Rweru: Inzego z’umutekano zahagurukiye ikibazo cy’intaragahanga ziteza urugomo

Yanditswe ku itariki ya: 5-06-2013 - Saa: 15:04'
Ibitekerezo ( )

Ubuyobozi bw’umurenge wa Rweru mu karere ka Bugesera buratangaza ko ikibazo cy’urugomo giterwa n’intaragahanga cyahagurukiwe n’inzego z’umutekano, ku buryo hari icyizere ko nta muturage uzongera guhohoterwa n’abo banyarugomo.

Rwabuhihi Jean Christophe uyobora umurenge wa Rweru avuga ko mu ishyamba hashyizweho amarondo y’amanywa n’ijoro ku buryo ubu umutekano ari wose, nta muturage ugihohoterwa yaba ava ku isoko, ajyayo cyangwa yinyuriye muri iryo shyamba ajya mu zindi gahunda.

Ati “ubu twashyizeho ingamba, iyo isoko ryaremye dushyira abantu mu ishyamba maze bakagenda bacunga umutekano bareba izo ntaragahanga kugirango zidahungabanya umutekano w’abaturage”.

Ibi arabivuga hari hashize igihe kitari gito intaragahanga zararetse ibikorwa by’urugomo mu mirenge ya Rweru na Gashora, ariko mu minsi mikeya ishize zongeye guhohotera abaturage.

Abaturiye cyangwa abanyura mu ishyamba ryegereye ikigo cya gisirikare cya Gako mu murenge wa Rweru ndetse n’iry’ikigo RAB mu kagari ka Kagasa mu murenge wa Gashora, batangaza ko abo banyarugomo bateza umutekano mukeya.

Mu ishyamba rya gisirikare rya Nemba ahakunze kugaragara intaragahanga.
Mu ishyamba rya gisirikare rya Nemba ahakunze kugaragara intaragahanga.

Ngo bambura abantu ku manywa na cyane cyane bwije, dore ko baba bitwaje intwaro gakondo nk’uko Musabyeyezu Marie Rose umwe mu batuye ahegereye umupaka wa Nemba mu kagari ka Nemba abivuga.

Ati “abenshi baba ari Abarundi baba bari mu ishyamba aho baba baje kwiba ihene n’inka ziba ziragiwe muri iri shyamba. N’iyo bahuye n’undi muntu bahita bamwambura ibyo afite byose kandi baba bafite intwaro za gakondo”.

Mu ishyamba rwagati mu kagari ka Kagasa mu murenge wa Gashora ni hamwe mu duce izo ntaragahanga zikunze gutegera abaturage, abenshi bava cyangwa bajya guhaha mu isoko rya Batima mu murenge wa Rweru, bamwe zikabambura amagare, abandi zikabacuza imyenda, bagasigara uko bavutse.

Mu bihe byashize intaragahanga zagiye zihohotera abantu, zikabakomeretse ku buryo hari n’uwo zarashe umwambi umwaka ushize, awuvanwamo no kwa muganga ariko ararusimbuka.

Egide Kayiranga

Andi makuru - Imbere mu gihugu
Rutsiro: Umugabo ari mu maboko ya Polisi akekwaho kwiba ihene 4
27/05/2015

Kuri uyu wa 27 Gicurasi 2015 umugabo witwa Ntahobavukira utuye mu Kagari ka Teba mu Murenge wa Gihango ho mu Karere ka Rutsiro yatawe muri yombi akekwaho kwiba ihene nye (...)
Burera: Abantu 40 bafunzwe bakekwaho ubujura bw’inka
27/05/2015

Abantu 40 bafungiye kuri Sitasiyo ya Polisi ya Gahunga iri mu Murenge wa Cyanika, mu Karere ka Burera, bakekwaho ubujurura bw’inka bwari bwarayogoje abatuye mu Mirenge wa (...)
Ruhango: Nyuma y’iturika rya grenade igahitana umuntu, hatoraguwe indi mu busitani bw’umurenge
26/05/2015

Mu busitani bw’Ibiro by’Umurenge wa Mbuye mu Karere ka Ruhango, ahagana mu saa kumi n’ebyiri z’igitondo kuri uyu wa 26 Gicurasi 2015, hatoraguwe igisasu cya grenade yo mu bwoko (...)
Nyamasheke: Yagwiriwe n’ikirombe ahita yitaba Imana
26/05/2015

Umugabo witwa Karekezi yagwiriye n’ikirombe yacukuragamo amabuye y’agaciro ya Coltan ahita yitaba Imana.
1 | 2 | 3 | 4 | 5 | 6 | 7 | 8 | 9 | ... | 945

Ibitekerezo

Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Kigali Today

AMAKURU

IBIGANIRO

Inkuru zikunzwe cyane
1
2
3
4
5
Dukurikire
Rwanda Districts

Menya amakuru yo muri buri karere ku Rwanda