#COVID19: Imibare y’abandura n’abapfa mu Rwanda ikomeje kugabanuka

Minisiteri y’Ubuzima (MINISANTE) yatangaje ko ku wa Kabiri tariki 05 Ukwakira 2021 mu Rwanda habonetse abanduye Covid-19 bashya 126, bakaba babonetse mu bipimo 9,113.

Abagore babiri bitabye Imana, bakaba umwe ari uwo mu Karere ka Nyamasheke w’imyaka 68 y’amavuko n’undi wo mu Karere ka Nyabihu w’imyaka 29 y’amavuko.

I Karongi na Ngororero buri hose habonetse abanduye bashya 20 muri buri Karere hakaba ari ho habonetse umubare munini ugereranyije n’ahandi.

I Gicumbi habonetse 13, i Kirehe haboneka 11, i Kigali haboneka 7, i Burera, Ngoma na Kayonza haboneka 6 muri buri Karere.

Mbere yaho ku wa Mbere tariki 04 Nzeri 2021 mu Rwanda hari habonetse abanduye Covid-19 bashya 81 mu bipimo 7,506.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka