Mu Karere ka Gatsibo batoye Richard Gasana ku mwanya w’umuyobozi w’akarere, Theogene Manzi ku mwanya w’umuyobozi w’akarere wungirije ushinzwe imari n’iterambere ry’ubukungu, naho Capt (Rtd) Wilson Rutayisire atorerwa kuyobora inama njyanama.

Gasana Richard, umuyobozi w’Akarere ka Gatsibo.

Capt (Rtd) Rutayisire Wilson watorewe kuyobora inama njyanama y’Akarere ka Gatsibo.

Gasana watorewe kuyobora Akarere ka Gatsibo yari asanzwe ari umunyamabanga nshingwabikorwa w’Umurenge wa Tare mu Karere ka Nyamagabe.

Mu Karere ka Rwamagana bagombaga gusimbuza umuyobozi w’akarere n’umwungirije nabo bakoze amatora, maze Uwizeyimana Abdul Karim atorerwa kuba umuyobozi w’akarere naho Regis Mudaheranwa aba umuyobozi wungirije ushinzwe imari n’iterambere ry’ubukungu.

Uwizeyimana Abdoul Kalim watorewe kuyobora Akarere ka Rwamagana.

Mudaheranwa Regis, umuyobozi w’Akarere ka Rwamagana wungirije ushinzwe imari n’iterambere ry’ubukungu.

Mu Karere ka Karongi mu burengerazuba bw’u Rwanda hatowe Ndayisaba François wari usanzwe ari Umunyamabanga Nshingwabikorwa w’Umurenge wa Gitesi muri ako karere.

Ndayisaba Francois wagiriwe icyizere cyo kuyobora Akarere ka Karongi.

Mu Karere ka Rusizi ho batoye Harerimana Frederic ku mwanya w’umuyobozi w’akarere. Uyu yari asanzwe ari umunyamabanga nshingwabikorwa w’Umurenge wa Muhima mu Karere ka Nyarugenge muri Kigali.

Harerimana Frederic watorewe kuyobora Akarere ka Rusizi.

I Rusizi kandi batoye Nsigaye Emmanuel ku mwanya w’umuyobozi w’akarere wungirije ushinzwe imibereho myiza y’abaturage. Uyu Nsigaye yari ashinzwe imiryango itegamiye kuri leta n’itangazamakuru muri minisiteri y’ubutegetsi bw’igihugu.

Mu Karere ka Nyamasheke naho habaye amatora yo gusimbuza Habyarimana Jean Baptiste wari umuyobozi wako uherutse kwegura, uyu mwanya ukaba wegukanywe na Kamali Kamali Aimé Fabien, wari Umunyamabanga nshingwabikorwa w’Umurenge wa Kanjongo muri aka karere.

Kamali Aimé Fabien watorewe kuyobora Akarere ka Nyamasheke.

Hanatowe kandi perezida w’inama Njyanama y’Akarere ka Nyamasheke, umwanya wegukanywe na Ndabamenye Telesphore ukora mu kigo cy’igihugu cyo guteza imbere ubuhinzi n’ubworozi (RAB), akaba ari umuyobozi wungirije ushinzwe ibyo kuhira n’ihingishwa ry’amamashini, akanayoboya ishami ryo kongera umusaruro.

Ndabamenye Telesphore, Perezida w’inama njyanama y’Akarere ka Nyamasheke mushya.

Ahishakiye Jean d’Amour afatanyije n’abanyamakuru ba Kigali Today mu turere amatora yabereyemo