KT TV
U Bushinwa buhakana ibyo gupima Covid-19 Abanyamerika mu kibuno
Ni inkuru yanditswe n’ibinyamakuru bitandukanye hirya no hino ku isi, barimo BBC, 7 sur 7 n’ibindi, bavuga ko u Bushinwa bwabeshyuje amakuru y’uko ngo bwaba bwarategetse Abadipolomate b’Abanyamerika kwipimisha Covid-19, ariko abaganga bagafata ibizamini mu kibuno.
Ku wa Kane tariki 25 Gashyantare 2021, nibwo u Bushinwa bwabeshyuje ayo makuru, yo kuba bwarahatiye Abadipolomate b’Abanyamerika kwipimisha Covid-19 batanze ibizamini mu kibuno. Ibyo kubeshyuza ayo makuru ngo byakozwe mu rwego rwo kugarura umubano mwiza kuko ubu ngo hashize iminsi havugwa ubwumvikane bukeya hagati y’ibyo bihugu bibiri by’ibihangange.
Mu ntangiriro z’uyu mwaka wa 2021, nibwo u Bushinwa bwatangiye gupima Covid-19 hafashwe ibizamini byo mu kibuno, kuko bavugaga ko ubwo buryo ari bwo bwizewe cyane kurusha uburyo busanzwe bukoreshwa bwo gufata ibizamini mu mazuru no mu muhogo, kuko ngo Coronavirus yaba imara igihe kinini mu nzira y’igogora.
Ibinyamakuru byo muri Amerika ‘Vice’ na ‘Washington Post’, bivuga ko Abakozi ba Leta b’Abanyamerika bari mu kazi mu Bushinwa (Abadipolomate), bapimwe Covid-19, bafashwe ibizamini mu kibuno, ariko ngo byakozwe ari ukwibeshya kuko ubundi ngo batari mu bagombaga gupimwa muri ubwo buryo.
Mu kiganiro n’Abanyamakuru, M.Wang ,umuvugizi wa Minisiteri y’ububanyi n’amahanga w’u Bushinwa yabeshyuje ayo makuru.
M.Wang yagize ati “U Bushinwa ntibwigeze butegeka Abadipolomate b’Abanyamerika gutanga ibizamini byo mu kibuno".
Ubwo buryo bwo gupima Covid-19 gutyo, bwatangijwe mu minsi ya vuba aha, ubwo icyorezo cyongeraga kugaragaza ubukana muri icyo gihugu, bukaba bukoreshwa cyane cyane i Pékin. Ni uburyo kandi ngo bukoreshwa ku banyamahanga baje mu Bushinwa, kuko ngo bahita bashyirwa mu kato, iyo bari aho mu kato ngo bapimwa Covid-19, batanze ibyo bizamani byo mu kibuno.
Umudipolomate uturuka muri kimwe mu bihugu bikiri mu nzira y’amajyambere ukorera mu Bushinwa yabwiye ibiro ntaramakuru by’Abafaransa (AFP) ko yagarutse mu Bushinwa avuye mu gihugu cye, agasabwa kujya mu kato aho atuye, nyuma bagiye kumupima Covid-19, bashaka gufata ibyo bizamini byo mu kibuno, aranga, ariko ngo abo bafata ibizamini ntibigize babimuhatira.
Mu kiganiro n’abanyamakuru, abayobozi b’Abashinwa bavuze ko uburyo bwo gupima Covid-19, busanzwe bumenyerewe ari bwo bukoreshwa cyane, kuko ubwo bwo gufata ibizamini mu kibuno ngo bukoreshwa gake cyane.
Inkuru zijyanye na: Coronavirus
- #Covid19: Mu Rwanda habonetse abanduye bashya 108, abakize ni 121
- Huye: Bamwe mu bacururiza mu isoko ryo mu mujyi basabwe kuba bahagaritse ibikorwa by’ubucuruzi
- #Covid-19: Abantu 179 bashya ni bo banduye, abakize ni 130
- Minisitiri Gatabazi yavuze ku cyatumye imirenge imwe mu Ntara y’Amajyepfo ishyirwa muri Guma mu rugo
- #Covid-19 mu Rwanda yishe abantu batatu, abakize ni 111
- Bafashwe bikingiranye mu nzu basenga barenze ku mabwiriza yo kwirinda Covid-19
- Hari imirenge ishobora gushyirwa muri Guma mu Rugo mu Majyepfo
- ‘Doze’ ya kabiri y’urukingo rwa COVID-19 yatangiye gutangwa, izindi nkingo zirenga 500,000 zaratumijwe
- Video: Polisi yahagaritse ubukwe bw’abarenze ku mabwiriza yo kwirinda Covid19, aho bwaberaga harafungwa
- RBC yasobanuye impamvu y’ubwiyongere bwa Covid-19 mu Majyepfo
- Mu Rwanda abantu 74 bakize Covid-19, abanduye bashya ni 76
- #COVID-19: Mu Rwanda habonetse abanduye bashya 135, abakize ni 126
- Ruhango: Hashyizweho abantu 2500 bafasha abaturage kubahiriza amabwiriza yo kwirinda COVID-19
- Si abaturage gusa, n’abayobozi baradohotse ku mabwiriza yo kwirinda Covid-19 - Meya Gashema
- Barifuza ko habaho amasezerano mpuzamahanga azajya agenderwaho mu gihe hadutse icyorezo
- Impamvu utubari tudafungura kandi ibindi bikorwa byarafunguwe
- Gutumira abantu benshi iwawe ni ugutumira Covid-19 - CP Kabera
- Leta irahumuriza abategereje urukingo rwa kabiri rwa AstraZeneca
- Abaturarwanda barasabwa kutadohoka ku ngamba zo kwirinda Covid-19 kuko igihari
- Kigali: Polisi yafashe abantu 39 bari mu birori mu rugo
Ibitekerezo
Ohereza igitekerezo
|
|
