Muri iyi nama byagaragaye ko akenshi aba bana bakoreshwa imirimo yo mu rugo abandi bakajya kurinda umuceri mu gishanga.

Umukozi ushinzwe uburezi mu karere ka Kirehe, Telesphore Hatsindintwari, yasabye abayobozi bafite uburezi mu nshingano zabo ko iki kibazo bagomba kugikurikirana vuba bityo abo bana bakagarurwa mu mashuri.

Muri iyi nama kandi Hatsindintwari yabasabye gukangurira ababyeyi kujya basura abana babo ku bigo by’amashuri bityo bikajya bituma nabo bamenya uko uburezi bw’abana babo buhagaze ku bigo by’amashuri.

Iyi nama yari yitabiriwe n’abayobozi b’ibigo by’amashuri, abashinzwe uburezi mu mirenge, abahagarariye amadini n’abahagarariye ababyeyi.

Grégoire Kagenzi