Bimwe mu bintu utazi kuri Perezida Kagame
Igitabo cya Francois Soudan “Conversations with President of Rwanda” giherutse gushyirwa ahagaragara kivuga ku buzima bwite bw’umukuru w’igihugu Paul Kagame.
Muri icyo gitabo Perezida Paul Kagame avugamo byinshi mu bireba ubuzima bwe bwite n’ibijyanye n’akazi abantu bamwe bashobora kuba batari bazi.
Perezida Kagame ngo ni umuntu ukunda gutekereza cyane. Yanga umuha amabwiriza cyangwa amategeko, kuko yubahiriza inshingano ze kandi akazira umuntu umutegeka icyo agomba gukora, cyaba kireba u Rwanda cyangwa we ubwe.
Avuga ko yemera ubutabera n’ubwubahane, akubahira umuntu uko ari kuko adakunda na gato gusuzugura abandi.
Perezida Kagame ngo yari afite inzozi zo kuzatwara indege cyangwa akaba injeniyeri, gusa n’ubwo amateka yatumye inzozi ze atazigeraho ngo yishimira kuba uwo ari we.
Ntatandukanye n’abandi mu kugaragaza ibyishimo bye, yishimira intsinzi ariko kugera ku byo yiyemeje bikamushimisha kurushaho. Cyakora ngo ntaragera ku ntego ye nyamukuru yo kubona u Rwanda ruteye imbere kandi rudategereje kubeshwaho n’imfashanyo z’abandi.
Avuga ko yifuza kubona u Rwanda na Afurika muri rusange yibeshejeho idategereje imfashanyo kandi abaturage bose babayeho neza. Kubwe Jenoside ni ibyago bikomeye u Rwanda rwagize.
Hari abantu bafatwa nk’intwari nka Alexandre le Grand, abantu baharaniye impinduramatwara nk’umufaransa Maximilien Robespierre n’umunya-Cuba Ernesto Che Guevara bamwe mu bayobozi baba bashaka gufataho urugero.
Perezida Kagame avuga ko yagiye asoma ibibavugwaho agafata n’umwanya wo gusesengura ibitekerezo bya bo, ariko iyo umubajije umuntu w’intwari yafataho urugero asubiza atazuyaje ko nta we.
N’ubwo amashusho y’amahano yagwiririye u Rwanda muri Jenoside yakorewe Abatutsi mu 1994 atabura kumugarukira, Perezida Kagame afite icyizere cy’ahazaza kubera intambwe u Rwanda rumaze gutera rukemura ibibazo isi yafataga nk’ibitabonerwa ibisubizo.
Ku bijyanye n’amafunguro akunda Perezida Kagame avuga ko icyo yateguriwe cyose agifata mu gihe abo bari kumwe na bo bashobora gufata kuri ayo mafunguro. Ati “Ntukwiye guhangayikishwa n’icyo wakiriza Kagame igihe waba wamutumiye.”
Ntakunda ibinyobwa bisembuye ariko ngo mu gihe bibaye ngombwa kuri divayi asomaho gake, ubusanzwe ngo agakunda icyayi cyangwa amazi.
Ku bijyanye n’indimi avuga, umukuru w’igihugu avuga ko avuga indimi zitandukanye, cyane cyane izo mu karere k’ibiyaga bigari nk’Igiswahili, Luganda, Urunyankore n’izindi.
Yigeze kumvikana akoresha Igifaransa mu mbwirwaruhame ze, mu cy’Esipanyolo naho ntiyakwiburira kuko ubwo yigaga muri Cuba amasomo amasomo bigishaga yigishwaga muri urwo rurimi ariko bagasemurirwa mu Cyongereza.
Perezida Kagame ni umuyobozi ukunda ibintu bijyanye n’ubucuruzi n’ishoramari, iyo mpano ngo akaba ayikomora ku mubyeyi we wakoraga ubucuruzi bw’ikawa, wanagize uruhare mu guteza imbere ubuhinzi bw’ikawa mu Rwanda.
Ku bijyanye n’amabanga ye yihariye Umukuru w’igihugu avuga ko hari umubiligi wigeze kumwishyurira amafaranga y’ishuri.
Gusa avuga ko nta mitungo afite hanze y’u Rwanda cyangwa n’amafaranga abitsa kuri konti zo hanze y’u Rwanda uretse amafaranga make ari kuri konti y’umwihariko.
Umukuru w’igihugu kandi afite abavandimwe, bashiki be batatu baba mu Rwanda ariko ntibagaragara muri politiki.
Ubwo Kagame yazaga mu Rwanda mu 1977, abayobozi b’u Rwanda ngo baketse ko ari umunya Uganda baramureka. Hagati aho inshuti ye Fred Rwigema yari amaze igihe kigera ku myaka itatu atagaragara ku ishuri abantu bakajya batekereza ko ashobora kuba yaritabye Imana. Amaze kugaruka yaganiriye na Kagame ahita yumva impamvu [Rwigema] yari yarabuze.
Perezida Kagame avuga ko kwinjira mu gisirikari bitari umuhamagaro w’akazi, ahubwo ngo byari ukugira ngo yitegure neza umushinga bise “return to Rwanda project” bari barigeze kuganira na Rwigema, kugira ngo Abanyarwanda bari baravukijwe uburenganzira ku gihugu cyabo bagitahemo.
Ubwo yari mu mahugurwa ya gisirikari muri Amerika mu 1989, Kagame yari kumwe n’abasirikari b’abakolineli b’Ababirigi n’Abafaransa. Umukoloneli w’umufaransa ni we wayoboye icyitwaga Opération Turquoise cyashyizeho bariyeri mu majyepfo n’Uburengerazuba bw’u Rwanda mu rwego rwo gufasha abasirikari bakoze Jenoside guhungira muri Zaire.
Mu 1992 Kagame yatawe muri yombi n’inzego z’umutekano z’Abafaransa, ubwo yari mu rugendo rw’ibiganiro by’amahoro. Cyakora ntiyigeze atanga ikirego ku Bufaransa haba kuri leta y’u Bufaransa haba kuri Jacques Chirac cyangwa Nicolas Sarkozy n’ubwo uyu wa nyuma yaje mu Rwanda mu rugendo rw’akazi mu 2010.
Perezida Kagame yagerageje kugarura umubano mwiza hagati y’u Bufaransa n’u Bubirigi nyuma ya Jenoside, ariko ngo hari amazina amugaruka mu bitekerezo harimo n’irya Paul Dijoud. Uyu yari ashinzwe umugabane wa Afurika muri ministeri y’Ububanyi n’amahanga y’u Bufaransa.
Ubwo Kagame yari mu Bufaransa mu biganiro by’amahoro, Dijoud yamubwiye ko nadahagarika imirwano no gushaka gufata igihugu “abantu be bazicwa mu gihe azaba ari gushaka gufata Kigali” Muri icyo gitabo Perezida Kagame anavugamo amazina y’abandi bantu bari kumwe muri urwo rugendo bari bagiriye mu Bufaransa.
Perezida Kagame avuga ko hari abantu bashaka ubutegetsi binyuze mu nzira mbi. Avuga ko byanze bikunze hari uzamusimbura, ariko bitanyuize mu ntambara.
Umukuru w’igihugu kandi ngo adashobora gusinya amasezerano y’imikoranire n’urukiko mpuzamahanga mpanabyaha rwa ICC kubera ko atarwizera.
Ukeneye kumenya ibirenze ku byo twazuze washakira iki gitabo mu masomero ari hirya no hino mu mujyi wa Kigali.
Inkuru rya Kt Press,
Yashyizwe mu Kinyarwanda na Cyprien M. Ngendahimana
Ibitekerezo ( 123 )
Ohereza igitekerezo
|
Ariko harakaririmbo tugira kavugango turi mundege ya ndumunyarwanda ntukagirubwoba pilote ni Paul!inzozi zamuzehe wacu zabaye impamo.
H.E POUL KAGAME HE GIVES ME ESPIRETION
H.E POUL KAGAME HE GIVES ME ESPIRETION
PREZIDA WACU RWOSE IYO ATWARA INDEGE TWARI KUBA DUHOMBYE PE!!!!!AHO AMAZE KUGEZA IGIHUGU CYACU NI HEZAA NSIGAYE NJYA MUCYARO ICYO ARICYO CYOSE NKASANGA BAKANDA KUNKUTA HOSE UMURIRO WARAHAGEZE KABURIMBO HARAHO ZINYURA MUNZU.MBEGA IBYIZA ATUGEZAHO BIRAKATAJE.
PREZIDA WACU RWOSE IYO ATWARA INDEGE TWARI KUBA DUHOMBYE PE!!!!!AHO AMAZE KUGEZA IGIHUGU CYACU NI HEZAA NSIGAYE NJYA MUCYARO ICYO ARICYO CYOSE NKASANGA BAKANDA KUNKUTA HOSE UMURIRO WARAHAGEZE KABURIMBO HARAHO ZINYURA MUNZU.MBEGA IBYIZA ATUGEZAHO BIRAKATAJE.
Inkuru nziza cyane rwose.
Ariko aho mwanditse mu bika bya nyuma ngo muri icyo gitabo, nta hantu na hamwe mwigeze muvuga igitabo icyo aricyo, ntabwo byumvikana! Mwongere murebe murasanga aho mutwohereza ngo "..muri icyo gitabo Perezida Kagame anavugamo amazina..", nta hantu na hamwe mbere mwigeze muvuga igitabo, umuntu aragishaka akakibura. Hasi ngo "..uwashaka icyo gitabo..."; ikihe se? Icyo gitabo mbese nta zina gifite, kitwa ngo iki? Ubu ntibikiri ngombwa ko umuntu atega imodoka ajya kugura igitabo, wakigurira no kuri murandasi, mudufashe muduhe izina ryacyo! Mugerageze kujya musoma inkuru mwanditse mbere yo kuyohereza kuri bose babireba (editor niko kazi ke niba mumugira)!! Murakoze
Imana ikomeze ikujye imbere ukomeze utebe igihugu cyacu ukivane mu bukene maze Abanyarwanda twese twunge ubumwe buhoraho. Asante sana Mzee kwa wisdom na guidance yenu. Cheers
Mfite amahirwe ko namenye ubwenge ndikumwe n’umubyeyi Paul KAGAME.icyampa nkazamukurikiza nanjye nibwiriza mu byo nkora .IMANA idukunda igumye itube hafi iduhe imbaraga turwane urugamba rw’iterambere muri byose
Aya mateka arashimishije!
Igitekerezo cyanjye nuko, Abanyeshuri basohoka muri za Kaminuza buri munsi, bagombye kujya bakora ubushakashatsi ku mateka y Igihugu ndetse n abagize uruhare mu kwongera ku rwubaka, ntabwo aribyo kurangiza kaminuza utazi igihugu cyawe aho cyavuye naho kijya! Bitaribyo aha mu mahanga baratubeshya byinshi bari muntambara yuko ukuri kw ibintu kutamenyekana! Izo kaminuza ndetse n ibigo byamashuri, n ibitange umusanzu ugaragara mu mateka yacu! Nyakubahwa Président ita kubusabe bwanjye
Kuri paragraph ya kane hariho agakosa gato ijya kurangira, byaba byiza gakosotse.
Ahari kwandikwa " ’kubwa’Genocide nibyago bikomeye urwanda rwagize" handitswe "’kubwe’ Genocide nibyago bikomeye Urwanda rwagize".
Murakoze.
Yego kubwe cg kuri we himself ndumva aribyo bavugaga
Bigup our lovely President we are always proud to have you in Rwanda bizanagorana kuzabona undi nkawe
ubuhanga ubwitonzi ubumenyi Na experience ufite birahagije ngo ubikore Kandi really ubikora neza usubiza neza...twaguhawe n’Ihoraho pe
We love you
Baba , ulitutoa mbali
Na sisi tuko tunakuja ku build
Our country and to create more jobs also Rwanda big up saana
Baba we salute you a lot.
perezinda paul kagame natwe turi hanze yorwanda turamukunda aturerera neza abacu bari murwanda