KT TV
Abasirikare ba Congo barasiwe mu Rwanda bashyikirijwe igihugu cyabo
Abasirikare ba Congo batanu barasiwe mu Rwanda ubwo bateraga mu karere ka Rubavu mu murenge wa Busasamana tariki 11/06/2014 bashyikirijwe igihugu cyabo ku saa moya n’igice zo kuri uyu mugoroba wa tariki 12/06/2014.
Iki gikorwa cyakozwe na croix rouge y’u Rwanda ku bufatanye na croix rouge ya Congo kibaye nta muyobozi uhari ku mpande z’ibihugu byombi uretse abakozi bo ku mipaka cyane ko umupaka munini uhuza umujyi wa Goma na Gisenyi wari ufunze. Uyu mupaka ufungura saa kumi n’ebyiri za mu gitondo ugafunga saa kumi n’ebyiri z’umugoroba.
Hari amakuru avuga ko Congo yari yasabye u Rwanda ko abo basirikare banyuzwa mu kibaya kigabanya u Rwanda na Congo, ntibacishwe ku mupaka munini ariko u Rwanda rurabyanga imbere y’itsinda rya JVM kuko n’abandi basirikare ba Congo bafatirwa mu Rwanda banyuzwa ku mupaka wemewe n’amategeko nk’uko amategeko mpuzamahanga abiteganya.
Minisitiri w’itangazamakuru akaba n’umuvugizi wa Leta ya Congo, Lambert Mende, yari yatangarije ikinyamakuru Jeune Afrique ko abasirikare barashwe atari aba Congo ahubwo ko ari Abanyarwanda u Rwanda rwambitse imyenda y’abasirikare ba Congo.
Abasirikari bose barasiwe mu Rwanda ni aba Congo kuko ibikoresho byose bari bafite ndetse n’amakarita y’akazi byose ari iby’igisirikari cya Leta ya Congo (FARDC).
Sylidio Sebuharara
Ibitekerezo ( 14 )
Ohereza igitekerezo
|
|
amazin yabishw?
ah ah birakomeye nakundi twabifatamo
imana ifahe mpande zombi n’ibiremwa muntu ibyo bakora ntibabizi niko yesu yavuze ngo data uba babarire kuko ibyo bakora batabizi.duharanire amahoro nabantu bose nibwo tuzabona umwami imana.Abatuka imirambo, mana bababarire ntibazi icyo bakora.umuntu ni yaguhemukire mubabarire inshuro 70x7=
Ese wowe ntacyaha ugira?John8:1 ngo utarakora icyaha n’abe ariwe ufata iyambere kumuteraho ibuye.
Congo nihe u Rwanda amahoro ireke gutera inkunga FDLR kuko numvise ko no muri abo basirikare babo barashwe harimo uwavugaga ikinyarwanda. Ubwo se ntiyari umu FDLR koko? Mende we ? Ngo uhishira umurozi akakumara ku bana kuko FDLR ushyigikira n’ibibi basize bakoreye bene wabo b’abanyarwanda mu minsi itari kure ni wowe na bene wanyu b’abacongomani bizageraho! Mushatse mwaduha amahoro kuko twebwe abanyarwanda icyo twimirije imbere ni iterambere naho iby’amatiku n’inzangano aho byatugejeje turahazi.
Turashimira Ingabo Z’u Rwanda Zihagaze Neza.Ariko Congo Irikwishuka Gukomeza Gufatanya Na FDRL kuko imbaraga zayitsinze muri 94 ntaho zagiye kandi zariyongereye cyane.
Uguhima atiretse arakubwirango turwane! abakongo man se bibazako intambara itasenyera ndatse bakaburiramo nabavandimwe babo muriyo ntambara barimo gushoza, nibareke ubushotoranyi bakora mujisho ryintare!!!!!!!!
Igikenewekurusha I bindi ni amahoro
ubwo se barongera babihakane ra? erega abakongomani ibintu byokurwana byarabihishe nibagashotorane kandi ntacyo bashoboye.
congo ntakigenda cyayo.
Ariko MENDE bazamwite Nkende kuko atazi Politique azagishe inama inararibonye zo mu Biyagaga Bigali.
Hi turashaka kubafasha gusega imana kugirango intimbara murwanda na congo zihagarare thanks.
babatware babahambe nibo babatume none n ndizera ko icyo babatumye bakibonye