Bimwe mu biranga amateka y’u Rwanda usanga mu nzu ndangamurage ya ‘Africa Museum’

Mbere yo kujya ku bijyanye n’ibyo umuntu yasura muri imwe mu nzu ndangamurage zikomeye, ariyo Africa Museum, reka tubanze tugaruke ku ivuka ry’iyi nzu ndangamurage imaze imyaka ijana ariko ku isura ikaba igaragara nk’aho yavutse ejo.

Iyi nzu ndangamurage yavutse ku gitekerezo cy’umwami Leopold wa II, wayoboye igihugu cy’u Bubiligi mu gihe cy’imyaka 44.

Ni umwami ukomeye mu mateka y’u Bubiligi kuko byinshi bihari mu bikorwa by’iterambere byabayeho ku gitekerezo cye, muri ibyo n’ubu bikomeje kugaragaza ubuhangange bw’icyo gihugu mu isi, harimo guteza imbere inganda aho mu bihe bye u Bubiligi bwigeze kuza ku mwanya wa munani ku isi mu bijyanye n’inganda. U Bubiligi ni na cyo gihugu cya kabiri ku mugabane w’u Bulayi cyagize umuhanda wa gariyamoshi uhuza umujyi n’intara nyuma y’u Bwongereza.

N’ubwo kuri Afurika afite isura itari nziza kubera ibyaha by’ubwicanyi byakozwe n’ingabo z’Ababiligi mu bihe by’ubukoloni, ibikorwa bye mu Bubiligi barabyubaha kuko iyo ugenda muri Buruseli n’ahandi uhasanga ibirango bye n’uduce twinshi twamwitiriwe.

Uyu mwami w’amateka mu Bubiligi ni we wazanye igitekerezo cyo gushinga inzu ndangamurage ya Africa Museum, yahoze yitwa Inzu ndangamurage y’ubwami y’amateka ya Afurika yo hagati (Musée Royal de l’Afrique Centrale).

Igitekerezo cyo gushinga iyi nzu ndangamurage cyaje nyuma yuko hari habaye imurikagurisha ryo mu mwaka wa 1897 ryabereye i Buruseli.

Ifoto y’umugabekazi Kankazi n’umwamikazi Gicanda mu ishyingurwa ry’imwami Mutara wa III Rudahigwa

Umunyamateka akaba n’umukozi w’iyO nzu ndangamurage mu ishami ry’ubushakashatsi mu bushyinguranyandiko, Dr Dantes Singiza, avuga ko iryo murikagurisha ryabaye mu bihe by’ubukoloni igihe bwari bugezweho cyane ku isi bufatwa nk’ishema ku bihugu bikomeye.

Iryo murikagurisha ryitabiriwe n’ibihugu byo ku mugabane w’u Burayi bishishikajwe no kwerekana ibikorwa bijyanye n’ubukoloni byakoraga ahatandukanye muri Afurika.

Muri urwo rwego u BubiLigi bwitabiriye iryo murikagurisha ryari ryanabereye kandi muri icyo gihugu.

Muri icyo gihe herekanwa ibyo Ababiligi bari baragezeho muri Congo, bamuritse ibijyanye n’amabuye y’agaciro, inyamaswa ndetse n’uburyo bavugaga ko bagenda bageza Abanyecongo ku iterambere (Civilisation), iryo murikagurisha ryaramamaye cyane maze umwami Leopold wa II afata icyemezo cyo kubaka inzu ndangamurage.

Yubaka iyo nzu iri i Tervuren mu cyanya cy’ubwami yagira ngo yerekane ibirimo bikorerwa muri Congo ariko na none kugira ngo yerekane ishusho nziza y’ibyo akora muri Congo, kuko hari hatangiye kuba impaka z’ibyo barimo barakora muri Congo kuko harimo haba impfu z’abantu nyinshi mu bijyanye no gushaka Kawucu yakoreshwaga mu gukora amapine y’imodoka.

Imodoka itwaye umugogo w’umwami Mutara wa III Rudahigwa

Mu imurikagurisha rya Buruseli, Leopold II yazanyemo abaturage bo muri Congo arabamurika agaragazaga uko babagaho aho yari yarabubakiye ahantu habo, abazungu bakaza kubasura. Ubwo bahageraga barindwi (7) muri bo bahise bapfa kubera ubuzima bwari buhindutse bageze mu gice cy’isi gikonja cyane, kuko baje mu bihe by’ubukonje.

Nyuma yuko iryo murikagurisha ritanze umusaruro aho haje abantu basaga miliyoni ebyiri (2) bazaga kureba abo baturage bo muri Congo berekanwaga nk’inyamaswa (Zoo Humain), n’ubwo we yagiraga ngo yerekane ko atari muri Congo ku bw’inyungu ze ahubwo harimo no guhindura ubuzima bwabo, yafashe icyemezo cyo gushinga inzu ndangamurage izajya ikomeza gukora ibikorwa nk’ibyo.

Yiyemeje kuyishinga itangira mu mwaka wa 1892, agenda akusanya ibikoresho bimaze kuba byinshi yafashe icyemezo cyo kubaka Ingoro ngari.

Imirimo y’ubwubatsi yatangiye mu 1904, bigeze mu 1908 umwami Leopold wa II yafashe icyemezo cy’uko Congo mbere yari umutungo we bwite, ko iba igihugu gikolonizwa n’u Bubiligi maze nyuma yo kuyitanga yitwa Congo Belge cyangwa Congo Mbiligi.
Ubwo ingoro yari yatangiye mu 1898 yitwaga Musée du Congo, amaze guha Congo u Bubiligi mu 1908 yahise yitwa Musée du Congo Belge.

Umwaka wakurikiyeho mu 1909 umwami Leopold wa II yarapfuye, kuko atari yarabyaye umuhungu asimburwa n’umwishwa we ari we umwami Albert wa I, umwaka wakurikiyeho mu 1910 nibwo Albert wa I yafunguye ku mugaragaro inzu ndangamurage ya Congo Mbirigi.

Mu myaka yakomeje mu 1952 iyo ngoro yaje guhabwa indi nyito ijyanye na none n’uko yari igiye kuba ikigo cy’ubwami, ihindura izina yitwa Musée Royale du Congo Belge.

Mu mwaka wa 1960 Congo imaze kubona ubwigenge, iyo ngoro yahinduye inyito yitwa Ingoro ndangamurage y’umwami irebana n’umurage wo muri Afurika yo hagati (Musee Royale d’Afrique centrale).

Yakomeje kuri iryo zina, mu 2010 yizihiza isabukuru y’imyaka 100 yari imaze ifunguwe ku mugaragaro n’umwami Albert wa I. Nyuma yo kunengwa na benshi ko iyo nzu yakomezaga kugaragaza amateka ya politiki ya mpatse ibihugu n’ivangura, mu mwaka wa 2013 hatangiye ibikorwa byo kuyivugurura ku nyubako ndetse no ku bikoresho byamurikwaga.

Ikintu cyavugururwaga mu bijyanye n’ubutumwa yatambutsaga bwari uburyo Abanyafurika babonwaga n’Abanyaburayi n’abandi bazungu.

Wasangaga ibitekerezo bya gikoloni bitarigeze bihinduka, urugero umwirabura uko yagaragazwaga mbere ni na ko byari byarakomeje, aho umwirabura yagaragazwaga nk’udafite umuco, utagira kirazira, wibera mu bupfumu, ufatwa nk’inyeshyamba, umwicanyi ndetse utaratandukanywaga n’inyamaswa.

Inka yasizwe imiti iyumisha ngo itangirika igaragara nk’ikimenyetso cy’ubukire mu Rwanda rwo hambere

Icyo gihe byabaye ngombwa ko iyo nzu ndangamurage itangira urugendo rwo guhindura iyo myumvire. Imaze kuvugururwa yongeye gufungura imiryango 2017 igaruka yitwa Africa Museum cyangwa se inzu ndangamurage ya Afurika.

Nyuma yo kugaruka ku mateka y’iyi nzu ndangamurage ibitse byinshi ku mateka ya Afurika mbere, mu gihe cy’Ubukoloni na nyuma yabwo, Kigali Today yabakusanyirije ibintu Umunyarwanda utuye ku mugabane w’u Burayi cyangwa uvuye ahandi yahatembereye yasura mu nzu ndangamurage ya Tervuren.

Ibirango by’Ubutegetsi

Igisingo cy’umwami Kigeli IV Rwabugiri, Inkoni y’ubwami y’umwami Kigeli wa IV Rwabugiri, Amashyoro y’Ibikomangoma cyangwa amashyoro yambarwaga n’abagore b’umwami. Ibi byose byatanzwe n’umwami Mutara wa III Rudahigwa mu mwaka wa 1949, ubwo yagiriraga uruzinduko rwa mbere mu Bubiligi.

Igisingo ni ikamba umwami yambaraga, yarikoreshaga uko abyifuza, irya Rwabugiri ryari rikozwe mu bwoya bw’ingunge yitwa Colobe iba muri Nyungwe.

Amashyoro: hari amashyoro y’ubwoko bwinshi, hari ayari akoze mu duti akaba ari uduti twambarwaga ku misaya, utwo duti hari ubwo twabaga dutaste cyangwa se tudatatse, iyo twabaga dutatse twabaga dutakishije amasaro, utwo duti cyangwa ayo mashyoro twambarwaga n’abantu bakomoka ku mwami, ni ukuvuga ibikomangoma n’abagore b’umwami cyangwa se abandi bantu bafitanye isano ya hafi n’i bwami.

Bimwe mu birango by’ubutegetsi

Hari n’amashyoro yabaga akoze mu miringa yambarwaga mu gahanga cyangwa se ku misaya n’ibikomangoma n’abagore b’umwami.

Ibisigaratongo by’umwami Cyirima wa II Rujugira

Aha harimo amashusho y’iyo mva, na bimwe mu bikoresho (Copie) zasanzwe mu mva ya Kilima wa II Rujugira, ibikoresho by’umwimerere biba mu Rwanda mu ngoro ndangamurage iri i Butare.

Ayo mashusho yerekana ibikoresho byari biri mu mva, uko imva yari iteye ndetse harimo n’amafoto yuko umugogo w’umwami Kilima wa II Rujugira wasanzwe aho wari warashyinguwe i Gaseke mu mwaka wa 1932 ku mabwiriza ya Yuhi wa V Musinga, kugira ngo utazagwa mu maboko y’ababirigi bari bamaze kwimika umuhungu we Mutara wa III Rudahuigwa.

Amateka y’ubukoloni bwabaye muri Congo mu Rwanda no mu Burundi

Uretse amafoto atandukanye yo mu bihe by’ubukoloni ari ku nkuta harimo n’ingengabihe igaragara mu buryo bw’ikoranabuhanga, iyo ngengabihe yerekana amateka y’ibi bihugu kuva mu gihe cya gikoloni kugeza mu myaka ya vuba 2017, iyi ngengabihe yifashisha amafoto, amashusho n’ibisobanuro by’amagambo.

Mutara wa III Rudahigwa ni umwe mu bami b’u Rwanda wagiranye umubano mwiza n’inzu ndangamurage ya Tervuren kuko yayisuye mu 1949, 1955 no mu 1958

Ibijyanye n’ubukungu n’ubutunzi bwo mu Rwanda

Ku bijyanye n’ubukungu harimo Inka isanzwe ifatwa nk’ikimenyetso cy’ubutunzi mu Rwanda rwo hambere, ni inka nyayo itari ikibumbano yasizwe imiti kugira ngo itangirika ikomeze kugaragara nk’inka. Iyo nka uyibona n’umubiri wayo, amahembe ndetse n’ubwoya bwayo.

Icyumba kigaragaza imibereho y’Abanyafurika bo muri Diaspora mu Bubiligi

Icyo cyumba cyerekana ingendo z’umwami Mutara wa III Rudahigwa yagiye agirira mu Bubiligi mu bihe bitandukanye nko mu mwaka wa 1949, urugendo rwo mu mwaka wa 1955 n’urugendo rwo mu mwaka wa 1958, ubwo habaga imurikagurisha mpuzamahanga ry’i Buruseli.

Muri iryo murikagurisha yari yaherekejwe n’umugore we umwamikazi Rosalie Gicanda, ndetse n’umugabekazi Nyiramavugo wa II, Kankazi Radegonda, yari yaherekejwe n’umunyamabanga we Jean Berchmas Kimenyi cya Karyabwite, yari yanaherekejwe na murumuna wa Nyina Nyiramavugo wa III Kankazi, ariwe Imakurata Kabanyana

Uretse abo yaje anaherekejwe n’intore zaserukiye u Rwanda mu ndirimbo no mu mbyino gakondo.
.
Inzobere mu mateka Dr Dantès Singiza avuga ko intore zari zaje zageraga nko kuri 200 agereranyije ariko avuga ko atahamya uwo mubare neza.

Ibyaranze uruzinduko rwa Rudahigwa mu Bubirigi mu 1949, 1955, 1958

Iyo usuye iyo nzu ndangamurage usangamo ibigendanye n’uruzinduko rwa Rudahigwa mu Bubiligi mu mwaka wa 1949 aho yaje aherekejwe n’abatware be batatu aribo Godefroid Kamuzinzi watwaraga Ubugoyi, Justin Gashugi watwaraga Buhanga-Ndara, hakaba na Michel Kayihura watwaraga Nyaruguru ndetse n’uwari umunyamabanga w’umwami Pascal Ngoga.

Mu imurikagurisha rya mbere iyi nzu ndangamurage ivuka hamuritswemo n’ubuzima aburabura babagamo abanyaburayi bakaza kubareba ari benshi nk’uko bareba inyamaswa

Singiza avuga ko icyo gihe urwo rugendo rwahinduye isura y’Abanyarwanda mu Bubirigi.

Ati “Aho ngaho ni ho Abanyarwanda batangiye guhindura isura uko babafataga mu Bubiligi, isura y’Abanyarwanda yatangiye kwinjira mu mitwe y’Ababiligi, imico baje berekana ndetse n’igihagararo cyabo cyatangazaga benshi. Abo batware bose usibye Pascal Ngoga, bose uko ari batatu n’umwami Rudahigwa bari abantu barebare bareshya na metero 2, iyo shusho yinjiye mu Babiligi ko Abanyarwanda ari abantu barebare bafite igihagararo.

Ikindi Dr Singiza avuga cyasigaye mu mitwe y’Ababiligi ni uko Abanyarwanda baje ari abantu bacisha macye, bavuga makeya, bakamenya kwanga umugayo, ngo hari ibyo abaturage bo mu bindi bihugu bakoraga bo bakanga kubikora, bavuga ko ari ikiziririrzwa.

Mu gihe abandi baturage bariraga aho babonye hose, ku Banyarwanda bo bariraga ahantu hiherereye.

Ibyo byaje gutsindagirwa na none n’urugendo rwo mu mwaka wa 1955, umwami yakoranye n’abandi batware barimo Mungarurire Pierre watwaraga Ubwanacyambwe, igikomangoma Etienne Rwigemera watwaraga Urukiga, no mu mwaka wa 1958 mu imurikagurisha rya Buruseli ubwo hari haje Abanyarwanda benshi b’intore ngo iyO mico bakomeje kuyigaragaza .

Abo na bo ngo ntibariraga aho babonye, ntibariraga hanze, ntibanywa bahagaze kandi bakanywera ahantu hateganyijwe. Dr Singiza avuga ko iyo mico n’ubu yakomeje ku Banyarwanda.

Ibijyanye n’indimi n’indirimbo gakondo z’Abanyarwanda

Mu nzu ndangamurage Africa Museum hari icyumba kirimo ibijyanye n’indirimbo n’indimi gakondo z’Abanyarwanda.

Jacky Maniacky inzobere mu ndimo ari mu itsinda ririmo gutegura isohoka ry’inkoranyamagambo y’Ikinyarwanda n’Igifaransa imaze imyaka 40 itegurwa.

Ni icyumba kirimo amafoto, amashusho ndetse n’ibisobanuro, harimo n’ibikoresho by’umuziki, byifashishwaga mu kuririmba no kubyina ku Banyarwanda.

Muri ibyo bikoresho harimo nk’ingoma z’amoko yose, amakondera, ibubura, ibibuguzo, inanga, iningiri n’amakondera arimo ibyiciro byinshi nk’insengo, umurangi ndetse n’ikanka.

Icyo cyumba kirimo n’abaririmbyi b’Abanyarwanda n’ibisobanuro ku bijyanye n’ibisakuzo, inyunguramagambo ku nka no ku mazina y’inka n’ibisobanuro ku bijyanye n’ururimi rw’Ikinyarwanda rurimo igicumbi “Ntu” bigaragaza ko Ikinyarwanda ari ururimi rw’abo bantu nk’uko bigenda bigaragazwa no kwitiranwa ku duce na tumwe tubarizwa muri Afurika yo hagati, Amajyepfo n’Iburasirazuba.

Aha urugero rutangwa ni uko mu Rwanda uhasanga agace kitwa Nyanza ukagasanga Kenya, Malawi ndetse na Uganda.

Amafoto, indirimbo na Filimi bijyanye n’u Rwanda

Mu nzu ndangamurage ya Africa Museum uyisuye ahasanga kandi amafoto atandukanye y’abantu barimo abategetse u Rwanda mu bihe bitandukanye, indirimbo zirimo imbyino gakondo zicurangishije ibikoresho gakondo nk’inanga, iningiri, ibinyuguri n’ibindi ndetse na filimi zafashwe zivuga ku bintu bimwe na rimwe birimo imigenzo yo mu muco nyarwanda, nko kwita izina, gushyingura, gukura ikiriyo n’iyindi.

Inyamaswa ziba mu Rwanda no muri Afurika zasizwe imiti ngo zikomeze kugaragara mu mwimerere

Muri Afurika Museum harimo inyamaswa zigaragara mu isura ya nyayo aho zasizwe imiti ngo zitangirika, kuko zizanwa hashize igihe kirekire.

Muri izo Nyamaswa harimo Inzovu, Intare, Imvubu, Isatura, Agasumbashyamba, inguge, ingagi, imbogo, igisamujyonjyo (Pangolin), Imbogo, impala, imparage, inzoka, ingona, ingwe, urusamagwe, imbwebwe, umuhari, akanyamasyo ndetse n’izindi.

Inzovu

Akarusho ku muntu utarabona izo nyamaswa iyo azibonye asanga zifite umubiri wazo w’umwimerere, ubwoya ndetse n’ibindi bice bitigeze byangirika kubera zibitswe mu buryo bwa gihanga butuma zitangirika.

Izo nyamaswa zigaragara muri iyo nzu ndangamurage harimo izakuwe mu Rwanda ndetse n’izakuwe mu bindi bice byo muri Afurika nka Tanzania, u Burundi na Repubulika Iharanira Demokarasi ya Congo.

Inzu ndangamurage ya Africa Museum iherereye mu nkengero z’umujyi wa Buruseli mu gace ka Tervuren ikaba iri mu nzu ndangamurage zikomeye ku isi, irimo ibisigazwa miliyoni 10 by’inyamaswa, amabuye y’agaciro ibihumbi 250, ibikoresho by’umuziki 8,000, ubushyinguro bw’amateka (Archives) 350, amakarita ibihumbi 20, ubwoko bunyuranye bw’ibiti ndetse n’ibikoresho bijyanye n’umuco karande.

Guido Gryseels, umuyobozi wa Africa Museum kuva 2002

Africa Museum

Amazi ya Nyabarongo asa n’ikigina ariko ngo ashobora guhinduka urubogobogo

Mu kiganiro Max Fernandez umaze imyaka isaga 20 akora ubushakashatsi ku gace u Rwanda rurimo, avuga ko akurikije inyigo zigaragazwa n’ubushakashatsi zakozwe ku mugezi wa Nyabarongo wihariye igice kinini cy’amazi ava mu gihugu, ushobora guhindura ibara.

Avuga ko igituma Nyabarongo igaragaza ibara ryanduye biterwa n’isuri yibasiye uduce turi ku buhaname bigatuma amazi ageramo yanduye, ikindi avuga gituma uyu mugezi uhindura ibara, ni ibikorwa by’ubucukuzi bw’amabuye y’agaciro bikorerwa mu gace inyuramo nko muri Muhanga, Gakenke na Ngororero ahabarizwa ibirombe bya Colta, Gasegereti n’andi mabuye y’agaciro.

ASgira ati “Hari isuri nyinshi mu gace Nyabarongo inyuramo, ikindi hari ibikorwa by’ubucukuzi bw’amabuye y’agaciro, iyo bacukura banduza amasoko y’amazi y’imigezi igaburira Nyabarongo, iyo bamaze no kubona amabuye y’agaciro ibikorwa byo kuyaronga nabyo bigira uruhare mu kwanduza ayo mazi”.

Fernandez yongeraho ko n’ibikorwa byo gushaka ibumba rikoreshwa mu kubumba amatafari n’uruganda rwa Ruliba Clays, na byo bituma umugezi udashobora kuba urubogobogo, uretse ibi hari n’ibikorwa byo gucukura umucanga bigaragara mu kibaya cya Nyabarongo kimwe n’abandi bantu bahashakira ibumba ryo kubumba amatafari.

Ati “Ntabwo Nyabarongo gusa kuriya biterwa n’ibinyabutabire byagira ingaruka ku buzima bw’amafi, ingona n’izindi nyamaswa zibamo nk’uko bimeze ku Kiyaga cya Kivu aho kubera Gaz Methane hari Inyamaswa zidashobora kubamo, nk’ingona n’ubwoko bumwe bw’amafi.”

Impamvu akomeza avuga ko Nyabarongo ishobora guhinduka, iyo Nyabarongo yamaze guhura n’uruzi rw’akanyaru aho bigera mu Bugesera byabaye Akagera, ho uwo mugezi uba usa neza.

Ati “Mu bushakashatsi twakoze ku kibaya cy’uruzi rwa Nyabarongo twasanze iyo uwo mugezi umaze guhura n’uruzi rw’Akanyaru ruturuka mu Majyepfo y’u Rwanda aho bihura bikabyara Akagera, hatagaragara ibara nk’iry’umugezi wa Nyabarongo”.

Uyu mushakashatsi avuga ko mu Bugesera urenze ikiraro gihuza umujyi wa Kigali n’Akarere ka Bugesera n’ahandi Akagera kanyura kerekeza ku mupaka wa Tanzania, iyo hamaze kuba kwihuza kwa Nyabarongo n’Akanyaru ho hatagaragara ibara ryanduye ry’ikigina.

Impamvu atanga ni uko ho ari ahantu hashashe h’ikibaya hatagaragara ibikorwa by’isuri ndetse n’ibikorwa by’ubucukuzi bw’amabuye y’agaciro.

Ikindi avuga ni uko iyo Nyabarongo itaraba Akagera amazi aba agenda ku muvuduko mwinshi hakabaho kumanukana imyanda imyinshi iba igenda hejuru, ariko iyo ageze mu Kanyaru umuvuduko uba mucye kubera amazi aba yamaze kwiyongera imyanda ikagenda hasi ku buryo itakwanduza amazi ngo ase nabi, akaba ari yo mpamvu akagera kagaragara mu ibara ry’amazi ritandukanye na Nyabarongo.

Max Fernandez usanzwe akora ubushakashatsi ku Rwanda, avuga ko bishoboka guhagarika isuri haramutse hatewe ibiti byinshi ku misozi iri hejuru y’ikibaya cya Nyabarongo ntikomeze kwanduza amazi, ariko akavuga ko guhagarika ibikorwa by’ubucukuzi bw’amabuye y’agaciro byo bidashobka kubera bifatiye runini iterambere ry’igihugu.

Avuga ko ku bwe atabona ikibazo cyane ku bikorwa by’amabuye y’agaciro kuko uruhare rwabyo mu kwanduza uyu mugezi ari ruto cyane ugereranije n’isuri.

Ikindi avuga ku bigoranye kukuba Nyabarongo yahinduka urubogobogo, ni uko agace inyuramo gahanamye kandi kakaba gatuwe cyane n’abaturage bakora ubuhinzi, ahenshi hataba amaterasi afata amazi ndetse ngo arinde n’ubutaka gutenguka.

Icyogogo cya Nyabarongo gikorerwamo ibikorwa byanduza umugezi wa Nyabarongo kikanibasirwa cyane n’isuri, kiri ku buso bwa kilometero kare 3000, gikora ku turere umunani (8) aritwo Muhanga, Ngororero, Karongi, Nyanza, Ruhango, Huye, Nyaruguru na Nyamagabe.

Umugezi wa Nyabarongo mu cyogogo cya ruguru ari na cyo cyubatseho urugomero rwa Nyabarongo ya mbere, ugaragara mu ishusho y’ibara rya kaki ku buryo hari n’abawugereranya bavuga ko usa n’inzoga y’urwagwa, iyo ugeze ariko aho uhurira n’Akanyaru bikabyara Akagera amazi agenda ahinduka agatakaza rya bara risa na kaki aba yatangiranye.

Ikigo cy’igihugu gishinzwe amazi n’amashyamba kigaragaza ko impamvu umugezi wa Nyabarongo ukomeza kugaragara nk’ikigina ari ubutaka buwuzuyemo bumanurwa n’isuri iva ku misozi iwukikije, n’imirimo y’ubucukuzi bw’amabuye y’agaciro ikorerwa mu turere tugize icyogogo cya Nyabarongo.

Imisozi ituriye Nyabarongo ifite ubuhaname bukabije bityo isuri ikagira ubukana

Iki kigo kivuga ko gifite igenamigambi ry’imyaka itandatu ryo kurwanya iyanduzwa ry’umugezi wa Nyabarongo hashyirwa imbaraga mu bikorwa byo kurwanya isuri.

Usibye icyogogo cya Nyabarongo kirimo gutunganywa, ibindi byagogo bitatu bya Sebeya, Nyabugogo na Muvumba na byo inzira yo kubitunganya yaratangiye.

Icyogogo cya Muvumba cyo ngo kikaba kizatunganywa hakorwa urugomero rw’amazi rushobora kugaburira Intara y’i Burasirazuba yose, mu gihe ibyogogo bindi bizitabwaho kugira ngo harindwe isuri n’imyuzure.

Umwami Rudahigwa ni we wavanyeho ihezwa ry’abirabura mu tubari no muri hoteli abazungu bajyagamo

Kigali Today yagize amahirwe yo kugera ku nzu ndangamurage ya Africa Museum iherereye mu Bubiligi (Tervuren), inzu ishyinguyemo amateka ya Afurika mu gihe cy’ubukoloni, aho yasanze bimwe mu mateka, harimo n’amafoto ajyanye n’icyangombwa Ababirigi bahaga abirabura kugirango bazamurwe mu ntera, bemererwe gusabana no kugenderanirana na bo.

Umunyamateka akaba umukozi n’inzobere mu by’amateka mu nzu ndangamurage ya Africa Museum, Dr. Dantès Singiza, avuga ko icyo cyangombwa cyagombaga gutangwa, ugihawe akaba ameze nk’uzamuwe mu ntera, asumbyeho abandi Birabura.

Ubwo amashuri yari amaze kuba menshi mu Rwanda, abayajyagamo batangiye kugira imyitwarire itadukanye n’iyo ababyeyi babo ndetse n’abo babaga bafitanye isano cyangwa babanaga batabaga barayagezemo.

Byatumye mu Rwanda rw’icyo gihe, abazungu bahimba amagambo agamije gushyira abahindutse mu byiciro. Abaturage basanzwe, bamwe batageze mu ishuri bitwaga ‘Indigènes’, na ho ababaga bakubutse mu mashuri batangiye kwitwara kizungu bavuga n’Igifaransa, abo bitwaga Evolués, Abanyarwanda baje kubahimba Imvuruwe.

Abenshi muri abo babaga barangije amashuri, babaga bafite imirimo runaka bakora banahemberwa itandukanye no korora no guhinga byakorwaga na rubanda rusanzwe. Imirimo yabo akenshi yabaga ifite aho ihuriye n’iy’abazungu dore ko ari bo ahanini babagenzuraga.

N’ubwo abazungu babaga baziranye, abo birabura b’imvuruwe ntibabaga bemerewe gusabana, kugenderana no gusangira n’abazungu, keretse ababaga bafite icyangombwa cyatanzwe na Résident w’u Ruanda cyangwa Vice-gouverneur wa Ruanda-Urundi.

Mu bucukumbuzi Kigali today yakoze yabonye ko no mu nsengero nko muri Kiliziya y’Umuryango Mutagatifu iri mu zikuze mu gihugu, ba évolués bagenerwaga umwanya wabo, bagateganyirizwa n’intebe zegamirwa bityo bakaba batandukanye n’abakirisitu bo muri rubanda.

Abazungu na bo bagiraga uruhande rwabo bagategurirwa n’udusego two gupfukumaho. Utwo dusego tukabatandukanya na ba évolués.”

Gusabana, kugenderana no gusangira n’abazungu muri hoteli cyangwa se resitora, keretse ababaga bafite icyangombwa cyatanzwe na Résident du Ruanda cyangwa Vice-gouverneur du Ruanda-Urundi.

Amateka agaragaza ko nko mu tubari Café Impala i Kigali cyangwa muri hoteli Faucon i Butare hagitangira, nta munyafurika wakandagiragamo uretse umwami gusa.

Kugira ngo ushyikirane n’abazungu, musangire, mugenderane wagombaga kugira icyangombwa cyanditse cyerekana ko nawe wahindutse ufite imyitwarire nk’iy’abazungu. Icyo cyangombwa cyitwaga Carte du mérite civique. Icyo cyemezo cyanahabwaga abaturage bo muri Congo n’u Burundi babaga bagaragaza kwitwara nk’abazungu.

Icyo cyemezo cyatangwaga hashingiwe ku itegeko rigishyiraho, ryari riri mu mategeko mbonezamubano ya Congo Mbiligi yasohotse mu 1948.

Kugeza mu myaka ya 1950, icyo cyemezo no guheza abanyafurika byari bikigaragara kugeza ubwo umwami Rudahigwa abiciye ubwo yakubitaga umuzungu urushyi igihe yari ashatse kumwitambika ubwo yinjiraga muri Faucon avuye mu rugendo i Burudi, kuva icyo gihe Faucon benshi batangiye kuyigana bakayinyweramo n’inzoga bakanararamo.

Iyo Umunyarwanda yashakaga gufatwa nk’umuzungu, hakorwaga akanama kazajya kugenzura ko yitwara kizungu. Abagize ako kanama bazaga iwe mu rugo kureba uko yitwara, bakareba niba atunze intebe nziza mu nzu, niba afite ameza, utubati n’ibindi.

Dr Singiza avuga ko banarebaga uko we n’umugore n’abana bambaye haba imyenda n’inkweto, basanga bambaye nabi bakavuga ko bakiri abaturage (Indigenes).
Mu byagenzurwaga kandi harimo uburyo usaba icyemezo yitwara mu gihe ari kurya we n’umuryango we. Uwo basangaga adafite ibikoresho byo ku meza cyangwa abifite arisha intoki yabaga atakaje amanota.

Mu gihe bamwe bafataga bimwe mu biryo nk’ikizira ndetse ko bimwe muri byo bica inka , banarebaga ko imyumvire yahindutse, urugero barebaga ko iwe barya amagi, ko banywa icyayi, ko barya imigati cyangwa se banywa umuvinyo.

Uwo bazaga kugenzura bakahasanga urwagwa cyangwa amarwa, yabaga avuye mu mubare w’abazahabwa icyo cyemezo.

Mu gihe isuzuma ryabaga rirangiye, hakurikiragaho kujya gukorerwa igenzura, benshi babaga bategereje icyo cyemezo nk’umwana utegereje indangamanota imwimura mu wundi mwaka cyangwa umuntu utegereje Visa imwimurira mu kindi gihugu yifuza, kuko uwakibonaga byafatwaga nk’ishema kuri we cyangwa ku muryango we.

Mu byo bagenzuraga kandi habaga harimo no kureba ko uwakorewe igenzura avuga Igifaransa adategwa, abagize akanama bakoraga raporo ikoherezwa i Bruxelles mu Bubiligi, icyemezo kigatangwa na Résident wa Ruanda cyangwa Vice-gouverneur du Ruanda-Urundi.

Abagihabwaga bumvaga ko bari ku rwego rw’abazugu ariko si ko byari bimeze

Dr Singiza avuga ko Abazungu n’Abirabura bakomezaga kurutanwa mu mategeko, akomeza avuga ko mu manza umu évolué yisangaga yafashwe kimwe n’abandi Birabura bose mu maso n’imyumvire y’Abazungu, ngo banahanwaga kimwe, umushahara na wo ntabwo umu évolué yafataga ungana n’uw’umuzungu kandi bakora akazi kamwe.

Hotel Faucon yari imwe mu zikomeye mu Rwanda no mu Burundi, nta mwirabura wari wemerewe kuyinjiramo

Abazungu bagiraga inkiko n’amategeko yabo, n’Abirabura bakagira ibyabo. Abazungu bagiraga amashuri yabo yihariye, n’Abirabura bakagira ayabo.

Icyo Imvuluwe cyangwa Aba évolués boroherezwagaho kindi uretse gusabana, kugenderana no gusangira n’Abazungu muri hoteli cyangwa se resitora, harimo n’uko boroherezwaga gutemberera mu Bubiligi, muri Congo Mbiligi ndetse n’i Burundi, icyakora ngo byarabagoraga kurenga imbibi z’ibihugu bitayobowe n’Ababiligi.

Nyuma y’ubushakashatsi n’ubucukumbuzi Kigali Today yakoze, yabashije kumenya bamwe mu Banyarwanda bahawe icyo cyangombwa cya mérite Civique.

Abo Banyarwanda ni Prosper Bwanakweli waje kuba mu ishyaka RADER, Alexis Karekezi wahoze mu nama nkuru y’igihugu ku bw’umwami Mutara II Rudahigwa, Anastase Makuza wabaye Minisitiri muri Guverinoma ya Kayibanda Gregoire na Lazaro Ndazaro na we wabaye mu ishyaka rya RADER.

Alexandre Livingstone Smith, umushakashatsi mu nzu ndangamurage Africa Museum yo mu Bubirigi.

Mu kiganiro yagiranye na Kigali Today yagarutse ku bibazo abanyamateka bahura na byo, aho harimo abantu cyane cyane bakora mu mirimo y’ubwubatsi badaha agaciro uduce twihariye tubumbatiye amateka (Site Archeologique).

Uyu mushakashatsi usanzwe ukorera mu bihugu birenga 10 bya Afurika, avuga ko icyo kibazo gikunze kubaho muri Afurika ku bikorwa binini by’imirimo y’ubwubatsi nk’amazu manini, ibiraro, imihanda ya gari ya moshi n’imihanda isanzwe.

Ati “Hari ikibazo kinini ndetse no mu Burayi ahari amategeko arengera uduce tubitse amateka bijya bihagaragara, ubusanzwe amategeko avuga ko ahagiye guca igikorwa cy’ubwubatsi cyatewe inkunga n’Umuryango w’ubumwe bw’uburayi cyangwa Banki y’isi, habanza kunyura abashakashatsi ku mateka bakareba niba nta bintu bikungahaye ku mateka bihari bikenewe mu bushakashatsi mbere yo kubaka umuhanda.

Icyo gihe abashakashatsi babanza kuhanyura bakareba basanga bihari bakabitwara, ibikorwa by’ubwubatsi nabyo bigakomeza kandi hatabayeho gukererwa kw’imirimo.”

Alexandre Smith akomeza avuga ko kugeza ubu ibihugu bya Afurika bikigenda biguru ntege mu gushyira mu bikorwa ibyo amategeko ateganya, uretse cameroun yo kuri ubu isanzwe ibishyira mu bikorwa.

Ubwo hatangizwaga imirimu y’ubucukuzi bw’amabuye muri kimwe mu birombe byo mu gihugu cya Repubulika iharanira Demokarasi ya Congo, habonetse kimwe mu bintu byo mu bihe bya kera gifite agaciro, abajijwe icyo ari cyo yavuze ko bikiri ibanga kuko abanyamategeko ba sosiyete yakoranye n’abashakashatsi mu mateka bakora ubushakashatsi aho ikirombe kiri, babasabye kubigira ibanga ntibatangaze icyo ari cyo.

Ibintu bitandukanye biranga amateka ya Afurika

Akomeza avuga ko ari ibanga ariko yatangajwe n’icyo kintu cyavumbuwe.

Ati “Ndaguha urugero gusa ni ibintu nasabwe kugira ibanga kuko nta burenganzira mfite bwo kubivugaho, twavumbuye ikintu cy’agaciro kadasanzwe ahantu hari imirimo y’ubwubatsi mu kirombe giherereye muri RDC. Uyu munsi hariho umurage munini urimo urimburwa, iyo tudakora ubushakashatsi ntabwo tuba twarabonye icyo kintu cy’agaciro kadasanzwe, nta muntu wari uzi ko gihari , rero iyo bakora ibikorwa by’ubwubatsi badahamagaje ikipe y’abashakashatsi ntabwo cyari kuba cyarabonetse”.

Uretse muri RDC anavuga ko mu byo yibuka ahagiye hakorwa imihanda hakaboneka ibintu bibumbatiye amateka, harimo no mu Bufaransa no mu Bubiligi.

Ubwo bubakaga umuhanda wa gari ya moshi uhuza umujyi wa Paris n’umujyi wa Buruseli ku birometero 73, habonetse ahantu habumbatiye amateka 92 muri ho harimo 32 habonetse ibintu by’ingenzi bibumbatiye amateka yo mu bihe bya kera, mu gihe ari na ko byagenze ubwo bubakaga umuhanda uhuza Buruseli n’umujyi wa Lille mu Bufaransa.

Arateganya gushyira ingufu ku mikoranire n’abashakashatsi b’u Rwanda

Mu gihe mu Rwanda hakiri icyuho ku bushakashatsi mu mateka mu ishami ryo kwiga ibisigazwa byo mu matongo (Collections archeologiques), ateganya gukorana n’abashakashatsi b’u Rwanda kurushaho guteza imbere uru rwego.

Kugeza ubu mu Rwanda bimwe mu bigaragara bibitse amateka yo mu bihe bya kera harimo ibikorwa by’ububumbyi ahari bimwe mu bikoresho byabumbwe bimaze imyaka iri hagati ya 2000 na 2500, ibikoresho bimwe byo mu bihe bya kera bikomoka ku mirimo y’ubucuzi n’ibindi.

Mu bisigazwa by’amateka byerekeye u Rwanda biboneka muri Africa Museum iherereye, harimo bimwe mu bikoresho by’Umwami Cyirima II Rujugira n’Umuryango we birimo inyundo, utubindi, inkono y’itabi, umuvuba n’ibindi byataburuwe mu mva ye. Ibyo bikoresho bivugwa ko byaba bimaze imyaka irenga 300 kuko uyu mwami yabayeho mu ntangiriro z’ikinyejana cya 18.

Smith n’itsinda arimo rikora ubushakashatsi baranateganya kubukora ku bisigazwa by’amateka bya UREWE bivugwa ko ari bimwe mu bimaze igihe kirekire bigaragara muri Afurika mu bijyanye n’ububumbyi. Ibi bisigazwa bya UREWE biboneka mu Rwanda, Kenya no mu gihugu cy’uburundi.

Uyu mushakashatsi akomeza asaba ibihugu bya Afurika gushyira ingufu mu bikorwa by’ubushakashatsi bongera amafaranga y’ingengo y’imari asanzwe agenda kuri ibyo bikorwa.

Alexandre Livigstone Smith ni umwuzukuruza w’inkomarume (Explorateur), David Livingstone, wavumbuye ibintu byinshi bitandukanye muri Afurika, ubwo Abanyaburayi bageraga muri Afurika.

Sekuru Dr David Livingstone yapfuye mu mwaka wa 1873, ubwo yashakaga isoko y’uruzi rwa Nil, yaguye muri Zambia yishwe na Malaria.

David Livingstone mu byo azwiho ni uko ari we wavumbuye isumo rya Victoria riri mu majyepfo ya Afurika, ubwirohero bw’uruzi rwa Zambeze, ni na we muntu wa mbere wabashije gukora urugendo rwambukiranya Afurika ruturutse ku Nyanja ya Atlantika rukagera ku Nyanja y’abahinde.

Umwuzukuruza we Alexandre Livingstone ufite inkomoko mu Bwongereza ariko akaba akorera mu Bubiligi mu nzu Ndangamurage ya Afurika, na we yiyemeje kugera ikirenge mu cya sekuru aho amaze igihe kirekire akora ubushakashatsi ku mateka ya Afurika ku bijyanye n’ibisigazwa byo mu matongo (Collections Archelogiques). Yagiye akorera mu bihugu bitandukanye nk’Uu Burundi, Benin, RDC, Mali, Burukinafaso, enegali, Libya, Cameroun, Congo Brazzaville n’ahandi.

Asanzwe ari umwalimu w’amateka muri Kaminuza ya ULB mu Bubirigi aho yanakuye impamyabumenyi y’ikirenga mu mateka, asanzwe ari inzobere ku mateka ya Afurika mu ishami ry’ibisigazwa byo mu matongo (Archelogie) n’ububumbyi (Poterie).

Umwami Kigeli IV Rwabugiri, wayoboye u Rwanda mu gihe cy’umwaduko w’abazungu mu 1892, amwe mu mateka yaranze ingoma ye ari muri iyo nzu ndangamurage iherereye mu gace ka Tervuren mu nkengero z’Umujyi wa Bruxelles.

Iyo nzu ndangamurage yashinzwe n’umwami Leopold wa III wayoboye igihugu cy’u Bubiligi, yashinzwe kugira ngo habikwe amateka yaranze ibyahoze ari Koloni (Colonies) by’u Bubiligi ari byo u Rwanda, u Burudi na Repubulika Iharanira Demikarasi ya Congo (RDC).

Mu mateka ahabitse usangamo byinshi bitandukanye byaranze umwaduko w’abazungu, inyandiko zo mu gihe cya kera, ibikoresho byo mu Rwanda rwo hambere na bimwe mu birango by’amateka kugeza no kubifite amateka akomeye nk’ibikoresho by’i Bwami.

Mu biboneka muri iyo nzu ndangamurage, harimo n’ikamba umwami Rwabugiri usanzwe ari sekuru wa Rudahigwa na Kigeli wa V ndahindurwa, abami 2 ba nyuma bayoboye u Rwanda.

Inzu ndangamurage ya Africa Museum iherereye Tervuren ku birometero 15 uvuye i Buruseli yafunguwe Mu 1910

Rwabugiri wari usanzwe ufitanye umubano mwiza n’abazungu, dore ko ari we wabakiriye mu Rwanda ubwo bazaga babimburiwe n’Umudage, Gustav Adolf von Götzen, ari mu bami bagize amateka akomeye mu Rwanda kuko ku Ngoma ye igihugu cyari gitinyitse mu karere.

Uwo mwami yabaye inshuti n’abazungu bamuha imbunda bituma abaturanyi (Ibihugu byari bituranye n’u Rwanda) n’abandi batavogera igihugu cy’u Rwanda.

Ikamba rya Rwabugiri ryageze mu gihugu cy’u Bubiligi gute?

Ikamba rya Rwabugiri ntabwo ari we waritanze ku gihugu cy’u Bubiligi kuko ubwo yayoboraga u Rwanda igihugu cyari mu maboko y’Abadage baje kwirukanwa mu bihugu bari barigaruriye nyuma y’intambara ya mbere y’isi yose.

Rudahigwa watanzeho impano ikamba rya Rwabugiri yashyizwe ku ngoma n’Ububirigi

Rwabugiri amaze gutanga yasimbuwe n’umwe mu bahungu be ari we Umwami Musinga , ubwo Abadage birukanwaga mu Rwanda byari ku ngoma y’UMwami Musinga , nyuma yo kugenda kw’Abadage haje Ababirigi .

Amateka agaragaza ko Musinga n’Ababirigi batigeze bumvikana kubera impamvu zirimo n’imyemerere, aho atakozwaga ibijyanye no guhinduka ngo yakire imyemerere mishya yari ijyanye no kwamamaza ivanjiri ndetse na Kiliziya Gatolika.

Musinga yasimbuwe n’umuhungu we, Mutara wa III Rudahigwa nyuma y’uko yari yemeye ukwemera kwa Kiliziya Gatolika akanabatizwa.

Rudahigwa yagiranye umubano mwiza n’igihugu cy’u Bubiligi kugeza n’aho batangiye kugenderanirana mu rwego rwo gutsura umubano.

Mutara wa III Rudahigwa, ubwo yagiriraga uruzinduko mu gihugu cy’u Bubiligi mu 1949 agasura umwami w’icyo gihugu, yaje aherekejwe n’abantu batandukanye barimo abayobozi b’icyo gihe n’itorero ry’ababyinnyi basusurukije i Bwami mu Bubiligi.

Umunyamateka w’umunyaRwanda Dr Dantès Singiza, akaba asanzwe anakora Mu nzu ndangamurage ya Tervuren

Icyo gihe Rudahigwa yari yanazaniye umwami w’u Bubiligi impano zitandukanye , mu mpano yari yazanye icyo gihe hari harimo n’ikamba ry’umwami wayoboye u Rwanda ari we Kigeli wa IV Rwabugiri, harimo n’inkoni ye.

Ikamba (Couronne) Umwami Rwabugiri yambaraga ryari riboshye mu bwoya bw’inkende yo mu bwoko bw’imbeya cyangwa Inkomo (Colobe), isanzwe iboneka muri Pariki ya Nyungwe.

Unahasanga inkoni ya Kigeli Rwabugiri, sekuru wa Rudahigwa ndetse n’ibindi bikoresho yakoreshaga.

Ikamba n’inkoni bya Rwabugiri byatanzweho impano na Mutara wa III Rudahigwa muri Mata 1949, abihaye inzu ndangamurage ya Africa Museum iherereye Tervuren.

Uretse ibiranga amateka y’ibwami i Tervuren hanagaragara ibisigazwa by’inyamaswa zo mu Rwanda nk’inzovu imboga, ingwe n’inzindi

Dr Dantès Singiza inzobere mu mateka akaba n’umukozi w’inzu ndangamurage ya Africa Museum avuga ko “kugeza ubu impamvu yateye Rudahigwa gutanga icyo gisingo cy’umwami Kigeli wa IV Rwabugiri itaramenyekana".

Kigeli IV Rwabugiri ufite ikamba ryatanzweho impano na Rudahigwa mu gihugu cy’u Bubiligi, yayoboye u Rwanda guhera mu mwaka wa 1840 kugeza mu kwezi k’Uguahyingo 1895.

Uretse ikamba rya Rwabugiri, inkoni n’ingoma bye biri muri iyo nzu ndangamurage, usangamo n’ibindi bintu bitandukanye biranga amateka y’u Rwanda nka bimwe mu bikoresho by’ubucuzi byo ku ngoma y’umwami Cyirima II Rujugira, wayoboye u Rwanda mu kinyejana cya 18.

Ingoma ya Cyirima Rujugira ifatwa nk’iyateje imbere ubucuzi mu Rwanda, dore ko anitwa umwami w’Umucuzi. Mu bikoresho bibitse i Tervuren harimo icumu, inyundo, imiheto, ibikomo n’ibindi bikoresho bye.

Inzu ndangamurage ya Tervuren irimo ibisigazwa miliyoni 10 by’inyamaswa, amabuye y’agaciro ibihumbi 250, ibikoresho by’umuziki 8,000, ubushyinguro bw’amateka (Archives) 350, amakarita ibihumbi 20, ubwoko bunyuranye bw’ibiti ndetse n’ibikoresho bijyanye n’umuco karande.

Ibikoresho by’ubucuzi byabaga mu Rwanda

Gukoresha abana byiganje mu mirimo y’ubuhinzi n’ubworozi nko kunoga icyayi, guhinga ibisheke, imirimo y’isarura no kuragira inka n’ingurube, ahandi abana bakoreshwa cyane ni nko mu nganda no mu bucukuzi bw’amabuye y’agaciro.

Dufatiye urugero ku bakozi bo mu rugo ni hamwe mu higanje abana benshi, bakora akazi batarageza ku myaka yagenwe ngo umuntu atangire gukora akazi.

By’umwihariko abana b’abakobwa ni bo biganje muri ako kazi aho rimwe na rimwe banahuriramo n’ibibazo byo gucikiriza amashuri, kubasambanya n’ibindi bikorwa byinshi bibangamira uburenganzira bwabo.

Impamvu abakoresha bahitamo abana ni uko usanga baba bahembwa amafaranga macye ugereranije n’abandi bakozi, kubagenzura biroroshye ndetse rimwe na rimwe usanga nta gihembo baba bagenerwa uretse utuntu tw’uduhendabana rimwe na rimwe basimbuza ikiguzi cy’umurimo.

Mu bushakashatsi bwa Komisiyo y’igihugu y’uburenganzira bwa muntu, bwasohotse muri Gicurasi 2020, bwagaragaje ko impamvu za mbere abana bakoreshwa imirimo ivunanye ahanini biterwa n’ubukene butuma bajya gushaka aho bakora bikarangira bagiye mu mirimo itajyanye n’ikigero barimo.

Ubwo bushakashatsi bwagaragaje ko mu bana bakoreshwa imirimo yo mu rugo batagejeje igihe, 98% ni abakobwa muri bo abahembwa bakaba 72%, abandi baba bakora mu miryango aho byitwa gufasha ababyeyi.

Itegeko rivuga iki ku bakoresha akazi ko mu rugo n’indi mirimo abana batarageza igihe

Ubundi mu itegeko ry’umurimo imyaka fatizo yo gutangira gukora ni 16. Itegeko ry’umurimo ryo mu 2018 mu ngingo ya 5 ivuga ko imyaka fatizo yo gutangira gukora akazi ari cumi n’itandatu (16).

Rikomeza risobanura ko icyakora, umwana uri hagati y’imyaka cumi n’itatu (13) na cumi n’itanu (15) yemerewe gukora gusa imirimo yoroheje mu rwego rwo kwitoza umurimo (Stage).

Ibi bisobanuye ko umuntu wese ukoresha umwana uri munsi y’imyaka 16 atari ku mpamvu zavuzwe haruguru aba akoze icyaha.

Hari imirimo yemerewe abana bitewe n’ikigero barimo 5-12

Umwana uri hagati imyaka 5-12 yemerewe gukora imirimo yo mu rugo idahemberwa nk’uko biteganwa n’ingingo ya 7 mu mabwiriza ya ministeri y’abakozi ba Leta n’umurimo yerekeye gukumira no kurwanya imirimo mibi ikoreshwa abana.

Zimwe mu ngero z’iyi mirimo ni izizikurikira:

Gutegura ifunguro ryo mu rugo, gufura imyenda, gutera ipasi, gukoresha umuvandimwe umukoro, gukora isuku mu rugo, gutuma umwana muri karitsiye, kwahira ubwatsi bw’amatungo, kuzana umusaruro mu murima, kuvoma amazi yo mu rugo, kudahira inka, gukama no gukamisha, koza ibikoresho byo mu rugo no gukuka.

Icyitonderwa: N’ubwo iyi mirimo umwana yemerewe kuyikora nk’uko biteganwa mu mabwiriza ya Ministeri y’Umurimo yasohotse mu 2017 , umwana yemerewe gukora iyi mirimo yavuzwe hejuru mu gihe kitarenze amasaha 20 mu cyumweru.

Ababyeyi cyangwa undi wese ufite inshingano zo kurera umwana afite inshingano zo kutamuvunisha mu kazi kavuzwe haruguru, umukoresha ukoresha iriya mirimo umwana ntibyemewe kuko itegeko rivuga ko bitemewe ko umwana akora iyi mirimo hanze y’umuryango.

Hari imwe mu mirimo yo mu rugo ifitiye inyungu umuryango umwana uri hagati y’imyaka itanu na cumi n’ibiri (5 -12) atemerewe gukora nko kuroba; guhiga; kubaka aho imyaka ihunikwa; kudoda; gusuka no kogosha;kwenga urwagwa, kuboha ibiseke n’ubucuruzi bwo mu muryango.

Umwana wo muri iki cyiciro cy’imyaka itanu na cumi n’ibiri (5 -12), ntiyemerewe gukora umurimo uwo ari wo wose wo hanze y’umuryango.

Imirimo umwana uri hagati y’imyaka 13-15 yemerewe

Nk’uko twabibonye hejuru umwana uri hagati y’imyaka 13 na 15, hari imirimo yemerewe gukora ariko ifitanye isano no kwimenyereza umurimo, iyo mirimo ni iyi ikurikira:

Umwana uri hagati y’imyaka cumi n’itatu (13) na cumi n’itanu (15) ashobora gukora imirimo yoroheje n’imirimo yose yo mu rugo yavuzwe mu ngingo ya 7 y’aya mabwiriza usibye guhiga, kuroba no kwenga inzoga.

Imwe mu mirimo yo hanze y’umuryango yoroheje umwana uri muri iki cyiciro yemerewe gukora ni nko kwimenyereza umwuga; gukoresha mudasobwa; gucuruza amakarita yo guhamagara cyangwa Mituyu, gukora Televiziyo, Radio n’ibindi bikoresho bitandukanye; gutanga ibinyamakuru; gufasha umubyeyi cyangwa undi muntu.

Kwakira abakiliya mu iduka cyangwa ahandi hantu hakorerwa ubucuruzi cyangwa hatangirwa serivisi; gucuruza umuriro; amata; amakarita; Mobile Money (Mobayilomani); Interineti (lnternet) n’ibindi.

Hari kandi Guhura cyangwa gusya imyaka n’imashini yo mu rugo; gusuka; kogosha; kuboha ibiseke no Gucuruza.

Umwana uri muri iki cyiciro cy’imyaka n’ubwo yemerewe gukora iyi imirimo ariko ntiyemerewe kuyikora amasaha arenze mirongo ine (40) mu cyumweru.

Ibibujijwe ku bana bafite imyaka 16 bari mu kazi iyo batarageza ku myaka 18

Abana bafite imyaka 16 bari mu kazi bemerewe gukora imirimo yose nk’ikorwa n’abari hejuru y’imyaka 18, gusa ingingo ya 6 mu itegeko ry’umurimo rya 2018 iteganya ko imirimo ikurikira itemewe :

Abana batarageza ku myaka 18 ntabwo bemerewe gukoreshwa mu kazi imirimo ifite ubukana bubi ku buzima bwabo ndetse n’imirimo ishobora kwanduza ubuzima bwabo, guhungabanya umutekano cyangwa imitekerereze yabo.

Imwe muri iyo mirimo ibujijwe ni ikurikira:

1º Imirimo ihungabanya imiterere y’umubiri w’umwana.

2º Imirimo ikorerwa munsi y’ubutaka, munsi y’amazi kandi harehare cyangwa hafunganye, urugero nk’ubucukuzi bw’amabuye y’agaciro.

3º Imirimo ikoreshwa imashini n’ibikoresho bishobora kugira ingaruka mbi cyangwa isaba guterura no kwikorera umutwaro uremereye.

4º Imirimo ikorerwa ahantu hari ubushyuhe, ubukonje, urusaku, ibitigita n’ibindi byangiza ubuzima bw’umwana.

5º Imirimo ikorwa amasaha menshi, mu ijoro cyangwa ikorerwa ahantu hafunganye.

Ikindi kintu cy’ingenzi abakoresha bamenya ni uko umwana ukora afite imyaka (16) ariko atarageza ku myaka cumi n’umunani (18), agomba guhabwa iminsi ibiri (2) y’akazi y’ikiruhuko buri kwezi kw’akazi.

Ibihano ku bakoresha

Itegeko rigenga umurimo mu Rwanda mu ngingo ya 117 riteganya ko umukoresha ku giti cye uhamijwe n’urukiko icyaha cyo gukoresha umwana imirimo ivunanye cyangwa ibujijwe umwana utarageza ku myaka 18 aba akoze icyaha, iyo mirimo iteganwa mu ngingo ya 6 mu itegeko ry’umurimo.

Uwo icyaha gihamye ahanishwa igifungo kitari munsi y’imyaka ibiri ariko kitarenze imyaka itanu, n’ihazabu y’amafaranga kuva ku bihumbi 500 kugeza kuri miliyoni eshanu.

Ni mu gihe sosiyete, ikigo cyangwa koperative bigaragayeho gukoresha umwana iyo mirimo ihazabu yikuba inshuro ebyiri, ni ukuvuga kuva kuri miliyoni imwe kugeza kuri miliyoni 10 z’Amafaranga y’uRwanda.

Ibihano ku babyeyi n’abarera abana

Umubyeyi wese uzakoresha umwana imirimo mibi cyangwa uzagaragaraho kutita ku nshingano ze bigatuma umwana we cyangwa uwo arera akoreshwa imirimo mibi azahanishwa kimwe mu bihano bikurikira:

Kwihanangirizwa mu ruhame mu nama y’umudugudu cyangwa ku muganda;

Gucibwa amande angana n’ibihumbi icumi (10,000 rwf) ku mubyeyi wese utita ku nshingano ze zo kwita ku burere bw’umwana we cyangwa uwo arera bikamuviramo kuba inzererezi no gukoreshwa imirimo mibi.

Ayo mande acibwa n’Umugenzuzi w’Umurimo ku rwego rw’Akarere cyangwa n’undi wese uri mu Rwego rw’Akarere rushinzwe gukumira no kurwanya imirimo mibi ikoreshwa abana wabiherewe ububasha n’Ubuyobozi bw’Akarere; Umunyamabanga Nshingwabikorwa w’Umurenge n’Umunyamabanga Nshingwabikorwa w’ Akagali.

Ese bitangwa byagenze gute? Urugero icyemezo cy’ifungwa n’ifungurwa ry’agateganyo cyafashwe ku bujurire nticyongera kujuririrwa. Muri iyi nkuru twateguriye abasomyi mu rwego rwo kubafasha kumenya byinshi mu mategeko, urungukiramo n’ibindi utari uzi ku ifunga n’ifungura by’agateganyo (provisional detention and provisional release).

Iyo Ubushinjacyaha busanze ukekwaho icyaha agomba gukurikiranwa afunzwe, butegura dosiye ishyikirizwa urukiko rubifitiye ububasha.

Iyo ikirego kigeze imbere y’urukiko, habanza kubaho kuburana ku ifungwa ry’agateganyo cyangwa irekurwa, uregwa akajya yitaba urukiko avuye hanze.

Aha buri ruhande rutanga impamvu zarwo. Ubushinjacyaha bushobora kuburana bugaragaza ko uregwa arekuwe urugero ashobora guhohotera uwo yakoreye icyaha, gusibanganya ibimenyetso cyangwa gutoroka ubutabera naho ukekwaho icyaha cyangwa abamwunganira na bo bashobora kugaragaza ko uregwa adakwiriye gufungwa by’agateganyo igihe cy’iminsi 30 kubera uburwayi afite, imico ye isanzwe ari myiza, uburyo yafashije ubutabera cyangwa inshingano afite mu muryango (urugero ari nk’umugore wonsa).

Mu mategeko igihe cy’igifungo cy’agateganyo cy’iminsi 30 kiba gishobora kongerwa.

Urukiko ruburanisha ikirego ku ifunga n’ifungura ry’agateganyo mu gihe kitarenze iminsi ibiri (2) y’akazi.

Urukiko rufata icyemezo ku ifunga n’ifungura ry’agateganyo mu gihe kitarenze iminsi itatu (3) y’akazi iburanisha ripfundikiwe.

Umucamanza asuzuma impamvu akagena niba ifungwa ry’agateganyo rikwiriye cyangwa ridakwiriye.

Ku rwego rwose rw’ikurikiranacyaha, iyo hari impamvu zikomeye zituma umuntu akekwaho icyaha, ukekwaho icyaha ashobora kudafungwa agategekwa ibyo agomba kubahiriza. Bimwe mu byo ashobora gutegekwa ni ibi bikurikira:

1° kuba mu karere k’aho uwamutegetse ibyo agomba kubahiriza akorera;

2° kubuzwa kujya cyangwa kutarenga ahantu hagenwe atabiherewe uruhushya n’uwamutegetse ibyo agomba kubahiriza;

3 kutajya aha n’aha cyangwa kutaba ahantu ku gihe iki n’iki;

kwitaba urwego rwagenwe mu bihe byagenwe;

5° kwitaba igihe abitegetswe;

6° gutanga ingwate;

7° kugenzurwa hifashishijwe ikoranabuhanga;

8° gushyikiriza ibyangombwa bye urwego rwagenwe.

Icyemezo cy’umucamanza kigomba kugaragaza impamvu yashingiyeho arekura by’agateganyo ukurikiranyweho icyaha.

Ubushinjacyaha bugenzura ko ibyategetswe n’Urukiko byubahirijwe, byaba bitarakozwe bugasaba ko ukurikiranywe afungwa by’agateganyo.

Itegeko riteganya ko icyemezo cy’uko ukurikiranyweho icyaha aba afunzwe by’agateganyo kimara iminsi mirongo itatu .

Iyo hari uruhande rutishimiye imikirize y’urubanza ku cyemezo cy’ifungwa n’ifungurwa by’agateganyo habaho kujurira.

Icyemezo gifunga cyangwa gifungura by’agateganyo cyafashwe n’Urukiko rw’Ibanze kijuririrwa mu Rukiko Rwisumbuye.

Umuburanyi utishimiye icyemezo ku ifungwa n’ifungurwa ry’agateganyo ashobora kukijuririra mu gihe kitarenze iminsi itanu (5) ibarwa uhereye igihe yamenyesherejweho isomwa ryacyo.

Kujuririra icyemezo cyerekeranye n’ifungwa cyangwa ifungurwa by’agateganyo ntibibuza isuzumwa ry’urubanza mu mizi.

Mu gihe cyagenewe ubujurire no mu gihe urukiko rwamaze kujuririrwa rutaraca urubanza, icyemezo cy’urukiko cyafatiwe ukurikiranyweho icyaha kigumaho mu gihe cyose hatarafatwa ikindi cyemezo kikivuguruza ku rwego rw’ubujurire.

Urukiko rwajuririwe ku bijyanye n’ifungwa cyangwa ifungurwa ry’agateganyo rusuzuma mu bujurire icyo kibazo nubwo urukiko rwaba rwararegewe urubanza mu mizi.

Iyo ukurikiranyweho icyaha afatiwe icyemezo cyo kudafungwa by’agateganyo cyangwa icyo kutongererwa igihe cy’igifungo, ntashobora kongera gufungwa kubera cya cyaha yarezwe, keretse habonetse izindi mpamvu nshya kandi zikomeye zituma agomba gufungwa by’agateganyo.

Nyuma y’ ifungurwa ry’agateganyo cyangwa ifungwa ry’agateganyo iburanishwa ry’urubanza mu mizi ni ryo rigena igihano uwakoze icyaha ahabwa. Aha ni ukuvuga igifungo cyangwa kugirwa umwere.

Mu gihe hatabayeho kuburanisha urubanza mu mizi ngo umuntu akatirwe, ntabwo abarwaho ubusembwa (criminal records ). N’iyo wamara umwaka ufunze bikiri mu ifungwa ry’agateganyo (provisional detention) urubanza rutaraburanishwa mu mizi nta busembwa mu mategeko uba ufite kuko uba ukiri umwere kuko uba utarigeze ukatirwa.

Inkuru bijyanye:

Bigenda bite kugira ngo ifungwa ry’agateganyo rirenge iminsi 30?

Kwizera Olivier

Kwizera Olivier yareganwaga na Ntakobisa David, Runanira Amza, Mugabo Ismael, Mugisha Adolphe, Rumaringabo Wafiq, America Djuma na Sinderibuye Seif.

Ku wa Kabiri tariki ya 6 Nyakanga 2021, nibwo basomewe imyanzuro nyuma y’uko bari baburanye ku wa 28 Kamena 2021.

Urukiko rw’Ibanze rwa Kicukiro rwabahamije bose icyaha cyo gukoresha ibiyobyabwenge byo mu bwoko bw’urumogi.

Umwanzuro warwo uvuga ko bahanishijwe igifungo cy’umwaka umwe usubitse.

Ese bigenda bite mu mategeko ngo umuntu ahabwe igihano cy’igifungo gisubitse? Iki gihano kigira ingaruka zihe ku muntu ugihawe?

Ubundi amategeko ibihano ateganya bihabwa abantu ku giti cyabo iyo bahamwe n’icyaha ni igifungo; ihazabu; n’imirimo y’inyungu rusange.

Igihano cy’igifungo kirimo ibyiciro bitandukanye bitewe n’uburemere bw’icyaha cyakozwe.

Igihano cy’igifungo gishobora kumara igihe kizwi cyangwa kikaba icya burundu, igihano cy’igifungo kirimo igihano umuntu ahabwa akakirangiriza muri gereza n’igihano cy’igifungo gisubitse umuntu ahabwa ntafungwe ngo ajyanwe muri gereza.

Bigenda bite ngo habeho igihano cy’igifungo gisubitse?

Mu Rwanda mu ngingo ya 49 y’itegeko riteganya ibyaha n’ibihano rya 2018, itegeko riteganya ko umucamanza agena igihano ku cyaha cyakozwe hashingiwe ku buremere bwacyo, ingaruka cyateje, icyateye icyaha n’ibindi. Iyo bigeze mu gihe cy’ikatira (sentencing) ni ho dushobora kubona igihano cyagabanutse cyangwa cyiyongereye cyane bitewe n’izo mpamvu.

Kugira ngo habeho ikatira kandi umucamanza agendera ku bwiregure bw’uburana, n’ibimenyetso bishinja n’ibishinjura ku cyaha cyakozwe.

Umucamanza anashingira ku mpamvu nyoroshyacyaha cyangwa nkomezacyaha. Biba bishoboka ko abantu bakora icyaha kimwe ariko ugasanga igihano bahawe kiratandukanye bitewe n’uburyo baburanyemo. Urugero uwaburanye yemera icyaha akanacyicuza ashobora kugabanyirizwa igihano, ariko uwaburanye ahakana icyaha ntagabanyirizwe kuko we aba atarorohereje ubutabera.

Bitewe n’izo mpamvu zose tubonye haruguru mu gihe cy’ikatira umucamanza ashingiye ku kamaro uwahamwe n’icyaha afitiye sosiyeti, imyaka y’ubukure (biba ku bana rimwe na rimwe), uburyo yaburanyemo (yaburanye atananiza ubutabera) ndetse n’imyitwarire ye isanzwe muri sosiyeti (ugaragaye imbere y’ubutabera bwa mbere) aba ashobora kubishingiraho akagukatira igihano cy’igifungo gisubitse ntujye muri gereza.

Iyo uwakatiwe nta kindi gihano cy’igifungo kirenga amezi atandatu (6) yahanishijwe mbere, urukiko, rukoresheje icyemezo gisobanuriwe impamvu, rushobora gutegeka gusubika irangiza ry’ibihano byose cyangwa ibice byabyo by’iremezo cyangwa by’ingereka iyo igihano cy’iremezo cy’igifungo umuntu yakatiwe kitarenze imyaka itanu (5). Aha ni ukuvuga ko uwakoze icyaha gihanishwa igifungo kirenze imyaka itanu (5) n’iyo haba hariho impamvu zose twabonye, we ntabwo ashobora guhabwa igihano cy’igifungo gisubitse.

Uwahawe igihano cy’igifungo cy’umwaka usubitse, bivuze ko asubizwa mu buzima busanzwe, ariko yazakora ikindi cyaha ku bihano yazahabwa hakiyongeraho n’uwo mwaka wari warasubitswe akarangiriza hamwe ibihano byombi.

Ingingo ya 64 y’itegeko riteganya ibyaha n’ibihano muri rusange ivuga ko Isubikagihano ari icyemezo cy’urukiko gihagarika irangizarubanza ku gihano itegeko riteganyiriza igifungo kitarengeje imyaka itanu (5). Aha ni ukuvuga ko umuntu wakoze icyaha gihanishwa igifungo kiri hejuru y’imyaka itanu (5) we aba adashobora guhabwa igihano cy’igifungo gisubitse.

Isubikagihano ritangwa hashingiwe ku buremere bw’icyaha. Icyemezo cy’urukiko gisubika igihano kigomba kuba kigaragaza impamvu zashingiweho kandi gifatwa mu rubanza rumwe n’urw’icyaha ruburanisha. Gishobora gutegeka isubika ry’igifungo cyose cyangwa igice cyacyo. Igihano cy’ihazabu n’icy’imirimo y’inyungu rusange ntibishobora gusubikwa.

Ingingo ya 65 y’itegeko riteganya ibyaha n’ibihano muri rusange ivuga ku guta agaciro kw’igihano gisubitswe ivuga ko Igihano gitanzwe kandi kigasubikwa kiba gitaye agaciro, iyo mu gihe cyemejwe kandi kidashobora kujya hasi y’umwaka umwe (1) no kurenga imyaka itanu (5), uwakatiwe atongeye guhamwa n’icyaha cy’ubugome cyangwa icyaha gikomeye yakoze kuva ku munsi icyemezo gihagarika irangizarubanza cyabaye ndakuka.

Aha ni ukuvuga ko uwakatiwe igihano cy’igifungo gisubitse n’ubwo aba arekuwe ariko aba agomba kwitwara neza ntazongere kugwa mu cyaha cyatuma akatirwa ikindi gihano. Iyo yongeye gukora icyaha, igihano cyari cyarasubitswe kimwe n’igihano ku cyaha gishya birateranywa kandi bikarangirizwa rimwe.

Aha ni ukuvuga ko uwagihawe iyo akoze icyaha gikomeye cyangwa icyaha cy’ubugome igihe yahawe kitarangiye (ni ukuvuga mbere y’umwaka tugendeye ku rubanza rwa Kwizera Olivier n’abo bareganwaga), mu bihano bashobora guhabwa harimo iki gihano cy’umwaka umwe gisubitse baba batararangije cyakongerwaho n’igifungo cy’icyaha gishya. Aha rero uwahawe iki gihano aba asabwa kwitwara neza.

Ingingo ya 240 y’itegeko ryerekeye imiburanishirize y’imanza z’inshinjabyaha rya 2019 ivuga ko igihano gitanzwe kandi kigasubikwa gita agaciro, niba, mu gihe cyemejwe kandi kidashobora kujya hasi y’umwaka umwe no kurenga imyaka itanu (5), uwakatiwe atongeye gukurikiranwa kandi ngo akatirwe igihano ku cyaha gikomeye cyangwa cy’ubugome kuva ku munsi icyemezo cyahagaritse irangiza ry’igihano kitagishoboye gusubirwaho. Iyo bitabaye bityo, ibihano byasubikiwe irangiza, n’ibyaciwe nyuma, biteranyirizwa hamwe, byose akabirangiza.

Nk’uko biteganywa n’ingingo ya 241 mu itegeko ryerekeye imiburanishirize y’imanza z’inshinjabyaha no mu ngingo ya 66 y’itegeko riteganya ibyaha n’ibihano muri rusange, isubikagihano ntirisonera uwakatiwe kwishyura amagarama y’urubanza, indishyi z’akababaro no kwamburwa uburenganzira mboneragihugu. Icyakora, kwamburwa uburenganzira mboneragihugu bivaho iyo igihano cyataye agaciro ni ukuvuga iyo uwakatiwe iki gihano yitwaye neza ntiyongere guhamwa n’icyaha cy’ubugome cyangwa icyaha gikomeye.

Aha icyaha cy’ubugome amategeko uko agisobanura ni icyaha itegeko rihanisha igihano cy’iremezo cy’igifungo kirenze imyaka itanu (5) cyangwa igifungo cya burundu , naho icyaha gikomeye ni icyaha itegeko rihanisha igihano cy’iremezo cy’igifungo kitari munsi y’amezi atandatu (6) ariko kitarenze imyaka itanu (5).

Uretse Kwizera Olivier n’abo bareganwaga, hari abandi bantu mu Rwanda bahawe igihano cy’igifungo gisubitse

Mu mwaka wa 2020 Dr Francis Habumugisha wari wahamijwe icyaha cyo gukubita abakobwa bari abakozi be (Kamali Diane na Nzaramba Madeleine) akabakomeretsa ku bushake akanangiza imitungo yabo yoroherejwe igihano n’urukiko rw’ibanze rwa Nyarugenge ahabwa igifungo cy’umwaka gisubitse mu gihe cy’imyaka itatu (3) anategekwa gutanga indishyi zingana na miliyoni imwe.

Impamvu urukiko rwashingiyeho rumugabanyiriza igihano ni uko yari yaburanye yemera icyaha cyo gukubita no gukomeretsa. Ikindi ni uko Dr Francis wari waratorotse ubutabera nyuma yaje kwishyikiriza ubutabera, anicuza ibyo yakoze.

Mu 2016 urukiko rwisumbuye rwa Nyarugenge rwakatiye umwana watemye umwarimu akamukomeretsa igihano cy’igifungo cy’umwaka (1) gisubitse.

Umukobwa wigaga mu kigo cya Saint André washinjwaga gukubita no gukomeretsa umwarimu we, urukiko rwisumbuye rwa Nyarugenge rwamukatiye igihano gisubitse cyo gufungwa umwaka n’ihazaba y’amafaranga ibihumbi 50.

Urukiko rugabanyiriza uwo mwana ibihano, rwagendeye ku kuba yari yarigeze kugira ibibazo by’ihungabana mu mikurire ye, kuba yari afite nyina urwaye, no kuba bwari ubwa mbere agejejwe mu rukiko, ndetse no kuba yari akiri umwana.

Ese bigenda bite ngo umukozi wa Leta ashyirwe kuri urwo rutonde? Ese yemerewe kongera kuzakorera Leta? Ibi ni byo tugarukaho mu nkuru ijyanye n’amategeko igamije kurushaho gufasha abasomyi ba Kigali Today gusobanukirwa neza n’ibyo amategeko ateganya cyane cyane amategeko ajyanye n’umurimo.

Umukozi wa Leta ashyirwa kuri urwo rutonde iyo yakoze amakosa akomeye mu kazi. Aya makosa ahanini usanga ari amakosa akomeye aba yanatumye yirukanwa mu bakozi ba Leta.

Umukozi wa Leta afatwa nk’uwakoze ikosa rikomeye rihanishwa kwirukanwa ku kazi iyo:

1° anyereje cyangwa akoresheje nabi umutungo wa Leta.
2° asabye, yakiriye, atanze ruswa cyangwa indonke.
3° akoze uburiganya.
4° akoze inyandiko mpimbano cyangwa akiha ububasha.
5° ahojeje undi muntu ku nkeke, amukubise cyangwa barwanye.
6° amennye ibanga ry’akazi.
7° yibye.
8° ukoze ihohotera iryo ari ryo ryose.
9° akoze ibyaha bikoreshejwe ikorabuhanga.
10° akoresheje nabi ububasha yahawe.
11° yangije cyangwa asibye amakuru yerekeranye n’akazi.
12° udakoze inshingano ze, uzikoze nabi cyangwa utazikoze ku gihe bigatera ingaruka zikomeye ku rwego cyangwa Igihugu.
13° utaye akazi mu gihe kigeze nibura ku minsi irindwi (7) y’akazi.

Nk’uko biteganywa n’ingingo ya 45 y’itegeko N° 021/01 ryo ku wa 24/02/2021, Iteka rya Perezida rigena imyitwarire mbonezamurimo ku bakozi ba Leta. Dosiye y’umukozi wa Leta wirukanywe ku kazi mu butegetsi bwa Leta ishyikirizwa Minisiteri ifite abakozi ba Leta mu nshingano kugira ngo ashyirwe ku rutonde rw’abantu batemerewe gushaka akazi cyangwa gushyirwa mu mwanya mu butegetsi bwa Leta.

Amategeko ateganya ko umuntu utakiri umukozi wa Leta bitewe n’uko yirukanwe mu bakozi ba Leta, ashobora gusaba gusubirana uburenganzira bwo gushaka akazi cyangwa gushyirwa mu mwanya mu butegetsi bwa Leta, amaze gukorerwa ihanagurabusembwa.

Ingingo ya 46 y’iteka rya Perezida rigena imyitwarire mbonezamurimo ku bakozi ba Leta iteganya ko habaho igikorwa cy’ihanagurabusembwa nyuma y’igihano. Umukozi wa Leta ashobora gusaba mu nyandiko umuyobozi wamuhaye igihano, guhanagurwaho ubusembwa.

Uwahoze ari umukozi wa Leta wirukanywe agashyirwa ku rutonde rw’abatemerewe kwaka akazi muri Leta iyo ashaka gusubira mu kazi ka Leta yandika asaba ihanagurabusembwa amaze nibura imyaka itanu (5) ibarwa uhereye igihe yirukaniwe mu bakozi ba Leta.

Inyandiko isaba ihanagurabusembwa ishyikirizwa umuyobozi ubifitiye ububasha w’urwego umukozi yirukanywemo. Umuyobozi watanze igihano cyo kwirukanwa abanza kugisha inama Minisitiri ufite abakozi ba Leta mu nshingano mbere yo gufata umwanzuro wo gutanga ihanagurabusembwa.

Ibisabwa mu gutanga ihanagurabusembwa rituma umukozi yongera kugaruka mu bakozi ba Leta

Umukozi wa Leta usaba ihanagurabusembwa ashobora kurihabwa iyo yerekanye ko yababajwe n’ibyo yakoze kandi akarangwa n’imyitwarire myiza nyuma y’igihano.

Ihanagurabusembwa ku bihano byo mu rwego rwa mbere rishobora gutangwa iyo hashize nibura imyaka ibiri (2) umukozi ahanwe. Ibihano byo mu rwego rw’akazi byo ku rwego rwa mbere uhereye ku gihano cyoroheje ujya ku gikomeye ni kwihanangirizwa no kugawa.

Ihanagurabusembwa ku bihano byo mu rwego rwa kabiri rishobora gutangwa iyo hashize nibura imyaka itanu (5) umukozi ahanwe. Aha igihano byo mu rwego rwa kabiri kirimo kwirukanwa ku kazi (Dismissal).

Icyakora, mu nyungu rusange, umuyobozi ubifitiye ububasha ashobora guhanagura ubusembwa ku mukozi wa Leta wirukanywe, adategereje ko igihe kivugwa muri iyi ngingo kirangira, iyo hari ibimenyetso bihagije by’uko yagaragaje ko yababajwe n’ibyo yakoze kandi akarangwa n’imyitwarire myiza nyuma y’igihano.

Ihanagurabusembwa rikuraho igihano umukozi wa Leta yahawe

Ihanagurabusembwa rigira agaciro uhereye umunsi ryatangiwe. Inyandiko y’ihanagurabusembwa ibikwa muri dosiye y’umukozi wa Leta.

Ikindi kintu cy’ingenzi umukozi uwo ari we wese agomba kumenya ni uko gukurikirana umukozi ku ikosa ryo mu rwego rw’akazi bitagomba kubangamira uburyozwe bw’icyaha.

Ikosa ryo mu rwego rw’akazi rishobora gutuma hatangizwa icyarimwe ikurikiranwa ku ikosa ryo mu rwego rw’akazi n’ikurikiranacyaha. Aha ushobora guhabwa ibihano byo mu rwego rw’akazi ariko bitewe n’icyaha cyakozwe ukaba wanakurikiranwa mu butabera.

Iyo umukozi wa Leta akurikiranyweho icyaha gifitanye isano n’ikosa ryo mu rwego rw’akazi, urwego akorera rumukurikirana ku ikosa ryo mu rwego rw’akazi rutabanje gutegereza ko ikurikiranacyaha rirangira.

Ubusanzwe ibihano byo mu rwego rw’akazi nk’uko iteka rya Perezida wa Repubulika rya 2021 ribiteganya ni : kwihanangirizwa, ° kugawa, guhagarikwa ku kazi mu gihe kitarenze amezi atatu (3) adahembwa, kwirukanwa ku kazi.

Umukozi wa Leta wakatiwe mu rubanza rwabaye ndakuka igifungo kiri munsi y’amezi atandatu (6) asubizwa mu kazi iyo igifungo kirangiye, keretse iyo uburyozwe bw’ikosa ry’akazi bwagaragaje ko uwo mukozi wa Leta agomba kwirukanwa ku kazi.

Umukozi wa Leta uhamijwe mu rubanza rwabaye ndakuka igihano cy’igifungo kingana cyangwa kirenze amezi atandatu (6) yirukanwa mu kazi ka Leta. Iyo ashaka gusubira mu bakozi ba Leta we bisaba ko abanza guhanagurwaho ubusembwa yatewe n’icyaha (Criminal Rehabilitation) hanyuma akabona gusaba ko yanahanagurwaho ubusembwa bujyanye n’amakosa yakoze mu kazi yari yirukaniwe akanayakurikiranwaho nk’icyaha mu rukiko akabona gusubira mu kazi bitewe n’igisubizo ku busabe bwo guhanagurwaho ubusembwa.

Hari aho byajyaga bibaho ko umukozi ashyirwa ku rutonde rw’abatemerewe gukorera Leta (Blacklist) ntibyubahirizwe akaba yagaruka mu kazi ka Leta habayeho kujijisha urwego yasabyemo akazi ariko Minisiteri y’abakozi ba Leta n’umuriro yafashe ingamba ishyiraho uburyo bwo kubamenyekanisha binyuze ku guha amakuru ibigo binyuranye. Mbere abari kuri uru rutonde bajyaga bashyirwa ku rubuga rwayo no ku rubuga abantu basabiraho akazi ka Leta (E-Recruitment) ariko kubera imirimo yo kuvugurura izi mbuga ntabwo bagishyirwaho ahubwo MIFOTRA ibimenyesha ibigo mu buryo bwihariye iyo bari gutoranya abajya mu kazi.

Nyuma yo kubagezaho amakosa akomeye yirukanisha umukozi mu kazi nta nteguza nk’uko biteganwa n’iteka rya minisitiri, uyu munsi turabagezaho n’amwe mu makosa abakoresha bajya bakorera abakozi mu kazi, ni amakosa bakora babigambiriye cyangwa anaterwa n’ubumenyi bucye mu by’amategeko.

1. Kutemerera abakozi kwitabira amahugurwa n’iyigisha

Abakoresha bamwe bajya bangira abakozi kujya mu mahugurwa nyamara si byo kuko bihabanye n’ibyo amategeko y’akazi ateganya.

Amahugurwa n’iyigisha by’abakozi bibareba bose abasinye amasezerano hatitawe ku miterere y’amasezerano y’akazi bafitanye n’umukoresha.

Buri mukozi wemerewe n’Umukoresha we gukurikira inyigisho cyangwa amahugurwa by’akazi afite uburenganzira ku mushahara we wose n’inyongera zawo hongeweho amafaranga asubizwa umukozi mu kigwi cy’ayo yatanze kubera impamvu z’akazi, mu gihe cy’amahugurwa cyangwa inyigisho bitarengeje igihe cy’amezi atandatu (6)
Iyo Umukozi ahugurwa cyangwa yiga adakora igihe cy’amahugurwa cyangwa inyigisho kirengeje amezi atandatu, ahembwa bibiri bya gatatu (2/3) by`amafaranga avugwa mu gika kibanziriza iki.

Igihe cya konji ihemberwa igenewe iyigishwa n’amahugurwa ntigishobora gukurwa mu gihe cya konji isanzwe y’umwaka kandi gifatwa nk’igihe cy’akazi mu kureba uburambe bw’umukozi mu kazi. Muri icyo gihe, umukozi agumana ubwiteganyirize yari asanzwe afite.

Umukozi warangije iyigishwa cyangwa amahugurwa afite inshingano yo gukomeza gukorera ikigo cyamwishyuriye mu gihe kigenwa n’amasezerano rusange, ubwumvikane mu kigo cyangwa amasezerano y’umukozi n’umukoresha, keretse Leta imuhamagariye akazi kubera inyungu rusange z’Igihugu.

Amategeko ateganya ko umukoresha agomba gushyiraho gahunda y’umwaka y’amahugurwa n’iyigisha agamije kongerera abakozi be ubushobozi n’ubumenyi bitewe n’ibyo bakora. Aha ariko umukozi mu gihe na we abona hari amahugurwa agamije kumwongerera ubumenyi, ikigo akoramo cyangwa umukoresha we asabwa kumworohereza.

Ikiguzi cy’amahugurwa cyishingirwa n’umukoresha cyangwa umukozi cyangwa bombi bafatanyije.

2. Kutubahiriza amasaha y’akazi ku bakozi

Amasaha ntarengwa y’akazi ni mirongo ine n’atanu (45) mu cyumweru. Icyakora, umukozi ashobora gukora amasaha y’ikirenga abyumvikanyeho n’umukoresha.
Ingengabihe ya buri munsi y’amasaha y’akazi n’ay’ikiruhuko ku mukozi igenwa n’umukoresha. Ikiruhuko cya buri munsi umukoresha agenera umukozi ntikibarirwa mu masaha y’akazi.

Umukoresha aba agomba guha umukozi ikiruhuko kitari munsi y’amasaha makumyabiri n’ane (24) mu cyumweru atabarirwa mu masaha y’akazi.

3. Gukoresha abana mu kazi

Ubundi bitewe n’akazi, umwana kuva ku myaka 16 aba ashobora gukora akazi runaka, gusa hari imirimo ibujijwe gukoresha umwana utarageza ku myaka cumi n’umunani (18). Abana ntabwo bemerewe gukoreshwa mu kazi imirimo ifite ubukana bubi ku buzima bwabo ndetse n’Imirimo ishobora kwanduza ubuzima bw’umwana, guhungabanya umutekano cyangwa imitekerereze yabo.

Imwe muri iyo mirimo ibujijwe ni ikurikira:

1º Imirimo ihungabanya imiterere y’umubiri w’umwana, urugero nk’imirimo yo mu rugo.
2º Imirimo ikorerwa munsi y’ubutaka, munsi y’amazi, kandi harehare cyangwa hafunganye urugero nk’ubucukuzi bw’amabuye y’agaciro .
3º Imirimo ikoreshwa imashini n’ibikoresho bishobora kugira ingaruka mbi cyangwa isaba guterura no kwikorera umutwaro uremereye.
4º Imirimo ikorerwa ahantu hari ubushyuhe, ubukonje, urusaku, ibitigita n’ibindi byangiza ubuzima bw’umwana;
5º Imirimo ikorwa amasaha menshi, mu ijoro cyangwa ikorerwa ahantu hafunganye.

Umwana ukora afite imyaka (16) ariko atarageza ku myaka cumi n’umunani (18), agomba guhabwa iminsi ibiri (2) y’akazi y’ikiruhuko buri kwezi kw’akazi.

4. Kwimana Icyemezo cy’imirimo yakozwe (Certificate of rendered services)

Iyo amasezerano y’umurimo arangiye, umukoresha aha umukozi ibyo amugomba hamwe n’icyemezo cyemeza ko yamukoreye.
Icyo cyemezo, kigaragaza gusa itariki yatangiriyeho akazi, itariki akazi karangiriyeho, akazi yakoraga cyangwa ubwoko bw’imyanya y’imirimo yakozeho.

Umukoresha wanze gutanga mu minsi cumi n’itanu (15) icyemezo cy’imirimo yakozwe kandi umukozi yagisabye mu nyandiko, cyangwa ntashyiremo kimwe mu bisabwa nk’uko bigaragazwa mu gika cya mbere cy’iyo ngingo, agomba kwishyura indishyi zingana n’ukwezi kumwe (1) k’umushahara uwo mukozi yahembwaga.

5. Gukoresha abakozi imirimo y’agahato

Gukoresha umuntu imirimo y’agahato, gutanga uburenganzira bwo gukoresha umuntu cyangwa kwemera ko hagira undi ukoreshwa imirimo y’agahato mu buryo buziguye cyangwa butaziguye birabujijwe.

Icyakora, imirimo ikurikira ntifatwa nk’iy’agahato:
1 º Umurimo ukorwa hakurikijwe amategeko agenga imirimo itegetswe y’igisirikare;
2 º Umurimo ukorwa hagamijwe kwigisha uburere mboneragihugu no gukunda Igihugu;
3 º Umurimo utegetswe umuntu hakurikijwe icyemezo cy’urukiko kandi ugenzurwa n’urwego rwa Leta rubifitiye ububasha;
4 º Umurimo utegetswe umuntu mu gihe cy’amage, imidugararo cyangwa ibiza.

6. Guhoza abakozi ku nkeke hagamijwe imibonano mpuzabitsina

Guhoza ku nkeke uwo ukuriye mu kazi hagamijwe imibonano mpuzabitsina ku buryo ubwo ari bwo bwose birabujijwe. Kwirukana umukozi ku kazi kubera ko yatanze amakuru cyangwa ubuhamya ku bijyanye no guhozwa ku nkeke hagamijwe imibonano mpuzabitsina bikozwe n’umukuriye mu kazi birabujijwe. Igihe hari ibimenyetso bifatika byemeza ko umukozi yasezeye ku kazi kubera guhozwa ku nkeke n’umukuriye agamije gukorana na we imibonano mpuzabitsina, bifatwa nko kwirukanwa ku kazi nta mpamvu.

Ntabwo umukozi ari igikoresho cy’umukoresha, umukoresha agomba kubaha umukozi we. Ibi byiganje cyane mu bakoresha b’abakozi n’abandi bantu bafite ububasha ku bantu runaka nk’abarimu, abasirikari bakuru, abayobozi n’abandi.

Umuntu wese ukora igikorwa cyo guhoza undi ku nkeke amubwira amagambo cyangwa akora ibikorwa bihoraho bifitanye isano n’igitsina, bishobora kwangiza icyubahiro cye bitewe n’uko bitesha agaciro cyangwa icyubahiro nyir’ukubikorerwa cyangwa kumutera ubwoba cyangwa ikimwaro aba akoze icyaha.

Urugero niba ufite umukoresha uguhamagara kenshi cyangwa ukwandikira kenshi ubutumwa agusaba ko mukora imibonano mpuzabitsina, rimwe na rimwe akagutera ubwoba ko nubyanga bizakugiraho ingaruka mu kazi icyo gihe aba akoze icyaha.

7. Kuvangura abakozi

Umukoresha agomba guha abakozi amahirwe angana mu kazi.
Umukoresha abujijwe gukora ivangura mu kazi rishingiye ku bwoko, ku muryango cyangwa ku gisekuru, ku nzu, ku ibara ry’umubiri, ku gitsina, ku karere, ku byiciro by’ubukungu, ku idini cyangwa ukwemera, ku bitekerezo, ku mutungo, ku itandukaniro ry’umuco, ku rurimi, ku bumuga bw’umubiri cyangwa ubwo mu mutwe no ku rindi vangura iryo ari ryo ryose. Umukoresha wese agomba guhemba umushahara ungana abakozi bakora imirimo y’agaciro kangana nta vangura iryo ari ryo ryose.

8. Kwima abakozi uburenganzira bwo gutanga ibitekerezo

Abakozi n’ababahagarariye bafite uburenganzira bwo gutanga ibitekerezo ku bijyanye n’uko akazi gateye, gakorwa n’uko gakwiye gukorwa.

9. Gukoresha abakozi nta masezerano , nta bwishingizi , ubwiteganyirize , ntibanahemberwe igihe

Umukozi afite uburenganzira bwo gukorera ku masezerano. Amasezerano y’umurimo ashobora kuba ay’igihe kizwi cyangwa kitazwi. Amasezerano y’umurimo ashobora kuba yanditse cyangwa atanditse. Icyakora, amasezerano y’umurimo atanditse ntashobora kurenza iminsi mirongo cyenda (90) ikurikiranye. Umukoresha aba agomba gutanga amasezerano y’umurimo ku mukozi kandi umukozi agahabwa kopi yayo.

Abakoresha amategeko abategeka guhemba umukozi umushahara basezeranye kandi ku gihe, gushyira umukozi mu bwiteganyirize no kumutangira imisanzu mu Kigo cy’ubwiteganyirize bw’abakozi mu Rwanda.

Amasezerano y’umurimo agomba kuba agaragaza igihe atangiriye, igihe azarangirira, umushahara, inshingano za buri ruhande n’uko ibibazo bishobora kuvuka kuri ayo masezerano byahinduka.

10. Gukoresha abakozi igihe cy’igeregezwa kikarenga

Igihe cy’igeragezwa ku murimo ntigishobora kurenza amezi atatu (3). Icyakora, nyuma y’isuzuma ryanditse kandi ryamenyeshejwe umukozi, umukoresha ashobora gusubirishamo igeragezwa mu gihe kitarenze amezi atatu (3) bitewe n’impamvu zumvikana, zishingiye ku miterere y’akazi, imikorere n’imyitwarire by’umukozi.

Iyo igeragezwa rirangiye rikagaragaza ko umukozi ashoboye akazi, ahita ahabwa akazi abimenyeshejwe mu nyandiko n’umukoresha.

Iyo igeragezwa rigaragaje ko umukozi adashoboye akazi, hashingiwe ku isuzumabushobozi ryanditse kandi ryamenyeshejwe umukozi, umukoresha asesa amasezerano y’umurimo nta nteguza. Iseswa ryayo ntirituma hatangwa imperekeza usibye gusa umushahara umukozi yakoreye. Umukozi wongeye guhabwa akazi mu kigo yakoreye mbere kuri uwo mwanya yakozeho ntiyongera gushyirwa mu gihe cy’igeragezwa ry’akazi.

11. Guhindura amasezerano y’umurimo nta bwumvikane bw’impande zombi

Amasezerano y’umurimo ashobora guhindurwa umurimo ugikomeza bisabwe na rumwe mu mpande zayagiranye kandi zombi zibyumvikanyeho. Aho bikozwe impande zombi zitabiganiriyeho biba ari amakosa, amasezerano y’umurimo ntashobora kwimurwa ava ku mukoresha umwe ajya ku wundi umukozi atabyiyemereye.

Umukoresha ashingiye ku nyungu z’ikigo, ashobora kwimurira umukozi ku wundi mwanya utandukanye n’uwo yasabye uri ku rwego rumwe na wo atagabanyije umushahara we n’ibindi agenerwa.

Umukoresha ntagomba gushyira umukozi ku rundi rwego rw’umurimo atabyemeye iyo bishobora kumushyira ku rwego ruri hasi y’urwo yari asanzweho no kumugabanyiriza umushahara.

12. Kwirukana abakozi bagize Impanuka cyangwa indwara bikomoka ku murimo

Umukozi ntashobora gusezererwa ku murimo bitewe n’ibyago bikomoka ku murimo, keretse iyo byemejwe na muganga wemewe na Leta ko atagishoboye gukomeza gukora uwo murimo.
Iyo bigaragaye ko umukozi agishoboye gukora akazi umukoresha amuhindurira umwanya w’umurimo ujyanye n’ubushobozi bwe. Iyo udahari amasezerano y’umurimo araseswa umukozi agahabwa ibiteganywa n’amategeko.

13. Kwimana Ikiruhuko cy’umwaka n’icyo kubyara ku bakozi

Umukoresha agomba kugenera umukozi ikiruhuko cy’umwaka. Ikiruhuko cy’umwaka ntigishobora kuvunjwa mu mafaranga Umukozi ugitangira akazi ajya mu kiruhuko cy’umwaka nyuma y’amezi cumi n’abiri (12) akora habariwemo n’igihe cy’igeragezwa. Iminsi y’ikiruhuko rusange iteganywa n’amategeko ntibarirwa mu kiruhuko cy’umwaka gihemberwa.
Umukozi uri mu kiruhuko cy’umwaka akomeza kugira uburenganzira bushingiye ku masezerano ye y’umurimo.

Ibiruhuko umukozi wa Leta yemererwa mu kazi biteganywa n’ingingo ya 17 ya sitati nshya y’Itegeko numero 017/2020 ryo kuwa 7/10/2020 rishyiraho sitati rusange igenga abakozi ba Leta. Iyo ngingo iteganya ko umukozi yemerewe ibiruhuko birimo:

Ikiruhuko cy’umwaka, ikiruhuko cy’ingoboka, ikiruhuko cyo kubyara, ikiruhuko cy’uburwayi, ikiruhuko rusange n’uruhushya umukozi asaba mu kazi.

Iyo igihe umukozi yagennye kuzafata ikiruhuko kigeze, yuzuza urupapuro rwabugenewe hanyuma rugashyikirizwa umukozi ushinzwe abandi mu rwego akorera.

Muri urwo rupapuro umukozi wa Leta agaragaza imyirondoro ye, amazina, urwego akorera, ishami akoramo, iminsi y’ikiruhuko yifuza gufata, igihe azatangirira icyo kiruhuko n’igihe azagisoreza hanyuma urwo rwandiko akarushyikiriza umuyobozi we ku rwego rwa mbere ari na we umwemerera ikiruhuko, Umuyobozi akamusinyira n’umukozi ushinzwe abandi akamusinyiraho .

Ikiruhuko cy’umwaka itegeko riteganya ko kitarenza iminsi 30, umukozi wa Leta wagifashe akaba yemerewe kuba yakigabanyamo inshuro zitarenze eshatu, gusa iyi ni impinduka yabaye kuko muri sitati yo mu 2013 ho umukozi yashoboraga kugabanyamo ikiruhuko inshuro zitarenze ebyiri.

Umukozi ukora mu rwego rwigenga nawe yemerewe Konji y’iminsi 21 itabarirwamo iminsi ya konji rusange n’ibindi biruhuko bishobora kubaho mu buryo bwa rusange.

Birashoboka ko umukozi yasaba ikiruhuko ntahite agihabwa kubera impamvu z’akazi, icyo kiruhuko cyigijweyo umukozi aba ashobora kugifata bitarenze itariki ya 31 Ukuboza y’umwaka w’ingengo y’imari ukurikiyeho. Aha twanakwibaza uko bigenda ku mukozi watijwe cyangwa akimurirwa ahandi adafashe ikiruhuko cy’umwaka.

Itegeko rishyiraho sitati rusange ry’uyu mwaka 2020, riteganya ko uwo mukozi ikiruhuko cy’umwaka agifata mu rwego yagiye gukoreramo .

Hari kandi ikiruhuko cy’ingoboka aho umukozi ahabwa ikiruhuko kubera ibyiza cyangwa ibyago yagize mu kazi kikaba kimwemerera kuba atari mu kazi mu buryo buteganywa n’amategeko. Ni ikiruhuko gitangwa n’umuyobozi wo ku rwego rwa mbere. Ibirukuko by’ingoboka bikaba biteganyijwe mu buryo bukurikira:

Umukozi wa Leta washyingiwe imbere y’amategeko ahabwa ikiruhuko cy’iminsi ibiri (2), umukozi wa Leta w’umugabo ahabwa ikiruhuko cy’iminsi ine (4) iyo umugore we yabyaye, iyo umugore yagize ingorane zishingiye ku kubyara umugabo ahabwa indi minsi itanu yiyongera k’uyo yari yahawe.

Umukozi wa Leta wapfushije uwo bashyingiranywe ahabwa ikiruhuko cy’iminsi irindwi (7) iyo umugore asize umwana utarageza ku mezi atatu umugabo ahabwa ikiruhuko cy’ukwezi kumwe kwiyongera ku minsi igenerwa umukozi wa Leta wapfushije uwo bashakanye.

Umukozi wa Leta wapfushije umwana cyangwa uwo abereye umubyeyi ataramubyaye ahabwa ikiruhuko cy’iminsi itanu, umukozi wa Leta wapfushije se, nyina, sebukwe cyangwa nyirabukwe ahabwa ikiruhuko cy’iminsi ine, umukozi wa Leta wapfushije umuvandimwe bavukana ahabwa ikiruhuko cy’iminsi ine, uwapfushije sekuru cyangwa nyirakuru agahabwa ikiruhuko cy’ingoboka icy’iminsi itatu.

Umukozi wa Leta wimuriwe aharenze ibirometetro 30 avuye aho asanzwe akorera ahabwa ikiruhuko cy’ingoboka cy’iminsi itatu kugira ngo abe yabashije kugera aho yimuriwe.

Sitati nshya ivuga no ku mukozi wa Leta w’umugore wapfushije umwana, aho ivuga ko umukozi wa Leta wabyaye umwana upfuye kuva ku cyumweru cya 20 cyo gusama ahabwa ikiruhuko kingana n’ibyumweru umunani (amezi abiri) bibarwa uhereye igihe umwana yapfiriye, gusa uwabyabye umwana agapfa nyuma yo kuvuka ahabwa ikiruhuko cyo kubyara kingana n’iminsi yari isigaye ku kiruhuko cyo kubyara.

Hari ikiruhuko kandi kigenerwa umugore igihe inda yavuyemo cyangwa igihe umwana yavutse igihe cyo kuvuka kitaragagera. Ibyo biri mu itegeko mu ngingo ya 23 y’itegeko rishyiraho sitati rusange igenga abakozi ba Leta aho riteganya ko umugore wari utwite inda ikavamo mbere y’ibyumweru 20 byo gusama ahabwa ikiruhuko cy’uburwayi giteganyijwe n’itegeko, na ho umukozi wa Leta w’umugore ubyaye umwana igihe cyo kubyara kitaragera agahabwa ikiruhuko kingana n’iminsi yari isigaye kugira ngo umwana avukire igihe gisanzwe cy’amezi icyenda (9).
Ikiruhuko cy’uburwayi na cyo kiri mu byavuguruwe muri sitati shya igenga abakozi ba Leta aho ikiruhuko kigufi cy’uburwayi kidashobora kurenza igihe cy’ukwezi kumwe, na ho ikiruhuko kirekire cy’uburwayi ntikirenze amezi atandatu ndetse kigatangwa gusa n’umuyobozi w’urwego umukozi akorera ashingiye ku mwanzuro w’akanama k’abaganga batatu bemewe na Leta.

Uretse abakozi ba Leta, abakozi bigenga na bo bemerewe konji. Abakozi bigenga bemerewe konji y’iminsi 21 ku mwaka ariko bakanemererwa na ziriya konji zindi nka konji yo kubyara, gukora ubukwe, konji y’ingoboka. Konji y’umwaka ku mukozi wigenga ni iminsi 21 itangwa bitewe n’igihe amaze mu kazi, n’iminsi 18 ku mukozi ugitangira akazi ataramara igihe mu kazi.

Abakoresha bashishikarizwa kujya baha abakozi ibiruhuko kubera ko iyo umukozi akoze ataruhutse bigira ingaruka ku musaruro mu kazi ndetse bigakurura amakimbirane mu kazi.

14. Gufatira umushahara w’umukozi

Uretse amafaranga ategetswe agomba gukatwa n’andi ashobora gukurwaho hakurikijwe ibyavuzwe mu masezerano y’umurimo, umukoresha afatira umushahara w’umukozi iyo bishingiye ku gushyira mu bikorwa umwanzuro w’urukiko cyangwa iyo umukozi ayatanze ku bushake bwe.

Umukoresha ntashobora gukata amafaranga arenze kimwe cya kabiri (1/2) cy’umushahara w’umukozi kugira ngo yishyure amafaranga yari yaramugurije, gufatira ku ngufu, gutanga ku bushake umusanzu w’ishyirahamwe umukozi abereye umunyamuryango kandi nta nyungu zigomba kongerwa ku mafaranga yishyurwa n’umukozi. Ihame rivugwa mu gika cya 3 cy’iyi ngingo rikoreshwa no ku mushahara wishyuwe mbere y’igihe gisanzwe umukozi ahemberwa.

15. Kudashyiraho amategeko ngengamikorere

Umukozi afite uburenganzira bwo kumenyeshwa amategeko ngangamikorere akamenyeshwa ibyemewe n’ibitemewe mu kazi.

Ikigo gikoresha nibura abakozi batanu (5) gishyiraho amategeko ngengamikorere. Ubuyobozi bw’ikigo bushyiraho amategeko ngengamikorere y’ikigo nyuma yo kubiganiraho n’abahagarariye abakozi.

Amategeko ngengamikorere yandikwa mu rurimi rw’Ikinyarwanda no mu zindi ndimi zikoreshwa mu butegetsi bwa Leta aho bibaye ngombwa kandi akamenyeshwa abakozi bose.

Ku kigo gifite amashami menshi, buri shami rishobora gushyirirwaho ingingo zihariye zikubiyemo amabwiriza arigenga. Iby’ingenzi muri ayo mategeko byerekeye muri rusange uko akazi gakorwa, imyitwarire, ibijyanye n’ubuzima n’umutekano ku kazi n’izindi ngingo zibereye ikigo.

Amategeko ngengamikorere y’ikigo atangira gukurikizwa nyuma yo kumenyeshwa abakozi bose bireba. Kopi y’amategeko ngengamikorere y’ikigo ishyikirizwa umugenzuzi w’umurimo w’aho ikigo giherereye bitarenze iminsi mirongo itatu (30) atangiye gukurikizwa.

Amakosa akorwa n’abakoresha ni menshi, aya ni amwe mu makosa twabakusanyirije kugira ngo turusheho gufasha abakoresha kumenya amakosa bakwirinda, n’abakozi bakarushaho kandi kumenya uburenganzira ku byo bemerewe.

Ese ni ryari urubanza ruburanishwa mu muhezo? Ese umuburanyi ku giti cye afite uburenganzira bwo kwanga ko urubanza rwe ruburanishwa mu muhezo?

Ubwo Idamange Iryamugwiza Yvonne yagarukaga imbere y’urukiko ku wa Kabiri tariki 22 Kamena 2021, Ubushinjacyaha bwasabye urukiko ko urubanza rwa madame Idamange rwaburanishwa mu muhezo.

Ubushinjacyaha bwavuze ko kumuburanishiriza mu ruhame byatuma akomeza kugaragaza imyitwarire idahwitse ikomeza kugumura rubanda.

Umushinjacyaha wavugaga ko ubu busabe bunashingiye ku miterere y’ibyaha bishinjwa uregwa, yagize ati “Ubushinjacyaha bufite impungenge ko iburanisha ry’uru rubanza mu ruhame ryabera Iryamugwiza Idamange Yvonne urubuga rwo gukomeza ibikorwa bye byo gupfobya Jenoside, kwamamaza ibihuha ndetse no gukomeza icengezamatwara rye ryo kwangisha Leta abaturage ndetse n’ubuyobozi.”

Umushinjacyaha yakomeje agira ati “Ku nyungu z’umutekano no ku nyungu z’umudendezo wa rubanda dusanga uru rubanza rwaburanishirizwa mu muhezo mu rwego rwo kurengera uwo mudendezo w’abaturage n’umutekano w’abaturage ndetse no gukomeza gushimangira ubumwe bw’abaturage.”

Ubundi amategeko ateganya ko hari amahame agomba kuranga iburanisha ry’imanza z’inshinjabyaha. Muri ayo mahame harimo ko izo manza zigomba gushingira kuri ibi bikurikira:

1° Kubera mu ruhame
2° Kutabera no kutabogama
3° Kubahiriza uburenganzira bwo kwiregura no kugira umwunganizi.
4° Kubahiriza ihame ry’ivuguruzanya no kureshyeshya uburenganzira bw’ababuranyi imbere y’amategeko.
5° Gushingira ku bimenyetso byashatswe mu buryo bwemewe n’amategeko no gucibwa mu gihe giteganywa n’amategeko kandi umuntu agacirwa urubanza mu rurimi yaburanishijwemo.

Iburanisha rikorerwa ku cyicaro cy’urukiko ku munsi rwagennye. Iyo bibaye ngombwa iburanisha rishobora kubera ahandi hantu hagenwa n’urukiko, Urukiko rushobora kandi kuburanisha no kumva abatangabuhamya hakoreshejwe uburyo bw’ikoranabuhanga.

Urubanza rutubahirije amahame yavuzwe hejuru ntabwo ruba rwubahirije ihame ry’ubutabera buboneye (Fair Trial) gusa hashingiwe ku biteganwa n’itegeko n’imiterere y’urubanza, urukiko rushobora gutegeka ko urubanza runaka ruburanishwa mu muhezo (Hearing in Camera).

Ingingo ya 131 y’itegeko Nº 027/2019 ryo ku wa 19/09/2019 Itegeko ryerekeye imiburanishirize y’imanza z’inshinjabyaha riteganya ko mu gihe bibaye ngombwa urubanza rushobora kuburanishirizwa mu muhezo.

Iyi ngingo ivuga ko Iburanisha rikorwa mu ruhame, Icyakora, urukiko rushobora kwemeza ko iburanisha riba mu muhezo mu gihe ryabangamira umutekano cyangwa imico y’imbonezabupfura, n’igihe cyose umucamanza asanze ari ngombwa.

Iyo umuhezo wemejwe, isomwa ry’ibyemezo ku nzitizi n’ingoboka, na ryo rishobora kuba mu muhezo. Urubanza rw’iremezo rusomerwa iteka mu ruhame.

Urugero: Urubanza rw’ubutane (Divorce) rushobora kuba rwavugirwamo amabanga y’urugo akomeye, cyangwa urubanza rushobora kubangamira umutekano w’igihugu rushobora gucibwa mu muhezo nyuma y’uko umucamanza abisuzumye akemeza ko bikwiriye.

Kigali Today yateguriye abasomyi bayo igihe uwakoze icyaha adahanwa n’ubwiregure busanzwe buzwi mu mategeko bufasha abantu gutsinda imanza cyangwa bakagabanyirizwa igihano bitewe n’uburyo icyaha cyakozwemo.

Mu itegeko riteganya ibyaha n’ibihano muri rusange rya 2018 mu ngingo ya 86 itegeko riteganyamo igihe uwakoze icyaha adashobora kuryozwa icyaha.

1.Gukoreshwa icyaha ku gahato (Duress)

umuntu yakoreshejwe icyaha ku ngufu cyangwa ku gahato atashoboraga kwigobotora icyo gihe itegeko rikuraho uburyozwacyaha.

Amategeko y’urwanda n’imbere y’amategeko mpuzamahanga mu manza nshinjabyaha hateganya ko bavuga ko umuntu yakoze icyaha ku gahato iyo kudakora icyo cyaha byashoboraga kumugiraho ingaruka zikomeye cyangwa zikaba ku bagize umuryango we cyangwa undi muntu w’inshuti ye. Urugero izo ngaruka zishobora kuba urupfu n’izindi.

Ubu bwiregure bwashingiweho mu rubanza rwa Jovan Babic na Erdomovic aho umunyamategeko wa Eridomovic yavuze ko umukiliya we yahatiwe gukora icyaha ndetse abwirwa ko natagikora azicwa bituma nawe yica abahigwaga mu gihe cy’intambara yari mu cyahoze ari yougoslavia yaje no kuvamo jenoside y’aba Serbe cyangwa iya Srebrenica.

Urukiko mpuzamahanga mpanabyaha rwashyiriweho icyahoze ari Yougoslavia ICTY rwaje kumva impamvu ze bavuga ko ubwo bwiregure bufite ishingiro maze igihano yari yahawe kiragabanwa gishyirwa ku myaka 5 y’igifungo.

Mu mategeko urukiko mpuzamahanga rwa ICC rukurikiza avuga ko ubu bwiregure gusa bub iyo usabwa gukora icyaha byashoboraga kumuviramo ingaruka zikomeye igihe atabikoze , aha ariko runasaba ubushishozi abantu bakabanza kureba igikwiriye kuko biba bishoboka ko hari n’igihe wakwanga kubikora ntugire icyo uba.

2. Icyaha cyakozwe ku bwo kubaha amabiwirza y’ugukuriye (Superior orders)

Kwiregura witwaje ko wakoze icyaha biturutse ku mabwiriza y’umuntu wari ugukuriye utagombaga gusuzugura biremerwa ariko imbere y’amategeko mpuzamahanga ntibivanaho ko uwakoze icyaha adahanwa nko mu byaha by’intamabara, jenoside cyangwa ibyaha byibasiye inyoko muntu. Icyo bifasha nuko uwakoze icyaha aba ashobora kugabanyirizwa igihano. Urugero umusirikari ukoze icyaha biturutse ku mabwiriza y’umusirikari mukuru umukuriye mu kazi.

Aha ariko bisaba uwo musirikari kugaragaza nanone ko iyo yanga gukora icyo gikorwa hari izindi ngaruka yari guhura na zo.

Mu mategeko agenga ICTR na ICTY (Inkiko zashyiriweho uRwanda n’icyahoze ari Yugoslavia) mu ngingo ya 7 n’iya 6 havuga ko ubu bwiregure butavanaho guhanirwa icyaha cyakozwe ahubwo ko igikurikizwa gusa ari uko haba hashobora kubaho kugabanyirizwa igihano.

Imbere y’urukiko mpuzamahanga mpanabyaha ICC ubu bwiregure ho bwemerwa ku kigero cyo hasi nk’iyo wagaragaje ko hari itegeko ryagusabaga kubaha amabwiriza y’ugukuriye , iyo ugaragaje ko ibyo yagusabye gukora utari uzi niba ari icyaha ncdetse n’iyo ibyo yagusabye bitari icyaha icyo gihe.

Urugero aha nko ku rugamba umusirikari aba agomba kubaha amabwiriza y’umusirikari umukuriye ariko nanone ntabwo aba agomba kwitwara nka robo(Robot) cyangwa imashini idatekereza , aba agomba kwitwara nk’umuntu. Mu mategeko y’urwanda no mu mategeko mpuzamahanga abasirikari cyangwa abanda bantu bagira ababakuriye babaha amabwiriza bashishikarizwa kubanza gutekereza mbere yo kugira icyo bakora.

Urugero ntabwo umuntu yaguha amabwiriza ngo ugende wice impinja nawe uhite ujya kubikora kandi uzi ko ari icyaha, uba ugomba kubanza gutekereza.

Mu mategeko y’Urwanda ingingo ya 86 mu itegeko ritaganya ibyaha n’ibihano muri rusange rya 2018, mu mpamvu zikuraho uburyozwa cyaha n’iyi irimo aho igira iti “umuntu akoze igikorwa ategetswe n’umuyobozi wemewe n’amategeko, uretse igihe icyo gikorwa bigaragara ko kinyuranye n’amategeko” iki gihe habaho kuvaho k’uburyozwa cyaha (Criminal responsibility)

3. Ubusazi cyangwa ubundi burwayi bwo mu mutwe (Insanity)

Uburyozwacyaha buvaho igihe cyose uwakoze icyaha yabitewe n’uburwayi bwo mu mutwe cyangwa yagikoze afite uburwayi bwo mu mutwe butuma atarabashaga kugira ubushonozi bwo gutekereza neza.

Ingingo ya 86 mu itegeko riteganya ibyaha n’ibihano mu Rwanda ivuga ko ushinjwa iyo yari afite uburwayi bwo mu mutwe mu gihe yakoraga icyaha izimpamvu zikuraho uburyozwacyaha, aha ariko bisaba kugaragazwa na raporo ya muganga . ikindi bigasaba ko icyo gihe icyaha cyabaga yari afite urwo burwayi, uramutse ukoze icyaha ukagira ibyo bibazo nyuma waramaze gukora icyaha amategeko ntavanaho uburyozwacyaha.

Ubu buryo busanzwe bunazwi mu mategeko nk’ubwiregure bwa M’Naughton bwatangiye gukoreshwa bwa mbere imbere y’urukiko rwa Nuremberg urukiko mpuzahanga mpanabyaha rwa mbere rwabayeho ku isi ngo rucire imanza aba Nazi bakoze jenoside y’abayahudi n’ibyaha by’intambara nyuma y’intambara ya kabiri y’isi yose.

Bwakoreshejwe mu rubanza rwa Rudolf Hess ufatwa nka ba ruharwa muri jenoside yakorewe abayahudi, uyu mugabo yireguye avuga ko ibyo yakoze byose yabitewe n’ubusazi gusa ntabwo byashoboye kumenyekana koko niba yari umusazi nubwo mu rubanza rwe yagaragazaga imyitwarire y’ubusazi.

Rudolf Hess yahamijwe n’urukiko rwa Nuremberg ibyaha bya Jenoside, ibyaha byibasiye inyoko muntu n’ibyaha by’intambara akatirwa igifungo cya burundu, mu 1987 yaje kwiyahura afite imyaka 93 agwa muri gereza nyuma yo kunanirwa kwakira ubuzima yabagamo.

Ubu bwiregure bwanashingiweho n’urukiko rwashyiriweho icyahoze ari Yougoslavia

mu rubanza rwahuzaga ubushinjacyaha na Pavle Strugar. Bwanashingiweho mu rubanza rw’umugore Ieng Thirith wagize uruhare mu kwica abantu benshi mu cyahoze ari Cambodge. Uyu mugore abamwunganira bavuze ko yari umusazi ndetse ibyinshi yabitewe n’ubusazi maze bazana abaganga bo ku musuzuma basanga yari umusazi urukiko rutegeka ko arekurwa akitabwaho mu buryo abarwayi bo mu mutwe bitabwaho.

Haba mu Rwanda no mu mastegeko mpuzamahanga ubu buryo bwemerwa gusa iyo uwakoze icyaha yagikoze mu gihe yari afite ubwo burwayi , iyo bwatumaga atabasha gutekereza neza, ngo amenye ibyo agiye gukora .

4. Kwiregura witwaje ko wirwanagaho (Self-defense)

Ntabwo habaho uburyozwacyaha iyo umuntu wakoze icyaha yagikoze yirwanaho nk’uko ingingo ya 86 mu itegeko riteganya ibyaha n’ibihano muri rusange mu Rwanda ibiteganya. Aha umuntu ashobora kwirwanaho igihe atewe n’abajura cyangwa n’abandi bantu bagamije kumugirira nabi. Ashobora kubukoresha arwana ku muntu uri mu kaga . itegeko riteganya ko ubu buryo bukoreshwa aha hakurikira:

A) Yirukana uwinjiye ahantu hatuwe aciye icyuho, yakoresheje ingufu cyangwa uburiganya;
B) ahanganye n’abajura cyangwa abandi bagizi ba nabi.
C) igikorwa cyo kwirwanaho yugarijwe n’amakuba;
D) igikorwa cyo kurwana ku wundi muntu wugarijwe n’amakuba;
E) igikorwa cyo guhagarika icyaha cyo konona umutungo awurwanaho.

Aha ariko kugirango ubwo bwiregure bwemerwe ntihabeho uburyozwacyaha, uwakoze icyaha abitewe na ziriya mpamvu zavuzwe haruguru agomba kuba yakoresheje uburyo butarenze kure uburemere bwo kwitabara cyangwa ubw’amakuba yari amwugarije cyangwa yari yugarije undi muntu yarwanagaho cyangwa bwo guhagarika konona umutungo yarwanagaho.

Urugero umuntu agukubise urushyi ukamurasa ntabwo wavuga ko wabikoze wirwanaho , umuntu aje kwiba afite ikibando ukamurashisha imbunda ntabwo wavuga ko wabikoze wirwanaho kuko yari kukugirira nabi , ariko umuntu aje kukwiba yitwaje imbunda ukamutanga yari agiye kukurasa ukamurasa ntabwo habaho uburyozwacyaha. Ikindi umuntu aje kukwiba ukamurasa yageze hanze y’inzu (yagiye) uba ukoze icyaha.

Mu mategeko mpuzamahanga naho niko bigenda uwakoze icyaha aba agomba kugaragaza ko yagikoze yirwanaho kubera ubuzima bwe bwari buri mu kaga, atabara undi muntu cyangwa arinda umutungo wari ugiye kwangizwa, aha naho uwakoze icyaha iyo yakoresheje imbaraga z’umurengera ntabwo havaho uburyozwacyaha.

5. Uburyo bwo kwiregura buzwi nka “Alibi” cyangwa “Sinari mpari”

Alibi (Sinari mpari) ni uburyo mu mategeko bukoreshwa aho uregwa yiregura atanga amakuru agaragaza ko atari ari aho icyaha aregwa cyabereye igihe cyabaga , ubu buryo kugirango bwemerwe bisaba ibimenyetso ndetse n’abatangabuhamya bo kubihamya.

Iyo uvuze ko utari uhari ubushinjacyaha nabwo buba bugomba kwerekana ibimenyetso bigaragaza ko wari uri ahabereye icyaha igihe cyabaga.

Urugero umushinjacyaha agushinjije icyaha ukagaragaza ko igihe cyakorwaga wari uri hanze y’igihugu ndetse ukagaragaza tike y’indege n’abatangabuhamya bakubonyeyo utsinda urubanza hagendewe kuri ubu bwiregure.

Ubu buryo bwakoreshejwe mu manza 2 zabereye I Arusha mu rubanza rwa Generali Gratien Kabirigi na Protais Zigiranyirazo.

Protais Zigiranyirazo wahoze akomeye ku butegetsi bwa Habyarimana Juvenal dore ko yari na muramu we akaba yaranabaye purefe wa Ruhengeri, yafashwe ashinjwa kugira uruhare muri genocide yakorewe Abatutsi mu Rwanda.
Yari Yarakatiwe gupfungwa imyaka 20 aregwa kugira uruhare muri Jenoside yakorewe Abatutsi muri Mata 1994 nyuma aza kujurira mu cyumba cy’ubujurire agirwa umwere ararekurwa.

Protais Zigiranyirazo, uzwi kw’ izina rya "Z"akaba yari muramu wa nyakwigendera Prezida Juvenl Habyarimana, yaramaze imyaka irenga umunani i Arusha, aho yajanywe afatiwe mu Bubiligi. Aregwa ibyaha birimo gushumura igitero cyishe abatutsi barenga igihumbi, Biciwe mu misozi bari bahungiyemo, guhemba abantu bashyize imitego ku mihanda(roadblock), no gucukura ibinogo byo gushyiramo abicwaga.

Ubwo urubanza rwa Protais Zigiranyirazo rwabaga abatangabuhamya bamushinje ko yagize uruhare mu bikorwa byo kwica abatutsi mu cyahoze ari Gisenyi no mu gace ko mu Kiyovu mu mujyi wa Kigali. Mr Z afatanije n’uwamwunganiraga babashije kwemeza urukiko ko aho bamushinja yakoreye ibyaha hose atigeze agerayo kuko ku italiki bamushinjagaho yari I Kanombe mu rugo rwa Muramu we Habyarimana Juvenal.

Abatangabuhamya 9 bose batanze ubuhamya ko babonye Protais Zigiranyirazo I Kanombe ku munsi n’amasaha ubushinjacyaha bwavugaga ko yagiye mu byo kwica abatutsi mu cyahoze ari Gisenyi .

Abatangabuhamya bamushinjaga bo ntibabashije guhuza kubyo bavugaga ko yaba yaragiyeyo maze mu cyumba cyubujurire (Appeal Chamber) urukiko rwari ruyoboye n’umucamanza Theodomir Melon rwanzura ko atsinze kuri “Alibi” runategeka ko ahita arekurwa .

Ntabwo ari Protais Zigiranyirazo gusa wagizwe umwere hifashishijwe ubwiregure bwa Alibi (Sinari Mpari) kuko na General de Brigade Gratien Kabiligi, wari umuyobozi w’ibikorwa bya gisilikari byose by’ingabo z’igihugu EX FAR yagizwe umwere nawe nyuma yuko agaragaje ko amataliki n’isaha bamushinjkagaho kugira uruhare mu bikorwa bya jenoside yakorewe abatutsi yari hanze y’igihugu mu mahugurwa.

6. Ubuhumane (Intoxication)

Nk’uko biteganywa n’ingingo ya 86 y’itegeko riteganya ibyaha n’ibihano muri rusange Uwitesheje ubwenge yabishatse mu gihe cyo gukora icyaha aryozwa icyaha yakoze n’ubwo yaba yaritesheje ubwenge atagambiriye gukora icyaha.

aha urugero umuntu ashobora kunywa ibiyobyabwenge cyangwa inzoga nyinshi agata ubwenge mu gihe cyo gukora icyaha. Iyo ariwe ubyikoresheje ntabwo bivanaho ko aryozwa icyaha yakoze.

Iyo umuntu ahumanyijwe n’abandi bafite intego yo kumukoresha icyaha iki gihe itegeko rivuga ko impamvu z’uburyozwacyaha zivaho.

Mu mategeko mpuzamahanga nabwo iyi mpamvu yemerwa gusa iyo uwakoze icyaha yahumanijwe bidaturutse kuri we ubwe , iyo byangije ubushobozi bwe mu mitekereze bigatuma atamenya ko ibyo agiye gukora bitemewe n’amategeko bikamubuza kugenzura imyitwarire ye.

Izo mpamvu twagarutseho ni impamvu zituma hatabaho uburyozwacyaha , Impamvu zikuraho uburyozwacyaha, n’ubwiregure busanzwe bukoreshwa mu manza nshinjabyaha.

Izindi mpamvu ziteganywa mu Rwanda ni umwana ukoze icyaha ari munsi y’imyaka 14 y’amavuko. Birazwi ko imyaka y’uburyozwacyaha mu Rwanda ari imyaka guhera kuri 14 kuzamura, umwana ukoze icyaha ari munsi y’imyaka 14 ntabwo ashobora gufungwa ariko iyo hari ibyo yangije ntibikuraho ko ababyeyi be babiriha cyangwa bagatanga indishyi kuri byo.

Indi mpamvu iteganywa n’itegeko ni umuntu ukoze icyaha kubera kwibeshya bidashidikanywaho haba ku ngingo y’itegeko cyangwa ku gikorwa iyo uko kwibeshya gukuraho burundu ubushake bwo gukora icyaha.

Ubu buryo tugarutseho sibwo bwo nyine butuma hatabaho uburyozwacyaha cyangwa bukuraho uburyozwacyaha gusa kuko mu mategeko hari izindi mpamvu n’ubwiregure (Criminal defense) busanzwe bukoreshwa mu manza haba mu Rwanda no ku rwego mpuzamahanga , ubutaha tuzanagaruka no ku bundi buryo busanzwe bukoreshwa.

Kuri uyu wa Kane tariki 10 Kamena 2021, ku ruganda rwa SKOL mu Nzove, SKOL na Muhazi Cycling Generation bemeje amasezerano y’ubufatanye ajyanye no kwambika ikipe ya Muhazi Cycling Generation.

Aya masezerano impande zombi zirinze gushyira ahagaragara ibiyakubiyemo mu buryo burambuye. Icyakora SKOL izajya yambika iyi kipe y’umukino w’amagare aho yabakoreshereze umwambaro mushya ugaragara mu ibara ry’umweru. Uyu mwambaro uriho imigongo isanzwe imenyerewe mu mideri ya Kinyarwanda, uriho n’ikinyobwa cy’amazi ya SKOL yo mu icupa yahawe izina rya ‘Virunga’.

Umuyobozi ushinzwe amasoko no kumenyekanisha ibikorwa muri SKOL, Niwemfura Marie-Paule, yagarutse kuri ubu bufatanye, avuga ko bahisemo gufasha iyi kipe muri gahunda basanzwe bafite yo gushyigikira iterambere ry’imikino by’umwihariko umukino w’amagare.

Niwemfura Marie-Paule ushinzwe amasoko no kumenyekanisha ibikorwa muri Skol ni we wari uhagarariye Skol muri iki gikorwa

Yagize ati “Twahisemo gufasha iyi kipe nk’ikipe ifite ejo hazaza heza aho ari ikipe igizwe n’abakinnyi bakiri bato. Ubufatanye na bo buzatuma impano z’abana zikomeza kuzamuka mu gihugu mu bihe biri imbere.”

Ku ruhande rw’ikipe ya Muhazi Cycling Generation, Visi Perezida w’iyi kipe, Bizimana Albert, agaruka kuri ubu bufatanye, yavuze ko bugiye kuvanaho imbogamizi bahuraga na zo z’amikoro.

Bizimana Albert yavuze ko ubu bufatanye bugiye gufasha ikipe ya Muhazi Cycling Generation kuzamura impano nyinshi mu mukino w’amagare

Yagize ati “Ikipe ya Muhazi Cycling Generation ni ikipe yashinzwe mu 2010 igamije kuzamura impano no gukura mu bwigunge urubyiruko nyuma y’amateka mabi Igihugu cyanyuzemo, gusa twahuraga n’ibibazo by’amikoro kimwe n’andi makipe menshi. Ubu bufatanye bugiye kudufasha guhindura ubuzima bw’ikipe bityo tuzabashe kuzamura impano nyinshi no kugeza ikipe ya Muhazi Cycling Generation ku rwego rwiza.”

Ku bijyanye n’igihe amasezerano azamara n’amafaranga azakoreshwa mu gihe ubu bufatanye buzamara, impande zavuze ko ari ibanga. Zakomeje zivuga ko ubu bufatanye ari intangiriro, ko hazagenda hagaragara n’ibindi bikorwa byinshi ku mpande zombi birimo guha ikipe ya Muhazi Cycling Generaton ubwishingizi bw’abakinnyi n’ibindi bikoresho bikenerwa mu mukino w’amagare.

Ikipe ya Muhazi Cycling Generation ni imwe mu makipe amenyerewe mu mukino w’amagare. Iyi kipe yashinzwe mu mwaka wa 2010 yagiye izamura impano zitandukanye zirimo umukinnyi Uhiriwe Byiza Renus umaze kumenyekana mu mukino w’amagare mu Rwanda.

Umwenda ikipe ya Muhazi Cycling Generation igiye kujya yambara

Ikipe ya Muhazi Cycling Generation izaseruka mu marushanwa atadukanye y’umukino w’amagare yambaye umwambaro mushya wa SKOL binyuze mu kinyobwa Virunga Water.

Muhazi Cycling Generation yiyongereye ku yandi makipe yambikwa na SKOL ari yo Rayon Sports, SACA, na Fly Cycling.

René Anthère Rwanyange na Bizimana Albert, abayobozi muri Muhazi Cyling Generation bishimiye ubu bufatanye

Abanyamakuru basobanuriwe iby’ubu bufatanye

Uko batawe muri yombi

Ku Cyumweru tariki 25 Mata 2021, nibwo byatangajwe ko Jay Polly n’abo bari kumwe batawe muri yombi na Polisi bafatanywe ibiyobyabwenge no kutubahiriza amabwiriza yo kwirinda Covid-19. Umuraperi Tuyishime Joshua, uzwi nka Jay Polly agitabwa muri yombi yahakanye icyaha yashinjwaga cyo kunywa no gukoresha ibiyobyabwenge n’ubwo Polisi ivuga ko we n’abo bari bari kumwe yasanze banywa urumogi bafite n’indi miti ifatwa nk’ibiyobyabwenge izwi nka Puturi abagabo bakoresha nk’iyongera imbaraga mu gikorwa cy’imibonano mpuzabitsina.

Jay Polly atabwa muri yombi i Kibagabaga yari kumwe n’abandi bantu 12. Nyuma y’itabwa muri yombi dosiye ye yakomereje mu rwego rw’Ubugenzacyaha aho mu gukusanya ibimenyetso hafashwe ibizamini by’abaganga ngo barebe niba yari asanzwe anywa ibiyobyabwenge, raporo ya muganga yerekana ko yari asanzwe abikoresha.

Kugeza ubu dosiye ye yamaze gushyikirizwa Ubushinjacyaha, igitegerejwe kikaba ari uko ijyanwa imbere y’urukiko agatangira kuburanishwa ku byaha akekwaho.

Umunyezamu Kwizera Olivier,akaba n’umukinnyi wa Rayon Sports we yafashwe ku wa Gatanu tariki 4 Kamena 2021, mu rugo rwe ruherereye mu Murenge wa Kigarama mu Karere ka Kicukiro.

Amakuru Kigali Today yamenye ni uko Kwizera yafashwe ari kumwe n’itsinda ry’abantu umunani barimo na Runanira Hamza wigeze gukinira Bugesera FC, ariko kuri ubu akaba nta kipe afite.

Umuvugizi wa RIB, Murangira B. Thierry, yatangaje ko bafashwe bakurikiranyweho icyaha cyo gukoresha urumogi bakaba barahise bajyanwa gufungirwa kuri sitasiyo ya RIB ya Kicukiro.

Kugeza ubu RIB yamaze koherereza dosiye ya Kwizera Olivier n’abo bari kumwe mu Bushinjacyaha bukaba ari bwo buzafata umwanzuro wo kuregera iki cyaha mu rukiko cyangwa kutarega bitewe n’ibimenyetso bihari.

Umukinnyi Kwizera Olivier n’umuhanzi Jay Polly bahamwe n’ibi byaha bahabwa ibihe bihano?

Mu gihe cy’ikatira (Sentencing ) umucamanza ashingira ku mpamvu nyinshi atanga igihano. Aha harimo uburemere bw’icyaha cyakozwe, ingaruka cyagize ndetse n’impamvu nyoroshyacyaha cyangwa nkomezacyaha. Biba bishoboka ko abantu bakora icyaha kimwe ariko ugasanga igihano bahawe kiratandukanye. Aha ntabwo twavuga ko Jay Polly na Kwizera Olivier bashobora guhabwa igihano kimwe kuko bizaterwa n’uko bazaburana, ikindi ndetse ntabwo tubafata nk’abanyabyaha kuko ntabwo barahamwa n’ibyaha bakurikiranyweho.

Gusa reka turebe muri rusange icyo amategeko ateganya ku cyaha bakekwaho ari cyo cyo kunywa no gukoresha ibiyobyabwenge.

Mu ngingo ya 263 mu itegeko riteganya ibyaha n’ibihano muri rusange , itegeko riteganya ko umuntu wese ufatanwa, urya, unywa, witera, uhumeka cyangwa wisiga mu buryo ubwo ari bwo bwose ibiyobyabwenge bito cyangwa urusobe rw’imiti ikoreshwa nka byo, aba akoze icyaha.

Umuntu wese uhamijwe n’urukiko gukora ibikorwa bivugwa mu gika cya mbere cy’iyi ngingo, ahanishwa igifungo kitari munsi y’umwaka umwe (1) ariko kitarenze imyaka ibiri (2) cyangwa imirimo y’inyungu rusange.

Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranyije n’amategeko, aba akoze icyaha. Iyo abihamijwe n’urukiko ahanishwa:

Igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25) n’ihazabu y’amafaranga y’u Rwanda atari munsi ya miliyoni cumi n’eshanu (15.000.000 FRW) ariko atarenze mililiyoni makumyabiri (20.000.000 FRW) ku byerekeye ibiyobyabwenge bikomeye.

Igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

Iyo ibikorwa bivugwa mu gika cya 2 n’icya 3 by’iyi ngingo bikorewe ku mwana cyangwa bikozwe ku rwego mpuzamahanga, igihano kiba igifungo cya burundu n’ihazabu y’amafaranga y’u Rwanda arenze miliyoni mirongo itatu (30.000.000 FRW) ariko atarenze miliyoni mirongo itanu (50.000.000 FRW).

Ku bijyanye n’ibiyobyabwenge bikomeye cyangwa byoroheje, Iteka rya Minisitiri ufite ubuzima mu nshingano ze rishyiraho urutonde rw’ibiyobyabwenge bigize buri cyiciro aho bishyirwa mu byiciro 3 : ibiyobyabwenge byoroheje, ibihambaye n’ibikomeye.

Urumogi bakekwaho kunywa rushyirwa mu biyobyabwenge bikomeye

Mu gihe icyaha cyo kunywa urumogi no gukoresha ibiyobyabwenge cyabahama, bahanishwa igifungo kitari munsi y’umwaka umwe ( 1) ariko kitarenze imyaka ibiri (2). Mu gihe ariko bahamwa n’icyaha cyo gukora, guhinga, guhindura, gutunda, kubika, guha abandi, kugurisha mu gihugu ibiyobyabwenge cyangwa urusobe rw’imiti ikoreshwa nka byo igihano cyazamuka kikaba cyagera hagati y’imyaka 20 na 25 n’ihazabu iri hagati ya miliyoni 15 na 20 z’Amafaranga y’u Rwanda.

Ikindi itegeko rihana harimo korohereza umuntu gukoresha ibiyobyabwenge cyangwa urusobe rw’imiti ikoreshwa nka byo.

Umuntu wese ufasha undi kubona uburyo bumworoheye bwo gukoresha ibiyobyabwenge cyangwa urusobe rw’imiti ikoreshwa nka byo, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Igihano kizahabwa Jay Polly na Kwizera Olivier kizava muri ibi tuvuze haruguru bitewe n’uko bazaburana n’ibimenyetso bizatangwa n’ubushinjacyaha ku cyaha bakekwaho.

Ibiyobyabwenge ni ikintu cyose iyo cyinjiye mu mubiri w’umuntu gihindura ubushobozi bwe mu bijyanye no gutekereza, gufata icyemezo, ndetse kikanahindura imikorere y’umubiri we bikangiza ubuzima bwe.

Amategeko ateganya ko ikoreshwa ry’ibiyobyabwenge n’imiti ikoreshwa nka byo ryemewe gusa mu gihe byanditswe ku rupapuro mpeshamuti bikozwe n’umukozi wo mu buvuzi wemewe n’amategeko. (Biteganywa n’ingingo ya 7 y’iteka rya Minisitiri No 001/MoH/2019 ryo ku wa 04 Werurwe 2019 rigena urutonde rw’ibiyobyabwenge n’ibyiciro byabyo)

Mbere yo kujya ku bihano bihabwa uwatorotse gereza, reka dutandukanye imfungwa n’umugororwa.

Imfungwa ni umuntu wese uri mu maboko y’inzego zibifitiye ububasha yaba ari muri kasho cyangwa atarayigeramo, kubera icyemezo cy’ubugenzacyaha cyangwa cy’ubushinjacyaha cyangwa umuntu wese uri muri gereza kubera icyemezo cyafashwe n’urukiko kandi utaraburana ngo akatirwe. Umugororwa we ni umuntu wakatiwe n’urukiko urimo kurangiza igihano cy’igifungo.

Mu itegeko riteganya ibyaha n’ibihano muri rusange ryasohotse mu 2018 hateganya ko gutoroka gereza cyangwa kasho ku mfungwa cyangwa umugororwa ari icyaha.

Ni ukuvuga ko iyo afashwe ahanirwa n’iki cyaha kabone n’iyo yaba yarakatiwe cyangwa atarakatirwa.

Iyo uwatorotse abihamijwe n’urukiko ko yatorotse gereza ahanishwa igifungo kitari munsi y’imyaka itatu (3) ariko kitarenze imyaka itanu (5).

Imfungwa cyangwa umugororwa wese utoroka abanje guca icyuho, gutanga ruswa cyangwa akoresheje kiboko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW”

Iyo hakoreshejwe intwaro iturika, ikintu giturika cyangwa igisinziriza, igihano kiba igifungo kirenze imyaka irindwi (7) ariko kitarenze imyaka icumi (10).

Iyo uwatorotse gereza yari yarakatiwe afashwe ahita ajyanwa muri gereza agakorerwa dosiye ndetse akanaburanishwa kuri icyo cyaha ari kurangiza igihano yari yarakatiwe. Igihano akatiwe cyiyongera ku cyo yari yarakatiwe ku cyaha yari akurikiranyweho. Iyo atarakatirwa aburanishwa ku byaha yari akurikiranyweho ndetse no kuri icyo cyaha gishya kiba kivutse.

Ese RIB ifite ubushobozi bwo gufunga umuntu ukurikiranyweho icyaha? Ese ubushobozi bwayo bugarukira hehe? Ubushinjacyaha se bwo bukora gute? Ibi byose ni byo Kigali Today yifuje gusobanurira abasomyi bayo.

Ubundi mu mategeko ukurikiranyweho icyaha aca mu nzira 3 mbere yo gukatirwa n’urukiko. Izo nzira ni igihe cyo gukusanya ibimenyetso (Pretrial phase), igihe cy’iburanisha (Trial phase) n’igihe cy’ikatirwa mu gihe iburanisha rirangiye (Sentencing).

Mu gihe cy’ikusanywa ry’ibimenyetso, abahura n’ushinjwa ni Ubugenzacyaha n’Ubushinjacyaha. Mu Rwanda imirimo y’Ubugenzacyaha ikorwa na RIB gusa n’izindi nzego zibihererwa ububasha n’itegeko zishobora gukora izi nshingano (urugero: Urwego rw’Igihugu rushinzwe Abinjira n’Abasohoka). Muri iki cyiciro Ubugenzacyaha bukorana bya hafi n’Ubushinjacyaha kugeza igihe uregwa agejejwe mu rukiko aje kuburana ku cyaha aba akurikiranyweho.

Ubushinjacyaha bufite inshingano zo gusaba Ubugenzacyaha gukomeza gushaka ibimenyetso mu gihe hari ibigishakishwa biba bitaraboneka bwamara kubona byuzuye bugategura inyandiko ikubiyemo ikirego iba igomba gushyikirizwa urukiko (Indictment).

Mbere y’uko umuntu agezwa imbere y’urukiko nabwo aba ashobora gufungwa by’agateganyo. Amategeko yemerera Ubugenzacyaha n’Ubushinjacyaha gufunga muri kasho by’agateganyo ukekwaho icyaha kugira ngo adacika cyangwa ngo abe yabangamira iperereza rikiri gukorwa.

Mu Bugenzacyaha, itegeko riteganya ko umuntu ashobora gufungwa iminsi itanu. Icyakora iyo Ubushinjacyaha bubonye ko iperereza ritararangira na bwo bwemerewe kumarana umuntu iminsi itanu muri kasho , ishobora kwiyongeraho indi minsi itanu mu gihe iperereza ritarasozwa.

Mu bihugu bigendera ku mategeko ya Common Law nka Canada, u Bwongereza, Australia na Leta zunze Ubumwe za Amerika ukekwaho icyaha ho ntarenza amasaha 24 ataragezwa imbere y’ubutabera.

Iyi minsi itanu yindi ihabwa ukurikiranyweho icyaha nyuma y’urwandiko bita Map itangwa n’Ubushinjachaha isabira ukurikiranyweho icyaha kuguma muri kasho hanyuma ibimenyetso bwamara kubibona bugategura dosiye ikubiyemo ikirego (Indictment cyangwa Acte d’accusation) akaba aribwo bugena niba ikibazo gishobora kujyanwa mu rukiko cyangwa ntikijyanweyo.

RIB nk’Urwego rw’Igihugu rw’Ubugenzacyaha ikora ite?

Itegeko rishyiraho Urwego rw’Igihugu rw’Ubugenzacyaha (RIB) ryashyizweho mu 2017 riteganya ko RIB ifite inshingano zikurikira:

Gukumira no kubuza ikorwa ry’ibyaha binyujijwe mu gushakisha no gukora iperereza ku bikorwa byose bifatika cyangwa mu ikoranabuhanga; gukora iperereza rigamije gushakisha, guhagarika no kuburizamo ibyaha biri gukorwa cyangwa ibyaha bishya n’udutsiko dukora ibikorwa bihungabanya cyangwa bishobora guhungabanya igihugu, abantu n’imitungo.

Gushakisha no gufata abenegihugu n’abanyamahanga bakekwaho ibyaha n’abahunze kubera gukora ibyaha hakurikijwe amategeko abigenga n’ibindi.

RIB nk’urwego rw’ubugenzacyaha rufite ububasha bwo gukora ibintu bikurikira:

1º Gufata abakekwaho ibyaha no kubafunga.

2º Gufunga agace k’ahantu no kutemerera abantu kukageramo cyangwa gushyira mu muhanda bariyeri, mu rwego rwo kurinda umutekano, gukumira cyangwa kugenza ibyaha.

3º gusaka umuntu, kwinjira mu nyubako cyangwa ahantu hakekwaho kuba hafitanye isano n’amakuru ashakwa hashingiwe ku ruhushya rwo gusaka. Ishobora kandi gusaka umuntu cyangwa ibintu, kwinjira mu nyubako cyangwa ahantu nta ruhushya rwo gusaka iyo hari impamvu zikurikira:

a) impamvu zifatika zituma ikeka ko icyaha kirimo gukorwa cyangwa kigiye gukorwa.
b) hari ibimenyetso bifatika byerekana ko mu nyubako cyangwa ahantu hari ikintu cyakoreshejwe mu gukora icyaha cyangwa gikenewe ku mpamvu z’iperereza.

c) ibimenyetso bikomeye bigaragaza ko umuntu wakoze icyaha ari aho ahantu kandi agomba guhagarikwa.

Muri icyo gihe, hakorwa inyandikomvugo y’isaka hakanakorwa raporo igaragaza impamvu iryo saka ryakozwe nta ruhushya rwo gusaka.

4º kugaruza ibintu byibwe no gufatira imitungo yakwifashishwa mu rwego rwo gukora iperereza nshinjabyaha.

5º gukurikirana itumanaho ry’abantu bakekwaho icyaha.

6º kurinda no gukusanya ibimenyetso by’icyaha no gufatira ibyakoreshejwe icyaha.

7º kwinjira mu nyubako n’ahantu hakekwaho kuba hafitanye isano n’amakuru ashakwa.

8º gutegeka umuntu gutanga amakuru no kubaza umuntu uwo ari we wese ukekwaho ko afite amakuru yafasha mu iperereza.

9º gufata ibipimo, amafoto, amajwi cyangwa amashusho cyangwa andi makuru yose iperereza ryagaragaza ko ari ngombwa.

10º gukora iperereza ndengamipaka.

Aha iperereza ndengamipaka rikorwa RIB ikorana n’inzego z’ubugenzacyaha z’ahandi ibyo mu mategeko bita Commission rogatoire aha urugero twatanga ni ugukorana kwabayeho hagati y’ubugenzacyaha n’ubushinjacyaha bw’u Bubiligi n’u Rwanda ku iperereza ryakorwaga kuri Paul Rusesabagina.

11º gukoresha intwaro n’ibindi bikoresho by’umutekano bya ngombwa mu gushyira mu bikorwa inshingano zayo.

Urwego rw’Ubushinjacyaha Bukuru rukora rute?

Urwego rw’Ubushinjacyaha Bukuru rufite inshingano rusange yo gukora iperereza no gukurikirana ibyaha mu Gihugu hose, bufite ububasha bwo gukora ibintu bikurikira;

1° gukora iperereza ku byaha bikurikiranwa no kuyobora iperereza rikorwa n’Abagenzacyaha.

2° gushinja no kuburana imanza z’inshinjabyaha mu nkiko.

3° kugira uruhare mu gushyiraho ingamba zigomba gukurikizwa mu gukurikirana ibyaha.

4° gufatanya n’izindi nzego z’ubutabera, zaba izo mu Rwanda cyangwa iz’ibindi bihugu, mu bikorwa byo gukurikirana abanyabyaha, kurwanya ubugizi bwa nabi no kurengera abakorewe ibyaha n’abatangabuhamya hakurikijwe amategeko abigenga.

5° gukora indi mirimo iteganywa n’amategeko.

Ku manza mpanabyaha (Criminal Case) umushinjacyaha afite inshingano zo kugenzura ibintu byose guhera ku iperereza kugeza no ku gihe cyo kurangiza urubanza, afite inshingano zo kureba niba uwakatiwe yaragiye kurangiza igihano yahawe. Iyo ari mu manza mbonezamubano (Civil Case) izi nshingano zikorwa n’umuhesha w’inkiko w’umwuga.

Ubushinjacyaha n’ubugenzacyaha buhuriye ku gukora iperereza no guhamagaza abakekwa mu gihe cy’iperereza hagamijwe gukusanya ibimenyetso.

Aho Ubushinjacyaha n’Ubugenzacyaha bitandukanira ni uko Ubushinjacyaha bufite ububasha bwo kuregera urubanza mu rukiko aho rugaragara ari uruhande rushinja byaba ngombwa bukanarujuririra , naho Ubugenzacyaha bwo bukora iperereza bukoherereza ibimenyetso Ubushinjacyaha bukareba niba hari ibimenyetso bihagije butuma buregera urubanza mu Rukiko.

Iyo Umugenzacyaha amenye ko icyaha cyakozwe, ashobora guhita ajya aho cyakorewe iyo bishoboka, akareba uburyo cyakozwemo.
Iyo icyaha cyakozwe ari icyaha cy’ubugome cyangwa gikomeye, Umugenzacyaha wakimenyeshejwe yihutira kukimenyesha Ubushinjacyaha cyangwa urundi rwego cyangwa ikigo bimugenzura. Umushinjacyaha na we ashobora kujya aho icyaha cyakorewe kugira ngo arebe uburyo cyakozwemo.

Iyo Ubushinjacyaha busanze hari ibimenyetso bifatika ku cyaha cyakozwe, butegura inyandiko ikubiyemo ikirego (Indictment) bugashyikiriza ikirego urukiko. Iyo busanze ibimenyetso bidahagije bushobora gutegeka ko Ubugenzacyaha bukusanya ibindi bimenyetso , iyo nabwo bwongeye gusanga ibimenyetso bituzuye butegeka ko Dosiye ishyingurwa (Closure of the Case).

Umushinjacyaha ntiyemerewe gufungura umuntu wafunzwe n’urukiko kabone n’iyo yaba yarasanze arengana. Icyo akora ni ugusubira mu Rukiko agasaba umucamanza kumurekura (Mains levée cyangwa Application for Release). Ibi bikorwa iyo uwasabiwe gufungwa arengana.

Abantu bamwe bakeka ko Ubushinjacyaha n’Ubugenzacyaha bufite inshingano zo gukusanya ibimenyetso bishinja gusa (Inculpatory evidence) nyamara amategeko ateganya ko bafite n’inshingano zo gukusanya ibimenyetso bishinjura ukekwaho icyaha (Exculpatory evidence).

Inshingano za RIB n’iza Polisi ziruzuzanya

Hari abandi bantu usanga bibaza aho inshingano za RIB na Polisi zihurira n’aho zitandukanira. RIB na Polisi biruzuzanya mu mikorere. Polisi ikumira icyaha cyangwa ikakiburizamo kitaraba ikarinda n’umutekano w’abantu n’ibintu. RIB ikora iperereza ku byaha no kuburizamo ibyaha.

Ikindi Polisi ishinzwe kugenzura ko amategeko yubahirizwa hanyuma RIB igakora iperereza ku byaha by’imanza nshinjabyaha.

Muri ubwo butumwa, Perezida Kagame yihanganishije Abanyatanzania ku bwo gupfusha uwari Perezida w’icyo gihugu, Dr John Pombe Magufuli, anashimira Perezida Samia Suluhu Hassan watorewe kuyobora Tanzania, amwizeza ko u Rwanda rwiteguye kurushaho kunoza umubano no gufatanya na Tanzania mu mishinga itandukanye y’iterambere.

Perezida Kagame yavuze ko u Rwanda rwiteguye gufatanya na Tanzania mu mishinga irimo nk’iyo kongera ingufu z’amashanyarazi, no kubaka umuhanda wa Gari ya moshi uzahuza Kigali na Isaka muri Tanzania, iyo nzira ikazafasha mu bwikorezi bw’ibicuruzwa biva ku cyambu cya Dar es Saalam muri Tanzania bijya mu Rwanda.

Perezida Samia Suluhu Hassan yashimye ubutumwa bwa Perezida Kagame bukubiyemo kumwihanganisha no kumushimira. Yongeyeho ko Tanzania yiteguye gushimangira umubano n’ubufatanye n’u Rwanda.

Ku bijyanye n’imishinga bafitanye, hifujwe ko intumwa ku mpande zombi zishyira ingufu mu kugaragaza uburyo bushya bw’ubufatanye bushingiye ku nyungu z’impande zombi.

Izo ntumwa ku mpande zombi kandi zizashyira mu buryo umushinga w’ubwikorezi bw’amafi ava Mwanza ajya ku cyambu cya Isaka bikozwe na sosiyete y’indege y’u Rwanda, no kuzuza neza icyambu cya Isaka.

Yavukiye ku bimukira b’abanya Mali avukira rwagati mu mujyi wa Paris mu gihugu cy’u Bufaransa. N’ubwo hari uwatekereza ko umuntu utuye muri Paris aba abayeho neza bitewe n’iterambere ry’uyu mujyi n’iry’igihugu cy’u Bufaransa, kuri N’Golo Kanté we si ko byagenze kuko yavukiye anakurira mu buzima bushaririye.

We n’Umuryango we bari batunzwe n’amafaranga bakuraga mu gukusanya imyanda, aka kazi yagafatanyaga na se waje kwitaba Imana afite imyaka 11 y’amavuko ubuzima burushaho kumubihira no kumwongerera inshingano zo gusigara ari we utunze umuryango we warimo nyina n’abavandimwe be bane.

Avuka yahawe amazina N’Golo Kanté. Izina Kanté rikomoka ku rurimi rw’iki Bambara rukoreshwa cyane n’abari hagati ya Miliyoni 30 na 40 mu gice cya Afurika y’Iburengerazuba nka Burkina Faso, Senegal, Guinea-Bissau, Guinea, Liberia, Ivory Coast na Gambia.

Amafaranga atunga umuryango barayabonaga bakabaho we na barumuna be. Byaje kuba bibi ariko nyuma ubwo se yitabaga Imana, N’Golo Kanté aba impfubyi afite imyaka 11 gusa y’amavuko.

Nyuma y’urupfu rwa se ni we wasigaranye inshingano zo kwita kuri barumuna be yunganira nyina. Kuva icyo gihe binavugwa ko ari ho yatangiriye kugira inshingano zigoye atangira gutekereza ku cyari guhindura ubuzima bw’umuryango we.

Nyuma y’uko ikipe y’igihugu y’u Bufaransa itwaye igikombe cy’isi mu 1998, yatangiye kwigirira icyizere kuko iyi kipe yarimo abimukira benshi nka we.

Yatangiye kwigirira icyizere ku myaka umunani agana ikipe y’abana yari iri mu gace yavukiyemo atangira kuyikinira ndetse abwira abantu ko na we ashaka gutwara igikombe cy’isi ari kumwe n’u Bufaransa .

Ibi ntibyatinze nyuma y’imyaka 20 yabigezeho we n’u Bufaransa batwarana igikombe cy’isi .

Ubwo bakirwaga mu biro by’umukuru w’Igihugu (Champs-Élysées) na Perezida Macron bamaze kwegukana igikombe cy’isi cyabereye mu Burusiya aho babigezeho batsinze CROATIA 4-2, bagenzi be bamukoreye indirimbo bati ni mugufi , ni mwiza yabashije guhagarika Lionel Messi (il est petit, il est gentil, il a bouffé Léo Messi)

Kuba umukinnyi mwiza ntabwo bije mu minsi ya none kuko yahoze ari umukinnyi mwiza mu makipe yose yabanje gukinamo nka Boulogne na Caen. None byatewe n’iki ngo atinde kumenyakana? Uwamutoje umuzi neza ari we Pierre Ville avuga ko icyabiteye ari uko aba scout (abarambagiza abakinnyi) batamukundaga kubera ingano ye dore ko ngo babonaga nta gihagararo afite bityo bakabona batamwizera ku mwanya akinaho uba usaba ibigango no guhora uhanganye mu kibuga, ikindi ni uko babonaga adakunze kuvuga ndetse ngo byanaterwaga n’uko we atihariraga umupira nk’abandi bana baba bashaka gukina biharira kugira ngo bigaragaze.

Icyo uzaba cyo ntaho kijya. Kera kabaye yabengutswe n’ikipe ya Leicester City yo mu Bwongereza yakinaga mu cyiciro cya kabiri mu 2014. Ageze muri iyi kipe yari atangiye kubona ko ubuzima bushobora guhinduka.

Akihagera ubuzima bwaramugoye kuko amakipe yakinagamo yari atuye hafi y’ahaberaga imyitozo bityo akajya ku myitozo n’amaguru, ageze mu mujyi wa Leicester yabonye inzu kure y’ikibuga cy’imyitozo atangira kugerageza kugenda n’amaguru aho yazindukaga akajya ku myitozo n’amaguru rimwe na rimwe bikamusaba kugenda yiruka ngo adakererwa.

Nyuma ariko yaje kubona bizamugora ahitamo kugura imodoka. Mu gihe abandi ba Star (ibyamamare) bagura imodoka zihenze, we yahisemo kwigurira imodoka ya MINIBUS kugira ngo ajye ayikoresha ariko anayikoresha mu gutwara umuryango we mu gihe bibaye ngombwa.

Ari muri Leicester City ni ho yamenyekaniye cyane kuko yayifashije kuzamuka mu cyiciro cya mbere ihita inatwara igikombe cya Shampiyona 2015–16 nyuma y’imyaka isaga ijana. Amaze kwegukana igikombe yerekeje muri Chelsea na ho ahita ahatwarira igikombe cya Shampiyona 2016–17. Chelsea yakomeje no kuyigiriramo ibihe byiza ahatwarira n’ibindi bikombe birimo FA Cup, Europa League n’igikombe cya Champions League .

Nyuma yo kwegukana Champions League no kugora cyane abakinnyi ba Machester City, N’Golo Kanté arahabwa amahirwe yo kwegukana ’Ballon d’Or’ igihembo gihabwa umukinnyi wahize abandi ku isi mu mupira w’amaguru

Nyuma yo gutwara Champions League batsinze ikipe ya Manchester City yashimangiye ko ashimishijwe no kongera kwandika amateka ariko avuga ko intsinzi bayikesha gukorera hamwe bityo atewe ishema n’ibyo bagenzi be bakoze.

N’Golo Kanté uherutse kwegukana Champions League natwara igikombe cy’u Burayi kigiye gutangira guhera tariki 11 Kamena 2021 dore ko ari mu ikipe y’gihugu y’u Bufaransa ihabwa amahirwe, azaba abaye umukinnyi wa kabiri ku isi ubashije kwegukana shampiyona y’u Bwongereza, igikombe cy’isi, Champions League, Europa League n’igikombe cy’u Burayi. Uwakoze ibi kugeza ubu ni umukinnyi Pedro Rodriguez wenyine.

Azwiho kudakunda imodoka zihenze. Uyu mukinnyi uhembwa ibihumbi £290,000 ku cyumweru dore ko ari mu bahembwa amafaranga menshi muri Chelsea ni ukuvuga miliyoni 300 z’Amanyarwanda ku cyumweru yigendera mu modoka yo mu bwoko bwa Minubus ngo na yo yayiguze ari ukubura uko agira kuko byamugoraga kugera mu myitozo ubundi ngo yagakwiriye kujya agenda n’amaguru.

Abandi ba STAR bagira abakunzi b’abakobwa cyangwa abagore ariko we nta mugore arashaka, ndetse nta n’umukunzi agira n’ubwo abakobwa benshi bamukunda kubera ubunyangamugayo no kumubonamo umuntu waba indahemuka.

Ku myaka 30 y’amavuko ngo igihe ntabwo kiragera, ngo yahisemo guha umutima we umwuga wo gukina ruhago no kwita ku muryango we.

Kurekura amafaranga biri mu bintu bimugora. Uyu mukinnyi ubarirwa amafaranga agera kuri miliyoni 30 z’ama pawundi ni ukuvuga asaga miliyari 30 z’amanyarwanda no kwishyura ibiryo muri resitora abyishyura agononwa.

Niba uri umufana we, iyi nkuru se wigeze uyimenya? David Luiz na Willian bagikina muri Chelsea bari bafite resitora mu mujyi wa Londres. Iyi resitora yagiraga igihe ikanyuzamo igatanga ibiryo by’ubuntu ku bantu bayijyagamo. Kuri uyu munsi N’Golo Kanté ngo ntiyatangwaga yarazaga akarira ubuntu atinya kujya ahandi ngo yishyure.

N’Golo Kanté n’ubwo yize bimugoye ariko yabashije kwiga. Afite imyaka 18 yabonye impamyabumenyi y’icyiciro cya mbere cya kaminuza mu icungamutungo aza no kongeraho imyaka 2 abona impamyabushobozi y’icyiciro cya kabiri mu icungamutungo. Nasoza ruhago avuga ko azakora akazi ko kwibera umubitsi. Uyu mwuga n’ubundi ni wo wari amahitamo ya kabiri mu gihe gukina ruhago bitari kumukundira.

Ni impinduka zaje nyuma yo gusohoka kw’itegeko rishya N° 025/2021 ryo ku wa 12/05/2021.
Itegeko rihindura Itegeko no 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi ryasohotse ku wa 12 Gicurasi 2021.

Muri iri tegeko hongewemo ingingo ya 280 ivuga ku ngingo z’itegeko zikoreshwa kuri cyamunara yatangajwe ivuga ko cyamunara yatangajwe ku rubuga rw’imanza zirangizwa mbere y’uko iri tegeko rihindura ritangazwa mu Igazeti ya Leta ya Repubulika y’u Rwanda, yongera gutangazwa hakurikijwe ingingo z’iri tegeko rihindura. Ni ukuvuga ko cyamunara zari zatangajwe mbere y’iri tegeko zigomba gusubirwamo zigakurikiza ibikubiye muri iri tegeko rishya.

Icyakora itegeko rishya rivuga ko iyo uwatsindiye cyamunara yatangajwe mbere y’uko iri tegeko rihindura ritangazwa, yishyura hakurikijwe itegeko rihindurwa bityo bidakurikiza iri tegeko rishya. Aha ni ukuvuga ko ibijyanye no kwishyura ku bari batsindiye cyamunara mbere ya tariki 12 Gicurasi bazishyura hakurikijwe ingingo z’itegeko zahinduwe, gusa iyo atishyuye mu gihe yari yahawe cyamunara ikongera gusubirwamo ikurikiza itegeko rishya.

Ingingo ya 261 y’Itegeko no 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi yahinduwe ku buryo bukurikira:
“Umuhesha w’inkiko ushinzwe guteza cyamunara akora inyandiko y’igurisha mu cyamunara, kopi y’inyandikomvaho y’igurisha igahabwa uwaguze amaze kugaragaza icyemezo cy’ubwishyu cy’igiciro cyemejwe muri iryo gurisha.

Uwaguze umutungo mu cyamunara awegukana amaze kwishyura kandi ashobora kuwandikisha ku izina rye amaze kugeza ku rwego rubishinzwe kopi y’inyandikomvaho yemeza ubugure.

Iyo uwaguze amaze kwishyura, umuhesha w’Inkiko ahita yishyura uberewemo umwenda, agashyira ubwishyu kuri konti yamumenyesheje, itaboneka, agashyirwa kuri konti yagenwe na Minisitiri ufite ubutabera mu nshingano ze, ari na yo ishyirwaho arenze ku yavuye muri iyo cyamunara.
Umuhesha w’inkiko ni we wishyuza amafaranga y’icyo amaze kugurisha. Iyo atayishyuje kandi ntiyongere kukigurisha, ni we ubazwa icyo kiguzi.

Amafaranga yose yakoreshejwe kuva mu ifatira, kugeza cyamunara ibaye yishyurwa na nyir’imitungo igurishwa, akavanwa mu giciro cy’ibyagurishijwe.”

Igihe cyo kwishyura ku watsindiye cyamunara cyavanywe ku munsi umwe gishyirwa ku minsi itatu (3)

Itegeko rivuga ko uwatanze igiciro gisumba ibindi mu biciro byatanzwe ni we utangazwa nk’uwatsindiye cyamunara, uyu aba agomba kwishyura no kohereza inyemezabwishyu yuzuza inyandiko yabugenewe mu buryo bw’ikoranabuhanga mu gihe kitarenze amasaha mirongo irindwi n’abiri (72). Iki gihe kibarwa uhereye ku isaha yamenyesherejweho ko ari we watsindiye cyamunara;

Ubundi mbere yuko iyi ngingo ihindurwa itegeko ryavugaga ko uwatanze igiciro gihanitse ariwe wegukana cyamunara kandi akishyura mu gihe kitarenze amasaha makumyabiri n’ane (24) kandi akaba yohereje inyemezabwishyu muri icyo gihe, yuzuza ahabigenewe mu ikoranabuhanga none igihe cyo kwishyura cyongerewe gishyirwa ku masaha 72 ahwanye n’igihe cy’iminsi itatu (3) aho kuba umunsi umwe nk’uko byari bisanzwe bikorwa.

Iyo igihe kivugwa cy’amasaha 72 kirangiye uwatsindiye cyamunara atishyuye, umutungo ugurishwa usubizwa mu cyamunara;

Iyo abapiganwa barenze umwe batanze ibiciro bingana bisumba ibindi biciro byatanzwe, uwinjije igiciro mbere mu buryo bw’ikoranabuhanga bukoreshwa, ni we utangazwa nk’uwatsindiye cyamunara. Iyo atishyuye mu gihe kivugwa cy’amasaha ( 72 ) uwo banganya igiciro wamukurikiye mu kwinjiza igiciro mu buryo bw’ikoranabuhanga bukoreshwa ni we utangazwa nk’uwatsindiye cyamunara, na we akubahiriza igihe cy’amasaha mirongo irindwi n’abiri (72) abarwa uhereye ku isaha yamenyesherejweho ko ari we watsindiye cyamunara.

Ni nako bigenda iyo ukurikiye atishyuye. Iyo nta n’umwe mu batanze ibiciro bingana bisumba ibindi wishyuye, umutungo ugurishwa usubizwa mu cyamunara, Ibiciro byatanzwe mu buryo bw’ikoranabuhanga bikomeza kugira agaciro kugeza cyamunara irangiye.

Nyiri umutungo cyangwa uwafatiriwe umutungo, uwafatiriye umutungo cyangwa uwishyuza afite uburenganzira bwo kwanga igiciro kinini cyatanzwe ku nshuro ya mbere no ku nshuro ya kabiri mu gihe kitagejeje kuri mirongo irindwi na gatanu ku ijana (75%) by’agaciro fatizo.

Ku nshuro ya gatatu, umutungo utezwa cyamunara wegukanwa n’upiganwa watanze igiciro gisumba ibindi biciro byatanzwe ku nshuro zose z’ipiganwa cyangwa cyabonetse. Mu gihe cya cyamunara, nyir’umutungo cyangwa uwafatiriwe umutungo, uwafatiriye umutungo cyangwa uwishyuza umwenda afite uburenganzira bwo kwishakira abaguzi bashobora gupiganwa binyuze mu buryo bw’ikoranabuhanga bukoreshwa.

Hari ingingo zindi zitegenya uko cyamunara ikorwa zitahinduwe

Izi ngingo ni nk’ingingo ya 256 ivuga ku Iyimurwa ry’umunsi wa cyamunara aho ivuga ko iyo imitungo yafatiriwe itagurishijwe ku munsi wa cyamunara, Umuhesha w’Inkiko ashyiraho undi munsi wa cyamunara igakorwa bitarenze iminsi irindwi ( 7) agakurikiza uko byari bisanzwe bikorwa aho icyamunara gitangazwa mu gihe cy’amasaha mirongo ine n’umunani (48) kuva Umuhesha w’Inkiko yemeje igiciro cy’umutungo ugomba kugurishwa. Itangazo rya Cyamunara naryo rizakomeza gukorwa uko byari bisanzwe aho rishyirwa ku rubuga rw’imanza zirangizwa, hariho ifoto y’umutungo ugurishwa n’icyemezo gihamya ko nyir’umutungo. Rigomba kandi gushyikirizwa nyir’umutungo ugurishwa, ugomba kwishyurwa, umunyamabanga nshingwabikorwa w’Akagari k’aho umutungo uherereye, rikanatangazwa kuri Radio cyangwa Televiziyo n’ikinyamakuru cyandika bikorera mu Rwanda.

Iyo ari umutungo utimukanwa itangazo rya cyamunara rimanikwa ku Biro by’Akagali k’aho uwo mutungo uherereye.

Iyimurwa ry’umunsi wa cyamunara rizakomeza gukorwa nk’uko byari bisanzwe aho rikorwerwa raporo igaragaza impamvu yaryo n’umunsi ryimuriweho rigatangazwa ku rubuga rw’imanza zirangizwa. Iyo cyamunara yimuwe, ikorwa mu gihe kitarenze iminsi irindwi (7) uhereye ku munsi cyamunara yimuriweho.

Ingingo zindi zitahinduwe kandi harimo Ingingo ya 252 ivuga uko Gukora igenagaciro ry’ibyafatiriwe bikorwa, iya 254 ivuga ku Gutambamira cyamunara nuko ikirego cyo kuyitambamira gitangwa, ivuga ku Guhagarika no gutesha agaciro cyamunara n’ivuga ku Kutagurisha mu cyamunara inzu umukene atuyemo .

Ntawe ugurisha mu cyamunara inzu umukene atuyemo na kimwe cya kane (1/4) cya hegitari cy’ubutaka bwagenewe ubuhinzi bitunga uwafatiriwe n’urugo rwe babura ntibabeho, keretse biramutse bigaragajwe ko afite ibindicyangwa ashoboye kubibona atagizwe umukene ngo abere umuzigo Leta.

Kutagurisha umutungo bivugwa ariko ntibireba umutungo watanzweho ingwate.

Impaka zivutse mu igabana ry’amafaranga yavuye mu byagurishijwe muri cyamunara, biregerwa urukiko rw’ibanze rw’aho cyamunara yabereye cyangwa Urukiko rw’ubucuruzi mu gihe harangizwa urubanza rwaciwe n’inkiko z’ubucuruzi. Bene izo manza ziburanishwa mu bihe bw’ibirego byihutirwa.

Umuhesha w’Inkiko utubahirije inshingano ze cyangwa utazubahirije mu bihe biteganywa n’amategeko ahanishwa ihazabu mbonezamubano y’amafaranga y’u Rwanda kuva ku bihumbi ijana (100.000) kugeza ku bihumbi magana abiri (200.000) bitabujije ariko ko uwabikoze ashobora kuba yacibwa indishyi zikwiye umuburanyi warenganyijwe n’iryo kosa n’ibindi bihano biteganywa n’amategeko.
Bene ibi birego biregerwa Urukiko rw’Ibanze rw’aho umutungo wafatiriwe uherereye cyangwa Urukiko rw’Ubucuruzi mu gihe harangizwa urubanza cyangwa izindi nyandikompesha zirekeranye n’ubucuruzi.

Ingingo nshya zo mu itegeko N° 025/2021 ryo ku wa 12/05/2021 Itegeko rihindura Itegeko no 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi biteganijwe ko zihita zitangira gukurikizwa rikimara gusohoka (uretse aho itegeko ryagaragaje izindi mpamvu)

Ingingo zose z’amategeko abanziriza iri kandi zinyuranyije na ryo zivanyweho.

Joseph Nzabirinda yabaye umwunganizi mu Rukiko rwa Arusha kandi yari mu bakekwaho ibyaha bya Jenoside

Mu mayeri menshi bagiye bakoresha byageze n’aho biyoberanya bamwe muri bo babona akazi mu Rukiko mpuzamahanga mpanabyaha rwa Arusha (ICTR) rwashyizweho n’umwanzuro 955 w’Akanama gashinzwe umutekano ku isi mu Muryango w’Abibumbye ngo ruburanishe abakekwagaho kugira uruhare muri Jenoside yakorewe Abatutsi mu 1994.

Urukiko rwa Arusha rukimara gushyirwaho mu Gushyingo 1994, abagize uruhare muri Jenoside bagize ubwoba batangira kwihisha ubutabera n’inzego z’iperereza.

Mu nzira nk’izi zo gushaka uko bazirwanaho mu gihe bazaba bageze imbere y’ubutabera bakoze byinshi, ubwo bari mu nkambi ya Mugunga muri Congo bashinze ishyaka ryiswe Rassemblement Pour le Retour des Refugiés et de la Démocratie (RDR)

RDR mu nshingano yari ifite harimo kwiga uburyo abanyamuranyango bayo bakwepa ubutabera mpuzamahanga ariko banafatwa bagakomeza bakarwanwaho ku buryo batakatirwa mu buryo bworoshye.

Hafashwe ibyemezo bitandukanye mu gufasha abajenosideri mu bijyanye n’ubutabera, inzira ya mbere yakoreshejwe yari ugushaka abunganizi mu mategeko (Avocats), abacyekaga ko bazakurikiranwa n’ubutabera mpuzamahanga.

Abunganizi mu mategeko (Avocats) bemeye kuza muri ako kazi ni Me Luc Detemerrman wahoze ari umunyamategeko wa Habyarimana na Me Johan Scherrs nawe wahoze ari umujyanama wa Perezida Habayrimana mu bijyanye n’amategeko akaba yari n’inshuti ye y’akadasohoka.

Abo bashyize ibiro byabo i Goma n’i Nairobi kugira ngo bakore ako kazi batangira kwiga dossier z’abanyamuryango ba RDR bataranakurikiranwa mu butabera.

Uretse ibyo aba banyamategeko bagiriye inama abari gufatwa ko mu manza zabo bagomba guhakana ko mu Rwanda hari Jenoside yakorewe Abatutsi yahabaye, ko ahubwo habaye isubiranamo ry’amoko.

Ikindi cyapanzwe na RDR ni uko yabwiye bamwe mu barwanashyaka bayo kujya gusaba akazi mu rukiko mpuzamahanga mpanabyaha rwashyiriweho u Rwanda i Arusha mu rwego rwo gushakisha inzira zo gufasha abari kuzakurikiranwaho kugira uruhare muri Jenoside.

Babwiwe kujya gusaba akazi muri ICTR mu mirimo yo gusemura bavana mu ndimi zimwe bajyana mu zindi, nko mu gusemurira abatangabuhamya babaga batumva indimi z’amahanga nk’Icyongereza n’Igifaramsa ndetse no gukora isemura ry’inyandiko rivanwa mu gifaransa rijyanwa mu cyongereza kuko wasangaga abashinjwa benshi bumva igifarasa nyamara hakaba abashinjacyaha n’abacamanza benshi bavugaga icyongereza.

Ahandi basabye akazi ni muri serivisi z’iperereza no gukurikirana abasize bakoze Jenoside ndetse no mu ishami ry’ubushakashatsi mu by’amategeko.

Amwe mu mazina y’abahawe akazi mu Rukiko rwa Arusha ni Joseph Nzabirinda, iri zina ryanagarutsweho n’abashakashatsi batandukanye barimo Thierry Cruvellier mu gitabo cye “Le Tribunal des Vaincus” ndetse na Alain Michel Essoungou mu gitabo cye yise “La Justice Arusha”

Joseph Nzabirinda bakundaga kwita Biroto ni umwe mu bari abunganizi mu Rukiko rwa Arusha watawe muri yombi agakurikiranwaho kugira uruhare muri Jenoside yakorewe Abatutsi akanabifungirwa.

I Arusha yari umwunganizi mu mategeko (Avocat) wa Sylvain Nsabimana wari Perefe wa Butare mu gihe cya Jenoside yakorewe Abatutsi, nawe wagize uruhare muri Jenoside yakorewe Abatutsi mu cyahoze ari Perefegitura ya Butare.

Nzabirinda waburaniraga Nsabimana Sylivain yunganiraga uwagize uruhare muri Jenoside na we afite ibiganza biriho amaraso y’Abatutsi.

Nzabirinda wari umuyobozi w’urubyiruko n’amashyirahamwe mu cyahoze ari Komini Ngoma, yagize uruhare mu bwicanyi bwibasiye Abatutsi.

Nzabirinda amaze kuvumburwa ko yagize uruhare muri Jenoside yakorewe Abatutsi ntiyakomeje gukora akazi k’ubwunganizi muri ICTR kuko na we yashinjwaga kugira uruhare muri Jenoside.

Mu 2001 yafashwe n’ubushinjacyaha bw’urukiko rwa Arusha afatiwe mu Bubirigi, akorerwa dosiye ishyikirizwa urukiko.

Nzabirinda wari urimo kunganirwa n’abanyamategeko bane (4), aribo François Roux, Jean Haguma, Céléstin Buhuru na Charlotte Moreau yatsinzwe urubanza ahamwa n’ibyaha bya Jenoside ndetse anakatirwa igihano cy’imyaka irindwi (7) y’igifungo, icyo gihano cyashoboraga kurenga iyo myaka ariko kiba gito kubera ko yemeye icyaha atagoranye.

Nzabirinda Joseph yasohotse muri gereza tariki 19 Ukuboza 2008 arangije igihano yari yarakatiwe n’Urukiko mpuzamahanga Mpanabyaha rwashyiriweho u Rwanda rwa Arusha.

Ni ryari itegeko rivuga ko habayeho icyaha cy’ingengabitekerezo ya Jenoside?

Umuntu ukorera mu ruhame igikorwa, byaba mu magambo, mu nyandiko, mu mashusho cyangwa ku bundi buryo, kigaragaza imitekerereze yimakaza cyangwa ishyigikira kurimbura abantu bose cyangwa bamwe muri bo bahuriye ku bwenegihugu, ubwoko, ibara ry’uruhu cyangwa ku idini aba akoze icyaha cy’ingengabitekerezo ya Jenoside .

Nk’uko biteganywa n’itegeko ryerekeranye n’icyaha cy’ingengabitekerezo ya Jenoside n’ibyaha bifitanye isano na yo ryasohotse mu 2018, Umuntu ukurikiranyweho iki cyaha iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW).

Ku bijyanye n’icyaha cy’ingengabitekerezo ya Jenoside n’ibyaha bifitanye isano na yo, iri tegeko rireba: Jenoside yakorewe Abatutsi, Jenoside iyo ari yo yose yemewe n’Umuryango w’Abibumbye cyangwa inkiko mpuzamahanga, ndetse n’ibindi byose biganisha kuri Jenoside.

Abantu bamwe bajya bajya impaka bibaza icyo ijambo mu ruhame rishatse kuvuga n’aho umuntu yakorera iki icyaha hakitwa mu Ruhame.

Mu ngingo ya 2 y’itegeko ryerekeranye n’icyaha cy’ingengabitekerezo ya Jenoside n’ibyaha bifitanye isano na yo, itegeko ryakuyeho urujijo risobanura mu buryo bukurikira igihe byitwa ko iki cyaha cyakorewe mu ruhame.

Muri iri tegeko, “uruhame” ni ahantu hateraniye abantu barenze babiri (2). Ibikorwa bikurikira na byo bifatwa nk’ibikorewe mu ruhame:

Ibitangajwe ku rubuga nkoranyabuhanga (Website), Ibitangajwe ku rubuga nkoranyambaga (Social Media), Ibitangajwe mu bitangazamakuru (Radio, Television…), ubutumwa bwohererejwe umuntu (SMS), amajwi yafashwe hakoreshejwe ibyuma byabugenewe ibyo ari byo byose cyangwa amashusho yafashwe hakoreshejwe icyuma gifata amashusho agenda n’ ibindi byose bitangajwe hifashishijwe ikoranabuhanga mu itangazabumenyi n’itumanaho.

Aha nk’uko itegeko ribivuga nukora ibikorwa, byaba mu magambo, mu nyandiko, mu mashusho cyangwa ku bundi buryo, bugaragaza imitekerereze yimakaza cyangwa ishyigikira kurimbura abantu bose cyangwa bamwe muri bo bahuriye ku bwenegihugu, ubwoko, ibara ry’uruhu cyangwa ku idini ukabunyuza muri ziriya nzira itegeko ryita “Uruhame” cyangwa “Public” icyo gihe uzaba ukoze icyaha cy’ingengabitekerezo ya Jenoside, amategeko azagukurikirana.

Urugero utambukije ubutumwa bugaragaza imitekerereze yimakaza cyangwa ishyigikira kurimbura abantu bose cyangwa bamwe muri bo bahuriye ku bwenegihugu, ubwoko, ibara ry’uruhu cyangwa ku idini ukabunyuza kuri Facebook, muri Groupe ya Watsapp, kuri Twitter , YouTube cyangwa ku zindi mbuga nkoranyambaga icyo gihe uzaba ubutambukirije aho itegeko ryita mu ruhame bityo ntibizakuraho ko udakurikiranwa. Uruhame si abantu barenze 2 gusa bateraniye ahantu runaka ahubwo itegeko rinateganya ko ibikorwa bikozwe bikanyuzwa mu muyoboro twabonye hejuru na byo bavuga ko byakorewe mu Ruhame.

Menya ibindi byaha bifitanye isano n’ingengabitekerezo ya Jenoside n’uko bihanwa imbere y’amategeko

1.Guhakana Jenoside (Denial of Genocide)

Umuntu ukorera mu ruhame igikorwa kigamije: kuvuga cyangwa kugaragaza ko Jenoside atari Jenoside; kugoreka ukuri kuri Jenoside agamije kuyobya rubanda, kwemeza ko mu Rwanda habaye Jenoside ebyiri (2), kuvuga cyangwa kugaragaza ko Jenoside itateguwe aba akoze icyaha.

Iyo ahamijwe n’urukiko gukora kimwe mu bikorwa byavuzwe hejuru, ahanishwa igifungo kitari munsi
y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari
munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW).

2. Gupfobya Jenoside (Minimization of Genocide)

Umuntu ugaragariza mu ruhame kandi ku bushake, imyitwarire igamije kugabanya uburemere cyangwa ingaruka za Jenoside, koroshya uburyo Jenoside yakozwemo, kugaragaza imibare itari yo y’abazize Jenoside, aba akoze icyaha.

Iyo ahamijwe n’urukiko gukora kimwe mu bikorwa byavuzwe hejuru, ahanishwa igifungo kitari munsi
y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW).

3. Guha ishingiro Jenoside (Justification of Genocide)

Umuntu ukorera mu ruhame kandi ku bushake igikorwa kigamije gushimagiza Jenoside; gushyigikira Jenoside, no kwemeza ko Jenoside yari ifite ishingiro aba akoze icyaha.

Iyo ahamijwe n’urukiko gukora kimwe mu bikorwa bivugwa ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW)

4. Kuzimiza cyangwa gutesha agaciro ibimenyetso cyangwa amakuru byerekeye Jenoside.

Umuntu, ku bushake, uhisha, wangiza, usibanganya cyangwa utesha agaciro ibimenyetso cyangwa amakuru byerekeye Jenoside, aba akoze icyaha.
Iyo ahamijwe n’urukiko gukora kimwe mu bikorwa byavuzwe, ahanishwa igifungo kitari munsi y’imyaka irindwi (7) ariko kitarenze imyaka icyenda (9) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW).

5. Kwiba cyangwa kwangiza imibiri y’abazize Jenoside

Umuntu ukoze kimwe mu bikorwa bikurikira : kwiba imibiri y’abazize Jenoside , gutesha agaciro cyangwa kwangiza ku bushake, imibiri y’abazize Jenoside aba akoze icyaha.
Iyo ahamijwe n’urukiko gukora kimwe mu bikorwa byavuzwe hejuru, ahanishwa igifungo kitari munsi y’imyaka icumi (10) ariko kitarenze imyaka cumi n’itanu (15) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW).

6. Gusenya, konona cyangwa gutesha agaciro urwibutso rwa Jenoside cyangwa ahashyinguye imibiri y’abazize Jenoside

Umuntu ukora ku bushake kimwe mu bikorwa bikurikira: gusenya cyangwa konona urwibutso rwa Jenoside cyangwa ahashyinguye imibiri y’abazize Jenoside, gusenya cyangwa konona ibimenyetso by’urwibutso rwa Jenoside cyangwa ahashyinguye imibiri y’abazize Jenoside, gutesha agaciro urwibutso rwa Jenoside cyangwa ahashyinguye imibiri y’abazize Jenoside aba akoze icyaha.

Iyo ahamijwe n’urukiko gukora kimwe mu bikorwa byavuzwe hejuru , ahanishwa igifungo kitari munsi y’imyaka icumi (10) ariko kitarenze imyaka cumi n’itanu (15) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW).

7. Guhohotera uwacitse ku icumu rya Jenoside

Umuntu ugira imyitwarire cyangwa ukora igikorwa kigamije gutoteza, gutera ubwoba, gutesha agaciro, kwigamba, gushinyagurira, gutuka cyangwa kwangiza umutungo w’umuntu bishingiye ko ari uwacitse ku icumu rya Jenoside, aba akoze icyaha.

Mu bihe byo kwibuka inzego z’umutekano n’izishinzwe iperereza zijya zakira ibibazo by’abacitse ku icumu batemewe amatungo, imyaka n’ibindi bijyanye n’imitungo yabo yangijwe. Abakoze ibyo iyo bigaragaye ko babikoze ku bushake bashaka kubababaza cyangwa kumusesereza (Animus Nocendi) baba bakoze icyaha.

Ukurikiranyweho icyaha cyo guhohotera uwacitse ku icumu iyo ahamijwe n’urukiko kimwe mu bikorwa byavuzwe hejuru ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW).

Guhana icyaha cy’ingengabitekerezo ya Jenoside n’ibyaha bifitanye isano na yo ntabwo bireba abantu gusa, binareba ibigo, imitwe ya politiki cyangwa indi miryango.
Ibyaha bivugwa iyo babikoze bihanishwa ibihano by’ihazabu, iseswa cyangwa kubuzwa gukorera mu Rwanda.

Guhoza undi ku nkeke bifitanye isano n’imibonano mpuzabitsina (Sexual Harassment) ni icyaha gikunze kugarukwaho cyane aho ndetse bamwe mu bantu bakomeye bagiye bahanirwa iki cyaha babaga barakoreye ku bakozi babo cyangwa abanda bantu bafiteho ububasha,

Mu mwaka wa 2012, Dominique Strauss-Kahn wari umuyobozi w’ikigega cy’imari ku isi (FMI) yarezwe icyaha gifitanye isano no guheza ku nkeke bifitanye isano n’imibonano mpuzabitsina byavugwaga ko yakoreye Umunya Guinea Nafissatou Diallo wari umukozi wo muri Hotel Strauss-Kahn yajyaga acumbikamo.

Mu buhamya bw’uyu mugore yavuze ko ubwo yari arimo gukora isuku mu cyumba cya hotel Dominique Strauss-Kahn yararagamo mu mwaka wa 2011 ngo yamwirukakanye yambaye ubusa ashaka kumukoresha imibonano mpuzabitsina ku gahato, uretse uwo munsi ngo yamwandikiraga kenshi amusaba ko bakorana imibonano mpuzabitsina akanamwereka ko natabyemera bizamugiraho ingaruka kubera umwanya yari afite.

Ubwo yaregwaga ibi birego mu 2012, mu bihe bikomeye kuko ibi birego byaje uyu mugabo wari wubashywe mu Bufaransa no ku isi hose ubwo yari arimo kwiyamamariza kuyobora igihugu cy’Ubufaransa.

Iki cyaha cyetesheje ikuzo uyu mugabo bigera naho bigira ingaruka ku mushinga we wo kuyobora igihugu cy’Ubufaransa kuko yangiwe kwiyamamaza.

Abandi bamenyekanye bagiye bahanirwa iki cyaha harimo Harvey Weinstein umuherwe akaba n’ikirangirire mu gukora no gutunganya cinema nawe yakurikiranweho iki cyaha aho yashinjwaga n’ubushinjacyaha guhoza ku nkeke bifitanye isano n’igitsina no gukoresha imibonano mpuzabitsina ku gahato bamwe mu bakinnyi ba filimi b’igitsina gore binarangira anabihamijwe n’inkiko akatirwa igifungo cy’imyaka 23 igihano ari kurangiriza muri gereza ya Wende Correctional Facility .

Iki cyaha ni icyaha kiganje cyane mu bakoresha b’abakozi n’abandi bantu bafite ububasha ku bantu runaka nk’abarimu , abasirikari bakuru , abayobozi n’abandi. Perezida mushya wa Tanzania Samia Hussein SULUHU aherutse gutangaza ko agiye gushyira ingufu mu kurandura iki cyaha kiganje muri Tanzania cyane mu barimu ba za kaminuza n’amashuri yisumbuye aho bahoza abanyeshuri ku nkeke babasaba ko bakora imibonano mpuzabitsina bitwaje ububasha babafiteho aho babakangisha kuzabaha amanita macye.

Mu Rwanda naho haherutse kumvikana ikirego gifitanye isano n’iki cyarezwe Dr Kayumba Christopher wari umwalimu muri kaminuza y’URwanda mu ishami ry’itangazamakuru, Kayumba yerezwe n’umwe mu banyeshuri yigishaga Muthoni Fiona uvuga ko yigeze ku mukorera icyaha nk’iki gifitanye isano no guhoza undi ku nkeke bifitanye isano n’imibonano mpuzabitsina.

Uretse umunyamakuru wa CNBC Muthoni Fiona NTARINDWA, ku mbuga nkoranyambaga hakomeje no kugaragara abanda bakobwa bivugwa baba barakorewe iki cyaha.

Ku cyaha Dr Kayumba akurikiranweho ntabwo twakwemeza koko niba ari guhoza undi ku nkeke bifitanye isano n’imibonano mpuzabitsina (Sexual Harassment) kuko birashobka ko cyanaba ubwinjiracyaha (kugerageza gukora icyaha) mu gukoresha imibonano mpuzabitsina ku gahato.

"Bagomba kureba niba koko harabaye kugerageza kumufata ku ngufu, bizasaba ibimenyetso".
Iki kirego cyashyikirijwe urwego rw’igihugu rw’ubugenzacyaha (RIB) aho ruri gukusanya ibimenyetso byazashingirwaho mu gihe iki kirego ubushinjacyaha bwazafata umwanzuro wo kujya kukiregera mu Rukiko, ni nabwo kizahabwa inyito (Qualification).

*Icyaha cyo Guhoza undi ku nkeke bifitanye isano n’imibonano mpuzabitsina gitandukanirahe n’icyaha cyo gukoresha undi imibonano mpuzabitsina ku gahato?

Umuntu wese ukora igikorwa cyo guhoza undi ku nkeke amubwira amagambo cyangwa akora ibikorwa bihoraho bifitanye isano n’igitsina, bishobora kwangiza icyubahiro cye bitewe n’uko bitesha agaciro cyangwa icyubahiro nyir’ukubikorerwa cyangwa kumutera ubwoba cyangwa ikimwaro aba akoze icyaha. Urugero niba ufite umukoresha uguhamagara kenshi cyangwa ukwandikira kenshi ubutumwa agusaba ko mukora imibonano mpuzabitsina rimwe na rimwe akagutera ubwoba ko nubyanga bizakugiraho ingaruka mu kazi icyo gihe aba akoze icyaha.

Niba yarigeze kandi kubigusaba ukabyanga akagufatira ibyemezo bikubangamira mu kazi nabwo yakoze iki cyaha. Niba uri n’umunyeshuri mwalimu wawe akakubwira kenshi agusaba ko muzakora imibonano mpuzabitsina kugirango ukunde ubone amanota nawe aba akoze icyaha. Biranahagije kuvuga ko icyaha cyabayeho kabone niyo yaba akubwira amagambo menshi , aguhamagara cyane cyangwa akwandikira agusaba gukora imibonano mpuzabitsina akabikora kenshi kabone nubwo ataba abigira urwitwazo rwo kugira ibyemezo agufatira mu kazi, bipfa kuba bigutesha icyubahiro kndi bikagutera ikimwaro.

Ku cyaha cyo gukoresha undi imibonano mpuzabitsina ku gahato (Rape) bavuga cyabayeho iyo:
Cyabayeho nta bwumvikane bubayeho, hakoreshejwe imbaraga, iterabwoba, uburiganya, ububasha umuntu afite ku wundi cyangwa abikoze ku bw’intege nke z’uwakorewe icyaha. Icyo cyaha kigaragazwa n’ibi bikurikira:

1º gushyira igitsina mu gitsina, mu kibuno cyangwa mu kanwa k’undi muntu;
2º gushyira urugingo urwo arirwo rwose rw’umubiri w’umuntu cyangwa ikindi kintu icyo aricyo cyose mu gitsina cyangwa mu kibuno by’undi muntu.

Umuntu wese uhamijwe n’urukiko gukoresha imibonano mpuzabitsina ku gahato, ahanishwa igifungo kitari munsi y’imyaka icumi (10) ariko kitarenze imyaka cumi n’itanu (15) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW). Iyo gukoresha imibonano mpuzabitsina ku gahato byakozwe ku muntu ufite hejuru y’imyaka mirongo itandatu n’itanu (65), ku muntu ufite ubumuga cyangwa uburwayi butuma adashobora kwirwanaho, igihano kiba igifungo kirenze imyaka cumi n’itanu (15) ariko kitageze ku myaka makumyabiri (20) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW).

Iyo gukoresha imibonano mpuzabitsina ku gahato byateye indwara idakira cyangwa ubumuga, uwabikoze ahanishwa igifungo kirenze imyaka makumyabiri (20) ariko itarenze imyaka makumyabiri n’itanu (25) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW).

Igihano kiba igifungo cya burundu iyo gukoresha imibonano mpuzabitsina ku gahato: 1° byakozwe n’abantu barenze umwe; 2° byateye urupfu uwabikorewe; 3° byakozwe ku muntu bafitanye isano kugeza ku gisanira cya kabiri; 4° byakozwe hagamijwe kumwanduza indwara idakira.
Ikindi ku cyaha cyo Guhoza undi ku nkeke bifitanye isano n’imibonano mpuzabitsina (Sexual Harrasment) igikorwa cyo gukora imibonano mpuzabitsina ntikiba cyabayeho ariko haba hari umugambi ukiganishaho (Préméditation) nkuko twabonye ko itegeko rivuga ko cyabayeho iyo
Umuntu yakoze igikorwa cyo guhoza undi ku nkeke amubwira amagambo cyangwa akora ibikorwa bihoraho bifitanye isano n’igitsina, bishobora kwangiza icyubahiro cye bitewe n’uko bitesha agaciro cyangwa icyubahiro nyir’ukubikorerwa cyangwa kumutera ubwoba cyangwa ikimwaro.

Ku cyaha cyo gukoresha undi imibonano mpuzabitsina ku gahato ho haba habayeho gukora icyo gikorwa cy’imibonano mpuzabitsina.

*Amategeko y’URwanda avuga iki ku cyaha cyo Guhoza undi ku nkeke bifitanye isano n’imibonano mpuzabitsina?

Ingingo ya 149 mu itegeko riteganya ibyaha n’ibihano muri rusange ryasohotse mu 2018 igira iti “Guhoza undi muntu ku nkeke ni igikorwa kibangamye cyo kubwira umuntu amagambo cyangwa gukora ibikorwa ku buryo buhoraho bifitanye isano n’igitsina, bishobora kwangiza icyubahiro cye bitewe n’uko bitesha agaciro cyangwa icyubahiro nyir’ukubikorerwa cyangwa kumutera ubwoba cyangwa ikimwaro”

Iyi ngingo iteganya ko Umuntu ukora kimwe mu bikorwa bivugwa mu gika cya mbere cy’iyi ngingo, aba akoze icyaha. Iyo abihamijwe n’urukiko, ahanishwa igifungo kitari munsi y’amezi atandatu (6) ariko kitarenze umwaka (1) n’ihazabu y’amafaranga y’u Rwanda atari munsi y’ibihumbi ijana (100.000 FRW) ariko atarenze ibihumbi mangana abiri (200.000 FRW).

Iyo uwakoze icyaha ari umukoresha cyangwa undi wese witwaza imirimo ashinzwe agahoza uwo akuriye mu kazi ku nkeke akoresheje amabwiriza, ibikangisho cyangwa iterabwoba agamije kwishimisha bishingiye ku gitsina, ahanishwa igifungo kirenze umwaka umwe (1) ariko kitarenze imyaka ibiri (2) n’ihazabu y’amafaranga y’u Rwanda atari munsi y’ibihumbi magana abiri (200.000 FRW) ariko atarenze ibihumbi magana atatu (300.000 FRW).

Ibihano kuri iki cyaha uretse mu itegeko rigena ibyaha n’ibihano muri rusange rya 2018, tunabisanga mu itegeko n°59/2008 ryo kuwa 10/09/2008 rikumira kandi rihana ihohoterwa iryo ari ryo ryose rishingiye ku gitsina.

Mu ngingo ya ryo ya ya 24 ivuga ko umuntu uhamijwe n’inkiko icyaha cyo guhoza uwo akuriye mu kazi ku nkeke bishingiye ku gitsina Ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga kuva ku bihumbi ijana (100.000 Frw) kugeza ku bihumbi magana abiri (200.000 Frw), umukoresha cyangwa undi wese witwaza imirimo ashinzwe agahoza uwo akuriye mu kazi ku nkeke akoresheje amabwiriza, ibikangisho n’iterabwoba agamije kwishimisha bishingiye ku gitsina .

Ingingo ya 8 y’itegeko ry’umurimo rya 2018 nayo ikumira icyaha cyo guhoza uwo ukuriye mu kazi ku nkeke hagamijwe imibonano mpuzabitsina mu buryo bukurikira:

Guhoza ku nkeke uwo ukuriye mu kazi hagamijwe imibonano mpuzabitsina ku buryo ubwo ari bwo bwose birabujijwe.

Kwirukana umukozi ku kazi kubera ko yatanze amakuru cyangwa ubuhamya ku bijyanye no guhozwa ku nkeke hagamijwe imibonano mpuzabitsina bikozwe n’umukuriye mu kazi birabujijwe.

Igihe hari ibimenyetso bifatika byemeza ko umukozi yasezeye ku kazi kubera guhozwa ku nkeke n’umukuriye agamije gukorana na we imibonano mpuzabitsina, bifatwa nko kwirukanwa ku kazi nta mpamvu.

Guhoza uwo ukuriye mu kazi ku nkeke hagamijwe imibonano mpuzabitsina (Sexual Harassment) kandi byashyizwe ku rutonde rw’amakosa akomeye (Gross Misconduct) ashobora kwirukanisha umukozi wabikoze nta nteguza nkuko byemejwe mu igazeti ya Leta yo ku wa 19 Werurwe 2020, igaragaza Iteka rya Minisitiri ryo ku wa 17 Werurwe 2020 rishyiraho urwo rutonde.

Hari abantu benshi bajya batekereza ko iki cyaha ibihano byacyo n’ikurikiranwa ryacyo bireba igitsina gabo gusa ntabwo ariko bimeze kuko mu biranga itegeko harimo kutavangura , abagore nabo iyo bakoze iki cyaha mu gihe hari ibimenyetso amategeko arabakurkirana.

Ushobora kuba mu bihe bimwe warahuye n’umuntu agukorera iki cyaha ndetse bigira n’ingaruka ku masezerano yawe y’akazi , imyigire cyangwa se ibindi.

Niba byarakubayeho ukaba ufite ibimenyetso bigaragaza ko wakorewe icyaha cyo Guhoza undi ku nkeke bifitanye isano n’imibonano mpuzabitsina wakwihutira kwegera urwego rw’igihugu rw’ubugenzacyaha (RIB) bukagufasha mu ikusanyabimenyetso (Collection of Evidence) kugirango nibusanga icyaha bishoboka ko cyabayeho bwohereze ibimenyetso ku bushinjacyaha burege uwagukoreye iki cyaha mu Rukiko rubifitiye ububasha bitewe n’aho uherereye cyangwa aho uwa kigukoreye aherereye.

Ubushinjacyaha bushyira ku mwanya wa mbere ibirego by‟imanza byerekeranye n‟ihohoterwa rishingiye ku gitsina harimo n’icyaha cyo guhoza undi ku nkeke bifitanye isano n’imibonano mpuzabitsina kandi bukirinda ko ibimenyetso bisibangana.

Niba iki cyaha cyarabereye mu kazi wakwegera Umugenzuzi w‟umurimo, kuri buri rwego, haba mu nzego z‟ibanze cyangwa ku rwego rw‟Igihugu, kugirango agufashe gucyemura iki kibazo iyo Umugenzuzi w‟Umurimo umenye ko habayeho iki cyaha , ahita abimenyesha ubugenzacyaha buri hafi ye kugira ngo ukekwaho icyo cyaha akurikiranwe n‟ubutabera.

Impamvu ni uko iyo ikintu cyiswe icyaha uwagikoze ahabwa igifungo cyangwa ikindi gihano giteganywa n’amategeko, ariko iyo ikintu gishyizwe mu makosa usanga nta gifungo giteganyijwe ku muntu wagikoze. Akenshi birangirira mu bwumvikane no kwishyura ibyangijwe.

Nyuma y’uko tubisabwe n’abasomyi bacu, twabateguriye inkuru igaruka kuri iki cyaha kiza ku isonga mu Rwanda mu bituma imiryango myinshi ubu iri kujya gusaba za gatanya (Divorce).

Ni ryari bavuga ko habayeho icyaha cy’ubusambanyi? Ese iyo cyabayeho gikurikiranwa gute mu mategeko?

Ingingo ya 136 y’itegeko riteganya ibyaha n’ibihano muri rusange ryasohotse mu mwaka wa 2018 ivuga ko:
“Umuntu wese washyingiwe ukorana imibonano mpuzabitsina n’uwo batashyingiranywe, aba akoze icyaha cy’ubusambanyi. Iyo abihamijwe n’urukiko ahanishwa igifungo kitari munsi y’amezi atandatu (6) ariko kitarenze umwaka umwe (1).

Aha byumvikane ko umuntu utarashinga urugo cyangwa se wanarushinze yaba yarashyingiranywe mu buryo bwemewe n’amategeko n’uwo babana cyangwa batarashyingiranywe mu buryo bwemewe n’amategeko iyo akoze imibonano mpuzabitsina n’umuntu washyingiwe mu buryo bwemewe n’amategeko n’undi, aba akoze icyaha cy’ubusambanyi.

Urugero, uramutse uri umusore ugakora imibonano mpuzabitsina n’umugore washyingiwe mu buryo bwemewe n’amategeko mwembi muba mukoze icyaha cy’ubusambanyi. Ni nako bimeze uramutse uri umukobwa ugakora imibonano mpuzabitsina n’umugabo wubatse ufite umugore w’isezerano nabwo uba ukoze icyaha.

Amategeko avuga ko gukurikirana icyaha cy’ubusambanyi bidashobora kuba hatareze uwahemukiwe mu bashyingiranywe ku buryo bwemewe n’amategeko.

Nk’uko bigenda mu mategeko ikirego gitangwa n’ugifitemo inyungu. Aha rero uwo itegeko ryemerera gutanga iki kirego ni uwahemukiwe mu bashyingiranywe mu buryo bwemewe n’amategeko.

Muri icyo gihe iyo icyaha kiri gukurikiranwa, hakurikiranwa uwarezwe n’uwakoranye icyaha na we.

Urugero, uramutse uri umusore utarashinga urugo ugakora imibonano mpuzabitsina n’umugore washyingiwe mu buryo bwemewe n’amategeko nawe uba ukoze icyaha nk’uko twabibonye hejuru kuko itegeko rivuga ko: “Umuntu wese washyingiwe ukorana imibonano mpuzabitsina n’uwo batashyingiranywe, aba akoze icyaha cy’ubusambanyi.

Uwahemukiwe ashobora gusaba guhagarika ikurikirana ry’urubanza iyo yisubiyeho akareka ikirego cye, aho urubanza rwaba rugeze hose. urugero ashobora wenda kuvuga ko afite abana bato byamugora kubakurikirana mu gihe uwo bashyingiranwe yaba akurikiranwe n’amategeko, cyangwa akaba yavuga ko biri kwangiza isura y’umuryango we akaba yakwisubiraho ikirego akagihagarika.
Aha ni ukuvuga ko iyo ikirego gihagaritswe abari bakurikiranyweho iki cyaha bombi barekurwa.

Ingingo ihana iki cyaha mu itegeko riteganya ibyaha n’ibihano yagiweho impaka bigera n’aho umunyamategeko Me Mugisha Richard atanga ikirego mu rukiko rw’ikirenga mu 2019 avuga ko inyuranye n’Itegeko Nshinga rya Repubulika y’u Rwanda.

Me Mugisha Richard yavugaga ko inyuranye n’ingingo ya 18 y’Itegeko Nshinga iteganya ko Leta ifite inshingano yo gushyiraho amategeko n’inzego bishinzwe kurengera umuryango kugira ngo ugire ubwisanzure, nyamara ingingo ya 136 mu itegeko riteganya ibyaha n’ibihano muri rusange , ikaba iteganya igihano cy’igifungo kuri umwe mu bashakanye wahamwe n’icyaha cy’ubusambanyi kandi umuryango udashobora kurengerwa cyangwa ngo ugire ubwisanzure mu gihe umwe mu bawugize yaba afunzwe.

Yasabaga ko mu gihe iki cyaha cyaba kibayeho uwakoshereje undi yagakwiye kumusaba imbabazi, bakababarirana bakiyunga ariko ntihabeho igifungo.

Umuryango Uharanira Iterambere ry’Umuryango, Pro-Femme Twese Hamwe, wifashishijwe nk’inshuti z’urukiko (Amicus Curiae) muri uru rubanza wavuze ko ubusambanyi bukwiriye gukomeza gufatwa nk’icyaha kubera uruhare bugira mu gusenya umuryango.

Pro-Femmes Twese Hamwe yavugaga ko bushobora kuvamo kubyara abana hanze y’ubushyingiranwe bigatera amakimbirane hagati y’abashakanye, hagati y‘abahemukiwe n’ababahemukiye batari abo bashakanye, ndetse no hagati y’abana bavukiye mu bushyingiranwe n’abavukiye hanze yabwo.

Dr. Denis BIKESHA, Dr. Alphonse MULEFU na Yves SEZIRAHIGA, na bo baje muri uru rubanza bakifashishwa nk’inshuti z’urukiko mu izina ry’Ishuri ry’Amategeko rya Kaminuza y’u Rwanda bavuze ko iki cyaha kidakwiriye kujya mu makosa mbonezamubano.

Bifashishije ingingo ya kabiri (2) agace ka mbere mu itegeko riteganya ibyaha n’ibihano muri rusange 2018 bongeye kwibutsa abari mu rubanza icyaha icyo ari cyo.

Bavuze ko icyaha ari igikorwa kibujijwe n’itegeko cyangwa kwanga gukora igiteganywa n’itegeko, ku buryo bihungabanya umutekano mu bantu (ordre public). Bavugaga ko kuba igikorwa kiba kibangamiye umutekano w’abantu ari yo mpamvu Leta ifata iya mbere mu gukurikirana uwabikoze, kuko icyo gikorwa kiba cyahungabanyije inyungu rusange. Bifashishije izo mpamvu, berekanye ko icyaha cy’ubusambanyi cyakomeza gufatwa nk’icyaha ntigishyirwe mu makosa mbonezamubano.

Urukiko rw’Ikirenga, rushingiye ku bisobanuro byatanzwe, rwavuze ko ingingo ya 136 ivuga ku cyaha cy’ubusambanyi mu itegeko riteganya ibyaha n’ibihano muri rusange, itanyuranye n’ingingo ya 18 y’Itegeko Nshinga.

Rwemeje ko iyi ngingo iguma mu itegeko kuko ibihano bitangwa ku wakoze iki cyaha bitabangamiye ubwisanzure bw’umuryango, ngo ntibinabangamiye ubwiyunge no gusabana imbabazi hagati y’abashakanye kuko gukurikirana iki cyaha bigomba kubanzirizwa n‘uko uwahemukiwe atanga ikirego.

Urukiko rw’Ikirenga rwasanze bitanga umwanya wo kuba abashyingiranywe bakwiyunga kuko uwahemukiwe afite uburenganzira bwo gutanga ikirego cyangwa akabyihorera. Urukiko rw’Ikirenga rwavuze ko rwasanze iyi ngingo ishyira mu bikorwa inshingano ya Leta yo kurengera umuryango kubera ko icyaha cy’ubusambanyi giteza ibibazo byinshi mu miryango.

Gusa urukiko rw’ikirenga rwemeje ko igika cya kane n’icya gatanu by’ingingo ya 136 ivuga ku cyaha cy’ubusambanyi mu itegeko riteganya ibyaha n’ibihano muri rusange bivanyweho.

Ibyo bika birimo igika cya kane ( 4) cyavugaga ko iyo dosiye yarangije kuregerwa urukiko cyangwa gufatwaho icyemezo, kwisubiraho bidahagarika ubushake bw’umucamanza ku isuzumwa ry’urubanza cyangwa irangiza ryarwo n’igika cya gatanu cyavugaga ko iyo umucamanza yemeye ukwisubiraho k’uwahemukiwe, kureka urubanza cyangwa irangiza ryarwo bigira ingaruka no ku wakoranye icyaha n’uregwa”.

Urukiko rw’Ikirenga rwemeje ko ingingo ya 136, igika cya mbere, icya kabiri n’icya gatatu by’iri tegeko riteganya ibyaha n’ibihano muri rusange bitanyuranyije n’ingingo ya 18 y‘Itegeko Nshinga. Byumvikane ko uretse ibika twabonye biri muri iyi ngingo byakuyweho, ibindi bika biracyariho.

Muri iyi ngingo, itegeko rivuga ko “Umuntu wese washyingiwe ukorana imibonano mpuzabitsina n’uwo batashyingiranywe, aba akoze icyaha cy’ubusambanyi. Iyo abihamijwe n’urukiko ahanishwa igifungo kitari munsi y’amezi atandatu (6) ariko kitarenze umwaka umwe”

Ese naraciriwe urubanza ngakatirwa n’inkiko ntahari simenye ko nakatiwe aho mbimenyeye nakora iki? Ni ryari nemerewe kujurira? Ni ubuhe buryo bwo kujurira bubaho? Ese kujurira bikorerwa hehe?

Ibi bibazo byose turabisubiza mu nkuru twabateguriye ijyanye n’igikorwa cyo kujurira kibaho ku muntu cyangwa urwego rutishimiye imikirize y’urubanza cyangwa igihe habayeho akarengane.

Uburyo tubagezaho muri iyi nkuru ni ubukoreshwa mu gihe cy’imanza z’inshinjabyaha (Criminal Cases). Byumvikane ko ubu buryo n’ubwo hari ibyo buhuza n’ubukoreshwa mu gihe cy’imanza mbonezamubano ariko ntabwo busa.

Kugira ngo ubyumve neza, reka tugufashe gutandukanya imanza mbonezamubano n’imanza z’inshinjabyaha.

Imanza z’inshinjabyaha ni igihe uwakoze icyaha agikoreye igihugu. Muri izi manza ubushinjacyaha ni bwo buba buhagarariye inyungu za Leta. Ibyaha byakozwe cyangwa se bishobora gukorwa n’ibihano byabyo biteganywa n’igitabo cy’amategeko giteganya ibyaha n’ibihano muri rusange cya 2018. Ku manza z’inshinjabyaha uwatsinzwe aba ashobora guhabwa igihano cy’igifungo, gutanga ihazabu, gukora imirimo rusange cyangwa igihano cy’urupfu aho cyemewe. Urugero twatanga aha ni urubanza rwerekeranye n’icyaha cyo kwica.

Mu gihe imanza z’imbonezamubano ari igihe habayeho amakimbirane cyangwa kutubahiriza ibyo abantu bumvikanye,hakabaho igihombo runaka cyishyurwa n’impozamarira. Aha uwatsinzwe asabwa gutanga indishyi (Damages) ku wangirijwe n’ikibazo cyangwa amakimbirane yateje cyangwa urukiko rukaba rwamuhana mu bundi buryo butarimo igihano cy’igifungo nk’uko twabibonye bigenda ku manza z’inshinjabyaha.

Mu gihe mu manza z’inshinjabyaha ubushinjacyaha buba buhagarariye Leta ari bwo buyihagararira mu rukiko, mu manza mbonezamubano umuntu ku giti cye ni we wihagararira mu Rukiko.

Urugero twatanga ku manza z’imbonezamubonamo ni imanza zerekeranye n’ikibazo cyatewe n’izungura, amasezerano atubahirijwe cyangwa ubutane (Divorce).

Amategeko y’u Rwanda ateganya ko umuntu warenganyijwe cyangwa utishimiye imikirize y’urubanza mu manza z’inshinjabyaha ashobora gukoresha uburyo bune (4) bwo kujurira kugira ngo ahabwe ubutabera. Ubu buryo ni bwo bita mu Cyongereza ‘Legal Remedies’.

Turahera ku buryo benshi musanzwe mumenyereye ari bwo buzwi nko kujurira (Appeal)

1. KUJURIRA (Appeal)

Kujurira ni igikorwa gikorwa iyo uwaciriwe urubanza atishimiye imikirize y’urubanza. Umuntu ujurira n’ubwo ari uburenganzira bwe ariko ntiyakagombye kumva ko igihe cyose agomba kujya kujurira ngo ni uko atishimiye imikirize y’urubanza .

Ushobora kutishimira imikirize y’urubanza kuko wifuzaga gutsinda ariko ugahitamo kutajurira kubera ko nta bimenyetso ufite bizatuma utsinda urubanza mu gihe cy’ubujurire . Aha umuntu wiyemeje kujurira aba agomba kujurira kuko afite impamvu zo kujurira atitwaje gusa ngo ni uko yatsinzwe urubanza akaba atishimiye ko atatsinze.

Uregwa ashobora kujuririra urubanza rwose cyangwa zimwe mu ngingo atishimiye imikirize yazo. Urukiko rwajuririwe ruburanisha gusa mu mbibi z’icyajuririwe. Iyo urubanza rujuririwe, irangizwa ryarwo riba rihagaritswe kugeza ku munsi igihe cyo kujurira kirangiriraho cyangwa niba umuntu yarajuriye, kugeza igihe hafatiwe icyemezo kuri ubwo bujurire. Kujuririra indishyi ntibihagarika irangiza ry’ibihano uwatsinzwe yakatiwe.

Uburenganzira bwo kujurira bufitwe n’aba bakurikira: utegetswe kuriha; uwaregeye indishyi cyangwa abahawe indishyi batasabye ariko ku byerekeye indishyi gusa n’ Ubushinjacyaha.

Ikirego cy’ubujurire gitangwa mu rukiko rwisumbuye ku rw’ababuranishije urubanza bigakorwa mu gihe kitarenze iminsi 30 icyemezo cy’urukiko gitangajwe. Aha bisobanuye ko utanze ikirego cy’ubujurire hashize iminsi irenze 30 waramenyeshejwe icyemezo cy’urukiko ikirego cyawe ntabwo urukiko rucyakira.

Umuntu utarabashije kugaragara mu isoma ry’urubanza yaramenyeshejwe umunsi w’isomwa ry’urubanza ntiyohereze n’uwo kumuhagararira ntiyitwaza ko atamenyeshejwe icyemezo cy’urukiko.

Umuntu utaraje kuburana mu rubanza no mu isomwa ry’urubanza ntaze iminsi yo kujurira itangira kubarwa iyo amaze kumenyeshwa icyemezo cy’urukiko.

Iyo waburanye wemera icyaha ntabwo uba wemerewe kujuririra icyemezo cyafashwe n’urukiko.

Uregwa wari ufunzwe, urukiko rukamugira umwere cyangwa rukemeza ko igifungo cye gisubikwa cyangwa rukamuca ihazabu yonyine, afungurwa ako kanya kabone n’iyo habayeho ubujurire.

Icyakora, Ubushinjacyaha bushobora, bumaze kujurira, gusaba Urukiko rwajuririwe ko ukurikiranyweho kimwe mu byaha bivugwa muri iyi ngingo kandi hari ibimenyetso bifatika ko gufungurwa kwe kwahungabanya umutekano rusange yongera gufungwa by’agateganyo kugeza igihe urubanza rwajuririwe ruciriwe.

Ibyo byaha ni ibi bikurikira:Jenoside; Ibyaha byibasiye inyokomuntu; Ibyaha by’intambara; Ibyaha byo guhohotera umwana; Ibyaha bigamije guhungabanya umutekano w’Igihugu cyangwa w’ibindi bihugu; Ibyaha by’iterabwoba; Ibyaha byo kugambanira Igihugu n’ibyaha by’ubutasi.

2. GUSUBIRISHAMO URUBANZA (Opposition)

Gusubirishamo urubanza bigamije ko urubanza rwaciwe uregwa adahari rwongera kuburanishwa. Gusaba ko urubanza rusubirishwamo bisabwa n’uwarezwe mu rukiko rwaciye urubanza rusabirwa gusubirishwamo. Bikorwa mu buryo bumwe n’ubwo gutanga ikirego.

Umwanzuro usaba ko urubanza rusubirishwamo ugomba kugaragaza impamvu zikomeye zatumye ubisaba ataboneka mu iburanisha ry’urubanza rusabirwa gusubirishwamo.

Gusubirishamo urubanza bikorwa mu gihe kitarenze iminsi cumi n’itanu (15) uhereye igihe usaba gusubirishamo urubanza abimenyeye (Ubundi mbere amategeko yateganyaga iminsi 10)

Iyo nta bimenyetso bigaragaza ko uwaciriwe urubanza adahari yabonye imenyesha, ashobora gusaba kurusubirishamo igihe cyose igihano kitarasaza cyangwa igihe cyose urubanza rutararangizwa ku byerekeye indishyi.

Gusubirishamo urubanza byemerwa gusa iyo uregwa utaritabye mbere agaragaje impamvu ikomeye yamubujije kwitaba. Urukiko rwaregewe rugena mu bushishozi bwarwo agaciro ruha impamvu itanzwe yatumye umuburanyi atitaba.

Icyakora, uwakatiwe n’Inkiko Gacaca atari mu gihugu yemerewe gusaba gusubirishamo urubanza mu nkiko zibifitiye ububasha iyo ageze mu gihugu. Iyo yizanye ku bushake bwe, akurikiranwa adafunze kugeza hafashwe icyemezo, aha gusubirishamo urubanza bikorerwa mu rukiko rw’ibanze.

Uwasabye ko urubanza rwaciwe adahari rusubirwamo ategetswe kwitaba ku giti cye. Iyo mu rubanza rwaciwe adahari yari ategetswe kuba ahari, cyangwa igihe urubanza rwaciwe adahari rwategetse ko kugira ngo gusaba ko rusubirwamo byemerwe, nyiri ukubisaba agomba kurubonekamo.

Iyo uwasabye ko urubanza rwaciwe adahari rusubirwamo yongeye kutitaba, kurusubirishamo ntibiba bicyemewe keretse iyo yongeye akagaragaza impamvu zikomeye kandi zidasanzwe zatumye ataboneka.

Gusubirishamo urubanza rwaciwe uregwa adahari bihagarika irangiza ryarwo. Icyakora urukiko rwaciye urubanza uregwa adahari, rushobora gutegeka mu gihe icyaha kimuhamye, ko ahita afatwa agafungwa n’ubwo bwose yasubirishamo urubanza.

Urukiko rwaciye urubanza uregwa adahari rushobora kandi no gutegeka ko uwahamwe n’icyaha afatwa agafungwa iyo habonetse impamvu zikomeye kandi zidasanzwe.

Iyo isubirishamo ry’urubanza rwaciwe uregwa adahari ryemewe, urubanza rwaciwe mbere nta gaciro ruba rugifite. Urukiko rwongera kuburanisha bundi bushya urubanza mu ngingo zarwo zose. Iyo idosiye iregwamo abantu benshi bamwe bakitaba abandi ntibitabe, abaregwa bose barongera bagahamagarwa.

Iyo mu isubirishamo urubanza ubushinjacyaha butabonetse, ucyekwaho icyaha ararekurwa mu gihe akurikiranyweho icyaha gihanishwa igihano kiri munsi y’imyaka 5 y’igifungo. Gusa ntabwo ibi bikorwa ku cyaha cy’ubugome (Felony) ni ukuvuga icyaha gihanishwa igifungo kiri hejuru y’imyaka itanu (5) kugeza ku gifungo cya burundu.

Ubushinjacyaha bubikora mu gihe kitarenze amasaha mirongo ine n’umunani (48) uhereye igihe urubanza rwasomeweho kandi urukiko na rwo rukabifataho icyemezo mu gihe kitarenze ayo masaha.

3.GUSUBIRISHAMO URUBANZA INGINGO NSHYA (Application for Review)

Gusubirishamo urubanza ingingo nshya ni ugushaka ko urubanza rwaciwe burundu ruvanwaho rukongera gusuzumwa bundi bushya hubahirijwe impamvu ziteganywa n,amategeko.

Gusubirishamo urubanza ingingo nshya bishobora gukorwa n’aba bakurikira: Ubushinjacyaha ; uwahamwe n’icyaha; cyangwa uwaregeye indishyi.

Iyo uwaciriwe urubanza cyangwa uwakorewe icyaha yapfuye, yazimiye cyangwa yabuze, gusaba gusubirishamo urubanza ingingo nshya bishobora gukorwa n’uwo bashakanye, umwana we cyangwa abandi amategeko yemerera kumuzungura, uwo yaraze ibye, cyangwa uwo yasize ashinze ubwo butumwa.

Gusubirishamo urubanza ingingo nshya bisabwa mu rukiko rwaciye urubanza mu rwego rwa nyuma, rukaburanishwa n’inteko itararuburanishije mbere. Icyakora, urubanza rwaciwe n’urukiko Gacaca rusubirishwamo mu Rukiko rw’Ibanze.
Urubanza rushobora gusubirishwamo ingingo nshya kubera imwe mu mpamvu zikurikira:

1° ushinjwa amaze gucirwa urubanza rw’uko yishe umuntu, hanyuma hakaboneka ibimenyetso bihagije byemeza ko uwo bakeka ko yishe atapfuye.

2° bamaze gucira ushinjwa urubanza ku cyaha yashinjwaga, hakaboneka urundi rubanza nk’urwo rwahannye undi muntu kandi rumuhanira icyo cyaha, izo manza zombi zivuguruzanya zikaba zigaragaje ko umwe mu bakatiwe yarenganye.

3° iyo habayeho ruswa muri urwo rubanza yemejwe n’urukiko kandi ikaba yaragize ingaruka ku mikirize yarwo.

4° iyo haciwe urubanza bashingiye ku mpapuro, ku buhamya cyangwa indahiro byaje kugaragara cyangwa kwemezwa n’urukiko ko ari ibihimbano nyuma y’icibwa ry’urwo rubanza.

5° iyo kuva aho urubanza ruciriwe, habonetse ikimenyetso gishya kimara impaka kigaragaza neza akarengane katewe n’urubanza rusabirwa gusubirwamo.

6° iyo urubanza rushingiye ku byakozwe mu iburanisha bikozwe mu izina ry’umuntu utarigeze atanga ubwo bubasha mu buryo ubwo ari bwo bwose, cyangwa ngo yemere cyangwa yemeze ibyakozwe.

Ku bijyanye n’imanza zaciwe n’Inkiko Gacaca, gusubirishamo urubanza ingingo nshya byemerwa gusa iyo uwakatiwe urubanza yerekanye ko uwo yashinjwaga kwica akiriho.

Gusubirishamo urubanza ingingo nshya ntibirubuza kurangizwa, keretse iyo iryo rangizwa ryahagaritswe n’urukiko rwaregewe gusubirishamo urubanza ingingo nshya. Urubanza ruciwe ku kirego cyo gusubirishamo urubanza ingingo nshya, ntirwemera inzira z’ubujurire izo ari zo zose uretse kurusubirishamo ku mpamvu z’akarengane.

Igihe ntarengwa cyo kuregera gusubirishamo urubanza ingingo nshya rwaciwe burundu ni amezi abiri (2) kuva igihe impamvu ituma urwo rubanza rusabirwa gusubirwamo yabonekeye.

5. GUSUBIRISHAMO URUBANZA INGINGO NSHYA KU MPAMVU Z’AKARENGANE

Gusubirishamo urubanza ingingo nshya ku mpamvu z’akarengane bikorwa iyo hari impamvu zikurikira:

Iyo urubanza rwaciwe hagaragayemo ruswa, itonesha cyangwa ikimenyane, iyo umucamanza yafashe icyemezo atagendeye ku byo amategeko ateganya, n’iyo urubanza rwaciwe rutarangijwe neza.

Ikirego cyo gusubirishamo urubanza ingingo nshya ku mpamvu z’akarengane gitangwa mu gihe cy’iminsi 30 uhereye igihe ababuranyi bamenyesherejwe icyemezo cy’urukiko. Iki kirego mbere cyatangwaga mu rwego rw’Umuvunyi ariko ubu gitangwa mu rukiko rukuru (High Court).

Ubu ni uburyo ushobora gukoresha mu gihe cyose waba utishimiye imikirize y’urubanza cyangwa se wahuye n’akarengane mu manza z’inshinjabyaha. Ubutaha tuzareba n’uburyo bwo kujurira buteganywa n’amategeko mu manza mbonezamubano (Civil Cases) aho kuri ubu ho hanakoreshwamo uburyo bwo ‘gutambamira urubanza’.

Ubu buryo ntabwo umuntu ari we ubwihitiramo gusa aba agomba kugendera ku mpamvu ziteganwa n’amategeko kugira ngo ikirego gitanzwe hifashishijwe ubu buryo kigire agaciro.

Mu gutegura iyi nkuru, twifashishije itegeko igihugu cy’u Rwanda gisanzwe kigenderaho nk’itegeko Nº 027/2019 ryo ku wa 19/09/2019 Itegeko ryerekeye imiburanishirize y’imanza z’inshinjabyaha.

Rusesabagina yavuze ko yikuye mu rubanza

Rusesabagina wari wagarutse imbere y’ Urugereko rwihariye ruburanisha Ibyaha Mpuzamahanga n’Ibyambukiranya Imipaka ruherereye i Nyanza mu Majyepfo y’u Rwanda ajuririra icyemezo cyo gukomeza gufungwa cyafashwe n’urukiko ku busabe bw’ubushinjacyaha yasabye ko aho afungiye adahabwa uburenganzira bwo kwiga dosiye ye ngo ayigireho amakuru.

Mu byo yasabye urukiko harimo kumushyirira mu cyumba cye mudasobwa ihoramo murandasi (internet), imashini ifotora (Printer) byo kujya bimworohereza gutegura urubanza rwe .

Mu bindi yasabye harimo guhabwa amezi atandatu yo gutegura neza urubanza kuko avuga ko atigeze agira uburenganzira busesuye kuri dosiye ye. Yanasabye ko yemererwa abanyamategeko be bo mu Bubiligi bakaza kumwunganira mu rubanza rwe.

Impamvu Rusesabagina yatanze ubushinjachaha bukuriwe n’umushinjacyaha mukuru wungirije muri uru rubanza madamu Habyarimana Angelique bwavuze ko gusaba amezi atandatu ari amayeri yo gushaka gutinza urubanza kuko Rusesabagina amaze amezi 4 azi ibikubiye muri dosiye aregwa.

Ku bijyanye no kunganirwa n’abanyamategeko bo hanze baturutse mu gihugu cy’u Bubiligi barimo Vincent Larquin avuga ko yari asanzwe ari umunyamategeko we, ubushinjacyaha bwemeye ko ari uburenganzira bwe kunganirwa n’uwo yihitiyemo nk’uko biteganywa n’ingingo ya 68 y’itegeko rigenga imiburanishirize y’imanza z’inshinjabyaha.

Hisunzwe ingingo ya 7 y’itegeko nº 83/2013 ryo ku wa 11/09/2013 rishyiraho urugaga rw’abavoka mu Rwanda, rikanagena imitunganyirize n’imikorere byarwo Ubushinjachaha bwavuze ko bidashoboka ko yakunganirwa n’abavoka bavuye mu Bubiligi na CANADA na Australia kuko itegeko riteganya ko bibaho mu gihe amategeko y’igihugu uwo mwunganizi (Avocat) akomokamo atabuza Abanyarwanda uburenganzira bwo kunganira abantu mu gihugu uwo mwunganizi na we akomokamo kandi bitanyuranyije n’amasezerano mpuzamahanga.

Ku bw’ubushinjacyaha ngo kuba rero Abanyarwanda batemerewe kujya kunganira abantu mu nkiko zo mu Bubiligi no muri CANADA na Autralia ngo ntabwo abunganizi Rusesabagina yifuza bakomoka muri ibyo bihugu na bo bakwiriye guhabwa ubwo burenganzira bwo kunganira abantu mu Rwanda.

Rusesabagina wakunze kugaragaza inzitizi kuva ku munsi wa mbere ubwo yitabaga urukiko, yabishimangiye ku wa Gatanu imbere y’Inteko Iburanisha avuga ko hari uburenganzira bwe bw’ibanze butubahirijwe bityo ko ahagaritse urubanza rwe.

Yagize ati “Ndagira ngo mbwire urukiko n’ubucamanza ko uburenganzira bwanjye bw’ibanze bwo kwiregura no kugira uburenganzira ku rubanza ruboneye, urukiko rwanze kubwubahiriza.”

Yakomeje agira ati “Kuba rero uburenganzira bwanjye bwanze kubahirizwa, ndagira ngo menyeshe urukiko ko nta butabera na bumwe ntegereje hano bityo nkaba mbamenyesha ko ntazongera kwitabira uru rubanza. Urubanza rwanjye ndaruhagaritse.”

Umucamanza wari uyoboye iburanisha abajije umwe mu banyamategeko be Maitre Rudakemwa Felix, yavuze ko ntacyo yarenza ku byo uwo yunganira avuze kuko asanga ari uburenganzira bwe.

Dr Kayitana Evode , Umwalimu w’amategeko muri Kaminuza y’u Rwanda no muri Kaminuza yigenga ya Kigali (ULK ) akaba n’inzobere mu ishami ry’imanza nshinjabyaha avuga ko kwivana mu rubanza ari uburenganzira bw’umwe mu baburanyi bityo ko amategeko abimwemerera.

Dr Kayitana yagize ati “Hari ababuranyi benshi baba bafunzwe batumizwa mu rukiko kuburana ntibitabe, iyo Urukiko rusanze rwaragutumije mu buryo bwemewe n’amategeko agasinya kuri assignation yarangiza ku munsi wo kwitaba ntiyitabe urukiko rumuburanisha nk’umuntu udahari.”

Kayitana yakomeje avuga ko mu itegeko ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi ryasohotse muri 2018 rivuga ko iyo ababuranyi ari benshi umwe muri bo cyangwa bamwe muri bo bakanga gukomeza urubanza kandi baratumijwe urubanza rukomeza rukazafatwa nk’aho rwaburanishijwe bahari, ngo kuba Rusesabagina yari ari kumwe n’abandi bantu 20 bareganwa urubanza ruzakomeza.

Ati “Nibamugeraho ngo yisobanure akabura bazavuga ko bamutumije mu buryo bwemewe n’amategeko akanga kwitaba hanyuma bavuge ko bagiye gusuzuma ibimenyetso by’ubushinjacyaha nibasanga bifite ireme icyaha bazakimuhamya.”

Dr Kayitana Evode yakomeje avuga ko nk’umuntu ufunze kandi ubushinjacyaha bwakoresha ubundi buryo bwo kujya kumuzana mu Rukiko akaburana akaza akanga kuvuga ari mu Rukiko ngo kuko nta burenganzira bwo kwanga kwitaba uregwa agenerwa uretse uburenganzira bwo kwanga kuvuga kuko ari bwo bwanditse busanzwe buzwi.

Iki gihe ngo urukiko rumugezeho akanga kwiregura byaba bigaragara ko yahawe ubwo burenganzira akanga kubera ko afite uburenganzira bwo guceceka.

Abajijwe niba bitaba bihabanye n’ihame ry’ubutabera buboneye (Fair Trial ) yavuze ko bitaba bibangamiye ubwo burenganzira kuko bavuga ko bwabangamiwe iyo uregwa yimwe umwanya wo kwiregura.

Ati “Kugira ngo avuge ko ihame ry’ubutabera buboneye (Fair Trial) ryishwe na none ni igihe yavuga ko yimwe igihe gihagije cyo gutegura urubanza. Icyo gihe urukiko nabwo ni rwo rusuzuma kandi urukiko rureba niba igihe cyo gutegura urubanza wasabye atari ukunanizanya mu rwego rwo gutinza urubanza, rushobora gusuzuma rukavuga ko amezi atandatu adakwiriye.”

Dr Evode Kayitana yakoze ubusesenguzi

Rusesabagina wari wasabye amezi 6 yo kwiga urubanza impamvu ze ntabwo zemewe ngo ahabwe icyo gihe.

Urukiko rwafashe umwanzuro ko urubanza rukomeza noneho Rusesabagina akazisobanura nyuma y’abandi mbere y’uko urubanza ruburanishwa mu mizi (Hearing the case on Merits) amaze gusoma dosiye yose no kuyiga.

Mu bindi urukiko rwasabye, rwasabye gereza ya Mageragere kujya imuha igihe gihagije cyo kumworohereza kwiga dosiye ye. Urubanza ruracyakomeje aho harimo kumvwa abareganwa na Paul Rusesabagina, Urukiko rwavuze ko na we niyongera kugerwaho azahabwa umwanya n’ubwo we yavuze ko atazagaruka mu rubanza.
.
Mu gihe cyo kwikura mu rubanza iyo ruburanishijwe n’ubundi nk’uko bisanzwe icyemezo cy’urukiko gishingira ku bimenyetso byatanzwe n’uwareze. Iyo uwareze atagaragaza ibimenyetso bituma uwarezwe ahamwa n’ibyaha ashobora kugirwa umwere kabone n’iyo yaba yarikuye mu rubanza.

Uretse kwikura mu rubanza, amategeko y’u Rwanda anateganya ko uregwa ashobora kwihana umucamanza cyangwa se inteko iburanisha.

Ingingo ya 103 n’iya 106 z’itegeko ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi ziteganya uko bigenda mu gihe umuburanyi ahisemo kwihana umucamanza.

Ingingo ya 106, iteganya ko kwihana umucamanza bikorwa mu nyandiko igihe cyose urubanza rutaracibwa. Uwihannye Umucamanza mu iburanisha agomba kwandikira Perezida w’Urukiko inyandiko isobanura impamvu z’ubwihane mu gihe kitarenze umunsi umwe ukurikira uwo iburanisha ryabereyemo ubwihane.

Amategeko kandi anateganya kwivana mu rubanza k’uwareze ( uwaregeye Urukiko). Uyu ashobora kwivana mu rubanza mu gihe yaba atakirubonamo inyungu cyangwa yaba adafite ibimenyetso bihagije. Urugero kwivana mu rubanza bishobora gukorwa n’ubushinjacyaha.

Amategeko ateganya ko ikirego kizima nk’uko ingingo ya 5 y’itegeko ryerekeye imiburanishirize y’imanza z’inshinjabyaha rya 2019 ibivuga aho igira iti “Mu gihe uwari wareze yemeye kureka ikirego igihe biteganywa n’amategeko, icyo kirego kirazima.”

Ntabwo ari ubwa mbere kwivana mu rubanza bibayeho mu Rwanda n’ahandi

Kwivana mu rubanza ariko si ubwa mbere bibayeho mu Rwanda kuko byanabaye mu rubanza rwa Ingabire Victoire RP 0081-0110/10/HC/KIG rwari ruhuriwemo n’abo bareganwaga ubwo yaburanaga n’ubushinjacyaha bw’u Rwanda bwamuregaga icyaha cy’ingengabitekerezo ya Jenoside, icyaha cy’ubufatanyacyaha mu bikorwa by’iterabwoba, icyaha cyo gukurura amacakubiri, icyaha cyo kwamamaza nkana ibihuha bigamije kwangisha rubanda ubutegetsi buriho, icyaha cyo kurema umutwe w’ingabo bagamije igitero cy’intambara n’ icyaha cy’ubwinjiracyaha mu cyaha cyo kugirira nabi ubutegetsi buriho.

Mu iburanisha ryo ku wa 16/04/2012, Ingabire Umuhoza Victoire yamenyesheje urukiko ko atazongera kuburana no kwitaba urukiko, asaba n’abavoka be kutongera kuburana. Ubushinjacyaha na bwo bwasabye ko ategekwa kwitaba urukiko n’ubwo yafata icyemezo cyo kutagira icyo avuga kandi busaba ko mu nyungu z’ubutabera hagenwa umu avoka urengera inyungu z’uregwa.

Urukiko rwemeje ko atari ngombwa guhatira Ingabire Umuhoza Victoire kurwitaba ariko ko umwanditsi w’Urukiko azamumenyesha itariki urubanza ruzakomerezaho n’aho iburanisha rizabera. Rwemeje kandi ko atari ngombwa ko agenerwa umu avoka uhagarariye inyungu ze muri uru rubanza.

Icyo gihe urubanza rwarakomeje Urukiko Rukuru rwemeza ko Ingabire Umuhoza Victoire ahamwa n‘icyaha cy’ubugambanyi bwo kugirira nabi ubutegetsi buriho n’ingingo z’imena z’Itegeko-Nshinga hakoreshejwe iterabwoba n’igitero cy’intambara n’icyaha cyo gupfobya Jenoside ahanishwa igufungo cy’imyaka cumi n’itanu (15 ) ariko nyuma aza guhabwa imbabazi na Perezida wa Repubulika.

Mu mwaka wa 2007 mu rubanza No. ICTR-99-52-A ubushinjacyaha bw’Urukiko Mpuzamahanga Mpanabyaha Rwashyiriweho u Rwanda (ICTR bwari bukuriwe n’umushinjacyaha Hassan Bubacar Jallow bwaregagamo Ferdinanand Nahimana, Jean Bosco Barayagwiza na Hassan Ngeze, umwe mu baregwaga ari we Jean Bosco Barayagwiza yikuye mu rubanza.

Muri uru rubanza, Barayagwiza wunganirwaga n’abanyamategeko Donald Herbert na Tanoo Mylvagana. Urukiko rwa ICTR rwanzuye ko rukomeza gukorana n’abanyamategeko be urubanza rugakomeza kuburanishwa.

Muri uru rubanza Barayagwiza Jean Bosco yaraburanishijwe ahanishwa igifungo cy’imyaka 35 kiza kugabanywa kijya ku myaka 32 nyuma yo guhamwa n’icyaha cyo gukangurira rubanda gukora Jenoside (Incitement to Genocide) n’ibindi byaha bifitanye isano na Jenoside yakoze akoresheje umuyoboro w’itangazamakuru nka KANGURA na Radio RTLM no kuba mu mpuzamigambi z’ishyaka rya CDR.

Mu Rukiko Mpuzamahanga Mpanabyaha Rwashyiriweho u Rwanda (ICTR) urundi rubanza kwikura mu rubanza byabayeho ni urwa André Rwamakuba, washinjwaga ibyaha bya Jenoside yakorewe Abatutsi aho yavuze ko atazongera kugaruka imbere y’urukiko.

Ageze mu Rukiko ku munsi wa mbere w’iburana, yagize ati “Ntabwo nzongera kuza kuburanira imbere y’uru rukiko ruyoborwa na satani, ntabwo nzongera kuza kwitaba kuko mbona umucamanza ari nko kuburana na satani.”

Urukiko rugendeye ku ngingo ya 18 igendanye no kwivana mu rubanza no kwihana umucamanza, perezida w’Urukiko yashyizeho inteko y’abacamanza 3 bashinzwe kwiga kuri iki kibazo birangira iyo nteko igaragaje ko impamvu za André Rwamakuba zifite ishingiro maze umucamanza arasimbuzwa urubanza rurakomeza.

Muri urwo rubanza rwa Rwamakuba rwabaye rukarinda rurangira atitabye yaratsinze urukiko ruramurekura nyuma yo kugirwa umwere.

Kwivana mu rubanza byanabaye mu gihugu cya Senegal k’uwahoze ari Perezida wa Tchad Hissène Habré wabaga muri Senegal aho yari yarahungiye nyuma yo gukatirwa igihano cy’urupfu mu 2008 n’urukiko rw’i Ndjamena muri Tchad.

Uyu mugabo waregwaga ibyaha yakoreye muri TCHAD aho yanakomokaga na we yivanye mu rubanza ubwo yaburanishwaga n’urukiko rudasanzwe rwari rwashyizweho n’umuryango w’ubumwe bwa Afurika . Urubanza rwe rwarakomeje mu 2016 aza no gukatirwa igifungo cya burundu nyuma yo guhamwa n’ibyaha byibasiye inyokomuntu, gufata abagore ku ngufu n’ibindi.

Mu rwego rwo kubafasha kwihugura mu mategeko, uyu munsi Kigali Today yateguriye abasomyi bayo inkuru igendanye n’ibyaha bikorerwa mu rukiko mu gihe cy’iburanisha kugira ngo barusheho kumenya ibyo kwitwararika iyo bageze mu rukiko.

Mbere yo kujya kuri iyi nkuru reka tubanze dusobanukirwe itandukaniro ry’icyaha cyo kurogoya urukiko (Delit d’Audience) n’ibyaha bindi bisanzwe bishobora gukorwa mu gihe cy’iburanisha ( Delit Commis à l’audience).

Umwalimu w’amategeko muri Kaminuza nkuru y’u Rwanda no muri Kaminuza yigenga ya Kigali (ULK), Dr Kayitana avuga ko ibi byaha byombi bitandukanye.

Mwalimu Kayitana Evode agira ati “Icyaha cyo kurogoya urukiko (Delit d’Audience) bivugwa ko cyabayeho iyo umuntu ashakuje, akavuza ibintu biteza urusaku, akarangaza abacamanza cyangwa akiha ijambo mu gihe cy’iburanisha.”

Akomeza avuga ko icyaha gisanzwe gishobora gukorerwa mu rukiko mu gihe cy’iburanisha (Delit Commis à l’audience) gitandukanye n’icyaha cyo kurogoya urukiko (Delit d’Audience) kuko cyo ni icyaha gisanzwe cyakorewe mu rukiko rurimo ruburanisha nko kuba wakubita umuntu urushyi, wamufata ku ngufu, wakwica umuntu, cyangwa ukamukorera ibindi. Ibi byaba ari ibyaha bisanzwe bikorewe mu rukiko, bikaba bitandukanye no kurogoya urukiko.

Aha mwalimu Kayitana Evode avuga ko iki kitakagombye kwitwa icyaha mu gihe ukora igikorwa cyo gufata amashusho n’amajwi yatse uruhushya, akaba ari kubikora neza adateza akavuyo cyangwa ngo arangaze abari mu rukiko. Gusa iyo umucamanza amusabye kubihagarika akabyanga byitwa icyaha kikajya mu cyiciro cy’ibyaha bisanzwe bikorwa mu gihe cy’iburanisha.

Ibi byaha byari mu cyiciro cya Délit d’Audience mbere y’ivugururwa ry’amategeko ryavuguruye igitabo giteganya ibyaha n’ibihano muri rusange cyari gisanzweho. Ubu byavuyeho ntabwo kikiriho kuko amategeko avuga muri rusange ibyaha bisanzwe bikorerwa mu rukiko mu gihe cy’iburanisha.

Kuba icyaha cyo guteza akavuyo mu rukiko (Delit d’Audience) kidateganywa mu gitabo giteganya ibyaha n’ibihano muri rusange ntabwo kikiri icyaha mu buryo bwihariye ubu itegeko rivuga muri rusange ibyaha bisanzwe byakorewe mu rukiko mu gihe cy’iburanisha (Delit Commis à l’audience ). Aha ni ho dusanga ibyaha byahoze muri kiriya cyiciro bikurikira:

Icyaha cyo guhungabanya umutekano mu rukiko mu gihe cy’iburanisha, kubura ikinyabupfura mu rukiko mu gihe cy’iburanisha, kwambara imyambaro itaboneye mu rukiko mu gihe cy’iburanisha , no gutuka cyangwa gusagarira abari mu nzego z’ubutabera mu gihe cy’iburanisha.

Urugero rutangwa ni uko nta gihano gisobanutse kihariye ubu bavuga cyateganyijwe kuri biriya byaha byahoze muri kiriya cyiciro mu itegeko rigena ibyaha n’ibihano muri rusange (Penal code) rya 2018. Aha bavuga muri rusange ibyaha bisanzwe bikorerwa mu rukiko mu gihe cy’iburanisha (Delit commis à l’Audience)

Gufata amajwi n’amashusho mu rukiko nta ruhushya

Ingingo ya 71 y’itegeko No 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi n’itegeko Nº 027/2019 ryo ku wa 19/09/2019 Itegeko ryerekeye imiburanishirize y’imanza z’inshinjabyaha zivuga ko uretse ababiherewe uburenganzira bwihariye na Perezida w’urukiko, undi wese ushaka gufata amajwi n’amashusho mu cyumba cy’iburanisha abikora mbere y’uko inteko iburanisha yinjira cyangwa nyuma iburanisha rishojwe, inteko y’urukiko imaze gusohoka mu cyumba cy’iburanisha.

Nta muntu wemerewe kwinjirana telefoni n’ibindi bikoresho bifata amajwi n’amashusho birangaza mu cyumba cy’iburanisha, uretse ababuranyi n’ababunganira babikoresha mu nyungu z’urubanza.

Iyo babikoresheje mu buryo bunyuranye n’amategeko bacibwa ihazabu mbonezamubano y’amafaranga y’ u Rwanda atari munsi y’ibihumbi magana abiri (200.000) ariko atarenze ibihumbi magana atanu (500.000). Iyo hari ufatanywe ibikoresho bibujijwe mu iburanisha nta ruhushya, arabyamburwa bigafatirwa akabisubizwa byamaze kugenzurwa, byaba ngombwa bigafatirwa burundu bigashyirwa mu mutungo wa Leta. Umucamanza afata icyemezo kigaragaza ibyafatiriwe n’aho bigomba kujya.

Mu itegeko ryerekeye imiburanishirize y’imanza nshinjabyaha ryasohotse mu 2019 na ho hateganya ko bitemewe gufata amajwi n’amashusho mu gihe cy’iburanisha uretse iyo ubyifuza abiherewe uburenganzira na Perezida w’Urukiko mbere y’uko iburanisha riba.

Ingingo ya 136 y’iri tegeko ivuga ko uretse ababiherewe uburenganzira bwihariye na Perezida w’Urukiko, undi wese ushaka gufata amajwi n’amashusho mu rukiko abikora mbere y’uko inteko iburanisha yinjira cyangwa nyuma iburanisha rishoje inteko y’urukiko imaze gusohoka mu cyumba cy’iburanisha. Icyakora, abashaka kugira icyo bandika kijyanye n’iburanisha bemerewe kwandika.

Uburenganzira bwo gufata amajwi n’amashusho mu iburanisha busabwa mu nyandiko nibura mu gihe cy’amasaha mirongo ine n’umunani (48) mbere y’iburanisha. Perezida w’urukiko afata icyemezo cyemera cyangwa cyimana uburenganzira bwo gufata amajwi n’amashusho mbere y’uko iburanisha ritangira amaze gusuzuma ko nta ngaruka byagira ku nyungu z’ubutabera, umutekano w’Igihugu n’uw’ababuranyi n’umuco mbonezabupfura. Icyo cyemezo kimenyeshwa uwasabye uburenganzira bwo gufata amajwi cyangwa amashusho mu iburanisha mbere y’uko iburanisha ritangira.

Haba mu itegeko rijyanye n’imiburanishirize y’imanza nshinjabyaha, imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi no mu mabwiriza ya perezida w’urukiko rw’ikirenga bavuga ko Icyakora, abashaka kugira icyo bandika kijyanye n’iburanisha bemerewe kwandika ariko ntibakore ibikorwa birimo gufata amajwi n’amashusho mu gihe batabanje kubihererwa uburenganzira.

Guhungabanya umutekano mu rukiko mu gihe cy’iburanisha

Ingingo ya 80 y’itegeko ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi n’ Itegeko ryerekeye imiburanishirize y’imanza z’inshinjabyaha mu ngingo ya 135 amategeko avuga ko :

Iyo mu rukiko cyangwa ahandi hose abacamanza baburanishiriza, umwe cyangwa benshi mu bantu bahari bateye urusaku, bagaragaje ko bagize icyo bashima cyangwa bagaya, bagatera cyangwa bakogeza imvururu mu buryo ubwo aribwo bwose, uyobora iburanisha arabacyaha, bakomeza akabirukana byaba ngombwa akitabaza inzego z’umutekano, bitabujije ibindi bihano biteganywa n’amategeko.

Iyo imvururu zitewe n’umuburanyi, uyoboye iburanisha aramucyaha, akamumenyesha ko nakomeza amwirukana urubanza rugakomeza kuburanishwa nk’aho ahari. Iyo bamusohoye akanga, uyoboye iburanisha yitabaza ushinzwe umutekano akamusohora ku ngufu, bitabujije ibindi bihano biteganywa n’amategeko.

Iyo imvururu zitewe n’umuntu ufite umurimo mu rukiko urugero nk’uwunganira uregwa mu mategeko cyangwa undi , hakurikizwa ibiteganyijwe mu gika cya mbere cy’izi ngingo.

Kutubahiriza imyitwarire yo kurangwa n’ikinyabupfura mu rukiko mu gihe cy’iburanisha

Itegeko rigendanye n’imiburanishirize y’imanza nshinjabyaha mu ngingo ya 133 , n’itegeko iryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi mu ngingo ya 78 amategeko ateganya ko mu migirire yabo no mu magambo yabo, abafite ijambo mu rubanza bose bagomba kugirira ikinyabupfura abacamanza, abanditsi, abo baburana n’abantu bari aho.
Bavuga ibyerekeye urubanza ntacyo bishisha ariko bavugana icyubahiro gikwiye ubutabera kandi bagasobanura neza ingingo zabo kugira ngo abacamanza babashe kuzumva.

Utandukiriye akavuga ibidahuye n’ikiburanwa cyangwa ugira ikinyabupfura gike, uyoboye iburanisha aramucyaha. Yakomeza cyangwa yavuga amagambo atarimo ikinyabupfura, akamucecekesha akanya, akabigira mu buryo bwiza yirinda guhutaza umuburanyi.

Ibyo umucamanza ategetse byose byerekeye umutekano kugira ngo iburanisha rigende neza bihera ko bikurikizwa nk’uko abitegetse.

Kwambara imyambaro itaboneye mu rukiko mu gihe cy’iburanisha

Urukiko rufatwa nk’ahantu hihariye hagombwa icyubahiro , niyo mpamvu uzabona uashaka ijambo wese aba agomba kubanza kurisaba umucamanza akabikora mu cyubahiro amwita nyakubahwa cyangwa akamwita honorable mu gihe avuga igifaransa cg my Lord ku bakoresha icyongereza.

Burya ntabwo ari imyambaro yose wajyana mu rukiko, amategeko ateganya ko Bibujijwe kwambara imyambaro ibangamiye icyubahiro kigomba Urukiko ahabera imirimo y’iburanisha.

Gutuka cyangwa gusagarira abari mu nzego z’ubutabera

Ingingo ya 260 mu gitabo cy’amategeko giteganya ibyaha n’ibihano muri rusange (Penal code ) cya 2018 kivuga ko Umuntu wese utuka cyangwa usagararira umugenzacyaha, umushinjacyaha, umucamanza, uwunganira abandi mu nkiko, intumwa ya Leta, umwanditsi w’inkiko, umuhesha w’inkiko, umwunzi cyangwa umukemurampaka mu kazi ke cyangwa se ku bw’akazi ke bigamije kumwandagaza cyangwa kumutesha icyubahiro ahabwa n’akazi ke, hakoreshejwe amagambo, amarenga, ibimenyetso, ibikangisho, inyandiko, ishusho iyo ari yo yose, aba akoze icyaha. Iyo abihamijwe n’urukiko, ahanishwa igifungo kitari munsi y’umwaka umwe (1) ariko kitarenze imyaka ibiri (2) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW).
Iyo gutukana cyangwa gusagarira bikozwe mu gihe cy’iburanisha, ibihano biba igifungo kitari munsi y’imyaka ibiri (2) ariko itarenze imyaka itatu (3).

Imiburanishirize y’imanza ku byaha bikorewe mu iburanisha

Ingingo ya 81 y’itegeko No 22/2018 ryo ku wa 29/04/2018 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi ivuga ko mu gihe cy’iburanisha iyo hakozwe icyaha gihanishwa igihano kitarenga igifungo cy’imyaka itanu (5), urukiko, rushobora guhera ko ruhana uwagikoze kabone n’ubwo rwaba rudasanganywe ububasha bwo kuburanisha mu rwego rwa mbere bene ibyo byaha.

Muri icyo gihe, umucamanza ahagarika iburanisha, agategeka ushinzwe umutekano gusohora uwakoze icyaha, agasaba abari mu iburanisha kugira ituze. Umwanditsi akora inyandiko mvugo y’ibyabaye.

Umucamanza ahita yandika urubanza ashingiye ku byabaye n’amategeko yishwe, hanyuma agahamagaza uwo bari basohoye, akamusomera urubanza amuciriye mu ngingo zarwo zose, agasubukura iburanisha.

Nta yindi mihango ikorwa cyangwa ngo ababuranyi bahabwe ijambo kugira ngo bagire icyo bavuga ku cyaha cyakozwe

Iyo icyaha cyakorewe mu iburanisha gihanishwa igifungo kirenze imyaka itanu (5), Umucamanza ategeka ko abashinzwe umutekano bafata uwagikoze, akandika inyandikomvugo isobanura neza ibyabaye, uwakoze icyaha akohererezwa Umushinjacyaha ubifitiye ububasha hamwe na dosiye ye kugira ngo itegurwe, izaregerwe urukiko. Ibyemezo bifashwe bihita bishyirwa mu bikorwa nta kuzuyaza.

Aha ariko nanone amategeko ateganya ko uba aciriwe urubanza aba afite uburyo bwo kujuririra icyemezo cy’urukiko nkuko biteganwa n’ Ingingo ya 82 y’iri tegeko.

Iyo uwahungabanyije umutekano ahawe igihano cy’igifungo kivugwa mu ngingo ya 81 y’iri tegeko, ashobora kujuririra urukiko rwisumbuyeho mu gihe kitarenze iminsi itanu (5).

Iyo inyandiko y’ubujurire igeze mu rukiko, Urukiko rwajuririwe rutumiza kopi y’inyandikomvugo y’iburanisha ry’urubanza rwakorewemo intugunda na kopi y’urubanza rwafunze uwo wajuriye.

Dosiye yose yohererezwa Ubushinjacyaha kugira ngo bwitegure kuzaza kuyiburana.
Ubushinjacyaha, buhereye kuri dosiye bwashyikirijwe, bushobora gukora iperereza ryuzuza ibiyikubiyemo. Muri urwo rubanza rw’ubujurire, hatumizwamo uwajuriye, ubushinjacyaha n’abatangabuhamya iyo bakenewe.

Urwo rubanza rucibwa mu gihe kitarenze iminsi cumi n’itanu (15) uhereye igihe iburanisha ryarwo ryarangiriye kandi ntirushobora kongera kujuririrwa.

Ibyaha bisanzwe bikorerwa mu Rukiko mu gihe cy’iburanisha (Delit Commis à l’audience ) biri mu ngeri zitandukanye hagendewe ku buremere bwa buri cyaha mu mategeko. Urugero umuntu uciye inyandiko z’umucamanza mu iburanisha cg uwitabye telefoni ntabwo bahanwa kimwe nk’umuntu wishe umwe mu bari mu Rukiko .

Ibi byaha bigabanwa mu byiciro bitatu aribyo : icyaha cy’ubugome (Felony), icyaha gikomeye (misdemeanour) n’icyaha cyoroheje (petty offence cyangwa contravention)

Icyaha cy’ ubugome ni icyaha itegeko rihanisha igihano cy’iremezo cy’igifungo kirenze imyaka itanu (5) cyangwa igifungo cya burundu, Icyaha gikomeye ni icyaha itegeko rihanisha igihano cy’iremezo cy’igifungo kitari munsi y’amezi atandatu (6) ariko kitarenze imyaka itanu (5) naho Icyaha cyoroheje ni icyaha itegeko rihanisha gusa igihano cy’iremezo cy’igifungo kitageze ku mezi atandatu (6), icy’ihazabu cyangwa igihano cy’imirimo y’inyungu rusange.

Mu rwego rwo gufasha abasomyi bacu gusobanukirwa amategeko, kuri iyi nshuro turabaganirira ku cyaha cyo gusambanya umwana, ariko ku mwana wasambanyije undi mwana n’ubwo bitatubuza no kujya ku bindi byiciro n’icyo amategeko ateganya.

Abantu bamwe bajya bavuga ngo umwana yafashwe ku ngufu nyamara ntabwo ari byo ahubwo imvugo iboneye mu mategeko ni ugusambanya umwana.

Gukorana imibonano mpuzabitsina n’ibifitanye isano na yo n’umuntu utarageza ku myaka 18 byitwa gusambanya umwana. Byitwa gufata ku ngufu iyo ibi byaha bikorewe umuntu ufite imyaka cumi n’umunani kuzamura cyangwa se bishobora no kwitwa gusambanya ku gahato bitewe n’uburyo icyo cyaha cyakozwemo.

Impamvu ni uko ku muntu mukuru bishobora gukorwa yabyemeye cyangwa yabyanze. Iyo yabyanze byitwa gufata ku ngufu ariko ku mwana nta na kimwe kuko nta n’ubwo afite n’ububasha bwo kwemera ikintu imbere y’amategeko.

Mbere bajyaga bafata ko igikorwa cyo gusambanya umwana cyabaye iyo habaga habayeho kwinjiza igitsina mu gitsina cy’umwana ariko ubu ntabwo ariko bimeze dukurikije ibiri mu ngingo ya 133 mu itegeko riteganya ibyaha n’ibihano muri rusange, hari ibindi bikorwa byakorerwa ku mubiri w’umwana bikitwa ko yasambanyijwe.

Iyi ngingo ivuga ko umuntu wese ukorera ku mwana kimwe mu bikorwa bishingiye ku gitsina bikurikira, aba akoze icyaha:

1º gushyira igitsina mu gitsina, mu kibuno cyangwa mu kanwa k’umwana;

2º gushyira urugingo urwo ari rwo rwose rw’umubiri w’umuntu mu gitsina, cyangwa mu kibuno cy’umwana;

3º gukora ikindi gikorwa cyose ku mubiri w’umwana hagamijwe ishimishamubiri.

Iyo abihamijwe n’urukiko, ahanishwa igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25).

Urukiko rw’ikirenga mu rubanza No RS/INCONST/SPEC 00005/2020/SC-RS/INCONST/SPEC 00006/2020/SC 1 rwaregewe, rwemeje ko igika cya 3 cy’ingingo ya 133 y’Itegeko No 68/2018 ryo ku wa 30/08/2018 riteganya ibyaha n’ibihano muri rusange, agace kavuga ko iyo gusambanya umwana byakorewe ku mwana uri munsi y’imyaka cumi n’ine (14), igihano kiba igifungo cya burundu kidashobora kugabanywa kubera impamvu nyoroshyacyaha, kanyuranyije n’ingingo ya 29, n’iya 151 z’Itegeko Nshinga; ako gace kakaba nta gaciro gafite.

Umwana wasambanyije undi mwana ahanwa ate?

Ahangaha turatanga urugero rw’abana babiri umwe yasambanyije undi bombi batarageza ku myaka 18.

Aha turacyari muri ya ngingo ya 133, aho bahereye mu cyiciro cy’abana bafite imyaka 14 ariko batarageza kuri 18.

Aha itegeko rivuga ko iyo icyaha cyo gusambanya umwana cyakozwe hagati y’abana bafite nibura imyaka cumi n’ine (14) kugeza ku myaka itarenze cumi n’umunani (18) nta kiboko cyangwa ibikangisho byakoreshejwe, nta gihano gitangwa.

Icyakora, iyo umwana ufite imyaka cumi n’ine (14) ariko utarageza ku myaka cumi n’umunani (18) asambanyije umwana uri munsi y’imyaka cumi n’ine (14) uko yabikora kose n’iyo yaba atakoresheje agahato cyangwa ikiboko, ahanwa hakurikijwe ibiteganywa mu ngingo ya 54 y’itegeko iteganya ibyaha n’ibihano muri rusange.

Arahanwa ariko agahanwa hagendewe ku bihano bitangwa ku batarageza imyaka y’ubukure kuva ku myaka 14 kugeza ku mwana utarageza ku myaka 18 (minor), ni na cyo gihano gitangwa ku mwana wasambanyije undi iyo bari mu cyiciro cy’imyaka 14 kugeza ku myaka itarenze 18 iyo yabikoze akoresheje ikiboko cyangwa ibikangisho.

Iyi ngingo ya 54 y’itegeko iteganya ibyaha n’ibihano muri rusange ivuga ibijyanye n’impamvu nyoroshyacyaha (Mitigating circumstances) aho abakoze ibyaha batarageza ku myaka 18 bashobora koroherezwa ntibahanwe nk’abantu bakuru. Dore ibihano itegeko riteganya kuri bo:

Ahabwa igifungo cy’imyaka itari munsi y’icumi (10) ariko itarenga cumi n’itanu (15) iyo yari guhanishwa igifungo cya burundu.

Ahabwa igihano kidashobora kurenga kimwe cya kabiri (1/2) cy’igihano yagombaga guhanishwa, iyo yari guhanishwa igifungo kimara igihe kizwi cyangwa igihano cy’ihazabu. Urugero rw’igihano kizwi twatanga kugira ngo byumvikane neza, iyo yagomaba wenda guhanishwa gufungwa imyaka 20 ahabwa kimwe cya kabiri cy’igifungo gihwanye n’imyaka 10.

Ibihano bivugwa mu gika cya mbere cy’iyi ngingo ni na byo bihabwa icyitso iyo cyari gifite nibura imyaka cumi n’ine (14) y’amavuko ariko kitarageza ku myaka cumi n’umunani (18) mu gihe icyaha cyakorwaga.

Ese abana baramutse bari munsi y’imyaka 14 bose bo byagenda gute? Iyo abana batarageza ku myaka 14 nta bihano biteganywa kuko abana ntabwo baba bakageze ku myaka 14 ari yo myaka y’uburyozwe bw’ibyaha ( criminal responsibility) mu mategeko.

Aha ni ho dusoreje ingingo twabaganirizagaho ijyanye n’uko umwana wasambanyije undi ahanwa imbere y’amategeko. Uretse abana bashobora gusambanya abandi aho twabonye na bo ko hari uburyo bahanwamo, abantu bakuru namwe mwirinde gusambanya abana kuko ingaruka zabyo murazibonye. Mwirinde kandi no guhishira umuntu wese wasambanyije umwana kuko iyo agaragaye na we amategeko amuhana kimwe nk’uwasambanyije umwana.

Umwana wese yandikishwa akivuka mu kigo cy’ubuzima yavukiyemo herekanywe icyemezo cya muganga w’ikigo cy’ubuzima umwana yavukiyemo.

Iyo umwana atavukiye mu kigo cy’ubuzima, umwandikisha abikora mu minsi mirongo itatu (30) ikurikira itariki umwana yavukiyeho, yitwaje icyemezo cy’ubuyobozi bubifitiye ububasha bw’aho umwana yavukiye kigaragaza amazina y’ababyeyi n’itariki umwana yavukiyeho kandi akitwaza abatangabuhamya babiri (2) bafite nibura imyaka cumi n’umunani (18).

Iyandikisha ry’ivuka rikorwa na se cyangwa na nyina w’umwana. Iyo bombi batabonetse, rikorwa n’uwo bahaye uburenganzira cyangwa undi ufite ububasha bwa kibyeyi ku mwana cyangwa abo bafitanye isano ya hafi.

Iyo abo bantu bose bavugwa batabonetse, iyandikisha ry’umwana rikorwa n’undi muntu wese wari uhari umwana avuka. Urugero nko muri Gereza, umuyobozi wa gereza agomba kwandikisha abana bavukiye muri gereza ayobora ku mwanditsi w’irangamimerere w’ahantu gereza ayobora iherereye abiherewe uburenganzira n’umubyeyi w’umwana.

Amategeko kandi mu ngingo ya 10 y’itegeko N° 001/2020 ryo ku wa 02/02/2020 Itegeko rihindura Itegeko n° 32/2016 ryo ku wa 28/08/2016 rigenga abantu n’umuryango, avuga ko mu gihe cy’iyandikwa ry’umwana wavutse, iyo ababyeyi b’umwana batashyingiranywe, iyandikwa ry’umwana rikorerwa imbere y’umwanditsi w’irangamimerere, udafite mu nshingano ze ukwemera umwana wavutse ku babyeyi batashyingiranywe, umwana yandikwa kuri nyina. Umubyeyi utanditsweho umwana abanza kwemera umwana imbere y’umwanditsi w’irangamimerere ubifite mu nshingano ze kugira ngo amwandikweho. Hari igihe bitewe n’impamvu zitandukanye umwe mu babyeyi akomeza kwihakana umwana wavutse bikazaba ngombwa ko hitabazwa amategeko kugira ngo umwana wavutse abone ubwo burenganzira.

Utanga ikirego kigamije gushaka se cyangwa nyina abikora ate?

Ikirego cy’umwana kigamije gushaka se cyangwa nyina gitangwa n’umwana ubwe igihe afite imyaka y’ubukure kigatangirwa mu ifasi y’urukiko rw’ibanze rw’ahatuye umubyeyi umwana ashaka ko yemezwa mu mategeko ko ari se cyangwa nyina.

Iyo umwana ataragira imyaka y’ubukure, umwe mu babyeyi be, imiryango iharanira uburenganzira bw’umwana cyangwa undi wese wemewe n’amategeko wamuhagararira ashobora gutanga ikirego mu izina ry’umwana.

Iyo ikirego cy’umwana ushaka se cyangwa nyina gitangiwe rimwe n’abana benshi bashaka se cyangwa nyina umwe, ikirego kiba kimwe kandi amafaranga y’ingwate y’amagarama agatangwa nk’aho urega ari umwe.

Rumwe mu manza zo gushakisha umubyeyi twatangaho urugero ni urubanza RCA 0024 /16/TGI / HYE rwaciwe n’Urukiko rwisumbuye rwa Huye ruri i Huye, ruhaburanishiriza imanza z’imbonezamubano mu rwego rw’ubujurire aho rwaburanishaga urubanza Mukeshimana Beatrice mwene rukabuza na nyakurama, wavutse mu 1944, utuye mu Mudugudu wa Kabeza, Akagari ka Ruli, mu Murenge wa Shyogwe, mu Karere ka Muhanga, Intara y’Amajyepfo, aburanirwa na Nyiramatama.

Mukeshimana Beatrice yaregaga NDAGIJIMANA Martin mwene KABAGWIRA wavutse mu 1989, utuye mu Mudugudu wa Nyarusambu, Akagari k’Icyeru, mu Murenge wa Mukura, mu Karere ka Huye, Intara y’Amajyepfo avuga ko atari umwana wa musaza we NSHIMIYIMANA Innocent ubwo yatambamiraga urubanza RC 0001/16/TB/MGB rwari rwaraciwe n’urukiko rw’ibanze rwa Mugombwa.

Icyo gihe urukiko rwisumbuye rwa Huye rwemeje ko ikirego cy’ubujurire rwashyikirijwe na MUKESHIMANA Beatrice nta shingiro gifite rwemeza ko NDAGIJIMANA Martin ari mwene NSHIMIYIMANA Innocent ndetse runategeka ko NDAGIJIMANA Martin yandikwa kuri NSHIMIYIMANA Innocent mu bitabo by’irangamimerere mu Murenge wa Mukura.

Dore impamvu zituma ikirego cy’umwana ushaka umubyeyi cyakirwa

Ingingo ya 282 na 283 z’itegeko nº 32/2016 ryo ku wa 28/08/2016 rigenga abantu n’umuryango ziteganya impamvu ikirego gishakisha umubyeyi igihe cyakirwa kigasuzumwa n’urukiko.

Ikirego cy’umwana ushaka se cyemerwa cyane cyane iyo hari imwe mu mpamvu zikurikira:
1° umwana yavutse hagati y’iminsi ijana na mirongo inani (180) n’iminsi magana atatu (300) nyuma y’uko nyina w’umwana yateruwe, yagumishijwe ahantu afungiwe baramufashe cyangwa yarasambanyijwe ku ngufu;

2° nyina w’umwana yasambanyijwe hakoreshejwe uburiganya, igitugu, cyangwa yasezeranyijwe kuzashyingiranwa;

3° hari inyandiko cyangwa imvugo idashidikanywaho ko uwo yita se amwemera nk’umwana we;
4° nyina w’umwana yabanye n’umugabo batashyingiranywe ;
5° umugabo asanzwe amufata nk’uwe ku buryo buzwi na bose;
6° byemejwe n’ibipimo bya ADN cyangwa ibindi bimenyetso bibonetse bikoreshejwe ikoranabuhanga

Naho ku kirego cy’umwana ushaka nyina ikirego cye cyemerwa iyo hari imwe mu mpamvu zikurikira:
1° umugore asanzwe afata umwana nk’uwe ku buryo buzwi na bose;
2° iyo ivuka rye rifite aho rihurira no kubyara k’uregwa, hifashishijwe ibimenyetso;
3° byemejwe n’ibipimo bya ADN cyangwa ibindi bimenyetso bibonetse bikoreshejwe ikoranabuhanga.

Ikirego kigamije gushaka umubyeyi gishobora gusaza?

Ingingo ya 281 y’itegeko nº 32/2016 ryo ku wa 28/08/2016 rigenga abantu n’umuryango ivuga ko ikirego kigamije gushaka se cyangwa nyina w’umwana kidashobora kuregerwa nyuma y’imyaka itanu (5) uhereye igihe umwana wagejeje ku myaka y’ubukure yamenyeye uwo yita se cyangwa nyina.

Icyakora, iyo se cyangwa nyina w’umwana bapfuye kandi asanzwe anafatwa nk’umwana w’umubyeyi asabira kwemeza ko ari se cyangwa nyina, icyo gihe uwo mwana ahabwa igihe cy’imyaka itanu (5) gitangira kubarwa igihe uwo yita se cyangwa nyina apfuye.

Icyo kirego ntigishobora gutangwa n’abazungura b’uwo mwana utemewe mu mategeko. Icyakora, abamuzunguye bafite ububasha bwo gukomeza ikirego cyatanzwe n‘uwo bazunguye igihe yaba atakiriho.

Hakurikiraho iki iyo umwana atsinze urubanza rugamije gushakisha umubyeyi ?

Urubanza rwemeza kuba se cyangwa nyina w’umwana rwandukurwa mu gitabo cy’irangamimerere bigashyirwa mu mpande y’inyandiko y’ivuka y’umwana n’iy’uwemejwe ko ari we mubyeyi we.

Umwanditsi Mukuru w’Urukiko rwaciye ku rwego rwa nyuma urubanza rw’ikirego kigamije gushaka se cyangwa nyina w’umwana amenyesha amakuru yerekeranye no gushakisha umubyeyi w’umwana abisabwe n’urwego hanyuma umwana agahita yandikwa mu bitabo by’irangamimerere ku mazina y’uwo mubyeyi.

Umwana wabonye se cyangwa nyina nyuma y’ikirego gishaka se cyangwa nyina afite uburenganzira n’inshingano bimwe n’iby’abana bakomoka ku bashyingiranywe ariko ku ruhande rw’umubyeyi bireba.

Umwana yemerewe no gutanga ikirego cyo kwihakana umubyeyi

Umwana ashobora kwihakana se cyangwa nyina iyo afite ibimenyetso byemeza ko uwitwa se cyangwa nyina atari we w’ukuri.

Iki kirego gitangwa mu buryo bumwe n’ubw’ikirego cy’umwana kigamije gushaka se cyangwa nyina.

Tubategurira iyi nkuru twifashishije ibikubiye mu itegeko nº 32/2016 ryo ku wa 28/08/2016 rigenga abantu n’umuryango , itegeko N°71/2018 ryo ku wa 31/08/2018 ryerekeye kurengera umwana, n’itegeko N° 001/2020 ryo ku wa 02/02/2020 rihindura Itegeko n° 32/2016 ryo ku wa 28/08/2016 rigenga abantu n’umuryango.

Umuyobozi Mukuru wa Kaminuza y’u Rwanda, Prof. Philip Cotton, ari mu bahawe ubwenegihugu mu bihe byashize

Mu Rwanda hari ubwoko bubiri bw’ubwenegihugu ari bwo ubwenegihugu butangwa nyarwanda n’ubwenegihugu nyarwanda bw’inkomoko.

Urwego rw’Abinjira n’Abasohoka mu Rwanda ruherutse gutangaza ko kuva mu 2009, ubwo rwatangiraga inshingano zo gusuzuma no kwemera cyangwa kwanga ubusabe bw’abanyamahanga basaba ubwenegihugu bw’u Rwanda, rumaze kubutanga ku bagera kuri 935, kandi hari n’ubundi busabe bugisuzumwa, uko abantu bagenda bifuza ubwenegihugu nyarwanda niko benshi ibishingirwaho bitangwa byarushagaho kubabera imbogamizi bukabona abantu bake kandi bigatwara igihe kire kire.

Inteko Ishinga Amategeko iherutse gutora umushinga w’itegeko Ngenga rigenga ubwenegihugu Nyarwanda kugira ngo irusheho koroshya uburyo ubwenegihugu buzajya butangwamo.

Iri tegeko rigizwe n’ingingo 58 rizasimbura Itegeko Ngenga n°30/2008 ryo ku wa 25/07/2008 ryerekeye ubwenegihugu, byagaragaye ko ryari rikeneye kuvugururwa kugira ngo rijyanishwe na politiki y’igihugu u Rwanda rushyize imbere.

Bimwe mu bikubiye mu itegeko rishya rigenga ubwenegihugu nyarwanda

Muri iri tegeko rishya rigenga imitangire y’ubwenegihugu nyarwanda, hongerewe impamvu zishingirwaho mu kubusaba no kubutanga, harimo ku banyamahanga “bafitiye igihugu akamaro”, aho bazajya babuhabwa hatitawe ku myaka itanu bagombaga kuba bamaze mu gihugu nk’uko byari bisanzwe mu itegeko n°30/2008 ryo ku wa 25/07/2008.

Muri izo mpamvu kandi harimo guha ubwenegihugu nyarwanda umunyamahanga ufite ubumenyi cyangwa impano byihariye, ishoramari cyangwa ibikorwa birambye.
Muri rusange iri tegeko rishya riteganya impamvu 11 zishingirwaho mu gutanga ubwenegihugu nyarwanda butangwa, ni ukuvuga ubutari ubw’inkomoko.

Zirimo kuvukira ku butaka bw’u Rwanda, umwana utoraguwe, ishyingirwa, kubera umubyeyi umwana atabyaye, inyungu z’igihugu, ubumenyi cyangwa impano byihariye, ishoramari cyangwa ibikorwa binini kandi birambye, kuba mu Rwanda, icyubahiro, kuba umwimukira no kutagira ubwenegihugu.

Iri tegeko rishya riteganya ko mu gusaba ubwenegihugu nyarwanda hashingiwe ku ishyingiranwa, ugomba kuba ‘warashyingiranywe n’Umunyarwanda mu buryo bwemewe n’amategeko.’

Muri izo ngingo hiyongeraho “Kuba umaze nibura imyaka itanu (5) ushyingiwe ku munsi w’ubusabe,” kandi icyo gihe ugomba kuba ubana “n’uwo mwashyingiranywe kugeza ku munsi w’itangwa ry’ubwenegihugu nyarwanda wasabye.”

Kuri iyi ngingo hakozwe impinduka hakumirwa gushakana ngo abantu bahite babona ubwenegihugu nyarwanda butangwa, mu buryo bworoshye hanyuma nyuma bahite batandukana.

Mu itegeko ngenga ryo mu 2008 ho byateganywaga ko umunyamahanga cyangwa umuntu udafite ubwenegihugu washyingiranywe n’Umunyarwanda, ashobora kubona ubwenegihugu igihe abisabye, ubushyingiranwe bumaze nibura imyaka itatu ( 3).

Mu zindi ngingo zituma abashyingiranywe bahabwa ubwenegihugu nyarwanda ni uko ubisaba agomba kuba ari inyangamugayo, anafite ubumenyi ku muco n’imigenzo nyarwanda n’indangagaciro z’igihugu, kandi abyubaha, no kuba atahungabanya umutekano w’igihugu.

Muri iri tegeko binateganywa ko hashobora kubaho gutakaza ubwenegihugu nyarwanda ku wabuhawe hashingiwe ku ishyingirwa, “iyo urwego rubifitiye ububasha rumenye ko ishyingiranwa ryabaye ku bw’inabi hagambiriwe kubona cyangwa gufasha umuntu kubona ubwenegihugu nyarwanda.”

Icyo gihe umuntu wambuwe ubwenegihugu kandi ntiyongera kubusubirana, ndetse ingaruka zo kubwamburwa zigera no ku bo yishingiye. Iri tegeko kandi rinateganya impamvu uwahawe ubwenegihugu nyarwanda butangwa ashobora kubutakaza.

Ubwenegihugu nyarwanda butangwa bushobora kwamburwa kubera imwe mu mpamvu zikurikira :

1ºiyo uwabuhawe yabubonye akoresheje amakuru atari yo, inyandiko ihinduye cyangwa irimo ikinyoma, cyangwa akoresheje ubundi buriganya ubwo ari bwo bwose;
2º iyo uwabuhawe yasabye ubwenegihugu nyarwanda butangwa agambiriye kugambanira Repubulika y’u Rwanda;

3º iyo imyitwarire y’uwabuhawe ihungabanya umutekano w’Igihugu cyangwa ibangamiye izindi nyungu z’Igihugu;

4º iyo yabuhawe hashingiwe ku ishyingirwa, nyuma urwego rufite ubwenegihugu nyarwanda mu nshingano rukamenya ko ishyingiranwa ryabaye hagambiriwe kubona cyangwa gufasha umuntu kubona ubwenegihugu nyarwanda;

Icyakora, kwamburwa ubwenegihugu nyarwanda butangwa ntibyemewe iyo bishobora gutuma ubwamburwa aba umuntu udafite ubwenegihugu.

Ubundi bwenegihugu butangwa hashingiwe ku nyungu z’igihugu

Ibishingirwaho mu gusaba ubwenegihugu butangwa hashingiwe ku nyungu z’igihugu harimo kuba ubusaba igihugu kimufitemo inyungu, kandi hari ibaruwa urwego bireba rugenera urwego rubifitiye ububasha isobanura inyungu z’igihugu, zishingirwaho mu kumuha ubwenegihugu nyarwanda butangwa, ni ukuvuga ubutari ubw’inkomoko.

Ni kimwe no ku bwenegihugu butangwa hashingiwe ku bumenyi cyangwa ku mpano byihariye, aho ababuhabwa bagomba kuba bafite ubumenyi cyangwa impano byihariye bikenewe mu Rwanda. Urugero aha ni abanyabwenge cyangwa abakinnyi b’imikino itandukanye.

Hagomba kandi “kuba hari ibaruwa, urwego bireba rugenera urwego rubifitiye ububasha, isobanura uburyo ubumenyi cyangwa impano byihariye usaba afite bikenewe mu Rwanda, bikaba byashingirwaho ahabwa ubwenegihugu nyarwanda butangwa.”

Naho ku bwenegihugu buzaba butangwa hashingiwe ku ishoramari cyangwa ibikorwa birambye umuntu afite, harimo kuba ubusaba “afite ishoramari cyangwa ibikorwa binini kandi birambye mu Rwanda ni ukuvuga ibikorwa bitazamara igihe mbere yo guhagarara.”

Icyo gihe na we agomba kuzaba afite ibaruwa urwego bireba rugenera urwego rubifitiye ububasha, igaragaza ishoramari cyangwa ibikorwa binini kandi birambye by’usaba mu Rwanda, bishobora gushingirwaho ahabwa ubwenegihugu nyarwanda butangwa.

Uhabwa bene ubwo bwenegihugu azajya asabwa kuba ari inyangamugayo, afite imyifatire myiza kandi akaba atahungabanya umutekano w’igihugu.

Bivuze ko uwujuje kimwe muri ibyo byavuzwe haruguru azajya ashobora kubona ubwenegihugu nyarwanda mu gihe abusabye, hadashingiwe ku kindi icyo ari cyo cyose, nk’igihe amaze mu Rwanda cyangwa ibindi.

Ubwenegihugu butangwa kubera kuba mu Rwanda igihe cyo kububona gishobora kongerwa

Ku bijyanye n’ubwenegihugu butangwa kubera kuba mu Rwanda, muri iri tegeko rishya mu ngingo ya 16 biteganywa ko umunyamahanga azaba ashobora kubusaba igihe amaze imyaka cumi n’itanu (15) ikurikirana aba mu Rwanda, mu buryo bwemewe n’amategeko, kandi akaba azi umuco, indangagaciro nyarwanda kandi abyubaha.

Ni impinduka zikomeye kuko mu itegeko ryo mu 2008 ari na ryo rigikoreshwa ubu, ryateganyaga ko umunyamahanga wese usaba kugirwa Umunyarwanda mu gusaba ubwenegihugu nyarwanda butangwa hashingiwe ku kuba mu Rwanda, igihe abisaba yagombaga kuba amaze imyaka itanu (5) aba mu Rwanda kandi ahaba mu buryo bwemewe n’amategeko .

Hari kandi n’ubwenegihugu butangwa hashingiwe ku kuba umwimukira, aho ubusaba agomba kuba yarimukiye mu Rwanda ku mpamvu z’imibereho, iza politiki cyangwa iz’ubukungu, cyangwa kuba akomoka ku muntu wimukiye mu Rwanda ku bw’izo mpamvu.

Aha umwimukira wifuza ubwenegihugu nyarwanda agomba kuba nibura amaze imyaka 25 ikurikirana aba mu Rwanda, kandi akaba ntaho agihuriye n’igihugu cye akomokamo, akaba kandi ari inyangamugayo kandi afite imyifatire myiza, afite ubumenyi ku muco n’imigenzo nyarwanda anabyubaha, akaba afite ubumenyi ku ndangagaciro mboneragihugu no kuba abana neza n’abandi, kandi afite ubushobozi buhagije, akaba kandi atahungabanya umutekano w’igihugu.

Umuntu ashobora kandi gusaba cyangwa gusabirwa ubwenegihugu nyarwanda butangwa hashingiwe ku kutagira ubwenegihugu, aho ubusaba cyangwa ubusabirwa agomba kuba adafite ubwenegihugu bw’ikindi gihugu kandi akaba ari ku butaka bw’u Rwanda ku munsi w’ubusabe, akaba kandi atahungabanya umutekano w’igihugu.

Muri iri tegeko rishya kandi harimo ko hashobora no gutangwa ubwenegihugu hashingiwe ku cyubahiro, buzaba butangwa mu rwego rwo guha agaciro imyitwarire y’umwihariko y’umuntu cyangwa guha agaciro ibikorwa by’indashyikirwa by’umwihariko by’umuntu, ububasha bwo gutanga ubu bwenegihugu bukaba bufitwe gusa na Perezida wa Repubulika.

Aha itegeko rishya mu ngingo yaryo ya 37 riteganya ibijyanye no kongera gusubirana ubwenegihugu.

Ubwenegihugu nyarwanda bw’inkomoko bushobora gusubiranwa nyuma yo kubureka. Uretse ubwenegihugu nyarwanda butangwa hashingiwe ku cyubahiro, ubwenegihugu nyarwanda butangwa ntibusubiranwa.

Itegeko rishya rigena ufite ububasha bwo gutanga ubwenegihugu

Ububasha bwo gutanga ubwenegihugu nyarwanda bw’inkomoko bufitwe n’urwego rufite ubwenegihugu nyarwanda mu nshingano mu gihe icyemezo cyabwo gitangwa n’urwego rufite ubwenegihugu nyarwanda mu nshingano.

Iteka rya Minisitiri rigena imiterere y’icyemezo cy’ubwenegihugu nyarwanda bw’inkomoko ibikigize, uburyo gikoze n’ibipimo byacyo, umukuru w’urwego rufite ubwenegihugu nyarwanda mu nshingano amenyesha mu nyandiko umwanditsi w’irangamimerere w’aho uwabuhawe aba amakuru yerekeranye n’itangwa ry’ubwenegihugu nyarwanda bw’inkomoko.

Setti Solomon na we ni umukozi wa Ambasade y’u Rwanda muri Leta Zunze Ubumwe za Amerika wahawe ubwenegihugu mu mpera z’ukwezi gushize

Uwahawe ubwenegihugu nyarwanda bw’inkomoko yandikwa n’umwanditsi w’irangamimerere mu bitabo by’irangamirere abanje kumugaragariza icyemezo cy’ubwenegihugu yahawe n’urwego rufite ubwenegihugu nyarwanda mu nshingano.

Ni mu gihe ububasha bwo gutanga ubwenegihugu nyarwanda butangwa bufitwe n’Inama y’Abaminisitiri, icyakora, ububasha bwo gutanga ubwenegihugu nyarwanda bushingira ku cyubahiro bufitwe na Perezida wa Repubulika.

Uwahawe ubwenegihugu nyarwanda butangwa atangazwa mu Igazeti ya Leta ya Repubulika y’u Rwanda. Icyakora, ibijyanye no gutangaza uwahawe ubwenegihugu nyarwanda butangwa hashingiwe ku cyubahiro bigenwa na Perezida wa Repubulika.
Iteka rya Minisitiri rigena ibikubiye mu myirondoro y’uwahawe ubwenegihugu nyarwanda butangwa bitangazwa mu Igazeti ya Leta ya Repubulika y’u Rwanda. Icyakora, ibikubiye mu myirondoro y’uwahawe ubwenegihugu nyarwanda butangwa hashingiwe ku cyubahiro bitangazwa bigenwa na Perezida wa Repubulika.

Itegeko rishya rinateganya n’ibihano ku wahawe ubwenegihugu akoresheje uburiganya

Itegeko Ngenga rishya riteganya ko umuntu wahawe ubwenegihugu nyarwanda azajya abwamburwa, igihe bigaragaye ko yabubonye akoresheje uburiganya, amakuru atari yo, inyandiko ihinduye cyangwa irimo ikinyoma, cyangwa akoresheje ubundi buriganya ubwo ari bwo bwose.

Ni kimwe n’igihe uwahawe ubwenegihugu bimenyekanye ko yari agambiriye kugambanira Repubulika y’u Rwanda cyangwa igihe imyitwarire y’uwabuhawe ihungabanya umutekano w’igihugu.

Biteganywa ko umukozi w’urwego rubifitiye ububasha uzagira uruhare mu itangwa ry’icyemezo cy’ubwenegihugu nyarwanda butangwa mu buriganya, nabihamywa n’urukiko azahanishwa igifungo kitari munsi y’imyaka irindwi, ariko kitarenze 10.
Naho uzihesha ubwenegihugu nyarwanda butangwa mu buryo bw’uburiganya, nabihamywa n’urukiko azahanishwa igifungo kitari munsi y’imyaka itanu ariko kitarenze imyaka irindwi n’ihazabu itari munsi ya miliyoni 3 Frw ariko atarenze miliyoni 5 Frw.

Ni kimwe n’umuntu uzahamwa no gufasha undi muntu mu buryo ubwo ari bwo bwose kubona ku bw’uburiganya ubwenegihugu Nyarwanda, azahanishwa igifungo kitari munsi y’imyaka itanu ariko kitarengeje imyaka irindwi, n’ihazabu itari munsi ya miliyoni 3 Frw ariko itarenze miliyoni 5 Frw.

Kimwe n’itegeko risanzwe, uyu mushinga w’itegeko wemera ko Umunyarwanda ashobora kugira ubwenegihugu burenze bumwe, harimo n’ubw’u Rwanda, ariko ubwenegihugu nyarwanda ni bwo bwonyine bwitabwaho iyo hari amategeko y’u Rwanda agomba kubahirizwa.

Abafite ubundi bwenegihugu bazaba basabwa kubumenyekanisha bitarenze amezi atatu uhereye igihe babuherewe.

Ibi tubagejejeho muri iyi nkuru bimwe bishobora guhinduka bitewe n’ubugorangingo iri tegeko rizagenda rikorerwa mbere y’uko risohoka.

Iri tegeko ryatowe n’Umutwe w’Abadepite rigomba kohererezwa abagize inteko ya Sena y’u Rwanda na bo bakaryigaho, bamara kuryemeza rikohererezwa Perezida wa Repubulika kugira ngo aryemeze, cyangwa agire ubundi bugororangingo akoraho. Mu gihe azaba arishyizeho umukono nibwo rizasohoka mu igazeti ya Leta ubundi ritangire gukurikizwa risimbuye iryo mu 2008 ryari risanzwe rikoreshwa.

Kugeza ubu icyaha cya ruswa n’icyaha cya Jenoside ni bimwe mu byaha bitajya bisaza igihe cyose uwakoze ibi byaha ashobora kugezwa imbere y’ubutabera agakurikiranwa.

Ese ni ryari icyaha bavuga ko cyashaje? Iyo gishaje se bigenda gute? Ni ibihe byaha bisaza n’ibidasaza?

Uyu munsi mu nkuru zijyanye n’amategeko Kigali Today irabagezaho icyo amategeko ateganya ku isaza ry’ibirego by’ikurikiranacyaha ku byaha n’ibihano imbere y’amategeko ahana y’u Rwanda.

Ikurikiranacyaha ni igikorwa cyose kigamije kuregera urukiko, guhamagaza ababuranyi no kwitaba urukiko, gutegura iburanisha ry’urubanza, kuburana, kimwe no kwiyambaza inzira z’ubujurire.

Nk’uko ibinyabuzima bisaza, ibyaha na byo bimwe birasaza ababikoze amategeko akaba atagifite ububasha bwo kubakurikirana rimwe na rimwe ibihano byatanzwe na byo bishobora gusaza ababihawe batabirangije. Gusa hari n’ibyaha bidasaza haba ku ikurikiranacyaha ndetse no ku bihano inkiko ziba zaratanze aho uwabikoze wese igihe cyose aba ashobora kubiryozwa.

Ibyaha 4 mu Rwanda ni byo byaha bidasaza kugeza ubu

Mu Rwanda ibyaha bidasaza ni ibyaha 4 ari byo: icyaha cya Jenoside, icyaha cya ruswa, ibyaha by’intambara n’icyaha cyibasiye inyokomuntu.

Ibi byaha 3 ari byo icyaha cya Jenoside, ibyaha by’intambara n’ibyaha byibasiye inyokomuntu byitwa ‘Core Crimes’ mu Cyongereza. Amategeko mpuzamahanga anateganya ko uwabikoze n’ubwo ataba yarashyize umukono ku masezerano mpuzamahanga ashyiraho urukiko mpuzamahanga mpanabyaha (ICC) igihe yakoze ibi byaha urukiko rufite ububasha bwo kumukurikirana igihe cyose afatiwe.

Ku bakatiwe n’inkiko badahari cyangwa bagakatirwa bagatoroka batarangije igihano igihe cyose bafashwe ubusaze bw’ibyaha buba ku bindi byaha aha ntabwo bukurikizwa kuko ni ibyaha bidasaza.

N’ubwo biriya byaha 3 byashyizwe mu byaha bidasaza haba mu Rwanda no mu mategeko mpuzamahanga, mu Rwanda ho hiyongereyeho n’icyaha cya ruswa mu rwego rwo guhangana n’ubukana bwa ruswa.

Uketsweho icyaha cya ruswa no kunyereza umutungo wa Leta cyangwa se waburanishijwe n’inkiko ntabashe kurangiza igihano igihe cyose aterewe muri yombi aba ashobora kugezwa imbere y’inkiko agakurikiranwa cyangwa akajya kurangiza igihano yakatiwe hatitawe ku gihe gishize icyo cyaha gikozwe cyangwa akatiwe n’inkiko.

Ubusaze bw’ibindi byaha uko bubarwa

Ushobora kuba warakoze icyaha ubushinjacyaha ntibugeze ikirego imbere y’urukiko ngo butange ikirego cy’ikurikiranacyaha. Ingingo ya 6 y’itegeko Nº 027/2019 ryo ku wa 19/09/2019 ryerekeye imiburanishirize y’imanza z’inshinjabyaha iteganya ko uretse ibyaha bidasaza biteganywa n’amategeko, ikirego cy’ikurikiranacyaha ku bindi byaha gisaza mu bihe bikurikira:

1° mu gihe cy’imyaka icumi (10) yuzuye ku byaha by’ubugome.

2° mu gihe cy’imyaka itatu (3) yuzuye ku byaha bikomeye.

3° mu gihe cy’umwaka umwe (1) wuzuye ku byaha byoroheje.

Aha kugira ngo wumve neza igihe giteganywa ku busaze bw’ibyaha, reka tugufashe gutandukanya ibyaha n’ibyiciro birimo.

Icyaha cyoroheje ( Petty Offence) ni icyaha itegeko rihanisha gusa igihano cy’iremezo cy’igifungo kitageze ku mezi atandatu (6), icy’ihazabu cyangwa igihano cy’imirimo y’inyungu rusange.

Icyaha gikomeye (Misdemeanour) ni icyaha itegeko rihanisha igihano cy’iremezo cy’igifungo kitari munsi y’amezi atandatu (6) ariko kitarenze imyaka itanu (5).

Icyaha c y’ u bugome (Felony) ni icyaha itegeko rihanisha igihano cy’iremezo cy’igifungo kirenze imyaka itanu (5) cyangwa igifungo cya burundu.

Mu bindi, itegeko riteganya ko ubusaze bw’ikirego cy’ikurikiranacyaha butangira kubarwa guhera ku munsi icyaha cyakoreweho iyo muri icyo gihe nta bikorwa by’iperereza cyangwa iby’ikurikiranacyaha byigeze bikorwa.

Ku byerekeye ibyaha bikozwe ako kanya kandi bidakomeza, igihe cy’ubusaze bw’ikirego cy’ikurikiranacyaha gitangira kubarwa ku munsi icyaha gikoreweho.

Ku byerekeye ibyaha by’imaragihe, igihe cy’ubusaze bw’ikirego cy’ikurikiranacyaha gitangira kubarwa uhereye igihe icyo gikorwa cyarangiriye.

Ku byerekeye ibikorwa byinshi bigamije irangiza ry’umugambi wo gukora icyaha, igihe cy’ubusaze bw’ikirego cy’ikurikiranacyaha, gitangira kubarwa ku munsi igikorwa cya nyuma kigize icyaha cyakoreweho.

Aha n’ubwo ubusaze bw’icyaha buteganywa, hashobora no kubaho irengayobora nk’uko biteganywa n’ingingo ya 9 y’itegeko Nº 027/2019 ryo ku wa 19/09/2019 ryerekeye imiburanishirize y’imanza z’inshinjabyaha, aho rivuga ko Ubusaze bw’ikirego cy’ikurikiranacyaha busubikwa igihe cyose iperereza cyangwa Ikurikiranacyaha ribujijwe n’inkomyi ntarengwa, iturutse ku itegeko cyangwa ku nzitizi itigobotorwa.

Iyo inzitizi ivuyeho, ubusaze bwari bwarasubitswe bukomeza kubarwa guhera ku munsi iyo nzitizi yaviriyeho.

Ikirego cy’indishyi zikomoka ku cyaha gisaza nyuma y’imyaka itanu (5) uhereye igihe icyaha cyakorewe.

Icyakora, iyo igihe cy’ubusaze bw’ikirego cy’indishyi kigeze mbere y’ubusaze bw’ikirego cy’ikurikiranacyaha, ikirego cy’indishyi gisazira hamwe n’ikirego cy’ikurikiranacyaha.

Ese ubusaze bugenda gute ku gifungo?

Ushobora kuba warakatiwe igihano kikaba cyasaza igihe utabashije kukirangiza bitewe n’impamvu zitandukanye. Aha na ho amategeko ateganya ubusaze no kudasaza kw’igihano uwahamijwe ibyaha n’inkiko yakatiwe.

Nk’uko biteganywa n’ingingo ya 75 mu gitabo cy’amategeko giteganya ibyaha n’ibihano muri rusange cya 2018, igihano cy’igifungo cyatanzwe kitageze ku mezi 6 gisaza mu gihe cy’imyaka ibiri (2).

Igihano cy’igifungo kingana cyangwa kirenze amezi atandatu (6) ariko kitarenze imyaka itanu (5) gisaza mu gihe cy’imyaka 10.

Igihano cy’igifungo kirenze imyaka itanu (5) ariko kitari icya burundu gisaza mu gihe cy’imyaka 20.

Igihano cy’igifungo cya burundu ku byaha bisaza gisaza mu gihe cy’imyaka mirongo itatu (30).

Aha icyo wamenya cy’ingenzi ni uko igihano cy’igifungo cyatanzwe ku byaha twabonye hejuru bidasaza na cyo kidasaza, ikindi iyo wakatiwe n’inkiko ugatoroka ukihisha ubutabera igihe cy’ubusaze bw’igihano kiba gihagaritswe kubarwa kikazasubukurwa igihe ugarukiye.

Muri Leta Zunze Ubumwe za Amerika ho n’ahandi hari aho bakatira umuntu igifungo kirenze imyaka azabaho ku isi. Aha dutanze urugero nko mu gihugu cya Esipanye mu mwaka wa 2009, urukiko rw’i Madrid rwigeze gukatira igifungo cy’imyaka ibihumbi mirongo ine na bitatu (43,000) umuntu wari wateye igisasu kigahitana abarenga 191.

Ushobora kuba ujya wumva cyangwa ugasoma mu binyamakuru ngo umuntu yakatiwe igifungo cy’imyaka 141, imyaka 400 cyangwa se n’ibindi gusubiza hejuru. Ese bigenda bite kugira ngo umuntu akatirwe n’inkiko igifungo kirenze imyaka irenze iyo umuntu azabaho ku isi? Ni abahe bantu byagiye bibaho? Ese mu Rwanda amategeko abiteganyaho iki?

Ibi ni byo Kigali Today yifuje kugusobanurira neza muri iyi nkuru kugira ngo ikumare amatsiko kuri iki kibazo wajyaga wibaza.

Kugeza ubu mu Rwanda ibihano bihabwa abantu bakoze icyaha ni ihazabu, igifungo cyangwa imirimo y’inyungu rusange. Igifungo gitangwa mu Rwanda kirimo ibyiciro bibiri ari byo igihano cy’igifungo cya burundu cyangwa igihano cy’igifungo kizwi amategeko ateganya ko kitagomba kujya hejuru y’imyaka 25 (reba ingingo ya 27 mu itegeko riteganya ibyaha n’ibihano muri rusange rya 2018).

Ese mu Rwanda birashoboka ko umuntu yahabwa igihano cy’igifungo kizwi kiri hejuru y’imyaka azamara ku isi?

Ubundi uko igifungo kibarwa babara uburemere bw’icyaha cyakozwe, ingaruka cyagize, impamvu nyoroshyacyaha n’impamvu nkomezacyaha.

Nyuma iyo bateranya imyaka y’igifungo umucamanza anagendera kandi no ku mpurirane y’ibyaha (Concurrence of offences) ari yo ituma imyaka y’igifungo ku cyaha cyakozwe izamuka ikaba byinshi bitewe n’uburemere n’umubare w’ibyaha byakozwe mu mpurirane y’ibyaha.

Mu ngingo ya 61 y’itegeko riteganya ibyaha n’ibihano muri rusange havuga ko aba impurirane y’ibyaha iyo umuntu umwe (1) yakoze ibyaha byinshi kandi nta na kimwe muri byo cyaciriwe urubanza rwabaye ndakuka.

Impurirane y’ibyaha ishobora kuba mbonezamugambi cyangwa mbonezabyaha.

Urugero twatanga ku mpurirane y’ibyaha: umuntu ashobora gutera urugo rw’undi yitwaje intwaro agiye kwiba, yagerayo mbere yo kumwica akamufata ku ngufu agakomeretsa n’abari muri urwo rugo.

Aha harimo impurirane y’ibyaha 5 ari byo: ubujura bwitwaje intwaro, gutunga intwaro mu buryo butemewe n’amategeko, gufata ku ngufu , gukomeretsa ndetse n’icyaha cyo kwica.

Impurirane mbonezamugambi ibaho iyo:

1 º igikorwa kimwe ubwacyo gikubiyemo ibyaha byinshi.

2 º ibikorwa bitandukanye bigize ubwabyo ibyaha bitandukanye, bihujwe n’uko bigamije umugambi w’icyaha kimwe.

Impurirane mbonezabyaha ibaho iyo ibikorwa bitandukanye ubwabyo byakozwe bikurikirana kandi bikabyara ibyaha bidafitanye isano.

Mu gihe cy’impurirane mbonezamugambi ivugwa mu gace ka mbere k’igika cya gatatu cy’ingingo ya 61 y’iri tegeko umucamanza atanga ibihano byateganyirijwe icyaha kirushije ibindi gukomera.

Mu gihe cy’impurirane mbonezamugambi ivugwa mu gace ka kabiri k’igika cya gatatu cy’ingingo ya 61 y’iritegeko mu Rwanda umucamanza atanga igihano ntarengwa cyo hejuru giteganirijwe icyaha kirusha ibindi gukomera .

Mu gihe cy’impurirane mbonezabyaha umucamanza atanga igihano kuri buri cyaha maze akabiteranya ariko akubahiriza ibi bikurikira:

1 º Igihano cy’igifungo cya burundu kiburizamo ibindi bihano byose by’igifungo.

2 º Igiteranyo cy’ibihano cy’igifungo kimara igihe kizwi ntigishobora kurenga inshuro ( 2) z’urwego ntarengwa rw’igihano kirushije ibindi kuremera.

3 º igiteranyo cy’imirimo rusange ntikigomba kurenga imyaka ibiri (2)

4 º Igiteranyo cy’ibihano byo kubuza cyangwa cyangwa gutegeka kuba ahantu cyangwa icy’ibihano byo kubuza uburenganzira mboneragihugu ntigishobora kurenga imyaka 25 .

Icyo bivuze hano iwacu mu Rwanda ntabwo dushobora kubona umuntu wakatiwe igihano cy’igifungo kizwi imyaka irenze iyo azabaho ubuzima bwe nk’uko ahandi bigenda aho tubona hari n’abakatirwa imyaka myinshi cyane nk’urugero twatanze ku mugabo wo muri Esipanye wigeze gukatirwa imyaka 43,000 hagendewe ku kubara ibyaha byabaye mu gihe cy’impurirane.

Aha mu gihe cy’impurirane mbonezabyaha umucamanza atanga igihano kuri buri cyaha maze akabiteranya ariko akubahiriza ko igihano cy’igifungo cya burundu kiburizamo ibindi bihano byose by’igifungo ndetse akanubahiriza ko kandi mu gihe cy’impurirane atanga ibihano byateganyirijwe icyaha kirushije ibindi gukomera.

Nubwo mu gihe cy’impurirane twabonye ko ari yo ishobora gutuma hatangwa imyaka myinshi mu gihe cy’ikatirwa aho umucamanza atanga igihano kuri buri cyaha maze akabiteranya, aha twabonye ko hari ibyo agomba gukurikiza.

Mu Rwanda buri cyaha cyakozwe kiba giteganyirizwa mu itegeko igifungo kigomba guhabwa. Niba ari icyaha gihanirwa igihano cya burundu itegeko riba ribiteganya.
Niba ari n’icyaha gihanirwa igifungo cy’imyaka 25 ari na cyo gifungo cy’igihe kizwi kirekire, itegeko riba ribiteganya.

Aha rero ntabwo byashoboka ko mu Rwanda wabona umuntu wakatiwe imyaka 100, 200, 400, 1000 kuzamura.

Ahandi bijya bibaho ko umuntu yakatirwa igihano kiri hejuru y’imyaka azamara ku isi

Gukatirwa imyaka myinshi biterwa n’uko umucamanza aba yateranyije imyaka yose akurikije imyaka iteganyirizwa buri gihano cyakozwe. Iyo ibyaha ari byinshi kandi biremereye bishoboka ko umuntu yisanga yakatiwe imyaka myinshi.

Impamvu banabara igihano ku byaha byakozwe hagendewe ku mpurirane y’ibyaha imyaka ikazamuka ikaba myinshi ni uko usanga ibihugu bimwe na bimwe bitagira igihano cy’igifungo cya burundu. Urugero ibihugu byinshi byo ku mugabane w’i Burayi kubera igitutu cy’imiryango irengera uburenganzira bwa muntu byakuyeho igifungo cya burundu n’igihano cy’urupfu.

Impamvu imiryango iharanira uburenganzira bwa muntu yagiye itanga ni uko umuntu wakatiwe igihano cya burundu atashoboraga guhabwa imbabazi zisanzwe zibaho zo kubabarira abanyabyaha mu gihe baba bitwara neza mu gihe cyo kurangiza igifungo kabone n’iyo yabaga amaze imyaka myinshi afunzwe.

Aha rero kubera ko batagifite biriya bihano bagiraga kugira ngo bakumire ibyaha muri sosiyete amategeko yabo usanga aba agena imyaka myinshi y’igifungo ku cyaha cyakozwe bitewe n’uburemere bwacyo.

Urugero nko muri Leta Zunze Ubumwe za Amerika buri gihano kiba gifite imyaka y’igifungo cyateganyirijwe n’itegeko. Amategeko yaho ntabwo ateganya igifungo cya burundu ku cyaha cy’ubujura bwitwaje intwaro ariko bitewe n’impurirane y’ibyaha bihurirana n’iki cyaha buri gihano giteganyirizwa imyaka 10. Aha ni ukuvuga ko ukoze ibyaha 10 byahuriranye n’icyo cyaha umucamanza agukatira imyaka 100.

Birumvikana ko iyo hari impurirane y’icyaha bitewe n’uko bingana n’uburemere bwabyo iyo umucamanza ateranyije imyaka ya buri gihano usanga igifungo kibaye imyaka myinshi rimwe na rimwe ikarenga iyo umuntu asanzwe amara ku isi.

Bamwe mu bantu ku isi bakatiwe igifungo cy’imyaka myinshi

Mu 1976 Urukiko rwo muri Alabama muri Leta Zunze Ubumwe za Amerika rwakatiye Dudley Wayne Kyzer wari ufite imyaka 74 y’amavuko .

Icyo gihe yaziraga ibyaha by’ubwicanyi butatu yari yarakoze aribwo kwica umugore we Emily Diane Kyzer , na nyina w’umugore we Eunice Barringer n’umunyeshuri wigaga muri Kaminuza ya Alabama.

Mu mwaka wa 1977 yari yakatiwe igihano cy’urupfu aho yagombaga kwicazwa ku ntebe y’amashanyarazi akanyongwa ariko nyuma igihano cy’urupfu cyaje gukurwaho muri iyi Leta maze nyuma yongera gukatirwa mu 1981 akatirwa igifungo cy’imyaka 10,000.

Mu 1994 inkiko zo muri Amerika zakatiye Charles Scott Robinson igifungo cy’imyaka 30,000 nyuma yo guhamwa n’icyaha cyo gusambanya umwana w’umukobwa w’imyaka itatu. Ibyaha bitandatu bijyanye n’iki cyaha buri kimwe yari yakoze cyabarirwaga imyaka ibihumbi bitanu, umucamanza abiteranyije bituma igera ku gifungo cy’imyaka 30.000.

Mu 1989 Chamoy Thipyaso inkiko zo muri Thailand zamukatiye igifungo cy’imyaka 141,078. Yakatiwe iki gihano nyuma yo kunyereza miliyoni 204 z’Amadolari ya Amerika, gusa yaje gukatirwa imyaka 20 y’igifungo nyuma y’uko itegeko ryari rimaze kuvugururwa maze ahita anarekurwa nyuma y’imyaka umunani muri gereza.

Gukatirwa igihano kirekire kundi kwabayeho ku isi ni ukw’itsinda ry’ibyihebe ryagabye ibitero by’ubwiyahuzi mu mujyi wa Madrid mu mwaka wa 2004.

Iri tsinda ryari rigizwe na Khoi Doan wakatiwe igifungo cy’imyaka 42,924 , Jamal Zougam wakatiwe igifungo cy’imyaka 42,922 na Emilio Suárez Trashorras wakatiwe igifungo cy’imyaka 34,715

Muri Afurika igifungo kirekire cyabayeho ku muntu ni ubwo mu mwaka wa 1997 Umunyafurika y’Epfo Moses Sithole yakatirwaga gufungwa imyaka 2,410 azira icyaha cyo kwica abantu benshi mu cyo yari yarise ABC Murders mu ntara ya Gauteng. Iki gihe yahamwe n’ibyaha byo gufata ku ngufu 40, ibyaha byo kwica 38 n’ibyaha by’ubujura bwitwaje intwaro 6.

Nk’uko twabibonye, ibijyanye no gutanga igifungo ku bakoze ibyaha biterwa n’amategeko ya buri gihugu. Abantu benshi bagiye bakatirwa igifungo kiri hejuru rimwe na rimwe kikarenga imyaka y’uburambe bwa muntu tubasanga muri Leta Zunze Ubumwe za Amerika no mu gihugu cya Esipanye.

Ahandi nko mu Rwanda nubwo umucamanza atanga igihano nyuma yo guteranya impurirane y’ibyaha byakozwe agateranyiriza buri gihano imyaka giteganyirizwa n’itegeko, mu gihe cy’impurirane umucamanza atanga igihano kuri buri cyaha maze akabiteranya ariko akubahiriza ko igihano cy’igifungo cya burundu kiburizamo ibindi bihano byose by’igifungo ndetse akanubahiriza ko kandi mu gihe cy’impurirane atanga ibihano byateganyirijwe icyaha kirushije ibindi gukomera.

Mu Rwanda haba ubwoko bw’igifungo bubiri: Igifungo cya burundu n’ igifungo cy’igihe kizwi amategeko ateganya ko kiva ku munsi umwe kikagera ku myaka 25.

Jean Kambanda

Hari abataramenye uko byagenze kugira ngo Kambanda we ubwe yiyemerere ibyaha yashinjwaga. Uburyo bwakoreshejwe icyo gihe ni bwo bwitwa tekiniki y’iciririkanya ku gihano (Plea Bargaining) ikoreshwa n’ubushinjacyaha. Kigali Today yabivuye imuzi muri iyi nkuru. Iyi nkuru kandi iragaruka ku itabwa muri yombi rya Jean Kambanda wafashwe akoherezwa imbere y’ubutabera mpuzamahanga.

Jean Kambanda yatawe muri yombi ate?

Ku bufatanye bw’inzego z’umutekano n’iz’ubutabera za Kenya zifatanyije n’ubugenzacyaha ndetse n’ubushinjacyaha bw’urukiko mpuzamahanga mpanabyaha rwashyiriweho u Rwanda (ICTR) , mu rukerera rwa tariki ya 18 mu kwa karindwi mu 1997 nibwo hatangiye igikorwa cya Operation NAKI (Operation Nairobi-Kigali ) cyafatiwemo abari baragize uruhare muri Jenoside yakorewe Abatutsi mu 1994 bari bihishe mu gihugu cya Kenya.

Cyari igikorwa cyateguwe mu buryo bw’ibanga ku buryo hari amakuru amwe n’amwe banze gusangiza inzego z’umutekano kuko zashoboraga kuburira bamwe mu bashakishwaga n’ubushinjacyaha bw’urukiko mpuzamahanga mpanabyaha rwashyiriweho u Rwanda .

Kutabwira aya amakuru inzego z’umutekano bakazibwira ku munsi wa nyuma wo guta muri yombi abo bantu ryari itegeko ryatanzwe na Madame Louise ARBOUR wari umushinjacyaha mukuru w’uru rukiko.

Mu gutangira Operation NAKI, mu gitondo cya tariki 18 z’ukwezi kwa karindwi habayeho akanama gato ku biro bikuru by’igipolisi muri Nairobi. Iyi nama yari igamije gutanga ishusho ku gikorwa ndetse no kugaragaza uko kiri bukorwe. Abari aho bagabanyijwemo amakipe ajyanye n’umubare w’abari bagiye gufatwa.

Ikipe yabaga igizwe na bamwe bo mu nzego z’umutekano za Kenya bagombaga gufata abakekwa. Mu ikipe kandi habaga harimo Umunyarwanda uzi neza ugiye gufatwa kugira ngo aze kwemeza ko ufashwe ari we. Abandi babaga bari muri iyo kipe bari abashinjacyaha n’abagenzacyaha b’urukiko mpuzamahanga mpanabyaha rwashyiriweho u Rwanda ICTR babaga bakurikirana icyo gikorwa .

Guhera icyo gihe tariki ya 18 mu kwa karindwi 1997 abakekwaga batangiye gutabwa muri yombi umwe ku wundi. Uwafatwaga yahitaga amenyeshwa uburenganzira bwe nk’uko amategeko abiteganya .

Ubu burenganzira burimo nko kuguma ucecetse kuko icyo uvuze cyose gishobora kuba ikimenyetso mu rubanza, kugira umwunganizi mu mategeko(avocat) ndetse n,ibindi.

Nyuma abari batawe muri yombi barimo Jean Kambanda wari Minisitiri w’Intebe muri Leta y’Abatabazi bahise burizwa imodoka z’inzego z’umutekano za Kenya bajyanwa aho bagombaga gutegerereza kugira ngo bahite boherezwa i Arusha muri Tanzania kuri ICTR.

Nyuma ya Operation NAKI, Kambanda yahise yoherezwa i Arusha muri Tanzania. Jean Kambanda yagaragaye mu rukiko bwa mbere tariki 16 mu kwa cumi mu 1997 gusa ntiyaruhije urukiko ahubwo yatanze ubuhamya bw’uburyo Jenoside yakorewe Abatutsi yateguwe n’uko yashyizwe mu bikorwa ndetse ubwe yiyemerera ibyaha byose yashinjwaga.

Urubanza rwa Jean Kambanda rwasomwe ku itariki ya 4 z’u kwezi kwa cyenda mu 1998 rwari ruyobowe n’umucamanza wari perezida w’inteko iburanisha ari we umunya Senegal LAITY KAMA aho yari kumwe n’abandi bacamanza babiri ari bo umunyasuwede LENNART ASPEGREN n’ umunyafurika y’epfo witwa NAVANETHEM PILLAY. Umwanditsi w’urukiko yari umunyanijeriya AGWU UKIWE OKIALI naho umushinjacyaha washinje Jean Kambanda muri uru rubanza yari umushinjacyaha mukuru wungirije wa ICTR umunyakameruni BERNARD MUNA.

Plea Barganing (iciririkanya ku gihano) : Tekiniki yakoreshejwe kugira ngo Kambanda yemere ibyaha

Ubundi mu mategeko hari ihame ryitwa Plea Bargaining ugenekereje mu Kinyarwanda ni nk’iciririkanya ku gihano.

Iyi tekiniki ikoreshwa n’abashinjacyaha ikoreshwa iyo ukurikiranyweho icyaha ari imbere y’ubushinjacyaha , ubushinjacyaha bugikusanya ibimenyetso ku cyaha cyakozwe kugira ngo bujyane ikibazo (case) mu rukiko bufite ibimenyetso bifatika ku cyaha cyakozwe.

Aha umushinjacyaha akoresha amayeri yose kugira ngo abone ibimenyetso ku cyaha cyakozwe. Umushinjacyaha asaba ukekwaho icyaha kumubwiza ukuri ku cyaha cyakozwe na we akamwizeza kuzamusabira igihano gito imbere y’umucamanza.

Uretse gusabira igihano gito ukekwaho icyaha, umushinjacyaha ashobora no kumwizeza ibindi bintu birimo n’amafaranga kugira ngo akunde agere ku bimenyetso bimworohereza mu kazi.

N’ubwo ariko umushinjacyaha aba ashobora gusabira ukekwaho icyaha igihano gito mu rukiko kubera ko yagaragaje ubufatanye mu gihe cyo gukusanya ibimenyetso ntabwo umushinjacyaha aba ari we uba ufite ijambo rya nyuma ryo kugena igihano ku cyaha cyakozwe kuko na we aba ari uruhande ruri kuburana.

Umucamanza wenyine ni we uba ufite ijambo rya nyuma ryo kugena igihano ku cyaha cyakozwe yisunze ibyo amategeko ateganya, aha rero aba ashobora kwemera cyangwa akanga iciririkanya ku gihano (Plea Bargaining) ryabayeho hagati y’ubushinjacyaha n’uregwa.

Ubwo Kambanda yageraga imbere y’umushinjacyaha Bernard MUNA , kugira ngo amenye amakuru yari akeneye ku byaha bya Jenoside byakozwe yakoresheje ubu buryo bwa Plea Bargaining amwizeza kumusabira igihano gito, kumuha amafaranga, kumuha ubuhungiro bw’umuryango we mu bihugu byo ku mugabane w’u Burayi na we agafashwa kubonayo ubuhungiro no kubonayo akazi mu gihe yari kuba arangije igihano cye.

Imbere y’ubushinjacyaha n’imbere y’urukiko ibyaha byose Kambanda yashinjwaga yarabyemeye yizeye ko azagabanyirizwa igihano agahabwa n’ibyo yari yemerewe bindi.

N’ubwo ubu buryo busanzwe bukoreshwa hagati y’umushinjacyaha n’uregwa nk’uko twabibonye hejuru, ntabwo biba ari ihame ko umucamanza ashyira mu bikorwa ibyo ubushinjacyaha byose buba bwemereye uregwa .

Byatumye abacamanza b’urukiko rwa Arusha, umunya Senegal LAITY KAMA, umunyasuwede LENNART ASPEGREN n’ umunyafurika y’epfo NAVANETHEM PILLAY batemera ubyo ubushinjacyaha bwari bwasabiye Kambanda harimo igihano kigufi kitagombaga kurenza imyaka 15 nk,uko yari yabisabiwe n’ubushinjacyaha.

Nyuma yo kwemera ibi byaha ku giti cye hakoreshejwe uburyo bwa Plea Barganing nibwo ku itariki 4 mu kwa cyenda mu 1998 Urukiko mpuzamahanga mpanabyaha rwashyiriweho u Rwanda rwa ICTR rwamuhamije ibyaha bya Jenoside ;icyaha cyo gukangurira abaturage gukora Jenoside ;Ubufatanyacyaha mu gukora Jenoside , kudakoresha ububasha yari afite ngo ahagarike Jenoside n’ibyaha byibasiye inyokomuntu akatirwa igifungo cya burundu.

Jean Kambanda yaguye mu kantu kuko yumvaga ibyo yemerewe n’ubushinjacyaha bizakurikizwa akagabanyirizwa igihano. Nyuma yahise ajurira ariko kubera ko ari we wari wariyemereye ibyaha byose, igihano ntabwo cyahindutse cyaje no gushimangirwa mu rugereko rw’ubujurire bw’urukiko rwa Arusha ku itariki 19 Ukwakira mu 2000 nyuma ahita yoherezwa mu gihugu cya Mali muri Gereza ya Koulikoro aho arimo kurangiriza igihano cy’igifungo cya burundu yahawe.

Plea Barganing isanzwe ikoreshwa mu mategeko hari ibihugu bimwe na bimwe bitayemera ko ikoreshwa kuko basanze ishobora gutuma abantu bemera ibyaha bagendeye ku gitutu n’ibyo baba bizezwa bakaba bakwemera n’ibyo batakoze.

Hari n’aho rimwe na rimwe ubu buryo bukoreshwa nabi abantu bamwe na bamwe bitewe n’ibyo bijejwe aho baba bashobora kubeshyera abandi bakaba bahanirwa ibyaha batakoze.

Ku rwego rw’ubushinjacyaha bwo ubu buryo bugira akamaro kuko bworoshya akazi mu gihe cy’ikusanya bimenyetso (Collection of evidence) no mu gihe cy’iburana kuko umushinjacyaha aba ashaka gutsinda urubanza we akoresha ibishoboka byose ngo agere ku makuru yamufasha.

Ubu buryo iyo budakoreshejwe neza n’ubushinjacyaha bushobora no gutera ubunebwe ubushinjacyaha ntibucukumbure ngo bugere mu mizi y’icyaha mu gihe buhisemo kwizera ko ibyo bwabwiwe byose ari ukuri ntibukomeze gucukumbura.

Kugira ngo tubasobanurire ubu buryo neza twifashishije urubanza rwa Jean Kambanda ubwo yari ari imbere y’urukiko mpuzamahanga mpanabyaha rwa Arusha rwashyiriweho u Rwanda gusa hari n’izindi manza zigaragaramo ko zakoreshejwemo ubu buryo kuko hamwe na hamwe amategeko abwemera.

Igikorwa cyo kuraga cyahozeho kuva na kera mu muryango nyarwanda ariko uko ibihe byagiye bihinduka cyagiye kivugururwa gisanishwa n’amategeko mu rwego rwo kugabanya amakimbirane yavukaga nyuma yacyo cyangwa mbere y’uko gikorwa.

Guhera mu mwaka wa 1999 ibijyanye n’igikorwa cy’irage byateganywaga n’itegeko ryo kuwa 12/11/1999 ryuzuzaga igitabo cya mbere cy’urwunge rw’amategeko mbonezamubano kandi rigashyiraho igice cya gatanu cyerekeye imicungire y’umutungo w’abashyingiranywe, impano n’izungura.

Iri tegeko n’ingingo zirikubiyemo byaje gusimbuzwa bikurwaho n’itegeko nº27/2016 ryo ku wa 08/07/2016 rigenga imicungire y’umutungo w’abashyingiranywe, impano n’izungura ari ryo rikurikizwa kugeza none.

Itegeko ryo mu mwaka wa 1999 ryavugaga ko umubyeyi yari ategetswe gutanga umunani ku bana be bigakorwa ababyeyi bakiriho hagamijwe kugabira umutungo abana babo cyangwa ababakomokaho bagahita bawegukana, bikitwa ko bashoje inshingano yo kubarera no kububakira.

Gusa umubyeyi yashoboraga kuba yaratanze umunani agasigarana iyindi mitungo akaba ari yo azaraga mbere y’uko apfa.

Nyuma ariko byagiye bigaragara ko hari abana bitwaraga nabi aho bashyiraga igitutu ku babyeyi ngo babahe umunani ndetse n’indagano itegeko ryo mu 1999 ryaje kuvanwaho risimbuzwa irya 2016 riha uburenganzira busesuye umubyeyi mu gikorwa cy’irage aho yemerewe guha umutungo we ho indagano uwo ashatse bitewe n’impamvu runaka ..

Ikindi itegeko ryo mu mwaka wa 1999 hari ingingo nyinshi ritasobanuraga ku gikorwa cy’irage aho byatumaga haba amakimbirane n’imanza bishingiye kuri iki gikorwa.

Mu rwego rwo kubafasha kurushaho gusobanukirwa n’icyo amategeko ateganya hagamijwe kumenya uburenganzira bwanyu no kugabanya amakimbirane mu miryango avuka ashingiye ku mitungo uyu munsi twahisemo kubabwira bimwe mu bintu bamwe mukunze kwibaza ku gikorwa cy’irage.

Mbere yo gusobanura uko igikorwa cy’irage kigenda, reka tubafashe gutandukanya aya magambo “Irage” n’Indagano”.

Indagano ni impano itangwa mu buryo bw’irage nyiri ukuyihabwa akayegukana ari uko uwayimuhaye apfuye. Naho Irage ni igikorwa mbonezamategeko, kigirwa n’umwe mu bo kireba. Gishobora guseswa kandi kigakorwa muri bumwe mu buryo buteganywa n’itegeko, aho umuntu agena amerekezo y’ibintu bye igihe azaba atakiriho.

Mu gikorwa cy’irage amategeko ateganya ko uraga yikuraho ibintu nta kiguzi, uragwa akabyegukana ari uko uraga apfuye.

Ninde ufite ububasha bwo kuraga no kuragwa, ese bikorwa gute?

Umuntu wese ufite ubushobozi busabwa n’amategeko ashobora kuraga igice cyangwa umutungo we wose hakurikijwe ibiteganywa n’itegeko nº27/2016 ryo ku wa 08/07/2016 rigenga imicungire y’umutungo w’abashyingiranywe, impano n’izungura.

Icyakora, irage rikozwe n’umwe mu bashyingiranywe mu buryo bw’ivangamutungo rusange cyangwa ivangamutungo w’umuhahano, ku mutungo bahuriyeho rigomba kwemerwa mu nyandiko n’uwo bashyingiranywe. Ukora irage kimwe n’uwo bashyingiranywe agomba kuba afite ubushobozi busabwa n’amategeko mu gihe yakoraga irage. Uraga bitewe n’impamvu ashobora kuraga uwo ashatse wese kabone n’iyo nta sano baba bafitanye.

Aha urugero twatanga ni umukecuru w’intwaza Nyirangoragoza Marianne witabye Imana, agasiga ageneye Perezida Paul Kagame irage rigizwe n’ubutaka n’inzu biherereye mu Murenge wa Bushekeri mu Karere ka Nyamasheke.

Uragwa agomba kuba afite ubushobozi buteganywa n’amategeko ku munsi wo kwemera irage. Ku mwana utaragira imyaka y’ubukure cyangwa ku muntu mukuru udafite ubushobozi. Kwemera irage bikorwa hubahirijwe amategeko agenga uguhagararira abadafite ubushobozi.

Mu ngingo ya 65 y’itegeko nº27/2016 ryo ku wa 08/07/2016 rigenga imicungire y’umutungo w’abashyingiranywe, impano n’izungura ivuga ko irage rikorwa mu buryo bw’inyandiko mpamo cyangwa bw’inyandiko bwite. Irage rikozwe mu buryo bw’inyandiko mpamo ni irage rikorewe imbere ya Noteri n’uraga cyangwa imbere y’Umwanditsi w’Irangamimerere w’aho uraga atuye cyangwa aba.

Umwanditsi w’Irangamimerere cyangwa Noteri abika inyandiko y’umwimerere akandika mu gitabo cyabugenewe itariki irage ryakoreweho, amazina y’uraga n’aho atuye cyangwa aho aba. Inyandiko y’umwimerere n’igitabo cyandikwamo irage bibikwa mu ibanga, ntawe ushobora kumenya ibyanditswemo uraga atarapfa kandi bimenyeshwa gusa abarebwa n’irage bonyine.

Irage rikozwe mu nyandiko bwite ni irage ryanditse ryose n’intoki z’uraga, hari abatangabuhamya nibura babiri (2) akarishyiraho itariki, umukono we n’uw’abatangabuhamya. Iyo ukora irage atazi kwandika cyangwa nta bushobozi afite bwo kwandika n’ubwo gushyira umukono ku irage, ashobora kwihitiramo uryandika mu mwanya we.

Kugira ngo irage rikorwe, uraga abanza kwishyura amafaranga ibihumbi bitanu y’iyi serivisi ishobora kubera mu murenge imbere ya Noteri cyangwa undi mwanditsi w’irangamimerere w’aho uraga atuye cyangwa aba.

Ni ryari Irage ritangazwa?

Ingingo ya 67 y’iri tegeko ivuga ko irage ritangazwa mu gihe kitarenze iminsi mirongo itatu (30) nyuma y’urupfu rw’uwaraze, aho umukuru w’umuryango agena umunsi irage rizatangarizwa abazungura b’uwapfuye.

Kuri uwo munsi irage ritangarijweho, hanashyirwaho abagize inama ishinzwe iby’izungura. Ubifitemo inyungu wese ashobora kwitabira iryo tangazwa.

Uwahawe indagano mu mutungo w’uwapfuye nta nshingano agira yo kwishyura imyenda y’uwamuhaye indagano .

Itegeko rikurikizwa mu nyandiko z’irage z’Umunyarwanda uba mu mahanga igihe ikiragwa kiri mu Rwanda cyangwa inyandiko z’irage zikozwe n’umunyamahanga uba mu Rwanda

Inyandiko z’irage zikozwe n’Umunyarwanda uba mu mahanga igihe ikiragwa kiri mu Rwanda zigengwa n’ itegeko ry’igihugu zakorewemo ku byerekeranye n’uko ziteye. Icyakora, Umunyarwanda ashobora no guhitamo uburyo buteganywa n’itegeko ry’igihugu cye, hashobora no kurebwa itegeko ry’u Rwanda ku byerekeye icyo zivuga n’inkurikizi zazo.

Inyandiko z’irage zikozwe n’umunyamahanga uba mu Rwanda zigengwa n’itegeko ry’igihugu zakorewemo ku byerekeranye n’uko ziteye. Icyakora, umunyamahanga ukoreye irage mu Rwanda ashobora guhitamo uburyo buteganywa n’itegeko ry’igihugu akomokamo; n’itegeko ry’igihugu akomokamo ku byerekeye icyo inyandiko z’irage zivuga n’inkurikizi zazo.

Ese Irage rishobora kuvanwaho? Ese iyo rikuweho bigira izihe ngaruka?

Irage rishobora kuvanwaho ryose cyangwa igice cyaryo n’urukiko bisabwe n’ubifitemo inyungu mu gihe ryakozwe ku gahato, ryakoranywe uburiganya cyangwa ritubahirije ibiteganywa n’itegeko. Ivanwaho ry’irage ritesha agaciro iryo rage.

Ibindi itegeko ryongeraho ku bijyanye n’ita agaciro k’indagano ni uko iyo uwahawe indagano apfuye mbere y’uwaraze, uretse igihe ashobora guhagararirwa indagano ihita iteshwa agaciro.

Iteshwa agaciro kandi iyo icyari cyaratanzweho indagano cyangiritse cyose uwayitanze akiriho ndetse n’igihe uwahawe indagano ayanze cyangwa habayeho impamvu zituma yakwa uburenganzira bwo kwakira indagano.

Izungura ry’umutungo w’uwapfuye rikorwa hakurikijwe ibiteganywa n’iri tegeko niba nta rindi rage ryigeze rikorwa kuko hari igihe biba ngombwa irage ntirikorwe bitewe n’impamvu runaka. Iyo irage ritabayeho habaho igikorwa cy’izungura rikorwa hakurikijwe itegeko.

Ni amakosa yakunze kutavugwaho rumwe hagati y’abakozi n’abakoresha ariko ubu byarasobanutse.

Mu itegeko ry’umurimo rya 2009 bavugaga ko ikosa rikomeye umuntu yakwirukanirwa ryemezwa n’umucamanza gusa, kuba nta rutonde rw’amakosa rwari ruri mu itegeko runaka ibi byatumaga umukoresha yakwirukana umukozi uko ashatse yitwaje ko azamurega bakaburana mu rukiko, umucamanza akaba ari we wemeza ko habayeho ikosa rikomeye cyangwa ritabayeho.

Iyo umucamanza yemezaga ko ikosa rikomeye ryabayeho umukozi yarirukanwaga, iyo yemezaga ko ritabayeho umukozi yashoboraga guhabwa indishyi ziturutse ku kwirukanwa kudakurikije amategeko (unfair dismissal).

Mbere y’uko itegeko ry’umurimo rya 2018 rishyirwaho ibisobanuro ku ikosa rikomeye ntabwo byari bisobanutse, byashoboraga guteza urujijo kuko umukoresha yashoboraga gufata ikintu n’ikosa ryoroshye akaba yaryita ikosa rikomeye akaba yasezerera umukozi mu kazi.

Mu itegeko rishya ry’umurimo rya 2018 biciye mu iteka rya Minisitiri, hari intambwe yatewe aho bagerageje gutanga ibisobanuro ku ikosa rikomeye umukozi yirukanirwa adahawe integuza.

Uyu munsi Kigali Today irasobanura ku makosa akomeye ashobora gutuma umukozi yirukanwa ku kazi kugirango abakozi n’abakoresha bamenye uburenganzira bwabo mu kazi yewe n’inshingano zabo.

Nk’uko itegeko ribiteganya, ni urutonde rw’amakosa 15 yiswe n’itegeko ry’umurimo rya 2018 “amakosa akomeye atuma umukozi wayakoze yirukanwa mu kazi nta nteguza”. Iri tegeko riteganya iteka urutonde rw’aya makosa rubarizwamo aho abarizwa mu iteka rya Minisitiri No 002/19.20 ryo ku wa 17/03/2020.

Mbere yo kubabwira ariya makosa 15, icy’ingenzi ugomba kumenya ni uko ushobora gukora ikosa rikaba ari ikosa rikomeye kandi rikaba ari n’icyaha ku buryo uretse kwirukanwa ku kazi ushobora no gukomeza gukurikiranwa mu nkiko ugakatirwa.

Ushobora no gukora ikintu kikaba ari ikosa rikomeye ariko atari icyaha giteganywa mu itegeko Nº68/2018 ryo ku wa 30/08/2018, itegeko riteganya ibyaha n’ibihano muri rusange ugahamwa n’ikosa rikwirukanisha mu kazi ntukurikiranwe n’inkiko.

Nk’uko tubisanga mu Iteka rya Minisitiri No 002/19/20 ryo ku wa 17/03/2020 rishyiraho urutonde rw’amakosa akomeye; aya ni amwe mu makosa akomeye yakwirukanisha umukozi nta nteguza:

1. Ubujura;

2. Uburiganya;

3. Kurwanira ku kazi;

4. Kunywera ibinyobwa bisindisha mu kazi ( iri kosa ryuzuzanya n’irya 5 , unywereye inzoga hanze y’akazi ukaza ku kazi wanyweye ntabwo byitwa ko wanywereye inzoga mu kazi, gusa wakoreye hanze urugero wagiye kuri terrain ukanywerayo inzoga uba ukoze iri kosa)

5. Kuba uri ku ku kazi wasinze cyangwa wanyoye ibiyobyabwenge;

6. Gukora inyandiko mpimbano: Usibye akazi ukajya gucurisha inyandiko y’ikiruhuko cya muganga (Repos medical) ufashwe wakwirukanwa byaba ngombwa ukanakurikiranwaho iki cyaha.

7. Ivangura iryo ari ryo ryose ku kazi;

8. Guhoza undi ku nkeke bifitanye isano n’imibonano mpuzabitsina;
9. Gusaba, gutanga cyangwa kwakira ruswa cyangwa indonke;
10. Kunyereza umutungo;

11. Kubona cyangwa gutanga mu buryo butemewe amakuru y’akazi y’ibanga;

12. Imyitwarire ishobora gushyira mu kaga ubuzima n’umutekano by’abandi ku kazi;

13. Ihohotera rishingiye ku gitsina mu kazi;

14. Guhagarika imirimo mu buryo budakurikije amategeko;

15. Kwangiza ibikoresho by’akazi ku bushake.

Aya ni yo makosa 15 akomeye ateganywa mu iteka rya Minisitiri No 002/19.20 ryo ku wa 17/03/2020 hashingiwe ku itegeko ry’umurimo rya 2018.

Umukoresha mbere yo kwirukana umukozi aba agomba kureba niba koko ikosa yakoze riri kuri uru rutonde, iyo ririmo akwirukana nta nteguza.

Gusa hari amakosa amwe n’amwe ushobora kuba utabonaho, uvuga uti “aya ni amakosa atakagombye kubura”. Aha na ho itegeko ryazirikanye andi makosa ashobora gukorwa mu kazi bitewe n’imiterere y’ikigo runaka cyangwa na Business.

Hari amakosa hano mu itegeko batavuze ariko ku kigo runaka yaba ari amakosa akomeye tuvuge nk’urugero gutukana.

Urugero umukoresha ashobora kuba afite umukozi agatuka nk’umukiliya cyangwa umufatanyabikorwa wari ufite agaciro ku kigo bigateza igihombo ku kigo.

Aha itegeko ryatanze ubwiyegamburiro (uburenganzira) mu buryo bukurikira:

Bitabangamiye igisobanuro cy’ikosa rikomeye nk’uko giteganywa n’itegeko rigenga umurimo, umukoresha (Ikigo) bashobora kugena urutonde rw’ibindi bikorwa cyangwa imyitwarire bifatwa nk’amakosa akomeye kandi rukemezwa na Minisitiri ufite umurimo mu nshingano ze mbere y’uko rushyirwa mu bikorwa.

Urwo rutonde rushyirwa mu mategeko ngengamikorere y’ikigo kandi rukamenyeshwa abakozi mu nyandiko mbere y’ishyirwa mu bikorwa ryarwo.

Ku bigo bidasabwa n’itegeko gushyiraho amategeko ngengamikorere, urutonde rw’amakosa akomeye rumenyeshwa abakozi mu nyandiko mbere y’uko rutangira kubahirizwa.

Diego Maradona yaramenyekanye cyane mu mupira w’amaguru

Umunyabigwi mu mupira w’amaguru, Diego Armando Maradona, yitabye Imana ku myaka 60 azize indwara y’umutima, nyuma y’ibyumweru bibiri asezerewe mu bitaro aho yari yabazwe mu mutwe.

Mu byo azahora y’ibukirwaho ni ukwegukana igikombe cy’isi cyo mu mwaka wa 1986 aho yanikubiye ibihembo byinshi byatanzwe icyo gihe.

Mu mwaka wa 1990 yongeye kugera ku mukino wa nyuma w’igikombe cy’isi ariko ntiyabasha kwegukana igikombe.

Diego Maradona (ufite igipfuko mu mutwe) n’umuganga we Leopoldo Luque

Mu gihe yavaga mu bitaro, Maradona yari ari mu modoka itwara indembe (ambulance) iherekejwe n’imodoka nyinshi z’abakunzi be, aho benshi bari bamaze iminsi bakambitse ku bitaro yari arwariyemo mu mujyi wa Buenos Aires muri Argentine, baririmba indirimbo zimusabira gukira.

Isaha imwe mbere y’uko asohoka, muganga umukurikirana Dr Leopoldo Luque, yabanje gutangariza imbaga yari irimo n’abanyamakuru, ko Maradona yemerewe gutaha iwe mu rugo, akazakomeza kondorerwa mu nzu iherereye ahitwa Tigre, hafi y’umukobwa we wa bucura Giannina, umwe mu bana batanu ba Maradona babashije kumenyekana.

Maradona yari yajyanywe mu bitaro afite ikibazo cyo kubura amaraso n’amazi mu mubiri tariki ya 02 Ugushyingo 2020, biza kugaragara ko afite ibibumbe by’amaraso byipfunditse mu mutwe we « hématome sous-dural », akaba yari yatangiye koroherwa nyuma yo kubagwa, gusa bikaba birangiye ashizemo umwuka kubera ikibazo cyo guhagarara k’umutima.

Ubu butumire nk’uko amategeko abiteganya busobanura ko ushinjwa agomba kwitaba ku giti cye, yunganiwe cyangwa ahagarariwe. Gusa birashoboka ko umuntu ashobora gucirirwa urubanza adahari ngo yisobanure ku byo aregwa nyuma y’igihe runaka agasanga urubanza rwararangiye .

Nyuma yo gusanga hari benshi bagiye bahura n’ikibazo nk’iki, Kigali Today yabateguriye inkuru igamije kubasobanurira uburenganzira umuntu waciriwe urubanza adahari uburenganzira ahabwa n’amategeko.

Ubundi mu mategeko hari ihame rivuga ko ubutabera butinze buba butabayeho, intego z’ubutabera ni ukurenganura abantu mu buryo butarambiranye.

Mu Rwanda ho by’umwihariko hari amabwiriza ku nkiko avuga ko urubanza rutagomba kurenza amezi atandatu rutaburanishijwe.

Kwihutisha itangwa ry’ubutabera bituma itegeko ryemerera inkiko kuburanisha imanza kabone n’iyo uregwa yaba adahari , urukiko rufite uburenganzira bwo kuburanisha urubanza rukanamukatira iyo ahamwe n’icyaha.

Itegeko ryerekeye imiburanishirize y’imanza z’inshinjabyaha Nº 027/2019 ryo ku wa 19/09/2019 mu ngingo yaryo ya 128 rigena uburyo urubanza rushobora gucibwa umuntu adahari aho ribiteganya muri ubu buryo:

Iyo uregwa atitabye nta mpamvu kandi yarahamagawe mu buryo bukurikije amategeko, urukiko rumuburanisha adahari. Iyo Ubushinjacyaha butitabye ku nshuro ya mbere urubanza rurasubikwa. Iyo ubushinjacyaha butitabye ku nshuro ya kabiri nta mpamvu kandi ushinjwa afunzwe, urukiko rutegeka ko afungurwa, rukaburanisha urubanza Ubushinjacyaha budahari, uretse iyo akurikiranyweho icyaha cy’ubugome.

Iyo inshuro eshatu (3) zikurikiranye, Ubushinjacyaha butitabye ku cyaha cy’ubugome, ushinjwa ararekurwa, iburanisha rikazakomeza adafunze n’iyo Ubushinjacyaha bwaba budahari.

Uwaciriwe urubanza adahari ashobora gusaba ko rusubirwamo (Opposition)

Gusubirishamo urubanza bigamije ko urubanza rwaciwe uregwa adahari rwongera kuburanishwa. Gusaba ko urubanza rusubirishwamo bisabwa n’uwarezwe mu rukiko rwaciye urubanza rusabirwa gusubirishwamo.

Bikorwa mu buryo bumwe n’ubwo gutanga ikirego. Umwanzuro usaba ko urubanza rusubirishwamo ugomba kugaragaza impamvu zikomeye zatumye ubisaba ataboneka mu iburanisha ry’urubanza rusabirwa gusubirishwamo.

Gusubirishamo urubanza bikorwa mu gihe kitarenze iminsi cumi n’itanu (15) uhereye igihe usaba gusubirishamo urubanza abimenyeye.

Iyo nta bimenyetso bigaragaza ko uwaciriwe urubanza adahari yabonye imenyesha, ashobora gusaba kurusubirishamo igihe cyose igihano kitarasaza cyangwa igihe cyose urubanza rutararangizwa ku byerekeye indishyi.

Gusubirishamo urubanza byemerwa gusa iyo uregwa utaritabye mbere agaragaje impamvu ikomeye yamubujije kwitaba. Urukiko rwaregewe rugena mu bushishozi bwarwo agaciro ruha impamvu itanzwe yatumye umuburanyi atitaba.

Irengayobora (Exception) ku bakatiwe n’inkiko gacaca badahari

Nk’uko biteganywa n’ingingo ya 175 y’itegeko ryerekeye imiburanishirize y’imanza z’inshinjabyaha Nº 027/2019 ryo ku wa 19/09/2019 uwakatiwe n’Inkiko Gacaca atari mu gihugu yemerewe gusaba gusubirishamo urubanza mu nkiko zibifitiye ububasha iyo ageze mu gihugu. Aha amategeko ateganya ko urukiko rubifitiye urubanza ari urukiko rw’ibanze.

Iyo yizanye ku bushake bwe, akurikiranwa adafunze kugeza hafashwe icyemezo, Iyo azanwe ku ngufu bidaturutse ku bushake bwe ntabwo itegeko rimwemerera gusubirishamo urubanza ahita ajya kurangiza igihano yakatiwe adahari.

Aha urugero twatanga aho byabaye ni kuri Angeline Mukandutiye ufungiwe uruhare yagize muri Jenoside yakorewe Abatutsi muri Mata 1994 (soma inkuru ye HANO).

Mukandutiye Angeline wagize uruhare muri Jenoside yakorewe Abatutsi watashye mu mwaka wa 2019 ari kumwe n’abari abarwanyi ba FDLR ubwo yageraga mu Rwanda yasanze yarakatiwe n’inkiko Gacaca adahari. Kuba yari aje bidaturutse ku bushake bwe ntiyemerewe gusubirishamo urubanza ahubwo yahise atabwa muri yombi yoherezwa muri gereza ya Mageragere aho arimo kurangiriza igifungo cya burundu yakatiwe n’Urukiko Gacaca rwa Nyarugenge.

Nyuma yo kuva kuri uru rugero aho itegeko riteganya igihe umuntu adahabwa uburenganzira bwo gusubirishamo urubanza, amategeko anateganya ko uwasabye ko urubanza rwaciwe adahari rusubirwamo ategetswe kwitaba ku giti cye. Iyo mu rubanza rwaciwe adahari yari ategetswe kuba ahari, cyangwa igihe urubanza rwaciwe adahari rwategetse ko kugira ngo gusaba ko rusubirwamo byemerwe, nyiri ukubisaba agomba kurubonekamo.

Ni izihe ngaruka isubirishamo urubanza rigira ku cyemezo cy’urukiko?

Gusubirishamo urubanza rwaciwe uregwa adahari bihagarika irangiza ryarwo. Icyakora urukiko rwaciye urubanza uregwa adahari, rushobora gutegeka mu gihe icyaha kimuhamye, ko ahita afatwa agafungwa n’ubwo bwose yasubirishamo urubanza.

Urukiko rwaciye urubanza uregwa adahari rushobora kandi no gutegeka ko uwahamwe n’icyaha afatwa agafungwa iyo habonetse impamvu zikomeye kandi zidasanzwe.

Iyo isubirishamo ry’urubanza rwaciwe uregwa adahari ryemewe, urubanza rwaciwe mbere nta gaciro ruba rugifite. Urukiko rwongera kuburanisha bundi bushya urubanza mu ngingo zarwo zose. Iyo dosiye iregwamo abantu benshi bamwe bakitaba abandi ntibitabe, abaregwa bose barongera bagahamagarwa.

Icy’ingenzi kindi cyo kumenya ku muntu waciriwe urubanza adahari ni uko ashobora gusaba gusubirishamo urubanza ( Opposition) cyangwa agatanga ubujurire ku cyemezo cyafashwe (Appeal ) gusa ahitamo uburyo bumwe muri ubu.

Aha icyo bivuze ni uko nta muntu wasaba gusubirishamo urubanza ngo ahindukire asabe n’ijurira , uburyo bumwe bwambura umuntu uburenganzira ku bundi.

Ese gukuramo inda bikorwa gute? Ni izihe mpamvu zishobora gutuma umuntu akuramo inda ntakurikiranwe n’amategeko? Ese uwahohotewe agaterwa inda nyuma igakurwamo uwamuhohoteye akayimutera ashobora gukurikiranwa mu mategeko?

Nyuma y’uko tubisabwe n’abasomyi bacu, twabateguriye inkuru isobanura ibyo amategeko ateganya ku gukuramo inda n’uko bikorwa.

Ubundi amategeko ahana umuntu ukuyemo inda n’ufashije undi kuyikuramo.

Umuntu wese wikuyemo inda, aba akoze icyaha. Iyo abihamijwe n’urukiko, ahanishwa igifungo kitari munsi y’umwaka umwe (1) ariko kitarenze imyaka itatu (3) n’ihazabu y’amafaranga y’u Rwanda atari munsi y’ibihumbi ijana (100.000 FRW) ariko atarenze ibihumbi magana abiri (200.000 FRW).

Umuntu wese ukuramo undi muntu inda, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5).

Umuntu wese, ku bw’uburangare cyangwa umwete muke, utuma umuntu akuramo inda, ahanishwa igifungo kitari munsi y’umwaka umwe (1) ariko kitarenze imyaka ibiri (2) n’ihazabu y’amafaranga y’u Rwanda atari munsi y’ibihumbi magana atatu (300.000 FRW) ariko atarenze ibihumbi magana atanu (500.000 FRW) cyangwa kimwe gusa muri ibyo bihano.

Iyo gukuramo inda biteye ubumuga byemejwe n’umuganga ubifitiye ububasha, uwakoze icyaha ahanishwa igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25).
Iyo gukuramo inda biteye urupfu, uwakuriwemo inda yaba yabyemeye cyangwa atabyemeye, uwakoze icyaha ahanishwa igifungo cya burundu.

Nyuma y’uko imiryango iharanira uburenganzira bwa muntu ibisabye , ingingo zihana iki cyaha zaravuguruwe mu rwego rwo gutanga uburenganzira bwo gukuramo inda ku bantu bamwe .

Mu ngingo ya 125 y’iri tegeko ariko hagaragaramo irengayobora kuri iki cyaha aho hari impamvu ziteganya ukutaryozwa icyaha cyo gukuramo inda.

Nta buryozwacyaha bubaho iyo gukuramo inda byakozwe kubera impamvu zikurikira:

1º Kuba utwite ari umwana.

2º Kuba uwakuriwemo inda yarakoreshejwe imibonano mpuzabitsina ku gahato.

3º Kuba uwakuriwemo inda yarayitwaye nyuma yo kubanishwa n’undi nk’umugore n’umugabo ku gahato.

4º Kuba uwakuriwemo inda yaratewe inda n’uwo bafitanye isano ya hafi kugera ku gisanira cya kabiri.

5º Kuba inda ibangamiye ubuzima bw’utwite cyangwa ubw’umwana atwite.

Haseguriwe ibiteganywa mu ngingo ya 11 y’iri teka, usaba gukurirwamo inda ntasabwa gutanga ibimenyetso by’impamvu ashingiraho. Iyo nyuma yo gukurirwamo inda bigaragaye ko uwayikuriwemo yatanze amakuru atari yo, yirengera ingaruka zabyo hakurikijwe ibiteganywa n’amategeko.

Kigali Today yavuganye na Tom MULISA, umwalimu w’amategeko muri Kaminuza y’u Rwanda na kaminuza ya Uppsala yo muri Suwede, asobanura impamvu hashyizweho itegeko ryo gukuramo inda, ashimangira ko atari uguhatira cyangwa gushishikariza abantu gukuramo inda ahubwo ko ari ukubaha amahirwe yo guhitamo icyo babona kitazabagiraho ingaruka mu buzima kandi ko ubikoze adakurikije amategeko abihanirwa.

Agira ati “Gukuramo inda ku mpamvu zimwe na zimwe ntabwo bitiza umurindi abagore gukuramo inda. Icya mbere kigaragaza impamvu hemejwe itegeko ryo gukuramo inda ni uko niba umugore yarafashwe ku ngufu akaba yumva adashaka kubyara uwo mwana kuko azajya amubonamo Se wamufashe ku ngufu utahatira uwo mugore kubyara uwo mwana.

Ese gukuramo inda ku bushake bikorwa gute?

N’ubwo mu itegeko ngenga rishyiraho igitabo cy’amategeko ahana rya 2012 ryaje gusimburwa n’itegeko riteganya ibyaha n’ibihano muri rusange ryasohotse muri 2018 bateganyagamo zimwe mu mpamvu zishobora gutuma umuntu akuramo inda ku bushake, hari bimwe byari bikigoranye bikazitira benshi.

Ubundi mbere y’ukwezi k’Ukwakira 2018 icyemezo cyo gukuramo inda cyafatwaga n’urukiko ariko ubu gifatwa hagendewe ku cyifuzo cy’umuntu ku giti cye cyangwa ababyeyi bifashishije muganga wemewe na Leta .

Umuntu usaba gukurirwamo inda agomba kugaragaza mu nyandiko yandikiwe muganga ko yemeye ko bayikuramo amaze gusobanurirwa ibyerekeranye no gukuramo inda byose.

Iyo umuntu usaba gukurirwamo inda ari umwana cyangwa umuntu ufite ubumuga bwo mu mutwe, umuhagarariye wemewe n’amategeko ni we ugaragaza mu nyandiko ko yemeye ko bayikuramo. Iyo umuhagarariye wemewe n’amategeko abyanze, ukwemera k’umwana ni ko kugenderwaho.

Iyo ushaka gukurirwamo inda ari umwana, abisabirwa n’abamufiteho ububasha bwa kibyeyi nyuma yo kubyumvikanaho. Iyo abafite ububasha bwa kibyeyi ku mwana batumvikanye hagati yabo cyangwa se batumvikanye n’umwana, icyifuzo cy’umwana ni cyo cyitabwaho.

Usaba ko umwana afiteho ububasha bwa kibyeyi akurirwamo inda, abisaba umuganga wemewe na Leta yitwaje inyandiko y’ivuka igaragaza igihe umwana yavukiye .

Iteka rya Minisitiri n°002/moh/2019 ryo ku wa 08/04/2019 rigena ibigomba kubahirizwa kugira ngo muganga akuriremo umuntu inda rivuga ko uretse mu gihe inda ibangamiye ubuzima bw’utwite cyangwa ubw’umwana atwite, inda ikurwamo igomba kuba itarengeje ibyumweru makumyabiri na bibiri (22).

Gukurirwamo inda bikorwa na muganga wemewe na Leta. Ibigomba kubahirizwa kugira ngo muganga akuremo inda bigenwa n’iteka rya Minisitiri ufite ubuvuzi mu nshingano ze. Iyo nyuma yo gukurirwamo inda bigaragaye ko uwayikuriwemo yabisabye nta mpamvu yemewe n’itegeko ashingiraho, ahanwa nk’uwikuyemo inda.

Gukuriramo umuntu inda bikorerwa mu kigo cy’ubuvuzi cya Leta cyangwa icyigenga kiri ku rwego rw’ibitaro cyangwa urwa polikilinike, cyemerewe gukora na Minisitiri ufite ubuzima mu nshingano ze.

Umuntu wahohotewe agaterwa inda igakurwamo ku mpamvu amategeko ateganya , uwamuhohoteye akayimutera ntibimubuza gukurikiranwa mu mategeko kabone nubwo inda iba yaravanwemo.

Iyo ibimenyetso byakusanyijwe mbere bigaragaza ko yahohoteye umuntu akamutera inda amategeko ateganya ko abihanirwa kuko aba yaragize uruhare rwo kwangiza ubuzima bw’uwatewe inda ahohotewe.

Ese ni izihe mbogamizi zigihari ku gikorwa cyo gukuramo inda?

Kugeza ubu Abantu basaga 200 bamaze kwemererwa gukuramo inda mu Rwanda kuva muri 2018 gusa haracyari imbogamizi kuri iki gikorwa nk’uko imiryango iharanira uburenganzira bwa muntu ibivuga.

Tom MULISA inzobere mu mategeko agendanye n’uburenganzira bwa muntu akaba n’umwalimu mu ishami ry’amategeko muri Kaminuza y’u Rwanda na Kaminuza ya Uppsala muri Suwede avuga ko n’ubwo itegeko riteganya impamvu ku kutaryozwa icyaha cyo gukuramo inda hari ahakiri imbogamizi kuri iki gikorwa.
Tom MULISA yagize ati “Hari imbogamizi y’amadini, abarizwamo Abanyarwanda barenga 95% bagushyiramo indangagaciro zo kubyanga, ndetse na bamwe mu baganga bafite imyemerere yo kwanga gukorera abantu iyi serivisi kubera amadini ”.

Nk’uko Tom MULISA yabigarutseho mu kiganiro yagiranye na Kigali Today ngo imyemerere ishingiye ku madini iracyabangamiye imigendekere y’iki gikorwa aho abaganga bamwe na bamwe n’ababyeyi bagishyira imbere imyemerere ishingiye ku madini ituma iki gikorwa kidashyirwa mu bikorwa kubera bagifata nk’icyaha imbere y’idini.

Tom Mulisa

Ikindi ni amadini atemera gufasha abayagana bifuza gukurirwamo inda. Atungwa agatoki ni amavuriro ya Kiliziya Gatolika n’andi madini kubera imyemerere ituma batemera igikorwa cyo gukuramo inda.

Indi mbogamizi nk’uko Tom MULISA abivuga ni inkomanga ku mitima y’abakuyemo inda kuko benshi bibatera kwiheba no gutakaza icyizere cy’ubuzima ahanini bishinja icyaha.

Ku bw’imiryango iharanira uburenganzira bwa muntu, ngo n’ubwo habaho igikorwa cy’ubujyanama no guhumuriza ugiye gukora iki gikorwa mbere y’uko kiba ngo hakwiriye no gukomeza kubaho guhumurizwa no kwitabwaho byihariye ku wakoze iki gikorwa cyane ko bamwe bibasigira ihungabana n’ipfunwe aho bari.

Imbogamizi yindi igarukwaho ni uko abatanga izi serivisi kwa muganga batizerwa ko babikira ibanga abo babikorera n’ubwo itegeko ribibasaba hakaba hari aho bamwe batinya kubagana bagahitamo kubikora mu ibanga aho bakoresha imiti irimo ibyatsi ikaba yagira ingaruka zo ku batera uburwayi no kubambura ubuzima.

Itegeko ryo kwemererwa gukuramo inda ryateje impaka zishingiye ku muco nyarwanda n’amateka y’igihugu. Hari abavugaga ko rihabanye n’uburenganzira bwa muntu mu gihe abanyamadini bo bavugaga ko rihabanye n’imyizerere nyobokamana.

Kiliziya Gatolika yavuze ko gukuramo inda ku bushake ari icyaha gikomeye kandi biteye agahinda kuba itegeko ryemera ko bikorwa na muganga ari we wagakwiye kurengera ubuzima bw’umwana n’umubyeyi.

Mu gutanga inama, Tom MULISA akomeza avuga ko gukuramo inda ari icyaha iyo ikuwemo bidateganywa n’impamvu ziteganywa n’itegeko. Agira ati “Itegeko iyo uryishe urabihanirwa, kandi uretse ko rino atari itegeko ni uguha amahirwe umuntu ngo yihitiremo. Aha ngaha ikigamijwe ni uko abantu bajya kwa muganga mu gihe bemererwa gukuramo inda n’ingingo 125 y’itegeko twavuze haruguru, rero uzakuramo inda atabyemererwa n’itegeko azahanwa ndetse n’ufasha nk’uko bigaragara mu ngingo y’i 123 n’iy’i 124 y’itegeko riteganya ibyaha n’ibihano muri rusange.

Ikindi avuga ko itegeko ritarimo gukangurira abantu gukuramo inda ahubwo ari ukugira ngo ririnde ubuzima bw’ababyemerewe bajyaga kuzikuriramo mu bihuru n’ahandi bagapfirayo.

Nzayisenga Charlotte (uri ku mupira) amara impungenge abakobwa n’abagore batinya gukora siporo cyane

Cyuzuzo Igihozo Yvette usanzwe ari Kapiteni wa UTB na Nzayisenga Charlotte na we usanzwe akina muri iyi kipe iheruka kwegukana igikombe cya shampiyona mu bari n’abategarugori babitangarije mu kiganiro KT Sports cya KT Radio ubwo bari abatumirwa muri gahunda y’umusportif w’icyumweru isanzwe itambuka buri wa kabiri.

Cyuzuzo Yvette yavuze ko abafite iyo myumvire haba mu bakinnyi n’abandi bantu bahari ariko asaba ko bihinduka kuko bituma habaho kudindira kw’imikino muri rusange.

Yagize ati “Ibyo nta shingiro bifite kuko ushobora gukina ugakomeza kumera neza nk’uko wari umeze mbere ntagihindutse, iyo umuntu ari mu kintu runaka aba agomba kukijyamo wese nibwo atanga umusaruro, ntabwo wareka gukora imyitozo ngo udahinduka mu miterere, ababivuga na bo wenda hari igihe kizagera bahindure imyumvire.”

Ibindi bivugwa ko abakinnyi b’abakobwa bakina volleyball n’indi mikino bibagora kubona abagabo kubera guhinduka mu miterere no kutabona umwanya wo kwita ku bo bari kumwe yavuze ko atari byo ndetse atanga n’urugero rwa Bucumi Claudette bakinanye muri APR FC afite umugabo kandi agakomeza kwita ku rugo rwe.

Cyuzuzo Yvette (ugiye gutera umupira) aha ari mu kibuga

Urundi rugero yatanze ni Umunyakenyakazi Dorcas wigeze no gutoza mu Rwanda aho yavuze ko amufatiraho urugero kuko yakoraga imyitozo atitaye ku magambo avugwa kandi agahinduka umukinnyi w’igihangange waje no gushinga urugo agahirwa.

Uretse ibi, bavuga ko abantu bataranahindura imyumvire ku myambaro migufi abakinnyi b’uyu mukino baba bambaye aho bamwe bakibifata nk’ibihabanye n’umuco.

Bavuga ko batangira gukina uyu mukino byagiye bibagora cyane ariko gahoro gahoro bitewe n’ibyo bamaze kugeraho abari bafite iyo myumvire bakagenda bayihindura .

Charlotte ati “Ndabyibuka ubwo nigaga mu mashuri yisumbuye twagiye gukina tumaze kugera mu kibuga haje abantu benshi barimo n’ababyeyi , bose bari batangariye imyambaro twari twambaye gusa bagenda bahindura imyumvire nyuma yo kumenya ko ari imyambaro isanzwe yifashishwa n’abari mu kibuga.Abayambara nta kindi baba bagambiriye kuko iyo tuvuye mu kibuga tuba twambaye twikwije.”

Aba bakinnyi baherutse kwegukana igikombe cya Shampiyona mu bagore ku mukino batsinzemo APR VC seti 3-2 bavuga ko bishimira urwego uyu mukino ugezeho ariko bagasaba ko imyumvire yahinduka ku bagitekereza ko abakobwa bakora imyitozo myinshi bumva ko ibahindura bagatakaza uburanga, ndetse n’abakibona imyambaro yabo mu kibuga mu isura yo guta umuco ko bose bahindura imyumvire kugira ngo umukino urusheho gutera imbere.

Cyuzuzo Yvette (wambaye ishati y’umweru n’umukara) na Nzayisenga Charlotte (wambaye umutuku n’umukara) bakinira UTB n’ikipe y’igihugu, aha bakaba bari mu kiganiro kuri KT Radio

Mu minsi yashize umutoza w’ikipe y’igihugu y’abangavu ya Basketball, Mushumba Charles, yashinje abakobwa bamwe bakina imikino na bo kurangazwa n’iyo myumvire ntibakore cyane, bumva ko bazatakaza uburanga bakazabura abagabo igihe baba bahinduye imiterere kubera imyitozo myinshi.

Muri iki kiganiro banagarutse kuri byinshi bitandukanye banyuzemo mu rugendo rwabo nk’abakinnyi.

Babajijwe imikino yabagoye, Charlotte yavuze ko umukino wamugoye ari uwo yakinnyemo na APR VC mu mpera z’icyumweru gishize aho yakinnye muri uyu mukino ahanganye na murumuna we basanzwe babana mu nzu.

Cyuzuzo Yvette we avuga ko n’ubwo bakina uyu mukino bari babanje gutakaza seti ebyiri, ariko atari wo mukino wamugoye cyane mu buzima ahubwo avuga ko umukino wamugoye ari umukino wa nyuma bakinnyemo na Rwanda Revenue Authority (RRA) mu mwaka wa 2011 ubwo we yakinaga muri APR VC.

Uwo mukino warangiye begukanye igikombe kuri seti 3-2 ngo waramugoye cyane kuko bari ku iseti ya seoul RRA yari yabanje kubasiga igira amanota 9 bo bafite amanota 3 ariko bayitanga kugera ku manota 15 bayitsindira kuri Seoul begukana igikombe cya Shampiyona.

N’ubwo batabura ibibaca intege, bavuga ko bishimira urwego uyu mukino umaze kubagezaho. Nzayisenga Charlotte avuga ko uyu mukino wamufashije kwiga aho yarangije ikiciro cya kabiri cya Kaminuza muri Kaminuza yigenga ya Kigali (ULK)

Cyuzuzo Yvette we mu byo yishimira yagezeho harimo ko Volleyball yamufashije kwiga icyiciro cya gatatu cya kaminuza (Masters) bimuha n’amahirwe yo kuba umwe mu barimu muri kaminuza ya UTB asanzwe anakinira.

Mu bindi akomeza avuga ko uyu mukino wamufashije gutembera aho yagiye asohokera igihugu ahantu hatandukanye ku isi.

Ibi Nzayisenga Charlotte abihurizaho na mugenzi we aho na we avuga ko Volleyball yamufashije gutembera mu bihugu bitandukanye nka : Pologne, Misiri, Tunisia, Madagascar, Togo, Kenya, Uganda, Burundi, na Tanzania aho yagiye ahagararira igihugu.

Nzayisenga Charlotte na Cyuzuzo Yvette bashimira abagiye babafasha ngo bagere ku rwego bariho by’umwihariko umutoza wabo wo mu mashuri yisumbuye Abdulkharim Shumbusho wabatoje ubwo bigaga muri GS Indangaburezi mu Ruhango.

Nzayisenga Charlotte na Cyuzuzo Yvette basanzwe ari abakinnyi b’ikipe y’igihugu ya Volleyball mu bari n’abategarugori. Uretse ikipe ya UTB bakinira, bananyuze mu yandi makipe akomeye arimo RRA na APR VC.

Sempoma Félix

Mu nama y’inteko rusange ya (FERWACY) yateranye ku wa Gatandatu tariki 31 muri Hiltop Hotel, Murenzi Abdallah uyoboye FERWACY yabwiye abanyamakuru ko Magnell Sterling azasoza amasezerano tariki 30 Ugushyingo 2020 bityo bakaba bataramuha andi kuko ngo ni gahunda bafatanyamo na Minisiteri ya Siporo bityo bakaba barahisemo ko Sempoma Félix yaba akora ako kazi nk’umutoza w’umusigire.

Murenzi yagize ati “Umutoza ni byo azasoza amasezerano tariki 30 Ugushyingo 2020, ni amasezerano y’imyaka ibiri n’igice twari dufitanye. Ni umutoza twari dufite wishyurwaga ku nkunga ya Minisiteri ya Siporo, turacyaganira na Minisiteri nk’umuterankunga muri icyo gikorwa. Ubushobozi buramutse bubonetse twashaka umutoza ushobora gukomeza gukora iyo mirimo cyane ko uwo twari dufitanye amasezerano azaba asoje.”

Amakuru agera kuri Kigali Today avuga ko Magnell Sterling kugeza ubu nta mahirwe afite yo guhabwa amasezerano mashya ya Team Rwanda kuko ngo hakozwe isuzuma FERWACY igasanga ari umutoza uhembwa amafaranga menshi adahwanye n’umusaruro atanga.

Mu gihe bagishaka undi mutoza uzamusimbura bahisemo kugirira icyizere umutoza Sempoma Félix uzwiho ko asanzwe ategura abakinnyi benshi mu bazamuka mu mukino w’amagare.

Sempoma Félix wamenyekanye cyane mu ikipe ya Benediction y’i Rubavu agomba gutangira gutegura ikipe y’igihugu y’u Rwanda (Team Rwanda) igomba gutangira kwitegura amarushanwa mpuzamahanga arimo Grand Prix Chantal Biya izaba tariki 18-24 Ugushyingo 2020 na La Tropicale Amisa Bongo 2021 izaba muri Mutarama 2021 mbere y’uko hatangira Tour du Rwanda 2021 izaba tariki 21-28 Gashyantare 2021.

Ese bigenda gute mu mategeko kugira ngo umuntu agire uburenganzira bwo kuzungura cyangwa abwamburwe? Ese uwazimiye na we ashobora kuzungura iyo agifatwa nk’ukiriho? Hakorwa iki mu gihe izungura ridafite ba nyiraryo?

Ibi byose Kigali Today yabikusanyirije abasomyi bayo mu rwego rwo kubafasha kurushaho kumenya ibyo amategeko ateganya ku gikorwa cy’izungura.

Igikorwa cyo kuzungura gitangira iyo uzungurwa amaze gupfa, kikabera aho yari atuye cyangwa yabaga. Iyo habayeho kuzimira cyangwa kubura, izungura ritangizwa n’urubanza rutangaza urupfu rw’uwazimiye cyangwa rw’uwabuze.

Icyakora, izungura ry’abashyingiranywe ritangira ari uko bombi bapfuye cyangwa umwe yongeye gushyingirwa, keretse iyo itegeko ribiteganya ukundi.

Inama y’umuryango ni yo ishinzwe gukemura impaka cyangwa ibibazo mu muryango byerekeranye n’izungura, mbere y’uko bishyikirizwa Komite y’Abunzi cyangwa urukiko rubifitiye ububasha.

Ntawe uhatirwa kwemera kuzungura cyangwa gufata indagano yagenewe. Uzungura wese afite uburenganzira bwo kwemera cyangwa kwanga indagano. Kwemera izungura cyangwa indagano bikorwa ku mugaragaro. Iyo uzungura atagize icyo avuga kandi yaramenyeshejwe ko ari mu bazungura, bifatwa nk’aho yemeye kuzungura.

Kwanga kuzungura bigomba kugaragazwa kandi bigakorwa mu nyandiko. Iyo uzungura atazi cyangwa adashobora kwandika, ashobora kuvuga mu magambo ko yanze kuzungura mu gihe cyagenwe. Kwanga kuzungura bimenyeshwa abandi bazungura cyangwa bikamenyeshwa ushinzwe kwegeranya umutungo iyo hari uwagenwe imbere y’abatangabuhamya babiri.

Uzungura wanze kuzungura afatwa nk’aho atigeze ashyirwa mu bagomba kuzungura. Ntasabwa kwishyura imyenda ikurwa ku mutungo uzungurwa.

Iyo yemeye kuzungura, umuzungura wese agomba kuriha imyenda y’uwapfuye mu kigereranyo cy’uruhare agomba kubona ku mutungo uzungurwa.

Uwishyuye umwenda wose ashobora gusaba urukiko ko hahamagazwa abazungura kugira ngo bishyure uruhare rwabo kuri uwo mwenda.

Nyuma y’itangira ry’izungura, ugomba kwegeranya umutungo uzungurwa atoranywa mu buryo bwateganyijwe n’itegeko nº27/2016 ryo ku wa 08/07/2016 rigenga imicungire y’umutungo w’abashyingiranywe, impano n’izungura.

Iri tegeko rivuga ko, Izungura nta buzima gatozi rifite. Ushinzwe kwegeranya umutungo uzungurwa ni we ubazwa ibirebana n’izungura byose.

Ni bande bemerewe kuzungura n’abatabyemerewe mu mategeko?

Mu ngingo ya 53 y’iri tegeko nº27/2016 ryo ku wa 08/07/2016 rigenga imicungire y’umutungo w’abashyingiranywe, impano n’izungura, hateganya ko abahamagariwe kuzungura ari aba bakurikira.

Ushobora kuzungura ni umuntu ukiriho cyangwa uhagarariwe igihe izungura ryatangiraga, kimwe n’umwana ukiri mu nda, apfa gusa kuvuka ari muzima.

Uwazimiye na we ashobora kuzungura iyo agifatwa nk’ukiriho. Leta n’ibigo bya Leta cyangwa ibitari ibya Leta bifite ubuzima gatozi bishobora kuzungura hakurikijwe irage, iyo ibizungurwa bigizwe n’umutungo ushobora gutungwa na byo.

Amategeko ateganya kandi ko abana bafite uburenganzira bungana mu gikorwa cy’izungura, bisobanuye ko abahungu n’abakobwa bafite uburenganzira bungana muri iki gikorwa.

Dore impamvu ziteganwa n’amategeko zituma habaho kwamburwa nta mpaka uburenganzira bwo kuzungura

Mu ngingo ya 56 y’itegeko rigenga imicungire y’umutungo w’abashyingiranywe, impano n’izungura, hataganya ko hari impamvu zishobora gutuma umuntu yamburwa uburenganzira mu gikorwa cy’izungura.

Yamburwa nta mpaka uburenganzira bwo kuzungura, umuzungura wese:

1. Wakatiwe n’inkiko kubera ko yishe abishaka cyangwa yagambiriye kwica uzungurwa;

2. Wakatiwe n’inkiko kubera ko yabeshyeye cyangwa yatanzeho uzungurwa ubuhamya bw’ibinyoma bwashoboraga gutuma akatirwa n’inkiko igifungo nibura cy’amezi atandatu (6);

3. Wataye nkana umwana we uzungurwa, wamugiriye igikorwa cy’urukozasoni, wamwangije imyanya ndangagitsina, wamusambanyije cyangwa wamushoye mu busambanyi.

Icyemezo cy’urukiko ni cyo gikurikizwa kugira ngo umuzungura wemewe n’itegeko wakoze kimwe mu byaha byavuzwe mu gika kibanziriza iki, avanwe mu bazungura.

Gusa impamvu zivugwa mu ngingo ya 56 y’iri tegeko si zo zonyine zishobora kwambura umuntu uburenganzira bwo kuzungura, kuko hari n’izindi ziteganywa mu ngingo ya 57.

Ashobora kwamburwa uburenganzira bwo kuzungura, umuzungura wese wemewe n’itegeko cyangwa uwahawe indagano wese:

1. Wacanye umubano wa kibyeyi n’uwapfuye igihe yari akiriho;

2. Wirengagije abigambiriye kandi yari ashoboye kwita k’uzungurwa mu gihe yari abikeneye;

3. Witwaje ubushobozi buke bw’uzungurwa, ari ubwo mu mutwe cyangwa ku mubiri, akiharira igice cyangwa ibizungurwa byose;

4. Warigishije nkana, wacagaguye cyangwa wangije irage rya nyuma ry’uwapfuye atabimwemereye, cyangwa wihaye uburenganzira agendeye ku irage ryavanyweho cyangwa ryataye agaciro.

Ufite uburenganzira bwo kuzungura wese ashobora, mu gihe kitarenze umwaka umwe (1) uhereye ku munsi izungura ryatangiriyeho cyangwa ku munsi yamenyeyeho imwe muri izi mpamvu, gusaba urukiko rubifitiye ububasha kwambura uburenganzira bwo kuzungura ugomba kuzungura cyangwa ugomba guhabwa indagano, wateje imwe mu mpamvu zavuzwe mu gika cya mbere cy’iyi ngingo. Uburyo iki kirego gitangwamo gitangwa mu buryo bw’ibirego byihutirwa.

Haseguriwe ibivugwa mu ngingo ya 56 n’iya 57 z’iri tegeko, iyo mbere yo gupfa, uzungurwa wari uzi impamvu yashoboraga gutera kwamburwa uburenganzira bwo kuzungura, nyamara ntabikore, uzungura ntiyamburwa uburenganzira bwo kuzungura.

Uwambuwe uburenganzira bwo kuzungura avanwa mu mubare w’abazungura b’uwapfuye. Umugabane yagombaga kubona wongerwa ku migabane y’abazungura basigaye.

Uwambuwe uburenganzira bwo kuzungura abuzwa gusa kuzungura umutungo w’uwo yahemukiye, ariko ashobora kuzungura undi mutungo w’umuryango.

Icyakora, uwambuwe uburenganzira bwo kuzungura buvugwa mu ngingo ya 56 y’iri tegeko atakaza uburenganzira bwo kuzungura ku mutungo wose w’umuryango akomokamo, hatitawe ku buryo bw’imicungire y’umutungo.

Uzungura cyangwa uhabwa indagano wakuwe mu mubare w’abazungura kubera kwamburwa uburenganzira bwo kuzungura, ategetswe gusubiza umutungo yazunguye, yarazwe cyangwa agaciro kawo mu gihe akiriho.

Amategeko ateganya iki ku izungura ridafite ba nyiraryo?

Kuri iki gikorwa cy’izungura birashoboka ko hari igihe habaho izungura ridafite nyiraryo. Izungura ryitwa ko ridafite nyiraryo, iyo nta muzungura cyangwa abazungura banze uburenganzira bwabo bwo kuzungura.

Mu gihe izungura ridafite nyiraryo umutungo uzungurwa wegurirwa Leta. Leta igomba kurangiza inshingano z’uwapfuye hakurikijwe agaciro k’ibintu yakiriye.

Aha urukiko rubifitiye ububasha cyangwa Komite y’Abunzi byerekana ko izungura ridafite nyiraryo, bibisabwe n’Umunyamabanga Nshingwabikorwa w’Umurenge w’aho izungura rigomba kubera cyangwa w’aho umutungo uzungurwa uri.

Mu gihe kitarenze ukwezi kumwe (1), urukiko cyangwa Komite y’Abunzi byaregewe bigomba gufata icyemezo kigaragaza by’agateganyo ko izungura ridafite nyiraryo.
Muri icyo gihe umutungo ucungwa hakurikijwe ibiteganywa n’itegeko ryerekeye imicungire y’imitungo yasizwe na bene yo; icyo cyemezo iyo kimaze gufatwa kimanikwa ku biro by’Umurenge w’aho izungura rigomba kubera cyangwa w’aho umutungo uzungurwa uri.

Nyuma y’imyaka itatu (3), ku mutungo wimukanwa n’imyaka itanu (5) ku mutungo utimukanwa uhereye igihe byemejwe ko umutungo ucunzwe by’agateganyo, urukiko cyangwa Komite y’Abunzi bibisabwe n’urwego rushinzwe gucunga imitungo yasizwe na bene yo rubifitiye ububasha ruteganywa mu itegeko ryerekeye imicungire y’imitungo yasizwe na bene yo, bitangaza ku buryo budasubirwaho ko izungura ridafite nyiraryo maze umutungo uzungurwa ugahita wegurirwa Leta.

Gusa iyo ibihe by’ubuzime biteganyijwe n’itegeko rigena ubusaze bitararangira, umuzungura ubonetse ashobora gusaba ko asubizwa ibintu byari byareguriwe Leta.

Umuzungura wigaragaje mbere y’uko ibihe byavuzwe haruguru birangira azungura umutungo w’uwapfuye uko awusanze, hagakurwamo ibyakoreshejwe.

Ubutaha tuzababwira ku gikorwa cyo kuraga (Irage) igihe gikorerwa, ubushobozi bw’uraga n’uragwa muri iki gikorwa n’uko gikorwa n’ibindi bijyanye n’iki gikorwa.

Ishimwe Kevin

Amakuru agera kuri Kigali Today aravuga ko Ishimwe Kevin ubwo ikipe ye yari iri mu myitozo atumvikanye n’umutoza Adil Mohamed wamusifuye ko yaraririye (Hors-Jeu). Nyuma y’iki cyemezo, Kevin yabwiye nabi umutoza we wari umaze kumusifura iryo kosa, umutoza ntiyabyakira neza ahitamo kumusabira guhagarikwa.

Ishimwe Kevin w’imyaka 25, akaba yahise asezererwa mu mwiherero w’ikipe i Shyorongi mu gihe ubuyobozi bw’ikipe bukiganira ku bihano bizamufatirwa.

Uyu mukinnyi ugaragayeho imyitwarire mibi ku nshuro ya kabiri biravugwa ko ikipe ya APR FC yaba irimo gutegura uburyo yatandukana na we.

Ishimwe Kevin yaje muri APR FC avuye mu ikipe ya AS Kigali, asinya imyaka ibiri mu ikipe y’ingabo z’igihugu ndetse yerekanwa ku mugaragaro tariki ya 05 Kanama 2019.

Uretse uyu mukinnyi usezerewe mu mwiherero w’iyi kipe, abandi bakinnyi bose bameze neza, ndetse n’abari bafite ibibazo by’uburwayi bose n’imvune baragutse ubu bari mu myitozo.

Kugeza ubu ikipe y’ingabo z’igihugu irakomeza imyitozo yo kwitegura kuzasohokera igihugu muri CAF Champions League aho uyu munsi iri bukore imyitozo kabiri, mu gitondo saa tatu no ku gicamunsi saa cyenda.

Ikipe y’Igihugu ya Mozambique

Ubu iyo kipe ya Mozambique yamaze gushyira ahagaragara abakinnyi 23 izifashisha.

Mu gitondo cyo kuri uyu wa Gatatu tariki ya 28 Ukwakira 2020 nibwo umutoza mukuru w’ikipe y’igihugu ya Mozambique Luís Filipe de Jesus Vieira Duarte Gonçalves, yashyize hanze abakinnyi 23 azakenera ku mukino uzabahuza n’Intare z’Inkazi za Cameroun zizakira igikombe cya Afurika cya 2022.

Dore abakinnyi bahamagawe bagiye gutangira imyitozo yo kwitegura Cameroun:

Abanyezamu:

José Guirrugo (UD Songo), Victor Guambe (Costa do Sol), Júlio Frank (Ferroviário Maputo)

Ba myugariro:

Bonera (CS Maritimo, Portugal ) Zainadine Júnior (Maritimo, Portugal), Sidique Sataca (UD Songo), Bheu (UD Songo, Mozambique) , Edmilson Dove (Cape Town City, South Africa), Reinildo Mandava (Lille FC, France), Chico (TS Sporting FC, South Africa), Simao (Vegalta Sendal)

Abakina hagati :

Nene (Costa do Sol, Mozambique), Telinho (UD Songo, Mozambique), Kito (Ferroviaro Maputo, Mozambique), Geny Catamo (Sporting CP, Portugal), Kambala Manuel (Baroka FC, South Africa), Domingues (Unattached)

Ba rutahizamu:

Amâncio Canhemba (Vitória de Setúbal, Portugal), Witiness Quembo (Nacional, Portugal), Clésio Bauque (FC Gabala, Azerbaijan), Stanley Ratifo (CfR Pforzheim, Germany), Luis Miquissone (Simba SC, Tanzania), Reginaldo Fait (FC Kaysar, Kazakhstan)

Mu mikino ibiri ibanza imaze kuba muri iri tsinda Mozambique yatsinze u Rwanda 2-0, inganya na Cap Vert 2-2.

Ku munsi wa gatatu n’uwa kane w’iyi mikino y’amajonjora yo gushaka itike y’igikombe cya Afurika, Mozambique iyoboye iri tsinda ku manota 4 n’ibitego 2 izigamye izahura na Cameroun, i Yaoundé kuya 12 Ugushyingo 2020 na Maputo kuya 16 Ugushyingo 2020.

Cap Vert ni igihugu kimaze kugera ku iterambere

Nani afite ababyeyi bakomoka muri Cap Vert. Nyina wa Patrick Vieira na we akomoka muri Cap Vert. Ni ikirwa kimaze kuba ubukombe muri ruhago yo ku mugabane wa Afurika.

Iki kirwa kigizwe n’uturwa duto 10. Iki gihugu gituwe n’abaturage ibihumbi 600 cyatangiye kuvugwa cyane muri 2013 ubwo cyageraga muri ¼ mu gikombe cya Afurika aho cyari cyageze gitsinze Intare z’Inkazi za Cameroun.

Muri 2016 Cap Vert yongeye kuvugwa cyane ubwo yageraga ku mwanya w’amateka ku rutonde ngarukakwezi rwa FIFA. Icyo gihe nibwo cyageraga ku mwanya wa 31 ku rutonde ngarukakwezi rwa FIFA.

N’ubwo Cap Vert imaze kuba igihangange muri ruhago ya Afurika, mu mwaka wa 2009 yazaga inyuma y’umwanya wa 180 ku rutonde rwa FIFA .

Ibanga ryo kwitwara neza kuri iyi kipe yitwa Blue Sharks ni ugushakisha abakinnyi bakomeye mu baturage bakomoka muri iki gihugu baba mu mahanga (Diaspora) bakaza gukinira ikipe y’igihugu.

Iyi politiki yarabahiriye kugeza n’aho batsinze bimwe mu bihangange mu gikombe cya Afurika cya 2013 nka Cameroun yarimo Samuel Eto’o na Alexandre Song.

Ikipe y’igihugu ya Cap Vert

Ikipe y’igihugu ya Cap Vert imaze kwitabira igikombe cya Afurika inshuro ebyiri. Mu 2013 nibwo bakitabiraga bwa mbere bagera muri ¼ naho muri 2015 bagarukiye mu matsinda.

Bamwe mu bakinnyi iyi kipe igenderaho kuri ubu ni umuzamu Vozinha ukinira AEL Limassol yo muri Chypre, myugariro Steven Fortès wa Lens yo mu Bufaransa, Bruno Leite wa Nancy na Carlos Ponck wa İstanbul Başakşehir, ikipe irimo gukina imikino ya Champions League.

Kuri ubu igihugu cya Cap Vert kigiye guhura n’u Rwanda kibarizwa ku mwanya wa 77 ku rutonde rwa FIFA naho umwanya w’imbere kigeze kugeraho ni uwa 27 ku isi mu mwaka wa 2014.

Iki gihugu cyatangiye kugira ikipe y’igihugu mu 1975 ubwo cyari kimaze kubona ubwigenge ku gihugu cya Portugal.

Hari abakinnyi bakomoka muri Cap Vert bashoboraga kuyikinira ariko bahitamo gukinira ibindi bihugu, banubaka amateka akomeye.

Aba bakinnyi ni Eliseu, Nani, Oceano, Manuel Fernandes, Rolando, Nélson Marcos, Jorge Andrade, Miguel na Silvestre Varela bahisemo gukinira igihugu cya Portugal. Abandi ni Mickaël Tavares, Jacques na Ricardo Faty bahisemo gukinira Senegal, Patrick Vieira wakiniye u Bufaransa , Gelson Fernandes wakiniye u Busuwisi na Henrik Larsson wakiniye Suwede.

Umukinnyi NANI wamamaye ku rwego mpuzamahanga akomoka muri Cap Vert

Biteganyijwe ko mu kwezi gutaha Amavubi azakina imikino ibiri n’iki gihugu mu guhatanira itike yo kwerekeza mu gikombe cya Afurika kizabera muri Cameroun mu mwaka wa 2022.

Umukino wa mbere utegerejwe tariki 11/11/2020 ukazabera kuri Stade yitwa Estadio Nacional “Blue Shark’’ Cabo Verde, ku isaha ya saa kumi n’ebyiri zuzuye zo mu Rwanda, naho uwo kwishyura ukazaba tariki 17/11/2020 i Kigali mu Rwanda.

Hari impamvu zitandukanye amategeko ateganya ko ifungwa ry’iminsi 30 ry’agateganyo rishobora kwiyongera rikaba ryarenga iminsi isanzwe 30. Gusa kugira ngo usobanukirwe neza reka duhere ku nzira umuntu ukurikiranyweho icyaha acamo mbere yo gukatirwa n’urukiko.

Ubundi mu mategeko ukurikiranyweho icyaha aca mu nzira 3 mbere yo gukatirwa n’urukiko. Izo nzira ni igihe cyo gukusanya ibimenyetso (Pre trial phase), igihe cy’iburanisha (Trial phase) n’igihe cy’ikatirwa mu gihe iburanisha rirangiye (Sentencing).

Mu gihe cy’ikusanywa ry’ibimenyetso, abahura n’ushinjwa ni Ubugenzacyaha n’Ubushinjachaha. Mu Rwanda imirimo y’Ubugenzacyaha ikorwa na RIB gusa n’izindi nzego zibihererwa ububasha n’itegeko zishobora gukora izi nshingano (urugero: Urwego rw’Igihugu rushinzwe Abinjira n’Abasohoka). Muri iki cyiciro Ubugenzacyaha bukorana bya hafi n’ubushinjacyaha kugeza igihe uregwa agejejwe mu rukiko aje kuburana ku cyaha aba akurikiranyweho.

Ubushinjachaha bufite inshingano zo gusaba Ubugenzacyaha gukomeza gushaka ibimenyetso mu gihe hari ibigishakishwa biba bitaraboneka bwamara kubona byuzuye bugategura inyandiko ikubiyemo ikirego iba igomba gushyikirizwa urukiko (Indictment).

Mbere y’uko umuntu agezwa imbere y’urukiko nabwo aba ashobora gufungwa by’agateganyo. Amategeko yemerera Ubugenzacyaha n’Ubushinjacyaha gufunga muri cachot by’agateganyo ukekwaho icyaha kugira ngo adacika cyangwa ngo abe yabangamira iperereza rikiri gukorwa.

Mu Bugenzacyaha, itegeko riteganya ko umuntu ashobora gufungwa iminsi itanu. Icyakora iyo Ubushinjacyaha bubonye ko iperereza ritararangira na bwo bwemerewe kumarana umuntu iminsi itanu muri Cachot , ishobora kwiyongeraho indi minsi itanu mu gihe iperereza ritarasozwa.

Iyi minsi itanu yindi ihabwa ukurikiranyweho icyaha nyuma y’urwandiko bita Map itangwa n’Ubushinjachaha isabira ukurikiranyweho icyaha kuguma muri cachot hanyuma ibimenyetso bwamara kubibona bugategura Dossier ikubiyemo ikirego (Indictment cyangwa Acte d’accusation) akaba aribwo bugena niba ikibazo gishobora kujyanwa mu rukiko cyangwa ntikijyanweyo.

Iyo ukurikiranyweho icyaha ageze mu rukiko habanza kubaho kuburana ku ifungwa ry’agateganyo ry’iminsi 30 cyangwa irekurwa uregwa akajya yitaba urukiko avuye hanze.

Aha buri ruhande rutanga impamvu zarwo ku ifungwa cyangwa ku irekurwa ry’agateganyo. Ubushinjacyaha bushobora kuburana bugaragaza ko uregwa arekuwe ashobora guhohotera uwakorewe icyaha (victim), gusibanganya ibimenyetso cyangwa gutoroka ubutabera, n’izindi mpamvu,…

Abunganira uregwa na bo iki gihe bashobora kugaragaza ko uregwa adakwiriye gufungwa iminsi 30 kubera uburwayi afite, imico ye isanzwe ari myiza, uburyo yafatanyije n’Ubugenzacyaha n’Ubushinjacyaha mu gihe cy’iperereza, inshingano afite mu muryango (urugero ari nk’umugore wonsa) n’izindi mpamvu,…

Urukiko ruburanisha ikirego ku ifunga n’ifungurwa ry’agateganyo mu gihe kitarenze iminsi ibiri (2) y’akazi.

Itegeko Nº 027/2019 ryo ku wa 19/09/2019 ryerekeye imiburanishirize y’imanza z’inshinjabyaha …riteganya ko Urukiko rufata icyemezo ku ifunga n’ifungura ry’agateganyo mu gihe kitarenze iminsi itatu (3) y’akazi iburanisha ripfundikiwe.

Umucamanza rero mu gihe cyo gusoma urubanza ku ifungwa n’ifungurwa ry’agateganyo asuzuma impamvu akagena niba ifungwa ry’agateganyo rikwiriye cyangwa ridakwiriye.

Impamvu iminsi y’ifungwa ry’agateganyo ishobora kurenga 30

Mu ngingo ya 79 y’itegeko Nº 027/2019 ryo ku wa 19/09/2019 ryerekeye imiburanishirize y’imanza z’inshinjabyaha hateganya ko icyemezo cy’uko ukurikiranyweho icyaha aba afunzwe by’agateganyo kimara iminsi mirongo itatu (30) habariwemo umunsi cyafashweho.

Iyo iyo minsi irangiye, gishobora kongerwaho indi mirongo itatu (30) bigakomeza gutyo. Kongera icyo gihe cy’iminsi mirongo itatu (30) bigomba gutangirwa ibisobanuro by’icyakozwe mu minsi mirongo itatu (30) ya mbere ku bijyanye n’iperereza n’ikigambiriwe gukorwa muri icyo gihe cy’inyongera gisabwa.

Icyakora, ku byaha byoroheje, iyo igihe cy’iminsi mirongo itatu (30) kirangiye ntigishobora kongerwa. Ku byaha bikomeye, iyo minsi ntishobora kongerwa nyuma y’amezi atatu (3) umuntu afunzwe, na nyuma y’amezi atandatu (6) ku byaha by’ubugome.

Iyo ibihe bivugwa muri iki gika birangiye dosiye idashyikirijwe urukiko, ufunzwe by’agateganyo ararekurwa agakurikiranwa ari hanze.

Icyemezo cyongera ifungwa ry’agateganyo gifatwa n’Urukiko hakurikijwe uburyo n’ibihe biteganywa n’ingingo ya 77 y’itegeko rigena imiburanishirize y’imanza nshinjabyaha .

Icyemezo cyo gufungwa by’agateganyo cyangwa kongera igifungo bigomba gusobanura impamvu zabyo.

Icyemezo cyo gufungura cyangwa kongera igihe cyo gufungwa by’agateganyo, gifatwa n’umucamanza uri hafi y’aho ukurikiranyweho icyaha afungiye amaze gusuzuma niba impamvu zatumye umucamanza wa mbere afata icyemezo cyo gufunga zigihari.

Ifungwa ry’agateganyo rishobora no gutegekwa iyo ukurikiranyweho icyaha atubahirije ku bushake ibyo yategetswe n’urukiko. Iyo umuntu avuye ku ifungwa ry’agateganyo habaho kuburanisha urubanza mu mizi ( hearing to the merits of the case) iburanishwa ry’urubanza mu mizi ni ryo rigena ibihano ku cyaha ushinjwa akurikiranyweho( awarded penalties) cyangwa irekurwa ( release).

Ibindi abasomyi ba Kigali Today mwamenya ni uko mu gihe hatabayeho kuburanisha urubanza mu mizi ngo umuntu akatirwe, ntabwo abarwaho ubusembwa (criminal records).

Mu mahame y’amategeko ubundi bavuga ko ubutabera butinze buba busa n’ubutarabayeho (Justice delayed justice denied ) mu mategeko y’u Rwanda biteganyijwe ko nta muntu uba agomba kumara amezi atandatu urubanza rutaraburanishwa mu mizi ngo akatirwe cyangwa abe umwere arekurwe.

Ubutaha tuzabagezaho n’izindi nkuru zigamije kubongerera ubumenyi mu mategeko kugira ngo murusheho kumenya neza ibyo amategeko ateganya.

Nk’uko tubikesha ubuyobozi bwa Mukura VS, ku mugoroba wo ku ya 15 Ukwakira 2020, ni bwo bashyize umukono ku masezerano y’imyaka ine.

Mu masezerano bumvikanye ko uru ruganda ruzajya rwambika iyi kipe ndetse rukayigenera n’ibindi bikoresho bya siporo byo kwifashisha mu gihe cy’imyaka ine.

Ni amasezerano akubiyemo ko uruganda rwa MASITA ruzajya rwambika iyi kipe ndetse rukazanayishyirira iduka mu Karere ka Huye, rizajya ricuruza imyenda ya siporo aho iyi kipe n’uru ruganda buri ruhande ruzajya rugira icyo rwungukira muri ubwo bucuruzi.

Aya masezerano yashyizweho umukono azafasha Mukura kuzigama amafaranga yatangaga ku myambaro y’abakinnyi n’ibindi bikoresho bya siporo, bizafasha iyi kipe kandi kubona amafaranga azajya ava ku igurwa ry’imyambaro y’abafana niramuka itangiye gushyirwa ku isoko, mu gihe uruganda rwa MASITA ruzaba rutangiye gukorera i Huye.

Mukura VS kandi iherutse kongera amasezerano y’ubufatanye y’umwaka na Kompani ya Hyundai Rwanda Ltd, ifatanyije na Volcano Ltd.

Uruganda rwa MASITA rwashinzwe mu mwaka wa 1933, rukaba rusanzwe rwambika amwe mu makipe atandukanye akomeye nka KAA Gent na Cercle Bruges KSV zo mu gihugu cy’u Bubiligi na CSKA Moscou yo mu Burusiya.

Gasana Jerome, Umuyobozi Mukuru wa Mukura VS (ubanza uhereye ibumoso) ni we uri mu Buholandi mu biganiro bya nyuma n’abayobozi b’uruganda MASITA

Ibiganiro hagati ya Mukura n’uruganda rwa Masita bimaze iminsi biba biravugwa ko impande zombi zenda kugera ku mwanzuro wa nyuma.

Amakuru agera kuri Kigali Today aravuga ko umuyobozi mukuru wa Mukura ari mu gihugu cy’u Buholandi mu rwego rwo kunoza ibiganiro ngo hasinywe amasezerano.

Gasana Jerome usanzwe ushinzwe ubuzima bwa buri munsi bw’iyi kipe ari mu gihugu cy’u Buhorandi kuva ku munsi w’ejo, aho biteganyijwe ko mu masaha ari imbere impande zombi ziza gusinyana amasezerano akubiyemo ingingo zitandukanye zirimo ko uruganda MASITA ruzajya rwambika iyi kipe ndetse rukanashyira iduka ricuruza imyenda ya siporo mu Karere ka Huye ari na ho iyi kipe isanzwe ifite igicumbi .

Aya masezerano naramuka ashyizweho umukono bizafasha Mukura kuzigama amafaranga yatangaga ku myambaro y’abakinnyi n’ibindi bikoresho bya Siporo, bizafasha iyi kipe kandi kubona amafaranga azajya ava ku igurwa ry’imyambaro y’abafana niramuka itangiye gushyirwa ku isoko mu gihe uruganda rwa MASITA ruzaba rutangiye gukorera i Huye.

Mu gihe kandi impande zombi ziza kuba zimaze gusinyana aya masezerano MASITA araba ari umufatanyabikorwa wa gatatu Mukura VS isinyanye na we mu gihe kitarenze amezi abiri kuko yari iherutse gusinyana amasezerano n’uruganda rwa Hyundai inavugurura ayo yari isanganwe na Volcano Express. Mu bandi bafatanyabikorwa bafasha iyi kipe harimo n’Akarere ka Huye nk’umufatanyabikorwa mukuru w’iyi kipe kiyemeje kuzajya gahemba abakinnyi ku matariki abakozi b’Akarere basanzwe bahemberwaho.

Uruganda rwa MASITA rwashinzwe mu mwaka wa 1933 rukaba rusanzwe rwambika amwe mu makipe atandukanye akomeye nka KAA Gent na Cercle Bruges KSV zo mu gihugu cy’u Bubiligi na CSKA Moscou yo mu Burusiya.

Robertinho werekeje muri iyi kipe ikunzwe cyane muri Kenya agiye gusimbura umutoza w’umunya Finland Steven Pollack, wari wageze muri iyi kipe mu kwezi kwa munani k’umwaka ushize.

Steven Pollack watandukanye na Gormahia ku bwumvikane yari yahawe ikiruhuko cy’iminsi 10 ngo ajye kwita ku bibazo by’umuryango we muri Finland ariko iminsi yari yahawe ishize ntiyagarutse bitera uburakari ikipe ya Gormahia ihitamo kumusimbuza umunya-Brazil Robertinho.

Umuyobozi w’ikipe ya Gormahia Ambrose Rachier yatangarije ikinyamakuru Futaa cyandikirwa muri Kenya ko bategereje umusaruro mwiza kuri Robertinho.

Yagize ati "Twishimiye kumenyesha abakunzi ba Gormahia ukuza k’umutoza mushya Roberto Oliveira ukomoka muri Brazil. Afite ubunararibonye mu gutoza muri Afurika bityo bizatuma arushaho kutugeza kure mu marushanwa ya Afurika tugiye kwitabira. Turatekereza ko azaba umutungo ukomeye mu gushaka kwacu kugira ngo tugere ku musaruro mwiza."

Gormahia ifite ibyumweru 3 gusa ngo ihagararire Kenya mu mikino nyafurika ihuza amakipe yabaye aya mbere iwayo (CAF Champions League) mu kwezi k’Ugushyingo. Robertinho muri Kenya baramuzi kuko azwiho ko ubwo bahuraga n’iyi kipe mu mikino y’amatsinda ya CAF Champions League yayitsinze ibitego 2-1 mu mukino wari wabereye i Kasarani muri Kenya.

Ikipe ya Gormahia Robertinho agiye gutoza ni yo ifite ibikombe byinshi bya shampiyona muri Kenya aho yegukanye ibikombe 18. Iyi kipe ni na yo ifite igikombe cya shampiyona mu mwaka w’imikino ushize ndetse n’igikombe kiruta ibindi mu gihugu cya Kenya.

Robertinho w’imyaka 60 y’amavuko, uretse ikipe ya Rayon Sports, yatoje amakipe atandukanye yo muri Afurika, u Burayi na Azia.

Uyu mutoza ubwo yari umukinnyi mu myaka ya 1980 yanahamagawe mu ikipe y’igihugu ya Brazil ku mukino bahuragamo n’ikipe ya Paraguay.

Bahloul Djilali ni we wagizwe umutoza mushya wa Mukura Victory Sports

Kuri uyu wa gatatu, umuyobozi ushinzwe abakozi muri Mukura Gasana Jerome, yahamirije KT Radio ko bamaze gusinyisha uyu mutoza ugiye gukorera bwa mbere mu Rwanda.

Abajijwe impamvu bamutoranyije, yavuze ko bagendeye ku bunararibonye afite aho yakinnye mu makipe atandukanye mu Bufaransa , atoza mu bihugu nka Senegal, Cote d’Ivoire, Oman na Arabie Saoudite .

Uyu mugabo w’Umufaransa w’imyaka 38 ariko unafite inkomoko mu gihugu cya Algeria, Mukura ivuga ko igendeye ku bunararibonye bwe basanze azafasha Mukura kwegukana igikombe cya shampiyona cyangwa igikombe cy’Amahoro ari na byo bamusabye kugira ngo iyi kipe izongere isohokere igihugu.

Djilali Bahloul wamaze gushyira umukono ku masezerano, nk’uko ubuyobozi bwa Mukura bwabitangaje mu kiganiro bwagiranye na KT Radio, agomba guhita yerekeza mu Karere ka Huye aho azatura kugira ngo anakomeze afatanye n’ubuyobozi gutegura umwaka utaha w’imikino.

Umutoza mushya wa MVS, yamaze gusinya amasezerano

Bahloul Djilali ni umutoza wagiye anyura mu bihugu bitandukanye birimo Cote d’Ivoire aho yatoje ikipe yaho yitwa Stade d’Abidjan, yatoje kandi ikipe ya ASC Linguère yo muri Senegal n’amakipe yo mu bihugu by’abarabu nka Sohar SC na Saham Club zo muri Oman, kimwe n’ikipe Al-Nahda yo muri Arabie Saoudite na Al-Ahli yo muri Quatar.

Abdelkader Djilali Bahloul ni umutoza ufite ubwenegihugu bw’u Bufaransa, ariko wavukiye iwabo muri Algeria aza kuhava afite imyaka umunani gusa yerekeza mu Bufaransa mu Mujyi wa Marseille, kuva ubwo kugeza ku myaka 38 afite ubu.

Mugisha Samuel

Mugisha Samuel usanzwe ari Kapiteni w’ikipe y’igihugu y’umukino w’amagare ategerejweho guhagararira u Rwanda muri shampiyona y’isi y’umukino w’amagare World Championship ibera ahitwa Imola mu Butaliyani.

Ku wa Gatatu tariki 23 Nzeri 2020 nibwo Mugisha Samuel yahagurutse mu Bufaransa yerekeza mu Butaliyani ahitwa Imola ahazabera shampiyona y’isi yo gusiganwa mu muhanda, azakina agace ko gusiganwa mu muhanda (Road Race ) ku Cyumweru ku ntera inagana na Km 258,2.

Kuri uyu wa Kane harakinwa gusiganwa n’ibihe umuntu ku giti cye ( ITT) mu bagore. Abagabo bo biteganyijwe ko bazakina kuri uyu wa gatanu .

Iyi shampiyona y’isi yitabiriwe n’abakinnyi benshi baba i Burayi kuko abava hanze y’i Burayi basabwaga kubanza kwishyira mu kato kubera COVID-19.

Uyu mukinnyi usanzwe ari Kapiteni w’ikipe y’igihugu y’umukino w’amagare wahagurutse aho asanzwe akinira mu Bufaransa yerekeza mu Butaliyani avuga ko yiteguye neza nubwo ategerejwe n’akazi gakomeye kuko agiye guhatana n’abakinnyi bakomeye baheruka gukina Tour de France mu minsi itanu ishize.

Muri icyo kiganiro yagize ati “Uba narageze mu Bufaransa mbere niteguye neza bihagije navuga ko nanjye nzagerageza kwitwara neza bihagije , nabisabye Imana kandi naranakoze cyane gusa na none ni irushanwa rikomeye cyane , nibwo bwa mbere ngiye gukina mu bakuru kandi abenshi bavuye muri Tour de France ni ibintu bitazaba byoroshye ariko niteguye gutanga ibyo mfite byose.”

Mugisha Samuel agiye gukina iyi shampiyona y’isi nyuma yo kwerekeza mu ikipe yo mu Bufaransa yitwa Team LMP - La Roche-sur-Yon Vendée Cyclisme yasinyemo amasezerano y’umwaka umwe.

Gukina mu Bufaransa aho yashoboye no gukurikirana Tour de France , isiganwa rya mbere ku isi mu mukino w’amagare avuga ko hari icyo yabyigiyeho bizamufasha kwitwara neza muri iyi shampiyona y’isi.

“Nabonye amayeri abakinnyi bakuru bagiye bakoresha , ndeba n’igihe umuntu ugiye gutsinda asatirira ,umuntu ushaka gutsinda agomba gukora iki mu irushanwa ry’ibyumweru 3,byose ni ibintu nakuyemo bizamfasha.

Mu Isiganwa rya Tour de France ya 2020 Mugisha avuga ko yafanaga umunya Slovenia Primož Roglič watunguwe ku munsi ubanziriza uwa nyuma wa Tour de France agatakaza umwambaro w’umuhondo , nyuma yo gutakaza uyu mwambaro awambuwe na Tadej Pogačar ngo byaramutunguye ndetse ntiyatekerezaga ko byaba.

Avuga ko Tadej Pogačar ari umukinnyi w’umuhanga ukiri muto ndetse abona ushobora kuzesa imihigo myinshi ku isi mu bihe biri imbere.

Mugisha Samuel gukina mu Bufaransa no gukurikira Tour de France avuga ko byatumye na we yiha intego yo kuzakina Tour de France byibuze mu gihe cy’imyaka ibiri ari imbere .

Ati “Ni inzozi z’umukinnyi wese ukina igare kumva ko agomba kuzakina Tour de France, irushanwa rya mbere ku isi muri uyu mukino , nta nubwo biba byoroshye kuyikina niyo mpamvu umuntu wese yitoza ariyo ntego afite, nanjye niyo ntego mfite , numva ko wenda mu myaka ibiri nzaba ndimo nkina Tour de France”

Iri rushanwa rikomeye ry’umukino w’amagare ku isi, nta mukinnyi wo mu karere k’ibiyaga bigari urarikina, ni inzozi z’abakinnyi bose babigize umwuga muri uyu mukino.

Mugisha Samuel ni umwe mu bakinnyi b’Abanyarwanda bahagaze neza. Ni we munyarwanda kandi uheruka kwegukana irushanwa rya Tour du Rwanda aho yeryegukanye muri 2018 ubwo yari afite imyaka 20.

Uretse ikipe akinamo yo mu Bufaransa, yananyuze mu ikipe ya Dimension Data –Qhubeka yo muri Afurika y’epfo ikina mu kiciro cy’ababigize umwuga.

Aya ni amafoto Mugisha Samuel yafashe akimara kugera mu Butaliyani

Minani Hemed yakomeje avuga ko nubwo Kiyovu Sports irimo ibibazo abantu bamwe babyitiranya no gukimbirana kandi ngo atari byo.

Avuga ko ibi bitazahungabanya Kiyovu kuko n’ubundi ngo atari ubwa mbere abantu bagaragaye nk’abadahuza ibitekerezo kandi basenyera umugozi umwe bakabona umusaruro.
Yagize ati “Kuba abantu bose bashaka kuza kuyobora Kiyovu ni byiza, ubu Kiyovu ni umukobwa mwiza ushakishwa na benshi.
Iyo urugo rufite umukobwa mwiza ruhora rugura intebe kubera ibibuno by’abasore basimburana bazicaraho zigasaza vuba kubera kuza kurambagiza uwo mukobwa mwiza.

Ku bijyanye n’amakipe y’abanyamujyi, Hemed avuga ko Kiyovu ari yo kipe y’umujyi kuko andi makipe yagiye avukira mu Ntara akimukira i Kigali. Abajijwe niba amakipe nka Gasogi United yavukiye i Kigali atari abanyamujyi, yavuze ko Gasogi hakiri kare cyane gufata umujyi avuga ko bisaba ko ibanza gutunganya aho yavukiye ku bwe ngo hatameze neza.

Ibindi yatangaje ari muri studio za KT Radio mu kiganiro cy’imikino KT Sports bikurikire muri iyi video:

Willian na Aubameyang nyuma yo gutsinda Fulham akanyamuneza kari kose

Muri uyu mukino umutoza wa Arsenal yari yagiriye icyizere umukinnyi Willian Borges Da Silva wavuye muri Chelsea n’umukinnyi mushya myugariro Gabriel iyi kipe yaguze muri Lille.

Muri uyu mukino ikipe ya Arsenal yatsinze bitagoranye ibitego 3-0.

Yafashijwe na Alexandre Lacazette ku munota wa cyenda. Iki gitego cya Lacazette ni na cyo cyafunguye Shampiyona y’u Bwongereza mu mwaka w’imikino wa 2020-2021.

Arsenal yasumbyaga cyane ingufu Fulham ibindi bitego yabitsindiwe na myugariro Gabriel ku mutwe ku munota wa 49 na Pierre Emerick Aubameyang ku munota wa 57.

Umukinnyi mushya wa Arsenal Gabriel ari mu bitwaye neza muri uyu mukino

Ibi bitego 2 byombi bya nyuma byatsinzwe byose byaturutse ku mipira y’umukinnyi mushya w’iyi kipe Willian uri mu bitwaye neza.

Umukino warangiye Arsenal itsinze ibitego 3-0 byayihaye icyizere cyo gutangira shampiyona neza nyuma yo kwegukana ibikombe bya FA Cup na Community Shield Cup .

Umukino wakurikiyeho watangiye saa kumi. Ikipe ya Crystal Palace yatsinze Southampton igitego kimwe ku busa cyatsinzwe na Zaha ku munota wa 13.

Mu mukino wundi wakurikiyeho, ikipe ya Liverpool, yegukanye igikombe cya shampiyona, yari yakiriye Leeds United na yo yegukanye igikombe cya shampiyona mu cyiciro cya kabiri.

Ni umukino wari ushyushye kandi wihutaga kuko wagaragayemo ibitego 7.

Ikipe ya Liverpool ni yo yatangiye ifungura amazamu kuri penaliti yatewe neza na Mohamed Sarah ku munota wa kane.

Leeds United na yo ntiyacitse intege kuko yaje kwishyura ku munota wa 12 itsindiwe na Harrison ku makosa y’ab’inyuma ba Liverpool.

Ku munota wa 20 Liverpool yongeye kuyobora umukino ku bitego 2-1 nyuma y’igitego cy’umutwe cya Virgil Van Dijk. Gusa na we nyuma y’iminota 10 yakoze ikosa maze Bamford afasha Leeds United kwishyura, biba bibaye ibitego 2-2.

Ku munota wa 33 Mohamed Sarah ku ishoti rikomeye yatsindiye Liverpool igitego cya gatatu bituma ijya kuruhuka iri imbere n’ibitego 3 kuri 2.

Ku munota wa 66 umunya Pologne Klich yishyuriye Leeds United itangira no kugira icyizere cyo gutesha amanota Liverpool kuri stade yayo Anfield road.

Muri uyu mukino wari ufunguye wabonaga harimo no guhangana kw’amayeri y’abatoza Bielsa na Klopp, Liverpool bigoranye, ni yo yatahanye intsinzi yabonetse umukino ugiye kurangira.

Igitego cy’intsinzi cya Liverpool cyabonetse kuri penaliti ku munota wa 88 gitsinzwe na Mohamed Sarah watangiranye shampiyona n’ibitego 3 (hat-trick)

Mohamed Sarah yahiriwe n’umunsi wa mbere wa shampiyona kuko yatsinze ibitego 3 (Hat-trick)

Umukino warangiye Liverpool itahukanye intsinzi y’ibitego 4-3.

Leeds yari imaze imyaka 16 idakina icyiciro cya mbere iheruka gutsinda Liverpool mu 2001 ubwo yayitsindaga ibitego 2 kuri 1.

Kuri uyu wa gatandatu amakipe nka Manchester City na Manchester United ntiyakinnye imikino yagombaga gukina kuko yasubitswe bitewe n’uko aya makipe yageze kure mu marushanwa yo ku mugabane w’i Burayi.

Ku munsi wa Kabiri wa shampiyona y’u Bwongereza muri weekend itaha Arsenal izakira West Ham United naho Liverpool yerekeze ku kibuga cya Chelsea ku mukino utegerejwe na benshi.

Bashunga asanga Mukura VS ari yo izegukana igikombe cya shampiyona 2020-2021

Bashunga Abouba w’imyaka 27, yabitangarije mu kiganiro KT Sports gitambuka kuri KT Radio, ubwo yari yatumiwe ngo aganirize abakunzi be ku ngingo zitandukanye.

Abajijwe uko abona amakipe azakurikirana muri Shampiyona ya 2020-2021, atazuyaje yavuze ko ku isonga abona ikipe ya Mukura nk’irusha ayandi makipe amahirwe ku gikombe, abajijwe niba bidatewe n’amarangamutima yo kuba yatumiwe amaze umwanya muto asinyiye iyi , yavuze ko atari byo ashimangira ko Mukura ari ikipe yujuje ibisabwa ngo itware igikombe.

Ku bwe asanga Mukura izaza ku mwanya wa mbere, igakurikirwa na APR FC ku mwanya wa kabiri, Police FC ku mwanya wa gatatu, AS Kigali ku mwanya wa kane, Kiyovu Sports ku mwanya wa gatanu naho Rayon Sports igasoza ku mwanya wa gatandatu.

Nubwo avuga ibi ariko, ikipe ya Mukura yakunze kurangwa n’ibibazo by’amikoro mu mwaka w’imikino ushize, aho byatumye itakaza abakinnyi benshi barimo na Iradukunda Bertrand wari wayitsindiye ibitego byinshi.

Ikipe ya Mukura kandi kugeza ubu nta gikombe cya shampiyona iregukana, niramuka yegukanye igikombe nk’uko abivuga kizaba kibaye igikombe cya mbere.

Iyi kipe ya Mukura avuga ko izegukana igikombe, mu mwaka ushize yari yashoje iri ku mwanya wa kane 2019/20, kugeza uyu munsi nta mutoza ifite nyuma yo gutandukana n’Umunya-Espagne Tony Hernandez wayisezeye akerekeza mu gihugu cya Honduras.

Bashunga Abouba yaboneyeho anasubiza ibibazo yagiye abazwa n’abafana batandukanye

Abajijwe icyo avuga ku gitego yatsinzwe na Rusheshangoga ubwo yari akiri muri APR FC ku mukino w’ihangana bari bahuriyemo na Rayon Sports, icyo gihe igatakaza umukino bigakurizamo no gusagarirwa n’abakunzi ba Rayon Sports bateye iwe ku Ruyenzi, yavuze ko bikiba byamuteye ubwoba ariko nyuma bikaza gushira.

Ati “kiriya gihe ntabwo ubu mbitekereza cyane kuko mu mupira duhura na byo cyane, biriya ku ruhande rumwe byansigiye isomo ryiza, mpita numva ko ngomba kuzamura urwego rwanjye ndetse kuva icyo gihe ubu mpagaze neza.

Aho nakinaga muri Zambia mu ikipe ya Buildcon usanga ho birenze cyane kuko abafana banagukubitira ku kibuga iyo wakoze ikosa ritsindisha ikipe”.

Yakomeje agira ati “Hari umuzamu wakiniraga Nkana FC, ubwo umukino bakinaga n’indi kipe yaho yitwa NAPSA baratsinzwe biturutse ku ikosa rye, natunguwe n’uko abafana bamusanze ku kibuga bakagenda bamukubita, icyo gihe kubera yari afite amasezerano bigoye gutandukana n’iyi kipe abafana bo ubwabo bateranyije amafaranga bagura amasezerano ye maze aragenda”.

Ku bijyanye no kugaruka gukina mu Rwanda aho yari amaze umwaka akina muri Zambia , ndetse aho yari aherutse kuvuga ko nta kipe yo mu Rwanda azakinira, yavuze ko ababyumvise babyumvise nabi, ko ikipe yose yayikinira mu gihe yaba yubahirije ibyo bavuganye.

Yakomeje avuga ko yahisemo Mukura nk’ikipe n’ubundi asanzwe akunda, kandi ko yamweretse ko ifite imishinga myiza mu mwaka utaha w’imikino, agahitamo gufata icyemezo cyo kuyijyamo nubwo hari andi makipe yamwifuzaga aha mu gihugu.

Abouba Bashunga ubwo yabazwaga n’umufana wa Rayon Sports umuti w’ikibazo abona wakemura ibibazo biri muri iyi kipe yahoze akinira, yavuze ko yaba ubuyobozi n’abo batavuga rumwe badakwiriye kurangarira mu bivugwa hanze y’ikibuga, ahubwo bakwiye no kugerageza kwita ku bakinnyi babo kuko babayeho nabi.

Bashunga wafashije Rayon Sports ubwo yageraga mu matsinda y’imikino nyafurika (Confederation Cup), avuga ko ibi bihe ari byo yagize byiza mu buzima, ku ikipe akunda n’umuzamu afata nk’ikitegererezo avuga ko ikipe akunda ari FC Barcelona yo muri Espagne, naho umuzamu afata nk’ikitegrerezo ari umuzamu w’iyi kipe umudage Marc Andre Ter Stegen.

Bashunga Abouba yakuriye mu ishuri ry’umupira w’amaguru rya APR FC, akinira Marines FC na Gicumbi FC. Yahavuye yerekeza muri Rayon Sports yamazemo imyaka ibiri mbere yo kujya muri Kenya mu ikipe ya Bandari FC, ayikinira umwaka umwe.

Muri 2018, yagarutse muri Rayon Sports kugira ngo ayifashe mu mikino Nyafurika, bagera muri ¼ cya CAF Confederation Cup, mu gihe yayivuyemo muri Kamena 2019, akerekeza muri Zambia mu ikipe ya Buildcon FC.

Mu kiganiro yagiranye na KT Sports, ikiganiro cy’imikino gitambuka buri munsi kuri KT Radio yahamije ko yamaze gusezera, ariko abajijwe ikipe agiyemo, uyu mutoza yabwiye umunyamakuru ko itaraboneka gusa amakuru yaje kumenyekana ni uko yerekeje mu ikipe ya Real de Minas yo mu gihugu cya Honduras.

Ikinyamakuru cyo mu gihugu cya Honduras cyitwa La Prensa cyanditse ko umutoza Jose Antonio Hernandez yamaze gusinyira iyi kipe isanzwe ikina mu cyiciro cya mbere muri iki gihugu.

Jose Antonio Hernandez w’imyaka 39 y’amavuko bivugwa ko azahurira muri iyi kipe n’umukinnyi Roby Norales yigeze gushaka kuzana muri iyi kipe ya Mukura ariko ntashimwe n’ubuyobozi.

Ubwo yari amaze gusinya amasezerano, yavuze ko yishimiye gukorera muri Amerika aho yabaye igihe kirekire akaba asanzwe anakunda imico y’aba Latino.

Yagize ati “Nishimiye kuba ngiye kongera kuba aha, nabaye igihe kirekire muri Colombia na Venezuela ni agace nkunda cyane.”

Mu byo yasabwe n’ubuyobozi bwa Real de Minas ni ugufasha iyi kipe kongera kuza mu myanya myiza ikabasha kwitabira amarushanwa ya CONCACAF ahuza amakipe yabaye aya mbere mu gace ka Amerika yo hagati.

Uyu mugabo uvuga ko yatoje mu makipe y’abana ya Atletico Madrid na Real Madrid yavuze ko mu gihe yari amaze mu Rwanda yishimiye ubunyangamugayo bw’abaturage b’u Rwanda n’uburyo bakirana abantu urugwiro.

Abajijwe mu bindi azajya yibukira kuri Afurika, yavuze ko atazibagirwa uburyo ruhago ya Afurika yizerera cyane mu mbaraga z’umwijima (amarozi). Yagize ati “Mbere ya buri mukino natoje mu Rwanda byibuze abanyungirije bagombaga kujya kureba mu izamu niba nta burozi burimo. Iyo utabikurikiranaga washoboraga gusanga mu mazamu yanyu bashyizemo uburozi cyangwa bahakoreye ibikorwa by’ubupfumu.”

Tony Hernandez asezeye Mukura nyuma yo kuyihesha igikombe cy’imikino y’agaciro yegukanye ari kumwe n’uwari umutoza wa mbere muri iyi kipe Olivier Ovambe yaje no gusimbura nyuma yo kwirukanwa mu kwezi kwa cumi 2019.

Ni umukino wabereye kuri Sitade ya Wembley. Muri uyu mukino ikipe ya Liverpool nubwo yahabwaga amahirwe kubera abakinnyi bayo b’ibihangange nka Sadio Mane, Mohamed Sarah na Roberto Firmino, ntabwo ibashije kwegukana iki gikombe yaherukaga mu 2006.

Igitego cya Arsenal cyabonetse ku munota wa 12 gitsinzwe n’umunya-Gabon Pierre Emerick Aubameyang ku mupira yahawe na Bukayo Saka.

Abakinnyi ba Arsenal bishimira igitego cya Aubameyang na we wacyishimiye akora ikimenyetso cyo kunyuranya amaboko cyakundaga gukorwa n’umukinnyi wa Filime Chadwick Boseman witabye Imana mu rwego rwo kumwibuka

Liverpool yishyuye iki gitego ku munota wa 73 ifashijwe n’umukinnyi mushya iherutse kugura ari we Minamino.

Igitego Aubameyang yatsinze cyari icya gatanu kuri Sitade ya Wembley cyatumye agera ku muhigo w’abatsindiye ibitego byinshi kuri sitade ya Wembley isanzwe iberaho umukino w’iki gikombe n’ibindi nka FA cup.

Iminota isanzwe 90 y’umukino yarangiye banganyije igitego 1 kuri 1 berekeza kuri Penaliti Arsenal yegukana igikombe kuri penaliti 5 kuri 4 za Liverpool .

Umukinnyi wa Liverpool wahushije penaliti ni R. Brewster wayiteye ku mutambiko w’izamu, mu gihe ku ruhande rwa Arsenal abakinnyi 5 bayo bose : Reis Nelson , Soares , Aubameyang ,Maitland Niles na David Luiz bose bazinjije mu izamu ryari ririmo umuzamu Allison Becker .

Taku Minamino na Van Dijk bishimira igitego cyo kwishyura cya Liverpool

Igikombe cya FA Community Shield giheruka muri 2019 ni Manchester City yari yacyegukanye.

Ikipe imaze kwegukana ibikombe byinshi bya FA Community Shield ni Manchester United imaze kucyegukana inshuro 21 , ku mwanya wa kabiri ikurikirwa na Arsenal imaze kucyegukana inshuro 16 , Liverpool iri ku mwanya wa gatatu n’inshuro 15.

Iki gikombe ni cyo gifungura umwaka w’imikino mu Bwongereza aho nyuma yacyo biteganyijwe ko tariki 12 Nzeri 2020 aribwo shampiyona y’u Bwongereza izatangira.

Umunyezamu wa Arsenal Martinez yakoze akazi katoroshye muri uyu mukino. Aha yavanagamo bumwe mu buryo bwari bwabazwemo igitego bwageragejwe n’umunya Senegal Sadio Mane

Rhian Brewster wahushije Penaliti ya Liverpool ntiyumvaga ibimubayeho

Aubameyang ashimirwa n’umunyezamu we ku kazi yari amaze gukora

Martinez umuzamu wa Arsenal asoma igikombe

Arsenal yegukanye igikombe FA Community Shield cya 16 iba ikipe ya kabiri imaze kucyegukana kenshi mu Bwongereza.

Abakinnyi ba Arsenal basimbukiye hejuru ubwo Aubameyang yari amaze kwinjiza penaliti ya gatanu ikaba ari na yo yari iya nyuma yabahaye igikombe

Harry Maguire yafatiwe ku kirwa cya Mykos mu Bugereki ku wa Kane w’icyumweru gishize, aho yakubise umupolisi wari utabaye kubera imirwano y’Abongereza yabereye hanze y’akabari ko kuri icyo kirwa.

Gusa yisobanura yavuze ko yagiye agiye kurwana ku bo mu muryango we bari bajyanye mu biruhuko bari barimo guhohoterwa.

Yatawe muri yombi hamwe na murumuna we Joe, ndetse n’inshuti yabo Chris Sharman, bivugwa ko batabaraga mushiki w’aba bombi wari uhawe ibiyobyabwenge amerewe nabi.

Nubwo aba bose barekuwe, Urukiko rwa Syros rwemeje ko urubanza ruba kuwa Kabiri taliki ya 25 Kanama 2020, Harry Maguire akatirwa igifungo cy’amezi 21 n’iminsi 10 nyuma yo guhamwa n’ibyaha yashinjwaga.

Kapiteni wa Manchester United wari uhagarariwe n’umunyamategeko we, yaburanye ahakana ibyaha byose yashinjwaga n’ubushinjacyaha.

Umushinjacyaha yageze aho aramubwira ati “umuntu w’icyamamare nkawe, uba ugomba gutanga urugero rwiza ukanemera nta mananiza ibyo wakoze mu gihe uzi neza ko wabikoze ugasaba imbabazi”.

Harry Maguire yashinjwe gukubita no gukomeretsa abashinzwe umutekano, kugerageza gutanga ruswa no gutukana nyuma yo gutabwa muri yombi.

Iki gifungo yahawe cy’amezi 21 n’iminsi 10 cyasubitswe (nticyahita gishyirwa mu bikorwa) kubera ko ari ku nshuro ya mbere akatiwe.

Harry Maguire w’imyaka 27 ntabwo azafungwa ahubwo amakuru ava mu Bugereki aravuga ko azatanga amafaranga aho gufungwa.

Byitezwe ko agomba atanga ibihumbi 90,000 by’amayero, ni ukuvuga asaga miliyoni 90 z’amanyarwanda, amafaranga angana na 1/2 cy’umushahara we w’icyumweru.

Harry Maguire nubwo yakatiwe kiriya gihano ku munsi w’ejo, ntibyabujuje umutoza w’ikipe y’igihugu y’u Bwongereza kumuhamagara mu ikipe izakina irushanwa rya ligue des nations ritegerejwe gutangira mu kwezi gutaha.

Si ubwa mbere umukinnyi akatirwa kubera ibyaha runaka, kuko n’igihangange Ronaldinho yari amaze iminsi ari mu maboko y’ubutabera muri Paraguay, aho yari akurikiranyweho gukoresha impapuro mpimbano, gusa we yarekuwe ku munsi wo kuwa mbere aho yari amaze amezi atanu afungiye muri iki gihugu.

Ku gicamunsi cyo kuri uyu wa Gatanu tariki ya 21 Kanama 2020 nibwo rutahizamu w’umunya-Ghana Michael Sarpong yahagurutse ku kibuga cy’indege mpuzamahanga cya Kigali yerekeza muri Tanzaniya kunoza amasezerano na Young Africans, ikipe ikunzwe muri iki gihugu.

Ibi byaje nyuma y’uko gahunda yo kwerekeza muri mukeba Simba Sports Club idakunze kuri Michael Sarpong.

Nk’uko tubikesha igitangazamakuru Infosport.rw Michael Sarpong kuri ubu yamaze gusinyana amasezerano na Young Africans aho yahawe miliyoni 50 uyabaze mu mafaranga y’u Rwanda ndetse n’umushahara wa miliyoni 5 z’amafaranga y’u Rwanda ku kwezi maze asinyira ikipe ya Young Africans.

Uyu mukinnyi w’imyaka 24 y’amavuko, yageze mu ikipe ya Rayon Sports tariki 2 Ukwakira 2018, ayivamo tariki 23 Mata 2020 nyuma y’amagambo yatangaje tariki ya 21 Mata 2020 avuga ko Perezida w’iyi kipe Munyakazi Sadate, adakwiriye kuyobora ikipe y’ubukombe nka Rayon Sports, nyuma y’uko iyi kipe yari yahagaritse amasezerano y’abakozi bayo kubera icyorezo cya COVID-19 cyibasiye Isi.

Abafana ba Yanga bishimiye Sarpong

Uyu mukinnyi nyuma yo gutandukana na Rayon Sports, amakipe atandukanye yaba ayo mu Rwanda ndetse no hanze yarwo yaramwifuje ngo amusinyishe. Simba Sports Club ni yo yari ku isonga mu makipe yamwifuzaga, ndetse bikaba byaravugwaga ko yamaze kumvikana na yo aho yagombaga kumugura agera kuri miliyoni 85 z’Amafaranga y’u Rwanda.

Michael Sarpong yagiriye ibihe byiza mu ikipe ya Rayon Sports aho yayifashije kwegukana igikombe cya shampiyona mu mwaka w’imikino wa 2018-2019 muri uyu mwaka w’imikino akaba yarasoje shampiyona atsinze ibitego 16.

Ubwo Muhadjiri yasinyiraga AS Kigali

Kigali Today yabateguriye uguhinduranya amakipe kw’abakinnyi (transfers) kwavuzwe cyane muri uyu mwaka wa 2020 guhera nyuma ya shampiyona ubwo APR FC yari imaze kwegukana igikombe cya Shampiyona.

10. Iddy Muselemu

Ni umukinnyi ukomoka mu gihugu cy’u Burundi. Uyu byavuzwe ko amakipe yo mu Rwanda arimo Rayon Sports, AS Kigali na Mukura yamwifuje ndetse yegera ikipe yakiniraga ya Messager Ngozi ariko ntibabasha kumvikana.

Iddy Muselemu

Uyu mukinnyi warushije abandi ba rutahizamu bo mu Burundi gutsinda ibitego byinshi muri Shampiyona aho yatsinze ibitego 19 ubwo yerekezaga mu ikipe ya Gasogi byaravuzwe cyane bisa nk’aho Gasogi United yari itsinze igitego andi makipe yari yamwifuje mbere.

Ubwo yari amaze gusinyira iyi kipe ya Gasogi United, umuyobozi wayo Kakooza Nkuliza Charles uzwi nka KNC yamuhaye izina “Intare y’akanwa rwabwiga” ashaka kwerekana ko ari rutahizamu udasanzwe.

Muselemu muri Gasogi

Iddy Muselemu wasinye amasezerano y’imyaka 2 muri Gasogi United yabaye umukinnyi watsinze ibitego byinshi mu Burundi anahesha ikipe ya Messager Ngozi igikombe cya Shampiyona.

Iddy Muselemu ni umukinnyi usanzwe usatira aca ku mpande, ariko afite ubushobozi bwo kuba yanakina ku busatirizi (nimero 9).

9. Manasseh M’bedi Mutatu

Manasseh M’bedi Mutatu yafatwaga nk’umukinnyi w’imena mu ikipe ya Gasogi United. Akimara gusinyira ikipe ya Rayon Sports byaravuzwe cyane, dore ko abafana ba Rayon Sports n’abagize Komite nyobozi ya Rayon Sports bashakaga kwerekana ko nubwo hari abatari babashyigikiye na bo bafite ubushobozi bwo kugura abakinnyi beza ku isoko.

Manasseh Mutatu byari bimaze iminsi bivugwa ko ari mu biganiro na Rayon Sports ariko ubuyobozi bwa Gasogi United bukagaragaza ko akibubifitiye amasezerano ndetse ikipe imushaka izishyura ibihumbi 50 by’Amadolari ya Amerika (ni ukuvuga amafaranga y’u Rwanda asaga gato Miliyoni 48) gusa aza gutungurana ubuyobozi bwa Rayon Sports butangaje ko bwamusinyishije.

Ikindi cyatumye Transfer ye ivugwa cyane ni uko yatwaye amafaranga menshi ubuyobozi bwa Rayon Sports. Amakuru Kigali Today yamenye ni uko Mutatu yatanzweho miliyoni 22 Frw, agashyira umukono ku masezerano y’imyaka ibiri.

Manasseh Mutatu yasinyiye Rayon Sports nyuma y’iminsi itatu Guy Bukasa wahoze ari umutoza we muri Gasogi United na we ayerekejemo. Aba bombi basanzemo umunyezamu Kwizera Olivier.

8. Kwizera Olivier

Hari hashize iminsi bivugwa ko ikipe ya Rayon Sports yifuza umunyezamu wo gusimbura Kimenyi Yves uheruka kwerekeza mu ikipe ya Kiyovu Sports, aho izina ryagarutsweho cyane ari Kwizera Olivier ufatira ikipe ya Gasogi United.

Gusa ubuyobozi bwa Gasogi bwo bwavugaga ko Kwizera Olivier ari umukinnyi wabo hari amafaranga bamuhaye bityo ko atagomba kugira ahandi yerekeza.

KWIZERA Olivier asinya

Nyuma Kwizera Olivier yanditse ibaruwa avuga ko Gasogi United yamuhaye Miliyoni imwe y’amafaranga y’u Rwanda ariko bamusigaramo miliyoni 99 yavugaga ko nibazimuha yiteguye kuba yakomeza kuguma muri iyi kipe.

Ibi ariko byari amananiza kuko miliyoni 99 Gasogi ntabwo yari yiteguye kuzitanga .

Tariki 01/07/2020 umunyezamu Kwizera Olivier yasinyiye ikipe ya Rayon Sports amasezerano y’umwaka umwe.

7. Keddy Nsanzimfura

Keddy Nsanzimfura ni umukinnyi ukiri muto watangiye kumenyekana mu gikombe cya CECAFA cy’abari munsi y’imyaka 17 mu gihugu cya Tanzania mu mwaka wa 2018. Nyuma yo kuhava yigaragaje mu ikipe y’igihugu y’abato, Kiyovu yaramusinyishije.

Keddy yasinyiye APR FC, Kiyovu ivuga ko APR FC imwibye

Uyu musore warerewe muri La Jeunesse we n’umuryango we bashinje Kiyovu ko yamusinyishije amasezerano ataragaragazaga igihe azarangirira kandi bamusinyisha igihe kingana n’imyaka 5 ubundi bihabanye n’amategeko ya FIFA ku bakinnyi batarageza imyaka 23.

Nyuma y’izo mpamvu Keddy yafashe icyemezo cyo gusinyira ikipe ya APR FC aho yayisinyiye amasezerano y’imyaka ibiri.

Nyuma habayeho guhangana hagati ya APR FC na Kiyovu aho binyuze kuri visi perezida wayo Theodore Ntarindwa Kiyovu yashinjaga APR FC ko itazi umupira bityo yayitwariye umukinnyi mu buryo budakurikije amategeko ndetse inavuga ko izitabaza inzego bireba kugira ngo ihabwe ubutabera.

Nsanzimfura Keddy ni umwe mu bakinnyi bakiri bato b’abahanga, aho yari amaze umwaka akinira Kiyovu Sports, gusa mu mwaka ushize w’imikino ntiyabonye amahirwe yo gukina imikino myinshi abanje mu kibuga nyuma y’aho iyi kipe igaruye Habamahoro Vincent ndetse na Martin Fabrice.

6. Eric Irambona

Eric Irambona yafatwaga nk’umwana w’ikipe ya Rayon Sports , yazamukiye muri iyi kipe anayikinira imyaka 8.

Eric Irambona muri Kiyovu

Ubwo yerekezaga mu ikipe ya Kiyovu Sports isanzwe ari umukeba wa Rayon Sports ukomeye, bamwe mu bafana n’abayobozi ba Rayon Sports babyibajijeho ariko we avuga ko yafashe icyemezo yabitekerejeho ndetse yandika n’ubutumwa busezera abafana abunyuza ku mbunga nkoranyambaga.

Irambona Eric ni we mukinnyi wari umaze imyaka myinshi muri Rayon Sports aho yari amaze imyaka umunani akinira ikipe nkuru. Yazamuwe mu mwaka wa 2012 aho yari avuye mu ikipe y’abato yabaga i Nyanza.

5. Eric Rutanga

Izina Rutanga Eric ni izina ryagiye mu mitwe y’abafana ba Rayon Sports ubwo yavaga muri APR FC akaza muri iyi kipe.

Izina rye ryarushijeho gukundwa ubwo we n’iyi kipe begukanaga igikombe cya Shampiyona bakanagera mu matsinda y’imikino nyafurika (Confederation Cup)

Rutanga muri Police FC

Ubwo Manzi Thierry na Djabel Imanishimwe berekezaga muri APR FC, ikipe ya Rayon Sports yaramwizeye imuha igitambaro cy’ubukapiteni .

Ku mwaka we wa mbere ari kapiteni ubwo ikipe ya Rayon Sports yananirwaga kwegukana igikombe cya Shampiyona hakaza n’ibihe by’icyorezo cya COVID-19 Rutanga yatangiye kutumvikana n’ubuyobozi bwa Rayon Sports aho batahuzaga ku buryo bafata abakinnyi bagenzi be nuko yerekeza muri Police FC.

Rutanga yerekeje muri Police FC nyuma y’igihe gito iyi kipe inasinyishije undi mukinnyi wahoze muri iyi kipe ari we Iradukunda Eric bakunda kwita Radu .

Nubwo yerekeje muri Police FC binavugwa ko hari ibindi biganiro yagiranye na Young Africans yo muri Tanzania.

4. Babua Samson

Rutahizamu ukomoka muri Nigeria, Babuwa Samson, byavugwaga ko yifuzwa n’amakipe menshi yo mu Rwanda arimo n’ikipe ya Rayon Sports n’andi yo hanze yayateye umugongo ajya muri Kiyovu Sports.

Babua Samson ni we rutahizamu wifuzwaga cyane mu Rwanda kubera ahanini ubuhanga afite mu gutsinda ibitego aho mbere ya Coronavirus yari amaze gutsindira Sunrise FC ibitego 16 habura imikino 6 ngo shampiyona irangire.

Babua washyingiranwe n’Umunyarwandakazi, yakiniye Sunrise FC imikino 24 muri shampiyona 2019-2020 atsinda ibitego 16, kuri ubu avuga ko afite intego yo kuzarenza ibitego 20 muri Kiyovu .

Babua Samson (w’imisatsi y’umweru) yifuzwa n’amakipe atandukanye yo mu Rwanda no mu Karere

Uyu rutahizamu uyoboye abatsinze ibitego byinshi muri shampiyona aho afite ibitego 16, mu makipe yamwifuje mbere harimo ikipe ya Musanze bivugwa ko hari n’amafaranga y’ibanze yari yarahawe, hakaza ikipe ya Rayon Sports ndetse n’andi.

Amakuru agera kuri Kigali Today avuga ko Babua Samson wari amaze imyaka 4 muri Sunrise FC, yahawe miliyoni 8 yemera gusinyira ikipe ya Kiyovu Sports mu gihe Rayon Sports yamwifuzaga yo ngo itari yiteguye guhita ibona ariya mafaranga mu buryo bwihuse kubera ibibazo yari ifite.

3. Kimenyi Yves

Inkuru yo gusinya k’uwari umunyezamu wa Rayon Sports Kimenyi Yves werekeje muri Kiyovu Sports yamenyekanye mu ijoro ryo kuwa Gatatu tariki ya 26 Gicurasi 2020 ariko ntihagaragara amafoto asinyira iyi kipe yambara icyatsi n’umweru.

Icyo gihe umwe mu baganiriye na Kigali Today utifuje ko amazina ye atangazwa yagize ati "Kimenyi Yves yaraye asinyiye Kiyovu Sports amasezerano y’imyaka ibiri ategeka ubuyobozi bwa Kiyovu Sports kudashyira hanze amafoto."

Amakuru Kigali Today ikesha umwe mu bari ahasinyiwe amasezerano ni uko amafaranga Kimenyi Yves yaguzwe yagizwe ibanga ariko abandi bakavuga ko agera kuri Miliyoni 16 z’amafaranga y’u Rwanda n’umushahara w’ibihumbi magana inani ku kwezi ( 800,000 Rwf).

Kimenyi Yves yari amaze umwaka umwe muri Rayon Sports aho yaguzwe miliyoni umunani nyuma y’uko yari yirukanywe muri APR FC.

2. Yannick Bizimana

Nyuma y’umwaka umwe gusa yari amaze muri Rayon Sports, Bizimana Yannick yerekeje muri APR FC atanzweho asaga miliyoni 20 Frw ku masezerano y’imyaka ibiri.

Bizimana Yannick ni umwe mu bakinnyi APR FC yifuje kuva mu mpeshyi ya 2019 ubwo yakinaga muri AS Muhanga, ariko birangira yerekeje muri Rayon Sports.

Uyu mukinnyi watsinze ibitego umunani mu mwaka ushize w’imikino, yari agifite amasezerano y’umwaka muri Rayon Sports. Yongeye kwifuzwa n’ikipe y’ingabo yumvikanye n’ubuyobozi bwa Rayon Sports bwemeye kumugurisha kuri miliyoni 20 Frw.

Ageze mu ikipe ya APR FC yavuze ko ageze mu ikipe nziza agiye kujya arisha ifi inkoko bituma bamwe bamwikoma nyuma yo gusohoka kw’icyo kiganiro yagiranaga n’umwe mu bo bahoze bakinana muri Muhanga.

Igenda rye ryarakaje abafana ba Rayon Sports bamwe batangira gufata Munyakazi Sadate nk’umubeshyi kuko yari yabanje guhakana aya makuru.

1. Muhadjiri Hakizimana

Muhadjiri wari witezwe muri Rayon Sports yasinyiye AS Kigali. Mu kwezi gushize kwa karindwi nibwo byavuzwe ko uyu rutahizamu uheruka gutandukana n’ikipe ya Emirates FC yo muri Leta Zunze Ubumwe z’Abarabu yemeye gusinyira Rayon Sports amasezerano y’umwaka umwe.

Nyamara amakuru n’amafoto yagiye ahagaragara ku mugoroba wo ku wa Kane tariki 06 Kanama 2020 yagaragaje ko Muhadjiri yasinyiye AS Kigali amasezerano yo kuyikinira mu gihe cy’umwaka umwe.

Hakizimana Muhadjiri

Amakuru aravuga ko yaba yarahisemo kwerekeza muri AS Kigali kubera ko izahagararira u Rwanda mu mikino ya CAF Confederation Cup, mu gihe Rayon Sports yo itabashije kubona iyo tike.

Izi ni zo ‘Transfers’ zikomeye zavuzwe cyane nyuma ya shampiyona Kigali Today yakusanyirije abasomyi bayo, byashoboka ko hari izindi zitagaragara kuri uru rutonde nawe ubona zaravuzwe cyane, wazidusangiza mu bitekerezo mu mwanya wahariwe abasomyi.

Umunyezamu Ntwali Fiacre yatijwe muri Marines FC

APR FC yatije Ntwali Fiacre muri Marines FC umwaka umwe w’imikino wa 2020-2021, nyuma y’imyaka ibiri yari amaze muri iyi kipe.

Ntwali ni umunyezamu w’Umunyarwanda w’imyaka 21 y’amavuko, wazamukiye mu ishuri ry’umupira w’amaguru rya APR FC yagezemo muri 2015 afite imyaka 16, nyuma aza kuzamurwa muri APR FC muri 2018.

APR FC itije Ntwali nyuma yo kuzamura umunyezamu Ishimwe Jean Pierre, werekanywe mu bakinnyi batanu bashya iyi kipe yerekanye kuwa 19 Nyakanga 2020.

Amakuru yo gutizwa kwa Ntwali Fiacre yemejwe n’Umunyamabanga Mukuru wa APR FC, Rtd Lt. Col Sylvestre Sekaramba, ku rubuga rwa interineti rw’iyi kipe.

Sekaramba yagize ati “Ni byo koko umunyezamu Ntwali Fiacre twamaze kumutiza muri Marines FC kugira ngo bimufashe kuzamura urwego rwe rw’imikinire, nyuma y’uko tuzamuye undi munyezamu tumukuye mu ikipe ya Intare FC”.

Kuva yagera muri APR FC, Ntwali Fiacre ntiyakunze kubona umwanya uhagije wo gukina. Atijwe kugira ngo azamure urwego rwe kuko ari we uhabwa amahirwe yo kuzasimbura umunyezamu Rwabugiri Omar wa mbere kuri ubu mu izamu rya APR FC.

Nyuma yo gutiza Ntwali Fiacre, APR FC isigaranye abanyezamu batatu, ari bo bo Rwabugiri Omar, Ahishakiye Herithier ndetse na Ishimwe Jean Pierre.

Fiacre Ntwali yatwaranye na APR FC ibikombe birimo igikombe cya shampiyona cya 2019-2020, ibikombe bibiri by’Intwali 2019 na 2020, igikombe cy’Agaciro cya 2018 n’igikombe kiruta ibindi mu Rwanda (Super coupe) cya 2018.

Yumba Kaite

Yumba aganira na Kigali Today yagize ati "Ngiye gufasha ikipe y’Amagaju FC muri iyi mikino ya play-off (kamarampaka) kugira ngo turebe ko twafatanyiriza hamwe tukareba ko twayigarura mu cyiciro cya mbere, nituramuka tuzamutse nshobora kuzasinya andi masezerano.”

Yumba Kaite avuga ko amasezerano yagiranye n’Amagaju ari ayo kuyakinira iyi mikino ya Kamarampaka hanyuma mu gihe ikipe yaba ibashije kuzamuka bakazongera bakaganira.

Uretse Yumba Kaite, iyi kipe mu rugamba irimo rwo kongera kuzamuka irimo gushakisha n’abandi bakinnyi bafite ubunararibonye, amakuru ava muri iyi kipe avuga ko n’abakinnyi nka Sebanani Emmanuel Crespo na Ndahinduka Michel bakunda kwita Bugesera barimo kugirana ibiganiro kandi biri kugenda neza.

Yumba Kaite ni umukinnyi wakiniye Amagaju mu 2004 agarukamo muri 2012 aho yanayabereye Kapiteni, aza gutanduka na yo muri 2019 none yongeye kuyasubiramo ku nshuro ya Gatatu.

Yumba avuga ko umupira we watangiriye mu mashuri abanza, uzamuka cyane ageze mu mashuri yisumbuye mu Bigugu aho yaje kwigaragaza cyane.

Uretse GS Bigugu yakiniye hagati ya 2001 na 2004 akanatwariramo igikombe gihuza amashuri ku rwego rw’igihugu, yakiniye n’ibindi bigo nka GSO Butare, GS Gahini na St Joseph Kabgayi.

Yumba wari umaze gutwara igikombe cy’amashuri ku rwego rw’igihugu mu 2004 yabengutswe n’ikipe y’Amagaju FC ayikinira mu cyiciro cya kabiri binageza aho yerekeza muri Mukura.

Ubwo yari ari muri Mukura yatozwaga n’umutoza Ruremesha yarigaragaje bigeza ubwo yifujwe na APR FC ariko ntiyabasha kuyerekezamo nyuma yo kugirana ibibazo na Mukura aho yavugaga ko bagifitanye amasezerano.

Icyo gihe ngo APR FC ntabwo bumvikanye hahise haza na Rayon Sports iramwifuza ariko na yo biranga ahitamo gusubira mu Magaju yari yarakiniye mu 2004.

Mu bindi uyu mukinnyi azwiho ni uko yakinnye ku myanya yose mu kibuga.

Muri Mukura, umutoza Bizimungu Ally yamukuye kuri rutahizamu amugira umukinnyi wo hagati rimwe na rimwe agakina mu izamu.

Mu ikipe y’Amagaju FC, ubwo yahasangaga umutoza Bizimana Abdul Bekeni yaje kugirwa myugariro n’umukinnyi wo hagati .

Yumba ari mu rungano rw’abakinnyi bamaze igihe muri ruhago y’u Rwanda kuko yatangiye gukina mu mwaka wa 2004, byumvikane ko amaze imyaka 16 akina ruhago mu cyiciro cya mbere n’icya kabiri.

Yumba Kaite avuga ko mu bihe byiza yagize mu Magaju harimo igihe basezereraga AS Kigali muri 1/4 cy’igikombe cy’Amahoro muri 2017 bagakatisha itike ya ½. Iki gihe Amagaju yarimo n’abandi bakinnyi bakomeye nka Shabani Hussein Tchabalala yatsindiwe ku mukino w’umwanya wa gatatu na Rayon Sports ibitego 3-0.

Ubusanzwe amazina ye y’ababyeyi ni Nkurunziza Rachid, aya mazina ariko yaje kuyahinduza mu byangombwa bye yiyita Yumba Kaite.

Yumba asobanura ko yiyise aya mazina abikuye ku rukundo yakundaga umunya Mali Seidou Keita wakinaga muri FC Barcelone.

Naho Yumba ryo ngo ni izina ry’umusore ukunda kuba atuje rikomoka muri RDC.

Asengera mu idini ry’Abahamya ba Yehova, agakunda cyane ikipe ya Chelsea yo mu Bwongereza na FC Barcelone yo muri Esipanye.

Musanze FC

Nyuma yo kwemeza iyi nkunga, Akarere kandikiye Musanze FC kayimenyesha iby’inkunga izahabwa iyi kipe.

Muri iyi baruwa yasinyweho na Bwana Bagirishya Pierre Célestin, Umunyamabanga Nshingwabikorwa w’Akarere ka Musanze, yibukije ubuyobozi bwa Musanze FC ko aya mafaranga ari yo azabafasha mu bikorwa byose by’umupira w’amaguru iyi kipe izitabira, harimo kwitabira shampiyona y’icyiciro cya mbere n’andi marushanwa, kugura abakinnyi, ibikoresho n’ibindi.

Mu mwaka ushize, ikipe ya Musanze FC yakoresheje arenga miliyoni 110 z’Amafaranga y’u Rwanda, Akarere kakaba kari kabageneye angana na miliyoni 90 andi agenda ava mu bafatanyabikorwa b’iyi kipe.

Musanze FC ni imwe mu makipe amaze gukoresha amafaranga menshi yiyubaka, dore ko isa n’aho yahinduye byinshi uhereye ku batoza, ukageza mu bakinnyi, byose bikaba byarakozwe mu rwego rwo kutazongera gusoreza ku mwanya mubi nk’uwo basorejeho muri shampiyona ishize, aho basoje ku mwanya wa 12 n’amanota 26.

Iyi kipe ikaba yaramaze kugura bamwe mu bakinnyi, barimo nka Niyonshuti Gad, Samson Ikechukwu, Rashid Mutebi, Niyitegeka Idrissa, Ndizeye Innocent bita Kigeme n’abandi.

Ni ikipe kandi yanazanye abatoza bashya bayobowe na Seninga Innocent uzaba yungirijwe na Todek Mbweki ukomoka muri Repubulika Iharanira Demokarasi ya Congo (DRC).

Amakuru y’ibiganiro bivugwa hagati ye n’ikipe ya AS Vita Club yo muri Repubulika Iharanira Demokarasi ya Congo yayahamirije mu kiganiro KT Sports gitambuka buri munsi kuri KT Radio aho yavuze ko ibiganiro bikomeje kugenda neza.

Olivier Kwizera yagize ati “Nagiranye ibiganiro n’umutoza wa AS Vita Club, nganira n’ubuyobozi bwayo umunsi ku munsi, ubu ibiganiro biragenda neza, ni uko hajemo gufunga imipaka kubera iki cyorezo cya COVID-19 ubu nagombye kuba naragiye i Kinshassa tugasoza ibiganiro.”

Kwizera Olivier wari wasinye amasezerano y’amezi atanu muri Gasogi United avuga ko ari gufashwa cyane n’umutoza wa Gasogi United Guy Bukasa usanzwe ari n’umutoza wungirije mu ikipe y’igihugu ya Repubulika iharanira Demokarasi ya Congo.

Inzozi ze ngo ni ukuzakina muri shampiyona y’u Bufaransa (Ligue 1)

Kwizera Olivier aganira na KT Radio, yakomoje no ku rugendo rwe muri shampiyona ya Afurika y’Epfo, aho avuga ko ubwo yari mu ikipe yaho ya Free State Stars amasezerano akagera ku musozo byamugoye kongera kuhabona ikipe kuko ibyangombwa bye byari byararangiye.

Ati “Nari mfite amakipe 2 yo mu cyiciro cya kabiri, n’imwe yo mu cyiciro cya mbere zanyifuzaga ariko ntabwo nari mfite ibyangombwa. Byansabye kugaruka mu Rwanda gushaka ibyangombwa bituma kubera kubura ibyangombwa mbura amahirwe yo gukomeza gukina muri Afurika y’Epfo.”

Kwizera Olivier ushobora kuba umukinnyi wa kabiri w’Umunyarwanda werekeje muri AS Vita Club nyuma ya Sugira Ernest avuga ko gukina hanze uri umunyezamu bigora cyane kurusha abandi bakinnyi kuko ibihugu byinshi biba bishaka kuzamura abazamu b’abenegihugu. Ku bwe ngo umuzamu wese w’umunyamahanga aba asabwa gukora cyane akerekana ikinyuranyo kugira ngo abashe kurushaho kugirirwa icyizere aho akina.

Intego ya Kwizera Olivier n’Ibihe bibi yagize mu kibuga

Kwizera Olivier yagarutse ku bihe bibi yagize, avuga ko umukino Amavubi yakinaga na Côte d’Ivoire mu mikino yo gushaka itike y’igikombe cya Afurika ari wo yagiriyeho ibihe bibi mu buzima. Icyo gihe yakoze ikosa ryo gutanga umupira nabi uvamo igitego cya Côte d’Ivoire. Abantu bamwe ngo bamwishyizemo bamushinja ko yariye ruswa.

Ibyo bihe ni ibihe n’ubu avuga ko atazibagirwa aho asanga ari byo bihe bibi yagize kuva yatangira gukina ruhago.

Kwizera Olivier ngo ikosa yakoze ku mukino wahuje Amavubi na Côte d’Ivoire ni byo bihe bibi yagize kuva yatangira ruhago

Uyu muzamu w’imyaka 25 y’amavuko wakiniye amakipe atandukanye nka APR FC , Isonga, Bugesera na Free State Stars yo muri Afurika y’Epfo avuga ko gukina hanze yamaze kubigira nk’intego.

Avuga ko afite inzozi zo kuzakina muri shampiyona y’u Bufaransa ahamya ko ari shampiyona nziza ifasha abakinnyi kumenyekana bakagera ku rwego rwiza mu ruhando mpuzamahanga.

Michael Sarpong ashobora kwerekeza muri Tanzania

Aya makuru yasohotse mu nkuru ya Mwanaspoti yo kuri uyu wa mbere tariki 18 Gicurasi 2020. Ikipe ya Yanga bivugwa ko ari yo yamuganirije mbere, nyuma bamwe mu bayobozi ba Simba na bo baramuhamagara.

Michael Sarpong yemeje aya makuru, agira ati “Nagiranye ibiganiro na Yanga kandi bigenda neza, kugeza na n’ubu ndacyategereje.”

Sarpong yakomeje avuga ko na bamwe mu bayobozi ba Simba bamuhamagaye bifuza ko yaza kubakinira.

Michael Sarpong ahamya ko we gukina ari akazi ke, ko yiteguye gukinira uwo ari we wese uzamuha ibyo azaba yifuza ariko kandi akavuga ko ategereje ko icyorezo cya COVID-19 gikomeje kuyogoza isi gicogora akaba aribwo ibijyanye n’ikipe azakinira bizamenyekana.

Michael Sarpong ari mu bakinnyi bafashije Rayon Sports gutwara igikombe cya shampiyona ya 2018/2019 mu mwaka we wa mbere aho yatsinze ibitego 16 muri shampiyona n’ibitego 6 mu gikombe cy’igihugu.

Uyu mukinnyi wari wageze muri Rayon Sports avuye muri Dreams FC yo muri Ghana ku madolari ya Amerika ibihumbi icumi ($10,000) naramuka aguzwe azagenda nk’uwigurisha (Free Agent) kuko nyuma yo kwirukanwa na Rayon Sports ubu nta masezerano bafitanye.

Bitana Jean Rémy

Kuri uwo mukino, umukinnyi Jaziri wa Tuniziya yafunguye amazamu atsinda igitego cya mbere muri uyu mukino. Cyari n’igitego cya mbere muri CAN ya 2004, nyuma imbere gato y’urubuga rw’amahina rwa Tuniziya nko muri Metero 22 uvuye ku izamu rya Ali Boumnijel ba myugariro ba Tuniziya bakoreye ikosa Eric Nshimiyimana wari umukinnyi usumba abandi mu bari mu gikombe cya Afrika bose icyo gihe.

U Rwanda rwabonye Coup Franc, iterwa neza na Manamana Joao Jean Pierre. Icyo gihe Rafael Elias Manama yazengurutse muri koroneli yishima. Ibyishimo natwe i Kigali n’ahandi mu gihugu twarabisinze kuko byari ibintu bidasanzwe gutsinda igitego cya mbere mu gikombe cya Afurika ku Mavubi yafatwaga nk’insina ngufi mu irushanwa n’imbere y’igihugu cya Tuniziya cyaje no kwegukana igikombe cya Afurika cya 2004.

Ese ibi bihe urabyibuka? Niba ukibyibuka uranibuka bamwe mu bakinnyi bari bahagarariye u Rwanda bwa mbere muri iki gikombe cyaAfurika. Ese ujya unibaza aho bamwe baherereye? Kigali Today twatashye ku byifuzo by’imitima yanyu tubashakira umwe muri abo.

Amazina ye yose ni Bitana Jean Rémy. Icyo gihe ubwo Amavubi yajyaga mu gikombe cya Afurika, Bitana yari afite imyaka21. Bitana yakinnye iminota yose 90 ku mukino wahuje u Rwanda na Guinea, umukino warangiye ari igitego 1-1. U Rwanda rwatsindiwe na Karim Kamanzi, igitego cyishyuraga igitego cya Titi Camara.

Bitana yavukiye i Rubavu ahazwi nka Brazil y’u Rwanda kubera uburyo aka gace kagiye gatanga abakinnyi benshi muri ruhago y’u Rwanda, atangirira gukina mu ikipe ya Etincelles.

Ari muri Etincelles, avuga ko ubuzima bwari buryoshye kubera gukorana n’abatoza nka Mungo Jitiada uzwi ku izina rya Vigoureux na Bizimana Abdul uzwi ku izina rya Bekeni. Aba batoza avuga ko uretse gutoza, bari bameze nk’ababyeyi ashingiye ku buryo bafataga abakinnyi mu kibuga no hanze y’ikibuga binyuze mu nama babahaga ari byo byatumye batera imbere cyane.

Urungano rwe muri Etincelles rwarimo Djabil Mutarambirwa banavanye i Rubavu muri 1998 baje mu mujyi wa Kigali, icyo gihe Bitana yerekeje muri Rayon Sports aguzwe ibihumbi 200 by’amafaranga y’u Rwanda y’icyo gihe.

Ubuzima avuga ko muri Rayon Sports bwari bugoye ku mwana wari uvuye hanze ya Kigali haba ku mikoro no kubona umwanya ubanza mu kibuga cyane ko Rayon Sports yakinagamo abanyamahanga benshi.

Mu kiganiro yagiranye na Kigali Today akomeza asubiramo ko ubuzima bwari bugoye cyane mu ikipe ya Rayon Sports ya biriya bihe.

Bamwe mu banyamahanga bahuriye mu ikipe ya Rayon Sport ni Arthur wakinishaga imoso. Uyu ngo yari avuye muri Tout Solide Malekesa, hari Pappy Makala, Gasana Philippe Pichou, Kou Bebe, Aziz Balinda, Aziz Hunter, Jeannot Witakenge, Shaban Mukongwe, Tindo, Cooks Muley, Kawembe Pappy, Kalisa Kasse n’abandi benshi.

Avuga ko uretse ubuzima bwari bugoye kuko bahembwaga ari uko bafite ibihe byiza mu kibuga, gukinana n’abanyamahanga byamwigishije gukora cyane akazamura urwego bikamufasha no gukinira Amavubi.

Ibihe byiza yagize ari muri Rayon Sports ahurizaho na bagenzi be ni ugusezerera ikipe ya Satellite muri Guinea, yari yabatsindiye i Kigali bakayitsindira iwayo bagakatisha itike ya ¼ mu mikino nyafurika.

Uretse ibi bihe bifatwa nk’ibya zahabu kuri uru rungano, we anavuga ko gusezerera ikipe ya AC Aviacao yo muri Angola bayitsindiye muri 1/16 asanga na byo ari ibihe bidakwiriye kwirengagizwa, aho iyi kipe yari yabatsinze 1 ku busa muri Angola bayishyuriye i Kigali bakayisezerera kuri za Penaliti.

Kuva mu 1998 kugeza mu 2008, avuga ko ibindi bihe byiza yagiriye muri Rayon Sports, birimo kuba yarayifashije kwegukana ibikombe bibiri bya shampiyona(2002, na 2004) n’igikombe cy’Amahoro cya 2005.

BITANA yafashije Amavubi kubona itike yo kujya muri CAN ku nshuro ya mbere

Bitana Jean Rémy yatangiye gukina mu Mavubi mu mwaka w’imikino wa 1998/1999 muri CECAFA yari yabereye i Kigali.

Mu bihe atazibagirwa harimo umukino batsinzemo Uganda, n’umukino batsinzemo Ghana kuri Stade Amahoro, igihe bakatishaga itike bidasubirwaho yo kujya mu gikombe cya Afurika cyo muri 2004. Ibanga we na bagenzi be bakoreshaga avuga ko kwari ugukorera hamwe.

Ati “Ntabwo twari ikipe y’igitangaza, icyo twari dufite cyadufashaga kwari ugushyira hamwe, twarakundanaga kandi twarangwaga n’ishyaka. Kuri twe intego yari imwe, kwari ukwerekeza mu gikombe cya Afurika.”

Mu kiganiro Bitana yagiranye na Kigali Today, yanagarutse ku itandukaniro rya ruhago y’u Rwanda y’ubu n’iyo mu gihe cyabo, avuga ko itandukaniro riri ku mafaranga aho abakinnyi b’ubu binjiza hatagendewe ku musaruro batanga ariko mu gihe cyabo ngo guhembwa byaterwaga n’uko babaga barimo kwitwara mu kibuga.

Bitana Jean Rémy, nubwo amaze imyaka isaga 10 asezeye kuri ruhago, avuga ko agikurikirana shampiyona y’u Rwanda. Avuga ko abakinnyi akunda muri ruhago y’u Rwanda ari Sugira Ernest, Michael Sarpong na Muhadjili Hakizimana.

Bitana ntabwo yemeranya n’abavuga ko aba bakinnyi bafite ikibazo cy’imyitwarire mibi kuko akenshi abantu bafata nabi ibyo bavuze kandi biba bidateje ikibazo.

Ku bakumbuye kongera kumubona muri ruhago, avuga ko yitegura kugaruka aho kuri ubu yitegura gutangira amasomo y’ubutoza no kugira inama abakinnyi. Aya masomo biteganyijwe ko azayatangirira mu Bubiligi mu kwezi kwa cyenda nibiramuka bidahindutse.

Bitana Jean Rémy kuri ubu asigaye atuye mu gihugu cy’u Bubiligi mu Mujyi wa Liège. Arubatse akaba abana n’umugore we n’umwana we w’imfura w’umukobwa w’imyaka icumi y’amavuko.

Hari Ubukwe buba ugasanga buravuzwe cyane bitewe n’impamvu zitandukanye, abagiye kubukora, ibyakoreshejwe mu bukwe ndetse n’ababwitabiriye.

Kigali Today yabakusanyirije bumwe mu bukwe bw’abakinnyi bo mu Rwanda bwavuzwe cyane uhereye mu 2010 kugeza none.

Ubukwe bw’Umukinnyi w’amagare Munyaneza Didier bita ‘Mbappe’

Didier Munyaneza bita Mbappe yari ashagawe n’abakinnyi bazwi mu mukino w’amagare barimo na Joseph Areruya

Munyaneza Didier usanzwe ukinira ikipe ya Benediction y’i Rubavu, ni umwe mu bakinnyi bahagaze neza mu mukino w’amagare mu Rwanda. Mu mwaka wa 2019, ni bwo yafashe icyemezo cyo kurushinga n’umukunzi we Niyomubyeyi Joselyne.

Ubu bukwe bwaravuzwe cyane kuko bwanitabiriwe na bimwe mu bihangange birimo Areruya Joseph wari no mu baherekeje uyu musore.

Ubukwe bwa Imanishimwe Djabel n’umukobwa wa Hadji w’ i Nyanza

Djabel n’umufasha we na sebukwe Hadji ku munsi w’ubukwe

<

Imanishimwe Djabel wakiniriaga ikipe ya Rayon Sports, ubwo ubukwe bwe bwari bwegereje yakoze impanuka ikomeye bamwe batangira no gukeka ko ubukwe bushobora kutaba. Nyuma y’iminsi mike ubukwe bwe n’uwo yihebeye bwarabaye.

Ubwo Djabel Imanishimwe yasohoraga impapuro zitumira abantu ko yafashe icyemezo cyo kurushingana na Niyitunganye Kawthar, ubukwe bwabo bwaravuzwe cyane.

img135031|center>

Impamvu yo kuvugwa kuri ubu bukwe ni uko yari agiye kurushingana n’umukobwa wa Hakizimana Saidi, uzwi nka Hadji, umucuruzi ukomeye w’i Nyanza akaba n’umwe mu bakunzi b’ikipe ya Rayon Sports.

Aba bombi bafashe icyemezo cyo kurushinga taliki ya 26 Mutarama 2019, mu bukwe bwitabiriwe n’abantu b’ingeri zitandukanye barimo n’abakinnyi b’ikipe ya Rayon sports n’abandi bagenzi be b’abakinnyi.

Ubukwe bwa Michel Rusheshangoga

Rusheshangoga n’umufasha we ku munsi w’ubukwe

Michel Rusheshangoga ni umwe mu bakinnyi abantu benshi bibazagaho igihe azakorera ubukwe kuko yari afite umukunzi bari bamaranye igihe, aho bivugwa ko bari baratangiye gukundana bakiri bato.

Tariki ya 27 Nyakanga 2019 ubukwe bwa Rusheshangoga na Nakazungu ni bwo bwabaye, bubera mu busitani bw’ishuri rya ‘Exella School’.

Rusheshangoga Parrain we yari Tom Close

TMC na Platini bari mu bitabiriye ubukwe bwa Rusheshangoga

Ubu bukwe bwitabiriwe n’abandi basitari aho Rusheshangoga yari ashagawe n’Umuhanzi Tom Close, ndetse n’abaririmbyi nka Platini na TMC bahoze mu itsinda rya Dream Boys.

Ubukwe bwa Migi n’umunyamakuru Gisa Fausta

Migi na Gisa Fausta

Urukundo burya ruza igihe rushakiye. Abantu babaga hafi ya Gisa Fausta na Migi ntibatekerezaga ko aba bakundana kuko Migi yari afite umukunzi w’undi mbere ya Gisa Fausta.

Migi ubwo yagiraga ibyago uwari umukunzi we akitaba Imana, yatangiye gutekereza ahava umukunzi mushya cyane ko yabonaga ari ngombwa gushaka umugore.

Kumenyana byatangiye ari isano hagati y’umukinnyi n’umunyamakuru wa siporo, aho bahuraga kenshi Gisa Fausta wakoreraga Lemigo TV amushakaho amakuru.

Nyuma baje kwisanga bakundanye birangira banashinze urugo, mu bukwe bwabaye muri 2015. Aba na bo ubukwe bwabo bwaravuzwe cyane kuko bombi bari basanzwe ari n’abasitari.

Ni ku nshuro ya mbere byari bibayeho umukinnyi n’umunyamakuru bashinze urugo, ndetse hari n’abavugaga ko urugo rwabo rumeze nk’urwa Iker Casillas na Sara Carbonero, na bo babanye umwe ari umukinnyi undi ari umunyamakuru.

Ubukwe bwa Yannick Mukunzi

Yannick Mukunzi na Joy Iribagiza

Yannick Mukunzi azwiho kuba ari umugabo ugira igikundiro imbere y’igitsinagore, igihe kimwe ndetse higeze kugaragara umwe mu bakobwa wari wamurwariye indege (wari warwaye kubera kumukunda), aho yifuzaga kubona uyu musore byibuze ngo abashe gutuza.

Abakobwa benshi bo mu Rwanda bifuzaga kureba uwo Yannick Mukunzi azarutisha abandi bakabana. Uyu wahoze akinira ikipe ya Rayon Sport na APR FC, yafashe icyemezo arushingana na Iribagiza Joy.

Yannick Mukunzi n’umukunzi we Iribagiza Joy

Ubu bukwe na bwo bwaravuzwe cyane kuko bwari butegerejwe abenshi bafitiye amatsiko uwo Mukunzi Yannick azahitamo.

Ubukwe bwa Kanombe Aphrodice na mushiki wa Murenzi Abdallah

Kanombe na Hamida n’imfura yabo

Ubwo ikipe ya Rayon Sports yabaga i Nyanza hagati ya 2013 na 2014, byorohereje Kanombe kumenyana n’uwaje kuba umufasha we, ari we Umwali Hamida, mushiki wa Murenzi Abdallah wahoze ayobora ikipe ya Rayon Sports.

Abantu ntabwo biyumvishaga uburyo Kanombe ahangaye mushiki w’uwari umuyobozi we bakiyemeza kujya mu mishinga y’urukundo yaje no kubyara kubana ubuziraherezo.

Hamida, umugore wa Kanombe ni mushiki wa Murenzi Abdallah wigeze kuyobora Rayon Sports

Iki gihe bivugwa ko hari bamwe batari bashyigikiye urukundo rwabo, ariko gushyigikirwa na Murenzi Abdallah na se w’umukobwa muzehe Murenzi Quassim, aba bombi bahamije urukundo rwabo baza no kurushinga mu mwaka wa 2014.

Ubukwe bwa Niyonshuti Adrien atwara umugeni we ku igare

Ku munsi w’ubukwe bwa Adrien Niyonshuti

Adrien Niyonshuti yabaye umukinnyi ukomeye cyane mu mukino w’amagare, aho yabaye umukinnyi wa mbere w’Umunyarwanda wakinnye hanze y’igihugu.

Adrien Niyonshuti usigaye afite ikipe y’umukino w’amagare ajya anatoza nk’umutoza wayo, ubukwe bwe bwabaye muri 2017 na bwo bwaravuzwe cyane kubera udushya twari tuburimo.

Ku munsi w’ubukwe n’umukunzi we, Umutesi Elysee, Adrien Niyonshuti yamuhetse ku igare berekeza ku muryango w’aho biyakiriye.

Adrien Niyonshuti yakoze agashya atwara umugore we Umutesi Elysee ku igare

Ubwo banasohokaga mu Kiliziya nyuma yo gusezerana, na bwo abari babambariye bari barimbye mu mpuzankano y’abakinnyi b’amagare, harimo amakabutura, imipira, ingofero n’inkweto zabigenewe, ibi na byo byari agashya kuko ubusanzwe ku munsi w’ubukwe usanga abantu baba bambaye amakoti ndetse n’amakanzu.

Abari baherekeje Adrien Niyonshuti banagaragaye bahuje amapine y’amagare mu kirere, maze Niyonshuti n’umugore we bakimbagira hagati yabo. Iki gihe babaye nk’abigana uko umusirikare mukuru wakoze ubukwe, anyura hagati y’inkota.

Ubukwe bwa Karekezi Olivier n’Umunyatuniziya Niwin Sorlu

Olivier Karekezi n’umufasha we Niwin Sorlu ku munsi w’ubukwe

Olivier karekezi yagiye agira igikundiro aho yari umusore ukundwa na benshi, gusa icyemezo cyo gushinga urugo byemewe n’amategeko yagifashe ubwo yari agiye kwerekeza muri Suwede. Agezeyo yatandukanye n’uwo bari bari kumwe, yiyemeza gushaka undi mufasha.

Muri 2014 ubwo yakoraga ubukwe na Niwin Sorlu bamenyaniye muri Tuniziya yari yaratandukanye n’umugore we wa mbere.

Ubukwe bwabo bwabaye umunsi ikipe y’Igihugu Amavubi yakinaga n’ikipe ya Libya mu ibanga rikomeye. Nyuma bwaravuzwe cyane kuko Karekezi Olivier ni izina risanzwe rizwi hano mu Rwanda.

Ubukwe bwa kabiri bwa Haruna n’Umunyarwandakazi Cassandra Rayan

Haruna Niyonzima n’umukunzi we Cassandra Rayan bakoze ubukwe

Haruna Niyonzima usanzwe ari Kapiteni w’Ikipe y’Igihugu Amavubi, tariki 28 Mata 2020 ni bwo amafoto y’ubukwe bwe bwa kabiri yatangiye gusakara.

Abantu bibajije byinshi kuko yaherukaga gukora ubukwe na Uwineza Consolée Nailah muri 2015. Icyemezo cyo kongera gushaka umugore wa kabiri, Haruna yagifashe nyuma y’uko yari amaze iminsi abana n’umukunzi we muri Tanzania.

Haruna Niyonzima yari afite akanyamuneza

Kuvugwa k’ubukwe bwabo byatewe n’uko bombi bazwi cyane muri Tanzania aho n’umufasha we ari umwe mu bakurikirwa cyane muri Tanzania. Ikindi cyatumye buvugwa ni uko Haruna yari ashatse bwa kabiri, ibisa nk’aho bigifatwa nk’igitangaza mu mico y’Abanyarwanda nubwo idini rye rya Isilamu ribyemera.

Ubukwe bwa Nyakwigendera Katawuti na Irene Owoya uzwi nka Oprah

OPRAH NA KATAWUTI

Uretse no mu Rwanda, ubu bukwe bwaravuzwe cyane no mu gace ka Afurika y’Uburasirazuba. Impamvu yo kuvugwa k’ubu bukwe ni uko abari bagiye kurushinga bose bari abasitari.

Katawuti yari umukinnyi ukomeye mu Rwanda ndetse ufite n’imitungo myinshi, aho ubwo yashingaga urugo yabarirwaga amafaranga agera ku bihumbi 700 by’amayero, angana na miliyoni hafi 700 z’amanyarwanda igihe yakoraga ubukwe.

Opraha na we yari umukinnyi ukomeye cyane mu gukina filimi muri Tanzania no muri Afurika y’Uburasirazuba. Kwamamara muri filime n’ubwiza bwe byatumaga aba ikimenyabose.

Oprah na Katawuti mu munyenga w’urukundo

Indi mpamvu yatumye ubukwe bwabo buvugwa cyane, ni uko bwatanzweho amafaranga menshi kandi bugaragaramo ibintu bihenze.

Bivugwa ko ubu bukwe bwakoreshejwemo miliyoni zirenga 40 igihe bwabaga, ibi nabyo byatangaje benshi.

Nubwo ubukwe bwabo bwatangaje benshi ariko, urukundo rwabo ntirwatinze kuko rwarangiye ahagana muri 2011, ndetse batandukana byemewe mu mwaka wa 2016.

Ubu ni bumwe mu bukwe bw’abakinnyi bwavuzwe cyane mu Rwanda twabakusanyirije, gusa birashoboka ko hari ubundi utaba wabonyemo aha kandi bwaravuzwe cyane, uramutse hari ubundi uzi wabudusangiza mu mwanya w’ibitekerezo.

Ntibikunze kubaho yewe nta n’ubwo ari ihame ko umugani ugana akariho, hari aho ababyeyi babyara abana bakabakurikiza hari n’aho ababyeyi babyara abana bagahitamo kujya mu bitandukanye n’ibyo ababyeyi babo baba baranyuzemo, cyane ko hari n’abavuga ko inda ibyara mweru na muhima.

Kigali Today yakusanyirije abasomyi bayo imiryango yamenyekanye cyane muri ruhago y’u Rwanda kubera kuba inkomoko ya benshi mu bakinnye umupira w’amaguru hambere n’abakiri mu kibuga kuri ubu.

Umuryango wa Kanyangara

Abakinnyi bakomoka muri uyu muryango ni Sibomana Abouba wahoze akinira Rayon Sports, Gormahia, APR FC n’Amavubi, Fitina Ombolenga ukinira APR FC n’Amavubi, Nshimiyimana Yunusu ukina muri APR FC na Yamin Salum ukinira Gasogi United.

Ombolenga Fitina umwe mu bavuka mu muryango wa Kanyangara

Uyu ni umuryango ukomoka i Huye kuri muzehe Kanyangara. Abakinnyi bakomoka muri uyu muryango bivugwa ko impano yabo ikomoka kuri se wabo Furahani umuhungu wa Kanyangara na we wigeze gukina umupira w’amaguru. Abakinnyi bakomoka muri uyu muryango nubwo se atakibaho banashyigikirwa cyane na nyina.

Umubyeyi w’aba bakinnyi Mukamazimpaka Hawa usanzwe ari umukunzi wa Kiyovu Sports azwiho kureba imikino itandukanye abana be baba bagiye gukina. Yigeze gutangaza ko iyo hari umwana we witwaye neza hari igihe abaha ibihembo birimo kubagira ihene uwitwaye neza.

Umubyeyi wa Ombolenga n’abavandimwe be

Umwihariko w’umuryango wa Kanyangara ni ugutanga abakinnyi bakina nka ba myugariro , uretse Yamin Salum ukina ku ruhande rw’iburyo asatira , Yamini Salumu na we akina muri Kiyovu yatangiye akina inyuma ku ruhande rw’iburyo aza gushyirwa imbere ubwo yakinaga muri Marines.

Umuryango wa Tindo

Uyu muryango watanze abakinni b’ibitsina byombi. Uretse Ngirinshuti Mwemere wakinnye mu makipe ya AS Kigali, Police, ATRACO, Bugesera n’ikipe y’igihugu, uyu muryango ukomokamo n’abakinnyi b’abakobwa bakiniye Amavubi y’abagore.

Abo bakinnyi b’igitsina gore ni Vumilia Aline na Uwamahoro M.Claire bakiniye ikipe y’igihugu y’abagore. Na Kitumaine Diane na we wakiniye amakipe atandukanye mu Rwanda.

Umuryango wa Bishirandora

Uyu muryango uri mu miryango izwi cyane i Rubavu bamwe mu babimburiye abandi gukina ni nyakwigendera Ngeze Issa wakiniye amakipe nka Etincelles. Uyu Ngeze yaje no kuba umuyobozi mu ikipe ya ATRACO na Police FC.

Abandi bakomoka muri uyu muryango ni Nduhirabandi Abdulkarim bita Coka wakiniye Kiyovu akanatoza amakipe nka Marines,Etincelles, na Kirehe, na Nyakwigendera Bishirandora Abdallah (se wa Bishira Latif)

Abdulkarim Nduhirabandi ari mu bazwi cyane mu muryango wa Bishirandora

Uyu muryango ni na wo ukomokamo myugariro Bishira Latif ukinira AS Kigali n’Amavubi., akaba umuhungu wa Nyakwigendera Bishirandora Abdallah wigeze na we gukinira Etincelles.

Abandi bakomoka kuri uyu muryango ni Nshimiyimana Hamduni umutoza wungirije muri Marines na Rwanyabahana Miradji wakiniye Amagaju, na bo bakaba babyarwa n’ababyeyi bakomoka mu muryango wa Bishirandora.

Umuryango wa Ruzindana

Uyu muryango urimo umusifuzi mpuzamahanga Ruzindana Nsoro. Uyu Ruzindana Nsoro umwe mu bahungu ba Ruzindana, yanakinnye mu makipe atandukanye y’abato atozwa n’abatoza b’abana ari bo Campala na Mungo Jitiada bita Vigoureux nyuma akomereza mu mwuga w’ubusifuzi aho kuri ubu ari mu basifuzi mpuzamahanga u Rwanda rufite.

Yves Rwigema uri hagati ni umwe mu bari mu kibuga bakomoka mu muryango wa Ruzindana wari uzamutse neza nyuma agasubira inyuma

Umusifuzi Ruzindana Nsoro (uri hagati wa gatatu uturutse iburyo) ni umwe mu bakomeye mu muryango wa Ruzindana

Abandi bava inda imwe na bo bamenyekanye muri ruhago y’u Rwanda ni Ruzindana Ndahiro wakiniye Marines na Muhanga. Ubu ni umuyobozi muri Marines, na Rwigema Yves umuhererezi w’uyu muryango wanyuze mu makipe atandukanye nka APR FC, Rayon Sports n’andi.

Umuryango w’aba Lomami

Izina Lomami ryabaye ikimenyabose muri ruhago y’u Rwanda. Iri zina ryatangiye kumenyekana mu myaka ya 1980 , ubwo muzehe Lomami André wahoze ari mu bazamu bakomeye mu Burundi yazaga gukina mu Rwanda mu ikipe ya Panthère Noire na Etoile Filante.

Muzehe Lomami André wakomotseho ba Lomami bose

Muzehe Lomami w’imyaka 64, ubwo yageraga mu Rwanda yahubatse ubuzima ahashingira n’umuryango wibarutse abakinnyi 5 bose babaye ibihangange muri ruhago y’u Rwanda.

Mu bakinnyi bakomoka muri uyu muryango ni Lomami Jean wari mu ikipe y’igihugu yakinnye CAN 2004, barumuna be Lomami André wakiniye APR FC, Rayon Sports, Kiyovu Sport, AS Muhanga n’Amavubi, hari Lomami Frank ugikina, Lomami Marcel usigaye atoza mu cyiciro cya kabiri, uyu akaba yaranahoze mu ikipe ya Rayon Sports, harimo na Lomami Felix na we uri mu bakinnyi bari kuzamuka.

Lomami Jean wamenyekanye mu muryango w’aba Lomami

Uyu musaza Lomami André mu kiganiro yagiranye na KT Radio mu 2017, avuga ko yishimira ko abana be bamukurikije ariko akaba ku rundi ruhande ababazwa n’uko nta mwana we wamukurikije ku mwanya yahoze akinaho avuga ko azakora ibishoboka byose agatoza umwana we muto Lomami Elisa akazaba ari we umukurikiza mu izamu.

Umuryango wa Hakizimana Fadhil

Uyu ni umuryango uherereye i Rubavu aho bamwe bita Brazil y’u Rwanda kubera impano nyinshi z’abakinnyi zihakomoka.

Uyu muryango ukomoka mu gace kazwi nka Majengo watanze abakinnyi benshi n’ubu kandi uracyari isoko y’impano kuri ruhago y’u Rwanda kuva ku bawuvukamo kugeza ku bakwe bawo n’abuzukuru.

Watanze abakinnyi bakomeye kuva kuri Singirankabo Député wakinnye umupira w’amaguru muri Etincelles , hakomokamo kandi Sibomana Abdul wakiniye APR FC n’Amavubi igihe kirekire.

Haruna Niyonzima wakiniye Etincelles, Rayon Sports, Yanga na Simba akaba ari na Kapiteni w’Ikipe y’Igihugu Amavubi na Hakizimana Muhadjili umuhererezi mu muryango kuri ubu ukinira Emirates Club yo muri Leta zunze Ubumwe z’Abarabu n’Amavubi.

Haruna na Murumuna we Muhadjili bakomoka mu muryango wa Hakizimana

Uyu muryango wa Hakizimana Fadhil na Nyirabakara Saidati wagiye ushibukaho n’izindi mpano zirimo abuzukuru bawo nka Bizimana Djihad ukinira Waslaand Beveren na murumuna we Niyonkuru Sadjati bombi babyarwa n’umukobwa wabo washakanye na Bizimana Assumani wahoze ari myugariro wa Marines.

Undi mwuzukuru w’uyu muryango ni Ramazani Niyonkuru na we ukina muri Shampiyona y’u Rwanda. Aha tukiri muri uyu muryango kandi harimo na Ndayishimiye Eric Bakame umukwe w’uyu muryango wa Hakizimana Fadhil na Nyirabakara Saidati.

Umuryango w’Abadeyi

Uyu ni umuryango mugari uza ku isonga mu miryango yatanze abakinnyi ba ruhago benshi hano mu Rwanda. Impano yo gukina umupira bayikomora kuri Mudeyi Modeste witabye Imana tariki 20 Gashyantare 2019 .

Mudeyi Modeste wabyaye ibihangange mu mupira w’amaguru na we yabaye umukinnyi ukomeye i Burundi aho yanakinnye muri Rwanda FC hagati ya 1962 na 1969. Uyu yakinaga nka rutahizamu wari ufite ubuhanga aho bivugwa ko yatsindaga ibitego byinshi.

Mudeyi Modeste n’umuhungu we Mudeyi Dieudonné. Mudeyi Modeste ni we wabyaye Muvara Valens na ba Mudeyi bandi

Mu kinyarwanda hari umugani uvuga ko Mwene Samusure avukana isunzu. Uwabimburiye abandi mu gukina ruhago mu bana ba Mudeyi Modeste ni Muvara Valens wakiniye Kiyovu Sports. Uyu muryango tuwusangamo abandi bakinnyi benshi batangiye kwigaragaza cyane mu 1987 ubwo bari mu ikipe ya STIR FC.

Uretse Muvara Valens unafatwa nk’umwe muri ba rutahizamu b’ibihe byose muri ruhago y’u Rwanda ,uyu muryango ukomokamo n’andi mazina akomeye nka Yves Mudeyi , Mudeyi Gustave, Mudeyi Nazaire, Mudeyi Dieudonné, Amon Mudeyi, Mudeyi Emilien na Mudeyi Eloi na Mudeyi Suleymane.

Mudeyi Suleymane ni we Mudeyi usigaye mu kibuga

Muri rusange Abadeyi bakiniye amakipe atandukanye nka Kiyovu Sports, Rayon Sports, Panthère Noire, Stir ndetse n’ikipe y’Igihugu Amavubi.

Uretse iyi miryango izwi kurusha iyindi, hari n’indi miryango nk’uw’abazamu wamenyekanyemo Ishimwe Claude na Niyindorera Lambert.

Hari umuryango w’abakinnyi Djuma Munyaneza na Gashugi Abdulkarim , umuryango wa Songa Isaie n’impanga ye Muganza Isaac, umuryango wa Djabel Imanishimwe ukinira APR FC na murumuna we Tumushime Altidjan ukinira Rayon Sports, umuryango wa Sabiiti Maitre wakiniye Panthère Noire n’umuvandimwe we Ntacyabukura Sabiiti wahoze ari umuzamu wa Rayon Sports, n’umuryango wa nyakwigendera Jeannot Witakenge n’abavandimwe be Kamotera na Wakilongo.

Hashobora kuba hari indi miryango irimo abantu benshi bamenyekanye muri ruhago y’u Rwanda. Uramutse hari abandi uzi wabasangiza abasomyi hepfo y’iyi nkuru mu mwanya wagenewe ibitekerezo.

Witakenge yitabye Imana ku mugoroba wo ku wa Gatanu tariki ya 24 Mata 2020, akaba yaguye mu bitaro bya Bukavu (Hôpital Général de Bukavu) aho yari arwariye kuva tariki ya 11 Mata 2020.

Umwe mu bari inshuti ze za hafi , Mbusa Kombi Billy banakinanye kuva mu 1995 kugeza mu 2000 , yahamirije Kigali Today amakuru y’urupfu rwe.

Yagize ati“Ni byo Jeannot yitabye Imana ejo ni mugoroba saa mbiri z’ijoro , yari amaze igihe arwaye kanseri y’igifu. Ni inkuru yambabaje cyane n’ubu sindabyakira Jeannot namufataga nk’umuvandimwe. Ntabwo nzibagirwa Jeannot , hari igihe twigeze gukina n’ikipe ya AFC Leopard yo muri Kenya icyo gihe atsinda igitego acenze ikipe yose.”

Muri Nyakanga 2019, Witakenge Jeannot yagize ikibazo mu nda ajya kwa muganga basanga afite ikibazo mu gifu, bategeka ko agomba kubagwa .

Yamaze iminsi arwariye mu bitaro bya Bukavu nyuma aza koroherwa asubira mu rugo iwe muri DR Congo.

Tariki ya 11 Mata 2020 yongeye kuremba ahita atwarwa mu bitaro bya Bukavu (Hôpital Général de Bukavu) ari na ho yari arwariye kugeza ku munsi w’ejo yitaba Imana.

Hari hashize iminsi mike abitswe ko yapfuye binyuze ku mbuga nkoranyambaga (réseaux sociaux) aho ku wa 17 Mata 2020 byari byavuzwe ko yitabye Imana ariko bikaza kugaragara ko byari amakuru y’ibihuha.

Jeannot Witakenge witabye Imana afite imyaka 40 y’amavuko yaherukaga mu Rwanda muri 2017 ubwo yari umutoza wungirije muri Rayon Sports. Batandukanye muri 2018 ntiyongera kugaragara cyane, byavugwaga ko yahise yisubirira iwabo muri DR Congo kwita ku muryango we.

Mbussa Kombu Billy umwe mu bo bakinanye akaba n’inshuti ye ya hafi avuga ko Nyakwigendera asize umwana w’umuhungu mukuru yabyaranye n’umugore we mbere y’uko umugore we yitaba Imana ubwo Jeannot yari agikina mu ikipe ya St Éloi Lupopo.

Uko Jeannot Witakenge yageze muri Shampiyona y’u Rwanda

Yageze mu Rwanda mu 1995 aje gukinira ikipe ya APR FC, icyo gihe yari azanywe n’umutoza witwa Rutta watozaga APR FC, ariko ahageze ntibabashije kumvikana bituma asanga Raoul Shungu muri Rayon Sports.

Ubwo yari mu ikipe ya Rayon Sports, bimwe mu bikombe bitazibagirana yabashije kuhegukana harimo igikombe cya CECAFA cyo mu 1998 bakuye muri Zanzibar.

Uretse ikipe ya Rayon Sports, Jeannot Witakenge yakiniye n’ andi makipe nka APR FC, St Eloi Lupopo yo muri DR Congo na Inter Stars yo mu Burundi.

Jeannot Witakenge wanditse amateka muri ruhago y’u Rwanda aho afatwa nk’umwe mu bakinnyi beza bayinyuzemo afite n’abavandimwe na bo bakinnye mu Rwanda.

Abo bavandimwe be ni mukuru we Wakilongo wakiniye ikipe ya Rayon Sports na murumuna we Kamotera watwaranye na Rwanda B igikombe cya CECAFA mu mwaka wa 1999.

Nadine Goncalves n’uwari umukunzi we ubwo bari bakiri mu munyenga w’urukundo ubu rukaba rwamaze kugera ku iherezo (Ifoto: goal.com)

Bamenyanye mu kwezi kwa mbere batangira gukundana mu kwezi kwa kabiri muri uyu mwaka wa 2020, bivuze ko urukundo rwabo rwari rumaze amezi abarirwa muri abiri.

Impamvu yagarutsweho nk’iyatumye urukundo rwabo ruzamo agatotsi , bivugwa ko Nadine Golçanves yaba yaramenye amakuru ko uyu wari umukunzi we yaba yarigeze kujya aryamana n’abandi bagabo bahuje igitsina banarimo n’umwe mu bakozi bo mu gikoni cy’umuhungu we Neymar usanzwe ukinira ikipe ya Paris Saint Germain.

Intandaro y’itana ryabo ni umugabo witwa Mauro usanzwe akuriye abakozi bakora mu gikoni kwa Neymar, uyu bikavugwa ko bigeze kumara igihe kinini bakorana imibonano mpuzabitsina.

Ikinyamakuru O Dia cyandikirwa mu gihugu cya Brazil cyanahishuye ko uyu mukunzi wa nyina wa Neymar yigeze gukundana n’abandi bagabo barimo umukinnyi wa Filimi mu gihugu cya Brazil witwa Carlinhos Maia na Eduardo Pereira umucuruzi wo muri Brazil .

Irinaldo Oliver, umwe mu batanze ubuhamya basanzwe bazi uyu musore neza, yagize ati “Naratunguwe nkimara kubona amakuru ko ari mu rukundo na nyina wa Neymar, naratunguwe kuko kuva namumenya sinari narigeze mubona ari kumwe n’umuntu uwo ari we wese w’igitsina gore”

Nadine Golçanves akimara kumenya aya makuru yahise yirukana mu nzu uyu mukunzi we Tiago Ramos ayisigaramo wenyine. Bivugwa ko Tiago Ramos usanzwe ukora akazi ko kumurika imideri yahise asubira kubana n’ababyeyi be mu nzu.

Tiago Ramos (wambaye ikoti) wari umukunzi wa nyina wa Neymar bivugwa ko asanzwe ari umufana wa Neymar cyane, Neymar na we yari yarakunze umubano w’uyu musore na nyina (Ifoto: goal.com)

Urukundo rw’aba bombi rwari rumaze iminsi mike rugiye ahagaragara aho na Neymar yari ashyigikiye ko bakundana. Ubwo bari bamaze gutangaza urukundo rwabo mu itangazamakuru Neymar ari mu ba mbere babashyigikiye.

Nadine Golçanves, ubu nta mugabo afite wemewe n’amategeko nyuma yo gutandukana na se wa Neymar, batandukanye muri 2016 bamaze imyaka 25 babana.

Ku ruhande rw’umuryango wa Neymar usanzwe uzwiho ko ari abakirisitu bakomeye b’idini gatolika bivugwa ko hari abishimiye gutandukana kwabo kuko batari bishimiye urukundo rw’uyu mubyeyi n’uyu bitaga umusore muto uvugwaho no kuba yarigeze no kugira imico yo kujya aryamana n’abandi bagabo badahuje igitsina.

U Rwanda rurafasha Santarafurika gupima COVID-19

Kuwa Gatandatu tariki ya 04 Mata 2020, Minisiteri y’Ubuzima n’abaturage muri Repubulika ya Santarafurika yatangaje ko umuntu wa cyenda yagaragaye mu gihugu yaranduye Coronavirus.

Yavuze ko ari umugabo w’imyaka 44 usanzwe uba mu Mujyi wa Bangui.

Laboratwari y’Igihugu mu Rwanda ni yo yemeje ko uwo murwayi yanduye iki cyorezo, ndetse Santarafurika ishima ubwo bufatanye mu kurwanya icyo cyorezo.

Itangazo rya Minisiteri y’Ubuzima n’Abaturage muri Santarafurika rigira riti “Minisiteri y’Ubuzima n’Abaturage irashimira Ikigo cy’Igihugu cy’Ubuzima mu Rwanda (RBC) ku bw’imikoranire”.

Mu ntangiriro z’uyu mwaka ni bwo u Rwanda rwabonye ikoranabuhanga ryifashishwa mu gupima iki cyorezo, rurihawe n’ikigo gikora ubushakashatsi mu by’indwara n’ibyorezo cyo mu Budage,’ Robert Koch Institute’.

Mu bandi bafashije u Rwanda mu kugira ubushobozi bwa laboratwari ishobora gupima iki cyorezo harimo Leta zunze ubumwe za Amerika, ndetse n’Ishami ry’Umuryango w’Abibumbye ryita ku Buzima (OMS).

Karl Heinz Rummenige, Perezida wa Bayern Munich

Ibi yabivuze muri numero iheruka y’ikinyamakuru cya Bayern Munich uyu mugabo yabereye umukinnyi kuri ubu akaba ayibereye Perezida.

Yagize ati “Iki cyorezo nikirangira ibintu bizongera kujya mu buryo, bizatuma ifaranga risubirana agaciro kari karaguye kuko ubu abakinnyi bari bafite ibiciro bihanitse ku isoko, ikindi n’imishahara yabo yazamukaga mu buryo bukabije.

Uyu mugabo ntiyiyumvisha uburyo igiciro gitangwa ku bakinnyi cyazamutse kuko avuga ko atumva uburyo umukinnyi nka Neymar agurwa miliyoni 220 z’amayero amafaranga kuri we avuga ko ari hafi y’ayubatse sitade y’iyi kipe izwi ku izina rya Allianz Arena.

Ikipe ya Bayern Munich ayobora iri mu makipe atajya atanga amafaranga menshi haba mu kugura no mu guhemba abakinnyi. Umukinnyi iyi kipe yatanzeho amafaranga menshi ni Umufaransa LUCAS HERNANDEZ yaguze miliyoni 72 z’Amayero avuye mu ikipe ya Atletico Madrid muri Espagne.

Icyorezo cya Coronavirus cyagize ingaruka ku bintu bitandukanye harimo na siporo (ifoto: Goal.com)

Rutahizamu Cristiano Ronaldo na bagenzi be, bemeye ko bazatahembwa umushahara wabo wose muri Werurwe, Mata, Gicurasi na Kamena kugira ngo bafashe ikipe yabo kwirinda ihungabana ry’ubukungu ryaterwa na Coronavirus.

Mu gihe umupira w’amaguru wakongera gusubukurwa muri iki gihugu cyugarijwe na Coronavirus kurusha ibindi mu Burayi, Juventus izongera gusuzuma icyemezo cyafashwe n’abakinnyi.

Mu itangazo ubuyobozi bw’ikipe bwashyize ahagaragara, bwagize buti “Juventus irashimira abakinnyi n’umutoza ku bw’ubwitange bagize mu gihe kitoroshye kuri buri wese."

Andi makipe y’i Burayi, abakinnyi bayo bemeye kugabanyirizwa umushahara ni Bayern Munich na Borussia Dortmund yombi yo mu Budage.

Muri Bayern Munich abakinnyi bazakatwa 20% mu gihe muri Borussia Dortmund bazakatwa 50%.

Andi makipe akinoza uyu mushinga harimo FC Barcelona yo yifuza gukata 70% by’imishahara y’abakinnyi nubwo abakinnyi bayo batabikozwa.

Icyorezo cya CoronaVirus uretse guhungabanya ubukungu bw’iyi kipe cyanibasiye bamwe mu bakinnyi bayo nka : Blaise Matuidi, Paulo Dybala na Daniele Ruganni basanzwemo iyi ndwara.

Imikino yose yo mu Butaliyani yahagaritswe tariki ya 3 Werurwe 2020 kubera icyorezo cya COVID-19 cyibasiye Isi. Iki gihe gishobora kwiyongera kubera ko iki gihugu gikomeje kuzahazwa n’iki cyorezo mu buryo bukomeye.

Kudahemba nk’uko bisanzwe abakinnnyi mu gihe cy’amezi ane (4) muri ibi bihe by’icyorezo cya Coronavirus bizafasha iyi kipe kubika agera kuri miliyoni z’Amayero (90€), ni ukuvuga asaga miliyari 94 na miliyoni 200 uyabaze mu mafaranga y’u Rwanda.

Lorenzo Sanz wari ufite imyaka 76 y’amavuko, yayoboye Real kuva mu mwaka wa 1995 kugera muri 2000, muri icyo gihe Real Madrid yegukanye igikombe cya Champions League inshuro ebyiri.

Lorenzo Sanz Duran, umuhungu we, yanditse ku rubuga rwa Twitter ati “Papa wanjye yapfuye”.

Muri ubwo butumwa bwo kuri Twitter bwatangajwe n’umuhungu we yongeyeho ati “Ntiyarakwiye kurangiza ubuzima bwe muri ubu buryo.

Ni Umwe mu bantu beza cyane, b’umuhate mwinshi cyane kandi bakunda gukora cyane nigeze mbona mu buzima bwanjye. Umuryango we na Real Madrid ni bo yari yarihebeye”.

Hari ibintu uyu mukambwe azahora yibukirwaho n’abakunzi ba Real Madrid.

Lorenzo Sanz ni we waguze abakinnyi nk’Umunya-Brezil Roberto Carlos, Umuholandi Clarence Seedorf n’Umunya-Croatia Davor Suker, umwe mu bakinnyi bigaragaje cyane mu gikombe cy’isi cyo mu mwaka wa 1998.

Ubwo yari amaze imyaka itanu ayobora iyi kipe, yatsinzwe amatora yo mu mwaka wa 2000 na Florentino Perez, ari na we uyoboye Real kugeza ubu.

Icyatumye Perez amutsinda ni uko yamurushaga ubutunzi, iki gihe Perez kandi yakoresheje iturufu yo kuzana Umunya-Portugal, Luis Figo, wakinaga muri mukeba FC Barcelona, bituma benshi mu bakunzi ba Real Madrid babyumva vuba bamuhundagazaho amajwi.

Ikipe ya Real Madrid yari nk’ikipe y’umuryango kuko n’umuhungu we , Fernando w’imyaka 46 y’amavuko, yakiniye Real Madrid kuva mu 1996 kugeza mu 1999, mbere y’uko imyaka irindwi ye ya nyuma akina umupira w’amaguru ajya kuyisoreza muri Malaga yahoze ikina mu cyiciro cya mbere muri Espagne, se umubyara Lorenzo Sanz yari abereye nyira yo mbere yo kuyigurisha n’abakire b’Abanya-Qatar..

Rayon Sports yari imaze imyaka hafi irindwi ikorana na Skol

Mu kiganiro Nkurunziza Jean Paul, umuvugi wa Rayon Sports yagiranye na KT Radio, yavuze ko Rayon Sports yemererwa n’amategeko ivugururwa ry’amasezerano impande zombi zagenderagaho.

Yagize ati “Ntabwo twe nka Rayon Sports twifuza, kuko ibyo dusaba tubyemererwa n’amategeko, hari ibyo dukeneye ko tubona Skol iduha kuko ndizera ko itazabyanga kuko ndibwira ko twakomeje kugaragaza ko ikipe ubwayo ihenze, nk’umufatanya bikorwa mukuru rero agomba kugira uruhare mu buzima bw’ikipe nibwira ko nta mananiza arimo turaganira tugendeye ku ngingo ziri mu masezerano”.

Ku bijyanye n’igihe ntarengwa aya masezerano yaba yavuguruwe cyangwa agaseswa mu gihe bataba bumvikanye, Rayon Sports ntitangaza neza igihe ntarengwa.

Iyi kipe ivuga ko ibyari byanavuzwe ko bahaye Skol iminsi 15 ngo ize baganire, yaramuka itaje bagasesa amasezerano, umuvugizi wa Rayon Sports yavuze ko atari byo ahubwo ari ibihuha.

Yakomeje avuga ko mu gihe gito bazatangariza abakunzi ba Rayon Sports ibyavuye mu biganiro impande zombi zirimo kugirana.

Uretse ibijyanye n’inkunga y’amafaranga Skol yahaga ikipe ya Rayon sports, yanabatizaga ikibuga cy’imyitozo giherereye mu Nzove, ikabashakira imyambaro y’abakinnyi, abatoza n’abayobozi, ikanagenera uduhimbazamusyi iyi kipe kuri buri cyiciro igezeho mu irushanwa ry’igikombe cy’amahoro.

Skol isanzwe yambika Rayon Sports

Amakuru agera kuri Kigali Today ni uko mu ivugururwa ry’amasezerano Rayon Sports yifuza ko amafaranga miliyoni 66 z’amanyarwanda yahabwaga na Skol ku mwaka yazamuka akagera kuri miliyoni 250.

Rayon Sports ni yo kipe iza ku mwanya wa mbere mu Rwanda mu guhabwa amafaranga menshi n’abaterankunga, aho yinjiza miliyoni 99 z’amanyarwanda ku mwaka, igakurikirwa na APR FC, ihabwa miliyoni 55 n’uruganda rwa Azam rwo muri Tanzaniya.

Stade ya Parc de Prince: Kwakira umukino wa Borussia Dortumund nta bafana byateye igihombo cya miliyoni 5 z’Amayero kuri PSG

Tariki ya 12 Werurwe 2020 hamwe mu hantu hasurwa cyane mu isi nko mu cyanya cyitiriwe ingoro ya Mutagatifu Petero i Roma (Basilique St Pierre de Rome), Umunara wa Tour Eiffel, i Maka ahabera umutambagiro w’Abayisilamu, nta n’inyoni yatambaga aho hantu kubera kwirinda kwandura icyorezo cya Corona.

Si aha hantu hasurwa gusa cyangwa ahandi hari nyabagendwa hatakigaragara abantu, kuko ahandi na ho nko ku masitade abantu batakifuza kwerekezayo.

Mu ijoro ryo ku wa gatatu tariki ya 11 ku mukino wa UEFA Champions League, ikipe ya PSG ikunzwe cyane mu murwa wa Paris utuwe n’abaturage bakabakaba miliyoni 10 yakiniye muri stade itagira abafana ubwo yakiraga Borussia Dortumund yo mu Budage.

Umukino wa Paris Saint Germain na Borussia Dortumund wakinwe nta bafana bivugwa ko wateje igihombo kingana na miliyoni eshanu z’amayero, amafaranga yagombaga kwinjira avuye ku myinjirize y’abafana.

Abakinnyi babarirwa muri za miliyoni ku isi bari batunzwe na ruhago bagatunga ibihugu byabo binyuze mu bikorwa by’ishoramari ndetse n’imiryango yabo.

Iyi ndwara iramutse imaze igihe kirekire yahungabanya ubukungu bw’amakipe kugeza buguye burundu ntazabe agishoboye kubahemba kuko amakipe ahemba abakinnyi iyo na yo yinjije amafaranga aturuka nko mu byo kwamamaza ndetse no ku masitade.

Dufashe urundi rugero ku ikipe itari mu byiciro by’amakipe akomeye ku isi, ikipe ya AMIENS iri mu makipe adafite abafana benshi, ngo ku mukino umwe yakina nta bafana yahomba ibihumbi 320 by’amayero ni ukuvuga Miliyoni 330 zisaga z’Amafaranga y’u Rwanda.

Guhagarika shampiyona ya Espagne birateza igihombo gikomeye. Urugero shampiyona niramuka ihagaritswe burundu muri uyu mwaka w’imikino hazabaho igihombo cya Miliyoni 700 z’amayero ni ukuvuga Miliyari zisaga 700 z’Amafaranga y’u Rwanda. Aya mafaranga yihariwe n’akomoka ku burenganzira bwo kwerekana imikino ku mateleviziyo aho haba igihombo cya miliyoni 549 z’amayero.

Biravugwa ko miliyoni 88 z’amayero ngo zizakoreshwa basubiza amafaranga abari baraguze amatike y’imikino 10 yari isigaye kugira ngo la Liga ya Espagne isozwe.

Real Madrid nyuma yuko umwe mu bakinnyi b’ikipe yayo ya Basket Ball bayimusanzemo nayo yishyize mu kato k’iminsi 14, hari ubwoba ko iyi ndwara yaba yarageze no mu ikipe y’umupira w’amaguru kubera ko amakipe yayo yose asangiye ikibuga cy’imyitozo kiri mu gace kamwe kandi ngo usanga abakinnyi baba basabana.

Michael SARPONG ukinira ikipe ya Rayon Sports yari ategereje impinduka z’ubuzima ku mafaranga yari kugurwa n’ikipe ya Changchun Yatai Fc yo mu kiciro cya kabiri mu Bushinwa agasagurira n’iyi kipe ya Rayon Sports yatumye amenyekana miliyoni 140 z’amanyarwanda.

Michael Sarpong na we ingaruka z’iki cyorezo zamugezeho kuko zamuhombeje miliyoni 500 z’amafaranga y’u Rwanda

Byagize ingaruka kuri shampiyona n’ibikorwa by’imikino mu Bushinwa birahagarara bituma Michael Sarpong atega indege ishoye igaruka,aho yabanje guca iwabo muri Ghana nyuma agaruka mu ikipe ya Rayon Sports.

Aya mafaranga agera kuri hafi miliyoni 500 z’amanyarwanda yari kugurwa haba we n’ikipe ya Rayon Sports nta na rimwe babonyeho kuko iyi kipe itari yakayishyuye. Ibi ninako byagenze kuri Jules Ulimwengu nawe bari bajyanye muri iyi shampiyona.

Shampiyona y’Ubushinwa yari muzihemba neza ku isi yarahagaritswe bigira n’ingaruka ku bandi bakinnyi nka Yaya Toure, Odion Ighalo ,Emmanuel Adebayor n’abandi bahisemo kuvayo.

Hejuru ya 60% by’imikino yakururaga abantu ku mugabane w’u Burayi n’ahandi ku isi yasubitswe

Mu Budage ,Mu Bufaransa no mu Bwongereza shampiyona zahagaritswe, mu gihe mu Budage imikino imwe n’imwe yahagaritswe, Shampiyona yose ikazahagarikwa ku wa kabiri w’icyumweru gitaha.

Ishyirahamwe ry’umupira w’amaguru ku mugabane w’u Burayi (UEFA) mu masaha macye na ryo rishobora gusubika igikombe cy’u Burayi cyari gitegerejwe muri iyi mpeshyi kigashyirwa umwaka utaha. Champions League na Europa League n’andi marushanwa ategurwa na yo mu gihe imikino imwe n’imwe ikomeje gusubikwa biravugwa ko yose ashobora kuba ahagaze.

FIFA yamaze guhagarika imikino yo gushaka tike y’igikombe cy’isi cya 2022 muri zone yo ku mugabane wa Aziya n’andi marushanwa ahabera .

CAF na yo nubwo igaragaza ko nta mpinduka zizaterwana na CORONA ku marushanwa yayo ngo ishobora kwisubiraho ikavanaho irushanwa rya CHAN 2020 , imikino ihuza ama Club n’imikino y’amajonjora yo gushaka tike y’igikombe cy’Afurika 2021.

Ishyirahamwe ry’umupira w’amaguru muri Amerika y’epfo CONMEBOL rirasabwa naryo n’amashyirahamwe y’abakinnyi kuba rihagaritse imikino muri aka gace.

NBA shampiyona ya BASKET BALL yinjizaga amafaranga menshi ku isi muri za shampiyona yamaze guhagarikwa ubu nta mikino iri kuba .

Imikino Olimpiki yagombaga kubera mu Buyapani ishobora kutaba nayo, kutaba kwayo bizateza igihombo kuko iki gihugu cyari cyashoye miliyali 14 z’amadolari y’abanyamerika.

Coronavirus ikomeje guteza igihombo mu mikino, yatangiye no kwibasira ubuzima bw’abakinnyi n’abatoza

Ubu amakuru agezweho aravuga ko bamwe mu bakinnyi bamaze kwandura iyi ndwara.

Aba ni Paulo Dybala wa Juventus,Hudson Odoi wa Chelsea, Benjamin Mendy wa Manchester City, myugariro Ruggani wa Juventus, Manolo Gabiadinni wa Sampdoria, Umutoza wa Arsenal Mikel Arteta na Roy Hogson umutoza w’ikipe ya Crystal Palace.

Mikel Arteta

Biravugwa ko uyu mubare ushobora kwiyongera kuko hari bamwe mu bakinnyi bashobora kugaragaza ibimenyetso nyuma y’akato k’iminsi 14.

Mu yindi mikino itari umupira w’amaguru nko muri shampiyona ya NBA abakinnyi nka RUDI GOBERT na Donovan Mittchell b’ikipe ya UTAH Jazz na bo bamaze kwandura iyi ndwara.

Icyorezo cya Coronavirus kirimo kumunga ubukungu bw’imikino nka nkongwa mu bigori by’imibeya.

Ibi byaherukaga kuba mu ntambara ya kabiri y’isi yose ndetse n’iya mbere, zombi zarangiye amakipe yarahungabanye cyane bigasaba ko kugira ngo yongere kubaho ashyigikirwa na za Leta.

Urugero nko mu budage byabaye itegeko ko igisirikari n’inganda bishyigikira amakipe ariyo mpamvu amakipe yaho menshi akomoka ku mitwe cg batayo za gisirikari.

Mu Butaliyani intambara yazahaje amakipe kugeza naho amwe adashobora kwiyubakira amasitade. niyo mpamvu amakipe menshi yo mu Butaliyani atagira amasitade yayo bwite ahubwo akodesha imigi, urugero nk’ikipe ya Milan AC na Inter de Milan nta stade bagira stade bakoresha ni imwe ihindurirwa izina bitewe n’uwakiriye.

I Roma na ho amakipe yaho akomeye nka AS Roma na Lazio Roma akodesha Stade olyimpic ya Roma ku buyobozi bw’Umujyi wa Roma.

Icyorezo cya COVID-19 gikomeje gukwirakwira na cyo cyasigira ubukene amakipe kigasenya urwego rw’imikino nk’uko byagenze mu mwaka wa 1945 nyuma y’Intambara ya kabiri y’isi yose.

Kuri uyu wa kabiri tariki 03 Werurwe 2020 habaye ikiganiro n’abanyamakuru cyahuje Youri Djorkaeff wahoze akina umupira w’amaguru akaba n’umwe mu bambasaderi ba PSG ku isi n’Urwego rw’igihugu rushinzwe kwihutisha Iterambere (RDB).

Belise Kariza yabitangarije muri icyo kiganiro n’abanyamakuru ubwo hasozwaga uruzinduko Youri Djorkaeff, umwe mu bahoze bakinira ikipe y’igihugu y’u Bufaransa , akaba n’umwe mu bambasaderi ba PSG yagiriraga mu Rwanda .

Youri Djorkaeff, ubwo yahageraga yakiriwe n’abayobozi batandukanye , ababyeyi n’abana babarizwa mu ishuri rya ruhago rya Gasabo.

Byari ibyishimo ku bana bo muri Academy ya Gasabo guhura n’umwe mu bakinnyi begukanye igikombe cy’isi

Muri iki ganiro Belise Kariza yabwiye itangazamakuru ko umwe mu bakinnyi bakomeye ukina mu ikipe ya mbere ya PSG ategerejwe mu Rwanda hagati y’amezi abiri n’atatu ari imbere, mu rwego rwo gushyira mu bikorwa ibikubiye mu masezerano y’ubufatanye yasinywe mu kwezi k’ukuboza 2019.

Yagize ati “Hazaza umukinnyi ukina mu ikipe ya mbere ya PSG , ubanza mu kibuga, wenda iyo tuvuze ngo azaza hari abafana bahita bumva amazina akomeye kuko ari bo bakunda, amazina akomeye ni yo tugerageza bwa mbere ariko biterwa na gahunda z’ikipe, mutwihaganire tuzamubabwira, mu kwezi kumwe cyangwa mu mezi abiri araba ageze mu Rwanda.”

Mu bindi byavugiwe muri iki kiganiro harimo umushinga wo gushinga ishuri ryigisha abana umupira rizubakwa i Huye ku bufatanye bwa Paris Saint-Germain n’u Rwanda. Belise Kariza yavuze ko bikirimo gutekerezwaho ngo uyu mushinga unozwe neza.

Youri Djorkaeff na Belise Kariza, umuyobozi w’ishami ry’ubukerarugendo muri RDB

Ati “Icyo navuga kuri Academy ni uko tukiri kuyinoza neza, tuzayubaka i Huye, uko izakora tuzabibamenyesha turi kumwe na Ministeri ishinzwe Siporo tubinoze neza, haramutse hari abana bazamuka n’iyo yaba umwe agakinira PSG naryama nkaruhuka.”

Ibindi byaranze ikiganiro cyahuje abanyamakuru, RDB na Ambasaderi wa PSG Yuri Djorkaeff

Youri Djorkaeff yasabye abana bari bitabiriye iki kiganiro gushyira umutima ku mupira bakarushaho kuwukunda ndetse bakumva abatoza babo n’ababyeyi, bakigirira n’icyizere.

Abajijwe n’umwe mu bana uko yatangiye gukina umupira w’amaguru, yavuze ko yakunze ruhago akiri muto ayikundishijwe na se watangiye gukinira PSG afite imyaka 6 bikarangira abaye na Captain wayo. Uretse se wamukundishije ruhago yakomeje avuga ko umukinnyi yabyirutse akunda cyane ari Umuholandi Johan Cruyff .

Mu bibazo abana bagiye bamubaza ubwo bari bahawe umwanya, bamubajije umukinnyi akunda ku isi, abari muri iki kiganiro batangiye kuzamura ijwi bavuga amazina nka Messi na Christiano Ronaldo ariko ababwira ko umukinnyi akunda ndetse abona abana bakwiriye kwigiraho ari Kylian Mbappe agendeye ku byo amaze kugeraho harimo no kwegukana igikombwe cy’isi cy’ibihugu ari munsi y’imyaka 20.

Abana banamubajije niba hari abana yabyaye bamukurikije avuga ko mu bana 3 afite :abahungu 2 n’umukobwa umwe , umwana we w’umuhungu w’imyaka 22 uba muri Ecosse ari we wenyine wamukurikije.

Youri Djorkaeff yavuze ko yishimiye Igihugu cy’u Rwanda mu gihe ahamaze atembera avuga ko azakomeza no gushishikariza abandi kuza gutemberera mu Rwanda basura ibyiza nyaburanga bihari.

Djorkaeff yasabye abana kwigirira icyizere, kubaha abatoza n’ababyeyi babo

Youri Djorkaeff, umaze iminsi mu ruzinduko mu Rwanda yashoje uyu munsi, yakiniye ikipe y’igihugu y’u Bufaransa n’amakipe atandukanye ku mugabane w’u Burayi nka Monaco, Paris Saint-Germain ,Inter de Milan, Blackburn Rovers n’andi atandukanye.

Icyo yibukirwaho na benshi ni uko yari mu ikipe y’igihugu y’u Bufaransa yatwaye igikombe cy’isi mu 1998. Muri iyi kipe Youri Djorkaeff yari ari kumwe n’abandi bakinnyi bakomeye nka Fabien Barthez, Zinedine Zidane, Thierry Henri ,Marcel Desailly, Lilian Thuram ,Robert Pires ,Didier Deschamps n’abandi.

Youri Djorkaeff ubwo yari mu Rwanda yageze no mu Birunga iwabo w’Ingagi ahagirira ibihe byiza

Mu masezerano y’u Rwanda na PSG, uretse igice cyo kwamamaza ubukerarugendo bw’u Rwanda n’ibikorerwa mu Rwanda, harimo n’igice cyo kubaka ubushobozi bw’umupira w’amaguru mu Rwanda.

Aya masezerano yasinywe mu kwezi k’Ukuboza 2019 yaje asanga andi yasinywe hagati ya Arsenal n’u Rwanda. Bivugwa ko impande zombi zamaze kumvikana kuyongera mu gihe cy’imyaka itanu iri mbere nyuma y’uko basanze yaratanze umusaruro.

Amafoto: RDB & Roger Marc Rutindukanamurego

nta kipe yabashije kubona igitego mu izamu ry’iyindi (ifoto: FERWAFA)

Uyu mukino watangiye saa cyenda zuzuye kuri Stade AMAHORO kuri uyu wa Gatanu tariki 28 Gashyantare 2020. Amakipe yombi yageragezaga abakinnyi azakoresha muri iri rushanwa, ndetse ababanje mu kibuga bose batangiye bafite inyota yo kwigaragariza abatoza.

Uyu mukino wagiye ugaragaramo amwe mu mahirwe akomeye nk’aho ku munota wa 53 Danny Usengimana yahushije uburyo bwabazwe. Abafana bari bamaze guhaguruka, ariko Danny wari usigaranye n’umuzamu wenyine aranyerera umupira arawuhusha.

11 ba Congo-Brazzaville

Ndila Paveth
Magmokele Dimitri (C)
Moumdza Prince
Ondongo Julfin
Binguila Hardy
Obossi Bersyl
Ombongo Prince
Nsenga Francis
Massanga Chandrel
Etali Harvy
Lovamba J Racine

11 b’Amavubi

Kimeynyi Yves
Manzi Thierry (C)
Omborenga Fitina
Imanishimwe Emmanuel
Rugwiro Herve
Ngendahimana Eric
Niyonzima Olivier
Nsabimana Eric
Byiringiro Lague
Sugira Ernest
Usengimana Danny

Amavubi y’u Rwanda aguye miswi n’ikipe y’igihugu ya Congo-Brazzaville mu mukino wa Gicuti yakinaga umukino wa kabiri wa gicuti nyuma y’uko yari aherutse kunganya n’ikipe y’igihugu ya Cameroun ubusa ku busa.

Ku ruhande rwa Congo Brazaville na bo wari umukino wa kabiri wa gicuti bakinnye nyuma yo gutsinda Cameroun igitego kimwe ku busa ku mukino wari wabereye i Kintele muri Congo Brazaville.

Aya makipe yombi akomeje imyiteguro y’irushanwa rya CHAN rizabera muri Cameroun mu kwezi kwa kane. U Rwanda ruri mu itsinda rimwe na Uganda, Maroc na Togo, mu gihe Congo Brazzaville iri mu itsinda rimwe na Repubulika Iharanira Demokarasi ya Congo ,Libya na Niger.

Casa Mbungo André

Casa Mbungo André yatoje amakipe arimo AS Kigali, Police FC, Kiyovu Sports, akaba yari amaze iminsi atoza ikipe ya AFC Leopards yo muri Kenya.

Umutoza mushya Casa Mbugo yasabwe kwegukana shampiyona n’igikombe cy’Amahoro mu mezi ane.

Rayon Sports ibinyujije ku mbuga nkoranyambaga zayo, yatangaje ko Casa Mbungo André yasinye amasezerano y’amezi ane ashobora kongerwa.

Nyuma yo kumara igihe Rayon Sports FC idafite umutoza mukuru, ubwo batandukanaga na Javier Martinez, ikipe igasigaranwa na Kirasa Alain mu buryo bw’agateganyo, kuri uyu wa gatatu nibwo hatangajwe ko ibiganiro hagati ya Casa n’iyi kipe byarangiye neza.

Uyu mutoza akaba yahawe amasezerano yo gutoza iyi kipe mu gihe cy’amezi ane ari imbere, ariko ashobora kongerwa mu gihe yaba abashije kwitwara neza.

Mu kiganiro umuvugizi wa Rayon Sports Jean Paul Nkurunziza yagiranye na KT Sports kuri uyu wa gatatu bakimara kwemeza uyu mutoza, yavuze ko bamusabye kwegukana igikombe cya shampiyona n’igikombe cy’Amahoro.

Ese Rayon Sports yaba isubiye kuri gahunda yo gutozwa n’Abanyarwanda?

Iyi kipe yaherukaga gutozwa n’umutoza mukuru w’umunyarwanda itozwa na Olivier Karekezi muri 2018 yari imaze igihe igirira icyizere abatoza baturutse hanze.

Kuva Karekezi yagenda, Rayon Sports yari imaze gutozwa n’abatoza 3 b’abanyamahanga aribo :Umubiligi Ivan Jack Minnaert (2018), umunya-Brazil Roberto Oliveira Goncalves do Carmo (2018-) n’Umunya-Mexique Javier Martinez Espinosa (2019)

Abajijwe na KT Sports niba Rayon Sports yaba yasubiye ku batoza b’Abanyarwanda, yabihakanye avuga ko iyi kipe yahisemo Casa kuko ari umutoza mpuzamahanga ushobora gutoza mu Rwanda no hanze kandi uzi neza cyane umupira w’amaguru w’u Rwanda.

Aya masezerano uyu mutoza yasinye, azarangirana na Shampiyona y’u Rwanda (Rwanda Premier Legue).

Rayon Sports igiye kuba ikipe ya 4 mu makipe akomeye mu Rwanda uyu mutoza agiye gutoza nyuma ya Police FC , AS Kigali na Kiyovu Sports .

Uyu mutoza waherukaga gutoza muri Kenya muri AFC Lepoard batandukanye kubera ibibazo by’ubukungu byayibasiye. Mu Rwanda bimwe mu bigwi ahafite ni uko yegukanye igikombe cy’amahoro muri Police no muri AS Kigali.

CASA MBUGO wemejwe nk’umutoza wa Rayon Sports yahoze ari umukinnyi mu makipe atandukanye mu Burundi aho yakinaga mu izamu. Ni umugabo uzwiho kutihanganira amakosa no kutavugirwamo n’abakinnyi.

Biteganyijwe ko Casa Mbugo André aza gukoresha imyitozo ye ya mbere muri iyi kipe mu rwego rwo gutegura umukino wa Etincelles ku munsi wa 21 wa shampiyona .

Muri shampiyona Casa asabwa kwegukana, asanze Rayon Sports iri ku mwanya wa gatatu aho irushwa na APR FC ya mbere amanota arindwi ikarushwa na Police FC ya kabiri amanota 2 , mu gihe mu gikombe cy’amahoro batomboye kuzakina n’ikipe ya Mukura Victory Sports.

We're delighted to announce that a former AS Kigali, Police FC, Kiyovu Sports and @AFCLeopards coach Casa Mbungo Andre is joining the #Gikundiro as our head coach on Thursday...

Welcome in the club manager!!! pic.twitter.com/uvC0677qO2

— Official Rayon Sports (@rayon_sports) February 26, 2020

Amafoto: Rayon Sports

SACA yiyemeje kuzamura abakinnyi 15 buri mwaka bakagera ku ruhando mpuzamahanga

Iyi kipe igiye gukina Tour du Rwanda bwa mbere ivuga ko intego zabo ari ukugerageza kwegukana agace muri Tour du Rwanda 2020 ndetse no kuzamura abakinnyi bashya aho bahigiye kuzamura abakinnyi 15 ku ruhando mpuzamahanga.

Adrien Niyonshuti utoza iyi kipe akaba n’umwe mu bayishinze, yagize ati “Igare ritadutengushye nka Mugisha Moise na Hakizimana Seth nizeye ko ubunararibonye bafite muri Tour du Rwanda bwatuma twegukana uduce nka dutatu muri Tour du Rwanda y’uyu mwaka.

Adrien Niyonshuti yakomeje avuga ko bafite n’intego y’umwambaro wo kuzamuka, aho avuga ko umukinnyi witwa Shemu ashobora kwitwara neza ndetse n’umwambaro w’umukinnyi ukiri muto uzahiga abandi muri Tour du Rwanda.

Iyi kipe yaje kugira ngo ifashe abakinnyi bakiri bato kwigaragariza mu marushanwa atandukanye kuko batabonaga ayo mahirwe, mu bindi Adrien yavuze ni uko iyi kipe izafasha mu guhindura ubuzima n’imibereho y’abakinnyi.

Adrien Niyonshuti (iburyo), umwe mu bashinze SACA

Ati “Twari dufite ikipe imwe iri continental kandi abana bose ntibashoboraga kubona amahirwe yo gukina ku rwego rwo hejuru, iyi kipe rero izatuma abana babona aho bigaragariza”.

Iyi kipe nshya ya Skol na Adrien Niyonshuti, uretse kuzamura impano ku rundi rwego, Adrien avuga ko iri no mu rwego rwo gufasha u Rwanda kwitegura shampiyona y’isi y’amagare ishobora kubera mu Rwanda muri 2024.

Mu byo bazajya bafasha abakinnyi harimo no kubafasha kubona imyitozo mu Misiri, Maroc, Afurika y’Epfo n’ahandi.

Anitha Haguma ushinzwe ubucuruzi muri Skol, yagize ati “Twashinze iyi kipe mu kurushaho gushyigikira imikino mu Rwanda”.

SACA ikipe nshya igizwe n’abakinnyi bahoze muri FLY Academie ya Adrien na Les Amis Sportif.

Ni bwo bwa mbere SACA igiye kwitabira Tour du Rwanda

Ku bijyanye n’ahazaza ha Les Amis Sportif na Fly, kuba hari impungenge ko zasenyuka, Adrien Niyonshuti yavuze ko aya makipe azahoraho ariko akazaba ariho nk’irerero rya Skol Adrien Cycling Academy (SACA).

SACA ibaye ikipe ya kabiri ivutse mu Rwanda iri ku rwego rwa Continental nyuma y’ikipe ya Benediction.

Ikipe iyo ishyizwe ku rwego rwa continental iba yemerewe kwitabira amarushanwa mpuzamahanga abera muri Afurika n’ahandi ari ku kiciro cya Continental.

Abakinnyi ba SACA bazitabira Tour du Rwanda 2020 ni Dukuzumuremyi, Nsengiyumva Shemu, Hakuzimana Seth, Mugisha Moise na Habimana Jean Eric wegukanye irushanwa ry’ Ubutwari Cycling Tournament muri 2020.

Imikino y’umunsi wa gatatu w’igikombe cy’Ubutwari iteganyijwe tariki ya 01 Gashyantare 2020 ari na yo mikino ya nyuma, yimuriwe kuri Stade nkuru y’igihugu Stade Amahoro i Remera.

Mu gihe imikino y’umunsi wa mbere n’uwa kabiri mu mupira w’amaguru yari yabereye kuri stade ya Kigali i Nyamirambo, Umunsi wa gatatu w’iyi mikino izaba hizihizwa n’umunsi mukuru w’intwari yashyizwe kuri Stade Amahoro ahateganyijwe n’ibirori bitandukanye byo kwizihiza uyu munsi.

Dore uko gahunda y’imikino iteye

Mukura VS vs Police FC (Kigali Stadium, 13h00)
Kiyovu SC vs APR FC (Kigali Stadium, 15:30)

APR FC irakoza imitwe y’intoki ku gikombe yaba itwaye ku nshuro ya kabiri yikurikiranya

1. APR FC imikino 2 amanota 6 izigamye ibitego 3
2. Kiyovu Sports Imikino 2 amanota 3 izigamye igitego 1
3. Police FC imikino 2 amanota 3, nta gitego izigamye nta n’umwenda
4. Mukura VS amanota 0 umwenda w’ibitego 4

APR FC inafite iki gikombe cy’umwaka ushize, ubu imaze kugwiza amanota atandatu mu mikino y’Ubutwari 2020. Iyi kipe ya APR FC kuri ubu irasabwa nibura kunganya umukino bafitanye na SC Kiyovu ku wa gatandatu kugira ngo iyi kipe yisubize igikombe cy’Ubutwari.

APR FC yagwije iyi mibare nyuma yo gutsinda Police FC igitego 1-0 cyatsinzwe na Nshuti Innocent ku munota wa 52 w’umukino wakinwaga kuri uyu wa kabiri ubwo hakinwaga imikino y’umunsi wa kabiri w’irushanwa ry’uyu mwaka.

APR FC yahise igira amanota atandatu (6) ikaba izigamye ibitego bitatu (3) kuko yatsinze Mukura VS ibitego 3-1 tarki 25 Mutarama 2020.

Police FC yatsinzwe na APR FC igatakaza amanota atatu, ifite amanota atatu yakuye mu mukino yatsinzemo SC Kiyovu ibitego 2-1. Kuri ubu Police FC nta gitego izigamye ndetse nta n’ideni ifite.

Kugira ngo Police FC itware igikombe cy’Ubutwari 2020 irasabwa gutsinda Mukura VS ibitego biri hejuru ya bitatu (3) ariko bikaba byahura n’uko APR FC yaba yatsinzwe na Kiyovu Sport.

Kiyovu Sport iri ku mwanya wa kabiri n’amanota atatu (3) ikaba izigamye igitego kimwe (1) kuko yatangiye itsindwa na Police FC ibitego 2-1. Gusa Kiyovu SC yaje kunyagira Mukura VS ibitego 4-2 bityo izigama igitego 1-0.

Kugira ngo Kiyovu Sport itware igikombe cy’Ubutwari 2020, irasabwa gutsinda APR FC ibitego biri hejuru ya bitatu (3) cyangwa ikaba yayitsinda ikinyuranyo cya bitatu (3-0, 6-3…) bakaba bakizwa na penaliti. Gusa ibi byagira umumaro mu gihe Police FC yaba yananiwe gutsinda Mukura VS ibitego biri hejuru ya bitatu.

Mukura VS iri ku mwanya wa kane (wa nyuma) n’umwenda w’ibitego bine kuko yatangiye itsindwa na APR FC ibitego 3-1, itsindwa na SC Kiyovu ibitego 4-2. Mukura Victory Sport nta nota. Mu mibare y’abatwara igikombe ntabwo irimo ahubwo izaba ikina iyi mikino yirinda kurangiza ku mwanya wa nyuma.

Ibiciro byo kwinjira kuri iyi mikino

Ahasigaye hose: 1000 Frw
Yellow: 2000Frw
VIP(2): 5000 Frw
VIP(1): 10,000Frw
VVIP: 20,000Frw

Karia Wallace ni we watorewe kuyobora CECAFA

Karia Wallace yungirijwe na Amin Francis wo muri Sudani y’Epfo nka Visi Perezida wa mbere ndetse na Isayaa Jira wo muri Ethiopia watowe nka Visi Perezida wa kabiri.

Rtd Brig. Gen. Sekamana Jean Damascene usanzwe ari umuyobozi w’ishyirahamwe ry’umupira w’amaguru mu Rwanda ndetse na Esaya Abraham wo muri Erythrea batorewe kujya mu nama y’ubuyobozi (Board Members).

Karia Wallace watowe ategerejweho akazi gakomeye ko guhangana n’ikibazo cy’amikoro muri iri shyirahamwe aho amarushanwa amwe ajya asubikwa cyangwa ntabere ku gihe aba yapanzweho.

Mu bindi harimo ikibazo cy’ubumwe hagati y’ibihugu bigize CECAFA bwahungabanye kubera umwuka wa politiki utifashe neza hagati ya Uganda, u Burundi n’u Rwanda.

Akimara gutorwa yahigiye ko agiye kwita kuri ibi bibazo akongera n’imbaraga z’amarushanwa ya CECAFA yongeramo n’ibindi bihugu n’amakipe bizajya biza ari abatumirwa.

Aya matora yabereye i Kampala muri Uganda ahakomeje kubera imikino ya CECAFA y’ibihugu (Senior Challenge Cup 2019)

Muri iyi nama u Rwanda rwahawe kuzakira imikino ya CECAFA y’abagore ku makipe makuru mu mwaka utaha wa 2020. Imikino nk’iyo y’abagore u Rwanda rwaherukaga kuyakira muri 2018 ubwo irushanwa ryegukanwaga na Kilimandjaro Queen ya Tanzania.

U Rwanda kandi muri 2020 ruzakira imikino ya CECAFA ku bakinnyi batarengeje imyaka 17 (Abahungu).

Dore uko ibindi bihugu bizakira andi amarushanwa:

CECAFA Men U-16- Djibouti

CECAFA U-17 Women- Burundi

CECAFA U-20 Men - Burundi

CECAFA U-17 AFCON Qualifiers - Rwanda

CECAFA Senior Women Challenge - Rwanda

CECAFA U-20 AFCON Qualifiers - Sudan

CECAFA Senior Men Challenge Cup - Sudan

CECAFA U-20 Women- Uganda

CECAFA Kagame Cup 2020 - Tanzania

Dr. Nteziryayo (wa kabiri ibumoso), yagizwe perezida w’urukiko rw’Ikirenga

Kigali Today yabakusanyirije ibyaranze ubuzima bwa Perezida mushya w’Urukiko rw’Ikirenga rw’ u Rwanda.

Dr. Nteziryayo Faustin yavutse ku itariki 20 Kanama mu 1962, avukira mu cyahoze ari Perefegitura ya Gitarama kuri ubu habaye mu karere ka Kamonyi.

Dr. Faustin Nteziryayo yatangiriye amashuri ya Kaminuza mu cyahoze ari Kaminuza Nkuru y’URwanda, aho yakuye impamyabumenyi y’icyiciro cya kabiri cya kaminuza, mu ishami ry’amategeko mu 1986.

Yakomereje hanze y’u Rwanda, aho yakuye imyamyabumenyi y’icyiciro cya gatatu cya kaminuza (Masters) mu bijyanye n’amategeko agenga imisoro, yakuye muri Université Libre de Bruxelles (ULB), ndetse n’impamyabumenyi y’icyiciro cya gatatu cya kaminuza mu bijyanye na Politiki z’Ubucuruzi Mpuzamahanga, yakuye muri Carleton University yo muri Canada mu 2009.

Dr. Faustin Nteziryayo afite kandi impamyabumenyi y’ikirenga mu mategeko (PHD) yakuye muri Kaminuza ya Antwerp mu Bubiligi mu mwaka wa 1994.

Dr. Faustin Nteziryayo umaze imyaka isaga 31 akora mu by’amategeko, yakoze akazi gatandukanye muri Guverinoma y’u Rwanda, harimo kuba yarabaye Minisitiri w’Ubutabera guhera mu 1996 kugeza mu 1999; Guverineri wungirije wa Banki Nkuru y’u Rwanda; Umuyobozi Mukuru w’Urwego Ngenzuramikorere (RURA); Umujyanama mukuru mu by’amategeko muri Minisiteri y’Ubucuruzi n’Inganda n’ibindi.

Dr. Nteziryayo afite n’ubunararibonye mu bijyanye no kwigisha, kuko yigishije muri kaminuza zitandukanye n’amashuri makuru mu Rwanda, muri Leta Zunze Ubumwe za Amerika na Canada.

Yigishagamo amasomo arimo amategeko mpuzamahanga ajyanye n’ubukungu, amategeko ajyanye n’ishoramari, amategeko ajyanye n’iterambere, amategeko ajyanye n’imari n’ibindi.

Kugeza muri Mata 2013, Dr. Nteziryayo yari Umuyobozi Mukuru wa Agaseke Bank Ltd, yahindutse Bank of Africa.

Kuva mu 2013 kugeza ubu, yari umucamanza mu Rukiko rw’Umuryango wa Afurika y’Iburasirazuba (EACJ).

Dr. Nteziryayo (ubanza ibumoso) yagizwe Perezida w’Urukiko rw’Ikirenga

Dr. Faustin Nteziryayo abaye Perzida w’Urukiko rw’Ikirenga yari umwalimu mu ishami ry’amategeko rya Kaminuza y’u Rwanda, no mu ishuri ry’abanyamategeko rya ILPD, aho yigishaga isomo rijyanye n’imikorere y’Umuryango wa EAC, uhuza ibihugu byo muri Afurika y’Uburasirazuba mu bijyanye n’amategeko.

Dr. Nteziryayo kandi yari umuyobozi w’ihuriro ry’abantu bize mu cyahoze ari Kaminuza Nkuru y’u Rwanda.

Dr. Nteziryayo Faustin

Tom Mulisa, Umwalimu muri Kaminuza y’u Rwanda no muri Kaminuza ya UPPSALA mu gihugu cya Suwede mu ishami ry’amategeko, wakoranaga na Dr. Nteziryayo mu ishami ry’amategeko muri Kaminuza y’u Rwanda no mu ishuri ry’abanyamategeko ILPD, avuga ko ari umuntu w’umuhanga kandi wicisha bugufi.

Mu kiganiro yagiranye na Kigali Today yagize ati “Ni umuntu w’umuhanga wicisha bugufi kandi wubaha n’ibitekerezo by’abandi. Twebwe nk’abanyamategeko twishimye cyane kuko kimwe n’uwo asimbuye yavuye mu ishami ry’amategeko, yari umwalimu.

Uyu ni umwanya usaba ko umuntu agomba kuba afite ubunararibonye mu mategeko y’u Rwanda no mu mategeko mpuzamahanga, kuba abyujuje akongeraho ko afite n’ubunararibonye mu buhuza (Arbitration), bizatuma urwego rw’ubucamanza mu gihugu rurushaho gutera imbere kuko azafasha abantu bafitanye ibibazo kurangizwa bitarinze bijya mu nkiko”.

Dr. Nteziryayo ni umugabo wubatse ufite umugore n’abana batatu bakuru, umuhungu umwe n’abakobwa babiri

Inshamake ku buzima bwa Mukamulisa, Visi Perezida w’Urukiko rw’Ikirenga

Mukamulisa Marie Thérèse wagizwe Visi Perezida w’Urukiko rw’Ikirenga, yavukiye mu mujyi wa Kigali kuwa 29 Kamena 1965.

Yari asanzwe ari Visi Perezida w’Urukiko rw’Ubujurire.

Mu yindi mirimo yakoze, Mukamulisa yabaye umucamanza mu Rukiko rwa Afurika ku Burenganzira bwa Muntu, AfCHPR.

Mbere yaho yakoze indi mirimo irimo kuba umucamanza mu Rukiko rw’Ikirenga mu 2003.

Afite impamyabumenyi y’icyiciro cya gatatu cya kaminuza (Masters) mu bijyanye n’amategeko akoreshwa mu gice cy’ibihugu byakolonijwe n’Ubwongereza (Common Law), iyi mpamyabumenyi yayikuye muri Kaminuza ya Moncton muri Canada.

Afite kandi n’impamyabumenyi y’icyiciro cya gatatu cya kaminuza mu byo kwirinda Jenoside, yakuye muri Kaminuza y’u Rwanda.

Mukamulisa yari mu kanama k’inzobere 12 mu bijyanye n’amategeko zanditse itegeko Nshinga rya mbere rya Repubulika y’u Rwanda nyuma ya Jenoside yakorewe Abatutsi mu 1994.

Mukamulisa arubatse, afite umugabo n’abana babiri b’abahungu.

Nkuko Itegeko Nshinga rya Repubulika y’u Rwanda rya 2003 , ryavuguruwe mu mwaka wa 2015, ribiteganya mu ngingo yaryo ya 153, Perezida na Visi Perezida b’Urukiko rw’Ikirenga bashyirwaho na Perezida wa Repubulika, abanje kugisha inama Inama y’Abaminisitiri n’Inama Nkuru y’Ubucamanza.

Igingo ya 155 y’iri Tegeko Nshinga, iteganya ko mbere y’uko batangira inshingano, Perezida na Visi Perezida b’Urukiko rw’Ikirenga barahirira imbere ya Perezida wa Repubulika.

Ingingo ya 156 y’Itegeko Nshinga iteganya ko Manda yabo ari imyaka itanu ishobora kongerwa inshuro imwe.

Perezida w’Urukiko rw’Ikirenga agomba kuba afite ubwenegihugu Nyarwanda bw’inkomoko kandi nta bundi bwenegihugu agomba kuba bafite.

Urukiko rw’Ikirenga ni rwo rukiko rusumba izindi zose mu gihugu, ari na rwo rukiko rufata ibyemezo bya nyuma bijyanye n’ubutabera n’imanza.

Inkuru bijyanye:

Dr. Nteziryayo asimbuye Prof. Rugege mu Rukiko rw’Ikirenga

Havugiyaremye Aimable yagizwe Umushinjacyaha Mukuru, asimbura Mutangana Jean Bosco

Asimbuye Jean Bosco Mutangana wari umaze imyaka itatu kuri uyu mwanya yari yagezeho mu Kuboza 2016 asimbuye Richard Muhumuza.

Iyo umuntu agiriwe icyizere na Guverinoma kuri uyu mwanya wo kuyobora rumwe mu nzego zikomeye z’ubutabera, dore ko ari urwego rushinzwe iperereza, gushinja no kuburana imanza z’inshinjabyaha mu nkiko, birumvikana benshi baba bifuza kumenya amateka y’uwagiriwe icyizere.

Kigali Today yabakusanyirije bimwe mu byaranze ubuzima bwa Aimable Havugiyaremye umushinjacyaha mushya wa Repubulika.

Aimable Havugiyaremye yize ibijyanye n’amategeko mu cyahoze ari Kaminuza Nkuru y’u Rwanda hagati ya 1998 na 2003 aho yakuye impamyabumenyi y’icyiciro cya kabiri mu ishami ry’amategeko .

Yakomeje icyiciro cya gatatu cya kaminuza mu gice cy’Amategeko mpuzamahanga (International Law) muri Afurika y’Epfo muri Kaminuza ya Pretoria.

Aimable Havugiyaremye mu ifoto y’urwibutso ubwo yarahiriraga kuyobora Komisiyo y’u Rwanda Ishinzwe Ivugururwa ry’Amategeko. Aha yari kumwe na Perezida w’Urukiko rw’Ikirenga, Prof Sam Rugege hamwe n’umuyobozi wungirije w’iyo komisiyo, Beata Mukeshimana

Aimable Havugiyaremye yagiye kwiga mu mahanga yaratangiye kwigisha muri kaminuza aho yari umwalimu usimbura. Ubwo yari arangije icyiciro cya gatatu cya kaminuza i Pretoria yakomeje kwigisha mu cyahoze ari kaminuza nkuru y’u Rwanda mu ishami ry’amategeko kugeza muri 2010.

Guhera muri Mata 2010 kugeza muri Gicurasi muri 2012 yabaye intumwa ya Leta muri Minisiteri y’Ubutabera, umwanya yavuyeho ajya kuba umuyobozi wungirije muri komisiyo ishinzwe kuvugurura amategeko.

Nyuma y’imyaka ibiri, yavuye muri komisiyo yo kuvugurura amategeko ajya kuba umuyobozi w’ishuri rikuru ryo kwigisha no guteza imbere amategeko (ILPD), ariyobora guhera muri 2014 kugeza muri 2017 nyuma agaruka muri komisiyo ishinzwe kuvugurura amategeko nk’umuyobozi mukuru wayo, umwanya yari ariho mbere yo kugirwa umushinjacyaha mukuru wa Repubulika.

Aimable Havugiyaremye mu yindi mirimo ijyanye n’amategeko yakoze yanabaye mu nteko yari ishinzwe kuvugurura itegeko nshinga mu ngingo yaryo ya 101 ivuga ku bijyanye na manda ya Perezida wa Repubulika. Inteko yatangiye akazi kayo muri 2015 nyuma y’ubusabe bw’abaturage aho bifuzaga ko iyi ngingo itazitira umukuru w’igihugu ku kongera kwiyamamaza.

Aimable Havugiyaremye arimo gukorera impamyabumenyi y’ikirenga mu by’amategeko muri kaminuza ya Leiden yo mu gihugu cy’u Buholandi. Yinjiranye muri uru rwego rw’Ubushinjacyaha Bukuru na Habyarimana Angelique wagizwe Umushinjacyaha Mukuru Wungirije.

Aimable Havugiyaremye yavutse mu 1973, ni ukuvuga ko afite imyaka 46 y’amavuko, akaba ari n’umugabo wubatse.

Aimable Havugiyaremye na Prof Sam Rugege

Aimable Havugiyaremye mu kiganiro kigufi yagiranye na Kigali Today yavuze ko yiteguye gushyira mu bikorwa inshingano yahawe.

Yagize ati “Niteguye gushyira mu bikorwa inshingano nahawe kuko n’ubundi nari nsanzwe menyereye gukorera urwego rw’ubutabera niteguye kuzikora neza."

Amavu n’amavuko y’Ubushinjacyaha n’imikorere yabwo

Muri 2003, u Rwanda rwashyizeho itegeko nshinga rishya ryubahiriza ihame ryo gutandukanya inzego. Ryashyizeho ubucamanza bwigenga kandi butandukanye n’inteko ishinga amategeko n’inzego za Leta zubahiriza amategeko.

Bwa mbere mu mateka y’ubutabera bw’u Rwanda, akazi k’ubushinjacyaha kahawe urwego rumwe ari rwo rw’Ubushinjacyaha Bukuru. Urwo rwego rufite mu nshingano zarwo iperereza no gukurikirana ibyaha byakorewe ku butaka bw’u Rwanda cyangwa byakozwe n’Abanyarwanda.

Ubushinjacyaha ni urwego rukorana bya hafi n’inkiko n’Urwego rw’Ubugenzacyaha. Urwego rw’Ubugenzacyaha rukusanya ibimenyetso rukabishyikiriza ubushinjacyaha aho buba bushobora gukomeza gukora iperereza iyo bibaye ngombwa bukagena niba ibimenyetso bihagije kugira ngo rwohereze ikirego imbere y’urukiko aho ruba rufite inshingano zo gushinja no gushinjura ku byaha mpanabyaha.

Ubushinjacyaha Bukuru bugizwe na Biro y’Umushinjacyaha Mukuru, Ubushinjacyaha bwo ku rwego Rwisumbuye n’Ubushinjacyaha bwo ku rwego rw’Ibanze.

Ibiro by’Umushinjacyaha Mukuru bigizwe n’Umushinjacyaha Mukuru ari we Aimable Havugiyaremye, Umushinjacyaha Mukuru Wungirije n’Abashinjacyaha nibura icumi (10) bo ku rwego rw’Igihugu.

Urwego rw’Ubushinjacyaha Bukuru Aimable Havugiyaremye agiye kuyobora rufite inshingano rusange yo gukora iperereza no gukurikirana ibyaha mu gihugu hose.

By’umwihariko, Ubushinjacyaha Bukuru bushinzwe gukora iperereza ku byaha mpuzamahanga byakorewe mu Rwanda no gushakisha ababigizemo uruhare, gukora iperereza no gukurikirana ibyaha mpuzamahanga n’ibyaha byambuka imbibi; gukora iperereza no gukurikirana ibyaha bimunga ubukungu n’imari by’Igihugu.

Mu bindi harimo gukora iperereza no gukurikirana ibyaha by’ihohoterwa rishingiye ku gitsina, ibikorerwa abana n’ibikorerwa umuryango; rushinzwe kandi gukora iperereza no gukurikirana ibyaha byerekeye imikoreshereze itemewe y’ibiyobyabwenge n’urusobe rw’imiti ikoreshwa nka byo, gukora iperereza no gukurikirana ibyaha by’ingengabitekerezo ya Jenoside, ibyaha byo guhakana no gupfobya Jenoside n’ibindi bifitanye isano na yo n’ibyaha by’ivangura no gukurura amacakubiri.

Ubushinjacyaha bukuru kandi bushinzwe gukora iperereza no gukurikirana ibyaha by’ikoranabuhanga; gukora ubushakashatsi ku byaha bisanzwe no ku byaha mpuzamahanga byakorewe mu Rwanda; gutanga no kubika inyandiko zerekana abahamwe n’ibyaha; kurengera no gufasha abakorewe ibyaha n’abatangabuhamya.

Inkuru bijyanye:

Mutangana Jean Bosco ntakiri Umushinjacyaha Mukuru

Ni irushanwa rizitabirwa n’abakinnyi baturutse mu bihugu nk’u Rwanda, u Burundi , Kenya , Uganda ndetse na DR Congo . Ni irushanwa rizakinwa n’ibyiciro bitandukanye haba mu bagabo ndetse no mu bagore.

Mu kiganiro n’itangazamakuru cyabaye kuri uyu wa gatanu mu cyumba cy’inama cya MiNISPORTS , ubuyobozi bw’ishyirahamwe ry’umukino wa Tennis mu Rwanda bwatangarije abanyamakuru aho imyiteguro igeze.

Umuyobozi w’ishyirahamwe ry’umukino wa Tennis mu Rwanda, Karenzi Theoneste, yagize ati “Uyu mwaka Rwanda Open yateguwe mu rwego rwo kongera umubare w’amarushanwa no gupima urwego rw’abakinnyi b’Abanyarwanda mu karere”.

Yakomeje avuga ko kwiyandikisha ku bakinnyi batabigize umwuga (amateurs) byarangiye, ariko ku bakinnyi babigize umwuga bitararangira.

Ku ruhande rw’umuterankunga mukuru wa Rwanda Open y’uyu mwaka ari we Banki ya Kigali, yari ihagarariwe na Nshuti Thierry, ushinzwe iyamamazabikorwa, yavuze ko baje muri Tennis mu rwego rwo gukomeza gushyigikira imikino mu Rwanda no kumenyekanisha ibikorwa bya BK Group PLC.

Yagize ati “Banki ya Kigali ni iy’Abanyarwanda, kandi aho Abanyarwanda bishimira igomba kuba ihari . Twaje muri Tennis kuko tuzi ko uyu mukino ukunzwe na benshi kandi uri mu mikino iri gutera imbere”.

Rwanda Open izatangira ku cyumweru tariki ya 24, izabera ku bibuga bya sitade Amahoro (Tennis Courts), Nyarutarama Tennis Club na Cercle Sportif de Kigali iherereye mu rugunga.

Amajonjora y’ibanze kugera mu mikino ya ¼ azabera kuri ibi bibuga twababwiye haruguru, guhera muri ¼ imikino yose izabera ku bibuga bya Tennis biri iri Remera.

Ibyiciro bizakina

Abagabo babagize umwuga: 32

Abagore babigize umwuga: 32

Abafite ubumuga: 16

Abagabo batabigize umwuga: 96

Igihembo nyamukuru muri iri rushanwa ni amadorali 700 ya Amerika ku bahungu n’abakobwa babigize umwuga, mu gihe kandi umukinnyi wese uzagera mu mikino ya 1/8 na we yagenewe igihembo cy’amafaranga.

Iri rushanwa rizahuza amakipe ane ya mbere mu bagabo no mu Bagore.

Irushanwa Agaciro Basket Ball tournament riteganijwe guhera taliki 22 na 23 Ugushyingo 2019 mu mikino y’amajonjora, n’imikino ya nyuma izaba tariki 28 na 29 Ugushyingo 2019.

Amakipe azaryitabira mu bagabo ni Patriots BBC iheruka kwegukana igikombe cya shampiyona n’irushanwa rya Legacy, REG BBC ikunze guhangana na Patriots, APR BBC n’ikipe ya Espoir BBC.

Amakipe agiye kongera guhanganira imbere y’imbaga muri Kigali Arena

Mu bari n’abategarugori, rizitabirwa n’amakipe ane ariyo:APR BBC, The Hoops BBC, IPRC Huye, n’ikipe y’Ubumwe BBC.

Kuri buri cyiciro mu majonjora amakipe uko azahura, ikipe yabaye iya mbere muri shampiyona ishize izahura n’iyabaye iya kane, naho iyabaye iya kabiri ihure n’iyabaye iya gatatu.

Kigali Arena ni yo izakira imikino ya nyuma tariki 29 Ugushyingo 2019

Mu mikino y’amajonjora iteganyijwe kubera muri Petit Stade, mu bagabo Patriots izahura na APR BBC, REG ihure na ESPOIR BBC.

Mu bagore, APR BBC izahura na Ubumwe BBC, naho The Hoops ihure na IPRC HUYE.

Amakipe azatsinda azahurira ku mukino wa nyuma tariki 29 Ugushyingo muri Kigali Arena.

APR BBC yambaye umweru izatangira irushanwa ihura na Patriots

Ikipe izegukana iri rushanwa izegukana miliyoni ebyiri

Ikipe ya mbere mu bagore no mu bagabo, izahembwa igikombe na miliyoni ebyiri z’amafaranga y’u Rwanda (2,000,000RWF).

Ikipe izegukana igikombe mu bato (U17), izegukana igikombe n’inkweto zo gukinana.

Uretse ibi bihembo, hazahembwa n’abakinnyi bahize abandi mu kwitwara neza kuri buri cyiciro (MVP).

Buri kipe yemerewe kwifashisha abakinnyi ishaka muri iyi mikino

Umuyobozi wa FERWABA Desire Mugwiza yavuze ko basanze ari ngombwa ko batanga umusanzu wabo nabo mu kigega Agaciro

Amakipe azitabira iri rushanwa yakomorewe n’amategeko azaba arigenga, kuzifashisha abakinnyi bashaka bose.

Amakipe amwe agiye gukina iri rushanwa arimo amaraso mashya

Ikipe zigiye gukina iri rushanwa zariyubatse, aho ikipe ya APR BBC iherutse gusinyisha umukinnyi Irutingabo Fiston wakiniraga IPRC Kigali.

Patriots na yo imaze gutsinda REG inshuro ebyiri zikurikiranya iyitwara igikombe, haba shampiyona n’irushanwa rya Legacy, igiye gukina iyi mikino nyuma yo gusinyisha Nijimbere Guibert, umwe mu bakinnyi beza barimo gukina muri shampiyona y’u Rwanda muri iyi minsi.

DR. Kayonga Jack, umuyobozi w’ikigega Agaciro

Uretse aba bakinnyi, REG na Patriots bagiye gukina iyi mikino bafite abatoza bashya, aho Henry Muinuka wahoze atoza Patriots yagiye muri REG, Patriots ikazana umutoza mukuru w’Umunyakenya, Carey Francis Odhiambo, n’umwungiriza w’Umunya-Australiyakazi Riz Mills.

Espoir BBC na yo igiye gukina iyi mikino ifite amaraso mashya mu buyobozi, aho Arsene Mukubwa aherutse gutorerwa kuba perezida w’iyi kipe, asimbuye Rutagarama Fidele wari umaze igihe kirekire ayiyobora.

Imikino yaherukaga kuba, ni imikino ya Legacy Tournament yari yateguwe n’ikipe ya UGB, mu rwego rwo kwibuka uwayishinze. Muri iyo mikino, ikipe ya Patriots na Ubumwe ni zo zegukanye ibikombe.

Iri rushanwa ryateguwe n’ikigega Agaciro Development Fund ku bufatanye n’ishyirahamwe nyarwanda ry’umukino wa Basketball (FERWABA), rigiye kuba ku nshuro ya mbere muri Basketball .

Aya makipe asanzwe yambikwa na Sosiyete yo muri Tanzania izwi ku izina rya SG Sports yatangiye ibiganiro n’iyi sosiyeti mu rwego rwo kubakorera imyenda y’abafana aho biteganyijwe ko aya makipe yari asanzwe yambika abakinnyi na bamwe mu bayobozi agiye no kujya yambika abafana bayo akabibyaza amafaranga.

Sosiyete SG Sports n’aya makipe batangiye ibiganiro aho iyo sosiyete izajya ibaha imyenda y’abafana bakayigurisha abafana bayo aho bavuga ko abafana na bo bazajya bagira uruhare mu gutera inkunga ikipe zabo binyuze mu mwambaro usanzwe w’aya makipe.

Simon Nsanga ukuriye sosiyete ya SG Sports

Sam Karenzi, umunyamabanga mukuru wa Bugesera, imwe mu makipe yambikwa na SG Sports, yavuze ko ubu buryo bushya bugiye kunganira amakipe kubona amafaranga.

Yagize ati “Urebye ni uburyo bwiza bugiye gutuma abafana bacu bagaragara neza. Wasangaga bambaye imyambaro itandukanye ugasanga biragaragara nk’aho ari akavuyo ariko ubu bagiye gutangira kwambara neza, bazambara neza bagaragare neza ndetse n’ikipe ibyungukiremo.

Yakomeje avuga ko nubwo bigoye kumenya umubare w’abafana bose ba Bugesera mu gihugu ariko ngo biteze ko byibuze mu baturage batuye aka karere batazaburamo abantu ibihumbi bitanu bashobora kuzagura uyu mwambaro wa Bugesera.

Umunyamabanga mukuru wa Bugesera, Sam Karenzi, avuga ko biteguye kubyaza umusaruro abafana babo binyuze mu myambarire

Theodore Ntarindwa, Umuyobozi ushinzwe ibya tekiniki muri Kiyovu na we yavuze ko ubu buryo bugiye gutuma abafana bifuzaga kugira uruhare mu gufasha iyi kipe babona uko bayifasha banambaye neza.

Patrick Namenye uhagarariye SG Sports mu Rwanda, avuga ko intego yabo ari ugufasha amakipe mu rwego rwo kubereka aho bashobora gukura ubushobozi mu gihe ubu hari ibibazo by’amikoro bikomeje kugora amakipe.

Patrick Namenye uhagarariye SG Sports mu Rwanda

SG Sports ivuga ko mu bufatanye n’amakipe bagiye gufungura amaduka acuruza imyenda y’aya makipe mu gihugu bityo ushatse umwambaro w’aya makipe akaba yawubona bitamugoye.

Uburyo bwo kwinjiza amafaranga binyuze mu myambaro busanzwe bukoreshwa n’amakipe atandukanye ariko hano mu Rwanda ntabwo bwari bwagatangiye gukoreshwa. Amakipe yari asanzwe yinjiriza amafaranga ku bibuga ku mikino yakiriye no ku baterankunga .

Ubu buryo niburamuka bukoreshejwe neza buzunganira amakipe yajyaga agorwa n’ibibazo by’amikoro nyuma y’ihagarara ry’inkunga amakipe yahabwaga n’uwari umuterankunga wa Shampiyona ari we AZAM ndetse n’igabanurwa ry’ingengo y’imari amakipe yajyaga ahabwa n’uturere.

SG Sports yatangiye imikoranire n’aya makipe mu rwego rwo kubambika no kubafasha kubyaza umusaruro abafana babo binyuze mu myambaro , ni sosiyeti yo mu gihugu cya Tanzania yafunguye imiryango mu Rwanda muri uyu mwaka.

Musanze,Muhanga,Bugesera na Kiyovu amakipe asanzwe yambikwa na SG Sports

David Luiz

Ababyeyi be bahoze ari abarimu i Sao Paulo muri Brazil

Nyina Regina Celia Marinho na se umubyara witwa Ladislau Marinho bombi bahoze ari abarimu bigisha mu mashuri abanza iwabo muri Brazil.

Yashoboraga kuzaba umufotozi ukomeye

David Luiz yabyirutse akunda gufotora. Ababyeyi be bumvaga azaba umufotozi ukomeye ariko yibereye umukinnyi wa ruhago.

David Luiz wavutse mu 1987 i sao Paulo muri Brazil akaba ari we muhungu wenyine mu muryango w’iwabo. Mu bwana bwe yakundaga igikoresho gikoreshwa mu gufotora(Camera) ndetse ababyeyi be ngo bamubonaga nk’uzaba umufotozi ukomeye.

David Luiz ni inshuti magara na Tiago Silva wa Paris Saint Germain

David Luiz yakuranye na Tiago Silva babana mu gace kamwe aho ababyeyi babo bari abaturanyi. Tiago na Luiz ubwo barimo babyiruka bashyigikiwe n’ababayeyi babo dore ko bifuzaga ko bazaba abakinnyi ba ruhago nubwo David Luiz we bitari bimufasheho cyane kuko yikundiraga gufotora.

Kubera ko yari inshuti na Thiago Silva , papa we wari warigeze gukina ruhago nk’utarabigize umwuga yakoreshaga Thiago Silva wari inshuti ye mu bwana kugira ngo arusheho kumukundisha ruhago.

Se wa David Luiz witwa Ladislau Marinho wigeze gutoranywa mu bakinnyi b’ikipe ya Atletico Mineiro akabuzwa amahirwe yo gukina ruhago n’uko yasanze nta mafaranga yari ari mu mwuga wo gukina ruhago icyo gihe agahitamo kwibera mwalimu yifuzaga ko David Luiz ari we uzusa ikivi cye muri ruhago.

Thiago Silva wari mugufi na David Luiz wari ufite ibiro byinshi mu bwana bwabo bagerageje amahirwe ariko ntibahita bahirwa.

David Luiz yogoshwe umusatsi we ararakara arivumbura atangira kwanga ruhago

Umusatsi mwinshi David Luiz afite ndetse atajya ahindura si uwa vuba kuko yahoze awufite akiri n’umwana muto cyane. Ubwo yajyaga mu ikipe y’abana ya Sao Paulo kubera ko yari mugufi kandi afite imisatsi miremire bamusabye kuyogosha ararakara ndetse ahita anivumbura atangira kwanga ruhago.

Perezida Kagame yakiriye mu biro bye David Luiz

David Luiz yarirukanwe icyo gihe nyuma yo kutagaragaza ubushobozi. Yasabye ababyeyi be ko bamushakira itike y’indege akajya mu igeragezwa mu ikipe yo mu mujyi wa El Salvador.

Muri uyu mujyi uri kure ya Sao Paulo dore ko kuvayo ujyayo ari ibirometero bisaga igihumbi ,ababyeyi be ntibabonaga uko bamusura ndetse no ku munsi mukuru wa Noheli wizihizwa cyane n’umuryango we w’abakirisitu gatolika ngo bawizihirizaga kuri telefoni.

Ku munsi mukuru wa Noheli bamuhamagaraga kuri telefoni bakamuririmbira ,bakanasengera hamwe mu rwego rwo kumwereka ko bari kumwe ngo areke kwigunga kuko bitari gushoboka ko bamusura.

Yatsinze igeragezwa nyuma yo gutsindwa inshuro eshatu

David Luiz wari warirengagijwe n’abatoza mu makipe y’i sao Paulo yatsinze igeragezwa mu ikipe ya Victoria ibarizwa mu mujyi wa EL Salvador.

Muri iyi kipe yagiyemo afite imyaka 14,yatangiye akina hagati mu kibuga aho yafashaga ba myugariro ariko birangira abatoza be bamubonyemo ubushobozi bwo gukina nka myugariro wo hagati ku ruhande rw’inyuma, ari na wo mwanya akinaho kugeza ubu.

Benfica ni yo kipe ya mbere yamufunguriye imiryango i Burayi

David Luiz yerekeje muri Benfica yo muri Portugal yakiniye imyaka itanu birangira ahavuye muri 2011 ubwo yerekezaga mu ikipe ya Chelsea mu gihugu cy’u Bwongereza.

Ubwo David Luiz yari mu Rwanda, abafana ba Arsenal babonye amahirwe yo guhura na we baraganira

Mu mwaka we wa mbere muri Chelsea 2011/2012 yegukanye igikombe cya Champions League na FA cup , n’igikombe cya Europa League mu mwaka wakurikiyeho.

Muri 2014, yerekeje muri Paris Saint Germain aguzwe miliyoni 50 z’Amayero aho yari aciye umuhigo wo kuba myugariro wari uhenze mu mateka ya ruhago.

Muri Paris Saint Germain yongeye no guhura n’inshuti ye yo mu bwana Thiago Silva.

Yegukanye ibikombe 4 bikinirwa mu Bufaransa ari kumwe n’iyi kipe mbere yo kugaruka muri Chelsea muri 2016 aguzwe miliyoni 30 z’Amayero.

Afite inkomoko muri AFURIKA

Ladislau Marinho, se wa David Luis, akomoka ku bacakara b’Abanyafurika bajyanywe mu gihe cy’icuruzwa ry’abirabura mu bice bya Amerika y’Amajyepfo aho bajyanwaga bagiye gukora mu mirima yaho no mu bikorwa bindi bisaba ingufu.

Akunda nyina cyane ku buryo ahantu hose aba yumva bagendana

David Luiz akunda nyina Regina Celia Marinho. Aho agiye henshi baba bari kumwe. Bakunze no kugaragara bari kumwe mu bikorwa byo kwishimira ibikombe. Nyina aza kumureba ku mikino akina ndetse no mu ngendo barajyana. Nyina umubyara binavugwa ko ari umwe mu bantu bamugira inama kenshi.

Ni umukirisitu gatolika ukomeye

Uyu myugariro wa Arsenal ni umuyoboke w’idini gatolika rigizwe na 90% by’abaturage ba Brazil. Iyo ari mu kibuga akenshi aba yambaye agapira imbere kanditseho amagambo y’icyongereza agira ati ”I Belong to Jesus” bishatse kuvuga ngo “ndi Umukirisitu” cyangwa se “ndi uwa Yezu”.

Yavutse ku itariki imwe na KAKA yabyirutse afata nk’ikitegererezo. Uretse kuvukira itariki imwe, banahuriye ku kuba bose ari abakirisitu bakomeye mu idini gatolika. Banashinze umuryango ugamije kubwiriza ubutumwa bw’ijambo ry’Imana no gufasha abakene.

Yarushinganye na Sara Madeira bakundanye bakiri abana bato

We na Sara Madeira batangiye gukundana ubwo David Luiz yageraga mu ikipe ya Benfica birangira banabanye nk’umugabo n’umugore.

Dore incamake y’ubuzima bwa David Luiz mu mafoto dukesha ikinyamakuru Life Blogger

David Luiz wo mu bwana na David Luiz wo mu gihe yari amaze gukura

David Luiz akiri uruhinja

David Luiz yabyirutse akunda ibyo gufotora

David Luiz na Thiago Silva ni inshuti kuva mu bwana

David Luiz na Thiago Silva babanye kuva kera bakiri abana bato

David Luiz na Thiago

David Luiz yababajwe n’uko bari bamutegetse kogosha umusatsi we

David Luiz gukina neza no kwigaragaza nk’umukinnyi w’umuhanga byabanje kumugora

David Luiz n’inshuti ye yo mu bwana Thiago Silva bongeye guhurira muri PSG

David Luiz yongeye kugaruka muri Chelsea muri 2016 ayigiriramo ibihe byiza

David Luiz n’ababyeyi be

David Luiz na nyina bishimira ibikombe umuhungu we yegukanye

Ababyeyi ba David Luiz ni abafana bakomeye b’ikipe y’igihugu ya Brazil

David Luiz na Mushiki we Isabelle Moreira Marinho

David Luiz n’umugore we Sara Madeira

David Luis na Sara Madeira bazanye mu Rwanda (Ifoto: Richard Kwizera/Kigali Today)

David Luiz ubu ahagaze neza haba mu kibuga no mu rukundo

David Luiz ni Umukirisitu ukomeye wo mu idini gatolika

David Luiz ajya mu kibuga yambaye umwenda wanditseho ko ari uwa Yezu

Kimwe mu by’ingenzi mu buzima bwa David Luis ni uburyo yabaye inshuti na Thiago Silva kuva ari bato cyane, bagakabya inzozi zabo bombi zo kuba ibyamamare mu mupira w’amaguru, bagasangira ibibi n’ibyiza cyane cyane mu makipe bagiye bakinamo nk’uko aya mafoto abigaragaza:

Uyu mukino wabaye ku wa kabiri tariki 01 Ukwakira 2019 mbere y’iminsi itatu kugira ngo shampiyona itangire. Abafana ba Rayon Sports bari baje kwakira Umutoza mushya Javier Espinozza bamwe batari bagaciye iryera.

Ubuyobozi bushya bumaze iminsi mu makimbirane n’abahoze muri Komite na bwo bwari bukeneye igikombe cyo guhosha umwuka mubi wahawe inyito y’Ishyamba.

Abafana ba Rayon Sports basagaga ibihumbi 10 muri Sitade Amahoro umukino bawushoje mu marira n’agahinda ubwo ikipe ya Rayon Sports yatsindwaga kuri za Penariti 3-1 nyuma y’uko umukino wari warangiye impande zombi zinganyije ibitego 2-2.

Irebere uburyo abafana ba Rayon Sports bari bumiwe bakimara gutakaza uyu mukino

Amafoto: Plaisir Muzogeye

Haruna Niyonzima utari wakagaragaye mu irushanwa iryo ari ryo ryose ikipe ye ya AS Kigali yakinaga, yitezwe kuzabanza mu kibuga ahura n’ikipe ya Rayon Sports yahoze akinira muri 2008 mbere yo kwerekeza muri APR FC.

Mu myitozo ya nyuma AS Kigali yakoze kuri uyu wa mbere 30 Nzeri 2019 yitegura uyu mukino, Haruna Niyonzima yatangaje ko we na bagenzi be bahagaze neza.

Haruna aganira Kigali Today yagize ati “Rayon Sports ni ikipe nkuru, ni ikipe twubaha, ariko turifuza gutangira neza kuko uyu mukino uzatuzamurira morale mbere yo guhura na APR FC ku munsi wa mbere wa shampiyona”.

Haruna wanyuze mu makipe nka Yanga muri Tanzania akayivamo akajya muri Simba ikunze guhangana n’iyi kipe, yakomeje avuga ko nta gitutu afite kuko amaze kumenyera guhura n’amakipe yahozemo.

AS Kigali yakoze imyitozo ya nyuma yitegura Rayon Sports

Ati “Rayon Sports nayinyuzemo ndayizi si iby’ibanga ni ibintu maze kumenyera guhura n’amakipe yanjye, ni ibintu maze kubamo cyane”.

Mu myitozo ya nyuma yabaye kuri uyu wa mbere, Haruna yakinishijwe aca ku ruhande rw’iburyo asatira aho ashobora gukinishwa ku munsi w’ejo.

Dore abakinnyi bashobora kubanza mu kibuga ku ruhande rwa AS Kigali dukurikije imyitozo ya nyuma iyi kipe yakoze

Bakame, Benedata Janvier, Bishira Latif, Songayingabo Shaffy, Ishimwe Christian, Ntamuhanga Tumaine, Karisa Rashid, Nsabimana Eric Zidane, Haruna Niyonzima©, Alongo Mba Rick Martel, Farouk Ssentongo.

Iyi myitozo ntiyagaragayemo umukinnyi mushya Kwizera Pierrot uherutse gusinyira iyi kipe imyaka ibiri aguzwe miliyoni icumi, akazajya ahembwa n’umushahara w’ibihumbi magana atanu ku kwezi.

Kwizera Pierrot biravugwa ko yaguzwe afite imvune yakuye mu ikipe y’igihugu y’Uburundi, ubwo bakinaga umukino wo gushaka itike y’igikombe cy’isi bakinagamo na Tanzania.

Uyu mukinnyi wasohotse mu kibuga acumbagira ku munota wa gatandatu, biravugwa ko atazatangirana Shampiyona n’iyi kipe kuko bivugwa ko ashobora kuzamara hanze y’ikibuga amezi atatu.

Umukino w’igikombe kiruta ibindi uzahuza Rayon Sports na AS Kigali, biteganyijwe ko uzaba kuwa kabiri tariki 01 Ukwakira, ku isaha ya saa cyenda z’igicamunsi, ukazabera kuri Sitade Amahoro i Remera.

Ibiciro byo kwinjira kuri uyu mukino ni amafaranga igihumbi ahadatwikiriye, ibihumbi bibiri ahatwikiriye, ibihumbi bitanu mu myanya y’icyubahiro (VIP) n’ibihumbi 10 mu myanya y’abanyacyubahiro b’ikirenga(VVIP).

Igikombe kiruta ibindi gisanzwe gihuza ikipe yegukanye igikombe cya shampiyona n’iyegukanye igikombe cy’amahoro, mu mwaka ushize wa 2018 cyari cyegukanwe n’ikipe ya APR FC aho yari yatsinze Mukura ibitego 2-0.

McKinstry yahawe ikaze n’umuyobozi w’ishyirahamwe ry’umupira w’amaguru muri Uganda (FUFA) Edgar Watson

Jonathan McKinstry wasezerewe n’u Rwanda kubera umusaruro muke yari ari mu batoza batatu bari batoranyijwe ngo bazakurwemo uzasimbura Sebastien Desabre warangije gutandukana n’ikipe ya Uganda, aho yerekeje muri Pyramids yo mu Misiri.

Mu batoza bahabwaga mahirwe yo gusimbura uyu mufaransa harimo Luc Eymael werekeje muri Afurika y’Epfo mu ikipe ya Black Leopards .

McKinstry yari ahanganye na Hugo Broos watwaranye igikombe cya Afurika na Cameroun mu mwaka wa 2017. Hugo Broos nubwo arusha ibigwi McKinstry, kubera umushahara yakaga uhanitse bahisemo McKinstry ko ari we utoza iyi misambi ya Uganda (Uganda Cranes).

Uyu mutoza w’imyaka 34 asimbuye umufaransa Sebastien Desabre watandukanye na Uganda Cranes nyuma y’igikombe cya Afurika cyabereye mu Misiri, ubwo batsindwaga na Senegal muri 1/8 cy’irangiza.
Si ubwa mbere Uganda itozwa n’umutoza wahoze atoza Amavubi kuko McKinstry abaye umutoza wa kabiri utoje Uganda Cranes nyuma yo kwirukanwa n’Amavubi dore ko na Milutin Sredojevic Micho yaje kubikora akaza no kugeza Uganda mu gikombe cya Afurika.

McKinstry yatoje u Rwanda kuva mu mwaka wa 2016, aza gusezererwa nyuma yo kongererwa amasezerano y’imyaka ibiri kubera uburyo yari yitwaye muri CHAN aho yari yageze muri ¼ , kutabona itike yo gukina igikombe cya Afurika cy’umwaka wakurikiye byatumye u Rwanda rutandukana na we.

McKinstry Isezererwa rye ritakurikije amategeko, ryatumye arega u Rwanda muri FIFA atsinda urubanza rwatwaye FERWAFA miliyoni zisaga 300 z’Amafaranga y’u Rwanda zagiye kuri uyu mutoza nk’indishyi ku iseswa ry’amasezerano atarakurikije amategeko.

Abakinnyi 11 babanjemo ku ruhande rw’Amavubi

Mu rugendo rwo gushaka itike y’igikombe cya Afurika gikinwa n’abakina imbere mu bihugu byabo Amavubi yitwaye neza imbere ya Walia ya Ethiopia yari iri imbere y’abakunzi bayo mu mujyi wa Mekelle.

Ni umukino watangiye Ethiopia igora Amavubi aho yari yayagoye mu gice cya mbere cy’umukino.

Ethiopia yabonye amahirwe menshi yo gutsinda igitego ntibashe kuyabyaza umusaruro itunguriwe mu rugo n’Amavubi .

Abakinnyi 11 babanjemo ku ruhande rwa Ethiopia

Igitego cy’Amavubi cyabonetse mu gice cya kabiri ku munota wa 60 gitsinzwe na rutahizamu Sugira Ernest usanzwe ukinira APR FC . Iki gitego Sugira yagitsinze yigaramye (Bicycle Kick) ku mupira wari uvuye kuri coup franc aho yazamutse mu kirere arihindukiza atera ishoti rikomeye mu izamu rya Ethiopia, umuzamu Mentsenot Alot ananirwa kuwufata.

Abakinnyi babanje mu kibuga ku mpande zombi:

Amavubi: Ndayishimiye Eric Bakame (Kapiteni), Ombolenga Fitina, Imanishimwe Emmanuel ,Manzi Thierry, Mutsinzi Ange, Nshimiyimana Imran, Nsabimana Eric Zidane, Niyonzima Olivier Sefu, Manishimwe Djabel, Iranzi Jean Claude na Sugira Ernest.

Ethiopia: Mentsenot Alo, Desta Demu, Aschalew Tamene, Yared Baye, Ahemed Reshid, Amanuel Yohannes, Hayeder Sherefa, Kenean Markneh, Amanuel G/Mikael, Fekadu Alemu na Mesfen Tafesse.

Bafashe ifoto y’urwibutso ku mpande zombi

Amavubi yaherukaga guhangana na Ethiopia mu gushaka itike ya CHAN muri 2017 aho u Rwanda rwegukanye intsinzi y’ibitego 3-2 mu mikino yombi, bihesha Amavubi itike ya CHAN 2018 yabereye muri Maroc.

U Rwanda niruramuka rusezereye Ethiopia rukajya muri CHAN buri mukinnyi w’Amavubi azahabwa agahimbazamusyi kangana na Miliyoni eshatu n’ibihumbi magana atandatu by’Amafaranga y’u Rwanda.

Mu nshuro Amavubi yagiye ahuramo na Walia ya Ethiopia ni yo aza imbere mu kwitwara neza aho yatsinze inshuro 5 Ethiopia itsinda 3 banganya inshuro 2.

Muri Tigray Stadium abafana bari baje ari benshi gushyigikira Ethiopia ariko irabatenguha

Amavubi na Ethiopia bazakina umukino wo kwishyura tariki ya 19 Ukwakira 2019 aho biteganyijwe ko ikipe izitwara neza ku mikino yombi izahita ikatisha itike yo gukina igikombe cya CHAN kizabera muri Cameroun umwaka utaha.

Kuva igikombe cya CHAN cyatangira gukinwa muri 2009, inshuro Amavubi atakigaragayemo ni ebyiri muri 2009 no muri 2014.

Umutoza Mashami Vincent asuhuzanya na mugenzi we wa Ethiopia Abraham Mebrahtu

Bakame na myugariro Manzi Thierry bishimiye intsinzi

Ikipe y’u Rwanda yishimiye intsinzi yatangiranye

Ikipe y’u Rwanda yahabwaga amahirwe menshi mbere y’uyu mukino yatunguwe na Kenya yayitsinze seti ya mbere ku manota 25-17.

Nyuma y’iyi seti, ikipe y’u Rwanda itozwa n’Umunyamisiri Mossad Rashad Elaiuty, yakangutse itsinda seti ya kabiri ku manota 25-18 itsinda n’iya gatatu bigoranye ku manota 28-26.

Kenya yongeye kwigaranzura u Rwanda itsinda seti ya kane kumanota 25-19, birangira amakipe yombi akijijwe na seti ya gatanu u Rwanda rwatsinze ku manota 15-9.

Kenya yatunguye u Rwanda itsinda seti ya mbere

Kapiteni w’ikipe y’igihugu y’u Rwanda, Vunigabo Emile yatangaje ko kwirara ari byo byatumye ikipe y’igihugu ya Kenya ibagora kandi nyamara idafite ibigwi bikomeye muri uyu mukino.

Vuningabo yagize ati “Twagiye mu kibuga tuzi ko yoroshye cyane ko twabonye imyitozo yayo yakoreye hano i Kigali n’umukino wa gicuti bakinnye na Algeria, wagaragaje ko yari iri hasi rwose. Twagiyemo rero abakinnyi twifitemo kwirara ni yo mpamvu yatugoye kugira ngo tuyitsinde.”

Nyuma yo gutsindwa seti ya mbere abakinnyi b’u Rwanda bakangutse batsinda iya kabiri n’iya gatatu

Mu gihe Vuningoma avuga ko u Rwanda rwakinnye nabi, ikipe ya Misiri u Rwanda rushaka kwambura umwanya wa mbere yari imaze gutanga ubutumwa aho yihereranye Afurika y’Epfo ikayistinda amaseti atatu ku busa 25-9, 25-10 na 25-12.

U Rwanda na Misiri ifite iki gikombe giheruka ni byo bihugu bihabwa amahirwe menshi yo kwegukana igikombe cy’uyu mwaka n’itike yo kuzakina imikino olempike y’abafite ubumuga izabera i Tokyo mu Buyapani umwaka utaha.

Ibi bihugu byombi kandi ni nabyo byahataniraga igikombe mu bagore, imikino irangira u Rwanda ari rwo rwegukanye igikombe n’itike yo guhagararira umugabane wa Afurika mu mikino olempike izabera i Tokyo.

Mu bagabo imikino irakomeza kuri uyu wa gatanu, Algeria ikina na Afurika y’Epfo mu gihe Misiri izacakirana na Algeria naho u Rwanda ruhure na Maroc. Imikino yose izabera muri Petit Stade i Remera.

Amavubi yabanje mu kibuga

Ni umukino wa gicuti wabereye kuri Stade des Martyrs, uwo mukino ukaba warangiye Amavubi atsinze ikipe y’igihugu ya Repubulika Iharanira Demokarasi ya Congo ibitego 3-2.

Uwo mukino wakinwe mu rwego rwo gufasha impande zombi kwitegura imikino
ayo makipe afite yo gushaka itike ya CHAN 2020 .

Mu mukino urangiye ari ibitego 3 by’Amavubi kuri 2 by’Ikipe y’igihugu ya Repubulika Iharanira Demokarasi ya Congo, ikipe ya Congo ni yo yafunguye amazamu ariko Amavubi ahita yishyura.

Ava Dongo, ni we wafunguye amazamu ku munota wa 42, Manzi Thierry yishyurira Amavubi ku munota wa 45.

Mu gice cya kabiri Sugira Ernest yatsindiye Amavubi igitego cya kabiri ku munota wa 59 hashize iminota 3 gusa Nsabimana Eric Zidane atsinda igitego cya gatatu.

Ikipe y’igihugu ya Republika Iharanira Demokarasi ya Congo yakinnye ishaka kwishyura kugira ngo yirinde gutsindirwa imbere y’abafana yabonye igitego cya kabiri cyatsinzwe na Beya Joël ku munota wa 86 .

Umukino urangiye Amavubi yegukanye intsinzi ku bitego 3 kuri 2.

Gutsindwa uyu mukino birongerera igitutu ikipe y’igihugu ya Repubulika Iharanira Demokarasi ya Congo mbere yo gukina n’ikipe y’igihugu ya Santrafurika.

Uyu wari umukino wa mbere umutoza Christian Nsengi Biembi yari atoje nyuma yo gusimbura Florent Ibenge wafashije iyi kipe kwegukana CHAN ya 2016 yabereye mu Rwanda.

Ku ruhande rw’Amavubi bakomeje urugendo rutegura umukino bazakinamo na Ethiopia mu rwego rwo gushaka tike ya CHAN 2020.

Uyu mukino uteganyijwe tariki ya 22 Nzeri 2019. Ikipe izitwara neza ku mukino ubanza n’uwo kwishyura izahita ikatisha itike yo gukina igikombe cya CHAN 2020 kizabera muri Cameroun.

U Rwanda rwari ruherutse kubona intsinzi imbere ya Seychelles rwasezereye mu cyiciro cy’amajonjora y’ibanze yo gushaka itike y’igikombe cy’isi cyo muri 2022 ku giteranyo cy’ibitego 10 ku busa ku mikino yombi.

Andi mafoto yaranze umukino:

As Kigali yakoze imyitozo yitegura Proline

Thierry NLOG Makoun usanzwe ukina hagati mu kibuga yatangaje ibi ubwo yaganiraga na Kigali Today mbere y’umunsi umwe bakakira ikipe ya Proline yo muri Uganda.

Uyu mukinnyi yagize ati”Nishimiye kuba narabonye ibyangombwa nkaba ngiye gukina umukino wa mbere, ubunararibonye mfite nkomora kuba narigeze gukina imikino ya ‘Champions league’ ndi muri Coton Sport Garua nzagerageza kubukoresha ngeze kure AS Kigali muri iyi mikino”.

Uyu mukinnyi wanakiniye Esperence de Tunis yo muri Tuniziya bakagerana muri ½ cy’imikino ya CAF Champions league akomeza asaba abafana kuzaza kubashyigkira ari benshi kuko bizeye kubaha ibyishimo.

Imyitozo yabaye kuri uyu wa gatanu yitabiriwe n’abakinnyi 26 batarimo Haruna Niyonzima utarabona ibyangombwa.

Uretse Haruna, umukinnyi wundi utazagaragara kuri uyu mukino ni Umunyakameroni FOSO Fabrice Raymond watinze kubona ibyangombwa.

Abakinnyi bashya baherutse kubona ibyangombwa bibemerera gukina uyu mukino, nka Rick Martel, Essombe Patrick, Makoun Nlog na Bakame biyongereyeho Fiston Nkizingabo wahoze muri APR FC nawe wamaze kubona ibyangombwa bimwemerera gukina uyu mukino aho yitezweho kuziba icyuho cya ba rutahizamu.

Dore abakinnyi bashobora kubanza mu kibuga kuri uyu mukino dukurikije imyitozo ya nyuma iyi kipe yakoze:

Bate Shamiru, Bishira Latif, Songayingabo Shaffy, Rusheshangoga Michel, Ishimwe Christian, Tumaine Tity, Thierry Nlog Makoun, Rick Martel, Fiston Nkizingabo, Nsabimana Eric Zidane na Ibrahim Nshimiyimana.

AS Kigali iheruka kwitwara neza isezerera KMC yo muri Tanzania, aho yayitsindiye ibitego 2-1 muri Tanzania mu gihe umukino ubanza wabereye i Kigali wari warangiye banganyije ubusa ku busa.

Ku ruhande rwa Proline yo muri Uganda yo iheruka gusezerera Masters yageze i Kigali kuwa kane, biteganijwe ko ikora imyitozo ku isaha ya saa cyenda n’igice kuri uyu wa gatanu.

Proline ije nyuma yo guhanwa kubera kwanga gukina umukino wa shampiyona wagombaga kuyihuza na Villa Sports Club.

Iyi kipe yavugaga ko ifite abakinnyi babiri mu ikipe y’igihugu ya Uganda yahanwe nyuma yo gusanga impamvu yatangaga zidafite ishingiro, ihanishwa gukurwaho amanota atandatu, ibitego bitandatu, ndetse n’amande angana na miliyoni esheshatu z’amashiringi ya Uganda.

AS Kigali iheruka kugera kure mu mikino Nyafurika mu mwaka w’imikino 2013/2014 ubwo yageraga muri 1/8 igasezererwa na Difaa Hassan Al Jadidi yo muri Maroc.

Nyuma y’iminsi akora nta masezerano uyu mutoza yamaze gutandukana n’iyi kipe abayikunda bita Gikundiro

Robertinho mu kiganiro yagiranye na Kigali Today yemeje aya amakuru yo gutandukana n’iyi kipe yari amaze igihe gito agarutsemo.

Uyu mutoza uvuga ko akunda Rayon Sports ,abakinnyi n’abafana bayo avuga ko bitewe n’uko kuva yaza atarahabwa amasezerano bityo adashobora gukora adafite amasezerano mu gihe hashize ukwezi hafi yaratangiye akazi ariko n’ubu aka atarasinya amasezerano.

Icyemezo cyo gutandukana n’iyi kipe cyaraye gifatiwe mu nama yaraye imuhuje n’umuyobozi wa Rayon Sports Munyakazi Sadate irangira bombi bemeranije gutandukana.

Avuga na KT Sports mu gitondo cyo kuri uyu wa gatatu Robertinho yahamije aya makuru avuga ko yafashe icyemezo nyuma y’igihe kirekire yihanganira itinda ry’amasezerano ,avuga yuko agiye gusubira muri Brazil mu gihe ategereje ikipe yindi bakumvikana.

Nubwo umutoza Robertinho avuga ko nta byinshi yavuga ku mubano we n’Ubuyobozi bwa Rayon Sports kubera uburyo yubahamo iyi kipe amakuru agera kuri Kigali Today nuko uyu mutoza utari wagahawe amasezerano atari yishimanye n’ubuyobozi bushya bw’iyi kipe.

Ibi bikomoka ku kuba ikipe ya Rayon Sports na Komite nshya batarigeze baha agaciro ibyo uyu mutoza yakoze kuko bahoraga bamucunaguza ku bijyanye no gukereza gusinya amasezerano y’umwaka umwe bari bumvikanye mu mvugo.
Bivugwa ko bamwe mu bayobozi baba baramubwiye ko n’ubundi ari we washatse kugaruka bityo akaba adakwiye kwihutisha ibyo gusinya amasezerano aribo bazabigena igihe nikigera.

Mu bindi batagiye bumvikanaho ni ibyo yifuzaga mu masezerano mashya yagombaga gusinya aho yasabye ikipe imodoka izajya imufasha mu rugendo ikipe ikamubwira ko izajya imukodeshereza imodoka gusa igihe azaba ari mu kazi yaba ari hanze y’akazi akikodeshereza.

Robertinho atandukanye na Rayon Sports habura iminsi micye ngo iyi kipe ikine umukino wo kwishyura na AL HILAL utegenijwe taliki 23 z’Uku kwezi kwa munani.

Asezeye amaze gutoza imikino 3 harimo uwo batsinzemo Gitikinyoni 4-0, uwo batsinzemo AS Kigali kimwe ku busa n’uwo banganyijemo na AL HILAL 1-1.

Gasangwa Celestin wamamaye ku izina rya Tigana ni umwe mu bitwaye neza muri uwo mukino bikarangira anabihembewe kwakirwa mu ngoro y’umukuru w’igihugu. Kigali Today yaramusuye asobanura byinshi ku buzima abayemo nyuma yo kwamamara mu myaka ya 1990.

Mu Majyepfo y’u Rwanda, mu Mujyi wa Huye mu gace ko mu Matyazo, Tigana ni izina ryahindutse ikimenyabose kubera amateka yakoze muri ruhago.

Nubwo yakoze amateka muri ruhago ariko, nyuma y’imyaka irenga 20 ahagaritse gukina ruhago ntiyigeze ajya mu kazi gafitanye isano na ruhago ahubwo yahisemo kwerekana filimi zizwi nk’agasobanuye no kwikinira igisoro.

Yamenyekaniye muri Kilo Volte FC yakiniye ahembwa ibihumbi umunani

Tigana avuga ko yatangiye ruhago ari umwana w’imyaka 10 aho yatangiye gukina yambara ibirenge. Icyo gihe atangira, yajyaga kuri Stade Huye agafata umupira agatera ku ipoto y’izamu imipira icumi nta guhusha.

Ati “Nyuma yo kubona ko ibyo nakoraga byari bitangaje umuzungu witwaga Wilfried watozaga Mukura mu 1984 yampaye imiguro ibiri y’inkweto ariko kuzikinisha birananira icyo gihe. Barazinyatse, nakina nambaye ibirenge ngacenga abakinnyi bose ba Mukura.”

Tigana ntiyahiriwe no gutangirira ruhago muri Mukura. Mu 1983 yatangiye akina muri Electrogaz yitwaga Kilo Volte yakinaga mu cyiciro cya kabiri. Icyo gihe yari umukozi ugengwa n’amasezerano aho yagenerwaga umushahara w’ibihumbi umunani.

Nyuma yo kuva mu ikipe ya Kilo Volte (yaje kwitwa Electrogaz) nibwo Tigana yagarutse muri Mukura aho atahiriwe n’urugendo rwe agitangira gukina umupira.

Tigana wakinaga mu cyiciro cya kabiri yari afite inzozi zo gukina mu cyiciro cya mbere. Icyo gihe yagarutse muri Mukura aho yishimira ko yari agiye gukinana n’uwari inshuti ye ari we Ngiruwonsanga. Tigana yaje muri Mukura mu 1985 asinye amasezerano y’imyaka ibiri yahawe nyuma yo guhabwa ibihumbi 150 by’Amafaranga y’u Rwanda.

TIGANA yamamaye cyane ageze muri Rayon, aza no kwakirwa mu ngoro y’umukuru w’igihugu

Tigana wakinaga muri Mukura yaje kugurwa na Rayon Sports. Ni nyuma y’uko ngo yagoraga Rayon Sports, we avuga ko yamworoheraga iyo babaga bahuye. Muri Rayon Sports, umwaka wa 1993 ni wo yibuka nk’uwo yagize ibihe byiza nyuma yo gufasha ikipe ye kwegukana ibikombe bitatu byakinirwaga mu Rwanda birimo n’igikombe cya shampiyona.

Umukino ahora yibuka ariko ni uwabaye mu 1994, aho bari bahuye na Al-Hilal mu mikino nyafurika aho bayinyagiye ibitego 4-1.

Kuri uwo mukino wagaragayemo n’abandi bakinnyi bari bakomeye nka Hamiss Aimé bakundaga kwita Aimé Dollar, Kalisa Claude, Kayiranga, Mateso, Mudeyi Nazeri na Mbusa Kombi Billy. Tigana yatowe nk’uwitwaye neza kurusha abandi . Amaze gutorwa nk’uwitwaye neza yabaye ikirangirire hose mu Rwanda bituma aho yageraga hose abantu bamwishimira.

Tigana yakiriwe n’uwari umukuru w’igihugu amusaba ko bifotozanya kubera uko yari yitwaye mu mukino bahuyemo na Al-Hilal. Iyo foto baje kwifotozanya ubwo Jenoside yakorewe Abatutsi yatangiraga ngo yagize uruhare mu kumurokora kuko iyo yayerekanaga kuri za bariyeri interahamwe zaramurekaga agatambuka.

Ikipe ya Al-Hilal yahise imwegera baraganira ariko avuga ko atabashije kujya kuyikinira kuko Jenoside yakorewe Abatutsi yahise itangira muri Mata 1994.

Filime zagize uruhare mu irokoka rye muri Jenoside bituma azegurira umutima we

Uyu mugabo usigaye werekana filimi zizwi nk’agasobanuye avuga ko yazikunze kuko zagize uruhare mu kumurokora.

Agira ati “Njyewe kuva nkiri muto nakundaga filimi kuko umuntu yigamo uko yakwirwanaho igihe ahuye n’ikibazo. Muri Jenoside interahamwe zanteye mu nzu nari nihishemo ziza zifite imbunda zije kumfata turayirwanira uko tuyirwanira ikarasa amasasu aza gushiramo nibwo mpisemo kwiruka ndazicika , icyo gihe navuze ko ninsoza ruhago ngomba kuzerekana filimi”

Nyuma ya Jenoside yakorewe Abatutsi,Tigana yerekeje mu gihugu cy’u Burundi asanze Desiré Mbonabucya, Eric Nshimiyimana na Mateso Jean de Dieu na Raul Shungu wari umutoza we.

Nyuma yaje kuva muri Vitalo’o yakinagamo agaruka mu Rwanda we n’abandi bakinnyi bari barokotse Jenoside biyemeza kongera gutangiza Rayon Sports, gusa avuga ko amafaranga bamwemereye angina n’ibihumbi 300 ubwo yavaga muri Mukura mu 1985 n’ubu batarayamuha ndetse ngo biri mubyatumye azinukwa ruhago.

Avuye muri Rayon Sports yasubiye muri Mukura aho yagiye aguzwe ibihumbi 400 aza no gusoza ruhago.

Mu bakinnyi bakinanye icyo gihe iyo muganira avuga ko abo afata nk’abarushaga abandi ubuhanga ari Sembagare Jean Chrysostome , Mbusa Kombi Billy na Mateso Jean de Dieu.

Tigana yakundwaga n’abakobwa cyane, aza no gukura mu rugo umugeni wari waraye asezeranye

Tigana avuga ko uyu mukobwa bakundanaga umuryango w’uyu mukobwa wahisemo kumushyingira umugabo wari umukire ariko umukobwa we ngo ntiyifuzaga kujya kuri uwo mukire.

Nyuma yo gukora ubukwe bwari bwabereye i Kigali, Tigana avuga ko yanze kureba ishyingirwa ry’uwo yakundaga ahitamo kujya i Butare kuko umugabo w’uwo mukobwa yari yavuze ko azahemukira Tigana.

Umukobwa bakundanaga nubwo yari yamaze gukora imigenzo yose y’ubukwe ngo iryo joro ntiyaraye mu rugo ahubwo yaraye agenda ijoro ryose ajya gushaka Tigana i Butare.

Ubwo biteguraga kubana, uwo mugabo ngo yagarutse i Butare n’imodoka aje gushaka umukobwa amusangana na Tigana abo bari kumwe baranamukubita ,umukobwa bamugarura i Kigali ahageze akomeza kwanga kubana n’uwo mugabo niko gusubira i Butare kubana na Tigana maze biyemeza kubana birangira abo bari basezeranye nk’umugabo n’umugore batabanye.

Gasangwa Celestin uzwi nka Tigana wibukwa ku mateka yakoze ku mukino wa Al Hilal na Rayon Sports ubu asigaye aba mu Matyazo aho atunzwe no kwerekana Filime, ahari urukundo rwa ruhago Hashibutse urukundo rwa filimi no kwikinira igisoro.

Usahaka kumva ibindi ku mateka ya Tigana wakurikira iki cyegeranyo kigaruka ku mateka ye cyakozwe na KT Sports

Mathurin Olivier Ovambe wagaragaye mu mikino ya CECAFA Kagame Cup atoza Rayon Sports ni we wagizwe umutoza mushya wa Mukura.

Ovambe ntabwo yishimiwe muri Rayon Sports nyuma yo gusezererwa muri ¼ cy’iri rushanwa yari yahawe nk’igeragezwa mbere y’uko ahabwa amasezerano dore ko yasezerewe muri ¼ na KCCA yo muri Uganda yaje no kwegukana CECAFA Kagame cup.

Nk’uko byemejwe n’umunyamabanga mukuru w’ikipe ya Mukura Siboyintore, Ovambe mu nshingano yahawe harimo kwegukana igikombe cya shampiyona mu myaka ibiri y’aya masezerano.

Ubuyobozi bwa Mukura bwari buhagarariwe n’Umunyamabanga mukuru Siboyintore (wambaye ishati y’umweru)bwahaye Ovambe (wambaye umupira w’umukara) umwambaro w’ikipe bumusaba kwegukana shampiyona

Mu nshingano zindi yahawe harimo gufasha izamuka ry’abana muri iyi kipe ari na cyo cyatumye agirirwa icyizere kuko ngo basanze no ku mugabane w’u Burayi yarakoraga nk’umutoza ushinzwe kuzamura impano z’abakiri bato aho yagiye anyura nko mu makipe y’abakiri bato ya Aston Villa, Derby County, na West Bromwich Albion.

Ovambe wahawe inshingano zo kwegukana igikombe ashobora kunanizwa ariko n’amasezerano yasinye kuko impande zombi zumvikanye ko naramuka atakaje imikino itatu yikurikiranya azirukanwa.

Olivier Ovambe ni we uzishakira umutoza uzamwungiriza mbere y’uko iyi kipe itangira imyitozo yitegura umwaka utaha w’imikino aho biteganyijwe ko izatangira imyitozo tariki 08 z’ukwezi kwa munani 2019.

Umutoza Ovambe Olivier uvuka muri Cameroun ndetse akaba afite ubwenegihugu bw’u Butaliyani, yageze mu Rwanda tariki ya 6 z’uku kwezi kwa Nyakanga 2019.

Ovambe azwiho kuzamura abakinnyi bakiri bato

Umutoza Ovambe yinjiye muri iyi kipe asangamo abakinnyi bashya barimo umunya-Ghana Muniru Abdul, Ntwari Evode watandukanye na APR FC, Ndayisenga Ramadhan wavuye muri Marines FC, Niyonkuru Ramadhan wavuye muri Musanze FC na Umwungeri Patrick.

Bite mu yandi makipe mu makuru ya Transfert ?

Kiyovu imaze kwemeza Umutoza Ruremesha Emmanuel. Ruremesha wari uherutse gusezererwa na Musanze kubera ikibazo cy’Ibyangombwa aho adafite Licence A na B bya CAF azungiriza umutoza mukuru w’iyi kipe.

Ruremesha ashyira umukono ku masezerano y’imyaka ibiri muri Kiyovu

Uyu mutoza umaze gushyira umukono ku masezerano y’imyaka ibiri azakorana n’Umutoza mukuru wa Kiyovu. Biteganyijwe ko azana Buruchaga wakiniye iyi kipe mu myaka ya kera mu bihe bimwe na Muvara Valens na Karera Hassan.

Ikipe ya AS Kigali yamaze gusinyisha rutahizamu Fiston Nkizingabo wakiniraga APR FC. Uyu mukinnyi yasinye imyaka ibiri muri iyi kipe yamaze no gutangira imyitozo yitegura imikino nyafurika.

Bugesera na yo yasinyishije Wilonja Jacques wari Captain wa Espoir aho yasinye umwaka umwe.

Iki cyemezo kije nyuma y’uko umutoza wari wamusimbuye ariwe Olivier Mathurin Ovambe Ovambe atabashije kugira umusaruro mwiza mu gikombe cya CECAFA Kagame cup aho iyi kipe yasezerewe muri 1/4
Robertinho wari uherutse gutangariza KT Sports ko atazi neza icyabaye hagati ye na Rayon Sports ku masezerano bari bagiranye mu mvugo ndetse ko atigeze avugana na APR FC nkuko bamwe babikekaga ubu yamaze guhabwa amasezerano y’umwaka.

Robertinho wahesheje Rayon Sports igikombe cya Shampiyona agiye kongera kuyitoza undi mwaka

Biteganijwe ko azagera mu Rwanda mu cyumweru gitaha ku munsi wa kabiri agakomeza gutoza iyi kipe.

Ku makuru yandi agera kuri KT Sports nuko Robertinho nyuma yo kugera mu Rwanda agashyira umukono ku masezerano mashya, hazakurikiraho kuza kw’abakinnyi babiri b’abanyaBrazil yarambagije ubwo yari muri Brazil.

Aba bakinnyi b’abanyaBrazil bazaza umwe akina nka rutahizamu undi akina hagati mu kibuga.

Robertinho wongereye amasezerano muri Rayon Sports yabashije kwitwara neza umwaka ushize w’imikino aho yahaye iyi kipe ibikombe bitatu birimo igikombe cya shampiyona, igikombe cy’agaciro n’igikombe cy’intwali.

Inkuru irambuye kuri aya masezerano n’ibiyakubiyemo ni mu kanya

REG yongeye kwisubiza iki gikombe yari yanegukanye umwaka ushize

Iri rushanwa ryo kwibuka Alphonse Rutsindura wishwe muri Jenoside yakorewe Abatutsi muri Mata 1994, ryitabiriwe n’amakipe ari mu byiciro bitandukanye, birimo icy’abagabo n’abagore ku makipe akina mu cyiciro cya mbere, icy’amakipe y’abagabo akina mu cyiciro cya kabiri , n’icyiciro cy’abiga mu mashuri yisumbuye, mu cyiciro rusange no mu mashuri abanza.

Imikino yatangiye kuwa gatandatu tariki ya 22 Kamena 2019, hakinwa imikino y’amajonjora n’iya kimwe cya kabiri, imikino ikaba yasojwe kuri iki cyumweru hakinwa imikino ya nyuma.

Imikino ya nyuma yabimburiwe n’umukino wa nyuma mu bagore aho ikipe ya RRA yagombaga gukina na UTB iherutse kuyitwara igikombe cya Shampiyona.

RRA yari ifite ihurizo ryo guhura n’ikipe yayigoye aho yanayikuyemo benshi mu bakinnyi yagenderagaho nka Hakizimana Judith, Mukandayisenga Benitha, Nzayisenga Charlotte n’abandi.

Ku ruhande rwa RRA yaherukaga kwegukana iki gikombe muri 2008 ifashijwe n’abakinnyi nka Captain wayo Izabayo Regine, yatsinze uyu mukino kuri seti 3-1 itwara iki gikombe cyari cyegukanywe na APR Vc y’abagore ubwo cyabaga ubushize ku nshuro ya 16.

RRA yegukanye iki gikombe mu bagore yahembwe igikombe na sheki y’ibihumbi 350 by’amafaranga y’u Rwanda.

Umukino wakurikiyeho ni umukino wa nyuma mu bagabo mu cyiciro cya mbere wahuje REG na UTB amakipe yaje muri iyi mikino afite bamwe mu bakinnyi bashya ku mpande zombi.

UTB yari yongeyemo amaraso mashya aho yari ifitemo abakinnyi nka Dawidi Okello usanzwe akina muri Turukiya, na mugenzi we Kathbart Malinga bombi bakinira ikipe y’igihugu ya Uganda.

REG umwe mu bakinnyi bashya yari ifitemo ni Yvan Bob Ongom wahoze muri Gisagara.

Uyu mukino watangijwe na Perezida wa Sena Bernard Makuza wari umushyitsi mukuru muri iyi mikino, watangiye ikipe ya REG irusha ingufu ikipe ya UTB yagowe n’imenyerana ry’abakinnyi bashya n’abari basanzwemo.

REG yongeye kwegukana iki gikombe ku nshuro ya kabiri itsinze UTB seti 3-0, yegukana igikombe na sheki y’ibihumbi 350 Frw.

Dore uko amakipe yagiye akurikirana mu byiciro bitandukanye:

Icyiciro cya Volley ball yo ku musenyi (Beach Volley ball) Umwanya wa mbere wegukanywe n’ikipe yari igizwe na Kabandana Ignace na Tuyishime Pascal.

Ikiciro cya kabiri mu bagabo, igikombe cyegukanywe na GSOB yatsindiye St Joseph Kabgayi ku mukino wa nyuma, Umutara Polytechnic iza ku mwanya wa gatatu.

Mu kiciro cy’abahoze bakina Volley Ball kizwi nk’abavetera, igikombe cyegukanwe na Tout Age y’i Huye naho Droujba y’i Kigali iza ku mwanya wa kabiri.

Mu butumwa bwatanzwe na Senateur Bernard Makuza, yongeye kugaragaza uruhare rwa Rutsindura mu guteza imbere Volley Ball mu Rwanda, ashimira abateguye iyi mikino n’uruhare baha abana bakiri bato aho yavuze ko biri mubyo yibukiraho Rutsindura kuko mu gihe cye yazamuye abana benshi.

Perezida wa Sena Bernard Makuza yashimiye abategura Memorial Rutsindura

Imikino yo kwibuka Rutsindura wahoze ari umwarimu muri Seminari nto ya Karubanda, akaba umutoza w’ikipe y’igihugu y’abagore, n’umuyobozi mu ishyirahamwe ry’umukino wa Volley ball, itegurwa buri mwaka n’abahoze biga muri Seminari nto ya Karubanda.

Muri iyi mikino igamije kwibuka ubutwari bwa Rutsindura Alphonse wishwe muri Jenoside yakorewe abatutsi mu 1994, amakipe ya APR VC mu bagore na REG mu bagabo niyo yari yegukanye ibikombe biheruka.

REG yambaye ubururu na UTB yambaye umuhondo ni zo zihura kuri Final mu bagabo kuri iki cyumweru

Ikipe ya UTB yabigezeho imaze gutsinda Gisagara VC amaseti 3-0 muri ½ cy’iri rushanwa riri kubera mu Iseminari nto ya Karubanda.

Ku rundi ruhande, ikipe ya REG VC yegukanye igikombe cya shampiyona cya 2019 yatsinze APR VC amaseti 3-1.

Ikipe ya REG na UTB zigomba gukina umukino wa nyuma kuri iki cyumweru tariki 23 Kamena 2019 saa tanu z’amanywa.

Mu bagore RRA na UTB ziheruka guhanganira igikombe cya Shampiyona UTB ikacyegukana nizo zizahurira ku mukino wa nyuma

Kuri iki cyumweru kandi RRA irakina na UTB mu bagore ku mukino wa nyuma guhera saa tatu n’igice 09h30 naho mu cyiciro cya kabiri (Serie B) St Joseph ikine na GSO Butare saa tatu za mu gitondo.

Mu mikino iheruka mu mwaka ushize yo kwibuka Nyakwigendera Alphonse Rutsindura ufatwa nk’imwe mu nkingi z’umukino wa volleyball mu Rwanda, REG mu bagabo na APR y’abagore ni zo zegukanye iri rushanwa rya 2018.

Ntagengwa Olivier wunamye ni umwe mu bo REG igenderaho

Abafana bari benshi nubwo izuba ryari ryinshi

Mu kiganiro yagiranye na KT Sports kuri KT Radio yanyomoje amakuru abantu bakwirakwizaga bavuga ko yaba yarateye umugongo Rayon Sports agasinyira ikipe ya Flamengo ibarizwa mu mujyi avukamo wa Rio de Janeiro.

Yagize ati “Ndi hano ku bw’ibiruhuko , ku bijyanye n’ikipe ya Flamengo, Flamengo ni ikipe nakiniye nk’umukinnyi, natwaranye na yo ibikombe byinshi by’ingenzi. Flamengo ijya itegura umunsi mukuru igatumira abahoze bayikinira b’abanyabigwi, buri kwezi igakora isabukuru, urugero nkanjye isabukuru yanjye iba mu kwezi kwa gatandatu ni yo mpamvu bampaye ubutumire.

Yakomeje avuga ko yari yatumiwe mu muhango Flamengo igira wo kwizihiza isabukuru hamwe n’abahoze bayikinira ikabaha umwambaro mushya,umuhango uba buri kwezi.

Muri uyu muhango avuga ko yari kumwe n’abandi nka Junior na we wakinnye igikombe cy’isi. Roberto Carlos wamenyekanye mu ikipe ya Corinthians na yo yo mu mujyi wa Rio de Janeiro no mu ikipe y’igihugu ya Brazil kimwe na Real Madrid, n’abandi banyabigwi b’iyi kipe.

Robertinho avuga ko ahari mu biruhuko, agashimangira ko nta kipe y’iwabo baravugana ahubwo ko arimo kuruhuka n’umuryango we.

Yagize ati “Ndasuhuza buri wese, nkumbuye u Rwanda cyane, nkumbuye abakinnyi bacu. Nubaha cyane Rayon Sports n’abafana bayo kuko baranshimisha. Ndimo ndaruhukana n’umuryango wanjye mu biruhuko nta kindi uretse ibyo gusa.”

Robertinho yagiye mu biruhuko asize ahesheje igikombe cya shampiyona cya cyenda Rayon Sports .

Uyu mutoza, utarimo kugaragara mu mikino y’Igikombe cy’Amahoro na Rayon Sports, yagiye nta masezerano, kuko ayo yari afite yarangiranye n’intangiriro z’ukwezi kwa gatandatu.

Robertinho bivugwa ko azagaruka gutoza iyi kipe nibaramuka bumvikanye ku masezerano bivugwa ko yifuza ko bamwongeza umushahara ukava ku bihumbi bine by’amadolari y’abanyamerika ukagera ku bihumbi bitanu (ni ukuvuga ko ashaka kuva kuri miliyoni zibarirwa muri enye z’amafaranga y’u Rwanda yahembwaga akifuza ko yakwiyongera akajya ahembwa abarirwa muri miliyoni hafi eshanu z’amafaranga y’u Rwanda).

Robertinho yifuza ko kandi ubuyobozi bwa Rayon Sports bwaha amasezerano abungiriza be ari bo Wagner de Nascimento, Nkunzingoma Ramadhan na Mwiseneza Djamal bakora badafite amasezerano.

Flamengo ni imwe mu makipe akundwa cyane muri Brazil no mu Mujyi wa Rio de Janeiro. Robertinho ajya ayigereranya na Rayon Sports yo mu Rwanda.

Aya ni andi mafoto agaragaza Robertinho ari muri stade ya Maracana aho yari arimo kureba umukino w’igikombe cy’igihugu cya Brazil wahuzaga Flamengo na Corinthians. Uwo mukino warangiye Flamengo itsinze 1-0

Robertinho akiri umusore

Manchester City yishimira igikombe cya 6 cya Shampiyona

Byageze ku munsi wa nyuma wa shampiyona y’u Bwongereza igikombe gishobora kwerekeza i Manchester cyangwa i Liverpool kuko hagati y’impande zombi harimo ikinyuranyo cy’inota rimwe Manchester city yarushaga ikipe ya Liverpool.

Manchester City yari yakiriwe n’ikipe ya Brighton and Hove Albion yari iri ku mwanya wa 17 naho Liverpool yo yakiriye Wolverhampton Wanderers yari iri ku mwanya wa karindwi.

Liverpool iheruka kwegukana igikombe cya shampiyona mu myaka 29 ishize, yatangiranye icyizere cyo kwegukana iki gikombe nyuma y’uko yari imaze gutanga Manchester city gufungura amazamu aho Sadio Mane yari yayifashije gufungura amazamu ku munota wa 17 ku mukino yakinagamo na Wolverhampton.

Vincent Company, Kapiteni wa Man City yagize uruhare rukomeye ku mikino ya nyuma ya shampiyona

Igitego cya Sadio Mane cyakiriwe neza kuri Stade ya Anfield Road, abafana ba Liverpool batangira no kubyina intsinzi kuko Manchester city yo yari yatangiye nabi aho Glenn Murray yaje no gufungurira Brighton amazamu ku munota wa 27.

Byageze ku munota wa 27 Liverpool yagiye imbere ya Man City ho amanota 2, gusa ibyishimo by’abafana ba Liverpool byabaye iby’igihe gito kuko Sergio Kun Aguerro yahise yishyurira Manchester city ku munota wa 28, bajya no kuruhuka Manchester City iri imbere n’ibitego 2-1 kuko yaje gutsindirwa igitego cy’intsinzi na Aymeric Laporte ku munota wa 39.

Byari byamaze kurangira kuko Liverpool gutsinda na Manchester city yatsinze ntibyari bihagije kubera ko n’ubundi yari irimo gukomeza kuyisigaho inota rimwe.

Sadio Mane yatangiye aha Liverpool amahirwe yo kwegukana igikombe

Manchester City yakomeje guha ibyishimo abakunzi bayo iza kwinjiza igitego cya gatatu cyatsinzwe na Riyad Mahrez ku munota wa 63, n’icya kane cya Ilkay Gundogan ku munota wa 83, umukino urangira ari ibitego 4-1, Manchester City yegukana igikombe cya kabiri cyikurikiranya nyuma y’uko ari na yo yari yacyegukanye mu mwaka ushize.

Manchester City yari yegukanye igikombe cya shampiyonma 2017-2018 n’amanota 100 ntishoboye kongera kubikora kuko ibuzeho amanota 2 ariko yishimiye igikombe cyane kuko Liverpool yari yayishyizeho igitutu kugeza ku munsi wa nyuma wa shampiyona.

Shampiyona y’u Bwongereza muri uyu mwaka w’imikino wa 2018/2019 yaranzwe n’agashya kuko bigeze ku munsi wa nyuma nta kipe irizera kuyegukana.

Ku munsi wayo wa nyuma hinjijwe ibitego 31 ku mikino yose yabaye byaje byuzuza ibitego 1,067 byinjiye muri uyu mwaka w’imikino (season) bituma hahita hajyaho umuhigo wo kuba ari yo yinjijwemo ibitego byinshi kuko ibyaherukaga byari 1,066 byinjiye muri season 2011-2012 nabwo Manchester city itwara igikombe.

Klopp nubwo atashoboye guha Liverpool igikombe cya shampiyona ku manota 97 yishimiye uko ikipe yahanganye

Igitego Aymeric Laporte (wasimbutse) yatsindiye Man City cyatumye igaruka ku mwanya wa mbere

Abafana ba Liverpool bari baje ari benshi kuri Stade bategereje igikombe nyuma y’imyaka 29

Green Murray wa Brighton yishimira igitego cya mbere cyari gikuye igikombe kuri Man City

Ibyishimo byari byose kuri Manchester city

Trent Alexander-Arnold wa Liverpool uherutse kwigaragaza muri Champions League yari ari mu gahinda

Mukansanga akunze kugaragara asifura mu mikino ya shampiyona y’icyiciro cya mbere mu bagabo mu Rwanda. Aganira na Kigali Today yavuze ko gusifura atabitekerezaga kuko yabifataga nk’ibidashoboka kuko yabyirutse ashaka kwibera umuganga.

Mukansanga Salma Rhadia yavukiye mu Karere ka Rusizi mu Ntara y’Iburengerazuba. Muri icyo kiganiro yagarutse ku buryo yatangiye umwuga wo gusifura nyamara akiri muto ngo yarumvaga azibera umuforomo cyangwa umukinnyi wa ruhago. Yavuze ko byatewe n’uko yakundaga umupira w’amaguru akiri muto ariko ntagire amahirwe yo kuwukina ku rwego rwo hejuru.

Agiye kurangiza amashuri yisumbuye muri 2007 ngo yaricaye atekereza icyari kumuhuza n’uyu mukino maze yiyemeza gukurikira umwuga yatangiye ari mu myaka ya nyuma mu mashuri yisumbuye.

Yagize ati “Natangiye umwuga wo gusifura muri 2007 niga mu mwaka wa nyuma w’amashuri yisumbuye. Natangiye kuba umusifuzi mpuzamahanga muri 2012 ubwo natangiraga gusifura imikino yo hanze nka Kenya, Uganda, Zambiya n’ahandi .”

Inzira yanyuzemo atangira gusifura

Mukansanga Salma wifuzaga gukina umukino wa Basketball nk’uwabigize umwuga avuga ko yari umukunzi w’imikino aho igihe cye kirekire yakimaraga akurikira imikino ku bibuga ndetse anumva ibiganiro by’imikino.

Nyuma yo kubona ko byari bigoranye kugera ku nzozi zo kuba umukinnyi yahisemo kugerageza amahirwe yo kujya mu mwuga wo gusifura.

Mukansanga avuga ko muri 2007 yiga mu wa gatandatu w’amashuri yisumbuye yaje kumva itangazo risaba abifuza gukora amahugurwa yo gusifura ahita afata icyemezo cyo kuyajyamo.
Yatangiye ari umusifuzi wo ku ruhande mu mikino y’abakiri bato, nyuma atangira gusifura shampiyona y’abagore rimwe na rimwe akanahabwa imikino mike y’icyiciro cya kabiri cy’abagabo kugera muri 2012 abaye umusifuzi mpuzamahanga w’ishyirahamwe ry’umupira w’Amaguru ku isi (FIFA).

Muri 2012 Abanyarwandakazi babaye abasifuzi mpuzamahanga ba FIFA ari batanu, barimo abo hagati babiri barimo na Mukansanga, abandi batatu ari abo ku mpande. Icyo gihe batangiye kubona imikino mpuzamahanga itandukanye.

Mukansanga ati “Kuri njye icyo gihe sinabashije gusifura imikino ikomeye kuko natangiye ndi umusifuzi wa kane. Umukino wa mbere ukomeye mbese mvuga ko ari uw’ubuzima bwanjye nasifuye ari na wo wangoye cyane ariko nkabyitwaramo neza, ni uwahuje Zambia na Tanzania muri 2014 mu gushaka itike y’igikombe cya Afurika.”

Mu mwaka wa 2015 Mukansanga yagize amahirwe atoranywa mu bagombaga gusifura igikombe cya Afurika, ahura n’abandi basifuzi barimo abagabo n’abagore babimazemo imyaka myinshi, bafite ubunararibonye agenda abigiraho byinshi.

Yize ibijyanye n’Ubuforomo n’ububyaza ariko abivamo

Mukansanga wize ishami ry’ubuforomo n’ububyaza muri kaminuza ya Gitwe avuga ko ubwo yarangizaga kwiga yabikozeho igihe gito ariko abona bimugora kubibonera umwanya ahitamo kubivamo yibera umusifuzi.
Mukansanga avuga ko ari ho yabonaga hari amahirwe yo kwiteza imbere ndetse agahura na ruhago yabyirutse akunda ntabashe kubona amahirwe yo kuyikina.

Ati “Igiforomo naragikundaga, numvaga mfite inzozi zo kuzaba umuforomo n’ubu nubwo nsifura ndi umuforomo ariko ntibyankundira kubikora kubera umwanya.”

Yatunguwe no kumva ko yatoranijwe mu bazasifura igikombe cy’isi

Uyu musifuzi w’imyaka 28 y’amavuko uherutse gutoranywa mu basifuzi 75 bazasifura igikombe cy’isi cy’abagore kizabera mu Bufaransa mu mpeshyi z’uyu mwaka ngo asanga ari inzozi zabaye impamo ariko akanavuga ko atumvaga ko yabigeraho.

Mukansanga Salma Ubwo yayoboraga umukino Police yatsinzemo Mukura ibitego 3-2

Ati “Ndibuka nganira n’abanyamakuru mbabwira ko ntazi niba bazamfata ariko bakambwira bati ‘courage bizagenda neza’. Ntacyo natanze navuga ko harimo n’amahirwe kugira ngo bamfate kuko muri Afurika hari abasifuzi benshi na bo babyifuzaga kandi bandusha n’imyaka.”

Kugira ngo agere ku rwego rwiza bimusaba gusifura matches z’abagabo

Mu gihe urwego rwa shampiyona y’abagore rukiri hasi, Mukansanga avuga ko kugira ngo akomeze kuguma ku rwego rwiza ruba rukenewe ku basifuzi mpuzamahanga ba FIFA bimusaba gukora cyane, ndetse byatumye ahabwa gusifura imikino y’abagabo.

Ni byo yasobanuye ati “Binsaba gukora ntaruhuka kuko gusifurira abagabo wowe uri umugore ntibyoroshye. Baba bihuta, bigusaba kugendera ku muvuduko wabo kuko wibeshye bakagusiga ukora amakosa, ugasifura ibyo utabonye, ikindi abantu baba bategereje kureba uko umugore yitwara kuko akenshi bakibibona nk’ibikorwa n’abagabo gusa.”

Ntabwo yemeranya n’abavuga ko gushinga urugo bituma umuntu asubira inyuma

Mukansanga avuga ko atangira gusifura hari abandi bagore yasanzemo. Icyakora bitewe n’impamvu zitandukanye zirimo inshingano z’ingo cyangwa gucika intege, benshi ngo babivuyemo bataragera ku rwego rwo hejuru. Gusa kuri we ibyo ngo ntibikwiye gutuma umuntu asubira inyuma.

Ku myaka 28 y’amavuko avuga ko atarafata icyemezo cyo kurushinga ariko ko igihe kizagera agashaka umugabo kandi agakomeza gukora akazi ke neza.

Ati “Biterwa n’uko witwaye nyuma yo gushaka n’uko uwo mwashakanye abiha agaciro n’icyo wowe ubwawe ubona bikugezaho, njyewe ni umwuga wanjye, ni wo untunze. Ntekereza ko na we azabiha agaciro kuko iyo mwumvikanye mugira n’ukuntu mubipanga.”

Gusifura bimufasha kubona icyo ashatse

Mukansanga avuga ko gusifura bimufasha kubaho mu buzima bwa buri munsi akabona n’ibyo akeneye byose harimo no gufasha umuryango we. Kubera gusifura, uyu mwari hari byinshi yagezeho birimo kuba yariyubakiye inzu ye.

Mukanganga asobanura ko arangwa no gukora cyane kugira ngo agere aho ageze. Ngo hari nabyinshi yagiye yigira ku bandi basifuzi bamubanjirije nka Nkubito, Gasingwa Michel na Abega.

Mu byo avuga byamukomereye mu mwuga wo gusifura birimo kuba nta mafaranga yawubagamo. Abantu ngo bamucaga intege bamubwira ko ntaho azagera kuko ari umukobwa ariko byose abirenza amaso kuko yari afite intego yo kugera kure ndetse byanze bikunze umunsi umwe akazasifura igikombe cy’Isi.

Mukansanga Salma ari mu basifuzi 3 b’Abanyafurika bazayobora imikino y’igikombe cy’isi cy’abagore nk’abasifuzi bo hagati, aho ari kumwe n’abandi nka Gladys Lengwe wo muri Zambia na Lidya Tafesse Abebe wo muri Ethiopia.

Uretse kuba agiye gusifura igikombe cy’isi cy’abagore kizabera mu Bufaransa guhera tariki ya 07 Kamena kugeza tariki ya 07 Nyakanga 2019, yanasifuye andi marushanwa akomeye arimo igikombe cy’isi cy’abagore mu batarengeje imyaka 17 ndetse n’igikombe cya Afurika cy’abagore.

Eulade Rudahunga

Musenyeri Eulade Rudahunga wari umaze imyaka 66 ari Umupadiri yahawe mu 1953 ari uwa 111 mu babuhawe mu Rwanda yitabye imana aguye mu bitaro bya Kabgayi nyuma yo kumara igihe kirere kire arwaye.

Musenyeri Eulade Rudahunga bivugwa ko ashobora kuba yitabye imana arengeje imyaka 97 kuko atibukga neza gihe cy’Amavuko kuko hatari hagatangiye uburyo bwo kwandika abana bavutse.

Yitabye imana yaramaze guhabwa izina rya Musenyeri izina ry’icyubahiro yahawe na Nyirubutungane Papa.

Iri zina ritandukanye ariko n’Urwego rw’abasenyeri dusanzwe tumenyereye kuko ryo yarihawe nk’iry’icyubahiro kubera imyaka amaze akora inshingano zo kwamamaza ubutuma bwiza muri kiliziya Gatolika.

Ibindi ku buzima bwe,Kurikira iki kiganiro KT Radio , Radiyo ya Kigali Today yigeze kugirana nawe hari mu 2017, icyo gihe yari afite imyaka 95. Imana imuhe iruhuko ridashira.

Mpayimana Jean d’Amour wamenyekanye ku mazina ya Nesta

Cyakora Abanyarwanda baravuze ngo “nta nduru ivugira ubusa ku musozi” tukimara kumva ko amarozi akoreshwa akaba amaze n’imyaka myinshi akoreshwa muri ruhago twegereye umwe mu bemera ko yayakoresheje kugirango atange ubuhamya.

Mpayimana Jean d’Amour wamenyekanye ku mazina ya Nesta aho yanyuze mu makipe nka Mukura, APR FC, Sunrise, la Jeunesse na Etoile de l’Est yemera ko yahoze yiringira imbaraga z’amarozi kandi zamufashaga kubona umusaruro mwiza mu kibuga.

Ibi yabigarutseho ubwo yari mu kiganiro cy’imikino ‘KT Sports’ cya KT Radio mu buhamya yatanze.

Nesta w’imyaka 32 iyo abajijwe inyito y’Uburozi bakoreshaga ubwo yakinaga icyo gihe, avuga ko uwabubahaga yabahaga ibintu bimeze nk’ifu y’ibyatsi bakajya mu kibuga babyisize.

Uyu wabahaga ubu burozi (Juju) ngo yari atuye I Gikondo, uyu muganga w’umwijima w’abakinnyi ngo wagaragaraga nk’ukiri muto ariko avuga ijwi nk’iry’umusaza ngo yabaga afite abakinnyi benshi bazaga kumureba mbere y’imikino ngo abahe intsinzi.

Ikiguzi cy’uyu muti watangaga intsinzi ibyo ushobora kwita uburozi mu yindi nyito ngo we nta mafaranga yigeze amwaka ahubwo iyo umukino warangiraga yaribwirizaga akamushyira ishimwe.

Yagize ati ”nta giciro yansabaga naribwirizaga nka nyuma y’umukino bitewe n’uko nitwaye nkajyana nk’ibihumbi 100 cg 50 nkamushimira.”

Abajijwe niba Uburozi bukoreshwa muri ruhago bushobora guhindura umusaruro mu kibuga yavuze ko bishoboka ko bushobora kugira icyo buhindura kuko ngo nubwo atakibikora ngo yemera ko na shitani afite ingufu nubwo zitaruta iz’imana.

Inkuru ya Moussa Kamara wataburuye ’uburozi’ mu izamu rya Mukura yaranditswe cyane bensh ibavuga ko ibi ari igisebo kuri Ruhago ya Afurika bigatuma itabasha gutera imbere

Aha yatanze urugero ko yibuka ubwo ikipe ye yabonye intsinzi ku munota wa nyuma w’umukino ngo bitewe n’imbaraga z’umupfumu wari wabaherekeje kuri uwo mukino.

Iherezo rya Mpayimana Jean d’Amour Nesta ntiryagenze neza kuko mubyo atazibagirwa harimo uburyo yasezeye ruhago ku myaka 25 gusa kandi yari ageze igihe cyo kugera kuri byinshi muri ruhago yari yarahaye umutima we akemera no gushyira ubuzima bwe mu biganza by’abapfumu ngo akunde yamamare.

Ubwo yakinaga mu ikipe ya Sunrise yakinaga mu kiciro cya kabiri ishaka kuzamuka mu kiciro cya mbere nibwo yagize imvune ikomeye aho avuga ko yikubise hasi nta muntu umukozeho imvune yashyize iherezo kuri ruhago ye.

Aha avuga ko batozwaga n’Umutoza Nshimiyimana Maurice bita Maso umutoza avuga ko yakoreshaga amarozi cyane ndetse akeka ko imvune ye ari iyo bamuteje bamutanzeho igitambo kugirango bakunde batsinde uwo mukino.

Nyuma yo kuvunika yarivuje biranga agirwa inama yo kujya gushaka umupfumu ngo yongere amugangahure kuko ngo bamubwiraga ko yaba yarabitererejwe n’abandi bantu ariko ngo kuko yari yarazinutswe amarozi yarabiretse yiyemeza no kureka ruhago.

“Nafashe icyemezo ndeka umupira kuko n’ubundi amafaranga nawubonagamo ntakamaro yangiriraga uko yazaga niko yagendaga, iyo ndebye nsanga amafaranga ninjiza ubu mu kazi nkora ariyo amfitiye akamaro kurusha ay’icyo gihe”

Mu buhamya yatanze mu kiganiro KT Sports cyatambutse muri iki cyumweru dusoza, yavuze ko uretse uwo mupfumu wabaga Gikondo bajyaga kureba bamwe mu bakinnyi banyuzagamo bakajya gushaka imbaraga z’umwijima no mu bihugu by’ibituranyi.

Aha yatanze urugero rw’abakinnyi nka Bokota Labama na Serugendo Arafat bajyaga bajya muri Repubulika Iharanira Demokarasi ya Congo kogesha amaguru ngo bagaruke bahagaze neza.

Muri iki kiganiro cyari Kigizwe n’ubuhamya ku ikoreshwa ry’amarozi muri ruhago yanavuze ko abakinnyi hagati yabo barogana ibyo bita “Kuzingana” ubwo yakinaga ngo cyaraziraga kikaziririzwa gufura inkweto cg imyenda ukabijya kure.

Ngo habaga hari nk’umukinnyi muhanganiye umwanya cyangwa undi ugufitiye ishyari washoboraga kuba yaza akabyiba akabishyira umupfumu akakuroga gusubira inyuma mu myitwarire.

N’ubwo bigoye ko abakinnyi n’amakipe bemera mu ruhame ko bakoresha amarozi Nesta avuga ko n’ubu bakibikoresha aho usanga amwe mu makipe kimwe n’abakinyi ku giti cyabo bafite abapfumu babafasha.

Aha ngo usanga hari amwe mu makipe yaka abakinnyi amafaranga ku mishahara no kuduhimbazamusyi kugirango abashe kubona ikiguzi cy’izi mbaraga z’umwijima.

Hari ibimenyetso byakunganira ubu buhamya?

Seninga Innocent umutoza waciye muri Etincelles, Musanze na Police FC ubu akaba ari muri Bugesera, mu Kuboza 2016 yahamirije itanzamakuru ko yaretse gukina umupira bitewe n’uko ubwo yari muri AS Kigali yategekwaga gukoresha amarozi kandi nyamara bihabanye n’ukwemera kwe.

Yagize ati ”ibintu by’amarozi ndabivuga mu buryo bubiri. Njyewe nkiri n’umukinnyi nabaye mu bintu nk’ibyo, nta bwo mbyemera kuko biri mu byatumye mva mu mupira. Nta gaciro na gato mbiha njyewe. Ndibuka nkikina muri AS Kigali bajyaga batubwira ngo tubikoreshe nkabyanga ntibankinishe byaje gutuma ncika intege bituma nywureka burundu.”

Umutoza Seninga yanze gukoresha amarozi bituma anahagarika gukina ruhago

Mu mwaka w’imikino 2016/2017, ku mukino wahuje Mukura na Rayon Sports haje gukwirakwizwa amashusho ku mbuga nkoranyambaga, ubwo uwahoze ari rutahizamu wa Rayon Sports, Moussa Camara yajyaga mu izamu rya Mukura agatabururamo ibintu byafashwe nk’uburozi ibintu bitahaye isura nziza ruhago nyarwanda.

Tariki ya 2 Kamena 2018 ku mukino wahuje Rayon Sports na Police FC haje kuvuka imvururu mbere y’umukino zishingiye ku marozi aho ikipe ya Rayon Sports yavuga ko Police FC yayiroze bitewe n’agacupa k’umunyu kagaragaraga mu kibuga gusa iyi kipe yaje kubyigarama.

Umukinnyi utarashatse ko amazina ye atangazwa yabwiye Kigali Today ko kariya gacupa katawe mu kibuga na Fiston Munerezero hari nyuma yo kunyanyagiza ibyari muri iryo cupa mu izamu nyuma akajya kubika agacupa kakamucika kakagwa akabona kugatoragura abantu bose bari buhite bamubona ahitamo kubireka.

Muri 2013 Rayon Sports ikina na Bugesera FC, abafana bishe inkoko beketse ko irimo uburozi.

Iyi nkoko yishwe n’abafana nayo ngo bwari uburozi

Mu kiganiro ngaruka kwezi ishyirahamwe ry’umupira w’amaguru mu Rwanda ryagiranye n’itangazamakuru tariki ya 4 Gicurasi 2018, perezida wa FERWAFA yavuze ko bimwe mu bintu bizongerwa mu mategeko arimo kuvugururwa hazajyamo irirebana no guhana abakinnyi n’ amakipe akoresha amarozi.

Kurikira ikiganiro ku buhamya Mpayimana Jean d’Amour yahaye KT Radio ku ikoreshwa ry’amarozi muri ruhago.

Uyu mukinnyi yavuze ko yari agiye kwiba icyuma gifata amafoto

Amakuru dukesha inzego z’umutekano mu murenge wa Kacyiru avuga ko uyu musore yatawe muri yombi ataragera ku mugambi we wo kwiba.

Uwimana Jean de Dieu w’imyaka 26, wafatiwe mu murenge wa Kacyiru, akagari ka Kamatamu mu mudugudu w’ Uruhongore yafashwe ahagana saa mbiri n’igice z’igitondo.

Uyu musore yafatiwe mu kigo cy’Ababikira cyitwa Soeurs Brate de l’Assomption bivugwa ko Yari yipfutse mu maso igitambaro afite n’icyuma mu ntoki.

Uwimana Jean de Dieu amaze gutabwa muri yombi yiyemereye ko yari aje kwibamo icyuma (appareil) yahabonye ubwo yazaga gusura nyina wabo w’umubikira wari uhari.

Tukimara kumenya iby’iyi nkuru twavugishije ubuyobozi bw’ikipe ya pépinière isanzwe ikina mu kiciro cya kabiri mu mupira w’amaguru, umuyobozi wayo Jean Marie Vianney avuga ko yari umukinnyi wabo.

Yagize ati"nibyo koko ayo makuru twayamenye yari umukinnyi wacu, Yari atuye muri ibyo bice, turacyategereje naramuka ahamwe n’icyaha tuzamwirukana burundu Kuko ntibyaba atanga urugero rwiza ku bandi.

Uwimana Jean de Dieu yabonywe bwa mbere na Soeur MUKANDORI Jeanne d’Arc ashaka kumutera icyuma aho yaramusanze muri bwiherero yihishe,ashaka kumutera icyuma atabaza inzego zishinzwe umutekano .

Uyu musore yashyikirijwe polisi ishami rya Kacyiru kugirango hakomeze hakorwe iperereza kuri iki cyaha.

Mukura yagerageje kwishyura ibitego yatsinzwe mu mukino ubanza ariko El Hilal iyibera ibamba

Mukura yatangiye uyu mukino yakoze impinduka aho yahisemo gusimbuza uwari umuzamu wayo wa mbere Rwabugiri Omar habanzamo Wilonja Ismael.

Si mu izamu gusa hagaragaraga impinduka kuko Mukura yari yahinduye uburyo bw’imikinire aho yari yavuye ku mukino wo kugarira igahitamo gusatira.

Ni umukino watangiye Mukura isatira aho mu minota ya mbere y’umukino yabonye amahirwe yo gutsinda igitego umupira ukagarurwa n’igiti cy’izamu, indi ikagarurwa n’umuzamu Salim Magoola wa El Hilal wagoye cyane Mukura mu minota ya mbere.

Iradukunda Bertrand watsindiye Mukura ku munota wa 27

Mukura yari yakomeje gusatira, ku munota wa 27 yaje kubona igitego cyatsinzwe na Iradukunda Bertrand, bajya kuruhuka ari igitego kimwe ku busa.

Byari bikigoranye kuko Mukura yatsindiwe muri Sudani ibitego 3-0 yasabwaga ibitego bindi 2 kugira ngo yizere byibuze kwishyura bagakiranurwa na penaliti.

Ubwo bari bavuye kuruhuka, Mukura yakoze impinduka yinjiza Frank Romami wasimbuye Muteebi na Iddi Saïdi Juma wasimbuye Ciza Hussein, kugira ngo bakomeze gushakisha ibitego ariko ntibyayikundiye kuko umukino warangiye ari kimwe cya Mukura ku busa bwa El Hilal bituma Mukura isezererwa ku giteranyo cy’ibitego bitatu kuri kimwe ku mikino yombi.

Ababanjemo ku ruhande rwa Mukura

Mukura yari yageze mu cyiciro kibanziriza amatsinda isezerewe itabashije kugera mu matsinda nubwo yari yasezereye Free state stars na El Hilal Obbayed mbere yo kugera aha.

El Hilal Omdurman yamaze gukatisha tike yo kujya mu matsinda irategereza kuri uyu wa mbere aho izamenya itsinda izaba iherereyemo.

Abakinnyi babanje mu kibuga

Mukura victory Sports: Wilonja Ismael, Saidi Iragire, Hassan Rugirayabo, David Nshimirimana, Janvier Mutijima, Gaël Duhayindavyi, Ciza Hussein, Munyakazi Youssuf Lule, Bertrand Iradukunda, na Rachid Muteebi.

Abakinnyi ba El Hilal babanjemo

El Hilal Omdurman : Salim Magoola, Boubacar Diarra, Mohamed Musa Eldai, Merghan Elyas, Chukwu Ariwa, Eldin Shaiboub, Abdallah Mamoun, Eldin Ahmed, Idris Mbombo, Abdel Latif Saed , na Geovane Diniz Silva.

Abafana ba Kiyovu FC bagaragaye bafana Mukura mu mikino yose yakiniye mu Rwanda muri iri rushanwa

Abafana ba Mukura ntibari benshi

Abasimbura ba Mukura

Abatoza ba El Hilal n’akanyamuneza bungurana ibitekerezo

Iragire Saidi na Nshimirimana David ba myugariro ba Mukura, bari bakoze ibishoboka ngo ntibatsindwe

Haringingo Francis utoza Mukura n’abandi bafatanya

Rugirayabo Hassan agerageza kwima umupira umukinnyi wa El Hilal El Obeid

Umukino wo kwishyura wabaye kuri uyu wa Gatandatu tariki 22 Ukuboza 2018, nyuma y’uko ubanza wari wabereye muri Sudani aho amakipe yombi yanganyije ubusa ku busa.

Ikipe ya Mukura yari imaze iminsi mu mwiherero i Gihindamuyaga, yatangiye umukino ishaka igitego hakiri kare.

Uko umukino wagendaga ugera mu minota yo hejuru, ikipe ya EL Hilal El Obeid yari yatangiye isa nk’iyugarira yaje gutinyuka itangira nayo gusatira.

Ubusatirizi bwa Mukura bwari buyobowe na Romami Frank na Christopher Ndayishimiye ntibwashoboye kugera Ku ntego yo kubona igitego.

Rutahizamu Romami Frank waje gusimburwa mu gice cya kabiri

Umutoza wa Mukura Haringingo wasabwaga gutasinda byanze bikunze ngo akomeze mu kiciro kibanziriza amatsinda yaje gusimbuza Romami yinjiza Onesme Twizerimana mu kibuga.

Ikipe ya Mukura yatangiye gusatira cyane ishaka igitego. Mu buryo bukomeye iyi kipe yabonye n’ubwo Christopher Ndayishimiye yahushije ku mupira yarahawe na Bertrand Iradukunda ari imbere y’izamu wenyine ateye umupira ujya hanze.

Ibihe bisanzwe by’umukino bingana n’iminota 90 byarangiye ari ubusa ku busa hiyambazwa za penaliti, kugira ngo haboneke ikipe ikomeza.

Ikipe ya Mukura yabanje mu kibuga

Hakurikiyeho penaliti

Mukura yakomeje kuri penaliti itsinze 5 kuri 4 za El Hilal EL Obeid. Zinjijwe na Saidi Iragire , Gael Duhayindavyi, Ndizeye Innocent, onesime Twizerimana na Ndayishimiye Christopher.

Mukura ikomeje mu kiciro cya kamarampaka (Playoffs) ari cyo kibanziriza amatsinda ya CAF confederation cup.

Biteganijwe ko iyi kipe izahura n’imwe mu makipe izaba yasezerewe muri Champions league yayisezerera ikajya mu kiciro cy’amatsinda ya CAF confederation cup.

Abakinnyi ba El Hilal El Obeid babanje mu kibuga

Abakinnyi babanje mu kibuga ku mpande zombi

Mukura Victory Sports: Rwabugiri Omar, Saidi Iragire, David Nshimirimana, Rugirayabo hassan, Mutijima Janvier, Gael Duhayindavyi, Youssuf Lule, Cyiiza Hussein, Bertrand Iradukunda, Romami Frank na Ndayishimiye chrstopher.

Al Hilal El Obeid: Ahmed Abdelazim, Omer Suliman, Maaz Abdelrahim, Ali omer, El Hami Ahmed,Mudathir Eltaib, Mohamed Musa, Yousif Ibrahim, Moalad Maki, Mofadar Mohamed na Ahmed Ibrahim Elnour.

Didier Drogba ateruye igikombe cya Champions League yatwaye ari kumwe na Chelsea

Ni umugabo uzahora uhabwa icyubahiro muri Chelsea FC yo mu Bwongereza aho ari ku mwanya wa kane mu bakinnyi bayitsindiye ibitego byinshi mu mateka yayo aho yinjije ibitego 164 mu mikino 381 anayihesha ibikombe bine bya shampiyona, bine bya FA Cups na kimwe cya UEFA Champions league.

Drogba yavukiye amezi 10 aho kuba icyenda nkuko bisanzwe bigenda ku bandi bana. Yanamenye kujyenda afite amezi arindwi aho kuba icyenda nkuko Clotilde Drogba Mama we yabitangaje.

Mu buzima bugoye, Drogba yaje kugwingira kubera ko ababyeyi be Albert Drogba na Clotilde Drogba batari bafite ibyo kumutungisha bihagije ahubwo bategaga amaboko nyirarume Michel Goba wabaga mu Bufaransa.

Ku myaka itanu nyirarume wa Drogba yashatse kumujyana hanze abanza kubura Visa . nyuma byaje gutungana ariko Drogba wari ufite imyaka 5 aragenda ,aho yagiye mu ndege ari wenyine agasanga nyirarume amutegerereje ku kibuga cy’Indege cya Charles de Gaulles i Paris.

Nyuma y’imyaka itatu, Drogba yananiwe ubuzima bwo mu Bufaransa akumbura iwabo biba ngombwa ko agaruka kuba i Abidjan muri Cote d’Ivoire.

Drogba wari ukiri muto yagarutse iwabo asanga ababyeyi batagifite akazi abura amahitamo asubira i Burayi.

Mu 1993, ababyeyi babashije kujya gutura mu Bufaransa maze Drogba ajya kubana nabo, ari naho yatangiye gukina mu makipe y’abana yo kugeza agiye mu ikipe y’abatarabigira umwuga ya Levallois ku myaka 18 y’amavuko.

Ikiganiro ku bigwi bya Drogba

Drogba byabaye ngombwa ko ajya kwiga kaminuza mu by’icungamuntungo mu mujyi wa Le Mans ahitamo anerekeza mu ikipe y’uyu mujyi.

Kubera imvune no kubura umwanya wo kwitoza na bagenzi be muri iyi kipe byaramugoye,Marc Westerloppe wamutoje muri Le Mans agira ati ”Drogba bijyanye n’ubuzima bugoye byamusabye hafi imyaka ine kugira ngo avemo umukinnyi ushobora kwitoza hamwe na bandi.

Yari umuntu wari mu buzima bugoye n’umuryango ndetse ntiyanabashije kujya mu ishuri ry’umupira”
Ku myaka 21 nibwo Drogba yaje kubona ko agomba kuba umukinnyi,nyuma yo kubyara umwana we wa mbere Isaac Drogba.

Mu 2001, Drogba yaje kugurwa ibihumbi 80 by’amayero n’ikipe ya Guingamp yo mu cyiciro cya mbere mu Bufaransa aje nabwo akina gusa imikino 11 atsinda ibitego bitatu bituma abatoza badahita bamwemera.

Ibitego yatsinze byatumye iyi kipe itajya mu cyiciro cya kabiri, mu mwaka wakurikiyeho yatsinze ibitego 17 mu mikino 34 anafasha iyi kipe gusoza ku mwanya wa karindwi muri Ligue 1.

Nyuma yo kugira umwaka mwiza Drogba yagiye muri Marseille aguzwe miliyoni 3.3. z’amayero atsinda ibitego 19 anatsinda ibitego bitanu muri Champions league ari nabyo byatumye abengukwa na Chelsea yamutanzeho akayabo ka miliyoni 24 z’amapawundi ari nayo menshi iyi kipe yari igurishije umukinnyi.

Mu 2004 Drogba yaje muri Chelsea ayifasha gutwara igikombe cya shampiyona cya mbere nyuma y’imyaka 50 anabafasha kugera muri 1/2 cya Champions league atsinze ibitego 16 mu mikino 40.

Mu 2006, Drogba wenyine yatsinze ibitego 33 mu mwaka umwe, byamamufashije kugerageza kuzamuka no kwitwara neza mu myaka yakuriiyeho nubwo rimwe na rimwe yahuraga n’imvune.

Muri Nyakanga 2012 Drogba yaje guhitamo gusezera muri Chelsea amaze gukina imikino 226 atsinze ibitego 157 yerekekeza muri Bushinwa mu ikipe ya Shanghai Shenhua asinya imyaka ibiri asanzeyo Nicholas Anelka wari inshuti ye magara.

Mu 2013, Drogba yaje kurega muri Fifa ko iyi kipe itamuhembaga neza bituma yigira muri Turkiya mu ikipe ya Galatasaray aho yaje kuva naho adateye kabiri kubera ibikorwa by’ivangura ruhu yakorerwaga.

Mu 2014, Drogba amaze kumva ko Jose Mourinho yagarutse muri Chelsea yahisemo kugaruka mu rugo ku nshuro ya kabiri.

Kubera kugera mu za bukuru ariko ntiyahiriwe kuko yakinnye imikino 28 atsinda gusa ibitego bine ubundi asezera muri Chelsea yerekeza muri shampiyona ya major League Soccer muri leta z’unze ubumwe z’amerika.

Yerekeje muri Montreal Impact yo muri Canada aho yakinnye imikino 33 atsinda ibitego 21 ayivamo mu 2017 ajya mu ikipe ya Phoenix Rising yavuyemo amaze gutsindira ibitego 17 mu 26.

Mu buzima bwe busanzwe Drogba yakuze yibona nk’umunyafurika kuruta uko yakwiyumva nk’umunya burayi.

Akunda ibiryo byo muri Afrika akanakunda kumva cyane indirimbo zo muri Afurika. Imwe mu ndirimbo akunda cyane ni Jupka yaririmbwe n’umuhanzi Fally Ipupa na Jay Martins.

Drogba avuga ko nta dini agira ahubwo ngo idini riba ku mutima, asengera mu rusengero no mu misigiti.

Mu bikorwa bikomeye yakoze hanze y’ikibuga harimo uruhare yagize mu kugarura amahoro mu gihugu cye aho nyuma yo kuva mu gikombe cy’isi cya 2006 yasabye abarwana mu gihugu guhagarika intambara byanaje kugerwaho nyuma guhesha itike ikipe ya Cote d’Ivoire.

Mu bintu bibabaza Didier Drogba uherutse gusezera kuri ruhago ku myaka 40 y’Amavuko nuko atigeze yegukana igikombe cy’Afurika.

Mu ikipe y’igihugu ya Cote d’Ivoire yakiniye kuva 2002, agasezera mu 2014 yayikinnyemo imikino 104 atsinda ibitego 65 anayifashije kujya mu gikombe cy’isi inshuro ebyiri.

Abafana ba mukura bari babukereye kwakira ikipe yabo imaze imikino myinshi idatsindwa

Mukura Victory Sports iheruka kunganyiriza ubusa ku busa muri Soudani, ku mukino wa CAF Confederation cup yahuriyemo na El Hiral Ubbayid mu masaha ya saa kumi z’Umugoroba kuri uyu wa mbere nibwo yasesekaye I Kanombe aho yasanze itsinda ry’abafana baje kuyakira.

Iri tsinda ry’abafana rizwi nka Gen M.V.S , ryari rigizwe n’abasore n’inkumi bari baje kuyakira bitwaje ibyapa biriho ubutumwa bushimira umutoza na buri mu kinnyi wese wari ku mukino banganyijemo.

Gen M.V.S ni rimwe mu matsinda y’abafana ririmo kuzamuka neza mu gufana.

Abakinnyi bamukura basesekara ku kibuga

Amwe mu matsinda y’abafana asanzwe azwi mu gufana mu Rwanda ni Online Fun Club ya APR FC, na March generation,Gikundiro Forever na Blue Family za Rayon Sports .

Ikipe ya Mukura biteganijwe ko isubukura imyitozo vuba yitegura umukino wo kwishyura uzabahuza uteganijwe taliki ya 22 z’Uku kwezi k’Ukuboza.

N’ubwo itakunze gusohokera igihugu Mukura yashimishije Abanyarwanda

Muri uyu mukino wabereye kuri Stade ya Shikan Castle Stadium Mukura yatangiye yugarira nyuma iza gufungura ishaka igitego ariko ntibyayikundira umukino urangira banganyije 0-0.

Mukura yari yageze muri iki kiciro cya kabiri mu gikombe cya CAF Confederation cup isezereye ikipe ya free state Stars yo muri Afurika y’epfo ku giteranyo cy’igitego kimwe ku mikino yombi.

Francis Haringingo utoza ikipe ya Mukura yari imaze imyaka 18 idasohokera igihugu mu marushanwa nyafurika yatangaje ko hari ikizere cyo kwitwara neza nyuma yo kunganyiriza hanze.

Mukura izagera mu Rwanda ku munsi w’ejo ku wa mbere ku isaha ya 15h10.

Biteganijwe ko umukino wo kwishyura hagati y’impande zombi uzaba taliki ya 22 Ukuboza 2018,ukabera kuri Stade Huye.

Uko iyindi mikino ibanza yabaye kuri uyu wa gatandatu yagenze .

Al Hilal Al Ubayyid 0-0 Mukura VS
Kariobangi Sharks 0-0 Asante Kotoko SC
El Masry SC 0-2 Salitas FC
DC Motema Pembe 1-1 FC San Pedro
USM Bel Abbes 0-0 Enugu Rangers
RS Berkane 3-0 Ittihad Tripoli
Ahli Tripoli 1-1 New Star
Etoile Sahel 3-0 Stade d’Abidjan
KCCA FC 3-0 Mtibwa Sugar
Green Eagles 0-0 NA Hussein Dey
Zamalek SC 7-0 CotonTchad
CS Sfaxien 4-1 Green Buffaloes
Kaizer Chiefs 3-0 Elgeco Plus

N’ubwo itakunze gusohokera igihugu Mukura yashimishije Abanyarwanda

Mukankwaya Marie Jeanne akeneye umugira neza wamuha igare ryo kugendaho

Mukankwaya Marie Jeanne uri mu kigero cy’imyaka 53 y’amavuko niwe munyarwandakazi wa mbere witabiriye irushanwa ry’umukino w’amagare mu Rwanda mu mwaka wa 1984 , aza no kwegukana irushanwa rya Tour du Rwanda rya mbere mu bagore.

Mukankwaya wamaze igihe kirekire ari nomero ya mbere mu Rwanda mu cyiciro cy’abagore hagati ya 1984 na 2002, Ku bijyanye n’ibihembo yakuye mu mukino w’amagare avuga ko mbere ibihembo byari hasi kuko hari aho yatsinze irushanwa ahembwa umutaka.

Ibindi ku buzima bwa nyirakuru w’umukino w’amagare mu Rwanda kurikira, iki cyegeranyo kigaruka ku buzima bwe, yagiranye na KT Radio muri gahunda y’Umusportif w’Icyumweru itambuka buri wa kabiri mu kiganiro cy’imikino KT Sports.

Sekanyana Emmanuel wahoze ari umutoza we, nyuma baje no kubana

Ibyangombwa bye byagaragazaga ko ari umukinnyi w’amagare ni uku bisa nyuma y’imyaka 27

Aha yari mu myitozo

Igikombe cya Biathlon yegukanye mu 1992 kiri mu byamushimishije mu buzima

KEVIN Monnet Paquet yashyize yemera gukinira AMAVUBI

Monnet Paquet wavukiye mu gihugu cy’u Bufaransa kuri se w’Umufaransa na nyina w’Umunyarwanda yemeje aya makuru ubwo yaganiraga na Radio ya RMC (Radio Monte carlo yo mu Bufaransa)

Yagize ati” Barampamagaye ariko ntibyagenda neza , kubera iki se ntabakinira mbere yuko nsezera kuri ruhago, ntekereza ko nzabakinira. Ndifuza gusubira ku butaka bwa mama wanjye aho nabaye.

Kevin Monnet Paquet wigeze kuba mu Rwanda yakomeje avuga ko u Rwanda rumaze gutera imbere agereranije nuko yahavuye rumeze akiri muto.

Muri iki kiganiro yagiranaga na Radio RMC yashimangiye ko yifuza gutanga umusanzu we mu guteza imbere ruhago y’URwanda rukaba rwabona tike y’igikombe cy’Afurika cya 2021, dore ko amahirwe yo kujya mu gikombe cy’Afurika cya 2019 yo yamaze kuyoyoka.

Kevin Monnet Paquet w’imyaka 30 y’amavuko yakiniye Ubufaransa mu ikipe z’abakiri bato (France Espoirs) ariko ntiyabasha kubona umwanya mu ikipe y’igihugu nkuru (Les Bleus) kubera abakinnyi bakomeye bayirimo.

Uretse ikipe ya AS St Etienne akinira kuva mu 2014 yanyuze no mu yandi makipe yo mu Bufaransa nka Lens na Fc Lorient.

Biteganijwe ko aramutse ahamagawe yakina umukino wa Cote d’Ivoire n’u Rwanda, uteganyijwe mu kwezi kwa Werurwe 2019.

Bakame amaze gusinya amasezerano banamuha umwenda azajya akinana

Bakame wari umaze amezi 6 ari mu bihano yari yarafatiwe n’ikipe ya Rayon Sports yasinye imyaka ibiri nyuma yuko yaramaze iminsi aganira n’iyi kipe.

Ikipe ya AFC Leopard ni imwe mu makipe akomeye mu gihugu cya Kenya aho iza ku mwanya wa kabiri mukugira abafana benshi inyuma ya Gormahia.

Iyi kipe kandi ninayo ihangana na Gormahia mu kugira umubare mwinshi w’ibikombe kuko imaze kwegukana ibikombe bya shampiyona 13, mu gihe Gormahia imaze kwegukana byinshi ifite 17.

Nyuma ya Tuyisenge Jacques werekeje muri iyi shampiyona 2016, Abakinnyi b’AbanyaRwanda bakomeje kwerekeza muri shampiyona ya Kenya ku bwinshi.

Bakame abaye undi mu kinnyi w’umunyaRwanda werekeje muri iki gihugu nyuma y’abandi berekejeyo muri uyu mwaka nka : Mvuyekure Emery ,Muzerwa Amin,Tubane James, Mico Justin, , Mugabo Gabriel, na Kayumba Sother.

Dukuzimana Antoine wahagaritswe azira kunyereza amafaranga yavuye mu irushanwa ryo gukusanya imifuniko ya Turbo

Mu itangazo ryashyizweho umukono n’umuyobozi wa Gicumbi FC Munyakazi Augustin, rigaragaza ko Dukuzimana yahagaritswe igihe cy’agateganyo kingana n’amezi atatu.

Dukuzimana Antoine ahagaritswe nyuma y’igenzura ry’uko umutungo w’ikipe wakoreshejwe aho bavuga ko basanze yaranyereje amafaranga angana na miliyoni imwe y’Amanyarwanda yavuye mu irushanwa ryo gutoragura imifuniko ya Turbo ryari ryateguwe na BRALIRWA.

Muri iyo baruwa bavuga ko ayo mafaranga Gicumbi yabonye yagombaga kugezwa kuri konti y’ikipe ariko ntagereho.

Si ayo gusa, bivugwa ko hari n’andi mafaranga ibihumbi magana atatu y’Amanyarwanda ikipe ya Gicumbi yahawe n’ikipe ya Rayon Sports kubera umukino wa Gicuti bakinnye, nayo uwo wari umunyamabanga wa Gicumbi atarayashyize kuri konti y’ikipe.

Muri iyo baruwa kandi, hagaragaraho ko yagiye asabwa kwishyura ayo mafaranga ariko ntiyishyure, bituma bamufatira icyemezo cyo kuba bamuhagaritse kuri uwo mwanya mu gihe cy’amezi atatu.

Ihagarikwa rye rije mu gihe iyo kipe ivugwamo ibibazo by’umusaruro mubi mu kibuga dore ko kugeza ku munsi wa 5 wa shampiyona iri ku mwanya wa nyuma n’inota rimwe gusa ku manota 15.

Ibi yabitangaje mu kiganiro yagiranye na Kigali Today mu gitondo cyo kuri uyu wa Gatatu kuwa 21 Ugushyingo.

Robertinho yagize ati” Namaze kuganira na perezida na Visi Perezida Freddy n’umpagarariye witwa Alex haracyari utuntu ducye tukiganiraho neza ,icyo nshyize imbere ni Rayon kandi turi mu nzira nziza”

Robertinho yiyemeje gukomezanya na Rayon Sports

Yakomeje avuga ko ibijyanye n’amasezerano mashya n’ikipe ya Rayon Sports barabishyira ahagaragara vuba.

Amakuru agera kuri Kigali Today aravuga ko kuri uyu wa Gatandatu aribwo ikipe ya Rayon Sports izatangaza ibijyanye n’amasezerano mashya ya Robertinho aho bamaze kumvikana gukomeza gutoza iyi kipe mu gihe cy’imyaka ibiri.

Mu mezi 5 amaze muri Rayon Sports yayifashije kugera ku mukino wa nyuma w’igikombe cy’amahoro aho yatsindiwe na Mukura kuri penaliti, yongera no kuyifasha kugera muri ¼ mu gikombe cya CAF Confederation cup gihuza amakipe yatwaye ibikombe iwayo muri Afurika

Amavubi aguye miswi na Centrafrique

Umukino watangiye Amavubi asatira aho yakoreshaga uruhande rw’iburyo rwacagaho Jacques Tuyisenge.

Ku munota wa 12, Amavubi yafunguye amazamu ku gitego cyatsinzwe na Jacques Tuyisenge ku mupira yahawe na Fitina Ombolenga.

Ku munota wa 15, ikipe ya Centrafrica yahushije uburyo bwari bwabazwe ku bakinnyi babo Habibou Habib na Kondogbia, bazamutse bahererekanya neza imbere y’izamu ariko Manzi Thierry akura umupira ku kirenge cya Habib Habibou umupira awushyira hanze.

Kagere nawe yashoboraga kubonera Amavubi igitego cya kabiri ku munota wa 17 ku mupira yahawe ariko ategerwa imbere y’urubuga rw’amahina rwa Centrafrica.

Ku munota wa 28, Centrafurika yishyuye igitego ku burangare bwa ba myugariro b’Amavubi aho rutahizamu Habibou Habib yabasimbukanye agatsinda igitego n’umutwe.

Ku munota wa 44, Amavubi yatsinze igitego cya kabiri ku ikosa ryakozwe n’umuzamu wa Centrafrica wasohotse nabi mu izamu Jaques Tuyisenge akamuroba.

Amavubi niyo yakomeje no kwiharira umukino mu gice cya kabiri aho yahushije ubundi buryo bukomeye burimo ubwa Jaques Tuyisenge na Rwatubyaye Abdul.

Uko iminota yakomezaga kurangira, ikipe ya Centrafrica yaje kwishyura igitego cya mbere, maze mu minota y’inyongera Kondgobia ahita ashyiramo icya kabiri, umupira urangira amakipe yombi atahanye inota rimwe.

Stade ya Huye yari yakubise yuzuye abafana

Abakinnyi babanje mu kibuga ku mpande zombi

Amavubi: Kimenyi Yves, Fitina Ombolenga , Rwatubyaye Abdul,Manzi Thierry, Emmanuel Manishimwe, Ally Niyonzima, Buteera Andrew, Bizimana Djihad,Tuyisenge Jaques, Muhadjili Hakizimana, Meddy Kagere.

Les Fauves: Lembet Geoffrey Didace, Ngam Ngam St Cyr,Eloge Enzo Yamissi,Vivien Mabide,Foxi Kethevoama,Anzite Touadere,Bruce Nicaisse Zimbori,Fred Nimani,Geoffrey Kondogbia,Habibou Habib,Amos Christopher.

Amavubi yaherukaga gukinira kuri Stade Huye mu 1974, ubwo habaga ibirori byo gutaha iyi stade aho Ikipe y’igihugu yari yatoranijwe icyo gihe yakinnye n’abandi bakinnyi batari bagize amahirwe yo guhamagarwa.

Umutoza wa Rayon Sports Robertinho mu nzira igana muri Gormahia

Robertinho utarongererwa amasezerano n’ikipe ya Rayon Sports kuko ayo yari afite azarangirana n’ukwezi k’Ukuboza 2018, akomeje ibiganiro n’ikipe ya Gormahia yifuza ko aza gusimbura umutoza Dyran Kerr wari usanzwe ayitoza weguye kuri uyu wa kane tariki ya 15 Ugushyingo 2018.

Robertinho yagize ati” twatangiye ibiganiro n’ikipe ya Rayon Sports ngo barebe ko bampa amasezerano mashya, hashize n’iminsi ibiri nganiriye n’umuyobozi w’ikipe ya Gormahia , nzi neza ko hashize igihe kirekire banyifuza kuko barimo gutegura Champions league, baranyegereye ,gusa ubu ntabwo ndafata icyemezo niba nshobora kugenda , nabonye n’ubutumire bw’amakipe menshi yo muri Algeriya tuzareba.

Robertinho yavuze ko icyemezo cyo kuguma muri Rayon Sports cyangwa kuyisohokamo azagifata ari mu kiruhuko mu gihugu cya Brazil.

Yagize ati” ni ngombwa ko nicarana n’umuryango wanjye ngatekereza neza , ngafata icyemezo , mu kwezi k’Ukuboza nzafata iminsi 7 njye muri Brazil ndebe ko nashyira ibintu ku murongo ndi kumwe n’umuryango wanjye tuzareba.

Yakomeje avuga ko ikipe ya Gormahia yanamusabye ko yajya muri Kenya kugira ngo baganire imbonankubone ariko akababwira ko ubu nta mwanya arabona kuko arimo gutegura imikino ya shampiyona n’ikipe ye ya Rayon sports.

Akomeza avuga ko yubaha ikipe ya Rayon Sports kuko ari yo yamufunguriye imiryango nyuma yo kuyigeramo akitwara neza bityo atifuza kuba yagenda ariko yongeraho ko agomba no gutekereza nk’umunyamwuga kuri ejo hazaza he n’umuryango we, bityo ibiganiro bigenze neza ahandi atabura kugenda.

Umutoza Robertinho mu mezi 5 yari amaze muri Rayon Sports yayifashije kugera ku mukino wa nyuma w’igikombe cy’amahoro aho yatsindiwe na Mukura kuri penaliti, yanayifashije kugera muri ¼ cy’imikino ya CAF Confederation cup ihuza amakipe yatwaye ibikombe iwayo muri Afurika.

Mugheni Fabrice yegukanywe burundu na Rayon Sport

Ku gicamunsi cyo kuri uyu wa kane taliki ya 15 ugushyingo 2018 Umukinnyi Kakule Mugheni Fabrice usanzwe ukina hagati mu kibuga yasinyiye ikipe ya Rayon Sports amasezerano y’imyaka 2 nyuma y’ubwumvikane bw’amakipe yombi aguzwe Miliyoni 13 FRW.

Miliyoni 10 zahawe ikipe ya Kiyovu Sports kuko yagaragaje ko yari akigengwa n’amasezerano naho Miliyoni 3 zihabwa uyu mukinnyi ku giti cye.

Nyuma yo gusinya amasezerano y’imyaka ibiri Kakule Mugheni Fabrice mu masezerano yasinye yasabye Rayon Sports ko yamworohereza mu gihe cyose yaba abonye ikipe Hanze y’igihugu.

Kakule Mugheni Fabrice yari yerekeje mu ikipe ya Rayon Sports yahoze anakinira mbere yo kujya muri Kiyovu ariko Kiyovu Sports ijyana ikirego muri Ferwafa ko yari akiri umukinnyi wabo wari ukigengwa n’amasezerano.

Nubwo Kakule Mugheni Fabrice yavugaga ko bari bamaze amezi atatu batamuhemba bityo itegeko rishya rya FIFA rivuga ko umukinnyi umaze aya mezi adahembwa ashobora kuva mu ikipe , we ntiyashoboye kwerekana ibimenyetso bigaragaza koko ko yari amaze aya mezi atabona umushahara.

Kakule Mugheni Fabrice utegerejweho n’abafana ba Rayon Sports kuzasimbura Kwizera Pierrot wavuye muri Rayon Sports ni umwe mu bakinnyi bo hagati beza bakina muri Shampiyona y’URwanda aho ari umwe mu bigaragaje cyane mu mwaka ushize w’imikino ubwo yakiniraga Kiyovu Sports yari anabereye captain.

Umunsi wa gatanu wa Shampiyona y’ikiciro cya mbere mu Rwanda, wari wakomeje kuri uyu wa Kabiri tariki 6 Ugushyingo 2018, aho APR FC yari yahisemo kuguma mu mujyi wa Rubavu nyuma y’umukino wayihuje na Marines FC muri wikendi ishize.

APR Fc itaratsindwa umukino n’umwe ikomeje kuyobora urutonde rwa Shampiona

APR FC ifashijwe n’umukinnyi wayo w’inyuma ku ruhande rw’ibumoso ari we Manishimwe Emmanuel watsinze ibitego bibiri byose muri uyu mukino.

APR FC iciye agahigo muri uyu mwaka w’imikino ko kumara imikino itanu itsinda ibitego 2 ku busa. Ikindi ni uko ugeze kuri uyu mukino ari yo kipe yonyine itarinjizwa igitego na kimwe mu izamu ryayo.

Ku ruhande rwa Mukura yari imaze imikino ine idatsindwa inganyirije mu rugo i Huye na AS Kigali ubusa ku busa.

Abakinnyi babanje mu kibuga bahaye intsinzi APR FC:

Kimenyi Yves, Rugwiro Herve, Buregeya Prince, Fitina Ombolenga, Emmanuel Imanishimwe, Mugiraneza Migi, Buteera Andrew, Nshuti Savio Dominique, Iranzi Jean Claude na Muhadjili Hakizimana.

APR FC ikomeje kuza ku mwanya wa mbere n’amanota 15 kuri 15, nyuma y’umunsi wa gatanu wa shampiyona, naho Mukura yo iri kumwanya wa kabiri n’amanota 13.

Gahunda y’Imikino y’indi ya Shampiyona:

Ku wa Gatatu

Gicumbi vs Amagaju
Sunrise vs Kiyovu
Ku wa kane
Espoir vs Kirehe

Rayon Sports vs Bugesera

AS Muhanga vs Marines
Police FC vs Musanze

Kubera imikino y’amakipe y’igihugu nyuma y’umunsi wa gatanu shampiyona irahita isubikwa izasubukurwe taliki 29 z’uku kwezi, habura iminsi 13 ngo APR FC na Rayon Sports bacakirane taliki 12 Ukuboza 2018.

Haruna Niyonzima usanzwe ari Kapiteni w’Amavubi ntiyahamagawe mu ikipe izakina na Centrafrique

Umuzamu Kwizera ukinira Free State Stars, South Africa nawe umutoza yahisemo kumusiga kimwe na myugariro Rusheshangoga wa APR FC .

Mu bahamagawe harimo amasura mashya nka myugariro wa Mukura Rugirayabo Hassan n’abandi bakinnyi b’Abanyarwanda bakina mu gihugu cy’u Bubirigi aribo : Rubanguka Steve wa Patromaas Meshelen na Shema Tresor wa Torhout 1992km FC bakina mu cyiciro cya gatatu.

Abatari baherutse guhamagarwa nka Kalisa Rashid wa Kiyovu , Mushimiyimana Mohamed wa Police na Imran Nshimiyimana wa APR FC na Mico Justin wa Sofapaka nabo bagiriwe ikizere n’umutoza.

Urutonde rw’Abakinnyi 27 umutoza yahamagaye mu myitozo gutegura umukino wa Centrafurika.

Abazamu: Kimenyi Yves (APR FC), Bashunga Abouba (Rayon Sports FC) and Rwabugiri Omar (Mukura VS)

Ba myugariro : Nirisarike Salomon (AFC Tubize, Belgium), Rwatubyaye Abdoul (Rayon Sports FC), Rugwiro Herve (APR FC), Manzi Thierry (Rayon Sports FC), Fitina Ombolenga (APR FC), Imanishimwe Emmanuel (APR FC), Rutanga Eric (Rayon Sports FC) & Rugirayabo Hassan (Mukura VS).

Abakina hagati : Niyonzima Olivier (Rayon Sports FC), Mukunzi Yannick (Rayon Sports FC), Bizimana Djihad (Waasland Beveren, Belgium), Buteera Andrew (APR FC), Niyonzima Ally (AS Kigali), Iranzi Jean Claude (APR FC), Rubanguka Steve (Patromaasmeshelen, Belgium), Nshimiyimana Amran (APR FC), Kalisa Rashid (SC Kiyovu) and Mushimiyimana Mohamed (Police FC)

Abataha izamu : Medie Kagere (SC Simba, Tanzania), Tuyisenge Jacques (Gor Mahia, Kenya), Hakizimana Muhadjiri (APR FC), Usengimana Danny (Terasan, Egypt), Shema Tresor (Torhout 1992km FC, Belgium) and Mico Justin (Sofapaka, Kenya).

Biteganijwe ko aba bakinnyi bagera mu mwiherero I Huye taliki ya 08 bagatangira imyitozo taliki ya 09 Ugushyingo bitegura umukino uzabahuza na Centrafrique.

Uyu mukino wo gushaka tike y’igikombe cy’afurika mu itsinda rya H ririmo URwanda,Guinea,Centrafurika na Cote d’ivoire uzaba ku cyumweru taliki ya 18 Ugushyingo 2018 kuri stade Huye.

Aimable Bayingana yatowe n’ibihugu bisaga 30

Aimable Bayingana yatorewe uyu mwanyakuri uyu wa gatandatu tariki ya 19 Ukwakira 2018 ,asimbuye kuri uyu mwanya Umunya Maroc Maitre Mohammed Ben El Mohi wawuyoboraga kuva washingwa mu 2013.

Akimara gutorerwa uyu mwanya bwana Bayingana yashimiwe n’abantu batandukanye barimo n’umuyobozi w’ishyirahamwe ry’umukino w’amagare ku isi Umufaransa David Lappartient.

Ku rubuga rwe rwa Twitter Lappartient yagize ati”Ndashimira Bayingana Aimable ku bw’Intsinzi yabonye yo kuyobora impuzamashyirahamwe y’umukino w’amagare mu bihugu bivuga ururimi rw’igifaransa”

Biteganijwe ko azayobora iyi mpuzamashyirahamwe mu gihe cy’imyaka ine akazajya abifatanya no kuyobora ishyirahamwe ry’umukino w’amagare mu Rwanda.

Iyi mpuzamashyirahamwe Bayingana agiye kuyobora ihuriyemo ibihugu bisaga 30 bikoresha ururimi rw’igifaransa ku isi.

Igaragaramo ibihugu bikomeye ku isi muri uyu mukino birimo Ubufaransa buzwiho gutegura irushanwa rya tour de France rya mbere ku isi mu magare n’Igihugu cy’Ububirigi kizwiho kugira abakinnyi bahagaze neza ku ruhando rw’isi.

Ibihugu by’Afurika bigaragara muri uyu muryango bikomeye hazamo Maroc na Algeriya, Burukina faso,Cameroun , Gabon isanzwe itegura irushanwa rya La tropicale Amissa Bongo rya mbere muri Afurika n’Ibindi,…

Umukino w’amagare mu Rwanda ukomeje kujya ku yindi ntera mu rwego mpuzamahanga nyuma y’izamuka ry’abakinnyi b’abanyaRwanda n’uburyo uRwanda rushobora gutegura rimwe mu marushanwa akomeye muri uyu mukino ku mugabane wa Afurika rya Tour du Rwanda kimwe n’andi mpuzamahanga rwakiriye .

Aimable Bayingana abaye umunyaRwanda wa kabiri utorewe umwanya ukomeye mu ishyirahamwe ry’ibihugu bivuga ururimi rw’Igifaransa , nyuma ya madame Louise Mushikiwabo nawe uherutse gutorerwa kuyobora uyu muryango mu gihe cya manda y’imyaka ine.

Habimana Hussein yemera ko hari intege nke zagaragaye mu gutegura abana bato bakaba biyemeje kubihindura

Ibi byagarutsweho na Habimana Hussein umuyobozi ushinzwe ibya tekiniki mu ishyirahamwe ry’Umupira w’amaguru mu Rwanda (Directeur Technique) kuri KT Radio muri gahunda ya N’Izibika zari Amagi igamije guteza imbere impano z’abana bakiri bato mu mikino .

Habimana Hussein wemera intege nke z’Inzego z’Imikino zamubanjirije mu gutegura no gushyigikira umupira w’amaguru mu bana bakiri bato yavuze ko mu gihe amze muri FERWAFA amaze iminsi akora inyigo izatuma hashyirwaho amakipe y’igihugu ahoraho mu by’iciro by’abato kimwe na Shampiyona yabo bizatangirana n’umwaka utaha w’imikino.

Yagize ati "Hari gahunda yo kuba tugiye kuzajya dukorera ku ngengabihe ya FIFA ,hari hazwi cyane ikipe y’igihugu y’abarimunsi y’imyaka 17,ubu tugiye no gutegura ikipe y’igihugu y’abari munsi y’imyaka 15 kugira ngo izajye igera ku rwego rw’iya bari munsi y’imyaka 17 imaze imyaka ibiri itegurwa.”

Niyo kipe y’abarimunsi y’imyaka 17 nayo izajya igera ku rwego rw’abarimunsi y’imyaka 20 imaze imyaka 3 ikina, bivuze ko nitugendera ku ngengabihe ya FIFA umwaka uzajya ushira dukinnye nka gatatu, kane cyangwa gatanu, tuzajya tujya ndetse no ku rwego rwo hanze twipime, ikipe ntizizongera gutegurwa aruko tugiye kwitabira amarushanwa ahubwo zizajya zihoraho.

Abana bitezweho guhanagura amarira Abanyarwanda batewe n’Amavubi

Habimana HUSSEIN yanavuze ko hagiye gutegurwa shampiyona ihoraho y’abana bakiri bato mu rwego rwo gushaka abazajya bakina muri ayo makipe y’igihugu no gufasha abana bakiri bato bakina bagorwaga no kubona amarushanwa kubona amarushanwa bagaragarizamo impano zabo.

Mbere y’irushanwa rihoraho ry’abana FERWAFA ivuga ko iteganya gahunda yo gukorana n’ama centre n’amashuri byigisha ruhago ariko ikabanza kugenzura imikorere yayo kuko hari aho ikivuga ko hari akavuyo mukuyashinga nyamara adatanga umusaruro.

Hussein yagize ati “Dufite gahunda twapanze y’imikoranire n’ama centre n’amashuri yigisha ruhago tugiye gutangira kuzenguruka igihugu tuyasura tumenye ese zifite ubuhe bushobozi, zikora gute,dufite na licence dushaka gutanga kugirango tuzamenye abo tuzakorana nabo ibyo bafite n’ibyo Babura.

Arsenal mu nzira zo gushinga ishuri ryigisha ruhago mu Rwanda?

Aba bana bafite ishyaka n’inzozi zo kuzahesha ishema igihugu

Abajijwe n’Umunyamakuru ku makuru avugwa ko Arsenal isanzwe ikorana n’URwanda muri gahunda ya Visit Rwanda ibijyanye no gushing ishuri ryayo ryigisha ruhago mu Rwanda yavuze ko bikiri mu nyigo ariko bishoboka.

Ati “Ubufatanye na Arsenal ni ibintu tugikorana nabo ,urebye mvuye no mu bwongereza kubereka inzira dufite ,icyo navuga nuko tukiri muri ibyo biganiro gusa ni ibiganiro biri kurundi rwego bigomba no guca mu nzego nkuru z’igihugu gusa nibiba byageze muri twe tuzabibamenyesha.”

Mu mwaka wa 2015 , FERWAFA na MINISPOC batangije irushanwa ry’abana mu rwego rwo gutegura urugendo rwo kujya mu gikombe cy’afurika cya 2019 ariko iyi shampiyona yabaye igihe gito ihita ihagarara.

Ikipe ya Guinea yategereje indirimbo yubahiriza igihugu cyayo iraheba

Ibyo si ko byagenze mu mukino wo guhatanira itike yo kujya mu gikombe cya Afurika 2019, wahuje ikipe y’igihugu ya Guinea Conakry, n’ikipe y’u Rwanda Amavubi kuko indirimbo yubahiriza igihugu cya Guinea yabuze, bigatuma umukino utangira na Rwanda Nziza y’u Rwanda itaririmbwe.

Ahagana mu ma saa 15h30, ubwo umuyobozi w’ibirori (MC) yasabaga abantu guhaguruka ngo haririmbwe indirimbo zubahiriza ibihugu byombi, iya Guinea yabuze hashira iminota nk’itanu DJ ayibuze burundu abafana baricara.

Abafana ba Guinea bagerageje kuririmba indirimbo yabo imaze kubura ariko amajwi yabo ababana magufi

Abafana bacye ba Guinea bari baje kuri uyu mukino, bagerageje kuririmba ariko amajwi yabo ntiyabasha kugera kure.

Indirimbo yaje kuboneka, hacurangwa agace gato ariko kuko umukino wari ugiye gitangira n’abakinnyi bamaze gufata imyanya mu kibuga DJ yahise ayihagarika.

Byatumye n’i y’u Rwanda idacurangwa ntawamenye niba na yo itabuze

Minisitiri wa Siporo n’Umuco Uwacu Julienne yiseguye ku Ikipe y’igihugu ya Guinea ndetse no kubanyarwanda muri rusanga kubera iki kibazo cyabaye, avuga ko cyatewe n’ibibazo byatekinike byatunguranye.

Si ubwa mbere ikibazo cy’indirimbo yubahiriza igihugu kibaye u Rwanda rwakiriye umukino mpuzamahanga kuko no ku mukino wa gicuti wahuje u Rwanda na Libya muri 2013 hacuranzwe indirimbo ya kera ku bwa Gadafi, nuko abakinnyi ba Libya bahita bivumbura biririmbira indirimbo nshya n’amajwi yabo.

Muri 2011 nabwo habaye ikibazo nk’iki ku mukino wahuje ikipe y’u Rwanda y’abatarengeje imyaka 23 n’iya Zambia,ubwo indirimbo yubahiriza u Rwanda yaburaga mbere y’umukino

Robertinho yabaye umukinnyi ukomeye mu Ikipe y’Igihugu ya Brazil

Iyumvire ikiganiro kirambuye KT RADIO yagiranye na we

yu ni Mugabe Charles ushinzwe ishoramari mu kigega Agaciro

Yabitangarije mu nama yahuje abayobozi ba FERWAFA, ab’ikigega Agaciro, ndetse n’abanyamakuru, bavuga aho imyiteguro y’aya marushanwa igeze.

Yagize ati "Amafaranga dusohora dutegura iyi mikino niyo menshi kurusha ayo dukura ku bibuga. Intego z’iyi mikino ni ubukangurambaga Ku Banyarwanda tubinyujije mu mikino.

Mu cyumweru kimwe dushatse kwamamaza kuri radio na za televiziyo twakwishyura amafaranga menshi ariko iyo tubinyujije mu mikino biratworohera"

Mugabe Charles yanavuze kandi ko impamvu batagamije gucuruza muri aya marushanwa, aruko baba banagamije gutanga ibyishimo no kubantu basanzwe bashyira amafrw yabo mu kigega Agaciro.

Abayobozi b’Ikigega Agaciro bafatanyije n’aba FERWAFA mu kuvuga ku myiteguro y’amarushanwa y’Agaciro

Iri rushanwa rizatangira tariki 28 Nzeri, rizitabirwa na Rayon Sports, APR fc, As Kigali na Etincelles.

Hazarebwa imyitwarire y’amakipe yitwaye neza azamukemo azakina umukino wa nyuma n’umwanya wa gatatu.

Mu bihembo, amakipe nka Rayon Sports, As Kigali na Apr fc zagenewe miliyoni 2 zo gutegura imikino uko ari itatu , Etincelles yo igenerwa eshatu kuko izaba yavuye mu ntara. Ikipe izegukana igikombe izahabwa miliyoni 2.

Uretse amakipe, hazanahembwa umukinnyi mwiza w’irushanwa, n’umukinnyi watsinze ibitego byinshi bazahembwa na RwandAir kujya ahantu hamwe bashaka mu bihugu RwandAir ikoreramo ingendo.

Imikino yose uko iteganyijwe (izabera kuri stade Amahoro

Tariki 28 Nzeri 2018

APR FC vs Etincelles 15:30”

As Kigali vs Rayon sports 18:00”

Mu rwego rwo guteza imbere iri irushanwa Ferwafa yatangaje ko amakipe aryitabira ashobora kuziyongera mu mwaka utaha akaba yagera ku munani.

Amafaranga yinjiye mu kigega mu mwaka ushize akusanyijwe muri iyi mikino ni miliyoni 36. Ikigega Agaciro umwaka ushize cyari kimaze gukusanya miliyari 43 z’amanyarwanda ubu kimaze kugeza kuri miliyari mirongo itanu n’imwe.

Umuzamu Wilonja Ismael wakiniraga Flambeau de l’Est.

Aba bakinnyi 2 Wilonja Isamel wakiniraga Flambeau de l’Est y’i Burundi asanzwe ari Umuzamu naho Andre Kotoko we usanzwe akina ataha izamu yakiniraga Athletico nayo y’ i Burundi.

Aba bakinnyi bombi basinye amasezerano y’imyaka 2 baje biyongera kubandi bashya ikipe yaguze barimo .
Munezero Dieudonne na Ndizeye Innocent bombi bakiniraga Amagaju FC ndetse n’uwari kapiteni w’ikipe ya Musanze FC Munyakazi Yussuf Lule.

Uretse aba bakinnyi bashya, Mukura Victory Sports yatangaje ko kandi yongereye amasezerano mashya y’imyaka ibiri ba myugariro Twagirayezu Fabien na Rugirayabo Hassan.

Rutahizamu Andre Kotoko wakiniraga Athletico

Mukura biravugwa ko ishobora no gusinyisha abandi bakinnyi bashya barimo Twizerimana Onesme wakiniraga APR FC.

Mukura Victory Sports izahagararira u Rwanda mu mikino ya CAF Confederation Cup 2018/19.

Umuyobozi wa WDA Jerome Gasana asaba abikorera kwegera abanyeshuri barangiza muri TVET bakabyaza umusaruro ubumenyi bwabo

Gasana yagize ati” Twifuje kumurikira itangazamakuru uburyo abana bakoramo ibizamini kugirango abikorera barusheho kubegera bityo nabo babashe guteza imbere ibyo bakora.

Ushobora kuba uri umworozi cyangwa umuhinzi ugakenera abana bafite ubumenyi muri ayo mashami mu rwego rwo kugufasha kongera umusaruro w’ibyo ukora.”

Uyu muyobozi yanakomoje kubijyanye no gufasha abaturage baturiye ibigo bya TVET kugezwaho serivisi z’ibikorwa n’ibyo bigo aho yatangaje ko abaturage bagiye kujya begerezwaho ibikorwa ry’ibyo bigo mu rwego rwo kubafasha mu ’iterambere no kubunganira mu kubona bimwe mu bikoresho bakenera mu buzima busanzwe.

Ati “Ishuri rigomba gufasha abaturage baturanye naryo ibyo bakora byose bikabageraho mu rwego rwo kubafasha kwihaza mu byo bakenera.”

Aba banyeshuri ngo banafasha ku bikorwa by’ubuhinzi n’ubworozi bikorerwa mu nkengero z’ibigo bigaho

Umunsi wa mbere w’ibizamini by’amashuri y’imyuga n’ubumenyingiro abanyeshuri mu gihugu hose batomboraga ibibazo buri umwe akagenda asubiza bitewe n’ikibazo yatomboye .

Umurangamirwa Aime wiga mu mwaka wa gatandatu w’amashuri y’isumbuye mu ishami ry’ubuhinzi n’ubworozi akaba n’umwe mu bana bakoze ibi bizamini avuga ko ari umwuga yakundaga kuva kera kuko yasanze ari ingirakamaro k’ubuzima bw’abantu.

Ati “Nakunze ubuhinzi kuko nasanze aribwo budutunze , budahari ntabwo twabona ibyo turya, ndateganya gukoresha ubumenyi bwanjye ninsohoka mpinga mu buryo bwa kijyambere. Nzagerageza kubikora neza ku buryo nzongera umusaruro nkaha n’abandi bantu akazi.

Uyu mwana ateganya kubyaza umusaruro imirima y’iwabo atera amashyamba

Mu kigo cya Kabutare TVET , abana bakoze ibizamini mu mashami atandukanye arimo ubuhinzi n’Ubworozi, gutunganya ibiribwa, ishami ry’amashyamba n’andi mashami.

Ibi bizamini birimo gukorwa mu bigo bya TVET 184 biri mu gihugu hose aho bazakorera kuri centre 118.

Abanyeshuri bo mu ishami ry’Ubuvuzi bw’amatungo bakoze ikizamini muri ubu buryo , aho babaze ihane bagamije kuyikura ikintu cyari mu gifu cyayo

Ibizamini by’uyu mwaka wa 2018 biteganijwe ko bizasozwa taliki ya 31 Nzeri 2018 byitabiriwe n’abana ibihumbi 21,788 bazakora mu mashami 25 atandukanye.

Ibizamini bya TVET byatangiye mu 2011 u bwo byatangiraga ku nshuro ya mbere byitabiriwe n’abanyeshuri ibihumbi 16.

Abanyeshuri biga ibijyanye no gutunganya ibiribwa bakoze ikizami cyo gukora imigati n’amandazi

Abayobozi n’abandi bantu bakurikiraga iki gikorwa bari bambaye muri ubu buryo

Isimbi abyinana na Kayirebwa muri FESPAD 1998

Kuva icyo gihe kugeza ubu abamubonye mu mashusho y’iyi ndirimbo barushaho gukunda imibyinire ye.

Nubwo yagaragaye muri iyo ndirimbo siho honyine yagaragarije ubuhanga n’impano, kuko yari umubyinnyi w’imbyino za Kinyarwanda wazengurutse umugabane hafi ya wose w’u Burayi akora ibitaramo akundisha benshi imibyinire y’indirimbo za Kinyarwanda.

Isimbi yavukiye i Bruxelles mu Bubirigi taliki 21 Ukwakira 1977. Ni umwana wa gatatu mu bana bane bavukana aribo Eric Kirenga, Diane Numukobwa na Serge Cyusa .

Isimbi nubwo akomoka ku babyeyi b’Abanyarwanda ari bo Cecile Kayirebwa na Se Ngango ntiyigeze aba mu Rwanda, kuko ubuzima bwe bwose kuva akiri muto kugeza ubu yabaye ku mugabane w’i Burayi.

Isimbi yakuriye mu Muryango w’abataramyi, akura akunda kubyina Imbyino Nyarwanda

Isimbi utazi amagambo y’Ikinyarwanda menshi ngo yabyirutse akunda u Rwanda bituma ahagurukira kwiga kubyina imbyino za Kinyarwanda, urugendo yafashijwemo na nyina Cecile Kayirebwa.

Ku myaka itanu avuga ko aribwo yatangiye kwiga kubyina mu itorero ryitwaga “Benegihanga” akaza kurivamo yerekeza mu rindi torero ry’Abanyarwanda babaga hanze ryitwaga “Amarebe n’Imena”.

Agira ati “Natangiye kwiga imbyino za Kinyarwanda mfite imyaka itanu ,nyuze mu itorero ryitwaga Benegihanga ryari ryarashinzwe n’Abanyarwanda babaga mu Bubirigi nyuma dutangira no kujya twitabira ibitaramo bitandukanye.”

Yatangiye kwiga kubyina afite imyaka itanu kubera ishyaka yari afitiye u Rwanda

Kumenya kubyina imbyino za Kinyarwanda ku mwana w’umukobwa wari waravukiye hanze ataragize amahirwe yo kuba mu Rwanda ngo byari urugendo rutoroshye.

Ati “Mama ni we wankundishije cyane kubyina kubera ko asanzwe akomeye ku muco Nyarwanda. Ni we wadufashije kujya mu itorero dutangira kwiga kubyina. Buri cyumweru yadushyiragaho igitsure cyane kuko haba mu mvura cyangwa mu gihe cy’urubura twagombaga kujyayo."

We n’Amarebe n’Imena bakundishije Abanyarwanda bo mu mahanga n’Abanyaburayi kubyina imbyino Nyarwanda.

Ati “Diaspora yarabikunze cyane muri ibyo bihe, abana batubonaga tubyina batangiye kubyiga ku bwinshi, Ababirigi, Abanyaburayi. barabikunze cyane ku buryo na bo bageragezaga gutega amaboko bakagerageza kwigana imibyinire y’abagore beza b’Abanyarwanda.”

Yakuriye mu Itorero Amarebe n’Imena ryamukumbuzaga u Rwanda n’Abanyarwanda

Yungutse byinshi abikuye mu kubyina

Agira ati “Ubwo nari maze kujya mu itorero Amarebe n’Imena nungutse byinshi mbikuye mu kubyina , namenye umuco Nyarwanda, niga Ikinyarwanda nunguka n’inshuti nyinshi.

"Naranatembereye cyane kuko twazengurutse mu bihugu byinshi nko mu Buholandi,u Bufaransa, u Bubirigi,u Bwongereza, u Busuwisi n’ahandi".

Uretse kubyina yanagaragaye mu ndirimbo Amarebe n’Imena nayo yakunzwe mu Rwanda no hanze.

Ubwo indirimbo amarebe n’imena yasohokaga Isimbi yari mu itsinda ry’abaririmbyi baririmbye iyo ndirimbo aho we yaririmbye mu mirongo yayo iri mu rurimi rw’Igiswahili.

Kubyina byatumye atembera mu bihugu byinshi

Akumbuye impumuro y’itaka , n’udusozi two mu Rwanda.

Ati “Ibyo nkunda ku Rwanda ni ubwiza bw’udusozi twaho, ubwitonzi bw’abantu n’inseko yabo izira imbereka. Nkunda n’impumuro y’itaka ry’Umutuku (mu yandi magambo itaka ry’inombe ) itaka rimpumurira neza cyane iyo ngeze ku kibuga cy’indege iyo mpumuro ntijya iva mu myenda.”

Isimbi waje mu Rwanda bwa mbere mu 1990, yakunze u Rwanda igihugu avuga ko atajya ahararukwa iyo yagitembereyemo.

Yaryohewe cyane n’u Rwanda igihugu atagize amahiwe yo kuvukiramo

Uretse iyo nshuro yagarutse mu Rwanda mu 1995 mu gihe cyo kwibuka Jenoside yakorewe Abatutsi. Yagarutse mu 1998 aje mu iserukiramuco Nyafurika ry’imbyino FESPAD. Yongeye kugaruka mu 2011 aje gushyingura Se. Aheruka mu Rwanda muri 2015 na 2016 ubwo yari aje mu kazi ke no gusura inshuti n’umuryango.

Isimbi afite ubuhanga muri Make Up cyangwa se Maquillage

Akunda gusabana cyane n’abavandimwe be

Isimbi Laura wamenyekanye mu mashusho y’indirimbo "Tarihinda" cyane cyane mu 1998, mu iserukira muco Nyafurika ry’imbyino (FESPAD) ntakibyina.

Asigaye aba mu Bwongereza aho akora ibijyanye no kurimbisha abantu, abasiga neza "maquillage" , gutegura ubukwe n’ibirori bitandukanye.

Ku myaka 41, kubyina ntabwo akibikora nk’umwuga n’iyo abikoze abikora agira ngo anezeze abantu iyo bari mu gihe cyo gusabana. Akazi ke akagafatanya no kurera umwana umwe w’umukobwa afite witwa Dioura.

Isimbi n’Umukobwa we Dioura

Isimbi ari kumwe na Ngango ise umubyara

Ntawashidikanya ko ari umukobwa wa Cecile Kayirebwa

Iyumvire ikiganiro kirambuye Kigali Today yagiranye na Isimbi wa Kayirebwa

Mashami Vincent, umutoza w’ikipe y’igihugu Amavubi

Mashami yagize ati "Cote d’Ivoire ni ikipe nziza, turabizi ko yakoreye umwiherero mu Bufaransa, ifite abakinnyi bazwi bakurikirwa muri za shampiyona ariko natwe turi ikipe nziza.

N’ubwo twari tumaze igihe tudakina twiteguye gutanga ibyo dufite byose tugatsinda Cote d’Ivoire"

Umutoza yakomeje avuga ko uretse imyitozo barimo, ngo baranategura abakinnyi neza, cyane cyane mu mutwe.

Ati "Turimo gutegura neza abakinnyi mu mutwe,ntibazagira igihunga kubera kumva amakipe nka za Tottenham na ba Maxi Alain Gradel, nta gihunga dufite, igihunga kinshi kiri kuri Cote d’Ivoire."

Mashami yasabye abakinnyi be kumva ko atari Milan AC, Tottenham, Monaco, Lille n’andi makipe bazaba barimo gukina nayo, ahubwo ko ari ikipe y’igihugu ya Cote d’Ivoire bagiye gukina.

Capiteni w’ikipe y’igihugu Haruna yasabye abakinnyi b’Amavubi kwigaragaza ku mukino nk’uwo ushobora kubafungurira imiryango yo gutera imbere.

Haruna wari mu ikipe iheruka gutsindwa na Cote d’Ivoire ibitego bitanu mu bihe byashize, yavuze ko nta bwoba afite kuko hari byinshi asanga byarahindutse ku Mavubi.

Ati "Hari byinshi byahindutse, icyo gihe twatozwaga na Selas Tettey. Ubu ni Mashami, abakinnyi na bo ku mpande zombi barahindutse nta mpamvu yo kugira ubwoba.

Meddie Kagere nawe ati "Nta wadukandagirira iwacu."

Meddie Kagere waherukaga gukinira Amavubi mu myaka ine ishize, yavuze ko ibibazo Abanyarwanda bafite yiteguye kubisubiriza mu kibuga.

Yongeyeho ko batakwemera ko ikipe ya Cote d’Ivoire ibakandagirira iwabo.

Umukino wo gushaka itike y’igikombe cy’Afurika cya 2019 hagati y’uRwanda na Cote d’Ivoire uteganijwe kubera kuri Stade ya Kigali i Nyamirambo kuri iki cyumweru.

Etame Mayer Lauren utegerejwe mu ruzinduko mu Rwanda

KT Radio muri gahunda y’Umusportif w’Icyumweru itambuka buri wa kabiri mu kiganiro cyayo cy’Imikino KT Sports,yabateguriye icyegeranyo kibagezaho byinshi ku buzima bwa Etame Mayer Lauren uzasura uRwanda kuri uyu wa gatatu.

Ibindi ku buzima bw’Uyu mugabo wahoze akina ruhago kurikira iki cyegeranyo.

Abakinnyi ba BK bashyikiriza igikombe umuyobozi wayo Dr Diane Karusisi

Banki ya Kigali (BK) muri Volley Ball yatsinze iteye mpaga banki y’Abaturage (BPR), nyuma yuko BPR yagerageje kuzana abakinnyi batemerewe gukina iyi mikino barimo na Ndamukunda Flavien usanzwe ukina mu kiciro cya mbere.

Ku mukino wa Nyuma muri Basket ball ku kibuga cya GreenHills, ikipe ya BK ya basketball irimo abakinnyi nka Lionel Hakizimana na IHIRWE Robert basigaye ari abakozi ba BK batsindiye Equity bank ku manota 83-62.

Abakinnyi bashyikirizwa igikombe na Ruboneza Prosper wari uhagarariye Ferwafa

Mu mupira w’Amaguru BK yongeye gutwara igikombe itsinze equity bank ibitego 2-0, iyitsindiye kuri Kuri stade Umumena,

Muri iri rushanwa kandi hahembwe n’Abakinnyi bagiye bitwara neza kurusha abandi.

Abakinnyi b’Ikipe y’umupira w’Amaguru bishimira igikombe

Mu mupira w’amaguru umukinyi w’Irushanwa yabaye umukozi wa BK Sekamana Leandre wahoze akinira Rayon Sports n’Amavubi mbere yo gusezera kuri ruhago 2014.

Muri Basket Ball Shyaka Olivier usanzwe ukinira ikipe ya REG akaba asanzwe ari n’umukozi wa Equity Bank niwe watowe nk’Uwitwaye neza.

Muri Volley Ball iki gihembo cyahawe Singirankabo Dieudonne usanzwe ukinira Ecobank.

Sekamana Leandre wahembwe nk’umukinnyi w’irushanwa mu mupira w’amaguru yahoze akinira Rayon sports n’Amavubi

Muri iyi mikino yabaga ku nshuro ya kabiri mu mwaka ushize, nabwo BK yari yegukanye byinshi mu bikombe byahataniwe haba muri Basketball, umupira w’amaguru, Volleyball no koga.

Aya marushanwa yateguwe n’Ihuriro ry’Amabanki mu Rwanda (Rwanda Bankers’ Association-RBA), agamije gufasha abakozi ba banki gukora no gukunda siporo ndetse no kubapima indwara zitandura.

Shyaka Olivier usanzwe ukinira ikipe y’igihugu ya Basket ball yakiniraga Equity Bank ahembwa nk’uwitwaye neza muri Basket ball

Singirankabo Dieudonne wa Eco Bank yahembwe nk’umukinnyi w’irushanwa muri Volley ball

Ikipe ya Cote d’Ivoire iheruka gukina na Guinea Conakry

Yaya Touré udafite ikipe kuva yarekurwa na Manchester City umutoza yamusize kuko amaze igihe adakina.

Gervinho uherutse guhundura ikipe ava mu Bushinwa yerekeza muri Parme yo mu Butaliyani, nawe umutoza yamusize kuko ataramenyera mu ikipe nshya.

Winfried Zaha we, biravugwa habayeho ubwimvikane n’umutoza wamuhaye umwanya wo kuba arimo gufasha ikipe ye ya Crystal Palace.

Yaya Touré aherutse gusezererwa mu ikipe ya Manchester City

Mu bakinnyi 23 uyu mutoza yahamagaye nta mukinnyi n’umwe urimo ukina imbere mu gihugu.

Aya makipe yombi agiye guhura yaratakaje imikino ibanza mu itsinda barimo aho barimo gushaka itike y’igikombe cya Afurika 2019.

Cote d’Ivoire yatsindiwe mu rugo na Guinea Conakry 3-2, u Rwanda na rwo rwatakaje umukino ubanza rutsinzwe na republika ya Centrafrika 2-1.

Uyu mukino uzahuza Rwanda na Cote d’Ivoire uzaba tariki ya 09 Nzeli 2018, ubere kuri Stade ya Kigali i Nyamirambo.

Gervinho yakanyujijemo mu ikipe ya Arsenal

Abakinnyi 23 Ibrahim Camara yahamagaye:

Abazamu:

Sayouba Mande (OB/Danimarike) Badra Ali (Free State Stars/Afurika y’Epfo) Gbohouo Sylvain (TP Mazembe/ Repubulika iharanira Demokarasi ya Congo).

Ba myugariro:

Eric Bailly (Man United/U Bwongereza) Serge Aurier (Tottenham/U Bwongereza) Kanon Wilfried (ADO Den Haag/ U Buholandi) Traoré Adama (Göztepe/ Turukiya) Kone Lamine (Strasbourg/U Bufaransa) Ghislain Konan (Stade de Reims/U Bufaransa)

Abakina hagati:

Serey Die( FC Basel/U Busuwisi) Ahoulou Eudes (Monaco/U Bufaransa) Franck Kessie (Milan AC/U Butaliyani) Seri Jean Michaël (Fulham/U Bwongereza) Doukouré Cheick (Levante/Espanye) Serge N’Guessan (Nancy/U Bufaransa)

Abataha izamu:

Kodjia Jonathan (Aston Villa/ U Bwongereza) Assale Roger (Young Boys/U Busuwisi) Pépé Nicolas (Lille/U Busuwisi) Max Gradel (Toulouse/U Busuwisi) Bayo Vakoun (Dunajská Streda/Slovaquia) Maxwel Cornet (Lyon/U Bufaransa)

Rushenguziminega mu mukino yaherukagamo akinira Amavubi

Aba 40 hitezwe ko bakurwamo abitabazwa mu gihe muri abo 32, hagira ugira ikibazo ntashobore gukomezanya imyitozo na bagenzi be.

Icyatangaje abantu kigatuma bibaza niba ishyirahamwe ry’umupira w’Amaguru FERWAFA rikurikirana abakinnyi b’Abanyarwanda bakina hanze, ni uko ku rutonde rwa 40 b’abasimbura hagaragaraho Rushenguziminega Quentin bavuga ko akinira ikipe ya FC Lausanne kandi amaze imyaka 2 ayivuyemo.

Ruhenguziminega aheruka muri FC Lausanne muri 2016

Uyu musore wahoze ari nimero 10 w’Amavubi, ku rutonde rw’abasimbura bigaragara ko akinira FC Lausanne yo mu cyiciro cya mbere mu Busuwisi kandi aheruka kuyikinira mu 2016 ubwo yari igikina mu cyiciro cya kabiri.

Quentin Rushenguziminega w’Imyaka 26 ubu akina mu cyiciro cya gatatu mu gihugu cy’u Busuwisi mu ikipe ya Stade-Lausanne Ouchy agezemo mu mpeshyi za 2018, avuye mu ikipe ya Yverdon Sports .

Uyu musore wavukiye mu Busuwisi ahitwa i La Sarraz ku mubyeyi w’Umusuwisi n’Umunyarwanda yatangiye gukinira Amavubi 2015, aho amaze kuyakinira imikino 5.

Ikindi kigaragaza ko FERWAFA idakurikirana abakinnyi b’Abanyarwanda bakina hanze, ni uko mu kiganiro Mashami Vincent utoza Amavubi yagiranye na Rushenguziminega ku murongo wa Telefoni mbere y’uko amushyira ku rutonde yari yamubwiye ko akinira ikipe yitwa Stade-Lausanne Ouchy, ariko FERWAFA iguma kwiyandikira FC Lausanne aherukamo mu myaka ibiri ishize.

Kuba yasohotse ku rutonde rw’abasimbura mu Mavubi nk’umukinnyi wa FC Lausanne aherukamo imyaka ibiri ishize, bigaragaza ko FERWAFA idakurikirana abakinnyi bakina hanze, bigatuma rimwe na rimwe FERWAFA itangaza amakuru atari yo.

Urutonde rw’abasimbura b’Amavubi, Rushenguziminega ni uwa Kabiri

Byari bikwiye ko Umuyobozi wa FERWAFA cyangwa se n’Umutoza w’Amavubi bihagurukira bakajya kugenzura kugira ngo bamenye uko bahagaze, mbere yo guhamagarwa.

Kanyogote waje ku mukino wa Mukura na Rayon yisize irangi ry’inzu

Umufana wa Mukura uzwi ku izina rya Kanyogote uvuga ko yatangiye kwisiga amarangi mu 1998 abyigiye ku bafana b’ikipe ya Far-Rabat yo muri Maroc, avuga ko yiyemeje gushyigikira ikipe ye, bityo buri igihe aba yiteguye gukora ibishoboka byose ngo itsinde.

Mbere yo guhaguruka i Huye, Kanyogote yagiye gushaka irangi ry’Ifu abafana basanzwe bisiga ku mikino ariko ntiyabasha kuribona.

Nyuma yo kubona ibihe byamusize yaguze irangi ry’amavuta ryagenewe gusigwa inzu aba ariryo yisiga ku mubiri we hafi ya wose yurira imodoka aza I Kigali.

Yagize ati: “Irangi ry’Ifu (Poudre) naribuze mbona Turuye (Anti-rouille) nta kundi nari kubigenza nagombaga kuza gushyigikira ikipe yanjye.”

Rwarutabura umwe mu bafana bisiga amarangi na we akoresha irangi ry’ifu

Yakomeje avuga ko iri rangi riryana cyane ku mubiri ndetse ngo kugira ngo rive ku muntu bidapfa koroha.

Uyu mufana avuga ko yiteguye gukoresha ijerikani y’amazi ashyushye n’Isabune kugira ngo rimuveho kndi nabwo atari burundu.

Kanyogote yaribwaga ku mubiri n’iri rangi ariko nyuma yuko Mukura itwaye igikombe bwa mbere nyuma y’imyaka 28, ngo yabaye nk’ubyibagiwe aho yahise afata n’urugendo yerekeza i Huye kandi nta mwambaro yambaye.

Ubusanzwe abafana bisiga amarangi bemenyerewe mu Rwanda nka Rwarutabura, Rujugiro, Nyiragasazi n’abandi basanzwe bisiga irangi ry’ifu, ritagorana kuva ku mubiri iyo igikorwa cyo gufana kirangiye.

Amarangi y’ifu nta gihe bitwara abafana kuva ku mubiri

Ibirori bikomeye kuri Stade Huye nyuma y’itsinzi ya Mukura mu gikombe cy’Amahoro

Mukura Victory Sports ikimara gutwarira igikombe mu Mujyi wa Kigali, itsindiye Rayon kuri penaliti 3-1, abari basigaye i Huye bahise batangira ibirori byacyesheje ijoro.

Ubwo Mukura yari imaze kwegukana igikombe cy’Amahoro, yaherukaga mu 1990, ibirori byahise bitangira ku bafana bayo bari i Kigali n’i Huye.

Ku Isaha ya saa Tatu n’igice, nyuma yuko ab’i Huye bari bamaze kumva iyi nkuru, bahise bacana Stade Mpuzamahanga ya Huye abafana bajya gutegererezamo abakinnyi.

Abayobozi mu ikipe ya Mukura bishimira umusaruro ikipe yabo itanze

Mu masaha ya Saa saba n’Igice ni bwo imodoka zari zitwaye abakinnyi n’abafana zasesekaye mu Mujyi wa Huye zerekeza kuri stade ibirori birakomeza.

Abakinnyi ba Mukura bamurikiye igikombe abafana babo n’abayobozi barara bishimira intsinzi.

Ibirori byafashe hafi amasaha y’Ijoro yose kuko abafana batangiye kugera muri stade saa Tatu n’igice z’ijoro basohokamo ahagana mu saa Kumi zo mu rukerera rwo kuri uyu wa 13 Kanama 2018.

Abafana bashagaye bisi yazanye abakinnyi ba Mukura nyuma yo kwegukana igikombe

Mukura yegukanye igikombe cy’Amahoro cyaherekejwe na sheki ya Miliyoni 10Frw na tike yo gusohokera igihugu mu mikino nyafurika ihuza amakipe yatwaye ibikombe iwayo.

Umuyobozi w’Akarere ka Huye, Sebutege Ange (wambaye umuhondo) yari yaje gushyigikira Mukura

Bishimiye igikombe baherukaga mu myaka 28 ishize

Uwo mufana yari yabukereye

Amakipe yose yahanganye iminota 120 birangira Mukura yegukanye intsinzi kuri penaliti

Aya makipe yombi yaherukaga guhurira ku mukino wa nyuma, mu imyaka 13 ishize, yatangiye asatirana.

Ku munota wa 20, Umuzamu wa Mukura yakoreye ikosa Djabel wa Rayon Sports hanze y’urubuga rw’amahina ahabwa ikarita y’umuhondo.

Christ Mbondi wa Rayon Sports yatsinze igitego, umusifuzi yanzura ko hari habayeho kurarira.

Ku munota wa 39, Mukura yashoboraga kubona igitego ku mupira watewe na Romami wari wazonze ba myugariro ba Rayon ariko Umuzamu Bikorimana akiza izamu.

Mu gice cya kabiri, Ishimwe Kevin ku ruhande rwa Mukura ubwo yinjiraga mu kibuga asimbuye Nshimiyimana Ibrahim yagoye cyane ab’inyuma ba Rayon Sports.

Umukino wari ukomeye

Ishimwe yazamukanye umupira ahana neza na Mutebi ateye umupira uca ku ruhande gato. Iminota 90 y’umukino yarangiye ari 0-0 hitabazwa iminota y’inyongera 30.

Bimenyimana Caleb wa Rayon yabonye amahirwe mu minota 30 y’inyongera aho yazamukanye umupira acenga, ateye Rwabugiri witwaye neza akiza izamu. Umukino warangiye ari 0-0 bajya kuri za penaliti.

Mbere y’uko bajya kuri penaliti, Mukura yasimbuje Rwabugiri hinjiramo Ingabire Regis umutoza yari yizeye kuri penaliti.

Ku ruhande rwa Rayon sports abahushije penaliti ni Rwatubyaye, Caleb na Yassin Mugume wayiteye mu biganza bya Reggis.

Ibyishimo byari byose mu bafana

Abakinnyi babanje mu kibuga:

Mukura Victory Sports: Rwabugiri, Iragire Saidi, Nshimirimana David, Rugirayabo Hassan, Zagabe, Nkomezi Alexis, Duhayindavyi, Nshimirimana Ibrahim, Cyiza Hussein, Romami Frank, Mutebi.

Rayon Sports: Bikorimana, Mutsinzi Ange, Rutanga Eric, Manzi Thierry, Rwatubyaye, Muhire Kevin, Niyonzima Olivier, Mukunzi Yannick, Manishimwe Djabel, Mugisha Girbert, Christ Mbondi.

AS Kigali ntiyatanze umusaruro yari yitezweho

Hashize iminsi umujyi wa Kigali ushyizeho itsinda rishinzwe gukurikirana imikoreshereze y;inkunga yahawe amakipe yombi y’Umujyi wa Kigali , As Kigali y’abagabo n’Iya bagore.

Amakuru y’Impamo Kigali Today yahawe n’Umuvugizi w’Umujyi wa Kigali bwana Rangira Bruno avuga ko aya makipe yombi ntayemerewe gukora igikorwa gisaba amafaranga haba kugura abakinnyi cyangwa ikindi icyo aricyo cyose mu gihe iritsinda ritararangiza akazi karyo.

Yagize ati” Muri iki gihe harimo gukorwa iryo genzura ry’ikoreshwa ry’umutungo nta torero cyangwa ikipe y’umujyi wa Kigali yemerewe igikorwa cyashora umujyi mu ideni, hari raporo z’abagenzuzi zagaragazaga ko hari imikoreshereze itari myiza umujyi wahaga ayo makipe”

Mu kiganiro Rangira Bruno yagiranye n’umunyamakuru wa Kigali today na KT radio, umunyamakuru yamubajije niba ibivugwa byo kugenzura imikoreshereze y’inkunga umujyi wahaga ayo makipe niba bidafitanye isano n’ibimaze iminsi bivugwa ko amakipe ahabwa inkunga na leta yose atazongera izahagarara.

Asubiza iki kibazo yavuze ko bishoboka ko mu gihe inzego zishinzwe kugenzura imikoreshereze y’inkunga yahawe iyi kipe basanze itagendanye n’umusaruro imaze gutanga ishobora no guhagarikwa burundu.

Ati “Icyo twavuga mu ikipe hari byinshi haba koroshya ubukangurambaga ku baturage ,haba no gushyushya umujyi nibyiza ko yitwara neza no mu musaruro,kugeza ubungubu yaterwaga inkunga n’umujyi wa Kigali ,nihaza ikindi cyemezo cy’ababifitiye ububasha muzabimenyeshwa.”

Kuba ikipe ya AS Kigali itemerewe kugura umukinnyi mu gihe andi makipe akomeje kwiyubaka ni ikimenyetso kigaragaza ko inkunga yagenerwaga ishobora gukurwaho cg ikagabanuka nubwo umujyi utarabishyira ahagaragara.

As Kigali yashinzwe mu yahabwaga inkunga ya miliyoni zisaga 300 buri mwaka mu rwego rwo kwiyubaka.

Iyi kipe mu mwaka ushize w’Imikino yari yarangije ku mwanya wa kabiri muri shampiyona inyuma ya APR FC yegukanye igikombe.

Hari impungenge ko inkunga yahabwaga iramutse ikuweho yasenyuka kuko itari mu makipe ashobora gufashwa kubaho n’abafana.

Rayon Sports yatangiye isatira ariko ntiyabasha kubyaza umusaruro amahirwe yabonye

Ni umukino watangiye Rayon Sports isatira ariko amahirwe yagiye ibona ntiyashobora kuyabyaza umusaruro hakiri kare.

Rayon Sports yari yatsindiwe I Nyagatare ibitego 2 kuri 1 yasabwaga kubona igitego kimwe ku busa kugirango igere ku mukino wa nyuma.

Mu gice cya mbere Uwambajimana Leon yagoye cyane Rayon, aho yagaragaraga yica umukino wayo hagati.

Mu gice cya kabiri Rayon yinjiye mu mukino itangira gukina neza.

Abafana bongeye kugaruka ku kibuga nyuma y’igihe basa n’abivumbuye

Niyonzima Olivier Sefu yatsindiye Rayon igitego nyuma y’uburangare bw’umuzamu n’abinyuma ba Sunrise.

Rayon yari imaze kugarura Morale yabonye igitego cya kabiri cyatsinzwe na Muhire Kevin ku mupira yahawe na Yannick Mukunzi.

Umukino warangiye ari ibitego 2-0 ,Rayon ikatisha tike yo kujya ku mukino wa nyuma ku giteranyo cy’ibitego 3-2 ku mikino yombi.

Abafana ba Rayon Sports bashimiye abafana umukino urangiye

Umukino wa nyuma w’igikombe cy’amahoro uteganijwe ku cyumweru hagati ya Mukura na Rayon Sports.

Sunrise na APR zasezerewe muri 1/2 zizakinira umwanya wa gatatu.

Rayon yaherukaga guhurira na Mukura ku mukino wa nyuma mu 2005 ,ubwo yayitsindaga 3 ku busa ikayitwara igikombe cy’amahoro.

Uyu yashakiraga Rayons amahirwe

(Hagati)Umunyamabanga wa leta muri Minsiteri y’Uburezi Dr Isaac Munyakazi mu kiganiro n’abanyamakuru ku mikino ya FEASSSA igiye kubera mu Rwanda

Mbere y’Iyi mikino igiye kubera mu Rwanda ku nshuro ya gatatu aho biteganijwe ko izabera mu Mujyi wa Musanze kuva taliki ya 10 kugeza 20 Kanama 2018, Minisiteri y’Uburezi n’abashinzwe imikino yo mu mashuri bahagurukiye ikibazo cy’Ibigo bikoresha abakinnyi batari abanyeshuri babyo.

Umunyamabanga wa leta muri Minisiteri y’Uburezi Ushinzwe amashuri abanza n’ayisumbuye Dr Isaac Munyakazi ubwo yari ari mu kiganiro n’abanyamakuru cyagarukaga ku myiteguro y’Iyi mikino yavuze ko URwanda rwiteguye neza kwakira iyi mikino .

Yagize ati “Imyiteguro yarakozwe twiteguye kwakira neza irushanwa ndetse n’abazaza batugana,imyiteguro igeze ku musozo ibibuga byaratunganyijwe ndetse n’amacumbi ikindi kandi tunategura uko twazasigarana intsinzi.”

Munyakazi yanakomoje ku kibazo cy’Ibigo bifite umuco wo gutira abakinnyi basanzwe batiga bagamije guharanira ishema ry’Ibikombe bakazitira impano z’abanyeshuri baba bakizamuka.

“Turemera ko rimwe na rimwe mu Rwanda byagiye bitubaho mu rwego rwo gushaka intsinzi , turizeza ko bitazongera kubaho kuko twabonanye n’Ubuyobozi bwa FEASSSA tubiganiraho dufata umwanzuro wo kubirwanya”

Twashyizeho itsinda rishinzwe gukusanya amakuru ku bakinnyi bose bazitabira uwo bizagaragaraho tukabona ibimenyetso ko yakoze aya manyanga tuzamuhana”

Iki kibazo cyagaragaye cyane muri FEASSSA ya 2015 yabereye I Huye aho amakipe amwe na mwe yari yakoresheje abakinnyi batari abanyeshuri barimo n’abakina mu kiciro cya mbere mu makipe yo mu Rwanda nko mu mupira w’amaguru,Volley Ball na Basket Ball .

Ibihugu bimaze gutangaza ko bizitabira iyi mikino igiye kubera mu Rwanda ku nshuro ya gatatu ni Tanzania,Kenya,Uganda n’URwanda, mu gihe ibindi bihugu birimo Uburundi na Soudani y’Epfo byari byatumiwe byivanye mu bazitabira iyi mikino.

Iyi mikino iheruka kubera Gulu mu majyaruguru ya Uganda biteganijwe ko izitabirwa n’abakinnyi 2519.

Mbaraga Alexis ukuriye ishyirahamwe ry’Umukino wa Triathlon mu Rwanda ubwo yashimiraga Travis Campbell imwe mu nzobere zahuguye abatoza b’Uyu mukino mu mwaka ushize

Iki gikombe cy’Afurika cy’Umukino wa Triathlon usanzwe ukomatanya imikino itatu :Koga,gutwara igare no gusiganwa ku maguru kizaba kirimo ibyiciro bitandukanye birimo Abatarengeje imyaka 23 n’abakina mu kiciro cy’abakuru mu bagabo no mu bagore.

Mu koga bazakora intera ya metero 750 mu kiyaga cya Kivu,bakurikizeho gusiganwa ku igare bakora ibirometero 20 bazenguruka ibice bitandukanye by’umujyi wa Rubavu ,bazasoreze ku gusiganwa ku maguru bakora intera y’Ibirometero 5.

Kwiyandikisha ku bakinnyi bazitabira birakomeje , aho ari amadolari y’abanyamerika 70 ku banyaRwanda no ku banyamahanga batuye mu Rwanda na 250 ku banyamahanga bazitabira iyi mikino baturutse hanze.

Abakinnyi 16 bazaturuka hanze nibo bamaze kwiyandikisha mu bazaza gukina iki gikombe cy’Afurika.
Mu bihugu bizitabira harimo URwanda ruzaba ruhagarariwe n’abakinnyi 16,Afurika y’Epfo izazana abakinnyi 5,Kenya (6) Zimbabwe (1)Namibia (1) Niger (1) n’Ibirwa bya Maurice bizaba bifitemo umukinnyi umwe.

Mu bihugu bizitabira harimo n’Ibihugu byo hanze y’Umugabane w’afurika bizaba bifite abakinnyi bazaba baje gushaka amanota muri uyu mukino.

Ibihugu byo hanze y’Afurika bizaba biri muri iyi shampiyona y’Afurika ni Jordania, leta z’Unze ubumwe z’Amerika, na Autriche.

Mbere yuko iyi mikino itangira guhera taliki 30 Nyakanga kugeza taliki ya 03 Kanama ku bufatanye bw’Ishyirahamwe ry’Umukino wa Triathlon ku isi, na Solidarite Olyimpique hateganijwe amahugurwa y’Abasifuzi n’Abatoza bakomoka mu Rwanda,Uburundi na Repubulika iharanira demokarasi ya Congo.

Aya mahugurwa azatangwa n’Inzobere zirimo Laurent Massias Umuyobozi wungirije ushinzwe ibyatekiniki mu ishyirahamwe rya Triathlon mu Bufaransa na Vicent Bertlan Alcala ukomoka muri Espagne.

URwanda rwaherukaga kwakira irushanwa rikomeye muri uyu mukino mu mpeshyi y’Umwaka ushize ubwo rwari rwakiriye irushanwa ry’Afurika ryahuzaga ibihugu bigize akarere ka kane k’Afurika ryateguraga iki gikombe cy’afurika rugiye kwakira mu kwezi gutaha.

Igice cya mbere cyarangiye amakipe yombi anganya ubusa ku busa.

Mu buryo bukomeye bw’igitego bwabonetse, Police yahushije uburyo Songa Isaie yabonye ateye umupira uca hanze gato y’izamu .

Ku ruhande rwa APR fc nayo mu gice cya kabiri, Ombolenga yazamukanye umupira ahererekanya na Andrew Butera ariko ateye umupira ujya hanze.

Police Fc yabanje mu kibuga

APR Fc yabanje mu kibuga

Ku munota wa 82 Byiringiro Lague wa APR yongeye guhusha amahirwe aho yakatiwe umupira imbere y’izamu na Ombolenga ariko awushyira hanze.

Ngendahimana Eric wa Police Fc umaze iminsi yitwara neza

Umukino ugiye kurangira Munezero Fiston wa Police Fc yahawe ikarita y’umutuku nyuma yo gukubita umutwe abigambiriye Muhadjili wa APR fc.

Uko imikino yindi yagenze.

Sunrise FC 2-0 Bugesera
Mukura VS 1-0 Amagaju

Kuri uyu wa Gatandatu tariki 21/07/2018

Marines vs Rayon Sports.

Amakipe azakatisha tike ya kimwe cya kabiri buteganijwe ko azamenyekana ku ma taliki ya 23 , 24 na 26 z’uku kwezi.

Igikombe cy’amahoro cy’umwaka ushize cyari cyegukanywe na APR fc yatsindiye Espoir ku mukino wa nyuma.

U Bufaransa bwegukanye igikombe cy’isi bwihanangirije Croatia

Muri uyu mukino wabereye kuri stade ya Luzhiniki i Moscow u Bufaransa bwahabwaga amahirwe ba benshi butsinze Croatia 4-2.

U Bufaransa nibwo bwabonye igitego cya mbere Ku munota wa cumi n’umunani cyitsinzwe na Mario Manduzkic.

Croatia yari yubakiye umukino hagati yakomeje gusatira nyuma y’iminota cumi Demagoj Vida aha umupira Ivan Persic yishyurira Croatia Ku munota wa makumyabiri n’Umunani.

Nyuma y’iminota cumi Croatia yakoze ikosa ubufaransa buhabwa penalite yinjijwe neza na Antoine Griezmann.

U Bufaransa bwabonye igitego cya mbere gitsinzwe n’umukinnyi wa Croatia Mandzukic

Tumwe mu dushya twaranze uyu mukino nuko ibitego byose bitatu byatsinzwe mu gice cya mbere cy’uyu mukino byagiye byinjira nyuma y’iminota cumi.

Bavuye ku ruhuka Ku munota wa 59 ku burangare bwa ba myugariro ba Croatia Paul Pogba yatsindiye ubufaransa igitego cya gatatu. Ni nako byongeye kugenda Ku igitego cya kane cy’ubufaransa cyatsinzwe na Kylian Mbappe Lottin.

U Bufaransa nubwo bwasaga nkaho bwizeye intsinzi umuzamu wabwo Hugo Lorris yakoze ikosa agiye gutanga umupira awutanga mu birenge bya Manduzkic watsindiye ikipe ye igitego cya kabiri ku munota wa 69.

Mbape na we yitwaye neza anabona igitego

Umukino warangiye ubufaransa butsinze ibitego 4-2 bwegukana igikombe.

U Bufaransa bukinnye imikino ya nyuma Ku nshuro ya gatatu nyuma y’imyaka 20 butwaye igikombe cy’isi cya mbere bwegukanye igikombe cya kabiri.

Didier Deschamps utoza u Bufaransa abaye umuntu wa gatatu ku isi ubashije kwegukana igikombe cy’isi nk’umutoza n’umukinnyi nyuma y’UmunyaBrazil Mario Zagallo n’Umudage Franz Bekenbauer.

U Bufaransa nyuma yo kwegukana iki gikombe cya kabiri mu mateka bwanganyije umubare w’ibikombe na Uruguay na Argentine bunegukana miliyoni 38 z’amadolari y’Abanyamerika.

Umuzamu w’u Bufaransa Hugo Loris yaje gutsindwa igitego cyiza

Perezida w’u Bufaransa Emmanuel Macron yakoze ’fairplay’ na Perezida wa Croatia Kolinda Grabar-Kitarović

Umukino watangiye utegerejwe n’isi yose

Imyitozo y’Amavubi b’abagore irarimbanyije

Ikipe itozwa na Kayiranga Baptiste yatangiye imyitozo ku wa kabiri 10 Nyakanga 2018 n’ubwo itagenze neza nk’uko umutoza yabyifuzaga.

Nubwo hasigaye iminsi micye ngo amarushanwa atangire ku itariki 19 kugeza 27 Nyakanga 2018, kuri Stade ya Kigali, Capitaine w’Amavubi(Abagore) Nibagwire Sifa Gloria avuga ko abona Amavubi yakwegukana igikombe cya CECAFA 2018.

Aganira na Kigalitoday, Nibagwire yatangaje ko imyiteguro babateganirije biteguye kuyibyaza umusaruro kugira ngo bazashimishe Abanyarwanda.

Yagize ati “Abanyarwanda ntibagire igihunga cyangwa se ngo badutakarize icyizere ahubwo bakitugirire kuko tuzakora icyo dushoboye. Bazaze badushyigikire ubundi natwe intego yacu ni ugutwara igikombe cya CECAFA.”

Umutoza Kayiranga Baptiste yahamagaye abakinnyi 24 bakomeje imyitozo kugera kuri 18 Nyakanga 2018.

Igikombe giheruka cya CECAFA y’abagore cyatwawe na Tanzaniya nyuma yo gutsinda Kenya mu marushanwa yabereye muri gihugu cya Uganda.

Gahunda y’imikino y’Amavubi

– U Rwanda ruzakina na Tanzaniya (tariki 18 nyakanga 2018)
– U Rwanda ruzakina na Ethiopia (tariki 23 nyakanga 2018)
– U Rwanda ruzakina na Uganda (tariki 25 nyakanga 2018)
– U Rwanda ruzakina na Kenya (tariki 27 nyakanga 2018)

Reba video y’uko imyitozo yifashe

Abakinnyi bagiye kwerekeza mu Bubiligi, uhereye ibumoso ni Nzafashanayo Jean Claude, Gahemba Bernabe, Hakizima Félicien Nkurunziza Yves, Nsabimana Jean Baptiste na Habimana Jean Eric

Abo bakinnyi barimo batatu b’ikipe ya Fly Cycling Team n’abandi bakinnyi babiri ba Benediction Club na Bernabbe Gahemba wa Les Amis Sportif, akaba na murumuna wa Areruya Joseph.

Iyi kipe yagiye ku bufatanye n’abafatanyabikorwa b’umukino w’amagare aribo Skol na Rwanda Air mu rwego rwo gufasha aba bakinnyi bari munsi y’imyaka 18 kugira ubunararibonye mu mukino w’amagare.

Ubuyobozi bwa Fly cycling Team buvuga ko ari umwanya mwiza wo kongerera ubunararibonye abakinnyi bafite b’ingimbi.

Ntembe Jean Bosco Umuyobozi wa Fly Cycling Team isanzwe ibarizwa i Kiramuruzi, avuga ko uretse kubongerera ubunararibonye ari n’umwanya mwiza wo gushaka abandi bafatanyabikorwa mu Burayi.

Yagize ati “Mu gihe cy’ukwezi bazamara bazakora amasiganwa cumi na rimwe azaberekera urugendo rw’ubunyamwuga no gutinyuka amarushanwa mpuzamahanga.”

Umutoza w’ikipe ya FLy, Jordan Matches, uzajyana n’iyi kipe avuga ko uru rugendo ruzafasha mu gutegura abakinnyi b’ejo ku Rwanda. Yemeza ko bizarushaho gushimangira intego URwanda rwatangiye yo gukomeza kuza imbere muri Afrika mu mukino w’amagare.

Ati “Turizera ko bizaha umwanya wo kwigaragaza kuri aba bakinnyi bakiri bato, bizazamura imyitwarire yabo ku rwego mpuzamahanga kuko bazungukira byinshi muri uru rugendo.”

Jordan Mathes utoza ikipe ya FLY cycling club niwe uzaba ayoboye abakinnyi mu myitozo

Yavuze ko mu gihitamo abakinnyi bagiye, bagendeye Ku myitwarire yabo mu marushanwa ya Rwanda Cycling Cup amaze iminsi aba kimwe n’andi bagiye bitabira.

Mu bakinnyi bagiye muri iyi myitozo harimo Yves Nkurunziza uheruka kwegukana umwanya wa kabiri muri shampiyona nyafurika yabereye mu Rwanda 2018 na Eric Habimana wegukanye shampiyona y’igihugu iherutse kuba mu kwezi gushize kwa gatandatu.

Urutonde rw’abakinnyi bazajya mu Bubirigi:

1.Jean Eric Habimana(Fly cycling Team)
2.Felicien Hakizimana (Fly cycling team)
3.Jean Baptiste Nsabimana Fly Cycling team)
4.Jean Claude Nzafashwanayo (Benediction Club)
5.Yves Nkurunziza (Benediction Club )
6.Bernabbe Gahemba( Amis Sportif).

Iyi gahunda yo kujyana abakinnyi b’ingimbi mu ngendo ahatandukanye ku isi bakora imyitozo y’igihe kirekire biteganijwe ko izakomeza kuba ngarukamwaka ikazanakomereza mu bindi bihugu by’u Burayi, Afurika na Amerika.

REG yisubije iki gikombe yari ifite umwaka ushize

Muri kimwe cya kabiri ikipe ya Gisagara yari isanzwe ifite igikombe cya shampiyona yatunguwe itsindwa na REG seti 3-2, isezererwa itageze ku mukino wa nyuma.

Abafana bari benshi nubwo izuba ryari ryinshi

Gisagara isanzwe ikoresha ingengo y’imari ya miliyoni 80Frw yifuzaga kwegukana iri rushanwa ryo kwibuka Rutsindura ukomoka mu murenge wa Ndora mu karere ka Gisagara.

Zimwe mu mpamvu zatumye Gisagara itsindwa ni ukugorwa n’ibibuga byo hanze (Outdoor), kuko isanzwe imenyereye gukinira muri Gymnase (indoor), aho Nyirimana Fidele utoza iyi kipe yavuze ko benshi mu bakinnyi babo bakinnye hanze bibagora gukinira ku bibuga byo hanze kubera izuba na sima.

Uwundi mukino wa kimwe cya kabiri APR yatsinze UTB biyihesha kujya ku mukino wa nyuma .

Mbere y’uko hakinwa umukino wa nyuma, habanje ubuhamya bwa Mbaraga Alexis wari Kapiteni wa Petit Seminaire ubwo yatizwaga na Rutsindura agaruka ku bihe byiza bagiranye.

Yavuze ku kwitanga kwe no gukunda abakinnyi be aho yabafataga nk’abana be, nyuma hakurikiyeho umunota wo kumwibuka, umukino wa nyuma wari utegerejwe cyane uratangira.

Abakinnyi ba REG bategereje umupira

Ku mukino wa nyuma APR ifashijwe na Yves Mutabazi wigaragaje cyane ku mukino wa nyuma yatsinze REG amaseti abiri ya mbere, aho iya mbere yatsinze bigoranye kuri 32 kuri 29, seti ya kabiri iyitsinda byoroshye 25-20.

Kubera ko hagombaga kugaragara utsinze ari uko atsinze seti 3, hagombaga gukinwa seti ya gatatu, REG iyitsinda kuri 25-18, bituma bajya kuri seti ya Kane nayo REG yatsinze bakajya kuri Seoul.

APR yari yatangiye umukino neza yaje kuvunikisha kapiteni wayo Yves Mutabazi wari wagoye REG itangira gusubira inyuma.

REG yari igizwe n’abakinnyi nka Ntagengwa Olivier, Ndamukunda Flavier, Otama Saviour n’abandi yatsinze seti ya kabiri banganya seti 2 kuri 2, bajya ku gace ka Seoul REG yatsindiyeho APR 15-11.

Mu bagore APR itari yagatwaye iki gikombe yacyegukanye itsinze ku mukino wa nyuma RRA yajyaga ibagora seti 3 kuri imwe.

Ikipe ya APR y’Abagore ishyikirizwa igikombe

Uko batsindanwe mu bindi byiciro, mu kiciro cya serie B:

Igikombe cyegukanwe na GSOB yatsinze ST Joseph Kabgayi hitabajwe seti ya Seoul, mu kiciro cy,abavetera (veterans) ikipe ya Droujba y’i Kigali niyo yegukanye igikombe itsinze Kimisagara.

Mu biga mu kiciro rusange (tronc commun) Petit Seminaire Karubanda yatsinze GSOB seti 2-0.

Naho mu kiciro cy’amashuri abanza igikombe cyegukanwe na EP Tumba yatsindiye Simbi ku mukino wa nyuma.

Muri beach volleyball, abegukanye igikombe ni umutoza Mana Jean Paul na Mbonyuwontuma Jean Luc wahoze ari umutoza.

Mu mwaka ushize iki gikombe cyari cyegukanwe na REG mu bagabo na RRA mu bagore.

Andi mafoto ya Memorial Rutsindura ku munsi wa nyuma

Ntagengwa Olivier (wunamye), ni umwe mubo REG igenderaho

Padiri Claude Tarbot umaze imyaka isaga 40 mu Rwanda, yigishije Rutsindura muri seminari nto ya Karubanda

Yves Mutabazi kapiteni wa APR yari yazonze REG ku maseti abiri ya mbere

Yves Mutabazi (wasimbutse) yaje kuvunika ava mu mukino

Intsinzi nyinshi mu gikombe cy’isi zagiye zitangwa n’abasifuzi nyuma y’imyumvire ivuga ko uwakiriye igikombe cy’Isi agomba guhekwa ku mugongo akagera kure hashoboka.

Bamwe mu bantu bahoze bakomeye mu isi nk’umunyagitugu Benito Mussolini baguze igikombe cy’isi.

Ubugome bwinshi mu kibuga, ibyishimo byinshi n’imibabaro kuri bamwe, ruswa zivuza ubuhuha, gukoresha ibiyobwange n’ibindi bifutitse n’ibifututse, nyuma y’ibyo byose kirongeye kije mu maso yacu nyuma y’imyaka ine.

Kurikira igice cya mbere cy’icyegeranyo kivuga kuri amwe mu mabanga ahishwe n’ibintu bidasanzwe byagiye biranga igikombe cy’isi cy’ibihugu.

Umukino hagati y’aya makipe yombi wegejwe imbere kubera ibiza

Impinduka z’amasaha kuri uyu mukino zatewe nuko ikipe ya Etincelles yakerejwe mu rugendo n’uruzi rwa Nyabarongo rwuzuye rugatuma umuhanda Rubavu-Ngororero- Muhanga utaba Nyabagendwa.

Etincelles yari yakoresheje uyu muhanda ijya i Huye nyuma yo gusanga Nyabarongo yuzuye byabaye ngombwa ko ikata ikajya guca mu muhanda Rubavu-Musanze-Kigali.

Mbere y’uyu mukino w’umunsi wa 18 wa Shampiyona Mukura iri kumwanya wa 9 n’amanota 22,naho Etincelles yo iri kumwanya wa 5 n’amanota 27.

Murangwa Eugene ubu yihebeye ibikorwa byo kwigisha amateka yaranze Jenoside yakorewe Abatutsi

Mu kiganiro kirambuye yagiranye na KT RADIO, Radio ya Kigali Today, aratugezaho inzira y’umusaraba yanyuzemo nk’Umututsi wagombaga kwicwa mu gihe cya Jenoside, ndetse akanagaragaza uburyo kuba yarakiniye Rayons Sport byaramukuye mu menyo y’interahamwe zari zigiye kumwica.

Iyumvire ubuhamya bwa Murangwa Eugene

Murangwa Eugene yakinaga imikino yose yambaye Ingofero

Umukino w’amateka mu yo yakinnye ni umukino wa CAF Confederation Cup wahuje Rayons Sport na Al Hilal yo muri Sudani tariki 6 Werurwe 1994, umukino warangiye Rayons Sports itsinze Al Hilal ibitego 4 kuri 1.

Murangwa Eugene aherutse no kwambikwa umudari w’Ishimwe n’Umwamikazi w’Ubwongereza Elisabeth wa II, kubera ibikorwa by’indashyikirwa agaragaza yigisha amateka n’ukuri kuri Jenoside yakorewe Abatutsi .

Aherutse kwambikwa umudari bamushimira ko yitangiye kwigisha amateka yaranze Jenoside yakorewe Abatutsi aharanira ko itazasubira ukundi

Murangwa aganira na KT RADIO Murangwa yatangaje birambuye impamvu yakinanaga ingofero mu mikino yose, ibintu benshi bibazaga ntibabonere igisubizo.

Kurikira ikiganiro Murangwa yagiranye n’Umunyamakuru wa KT RADIO Uba mu ishami ry’imikino

Minisitiri Uwacu yashyikirije ibendera ry’igihugu Areruya Joseph uhagarariye bagenzi be

Yabibwiye aba bakinnyi 16 bakina mu mikino itandukanye, ubwo yabashyikirizaga ibendera ry’igihugu, kuri uyu wa Gatanu tariki 9 Werurwe 2018.

Uretse kubasaba kwitwara neza no gufatanya bagamije insinzi, yanabasabye kwirinda umuco yise uw’ubugwari wo kumva ko bagomba gutoroka igihugu bahagarariye kugira ngo bagume hanze.

Yagize ati "Ntabwo bikwiriye ko hari umuntu waba agifite imyumvire mu bakinnyi bacu ko hari uwaba agitekereza gushaka gutorokera hanze mu gihe yasohokeye igihugu. Ni umuco w’ubugwari ndetse nanagereranya no kugambanira igihugu."

Abakinnyi bizeje Abanyarwnda ko batazabatenguha

Uko ari 16 bavanzemo bazahagararira u Rwanda, harimo ababikoreye babonye tike y’iyi mikino n’abandi bagiye ku butumire bw’iyi mikino izabera muri Australia, mu Mujyi wa Gold coast.

Hagombaga kugenda 17 ariko uwitwa Girubuntu Jeanne D’arc aza kuvamo nyuma yo kugira imvune bituma asezera mu mukino w’amagare burundu.

Uhagarariye akanama gategura iyi mikino mu Rwanda (CGF) akaba na Perezida wa komite Olimpique y’u Rwanda amb. Valens Munyabagisha yavuze ko kujya gukina iyi mikino ku butumire bitagihesha ishema igihugu.

Avuga ko barimo kugenda bakuraho ubutumire, ku buryo mu minsi iri imbere hazajya hagenda uwabikoreye gusa.

Ati "Ntabwo uzafata ikipe nka Gasogi ngo ijye guhatana muri champions league ngo ikine na za Real Madrid zamaze kugera ku rundi rwego."

Abakinnyi n’abayobozi b’inzego z’imikino na Minisitiri w’Umuco na Siporo mu ifoto y’Urwibutso

Kugeza ubu abahagarariye u Rwanda bakoreye itike ni Ikipe ya Beach Volley Ball yatwaye igikombe cya Afurika ndetse n’uzahagararira igihugu mu guterura ibiremereye mu bafite ubumuga.

Imikino izahagararira u Rwanda ni Ngororamubiri izohereza abakinnyi batandatu barimo abagabo batatu n’abagore batatu, Amagare azajyana abakinnyi umunani, harimo abagabo batandatu n’abagore babiri.

Harimo kandi ikipe ya Volley Ball yo ku musenyi izaba igizwe n’abagore babiri ndetse n’undi mugabo umwe uzahagararira u Rwanda mu baterura ibyuma biremereye.

Imikino ya Common wealth Games (CWG ) 2018 izatangira tariki 4 Mata 2018, izahuza abakinnyi bo mu bihugu 70.

Izaba ari ku nshuro ya gatatu u Rwanda ruyitabiriye, nyuma y’iyabereye i Delhi mu Buhinde muri 2010 n’iyabereye i Glasgow muri Ecosse muri 2014. Kugeza ubu nta munyarwanda urabasha gutsindira umudali.

Niyitanga aratanga ikizere cy’ejo hazaza h’uyu mukino

Kuri uyu wa Gatandatu tariki 3 Werurwe 2018, Shampiyona y’umukino na wa Triathlon wakomereje mu Karere ka Rubavu.

Mu bagabo habayeho gutungurana aho Niyitanga Kevin w’imyaka 17 ari we waryegukanye, haba mu ngimbi no mu bagabo.

Rukundinka yabaye uwa kabiri

Uwahabwaga amahirwe ni Hategekimana Timamu, ariko yaje gutungurwa nyuma yuko habayeho kumva nabi inzira yagombaga gukoreshwa arayoba.

Niyitanga wari wanabaye uwa mbere mu ngimbi ni nawe waje no kuba uwa mbere mu bakuru.

Niyitanga watangiye gukina uyu mukino mu 2015, Yavuze ko bigiye kumutera akanyabugabo akarushaho gukora cyane.

Yagize ati “Ntabwo nateganyaga kwegukana iri rushanwa ariko maze kubona ko Timamu yayobye agakora inshuro nyinshi natangiye kubona ko byose

Muri iri rushanwa hakinirwagamo imikino itatu ikomatanije: koga, gusiganwa ku maguru no gutwara igare.

Mu bagore Uwineza Hanani yongeye mwegukana iri rushanwa.

Hanani aherutse no kwegukana umudali wa mbere mu mikino nyafurika yabereye muri Zimbabwe mu kwezi gushize. Icyo gihe yasiganwaga mu kiciro cy’abatarengeje imyaka 23.

Uwineza yongeye kubura umuhiga

Uko bakurikiranye muri Rubavu Triathlon Challenge 2018 ukomatanije imikino yose itatu:

Abagabo

1.Niyitanga Kevin 1h 2’ 9’’

2.Rukundinka Stiven 1h 2’ 12"

3. Maniraguha Eloi 1h 4’ 9"

Abagore

1.Uwineza Hanani 1h 17’ 32".

2 .Tuyishime Alice 1h 32’ 24"

3.Dukuzimana Samillah 1h 35’ 32"

*Ikiciro cy’ingimbi.

1.Nitanga Kevin 1h2’9"

2.Rukundinka Stiven 1h 2’ 12"

3.Mwami Samuel 1h6’35".

Aba mbere mbere bahembwe ibihumbi 50Frw ,aba kabiri bahembwa 30Frw naho abaje ku myanya ya gatatu mu byiciro byose bahembwa ibihumbi 20Frw.

Iri rushanwa ryitabiriwe n’Abanyarwanda n’abandi baturutse muri Repubulika Iharanira Demokarasi ya Congo.

Abakinnyi basiganwaga ku mikino 3 ikomatanije aho basiganwaga ku ntera yo koga metero 750 mu kivu, gusiganwa ku maguru ibirometero 5 n’igice no gusiganwa ku igare ibirometero 20.

Romami Andre yatandukanye na Kiyovu Sports muri 2017, ubwo yari imanutse mu kiciro cya kabiri nyuma yo gutsindwa na Rayon Sports 2-1

Romami Andre, usanzwe ukina nka rutahizamu, yabitangarije Kigali Today mu kiganiro yagiranye nayo aho ari i Lusaka muri Zambia.

Yavuze ko byamugoye kubona ikipe muri Zambia none ubu yamaze kuvugana na Kiyovu kugaruka kuyikinira.

Yagize ati "Nifuzaga gukina muri Zambia aho nakoze igeragezwa mu makipe atandukanye nka Lusaka Dynamos ariko ntibyakunze ko mbona amasezerano."

Romami yabwiye Kigali Today ko azagera mu Rwanda ku wa Kane w’icyumweru gitaha.

Romami yahoze muri Kiyovu Sports akayivamo ku mpera z’umwaka w’imikino 2016/2017 ubwo yamanukaga mu kiciro cya kabiri .

Romami Andre ni umwe muri ba rutahizamu bazwiho ubuhanga mu gutsinda ibitego no kugora ba myugariro

Yumvikanye nayo ko azagaruka kuyikinira akazatangira gukinishwa mu mikino yo kwishyura.

Mu bindi bizanye mu Rwanda uyu mukinnyi harimo no gushaka ubwenegihugu bw’u Rwanda. Kugeza ubu yakoreshaga ubwenwgihugu bw’u Burundi.

Lomami na bakuru be bakiniye Amavubi ariko nta bwenegihugu bafite kugeza ubu.

Kuva nyuma ya 2014 niho hafashwe icyemezo cy’uko abakinnyi bakiniye Amavubi batarahawe ubwenegihugu bafatwa nk’abanyamahanga, kuko ngo gukinira Amavubi byafatwaga nk’abagiye mu butumwa bw’akazi.

Ati ”Nkeneye kubona ubwenegihugu bw’uRwanda eho hazaza hanjye ni mu Rwanda kandi nabyo birakenewe. Ubu bigeze ku ntambwe nziza birashoboka ko mu kwezi gutaha kwa gatatu nzaba namaze kububona.”

Romami Andre ategerejweho gufasha Kiyovu Sports iri ku mwanya wa mbere muri shampiyona n’amanota 23.

Uyu rutahizamu azajya afatanya n’abandi ba rutahizamu barimo Mustapha Francis Njali, Nizeyimana Jean Claude na rutahizamu Alexis ukomoka muri Cameroun.

Romami Andre asanzwe uvukana na Romami Jean, Romami Marcel na Romami Frank mu muryango wa Muzehe Romami.

Romani Andre yakiniye amakipe atandukanye arimo Espoir FC, Police Fc, APR FC yanamamariyemo cyane, Atraco akaba yaranakiniye ikipe y’igihugu Amavubi.

Rtd Brig Gen Sekamana atanga Kanditatire yo kuzahatanira kuyobora FERWAFA

Brig Gen Sekamana atanze kandidatire kuri uyu wa gatanu, mu gihe wari n’umunsi wa nyuma wo gutanga Kandidatire ku bifuza kuyobora FERWAFA. Amatora akaba ateganyijwe mu kwezi gutaha tariki ya 31.

Kanditatire ya Brig. Gen Sekamana Jean Damascene yashyikirijwe Komisiyo ishinzwe amatora y’abayobozi ba FERWAFA, ihagarariwe na Kalisa Adolphe Camarade, ikaba niyakirwa azaba ari mu bahatanira umwanya wa Perezida wa FERWAFA.

Nubwo bitaremezwa neza, hari amakuru avuga ko muri komite yatanze yabo yifuza kuyoborana na bo mu gihe yaba atowe, abenshi ngo bari ku rutonde rwari rwatanzwe na Nzamwita vincent de Gaulle weguye mbere y’amatora aheruka.

Brig Gen Sekamana Jean Damascene yigeze kuba umwe mu bayobozi ba Kiyovu Sports.

Brig Gen Sekamana Jean Damascene yigeze kuba umuyobozi wa Kiyovu Sports n’ikipe y’Intare yo mu kiciro cya kabiri yiyamamaje aturutsemo.

 Brig Gen Sekamana yari amaze iminsi asoje ikivi mu ngabo z’igihugu

Mu itangazo ubuyobozi bw’Ingabo z’u Rwanda bwasohoye ku wa 8 Mutarama 2018, bwatangaje ko ku busabe bwa Brig. Gen. Sekamana, yemerewe ikiruhuko n’Umugaba w’Ikirenga w’Ingabo z’u Rwanda ariwe Nyakubahwa perezida wa Repubulika Paul Kagame.

Brig Gen Sekamana Yakoze imirimo itandukanye irimo ko yakuriye Urwego rw’Iperereza muri Gendarmerie . Yanabaye Umugaba wungirije ushinzwe ibikorwa by’Ingabo mu butumwa bw’amahoro bw’Umuryango w’Abibumbye muri Sudani y’Epfo.

Mbere yo kusa ikivi mu ngabo, Brig. Gen. Sekamana yari Umuhuzabikorwa w’imishinga y’Ingabo z’u Rwanda, Umutwe w’Inkeragutabara.

Atanze kandidatire mu gihe mu minsi byanugwanugwaga ko ariwe ugomba kuyobora FERWAFA.

Brig Gen Sekamana si we musirikari wenyine waba uyoboye FERWAFA aramutse atowe kuko Lt. Gen. Caezar Kayizari yayiyoboye hagati ya 1995-2005 na Maj. Gen. Kazura Jean Bosco ayiyobora hagati ya 2006-2011.

Abajijwe impiduka azazana muri FERWAFA, yavuze ko azategereza akazabitangariza mu mwanya wagenewe kwiyamamaza.

*Dore uko ingengabihe y’amatora ya FERWAFA iteye

Tariki 19 – 23 Gashyantare 2018: Gutanga kandidatire kw’abifuza kwiyamamaza.

Tariki ya 28 Gashyantare 2018: Kwiga Ubusabe bw’abatanze kandidatire.

Tariki ya 9 Werurwe 2018: Gutangaza abemerewe kwiyamamaza

Tariki ya 12 Werurwe 2018: Gutangira kwiyamamaza kw’abakandida

Tariki ya 31 Werurwe 2018: Amatora

UTB mu ifoto y’urwibutso mbere yo kwegukana igikombe

Ikipe ya APR VC mu bagore muri 1/2 yari yasezereye ikipe ya St Joseph seti 3-0, APR VC yatsindiye ku mukino wa Nyuma ikipe ya Ruhango VC 3-0.

Mu bagabo igikombe cyegukanwe n’ikipe ya UTB yatsinze APR vc amaseti 3-1. Muri 1/2 UTB yahuye na APR ku mukino wa nyuma yari yasezereye Gisagara seti 3-2 naho APR yo yari yasezereye Amical Sportif de Bujumbura seti 3-1.

Mu mukino wa nyuma watangiye ku gicamunsi cyo kuri iki cyumweru tariki 18 Gashyantare 2018, mu bagabo APR na UTB wari umukino w’ingufu.

UTB yafashijwe cyane n’abakinnyi Kavalo Patrick na Guillaume Irakarama batsinze iseti ya mbere APR, mbere y’uko igaruka nayo ikabatsinda iyindi.

APR VC ntiyoroheye UTB nubwo mur Volley ukurusha birangira agutsinze

Mu mvura nyinshi yatumye uyu mukino uhagarikwa inshuro 3, ikipe ya APR yagenderaga ku mukinnyi umwe Yves Mutabazi, yacitse intege itsindwa seti zakurikiyeho umukino urangira itsinzwe na UTB seti 3-1.

Nyuma y’uyu mukino Kavalo Patrick yatangarije kigali today ko ibanga ryo kwitwara neza ari uko bamaze kumenyerana. Yagize ati "Tumaze kumenyerana, twiteguye no kwitwara neza muri shampiyona."

Babanje gutungura ikipe ya Gisagara yambaye imyenda ya Orange

Mu kiciro cy’abari n’abategarugori ikipe ya APR vc yatsinze Ruhango vc seti 3-0. Nta gutungurana kwabayeho, kuko APR isanzwe igizwe n’abakinnyi bafite ubunararibonye mu gihe Ruhango yo yiganjemo abakinnyi bakiri bato.

Mu bindi byaranze irushanwa ryo kwibuka Padiri Kayumba, habayeho gutungurwa ku ikipe ya Gisagara yari iherutse kwegukana irushanwa ry’intwali mu bagabo n’ikipe ya RRA mu bagore.

Gisagara na RRA ni amakipe amaze kumenyereza benshi kwitwara neza ariko ntiyahiriwe kuko yose yasezerewe muri 1/2.

APR VC y’abagore yihanangirije andi makipe iyatwara igikombe

Gisagara VC isanzwemo amazina akomeye nka Sibomana Placide Madison, Dada Karera, na Mukunzi Christopher, Karera Dada n’abandi.

Isanzwe ari ikipe ivugwaho gukoresha ingengo y’imari nini, aho bivugwa ko ikoresha miliyoni zisaga 80Frw yatunguwe no kuviramo muri 1/2.

Sibomana yavuze ko basezerewe bitewe nuko amakipe y’andi yari yabize kandi ko gukinira hanze (outdoor) bibagora kuko basanzwe bakinira muri gymnase (indoor).

Ati "Amakipe yandi yari yaratwize nyuma yuko twari tumaze iminsi duhagaze neza."

Abakinnyi ba APR VC bitegura kujya mu kibuga

Mu bindi byiciro nko mu kiciro cya kabiri Serie B kubera imvura umukino wasubitswe ikipe ya Pt Seminaire Virgo Fidelis Karubanda ariyo iri imbere aho yari yatsinze GS st joseph Kabgayi seti 2-1.

Mu kiciro cy’abahoze bakina bateranije amanota yagiye ava ku mikino amakipe yombi yagiye ahuriramo, igikombe cyegukanwa n’ikipe ya Relax volley ball club isanzwe ibarizwa mu mujyi wa Kigali.

Mu mwaka ushize igikombe cyo kwibuka padiri Kayumba cyari cyegukanwe na Kirehe mu bagabo, mu bagore RRA, mu bahoze bakina cyegukanwa na Mamba naho mu kiciro cya kabiri cyegukanwa na GSOB.

Perezida wa Komite Olimpiki y’URwanda Ambasaderi Munyabagisha Valens asanga idindira ry’imikino riterwa n’abayobozi b’amashyirahamwe badafite ubumenyi ku miyoborere y’imikino

Umuyobozi w’Iri shyirahamwe mu Rwanda, Amb. Munyabagisha Valens yabitangarije mu mahugurwa y’abayobozi b’amashyirahamwe y’Imikino.

Yavuze ko ikibazo cy’Imiyoborere mibi mu mashyirahamwe y’imikino kiri mu biza ku isonga mu kudindiza Iterambere ry’Imikino mu mashyirahamwe amwe namwe mu Rwanda.

Yagize ati “Ntabwo imikino ishobora gutera imbere iyoborwa n’abantu batayifiteho ubumenyi. Ntabwo dushobora kubona impano zigaragaza tudafite imiyoborere myiza mu mashyirahamwe, kuko abayobozi baba badafite ubushobozi n’ubumenyi mu miyoborere.”

Umuvugizi wa Ferwafa Ruboneza Prosper avuga ko aya mahugurwa agiye kubafasha kunoza akazi kabo

Yavuze ko urugero rugaragarira mu mashyirahamwe afite imiyoborere myiza, ko ari yo afite ikigero kigaragara cyo kuzamura impano.

Komite Olimpiki yateguye amahugurwa agamije guhugura abayobozi mu mashyirahamwe y’imikino, mu rwego rwo kongerera ubumenyi abayobozi b’amashyirahamwe y’imikino.

Bazahugurwa ku bijyanye n’imiyoborere, imitegurire y’abakinnyi, gutegura amarushanwa, gushakisha amasoko no ku ikoreshwa ry’Inkunga.

Bamwe mu bitabiriye aya mahugurwa bavuga ko azatuma barushaho guhindura byinshi mu mashyirahamwe bayobora

Ruboneza Prosper umuvugizi wa FERWAFA witabiriye aya mahugurwa, yavuze ko azabagirira akamaro aho agiye kubafasha kunoza akazi kabo.

Ati “Bizadufasha gufasha amashyirahamwe twaturutsemo gutegura ibintu mu buryo bunoze”.

Biteganijwe ko aya mahugurwa azamara umwaka wose, abayitabiriye bakazahabwa impamyabushobozi mu miyoborere y’Imikino izatangwa n’Impuzamashyirahamwe y’imikino Olimpiki ku isi.

Nyuma hazakurikiraho no gukorera ikiciro cya gatatu (Master’s) mu miyoborere y’imikino.

Nyuma y’amarushanwa mpuzamahanga begukanye baracyategereje agahimbazamusy

Yabitangaje ku mugoroba wo kuri uyu wa Kabiri, ubwo Minisitiri w’Umuco na Siporo Uwacu Julienne, ari kumwe n’abandi bayobozi batandukanye b’imikino, bakiraga abakinnyi b’ikipe y’igihugu yegukanye Tour de l’Espoir yaberaga muri Cameroun, bikayihesha itike yo kuzitabira Tour de France y’abari munsi y’Imyaka 23.

Ni umuhango wabereye i Nyamata kuri Hotel Golden Tulip ahari gutegurirwa abakinnyi bazahagararira U Rwanda muri Shampiyona Nyafurika izabera mu Rwanda muri uku kwezi kwa Gashyantare.