KT TV
Rwamagana: 19 baguye mu mpanuka
Abagera kuri 19 baguye mu mpanuka yabereye Rwamagana naho bandi bagera kuri 2 barakomereka aho bahise bajyanwa kwa muganga.
Ikamyo yavaga muri Tanzaniya yagonganye na Taxi Minibus mu mudugudu wa Ruhita mu kagari ka Kanyangese mu murenge wa Gahengeri mu karere ka Rwamagana ahazwi ku izina ryo mu Kabuga ka Musha hapfa abagera kuri 19 naho abandi babiri barakomereka.
.
Ikamyo yavaga muri Tanzaniya yamanukaga igera kuri Fuso yari iparitse ishatse kuyinyuraho ihura na taxi minibus yazamukaga irayurira iyikuba hasi mu ntera igera kuri metero 100.
Abari muri Minibus bose bahise bapfa kubera ubukana bw’impanuka hanakomereka abandi babiri.
Umuyobozi wa Polisi yo mu muhanda George Rumanzi yatangaje ko impanuka ishobora kuba yatewe n’umuvuduko ukabije iyo kamyo yamanukanye akanavuga ko bakomeza gukangurira abashoferi kugendera ku muvuduko muke igihe cyose bageze ahantu hashobora guteza impanuka.
Cyprien Ngendahimana
Ibitekerezo ( 34 )
Ohereza igitekerezo
|
|
Ndihanganisha imiryango yabuze abayo. kdi mbwira n’abayobozi bibinyabiziga kugabanya umuvuduko ariko gushyigashyira ubuzima bw’abo batwaye.
Turihanganisha imiryango yabuze abantu turayihanganisha, turihanganisha n’igihugu muri rusange, abantu 19 kubabura igihe kimwe igihe kiba gitakaje imbaraga.
Imiryango yabuze abayo yihangane, mbega impanuka iteye ubwoba abashoferi mumuhanda nimudufashe mujye mujyenda buhoro kandi muruhuke bihagije.
izimpanuka we turashize, abantu batwara izimodoka akenshi baba banananiwe cyane, imiryango yabuze ababo yihangane.
Si controle technique gusa, abatwara izo modoka baba banasinze, Imana nidutabare.
izimpanuka koko, bagiye bakoresha controle technique imodoka zabo, naho ubundi impanuka ziraza kutumaraho abantu.
Ariko se uyu munyamakuru wahageze iyi niyo foto yashoboye gufata
Twifatanyije mu kababaro n’imiryayo n’inshuti babuze ababo muri iyi mpanuka, abitabye Imana ibahe iruhuko ridashira
Twihanganishije cyane imiryango yaba bantu baguye muri iyi mpanuka, imana ibahe iruhuko ridashira.
mbega, ni ukwihangana birababaje cyane