Kwimenyereza bizafasha abiga imyuga guhangana n’isoko ry’umurimo

      17-01-2012 - 17:08'
Ibitekerezo ( 1 )

Ubushakashatsi bwakozwe bugaragaza ko hakenewe korohereza abana mu kwimenyereza umwuga (internship) no kubaha ubumenyi bwuzuye kugirango umwana ajye arangiza kwiga afite ubumenyi buhagije bushobora kumuhesha umwanya ku isoko ry’umurimo.

Ubwo ubwo bushakashatsi bwamurikwaga, tariki 17/01/2012, i Kigali, umuyobozi ushinzwe ifatanyabikorwa mu kigo cy’igihugu cyo guteza imbere ubumenyingiro n’imyuga (WDA), Munezero Didier, yavuze ko kuba bagiye kuvugurura imikorere y’ibigo byigisha imyuga ari byiza ariko ko hakenewe ubuvugizi ku mpande zose.

Imwe mu myuga yigishwa mu Rwanda mu bigo bitandukanye.
Imwe mu myuga yigishwa mu Rwanda mu bigo bitandukanye.

Rudahunga Gédéon, umuyobozi w’ishuli ryigisha imyuga rya Kavumu (IPRC/South/Kavumu), yavuze ko hari hashize igihe kirekire ibigo byigisha imyuga bikora mu buryo butanoze kuko buri wese yakoraga ibintu uko abyumva bitewe n’ubushobozi bwe. Yemeza ko ibyo byagiraga ingaruka ku banyeshuri bigaga mu bigo bidafite ubushobozi buhagije kuko hari ibyo batabonaga kandi bikenewe bityo no kwimenyereza ntibiborohere.

Rudahunga yakomeje avuga ko ubu bushakashatsi buzatuma abakira abanyeshuli mu rwego rwo kubafasha kwimenyereza umwuga no gushyira mu bikorwa ibyo bize babaha agaciro bakabafasha ku buryo buruseho. Buzanafasha ababa bohereje abana mu igenzura kuko bazaba bafite inyandiko ikoze ku buryo bunoze ibibafashamo bityo n’umwana akabasha kunguka ubumenyi byisumbuyeho.

Ibyo kandi byashimangiwe na Eng. Gatabazi Pascal, umuyobozi w’ishuli rya Tumba College of Technology, wavuze ko iyo wigishije umwana aba akwiye kugira ubumenyi buhagije ku byo aba yize bityo bikamufasha no kwerekana ibyo azi ageze ku isoko ry’umurimo. Akomeza avuga ko ubu bushakashatsi bwashyizwe ahagaragara buzafasha abana ikintu gikomeye cyo gukurikiranwa bihagije baba barimo biga cyangwa se bimenyereza umwuga.

Umuhango wari witabiriwe n'abantu benshi.
Umuhango wari witabiriwe n’abantu benshi.

Umuyobozi ushinzwe ifatanyabikorwa muri WDA yasabye ababyeyi guha agaciro amashuli y’imyuga bakareka kumva ko umwana ugiye kuyigamo ari umuswa cyangwa se ko yabuze ubushobozi kuko ari amashuli kimwe n’ayandi. Yasabye kandi abafasha abana kwimenyerereza ibyo bize kubafasha kandi bakaberekera kugira ngo babashe kunguka byinshi no kugira ubumenyi buhagije.

Ubu bishashatsi bwatangiye mu kwezi kwa 6 umwaka wa 2011, bwakozwe na DWA binyujijwe mu mushinga witwa IAP (Industrial Attachement Program) ku bufatanye na JICA (Japan International Cooperation Agency), ikigo cy’igihugu cy’abikorera (PSF), n’ihuriro ry’amakoperative (RCA).

Anne Marie Niwemwiza

Andi makuru - Amashuri
Bemeza ko ibanga mu gutsindisha ari ubufatanye n’ababyeyi
2/02/2016

Abayobozi b’Ikigo cy’Amashuri Abanza cya "Etoile" mu Karere ka Karongi bavuga ko ibanga ryo gutsindisha abana baryigamo ari ubufatanye n’ababyeyi.
MINEDUC yasabye abanyamigabane ba RIU gukemura ibibazo bafitanye cyangwa igafungwa
27/01/2016

Minisiteri y’Uburezi yasabye abanyamigabane ba Kaminuza Mpuzamahanga ya Rusizi (RIU) kumvikana bitarenze ku wa 29 Mutarama 2016 bitaba ibyo (...)
Bugesera: Hatangijwe ishuri rikuru ry’ikoranabuhanga
25/01/2016

Abikorera bo mu Karere ka Bugesera bafatanyije n’Ikigo cy’igihugu gishinzwe ubumenyingiro (WDA) bashinze ishuri rikuru ry’ikoranabuhanga rifite ubushobozi bwo gutanga (...)
Ngoma: Ibyumba by’amashuri bishya bizakemura ikibazo cy’ubucucike
24/01/2016

Ibyumba by’amashuri 34 n’ubwiherero 44 bishya byuzuye mu Karere ka Ngoma byitezweho gukemura ikibazo cy’ubucucike mu mashuri no kongera ireme (...)
1 | 2 | 3 | 4 | 5 | 6 | 7 | 8 | 9 | ... | 128

Ibitekerezo

Twishimiye imbaraga WDA hamwe n’uburezi muri rusange,bishyira murubyiruko mukwihangira umurimo murakoze. ni Alias KACYIRU

Ishimwe Joiyeux yanditse ku itariki ya: 4-09-2014
Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

    Inkuru zikunzwe cyane
    1
    2
    3
    4
    5
    Dukurikire
    Rwanda Districts

    Menya amakuru yo muri buri karere ku Rwanda