Rulindo: Amazi yarituye umuhanda anasenya amazu 6

      11-05-2012 - 15:12'
Ibitekerezo ( 1 )

Amazi y’imvura yinjira mu butaka yangije umuhanda wa kaburimbo, amazu 6 ndetse n’imyaka y’abaturage mu murenge wa Bushoki akarere ka Rulindo, mu gihe kitarenze icyumweru kimwe.

“Amazi y’imvura ntabwo ashoka ahubwo yinjira mu butaka, ukabona igice cy’umurima, inzu cyangwa se umuhanda kiranyereye kiragiye”; nk’uko bitangazwa na Nizeyimana Pierre Claver, umunyamabanga nshingwabikorwa w’umurenge wa Bushoki.

Bamwe mu batuye umurenge wa Bushoki bavuga ko iyo inzu igiye kunyerera ibanza ikagaragaza ibimenyetso birimo gusaduka, maze bakihutira gukuramo ibyabo ndetse bakanayikuraho isakaro kugira ngo barebe ko bagira icyo basigarana.

Uwanyirigira Angelique, umwe mu batuye uyu murenge agira ati: “Hari n’amazu yimuwemo abantu maze baba bacumbikiwe ahandi kugira ngo atazabagwaho”.

Amwe mu mazu yasenywe n'ubutaka bwanyereye.
Amwe mu mazu yasenywe n’ubutaka bwanyereye.

Umunyamabanga nshingwabikorwa w’umurenge wa Bushoki, kuri uyu wa gatanu tariki 11/05/2012 yavuze ko kugeza ubu hari amazu yo guturwamo yasenyutse ibikuta, ibikoni biranyerera, ndetse n’ibice by’imirima ihinzemo imyaka bikomeje kunyerera.

Avuga kandi ko bagiye gukangurira abasenyewe n’ubutaka bwatengutse ko bakwiye gutura mu midugudu, mu rwego rwo kwirinda ibyago nk’ibi, ndetse no kubegereza ibikorwa remezo birimo amazi n’amashanyarazi.

Umukingo watengukiye mu muhanda. Abaturage basibura umuhanda n'imiferege buri munsi.
Umukingo watengukiye mu muhanda. Abaturage basibura umuhanda n’imiferege buri munsi.

Kugeza ubu igice cy’umuhanda wa kaburimbo Kigali-Musanze giherereye mu murenge wa Bushoki cyaratengutse, ku buryo imodoka zigendera ku gice kimwe, amapoto abiri y’amashanyarazi nayo yatwawe n’amazi, ndetse n’imirima y’abaturage ikomeje gutenguka.

Muri iki gihe cy’imvura, abaturage batuye mu murenge wa Bushoki bahora bakura ubutaka mu miferege no mu mihanda kubera ko hakomeje gutenguka.

Jean Noel Mugabo

Andi makuru - imbere mu gihugu
Kirehe: Basiganiye kurera umwana bahitamo kumwica
8/02/2016

Mazimpaka Patrick wo mu kagari ka Nasho Umurenge wa Mpanga aremera ko nyuma yo kutumvikana n’umugore we wa kabiri kurera umwana bahisemo (...)
Huye: Coaster y’Impala yagonze ikamyo, ariko nta wakomeretse
7/02/2016

Imodoka ya Sosiyete itwara abagenzi “Impala Express” yavaga i Rusizi yerekeza i Kigali, ku mugoroba wa tariki 6/02/2016, yagonze ikamyo y’inya-Tanzaniya iyiturutse inyuma, ku (...)
Nyagatare: Bane bafunze bakekwaho guha ruswa abapolisi
7/02/2016

Polisi y’u Rwanda ikorera mu Karere ka Nyagatare, ku wa 5 Gashyantare 2016 yataye muri yombi abagabo 4 bakekwaho guha ruswa abapolisi.
Bafite impungenge za SACCO babitsamo zirindishwa inkoni
5/02/2016

Abaturage batandukanye bo mu Karere ka Karongi bavuga ko batizeye umutekano wa za SACCO kuko zirindishwa inkoni n’abazirinda badafite ubuhanga.
1 | 2 | 3 | 4 | 5 | 6 | 7 | 8 | 9 | ... | 1035

Ibitekerezo

nugutura ahantu harengeye amazi atapfa gusenya

MASENGESHOSCHADRACK yanditse ku itariki ya: 21-09-2012
Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

    Inkuru zikunzwe cyane
    1
    2
    3
    4
    5
    Dukurikire
    Rwanda Districts

    Menya amakuru yo muri buri karere ku Rwanda