Uyu mwuga wacu, burya ni nk’igisirikare. Mu kanya nk’ako guhumbya nashoboye kuvugana na we nta gihungabanye, maze ambwira ko ngomba kwitegura byihutirwa urugendo dufite mu Ishuri Rikuru ry’Ubuhinzi Bubungabunga Ubutaka, RICA.

Kuri uwo munsi, byahise bihindura isura kuko nakoze gahunda nari nsigaranye n’akanyamuneza kanshi, menya n’abakunzi ba KT Radio barabyumvise.

Iri shuri najyaga ndinyuraho nihitira nkibaza ukuntu nazaryinjiramo, ariko simbone ishusho yabyo, maze numva ko mbonye amahirwe y’imbonekarimwe.

Muri RICA, nagombaga gutangirana n’ikiganiro Buracyeye, kandi ibyo bisobanuye ko abashumba baho bagombaga kwinikiza nicaye muri studio, kuko iwabo, saa kumi za mugitondo, imbyeyi zabo ziba zimaze kureta.

Ibyo rero, byari bivuze ko ngomba kurara yo, hamwe n’ikipe idufasha kugira ngo amajwi n’amashusho bibagereho neza.

Nahise mvuga nti “mbibonye byose. Ndaza kwirebera amataha y’inka, ntaramane n’umuryango wa RICA ijoro turite hanze, hanyuma nze kumva uko imisambi yaho ihiga, ndebe umuseke utambitse, maze nkomezanye na bo kugeza ku gicamunsi.”

Amakuru yo nari nyafite, ko iri shuri rifite icyanya kinini cy’ubuhinzi, rikagira n’abakozi bafite urugwiro, maze ibyo bituma numva ko byanze bikunze umunsi uzambana muto.

Ku gicamunsi cy’uwa 19 Gicurasi rero, umushoferi wacu yafashe imodoka ayiha ikiboko maze dufata imirambi ya Bugesera, no kuri RICA ngo ba!

Nkigera muri RICA, natangajwe no gusanga hari abantu basanzwe banzi, bagahita bansuhuza bati “Eeeh! Umukazana, uraho neza!”

Batwakiriye neza, cyane, turatangira dutegura ibikenewe, buri gikoresho tugishyira mu mwanya wacyo.
Uwo mugoroba, nagiriwe umugisha wo gutemberezwa ikigo, ariko si ahantu hose. Iri shuri riri kuri hegitari zirenze igihumbi na magana atatu, ku buryo batubwiye ko ku muntu ufite imodoka, kugitembera ukihera amaso ibikorwa byose, byasaba nibura iminsi ibiri.

Aha rero, wakirwa n’amajwi y’inyoni zirimo n’inuma zidasanzwe ndetse n’inkende. Ni ahantu hari ikirere kiryoshye ku biyaga bibiri bikikije Ishuri, hakurya wareba ukabona imirima minini cyane, ikikijwe n’amoko y’ibiti bitabarika, ndetse n’imirima y’ibiti by’imbuto ziribwa.

Aha hose, ni ko hagenda habamo n’inzira zikoze neza – pavements, zinyuranamo n’ubusitani bwiza cyane.

Tugarutse gato aho bakirira abashyitsi, uhasanga ifoto ya Howard G. Buffet, ari na we wateye inkunga umushinga w’iri shuri, hakabamo n’iy’umukuru w’Igihugu, Perezida Paul Kagame.

Kuri uwo mugoroba rero, ikintu cyantunguye, sinari nzi ko muri RICA habamo imyidagaduro, ariko nagiye kumva numva ingoma iravuze…nti aho simpatangwa, bati sigaho, ibintu byose biri aha ntiwabigiramo rimwe ngo ubishobore. Ariko naragiye, mpasanga itorero Inganji, nuko turizihirwa.

Mvuye aho, numva harimo live band, igisope, maze nsanga urubyiruko runezerewe…aba bose bari muri gahunda yo kwitoza.

Ahandi bambwiyee ko baba bari kwitoza ibya kizungu, ndetse n’ibikoresho byose bikenewe baba babifite.

Nukooo, igihe cyo kujya ku meza kiragera. Ikintu gitangaje muri RICA; abayobozi bose, kuva ku Muyobozi Mukuru wa Kaminuza, kugera ku munyeshuri, n’abakozi bose birirwa muri iki kigo, barira hamwe, basangira bimwe, kandi, buri wese akamenya gusiga asukuye aho yaririye.

Nabwiye abanyeshuri nti “mwa bana mwe, uramutse utsinzwe wiga aha, ndi umubyeyi wawe nahita mpagukura nkakubwira nti taha wicare kuko nta handi wazatsinda.”

Aha hantu hari umwuka mwiza, ikirere cyiza n’ubuzima bwiza bwafasha umunyeshuri kwiga neza. Mu kigo, haba harimo amatara meza, afite urumuri rwiza, akoze ku buryo nawe uyareba ubwuzu bukaza. Kuri ibyo, hiyongeraho ubusabane bw’abanyeshuri, abakozi n’abayobozi.

Iyo batangiye icyiciro runaka cy’ibikorwa, biba impamvu y’ibirori. Ni yo mpamvu, gutangira stage ni ibirori, kuyisoza ni ibirori, kwakira abanyeshuri bashya ni ibirori, kandi biba bigamije kubaha buri wese mu byo agiye gukora, cyangwa kumushimira mu byo ashoje.

Hari inyubako zubatse ku buryo butangaje, zifite ubugeni butangaje.

Ifunguro ryabo riba ari ibivuye mu mirima yabo no mu biraro byabo…inyama zikaranze neza, inkoko, ikimasa, umuceri utetse neza mu mabara yose, igikoni cyaho ndakigutuye.

Ibiryo byaho, urabirya ukumva bifite icyanga, kuko biba bifite umwimerere, biba byahinzwe mu butaka bwiza, bwateguwe neza…baba bashyizeho ifumbire ikwiye, amazi akwiriye, babirinze uburwayi ubwo ari bwo bwose…mbese, bita ku rubuto nk’uko wita ku mwana.

Iyo bateye urunyanya, baba bazi ko bazarukurikirana, bakamenya ngo uru runyanya ni jye warushyize aha, rwarwaye, ndaruha umuti, ndaruha amazi, ndarusimbuza.

Muri macye rero, ikirere gihari, ubuzima buhari, bwemerera umunyeshuri waho gutsinda byanze bikunze.

Mu gihe cyo kujya kuryama rero, ntabwo byoroshye ko wahita umenya aho waturutse. Amazu ubwayo ari kuri hegitari 40, kandi amenshi agiye asa nk’impanga, ubwo baramfashije ntangiye kuyoba.

Aha ni ho namenye ko no mu byumba by’abanyeshuri bararamo, burya ngo habamo na televiziyo, ku buryo ukeneye na Netflix ushyiraho rwose ugakurikira.

Icyumba narayemo cyo sinakivugaho byinshi, ariko niba uzi hoteli nziza yiyubashye, bifate gutyo, wongeyemo ko haba harimo n’igikoni. Iri shuri ni ahantu urubyiruko rukwiriye guhaga amaso.

Ibi byose nabirebye ariko nzi ko saa kumi n’imwe ngomba kuba ngeze muri Studio, nuko ndyama saa sita z’ijoro, ariko na none saa kumi mba ndabyutse nitegura umunsi muremure w’akazi.

Muri RICA, ni ahantu hatuje, buri wese abyuka azi icyo agomba gukora, kandi akagikora yirinda ikosa iryo ari ryo ryose, kuko ryasubiza inyuma ibipimo by’ubuziranenge, haba mu myigire, haba mu bushakashatsi, haba ndetse n’ubuzima bw’ibinyabuzima – ibihingwa n’amatungo. Ubwo nanjye nari ninjiye muri uwo mwuka.

Ikindi kandi, muri RICA, time is money, iyo utinze, urasigara, kandi gushyikira abandi biraguhenda.
I saa kumi n’imwe zuzuye z’uwa 20 Gicurasi, ubwo KT Radiyo yaramukije abakunzi bayo ihereye mu Murenge wa Gashora, tuba turatangiye, ibiganiro bigenda binyuranamo uko byateguwe.

Abakunzi bacu batangiye guhamagara za Musanze, za Gicumbi, tumenya ko turi kumwe, maze bakatubaza uburyo nabo bahinga batangije ubutaka, abandi bati natwe turi abahinzi muzadusure…byari binejeje.

Muri icyo gitondo, nari ntegerezanye amatsiko noneho kujya kuganira n’abanyeshuri ndetse n’abakozi mu byo bakora….aha niho naryohewe kurushaho, bamaze kunyambika inkweto z’umuhinzi, ku myambaro ya Kigali Today, ubwo mpinduka umugoronome ufashe impu zombi.

Twahereye ku mata, batwereka imashini zikama inka, kandi zibikora zimeze nk’izonka, nk’uko inyana yonka. Ndetse, RICA ifite n’ihene na zo zikamwa. Abatazi intungamubiri ziva mu mashunushunu bo, ubwo baracyafite nyinshi byo kwiga. Gusa ibi sindi bubitindeho, bagenzi banjye barabibabwiye bihagije.

Akazi kanjye kwari ukuganira na buri wese, kandi ngatembereza abakunzi bacu muri RICA.

Ahantu rero hororerwa inkoko, naho haratangaje; ariko baba bagamije kukwereka uburyo bwose, kugira ngo uhitemo bitewe n’ubushobozi, ndetse n’umusaruro ushaka kugeraho.

Inkoko zimwe zororerwa mu kivunge muri rusange, hakaba imashini zizigezaho ibiryo n’amazi, zashaka kujya gutera zikajya kuri ka etagere zagenewe. Ariko zirya byinshi.

Urundi rwego, inkoko ziba muri twa etaje, aho iterera, ikaba ari naho irira.

Urwego rwa gatatu ni ibitangaza; ho inkoko ziba zifite ahantu zituye, n’aho ziterera, hariho amarido, ndetse n’amatapi. Kuri izi ngizi, amajyi aba ari ahantu habugenewe, bagakanda ahantu amajyi akaza bakayashyira ahabugenewe.

Imashini igaburira izi nkoko, igenda itwara ibiryo kuri buri Sahani, hageraho ibyuzuye ikakubwira iti rekera aho.

Abanyeshuri b’aha, ni urubyiruko, abana bato, beza b’abasirimu, bacyeye. Aho rero, niho ubabaza uti ese koko watinyutse ute kuza muri ibi, gutoba ibyondo n’ibitaka?

Ariko bo baraguseka cyane, kuko bavuga bati “erega kwiyanduza n’ibindi byose, si byo bikugira umuhinzi. Turi mu murima ariko turakoresha uburyo bwa kijyambere. Nta n’ubwo twemerewe guhingisha isuka, kuko ibyo ni ugukomeretsa ubutaka.”

Iby’ikoranabuhanga by’imashini zihinga, nabyo bagenzi banjye babigarutseho, aho twaganiriye na Nicole.

Ikindi kintu gitangaje, ni uburyo RICA imenya ubutaka bwatakaye. Ubu bushakashatsi bukorerwa ku mirimashuri (ishobora gusurwa na buri wese ubyifuza), bwerekana ko iyo umuntu ahinga mu buryo bubungabunga ubutaka agira inyungu mu musaruro, n’ubutaka bukarushaho kugumana umwimerere wabwo no gukungahana mu ntungagihingwa. Hano kuri iyi mirima shuri rero hagaragara neza inyungu zituruka mu gutwikira/gusasira ubutaka. Ikindi kigaragara ni uko kuvanga imyaka uko bikwiye ndetse, gutera imbuto imwe mu mwobo cg se guhinduranya ibihingwa bigira umumaro ntagereranywa kurusha guhinga mu buryo busanzwe tumenyereye turimagura ubutaka tukabusinga bwambaye ubusa.

RICA yo rero ishobora no kukwereka ingano y’ubutaka watakaje mu murima, kandi ukabona ikinyuranyo cy’igihombo cy’ubutaka watakaje, bitewe n’ikoranabuhanga wakoresheje uhinga. Nko kuri imwe mu mirimashuri twasuye, ndi umuhamya w’ibyo niboneye bijyanye n’uko guhinga mu buryo busanzwe biteza igihombo gikomeye. Uti gute rero? Umurima nasanze bakoramo ubuhinzi busanzwe twese dukora (Conventional Tillage), ingano y’ubutaka bwatwawe n’isuri kubera imvura mu bihe bitatu by’ihinga (Seasons) ryari ryuzuye ingunguru ebyiri n’igice.

Ni mu gihe mu wundi murima binganya ubuso ukorerwaho ubuhinzi bubungabunga ubutaka (Conservation AAgriculture), ubutaka bwatakaye muri ibyo bihe by’ihinga bitatu ntbuigeze no ku biro 10! Aha bivuze ku mu murima utegurwa mu buryo bubunghabunga ubutaka amazi yinjira neza mu butaka aho gutemba agatembana ubutaka bwo hejuru bwera. Wari uzi n’ikindi se? Iyo amazi atembanye ubutaka, ubwo n’ifumbire uba washyizemo birajyana ugahomba inshuro ebyiri!

Buriya rero, hari n’ibyatsi/ibihingwa bifasha gutwikira ubutaka (Cover crops) ndetse bikabufasha kwisubiza, guhangana n’ibyonyi no gukungahaza ubutaka mu ntungagihingwa. Ibi byatsi ngo bifite amoko agera kuri 12, higanjemo ibizwi nka Bush Muccuna, Lablab n’ibindi…, bikaba nabyo bihingwa ku buryo bwagenwe.
RICA, ni urugo rw’abashyitsi. Abakora ingendoshuri, abaza gufata amahugurwa y’igihe gito, n’ibindi, bahora bahasimburana.

Brig Gen Ronald Rwivanga yari asanzwe ari Umuvugizi w’Ingabo z’u Rwanda, aho yagiye kuri uwo mwanya asimbuye Brig Gen Innocent Munyengango wari uri kuri uwo mwanya akiri Lt Col.

Brig Gen Rwivanga, mbere y’uko aba umuvugizi w’Ingabo z’u Rwanda (RDF) muri 2020 yari asanzwe ari Umuhuzabikorwa w’Amasomo mu Ishuri rikuru rya Gisirikare (RDF Command and Staff College).

Brig Gen Rwivanga, yakoze kandi indi mirimo itandukanye mu ngabo z’u Rwanda harimo no kuba umwe mu bagize ingabo zishinzwe kurinda umukuru w’igihugu (Republican Guard) ashinzwe imyitozo n’ibikorwa. (…)

Brig Gen Ronald Rwivanga yagizwe Umuyobozi w’Umutwe w’Ingabo za Afurika y’Iburasirazuba zihora ziteguye gutabara aho rukomeye(East African standby Force), kuri uyu wa ,,,,,

Brig Gen Rwivanga mu mirimo itandukanye yagiye akora mu Gisirikare cy’u Rwanda, yabaye n’umwanditsi mukuru w’ikinyamakuru cy’Ishuri rikuru rya Gisirikare, Warrior Magazine.

Muri gahunda y’Umuryango wa Afurika y’Iburasirazuba yo guhanahana amasomo, Big Gen Rwivanga yabaye ushinzwe Abakozi mu Ishuri rikuru rya Gisirikare muri Tanzania, riherereye Arusha.

EASF yatangiye mu 2004, iri mu bice bitatu birimo icy’ingabo, polisi n’abasivili buri gice kigahabwa amahugurwa bijyanye n’uruhare rwacyo mu kubungabunga umutekano.

Ni umwe mu mitwe itanu igize Ingabo za Afurika zihora ziteguye (African Standby Force/ASF) zigizwe n’abasirikare n’abapolisi n’abasivile.

Ibi byiciro byose bihora byiteguye kugira ngo bitabare byihuse mu gihe gikwiye, hagendewe ku mabwiriza agena gutabara aho rukomeye mu bikorwa byo gushyigikira amahoro mu karere.
Ibihugu binyamuryango bya EASF birimo u Rwanda u Burundi, Ibirwa bya Comores, Djibouti, Ethiopia, Kenya, Seychelles, Somalia, Sudani na Uganda.

EASF igira inzego zitandukanye, aho Inteko Rusange ari rwo rwego rukuru rugizwe n’abakuru b’ibihugu na za Guverinoma. Iyo Nteko Rusange igira Umuyobozi Mukuru uba ari Umukuru w’Igihugu kinyamuryango.

Inteko rusange ikurikirwa n’Inama y’Abaminisitiri b’ingabo muri ibyo bihugu, na yo igakurikirwa na komite y’abagaba b’ingabo b’ibyo bihugu, urwego rwa kane rukaba ubunyamabanga bugira uruhare mu ishyirwa mu bikorwa ry’ibikorwa bya EASF.

Mu 2014 ni bwo EASF yabonye ubushobozi bwose butuma ijya gutanga umusanzu wose usabwa aho ikenewe mu buryo bwa nyabwo.

EASF kuva mu 2021 yahaye amahugurwa abasivile 455 n’abapolisi 888 bo muri ibyo bihugu.
Hahuguwe kandi abasilikare 788 mu buryo bwo kubaka igisirikare gishoboye ndetse gishobora gutabara aho rukomeye mu bihe bibaye ngombwa.

EASF kandi igira uruhare mu gufasha urubyiruko kunguka ubumenyi bujyanye no kwimakaza amahoro aho kugeza ubu abarenga 1400 bo mu bihugu 10 binyamuryango bahawe ubwo bumenyi.

Mba mvuga nti uwo nakoreye mu kinyamakuru natinda kunyishyura, uwo nadodeye umwenda azanyishyura. Mu Kinyarwanda bavuga ko ubuze ay’I Buryo akama ay’I Bumoso ngira ngo hose tuba dushakisha.

Iduka ryanjye Scovia Fashion Shop ryatangiye nyuma ya COVID-19, rigiye kumara imyaka ine rikora.

Ncuruza imyenda, ariko akenshi twibanda ku yo twadoze, kuko harimo abatayeri. Dushobora kudodera imyenda amaresitora, amahoteri… ku buryo njya mvuga nti ayo ngayo macye iyo yabonetse, ay’itangazamakuru atabonetse nabaho.

Tugira abantu batajya batekereza bati “uyu munsi ndamutse nsohotse muri ibi nkora najyahe? Kuko mu myaka mirongo itandatu umuntu ashobora kuba ananiwe, kandi koko umubiri ujya ugira ibibazo byinshi. Ni yo mpamvu natekereje iri duka mvuga nti igihe nzaba naniwe itangazamakuru, aka kazi nshobora kugakora kuko katantegeka amasaha.

Kuko ikinyamakuru n’amakuru bintegeka amasaha, igihe n’ahantu mu gihe mu iduka ho nshobora kugendera igihe nshakiye hari undi, n’ubwo no mu kinyamakuru bishoboka ko haba hakora undi, ariko ndamutse nyoboye ikiganiro, nta wansimbura.

Uko imyaka insunika, hari aho nzagera, nkumva ko ngomba kubyukira amasaha runaka. Ibyo binsunikira mu zindi mbaraga zidasa n’izo nari ndimo z’itangazamakuru.

Ese koko “imirimo ibiri yananiye impyisi’?

Jyewe ntabwo kuba nkora ibintu bibiri bivuze ko akazi kose ari jye ugakora. Sinkora Facture, sindi umutayeri, ibyo byose simbikora jyenyine.

Jyewe nkora Leadership, ngahuza abakora iyo mirimo n’Abakiriya. No mu itangazamakuru ni ko bimeze. Amakuru ashingiye ku kuyashaka no kuyatunganya.

Igihe bamwe bayashaka, nanjye mba nshaka Abakiriya. Haba ikibazo ndamutse nibwiye ko byose ari jye uzabyikorera. Iyo ukorana n’abandi ugenda ubaha inshingano.

Ntabwo wakora ikintu kimwe umwaka wose nta kivamo. No mu itangazamakuru tujya tuvuga ko nta kirimo. Birashoboka ko hatari ibihagije, ariko abaye atarimo tuba twaratashye twese.
Sinatanga Turnover mu kinyamakuru, ariko sindi mu gihombo.

Nzakora indi business mvuye mu itangazamakuru, cyangwa ngabanyije ibyo nkora mu itangazamakuru. Naho ubundi, mfite aho nshyira amafaranga hunguka, hikuba, kugira ngo icyo gihe nikigera nzabikore mfite igishoro bitamvunnye.

Bijya gusa n’imigabane, ariko hari n’indi mitungo umuntu yizigamamo, yunguka kandi.

Umurimo unoga iyo uwushyizeho umutima, kandi biragoye ko washyira umutima w’ijana ku ijana ku bintu bibiri. Usanga hamwe uhashyize 60 ahandi mirongo ine. Kugira ngo business yawe igende neza, ugomba kuyiha umutima ukayiha amasengesho, ugakorikirana ikintu ku kindi, akamenya uko urangura, akamenya uko acuruza, akamenya isuku y’aho ukorerakorera, akagira network n’abakiriya, ukabakunda ukabitaho.

Ndetse burya n’abahinzi ni uko bigenda, baragenda bakaba inshuti n’ibihingwa, bakaba inshuti n’ubusitani burimo imyembe n’amaronji…iyo ubikoze gutyo birera.

Kwa Kundi bavuga ngo Abapadiri urutoki rwabo rurera. Ni uko babibamo n’umutima wabo na Roho yabo, bakabiha n’amasengesho, jye niko mbyita. Ubu se nk’umunyamakuru, ufite business ukajya mu ntara ukamarayo igihe, wamenya ute uko gapanze?

Kereka wenda iyo ufite uwo mwashakanye akaba ari we ubikurikirana, ariko icyo gihe business iba ari iy’uwo mwashakanye, iba atari iyawe.

Ikibazo kiri muri sosiyete yacu, ni ukubona uwo wakwizera ukabishinga. Mu Rwanda akazi ntikabuze, habuze abantu bo kwizerwa. Usanga umuntu afite amafaranga ariko akayarekera kuri konti kuko yabuze umuntu yakwizera, n’iyo yaba mwene wabo…barabyiba, cyangwa bakabirangaramo bavuga bati “ibi si ibyanjye.” Abizerwa ni bake, kandi bituma hatavuka indi mirimo mishya.

Hari nk’igihe ushaka umuntu ngo aguhingire muri iyi Kigali, akagusibira. Imishahara ni ukwizirika umukanda cyangwa ukamesa kamwe,

Abenshi batekereza ko nta gisubizo cyabyo, usibye kwiyahura, kwiheba, kuzinukwa, kugira uburwayi bwo mu mutwe, kwangwa no gutereranwa n’umuryango n’ibindi.

Umugabo twahaye izina rya Karekezi, utuye mu Karere ka Nyagatare muri Karangazi, ni umwe mu bahuye n’ikibazo gikomeye, dore ko yahombye agera kuri Miliyoni 40 z’amafaranga y’u Rwanda ayitangiye ntawe umwibye.

Mu gahinda amaranye imyaka, umva uko yihekuye.

Agira ati: “Guhomba nanjye byambayeho, muri 2019. Nacuruzaga ibikoresho by’ikoranabuhanga.Twakoraga nk’itsinda ariko tudahuje igishoro ndetse tudasangiye inyungu”.

Karekezi akomeza agira ati: “Muri make icyo twahuriragaho ni uburyo bwo kurangura cyangwa gutumiza imari, kuko umwe muri twe niwe twashakiraga amafaranga y’urugendo maze akajya kutuzanira imari i Dubai”.

Igice kibabaje muri iyi nkuru kurushaho n’uko kuva icyo gihe umwe muri bo wari utahiwe yahawe Miliyoni 40 ngo ajye kurangura agenda uwa mperezayo, ariho isi y’amaganya n’icuraburindi yatangiye ku bagize itsinda.

Iryo tsinda ryakoreraga hamwe uko bari batanu, babiri bari abavandimwe, batatu bakaba ababyara, nyuma yo kutakira ibyo umuvandimwe yabakoreye byabaye ibibazo kurushaho.

Umwe yahisemo kwiyahura

Karekezi wadusangije iyi nkuru irimo umuvandimwe n’ababyara be bari barahisemo gushinga itsinda ngo babone urwunguko vuba, banateza imbere umuryango yadusobanuriye ingaruka zabagezeho, umwe akahasiga n’ubuzima.

Ati: “Uwo amaze kugenda agakuraho imirongo yose twamubonaho, twatanze ikirego mu muryango wa Polisi Mpuzamahanga (Interpol) n’ubu ntaraboneka kandi yasize umugore n’abana”.

Akomeza agira ati: “Nyuma yaho, umwe muri twe yananiwe kubyakira aza kwiyambura ubuzima arapfa, undi yagize ihungabana rikabije ku buryo afata imiti yo kwa muganga, undi yamaze gukurizamo uburwayi bwo mu mutwe”.

Akomeza agira ati: “Ayanjye yantwaye muri rusange ni miliyoni 40 y’u Rwanda, nasigaranye amafaranga atageze no ku ibihumbi 500, byangizeho nanjye ingaruka ariko mbifatirana vuba”.

Ese umuntu akwiye kwitwara ate mu gihe byanze?

Icya mbere, kwemera uko ibintu byagenze.

Umuntu akwiye kwemera ko byanze, aho kubihakana cyangwa kwishinja bikabije. Kwemera ni intambwe ya mbere imufasha gutangira gutekereza ku cyakorwa gikurikiyeho.

Icya kabiri, kwirinda gucika intege

Nubwo gutsindwa bibabaza, si byiza guheranwa nabyo. Ahubwo umuntu akwiye kwibutsa ko gutsindwa ari igice cy’ubuzima kandi ko ari amahirwe yo kwiga no gukura.

Icya gatatu, gusesengura icyateye gutsindwa

Ni byiza kwisuzuma ukamenya impamvu byanze: ese ni ukubura ubumenyi, igihe kidahagije, cyangwa uburyo bwakoreshejwe butari bwiza? Ibi bituma umuntu amenya aho yakosora ubutaha.

Icya kane, gushaka inama no kwigira ku bandi

Kuganira n’abantu bafite ubunararibonye bishobora gufasha kubona ibitekerezo bishya no kubona aho umuntu yakosoye.

Icya gatanu, kongera kugerageza

Nyuma yo kumenya aho byapfiriye, ni ingenzi kongera kugerageza ufite imbaraga nshya n’uburyo bwiza kurushaho. Gutsindwa si iherezo, ahubwo ni intangiriro y’intsinzi.

Icya gatandatu, gukomeza kugira icyizere

Kwizera ko ejo hazaza hashobora kuba heza bituma umuntu akomeza gukora n’umutima ukeye.
Mu magambo ya Karekezi, yagaragaje bimwe mu byamufashije kutisanga yiyambuye ubuzima, ihungabana cyangwa agahinda gakabije.

Agira ati: “ibi byaramfashije, gusuzuma uruhare rwanjye muri iki kibazo, kwirinda kuba njyenyine, kuganira n’inshuti igihe kirekire, guhura n’abajyanama, kwiyumvisha ko ubuzima bwe ari ubw’agaciro”.

Ikindi kandi agira ati “Gusenga no kwizera Imana ishobora byose byaramfashije. Nabashije kumenya ko guhomba atari ugutsindwa burundu, ahubwo ni amahirwe yo kongera gutangira neza kurushaho”.

Mu gihe byanze, ngo icy’ingenzi si ugutsindwa ubwabyo, ahubwo ni uko umuntu abyitwaramo.

Kwemera, kwigira ku makosa, no kongera kugerageza ni byo bituma umuntu agera ku ntsinzi. Nk’uko bavuga, “utsindwa si uwaguye, ahubwo ni uwabuze kubyuka.”

Bimwe mu bishobora gutera umuntu kwiyahura harimo indwara zo mu mutwe, agahinda, ibibazo birimo umunaniro uterwa n’ishuri cyangwa n’akazi, indwara zidakira, kwiheba n’ibindi.

Abatuye mu gece icyo kigo giherereyemo bavuga ko abashinzwe imiyitwarire y’abanyeshuri (Animateur na Animatrice), bahise batabwa muri yombi, uwo munyeshuri w’imyaka 20 agahita ajyanwa kwa muganga kugira ngo yitabweho.

Mu kiganiro BURAKEYE cya KT Radio, Umuyobozi w’ishuri Kibisabo TSS, Ntamugabumwe Faustin, yemeje aya makuru, ati: “Ni byo koko, uyu munyeshuri wari mu wa 6 wisumbuye, mu Ishami ry’ubuvuzi bw’amatungo, yararaga hejuru ku gitanda kigerekeranye, nta na rimwe yagaragaweho ikimenyetso cy’uburwayi cyangwa utwite, bavuye muri etude (mu gusubiramo amasomo), bagenzi be bahuruje bavuga ko uwo mukobwa ari gutaka cyane kubera imihango”.

Ntamugabumwe akomeza agira ati: “Muganga ahageze azi ko agiye kumujyana kwa muganga bisanzwe, asanga amaraso menshi ndetse duhita tubona indobo mu bukarabiro, yarimo uruhinja atwikirizaho imyenda, ariko mu kurukangura basanga rwapfuye. Muganga yihutiye gutabara uwo munyeshuri kuko yari afite ikibazo cy’ingobyi ya nyuma yari itarasohoka, bamufasha kuyikuramo maze ajyanwa kwitabwaho ku Kigo Nderabuzima cya Birembo, uruhinja rujyanwa mu buruhukiro”.

Uyu munyeshuri bivugwa ko yakuyemo inda, akomoka mu Murenge wa Shyira, Akagari ka Mutanda.

Uyu muyobozi ahamya ko batunguwe no gusanga atwite, kuko atigeze akorora, nta gicurane cyangwa ubundi burwayi, ndetse ko n’ababyeyi be ubwo bari bamaze kubimenyeshwa batunguwe, cyane ko ubwo yari mu biruhuko by’igihembwe cya mbere nta wamenye ko atwite, gusa bihutiye kuza kumurwaza aho ari kwa muganga.

Ibisa nk’ibi byabereye kandi mu ishuri ryisumbuye rya G.S Camp Kigali riherereye mu Karere ka Nyarugenge, aho umunyeshuri w’imyaka 16 wigaga mu mwaka wa kane w’amashuri yisumbuye (S4 HGL) abyariye mu kigo cy’ishuri nta n’umwe wari warigeze abikeka mu kigo cyangwa ababyeyi be.

Mu butumwa bw’uyu muyobozi, yagaragaje ko hari ingamba bagiye gufata zirebana no gukurikirana ubuzima bw’abanyeshuri. Ati: “Tugiye gufata ingamba zo gukurikirana umunota ku munota nibiba ngombwa tujye tubapimisha inda bagitangira igihembwe, kugira ngo tumenye ubuzima bwabo”.

Imibare y’Ikigo cy’Igihugu Gishinzwe Ibarurishamibare (NISR), mu bushakashatsi bwa DHS 7 buheruka bwerekanye ko mu mashuri yisumbuye, abangavu 4% baterwa inda.

Ni impanuka yabereye mu Murenge wa Muhanga, Akagari ka Remera mu Mudugudu wa Kiyoro, aho ibyitwa ibidanga by’ahacukurwa amabuye y’agaciro byabomotse bigwira abantu batanu, bane bahasiga ubuzima, harokoka umwe ari na we watanze amakuru y’ibyabaye.

Mu kiganiro kuri telefone, n’Umunyamabanga Nshingwabikorwa w’Umurenge wa Muhanga, Dusabimana Telesphore, yemeje aya makuru ati: “Ni byo koko hapfuye bane, ahagana saa yine z’ijoro kuri uyu wa 12 Werurwe 2026 nibwo twabimenye nk’ubuyobozi. Umwe yarokotse ariko bane bahasize ubuzima”.

Dusabimana akomeza avuga ko abo bantu bari bagiye gukorera ubucukuzi bw’amabuye y’agaciro ahantu hatemewe, ariko ko byatewe n’imvura nyinshi imaze iminsi igwa. Ati: “Ubwo hagwaga imvura nyinshi, hamanutse amabuye n’ibiti nk’uko umuvu umanuka, bitwaramo bane bitaba Imana, undi bari kumwe ararokoka ari na we watangaje amakuru”.

Dusabimana asaba abaturage kubahiriza ingamba ziba zarashyizweho zo kurinda ubuzima bwabo, ati: “Turakomeza ubukangurambaga bwo kubibutsa ingaruka zo gucukura mu buryo butemewe”.

Mu gace kabayemo iyi mpanuka, Gitifu Dusabimana ashimangira ko hari imiterere mibi y’ishyamba n’imigezi kandi ko hataboneka abakora uburinzi mu bice byose, bityo ko buri muturage akwiye kumva neza ko adakwiye kwishora mu bikorwa bishyira ubuzima bwabo mu kaga.

IMPALA ni uburyo bukoresha ikoranabuhanga mu gukurikirana ikibazo cyavuka ku impinja zavutse zitagejeje igihe, abana bato n’ababyeyi ariko kandi iryo koranabuhanga rigafasha abaganga mu kuvumbura no kubungabunga ubuzima bwabo.

Nk’uko bisobanura mu ndimi z’amahanga, ‘IMPALA’ mu magambo maremare ni Innovative Monitoring-system for Pediatrics in Low-resource settings: an Aid to save lives, ugenekereje mu Kinyarwanda akaba ari uburyo bugezweho bwo gukurikirana ubuzima bw’abana mu mavuriro afite ubushobozi buke, hagamijwe gukiza ubuzima.

Iyi nkunga yatanzwe muri gahunda GOAL 3, ya IMPALA ku bufatanye n’inzego z’ubuzima mu Rwanda.

Uruhare rwa Goal 3 mu gukiza amagara y’abana, rushimangirwa n’ababyeyi babyara abana batagejeje igihe bitewe n’impamvu zitandukanye ndetse n’abaganga barikoresha mu gukiza.

Uwamahoro Patricie, umubyeyi w’abana babiri, avuga ko yaje ku Bitaro bya Nyamata, biri mu karere ka Bugesera, inda ifite amezi atandatu aribwa mu nda ahageze bamubwira ko agomba kubyara kugira ngo bakize umwana, bimutera ubwoba. Ati: “Bambwiye ko umura wifunguye kandi ngomba kubyara, ariko ngira ubwoba kuko numvaga uwo mwana w’amezi atandatu atazabaho, ariko abaganga banyitayeho pe ubu umwana wanjye akomeje kwiyongera ibiro, igisobanuro ko nzataha vuba”.

Usibye kuba uyu mubyeyi yaragaruye icyizere ko umwana we agomba kubaho, akomeza ashimira leta na Goal 3 yazanye ikoranabuhanga rifasha abaganga kwita ku bana baba bavukanye ibibazo bitandukanye. Ati: “Leta ni umubyeyi, yarakoze kwimakaza ikoranabuhanga, ibyafunguye amaso y’abafatanyabikorwa kumenya ubuyro bagomba gushora mu rwego rw’ubuzima kugira ngo batabare ubuzima bw’abaziranenge baba bavutse. Rwose Goal 3 ikomeze ifashe leta kuko yatuzaniye ibitangaza”.

Iyo umubyeyi yabyaye umwana utagejeje igihe cyagenwe cy’amezi 9 bitewe n’impamvu zitandukanye, akenshi bamwe usanga nta mizero bafite ko uwo muziranenge azabaho cyangwa nyina n’ibindi bicantege.

Ushinzwe abaganga muri serivise za Néonatologie aharwarira abana bavutse kugeza ku minsi 28 na Pediatrics irwariramo kuva ku minsi 28 kuzamura, Mujawamariya Laetitia, avuka ko Goal 3, ari igisubizo mu buvuzi bw’abana bityo ko aho bishoboka bakwiye gukwirakwiza ibikoresho bifashisha mu kuvura abana mu bitaro byose mu Rwanda.

Mujawamariya akomeza agira ati: “Goal 3, ni umufatanyabikorwa mwiza wadufashije cyane mu buzima.Ubusanzwe abaganga ni bake byagera mu bitaro by’impinja bikaba akarusho,rero tumuvuga imyato kuko monitor na tablets baduhaye bidufasha kumenya umwana ugize ikibazo mu gihe umuforomo ari mu bindi, bityo akajya kumureba azi neza ikibazo agize, bikagabanya imfu z’abana”.

Umwe mu baganga umaze imyaka irenga 20 mu buvuzi, nawe agaragaza akamaro k’izimashini zibafasha gutabara ubuzima bw’impinja ku gihe. Ati: “Abana bake tugira ku munsi ni 35 kugera kuri 55, kandi abakozi bakora muri iyo serivise ni bane gusa.Uruhinja ruryamye muri Néonatologie rukenera byinshi birimo kugaburirwa, kongererwa umwuka, gusuzumwa ibihaha, umutima n’ibindi. Rero izo mashini dufite mu gihe uri kwita ku mwana wundi, uwasigaye ku mashini iyo abonye ko hari umwana ugize ikibazo sisiteme ihita ibimwereka akamugeraho vuba kuko iyo utinze gato usanga apfuye”.

Aba baganga bakorera muri izi serivise mu bitaro bya Nyamat all bagaragaza ko iri koranabuhanga rizafasha mu kugabanya imfu z’abana ndetse n’ubufasha baha aba bana bwihute cyane.

Dr Cyrille Ntahompagaze, ushinzwe igice cyo kuvura mu Bitaro bya Nyamat all, ashimira abafatanyabikorwa mu mushing awa Goal 3, kuko watanze icyizere ku babyeyi baba bihebye batekereza ko kuba babyaye umwana utagejeje igihe bisobanuye urupfu.

Bamwe mu babyeyi twaganiriye bari baramaze kuvana abana babo muri Néonatologie ariko bagikurikiranwa n’abaganga bagize bati: “Bakimbwira ko mfite ikibazo ngiye kubyara umwana w’amezi 7 ufite ikilo kimwe, nibazaga niba azabaho ariko do yarakuze ameze neza nubwo tutarataha rwose.Leta, abaganga n’abafatanyabikorwa, barakoze kuko badufasha turi benshi kandi abana bacu bakabaho”.

Dr Cyrille avuga ko kandi ubusanzwe ibi bitaro biza ku mwanya wa mbere mu kugira abana benshi bavuka ariko kandi bikaba ibya mbere mu gupfusha abana benshi ariko iri koranabuhanga bakizera badashidikanya ko rizakomeza gukemura ibyo bibazo

Dr Cyrille ati: “ku kwezi tugira ababyeyi barenga 700 babyarira hano, harimo ababyara abana bananiwe, abatujuje igihe n’ibindi.Muri abo abapfaga mu kwezi bari hagati ya 14 na 16 ariko tumaze kubona Goal 3, ntabwo twishimye ariko uruhare rwa muganga rurakorwa ndetse ubu imibare yatangiye kugabanuka kuko abapfa mu kwezi bari hagati ya 6 na 11”.

Innovative Monitoring-system for Pediatrics in Low-resource settings: an Aid to save lives (IMPALA) bakorera mu bitaro bitandukanye aribyo;Nyamata ll, Rwamagana, Kabutare, CHUK na Kirehe.

IMPALA mu mushinga wayo Goal 3, igaragaza ko yatanze imashini zirenga 100 zikoreshwa muri Néonatologie, Pediatrics n’aho babyariza, ku bufatanye na Minisiteri y’Ubuzima, hashingiwe ku bibazo bikunze kuboneka mu bitaro byo muri Afurika.

Ni imashini zifite ubushobozi bwo gukora amasaha 24 /24, zikabika umurimo wakoreshwa amasaha 10 mu gihe amashanyarazi yaba yagiye.

Umuyobozi w’Urwego rw’Abanyamakuru bigenzura (RMC) akaba n’umuyobozi w’igitangazamakuru Mama UrwaGasabo, Mutesi Scovia, avuga ko kwizihiriza uyu munsi muri East African University Rwanda, biba bigamije kurema imbaraga mu banyeshuri by’umwihariko abakobwa bashaka gukora uyu mwuga. Ati: "Tugamije kubaremamo imbaraga zo gutinyuka gukora uyu mwuga, kuko hari imbogamizi zo kuba muri Kaminuza zigisha itangazamakuru mu Rwanda, abawurangijemo baba ari benshi ariko byagera mu kazi tukababura kuko bagiye gushakisha indi mirimo ishamikiye ku itangazamakuru".

Scovia akomeza agira ati: "Nk’ubu tuba tubigisha tubasobanurira ko muri uyu mwuga harimo ubuzima, cyane ko dukuramo ibidutunga n’imiryango yacu, ariko kandi tukabikora tubikunze tugamije gutunganyiriza abaturage".

Mutesi Scovia yaganirije abagore biga itangazamakuru abereka ko ari umwuga mwiza bakwiye gukunda

Bamwe mu batanze ibitekerezo byabo mu banyeshuri, bakomeje kubaza uko akazi kanozwa neza, imbogamizi mu kwimenyereza umwuga ariko bibutswa ko mbere na mbere ari bo bagomba kwishakira ibisubizo bereka abo basanze n’abakoresha icyo bashoboye, bityo bagaheraho babafasha.

Umwuga w’itangazamakuru witwa akazi kimwe nk’akandi ariko wo ukagira inshingano ku muturage, aho uwukora asabwa kudatwarwa n’amarangamutima, akibagirwa inshingano ku muturage.

Mu bushakashatsi bwakozwe n’ibigo bitandukanye ku mpamvu zituma abiga itangazamakuru batarangiza ngo barikore, harimo ARFEM, Media High Council, hagiye hagaragazwa imbogamizi zitandukanye zituma abarangije kuryiga bashakira imibereho ahandi.

Mutesi Scovia agaruka kuri ubwo bushakashatsi, yagize ati: "Imiterere y’akazi kacu n’umuco wacu, usanga bisa nk’aho hari imirimo abagore bahariye abandi, gusa ubu basigaye bagerageza nubwo abagore ubona ko batangana n’abagabo bari mu mwuga w’itangazamakuru. Hajemo imbogamizi kandi y’uburyo aka kazi gashobora guteza amakimbirane mu ngo kuko wenda umugabo yumva ko utataha nijoro ngo uvuye gusoma amakuru n’ibindi birebana n’akazi. Iyo tuje aha rero aba ari umwanya mwiza wo gutegura barumuna bacu, kwiga bakunze umwuga ariko kandi bazi ikiri hanze ku buryo batazatungurwa bakisanga babivuyemo"

Ingabire Egidie Bibio, Umuyobozi w’Umuryango w’Abagore bakora itangazamakuru mu Rwanda (ARFEM), agaragaza ko hari byinshi byo kwishimira ku kuba umugore ari umunyamakuru. Ati: "Mbere na mbere twishimira kuba hari abagore b’abanyamakuru, bakemera gutanga amakuru ndetse no kuvuga muri rusange. Twishimira kandi ko imyumvire y’umuryango Nyarwanda ku mugore ukora itangazamakuru igenda ihinduka, ntawe ucyitwa amazina runaka kubera ko yatinyutse".

Akomeza avuga ko kuri ubu umugore areberwa mu cyo yakoze kandi ko ibyo bikomeza ababyiruka kugira ngo bizabafashe kunoza umwuga neza.

Ingabire Egidie Bibio avuga ko mu byo bishimira harimo kuba imyumvire y’umuryango Nyarwanda ku mugore ukora itangazamakuru igenda ihinduka

Nubwo Ingabire avuga ibyo, agaragaza ko hari ibigikenewe gukorwa kuko ari henshi hakigaragara, abakobwa bakora uyu mwuga bahozwa ku nkeke y’ababashakaho ishimishamubiri n’ibindi.

Avuga ko ARFEM yahisemo kwizihiza Umunsi Mpuzamahanga w’Umugore muri iyi kaminuza ya EAUR, kubera ko hari abiga itangazamakuru by’umwihariko abagore, hagamijwe kubereka ko hari bakuru babo babategereje hanze mu biganiro bikomeye, amakuru, ibiganiro bicukumbuye n’ibindi.

Ubwo Umuvugizi wa Guverinoma Wungirije, Jean-Maurice Uwera, yavugaga ku isura y’imiyoborere myiza u Rwanda rufite uyu munsi, yagize ati: “Ese ni iyihe shusho y’imiyoborere myiza twavuga uyu munsi mu myaka 32 ishize itandukanye na mbere ku bwa Burugumesitiri ufatwa nka Meya uyu munsi”.

Umuyobozi Mukuru w’Urwego rw’Igihugu rw’Imiyoborere (RGB), Dr Uwicyeza Doris Picard, yagaragaje ko ishusho y’imiyoborere mu Rwanda yahindutse cyane, ati: “Ishusho y’Imiyoborere mu Rwanda yarahindutse cyane, itandukanye n’iya ’cachot, cachet na cash”.

Iyi miyoborere yo mu gihe cya Burugumesitiri, bivugwa ko iyo uyu muyobozi yaguhamagaraga, wasigaga uhamagaje ikiringiti na kamambili kuko hari ubwo utatahaga. Icyo gihe kandi Burugumesitiri ni we wagiraga ’cachot, cachet na cash mu biganza bye.

Mu gusobanura Imiyoborere y’u Rwanda mu myaka 32 ishize, yasobanuye ko Igihugu cyahisemo imiyoborere myiza usanga mu buzima bw’umuturage, serivise akayihabwa neza ku gihe kuburyo umuturage yumva neza ko ijwi rye ryubashywe kandi arinzwe.

Dr Uwicyeza uyoboye RGB, akomeza agira ati: “Amateka yacu ni mabi cyane, aho mbere ya Jenoside yakorewe Abatutsi, hari imiyoborere mibi, serivise zidakora naho zikoze zigatanga serivise zivangura.Nyuma yayo rero twubatse Igihugu kirengera umuturage no gutanga serivise tutavangura. Buri mwaka dukora ubushakashatsi bugaragaza uko duhagaze mu miyoborere no mu mitangire ya serivise, kandi iyi ni gahunda twihitiyemo nk’Abanyarwanda”.

Akomeza avuga ko hubatswe uburezi bufite ireme bujyanye n’ibikenewe ku isoko ry’umurimo, aho umwana ahabwa ubumenyi ariko kandi hakarebwa niba koko ubumenyi yahawe bujyanye n’ibihe isi igezemo ku buryo bumuha akazi.

Agaruka kandi ku bufatanye bw’inzego z’ubuyobozi n’umuturage, akoresheje urugero yagize ati: “Hagati yo muri 2008 na 2011, u Rwanda rwakuye abasaga Miliyoni mu bukene ndetse amahanga yabifashe nk’ibitangaza. Ubushakashatsi bwagaragaje ko byagezweho kubera uruhare rw’umuturage kubera ko binjiraga mu igenamigambi, muri gahunda za leta, cyane cyane nka gahunda ya Gira inka, cyangwa kubakira abatishoboye”.

Nyuma y’icyorezo Covid-19, byagaragaye ko nubwo abaturage bitabira gahunda za Leta cyane cyane mu rubyiruko, byagabanutse ariho yahereye asaba umusanzu wabo.

Dr Uwicyeza yagize ati: “Twese turi abafatanyabikorwa, uko abaturage bitabira Umuganda, urubyiruko ndarushishikariza kwitabira gahunda za leta kuko iyo bitabiye hakazamo ijwi ry’umuturage wabigizemo uruhare utari umugenerwabikorwa ahubwo umufatanyabikorwa w’umushinga w’icyerekezo 2050, ugamije kugeza u Rwanda kure kandi byihuse”.

U Rwanda ruherutse kuza ku mwanya wa 14 muri Afurika muri raporo isesengura imiyoborere myiza izwi nka Ibrahim Index of African Governance (IIAG), rushimirwa imbaraga zashyizwe mu gusigasira umutekano n’ituze rusange ry’abaturage n’iyubahirizwa ry’amategeko.

Iyi raporo yashyizwe yatangajwe hashingiwe ku ngingo z’ingenzi enye kuri buri gihugu muri 54 bigize umugabane wa Afurika zirimo ibijyanye n’umutekano n’iyubahirizwa ry’amategeko, ibijyanye n’iterambere ry’ubukungu, uburenganzira bwa muntu kandi budaheza no guteza imbere imibereho myiza n’ubumenyi by’abaturage.

Muri rusange, imiyoborere y’u Rwanda yahawe amanota 58,7%. Ibijyanye n’umutekano n’iyubahirizwa ry’amategeko u Rwanda rwagize amanota 65,9%, ibijyanye n’iterambere ry’ubukungu bigira amanota 64,1%, uburenganzira bwa kuntu kandi budaheza bugira amanota 42,5% naho guteza imbere imibereho myiza n’ubumenyi by’abaturage bigira 62,3%.

Ni ikibazo by’umwihariko cyagarutsweho na Rwiyemizamirimo Sheilla Muvunyi, wagaragaje ko yagiye asiragizwa kenshi arimo gushaka ibyangombwa by’ubucuruzi.

Sheilla Muvunyi yagize ati: “Ndi rwiyemezamirimo ubimazemo imyaka itandatu. Ariko hari ibyangombwa nagombaga kuzuza nuzuza bimwe nziko birangiye nyuma y’ibyumweru bitatu nari nahawe ngomba gusubirayo bambwira ko ngomba kuzuza ibindi, mbajije impamvu bambwira ko batari bumvise neza ibyo nshaka ariko ngo ubwo babyumvise. Mu byukuri numva niba turi mu isi yihuta mbere yo kuntuma ibinkerereza kuki mutaha umwanya ubagana mukabanza gusobanukirwa ibyo yifuza birebana n’ibyo agomba gukora mukabona kumubwira ibyo asabwa kugira ngo ahabwe serivise?"

Ibi umukuru w’Igihugu yahise asaba inzego bireba kwihutira gusubiza icyo kibazo kuko ibirebana na serivise itanoze bivugwa kenshi kandi ko hagiyeho One Stop Center hagamijwe ko ikemura ibyo bibazo.

Jean-Guy K. Afrika, uyobora RDB, yasabye Muvunyi watanze iki kibazo ko yazegera One Stop Center, bakamufasha gukemura icyo kibazo.

Perezida Kagame yahise agira ati: “Mukwiye gusubiza iki kibazo byihuse kuko ahari ikibazo nuko iyo One Stop Center idakora, kuki rero, ntabwo muzatanga serivise kuri buri wese wahura n’imbogamizi, mu mutumira hakwiye kuba hari ubishinzwe hagasobanurwa ibikwiye ataje kubibaza agasiragizwa”.

Umukuru w’Igihugu yasabye Minisitiri w’Intebe, kwihutira gukemura iki kibazo byihuse kuko hatakemuka ikibazo kimwe ahubwo sisitemu yose igomba gukosorwa bityo ntihagire usiragizwa.

Umukuru w’Igihugu akomeza gushimangira kandi ko ibibazo biba byaravuzwe bidakwiye kugaruka ahubwo biba bigomba kuba byarakemuwe kera hagakomeza ibindi bikorwa bigamije guteza imbere abaturage.

Yasabye inzego zibishinzwe kubikemura ati: “Ntabwo twahora dusubira mu bintu nyuma y’imyaka icumi tugatangira bundi bushya, ibyariho mbere hose byakoraga gute?"

Ibi biza bishimangira ibyo Umukuru w’Igihgu yavuze kandi ubwo yatangizaga Inama y’Igihugu y’Umushyikirano ya 20, aho yagaragaje ko hari imishinga itangizwa ariko ikabura gikurikirana nyuma igahagarara kandi iba yarashowemo akayabo cyangwa ugasanga ikora nabi.

Yashimangiye kandi ko ikigezweho kuri ubu aruko abatubahiriza inshingano, bazajya babibazwa aho guhora mu bintu bimwe.

Inama y’Igihugu y’Umushyikirano, yitabirwa n’Abanyarwanda bahagarariye ibyiciro bitandukanye bigizwe n’Abayobozi, Abanyarwanda baba mu mahanga, abahagarariye ibihugu n’Imiryango Mpuzamahanga, abafatanyabikorwa mu iterambere hamwe n’abahagarariye ibitangazamakuru bitandukanye harimo ibyo mu karere u Rwanda ruherereyemo n’ibyo ku rwego mpuzamahanga.

Bruce Melodie yasobanuye ko usibye kuba umuziki ari umurimo utunga uwukora ariko uko ukura ni nako utanga umusanzu wa 5% mu kubaka u Rwanda kandi bifuza gutanga uwisumbuyeho.

Uyu muhanzi agaragaza ko umuziki winjiza mu madovize, ati: “Ni twe ngagi kuko umuziki winjiza mu madovise kandi ntidukenera Visa ngo tujye gucuruza umuziki ahubwo umuntu wese ufite murandasi aradukurikira, ibitaramo mpuzamahanga twitabira twishyurwa mu madovize, rero twifuza ko ubuhanzi bwakongerwa mu Bukerarugendo kuko bwakurura benshi bityo n’abitabiriye bakajya banyurwa”.

Uyu muhanzi umaze imyaka mu ruganda rwa muzika, avuga ko umuhanzi ubikora kinyamwuga akwiye kugaragaza amashusho y’Igihugu kandi ko byatanga umusaruro ati: “Ubuhanzi ni uburyo bundi bwo kugaragaza no kwamamaza Igihugu cyacu tukakimenyekanisha uko kigaragara bidakozwe n’abanyapolitiki gusa mbese bigakorwa nk’uko yabikoze mu ndirimbo Fou de Toi, Pom Pom yakoranye na Diamond ndetse na Abu Dhabi”.

Umukuru w’Igihugu yabajije Bruce Melodie ikibazo gihari gituma imbuga nkoranyambaga zidatanga umusaruro ku rubyiruko rukorera mu Rwanda, bigasaba ko umuntu yiyitirira kubanza kujya ahandi.

Mu gusubiza, byavuzwe ko hakenewe ubuhanga bwa tekinike byakorwa na Minisiteri y’Ikoranabuhanga. Ati: “Hari ibyo twujuje nk’Igihugu, birimo kubahiriza amabwiriza, hakazamo ibyamamazwa kuri izo mbuga nkoranyambaga byo ntitubyujuje. Rero kuyizamura birasaba ko ibigo bitandukanye byajya byamamaza ku mbuga za Meta kugira ngo bifashe mu gutanga umusaruro watuma abakoresha imbuga nkoranyambaga zibabyarira umusaruro bitagombye ko abazikoresha bajya mu mahanga”.

Ni mu isomwa ry’urubanza, mu rukiko rwisumbuye rwa Nyarugenge ruherereye i Nyamirambo, kuri uyu wa Gatatu tariki 4 Gashyantare 2026.

Nk’uko byasubirwagamo n’Urukiko ku birebana n’ibyaranze impande zombi mu iburanisha ry’ifunga n’ifungurwa ry’agateganyo, Dr Manirakiza mu bihe bitandukanye kuva muri Kamena umwaka ushize wa 2025 yagiye akora imibonano mpuzabitsina n’abana batandukanye ariko kuri iyi nshuro akaba ashinjwa n’uwakorewe icyaha wahawe izina MBB mu rwego rwo kumurinda.

Uyu mugabo Manirakiza, gusambanya uyu MBB, ntiyabyigejejeho kuko byagezweho nyuma yo guhabwa nimero n’umwe mu bo bakurikiranwe hamwe ariko kandi bakaba itsinda ryari risanzwe rigendana na MBB.

Iryo tsinda rero ni abakobwa bari mu kigero cy’imyaka kuva kuri 18 kugeza 21, aho na bo hari abaryamanaga na Dr Manirakiza, ariko nyuma akabaha za misiyo zo kumushakira abana b’abakobwa bakiri bato kugira ngo baryamane, akazajya abishyura ndetse na bo akabaha misiyo.

Iryo tsinda ririmo Umuhoza Hamidha w’imyaka 20, Mucyo Vanessa, Ineza Fidella, ni bo bari inshuti za MBB, bakaba bafunzwe by’agateganyo iminsi 30 hamwe na Dr Manirakiza Benjamin wari umwarimu muri kaminuza.

Nk’uko Ubushinjacyaha bwabigaragaje muri dosiye yaregewe urukiko, MBB w’imyaka 17 avuga ko nyuma yo gusambanywa na Dr Manirakiza yamuhaye amafaranga y’u Rwanda ibihumbi 95 andi ibihumbi 5 ayishyura Umumotari wamujyanye kwa Dr Manirakiza i Ntarama nk’uko bigaragazwa mu ruhererekane rwa Momo ya Dr Manirakiza.

Ubwo Dr Manirakiza yabazwaga niba koko yaba azi MBB, niba yaramuhaye ayo mafaranga kugira ngo baryamane cyangwa niba asanzwe aryamana n’abana bakiri bato, yagize ati: “MBB ndamuzi, yaje iwanjye ariko ntitwaryamanye ndetse MBB yansabye kuhaguma ariko kuko nabonye ari umwana ndabyanga, muha amafaranga ibihumbi 95 yo kumufasha gukemura ibibazo yari afite nk’uko yari amaze kuyansaba”.

Ubushinjacyaha bwagaragaje ko atari uyu yasambanyije gusa, ahubwo ko hari n’abandi batangabuhamya bagaragaje ko baryamanye na we ndetse harimo na rya tsinda twavuze haruguru. Nyuma yo kuryamana yabasabaga kumuzanira abandi bana b’abakobwa bakiri bato bityo akajya abaha komisiyo.

Dr Manirakiza muri iryo buranisha hamwe n’abamwunganira, yasabye gufungurwa by’agateganyo kuko nta mpamvu zihari zikomeye zatuma afungwa.

Umwe muri aba bakurikiranwe kandi mu iperereza ry’ibanze yavuze ko yagiye aryamana na Manirakiza ariko babikoze nk’abakundana ndetse yamusabye nimero y’uwo mwana wahawe izina MBB, arazimwima amubwira ko ari umwana ariko nyuma aza kubona uwo mwana bavugana akeka ko yazihawe n’undi, bityo ko arengana.

Urukiko rw’Ibanze rwa Nyarugenge nyuma yo gusubiramo ibyaranze urubanza haba ku byavuzwe na Manirakiza Benjamin, Ubushinjacyaha n’abandi, rwavuze ko kuba mu bo bareganwa bemera ko basambanye na Manirakiza, urukiko rusanga kuba Manirakiza yemera ko yasabye aba bareganwa kumushakira abana bakiri bato bazajya baryamana, kuba yemera ko aziranye n’umwana MBB wakorewe icyaha, kuba hari amafaranga yatanze, ndetse n’uruhererekane rw’amafaranga Manirakiza yagiye yishyura abo bareganwa, ibyo bihagije kuba bakurikiranwa bafunzwe mu minsi 30.

Uru rubanza ku ifunga n’ifungurwa ry’agateganyo, rwabereye mu muhezo tariki 28 Mutarama 2026, aho Ubushinjacyaha bwari bwasabye ko Dr Manirakiza, Umuhoza Hamidha, Ineza Fidella na Mucyo Vanessa baburana bafunzwe ariko bo bagasaba gufungurwa bagakurikiranwa bari hanze.

Dr Manirakiza Benjamin, umwarimu muri Kaminuza, yatawe muri yombi ku ya 20 Mutarama 2026. RIB icyo gihe yari imukurikiranyeho gusambanya abana b’abakobwa abashukisha amafaranga.

Iperereza ry’ibanze ryari ryagaragaje ko mu bihe bitandukanye uyu mwarimu yagiye asambanya abana b’abakobwa batandukanye biga mu mashuri yisumbuye yo mu Karere ka Bugesera abizeza amafaranga.

RIB ihora yibutsa abantu bose ko gusambanya umwana ari ukumuhemukira kuko bimwicira ubuzima bwe bw’ejo hazaza, bigira ingaruka ku muryango we ndetse n’umuryango nyarwanda muri rusange.

Ihora yihanangiriza kandi uwo ari we wese usambanya umwana ko ibyo bikorwa bitihanganirwa kandi inasaba abana kwirinda ababashukisha amafaranga n’ibindi bintu bitandukanye bagamije kubashora mu busambanyi cyangwa ishimishamubiri bibicira ubuzima.

Umukuru w’Iguhugu, mu isengesho ryo gusabira Igihughu, National Prayer Breakfast, yavuze ku miruango itatu yumvise mu minsi ishize yashakanye, ariko igatana itaramara imyaka ibiri.

Yagize ati "abantu babiri bananirwa kubana bate?"

Perezida Kagame uhora ashishikajwe n’ubuzima bwiza bw’imiryango, yagize ati "ari abantu benshi washyize hamwe, wenda byakumvikana. Ariko babiri?"

Kagame yagize ati "erega abantu baranihanganirana. Icyaha umuntu aba yakoze, gituma umwe avuga ati sinkigushaka mvira aha, ni iki cyatuma akoze ikintu utamwihanganira, ndetse n’ejo yasubira ukamwibutsa uti ariko ubushize..."

Yabajije ati "ariko se, ubundi urava aho ujye he udasanga ibibazo nk’ibyo, wenda ko usanga ibibi kurushaho?"

Yagize ati inyuma y’ibi, tekereza ingaruka y’ingo eshatu, enye, eshanu, icumi mu gihe kimwe, ubwo erega igihugu kirahagwa."

Kagame yavuze ati "ibyo ni ibintu ushobora gukoraho."

Raporo y’Urwego rw’Ubucamanza yerekana ko mu mwaka wa 2024/2025 haburanishijwe imanza 2.674 z’abashakanye basaba gutandukana, zivuye ku manza 2.833 mu mwaka wari wabanje.

Umuti wavuguswe
Itegeko rigenga abantu n’umuryango riheruka kuvugururwa ndetse zimwe mu mpamvu zagaragajwe harimo n’uko gatanya zikomeje kwiyongera.

Byari bimaze kumera nk’intwaro ku bashaka imitungo kuko hari ubwo benshi babaga barasezeranye ivangamutungo risesuye ku buryo nibatandukana bazagabana buri umwe akegukana 50% by’imitungo bari bafite.

Ingingo ya 156 y’iryo tegeko iteganya ko iyo habayeho iseswa ry’ivangamutungo rusange biturutse kuri gatanya, abashyingiranywe bagiye gutandukana bataramarana imyaka itanu babana, umucamanza ashobora gutegeka ko batagabana imitungo n’imyenda baringanije.

Igika cyayo cya mbere kigira kiti “Iyo ivangamutungo rusange riseshwe ku mpamvu z’ubutane cyangwa guhindura uburyo bw’imicungire y’umutungo, abari barashyingiranywe bagabana imitungo n’imyenda ku buryo bungana cyangwa ku bundi buryo bumvikanyeho.”

“Icyakora, bisabwe n’umwe mu bashyingiranywe bataramara imyaka itanu babana, mu gihe cy’urubanza rw’ubutane urukiko rushobora gutegeka ko abashyingiranywe batagabana imitungo n’imyenda ku buryo bungana rumaze gusuzuma impamvu usaba ashingiraho, buri wese agahabwa ibihwanye n’uruhare rwe ku mitungo.”

Ni mu gihe agaka ka gatandatu kayo kavuga ko Urukiko rushobora gutegeka ko agaciro k’ibyangijwe n’umwe mu bashyingiranywe ndetse n’imyenda yafashe mbere cyangwa nyuma y’ishyingirwa akaba atarayigaragarije uwo bashyingiranywe bibarirwa mu mugabane we.

Ku basezeranye kuvanga umutungo w’umuhahano ho mu gihe cy’urubanza urukiko rushobora gutegeka ko agaciro k’ibyangijwe n’umwe mu bashyingiranywe ndetse n’imyenda yafashe nyuma y’ishyingirwa akaba atarayigaragarije uwo bashyingiranywe bibarirwa mu mugabane we.

Iri itegeko riteganya ko umwe mu bashakanye ashobora kujya gusaba ubutane kubera impamvu zirimo ubusambanyi, guhamwa n’icyaha gisebeje, kwanga gutanga ibitunga urugo, ihohoterwa ku mubiri, ku mitekerereze, ihohoterwa rishengura umutima, irishingiye ku mutungo cyangwa imyitwarire ibangamiye bikabije urega, umwana bahuriyeho bombi, umwana w’urega cyangwa w’uregwa n’izindi.

Binateganyijwe ko iyo kubana bitagishobotse kubera indi mpamvu itakwihanganirwa n’umwe mu bashyingiranywe bashobora gutandukana.

Ndayisenga Félicien, umusaza ushima Imana, watanze ishimwe ry’Abanyarwanda bose, yagize ati “Uwiteka Nyir’Ingabo nta kibonezamvugo gikwiye cyasobanura ibigwi byawe, ibyo udukorera biraturenze. Imirimo yawe irakomeye kandi iratangaza, n’inzira zawe zose ni izo gukiranuka n’ukuri”.

Yakomeje agira ati “Twibutse iminsi ya kera twibwira ibyo wakoze byose, turebye imirimo y’intoki zawe, tukuramburira amaboko Mana, akira ishimwe ryawe”.

Yagarutse ku mateka y’u Rwanda agamije gushimira ibyo Leta y’u Rwanda ikomeje gukorera Abanyarwanda, itarobanura nk’uko Leta ya Habyarimana yabigenzaga.

Ati “Kera twagiraga abategetsi bakadutegekana igitugu tutumva neza aho tugana kuko nta cyerekezo batangaga. Mu gihe twendaga gutagangara waradutabaye uduha abayobozi batanga icyerekezo tuganamo, maze tukagendana muri byose, akira ishimwe ryawe Mana”.

Ndayisenga yakomeje agaragaza ko ubuyobozi buriho ubu bugendana n’abaturage kuko bazi aho bagana, bityo kwesa imihigo bikoroha.

Ati “Iyo wumva ushaka umuyobozi umusanga na we agusanga kugira ngo akemure ibibazo byawe, umuturage ku isonga ni yo gahunda, akira ishimwe ryawe Mana”.

Yakomeje ashimira Imana kandi ibikorwa by’iterambere bikomeje kwegerezwa abaturage, bikozwe n’ubuyobozi burangajwe imbere na Perezida Paul Kagame.

Ati “Iyo nerekeye aho narerewe, nkareba ukuntu amatara yaka, nakwibuka icuraburindi nabagamo nkabura amashimwe yo kugushima. Ubu umutarage ukihatuye, umusangana telefoni, wamusanga kuri Whatsapp ukabona impinduka zabaye. Mu ikoranabuhanga ntitwasigaye kuko serivisi uzibona wiyicariye iwawe, byakwanga ukagana Irembo byose bigahita bikemuka bwangu”.

Agaruka ku ihame ry’uburinganire, Ndayisenga yagize ati “Ubu umukobwa asigaye yiga amashuri yose na kaminuza, ugasanga abarusha amashuri mu gihe kera inzira y’ishuri atayiganaga nk’abandi”.

Ubwo yavugaga ku byakozwe mu buhinzi, Ndayisenga yakomeje agira ati “Ubu duhinga kuri gahunda, tutavanga ibihingwa maze umusarura ugahinda tugahereza n’amahanga. Tugihinga mu kajagari twabikaga mu ihembe ariko ubu dusanga ibigo by’imari kuko imari iba iri guhinda, buri Murenge ufite SACCO, akira ishimwe Mana”.

Yavuze ku Mutekano w’u Rwanda wifuzwa na bose mu mahanga ati: “Dore umutekano ni wose, ubu umunyarwanda araryama akaruhuka atikanga ibihinda, dufite ibihumbi by’ingabo zacu, ibyo bihinda ntibidukanga kuko ubuhanga bw’Iyaduhanze buba hafi y’ingabo zacu no mu mahanga bakazishima, akira ishimwe Mana”.

Yagarutse kandi kuri siporo ituma Abanyarwanda basabana, ati “Ntitwakwibagirwa siporo kuko iduhesha gusabana, abanyamahanga bakadusanga, amagare yasiganwa tugasusuruka”.

Ibi ni ibigize amashimwe Igihugu gifite by’umwihariko ari mu byaranze umwaka ushize wa 2025, byavuzwe na Ndayisenga Felicien, aho yabwiraga abari bitabiriye isengesho Ngarukamwaka, ritegurwa na Rwanda Leaders Fellowship, ryitabiriwe n’abayobozi ku rwego rw’Igihugu, abaturutse mu mahanga, abayobozi bato, urubyiruko ndetse muri iri sengesho, ryitabiriwe kandi na Perezida Paul Kagame na Madamu Jeanette Kagame.

Yubile ya 25 yizihijwe na FAWE GIRL’S SCHOOL, yaranzwe no kumurika bumwe mu bumenyi abanyeshuri b’abakobwa bahavomera, guhemba abahagarariye abandi mu kuba indashyikirwa barimo abahize, abahigisha ndetse n’abaterankunga.

Irebere uko Abakobwa bo muri FAWE Girls School babyina nk'abagabo. pic.twitter.com/F55lKFtI08

— Kigali Today (@kigalitoday) January 30, 2026

Ni ibirori byaranzwe kandi n’imbyino zitandukanye zerekana umuco Nyarwanda ndetse n’Akarasisi k’abana biga muri FAWE GIRL’S SCHOOL, aho bari bafite ibyapa byerekana imyaka ishize ishuri ritangiye ndetse bakata umutsima ushushanya imyaka 25 ya Yubile bizihizaga.

Iri shuri ryafunguye mu 1999, kuri ubu rifite abanyeshuri 828, abarimu 40. Rizwiho gutsindisha neza aho bigaragazwa no kuba abenshi mu bana baharangiza kwiga babona imirimo itandukanye haba ku rwego rw’Igihugu.

Aha twavuga nk’Umunyamabanga wa Leta muri Minisiteri y’Uburezi Irere Claudette, harimo aba Dogiteri n’abandi.

FAWE (Forum for African Women Educationalists) ni umuryango utegamiye kuri Leta watangiye mu 1992 bigizwemo uruhare n’abagore batanu bari ba Minisitiri b’uburezi, ukaba ugamije guharanira ko abagore n’abakobwa bo muri Afurika yo munsi y’Ubutayu bwa Sahara biga bakagera ku ndoto zabo.

Uyu muryango ufite amashami 34 mu bihugu 33. Ishami ry’u Rwanda ryatangiye mu 1999 binyuze mu baterankunga batandukanye, ritangiza Ishuri rya FAWE Girls School ku Gisozi, nyuma yaho muri 2010 nibwo ryatangije irindi i Gahini mu Karere ka Kayonza.

Ibi biganiro bya ArtRwanda Ubuhanzi, byateguwe na Imbuto Foundation, byitabiriwe na RDB, Minisiteri y’Urubyiruko n’Ubuhanzi ndetse n’abashoramari.

Abatanze ibiganiro bari muri uru ruganda rw’ubuhanzi. Byitabiriwe kandi n’abahanzi batandukanye bafite ibihangano birimo iby’umuziki, ibishushanyo n’ibindi.

Bamwe mu batanze ibiganiro harimo umuhanzi Nkusi Arthur ukora n’ubucuruzi, akaba avuga ko hashize imyaka 22 akoresha micro.

Yagaragaje ko impano ari urubuto buri wese agira ariko ntirubyazwe umusaruro mu buryo bumwe.

Ati: "Umuntu wese yifitemo urubuto ariko iyo utarubyaza umusaruro rugupfira ubusa. Aha muri Masterclass bagufasha kumenya niba impano ufite ikenewe ku isoko ry’umurimo, aho ushobora gusanga wifitemo ikintu runaka kikaguha amafaranga ariko ukisanga kitazaguhemba by’iteka".

Nkusi avuga ko buri wese akwiye kwiga neza icyatuma impano ye itagira akamaro ku mukoresha gusa cyangwa uko we ashaka kuyibyazamo umusaruro ahubwo ko nyir’ubwite akwiye kwiga uko impano izabaho ibihe by’iteka ryose.

Malik Shaffy, wiyita umushabitsi agaragaza ko impano yose umuntu afite akwiye kuyimenyekanisha mu buryo bufite akamaro kuko ari nabyo bizana umusaruro. Ati: " Uyu munsi nabereka ukuntu ndenze ariko ibyo ntacyo bimaze, ibifite icyo bimaze ni icyo abambona, abankurikira basigarana kuko nibyo bicuruza kandi bikazana amafaranga".

Malik avuga ko akenshi ku isoko ry’umurimo abaguzi bagura umuntu mbere yo kugura ibyo acuruza cyangwa impano afite. Ati: "Buri wese abyuka ashaka kuba kanaka, ariko ntabwo uzigira uwo utariwe ahubwo ukwiye gusobanukirwa uwo uriwe, ibyo ushaka, itandukaniro ryawe n’abasanzwe bakora nk’ibyo uzanye kugira ngo abantu bagure ibyo ukora".

Minisiteri y’Urubyiruko n’Ubuhanzi, igaragaza ko hari gahunda yo gukomeza gushyigikira abantu banyuze muri aya mahugurwa ya ArtRwanda- Ubuhanzi.

Harimo kureba ibikwiye gukorwa kugira ngo hashobore kurindwa ibihangano, gushaka ibikoresho bifasha abahanzi gucuruza badahenzwe, gufashwa mu birebana no kubona amafaranga mu ma Banki.

Muhire Alex umukozi wa Imbuto Foundation, yasobanuye ko bateguye gahunda ya Masterclass, bafatanyije na Minisiteri y’Urubyiruko n’Iterambere ry’Ubuhanzi, ikaba imaze imyaka irenga irindwi, aho kuri uyu munsi bahuje ibyiciro bitatu bimaze kuyinyuramo, hagamijwe gufasha abahanzi kumenya abo bakwiriye gukorana nabo nuko bayikuramo akazi n’umuryango muri rusange.

Muhire yakomeje agira ati: “Uruganda rw’ubuhanzi ruri kugenda rwaguka kuko mbere muri sosiyete y’u Rwanda ntiyumvikanaga, ariko bagenda babyumva kuko twatangiye ari bake ariko bagenda biyongera, nkubu abarenga ibihumbi birindwi bamaze kwiyandikisha kuko babonye ko Leta ibishyizemo imbaraga igamije gushyigikira kwihangira imirimo binyuze mu mpano zitandukanye bafite. Mubo twagiye duhugura harimo abamaze gushinga ibigo byabo barikorera kandi bagatanga akazi ku bandi”.

Munezero Jean Christian, uyobora ubukangurambaga butandukanye, avuga ko nyuma yo guhabwa amahugurwa muri ArtRwanda-Ubuhanzi hari ibyahindutse. Ati: “Twagiye duhura n’abantu bafite ubunararibonye butandukanye. Nkubu wasangaga ushaka kwigira ku muntu ufite ibikorwa mpuzamahanga kuko ari umusitari ariko uburyo akoramo iwabo ugasanga ntibihura neza na hano iwacu mu Rwanda. Bagiye rero batwigisha uko twakwisanisha mbere na mbere n’isoko ry’u Rwanda twabasha guhaza mu mpano dufite nyuma tukazabona kugera ku rwego mpuzamahanga”.

Akomeza agira ati: “Abenshi twaje tutazi gucuruza impano zacu ariko ibiganiro twahawe byatweretse ko impano zidahagije ahubwo ikinyabupfura, ubucuruzi, impano n’ibindi”.

Imyaka irenga irindwi irashize ArtRwanda-Ubuhanzi itangijwe. Iri rushanwa ryashyiriweho gushaka abanyempano mu rubyiruko rw’u Rwanda no kurufasha kuzagura kugira ngo zibashe kungukira benshi.

Kuva mu 2018 ubwo iri rushanwa ryatangizwaga ku mugaragaro, abanyempano basaga 7000 barinyuzemo, ribafasha gutyaza impano zabo no kuzagura.

Urukiko rwa Nyarugenge ruri i Nyamirambo rwagaragaje ko hari impamvu zikomeye zituma akekwaho ibyaha bitatu aribyo; ubwicanyi budaturutse ku bushake, guhunga amaze gutera cyangwa guteza impanuka hamwe no gukoresha ibiyobyabwenge cyangwa urusobe rw’imiti ikoreshwa nka byo.

Icyaha cy’ubwicanyi budaturutse ku bushake n’icyo guhunga DJ Toxxyk arabyemera, ariko agahakana icyaha cyo gukoresha ibiyobyabwenge.

Urukiko rwavuze ko atagomba gukurikiranwa ku cyaha cyo kwanga gupimwa alcol kuko ubushinjyacyaha nta bimenyetso bifatika bugaragaza.

Uko rwanzuye ko ibyaha akekwaho agomba kubikurikiranwaho afunze kugira ngo atabangamira iperereza.

Mu iburanisha ryo ku wa 14 Mutarama 2026, ku ifungwa n’ifungurwa ry’agateganyo,
DJ Toxxyk yaburanye yemera icyaha cy’ubwicanyi budaturutse ku bushake n’icyaha cyo guhunga umaze guteza impanuka, ariko ahakana icyaha cyo kwanga gupimwa alcool, n’icyo gukoresha ibiyobyabwenge.

Umushinjacyaha yavuze ko DJ Toxxyk mbere yo gukora ibyaha ashinjwa harimo kugonga umpolisi wari mu kazi agahita yitaba Imana tariki 21, hari amashusho yagaragaye ava mu kabari ko mu Mujyi wa Kigali kazwi nka Kigali Universe.

Aha kandi, umushinjacyaha avuga ko DJ Toxxyk yemeye mu gihe cy’iperereza ko yatwaye ikinyabiziga yanyoye inzoga kandi ko rwose atari akwiye kubikora.

DJ Toxxyk icyo gihe yagize ati: " Ndemera icyaha cy’Ubwicanyi budaturutse ku bushake n’ icyaha cyo guhunga umaze guteza impanuka".

Ku cyaha cy’ibiyobyabwenge mu gukora iperereza ubushinjacyaha bwagaragaje ko aho DJ Toxxyk atuye muri Remera, ngo bahasanze ibiyobyabwenge byo mu bwoko bw’urumogi amagarama 2 byari mu gashashi gasanzwe gapfunyikwamo imiti kwa muganga.

Umushinjacyaha yavuze ko mu Bugenzacyaha, DJ Toxxyk yari yemeye ko akoresha/ anywa ibiyobyabwenge aho ngo acana ikibiri agashyiraho ibyo biyobyabwenge agatumura umwotsi wabyo akajya mu kazi k’ubu DJ amaze kubikoresha.

Ubushinjacyaha bwari bwagaragaje ko DJ Toxxyk yatangiye gukoresha ibiyobyabwenge muri 2021, nubwo abamwunganira bari bagaragaje ko nta bimenyetso bafite.

DJ Toxxyk yasobanuye ko impamvu ahakana ibyo Ubushinjacyaha bwamushinje ko basanze urumogi iwe, aruko bagiye mu rugo rwe nyuma y’iminsi itatu afashwe bamujyanyeyo bakahasanga urumogi bakamusaba ko yarufata mu ntoki bakamufotora arufite ariko agakomeza kubihakana.

Ati: "Sinzi urwo rumogi uko rwageze mu rugo, nari maze iminsi itatu ntafite imfunguzo kuko zari zarasigaye mu modoka nasize munsi ya Hotel ONOMO, bagifungura mu rugo ku meza tuhasanga urumogi".

Yavuze ko inyandiko zagiye zandikwa mu Bugenzacyaha, atigeze amenya ibikubiyemo kuko barandikaga bakamubwira ngo asinye ariko atari azi ibikubiyemo cyane ko ngo ari ubwa mbere akoze icyaha nk’uko bigaragara no muri sisitemu.

DJ Toxxyk asanzwe akora akazi k’Ubucuruzi ndetse no kuvanga umuziki ari nabyo azwiho cyane.

Ni mu iburanisha ryo kuri uyu wa Gatatu tariki 14 Mutarama 2026, ku ifungwa n’ifungurwa ryagateganyo ku byaha bine Shema Arnold wamamaye nka DJ Toxxyk akurikiranyweho, aho Urukiko nyuma yo kumva impande zombi rwemeje ko ruzasoma umwanzuro ku ifungwa n’ifungurwa kuwa Gatatu tariki 21 Mutarama 2026.

Mu iburanisha ry’uyu munsi, ubushinjacyaha bwamushinje ibyaha bine aribyo: Ubwicanyi budaturutse ku bushake, gukoresha ibiyobyabwenge cyangwa urusobe rw’imiti ikoreshwa nka byo, guhunga amaze gutera cyangwa guteza impanuka no kwanga gupimwa ibisindisha.

Ubushinjacyaha bwavuze ko kuwa 21 Ugushyingo DJ Toxxyk yasohotse ajya mu modoka ariko ayitwara ku muvuduko mwinshi, yisanga yarenze umuhanda umanuka ujya ahazwi nka ’Peyaje’ yurira inkengero zawo ahari umupolisi aramugonga.

Imodoka ye yakomeje gukurura umupolisi mu ntera ya metero 30 nk’uko byagarutsweho mu rubanza.

DJ Toxxyk yaburanye yemera icyaha cy’ubwicanyi budaturutse ku bushake, icyaha cyo guhunga umaze guteza impanuka, ariko ahakana icyaha cyo kwanga gupimwa ibisindisha, ndetse no gukoresha ibiyobyabwenge.

Umushinjacyaha avuga ko DJ Toxxyk mbere yo gukora ibyaha ashinjwa tariki 21 Ugushyingo, hari amashusho yagaragaye yavuye aho yari ari mu kabari ko mu Mujyi wa Kigali kazwi nka Kigali Universe.

Mu gukora iperereza ubushinjacyaha bwagaragaje ko aho DJ Toxxyk atuye muri Remera, bahasanze ibiyobyabwenge by’urumogi amagarama 2 byari mu gashashi gasanzwe gapfunyikwamo imiti ya muganga.

Umushinjacyaha avuga ko mu Bugenzacyaha, DJ Toxxyk yari yemeye ko akoresha/ anywa ibiyobyabwenge aho ngo acana ikibiriti agashyiraho ibyo biyobyabwenge agatumura umwotsi wabyo akajya mu kazi k’ubu DJ amaze kubikoresha.

Avuga ko kandi yemeye ko yatwaye ikinyabiziga yanyoye inzoga kandi ko rwose atari akwiye kubikora.

Ubushinjacyaha buboneraho kumusabira ko yafungwa by’agateganyo bitewe n’iperereza rikiri gukorwa, kugira ngo atazatoroka ubutabera mu gihe Urukiko rutarafata umwanzuro. Bavuga ko nk’umuntu watangiye gukoresha ibiyobyabwenge muri 2021 nibamufunga byagateganyo atazongera kubikoresha.

DJ Toxxyk ahawe ijambo yagize ati: " Ndemera icyaha cy’Ubwicanyi budaturutse ku bushake, ariko kandi ibi byabaye mvuye mu kazi aho kuba mu kabari".

Akomeza avuga ko yagonze uyu mupolisi atabishaka, maze afatwa n’ubwoba n’ihungabana byatumye ahunga.

Avuga ko yasize imodoka yari atwaye maze ajya mu Karere ka Karongi gusaba ubufasha inshuti ye ariho yafatiwe bityo bamugarura i Kigali hatangira iperereza.

DJ Toxxyk avuga ko impamvu ahakana ibyo Ubushinjacyaha bwamushinje ko basanze urumogi iwe, aruko bagiye mu rugo rwe nyuma y’iminsi itatu afashwe bamujyanyeyo bakahasanga urumogi bakamusaba ko yarufata mu ntoki bakamufotora arufite ariko agakomeza kubihakana.

Ati: "Sinzi urwo rumogi uko rwageze mu rugo, nari maze iminsi itatu ntafite imfunguzo kuko zari zarasigaye mu modoka nasize munsi ya Hotel ONOMO, bagifungura mu rugo ku meza tuhasanga urumogi".

Akomeza avuga ko inyandiko zagiye zandikwa mu Bugenzacyaha, atigeze amenya ibikubiyemo kuko barandikaga bakamubwira ngo asinye ariko atari azi ibikubiyemo cyane ko ari ubwa mbere akoze icyaha nk’uko bigaragara no muri sisitemu.

Perezida w’Urukiko avuga ko mu nyandiko iri muri sisitemu, DJ Toxxyk atemera neza ibyavuzwe kuko hari ibyo bongeyemo kandi ko bamwangiye gusoma ibyanditswe.

Ku birebana n’ifunga n’ifungurwa ryagateganyo yasabye ko yarekurwa.

Me Uwamahoro Marie Joseé uri mu bunganira DJ Toxxyk, yagaragaje ko ku cyaha cy’ubwicanyi budaturutse ku bushake, kuva Umukiliya wabo yemera icyo cyaha nta mpamvu yo kumufunga byagateganyo kuko si icyaha yakoze ku bushake.

Ku cyaha cyo gukoresha ibiyobyabwenge cyangwa urusobe rw’imiti ikoreshwa nka byo, yasabye ko batakimukurikiranaho kuko atari afite imfunguzo, kandi atari we wakinguye.

Me Uwamahoro avuga ko mu Bushinjacyaha nk’abamwunganira basabye ko yapimwa bakareba ibyo biyobyabwenge bamuvugaho, ariko kuva yafatwa kugeza uyu munsi nta byakozwe ndetse n’ibindi bizamini bitigeze bijya ahagaragara.

Me Uwamahoro avuga ko guhunga kwe bitamufungisha iyo minsi 30 y’agateganyo kuko yari afite ubwoba kandi ko ari umuntu, ariko na none ageze mu Karere ka Karongi ariwe witanze. Ati:"DJ Toxxyk ageze aho yirukiye ku nshuti ye, yasabye iyo nshuti kumenyesha inzego zibishinzwe kandi koko byarakozwe ndetse umunsi yakoreyeho impanuka ni nabwo yafashwe".

Me Utazirubanda nawe wunganira DJ Toxxyk avuga ko umukiliya wabo asaba imbabazi urwego rwakoragamo uwo yagonze akanapfa, urukiko ndetse n’umuryango Nyarwanda.

Me Utazirubanda akomeza agira ati: "Hari ibyo dusaba byahindurwa mubyo Ubushinjacyaha bumushinja, kuko nubwo bavuga ko hari amashusho bafite yo mu kabari yarimo ntabwo bayatweretse kandi ku kajyamo ntibisobanuye kunywa inzoga kuko wakicaramo ukanywa amazi cyangwa Fanta".

Ashimangira ko kuba yarakavuyemo akagonga, yatwawe n’agatotsi kuko amasaha yari akuze, yisanga yanyuze mu mukono utari uwe, ndetse byanavuyemo kugonga kuko kuyobora ikinyabiziga byamugoye ariko atahunze nk’ugiye hanze y’igihugu.

Avuga ko aho yagiye ku nshuti ye mu Karere ka Karongi yatuje maze bakamenyesha Polisi, kandi iyo biba guhunga ngo yari gusohoka igihugu.

Avuga ko icyaha DJ Toxxyk yakoze gihanishwa ihazabu bityo ko atafungwa by’agateganyo.

Ubushinjacyaha buhawe umwanya kugira ngo buvuge ku byo DJ Toxxyk ushinjwa ndetse n’abamwunganira bavuze, yabajije DJ Toxxyk niba yaratotejwe mu ibazwa mu Bugenzacyaha, ariko Perezida w’iburanisha yavuze ko ntaho byanditse na mbere muri sisitemu y’iburanisha.

Umushinjacyaha yavuze ko icyo kwanga gusuzumishwa icyuma gipima alcool bisobanuye ko yabyanze bityo akwiye kubihanirwa.

Akomeza avuga ko kuba mubyo akurikiranweho hari ibyo yemera, ibindi akabihakana ari ukutaba inyangamugayo kandi bidakuraho ko ari ibyaha bikomeye.

DJ Toxxyk ukekwaho ibyo byaha bine yavutse tatiki 27 Nyakanga 1993, atuye mu Karere ka Gasabo, Umurenge wa Remera, Akagali ka Rukiri I mu mudugudu w’Urumuri.

DJ Toxxyk yagaragaje ko akora Ubucuruzi ndetse no kuvanga umuziki aribyo azwiho cyane.

DJ Toxxyk abatamuzi ni umugabo w’inzobe w’imyaka 33, yitabye Urukiko mu gitondo cyo kuri uyu wa Gatatu tariki 14 Mutarama 2026, yambaye ishati yijimye y’ikigina, ikoboyi y’ubururu n’inkweto zifite umweru hasi n’ibara ry’ikinombe.

Itegeko riteganya ko umuntu wese wica undi bimugwiririye, ahanishwa igifungo kuva ku mezi atandatu kugeza ku myaka ibiri n’ihazabu kuva ku bihumbi 500Frw kugeza kuri miliyoni 2 Frw cyangwa kimwe gusa muri ibi bihano.

Yavuze ko akora ubucuruzi ndetse no kuvanga umuziki ari byo azwiho cyane.

Ubwo Umucamanza yari atangiye kuvuga ibyaha bine akurikiranyweho, DJ Toxxyk yahise asaba ijambo, arihawe agaragaza ko atiteguye kuburana kuko atabimenyeshejwe mbere.

Abamwunganira ari bo Uwamahoro Marie Josée na Utazirubanda Gad, bunze mu rye bagaragaza ko urubanza rwasubikwa bagahabwa umwanya wo gusobanurira uwo bunganira ibyaha akurikiranyweho, kuganira na we ndetse no kumugira inama.

Me Utazirubanda yagaragaje ko tariki 5 Mutarama 2026 aribwo ubushinjacyaha bwashyize ikirego cya DJ Toxxyk muri sisitemu y’iburanisha, Urukiko rubyemeza ku munsi w’ejo hashize tariki 6 Mutarama 2026, bahita babwirwa kuza kuburana bityo ko batiteguye, ari ho bahera basaba ko urubanza rwasubikwa.

Ubushinjacyaha na bwo mu rwego rwo gutanga Ubutabera ku mpande zombi, bwemeye ko kuba bahabwa umwanya wo kwitegura ari kimwe mu bigize guhabwa ubutabera ariko busaba ko igihe Urukiko ruri bugene batazatanga izindi mpamvu ahubwo bazaba biteguye neza bityo iburanisha ku ifunga n’ifungurwa rigatangira.

Urukiko rwamenyesheje uburana DJ Toxxyk, abamwunganira n’ubushinjacyaha ko urubanza rwimuriwe ku wa Gatatu w’icyumweru gitaha tariki 14 Mutarama 2026 saa tatu za mu gitondo.

Uru rubanza rwari rwatangiye mu gitondo cyo kuri uyu wa Gatatu, tariki 7 Mutarama 2026, aho yageze ku rukiko ahagana saa Mbili.

Yaje yambaye ipantaro y’ikoboyi y’Ubururu, umupira w’imbeho w’umukara n’inkwezo zizwi nka Bodaboda z’umukara. Yari yambaye kandi agapfukamunwa k’umukara ndetse yogoshe inyogosho amenyereweho, igaragaza umusatsi mwinshi hejuru, ku ruhande ukaba muke.

Shema Arnaud wamamaye nka DJ Toxxyk kubera kuvanga imiziki yagejejwe mu rukiko ngo atangire kuburanishwa ku ifunga n’ifungurwa ry’agateganyo, akaba yitabye urukiko ari kumwe n’abamwunganira babiri ari bo umugabo n’umugore.

Urubanza rwa Dj Toxxyk ruri kubera mu Rukiko rw’Ibanze rwa Nyarugenge.

Dj Toxxyk amaze iminsi akorwaho iperereza, nyuma yo gutabwa muri yombi akekwaho ibyaha byo mu muhanda yakoze tariki 20 Ukuboza 2025, aho bivugwa ko yagonze Umupolisi wari mu kazi ko gucunga umutekano wo mu muhanda, agapfa na we agahita atoroka.

Bivugwa ko DJ Toxxyk nyuma y’amasaha menshi ahunga yaje gufatirwa mu Karere ka Karongi.

Amakuru akomeza avuga ko kandi ubwo yagongaga uyu mupolisi ngo yari avuye kuvanga umuziki nk’akazi ke muri kamwe mu tubari dukorera mu Mujyi wa Kigali, aho ngo akabari nako kari kamaze gusabwa gufunga kuko kari karengeje amasaha yagenwe yo gufungura.

Ubwo rero yavaga muri ako kazi, DJ Toxxyk yasohotse ajya mu modoka ariko ayitwara ku muvuduko mwinshi, yisanga yarenze umuhanda umanuka ujya ahazwi nka ’Peyaje’ yurira inkengero zawo ahari umupolisi aramugonga.

Imodoka ye yakomeje gukurura umupolisi mu ntera ya metero 30.

Bivugwa ko bishoboka ko kugira ngo iyo mpanuka ibe yananiwe kugenzura imodoka aho kugonga ibyuma bizitiye ahari gukorwa imirimo y’ubwubatsi kuri uwo muhanda, akisanga yageze ku mupolisi.

Mu iperereza ry’ibanze kandi byagaragaye ko Dj Toxxyk nta ruhushya rwo gutwara ibinyabiziga agira ndetse bikanavugwa ngo ashobora kuba yari yanyoye inzoga nubwo ibyavuye mu iperereza bitari byatangazwa byose ngo hamenyekane ukuri.

Itegeko riteganya ko umuntu wese wica undi bimugwiririye, ahanishwa igifungo kuva ku mezi atandatu kugeza ku myaka ibiri n’ihazabu kuva ku bihumbi 500Frw kugeza kuri miliyoni 2 Frw cyangwa kimwe gusa muri ibi bihano.

Birashoboka ko DJ Toxxyk yakurikiranwaho icyaha cyo kwica umuntu bidaturutse ku bushake mu gihe byaba bigaragaye ko ibyabaye byaba ari impanuka koko.

Kugonga umuntu mu muhanda kandi w’umupolisi bishobora no gufatwa nko kwica umuntu biturutse ku bushake mu gihe yaba yagerageje guhagarika umushoferi w’imodoka akanga guhagarara.

Ubusanzwe icyaha cy’ubwicanyi buturutse ku bushake, ugihamijwe n’urukiko ahanishwa igihano cy’igifungo cya burundu.

Kwica biturutse ku bushake bisobanura ko uwakoze icyaha yari afite umugambi wo kwica cyangwa yagize ubushake bwo gukora ibikorwa bibujijwe bizavamo urupfu rw’umuntu.

Ni amakuru yaturutse mu Nteko Rusange yateranye kuwa 29 Ukuboza i Kigali.

Uru rwunguko rwagezweho bitewe n’ubwitabire bwa serivisi Umwalimu SACCO igenera abanyamuryango, aho bigaragarira mu mibare yiyongereye, kuko hatanzwe inguzanyo zigera kuri miliyari 222 ndetse izikiri hanze zikaba ari 220.

Ibi kandi byafashije kuzamura umutungo rusange wa Koperative Umwalimu SACCO, ku kigero cya 27%, uvuye kuri miliyari 237 ukagera kuri miliyari 300.

Umuyobozi wa Koperetive Umwalimu SACCO, Uwambaje Laurence yavuze ko iyi nama rusange isanzwe iterana igamije kurebera hamwe ibiba byaremejwe bizakorwa mu mwaka wose n’uburyo byashyizwe mu bikorwa aho kugeza mu Ugushyingo hari hamaze gukorwa ibingana na 75%.

Yakomeje agira ati: “Ibyo tubikesha uburyo abanyamuryango bitabiriye serivisi cyane cyane iz’inguzanyo ziturukamo ayo mafaranga, aho bazitabiriye ku kigero cyo hejuru kandi bakanishyura neza kuko ikigero cy’inguzanyo zitishyurwa neza kingana na 1%.”

Muri iyi nteko rusange ya 31, yateraniye mu Mujyi wa Kigali, abayobozi n’abanyamuryango bagize umwanya wo gusuzuma ibikorwa byagezweho, gutegura icyerekezo gishya, no gushimira abarimu ku giti cyabo ndetse n’ibimina byagaragaje umwete n’imikorere myiza kurusha abandi.

Muri iyo nteko, abarimu n’ibimina bashimiwe by’umwihariko kubera uruhare rukomeye bagize mu guteza imbere Umwalimu SACCO, kwitabira neza gahunda zo kwizigamira no gufata inguzanyo mu buryo buboneye, ndetse no kubahiriza inshingano zabo nk’abanyamuryango.

Abayobozi ba Umwalimu SACCO bavuze ko gushimira abahize abandi bigamije gukomeza gushishikariza abarimu gukorana umurava, guteza imbere umuco wo kwizigamira no gukoresha neza serivisi z’umwarimu Sacco n’inguzanyo.

Bamwe mu bashimiwe bavuze ko iki gikorwa kibateye ishema n’imbaraga zo gukomeza kuba intangarugero, basaba n’abandi barimu gukomeza kwitabira ibikorwa bya Umwalimu SACCO hagamijwe guteza imbere imibereho yabo n’iterambere rusange.

Ntegerejimana Innocent, uyobora Urwunge rw’amashuri rwa Rufungo mu Karere ka Rulindo wahembwe mu cyiciro cy’abizigamiye neza yavuze ko ibanga yakoresheje ari uburyo yagiye ategura ingengo y’imari bijyanye n’uburyo yinjiza.

Ati: ”Iyo umuntu akurikije ibyo yinjiza ategura gahunda ye cyangwa ingengo y’imari y’uburyo azayikoresha, hanyuma ibyo byose ukabiteganyamo. Uburyo njye nabiteganyijemo, nanyuze muri gahunda ya Nzigamira Nige kugira ngo abana banjye babe bashobora kwiga cyangwa nanjye mbe nakongera ubushobozi n’umudamu wanjye, tubashe kuzamura urwego.”

Innocent akomeza avuga ko yifashishije umushahara we ndetse n’inguzanyo Umwalimu SACCO yamuhaye byamufashije gukora indi mishinga yunganira umushahara we, aho yashoye mu buhinzi bw’ikawa, urutoki n’indi myaka itandukanye.

Yasabye abarimu bagenzi be gukunda akazi bakora kandi bakagerageza gukoresha neza umushahara wabo ndetse n’inguzanyo bafata bakagerageza kuzikoresha icyo zigenewe.

Iyi nteko rusange ya 31 yasize abanyamuryango biyemeje gukomeza ubufatanye no gushyira mu bikorwa imyanzuro yafatiwemo, hagamijwe gukomeza guteza imbere Umwalimu SACCO n’abarimu muri rusange.

Muri uru ruzinduko barimo kugirira mu Rwanda, Gen. Charles Kahariri n’itsinda ayoboye, basuye Urwibutso rwa Jenoside yakorewe Abatutsi rwa Kigali ruherereye ku Gisozi, bunamira inzirakarengane ziharuhukiye.

Basangijwe urugendo rw’amateka ashaririye yagejeje u Rwanda kuri Jenoside yahitanye ubuzima bw’Abatutsi basaga miliyoni, ndetse n’uko Igihugu cyongeye kwiyubaka.

Si ibyo gusa kuko ku gicamunsi cyo kuri uyu wa Gatatu, Gen Charles Muriu Kahariri, yakiriwe na mugenzi we Gen Mubaraka Muganga, Umugaba Mukuru w’Ingabo z’u Rwanda, hanyuma anagirana ikiganiro na Minisitiri w’Ingabo, Juvenal Marizamunda.

Mu biganiro byabereye ku cyicaro cya Minisiteri y’Ingabo n’icy’Ingabo z’u Rwanda (RDF), impande zombi zaganiriye ku mikoranire myiza isanzwe iri hagati y’Ingabo z’u Rwanda n’iza Kenya, kureba amahirwe mashya yo kurushaho gukomeza ubu bufatanye, no kungurana ibitekerezo ku ngingo zitandukanye mu bya gisirikare hamwe n’umutekano.

Muri uru ruzinduko kandi, biteganyijwe ko uyu muyobozi azasura anatange isomo mu Ishuri Rikuru rya Gisirikare ry’u Rwanda riherereye i Nyakinama mu Karere ka Musanze.

Ni inzu yubakiwe mu rwego rwo kumufasha kubona icumbi rimuhesha icyubahiro kandi rikamufasha kutigunga.

Iyi nzu yashyikirijwe yashyizweho ibuye ry’ifatizo mu minsi ijana yo kwibuka Jenoside yakorewe abatutsi ku nshuro ya 31, ikaba yarubatswe mu gikorwa cyo kwimakaza ubumwe n’ubutabazi kigamije gufasha abatishoboye no gushyigikira imibereho myiza y’abaturage.

Kuri ubu inzu zubakiwe abatishoboye barokotse Jenoside yakorewe Abatutsi muri 1994, inyinshi zarangiritse ku buryo hagenda hashyirwaho uburyo bwo kubasanira ku bufatanye bwa Minisiteri y’Ubumwe bw’Abanyarwanda n’Inshingano Mboneragihugu.

Inzu yashyikirijwe yubatswe nyuma y’uko iya mbere yari yarangiritse cyane ku buryo itari ikibasha guhangana n’imvura n’imiyaga kubera gusaza.
Mu gihe yafataga urufunguzo rw’inzu ye nshya, Mudahinyuka Aloys, yashimye uyu Muryango. Ati: “Ndashimira Umuryango w’Abahesha b’Inkiko b’Umwuga ku bw’ineza n’ubugiraneza mwangaragarije”.

Uretse ku mwubakira inzu, bamuhaye n’ibikoresho byo mu nzu birimo ibitanda, imifariso, intebe zo mu ruganiriro, ibikoresho byo mu gikoni n’ikigega cy’amazi. Agaciro k’iyi nkunga yose kari hafi ya miliyoni 21 z’amafaranga y’u Rwanda.

Mu ijambo rye, Perezida w’Umuryango w’Abahesha b’Inkiko b’Umwuga, Me Niyonkuru Jean Aimé, yashimye uruhare rw’abanyamuryango bose mu gushyigikira iki gikorwa cy’ubutwari n’ubumuntu.

Yibukije ko iki gikorwa gishingiye ku ndangagaciro z’Inkotanyi, ashimira kandi ubuyobozi bwiza bwa Perezida Paul Kagame bukomeje gufasha buri Munyarwanda kudasigara inyuma.

Umuyobozi w’Akarere ka Nyanza wungirije ushinzwe imibereho myiza y’abaturage Mme Kayitesi Nadine, yashimiye cyane Umuryango w’Abahesha b’Inkiko b’Umwuga ku bw’umusanzu wabo ugaragara mu iterambere ry’abaturage.
Yavuze ko Akarere kazakomeza gufatanya n’abafatanyabikorwa bose hagamijwe guteza imbere imibereho myiza y’abaturage.

Abahagarariye Ministeri y’Ubutabera na Ministeri y’Ubumwe bw’Abanyarwanda n’Inshingano Mboneragihugu, bari bitabiriye uyu muhango na bo bashimye iki gikorwa, bavuga ko ubutabera butagarukira mu rukiko gusa, ahubwo bugaragarira no mu bikorwa bifasha kubaka ubuzima bwiza bw’abaturage. Bagize bati: “Ubutabera nyakuri bugaragarira no mu bikorwa by’umutima byubaka abantu n’igihugu”.

Dr Munyemana Sosthène yongeye gukatirwa igifungo cy’imyaka 24

Me Gisagara Richard, umwe mu bunganira abaregera indishyi muri uru rubanza, ku murongo wa telefoni na Kigali Today, yavuze ko bishimiye igihano ahawe.

Ati “Nubwo abo twunganiraga bose tutaravugana ariko nkanjye, twishimiye igihano Dr Munyemana Sosthène ahawe, kuko igihano yahawe bwa mbere cyagumyeho. Ubwo igihano kitagabanutse ku bwanjye ndumva bihagije, nubwo twifuzaga ko nk’uko Ubushinjacyaha bwari bwabimusabiye, igihano cyakwiyongera ariko kuba bidakunze nabyo ntacyo bitwaye”.

Muri 2023 mu kwezi k’Ukuboza, nyuma y’amezi abiri aburana mu mizi yari yahamijwe ibyaha bya Jenoside n’ibyibasiye inyokomuntu, ahanishwa gufungwa imyaka 24.

Ubushinjacyaha icyo gihe bwari bwamusabiye gufungwa imyaka 30, ariko kuri iyi nshuro mu bujurire bwari bwamusabiye guhamywa ibyaha bya Jenoside n’ibindi byaha byibasiye inyokomuntu, bitewe n’uruhare yagize muri Jenoside cyane cyane mu kurimbura Abatutsi bihishaga muri Segiteri Tumba yari afitiye urufunguzo, no kwitabira inama zitandukanye zigamije kurimbura Abatutsi.

Bamwe mu bagize umuryango wa Dr Munyemana, barimo umugore n’abana, ubwo batangaga ubuhamya, bagiye bagaragaza ko yari umubyeyi mwiza wafashaga abantu, wakijije Abatutsi, abandi bakavuga ko kuva yagera mu Bufaransa yabanaga n’abandi neza bityo ko umuntu witwaye gutyo atakwica cyangwa ngo yicishe abantu.

Kimwe na nyir’ubwite, Dr Munyemana haba mu rubanza rwa mbere no mu bujurire, yaburanye ahakana ibyaha ashinjwa akavuga ko yifuza ubutabera kandi ko urukiko ari rwo rwamuha ubutabera rukamugira umwere.

Munyemana ni muntu ki?

Munyemana yavutse tariki ya 9 Ukwakira 1955, avukira i Mbare, Komini Musambira ahari muri Perefegitura muri Gitarama. Ababyeyi be ni Kangabo Balthazar na Nyirahabimana Charlotte.

Arangije amasomo muri Kaminuza i Butare, yagiye gukomereza muri kaminuza ya Bordeaux II mu Bufaransa mu bijyanye no kuvura indwara z’abagore (Gynécologie).

Yaragarutse akora mu bitaro bya Kaminuza ari nako atanga amasomo muri Kaminuza y’u Rwanda, Ishami ry’Ubuvuzi. Mu gihe cya Jenoside yakorewe Abatutsi yari atuye muri Selire ya Gitwa i Tumba. Yashakanye na Muhongayire Fébronie, babyarana abana batatu.

Itangazo ryashyizwe ahagaragara na CNLG rivuga ko muri Jenoside, umugore we atari mu Rwanda ahubwo yari mu Bufaransa.

CNLG yavugaga ko Munyemana we avuga ko yari muri konji guhera tariki 29 Werurwe kugera 9 Gicurasi 1994, ibi bikaba byaramuhaye umwanya uhagije wo gukora Jenoside.

Mu 1995 Umuryango ’Collectif Girondin pour le Rwanda na International Federation for Human Rights’ (FIDH), yatanze ikirego kivuga ku ruhare rwe muri Jenoside, inkiko zigisuzuma muri 2001.

Nyuma yaho u Rwanda rwatanze impapuro zimufata, ashyirwa ku rutonde rwa Interpol guhera mu 2006. Muri 2008 yimwe sitati y’ubuhunzi naho tariki ya 16 Mutarama 2011 hemejwe ko akurikiranwa ku cyaha cya Jenoside (mis en examen pour Génocide), yamburwa urwandiko rw’inzira ndetse ategekwa kwitaba no gusinya kuri ’gendarmerie’ buri gihe.

Mu 2010 u Rwanda rwasabye ko yoherezwa mu Rwanda ariko u Bufaransa buranga, akaba ari na bwo bwamuburanishije kuva tariki 13 Ugushyingo kugeza tariki 20 Ukuboza 2023.

Mu mwaka wa 2023 Munyemana yahamwe n’ibi byaba mu rugereko rw’ibanze, maze ahanishwa igifungo cy’imyaka 24, ariko aza kujurira avuga ko ari umwere.

Muri uru rubanza rurimo kugana ku musozo, humviswe abatangabuhamya ku mpande zombi, zishinja n’izishinjura, abasobanura amateka yaranze u Rwanda mbere, muri Jenoside na nyuma yayo ndetse Dr Munyamana nawe ahabwa ijambo akomeza kuburana ahakana ibyaha ashinjwa.

Umwe mu bunganira abaregera indishyi muri uru rubanda Me Richard Gisagara avuga ko kuva rwatangira mu bujurire, bagaragaje uruhare rwa Munyemana muri Jenoside yakorewe Abatutsi, n’ingaruka mbi byagize ku bayirokotse kugeza uyu munsi. Ati: "Twagaragaje ingaruka ku barokotse Jenoside yakorewe Abatutsi n’ababakomotseho kugeza uyu munsi. Nicyo cyari ingenzi cyane gusobanurira Urukiko, kugira ngo igihe ruzaba rugiye kwiherera ruzamenye igihano kimukwiye hagendewe ku ishusho y’ibyaha yakoze ndetse n’ingaruka byagize".

Kuwa 21 Ukwakira 2025, ubwo Ubushinjacyaha bw’u Bufaransa bwahabwaga ijambo n’Inteko iburanisha uru rubanza, bwasabye Urukiko guhamya Dr. Munyemana Sosthène, ibyaha bumushinja maze rukamukatira guhanishwa gufungwa burundu.

Abatangabuhamya, Abunganira abaregera indishyi muri uru rubanza ndetse n’Ubushinjacyaha, bashinja Munyemaba kugira uruhare mu bwicanyi bwakorewe Abatutsi muri Segiteri ya Tumba mu yahoze ari Perefegitura ya Butare.

Me Gisagara avuga ko muri uru rubanza bagaragaje ibimenyetso bigaragara byerekana ko yagize uruhare.muri Jenoside. Ati: "Twerekanye amateka yerekana ishyaka MDR, Dr Munyemana, yabarizwagamo, ingengabitekerezo yabagamo kuva kera, nyuma akajya ku ruhande rwa Kambanda rutashakiraga u Rwanda Amahoro. Mu bimenyetso bifatika, hari inyandiko y’ibaruwa Dr Munyemana yanditse tariki 17, ashyigikira Guverinoma ya Kambanda afatanyije n’abandi, hari kandi andi mabaruwa ya mbere yagiye yandika agaragaza ko muri MDR harimo ibibazo ibyerekanaga ko adashaka amahoro".

Me Gisagara akomeza agira ati: "Twasobanuye inama zakozwe ari naho yaherewe urufunguzo rwa Segiteri Tumba yafungiwemo Abatutsi nyuma bakajya kwicwa hakaza kurokoka umuntu umwe. Ibyo byose twabigaragarije Urukiko nubwo Dr Munyemana abihakana ariko ko bidakuraho ko yagize uruhare muri Jenoside afatanyije n’abandi muri Tumba mu yahoze ari Perefegitura ya Butare ubu ni mu Karere ka Huye, Intara y’Amajyepfo".

Muri ubu Bujurire kandi hagaragajwe uburyo Dr Munyemana wavuze ko yahunze Interahamwe zishaka kumwica, atigeze ahungira i Burundi hari hamwegereye ahubwo yahisemo guhungira mu nzira ya kure yo muri Kongo, inzira yanyuragamo abagize Guverinoma bari barimo guhunga Igihugu byerekana ko bari bafatanyije.

Amategeko y’Ubufaransa avuga ko uwishe umuntu umwe ahanishwa igihano cy’igifungo cy’imyaka 30, mu gihe iyo ugerageje kumwica uhanishwa igihano cy’igifungo cy’imyaka 25.

Mu gusabira Dr Munyemana gufungwa burundu, Umushinjacyaha yibukije ko kwica abantu benshi, itegeko riteganya ko uhanishwa igihano cy’igifungo cya burundu bityo ko nta kindi gihano gikwiye guhabwa Dr. Munyemana Sosthène.

Muri uru rubanza rwumviswemo abana ba Dr Munyemana bashinjura umubyeyi wabo, ubwo yasabirwaga igifungo cya Burundu, umufasha we n’umwana wabo muto bavugije induru mu rukiko.

Biteganyijwe ko Dr Munyemana avuga ijambo rya nyuma uyu munsi maze inteko iburanisha ikiherera, ahazava umwanzuro kuri uru rubanza rumaze hafi ukwezi ruburanishwa mu Bujurire, mu gihe ubwo yaburanaga mu rugereko rw’ibanze, rwamaze hafi amezi abiri.

Dr. Munyemana ari kuburana ubujuririre ku gihano cy’imyaka 24 yakatiwe mu 2023. Uru rubanza ruri kubera mu rugereko rw’ubujurire rw’Urukiko rwa Rubanda rwa Paris mu Bufaransa kuva ku wa 16 Nzeri 2025.

Umwe mu batangabuhamya avuga ko ku itariki 21 Mata 1994, yakubitanye n’interahamwe zari ziyobowe Dr. Munyemana afite lisite y’abatutsi bashakishwaga kugira ngo bicwe.

Yagize ati: "Ku itariki 21 Mata 1994, saa tatu n’igice za mugitondo, interahamwe yitwa Rugenintwaza Celestin, ari kumwe na ba Fidele na Faustin, baramanutse baje gushaka uwitwa Nsengimana Jean Marie Vianney, wari musaza wanjye wo kwa data wacu, njye nasohotse mpfubirana na bo, Munyemana abari imbere, lisite yari ayifite, Abatutsi bose bagomba gupfa, lisite yari yarateguwe."

Uyu mutangabuhamya akomeza avuga ko Dr Munyemana yahabwaga raporo z’Abatutsi babaga bishwe ndetse n’abasigaye ku buryo buri wese wabaga wasigaye yabaga azwi.

Avuga ko yiyumviye mu nama zitandukanye, Dr Munyemana avuga ko umugabo wese w’Umuhutu ufite umugore w’Umututsi agomba kumutanga kuko ari bo bazatanga amakuru y’ibyabaye Inkotanyi nizimara kugera mu gihugu zitsinze urugamba.

Abajijwe iby’uko Dr. Munyemana yafungiranaga abantu kuri segiteri kugira ngo abarokore, yavuze ko atari byo. Ati: "Njye yafunguye mpari, harunzemo abantu huzuye. Inama yabereye hano, arababwira ati, ibintu birakomeye, inkotanyi zirimo ziraza ntabwo zisubira inyuma, nimushyire ibintu mu bikorwa."

Uyu mutangabuhamya avuga ko nyuma y’iyo nama yabaye mu matariki abanza ya Gicurasi 1994, Dr Munyemana yavugiyemo ayo magambo, umuryango we wose bahise bawica.

Gashugi Jean Marie Vianney, komiseri muri Ibuka ushinzwe ubutabera mu Murenge wa Tumba, yavuze ko kujurira kwa Dr. Munyemana babifata nko kurushya abantu gusa, kuko ibyo yakoze byagaragariye benshi cyane ko yari n’inshuti y’umuryango we.

Yagize ati “Ibintu byabereye aha ngaha kubivuga birakomeye. Yatubereye impyisi. Ibintu byabaye i Tumba byagiyemo abantu bagera kuri batandatu barimo Dr. Munyemana Sosthène, uwo bahimbaga Ruganzu, Murekezi Vincent ufungiye mu igororero rya Mageragere, Remera Simeon, Félicien abandi ni abo bagiye batoza begeranya, batoza banabashyira ku itegeko."

Yakomeje avuga ko Abatsutsi bafungirwaga kuri segiteri, bicirwaga hepfo yayo bakabajugunya mu cyobo ndetse ko abantu bahakuye barengaga 300.

Gashugi avuga ko nubwo Dr Munyemana atemera ibyo yakoze, bizeye ubutabera ko buzabasubiza icyubahiro cyabo. Ati: "Twiringiye ubutabera ko buzakora akazi kabwo. nkuko bwari bwabikoze mbere buzongere bukomeze imbaraga kandi buturenganure. Niyo yakatirwa umwaka umwe nibura icyaha kiba cyamuhamye akumva ko ari umunyacyaha."

Yakomeje avuga ko ibikorwa by’ubwicanyi byose Dr Munyemana yari abirimo byose kuko yahabwaga raporo y’ibyabaye haba mu gitondo, ku manywa na nimugoroba.

Dr. Munyemana ni umuganga wakoreye mu Bitaro bya Butare, anigisha mu ishami ry’iyari Kaminuza Nkuru y’u Rwanda rishinzwe ubuvuzi, kugeza ubu we akaba agihakana ibyaha ashinjwa, agasaba kuba umwere.

Biteganyijwe ko uru rubanza rw’ubujurire ruzarangira tariki ya 24 Ukwakira 2025.

Ni ubujurire bwatangiye ku gicamunsi cyo kuri uyu wa kabiri tariki 16 Nzeri 2025, aho yinjiye mu rukiko rwa rubanda rwa Paris mu Bufaransa yambaye umweru hejuru, hasi umutuku wijimye(maroon) maze akomereza mu kazu k’ababuranyi.

Uyu mugabo yamenyekanye ku izina ry’umubazi wa Tumba nkuko byagiye bigarukwaho n’abatangabuhamya batandukanye mu iburanisha ryabanje ari naryo ryamuhamije ibyaha bya Jenoside n’ibyibasiye inyokomuntu.

Ubwo yazaga mu rukiko kuri uyu wa 16 Nzeri, yari yambaye umweru hejuru hasi umutuku wijimye(polo blanc et pantalon marron) yambaye amapingu ahita yicara mu kazu kicaramo ababurana bashinjwa ibyaha bitandukanye.

Dr Munyemana ukomeje kuburana ahakana ibyaha aregwa, yageze mu Bufaransa muri Nzeri 1994, aho umugore we yari asanzwe atuye ndetse n’abana babo batatu. Ubwo yatabwaga muri yombi yari atuye mu majyepfo y’Uburengerazuba bw’u Bufaransa, aho yakoraga nk’umuganga w’indembe mu bitaro, hanyuma aba umuganga wita ku bageze mu zabukuru.

Dosiye ye ni yo yari imaze igihe kirekire kurusha izindi mu Bufaransa zifitanye isano na jenoside. Yatangiye mu 1995 nyuma y’ikirego cyatanzwe i Bordeaux, hanyuma mu 2001 dosiye yimurirwa i Paris. Urukiko rwasohoye itegeko ryo kumushinja mu 2018.

Urubanza mu bujurire rwo kuri uyu wa Kabiri, Dr Munyemana yinjiye mu rukiko Urugereko rw’ubujurire rwa Rubanda i Paris mu Bufaransa, mu mapingu kandi aherekejwe n’Abahandarume b’Abafaransa.

Amaze kuhagera bahereye ku gutora inyangamugabo ndetse zirarahira, nyuma hasomwa amazina y’abatangabuhamya bagera kuri 74 bazumvwa muri uru rubanza, barimo umugore we n’umuhungu we, abasobanura amateka y’u Rwanda n’aya Jenoside, bamwe bari mu Rwanda bakazatanga ubuhamya hifashishijwe ikoranabuhanga abandi bakaba bari mu Bufaransa.

Muri uru Rubanza humviswe ushinzwe umutekano ku ruhande rw’Ubufaransa ari nawe uzafasha abatangabuhamya bari mu Rwanda mu gutanga ubuhamya hifashishijwe ikoranabuhanga n’ibindi.

Humviswe kandi inshuti za Dr Munyemana bakoranaga aho yakoraga mu kwita ku bakuze, aho bagaragazaga ko ari umuntu mwiza wita ku barwayi igihe cyose bamaranye nawe ndetse bamurika n’ibaruwa yanditswe n’abaganga bagera kuri 50 nyuma y’uko yari amaze gukatirwa gufungwa imyaka 24, imusabira kurekurwa.

Ku gicamunsi cyo kuri uyu wa Kabiri kandi humviswe umuhungu wa Dr Sosthène Munyemana, wavuze ko se ari umunyabigwi utakora ibyaha cyane cyane ibyo ashinjwa bityo ko bamubeshyera, kuko ari umuganga ukiza ubuzima bw’abantu ko ntaho yahera abubambura.

Umukozi w’Umuryango w’Abanyamakuru baharanira amahoro Pax Press, ushinzwe imanza za Jenoside zibera mu mahanga, Gérard Mbonyumuvunyi( Manzi), mu kiganiro na KT Radio yavuze ko uru rubanza ruzarangira rutinze kandi ko rutandukanye n’urwabanje.

Yagize ati: "Mu rukiko rwa rubanda rwa Paris uko rukora, ntabwo bajurira bavuga ngo hari ingingo nshya bazanye ahubwo urubanza rutangira bundi bushya. Niyo mpamvu harimo abatangabuhamya bagera kuri 70 kandi mbere harimo 67, bivuze ko rutangira mu mizi ndetse rukazafata igihe kirekire".

Manzi akomeza avuga ko mu Bubiligi ho iyo uhamijwe ibyaha n’urukiko rwa rubanda ujurira uvuga ko hari amategeko yirengagijwe mu gihe mu Bufaransa kujurira byemewe kandi iyo ubihawe urubanza rutangira bundi bushya.

Agaruka ku myaka 8 iri muri 24, Dr Munyemana yagombaga gufungwa nkuko byari mu bihano yakatiwe, Manzi yavuze ko Urukiko nirumugira umwere atazigera ayifungwa kuko ibyabanje bihita bita agaciro hagendewe ku mwanzuro w’urubanza mu bujurire.

Dr Munyemana Sosthène wamenyekanye ku izina ry’Umubazi wa Tumba, yari akurikiranyweho ibyaha bya Jenoside, ibyaha byibasiye inyokomuntu n’ubufatanyacyaha muri ibyo byaha, yahamwe n’ibyaha bya Jenoside, n’ibyaha byibasiye inyokomuntu.

Ibyaha Munyemana aregwa ngo yabikoreye i Tumba mu Karere ka Huye mu Majyepfo y’u Rwanda.

Min. Albert Murasira

Ni amakuru atangazwa na Minisiteri ishinzwe ibikorwa by’Ubutabazi MINEMA, aho igaragaza ko ku bufatanye na UNHCR, Abanyarwanda barenga 2000 bamaze gutaha.

Ibi byatangajwe na Minisitiri wa MINEMA, Maj. Gen. (Rtd) Albert Murasira, ubwo yahaga ikaze abanyarwanda barenga igihumbi(1000) batahutse guhera kuwa Gatandatu no kuwa Mbere w’iki cyumweru.

Minisitiri Murasira yagize ati: "Mbere Abanyarwanda ntibabonaga uko bataha kuko inzira ntabwo yari imeze neza kuko ibice byinshi byagenzurwaga n’imitwe nka FDLR, Wazalendo bityo bakababuza gutaha bababwira amakuru atari yo. Gusa kuva M23 yakubura imirwano igafata ibice byinshi byagenzurwaga n’iyo mitwe, batangiye gutaha ari benshi ndetse kuva muri Mutarama M23 ifashe Goma hamaze gutahuka abarenga 2000 kandi dutegereje n’abandi bagera ku 2500".

Minisitiri Murasira akomeza asobanura ko amakuru y’abatahuka bayahabwa n’Ishami ry’Umuryango w’Abibumbye ryita ku Mpunzi - UNHCR ikorera mu Burasirazuba bwa Repubulika Iharanira Demokarasi ya Congo, cyane cyane i Goma.

HCR Goma, ngo ikorana n’ikorera mu Rwanda bityo bakabasha guteguza Leta ko hari abifuza gutaha nayo ikabategurira uko bakirwa mbere y’uko binjizwa mu miryango.

Bamwe muri aba Banyarwanda batahuka bagiye muri Congo kera nko mu gihe cya Jenoside yakorewe Abatutsi mu Rwanda, abandi bagenda nyuma y’aho hakaba n’abagiye bagiye gushaka akazi ariko nyuma bagafatwa bugwate na FDLR.

Bamwe muri bo bagaragaza ko batakigira imiryango bityo bakibaza uko bizagenda. Umwe mu babyeyi batahutse yagize ati: "Twahunze kera ndi kumwe n’ababyeyi banjye ubu ntahanye abana kuko ababyeyi barapfuye kandi sinzi aho bari batuye, gusa numvaga bavuga ko bagurishije imirima bajya kuza i Congo none ndaba hehe?".

Iki ni ikibazo yabazaga Minisitiri wa MINEMA Albert Murasira, wahise amusubiza ati: "Wigira impungenge n’abandi mufite ibibazo nk’ibyo. Muracyahumeka mwari mu mirwano, ubu mwageze mu gihugu cyanyu nanjye ndi umuvandimwe wanyu ntabwo muzabura aho kuba. Ku bufatanye n’izindi nzego za leta mutagiraga hakurya ngo zibegere hano twe tuzabafasha muhabwe byose by’ibanze kandi muzabaho neza cyane mu mahoro, mutekanye".

Kuwa Gatandatu tariki 17 Gicurasi, u Rwanda rwakiriye Abanyarwanda batahutse bagera kuri 360 bajyanwe mu kigo kibakira by’igihe gito cya Kijote cyo mu Murenge wa Bigogwe, mu gihe kuri uyu wa mbere tariki 19 hakiriwe 796 bajyanwe i Nyarushishi mu karere ka Rusizi hari ikigo gifite ubushobozi bwo kubakira.

Aba banyarwanda batahutse bagaragaweho uburwayi butandukanye bwiganjemo Malaria, impiswi cyane cyane ku bana, umwanda nk’uko byatangajwe n’abaganga barimo kubitaho ndetse n’imirire mibi ku bana bato dore ko abatashye biganjemo abagore n’abana.

Ubu busabe bukunze kugaragara kenshi mu nama ibahuza n’iyi Minisiteri, bwongeye kugarukwaho mu nama y’Inteko Rusange y’Abahesha b’Inkiko b’Umwuga yabereye i Kigali mu mpera z’iki Cyumweru dusoza.

Bimwe mu byo bagaragaje ko bikeneye amavugurura, harimo umushahara bavuga ko utajyanye n’igihe, ndetse n’ikibazo cya sisitemu yifashishwa mu nzego z’ubutabera ibadindiza mu kurangiza imanza.

Iteka rya Minisitiri rigena igihembo cy’Abahesha b’Inkiko b’Umwuga rikoreshwa mu Rwanda, kugeza ubu ni iryo muri 2017.

Iri teka riteganya ko igihembo cy’Umuhesha w’Inkiko w’Umwuga ufashije abantu kwemeza inyandiko y’irangizwa ry’urubanza hagati yabo ku neza ari amafaranga ibihumbi 20 y’u Rwanda(20,000) yishyurwa n’uwamusabye serivisi.

Iteka riteganya kandi ko igihembo cyo kwishyuza umwenda ku gahato binyuze mu cyamunara gikorwa hashingiwe ku nshingano ishingiye ku masezerano, ku mategeko cyangwa ku cyemezo cy’urukiko, icy’ubuyobozi cyangwa indi nyandiko mpesha kingana na 5% y’agaciro k’ibyishyuzwa.

Igihembo cy’Umuhesha w’Inkiko w’Umwuga ukoze igikorwa kitagaragaza agaciro harangizwa ku gahato icyemezo cy’urukiko cyangwa inyandikompesha, cyo ntikirenza amafaranga miliyoni 1 y’u Rwanda(1,000,000Frw).

Umuhesha w’Inkiko w’Umwunga, Me Mihigo Safari, yavuze ko iteka risanzweho rituma hari imirimo yirengagizwa ikorwa n’Umuhesha w’Inkiko w’Umwuga.

Ati: "Mu by’ukuri itegeko rikoze nabi. Bavuga 5% ari uko ugiye muri cyamunara, kandi ntabwo aba ari bwo ugitangira. Hari igenagaciro wakoze, hari no gutanga amatangazo; ibyo byose ukajya kubona uwo wishyuriza aragiye arakureze, umucamanza akavuga ngo cyamunara irahagaze".

Yakomeje avuga ko Abahesha b’Inkiko b’Umwuga bagwa mu gihombo kubera ibyo batakaza mu gihe cyo gukurikirana irangizwa ry’urubanza, ntibabigaruze.

Me Mihigo ati: "Iteka nirihinduke. Mbere hari iryahindutse ryavugaga ko uhabwa Frw 500,000 ku byo ukoze. Nibura waravugaga ngo ‘hari ayo mbonye’, ariko ubu abo wishyuriza bihutira kujya mu nkiko bakavuga ngo wishe uburyo bikorwa".

Perezida w’Urugaga rw’Abahesha b’Inkiko b’Umwuga, Me Niyonkuru Jean Aimé, yagaragarije Minisiteri y’Ubutabera ko iteka rihari rifite ibibazo, kuko rishobora kubangamira inzira y’Ubuhuza (Mediation) leta ishyize imbere.

Ati: "Hari imirimo myinshi ikorwa n’Abahesha b’Inkiko b’Umwuga idasabye cyamunara, nko gufatira amafaranga kuri banki no guhesha umuntu ibintu yatsindiye. Ibyo byose ntabwo bisaba cyamunara".

Me Niyonkuru yakomeje agira ati: "Iri teka rituma bwa buryo leta ishyize imbere bw’inzira y’ubuhuza bushobora kwirengagizwa n’Umuhesha w’Inkiko, kubera ko aba azi ko atari bubone igihembo cye. Ashobora no kujya gufatira ayo mafaranga akajya gushaka inzu kugira ngo abone igihembo, ariko mu gihe iteka rihindutse tukaba twabona igihembo twakoreye ari uko dutangiye imirimo ya cyamunara, ngira ngo n’inzira y’ubuhuza nk’abahesha b’inkiko twayitabira".

Umuyobozi Mukuru muri Minisiteri y’Ubutabera ushinzwe Kwegereza Serivisi z’Ubutabera Abaturage, Gahongayire Mariam, yavuze ko iki kibazo bakizi kandi barimo gushaka uko cyakemuka.

Ati: "Icyo cyifuzo ntabwo ari ubwa mbere kigaragajwe, no mu nteko rusange y’umwaka ushize bari bakigaragaje. Ntabwo twacyumvise ngo tucyihererane".

Gahongayire akomeza agira ati: "Minisiteri y’Ubutabare n’izindi nzego bafatanya barimo kugikoraho, tureba ko na ririya tegeko rigenga ibihembo ryahinduka, tukareba ko byangana n’ibiciro biriho ubu ngubu".

Ibihembo by’imirimo ikorwa n’Abahesha b’Inkiko b’Umwuga bigenwa n’Iteka rya Minisitiri ufite Ubutabera mu nshingano ze.

Inzego z’Urugaga rw’Abahesha b’Inkiko b’Umwuga, imikorere yazo n’uko zuzuzanya n’izindi nzego byo biteganywa n’Itegeko No 12/2013 ryo ku wa 22/03/2013 rigenga umurimo w’Abahesha b’Inkiko ryatangajwe mu Igazeti ya Leta No 14 yo ku wa 08 Mata 2013.

Ni Abanyarwanda babuzwaga gutaha n’umutwe w’iterabwoba wa FDLR ugizwe n’abasize bakoze Jenoside yakorewe Abatutsi mu Rwanda mu 1994.

Aba banyarwanda batahutse nyuma y’umutekano bahawe n’umutwe wa AFC/M23, mu bice bitandukanye igenzura mu Burasirazuba bwa RDC.

Bakigera mu Rwanda, bajyanywe mu nkambi ya Kijote isanzwe inyuzwamo abatahutse (transit camp)iri mu Murenge wa Bigogwe, Akarere ka Nyabihu.

Umuyobozi w’Akarere ka Rubavu, Prosper Mulindwa yagize ati "Aba batashye ni icyiciro cya mbere, ariko hari abandi barenga ibihumbi bibiri bari mu nkambi ya HCR muri Kongo, nabo biteguye gutaha mu Rwababyaye."

Mulindwa yavuze ko aba banyarwanda bari barafashwe bugwate na FDLR, ku buryo banabujijwe inzira yo gutaha, kandi babyifuzaga, dore ko ngo bari bari no mu buzima bugoye, aho harimo abana bari mu mirire mibi.

Bamwe mu bo twaganiriye bahamije ko mu bice bitandukanye bahozemo muri Congo ubuzima bwari bubi kuko bahoraga bimuka.

Uwitwa Venansiya yagize ati: "Twavuye mu Rwanda ndi muto nko muri 1998, nari kumwe n’ababyeyi banjye ndetse n’abavandimwe. Twahoze dutuye Masisi ariko imirwano ya FDLR yahagera tukimuka tugasiga byose".

Venansiya akomeza avuga ko n’ubwo ataragera kure ariko yatangajwe no kubona aho u Rwanda rugeze. Ati: "Natunguwe n’imihanda n’isuku biri hano, nubwo nari muto ariko siko hasaga rwose.Nishimiye kuba ntashye mu gihugu cyambyaye ndetse nizeye ko bazamfasha kwiteza imbere kuko ibyo batubwiraga ngo u Rwanda nta kiza gihari".

Undi mugabo uvuga ko ababyeyi be bapfiriye muri Congo, avuga ko yifuza gufatanya n’abandi kubaka igihugu cye ndetse abana be bakajya mu ishuri. Ati: "Twagiye muri Congo ndi muto.Ababyeyi banjye barapfuye nyuma nashatse umugore ubu dufitanye abana batandatu kandi nta n’umwe wiga. Nizeye ko bazajya ku ishuri kuko numvise amakuru ko mu Rwanda umwana wese yiga uko abyifuza".

Iki ni icyiciro cya mbere cy’abakabakaba ibihumbi bitatu bategerejwe gutahuka kugera kuwa mbere iya 19 Gicurasi.

AMAFOTO - Abanyarwanda bagera kuri 360 barimo gutahuka bava muri Repubulika Iharanira Demukarasi ya Congo guhera kuri uyu wa Gatandatu tariki 17 Gicurasi 2025 banyuze ku mupaka munini uhuza u Rwanda na Kongo mu Karere ka Rubavu.

Ni Abanyarwanda babuzwaga gutaha n'inyeshyamba zo… pic.twitter.com/Rs9BmzhCh2

— Kigali Today (@kigalitoday) May 17, 2025

VIDEO - Abanyarwanda batahutse kuri uyu wa Gatandatu bavuye muri Repubulika Iharanira Demokarasi ya Congo, babanje kujyanwa mu nkambi ya Kijote iri mu Murenge wa Bigogwe mu Karere ka Nyabihu. pic.twitter.com/OYTI1ywbK6

— Kigali Today (@kigalitoday) May 17, 2025

Muri ubu bukangurambaga, NCDA yabonye ko hari ibice by’igihugu bifite ikibazo cy’igwingira gikiwiye kwitabwaho ku buryo budasanzwe, kugira ngo igihugu kigire umuryango utekanye.

Ubu bukangurambaga bwakomereje mu Karere ka Nyagatare kuri uyu wa kane tariki 17 Mata 2025.

Mu kiganiro cyabereye mu murenge wa Rwimiyaga cyayobowe na KT Radio, ku bufatanye na NCDA kikitabirwa n’abaturage ndetse n’inzego zitandukanye, Umuyobozi wungirije w’Akarere ushinzwe imibereho y’abaturage, Murekatete Juliette, yatangaje ko mu bana 164 bagaragaweho imirire mibi n’igwingira mu mirenge itandukanye y’Akarere ka Nyagatare hari abashyizwe mu mutuku.

Ni ikiganiro cyagarukaga ku kurandura igwingira n’imirire mibi muri aka gace.

Mu kugaragaza ishusho y’uburyo ikibazo cy’imirire mibi giteje inkeke muri aka gace, Murekatete yagize ati: "Imibare irahindagurika ndetse uyu mwaka mu bugenzuzi buherutse gukorwa muri Mutarama abana bagera kuri 26%bagaragaweho igwingira bavuye kuri 22.8% bariho umwaka ushize muri 2024. Kuri ubu abana 53 twasanze bari mu mutuku bashyizwe mu bitaro kugira ngo bitabweho ariko harebwe n’icyateye iryo hagamijwe kurirandura".

N’ubwo abo bana bajyanywe mu bitaro kwitabwaho n’abaganga, Murekatete yongeye kwibutsa ko badakwiye kugaragaza imbogamizi cyane kurusha kwishakamo ibisubizo kuko aka karere kadafite umwihariko w’ubukene. Ati: "Buri rugo rugomba kugira umurima w’igikoni, kwirinda ibiyobyabwenge n’amakimbirane mu muryango kuko biri mu bituma ababyeyi batita ku bana babo uko bikwiye bityo abana bagakura nabi".

Amon Rwasamanzi, ushinzwe imishinga mu kigo cy’Igihugu gishinzwe imikurire no kurengera umwana (NCDA), avuga ko iki kigo cyateguye ubukangurambaga mu bice bitandukanye by’Igihugu hibandwa ku duce twibasiwe cyane n’igwingira ndetse n’imirire mibi, hagamijwe ku gukaza ingamba mu kurirwanya.

Amon yasabye ababyeyi kwita ku nshingano yo kurera neza kugira ngo bese umuhigo biyemeje ugira uti: ’Umwana wanjye ishema ryanjye’ ndetse na gahunda yo gukora ubugenzuzi n’ingendo shuri mu bice byagaragawemo abana bafite imirire mibi kugira ngo ababyeyi babo bafashwe kurirandura.

Intego igihugu kihaye mu kurandura imirire mibi n’igwingira nuko mu mwaka wa 2029, kizaba cyagabanyije imirire mibi ku kigero cya 15%.

VIDEO - Abana 53 muri Nyagatare bari mu mutuku biturutse ku mirire mibi, barimo gukurikiranirwa mu bitaro. Ibi byagarutsweho n'Umuyobozi Wungirije w'Akarere ka Nyagatare ushinzwe Imibereho y'Abaturage, Murekatete Juliet, mu bukangurambaga bugamije kurwanya igwingira mu bana… pic.twitter.com/h6NtwYccMr

— Kigali Today (@kigalitoday) April 17, 2025

VIDEO - Bikorimana Isaac, Umukozi w’Ikigo cy'Igihugu Gishinzwe Imikurire no Kurengera Umwana (NCDA) ushinzwe imirire, yasobanuriye abaturage bo mu Murenge wa Rwimiyaga muri Nyagatare uburyo bagaburira abana ifunguro ryuzuye. pic.twitter.com/DRnrnv0uoh

— Kigali Today (@kigalitoday) April 17, 2025

Ni impanuka bivugwa ko yatewe no kuba umuhanda wanyereye kubera imvura yabyutse igwa, aho RITCO yavaga i Rubavu ijya i Kigali yaguye mu muhanda izindi modoka ebyiri zirenga umuhanda abantu barakomereka.

Umwe mu bagenzi bari mu modoka ya RITCO yagize ati: "Abenshi twari twasinziye kuko twazindutse tuva i Rubavu tuza i Kigali. Tugiye kumva twumva imodoka iraguye.Bamwe bakomeretse cyane barimo kubajyana kwa muganga".

Iyi mpanuka ibaye mu gitondo cyo kuri uyu wa Gatanu tariki 18 Mata 2025.

Alain Mukuralinda (RIP) muri studiyo za KT Radiyo.Yari azwiho gukorana neza n’itangazamakuru

Mukuralinda yitabye Imana mu bitaro by’Umwami Fayisali i Kigali, azize indwara y’umutima nk’uko iri tangazo ryavuze.

Inkuru y’Urupfu rwe yakomeje guhwihwiswa ku gicamunsi cy’ejo ku wa 3 Mata, ariko amakuru akomeza kuvuguruzanya.

Mu kwezi k’Ukuboza 2021 nibwo Inama y’Abaminisitiri yemeje Alain Mukuralinda ku mwanya w’Umuvugizi Wungirije wa Guverinoma.

Mukuralinda wize amategeko yakoze imirimo itandukanye muri Leta, aho yabaye Umushinjacyaha akaba n’Umuvugizi w’Ubushinjacyaha bw’ u Rwanda, umwanya yavuyeho mu 2015 ubwo yasezeraga by’igihe kitazwi mu bakozi ba Leta.

Nk’umushinjacyaha, yaburanye imanza zikomeye zirimo iz’abakoze ibyaha bya Jenoside yakorewe Abatutsi mu Rwanda mu 1994.

Yari asanzwe ari n’umuhanzi ndetse agafasha n’abandi bahanzi bakizamuka gutera imbere, akaba yagiraga akabyiniriro ka Alain Muku.

Yaririmbye indirimbo zirimo Gloria ikunze kuririmbwa mu bihe bya Noheri, indirimbo y’Ikipe y’Igihugu Amavubi yitwa ‘Tsinda batsinde n’izindi.

Alain Mukuralinda mu gihe yari mu kiganiro na Kigalitoday yatangaje ko yavutse mu 1970. Yize amashuri abanza mu Rugunga mu Mujyi wa Kigali, ayisumbuye ayiga i Rwamagana mu Icungamutungo, aho yavuye ajya muri Kaminuza y’u Rwanda mu 1991.

Gusa ntiyashoboye kuharangiriza, ariko nyuma yagiye kwiga mu Bubiligi ibijyanye n’amategeko.

VIDEO - Umuvugizi Wungirije wa Guverinoma, Alain Mukuralinda, yatanze ishusho nyayo ku kiganiro Perezida Kagame aherutse kugirana na CNN, nyuma y'uko hari ingingo zikomeye iyo Televiziyo yirengagije mu gutambutsa icyo kiganiro. pic.twitter.com/1QQK7zxpEN

— Kigali Today (@kigalitoday) February 5, 2025

Imibiri 41 yimuriwe mu Rwibutso rwa Kabuye muri Jabana

Bamwe mu baganiriye na Kigali Today bimuye imibiri y’ababo, bagaragaje ko ari igikorwa cyiza kuko kigamije gutuma batekana kurushaho.

Umwe muri bo ni Mutuyemungu Christian, wagize ati “Aha mu bimuwe ni umuryango wanjye, harimo imibiri y’abantu 11 barimo mama, papa, bene mama n’abandi. Kuba twimuye imibiri yabo bigamije umutekano wabo kurusha aho bari bari, kandi gushyirwa hamwe ku Rwibutso bizajya bidufasha kwifatanya na bagenzi bacu, bafite ababo bashyinguye mu Rwibutso rwa Kabuye”.

Mutuyemungu avuga ko Ubumwe bw’Abanyarwanda nyuma ya Jenoside bugeze ku kigero gishimishije, kuko ababahekuye bamwe bahaniwe amarorerwa bakoze, basaba imbabazi, barataha, ndetse kugeza ubu babanye neza kuko baratabarana ndetse bagatumirana mu gihe bafite ibirori.

Ngarambe Placide uvuka mu mudugudu wa Tetero mu Kagari ka Bweramvura, na we yimuye inshuti n’abavandimwe bagera kuri 21.

Ati “Kuba twongeye kubona imibiri y’abacu nubwo byari mu gikorwa cyo kubimura ngo barusheho kuruhuka batekanye, bisobanuye ko amateka ya Jenoside adasaza kuko akomeza kwigaragaza”.

Na we ahamya ko uko imyaka igenda ishira ubumwe burushaho kuzamuka, ati “Ubumwe bugenda buzamuka, abantu badutabaye kuko imibiri twakuye mu ngo ntabwo abaje gusa ari ba nyirayo, ahubwo abaturanyi n’inshuti badutabaye, ibikwereka ko ubumwe tugezeho bushimishije”.

Perezida wa Ibuka mu Murenge wa Jabana, Mukanizeyimana Solange, avuga ko iki gikorwa cyo kwimura imibiri 41, cyakozwe mu tugari twa Bweramvura na Kabuye.

Muri iyo mibiri 41 yimuwe kuri uyu wa kane, 4 yaturutse mu muryango umwe wo mu mudugudu wa Rebero, 11 yo mu muryango w’umusaza, umukecuru, abakazana n’abana babo yo mu Mudugudu wa Nyarurama, mu Mudugudu wa Gikingo havuye imibiri 21, muri Rugogwe havuye umubiri umwe n’ahandi.

Mukanizeyimana avuga ko nyuma y’iki gikorwa iyo mibiri yaruhukijwe ku Kagari ka Kabuye, bakazatangira kuyitunganya kuri uyu wa Gatanu tariki 4 Mata 2025.

Ati “Mu gitondo nibwo dutangira gutunganya iyi mibiri kugira ngo habungabungwe ibyo bimenyetso. Bizafata iminsi itatu ariko tariki 9 Mata nibwo bazashyingurwa mu cyubahiro ubwo tuzaba turimo no kwibuka ku nshuro ya 31 Jenoside yakorewe Abatutsi mu 1994”.

Perezida wa IBUKA muri Jabana avuga ko ikigero cy’Ubumwe bw’Abanyarwanda gishimishije, kuko muri iki gikorwa cyo kwimura iyi mibiri y’Abatutsi bazize Jenoside mu 1994, abaturanyi bose bagiye bitabira gufatanya kugeza bayigejeje ku Rwibutso rwa Kabuye.

Kuba igipimo cy’Ubumwe bw’Abanyarwanda kigenda kirushaho kwiyongera, kandi bishimangirwa n’uko bigeze kuri 94% nk’uko byagarutsweho na Minisitiri w’Ubumwe bw’Abanyarwanda n’Inshingano Mboneragihugu(MINUBUMWE), Dr Bizimana Jean Damascène mu kiganiro yagiranye n’itangazamakuru, cyagarukaga ku bikorwa byo #Kwibuka31 bizatangira tariki 7 Mata 2025.

Imibiri yakuwe mu ngo zitandukanye

Bahamya ko umugore ashoboye

Nubwo abagore bakataje mu bucuruzi, bagaragaza ko bagifite imbogamizi nk’uko bigarukwaho na Diane Kamanzi, ufite uruganda rukora imyenda mu cyanya cy’inganda i Masoro.

Ati “Haracyari bamwe batarumva ko umugore ashoboye, kuko usanga bamufata mu ishusho y’umugore wakora bizinesi nto, umugore w’Umunyafurika ibyo biramudindiza. Ibyo bikwiye guhinduka burundu, kuko birushaho kudusubiza inyuma”.

Diane Kamanzi ari mu bagore bahembwe kuri uwo munsi, nk’umugore ufite uruganda rukomeye rukora imyenda, rubasha guhangana ku isoko ry’umurimo, kuba atanga akazi ku bandi Banyarwanda bagera kuri 500.

Kamanzi asaba abagore bagenzi be bamaze kwinjira mu bucuruzi kujya batezanya imbere, mu kugura ibicuruzwa bagenzi babo bakora hano mu Rwanda, kugira ngo babashe kubyamamaza no mu bandi.

Thérèse Sekamana ni umuyobozi mukuru w’ikiciro kihariye kibarizwamo abagore, urubyiruko n’abafite ubumuga b’abacuruzi, avuga ko abagore bari mu bucuruzi mu Rwanda bangana na 46%.

Madamu Sekamana yizeza abagore ahagarariye mu bucuruzi ko imbogamizi bafite bazakomeza kugenda bareba uburyo zakemuka.

Ati “Akenshi ibibazo duhura na byo ni ibijyanye no kubona amafaranga. Natwe tubifitemo uruhare, ndetse kujya mu masoko yo hanze akenshi birabagora, mu gihe umugabo atabikwemereye”.

Madamu Thérèse Sekamana

Madamu Sekamana asanga igisubizo kuri iki kibazo ari uko umugabo n’umugore bakwiye gukorera hamwe, abagabo bakizera ko umugore wabashije kujya muri bizinesi, ashoboye bityo n’inzego za Leta zigatanga ubufasha ahabaye amananiza.

Ati “Tugomba kugira uruhare muri izi gahunda zombi, mbere na mbere tugasobanurira ba rwiyemezamirimo icyo Igihugu kitwitezeho, bakabyiyumvamo kuko Igihugu ari icyacu”.

Silas Ngayaboshya, umuyobozi ushinzwe uburinganire no kongerera abagore ubushobozi muri Minisiteri y’Uburinganire n’lterambere ry’Umuryango (MIGEPROF), avuga ko mu myaka 50 u Rwanda rumaze rwizihiza Umunsi mpuzamahanga w’Umugore, rwakoze ibidasanzwe kuko umugore ageze ku rwego rushimishije.

Ati "Mu Gihugu cyacu, mu by’ukuri umugore ageze ku rwego rushimishije ndetse twavuga ko twakoze ibidasanzwe, ugereranyije cyane cyane mu myaka 30 ishize Igihugu cyibohoye. Hakozwe ibidasanzwe mu iterambere ry’umugore muri rusange, ariko by’umwihariko umugore mu buyobozi, mu bukungu, mu burezi, mu bucuruzi mbese umugore yatejwe imbere ku mpande zose”.

Akomeza agira ati "Mu cyerekezo dukomeje, ni uko Iterambere ry’umugore no kumwongerera ubushobozi, bigomba kujyana no guteza imbere uburinganire, bikiinjizwa mu nzego zose za Leta. Icya Kabiri ni uko tugomba guteza imbere umugore mu bukungu, n’ubwo tugeze ahashimishije ntabwo aho twifuza turahagera."

Silas Ngayaboshya

Avuga ko guteza imbere umugore mu bukungu bidakwiye kugarukira gusa ku kugera ku mafaranga, ahubwo no mu rugo akaba umuntu ufata icyemezo cy’uko ayo mafaranga agomba gukoreshwa, kuko hakirimo ikibazo nk’uko ibyegeranyo bikorwa bibigaragaza.

Ngayaboshya avuga ko ikindi kigomba gushyirwamo imbaraga, harimo guhindura imyumvire iri mu muryango mugari, kuko hari aho ugisanga abagore bitinya, ndetse n’abakorera amafaranga ntibabashe kuyafataho ibyemezo ku ikoreshwa ryayo.

Akomeza agira ati "Abagore bazatera imbere ku buryo burambye ari uko twahinduye n’imyumvire no mu bagabo bakaba abafanyabikorwa n’abagore, bagahindura bya bindi bikibangamira wa mugore ufite ibyangombwa byose byamufasha gutera imbere, ariko akaba atagendera ku muvuduko twifuza."

Kongerera ubushobozi abagore, biri mu bigomba gukorwa mu kubafasha gutera imbere cyane cyane haherewe mu nzego bamaze kugeramo, ndetse no kubatinyura kwitabira kujya mu zindi nzego z’imirimo zicyiganjemo abagabo, zirimo nko gutwara abantu n’ibintu, ubucukuzi bw’amabuye y’agaciro no kwiga ikoranabuhanga.

Ngayaboshya avuga ko hari inzego usanga uruhare ndetse n’ubwitabire bw’abagore bigaragara cyane, by’umwihariko mu nzego z’ubuyobozi nk’uko imibare ibigaragaza binyuze mu matora.

Yakomoje no ku nshingano y’inyabutatu ikwiye kubahirizwa mu buringanire, by’umwihariko ku kikibazo cy’isaranganywa ry’imirimo yo mu rugo, aho usanga iharirwa abagore.

Yagize ati “Inshingano y’inyabutatu rero ni ikintu twibandaho cyane mu buringanire, aho umugore agomba kujya no gukora akazi gasanzwe cyangwa akaba umucuruzi, ariko nabwo abana baba bakeneye kurerwa. Gusa dushyira imbaraga cyane ku guca ikintu cyo kumva ko umugore ari we ugomba kurera abana”.

Avuga ko ibyo bikorwa bishingiye ku isaranganywa ry’inshingano hagati y’abagabo n’abagore binyuze mu mucyo no mu butabera, bishingiye kandi k’ufite umwanya, ubushobozi no ku kamaro k’ikintu buri wese arimo gufasha urugo.

Mu guteza imbere uburinganire, kuri ubu hashyizweho ingamba ku rwego rw’Igihugu yo gushishikariza abagabo n’abasore kugira uruhare mu rugendo rw’iterambere mu kugera ku buringanire (National Transformative Strategy Engaging Men and Boys for Gender Equality).

Abagore b’indashyikirwa bahembwe

Ngayaboshya avuga ko muri izo ngamba zo ku rwego rw’Igihugu, harimo gushishikariza abagabo n’abasore kugira uruhare mu mirimo yo mu rugo itishyurwa.

Ati "Ibyo abagabo bakabigiramo uruhare kuko n’ubundi mu gihe umugore yaba afite ubushobozi bwo kujya gukora ubwo bucuruzi, akazana amafaranga mu rugo ariko ntajye kubikora kubera ko agomba kurera umwana mu gihe umugabo na we ari aho. Icyo umugabo atashobora ni uguha umwana ibere ariko kumurera, umugabo akwiye kumva ko abikora ari inshingano kandi akabyishimira kuko kurera umwana ni ibintu binaryoha”.

Muri ibi birori hashimiwe abagore batandukanye bahize abandi mu kuba ba Rwiyemezamirimo beza, bahanga udushya, guhanga akazi ku bandi n’ibandi.

Minisiteri y’Ubucuruzi n’Inganda (MINICOM) muri ibi birori, yagaragaje ko abagore bitezweho gutanga umusanzu ukomeye muri gahunda ya NST2, ndetse n’icyerekezo cya 2050.

Ejo urugereko rw’urukiko rw’ubujurire rw’I Paris ruzasuzuma ubusabe bw’ishami ry’Ubushinjacyaha bw’Ubufaransa rishinzwe kurwanya iterabwoba (PNAT), ryasabye ko dosiye ya Agata Kanziga yakongera gukurikiranwa ndetse hakongerwa n’igihe agomba gukorwaho iperereza.

Agatha wahoze ari umugore wa Habyarimana, muri 2016, nibwo byemejwe ko akurikiranwa ku byaha byo gucura umugambi wa Jenoside n’ibyaha byibasiye inyokomuntu. Nyuma yaho umucamanza ushinzwe kwemeza niba umuntu yakurikiranwa mu rukiko (Juge d’instruction), yaje kuvuga ko ihagarikwa kuko yabonaga nta bimenyetso bihagije bimushinja. Ibyo Ubushinjacyaha bwaje kubijuririra ku rukiko rukuru kugira ngo rwemeze ko iperereza risubiramo.

Umwaka ushize mu kwezi k’Ukuboza, nibwo byemejwe ko Agatha atanga amakuru kubyo akurikiranweho ariko bishobora kumuviramo ibyaha yakurikiranwaho.

Umwanzuro w’urukiko ku rubanza ruzabera mu muhezo ku munsi w’ejo uramutse wemejwe ko Agatha Kanziga aburanishwa ku byaha akekwaho, nk’uko byasabwe n’Ishami ry’Ubushinjacyaha bw’Ubufaransa rishinzwe kurwanya iterabwoba(PNAT), Agathe yakorwaho iperereza ritangirira tariki 1 Werurwe 1994.

Ubushinjacyaha busaba ko yakurikiranwaho gucura umugambi wo gutegura jenoside n’ibyaha byibasiye inyoko muntu, kandi iperereza rigatangira guhera taliki ya mbere Werurwe 1994, kuko ubusanzwe Ubufaransa bukora iperereza buhereye taliki ya 6 Mata 1994.

Ibyaha Agatha yagiye aregwa harimo gukangurira abantu gutegura no gukora ubwicanyi, gutegeka abakozi barindwi (7) bakoraga mu kigo cy’imfupfi yashinze kwicwa, ahanini agakoresha abasirikare bo mu mutwe warindaga Perezida.

Biteganyijwe ko urubanza ruzaba mu muhezo kuri uyu wa Gatatu tariki 19 Werurwe i saa kumi, umwanzuro ukazatangazwa nyuma.

Kugeza ubu ubushinjacyaha bw’u Rwanda bwoherereje mu mahanga inyandiko 1149 zo guta muri yombi abakekwaho ibyaha bya Jenoside bari mu bihugu bitandukanye.
Agatha Kanziga Habyarimana wari umugore wa Perezida Juvenal Habyarimana, umwe mu bari bagize Akazu kateguye kakanatera inkunga umugambi wa Jenoside yakorewe Abatutsi.

Akazu kari kagizwe na Habyarimana na baramu be ndetse na Agatha Kanziga hamwe n’abandi bo mu miryango yabo ba hafi , kakaba ari ko kagenzuraga igihugu haba mu by’ubukungu, ibya gisirikare, itangazamakuru n’izindi nzego zikomeye.

Agatha Kanziga waje kongerwa izina rya Habyarimana nyuma yo gushakana na Juvenal Habyarimana wayoboye u Rwanda hagati ya 1973 na 1994, yavukiye i Giciye mu yahoze ari Perefegitura ya Gisenyi ku wa 01 Ugushyingo, 1942.

Agatha Kanziga yigiriraga icyizere cyinshi bitewe n’uko yavukiye akanakurira mu muryango wishoboye, ariko uku gukomera kwe no kugira imbaraga nyinshi byarushijeho kugenda byiyongera uko umugabo we yarushaga kugenda azamuka mu mapeti ya gisirikare kugeza ahiritse ku butegetsi uwari Perezida mu 1973.

Umugabo we amaze kuba Perezida, byabereye igihe cyiza Kanziga cyo kugaragaza isura ye ya nyayo, umuryango we atangira kuwushyira mu nzego zikomeye mu gihugu ari naboyo byaje kubyara ‘Akazu’.

Imbaraga ze zakomeje kwiyongera abinyujije muri uko gukuza abo mu muryango we na cyane ko bari bafite umuryango wagutse ugereranije n’uwa Habyarimana.

Umuvugizi wungirije wa Guverinoma, Alain Mukuralinda

Abisobanura yagarutse ku bantu bagira impungenge ku mashuri y’Ababiligi akorera mu Rwanda, ko bakwiye gutuza kuko amashuri azakomeza kugeza umwaka urangiye, nyuma hagafatwa indi myanzuro.

Alain Mukuralinda ati “Dushingiye ku masezerano mpuzamahanga yashyizweho umukono, inzu zirimo za Ambasade zirafungwa ariko ibirimo u Rwanda ruzabirinde no kwaka Visa bihagarare. Naho ku birebana n’amashuri, umwaka wari ugiye gushira, nta kibazo bakwiye kugira kugeza umwaka ushize”.

Ati “Iki gikorwa kirebana n’abakozi ba Ambasade gusa, ishuri ryo usanga ririmo abarimu b’Ababiligi ntaho bazajya ariko niba hari amafaranga baritangagamo, kuko hakorwa ingengo y’imari y’umwaka bazayatanga, ariko umwaka nushira nta butwererane bugihari, nta yindi yatorwa ubwo nyuma yaho ishuri rizakorwa mu bundi buryo cyangwa umubano wagarutse biganirweho”.

Ku bikorwa birebana n’ubucuruzi byo, Mukuralinda yavuze ko bikirimo gukorwa nk’uko bisanzwe, ati “Hari indege zigenda nka RwandAir, zijyayo zikagaruka. Ibyo ni ibikorwa bishobora gukomeza”.

Mukuralinda yavuze ko kandi uburyo umubano w’u Rwanda n’u Bubiligi wari uhagaze, byasaga nk’aho ari ukubeshyana hagati y’ibihugu byombi.

Mukuralinda mu kiganiro na RBA, yagize ati "Ese wavuga y’uko ukomeje kugirana umubano n’Igihugu runaka, ariko ugahindukira ukajya kubwira ibindi byose, indi miryango yose n’ibindi bigo by’imari byose ngo mu bahane. Uwo mubano waba usobanutse?”.

Akomeza avuga ko u Bubiligi nk’igihugu cyagize uruhare mu mateka y’ibyabaye mu Rwanda n’umubano wihariye, cyahisemo gufata uruhande rumwe mu bibazo bya Repubulika Iharanira Demokarasi ya Congo (RDC).

Ati "Aho waje gufasha abantu, wahisemo uruhande rumwe. Umaze no guhitamo uruhande rumwe, wongeraho n’akarusho, uti reka abo nashyize ku ruhande njye kubakomanyiriza".

Ku wa Mbere tariki 17 Werurwe 2025, nibwo Guverinoma y’u Rwanda yamenyesheje iy’u Bubiligi ko yahagaritse umubano wayo nabwo mu bya dipolomasi, inategeka Abadipolomate b’iki gihugu kuba bavuye ku butaka bwarwo mu gihe kitarenze amasaha 48.

DJ Ira, yavuze ko ku wa Mbere tariki 17 Werurwe 2025, hataruzura amasaha 24 Umukuru w’Igihgu Paul Kagame amwemereye ubwenegihugu, yahamagawe n’abakozi bo mu biro bishinzwe abinjira n’abasohoka, maze bakamubwira ngo aze yuzuze ibisabwa.

Yagize ati: “Nari mu rugo ndahamagarwa, bambaza amazina, bansaba kujya kuri Immigration, nshitseyo, vyari ibintu bidasanzwe nahabonye urukundo kuva ku mu securite, bose bati’felicitation Dje ejo twarakubonye”.

Akomeza avuga ko bamwakiriye neza cyane bamwereka ibisabwa, nawe arabitanga bityo ko mugihe gito aza kuba abonye ubwenegihugu.

DJ Ira yageze mu Rwanda mu 2015 ubwo yari asoje amashuri yisumbuye, azanywe na DJ Bisoso na we usanzwe ari umwe mu bavanga imiziki unabimazemo igihe kinini, ndetse akaba na mubyara we ari na we wamufashije kwinjira mu mwuga wo kuvangavanga umuziki.

Ku cyumeru tariki 16 Werurwe, ubwo Perezida Kagame yahuraga n’abaturage muri BK Arena, ni bwo DJ Ira yahawe ijambo agashima uburyo u Rwanda ruyobowe, kandi ruha amahirwe abanyarwanda n’abanyarwandakazi nta vangura, ndetse n’abashyitsi barugana. Yavuze ko u Rwanda yarugiriyemo umugisha, maze aherako asaba Perezida Kagame ubwenegihugu.

Perezida Kagame yarabumwemereye, amubwira ko agomba kuzuza ibisabwa maze ababishinzwe nabo bakabishyira mu bikorwa.

Dj Ira ni umuhanga mu kuvanga imiziki, nubwo yamamaye cyane kuri iryo zina ry’akazi, ubusanzwe yitwa Iradukunda Grace Divine.

Minisitiri Bizimana ahamya ko u Bubiligi ari bwo nyirabayazana w’ibibazo by’u Rwanda

Minisitiri Bizimana abivuga ashingiye ku kuba hari amasezerano n’Umuryango w’Abibumbye (UN) yo mu 1946, yo kugeza Igihugu ku bwigenge n’ibindi, ariko byose ntibabikora ahubwo bazana irondakoko mu Rwanda.

Minisitiri Bizimana ati “U Bubiligi bukwiye guca bugufi bukumva ukuri, bukumva ko ari bwo nyirabayazana w’ibibazo byose u Rwanda rufite. Bigendeye ku kuba hari amasezerano yasinywe hamwe na UN mu 1946 yo kugeza igihugu ku bwigenge, kugiha imibereho myiza, uburenganzira bwa muntu, kukigeza ku burezi busesuye kandi bwiza. Ibyo byoSe ntibabikoze ahubwo bazanye irondakoko”.

Minisitiri Bizimana akomeza avuga ko na nyuma y’ibyo bakomeje kwijandika mu bikorwa bibi byagejeje u Rwanda mu kaga.

Ati “Habyarimana amaze kugera ku butegetsi asimbuye Kayibanda, bakomeje kumushyigikira mu gushyiraho amategeko yimika ivangura. Mu 1978 bashyizeho itegeko nshinga, bamuha abajyanama babiri aribo, Philippe Regense na Rene de Wolf, aho mu iranganshinga yaryo rishyigikira irondakoko rya PARMEHUTU, bakemeza ko impinduramatwa mvugururamuco ryabaye mu 1959, bigomba gushingirwaho mu mateka y’u Rwanda no mu mategeko y’Igihugu”.

Iryo tegeko nshinga kandi ryavugaga ko impunzi zahunze zizagengwa n’amategeko u Rwanda rushyiraho, kandi ko badafite uburenganzira bwo gusubira aho bavuye, cyangwa ngo basubirane imitungo yabo ndetse n’iy’ababakomokaho.

Ibi byaje gushimangirwa na Kayibanda washyizeho itegeko ribyunganira, ubwo ryasabaga abacamanza ko batagomba kwakira ibirego by’impunzi, abahungiye mu Bugesera n’ahandi, basaba guhabwa ubutaka bwabo cyangwa ubundi butunzi.

Ibi Minisitiri Bizimana abifata nk’akarengane gakomeye cyane, kuko byakorwaga n’abanyamategeko b’u Bubiligi kandi bakabihemberwa, bityo ko bakwiye kurekera aho kuko batsikamiye u Rwanda kuva kera.

Minisitiri Dr Bizimana yatangaje ibi mu gihe kuri uyu wa 17 Werurwe 2025, Guverinoma y’u Rwanda yamenyesheje iy’u Bubiligi ko yahagaritse umubano wayo na bwo, mu bijyanye na dipolomasi.

Guverinoma y’u Rwanda igaragaza ko yafashe uyu mwanzuro, nyuma yo kubyigana ubushishozi mu ngeri zose, bitewe n’imyitwarire yabwo ya gikoloni.

Kubera iki cyemezo, u Rwanda rwategetse ko Abadipolomate b’u Bubiligi bagomba kuba bavuye ku butaka bwarwo mu gihe kitarenze amasaha 48.

Guhagarika uyu mubano bibaye nyuma y’amasaha make, Perezida Kagame aganiriye n’abaturage b’Umujyi wa Kigali ku wa 16 Werurwe, aho yanihanangirije u Bubiligi.

Yagize ati “Ibyago bimwe dufite ni ukuba twarakolonijwe n’agahugu gato nk’u Rwanda. Ndetse ako gahugu kagatema u Rwanda kakarucamo ibice kugira ngo rungane nka ko. Ubwo ni u Bubiligi mvuga kandi ndaza kubwihanangiriza”.

Ibi kandi bije bikurikira umwanzuro u Rwanda rwafashe, wo guhagarika gahunda y’ubutwererane n’Igihugu cy’u Bubiligi, nyuma y’uko iki gihugu cyafashe icyemezo cya politiki cyo guhitamo uruhande kikabogama, ku kibazo byo mu Burasirazuba bwa Repubulika Iharanira Demukarasi ya Congo.

Urukiko rw’Umuryango w’Afurika y’Iburasirazuba (EACJ) rwari rumaze ukwezi rukorera mu Rwanda rwishimira uburyo rwakiriwe n’abandi bacamanza bo mu Rwanda ndetse n’inzego zitandukanye.

Ibi ngo byatumye ibyo bagombaga gukora babigeraho 100% nk’uko byagarutsweho na Perezida w’uru rukiko Hon. Justice Nestor Kayobera.

Kayobera yagize ati: “Ibyo twateganyije twabigezeho ijana ku ijana”.

Akomeza agira ati: “Mbere na mbere twari dufite inama rusange yitabiriwe n’abantu barenga Magana atatu kandi ni yo nama ya mbere twakoze tugatumira abantu bose bakitabira kandi nta kintu na kimwe twabahaye. Ibi nta handi twabibonye usibye i Kigali, gutumira abantu bose bakitabira ndetse twashyize mu ibaruwa ibatumira ko bazimenya kandi nyamara ahandi iyo dutumiye ntibaza yewe twabahaye n’amatike. Byaduhaye umukoro twibaza tuti kuki ahandi bataza ariko abo twatumiye muri Kigali bose bakaza buri wese yihe igisubizo”.

Akomeza avuga ko ku birebana n’imanza zagombaga kubera muri uru rukiko, ababuranira Leta zabo baritabiriye i Kigali uko bikwiye kandi ubusanzwe ngo I Arusha aho uru rukiko rukorera ntabwo bamwe bajya bitabira.

Perezida wa EACJ Kayobera, agaragaza ko imanza zose zitabiriwe ndetse n’izagombaga gusomwa zarasomwe, bityo ngo ugereranyije ibyagezweho birenze ijana ku ijana kuko hari ibyakozwe birimo kwitabira Umuganda rusange.

Avuga ko mu bunararibonye bakuye i Kigali harimo kuba Leta y’u Rwanda yarabafashije ijana ku ijana kuko mu kwezi bahamaze u Rwanda rwabishyuriye byinshi.

Perezida w’uru rukiko Kayobera agaragaza ko hari ibihugu bigize EAC bitajya bitanga imisanzu yabyo neza bigatuma urukiko rushobora kumara igihe kirekire rudakora imirimo yarwo, ibyo bikaza mu mbogamizi bahura nazo.

Zimwe mu manza zaciwe n’uru rukiko rwa EACJ muri uku kwezi bamaze mu Rwanda, harimo urubanza rw’umunyemari Mironko François Xavier wareze Leta y’u Rwanda kutamwishyura amafaranga yakoresheje ubwo baguraga intwaro mu 1993-1994, ariko yaje gutsindwa.

Kuri uyu wa 13 Werurwe ni bwo uru rukiko ruwasubiye cyicaro cyarwo i Arusha muri Tanzania.

Mu mwaka wa 2021 ubwo batangiraga gukora ibikorwa nk’ibi byo kujya gukorera ibihugu bigize uyu muryango, bahereye i Bujumbura mu Burundi, bahamara ukwezi bakora ibikorwa byo kuburanisha no gusoma imyanzuro. Nyuma bakomereje i Kampala muri Uganda, babona kuza i Kigali mu Rwanda.

Kuba uru rukiko rusanzwe rukorera imirimo yarwo ya buri munsi muri Tanzania rwarafashe ingamba zo kujya gucira imanza zimwe mu bihugu binyamuryango, bigamije kwegereza abaturage n’ibihugu muri rusange ubutabera, gusobanura imanza zakirwa n’uru rukiko, imikorere yarwo n’ibindi.

Akenshi uru rukiko rwakira imanza ziregwamo Leta z’ibihugu binyamuryango.

Ni umwanzuro watangajwe n’Urukiko rwa Paris, kuri uyu wa 18 Ukuboza 2024, nyuma y’uko guhera saa tanu z’amanywa ya tariki 17 Ukuboza 2024 rwari mu mwiherero kugira ngo hasuzumwe ibyaha ubushinjacyaha burega Biguma, ubuhamya butandukanye bwatanzwe muri uru rukiko kuva yatangira kuburana ubujurire tariki 4 Ugushyingo uyu mwaka, ubusabe bw’abamwunganira ndetse n’ubwe ku giti cye.

Urukiko rwaje kwanzura rero ko ahamwa n’ibyaha bya Jenoside, ibyibasiye inyokomuntu, kugira uruhare mu kurimbura imbaga y’Abatutsi no kujya kuri za bariyeri, ahicirwaga Abatutsi bahanyuze bose.

Si ubwa mbere Biguma ahamijwe ibyaha nk’ibi ndetse agahanishwa igifungo cya Burundu aho mu rubanza rwa mbere yaburanaga mu mizi, yaje gukatirwa Burundu umwaka ushize nyuma yo kumuhamya ibyaha bya Jenoside n’ibindi.

Biguma, waburanaga ubujurire, mu gitondo cyo ku wa Kabiri tariki 17 Ukuboza, ubwo yahabwaga ijambo n’Urukiko ngo agire icyo avuga ku buhamya bwatanzwe, mbere y’uko rwiherera, yagaragaje ko ibyabaye mu Rwanda bibabaje cyane ndetse bimeze nk’inzozi mbi. Yagaragaje ko Abanyarwanda bose bababaye ndetse bagizweho ingaruka.

Yagaragaje ko ngo kugeza uyu munsi izo nzozi mbi zikimukurikirana, aho bamushinja kugira uruhare muri Jenoside kandi we yari umujandarume akagira abamuyoboraga, bityo ko nta kintu yari bukore mu bubasha bwe atabajije abamutegeka.

Biguma yavuze ko uyu munsi ari umugabo ubabaye kandi nyamara ari umwere bashinja ibinyoma, ati: "Kuri ubu ndi umugabo ubabaye kandi nyamara ndi umwere nubwo nshinjwa. Umuryango wanjye warasenyutse, ubuzima bwanjye bwarangiritse. Ba Nyakubahwa Bacamanza nizeye Ubutabera bwanyu kandi nizeye ko muzumva impamvu n’umutima wanyu ndabashimiye".

Abanyamategeko bunganira Biguma, basabye Urukiko ko rwamugira umwere ku byaha bya Jenoside yakorewe Abatutsi yahamijwe, bagaragaza ko nta bimenyetso bifatika Ubushinjacyaha bufite.

Me Altit Emmanuel yagaragaje ko ibirego by’Ubushinjacyaha bishingiye ku gukekeranya, kandi nta kigaragaza ko uwo yunganira yakoze ibyaha akurikiranyweho.

Yerekanye ko nubwo mu Rukiko habonetsemo abatangabuhamya bashinja Biguma, ariko ngo ibyo bavuga bishingiye ku magambo gusa adafite ibindi bimenyetso byakunganira ikirego cy’Ubushinjacyaha.

Biguma yatangiye kuburana Urubanza mu Bujurire mu rukiko rwa Rubanda rwa Paris tariki 4 Ugushyingo 2024.

Mu rugereko rubanza rw’Urukiko rwa rubanda rw’i Paris, Biguma yari yahamwe n’ibyaha bya Jenoside yakoreAwe batutsi, akatirwa igifungo cya burundu.

Mu gihe cya Jenoside yari umujandarume muri Nyanza, aho abarokotse Jenoside ndetse na bamwe mu bakoranye na we, bagaragaje ko yagize uruhare mu gutanga amabwiriza yo kurimbura Abatutsi ku misozi ya Nyamure, Nyabubare, Nyamiyaga, ISAR-Songa, kwitabira inama ndetse no kujya kuri za Bariyeri. Yashinjwe kandi kwica uwari Burugumesitiri wa Ntyazo witwa Nyagasaza Narcisse n’abandi.

Biguma w’imyaka 68, yafatiwe mu gihugu cya Cameroon muri 2018, yariyise Hategekimana Manier, aho yagaragaje ko yahinduye amazina ye kubera umutekano we.

Baganiriye ku kongera ingufu za Nikeleyeri mu Rwanda no muri Afurika muri rusange

Ibiro bya Minisitiri w’Intebe, byatangaje ko yakiriye itsinda ry’abayobozi n’abahanga mu bijyanye n’ingufu za nikeleyeri bayobowe na Dr. Lassina Zerbo, Umuyobozi w’Inama y’Ubutegetsi ya Rwanda Atomic Energy Board (RAEB).

Minisitiri w’Intebe yakiriye aba bayobozi nyuma y’uko bamaze iminsi mu inama, yahuje Abaminisitiri ba Afurika bashinzwe Ingufu n’Ibikorwa Remezo.

Minisitiri w’Ibikorwa Remezo, Dr. Jimmy Gasore, yasobanuye uko u Rwanda na Afurika muri rusange bateganya gukoresha Ingufu za Nikeleyeri (Nuclear Energy), mu gukemura ikibazo cy’amashanyarazi adahagije.

Minisitiri Dr. Gasore, yagaragaje ko mu biganiro by’iminsi ibiri barimo, baganiriye ku hashobora kuva ishoramari ryatuma ingufu za nikeleyeri zibyazwa umusaruro mu bihugu bya Afurika.

Ati “Twaganiriye ku mbogamizi zituma ibigo by’imari bititabira gutera inkunga imishinga y’ingufu za nikeleyeri. Ese nk’Abanyafurika twakora iki ngo izo mbogamizi ziveho, cyane cyane ko ingufu za nikeleyeri zisukuye, zidahumanya ikirere”.

Yongeyeho ati "Muri iki gihe rero turimo kureba n’ihindagurika ry’ibihe, izi ngunfu za nikeleyeri zizadufasha cyane kubera ko mu myaka 25 iri imbere, tuzaba dukeneye umuriro urenze inshuro 10 uwo dufite uyu munsi kandi tuzi imigezi dufite, tuzi ahandi twavana umuriro ko hadahagije. Tukabona rero ko ingufu za nikeleyeri ari zimwe mu zizadufasha kwihaza mu ngufu mu myaka iri imbere”.

Yashimangiye ko Igihugu cyifuza kuzaba gifite amashanyarazi akomoka ku ngufu za nikeleyeri mu myaka 10 iri imbere, ariko byose bikajyana n’iterambere ry’ikoranabuhanga.

Ati “Twifuza ko twaba tuzifite no mu myaka itarenze 10 iri imbere, ni yo ntego ariko harimo ibindi abantu bareba, ikoranabuhanga rigeze he? Kuko nk’inganda za nikeleyeri tubona zikwiriye Igihugu ni inganda ntoya (small and medium reactor), hari izamaze kugera ku isoko mu rwego rw’ubucuruzi. Hari n’izikiri mu bushakashatsi ku buryo utakwizera ngo zizaba zabonetse, ariko intego ni iy’uko mu myaka 10 iri imbere twaba tuzifite”.

Umuyobozi w’Inama y’Ubutegetsi y’Ikigo Gishinzwe Ingufu za Atomike mu Rwanda (RAEB), akaba Umujyanama mu by’ingufu ndetse n’umunyamuryango w’akanama gashinzwe ingamba na gahunda muri Perezidansi ya Repubulika, Dr. Lassina Zerbo, yagaragaje ko u Rwanda na Afurika bikeneye ingufu zihutisha iterambere ry’ubukungu n’imibereho myiza.

Ati “Tuvuga amashanyarazi ariko hano icyo dukeneye cyane ni ingufu zihutisha iterambere ry’ubukungu n’imibereho myiza muri iki gihugu, kandi ni byo Perezida Kagame yifuriza u Rwanda n’umugabane, ku buryo u Rwanda rwaba icyitegererezo kuri iyi ngingo muri Afurika”.

Dr. Zerbo yahamije ko igihugu kidafite amashanyarazi bisobanuye ko nta nganda zahaboneka, n’iterambere rikarushaho kudindira.

Ati “Urebye ibigo by’ubucuruzi birimo kuza gushora imari mu Rwanda uyu munsi, bikenera ingufu z’amashanyarazi. Nta mashanyarazi nta nganda. Mu gihe ingufu zose mukoresha mu Rwanda ari iz’amashanyarazi, ntabwo haboneka ubushobozi bwo guha ingufu inganda. Tuzi ko mu myaka myinshi yashize hari sosiyete yashatse gushinga uruganda rw’ibirahuri kuko hano mufite ibikoresho by’ibanze, ariko ntihari hari ingufu zo kuruhaza”.

Bafashe ifoto y’urwibutso

Inganda zitunganya amashanyarazi akomoka ku ngufu za nikeleyeri zikora mu bihugu 32, zigatanga amashanyarazi arenga 10% by’atunganywa yose mu Isi.

Nka Afurika y’Epfo itunganya amashanyarazi akomoka ku ngufu za nikeleyeri angana na Gigawatt 8.154 mu isaha (GWh), Koreya y’Epfo itunganya 171.640 GWh, na ho Amerika itunganya 779.186 GWh, kandi izi ngufu ziri mu byabafashije kwihuta mu iterambere.

Biguma(uwicaye) ategereje umwanzuro w’urukiko uyu mugoroba

Nyuma y’uko ashinjwe n’abatangabuhamya batandukanye, kurimbura abatutsi bari bahungiye ku misozi ya Nyabubare, Nyamure na Karama, kujya kuri za Bariyeri, kwitabira inama zigamije kwica Abatutsi, yahawe ijambo.

Biguma, ubwo yahabwaga ijambo n’Urukiko ngo agire icyo avuga ku buhamya bwatanzwe, yagaragaje ko ibyabaye mu Rwanda bibabaje cyane ndetse bimeze nk’inzozi mbi. Yagaragaje ko Abanyarwanda bose bababaye ndetse bagizweho ingaruka.

Yagaragaje ko ngo kugeza uyu munsi izo nzozi mbi zikimukurikirana, aho bamushinja kugira uruhare muri Jenoside kandi we yari Umujandarume akagira abamuyoboraga bityo ko nta kintu yari bukore mu bubasha bwe atabajije abamutegeka.

Biguma yavuze ko uyu munsi ari umugabo ubabaye kandi nyamara ari umwere bashinja ibinyoma. Biguma yagize ati: "Kuri ubu ndi umugabo ubabaye kandi nyamara ndi umwere nubwo nshinjwa. Umuryango wanjye warasenyutse, ubuzima bwanjye bwarangiritse. Ba Nyakubahwa Bacamanza nizeye Ubutabera bwanyu kandi nizeye ko muzumva impamvu n’umutima wanyu ndabashimiye".

Abanyamategeko bunganira Hategekimana Philippe uzwi nka Biguma, basabye Urukiko ko rwamugira umwere ku byaha bya Jenoside yakorewe Abatutsi yahamijwe, bagaragaza ko nta bimenyetso bifatika Ubushinjacyaha bufite.

Me Altit Emmanuel yagaragaje ko ibirego by’Ubushinjacyaha bishingiye ku gukekeranya kandi nta kigaragaza ko uwo yunganira yakoze ibyaha akurikiranyweho.

Yerekanye ko nubwo mu Rukiko habonetsemo abatangabuhamya bashinja Biguma ariko ngo ibyo bavuga bishingiye ku magambo gusa adafite ibindi bimenyetso byakunganira ikirego cy’Ubushinjacyaha.

Uyu munyamategeko yavuze ko ubwo buhamya butakwizerwa ngo bushingirweho mu guhamya ibyaha uwo yunganira ngo kuko harimo kuvuguruzanya kwinshi.

Yerekenye ko Ubushinjacyaha bwafashe ibivugwa n’abatangabuhamya nk’ivanjiri, agaragariza urukiko ko hari aho ICTR yakemanze ubuhamya bw’abantu bafungiwe mu Rwanda bituma abarenga 700 ubuhamya bwabo budahabwa agaciro.

Yavuze ko Ubushinjacyaha bwagombaga gushingira ku nyandiko zigaragaza ukuri aho kugendera ku buhamya gusa.

Yavuze kandi ko Biguma atagize uruhare muri Jenoside yakorewe Abatutsi kandi ko nta n’abajandarume yigeze ategeka kuyikora cyangwa ngo atange intwaro ngo kuko yari afite amapeti yo hasi.

Yongeye gushinja u Rwanda ko rushobora gukoresha abatangabuhamya mu gushinja ibinyoma, yemeza ko Biguma nta ruhare yigeze agira mu byo ashinjwa byose.

Biguma yatangiye kuburana Urubanza mu Bujurire mu rukiko rwa Rubanda rwa Paris tariki 4 Ugushyingo 2024, rukaba rurimo kugana ku musozo hakaba hategerejwe umwanzuro ku busabe bw’Ubushinjacyaha bwasabiye Biguma gufungwa Burundu, uza gutangazwa kuri uyu wa kabiri tariki 17 Ukuboza 2024.

Mu rugereko rubanza rw’urukiko rwa rubanda rw’i Paris, Biguma yari yahamwe n’ibyaha bya Jenoside yakorewe abatutsi, akatirwa igifungo cya burundu.

Hamwe n’itsinda ayoboye, Ambasaderi Xuekun yamurikiwe abakozi ba Kigali Today bakorera mu mashami atandukanye arimo KT Radio, KT Press, Kigali Today Web, ndetse n’ishami ry’amajwi n’amashusho (Multimedia).

Ambasade y’Ubushinwa isanzwe ifasha abanyamakuru ba Kigali Today mu kongera ubumenyi mu itangazamakuru.

Ibi binyuzwa mu guha buruse yo kwiga muri Kaminuza zo mu Bushinwa abanyamakuru, mu byiciro binyuranye.

Umwe mu bayobozi ba KigaliToday Dan Ngabonziza,yagize ati: “Uhereye mu mwaka wa 2019, nibwo habaye isinywa ry’amasezerano y’ubufatanye, akubiyemo gukorana n’ikigo cya Kigalitoday ndetse n’Ubushinwa”.

Ambasaderi yishimiye kuba igiye kurushaho kwagura imikoranire na Kigali Today, aho abanyamakuru bazarushaho kujya mu Bushinwa kwihugura mu bumenyi butandukanye cyane ko iki gihugu cyateye imbere mu ngeri zose.

Ngabonziza avuga ko imikoranire mishya izatangira gushyirwa mu bikorwa kuva mu ntangiriro z’umwaka utaha wa 2025.

Ngabonziza avuga ko uyu mubano ari inyungu haba ku bakozi ba Kigalitoday ubwabo, ndetse no ku bakunzi.

Yagize ati: “Abakunzi ba Kigalitoday Ltd nabo bashonje bahishiwe. Kimwe mu bituma dutanga serivise nziza ni ukuba dufite ubumenyi n’ibikoresho. Uyu ni umwanya twabizeza ko haje ubushobozi buhambaye buzafasha mu gutanga serivise nyinshi kandi nziza ku gihe”.

Ambasaderi w’Ubushinwa mu Rwanda Wang Xuekun, ubwo yasuraga Kigalitoday hari ibyo yishimiye nk’uko bigarukwaho na Dan Ngabonziza, aho agira ati "yishimiye uburyo ikigo cyubakitse, amashami yose akaba akorana umwihariko. Yavuze ko nk’igitangazamakuru kigenga kuba kigeze ku rwego rushimishije ari intambwe bitanga umusanzu ukomeye mu guteza imbere itangazamakuru mu Rwanda”.

Kigali Today ni ikinyamakuru gikorera kuri Interineti cya sosiyete yigenga “Kigali Today Ltd”.

Ushaka kumenya byinshi kuri kigalitoday kanda hano

Kureba amafoto menshi y’uru ruzinduko, kanda HANO

Reba muri iyi Video:

Guverinoma y’u Rwanda yahawe miliyoni $25 n’Ikigega cya Abu Dhabi gishinzwe Iterambere, ADFD, azafasha mu kwagura ubushobozi bw’uruganda rw’amazi rwa Karenge

Ni amasezerano y’inguzanyo yasinyiwe i Abu Dhabi aho u Rwanda rwari ruhagarariwe na Ambasaderi John Mirenge mu gihe Ikigega ADFD cyari gihagarariwe n’umuyobozi wacyo, Mohamed Saif Al Suwaidi.

Amazi akorerwa muri uru ruganda arimo metero kibe 12,000 zihabwa abaturage bo mu bice bitandukanye by’Umujyi wa Kigali mu gihe izindi metero kibe 3,000 zihabwa abo mu Mirenge itandukanye y’Akarere ka Rwamagana.

Ambasaderi w’u Rwanda mu Bihugu Byunze Ubumwe by’Abarabu, John Mirenge, yavuze ko aya mafaranga u Rwanda rwahawe azafasha mu kwagura Uruganda rw’Amazi rwa Karenge kugira ngo rubashe kugeza amazi meza ku baturage benshi haba mu Mujyi wa Kigali no mu Burasirazuba.

Ni amasezerano y’inguzanyo yasinyiwe i Abu Dhabi

Ati: “Twishimiye ubu butwererane na ADFD bugaragaza umuhate wa UAE mu guteza imbere iterambere rirambye ku Isi. Kwagura uru ruganda rw’amazi ni gahunda ikomeye ku gihugu cyacu mu kugera ku ntego twihaye zo kugeza amazi meza ku baturage bacu”.

Biteganyijwe ko umushinga wo kwagura uruganda rw’amazi rwa Karenge uzakorerwa ku nkengero z’Ikiyaga cya Mugesera giherereye mu bilometero bigera kuri 50 uvuye mu Mujyi wa Kigali.

Urwo ruganda nirumara kugera ku rwego rwo gutanga mitero kibe 48,000 ku munsi, ruzaba rugeze ku bushobozi bwo guhaza abaturage kugeza mu mwaka wa 2050.

Muri aya masezerano u Rwanda rwari ruhagarariwe na Ambasaderi John Mirenge mu gihe Ikigega ADFD cyari gihagarariwe n’umuyobozi wacyo, Mohamed Saif Al Suwaidi.

U Rwanda n’Ikigega cy’Iterambere cya Abu Dhabi, bisanzwe bifatanywa mu bikorwa bitandukanye, aho nko muri 2021, Guverinoma y’u Rwanda yasinyanye n’Ikigega cy’Iterambere cya Abu Dhabi amasezerano y’inguzanyo ya miliyoni $15 (ni hafi miliyari 15Frw), yagombaga kwifashishwa mu gusana umuhanda Rambura – Nyange, wangiritse cyane.

Umuvugizi wa Polisi Ishami rishinzwe Umutekano wo mu muhanda, SP Emmanuel Kayigi, yatangarije Kigali Today ko iyo mpanuka yabaye mu gihe cya saa sita n’iminota 20 z’amanywa, ikaba yatewe n’Imodoka yo mu bwoko bwa Jeep Hyundai.

Iyo modoka yavaga mu muhanda wo kuri Hôtel Des Milles Collines igana muri Rond-Point, igeze munsi y’inyubako izwi nka UTC ita umuhanda yagenderagamo maze uwari uyitwaye agonga imodoka ebyiri azisanze aho ziparitse.

SP Emmanuel Kayigi yakomeje asobanura ko iyo mpanuka yangirikiyemo ibinyabiziga bitatu, hakomereka byoroheje abantu babiri barimo umunyamaguru n’umushoferi umwe wari mu modoka yagonzwe, bose bajyanwa kuri CHUK.

SP Emmanuel Kayigi akomeza avuga ko hakiri gukorwa iperereza ngo hamenyekane icyateye impanuka.

Polisi Ishami rishinzwe Umutekano wo mu muhanda, risaba abatwara ibinyabiziga kwirinda ibintu byose birangaza ubwonko bwabo kuko impanuka yabera aho ari ho hose n’isaha iyo ari yo yose.

Bivugwa ko iyi mpanuka ubwo yabaga imodoka imwe yari iparitse ku ruhande indi iyituruka inyuma iri ku muvuduko mwinshi irayigonga, zose zirangirika cyane.

Abihutiye kuza gutabara bavuga ko hari umugenzi umwe wakomeretse ubwo yambukaga umuhanda, uwo mugenzi n’uwari utwaye imodoka yirukaga, bose bajyanwa kwa muganga, kugira ngo bitabweho n’abaganga.

Impanuka zo mu muhanda ziza mu bintu icumi bihitana ubuzima bw’abantu mu Rwanda, abandi zikabasigira ubumuga butandukanye cyane cyane ubw’ingingo.

Minisiteri y’Umutekano igaragaza ko zimwe mu mpamvu ziteza impanuka mu muhanda, iri ku isonga, ari ukutagabanya umuvuduko, aho bifite 37%, gutwara ikinyabiziga nabi bikagira 28% no gutwarira ibinyabiziga mu ruhande rutari rwo bikagira 13%.

Kunyuranaho mu buryo butari bwo binganga na 8%, naho kudahana intera ihagije bikagira 6% mu gihe ubusinzi bufite 3%.

Amafoto: IGIHE

Mu ijambo yagejeje ku bitabiriye uyu muhango nyuma yo kwakira indahiro, Minisitiri w’Intebe yagize ati: “Ndifuriza imirimo myiza abamaze kutugezaho indahiro zabo ari bo: Brig. Gen. Patrick KARURETWA, Perezida w’Urukiko Rukuru rwa Gisirikare, Lt Col Charles SUMANYI, Visi Perezida w’Urukiko Rukuru rwa Gisirikare, Lt Col Gerard MUHIGIRWA, Visi Perezida w’Urukiko rwa Gisirikare. Hari kandi n’Abacamanza mu rukiko rukuru rwa Gisirikare ari bo: Lt Darcy NDAYISHIMIYE na Lt Thérèse MUKASAKINDI ndetse n’Abacamanza mu Rukiko rwa Gisirikare ari bo: Capt. Moses Ndoba na Lt. Victor Kamanda”.

Minisitiri w’Intebe yagaragaje ko uyu ari umwanya mwiza wo kongera kwibukiranya imiterere n’uburemere bw’inshingano bamaze kurahirira.

Yagize ati: “Amagambo akubiye mu ndahiro mumaze kutugezaho, ni yo akubiyemo ubutumwa bw’ingenzi bw’uyu munsi. Nimuyubahiriza uko yanditse, bizatuma mukora akazi kanyu uko bikwiye, kandi mutange umusaruro mwitezweho”.

Minisitiri w’Intebe, Dr Edouard Ngirente, yabasabye guhora bazirikana icyizere bagiriwe n’ubuyobozi bukuru bw’Igihugu ndetse n’Ubuyobozi bw’Ingabo z’u Rwanda (RDF), ndetse abasaba guharanira kutagitatira.

Minisitiri w’Intebe, Dr Edouard Ngirente yakomeje agira ati: “Imiterere y’umurimo mukora ujyanye no kubahiriza amategeko n’uburenganzira bwa muntu, irabasaba ubushishozi, ubwitonzi, ubwitange no kuwukora kinyamwuga. Nk’uko mumaze kubirahirira kandi, ububasha muhawe ntimukwiye kubukoresha mu nyungu zanyu bwite ahubwo mubukoreshe mu nyungu z’Igihugu, muharanire gukomeza guhesha isura nziza Ingabo z’u Rwanda”.

Abarahiye bibukijwe ko Ingabo z’u Rwanda (RDF) aho ziri hose zirangwa n’ikinyabupfura, nk’indangagaciro ikomeye mu ngabo z’u Rwanda, ndetse basabwe gukomeza kuyisigasira kuko ifite akamaro gakomeye mu kurinda ubusugire bw’Igihugu.

Minisitiri w’Intebe Dr Ngirente yabasabye kandi kugendana n’umurongo w’iterambere Igihugu kirimo mu kwimakaza ikoranabuhanga mu kazi kose. Ati: “Turabashishikariza cyane kwifashisha ikoranabuhanga kuko ryihutisha akazi kandi rikoroshya imitegurire y’imanza, kandi mugahora mwihugura kugira ngo mwunguke ubumenyi bityo mushobore gukora akazi kanyu mu buryo bugezweho”.

Perezida w’Urukiko Rukuru rwa Gisirikare, Brig. Gen. Patrick KARURETWA, avuga ko inshingano nshya bahawe ziyongera ku zindi bari basanganywe zifite uburemere bwumvikana. Ati: “Izi nshingano ziyongera ku zindi dusanganywe, zifite uburemere kuko ubutabera ni ingenzi muri sosiyete. Mu Gisirikare ni umwihariko duterwa n’inshingano Igisirikare kiba gifite zo kurinda Igihugu n’abanyagihugu akaba ari akarusho gaterwa n’ububasha, intwaro n’ubumenyi abasirikare bahabwa bituma bagengwa n’ikinyabupfura kugira ngo bidakoreshwa nabi”.

Brig. Gen. Patrick KARURETWA, Perezida w’Urukiko Rukuru rwa Gisirikare

Brig Gen Karuretwa akomeza agira ati: “Iyi ni yo mpamvu hajyaho inkiko za Gisirikare zihariye zihabwa imbaraga zikoreshwa mu buryo buremereye, kugira ngo abasirikare barangwe n’ikinyabupfura, ababirenzeho bagahanwa mu buryo buremereye”.

Uyu muhango witabiriwe na ba Minisitiri batandukanye, Umushinjacyaha Mukuru, Abayobozi bakuru b’Ingabo z’Igihugu ndetse n’ Abagize imiryango y’abarahiye.

Kuri uyu wa Mbere tariki 9 Ukuboza 2024, nibwo Minisitiri w’Intebe Dr. Edouard Ngirente yagize Brig Gen Karuretwa Patrick Perezida w’Urukiko Rukuru rwa Gisirikare naho Visi Perezida warwo aba Lt Col Sumanyi Charles.

Iteka rya Minisitiri w’Intebe ryasohotse ku wa 9 Ukuboza 2024, rigaragaza ko hakozwe impinduka no mu Rukiko rwa Gisirikare aho Lt Col Muhigirwa Gerard, yagizwe Visi Perezida warwo.

Rigaragaza ko Inama y’Abaminisitiri yateranye ku wa 9 Ugushyingo 2024 ari yo yasuzumye kandi ikemeza ko aba basirikare bashyirwa muri izi nshingano.

Reba ibindi muri iyi Video:

Video: Richard Kwizera

Bamwe mu baganiriye n’abanyamakuru baharanira amahoro babarizwa mu muryango Pax Press, bagaragaje ko Biguma yari afite umugambi wo kurimbura abatutsi ndetse akaba yarifashishije imbaraga yari afite agashishikariza abahutu kwica umututsi aho yarari hose ndetse no gusahura imitungo yabo.

Uyu mubyeyi wo muri Ntyazo yasobanuye uruhare rwa Biguma mu gutangiza Jenoside muri aka gace. Ati: “Nahanwe kuko niwe watangije icyaha muri Ntyazo. Muri Ntyazo ntabwo bari baziko batangiye kwica abatutsi niwe watanze amakuru, ashishikariza abarundi bari mu Rwanda kwica ndetse n’abandi bishora mu bikorwa byo kurimbura abatutsi”.

Undi na we yagaragaje ko Biguma yari akwiye kugira ipfunwe rw’ibyo yakoze ariko kubera amaraso yakarabye akaba ntacyo bimubwiye gutinyuka akajurira. Ati: “Akwiye kubihakana koko kuko ibyo yakoze birengeje ukwemera. Nawe se i Nyamure, Isar-Songa, Karama, Nyabubare yishe abatutsi yitwaje ingabo yari afite ndetse n’undi wifatanyije n’umututsi yatanze itegeko ko yicwa. Turababaye ariko ntacyo twabikoraho usibye kwizera ubutabera gusa ko buzamuryoza ibyo yadukoreye”.

Abandi bagaragaza ko kuba Biguma yarajuriye babifata nko kwigiza nkana. Uyu yagize ati: “Kujurira kwe, tubifata nko kwirengagiza ibyaha azi. Hari abamwiboneye neza muri Ntyazo ari kumwe n’abajandarume ndetse batwara imitungo y’abatutsi”.

Perezida w’Umuryango uharanira inyungu z’abarokotse Jenoside yakorewe Abatutsi (IBUKA)muri Nyanza, Jean Baptiste Niyitegeka, avuga ko banejejwe no kumenya amakuru ku rubanza rwe, kandi ko badatewe ubwoba no kuba yarajuriye kuko ibimenyetso bimushinja bihari.

Perezida w’Umuryango uharanira inyungu z’abarokotse Jenoside yakorewe Abatutsi (IBUKA)muri Nyanza, Jean Baptiste Niyitegeka, agaragaza ko bizeye ubutabera kuko ibimenyetso bishinja Biguma muri Nyanza bihari

Niyitegeka yagize ati: “Kujurira ni ibisanzwe mu nzira y’amategeko, dufite icyizere ko ibimenyetso bifatika bihari kandi bifite agaciro, yaba abatanga ubuhamya, amateka, abamubonye bamurokotse. Ikifuzo nuko Ubutabera bwatangwa ndetse igihano gikuru akagihabwa aricyo cyo gufungwa burundu nk’uko na mbere yari yagihawe”.

Hategekimana Philippe uzwi nka Biguma ariko wiyise Manier, akurikiranyweho ibyaha byo kurimbura Abatutsi barimo n’uwari Burugumesitiri wa Ntyazo, Narcisse Nyagasaza, Abatutsi bajyanwe mu nkambi ya Nyabubare no ku musozi wa Nyamure.

Ashinjwa kandi kwitabira inama zateguraga Jenoside ndetse zikanayishyira mu bikorwa, ubwicanyi bwabereye kuri ISAR-SONGA ndetse no kujya kuri za Bariyeri zitandukanye zagiye zicirwaho abantu ku itegeko yabaga yatanze.

Biguma kuva tariki 4 Ugushyingo 2024, arimo kuburana ubujurire mu rukiko rwa rubanda rwa Paris, aho biteganyijwe ko ruzarangira tariki 20 Ukuboza 2024.

Urwibutso rwa Muyira rushyinguyeho Abatutsi biciwe ku misozi ya Nyamure na Karama

Ni icyemezo batangaje mu iburanisha ryabaye ku wa Kabiri tariki 3 Ukuboza 2024.

Haba mu rubanza rwabaye umwaka ushize ubwo Biguma yaburanaga bwa mbere agahamywa ibyaha bya Jenoside agakatirwa igihano cy’igifungo cya burundu, urukiko ntirwigeze rumuhamya kugira uruhare mu rupfu rw’Abatutsi bari bahungiye i Karama bakicirwa kuri uwo musozi.

Mu buhamya butangwa muri uru rubanza rw’ubujurire, Ubushinjacyaha bwari bwifuje ko mu byo Biguma akurikiranwaho hagomba kwiyongeramo kugira uruhare mu iyicwa ry’abatutsi biciwe i Karama nk’uko abatangabuhamya baharokokeye bagiye bagaragaza uruhare rwe.

Umwe mu bunganira abaregera indishyi muri uru rubanza, Me Richard Gisagara mu gusobanura icyemezo cy’urukiko yagize ati: “Ubushinjacyaha bufite abahagarariye abarokokeye ku musozi wa Karama, basabaga ko mu byo Biguma akurikiranyweho bakongeramo ibyo kuri uwo musozi. Urukiko rwabyanze rwemeza ko azakomeza gukurikiranwaho ibindi havuyemo ibyabereye ku musozi wa Karama”.

Me Gisagara akomeza avuga ko nubwo urukiko rutabyemeye ariko bizwi ndetse bimaze kumvikana ko abahungiye ku musozi wa Karama abenshi bari baturutse ku musozi wa Nyamure byegeranye.

Avuga ko tariki 27 ubwo bateraga ku musozi wa Nyamure ababashije gucika bahungiye ku musozi wa Karama ndetse bukeye bwaho baza kuhatera naho, gusa ntabwo mbere urubanza rutangira byari byarashyizwemo.

Umusozi wa Karama uherereye mu Ntara y’Amajyepfo mu karere ka Nyanza ukaba uri imbere y’umusozi wa Nyamure wiciweho abatutsi bagera ku 22,378, imirambo yabo bayisize ku gasozi kubera ko yari myinshi cyane.

Umusozi wa Nyamure wari uherereye  mu cyahoze ari Perefegitura ya Butare,  komine Ntyazo, Segiteri ya Nyamure muri Selire ya Gatare  uyu  muni ni mu Karere ka Nyanza, Umurenge wa Muyira, Akagali ka Nyamure mu Mudugudu wa Gatare. 

Abatutsi benshi batangiye guhungira ku musozi wa Nyamure kuwa 20/04/1994 ariko bahasanze n’abandi bahageze  mbere yabo. 

Urukiko rwanzuye ko Biguma atazakurikiranwaho Abatutsi biciwe i Karama

Bahamaze icyumweru kuko bahabaye kugeza 27/04/1994, akaba ari nayo tariki bagabweho ibitero simusiga hafi ya bose baricwa. 

Bahahungiye kubera ko bumvaga Jenoside itazagira ubukana nk’ubwo yagize ndetse bumvaga ari nk’imvururu zizarangira vuba bagasubira iwabo.

Hari kandi benshi bashoboraga guhungira mu gihugu cy’u Burundi cyahanaga imbibi by’umwihariko na Komine Ntyazo, Muyira na Ntongwe. Ikindi bumvaga bibaye ngombwa kwirwanaho byari kuborohera kubera ko bari hejuru y’umusozi aho bashoboraga gukoresha amabuye kandi niko byaje kugenda mu gihe bagabweho ibitero.

CNLG igaragaza ko ku musozi wa Karama hiciwe abatutsi barenga 30.000, imirambo yabo bayisize ku gasozi kubera ko yari myinshi cyane abandi babashyize mu miringoti.

Uwo musozi wari uherereye mu cyahoze ari Perefegitura ya Butare, Komini Ntyazo, Segiteri ya Karama ukaba warakoraga ku Maselire ya Kankima na Karuyumbu, ubu ni mu Karere ka Nyanza, Umurenge wa Ntyazo, Akagali ka Cyotamakara.

Hategekimana Philippe uzwi nka Biguma ariko wiyise Manier, akurikiranyweho ibyaha byo kurimbura Abatutsi barimo n’uwari Burugumesitiri wa Ntyazo, Narcisse Nyagasaza, Abatutsi bajyanwe mu nkambi ya Nyabubare no ku musozi wa Nyamure.

Ashinjwa kandi kwitabira inama zateguraga Jenoside ndetse zikanayishyira mu bikorwa, ubwicanyi bwabereye kuri ISAR-SONGA ndetse no kujya kuri za Bariyeri zitandukanye zagiye zicirwaho abantu ku itegeko yabaga yatanze.

Biguma kuva tariki 4 Ugushyingo 2024, arimo kuburana ubujurire mu rukiko rwa rubanda rwa Paris, aho biteganyijwe ko ruzarangira tariki 20 Ukuboza 2024.

Perezida Kagame yihanganishije mugenzi we Gen Doumbouya n’abaturage ba Guinea

Umukuru w’Igihugu yagize ati: "Twifatanyije mu kababaro n’imiryango y’ababuze ababo n’abaturage ba Guinea”.

Ubu ni ubutumwa Umukuru w’Igihugu yanyujije ku rubuga rwe rwa X, ku mugoroba wo ku wa Kabiri tariki 3 Ukuboza 2024.

Abafana 56 baguye mu mvururu zakurikiye umukino wahuje N’zérékoré FC na Labé FC, mu Majyepfo ya Guinée Conakry, ku Cyumweru tariki ya 1 Ukuboza 2024, nk’uko byatangajwe na Polisi y’iki gihugu.

Uyu mukino wahuzaga amakipe yombi atarabigize umwuga, yahataniraga irushanwa ryitiriwe Perezida wa Guinée Conakry, Gen Mamadi Doumbouya.

Bivugwa ko izi mvururu zakomotse ku kutishimira ibyemezo by’umusifuzi, aho abafana ba Labé bavugaga ko ikipe yabo iri kwibwa kuko yahawe amakarita abiri y’umutuku ndetse mu minota ya nyuma, umusifuzi aha penaliti N’zérékoré yari mu rugo.

Abafana ba Labé bahise batangira gutera amabuye aba N’zérékoré, gushyamirana bitangira bityo, abantu bakwira imishwaro, abana barakandagirwa, abakuru burira uruzitiro. Ni mu gihe Polisi yateye, ibyotsi biryana mu maso bizwi nka ‘tear gas’ igerageza guhosha imvururu ariko biba iby’ubusa.

Polisi yo muri iki gihugu yatangaje ko abantu 56 bitabye Imana, abarenga 100 barakomereka bikabije, mu gihe abarenga 2000 bakomeretse byoroheje.

Abaturage 56 baguye mu mvururu zabereye muri Sitade N’Zérékoré

Perezida Gen Mamadi Doumbouya yihanganishije ababuriye ababo muri izi mvururu, asezeranya ubufasha abayikomerekeyemo.

Perezida Gen Mamadi yagize ati: “Ndihanganisha ababuriye ababo mu isanganya ryabaye nyuma y’umukino mu Mujyi wa N’zérékoré. Ndifuriza kandi abakomeretse gukira vuba”.

Yakomeje agira ati: “Inzego z’ubuzima zirakora ibishoboka byose ngo abakomeretse bitabweho kandi vuba. Itsinda rishinzwe iperereza ku byateye iyi mpanuka yatumye abantu babura ubuzima abandi bagakomereka rirashyirwaho, kugira ngo hamenyekane ababigizemo uruhare”.

Mu butumwa yanyujije kuri X, Perezida Mamadi Doumbouya, yasabiye abitabye Imana kuruhukira mu mahoro. Ati: “Ndasenga nsaba Imana ngo yakire Roho z’abatabarutse izituze muri Paradizo”.

Amarushanwa nk’aya yaguyemo abantu, yamamaye cyane muri Afurika y’Iburengerazuba aho azwiho kugira ubwitabire bukomeye cyane.

Umusirikare ukurikiranyweho kwica abantu batanu yasabiwe gufungwa burundu

Abishwe ni Benemugabo Denis w’imyaka 17, Habumugisha Onesphore w’imyaka 20, Sindayiheba Zephanie w’imyaka 44, Muhawenimana Jonas w’imyaka 35 na Nsekambabaye Ezra w’imyaka 51.

Uru rubanza rwabereye mu ruhame, ahakorewe icyaha mu mudugudu wa Rubyiruko, akagari ka Rushyarara. Rwitabiriwe n’abasivili benshi ndetse n’abasirikare.

Umunyamategeko wagombaga kunganira Sergeant Minani, Me Murigande Jean Claude, yasabye urukiko ko rwasubika uru rubanza, asobanura ko umukiliya we afite uburwayi bwo mu mutwe.

Urukiko rwanze ubusabe bwa Me Murigande nyuma y’aho Ubushinjacyaha bugaragaje ko raporo zo kwa muganga zigaragaza ko Sergeant Minani nta burwayi afite. Uyu munyamategeko yahise yikura mu rubanza.

Urubanza rwabereye mu ruhame aho Sgt Minani yakoreye ibyaha akurikiranweho

Nyuma y’aho Me Murigande yikuye muri uru rubanza, urukiko rwafashe umwanzuro wo gukomeza kuruburanisha, ruha Ubushinjacyaha umwanya wo gusobanura ibyo burega Sergeant Minani.

Ubushinjacyaha bwasobanuye ko bushinja Sergeant Minani ibyaha bitatu: ubwicanyi buturutse ku bushake, gukoresha intwaro bidategetswe n’umukuru no kwangiza, kwiba ndetse no kuzimiza ku bushake igikoresho cya gisirikare.

Igisirikare cy’u Rwanda (RDF) tariki ya 13 Ugushyingo 2024 cyatangaje ko Sergeant Minani w’imyaka 39 y’amavuko akekwaho kurasira aba bantu mu kabari ko muri santere yo muri Rusharara mu rukerera rw’uwo munsi.

Cyagize kiti: “RDF yataye muri yombi ukekwaho icyaha kandi irafata ingamba zikwiye zo kumukurikirana mu nzira z’amategeko”.

Umunyamategeko wagombaga kunganira Sgt Minani, Me Murigande Jean Claude yikuye mu rubanza

Mu iburanisha ry’uyu munsi, Sergeant Minani yavuze ko ibyo yakoze yabitewe n’uko yahohotewe bikomeye n’abari mu kabari uhereye kuri nyirako cyane ko yatutswe akanakubitwa.

Yasobanuye ko hari abazi ukuri kw’ibyabaye bakwiriye kubazwa byimbitse imvano y’ubu bwicanyi. Ati: “Uwingeneye Solange yarabibonye D’Amour n’abakozi be bankubita, mwazamubaza”.

Ni mugihe, Umushinjacyaha yasobanuriye Urukiko ko uregwa ntacyo yakorewe gikomeye cyari gutuma ava mu kabari akajya kwambara impuzankano za gisirikare no kuzana imbunda akarasa abo bari bakimbiranye.

Umushinjacyaha yashimangiye ko Sergeant Minani Gervais yihoreye akoresheje imbaraga z’umurengera.

Ubushinjacyaha bwasabiye Sgt Minani Gervais igihano cyo gufungwa ubuzima bwose ku cyaha cyo kwica

Ubwo Ubushinjacyaha bwari bumaze gusobanura uko Sergeant Minani yaba yarakoze ibyaha, bwamusabiye igihano cyo gufungwa ubuzima bwose ku cyaha cyo kwica.

Bwamusabiye kandi gufungwa imyaka itanu ku cyaha cyo kwiba no kwangiza ibikoresho bya Gisirikare, ndetse n’umwaka umwe ku cyaha cyo gukoresha imbunda mu buryo butemewe.

Urubanza rwapfundikiwe, urukiko rumenyesha ababuranyi ko umwanzuro warwo uzasomwa tariki ya 9 Mutarama 2025, saa Munani z’amanywa. 

Inkuru bijyanye:

Nyamasheke: Umusirikare ukekwaho kwica abantu batanu yatangiye kuburanishwa

Minisitiri w’Intebe Dr. Ngirente Edouard yakiriye Dr. Rajesh Jain, Umuyobozi wa Panacea Biotec

Ni umuhango wabaye ku Gicamunsi cyo kuri uyu wa Kabiri, tariki 3 Ukuboza 2024.

Panacea Biotec ni Sosiyete yo mu Buhinde ikora ubucuruzi byumwihariko mu rwego rw’ubuzima, ikaba izobereye mu gukora inkingo n’imiti, inganda z’imiti ndetse n’ubushakashatsi.

Ibiro bya Minisitiri w’Intebe dukesha iyi nkuru, ntibyatangaje ibikubiye mu ngingo z’ingenzi zaganiriweho n’abayobozi ku mpande zombi.

Muri rusange u Rwanda rwihaye intego yo kubaka urwego rw’ubuvuzi buhamye no kuba Igihugu gifite ishoramari rishingiye kuri serivisi z’ubuvuzi.

Minisitiri w’Intebe Dr. Ngirente yagiranye ibiganira na Dr. Rajesh Jain n’intumwa ayoboye mu ruzinduko rw’akazi bagirira mu Rwanda

Kugeza ubu rufite ishami ry’uruganda rwa BioNtech rukora inkingo rwifashishije ikoranabuhanga rya mRNA.

Uyu mushinga witezweho guhindura uburyo Afurika itega amaso ibihugu by’amahanga kuko kugeza ubu ifite ubushobozi bwo kwikorera inking0 zingana na 1%.

Umuryango wa Afurika Yunze Ubumwe (AU) ufite intego ko kugeza mu 2040, uzaba wikorera 60% by’inkingo zikenerwa mu bihugu biwugize.

Muri Guinea Conakry abantu 56 baguye mu bushyamirane hagati y’abafana

Inzego za Leta zatangaje kuri uyu wa mbere ko ibi byabereye mu Mujyi wa N’Zerekore, ukaba ari uwa kabiri mu bunini muri Guinea Conakry.

Ibyo ngo byabaye ku cyumweru nyuma y’uko abafana batishimiye icyemezo cy’umusifuzi watanze penaliti, maze abo ku ruhande rw’ikipe yari ikoze ikosa ryavuyemo iyo penaliti batangira gutera amabuye mu kibuga ndetse abafana ku mpande z’amakipe yombi bahita biroha mu kibuga batangira gushyamirana.

Aljazeera yatangaje ko Minisitiri ushinzwe itangazamakuru Fana Soumah, mu itangazo ryasomwe kuri televiziyo y’Igihugu, yavuze ko hatangiye iperereza rigamije gukurikirana abagize uruhare bose muri ubu bushyamirane bwahitanye abagera kuri 56.

Bivugwa ko abantu bagera ku bihumbi 200 bari bateraniye kuri icyo kibuga cyabereyemo ubwo bushyamirane, ndetse ko imibare y’abapfuye ishobora kwiyongera bitewe no kuba harabayeho n’umuvundo watumye bamwe bakandagirana bituma hari abakomeretse mu buryo bukomeye.

Minisitiri w’Intebe wa Guinea Conakry, Amadou Oury Bah, mu butumwa yashyize ku rubuga rwa X, yatangaje ko abayobozi bari gukora ibishoboka byose ngo bagarure umutekano mu gace kabereyemo iri nsanganya.

Ibyabaye ku cyumweru benshi mu ba Nyaguinea, bavuga ko ari ibigaragaza ibibazo bikomeye bijyanye n’umutekano ku bibuga by’umupira w’amaguru muri Guinea Conakry.

Ibinyamakuru byo mu Mujyi wa N’Zerekore, ubu bushyamirane bwabereyemo, byatangaje ko inzego zishinzwe umutekano zagerageje gukoresha ibyuka biryana mu maso kugira zitatanye abari bashyamiranye no guhosha umuvundo. Benshi mu bapfuye bari abana.

Perezida Kagame yageze muri Tanzania aho yitabiriye inama ya EAC

Ibiro by’Umukuru w’Igihugu, Village Urugwiro byatangaje ko Perezida Kagame yageze muri Tanzania mu Gitondo cyo kuri uyu wa Gatandatu tariki 30 Ugushyingo 2024.

Akigera ku kibuga cy’indege, Umukuru w’Igihugu yakiriwe na Hon. Shariff Ali Shariff, Umunyamabanga wa Leta mu biro bya Perezida ushinzwe umurimo, ubukungu n’ishoramari rya Zanzibar.

Perezida Kagame yakiriwe na Hon. Shariff Ali Shariff, Umunyamabanga wa Leta mu biro bya Perezida

Iyi nama y’abakuru b’Ibihugu bya EAC, ifite insanganyamatsiko igira iti, ‘Guteza imbere ubucuruzi, iterambere rirambye no kwimakaza amahoro n’umutekano bigamije imibereho myiza’.

Iyi nama y’Abakuru b’Ibihugu bya EAC, iraterana mu gihe yabimburiwe n’iyo ku rwego rwo hejuru yahurije hamwe Abaminisitiri bo muri uyu Muryango.

Iyi nama kandi yahuriranye no kwizihiza imyaka 25 Umuryango wa Afurika y’Iburasirazuba umaze ushinzwe.

Perezida Kagame yageze muri Tanzania mu gitondo cyo kuri uyu wa Gatandatu

Abenshi mu bapfuye bari mu mutwe witwaga Tirailleurs Senegalais, barwanye ku ruhande rw’u Bufaransa mu ntambara ya kabiri y’Isi

Abenshi mu bapfuye bari mu mutwe witwaga Tirailleurs Senegalais, barwanye ku ruhande rw’u Bufaransa mu ntambara ya kabiri y’Isi mu kurengera inyungu zabwo mu bice bwakolonizaga.

Abahanga mu by’amateka bavuga ko bagarutse muri Senegal mu 1944, biturutse ku kuba benshi barigaragambije kubera ibijyanye n’umushahara wabo, bikaba byarabaye impamvu yatumye bagirirwa nabi.

Ubu bwicanyi bwabaye bimwe mu biganiro byateje impaka hagati ya Senegal n’u Bufaransa, ndetse amakuru avuga ko iki gihugu cyemeye ubu bwicanyi nyuma y’uko Perezida Faye atangiye gusuzuma umubano w’ibihugu byombi.

Abari bagize Tirailleurs Senegalais ntabwo baturukaga muri Senegal gusa kuko hari n’abandi bavaga no mu bindi bihugu u Bufaransa bwari bwarakolonije harimo Mali, Guinea, Niger, Benin na Tchad.

Umuhanga mu by’amateka, Armelle Mabon avuga ko mbere yo kuva mu Bufaransa, benshi binubiraga umushahara bagombaga guhabwa no kuba utari ku rwego nk’urw’izindi Ngabo z’Abafaransa.

Ku ya 1 Ukuboza, ngo Ingabo z’Abafaransa zahagaritse ibyo byasaga nk’imyigaragambyo ariko zibikora mu buryo bw’indengakamere. Icyo gihe bivugwa ko 35 muri Tirailleurs Senegalais bishwe, ariko bamwe bavuga ko abapfuye barenga uwo mubare ahubwo bagera kuri 400.

Ibiro ntaramakuru by’Abanyamerika (AP), byatangaje ko mu ibaruwa Perezida w’u Bufaransa, Emmanuel Macron yandikiye Faye, yagize ati: "U Bufaransa bugomba kumenya ko kuri uwo munsi, guhangana hagati y’abasirikare n’abasabaga ko bahembwa umushahara wemewe n’amategeko, byatumye habaho ibintu byinshi byavuyemo ubwicanyi."

Mu gusubiza iyi baruwa, Perezida Faye yashimye mugenzi we Emmanuel Macron ku kuba Igihugu cye cyaremeye uruhare muri ubwo bwicanyi, ndetse avuga ko ari uburyo bwiza bwo gufungura imiryango kugira ngo ukuri kose kuri ubu bwicanyi kujye ahagaragara.

Yagaragaje kandi ko Macron akwiriye gusaba imbabazi.

Mu 2014, uwari Perezida w’u Bufaransa, François Hollande yari yavuze ko ibyabaye kwari uguhagarika imyigaragambyo byavuyemo ibikorwa by’urugomo.

U Bufaransa bwemeye ubu bwicanyi bwakozwe n’Ingabo zabwo mu gihe kuri iki cyumweru, Senegal izaba yibuka imyaka 80 ishize habayeho ubwo bwicanyi.

Nyuma yimyaka 64 nyuma Senegal ibonye ubwigenge, u Bufaransa buracyafite igisirikare muri iki gihugu, ariko ku wa kane, Perezida Faye watorewe kuyobora Senegal muri Werurwe uyu mwaka, aganira n’ibiro ntaramakuru by’Abafaransa AFP, yavuze ko u Bufaransa bugomba gufunga ibirindiro byabwo.

Mu magambo ye yagize ati: "Senegal ni Igihugu cyigenga, kandi ubusugire bwacyo ntibwemera ko hari ibirindiro bya gisirikare bibarizwea mu gihugu cyigenga".

Amerika n’u Bushinwa bahererekanyije imfungwa

Amerika yatangaje ko abo baturage bayo barimo uwitwa Mark Swidan, wari warakatiwe igihano cy’urupfu mu 2019, nyuma y’uko yari yarahamijwe ibyaha byo gucuruza ibiyobyabyenge. Harimo kandi Kai Li wari ufunzwe kuva mu 2016 ashinjwa ubutasi ndetse na John Leung nawe washinjwaga ubutasi, akaza gukatirwa gufungwa burundu mu mwaka ushize wa 2023.

U Bushinwa ntabwo bwigeze bwifuza gushyira hanze amazina y’abaturage babwo bwahawe muri iryo hererekanya.

Impande zombi zemeza ko abo baturage bari bafungiwe ubusa, kuko nta bimenyetso byemeza ibyaha bari bafungiwe. Ariko byatumye Amerika idohora ingamba yari yarashyizeho zagiraga inama abaturage bayo kwirinda kujya mu Bushinwa.

Iki gikorwa kibaye mu gihe Amerika n’u Bushinwa bari bamaze igihe baganira ku kibazo cyo guhanahana imfungwa.

Ibinyamakuru bitandukanye birimo NBC na BBC, bivuga ko Perezida Joe Biden na Mugenzi we Xi Jinping bakigarutseho ubwo bahuriraga mu nama y’Abakuru b’ibihugu by’umuryango w’ubuhahirane mu karere ka Aziya-Pasifika (Apec) yabereye i Lima, mu Murwa Mukuru wa Peru kuva tariki 14 kugera ku ya 16 muri uku kwezi.

Ibi bibaye kandi ukwezi kumwe nyuma y’uko u Bushinwa burekuye umuvugabutumwa witwa David Lin, wari umazeyo imyaka 20 afunzwe. Bwamushinje ibyaha by’uburiganya n’amahugu.

Muri iyi myaka ine ishize, guverinoma ya Perezida Biden yafunguje Abanyamerika barenga 70 bari bafungiye mu bihugu bitandukanye, rimwe na rimwe nayo igombye kurekura imfungwa z’ibyo bihugu.

Biguma arimo kuburana mu bujurire mu rukiko rwa rubanda rwa Paris mu Bufaransa

Muri uru rubanza rugeze ku munsi warwo wa 16, aho abatangabuhamya bongeye kugaragaza uruhare rwa Biguma uregwa ibyaha bya Jenoside mu rupfu rw’uwari Burugumesitiri Nyagasaza Narcisse.

Umwe mu batangabuhamya bumviswe kuwa 26 Ugushyingo 2024, yagaragaje ko mu gihe cya Jenoside yari afite imyaka 14, ndetse ko yari atuye hafi y’umupaka w’u Rwanda n’u Burundi nko muri metero 300 uvuye ku mugezi w’Akanyaru, hakaba hari mu Murenge wa Mbuye mu gasantere k’ubucuruzi k’Akazarusenya.

Avuga ko Burugumesitiri Nyagasaza yaje n’amaguru akagera muri ako gace yari atuyemo agerageza kwambuka ngo ajye mu Burundi.

Yagaragaje ko muri icyo gihe atari amuzi neza ahubwo ko yamubwiwe n’abandi bagendaga ko ariwe Burugumesitiri Nyagasaza.

Akomeza avuga ko haje imodoka ya Toyota y’umweru yarimo Abajandarume batatu, bakaba barahageze Nyagasaza ahamaze iminota 30. Yagaragaje ko yibuka neza izina ry’akabyiniriro bitaga umuyobozi w’Abajandarume, ariryo Biguma, rikaba ryari rivuzwe n’uwitwa Sebishwi.

Ahamya ko Biguma yamunyuzeho, amwumva yivugira ko arimo gushaka Burugumesitiri Nyagasaza, ndetse ko ako kanya Nyagasaza yahagaze ngo amusuhuze ariko Biguma agahita amupfukamisha, amucira mu maso maze ahita amuboha maze abandi bajandarume babiri bahita bamufasha kumushyira muri ya modoka, bakomeza bajya gufata uwitwa Pierre Nyakarashi.

Yongeyeho ko ubwo imodoka yari igiye, Biguma yahaye gasopo abaturage, ati: “Nti hagire amafaranga cyangwa inka mwemera ngo bajye i Burundi. Nti mufate ruswa intambara nibwo itangiye”.

Uyu mutangabuhamya wagaragaje ko nta na rimwe yigeze akurikiranwaho ibyaha bya Jenoside, yemeje ko ubwo Burugumesitiri yafungwaga, abaturage bagize ubwoba ndetse bemera ko badashobora kwiringira abajandarume.

Mu buhamya bwatanzwe kuwa 26 kandi, abandi batangabuhamya bakomeje guhamya ko babonye Burugumesitiri Nyagasaza ari mu modoka ya Toyota yari itwawe na Biguma, ndetse ko aho iyo modoka yageraga hari abantu benshi, Biguma yatangaga imbwirwaruhame yibutsa ko intambara igiye gutangira kandi ko Abahutu bakwiye kwisubiza ibyo bambuwe n’Abatutsi.

Muri 2010, uyu mutangabuhamya wahamijwe n’Inkiko Gacaca ibyaha bya Jenoside yakorewe Abatutsi i Kibirizi, yagize ati: “Nabonye abasivile batanu bakikijwe n’Abajandarume. Burugumesitiri yagerageje kunsuhuza ariko Biguma aratwitambika ngo atansuhuza”.

Biguma yahise abwira abaturage ati: “Abatutsi babatwaye ibyanyu, ihene n’inka. Mujye gufata ubuhiri n’imihoro mubice ubundi mwigarurire ibyanyu”.

Biguma yakomeje agira ati: “N’uyu Nyagasaza turaza kumwica”.

Uyu mutangabuhamya yakomeje avuga ko Biguma yabajije abaturage niba bazi gukoresha imbunda cyangwa gerenade, bamusubiza ko batabizi, ndetse ko ubwicanyi bwari butaratangira ariko nyuma y’iminsi itatu bwahise butangira hicwa Rusanganwa ndetse kuri uwo munsi uwitwa Mathieu Ndahimana yahise asimbura Burugumesitiri Nyagasaza.

Undi watanze ubuhamya mu buryo bw’iyakure mu mashusho (videoconference) ari mu Rwanda, yavuze ko hari Toyota y’umweru yabasanze ku mudugudu wa Mpinga, yarimo abajandarume bagera kuri batandatu cyangwa barindwi ndetse n’uwayoboraga Mushirarungu, Israel Dusingizimana. Avuga ko babasabye gukurikira iyo modoka nayo igenda buhoro maze bajyanwa kuri Mushirarungu. Imbere y’umusozi wa Nyabubare ahiciwe Burugumesitiri wa Ntyazo, Narcisse Nyagasaza, wari mu modoka akicwa n’umujandarume abitegetswe na Biguma.

Yakomeje avuga ko ubwo bageraga iruhande rw’inzu ya Kayiranga abajandarume batangiye kurasa abatutsi bari babakurikiye.

Avuga ko mbere atari azi Biguma ariko yamumenyeye mu gace kabo, kuva tariki 22 Mata 1994, ari nyuma ya saa sita, ubwo yazaga kuyobora inama yabwirizaga Abahutu gutangira kwica Abatutsi.

Avuga ko Burugumesitiri Nyagasaza, yafashwe nyuma y’uko Biguma ababwiye ko yamusanze mu biro bye, agasanga arimo kwandika cyangwa ari gutegura gahunda n’uburyo gushushanya igishushanyo mbonera bwo gutorokesha abatutsi (roadmap).

Nyuma yo gutegeka ko bahamba Nyagasaza, uyu mutangabuhamya avuga ko yakomeje kubona Biguma mu bice bitandukanye, byumwihariko ari muri Toyota yazanye ku munsi batereragaho abatutsi bari ku musozi wa Nyabubare, ndetse rimwe na rimwe akaba yarahanyuraga aje kuvugana na Israel Dusingizimana wari wasimbuye Nyagasaza.

Biguma wari warakatiwe n’urukiko rwa rubanda rwa Paris, umwaka ushize, ahamijwe ibyaha bya Jenoside ndetse agahanishwa igihano k’igifungo cya burundu, kuri ubu arimo kuburana mu bujurire.

Mu gihe cya Jenoside, Biguma yari Umujandarume muri Nyanza, aho abarokotse Jenoside ndetse na bamwe mu bakoranye na we, bagaragaje ko yagize uruhare mu gutanga amabwiriza yo kurimbura Abatutsi ku misozi ya Nyamure, Nyabubare, Nyamiyaga, ISAR-Songa, kwitabira inama ndetse no kujya kuri za Bariyeri.

Yashinjwe kandi kwica uwari Burugumesitiri wa Ntyazo witwa Nyagasaza Narcisse, n’abandi.

Perezida Kagame yakiriye Umuyobozi Mukuru w’Ishuri Nyafurika ry’Imiyoborere

Ni ishuri ryashibutse ku muryango African School of Governance Foundation, rigamije gutanga ubumenyi buzahangana n’ibibazo byugarije imiyoborere ku mugabane wa Afurika.

Umuryango wa African School of Governance Foundation washinzwe ku bitekerezo birimo ibya Perezida Paul Kagame, Hailemariam Desalegn wahoze ari Minisitiri w’Intebe wa Ethiopia n’abandi bakuru b’ibihugu bya Afurika.

Mu Ukwakira uyu mwaka nibwo hatangijwe ku mugaragaro ibikorwa by’iri shuri mu Rwanda, rikaba rifite icyicaro mu nyubako zahoze zikoreramo Urwego rw’lgihugu rw’Iterambere (RDB) ku Gishushu mu karere ka Gasabo.

Ishuri Nyafurika ry’Imiyoborere rizajya ritangirwamo amasomo ajyanye n’imiyoborere, politiki yo ku rwego rw’Isi, ibijyanye n’ubushakashatsi n’ishoramari ryambukiranya imipaka.

African School of Governance ni ishuri rizatanga amasomo y’Icyiciro cya Gatatu cya Kaminuza mu bijyanye n’Imiyoborere, Master of Public Administration (MPA), Executive Master of Public Administration (EMPA).

Hazajya hatangwa kandi amahugurwa y’igihe gito ku rubyiruko rushaka gukarishya ubumenyi mu bijyanye n’imiyoborere.

Mu bagize inama y’ubutegetsi y’iri shuri harimo Donald Kaberuka wahoze ari Umuyobozi wa Banki Nyafurika Itsura Amajyambere (BAD), Francis Gatare uyobora Urwego rw’Igihugu rw’Iterambere (RDB) n’abandi.

Ni ubukangurambaga buzamara iminsi 16

Ubu bukangurambaga bwatangijwe kuri uyu wa Mbere tariki 25 Ugushyingo 2024, buzamara iminsi 16, bukazakorerwa mu gace ka Bria, muri Perefegitura ya Haute-Kotto.

Bwateguwe ku bufatanye bw’Ingabo zri mu butumwa bwa MINUSCA, imiryango y’imbere mu gihugu itegamiye kuri Leta ndetse n’iyo ku rwego mpuzamahanga.

Ubukangurambaga bugamije guteza imbere ubushake bwa politiki n’ibikorwa rusange mu kurandura ihohoterwa rishingiye ku gitsina, gufata ku ngufu, ihohoterwa rishingiye ku gukomeretsa ku mubiri ndetse no mu mitekerereze ndetse n’imico gakondo ibangamira uburengazira bw’abagore n’abakobwa.

Abaturage biyemeje kuzagira uruhare mu gutuma ubu bukangurambaga bugera ku ntego

Aba bagore bo mu Ngabo z’u Rwanda, bateguye ubu bukangurambaga mu rwego rwo guhuza inzego zitandukanye zibifite mu nshingano kugira ngo zisangire ubumenyi, bashyigikire ibikorwa by’abaturage n’ubuyobozi mu kurwanya ihohoterwa kandi zifatanyirize hamwe mu gusghaka ibisubizo birambye.

Ni ubukangurambaga bufite insanganyamatsiko igira iti: “Twese hamwe, Turwanye Ihohoterwa Rikorerwa Abagore”, bukaba buzibanda ku kongerera ubushobozi abaturage ba Haute-Kotto mu kubakangurira kwirinda ihohoterwa rishingiye ku gitsina, gufasha abakorewe ihohoterwa no guteza imbere uburenganzira n’ibikorwa by’ingenzi by’abagore n’abakobwa.

Osong Esapa, umuyobozi wungirije w’ibiro by’umuryango w’ababibumbye mu gace k’iburasirazuba, mu ijambo rye, yashimangiye akamaro ko kugira inshingano muri rusange mu kurandura burundu ihohoterwa rishingiye ku gitsina.

Ni ubukangurambaga bwitabiriwe n’Abaturage bo mu Mujyi wa Bria

Yagize ati: “Abayobozi mu nzego zose bagomba gushyira imbaraga mu gushyigikira no kwigisha abaturage kurandura umuco w’ihohoterwa rishingiye ku gitsina”.

Mu gutangiza ubu bukangurambaga, byitabiriwe n’abayobozi ba Loni bo ku cyicaro gikuru, abagize itsinda ry’Ingabo z’u Rwanda zibarizwa mu itsinda rya (Battle Group VI), abayobozi mu nzego z’ibanze, imiryango itegamiye kuri Leta, abagore n’abakobwa bo mu Mujyi wa Bria.

Bose bagarageje ko biteguye gutanga umusanzu wabo kugira ngo ubu bukangurambaga bugere ku ntego.

Tariki 04 Ugushyingo 2024, urukiko rwa Rubanda rw’i Paris mu Bufaransa, nibwo rwatangiye kuburanisha mu bujurire Philippe Hategekimana Manier wari warahamijwe ibyaha bya Jenoside, agakatirwa gufungwa burundu.

Biguma arimo kuburana mu bujurire mu rukiko rwa rubanda rwa Paris mu Bufaransa

Bumwe mu buhamya bwumviswe tariki 18 Ugushyingo 2024, ni ubw’abatangabuhamya batandukanye barimo uwitwa Muhirwa na Lt Col Nzapfakumunsi (wiyise Munsi) wagaragaje ko Jandarumori itivanze mu bwicanyi ngo keretse ababikoze ku giti cyabo, uyu na we akaba yaratangiye gukorwaho iperereza.

Mu gutangira ubuhamya bwe, Muhirwa yagize ati: “Ibyo mbitse mu mutima wanjye”. Yakomeje avuga ko Biguma akomeza kugora urukiko nkana kandi yaramwiboneye aza ku kazu k’amazi kari kuri Bariyeri yo ku Rwesero.

Muhirwa yakomeje agira ati: “Nahamwe n’ibyaha kandi nasabye imbabazi ku kugira uruhare mu rupfu rw’Abatutsi 20 bari bakingiranywe mu nzu y’uwitwa Boniface Cyumbati, bishwe tubitegetswe na Biguma”.

Muhirwa yakomeje avuga ko yagumye aho hantu iminsi itatu bakahava bamaze kwica abo Batutsi, ndetse ko yari asanzwe azi Biguma nka Ajida Shefu (adjudant-chef) wa Jandarumori wa Nyanza wari ushinzwe gutanga ibyangombwa byo gutwara ibinyabiziga (permis de conduire).

Avuga ko Biguma yakundaga kuza kuri Bariyeri kenshi, akabaza abahari impamvu batarimo guhagarika Abatutsi, akongeraho ko ari we wabategetse kwica Abatutsi bari bafungiye kwa Boniface, mu Kagari(Cellule) Kayoborwaga na Straton Rudahunga.

Abo Batutsi babasohoye mu nzu babicira hanze bakoresheje ubuhiri n’inkoni kandi ibyo byakorwaga mu maso y’umujandarume wakubitaga ikibuno cy’imbuda abo Batutsi.

Mu gihe cyo kwica Abatutsi, Muhirwa avuga ko Biguma atari ahari kuko yagiye amaze gutanga amabwiriza yo gutsemba Abatutsi, ndetse ko Biguma yari yavuze ko nagaruka agasanga hari Umututsi uri mu nzu azahana umujandarume. Aho hantu hiciwe Abatutsi bagera kuri 28, bari bahamaze iminsi bafungiranywe batarya ndetse batanywa, bakaba bari abo ku Rwesero barimo abagabo, abagore, abana n’abasaza, by’umwihariko akaba yari azimo Rukoba n’umuryango we.

Mu bandi batanze ubuhamya kuri uwo munsi, harimo Lt Col Nzapfakumunsi wahinduye umwirondoro we akiyita Munsi, aho yagaragaje ko Biguma yari asanzwe amuzi ndetse ko yari azwi cyane nk’umukinnyi.

Lt Col Nzapfakumunsi yakomeje avuga ko Biguma yitabiriye inama yo ku itariki ya 6 Mata 1994, nk’abandi yarimo Bagosora, yari igamije gushyiraho uburyo bwo kwirwanaho mu gihe FPR yaba iteye, yongeraho ko atigeze abona Biguma mu gihe cya Jenoside mu 1994.

Nzapfakumunsi yabajijwe niba Jandarumori yaba yarijanditse mu bwicanyi na Jenoside yakorerwaga Abatutsi, asubiza ko ntabyo azi by’umwihariko atazi ibyabereye muri Nyanza.

Yabajijwe kandi ku byo guhindura amazina akiyita Munsi, asobanura ko impamvu ye itandukanye n’iyatumye Biguma ahindura amazina, kuko ngo niba yarayahinduye byatewe no kuba abantu baragorwaga no kurivuga bityo ko igihe yasabaga ubuhingiro atigeze atekereza ibyo guhisha ko yari umujandarume.

Nyuma yaho Biguma yasabwe kugira icyo avuga ku buhamya bwari bwatanzwe, maze byose arabihakana ahubwo avuga ko ibyo abatangabuhamya bavuze nabo atari bo ngo ahubwo ari misiyo bahawe kuri we kandi ko bari ku gahato kugira ngo bamushinje.

Biguma yahamirije urukiko ko Komanda ari we wari ushinzwe ibikorwa by’abajandarume no kubaha inshingano, akavuga ko we yakoraga nk’umusekereteri gusa.

Biguma kandi avuga ko ibijyanye no guhisha ko yabaye Umujandarume ubwo yasabaga ubuhunzi muri dosiye ye ya OFPRA, yabikoze nk’inama yari yagiriwe.

Ku bijyanye n’uruhare ra Jandarumori muri Jenoside, Biguma yemeza ko byari byabaye akavuyo kandi ko n’ubuyobozi bw’inzego za Gisirikare zitari zigikora. Anashyira mu majwi BIRIKUNZIRA ko ari we wakabaye abazwa iyubahirizwa ry’umutekano muri Nyanza kuko ari bo bagombye kuba bashinzwe kubungabunga umutekano.

Biguma urimo kuburana ubujurire mu rukiko rwa rubanda rwa Paris mu Bufaransa, mu gihe cya Jenoside yari Umujandarume muri Nyanza, aho abarokotse Jenoside ndetse na bamwe mu bakoranye na we, bagaragaje ko yagize uruhare mu gutanga amabwiriza yo kurimbura Abatutsi ku misozi ya Nyamure, Nyabubare, Nyamiyaga, ISAR-Songa, kwitabira inama ndetse no kujya kuri za Bariyeri. Yashinjwe kandi kwica uwari Burugumesitiri wa Ntyazo witwa Nyagasaza Narcisse, n’abandi.

Perezida Kagame yakiriye umunyarwenya Steve Harvey

Steve Harvey usibye kuba Umunyarwenya, ni n’icyamamare kuri televiziyo muri Amerika, aho azwi cyane mu kiganiro ‘Family Feud’.

Uyu munyarwenya amaze kwakirwa n’Umukuru w’Igihugu, yavuze ko yanyuzwe cyane no guhura na Perezida Kagame, cyane ko imbaraga no guca bugufi biri mu byo amufatiraho urugero.

Steve Harvey yagize ati “Twanyuzwe no kwicarana no guhura n’umuvandimwe wanjye Nyakubahwa Perezida Paul Kagame. Imbaraga no kwicisha bugufi bimuranga, byambereye urugero. Ni igihamya cyo gushikama k’u Rwanda n’ibikorwa byo kubabarirana."

Uyu mugabo ku wa 19 Ugushyingo 2024 yagize umwanya wo gutembera Umujyi wa Kigali, nyuma anasura Urwibutso rwa Jenoside rwa Kigali ku Gisozi.

Uyu munyarwenya yageze mu Rwanda ku wa 18 Ugushyingo 2024, aho ku wa Kabiri tariki 19 Ugushyingo 2024 yanasuye Urwibutso rwa Jenoside rwa Kigali ku Gisozi yunamira inzirakarengane zirenga ibihumbi 250 ziharuhukiye.

Umuryango w’iki cyamamare si bwa mbere waba ugeze mu Rwanda kuko, dore ko mu mwaka wa 2021, umugore we Marjorie Elaine Harvey, nawe yaje mu Rwanda maze asura ingagi zo mu Birunga mu muryango wa Muhoza.

Icyo gihe yanditse ku rukuta rwe rwa Instagram, ati: “Mwarakoze Pariki y’Ibirunga gufata neza izi ngagi nziza ndetse no kundeka nkagirana igibe nazo mu buturo bwazo”.

Steve Harvey ni muntu ki?

Uyu mugabo yavutse tariki ya 17 Mutarama 1957, ni umwanditsi, umunyamakuru, umukinnyi w’amafilimi akaba n’umuhanzi.

Ibiganiro bya Steve bitadukanye birimo The Steve Harvey Morning Show, Family Feud, Celebrity Family Feud, Family Feud Africa no kuba yarayoboye amarushanwa y’ubwiza azwi nka Miss Universe byagiye bimuhesha ibikombe bitandukanye byinshi bitandukanye birimo, 7 bya Daytime Emmy Awards, 2 bya Marconi Awards n’ibindi 14 bya NAACP Image Awards.

Nk’umwanditsi w’ibitabo Harvey yanditse bine, ibyamenyekanye cyane mu 2009 birimo icyitwa Act Like a Lady na Think Like a Man.

Steve Harvey yashyingiranywe bwa mbere na Marcia hagati ya 1981 na 1994. Nyuma yo gutandukana yahuye na Marjorie mu 1990, bombi baza gushyingiranwa mu 2007. Nta mwana bafitanye uretse abana batatu ba Marjorie barimo Umunyamideli w’imyaka 26, Lori, Morgan, ndetse we Jason.

72% ni bo bafite ubwiherero bwujuje ibisabwa mu Rwanda

Iki ni ikibazo kigaruka hirya no hino kuko abarenga miliyari 3,6 ku Isi, ntabwo bafite ubwiherero, kandi miliyoni 419 muri bo bakaba bituma ku gasozi.

Mu kiganiro cyatambutse kuri Televiziyo y’Igihugu, cyagarukaga ku isuku n’isukura, Mukamunana Alphonsine, impuguke ishinzwe ubuzima bushingiye ku bidukikije muri Minisiteri y’Ubuzima, yagaragaje ko kuba hari umubare munini w’abaturage batagira ubwiherero bitera ingaruka nyinshi.

Ati: “Niba umuntu yituma ku gasozi, yangiza isoko y’amazi bikarangira abantu bagize indwara runaka. Kutagira ubwiherero bwujuje ibisabwa si ikibazo cy’umuntu umwe ahubwo ni ikibazo gikwiye gushakirwa umuti mu buryo bwaguye”.

Kutagira ubwiherero bwujuje ibisabwa hari ibihugu usanga biba intandaro y’ihohoterwa rikorerwa abagore

Zimwe mu zindi ngaruka zo kutagira ubwiherero bwujuje ibisabwa, nko mu bihugu bya Afurika, aho butari byagiye biba intandaro yo guhohoterwa kw’abagore n’abana b’abakobwa bata ishuri.

Umuyobozi w’Umuryango Mpuzamahanga WaterAid Rwanda, Mukeshimana Vestine, yagize ati: “Ubwiherero bubura umutekano ku Isi cyane cyane ku mugabane w’Afurika bwagiye buba impamvu yo guhohoterwa kw’abagore n’abana b’abakobwa ndetse n’abahitamo kuva mu ishuri kugira ngo basaza babo batababonera ubwambure cyangwa bakaba bafatwa ku ngufu”.

Mukeshimana akomeza avuga ko ari ngombwa ko ubwiherero bugira umutekano, ibanga, imyanda ntibashe kugaruka ngo yangize ibindi bikikije umuntu akoresha, bukagira uburyo ukaraba intoki kugira ngo hirindwe indwara z’umwanda cyangwa iz’intoki zanduye nk’uko bamwe babivuga.

Hari abana b’abakobwa bahitamo kuva mu ishuri kubera kutabona ubwiherero bwujuje ibisabwa

Mu Rwanda imibare igaragaza ko abaturage 72% bafite ubwiherero bwujuje ibyangombwa mu gihe 18% batagira ubwiherero bwujuje ibyangomba harimo ababuhuriraho ndetse na 1% batabufite namba bameze cyangwa wagereranya ko bituma ku gasozi.

Minisiteri y’ubuzima mu 2023, yagaragaje ko abantu bakarabye intoki bakoresheje isabune n’amazi meza, byarinda indwara ku kigero cya 40% mu gihe abakoresha ubwiherero neza bakwirinda indwara ku kigero cya 30%.

Raporo yatangajwe n’ibarura rusange rya Gatanu muri 2022, ry’abaturage n’imiturire, ryagaragaje ko mu Rwanda abaturage 72% bafite ubwiherero bwujuje ibisabwa, mu Mujyi wa Kigali, 44% by’ingo usanga ubwiherero abantu benshi babuhuriyeho.

Ubushakashatsi buheruka bwagaragaje uko ikibazo cy’igwingira giteye mu Ntara y’Uburengerazuba

Umurenge wa Jenda uri mu Mirenge ifite umubare munini w’abana bafite igwingira n’imirire mibi, kuko bagera kuri 542 mu Karere ka Nyabihu, mu gihe bamwe mu babyeyi baza imbere kubera imyumvire ikiri hasi mu kwita ku nshingano nk’ababyeyi.

Ikibazo cy’igwingira giteje inkeke nk’uko bigaragara mu bushakashatsi ku buzima n’imibereho y’abaturage DHS, bugaragaza ko mu Karere ka Nyabihu ibipimo by’igwingira mu bana byavuye kuri 59% mu mwaka wa 2015, bigera kuri 46,7% mu mwaka wa 2020 mu gihe ubwasohotse muri Kamena 2023, bwo bwagaragaje ko aka Karere kageze ku gipimo cya 34,2% by’abana bagwingiye.

Mu baganiriye na KigaliToday, bagaragaza ko bababazwa no kuba bahora baza imbere mu kugira abana bafite imirire mibi.

Mupenzi Theogene, umwe mu baturage batuye muri uyu Murenge, avuga ko rimwe na rimwe kutumvikana mu ngo biri mu bitera iki kibazo.

Ati: “Akenshi usanga imiryango yisanga mu makimbirane, nk’abagabo iyo habaye ibibazo mu rugo twigira mu kabari kuyanywera izindi nshingano cyane cyane ku mirire n’imikurire y’abana tukabiharira abagore. Ikindi kibitera kandi, ni ubujiji aho usanga dufite ubumenyi budahagije ngo duhe n’agaciro abana bacu, kuko iyo urebye inaha tureza ariko kumva ko indyo yuzuye itegurwa n’umukire bikatudindiza, ariko ubu tubonye amakuru tugiye gukaza ingamba turandure igwingira”.

Uwamahoro Emmanuel utuye mu kagari ka Bukinanyana, we yagize ati: “Igwingira rituruka ku kutita ku bintu kuko ni kenshi tubona inyigisho zisobanura uburyo umugore akwiye kwitwara kuva asamye kugeza umwana agize imyaka ibiri. Bamwe rero bumva ko gutegura indyo yuzuye bikorwa n’abakize hatabariwemo abahinzi cyangwa abakora bubyizi”.

Visi Meya ushinzwe imibereho myiza mu karere ka Nyabihu, Simpenzwe Pascal

Abagore muri uyu Murenge bo bagaruka ku kuba abagabo babo babatererana nabyo bikaza mu bizamura umubare w’abana bagwingiye.

Umwe muri bo yagize ati: “Hari ubwo urugo ruba rudafatanya kandi nyamara rutifashije, aho umugabo akorera 1500Frw akanywa ntiyite ku guhaha mu gihe umugore ayo yakoreye ajya guhahamo ibitunga urugo ariko ntiyibuke kureba niba ifunguro ateguye ryuzuye, kubera amakimbirane aza hagati y’ababyeyi bityo buri wese akihugiraho ntibite ku bana”.

Ntagisanimana Aline wo mu Kagari ka Rega, agaragaza ko hari n’ababyeyi bagira uruhare mu igwingira ry’abana bitewe no kudashyira hamwe.

Ati “Umugore hari ubwo abigiramo uruhare iyo asamye ntatangire kwiyitaho. Hari kandi kudashyira hamwe k’umugore n’umugabo, bigatuma umugore ahangayikishwa n’imibare yo kugabamo ya mafaranga 1500 yakoreye mo ubukode, imyambaro, amafunguro, ibyo byose bituma adatekereza ku bigize indyo yuzuye kubera kugira ibibazo byinshi atabasha gukemura wenyine”.

Umuyobozi wungirije w’Akarere ka Nyabihu, ushinzwe imibereho myiza y’abaturage, Simpenzwe Pascal, avuga ko Umurenge wa Jenda wonyine wihariye abana 542 bafite igwingira, ndetse bashyizeho ingamba zigamije kurirandura ndetse no kurikumira.

Zimwe mu ngamba Akarere gafite zirimo kongera ubukangurambaga busobanura uko indyo yuzuye itegurwa, bugamije guhindura imyumvire y’abaturage, kwirinda amakimbirane n’ibindi nk’uko bigarukwaho na Simpenzwe. Ati: “Turabizi ko hari ikibazo cy’ubukene ariko dufite ikibazo cy’abantu bakoresha nabi inkunga bahabwa, cyangwa bagakoresha nabi ibyo batunze cyangwa bakoreye. Iyo myumvire dukora ubukangurambaga bugamije kuyihindura kuko biri mu bituma iyi mibare ikomeza kwiyongera”.

Amon Rwasamanzi, ushinzwe imishinga mu kigo cy’Igihugu gishinzwe imikurire no kurengera umwana (NCDA), avuga ko iki kigo cyateguye ubukangurambaga mu bice bitandukanye by’Igihugu hibandwa ku duce twibasiwe cyane n’igwingira ndetse n’imirire mibi, hagamijwe ku gukaza ingamba mu kurirwanya.

Ati: “Tuzakomeza ingamba zisanzweho mu kurandura imirire mibi kuko zitanga umusaruro, gusa kuri ubu ibibazo cyangwa imbogamizi abaturage bafite, turasabwa ko tugenzura ibyo bigishwa dufatanyije n’inzego zibanze n’abandi bafatanyabikorwa”.

Amon Rwasamanzi, ushinzwe imishinga mu kigo cy’Igihugu gishinzwe imikurire no kurengera umwana (NCDA)

Imirire mibi ni ikibazo gitera ingaruka zikomeye ku buzima bw’umwana, imikurire n’ahazaza he. Imirire mibi igira ingaruka ku mikurire y’umubiri no mu bwenge, ibi bituma ifatwa nk’ikibazo gikomeye muri rusange.

N’ubwo hashyizweho ingamba zitandukanye, hari ahakigaragara imibare iri hejuru y’ahari imirire mibi n’igwingira mu bana bitewe n’impamvu zitandukanye zirimo kutagira ubumenyi ku gutegura indyo yuzuye, ibibazo by’amikoro, imyumvire no kutabona ibyo kurya bihagije birimo intungamubiri zikenewe, kugira ngo iki kibazo gikemuke, bikaba bisaba inzego zitandukanye zibifite mu nshingano hamwe n’abaturage gufatanya hagamijwe impinduka.

Ikibazo cy’imyumvire mibi n’amakimbirane mu byongera igwingira mu Karere ka Nyabihu

Minisitiri Nduhungirehe yakiriye kopi z’impapuro za Ambasaderi mushya wa Mali mu Rwanda

Ni umuhango wabereye ku cyicaro gikuru cya Minisiteri y’Ububanyi n’Amahanga n’Ubutwereraneku Kimuhurura, kuri uyu wa Gatanu tariki 15 Ugushyingo 2024.

Minisitiri Nduhungirehe, yashimye Ambasaderi Camara ku bw’inshingano yahawe zo guhagararira Igihugu cye mu Rwanda ndetse anamwifuriza imirimo myiza.

Mali yafunguye Ambasade yayo mu Rwanda muri Gashyantare 2017.

U Rwanda na Mali bisanganywe imikoranire mu ngeri zitandukanye aho muri Gicurasi uyu mwaka, byasinyanye amasezerano 19 agamije gushimangira umubano ibihugu byombi bisanzwe bifitanye mu bijyanye n’ubuzima, umutekano, ubuhinzi, ikoranabuhanga, umuco no guteza imbere ishoramari.

Minisitiri Nduhungirehe yifurije imirimo myiza Ambasaderi Camara

Hari kandi amasezerano ajyanye n’ubwikorezi bukorerwa mu kirere yemerera indege zo muri ibi bihugu byombi gukoresha ibibuga mpuzamahanga by’ibihugu byombi.

Kuva Mali yafungura Ambasade yayo mu Rwanda muri Gashyantare 2017 hari byinshi byakozwe, harimo n’amasezerano mu ngeri zitandukanye yasinywe mu 2023, ibyabaye umusingi watumye ibihugu byombi birushaho kugirana ubufatanye bugamije iterambere.

Mu 2017 kandi, Minisitiri w’Ubutabera muri Mali yagiriye uruzinduko mu Rwanda agaragaza ko azahita ashyiraho urwego rukora nk’Abunzi mu gukemura ibibazo by’abaturage.

Abayobozi bombi bagiranye ibiganiro

Mu 2022 Abayobozi b’ingabo za Mali bageze mu Rwanda bagamije kwigira ku bunararibonye bw’Ingabo z’u Rwanda ndetse bemeranya ko mu gihe gito ubufatanye bushyirwa mu masezerano.

Biguma waregwaga muri uru rubanza, mu gihe cya Jenoside yari umujandarume muri Nyanza, aho abarokotse Jenoside ndetse na bamwe mu bakoranye na we, bagaragaje ko yagize uruhare mu gutanga amabwiriza yo kurimbura Abatutsi ku misozi ya Nyamure, Nyabubare, Nyamiyaga, ISAR-Songa, kwitabira inama ndetse no kujya kuri za Bariyeri. Yashinjwe kandi kwica uwari Burugumesitiri wa Ntyazo witwa Nyagasaza Narcisse, n’abandi.

Mu buhamya bwatanzwe n’umugenzacyaha, Émilie CAPIELLE, wayoboye iperereza rya mbere ryakozwe ku birego bishinjwa Hategekimana Philippe wiyise Manier, yagaragaje amwe mu magambo yakoresheje, atanga urugero rw’uko Abatutsi bagomba kwicwa.

Émilie avuga ko ubwo yari mu iperereza muri Nzeri 2015 yahuye n’abatangabuhamya barenga ijana mu Rwanda, by’umwihariko mu gace bivugwa ko Hategekimana uzwi nka Biguma yakoreyemo ibyaha.

Bimwe mu byavuye mu iperereza ryakozwe, nk’uko bigarukwaho na Madame Émilie CAPIELLE, ni uko Dusingizimana Israel wari konseye wa Segiteri Mushirarungu mu yahoze ari Komini Nyabisindu mu gihe cya Jenoside, yagiye kuburira Abatutsi bagera kuri 300 bari bahungiye ku musozi wa Nyabubare, barinzwe n’uwari umusirikare witwaga Pierre. Icyo gihe Dusingizimana yinjiye mu modoka ya Toyota y’umweru, ndetse yibonera Biguma, Burugumesitiri Nyagasaza n’Abatutsi batanu b’Abasivile ndetse n’Abajandarume.

Umusozi wa Nyabubare wiciweho Abatutsi bagera kuri 300

Muri iryo perereza kandi, Dusingizimana yavuze ko Biguma yafashe imbunda ya 60 mm Mortar-DR, ayishyira mu modoka maze ba Batutsi 5 bari mu modoka babashyira ku ruhande mu muhanda, bageze kuri bariyeri ya kabiri, maze Biguma asohora Burugumesitiri Nyagasaza aramurasa. Ati: “Uku ni ko mugomba kugenza Abatutsi”.

Dusingizimana uri mu bagize uruhare muri Jenoside, yakomeje avuga ko iyo modoka yakomereje ku musozi wa Nyabubare aho Abatutsi 300 bari bahungiye, bazengurutswe n’abajandarume bayobowe na Hategekimana Philippe uzwi nka Biguma.

Dusingizimana mu makuru yatanze mu iperereza ryakozwe na Émilie CAPIELLE, yakomeje agira ati: “Umututsi wageragezaga gucika yicishwaga intwaro gakondo zabaga zifitwe n’abahutu bari bakikije uwo musozi bafatanyije n’abajandarume”.

Émilie CAPIELLE, avuga ko mu mabwirizwa yatanzwe na Dusingizimana wari Konseye, icyo gihe ngo abahutu batangiye guhamba abari bapfiriye kuri uwo musozi, ndetse ko kuva icyo gihe aribwo Jenoside yatangiye muri Nyanza.

Perezida w’Urukiko yabajije umugenzacyaha Émilie, wazanywe n’ubushinjacyaha muri ubu bujurire bwa Biguma, niba ibyo avuze ari ibyavuye mu buhamya, maze asubiza atya ati: “Ibi ni ibyavuye mu makuru(ubuhamya) yakusanyijwe mu matsinda, Israel DUSINGIZIMANA yatanze ubuhamya kuri byose ariko nanone ubuhamya bwatanzwe n’abarokotse Jenoside n’abaturage bakoze Jenoside ubwabo ari bwinshi kurushaho”.

Émilie watanze ubuhamya ku wa 12 Ugushyingo 2024, yagaragaje ko abarokotse Jenoside yakorewe Abatutsi ku musozi wa Nyabubare, bari bazi neza ko Abajandarume ari bo bayoboye ubwicanyi kuko biboneye impuzankano yabo ndetse bakibonera na Israel DUSINGIZIMANA wari Konseye.

Mu batanze ubuhamya kandi hari uwagaragaje ko i Nyanza, yiboneye Biguma ari kumwe na Meya mu modoka abayobozi barebera ubwo hicwaga Abatutsi bagera ku bihumbi icumi (10,000).

Muri iri perereza kandi, bivugwa ko udutero duto twatangiye tariki 24 Mata ariko noneho ibitero simusiga biza ku itariki 28 Mata 1994 nk’uko byagarutsweho n’umutangabuhamya uri mu barokokeye i Nyamure.

Perezida w’urukiko yagaragaje amwe mu mashusho arimo (video) agaragaza ibice byafashwe n’ubuyobozi muri 2017.

Amashusho ya mbere agaragaza abajandarume, ahandi hakagaragara umuhanda urimo imodoka yarimo Biguma na Israel DUSINGIZIMANA.

Imbunda ya 60mm mortar- DR yakoreshejwe mu kwica Abatutsi

Umwe mu bunganira Biguma, Me PHILIPPART, yitegereje ayo mashusho bakurikizaho andi agaragaza ahantu ba Batutsi batanu barasiwe imbere ya bariyeri. Andi mashusho yakurikiyeho agaragaza umuhanda uri hagati y’aho abo Batutsi batanu biciwe ndetse na Meya Nyagasaza Narcisse.

Aya mashusho yasobanuye neza ko nta zindi modoka zari mu muhanda, ibyo umugenzacyaha yemeje agendeye ku buhamya yahawe mu iperereza yakoze.

Mu kwitegereza neza, Abacamanza basanga muri ayo mashusho hagaragaramo abantu batandukanye hari inzu, hagakurikiraho umuhanda uri aho Nyagasaza yarasiwe.

Perezida w’urukiko yabajije Emilie niba azi uburyo abantu bakurikiraga iyo modoka ndetse n’umubare wabo, asobanura ko bayikurikiraga n’amaguru ariko ko atazi umubare w’abayikurikiraga. Muri ayo mashusho hagaragaramo Israel DUSINGIZIMANA, Emmanuel UWITIJE wari esikoti (escort), na BAYAVUGE Obed na we wari esikoti (escort).

Perezida w’urukiko yavuze ko icyo gihe Dusingizimana yagendaga ntacyo yikanga ndetse hari aho yasuhuzanyaga n’Abahutu bicaga Abatutsi kuri uwo musozi.

Hakurikiyeho amashusho agaragaza abantu batatu berekeza ku ntangiriro z’umusozi wa nyabubare Dusingizimana akitandukanya na bo gato kugira ngo ahorahoze Abatutsi bari batarashiramo umwuka akoresheje ibikoresho gakondo, nyuma yaho berekanye amashusho Israel Dusingizimana na Biguma bari hejuru y’umusozi ku gasongero.

Perezida w’urukiko yavuze ko ubwicanyi bw’i Nyamure bwabaye tariki 27 Mata 1994, maze umwe mu nyangamugayo abaza umugenzacyaha Émilie, niba Dusingizimana Israel ataba yaratanze ubuhamya bwe abeshya agamije kugabanyirizwa igihano yahawe nyuma yo guhamywa ibyaha bya Jenoside, maze asubiza ko atari byo.

Émilie yageze mu Rwanda inshuro zigera mu icumi (10) aje mu iperereza ndetse agaragaza ko ibyo bavuga ku Rwanda n’Abanyarwanda atari byo kuko iki ari igihugu kirajwe inshinga n’uburezi bufite ireme, ubwisanzure ndetse ko yatunguwe n’uburyo abahamijwe ibyaha bya Jenoside babayeho mu bwisanzure aho bari muri gereza n’ahandi, ko ibivugwa by’iyicarubozo bakorerwa atari byo.

Ndagijimana yari amaze iminsi yumvikana mu makimbirane yamuhanganishije n’Umuyobozi w’Akarere ka Rulindo, Mukanyirigira Judith, wanze kumusubiza mu kazi nyuma y’uko Komisiyo y’abakozi ba Leta ibimutegetse, ariko ntihagire igikorwa.

Umuvugizi w’Urwego rw’Igihugu rw’Ubugenzacyaha, Dr Murangira B. Thierry, avuga ko kuba Gitifu Ndagijimana yatawe muri yombi ntaho bihuriye n’amakuru yagiye acicikana mu itangazamakuru. Ati: “Ni byo koko uwari Gitifu wa Mbogo Ndagijimana yatawe muri yombi ari kumwe na Mporanyimana Eugene wari icyitso cye”.

Dr Murangira yasobanuye ibyaha aba bombi bakurikiranyweho, ati: “Bakurikinyweho gutanga indonke kugira ngo uwakorewe icyaha yivuguruze mu mvugo yatanze mu butabera, koshya abitabajwe mu mvugo mu butabera, no gucura umugambi wo gukora icyaha”.

Aba bombi bafungiye kuri Sitasiyo ya Kicukiro na Kimihurura, mu gihe hari gukorwa iperereza ngo dosiye yabo ishyikirizwe Ubushinjacyaha.

Dr Murangira avuga ko ibi byaha babikoze ubwo Ndagijimana yitabazaga inshuti ye Mporanyimana kugira ngo bashake uko babona ikimenyetso cyayobya urukiko ku cyaha Ndagijimana yaregwaga cyo gusambanya umwana w’umuhungu w’imyaka 15.

Dr Murangira ati: “Bacuze umugambi wo gushaka uwo mwana w’umuhungu w’imyaka 15, Mporanyimana yashatse uyu mwana amukoresha inyandiko afatirwa mu cyuho, ndetse nyuma y’uko afashwe na Ndagijimana ahita atabwa muri yombi nyuma y’uko byari bigaragaye ko bari mu mugambi umwe wo koshya no gushyiraho igitutu uwakorewe icyaha, bafite umugambi wo kumuha amafaranga ibihumbi mirongo itanu (50.000Frw)”.

Dr Murangira avuga ko ibi ntaho bihuriye n’amakuru avugwa ko ifatwa rye ryaba ryaraturutse ku makimbirane avugwa ari hagati ye na Meya wa Rulindo, kuko n’ubusanzwe Ndagijimana yari akurikiranyweho icyaha cyo gusambanya umwana, ndetse mu Gushyingo 2023, Ndagijimana yafashwe akurikiranyweho gusambanya umwana amushukishije kuzamuhindurira amazina. Ikirego cyarakomeje ariko Urukiko rumurekura by’agateganyo ndetse yagombaga kuzaburana mu mizi tariki 18 Ukuboza 2024.

Umuvugizi wa RIB, akomeza avuga ko ibi yabikoze agamije kuyobya ubutabera kubera ko icyaha yari akurikiranyweho gikomeye, agasaba ko abantu batekereza ko yatawe muri yombi kubera ibibazo by’ubuyobozi yari afitanye n’Akarere akoreramo atari byo kuko Ubutabera bwari busanzwe bumukurikiranye.

Gutanga indonke, ni icyaha giteganywa n’ingingo ya 4 y’itegeko n°54/2018 ryo ku wa 13/08/2018 ryerekeye kurwanya ruswa. Baramutse bagihamijwe n’urukiko, bafungwa imyaka itanu (5) ariko itarenze imyaka irindwi (7) ndetse hakiyongeraho n’ihazabu y’amafaranga y’u Rwanda yikubye kuva ku nshuro eshatu kugeza ku nshuro eshanu z’agaciro k’indonke yakiriye.

Icyaha cyo koshya abitabajwe mu nzego z’ ubutabera, giteganywa n’ingingo ya 258 y’itegeko riteganya ibyaha muri rusange. Iyo umuntu agihamijwe n’urukiko, ahanishwa igifungo kitari munsi y’umwaka umwe ariko kitarenze imyaka ibiri n’ihazabu itari munsi y’ibihumbi 500 Frw ariko itarenze 1,000,000frw.

Gucura umugambi wo gukora icyaha ni icyaha giteganywa n’ingingo ya 20. Igihano kuri iki cyaha gitangwa hagendewe ku byo ukurikiranywe ahamijwe.

Dr Murangira asaba abaturage kuzibukira icyitwa icyaha cyose, bakagendera mu nzira zizira icyaha, aboneraho gushimira abaturage bagaragaza ubushake mu gukumira icyaha.

Perezida Kagame yakiriye Intumwa yihariye ya AU mu gukumira Jenoside

Umukuru w’Igihugu yakiriye Adama Dieng n’itsinda ayoboye, kuri uyu wa Mbere, tariki 11 Ugushyingo 2024.

Adama Dieng ari mu ruzinduko muri Afurika y’Iburasirazuba n’iyo Hagati, nk’uko byatangajwe n’Ibiro by’Umukuru w’Igihugu, Village Urugwiro, rubinyujije ku rubuga rwa X.

Muri Mata uyu mwaka, ni bwo Perezida wa Komisiyo y’Umuryango wa Afurika Yunze Ubumwe, Moussa Faki Mahamat, yagennye Umunya-Sénégal, Adama Dieng nk’Intumwa Yihariye y’uyu muryango ishinzwe kurwanya icyaha cya Jenoside n’andi marorerwa. 

Adama Dieng, yakoze inshingano nyinshi zitandukanye nko kuba umujyanama wihariye w’Umunyamabanga Mukuru wa Loni ushinzwe kurwanya Jenoside. Dieng yitezweho gufasha mu ishyirwa mu bikorwa rya gahunda ya AU yo guhashya ingengabitekerezo y’urwango na Jenoside muri Afurika.

U Rwanda nk’Igihugu cyahuye na Jenoside n’ivangura, cyiyemeje kurwanya ikintu cyose cyashobora gutera Jenoside cyangwa ikindi cyaha gikomeye. U Rwanda kandi rwiyemeje gukomeza kurwanya ihakana rya Jenoside, gukomeza kubabarira no kurwanya ivangura aho rihereye ku isi, by’umwihariko muri Afurika.

Adama Dieng yari kumwe n’itsinda ayoboye ndetse ibiganiro byitabiriwe na Minisitiri wa MINUBUMWE

Adam Dieng ageze mu Rwanda mu gihe haheruka gusozwa ibiganiro byo kurwanya jenoside, ibyaha byibasira inyokomuntu n’ibifitanye isano na byo ndetse no kwimakaza ubwiyunge, biri kubera ku rwibutso rwa Jenoside yakorewe Abatutsi mu 1994 rwa Kigali.

Ni ibiganiro byitabiriwe n’Umujyanama Wihariye w’Umunyamabanga Mukuru w’Umuryango w’Abibumbye mu gukumira no kurwanya jenoside, Alice Wairimu Nderitu, Umushinjacyaha Mukuru wa IRMCT, Serge Brammertz n’abandi batandukanye.

Dieng asanzwe afite ubunararibonye, dore ko yakoze imirimo itandukanye irimo guteza imbere uburenganzira bwa muntu, kurandura umuco wo kudahana, guha imbaraga inkiko, yagize uruhare mu gutangiza imiryango myinshi itegamiye kuri Leta muri Africa, yagize uruhare rufatika mu gushinga Urukiko rw’Afurika ruharanira uburenganzira bwa muntu, n’ibindi.

Yabaye kandi Umwanditsi Mukuru w’Urukiko Mpuzamahanga rwashyiriweho u Rwanda ruri Arusha muri Tanzaniya mbere yo kuba intumwa yihariye y’Umunyamabanga wa Loni ku kurwanya Jenoside.

Iyi nama ya COP 29 iri kubera mu Mujyi wa Baku muri Azerbaijan

Intumwa z’u Rwanda zageze muri iki gihugu zijyanye intego zirimo guharanira ko muri iyi nama hagomba gufatirwamo ingamba zikomeye zo kurwanya imihindagurikire y’ikirere, gushora imari mu kurengera ibidukikije, ndetse no gushyigikira imishinga yo guhangana n’ihindagurika ry’ikirere.

U Rwanda rurifuza ko Isi ishyiraho intego nshya zihuriweho mu bijyanye n’ishoramari mu kurengera ibidukikije mu buryo bufatika cyane cyane amafaranga ashyirwa mu bikorwa byo gushyigikira abahuye n’ibihombo biterwa n’ingaruka z’ibihe ndetse no gusana ibyangiritse bikajyana n’ingamba zifatika zo kurwanya imihindagurikire y’ikirere.

Ku ruhande rw’iyi nama, Teddy Mugabo Mpinganzima, umuyobozi w’ikigega cyo kubungabunga ibidukikije cy’u Rwanda (Rwanda Green Fund), yitabiriye ikiganiro cyagarukaga kubaka ubudahangarwa, ibidukikije, binyuze mu ruhare abaturage bagira mu kurengera urusobe rw’ibidukikije karemano.

Teddy Mugabo Mpinganzima, umuyobozi w’ikigega cyo kubungabunga ibidukikije cy’u Rwanda yatanze ikiganiro

Tedy Mugabo yagaragaje hashyizweho iki kigega kubera ko u Rwanda rwemera ko ibidukikije ari inshuti ya buri muntu, bityo hakwiye no kubakwa ubudahangarwa mu kubirengera.

Ygaragaje ko ari yo mpamvu hashowe imari mu kongera gusubiranya igishanga cya Nyandungu, cyagizwe icyanya cyahariwe urusobe rw’ibinyabuzima aho uyu munsi abantu 6.000 buri kwezi bahasura kuko hagizwe ahantu bashobora kuza bakaruhukira.

Yagize ati, "Muri bo, 90% ni Abanyarwanda, ibyo bikaba bitwereka ko iriya Pariki ya Nyandungu, atari igishanga gusa, ahubwo ko ari ahantu Abanyakigali bishimira cyane.”

U Rwanda rugaragaza ko busabe bwo gushora imari mu kurengera ibidukikije, ari ikintu cy’ingenzi cyane kugira ngo ibihugu byibasiwe cyane n’ingaruka z’imihindagurikire y’ikirere bihabwe inkunga ihamye ibifasha kongera kwiyubaka no gufasha imiryango ifite ubushobozi bwo guhangana n’ibiza biterwa n’ingaruka z’imihindagurikire y’ibihe.

U Rwanda rwitabiriye iyi nama ya COP 29

U Rwanda rugaragaza ko muri iyi nama ya COP29, ikintu cya mbere cyo kwitabwaho ari hakenewe inkunga ihamye yo gufasha abaturage bahura n’ingaruka zikomeye z’ibiza biterwa n’imihindagurikire y’ikirere.

Uyu mwaka intego nyamukuru y’u Rwanda, ni ugushimangira akamaro ko gushora imari mu gushaka ibisubizo by’igihe kirekire mu gufasha ibihugu bidafite ubushobozi bwo guhangana n’imihindagurikire y’ikirere.

COP29 irarebera hamwe ingingo zitandukanye zirimo n’uburyo ibihugu biteganya kugabanya ubushyuhe bwibasiye Isi nk’uko bikubiye mu masezerano ya Paris yo mu 2015, agamije gufata ingamba zo guhangana n’ihindagurika ry’ibihe ryibasiye Isi.

U Rwanda rwiteguye gushishikariza Isi gushora imari mu kurengera ibidukikije

Iyi nama kandi ifite intego yo gukusanya inkunga yo gushyigikira ibikorwa byo guhangana n’imihindagurikire y’ibihe cyane cyane mu bihugu biri mu nzira y’amajyambere, kugira ngo biteze imbere ikoreshwa ry’ingufu zisubira no kugabanya mu buryo bushoboka imyuka ihumanya ikirere.

Kugeza ubu, ibihugu bikize byari byasezeranyije inkunga ingana na miliyari 100 z’Amadolari ya Amerika ku mwaka hagati ya 2020 na 2025, isezerano ritubahirijwe ku gihe, ndetse ibi byasubije inyuma ingamba zo guhangana n’imihindagurikire y’ikirere cyane cyane mu bihugu bikennye.

Inama ya COP29 yitabiriwe n’abahagarariye ibihugu 198, barimo abakuru b’ibihugu bagera ku 100, abahagaragariye imiryango mpuzamahanga n’impirimbanyi mu kubungabunga ibidukikije.

Perezida Kagame yagaragaje ko umugabane wa Afurika ufite ibikenewe byose byawufasha kugera aho abawutuye bifuza

Iyi nama ya Youth Conekt iri kuba ku nshuro ya Karindwi (7), yatangiye kuri uyu wa Gatanu tariki 08 Ugushyingo 2024, iri kubera muri Kigali Convention Centre, yitabiriwe n’Abaminisitiri bashinzwe urubyiruko mu bihugu bitandukanye bya Afurika, ba rwiyemezamirimo b’urubyiruko, abanyeshuri muri za kaminuza n’abahagarariye ibyiciro bitandukanye by’urubyiruko.

Ubwo yaganirizaga urwo rubyiruko, Perezida Kagame yarusangije ubuzima bw’ubuhunzi yanyuzemo akiri muto mu gihugu cy’abaturanyi, avuga ko kuba mu nkambi byatumye amenya ko ibibazo byose banyuragamo byaterwaga n’ubuyobozi bubi, ibibazo byo kuva mu Bukoloni no kujya mu Bwigenge n’ibindi byabasigiye amasomo.

Perezida Kagame yagize ati: “Ibintu byose byari uko bitagakwiye kuba bigenda. Ayo ni amasomo twize, hari ikitaragendaga. Ariko iyo urebye ibyabaga icyo gihe mu myaka ya za 1960, hari ibiri kuba ubu, turacyafite abantu bari kunyura mu bibazo kubera politiki, imiyoborere mibi”.

Perezida Kagame yaganirije urubyiruko ku buzima bwe akiri muto

Perezida Kagame yavuze ko ibibazo byatangiye ubwo yari afite imyaka ine y’amavuko, ubwo umuryango we wajyaga kuba mu buhungiro.

Perezida Kagame yagize ati: “Umuryango wari umeze neza muri icyo gihe ariko twahindutse impunzi mu gihugu cy’abaturanyi, icyo gihe nari mfite imyaka ine. Rero nakuze nk’impunzi nka benshi mu Banyarwanda”.

Umukuru w’Igihugu yavuze ko gukurira mu buhungiro n’ibibazo byagendaga bijyana na byo byatumye we n’abandi Banyarwanda bari bahuje ibibazo babasha kwiga amasomo menshi y’ubuzima.

Umukuru w’Igihugu yagaragaje ko gukurira mu buhungiro byamwigishije amasomo menshi

Ati: “Twakuze tunyura mu bintu byatwigishije amasomo menshi uretse kujya ku mashuri aha na hariya, ahubwo twize ibindi bintu tudashobora kwigira ku ishuri. Ibintu wigishwa n’ubuzima”.

Perezida Kagame yabwiye urubyiruko byumwihariko urw’itabiriye inama ya Youth Connekt Africa 2024, ku nshuro ya 7, ko rudakwiye gukura amasomo mu byo ruhura na byo gusa ahubwo rukwiye no kwigira ku mateka y’abandi cyangwa ibyo rubona biba hirya no hino mu bihugu byabo cyangwa ahandi.

Ati: “Hanyuma ukishyira muri uwo mwanya, biramutse bimbayeho, ni iki nakora mu kubirinda? Ni iki nakora ndamutse mpuye na byo mu kubyigobotora?”.

Yagaragarije abitariye iyi nama ko kuba Afurika itagera aho yifuza kuba iri abayituye bakwiye kwigaya

Perezida Kagame avuga ko Afurika ifite byose bikenewe kugira ngo ibe aho ishaka kuba ndetse buri wese abe uwo ashaka kuba we, bityo ko ikwiye kwigaya ku kuba bitegerwaho mu rwego rwo guhagarika gutunga agatoki abandi.

Umukuru w’Igihugu avuga ko Politike ikwiye gushyiraho imirongo ngenderwaho ihuriza hamwe abantu kugira ngo batere imbere hagendewe ku mwimerere n’ubushobozi bw’umugabane w’Afurika hagamijwe ku kugera kubyo wifuza.

Ati: “Afurika ifite byose yifuza kugira ngo igere aho twifuza no kuba abo dushaka kuba bo. Niyo mpamvu dukwiye kwigaya ku kutabigeraho”.

Ibi umukuru w’Igihugu yabigarutseho, mu kiganiro kigaruka ku ruhare rw’urubyiruko mu gusigasira umurage wo guteza imbere Afurika.

Iyi nama ya Youth Connekt iri kuba ku nshuro ya 7

Ni ikiganiro Perezida Kagame yahuriyemo na Minisitiri w’Intebe wa Lesotho, Samuel Ntsokoane Matekane, Rwiyemezamirimo wo muri Kenya akaba n’uwashinze Ikigo Power Learn Project, Mumbi Ndung’u ndetse na Michelle Umurungi wayoboraga iki kiganiro.

Michelle Umurungi yabajije kandi Perezida Kagame, imbogamizi yabonaga Umugabane wa Afurika wari ufite ubwo yari akiri muto. Mu gusubiza, Perezida Kagame yavuze ko yahuraga n’ibibazo ariko byamutwaye igihe kubyiyumvisha, kuko yabonaga bitagakwiye kuba biba ku bantu na we arimo.

Ati: “Uko nagendaga nkura, naje no kuvumbura ko ari ibintu bishobora kugira icyo bikorwaho kandi ko nta bandi bo kubikora uretse twebwe ubwacu”.

Minisitiri w’Intebe wa Lesotho, Samuel Ntsokoane Matekane

Minisitiri w’Intebe wa Lesotho, Samuel Ntsokoane Matekane, yagaragaje urugendo rwe akiri muto, aho yavuze ko yatangiye kwihangira imirimo afite imyaka 20 ariko bigoye, gusa igishimishije muri iki gihe aruko abana bagira amahirwe yo kujya mu ishuri, bakiga uko bazateza imbere igihugu cyabo mu bihe bizaza.

Ati: “Ntangira ubucuruzi, nakoraga amatafari, ibyo byarakomeje ariko nabaga mu bintu byinshi nko gucuruza amatungo. Ubwo ni ubuzima umuntu yabayemo ariko uko igihe kigenda, ndashaka kubwira urubyiruko rwacu ko kwihangana bitanga umusaruro”.

Minisitiri w’Intebe wa Lesotho, yavuze ko kubera kwihangana, yageze ubwo aba umwe mu bacuruzi bakomeye muri Lesotho, kugeza igihe yajyaga muri politiki none kuri ubu akaba ari Minisitiri w’Intebe w’icyo gihugu.

Rwiyemezamirimo wo muri Kenya akaba n’uwashinze Ikigo Power Learn Project, Mumbi Ndung’u

Rwiyemezamirimo wo muri Kenya akaba n’uwashinze Ikigo Power Learn Project, Mumbi Ndung’u, yakanguriye urubyiruko bagenzi be kugira amakuru y’ibiri kubera mu bihugu byabo no ku Isi, kuko ari byo bizabafasha kumenya ibyo bashobora gukora ngo bagere ku iterambere.

Yavuze ko inzego zishinzwe iterambere ry’urubyiruko na Leta muri rusange bakwiye kugira uruhare mu gushyiraho uburyo rubona imirimo kuko ari byo bizafasha mu iterambere ry’ubukungu.

Ati: “Niba tudafite ibisubizo by’uko urubyiruko rwacu rwakwishyurwa, none ni gute twakwitega ko ubukungu bwacu bukura?”.

Ambasaderi w’Umuryango w’Ubumwe bw’u Burayi mu Rwanda, Belén Calvo Uyarra

Ambasaderi w’Umuryango w’Ubumwe bw’u Burayi mu Rwanda, Belén Calvo Uyarra, yashimye u Rwanda rwatangije gahunda ya Youth Connekt 2024, ashimangira ko ari urubuga rwiza rwo kubaka ahazaza ha Afurika binyuze mu guhuriza hamwe urubyiruko.

Ati “Imibare ivuga ko 60% by’Abanyarwanda bari munsi y’imyaka 30 kandi 60% by’Abanyafurika bari munsi y’imyaka 25, ariko ntabwo ari imibare gusa. Urubyiruko rufite uruhare rukomeye mu kugena ahazaza h’u Rwanda na Afurika”.

Mu gusoza ibi biganiro ku munsi wayo wa mbere, Perezida Kagame yasabanye n’urubyiruko rwitabiriye Youth Connekt 2024, bafata ‘Selfie’, n’abandi bayobozi barimo Minisitiri w’Intebe wa Lesotho, Samuel Ntsokoane Matekane.

Bafashe na Selfie

Mu nama esheshatu (6) za Youth Connekt Africa Summit zimaze kuba, enye muri zo zabereye mu Rwanda mu gihe indi imwe yabereye muri Ghana naho iheruka yabereye muri Kenya. Kugeza ubu, ibihugu 33 byo muri Afurika bimaze gufata Youth Connekt nk’uburyo bwo kwita ku rubyiruko no kuruteza imbere.

Iyi nama yatangiye kuri uyu wa Gatanu tariki 8 bikaba biteganyijwe ko izarangira ku Cyumweru tariki 10 Ugushyingo 2024, ikaba yitabiriwe n’abarenga 3000 baturutse hirya no hino muri Afurika.

Perezida Kagame yagaragaje ko umugabane wa Afurika ufite ibikenewe byose byawufasha kugera aho abawutuye bifuza

U Rwanda rwongeye koherereza imfashanyo abaturage bo muri Gaza

Iyi mfashanyo yatanzwe ku bufatanye n’Ubwami bwa Hashemite bwa Jordanie, binyujijwe mu Muryango udaharanira inyungu witwa Jordan Hashemite Charity Organization ukorera i Ammam.

Guverinioma y’u Rwanda mu itangazo yashyize hanze kuri uyu wa 07 Ugushyingo 2024, yavuze ko iyo mfashanyo ikubiye muri gahunda mpuzamahanga yo kugoboka abaturage ba Gaza.

U Rwanda kandi rwashimangiye ko rushyigikiye ko amakimbirane yahagarara, mu kurushaho kubungabunga ubuzima bw’abasivili.

Iyi mfashanyo yatwawe n’indege itwara imizigo ya Sosiyete Nyarwanda ikora ingendo zo mu kirere (RwandAir)

Ntabwo ari ubwa mbere u Rwanda rugeneye inkunga abaturage bo mu Ntara ya Gaza muri Palestine, kuko mu Ukwakira 2023, rwari rwatanze ubundi bufasha nyuma y’amezi make iyo Ntara yibasiwe n’ibitero bya Israel.

Icyo gihe iyo mfashanyo yari igizwe n’ibiribwa, amata n’imiti, bikaba byageze mu Bwami Heshimite bwa Yorodaniya bitwawe n’indege itwara imizigo ya Sosiyete Nyarwanda ikora ingendo zo mu kirere (RwandAir).

Iyo nkunga yanganaga na toni 10 z’ibiribwa birimo n’iby’ihariye ku bana byongerewe intungamubiri, imiti ndetse n’ibikoresho bishira bikoreshwa mu buvuzi.

Lt Gen Taoreed Lagbaja, yapfuye mu ijoro ryo ku wa kabiri i Lagos. Ariko amakuru arambuye y’uburwayi bwe ntabwo yagiye ahagaragara.

Mu itangazo ryashyizwe kuri X n’umuvugizi wa Perezida wa Nigera, Bayo Onanuga, Perezida Tinubu yihanganishije umuryango wa Gen Lagbaja.

Iri tangazo rigira riti: "Perezida Tinubu yifurije Lt General Lagbaja kuruhukira iteka mu mahoro kandi ko yishimira uruhare rwe rukomeye yagize mu gihugu."

Iri tangazo rikomeza rivuga ko urupfu rwe, ari igihombo gikomeye ku Ngabo za Nigeria, kuko yagize uruhare rukomeye mu bikorwa byinshi by’umutekano mu gihugu.

Umuyobozi w’ingabo ni umusirikare wo mu rwego rwo hejuru mu ngabo za Nigeriya.

Gen Lagbaja yagizwe Umugaba Mukuru w’Ingabo za Nigera muri Kamena 2023, ubwo hari hashize igihe gito Perezida Tinubu atangiye kuyobora Nigeria.

Amakuru avuga ko hari impungenge kuko hari hashize iminsi atitabira imirimo ndetse rimwe na rimwe yabaga yagiye kwivuriza hanze y’Igihugu indwara itaramenyekana akaba yari amaze igihe atagaragara mu ruhame.

Mu gihe gito yari amaze kuri uyu mwanya, ibitero by’abarwanyi ba Islamu Boko Haram ndetse n’ibikorwa byo gushimuta, cyane cyane mu majyaruguru no hagati mu gihugu byakomeje kwiyongera.

Ibi bikorwa by’imitwe yitwaje intwaro birimo ishimutwa ry’abana barenga 280 byabaye mu ntangiriro z’uyu mwaka muri gace ka Kuriga.

Lt Gen Lagbaja asize umugore, Mariya Abiodun-Lagbaja n’abana babiri.

Umwe mu bunganira abaregera indishyi muri uru rubanza, Me Richard Gisagara, yasobanuye ko n’ubwo ari ubujurire, uru rubanza ruzatangira bushya humvwa abatangabuhamya ku mpande zombi.

Me Gisagara ati: "Guhera kuri uyu munsi, urubanza rurongera rutangire bundi bushya. Tuzumva abatangabuhamya bagera kuri 45, barimo abaregera indishyi, abashinjura ndetse n’inararibonye eshatu urukiko rwashyizeho".

Me Gisagara akomeza avuga ko abazatanga ubuhamya b’Inararibonye abenshi basanzwe bazwi ariko n’undi mushya. Ati: "Hazumvwa abatangabuhamya batandukanye basanzwe bazwi nk’Inararibonye ariko hazaza undi mushya witwa Michela Wrong, wanditse igitabo kibasiye u Rwanda kitwa Do not disturb".

Akomeza avuga ko Michela azumvwa kuwa Gatanu w’iki Cyumweru tariki ya 8 Ugushyingo 2024 ndetse akaba ari ubwa mbere azaba yitabiriye imanza zivuga kuri Jenoside, aho azaba ashinjura Philippe Hategekimana uzwi ka Biguma, nk’uko yabisabwe n’uruhande rwa Hategekimana.

Bimwe mu byaranze iburanisha ryo kuri uyu wa Mbere, nuko hatowe inteko iburanisha igizwe n’inyangamugayo icyenda (9), n’abandi bashobora gusimbura bagera kuri batanu (5) mu gihe mu rubanza rwabanje ubwo yahamywaga ibyaha bya Jenoside zari esheshatu (6).

Urubanza mu bujurire bwa Hategekimana wari wariyise Philippe Manier, bugiye kumara ukwezi n’igice, bwatangiye kuri uyu 4 Ugushyingo, urubanza rukazarangira tariki 20 Ukuboza 2024.

Hategekimana Philippe uzwi nka Biguma, yari yarahanishijwe gufungwa burundu, mu rubanza yashinjwagamo ibyaha bya Jenoside yakorewe Abatutsi n’ibyibasiye inyoko muntu.

Ni urubanza rwamaze hafi amezi abiri kuko rwatangiye tariki 10 Gicurasi 2023, aho muri uru Rukiko humviswe abatangabuhamya barenga 100, barimo abashinjaga Biguma kugira uruhare muri Jenoside, abamushinjuraga ndetse n’abagiye batanga ishusho ya Jenoside.

Biguma waregwaga muri uru rubanza, mu gihe cya Jenoside yari umujandarume muri Nyanza, aho abarokotse Jenoside ndetse na bamwe mu bakoranye na we, bagaragaje ko yagize uruhare mu mu gutanga amabwiriza yo kurimbura abatutsi ku misozi ya Nyamure, Nyabubare, Nyamiyaga, ISAR-songa, kwitabira inama ndetse no kujya kuri za Bariyeri. Yashinjwe kandi kwica uwari Burugumesitiri wa Ntyazo, Nyagasaza Narcisse n’abandi.

Biguma w’imyaka 68, yafatiwe mu gihugu cya Cameroon muri 2018, yariyise Hategekimana Manier, aho yagaragaje ko yahinduye amazina ye kubera umutekano we.

Ni umugabo witwa Ndahimana Jean Bosco w’imyaka 45, bivugwa ko yasanzwe mu cyumba amanitse, nyuma y’uko umugore we ahageze agasanga amanitse agahita atabaza abaturanyi n’inzego z’ibanze, nk’uko byemejwe n’Umunyamabanga Nshingwabikorwa w’Akagari ka Kabeza, Bizimana Eugene.

Ibiro by’Umurenge wa Muhima

Mu kiganiro Bizimana yagiranye na Kigali Today, yagize ati: “Ahagana saa tatu, abaturage baduhuruje batubwira ko babonye umuturage wiyahuye, tuhageze dusanga umugabo amanitse mu mugozi wa supaneti mu cyumba”.

Bizimana akomeza avuga ko Ndahimana yari amaranye n’umugore we imyaka umunani, kandi ko babanaga mu buryo bwemewe n’amategeko, gusa ngo yari amaze iminsi adahari yaragiye gusura iwabo, ahagera uyu munsi.

Bizimana ati: “Umugore we yari amaze iminsi adahari, yaje kugira ngo bapakire ibintu kuko bari bafite gahunda yo kwimuka, ahageze akinguye asanga umugabo we amanitse ni ko gutabaza”.

Abaturanyi b’uyu muryango bemeza ko nta makimbirane bajyaga bagirana, ko babanaga bisanzwe, bakavuga ko kandi baherukaga uyu mugabo ku munsi wari wabanje, ni ukuvuga tariki 30 Ukwakira, nka saa yine z’ijoro aho yatandukanye n’abo babanaga mu rupangu ababwira ko agiye kugura itabi, agaruka ajya mu nzu kuryama nyuma bagatungurwa n’inkuru y’urupfu rwe mu gitondo.

Uyu muryango wari umaranye imyaka umunani, wari utarabasha kubona urubyaro, umurambo wa nyakwigendera ukaba wajyanywe na RIB ku bitaro bya Kacyiru gukorerwa isuzuma mu gihe iperereza ku cyateye urupfu rwe ryari rigikomeje.

Ubuyobozi muri ako gace bwagiriye inama abaturage ko bakwiye kugana inzego zibishinzwe igihe cyose bafite ikibazo runaka, zaba iza Leta cyangwa iz’ubuzima, kugira ngo bafashwe, aho gufata icyemezo cyo kwiyambura ubuzima.

Dr. Eugène Rwamucyo yakatiwe igifungo cy’imyaka 27

Urwo rukiko rwahamije Dr. Eugène Rwamucyo icyaha cya Jenoside, kuba mu mugambi wo gukora Jenoside hamwe n’ibyaha byibasiye inyokomuntu.

Ni icyemezo cyatangarijwe mu iburanisha ryo kuri uyu wa Gatatu tariki 30 Ukwakira 2024, aho abagize inteko iburanisha bari mu mwiherero ari wo wavuyemo igihano cyakatiwe Dr. Rwamucyo.

Dr Rwamucyo w’imyaka 65 y’amavuko akatiwe igifungo cy’imyaka 27 nyuma y’uko Ubushinjacyaha bwari bwagaragaje ibimenyetso ku byaha yaregwaga byo kuba mu gatsiko k’abateguraga Jenoside, icyaha cya Jenoside, ibyaha byibasiye inyokomuntu, ubufatanyacyaha mu byaha byibasiye inyokomuntu no kuba icyitso mu byaha byibasiye inyokomuntu. Ubushinjacyaha bwari bwasabye Urukiko kumuhamya ibyo byaha, agahanishwa gufungwa imyaka 30, mu rwego rwo gutanga Ubutabera ku bazize Jenoside yakorewe Abatutsi mu Rwanda mu 1994 ndetse n’abayirokotse.

Abatangabuhamya batandukanye babwiye urukiko ko Dr Rwamucyo yatangaga amabwiriza yo gushyira mu byobo imibiri y’Abatutsi n’abari bakiri bazima barimo ababaga bakomeretse, hifashishijwe ibikoresho birimo imashini ikora imihanda (caterpillar).

Umutangabuhamya yabwiye urukiko ko ubwo we n’abandi Batutsi benshi bari kuri bariyeri y’imbere y’urugo rwa Pauline Nyiramasuhuko wabaye Minisitiri w’Imibereho y’Imiryango, yumvise Dr. Rwamucyo asaba Interahamwe ko zigomba kwica.

Yagize ati: “Yabwiye umuyobozi wo kuri bariyeri ko batagomba kwitwara nk’abana, kandi ko nibiba ngombwa bagira Abatutsi uburiri bwabo”.

Si ubwa mbere Dr. Rwamucyo, yari akurikiranyweho ibyaha birimo ibya Jenoside, nubwo ubwa mbere urubanza rwabaye adahari, aho Urukiko Gacaca rw’i Ngoma, i Huye mu Ntara y’Amajyepfo, rwari rwaramuhamije ibyaha bya Jenoside, ibyibasiye inyokomuntu, gutegura umutwe w’abicanyi bagamije gukora Jenoside, gutanga ibikoresho byo kwica, gushimuta abagore n’abakobwa, guhagararira abagombaga gushyingura Abatutsi ari bazima, maze rumukatira igihano cyo gufungwa burundu.

Abahagarariye inzego zitandukanye bahurijwe hamwe hagamijwe gushaka ibisubizo ku ingaruka zigera ku mugore kubera imihindagurikire

Ni ibitekerezo byatanzwe na bamwe mu bahinzi bari bitabiriye ibiganiro byateguwe n’umuryango ACORD Rwanda, byahurijwemo inzego zitandukanye zifite aho zihuriye n’imihindagurikire y’ibihe harimo Ikigo cy’igihugu cyo kubungabunga ibidukikije (REMA), Minisiteri Ishinzwe Ibikorwa by’Ubutabazi (MINEMA), imiryango y’abagore n’ibigo byigenga.

Bimwe mu bibazo by’ingutu, aba bahinzi bagarukaho ku bijyanye n’ihindagurika ry’ibihe ni ukuba badasobanukirwa n’amakuru avuga ku mihindagurikire y’ibihe, byagera ku bagore bikabasiga iheruheru, dore ko bagize igice cya 56% bari mu buhinzi buciriritse.

Ibarura rusange riheruka, ryerekanye ko mu Rwanda abaturage bagera kuri miliyoni eshatu na magana ane ari abahinzi, 85% bagakora ubuciriritse aho 56% muri bo ari abagore.

Ndayambaje Philbert, ahamya ko ingaruka z’imihindagurikire y’ibihe ahanini zisigara ku bagore kuko mu cyaro nubwo umugore n’umugabo bafatanya mu buhinzi, iyo batashye umugabo yigira mu bye umugore akagorwa n’indi mirimo nko gutera intabire, gutunganya amafunguro, kwita ku bana ndetse n’amatungo nyamara n’umugabo yataha agakenera kwitabwaho, atabibona agahitamo guhunga urugo.

Ndayambaje Philbert, ahamya ko afatiye ku rugero rw’aho aturuka, abagore bagerwaho n’ingaruka z’imihindagurikire y’ibihe kurusha abagabo

Ndayambaje ati: “Iwacu ndabibona, umusaruro wabaye muke cyangwa se ubonetse ugahaza urugo gusa, umugabo ntabone ayo asagura ngo yiyiteho ku giti cye, bigatuma bajya gushaka aho bitabwaho, bakajya gupagasa ahandi n’ibindi. Ibyo kandi bikurura amakimbirane mu muryango, umugore agasigara arera wenyine ndetse ashaka iterambere ry’urugo, abandi bagatangira kurusuzugura n’ibindi”.

Akomeza avuga ko imvura ya mbere yaguye i Ngoma hari tariki ya 11, umusaruro bari barabitse ukaba uzashira vuba kandi nk’umutware w’urugo yibaza uko bizagenda kuko basa nkabagiye mu muhondo wo kuzaba badafite imyaka mu gihe kiri imbere.

Ndayambaje agira inama abagabo yo kwihangana bagafashanya n’abagore babo no mu bihe bikomeye by’imihindagurikire y’ikirere ndetse n’igihe umusaruro wabaye muke bakabafasha guhangana n’ingaruka.

Mukamibungo Gertulde, umuhinzi wo mu Karere ka Ngororero asobanura ibibazo bafite kubera imvura itabagezeho uko bikwiye. Ati: “Nzeri mu ntangiro nibwo twe duhinga, haguye akavura gake dusanza intabire, bamwe baratera abanda ntibabikora, bamwe biramera bihera hejuru ntibyakura kuko nta mvura, dukomeza gutegereza ko igwa ariko tugaheba. Nkanjye mfite intabire nategereje ko ntera ibishyimbo n’ibigori nabuze imvura none RAB yaratubwiye ngo abatarahinga babireke ahubwo bahinge imigozi, kandi ahantu nahinze ni mu rutoki ntiwashyiramo imigozi y’ibijumba rwose. Ubu nta myaka dufite twiteze inzara rwose kuko byaranyobeye twaheze mu gihirahiro y’icyo twakora”.

Mukamibungo Gertulde yagaragaje ko ihindagurika ry’ibihe bijyanye no kutabonera igihe imvura, bibagiraho ingaruka zikomeye

Umuyobozi wa ACORD Rwanda, Munyentwali François, avuga ko bumwe mu bushakashatsi bakoze, nta rubuga abahinzi bahuriramo ngo bamenye amakuru ku gihe. Ati: “Nta rubuga ruhuza abahinzi cyane cyane abagore, aho bavugira ibibazo by’ihindagurika ry’ibihe ngo babyumve, burigihe birabatungura bibereye mu bibazo by’uburinganire, ugasanga bamenye amakuru impitagihe bityo bikabakomerera cyane”.

Munyentwali akomeza agira ati: “Abagore nibo bari mu buhinzi buciriritse kandi bakaba benshi, ariyo mpamvu abagore bakwiye kuza ku isonga mu guhangana n’ihindagurika ry’ibihe biganisha ku nzara n’ibindi, rero twifuza kubihindura ndetse abantu bagafata ihindagurika ry’ibihe nk’ikibazo cyugarije isi n’u Rwanda rurimo, aho usanga bigira ingaruka zo gushimangira ubusumbane hagati y’umugabo n’umugore”.

Avuga ko nka ACORD Rwanda, nyuma yo gusesengura usanga hakenewe ubukangurambaga ku kumenya amakuru ku ihindagurika ry’ibihe mu nzego zose, kuburyo bya byiciro byibasirwa by’abaturage bashaka ibisubizo biturutse muri bo, hatitabajwe gushyira mu bikorwa ibisubizo biturutse mu mahanga.

Umuyobozi wa ACORD Rwanda, Munyentwali François yagaragaje ko ibyiciro by’abakora ubuhinzi buciriritse n’abagore barimo bakwiye gufashwa guhangana n’ihindagurika ry’ibihe

Munyentwali avuga ko kuba amakuru y’ihindagurika ry’ibihe atangwa na Meteo Rwanda, ndetse na serivisi zose zirebana n’imihindagurikire y’ibihe bamwe mu baturage batayubaha, ari ikibazo gikomeye cyane kandi nyamara hakenewe ko ayo makuru amenyekana akiri mashya ndetse no guteganyiriza abahinzi mu gihe habayeho impinduka mu bihe ntibarusheho gushinyiriza.

Hirya no hino ku isi usanga ibihugu bihanganye n’ingaruka z’imihindagurikire y’ibihe, aho bamwe bafite ibibazo by’inzara nubwo bitaragera mu Rwanda ariko Munyentwali wa ACORD, akavuga ko hakwiye ingamba zikomeye kugira ngo ruhore rwiteguye, mu gihe ibihe byahindutse nti babashe guhinga mu bihe byagenwe cyangwa umusaruro wabaye mucye n’ibindi.

Dr Rwamucyo Eugene ahakana ibyaha bya Jenoside aregwa

Muri uru rubanza, igihe cyose Dr. Rwamucyo yagiye ahabwa ijambo, ngo agire icyo asobanura ku byabaga byavuzwe n’abatangabuhamya ku ruhande rw’abamushinja, ntiyigeze yemera ibyo aregwa, urugero mu rubanza rwabaye tariki 15 Ukwakira 2024, yabwiye urukiko ko ubwo Jenoside yabaga, atari azwi i Butare ndetse ko atigeze ahisha imibiri y’Abatutsi bishwe.

Gusa nyuma yabaye nk’uwivuguruza, avuga ko yemera ko yatanze amabwiriza yo gushyingura imibiri yari inyanyagiye mu Mujyi wa Butare mu gihe cya Jenoside, kandi ngo nta muzima washyizwe muri ibi byobo maze asobanura ko iki gikorwa cyabaye mu rwego rwo gukumira impumuro mbi.

Mu gusubiza ibyo yari abajijwe, Dr. Rwamucyo yagize ati: “Ntabwo nigeze njya ku marondo, sinigeze njya kuri bariyeri n’imwe, sinari nzwi i Butare, nta muntu waho wari unzi, nta basirikare twari tuziranye. Gushaka kumpuza n’ubwicanyi bwahakorewe birambabaza".

Mu iburanisha ryakurikiyeho tariki 16 Ukwakira 2024, Umutangabuhamya wabaye umushoferi mu kigo cya Kaminuza Nkuru y’u Rwanda cyari gishinzwe ubuzima, CUSP (Centre Universitaire de Santé Publique de Butare), yagaragaje ko Dr Rwamucyo Eugène n’abandi bakekwaho uruhare rukomeye muri Jenoside yakorewe Abatutsi mu 1994 bakabaye baburanishirizwa mu Rwanda.

Ni Umutangabuhamya wafunzwe imyaka 20 kubera uruhare muri Jenoside yahamijwe n’urukiko. Yagaragaje ko Dr. Rwamucyo yari mu bantu bane bavugaga rikumvikana mu Mujyi wa Butare.

Yasobanuye ko Dr. Rwamucyo ari umwe mu bitabiriye inama yayobowe na Perezida wa Guverinoma y’Abatabazi, Sindikubwabo Théodore, yabaye tariki ya 19 Mata 1994. Iyi ni yo yabaye imbarutso y’ubwicanyi bwakorewe muri Butare.

Dr. Rwamucyo yahakanye ko atari mu bavugaga rikumvikaka kuko yari umuntu utari uzwi mu Mujyi wa Butare

Umutangabuhamya yasobanuye ko mu gihe ubwicanyi bwari bukomeje, Inama y’Umutekano ya Perefegitura ya Butare ari yo yahaye Dr. Rwamucyo, amabwiriza yo gukura mu Mujyi imibiri y’abiciwe kuri za bariyeri yari ihanyanyagiye, ‘Kugira ngo ibyogajuru bitayifotora’.

Uyu mutangabuhamya yasobanuye ko ari umwe mu bo Dr. Rwamucyo, yasabye kwica inkomere, kuko ngo nta hantu hahagije hari hahari ho kuzivurira, kandi ngo mu Mujyi wa Butare hoherejwe imodoka nyinshi zo gutwara imibiri.

Ubwo yabazwaga aho imibiri yajyanywe, yasubije atya ati: “Mubibaze uregwa aho yayijyanaga”. Asobanura kandi ko yabonye imashini ebyiri zikora imihanda (Caterpillars), zifashishijwe mu gucukura ibyobo binini byagombaga kujugunywamo abishwe.

Uyu mutangabuhamya yavuze ko ababajwe no kuba yarafunzwe imyaka 20, azira ibyaha yakoreshejwe n’abatangaga amabwiriza barimo Dr. Rwamucyo Eugène.

Yagize ati: “Namaze imyaka 20 muri gereza kandi ntarikoresheje icyaha. Kubona umuntu kuri televiziyo, yarakoze ibi byaha, n’umutimanama we umucira urubanza! Ubwo twakoraga Jenoside, baduhaga amabwiriza, bakadukomera amashyi. Bavuye mu gihugu, bahabwa ubwenegihugu n’ibindi bihugu. Bakwiye gusubizwa mu gihugu bakomokamo”.

Uru rubanza ruri mu cyumweru cyarwo cya kane, ndetse rukaba ruri kugana ku musozo, biteganyijwe ko Ubushinjacyaha buzamusabira ibihano kuwa Mbere w’icyumweru gitaha, mu gihe kuwa Kabiri tariki 29, abunganira Dr. Rwamucyo nabo bazagira icyo bavuga ndetse nawe yongere guhabwa umwanya wo kugira icyo avuga, nyuma y’ibyo yashinjwe n’abatangabuhamya batandukanye, icyo abunganira abaregera indishyi bavuze, ubushinjacyaha igihano bwamusabiye.

Nyuma Inteko iburanisha, urukiko muri rusange ruzajya mu mwiherero, uzavamo umwanzuro w’Urukiko, wemeza niba Dr Eugène Rwamucyo ahamwa n’ibyaha cyangwa ari umwere.

Me Gisagara wunganira aberegera indishyi mu rubanza rwa Dr Rwamucyo ukurikiranyweho ibyaha bya Jenoside

Muri uru rubanza rwatangiye tariki ya 1 Ukwakira, humviswe abatangabuhamya batandukanye, ariko by’umwihariko abamushinjaga bakaba bari biganjemo, abamuzi mbere no mu gihe cya Jenoside, abo bavuye muri gereza barangije ibihano byabo nyuma yo guhamwa n’ibyaha bya Jenoside, aho bagiye bagaragaza uruhare rwa Dr Rwamucyo wari umuyobozi, nk’uko bigarukwaho na Me Gisagara Richard, umwe mu bunganira abaregera indishyi.

Me Gisagara akomeza avuga ibyo byaha akurikiranweho, ati: “Icyumweru cya mbere twumvise abatangubuhamya ku mateka y’u Rwanda n’agace bivugwa ko Dr Rwamucyo yakoreye icyaha, icyumweru cya kabiri, hakurikiraho abatangabuhamya bazi ibyo yakoze barimo abenshi bafunzwe bazira ibyaha bya Jenoside, bazi ibyo yakoze ndetse n’ibyo bamwumviseho, nyuma yaho twumvise abarokokeye Jenoside aho yakoreye ibyaha”.

Me Gisagara akomeza avuga ko Dr. Rwamucyo akurikiranyweho icyaha cyo kuba mu gatsiko k’abateguraga Jenoside, icyaha cya Jenoside, ibyaha byibasiye inyokomuntu, ubufatanyacyaha mu byaha byibasiye inyokomuntu no kuba icyitso mu byaha byibasiye inyokomuntu.

Mu buhamya bwatanzwe muri uru rubanza kandi, hagaragajwe amashusho (Video) yerekana abantu bakoze ubushakashatsi kuri Jenoside, ndetse hakaba n’ibibazo azabazwa n’abunganira abaregera indishyi.

Me Gisagara yagize ati: “Tuzamubaza ibijyanye n’ijambo rikarishye yavuze rigaragaza urwango ku batutsi, igihe Minisitiri w’Intebe, Jean Kambanda yazaga gusura kaminuza, tariki 14 Gicurasi mu 1994 yavuze ijambo”.

Si ubwa mbere Dr. Rwamucyo, akurikiranyweho ibyaha birimo ibya Jenoside, nubwo ubwa mbere urubanza rwabaye adahari, aho Urukiko Gacaca rw’i Ngoma, i Butare mu Ntara y’Amajyepfo, rwari rwaramuhamije ibyaha bya Jenoside, iby’ibasiye inyokomuntu, Gutegura umutwe w’abicanyi bagamije gukora Jenoside, Gutanga ibikoresho byo kwica, Gushimuta abagore n’abakobwa, guhagararira abagombaga gushyingura Abatutsi ari bazima, maze rumukatira igihano cyo gufungwa burundu.

Maj Gen (Rtd) Amb Frank Mugambage (wambaye indorerwamo) yahererekanyije ububasha na Maj Gen Alex Kagame

Ni umuhango wabaye kuri uyu wa Mbere tariki 21 Ukwakira 2024, ku cyicaro cya Minisiteri y’Ingabo ku Kimihurura. Witabiriwe n’abayobozi mu mashami atandukanye mu rwego rw’Inkeragutabara.

Maj Gen Alex Kagame yahawe izo nshingano nyuma y’uko yari aherutse gusoza inshingano nk’Umuhuzabikorwa w’Ibikorwa by’Inzego z’Umutekano z’u Rwanda (Joint Task Force Commander) muri Mozambique.

Yayoboye kandi diviziyo nyinshi zitandukanye n’izindi nzego za gisirikare. Zimwe muri zo harimo nko kuba muri Gashyantare 2016 yaragizwe Umuyobozi w’Ingabo zishinzwe kurinda Umukuru w’Igihugu n’abandi bayobozi bakuru.

Yayoboye kandi Diviziyo ya Gatatu mu Gisirikare cy’u Rwanda (Mu Burengerazuba bw’Igihugu) gusa mbere yaho yayoboye n’iya Kabiri (Mu Majyaruguru) ndetse n’iya Kane (Mu Majyepfo) mu bihe bitandukanye.

Rigathi Gachagua yavuze ko nihagira icyo aba kizabazwa Perezida Ruto

Rigathi Gachagua, ibi yabitangaje akiva mu bitaro aho yari amaze iminsi arwariye, aho bivugwa ko yagiye ababara mu gatuza.

Mu kiganiro yagiranye n’abanyamakuru akiva mu bitaro, Rigathi yavuze ko yatunguwe n’ubutegetsi yahozemo, nyuma y’uko aho yari arwariye yambuwe abamurindaga, avuga ko ubuzima bwe buri mu kaga.

Yavuze kandi ko uretse abamurindaga yahise yamburwa, na bamwe mu bakoreraga mu biro bye bahise bahagarikwa mu kazi.

Rigathi Gachagua muri icyo kiganiro yavuze ko icyo azaba cyose kizabazwa Perezida William Ruto. Yagize ati: “Yarengagije ibyo asabwa n’amategeko, anyambura abarinda umutekano wanjye huti huti. Nihagira ikizambaho cyangwa kikaba ku muryango wanjye, bizajya ku mutwe ka Perezida William Ruto.”

Rigathi Gachagua muri icyo kiganiro n’abanyamakuru yakomeje avuga ko atari inshuro nkeya mu bihe bishize bashatse kumwica. Yise Perezida Ruto umuntu mubi cyane ndetse n’umugambanyi, wibagirwa vuba uwamugiriye neza.

Yagize ati, “Mbabazwa n’uburyo umuntu nafashije kugira ngo abe Perezida, nkamwizera, ashobora kunkorera ibintu bibi.”

Ibiro ntaramakuru by’Abafaransa AFP, bitangaza ko Perezida Ruto ntacyo aravugira ku mugaragaro ku bijyanye no kweguzwa kwa Rigathi Gachagua, wigeze kumubera umubitswa banga, akaba yaranamuhesheje amajwi yatumye atorwa nka Perezida wa Kenya.

Umutwe w’Abadepite ndetse n’uwa Sena, yombi iheruka gutora yemeza ko Gachagua yeguzwa ku mwanya wa Visi Perezida. Gachagua mu byaha 11 yashinjwaga, bitanu gusa (5) nibyo byamuhamye birimo amacakubiri, gusuzugura William Ruto, kwigizwaho umutungo n’ibindi.

Nubwo atashoboye kujya kwisobanura ubwo umutwe wa Sena wafataga umwanzuro wo kumweguza, kubera ko yagiye mu bitaro hasigaye amasaha make ngo yitabe Sena ya Kenya, ibyaha byose ashinjwa abihakana avuga ko abihimbirwa n’abashaka kumukomanyiriza kugira ngo bamukure ku butegetsi.

Sena imaze gufata umwanzuro wo kumweguza, Perezida William Ruto, yahise agena Kithure Kindiki, ku mwanya wa Visi Perezida kugirango asimbure Rigathi Gachagua, gusa ariko Urukiko rushinzwe iyubahirizwa ry’Itegeko Nshinga, rwavuze ko ijyenwa rye ridaciye mu mucyo, ruba rubihagaritse.

Kugeza ubu Urukiko rushinzwe iyubahirizwa ry’Itegeko Nshinga, rwashyizeho itsinda ry’abacamanza, kugira ngo ku wa Kabiri w’icyumweru gitaha, ritangire gusesengura iby’iyi dosiye.

Israel yagabye ibitero ku biro by’ubutasi bya Hezbollah

Ibyo bitero byabaye kuri uyu wa 20 Ukwakira 2024, bivugwa ko byanibasiye inyubako yo mu buvumo yakorerwagamo intwaro z’uyu mutwe, mu Murwa Mukuru wa Lebanon, Beirut.

Itangazo Israel yashyize hanze rivuga ko ingabo z’icyo gihugu zishe kandi Alhaj Abbas Salameh, wari mu buyobozi bwa Hezbollah, Radja Abbas Awache, umuhanga wari ushinzwe ibijyanye no gutangaza amakuru muri uwo mutwe na Ahmad Ali Hussein wari ushinzwe ibijyanye n’intwaro.

Israel ntiyatomoye ngo isobanure niba abo bayobozi b’uyu mutwe biciwe mu bitero igisirikare cyayo cyagabye ku cyicaro gikuru cya Hezbollah, aho uwo mutwe ukorera intwaro, cyangwa bakaba biciwe mu bindi bitero. Hezbollah ntacyo iratangaza kuri ayo makuru.

Abo Israel yemeza ko yishe, baje biyongera ku bandi bayobozi ba Hezbollah yishe ku wa gatanu, aho umwe muri bo ari Bint Jbeil, wari umuyobozi wungirije w’uyu mutwe.

Hagati aho, Israel yemeza ko yasenye n’inzira zacaga mu buvumo mu burasirazuba wa Lebanon zakoreshwaga n’abarwanyi ba Hezbollah.

Aurore Mimosa Munyangaju

Ni umwe mu myanzuro y’Inama y’Abaminisitiri yateranye kuri uyu wa Gatanu tariki 18 Ukwakira 2024, iyobowe na Perezida wa Repubulika Paul Kagame, muri Village Urugwiro.

Munyangaju Aurore Mimosa yagizwe Ambasaderi w’u Rwanda muri Luxembourg, nyuma y’aho muri asimbuwe na Bwana Nyirishema Richard, ku mwanya wa Minisitiri wa Siporo yari amazeho imyaka itanu kuva mu 2019, asimbuye Nyirasafari Esperance.

Munyangaju Aurore Mimosa, mbere y’uko yinjira muri guverinoma yakoze imirimo itandukanye irimo ibijyanye n’amabanki, ubucuruzi n’ubwishingizi mu bigo bitandukanye birimo n’ibyo mu Rwanda n’ibyo ku rwego rwa Afurika.

Ni igikorwa kiri gukorwa n’Ingabo z’u rwanda ziri mu butumwa bwo kugarura amahoro muri Sudani y’Epfo

Ni igikorwa kirimo gukorwa n’Ingabo z’u Rwanda ziri mu gace ka Durupi muri Sudani y’Epfo.

Iki gikorwa cyo gupima indwara kirajyana no gutanga ubuvuzi n’imiti ndetse n’ubujyanama, kikaba kiri kuba kuri uyu wa Gatanu tariki 18 ukwakira 2024.

Ibi ni ibikorwa bisanzwe biranga Ingabo z’u Rwanda aho ziri hose, aho usanga usibye kurinda umutekano w’abaturage, zigira n’uruhare mu iterambere ryabo ririmo ubuvuzi, ibikorwa remezo, uburezi n’ibindi.

Muganga w’amaso arimo gusuzuma abaturage indwara y’amaso

Ibi bigaragazwa kandi n’ubuyobozi bwa UNMISS, akenshi butangaza ko abaturage bo muri Sudani y’Epfo bagize umugisha wo kuba barinzwe n’Ingabo z’u Rwanda zoherejwe mu butumwa bwo kubungabunga amahoro bwa UNMISS, kuko zakomeje kubafasha mu bikorwa by’ubuzima birimo no kurushaho kwirinda no kurwanya Malariya ikunze guhitana benshi muri icyo Gihugu.

Mu bikorwa bijyanye n’ubuzima Ingabo z’u Rwanda zikunze gukora kandi, harimo gutanga inzitiramibu n’ibindi bikoresho ndetse n’ubukangurambaga bwo kwirinda kwandura n’ikwirakwira rya Malaria ndetse na Virus itera Sida.

Abaturage bishimira ibikorwa bagezwaho n’Ingabo z’u Rwanda, bibafasha mu mibereho yabo myiza

Amafoto: RBA

Abasenateri batangiye umwiherero w’iminsi ibiri

Ni umwiherero watangiye kuri uyu wa Kane tariki 17 Ukwakira 2024.

Ibiganiro bitangwa biribanda ku mavu n’amavuko bya Sena n’icyo abaturage bayitegerejeho, ishyirwa mu bikorwa ry’inshingano za Sena gahunda ya kabiri ya Guverinoma yo kwihutisha Iterambere-NST2 (2024-2029).

Mu bindi bizibandwaho kandi harimo, ibirebana n’icyerecyezo n’ingamba by’imikorere ya Sena muri manda ya kane (4).

Perezida wa Sena Francois Xavier Kalinda

Ubwo Perezida wa Sena Francois Kalinda Xavier, yatangizaga uyu mwiherero, yagaragaje ko ibyitezwe mu mwiherero w’Abasenateri ari ukurushaho kuzuza inshingano zabo muri manda ya kane.

Ati: “Uyu mwiherero witezweho kuduha impamba iduha imbaraga zo gushyira mu bikorwa mu buryo bunoze inshingano zacu no gufata ingamba zimikorere itanga umusaruro uberanye n’urwego nka Sena. Ndizera ko ibiganiro tugiye guhabwa ndetse n’ibitekerezo turi bwungurane muri iyi minsi ibiri, bizadufasha kunoza icyerekezo n’ingamba by’imikorere inoze ya Sena”.

Perezida wa Sena yakomeje agira ati: "Uyu mwiherero ugamije guha Abasenateri umwanya wo kungurana ibitekerezo ku nshingano za Sena n’ishyirwa mu bikorwa ryazo, hagamijwe guteza imbere ubumwe bw’Abanyarwanda, kuzamura imibereho y’abaturage ikarushaho kuba myiza no guteza imbere ubukungu bw’Igihugu”.

Ni Umwiherero ugamije kungurana ibitekerezo ku nshingano za Sena n’ishyirwa mu bikorwa ryazo ndetse n’imikoranire yayo n’izindi nzego.

Kalinda, avuga ko mugushyira mu bikorwa inshingano za Sena, hazibandwa kandi gushyira imbere imikoranire myiza n’izindi nzego zigize igihugu kuko mbere na mbere ikigamijwe ari inyungu z’igihugu.

Umutwe wa Sena ni umwe mu mitwe ibiri igize Inteko Ishinga Amategeko y’u Rwanda, yagiyeho nyuma y’ibihe by’inzibachuho, binyuze mu matora yabaye ku itariki ya 29 Nzeri kugeza tariki ya 2 Ukwakira 2003. Yatangiye imirimo yayo ku itariki ya 10 Ukwakira 2003, nyuma y’irahira ry’abagize Imitwe yombi.

Sena ni urwego rwashyiriweho n’abaturage kugira ngo rubahagararire, Abasenateri barugize baba baratowe n’abaturage.

Senateri Mukabaramba Alvera, Visi Perezida wa Sena ushinzwe Imari n’Abakozi

Inshingano rusange za Sena ni ukwemeza no gutora amategeko ifitiye ububasha, kumenya no kugenzura imikorere ya Guverinoma, kugenzura amahame shingiro avugwa mu ngingo ya 9 y’Itegeko Nshinga, kugenzura Imitwe ya Politiki nk’uko biteganyijwe mu ngingo ya 54 y’Itegeko Nshinga, kwemeza ishyirwaho rya bamwe mu bayobozi bakuru b’Igihugu nk’uko amategeko abiteganya, kugeza ku baturage ibikorwa by’Inteko, gusuzuma raporo zatanzwe n’Ibigo bya Leta biteganyijwe n’Itegeko Nshinga, gutsura umubano hagati y’Inteko Zishinga Amategeko n’indi miryango ihuje Inteko Zishinga Amategeko, gutanga ibitekerezo ku mushinga w’ingengo y’imari ya Leta ndetse no Gusuzuma ibibazo by’abaturage bagejejweho.

RDF yanyomoje amakuru yasohotse mu bitangazamakuru birimo The New Humanitarian na Le Monde

Ni amakuru yasohotse mu bitangazamakuru birimo nka The New Humanitarian na Le Monde, nk’uko byasohotse mu itangazo ryashyizwe hanze na RDF ku mugoroba wo kuri uyu 16 Ukwakira 2024.

Muri iryo tangazo igisirikare cy’u Rwanda, RDF cyahakanye ayo makuru, kivuga ko ibirego bitatu byatangajwe mu nkuru z’ibyo bitangazamakuru zanditswe n’umunyamakuru Barbara Debout ari ibinyoma bidafite ishingiro.

Muri iryo tangazo ryasohowe na RDF, rigira riti "Mu kirego kivuga gufata ku ngufu cyakorewe ’Jeanne’ ucuruza imboga n’imbuto bavuga ko yafashwe ku ngufu n’umusirikare w’Umunyarwanda mu kigo cyabo i Bangui muri 2023: Ibirindiro by’ingabo z’u Rwanda ntibyemera ko hari umusivili utanditse kandi udafite icyo ahakora kuhinjira, bityo nta hohoterwa ry’umuturage ryabera muri icyo kigo".

RDF yahakanye kandi n’ikindi kirego kivuga ihohotera rishingiye ku gitsina bivugwa ko ryakorewe uwitwa ’Grace w’imyaka 28’, mu mujyi wa Paoua uherereye mu Majyaruguru.

Yagize iti: "Nta basirikare b’Abanyarwanda bari mu butumwa bw’amahoro bigeze boherezwa muri ako gace, bityo icyo kirego nta shingiro gifite".

Ikindi kirego cy’ihohoterwa bivugwa ko ryakorewe ’abagore babiri i Ndassima’ mu bilometero 400 uvuye i Bangui, RDF yatangaje ko nabyo ntaho bishingiye. Iti: "Nta Ngabo z’Abanyarwanda cyangwa izo mu butumwa bwa MINUSCA zigeze zoherezwa muri ako gace, bityo ibyo birego ntaho bishingiye".

RDF muri iri tangazo yakomeje igaragaza ko ihohoterwa rishingiye ku gitsina iryo ari ryo ryose rikorerwa abaturage ridashobora kwihanganirwa, kandi ko ifata mu buryo bukomeye ibirego byose bishinja ingabo z’u Rwanda ibikorwa nk’ibyo, ko biramutse bibaye bitakwihanganirwa, n’ubwo ibyatangajwe n’uwo munyamakuru byagaragaye ko ari ibinyoma.

Ingabo z’u Rwanda, RDF zagaragaje ko nk’uko umwanditsi w’izo nkuru ubwe yabyitangarije, ibikorwa by’ihohoterwa rishingiye ku gitsina byose byaberaga mu gace ka Bria, byashyizweho iherezo ubwo ingabo z’u Rwanda zari zihageze, bityo ko ibyo ishinjwa bidashoboka.

RDF yakomeje igaragaza ko imyitwarire, izina n’ubushobozi bw’abasirikare b’u Rwanda bari mu butumwa bw’amahoro bidakwiye gushidikanywaho.

Mu myaka Icumi Ingabo z’u Rwanda zimaze mu bikorwa byo kubungabunga amahoro muri Centrafrique, ni ubwa mbere hasohotse amakuru asebya ingabo z’u Rwanda ziri muri ubu butumwa.

Hashize kandi imyaka 20 abasirikare b’u Rwanda bari mu butumwa bw’amahoro bashyira mu bikorwa inshingano zabo neza, aho bagiye bashimirwa umurava, ubutwari, kubungabunga amahoro ku mutekano w’abaturage n’ibintu byabo, ubunyamwuga mu kazi kabo mu rwego rwo kurushaho kunoza inshingano nyamukuru bahawe yo kurinda abaturage.

Mu itangazo RDF yasohoye kuri uyu mugoroba, yavuze ko izakomeza gushyigikira amahoro n’umutekano muri Santrafurika n’ahandi abasirikare bayo bari n’aho bazoherezwa mu bikorwa nk’ibyo.

Ingabo z’u Rwanda zagiye gutanga umusanzu muri iki gihugu, ubwo imitwe yitwaje intwaro mu majyaruguru yishyize hamwe ikarema umutwe witwa Séléka, utegura ‘coup d’état’ ariko ntibyawuhira.

Ingabo z’u Rwanda zageze muri iki gihugu cyo muri Afurika yo Hagati, mu ntangiriro za 2014 mu butumwa bwari ubw’Umuryango wa Afurika Yunze Ubumwe, MISCA.

Minisitiri Nduhungirehe yitabiriye inama y’Abaminisitiri b’ibihugu bihuriye muri ECCAS

Iyi nama iri kubera i Sipopo muri Guinée Équatoriale, ababyobozi bayitabiriye basuzumye ingingo zirimo ubukungu, politiki n’umutekano muri Afurika yo Hagati.

Ni inama yabanjirije iy’Abakuru b’Ibihugu na za Guverinoma za ECCAS, iteganyijwe kuzaba tariki 18 Ukwakira 2024.

ECCAS ni umuryango ugamije guteza imbere ubufatanye mu by’ubukungu bw’ibihugu by’Afurika yo hagati. Intego zawo ni ukugera k’ubwigenge ibihugu bihuriyeho kuzamura ikigero cy’imibereho y’abaturage batuye ibihugu biwugize no guharanira ko hatabaho ihungabana ry’ubukungu binyuze mu bufatanye burimo umucyo.

Uyu Muryango w’ubukungu bw’ibihugu byo muri Afurika yo hagati wavutse mu wa 1983. ugizwe n’ibihugu 11 byo muri ako Karere harimo n’u Rwanda.

Uyu muryango washinzwe mu 1983 uhuza ibihugu byo muri Afurika yo Hagati birimo Angola, u Burundi, Cameroun, Centrafrique, Congo-Brazzaville, Repubulika Iharanira Demokarasi ya Congo, Gabon, Guinée Equatoriale, Tchad, Sao Tome & Principe n’u Rwanda.

Ni inama yabanjirije iy’Abakuru b’Ibihugu na za Guverinoma za ECCAS

Intego nyamukuru y’uyu muryango ni uguhuza ubufatanye bw’ibi bihugu hagamijwe guteza imbere Afurika mu bijyanye n’ubukungu binyuze mu kongera ubushobozi bw’inganda no guteza imbere ubuhinzi.

Mu bindi bigenga uyu muryango harimo kubyaza umusaruro umutungo kamere, kongera ingufu, ubucuruzi, guteza imbere uburezi, ingendo, itumanaho, siyansi, ikoranabuhanga n’ibindi.

U Rwanda ni kimwe mu bihugu byatangiranye na wo ruza kuwikuramo mu 2008, rwongera kuwusubiramo mu 2016.

Ingabo z’u Rwanda zitanga servisi z’ubuvuzi ku baturage bo mu nkambi

Babigarutseho ubwo Ingabo za RDF zari mu gikorwa cyo gusuzuma indwara zitandura no gutanga imiti y’inzoka muri iyi nkambi.

Umuyobozi w’inkambi ya Malakal, Zachariah Deng Owen yashimye ibikorwa ingabo z’u Rwanda zikomeje gukora muri iyi nkambi, kuko zidasiba kubaha ubufasha burimo kubacungira umutekano no kubavura indwara zitandukanye.

Yagize ati "Impamvu nishimye cyane ni uko ingabo z’u Rwanda zaje kuduha ubufasha bw’ubuvuzi, haje ikipe y’abaganga baje kudufasha, ndabashimira kandi ku bw’umutekano ingabo z’u Rwanda zikomeje kuduha. Hariya hanze y’inkambi usanga abasirikare b’u Rwanda bakina n’abana bacu".

Umuvugizi wungirije w’ingabo z’u Rwanda, Lt Col Simon Kabera avuga ko igikorwa nk’iki bajemo cy’ubuvuzi ku mpunzi ziri muri iyi nkambi, gisobanuye ubumuntu kuko ingabo z’u Rwanda zigira ubumuntu.

Umuyobozi w’inkambi ya Malakal, Zachariah Deng Owen

Yagize ati: "Biri mu nshingano duhabwa n’itegeko rigenga ingabo z’u Rwanda, muri izo nshingano harimo gucunga umutekano w’igihugu n’ubusugire ariko hakabamo no kugira uruhare mu butumwa bw’amahoro ndetse n’ubutabazi".

Lt Col Kabera yakomeje agira ati: "Kandi muri RDF haba ubumuntu bwo kumva ababaye mu gihe dufite ubushobozi tukabikora, ni muri ubwo buryo rero kubera ingabo dufite hano zicunga umutekano ariko izi mpunzi ziba zifite n’ibindi bibazo birimo uburwayi kubera ubuzima baba barimo, nibwo habayeho gahunda yo kubavura hashingiwe ku bushobozi buhari".

Gusa ubuyobozi bw’iyi nkambi buvuga ko bimwe mu bibazo bagifite birimo kutagira amashuri ahagije, kugira amavuriro make ibishobora gutuma babura aho bajya kwivuriza n’ibindi.

Ingabo z’u Rwanda usibye kurinda abaturage, zinagira uruhare mu bikorwa byo kwita ku mibereho myiza y’abaturage. Zimaze kugira uruhare mu bikorwa 84 byo gutera ibiti, ibikorwa 54 by’ubuvuzi, zagize uruhare kandi mu bikorwa 39 byo kugeza amazi ku baturage.

Abaturage barashima ubufasha bahabwa n’Ingabo z’u Rwanda

Ingabo z’u Rwanda kandi zigira uruhare muri gahunda zifasha abanyeshuri kubona ibikoresho by’ishuri, mu bikorwa by’imikino no guha ibikoresho by’imikino abanyeshuri, zigatanga rondereza, zikubaka uturima tw’igikoni n’ibindi.

Ku wa Mbere tariki 14 Ukwakira 2024, Ingabo z’u Rwanda ziri mu butumwa bw’amahoro bwa Loni muri Sudan y’Epfo, bakoranye umuganda n’ababyeyi barerera ku ishuri ribanza rya Kapuri, banatanga ibikoresho by’ishuri ku banyeshuri baryigamo.

Abayobozi n’ababyeyi barerera kuri iryo shuri bashimiye ingabo z’u Rwanda bavuga ko ibyo zikora bigaragaza umutima wo gufasha n’urukundo ndetse nabo bifuza kuzabikurikiza.

U Rwanda ni kimwe mu bihugu bya mbere byatanze umusanzu mu butumwa bw’amahoro ubwo Loni yoherezaga Ingabo zayo mu 2011. U Rwanda ni cyo gihugu gifite Ingabo nyinshi muri Sudani y’Epfo mu Butumwa bwa Loni aho rufite ingabo 2.575.

Ingabo z’u Rwanda ziri ku burinzi muri Sudani y’Epfo

U Rwanda rufite batayo eshatu muri Sudani y’Epfo. Usibye abasirikare barwanira ku butaka bari muri Batayo ebyiri, u Rwanda rufite kandi n’Ingabo zibarizwa mu mutwe urwanira mu kirere.

Rwanbatt-1 (Batayo ya Mbere y’Ingabo z’u Rwanda) ibarizwa mu duce twa Tomping i Juba na Torit. Rwanbatt-2 yo iri mu bice bya Malakal na Bunj.

Inkambi ya Malakal yashinzwe mu 2013 ikaba icumbikiye impunzi zirenga ibihumbi 50 zahunze ibikorwa by’umutekano muke.

Amafoto: RBA

Amb Col (Rtd) Dr Joseph Karemera, yasezeweho mu cyubahiro cyubahiro gihabwa abahoze ari abasirikare batabarutse

Ni umuhango wabaye ku gicamunsi cyo kuri uyu wa Gatatu, tariki 16 Ukwakira 2024.

Ni umuhango witabiriwe n’abo mu muryango we n’inshuti, Umugaba Mukuru w’Ingabo z’u Rwanda, Gen Mubarakh Muganga, abayobozi mu nzego nkuru z’Igihugu n’abandi.

Mu gitondo cyo kuri uyu wa Kane, nibwo mu Ngoro y’Inteko Ishingamategeko habereye igikorwa cyo kumusezeraho, aho abafashe ijambo batandukanye bagarukaga ku butwari n’ubwitange byaranze Amb Col (Rtd) Dr Joseph Karemera, ubwo yari akiri mu mubiri.

Ni umuhango witabiriwe n’abo mu muryango we n’inshuti, Umugaba w’Ingabo z’u Rwanda, Gen Mubarakh Muganga, abayobozi mu nzego nkuru z’Igihugu n’abandi

Umukuru w’Igihugu ubwo yitabiraga uyu muhango mu gitondo cyo kuri uyu wa Gatatu, yavuze uburyo Ambasaderi Colonel (Rtd) Joseph Karemera, yitangaga muri byose ndetse akaba ari umwe mu bazanye igitekerezo cyo gutangiza urugamba rwo kubohora Igihugu.

Perezida Kagame yavuze ko aho Amb Col (Rtd) Dr. Joseph Karemera, yabaga ari hose yabigiramo uruhare ubwo yari ari mu mashuri muri Kenya no muri Makerere, ndetse no mu rugamba rwo kubohora Igihugu nabwo Karemera yifatanyije n’abandi.

Amb Col (Rtd) Dr Joseph Karemera yasezeweho bwa nyuma mu Irimbi rya Gisirikare i Kanombe

Umugaba Mukuru w’Ingabo z’u Rwanda, Gen Mubarakh Muganga, yavuze ko itabaruka rya Amb Col Rtd Dr Joseph Karemera ari igihombo ku Gihugu kuko n’ubwo yakoze ibikorwa byinshi by’ubutwari ariko cyari kikimukeneye.

Ati: "Iki ni igihe cy’akababaro ku muryango wa Joseph Karemera, Ingabo z’u Rwanda n’Igihugu muri rusange cyane iyo twibutse ibihe twagiye tubanamo”.

Gen Mubarakh Muganga, yavuze ko Amb Col (Rtd) Dr Joseph Karemera yaranzwe no gukunda Igihugu, agaharanira no gutoza izo ndangagaciro abo ayobora mu nshingano zitandukanye yakoze.

Umugaba Mukuru w’Ingabo z’u Rwanda, Gen Mubarakh Muganga, yavuze ko itabaruka rya Amb Col Rtd Dr Joseph Karemera ari igihombo ku Gihugu

Gen Mubarakh Muganga yagize ati: "Yaharaniye iteka ko abo ayobora bubahiriza indangagaciro, atabarutse rero twese Igihugu n’umuryango tukimukeneye. Icyo twazirikana rero twese ni ugukomeza uwo murage wo gukunda Igihugu no kugikorera byaranze Joseph Karemera”.

Ingabo z’u Rwanda zasezeye Amb Col (Rtd) Dr Joseph Karemera, mu cyubahiro cyubahiro gihabwa abahoze ari abasirikare batabarutse, mu muhango witabiriwe n’Umugaba Mukuru w’Ingabo z’u Rwanda, Gen Mubarakh Muganga wari kumwe n’abandi bayobozi bakuru muri RDF.

Gen (Rtd) James Kabarebe ari mu bitabiriye umuhango wo kumusezeraho bwa nyuma

Col (Rtd) Kamiri Sadiki Karega, murumuna wa Amb Col (Rtd) Dr Joseph Karemera, yashimye ubuyobozi bw’Igihugu bwabaye hafi y’umuryango wabo

Amb Col (Rtd) Dr Joseph Karemera yaherekejwe n’abayobozi mu ngabo z’Igihugu

Amafoto: RBA

Inkuru bijyanye:

Col (Rtd) Dr. Joseph Karemera wabaye Minisitiri w’Ubuzima n’uw’Uburezi yitabye Imana

Perezida Kagame na Madamu bitabiriye umuhango wo guherekeza mu cyubahiro Amb Col (Rtd) Dr. Joseph Karemera

Perezida Kagame yashimye ubwitange bwaranze Amb Col (Rtd) Dr. Joseph Karemera

Nigeria mu gace ka Jigawa habereye impanuka yahitanye abarenga 90

Aba bapfuye byaturutse ku kuba imodoka yari ihetse lisansi yakoze impanuka maze abari hafi bihutira kujya kuyivoma ariko kubw’amahirwe make iraturika abagera kuri 94 barashya bahasiga ubuzima.

Polisi yo muri Nigeria, ivuga ko iri sanganya ryabaye kuri uyu wa Gatatu tariki 16 Ukwakira 2024, muri Leta ya Jigawa, Mu Majyaruguru ashyira Uburengerazuba bw’Igihugu.

Inkuru ya Al Jazeera, ivuga ko hagaragaye amashusho ku mbuga nkoranyambaga zitandukanye, yerekana imirambo y’abaguye muri iyi mpanuka ndetse n’abakomeretse barimo kujyanwa ku bitaro bya Ringim na Hadejia.

Inararibonye zitandukanye muri Nigeria, zivuga ko izi mpanuka ahanini ziterwa n’imihanda mibi izi modoka ziba ziri kunyuramo, ibinyabiziga bitujuje ubuziranenge n’ibindi.
 
Muri iki gihugu si ubwa mbere habereye impanuka nk’iyi, kuko no muri Nzeri uyu mwaka, nabwo imodoka ihetse lisansi yaraturitse muri Leta ya Niger iri rwagati muri Nigeria, ihitana abantu 48.

Ibisa nk’ibi kandi byabaye mu 2020, ndetse byahitanye ubuzima bw’abantu bagera kuri 535, abandi barenga 1100 barakomereka mu mpanuka zigera ku 1531 zabaye.

Iri murikabikorwa ryitabiriwe n’ibigo 20 biturutse mu Rwanda

Ambasaderi w’u Rwanda mu Bwongereza, Busingye Johnston, yavuze ko iri murikabikorwa ryiswe ‘Taste of Rwanda’ rihuza abagira uruhare mu rwego rw’ubuhinzi n’ubucuruzi hagati y’ibihugu byombi.

Amb Busingye yavuze ko iri murikabikorwa ari umusaruro wavuye mu Ihuriro ry’Ubucuruzi n’Ishoramari hagati y’u Rwanda n’u Bwongereza ryabaye muri Mutarama 2024.

Ati: “Uyu munsi twubakiye ku byagezweho mu kwagura umubano mu by’ubucuruzi no kugaragaza ibyo u Rwanda rufite mu buhinzi bw’indabo”.

Amb Busingye yavuze ko iri murikabikorwa ari umusaruro wavuye mu Ihuriro ry’Ubucuruzi n’Ishoramari hagati y’u Rwanda n’u Bwongereza

Abashoye imari mu buhinzi bw’indabo mu Rwanda bemeza ko kuva u Bwongereza bwavanaho imisoro ku ndabo zituruka mu bihugu byo mu Karere ka Afurika y’Iburasirazuba, ikigero cy’izo boherezagayo cyazamutse cyane bituma iryo soko rifata umwanya wa kabiri nyuma y’u Buholandi.

Muri Mata uyu mwaka ni bwo Leta y’u Bwongereza yafashe icyemezo cyo kuvanaho imisoro ku ndabo zoherezwa muri icyo gihugu ziturutse mu bihugu birimo n’u Rwanda.

Kuva icyo gihe, u Rwanda rwatangiye kohereza indabo ku bwinshi ku isoko ryo muri icyo gihugu ndetse ziri mu zikunzwe.

iri murikabikorwa ryiswe ‘Taste of Rwanda’ rihuza abagira uruhare mu rwego rw’ubuhinzi n’ubucuruzi hagati y’ibihugu byombi

Mbere y’uko umusoro wa 8% ku ndabo uvanwaho, imibare itangwa n’u Bwongereza yerekana ko mu 2023, agaciro k’indabo u Rwanda rwoherejeyo zari zifite agaciro ka £727,000, Uganda yohereje iza miliyoni £1,1, Tanzania ni £839,000 mu gihe Ethiopia yo yohereje izifite agaciro ka £12.6m.

Iyo misoro yakuweho mu gihe cy’imyaka ibiri guhera ku wa 11 Mata 2024 kugeza ku wa 30 Kamena 2026.

Ni imurikabikorwa ryitabiriwe n’ibigo bitandukanye bigera kuri 20 byaturutse mu Rwanda

Mu mwaka w’ingengo y’imari wa 2022-2023, u Rwanda rwohereje mu Bwongereza, u Buholandi, Koreya y’Epfo no ku yandi masoko mpuzamahanga indabo zifite agaciro ka miliyoni 4.5 z’amadolari. 66% by’izo ndabo zoherejwe mu Buholandi mu gihe 32% zagiye mu Bwongereza.

Minisitiri w’Ubuzima, Dr Nsanzimana Sabin

Ni ikiganiro cyabaye kuri uyu wa Mbere, tariki 14 Ukwakira 2024 cyayobowe na Minisitiri w’Ubuzima Dr Sabin Nsanzimana.

Ni ikiganiro kandi cyagarutse ku ruhare abayobora imiryango ishingiye ku myemerere bafite mu rugamba rwo gutsinda iki cyorezo.

Mu cyumweru gishize nibwo Urwego rw’Igihugu rw’Imiyoborere (RGB) rwashyizeho amabwiriza agamije guhangana n’icyorezo cya Marburg mu nsengero n’imisigiti.

Ni amabwiriza avuga ko ku nsengero n’imisigiti hagomba gushyirwa uburyo bwo gukaraba intoki hifashishijwe amazi n’isabune cyangwa umuti wabugenewe no gupima umuriro abantu bose.

Bagaragarijwe imiterere y’icyorezo cya Marburg

Mu ngamba zigomba kubahirizwa harimo no gukangurira abayoboke kwirinda icyorezo cya Marburg.

Gutanga ifunguro ryera no guhazwa bigomba gukorwa mu buryo butuma abantu batagira ibyago byo kwandura Marburg.

Insengero n’imisigiti byasabwe kandi gukangurira abayoboke kwirinda kwegerana n’abantu bagaragayeho ibimenyetso cyangwa kwegera umubiri w’uwo yahitanye.

Ingamba zo guhangana na Marburg zageze mu nsengero n’imisigiti

RGB yavuze kandi ko bitewe no gukorera imihango yo gusezera ku witabye Imana mu nsengero no mu misigiti. Yibukije abantu ko bakwiriye kwirinda kwegera umubiri w’uwahitanywe Marburg cyangwa gutegura ikiriyo gihuza abantu ahabaye ibyago.

Mu minsi ishize, Umuyobozi Mukuru w’Ikigo Nyafurika gishinzwe Kurwanya Indwara z’ibyorezo (Africa CDC), Dr. Jean Kaseya, yavuze ko bitewe n’ingamba zo kugenzura iki cyorezo u Rwanda rwafashe ngo bidashoboka ko iki cyorezo cyava mu Rwanda ngo gikwirakwira hanze y’Igihugu.

Ingabo z’u Rwanda ziri mu butumwa bw’Amahoro bw’Umuryango w’Abibumbye, muri Sudani y’Epfo, zazindukiye mu muganda

Ni Umuganda witabiriwe n’abagize itsinda ry’Ingabo Rwanbatt-1, mu gitondo cyo kuri uyu wa Mbere, tariki 14 Ukwakira 2024.

Muri uwo muganda waranzwe n’ibikorwa bitandukanye bigamije guteza imbere imibereho myiza y’abanyeshuri bahiga, abarimu bahigisha ndetse n’abahagenda, izo ngabo zahateye ibiti bitandukanye.

Ibyo biti byatewe ni iby’imbuto ziganjemo imyembe no gukora isuku mu kigo. Ni umuganda kandi witabiriwe n’Umutwe w’Ingabo zirwanira mu kirere, wa RAU (Rwanda Aviation Unit).

Ishuri ribanza rya Kapuri ryubatswe n’Ingabo z’u Rwanda (Rwanbatt-1) zari mu butumwa bw’amahoro bwa Loni muri Sudani y’Epfo, mu mwaka 2014, rimurikwa ku mugaragaro muri 2015.

Basize irangi rishya ku nyubako zigize iryo shuri

Ishuri ribanza rya Kapuri, ubu ryigamo abanyeshuri bagera kuri 500 bo mu mashuri y’incuke n’abanza.

Iryo shuri riherereye ku birometero 16 mu Burengerazuba bw’icyicaro cy’ikigo cya Tomping cya UNMISS, mu Karere ka Luri, Intara ya Jubek muri Sudani y’Epfo.

Mu bihe bitandukanye, kuva iri shuri ryashingwa n’Ingabo z’u Rwanda, hakozwe ibikorwa bitandukanye birimo kuhakorera Umuganda, zatanze imipira y’umukino wa Volleyball, zatanze ubuvuzi bw’ibanze, ibikoresho by’ishuri, gutera ibiti by’imbuto n’ibindi.

Ishuri ingabo za RDF zubatse

Minisitiri Nduhungirehe yakiriye umuyobozi muri ambasade ya Luxembourg mu Rwanda

Minisiteri y’Ububanyi n’Amahanga n’Ubutwererane buri ku rubuga rwa X, yatangaje ko aba bayobozi bombi baganiriye ku ngingo zitandukanye zirimo kurushaho guteza imbere umubano w’u Rwanda na Luxembourg.

Ibihugu byombi bisanzwe bifitanye umubano mwiza n’ubutwererane, aho mu Ukwakira mu 2022, Leta y’u Rwanda na Luxembourg, Igihugu giherereye mu Burengerazuba bw’u Burayi, byashyize umukono ku masezerano y’ubufatanye agamije guteza imbere imikorere y’Ihuriro ry’Imari Mpuzamahanga rya Kigali rizwi nka Kigali International Financial Center.

Ayo masezerano yari agamije guteza imbere Ihuriro ry’Imari Mpuzamahanga rya Kigali, haba mu bijyanye no kubaka ubushobozi bw’abakozi, kubaka ubushobozi mu bijyanye n’imikorere kugira ngo iryo huriro rishobore kuzamuka rigere ku rwego mpuzamanga.

U Rwanda na Luxambourg bisanganywe umubano mwiza mu zindi nzego zitandukanye, iki gihugu kikaba gisanganywe ubunararibonye mu by’Imari. Ibihugu byombi bifitanye n’andi masezerano agamije gukumira magendu no kunyereza imisoro.

Muri Kamena uyu mwaka kandi Leta y’u Rwanda n’iya Luxembourg zasinye amasezerano y’inkunga afite agaciro ka miliyoni 12 z’Ama-Euro (angana na miliyari 16.7 Frw) azifashishwa mu guhangana n’ingaruka z’imihindagurikire y’ikirere.

Ni amasezerano yasinyiwe kuri Minisiteri y’Imari n’Igenamigambi, asinywa na Minisitiri w’Imari n’Igenamigambi, Yusuf Murangwa, ndetse na Minisitiri w’Intebe Wungirije, ushinzwe Ububanyi n’Amahanga, Ubucuruzi Mpuzamahanga n’Ubutwererane, Xavier Bettel.

Ni amafaranga azakoreshwa mu bijyanye no kurengera ibidukikije ndetse no gushyiraho ingamba zigamije kwirinda ingaruka ziterwa n’iyangirika ry’ikirere nka kimwe mu bibazo bihangayikishije Isi muri ibi bihe, u Rwanda narwo rukaba kimwe mu bihugu bigirwaho ingaruka n’iki kibazo.

Ibirori byo Kwita Izina abana b’Ingagi byasubitswe

Ni ibirori byari bigiye kuba ku nshuro ya 20, aho abana b’Ingagi 22 bavutse kuva muri Nzeri umwaka ushize, bagombaga guhabwa amazina, mu mu hango wari kubera mu Kinigi mu Karere ka Musanze, Intara y’Amajyaruguru, ku wa Gatanu tariki 18 Ukwakira 2024.

Mu itangazo Urwego rw’Igihugu rw’Iterambere mu Rwanda, RDB, rwashyize ahagaragara ku mugoroba wo kuri uyu wa kabiri tariki 08 Ukwakira 2024, ntabwo rwasobanuye impamvu yatumye uyu muhango usubikwa, gusa rwatangaje ko indi tariki uzabera izatangazwa.

Ubusanzwe uyu muhango witabirwa n’abaturutse impande zose z’Isi biganjemo ibyamamare n’abayobozi mu nzego zifite aho zihuriye no kubungabunga ibidukikije n’urusobe rw’ibinyabuzima muri rusange.

Kwita Izina abana b’Ingagi ni umuhango umaze gushinga imizi mu Rwanda kuko watangijwe muri 2005, ubwo Leta y’u Rwanda yafataga icyemezo cy’uko buri mwaka abana b’ingagi baba bavutse bazajya bahabwa amazina.

Ingabo z’u Rwanda zambitswe imidali y’ishimwe

Ni ibyagarutsweho mu muhango wabaye kuri uyu wa Gatanu tariki 4 Ukwakira 2024, wo kwambika Ingabo z’u Rwanda zibarizwa muri ayo matsinda abiri, imidali yishimwe kubera ibikorwa by’indashyikirwa bijyanye no kubungabunga amahoro muri Santrafurika.

Muri iki gikorwa cyabereye ku cyicaro cy’Ingabo z’u Rwanda cya Bria, giherereye mu gace kari mu Burasirazuba, muri Perefegitura ya Haute-Kotto, Umugaba w’Ingabo za MINUSCA, Brig Gen Simon Ndour, yashimye ingabo z’u Rwanda kubera ubuhanga bwazo, imyitwarire myiza n’umusanzu wazo ufatika zatanze.

Uyu muhango wabereye ku cyicaro cy’Ingabo z’u Rwanda

Brig Gen Simon Ndour, yashimye uruhare rw’itsinda rya Battle Group, ry’Ingabo z’u Rwanda mu kugarura amahoro mu duce twa Bria, Ouadda, na Sam-Ouandja, anashimira RWAMED IX kubera serivisi z’ubuvuzi zahawe abakozi ba Loni ndetse n’abaturage bo muri utwo duce.

Col Dr. Theogene Rurangwa, Umuyobozi wa RWAMED IX, yagaragaje umuhate w’Ingabo z’u Rwanda zishinzwe kugarura amahoro kuva zakoherezwa mu Kuboza 2023.

Ingabo z’u Rwanda zashimiwe uruhare mu kugarura amahoro no kwita ku buzima bw’abaturage

Yavuze ko itsinda rya Battle Group VI, rishinzwe ibijyanye n’urugamba, ryakoze ibikorwa birimo amarondo, ryita ku mutekano no gufasha mu koroshya ibikorwa by’ubutabazi, mu gihe RWAMED IX yatanze serivisi z’ubuzima ku bantu barenga 1.713, barimo 31 bari bakeneye kubagwa kandi bigenda neza.

Umuhango wo kwambika imidali Ingabo z’u Rwanda, wasojwe n’ibirori by’imbyino gakondo byakozwe n’Ingabo z’u Rwanda ziri mu butumwa bw’Umuryango w’Abibumbye bwo kubungabunga amahoro muri Repubulika ya Santrafurika (MINUSCA).

Ni urubanza ruzagaragaramo Abacamanza Batatu (3), Abashinjacyaha (2), abazatanga ubuhamya bagera kuri 60, barimo abazaba baturutse mu Rwanda ndetse n’abavuga ubuhamya ku mateka y’u Rwanda mbere no mu gihe cya Jenoside ndetse na nyuma yayo.

Gusa nubwo bimeze bityo, ubwo rwari rutangiye kuri uyu wa 1 Ukwakira, uruhande rwa Dr Rwamucyo rwasabye ko urubanza rusubikwa bakabanza kurwitegura neza nyuma yo gusanga hari amakuru mashya yiyongereye muri Dosiye y’ukekwaho ibyaha bya Jenoside n’ibindi.

Dr Eugene Rwamucyo yatangiye kuburanira mu Bufaransa

Abunganira Dr. Eugène Rwamucyo, mu rukiko rwa rubanda rwa Paris mu Bufaransa, basabye ko urubanza rusubikwa, bavuga ko hari abantu benshi cyane baregera indishyi bari mu rubanza bityo ko bakeneye kubanza kumenya imyirondoro yabo.

Ikinyamakuru la Croix, cyanditse ko uyu munsi mu gitondo, babahaye hafi abantu 800 basabye kwinjira mu rubanza nk’abaregera indishyi, mu gihe mbere hari haje abantu bane gusa, kandi bose ari amashyirahamwe (associations).

Me Philippe Meilhac uri mu bunganira Dr Rwamucyo yanavuze ko abibonamo ikibazo kuko ngo urubanza rutaburanishwa mu ituze imbere y’abo bantu bose.

Me Phillipe yavuze ko Umukiliya we yamubwiye ko ashaka kumenya neza abo bantu mbere y’uko urubanza rutangira, n’aho bahuriye n’ibishinjwa umukiliya we.

Yakomeje avuga ko iyi ari yo mpamvu basabye ko rusubikwa bakabanza kumenya imyirondoro naho bahuriye n’urubanza aregwamo ibyaha bya Jenoside.

Bumwe mu buhamya butangwa n’abazi Eugene Rwamucyo, nuko bamwiboneye mu bikorwa bya Jenoside.

Uyu yagize ati: “Ndabyibuka tariki 6 Kamena navuye ku Bitaro aho bari baraye biciye mushiki wanjye, banjyana mu Mbangukiragutabara kuko nari meze nabi ariko barimo bacyura abakora ku Bitaro barimo Umurundi, tugeze ahitwaga kuri FOKO, twahasanze Rwamucyo kuri Bariyeri n’abandi afite ubuhiri”.

Me Andre Karongozi, uri mu bunganira abaregera indishyi muri uru rubanza, avuga ko Rwamucyo ari mu bantu bakomeye bari bafite inguhu bagize uruhare muri Jenoside aho yakoranga bya hafi n’abamwe mu bakurikiranweho kuyigiramo uruhare ndetse bagahabwa ibihano bitandukanye. Abo barimo Abarimu bo muri kaminuza bakoze Jenoside, abavuka i Butare nka Kambanda Jean, Nyiramasuhuko ndetse na Dr Sosthene Munyemana uherutse guhamwa n’ibyaha bya Jenoside.

Uyu Dr Rwamucyo wari umuyobozi w’ishami ry’ubuzima rusange (Sante Public), ku bitaro bya Kaminuza, ndetse Jenoside ikaba yarabaye ariho yakoraga, akurikiranyweho ibyaha bitandukanye birimo, icyaha cyo kuba mu gatsiko k’abateguraga Jenoside, icyaha cya Jenoside, ibyaha byibasiye inyokomuntu, ubufatanyacyaha mu byaha byibasiye inyokomuntu no kuba icyitso mu byaha byibasiye inyokomuntu.

Usibye kuba Dr Rwamucyo akurikiranweho ibi byaha, Urukiko Gacaca rw’i Ngoma, i Butare mu Ntara y’Amajyepfo, rwari rwaramuhamije ibyaha bya Jenoside, iby’ibasiye inyokomuntu, Gutegura umutwe w’abicanyi bagamije gukora Jenoside, Gutanga ibikoresho byo kwica, Gushimuta abagore n’abakobwa, guhagararira abagombaga gushyingura Abatutsi ari bazima, maze rumukatira igihano cyo gufungwa burundu.

Mu ibazwa n’Umugenzacyaha Dr Rwamucyo, ntiyigeze ahakana ibyo guhagararira abagombaga gushyingura imirambo y’Abatutsi, aho yavuze ko yabikoraga nk’Umuganga w’Inzobere wize ibijyanye n’isuku n’isukura aho yagaragazaga ko imirambo iboreye ku gasozi yateza ibyorezo.

Akavuga ko yabikoraga agamije kurinda ko iyo mirambo yatera ibindi byago byiyongera ku byari byabaye ariko akavuga ko ntabo yahambishije ari bazima ahubwo bose bari bapfuye.

Dr Rwamucyo wavutse tariki 6 Kamena 1959 I Gatonde, kuri ubu ufite imyaka 65, bivugwa ko ibi byaha yabikoreye muri kabakobwa ubu ni mu Murenge wa Mukura, Ndora muri Gisagara, Kabutare mu Murenge wa Ngoma no mu Murenge wa Gishamvu hose akaba ari mu Ntara y’Amajyepfo.

Mu kiganiro Kigali Today yagiranye n’ Umunyamategeko RCN yagaragaje byimbitse icyo Abanyarwanda bakwiye kwitega muri uru rubanza agendeye ku bunararibonye bwe muri uyu muryango akoreramo.

Me Juvens Ntampuhwe, ahagarariye Umuryango utegamiye kuri Leta RCN Justice&Democratie ukomoka mu gihugu cy’u Bubiligi usanzwe ukorera n’u Rwanda mu gufatanya n’inzego z’ubutabera kuva mu 1994, akaba n’umuyobozi w’umushinga wa Justice et Memoire (Ubutabera no kubungabunga amateka), yagaragaje ko uyu mushinga wa Justice et Memoire, ukurikirana imanza z’abakekwaho Jenoside yakorewe Abatutsi bakurikiranirwa mu mahanga, ibizivuyemo bikamenyeshwa Abanyarwanda.

Me Ntampuhwe, avuga ko abanyarwanda bakwiye kwitega ubutabera muri uru rubanza, cyane ko ruzaba rushingiye ku bimenyetso byatanzwe ndetse bizeye ko abacamanza bazakoresha ubunararibonye basanzwe bafite bagatanga umwanzuro ukwiye.

Ku kijyanye no kuba hari Abanyarwanda bifuza ko abo baba bakurikiranyweho ibyaha bya Jenoside bari mu mahanga bari bakwiye kujya boherezwa kuburanishirizwa mu Rwanda, mu rwego rwo kwizera guhabwa ubutabera bukwiye, Juvens avuga ko ibyo baya byiza ariko mu gihe bidashobotse badakwiye kubigiraho impungenge.

Yagize ati: "Byakabaye byiza hakagaragara abatangabuhamya bamubonye, bavuga bati, twamubonye abikora bakamushinja, hakagaragara n’abavuga bati, twebwe ntabo twamubonye bakamushinjura byose bikagaragarira aho icyaha cyabereye, ariko byose iyo bidashobotse nta kibazo, ikingenzi ni uko ubutabera bubaho”.

Me Ntampuhwe akomeza avuga ko kuri ibi byaha byo ku rwego mpuzamahanga birimo na Jenoside byo ku rwego mpuzamahanga, Igihugu icyo ari cyo cyose umuntu ucyekwaho ibyo byaha kiba gifite ububasha bwo kumukurikirana, n’inshingano zo kumwohereza aho bashaka kumuburanisha cyangwa cyo kikamuburanisha.

Ati: "Ibyo rero nibyo birimo birakorwa ubungubu, u Bufaransa niba bwarahisemo buti, turamuburanisha, ikingenzi ni uko buzashingira ku mategeko, ku byabaye, ku bimenyetso byatanzwe, hanyuma bugafata icyemezo gikwiye”.

Ku kijyanye no kuba Dr Rwamucyo agiye kuburanishwa nyuma y’imyaka 30, Jenoside yakorewe Abatutsi ihagaritswe, Juvens avuga ko u Rwanda mu 2006, rwari rwaratanze impapuro zimuta muri yombi ndetse ibikorwa byo kumukoraho iperereza bitangira mu 2008 kandi rwose ko bibabaje kubona imyaka ingana gutyo ishira hataratangwa ubutabera ku mpande zombi, yaba ushinjwa cyangwa uregera indishyi.

Agira ati: "Kuva 2008 kugeza uyu munsi, harimo imyaka 16, iyo myaka rero mu byukuri ni myinshi, ariko ikingenzi ni uko ubutabera buba. Kuba bukererewe ni ikibazo, sinavuga ngo si ikibazo, haba ku ushinjwa, kuko aba mu gihirahiro muri icyo gihe kirekire no kubifuza ko ibyo bamushinja bigaragara, nabo urumva aba ari umutwaro uremereye gutegereza muri iyo myaka yose, ibyiza rero ni uko ubutabera bwakabaye vuba”.

Me Ntampuhwe akomeza avuga ko impamvu ahanini bisa nk’ibitinda ku gutanga ubutabera muri izi manza, akenshi biterwa n’uko Ubutabera bugomba kwitonderwa kuko umuntu aba ashinjwa ibyaha bikomeye cyane, bigasaba kwitonderwa kugira ngo hatazafatwa ibyemezo bihutiweho, birimo kugirwa umwere cyangwa guhamwa n’ibyaha hatarakozwe iperereza neza haba ku bimenyetso bishinja ndetse n’ibishinjura hanyuma umucamanza akazabona icyo ashingiraho.

Me Ntampuhwe, yongeraho ko bitewe no kuba abaza gukora iperereza baturuka mu nzego z’ubutabera zo mu Bufaransa, nabyo biri mu bintu bitinza iryo perereza.

Ikindi agaragaza cyatewe n’itinda ry’uru rubanza rwa Rwamucyo, harimo n’imigendekere y’imanza, kuko mu rubanza rwe hagiye hafatwa ibyemezo bitandukanye birimo no gufungwa, ariko urukiko rw’ubujurire rwa Versaille ruza gusaba ko arekurwa.

Ati: "Ariko ntwabwo rwavuze ngo iperereza rihagarare, birumvikana ryarakoje hagati aho. Ariko mu gihe dosiye irimo gukorwa hagiye hafatwa ibyemezo binyuranye, bimwe bikabaho kujuririrwa mu nkiko zinyuranye, urumva rero igihe rujuririwe nabyo bituma bigenda bitinda”.

Ku bijyanye no kuba Dr Rwamucyo yaba yarahinduye imyorondoro ye irimo amazina cyangwa guhabwa ubwenegihugu, nk’uko abenshi bahunze u Rwanda bakurikiranwaho ibyaha bya Jenoside akenshi baba barahinduye imyirondoro, Juvens avuga ko ntaho amakuru yatanzwe abigaragaza ndetse n’ubwo atuye mu Bubiligi ariko akaba azaburanishirizwa mu Bufaransa, nta bwenegihugu bw’ibi bihugu byombi yigeze ahabwa ndetse ko U bufaransa bwamwimye ubuhungiro yari yarasabye mu mwaka wa 2002.

Perezida Kagame asanga hari intambwe ifatika uburezi bw’u Rwanda bugezeho nubwo hari urwego bwifuzwaho butarageraho

Umukuru w’Igihugu yabigarutseho ubwo yakiraga indahiro ya Minisitiri w’Uburezi mushya, Nsengimana Joseph, ku gicamunsi cyo kuri utu wa Gatanu tariki 13 Nzeri 2024, ahari hateraniye abandi bayobozi.

Perezida Kagame mu ijambo rye yavuze ko mu magambo make, kurahira bisobanuye ko wemeye kandi witeguye gukorera Igihugu mu nshingano Minisitiri mushya w’uburezi agiyemo zigendanye n’ibireba uburezi bw’Igihugu.

Perezida Kagame kandi yashimiye Minisitiri mushya w’Uburezi. Ati, "Ndashimira Nsengimana indahiro amaze kutugezaho. Uburezi buri mu bintu by’ibanze dushyira imbere mu iterambere ry’Igihugu cyacu, Abanyarwanda n’imikoranire y’u Rwanda ndetse n’amahanga kuko ibiva mu burezi birafasha. Ibijyanye n’Uburezi tubivoma mu gihugu cyacu bijyanye n’ubushobozi bwacu ndetse no hanze yacyo kuko harimo kumenya isi n’abandi bayitiye n’imikoranire byose bitungana iyo Uburezi bugenda neza mu Gihugu neza, ugategura abantu kugira ngo bahangane n’ibibazo bitandukanye by’isi".

Umukuru w’Igihugu avuga ko iterambere ndetse n’ibindi bitandukanye bitungana iyo hari Uburezi bufite ireme. Ati: "Ubusanzwe Uburezi bwacu bumaze gutera intambwe ariko ntabwo turagera aho twifuza cyangwa twishimiye turebeye kubyo tubona hirya no hino".

Yakomeje avuga ko inshingano Nsengimana amaze kurahirira atazazikora wenyine ahubwo azafatanya n’urubyiruko, abakuru n’abato ndetse n’amajyambere muri rusange kandi ko bishoboka ugendeye aho u Rwanda rwavuye naho rugeze.

Yasabye abayobozi bandi batandukanye muri Guverinoma bari bitabiriye uyu muhango wo kwakira indahiro ya Minisitiri mushya w’Uburezi kuzamufasha kuzuza inshingano ze uko bikwiye.

Joseph Nsengimana wagizwe Minisitiri w’Uburezi yari asanzwe ari umuyobozi w’ikigo Nyafurika gishinzwe guhanga udushya no kwigisha ikoranabuhanga muri Mastercard Foundation.

Perezida Diomaye Faye yasheshe Inteko Ishinga Amategeko

Perezida Bassirou Diomaye Faye, yabitangaje ku mugoroba wo ku wa kane, tariki 12 Nzeri 2024, yatangaje ko yasheshe Inteko Ishinga Amatageko yari yiganjemo abatavuga rumwe n’ubutegetsi.

Perezida Diomaye, yahise atangaza ko amatora yo gusimbuza abagize Inteko yasheshwe azaba tariki ya 17 Ugushyingo 2024.

Ubwo yari mu kiganiro kuri Televiziyo y’Igihugu, Perezida Diomaye Faye, yavuze ko yifuza kugira Inteko imufasha gusohoza imigambi yasezeranije Igihugu.

Faye w’imyaka 44 wagiye ku butegetsi muri Werurwe uyu mwaka, mu ijambo rye yasezeranyije abaturage kuzana impinduka zidasanzwe mu buzima bwabo bwa buri munsi.

Izo mpinduka yifuza kenshi bivugwa ko zikomwa mu inkokora kubera kutagira ubwiganze mu Nteko Ishinga Amategeko.

Iyi nama ya Seoul Defense Dialogue iri kubera muri Korea y’Epfo

Iyi nama ya Seoul Defence Dialogue 2024, izamara iminsi ibiri yitabiriwe n’abagera kuri 900 barimo inzobere mu bijyanye n’umutekano ku Isi, yaganiriwemo imbogamizi n’ibibazo by’ingutu byugarije umutekano Isi muri rusange.

Iyi nama yateguwe ku nsanganyamatsiko igira iti ’Kongera ubufatanye mpuzamahanga mu guhangana n’ibibazo by’umutekano bibangamiye Isi.’

Abitabiriye iyi nama baganiriye ku ngingo zitandukanye zirimo kwirinda intambara, gushyiraho amategeko mpuzamahanga ahuriweho no guhangana n’ibibazo by’umutekano muke byibasira Isi.

Minisitiri Marizamunda, yitabiriye iyi nama Ari kumwe na Brig Gen Patrick KARURETWA, ushinzwe ubufatanye mpuzamahanga mu Ngabo z’u Rwanda.

Minisitiri Marizamunda yavuze ko amateka y’u Rwanda yarusigiye amasomo yo kwihesha agaciro

Minisitiri Marizamunda, mu kiganiro yatanze yagaragarije abitabiriye iyi nama urugendo rwo kwiyubaka kw’Ingabo z’u Rwanda ndetse n’umusanzu wazo mu kubungabunga amahoro no kugarura umutekano mu bindi bihugu by’amahanga.

Yavuze ko u Rwanda, bitewe n’amateka ashariririye ya Jenoside yakorwewe Abatutsi rwanyuzemo yarusigiye amasomo arimo no kwihesha agaciro. Ati “Amateka yacu yatwigishije agaciro k’ubudaheranwa, imikoranire no guhanga udushya mu gukuraho imbogamizi. Kuva kuri Jenoside yakorewe Abatutsi mu 1994 kugera ku bibazo biri mu Karere kacu, ku Mugabane wa Afurika n’Isi muri rusange, u Rwanda rwakomeje guhura n’ibibazo by’umutekano.’’

Minisitiri Marizamunda yavuze ko uburemere bw’ibibazo by’umutekano bukeneye igisubizo gihuriweho mu guhangana n’ibibazo birimo ubujura bwitwaje intwaro, ubucuruzi bw’abantu n’ibindi.

Ati “Uruhare rwacu mu gutanga umutekano rugenwa n’Itegeko Nshinga kandi rushyirwa mu bikorwa. Muri Kanama, u Rwanda rwujuje imyaka 20 rumaze rutangiye kohereza ingabo zarwo muri Darfur muri Sudani mu 2004.’’

Minisitiri Marizamunda yagaragaje urugendo rwo kwiyubaka kw’Ingabo z’u Rwanda ndetse n’umusanzu wazo mu kubungabunga amahoro

Yashimangiye ko kuva icyo gihe ibikorwa byo gushyigikira ibikorwa by’amahoro bigenda byaguka ndetse kuri ubu u Rwanda ruri ku mwanya wa kabiri mu bihugu bitanga ingabo nyinshi mu butumwa bwa Loni bwo kubungabunga amahoro.

U Rwanda kugeza ubu ni kimwe mu bihugu bitanu ku Isi bifite Ingabo na Polisi bagera ku bihumbi 6000 bari mu butumwa bwo kubungabunga amahoro mu bihugu bitandukanye.

Ingabo z’u Rwanda n’abapolisi barwo kandi boherejwe mu bihugu bitandukanye bya Mozambique na Santarafurika mu bufatanye buhuriweho n’ibihugu mu kurwanya iterabwoba.

Perezida Kagame asanga hakenewe imbaraga mu kurinda ibidukikije no gutanga ubutabera ku bashobora kwica amategeko abibungabunga

Umukuru w’Igihugu yabigarutseho kuri uyu wa Mbere tariki 9 nzeri 2024, i Kigali ahari kubera iyi nama izwi nka ‘Commonwealth Magistrates’ and Judges’ Association Conference’ yitabiriwe n’abarenga 300 baturutse mu bihugu 45.

Perezida Kagame yavuze ko iyi nama ibaye mu gihe Umuryango wa Commonwealth ushyize imbere gahunda zo kurengera ibidukikije kandi byagarutsweho mu nama yahuje ibihugu bikoresha ururimi rw’icyongereza (CHOGM) iheruka kubera mu Rwanda.

Ati: “Ubutabera burengera ibidukikije, insanganyamatsiko y’iyi nama ni ingenzi kandi ni ikintu cya mbere mu byihutirwa muri Commonwealth”.

Yagaragaje ko muri iki gihe Isi yugarijwe n’ihumana ry’ikirere, rigira ingaruka nyinshi ku bayituye, hakenewe ishyirwa mu bikorwa ry’amategeko arengera ibidukikije.

Umukuru w’Igihugu asanga amategeko arengera ibidukikije ari ingenzi

Ati: “Ubwiza bw’umwuka duhumeka buri kugenda bugabanuka, bikadushyira twese mu byago”.

Perezida Kagame yagaragaje ko mu myaka yashize, u Rwanda rwashyize imbaraga mu kubungabunga Pariki z’Igihugu zicumbikiye ibinyabuzima usanga akenshi bigenderewe n’abanyabyaha bashaka kubyica.

Ati: “Ku baturage bacu, urusobe rw’ibinyabuzima rusigaye ari uburyo bw’ibanze bwo kubona imibereho”.

Umukuru w’Igihugu yaboneyeho kugaragaza ko hakenewe imbaraga mu kurinda ibidukikije no gutanga ubutabera ku bashobora gukora ibyaha byo kwangiza ibidukikije.

Ati: “Hakenewe imbaraga mu kurinda ibidukikije no gutanga ubutabera ku bashobora kwica amategeko arebana no kubibungabunga. Imikoranire ya hafi y’abashinzwe iyubahirizwa ry’amategeko, rero ni ingenzi. Hamwe n’Abacamanza bigenga kandi bafite ubunararibonye, hari byinshi byakorwa mu kurinda ibidukikije byacu hakanatangwa ubutabera aho bikenewe”.

Iyi nama y’Abacamanza bo mu Muryango wa Commonwealth iri kubera i Kigali mu Rwanda

Yongeyeho ko kandi muri ibi bihe Isi yugarijwe n’ubushyuhe budasanzwe bugenda bwiyongera umunsi ku wundi, maze umwuka abantu bahumeka ukagenda ugabanuka, ibyerekana ko bishobora gushyira ubuzima bw’abayituye mu kaga.

Umukuru w’Igihugu asanga kugira ngo iki kibazo gikemuke niba koko abantu bakeneye umwuka mwiza no gutura heza, hakenewe amategeko arengera ibidukikije ndetse na Politike yabyo kugira ngo hategurwe cyangwa hubakwe ahazaza hatekanye.

Perezida Kagame yagaragaje ko nyuma ya Jenoside yakorewe Abatutsi, u Rwanda rwashyizeho ingamba zo kubaka urwego rw’ubutabera n’ubucamanza muri rusange kandi yari amahitamo agambiriwe.

Ati: “Aya yari amahitamo ayobowe no kwemera ko kugendera ku mategeko ari urufunguzo rwo kubaka amahoro, umutekano n’iterambere”.

Perezida w’Ihuriro ry’Abacamanza bo muri Commonwealth, Justice Lynne Leitch

Perezida w’Ihuriro ry’Abacamanza bo muri Commonwealth (Commonwealth Magistrates’ and Judges’ Association), Justice Lynne Leitch, yavuze ko kugira ubutabera burengera ibidukikije ari intambwe ibanzirizwa no kugira ubutabera bwigenga.

Justice Lynne Leitch yagize ati: “Ubwigenge bw’ubucamanza ni inkingi ya mwamba muri demukarasi. Iyo ubutabera bwigenga, habaho kugendera ku mategeko bityo uburenganzira bwa muntu bukaba butekanye”.

Iyi nama igaruka ku butabera burengera ibidukikije, yitabiriwe n’abasaga 317 baturutse mu bihugu birenga 45 byo muri Commonwealth.

Abitabiriye ni Abacamanza bo mu nkiko zose kuva ku Rukiko rw’Ikirenga kugeza ku Nkiko z’Ibanze

Ubwo yahaga ikaze abitabiriye iyi nama, Perezida w’Urukiko rw’Ikirenga rw’u Rwanda, Dr Faustin Ntezilyayo, yavuze ko iyi nama mu byo izaganirirwamo harimo ibyaha bikorerwa ibidukikije, imanza, imikorere y’inkiko mu kuburanisha ibyo byaha.

Hari kandi izindi ngingo zirimo kurwanya ibirarane by’imanza, kwihutisha ubutabera, gukoresha ubuhuza n’ubundi buryo mu gutanga ubutabera, gukoresha ikoranabuhaga n’ibindi.

Abitabiriye ni Abacamanza bo mu nkiko zose kuva ku Rukiko rw’Ikirenga kugeza ku Nkiko z’Ibanze. Barimo ba Perezida b’Inkiko z’Ikirenga basaga 20, aho bazaganira ku nsanganyamatsiko igira iti: ‘Ubutabera burengera ibidukikije’.

Iyi nama yitabiriwe n’abarenga 300 baturutse mu bihugu 45

Reba ibindi muri iyi Video:

Video: Richard Kwizera/Kigali Today

Perezida w’Urukiko rw’Ikirenga rw’u Rwanda, Dr Faustin Ntezilyayo, yahaye ikaze abitabiriye iyi nama

Perezida w’Urukiko rw’Ikirenga rw’u Rwanda, Dr Faustin Ntezilyayo, yahaye ikaze abitabiriye iyi nama avuga ko mu byo baganiraho harimo ibyaha bikorerwa ibidukikije, imanza, imikorere y’inkiko mu kuburanisha ibyo byaha.

Haraganirwa kandi ku kurwanya ibirarane by’imanza, kwihutisha ubutabera, gukoresha ubuhuza n’ubundi buryo mu gutanga ubutabera, gukoresha ikoranabuhaga n’ibindi.

Umuvugizi w’Inkiko, Mutabazi Harisson, yagarutse kuri bimwe mu biganirwaho, mu Nama y’Abacamanza bo mu Bihugu bikoresha Icyongereza (Commonwealth Magistrates’ and Judges’ Association), yatangiye i Kigali ku Cyumweru tariki 08 Nzeri 2024.

Mutabazi Harisson avuga ko u Rwanda ruhagaze neza mu gutanga Ubutabera ari yo mpamvu ibi bihugu byicaye bigasanga iyi nama igomba kubera mu Rwanda kugira ngo bagire ibyo baganiraho.

Mutabazi avuga ku byo bifuza kwigira ku Rwanda, yagize ati: “Iyi nama iziga kuri byinshi mu kubungabunga ibidukikije ndetse n’amategeko yo kubungabunga ibidukikije. Kuri ubu ibigiye kuganirwaho harimo gutanga ubutabera hifashishijwe ikoranabuhanga kubera ko u Rwanda rwateye imbere muri iki cyiciro, hari kandi gutanga ubutabera hatifashishijwe guca imanza, ibyitwa ubutabera bwunga (Gacaca) n’ibindi”.

Mutabazi akomeza avuga ko hari byinshi ibihugu byitabiriye bizungukira muri iyi nama. Ati: “Hazabamo umwanya wo kungurana ibitekerezo ku bacamanza bamaze igihe kinini mu mwuga bafite ubunararibonye ndetse n’abacamanza bakiri bato bazamuka. Hari byinshi ibyo bihugu bizigira ku Rwanda ariko natwe hari ibyo tuzabigiraho”.

Harrison Mutabazi, Umuvugizi w’Inkiko mu Rwanda

Kuba u Rwanda rugiye kwakira iyi nama, bisobanuye byinshi cyane ko kugira ngo rwemererwe kuyakira, rwabanje gusurwa hasuzumwa niba koko rufite ubushobozi bwo kwakira, kureba niba Inzego z’Ubutabera zigize Igihugu kizakira zifite icyo zizigisha ibindi bihugu bizitabira, n’ibindi bitandukanye.

Mutabazi Harisson avuga ko u Rwanda ruhagaze neza ku birebana n’ibidukikije ugendeye ku nsanganyamatsiko y’uyu mwaka ‘Ubutabera burengera ibidukikije’, bikaba biri mu byatumye u Rwanda rwemezwa nk’urwakwakira iyi nama.

Ubucamanza bw’u Rwanda bwiteze kungukira ku bunararibonye bw’ibindi bihugu bigiye kwitabira bigera kuri 45, bakazungukira ku kubaka umubano hagati y’ubunararibonye bw’abacamanza b’ahandi.

Akomeza avuga ko kuba u Rwanda rwakiriye iyi nama bigaragaza ko Raporo zihamya ko rwateye imbere mu Butabera ari byo, bityo abayitabiriye bakaba abahamya bw’ibyo baba biboneye, bigafasha gusigasira isura y’u Rwanda mu ruhando mpuzamahanga.

Iyi nama igaruka ku butabera burengera ibidukikije, yitabiriwe n’abasaga 317 baturutse mu bihugu birenga 45 byo muri Commonwealth.

Abagera kuri 22mu Ngabo z’u Rwanda basoje amahugurwa ku gukusanya bimenyetso bya gihanga bikoreshwa mu butabera

Aya mahugurwa yasojwe kuri uyu wa Gatanu tarik 06 Nzeri 2024, ahabwa abashinjacyaha, abagenzacyaha ndetse n’abacamanza mu Ngabo z’u Rwanda, ku bufatanye n’Ikigo cy’u Rwanda cy’ibimenyetso bishingiye ku bumenyi n’ubuhanga bikoreshwa mu butabera (Rwanda Forensic Institute, RFI)

Muri aya mahugurwa, abayitabiriye bungutse ubumenyi bwibanze ku kwegeranya ibimenyetso ndetse no gukurikiza inzira z’ibanze binyuze mu ikusanyamakuru, kurinda no gusesengura ibimenyetso mu gihe habayeho icyaha cyo gusambanya n’ihohoterwa.

Nyuma yo gusoza amahugurwa bahawe na seretifika

Mu muhango wo gusoza aya mahugurwa, Col Pacifique KABANDA, Umushinjacyaha Mukuru wa Gisirikare, yagaragaje ko hakenewe amahugurwa mu gucunga imanza z’inshinjabyaha anasaba abitabiriye amahugurwa gukoresha ubumenyi bahawe mu gucyaha abarenga ku mategeko haba mu Rwanda ndetse no mu butumwa bw’amahoro boherezwamo.

Mu izina rya RDF na Minisiteri y’Ingabo z’u Rwanda yashimiye byimazeyo abari bahagarariye ubuyobozi bw’Ikigo cy’u Rwanda cy’ibimenyetso bishingiye ku bumenyi n’ubuhanga bikoreshwa mu butabera ku bw’amahugurwa y’ingirakamaro baganeye abo mu nzego z’ubutabera mu gisirikare cy’u Rwanda.

Ubumenyi bahawe basabwe kububyaza umusaruro haba imbere mu gihugu ndetse no mu butumwa boherezwamo hanze yacyp

Mu izina ry’umuyobozi mukuru w’Ikigo cy’u Rwanda cy’ibimenyetso bishingiye ku bumenyi n’ubuhanga bikoreshwa mu butabera (RFI), Dr Justin KABERA, yagaragaje akamaro ko gukusanya ibimenyetso mu gihe cy’ubugenzacyaha ku manza nshinjabyaha anashimira ubuyobozi bw’Ingabo z’u Rwanda ku bufatanye bwazo mu kuzamura ireme ry’ubutabera.

Izi noti zahinduwe mu rwego rwo kongeramo ikoranabuhanga rigezweho no kongera umutekano wazo

Iteka rya Perezida rishyiraho izi noti ryasohotse mu igazeti ya Leta yo ku wa 30 Kanama 2024, riteganya ko zikoreshwa hamwe n’inoti zisanzweho, iya FRW 500, iya FRW 1.000, iya FRW 2.000 n’iya FRW 5.000, kandi zifite agaciro mu Rwanda.

Mu kiganiro The KT Parade cya KT Radio, kigaruka ku mafaranga, kuri uyu wa Gatanu tariki 6 Nzeri 2024, Abakozi ba Banki Nkuru y’u Rwanda basobanuye byinhsi ku mpamvu izo noti z’ayo mafaranga zahinduwe.

Umuyobozi ushinzwe ikoreshwa ry’ifaranga no kwishyurana muri Banki Nkuru y’u Rwanda, Habumugisha Denis, avuga ko impamvu izi noti zahinduwe mu kujyanisha n’ikoranabuhanga rigezweho.

Umuyobozi ushinzwe ikoreshwa ry’ifaranga no kwishyurana muri Banki Nkuru y’u Rwanda, Habumugisha Denis

Ati: “Ubusanzwe muri tekinike z’amafaranga, iyo hashize imyaka umunani kuzamura, duhindura inoti z’amafaranga, hagahindurwa imiterere yazo, ibizigize birimo ibimenyetso by’umutekano wazo, ibirango n’ibindi. Ibi tubikora tureba niba koko ikoranabuhanga ririmo rigezweho”.

Habumugisha yakomeje avuga ko ibi byakozwe hagamijwe ibintu bitatu. Ati: “Twashakaga kongera ubudahangarwa bw’izi noti, kunoza urupapuro rw’inoti zikorwa ndetse n’ibirangantego by’ibanze”.

Inoti nshya ya bitanu (5000Frw), ibirango by’ingenzi biyigize bigaragarira amaso umuntu akiyifata mu ntoki ni, ishusho y’inyubako Kigali Convention Centre, ishusho y’ingagi ihinduranya amabara, bitewe n’icyerekezo inoti ifatiwemo n’ibindi.

Iyi noti nshya ya 5000 Frw iriho igishushanyo kigaragara cy’inyubako Kigali Convention Centre

Ibiranga inoti nshya ya bibiri (2000Frw) ni, igishushanyo kigaragara cy’imisozi y’Ikiyaga cya Kivu, ishusho y’agaseke ihinduranya amabara, bitewe n’icyerekezo inoti ifatiwemo n’ibindi.

Habumugisha akomeza avuga ko ibi birango byongewe ndetse bishyirwa muri izi noti mu rwego rwo kwerekana aho u Rwanda rugeze ndetse no guhangana n’abashaka kwigana izo noti.

Muhire Nicole umukozi wa Banki Nkuru y’u Rwanda (BNR), avuga ko kuba izi noti zaramaze gushyirwa hanze tariki 3 Nzeri 2024, bidasobanuye ko izisanzwe zataye acagiro.

Ibimenyetso biri ku noti ya 2000Frw harimo ni igishushanyo kigaragara cy’imisozi y’Ikiyaga cya Kivu

Ati: “Izi noti kuba tuzishyize hanze ntabwo bivuze ko izisanzwe ziva ku isoko ahubwo turakomeza tuzihanahane mu bikorwa bitandukanye by’ubucuruzi. Turamara impungenge rero abaturage batekereza ko izo bafite zataye agaciro”.

Habumugisha ubwo yasobanuraga icyo bagenderaho bahitamo kugira amafaranga inoti andi akagirwa ibiceri, yagize ati: “Ibiceri biraremera, ahanini usanga umuntu ahitamo kubibika mu nzu ariyo mpamvu ku isi usanga igiceri gihabwa agaciro k’amafaranga ari hasi. Ikindi gutwara ibiceri no ku modoka zibizana biragorana cyane ku buryo abaye menshi Banki yazisanga amafaranga asohoka ariko ntagaruke muri banki”.

Nubwo hasohotse izi noti, Nicole avuga ko abantu bakangurirwa gukoresha amafaranga batayakozeho, kuko bifasha mu kuyarindira umutekano ndetse no kwirinda indwara nyinshi zaturuka mu kuyahanahana.

Nicole avuga ko nubwo hasohotse izi noti nshya, Abanyarwanda bakangurirwa gukomeza gukoresha uburyo bwo guhererekanya amafaranga mu ikoranabuhanga

Nicole avuga ko iyi gahunda kuva yatangira gukoreshwa umubare w’inoti Banki Nkuru y’u Rwanda isohora ugenda ugabanuka cyane nubwo batarareba imibare nyayo kuva ubukangurambaga bwatangira.

Ku bibaza impamvu ki mu guhererekanya amafaranga mu Rwanda, ngo habe hakoreshwa Amadorali cyangwa Amayero, umuyobozi ushinzwe ikoreshwa ry’ifaranga no kwishyurana muri BNR, Habumugisha asobanura ko amafaranga y’u Rwanda aba yasohowe hagamijwe kugira ngo akoreshwe.

Ati: “Ayo Madorali cyangwa Amayero avugwa ni Amadovize, ntiwafata umuhinzi uhinga ibirayi ngo najye kugurisha mu Madorari cyangwa Amayero. Gukoresha ayacu ni uguha ubukungu bw’Igihugu cyacu agaciro ndetse n’amafaranga yacu ubwacu agahabwa agaciro, kuko iyo dusaranganya ayacu mu gihugu bisobanuye ko twinjiza bike by’amahanga ahubwo tugasohora byinshi bitwinjiriza ya madovize”.

Iteka rya Perezida rishyiraho izi noti ryasohotse mu igazeti ya Leta yo kuri uyu wa 30 Kanama 2024

Nicole Muhire we avuga ko u Rwanda ruhagaze neza mu bukungu kuko hari Komite ishinzwe Politike y’ifaranga ihora igenzura uburyo bwo guhanahana amafaranga.

Ishyirwaho ry’izi noti nshya y’amafaranga ibihumbi bitanu (5000Frw) n’iya bibiri (2000Frw), ryabaye nyuma y’uko bisabwe na Minisitiri w’Imari n’Igenamigambi, bigasuzumwa n’Inama y’Abaminisitiri yateranye ku wa 23 Kanama 2024 ikanabyemeza.

Imiterere y’inoti nshya ya 2000 Frw

Abanyeshuri 17 nibo bimaze kumenyekana ko bapfuye nyuma y’uko ishuri Hillside Endarasha Academy bigagamo ryibasiwe n’inkongi y’umuriro

Polisi ya Kenya yatangaje ko nibura abanyeshuri 17 ari bo bimaze kumenyekana ko bapfuye nyuma y’uko ishuri Hillside Endarasha Academy bigagamo riherereye mu Karere ka Nyeri muri Kenya rifashwe n’inkongi y’umuriro mu ijoro ryo kuri uyu wa Kane tariki 5 Nzeri 2024.

Perezida William Ruto abinyujije ku rukuta rwe rwa X, yihanganishije imiryango yagize ibyago asaba ko hakomeza gukorwa iperereza ngo hamenyekane icyateye iyi sanganya. Ati: “Turihanganisha imiryango y’abana bahitanywe n’inkongi y’umuriro muri Hillside Endarasha Academy mu Karere ka Nyeri. Iyi ni inkuru ibabaje. Turi gusenga dusaba ko abarokotse bakira vuba”.

Perezida William Ruto, yakomeje agira, ati: “Ndasaba inzego zose zibishinzwe gukora iperereza ryimbitse kuri iri sanganya, ababigizemo uruhare bakabiryozwa. Guverinoma binyuze muri Minisiteri ishinzwe umutekano w’imbere no guhuza ibikorwa bya guverinoma, irimo gukora uko ishoboye kugira ngo ifashe imiryango yagize ibyago. Mwihangane cyane”.

Inzego z’umutekano zahise zitabara mu kuzimya iyo nkongi

Polisi yatangaje ko uyu mubare w’abapfuye ushobora kwiyongera kuko hari n’abandi barenga 12 bajyanwe mu bitaro bakomeretse bikabije biturutse kuri iyo nkongi.

Mu kiganiro n’intangazamakuru, umuvugizi wa Polisi, Resila Onyango, yavuze icyateye inkongi yibasiye ishuri rya Endarasha Academy ikiri gukorwaho iperereza.

Umuryango utabara imbabare muri Kenya (Kenya Red Cross) uri gutanga serivisi z’ubutabazi no gufasha abanyeshuri mu buryo bwose, abarimu n’imiryango yagize ibyago byo kubura abana babo.

Imbangukiragutabara zajyanaga abakomeretse kwa Muaganga kugira ngo bitabweho

Ikinyamakuru CNN, kivuga ko uyu muryango utabara imbabare, watangaje ko bakora ibishoboka byose bagatanga ubufasha bukenewe gusa ngo abana bajyanwe kwa muganga ni benshi ku buryo uko amasaha agenda akura umubare ushobora kwiyongera kuko abajyanwe benshi bari barembye.

Si ubwa mbere inkongi y’umuriro yibasiye ishuri muri Kenya ndetse igahitana ubuzima bw’abanyeshuri, nk’aho muri 2017, abanyeshuri bo muri Moi Girls High School iherereye i Nairobi bahitanywe n’inkongi bikavugwa ko iryo shuri ryatwitswe ku bushake.

Ingabo z’u Rwanda zashimiwe umusanzu zigira mu kurinda amahoro n’uumutekano

Ni umuhango wabaye kuri uyu wa Kane tariki 5 Nzeri 2024, ibirori bikaba byabereye i Durupi ku cyicaro cy’Ingabo z’u Rwanda zibarizwa muri Rwanbatt-3 mu gace gaherereye mu Ntara ya Ekwatoriyale yo hagati (Central Equatorial State).

Lt Gen Mohan Subramanian, Umuyobozi w’Ingabo ziri mu butumwa bw’Umuryango w’Abibumbye muri Sudani y’Epfo (UNMISS), wari umushyitsi mukuru muri ibi birori yashimye abasirikare b’u Rwanda ku bw’ikinyabupfura, ubunyamwuga ndetse n’ubwitange bagaragaza mu nshingano bashinzwe.

Yakomeje abashimira kandi uruhare bagira mu guharanira umutekano muri Sudani y’Epfo, by’umwihariko mu Mujyi wa Juba ndetse no mu bindi bice by’Igihugu.

Lt Gen Mohan Subramanian, Umuyobozi w’Ingabo ziri mu butumwa bwa UNMISS atambuka mu Ngabo z’u Rwanda

Uyu muyobozi yagarutse kandi ku bushake n’umuhate by’u Rwanda muri rusange bigamije gushimangira no kubungabunga amahoro nk’imwe mu intego z’Umuryango w’Abibumbye (UN).

Brig Gen William Ryarasa, uhagarariye Ingabo z’u Rwanda ziri mu butumwa bw’Amahoro muri Sudani y’Epfo, akaba kandi anahagarariye u Rwanda muri iki gihugu yagaragaje ko ibikorwa by’ingabo z’u Rwanda muri ubu butumwa, ari ukubungabunga amahoro n’umutekano mu bikorwa byo gucungira umutekano abaturage bashinzwe kurinda, kubahiriza uburenganzira bw’ikiremwamuntu, kurinda abayobozi b’Umuryango w’Abibumbye.

Si ibyo gusa kandi kuko Ingabo z’u Rwanda, zikora ibindi bikorwa bitandukanye bigamije iterambere by’abaturage ba Sudani y’Epfo bashinzwe kurinda, bikaba byiganjemo iby’Ubuvuzi, uburezi, gukwirakwiza ibikoresho by’ishuri, kubaka ibikorwa remezo, gutera ibiti mu gihe cyagenewe Umuganda n’ibindi.

Lt Gen Mohan Subramanian, yashimye ubunyamwuga buranga Ingabo z’u Rwanda mu nshingano zishinzwe

Uyu muhango abawitabiriye basusurukijwe mu mbyino gakondo, imyiyereko ya Gisirikare n’ibindi.

Col John Tyson Sesonga, ushinzwe iyi Rwanbatt-3, yagaragaje ko imidai izi ngabo zambitswe ari igikorwa cy’indashyikirwa kuko gituma abasirikare barushaho kunoza no guharanira gukora kinyamwuga mu gihe buzuza inshingano zabo baba batumwemo n’Igihugu.

Col John Tyson sesonga, yashimiye kandi ubuyobozi bw’Umuryango w’Abibumbye ishami rishinzwe kubungabunga amahoro (UNMISS), ubufasha bagenera izi Ngabo mu kubashyigikira, ashimira ubuyobozi bwa Sudani y’Epfo ndetse n’inshuti mu ruhare bagira kugira ngo izi Ngabo zibashe kuzuza inshingano ziba zahawe.

Uyu muhango abawitabiriye basusurukijwe mu mbyino gakondo

Perezida Kagame yabonanye na mugenzi we w’u Bushinwa, Xi Jinping bagirana ibiganiro

Muri ibi biganiro Perezida Paul Kagame yagiranye na Xi Jinping w’ Ubushinwa, iki gihugu kiyemeje ko kigiye kurushaho gushyira imbaraga mu mubano gisanzwe gifitanye n’u Rwanda.

Abayobozi bombi bahuye nyuma y’uko bari bamaze kwitabira inama ihuza Abayobozi batandukanye bo ku mugabane w’Afurika n’u Bushinwa, izwi nka ‘Forum on China-Africa Cooperation (FOCAC)’.

Abayobozi bombi kandi baganiriye ku mikoranire ihuriweho mu bijyanye n’ubuzima, ibikorwaremezo n’ikoranabuhanga. Ni ibiganiro kandi byibanze ku musanzu mu miyoborere yubakiye ku busugire bw’ibihugu n’indangagaciro zabyo.

Perezida Kagame ubwo yaganiraga na mugenzi we w’u Bushinwa

Ibi biganiro byitabiriwe n’abayobozi batandukanye baherekeje Umukuru w’Igihugu muri iyi nama, barimo Minisitiri w’Ububanyi n’Amahanga w’u Rwanda, Amb. Olivier Nduhungirehe, Minisitiri w’Ubuzima Dr Sabin Nsanzimana.

Hari kandi Yusuf Murangwa Minisitiri w’Imari n’Igenamigambi, Ambasaderi w’u Rwanda mu Bushinwa, James Komonyo ndetse na Francis Gatare, umuyobozi mukuru w’urwego rw’lgihugu rushinzwe iterambere (RDB).

Ibi biganiro byabaye ku Gicamunsi cyo kuri uyu wa kane tariki 5 nzeri 2024, nk’uko byatangajwe na Minsitiri w’Ububanyi n’Amahanga wungirije w’u Bushinwa, Hua Chunying, abinyujije ku rubuga rwe rwa X yahoze yitwa Twitter.

Ibiganiro byu Rwanda n’Ubushinwa byitabiriwe n’abayobozi batandukanye barimo Minisitiri w’ubuzima ndetse n’uwububanyi n’amahanga

Hua Chunying yavuze ko Igihugu cye cyiteguye kurushaho gushimangira umubano gifitanye n’u Rwanda. Ati: “Inama ya FOCAC2024 yatanze amahirwe adasanzwe yo kurushaho gushimangira ubushuti n’umubano w’u Bushinwa n’u Rwanda”.

Yakomeje avuga ko u Bushinwa n’u Rwanda bishyira imbere inyungu z’abaturage haba mu miyoborere y’ishyaka n’Igihugu.

Ubwo yari mu kiganiro kigaruka ku miyoborere y’ibihugu yagejeje ku bakuru b’ibihugu na za Guverinoma bateraniye mu nama ihuza u Bushinwa na Afurika (FOCAC) iri kubera i Beijing kuva ku wa 4-6 Nzeri 2024, Perezida Kagame yagaragaje ko imiyoborere abaturage b’u Bushinwa bishyiriyeho mu 1949, ari yo yatumye bashobora guhangana n’ubukene, inzara n’ibindi ubu igihugu cyabo kikaba kiri ku isonga mu bukungu.

U Rwanda n’u Bushinwa byiyemeje gukomeza kwagura ubufatanye mu nzego zitandukanye

U Bushinwa buvuga ko kandi bwiteguye gushimangira icyizere mu bya Politike no kwagura ubufatanye cyerekezo busangiye n’u Rwanda, ndetse no kuba umufatanyabikorwa mu nzira y’iterambere.

Umubano w’u Rwanda n’u Bushinwa ugaragarira mu bikorwa byinshi bitandukanye, birimo ubuvuzi, uburezi, ubuhinzi, ikoranabuhanga, ibikorwa remezo bitandukanye bimaze kugerwaho mu myaka igera kuri 53 ibihugu byombi bifitanye umubano n’ubufatanye.

Michel Jean Barnier yagizwe Minisitiri w’Intebe mushya w’u Bufaransa

Michel Jean Barnier asanzwe ari umunyapolitike, akaba yarabaye Komiseri mu muryango w’Ubumwe bw’u Burayi (EU) ushinzwe ibikorwa by’Akarere, aba Komiseri ushinzwe ubucuruzi n’imirimo muri uyu muryango, ndetse ni we wahagarariye uyu muryango mu biganiro n’u Bwongereza, ubwo bwari muri gahunda yo kuwuvamo izwi nka ‘Brexit’.

Michel Jean Barnier, asabwa kuzatoranya abaminisitiri mu mahuriro yose afite imyanya mu Nteko Ishinga Amategeko.

Michel Jean Barnier Minisitiri w’Intebe mushya ashyizweho muri Guverinoma ihuriweho n’amashyaka atandutanye, nyuma y’aho ihuriro ry’amashyaka (Nouveau Front Populaire) ritavuga rumwe n’ubutegetsi ritsindiye imyanya 180 mu Nteko Ishinga Amategeko, rigakurikirwa n’ishyaka rya Ensemble ribarizwamo Perezida w’u Bufaransa, Emmanuel Macron aho ryatsindiye imyanya 159.

Barnier wagizwe Minisitiri w’Intebe asanzwe ari umunyamuryango w’ishyaka ry’Abarepubulikani ryashinzwe n’abarimo Nicolas Sarkozy na Jacques Chirac bayoboye u Bufaransa, iri shyaka rikaba rifite imyanya 39 mu Nteko y’iki gihugu.

Jean Barnier ufite imyaka 73, yakoze imirimo itandukanye muri Guverinoma y’iki gihugu aho yabaye umudepite mu Nteko y’u Bufaransa, aba Minisitiri w’Ububanyi n’Amahanga, Minisitiri w’Ibidukikije, Minisitiri w’Ubuhinzi n’Uburobyi na Minisitiri ushinzwe ibikorwa by’umuryango w’Ubumwe bw’u Burayi.

Minisitiri w’Intebe Dr. Ngirente yakiriye Dr. Roy Steiner, Visi Perezida wa Rockefeller Foundation ushinzwe ibiribwa

Minisitiri w’Intebe Dr Ngirente ndetse na Dr Roy Steiner, baganiriye kuri gahunda yo kugaburira abana ku mashuri no gukoresha ibinyampeke byujuje intungamubiri.

Dr Roy Steiner, uri mu Rwanda aho yitabiriye inama Nyafurika yiga ku Biribwa (Africa Food System Forum), yavuze ko mu byo yaganiriye na Minisitiri w’Intebe Dr Ngirente, harimo guhindura uburyo bwari busanzweho bwo gutunganya ifu y’ibigori bigakorwa mu buryo bugezweho.

Yagize ati: "Hari uburyo bwo gutunganya ifu y’ibigori bwa refined grain (Ibinyampeke byabanje gutunganywa bigatakaza umwimerer) tukajya mu buryo bugezweho bwa fortfied grain (Ibinyampeke byongerewe intungamubiri), bugakoreshwa mu guha indyo yuzuye abana bari mu mashuri, turabizi ko ubu buryo bugezweho bwa Fortfied bufite intungamubiri nyinshi kandi nta kintu na kimwe gitakara ku kigori mu gihe refined grain usanga itakaza 28% ku kigori ndetse 9% b’intungamubiri ku kigori".

Yakomeje agira ati: "Niba dushaka ko abana bahabwa indyo yuzuye kandi ibafitiye akamaro, wabaha ifu y’ibigori iri fortfied kuko nibwo buryo bwiza bwo gufasha abana kubaho neza no kwishima kuko ubu buryo buroroshye kandi ntabwo buhenze kuko nta kindi kiguzi busaba. Ubu buryo buzafasha abana kuba ku rwego rwiza mu mirire ndetese kandi bakanatsinda neza".

Abayobozi batandukanye barimo Minisitiri w’Uburezi na Minisitiri w’Ubuhinzi n’Ubworozi bitabiriye ibi biganiro

Dr. Roy Steiner, yavuze ko yishimira kuba Minisitiri w’Intebe yabyakiriye neza kandi ko ari iby’agaciro kuba ari umushinga uri gukorerwa mu Rwanda no kuba igitekerezo ariho cyatangiwe bikaba bigeze no mu bindi bihugu bitandukanye ari ibyo kwishimira kuko abana babarirwa muri za miliyoni bo muri Afurika n’ahandi ku Isi bazungukira muri uyu mushinga uzafasha mu kubaha ifu y’ibigori itunganyijwe mu buryo bugezweho.

Minisitiri w’Uburezi, Gaspard Twagirayezu wari witabiriye ibi biganiro, yavuze ko uyu mushinga uzatanga umusanzu ukomeye muri gahunda yo kugaburira abana ku ishuri indyo yuzuye kandi ikungahaye ku ntungamubiri zihagije bikazafasha abana b’u Rwanda kwiga neza.

Yagize ati: "Twari tumaze iminsi dufitanye uwo mushinga mu mashuri wo kugaburira abanyeshuri, twaganiraga rero uburyo uwo mushinga wakongererwa imbaraga kuburyo wagera mu mashuri menshi kugira ngo abana bacu bashobore kubona ibyo kurya bihagije ariko kandi bifite n’intungamubiri".

Gahunda yo kugaburira abana ku ishuri imaze kugira uruhare rugaragara mu kugabanya umubare w’abana barivagamo byumwihariko abo mu mashuri abanza.

Rockefeller Foundation ni umuryango w’Abanyamerika usanzwe utera inkunga ibikorwa bitandukanye birimo ibijyanye n’ubuvuzi ndetse n’uburezi

Gufatira ifunguro ku ishuri ni gahunda yatangiye mu 2021, ndetse bigaragara ko kuva yajyaho, imibare y’abana bo mu mashuri abanza barivagamo mu 2020 bari ku kigero 9.4% mu gihe mu 2022 bagabanutse bagera kuri 6.4% ndetse intego ikaba ari ugukomeza kugabanya uyu mubare.

Rockefeller Foundation ni umuryango w’Abanyamerika usanzwe utera inkunga ibikorwa bitandukanye birimo ibijyanye n’ubuvuzi ndetse n’uburezi.

Kuva uyu muryango watangira gukorera mu Afurika mu 1966, wakoranye na Guverinoma zo muri Afurika n’ibigo by’amashuri. Uyu muryango kandi uvuga ko urajwe inshinga no gushora ndetse no gutera inkunga gahunda z’Abayobozi kuri uyu mugabane mu guhangana n’imihindagurikire y’ibihe.

Perezida Kagame yagiranye ibiganiro n’umuyobozi wa Banki ya Aziya iteza imbere ishoramari mu bikorwa remezo

Iyi nkuru dukesha Ibiro by’Umukuru w’igihugu Village Urugwiro, ivuga ko Perezida Kagame na Jin Liqun, baganiriye ku mikoranire isanzweho n’iy’ahazaza hagati y’u Rwanda n’iyi banki.

U Rwanda na AIIB bikorana mu mishinga yo guteza imbere ikoranabuhanga, kugera kuri serivisi z’imari no kunoza urwego rw’ingufu.

Perezida Paul Kagame muri uyu mwaka, nabwo yari yagiranye ibiganiro na Jin Liqun, icyo gihe ibiganiro byabo byibanze ku mahirwe yo kurushaho gukorana hagati y’iyi banki n’u Rwanda. Bombi bahuriye muri Kenya aho bari bitabiriye inama yateguwe na Banki Nyafurika y’Iterambere (AfDB) yaberaga i Nairobi.

Muri Nyakanga 2019, nibwo u Rwanda rwabaye umunyamuryango w’iyi Banki yo muri Aziya ishinzwe guteza imbere ibikorwa remezo, icyo gihe u Rwanda rwemerejwe mu nama y’ubutegetsi ngarukamwaka ya kane y’iyo banki, yaberaga muri Luxembourg. Uwo munsi hanemejwe ibindi bihugu birimo Bénin na Djibouti.

AIIB yashinzwe mu 2015 ku gitekerezo cyazanywe n’u Bushinwa. Intego yayo ni ugutera inkunga ibikorwa remezo hirya no hino ku Isi hagamijwe kwihutisha iterambere muri Aziya no hanze yayo.

Ifite imari shingiro ya miliyari 100 z’Amadolari, ni ukuvuga kimwe cya kabiri cy’imari shingiro ya Banki y’Isi ndetse ikaba ifatwa nk’ikigo cy’imari gishobora guhangana n’ibindi bigo by’imari mpuzamahanga nka IMF na Banki y’Isi.

AIIB imaze gutanga inguzanyo zirenga miliyari 8.5 z’Amadolari ku bihugu binyamuryango yo kubaka imishinga y’ibikorwa remezo 46.

Perezida Kagame yagiranye ibiganiro na mugenzi we Wavel Ramkalawan wa Seychelles

Ibiro by’umukuru w’Igihugu, Village Urugwiro byatangaje ko uretse Perezida wa Seychelles, Kagame yahuye na William Ruto wa Kenya ndetse ibiganiro byabo byose bikaba byibanze ku kwimakaza umubano ibihugu bisanzwe bifitanye.

U Rwanda na Seychelles, bisanganywe umubano mwiza, cyane ko Perezida wa Seychelles, Wavel Ramkalawan, aherutse kugirira uruzinduko i Kigali aho yitabiriye irahira rya mugenzi we w’u Rwanda Paul Kagame, agasura Urwibutso rwa Jenoside rwa Kigali ruri ku Gisozi, aho yunamiye inzirakarengane zazize Jenoside yakorewe Abatutsi mu 1994.

Umubano w’u Rwanda na Seychelles watangiye mu 2010 ugenda utera intambwe aho nko mu 2013 ibihugu byombi byasinyanye amasezerano y’ubutwererane mu nzego zirimo ukerarugendo, ikoranabuhanga uburezi, ubuhinzi, ishoramari, itumanaho n’ibindi ndetse hanashyirwaho komisiyo ihuriweho yo gukurikirana ishyirwa mu bikorwa ryayo.

Mu 2018 na bwo, ibihugu byombi byasinyanye andi amasezerano mu bijyanye n’ubwikorezi bwo mu kirere.

Perezida Kagame yahuye kandi na William Ruto wa Kenya

Uyu mubano warushijeho gutera intambwe mu 2023 ubwo Perezida Kagame na Madamu Jeanette Kagame bagiriraga uruzinduko muri Seychelles.

Ni uruzinduko rwanasinyiwemo andi maserano y’u bifatanye mu nzego zirimo ubuzima, igisirikare n’umutekano, iyubahirizwa ry’amategeko, ubuhinzi, ubukerarugendo ndetse n’ibijyanye no gukuraho visa.

Igihugu cya Kenya n’u Rwanda nabyo bisanganywe umubano mwiza, aho bihuriye mu muryango w’Ibihugu byo mu burasirazuba bwa Afurika EAC, ndetse ibihugu byombi, binyuze mu ihuriro rikomeye bihuriyeho, byiyemeje gushimangira ubufatanye mu kunoza serivisi z’ubwikorezi mu muhora wo hagati ndetse n’uw’amajyaruguru mu kurushaho guteza imbere ubucuruzi, koroshya urujya n’uruza rw’ibicuruzwa n’abantu.

Minisitiri w’Intebe Dr. Ngirente yakiriye mugenzi we wa Sierra Leone, Dr. David Moinina Sengeh

Minisitiri w’Intebe Dr. David Moinina Sengeh ari mu Rwanda aho yitabiriye Inama Nyafurika yiga ku Biribwa (Africa Food System Forum).

Abayobozi bombi baganiriye ku buryo amasezerano ibihugu byombi byashyizeho umukono yashyirwa mu bikorwa hibandwa ku ngeri zirimo guteza imbere ubucuruzi, guhanga ibishya, ubufatanye mu byerekeye umutekano, ikoranabuhanga, ubuhinzi n’ibindi.

Minisitiri Dr. Moinina yagaragaje ko Igihugu cye gifite byinshi cyakwigira ku Rwanda cyane cyane mu buhinzi n’ikoranabuhanga.

Minisiriri Dr. Moinina ati: “Ubuhinzi ni izingiro ry’ibiganiro, dufite byinshi byo kwigira ku Rwanda, no gusangira ibitekerezo, ikoranabuhanga ni ingenzi cyane kuri Sierra Leone kandi dukoranye n’u Rwanda tuzi ko ikoranabuhanga rihuza neza na gahunda yo kwimakaza ikoranabuhanga mu mijyi yacu [smart cities] nk’uko tugerageza kubiganira".

Abayobozi bombi bagiranye ibiganiro byibanze ku buhinzi n’ikoranabuhanga

Dr. Moinina yavuze ko kandi mu biganiro bagiranye na mugenzi we w’u Rwanda bagarutse ku masezerano y’imikoranire mu by’ingendo zo mu kirere, byazanavamo urugendo rushya rwa RwandAir rwerekeza muri Sierra Leone.

Ati: “Twanavuze ku byerekeye ingendo zo mu kirere, twavuganye ku masezerano y’ingendo zo mu kirere, indege yanyu ijya muri Ghana, Nigeria, wenda ishobora gutangira no kujya ihagarara i Freetown mu gihe cya vuba".

Dr. Moinina yahamije ko umubano w’ibihugu byombi umeze neza cyane kuko Perezida Kagame w’u Rwanda na Julius Maada Bio, wa Sierra Leone basanzwe ari n’inshuti.

Mu mpera z’ukwezi kwa Kanama, tariki 26 2024, Leta y’u Rwanda n’iya Sierra Leone basinyanye amasezerano y’ubufatanye mu rwego rw’umutekano w’imbere na Serivise z’igorora.

Ibihugu byombi bisanganywe umubano uzira amakemwa

Ni amasezerano yashyizweho umukono na Minisitiri w’umutekano Dr Biruta Vicent, mu gihe Sierra Leone yahagarariwe na Minisitiri w’Umutekano wayo Maj. Gen. (Rtd) David Tamba Ocil Taluva, wagiriraga uruzinduko mu Rwanda, aho yari yaje gusura abagororwa baturutse mu gihugu cye bagororerwa mu Rwanda.

Ubwo Perezida wa Sierra Leone yagiriraga uruzinduko mu Rwanda, ubwo rwizihizaga umunsi wo kwibohora ku nshuro ya 25 mu mwaka wa 2019, Julius Maada Bio, yakiriwe mu biro bya Perezida Paul Kagame, bagirana ibiganiro ndetse hasinywa amasezerano agamije gushimangira umubano, gusangira ubunararibonye ndetse no kunoza imikoranire.

Imigenderanire hagati y’ibihugu byombi ni nta makemwa kuko, u Rwanda na Sierra Leone byasinyanye amasezerano arimo gukuriraho viza abafite pasiporo z’Abadipolomate n’iz’abari mu butumwa bw’akazi ku mpande zombi.

Bobi Wine utavuga rumwe n’ubutegetsi muri Uganda yarashwe

Bobi Wine yarashwe ku Gicamunsi cyo kuri uyu wa Kabiri tariki 3 Nzeri 2024, mu gace ka Bulindo, aho bivugwa ko yabanje gushyamirana n’abashinzwe umutekano.

Bobi Wine usanzwe ari umuhanzi ukomeye mu gihugu cya Uganda, yarushijeho kumenyekana nyuma yo kwinjira muri politike y’iki Gihugu ndetse agashinga n’ishyaka ritavuga rumwe n’ubutegetsi bwa Perezida Yoweri Kaguta Museveni.

Uyu muhanzi yarasiwe ahitwa Bulindo mu karere ka Wakiso, akaba yakomeretse ku kaguru. Ndetse amashusho yakwirakwijwe ku mbuga nkoranyambaga, yagaragazaga Bobi Wine arandaswe mu maboko atabasha guhagarara.

Ishyaka rye rya National Unity Platform (NUP) ryatangaje ko yarashwe mu kaguru, agakomereka mu buryo bukomeye, rikemeza ko yarashwe na polisi ya Uganda.

Bobi Wine ntiyabashaga guhagarara

Mu butumwa banyujije ku rubuga X, yahoze ari Twitter bagize bati: “Abashinzwe umutekano bagerageje kwambura ubuzima Perezida wacu, Bobi Wine. yarashwe mu kaguru, ndetse arakomereka mu buryo bukomeye mu gace ka Bulindo mu karere ka Wakiso".

Bobi Wine yajyanywe mu bitaro bya Nsambya, aho arimo kwitabwaho n’abaganga.

Ubushyamirane bwo mu mihanda hagati ya Bobi Wine na Polisi ya Uganda, bwagiye buberamo ibikorwa by’urugomo ndetse akanatabwa muri yombi we n’abarwanashyaka be, ariko ni ubwa mbere habereyemo igikorwa nk’icyo.

Perezida w’Urukiko rw’Ikirenga, Dr Faustin Ntezilyayo yagaragaje ibikorwa by’ingenzi bizakorwa mu mwaka w’Ubucamanza wa 2024-2025

Perezida w’Urukiko rw’Ikirenga, Dr Ntezilyayo Faustin, muri iki gikorwa yavuze ko mu mwaka w’ubucamanza wa 2024-2025 hazashyirwa imbaraga mu gutanga ubutabera Abanyarwanda bifuza ariko bikaba bitagerwaho hatabaye ubufatanye bw’inzego ziri mu runana rw’ubutabera.

Ati: “Gutanga ubutabera ku Banyarwanda bifuza ni igikorwa k’ingenzi cyane cyane iyo ubirebeye mu ruhare bigira muri gahunda ndende yo kubaka Igihugu kigendera ku mategeko, kandi kiyubahiriza kimwe ku bagituye bose. Ibi nti byagerwaho hatabayeho ubufatanye busesuye mu nzego ziri mu runana rw’ubutabera arizo Minisiteri y’Ubutabera, Ubushinjacyaha n’Urugaga rw’Abavoka n’abandi”.

Perezida w’urukiko rw’Ikirenga yamenyesheje abitabiriye iki gikorwa ko u Rwanda ruzakira inama y’Abacamanza bo mu bihugu biri mu muryango w’ibihugu bikoresha ururimi rw’Icyongereza.

Ati: “Guhera mu Cyumweru gitaha kizatangira tariki 9 nzeri 2024, u Rwanda rugiye kwakira inama y’Abacamanza bo mu bihugu biri mu muryango w’ibihugu bikoresha ururimi rw’Icyongereza, iyo nama ikazibanda ku butabera burengera ibidukikije”.

Insanganyamatsiko y’iyo nama iragira iti: “Ubutabera burengera ibidukikije”.

Muri iki gikorwa ngarukamwaka kimurikirwamo ibyo urwego rw’Ubucamanza rwagezeho mu mwaka ushize ndetse n’intego rufite mu gihe kiri imbere, Perezida w’Urukiko rw’Ikirenga yavuze ko mu mwaka w’ubucamanza wa 2024-2025, watangijwe none, hazibandwa kandi ku kunoza gahunda y’iburanisha ry’imanza n’isomwa ryazo by’umwihariko izimunga ubukungu bw’igihugu harimo ruswa n’ibyaha bifitanye isano nayo.

Hari kandi imanza zerekeye ibyaha byakozwe n’abana, imanza ku cyaha cy’ihohoterwa rishingiye ku gitsina ndetse no gushyiraho gahunda y’umwihariko mu kuburanisha imanza z’umuryango.

Dr Faustin Ntezilyayo, yagaragaje ko ibyo bizibandwaho, biri mu byasabwe cyane cyane mu gihe cy’icyumweru cy’Ubucamanza byumwihariko cyane ku byaha bimungu ubukungu bw’Igihugu n’ibindi.

Yakomeje agaragaza ko indi gahunda yihariye, aruko, Inkiko zizakomeza kuburanisha ry’ibirego bishingiye ku kiburanwa gifite agaciro gato, cyane cyane ku bagira amasezerano y’ubucuruzi kuzitabira mu nkiko z’ibanze aho kugira ngo bazijyane mu nkiko z’ubucuruzi.

Hazakomeza gushyirwa imbaraga kugana gahunda y’ubuhuza mu manza mu gukemura amakimbirane ababurana batagombye kugana inkiko.

Kuri ubu u Rwanda rumaze kugira abantu barenga 800 b’abahuza b’umwuga bifashishwa muri gahunda y’ubuhuza kandi abo bafasha bavuga ko bibagirira umusaruro kuruta kujya mu nkiko.

Muri uyu mwaka mushya w’Ubucamanza kandi hazakomeza gushyirwa imbaraga mu kongera ikoreshwa ry’ikoranabuhanga mu nkiko, aho biteganyijwe ko hazavugururwa sisiteme z’uburyo bukomatanyije bwo gucunga no gukurikirana amadosiye hifashishijwe ikoranabuhanga (IECMS) ndetse na Sisiteme y’isuzumamikorere hakoreshejwe ikoranabuhanga, hagamije ko bizafasha gukora neza no gutanga serivisi inoze ku bagana inzego z’Ubutabera.

Nk’uko bigaragara ku rubuga X, rwa Polisi y’u Rwanda, ubutumwa yahashyize nuko abayobozi bombi, baganiriye ku bufatanye mu bikorwa bitandukanye bya Polisi harimo guhererekanya integanyanyigisho mu kubaka ubushobozi.

Mu butumwa Polisi yashyize hanze, buvuga ko Umuyobozi Mukuru wa Polisi y’u Rwanda, CG Namuhoranye, yakiriye Maj Gen (Rtd) David Tamba, Minisitiri w’Umutekano w’Imbere mu Gihugu muri Sierra Leone, ku Gicamunsi cyo kuri uyu wa Gatatu tariki 28 Kanama 2024.

Kuva kuwa 27 Kanama 2024, Minisitiri Maj Gen (Rtd), ari mu Rwanda aho ari kugira ibikorwa bitandukanye birebana no kwiga uko ibikorwa by’imitekano bikorwa mu buryo bunyuranye.

Muri uru ruzinduko arimo kugirira mu Rwanda, Minisitri Tamba yasuye Igororero rya Nyanza, akaba ari uruzinduko rwari rugamije kumenya uko mu Rwanda bagorora no kureba abafungwa babo bohorejwe na Loni bahagororerwa baturutse muri Sierra Leone, yari akeneye kumenya imibereho yabo kubw’amasezerano U Rwanda rwagiranye na Loni ko baharangiriza ibihano.

Minisitiri Tamba ubwo yasuraga Igororero rya Nyanza

Abo bagororwa baje ari umunani (08), batatu (03) bahawe imbabazi na Perezida w’icyo gihugu barataha, undi umwe yaje gupfa atarasoza ibihano, none kuri ubu bakaba basigaye ari bane barigukora ibihano byabo.

Aba bane basabye Minisitiri wabo Tamba, ko yabavuganira nabo bagahabwa imbabazi bakarekurwa, bamuhamiriza ko bahindutse ndetse bakosotse.

Abaturutse muri Sierra Leone bafungiwe mu Rwanda basabye Minisitiri Tamba kubasabira imbabazi bagafungurwa

Mu biganiro bagiranye na Minisitiri Tamba, bashimye Leta y’u Rwanda uburyo ibitaho mu buzima bwa buri munsi, ko ntacyo babura kuko uburenganzira bwabo babuhabwa uko bikwiriye, ko ntawe urenganywa cyangwa ngo yimwe serivisi iyariyo yose, bavuga ko byari bikwiriye ko ariho baza kuko ari igihugu giha agaciro ikiremwamuntu muri rusange ko ntahandi wabona muri Afurika bari kwitabwaho nkuko bitaweho.

Minisitiri Tamba yabwiye abo banyamahanga bagororerwa mu Igororero rya Nyanza, ko icyamugenzaga ari ugutsura umubano hagati y’ibihugu byombi hagati ya Minisiteri zombi z’umutekano cyane cyane mu mikoranire mubyo kubaka ubushobozi bw’abakozi binyuze mu mahugurwa hagati ya Polisi n’urwego rw’U Rwanda rushinzwe Igorora RCS, kuko yasanze hari byinshi u Rwanda rwateyemo imbere.

Ambasaderi Alison Heather Thorpe ashyikiriza Nduhungirehe impapuro zo guhagararira u Bwongereza mu Rwanda

Abashyikirije Minisitiri Nduhungirehe kopi z’izi mpapuro barimo Alison Heather Thorpe w’u Bwongereza, Shri Mridu Pawan Das w’u Buhinde, Fátima Yesenia Fernandes Juaréz wa Venezuela na Mauro Massoni w’u Butaliyani.

Mridu Pawan Das w’u Buhinde ni umwe muri ba Ambasaderi b’ibihugu 12 bemejwe n’inama y’abaminisitiri yateranye tariki ya 23 Kanama 2024, iyobowe na Perezida Paul Kagame.

Ambasaderi Mauro Massoni w’u Butaliyani nawe yashyikirije Minisitiri Nduhungirehe impapuro ze

Ambasaderi Alison Heather na Fátima Yesenia ufite ibiro muri Uganda bemejwe n’inama y’abaminisitiri yateranye tariki ya 25 Mutarama 2024.

Alison Heather Thorpe, yasimbuye Omar Daair wari Ambasaderi w’u Bwongereza mu Rwanda kuva muri Nyakanga 2021, dore ko aribwo yashyikirije Perezida Paul Kagame impapuro zimwemerera guhagararira igihugu cye, akaba yari asimbuye Joanne Lomas.

Minisitiri Nduhungirehe yakiriye impapuro zemerera ambasaderi Fátima Yesenia Fernandes Juaréz guhagararira Venezuela mu Rwanda

Ambasaderi Mauro Massoni w’u Butaliyani yemejwe n’inama y’abaminisitiri yateranye tariki ya 29 Ugushyingo 2023. Na we akaba afite ibiro muri Uganda.

Ibi bihugu kugira ababihagarariye mu Rwanda ni kimwe mu imenyetso byiza bihamya umubano mwiza, ndetse kurushaho kuwushimangira bikaba imwe mu ntego z’abo badipolomate.

Ibi bizashingirwa ku bufatanye mu ngingo zitandukanye u Rwanda n’ibihugu byabo bisanganywe, harimo nk’ibikorwa birimo kubungabunga ibidukikije, ubwikorezi, koroshya ingendo no guteza imbere inganda.

Ambasaderi Mridu Pawan Das w’u Buhinde ashyikiriza Minisitiri Nduhungirehe impapuro

Perezida Kagame yashimye abanyeshuri baherutse guhesha ishema Igihugu abizeza ko yiteguye kubaho hafi muri byose

Perezida Kagame ibi yabigarutseho ku gicamunsi cyo kuri uyu wa Kane, tariki 22 Kanama 2024, ubwo yakiraga aba banyeshuri muri Village Urugwiro, nyuma yo guhesha ishema u Rwanda umwe muri bo akegukana umudali wa Zahabu mu marushanwa y’imibare bahatanyemo na bagenzi babo baturutse hirya no hino mu irushanwa ryabereye muri Afurika y’Epfo.

Perezida Kagame yasabye aba banyeshuri gukomeza gushyira imbaraga mu masomo yabo kugira ngo azabagirire akamaro n’Igihugu muri rusange. Ati: “Iri rushanwa rirerekana ko mu bakiri bato bacu twifitemo ubushobozi bwo kubona ibisubizo byinshi by’ibibazo dufite”.

Perezida Kagame kandi yabatumye gushimira ababyeyi babo babemerera kujya mu marushanwa nk’aya ndetse no kwiga muri rusange kuko bafite igisobanuro gikomeye mu ntambwe batera iganisha ku iterambere.

Yakomeje avuga ko amenya aya makuru bwa mbere yayamenyeye mu itangazamakuru ndetse ko byamushimishije kubona abana b’u Rwanda batsindira umudali wa zahabu, asaba n’abandi batatsinze ariko baritabiriye kudacika intege ahubwo bagakomeza gushyira umuhate mu masomo yabo.

Ati: “Amakuru nayamenyeye mu itangazamakuru ko hari ibyo bamwe muri mwe mwagezeho birimo imidali itandukanye ndetse n’abandi bitabiriye ariko ntibayihabwe, ibi byerekana ko mushoboye mukomeze mushyiremo imbaraga kuko murashoboye. Nifuzaga guhura namwe kugira ngo mbashimire kandi mbatere ingabo mu bitugu ko nzahora mpari kugira ngo mbashyigikire muri byose mwifuza kugeraho”.

Perezida Kagame yavuze ko byamushimishije kubona abana b’u Rwanda batsindira umudali wa zahabu

Umukuru w’Igihugu yakomeje avuga ko ashishikariza n’abandi banyeshuri bifitemo impano nk’izi gutinyuka nabo bagahiganwa mu marushanwa nk’aya.

Yashimiye kandi Ikigo Nyafurika gishinzwe ubumenyi mu mibare (AIMS), imirimo gikora irimo gufasha abakiri bato guhangana mu marushanwa nk’aya, yizeza ubufatanye bugamije kurushaho gutanga umusaruro kurushaho.

Uyu mudali wa Zahabu wegukanywe n’umunyeshuri w’Umunyarwanda, Tuyisenge Denys Prince, wiga muri Hope Haven Rwanda, akaba umwe mu banyeshuri batandatu bitabiriye iri rushanwa.

Tuyisenge yegukanye uyu mudali mu irushanwa rya Pan African Mathematics Olympiad, ritegurwa buri mwaka, aho u Rwanda rwatangiye kwitabira mu mwaka wa 2021 nk’uko byagarutsweho na Minisitiri w’Uburezi, Twagirayezu Gaspard.

Tuyisenge Denys Prince, avuga ko yanejejewe cyane no gutsindira uyu mudali. Ati: “Twagiye mu irushanwa ry’imibare ku rwego rwa Afurika, rizwi nka Pan African Mathematics Olympiad, ryitabiriwe n’ibihugu 27 nanjye ndimo. Twahataniraga imidali itandukanye irimo uw’Umuringa, Zahabu na Feza. Uyu mwaka twatsinze turi 12 duhabwa umudali wa Zahabu”.

Tuyisenge akomeza agira ati: “Gutsindira Zahabu byanteye imbaraga zo gukora cyane kugira ngo nzagere kuri byinshi nifuza birimo kuba Enjeniyeri, kandi imibare ni inkingi yo kugera aho nifuza”.

Tuyisenge wegukanye umudali wa Zahabu yavuze ko yashimishijwe no kwakirwa na Perezida Kagame

Tuyisenge Denys Prince, yagaragaje ko kandi yashimishijwe no kuba we na bagenzi be bakiriwe n’Umukru w’Igihugu Paul Kagame.

Ati: “Kwakirwa na Perezida byanteye imbaraga zo gukora cyane ndetse nishimira ko na we abiha agaciro, ibigiye kumpa imbaraga zo kugira ngo ndusheho gukora kugira ngo nzahure n’abandi bakomeye”.

Minisitiri w’Uburezi, Twagirayezu Gaspard avuga ko kuba abana babyiruka nk’aba babasha gutsindira ibihembo bikomeye nk’ibi, bituma barushaho gushishikariza n’abandi kugera ikirenge mu cyabo.

Ati: “Twifuza ko aya amarushanwa akomeza gukura, Abanyarwanda bakayitabira ari benshi ari nako batsindira imidali. Aya marushanwa arakomeye cyane, iyo rero umwana ayatsinze bisobanuye ko afite ubushobozi buri hejuru, abayarangije batahawe iyo midali nabo bafite aho bageze mu mibare kuko abenshi bayarangije bagiye muri Kaminuza zikomeye ku isi zirimo abiga muri Turukiya, UK, MIT, Cambridge no muri Afurika”.

Minisitiri Twagirayezu, ashimangira ko iyo umunyeshuri agiye muri aya marushanwa aba abonye amahirwe yo kubona buruse mu kwiga kuko abavuzwe biga muri izo kaminuza nziza bose nta numwe Leta yishyurira ahubwo biga kubera buruse cyangwa ubufasha bwo kwiga baba bahawe.

Perezida Kagame ubwo yakiraga itsinda ry’abanyeshuri bahesheje u Rwanda ishema mu marushanwa y’imibare

Mu yindi midali begukanye harimo uwa Feza, imidali itatu y’Umuringa, aho imyinshi yabonetse mu irushanwa rya PAMO mu cyiciro cy’abakobwa. Abandi banyeshuri b’Abanyarwanda babonye umudali wa Feza, n’indi itatu y’Umuringa.

Abanyeshuri bitabira aya marushanwa, batoranywa mu bigo by’amashuri yisumbuye binyuze mu bufatanye bw’Ikigo Nyafurika gishinzwe guteza imbere ubumenyi bushingiye ku mibare, AIMS Rwanda, Minisiteri y’Uburezi n’abandi bafatanyabikorwa batoranya mu barenga ibihumbi 40, bakazavamo abagera kuri 23 ari na bo bahagararira igihugu mu marushanwa yo mu karere no ku rwego mpuzamahanga.

U Rwanda rwateguye iri rushanwa umwaka ushize aho ryitabiriwe n’ibihugu birenga 30.

Kurikira ibindi muri iyi videwo

Umuvugizi w’ingabo z’u Rwanda, Brig Gen Ronald Rwivanga yavuze ko abantu bafite ubumenyi bwihariye bazajya bakirwa mu Mutwe w’Inkeragutabara hatagendewe ku myaka bafite.

Umuvugizi w’Ingabo z’u Rwanda, Brig Gen Ronald Rwivanga (ibumoso) na Col Lambert Sendegeya (iburyo) ushinzwe abakozi muri RDF, bagiranye ikiganiro n’itangazamakuru

Ati: “Nk’abaganga, tukaba tubakeneye n’iyo baba bafite imyaka 40, tukaba twabinjiza mu gisirikare bagakora imyitozo y’igihe gito kugira ngo bamenye umwuga wa gisirikare. Dushobora kumwigisha kurasa no kwirinda bisanzwe, twarangiza tukabaha akazi”.

Abandi ni aba-enjeniyeri, abayobora za drones n’abandi bafite ubumenyi bwihariye.

Brig Gen Ronald Rwivanga yavuze ko ibijyanye no kugenzura imyitwarire y’abazaba barashyizwe mu Mutwe w’Inkeragutabara izakorwa nk’uko bisanzwe aho uwakoze ikosa cyangwa icyaha ari mu nshingano azajya ahanwa nk’umusirikare ariko uwagikoze atazirimo agahanwa nk’umusivile.

Brig Gen Rwivanga yagize ati: “Nukora icyaha cya gihe, uba wagarutse mu ngabo uri mu maboko y’akazi, uzajya ugengwa n’amategeko ya gisirikare ariko ngira ngo mu busanzwe iyo ukoresheje intwaro hari aho bakujyana, hari amategeko abigenga, nta cyahindutse”.

Inkeragutabara ni umwe mu mitwe ine igize Ingabo z’u Rwanda, nyuma y’Ingabo zirwanira ku butaka, izirwanira mu kirere n’ingabo zishinzwe ubuzima.

Uburyo bwo kwinjira mu Nkeragutabara bwari busanzwe ni igihe umuntu yahoze ari umusirikare mu buryo buhoraho ariko akaba ageze mu myaka y’ikiruhuko cy’izabukuru. Iki gihe hagenwaga imyaka umuntu ashobora kumara akora nk’Inkeragutabara, akabona kujya mu kiruhuko cy’izabukuru cya burundu.

Kuri ubu Ingabo zashyizeho ubundi buryo bubiri bushobora gufasha ababyifuza kujya mu Nkeragutabara.

Nk’uko byagarutsweho n’Umuvugizi w’Ingabo z’u Rwanda, ni uko ubwa mbere ari ubugenewe urubyiruko rubyifuza ariko rwujuje ibisabwa.

Ubundi ni ubugenewe abantu bashobora kuba batari mu cyiciro cy’urubyiruko ariko bafite ubumenyi bwihariye.

Uru rubyiruko ruzajya rwinjira mu Nkeragutabara ariko ruri mu cyiciro cy’abashobora kwitabazwa mu bikorwa by’igisirikare.

RDF iherutse gusohora itangazo tariki 14 Kanama 2024 ihamagarira urubyiruko rwifuza kwinjira mu Nkeragutabara kwiyandikisha. Abaziyandikisha biteganyijwe ko bazajya bamara amezi atandatu bahugurirwa mu Ishuri rya Gisirikare rya Gabiro.

Col Sendegeya Lambert ushinzwe abakozi muri RDF

Ababyifuza biyandikishiriza ku Turere no ku Mirenge kugeza tariki 19 Kanama 2024, abatazabona akanya ko kwiyandikishiriza aho, bashobora no kubikora ku munsi w’Ibizamini nk’uko bigaragara mu itangazo ryashyizwe hanze kuri X, ya RDF.

Iri tangazo rikomeza rivuga ko kugira ngo wemererwe kwinjira mu mutwe w’Inkeragutabara, bisaba kuba uri Umunyarwanda, kuba ufite hagati y’imyaka 18 na 25, kuba ufite ubuzima buzira umuze, kuba utarakatiwe n’inkiko, kuba utarakurikiranyweho ibyaha n’inkiko, kuba utagaragara ku rutonde rw’abirukanywe mu mirimo ya Leta keretse warahanaguweho ubusembwa, kuba utaragaragara ku rutonde rw’abatemerewe kuba abakozi ba Leta, ugomba gutsinda ibizamini bizatangwa, kuba ufite ubushake bwo kwinjira mu ngabo z’u Rwanda umutwe w’Inkeragutabara, kuba wararangije amashuri y’isumbuye kuzamura, n’ibindi.

Mu kiganiro n’Itangazamakuru cyabaye kuri uyu wa Gatanu tariki 16 Kanama 2024, RDF yagaragaje kandi icyo itekereza ku gutanga amasomo ya gisirikare ku barangije amashuri yisumbuye bose.

Umuvugizi w’Ingabo z’u Rwanda, Brig Gen Ronald Rwivanga

Umuvugizi w’Ingabo z’u Rwanda, Brig Gen Ronald Rwivanga yagize ati: “Twebwe dufite ya masomo tujya duha abanyeshuri kandi ni amahitamo ntabwo ari itegeko. Ngira ngo itandukaniro ni uko tuguha uburenganzira bwo kubijyamo, ntabwo ari itegeko nko mu bihugu bindi ko umuntu wese urangije amashuri yisumbuye agomba kujya kwitoza. Ntaho ihuriye no kuba abarangije amasomo bategekwa gukora amasomo ya gisirikare”.

Umuvugizi w’Ingabo z’u Rwanda, Brig Gen Ronald Rwivanga, yavuze ko uburyo bushya bwo guha ikaze abajya mu Mutwe w’Inkeragutabara, buzaha amahirwe Abanyarwanda batuye mu mahanga yo gukorera Igihugu cyabo.

Brig Gen Rwivanga yagize ati: “N’abari hanze y’Igihugu, kugira ngo na bo babone ayo mahirwe yo gukorera igihugu, bagakora amahugurwa, bagakora akazi mu gihe cy’umwaka, barangiza bagasubirayo”.

Umuyobozi Mukuru ushinzwe Abakozi mu Ngabo z’Igihugu (RDF), Col Lambert Sendegeya, avuga ko iyo umaze kwitwa Inkeragutabara, amategeko hari ibyo akugenera, harimo ibiri mu iteka rya Minisitiri w’Ingabo z’u Rwanda, rigena uburenganzira n’ibigenerwa Inkeragutabara.

Mu ngingo ya 11, havuga ko abinjira mu mutwe w’Inkeragutabara bazajya bahembwa umushahara n’ibindi byose bagenerwa mu gihe bari mu myitozo no mu gihe bahamagawe kuza mu kazi, bingana n’ibyo abasirikare bari mu kazi ka buri munsi bahabwa, bafite Sitati zimwe.

Umukandida w’Inkeragutabara agenerwa ibiteganywa na sitati yihariye y’ingabo z’u Rwanda birimo amafaranga ya buri kwezi, impuzankano, ubuvuzi n’ibindi bitandukanye ndetse akitwa Inkeragutabara guhera itariki arangirijeho imyitozo y’ibanze ya Gisirikare kandi yayitsinze neza, hakiyongeraho gusinya amasezerano yo gukora muri RDF nk’Inkeragutabara.

Inkeragutabara yasubiye mu buzima busanzwe, igahamagarwa mu kazi ka Gisirikare igira uburenganzira butandukanye. Col Sendegeya akomeza agira ati: “Inkeragutabara yasubiye mu buzima busanzwe iba ifite uburenganzira bwo kutirukanwa ku kazi isanzwe ikora, uburenganzira ku mushahara n’inyongera zijyana na wo, uburenganzira bwo kudatakaza umushahara yahembwaga, uburenganzira bwo kuzamurwa mu ntera iyo yujuje ibiteganywa na sitati yihariye y’ingabo z’u Rwanda, uburenganzira ku bwishingizi bw’indwara igihe ari mu mahugurwa cyangwa mu kazi, akagira n’uburenganzira bwo guhabwa ibimenyetso by’ishimwe n’impeta za Gisirikare”.

Umuvugizi w’Igisirikare cy’u Rwanda yashimangiye ko uwaba arengeje imyaka yagenwe kugira ngo yinjire mu Ngabo z’u Rwanda ariko afite ubumenyi bwihariye na we ahawe ikaze ariko Abanyarwanda bakibutswa ko gusuzuma ubwo bumenyi bwihariye bikorwa n’ababishinzwe mu Ngabo z’u Rwanda.

Bamwe mu banyamakuru bari bitabiriye ikiganiro

Reba ikiganiro cyose RDF yagiranye n’abanyamakuru:

Video: Richard Kwizera

Minisitiri Dr. Ngirente, mu butumwa yashyize kuri X, yamwijeje gukomeza gukorana umurava no kudatezuka mu rugendo rwo guteza imbere u Rwanda.

Minisitiri Dr. Ngirente yagize ati: “Mbikuye ku mutima, ndabashimiye Nyakubahwa Perezida wa Repubulika Paul Kagame, kuba mwongeye kungirira icyizere mukangira Minisitiri w’Intebe. Ndabizeza gukomeza gukorana umurava no kudatezuka mu rugendo rwo guteza imbere u Rwanda”.

Dr. Ngirente Edouard yagizwe Minisitiri w’Intebe muri Guverinoma nshya ya 2024/2029, nyuma y’iminsi ibiri Perezida Kagame arahiriye kuyobora u Rwanda muri manda nshya y’imyaka itanu.

Perezida Kagame yarahiriye gukomeza kuyobora u Rwanda mu birori byabereye muri Stade Amahoro ku wa 11 Kanama 2024.

Ku wa Kabiri tariki ya 13 Kanama 2024, nibwo byatangajwe ko Dr. Ngirente yagizwe Minisitiri w’Intebe, binyuze mu itangazo ryaturutse mu Biro by’Umukuru w’Igihugu, Village Urugwiro, ryasomewe kuri Televiziyo Rwanda.

Perezida Kagame yaherukaga guca amarenga ko azakomeza gukorana na Dr. Ngirente Edouard nka Minisitiri w’Intebe.

Ubwo yari mu bikorwa byo kwiyamamaza, Paul Kagame yasabye ibihumbi by’abari bateraniye kuri Site ya Nyarutovu mu Karere ka Gakenke ku wa 11 Nyakanga 2024, gukomeza gushyigikira Minisitiri w’Intebe na we uhakomoka kugira ngo ibikorwa by’iterambere bagezwaho bizakomeze kwihutishwa.

Dr. Ngirente Edouard ni Minisitiri w’Intebe wa gatandatu w’u Rwanda. Mu gihe yasoza manda y’imyaka itanu, azaba ari we umaze igihe kirekire kuri iyi ntebe, akuyeho agahigo gafitwe na Bernard Makuza wayicayeho imyaka 11 n’amezi atandatu.

Dr Ngirente amaze imyaka isaga irindwi ari Minisitiri w’Intebe kuko uyu mwanya yawugiyeho bwa mbere tariki 30 Kanama 2017.

Mbere yo kugirwa Minisitiri w’Intebe, Dr. Ngirente Edouard, yari Umukozi muri Banki y’Isi aho yari Umujyanama w’Umuyobozi Nshingwabikorwa ashinzwe ibihugu 20. Yanabaye Umujyanama Mukuru. Yanabaye umukozi wa Leta y’u Rwanda muri Minisiteri y’Imari n’igenamigambi.

Dr. Ngirente Edouard ni inzobere mu by’Ubukungu bushingiye ku Buhinzi, afite Impamyabumenyi y’Ikirenga (PhD).

Amashuri abanza yayize ku Ishuri rya Rwahi, ayisumbuye ayakomereza muri Groupe Scolaire de la Salle i Byumba mbere yo kujya muri Kaminuza Nkuru y’u Rwanda i Butare.

Ni ikiruhuko gitangajwe ku mugoroba wo kuri iki Cyumweru tariki 11 Kanama 2024, nyuma y’uko Abanyarwanda n’inshuti z’u Rwanda bazindukiye mu birori byo kwakira indahiro y’Umukuru w’Igihugu Paul Kagame, warahiriye kuyobora u Rwanda muri manda y’imyaka itanu iri imbere.

ITANGAZO pic.twitter.com/dIgQUeTdm9

— Ministry of Public Service and Labour | Rwanda (@RwandaLabour) August 11, 2024

Baganiriye ku kunoza ubuvuzi buhamye ndetse n’ibijyanye n’ubushakashatsi

Umukuru w’Igihugu yakiriye Dr. Jim Yong Kim, kuri uyu wa Gatanu tariki 9 kanama 2024 ari kumwe n’itsinda ryamuherekeje ririmo na Minisitiri w’ubuzima w’u Rwanda, Dr Sabin Nsanzimana.

Iyi nkuru dukesha ibiro by’Umukuru w’Igihugu Village Urugwiro, ivuga ko baganiriye ku buryo bwo kunoza imikoranire mu bijyanye n’ubuvuzi buhamye n’ubushakashatsi.

Kaminuza y’Ubuvuzi ya Butaro, iherereye mu Karere ka Burera, akaba ari imwe muri Kaminuza zikomeye mu Rwanda, aho itanga ubumenyi bugezweho bwo ku rwego rwa Kaminuza ya Harvard yo muri Leta Zunze Ubumwe za Amerika ndetse n’abarimu bahigisha ni abo muri iyo Kaminuza yo muri Amerika.

Perezida Kagame yakiriye umuyobozi w’icyubahiro wa Kaminuza y’ubuvuzi ya Butaro

Kaminuza y’Ubuvuzi ya Butaro, (UGHE) yatangiye gukorera mu Rwanda muri 2015 ku bufatanye n’Umuryango wita ku Buzima, Partners in Health, PIH, bikozwe na Dr Paul Farmer witabye Imana mu 2022.

Iyi kaminuza iherutse guha impamyabushobozi abanyeshuri 54 baturuka mu bihugu 16 basoje amasomo y’icyiciro cya gatatu cya Kaminuza, icyo gihe Dr. Kim, akaba yaritabiriye ibyo birori ndetse ashimangira intego z’iyo kaminuza y’ubuvuzi ya Butaro ku Isi.

Aba Basenateri baganiriye n’Ubuyobozi bw’ Urwego rw’Igihugu rw’Iterambere, RDB, Abayobozi b’Urugaga rw’Abikorera, PSF ndetse n’ Ikigo cya Kigali International Finance Center, gifasha ibigo bitandukanye kuzana ishoramari ryabyo mu Rwanda.

Inama y’izi Nzego n’Itsinda ry’Abasenateri baturutse muri Jordanie, ibiganiro byabo byibanze kandi ku kuzamura uburezi ndetse no guteza imbere ubufatanye mu bucuruzi mu rwego rw’ubukerarugendo.

Abasenateri bo muri Jordanie bagize komite y’ubukerarugendo, bakaba bari mu ruzinduko rugamije kunoza umubano w’ibihugu byombi, cyane cyane mu bukerarugendo, ubucuruzi n’ishoramari n’izindi nzego zitandukanye.

Kuwa Kabiri, bagiranye ibiganiro na Minisitiri w’Ububanyi n’Amahanga, Amb. Olivier Nduhungirehe, nyuma yo gusura Sena y’u Rwanda. Bakiriwe mu biro bya Perezida wa Sena y’u Rwanda, Hon. Kalinda Francois Xavier.

Ibiganiro byaranze impande zombi bigamije kunoza umubano w’u Rwanda na Jordania ku mikoranire ibyara inyungu.

Aba Basenateri bagiriye uruzinduko mu Rwanda nyuma y’uko mu mpera z’Ukwezi kwa Kamena 2024, Itsinda ry’Abanyarwanda 40 ryagiriye uruzinduko muri Jordanie, mu rwego rwo kwigira kuri icyo gihugu no gushyiraho uburyo bw’imikoranire hagati y’impande zombi, ishobora kugera mu nzego z’ubuzima, ubukerarugendo n’izindi, nka zimwe mu nzego Jordanie yateje imbere cyane.

Icyo gihe iryo itsinda ryari riyobowe n’Umuyobozi w’Ishami ry’Ubukerarugendo mu Rwego rw’Igihugu rw’Iterambere, RDB, Rugwizangoga Michaella, harimo abo mu rwego rw’ubukerarugendo mu Rwanda, abo mu rwego rw’ubuzima ndetse n’abo mu miryango ishingiye ku myemerere irimo amadini n’amatorero mu Rwanda.

Ibyo byose byabaye bishimangira uruzinduko rwa mbere Umwami Abdullah II wa Jordan, yagiriye mu Rwanda mu ntangiriro z’uyu mwaka wa 2024, rwari rugamije gushimangira umubano ukomeje gushinga imizi hagati y’ibihugu byombi.

Icyo gihe hanashyizwe umukono ku masezerano y’ubutwererane mu nzego zitandukanye zirimo ubuhinzi, ubukungu n’ubucuruzi ndetse n’ajyanye n’ubuzima n’ubuvuzi.

Uru ruzinduko kandi rwakurikiwe n’urwa Minisitiri w’Ubukerarugendo muri Jordan, Makram Mustafa A. Queisi, wasize atangaje ko Igihugu cye n’u Rwanda bigiye gushyiraho gahunda zihuriweho zo guteza imbere ubukerarugendo bushingiye ku muco, ubuvuzi n’imyemerere.

Jordan n’u Rwanda ni ibihugu bifitanye umubano ukomeye ushingiye ku masezerano impande zombi zagiye zisinyana mu bihe byashize, arimo n’ayakuyeho ikiguzi cya Visa ku Banyarwanda bifuza kujya muri Jordan.

Umugaba Mukuru wungirije w’Ingabo z’u Bushinwa ari mu ruzinduko rw’iminsi ine mu Rwanda

Minisitiri w’Ingabo, Juvenal Marizamunda yakiriye uyu muyobozi ku cyicaro cya Minisiteri y’Ingabo z’u Rwanda ari kumwe n’Umugaba Mukuru w’Ingabo, Gen Mubarakh Muganga.

Umugaba Mukuru wungirije w’Ingabo z’u Bushinwa, Lt Gen Huang Xucong, uri mu ruzinduko rw’iminsi ine mu Rwanda, ibiganiro bagiranye byibanze ku gukomeza umubano usanzwe hagati y’Ingabo z’ibihugu byombi.

Ku munsi w’ejo iri tsinda ryasuye Urwibutso rwa Jenoside rwa Kigali n’Ingoro y’Amateka yo guhagarika Jenoside yakorewe Abatutsi mu gihe kuri uyu wa Kane basuye Ikigo cya Gisirikare cy’Imyitozo cya Gabiro.

Bagiranye ibiganiro bigamije gushimangira umubano mu by’Ingabo

Biteganyijwe ko kuri uyu wa Gatanu iri tsinda rizanasura Ishuri rya Gisirikare riri i Gako.

Tariki 31 Nyakanga, ubwo ambasade y’u Bushinwa mu Rwanda yizihizaga imyaka 97 Igisirikare cya Rubanda cy’u Bushinwa (PLA) kimaze gishinzwe, iyi ambasade yijeje ko u Bushinwa buzakomeza gukora ibishoboka byose bugasigasira umubano mwiza usanzwe hagati y’ibihugu byombi, by’umwihariko mu bya gisirikare.

Umubano w’u Rwanda n’Ubushinwa usanzwe kandi ugaragarira mu bikorwa byinshi bitandukanye, birimo ubuvuzi, uburezi, ubuhinzi, ikoranabuhanga n’ibikorwa remezo bitandukanye.

Bamugeneye impano

Umugaba mukuru wungirije mu ngabo z’ubushinwa n’itsinda ayoboye basuye Urwibutso rwa Jenoside rwa Kigali

Basuye n’Ingoro y’Amateka yo guhagarika Jenoside

Basuye n’Ikigo cya Gisirikare cya Gabiro

Ni igikorwa cyabaye ku Gicamunsi cyo ku wa Gatatu tariki 07 Kanama 2024.

Intumwa yihariye y’Umunyamabanga Mukuru wa ONU muri Santarafurika akaba n’Umuyobozi w’Ubutumwa bw’Umuryango w’Abibumbye muri iki gihugu (MINUSCA), Valentine Rugwabiza, yakiriye Umugaba Mukuru w’Ingabo z’u Rwanda zirwanira ku Butaka, Major General Vincent Nyakarundi wari kumwe n’uhagarariye u Rwanda muri Santarafurika, Olivier Kayumba n’abandi basirikare bakuru mu Ngabo z’u Rwanda.

Valentine Rugwabiza yavuze ko Loni ishima umusanzu Ingabo z’u Rwanda zitanga mu butumwa bw’amahoro muri Santarafurika no kuba zikomeje kuba intangarugero mu kurangiza neza inshingano zahawe muri iki gihugu zirimo gucunga umutekano no gukora ibikorwa biteza imbere imibereho myiza y’abaturage.

Ubwo yaganiraga n’aba basirikare muri Bria, yavuze ko intego y’uruzinduko rwe muri CAR ari ugutanga ubutumwa bwatanzwe n’umuyobozi mukuru wa RDF, abashimira ubwitange bagize mu kurinda abasivili mu nshingano zabo. Yashimangiye akamaro ko gukomeza ubunyamwuga, kwirinda amakosa, kubahiriza indangagaciro n’imyitwarire ya RDF, no gukomeza kuzamura ibendera ry’u Rwanda nk’intumwa z’igihugu cyabo.

Nyuma yo kwakirwa na Madamu Valentine Rugwabiza, Major General Vincent Nyakarundi yasuye kandi ibitaro byo ku Rwego rwa kabiri bitanga serivisi zitandukanye z’ubuvuzi ku bakozi ba MINUSCA boherejwe mu Burasirazuba bw’iki Gihugu, harimo ubuvuzi bwo kubaga n’ubuvuzi bukomeye, physiotherapie, gucisha mu cyuma hagamijwe kumenya uburwayi bw’imbere, ubuvuzi bw’imbere, serivisi z’amenyo n’izindi.

Major General Vincent Nyakarundi yasuye n’ibitaro bya MINUSCA aganira n’abarwariyemo

Ismail Haniyeh wayoboraga Hamas yishwe

Uyu mutwe mu itangazo wasohoye kuri uyu wa Gatatu, tariki 31 Nyakanga 2024, wavuze ko Ismail yiciwe mu bitero Israel yagabye aho yari atuye muri Iran.

Iri tangazo rigira riti: “Hamas iramenyesha Abanye-Palestine, Abarabu, ibihugu bya Isilamu n’abandi bantu bose babohowe ku Isi yose ko umuvandimwe, umuyobozi wacu, Ismail Haniyeh, yiciwe mu gitero aho yari acumbitse i Tehran”.

Umutwe w’ingabo udasanzwe muri Iran uzwi nka IRGC, ari na wo wari ushinzwe kurinda Haniyeh mu gihe cy’uru ruzinduko, watangaje ko uyu muyobozi wa Hamas n’umurinzi we bishwe.

Uyu mutwe wagize uti: “Muri iki gitondo kare, aho Ismail Haniyeh yari acumbikiwe muri Tehran harashwe, bimuviramo urupfu n’umwe mu barinzi be. Impamvu iri gukorwaho iperereza kandi iratangazwa vuba”.

Ismail yapfuye nyuma y’amasaha make yitabiriye umuhango w’irahira rya Perezida mushya wa Iran, Masoud Pezeshkian warahiye ku wa Kabiri tariki 30 Nyakanga 2024, nk’uko byatangajwe na Hamas.

Israel ntiyahise yemeza niba yishe uyu mugabo.

Hagati aho Igisirikare cya Iran na cyo cyemeje amakuru y’urupfu rw’umukuru wa Hamas (mu bya Politiki), gusa kivuga ko intandaro yarwo itaramenyekana, ndetse ko iperereza ryamaze gutangira ngo hamenyekane ukuri.

Ismail Haniyeh wari ufite imyaka 62 y’amavuko, yari umunyamuryango wa Hamas kuva mu mpera y’imyaka ya za 80.

Mu 1989 Israel ubwo yahigaga bukware abanya-Palestine bari bayigumuyeho yamufunze imyaka itatu, nyuma yo kumurekura ahita ahungira mu gace katagira ukagenzura kari hagati y’umupaka wa Israel na Liban.

Umuyobozi w’Ishami rishinzwe kurwanya Indwara z’Ibyorezo muri RBC, Dr. Edson Rwagasore, yabwiye RBA ko nubwo atari indwara ifite ubukana bukabije ariko abantu bagomba kuyirinda bakaraba intoki kenshi no kutajya ahari abayanduye cyangwa kubonana na bo.

Dr Rwagasore yagize ati: “Ikigo gishinzwe ubuzima, RBC, kimaze gutahura abarwayi babiri twasanzemo indwara y’Ubushita bw’Inkende ari yo Monkeypox. Harimo umugore ufite imyaka 33 n’umugabo ufite imyaka 34 bose basanzwe bakorera ingendo muri Repubulika iharanira Demokarasi ya Congo, ubu bakaba barimo kwitabwaho n’abaganga”.

Akomeza avuga ko kuva iki cyorezo cyatangira mu Gihugu cy’abaturanyi hari ingamba u Rwanda rwafashe harimo gushyiraho itsinda ry’abaganga basuzuma, babaza ibibazo bijyanye n’uburwayi, ibi bikaba ari byo byanafashije ku gutahura umurwayi wa mbere, nyuma yo kugaragaza ibimenyetso batangira kumukurikirana kugira ngo avurwe.

Dr Rwagasore akomeza avuga ko iyi ndwara yagaragaye mu Rwanda, nyuma y’uko yari imaze iminsi igaragara mu bihugu bitandukanye birimo na RDC.

Iyi ndwara yandura cyane binyuze mu gukora ku muntu uyirwaye cyangwa amatembabuzi y’urwaye. Ishobora kwandura kandi mu buryo bw’imibonano mpuzabitsina, gusomana, cyangwa gusuhuzanya n’ufite ubwo burwayi.

Ibimenyetso byayo ni ukugira ibiheri ku mubiri biryaryata bikunze gufata imyanya ndangagitsina, mu maso, ku biganza no ku maguru. Ibindi bimenyetso ni ukugira umuriro, kubabara umutwe, kuribwa mu ngingo no kugira amasazi.

Dr Rwagasore avuga ko mu kwirinda ko iyi ndwara yakwirakwira hari ibyo Abanyarwanda basabwa kwitwararika bagafata ingamba. Ati: “Kwirinda kugirana imibonano mpuzabitsina n’umuntu wese ugaragaza ibyo bimenyetso, tubashishikariza umuco wo gukomeza gukaraba intoki bakoresheje amazi meza n’isabune”.

Guhera mu 2022, hirya no hino ku Isi hamaze kugaragara abantu basaga ibihumbi ijana barwaye iyo ndwara. Umugabane wa Afurika ni wo umaze kugaragaramo abarwayi benshi, by’umwihariko Repubulika Iharanira Demokarasi ya Congo kuva uyu mwaka watangira, abantu 11,000 bagaragaweho iyo ndwara y’ubushita bw’inkende mu gihe abo yahitanye ari 445.

Minisiteri y’Ubuzima, MINISANTE, yatangaje ko umuntu wese ashobora kwandura Mpox binyuze mu gukora ku muntu uyirwaye cyangwa amatembabuzi y’uyirwaye.

Ibyago byo kwandura Monkeypox binyuze mu gukora ku bintu abayirwaye bakozeho ni bike ugereranyije no gukora ku muntu uyirwaye.

Minisiteri y’Ubuzima ivuga ko abantu bafite ibyago byinshi byo kwandura Monkeypox ari abakora umwuga wo kwicuruza, abaryamana bahuje ibitsina, abakora kwa muganga ndetse n’abakora ingendo mu duce twagaragayemo iyi ndwara.

Ku rundi ruhande, Minisiteri y’Ubuzima yatangaje ko mu gihe umuntu agaragaje ibimenyetso bya Monkeypox, akwiye kwihutira kujya kwa muganga, gutanga amakuru ku nzego zibishinzwe by’umwihariko umuntu akagaragaza abo akeka yahuye na bo akaba yarabanduje, kugira ngo na bo bitabweho kurushaho.

Mu gihugu cy’abaturanyi aho iyi ndwara imaze iminsi igaragaye, imaze guhitana ubuzima bw’abantu umunani.

Vava ubwo yari mu kiganiro kuri KT Radio

Ku mugoroba wo kuri uyu wa Gatandatu tariki 27 Nyakanga 2024, nibwo amakuru yatangiye gucicikana hirya no hino avuga ko uzwi nka ‘Dore Imbogo’ yitabye Imana.

Uwarwaje ‘Dore Imbogo’ utashatse gutangaza amazina ye, yemeje urupfu rwe ndetse asobanura uko byagenze. Ati: “Ni byo koko Vava yapfuye ahagana saa kumi n’ebyiri azize uburwayi. Yari amaze iminsi arwariye mu Bitaro bya Kibogora, ataka umutwe n’igifu nyuma batwohereza kumuvuriza ku Bitaro byo ku Kibuye. Ni ubwa mbere yari atatse umutwe muri ubwo buryo, kuko yari yafashe agatege bagiye kudusezerera tubona arinaze, bamushyira ku byuma ngo bimwongerere umwuka ariko nyine yari yamaze gupfa biba iby’ubusa, ubu ari mu buruhukiro”.

Umuyobozi w’Ibitaro bya Kibuye aho yaguye, Violette Ayingeneye mu kiganiro na Kigali Today, yavuze ko yageze kuri ibi Bitaro ari muri Koma. Ati: “Ni byo koko yazanywe kuvurizwa hano azanywe n’umuryango we ahagana saa kumi z’umugoroba wo kuri uyu wa 27 Nyakanga. Yari yaroherejwe n’ibitaro bya Kibogora tariki 23 Nyakanga 2024, ariko ntibahita bamuzana. Umuryango we watubwiye ko uyu munsi mu gitondo babonye yongeye kuremba ataka umutwe baramuzana ari muri Koma babanza kujya kumwitaho byihuse mbere y’uko anyuzwa mu cyuma kugira ngo hamenyekane impamvu yawo nk’uko byari byasabwe n’ibitaro bya Kibogora. Mu gihe barimo kumufasha rero ngo bamuzanzamure mu minota mirongo itatu umutima wari wamaze guhagarara biranga”.

Ayingeneye avuga ko Vava yari afite ibindi bibazo bamuvuye ariko ko umutwe wamuryaga cyane ari wo watumye bamwohereza kuza kuvurirwa ku Bitaro bya Kibuye.

Uwari umurwaje akomeza avuga ko bateganya kumuherekeza bakamushyingura kuri iki Cyumweru tariki 28 Nyakanga cyangwa ku wa Mbere tariki 29 Nyakanga 2024.

Vava apfuye asize abana bato babiri b’abahungu aho umuto yiga mu wa kabiri w’amashuri abanza, mu Karere ka Nyamasheke aho babanaga na Nyirakuru.

Vava yamenyekanye cyane mu ndirimbo ‘Dore imbogo, dore impala, dore imvubu...’ yari yaratangaje ko yayihimbye bitewe n’uko akunda inyamaswa.

Ubwo yari mu kiganiro kuri KT Radio, yagize ati: “Mu busanzwe nkunda ibisimba njyewe, nzi ibiryana n’ibitaryana kandi nzi ko Impala nayegera ariko imbogo sinayegera”.

Dore Imbogo kandi yagiye agaragara kenshi ku mbuga nkoranyambaga, agaruka ku buhanzi bwe ndetse n’imibereho ye, akaba yagiraga ibiganiro byiganjemo ibisa n’urwenya.

Reba ikiganiro aherutse kugirana na MC Tino kuri KT Radio

Abayobozi batandukanye bitabiriye inama yiga ku ruhare rw’imikino mu kugera ku ntego z’iterambere rirambye

Ni inama yayobowe na Perezida w’u Bufaransa Emmanuel Macron, ari kumwe n’umuyobozi w’Ikigega cy’u Bufaransa gishinzwe Iterambere, Rémy Rioux.

Perezida w’u Bufaransa, Emmanuel Macron yasabye ko ibihugu byo ku Mugabane wa Amerika y’Epfo n’ibyo muri Afurika bifashwa mu guteza imbere ibikorwaremezo byakira ibikorwa binini by’imikino n’imyidagaduro, atanga urugero kuri Perezida Kagame wabishoboye.

Mu myaka itanu ishize, u Rwanda rwabashije kuzuza igikorwa remezo cy’indashyikirwa muri Afurika aricyo BK Arena, gikangura amahanga yose yifuza gutegura amarushanwa ndetse n’ibitaramo mu Rwanda.

Nyuma y’igihe gito kandi hafunguwe Stade Amahoro iri mu bibuga bya mbere muri Afurika no ku Isi bigezweho bishobora kwakira imikino ikomeye ndetse n’ibindi bikorwa binini cyane ko ishobora kujyamo abagera ku bihumbi 45.

Aha ni ho Perezida w’u Bufaransa, Emmanuel Macron yahereye atanga urugero kuri Perezida Kagame, avuga ko muri iyi myaka ishize yagiye abikoraho mu buryo bushimishije cyane ko bombi babashije kurebera hamwe umukino wa Basketball muri BK Arena.

Umukuru w’u Bufaransa yasabye umuryango mpuzamahanga gushyigikira no gutera inkunga ibihugu byakira amarushanwa atandukanye kugira ngo intego zemejwe zigerweho.

Perezida Paul Kagame na Madamu Jeannette Kagame bari mu Bufaransa aho bitabiriye ibirori byo gutangiza ku mugaragaro Imikino Olempike, biteganyijwe kubera ku Mugezi wa Seine kuri uyu wa Gatanu tariki 26 Nyakanga 2024.

Umuyobozi wa Never Again Rwanda, Dr. Joseph Nkurunziza Ryarasa, yagaragaje impamvu zituma abantu bagwa mu bishuko byo kwemera kwicuruza

Umuryango Never Again Rwanda, uvuga ko mu bushakashatsi bwakozwe bwagaragaje ko zimwe mu mpamvu abantu bamwe bemera gucuruzwa ikiza imbere ari ibibazo biterwa n’ababa bagiye gushaka akazi.

Ati: “Nshingiye ku bushakashatsi twakoze muri 2019 n’ubundi duteganya gukora dufatanyije na Minisiteri y’ubutabera (MINIJUST), ikiza imbere ni ibijyanye n’akazi. Leta ntako itagira kandi mu myaka 7 turimo gusoza, yari yariyemeje guhanga imirimo mishya miliyoni imwe n’ibihumbi magana atanu ariko Abanyarwanda turi benshi. Niho usanga bamwe babifitemo inyungu zindi babeshya bamwe batarabona amahirwe y’akazi, bityo bakabagira ibicuruzwa”.

Dr Nkurunziza akomeza agaragaza impamvu zituma abantu bacuruzwa. Ati: “Cyane cyane ku bana b’abakobwa bimwe wabyita nk’irari aho bamwe usanga bagiye gucuruzwa kubera ko batagiza amahirwe yo kugira uburere bwiza ngo bagire imico mizima bakisanga babigiyemo”.

Ibi yabitangaje ubwo yari mu kiganiro kuri RBA, cy’Ubutabera cyagarukaga ku ‘Kurwanya icuruzwa ry’abantu’, yahuriyemo n’Urwego rw’Igihugu rw’Ubugenzacyaha (RIB).

Dr Nkurunziza avuga ko kubera iterambere hirya no hino cyane cyane ku bana b’abakobwa bisanga mu irari, bakisanga bacurujwe abandi bakicuruza bakoresheje interineti, bakagurisha amafoto yabo bambaye ubusa, bashaka amaramuko.

Ati: "Kubera iterambere abantu baricuruza bakoresheje interineti, bakagurisha amafoto yabo bambaye ubusa, bashaka amaramuko”.

Umuyobozi wa Never Again Rwanda, Dr. Joseph Nkurunziza Ryarasa, yavuze ko hari abantu bemera kujya gucuruzwa kandi bazi neza ububi bw’amahitamo bakoze.

Urwego rw’Igihugu rw’Ubugenzacyaha (RIB) rwatangaje ko ibyaha by’icuruzwa ry’abantu bigihari kandi hari Abanyarwanda batari bake babikorerwa kuko guhera mu 2019-2024 abagera 297 ari bo bakorewe icyo cyaha.

Perezida Kagame na Madamu Jeannette bari mu ruzinduko mu Bufaransa

Perezida Kagame na Madamu Jeannette bageze i Paris aho bagiye kwitabiri ibirori byo gutangiza Imikino Olempike bizabera i Paris kuwa Gatanu, tariki ya 26 Nyakanga 2024.

Umukuru w’Igihugu akigera muri iki Gihugu, bimwe mu bikorwa yitabiriye birimo inama igamije iterambere rirambye muri siporo i Louvre, yabaye kuri uyu wa Kane, tariki ya 25 Nyakanga 2024.

Ni inama yateguwe na Perezidansi y’u Bufaransa na Komite Olempike Mpuzamahanga ku bufatanye n’Ikigo cy’Abafaransa gishinzwe Iterambere (AFD).

Iyi nama yahuje Abakuru b’ibihugu na za Guverioma, abayobozi b’ibigo mpuzamahanga, Abakinnyi, abahagarariye imiryango ya siporo n’abafatanyabikorwa mu iterambere.

Ku wa Gatanu tariki 26 Nyakanga 2024, biteganyijwe ko Perezida Kagame na Madamu Jeannette Kagame bazakirwa na Perezida w’u Bufaransa, Emmanuel Macron, mbere y’ibirori byo gutangiza Imikino Olempike ku mugaragaro.

Imikino Olempike ya Paris iteganyijwe kuva tariki ya 26 Nyakanga kugeza ku ya 11 Kanama 2024, ni iya 33 yo mu mpeshyi igiye kuba kuva habaye iya mbere yabereye i Athènes mu Bugereki mu 1896.

U Rwanda rwitabiriye iyi Mikino bwa mbere mu 1984 ubwo yari yabereye i Los Angeles, rwohereza abakinnyi batatu mu gusiganwa ku maguru.

Kuva icyo gihe ntirwongeye kuyiburamo ndetse umubare urazamuka aho mu 1992 i Barcelone, hitabiriye abakinnyi 10. Iheruka mu 2021 (Tokyo 2020) hariyo Abanyarwanda batanu.

Kuri iyi nshuro, U Rwanda ni kimwe mu bihugu bizitabira Imikino Olempike ya Paris aho ruzahagararirwa n’abakinnyi umunani mu mukino w’amagare, koga, gusiganwa ku maguru no kurwanisha inkota.

Mukandanga Clémentine uzakina ‘Marathon’ y’ibilometero 42, ni umwe mu bakinnyi babiri basiganwa ku maguru bazitabira iyi Mikino. Undi ni Nimubona Yves uzasiganwa ibilometero 10.

Abakinnyi batatu bakina umukino w’amagare ni Manizabayo Eric ‘Karadiyo’ uzasiganwa mu muhanda (Road Race), Ingabire Diane uzakina muri iki cyiciro mu bagore, akongeraho no gusiganwa n’igihe buri wese ku giti cye (Road Race & ITT) na Mwamikazi Jazilla uzasiganwa ku magare mu misozi (Mountain Bike).

Abakina umukino wo koga ni Oscar Mitilla Cyusa uzarushanwa metero 100 mu koga bunyugunyugu na Umuhoza Uwase Lidwine uzakina metero 50 mu gukura umusomyo.

Uwihoreye Tufaha azarushanwa mu mukino wo kurwanisha inkota.

Uretse abitabiriye iyi mikino Olempike, mu Bufaransa harimo Umunyarwanda Mukundiyukuri Jean de Dieu azasifura amarushanwa ya Beach Volleyball mu Mikino Olempike aho azaba yanditse amateka ya mbere ku kuba umwirabura wa mbere azaba asifuye iki cyiciro.

Abanyamakuru bari guhabwa ubumenyi buzabafasha kugeza ku Banyarwanda amakuru yizewe ku buzima bw’imyororokere

Bamwe mu banyamakuru bitabiriye aya mahugurwa baganiriye na Kigali Today, bagaragaza ko hari ubumenyi bakuramo kuko kwiga ari uguhozaho bityo bakizera ko bazatanga ubutumwa ku babakurikira mu bitangazamakuru byabo.

Umwe muri bo ukora uyu mwuga mu buryo bw’igenga, Kwigira Issa, asanga abanyamakuru mbere na mbere ubwabo bakeneye ubumenyi buhagije kugira ngo babone icyo basangiza ababakurikira.

Ati: “Gusobanukirwa ubuzima bw’imyororokere ku banyamakuru kugeza ubu nanjye ndimo biragereranyije. Iyo usomye inkuru umuntu yanditse ubonako harimo icyuho cy’ubumenyi budahagije ku buzima bw’imyororokere, iyimijwe n’ikaramu ntabwo iramburura, iyo wongereye ubumenyi rero bigira icyo batanga, ariyo mpamvu nshimangira ko mu gihe runaka umusaruro wabyo uzagaragara haba mu nkuru dukora bijyanye no gusangiza ubumenyi muri bagenzi bacu ndetse n’abadukurikira”.

Yvette, umunyamakuru wa Pacis TV, ahamya ko bahawe ubumenyi babukeneye kandi ko bizatanga umusaruro kuri sosiyete Nyarwanda.

Ati: “Sinamenya umubare nyawo w’abanyamakuru basobanukiwe neza ubuzima bw’imyororokere kuko twasanze harimo byinshi, ariko kwiga ni uguhozaho, ubu buzima abantu bakwiye kumenya amakuru akwiye kandi ahagije kugira ngo ubashe gutanga ibyo ufite. Gusa nanone twize byinshi bishya usanga tudafitiye amakuru ahagije, bityo rero twifuza ko mu gihe abantu cyangwa inzego runaka ziteguye inyigisho nk’izi, bajya bazana inzobere muri ibi kuburyo batwerekera tukabireba n’amaso kuko ahanini usanga buri munsi hari udushya tujyanye n’ikoranabuhanga, iyo wandika inkuru y’ibyo wiboneye yumvikana kurushaho kuko uba uvuga ibyo uzi ndetse wa muturage wo hasi ukabivuga umwereka n’ingero. Abanyarwanda muri rusange dukeneye amakuru ahagije ku buzima bw’imyororokere, nk’abanyamakuru ibi duhawe tuzabibyaza umusaruro”.

Sengoga Christopher, ushinzwe ishami ry’uburenganzira n’ubuvugizi muri HDI avuga ko nubwo nta bushakashatsi bwakozwe ariko usanga Abanyarwanda benshi batarasobanukirwa ubuzima bw’imyororokere byumwihariko ku bangavu n’ingimbi aho batari bakwiye kuba bajya kwivuza batajyanye n’ababyeyi, ibituma imibare y’abangavu babyara igenda izamuka buri mwaka.

Sengoga wa HDI yagize ati: “Iyo ubajije abana nyirizina amakuru ku buzima bw’imyororokere usanga ntayo bazi, wabaza aho bayakura bakakubwira ko bayakura ku ishuri, wabaza ababyeyi na bo bakakubwira ko badasobanukiwe niba ayo bazi ari impamo ku buryo bayasangiza abana babo, ugasanga ni ikibazo. Rero abanyamakuru batandukanye bakorera ku miyoboro itandukanye, bamenye amakuru bagafatanya n’inzego bireba harimo abayobozi, abaganga, ababyeyi, ingimbi n’abangavu byatuma umuryango Nyarwanda ufata icyemezo ariko by’umwihariko bizeye amakuru ahagije ku byo bahisemo”.

Sengoga avuga ko mu bushakashatsi bwakozwe n’umuryango HAGURUKA, Empower Rwanda, CLADHO mu Turere dutandukanye bugaragaza ko abafite amakuru ahagije y’ukuri ku buzima bw’imyororokere n’uburenganzira bwabo imibare ikiri hasi cyane.

Amakuru yo kwemerera abangavu kuboneza urubyaro no kumenya byimbitse ubuzima bw’imyororokere ntibivugwaho rumwe, cyane ko hari bamwe mu babyeyi bavuga ko kwemerera abana kuboneza urubyaro bitandukanye n’indangagaciro ndetse n’umuco w’Abanyarwanda, mu gihe hari abandi basanga bikwiye kuko ibihe byahindutse.

Hari abavuga ko abana basigaye bakora imibonano mpuzabitsina ku buryo kuba baboneza urubyaro ntacyo bitwaye, gusa abandi bakavuga ko bidakwiye kuko umwana adakeneye kuboneza urubyaro kandi ntarwo aragira.

Minisitiri w’Urubyiruko n’Iterambere ry’Ubuhanzi, Dr Jean Nepo Abdallah Utumatwishima yatangaje ko igihe kigeze ngo urubyiruko kuva ku myaka 15 bahabwe amahirwe yo kuboneza urubyaro nk’imwe mu ngamba zo guhangana n’inda zitateganyijwe ziterwa abangavu.

Imibare yagiye itangazwa n’inzego zitandukanye igaragaza ko mu bangavu baterwa inda zitateganyijwe, abafite imyaka iri hagati ya 15 na 18 ari 92%.

Imibare itangwa na Minisiteri y’Uburinganire n’Iterambere ry’Umuryango (MIGEPROF) igaragaza ko abana babyaye bataruzuza imyaka 19, muri 2018 ari 19,832, muri 2019 ni 23,628, naho muri 2020 ni 19,701.

Abakobwa bari hagati y’imyaka 15-19 bahawe serivisi zo kuboneza urubyaro, muri 2018 ni 27,357 naho muri 2019 ni 23,916.

Perezida Kagame yahamagaye umuryango we awushimira uruhare bagira mu kumuba hafi. Ati: “Muvuga ko tubabera akabando, nanjye bambera akabando. Hari Ange wanjye n’umugabo we Bertrand, Ian, Yvan ndetse n’umukuru wundi w’urugo ndetse n’inshuti z’abana bacu, bakorana zikabatera imbaraga, ndetse zikabakomeza”.

Umukuru wundi w’urugo Perezida Kagame yavugaga ni Madamu Jeannette Kagame, wagiye agaragara ahantu hose Umukuru w’Igihugu yajyaga kwiyamamariza.

Perezida Kagame yashimiye kandi umuryango wa FPR Inkotanyi. Ati: “Ndashimira umuryango wundi wa FPR, harimo Vice Chairman, Secretary General, na Commisioners”.Commisioners ba RPF Ndabashimiye cyane, kuko RPF iri icyo iri cyo kubera mwebwe, ibikorwa byose ikora mubigiramo uruhare ndabashimiye”.

Perezida Kagame yashimiye muri rusange abantu bose bitabiriye, baba abikorera kuko bagize uruhare runini na bo mu gutuma ibikorwa byo kwiyamamaza bigenda neza kuva mu ntangiriro tariki 22 Kamena kugeza tariki 13 Nyakanga 2024, ubwo hakurikiragaho amatora ku itariki 14-15-16 Nyakanga 2024, aho mu majwi amaze gutangazwa y’agateganyo yerekana ko umukandida watanzwe n’Umuryango wa FPR Inkotanyi ari we watsinze amatora y’Umukuru w’Igihugu.

Muri ibi birori byabereye muri Kigali Convetion Centre, hari abahanzi batandukanye baherekeje umukandida wa FPR Inkotanyi mu bikorwa bye byo kwiyamamaza.

Abo bahanzi barimo Butera Knowless, Danny Vumbi, Senderi Hit, Riderman, Dr Claude, Bruce Melody, Tom Close, Intore Tuyisenge, n’abandi.

Reba ibindi muri iyi Video:

Bifuza ko umuhanda Nyange-Gatumba ukorwa vuba ukabakemurira ibibazo birimo n’ubujura buwukorerwamo

Bamwe mu baturage baganiriye na Kigali Today, bagaragaje ko ikibazo cy’umutekano muke kibahangayikishijwe bitewe no kuba umuhanda Nyange-Gatumba, udakoze bigatuma batinya kuwunyuramo bwije kugira ngo batagirirwa nabi.

Umwe muri bo utashatse gutangaza amazina ye, wo mu Kagali ka Bijyojyo, agaragaza ko ubuyobozi bukwiye kugira icyo bukora ku rugomo rurangwa muri uwo muhanda kugira ngo bajye bagenda nta nkomyi.

Ati: “Icyo dusaba ubuyobozi ni ugukaza umutekano bakahazana irondo ry’umwuga cyangwa ikigo cya Gisirikare wenda bajya babatinya kuko ikigo kiri hano hafi, kiba mu Karere ka Muhanga. Abashinzwe umutekano babaye hafi, byaba byiza bakajya bakumira urugomo rwabo ndetse bakabiryozwa”.

Akomeza avuga ko hari umuturanyi wabo w’umukobwa wari ufite ubukwe mu minsi yashize, ibyo bisambo byambuye. Ati: “Aha hari umukobwa ava i Nyange kugura amajyambere agera kuri Secoko bwije, ahakubitanira n’insoresore ziramwambura ariko aratabaza bamutabara zamaze kumwambura zihita ziruka ndetse zasize zimukomerekeje”.

Mukantwari Xavera wo mu Kagari ka Bitabajye avuga ko umutekano w’umuhanda wa Nyange-Gatumba ari mubi, kuko kuwugenda nijoro bishyira ubuzima bw’abantu mu kaga.

Ati: “Uyu muhanda ni mubi, iyo ugeze ahitwa ku rutindo rwa Secoko, hari ubwo uhasanga ibirara bikakwambura ndetse bikaba byakwica. Biteye ubwoba kuko ntawe batinya, kuko iyo saa kumi n’ebyiri n’igice zigeze utaragera iwawe ujya gucumbika kuko n’abagabo babagirira nabi”.

Uyu mubyeyi akomeza agaragaza ko ibi bituma badatekana. Ati: “Kera twatumaga abana hakurya y’uruzi rwa Nyabarongo muri Muhanga ku bavandimwe bacu, ariko ubu nti watinyuka kuko tuba dutekereza ko bahurira munzira bakaba babagirira nabi”.

Mukantwari w’imyaka 55, akomeza agaragaza ko ingendo z’aha zose zikorwa ku manywa kubera impungenge baba bafite, bagasaba ko umuhanda wakorwa vuba, ukajya unyuramo ibinyabiziga bityo bigabanye urwo rugomo.

Ubuyobozi bwizeza abaturage ko uyu muhanda Nyange-Gatumba watangiye gukorwa kandi uzuzura vuba

Ati: “Dusanga uru rugomo rukururwa no kuba aha hari umuhanda mubi kuko urabibona, iyi Nyabarongo ikikije uyu muhanda wa Nyange-Gatumba, rero ukozwe ukanyuramo ibinyabiziga byinshi twajya dutega imodoka ikakugeza hafi y’aho utaha, mu gihe ubu Moto iduca amafaranga 2500, ku muturage ni menshi bigatuma tuhagenda n’amaguru kandi ni kure uva i Nyange ukagera muri Ndaro bwije, niyo mpamvu ubuyobozi bukwiye kwiga kuri iki kibazo mu buryo bwagutse”.

Ubuyobozi bw’Akarere ka Ngororero, buvuga ko nta muturage ukwiye kugira impungenge kuko u Rwanda ari Igihugu gifite umutekano, ndetse n’umuhanda watangiye gukorwa ariko ko mu gihe bagize impungenge bakwiye kumenyesha ubuyobozi bakarushaho kubafasha gutekana.

Ibi ni ibyatangajwe n’Umuyobozi w’Akarere wungirije ushinzwe iterambere ry’ubukungu, Uwihoreye Patrick mu kiganiro yagiranye na Kigali Today. Ati: “Namara impungenge abaturage ko umutekano wabo wizewe kuko mu Gihugu hose haratekanye, bakamenya ko ubundi abasirikare barinda umutekano ahantu hadasanzwe harimo ku imbibi z’imipaka. Ndabizeza ko umutekano wabo uhari, naho baba bakeka ko bikanga badusangize amakuru natwe turebe aho bafite impungenge bityo tunoze umutekano kugira ngo umuturage ahanyure atekanye”.

Uwihoreye yakomeje agira ati: “Uyu muhanda watangiye gukorwa kandi neza bihangane ugiye kurangira, kuko uyu muhanda ntabwo urimo gusanwa ahubwo uri gukorwa”.

Umuhanda Nyange-Gatumba uhuza Imirenge itandukanye irimo Nyange na Ndaro y’aka Karere ukaba witezweho koroshya ingendo, kwagura ubuhahirane, koroshya uburyo bw’ubuvuzi kuko ibitaro by’Akarere aho Umurenge wa Nyange wohereza abarwayi ni ku Muhororo bikaba byajyaga bibavuna kujya kuzenguruka mu Karere ka Muhanga.

Uyu muhanda uzuzura ufite ibilometero 48 ukaba witezweho kuzagabanya igihe abantu bamaraga mu nzira bajya gushaka inzira nziza berekeza ku Karere ka Ngororero gushakayo serivise kuko banyura muri Muhanga.

Joe Biden yahagaritse ibyo guhatanira indi manda

Ni icyemezo atangaje mu gihe habura amezi ane ngo Abanyamerika bitabire amatora y’Umukuru w’Igihugu ateganyijwe muri uyu mwaka wa 2024.

Mu itangazo ryashyizwe hanze, kuri uyu wa 21 Nyakanga 2024, Perezida Biden yagaragaje ko mu myaka amaze ayobora Amerika hari byinshi byakozwe, ati: “Mu myaka itatu n’igice ishize, twateye imbere cyane nk’igihugu. Muri iki gihe, Amerika ifite ubukungu bukomeye ku isi. Twashoye amateka mu kubaka Igihugu cyacu, mu kugabanya ibiciro by’ibiyobyabwenge byafatwaga n’abageze mu zabukuru, no kwagura ubuvuzi buhendutse ku mubare w’Abanyamerika. twashyizeho Umugore wa mbere wumwirabura w’Umunyamerika mu rukiko rw’ikirenga. Nta na rimwe Amerika yigeze ihagarara neza mu kuyobora kurenza uko bimeze muri iki gihe”.

Biden uyobora Amerika yakomeje agira ati: “byari ibyagaciro mu buzima bwanjye kubakorera nka Perezida w’Amerika, nubwo mu intego nari mfite kwari ukuyobora nanone iki gihugu, ndizera ko ibi nkoze biri mu nyungu z’ishyaka ryanjye ndetse n’Igihugu, kuri njye guhaguruka nkita ku inshingano zanjye nka Perezida mu gihe nsigaje ku buyobozi, kandi abaturage b’Amerika muri iki cyumweru nzagira icyo mbabwira mu buryo bwimbitse kuri iki cyemezo nafashe”.

Icyemezo cya Perezida Joe Biden kigiye ahagaragara nyuma y’uko abayobozi batandukanye muri Amerika bari bamaze iminsi bamugira inama ko akwiye kuva mu bikorwa byo kongera kwiyamamariza kuyobora iki gihugu.

Aba barimo Perezida w’Inteko Ishinga Amategeko ya Leta Zunze Ubumwe za Amerika, Mike Johnson, yasabye ko Joe Biden akurwa ku mwanya wo kuyobora iki gihugu, kubera izabukuru.

Mike Johnson usanzwe ubarizwa mu ishyaka ry’aba-républicains, yavuze ko Joe Biden, yagaragaje intege nke ubwo yari mu kiganiro mpaka aherutse guhuriramo na Donald Trump wigeze kuyobora Amerika ari na we yasimbuye muri uyu mwanya.

Muri iki kiganiro Joe Biden yagaragaje guhuzagurika haba mu mvugo no mu bitekerezo, ibyatumye benshi bimeza ko ari ingaruka z’izabukuru.

Mike Johnson yavuze ko nawe iyo aza kuba ari umu-démocrates, yari guterwa impungenge n’imyitwarire ya Joe Biden.

Hari kandi Aba-Démocrates 35 bari mu Nteko Ishinga Amategeko ya Leta Zunze Ubumwe za Amerika basabye Perezida Joe Biden guhara kandidatire ye mu matora y’Umukuru w’Igihugu, agasimburwa na Visi Perezida Kamala Harris.

Muri aba bayoboke b’ishyaka riri ku butegetsi harimo abagera kuri 13 bafashe icyemezo cyo gusaba Perezida Biden kuva muri iri hatana ku wa 19 Nyakanga 2024, biganjemo aba hafi ya Nancy Pelosi wabaye Perezida w’Inteko.

Abasenateri bane bo muri iri shyaka ni bo bamaze gusaba Perezida kuva muri iri hatana, aribo Sherrod Brown ushaka kongera guhagararira Leta ya Ohio mu Nteko, Peter Welch wo muri Vermont, Martin Heinrich wo muri New Mexico na John Tester wo muri Montana.

Senateri Brown yagize ati: “Ndemeranya n’abo muri Ohio benshi bangejejeho ibitekerezo. Muri ibi bihe bikomeye, dukwiye kwibanda kuri ibi bibazo bikomeye. Ntekereza ko Perezida akwiye guhagarika ihatana”.

Abavuga rikumvikana mu ishyaka ry’Aba-Démocrates basabye Perezida Biden kwikura mu ihatana nyuma y’aho Donald Trump amutsindiye mu kiganiro mpaka cyabereye kuri televiziyo CNN tariki ya 28 Kamena 2024.

Ntakirutimana Theoneste uvuga ko yakorewe ibikorwa by’akato mu kazi kubera uburwayi bwo mu mutwe yagize

Ntakirutimana Theoneste wigishaga isomo rya Biology na Chemistry mu GS Nyakiriba yahagaritswe mu kazi mu mwaka wa 2020.

Ntakirutimana asobanura ko yamaze imyaka myinshi yigisha abana kandi batsinda neza ndetse bakabikora igihe yari yagize uburwayi. Ati: “Natangiye kwigisha mu mwaka wa 2008, mpagarikwa muri 2020 nyuma yo kugira uburwanyi mara ibyumweru bibiri ntaza kwigisha. Icyo gihe ndwaye umuntu dukorana yabitse imashini nakoreshaga aho ngarukiye mu kazi bambwira ko yabuze bampagarika bavuga ko naburishije imashini y’akazi kuko uwo mugenzi wanjye yavugaga ko ntayo namuhaye ariko nyuma aza kuyitanga baramaze kumpagarika. Rero icyo si cyo cyatumye mpagarikwa kuko bajyaga bavuga ko ntashoboye kwigisha kubera uburwayi bwo mu mutwe icyo gihe bahita babyuririraho”.

Ntakirutimana avuga ko muri iyo myaka yamaze yigisha nta narimwe yari yarigeze afatwa n’uburwayi igihe kirekire, ku buryo yari bwirukanwe muri ubwo buryo.

Avuga ko bibabaje kuko atakibashije gutunga umuryango we kandi akaba atarasobanukiwe aho yarega ngo uburenganzira bwe bwubahirizwe.

Ati: “Hari mu bihe by’icyorezo Covid 19 narareze ngera ku rwego rw’Akarere bakomezaga bambwira ko ikibazo mfite ari uburwayi bwo mu mutwe ko ndamutse nsubiye kwigisha nahohotera abanyeshuri. Ntabwo narinzi ahandi narega naratuje nyine ndabyihorera”.

Ntakirutimana Atanga ubutumwa kuri sosiyete Nyarwanda ko iyo umuntu agize uburwayi bwo mu mutwe agafata imiti neza, biba bishoboka cyane ko yakoroherwa cyangwa agakira burundu akaba yasubira mu nshingano ze.

Ati: “Iyo umuntu akurikiranywe neza agahabwa imiti yakira neza cyangwa akoroherwa. Abantu bakwiye gufata abantu bagize uburwayi bwo mu mutwe nk’abandi, kugira ngo mu gihe boroherwe cyangwa bakize babashe gusubira mu buzima busanzwe nk’abandi kandi bakagaragaza umuhate w’ibyo bashoboye gukora”.

Ni mugihe Komisiyo y’Igihugu ishinzwe abakozi ba Leta ivuga ko ahanini kuba batagana inzego zibishinzwe ngo zibafashe biterwa no kuba badasobanukiwe amategeko abarengera bityo, ikabasaba kujya bihutira kumenyesha uru rwego n’abandi babafasha.

Niyigena Olive, ushinzwe imicungire y’abakozi n’iyubahirizwa ry’amategeko mu nzego za Leta muri Komisiyo y’Igihugu ishinzwe abakozi ba Leta.

Niyitegeka Olive, umukozi mu ishami rishinzwe imicungire y’abakozi n’iyubahirizwa ry’amategeko mu nzego za Leta, muri Komisiyo y’Igihugu ishinzwe abakozi ba Leta yagaragaje ko izo mbogamizi abakozi bahura nazo bakwiye kujya bazimenyesha uru rwego kugira ngo rubikurikirane.

Niyitegeka avuga ko itegeko riteganya ikiruhuko cy’uburwayi muri rusange, aho umuntu urwaye ashobora guhabwa n’umukoresha we ikiruhuko kigufi cyangwa kirekire ashingiye mpamvu zemejwe na muganga.

Akomeza agira ati: “mu gihe umuntu ahagaritswe bitewe n’urwego akoramo, hari uburyo ajurira Komisiyo y’Igihugu ishinzwe abakozi ba Leta, aho muri sitati rusange ingenga abakozi ba Leta na sitati yihariye igenga abarimu, umukozi ajurira Komisiyo ku rwego rwa nyuma. Iyo bitugezeho dusesengura dosiye ye twasanga hari ibitarubahirijwe tugasaba umukoresha kubyubahiriza”.

Niyitegeka avuga ko hari ikibazo cy’abagira uburwayi bwo mu mutwe ntibajye kwa muganga. Ati: “Akenshi ntibaba bagaragaza ko bafite uburwayi runaka, ugasanga yarwaye ariko ntagaragaze ibyangombwa bya muganga ahubwo akagaruka nyuma y’igihe runaka akumva ko yahohotewe, ariko akaba atagaragaza icyo yashingiraho arenganurwa ariko iyo bigaragara ko umukozi yafatiwe icyemezo cyo kwirukanwa ariko bikagaragara ko yaba afite uburwayi bwo mu mutwe, icyo gihe dusaba umukoresha kumuvuza yaba atagifite ubushobozi bitewe n’inyandiko ya muganga akaba aribwo ahagarikwa ariko agahabwa ibyo yemererwa n’amategeko byose nk’umukozi wa leta”.

Niyitegeka ukora muri Komisiyo y’Igihugu ishinzwe abakozi ba Leta, avuga ko hari igihe cyateganyijwe cyo kujurira kuko hari ubwo watinda ugasanga wararengeje ibihe biteganywa n’itegeko, ati "Iyo twakiriye ubujurire bwawe tugusubiza ko utubahirije ibihe hanyuma ukaba ushobora gutanga ikirego mu rukiko akaba ari rwo ruzafata umwanzuro ku cyemezo wafatiwe n’umukoresha wawe".

Sititi rusange igenga abakozi ba leta yo ku wa 08/10/2020, Ingingo ya 29 ivuga ko ikiruhuko kigufi cy’uburwayi, umuyobozi wo ku rwego rwa mbere aha umukozi wa Leta ikiruhuko kigufi cy’uburwayi kitarengeje ukwezi kumwe (1) kubera impamvu z’uburwayi zemejwe na muganga wemewe na Leta.

Naho ingingo ya 30 y’iryo tegeko ikavuga ko ikiruhuko kirekire cy’uburwayi umuyobozi w’urwego aha umukozi wa Leta ikiruhuko kirengeje ukwezi kumwe (1) ariko kitarenze amezi atandatu (6), ashingiye ku mwanzuro w’akanama k’abaganga nibura batatu (3) gasesengura raporo ya muganga wamuvuye igaragaza ko uwo mukozi adashoboye gukora.

Inzego zitandukanye zirasabwa ubufatanye ku kibazo cy’abantu bafite uburwayi bwo mu mutwe bakigaragara ku mihanda

Zimwe muri izi nzego zari zitabiriye, zirimo Minisiteri y’Ubutegetsi bw’Igihugu, Polisi y’Igihugu, Minisiteri y’Ubutabera, Minisiteri y’Ubuzima, Inama y’Igihugu y’Abantu bafite Ubumuga (NCPD), NUDOR n’izindi.

Umutesi Rose, umuyobozi wa NOUSPR Ubumuntu hari ibyo asaba inzego zishinzwe umutekano by’umwiharimo Polisi ndetse n’inzego zitandukanye gufatanya kugira ngo ibibazo bikemuke.

Ati: “Iyi nama twayitumije tugamije kwerekana ko hakiri imbogamizi zigaragara ku bantu bafite uburwayi bwo mu mutwe, hagamijwe guhwitura inzego zibishinzwe gukora akazi kazo ariko zikibanda no kuburenganzira bw’abantu bafite ubumuga nk’undi Munyarwanda wese”.

Bimwe mu bibazo byagaragarijwe Polisi, ni ukuba rimwe na rimwe hari abantu bagira uburwayi bagatakaza ibyangombwa bibaranga, bitewe n’uburwayi bagize bakaba bajya ku mihanda, bikavugwa ko bafungwa na Polisi ndetse bakamara igihe barababuze mu miryango yabo kandi nyamara uburenganzira bw’umurwayi bukwiye kwitabwaho nk’undi Munyarwanda wese.

Mu kiganiro Kigali Today n’umuvugizi wa Polisi y’u Rwanda, ACP Boniface Rutikanga yagize ati: “Ntabwo Polisi ijya ifunga abarwayi bo mutwe. Iyo bafashwe bajyanwa mu bigo bivura indwara zo mutwe kigirango bitabweho. Uburwayi bwo mu mutwe bufata mu buryo butandukanye. Hari abafatwa barwana cyangwa bamenagura ibyo babonye byose, nabo ntabwo tubafunga barafatwa bagashyikirizwa abaganga bafite ububasha bwo kubitaho”.

ACP Rutikanga akomeza asaba abaturage kujya batanga amakuru mu gihe babuze umuntu. Ati: “Kimwe n’undi umuntu, ufite uburwayi bwo mu mutwe iyo abuze abo mu muryango we cyangwa n’undi wese ashobora gutanga amakuru yibura rye kuri Polisi na RIB bigafatanya ku mushakisha aho yaba aherereye”.

Ingingo ya 42 y’Itegeko N0 026/2023 ryo kuwa 17/05/2023 rigenga Polisi y’u Rwanda ivuga ko: “Polisi y’u Rwanda ifata umuntu ubangamiye umutekano, ikamushyikiriza urwego rubifitiye ububasha, hakurikijwe amategeko abigenga”.

Muri iyi nama hagaragajwe amashusho yatambutse ku mbuga nkoranyambaga, y’umusore wavugaga ko yakoreye Polisi y’u Rwanda kuva mu mwaka wa 2010 kugeza 2023 ahagaritswe mu buryo budasobanutse agatekereza ko byatewe n’ubwo burwayi bivugwa ko yagize.

ACP Rutikanga, akomeza avuga ko naho ku mu Polisi byagaragaye afite uburwayi bwo mu mutwe byemejwe n’abaganga babifitiye ububasha kandi bakagaragaza ko atazakira icyo gihe aba atacyujuje ibisabwa kugirango akore umwuga wa gipolisi.

Amwe mu mategeko agenga Polisi kandi kubirebana no kwakira abinjira muri uyu mwuga bisaba kwerekana ibyangombwa bitangwa n’inzobere z’ubuzima eshatu, ko ubisaba adafite uburwayi na bumwe hagamijwe kurengera imiterere y’akazi aba agiye kwinjiramo.

Amb. Mukantabana na Keisha Effiom baganiriye ku bikorwa bya USAID mu Rwanda

Abayobozi bombi baganiriye ku byo USAID ishyize imbere n’aho impande zombi zakomeza gufatanya. Ni ibiganiro byabaye kuwa Gatanu tariki 19 Nyakanga 2024.

Ibi biganiro bibaye nyuma y’umunsi umwe gusa, Keisha Effiom, arahiriye kuba umuyobozi wa USAID mu Rwanda no mu Burundi.

U Rwanda na USAID bisanzwe bifatanya mu bikorwa bitandukanye bigamije iterambere n’imibereho myiza y’Abanyarwanda aho nko mu mwaka ushize, Banki ya Kigali yagiranye amasezerano y’ubufatanye n’Umushinga witwa Hinga Wunguke w’Ikigo cy’Abanyamerika gishinzwe Iterambere (USAID), hagamijwe gutanga igishoro n’ubumenyi ku bahinzi n’abongerera agaciro umusaruro.

Amb. Mukantabana yakiriye umuyobizi mushya wa USAID mu Rwanda

Iki kigo kandi gitanga inkunga mu bijyanye n’Ubuzima ku baturage b’u Rwanda aho nko mu mwaka ushize wa 2023, USAID yongereye igihe cyo gutera inkunga gahunda zo guteza imbere ubuzima mu gihugu, zari zaratangiye mu 2020 zigomba kurangirana na Kamena 2023.

Ni inkunga ingana na Miliyoni 25 z’Amadorali zigomba kongerwa muri gahunda ya ‘Rwanda Integrated Health Systems Activity’ (RIHSA), igamije kuzamura ireme rya serivisi z’ubuzima zitangwa.

U Rwanda rwashyikirije Zambiya toni 1000 z’ibigori

Ambasaderi w’u Rwanda muri Zambiya, Emmanuel Bugingo ni we washyikirije Visi Perezida wa Zambiya, Mutale Nalumango iyi nkunga.

U Rwanda na Zambiya bifitanye amasezerano y’ubufatanye mu nzego zitandukanye, zirimo ishoramari, ubumenyi n’ikoranabuhanga, ndetse n’amasezerano hagati y’abikorera ku mpande zombi.

Ibihugu byombi bisanzwe kandi bifitanye amasezerano y’imikoranire ku bijyanye n’abinjira n’abasohoka, ayo mu rwego rw’ubuzima, guteza imbere ishoramari hagati y’Ikigo gishinzwe iterambere muri Zambiya (ZDA) n’Ikigo gishinzwe Iterambere mu Rwanda (RDB), ubufatanye mu bijyanye n’ubuhinzi, mu bijyanye n’uburobyi no guteza imbere ubworozi n’ubufatanye mu bucuruzi n’ishoramari.

Ambasaderi w’u Rwanda muri Zambiya, Emmanuel Bugingo niwe washyikirije iyi nkunga y’ibigori

Umubano mwiza kandi washimangiwe n’urugendo rw’Umukuru w’igihugu cya Zambiya, Hakainde Hichilema, aho muri Kamena 2023 yagiriye uruzinduko rw’iminsi 2 mu Rwanda, rwari rugamije gushimangira umubano mwiza n’ubutwererane hagati y’ibihugu byombi.

Muri Afurika hari ibihugu bimwe bikomeje kwibasirwa n’amapfa, kuburyo bigira ingaruka ku baturage babyo.

Igikorwa nk’iki cy’ubugiraneza giherutse kuba mu minsi irindwi ishize, aho u Rwanda rwiyemeje guha Zimbabwe inkunga ya toni 1000 z’ibigori zo gufasha iki gihugu kiyobowe na Emmerson Mnangagwa guhangana n’ibibazo by’amapfa bicyugarije, byatewe n’ibiza.

Zambia yishimye inkunga y’ibigori yagenewe n’u Rwanda nyuma y’amapfa yayugarije

Ni Nyuma y’aho Perezida Mnangagwa aherutse gutangaza ko umusaruro w’ubuhinzi wa 2023/2024 utabaye mwiza bijyanye n’izuba ryavuye cyane rikica imyaka, bituma ababarirwa muri miliyoni zirindwi bashobora guhura n’inzara.

Amakuru ajyanye n’iyi nkunga yatangajwe na Minisitiri w’Ububanyi n’Amahanga n’Ubucuruzi Mpuzamahanga wa Zimbabwe, Frederick Shava, ubwo yari mu birori byo kwizihiza isabukuru y’imyaka 30 u Rwanda rumaze rwibohoye, byari byateguwe n’Abanyarwanda baba muri Zimbabwe.

Icyo gihe Minisitiri Shava yashimiye ubugiraneza bwa Perezida Kagame, Guverinoma y’u Rwanda n’Abanyarwanda muri rusange ku bw’icyo gikorwa cyo gushyigikirana.

Minisitiri w’Ububanyi n’Amahanga n’Ubucuruzi Mpuzamahanga wa Zimbabwe, Frederick Shava aherutse gushimira u Rwanda inkunga rwageneye Igihugu cye

Ati: “Iki gikorwa cy’ubugiraneza u Rwanda rwakoze ni uburyo bwo kumva neza ubusabe bwa Perezida Mnangagwa, ku bibazo by’amapfa byatewe n’ibiza bya El Nino byabaye hagati ya 2023 na 2024”.

Uyu muyobozi yavuze ko Zimbabwe itazigera yibagirwa na rimwe icyo gikorwa gitangaje cyakozwe n’abavandimwe b’Abanyarwanda.

Umunyamabanga Uhoraho muri Minisiteri MINAFFET, Clementine Mukeka yitabiriye ibirori by’umunsi w’Ubwigenge bwa Misiri

Umunyamabanga Uhoraho muri Misiteri y’Ububanyi n’Amahanga n’Ubutwererane y’u Rwanda, Clementine Mukeka witabiriye ibi birori byabereye kuri Ambasade ya Misiri mu Rwanda, yagaragaje ko ibihugu byombi bifitanye umubano ushingiye ku bucuti n’imikoranire byihariye.

U Rwanda na Misiri bisanzwe bifitanye amasezerano y’ubufatanye mu nzego zinyuranye zirimo ikoranabuhanga n’itumanaho, ibijyanye n’inzu ndangamurage, urubyiruko, siporo, guhugura Abadipolomate, mu bijyanye na tekiniki, iterambere ry’inganda n’ubucuruzi, ubuhinzi, uburezi n’ubuzima.

Mu 2017, Perezida Abdel Fatah Al Sissi ygiriye uruzinduko mu Rwanda, rwari rugamije gutsura umubano w’ibihugu byombi.

Ibihugu byombi kandi byafunguye za Ambasade, ubu u Rwanda ruhagarariwe na Ambasaderi CG Dan Munyuza, naho Misiri ikaba ihagarariwe na Ambasaderi Nermine El Zawahry.

Ambasaderi wa Misiri mu Rwanda, Nermine El Zawahry

U Rwanda na Misiri kandi bifitanye umubano urenze uwa politiki, ibihugu byombi bisangiye kuba bihuriye mu isoko rusange rihuza ibihugu byo mu Burasirazuba no mu Majyepfo ya Afurika (COMESA), iryo soko ryemerera ibihugu birigize kohererezanya ibicuruzwa nta misoro.

Kuri ubu buri mwaka, Misiri itegura imurikagurisha ry’ibikorerwa mu nganda zayo mu Rwanda ‘Egyptian Expo’. Iki Gihugu kinohereza mu Rwanda ibijyanye n’imiti, ifumbire mvaruganda, imashini ndetse na bimwe mu bikoresho bya Pulasitike.

Ni mu gihe kandi u Rwanda narwo rwohereza muri icyo Gihugu ibirimo ibikomoka ku buhinzi nk’icyayi, imboga, inanasi, imineke n’ibindi.

Imibare igaragaza ko ubucuruzi hagati y’u Rwanda na Misiri bugenda bwiyongera, kuko kuva mu 2015 kugera mu 2022 bwiyongereyeho 12%.

Abanyamisiri baba mu Rwanda bizihije umunsi w’Ubwigenge bw’Igihugu cyabo

Nko mu 2022 u Rwanda rwohereje mu Misiri ibifite agaciro nka Miliyoni 15,41$, ni ukuvuga arenga Miliyari 15Frw, mu gihe Misiri yohereje mu Rwanda ibifite agaciro k’arenga Miliyari 49Frw.

Ubwikorezi bwo mu kirere n’inzira zo mu mazi biri mu byoroshya ubuhahirane hagati y’ibihugu byombi.

Minisitiri Nduhungirehe yakiriye itsinda ry’indorerezi mu matora ya 2024

Ni indorerezi zitabiriye ibikorwa by’amatora yabaye kuwa 15-16 Nyanga 2024. Abo barimo abagize Afurika yunze Ubumwe na COMESA, bari bayobowe na Bwana Jorge Carlos Fonseca wahoze ayobora Cabo Verde ndetse na Rt Honorable Ruhakana Rugunda wahoze ari Minisitiri w’inteba wa Uganda.

Nkuko byatangajwe na Minisiteri y’Ububanyi n’Amahanga y’u Rwanda, Minisitiri Nduhungirehe n’izi ndorerezi, baganiriye ku bikorwa byo gusoza amatora y’Umukuru w’Igihugu ndetse n’abagize Inteko Ishinga Amategeko byabaye kuva ku ya 14-15-16 Nyakanga 2024.

Ibyo bikorwa byasize Umukandida watanzwe n’Umuryango wa FPR-Inkotanyi yegukanye intsinzi mu majwi y’ibanze yamaze kubarurwa arenga ikigero cya 78% nk’uko byatangajwe na Komisiyo y’Igihgu y’Amatora (NEC).

Minisitiri Nduhungirehe yagiranye ibiganiro n’izi ndorerezi ku bikorwa by’amatora zitabiriye

Minisitiri Nduhungirehe kandi uretse izi ndorerezi, yakiriye na Youssef Imani, Ambasaderi wa Maroc mu Rwanda. Nubwo ibyo baganiriye bitatangajwe ariko ibihugu byombi bisanganywe ubufatanye, aho buri gihugu gifite ugihagarariye ndetse n’abaturage b’u Rwanda na Maroc bakaba basanzwe bagirana imigenderanire.

Ubusanzwe umubare w’Abanyarwanda baba muri Maroc usaga 120, bakaba biganjemo urubyiruko rw’abanyeshuri rwiga muri za Kaminuza ziri mu mijyi itandukanye y’iki Gihugu, kubera umubano mwiza uri hagati ya Maroc n’u Rwanda.

Minisitiri Nduhungirehe yakiriye na Imani Youssef, Ambasaderi wa Maroc mu Rwanda

Mu bandi bakiriwe na Minisitiri Ambasaderi Nduhungirehe, harimo Johanna Teague, Ambasaderi wa Suwede bagirana ibiganiro bigamije gushimangira ubufatanye busanzweho bufitiye inyungu ibihugu byombi n’abaturage muri rusange.

Suwede n’u Rwanda bisanganywe ubufatanye aho, iki Gihugu kigenera u Rwanda inkunga muri gahunda yo kuvana abaturage mu bukene.

Johanna Teague, Ambasaderi wa Suwede na Minisitiri Olivier Nduhungirehe

Urugero ni nk’aho mu Karere ka Gakenke iki Gihugu cyateye inkunga abagize itsinda ry’abafatanyabikorwa b’umushinga wa Swedish International Development Agency (SIDA) na Foreign CommonWealth Development Office (FCDO), bagera ku bihumbi 11 biganjemo abagore, hagamijwe kubakura mu bukene.

Minisitiri Amb. Olivier Nduhungirehe yasubije Muyaya wanenze amatora yabaye mu Rwanda

Minisitiri w’Ububanyi n’Amahanga n’Ubutwererane, Amb. Olivier Nduhungirehe, yamaganye Umuvugizi wa RDC, Patrick Muyaya, nyuma yo kugaragaza ko yanenze amatora yabaye mu Rwanda.

Ubwo yari mu kiganiro n’umunyamakuru wa TV5 Monde, Patrick Muyaya yagaragaje ko amatora yo mu Rwanda yabereye mu muhezo, kandi ko nta rwego rw’indorerezi rwizewe rwaje kuyakurikirana.

Mu kumusubiza, Minisitiri Amb. Olivier Nduhungirehe yabwiye Muyaya ko ibikorwa byo kwiyamamaza ndetse n’amatora byagenze neza mu Gihugu hose. Ati: “Ibikorwa byo kwiyamamaza ndetse n’amatora muri rusange byagenze neza, mu mutuzo, mu byishimo kandi umutekano umeze neza mu Gihugu”.

Minisitiri Nduhungirehe, yibukije Muyaya ko mu matora ya Perezida wa Repubulika Iharanira Demokarasi ya Congo (RDC) yabaye mu Ukuboza 2023, habaye ibikorwa by’urugomo, mu kumugaragariza ko mu Rwanda ibyo bitabaye ndetse ko nta kibazo na kimwe cyahabaye.

Minisitiri Nduhungirehe yagize ati: “Nta rugomo rwagaragaye. Nta muntu n’umwe utavuga rumwe n’ubutegetsi wiyahuriye mu modoka ye”.

Aha kuvuga uwiyahuye, Nduhungirehe, yibutsaga Muyaya ko muri RDC, Chérubin Okende utaravugaga rumwe n’ubutegetsi bw’iki Gihugu yishwe arasiwe mu modoka muri Nyakanga 2023, Umushinjacyaha Mukuru muri Gicurasi 2024, akabeshya ko yiyahuye.

Minisitiri Nduhungirehe yakomeje agaragariza Muyaya ko mu matora yabaye muri RDC, ibikoresho by’itora byibwe hirya no hino, bimwe bisangwa mu nzu z’abanyamuryango b’ishyaka UDPS riri ku butegetsi, ibyumba by’amatora birangizwa, ndetse n’abaturage babuzwa gutora.

Minisitiri w’Ububanyi n’Amahanga n’Ubutwererane w’u Rwanda, Ambasaderi Olivier Nduhungirehe, yibukije Muyaya ko abasirikare n’abapolisi bo muri iki Gihugu batwikwaga bazira uko basa amwereka ko ibyo ibyo bitigeze biba mu Rwanda.

Minisitiri Nduhungirehe yagararije Muyaya ko Perezida wa RDC ari umunyarugomo, amwibutsa ko uyu Mukuru w’Igihugu mu 2023 yavugiye mu bikorwa byo kwiyamamaza ko azarasa i Kigali, maze agakura Perezida Paul Kagame ku butegetsi.

Bitandukanye n’ibyavuzwe na Muyaya, Nduhungirehe yagaragaje ko amatora y’u Rwanda yakurikiranywe n’indorerezi z’imiryango itanu itandukanye.

Iyo miryango ni uw’Afurika yunze ubumwe, COMESA, umuryango wa Afurika y’iburasirazuba (EAC), CEEAC-ECCAS, n’uw’ibihugu bikoresha ururimi rw’Igifaransa, OIF.

Ibikorwa by’abakandida Perezida biyamamarizaga kuyobora u Rwanda byatangiye tariki 22 Kamena kugeza tariki 13 Nyakanga 2024, bikaba byarahujwe n’ibikorwa byo kwamamaza abakandida Depite, biyamamarizaga kujya mu Inteko Ishinga Amategeko y’u Rwanda.

Amatora yabaye kuva kuya 14 ku Banyarwanda batuye mu Mahanga, tariki 15 Nyakanga hatora ab’imbere mu Gihugu mu gihe kuri uyu wa 16 Nyakanga 2024 habaye amatora y’ibyiciro byihariye birimo n’abantu bafite ubumuga.

Komisiyo y’amatora yatangaje ko amatora yagenze neza cyane. Ibi byashimangiwe n’indorerezi zitandukanye zaje kuyakurikirana.

Iby’ibanze byavuyemo byerekana ko Paul Kagame watanzwe n’Umuryango wa FPR Inkotanyi, yagize amajwi 99,15%, Dr Frank Habineza wa Democratic Green Party of Rwanda, (Ishyaka Riharanira Demokarasi no Kurengera Ibidukikije mu Rwanda) yagize 0,53%, mu gihe Mpayimana Philippe Umukandida wigenga yagize 0,32%.

Perezida wa Madagascar, Andry Rajoelina yashimiye Kagame watorewe kuyobora u Rwanda

Mu butumwa yanyujije ku Rukuta rwe rwa X, yagize ati: “Turifuriza u Rwanda amahoro n’uburumbuke”.

Abanyarwanda baba mu mahanga n’imbere mu Gihugu batoye Umukuru w’Igihugu n’abadepite tariki ya 14 Nyakanga n’iya 15 Nyakanga 2024 nyuma y’ibikorwa byo kwiyamamaza byamaze ibyumweru bitatu.

Komisiyo y’amatora yatangaje ko amatora yagenze neza cyane ndetse bishimangirwa n’indorerezi zitandukanye zaje kuyakurikirana.

Iby’ibanze byavuyemo byerekana ko Kagame yagize amajwi 99,15%, Dr Frank Habineza agira 0,53%, Mpayimana Philippe agira 0,32%.

U Rwanda na Madagascar bisanganwe ubufatanye aho byasinyanye amasezerano y’ubufatanye mu bijyanye n’ubucuruzi n’ishoramari, n’amasezerano y’ubufatanye hagati y’inzego z’abikorera.

Ni nyuma y’uko mu Rwanda hateraniye inama yitabiriwe ku ruhande rw’u Rwanda n’abayobozi batandukanye ndetse n’abikorera, n’aho ku ruhande rwa Madagascar yitabirwa n’abayobozi 30 baturutse muri Madagascar, barimo abahagarariye ibigo by’ishoramari bigera kuri 20.

Perezida Rajoelina ubwo yagiriraga uruzinduko rw’akazi mu Rwanda muri Kanama 2023, rwari rugamije gushimangira umubano w’ibihugu byombi, yavuze ko nta wateza imbere Igihugu adahanze imirimo, ariko ko ibyo bisaba gukorana n’inzego z’ubucuruzi ndetse n’abikorera.

Abafite ubumuga bishimira ko bitaweho mu bikorwa bitegura amatora

Ni kenshi abantu bafite ubumuga bagiye bagaragaza ko hari ibyiciro by’abafite ubumuga byahezwaga mu bikorwa byo kwamamaza abakandida Perezida mu bihe byashize, ibyagarutsweho nyuma y’amatora yabaye muri 2017, aho bifuzaga ko nk’uko politiki y’abantu bafite ubumuga ibaha uburenganzira busesuye nk’Abanyarwanda bose, byazavugururwa.

Bamwe mu bantu bafite ubumuga baganiriye na Kigali Today, bagaragaje ko hari impinduka nyinshi zigaragara ugereranyije n’amatora yagiye aba mbere, ibyo bashingiraho bavuga ko n’ibitarakorwa bizakorwa kuko hari politiki ibarengera.

Nzamwitakuze Gato Marcelline, ufite ubumuga bwo kutabona, ubwo yasobanuraga izi mpinduka yagize ati: “Muri rusange aya matora yaravuzwe cyane ku bitangazamakuru, ku buryo abafite uburyo bwo kurigeraho bamenye amakuru yibizaba mbere y’igihe. Ugereranyije n’amatora y’umwaka wa 2017 n’uyu wa 2024, harimo impinduka kuko hakozwe byinshi byerekana ko abantu bafite ubumuga bamenye amakuru, aho wasangaga ku mihanda n’ahandi hatandukanye hashyirwaho ibyapa bisobanura ayo matora, gusobanura amakuru ajyanye n’amatora ndetse n’ibikorwa byo kwamamaza abakandida mu buryo butandukanye na mbere”.

Abafite ubumuga bagiye bahabwa abantu bo kubitaho mu bihe byo kwamamaza abakandida Perezida n’Abadepite

Gato asaba abantu bafite ubumuga kwitinyuka bakagaragaza ubushobozi bwabo kuko hari aho usanga badatinyuka ngo biyamamarize mu yindi myanya. Ati: “Mu kwiyamamaza abantu benshi ntibarasobanukirwa ko indi myanya nayo bayimamarizamo nk’uburenganzira bwabo, ahubwo baba batekereza ko umuntu ufite ubumuga agomba kujya kwiyamamariza mu kiciro kihariye cy’abantu bafite ubumuga gusa ko ariho yagenewe kandi ibyo sibyo. Yego harimo impinduka zigenda zigaragara, kuko hari abakandida Depite bafite ubumuga biyamamarije ahantu hatandukanye baturutse mu muryango FPR Inkotanyi, twizera ko n’ibindi bizagenda biza”.

Gato yishimira ko uyu mwaka site z’itora zahaye uburenganzira abantu bose harimo n’abafite ubumuga hagendewe ku byiciro by’abantu bafite ubumuga.

Mu bikorwa byo kwiyamamariza kujya mu Inteko Ishinga Amategeko, harimo n’abantu bafite ubumuga. Mu karere ka Burera Kigali Today yaganiriye na Ndayambaje Theoneste, usanzwe ari umurezi mu Murenge wa Rusarabuye maze agaragaza uko abona impinduka mu bikorwa by’amatora ku bantu bafite ubumuga.

Abafite ubumugaba bagaragaza ko hari byinshi bishimira bimaze gukorwa nyamara kera bahezwagaho

Ati:”Hari byinshi byagezweho ku bantu bafite ubumuga kuko bafashijwe bose mu byiciro barimo. Urugero abantu bafite ubumuga kugera kuri site y’itora, itegeko ribaha uburenganzira bwo gutora mbere badahagaze ku murongo, abantu bafite ubumuga bwo kutabona nabo baroroherezwa. Mu bikorwa byo kwiyamamaza abafite ubumuga bagiye bateganyirizwa imodoka n’ubundi buryo bubafasha kwitabira ibi bikorwa nk’abandi Banyarwanda muri rusange”.

Ndayambaje yagaragaje kandi ko kuri ubu bahawe ijambo aho buri wese yemererwa kugaragaza ubushobozi afite maze agafashwa gutera imbere.

Mu bikorwa byo kwamamaza abakandida byatangiye tariki 22 Kamena kugeza kuwa 13 Nyakanga, site zitandukanye z’aho abakandida bajyaga kwiyamamariza, hagiye hagaragara abantu bafite ubumuga bw’ingingo, ubw’uruhu, abatabona bagiye bafashwa mu buryo bwihariye ndetse abafite ubumuga bwo kutumva no kutavuga, banashyiriweho umuntu ubasemurira bakamenya ibivugirwa kuri site.

Murema Jean Baptiste wo muri NUDOR

Murema Jean Baptiste, ubarizwa muri NUDOR, ahamya ko imbogamizi zakuweho mu buryo bufatika harimo ibirebana n’amatora. Ati: “Imbogamizi zirimo gukurwaho mu buryo bufatika cyane cyane mu itegeko ryerekeranye n’amatora kuko mbere harimo imbogamizi ariko kuri ubu ntabwo rigiheza umuntu n’umwe”.

Murema avuga ko imbogamizi zarimo mu matora ya 2017, wasangaga umuntu ufite ubumuga bwo kutabona hari handitse ko agomba gufashwa gutora, ariko kuri ubu hakazakoreshwa imboneza y’itora kandi ikazaba iriho inyandiko ifasha abantu bafite ubumuga bwo kutabona kandi ibyo mbere bitarabagaho.

Akomeza avuga ko basuye NEC bayigezaho imbogamizi zishobora kuboneka kuri site z’itora kugira ngo zikemurwe mbere y’uko amatora atangira maze n’abantu bafite ubumuga bagire uruhare mu guhitamo ubayobora cyangwa no kwiyamamaza nk’abandi bakandida.

Izo mbogamizi zirimo kureba niba ahantu abantu bagomba gutorera, hari uburyo bwashyizweho bwo gufasha umuntu ufite ubumuga ubwaribwo bwose gutora neza adasubijwe inyuma cyangwa ngo bamusabe kumufasha.

Abantu bafite ubumuga bavuga ko nubwo hari ibyo bashima byitaweho mu kubasubiza uburenganzira bwabo mu biorwa by’amatora hakiri n’ibindi byo kwitabwaho

Murema yagize ati: “Akenshi mu cyumba cy’itora agasanduku gaterekwa ku meza, umuntu ufite ubumuga bw’ubugufi bukabije ntabwo ahashyikira, hari ufite ubumuga bw’ingingo, na we agomba gufashwa niba aje mu kagare akagezwa aho atorera byihuse, uje gutora afite ubumuga bwo kutabona agahabwa serivise nk’abandi, ufite ubumuga bwo kutumva no kutavuga nawe agashakirwa umusemuzi vuba mu gihe baba batabiteganyije mbere”.

Mu Rwanda abantu bafite ubumuga bagera ku 391,775, Murema akavuga ko muri abo abanyamuryango ba FPR-Inkotanyi aribo benshi nubwo hari n’abandi baba mu mashyaka atandukanye ari mu Gihugu.

Mu gihe habura amasaha make ngo Abanyarwanda b’imbere mu Gihugu batore kandi bihitiremo ukwiye kuyobora u Rwanda, Murema avuga ko bashimira cyane ibyo Perezida Kagame akaba n’umukandida wa FPR Inkotanyi, Paul Kagame amaze gukorera abantu bafite ubumuga ndetse kandi bifuza ko n’ibitaranozwa nabyo byazitabwaho bigakemuka. Ati: “Kagame yakoze byinshi, ariko yongeye gutsindira iyi manda, twamusaba ko umujyo wakomeza kuba umwe, nko mu burezi, hagashyirwamo imbaraga, kugira ngo babashe kujya mu ishuri (Abafite ubumuga). Hari imbogamizi ku rurimi rw’amarenga ku batumva ntibavuge, ibikoresho by’abantu batabona mu mashuri amwe ntabihari, hari abafite ubumuga bwo mu mutwe, amashuri yabo yihariye harimo imbogamizi ndetse n’imyumvire y’aho abana bafite ubumuga biga bakinenwa mu kubafasha”.

Abantu bafite ubumuga bavuga ko bakwiye gutinyuka bakajya no mu yindi myanya bidasabye gutegereza ibyiciro byabashyiriweho kuko nabo bafite ubushobozi

Murema akomeza agira ati: “Kubona akazi ku bantu bafite ubumuga umubare uri hasi, kandi abize ni bake, niyo mpamvu MINEDUC igomba gufasha bakiga ari benshi abarangije bagafashwa kubona akazi. Hari imbogamizi kandi ku kibazo cy’ubuzima aho ikiguzi gihenze. Abakenera inyunganirangingo n’insimburangingo biragoye niyo mpamvu twifuza ko byashyirwa kuri Mituweli kugira ngo buri wese ayibone bimworoheye. Hari imbogamizi mu gutwara abantu bafite ubumuga, ndetse no mu butabera hari abafungwa ntibarenganurwe uko bikwiye kubera ikibazo cy’ururimi rw’amarenga rutaragera hose ndetse n’ubushobozi bwo kwishyura abavoka biri hejuru”.

Gato Marcelline asanga na we hari ibikwiye gushyirwamo imbaraga. Ati: “Icya mbere cyakorwa ni ugushyira mu bikorwa ibiba byemejwe, amasezerano aba yarasinywe nayo agashyirwa mu bikorwa kuko aba agamije iterambere ry’abantu bafite ubumuga”.

Gato avuga ko hakenewe insimburamubyizi ku bantu bafite ubumuga igihe bitabiriye inama runaka kuko bibafasha kugira umuhati mu bibakorerwa, aho usanga umuntu ufite ubumuga yaturutse kure akitegera ariko ntasubizwe insimburamubyizi cyangwa iyo tike yamuzanye, kandi nyamara byaremejwe na Leta ko ariko bigomba kugenda ariko abayobozi mu nzego zo hasi ntibabyubahirize.

Bishimira ko mu myaka 30 ishize hari byinshi byagiye bibakorerwa mu kubasubiza uburenganzira bwabo bari barambuwe

Aba bafite ubumuga butandukanye baganiriye, na Kigali Today mu myaka 30 ishize hari byinshi bakorewe n’umukuru w’Igihugu, Paul Kagame bakizera ko niyongera gutsindira kuyobora u Rwanda ibyiza byazakomeza kuko umurongo wo kubafasha nubundi usanzweho.

Igikorwa cy’amatora ya Perezida wa Repubulika n’ay’Abadepite bahatanira kujya mu Nteko Ishinga Amategeko, cyatangiye kuri iki cyumweru tariki 14 Nyakanga ku Banyarwanda baba mu mahanga mu gihe kuwa 15 na 16 Nyakanga 2024, hazaba hatahiwe Abanyarwanda b’imbere mu Gihugu.

Kuwa 16 Nyakanga 2024, hakaba hateganyijwe amatora mu byiciro byihariye, birimo Abadepite b’abagore bahatanira imyanya 30% mu Nteko Ishinga Amategeko, Abadepite babiri bahagarariye urubyiruko ndetse n’uhagarariye abafite ubumuga.

Bishimira ko mu myaka 30 ishize hari byinshi byagiye bibakorerwa mu kubasubiza uburenganzira bwabo bari barambuwe

Komisiyo y’lgihugu y’Amatora yibukije Abanyarwanda ko bibujijwe kwiyamamaza cyangwa kwamamaza ku munsi w’amatora. Birabujjiwe kandi kwambara ibirango by’imitwe ya politiki cyangwa by’abakandida bigenga.

Iyi Komisiyo ikomeza ivuga ko Umukandida abujiwe kuba hafi y’ibiro by’itora keretse iyo aje gutora n’igihe cyo kubarura amajwi.

Umuturage umaze gutora adafite akandi kazi kuri site y’itora asabwa guhita ahava, akaza kugaruka mu gihe cyo kubarura amajwi mu gihe abyifuza.

Itangazo NEC yasohoye rigira riti: “Itora ni ibanga. Birabujijwe gufata amafoto mu bwihugiko cyangwa se agaragaza uwo watoye”.

Komisiyo y’lgihugu y’Amatora yagaragaje ko ibikorwa byo kwiyamamaza byatangiye ku wa 22 Kamena 2024, byasojwe ku wa Gatandatu tariki 13 Nyakanga 2024 kandi ko byagenze neza muri rusange mu Gihugu hose.

Igikorwa cy’amatora ya Perezida wa Repubulika n’ay’Abadepite, cyatangiye kuri uyu wa 14 kugeza ku wa 16 Nyakanga 2024, aho mu mahanga batora kuri iki Cyumweru, ku wa 15 Nyakanga 2024, hakaba amatora ya Perezida wa Repubulika mu Rwanda, amatora y’Abadepite 53 baturuka mu Mitwe ya Politiki n’abakandida biyamamaza ku giti cyabo mu Rwanda, imbere mu gihugu akazasozwa ku wa 16 Nyakanga 2024, ubwo hazaba amatora y’Abadepite 24 b’abagore batorwa n’Inzego zihariye hakurikijwe Inzego z’imitegekere y’lgihugu.

NEC yibukije ko kandi Amatora y’Abadepite babiri batorwa n’Inama y’lgihugu y’Urubyiruko ndetse hakaba n’Amatora y’Umudepite umwe utorwa n’Inama y’lgihugu y’Abantu bafite ubumuga.

Komisiyo y’Igihugu y’Amatora (NEC) yagaragaje uburyo izatangaza iby’ibanze byavuye mu matora ya Perezida wa Repubulika, hagendewe ku gihe abantu bazatorera.

Tariki 15 Nyakanga mu ijoro, hazabaho gutangaza iby’ibanze byavuye mu matora ya Perezida wa Repubulika. Tariki 16 Nyakanga ku Gicamunsi, hazatangazwa iby’ibanze byavuye mu matora rusange y’Abadepite, naho ku mugoroba wo kuri uwo munsi tariki ya 16 hatangazwe by’agateganyo ibyavuye mu matora y’ibyiciro byihariye.

Iri tangazo rikomeza rivuga ko bitarenze tariki ya 20 Nyakanga 2024, hazatangazwa by’agateganyo ibyavuye mu matora ya Perezida wa Repubulika n’ay’Abadepite.

Ni mu gihe bitarenze tariki ya 27 Nyakanga 2024, NEC izatangaza amajwi ya burundu yo mu matora ya Perezida wa Repubulika n’ay’Abadepite.

Perezida Kagame asanga adakwiye gukomeza kubazwa i bibera muri Congo kuko ari ibibazo bimaze igihe kirekire

Perezida Kagame yagize ati: “Iyi ngingo y’ikibazo cy’umutekano muke mu Burasirazuba bwa Congo, kigaruka ku Rwanda imaze kuba ikibazo igihe kirekire ku buryo ntabasha no kugisobanukirwa uburyo nagisubizamo kuko maze kukibazwa inshuro zirenga ijana, nkagisubiza mpereye mu mizi, imiterere yacyo, nkasobanura impamvu iki kibazo kigihari ariko nkomeza ku kibazwa”.

Yakomeje agira ati: “Niba uvuga ikibazo nzi cy’uburasirazuba muri Congo, icyo nakubwira cyo, aka ni agace ka Congo ntabwo ari Igihugu ukwacyo, rero mu gihe tuvuga umutekano muke w’uburasirazuba bwa Congo, ni Congo ubwayo uba uvuga kandi ibyo ni ibibazo bimaze igihe kirekire. Bavuga amakimbirane n’umutwe witwaje intwaro wa M23 amaze igihe kandi arushaho gukwirakwira ndetse bimaze kuzamura intera inshuro zigera kuri ebyiri”.

Umukuru w’igihugu yagaragaje ko ikibazo kitwa icya M23, ntaho u Rwanda ruhuriye nacyo ahubwo ko ari ikibazo cya RDC.

Ubwo yakibazwaga mu kganiro yagiranye n’itangazamakuru yavuze ko ibya M23 ari ikibazo kireba ubuzima bw’abaturage ba RDC bitwa Abatutsi bakandamizwa n’ubutegetsi bwabo.

Kagame avuga ko abantu batinda ku kibazo cya M23 ariko bagera kuri FDRL ntibabitindeho

Ati: “Ndetse n’abayobozi b’iki Gihugu bemera ko abo ari abaturage babo. Kuki Igihugu cyabo kitabaha uburenganzira nk’ubuhabwa abandi baturage bahatuye. Hano mu Rwanda dufite impunzi zaturutse muri Kongo kuki mutazisura ngo muzibaze imvano yo guhunga Igihugu cyabo. Nonese ibyo u Rwanda rubizamo gute?”

Kagame avuga ko igitangaje ari uko ku rundi ruhande hari abitwa FDLR bari muri RDC bagize uruhare mu kwica Abatutsi mu Rwanda cyangwa ababakomokaho bahuje ingengabitekero ya Jenoside ariko bo batajya bavugwa nk’ikibazo.

Yagarutse ku kuba abantu hari ikindi kibazo badatindaho kandi gifite uburemere, kijyane no kuba Guverinoma ya RDC ifasha abantu bo mu mutwe wa FDLR ngo bakomeze bagirire nabi u Rwanda n’abandi baturage ba RDC bo mu bwoko bw’Abatutsi.

Kagame yakomeje agira ati: “Abantu bari hanze bafite aho bahuriye na Jenoside yakorewe Abatutsi mu 1994, bari muri Politike, abenshi usanga bafasha uyu mutwe wa FDLR aho baba bababwira ko bashobora kugaruka mu Rwanda bagakora ibyo bakoraga mbere bakiri mu Rwanda. Mwabibonye kenshi mu itangazamakuru, ibi biroroshye cyane nta munyamakuru ukwiye kuba abaza ikibazo adafite ibimenyetso cyangwa se mufite ibimenyetso ariko mugashaka kubyumva mu buryo FDLR cyangwa namwe mu bishakamo, ibi byatuma bishyira u Rwanda mu ishusho mbi kandi sibyo”.

Perezida Kagame yagaragaje ko ikibazo kitareba u Rwanda cyangwa M23 ahubwo bakwiye gucukumbura impamvu

Aha Perezida Kagame yasubizaga umunyamakuru wari wamubajije ikibazo cy’umutekano muke mu Burasirazuba bwa Congo, uburyo gikomeza gushinjwa u Rwanda ariko ntikigire icyo gikorwaho.

Perezida Kagame avuga ko ikibazo atari u Rwanda cyangwa M23, ahubwo abantu bakwiye gucukumbura impamvu ki umuntu wisanze muri Congo mu gihe cy’ubukoroni, yoherezwa mu Rwanda, hakibazawa icyaha uwo muntu yakoze n’uwakoze ibyo.

Yakomeje avuga ko urebye mu Gihugu cya Uganda usanga harimo Abanyarwanda benshi batuyeyo ndetse bamwe bisanzeyo mu gihe cy’ubukoloni ariko nta narimwe icyo Gihugu kirafata umwanzuro wo kohereza abo baturage kuza mu Rwanda ngo babuzwe amahwemo.

Reba ibindi muri iyi Video:

Video: Richard Kwizera

Perezida Kagame asanga abagipfobya Jenoside yakorewe Abatutsi bazapfa ntacyo bagezeho

Ibi biri mubyo yagarutseho nyuma yo gusoza ibikorwa byo kwiyamamaza kuri uyu wa 13 Nyakanga 2024, ubwo yagiranaga ikiganiro n’abanyamakuru, cyabereye muri Kigali Convention Centre.

Kagame yasabye Abanyarwanda kurwanya abahakana ndetse bagapfobya Jenoside. Ati: “Ibijyanye n’abahakana Jenoside barahari, ingaruka zabyo tujye tuzirwanya kuburyo bitagira uwo bihutaza ndetse abato mujye mubyanga. Ibi bishyigikiwe n’abantu bo hanze akenshi basakuza bagamije kugutesha umurongo w’ibyo wakoraga maze ujye mu bidafite umumaro kandi akenshi usanga ababikora bashyigikiwe n’ibihugu cyangwa imiryango ifite ubushobozi, hano ibyo ntacyo byadukoraho mu Rwanda”.

Chairman wa FPR-Inkotanyi akaba n’umukandida ku mwanya w’Umukuru w’Igihugu, yakomeje agira ati: “Ingabire, twagiriye imbabazi agafungurwa n’ubu aba akirimo ariko aho asohokeye niyo neza yitura Abanyarwanda? Buriya amaherezo ye ntabwo azaba meza, uramwihorera akarwana n’ikibi kimurimo akaba aricyo kizamugiraho ingaruka. N’abandi baba mu Bufaransa n’ahandi birirwa basakuza, muzabareke bapfe urwo bapfuye kuko niko bameze, bafite abo bakorana na bo babafasha ariko bafite aho bagarukira kuko ntabwo bagira aho bigira ingaruka ku Rwanda, bigeze aho ikibazo gishakirwa undi muti”.

Kagame asanga ntacyahungabanya Abanyarwanda n’Igihugu muri rusange bityo ko ibyo bidakwiye kubatesha umwanya, ariko mu gihe bibaye bakavuga ibitari byo bakwiye kujya babasubiza mu murongo nyawo.

Ingabire Victoire wagarutsweho n’umukuru w’Igihugu yaburanishijwe n’inkiko z’u Rwanda, akatirwa muri 2011, ahamijwe ibyaha byo kugambanira Igihugu agamije kukibuza umudendezo no kurema umutwe w’abagizi ba nabi.

Nyuma yaho Ingabire yarekuwe asigaje imyaka irindwi ku gifungo cy’imyaka 15 yakatiwe mu Ukuboza 2013. Yahawe imbabazi biturutse ku mabaruwa atandukanye yagiye yandika azisaba.

Kagame avuga ko ntacyahungabanya Abanyarwanda

Mu yo yanditse mu 2011 ubwo yari akiburanishwa hari aho agira ati “Nyakubahwa Muyobozi Mukuru w’Igihugu cyacu, ari mwe ku giti cyanyu, ari n’Umunyarwanda uwo ari we wese waba warakomerekejwe ku mutima n’imvugo cyangwa inyandiko zanjye, mbisabiye imbabazi.”

Kuva uyu mugore yafungurwa, mu bihe bitandukanye yagiye arangwa n’imyitwarire yatumye benshi bashidikanya ku kuba yarahindutse, ndetse bamwe bakemeza ko imbabazi yasabye ari iza nyirarureshwa.

Rumwe mu rugero rw’iyi myitwarire ye idahwitse, ni urwagaragaye mu 2019, ubwo yafatirwaga mu nama yo gushakisha abayoboke no kubashishikariza kujya mu mutwe w’iterabwoba ugizwe n’ubwoko bumwe gusa.

Icyo gihe hari tariki 11 Gicurasi 2019, nyuma y’umwaka umwe afunguwe. Ingabire yafatiwe mu nama yari yitiriwe iyo guhura n’abayoboke b’Ishyaka rye FDU Inkingi [mbere yo gushinga DALFA Umurinzi] yabereye mu Mudugudu wa Nyakarambi II, Akagali ka Ruhanga, Umurenge wa Kigina mu Karere ka Kirehe, ahazwi nka Sun City Motel.

Nubwo iyi nama yari yitiriwe amahugurwa, umwe mu bayitabiriye waje no gutanga amakuru yavuze ko Ingabire yabasabye kumushakira abandi bantu binjira mu ishyaka rye ariko abaha gasopo yo kutamuzanira Abatutsi.

Abitabiriye iyo nama bemeza ko Ingabire yababwiraga ko bamushakira by’umwihariko urubyiruko rw’Abahutu rutagira akazi kandi bakibuka kumuha umwirondoro wa buri munyamuryango mushya bandika.

Kagame yagarutse no kuri Ingabire Victoire n’abandi bakijandika mu bikorwa bipdobya bikanahakana Jenoside yakorewe Abatutsi

Iki gikorwa cyaje gikurikira indi myitwarire, Ingabire yagaragaje nyuma y’iminsi mike afunguwe. Yagiye yumvikana kenshi avuga ko nta mbabazi yigeze asaba ndetse ko uko yagiye muri gereza ari ko yasohotse.

Urugero rumwe ni nkaho yumvikanye agira ati “usaba imbabazi ku cyaha wakoze kandi nta rukiko nigeze nemerera ko nakoze icyaha, nta n’ubuyobozi bw’Igihugu nigeze nemerera ko nakoze icyaha icyo ari cyo cyose cyagombaga kumfungisha”.

Iyi myitwarire ya Ingabire yatumye mu 2018, Perezida Kagame amuburira ko atitonze yasubira muri gereza.

Ati: “Ukajya kubona abantu ngo njye ntabwo nasabye imbabazi, njye ntabwo nasaba imbabazi. Buriya baturekuye kubera igitutu, igitutu hano? Ukomeje kubigenderaho, urajya kwisanga wasubiyemo.”

Reba ibindi muri iyi Video:

Video: Richard Kwizera

Kagame yagaragaje ko atakekeranya ibizaba ubwo azaba atakiyobora u Rwanda

Aha hari mu kiganiro n’itangazamakuru kuri uyu wa Gatandatu tariki 13 Nyakanga 2024, Umukandida ku mwanya wa Perezida watanzwe n’umuryango FPR inkotanyi, Paul Kagame, ubwo yasubizaga ibibazo bitandukanye yabazwaga n’abanyamakuru batandukanye bakorera muri Afurika ndetse no hanze yayo.

Umunyamakuru wa NBS TV, yabajije umukandida akaba na Chairman wa FPR-Inkotanyi, Paul Kagame, uko bizagenda mu gihe azaba atakiri ku buyobozi, kuko ishusho rusange y’abaturage igaragaza ko bamukunda cyane.

Mu kumusubiza yagize ati: “Ntabwo nshaka gukekeranya ibyaba mu gihe naba ntahari ngo ntangire gutekereza ibyakurikiraho kuko ntabyo nzi, njye nkora icyo ngomba gukora mu gihe nkiri hano kandi nkabikorana n’abanyarwanda nk’uko wabivuze kandi ibyabaye mu mateka y’u Rwanda naho tugeze, ntabwo nkora njyenyine, sintekereza ko hari Kagame wenyine ahubwo dutera imbere dufatanyije, nkorana na bo nk’umuyobozi w’amahitamo yabo kandi igihe nzaba ntahari ntekereza ko bazagira andi mahitamo azabayobora neza nubwo bitaba byiza nk’uko byahoze ariko n’uko ubuzima buteye”.

Akomeza avuga ko u Rwanda rwariho mbere y’uko abaho, ndetse avuka, mbere y’uko ava mu buhunzi yabayemo igihe kirekire muri Uganda.

Ni ikiganiro yagiranye n’itangazamakuru rirmo iryo mu Rwanda ndetse no ku rwego mpuzamahanga

Yakomeje agira ati: “Inkuru ni uko u Rwanda rwahozeho kandi ruzahoraho nk’ibindi bihugu, Abanyarwanda bazakomeza kuba Abanyarwanda mu buryo butandukanye, hari aho bahangayitse kugira ngo babe Abanyarwanda kubera Politike mbi yahozeho. Icyo nasubiza nonaha n’ibyo dukora nonaha nk’umuyobozi wabo ariko ibizaba nta gihari bizaba kandi sinabimenya”.

Yakomeje agaragaza ko aya ari amateka yisubira mu bihugu byose ku isi, yaba ibikize n’ibikennye aho abayobozi baza bakayobora ariko nyuma bakagenda, ndetse ibintu bigakomeza guhinduka, bityo ko u Rwanda ari kimwe n’ibindi bihugu.

Chairman wa FPR Inkotanyi kandi yagaragaje ko naramuka atsinze amatora ateganyijwe kuwa 15 Nyakanga 2024, ibyingenzi azakora byiganjemo gukomeza guteza imbere Igihugu mu ngeri zitandukanye.

Yavuze kandi ko natorwa ibyingenzi azakora byiganjemo gukomeza guteza imbere Igihugu mu ngeri zitandukanye

Kagame umaze iminsi mu bikorwa byo kwiyamamariza kuyobora u Rwanda muri manda y’imyaka itanu, yavuze ko ikingenzi Namara gutsindira kuyobora u Rwanda, ari iterambere ry’igihugu. Ati: “Ikingenzi nyamukuru nyuma y’amatora, ni ugukomeza gukora ibishoboka byose mu gushyiraho umutekano usesuye w’Igihugu cyacu, iterambere mu mibereho n’ubukungu ndetse no gukomeza kureba uburyo igihugu gitera imbere. Ni ibisanzwe rero nkuko tubizi ikituraje inshinga ni ugukomeza kubaka igihugu cyacu”.

Nk’uko byagiye bigaragara mu bikorwa byo kwamamaza abakandida Perezida ndetse n’abagize Inteko Ishinga Amategeko y’u Rwanda mu myaka yashize ariko byumwihariko muri uyu mwaka wa 2024, abaturage bashyigikiye umukandida watanzwe n’Umuryango wa FPR-Inkotanyi ndetse n’amashyaka umunani yiyemeje kumushyigikira, bagaragaje ko ntawundi babona wayobora u Rwanda uretse Paul Kagame.

Abanyarwanda bakomeje kugaragaza ko ntawundi bifuza ko akomeza kubayobora utari Paul Kagame

Ibi byagiye bijyana no kugaragaza ko bazamutora tariki 15 Nyakanga 2024, kandi bakabikora ijana ku ijana, bagategereza igihe we ubwe azumva ananiwe akabahitiramo umuyobozi wayobora u Rwanda.

Nyuma y’uko u Rwanda rubohowe na FPR-Inkotanyi mu 1994, hari ibikorwa byinshi bigarukwaho mu gihugu bigamije guteza imbere Abanyarwanda, byiganjemo, umutekano, ubuzima, ubumwe n’ubwiyunge, uburezi, ubukungu n’ibindi.

Reba ibindi muri iyi Video:

Video: Richard Kwizera

Kigali Today iganira na bamwe mu baturage, bari bagaragaje imbogamizi zitandukanye zirimo kuba iyo bejeje icyayi gitunganyirizwa mu ruganda rwa Rubaya, ariko kuhageza umusaruro bibagora.

Uwitwa Uwingabire Jackeline, umucungamutungo wa Koperative y’abahinzi b’icyayi cya Rubaya yitwa KOTRAGAGI, yagize ati: “Koperative yacu yinjiza Miliyari ebyiri ku mwaka, icyerekana ko dufite umusaruro mwinshi. Dufite icyayi gituruka mu bice bitandukanye, ariko cyane cyane mu gihe cy’imvura duhura n’imbogamizi y’imihanda mibi, aho dushobora kumara iminsi itatu imihanda yarangiritse ntitubashe kugeza umusaruro wacu ku isoko kandi ubusanzwe dusoroma icyayi buri munsi”.

Undi muhinzi w’icyayi yagize ati: “Imihanda iteje ikibazo gikomeye cyane, uyu muhanda wavaga Kabaya-Rutagara-Kagano-Ngororero, ubuhahirane bwacu bukoroha ariko ubu ntibishoboka kuko n’Umurenge ubwawo ntabwo uri nyabagendwa”.

Uwimana ucururiza mu isantere ya Kabaya na we yagize ati: “Iyi mihanda ituma dusigara inyuma kuko hari ubwo imihanda yifunga bigatuma byinshi bidindira. Hano haturuka amakara ndetse hari n’ibyo bagemura mu Mujyi ariko akenshi usanga bizinesi zahagaze ubucuruzi bukadindira. Uretse n’imodoka n’amoto hari ubwo byanga ukayiterura cyangwa ukayisiga ukagenda n’amaguru”.

Aba baturage bagaragaza ko abafite imodoka baziparika kure y’aho batuye, mu gihe abayobozi bo imodoka bazisiga ku Mirenge kugira ngo babashe kugera mu baturage.

Bavuga ko imihanda myinshi yo muri aka gace yangiritse ubwo u Rwanda rwibasirwaga n’ibiza aho byangije ibikorwa remezo ndetse bigatwara ubuzima bw’abantu.

Bamwe mu batwara abantu kuri Moto muri aka gace nabo bagaragaza imbogamizi. Hakizimana Sylver, utwara abagenzi kuri Moto bavuye ku Kabaya berekeza Rubaya. Ati: “Uyu muhanda urimo ibinogo, turasaba ubuvugizi bazawushyiremo kaburimbo kugira ngo moto zirambe. Hari ubwo tubura abagenzi batinya kugwa hasi kubera umuhanda mubi nko mu gihe cy’imvura”.

Umuyobozi w’akarere wungirije ushinzwe iterambere ry’ubukungu, Uwihoreye Patrick

Ibiciro kuri Moto ubusanzwe ni amafaranga 1500 ariko iyo imvura yaguye aba 2000.

Umuyobozi w’akarere wungirije ushinzwe iterambere ry’ubukungu, Uwihoreye Patrick, yasobanuye ko iki kibazo cyari gihari ariko kuri ubu hari rwiyemezamirimo urimo gukora uyu muhanda. Ati: “Nibyo ikibazo cyari gihari, ariko ubu twashatse uburyo bwo kugikemura, dufitanye amasezerano na rwiyemezamirimo ndetse yatangiye gukora. Ubu twakwizeza abahinzi b’icyayi ndetse n’abandi muri rusange ko ntawe uzongera kubura uko ageza umusaruro ku isoko kuko ahangiritse hose harimo gusanwa”.

Uwihoreye akomeza avuga ko mu masezerano bafitanye, ari uko uyu muhanda utazarenza ukwezi kwa Kanama 2024.

Kagame yavuze uko yatuye mu nzu yigeze kunyura hafi yayo bagashaka kumugirira nabi

Chairman wa FPR-Inkotanyi, Paul Kagame yatanze ubu buhamya, ubwo yagarukaga ku byari bimaze kuvugwa na Dr. Yvan Butera ndetse na Irere Claudette babanje kumwamamaza no kuvuga ibigwi bye.

Irere Claudette, Umunyamabanga wa Leta muri Minisiteri y’Uburezi wavukiye i Gasabo, arahakurira aranahiga kandi akaba anahakorera, yavuze ko kera akiri umwana yajyaga kurya iminyenga muri ‘ascenseur’ z’iyi Minisiteri akorera. Ati “Aho najyaga ngiye kurya umunyenga, ubu nzamuka ndya umunyenga ariko ngiye guha uburezi bufite ireme abana bose b’u Rwanda".

Paul Kagame ubwo yafataga ijambo nibwo yabanje kugaruka ku nkuru y’uburyo yajyaga ava mu buhungiro akaza gusura abantu bo mu muryango we bari batuye mu Rwanda ndetse n’uburyo inzu yisanze atuyemo amaze kuba Umukuru w’Igihugu yigeze kunyura hafi yayo bagashaka kumugirira nabi.

Chairman wa FPR ubwo yasuhuzaga abaturage bari bateraniye kuri Site ya Bumbogo baje kumwamamaza

Ubwo yatangiraga iyi nkuru yagize ati: “Najyaga nza mu Rwanda, naje mu 1977, nagruka mu 1978 ndetse ngirango naje gatatu no mu ntangiriro ya 1979. Uhuriye nanjye mu nzira wankubitira n’ubusa icyo gihe [....] ndetse niko byari bigiye kugenda”.

Yakomeje avuga ko hari umugabo bari bafitanye isano, witwa Muyango Claver, wakoraga muri Minisante, ari Umuyobozi Mukuru akaba yari yarize hanze muri Tchécoslovaquie, ariko mu gihe cyo kurangiza amashuri ngo bagaruke mu Rwanda, ubuyobozi bwariho bwemerera bamwe gutaha ariko we n’abandi bageraga kuri batanu babuzwa kugaruka gusa baza gufata umwanzuro wo gutaha mu Gihugu cyabo hashize imyaka bimeze nko guhara amagara yabo.

Yakomeje avuga ko hari bamwe bapfuye, ariko uwo Muyango akaza kubaho ari naho yari atuye mu Kiyovu hafi y’Ambasade ya Zayire

Perezida Kagame avuga ko Umujyi wose yari awuzi kuko iyo yazaga mu Rwanda yakundaga gutembera n’amaguru

Kagame avuga Umujyi hafi ya wose yari awuzi iyo kuko iyo yazaga mu Rwanda yagendaga n’amaguru. Ati: “Najyaga ntembera n’amaguru, ngera ahari Ambasade ya Zayire, haruguru hari amazu y’Ababiligi no mu Kiyovu ahari hatuye Habyarimana. Nagendaga mfite agatabo ngenda nisomesha, nijijisha, rimwe nza kunyura igice cyerekeza kuri Plateaux, maze Umujandarume arampagarika”.

Yakomeje agira ati: “Umujandarume wari uharinze ati ‘Yewe sha’, ndamwihorera bituma nsoma kurushaho, arakomeza ati ‘Yewe’, ati ‘Wowe’, ndabanza ndamwihorera [....] yari yambaye bote z’abasirikare zirimo ibyuma hasi numva arambuka umuhanda aza ansanga. Arangije ati ‘We sha’ niwowe mbwira, noneho ndahindukira ndamureba, nti ninjye wavugaga? Ati ‘Ngwino hano’. Nsa n’utabyumvise, ndavuduka ndiruka, arankurikira aranyirukankana ariko ntabwo yamenye aho nyuze, kuko narirutse ndamusiga”.

Kagame yavuze ko yakwepye Umujandarume wari ugiye kumugirira nabi

Kagame avuga ko yirukiye hafi y’ahantu hari Ambasade y’Ubufaransa, akwepera mu nzu zari zihari maze agera mu nzu kwa Muyango ariko ntiyababwira ibyamubayeho.

Avuga ko ibyo byabaye nyuma hagati y’umwaka wa 1977 na 1978 ariko nyuma yaje gutura aho bamuvudukaniye. Ati: “Ibyo byabaye mu 1977 cyangwa 1978, hanyuma karabaye naje kwisanga ntuye muri iyo nzu".

Bumbogo ni site ya 17 Chairman wa FPR-Inkotanyi akaba n’Umukandida wayo ku mwanya wa Perezida wa Repubulika, Paul Kagame, yiyamamarijeho kuva ibikorwa byo kwiyamamaza bitangiye tariki 22 Kamena 2024. Uyu munsi ni uwa 14 ukaba ariwo ubanziriza uwa nyuma wo kwiyamamaza kwa Chairman wa FPR Inkotanyi, mu gihe amatora ateganyijwe tariki 14 ku Banyarwanda baba mu mahanga na 15 Nyakanga ku b’imbere mu Gihugu.

Minisitiri w’Ububanyi n’Amahanga w’u Rwanda, Olivier Nduhungirehe

Ni iburori byabaye mu ijoro ryo kuwa Kane tariki 11 Nyakanga 2024.

Ambasaderi w’u Bufaransa mu Rwanda, Antoine Anfré, yashimiye Minsitiri Nduhungirehe. Ati: “Nyakubahwa Minisitiri Nduhungirehe, mwakoze kandi byari iby’agaciro kuba mwaje kwifatanya natwe mu ibirori byo kwizihiza umunsi mukuru w’Igihugu cyacu”.

Mu ijambo yagejeje ku bitabiriye uyu muhango, Minisitiri Nduhungirehe yashimye umubano mwiza ibihugu byombi bifitanye, anizeza ko uzakomeza muri ubwo buryo.

Ambasaderi w’u Bufaransa mu Rwanda, Antoine Anfré

Umubano w’u Rwanda n’Ubufaransa wazahutse mu mwaka wa 2021 ubwo Perezida Emmanuel Macron yagiriraga uruzinduko mu Rwanda nyuma y’igihe kinini cyari gishize ibihugu byombi bidacana uwaka bitewe n’uruhare rw’iki Gihugu mu mateka yaranze Jenoside yakorewe Abatutsi.

Icyo gihe, Perezida Emmanuel Macron yashimangiye ko Igihugu cye cyahinduye umuvuno ku bijyanye n’imibanire yacyo na Afurika ndetse ashimangira ko afite icyizere ko umubano w’iki Gihugu n’u Rwanda umaze kuzahurwa utazasubira inyuma. 

Minisitiri Nduhungirehe yashimiye umubano w’ibihugu byombi

Ibirori byitabiriwe n’abanyacyubahiro batandukanye

Ikibazo cy’abimukira kimaze igihe kirekire cyugarije ibihugu byiganjemo iby’i Burayi

U Rwanda ruvuga ko iyi mikoranire yatangijwe n’u Bwongereza mu gukemura ikibazo cy’abimukira cyari cyugarije, atari u Rwanda.

Itangazo ryashyizwe ahagaragara n’ibiro by’Umuvugizi wa Guverinoma (OGS), rivuga ko u Rwanda rwubahirije ibikubiye mu masezerano, runizeza ko ruzakomeza gutanga umusanzu warwo mu gukemura ikibazo cy’abimukira ku Isi yose, binyuze mu kubaha aho gutura hatekanye no guha amahirwe abimukira bifuza kuruzamo.

Ku wa Gatandatu w’icyumweru gishize, Minisitiri w’Intebe mushya w’u Bwongereza, Keir Starmer, yavuze ko aya masezerano yari yarapfuye kandi yarahambwe, mbere y’uko anatangira gushyirwa mu bikorwa.

Minisitiri w’Intebe mushya w’u Bwongereza, Keir Starmer, ni we watangaje ko yahagaritse gahunda ya Guverinoma zamubanjirije yo kohereza mu Rwanda abimukira binjira mu gihugu cyabo mu buryo bunyuranyije n’amategeko, bakoresheje ubwato buto.

Yatangaje iki cyemezo nyuma y’uko ishyaka ry’Abakozi (Labour Party) ryegukanye intsinzi ku bwiganze mu matora y’abagize Inteko Ishinga Amategeko y’u Bwongereza, ibyahise bishyira akadomo kuri Guverinoma y’abasigasira amahame y’Abongereza (Conservatives) yari iyobowe na Minisitiri w’Intebe, Rishi Sunak.

Iyi gahunda ni kenshi yateje intugunda mu binyamakuru bitandukanye kubera ko bamwe mu bayobozi b’u Bwongereza batari bayishyigikiye, aho byaje kuba ngombwa ku bijyanwa mu rukiko kugira ngo byemezwe niba koko abimukira binjiye mu buryo butemewe n’amategeko bajya boherezwa mu Rwanda maze bagafashirizwayo.

Iyi gahunda yo kubohereza mu Rwanda yatangijwe na ba Minisitiri b’Intebe batatu bayoboye u Bwongereza, ari bo Boris Johnson, Liz Truss na Rishi Sunak.

U Rwanda rusanzwe rwakira abasaba ubuhungiro, baturutse mu bihugu bitandukanye aho biba bihunga amakimbirane, umutekano muke, iterabwoba n’ibindi biba biri mu bihugu byabo.

Bamwe mu bacumbikiwe mu Rwanda ni impunzi zaturutse muri RDC, u Burundi, Libya, Somalia n’ahandi.

Ku wa 14 Mata 2022 nibwo u Rwanda n’u Bwongereza byari byasinyanye amasezerano y’ubufatanye mu bijyanye no kwakira abimukira hamwe n’ibijyanye n’iterambere ry’ubukungu.

Itangazo rya OGS:

Uwitwa Alexis wari wakenye yabukereye, atuye mu Murenge wa Mukarange, avuga ko abaturage baho bishimira iterambere ry’Umujyi wa Kayonza kuko mbere y’i 1994 nta wahabaga ahubwo wahaje nyuma yaho, ukaba urimo imihanda itandukanye igenda ihuza imirenge n’uturere duhana imbiri n’aka Karere.

Akomeza avuga ko Kayonza irimo ama Hoteli, ubucuruzi ndetse hubatse amashuri abanza, ay’isumbuye ndetse na Kaminuza yigisha ibijyanye n’uburezi ibituma imigenderanire n’Abanyarwanda muri rusange irushaho kwiyongera.

Alexis asobanura ko yaje gushyigikira ibikorwa byo kwamamaza Paul Kagame, umukandida wa FPR Inkotanyi cyane cyane agendeye kubyo yamugejejeho ku giti cye. Ati: "Ibyanjye mbivuze byafata igihe kirekire. Navukiye i Mahanga, mbaye umusore Igihugu twarimo kiratwirukana ngo turi Abanyarwanda, nyuma yaho twaje mu Rwanda ariko Leta yariho mbere ya FPR idupakira bisi idusubizayo. Nagarutse mu gihugu cyambyaye, FPR imaze gufata ubuyobozi mu 1994".

Akomeza agira ati: "Icya mbere nishimira nuko nabonye uburenganzira, ndabyishimira kandi ni iby’agaciro, narabyaye abana banjye bakura neza, bafite uburenganzira bwo kuvuga Ikinyarwanda kandi njye ndi mu Mahanga ntabwo nari mfite, uyu munsi turi amahoro, ndi umudozi kandi nkagira abakozi nkoresha, inzu ntuyemo narayubatse ndetse niyo nkoreramo. Ibyo byose mbikesha imiyoborere myiza ya Kagame wampaye ubwisanzure, nta kuntu ntashimira FPR".

Alexis avuga ko Paul Kagame natorwa nk’uko yabibagarije kuri ubu nabwo bizeye iterambere riruta iryo babonye mbere. Ati: "Tuziko afite ubushobozi, nta wundi watuyobora nkawe, tumwitezeho ko atuyobora akatugeza ku rindi terambere ryisumbuyeho".

Abandi baturage baganiriye na Kigali Today bagaragaje ko bashimira FPR-Inkotanyi ibyo yabagejejeho.

Mukawiringiye Jyemima wo mu Murenge wa Rukara yavuze ko yakoze mucaka aza gushyigikira Umukandida wa FPR, ati: "Twakoze mucaka tuza kuri iyi site kandi twabikoreshejwe n’ibyishimo Papa wacu, Paul Kagame yaduhaye cyane cyane twe abagore yaduhaye ijambo. Turashimira ubuyobozi bwategerejwe, kera nta muyobozi wabonaga, ubu ibibazo byacu bikemurirwa mu buyobozi bukwegereye burimo ba Mutwarasibo".

Akomeza avuga ko umuturage yahawe ijambo, hari iterambere ryagejejwe muri Kayonza ariko agasaba ko ahataragera imihanda, amashanyarazi n’amazi nabyo byazakorwa vuba.

Manishimwe Jean Damascè, ufite ubumuga bw’ingingo, waje aturuka mu Murenge wa Mwulire, Akarere ka Rwamagana, avuga ko yaje muri Kayonza bimugoye ariko yabikoreye Kagame.

Ati: "Byangoye kugera mu kandi Karere ariko bitewe nibyo Kagame yangejejeho kuhagera ntacyo byantwaye. Yampaye amafaranga y’u Rwanda ibihumbi 100 ya VUP mbasha kwiteza imbere, aho naguzemo amatungo magufi, ndarya kumanywa na nijoro kandi hari igihe naryaga nijoro gusa".

Uwitwa Niyonagira Jeannette, we avuga ko yaje kureba Muzehe we. Ati: "Nishimiye kuza kureba Muzehe wanjye, Paul Kagame yangejeje kuri byinshi, muri rusange abana bahawe ifu ya shisha kibondo, dufite imihanda, amashanyarazi n’ibindi".

Kureba amafoto menshi, kanda HANO

Reba ibindi muri iyi Video:

Kagame yabwiye Abanyabugesera ko bafitanye igihango

Paul Kagame wiyamamariza umwanya w’Umukuru w’Igihugu nk’umukandida watanzwe n’Umuryango FPR-Inkotanyi, yavuze ko mu myaka ye n’abo bangana mu rungano rwe hari igihe bagize amahirwe yo kuba FPR-Inkotanyi.

Yakomeje avuga ko FPR atari igisobanuro cy’inyuguti eshatu gusa. Ati: "FPR si inyuguti eshatu gusa ahubwo ni Politike mu buryo bwo gutekereza, uburyo bwo kubaho, uburyo bw’imikorere, ijyanye n’ukuntu abantu bakwiye kubaho ndetse no gutera imbere hagamijwe kugana aho abandi bageze kera, tukabageraho ndetse byaba bishoboka tukabanyuraho".

Yasabye urubyiruko kutabipfusha ubusa ahubwo bagaharanira amajyambere y’Igihugu. Ati: "Ibyo ntabwo twabipfusha ubusa, cyane mwe urubyiruko mubyiruka, twifuza kubarera muri iyo Politike ya FPR yo gukotana, gukotanira umutekano n’amajyambere y’igihugu cyacu".

Kagame yagaragaje ko nta we ukwiye kwirata ku Isi. Ati: "Ariko mujye mwibaza umuntu ni nk’undi, haba mu Rwanda, mu baturanyi, mu Burayi n’Amahanga akize cyane yamaze kugera kuri byinshi, ntabwo baragera ku kurema umuntu kuko nti byashoboka".

Yaboneyeho gusaba Urubyiruko rwa FPR gutinyuka mubyo bakora. Ati: "Mwebwe Urubyiruko rwa FPR-Inkotanyi, rw’Abanyarwanda b’ubu mukwiye kureba umuntu mu maso ugatinyuka ukamubwira ko atari Imana yanyu kandi ko iyo ariyo ngiro ya FPR".

Yakomeje avuga ko nta muntu uzaza gutobanga iby’ubatswe kuko atazigera yishimira ikizamubaho.

Yagarutse kandi kuri bamwe bakoresha abanyarwanda mu bibi. Ati: "Hari bamwe bakoreshwa maze bakabagira ibitangaza, barabashuka kuko bazarinda basaza, bashiremo umwuka ntacyo barageraho ahubwo ari ibikoresho gusa. Twe turebe Igihugu cyacu, twirebe, tumenyane kandi tumenye ko ibyiza bibaye kuri umwe bikwiye kugera kuri twese mu gihugu, iby’abandi tubireke uretse kubana nabo neza, guhana amahoro ariko iyo ushaka amahoro witegura no kuyarinda kandi twiteguye kuyarinda".

Kagame yavuze ko hari Abanyarwanda bakoreshwa ibibi ariko bazasaza ntyacyo bagezeho

Yakomeje avuga ko nyuma y’umutekano hakurikiraho Politike nziza itagira uwo isiga inyuma mu bikorwa by’amajyambere, abantu bakabaho bataganya, ngo baganye umuhanda, bifuza ifunguro, amashuri cyangwa baganya ibintu bitanga ubuzima, ibyo bikwiye kuba amateka yahise Abanyarwanda basize inyuma mu gihugu.

Chairman wa FPR-Inkotanyi, yavuze ko ibyo byatangiye kera ndetse kuri ubu biganisha ku minsi mike iri mbere yo gutora Umukandida ukwiriye u Rwanda. Ati: "Nimuzatora njye muzaba mutoye FPR, kandi nzaba ndimo. Njyewe ndi njye kubera mwe, n’amwe muzabe mwe kubera njye".

Paul Kagame yabwiye abatuye b’Akarere ka Bugesera ko bafitanye igihango no mu gihugu muri rusange, ariko ko hakwiye kuvamo Intare iyobora izindi. Yashimangiye ko Abanyabugesera bakwiye iterambere n’ubuzima bwiza nk’ubw’abandi Banyarwanda bose ndetse ko n’ibindi byiza byinshi bikiri mu nzira.

Yasoje ashimira abaje kwitabira ibikorwa byo kumwamamaza nk’umukandida ku mwanya wa Perezida ndetse ko ari byiza ku kuba basoreje ku Ntare z’Inkotanyi ndetse ko bizahora bityo by’igihe kirekire aboneraho kubifuriza kugera mungo zabo amahoro.

Kureba amafoto menshi, kanda HANO

Reba ibindi muri izi Videwo:

Amafoto: Rwigema Freddy

Videwo: Richard Kwizera

Umuvugizi w’Igisirikare cy’u Rwanda, Brig. Gen Ronald Rwivanga, mu kiganiro yagiranye na Kigali Today, ubwo hizihizwaga ku nshuro ya 30 umunsi wo Kwibohora, yagize ati: “Twaherukaga gukora akarasisi ka Gisirikare mu birori byizihiza umunsi wo Kwibohora tariki 4 Nyakanga 2019. Nyuma yaho haje kuzamo n’icyorezo cya Covid-19 cyatumaga abantu batemererwa guhura mu ruhame ndetse n’izindi mpamvu”.

Brig. Gen Rwivanga akomeza avuga ko icyo gihe hizihizwaga imyaka 25 yari ishize Igihugu kibohowe, gusa habaga ibikorwa by’abaturage bisanzwe. Ati: “Ibi ni ibintu dukora nyuma y’igihe runaka si ngombwa ko biba buri mwaka.”

Reba uko byari byifashe muri aya mafoto n’amashusho:

Kureba andi mafoto menshi, kanda HANO

Reba ibindi muri izi Videwo:

Amafoto na Videwo : Eric Ruzindana & George Salomo

Abakandida Depite biyamamarije mu Karere ka Karongi, ku ya 03 Nyakanga 2024, ni Uwimpaye Celestine, Pacifique Ntwali na Uwurukundo Marie Grace, ahari hateraniye abaturage bagize Imirenge ya Gashali, Murundi, Rugabano, Murambi na Gitesi yo muri Karongi, kuri site ya Birambo.

Celestine wavuze mu izina rya bagenzi be, yagarutse ku bikorwa by’Umukandida FPR-Inkotanyi maze abibutsa ko yabasubiriyemo ko akunda abaturage ba Karongi ndetse akabemerara gukora umuhanda wa Rambura-Muhanga kandi bikazakorwa vuba.

Uwimpaye Celestine, Pacifique Ntwali na Uwurukundo Marie Grace nibo biyamamarije i Karongi

Celestine yagarutse ku byakozwe, ati: “Murabyibuka ko Paul Kagame twiteguye gutora ariwe waduhaye umuhanda Rusizi-Karongi-Rubavu, yatwambuye nyakatsi, aduha inka, aduha VUP, aduha Mituweli tutarabona ahandi ku isi hose ndetse atugira abasirimu, tuzamutora ijana ku ijana kandi tubikorane n’abagize Inteko Ishinga Amategeko bari kuri lisite y’abakandida Depite”.

Celestine akomeza ashimangira ko gutora Abakandida ba FPR-Inkotanyi n’umuyobozi wayo Paul Kagame bizatuma ibikorwa bitandukanye yabahaye arushaho gukora byinshi bizafasha Igihugu by’umwihariko bizateza imbere Akarere ka Karongi.

Mu bikorwaremezo bigamije gukomeza guteza imbere Akarere ka Karongi, habayeho gusana no kwagura umuhanda wa Rubengera–Rambura ufite kilometero 15,15. Ibyo kandi byakozwe ku muhanda wo mu Mujyi wa Karongi ufite kilometero ebyiri.

Hubatswe imihanda ishamikiye ku minini hagamijwe koroshya ubucuruzi mu Karere ka Karongi, ibikorwa byatwaye ingengo y’imari irenga miliyari 4,7 Frw.

Ingo zifite amashanyarazi zikubye gatanu ziva ku 12.321 mu 2017 zigera ku 64.737 mu 2023. Hubatswe imiyoboro y’amazi harimo n’uruganda rutunganya amazi rufite ubushobozi bwo gutanga meterokibe 2000 ku munsi.

Muri Karongi hubatswe imidugudu itanu y’icyitegerezo muri Rugabano, Murundi, Ruganda, Rwankuba na Mutuntu. Byatumye imiryango 486 ituzwa neza, indi 1521 ikurwa mu manegeka.

Ku byerekeye ubuhinzi n’ubworozi muri Karongi hakozwe umushinga wo guteza imbere ubworozi bw’amatungo magufi n’ibiyakomokaho (PRISM) ku ngengo y’imari ya 341.242.820 Frw.

Hatanzwe inkoko 5040 ku miryango 504, ingurube 228 ku miryango 191 n’ihene 250 ku miryango 125.

Mu rwego rw’ubucuruzi n’ubuhahirane, hubatswe isoko rya Karongi ku ngengo y’imari ingana na miliyari 1,53 Frw.

Mu mibereho myiza n’ubuzima, hasanwe Ibitaro bya Kibuye, hubakwa Ikigo Nderabuzima n’amavuriro y’banze 35.

Mu kwita ku burezi, hubatswe ibyumba 967 bitwara ingengo y’imari irenga miliyari 7,3 Frw. Hubatswe kandi amashuri atanu y’imyuga n’ubumenyingiro ku ngengo y’imari ingana na 234.989.550 Frw.

Muri gahunda yo kurwanya ubukene, hatanzwe inka 4048 muri gahunda ya Girinka mu gihe abobonye akazi muri Gahunda ya VUP ari 42.803.

Muri aka karere kandi, hubatswe uruganda rutanga gaze yo gutekesha bityo abaturage bahaturiye bakazajya bayigura ku giciro kiri hasi ugereranyije n’ahandi izaba igemurwa nkuko byagarutsweho na kandida Depite Uwimpaye Celestine.

Amafoto: Eric Ruzindana

Abakandida adaepite biyamamarije mu Karere ka Karongi

Ibi yabitangarije mu Murenge wa Gashali, ubwo yavugaga icyo bisobanuye kuba ishyaka yari ahagarariye rya PDC, ryarahisemo gushyigikira abakandida b’Umuryango-FPR Inkotanyi.

Ni mu kiganiro yagiranye na Kigali Today, kuri uyu wa 3 Nyakanga, ubwo hirya no hino mu gihugu hasozwaga ibikorwa byo kwamamaza Abakandida Depite b’Umuryango FPR Inkotanyi.

Uwurukundo Marie Grace, wa PDC, yagaragaje impamvu yahisemo gushyigikira FPR-Inkotanyi ndetse n’uburyo bazafatanyamo mu kwesa imihigo n’iramuka itsinze amatora ateganyijwe tariki 15-16 Nyakanga uyu mwaka wa 2024.

Kandida Depite Uwurukundo

Ati: “FPR-Inkotanyi hari ibyiza byinshi yatugejejeho nk’Abanyarwanda mu myaka 30 ishize kandi ibyo byose birangajwe imbere na Chairman w’umuryango ariwe Paul Kagame. Nka PDC ntabwo twigeze dutegura imigabo n’imigambi idasanzwe kuko tugomba gushyira hamwe na FPR, kandi ibyo yateganyijwe tugomba kubisigasira tugamije kubaka u Rwanda”.

Uwurukundo, agaragaza ko andi mashyaka atumva kimwe n’uyu muryango akwiye guhindura imyumvire maze agashyigikira Paul Kagame akayobora u Rwanda kuko ibikorwa bye byigaragaza mu Banyarwanda.

Ati: “Amashyaka adashyigikiye FPR-Inkotanyi, nabashishikariza kuza tugafatanyiriza hamwe mu gusenyera umugozi umwe kuko Paul Kagame uwuyoboye, arakomeye kandi mu gihe Imana ikimutije imbaraga dukwiye gushyigikira ibikorwa bye maze we akazihitiramo uwo abona yamusimbura uzaba abishoboye kugira ngo tutazagira amahitamo mabi”.

Amashyaka umunani arimo PSD, PL, PDI, PDC, PPC, PSP, PCR na UDPR ni yo ashyigikiye umukandida wa FPR Inkotanyi ku mwanya w’Umukuru w’Igihugu. Aya yose aherekeza Paul Kagame mu bikorwa byo kwiyamamaza byatangiye tariki ya 22 Kamena.

Amafoto: Eric Ruzindana

Babitangaje kuri uyu wa 2 Nyakanga 2024, mu bikorwa byo kwamamaza umukandida Depite wa FPR-Inkotanyi muri aka Karere, Umuhoza Chantal.

Bamwe mu bacuruzi baganiriye na Kigali Today bo mu karere ka Gisagara, bagaragaza uko ibikorwa remezo bitandukanye bagejejweho n’Umuryango FPR-Inkotanyi byabafashije kwikura mu bukene ubu bakaba batunze imiryango yabo.

Murindarugamba Jean Bosco

Murindarugamba Jean Bosco, waturutse mu Murenge wa Ndora, akaba ashinzwe abikorera, yagize ati: “Umwihariko wa Gisagara urihariye kuko nta muhanda twagiraga, nta kaburimbo, amazu menshi yari nyakatsi ariko kuri ubu ibyo byose byarakemutse, iyari santere yabaye umujyi ku bw’ibyo umukandida yatugejejeho muri 2017. Inganda zazanywe iwacu zahaye akazi abaturage babasha kwikenura kuko ni nyinshi, hari abaturage bahahemberwa baza bakaduhahira, ndetse hari n’abashatse ubucuruzi bakora kugira ngo borohereze abaguzi b’izo nganda kujya babona ibicuruzwa hafi".

Murindarugamba ubwo yari kuri site ya Muganza aho umukandida Depite, Umuhoza Chantal yiyamamarije, yagaragaje ko ibyo Paul Kagame yabemereye ubwo yazaga kuhiyamamariza byakozwe, birimo no kubakirwa umuhanda wa Kaburimbo.

Umukandida Depite, Umuhoza Chantal wiyamamarije mu Karere ka Gisagara

Akomeza avuga ko nyuma yo gutora Paul Kagame, bifuza ko n’ibindi bice bihuza aka Karere n’utundi bihana imbibi ko twashyirwamo kaburimbo muri manda y’imyaka itanu ikurikiyeho.

Umutoni Liliane wari umuhinzi ariko adafite ubutaka buhagije kubera kubura ubushobozi bwo kwita ku myaka ye, ashimira Paul Kagame, Chairman wa FPR-Inkotanyi, wabazaniye iterambere ryiganjemo inganda kuko, byamubereye isoko y’iterambere mu muryango we.

Umutoni yahereye ku buzima bushariye yabagamo mbere yo kumenya FPR-Inkotanyi. Ati: “Mbere njye n’umuryango wanjye twabagaho nabi, kuko nari umuhinzi ariko ntabasha kweza umusaruro uhagije urugo. Nta Mituweli twabonaga, rimwe na rimwe kurya ari ikibazo ariko nyuma twumva ko hari uruganda rw’inzoga n’imitobe rwahazanywe, ngisha inama umugabo wanjye anyemerera kujyayo nkahembwa ibihumbi 15 ku kwezi”.

Umutoni Liliane ashimira FPR yamufashije kwiteza imbere

Umutoni akomeza agira ati: “Amafaranga nahembwe bwa mbere naguze inkoko eshatu, hashize amezi atatu njya mu kimina cy’abagore, tugabanye mbika amafaranga menshi tuza kugura inyana ibyaye ikimasa ndakigurisha, nyuma yaho ntangira ubucuruzi kuburyo ubungubu nta kintu na kimwe tubuze mu rugo rwacu ahubwo dufasha abandi bameze nabi”.

Akomeza ashimira Paul Kagame, ndetse no kuba yarongeye kwemera kwiyamamariza kuyobora igihugu, kuko ubuyobozi bwe buha agaciro bose. Ati: “Iyo adaha agaciro abagore, umugabo wanjye ntiyari kunyemerera gukora mu ruganda ariko kuko yaduhesheje agaciro ngo twerekane ibyo dushoboye. Uyu munsi nambaye ibirango bya FPR Inkotanyi ndetse naryama hasi nkigaragura kugira ngo muhe amajwi yose cyane ko atuyoboye neza. Hari inganda muri Gisagara kubera ubuyobozi bwiza, dufite amashanyarazi ndacuruza nkageza saa tanu z’ijoro habona ndetse hari n’umutekano. Mubyukuri umukandida wacu turamukunda cyane kandi tuzamutora kuko ntacyo atadukoreye usibye indashima nizo zinenga ibyo zitazi”.

Aba bacuruzi bagaruka ku bikorwa begerejwe bashingiye ku kuba hari agasozi k’inganda zigera kuri esheshatu zubatswe muri Gisagara, bakagaruka no ku ruganda rutunganya ruyibyaza mashanyarazi Nyiramugengeri rukaba urwa mbere mu gihugu aho rutanga Megawati 80.

Iki gikorwa cyari cyabereye mu Murenge wa Muganza ahateraniye abaturage bagera ku bihumbi 35 baturutse mu mirenge 13.

Gisagara, ni kamwe mu Turere tugize Intara y’Amajyepfo, abaturage bakaba bishimira byinshi birimo kuba 65% by’abagatuye bafite inka zibakamirwa, bakagira intego ko buri rugo rugomba gutunga inka, hari umuhanda wa Kaburimbo wa Huye-Gisagara wuzuye muri manda y’imyaka irindwi (7), inganda zirimo urw’ibigori, inzoga, imitobe ndetse n’urw’inyama ku rwego rw’igihugu ruri kuhubakwa n’ibindi.

AMAFOTO: Eric Ruzindana

Umukandida Depite wa UDPR, Ingabire Neema Eugenie

Ni ubutumwa bwatanzwe na Ingabire Neema Eugenie wa UDPR aho agaragaza ko atewe ishema no kuba ishyaka arimo kandi ahagarariye ryariyemeje gushyira hamwe mu gukomeza imihigo y’Umuryango FPR-Inkotanyi ndetse no gushyigikira ibyo wagezeho.

Mu butumwa yahaye Kigali Today kuri uyu wa 30 Kamena 2024, Ingabire yagize ati: “Kuba UDPR twaje kwifatanya na FPR Inkotanyi, bisobanuye bwa Bumwe na Demokarasi kuko uyu muryango wageze ku bikorwa byinshi cyane nyuma yo guhagarika Jenoside yakorewe Abatutsi kugeza ubu, niyo mpamvu twifuje gufatanya na wo mu rwego rwo gushyigikira no gusigasira ibyo wagezeho cyane ko byigaragaza”.

Avuga ko iri shyaka naryo rifite ibishya ariko bishingiye ku byagezweho. Ati: “Tuzakomeza gushyigikira umurongo wa FPR Inkotanyi, dushingiye ku byagezweho aho duteganya gutanga umusanzu wacu mu gukomeza kubaka Ubumwe bw’Abanyarwanda ndetse na Demokarasi. Tuzakomeza gushyigikira uyu muryango mu bukungu, uburezi, umutekano ndetse n’inama zigamije gushimangira ubufatanye twifuza ko bwazageza iterambere ku Banyarwanda muri rusange”.

Ingabire akomeza avuga ko UDPR nk’abanyamuryango babiganiriyeho mu gushyigikira FPR Inkotanyi. Ati: “Twabiganiriye nk’ishyaka ryacu ndetse twiyemeza ko tuzatora Paul Kagame, kandi tugatora na lisite (liste) y’abakandida Depite ba FPR, mbese inkoko niyo ngoma”.

Nyarugenge kuri site ya Kanyinya niho abakandida Kayiranga Eric, Ingabire Neema Eugenie na Yvonne Mujawabega biyamamarije

Avuga ko Paul Kagame azi u Rwanda kurusha undi wese bityo ko bazamushyigikira kugeza igihe azavuga ko abahaye undi muntu ushoboye wabasha kuyobora igihugu Abanyarwanda ntibahungabane. Ati: “Ubutumwa nagenera andi mashyaka nuko akwiye kumva ko igihe cyo gusimbuza Paul Kagame kitaragera kuko ni we twifuza, ariko igihe byaba ngomba akivugira ko aduhaye undi watuyobora na we tuzamushyigikira kuko azaba ashoboye cyane ko Paul Kagame ari we wenyine uzi Abanyarwanda akabamenyera ibyiza nk’uko byigaragaza mubyo amaze kutugezaho mu myaka 30 ishize”.

Umukandida w’Umuryango FPR-Inkotanyi ku mwanya w’Umukuru w’Igihugu, Paul Kagame, yashimye icyemezo andi mashyaka yafashe cyo gushyigikira kandidatire ye, asobanura ko kuba yarabikoze atari uko afite intege nke, ahubwo ko ari ikimenyetso cy’ubushake bwo guteza imbere u Rwanda.

Ibi yabitangaje ubwo yari mu bikorwa byo kwiyamamariza kuyobora u Rwanda, kuwa 23 Kamena 2024.

Amashyaka umunani arimo PSD, PL, PDI, PDC, PPC, PSP, PCR na UDPR ni yo ashyigikiye umukandida wa FPR Inkotanyi ku mwanya w’Umukuru w’Igihugu. Aya yose aherekeza Paul Kagame mu bikorwa byo kwiyamamaza byatangiye tariki ya 22 Kamena.

N’abasheshe akanguhe bahamya ko ibyo bijejwe mu 2017 byagezweho hejuru ya 90%

Babitangaje kuri iki Cyumweru tariki 30 Kamena 2024, aho ibikorwa byo kwiyamamaza kw’Abakandida Depite byabereye mu Karere ka Nyarugenge mu murenge wa Kanyinya, byitabiriwe n’abaturage barenga ibihumbi 25 bo mu mirenge 5.

Bimwe mubyo bishimira, ni amazi meza yegerejwe abaturage mu Mirenge ya Kanyinya na Kigali aho bajyaga bajya kuvoma ibishanga ingona zikabarya none ubu byarakemutse.

Uwitwa Nsengimana Charles avuga ko muri 2017 n’imyaka yabanje, bari bahangayikishijwe no kuvoma ibishanga ariko ubu byakemutse.

Nsengimana Charles ashima ibyagezweho muri manda ishize

Ati: “Dufite ubuhamya bufatika, aho muri 2017 ubwo twari mu bikorwa byo kwamamaza Paul Kagame, twahuye n’ibyago dupfusha umubyeyi wari ugiye kuvoma ngo aze yitegure kuko yagombaga gutanga ubuhamya muri ibyo bikorwa, ariko ingona imurira yo ahaburira ubuzima ndetse hari n’abandi byagiye bigendekera bityo mu bihe bitandukanye. Ubu rero muri iyi manda dusoza, Umurenge wa Mageragere wamaze kwegerezwa amazi bose, ndetse byorohera n’ibindi bikorwa bitandukanye gukorwa birimo kubaka amashuri n’ibindi”.

Mu karere ka Nyarugenge, hari imihanda yongerewe ndetse n’imishya irimo uwa Ruriba kugera ku Ryanyuma, Biryogo, Muhima n’ahandi.

Ibikorwa remezo muri Nyarugenge kandi muri manda y’imyaka 7 byagezweho bijyanye no kuvugurura imiturire harimo Imidugudu ya Gitega na Kimisagara, ibitaro byubatswe bya Nyarugenge, ibigo Nderabuzima byongerewe serivise yo kubyaza abagore kandi ubusanzwe ku bigo Nderabuzima ibyo ntibihaba. Ibyo bigo Nderabuzima ni Nyarurenzi, Rugarama ndetse na Poste de Sante ya Karama.

Nsengimana yakomeje avuga ko Kagame ibyo yabemereye muri Nyarugenge mu mwaka wa 2017, babibagejejeho hejuru ya 90% ariyo mpamvu bazakomeza kumutora. Ati: “Kudatora Paul Kagame ni ukunyagwa zigahera kuko ibyo yadusezeranyije byose 90% yarabikoze kandi tumuri inyuma ibihe byose”.

Bizimana Laurent yizeye ko 10% ry’ibitaragezweho muri manda itaha bizagerwaho

Asaba ko 10% ry’ibitarakorwa nabyo byazakorwa muri iyi manda y’imyaka 5 biteguye kumutorera ndetse ibyagezweho bikarindirwa umutekano. Ati: “Dukwiye gukomeza kurinda ibyagezweho, ariko nanone ibitaragerwaho nk’imihanda ya Kaburimbo, abatarabona amashyanyarazi bakayabona, abantu bakabona amazi meza hose kandi ibyo twizeye neza ko twese nidutora Kagame tuzabigeraho muri iyi manda y’imyaka itanu”.

Bizimana Laurent, utuye mu murenge wa Kigali mu kagali ka Rwesero, avuga ko yahisemo neza ubwo yahitagamo FPR-Inkotanyi kuko yamuhaye byose ndetse imurengerezaho. Ati: “Nkanjye sinize kandi ubushobozi bwari buke, ariko abana banjye bose barize babikesha Kagame. Yampaye inka ubu ndakamirwa, twabonye amashuri hafi, amavuriro, amazi meza, ntakindi twamunganya arakagira umugisha ntakindi namwifuriza”.

Nyarugenge kuri site ya Kanyinya niho abakandida Kayiranga Eric, Ingabire Neema Eugenie na Yvonne Mujawabega biyamamarije

Bizimana akomeza avuga ko kera abantu barwaraga amavunja ariko ibyo byabaye amateka ku buzima bw’Abanyarwanda kandi ko bamushyigikiye cyane ndetse ntakintu na kimwe cyabahungabanya bamufite.

Amafoto: Eric Ruzindana

Sebarinda ubwo yari mu gikorwa cyo kwamamaza abakandida Depite ba FPR Inkotanyi kimwe n’abandi banyamuryango, yagize ati: “Turimo kwishimira ibyiza twagezeho aribyo dushyize imbere cyane cyane muri ibi bikorwa byo kwiyamamaza. Rero kwamamaza Umuryango FPR-Inkotanyi birivugira hagendewe ku byagezweho mu cyiciro cy’imibereho myiza, ubukungu ndetse hakazamo umutekano n’ubutabera”.

Abaturage b’akarere ka Gakenke bavuga ko ibyo Paul Kagame yabasezeranyije mu matora y’umwaka wa 2017 yabibagejejeho ku kigero cyiza ariyo mpamvu biyemeje gukomeza kumushyigikira.

Sebarinda ati: “Ibyo yadusezeranyije 2017 yarabiduhaye, Gakenke icyo gihe amashanyarazi abaturage bacanirwaga bari hafi ya 24% none bigeze uyu munsi hejuru ya 87% bacanirwa, imihanda irahari harimo uwuzuye uva kuri Base-Kamubuga-Buranga, hari ibiraro byo mu kirere”.

Akarere ka Gakenke ni kamwe mu turere tugizwe n’imisozi miremire kuburyo akenshi usanga imihanda yarangiritse bitewe n’imvura igwa amazi akuzura imigezi abantu bamwe bakahaburira ubuzima.

Sebarinda akomeza agira ati: “Yatwubakiye ibiraro harimo icyaduhuzaga n’Akarere ka Muhanga aho cyari cyarangijwe n’amazi menshi yuzuye Nyabarongo kikangirika ndetse abantu bahaburira ubuzima bwabo, kuri ubu cyubatswe neza kandi hejuru kuburyo ubuhahirane hagati y’uturere bumeze neza”.

Abaturage ba Gakenke bari batereniye kuri site yo mu Murenge wa Minazi barenga ibihumbi 20, baturutse mu mirenge 7, ya Muyongwe, Ruli, Gashenyi, Minazi, Coko, Rushahi, Muhondo, muri 19 igize aka Karere.

Abakandida Depite b’Umuryango RPF Inkotanyi

Mu mibereho myiza, aba baturage bavuga ko ari inkingi ya mwamba, bakemeza ko Gakenke batanga Mituweli ku isonga mu gihugu ndetse ko nta Karere kabahiga, bagashima gahunda ya Ejo Heza bazaniwe na FPR-Inkotanyi ifasha abaturage kwiteganyiriza ndetse no kuba bafite ibigo Nderabuzima muri buri Murenge n’ibindi.

Bavuga ko kandi mu rwego rw’ubuzima bafite Kaminuza yigisha Ubuforomo n’Ububyaza, ibitaro by’Akarere bitatu aribyo Ruli, Nemba na Gatonde.

Aba baturage bashima FPR-Inkotanyi, yegereje abana babo ibigo by’amashuri, bakifuza ko niramuka yongeye gutorwa bakubakira Akarere ka Gakenke ishuri rikuru ryigisha ibijyanye n’ubucukuzi bw’amabuye y’agaciro no kuyatunganya kugira ngo agere ku isoko atunganyijwe bityo abe isoko y’iterambere mu Karere ka Gakenke.

Amafoto: Eric Ruzindana

Ab’Igicumbi biyemeje gutora FPR-Inkotanyi n’umukandida wayo ku mwanya w’Umukuru w’Igihugu

Ubwo baganiraga na Kigali Today, muri ibi birori, bayitangarije ko nta cyatuma badatora FPR Inkotanyi kuko kuva yabohora Igihugu mu myaka 30 ishize, hari iterambere rigaragarira buri wese.

Uzamukunda Clementine utuye mu Murenge wa Rwamiko yagaragaje ko avuze ibyo ubuyobozi bwa FPR-Inkotanyi burangajwe imbere na Paul Kagame, bwamukoreye, atabirangiza. Ati: “Ubu mfite imyaka 53 ndi kumwe na Paul ntiyigeze andekura, ntacyo namushinja, imvugo niyo ngiro kuko ubuyobozi bwiza bwatwegerejwe, urubyiruko ni urwererane, abana bariga kandi twe ntitwigeze twiga, mbese ibya muzehe Kijyana ni birebire, Paul mu mumbwirire ko mukunda cyane”.

Nizeyimana Felicien wo mu Murenge wa Giti, avuga ko atatinyuka kugereranya ingoma yo hambere na Leta ya Paul Kagame kuko itandukaniro rigaragara cyane mu byo amaze kubaka.

Nizeyimana ati: “Ubuyobozi bwariho mbere ya FPR butandukanye n’ubwa Paul Kagame kuko we abasha kwegera abaturage, ibyo tumusabye akabiduha, ubuyobozi bwiza bwegerejwe abaturage, nta muturage ukirenganywa kuko umutekano n’ubutabera yarabiduhaye. Isuku turi aba mbere Abanyarwanda, ndibuka kera twanyweraga hamwe mu bintu ubona ko bidasukuye ariko kuri ubu isuku yaranogejwe ku mubiri, ibikoresho inzu n’Igihugu muri rusange. Ibyo rero tubikesha ubuyobozi bwiza niyo mpamvu tuzahora duhitamo Paul Kagame”.

Abakandida b’Umuryango RPF Inkotanyi baje kwiyamamariza mu Karere ka Gicumbi, kuri site ya Bukure

Bamwe mu rubyiruko rwitabiriye, rubarizwa mu ‘Gakundi Muriro’ (Urubyiruko rushyiraho morali mu bikorwa byo kwiyamamaza), narwo rugaragaza ko iyo rwumvise amateka rusanga hari byinshi Abanyarwanda bakwiye kwishimira kuko bafite ubuyobozi bwiza bityo bagahitamo umutoza w’Ikirenga wabibagejejeho.

Musabyimana Aline yagize ati: “hakozwe byinshi ku bufatanye n’Abanyarwanda ndetse n’ubuyobozi bwacu. Imyaka 30 isobanuye byinshi cyane, dore umugore yahawe ijambo, twegerejwe amazi meza, ubuyobozi buri hafi yacu, bityo rero bigiye kuduha amahirwe yo kongera gutora FPR-Inkotanyi byumwihariko umutoza w’Ikirenga Paul Kagame kugira ngo akomeze atugezeho byinshi cyane ko adutekerereza kandi byose dusanga aduhitiramo neza”.

Nshimiyimana Alexis nawe yagize ati: “Ndamutse mvuze ibyo FPR-Inkotanyi yakoze nahera mu gitondo nkageza ijoro ntarabirangiza, twe yaduhaye stade y’icyitegererezo muri Gicumbi, nyuma y’uko abohoye Igihugu, ntibyigeze bigerwaho mbere rero turamushimira cyane. Nk’urubyiruko twishimira iterambere ry’Igihugu ariyo mpamvu twitegura kuzatora neza dushyira ku gipfunsi, abenshi muri twe ni ubwa mbere tuzaba tugiye gutora ariko ikoranabuhanga ryaraje nta kizatugora itariki izagera byarakemutse tumushimire ibyo yadukoreye. Paul Kagame turamukunda cyane, tumuri inyuma kandi ni inshuti yacu tuzamutora ibihe byose”.

Abaturage b’Akarere ka Gicumbi, bishimira ibikorwa remezo bamaze kugezwaho birimo, ubworozi buri hejuru aho bafite umukamo mwinshi bagemurira uruganda Inyange, amashanyarazi, umuhanda wa kaburimbo Base-Gicumbi-Nyagatare, zone y’ubukerarugendo kubera ikiyaga cya Muhazi, uburezi kuri bose n’ibindi.

Umuhanzi Tuyisenge Intore yacinye ikinimba mu ndirimbo ze zabaye ikimenyabose zirata ibyiza by’u Rwanda

Umuhanzi Fireman nawe yasusurukije abitabiriye iki gikorwa

Umuhanzi Juno Kizigenza nawe yasusurukije abatuye i Gicumbi

Amafoto: Eric Ruzindana

Yagarutse ku iterambere ry’Akarere ka Nyamagabe kagezeho, avuga ko hari ibikorwa remezo nk’imihanda n’icyayi ariko by’umwihariko ibigiye kuza bikazaba byiza kurushaho.

Paul Kagame uri kwiyamamariza umwanya wa Perezida wa Repubulika yagarutse ku byo FPR Inkotanyi ikora. Ati: "Guhitamo uko muzahitamo, bivuze guhitamo umutekano, amajyambere n’ibindi. Ibyo ntabwo tubitezukaho kuko ndabona mwarabirangije rwose".

Yakomeje agira ati: "Uwicwa n’agahinda namubwira iki. Abo barahari ariko bashatse bacisha make. Ariko wamara imyaka 30 udacisha make, ntacyo bakuramo ugakomeza? Niba tudacibwa intege n’ibikomeye ibyo ntibyaduca intege".

Umukandida wa FPR-Inkotanyi ku mwanya wa Perezida wa Repubulika ibyo yabivugaga agaruka ku banenga ibyagezweho, yerekana ko mu myaka 30 hari ibyakozwe Abanyarwanda bafatanyije ariko barangajwe imbere n’uyu muryango ku buryo iyo haba nta gikorwa utakabaye ukiri ku butegetsi.

Yasabye abitabiriye ibikorwa byo kwiyamamaza kwe, ko amateka yaranze igihugu adakwiye kubaherana ahubwo ko bakwiye kubaka u Rwanda rushya rukubiyemo ibyiza gusa bijyanye n’aho isi igeze kuko aribyo abifuriza.

Site ya Nyamagaye yajeho abaturage batuye muri aka Karere ndetse n’abandi bahegereye barimo aba Nyaruguru na Nyanza.

Uyu ni umunsi wa Gatanu Paul Kagame amaze atangiye ibikorwa byo kwiyamamariza kuyobora u Rwanda muri manda y’imyaka itanu.

Paul Kagame yabwiye abamushyigikiye muri Nyamagabe ko umuco wo gusabiriza no gutega amaboko, u Rwanda rwawusize inyuma bityo ko ahazaza harwo ari amahirwe gusa. Ati:"Ibyo kuba ba bandi basabiriza cyangwa babwirwa ibyo bagomba gukora twabisize inyuma, u Rwanda imbere yarwo ni amahirwe gusa".

Yababwiye ko umukandida bazatora cyangwa se batoye akazi ke koroshye cyane kuko abaturage bakarangije ababwira ko agasigaye ari bo bazagakora. Ati: "Umukandida muzatora, mwatoye akazi ke karoroshye cyane mwarakarangije n’agasigaye rero nimwe muzagakora".

Paul Kagame yasoje ijambo rye abifuriza ihirwe Ati: " Bantu ba Nyamagabe, Nyaruguru, Nyanza na Huye mbifurije amahirwe".

Mukecuru Mukanemeye Madeleine yari yazindukiye kwamamaza Paul Kagame

Uyu mukecuru uvuga ko afite imyaka 102 yagize ati: “Nishimye cyane, kwakira Paul Kagame, nabyutse saa Cyenda kugira ngo tumwereke ko tumwishimiye. Njye ndamushimira ko yaduhaye amajyambere muri Huye”.

Yakomeje agira ati: “Biratandukanye ubu ndetse no mu myaka yo ha mbere yacu, kuko nta wakundaga undi aho wasangaga abantu bafite urwango rushingiye ku moko. Kagame ni inkoramutima yanjye abandi bakaba abavandimwe n’inshuti bisanzwe. Kagame rwose yandutira ababyeyi banjye kuko yanyubakiye inzu ndetse mukundira ko yaduhaye urukundo, amajyambere arimo amatungo n’aho kuyororera n’ibindi".

Mukecuru Mama Mukura avuga ko Kagame amurutira ababyeyi

Umubare munini wari witabiriye iki gikorwa bari bambaye ibirango by’umuryango wa RPF, bagaragaza umunezero baterwa no kuba bagiye kongera kumubona imbona nkubone, bakamushimira ibyo yabakoreye byiganjemo ibikorwa remezo n’ibindi.

Uyu mubyeyi asanzwe yarihebeye ikipe ya Mukura VS yo mu Karere ka Huye n’ubwo we atuye mu Karere ka Gisagara.

Ni igikorwa cyabaye ku wa Gatatu tariki 26 Kamena 2024, ku cyicaro cy’Ingabo z’u Rwanda ziri muri Sudan y’Epfo mu butumwa bwo kugarura amahoro.

Minisiteri y’Ingabo z’u Rwanda yatangaje ko Lt Gen Mohan Subramanian, yasuye izi Ingabo aherekejwe n’abayobozi bahagarariye ingabo mu bice by’amajyepfo no mu murwa mukuru, Juba.

Izi ngabo z’u Rwanda zisanzwe zibarizwa muri Rwabatt-1, zikaba ziyobowe na Lt Col Emmanuel Ntwali, ari nawe wabahaye ikaze maze abasobanurire mu nshamake uko umutekano uhagaze mu gace bashinzwe kugaruramo amahoro ndetse n’ibikorwa bakora bitandukanye bigamije kubungabunga amahoro muri ako gace bashinzwe.

Lt Gen Mohan Subramanian, yashimiye Lt Col Emmanuel Ntwali, uyoboye Rwabatt-1, uburyo bakoramo akazi mu gace bashinzwe ndetse amusaba gukomeza gukora ibikorwa byerekana itandukaniro mu gushyira mu bikorwa inshingano bahawe zo kubungabunga amahoro nkuko babyiyemeje mu mategeko agenga UNMISS.

Yamusabye kandi ko mugihe bubahiriza cyangwa bashyira mu bikorwa inshingano zo kugarura amahoro, ko bakwiye kujya bafata imyanzuro nyayo igamije kurinda abaturage b’abasivile mu bice bashinzwe kurinda.

Rwandabatt-1, ishinzwe kubungabunga amahoro mu duce twa Juba, Intara yo hagati ya Equatoriale na Torit, Uburasirazuba bwa Equatoriale bya Sudani y’Amajepfo.

Ingabo z’u Rwanda ziri mu butumwa bwo kubungabunga amahoro, zikora izi nshingano binyuze muri Batayo eshatu ndetse n’izirwanira mu kirere zibarizwa muri Juba, Durupi, Torit ndetse na Malakal.

Biyemeje kuzatora ku gipfunsi nta numwe usigaye

Mu ndirimbo nyinshi babyinaga, zose zagarukagamo interuro ‘dushyire ku gipfunsi yadukuye ku k’arubanda’.

Uwitwa Twambazimana Ignace, wo mu murenge wa Nemba, Akagari ka Kivumu, yagize ati: “Ntacyatuma ntamutora, nize uburezi bw’ibanze bw’imyaka icyenda na cumi n’ibiri kandi iwacu ntabwo twari twishoboye, ubu ndimo kwiga kaminuza, ndizera ko umurongo arimo nawukomeza u Rwanda ruzaba Paradizo”.

Nyiramwiza Odette utuye mu murenge wa Butaro, wari wasaraye kubera kuririmba ashyiraho morale mu bikorwa byo kwamamaza abakandida Depite, ati: “Twari mu icuraburindi twarahabye Kagame araducyura, ubu dufite amahoro, yampaye inka, nta mubyeyi wambaraga inkweto, yisige amavuta ariko twese duhora dukeye. Nari mfite umugabo wahoraga ampohotera avuye kunywa kanyanga, ariko yahaye abagore ijambo uwo mugabo ntiyongera kunkoraho, nzahora ntora Kagame ijana ku ijana”.

Uyu mubyeyi avuga ko yifuza ko Kagame yazaza i Butaro maze akamushimira kuko yamukuye ahakomeye.

Uwamahoro Saraphine yavuze ko azagwa inyuma y’umukandida wa FPR-Inkotanyi

Uwamahoro Saraphine, wo mu murenge wa Ruhunde, watanze ubuhamya bw’ibyo FPR yamukoreye, yahamije ko azagwa inyuma y’umukandida wayo, Paul Kagame kuko amukesha ubuzima. Ati: “Kagame Paul yanyubakiye inzu, ayishyiramo amashanyarazi, yampaye amarerero mu kigo mbonezamikurire. Njye nagarukiye mu mashuri abanza gusa ariko yahaye umugore ijambo maze angirira icyizere, abo bana mbigisha umuco Nyarwanda, nkabacira imigani n’ibisakuzo, ikinyabupfura, nkabakangura mu bwonko, nkabigisha isuku n’isukura maze bagasabana n’abandi”.

Bacinye akadiho karahava

Uwamahoro akomeza avuga ko azatora Kagame ndetse ashyigikire FPR-Inkotanyi igihe cyose azaba ahumeka. Ati: “Ndi imfubyi, basaza banjye bashatse kundya inzu Data yansizemo apfuye, bayinkuramo ariko ubuyobozi bunyubakira indi inzu, rero kuba Kagame yararinganije umukobwa n’umuhungu bakangana nibyo byampaye agaciro, iyo biba kera barikundya nkarindagira. Rero muri inyuma n’urubyaro rwanjye, nzahora muvuga ndetse muvugire aho ndi hose kuko ni umubyeyi”.

Aba baturage bavuze imyato umuryango wa FPR-Inkotanyi na Chairman wawo kuri uyu wa 26 Kamena, ubwo bari bitabiriye ibikorwa byamamaza abakandida Depite batatu ba FPR, aribo Uwimana Modeste, Nyiramana Christine na Ndayambaje Theoneste.

Uwimana Modeste, Nyiramana Christine na Ndayambaje Theoneste nibo bahagarariye abandi kuri site ya Butaro ku Karere ka Burera nk’abakandida Depite b’umuryango RPF Inkotanyi

Abaturage bitabiriye iki gikorwa babarirwa mu bihumbi 25 bari baturutse mu Mirenge 17 igize Akarere ka Burera.

Bimwe mu baturage batuye Akarere ka Burera birata babikesha FPR-Inkotanyi, harimo ibikorwa remezo bamaze kwegerezwa birimo, umuhanda urimo kubakwa wa Base-Butaro-Kidaho, umuriro w’amashanyarazi wagejejwe ku baturage ku gipimo cya 80%, Ibitaro bya Butaro bivura kanseri Abanyarwanda n’abaturutse mu Mahanga, Kaminuza yigisha Ubuvuzi (UGHE) n’ibindi byinshi bibafitiye akamaro.

Byari umunezero ku bakuru n’abato, kuvuga imyato uwabagabiye

Mu kwakirana urugwiro abo bakandida babanyurijeho ikinimba

Inararibonye Rucagu Boniface yari ahabaye

Bwana Rucagu yafashije itorero ryari ryabukereye kubyina ikinimba bishimira ibyiza Umuryango wa RPF Inkotanyi wagejejeho abanya Burera

Umuhanzi Fireman nawe yasusurukije abanyamuryango ba RPF i Burera

Umuhanzi Juno Kizigenza nawe yifatanyije n’abatuye i Burera mu bikorwa byo kwamamaza abakandida depite b’Umuryango RPF Inkotanyi

Reba ibindi muri iyi Video:

Amafoto & Video: Eric Ruzindana

Babiri bakekwaho kwakira indonke batawe muri yombi

Ni ubutumwa RIB, inyujije ku rukuta rwayo rwa X, ku gicamunsi cyo kuri uyu wa Gatatu, tariki 26 Kamena 2024, aba bayobozi bakaba barafunzwe Tariki ya 21 Kanama 2024.

RIB yagize iti: "Twafunze Muberantwari Reverien, Umuyobozi ushinzwe ibikorwa remezo, imyubakire n’ubutaka mu Karere ka Ngororero na Niyihaba Thomas, Umunyamabanga Nshingwabikorwa w’Umurenge wa Nyange muri aka Karere".

RIB yakomeje isobanura impamvu bafunzwe igira iti: "Aba bakurikiranyweho ibyaha byo gusaba no kwakira indonke no gukoresha inyandiko zitavugisha ukuri ku mitungo y’abaturage yangijwe igihe hasanwaga umuhanda Rambura-Nyange".

Ibi byaha bakurikiranweho bakaba baratangiye kubikora mu bihe bitandukanye guhera muri Kanama 2023 kugeza muri Kamena 2024.

Abafashwe bafungiye kuri Sitasiyo ya RIB ya Kabaya mu gihe hatunganwa dosiye yabo kugira ngo izashyikirizwe Ubushinjacyaha.

Gusaba, kwakira cyangwa gutanga indonke, ni icyaha giteganwa n’Ingingo ya 4 y’itegeko N°54/2018 ryo ku wa 13/08/2018 ryerekeye kurwanya ruswa.

Iyo Urukiko ruguhamije iki cyaha, uhanishwa Igifungo kirenze imyaka 5 ariko kitarenze imyaka 7 n’ihazabu y’amafaranga y’u Rwanda yikubye inshuro kuva kuri 3 kugeza kuri 5 z’agaciro k’indonke watse cyangwa wakiriye.

Guhimba, guhindura inyandiko cyangwa gukoresha inyandiko mpimbano, ni icyaha giteganwa n’Ingingo ya 276 y’Itegeko No 68/2018 ryo kuwa 30/08/2018 riteganya ibyaha n’ibihano muri rusange.

Uhamijwe iki cyaha ahanishwa, igifungo kuva ku myaka 5 ariko kitarenze 7 n’ihazabu y’amafaranga y’u Rwanda kuva kuri miliyoni 3,000,000 FRW ariko atarenga 5,000,000 FRW cyangwa kimwe gusa muri ibyo bihano.

RIB irongera kuburira abitwaza imirimo bakora bakishora mu byaha kubireka, inashimira abatanga amakuru kuri ruswa n’indi mikorere idahwitse kuko bibangamira iterambere ry’Igihugu.

Abakandida b’Umuryango RPF Inkotanyi ku mwanya w’Abadepite bari muri site ya Cyanya muri Rwamagana

Bagize bati: “Buri wese azatore yibuka neza ko Perezida mwiza akora neza afite Intore nkamwe, Inteko Ishinga Amategeko irimo abantu be, basobanukiwe ko inzego zikora neza”.

Mu bikorwa byo kwamamaza abakandida-Depite mu karere ka Rwamagana, ndetse no kwamamaza umukandida ku mwanya wa Perezida Paul Kagame baturutse mu muryango wa FPR-Inkotanyi, basabye abanyamuryango, gushyigikira ishyaka ryabo kugira ngo barusheho kwesa imihigo biyemeje.

Abakandida-Depite biyamamarije iyi myanya mu Karere ka Rwamagana bari batatu, barimo Nabahire Anastase, Uwineza Beline na Mpinganzima Aline Benigne.

Nabahire Anastase umukandida Depite wa FPR-Inkotanyi

Nabihire Anastate, avuga ko FPR-Inkotanyi, ifite amabanga atandukanye ashingiye ku Bumwe bw’Abanyarwanda. Ati: “Ibanga ryacu ni Ubumwe. Uyu munsi duteraniye aha ngaha kuko twitegura kongera gutera intambwe muri Demokarasi, aho mu nzira ndende yo kubohora Igihugu, Ubumwe bw’abitanze ngo tubone Igihugu twishimira”.

Nabahire wavuze mu izina ryabo bakandida, yashimiye abitabiriye ndetse abasaba ubumwe bashingiye ku byakozwe mu myaka yabanje ku bufatanye. Ati: “Turabasaba uruhare rwa buri wese, ari abaje, abatabashije kuboneka, inshuti z’umuryango ndetse n’abatarasobanukirwa neza, kuko FPR-Inkotanyi yatanze amahirwe angana ku byiciro byose by’Abanyarwanda kuva kubato kugeza ku bakuru, aho bagira uruhare mu kwihitiramo Igihugu kigendera kuri Demokarasi. Twese twitegure gushyira igikumwe ku gipfunsi tariki 15 Nyakanga”.

Nabahire yakomeje agaragaza ko gushyira ku Gipfunsi bisobanuye umusaruro w’Amajyambere arambye yubaka buri muntu ku mutima, mu gihugu ndetse no mu mahanga.

Yagarutse kandi ku birori byo gutora ny’irizina, aho yasabye buri wese gutora n’umutimanama hagamijwe kubaka Ubumwe, Iterambere, Ubukungu, Ubumenyi, gukunda Igihugu n’ibindi, bityo ko ibyo nibabishingiraho, bizakorwa ari uko bazindutse bagatora Paul Kagame kugira ngo barusheho kwesa imihigo.

Aba babyeyi bashimishije imbaga mu mbyino kinyarwanda

Abaturage bashima iterambere bagejejweho mu myaka 7 ishize, bikozwe n’umuryango FPR-Inkotanyi, birimo imihanda ya Kaburimbo ifite ibirometero 10, icyanya cy’Inganda cya Mwurire, amashanyarazi mu mirenge yose harimo imirenge 7 yayibonye kuva 2017, Agakiriro ka Rwamagana na Gare ya Rwamagana nshya ndetse no kongera imiyoboro y’amazi mu gice cya Rubona-Mwurire -Musha ndetse n’Ikigo nderabuzima gishya cyaje gisanga ibindi 13 bari basanganywe n’ibindi.

Umukandida Depite Mpinganzima Aline watanzwe n’Umuryango FPR-Inkotanyi

Beline Uwineza kandida Depite wa RPF

Umwarimu wigishije Aline mu mashuri abanza yishimiye ku mushyigikira

Ababyeyi b’umukandinda Mpinganzima Aline bari baje kumushyigikira

Abafite ubumuga bw’ubugufi bukabije bishimira ko FPR Inkotanyi yashyizeho gahunda zitandukanye zibafasha ndetse igaca guhezwa kwabo mu mirimo itandukanye

Nawe gahunda ni kugipfunsi

Ukuriye ibikorwa byo kwamamaza muri Rwamagana, Umutoni Jeanne

Twizeyimana Josephine yasangije abandi ubuhamya bw’ukuntu yabashije kwikura mu bukene ubwo yari umwarimu kuri ubu akaba asigaye afite ikigo cy’amashuri

Abanyantege nke nabo basindagizwaga ngo bifuza kugera aho abandi bari

Umuhanzi Dany Nanone yasusurukije abanyamuryango bari kuri iyi site

Amafoto: Eric Ruzindana

Costasie Muziranenge watanze ubuhamya bw’ukuntu FPR yamufashije mu kwikura mu bukene

Site ya Karama aho iki gikorwa cyaberaga, abaturage bamwe bavuga ko bakoze urugendo rurere baza gushyigikira umuryango wa FPR-Inkotanyi, umaze kubageza kuri byinshi byiganjemo ibikorwa remezo.

Zihinjishi Felesita watangiye urugendo saa Cyenda z’igitondo kuri uyu wa mbere, ati: "Kagame mukesha umutekano, navuye muri Gicumbi nza gutura muri Nyagatare, mbere ntibyabagaho. Nabuze umugabo muri Jenoside yakorewe Abatutsi, naje kurwara SIDA ariko Kagame yirutse amahanga ampa imiti yo kunywa, yanyubakiye inzu, yampaye inka. Bitinze gucya ngo mutore kandi nzahora mutora”.

Zihinjishi w’imyaka 64 avuga ko bamubujije kuza kuko akuze, ariko we ababwira ko yiyemeje kuzamugwa inyuma kuko amukesha ubuzima.

Mukankusi Donathille, waturutse mu Murenge wa Tabagwe, wahoze mu bucuruzi butemewe n’amategeko ariko ubu akaba ari mu bikorwa by’ubufutuzi (Abemeye kuva mu bucuruzi bwa kanyanga bakuraga Uganda) avuga ko akiburimo nta musaruro byamuhaga nyuma Kagame aza kubagira inama yo kubivamo bagakorera ubucuruzi iwabo kandi bagakora ubwemewe.

Nubwo imyaka itamwemerera guhaguruka ngo acinye akadiho ariko aho yicaye aragaragaza ishimwe muri we

Mukankusi ati: “Mbere amafaranga nakuraga muri Kanyanga kwari ukurya no kunywa gusa, nyuma mbaye umufutuzi, Kagame yanyubakiye inzu, abana banjye bariga ndetse yampaye akazi ikirenzeho yategetse ko bazajya bampemba amafaranga ibihumbi bibiri ku munsi, rero nta cyambuza gushyigikira FPR-Inkotanyi kuko niyo imbeshejeho”.

Mu butumwa aba baturage bageneye abakandida ku mwanya w’Abadepite b’Umuryango wa FPR-Inkotanyi bari mu bikorwa byo kwiyamamaza, babasabye ko bajya kubashimira Paul Kagame ndetse kandi bamusezeranya ko itariki itinze kugera maze bagatora ku gipfunsi.

Site ya Karama yari yahurije hamwe abaturage b’Imirenge 14 igize Akarere ka Nyagatare bakaba bari bafite ibyishimo ko kuba ibyo FPR yabasezeranyije mu matora y’umwaka wa 2017 yabibagejejeho.

Muri Nyagatare, abaturage bavuga ko FPR-Inkotanyi bayikesha ibikorwa remezo bitandukanye, birimo isoko rya Kijyambere, umuhanda wa kaburimbo uva Nyagatare- Karama ugakomeza Gicumbi, Stade ya Nyagatare n’ibindi.

Amafoto: Eric Ruzindana

Ubwitabire bwari ku rwego rwo hejuru kuburyo byateje umuvundo mu gusohoka

Ni mu butumwa bwihanganisha bwashyizwe kuri X ya MINALOC, kuri iki Cyumweru tariki 23 Kamena 2024, nyuma y’uko umuntu umwe yitabye Imana, abandi 37 bagakomereka ubwo bari bitabiriye ibikorwa byo kwiyamamaza bya FPR-Inkotanyi i Rubavu.

Minisiteri y’Ubutegetsi bw’Igihugu, yagize iti: "Turihanganisha umuryango w’ababuze uwabo ubwo habaga umuvundo w’abantu ku muryango wasohokeragamo abitabiriye ibikorwa byo kwiyamamaza i Rubavu".

Iryo tangazo rikomeza rivuga ko, uyu munsi, kuri site yo kwiyamamarizaho ya Gisa mu Murenge wa Rugerero, Akarere ka Rubavu, mu Ntara y’Uburengerazuba, habaye umuvundo w’abantu ku muryango wasohokeragamo abitabiriye ibikorwa byo kwiyamamaza by’Umuryango FPR-Inkotanyi.

Ubu butumwa bwa MINALOC bukomeza bubivuga ko ikpe y’abaganga yari iri kuri iyi site yakoze ibishoboka byose ariko, ku bw’ibyago, umuntu umwe ahasiga ubuzima, mu gihe abandi 37 bakomeretse

Minisiteri y’Ubutegetsi bw’Igihugu ivuga ko bakomeje kwitabwaho. Iti: "Ubu abakomeretse hafi ya bose bari kwitabwaho n’abaganga mu bitaro bya Gisenyi. Abantu bane bakomeretse bikabije bajyanwe mu bitaro bikuru i Kigali kugira ngo bitabweho byisumbuye".

MINALOC yihanganishije umuryango w’ababuze uwabo ndetse isaba abitabira ibikorwa byo kwiyamamaza, muri iki gihe hitegurwa amatora, gukurikiza amabwiriza bahabwa n’ababishinzwe kugira ngo hubahirizwe umutekano n’ituze by’abitabira ibikorwa byo kwiyamamaza.

Site ya Gisa mu murenge wa Rugerero ho mu Karere ka Rubavu, abanyamuryango ba FPR Inkotanyi baturutse muri aka Karere, Nyabihu ndetse na Rustiro barenga ibihumbi 250, bari bitabiriye ibikorwa byo kwiyamamaza by’Umuryango FPR-Inkotanyi.

Kuva kuwa Gatandatu abaturage mu karere ka Rubavu, bari batangiye kugaragara mu mihanda bambaye ibirango bigaragaza umuryango FPR-INKOTANYI, ibyerekana ko bari biteguye kuza gushyigikira umukandida wabo ku mwanya wa Perezida ariwe Paul Kagame.

Ubwo yagarukaga ku mateka ya FPR Inkotanyi, yavuze ko FPR yagabiye Abanyarwanda. Ati: "Ngarutse ku mateka ya FPR, nk’uko byigeze kuririmbwa, twese yaratugabiye. Igisobanuro cy’inka ni amajyambere, uyikugabira aba agukunda, uyikugabiye aba akwifurije gutera imbere, ni cyo kimenyetso kiri mu nka mu muco w’Abanyarwanda".

Paul Kagame yakomeje agira ati: "Murabizi mu myaka yashize inka bari baraziciye mu Rwanda ariko FPR irazigarura iratugabira twese, bityo rero uwakugabiye uramwitura, ugasubiza urukundo uwakugabiye inka aba yaraguhaye. Ni ugusubiza amajyambere ari mu kuba yarakugabiye, rero igikorwa tugiye kujyamo cyatangiye ejo, haba ku mukandida uzayobora Igihugu no ku bakandida depite, ubwo hazaba harimo kwitura ya FPR".

Bamwe mu bahagarariye imitwe ya Politiki yemeye kwifatanya na FPR Inkotanyi bari baje kwifatanya mu kwamamaza Kagame Paul

Perezida Kagame kandi yashimiye imitwe ya Politiki yemeye kwifatanya na FPR muri urwo rugendo ndetse ahamagara abayobozi bayo abereka abitabiriye igikorwa cyo kwiyamamaza cyaberaga mu Murenge wa Rugerero kuri site ya Gisa.

Abaturage b’Akarere ka Rubavu ni bo bahimbiye Umukuru w’Igihugu indirimbo baririmbamo ngo ’Ndandambara yantera ubwoba iyarinze Kagame nanjye izandinda’, ikaba yaragarutsweho cyane ubwo mu mwaka wa 2017 yari mu bikorwa byo kwiyamamariza kuyobora Igihugu.

Paul Kagame yabwiye abaturage b’i Rubavu n’abandi bari baturutse mu duce bihana imbibi ko abakunda nk’uko bamukunda ndetse ko abifuriza guhora biteza imbere.

Ibikorwa byo kwiyamamaza ku mwanya w’Umukuru w’Igihugu n’uw’Abadepite, byatangiye ku wa Gatandatu tariki 22 Kamena 2024, amatora akaba ateganyijwe tariki 14-15 Nyakanga 2024.

Abahanzi batandukanye basusurukije abitabiriye iki gikorwa

Kureba amafoto menshi, kanda HANO

Reba n’ibindi muri iyi Video

Ni ibyatangajwe ku wa Gatanu tariki 21 Kamena 2024, aho BK Foundation ku bufatanye n’Inkomoko muri gahunda izwi ku izina rya BK Urumuri Initiative, batangije amahugurwa n’ubujyanama mukunoza ibikorwa by’imishinga y aba Rwiyemezamirimo azamara amezi atandatu, agamije gufasha abari n’abategarugori mu rugendo rwo kwiteza imbere.

Bagarutse kandi ku bafashijwe umwaka ushize, aho Sharon Akanyana, umwe mu bitabiriye iyi gahunda muri 2019 ufite uruganda rutunganya ibikomoka ku mata (Yoghurt), avuga ko bahawe amahugurwa n’inguzanyo bagiye gufunga imiryango. Ati: "Twahawe amahugurwa, ubujyanama ku mishanga ndetse dufashwa kubona inguzanyo zisonewe inyungu bityo igihe umusaruro wacu ubwo wari ntawo bidufasha kuzahura imishinga yacu none ubu ubucuruzi bwacu buragenda neza haba mu byo dukora ndetse n’umubare w’abakozi dukoresha".

Umuyobozi wa BK Urumuri akaba n’umujyanama mukuru wa ‘Inkomoko’, Emmanuel Gashagaza, avuga ko uyu mushinga ufasha ba rwiyezamirimo bahize abanda bagendeye kubisubizo imishinga yabo izatanga haba kuri bo ubwabo ndetse no kuri sosiyete muri rusange.

Gashagaza yagize ati: “Tubahugura ku bijyanye n’ubucuruzi, uburyo bacunga imari, uburyo bamamaza ibyo bakora, uburyo bageza ibyo bakora kumasoko, amahugurwa ku misoro, muri rusange uko batunganya imishinga yabo ikababyarira inyungu” Mu myaka irindwi ishize (2017-2023), iyi gahunda imaze gufasha ba rwiyemezamirimo barenga 200 kubijyanye n’amahugurwa ndetse asaga miliyoni Magana abiri (Frw 200,000,000) y’u Rwanda akaba amaze gukoreshwa mugufasha baRwiyemezamirimo kubona igishoro bahabwa inguzanyo zisonewe inyungu

Gashagaza akomeza avuga ko uyu mushinga ubafasha cyane kuko nk’urugero, ba rwiyemezamirimo 25 bafashijwe umwaka wa 2023, bungutse inshuro 338% ugereranyije nuko bungukaga mbere y’uko binjira muri iyi gahunda ya BK Urumuri ndetse bakaba barataremye imirimo ku mpuzandengo y’imirimo 4 kuri buri rwiyemezamirimo umwe.

BK Urumuri Initiative ni irushanwa nk’andi, aho kugira ngo uhatane bisaba kuba usanzwe uri rwiyemezamirimo, ibikorwa byawe byanditse muri RDB, kuba wunguka cyangwa ukerekana ko uzunguka mu gihe kiri hafi ndeste kuko buri mwaka insanganyamatsiko ikaba ihinduka. Rwiyemezamirimo yemezwa bitewe n’ibyo akora hagendewe ku insanganyamatsiko igezweho.

Insanganyamatsiko yagendeweho mu gutoranya ba rwiyemezamirimo bazaterwa inkunga na BK Foundation uyu mwaka ni: "Kubaka ubushobozi bw’umugore ni ukubaka ubushobozi bw’Igihugu".

Umuyobozi wa Inkomoko yari yitabiriye itangizwa ry’aya mahugurwa

Umuyobozi wa Inkomoko, Sarah Leedom, yasabye abitabiriye guterwa ishema nibyo bifuza gukora kuko uyu mwaka hibanzwe ku bagore. Ati: "Umugore agira inshingano nyinshi zitandukanye, kuba mubasha kuza mu bijyanye n’ubucuruzi mukwiye guterwa ishema n’ibyo mukora".

Pascal Nkurunziza, Umuyobozi ushinzwe porogaramu muri BK Foundation wari uhagarariye Umunyamabanga Nshingwabikorwa ari na we muyobozi mukuru wa BK Foundation (Ingrid KARANGWAYIRE), avuga ko muri iyi myaka irindwi ishize uhereye muri 2017 kugeza muri muri 2023, BK Foundation ibinyunjije muri iyi Gahunda ya BK Urumuri yabashije gufasha ba Rwiyemezamirimo basaga 200 bahabwa amahugurwa, muri bo 43 bakaba barafashijwe kubona cyangwa kongera igishoro ndetse igishimishije kurushaho 58% muri abo bakaba abagore.

Nkurunziza agira inama ba rwiyemezamirimo bahatana muri iyi gahunda ya BK agira ati: “Intambwe ya mbere ni ukwagura imitekerereze bakamenya ko utera inkunga aterwa ishema no kubona uwo atera inkunga nawe ashishikajwe no kwiyubaka ndetse akageza n’aho aharira abamuri inyuma nabo bakagerwaho n’iyo nkunga. Yongeyeho ati bakwiye kwaguka bakiyubaka ndetse bakageza aho nabo bafasha abandi, kandi ni muri urwo rwego tubashishikariza kwihangira imirimo ndetse bagahanga imirimo igera no kubandi”.

Nkurunziza Pascal

Nkurunziza yabagejejeho ubutumwa bw’umuyobozi wa BK Foundation “(Ingrid Karangwayire) agira ati: Buri mwaka hagenda hagaragara ba rwiyemezamirimo bashya bafite udushya mu bikorwa bitandukanye; Buri mwaka porogaramu ya BK Urumuri igira insanganyamatsiko yihariye ndetse n’udushya muri ba rwiyemezamirimo. Muri uyu mwaka twahisemo gushyira imbaraga mu kuzamura ba rwiyemezamirimo b’abagore mu buryo bwo guteza imbere sosiyete Nyarwanda, bafite icyerekezo kihariye mu gushaka ibisubizo by’ibibazo byugarije isi cyane cyane mu bice byagiye bisigara inyuma mu iterambere. Rero muri BK Foundation twiteguye kubyaza aya mahirwe umusaruro, ntabwo guteza imbere imishinga iyoborwa n’abagore ari ukuzamura iterambere ry’ubukungu gusa ahubwo ni no kwimakaza gahunda zo kubaka ubukungu budaheza”.

‘Inkomoko’ ifite icyicaro gikuru mu Rwanda, ariko uyu umushinga ukaba ukorera mu bihugu nka Kenya, Sudani y’Epfo, Ethiopia ndetse hakaba hari gahunda ko mu mpera z’uyu mwaka bazakorera no muri Tchad.

Abarokotse Jenoside bo mu Gitega bishimiye igihano cyahawe Bomboko

Bavuga ko bishimiye igihano Bomboko yahawe ndetse bakagaragaza ko mbere bari bafite amakenga ku mikirize y’urubanza bitewe nuko Bomboko yari afite ubundi bwenegihugu, no kuba yaraburaniraga mu mahanga bo barifuzaga ko yazanwa mu Rwanda abo yakoreye ibyaha bakamushinja ibyo yakoze.

Umwe mu barokokeye ku Gitega yagize ati: "Urubanza twarwakiriye neza cyane, nta cyizere twari dufite y’uko ubutabera hari icyo buzakora, dore yari afite ubundi bwenegihugu, twe twifuzaga ko azanwa mu Rwanda, nk’abantu bari bafite icyo bamuziho tukamushinja ibyo yakoze ariko twishimiye ko hari icyo bwakoze kuri Bomboko".

Ku myaka 25 Bomboko yakatiwe bavuga ko bitewe n’ibyaha yakoze by’indengakamere yakabaye akatirwa gufungwa burundu, ariko n’igihano yahawe cyabashimishije.

Gusa bakagaragaza impungenge kuba ibihano bihabwa abantu bakatirwa n’inkiko zo mu mahanga babyubahiriza neza bakifuza ko abahamijwe ibyaha bya Jenoside bajya bazanwa kurangiriza ibihano byabo mu Rwanda. Uyu yagize ati: "Tuba twumva y’uko umuntu ari aho hanze, icyizere tukibona iyo umuntu tumwiboneye amaso ku yandi niho tuba dufite icyizere y’uko bya bihano babahaye koko bari kubikora neza mu gihugu cyacu”.

Mbanguza Charles warokotse Jenoside yakorewe Abatutsi mu Murenge wa Gitega, ashima uburyo ubutabera bwabyitwayemo neza mu rubanza rwe, haba ku byo u Rwanda rwakoze ndetse n’Urukiko rwa Rubanda rwo mu Bubiligi.

Mbanguza yagize ati: "Twashimye rero by’umwihariko uburyo urubanza rwagenze n’uburyo inzego zibifite mu nshingano zabyitwayemo, twishimira ko n’abandi bagikurikiranwa ariko dusaba n’abagifite amakuru ya ngombwa ku bandi bagikurikiranwa ku yatangira ku gihe kandi bagatanga amakuru asobanutse y’ukuri agaragaza imikorere y’ibyaha by’abo bantu n’igihe babikoreye n’aho bari bari."

Ku bijyanye n’igihano Bomboko yahawe cy’imyaka 25, Mbanguza avuga ko nubwo abacamanza bafata imyanzuro bakurikije ubushishozi bwabo, ariko yumva icyo gihano kidahagije. Ati: "Yari akwiye igihano cya burundu kuko yakoze ibyaha birenze kimwe, urumva rero imyaka 25 byaba iby’igihano kimwe, wenda cyo kwica umuntu, ariko hajemo no gufata ku ngufu, hazamo gutoteza, igihano rwose cyagombye kuba kirengejeho ariko ntacyo twasimbuza urukiko."

Undi mu barokotse Jenoside yakorewe Abatutsi mu Murenge wa Gitega nawe yagaragaje ko yishimiye igihano cyahawe Bomboko. Ati: "Bomboko ntabwo nari muzi naramwumvaga gusa ariko nkurikije uko nabyumvise, burya ubutabera buritonda bugashishoza bugaca urubanza bukurikije uko bwumvise ibintu. Nkurikije imyaka 25 bamuhaye numva ikwiriye kuko aho tutari nibo bahatubera”.

Naho ku bijyanye no kuregera indishyi bavuga ko kuva icyaha cyaramuhamye nazo baziregera ariko bakagaragaza impungenge. Ati: "N’indishyi twaziregera ariko ni uko tutizera ko hari ikintu agifite mu gihugu kuko bariya bantu baritonze baritegura, ibintu byabo barabitanga cyangwa barabigurisha, gusa abantu baperereza bakamenya neza niba hari ikintu cye gisigaye hano”.

Abarokotse Jenoside, yakorewe Abatutsi bavuga ko icyifuzo cyabo ku bandi bagize uruhare muri Jenoside bakihishahisha mu bihugu bitandukanye, bakwiye gushakishwa bakagezwa imbere y’ubutabera kuko ntawe ukwiye kuba akidegembya mugihe yakoze icyaha cy’indengakamere cya Jenoside.

Bomboko waburaniraga mu rukiko rwa rubanda rwa Buruseli mu Bubiligi, kuva tariki 8 Mata 2024, yahamijwe ibyaha yaregwaga bya Jenoside, ibyibasiye inyokomuntu ndetse no gufata ku ngufu, gusa kuwa 6 Kamena 2024, akaba yaraburanye abihakana.

Ni ibyaha yakoreye mu Murenge wa Gitega, Akarere ka Nyarugenge, aho yari afite igaraji ryitwaga AMGAR, ahiciwe Abatutsi ndetse hafi yaryo hakaba hari na bariyeri, akaba yaraje gukatirwa tariki 10 Kamena 2024. Ahanishijwe igifungo cy’imyaka 25.

Perezida Kagame yakiriye itsinda riturutse mu kigo Miller Center for Social Entrepreneurship

Nkuko bigaragara kurubuga rwa X rw’Ibiro by’Umukuru w’Igihugu Village Urugwiro, Perezida Kagame yakiriye iri tsinda ku gicamunsi cyo kuwa Gatanu tariki 21 Kamena 2024.

Perezida Kagame yakiriye itsinda riturutse mu kigo Miller Center for Social Entrepreneurship n’abo muri Kaminuza ya Santa Clara muri Leta Zunze Ubumwe za Amerika.

Minisitiri w’Ikoranabuhanga na Inovasiyo, Paula Ingabire ndetse na Francis Gatare, Umuyobozi Mukuru w’Urwego rw’Igihugu rw’Iterambere (RDB) bari mu bitabiriye ibiganiro Perezida Kagame yagiranye n’izi ntumwa.

Perezida Kagame yabakiriye ari kumwe na Minsitiri Ingabire Paula

Iyi nkuru ikomeza ivuga ko baganiriye ku guteza imbere gahunda zo kwihangira imirimo n’amahirwe mu burezi.

Abarezi, abanyeshuri ndetse n’abayobozi basanzwe baza kwigira ku iterambere ry’u Rwanda mu ngeri zitandukanye, by’umwihariko bakifuza kugirana ikiganiro n’umukuru w’igihugu kuko benshi ku isi bamufata nk’umuyobozi w’ikitegererezo nyuma yuko ayoboye urugamba rwo kubohora Igihugu, akabasha kugarurira Abanyarwanda icyizere nyuma ya Jenoside yakorewe Abatutsi mu 1994.

Bose abatega amatwi ndetse akabamara amatsiko ku bibazo bitandukanye baba bamubaza yaba ibishingiye ku buzima bwite ndetse n’inshingano muri rusange.

Baganiriye ku guteza imbere kwihangira imirimo n’amahirwe ari mu burezi

Perezida Kagame yahawe umwambaro w’Umukinnyi wa Basketball muri Amerika, Stephen Curry

Ibirori byo kwambika izi ngabo z’u Rwanda imidali byabayae kuwa Kane tariki 20 Kamena 2024, ahitwa Bossembele, muri Perefegitura ya OMBERA M’POKO, ahasanzwe ari ibirindiro bya Rwabat-2.

Uyu muhango wari uyobowe n’Umuyobozi wungirije ukuriye Ingabo za Loni zishinzwe kugarura Amahoro muri Santrafurika, Maj Gen Luis Manuel Ricardo Monsanto, washimye uruhare rw’Ingabo z’u Rwanda mu kugarura amahoro n’ituze muri iki gihugu.

Yagize ati, "Uyu munsi turazirikana ibikorwa byanyu mu butumwa bufite akamaro ku baturage ba Repubulika ya Santrafurika. Ni muri urwo rwego mbashimira uruhare rwanyu mu kugarura amahoro mu karere kanyu mushinzwe, Ubunyangamugayo bwanyu buri ku rwego rwo hejuru, Ikinyabupfura, ubwitange no kwigomwa n’ubunyamwuga mu kazi kanyu cyane cyane muri aka gace mushinzwe."

Umuyobozi w’Ingabo z’u Rwanda ziri mu butumwa bw’Umuryango w’Abibumbye muri Repubulika ya Santrafurika, Lt Col PC RUNYANGE yashimye inkunga y’ubuyobozi bwa MINUSCA, guverinoma y’iki gihugu, hamwe n’’izindi ngabo bafatanya, yizeza ko bazakomeza gukorana umurava no kurangwa n’indangagaciro.

Yashimye kandi Ingabo z’u Rwanda zo muri Rwabat-2 ku bw’ubwitange bagaragaje mu gusohoza inshingano bashinzwe. Yijeje abari aho ko ingabo ayoboye ziteguye kandi ko zishishikajwe no kuzamura ibendera ry’Umuryango w’Abibumbye mu bikorwa byo kubungabunga amahoro.

Abayobozi batandukanye bo muri leta bo muri Santrafurika, Umujyanama wa kabiri mu biro bireberera inyungu z’u Rwanda muri Santrafurika, Didier Rugina, n’umuryango w’Abanyarwanda batuye muri Repubulika ya Santrafurika, bari mu bitabiriye uyu muhango.

Mu biganiro bagiranye ku wa Kabiri tariki 18 Kamena 2024, ku cyicaro cya Minisiteri y’Ingabo z’u Rwanda cyagarutse ku bikorwa birimo uruhare abari n’abategarugori b’u Rwanda bagira mu bikorwa by’umuryango w’ababibumbye mu kubungabunga amahoro hirya no hino ku isi.

Yabasobanuriye ibijyanye n’ingamba n’uburyo u Rwanda rushyira mu bikorwa icyemezo cy’umuryango w’abibumbye 1325, ku bijyanye n’uruhare rw’abagore mu buryo bwuzuye kandi bungana mu gukemura amakimbirane, kubaka amahoro, kubungabunga amahoro, gutabara imbabare no kwiyubaka nyuma y’amakimbirane.

Ibyo u Rwanda rumaze kugeraho mu nzego zitandukanye biri mu bituma abayobozi batandukanye baturutse muri Somalia baza kubyigiraho no kureba uko byakwifashishwa nk’ingero, n’icyitegererezo cy’ibyo Somalia yafatiraho urugero k’u Rwanda, mu bijyanye no kugerageza guteza imbere igihugu cyabo.

Mu 2022, Abayobozi mu turere n’abandi bayobozi bakuru muri Guverinoma ya Somalia, bagiriye uruzinduko rw’iminsi ine mu Rwanda, aho bitabiriye ibiganiro bigamije gusangira ubunararibonye mu miyoborere.

Umuyobozi Mukuru muri Minisiteri y’Umutekano, n’Ububanyi n’amahanga ya Somalia, Said Abdullahi Alasow, icyo gihe yatangaje ko kuba u Rwanda hari byinshi rwagezeho mu myaka 20 ishize mu bijyanye n’ubumwe, ubwiyunge ndetse n’iterambere, ari iby’agaciro kuba bagiye kurwigiraho, kuko bizafasha igihugu cyabo mu rugendo cyatangije, mu rwego rwo kugerageza kwiyubaka.

Aba bayobozi baturutse muri Somalia, bagaragaza ko kuba baza kwigira ku Rwanda biterwa no kuba ari igihugu cyahereye ku busa nyuma y’amateka mabi cyanyuzemo ariko nyuma y’igihe gito kikaba cyarabashije kwiyubaka.

Cyril Ramaphosa

Nubwo ishyaka rye ANC ritabonye ubwiganze busesuye mu matora aherutse y’abadepite, Ramaphosa yatowe ndetse hari hashize iminsi ANC iri mu biganiro n’andi mashyaka bashobora gufatanya bagashyiraho Guverinoma ihuriweho.

Ku wa Kane tariki 13 Kamena 2024, Umunyamabanga Mukuru wa ANC, Fikile Mbalula, yari yavuze ko bari mu biganiro n’ishyaka (The Democratic Alliance - DA) ryaje ku mwanya wa kabiri mu matora, ndetse n’andi mashyaka mato mato.

Perezida Cyril Ramaphosa yashimiye abamushyigikiye bose maze yizeza ubufatanye muri manda ye ya kabiri.

Yagize ati: “Ubu ni ugukorera hamwe ku nyungu z’abaturage b’Igihugu cyacu.”

Hari hitezwe imvururu mu gutangaza ibyavuye mu matora nyuma y’uko umunsi wose Inteko Ishinga Amategeko yateranye bwije kugira ngo ibashe gutora yemeza ugomba gutorerwa umwanya w’Umukuru w’Igihugu.

Kuri ubu intego nshya Ramaphosa yifuza kugeraho nk’uko byagarutsweho mu gutangaza intsinzi ye, ni uko agomba gutanga imyanya muri Guverinoma aho biteganyijwe ko ishyaka ANC rizakorana na DA (Democratic Alliance).

Ibyo kandi bikaba biri mu byifuzwa n’abaturage aho benshi bifuza ko uko kunga ubumwe kutigeze kubaho na rimwe kwagerwaho mu byo Abanyafurika y’Epfo biteze kuri manda ya kabiri ya Ramaphosa.

ANC yatsinze ku majwi 40%, mu gihe yari imaze imyaka 30 ku butegetsi itsinda ku bwiganze bw’amajwi arenga 50%, kuva haba amatora ya mbere mu 1994 ubwo Nelson Mandela yatorerwaga kuyobora iki gihugu.

Minisitiri Musabyimana yakiriye Coumba Dieng Sow, uhagarariye FAO mu Rwanda

Mu biganiro bagiranye kuwa Kane tariki 13 Kamena 2024, byari byitabiriwe na Madamu Kayisire Marie Solange, Umunyamabanga wa Leta muri Minisiteri y’Ubutegetsi bw’Igihugu, byibanze ku bikorwa bya FAO mu Rwanda bigamije guteza imbere imirire myiza, umusaruro w’ubuhinzi, kurwanya imihindagurikire y’ikirere, n’izindi ngingo zitandukanye.

Ishami ry’Umuryango w’Abibumbye ryita ku buhinzi n’ibiribwa (FAO) risanzwe rifatanya n’u Rwanda mu bikorwa bitandukanye aho kuva mu 2022, ku bufatanye n’iri shami rya Loni, u Rwanda rwiyemeje gutangira gusuzuma uruhererekane rw’ibiribwa hifashishijwe uburyo bugezweho ku rwego mpuzamahanga.

Ni ibikorwa bizajyana no gukorana n’inzego zose zaba izifata ibyemezo cyangwa izirebwa n’uruhererekane rw’ibiribwa mu gihugu, hagamijwe kureba ahakiri ibibazo no kugena ingengabihe n’ishoramari rikenewe, mu kuzamura ubushobozi busabwa ku rwego mpuzamahanga.

Minisitir Musabyimana na Madamu Coumba Dieng baganiriye kuri gahunda zigamije guteza imbere imirire myiza

Mu 2023, Minisiteri y’Ubucuruzi n’Inganda (MINICOM) nayo kubufatanye na FAO, batangije umushinga ugomba kureba ibijyanye n’ubuzirange n’uruhererekane rw’ibiribwa, by’umwihariko ibikomoka ku buhinzi n’ubworozi.

Minisitiri Musabyimana Jean Claude ari kumwe na Madamu Kayisire Marie Solange, Umunyamabanga wa Leta muri MINALOC, yakiriye kandi Madamu Afshan Khan, Umunyamabanga mukuru wungirije w’Umuryango w’Abibumbye akaba n’Umuhuzabikorwa wa gahunda ya Scaling Up Nutrition (SUN) igamije ku kwita ku mirire y’abana.

Minisitiri Musabyimana Jean Claude yakiriye kandi Madamu Afshan Khan

Ibiganiro byabo byibanze ku ngingo zitadukanye z’iyi gahunda ya SUN, mu gukemura ibibazo byose bitera imirire mibi.

Baganiriye kandi ku bijyanye n’ubufatanye harimo, gushimangira imikorere ya gahunda u Rwanda rwiyemeje ya buri Karere ku kurandura imirire mibi (DPEM), guteza imbere ibikorwa by’Ingo Mbonezamikurire y’Abana Bato (ECD).

Baganiriye kandi no ku bikorwa by’inama yo kurwego rwo hejuru ya gahunda ya Scaling Up Nutrition (SUN) iteganyijwe kubera mu Rwanda mu Gushyingo kuva 25 kugeza 28, 2024.

Baganiriye no ku nama yo kurwego rwo hejuru ya Scaling Up Nutrition izabere mu Rwanda uyu mwaka

U Rwanda rwifatanyije n’u Bwongereza kwizihiza isabukuru y’Umwami Charles III

Ni igikorwa cyabaye ku mugoroba wo ku wa Kane tariki 13 Kamena 2024, cyitabirwa n’Umunyamabanga wa Leta muri MINAFFET ushinzwe Ubutwererane bw’Akarere Gen (Rtd) James Kabarebe.

Ibi birori byateguwe na Ambasade y’u Bwongereza mu Rwanda byitabiriwe na bamwe mu bahagarariye ibihugu byabo mu Rwanda, byaba ibibarizwa mu muryango uhuza ibihugu bikoresha ururimi rw’Icyongereza ndetse n’ibitawubarizwamo.

Minisitiri Kabarebe yashimye ubufatanye bwiza buranga u Rwanda n’u Bwongereza

Ubwo yitabiraga ibirori byo kwizihiza iyi sabukuru ndetse no kwishimira umubano w’ibuhugu byombi, Gen (Rtd) James Kabarebe, yashimye ubufatanye busanzweho hagati y’u Rwanda n’u Bwongereza ndetse ashimangira ku bikomeza ubutwererane bugaragara hagati y’ibihugu byombi hashingiwe ku masezerano atandukanye.

Ibihugu byombi bifatanye amasezerano atandukanye arimo ayo kohereza Abimukira biniiye mu Bwongereza mu buryo bunyuranyije n’amategeko, mu Rwanda, amasezerano y’ubufatanye yiswe Developing Countries Trading Scheme (DCTS) agamije korohereza abifuza gushora imari mu Bwongereza nyuma y’uko iki gihugu kikuye mu Muryango w’Ubumwe bw’u Burayi.

Aya masezerano yashyiriweho gufasha abashoramari n’abacuruzi bo mu Rwanda kubona amakuru ajyanye n’ahari amahirwe y’aho bashora imari.

Guhera mu Ugushyingo mu 2022, RwandAir yatangije ingendo zihuza Kigali n’Ikibuga cy’Indege cya Heathrow mu Bwongereza nta handi indege ihagaze, ibi bikaba bimwe mu bikomeza gushimangira umubano w’ibihugu byombi.

Ambasaderi w’u Bwongereza mu Rwanda yashimye abitabiriye iki gikorwa

Umwaka ushize nabwo habaye umuhango wo kwizihiza isabukuru y’amavuko y’Umwami Charles III, ubwo yizihizaga imyaka 75, icyo gihe ibirori byitabiriwe n’abarenga 500 bari baturutse mu nzego zitandukanye.

Ni umunsi uba udasanzwe, kuko ubundi isabukuru y’Umwami Charles yizihizwa ku wa 14 Ugushyingo, hizihizwa ubwo yabonaga izuba mu 1948, ubu akaba arimo kuzuza imyaka 76.

Gusa uyu mwami Charles III, mu mwaka agira ibirori by’isabukuru inshuro ebyiri. Muri Kamena nibwo haba ibirori bikomeye ndetse Umwami akamurikirwa ingabo mu birori bizwi nka Trooping the Colour, kuko akenshi mu Ugushyingo iki gihugu kiba kiri mu bukonje, ku buryo hataba akarasisi.

Umwami Charles III, ubwo yizihizaga isabukuru y’imyaka 75

Ni imyitozo ihuza ibihugu byo mu Muryango wa Afurika y’Iburasirazuba (EAC), ikaba ibaye ku nshuro ya 13, kuri iyi nshuro yitabiriwe n’abantu 1,130 baturutse mu bihugu bine ari byo u Rwanda, Kenya, Uganda, na Tanzania barimo abapolisi, abasirikare ndetse n’abasivili.

Umugaba w’Ingabo z’u Rwanda zirwanira ku butaka, Maj Gen Vincent Nyakarundi, yagaragaje ko iyi myitozo yitezweho kurushaho kurebera hamwe uburyo buhamye bwo gutsura amahoro n’umutekano uhamye mu Karere ka Afurika y’Iburasirazuba.

Minisitiri w’Ingabo z’u Rwanda, Juvenal Marizamunda, wari umushyitsi mukuru, ari na we watangije iyi myitozo ya Gisirikare, yahaye ikaze ibyiciro bitandukanye byitabiriye itangizwa ryayo, harimo Minisitiri w’Ubutabera w’u Rwanda Dr Emmanuel Ugirashebuja, Minisitiri w’Ubutegetsi bw’Igihugu, inzego z’Umutekano muri EAC ndetse n’ibyiciro bitandukanye bigiye kujya muri iyi myitozo.

Minisitiri w’Ingabo z’u Rwanda, Juvenal Marizamunda, yagaragaje ko umutekano ari ngombwa ku gihugu cyose kugira ngo kibashe gutera imbere

Minisitiri Marizamunda yahaye ikaze abitabiriye iyo myitozo ibera mu Rwanda by’umwihariko mu kigo cya Gisirikare cya Gako, aboneraho no gushimira abafatanyabikorwa ku cyizere bagiriye u Rwanda bagashyigikira iyo myitozo, ashimira n’abayitabiriye bose.

Minisitiri Marizamunda akomeza avuga ko amahoro n’umutekano bifitiye abaturage akamaro kuko mu gihe hatari umutekano, nta gihugu cyangwa Akarere runaka byabasha kugera ku iterambere ryifuzwa, bityo ko ubufatanye bw’ibihugu ari ngombwa kuko nta gihugu cyabasha gukemura ibibazo by’umutekano ubwacyo hatabayeho ubufatanye bw’inzego z’umutekano.

Umuyobozi w’imyitozo ya ‘Ushikiriano Imara 2024’, Maj Gen Andrew Kagame, avuga ko impamvu iyi myitozo igiye kubera mu Rwanda ari ibigize inshingano z’ibihugu bigize umuryango wa EAC, aho batabara ahantu habaye amakuba mu bihugu biyigize.

Maj Gen Andrew Kagame avuga ko iyo batabara ahanini bakoresha izina rihimbano ry’igihugu cyagize ibyago byo kugira ibibazo bya Politiki, amacakubiri, bituma haba intandaro y’ibyihebe aho birasa kuri Leta n’abaturage.

Maj Gen Andrew Kagame

Akaba avuga ko iki gihugu cya kigizwe n’abaturage barimo ubwoko butandukanye, Intara, Uturere, ndetse n’ibiyaga cyangwa inyanja.

Akomeza avuga ko iki gihugu gifite ingabo ariko zamaze gutakaza imbaraga zo kwirwanirira, ari yo mpamvu hitabajwe Ingabo za EAC, gusa akemeza ko icyo gihugu bateguye nk’abakina filime atari cyo, ahubwo bacyifashishije nk’icyahuye n’amagorwa y’ibitero by’ibyihebe, bityo bakigira hamwe uko batabara mu gihe ibyo byaramuka bibaye, ubwo buryo bukabafasha gukora neza imyitozo.

Umuryango wa Afurika y’Iburasirazuba (EAC) ubusanzwe ugizwe n’ibihugu umunani ari byo u Rwanda, Tanzania, Kenya, Uganda, Repubulika Iharanira Demokarasi ya Congo (RDC), Burundi, Somalia na Sudani y’Epfo. Icyakora iyi myitozo ya ‘Ushirikiano Imara’ 2024, yitabiriwe n’ibihugu bine ari byo u Rwanda, Tanzania, Kenya na Uganda, mu gihe ibindi bine bitabonetse (RDC, Burundi, Sudani y’Epfo, na Somalia) bitigeze bitanga impamvu yabyo.

Maj Gen Andrew Kagame, yagize ati: “Ibihugu bitaje nta mpamvu byatanze, gusa iyo bitaje ntibibuza ibifite ubushake bwo gukora gukomeza. Twagombye kuba turi mu bice bitandatu ariko twagiye mu bice bine, aho ibifite ubushake mu gutabara byongera ingabo mu myitozo maze bikigabanya ibice byagenewe abataje”.

Maj Gen Andrew Kagame, akomeza avuga ko iyi myitozo ifasha mu kongera ubumenyi bujyanye n’ibikwiye gukorwa, uburyo bwo kurwanya ibyihebe ku butaka no mu mazi aho bamwe bagomba kwitoreza mu Karere ka Rubavu aho biga uburyo bwo guhangana n’ibyihebe byiba amato, kurwanya ibiza ndetse n’ibindi.

Nubwo iyi myitozo yatangijwe ku mugaragaro kuri uyu wa Kane, abayitabiriye bamaze iminsi itatu bahabwa ubumenyi ngiro, kuri ubu bakaba bagiye gutangira gushyira mu bikorwa ibyo bize. Biteganyijwe ko iyi myitozo bazayisoza tariki 26 Kamena 2024.

Umwaka ushize imyitozo nk’iyi yari yabereye i Nyakinama, aho yaranzwe no kwiga ubumenyingiro hatari abasirikare ku buryo bwifashishwa intekerezo n’amakarita, kuri ubu ikaba igiye kubera i Gako mu Karere ka Bugesera n’i Rubavu mu Burengerazuba bw’u Rwanda, aho bashyira mu ngiro ibyo bize hifashishijwe ingabo zitabiriye imyitozo.