayisaba Egide avuga ku nkomoko y’iyo nzu ikomeje guteza ibibazo.

Yagize ati ‟Nyirayo yari umudamu wo mu Murenge wa Cyanika, yitaba Imana ariko umuryango we ugira ikibazo cyo kugabana imitungo. Ntabwo bumvikanye uko bagabana imitungo umubyeyi wabo yasize, habaho gusigana mu kuyivugurura, twabahamagaje inshuro nyinshi ntibitabe, rimwe hakaza umwe abandi ntibitabe”.

Arongera ati ‟Twari twarabahaye amezi atatu yo kuba bagize icyo babikoraho, bakahagurisha cyangwa bakumvikana bakahubaka inzu nziza. Mperutse kongera kubahamagara mbibutsa ko inzu yabo iteje ikibazo, bambwira ko bahagurushije”.

Uwo muyobozi avuga ko uwaguze aho hantu, yababwiye ko ategereje icyemezo kimwemerera kubaka, yizeza ubuyobozi ko mu gihe atarabona icyo cyemezo agiye gusenya iyo nzu ikomeje guteza ikibazo cy’umwanda.

Iyi nzu yahindutse ikigunda

Ati ‟Twamusabye ko iriya nzu ishaje igaragara nabi yaba ayisenye mu kwirinda umwanda ikomeje guteza, atubwira agiye kubitekerezaho kuko atuye i Kigali n’ubwo avuka inaha, yatwemereye ko agiye kuyikuraho mu gihe ategereje icyangombwa cyo kubaka”.

Nk’uko Gitifu Ndayisaba abivuga, ngo kimwe mu bitera umwanda uturuka ku nzu, ngo ni ubushobozi usanga butangana n’imyumvire itandukanye y’abantu baba bafite inzu zifatanye, aho umwe aba yifuza kuvugurura asiga amarangi, ugasanga mugenzi we bafite inzu zifatanye arabyanze biturutse ku mpamvu z’ubushobozi buke cyangwa se imyumvire idahura.

Abatuye umurenge wa Nyamiyaga batahanye akanyamuneza

Bakibwirwa inkuru ko ibyo biribwa ari ibibagenewe, ibyishimo byabarenze, basubirana imuhira akanyamuneza nk’uko babigaragaje mu muhanda bataha, ubwo bari bikoreye ibiribwa birimo ibishyimbo, amavuta yo guteka n’ibindi.

Ni ubufasha bukomeje gutangwa n’abaturage, binyuze mu gashya k’Akarere kazwi ku mvugo igira iti ‘Muturanyi ngira nkugire tugeraneyo mu Iterambere’, aho abaturage batanga inkunga mu bushobozi bwabo butandukanye bagafasha ab’amikoro make.

Umunyamabanga Nshingwabikorwa w’Umurenge wa Nyamiyaga, Kayigamba Emmanuel, aganira na Kigali Today yagarutse kuri iyo nkunga yagenewe abatishoboye.

Ni gahunda ikomeje gufasha abatishoboye mu kubona ibibatunga

Ati ‟Mu baturage burya habamo abantu baba bafite ibibazo binyuranye kandi baba bazwi, abashaje, abatishoboye n’abandi. Abaturage akaba aribo bihitiramo abafite ibibazo kurenza abandi, bakavuga bati, barashonje dukwiye kubafasha, buri muturage agatanga uko yifite. Ni igikorwa kimaze kumenyerwa mu Mirenge yose igize Akarere ka Gicumbi”.

Arongera ati ‟Gahunda ya Muturanyi ngira nkugire tugeraneyo mu iterambere, ni gahunda iba buri gihembwe aho ubuyobozi guhera kuri Mudugudu, tuganira tukavuga tuti, abaturage aba n’aba bafite ikibazo, nka rimwe mu mezi atatu tugakusanya inkunga y’ibiribwa tukabafasha, kuri iyi nshuro twakusanyije ibishyimbo, amavuta yo guteka, amasabune yo kumesa n’ibindi”.

Gahunda yo gufashanya imaze kuba umuco ku banyagicumbi

Ako gashya k’Akarere ka Gicumbi, kamaze gufata indi ntera aho akenshi mu nteko y’abaturage, baremera bagenzi babo batishoboye ibirimo ibiribwa bitandukanye, ibikoresho by’isuku, ibiryamirwa, aho abo mu Murenge wa Nyamiyaga bafashije abatishoboye ibifite agaciro ka miliyoni zisaga 2FRW.

Ni gahunda yashimishije abaturage, aho uwitwa Innocent Niyonizera yagize ati ‟Gahunda yacu nk’Abanyagicumbi, ntayindi atari muturanyi ngira nkugire tugeraneyo, kandi twese twamaze gusobanukirwa ko ntaho wagera udafatanije n’abandi cyane cyane abo muturanye, nishimiye kuba Umunyarwanda”.

Abaturage banejejwe no kwitabira inteko y’abaturage bacyura ibiribwa

Mugenzi we ati ‟Iyi gahunda yamaze kutubibamo umuco wo kumva ko turi abavandimwe kandi ko dukwiye gufashanya, ufite icyo arusha undi akamufasha. Byagabanyije ibibazo by’abahoraga mu buyobozi basabiriza, ariko ubu gahunda Muturanyi ngira nkugire Tugeraneyo yarabikemuye”.

Ako gashya k’Akarere ka Gicumbi ka ‘Muturanyi ngira nkugire tugeraneyo’, katangiye gushyirwa mu bikorwa ku mugaragaro ku itariki 29 Nyakanga 2022, nyuma yo kwemezwa n’Inama Njyanama y’Akarere, aho bize bagasanga hakwiriye imbaraga nyinshi mu bukangurambaga bwo gukemura ibibazo by’abaturage, ariko biturutse mu maboko yabo.

Buri birori birangwa n’ibiseke batura abatishoboye

Ni muri gahunda y’ubukangurambaga mu kurwanya ibibazo bitandukanye byakunze kuvugwa muri ako Karere birimo umwanda, ibiyobyabwenge byiganjemo kanyanga, indwara zituruka ku mirire mibi, amakimbirane mu miryango, imiryango igaragaza ubushobozi buke bujyanye no kubura ibibatunga n’ibindi.

Muri uko gukusanya ubufasha, ni gahunda ikorwa n’abaturage ubwabo birinda guhora bateze Leta amaboko ku bibazo na bo ubwabo bakagombye kuba bakemura, nk’uko bisobanurwa n’Umuyobozi w’Akarere ka Gicumbi, Nzabonimpa Emmanuel.

Meya w’Akarere ka Gicumbi, Nzabonimpa Emmanuel

Avuga ko abaturage ari bo bimenyera bamwe muri bo babayeho nabi, bakishakamo ubushobozi hagati yabo bakabaremera ku bwumvikane bwabo, bikaba bikomeje gukemura ikibazo cy’abaturage birirwaga batonze umurongo ku biro by’ubuyobozi, bashaka ubufasha butandukanye.

Abatuye ahazagurirwa Pariki bishimiye ubumenyi bahawe bwo gutegura imishinga

Ni amahugurwa yateguwe n’Urwego rw’Igihugu rw’Iterambera (RDB) ku nkunga ya African Wildlife Foundation (AWF), umuhango wo gusoza ayo mahugurwa ubera mu Murenge wa Kinigi kuri uyu wa kane tariki 24 Ukwakira 2024.

Imishinga 25 yatsinze amarushanwa y’ijonjora mu mishanga irenga 120, yongera guhatana hashakwamo imishinga 10 ya mbere yagenewe ibihembo by’amafaranga ari hagati ya miliyoni n’ibihumbi 400FRW ndetse n’ibihumbi 600FRW, kandi buri mushinga warenze ijonjora ry’ibaze ugenerwa ishimwe ry’ibihumbi 200FRW.

Ni abaturage bahuguwe n’umushinga Inkomoko, hagamijwe kubategurira guhangana n’imihindagurikire y’ibihe no kubungabunga urusobe rw’ibinyabuzima biboneka mu gace gaturiye Pariki, nk’uko Nsabimana Patrick, Umuyobozi wa AWF mu Rwanda yabitangarije Kigali Today.

Bagaragarije imishinga yabo imbere y’akanama kari gashinzwe gutanga amanota

Ati ‟Dushingiye ku bibazo byagiye bigaragara, aho abaturage benshi batunzwe n’ubuhinzi gusa ariko bugirwaho ingaruka n’imihindagurikire y’ibihe, twabonye ko ari ngombwa ko bashaka indi mibereho, ayo mahugurwa yaje gukemura icyo kibazo, aho abaturage bigishwa gutegura imishinga bikazabaviramo uburyo bwo kubona ahantu bakura imibereho badashingiye ku buhinzi gusa”.

Uwo muyobozi yavuze ko abo baturage bakomeje gutegurirwa imirimo y’iterambere bategura imishinga izabafasha kwiteza imbere nyuma yo gutuzwa mu mudugudu w’icyitegererezo. Avuga ko igishimishije ari uko mu mishanga abaturage bagaragaje, imyinshi idashingiye ku buhinzi.

Ati ‟Twumvaga turi buze kubona imishinga y’ubuhinzi gusa, ariko byadushimishije tubonye imishinga myinshi tutatekerezaga ko bajyamo, ariko twabonyemo ubukorikori butandukanye, ubudozi n’indi. Ibyo biratwereka ko iyi mishanga izatanga umusaruro mu gihe bazaba bashowemo imari”.

Hari akanama kari gashinzwe gutanga amanota

Imishinga itanu yahize indi, uwa mbere wahembwe miliyoni n’ibihumbi 400FRW, uwa kabiri uhembwa miliyoni n’ibihumbi 300FRW, uwa gatatu miliyoni n’ibihumbi 200, uwa kane miliyoni n’ibihumbi 100FRW, mu gihe uwa gatanu wahembwe miliyoni imwe.

Ibyo bihembo ni kimwe mubyashimishije ba nyiri imishinga, bavuga ko bagiye kurushaho kwagura ibikorwa byabo bagaca ukubiri n’imbogamizi bajyaga bagira zo kubura igishoro gihagije.

Nteziryaho Job ufite umushinga wahize indi, ati ‟Ibyishimo birandenze, mfite umushinga w’ubworozi bw’inkoko, nari mfite inkoko 100 none miliyoni n’ibihumbi 400FRW bampembye ngiye kuguramo inkoko 200 zibe 300”.

Imishinga itanu ya mbere yahize indi

Arongera ati ‟Ngurisha abaturage amagi, nkabagurisha n’ifumbire y’amatotoro ku giciro gito, bikabafasha guhinga bakabona umusaruro uhagije w’ibirayi bya Kinigi. Mfite intego ko mu myaka itanu iri imbere nzaba mfite inkoko zigera ku bihumbi bitanu nkazaba nariteje imbere narateje imbere n’abaturage muri rusange”.

Uwera Esther wahembwe miliyoni imwe n’ibihumbi 300FRW, yavuze ko yatekereje umushinga wo korora inkoko zitera amagi zigatanga n’inyama, nyuma yo kubona ko mu gace k’iwabo mu Kinigi hakiri abana benshi bagwingiye, yiyemeza korora inkoko agamije kwigisha abaturage akamaro ko kurya amagi.

Yagize ati ‟Ubworozi bwanjye bwari bukiri hasi, ariko ku bwiyi nkunga mbonye ngomba kububyaza umusaruro ya ntumbero nababwiye yo kugera ku nkoko 1000, nzayigereho ku buryo mu myaka itanu nzaba mfite imashini zituraga amagi”.

Nteziryaho Job ufute umushinga wahize indi yahembwe miliyoni imwe n’ibihumbi 400FRW

Abo baturage bavuga ko kuba barigishijwe gukora imishinga, bigiye kubafasha mu gihe bazaba baramaze kwimurirwa mu midugudu, dore ko ngo aho bari batuye hari ahantu hashobora gushyira ubuzima bwabo mu kaga, aho bahoraga bikanga inyamaswa.

Dushimimana watsindiye miliyoni imwe n’ibihumbi 200FRW mu mushinga we w’ububoshyi bw’imyenda, ati ‟Tugize amahirwe yuko bagiye kutwimura kuko hari ubwo umuntu yabaga yahura n’inyamaswa ikamukubita ihembe, cyangwa se umuntu akaba yatinya kugenda mu mugoroba. Ni amahirwe tubonye yo kutwimura tugahigamira inyamaswa tukisanzura, hakongeraho ko banatwigishije gutinyuka tugakora imishinga izadufasha kwiteza imbere."

Abaturage basabwe guteza imbere imishinga yabo ikabatunga

Umushinga wo kwagura Pariki y’Igihugu y’ibirunga uteganyijwe kuzatwara asaga Miliyoni 230 z’Amadolari ya Amerika (hafi Miliyari 300FRW), harimo azatangwa n’abaterankunga barimo AWF, andi akazatangwa na Guverinoma y’u Rwanda biturutse mu mafaranga y’inguzanyo n’impano.

Imiryango 510 niyo ku ikubitiro igiye kubakirwa Umudugudu w’icyitegererezo, n’abandi baturiye Pariki bakazafashwa gutura ahantu heza.

Abaturage bagaragaraza ko bagirira icyizere inzego z’umutekano z’u Rwanda

Izo nzego ntizarajya munsi ya 95%, ibyo bikagendera ku ruhare zikomeje kugaragaza mu iterambere ry’abaturage mu bikorwa bitandukanye birimo ubuvuzi, uburezi kubakira abaturage n’ibindi bikorwaremezo birimo amateme n’imihanda, kurinda umutekano w’abaturage n’ibindi.

Kimwe mu bitera izo nzego z’umutekano kugera ku ntego yazo, harimo ukuba zubakiye ku muco ujyanye n’ikinyabupfura (discipline), dore ko haba mu Ngabo no muri Polisi hagaragara abahanwa n’abirukanwa mu nshingano, kabone n’ubwo yaba ari ku rwego ruhanitse mu mapeti.

Ikindi kiranga izo nzego ni ugukotana, zikiha intego yo guharanira kudatsindwa mu bikorwa zatangiye.

Abaturage bavuga ko bishimira ubusabane bagirana n’inzego z’umutekano bitandukanye no mu myka ya mbere ya Jenoside yakorewe Abatutsi

Bamwe mu baturage bageze mu zabukuru baganiriye na Kigali Today, bavuga ko babaga bazi ko Umusirikare cyangwa Umupolisi ari umuntu ugomba kuba atinyitsi, yanyura ku baturage bagakangarana yabahohotera bakumva ko abifitiye ububasha.

Abo baturage bavuga ko babona itandukaniro rinini hagati y’Ingabo na Polisi bo muri iki gihe, n’izo babonaga mu myaka y’1980-1994.

Karemera Félicien wo mu Murenge wa Nyange mu Karere ka Musanze, ati ‟Abasirikari n’Abapolisi b’ubu batandukanye n’Abasirikari n’Abajandarume ba kera, mbere twarabatinyaga cyane kubera urugomo, guhera mu ntambara y’1990 intambara itangiye nibwo urugomo rwiyongereye. Nta muntu wabaga yabegera aho wasangaga biratana ububasha bafite, bakumva bakaze, mwahura bakaba baguhutaza”.

Umugaba mukuru w’Ingabo z’u Rwanda, Gen Mubarakh Muganga

Arongera ati ‟Bariyenzaga, mwagira nk’akantu mwapfa cyane cyane abakuru babaga bafite pisitoli ku itako, akayikuramo akaba yakurasa ku manywa y’ihangu, niyo mpamvu bageraga nko mu dusantere tugakizwa n’amaguru”.

Akomeza agira ati ‟Ndibuka neza ko kuwa gatandatu aribwo bakundaga kuza mu tubari bafite imbunda, ako kabari bicayemo ukaba utatinyuka kukinjiramo kereka inshuti zabo”.

Uwo muturage avuga ko muri iki gihe abasirikare n’abapolisi bafasha abaturage aho badakora ibijyanye n’umwuga wabo gusa, ahubwo bagasanga abaturage bakabafasha kuzamura iterambere ryabo.

Bafasha abaturage mu mibereho myiza

Ati ‟Abasirikare n’abapolisi baraza bakatwubakira amazu, ibiraro, imihanda, amashuri, bakatuvura indwara zitandukanye ni nayo mpamvu mu nzego zidufata neza zitaduhutaza usanga ari bo baza imbere, niyo mpamvu natwe tubagirira icyizere”.

Mugenzi we uvuga ko mu 1990 yari afite akabari, yagize ati ‟Abasirikare n’abajandarume ntabwo basibaga iwanjye baje kunywa inzoga, bari mu bantu batumaga ntatera imbere, wasangaga bicaranye imbunda zabo ibyo bigatuma abakiliya bikanga bagasohoka”.

Abaturage bashimira inzego z’umutekano zidahwema kubafasha mu mibereho myiza

Arongera ati ‟Nacuruzaga mfite ubwoba, hari ubwo nabonaga butangiye kwira natangira kwishyuza bagakura imbunda mu maguru, yatangira kwaruma nkagira ubwoba bikarangira batanyishyuye. Ariko inzego z’umutekano z’iki gihe zirangwa n’ikinyabupfura no gukunda abaturage, baharanira ko batera imbere, niyo mpamvu tubafata nk’ingenzi kuri twe”.

Mu rwego rwo gushimangira ubufatanye hagati y’abaturage n’inzego z’umutekano, by’umwihariko Ingabo na Polisi, buri umwaka bategura ibikorwa bitandukanye mu rwego rwo kongerera abaturage iterambere n’imibereho myiza.

Niho uzumva abaturage bamaze kumenya ijambo, Army Week (month), Police Week (month), bivuze icyumweru cyangwa ukwezi kuba kwarahariwe ibikorwa by’Ingabo na Polisi.

Bubatse amateme atandukanye mu duce tw’ibyaro

Turebye muri uyu mwaka wa 2024, Ukwezi kwahariwe ibikorwa by’Ingabo na Polisi kwasigiye abaturage ibifite agaciro ka miliyari zisaga ebyiri z’Amafaranga y’u Rwanda.

Ku itariki 19 Kamena 2024, nibwo mu gihugu hose habaye igikorwa cyo kumurika imishinga n’inkunga byegerejwe abaturage mu rwego rwo kubafasha mu iterambere ryabo, binyuze mu kwezi kwahariwe ibikorwa by’Ingabo na Polisi.

Ibikorwaremezo byubatswe ndetse n’imirimo yakozwe, byatwaye asaga miliyari ebyiri z’amafaranga y’u Rwanda, ariko hatarimo ibyakozwe binyuze mu mirimo y’amaboko n’umuganda, nk’uko Umuvugizi wa Polisi ku rwego rw’Igihugu, ACP Boniface Rutikanga yabitangarije Kigali Today.

Gitifu yishimiye imodoka Polisi ihaye umurenge

Yagize ati “Ibikorwa byose hamwe, ndavuga iby’Ingabo na Polisi byakozwe mu gihugu hose mu mezi atatu ashize, bifite agaciro karenga miliyari ebyiri z’amafaranga y’u Rwanda”.

Arongera ati “Icyo giciro ntabwo kirimo ikiguzi cy’imirimo y’amaboko, aho abaganga batanze service zo kubaga, aho abaganga bavuye n’ibindi bikorwa bitandukanye, ibyo ntabwo biri muri icyo kiguzi. Bivuze ko byakabaye ari ikiguzi kirenze, ariko ubwo ndavuga ikiguzi cy’amaboko kiramutse kibazwe byakwikuba izindi nshuro zitari nkeya”.

Ingabo na Polisi kandi ntibasiba kwegera abaturage mu bitaro bitandukanye babegereza serivisi z’ubuvuzi zitaboneka mu bitaro bibegereye, mu cyiswe ‘Defence and Security Citizen Outreach Programme’.

Bubatse bikorwaremezo bitandukanye

Uyu mwaka icyo gikorwa kikaba cyarakozwe mu bitaro hafi ya byose by’Uturere tw’u Rwanda, ahatanzwe serivisi z’ubuvuzi zitandukanye, zirimo ubuvuzi bw’amenyo, uruhu, amagufa, indwara zo mu mazuru, mu matwi no mu mihongo, ubuzima bwo mu mutwe, indwara z’abana n’iz’abagore.

Ni gahunda yashimishije abaturage, by’umwihariko abasanganywe indwara zitandukanye, aho bavuga ko ubuzima bugiye kumera neza nyuma y’uko bamwe ngo bari baramaze kwiheba.

Abaturage bahabwa ubuvuzi butandukanye

Umuturage wo mu Karere ka Gakenke witwa Nzayisenga yagize ati “Mfite ikibazo cy’amagufa, ntababeshye nari narihebye pe, kuko nta bushobozi nari mfite bwo kugana ibitaro byisumbuye mu kuvura uburwayi bwanjye, ariko bambwiye ko Ingabo na Polisi batwegereye numva ko ngiye gukira”.

Uwitwa Odette Mutuyimana we, yagize ati “Kuva harimo Ingabo z’u Rwanda na Polisi, ni ako kanya, igisubizo cyabonetse”.

Uwitwa Gakuru Karimu ati “Iyi gahunda tuyizeyeho umusaruro, cyane ko ije gukemura bimwe mu bibazo by’ingutu bibangamiye abaturage”.

Ni ibikorwa usanga byishimirwa n’abaturage

Uretse Abanyarwanda, aho Ingabo na Palisi by’u Rwanda bajya mu butumwa bw’amahoro mu bihugu bitandukanye bya Afurika, naho usanga bakorera abaturage ibikorwa bikomeye birimo kubarindira umutekano, ariko bakanongeraho ibindi bikorwa biteza imbere imibereho myiza y’abo birimo kububakira amashuri no gusubiza abana mu ishuri, kubavura, kubatoza isuku, kubaha ibikoresho by’imyidagaduro n’ibindi.

Muri ibyo bikorwa Ingabo na Polisi bakorera abo baturage, bituma bagirira icyizere izo nzego z’umutekano z’u Rwanda, aho usanga babisanzuraho babereka urukundo.

Hari serivisi abaturage bahabwa n’inzego z’umutekano bikazamura amarangamutima yabo

Hirya no hino ku mihanda itandukanye, hagiye hagaragara abasirikare cyangwa abapolisi bagiye batanga serivisi mu buryo butunguranye, bikazamura amarangamutima ya bamwe mu babibona.

Abapolisi bajya batanga serivisi abantu bagatungurwa

Rimwe na rimwe baboneraga ibyo bikorwa mu mafoto yagiye acicikana ku mbuga nkoranyambaga, abantu bakabyibazaho abenshi bakabigaragariza mu bitekerezo bagiye batanga, bashima izo nzego.

Ni kenshi hagaragaye abapolisi bambutsa abana mu muhanda, abafite ubumuga, abageze mu zabukuru n’ibindi bikorwa byihariye by’ubumuntu.

Inzego z’umutekano zishimirwa ubusabane zigirana n’abaturage mu byiciro byose

Uzabona Ingabo na Polisi basabana n’abaturage mu Rwanda cyangwa mu bihugu baba boherejwemo mu kurinda amahoro. Ibyo bikaba byaragaragaye cyane mu gihugu cya Mozambique aho Ingabo n’Abapolisi b’u Rwanda bagaragaye bafashe imisekuzo mu gufasha abaturage gusekura imyumbati n’ubunyobwa bashaka ifu.

Uzabona kandi Ingabo na Polisi ziganjemo igitsinagore basabana n’abana ku mashuri, bakina udukino tw’abana ibyo bikaba bikomeje kongerera izo nzego igikundiro no kumvwa n’abaturage baba bafite ibikomere batewe n’intambara, ibyo bikabagarurira icyizere cy’ubuzima.

Abasirikare basabana n’abaturage

Hari amashuri menshi yubatswe n’Ingabo na Polisi mu bihugu bitandukanye byugarijwe n’intambara, batanga n’ibikoresho byose ku banyeshuri, ibyo bituma abana bagaruka mu mashuri.

Hari n’ibikorwa by’ubuvuzi bikorerwa mu butumwa bwo kurinda amahoro, aho Ingabo na Polisi by’u Rwanda bavura abaturage amaso, amenyo n’izindi ndwara zitandukanye.

Ubwo bunyamwuga buranga Ingabo na Polisi by’u Rwanda ni kimwe mu mpamvu zituma abaturage bakomeje kugirira icyizere izo nzego z’umutekano mu Rwanda, nk’uko bikomeje kugaragara muri raporo ngarukamwaka ya RGB.

No mu bihugu by’amahanga usanga zifasha abaturage

Bagakora ibikorwa birimo n’umuganda

Abaturage bo muri Sudan y’Epfo barashima ibikorwa by’ingabo z’u Rwanda

Bahabwa ubuvuzi butandukanye ku buntu

Muri Mozambique abana abaturage bishimira ingabo z’u Rwanda

Muri Santrafurika Polisi y’u Rwanda itoza abaturage isuku

Umukecuru yishimiye umusirikare

Habaho n’imikino ihuza abaturage ndetse n’Ingabo z’u Rwanda ziri mu butumwa bw’amahoro

Ibikorwa by’indashyikirwa zikora mu mahanga zibyambikirwa imidali

Polisi y’u Rwanda nayo igenerwa imidali ku rwego mpuzamahanga

Padiri Wycliffe Byamugisha yahitanywe n’impanuka ikomeye

Nk’uko amafoto agaragara mu binyamakuru bitandukanye byo mu gihugu cya Uganda birimo icyitwa Informer, biragaragara ko iyo mpanuka yabereye ahitwa Ibanda yari ikomeye, aho imodoka ya Padiri yacikaguritsemo ibice ibyuma bimwe bikajya ukwabyo.

Icyo kinyamakuru kiragira kiti “Ni icyumweru cy’agahinda, aho mu masaha ya nyuma ya saa sita yo ku itariki ya 20 Ukwakira 2024, muri Arkidiyosezi ya Mbarara habaye impanuka yatwaye ubuzima bwa Wycliffe Byamugisha, wari Padiri Mukuru wa Paruwasi ya Nyabuhikye yo mu Karere ka Ibanda”.

Imodoka yari arimo yarangiritse bikomeye

Uwo mupadiri ngo yakoze impanuka ubwo yari mu muhanda ava gusoma Misa, imodoka yari arimo igongana n’ikamyo mu muhanda uva Kabagoma mu Karere ka Ibanda mu gace ka Mbarara.

Padiri Wycliffe Byamugisha, yari amaze imyaka itandatu muri ubwo butumwa, aho yahawe Isakaramentu ry’ubusaseridoti muri Nyakanga 2018.

Batatu bakoreye impanuka ku kirombe, umwe ahasiga ubuzima

Ni impanuka ibaye ku gicamunsi cyo kuri uyu wa gatandatu tariki 19 Ukwakira 2024, aho uwitwa Ngaruyimana Bagaragaza na Niyonzima Emmanuel, bari kuvurirwa mu kigo Nderabuzima cya Cyabingo mu gihe uwitwa Hategekimana Aimable w’imyaka 18 yitabye Imana nyuma yo kugezwa kwa muganga, nk’uko Umunyamabanga Nshingwabikorwa w’Umurenge wa Cyabingo, Cyubahiro Félicien yabitangarije Kigali Today.

Yagize ati "Ni impanuka y’abantu bapariraga ikirombe, guparira ni ukucyubakira, igiti kiramanuka gikubita batatu muri bo, aho umwe cyamukomerekeje cyane bimuviramo n’urupfu, ariko abandi babiri bameze neza aho bari ku Kigo Nderabuzima cya Cyabingo".

Arongera ati "Abo babiri bari kwa muganga, biragaragara ko batakomeretse cyane, bameze neza, ariko k’ubw’ibyago umwe yahise apfa bakimugeza ku Kigo Nderabuzima".

Uwo muyobozi avuga ko icyo kirombe ari icya Kampani icukura amabuye y’agaciro yitwa CMC (Cyabingo Mining Company), avuga ko ngo iyo Kampani iri mu bwishingizi.

Mu butumwa yageneye abacukuzi b’amabuye y’agaciro, Gitifu Cyubahiro yabasabye gukomeza gukumira impanuka aho muri iki gihe cy’imvura, mu birombe hakomeje kubera impanuka zitunguranye, asaba ko abafite kampani zicukura amabuye y’agaciro bajya babanza gukora inyigo ku bikorwa bakorera mu birombe byabo, mu rwego rwo kurinda abakozi impanuka.

Asoza agira ati "Ndihanganisha umuryango wabuze umuntu".

Ni amafaranga yishyurwa umushongi w’ibireti umaze gukundwa cyane, aho ubushakashatsi bw’ibigo bigurira u Rwanda ibireti bwamaze kwemeza ko uwo mushongi w’ibireti by’u Rwanda ari wo wa mbere ku rwego rw’Isi mu bwiza.

Ni ibyagarutsweho na Bizimungu Gabriel, Umuyobozi mukuru wa HORIZON SOPYRWA, ikigo gishinzwe kwita ku buhinzi bw’ibireti mu Rwanda, ari na cyo kigenzura n’uruganda rwa SOPYRWA rutunganya ibireti rufite ubushobozi bwo kwakira toni 3,000 ku mwaka.

Nyabihu ni ko Karere ka mbere mu Gihugu gakungahaye ku gihingwa cy’ibireti

Yabitangarije mu gikorwa cyo guhemba abahinzi b’ibireti babaye indashyikirwa mu Ntara y’Iburengerazuba cyabereye mu Murenge wa Kabatwa mu Karere ka Nyabihu ku wa Kane tariki 17 Ukwakira 2024, hahembwa abahinzi barenga 300 bagemuye umusaruro mwinshi kandi mwiza ku ruganda rwa SOPYRWA.

Yagize ati «Ibireti ni igihingwa SOPYRWA yishyura abaturage ku musaruro wabo amafaranga agera kuri Miliyari ebyiri na Miliyoni 300 buri mwaka, noheho iyo uruganda rutunganyije umushongi tukawugurisha hanze, winjiza mu Gihugu Miliyoni 10 z’Amadolari, ariko intego ni ukugera kuri Miliyoni 15 z’Amadolari.»

Umusaruro w’ibuhinzi bw’ibireti ukomeje kwiyongera aho muri 2009, habonekaga umusaruro ungana na toni 300, ubu mu mwaka ushize habonetse umusaruro ungana na toni 1,634 utangwa n’abahinzi b’ibireti bagera ku bihumbi 37 bafite intego yo kweza toni 1,800 muri uyu mwaka.

Kugira ngo uruganda rwa SOPYRWA rugere ku ntego zarwo zo kwakira toni 3,000 z’ibireti buri mwaka, HORISON SOPYRWA yaguye imikorere igera no mu gihugu cya Tanzaniya, nk’uko Bizimungu abivuga.

Ibirori byitabiriwe n’abayobozi batandukanye

Ati «Ishoramari dukora mu ruganda kugira ngo umushongi wacu ube mwiza ku Isi, bituruka ku buyobozi bwiza dufite butuba hafi bukadufasha, ni na yo mpamvu ubu ngubu dufite urundi ruganda muri Tanzaniya. Abahinzi b’ibireti muri icyo gihugu bari barabuze isoko aho bashora umusaruro wabo, tubashyira uruganda. Ibyo byose ni ukubera ubuyobozi bwiza dufite bworoshya ishoramari, buyobowe na Perezida Paul Kagame.»

HORIZON SOPYRWA ifite mu nshingano kugeza imbuto y’ibireti ku bahinzi, ku bubatanye n’Ikigo cy’Igihugu gishinzwe Ubuhinzi (RAB), bakomeje gukora ubushakashatsi bw’imbuto y’ibireti byera cyane mu gihe gito, kandi bigatanga umusaruro mwinshi.

Muri uyu mwaka icyo kigo cyateguye ingengo y’imari ya Miliyoni 164Frw zizifashishwa mu kubonera abahinzi ingemwe nshya, kugira ngo umusaruro urusheho kwiyongera, abo bahinzi kandi bemererwa ifumbire y’imborera iva mu bisigazwa by’ibireti byanyujijwe mu ruganda.

Nta koperative y’abahinzi b’ibireti idafite miliyoni 100Frw kuri konti

Koperative z’abahinzi b’ibireti mu Rwanda ni umunani, zose zikaba zibumbiye mu ihuriro ryitwa Rwanda Pyrethrum Cooperative Union Rwanda.

Izo koperative zamaze kuzamura ubukungu aho zigeze ku rwego rwo kuba buri koperative izigamye byibura miliyoni zirenga 100 Frw, aho muri ubwo bwizigame ukeneye amafaranga yo gukora igikorwa runaka mu buryo butunguranye ahabwa inguzanyo, nk’uko Semajeri Joseph ukuriye iryo huriro yabitangaje.

Yagize ati «Ubuyobozi bwa SOPYRWA buratwumva cyane, aka kanya mu makoperative umunani ahinga ibireti, nta n’imwe idafite miliyoni 100 Frw kuri konti, ashira mu cyumweru bashyiramo andi, nta muntu ukigemura ibireti ngo arare atishyuwe, n’uwaraye atayabonye biba byatewe na banki, ariko ntibirenza iminsi ibiri».

Hahembwe abasaga 300

Semajeri avuga ko kuba abahinzi b’ibireti bategurirwa umunsi wo kubashimira, bibaha imbaraga zo gukora cyane. Avuga ko ubuhinzi bw’ibireti bukomeje kubateza imbere haba mu miryango yabo, haba no mu masambu akomeje kurumbuka kubera ifumbire ituruka ku bireti. Avuga ko mu mwaka wa 2000 abahinzi bezaga toni zitarenga 300, ariko ubu bakaba bageze kuri toni zikabakaba 1,700.

Mu muhango wo guhemba abo bahinzi babaye indashyikirwa witabiriwe n’abashoramari bo muri Amerika bafite isoko ry’ibireti by’u Rwanda, bashimiye abahinzi b’ibireti uko bakomeje guhiga abahinzi bose ku Isi mu kugira umusaruro mwiza.

Michael Pollock ushinzwe ibikorwa by’ubucuruzi muri sosiyete y’Abanyamerika icuruza umushongi w’ibireti, ati «Bayobozi ba SOPYRWA mwumve neza ko muri abafatanyabikorwa twizera mu bucuruzi. Hashize imyaka 10 nza gusura u Rwanda, nishimiye uburyo abaturage b’iki gihugu bagira urugwiro, bagakunda umurimo baharanira guteza Igihugu imbere none bakaba bakomeje guhiga Isi yose mu kugira umusaruro mwiza w’ibireti».

Arongera ati «Ni na yo mpamvu nazanye n’umufasha wanjye ngira ngo yirebere ibyo nakunze kumubwira ku Rwanda. Akazi mukora karakomeye cyane, byanatumye rwagura imikorere kubera uburyo twabonye muri abakozi kandi muduha umusaruro mwiza, tuzahora tubashimira bahinzi beza, tuzahora twifatanya namwe muri byose».

Mike Allen, umuyobozi w’iyo Sosiyete icuruza umushongi w’ibireti muri Amerika, we yagize ati «Uburyo mwateje imbere ubuhinzi bw’ibireti ku Isi kugeza ubwo muba indashyikirwa, ijambo rimwe mfite ryo kubabwira ni Murakoze cyane».

Ubuyobozi bw’Akarere ka Nyabihu gafite ubuso bunini buhingwaho ibireti mu Rwanda aho burenga hegitari 1500, buvuga ko ibireti ari igihingwa gikomeje kuzamura iterambere ry’abaturage aho bibaha amafaranga bikabafasha no kurinda imirima yabo, nk’uko Umuyobozi w’ako Karere wungirije ushinzwe iterambere ry’ubukungu, Habanabakize Jean Claude yabitangarije Kigali Today.

Abanyamerika batsindiye isoko ry’ibireti by’u Rwanda na bo bitabiriye igikorwa cyo guhemba abahinzi b’indashyikirwa

Ati «Ibireti ni igihingwa abaturage bahinga basimburana n’ibirayi, ugasanga birongerera abaturage amafaranga cyane ko muri aka Karere dufite ubuso bugera ku 1500 duhingaho ibireti. Ariko nanone tukabona n’umusaruro ugera kuri toni 750, by’umwihariko umusaruro mwinshi ukava muri uyu Murenge wa Kabatwa, ariko Nyabihu ikaba ari yo ifite ubuso bwinshi n’umusaruro mwinshi w’ibireti mu Rwanda, ni kimwe mu bizamura iterambere ry’abaturage».

Mu gushimira abahinzi b’ibireti ku nshuro ya cyenda babaye indashyikirwa, abo mu Ntara y’Iburengerazuba bahawe inka 39 mu gihe mu Ntara y’Amajyaruguru bahawe inka 52, ziherekezwa na matola 80, n’ibindi bikoresho bazifashisha mu buhinzi birimo amasuka, inkweto za bote, shitingi n’imitaka.

Bahawe inka 39

Perezida wa Koperative KOAIKA, Munyandekwe Jean de Dieu (wambaye ishati y’umweru) na we ari mu bahinzi babaye indashyikirwa. Arimo guhabwa inka na Bizimungu Gabriel, Umuyobozi wa HORIZON SOPYRWA

Ababaye indashyikirwa basabwe gukomeza kunoza ubuhinzi no kongera umusaruro w’ibireti

Mu bihembo bahawe harimo na matola

Basusurukijwe n’itorero rya SOPYRWA

Bishimiye inka bahawe

Bahawe n’amashitingi yo kwanikaho ibireti

Mulindwa Prosper uyobora Akarere ka Rubavu ari mu bitabiriye ibyo birori

Umwe mu bagize sosiyete igura ibireti by’u Rwanda yashimiye urugwiro yakiranwe ageze mu Rwanda

Bahembwe matola 40

Ababaye indashyikirwa mu buhinzi bw’ibireti bahawe ibihembo, bavuga ko bibongerera imbaraga zo gukora cyane

Ku rwego rw’Intara y’Amajyaruguru, icyo gikorwa cyabereye mu Kagari ka Kampanga mu Murenge wa Kinigi, Akarere ka Musanze, aho abahinzi b’ibireti babaye indashyikirwa mu kugemura umusaruro mwinshi kandi mwiza bahawe ibihembo bitandukanye birimo kuremerwa inka 52, bahabwa matola 40, shitingi zo kwanikaho ibireti 64 n’ibindi bifasha umuhinzi guhangana n’igihe cy’imvura birimo inkweto 70 za bote, amasuka 56 n’imitaka 56.

Umuyobozi wa HORIZON SOPYRWA, Bizimungu Gabriel aganira na Kigali Today, yavuze ko icyo gikorwa cyo guhemba abahinzi b’ibireti cyateguwe hagamijwe gutera ishyaka abandi bahinzi bakomeje kugenda gahoro mu buhinzi bw’ibireti.

Ati «Iyo abonye mugenzi we yarahinze neza akabona umusaruro mwinshi bakamuha inka, bimutera ishyaka ryo kurushaho gukora neza, kandi ntabwo ari ukugira ngo umusaruro wiyongere gusa, tuba tugamije n’imibereho myiza y’abaturage kuko kubona amata, kubona amafaranga, kubona ifumbire byose ni ibintu biganisha ku mibereho myiza y’umuturage».

Arongera ati «N’izi matola dutanze kugira ngo umuturage aryame heza, byose bikubiye ku mibereho myiza y’abaturage».

Uwo muyobozi yavuze ko uburyo abahinzi bakunze ubuhinzi bw’ibireti, aho umusaruro umaze kwikuba inshuro nyinshi ndetse n’ibiciro by’ibireti ku musaruro w’umuhinzi bikomeza kwiyongera, ari nako ubwiza byabyo bukomeje gushimwa ku rwego mpuzamahanga.

Ati «Turishimira uburyo abahinzi bafite ubushake bwo guhinga ibireti n’uburyo umusaruro uri kwiyongera cyane. Kuva SOPYRWA yabaho ni ubwa mbere tubona umusaruro ugera kuri toni 400 mu kwezi kumwe. Ni ibintu bidasanzwe twishimira muri iki gihe cy’ihinga (season), ubona abahinzi babyishimira cyane, aho bigaragarira mu buryo bafata ibireti n’uburyo bahembwa neza, ubona bahinga babyishimiye».

Arongera ati «Umushongi wacu ni uwa mbere ku Isi mu bwiza, bariya baguzi ni ko batubwira, buriya hari ibyiza bawubonamo batabona mu bindi bireti by’ahandi, urabona aba baturutse muri Amerika badusuye, batugurira 50% indi 50% igatwarwa n’abandi, ariko aba bonyine bari hano bafite ubushobozi bwo gutwara umusaruro wose w’uruganda, biradusaba imbaraga zo guhaza isoko».

Mu Ntara y’Amajyaruguru, Abahinzi b’ibireti mu Karere ka Musanze na Burera, bagabanyije mu makoperative ane ari yo Abakunda Ibireti, Jyambere, Abakunda Umurimo na Koperative KOKIMU ihuriweho n’Intara y’Amajyaruguru n’Iburengerazuba, ayo makoperative agahuzwa n’ihuriro ry’amakoperative y’abahinga ibireti.

Umuyobozi w’ihuriro ry’amakoperative ahinga ibireti mu Rwanda, Semajeri Joseph, yagaragaje uburyo ubuhinzi bw’ibireti bukomeje kuzamuka, aho buri mwaka umusaruro wiyongeraho toni 200.

Ati «Muri 2009 twezaga toni 300 gusa, ariko umwaka ushize twasaruye toni 1,567, turakora kandi tugamije kwiteza imbere no guteza imbere Igihugu muri rusange, byose bigaterwa n’imikorere myiza ya SOPYRWA iduhora hafi ikaduha imbuto n’ibikenerwa byose ku gihe. Umuhinzi aragemura ibireti ku ruganda, akarara abonye amafaranga kuri konti ye».

Bamwe mu bahinzi bahembwe nyuma yo kuba indashyikirwa mu kongera umusaruro w’ibireti mu bwinshi no mu bukana bw’umushongi, bavuga ko ubwo buhinzi bwabo babufata nk’ubudasanzwe, kuko bukomeje kubazamurira iterambere dore ko intego y’umusaruro bari bihaye mu mwaka ushize bayirengejeho 10%.

Tuyisenge Jeannette watejwe imbere n’ubuhinzi bw’ibireti

Umwe mu bahinzi witwa Tuyisenge Jeannette, yagize ati «Naje aha mu butumire bwa SOPYRWA ku bahinzi b’ibireti b’intangarugero nkaba mpawe inka. Ubundi kugira ngo ibireti byere bitange umusaruro ni ukubifata neza, ni byo nakoze bashima umusaruro wanjye nshyirwa mu babaye indashyikirwa. Ibanga nta rindi ni ukubihinga ukabifumbira ukabifata neza kugera bigeze ku ruganda. Ubwo mpawe inka umusaruro urarushaho kwiyongera kubera ifumbire».

Uwo mubyeyi avuga ko ibireti byamuhinduriye ubuzima, ati «Naguze imirima itandukanye, ndubaka mfite amazi n’umuriro mu rugo iwanjye, mfite inzu zikodeshwa, abana banjye biga mu mashuri meza, byose mbikesha ibireti. Imbogamizi twagiraga mbere, ni uko twagemuraga ibireti ntibahite batwishyura, ariko uyu munsi uragemura amafaranga akarara kuri konti».

Ntezirizaza Adrien ati «Nayobotse ubuhinzi bw’ibireti muri 2004, ntacyo nahingaga ngo nsarure kubera ubutaka bwari bwaragundutse, ariko ubu urahinga ibireti wasarura bigasiga ifumbire mu murima, wahingamo ibirayi bikera cyane. Aho ibiteti bibera byiza ushobora kumara imyaka itatu usarura».

Umuhinzi w’ibireti Ntezirizaza Adrien

Arongera ati «Mu myaka 20 maze mpinga ibireti byarankijije, kandi koko ni igihingwa ngengabukungu cyitwinjiriza amadovize. Ubu noneho ubuhinzi twabwitayeho aho nasaruraga ibiro 100 ku mwaka ngitangira kubihinga, ubu ndi kuhasarura toni, none bampaye inka y’ishimwe, murumva ntishimye se?»

Nubwo abo bahinzi bishimira umusaruro, baragaragaza imbogamizi zijyanye no kuba ubutaka buhingwaho ibireti bukomeje kugabanuka, aho bwubakwaho za Hoteli n’ibindi bikorwa. Bagaruka no kuba inyamaswa ziva muri Pariki hari ubwo zitoroka zikaza kubonera, ibyo bikaba byagabanya umusaruro baba biteze.

Mukamana Soline, Umuyobozi w’Akarere ka Burera waje muri icyo gikorwa ahagarariye Guverineri w’Intara y’Amajyaruguru, yashimiye uburyo abaturage bakomeje guteza imbere ubuhinzi bw’ibireti.

Yabibukije ko hakiri urugendo kugira ngo bazagere ku musaruro wa toni 3,000 uruganda rwa SOPYRWA rukenera ku mwaka, abizeza ko ubuyobozi buzakomeza kubaba hafi mu kubagira inama zibafasha kongera umusaruro w’ibireti, nk’uko biri muri gahunda y’Igihugu yo kongera ibicuruzwa byoherezwa hanze.

Mukamana Soline uyobora Akarere ka Burera (wicaye hagati) ni we wari umushyitsi mukuru aho yari kumwe n’Umuyobozi w’Akarere ka Musanze ushinzwe Iterambere ry’Ubukungu

Ku kibazo cy’abahinzi bonerwa n’inyamaswa cyane cyane ku gice cy’Akarere ka Burera cyatunzwe agatoki, Meya Mukamana yagize icyo akivugaho.

Ati «Icyo dusabwa ni ukuvugana na RDB kugira ngo izo nyamaswa zibeho kuko ziradufasha, ni ubukerarugendo ziba muri Pariki y’Ibirunga, ariko n’ibireti na byo bihingwe kuko bifasha abaturage mu iterambere ryabo. Ubuvugizi buzakorwa harebwe uko ubuhinzi bwakorwa butabangamiwe kandi n’inyamaswa zibeho zitekanye».

Uruganda rwa SOPYRWA rufite ubushobozi bwo kwakira toni 3,000 mu mwaka, aho kugeza ubu umusaruro ugemurwa muri urwo ruganda uri kuri 60%.

Ubutaka buhingwaho ibireti mu Rwanda, buri kuri hegitari 3,000 mu Ntara zombi, Amajyaruguru n’Iburengerazuba, abahinzi bakagera ku bihumbi 37, icyo gihingwa kikaba cyinjiza mu Rwanda buri mwaka Miliyari ebyiri na Miliyoni 300FRW.

Ibireti ni kimwe mu bihingwa bikomeje gufasha ibihugu bitandukanye ku Isi birimo n’u Rwanda, aho imiti iva muri icyo kimera ikoreshwa ku bindi bihingwa kandi ntiyangize ibidukikije.

Kugeza ubu u Rwanda rufite isoko ry’ibireti muri Leta Zunze Ubumwe za Amerika no mu Butaliyani.

Abahinzi babaye indashyikirwa bashimiwe

Ibireti by’u Rwanda biza ku isonga ku rwego rw’Isi mu bwiza

Kinigi ni agace gakungahaye ku buhinzi bw’ibireti

Abatsindiye isoko ry’ibireti bashimiye abahinzi baranasabana

Bafite icyizere ko uyu mwaka bazeza ibireti byinshi kubera ko ikirere cyabaye cyiza

Bamwe mu bo ibiza byasenyeye ntibagira aho baba

Leta yakoze ibishoboka itabara abo baturage, ibashakira aho baba bacumbitse igihe gito, ndetse ibagenera n’ibikoresho bitandukanye byo kubafasha muri iyo minsi ibiza byari bigikomeje gusenya inzu zabo, ari nako ibaha n’ibiribwa.

Umushinga urambye wari uwo kubakira abo baturage ahantu hadashyira ubuzima bwabo mu kaga, ariko bamwe baremeza ko uwo mushinga utabagezeho aho kugeza ubu hari abagicumbitse mu baturanyi, abari bafite ubushobozi bwo kwikodeshereza inzu ubwo bushobozi bubashiranye batangira gusembera.

Abenshi mu bafite icyo kibazo, ni abo mu Murenge wa Shyira mu Karere ka Nyabihu, aho ibiza byabazahaje kugeza n’ubwo bisenye n’ibiro by’Umurenge, ubu serivisi zitangwa n’Umurenge zikaba ziri gutangirwa mu nzu bakodesheje umuturage, aho abaturage bavuga ko ari hato.

Abenshi mu baturage bafite ikibazo cyo kutagira aho baba, ndetse n’abari mu cyiciro cyabashobora kwifasha, bavuga ko bari bijejwe guhabwa ibikoresho bakiyubakira, bategereza ko ayo masezerano ashyirwa mu ngiro amaso ahera mu kirere.

Ibiza byasenyeye benshi

Abo baturage bavuga ko nyuma y’ibiza babashyize mu byiciro bitatu, aho icyiciro cya mbere cyari kigizwe n’abatishoboye, abo Leta yagombaga gushakira ibibanza ikanabubakira.

Hakaba n’icyiciro cya kabiri kigizwe n’abantu bagombaga kwishakira ikibanza bakubakirwa, icyiciro cya gatatu cy’abishoboye kikaba abantu bishakira ikibanza bagahabwa ibikoresho bijyanye no kubaka, ahasigaye bakiyubakira.

Hategekimana Jean Claude umwe mubasenyewe n’ibiza, avuga ko nk’umuntu wari mu cyiciro cya gatatu wagombaga guhabwa ibikoresho akiyubakira atigeze abihabwa nk’uko yari yabisezeranyijwe, akaba akomeje gusembera.

Ati "Badutumyeho tujya ku Karere gusinyira ibyo bikoresho birimo isima, imisumari, amabati n’ibindi, turasinya noneho tugaragaza n’ibibanza tuzubakamo, hashize igihe MINEMA (Minisiteri Ishinzwe Ibikorwa by’Ubutabazi) iradusura, bareba bya bibanza byacu barabyemeza".

Intara y’Iburengerazuba iri mu zibasiwe n’ibiza

Arongera ati "Umurenge nawo waraje urabyemeza dukora n’inama, baravuga bati, ibi bibanza nta kibazo biteje ni musize mutunde amabuye mubumbe n’amatafari, igisigaye tugiye kubagezaho ibikoresho mwubake".

Uwo mugabo avuga ko bamwe mu baturage bakiriye vuba icyo cyemezo cyo kubaha ibikoresho bakubaka, batema insina batangira gusiza, nyuma basurwa na komisiyo yari iturutse mu Karere ka Nyabihu ibemerera gukomeza gusiza ibasaba ko nibahabwa ibikoresho bazubaka inzu zigezweho.

Ngo mu gihe bari bacyisuganya ngo batangire kubaka, ngo nibwo ya Komisiyo yo ku Karere yongeye kubasura irabahagarika.

Ati "Komisiyo yaje bwa mbere yemera ibyo bibanza nk’uko MINEMA yabyemeje, noneho haza indi Komisiyo ya kabiri yari iturutse ku Karere irabyanga, mu gihe tucyibaza ibiri kutubaho haza Komisiyo ya rurangiza yari iyobowe na Meya na ba Visi Meya babiri, barabyanga burundu bavuga ko ari mu gishanga ko batagomba kongera kuhatuza abaturage, bavuga ko ahubwo tugomba kujya kubaka ahandi".

Ibiza byangije imihanda

Arongera ati "Bamwe bari bafite ibibanza za Musanze n’ahandi basaba ko babemerera kujya kubyubakamo, bati i Musanze naho ntihemewe, icyakora nyuma bamwe barabemerera hari abari kubaka, kuva icyo gihe nta kintu kirakorwa byarangiye gutyo, nta n’umuyobozi wibuka ko ibiza byabayeho ngo atugirire impuhwe".

Hategekimana avuga ko babayeho mu buzima bubi, aho babaho mu buryo bwo kwirwanaho, bamwe bakaba bacumbikiwe n’abaturanyi.

Ati "Twaratakambye tubonye batatwumvise urabona imyaka igiye kuzura ibiri, nta kindi twakwirirwa dusaba, njye bari banyemereye ibikoresho nkiyubakira, undi bati zana ikibanza tukubakire undi bati tuzagukorera byose, none se ko imyaka igiye kuba ibiri urumva batwitayeho?".

Ibiza byangije byinshi birimo n’imirima y’abaturage

Akomeza agira ati, "Mu Kagari kacu ni umuntu umwe nzi bubakiye ku gasozi bamukuye mu kibaya, ni umwe rwose mu miryango igera muri 60, twarasakuje banze kutwumva, ubushize Guverineri yaje gutangiza igihembwe cy’ihinga, bari hano imbere y’iwanjye ariko ntiyigeze avuga ku kibazo cy’ibiza mu gihe twari twishimye tuzi ko tugiye kumutura ibibazo, batera indirimbo bashyizeho morale tuyoberwa igihe yagendeye, twabonye ari kurengarenga".

Ugirase Petronile ucumbikiwe n’umuturanyi nyuma y’uko umuryango we w’abantu batandatu usenyewe n’ibiza, avuga ko ubuzima abayemo bubabaje.

Ati "Ibiza byanteye mu nzu Leta yari yaranyubakiye nk’umuntu utishoboye irasenyuka, batujyana mu nkambi kuri Shyira ku bitaro, aba ariho baducumbikira bigeze aho baratubwira ngo ni tujye gucumbika mu miryango yacu, ubu turara aho bwije, ndacyategereje ko nanjye banyubakira".

Ibiro by’umurenge wa Shyira biri mu byasenywe n’ibiza

Arongera ati "Abana bamwe barara kwa mukuru wanjye ubundi bakarara ku muturanyi gutyo gutyo, tugenda ducumbika aho batwakiriye, tubayeho nabi nonese kurara muri salo y’umuntu imyaka ibiri byo si ibibazo uba umuteje?".

Arongera ati "Turasembereye njye n’abana banjye, Leta ituboneye aho tuba ibindi byazaza nyuma".

Musabyimana Eugenie, umaze umwaka n’igice acumbikiye umukazana n’abuzukuru be bane, avuga ko babayeho mu buzima butaboroheye.

Ati "Umukazana wanjye n’abuzukuru tubana hano mu nzu, umugabo we yabonye ubuzima bumugoye ajya gupagasa ashaka udufaranga, bakomeje gutegereza ko bubakirwa biranga, babayeho nabi rwose nyuma y’uko inzu yabo iguye, mubakorere ubuvugizi haboneke ubufasha bwo kububakira".

Ibiza byasize iheruheru abaturage mu buryo bukomeye

Muri ako gace, n’ubwo imwe mu miryango yahuye n’ibiza ibayeho mu buzima butayoroheye, hari n’imiryango imwe yatangiye kubakirwa, gusa ikibazo hakaba hari impungenge z’inyubako ziri kubakwa zidakomeye, aho zimwe zangirika mbere y’uko zitahwa.

Twagirimana Innocent wo mu Kagari ka Kintarure kibasiwe n’ibiza, ni umwe mu bari kubakirwa aho yemeza ko inzu nyinshi mu ziri kubakwa ziri kwangirika harimo n’inzu ye.

Ati "Mu bikorwa byo kutwubakira ubona harimo uburiganya no kunyereza, aho inzu ziri kwangirika tutarazijyamo, nk’ubu iyanjye hari aho yaturitse binsaba kugurisha ku gasambu kanjye nkaba ndi kuyisubiramo, ni abayede biga kubaka baduhaye ngo batwubakire, ntabwo ari abafundi".

Abaturage bavuga ko zimwe mu nzu ziri kubakwa ziri gusenyuka batarazitaha

Uwo mugabo avuga ko mu gihe batarabona inzu, abenshi bacumbikiwe n’abaturage ati, "Twari ducumbitse muri site batubwira ko nta bukode buhari baradusezerera tujya gucumbika mu baturage bagenzi bacu, abenshi niho bari ndetse bamwe batangiye kubirukana bubaka udukoni kuri izo nzu zitari zuzura".

Ubuyobozi buratangaza iki kuri icyo kibazo?

Umunyamabanga nshingwabikorwa w’Umurenge wa Shyira, Ndandu Marcel, avuga ko bakomeje gahunda yo kubonera amacumbi abo baturage basenyewe n’ibiza, aho bamwe batangiye kubakirwa, abandi bakaba bari gushakirwa ibibanza.

Mu nzu ziri kubakwa hari iziri hafi gutahwa

Ati "Abantu bahuye n’ibiza turi mu rugamba rwo kugira ngo tubabonere amacumbi, twahereye ku bagomba gusanirwa inzu zimaze kuzura, ubu hari kubakirwa abari bafite ibibanza, hashize iminsi hari gukorwa isesengura ry’abantu badafite ubushobozi bwo kwigurira ibibanza kugira ngo ubuyobozi bubibagurire bubakirwe".

Akomeza agira ati "Hamaze iminsi hari gukorwa iryo sesengura ku bufatanye bw’ubuyobozi bw’Akarere ka Nyabihu na MINEMA, n’izindi nzego zitandukanye kugira ngo barebe uko bagurira ibibanza abo bantu batishoboye, hakabamo n’abandi bagishakisha ibibanza uko bazagenda babibona niko tuzajya tububakira. Aho bigeze harashimishije kuko abenshi bamaze kubona amacumbi, abatarayabona nabo turi mu rugamba rwo gushaka uko bayabona".

Zimwe mu nzu zubakirwa abasenyewe n’ibiza hari izamaze kuzura

Mu kumenya icyo ubuyobozi bw’Akarere ka Nyabihu buvuga kuri icyo kibazo, Kigali Today yagerageje kuvugana nabwo ku murongo wa telefone ntibyakunda.

Umuyobozi w’Intara y’Iburengerazuba, Lambert Dushimimana, avuga ko agiye gukomeza gukurikirana ikibazo cyo kubonera abo baturage amacumbi mu buryo bwihuse.

Ati "Turi muri gahunda yo gushakira ibibanza abatabifite, kuko ntitwabubakira ahantu hasubiza ubuzima bwabo mu kaga, icyo namenya ni ukubaza Akarere ngo gahunda bafite ni iyihe, kuko aho bavuye twahabakuye kuko hatari hakwiye, ubu ntabwo twabasubiza n’ubundi ahadakwiye".

Hari n’izimaze gusakarwa

Arongera ati "Icyo ndibukurikirane, ni ukumenya icyo Akarere kabateganyiriza kugira ngo badakomeza gusembera. Reka mbaze Visi Meya kuko niwe ubishinzwe, kugira ngo menye icyo bari guteganyiriza abo baturage".

Abarimu bigisha amateka mu mashuri yisumbuye bo mu Turere twose barahuguwe

Ni amahugurwa yasojwe ku mugaragaro kuri uyu wa mbere tariki 14 Ukwakira 2024, aho yari amaze hafi ukwezi abera mu kigo cy’Ubutore cya Nkumba giherereye mu Karere ka Burera.

Ayo mahugurwa agenewe abarimu bigisha amateka mu mashuri yisumbuye yatangiye ku itariki 16 Nzeri 2024, yateguwe na Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) ifatanije n’Urwego rw’Igihugu rushinzwe Uburezi bw’Ibanze (REB), mu rwego rwo kongerera abarimu ubumenyi n’ubushobozi bibafasha kwigisha amateka by’umwihariko aya Jenoside yakorewe Abatutsi batayaca hejuru, bitewe n’ibikomere bayagiriyemo cyangwa kuyagiraho ubumenyi buke.

Abo barimu bahawe izina ry’ubutore ry’Indemyabigwi, babwiye Kigali Today ko mbere yo guhabwa ayo mahugurwa bajyaga bigisha amateka bayaca hejuru, batinya kuba bakorera ibyaha muri iryo somo kubera ubumenyi buke, hakaba n’abayigisha bijyanye n’amarangamutima yabo kubera ingaruka bagizweho na Jenoside yakorewe Abatutsi mu 1994.

Aba barimu bavuga ko bajyaga bigisha amateka bayaca hejuru

Muhisoni Renatha wigisha mu Rwunge rw’amashuri rwa Paysana mu Karere ka Kirehe, ati "Aya mahugurwa ni ingirakamaro, twari dufite ibibazo byinshi bisabwa gusubirizwa muri aya mahugurwa. Hari ubumenyi tutari dufite kuko Jenoside yabaye abenshi tukiri bato, ntabwo twari tuyasobanukiwe, ariko ubwo tumaze kumenya aho twavuye n’aho tugomba kwerekera, turafasha abana gusobanukirwa amateka nyakuri y’Igihugu".

Arongera ati "Mu kwigisha, hari aho twageraga tugahushura tugatinya tuti, wenda hari ijambo navuga rikagaragara nk’umuntu ufite ingengabitekerezo ya Jenoside, ugasanga turigisha dufite ubwoba bwinshi, ariko muri aya mahugurwa twungutse imvugo nyazo twakoresha n’izo twakwirinda".

Bagiye babaza ibibazo binyuranye

Twahirwa Prosper wigisha muri GS Kigina ati, "Tugeze hano twagize amahugurwa meza, ariko tugaragaza n’imbogamizi twagiraga mu kwigisha amateka cyane cyane aya Jenoside yakorewe Abatutsi, aho rimwe na rimwe umwarimu yatangiraga kwigisha amateka aho kwigisha ay’Igihugu ugasanga ari kwigisha aye, noneho kubera kwigisha amateka ye ugasanga amateka y’Igihugu ntabwo atanzwe neza".

Arongera ati "Abana dushinzwe kurera, hari aho usanga nabo ubwabo bafite amateka bahabwa n’ababyeyi ashingiye ku ngaruka Jenoside yabagizeho, rimwe na rimwe ugasanga mwarimu bimugoye gusubiza umunyeshuri, ariko muri aya mahugurwa twahawe umurongo nyawo wo kwigisha amateka cyane cyane aya Jenoside yakorewe Abatutsi".

Bahawe umwanya wo kubaza ibyo batumva ku mateka y’u Rwanda

Nyuma yo guhugurwa, abarimu bahize imihigo bagiye gushyira mu bikorwa guhera mu mwaka w’amashuri wa 2024-2025, irimo kunoza imyigishirize y’amateka by’umwihariko aya Jenoside yakorewe Abatutsi mu 1994, bifashishije integanyanyigisho nshya yemejwe.

Hari no gufasha abanyeshuri bagejeje igihe, gusura inzibutso za Jenoside zibegereye, hagamijwe kubasobanurira amateka nyakuri ku itegurwa ry’umugambi wa Jenoside yakorewe Abatutsi, ishyirwa mu bikorwa ryayo ndetse n’ingaruka yasize.

Hari kandi no gusangiza abarimu bagenzi babo batigisha amateka ku bumenyi bakuye muri aya mahugurwa, hagamijwe kongera ubufatanye mu gutegura ibiganiro bizajya bitangirwa mu itorero mu mashuri mu buryo buhoraraho, kandi buhuriweho, ibyo bise ‘Collective responsibility’.

Urwego rw’Igihugu rushinzwe Ubugenzacyaha (RIB), rwatanze ibiganiro muri aya mahugurwa

Abo barimu biyemeje no kubyutsa, kunoza no gukurikirana imigendekere myiza y’itorero mu mashuri no kurwanya abahakana n’abapfobya Jenoside yakorewe Abatutsi, bifashishije imbuga nkoranyambaga n’indi miyoboro abaturage batangiramo ibitekerezo aho batuye, mu muganda, mu mugoroba w’imiryango n’ahandi, hagamijwe kongera uruhare rwabo mu kurandura ingengabitekerezo ya Jenoside haba ku ishuri no mu miryango abana baturukamo.

Hari no kugira uruhare rugaragara, nk’abarimu bigisha amateka, mu bikorwa byo kwibuka Jenoside yakorewe Abatutsi, hagamijwe gufatanya n’abandi Banyarwanda mu gukumira no guharanira ko Jenoside itazongera kuba ukundi.

Biyemeje no gushyiraho ihuriro ry’abarimu bigisha amateka n’abagenzuzi b’uburezi mu mirenge (Sector Education Inspectors), rizajya ribafasha kurebera hamwe uko iyo mihigo yavuzwe hejuru iri kweswa n’ahakenewe kongerwamo imbaraga.

Muri aya mahugurwa bigishijwe n’ibijyanye n’imiterereze ya muntu, kubana n’ibikomere no kubikira

Umuyobozi wa REB, Dr. Mbarushimana Nelson, yavuze ko ayo mahugurwa yateguwe mu buryo bwo gufasha umwarimu kwigisha ibyo afitiye ubumenyi, avuga ko hagiye kuzakurikiraho ibindi byiciro by’amahugurwa agenewe abarimu bigisha mu mashuri yigenga, ndetse n’amashuri abanza akazagerwaho, kugira ngo abanyeshuri bagire ubumenyi bungana ku mateka y’u Rwanda, by’umwihariko ayaranze Jenoside yakorewe Abatutsi mu 1994.

Minisitiri wa MINUBUMWE, Dr. Bizimana Jean Damascène, yavuze ko aya mahugurwa agiye gukemura ibibazo abarimu bajyaga bagira mu kwigisha amateka ya Jenoside yakorewe Abatutsi, bitewe n’impamvu z’ubumenyi buke no ku bikomere by’umuntu ku giti cye.

Minisitiri wa MINUBUMWE, Dr. Bizimana Jean Damascène

Ati "Ibibazo abarimu bagaragaje, byubakiye ku bumenyi buke, ariko hakaba n’imiterere y’ibikomere by’amateka yacu, ingero zigaragara n’uko abigisha bava mu muryango Nyarwanda, niba ari umwarimu ufite ababyeyi, bakuru be, ba se wabo yayikoze bayiteguye, ntibiborohera kwigisha icyo gice".

Arongera ati "Iyo hari umwarimu warokotse Jenoside, nawe ntibimworohera kuko hari ibikomere afite binajyanye n’amateka ye n’ubuzima yabayemo iyo ageze kuri icyo gice gikora ku buzima bwe. Ari nayo mpamvu muri aya mahugurwa tumazemo iminsi hajemo n’inzobere ku bijyanye n’imiterereze ya muntu, kubana n’ibikomere no kubikira".

Minisitiri Dr. Bizimana yasobanuye ubudasa bw’amateka y’u Rwanda bugaragarira mu kuba ari cyo gihugu rukumbi abakoloni babibyemo ivanguramoko ryagejeje kuri Jenoside yakorewe Abatutsi, ariko aba ari nacyo gihugu cyishatsemo ibisubizo cyongera kwiyubaka.

Abarimu biyemeje gusezera ku bwoba bajyaga bagirira isomo ry’amateka

Ashima abarimu bemeye kwitabira ayo mahugurwa kugira ngo bayavomemo ubumenyi bubafasha kurerera neza u Rwanda, bigisha amateka ya Jenoside yakorewe Abatutsi uko ari nta kuyagoreka.

Ati "Turasaba abahuguwe kujya gusobanura ayo mateka uko ari, mwigishe mutinyutse kandi mukomeza kwihugura ndetse no kuba urumuri rwa bagenzi banyu, bityo ibe gahunda y’amashuri aho kuba gahunda y’umurezi ku giti cye".

Ni amahugurwa yatanzwe mu byiciro bitandatu, aho yatangiye ku itariki 16 Nzeri asozwa ku itariki 14 Ukwakira 2024, buri cyiciro gihugurwa mu gihe cy’iminsi ibiri.

Abarimu basinyiye imihigo imbere y’ubuyobozi

Baranzwe na Morale

Inyubako nshya y’Akagari ka Kora

Ni nyuma y’ubutumwa Akarere ka Nyarugenge, kanyujijwe ku mbuga nkoranyambaga zako bumenyesha abasanzwe basabira serivisi mu Kagari ka Kora, ko inyubako nshya yako yatangiye gukorerwamo.

Ni ubutumwa bugira buti "Turamenyesha abatuye Imidugudu ya Kinyambo, Kivumu, Isangano, Kanunga, Rugano, Rugari, Mpazi, Ubumwe na Kora mu Murenge wa Gitega, ko inyubako nshya y’ibiro by’Akagari ka Kora yuzuye kandi yatangiye gutangirwamo serivisi".

Ubwo butumwa burakomeza bugira buti "Ku batahazi, iyi nyubako yegeranye n’Urwibutso rwa Jenoside yakorewe Abatutsi rwa Cyahafi mu Murenge wa Gitega. Ni nko muri metero 500 uvuye ku Gakiriro ko mu Mujyi".

Muri ubwo butumwa, bamenyesheje abaturage ko serivisi zitangirwa muri iyo nyubako nshya, harimo n’Urugo mbonezamikurire rw’abana bato (ECD).

Muri serivisi zitangirwa muri iyo nyubako nshya, harimo n’urugo mbonezamikurire y’abana bato (ECD)

Nyuma y’ubwo butumwa bw’Akarere ka Nyarugenge, abaturage batanze ibitekerezo bitandukanye, bashima iyo nyubako y’ibiro by’akagari ka Kora, aho bemeza ko ijyanye n’icyerekezo.

Banenga zimwe mu nyubako z’ibiro by’Imirenge zitajyanye n’icyerekezo, aho basabye ko ibiro by’Akagari ka Kora byababera icyitegererezo hakagira igikosorwa.

Mu mirenge yatunzwe agatoki, harimo uwa Nyamirambo, uwa Kigali, uwa Muhima n’indi.

Uwitwa Ntibirindwa ati "Akagari ka Kora oyeeee! Uru ni urugero rwiza. Hari Imirenge idafite inyubako nk’iyi!!! Urugero: Nyamirambo!!!".

Nyamirambo ni umwe mu Mirenge ifite inyubako zinengwa kutajyana n’icyerekezo

Uwitwa Gatera Laurent ati ’Bravo! Abaturange beza. Mukomerezaho Banyarwanda".

Naho uwitwa Munanira ati "Ni byiza cyane, batange service inoze, ariko ibyo kurya ruswa bicike no gusiragiza abaturage biveho".

Faida Damas nawe ati "Biragayitse kubona ibiro by’Akagari birusha agaciro ibiro by’Umurenge. N’ibiro by’Imirenge ni bahere ruhande bavugurura, niba ariyo ntego batangiye kwiha ngo u Rwanda ruse neza".

Ibiro by’umurenge wa Muhima

François Xavier Iyakaremye ati "Wenda se ibiro by’Imirenge mu gihugu muzabyubake gutya, ibaze Akagari kuba karuta imirenge!".

Naho Maître Daniel ati "Ni byiza rwose kubaka inzu nkizi zituma Umujyi usa neza, gusa nabyo si ibyo gushima, kubona ibiro by’Akagari biruta ubunini n’ubwiza iby’Akarere cyangwa Umurenge!!!".

Undi ati "Mugire icyo mukora ku kazu k’Umurenge wa Kigarama uri muri Rebero mu bakire".

Ibiro by’Umurenge wa Kigali

Mugenzi we ati "Umurenge wa Kigali nawo ureberereho, kuko nawo uteye inkenke pe!".

Uretse ibiro by’Imirenge yatunzwe agatoki kuba itajyanye n’icyerekezo, hari Imirenge ifite inyubako zo ku rwego ruhambaye, aho ku isonga haza Umurenge wa Kinyinya, hakaza n’Umurenge wa Gitega, Gisozi n’indi itandukanye.

Mukanyirigira Judith, Umuyobozi w’Akarere ka Rulindo

Muri iyo baruwa iyo Komisiyo yandikiye Umuyobozi w’Akarere ka Rulindo, imwibutsa ko uwo mukozi agomba gusubizwa mu kazi, nyuma y’uko bigaragaye ko ikosa yirukaniwe ryo guhindura amazina y’umwana mu bitabo by’irangamimerere atari we warikoze, ko ryakozwe n’umukozi ushinzwe irangamimerere mu Murenge, nk’uko byemejwe n’Ikigo cy’Igihugu cy’Indangamuntu (NIDA) ku itariki ya 06/11/2023.

Ni ibaruwa yanditswe yibutsa, dore ko hari indi yo ku itariki 02 Nzeri 2024 yari yandikiwe uwo muyobozi imusaba gushyira mu bikorwa umwanzuro wafashwe wo gusubiza uwo mukozi mu kazi, ariko ntiwashyirwa mu bikorwa.

Nk’uko biri muri iyo baruwa, Umuyobozi w’Akarere ka Rulindo arasabwa kumenyesha iyo Komisiyo ishyirwa mu bikorwa ry’uwo mwanzuro mu gihe kitarenze iminsi 15, ahereye igihe aboneye iyo baruwa.

Mu gushaka kumenya neza iby’iyo baruwa, Umunyamabanga Nshingwabikorwa wa Komisiyo y’Igihugu ishinzwe Abakozi ba Leta, Angelina Muganza, yabwiye Kigali Today ko iyo baruwa yandikiwe Meya w’Akarere ka Rulindo kugira ngo umukozi arenganurwe, avuga ko amategeko ari yo ateganya ko uwo mukozi asubizwa mu mwanya.

Ati «Ubwo Meya azamushyira mu mwanya, mubaze Meya, mumubaze rwose, agomba kubahiriza ayo mategeko, ni amategeko abiteganya si twebwe».

Mu kumenya icyo Meya Mukanyirigira Judith avuga kuri icyo kibazo, Kigali Today yagerageje kuvugana na we ku murongo wa telefoni ntibyakunda.

Nyuma yo kubona iyo baruwa ku mbuga nkoranyambaga, abaturage bagize ibitekerezo bayitangaho, abenshi bagasaba Umuyobozi w’Akarere kubahiriza umwanzuro wa Komisiyo y’Igihugu ishinzwe Abakozi ba Leta.

Uwitwa Dr. Venant IYAKAREMYE yagize ati «Mayor na Komite Nyobozi nibihutishe ishyirwa mu bikorwa ry’imyanzuro ya Komisiyo bitarenze igihe cyatanzwe, kandi banasobanure impamvu batinda gushyira mu bikorwa ibyemezo by’ababakuriye».

Rwema Bienvenue ati «Nyakubahwa Mayor Judith Mukanyirigira, wowe na komite Nyobozi yawe mukemure ikibazo, icyaha ni gatozi kandi wabibonye muri iyo baruwa wandikiwe, igaragaza neza uwakoze ikosa ».

Jacqueline Mahoro ati «Bibaho se ko Mayor asuzugura abamukuriye?»

Undi ati «Harya agarutse mu kazi bakorana gute? Ndumva bakina wa mukino».

Ubwo Gitifu Ndagijimana Froduald yirukanwaga ku mirimo ye muri Kamena 2024, ntiyirukanywe wenyine, yirukanywe hamwe n’abandi batatu barimo Nzeyimana Jean Vedaste wayoboraga Umurenge wa Cyinzuzi n’abandi babiri bayoboraga Utugari, barimo Nsengiyumva Samuel wayoboraga Akagari ka Muvumo mu Murenge wa Shyorongi, na Biringiramahoro Efasto wayoboraga Akagari ka Taba mu Murenge wa Rusiga.

Impamvu y’uko kwirikanwa yari iyo kutuzuza inshingano no gukoresha ububasha bahabwa n’itegeko ibiri mu nyungu zabo bwite.

Amakuru agera kuri Kigali Today, aravuga ko abo bose birukanywe bagiye mu nkiko zibagira abere.

Bamwe mu bazi neza imikorere y’Umuyobozi w’Akarere ka Rulindo baganiriye na Kigali Today, bavuga ko uwo muyobozi arangwa n’ishyaka ku kazi aho ahora asaba abakozi gukora cyane.

Ibyo bamwe mu bakozi ngo ntibabashije kubyumvikanaho na we, ari byo ngo byaba bituma abafatira ibyemezo bikomeye bijyanye no kwirukanwa, bashinjwa kudatunganya neza akazi.

Ibaruwa ya kabiri Meya Mukanyirigira yandikiwe na Komisiyo y’Igihugu Ishinzwe Abakozi ba Leta:

Uwo mugezi wo mu Kagari ka Nyakina wiroha mu mugezi wa Base, wakira amazi y’imvura aturutse mu misozi itandukanye yo mu Karere ka Gakenke.

Nyuma y’uko imvura iguye amazi akawuzura, wayobeye mu mirima, abaturage ku bufatanye n’ubuyobozi bw’Umurenge wa Gashenyi bishakamo ibisubizo bajya gusibura inzira y’uwo mugezi, nk’uko Umunyamabanga Nshingwabikorwa w’uwo Murenge, Nkurunziza Jean Bosco yabitangarije Kigali Today.

Yagize ati «Ni umugezi wo mu Kagari ka Nyakina. Ubwo imvura yagwaga wuzuye uyobera mu gishanga. Ni amazi y’imvura yawuzuye atuma uyobera mu myaka y’abaturage irarengerwa. Nk’uko bisanzwe abaturage ba Gashenyi twafashe icyemezo cyo kujya twishakamo ibisubizo ku bibazo tubonye. Nahise mpamagara abaturage tujya mu gishanga dusibura imigende, tuyobora ya mazi mu nzira yayo, ubuzima bwagarutse».

Arongera ati «Ni umugezi wakira amazi yose aturutse mu misozi iyo imvura yaguye. Wangije imyaka y’abaturage ihinze ku buso bwa hegitari enye, bari bamaze guhinga ibigori birengerwa n’amazi. Umugezi wasubiye mu nzira zawo nyuma y’uko imigende yari yasibye twayisibuye».

Uwo muyobozi yavuze ko n’ubwo uwo mugenzi warengeye iyo myaka, hari icyizere ko imwe n’imwe ishobora kongera kubyuka igakomeza gukura.

Ati «Kubera ko amazi yaje akuzura akongera gukama, icyo dukora ni ukongera gusibura ibigori bigahembuka, kandi iyo bigaragaye ko imyaka yatabamye burundu, dusaba ubuyobozi bw’Akarere bakongera kudushakira indi mbuto tugatera bushya.

Abaturage bishatsemo ibisubizo bajya gusibura inzira y’uwo mugezi

Guverineri Mugabowagahunde Maurice yasobanuriwe ibijyanye n’uko abaturage batarabona ingurane bagiye kwishyurwa

Urwo rugomero ruzatanga Megawati 43,5 z’umuriro w’amashyanyarazi, ruri kubakwa mu mushinga munini witezweho gukwirakwiza amashyanyarazi mu gice kinini cy’Intara y’Amajyaruguru, rukazafasha n’Intara y’Amajyepfo ndetse n’Umujyi wa Kigali.

Ni Umushinga uzakorwa mu gihe cy’imyaka itanu aho watangiye muri 2022, ukazaba wuzuye mu mpera za 2026, aho witezweho gukemura ibibazo by’umuriro wari muke, bikadindiza abaturage mu iterambere ryabo, nk’uko Umuyobozi w’Akarere ka Gakenke Mukandayisenga Vestine yabitangarije Kigali Today.

Yagize ati «Ubundi Gakenke, turi kuri 88% by’abaturage bafite umuriro, ariko umuriro mwinshi ni utangwa na ya mirasire y’izuba ariko ku muriro usanzwe w’amashyanyarazi turacyari kuri 45%».

Arongera ati «Noneho ikibazo dufite hano muri Gakenke, usanga umuriro dufite udafite imbaraga aho za Ruli na hano hose muri Gakenke, usanga byose ari monophase. Kuba ugiye gushora ikintu kinini ukeneye umuriro ufatika biracyari imbogamizi. Urumva rero ruriya rugomero nirwuzura umuriro uzaba ufite imbaraga, abaturage babyungukiremo, iterambere ryabo rizamuke».

Ni umushinga wifashisha amazi y’umugezi wa Nyabarongo. Ayo mazi yarayobejwe akorwamo ikiyaga mu buryo bw’ubuhanga bwa tekinoloji ihanitse mu kubyaza ayo mazi umuriro.

Hari abaturage batarahabwa ingurane ku butaka bwabo

Mu Karere ka Gakenke, mu mirenge itandukanye yagonzwe n’urwo rugomero irimo Ruli na Muhondo, harabarurwa abaturage batarahabwa ingurane z’ubutaka bwabo bahingagaho n’ubwo bari batuyeho bagongwa n’iyubakwa ry’urwo rugomero.

Ni ikibazo baherutse gutangariza Kigali Today, aho bavugaga ko hari bamwe bishyuwe ariko bo ntibishyurwa, bakemeza ko bikomeje kubateza ubukene kugeza aho bajya gusembera kubera kubura ubushobozi bwo gukodesha aho kuba.

Biteganyijwe ko uru rugomero ruzatanga amashanyarazi angana na megawati 43,5

Uwitwa Habyarimana Pascal wo mu Murenge wa Ruli, yagize ati «Nari mfite ubutaka bwubatseho inzu ndetse n’ubwo nahingagaho nkanororeramo amatungo, bwose hamwe bujya kuba hegitari. Baratubarura badusaba kwimuka batwizeza ko bahita baduha ingurane».

Arongera ati «Ibyo byakozwe muri 2022, turimuka tujya mu bukode, abandi bajya gucumbika mu bagiraneza kuko batari bafite amikoro, muri twe hari ababerewemo miliyoni zigera ku 10 FRW, hari n’ababerewemo miliyoni 20 FRW ndetse na 30 FRW, twategereje ko twishyurwa turaheba, none ubukene bumaze kutuzahaza kuko ubwo butaka ni bwo bwari budutunze, ubu tumerewe nabi».

Mugenzi we Mbanzagukira Sylveri, ati «Abenshi basembereye mu nshuti zabo kuko ubushobozi bwo gukodesha bwabashizeho. Tureba ukuntu ibiciro bidasiba kuzamuka umunsi ku munsi, dufite impungenge ko n’ayo mafaranga nibayaduha ntacyo azatumarira. Ubuzima bwacu bumeze nabi, imiryango ntabwo itekanye mu buryo bw’imibereho n’iterambere ryarazimye, tubayeho mu bukene».

Arongera ati «Leta nigire uko ibigenza itwishyure amafaranga y’ingurane, turebe ko twagarura ubuzima».

Icyo kibazo cy’abaturage batarishyurwa amafaranga y’ingurane, kiri mu byahagurukije Umuyobozi w’Intara y’Amajyaruguru, Mugabowagahunde Maurice n’Umuyobozi w’Akarere ka Gakenke, Mukandayisenga Vestine, basura ahari kubakwa urwo rugomero mu mpera z’icyumweru gishize.

Nk’uko yabitangarije Kigali Today, Meya Mukandayisenga yavuze ko agendeye ku biganiro byakozwe, ikibazo cy’ingurane z’imitungo y’abaturage kiri mu nzira zo gukemuka, dore ko abenshi ari abamaze kwishyurwa.

Ati «Twari twasuye umushinga munini cyane ukorera mu Karere, njye yari n’inshuro ya kabiri mbasuye, twari twagiye kureba abaturage bacu bo mu Murenge wa Ruli n’uwa Muhondo bari bahafite ingurane, aho bamwe bavugaga ko batarishyurwa. Twari twahuye twese harimo Sosiyete yubaka, harimo abashinzwe ubugenzuzi bw’izo nyubako harimo REG ndetse natwe ubuyobozi, kandi ibiganiro byacu byagenze neza».

Uwo muyobozi w’Akarere ka Gakenke avuga ko ingurane zisabwa ahari kubakwa urwo rugomero, zingana na Miliyari esheshatu z’amafaranga y’u Rwanda, ahamaze kwishyurwa miliyari 5FRW, miliyari imwe isigaye ikaba igomba kwishyurwa abaturage basaga 1,200.

Ati «Ni umushinga uhenze, kuko muri miliyari esheshatu z’ingurane bamaze kwishyura hamaze kwishyurwa miliyari eshanu hakaba hasigaye imwe. Birumvikana ariko miliyari imwe igomba kwishyurwa abaturage aba ari menshi, ndumva bageze ku 1200, hari ubushake bwo kwishyura bikarangira nk’uko twabiganiriye».

Urugomero rw’amashanyarazi rwa Nyabarongo ll ruri kubakwa na Leta y’u Rwanda ku bufatanye na Leta y’u Bushinwa binyuze muri Sosiyete y’u Rwanda ishinzwe ingufu (REG), rukaba rwubakwa na Sosiyete y’Abashinwa yitwa Sino Hydro Corporation.

Bamwe mu bayobozi basuye ahari kubakwa urwo rugomero

Habayeho ibiganiro hagati y’abubaka urugomero n’ubuyobozi bwa Leta

Imirima y’abaturage yangijwe n’urubura

Iyo mvura yaguye kugeza aho imirima isa n’umweru bitewe n’urwo rubura rwaguye mu buryo butari busanzwe rurengera imyaka y’abaturage yari igeze igihe cy’ibagara iri ku buso bwa hegitari 58.

Ibihingwa byiganjemo imboga n’ibijumba byarangiritse burundu, bakaba bari gushakishiriza mu bigori kugira ngo barebe ko byo byazanzamuka bakazagira icyo barokora dore ko ari cyo gihingwa cyahinzwe cyane mu gihembwe cya mbere cy’ihinga cya 2025 A.

Abibasiwe n’iyo mvura ni abo mu Kagari ka Kamubuga n’aka Mbatabata mu Murenge wa Kamubuga, aho mu kiganiro bagiranye na Kigali Today, bagaragaje impungenge bafite z’uburyo bazabaho mu minsi iri mbere, gusa bakaba bakomeje kwishakamo ibisubizo bagerageza kwita ku bigori byarokotse ibyo biza.

Umwe muri bo witwa Munyengabe Jean Damascène yagize ati «Imvura yangije umurima w’ibigori n’uw’ibijumba, abayobozi ejo bari badusuye batambagira imirima yacu batubwira uko tubyifatamo ku bigori bitangiye gushibuka. Ingaruka zo zamaze kugaragara, ibigori twakagombye kuba dutangiye kubagara, byose byarangiritse turi gutegereza akagori kaba gashaka nko gushibuka, urumva ko byasubiye inyuma n’ubwo byazazahuka ni kwa guhendahenda bigoranye».

Arongera ati «Inzara ntabwo yabura, niba warateye imyaka ikaba yari yazamutse urubura rukaza rugakuraho, nubwo yashibuka ntabwo icyuho cy’inzara cyabura, inzara turayiteguye mu myaka iri imbere, n’ibijumba byatwunganiraga byo byashizeho burundu, hakenewe ifumbire nyinshi twifashisha mu guhendahenda utwo tugori dushibuka».

Mugenzi we witwa Rukemampunzi Gerard ati «Turaho, ibijyanye n’ibijumba ndetse n’imboga ni ukubyibagirwa urubura rwarabyishe burundu, ubu ni ugucungana n’utugori turi kugenda tubyuka, ubwo tuzahahira ahandi ku baturanyi».

Arongera ati «Ibigori biri kugenda bibyuka ni byo turi gucungiraho, ariko bisaba ifumbire nyinshi kandi kuyibona biraduhenda, ubwo nta kundi turamenya ubwenge dushakishe ibindi byo gukora».

Ubuyobozi bukomeje gusura abo baturage bubagira inama

Nyuma y’uko iyo mirima y’abaturage iri ku buso bwa hegitari 58 zangijwe n’urubura, inzego zitandukanye z’ubuyobozi zifite mu nshingano ubuhinzi zikomeje gusura abo baturage zibagira inama y’uko bakwiye kwitwara mu gufasha imyaka iri kuzanzamuka, nk’uko Umuyobozi w’Akarere ka Gakenke, Mukandayisenga Vestine, yabitangarije Kigali Today.

Yagize ati «Ibarura rijyanye n’ibyangiritse twararikoze, hangiritse imyaka iri ku buso bwa hegitari 58. Umuyobozi wa RAB yaradusuye, turebera hamwe uko imwe mu myaka yarokotse urwo rubura yabyutswa ikaba yakura kuko hari amahirwe aho nyuma y’ibyo biza abatekinisiye bagiye basura, RAB irabasura natwe abayobozi twagiye tubasura biba amahire ko ababasuye batubwiye ko ibigori bikomeje kuzamuka bimera».

Akomeza agira ati «Ubwoba bwashize rero, igihombo ku bahinzi burya kiba kiduhangayikishije kurushaho, ibigori biramera kuko ni byo twari twahinze mu gihembwe cya mbere cy’ihinga cya 2025A. Amahirwe twagize ni uko abaturage bagize ubwenge mu cyobo bagashyiramo ibigori bitanu, aho usanga nibura mu mwobo harapfuye bibiri hagakura bitatu».

Arongera agira ati «Urubura rwaguye mu mirima rwari rwinshi, rurabyica ariko muri iyi minsi twagize amahirwe haba imicyo, ya mazi arakamuka noneho no kuba bitari byazamutse ari byinshi ibyasigaye bizakura, ubu ni amahoro ariko ubundi twari tubabaye cyane pe!»

Nk’uko abaturage bakomeje gusaba ifumbire yo kwifashisha muri ibyo bigori biri kugenda bishibuka, ubuyobozi burabizeza ko bazafashwa kwita kuri iyo myaka kugira ngo ibashe gukura neza itange umusaruro mu rwego rwo kwirinda inzara.

Umuyobozi wa RAB, Ndabamenye Télèsphore, asura abo baturage, yabasabye kwita ku mirima yabo muri ibi bihe by’imvura, barwanya isuri no gutera ibyatsi aho bitari, kandi bakarwanya ibyonnyi, abibutsa no kubagarira ibigori bitangijwe n’urubura.

Barebeye hamwe uburyo imyaka yarokotse urubura yakwitabwaho igakura

Umuyobozi wa RAB n’ubuyobozi bw’Akarere ka Gakenke basuye imirima yangijwe n’urubura basaba abaturage kubungabunga ibigori byameze

Umuyobozi wa RAB, Dr. Ndabamenye Telesphore ni umwe mu bakomeje gusura Akarere ka Gakenke, agira inama abashinzwe ubuhinzi

Perezida Kagame akunze kugaragara mu bikorwa bya siporo no gushyigikira impano z’abato

Perezida Paul Kagame yigeze kuvuga ko siporo ari umwarimu w’indangagaciro, umwarimu utuma umuntu agira intego, ubwitange, ukwihangana, ugukorera hamwe no kwiyubaha.

Ni yo mpamvu uzasanga mu bigo by’amashuri haragenwe isomo rya siporo, hubakwa ibibuga by’imikino itandukanye irimo Volleyball, Football, Basketball n’ibindi, ndeste hagategurwa n’amarushanwa ahuza ibigo by’amashuri, ibyo bigafasha abana kwiga neza no kurushaho gutsinda amasomo.

Nubwo siporo ifite umwanya munini mu buzima bw’umunyeshuri, usanga ahenshi batayiha umwanya uko bikwiye aho usanga mu isomo rya siporo bigisha andi masomo ahabanye na yo, hakaba n’abahuye n’imbogamizi zo kuba badafite ibibuga dore ko akenshi usanga kubyubaka bihenda, ibyo bikagira ingaruka ku banyeshuri.

Hari n’aho usanga ibyari ibibuga barabihinduye ubusitani, abandi babyaguriramo amashuri bityo umwanya wahariwe siporo ukabera umwana impfabusa.

Ni muri urwo rwego Kigali Today yanyarukiye muri bimwe mu bigo by’amashuri byo mu mujyi wa Musanze n’ibyo mu nkengero zawo, mu rwego rwo kumenya zimwe mu mbogamizi zituma siporo idindira.

Ibigo bine muri bitandatu byasuwe, nta kibuga na kimwe bagira, mu gihe bibiri bifite ibibuga nibura byakira imikino ya Basketball na Volleyball.

Kimwe muri ibyo bigo ni ikigo cy’amashuri abanza cya Bukane cyubatswe mu 1969. Gifite abanyeshuri basaga 1,600 barimo 300 biga mu mashuri y’incuke n’abandi 1,368 biga mu mashuri abanza.

Ishuri ribanza rya Bukane ryubatswe mu 1969 nta kibuga cyagenewe siporo rigira

Bwanakweli Ildephonse, Umuyobozi w’iryo shuri, yabwiye Kigali Today imbogamizi bahura na zo zo kuba iryo shuri ritagira ibibuga by’imikino.

Yagize ati «Nta bibuga dufite, ariko iyo tugize umugisha tugasurwa n’abayobozi tubabwira icyo kibazo, kuko ishuri nta butaka rifite bunini ariko uwashyiramo ibibuga bito bito bya Volleyball, Basketball, Netball, Handball byajyamo kuko ubu butaka ntibubuze kungana na hegitari».

Yongeyeho ati «Abana ntibagira aho bidagadurira ariko ntekereza ko abadusuye, Akarere, Intara na Minisiteri, hari ubuvugizi bugenda bukorwa, turategereje».

Uwo muyobozi avuga ko hari uburyo bishakamo ibisubizo abana bagakora siporo nubwo batagira ibibuga.

Ati «Mu gufasha abana kwidagadura hari uburyo dukoresha bwo kwirwanaho, abana bakava mu ishuri ubundi bagakina udukino duto tw’abana, tukabashyira ku ruziga bagahererekanya umupira w’intoki nubwo usanga bidahagije».

Uwo muyobozi avuga kandi ko afite icyizere cy’uko hari ubwo bizagera bakubakirwa ibibuga, nk’uko yagiye abisaba abayobozi bagiye basura ishuri, dore ko ngo mu mashuri ya Leta cyangwa afashwa na Leta ku bw’amasezerano hari gahunda yo kubakirwa ibibuga.

Bwanakweri Ildephonse yavuze ko mu gihe bakeneye gukina imikino itandukanye bitegura amarushanwa, bakora urugendo bajya gutira amashuri afite ibibuga arimo Ecole des Sciences de Musanze.

Ati «Hagize udufasha akatwubakira ibibuga, ibyo bikorwa remezo twabibungabunga tukabifata neza, ku buryo bigiye binangirika twajya tubyisanira ariko ubushobozi bwo kubyiyubakira bwo ntabwo».

Muri Centre Scolaire Gashangiro ll, ikigo cy’ishuri ribanza gifite abanyeshuri barenga 1300, na bo bafite ikibazo cy’ibibuga.

Ubutaka bafite mu kigo burangana na metero 70 kuri 50 aho babona budahagije, ari na ho abo banyeshuri bose bakorera siporo zitandukanye. Mu kwirwanaho bakaba baramanitse urushundura (filet) rwashaje rimwe na rimwe iyo bakina Volleyball umupira ukaba wanyura mu myenge ugasohoka.

Bizabishaka Théoneste uhagarariye abarimu muri icyo kigo yagaragaje imbogamizi zitandukanye ziterwa no kutagira ibibuga.

Ati «Iyo bakinira kuri iki kibuga tubashyira mu byiciro. Kubera kuba hato, usanga abana bafite inyota yo gukina imikino inyuranye irimo Football, Volleyball ndetse na Rugby, ikibazo kikaba ikibuga. Iyo bakinnye Football indi mikino irahagarara. Muri ubu butaka habonetse utwubakiramo ikibuga cya Volleyball na Basketball byadufasha».

Mu bindi bigo bidafite ibibuga by’imikino, harimo GS Kabaya, GS Muhoza n’ibindi.

Amashuri ya Kiliziya ni yo agaragaramo ibibuga by’imikino

Mu mashuri ya Kiliziya afitanye amasezerano y’imikoranire na Leta, ni yo usanga afite ibibuga bitandukanye nubwo na byo usanga bidahagije.

Ishuri ribanza rya Nyamagumba ryo rifite ibibuga

Muri ibyo bigo harimo ishuri ribanza rya Nyamagumba rifite abanyeshuri 1,598 rikaba rifite ikibuga gikinirwamo Volleyball na Basketball, hakaba n’ahateganyiririjwe imikino ya Football n’ubwo atari ikibuga cyuzuye.

Kuba icyo kigo gifite ibibuga, bigifasha gutwara ibikombe bitandukanye mu marushanwa ahuza ibigo by’amashuri, ibyo bibuga bikaba bifasha abana gukunda imikino, nk’uko Umuyobozi w’iryo shuri Uwamariya Betty yabitangarije Kigali Today.

Ati «Buri wa gatanu tugira amarushanwa akinwa hagati y’amashuri ari muri iki kigo (Interclasses), bagakina tukajonjoramo abahagararira ikigo mu marushanwa atandukanye, hakaba n’umwarimu ushinzwe siporo ubafasha ndetse rimwe na rimwe n’abarimu barakina cyane ko abana iyo babonye n’abarimu bari gukina bibafasha gukunda siporo».

Arongera ati «Icyo nemera cyo siporo ifitiye umwana akamaro, kandi bajye bamenya ko siporo ari umwuga nk’indi myuga. Abana iyo batidagaduye baba bari gupfana impano zabo. Kuba dukina ni na byo bigaragaza ibikombe abana bamaze gutwara. Ubu mu kabati dufitemo ibikombe 15 abana bagiye batwara birimo ibya Volleyball na Basketball.

Muri Saint Aloys Musanze l, mu ishuri rya Kiliziya na ho hari ikibuga cya Basketball gikinirwamo na Volleyball n’ubwo bigaragara ko gishaje.

Ni ishuri rifite amahirwe yo gukina imikino yose, kubera kuba riri hagati y’amashuri akungahaye ku bibuga by’imikino yose, dore ko riri hagati ya Ecole des Sciences de Musanze na INES Ruhengeri.

Emmanuel Nizeyimana umuyobozi w’iryo shuri, ati «Iri ni ishuri rya Kiliziya, nta kibazo tugira cy’ibibuga kuko twifashisha iby’amashuri ya Kiliziya duturanye arimo INES Ruhengeri na Ecoles des Sciences de Musanze».

Kuba ishuri ribanza rya Nyamagumba rifite ibibuga by’imikino, byariheshe ibikombe mu marushanwa atandukanye

Arongera ati «Ikibuga cyacu twihariye ni icya Basketball cyakira na Volleyball, uretse ko tugenda tukivugurura bitewe n’uko cyangiritse ariko kirahari abana baracyifashisha. Kuba twifitiye ibibuga ni yo mpamvu hano mu kabati dufite ibikombe umunani twagiye dutwara mu marushanwa atandukanye».

Kimwe mu bituma ibigo by’amashuri bibura ibibuga by’imikino harimo kongera ibyumba by’amashuri ahari ibibuga hakubakwa amashuri, hakaba n’aho usanga ikibuga cy’umupira barakigize ubusitani, ahandi bahahindura imirima y’imboga, mu rwego rwo koroshya gahunda yo kugaburira abana ku mashuri.

Saint Aloys Musanze l, ituriye ikibuga cy’umupira w’amaguru

Ikibuga cya Volleyball cya Centre Scolaire Gashangiro ll ntabwo kijyanye n’icyerekezo

Ishuri ribanza rya Nyamagumba ryo rifite ibibuga

Abana biga mu ishuri ribanza rya Nyamagumba bakina imikino inyuranye

Musengamana Béatha yabaye icyamamare biturutse ku ndirimbo ‘Azabatsinda Kagame’

Ni indirimbo yabanje gusohoka mu mashusho afatishije telefoni agaragaramo abiganjemo abagore bafite amasuka n’ibitiyo bacinya akadiho mu muhanda, mbere y’iminsi micye ngo hatangire gahunda yo kwiyamamaza ku mwanya wa Perezida wa Repubulika.

Iyo ndirimbo igisohoka, yakiriwe neza n’imbaga y’Abanyarwanda, abenshi bakemeza ko bayikundiye ubutumwa buyikubiyemo bunyura amatwi ya benshi, aho umuhanzi yagaragaje ibyo u Rwanda rumaze kugeraho ruyobowe na Paul Kagame.

Ni indirimbo ifite amagambo yisubiramo kenshi agira ati «Intumwa y’Imana asa n’uwavuye mu ijuru, ngo atumwe ku Banyarwanda ngo yuhagire uru Rwanda».

Igakomeza iti «Azabatsinda Kagame yarukuye ku muheto, naho ababunza amagambo byari byabananiye».

Uwahimbye iyo ndirimbo yitwa Musengamana Béatha, umubyeyi w’imyaka 38 wo mu Murenge wa Nyamiyaga mu Karere ka Kamonyi, wubatse akaba afite abana batatu.

Mu kiganiro yagiranye na Kigali Today, yavuze ko yize kugeza ku rwego rw’icyiciro rusange cy’amashuri yisumbuye (Tronc Commun), aho yacikirije amashuri kubera kutabura ubushobozi bwo mu mutwe, ahubwo yabuze ubushobozi bw’amafaranga.

Ati «Nize amashuri abanza ndayarangiza, nkomereza mu mashuri yisumbuye niga atatu, nyarangije ubushobozi buba buke ndicara, uburezi ntabwo bwari bwagateye imbere, ntabwo hari hakaje aya mashuri ya 9YBE na 12YBE».

Abantu batandukanye bagaragarije Musengamana Béatha ko bamwishimiye kandi bamushyigikiye

Avuga ko ubuhanzi bwe bwatangiriye mu bwana, kuko ngo yabaye umuhanzi akiri muto, aho yabyinaga mu matorero yo mu cyaro iwabo, indirimbo zimwe akaba ari we wazihimbaga.

Ati «Natangiye ubuhanzi ndi muto nkorera mu matorero yo hasi mu giturage abyina Kinyarwanda, ariko indirimbo nyinshi babyinaga ni njye wakundaga kuzihanga, ari iz’abageni, iz’umunsi wo kwibohora, umunsi w’ingabo, umunsi w’abari n’abategarugori, ni njye wakundaga kubahangira indirimbo zijyanye n’insanganyamatsiko igezweho».

Avuga ko izo ndirimbo yagiye ahimba, zitamenyekanaga ndetse ngo zibe zajyanwa gufatirwa muri studio, kubera kubura ubushobozi.

Uwo mubyeyi usanzwe atunzwe n’umurimo w’ubuhinzi, avuga ko indirimbo yahimbaga bazibyinaga kenshi basuwe n’umuyobozi runaka, Meya, Minisitiri n’abandi, bakabyina bagashimisha abitabiriye ibirori bikarangirira aho.

Inkomoko y’indirimbo ‘Azabatsinda Kagame’ yatumye aba ikimenyabose

Musengamana Béatha, avuga ko iyo ndirimbo nubwo yamenyekanye muri 2024, yayihimbye muri 2017 ubwo hategurwaga gahunda yo kwiyamamariza umwanya wa Perezida wa Repubulika muri manda y’imyaka irindwi ishize.

Ngo iyo ndirimbo yabyinwe kenshi, ariko ntiyamenyekana kubera kubura abayitera inkunga, ati «Nta bushobozi nari mfite bwo kugira ngo izamuke».

Arongera ati «Ejobundi kuri iyi manda ya 2024, nibwo abayobozi baje kudusura mu mudugudu tuyibyinnye bati iki gihangano twasanze hano muri uyu mudugudu ni cyiza cyane, bati iyi ndirimbo yanyu ni nziza pe!».

Akomeza agira ati «Gitifu w’Umurenge wacu wa Nyamiyaga yahise agira ishyaka n’umwete, aba ari we uyishyigikira ayijyana muri studio irakorwa, ni yo mpamvu yamenyekanye, naho ubundi na mbere yaho yari ihari ariko ntabwo yigeze imenyekana».

Ni indirimbo yamenyekanye mbere y’uko ijyanwa muri studio, aho babanje kuyifatisha telefoni basa n’abikinira, bayikwirakwiza ku mbuga nkoranyambaga, batungurwa n’uburyo yakiriwe.

Harahiye pe! Ndabasuhuje #Abanyamayaga muri #Nyamiyaga ya @Kamonyi. Muzindutse mutwika. Byo rwose, azabatsinda @PaulKagame, nta mpaka. @rpfinkotanyi @RPF_South @rpfkamonyidist @oswaki @Annemwiza @AngelMutabaruka @RwandaLocalGov @NiyongiraU @ScoviaMutesi @UrugwiroVillage pic.twitter.com/xDGjyjRynZ

— Munyaneza Theogene (@munyanezatheo1) June 11, 2024

Musengamana ati «Iya mbere twafatishije telefoni ni yo yatumye imenyekana, niba mwarabonye neza iyo video mwabonyemo umugabo uri kubyina ku murongo w’imbere hamwe n’abagore, turi mu muhanda n’amasuka n’ibitiyo, uriya ni we Gitifu wacu wa Nyamiyaga witwa Udahemuka Jean Damascene».

Arongera ati «Icyo gihe twari tuvuye mu muganda turi gutegura umuhanda werekeza kuri stade ya Ngoma aho kwamamaza mu Karere ka Kamonyi byagombaga kubera, nibwo twavuye mu muganda tuyibyina mu muhanda Umu DASSO witwa Immaculée abonye turi kubyina afata telefoni ye adufata Video».

Uwo mugore arashimira cyane Gitifu Udahemuka Jean Damascene na DASSO Immaculée bagize uruhare rukomeye mu gutuma iyo ndirimbo imenyekana.

Ati «Ntacyo nabona naha DASSO Immaculée ni ukujya musabira umugisha, ari we ari na Gitifu wacu w’Umurenge, ni abo gushimira Imana yonyine, ni yo umuntu abereka gusa. Ubundi iriya ndirimbo nyikesha Gitifu w’Umurenge, iyo atahaba ntabwo yari kumenyekana».

Musengamana, avuga ko ubwo bajyaga gukorera iyo ndirimbo muri studio, mu mafaranga yaciwe nta na rimwe yatanze, ati «Muri studio i Kigali kuri 40, ni ho twakoreye iriya ndirimbo aho mu majwi najyanye na Gitifu n’abaririmbyi batatu bo mu itorero ryanjye, amafaranga banciye sinashatse no kuyamenya kuko yari menshi kandi nta na rimwe mfite, ni Gitifu wanjye wayatanze».

Uko indirimbo ‘Azabatsinda Kagame’ yakiriwe mu bikorwa byo kwamamaza Kagame na FPR Inkotanyi

Ku munsi wa mbere wo kwiyamamaza ubwo Perezida Kagame yari i Busogo mu Karere ka Musanze, Musengimana avuga ko yakurikiraniraga ibyo birori kuri YouTube yumva bashyizemo indirimbo ye arikanga, ibyishimo biramurenga.

Ati «Naratunguwe ibyishimo birandenga, mbona ibintu najyaga nita ibyoroshye birakaze».

Avuga ko bajya kwamamaza Perezida Kagame mu Karere ka Muhanga bamutumyeho ajya kuyiririmba imbonankubone imbere y’umukandida Paul Kagame.

Mu gusoreza igikorwa cyo kwiyamamaza mu Karere ka Kicukiro, ngo ni we bahagurikije bwa mbere ajya kuririmba ati «I Gahanga aho twasoreje ibikorwa byo kwiyamamaza, nari mpari ni nanjye wabaye uwa mbere mu guhaguruka njya kuririmba, numva meze neza umutima wanjye wuzuye ibinezaneza».

Musengamana (wambaye umupira w’umukara) ni umwe mu bahanzi bashimiwe na Perezida Paul Kagame nyuma y’amatora

Avuga kandi ko mu bindi byamushimishije harimo gukora mu biganza bya Perezida Kagame, ati «Ubwo habaye umuhuro, Perezida ashimira abahanzi nari ndimo nanjye namukoze mu ntoki, numva meze neza cyane».

Ni indirimbo yatumye umwana we asubira mu ishuri

Musengamana Béatha, avuga ko umwana we w’imfura w’umuhungu yari yarahagaritse amasomo, nyuma yo kurangiza icyiciro rusange cy’amashuri yisumbuye kubera kubura amikoro.

Ati «Umwana wanjye w’imfura yari yaravuye mu ishuri kubera kubura amikoro, none yasubijwe mu ishuri ariga muri Cyungo TVET School, iryo shuri ndarishimira cyane ryampereye umwana ishuri, biyemeje kumurihira byose ku bufatanye n’Akarere kugeza arangije amasomo ye.

Musengamana Béatha yishimiye ko umwana we yasubiye mu ishuri ku bufasha bwa Cyungo TVET School n’Akarere

Yakomeje kandi gushimira ubuyobozi bw’Akarere ka Kamonyi bwiyemeje gufasha abana be kwiga, ati «Akarere kiyemeje gufasha abana banjye kabaha ibyangombwa byose byo kwiga, babiri bato ni bo bigaga mu mashuri abanza, umuto ari mu mashuri abanza mu mwaka wa gatandatu undi ari mu mwaka wa mbere w’amashuri yisumbuye muri GS Nyamiyaga».

Yavuze kandi ko uretse gufasha abana be kwiga, ashimira Leta ku bindi bikorwa bijyanye n’imibereho myiza bamuhaye.

Ati «Ibikorwa FPR yankoreye ni byinshi nanjye ubwanjye birandenga, nzabitangaza mu muhango wo kubitaha ku mugaragaro ngaragaze n’ibindi byatashywe, mbatuye indirimbo yanjye yitwa uwangabiye inka».

Muri ibyo bikorwa harimo n’icyo kubakirwa inzu, ariko ntiyifuje kuyivugaho byinshi kuko ngo itaruzura, akazayivugaho birambuye igihe cyo kuyitaha nikigera.

Kugeza ubu Musengamana afite itorero yashinze muri 2022 ryitwa ‘Indashyikirwa za Nyamiyaga’ rigizwe n’ababyinnyi 60 bari mu byiciro bitandukanye, barimo abana, ingimbi n’abangavu, abasore n’inkumi, abagore n’abagabo.

Uwo mubyeyi avuga ko kugeza ubu nta muhanzi uramwegera ngo amusabe ko bakorana indirimbo, akaba yemeza ko uzamwegera wese amusaba ko bakorana indirimbo azamwakirana yombi.

Abajijwe ijambo yabwira Perezida Kagame mu gihe baba bahuye, yagize ati «Perezida Kagame se ko mukunda kandi mwemera nkemera n’ibikorwa bye, icyo namubwira navuga nti komera tukuri inyuma».

Yavuze ko mu bindi bihangano afite harimo indirimbo iboneka kuri YouTube yitwa ‘Ubudasa’ yakoranye na JDK.

Yagize n’ijambo abwira abakunzi be, ati «Abankunda bagakunda ibihangano byanjye, nanjye ndabakunda kandi Imana ibakomeze, Imana nanjye ninkomeza, hari ibindi byiza biri imbere nzagenda mbagezaho».

Musengamana n’umuhungu we barashimira Leta yabahinduriye ubuzima

Inkuru bijyanye:

Musengamana waririmbye ‘Azabatsinda Kagame’ yubakiwe inzu

Urupfu rwa Tuyizere Jean Paul, ntirwemeranywaho na benshi

Mu makuru Kigali Today ikesha Umunyamabanga nshingwabikorwa w’Akagari ka Mucaca, Ashimwiteka Josiane, avuga ko uwo mugabo yaguye mu bitaro bya Butaro kuri uyu wa gatatu tariki 02 Ukwakira 2024, nyuma yo kumusanga yikingiranye mu nzu asanzwe acururizamo, agaragara nk’urembye.

Yagize ati "Mu rukerera rwo kuwa mbere, umugore we niwe washatse abayobozi b’umudugudu ababwira ko umugabo we atatashye ahubwo yifungiranye aho acururiza, kubera ko ngo ari ibintu akunze gukora buri gihe, bakomanze urugi adafunguye basambura ibati bamusanga mu nzu".

Arongera ati "Bakimukura mu nzu, bamugejeje ku kigo Nderabuzima cya Mucaca abaganga baramwakira, mu bushishozi bwabo basanga agomba kuvurirwa mu bitaro bya Butaro, ni naho yaguye kuri uyu wa gatatu".

Umuryango we urashinjwa kugira uruhare mu rupfu rwe

Umwe mu bagize umuryango wa Nyakwigendera utashatse gutangaza amazina ye, yavuze ko urupfu rw’uwo mugabo rwaba rufitanye isano n’urugomo yakorewe n’abavandimwe be, umubyeyi wabo akaba ashaka ku bihisha, mu rwego rwo kwirinda ko abo bana be bafungwa.

Yagize ati "Ku mugoroba wo kuwa mbere, Tuyizere yagiranye amakimbirane n’abavandimwe be babiri barimo murumuna we na mukuru we, bararwana aho uwo mukuru we yamufashe amukubita ku gikuta cy’inzu akomereka umutwe. Barebe n’umurambo barasanga ufite igipfuko ku mutwe".

Arongera ati "Bikimara kuba, irondo ry’umwuga ryarahageze ribaza ibyabaye, ise wabo bahungu arababeshya ngo ni abana be bari bari gukina, kubera uburakari Tuyizere yaragiye yikingirana mu nzu acururizamo ntiyataha mu rugo, bukeye mu gitondo bamujyana kwa muganga".

Akomeza agira ati "Impamvu umubyeyi we adashaka gutanga amakuru y’ukuri, ni ukugira ngo abo bana be babiri badafungwa, niyo mpamvu bahimbye ikinyoma cy’uko yishwe n’inzoga bita ibyuma".

Gitifu Ashimwiteka arahakana ayo makuru, aho avuga ko bakeka ko yaba yiyahuje inzoga kuko ngo bakimusanga mu nzu aho yari yikingiranye, basanze hafi ye amacupa y’inzoga bita ibyuma bakeka ko yari yamyweye, avuga ko bitari inshuro ya mbere basanga nyakwigendera yiyahuje izo nzoga.

Ati "Yigeze kwivuriza CHUK ubwo yari yanywereye izo nzoga Nyabugogo, aho byari bigiye kumwica baramuvura arakira, yabikoze n’indi nshuro ya kabiri baramutesha, iyi yari inshuro ya gatatu yiyahuza ibyo byuma".

Kigali Today yashatse kuvugana n’umugore wa Nyakwigendera kuri icyo kibazo, ntiyashaka kugira icyo atangaza kuri ayo makuru.

Nyiransengiyumva Pascasie, Umuyobozi w’umudugudu wa Nkoto Nyakwigendera yari atuyemo, nawe aremeza ko yaba yishwe n’inzoga yaba yanyweye.

Ati "Ni inshuro ya gatatu yiyahuza inzoga zitwa ibyuma, yagiye muri butike yacururizagamo abazindutse baza kugura ibintu basanga yikingiranye, nibwo bakomanze adakinguye bagira impungenge bazana urwego n’inyundo bakuraho ibati basanga yiyahuje inzoga z’ibyuma za zindi zikaze cyane".

Arongera ati "Twamwohereje ku kigo Nderabuzima cya Mucaca, biranga bamwohereza mu bitaro bya Butaro ari naho yaguye kuri uyu wa gatatu. Yakundaga kugira umujinya akiyahuza izo nzoga, sibwo bwa mbere bibaye, abikoze inshuro eshatu".

Iyo kamyo yamanukaga iva mu gice cya Rubavu yerekeza Nyabihu yakase ikorosi irenga umuhanda, igwira umusore ukora akazi ko gutwara abantu n’ibintu ku igare wo mu murenge wa Jenda wari ku nkengero z’umuganda asunika amata ku igare, ahita ahasiga ubuzima.

Umurambo wa nyakwigendera ukaba uri ku ivuriro rito rya Bigogwe (Centre médicalisé de Bigogwe), nk’uko Umunyamabanga nshingwabikorwa w’Umurenge wa Mukamira, Bizimana Placide, yabitangarije Kigali Today.

Ati «Imwe muri zino kamyo nini zitwara umucanga, yamanukaga iva mu gice cya Rubavu igeze hano ku Mukamira igwira umunyonzi wo mu Murenge wa Jenda ahita yitaba Imana, umurambo uri muri Centre medicalisé ya Bigogwe, amakuru yisumbuye yatangwa n’ishami rya Polisi rihinzwe umutekano wo mu muhanda».

Mu bakundaga kwifashisha moto muri izo ngendo, ni abanyeshuri baba bagiye mu biruhuko cyangwa basubiye ku mashuri, ababyeyi bavuye mu masoko guhaha n’abandi.
Mu ntangiro z’uku kwezi kwa Nzeri 2024, nibwo abamotari ngo batangiye guhanirwa gutwara umugenzi ufite umusigo uko wangana kose usibye afite agakapu ahetse mu mugongo.

Ayo mabwiriza ngo aba igihombo ku bamotari ariko ngo aba n’umugisha ku batwara amagare, kuko kuri bo gutwara umugenzi ufite umuzigo nta tigeko ribimuhanira.
Abenshi mu bamotari bakorera mu mujyi wa Musanze baganiriye na KigaliToday, bavuga ko iryo bwiriza rikomeje kubagusha mu gihombo kubera kubura abagenzi.

Uwakoreraga byibura 8,000 FRW ku munsi, ngo ari gucyura 3,000 FRW, bagasanga icyo gihombo gishobora kubabuza akazi kari kabatunze, dore ko abenshi bakora bagamije gutunga imiryango yabo ngo hakiyongeraho no kwishyura ba nyiri moto, hakubitiraho ibyo basabwa birimo imisoro, autorisation na 250,000 FRW y’ubwishingizi bwa moto ibyo bikabagora.

Uwishaka Samuel ati «Twatunguwe no kumva ko tubujijwe gutwara umugenzi n’umuzigo we, kandi akenshi umuntu atega kubera ko afite akazigo, urafatwa utwaye umuntu afite akazigo uko kangana kose, yaba avuye guhaha imboga cyangwa imbuto bakakwandikira 10,000FRW».

Arongera ati «Nta bagenzi tukibona bose bari kwitegera amagare, nakoreraga 8,000FRW ku munsi none ndi gucyura 2,000FRW. Natwe turi abantu batekereza, hari umuzigo nawe ureba umutimanama ukakubwira ko udashobora kuwutwara imbere, ariko hari akantu umugenzi aba afite ukabona ko kugatwara nta kibazo byageza, ni bareke ufite akantu gato gatwarika tumutware».

Mugenzi we ati «Akantu karengeje ikiro ngo gafatwa nk’umusigo, ntabwo tuzi igihe icyo cyemezo cyafatiwe ngo byaturutse i Kigali tugiye kubona tubona bari kuduhana, bahita baguca 10,000FRW, uwo bemerera gusa ni uhetse agakapu mu mugongo, kandi rwose usanga abagenzi twabonaga ari abagore bavuye guhaha».

Arongera ati «Niba umugenzi yaravaga guhaha akaza nkamutwara n’akazigo ke nkakamutwaza ubu nkaba mbibujijwe, murumva ko ari igihombo, abagenzi baducitseho burundu bayoboka amagare, nti tuzi uko tubaho».

Abo bamotari bavuga ko icyo cyemezo cyafashwe mu itangira ry’anashuri, aho baba bategereje gukorera amafaranga batwara abanyeshuri, babihomberamu ariko bidasize n’abanyeshuri wasangaga umwe yateze moto ebyiri mu buryo bumutunguye.

Maniraguha Théogene ati «Abantu bagenda nta kintu bafite nibo bake, nk’ubu ntabwo twigeze dukora ubwo abanyeshuri basubiraga ku mashuri, ugasanga n’umunyeshuri ubwe biramubangamiye aho wasangaga ateze moto ebyiri iye n’iy’igikapu, twose turi guhomba, niba umugenzi ufite akazigo gato aza kudutega ngo tumutware tukamuhakanira, umumotari arahoma n’umugenzi agahomba».

Abatega moto nabo ngo babangamiwe n’icyo cyemezo

Mu gihe abamotari bakomeje kuganya kubera icyo cyemezo bafatiwe cyo kudatwara umuntu ufite umuzigo, abagenzi nabo bavuga ko batorohewe dore ko bajyaga batega moto bakihuta mu ngendo zabo, ubu bakaba batinda mu nzira kubera gutega amagare.

Hategekimana Petronille ati «Nkatwe abagore tuba tuje guhaha, biratugora mu gutega igare kandi ubundi twajyaga dutega moto tukihura, nk’ubu dore aka kazigo mfashe mu ntoki ngo ntegetswe gutega igare, bitugiraho ingaruka zo gutinda ku muhanda».

Arongera ati «None se niba ntashobora kwicara kuri moto mvuye guhaha inyanya zituzuye n’agapaniye, ubwo ni ibiki koko, ubwo moto niba zigenewe abasirimu badashobora guca inshuro, nabyo ni ikibazo».

Mugenzi we ati «Babujije moto gutwara twe tuba twaje guhaha, kandi ubundi byadufashaga ibyo duhashe bikagera mu rugo vuba tugatekera abana. Ariko ubu ni ugutega igare ugenda uvaho iyo rigeze ahazamuka ukagera iwawe bigutwaye igihe kinini kandi binaguhenze, abamotari baradufashaga cyane».

Umuvugizi wa Polisi mu Ntara y’amajyaruguru, SP Jean Bosco Mwiseneza, avuga ko ayo mabwiriza yashyizweho mu rwego rwo kurinda abantu impanuka, zajyaga ziterwa no gutwara abantu n’imizigo.

Ati «Hari moto zagenewe gutwara abantu n’izagenewe gutwara imizigo, niba moto ifite abwishingizi bwo gutwara abantu, nta gutwara abantu n’imizigo, iyo afashe umusigo akawushyira hagati ye n’uwo atwaye cyangwa akawushyira mu mahembe ya moto, iyo agiye gukata ntabwo abasha kureba imbere, niho hahandi akora impanuka».

Arongera ati «Ufashwe ahabwa igihano cyo gutwara imizigo n’abantu, niba ari ibintu ni ugutwara ibintu niba ari bantu ni ugutwara abantu, kuko ziriya moto zigenewe gutwara abantu usanga nta hantu na hato hagenewe ibintu, hemewe ufite akantu gato aheka mu mugongo, ibindi ntabwo byemewe».

SP Mwiseneza, yasabye abamotari kubahiriza amategeko abagenga, birinda gukunda amafaranga ariko bakaba bashyira mu kaga ubuzima bwabo n’ubwabo batwaye.

Ni ikibazo abo baturage bamaranye igihe kirekire aho bemeza ko hashize imyaka irenga itatu icyo kiraro gihuza Akagari ka Nyamabuye na Nyarutarama mu Murenge wa Byumba kiridutse, nk’uko babitangarije Kigali Today.

Bizimana Aloys ati «Ni ikiraro kimaze igihe kirekire kiridutse, ntitubona aho twambukira ni ugushaka andi mayira tukajya kuzenguruka ibyo bikaduteza ubukene, iyo imvura yaguye ntawe ugenda, turasaba ko Leta yadufasha ikacyubaka tukongera kubona aho tunyura».

Ni ikiraro kandi cyifashishwa n’abarema amasoko atandukanye arimo irya Yaramba, kikifashishwa kandi n’abaturuka mu Murenge wa Miyove n’uwa Nyankenke.

Icyo kiraro cyafashaga n’abanyeshuri bajya kwiga mu ishuri rya Rugandu, kigafasha n’abajya kwivuriza mu kigo Nderabuzima cya Kigogo aho iyo nzira yarafunze kubera icyo kiraro cyaridutse, nk’uko umuturage witwa Ngaboyisonga Olivier abivuga.

Ati «Cyanyurwagaho n’abana benshi bajya kwiga ku kigo cy’amashuri cya Rugandu n’icya Kigogo, ariko ubu bajya kuzenguruka, abakora umwuga wo gucukura imicanga muri ako gace ntibakibona uko bayambutsa, kubera ko inzira yafunze kandi ari umurimo wari ubatunze».

Arongera ati «Nk’umurwayi iyo bamuvanye ku kigo Nderabuzima cya Kigogo bamunyanye ku bitaro bya Byumba, iyo nzira yari iya hafi kuko bahitaga bazamuka bakagera kuri kaburimbo, kugera mu bitaro bikaba iminota, ariko iyo babanje kuzenguruya muri Yaramba biragorana kuko n’umuhanda wapfuye, urumva kwirirwa bazengurukana umurwayi bituma arushaho kuremba, biratubangamiye Leta ikwiye kugira icyo ikora».

Mu kumenya icyo ubuyobozi buvuga kuri icyo kibazo, Kigali Today yegereye Umuyobozi wungirije w’Akarere ka Gicumbi ushinzwe iterambere ry’ubukungu, Uwera Parfaite, avuga ko hari icyo akarere kari gukora kugira ngo icyo kibazo gikemuke.

Yagize ati «Turimo turagikoranaho na RTDA (Ikigo gishinzwe Iterambere ry’Ubwikorezi mu Rwanda), icyo kigo kirashaka kudufasha kugikora, ubu barimo barategura inyigo yacyo kuko kirasaba ingengo y’imari yisumbuye, kubera ko kiri muri bya biraro bisaba gukorera inyigo, iyo nyigo nirangira hazashakwa ubushobozi gikorwe».

Imvura ivanze n’urubura yibasiye imirima y’abaturage

Ni imvura yaguye kuva mu ma saa sita igeza saa kumi n’igice, aho Umurenge wibasiwe n’iyo mvura ari uwa Kamubuga n’Akagari ka Gacaca ko mu Murenge wa Nemba, hakaba hategerejwe igikorwa cyo kubarura imyaka yangijwe n’urwo rubura, nk’uko DUNIYA Sa’adi, Umunyamabanga nshingwabikorwa w’Umurenge wa Kamubuga abitangarije Kigali Today.

Yagize ati "Ni imvura yaguye mu ma saa tanu ashyira saa sita, igwamo urubura rwinshi cyane rwangiza imwe mu myaka irimo ibishyimbo, ibirayi, intoki n’indi".

Ni imvura yarimo urubura rwinshi

Arongera ati "Na n’ubu imvura iracyagwa, turafata umwanya wo gusura iyo mirima yangijwe n’ibyo biza tumenye neza ingano y’imyaka yangiritse, kuko ubu ntabwo twafata uwo mwanya kugira ngo tujyeyo kandi imvura ikigwa, nihita turabikurikirana tumenye ibyangiritse".

Gakenke ni Akarere gakunze kugwamo imvura nyinshi, aho kibasirwa n’ibiza by’imvura bitewe kubera n’amazi amanuka ku misozi miremire igize ako karere ndetse imwe muri iyo misozi iriduka ibikorwaremezo bikangirika.

Urubura rwaguye rwari rwinshi cyane

Inkuru bijyanye:

Gakenke: Abo urubura ruherutse kwangiriza imyaka babayeho bate?

Kaminuza y’Ubuzima rusange ya Butaro (UGHE)

Muri ibyo byiza nyaburanga bigarukwaho kenshi, birimo ikirere gihorana ubukonje, Pariki y’igihugu y’ibirunga ikungahaye ku kiremwa gitangaje cyitwa ’Ingagi’ gikurura benshi baza kugisura.

Mu bundi bukungu iyo Ntara ishingiyeho kandi, uburezi ntibwasigaye inyuma, kuko ni Ntara iri ku mwanya wa kabiri mu gihugu mu kugira amashuri menshi, inyuma y’umujyi wa Kigali.

Niyo Ntara rukumbi, aho uzasanga Uturere twose tuyigize uko ari dutanu twubatsemo ishuri rikuru cyangwa Kaminuza.

Ubwo budasa mu kugira amashuri makuru na Kaminuza byinshi, biri muri gahunda ya Leta y’ubumenyi kuri bose, aho Kaminuza n’Amashuri makuru bikomeje kwiyongera kurusha mbere ya 1994, ahagaragaraga Kaminuza imwe y’u Rwanda, aho yari igabye amashami mu duce dutandukanye, Amajyaruguru akagiramo amashami abiri (ISAE Busogo ndetse n’ishami rya Nyakinama ryigishaga uburezi n’indimi).

Amashuri makuru yigenga yariho ni aya Kiliziya, arera abitegura kwiha Imana (Seminari nkuru), dore ko Politike ya Kiliziya mu gutanga ubumenyi yatangiye kera, aho na Kaminuza y’u Rwanda yatangiye ari ishuri rya Kiliziya Gatolika.

Muri iyo myaka kandi, hari n’ishuri rikuru rya Gisirikare ryitwaga ESM (Ecole Superieur Militaire), aho batorezaga abasirikare bo ku rwego rwa Ofisiye.

Ubwo buke bwa za Kaminuza n’amashuri makuru byigenga, byabaga imbogamizi ku mubare w’Abanyarwanda biga, ugasanga umubare w’abaminuje uri hasi cyane.

Umujyi wa Musanze ugira ikirere kibereye ibikorwa remezo birimo amashuri

Muri iki gihe amashuri makuru na Kaminuza biriyongera umunsi ku wundi, haba ku rwego rwa Leta ndetse no mu bikorera, aho mu Rwanda habarirwa amashuri makuru na Kaminuza agera kuri 40.

Nubwo ayo mashuri yiyongera hirya no hino mu gihugu, Umujyi wa Kigali niwo ufite amashuri menshi aho arenga 20, Intara y’Amajyaruguru ikawugwa mu ntege aho ifite amashuri makuru na Kaminuza 13.

Gushora imari mu burezi mu Ntara y’Amajyaruguru, birajyana n’icyo kirere cyaho cy’amafu abantu bakunda, hakiyongeraho ko ari n’igicumbi cy’ubukerarugendo, aho abagana amashuri yo muri iyo Ntara bashimishwa no kubona ibyiza nyaburanga by’ako gace, birimo ibirunga, ingagi, ibiyaga n’ibindi.

Umunyanijeriya wize muri INES Ruhengeri aganira na KigaliToday, yagize ati "Icyatumye mfata icyemezo cyo kuza kwiga muri INES, rimwe ababyeyi banjye bigeze kudutembereza mu Rwanda, batuzana muri iyi Ntara turyoherwa n’ikirere (Climat) cyaho".

Arongera ati "Tugiye gusura Pariki, twishimira ibyiza nyaburanga tuhasanze, nsaba ababyeyi kuziga Kaminuza muri aka gace baranyemerera, ngeze igihe cyo kwiga muri Kaminuza mpitamo INES Ruhengeri".

Amashuri makuru na Kaminuza 13 mu Ntara y’Amajyaruguru

Kubera uburyo iyo Ntara ikungahaye ku mashuri makuru na kaminuza, Kigali Today yashatse kubagezaho Kaminuza (Amashuri makuru) 13 yo mu Ntara y’Amajyaruguru n’umwihariko wayo.

INES Ruhengeri

INES Ruhengeri

INES Ruhengeri iri muri amwe mu mashuri makuru amaze igihe kinini ashinzwe, mu rwego rwo gushakira ibisubizo bimwe mu bibazo bijyanye no guhanga umurimo, dore ko ari ishuri rishingiye ku bumenyingiro.

Ni ishuri rya Kiliziya Gatolika, ryafunguye amarembo ku mugaragaro ku itariki 17 Ugushyingo 2003, nyuma y’uko ibuye ry’ifatizo ryo kuryubaka rishizweho na Perezida Paul Kagame.

Ni ishuri ryihariye mu kwigisha ama siyansi, bikaba akarusho ko kuba umubare minini w’abayiga ari igitsinagore, bitandukanye n’uko byakomeje kuvugwa ko iryo shami ritinywa n’abagore.

Ni ishuri kandi rigatanga n’impamyabumenyi zitandukanye zirimo icyiciro cya kabiri cya kaminuza Bachelor’s degree, n’impamyabumenyi yisumbuyeho ariyo Masters.

Hari bamwe mu barangije amasomo yabo muri iryo shuri ndetse n’abakiri ku ntebe y’ishuri, bakora ibikorwa bitandukanye biteza imbere abaturage, haba mu guhanga imirimo itanga akazi, haba no gukora ibikorwa bifasha umuturage kubona serivisi akenera.

Urugero, ni Kampani yitwa MIST Valley yashinzwe n’urubyiruko rw’abasore n’inkumi batandatu, barimo abasoje amasomo ndetse n’abakiri ku ntebe y’ishuri muri INES-Ruhengeri.

Zimwe mu nyubako za INES Ruhengeri

Bavuga ko bagendeye ku bumenyi bahaha muri iryo shuri ry’ubumenyingiro, byabahaye imbaraga zo guhanga umurimo, mu rwego rwo kwibeshaho no gufasha abaturage kubaho neza.

Ni itsinda ry’abanyeshuri ryashinze kampani ikora ibikorwa binyuranye, birimo imitako, gutunganya amashusho na video, amafilime, sinema, gutegura ubukwe n’ibindi birori, ibyo bakabifatanya n’izindi serivisi zitandukanye, zifasha abaturage zirimo n’iz’Irembo.

Umwe muri bo witwa Iradukunda Patrick yaguze ati “Aho twavuye n’aho tugeze biragaragara ko dutera imbere. Icyo Kampani yacu igamije ni ugufasha urubyiruko gutinyuka guhanga udushya no guteza imbere ikoranabuhanga rifasha Abanyarwanda”.

Buri mwaka iryo shuri ritangira mituweli abantu batari munsi ya 1500 batishoboye, ibyo bigafasha abaturage mu mibereho yabo.

Ntamitarizo Verediana nyuma yo gutangirwa mituweli, ati “Nabagaho nabi mpangayitse none kuba mbonye ka mituweli nzamira utuzi tumanuke, narwaraga nkabura uko najya ku bitaro, INES irakabaho”.

Hategekimana Jean de Dieu ati “INES iturihiye mituweli turi barindwi mu rugo, umwaka ushize umugore yabazwe abyara, birankenesha ngurisha utwanjye twose kubera ko ntagiraga mituweli, iri shuri ridufatiye runini”.

Ni ishuri rifite amashami ya siyansi, imisoro, uburezi, icungamari, ikoranabuhanga n’andi atandukanye, aho rimaze gushyira ku isoko ry’umurimo n’abawuhanga barenga 8000, kuva rishingwa mu mwaka wa 2003 barimo Abanyarwanda n’Abanyamahanga.

IPRC Musanze

IPRC Musanze

Ishuri rikuru ry’imyuga n’ubumenyingiro, IPRC Musanze ryubatswe mu Karere ka Musanze, riri muri amwe mu mashuri akomeye mu gihugu, afasha benshi guhanga umurimo no kuwunoza, haba mu bikoresho abanyeshuri bifashisha, haba no mu ireme ry’uburezi rijyanye n’icyerekezo cyo guhanga umurimo bihereye mu dushya.

Ni ishuri ryagiye ritwara ibihembo bitandukanye haba ku rwego rw’Igihugu ndetse no mu ruhando mpuzamahanga.

Tumwe mu dushya twahanzwe n’abiga muri IPRC Musanze, harimo umushinga w’icyumba gikonjesha imboga n’imbuto, umushinga wo gukora intebe hifashishijwe amakoro, kampani ibyaza umusaruro igihingwa cy’umugano n’indi mishinga ifasha abaturage mu iterambere.

Imwe mu nyubako za IPRC Musanze

Jean Aimé Twagirimana uhagarariye kampani ibyaza umusaruro igihingwa cy’umugano, yavuze ko nyuma y’ubushakashatsi bakoze basanze umugano urwanya isuri, ukaba n’ikiribwa kigaburira udusimba dutunga ibinyabuzima byo mu mazi, ugatanga n’ibindi bikoresho.

Ati “Wa mugano ukuze tuwubyaza umusaruro dukoramo sound Proof (urubaho bashyira ku nkuta ukabuza amajwi gusohoka), aho cya kibazo cy’inzu z’ibitaramo n’utubare dusakuriza abaturage twakiboneye umuti”.

IPRC Musanze ifite laboratoire zigezweho

Uwo musore avuga ko mu mezi atandatu bamaze guhembwa amafaranga asaga miliyoni esheshatu mu marushanwa bitabiriye, aho mu marushanwa ya Kaminuza zose mu Rwanda uwo mushinga wabaye uwa kabiri uhembwa miliyoni eshanu.

Ni ishuri rifite inyubako nyinshi kandi zijyanye n’icyerekezo, rikagira na laboratoire zo ku rwego ruhanitse, zifasha abaturage kugira ubumenyi bwo ku rwego rwo hejuru, buzabafasha guhangana n’imihingagurikire y’ibihe.

IPRC Tumba

IPRC Tumba

Ishuri rikuru ry’imyuga n’ibumenyingiro, IPRC Tumba riherereye mu Karere ka Rulindo, riri mu mashuri akomeye mu Rwanda akomeje guhindura ubuzima n’imibereho myiza y’abaturage by’umwihariko abarituriye.

Muri iryo shuri rikuru, niho uzasanga ishami rya Mechatronics rihuriza hamwe porogramu eshatu ari zo Mechanics Engineering, ikoranabuhanga rya Telecommunication na Electronics, bijyanye n’ikoranabuhanga ryifashishwa mu nganda, aho buri mwaka ryakira abanyeshuri 300.

Ni ishami ryubakiwe inzu ijyanye n’icyerekezo, ku nkunga ya Leta y’u Bufaransa, rihabwa n’ibikoresho byo ku rwego ruhanitse bizafasha abanyeshuri gutanga umusaruro ufatika.

Muri iryo shuri niho kandi uzabona imishinga ifasha abaturage mu iterambere, irimo imashini zavumbuwe n’abanyeshuri zitonora ibinyampeke zikanabigosora, umushinga w’Uruziga Management System, ugamije gufasha za Koperative gucunga neza umutungo, hakumirwa abakomeje kuzihombya.

Hari kandi n’umushinga w’ikoranabuhanga ribuza inyoni konera abahinzi (Rindisha Crop Protection), n’indi.

Umusore w’imyaka 24 witwa Mustapha Nshimiyimana wavumbuye uwo mushinga Ati “Ni umushinga uje gukemura ikibazo kiboneka mu mirima cyane cyane ku bahinga umuceri. Umuceri uragera mu gihe cyo kugira impeke inyoni zikaza kona, bikaba ikibazo ku bahinzi batanga amafaranga menshi ndetse bakura abana mu mashuri, kugira ngo bajye kurinda umuceri”.

Inyubako igenewe ishami rya Mechatronics muri IPRC Tumba

Umuyobozi wa IPRC Tumba, Eng. Mutabazi Rita Clemence, mu kiganiro yagiranye na Kigali Today, ashimishwa n’ubuhanga bw’abiga muri IPRC Tumba, aho avuga ko mu nshingano z’iryo shuri harimo gufasha abanyeshuri mu mpano zabo, bakomeza guhanga udushya dufasha Igihugu mu iterambere ry’abaturage.

Yavuze kandi ko ishuri rizakomeza gushakira abo banyeshuri abafatanyabikorwa mu rwego rwo kwagura iyo mishanga, ikazifashishwa no mu gihe bavuye ku ntebe y’ishuri kandi ikabagirira akamaro.

Nubwo iyo mishinga inyuranye ikorwa n’abiga muri za IPRCs mu rwego rwo gufasha abaturage kwiteza imbere, haracyari ikibazo cy’ubushobozi bwo kwagura iyo mishanga kugira ngo ibashe kugera ku bo igenewe (abaturage) nta kiguzi, bityo iterambere ry’Igihugu rizamuke nk’uko abo banyeshuri babyifuza.

Abanyeshuri biga muri IPRC-Tumba, bamaze kuzenguruka Imirenge hafi ya yose bageza umuriro ku baturage, byumwihariko ku bapfakazi barokotse Jenoside yakorewe Abatutsi mu 1994, nyuma y’uko babagaho badatekanye kubera kutagira urumuri, buri mwaka bakaba bacanira imiryango 20 aho banabashyikiriza ibiribwa na telefoni mu kubamara irungu basabana n’inshuti.

Nyirabarima Marie Chantal ufite imyaka 99, ati “Bariya bana bacu barakoze twarabashimiye kuko badukuye mu icuraburindi, nacanaga agatara none barancaniye bokabaho. Mushimire na Nyakubahwa Perezida wacu wadufashije atuvana kure, muti warakoze”.

UR-CAVM

Kaminuza y’u Rwanda ishami ry’Ubuhinzi n’Ubworozi

Mu Ntara y’Amajyaruguru, niho uzasanga Kaminuza y’u Rwanda ishami ry’Ubuhinzi n’Ubworozi yahoze yitwa ISAE Busogo ubu yahindutse UR-CAVM.

Iyo Kaminuza y’u Rwanda Ishami ryigisha Ubuhinzi, Ubumenyi n’Ubuvuzi bw’Amatungo (UR-CAVM), ryakunze kumurika ibyavuye mu bushakashatsi butandukanye bwakozwe n’abarimu n’abanyeshuri baryo mu rwego rwo guteza imbere ubuhinzi.

Ni Kaminuza ikomeje kuzamura iterambere ry’abaturage mu buhinzi n’ubworozi aho rimwe na rimwe ibikora ku bufatanye n’ibigo bitandukanye bifite ubuhinzi mu nshingano, birimo umushinga YALTA (Young in Agroecology and Business Learning Track Africa) uteza imbere ubuhinzi bubungabunga urusobe rw’ibinyabuzima no gufasha urubyiruko, ku bufatanye n’imishinga inyuranye iteza imbere ubuhinzi irimo, Three Mountains, AGRITERRA, RYAF-Rwanda, YEAN, n’indi mishanga inyuranye ifite ubuhinzi n’ubworozi mu nshingano.

Adeline Umukunzi, ukora ubuhinzi bw’ibihumyo mu buryo bw’umwuga mu Karere ka Musanze, ashimira uburyo UR-CAVM yakomeje kuzamura iterambere rye n’iry’Igihugu, asaba urubyiruko kumwigiraho ruharanira gukora ubuhinzi bubyara inyungu kandi bubungabunga urusobe rw’ibinyabuzima.

Imbabazi Dominique Xavio, ni umwe mubavomye ubumenyi muri UR-CAVM, uvuga ko ageze ku iterambere rishimishije abikesha umushinga wo gukora ifumbire yifashishije iminyorogoto, akaba anorora n’inyo nk’ibiryo by’amatungo ndetse yorora n’ibinyamushongo nk’uburyo bwo gukemura ikibazo cy’imirire mibi.

Ati “Icyanteye gukora uyu mushinga, ni uko ndi muri Kaminuza twize isomo ryerekeranye no kwiga udusimba twangiza imyaka ndetse n’utundi dufite akamaro mu buhinzi, ubwo ndangije mbyandikaho igitabo ndasohoka ngeze hanze mbona ko kubona akazi ari ikibazo ndavuga nti, kubera ko rya somo naryumvaga neza reka ndifate ndikoremo ishoramari".

Arongera ati "Ni uko byatangiye nshaka igishoro cy’amafaranga atarenze ibihumbi 25, norora iminyorogoto ndazamuka ngera no ku masazi, ngera ku binyamushongo binibi, injereri byose nabitangiye ndangije amashuri, ubu nkaba nkoresha abakozi batari munsi ya 20 mpemba buri kwezi".

Uwo musore avuga ko iyo fumbire akora iruta imvaruganda, kuko ngo ifasha umuhinzi kongera umusaruro, aho ifumbire isanzwe kuri hegitari hakoreshwa toni 20, mu gihe kuri iyo fumbire kuri hegitari hakoreshwa hagati y’ibiro 500 na toni imwe.

Hashize imyaka 10 UR-CAVM imuritse kandi ubushakashatsi burimo ubw’indwara zikunda gufata amatungo, uko imishinga y’ubuhinzi yacungwa kugira ngo ibyare inyungu ndetse n’ubundi bushakashatsi bwakozwe ku butaka bwo mu materasi.

Ishuri ry’ubumenyingiro rya Muhabura Integrated Polytechnic College (MIPC)

Ishuri ry’ubumenyingiro rya Muhabura (MIPC)

Ishuri rikuru ry’ubumenyingiro rya Muhabura Integrated Polytechnic College (MIPC), ryatangijwe n’itorero Angilikani mu Rwanda muri 2014, rifite intego yo gutanga ubumenyingiro, guhugura no kwigisha abanyeshuri kugeza ku rwego rwa Kaminuza, aho ritanga impamyabumenyi z’icyiciro cy ambere cya Kaminuza (A1).

Ni ishuri rikomeje kuzamura urwego rw’imitangire ya serivisi mu ma Hoteli atandukanye, nk’uko abarangije muri iryo shuri babivuga.

Mutabaruka Jean Claude ati “Kuba ngeze ku rwego rwo kuyobora Hoteli, nkaba ndi umukozi ushobora gukurikirana inshingano zanjye, ni umurage nahawe n’ishuri rya MIPC nizemo. Turashima cyane ubuyobozi bw’ishuri na Leta yashyizeho amahirwe yo kwiga amasomo y’ubumenyi ngiro kuko yatumye tubasha kwiteza imbere”.

Ubuyobozi bw’iryo shuri bwemeza ko abaryigamo bagizwe n’umubare munini w’urubyiruko, aho batozwa kurangwa n’ubupfura ndetse n’ubunyangamugayo kuko ari yo myitwarire ituma abayikurikiza baramba mu kazi.

Rutongo Mining School

Rutongo Mining School

Rutongo Mining School, ni ishami rya RP-IPRC Kigali, aho ryashinzwe nyuma y’uko Perezida Paul Kagame, agiriye urizinduko mu Karere ka Rulindo, by’umwihariko mu gace gacukurwamo cyane amabuye y’agaciro, abemerera ishuri ryigisha ibyerekeranye n’ubucukuzi bw’amabuye y’agaciro.

IPRC Kigali nk’ishuri ryigisha imyuga n’ubumenyingiro, by’umwihariko rikaba rifite ishami ry’ubucukuzi bw’amabuye y’agaciro (Mining Department), niryo ryemerewe gucunga no gutanga ubumenyi muri Rutongo Mining School mu Karere ka Rulindo.

Muri RP-Rutongo Mining School, niho hakunze kubera ibirori byo kwizihiza umunsi mpuzamahanga w’ubucukuzi bw’amabuye y’agaciro uba tariki ya 04 Ukuboza buri mwaka.

Kaminuza y’Ikoranabuhanga n’ubugeni ya Byumba (UTAB)

Kaminuza y’Ikoranabuhanga n’ubugeni ya Byumba (UTAB)

UTAB (University of Technology and Arts of Byumba), Kaminuza iherereye mu Karere ka Gicumbi mu Ntara y’Amajyaruguru, ifite amashami ayifasha mu kugera ku ntego zayo binyuze mu masomo batanga yibanda ku bikorwa kurusha amagambo, nk’uko ubuyobozi bwaryo bubyemeza.

Ni ishuri rikora ibikorwa byiterambere cyane cyane mu gace riherereyemo, aho ritanga n’umusanzu mu kubaka Igihugu, rifasha abatishoboye mu kububakira inzu n’ibindi.

Ubwo riherutse kubakira inzu imiryango ibiri igizwe n’abamugariye ku rugamba rwo kubohora Igihugu, umuyobozi w’Umurenge wa Byumba, Ngezahumuremyi Thèoneste, yashimiye abanyeshuri baryo kuko byabafashije mu kwesa imihigo, asaba abahawe ubufasha kububyaza umusaruro no kuba intangarugero ku y’indi miryango.

Shirimpumu Jean Claude uhagarariye ishyirahamwe ry’aborozi b’ingurube ku rwego rw’Igihugu, ni umwe mu bize muri UTAB, aho afatiye runini abakora ubwo bworozi n’abaturage muri rusange.

Iyo Kaminuza y’ikoranabuhanga n’ubugeni icungwa na Kiliziya Gatolika Diyosezi ya Byumba, yakinguye imiryango ku itariki 26 Mutarama 2006, aho yatangiye yitwa ’Institut Polytechnique de Byumba (IPB)’.

Ku itariki 25 Ugushyingo 2015, iyahoze yitwa IPB nibwo yahindutse UTAB hiyongeramo andi masomo ajyanye n’icungamutungo, uburezi ndetse n’ayandi, iba Kamunuza yemewe mu Rwanda n’ikigo gishinzwe amashuri na za kaminuza (HEC).

Kaminuza ya Kigali (UoK)

Ahari icyicaro cya Kaminuza ya Kigali ishami rya Musanze

Kaminuza ya Kigali ishami rya Musanze, ikomeje gufasha benshi mu bashaka kuminuza by’umwihariko abatuye Intara y’amajyaruguru.

Inama Nkuru y’Amashuri Makuru na Kaminuza (HEC) yahaye uburenganzira Kaminuza ya Kigali (UoK), bwo gufungura ishami ryayo mu Karere ka Musanze, mu ibaruwa yemeza ko iryo shami ryujuje ibisabwa nyuma y’isuzuma ryabaye hagati y’amatariki 07-09 Nzeri 2015, Minisiteri y’Uburezi ibemereye gukora ku mugaragaro.

Ni Kaminuza itanga ubumenyi ariko ikagendera no ku mahame ndangamyitwarire, yashyiriyeho abanyeshuri n’abakozi bayo, mu rwego rwo kurushaho kurera umunyeshuri ufite ubwenge n’ubumuntu.

Amwe muri ayo mahame ndangamyitwarire, Kaminuza ya Kigali yashyize ahagaragara ku itariki 29 Ugushyingo 2021, arimo kuba umunyeshuri n’umukozi ari inyangamugayo, bakagira imyitwarire y’ubudakemwa mu mico no mu myitwarire, batarangwa na ruswa, gukopera n’ibindi, mu mvugo igira iti ’Zero Tolerance’.

Seminari nkuru ya Rutongo

Seminari nkuru ya Rutongo

Seminari Nkuru ya Rutongo iherereye mu Karere ka Rulindo, iri mu mashuri makuru amaze igihe kinini, aho yashinzwe n’Inama y’Abepiskopi Gatolika mu Rwanda, ku wa 16 Kamena 1980 maze yitirirwa Yozefu Mutagatifu, umugabo w’umubyeyi Bikira Mariya.

Abiga muri Seminari nkuru, bemeza ko ari igicumbi cy’ubuhanga mu masomo atandukanye, ari naho umuntu agira ubumenyi bwagutse mu kumenya umuhamagaro we wo kwiha Imana.

Ni iseminari yakira abitoza kuzaba abapadiri (Propédeutique), mu gihe cy’umwaka umwe bahamara, bakajya mu Iseminari nkuru ziyikuriye arizo Philosophicum iherereye muri Diyoseze ya Kabgayi no mu Nyakibanda muri Tewologiya yo muri Diyosezi ya Butare.

Intara y’Amajyaruguru igicumbi cy’ubumenyi mu by’ubuzima

Kaminuza y’Ubuzima rusange ya Butaro (UGHE)

Zimwe mu nyubako za Kaminuza y’ubuvuzi ya Butaro

Amajyaruguru niyo Ntara rukumbi uzasangamo Kaminuza itanga ubumenyi ku rwego rwa Harvard yo muri Leta zunze ubumwe za Amerika, nka Kaminuza ifatwa nk’iya mbere ku isi mu bushobozi no gutanga ubumenyi bufite ireme.

Kaminuza y’ubuzima rusange ya Butaro (University of Global Health Equity/UGHE), yubatse mu Murenge wa Butaro mu Karere ka Burera.

Ni kaminuza iri ku rwego mpuzamahanga ruhanitse mu kwigisha ibijyanye n’ubuzima, aho iherutse gushyirwa ku mwanya wa kabiri muri Afurika, muri Kaminuza zituma ubuzima bw’abatuye aho zubatse buba bwiza.

Dr. Kim, umuyobozi w’icyubahiro wa Kaminuza y’Ubuvuzi ya Butaro aherutse kwakirwa na Perezida Paul Kagame

Ni Kaminuza itanga ubumenyi bugezweho bwo ku rwego rwa Kaminuza ya Harvard yo muri Leta Zunze Ubumwe za Amerika, ndetse n’abenshi mu barimu bahigisha ni abo muri iyo Kaminuza yo muri Amerika.

Kaminuza y’Ubuvuzi ya Butaro, (UGHE) yatangiye gukorera mu Rwanda muri 2015 ku bufatanye n’Umuryango wita ku buzima, Partners in Health (PIH), bikozwe na Dr. Paul Farmer witabye Imana mu 2022.

Iyi kaminuza iherutse guha impamyabushobozi abanyeshuri 54 baturuka mu bihugu 16 basoje amasomo y’icyiciro cya gatatu cya Kaminuza, aho icyo gihe Dr. Kim, umuyobozi w’icyubahiro w’iyo Kaminuza, yakiriwe n’Umukuru w’Igihugu Paul Kagame mu biro bye, ku itariki 09 Kanama 2024.

Ishuri rikuru ry’ubuzima rya Ruli (RHIH)

Ruli Higher Institute of Health

Ishuri rikuru ry’ubuzima rya Ruli (Ruli Higher Instititute of Health/ RHIH) riherereye mu Murenge wa Ruli, Akarere ka Gakenke, ni kimwe mu bisubizo bikemura ikibazo cy’umubare muke w’abaforomo n’ababyaza cyakunze kugaragara mu Bitaro no mu Bigo Nderabuzima hirya no hino mu gihugu.

Iryo shuri rya Kiliziya Gatolika ricungwa na Arikidiyosezi ya Kigali, rifite icyiciro cya mbere cya kaminuza (A1) mu ubuforomo n’ububyaza ku cyicaro cyaryo i Ruli mu Karere ka Gakenke.

Ni ishuri rikomeje kwaguka, aho ku itariki 12 Nyakanga 2024, ryafunguye ku mugaragaro ishami i Kigali muri Saint Paul, rizajya ryakira abavuye i Ruli n’ahandi barangije icyiciro cya mbere cya Kaminuza, bakaza kuhakomereza mu cyiciro cya kabiri cya kaminuza (A0), mu mashami y’ubuforomo n’ububyaza.​

Ubumenyi buhanitse mu bya Gisirikare n’Igipolisi butangirwa mu Ntara y’Amajyaruguru

Ubumenyi buhanitse mu bya Gisirikare n’Igipolisi butangirwa mu Ntara y’Amajyaruguru

Abenshi mu basirikare cyangwa Abapolisi bafite ubumenyi buhanitse mu mwuga wabo, bazakubwira ko banyuze i Musanze ahari ishuri rikuru rya Gisirikare ndetse n’ishuri rikuru rya Polisi y’u Rwanda, hakiyongeraho n’Ikigo cy’Igihugu cy’amahoro (Rwanda Peace Academy), cyakira abahanga baturutse hirya no hino ku isi.

Ishuri rikuru rya Gisirikare rya Nyakinama

Rwanda Peace Academy

Ishuri rikuru rya Gisirikare ry’u Rwanda (Rwanda Defence Force Command and Staff College), riherereye i Nyakinama mu Karere ka Musanze, ryafunguwe ku mugaragaro n’Umugaba w’Ikirenga w’Ingabo z’u Rwanda, Perezida Paul Kagame, muri Nyakanga 2012.

Ni ishuri ryakira abanyeshuri mu byiciro bitandukanye by’abasirikare bakuru birimo Senior Officers na Junior Officers, aho bahabwa ubumenyi buhanitse mu bya gisirikare ku Banyarwanda n’Abanyamahanga baturutse mu bihugu bitandukanye.

Ni ishuri kandi ritegura umunsi wihariye aho abaryigamo baturutse mu bihugu bitandukanye, bahabwa umwanya wo guhuza imico y’ibihugu byabo mu rwego rwo kungurana ubumenyi.

Ishuri rikuru rya Gisirikare ryigwamo n’ingabo ziturutse mu bihugu bitandukanye

Col Lydia Bagwaneza umwe mu bize muri iryo shuri, avuga ko iryo shuri ryabafashije kurushaho kwagura ubumenyi bujyanye n’umurimo wabo w’igisirikare, avuga ko kuba barize baturutse mu bihugu bitandukanye byatumye barushaho kumenya imico y’ibihugu byabo.

Avuga ko mu mezi 11 yamaze muri iryo shuri yiga, hari ubumenyi butandukanye ryamusigiye.

Ati “Maze igihe cy’amezi 11 hano, twari abanyeshuri 49 ninjye mugore njyenyine wari muri aya masomo, aho twigaga bimwe, tukabazwa ibizamini bimwe kandi nkitwara neza, bisaba kubikorera ugahatana, iri shuri ryaradufashije cyane”.

Ni ishuri ryubatse ahahoze hitwa Kaminuza y’u Rwanda, ishami ry’indimi n’uburezi.

Ishuri rikuru rya Polisi (NPC)

Ishuri rikuru rya Polisi ryigisha benshi baturutse mu bihugu bitandukanye

Mu Ntara y’Amajyaruguru mu Karere ka Musanze niho uzasanga Ishuri rikuru rya Polisi (NPC), aho abenshi mu bayobora inzego zitandukanye za Polisi y’Igihugu banyuze muri iryo shuri bamwe bakanaribera abayobozi.

Urugero ni umuyobozi wa Polisi y’u Rwanda muri iki gihe, CG Felix Namuhoranye wamaze igihe kinini ayobora iryo shuri.

Abenshi mu bayobora amatsinda y’abapolisi bajya mu butumwa bwa UN, bwo kubungabunga amahoro hirya no hino muri Afurika, ni abatorezwa muri iryo shuri.

Ni n’ishuri ritorezwamo abakozi bashya b’Urwego rw’Igihugu rw’Ubugenzacyaha (RIB), ishuri ribarirwa mu mashuri y’igipolisi akomeye muri Afurika.

Uretse amasomo ajyanye n’umurimo wa Polisi, ni ishuri ritanga impamyabumenyi ya Kaminuza ku rwego rwa gatatu (Masters) rwa Kaminuza, ku bufatanye na Kaminuza y’u Rwanda.

Hafunguwe ikigo cy’ubushakashatsi ku ngagi cya Ellen DeGeneres

Mu Majyaruguru ni naho uzasanga Ikigo cy’Igihugu cy’Amahoro (RPA) gihugura ingabo Polisi n’abasivile bategurirwa kujya mu butumwa bw’amahoro, hakaba n’ibigo bitandukanye by’ubushakashatsi birimo Ikigo cy’ubushakashatsi ku ngagi cya Ellen DeGeneres.

Uretse Umujyi wa Kigali, nta yindi Ntara mu Rwanda, ifite Kaminuza n’amashuri makuru agera kuri 13 uretse Intara y’Amajyaruguru.

Uwo mukino ukinwa hifashishijwe amaguru ari nayo mpamvu wiswe umupira w’amaguru, gukoresha intoki bikemerwa ku munyezamu ndetse no ku mukinyi urengura umupira wawenze.

Ni umukino udaheza buri wese wifitemo impano, abantu bafite ubumuga bw’ingingo nabo bakaba bakataje muri uwo mukino, aho bamwe ukomeje kubatunga.

Akarere ka Musanze niko kaza ku isonga mu gihugu hose, mu guteza imbere imikino y’abafite ubumuga, aho gaherutse no kubihererwa igihembo cy’ishimwe.

Tuvuze ku makipe y’umupira w’amaguru muri ako karere, haba mu bagabo ndetse no mu bagore, amakipe yombi akomeje kwiharira ibikombe bikinirwa mu Rwanda.

Kapiteni w’ikipe y’umupira w’amaguru (Amputee Football) y’abantu bafite ubumuga mu bagabo, Ndahiro Jean Claude, aganira na Kigali Today, yavuze ko kuva ikipe yashingwa muri 2017, uretse imyaka ibiri batatwaye ibikombe bya shampiyona, ngo iby’indi myaka uko ari bitandatu byose bibitse mu kabati kabo, harimo n’icyo baherutse gutwara cya shampiyona 2023-2024.

Ndahiro yavuze ko mu bikenewe gukosorwa, ari uko usanga abantu bataramenya neza agaciro k’imikino y’abantu bafite ubumuga, aho usanga ku masitade iyo bakinnye abafana baba ari bake kuruta uko bitabira iy’abadafite ubumuga.

Atumira abantu gushyigikira iyo mikino y’abafite ubumuga, dore ko na shampiyona yabo y’umupira w’amaguru yatangiye kuri uyu wa gatandatu tariki 07 Nzeri 2023, aho yemeza ko biteguye gushimisha buri wese uza ku kibuga.

Dore amwe mu mategeko agenga umupira w’amaguru w’abafite ubumuga (Amputee Football)

Iyo ubabona mu kibuga mu macenga ahambaye, kandi bakoresha ukuguru kumwe n’imbago ebyiri, wibaza kuri ubwo bugenge bwabo dore ko akenshi baba batera amashoti avuza ubuhuha.

Mu kubamara amatsiko ku mategeko agenga imikino y’abafite ubumuga, Kigali Today yegereye umutoza Ngabonziza Mandela Stiven w’amakipe y’umupira wamaguru w’abantu bafite ubumuga mu bagabo no mu bagore, avuga byinshi ku mategeko agenga iyo mikino.
Muzi ko ikibuga cy’umupira gisanzwe kigira metero 120 z’uburebure na metero 90 z’ubugari, ariko ku bantu bafite ubumuga, ikibuga cy’umupira kigomba kuba kireshya na meteri 60 z’uburebure kuri 50 z’ubugari nk’uko Ngabonziza abivuga.

Ati «Ikibuga cy’abafite ubumuga aba ari nka ½ by’ikibuga gisanzwe, mu bugari aba ari metero 50, ni ukuvuga metero 20 ku ruhande rumwe n’izindi 20 ku rundi ruhande izamu ryo nti rihinduka rigomba kuba rifite metero 10.

Ni umukino umara iminota 50, aho igice cya mbere kimara iminota 25 icya kabiri nacyo kikamara 25, hakaba n’iminota 10 y’akaruhuko, mu gihe ubusanzwe ku badafite ubumuga umukino umara iminota 90.

Mu kibuga, buri kipe igomba kuba ifite abakinnyi batandatu (6) n’umunyezamu wa karindwi (7), umukinnyi akaba yaracitse ukuguru, cyangwa se kumugaye kudakora, ariko akaba yemerewe gukinisha gusa ukuguru kutamugaye.

Ati «Iyo afite amaguru abiri ariko kumwe kumugaye, uko kumugaye ntabwo kwemerewe gukora ku mupira, iyo uko kuguru kmugaye agukojeje ku mupira bahana ikosa ibyo bita touché (Coufranc).

Ku itegeko rijyanye n’imbago, n’uko bibujijwe ko imbago ikora ku mupira, iyo ikoze ku mupira bahana ikosa nk’uko Ngabonziza akomeza kubivuga.

Ati «Kwa kundi umupira uba ugiye kugucika ukawugaruza imbago bahana touché, ariko umupira wikubise ku mbago utabigizemo uruhare umusifuzi ntabwo aguhana, cyane cyane iyo bibaye imbago ishinze hasi, ariko mu gihe imbago iri mu kirere umupira ukayigwaho baraguhana kuko bafata ko wakinishije imbago aho gukoresha ukuguru».

Imbago zikoreshwa zigomba kuba ari izabugenewe za aluminium, zidakoze mu byuma mu kwirinda ko zakomeretsa abakinnyi, kandi zikaba ari ebyiri ku mukinnyi.

Yavuze kubyo umunyezamu asabwa, ati «Mu izamu hagomba kujyamo umukinnyi ucitse ukuboko, aho kwaba gucikiye hose, iyo kwacikiye mu nkokora bakuzirikira imbere akarenzaho umwambaro, kwaba kwaracikiye mu kiganza bakakuzirikira inyuma mu mugongo.

Abajijwe niba uwo bazirikiye ukuboko inyuma bidashobora kumuviramo kuba yananirwa, yagize ati «Biramunaniza ariko akagera aho akabimenyera, nonese ko ari itegeko, urumva umwihoreye aba afite ingufu muri uko kuboko akaba yagarura umupira, muhita mukuzirikira binyuma ku buryo kudakora».

Gutera umupira ukaba watega mugenzi wawe (taclé) akitura hasi ntabwo ari ikosa keretse iyo mugenzi we amukozeho mu buryo bukomeye, bivuze ko umukinnyi ashobora kugirira impanuka mu kibuga akaba yavunika.

Mu gihe ku badafite ubumuga, mu kurengura umupira hakoreshwa amaboko, ku bafite ubumuga hakoreshwa ukuguru kuko amaboko aba afashe imbago.

Ikipe igomba kuba ifite abakinnyi 15 ariko hagakina 7, gusa mu gusimbuza umukinnyi harimo itandukaniro ku mikino y’abadafite ubumuga nk’uko umutoza akomeza kubivuga.
Ati «Itegeko rihari, n’uko ikipe igomba kuba ifite abakinnyi 15, barindwi bakajya mu kibuga ku ntebe y’abasimbura hagasigara umunani».

Arongera ati «Nta ncuro zibarwa zo gusimbuza umukinnyi, ushatse wamusimbuza nka gatatu cyangwa kane umukuramo umugarura, ushobora gusimbuza umukinyi akajya hanze iminota itatu akaruhuka ukamugarura, kuko ubundi umuntu ugendera ku mbago hari ubwo ananirwa ukamuruhura, hashira akanya ukamugarura.

Ni umukino utabamo kurarira (hors jeu), aho umubare munini w’abakinnyi uba wemewe kubyiganira mu izamu bashaka intsinzi.

Umunyezamu iyo arenze urubuga rwe akajya mu kibuga agakora ku mupira, bamuhanisha Penaliti, kandi utera iyo penaliti agatera mu ruhande ashaka atitaye ku mbogamizi z’uruhande umunyezamu adafite akaboko.

Ati «Ubundi umuntu uzi gutera penaliti w’umunyabwenge, atera ahantu umunyezamu adafite akaboko».

Nta musifuzi wo hagati uwo mukino ugira, hasifura babiri baba bari ku mpera z’ikibuga, umwe agafata uruhande rumwe undi agafata urundi.

Mu nkuru yacu y’ubutaha tuzabagezaho andi mategeko arebana n’indi mikino y’abantu bafite ubumuga irimo Sitball na Sitting Volleyball ukinwa n’abantu bafite ubumuga bw’ingingo, Goalball ukinwa n’abafite ubumuga bwo kutabona, Boccia ukinwa n’abana bafite ubumuga bwo mu mutwe, Athletisme ikinwa n’abafite ubumuga mu byiciro bitandukanye, Power Lifting w’abaterura ibiremereye, umukino wa Volleyball na Football ukinwa n’abantu bafite ubumuga bwo kutumva.

Kanyamakawa Emmanuel avuga ko ubu abanye n’umugore we mu munezero

Uwo mugabo wo mu Murenge wa Gakenke mu Karere ka Gakenke, mu kiganiro yagiranye na Kigali Today, avuga ko yafashe icyemezo cyo kuboneza urubyaro, nyuma y’uko umugore we azahajwe n’ingaruka zo gutwita inshuro umunani, inda zivamo inshuro enye.

Ati «Umugore wanjye yakuyemo inda inshuro eshatu, ambulance zahoraga iwanjye ziza kumutwara, izo nda zaviragamo mu bitaro bya Nemba, ugasanga biramuzahaje bikaba byamuviramo ikibazo cyo gupfa, mbonye ari kuhazaharira n’ubukene bukamfata, ndareba ndavuga nti dufite abana bane, reka mfate ingamba hakiri kare umugore wanjye atazapfa».

Arongera ati «Negereye abanyabuzima baramfasha tuza hano ku bitaro bya Nemba bamfasha kuboneza urubyaro burundu umutsi barawufunga, ubu hashize imyaka itanu, turarya tugasagurira n’amasoko nyuma y’uko ubuzima twabagaho bwari bumeze nabi aho umugore yahoraga arwaye, abana bahora mu burwayi budashira kubera imibereho mibi, ugasanga mu rugo biragenda nabi».

Umugore we Musabyimana Léocadie, arashimira umugabo we wamurinze ingaruka zabaga zamugeza ku rupfu, agafata icyemezo cyo kwifungisha burundu abagabo benshi bakunze gutinya bitewe n’imyumvire yabo ikiri hasi.

Ati «Umugabo wanjye ndamushimira kuko yandinze urupfu, nyuma yuko mbyaye abana bane havamo n’inda enye ari njye uri kuboneza, aho byari byarananiye burundu, amugabo ageze aho ati reka abe ari njye uboneza urubyaro kuko izi nda ziri kuvuka izindi zikavamo zazaguhitana».

Arongera ati «Ubu nta kibazo mfite, ingaruka byangiragaho zo guhora ndwaye no gukuramo inda ntizikibaho, ubu njye n’umugabo wanjye tubayeho neza turi kwiteza imbere».

Uburyo Kanyamakawa yitwaye ubwo inshuti ze zamukwenaga nyuma yo kuboneza urubyaro

Kanyamakawa avuga ko nyuma yo gufata icyo cyemezo, ngo abagabo bagenzi be bagiye bamubwira amagambo y’urucantege, ariko akabima amatwi agakomera ku cyemezo yafashe dore ko n’ingaruka bamubwiraga ko zizamugeraho yasanze ari ibihuha.

Ati «Nabanje kugira akoba abagabo bambuza kuboneza urubyaro ngo bizangiraho ingaruka, ariko kubera ko nabonaga umugore wanjye ashobora kugirwaho ingaruka zishobora kuvamo urupfu mfata icyemezo, abantu bakambwira ngo umugore wanjye yarandoze».

Arongera ati «Banyitaga amazina menshi ngo ndi inkone ariko nkabima amatwi nkibanira neza n’uwo twashakanye, nkabihorera kubera ko n’umva nifitiye ubuzima bwiza, nkibanira neza n’umugore wanjye kuko urugo rwanjye ninjye ugomba kurwiyubakira nta wundi wambuza kubana neza n’uwanjye».

Akomeza agira ati «Ibyo bavuga ko bituma umuntu atakaza imbaraga zo mu buriri siko nabisanze pe, ahubwo ubushake bwariyongereye bwikuba kabiri, kubera kubaho nta mihangayiko».

Umugore we Musabyimana ati «Mbere umuntu ntiyagiraga ubushake bwinshi kubera izo nda ziri kuvamo, none uyu munsi ubushake bwariyongereye kubera ko tubayeho mu mutekano».

Kanyamakawa yagize impanuro agenera abagabo bafite imyumvire afata nkaho iciriritse, bakarebera ingaruka mu kuboneza urubyaro ku bagabo, aho bumva ko kuboneza urubyaro bireba umugore gusa.

Ati «Iyo myumvire abagabo bakunda kugira ibagiraho ingaruka, aho usanga babyaye abana benshi mu gihe bibagizeho ingaruka z’ubukene bagatana abo bana abagore babo, bikagira ingaruka ku rubyaro. Ndabasaba kumfatiraho urugero, bansure mbigishe bave mu bujiji baboneze urubyaro, tubyare abo dushoboye kurera».

Paruwasi ya Mukarange iherereye mu Karere ka Kayonza iri mu zafunzwe

Iyo Diyosezi iri mu zifite Paruwasi nyinshi (22), umunani muri zo ni zo zifunguye, bamwe bagatungurwa no kumva ko hari Paruwasi zafunzwe mu gihe zifite amateka akomeye, dore ko hari n’izashinzwe hakiri izina ry’umwaduko wa Kiliziya mu Rwanda ari ryo rya "Misiyoni".

Muri izo Paruwasi zashinzwe mu za mbere, harimo Paruwasi ya Nyarubuye yashinzwe tariki 24 Nzeri 1940, Paruwasi ya Mukarange, Paruwasi ya Rukira, Paruwasi ya Rusumo n’izindi.

Paruwasi nyinshi mu zifunze ni izo mu Karere ka Kayonza zose n’izo mu Karere ka Kirehe gafite Paruwasi ebyiri zifunguye ari zo Gashiru na Musaza muri Paruwasi 7.

Mu kiganiro Kigali Today yagiranye na bamwe mu bakirisitu basengera muri izo Paruwasi zafunzwe, bavuga ko batorohewe no kubaho badasenga abandi bagakora ingendo ndende bajya gusengera aho Paruwasi zifunguye, ibyo bigatuma basenga mu mubyigano kubera ubwinshi bw’abazigana baturutse ahandi.

Uwitwa Bugingo Isaïe ati «Twe dusengera muri Paruwasi ya Kirehe, turi gutega imodoka tukajya gusengera muri Katedarali i Kibungo, ku Cyumweru mu gitondo saa kumi n’ebyiri turi kuba twageze ku muhanda dutega, hakaba ubwo dukererewe kubera kubura imodoka kuko turi benshi».

Arongera ati «Abakirisitu urabona ko bafite inyota yo kubona aho bongera gusengera hafi yabo, nk’ubu twe turi guturuka i Kirehe, biri kudusaba ibihumbi birenga bitatu (3000 FRW), urumva nk’abaturuka ku Rusumo bo birabasaba 5000 FRW, byumvikane ko hajya gusenga uwifite, umukene ntibimworohera».

Mugenzi we wo muri Paruwasi ya Gahara ati «Turi mu bibazo bikomeye, kubaho mu buzima butagira Misa, Imana ikomeze idufashe tubone Paruwasi yacu ifunguwe kuko tunyotewe ijambo ry’Imana».

Abo bakirisitu bavuga ko n’ubwo batari gusenga uko bisanzwe, ngo ntibibabuza gukomera ku kwemera kwabo, aho ngo bafite icyizere ko Kiliziya zifunze zongera gufungurwa.

Bugingo ati «Kuba Paruwasi yacu ifunzwe ntabwo byatubera impamvu yo guta ubukirisitu n’ukwemera kwacu, ubwo n’ubundi keretse wa wundi wari usanzwe atemera. Hari abaguye bitewe n’ukwemera guke, ariko ku bafite ukwemera turakomeza dushimire Imana, kandi bagiye batubwira impamvu Kiliziya zafunzwe tukabyumva».

Umukirisitu wabuze Ukarisitiya aba yahuye n’ibyago bikomeye - Musenyeri Oreste INCIMATATA

Mu kumenya icyo Kiliziya ivuga kuri icyo kibazo, Kigali Today yegereye Musenyeri Oreste INCIMATATA, Igisonga cy’Umushumba wa Diyosezi ya Kibungo, avuga kuri zimwe mu mpamvu zatumye Paruwasi hafi ya zose za Diyosezi ya Kibungo zifungwa, anagaragaza uko abakirisitu babayeho.

Yavuze ko inyinshi muri Paruwasi zafunzwe hagendwe ku byangombwa bibiri basanze zitujuje birimo icyemezo cy’imikoranire n’Akarere n’uburyo burinda amajwi gusohoka (Sound Proof).

Musenyeri Oreste INCIMATATA

Ati «Muri Paruwasi 22 umunani gusa ni zo zikora, icyabiteye natwe ntabwo tukizi, nko mu Karere ka Kayonza Kiliziya zacu zose uko ari indwi zirafunze, no muri Kirehe hafunguye Paruwasi ebyiri gusa, Gashiru na Musaza, njye ntabwo nabasha gusubiza icyo kibazo kuko sinzi ibyo bagendeyeho».

Arongera ati «Usanga ibyo tubazwa bidahuye, nko muri Mukarange bafunze ngo kubera sound proof, ariko ahenshi ni za Lettre de Collaboration (icyemezo cy’imikoranire n’Akarere ), kandi bazi ko Uturere twose dusanzwe dukorana, bashatse kuduha icyo cyemezo cy’Akarere bakiduha, njye ibyo ntacyo nabivugaho».

Musenyeri Oreste INCIMATATA, yagarutse kuri Sound Proof, aho ngo itakabaye ari ikintu cyatuma Paruwasi ifungwa kuko ngo mu busanzwe mu misengere ya Kiliziya Gatolika badateza urusaku.

Ati «Paruwasi ya Mukarange bayitangiriyeho bafunga ngo nta sound proof, kandi rwose nta muturage isakuriza, ntabwo iri mu baturage rwagati iritaruye, n’ubwo bavuza n’ingoma ntawe byamena amatwi kandi nta n’ubwo dusenga nijoro, natwe ibyangombwa dusabwa turacyabitegereje, ni ikibazo ntabwo tuzi ibyo ari byo, ngiye kwiha gusubiza ku cyabiteye naba ngiye kubeshya».

Yavuze ko mu byo Abapadiri bari gukora muri Paruwasi zifunze, ari ukwegera abaturage rimwe na rimwe babasura mu ngo mu kubahumuriza abandi bakabakangurira gusenga nk’uko byagendaga kera Paruwasi zikiri nke, aho bemera kuvunika bagakora ingendo ndende bajya gusengera muri Paruwasi zidafunze.

Abajijwe niba abakirisitu badashobora gutakaza ukwemera kubera kubura aho basengera, yagize ati «Ibyo birashoboka, ariko bishobora no gukomeza ukwemera, uwemera akemera, ujegajega nyine akagwa, ariko dukomeje kubegera tubahumuriza uko dushoboye, uburyo bwo gukora iyogezabutumwa buri ukwinshi ariko iyo babuze amasakaramentu biba bibabaje».

Arongera ati «Kudahabwa Ukarisitiya ku Cyumweru burya ni ibibazo bikomeye, ni ibyago bikomeye ku mukirisitu, kuko twebwe nka Kiliziya Gatolika ipfundo ry’ukwemera kwacu ni Ukarisitiya, iyo tubuze Ukarisitiya biragora».

“Nta cyaha tubona twakoze, twizeye ko bazadufungurira”

Musenyeri Oreste INCIMATATA avuga ko Kiliziya ifite icyizere ko Paruwasi zifunze zizafungurwa, kubera ko nta kintu na kimwe abona cyatuma zikomeza gufungwa.

Ati «Nta kundi twabigenza turategereje, twe turabyizera kuko nta bibazo dufitanye n’ubuyobozi, ko nta cyaha se tubona twakoze, ko umutekano w’abakirisitu tuwucunga neza nk’uko tuwushinzwe, ko nta rugomo rurabera muri Kiliziya zacu ngo baharwanire cyangwa se ngo bahanywere ibiyobyabwenge, ko nta muntu dusakuriza, ndumva batazatinda kudufungurira».

Paruwasi Gatolika ya Nyarubuye iherereye mu Karere ka Kirehe na yo yarafunzwe

Arongera ati «Nitubona wenda nk’iki cyumweru kirangiye, ubwo mu cyumweru gitaha tuzabaza abayobozi bacu bashake ibindi bisobanuro twebwe tudafite».

Mu masengesho yo gusabira Igihugu no gushima Imana yabaye ku itariki 15 Nzeri 2024 muri Kigali Convention Centre, Perezida Kagame yasabye abahagarariye amadini n’amatorero kujya bashima Imana, ariko bakabikora badashyira ubuzima bw’abandi mu kaga kubera imyizerere yabo.

Mu ijambo rye, Perezida Kagame yagarutse ku bikorwa byo gufunga insengero na Kiliziya zitujuje ibisabwa biherutse gukorwa mu Gihugu hose, ababwira ko impamvu zafunzwe ari nyinshi harimo kuba zarakoraga zitujuje ibisabwa, ariko ko indi mpamvu ari imikorere y’izo nsengero yashyiraga ubuzima bw’abahasengera mu kaga, bigateza ibibazo bizitira iterambere ry’abaturage.

Amakuru avuga ko Kiliziya n’insengero zibarirwa mu bihumbi umunani (8,000) zimaze gufungwa, aho zisabwa kuzuza ibyangombwa by’imikorere, ariko hakabamo n’izasenywe.

Gakenke iri mu Turere turi imbere muri gahunda yo kuboneza urubyaro

Ni gahunda usanga cyane cyane ishyirwa mu ngiro n’abagore kurenza abagabo, biturutse ku myumvire itandukanye iganisha ku makuru y’ibihuha, bigatera idindira ry’iyo gahunda kuri bamwe.

Ni muri urwo rwego mu kwizihiza umunsi mpuzamahanga wo kuboneza urubyaro wizihijwe ku wa Kane tariki 26 Nzeri 2024, aho ku rwego rw’Igihugu wizihirijwe mu Murenge wa Nemba mu Karere ka Gakenke, hatoranyijwe insanganyamatsiko igira iti «Amahitamo yawe ashingiye ku makuru nyayo, ni ingenzi mu kuboneza urubyaro».

Iyo nsanganyamatsiko yatoranyijwe mu rwego rwo gukomeza gufasha abaturage kubona amakuru nyayo ajyanye no kuboneza urubyaro, nk’uko Dr. Uwimana Aline, Umuyobozi ushinzwe ubuzima bw’umwana n’umubyeyi muri RBC yabitangarije Kigali Today.

Dr. Uwimana Aline, Umuyobozi ushinzwe ubuzima bw’umwana n’umubyeyi muri RBC

Ati «Byagiye bigaragara ko akenshi muri gahunda yo kuboneza urubyaro hazamo ibihuha, ugasanga utabyumva aragenda agakwirakwiza amakuru mabi mu baturage, avuga ko umugore wafashe ubwo buryo atakongera gusama ukundi, ngo umugabo wifungishije burundu atakaza imbaraga. ariko turagira ngo dukureho impungenge, tubabwira ko mbere yo gushyiraho uburyo bwose haba harabaye inyigo, harebwa ko ubwo buryo butagira ingaruka ku muntu».

Uwo muyobozi yasabye abagabo gufata iya mbere bagafasha abagore mu kuboneza urubyaro, birinda ibihuha, ati «Turabwira abagabo ko uburyo bwo kuboneza urubyaro atari ku bagore gusa, kuko umufasha wawe iyo bumunaniye kubera impamvu runaka, umugabo yamwunganira. Ni na yo mpamvu twakomeje kwibutsa abitabiriye uyu munsi ko nk’umuryango nyarwanda, mu rugo bagomba kuganira neza bakemeranywa ku mubare w’abana bazabyara bashoboye kurera mu kwirinda ingaruka byabagiraho mu gihe bataringanyije imbyaro, mu kurinda umubyeyi kuba yagira ingaruka muri nyababyeyi ibyanamuviramo ibibazo by’impfu za hato na hato».

Mu Karere ka Gakenke abagabo 109 ni bo bamaze kuboneza urubyaro mu buryo bwabo bwa burundu, mu gihe mu bukangurambaga bwakozwe mu byumweru bibiri bishize, umugabo umwe ari we wabashije kuboneza urubyaro.

Abaturage basabwe kwirinda amakuru y’ibihuha muri gahunda yo kuboneza urubyaro

Uwo mubare mucye w’abagabo bitabira gahunda yo kuboneza urubyaro, usanga bigira ingaruka mu miryango imwe n’imwe zijyanye n’igwingira mu bana kubera kubyara abo badashoboye kurera.

Kanyamakawa Emmanuel ni umwe mu bagabo bafashe icyemezo cyo kuboneza urubyaro yifungishije burundu, nyuma yo kugisha inama umugore we Musabyimana Léocadie.

Ni nyuma y’uko mu mbyaro umunani, imbyaro enye inda zagiye zivamo bikagira ingaruka nyinshi ku mugore, ariko nyuma y’uko umugabo afashe icyemezo cyo kuboneza urubyaro, ubu ngo umuryango ukomeje gutera imbere, aho abana babo bameze neza kurusha uko babagaho muri ibyo bihe.

Nteziyaremye Valens ufite umuryango waboneje urubyaro, yanenze abagabo bagifite imyumvire yo kutaboneza urubyaro, abibutsa ko bidindiza iterambere ry’umuryango.

Ati «Abana banjye bariga neza kubera kuboneza urubyaro, umukuru ariga muri kaminuza. Ndanenga abagabo bagifite imyumvire yo kutaboneza urubyaro, kuko bigira ingaruka mu muryango ugakena burundu. Tubyare abo dushoboye kurera».

Bamwe mu bayobozi bitabiriye umunsi mpuzamahanga wahariwe kuboneza urubyaro

Gakenke iri mu Turere tumaze kugira umubare munini w’abaturage bumva gahunda yo kuboneza urubyaro nubwo hakiri abagifite imyumvire iri hasi, ako Karere kakaba kageze ku gipimo cya 67,4% mu kuboneza urubyaro, mu gihe ku rwego rw’Igihugu gahunda yo kuboneza urubyaro iri kuri 64%.

Byose barabishingira ku bukangurambaga buhoraho bujyanye na gahunda yo kuboneza urubyaro, ahifashishwa cyane cyane abajyanama b’ubuzima n’izindi nzego zitandukanye bigatuma umubare w’ababoneza urubyaro wiyongera nk’uko Umuyobozi w’ako Karere, Mukandayisenga Vestine abivuga.

Muri gahunda yo kuboneza urubyaro u Rwanda rugeze kuri 64%, aho uburyo bwa Kizungu buri kuri 58% mu gihe uburyo bwa kamere bugeze kuri 42%.

Umuhanda mushya wa kaburimbo Nyacyonga-Mukoto watangiye gukorwa ku mugaragaro

Ni umuhanda uhuza Intara y’Amajyaruguru n’Umujyi wa Kigali, aho unyura mu Murenge wa Mbogo mu Karere ka Rulindo no mu Murenge wa Jabana mu Karere ka Gasabo, Akarere ka Rulindo kakaba ariko kihariye igice kinini cyawo ahareshya na kilometero 29, mu gihe ibilometero birindwi binyura mu Karere ka Gasabo.

Abaturage baganiriye na Kigali Today, bagaragaje impamutima z’ibyishimo bijyanye n’iterambere bagiye kugezwaho n’uwo muhanda, dore ko werekeza aho ibiro bishya by’Akarere ka Rulindo bigiye kubakwa mu Murenge wa Mbogo.

Abaturage bari bitabiriye itangizwa ryo kubaka uyu muhanda

Bavuga ko uretse kuborohereza kugera ku biro by’Akarere bajya gusaba serivisi, bagiye no kubona uburyo bwiza bwo kugemura ibihingwa byabo mu Mujyi wa Kigali, abandi bishimira akazi bagiye gukora mu bikorwa byo kubaka uwo muhanda mu gihe cy’imyaka itatu bizamara.

Ahishakiye Jean Claude ati "Uyu muhanda twawemerewe na Perezida wa Repubulika, awutwemerera mu gihe gikwiye none imvugo ibaye ingiro, twabishimye cyane ku buryo tugiye kuwubyaza umusaruro tugemura ibihingwa byacu i Kigali, birimo amashu, ibitoki, ibirayi n’ibindi, tuwubonye tuwukeneye".

Ibikoresho bitandukanye byamaze kuhagezwa

Mugabo Silas ati "Akazi kabonetse tugiye gutera imbere, niba umuyede agiye kujya ahembwa ibihumbi bitatu ku munsi, urumva nawe ko mu myaka itatu azaba yariteje imbere nabasha kuzigama, dusezeye ku bukene".

Undi ati "Kugenderana byatugoraga cyane, twaba tugize n’icyo dusaruye bikaba ikibazo kukigeza ku isoko, none Nyakubahwa Perezida wacu ashyize mu ngiro ibyo yatwemereye, bizanatworohera no kujya kwaka serivisi ku Karere aho kagiye kubakwa hano iwacu mu Murenge wa Mbogo, aho uyu muhanda unyura".

Guverineri Mugabowagahunde, yasabye abaturage kuzabyaza umusaruro ibikorwaremezo begerezwa

Igikorwa cyo gutangiza iyubakwa ry’uyu muhanda cyayobowe n’umuyobozi w’Intara y’Amajyaruguru, Mugabowagahunde Maurice, wavuze ko uje kuba igisubizo mu migenderanire no mu mitangire ya servisi.

Ati "Aka ni agace kitezweho kuzamuka mu iterambere ryihuse, cyane cyane ko hari n’umushinga wo kwimura icyicaro cy’Akarere ka Rulindo nacyo kikimurirwa inaha, birumvikana abaturage bizabafasha kugana Akarere batagize imbogamizi".

Guverineri Mugabowagahunde, arasaba abaturage kuza bagahabwa akazi bityo bikabafasha kwiteza imbere, bakivana mu bukene, abibutsa kwirinda ubusinzi bakazakorana umurava kandi bakibuka kwizigamira muri gahunda ya Ejo Heza.

Uyu muhanda mushya wa kaburimbo Nyacyonga-Mukoto, ureshya na kilometero 36

Guverineri yavuze ko abazimurwa ahagiye kunyura umuhanda bakomeje kwishyurwa, aho yizeza abaturage ko ntawe bazatwarira ubutaka atarishyurwa.

Yasabye kandi Kampani igiye kubaka uwo muhanda n’izakurikirana ibyo bikorwa, kuzubaka ibikorwa biramba.

Ibikorwa byo kubaka uwo muhanda byatangiriye ahari ubutaka bwa Leta, mu gihe ahari ibikorwa by’abaturage bazajya babanza kubishyura mbere y’uko imitungo yabo ikorwaho.

Ni umuhanda uzubakwa mu gihe cy’imyaka itatu, aho uzatwara agera kuri miliyari 45 FRW.

Ibikorwa byo kubaka uyu muhanda bizamara imyaka itatu

Igikorwa cyo gutangiza iyubakwa ry’umuganda

Batahanye akanyamuneza nyuma yibyo bari bamaze kwirebera ibindi bakabisobanurirwa

Ni uruzinduko rw’icyumweru batangiye ku itariki 15 kugeza ku itariki 22 Nzeri, aho mu duce basuye harimo n’Akarere ka Gakenke gafite abagore babiri muri Komite Nyobozi, bimwe mu byatumye abagize iryo tsinda bagira amatsiko yo kumenya uburyo abagore bayobora mu nzego z’ibanze.

Abo bagore babiri bari muri Komite Nyobozi y’Akarere ka Gakenke, ni Mukandayisenga Vestine, umuyobozi w’Akarere na Uwamahoro Marie Thérèse, umuyobozi w’Akarere wungirije ushinzwe imibereho myiza y’abaturage, mu gihe umuyobozi w’Akarere wungirije ushinzwe iterambere ry’ubukungu ari Niyonsenga Aimé François.

Iri tsinda ryo muri Cameroon, ryasuye Akarere ka Gakenke nyuma yo kubisaba Minisiteri y’Ubutegetsi bw’Igihugu (MINALOC), aho basobanuriwe imikorere ya Meya mu karere, imiterere y’Akarere ka Gakenke n’ibindi, ibyinshi birabatungura nk’uko Meya Mukandayisenga Vestine, yabitangarije Kigali Today.

Ati "Itsinda ryadusuye riturutse mu gihugu cya Cameroon rigizwe n’abayobozi batandukanye barimo na ba Meya, birumvikana bahitamo Akarere kayobowe n’umugore, aho baje bafite amatsiko yo kureba uko umugore yitwara mu miyoborere cyane cyane mu Turere tw’ibyaro kandi akabishobora".

Basobanuriwe Politike y’u Rwanda mu iterambere ry’umugore

Arongera ati "Mu bintu byinshi nabasobanuriye, harimo ibijyanye n’imikorere ya Meya, uko Akarere ka Gakenke gateye, mu byaro abagore bahagaze bate mu nzego z’ubuyobozi n’ibindi".

Mu bindi bari bafitiye amatsiko, harimo kureba uko abagore bayobora mu zindi nzego zirimo iz’amakoperative, mu masosiyete acukura amabuye y’agaciro, abasobanurira uko bajya mu buyobozi aho bamwe batorwa abandi bagashyirwa mu kazi batsinze ibizamini.

Ibindi basanze mu Karere ka Gakenke bagatungurwa, harimo Politike y’ubwisungane mu kwivuza (Mituweli), Ejo Heza, Politike yo kuvana abantu mu bukene (VUP), batungurwa kandi n’isuku basanze muri utwo duce tw’ibyaro, nk’uko Meya Mukandayisenga abivuga.

Ati "Bibajije cyane impamvu basanze isuku nyinshi mu cyaro mu gihe batekerezaga ko isuko iba mu Mijyi, tubabwira uko bikorwa ahifashishwa ibitondo by’isuku, umuganda, batungurwa kandi n’izindi gahunda za Leta, zirimo kuvana abantu mu bukene, gahunda yo kugaburira abana ku mashuri, ukabona bumiwe kubera ko izo gahunda zitaragera iwabo".

Batunguwe na gahunda za Leta umugore agiramo uruhare kandi akesa imihigo

Arongera ati "Ikindi cyabatunguye ni ukumva ko mu Karere cyangwa mu bindi bigo hari abakozi bashinzwe amasuku bahembwa na Kampani runaka iba yaratsindiye isoko, byarabatunguye cyane baratangara ugasanga barongorerana bati, ibi nibyo bituma bagira isuku tugomba kubigeza iwacu, ibya school feeding byo na n’ubu baracyabyibaza kubona abana bose bagaburirwa ku mashuri".

Mu bindi ngo bishimiye ngo ni ugusanga abagore bakora mu materasi ndinganire muri iyo misozi ihanamye, bakabifata nk’ibintu bitangaje, aho basanze umugore w’Umunyarwanda yarakataje mu kwiteza imbere no gutinyuka gukora imirimo ifatwa nk’aho ikomeye.

Ni uruzinduko rusigiye Meya Mukandayisenga isomo ryo kumenya uburyo u Rwanda ruhagaze arugereranyije n’ibindi bihugu, muri gahunda yo guteza imbere umugore, aho avuga ko byamwongereye imbaraga zo gukomeza kugira uruhare mu miyoborere.

Bishimiye imikorere y’umugore mu nzego z’ibanze

Ati "Uko bigaragara mu Rwanda hari ibintu byinshi turusha abandi, byanyeretse ko twateye imbere pe!, hari byinshi twagezeho abandi bazageraho mu myaka myinshi, nk’uko baza mu rugendo shuri ari ba Meya, guhita babikoraho byabagora, ntabwo wafata gahunda ya school feeding ngo uyubake mu munsi umwe, ni gahunda isaba ubushobozi, ni gahunda isaba ngo Igihugu cyose kibe kiyirimo, abashyitsi bacu batashye bagifite amatsiko yo kwiga bavuga ko bazagaruka".

Bamwe mu bayobozi bagize iryo tsinda, harimo ONDOUA Serge Herve, umukozi wo muri Minisiteri ishinzwe kwegereza abaturage ubuyobozi n’irerambere, ATANGANA Mbezelle Martine ushinzwe iterambere ry’umugore muri Minisiteri y’umuryango, Meya MEYANGA Marie Angelo n’abandi bari mu nzego z’ubuyobozi mu gihugu cya Cameroon.

Ubwo Musenyeri Ntagungira yageraga i Butare

Mbere yo kwerekeza muri Diyosezi ya Butare, Musenyeri Jean Bosco Ntagungira yabanje guturira igitambo cya Missa muri Regina Pacis, Paruwasi yari abereye umuyobozi, imbere y’imbaga y’abakirisitu bari baje kumusezera no kumuherekeza.

Mu butumwa yatangiye muri icyo gitambo cya Misa, yasabye abakirisitu ba Regina Pacis kumuba hafi, avuga ko kuba agiye kuyobora Diyosezi ya Butare bitagiye guhagarika umubano wabo.

Ati "Ndabashimira, nk’ikimenyetso cyurukundo n’ubumwe bigomba kuturanga igihe cyose nk’Abasaseridoti ndetse n’Abakirisitu, ndabashimira mbasaba isengesho kandi ko ubumwe twunze dufatanyije ubutumwa hano buzakomeze".

Mbere yo gusezera ku Banyakigali, Musenyeri Ntagungira yabanje kubashimira uburyo bamubaniye neza

Arongera ati "Kuba ngiye i Butare, si uko muncitseho kandi si uko mbacitseho, ahubwo n’uko duhora twunze ubumwe muri ubwo butumwa Nyagasani Yezu adushinga buri gihe".

Amafoto agaragara kuri Kinyamateka, ikinyamakuru cya Kiliziya Gatolika mu Rwanda no ku zindi mbuga nkoranyambaga za Arikidiyosezi ya Kigali, arerekana urugendo rwa Musenyeri Ntagungira asesera abakirisitu bo muri Regina Pacisi yerekeza i Butare.

Musenyeri Ntagungira yerekeza i Butare, yari kumwe na Antoine Cardinal Kambanda, bamwe mu bapadiri bakorera ubutumwa muri Arkidiyosezi ya Kigali biganjemo abo bakoranaga muri Paruwasi ya Regina Pacis, abiyeguriye Imana n’Abakirisitu.

Mbere yo kuva i Kigali yerekeza i Butare, Musenyeri Ntagungira yagiranye ikiganiro n’Abapadiri bakoranaga ubutumwa i Kigali

Mgr Jean Bosco Ntagungira ubwo yasesekaraga kuri Katedarali ya Butare, yasanze imbaga y’abapadiri, abihayimana n’abakirisitu imutegereje, bamwakirana urugwiro mu murishyo w’ingoma, ari nako bamuha amashyi n’impundu, yakirwa na Musenyeri Philippe Rukamba Umushumba wa Diyosezi ya Butare ugiye mu kiruhuko cy’izabukuru ndetse na Ange Sebutege, umuyobozi w’Akarere ka Huye.

Meya Ange Sebutege yavuze ko bishimiye kwakira Musenyeri Jean Bosco Ntagungira mu Karere kabo, kandi bagiranye igihango gikomeye na Arkidiyosezi ya Kigali avuga kandi ko bamushyigikiye mu rugendo atangiye, anashimira Musenyeri Rukamba ku iterambere yagejeje mu Karere ka Huye afatanyije n’Abakirisitu.

Ni ibirori byabimburiwe n’isengesho ryo gushengerera Yezu muri Ukaristiya Ntagatifu, riyoborwa n’Abepisikopi batatu aribo Antoine Cardinal Kambanda, Musenyeri Rukamba na Musenyeri mushya wa Butare, Jean Bosco Ntagungira.

Musenyeri Ntagungira yageze i Butare yakiranwa urugwiro

Nk’uko byatangajwe na Musenyeri Philippe Rukamba, ku wa gatatu tariki 28 Kanama 2024, Umuhango wo kwimika Musenyeri Jean Bosco Ntagungira watorewe kuyobora iyi Diyosezi ya Butare uteganyijwe ku itariki ya 05 Ukwakira 2024 kuri Katedarali ya Butare.

Ku itariki 12 Kanama 2024, nibwo Vatikani yatangaje amakuru y’uko Ntagungira Jean Bosco wari Padiri Mukuru wa Paruwasi ya Regina Pacis i Remera asimbuye Musenyeri Philippe Rukamba wari usanzwe ayobora iyo Diyosezi.

Uko itorwa rya Musenyeri Jean Bosco Ntagungira ryakiriwe

Mu byiciro bitatu bigize Isakaramentu ry’Ubusaserdoti aribyo Ubudiyakoni, Ubupadiri n’Ubwepisikopi, usanga ibyiciro bibiri bibanza byifuzwa bikanaharanirwa, ku buryo uwiyumvisemo uwo muhamagaro abyigira kugeza abigezeho.

Habayeho umwanya wo gushengerera Ukarisitiya

Si uko bimeze ku rwego rw’Ubwepisikopi, aho ushyirwa muri icyo cyiciro atorwa n’umusimbura wa Petero, ariwe Papa, Umushumba wa Kiliziya ku isi.

Iyo umupadiri ashyizwe mu rwego rw’Abepisikopi, hari ubwo abenshi batungurwa kubera uburyo umuntu umwe aba atoranyijwe muri benshi kandi bahuje ubutumwa.

Kuri Musenyeri Ntagungira bisa nkaho bitatunguranye, kubera ko mbere y’uko atorwa, abenshi mu Bakirisitu wasangaga baganira kuri Musenyeri Ntagungira, bibaza impamvu adatorerwa kuba Umwepisikopi, aho inkuru iturutse i Vaticani igisohoka, abenshi bavuze bemeza bati ’Arabikwiriye’.

Igikorwa cyo kwakira Mgr Ntagungira cyabimburiwe n’isengesho

Abaganiriye na Kigali Today, bavuga ko bamuziho ubuhanga, kwicisha bugufi, kumva abo ayobora, kumenya kuganira n’ibindi.

Ntibazigihe Yves yagize ati "Benshi duhuriza ku kwemeza ko yari abikwiye rwose. Tumusabire azasohoze inshingano ahamagariwe zitoroshye. Imana izamube hafi".

Bertin Gakombe ati "Padiri Ntagungira, ni umushumba mwiza [...] Imana imuhe gukomeza kuragira intama ze. Abibonye abikwiriye sinjye gusa ubibona, benshi babyemeza. Imana imujye imbere".

Meya Ange Sebutege ni umwe mu baje kwakira Musenyeri Ntagungira

Emmanuel ati "Yari abikwiriye padiri J.Bosco, tumwifurije ubutumwa bwiza".

Fabrice Niyomugabo ati. "Congratulations! Ikaze muri Diyosezi ya Butare. Wari ubikwiriye rwose".

Undi ati "Ni Umushumba ubikwiye rwose".

Padiri Ntagungira wari usanzwe ari Padiri Mukuru wa Paruwasi ya Regina Pacis muri Arikidiyosezi ya Kigali, yavutse ku itariki 03 Mata 1964, ahabwa Ubupadiri tariki ya 01 Kanama 1993.

Nyuma yo kuba Padiri yahawe ubutumwa butandukanye burimo umuyobozi ushinzwe amasomo mu Iseminari Nto ya Ndera kuva mu 1993 kugera mu 1994.

Kuri Katedarali ya Butare hari Abakirisitu bari babukereye baje kwakira Umushumba mushya

Afite impamyabumenyi y’ikirenga mu mategeko ya Kiliziya yakuye muri Kaminuza ya Pontifical Lateran University y’i Roma, aho yize kuva mu 1994 kugera muri 2001.

Yabaye kandi Umuyobozi ushinzwe iyogezabutumwa muri Arikidiyosezi ya Kigali kuva mu 2001 kugera mu 2002 mbere yo kuba Umuyobozi wa Seminari Nto ya Mutagatifu Vincent ya Ndera yayoboye mu gihe cy’imyaka 16, aho izo nshingano yagiye azifatanya no kuba mu buyobozi bw’Urukiko rwa Kiliziya urugereko rwa Kigali kuva muri 2002.

Padiri Pascal Tuyisenge wari umuyobozi w’Iseminari Nto ya Ndera, niwe usimbuye Musenyeri Jean Bosco Ntagungira ku buyobozi bwa Paruwasi ya Regina Pacis, aho bari basimburanye nanone ku buyobozi bw’iyo Seminari.

Padiri Pascal Tuyisenge niwe usimbuye Musenyeri Ntagungira ku buyobozi bwa Paruwasi Regina Pacis

Ikilo cy’ibirayi mu Karere ka Musanze ni amafaranga 800

Nibwo bwa mbere mu Karere ka Musanze ikilo cy’ibirayi kigeze kuri ayo mafaranga, nk’ahantu hazwiho kuba igicumbi cy’ubuhinzi bw’ibirayi dore ko uduce tumwe na tumwe twagiye twitirirwa imbuto z’ibirayi kubera uburyo bihera cyane, niho uzumva abavuga bati dukunda ibirayi byitwa Kinigi.

Mu kuzamuka kw’ibyo biciro, imbuto ya Kinigi niyo iri hejuru aho ikilo kiri ku mafaranga 800, mu gihe izindi mbuto zirimo Kirundo, Kura Useke n’izindi, ikilo kiri ku mafaranga ari hagati ya 720 na 750.

Wakwibaza icyateye iryo zamuka ridasanzwe ry’igiciro cy’igihingwa cy’ibirayi, nk’ikiribwa kiri mu bikunzwe mu Rwanda.

Abacuruza ibirayi nabo baremeza ko bari guhomba kubera izamuka ryabyo

Ni muri urwo rwego Kigali Today, yanyarukiye mu duce dutandukanye tugize Akarere ka Musanze, mu masoko, mu mirima no mu ma butike, iganira n’abaturage barimo abahinzi, abacuruzi n’abaguzi bagaragaza impamvu zitandukanye zaba zateye izamuka ry’igiciro cy’ibirayi.

Hari bamwe bemeza ko ibyo biciro bidasanzwe, byaba byatewe n’uburyo muri iki gihembwe cy’ihinga ubuhinzi bw’ibirayi butagenze neza kubera izuba ryinshi, abiganjemo abahinzi bakavuga ko iki atari igihe cy’isarura aho ibirayi biba ari bike n’ubyejeje akabihenda.

Ibirayi byabaye idorari mu Mujyi wa Musanze

Hari n’abavuga ko umubare w’abarya ibirayi ugenda wiyongera kuruta abahinzi babyo n’ubuso bihingwaho, ibyo bigatuma abahinzi bazamura ibiciro uko babishatse, niho bahera basaba Minisiteri ifite mu nshingano ibiciro ku masoko (MINICOM), kwiga uburyo hashyirwaho ibiciro ntarengwa by’ibirayi nk’uko bikorwa ku bindi biribwa.

Uwineza Diane umucuruzi w’ibirayi ati "Turi gucururiza mu bihombo, ibirayi ndi kubirangura bimpenze, umuntu yaza kugura nti, ni 800 FRW akikanga agahita yigendera, ubu byatuyobeye twe abacuruzi, ibaze kuba abana banjye bari kwifuza ibirayi nkabaha ibijumba kubera gutinya kugabura ibiryo bihenze".

Abenshi bayobotse ibijumba biri kugura amafaranga 250

Arongera ati "Ni ukudukorera ubuvugizi mukareba Minisiteri y’ubucuruzi, igashyiraho ibiciro by’ibirayi nk’uko ibikora ku bindi biribwa, idufashe niyo itureberera".

Mugenzi we ati "Ngeze saa tanu nta n’ikilo ndagurisha kubera uburyo ibirayi byahenze, umuguzi araza wamubwira amafaranga 750 na 800 ntumenye aho anyuze, kandi koko birahenze ntawarenganya umuguzi, nanjye ubwanjye sinatinyuka kubirya kandi mbicuriza, wakorera ibihumbi bibiri ugatinyuka kurya ibirayi biri kugura 800?".

Niragire Maniragaba wari waje mu isoko ry’ibiribwa rya Musanze guhaha ibirayi, yagize ati, "Mfite imyaka irenga 20, ariko nibwo numvise ko ikilo cy’ibirayi cyageze ku mafaranga 800 na 750, njye birantunguye, kandi ikibitera nuko abahinzi batoroherezwa, aho usanga imbuto ihenze ndetse n’imiti bakoresha ibyo bigaca umuhinzi intege".

Ibitoki nabyo birahendutse aho ikiro kiri kuri 350 FRW

Arongera ati "Ingaruka ku muturage ntizabura, urumva umuntu uciriritse ukorera amafaranga 2,000 ku munsi yatinyuka ate kugura ikilo cy’ibirayi cy’amafaranga 800?, urumva niba afite abana batatu ntiyabahaza, Minisiteri y’ubucuruzi ibyigeho ishyireho ibiciro by’ibirayi kuko amafaranga 800 cyangwa 750 ntabwo bikwiye rwose hano i Musanze kandi ariho bihingwa".

Nzabarinda Isaac, umuhinzi w’ibirayi wabigize umwuga utuye mu Karere ka Musanze, aremeza ko impamvu y’izamuka ry’igiciro cy’ibirayi ari uko atari mu gihe cy’umwero wabyo, akavuga ko ibirayi bizaboneka neza guhera mu kwezi kwa 11.

Ati "Impamvu byazamutse, nta bihari, ahantu turi guteganya gusarura ni hariya muri Nyonirima hafi y’ahabera umuhango wo Kwita izina, ahandi ibirayi nta bihari nibwo turi kuhira no kubagara, ibirayi bizaboneka neza mu kwezi kwa 11, niyo mpamvu y’uku guhenda".

Abenshi bahisemo kwicuruziza ibijumba kubera ko bihendutse

Mu gihe ibiciro by’ibirayi byatumbagiye aho biri kuri 750 FRW na 800 FRW, ibishyimbo nabyo biracyahenze aho ikilo kiri ku 1,000 FRW na 1,200 FRW ni mu gihe ibindi biribwa bihendutse birimo ibijumba ikilo kiri kugura 200 FRW na 250 FRW, ibitoki 300 FRW na 350 FRW.

Hari abambukira ahahoze zebra crossing birengagije aho yimuriwe

Abenshi usanga bambukira aho izo nzira zahoze nyuma y’uko zisibwe zigacibwa ahandi, bamwe bakavuga ko bishobora guteza impanuka ku banyamaguru n’abatwaye ibinyabiziga.

Uko guhindura inzira z’abanyamaguru zizwi nka Zebra Crossing ngo byakozwe mu mihanda itandukanye, mu rwego rwo kwirinda impanuka zaterwa n’uburyo izo nzira zari zisanzwe zikoze aho byatezaga umuvundo.

Ngo hari aho izo nzira zabaga ziri mu muhanda winjira mu wundi ugasanga bibangamiye abanyamaguru n’abatwara ibinyabiziga, nk’uko Umuvugizi wa Polisi mu Ntara y’Amajyaruguru, SP Jean Bosco Mwiseneza yabitangarije Kigali Today.

Ati «Twabihinduye kubera ko ziriya nzira zari zigenewe abanyamaguru wasangaga zimwe ziri mu masangano y’imihanda, ugasanga ibinyabiziga byahagaze byateje embouteillage (umuvundo), ariko aho bihinduriwe ibyo bibazo nta bigihari».

Arongera ati «Imodoka ivuye mu muhanda munini muri metero imwe igiye gukata, usanga nko mu gihe abagenzi batambuka nk’imodoka nini yafunze umuhanda iz’epfo n’iza ruguru zahagaze, ugasanga urujya n’uruza rwabangamiwe. Ni yo mpamvu byizweho, inzira z’abanyamaguru zigizwa hirya kugira ngo ikinyabiziga gikate niba gishaka kuva mu muhanda munini kijya mu muto, gitange inzira izindi zihite».

Ubwo Kigali Today yakurikiranaga ikoreshwa ry’izo nzira nshya zigenewe abambuka umuhanda ku maguru, yasanze abenshi mu bagenzi bakomeje kwambukira ahahoze inzira zigenewe abanyamaguru nubwo zasibwe.

Bamwe bavuga ko ikibatera kurenga kuri ayo mabwiriza y’ikoreshwa ry’umuhanda harimo ukudasobanukirwa neza akamaro k’inzira y’abanyamaguru, abandi bakavuga ko izo nzira zashyizwe kure y’aho bambukira, ushaka kwambuka ushaka kwinjira mu wundi muhanda bikamusaba kuzenguruka, ngo ni cyo kibatera kurenga ku mabwiriza kuko baba bashaka kwihuta.

Uwitwa Akimanizanye Médiatrice yagize ati «Abenshi bakomeje kurenga ku mategeko bakambukira ahatemewe, nkanjye ndabisobanukiwe ni yo mpamvu nambukiye ahabugenewe nkanga gukurikira abagore twari kumwe bambukiye ahatemewe».

Yongeyeho ati «Abagore ubundi bakunze gusuzugura amategeko, bakumva bakwinyurira iy’ibusamo dore ko akenshi baba bajya guhahira abana bakabikora ngo bagere iyo bajya hakiri kare, ni ukwisubiraho».

Bakomeje kwambukira ahahoze zebra crossing

Ngizwenimana Théophile ati «Ndabona abenshi binyurira aho zebra crossing zahoze, akenshi babiterwa no kutamenya amategeko y’umuhanda, ariko hakaba n’ababikora babizi bitwaza ko bazi umujyi bamenyeranye n’imodoka ugasanga banyuranyije n’amategeko, njye ririya kosa nanze kurikora nambukira ahabugenewe kubera ko nzi ububi bw’impanuka».

Arongera ati «Nk’uriya mugabo wambukiye ahatari ho kandi ubona ko asobanutse, si igitangaza kuba azi amategeko y’umuhanda, ni nka wa muntu utunze inka nyinshi agahora azinyuramo kubera kuzigirira icyizere ko zitamwica, n’iyo agiye mu rwuri rw’abandi, aba azi ko inka zitica, ni yo mpamvu yambukira aho ashaka yigize umuntu uzi imodoka cyane, ariko babyirinde biteza impanuka».

Abamotari ni bamwe mu bishimira uburyo inzira z’abanyamaguru zahinduwe aho bemeza ko byabarinze umuvundo, bakanenga abagenda n’amaguru bakomeje kurenga ku mategeko y’umuhanda bakanyura ahahoze inzo nzira.

Ihuwishaka Samuel ati «Byakozwe neza kuko igihe abagenzi babaga bambuka, ibinyabiziga byahagararaga ahantu habi, nkatwe dutwara moto ikibazo dusigaranye ni abagenzi bakomeje kurenga ku mategeko bakambukira ahahoze inzira kandi zarasibwe, ibyo bituma duhanwa mu gihe duhagaze ahatemewe dutegereje ko umugenzi yambuka ngo tutamugonga».

Mugenzi we ati «Ukoze ikigereranyo ukareba uburyo habaga umuvundo umuntu ava mu ikorosi agera ku nzira z’abanyamaguru, habaga impanuka nyinshi, gusa imyumvire ya bamwe mu bambukira ahatemewe birinda kujya kuzenguruka, ni yo iteje ikibazo kuko batugusha mu makosa bagatuma duhagarara ahatemewe».

Abanyamaguru bambukira ahatemewe bashobora guteza impanuka

SP Mwizeneza yihanangirije abakomeje kwirengagiza inzira zabagenewe bakambukira ahatari ho, abibutsa ko bishobora guteza impanuka.

Ati «Abagenda n’amaguru bagomba kumenyera izo nzira, birinda kwambukira ahatari inzira zibagenewe, kuko aho banyura ntabwo ikinyabiziga kizahahagarara kubera ko nta nzira y’abanyamaguru ihari. Nubwo umushoferi afite inshingano zo kugira ubushishozi yirinda kugira uwo agonga, ku mushoferi warangaye ashobora kuhamugongera, mu gihe mu mutwe yishyizemo ko nta nzira y’abanyamaguru ihari».

Arongera ati «Abaturage nibakoreshe izo nzira nshya zibagenewe, birinde kunyura aho zitari mu kwirinda impanuka».

Umunyamabanga uhoraho muri MINUBUMWE, Eric Uwitonze Mahoro

Ni amahugurwa yatangijwe ku mugaragaro kuri uyu wa kabiri tariki 17 Nzeri 2024 aho abera mu Kigo cy’Ubutore cya Nkumba giherereye mu karere ka Burera, akazahabwa abarimu bagabanyije mu byiciro bitandatu.

Icyiciro cya mbere cyatangiye ayo mahugurwa kigizwe n’abarimu 410 baturutse mu turere two mu Ntara y’Iburengerazuba turimo Karongi, Nyamasheke, Rusizi, Rubavu na Rutsiro.

Ayo mahugurwa yateguwe na Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) ku bufatanye na Minisiteri y’Uburezi (MINEDUC), ateganyijwe gutangwa mu gihe cy’ukwezi aho yatangiye tariki 16 Nzeri akazasoza tariki 14 Ukwakira.

Ukwakira 2024, agamije gufasha abarimu kurushaho kunoza imyigishirize y’amateka yiganjemo aya Jenoside yakorewe Abatutsi, nk’uko Umunyamabanga uhoraho muri MINUBUMWE, Eric Uwitonze Mahoro yabitangarije Kigali Today ubwo yatangizaga ayo mahugurwa, asaba abayitabiriye kuyakurikira babishyizeho umutima kuko ari ingirakamaro.

Ati «Ibyuho birahari byinshi mu myigishirize y’amateka, ari nayo mpamvu mu bufatanye na MINEDUC na REB twashyizeho uburyo bwo guhugura abarimu bigisha amateka kuko byagaragaye ko hari ugutinya kuvuga ku mateka cyane cyane amateka ya Jenoside yakorewe Abatutsi».

Akomeza agira ati «Bitewe n’uko n’abarimu ari abantu, hari ubwo usanga ayo mateka afite uko yamugizeho ingaruka, yagera kuri izo nyigisha ntiyigirire icyizere gihagije cyo gufungura ikiganiro ku banyeshuri, bitewe n’izo ngaruka amateka yamugizeho».

Uwo muyobozi yavuze ko mubyo bazaganira n’abarimu, harimo kurenga ibikomere cyangwa kurenga ingaruka ayo mateka yagize ku muntu ku giti cye, mu kwigisha amateka y’u Rwanda cyane cyane ajyanye na Jenoside yakorewe Abatutsi.

Mu bindi abarimu bazafashwa, ni ibijyanye n’umwanya muto bahabwa yo kwigisha amateka, aho wongerewe mu nteganyagnyigisho zijyanye n’uburezi mu Rwanda, bikazaha abarezi uburyo bwo kwisanzura no kwigisha neza abanyeshuri amateka ya Jenoside, kandi bakamenya n’aho bakura amakuru nyayo haba mu mfashanyigisho n’ahandi, icyo kibazo kikaba kigire gukemuka, aho imfashanyigisho zihagije zateganyijwe, hakazaba n’umwanya wo gufasha abanyeshuri gusura inzibutso za Jenoside n’agandi hagaragara amateka ya Jonoside yakorewe Abatutsi.

Twigishaga ayo mateka tuyaca hejuru-Abarimu

Ni amahugurwa yashimishije abarimu, aho bemeza ko n’ubwo basanzwe bigisha amateka hari byinshi batari bujuje, aho ngo rimwe na rimwe bageraga ku mateka ya Jenoside bakayasimbuka, bakavuga ko bagiraga ikibazo cyo kutisanzura no kutigirira icyizere muri iryo somo, ngo bayigishe mu buryo bukwiye bakagorwa no gusubiza ibibazo bijyanye n’amateka ya Jenoside babazwa n’abanyeshuri.

Emmanuel Philémon Ndagijimana, umwarimu wo mu Karere ka Rutsiro ati «Ikintu cy’ingenzi twiteze ni ububasha bwo guhangana n’imbogamizi duhura nazo mu kwigisha amateka ya Jenoside yakorewe Abatutsi. Amateka y’iki gihugu asa naho yagize ingaruka ku banyarwanda twese bituma bamwe mu barimu batinya, batisanzura mu gihe bigisha amateka ya Jenoside n’amateka y’igihugu muri rusange».

Akomeza agira ati «By’umwihariko biturutse ku bibazo abarimu babazwa n’abana bibagora ku byumva, binaturutse ku bikomere bafite ubwabo imbere mu ribo, ibyo bigatuma umwarimu atabasha gutanga isomo uko riri kandi mu murongo w’igihugu tuba dukwiye kumenya neza aho twaturutse kugira ngo tubone guhanganira aho turi kugana, ni amahugurwa azadufasha kwirekura tukigisha amateka uko ari».

Nyirangirababyeyi Jacqueline umwarimu wo mu Karere ka Nyamasheke ati «Abenshi mu barimu, bagera ku mateka ya Jenoside yakorewe Abatutsi bagataruka, bakayaca hejuru ahubwo bakigisha ibindi atari uko babuze umwanya, ahubwo bitewe n’impamvu zitandukanye zirimo abagifite ibikomere batarakira ubwabo».

Arongera ati «Hari no gutinya kuri bamwe na bamwe, bagaragaza ko mu minsi yashize wenda yashoboraga no kuvuga ibyo adafitiye ubumenyi akaba yafungwa cyangwa bikagenda ukundi, ariko byari mbere gahunda y’ubumwe n’ubwiyunge itarashinga imizi, ariko kuri uyu munsi bitewe n’urwego igihugu kigezeho muri gahunda y’ubumwe n’ubwiyunge, twiteze byinshi muri aya mahugurwa bizadufasha kwigisha neza abana amateka nyayo y’u Rwanda, cyane cyane ajyanye na Jenoside yakorewe Abatutsi».

Ubuyobozi bw’Ikigo cy’igihugu gishinzwe guteza imbere uburezi (REB) buvuga ko mu kunoza no kuvugurura integanyanyigisho ku mateka y’u Rwanda, byabaye ngombwa ko abarimu bahugurirwa izo nteganyanyigisho nshya, mu gufasha abana kugira ubumenyi bwisumbuye ku mateka y’igihugu cyabo, nk’uko Umuyobozi wa REB, Dr. Nelson Mbarushimana abivuga.

Ati «Mu nshingano zacu harimo guhugura abarimu, ni muri urwo rwego byabaye ngombwa ko aba barimu b’amateka, bahabwa amahugurwa y’umwihariko mu rwego rwo kubabwira ibyahindutse mu nteganyanyigisho kandi biganisha mu gutanga umucyo, no kubereka uburyo bayigisha bitabanganye kandi babohotse, kugira ngo bwa butumwa bujyanye n’amateka butangwe neza n’abana babashe kuyamenya kandi basubizwe n’ibibazo bitandukanye bafite».

Muri aya mahugurwa, abarimu bazahabwa ibiganiro bibafasha gusobanukirwa amateka ya Jenoside mu buryo bwagutse, bakazahabwa n’ibiganiro bizatangwa n’impuguke mu buzima bwo mu mutwe bizabafasha kwigisha amateka y’u Rwanda bataboshywe n’ingaruka cyangwa ibikomere baba baratewe na yo bo.

Ayo mahugurwa yateguwe na MINUBUMWE, ku bufatanye na MINEDUC binyuze muri REB, MINALOC na Polisi y’u Rwanda, azatangwa mu byiciro bitandatu, aho abarimu bose bigisha amateka mu mashuri yisumbuye bazitabira bizo nyigisho hagendewe uko uturere twashyizwe kuri gahunda.

Batatu bagwiriwe n’ikirombe bahasiga ubuzima

Ni impanuka yabaye ku mugoroba wo ku wa Kane tariki 12 Nzeri 2024, ubwo abo bagabo bacaga mu rihumye ubuyobozi n’inzego z’umutekano binjira mu kirombe, mu gihe bagitangira gucukura amabuye kirabagwira, nk’uko Umunyamabanga nshingwabikorwa w’Umurenge wa Remera, Urujeni Consolée abitangarije Kigali Today.

Ati "Nibyo abagabo batatu bagiye gucukura amabuye y’agaciro mu buryo butemewe, iyo mpanuka ibabaho ikirombe kirabagwira bahita bahasiga ubuzima, imirambo yajyanywe mu bitaro bya Kiziguro irasuzumwa igarurwa mu rugo, abanyamuryango baritegura gushyingura".

Arongera ati "Bacukuraga mu buryo butemewe, ingamba ntabwo tuzifata uyu munsi kuko dusanzwe twarazifashe zo kwirinda kujya aho hantu, n’ubundi abo baguyemo babikoraga mu buryo bwa rwihishwa, kuko ntabwo ari ahantu hemewe, nta kampani ihakorera, nta na koperative ihakorera, rero n’ubundi bagiyeyo bihishe iyo mpanuka ibabaho, turihanganisha imiryango y’ababuze ababo".

Gitifu Urujeni, yasabye abaturage kwirinda kujya gucukura amabuye y’agaciro ahantu hashira ubuzima bwabo mu kaga, bagategereza uburyo bunoze buzashyirwaho, byaba na ngombwa bagahabwa akazi muri ibyo bikorwa batagiye gucukura ayo mabuye mu buryo bwo kwihishahisha, abasaba kwirinda gushyira ubuzima bwabo mu kaga.

Imyaka 23 irashize Amerika ikozwe mu jisho

Biri mu bitero bikomeye byagabwe muri Amerika no ku rwego rw’Isi, aho byahitanye ababarirwa mu 3,000, abarenga 9,000 babikomerekeramo.

Igitero cya mbere cyagabwe saa 8h46 z’igitondo, aho indege ya American Airlines yari ifite urugendo rwiswe Flight 11, yagonze umunara w’Amajyarugu w’umuturirwa wa World Trade Center i New York, nyuma y’uko ba rushimusi babashije kwinjira mu kizuru cy’indege bafata bugwate abapilote bayo.

Mu gihe abantu barimo bibaza iby’iyo mpanuka, indi ndege ya United Airlines yavaga i Boston yerekeza i Los Angeles, igonga umunara w’amajyepfo wa World Trade Center, mu isaha imwe n’iminota 42 iyo minara iba imaze kugwa yose ndetse n’izindi nyubako za World Trade Center zirasenyuka.

Inyubako ya World Trade Center yibasiwe bikomeye n’ibi bitero byo ku ya 11 Nzeri

Indege ya gatatu ya American Airlines yari ifite urugendo Flight 77, yagoze Minisiteri y’Ingabo ya Leta zunze ubumwe za Amerika (Pentagone), mu gihe indege ya kane ya United Airlines yo yari ifite urugendo Flight 93, yerekezaga i Washington DC, yaguye mu murima muri Leta ya Pensilvania.

Umutwe w’ibyihebe wa Al-Quaeda, niwo wahise ukekwa kuba inyuma y’ibyo bitero, utangira guhigwa mu buryo bukomeye, nubwo Ossama Bin Laden wari umuyobozi wa Al-Quaeda yabanje guhakana uruhare rw’uwo mutwe muri ibyo bitero, ariko mu mwaka wa 2004 aza kwigamba ko ari wo wagabye ibyo bitero.

Inyubako ya Minisiteri y’Ingabo za Amerika (Pentagon) nayo yibasiwe n’ibyo bitero

Umutwe w’iterabwoba wa Al-Qaeda n’umuyobozi wawo Ossama Bin Laden bavugaga ko impamvu nyamukuru yo kugaba ibyo bitero, ari uko Leta zunze Ubumwe za Amerika yari ifite ingabo muri Arabia Saudite, ndetse no kuba yari zarafatiye ibihano Igihugu cya Iraq.

Nyuma y’ibyo bitero, Amerika yahise itangiza intambara yo kurwanya iterabwoba, hagabwa ibitero kuri Iraq na Afghanistan, aho nyuma y’imyaka 10 Leta zunze ubumwe za Amerika ishakisha Ossama Bin Laden, yaje kwicirwa muri Pakistan muri 2011, yishwe n’ingabo za USA ku ngoma ya Barack Obama.

Nyuma yuko Osama Bin Laden yishwe, mutwe wa Al-Qaeda waciwe intege no kubura umuyobozi wayo, ari nabwo hazamutse undi mutwe wiswe Islamic State.

Inyubako ya World Trade Center ya 1962-2001

Isenyuka rya World Trade Center n’inyubako zari ziyikikije muri 2001, ryagize ingaruka ku bukungu bw’Umujyi wa New York, bigira n’ingaruka ku isoko ry’isi.

Kompanyi z’indege yasubitse ingendo hafi icyumweru, bikurikirwa kandi n’ifungwa ry’ibikorwa, kwimura ndetse no gusubika ibikorwa, byose bitewe n’ubwoba bw’ibindi bitero.

Gusukura ahahoze inyubako za World Trade Center byarangiye muri Gicurasi 2002, naho gusana Pentagone byo bisaba umwaka wose.

World Trade Center ya nyuma y’ibitero kugeza 2016

Kongera kubaka World Trade Center byatangiye mu Ugushyingo 2006, yongera gufungurwa mu Ugushyingo 2014, aho kugeza ubu ubukungu bwa Amarika bwongeye kuzamuka kurenza urwego rwahozeho.

Nyuma y’ibyo bitero, ababiguyemo bakomeje kwibukwa, aho hubatswe inzibutso zitandukanye, zirimo ‘National Septermber 11 Memorial & Museum’ rwubatswe i New York, ‘Pentagon Memorial’ rwubatswe i Arlington muri Leta ya Virginia, ndetse na ‘Flight 93 National Memorial’ yubatswe muri Pennsylvania ahaguye indege ya kane.

Kuri ubu, ubukungu bwa Amerika bukomeje kuzamuka hatitawe kuri ibyo bitero byayikomye mu nkokora, aho inyubako za World Trade Center zikomeje kugaba amashami.

World Trade Center ya 2016 - 2024

Icyaha akurikiranweho ngo ni icyo kuba akekwaho gutorokana amafaranga miliyoni 9FRW abaturage bari barizigamiye mu kimina, ati «Ntabwo arafatwa, aracyashakishwa».

Ni amafaranga bavuga ko yatorokanye ku wa Gatandatu tariki 07 Nzeri 2024, ubwo yajyanaga na bamwe mu bagize komite y’ikimina muri SACCO y’Umurenge wa Shingiro, ngo bakimara kuyabikura abaca mu rihumye bayoberwa aho anyuze, nk’uko Umunyamabanga Nshingwabikorwa w’Akagari ka Gakingo, Mukeshimana Claudine, yabitangarije Kigali Today.

Ati «Ntabwo yagiye kuyabikuza ari umwe, nk’uko bigaragara mu bitabo yajyanye na komite, ubwo rero ngo ubwo bamaraga kuyabikuza, ngo yabaciye mu rihumye baramubura, ni nayo mpamvu mu bagize iyo komite hari umugabo wamaze gufungwa».

Bamwe mu baturage batwawe amafaranga, baravuga ko bagiye guhura n’ibibazo bikomeye by’ubukene, kuko ngo ayo mafaranga bari barizigamiye ariyo bari batezeho imibereho.

Umwe muri bo ati «Turahombye cyane, n’ubwo hari igice kimwe twari twarafashe tukishyuraho mituweri, hari ayo twari twarasize twari twarageneye cyane cyane ubuhinzi n’amashuri y’abana, nk’ubu nkanjye nari nayageneye kugura ibishyimbo byo guhinga, hari n’abari barayabikiye amashuri y’abana, murumva ko ibyacu birangiye».

Gitifu Mukeshimana aravuga ko batunguwe no kumva ko uwo mugabo yahemukiye abaturage, nk’umuntu wafatwaga nk’intangarugero muri ako kagari.

Ati «Yari umugabo wo kwizerwa kuko yari amaze n’imyaka ibiri avuye mu gisirikare, yari inyangamugayo, ni umugabo wifite ufite inzu hano mu isantere akagira n’amasambu menshi, yari inyangamugayo, gusa mu minsi ishize kubera aya mafaranga batanze mu baturage yo kwifasha, yagiranye amakimbirane n’umugore we, ubwo rero niba aricyo cyabimuteye natwe byatuyobeye».

Yagize ubutumwa agenera abaturage ati «Ni bihangane bakomeze bakore biteze imbere, ubu haje na progaramu yo kujya bandikisha ibimina ku mirenge kugira ngo tujye tubona uko tubikurikirana, kandi batange imisanzu yabo nta mpungenge bityo iterambere ryabo ribe ryarushaho gutera imbere, bakomeze kwihangana ntibacike integer uwo mugabo akomeje gushakishwa».

Yakomeje agira ati «Ubuyobozi bw’akarere bubari hafi, na Meya yavuze ko aza kubasura mu rwego rwo kubaganiriza kuri iki kibazo no kugishakira umuti».

Ambulance ebyiri zamaze gushyikirizwa ibigo nderabuzima

Ni Ibigo Nderabuzima byari kure y’ibitaro bya Butaro byo mu Karere ka Burera n’ibitaro bya Nemba byo mu Karere ka Gakenke, aho iyo byabaga ngombwa ko umurwayi yoherezwa muri ibyo bitaro, byagoranaga kuko abarwayi bajyaga bagira igihe cyo gutegereza ko imbangukiragutabara iva ku bitaro iza kubafata.

Abaturage baganiriye na Kigali Today, baremeza ko kuba begerejwe imbangukiragutabara mu Bigo Nderabuzima, bigiye kubarinda ingorane bajyaga bahura nazo, zirimo kugera kwa muganga bakererewe, abagore bo bakemeza ko hari n’ubwo bajyaga babyarira mu nzira.

Ni imbangukiragutabara Perezida Paul Kagame yemereye abajyanama b’ubuzima baturutse hirya no hino mu gihugu mu biganiro yagiranye nabo tariki 15 Kamena 2024 muri BK Arena.

Perezida Kagame aganira n’abajyanama b’ubuzima mu byo yabemereye harimo imbangukiragutabara ku bigo nderabuzima

Umukuru w’Igihugu, icyo gihe yababwiye ko icy’ingenzi cyatumye yifuza kubonana na bo, ari ukugira ngo abashimire kubera ibintu byinshi bakora nta gihembo.

Burera nk’Akarere kagizwe n’igice kinini gikora ku mupaka wa Cyanika, ni hamwe mu duce Leta yashyizemo imbaraga mu kuzamura serivisi z’ubuvuzi, mu rwego rwo kurinda abaturage kujya gushakira izo serivisi muri Uganda, aho akenshi bajyagayo bambutse mu buryo butemewe.

Ni muri urwo rwego ku ikubitiro ako Karere kamaze gushyikirizwa imbangukiragutabara eshatu, aho ebyiri zamaze gushyikirizwa Ibigo Nderabuzima bigaragara ko biri kure y’ibitaro bya Butaro, igikorwa cyashimishije abaturage bivuriza muri ibyo bigo Nderabuzima.

Ni imbangukiragutabara zashyikirijwe ubuyobozi b’Akarere ka Burera

Ndahayo Alexandre Umujyanama w’Ubuzima wo mu kagari ka Musasa mu Murenge wa Kinyababa ati, "Kuva hano muri Musasa ukagera ku bitaro bya Butaro hari ibilometero birenga bitanu, umuntu urwariye hano ku kigo nderabuzima bakamubonaho uburwayi burenze ikigo nderabuzima, byabaga ngombwa ko bahamagara i Butaro bakohereza Ambulance, basanga yagiye gutabara ahandi umurwayi akabura ubutabazi bwihuse ugasanga Ambulance ije nyuma y’igihe bikaba byagira ingaruka ku murwayi, ariko ubu ubwo twiboneye iyacu birakemutse".

Ndahayo avuga ko izo Ambulance zizabafasha mu byaro aho zizajya zijya gufata abarwayi mu ngo zabo, mu rwego rw’ubutabazi bwihuse, avuga ko ibibazo by’ubuvuzi iwabo byakemutse.

Kwizera Faustin ati "Iyi mbangukiragutabara twungutse mu kigo nderabuzima cya Mucaca ije ikenewe, ni mu gace kari kure y’ibitaro bya Butaro ndetse n’ibitaro bya Nemba. Byagoraga umurwayi kugera mu bitaro, aho bahamagaraga Ambulance rimwe na rimwe ugasanga yagiye gufata undi murwayi, ku buryo abarwayi bahazahariraga".

Abaturage barimo n’abajyanama b’ubuzima mu Karere ka Burera barashima Umukuru w’Igihugu wahaye Ambulance ibigo nderabuzima bidaturiye ibitaro

Arongera ati "Ariko kuba twayibonye, ibyo bibazo birakemutse umurwayi azajya ahabwa transfer bimworohere. Iyi Ambulance ije ikenewe cyane natwe icyo tuzakora ni ukuyibungabunga, kuko nta murwayi uzongera kuzahara, turashimira Perezida wa Repubulika wayitugeneye, tumwijeje kuzayibungabunga".

Murorunkwere Leonille nawe wivuriza mu Kigo nderabuzima cya Mucaca ati "Twabonye Ambulance, twari twarazahaye, twateye impundu, twabyinye, kuko hari uburyo umubyeyi yajyaga kubyarira mu bitaro bya Butaro yazahaye, kubera ko aba yategereje Ambulance, ukagerayo wihebye uti, umwana ndagerayo yahungabanye uri nako uribwa, none tugiye kujya tuvurirwa ku gihe".

Arongera ati "Hari ababyeyi bamwe nzi bagiye babyarira mu nzira, ariko turayibonye kandi turayifata neza, turashimira Perezida wacu Paul Kagame, udahwema kutubungabungira ubuzima, ubu ni ibyishimo kuri twe, turayifata neza kuko aho uteretse igisabo ntuhatera ibuye".

Abaturage bavuga ko kuba hari ibigo nderabuzima biri kure y’ibitaro byagoraga abarwayi barimo n’ababyeyi bari ku nda

Umuturage wo mu Kagari ka Musasa mu Murenge wa Kinyababa ati "Ibyishimo byaturenze kuba duhawe Ambulance, dutuye kure y’ibitaro bya Butaro kujya kwivurizayo mu gihe twoherejweyo, byajyaga bigorana gutegereza Ambulance ariko ubu tubonye iyacu, izajya itunyarukana ubufasha bwihute kuruta uko byari bimeze".

Umuyobozi w’Akarere ka Burera, Mukamana Soline yavuze ko kuba bimwe mu bigo nderabuzima bihawe ambulance, icyo cyemezo cyafashwe ku bwumvikanye bw’ubuyobozi bw’Akarere n’ibitaro.

Ati "Iyo Centre de santé rizi kure y’ibitaro, kugira ngo Ambulance izave ku bitaro izajye kuzana umubyeyi uri kunda, urugero ive Butaro ijye kuzana nk’umubyeyi uri muri Centre de santé ya Mucaca biratinda cyane, ariko iyo umubyeyi ari mu kigo nderabuzima agahita abona ambulance, serivisi z’ubuzima zirihuta na ya gahunda yo kugabanya impfu z’abana bapfa bavuka n’ababyeyi bapfa babyara zikagabanuka".

Meya Mukamana Soline niwe wakiriye izo mbangukiragutabara

Uwo muyobozi yakomeje agira ati "Ziriya Ambulance zatanzwe na Minisiteri y’ubuzima, ariko murabizi ko Nyakubahwa Perezida wa Repubulika amaze kubonana n’abajyanama b’ubuzima yazibemereye, ubu baduhaye eshatu ebyiri tuziha Centre de santé ya Mucaca na Kinyabana, indi turacyiga Centre de santé tuyiha iri kure y’ibitaro".

Abantu bafite ubumuga mu karere ka Musanze bamurikiye ubuyobozi ibikombe 9 baherutse gutwara

Ayo makipe yashimiwe ubwo yamurikiraga ubuyobozi bw’Intara y’Amajyaruguru n’ubw’Akarere ka Musanze ibikombe icyenda yatwaye mu mwaka w’imikino 2023-2024, mu muhango wabereye kuri sitade Ubworoherane ku wa gatanu tariki 06 Nzeri 2024.

Ni umuhango wabimburiwe n’umukino w’umupira w’amaguru w’abafite ubumuga, wahuje ikipe y’abagabo y’Akarere ka Musanze n’ikipe y’Akarere ka Karongi urangira amakipe aguye miswi 2-2.

Mu bakinnyi bo mu makipe atandukanye y’abantu bafite ubumuga mu Karere ka Musanze baganiriye na Kigali Today, bavuga ko ikibatera imbaraga zo kwitwara neza, harimo cyane cyane abatoza, ababyeyi n’ubuyobozi babashyigikira muri uwo mwuga, dore ko ngo abenshi bamaze gusobanukirwa ko umuntu ufite ubumuga ashoboye.

Imikino y’abantu bafite ubumuga ikomeje kugaragaza ubuhanga

Ndahiro Jean Claude Kapiteni w’ikipe y’umupira w’amaguru, yagize ati "Muri shampiyona y’uyu mwaka twatwaye igikombe cya shampiyona 2023-2024, kuva muri 2017 dutangira kwitabira shampiyona, ibikombe tutatwaye ni bibiri gusa, byo mu gihe cya COVID-19, ibindi byose nitwe twabitwaye".

Arongera ati "Byose bituruka ku myitozo n’ishyaka ndetse n’ababyeyi n’ubuyobozi batuba hafi, ntabwo turagera ku rwego rwo kwinjiza menshi, ariko hari ubwo umukinnyi agurwa miliyoni imwe, ibihumbi 500 Frw, gusa abantu ntabwo baritabira neza imikino y’abafite ubumuga, aho usanga abafana kuri sitade bakiri bake, ni baze badufane tubereke ibyiza".

Manishimwe Laetitia ati "Abatoza bacu ni beza badukurikirana amanywa n’ijoro, bita ku buzima bwacu tukagira n’abayobozi beza, uyu mwaka abakobwa twatwaye ibikombe bitatu mu marushanwa ya Sitball mu byiciro bitatu, uyu mwaka nabwo turizeza Abanyamusanze gutwara ibindi kubera uburyo ubuyobozi butwitayeho natwe tugashyiramo imbaraga".