Umuyobozi w’icyo kigo, Mugabo Théogène, avuga ko batinze gutangira kubera gutegereza urutonde rw’abanyeshuri boherejwe kuri icyo kigo ariko hamaze kuza bake kubera ko benshi bagiye mu mashuri y’uburezi bw’ibanze bw’imyaka 12 (12YBE) abandi bajya mu mashuri yigenga kubera ko usanga badashaka kwika imyuga.

Uyu muyobozi avuga ko nubwo bafite ikibazo icy’ibikoresho bidahagije usanga n’abanyeshuri batitabira kwiga imyuga bitewe n’uko akenshi abayiga babura aho bakorera imenyereza mwuga (internship). Iyo abanyeshuri bagiye kwaka internship bababwira ko baje kubicira akazi; nk’uko umuyobozi wa VTC Kirehe yabivuze.

VTC Kirehe yatangiye mu mwaka wa 2010. Yatangiye yakira abanyeshuri bazi gusoma cyangwa se batabizi bakabigisha imyuga none basigaye bakira aboherejwe na Leta baba baratsinze tronc commun bashaka kwiga ibijyanye n’imyuga.

Iki kigo cyigisha amashanyarazi, ubudozi, ubwubatsi no gusudira. Umwaka ushize harangijemo abanyeshuri 65.

Grégoire Kagenzi