Ibihingwa byoherezwa mu mahanga bigiye kwitabwaho kurushaho

Ikigo cy’igihugu gishinzwe guteza imbere ibihingwa byoherezwa mu mahanga (NAEB) n’abafatanyabikorwa bayo bo mu ntara y’Amajyepfo biyemeje kongera agaciro, umusaruro ndetse n’ubuso buhingwaho icyayi na kawa.

Uretse icyayi na kawa bimenyerewe koherezwa mu mahanga, hazanashyirwa imbaraga mu buhinzi bw’imbuto, imboga n’indabo nk’uko byasabwe n’umuyobozi w’intara y’Amajyepfo, Munyantwari Alphonse.

NEAB yiyemeje ko igiye kureba uburyo amakoperative y’abahinzi ba kawa bo mu majyepfo ahabwa ingufu nk’uko byatangajwe n’ umuyobozi wungirije ushinzwe ibikorwa byo kongera umusaruro no kuwongerera agaciro muri NAEB,Ntakirutimana Corneille, mu nama yabaye tariki 17/02/2012 mu karere ka Huye.

Iyi nama yateguwe mu rwego rwo kurebera hamwe uburyo inshingano NAEB yahawe na gahunda ifite byashyirwa mu bikorwa ku bufatanye n’abafatanyabikorwa bayo.

Iyi nama yitabiriwe n’abayobozi bungirije b’uturere bashinzwe ubukungu, abayobozi b’inganda zitunganya umusaruro w’ibihingwa byoherezwa mu mahanga ndetse n’abamakoperative.

Védaste Nkikabahizi

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka