Tariki kuwa kabiri tariki 17 Kanama 2015, nibwo RRA yatangiye iki gikorwa ishyiraho abakzi bashya inabagenera amahugurwa azabafasha gukora akazi kabo, nubwo benshi muri abo bakozi bari basanzwe ari abakozi b’imisoro mu turere.

Komiseri wungirije ushinzwe imisoro iva mu ntara n’imisoro yeguriwe inzego z’ibanze Gakwerere Jean Marie Vianney, yavuze ko iyi gahunda itaje kwaka akarere imisoro ahubwo ko ari uburyo bwo kugafasha kuyikusanga no mu micungire yayo.

Yagize ati “Ni imisoro n’amahoro bisanzwe ari iby’inzego z’ibanze n’uturere, ahubwo icyo RRA igiye gukora n’ukorohereza abatangaga iyo misoro n’amahoro kugenda kuko hazajya hakoreshwa ikoranabunga.”

Iyo misoro yarisanzwe yakwa n’uturere n’umusoro ku mutungo utimukanwa, umusoro k’ubukode bw’amazu ndetse n’itantante.

Mpambara Benoit n’umuyobozi w’ishami ry’imari mu karere ka Bugesera yagaragaje ko amafaranga akomoka ku misoro n’amahoro akarere kakiraga biziyongera bitewe n’imikorere mishya.

Ati “Imisoro yari ku gipimo cya 10% by’ingengo y’imari y’akarere, kuba abakozi b’ikigo cy’imisoro n’amahoro aribo bagiye kubyakira, igipimo cy’imisoro kiziyongera bigere kuri 11% ndetse n’abatayitangaga bizatuma bayitanga.”

Miliyari imwe n’igice z’amafaranga y’u Rwanda niyo akarere ka Bugesera gateganya kuzinjiza avuye mu misoro n’amahoro, mu gihe ingengo y’imari yako ari miliyari zisaga 13 z’amafaranga y’u Rwanda.

Egide Kayiranga