Ubwo uwo murwayi twahisemo kwita Mariya (kubera impamvu z’umutekano we) yari aje kuri iki kigo nderabuzima aje muri serivise zijyanye no kuringaniza urubyaro, Hagenimana yamweretse aho ajya gufata ibinini ariko amubwira ko ahita agaruka akamutera urushinge.

Mariya yaragiye afata ibinini arangije agaruka mu biro bya Hagenimana kwiteza urushinge. Ahageze Hagenimana yaramubwiye ngo nagarame, Mariya aramubaza ati “ none se urantera urushinge ngaramye” umuganga amubwira ko ariko bigomba kugenda biza kurangira Hagenimana amusambanyije ku ngufu.

Mariya yaragiye atekerereza undi muganga ibimubayeho. Umuganga yabiganiriye yahise amugira inama yo guhamagara polisi ikamuta muri yombi. Polisi yaraje ifata Hagenimana ijya kumufungira kuri statiyo ya polisi ya Nyamagana mu karere ka Ruhango, hanyuma Mariya ajyanwa mu bitaro bya Kabgayi.

Abazi uyu muganga bavuga ko atari ubwa mbere akora amarorerwa nkaya, kuko yazanywe muri iki kigo nderabuzima cya Kigoma avuye mu bitaro bya Gitwe nabwo akekwaho gusambanya abarwayi.

Eric Muvara