Abanyeshuri ba Rusumo High School bakoresha mudasobwa bahawe na MTN Rwanda

Iki gikorwa kizagirira akamaro abanyeshuri n’abarimu mu bushakashatsi butandukanye kuko ubundi bajyaga gushaka interineti hanze y’ikigo none ubu bayibonye hafi; nk’uko umuyobozi wa Rusumo High School, Frederic Rutimirwa, abivuga.

Umuyobozi wa Rusumo High School yemeza kandi ko inkunga bahawe na MTN Rwanda izafasha n’abaturiye iki kigo hamwe n’abandi bayobozi b’ibigo begeranye batarabona interineti.

Umuyobozi w’akerere ka Kirehe, Murayire Protais, yashimye igikorwa MTN Rwanda yakoze. Yasabye abarimu n’abanyeshuri gukoresha neza inkunga bahawe no kuyibyaza umusaruro bakora ubushakashatsi.

Umuyobozi wungirije wa MTN Foundation, Zulfat Mukarubega, n’abandi bayobozi mu muhango wo gushyikiriza Rusumo High School mudasobwa 36

Umuyobozi w’akarere ka Kirehe kandi yasabye MTN Rwanda kongera ubushobozi bwayo mu murenge wa Mpanga kuko kugeza ubu hari agace katagira murandasi (reseau) ya MTN.

Umuyobozi wungirije wa MTN Foundation, Zulfat Mukarubega, yasabye abayobozi ba Rusumo High School gukoresha neza mudasobwa bahawe. Yababwiye ko bazizanye kuri iki kigo kuko babonaga ko gifite ibyo kirusha ibindi muri aka karere ka Kirehe.

Rusumo High School gifite abanyeshuri 1125 barimo abakobwa 546 n’abahungu 579 n’abarimu 36 iki kigo gifite amashamu 6.

Grégoire Kagenzi