Izi mudasobwa zije ari igisubizo cy’ibibazo abashinzwe uburezi mu mirenge bajyaga bagira, nko gukora amaraporo, kubika amakuru akenewe ku burezi, gukora akazi kabo byihuse kandi ku bw’ikoranabuhanga, n’ibindi; nk’uko byasobanuwe na Nkera David ushinzwe uburezi mu karere ka Nyabihu.

Nkera avuga ko wasangaga abakozi bashinzwe uburezi ku mirenge bahurira ku mamashini rusange abiri cyangwa imwe umurenge uba ufite, ugasanga akazi kabo karadindira cyane. Kuba barahawe amamashini yabo ni intambwe nziza kuko izi mbogamizi zose zigiye gucika burundu.

Umwe mu bashinzwe uburezi mu mirenge igize akarere ka Nyabihu wahawe mudasobwa.

Akarere ka Nyabihu kafashe ingamba zo kuzamura umusaruro w’uburezi muri uyu mwaka hakemurwa ibibazo by’ibanze ababushinzwe bahura nabyo kugira ngo abanyeshuri nabo barusheho kwitabwaho bityo bazagire umusaruro mwiza muri uyu mwaka ugereranije n’uw’umwaka washize.

Mu mwaka ushize akarere ka Nyabihu katsindishije abanyeshuri ku rugero rwa 75% mu cyiciro rusange (tronc commun), naho mu gusoza amashuri yisumbuye batsindira kuri 95%, mu gihe mu mashuri abanza batsindiye kuri 78%.

Safari Viateur