Ababishaka bahawe isaha yo kubaza minisitiri w’Ubucuruzi icyo bashaka

      24-07-2012 - 15:21'
Ibitekerezo ( 1 )

Uyu munsi tariki 24/07/2012 kuva saa kumi kugera saa kumi n’imwe z’umugoroba minisiteri y’ubucuruzi n’inganda iraza kwakira ibibazo byose birebana n’ubucuruzi mu Rwanda kandi minisitiri n’abo bafatanya bya hafi barabitangira ibisubizo.

Ababaza ibibazo barabibaza bakoresheje urubuga rwa intererineti rwa www.twitter.com ku murongo wa @MinicomRwanda.

Umunyamabanga Uhoraho muri Minisiteri y’Ubucuruzi, Emmanuel Hategeka yabwiye Kigali Today ko icyo kiganiro rusange n’ababishaka bose kiza kuba gifunguye ku bibazo ibyo ari byo byose umuntu yaba afite ku rwego rw’ubucuruzi n’inganda mu Rwanda.

Mu minsi iri imbere ibiganiro nk’ibi bizajya bitegurwa kandi hagenwe ingingo yihariye iganirwaho; nk’uko Hategeka yakomeje abisobanura.

Ubu buryo bwo kubaza ibibazo abayobozi ku nshingano zabo bumaze iminsi bukoreshwa na Minisitiri w’Intebe ndetse na Minisitiri w’Ubuzima aho bagena umunsi wihariye bakawutangaza mbere hanyuma bakaza guhura n’ababa babyifuza.

Minisitiri w’Intebe yagiye asubiza kuri gahunda za guverinoma zose, mu gihe minisitiri w’Ubuzima akenshi yagiye asubiza ku bibazo biri mu rwego rw’ubuzima. Aba baminisitiri bombi bagiye kandi bakira ibyifuzo n’ibitekerezo bakanizeza ko bazabikurikirana.

Abandi bayobozi bakuru mu nzego nyinshi mu Rwanda bamaze gufungura imirongo bwite ndeste n’iy’inzego bakuriye, ariko ntibarashyiraho uburyo buhoraho bwo guhura n’ababagana.

Uburyo bwari busanzwe bwo kubaza abayobozi ibibazo ni igihe bajyaga bahura n’abanyamakuru cyangwa mu biganiro byitwa “kubaza bitera kumenya” kuri radiyo na televiziyo Rwanda.

Ahishakiye Jean d’Amour

Andi makuru - Mu Rwanda
Ibikorwa abana bagizemo uruhare baranabirinda ntibyangirike
1/05/2016

Umuyobozi w’Ishuri Ryisumbuye rya Ruhanga mu karere Ka Gasabo, Rubaduka Eugène, avuga ko ibikorwa abana bagizemo uruhare barushaho kubirinda (...)
Uko byari byifashe mu muganda Perezida Kagame yakoreye Kayonza - AMAFOTO
30/04/2016

Bishimiye gukorana umuganda na Perezida Kagame
30/04/2016

Abatuye mu Karere ka Kayonza batangaza ko bishimiye gukorana umuganda na Perezida Kagame, kuko byabagaragarije ko aba abitayeho.
Tudashyize hamwe ntaho twagera - Perezida Kagame
30/04/2016

Nk’uko mubimenyereye buri wa gatandatu wa nyuma w’ukwezi Kigali Today ibakurikiranira igikorwa cy’umuganda ngarukakwezi. By’umwihariko uku kwezi Perezida Kagame yifatanyije (...)
1 | 2 | 3 | 4 | 5 | 6 | 7 | 8 | 9 | ... | 2290

Ibitekerezo

kwegereza ubuyobozi abaturage n ingenzi.

garuka yanditse ku itariki ya: 24-07-2012
Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Inkuru zikunzwe cyane
1
2
3
4
5
Dukurikire
Rwanda Districts

Menya amakuru yo muri buri karere ku Rwanda