Ku isaha ya saa saba n’iminota icumi nibwo ubwirakwabiri bw’ukwezi bwagaragaye mu kirere cyo mu Bongereza nk’uko ikinyamakuru The Telegraph cyandikirwa muri iki gihugu cyabitangaje.

Kimwe n’ibindi byinshi mu binyamakuru byo mu Bwongereza, The Telegraph cyakomeje kivuga ko abantu benshi muri iki gihugu babyutse bagatangira gufata amafoto y’uku kwezi kwari kwahindutse nk’amaraso ari nako ngo abantu benshi muri iki gihugu bari bakangaranye kuko ubwagiye buba mu myaka yashize bwo batabubonaga.

Iyi foto yafatiwe mu mujyi wa Glastonbury, mu Bwongereza

Si mu bwongereza gusa ibi byagaragaye kuko no mu bihugu byinshi byo ku migabane y’Uburayi na Amerika (Amajyepfo n’Amajyarugur), nka Leta zunze ubumwe za Amerika, Ubufaransa, Ubusuwi, Brezil, Espagne, ndetse na Afurika, ukwezi kwagaragaye kumeze gutyo.

Mu minsi ishize ikigo cyo muri Amerika gishinzwe ibijyanye n’ubumenyi bw’isanzure ry’ikirere n’imibumbe(NASA), cyari cyatangaje ko ubu bwirakabiri bw’ukwezi buteganyijwe kuba mu mpera z’uku kwezi kwa Nzeri 2015.

Bamwe bari bahanuye ko icyo kiri mu bimenyetso by’irangira ry’isi ariko NASA ikavuga ko nta mpamvu yo kugira ubwoba kuko ibi ari ibintu bisanzw bibaho.

Andi mafoto:

Uko ukwezi kwari kumeze i Rio de Janeiro muri Brazil

Mu mujyi wa Kansas, muri USA

California muri USA

I Paris mu Bufaransa hafi y’umunara wa Eiffel

London,mu Bwongereza

Ifoto yafatiwe i Buenos Aires, muri Argentina