Iki gikorwa cyari cyaratangiye ariko gikorwa na bamwe ariko kuri ubu kigiye gukwirakwizwa mu kigo hose, nk’uko Claude Ndahiro Umurage yatangaje ko biri mu mihigo abayobozi bashya b’abanyeshuri biyemeje kuzahigura, ubwo yarahiraga kuzuza inshingano ze kuri iki cyumweru tariki 1/3/2015.

Ndahiro watorewe kuyobora abanyeshuri bagenzi be yiyemeje kuzafasha abakene kubona amafaranga y’ishuri.

Yagize ati “Tuzajya dufasha kwishyura amafaranga y’ishuri kubera ikigega tuzashyiraho gishinzwe gutera inkunga abanyeshuri bacikishirije ishuri kubera kutabona amafaranga. Umusanzu uzajya uturuka mu banyeshuri muri rusange, kugira ngo ufashe abanyeshuri bababaye kurenza abandi nyamara bari basanzwe ari abahanga.”

Ndahiro ugiye kuyiborq abandi banyeshuri mu gihe cy’umwaka yatangaje ko bazaharanira ko iri shuri rigira uburezi bufite ireme kandi n’abanyeshuri bakabigiramo uruhare. Yatangaje ko komite nshya yaniyemeje gukora ubuvugizi abanyeshuri bakabonera amanota yabo igihe.

Komite yose yatowe izafatanya gukusanya inkunga z’abadafite ubushobozi kandi ari abahanga mu banyeshuri.

INILAK ni imw muri kaminuza ikora ibikorwa byo gufasha abaturage bayituriye biganjemo abatishoboye, iyi gahunda nayo ngo ntizahagarara kuko ubuyobozi bushya buzihatira ko ibyagezweho byiza bitasubira inyuma.

Emmanuel N. Hitimana