Gakenke: Abaturage 50 n’imidugudu itatu bahawe ibihembo kubera gukoresha neza inkunga y’ubudehe

Yanditswe ku itariki ya: 7-10-2012 - Saa: 10:28'
Ibitekerezo ( )

Nyuma yo gukoresha neza inkunga bahawe muri gahunda y’ubudehe maze bakiteza imbere, Akarere ka Gakenke kageneye abaturage 50 n’imidugudu itatu yo mu Murenge wa Kivuruga ibihembo byo kunganira imishinga batangiye.

“bakoze ibikorwa by’indashyikirwa kubera inkunga y’ubudehe bahawe, buri umwe agiye guhabwa ibihumbi 65 byo gukomeza umushinga we no kuwagura kugira ngo noneho n’iterambere rye ryihute”; nk’uko byasobanuwe n’umukozi ushinzwe ubuhinzi n’ubworozi mu murenge wa Kivuruga, Sengabo Jean de la Croix.

Imidugudu itatu yo muri uwo murenge yakoze ibikorwa bigaragara by’inyungu rusange harimo kugeza amazi mu midugudu yabo yagenewe ibihembo kuva ku bihumbi 900 kugeza kuri miliyoni imwe n’ibihumbi 300.

Igice kinini cy’ayo mafaranga bazayakoresha mu kubaka ibiro by’utugari tubiri twa Kintare na Gasiza kuko utwo tugari twakoreraga mu bukode.

Abaturage b’umudugudu wa Rurambo bazakoresha iyo nkunga mu kugeza amazi meza mu mudugudu wabo; nk’uko Sengabo yakomeje abitangaza.

Abaturage batishoboye bahawe inkunga ya mbere muri gahunda y’ubudehe, bamwe ibihumbi 50 naho abandi babona ibihumbi 60. Ayo mafaranga bayashoye mu bikorwa binyuranye birimo ubukorikori, ubucuruzi, ubuhinzi bw’imboga n’imbuto ndetse n’ubworozi bw’inka bibafasha kwikura mu bukene.

Hamwe no kwizigamira no gukorana n’ibigo by’imari, abo baturage baguze amasambu yo guhinga n’inka bityo banabona ifumbire bituma basezerera inzara itaraburaga iwabo. Banashoboye no kwiyubakira inzu zo kubamo n’iz’ubucuruzi.

Abaturage 50 n'imidugudu 3 bakoresheje neza inkunga y'ubudehe bahawe ibihembo. Photo/N. Leonard
Abaturage 50 n’imidugudu 3 bakoresheje neza inkunga y’ubudehe bahawe ibihembo. Photo/N. Leonard

Nyirabahutu Drocella, umwe mu baturage bahawe inkunga y’ubudehe avuga ko inkunga y’ubudehe yamugejeje ku nka imuha ifumbire ku buryo ahinga akeza none akaba yarasezereye inzara mu rugo iwe.

Mbonigaba Daniel na we ahereye ku bihumbi 50 yahawe muri gahunda y’ubudehe no gukorana n’ibigo by’imari yamugejeje ku mitungo irimo inzu na pano zitanga umuriro ukomoka ku mirasire y’izuba byose bifite agaciro ka miliyoni ebyiri.

Ntawuburumukunda Jacqueline wakoresheje iyo nkunga neza ikamugeza kuri byinshi avuga ko nubwo iyo inkunga ari nkeya uyiheraho ukayikoresha neza maze ikakugeza kuri byinshi.

Abantu bagera kuri 280 bagezweho na gahunda y’ubudehe mu Murenge wa Kivuruga. Kugeza ubu 190 muri bo barangije kwitura bagenzi babo ibintu bitandukanye.

Nshimiyimana Leonard

Andi makuru - Iterambere
Kayonza: Gusana umuhanda ujya muri Parike y’Akagera bizateza imbere ubukerarugendo n’imibereho y’abaturage
25/02/2015

Abakoresha umuhanda uva mu Mujyi wa Kabarondo ujya muri Pariki y’Akagera bishimiye kuba ugiye gusanwa kuko wari warangiritse ku buryo watezaga ibibazo birimo no guhuhura bamwe (...)
Ngororero: Abakoresheje inguzanyo zo muri VUP ibyo zitagenewe bagiye guhagurukirwa
24/02/2015

Ubuyobozi bw‘Akarere ka Ngororero buvuga ko bwiyemeje kwishyuza ku ngufu abantu ku giti cyabo cyangwa amatsinda y’abantu yahawe inguzanyo muri VUP ariko ntibayakoreshe ibyo (...)
Rulindo: Abadepite b’abadage bishimiye uko inkunga igihugu cyabo cyatanze yakoreshejwe
20/02/2015

Itsinda rya bamwe mu bagize inteko ishinga amategeko bo mu Gihugu cy’Ubudage bayobowe na Honorable Anita Schafer basuye Akarere ka Rulindo, ku wa kabiri tariki ya 17/02/2015, (...)
Haracyari imbogamizi mu kwaka imisoro yeguriwe uturere
19/02/2015

Nyuma y’aho hafatiwe icyemezo ko Ikigo cy’imisoro n’amahoro (Rwanda Revenue Authority/RRA) ari cyo gisoresha imisoro yeguriwe uturere, benshi mu bagomba kuyitanga ngo bakomeje (...)
1 | 2 | 3 | 4 | 5 | 6 | 7 | 8 | 9 | ... | 295

Ibitekerezo

Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

AMAKURU

IBIGANIRO

Inkuru zikunzwe cyane
1
2
3
4
5
Rwanda Districts

Menya amakuru yo muri buri karere ku Rwanda

Dukurikire