N’ubwo umwaka w’imikino usanzwe usa n’uwarangiye mu mikino itandukanye mu Rwanda aho shampiyona nyinshi ziba zarasojwe, abakunzi ba siporo nta rungu bagize, aho impera z’iki cyumweru mu Rwanda zaranzwe n’amarushanwa atandukanye arimo n’ayitabiriwe n’amakipe aturuka hanze y’u Rwanda.

Football

Abakanyujijeho b’u Rwanda batsinze ikipe yo muri Uganda

Ibitego by’u Rwanda byatsinzwe na Ngabo Albert ku munota wa 40, icya kabiri gitsindwa na Lomami André ku munota wa 53, Nshizirungu Hubert Bebe ku munota wa 58 atsinda igitego cya gatatu ku ishoti riremereye yatereye inyuma y’urubuga rw’amahina. Nyandwi Idrissa winjiye mu kibuga asimbuye yatsinze igitego cya kane ku munota wa 60, naho ku munota wa 87 Muhawenimana Théoneste atsinda icya gatanu, umukino urangira ari ibitego 5-0.

APR FC yatangaje abakinnyi batanu yasinyishije

Imwe mu nkuru zavuzwe cyane mu mupira w’amaguru, ni ikipe ya APR FC yemeje ko yasinyishije abakinnyi batanu n’ubundi byari byaravuzwe ko bamaze kwerekeza muri iyi kipe bavuye mu makipe arimo Rayon Sports.

Abo bakinnyi barimo umunya-Burkina Faso Raouf Merel Dao wari wavuzwe ko yasinyiye ikipe ya Singida Black Stars yo muri Tanzania, hakabamo umunyezamu Hakizimana Adolphe wakiniraga AS Kigali, Ngabonziza Pacifique wakinira Police FC, Iraguha Hadji na Bugingo Hakim bakiniraga Rayon Sports.

Volleyball, REG na Police WVC zegukanye irushanwa mpuzamahanga ryo Kwibuka

Mu irushanwa ryo kwibuka abasportifs bazize Jenoside yakorewe Abatutsi mu mwaka wa 1994, by’umwihariko ababarizwaga mu muryango wa Volleyball, ryarangiye ryegukanywe na REG VC mu bagabo, na Police WVC mu bagore.

Mu bagabo, ikipe ya REG VC yaje kwegukana igikombe nyuma yo gutsinda ikipe ya CHEMA yo muri Kenya amaseti 3-1 (25-18, 25-27, 22-25, 18-25), naho mu bagore ikipe ya Police WVC yegukana iki gikombe itsinze RRA amaseti 3-1 (15-25, 25-22, 15-25, 25-27).

Basketball, REG mu nzira nziza, APR na Patriots ziracyahatana

Mu mpera z’iki cyumweru ni bwo hatangiye imikino ya nyuma ya Playoffs muri Basketball mu bagabo, aho amakipe ane ari yo APR BBC, REG, UGB na Patriots bahuriye muri 1/2 aho bagomba gukina imikino itanu ngo haboneke amakipe abiri azakina Final.

Mu mikino yo ku wa Gatanu ari nayo y’umunsi wa mbere, ikipe ya REG yari yatsinze UGB amanota 82-74, naho Patriots BBC itsinda APR BBC amanota 78-61. Kuri iki cyumweru aya makipe yongeye gukina, maze REG BBC itsinda UGB amanota 96-84, naho APR yigaranzura Patriots iyitsinda amanota 83-75.

Karate

Ku wa Gatandatu tariki 21/06/2025, Ishyirahamwe ry’umukino wa Karate mu Rwanda "FERWAKA", ryahuguye Abatoza ba KARATE barenga 80 bafite amakipe hirya no hino mu gihugu. Iyi gahunda igamije gutyaza Abatoza, kugira ngo Karate bigisha irusheho kugira ireme, igere ku rwego mpuzamahanga.

Aya mahugurwa akaba yaratanzwe na Sensei Nkuranyabahizi Noel, umutoza wa Karate wo ku rwego Mpuzamahanga ndetse na Sensei Kamuzinzi Christian utoza ikipe y’igihugu ya Karate.

Kuri iki cyumweru kandi Ishyirahamwe ry’Umukino wa Karate mu Rwanda ryakoresheje irushanwa ryo ku rwego rw’igihugu ryari rigamije gutoranya abakinnyi b’ikipe y’igihugu, yitegura amarushanwa Nyafurika ya Karate ateganyijwe mu mpera za Nyakanga i Abuja mu gihugu cya Nigeria

Rugby: Lions de Fer na 1000 Hills Rugby zegukanye Irushanwa ryo Kwibuka

Ku wa Gatandatu tariki 21/06/2025 kuri Stade Amahoro, hakinwaga irushanwa ryo Kwibuka mu mukino wa Rugby, aho ikipe ya Lions de Fer mu bagabo na 1000 Hills Rugby mu bagore ari zo , zegukanye ibikombe mu Irushanwa “Genocide Memorial Rugby 7s Tournament 2025”.

Mu mpera z’icyumweru gishize mu karere ka Musanze, rwari urujya n’uruza rw’abakunzi ba Siporo mu mikino itandukanye,, aho bari bagiye kwihera ijisho imikino ya nyuma y’amarushanwa Umurenge Kagame Cup.

Ni amarushanwa agenda ashyirwamo imbaraga uko imyaka igenda itambuka, aho i Musanze wahabonaga amazina menshi y’abakinnyi bahoze banakinira amakipe y’igihugu mu mikino itandukanye, nka Ndamukunda Flavien na Dusabimana Vincent "Gasongo bazwi muri Volleyball, Ngabo Albert uzwi mu makipe nka Rayon Sports, APR FC ndetse n’Amavubi.

Mu mupira w’amaguru, Umurenge wa Jabana waje mu isura nshya

Ku Cyumweru, ubwo hagombaga kuba umukino wa nyuma (Final), umuhanda wa Kigali-Musanze wari kugira ngo ni Rayon Sports cyangwa APR FC zigiye kuhakinira, kubera umubare w’imodoka nini (Coaster) zari zitwaye abafana bazwi mu Rwanda nka Rwarutabura, Malayika, Cowbell bafana Rayon Sports, Nyiragasazi n’abandi bafana APR FC..

Abo bose bari abafana bagiye gushyigikira ikipe y’Umurenge wa Jabana wo mu karere ka Gasabo, ari nawo wari uhagarariye Umujyi wa Kigali aho wagomabaga gukina umukino wa nyuma n’Umurenge wa Mbazi nawo usanzwe uzwi cyane muri aya marushanwa y’Umurenge Kagame Cup.

Jabana yari yageze ku mukino wa nyuma nyuma yo gusezerera Umurenge wa Kimonyi ibitego 3-1 mu mukino wa kimwe cya kabiri, mu gihe Umurenge wa Mbazi wo wari wasezereye uwa Bwishyura. Jabana yaje kwegukana igikombe itsinze Mbazi ibitego 2-0.

Ni ku nshuro ya mbere Umurenge wa Jabana wari ugeze ku mukino wa nyuma w’aya marushanwa. Umwaka ushize Jabana yabaye iya kane batsinzwe n’Umurenge wa wa Nyarugenge ku mwanya wa gatatu 1-0

Mu mukino wo guhatanira umwanya wa gatatu mu mupira w’Amaguru, Kimonyi yakiniraga imbere y’abafana bayo yawegukanye itsinze Bwishyura 1-0, iyi Kimonyi yo mu karere ka Musanze isanzwe igira abafana benshi ikaba umwaka ushize yari yatsindiwe ku mukino wa nyuma na Rubengera yo muri Karongi

Nyuma y’iri rushanwa, Minisitiri w’Ubutegetsi bw’Igihugu, Dr Mugenzi Patrice, yavuze ko uyu mwaka bishimira ko imirenge yose y’igihugu yitabiriye iri rushanwa.

Ati “Turishimira ko iri rushanwa risigaye ryitabirwa n’abantu benshi, aho uyu mwaka imirenge yose uko ari 416 yiyandikishije. Iyi mikino kandi ituma nk’abayobozi twegera abaturage bityo bagahora ku isonga nk’uko Perezida Kagame yabidutoje.”

Perezida w’ikipe ya Jabana , Uwuzuyinema Frank nyuma yo kwegukana igikombe, yatangaje ko bishimiye kwegukana iki gikombe nyuma yo gusoreza ku mwanya wa kane mu mwaka ushize.

Yagize ati "Tugeze ku ntego twari twihaye. Twashyize hamwe, tureba aho umwaka ushize twagize intege nke, turahakosora. Ni ishema rikomeye ku Murenge wacu wa Jabana n’ikipe muri rusange."

Perezida w’ikipe ya Jabana Uwuzuyinema Frank

Iyi mikino yatangiye yitwa Amarushanwa y’Imiyoborere myiza, yagize azamura bamwe mu bakinnyi mu mikino itandukanye, barimo nka NIZEYIMANA Jean Claude uzwi nka Rutsiro (akarere ka Rutsiro) wakiniye amakipe arimo nka Kiyovu Sports, Ndahinduka Michel Fils uzwi nka Bugesera wakiniye Umurenge wa Kibirizi mu karere ka Nyamagabe.

Tariki 02/08/2025, ni ubwo umwaka w’imikino wa 2025/2026 mu mupira w’amaguru uzaba utangiye, nk’uko byashyizwe ahagaragara n’ishyirahamwe ry’umupira w’amaguru "FERWAFA" mu ibaruwa yohererejwe abanyamuryango ngo batangire imyiteguro hakiri kare.

Abenshi icyo bahita bihutira kureba, ni umukino w’igikombe kiruta ibindi "Super Cup", aho uyu mwaka kigomba guhuza ikipe ya APR FC na Rayon Sports, kikaba ari na cyo gikombe gitangiza umwaka w’imikino.

APR FC na Rayon Sports barafungura umwaka w’imikino, bamwe mu bakiniraga Rayon Sports barereje muri APR FC

Ni ibiki byo kwitega muri uyu mwaka w’imikino

Guhangana kwa APR FC na Rayon Sports kwafashe indi ntera

Uko imyaka ishira ni ko ubukeba hagati y’ikipe ya APR FC na Rayon Sports bugenda bwiyongera, aho kandi nanone uyu mwaka w’imikino wasojwe bwarakomeje gufata indi ntera.

Ni umwaka wasojwe abafana ba APR FC ari bo bari hejuru, nyuma yo kwegukana ibikombe byose bahuriyemo na Rayon Sports, birimo igikombe cy’Intwari, igikombe cy’Amahoro ndetse na shampiyona.

Uyu mwaka w’imikino ugiye gutangira ikipe ya APR FC yaramaze gusinyisha bamwe mu bakinnyi bakiniraga Rayon Sports mu mwaka ushize w’imikino barimo Bugingo Hakim, Iraguha Hadji ndetse na Omborenga Fitina bari mu biganiro bya nyuma.

Aba bariyongera kuri Tuyisenge Arsene nawe waherukaga kuva muri Rayon Sports mu mwaka ushize w’imikino.

Mu mikino ibiri iheruka guhuza APR FC na Rayon Sports bahatanira igikombe kiruta ibindi (Super Cup), yose yarangiye Rayon Sports ari yo yegukanye igikombe.

Umwe wabaye tariki 27/09/2017 Rayon Sports itsinda APR FC ibitego 2-0, umukino wabereye ku bibuga bibiri ari byo Stade Umuganda i Rubavu aho amatara ya Stade yaje kuzima umukino utarangiye, uza kwimurirwa i Kigali ahakinwe iminota 27 gusa yari isigaye, ukarangira Rayon Sports yegukanye igikombe.

Undi mukino wabaye tariki 12/08/2023 na wo waje kurangira Rayon Sports itsinze APR FC ibitego 3-0 kuri Stade ya Kigali i Nyamirambo, yongera kuyitwara igikombe kiruta ibindi "Super Cup". Uyu mwaka APR FC nayo ikaba yifuza kwihimura kuri Rayon Sports.

Amatsinda, ibirarane.....

Ni umwaka w’imikino kandi ugiye gutangira APR FC na Rayon Sports zitegura guhagararira u Rwanda mu mikino nyafurika, aho APR FC izaba ikina CAF Champions League naho Rayon Sports igakina CAF Confederation Cup.

Mu gihe Rayon Sports ari yo kipe yonyine mu Rwanda yabashije kugera mu matsinda mu mikino nyafurika, ikipe ya APR FC nayo imaze iminsi ibyifuza, uyu mwaka nabwo ni zo ntego nyamukuru bafite.

Umwaka ushize ubwo APR FC yari iri muri aya marushanwa, byatumye itangira shampiyona ifite ibirarane byinshi. Uyu mwaka rero, mu ntego z’abategura Shampiyona, harimo kwirinda ibirarane kugira ngo amakipe yose ajye agendera ku murongo umwe.

Ikibazo cy’imisifurire, benshi ntibanyuzwe....

Umwaka w’imikino ushize waranzwe n’ibirego byagiye bitangwa n’amakipe atandukanye arimo, nka Mukura VS, Amagaju, Vision FC, Rayon Sports... n’andi. By’umwihariko umukino wateje ibibazo wabaye uwahuje Rayon Sports na Bugesera FC, umukino abafana ba Rayon Sports bashinje umusifuzi Ngaboyisonga Patrick kubiba ku bushake, aho bavuga ko yabimye penaliti yari yo, agahita aha Bugesera penaliti batemera ko yari yo.

Umukino wa Rayon Sports na Bugesera umwe mu mikino yateje ibibazo, bituma usubirwamo nta bafana

Uyu mukino waje guhagarara utarangiye nyuma y’uko abafana bari batangiye gutera amabuye mu kibuga, uza gusubirwamo bukeye ariko ntiwagira icyo uhindura bituma Rayon Sports iwutakarizamo igikombe, abafana nabo barahanwa.

Icyuho mu mategeko ayobora umupira w’amaguru mu Rwanda

Si mu mwaka ushize gusa, amwe mu makipe akina amarushanwa y’umupira w’amaguru mu Rwanda, amaze iminsi agaragaza kutanyurwa n’amategeko agenga umupira w’amaguru mu Rwanda, ndetse n’uburyo ashyirwa mu bikorwa.

Mu mwaka ushize ikipe ya APR FC nyuma y’impaka nyinshi yatewe mpaga kubera gushyira mu kibuga umubare w’abanyamahanga urenga uteganyijwe, bituma mu mukino yari yanganyijemo na Gorilla FC iterwa mpaga y’ibitego 3-0.

Ku rundi ruhande mu gikombe cy’Amahoro ikipe ya Rayon Sports yari yagaragaje ko itifuza umukino wari wayihuje na Mukura VS ariko ntiwaza kurangira kubera ikibazo cy’amatara amurikira Stade Huye.

Ikipe ya Rayon Sports yari yatanze ikirego ko mu mategeko agenga amarushanwa, ikipe ya Mukura VS igomba guterwa mpaga y’ibitego 3-0, gusa byaje kurangira FERWAFA itegetse ko uwo mukino usubirwamo, amakipe agasubizwa ibyo yari yakoresheje mu kwitegura uwo mukino.

Ingengabihe irambuye

1. FERWAFA Super Cup (02/08/2025)

2. Gahunda ya shampiyona "RWANDA Premier League 2025/2026

15/08/2025: Gutangira kwa Rwanda Premier League 2025-2026
14/12/2025: Gusoza imikino ibanza
04/01/2026: Gutangira imikino yo kwishyura
15/06/2026: Umunsi wa nyuma wa shampiyona/gusoza Rwanda Premier League 2025-2026

3. Shampiyona y’icyiciro cya kabiri/FERWAFA Second Division League 2025/2026

14/09/2025: Itangira rya Shampiyona y’icyiciro cya kabiri mu bagabo
05/12/2025: Gusoza imikino ibanza
05/01/2026: Gutangira imikino yo kwishyura
28/04/2026: Gusoza imikino yo kwishyura
01/04-15/05/2026): Imikino ya Playoffs

Shampiyona y’icyiciro cya gatatu mu bagabo: Izatangira tariki 18/12/2025, isozwe tariki muri Mata 2026

Shampiyona y’icyiciro cya mbere mu bagore: Izatangira tariki 04/10/2025, isozwe muri Mata 2026

Shampiyona y’icyiciro cya kabiri mu bagore; Izatangira tariki 18/10/2026, isozwe muri Mata 2026

Igikombe cy’Amahoro (Abagabo): Kizatangira mu kwa 11/2025, gisozwe tariki 01/05/2025
Igikombe cy’Amahoro (Abagore): Amatariki ntaremezwa
Igikombe cy’Intwari (Heroes Cup): 28/01/2026-01/02/2026

Ishyirahamwe ry’abakinnyi bahoze bakinira ikipe y’igihugu y’u Rwanda "Amavubi" mu mupira w’amaguru rizwi nka FAPA ( Former Amavubi Players Association), ryatangaje ko hagiye kubaho umukino uhuza abakanyujijeho b’u Rwanda n’aba Uganda.

Abakunzi b’umupira w’amaguru bagiye kongera kwirebera abakanyujijeho hagati y’u Rwanda na Uganda

Nk’uko bigaragara mu itangazo rigenewe abanayamakuru, abahoze bakina mu ikipe y’igihugu y’u Rwanda "Amavubi FAPA The Legends" bazahaura n’aba Uganda bitwa "Flair 50 Football Club" mu mukino wa Gicuti mpuzamahanga, uteganyijwe kuba ku wa Gatandatu, tariki ya 21 Kamena 2025, kuri Kigali Pele Stadium guhera Saa yine za mu gitondo (10:00 AM).

Uyu mukino uzaba ugamije kwishimira umubano mwiza uranga ibihugu byombi no kwimakaza ubucuti n’ubuvandimwe hagati y’u Rwanda na Uganda binyuze mu mupira w’amaguru, nkuko byatangajwe na Eric Murangwa Eugène, Perezida w’ishyirahamwe ry’Abahoze bakinira Ikipe y’lgihugu (FAPA).

Yagize ati "Ni ishema rikomeye kwakira abavandimwe bacu b’abanya-Uganda muri uyu mukino uzarangwa n’ibyishimo, umubano mwiza, ubusabane n’ubuhanga bwo guconga ruhago. Umupira w’amaguru ufite ubushobozi bwo guhuza abantu no kubaka ubumwe burambye, kandi uyu mukino ni gihamya y’izo mbaraga dusanga mu mupira w’amaguru."

Ni ku nshuro ya kabiri umukino nk’uyu ugiye kubera mu Rwanda, aho waherukaga kuba tariki 30/06/2016, aho wari warangiye Abahoze bakinira ikipe y’u Rwanda banyagiye aba Uganda ibitego 5-3 mu mukino wari wabereye kuri Stade ya kigali i Nyamirambo (Kigali Pele Stadium).

Muri uwo mukino, ibitego by’Amavubi byari byatsinzwe na Bokota Labama watsinze bibiri, Saidi Abedi Makasi, Bokota Labama, Kamanzi Kharim ndetse na Karekezi Olivier, mu gihe ibya Uganda byatsinzwe n’abarimo Philip Ssozi, ndetse na Vincent Kayizi.

Abari babanjemo muri uwo mukino

Amavubi: Nkunzingoma Ramadhan, Hategekimana Bonaventure, Ndikumana Hamadi Katauti, Ntaganda Elias, Munyaneza Ashraf, Nshimiyimana Eric, Karekezi Olivier, Kayiranga Baptista, Munyakazi Hassan, Bokota Labama, Saidi Abedi Makasi.

Uganda: Sam Kawalya, Simeon Masaba, Daniel Ntare, Andy Lule, George Semwogerere, Abdllah Mubilu, Vincent Kayizi, Hakim Magumba, Philip Obwiny,James Odoch, Kefa Kisala

📢 ITANGAZO: 🇷🇼 Amavubi Legends vs Flair 50 FC 🇺🇬
Umukino wa gicuti mpuzamahanga uzahuza abakinnyi b’ibyamamare kuri Pele Stadium. 🏟️
🗓️ Tariki 21 Kamena 2025 | 🕙 Saa 10:00 AM
Ububanyi n'amahanga n’umupira w’amaguru mu birori bidasanzwe!
Soma itangazo birambuye:👇#LegendsMatch pic.twitter.com/ew9HlmMFKV

— Former Amavubi Players Association (@FAPA_Rwanda) June 17, 2025

Ku wa Gatandatu tariki 14/06 ni bwo ikipe ya Police Handball Club yegukanye igikombe cya shampiyona ya 2024/2025 nyuma yo gutsinda APR HC imikino itatu yikurkiranya, mu mikino itanu bagombaga gukina.

Iki gikombe cyahise kiba igikombe cya 10 yegukanye kuva shampiyona ya Handball yatangira gukinwa mu mwaka wa 2002, ikaba ari nayo kipe ifite ibikombe byinshi bya shampiyona mu Rwanda.

Police Handball Club yishimira igikombe i Rubavu ku kiyaga cya Kivu

Nyuma yo kwegukana iki gikombe, abagize iyi kipe barimo abayobozi, abakinnyi ndetse n’abatoza bahise kuri iki cyumweru berekeza mu karere ka Rubavu mu rwego rwo kwishimira iki gikombe ndetse n’uko umwaka w’imikino wagenze, aho banawegukanyemo igikombe cy’Intwari nabwo batsinze ikipe ya APR HC.

Ikipe ya Police HC yegukanye ibikombe bya shampiyona bya 2011, 2012, 2014, 2015, 2016, 2018, 2019, 2021, 2022, na 2025.

Ni imikino ya nyuma yakinirwaga mu karere ka Musanze kuva kuri uyu wa Gatandatu, isozwa ku Cyumweru hanatangwa ibihembo ku makipe yitwaye neza.

Umupira w’amaguru (Football)

Umupira w’amaguru mu bagore, ikipe y’umurenge wa Mahembe (Nyamasheke) ni yo yegukanye igikombe itsinze igitego 1-0 Umurenge wa Kacyiru (Gasabo), igitego cyatsinzwe ku munota wa 89 na Ntagisanimana Saida.

Umurenge wa Jabana wishimira kwegukana igikombe

Mu bagabo mu mupira w’amaguru, Jabana yo mu karere ka Gasabo mu mujyi wa Kigali, yegukanye igikombe nyuma yo gutsinda Umurenge wa Mbazi w’akarere ka Huye ibitego 2-0.

Basketball, Musanze yabitwaye byombi

Akarere ka Musanze kakiniraga mu rugo, ni ko kegukanye ibikombe byombi, aho mu bagabo batsinze Rutsiro amanota 78-71, naho mu bagore batwara igikombe batsinze Kamonyi amanota 53 kuri 48.

Muri Volleyball, ikipe y’akarere ka Kicukiro ni yo yegukanye igikombe itsinze akarere ka Ngoma ku mukino wa nyuma amaseti 3-1.

Iseti ya mbere: KICUKIRO 25 -23 NGOMA

Iseti ya kabiri: KICUKIRO 16-25 NGOMA

Iseti ya gatatu KICUKIRO 25 -17 NGOMA

Iseti ya kane: KICUKIRO 27-25 NGOMA

Muri Volleyball y’abagore, ikipe y’akarere ka Gicumbi ni yo yegukanye igikombe itsinze akarere ka Ngoma amaseti 3-2 nyuma yo kwiyambaza iseti ya nyuma ya kamarampaka (Seoul).

Iseti ya mbere: GICUMBI 22-25 NGOMA

Iseti ya kabiri: GICUMBI 25-15 NGOMA

Iseti ya gatatu: GICUMBI 25-22 NGOMA

Iseti ya kane: GICUMBI 24-26 NGOMA

Iseti ya gatanu (Seoul): GICUMBI 15-11 NGOMA

Umukino w’amagare....

Mu mukino wo gusiganwa ku magare, Mfiteyezu Emmanuel yegukanye iri rushanwa ku nshuro ye ya gatatu yikurikiranya (2023,2024, 2025).

Mu bagore, Mukarugwiza Marie Solange wo mu karere ka Kamonyi, ni we wegukanye irushanwa, akaba ari inshuro ye ya mbere akina amarushanwa y’Umurenge Kagame Cup.

Uko bakurikiranye mu mukino w’amagare

Abagore:

1.Mukarugwiza Marie Solange (Kamonyi)
2. Mutuyimana Francine (Musanze)
3. Mukabikorimana Leatitia (Kirehe)
4. Tuyishimire Sandrine (Bugesera)
5. Nyiramahirwe Alliance (Nyabihu)

Abagabo:

1. Mfiteyezu Emmanuel (Gicumbi)
2. Ntacogora Emmanuel (Musanze)
3. Mugisha Gad (Gicumbi)
4. Imananiyonkuru Jacques (Nyabihu)
5. Habamahirwe Jean de Dieu (Gisagara)

Mu mukino w’Igisoro mu bagabo uwatsinze ni Masengesho Jean Claude ukomoka mu Karere ka Kamonyi aho yatsinze Niyonagize Alfred ukomoka mu Karere ka Nyarugenge, naho mu bagore uwa mbere aba Mukundirehe Diane wo mu Murenge wa Munini w’akarere ka Nyaruguru.

Amwe mu mafoto yaranze imikino ya nyuma

Nyuma yo gutsindwa imikino ibiri ya gicuti yaberaga mu gihugu cya Algeria, abakunzi b’Amavubi ndetse n’abakunzi ba siporo muri rusange, ntibanyuzwe n’umusaruro w’Amavubi ndetse benshi batangira no gukemanga umusaruro w’Amavubi mu mikino ikomeye iri imbere.

Amavubi yatsinzwe imikino ibiri ya gicuti na Algeria

Umutoza Adel Amrouche nyuma y’uyu mukino yagaragaje ko atishimiye urwego rw’abakinnyi afite, by’umwihariko anenga cyane abakina mu Rwanda kuko abona batari ku rwego mpuzamahanga

Yagize ati “Twigiye byinshi muri iyi mikino ibiri, twabonye urwego rwa bamwe, urebye urwego usanga rwabo ruri kuri Shampiyona yo mu Rwanda nyine, ntabwo nzabazana ngo mbigishirize byose mu ikipe y’igihugu. Haracyakenewe guhindura byinshi, tugakosora amakosa.”

"Ibyo ntabwo tuzabikorera mu mikino ifite icyo ivuze. Benshi ni ubwa mbere nari mbahamagaye ariko ubona ko urwego rwa shampiyona yacu rukwiriye kuzamuka. Muri uyu mukino mwabonye itandukaniro mu mbaraga, ubushobozi, uburyo bw’imikinire. Biriya bibera mu makipe bakinamo, ntabwo twigishiriza umupira mu ikipe y’Igihugu, njye ntoranya abakinnyi beza.

Uyu mutoza kandi yanenze urwego rw’imbaraga z’abakinnyi b’u Rwanda, aho bamwe avuga uko yababonye bihita bigaragaza ko mu makipe yabo badakina, avuga ko mu minsi ine gusa yamaranye nabo ntacyo yari kubihinduraho.

Imikino ine, intsinzi zeru, igitego kimwe, impungenge ni zose

Umutoza Adel Amrouche yagizwe umutoza w’Amavubi muri Werurwe 2025, asimbuye umudage Frank Spittler utari warabashije kumvikana n’ubuyobozi bwa FERWAFA mu kuba yakongererwa amasezerano.

Mu mikino ine Adel Amrouche amaze gutoza Amavubi, yatsinzwemo imikino itatu, anganya umwe mu gihe nta n’umwe aratsinda, akaba amaze gutsindwa ibitego birindwi mu gihe Amavubi yo amaze gutsinda igitego kimwe.

Umwuka si mwiza....

Amakuru atugeraho usibye agaragara ku mbuga nkoranyambaga agaragaza uburakari no kutishimira imikinire y’Amavubi, biravugwa ko harimo kutumvikana hagati ya bamwe mu bakinnyi n’umutoza Adel Amrouche ndetse n’abayobozi kugeza ubu batangiye gukemanga umusaruro w’uyu mutoza.

Umutoza Adel Amrouche wanongeyemo amarso mashya, yanenze urwego rwa bamwe mu bakinnyi b’Amavubi

Nyuma y’umukino wo kuri uyu wa Mbere aho Amavubi yatsinzwe n’ikipe ya kabiri ya Algeria (abakina imbere mu gihugu), bivugwa ko abakinnyi n’abandi bagize ikipe y’Amavubi, bagiranye inama ndende n’umutoza aho yaneze bamwe muri bo.

Ibi byaje byiyongera kuri bamwe mu bakinnyi b’ikipe y’igihugu Amavubi baba mu bamazemo iminsi no mu bashyashya banenze imitoreze ndetse n’imikinire y’umutoza Adel Amrouche, bikagaragarira no ku musaruro w’iyi kipe mu mikino ine iheruka.

Bwa mbere yari yishimiye abakinnyi afite

Mbere y’imikino ibiri yatsinzwemo na Algeria, umutoza Adel Amrouche ubu n’ubwo yanenze abakinnyi ariko mbere yavugaga ko abishimiye.

Yari yagize ati “Ni amahirwe kuri twe kuba tugiye gukina uyu mukino kuko turaba duhanganye n’ikipe ikomeye kandi ifite abafana. Abakinnyi baje mu Ikipe y’Igihugu bameze neza kandi ndabishimiye.”

Rafael York na Hakim Sahabo babimburiye abandi, umutoza yavuze ko batazagaruka agihari

Mbere kandi yo gukina imikino ibiri ya gicuti, umutoza Adel Amrouche yatangaje ko atishimiye kuba abakinnyi Rafael York na Hakim Sahabo bataritabiriye ubutumire bw’ikipe y’igihugu, atangaza ko batazongera guhamagarwa agihari.

Yagize ati “Hari ibyo ntishimiye kuko hari imico umuntu akwiriye gukosora igihe yambaye iri bendera. Iri bendera ntabwo ari iryo gukinishwa, nta n’umwe uri hejuru yaryo. Ubwo nabonaga hari abanze guhagararira igihugu, naratunguwe cyane kuko ni ukwirengagiza amateka yacyo.”

“Abo rero ntibakiri inshuti zanjye ntibazigera banaba zo. Nimushake mubyandike mubishyire aho ari ho hose, mubamamaze haba kuri Facebook n’ahandi. Ntibazagaruka na rimwe. Iri bendera rirabaruta cyane. Nta muntu ukina n’ikipe y’igihugu, wenda nimva hano bazagaruka, ariko igihe nkihari mubibagirwe.”

Imbere Amavubi afite akazi gakomeye

Amavubi yakinaga iyi mikino mu rwego rwo kwitegura imikino y’umunsi wa karindwi n’uwa munani yo gushaka itike y’Igikombe cy’Isi 2026 azakirwamo na Nigeria na Zimbabwe tariki ya 1 n’iya 5 Nzeri 2025, aho kugeza ubu u Rwanda ruri ku mwanya wa kabiri n’amanota 8, mu gihe Afurika y’Epfo iri ku mwanya wa mbere n’amanota 13 mu itsinda C.

Mu mpera z’icyumweru gitaha kuva tariki 13/06 kugera tariki 15/06/2025, ni bwo hateganyijwe imikino ya nyuma isoza shampiyona ya Handball mu Rwanda, imikino izwi nka Playoffs, iri guhuza ikipe ya Police HC na APR HC.

Imikino ibiri ya mbere yamaze gukinwa yose ikaba yaregukanywe n’ikipe ya Police HC, bivuze ko Police itsinze undi mukino yahita yegukana igikombe cya shampiyona.

Ikipe ya APR HC kugeza ubu yamaze gutangira gahunda yo kwiyubaka, aho ku ikubitiro yahereye muri mukeba isinyisha abakinnyi bayo bane.

Abo bakinnyi yasinyishije ni umunyezamu Uwimana Jackson uzwi ku izina rya Daduwa, isinyisha kandi Nshimiyimana Alexis na Rwamanywa Viateur uzwi nka General bari barigeze no kuyikinira. Undi mukinnyi APR HC yasinyishije ni Umuhire Yves.

APR HC yakuye abakinnyi bane muri Police HC

Kugeza ubu amakuru atugeraho ni uko aba bakinnyi batakiri kumwe n’ikipe ya Police HC iri gutegura imikino ya nyuma ya Playoffs, bakaba batazanagaragara mu mikino yo mu mpera z’icyumweru gitaha

Umunyezamu Uwimana Jackson "Dadua"

Nshimiyimana Alexis

Rwamanywa Viateur "General"

Umuhire Yves

Kuri uyu wa Mbere mu nyubako ya Ethiopian Sports Academy muri Ethiopia, habereye umukino wa mbere muri Handball mu mikino ya EAPCCO iri kubera muri iki gihugu kuva tariki 28/04/2025.

Ni umukino wahuje ikipe ya Handball ya Polisi y’u Rwanda, aho yari yahuye n’ikipe ya Polisi ya Kenya, umukino waje kurangira u Rwanda rutsinze Kenya ibitego 39 kuri 29.

Byari ibyishimo ku bagize delegasiyo y’u Rwanda iri muri Ethiopia, nyuma yo kubona intsinzi ya mbere muri Handball

Ikipe ya Polisi y’u Rwanda yari isanzwe inafite iki gikombe yegukanye umwanya wa 2023 ubwo amarushanwa yaberaga mu Rwanda, izakina umukino wa kabiri tariki 03/05 ubwo hazaba ari no ku munsi usoza amarushanwa.

Umutoza mukuru w’ikipe ya Rutsiro FC Gatera Moussa, n’umunyezamu wayo wa mbere bamaze guhagarikwa n’iyi kipe nk’uko babinyujije mu itangazo rigenewe itangazamakuru.

Umutoza Gatera Moussa yahagaritswe

Ibi bije nyuma y’aho ikipe ya Rutsiro itsindiwe na APR FC hakavugwa ko habayeho kwitsindisha ku bushake kuri uyu mukino bigizwemo uruhare na bamwe mu bagize iyi kipe.

Aba bombi, umutoza Gatera Moussa n’umunyezamu MATUMELE MONZOBO ARNOLD bahagaritswe mu gihe gisigaye cya Shampiyona 2024/2025, ni ukuvuga imikino itanu isigaye ngo shampiyona isozwe.

Umutoza n’umunyezamu bombi bahagaritswe nyuma y’umukino APR FC yanyagiyemo Rutsiro FC ibitego 5-0

ITANGAZO RY’IKIPE YA RUTSIRO FC

RUTSIRO FC iramenyesha abakunzi bayo n’abakunzi b’umupira w’amaguru muri rusange ko yahagaritse by’agateganyo umutoza wayo mukuru GATERA MUSA hamwe n’umunyezamu wayo MATUMELE MONZOBO ARNOLD mu gihe gisigaye cya Shampiyona 2024/2025.

Iki cyemezo gifashwe nyuma y’umusaruro nkene aba bombi bagaragaje ku mukino wa shampiyona w’umunsi wa 25 wahuje RUTSIRO FC na APR FC tariki ya 26/4/2025 kuri stade Umuganda.

Umutoza wungirije RUBANGURA OMAR akaba ariwe ufata inshingano zo gutoza ikipe mu mikino isigaye ya shampiyona.

Umunyezamu MATUMELE MONZOBO ARNOLD nawe mu gihe gisigaye cya Shampiyona 2024/2025.

Ku gicamunsi cyo kuri uyu wa Gatanu ni bwo ikipe ya Police Handball Club yerekeje mu gihugu cya Ethiopia, aho igiye guhagararira u Rwanda mu mikino ihuza amakipe yo mu nzego z’umutekano zo mu bihugu bigize umuryango wa EAPCCO.

Iyi mikino izabera mu gihugu cya Ethiopia kuva tariki ya 28 Mata, aho Polisi y’u Rwanda izaba ihagarariwe n’amakipe azakina imikino itandukanye irimo Handball, Taekwondo no kumasha.

Kuri uyu wa Kane tariki 24/04/2025, Umuyobozi Mukuru wa Polisi y’igihugu y’u Rwanda (IGP), CG Namuhoranye Felix, ubwo yahuraga n’abakinnyi bagiye guhagararira u Rwanda, yabasabye kwitwara neza bagahesha ishema u Rwanda, abibutsa ko badahagarariye Polisi y’u Rwanda gusa ahubwo ko ari igihugu muri rusange, abasaba kuzagaragaza imyitwarire myiza, kuba indashyikirwa no kurangwa no guhatana mu mikino yose.

Umuyobozi Mukuru wa Polisi y’u Rwanda (IGP), CG Felix Namuhoranye aganiriza abakinnyi

U Rwanda rugiye guhagarirwa n’abakinnyi 52

Yagize ati: "Mushobora kubona muri bake, ariko inshingano mufite ni nyinshi kandi zirakomeye. Ntabwo muhagarariye Polisi y’u Rwanda gusa, muhagarariye n’u Rwanda muri rusange. Indangagaciro z’u Rwanda n’ikinyabupfura birubahwa henshi ku Isi, murasabwa kubyubahiriza. Hari byinshi mwagezeho, mugomba gukomeza gushikama, mukarushaho gukora byinshi byiza.”

Urutonde rw’abakinnyi Police Handball Club yajyanye muri Ethiopia

1. Kwisanga Peter
2. MBESUTUNGUWE Samuel
3. KAYIJAMAHE Yves
4. KUBWIMANA Emmanuel
5. AKAYEZU Andre
6. MUNEZERO Fiacle
7. NSHIMIYIMANA Alexis
8. URANGWANIMPUHWE Guido
9. UWIMANA Jackson
10. NDAYISABA Etienne
11. HAKIZIMANA Dieudonne
12. UMUHIRE Yves
13. HABIMANA Jean Baptiste
14. NTAMBARA Jean de Dieu
15. RWAMANYWA Viateur
16. NSHIMIYIMANA Thimothee

Abatoza

NTABANGANYIMANA Antoine
Byiringiro JP Cyrille
Duteteriwacu Norbert

Urugamba rwo gukwepa icyiciro cya Kabiri

Shampiyona y’icyiciro cya mbere mu mupira w’amaguru yinjiye mu mikino itandatu ya nyuma, imikino ituma bamwe mu bayobozi b’amakipe ari mu myanya ya nyuma badasinzira. Aha ni hamwe hamaze iminsi havugwa ko amwe mu makipe aba yaramaze kwizera kutamanuka ndetse atanarwanira igikombe, ashobora guharira andi ageze ahabi.

Vision FC na Kiyovu Sports ni yo makipe yamaze igihe kinini mu myanya ibiri ya nyuma uyu mwaka

Vision FC vs Kiyovu, umukino utegerejwe na benshi

Kugeza ubu ikipe ya Vision FC iri ku mwanya wa nyuma n’amanota 20, na Kiyovu Sports ubu yamaze kuzamuka ikagera ku mwanya wa 13 n’amanota 27, ziraza kuba zisobanura kuri uyu wa Gatanu tariki 25/05 kuri Kigali Pele Stadium.

Uyu mukino mu gihe Kiyovu Sports yawutsinda, icyizere cyo kuguma mu cyiciro cya mbere cyazamuka cyane, mu gihe Vision nayo yawutsinda, yakongera icyizere dore ko mu mikino ibiri imbere byatuma imanuka bidasubirwaho.

Amakipe ahatanye ubwayo azisobanura....

Usibye Vision na Kiyovu zikina kuri uyu wa Gatanu, andi makipe arwana no kutamanuka muri iyi mikino itandatu azagenda ahura hagati yayo, aho ku munsi wa 25 nabwo Musanze izisobanura na Muhazi United.

Ku munsi wa 26, ikipe ya Kiyovu Sports izaba yakiriye Muhazi United, ku munsi wa 27 Gasogi izaba yakiriwe na Musanze, Marine ikine na Vision

Ku munsi wa 28, Gasogi izakira Muhazi, naho Marine yakire Musanze. Mu gihe ku munsi wa 30, ikipe ya Kiyovu Sports izasura Bugesera

Urutonde rwa shampiyona kugeza ubu

Imikino amakipe arindwi (7) ya nyuma asigaje

10. Musanze FC

Ku wa Gatandatu tariki 26/04/2025 15:00 Musanze V Muhazi United UBWOROHERANE STADIUM
Ku wa Kane tariki 01/05/2025 15:00 Etincelles v Musanze UMUGANDA STADIUM
Ku wa Gatandatu tariki 10/05/2025 15:00 Musanze v Gasogi United UBWOROHERANE STADIUM
Ku wa Gatandatu tariki 17/05/2025 15:00 Marine v Musanze UMUGANDA STADIUM
Ku wa Kabiri tariki 20/05/2025 15:00 Mukura VS v Musanze KAMENA STADIUM
Ku Cyumweru tariki 25/05/2025 18:00 APR FC v Musanze KIGALI PELÉ STADIUM

11. Gasogi United

Ku Cyumweru tariki 28/04/2025 15:30 Gasogi United v Amagaju KIGALI PELÉ STADIUM
Ku wa Gatatu tariki 07/05/2025 15:00 Gasogi United v Mukura VS KIGALI PELÉ STADIUM
Ku wa Gatandatu tariki 10/05/2025 15:00 Musanze v Gasogi United UBWOROHERANE STADIUM
Ku wa Gatandatu tariki 17/05/2025 15:00 Gasogi United v Muhazi United KIGALI PELÉ STADIUM
Ku wa Gatatu tariki 21/05/2025 15:00 Gorilla v Gasogi United KIGALI PELÉ STADIUM
Ku wa Gatandatu tariki 24/05/2025 15:00 Gasogi United v Rutsiro KIGALI PELÉ STADIUM

12. Marines FC

Ku wa Gatandatu tariki 26/04/2025 15:00 Bugesera v Marine BUGESERA STADIUM
Ku wa Gatatu tariki 07/05/2025 18:00 APR FC v Marine KIGALI PELÉ STADIUM
Ku wa Gatandatu tariki 10/05/2025 15:00 Marine v Vision UMUGANDA STADIUM
Ku wa Gatandatu tariki 17/05/2025 15:00 Marine v Musanze UMUGANDA STADIUM
Ku wa Kabiri tariki 20/05/2025 15:00 Rutsiro v Marine UMUGANDA STADIUM
Ku Cyumweru tariki 25/05/2025 15:00 Marine v AS Kigali UMUGANDA STADIUM

13. Kiyovu Sports

Ku wa Gatanu tariki 25/04/2025 15:00 Vision v Kiyovu SC KIGALI PELÉ STADIUM
Ku wa Kane tariki 01/05/2025 15:00 Kiyovu SC v Muhazi United KIGALI PELÉ STADIUM
Ku wa Gatanu tariki 09/05/2025 15:00 AS Kigali v Kiyovu SC KIGALI PELÉ STADIUM
Ku wa Gatanu tariki 16/05/2025 15:00 Kiyovu SC v Rutsiro KIGALI PELÉ STADIUM
Ku wa Gatatu tariki 21/05/2025 15:00 Amagaju v Kiyovu SC KAMENA STADIUM
Ku wa Gatandatu tariki 24/05/2025 15:00 Bugesera v Kiyovu SC BUGESERA STADIUM

14. Muhazi United

Ku wa Gatandatu tariki 26/04/2025 15:00 Musanze V Muhazi United UBWOROHERANE STADIUM
Ku wa Kane tariki 01/05/2025 15:00 Kiyovu SC v Muhazi United KIGALI PELÉ STADIUM
Ku Cyumweru tariki 11/05/2025 15:00 Rutsiro v Muhazi United UMUGANDA STADIUM
Ku wa Gatandatu tariki 17/05/2025 15:00 Gasogi United v Muhazi United KIGALI PELÉ STADIUM
Ku wa Kabiri tariki 20/05/2025 15:00 Muhazi United v APR FC NGOMA STADIUM
Ku Cyumweru tariki 25/05/2025 15:00 Amagaju v Muhazi United KAMENA STADIUM

15. Bugesera FC

Ku wa Gatandatu tariki 26/04/2025 15:00 Bugesera v Marine BUGESERA STADIUM
Ku wa Gatanu tariki 02/05/2025 15:00 Gorilla v Bugesera KIGALI PELÉ STADIUM
Ku wa Gatandatu tariki 10/05/2025 15:00 Mukura VS v Bugesera KAMENA STADIUM
Ku wa Gatandatu tariki 17/05/2025 15:00 Bugesera v Rayon Sports BUGESERA STADIUM
Ku wa Kane tariki 22/05/2025 15:00 Etincelles v Bugesera UMUGANDA STADIUM
Ku wa Gatandatu tariki 24/05/2025 15:00 Bugesera v Kiyovu SC BUGESERA STADIUM

16. Vision FC

Ku wa Gatanu tariki 25/04/2025 15:00 Vision v Kiyovu SC KIGALI PELÉ STADIUM
Ku wa Mbere tariki 05/05/2025 15:00 Vision v AS Kigali KIGALI PELÉ STADIUM
Ku wa Gatandatu tariki 10/05/2025 15:00 Marine v Vision UMUGANDA STADIUM
Ku Cyumweru tariki 18/05/2025 15:00 Police v Vision KIGALI PELÉ STADIUM
Ku wa Kabiri tariki 20/05/2025 18:00 Rayon Sports v Vision KIGALI PELÉ STADIUM
Ku wa Gatanu tariki 23/05/2025 15:00 Vision v Mukura VS KIGALI PELÉ STADIUM

Kuri uyu wa Mbere, ikipe y’igihugu ya Algeria yifashishije imbuga nkoranyambaga zayo yatangaje ko ifitanye umukino wa gicuti n’Amavubi y’u Rwanda.

Ni umukino biteganyijwe ko uzaba tariki 05/06/2025, ukabera mu mujyi wa Constantine muri Algeria, kuri Stade yitwa Chahid Mohamed Hamalaoui Stadium.

Kugeza ubu n’ubwo ntacyo ishyirahamwe ry’umupira w’amaguru mu Rwanda rirabivugaho, bivugwa ko uyu mukino kuwushyiraho byagizwemo uruhare n’umutoza Adel Amrouche ukomoka n’ubundi muri Algeria

Nyuma y’uko Rayon Sports itsinzwe na Mukura igitego 1-0, APR FC igatsinda Vision ibitego 2-1, urugamba rw’igikombe rwaje kongera gukomera, nyuma y’uko Rayon Sports yasigaye irusha APR FC inota rimwe gusa

Kuri uyu wa Gatandatu Rayon Sports irerekeza i Rubavu mu mukino utoroshye izahuramo na Marine, aho Rayon Sports irwanira igikombe, izahatana na Marine irwana no kutamanuka mu cyiciro cya Kabiri, umukino utegerejwe na benshi.

Mu mukino ubanza Rayon Sports yanganyije na Marine FC 0-0

Ku ruhande rwa APR FC, na yo kuri uyu wa Gatandatu iraba yerekeje mu Karere ka Bugesera aho izaba ikina na Bugesera yaho, na yo idahagaze neza ku rutonde rwa shampiyona aho iri ku mwanya wa 13 n’amanota 24, ikarusha Kiyovu Sports ya 15 amanota atatu.

APR FC irakina na Bugesera kuri Stade ya Bugesera

Rayon i Rubavu,irahura na mukeba muto

Ni amakipe adahuje ibigwi, gusa iyo agiye gukina havugwa byinshi cyane ko uyu mukino ubamo gukanirana cyane, aho no kuri iyi nshuro bivugwa ko ikipe ya Marine yazamuriwe agahimbazamusyi mu gihe yaba itsinze uyu mukino,

Gusa nubwo habaho gukanirana, mu mikino 30 yahuje aya makipe, ikipe ya rayon Sports yatsinze Marine inshuro 21, banganya inshuro esheshatu, Marine itsinda rayon Sports inshuro eshatu harimo aho mu mwaka w’imikino wa 2021/2022 yatsinze Rayon Sports umukino ubanza n’uwo kwishyura.

Buri kipe ihagaze ite?

Imikino itanu Marine iheruka gukina, yatsizwemo itatu (Muhazi United, Kiyovu Sports n’Amagaju), mu gihe yatsinze umwe (Mukura) ndetse inanganya umwe (Etincelles)

Mu mikino itanu ikipe ya Rayon Sports iheruka gukina yatsinzemo umwe gusa (AS Kigali), itsindwa umwe (Mukura), inganya itatu (APR, Gasogi n’Amagaju)

Mu mikino itanu iheruka guhuza Marine na Rayon Sports, Rayon Sports yatsinze Marine inshuro ebyiri, Marine itsinda Rayon Sports inshuro imwe,banganya imikino ibiri

Bugesera yatumyeho APR FC ngo irye iri menge

Ibinyujije ku rubuga rwa x (Twitter), Bugesera FC yatangaje ko ikipe ya APR FC itazakura amanota atatu ku kibuga cyayo, inabibutsa umukino baheruka kuyihatsindira tariki 07/10/2022.

Mu mikino itanu Bugesera iheruka gukina, yatsinzemo ibiri (Amagaju na Vision), itsindwa ibiri (Police na Muhazi), inganya umwe (Musanze)

Mu mikino itanu APR FC iheruka gukina, yatsinzemo ibiri (Police na Vision), itsindwa umwe (Mukura), inganya ibiri (Rayon Sports na Gasogi United)

Imikino itanu iheruka guhuza aya makipe yombi, APR FC yatsinze Bugesera inshuro ebyiri, Bugesera itsinda APR FC inshuro imwe, banganya kabiri

Gahunda irambuye y’imikino y’Umunsi wa 23

Ku wa Gatanu tariki 04/04/2025

15:00 Vision v Gasogi United KIGALI PELÉ STADIUM

Ku wa Gatandatu tariki 05/04/2025

15:00 AS Kigali v Muhazi United KIGALI PELÉ STADIUM
15:00 Marine v Rayon Sports UMUGANDA STADIUM
15:00 Musanze v Rutsiro UBWOROHERANE STADIUM
15:00 Bugesera v APR FC BUGESERA STADIUM
15:00 Amagaju v Gorilla KAMENA STADIUM

Ku Cyumweru tariki 06/04/2025

15:00 Etincelles v Kiyovu SC UMUGANDA STADIUM
15:00 Police v Mukura VS KIGALI PELÉ STADIUM

Fabien Doubey wegukanye Tour du Rwanda 2025

Kuri iki Cyumweru tariki 02/03/2025, ni bwo hasojwe isiganwa mpuzamahanga Tour du Rwanda, ubwo hakinwaga agace ka nyuma katakinwe uko kari gateganyijwe kubera imvura.

Ubwo abakinnyi bari basigaje kuzenguruka inshuro imwe ku ntera ireshya na kilometero 14, imvura nyinshi yari irimo igwa mu mujyi wa Kigali, isiganwa ryahise rihagarikwa.

Umufaransa Fabien Doubey wari wambaye umwenda w’umuhondo, byahise byemezwa ko ari wegukanye isiganwa hagendewe ku rutonde rusange nyuma y’iminsi irindwi yari yakinwe.

Ku bindi bihembo byatanzwe, umunyarwanda Nsengiyumva Shemu ukinira Java Inovotec yegukanye igihembo cy’umukinnyi wahize abandi mu kuzamuka (Best Climber).

Munyaneza Didier yegukanye igihembo cy’uwegukanye amanota menshi y’intego zabaga zashyizweho (Intermediate Sprints). Masengesho Vainqueur nawe yahembwe nk’umunyarwanda waje imbere y’abandi, aho ku rutonde rusange ari ku mwanya wa karindwi.

Mu gace kabanziriza aka nyuma ka Tour du Rwanda, abakinnyi bahagurukiye i Nyanza, aho banyuze umuhanda mushya uhuza Nyanza na Kigali unyuze mu karere ka Bugesera.

Isiganwa ryatangiye abakinnyi bacungana, ariko bamaze kugenda kilometero umunya-Uganda Mugalu ukinira Java-Inovotec yabimburiye aband gusohoka mu gikundi.

Nyuma yaho gato abakinnyi batandatu nabo basohotse mu gikundi ari bo Mugalu : Mugisha, Uwiduhaye Munyaneza (Rwanda), Nsengiyumya (Java-Inovotec), Niyonkuru (Team Amani) na Schutte (Afrique du Sud).

Aba bakinnyi bayoboye isiganwa kugera binjiye mu mujyi wa Kigali, ariko bamwe batangira gusigara ubwo batangiraga kuzamuka Gikondo bagana Rebero.

Mu bilometero bitanu bya nyuma Mugisha Moise yagerageje gusiga bagenzi be amara akanya gato ayoboye isiganwa wenyine, ariko mu kilometero cya nyuma umunya-Eritrea Araya yaje guhita amucaho ahita yegukana aka gace

Uko abakinnyi bakurikiranye kuva Nyanza-Kigali

Ni isiganwa ryari rikomeye cyane ugereranyije n’utundi duce twatambutse, aho ibyaberaga mu isiganwa byagendaga bihinduka umunota ku wundi.

Kilometero enye za mbere umukinnyi wageragezaga gusohoka mu gikundi ngo asige abandi, peloton yahitaga yihutira kumugarura.

Ku kilometero cya gatanu, Muhoza Eric ukinira Team Amani yasohotse muri peloton, ahita akurikirwa n’abarimo Berlin (Bike Aid), Schutte (Afrique du Sud), Kibrom (Eritrea), Gidey (Ethiopie), Taha (CMC) na Hailemaryam (Ethiopie), bahita batangira kuyobora isiganwa ari barindwi.

Aba bakinnyi bakomeje kuyobora isiganwa kugeza basohotse ishyamba rya Nyungwe, gusa bakanyuzamo bagacikamo ibice ariko umunyarwanda Muhoza Eric akaguma mu bayoboye.

Muhoza Eric basatira akarere ka Huye yaje kugerahp ayobora isiganwa wenyine, ariko bageze mu bice byo mu Gahenerezo bazamuka ngo bagere mu mujyi wa Huye, umubiligi Marvoet yaje guca abandi mu rihumye yinjira umujyi wa Huye wenyine, ahita yegukana agace k’uyu munsi.

Uko bakurikiranye uyu munsi

Urutonde rusange nyuma y’iminsi itandatu

Ku ntera ireshya na Kilometero 95.1, abakinnyi 68 bahagurutse mu mujyi wa Rubavu berekeza mu Karere ka Karongi ahasorejwe agace ka kane ka Tour du Rwanda.

Ni isiganwa ryatangiye abakinnyi Uwiduhaye Mike (Rwanda) na Nzafashwanayo J Claude (CMC) bayoboye isiganwa. Inyuma yabo bari bakurikiwe n’abakinyi 4 : Nsengiyumya Shemu (Java-Inovotec), Lorot (Amani), Munyaneza Didier (Rwanda) na Matthews (Afrique du Sud), bidatinze bane baje guhita bafata babiri b’imbere bafatanya kuyobora isiganwa.

Aba bayoboye isiganwa kuva bazamuka Pfunda, bazamuka ishyamba rya Gishwati ndetse na Congo Nil muri Rutsiro, gusa baza gushikirwa mu bilometero 20 bya nyuma.

Aba bakinnyi 6 bayoboye isiganwa ari bo Uwiduhaye (Rwanda), Nzafashwanayo (Rwanda, CMC) , Nsengiyumya (Rwanda, Java-Inovotec), Lorot (Ouganda, Team Amani), Munyaneza (Rwanda) na Matthews (Afrique du Sud), batangiye gucikamo ibice, Munyaneza Didier abanza gusigara.

Nyuma Uwiduhaye Mike yagerageje kuyobora isigamwa ariko nyuma we na bagenzi be igikundi cyarimo Fabien Doubey wari wambaye maillot jaune kiza kubafata.

Binjira aho isiganwa ryasorejwe, umufaransa Joris Delbove yaje gushyiramo intera asohoka mu gikundi, aza guhita yegukana aka gace ndetse ahita anambara Maillot Jaune.

Umunyarwanda wahageze mbere y’abandi ni Manizabayo Eric wahageze ari uwa 7, naho ku rutonde rusange kugeza ubu umunyarwanda uza imbere ni Masengesho Vainqueur uri ku mwanya wa 9, mu gihe Manizabayo Eric Karadio ari uwa 11.

Nyuma y’akazi abanyarwanda bakoze uyu munsi, byatumye bahabwa bimwe mu bihembo bigenda bitangwa mu isiganwa, birimo igihembo cy’ufite amanota menshi mu kuzamuka imisozi (Best Climber) cyahise gifatwa na Nsengiyumba Shemu.

Mike Uwiduhaye wa Team Rwanda nyuma yo kumara igihe ari mu bayoboye isiganwa ndetse akaza no kugera igihe ariyobora wenyine, yahembwe Best in Breakaway.

Ibihembo byatanzwe

1-Uyoboye urutonde rusange (Yellow Jersey): Joris Delbove (TOTAL Energies)

2-Uri imbere mu manota yo kuzamuka: Nsengiyumva Shemu (Java Inovotec)

3: Umukinnyi ukiri muto mwiza: Adria Pericas Capdevelia (UAE Emirates Gen_Z)

4-Best Sprinter: Munyaneza Didier (Team Rwanda)

5-Umunyarwanda uhiga abandi: Masengesho Vainqueur (Team Rwanda)

6-Uwegukanye agace:Boris Delbove (TOTAL Energies)

7-Umunyafurika uhiga abandi: Henok Mulubrhan (Team Eritrea)

8-Umunyafurika ukiri muto: Yoel Habteab (Team Eritrea)

9-Best in Breakaway: Mike Uwiduhaye (Team Rwanda)

10-Ikipe yitwaye neza: TOTAL Energies (France)

Ku i Saa tanu zuzuye ni bwo abakinnyi 68 bari bahagurutse imbere y’isoko rya Musanze berekeza mu karere ka Rubavu, mu gihe umukinnyi umwe atabashije guhaguruka nyuma yo gusigwa iminota myinshi mu gace k’ejo, amategeko agahita amukura mu irushanwa.

Isiganwa rigitangira abakinnyi babiri Tuyizere Etienne wa Java-Inovotec na Lorot (Amani) bashyizemo intera ntoya ariko bahita babagarura.

Nyuma y’iminota mike ubwo bari bamaze kugenda kilometero esheshatu, Debay (Ethiopie), Tuyizere Etienne (Java-Inovotec), Niyonkuru Samuel (Amani) na Munyaneza Didier (Rwanda), bahise bongera basiga abandi ndetse bashyirmo intera y’amasegonda 35 ku gikundi cyari kibakurikiye

Aba bakinnyi bakomeje kuyobora isiganwa ndetse banashyiramo intera y’iminota itanu n’amasegonda 10, binjira umujyi wa Rubavu bayoboye isiganwa.

Ubwo bazengurukaga umujyi wa Rubavu bwa mbere igikundi cyaje gufata bane b’imbere, Niyonkuru Samuel agerageza kugenda wenyine ariko nawe bahita bamushyikira.

Umukinnyi Brady Gilmore ukinira ikipe ya Israel-Premier Tech ni we waje gutanga abandi kwambuka umurongo usoza isiganwa, ahita yegukana aka gace aho yari yaraye anatwaye agace ka Kigali-Musanze.

Brady Gilmore ni we wegukanye agace Musanze-Rubavu

Isiganwa ryo kuri uyu wa Kabiri ryatangiriye imbere y’inyubako ya CHIC mu mujyi rwagati wa Kigali, ahahagurutse abakinnyi 69 berekeza mu mujyi wa Musanze.

Isiganwa rigitangira, abakinnyi babiri barimo umunyarwanda Nsegiyumva Shemu wa Java Inovotec n’umudage Vizent Dorn wa Bike Aid bayoboye isiganwa, bazamuka Shyorongi, bakomeza mu bice bya Rusiga, bagera kuri Nyiragarama ndetse banazamuka umusozi wa Buranga bakiri imbere.

Gusa umunyarwanda Munyaneza Didier aha hose yari abari inyuma ari umwe agerageza kubashyikira ariko biranga, kugeza igikundi cy’abakinnyi cyongeye kumufata.

Binjiye mu mujyi wa Musanze imbere hari umunyarwanda Nsengiyumva Shemu wenyine, akurikiwe na Dorn wa Bike Aid, mu gihe Munyaneza Didier yari uwa gatatu ari imbere ya Peloton ho amasegonda make.

Abasiganwa bahise bazamuka mu Kinigi, aho bagomba kongera kumanuka bagana INES Ruhengeri bagaruka gusoreza mu mujyi wa Musanze.

Bakirenga umujyi wa Musanze ariko Nsengiyumva bamushyikiriye , ariko abanyarwanda babiri Manizabayo Karadio na Patrick Byukusenge bahita bataka bajya imbere y’abandi, bashyiramo amasegonda 20.

Manizabayo ntiyatinze imbere, igikundi cyaje guhita kimufata, nyuma gato y’uko Byukusenge Patrick nawe yari yamaze gusigara.

Abakinnyi bamaze kurenga ibiro by’akarere ka Musanze igikundi kinini kiri kugendera hamwe ariko kiyobowe na Israel-Premier Tech, ibi byatumye umukinnyi wayo Brady Gilmore yegukana aka gace afashijwe cyane na mugenzi we Itamar bahageranye.

Uko abakinnyi bakurikiranye mu gace Kigali-Musanze

1 GILMORE Brady, Israel - Premier Tech 14 20 3:00:39
2 EINHORN Itamar, Israel - Premier Tech 5 12 ,,
3 MANZIN Lorrenzo, Team TotalEnergies 3 7 ,,
4 KRETSCHY Moritz, Israel - Premier Tech 5 ,,
5 PEACE Oliver, Development Team Picnic PostNL 4 ,,
6 MULUBRHAN Henok, Eritrea 3 ,,
7 YEMANE Dawit, BIKE AID 2 ,,
8 GORDGE Kieran, South Africa 1 ,,
9 TENE Rotem, Israel - Premier Tech ,,
10 MASENGESHO Vainqueur, Rwanda ,,

13 MUGISHA Moise, Rwanda ,,
,,

21 DOUBEY Fabien, Team TotalEnergies ,,
26 MANIZABAYO Eric, Java - Inovotec Pro Team ,,
32 NGENDAHAYO Jeremie, May Stars 0:54
33 MUHOZA Eric
Team Amani ,,
35 NKUNDABERA Eric, Rwanda ,,
37 BYUKUSENGE Patrick, Java - Inovotec Pro Team 2’00"
44 NSENGIYUMVA Shemu, Java - Inovotec Pro Team 4:22"
46 NIYONKURU Samuel, Team Amani 4:25"
47 MUNYANEZA Didier, Rwanda 4:25"
54 TUYIZERE Etienne, Java - Inovotec Pro Team 5:32"
63 NZAFASHWANAYO Jean Claude, UCI WCC Men’s Team 13:24"
64 UWIDUHAYE Mike, Rwanda ,,
66 RUHUMURIZA Aime, May Stars 17:48

Urutonde rusange nyuma y’iminsi itatu

1 DOUBEY Fabien, Team TotalEnergies 7:02:22
2 MENTEN Milan, Lotto Development Team ,,
3 DELBOVE Joris, Team TotalEnergies 0:01
4 MATTHEIS Oliver, BIKE AID 0:03
5 PERICAS Adrià, UAE Team Emirates Gen Z 0:06
6 GILMORE Brady, Israel - Premier Tech ,,
7 MANZIN Lorrenzo, Team TotalEnergies 0:08
8 KRETSCHY Moritz, Israel - Premier Tech 0:09
9 MARIVOET Duarte, UAE Team Emirates Gen Z ,,
10 MULUBRHAN Henok, Eritrea 0:10

18 MASENGESHO Vainqueur, Rwanda 0:21
25 MUGISHA Moise, Rwanda 0:28
32 NGENDAHAYO Jeremie, May Stars 1:17
33 MUHOZA Eric, Team Amani 1:19
34 NKUNDABERA Eric, Rwanda 1:27
36 BYUKUSENGE Patrick, Java - Inovotec Pro Team 2:21
46 NIYONKURU Samuel, Team Amani 4:51
48 NSENGIYUMVA Shemu, Java - Inovotec Pro Team 5:04
49 MUNYANEZA Didier, Rwanda 6:11
59 NZAFASHWANAYO Jean Claude, UCI WCC Men’s Team 13:54
62 UWIDUHAYE Mike, Rwanda 15:07
63 TUYIZERE Etienne, Java - Inovotec Pro Team 18:46
68 RUHUMURIZA Aime, May Stars 27:44

Kuri uyu wa Gatatu abasiganwa barahaguruka mu mujyi wa Musanze berekeza mu karere ka Rubavu ku i Saa tanu za mu gitondo, bakazasiganwa ahareshya na Kilometero 121.3, aho biteganyijwe ko uwa mbere ashobora kuhagera 13h50.

-

Ni isiganwa ryatangiye ku isaha ya Saa tanu zuzuye, ritangirira mu gasantere ka Rukomo mu karere ka Gicumbi, aho abasiganwa 69 bagombaga gukora intera ya kilometero 158 kugera mu karere ka Kayonza.

Isiganwa rigitangira muri kilometero ebyiri za mbere gusa, umunyarwanda Munyaneza Didier yari yamaze gusiga abandi, agenda kilometero 10 yasize abandi umunota 1’40".

Bamaze kugenda kilometero 29, Abakinnyi batatu bakurikiye Munyaneza Didier ariko akomeza kubasiga,gusa nabo bashyiramo intera ku gikundi cyari kirimo abasigaye, abo batatu bari: Uwiduhaye Mike (Rwanda), Matthews (South Africa), Zegklis (May Stars),

Aba bakinnyi uko ari bane bakomeje kuyobora isiganwa mu bice by’akarere ka Nyagatare birimo Kabarore ma Rwagitima.

Ubwo bari bamaze kugenda ibilometero 114 bari hafi kugera i Kiziguro umunya-Afurika y’Epfo Matthews rya tsinda yari arimo ry’abakinnyi 4 ryamusize, Isiganwa risigara riyobowe n’abakinnyi 3 : Munyaneza & Uwiduhaye (Rwanda), Zegklis (May Stars)

Umunya-Eritrea Henok Mulubrhan yegukanye agace Rukomo-Kayonza ka #TdRwanda2025

Mu bilometero 15 bya nyuma, nyuma yo guhatana cyane mu gikundi cy’abakinnyi benshi, baje gushikira Munyaneza Didier wari wagerageje kongera kugenda wenyine.

Bagiye kugera mu mujyi wa Kayonza abakinnyi bose bari hamwe, maze umunya-Eritrea Henok Muluburhan abaca mu rihumye abatanga kwambuka umurongo ahita yegukana aka gace.

Umukinnyi Doubey wa TotalEnergies yo mu Bufaransa, ni we waje guhita aza imbere ku rutonde rusange, ahita yambara maillot jaune.

Umunyarwanda waje imbere ku rutonde rw’uyu munsi ni Patrick Byukusenge ukinira ikipe ya Java Inovotec waje ku mwanya wa 13 akaba yakoresheje 3h57’52, ari nabyo bihe uwa mbere yakoresheje

Kuri iki Cyumweru tariki 23/02/2025 ni bwo hatangiye isiganwa "Tour du Rwanda 2025", isiganwa mpuzamahanga ry’amagare riri gukinwa ku nshuro ya 17.

Kuri uyu munsi hakinwe agace ka Prologue, agace kakinwe buri mukinnyi asiganwa ku giti cye, hakarebwa ibihe buri wese yakoresheje, ku ntera ya kilometero 3.4.

Umunyarwanda Nzafashwanayo Jean Claude ni we wahagurutse mbere y’abandi muri 69 batangiye isiganwa ry’uyu munsi, akaba yakoresheje iminota 4’23".

Muri rusange, isiganwa ry’uyu munsi ryasojwe umubiligi Aldo Taillieu ukinira Lotto Development Team yo mu Bubiligi ari we ukoresheje igihe gito kurusha abandi, aho yakoresheje 3’48".

Isiganwa rirakomeza kuri uyu wa Mbere aho abasiganwa bahagurukira mu Rukomo mu karere ka Gicumbi, bagasoreza mu karere ka Kayonza aho baza gusiganwa intera ya kilometero 158 .

Ni isiganwa ryatangiye kuri iki Cyumweru tariki 23 Gashyantare 2025, rikazasozwa ku Cyumweru tariki 02/03/2025.

Ni isiganwa ryatangijwe ku mugaragaro na Perezida wa Republika y’u Rwanda Paul Kagame, akaba yari kumwe n’abandi bayobozi barimo Perezida w’ishyirahamwe ry’umukino w’amagare ku isi "UCI" David Lappartient,

Mu gace k’uyu munsi umukinnyi wahagurutse mbere ni umunyarwanda Jean-Claude Nzafashwanayo ukinira ikipe ya World Cycling Center, akaba yakiresheje iminota 4 n’amasegonda 21.

Tour du Rwanda 2025 yitabiriwe n’abakinnyi 69 baturuka mu makipe 14, aho u Rwanda ari rwo rufitemo benshi (14), rugakurikirwa na Eritrea ifite icyenda (9), Ethiopia 8 mu gihe u Bufaransa n’u Bubiligi bufitemo buri cyose abakinnyi batandatu (6).

Inzira za Tour du Rwanda 2025:

Agace ka Mbere: Ku Cyumweru, tariki ya 23 Gashyantare: Stade Amahoro – Stade Amahoro (Gusiganwa n’ibihe nk’umukinnyi ku giti cye ibilometero 4).

Agace ka Kabiri: Ku wa Mbere, tariki ya 24 Gashyantare: Rukomo (Gicumbi)- Kayonza ( 158 kms).

Agace ka Gatatu: Ku wa Kabiri, tariki ya 25 Gashyantare: Kigali - Musanze ( 121 kms).

Agace ka Kane: Ku wa Gatatu, tariki ya 26 Gashyantare: Musanze - Rubavu ( 102 kms).

Agace ka Gatanu: Ku wa Kane, tariki ya 27 Gashyantare: Rubavu - Karongi ( 97 kms)

Agace ka Gatandatu: Ku wa Gatanu, tariki ya 28 Gashyantare: Rusizi - Huye ( 143 kms).

Agace ka Karindwi: Ku wa Gatandatu, tariki ya 1 Werurwe: Nyanza - Canal Olympia ( 114 kms).

Agace ka Munani: Ku Cyumweru, tariki ya 2 Werurwe: KCC-KCC ( 73 kms).

Mu gihe habura amasaha atagera kuri 48 ngo isiganwa mpuzamahanga "Tour du Rwanda" 2025, amakipe aturuka hanze y’u Rwanda yamaze kugera mu Rwanda.

Aya makipe yabimburiwe n’ikipe ikomeye yo mu Bufaransa ya Total Energies, ikipe irimo abakinnyi bakomeye nka Joris Delbove wegukanye Tour d’Alsace 2024, Fabien Doubey wabaye uwa 5 muri Tour du Rwanda 2024, Lorrenzo Manzin watwaye Tour de Bretagne 2019, n’abandi

Mu byishimo, Eritrea yageze mu Rwanda

Haje kandi ikipe ya Eritrea irimo Henok Mulubrhan, wegukanye Tour du Rwanda 2023 ndetse akaba ari mu bahabwa amahirwe yo kuyisubiza, na Eyob Metkel ufite ibigwi byo kwegukana uduce dutanu twa Tour du Rwanda.

Haje ikipe yo mu Bubiligi....

Mu gihe ikipe ya Soudal Quick-Step yo yikuye mu irushanwa ivuga ko itizeye umutekano, si ko bimeze ku ikipe ya Lotto Cycling Team yo yamaze kugera mu Rwanda kandi ikakirwa neza nk’ibisanzwe.

Abakinnyi ba Lotto Cycling Team yo mu Bubiligi bishimiye kugera mu Rwanda

Indi kipe yageze mu Rwanda ni ikipe ya Israel-Premier Tech ari nayo ifite Tour du Rwanda iheruka yegukanywe n’umwongereza Joe Blackmore utaje iyi nshuro, gusa ikaba ifite Itamar Einhorn watwaye uduce tubiri twa Tour du Rwanda iheruka .

Bati tugeze iwacu ha kabiri

Ni ikipe ifite ibikorwa by’iterambere by’umukino w’amagare mu Rwanda, barahishmira

Mu gihe habura iminsi ibarirwa ku ntoki ngo Tour du Rwanda 2025 itangire, urutonde rw’abakinnyi 75 rwamaze kumenyekana, ndetse na numero zizaba ziabranga ziratangazwa.

Ikipe ya Israel Premier-Tech ni yo izabaye nomero za mbere muri Tour du Rwanda

Igihugu cy’u Rwanda kugeza ubu ni cyo gifitemo benshi, aho abanyarwanda bazaba ari 16 ariko bagabanyije mu makipe ane arimo Team Rwanda, Team Amani, Java Inovotec, May Star na World Cycling Center Men’s Team.

Ikindi gihugu gifitemo abakinnyi benshi ni Eritrea nk’ibisanzwe izaba ifitemo abakinnyi 9 barimo Henok Mulueberhan watwaye iri siganwa muri 2023, Eyob Metkel uzaba ukina Tour du Rwanda ku nshuro ya 11 ndetse n’abandi.

Itamar Einhorn wa Israel - Premier Tech yambaye nomero 1

Umunya-Israel Itamar EINHORN ni we uzaba yambaye numero ya mbere (1), akazaba ari nawe uzayoboye ikipe ya Israel - Premier Tech. Uyu mukinnyi uri mu bakomeye muri iri siganwa, umwaka ushize yegukanye etapes ebyiri za Tour du Rwanda.

Mugisha Moise, umunyarwanda rukumbi umaze kwegukana agace ka Tour du Rwanda kuva yajya kuri 2.1, ni we uyoboye Team Rwanda

Urutonde rw’abazakina Tour du Rwanda 2025

Israel - Premier Tech (PRT)

1 EINHORN Itamar
2 COLEMAN Samuel
3 FAINGEZICHT Emry
4 GILMORE Brady
5 KRETSCHY Moritz

Rwanda National Team

11 MUGISHA Moise
12 MASENGESHO Vainqueur
13 MUNYANEZA Didier
14 NKUNDABERA Eric
15 UWIDUHAYE Mike

Development Team Picnic PostNL (CT)

21 BUSH Jacob
22 MARTINEZ Guillermo Juan
23 PEACE Oliver
24 ŠUMPÍK Pavel
25 VLOT Mees

Team Amani (CT)

31 KAGIMU Charles
32 AMANIEL Desta
33 LOROT Lawrence
34 MUHOZA Eric
35NIYONKURU Samuel

Lotto Development Team

41 DONIE Milan
42 CUYLITS Mauro
43 EEMAN Kamiel
44 MENTEN Milan
45 TAILLIEU Aldo

Eritrea National Team

51 MULUBRHAN Henok
52ZERAY Nahom
53 EYOB Metkel
54 KUBROM Awet
55 MEDHANIE Natan

Team TotalEnergies

61 BONNET Thomas
62 DELBOVE Joris
63 DOUBEY Fabien
64 MANZIN Lorrenzo
65 VADIC Baptiste

Java - Inovotec Pro Team

71 MANIZABAYO Eric
72 BYUKUSENGE Patrick
73 GAHEMBA Barnabé
74 NSENGIYUMVA Shemu
75 TUYIZERE Etienne

UAE Team Emirates Gen Z

81 FABRIES Ugo
82 JASIM AL-ALI Abdulla
83 MARIVOET Duarte
84 PERICAS Adrià
85 SAMBINELLO Enea

South Africa National Team

91 ORMISTON Callum
92 DIKE Joshua Ethan
93 GORDGE Kieran
94 MATTHEWS Daniyal
95 MOOLMAN Warren

BIKE AID (CT)

101 YEMANE Dawit
102 BERLIN Antoine
103 HABTEAB Yoel
104 MATTHEIS Oliver
105 SCHIFFER Anton

May Stars

111 NGENDAHAYO Jeremie
112 GAINZA Alejandro
113 GASPARINI Alessio
114 HAKIZIMANA Aimable
115 RUHUMURIZA Aime

Ethiopia National Team

121 ROGORA Kiya
122 DEBAY Filimon Zerabruk
123 GIDAY Amanuel
124 HAILEMARYAM Gereziher Geremedhin
125 REDAE Bizay Tesfu

UCI WCC Men’s Team

131 NZAFASHWANAYO Jean Claude
132 AMAN Awet
133 MULUGETA Yafiet
134 TAHA Amir
135 TEKLEHAYMANOT Tesfay

Angola National Team

141 ARAUJO Bruno
142 DÁRIO António
143 CHINGUI Euclides
144 HELVIO Lemos
145 SILVA Igor

Ni isiganwa ritangira kuri iki Cyumweru tariki 23/02, rigatangirira mu mujyi wa Kigali by’umwihariko kuri Stade Amahoro, ahakazakinwa agace kazwi nka Prologue kazaba kareshya na Kilometero enye, aho buri mukinnyi azaba ahatana ku giti cye, hakarebwa igihe yakoresheje.

Uko inzira za Tour du Rwanda zisigaye ziteye

Ni isiganwa ritangira kuri iki Cyumeru tariki 23/02, rigatangirira mu mujyi wa Kigali by’umwihariko kuri Stade Amahoro, ahakazakinwa agace kazwi nka Prologue kazaba kareshya na Kilometero enye, aho buri mukinnyi azaba ahatana ku giti cye, hakarebwa igihe yakoresheje.

Uko inzira za Tour du Rwanda 2025 ziteye

Prologue ni agace kazaba kareshya na Kilometero 4.Mu mwaka wa 2022, Umufaransa GENIEZ Alexandre wa Total Energies yegukanye aka gace akoresheje iminota 04:41, mu gihe umunyarwanda waje hafi yari Uhiriwe Byiza Renus wari umuri inyuma ho amasegonda 22.

Agace ka mbere (Gicumbi-Kayonza)

Ni agace kazatangirira mu karere ka Gicumbi ahazwi nko mu Rukomo, bakazanyura ahitwa Ngarama berekeza mu karere ka Nyagatare bazakomeza bagaruka mu karere ka Gatsibo, bakazasoreza mu karere ka Kayonza, bakoze intera ya Kilometero 158.

Agace ka kabiri Kigali-Musanze

Ni agace kamenyerewe muri Tour du Rwanda by’umwihariko aho bazatangirira, inzira bazanyuramo n’aho basoreza, hose hakaba ari ahantu haziranye n’igare. Abasiganwa bazahagurukira mu mujyi wa Kigali banyure Nyabugogo, bazamuke Shyorongi bakomeza mu karere ka Musanze, aho bazanyura Nyirangarama, banaterere umusozi ukomeye wa Buranga.

Tariki 05/05/2022, Valentin Ferron wa Total Energies, ubwo aka gace gaheruka gukinwa ni we wari wakegukanye.

Musanze Rubavu (121.3 kms)

Bizaba ari inshuro ya 14 iri siganwa rizaba risorejwe mu mujyi wa Rubavu, aka gace bikazaba ari ku nshuro ya kabiri gakinwe nyuma y’umwaka wa 2012, ubwo icyo gihe agace kareshyaga na 60.5 kms kari katwawe n’umunya-Eritrea AMANUEL Meron.

Rubavu-Karongi (95.1 km)

Ku ntera rusange ya Kilometero 95.1, abasiganwa bazahagarukira mu mujyi wa Rubavu banyure mu Gishwati banyura mu karere ka Rutsiro ahazwi nka Congo-Nil bakomereza mu bice by’akarere ka Karongi banyuze i Rubengera, bikazaba ari ku nshuro ya 8 uyu mujyi usorejwemo agace ka Tour du Rwanda.

Tariki 27/02/2019, umunya-Colombia ni we uheruka kwegukana aka gace ubwo gaheruka gukinwa, aho yari yakoresheje amasaha 2, iminota 37 n’amasegonda 32.

Rusizi-Huye (144 kms)

Bizaba ari ku nshuro ya 12 umujyi wa Huye wakiriye isozwa rya Tour du Rwanda, bikazaba n’ishuro ya kabiri iri siganwa rizaba ryambutse ishyaba rya Nyungwe rivuye mu karere ka Rusizi ryerekeza mu karere ka Huye, kuva mu mwaka wa 2009 ubwo ryabaga mpuzamahanga.

Nyanza-Kigali (Canal Olympia) (131.5 kms)

Nyuma y’uko ushyizwemo kaburimbo, umuhanda umuhanda Nyanza - Bugesera - Kigali, bizaba ari ku nshuro ya mbere ukoreshejwe muri Tour du Rwanda, aho abasiganwa bazawunyuramo berekeza mu mujyi wa Kigali, bakazasoreza kuri Canal Olympia, aha naho hakazaba ari ku nshuro ya gatanu hasorejwe agace ka Tour du Rwanda.

Agace ka nyuma Kigali Convention Center - Kigali Convention Center (73,6 Km)

Ni ko gace kazaba gasoza iminsi umunani ya Tour du Rwanda 2025, kakazaba kitezwa na benshi haba mu Rwanda no hanze, dore ko iyi nzira uko ishushanyije, izaba ari nayo nzira izakoreshwa muri shampiyona y’isi y’amagare izabera mu Rwanda muri Nzeli 2025.

Muri aka gace ka nyuma abasiganwa bazaba bazenguruka mu bice bigize umujyi wa Kigali, aho mu hantu bazwi bazanyura harimo kuzamuka Wall of Kigali hazwi nko kwa Mutwe, ndetse n’umusozi wa Mont Kigali benshi bita Norvege.

Benshi ku isi Umupira w’amaguru (Football) bawufata nka siporo ihatse izindi ku is yose, ariko bakavuga ngo agahugu umuco akandi umuco, nk’uko mu Buhinde, Pakistan… utababwiye Cricket ibindi wabyihorera.

Muri Amerika nabo, Basketball ikabanza ibindi bigakurikira, Ethiopia na Kenya bakiyumva mu gusiganwa ku maguru.

Tugarutse mu Rwanda, naho usanga abenshi umupira w’amaguru uza ku isonga, ukaba ari nawo mukino ushobora guhuriza hamwe abafana benshi, gusa ariko, benshi baribaza bati ni uwuhe mukino ubereye abanyarwanda?

Amateka atwereka ko kera imikino abanyarwanda bibonagamo ikanahuruza imbaga habagamo kumasha no gusimbuka urukiramende. N’ubwo iyi mikino igikinwa ariko ikurikirwa na bake ndetse ikanagenda biguru ntege.

Mu kumenya umukino ubereye abanyarwanda ushobora gushingira ku bintu bitandukanye, umukino ukunzwe na benshi cyangwa umukino abanyarwanda bagaragaza impano kurusha indi cyangwa se uwo begukanamo intsinzi kurusha indi.

Ibyishimo bidasanzwe byaranze abakunzi…..

Umupira w’amaguru

Nta munyarwanda wariho icyo gihe uzibagirwa ubwo ikipe y’igihugu y’u Rwanda “Amavubi” yafatwaga nk’iya kabiri yitwaga “Rwanda B” yegukanaga igikombe cya CECAFA nyuma yo kuzamukira ku giceri ivuye mu matsinda, nyuma iza gutsinda Kenya ku mukino wa nyuma ibitego 3-1.

Icyakora, ibihe bishobora kuba bifatwa nk’ibyishimo by’igihe cyose, ni ubwo u Rwanda mu mwaka wa 2003 rwabonaga itike yo gukina igikombe cya Afurika cya 2004. Byari inshuro ya mbere mu mateka y’u Rwanda ari nayo ya nyuma u Rwanda ruheruka kwitabira iki gikombe.

Yari Stade Amahoro yuzuye, aherekanirwa imipira mu gihugu hose huzuye ndetse n’uturadiyo mu gihugu cyose turangurura, ku gitego cy’umutwe cya Jimmy Gatete yatsinze ikipe ya Ghana y’ibihangange nka Samuel Osei Kuffour wakiniraga Bayern Munchen, u Rwanda rwakabije inzozi z’igihe kirekire, ibyishimo bisaga abanyarwanda mu gihugu hose.

Gusa ariko usibye uwo mukino, ntihazibagirana umukino wari wawubanjirije ubwo u Rwanda rwatsindaga Uganda igitego 1-0 I Kampala, nabwo ku gitego cya Jimmy Gatete mu mukino wabayemo imvururu, byatumye Perezida wa Republika Paul Kagame ahita aboherereza indege ijya kubacyura ndetse ajya no kubakira, anifatanya n’abandi Banyarwanda mu byishimo kuri Stade Amahoro mu gicuku.

Mu bindi ntitwakwibagirwa Igitego cya Sugira muri COVID-19 cyatumye abanyarwanda basohoka mu nzu mu gihe bitari byemewe, ubwo Rayon Sports yegukanaga CECAFA iyikuye muri Zanzibar, ATRACO yegukana CECAFA muri Sudan ndetse n’ibindi bihe bitandukanye.

Amagare yaturyoheye

Uyu ni umwe mu mikino abanyarwanda bagaragaje ko bawushoboye mu myaka ishize, ndetse unaha ibyishimo abanyarwanda nyuma yo kwegukana amasiganwa atandukanye arimo nka Tour du Rwanda, La Tropicale Amissa Bongo, All African Games, Etape muri Giro d’Italia y’abakiri bato n’ibindi…

Valens Ndayisenga atwara Tour du Rwanda bwa mbere

Byari ibyishimo bidasanzwe ku Banyarwanda, nyuma y’uko iri siganwa ryari ryagizwe mpuzamahanga 2009, mu mwaka wa 2014 ni bwo umunyarwanda bwa mbere yayitwaye ari we Ndayisenga Valens. Ibi byaje gutuma na Perezida wa Republika Yakira iyi kipe ndetse anemerera uyu mukino ubufasha burimo amagare agezweho ndetse n’ibindi, uyu mukino utangira no kwigarurira imitima y’abanyarwanda

Areruya Joseph atwara La Tropicale Amissa Bongo…..

Birakomeza abanyarwanda bakomeza kwiharira iri isiganwa, nyuma baza kwerekana ko no hanze bishoboka, maze Areruya Joseph yegukana isiganwa rikomeye muri Afurika ryitwa La Tropicale Amissa Bongo rikinirwa muri Burkina-Faso, maze yakirwa nk’intwari ubwo yageraga ku kibuga cy’indege i Kanombe.

Amavubi yatsinzwe na Libya, abafana baririmba amagare

Urukundo rw’amagare rwakomeje kuzamuka, bigera n’aho ubwo ikipe y’igihugu y’umupira w’amaguru “Amavubi” yakinaga na Libya, abafana barimo biririmbira amagare yari amaze iminsi abaha ibyishimo mu gihe mu mupira w’amaguru byari byaranze. Aha benshi babinyujije ku mbuga nkoranyambaga bagaragaza ko amafaranga ashyirwa muri Football yagakwiye gushyirwa mu mukino w’amagare

Handball

Uyu ni umwe mu mikino umaze kugaragaza ko abanyarwanda bawufitemo impano, ushingiye n’uburyo u Rwanda rwegukana intsinzi kuva mu bakiri bato haba mu mikino y’amashuri ndetse n’amakipe y’igihugu ku rwego rwa Afurika.

U Rwanda rubona itike y’igikombe cy’isi

Muri BK Arena, ikipe y’igihugu ya Handball y’abatarengeje imyaka 18, yabimburiya abandi kuhabonera intsinzi ikomeye ubwo yabonaga itike yo kwitabira igikombe cy’isi cyabereye muri Croatia mu mwaka wa 2023.

Si ibyo gusa usibye kuba u Rwanda ruyoboye akarere ka Afurika y’I Burasizuba no hagati, u Rwanda ruheruka gukora andi mateka yo kwegukana igikombe cy’umugabane wa Afurika mu batarengeje imyaka 20, binaruha itike yo kuzahagararira umugabane wa Afurika mu gikombe mpuzamigabane kizabera mu gihugu cya Kosovo cyo ku mugabane w’i Burayi.

Volleyball

Uyu ni umukino abantu badashidikanyaho ko abanyarwanda bawushoboye kandi bawufiteho impano, mu bagabo ndetse n’abagore u Rwanda ruri mu bihugu bihagaze neza muri Afurika, aho akenshi u Rwanda mu mamarushanwa nyafurika rukunze kuza mu bihugu bine bya mbere.

Ni umukino wakunze kugira abafana benshi ubwo yajyaga yuzuza Petit Stade Amahoro mbere y’uko ivugurwa ndetse uba n’umukino wa mbere w’intoki wishyuje kandi nabwo Stade ikuzura. Nyuma yo kuvugurwa nabwo Volleyball ni umwe mu mikino yongeye kwigarurira abakunzi benshi muri Petit Stade Amahoro .

Ntiwakwirengagiza uburyohhe bw’uyu mukino mu bice bitandukanye mu minsi yashize, harimo muri Kaminuza y’u Rwanda, Club Rafiki, Gisagara mu bihe ikipe yaho imeze neza ndetse n’ahandi.

Basketball

Ni umukino kugeza ubu wavuga ko ufite ubushobozi mu bijyanye n’amikoro kurusha indi mikino myinshi mu Rwanda, ibi bikaba bituruka ku baterankunga baba abo mu Rwanda ndetse no ku rwego mpuzamahanga.

Usibye mu bihe bya Petit Stade ya mbere, uyu mukino wongeye kugira abafana benshi ubwo BK Arena yatangiraga gukinirwamo, bikubitana n’amarushanwa mpuzamahanga arimo bAL byatumye iyi nyubako yakira abasaga ibihumbi 10 ihora yuzuye.

Ibi kandi byakubitanye kandi n’ihangana ry’amakipe arimo Patriots isa nk’iyarushaga andi abafana, REG BBC ndetse n’ikipe ya APR BBC.

Muri BAL bimwe mu byishimo bikomeye ntiwabura kuvuga ku ikipe ya Patriots ubwo BAL yaberaga bwa mbere mu Rwanda, aho iyi kipe yaje kugera muri ½ itsinze ibihangange muri Afurika, bituma kandi na Perezida Kagame ayakira muri Village Urugwiro.

Athletisme

Uyu ni undi mukino nanone u Rwanda rwagiye rugaragazamo impano, ndetse abasesenguzi ba siporo benshi bakemeza ko imiterere y’u Rwanda yagakwiye gutuma u Rwanda rugira abakinnyi bakomeye cyane cyane mu gusiganwa intera ndende.

Disi Dieudonne umwe mu birango by’umukino wo gusiganwa ku maguru

Disi Dieudonne usibye kwegukana isiganwa nka Kigali Peace Marathon, ni umwe mu Banyarwanda bazamuye ibendera ry’igihugu ku rwego mpuzamahanga, aho yamenyekanye cyane mu mwaka wa 2005, ubwo yegukanaga isiganwa mpuzamahanga rihuza ibihugu bikoresha igifaransa “Jeux de la Francophonie”, imikino yabereye i Niamey muri Niger aho yabaye uwa mbere muri Metero 10,000 akaba uwa gatatu muri metero 5,000. Iki gihe Disi Dieudonne yaje kwiririmbira indirimbo y’igihugu ubwo yari yabuze.

Nyuma yahoo kandi yongeye kwegukana iri siganwa ryabereye I Beirut muri Lebanon, akomeza no kwegukan andi masiganwa akomeye arimo nka Marseille-Cassis Classique Internationale. Aha byatumye abantu benshi bakomeza kubona ko uyu mukino nawo ushyigikiwe waba mu ya mbere ishimisha abanyarwanda.

Ni uwuhe mukino w’abanyarwanda rero?

Twabanje kugaruka inyuma ngo turebe ibihe byiza imikino yacu yagiye iha abanyarwanda, ariko reka tugaruke no ku mpano.

Ubwo twakoraga iyi nkuru benshi twaganiriye, bemeze ko umukino wa Football ari wo ukunzwe na benshi, gusa harebwa ku mpano zigaragara mu Banyarwanda, bikagaragara ko imikino ishobora gushyirwamo imbaraga igatanga umusaruro ari umukino wa Volleyball, Handball, Amagare ndetse no gusiganwa ku maguru.

U Rwanda rwuteguye kwakira shampiyona y’isi y’amagare

Muri Nzeli uyu mwaka wa 2025, mu Rwanda hateganyijwe shampiyona y’isi y’amagare, ikazaba ari ubwa mbere iyi shampiyona ibereye ku mugabane wa Afurika.

Hashize iminsi mu itangazamakuru ryo hanze handikwa inkuru zivuga ko iri rushanwa rishobora gukurwa mu Rwanda rikajyanwa mu Busuwisi cyangwa ahandi ku isi.

Ibi ababyandika bashingira ku ntambara imaze iminsi ihuza ingabo za Congo n’umutwe wa M23, bakavuga ko umutekano utizewe.

Ubuyobozi bw’Impuzamashyirahamwe y’umukino w’amagare ku isi "UCI" bubinyujije ku rubuga rwabo rwa Interineti, bwatangaje ko ayo makuru ari ibihuha kuko bukurikiranira hafi ibiri kuba.

Bagize bati "Amakimbirane ari kubera muri Republika iharanira Demokarasi ya Congo, kandi u Rwanda rufite umutekano mu bijyanye n’ubukerarugedo ndetse n’ubucuruzi"

UCI yakomeje imenyesha abakunzi b’umukino w’amagare ku isi ko nta gahunda n’imwe ifite yo kwimura iri rushanwa, inibutsa ko umukino w’amagare ari aba ambasaderi beza b’amahoro, ubucuti ndetse n’ubufatanye.

Ni irushanwa ryatangiye ku wa Gatandatu tariki 18 aho imikino y’ijonjora yari yakiniwe ku Murindi, naho imikino isoza amarushanwa ikinwa ku Cyumweru ku bibuga bya TTC de la Salle na APAPEB byo mu karere ka Gicumbi.

Mu mikino ya ½ mu bagabo, umukino wari utegerejwe na benshi wahuje ikipe ya APR HC na Gicumbi HC, umukino waje kurangira APR HC itsinze Gicumbi HC ibitego 37 kuri 34. Undi mukino, ikipe ya Police HC yatsinze ikipe ya UR Huye mu buryo bworoshye.

Mu bakobwa, nyuma y’uko amakipe yose buri yose yagombaga guhura n’indi, amakipe atatu ari yo Kiziguro SS, University of Kigali na ESC Nyamagabe, yose yarangije irushanwa anganya amanita icyenda (9), ariko ikipe ya Kiziguro SS yegukana iri rushanwa ku kinyuranyo cy’ibitego, University of Kigali iba iya kabiri, Nyamagabe iba iya gatatu.

Nyuma y’iyi mikino y’abagore hakurikiyeho umukino wa nyuma mu bagabo, umukino wahuje Police HC na APR HC. Mu gice cya mbere amakipe yombi yagaragaje guhangana gukomeye, igice cya mbere kiza kurangira Police itsinze APR HC ibitego 14 kuri 13.

Mu gice cya kabiri cy’umukino, ikipe ya Police HC yari yatakaje umwe mu bakinnyi bayo bakomeye Mbesutunguwe Samuel wari wavunitse umukino ugitangira, yaje iri hejuru birangira itsinze APR HC ibitego 31 kuri 22.

Amavubi arifuza gukabya inzozi muri uyu mwaka wa 2025

Umukino ukunzwe na benshi kurusha iyindi mu Rwanda, ni umupira w’amaguru. Uyu mukino utangiranye umwaka no gushidikanya.

Kuva tariki 01 Gashyantare 2025, mu bihugu bya Tanzania, Uganda ndetse na Kenya, hagombaga kubera igikombe cya Afurika gihuza abakinnyi bakina imbere mu gihugu "CHAN".

U Rwanda rwari rufite icyizere ko rwatoranywa mu bihugu bibiri bindi bitaramenyekana bizayitabira, ariko kugeza ubu ayo mahirwe yarayoyotse nyuma y’uko rutisanze mu bihugu bizakina ijonjora rya nyuma rizatanga iyo tike.

Icyakora ku rundi ruhande, u Rwanda ruracyafite amahirwe yo gushaka itike y’igikombe cy’isi.

Umwaka wa 2024 warangiye ikipe y’igihugu y’u Rwanda “Amavubi” iyoboye itsinda rya gatatu “C” n’amanota arindwi (7), amanota inganya na Afurika y’Epfo ariko Amavubi akazigama ibitego naho Afurika y’Epfo ikazigama igitego kimwe.

Gahunda y’imikino y’Amavubi yo gushaka itike y’igikombe cy’isi

Imikino y’umunsi wa 6

Tariki 17-25 Werurwe 2025
Rwanda v Nigeria
Rwanda v Lesotho

Imikino y’umunsi wa 7 n’uwa 8

Tariki 1-9 Nzeli 2025

Nigeria v Rwanda
Zimbabwe v Rwanda

Imikino y’umunsi wa 9 n’uwa 10

Tariki 6-14 Ukwakira 2025

Rwanda v Benin
South Africa v Rwanda

Icyiciro cya nyuma

10-18 Ugushyingo 2025

Muri aya matariki, amakipe ane ya kabiri mu itsinda yitwaye neza azahura akine imikino ya ½, izitsinze zijye ku mukino wa nyuma maze iya mbere muri izo zose izakine imikino ya “FIFA Play-off Tournament.”

Kubaka ibikorwa remezo no gutaha ibishya

Mu Mwaka dushoje, u Rwanda rwatashye kimwe mu bikorwa remezo bikomeye muri siporo, ariko uyu mwaka, abakunzi ba siporo bateganyirijwe ibyiza kurushaho.

Mu kiganiro aheruka kugirana na RBA, Minisitiri wa Siporo Nelly Mukazayire, yatangaje ko binyuze mu bufatanye n’Ishyirahamwe ry’Umupira w’Amaguru ku Isi, FIFA, hateganijwe kubakwa ibibuga by’umupira 10 bito hirya no hino mu Gihugu mu mwaka wa 2025.

Ibi byiyongera ku bindi bikorwaremezo bya siporo birimo no gutaha ku mugaragaro umushinga wa "Zaria Court”, inyubako y’umushoramari wo muri Canada akaba n’Umuyobozi wa Giants of Africa na Toronto Raptors, Masai Ujiri.

Ubwo Perezida Kagame na Masai Ujili batangizaga imirimo yo kuba Zaria Court

Zaria Court izatahwa muri uyu mwaka

Amakipe y’abakiri bato ntazakina ibikombe bya Afurika

Umwaka ushize wa 2024 amakipe y’igihugu y’u Rwanda y’abakiri bato ntiyabashije kubona yo gukina igikombe cya Afurika, aho mu batarengeje imyaka 17 u Rwanda rwikuye mu ijonjora, naho mu batarengeje imyaka 20 ruba urwa kane mu itsinda bituma rubura itike.

Amavubi y’abatarengeje imyaka 20 ubwo yerekezaga muri Tanzania ariko akahaburira itike y’igikombe cya Afurika cy’uyu mwaka

Uyu mwaka wa 2025, igikombe cya Afurika cy’abatarengeje imyaka 17 kizabera muri Maroc kuva tariki 30/03 kugera tariki 19/04/2025 aho amakipe 10 ya mbere azahita abona itike y’igikombe cy’isi. Icy’abatarengeje imyaka 20 cyo kizabera muri Cote d’Ivoire kuva tariki 26/04 kugera tariki 18/05/2025, amakipe ane akazahita abona itike y’igikombe cy’isi.

Amakipe y’abakiri bato mu mupira w’amaguru nta tike n’imwe y’igikombe cya Afurika yabonye

N’ubwo hamaze iminsi hagaragara icyuho mu marushanwa y’abakiri bato byanatumye hari imikino mpuzamahanga ititabirwa, Minisitiri wa Siporo Nelly Mukazayire mu kiganiro na RBA, yatangaje ko imwe mu nkingi bazibandaho uyu mwaka ari ukuzamura impano z’abakiri bato, zirimo iyiswe Isonga ifasha kuzamura impano z’abakiri bato binyuze mu bigo by’amashuri bigaho.

Minisitiri Mukazayire ashimangira ko ikigenderewe atari ukuzamura impano mu buryo bwa rusange, ahubwo ko ari ukugira ngo ba nyirazo bazikoreshe kinyamwuga ku bw’inyungu zabo n’Igihugu muri rusange

Yagize ati: “Kuzamura abakiri bato ni byo dushaka, turashaka ko hazamuka impano zibasha gukura zikagera ku rwego rw’aho abazirimo bakora kinyamwuga ndetse zo ubwazo zikaba imari nk’uko n’ahandi hose bigenda ku Isi.”

Amakipe y’u Rwanda mu mikino mpuzamahanga

Mu mwaka w’imikino ushize, nk’uko bimaze iminsi bimeze amakipe y’u Rwanda ntiyabashije kwitwara neza mu mikino mpuzamahanga, aho u Rwanda rwari ruhagarariwe na APR FC muri CAF Champions League ndetse na Police FC muri CAF Confederation Cup.

Ikipe ya APR FC mu ijonjora rya mbere yabashije gusezerera ikipe ya AZAM FC yo muri Tanzania, ariko mu ijonjora rya kabiri isezererwa na Pyramids yo mu Misiri, mu gihe Police FC yo yasezerewe ku ikubitiro n’ikipe ya CS Constantine.

Handball

2024 wari umwaka mwiza ku mukino wa Handball, ahou Rwanda rwabashije kwitabira amarushanwa mpuzamahanga atandukanye, arimo igikombe cya Afurika mu bagabo u Rwanda rwari rwitabiriye bwa mbere mu mateka ndetse n’andi, yafunguriye u Rwanda andi marembo ya 2025.

Umwaka wa 2024 wabaye uw’ibikombe mpuzamahanga kuri Handball, 2025 nayo iritezwe

U Rwanda ruzahagararira Afurika

Muri uku kwezi kwa Mutarama, biteganyijwe ko u Rwanda ruzamenya igihugu kizabera irushanwa IHF Trophy/Intercontinental Phase, aho u Rwanda ruzaba ari cyo gihugu rukumbi kizahagarira umugabane wa Afurika mu batarengeje imyaka 20.

Ikipe y’igihugu ya Handball y’abatarengeje imyaka 20 izahagararira Afurika mu rwego rw’isi

Igikombe cy’isi muri Pologne?

Uyu mwaka kandi u Rwanda rutegereje kumenya niba ruzatoranywa mu bihugu bizahagararira Afurika mu gikombe cy’Isi cy’abatarengeje imyaka 21 kizabera muri Pologne muri Gicurasi uyu mwaka, gusa ariko igihe nabwo rwakwegukana igikombe mu irushanwa IHF Trophy/Intercontinental Phase, u Rwanda rwahita runabona itike y’igikombe cy’isi.

Amagare

Shampiyona y’isi y’umukino w’amagare

Muri uyu mwaka wa 2025, ku nshuro ya mbere umugabane wa Afurika uzakira Shampiyona y’isi y’amagare “UCI Road World Championships”, ikazabera mu Rwanda kuva tariki 21 kugera tariki 28 Nzeli 2025.

Shampiyona y’isi y’amagare izabera mu Rwanda

Gahunda ya Shampiyona y’isi y’amagare izabera mu Rwanda

Time Trials (Gusiganwa n’igihe)

• Ku Cyumweru tariki 21 Nzeli 2025:

o Women Elite Individual Time Trial: 31.2 km
o Men Elite Individual Time Trial: 40.6 km

• Ku wa Mbere tariki 22 Nzeli 2025:

o Women Under 23 Individual Time Trial: 22.6 km
o Men Under 23 Individual Time Trial: 31.2 km

• Ku wa Kabiri tariki 23 Nzeli 2025:

o Women Junior Individual Time Trial: 18.3 km
o Men Junior Individual Time Trial: 22.6 km

• Ku wa Gatatu tariki 24 Nzeli 2025:

o Team Time Trial Mixed Relay: 42.4 km

Road Races:

• Ku wa Kane tariki 25 Nzeli 2025
o Women Under 23 Road Race: 8x Local Circuit – 119.3 km

• Ku wa Gatanu tariki 25 Nzeli 2025

o Men Junior Road Race: 8x Local Circuit – 119.3 km
o Men Under 23 Road Race: 11x Local Circuit – 164.6 km

• Ku wa Gatandatu tariki 27 Nzeli 2025

o Women Junior Road Race: 5x Local Circuit – 74 km
o Women Elite Road Race: 11x Local Circuit – 164.6 km

• Ku Cyumweru 28 Nzeli 2025:

o Men Elite Road Race: 9x Local Circuit + 1x Extension Circuit + 6x Local Circuit – 267.5 km – 5,475 m elevation

Tour du Rwanda 2025, ese u Rwanda rwakongera kwijajara?

Guhera tariki 23 Gashyantare kugera tariki 02 Werurwe 2025, mu Rwanda hazatangira isiganwa mpuzamahanga ry’amagare rizenguruka u Rwanda “Tour du Rwanda”, rikazaba rikinwa ku nshuro ya 17 kuva ryaba mpuzamahanga.

Tour du Rwanda nk’ibisanzwe iri mu marushanwa akurikiranwa n’abantu benshi, itegerejwe muri Gashyantare na Werurwe

Ni isiganwa rimaze iminsi ridahira abanyarwanda, dore ko uheruka kuryegukana ari Mugisha Samuel waryegukanye muri 2018, nyuma kuva ryava ku rwego rwa 2.2 rikajya ku rwego rwa 2.1, nta munyarwanda n’umwe uraryeguakna ndetse no kuza mu icumi ba mbere kugeza ubu bisigaye bigoranye, hakaba hibzwa niba uyu mwaka hari umunyarwanda wakongera gushimisha abanyarwanda.

U Rwanda ruheruka kwegukana Tour du Rwanda 2018 itwawe na Mugisha Samuel, uyu mwaka byakongera?

Inzira za Tour du Rwanda 2025:

– Kigali - Kigali (Stade Amahoro)
– Rukomo (Gicumb) - Kayonza
– Kigali - Musanze
– Musanze - Rubavu
– Rubavu - Karongi
– Rusizi - Huye
– Nyanza - Kigali
– Kigali- Kigali

Basketball

BAL, bwa mbere kuva yatangira imikino ya nyuma ntizabera mu Rwanda
Byari bisanzwe bimenyerewe ko imikino ya nyuma ya BAL (Finals) ibera mu Rwanda, gusa kuri iyi nshuro u Rwanda ruzakira imikino yo gushaka itike ya Bal, y’agace ka Nile Conference, ikazaba kuva tariki 17/05 kugera tariki 25/05/2025 muri BK Arena, mu gihe imikino ya nyuma izabera muri Afurika y’Epfo.

Formula One

Mu mpera z’umwaka ushize, nib wo u Rwanda, by’umwihariko Perezida Kagame yatangaje ku mugaragaro ko biyemeje kwakira isiganwa mpuzamahanga ry’utumodoka duto rizwi nka Formula One.

U Rwanda rwasabye kuzakira irushanwa "Formula One", uyu mwaka hitezwe amakuru mashya ku busabe bw’u Rwanda

N’ubwo gahunda ya Formula One y’uyu mwaka wa 2025 yamaze gupangwa, bishoboka ko guhera umwaka utaha u Rwanda rushobora kuba rwayakira, mu gihe uyu mwaka hategerejwe amakuru ya nyuma yemeza ko izabera mu Rwanda, hakaba hanatangira kubakwa Inzira izakinirwamo.

Volleyball

Mu mukino w’intoki wa Volleyball usibye amarushanwa y’imbere mu gihugu arimo Shampiyona mu byiciro byombi, igikombe cy’Intwari, igikombe cyo Kwibohora, irushanwa ryo gushimira abasora, hateganyijwe n’andi marushanwa mpuzamahanga u Rwanda ruzitabira.

Umwaka w’imikino uzatangirana n’irushanwa ry’amakipe agize akarere ka Gatanu k’imikino muri Afurika (CAVB ZONE V Club Championship) rizabera Uganda kuva tariki 17 kugera tariki 22/02/2025,hazakaurikiraho imikino ya Champions League izaba hagati ya Mata na Gicurasi.

Amkipe y’ibihugu ya Volleyball nayo uyu mwaka biteganyijwe ko azitabira ibikombe bya Afurika, aho mu bagabo irushanwa rizabera muri Libya kuva tariki 19 kugera tariki 29/04/2025, naho mu bagore rikazabera i Abuja muri Nigeria kuva tariki 03 kugera tariki 13/04/2025).

Si ubwa mbere irushanwa risubitswe, amajonjora akinwa huti huti.

Ni irushanwa ubundi ryagombaga kuba ryarabaye mu mwaka ushize wa 2024, ariko abantu bategereza ko bemeza amatariki rizaberaho ndetse n’igihe amajonjora azabera amaso ahera mu kirere. Hashize iminsi CAF yaje gutangaza ko irushanwa rizaba muri uyu mwaka wa 2025 kuva tariki 01 kugera 28/02/2025, ariko irushanwa rikomeza kwitwa CHAN 2024.

Kwimurwa kwa CHAN, igihombo ku Mavubi

Kuba CHAN yari kuzaba mu kwezi gutaha, hari hakiri amahirwe ko Amavubi yazaboneka mu makipe abiri azitabira, gusa ariko ayo mahirwe yaje kuyoyoka nyuma y’uko Samson Adamu, Umuyobozi Mukuru ushinzwe Amarushanwa n’Ibikorwa mu Mpuzamashyirahamwe y’Umupira w’Amaguru muri Afurika (CAF), ubwo habaga iyi tombola yatangaje ko ibihugu bibiri bitaramenyekana bizava hagati ya Algérie, Ibirwa bya Comores, Gambia, Misiri, Malawi, Afurika y’Epfo na Gabon.

Aha amahirwe y’Amavubi yasaga nk’ayatangiye kwizera gukona CHAN yahise ayoyoka, hasigara andi macye yaturuka ku kuba u Rwanda rwahabwa amahirwe yo kugira imwe mu mikino rwakira.

Byahaye urwaho abanenga umupira wa Afurika

Benshi mu bakunzi b’umupira w’amaguru ku isi, bakunze kunenga imitegurire n’imigendekere w’umupira wo muri Afurika aho akenshi ukunda kubamo guhuzagurika. Tombola ya CHAN yabaye haburaga ibyumweru bibir gusa ngo irushanwa ritangire (mbere yo gutangaza ko ryimuwe), ndetse yewe n’ibihugu byose bizitabira bitaramenyekana, mu gihe ahandi usanga Tombola iba habura hafi umwaka ngo amarushanwa abe.

Guhora hahindagurika gahunda za CHAN, nabyo biza byiyongera ku irushanwa rya CAN, aho naryo akenshi rimenyerewe muri Mutarama na Gashyantare ubundi rikongera rigashyirwa mu mpeshyi bituma nabwo abanenga umupira wa Afurika babona uruvugiro, bikanatuma rimwe na rimwe abanyafurika bakina I Burayi bagorwa no kwitabira iri rushanwa (CAN) mu gihe shampiyona iwabo ziba zigeze ahakomeye.

Amakipe yamaze kubona itike bidasubirwaho
Ouganda
Tanzanie
Soudan
Maroc
Guinée
Sénégal
Mauritanie
Centrafrique
Congo
RD Congo
Niger
Burkina Faso
Nigeria
Angola
Zambie
Madagascar
+ Andi makipe 2 ataramenyekana
Uko amatsinda ya CHAN ateye nyuma ya Tombola

Itsinda A

Kenya
Maroc
Angola
RD Congo
Zambie

Itsinda B

Tanzanie
Madagascar
Mauritanie
Burkina Faso
Centrafrique

Itsinda C

Ouganda
Niger
Guinée
Q2 (Ikipe ya kabiri mu ijonjora rya nyuma)
Q1 (Ikipe ya mbere mu ijonjora rya nyuma)

Itsinda D

Sénégal
Congo
Soudan
Nigeria

Zari impera z’icyumweru zidasanzwe mu Rwanda no ku isi, ariko by’umwihariko mu Rwanda ibirori bya ruhago byari byakomereje mu Ntara y’Amajyepfo mu Karere ka Huye, aho Mukura VS n’Amagaju FC zari zakiriye ibigugu Rayon Sports na APR FC, maze aya makipe ataha i Kigali mu gahinda.

Mukura VS yihereranye Rayon Sports yari itaratsindwa muri shampiyona

Amagana y’abafana ba Rayon Sports mu modoka nyinshi bari babukereye berekeza mu karere ka Huye aho bari bahagurutse ahagana Saa ine z’amanywa mu gihe umukino wari Saa kumi n’imwe z’umugoroba. Iyi kipe yifuzaga kurangiza umukino ubanza idatsinzwe umukino n’umwe, ngo ikomeze kuyobora urutonde rwa shampiyona nta nkomyi.

Ibyishimo by’abarayons bari biganje muri Stade Huye ntibyatinze, kuko mu gice cya mbere gusa ikipe ya Mukura VS yari yamaze gushyiramo ibitego 2-0 byatsinzwe na Jordan Nzau ku munota wa 39 na Niyonizeye Fred ku munota wa 42, naho Rayon Sports ibona kimwe mu gice cya kabiri cyatsinzwe na Fall Ngagne kuri penaliti.

Bamwe basubije ibyumba, abafana ba APR FC baza kubasimbura…..

Bamwe mu bakunzi ba Rayon Sports bari bamaze gufata ibyumba byo kuraramo ngo bazanarebe umukino wa mukeba wagombaga kuba bukeye, ariko bamwe baje guhita bisubira basubiza ibyumba basubira i Kigali, maze bamwe mu bafana ba APR FC nabo bari bamaze kubona ko mukeba atsinzwe bahita bafata imodoka mu ijoro berekeza mu karere ka Huye, icyizere cyari cyose…..

Amagaju yizihiza imyaka 90 yahoreye abafana ba Rayon Sports

Kumva ko Rayon Sports yatsinzwe, byari inkuru nziza ku bafana ba APR FC nabo bari bagerageje kwerekeza mu karere ka Huye ari benshi, ariko ikipe y’Amagaju yari yahuje uyu mukino no gutangira ibirori byo kwizihiza isabukuru y’imyaka 90 iyi kipe imaze ivutse (1935-2025), ntiyatumye APR FC itahana ibyishimo.

Mu mukino utari woroshye, Amagaju FC y’i Nyamagabe yatsinze APR FC igitego 1-0, cyatsinzwe ku munota wa 56 na Ndayishimiye Edouard, ku mupira yari ahawe na Dusabe Jean Claude uzwi nka Nyakagezi.

Umukino waje kurangira ku ntsinzi y’Amagaju y’igitego 1-0, bituma APR FC yizeraga kugabanya ikinyuranyo cy’amanota atanu irushwa na Rayon Sports bidakunda, imikino ibanza isozwa Rayon Sports iyoboye urutonde rwa shampiyona n’amanota 36 kuri 31 ya APR FC.

I Burayi….

Manchester United yigaranzuye Arsenal iyisezerera muri FA Cup

Wari umukino wari utegerejwe na benshi aho aya makipe ubusanzwe ahora ahanganye, uyu mukino waje kurangira ikipe ya Manchester United yegukanye intsinzi kuro Penaliti 4-3, nyuma yo gusoza iminota 120 amakipe yombi anganya igitego 1-1.

Ikipe ya Manchester United itahabwaga amahirwe muri uyu mukino dore ko yaherukaga gutsinda Arsenal mu mwaka wa 2022, yakinnye iminota myinshi y’umukino ari abakinnyi 10, nyuma y’ikarita y’umutuku yari yahawe Diogo Dalot ku munota wa 61, mu gihe Arsenal nayo yari yahushije penaliti ya Martin Odegaard.

Barcelona yanyagiye Real Madrid, iba iya mbere itwaye iki gikombe kenshi

Mu mukino uba utegerejwe n’isi yose, ukaba n’umukino wa mbere ukurikirwa na benshi ku isi, ikipe ya FC Barcelone yanyagiye Real Madrid ibitego 5-2, ihita yegukana igikombe cya 15 cya Supercoupe d’Espagne, iba ari nayo kipe igize ibikombe byinshi.

Ibitego bya FC Barcelone byatsinzwe na Lamine Yamal, Robert Lewandowski, Raphinha watsinze bibiri ndetse na Alejandor Balde, mu gihe ibya Real Madrid byatsinzwe na Kylian Mbappe wari wafunguye amazamu, ikindi gitsindwa na Rodrygo.

Paris Saint-Germain yatsinze mukeba wayo w’ibihe byose mu Bufaransa

Ni umukino uzwi ku izina rya Le Classique uhuza Paris Saint-Germain (PSG) na Olympique de Marseille (OM), uwo kuri iki Cyumweru ukaba watumye ikipe ya Paris Saint-Germain iruha ikipe ya Marseille amanota 7 ku rutonde rwa shampiyona.

Kuri uyu wa Kabiri, ikipe ya Rayon Sports yakomeje imyitozo yo kwitegura uwo mukino kugira ngo izawutsinde ikomeze kuyobora shampiyona nta nkomyi.

Gikundiro Forever yatanze agahimbazamusyi ka Miliyoni

Nk’uko byemejwe n’amatsinda y’abafana (Fan Clubs) ko bagomba kwishyira hamwe bagaha agahimbazamusyi abakinnyi kuri buri mukino, mu rwego rwo kubatera imbaraga zo kwegukana shampiyona, kuri uyu wa Kabiri bagashyikirijwe.

Umuyobozi wa Gikundiro Forever Dr Uwiragiye Norbert ashyikiriza Mujyanama Fidele Team Manager wa Rayon Sports agahimbazamusyi bagenewe

Ni agahimbazamusyi kangana na Miliyoni imwe y’Amafaranga y’u Rwanda (1,000,000 Frws), bashyikirijwe n’itsinda ry’abafana rizwi nka Gikundiro Forever, bakaba bayashyikirijwe nyuma y’imyitozo yabereye mu Nzove.

Abagize Gikundiro Forever bakusanyije agahimbazamusyi ka Miliyoni

Abatoza ba Rayon Sports mu myitozo yo kuri uyu wa Kabiri

Aka gahimbazamusyi kaje nyuma y’indi Miliyoni baheruka guhabwa n’itsinda rya Dream Unity, bakaba baragahawe umukino batsinzemo Police HC ibitego 2-0 ukirangira.

Abagize Dream Unity nabo bari batanze akandi gahimbazamusyi ka Miliyoni

Imyitozo yo kwitegura Mukura irakomeje...

Mu myitozo yo kuri uyu wa Kabiri, Omborenga Fitina umaze iminsi ufite imvune ntiyakoze iyi myitozo, mu gihe Muhire Kevin witegura gusubukura imyitozo yuzuye we yakoreraga ku ruhande afashwa n’abashinzwe kongerera imbaraga abakinnyi.

Rayon Sports ubwo yari isoje imyitozo mu Nzove

Umukinnyi Nsabimana Aimable wari warahagaritse imyitozo, na we kuva ku wa Mbere yongeye kuyisubukura, ndetse akaba yanakoze iyo kuri uyu wa Kabiri, mu gihe Aruna Mussa Madjaliwa we yari yicaye mu bafana akurikirana imyitozo.

Emery Bayisenge na Niyonzima Olivier Sefu bagarutse

Kuri uyu wa Kane hatangajwe urutonde rw’abakinnyi bagomba gutangira umwiherero wo gutegura umukino uzahuza u Rwanda na Sudani y’Amajyepfo mu guhatanira itike yo kwerekeza mu gikombe cya Afurika cy’abakina imbere mu gihugu "CHAN"

Niyonzima Olivier Sefu yagarutse mu ikipe y’igihugu

Emery Bayisenge yongeye guhamagarwa

Mu bakinnyi biyongereye ku bari bakinnye umukino w’ijonjora rya mbere aho Amavubi yasezereye Djibouti, harimo myugariro Emery Bayisenge uheruka gusinyira ikipe ya Gasogi United, ndetse na Niyonzima Olivier Sefu ukina hagati mu ikipe ya Rayon Sports.

Andi masura yagarutse mu ikipe y’igihugu "Amavubi" arimo rutahizamu wa Police FC Mugisha Didier utari wahamagawe mu mikino iheruka, ndetse na Bizimana Yannick ukinira ikipe ya Bugesera FC.

Urutonde rurambuye

Amavubi na Sudani y’Amajyepfo bazakina imikino ibiri aho umukino ubanza uzabera i Juba tariki 22/12/2022, mu gihe umukino wo kwishyura mu Rwanda kuri Stade Amahoro tariki 28/12/2024 ku i Saa kumi n’ebyiri z’umugoroba

Ubwitabire bw’abafana bwari ku rwego rwo hejuru, dore ko yari yakubise yuzuye mu myanya yose yicaramo abantu ibihumbi 45.

Ku munota wa 19 Rayon Sports yahushije uburyo bwari bwabazwe, aho Fall Ngagne yahawe umupira awinjirana mu rubuga rw’amahina, awurenza umunyezamu Pavelh Ndzila wari wasohotse, ariko umupira uca ku ruhande urarenga

Mu gice cya mbere cy’umukino, amwe mu mahirwe akomeye APR FC yabonye yo gutsinda, ni ku munota wa 21, ni Coup Franc yatewe na Niyibizi Ramadhan, umupira ukubita umutambiko w’izamu.

Ku munota wa 78, Serumogo Ali wagiye mu kibuga asimbuye yahinduye umupira mu rubuga rw’amahina myugariro wa APR FC Aliou Souané awugaruza ukuboko, gusa umusifuzi Murindangabo Moise yemeje ko Aliou Souane umupira yawukoreye inyuma y’urubuga rw’amahina ahitamo gutanga Coup-franc n’ubwo amashusho agaragaza ko hari mu rubuga rw’amahina yari kuba penaliti.

Ku munota wa 78, Serumogo Ali wagiye mu kibuga asimbuye yahinduye umupira mu rubuga rw’amahina myugariro wa APR FC Aliou Souané awugaruza ukuboko, gusa umusifuzi Murindangabo Moise yemeje ko Aliou Souane umupira yawukoreye inyuma y’urubuga rw’amahina ahitamo gutanga Coup-franc n’ubwo amashusho agaragaza ko hari mu rubuga rw’amahina, ikaba yagombaga kuba penaliti.

Bwa mbere mu mateka ya Stade Amahoro yuzuye mu bice byose, mu mukino uri guhuza ikipe ya Rayon Sports na APR FC.#1000HillsDerby 🗻⛰️#RAYAPR pic.twitter.com/5mjHncOylC

— Kigali Today (@kigalitoday) December 7, 2024

Shampiyona y’icyiciro cya mbere muri Handball mu bagabo, irakomeza mu mpera z’icyumweru ikinirwa muri Petit Stade Amahoro guhera ku wa Gatandatu ndetse no ku Cyumweru, imikino igiye kuhabera ku nshuro ya mbere

Shampiyona ya Handball bwa mbere igiye gukinirwa muri Stade Amahoro

Umwe mu mikino uba utegerejwe na benshi ni umukino uhuza Police na APR HC, uyu mukino ukazaba kuri iki Cyumweru i saa kumi z’umugoroba muri Petit Stade Amahoro.

Petit Stade Amahoro igiye kwakira shampiyona ya Handball ku nshuro ya mbere

Ubusanzwe imwe muri iyi mikino yari iteganyijwe kuzabera ku bibuga bya ES Kigoma, College ADEGI ndetse na Maison des Jeunes Kimisagara, ariko habaho impinduka zishingiye ku ngengabihe y’amarushanwa mpuzamahanga ari imbere ndetse no kwirinda ko imihindagurikire y’ikirere yarogoya iyi mikino.

Gahunda y’imikino mu mpera z’iki yumweru izabera muri Petit Stade Amahoro

Ku wa Gatandatu tariki 07/12/2024

NYAKABANDA HC vs POLICE HC 9:00
APR HC vs COLLEGE ADEGI 10:30
ES KIGOMA vs NYAKABANDA HC 12:00
COLLEGE ADEGI vs GICUMBI HT 13:00
POLICE HC vs ES KIGOMA 15:00
GICUMBI HT vs APR HC 18:00

Amakipe azaruhuka: UR HUYE, GORILLAS, UB SPORTS, MUSANZE HC AND UR RUKARA

Ku Cyumweru tariki 08/12/2024

UR RUKARA vs ES KIGOMA 9:00
COLLEGE ADEGI vs GORILLAS HC 10:30
UR HUYE vs UR RUKARA 12:00
ES KIGOMA vs COLLEGE ADEGI 13:00
GORILLAS HC vs UR HUYE 15:00
APR HC vs POLICE HC 16:30

Amakipe azaruhuka: GICUMBI HT, UB SPORTS, MUSANZE HC AND NYAKABANDA

APR HC na Police HC zigiye gucakirana muri Petit Stade Amahoro kuri iki Cyumweru

Mu bagabo, Ntwari Fiston yegukanye umwanya wa gatatu muri Kumite mu batarengeje ibiro 67 ahabwa umudari wa Bronze. Ndutiye Maïc Shyaka we yegukanye umudari wa Argent nyuma yo kuba uwa kabiri mu batarengeje ibiro 60 muri Kumite.

Ikipe y’u Rwanda mu kwiyerekana (Kata) igizwe na Harifa Niyitanga, Sharifu Dushime na Sidike Niyonkuru yabaye iya gatatu itahana umudari wa Bronze.

Abakinnyi b’u Rwanda bishimira imidali begukanye

Ku mugoroba wo kuri uyu wa Gatanu, hamenyekanye inzira za Tour du Rwanda 2025, aho benshi baba babifitiye amatsiko ndetse bifuza no kumenya amakipe azayitabira.

Isiganwa mpuzamahanga ry’amagare rizenguruka u Rwanda (Tour du Rwanda) rizaba rikinwa ku nshuro ya 17, rikazatangira tariki 23/02/2025 kugera tariki 02/03/2025.

Isiganwa ry’uyu mwaka rizatangirira kuri Stade Amahoro aho abakina buri wese azaba asiganwa n’igihe ku giti cye (Individual Time Trial), bakazakinira kuri Stade Amahoro.

Inzira za Tour du Rwanda 2025:

– Kigali - Kigali (Stade Amahoro)
– Rukomo (Gicumb) - Kayonza
– Kigali - Musanze
– Musanze - Rubavu
– Rubavu - Karongi
– Rusizi - Huye
– Nyanza - Kigali
– Kigali- Kigali

Inzira za Tour du Rwanda

Amakipe azitabira Tour du Rwanda

Amakipe yemeje kwitabira Tour du Rwanda

Amakipe yabigize umwuga azitabira ni Israel - Premier Tech (Israel) na TotalEnergies (U Bufaransa).

Amakipe akina amarushanwa yo ku migabane (Continental Teams) ni Soudal Quick-step Dev Team (U Bubiligi), Lotto–Dstny (U Bubiligi), Team Amani (Rwanda), Bike Aid ( U Budage), Development Team dsm–firmenich PostNL (u Buholandi), Java InovoTec (Rwanda), May Stars (Rwanda) na UAE (United Arab Emirates).

Amakipe y’Ibihugu ni: U Rwanda, Angola, Afurika y’Epfo, Eritrea, Ethiopia, na UCI Centre Mondiale du Cyclisme (igizwe n’amakipe ya Afurika avanze).

Ubwo Tour du Rwanda yakinwaga ku nshuro ya 16 muri uyu mwaka, yari yegukanywe n’Umwongereza Joseph Blackmore ukinira ikipe ya Israel Premier Tech.

Kuva tariki 29 Ugushyingo kugeza tariki 05 Ukuboza 2024:

UPPER BOWL: 3,000
LOWER BOWL: 3,000
VIP: 20,000
VVIP: 50,000
EXECUTIVE SEATS: 100,000
SKY Boxes: 1,000,000

Kuva tariki 06 Ukuboza kugeza tariki 07 Ukuboza 2024:

UPPER BOWL: 5,000
LOWER BOWL: 5,000
VIP: 30,000
VVIP: 50,000
EXECUTIVE SEATS: 100,000
SKY Boxes: 1,000,000

Mu mukino waranzwe n’imvura yabanje kuba nyinshi mu gice cya mbere, ikipe ya APR FC yari yakiriye ikipe ya Bugesera mu mukino utarabereye igihe, umukino wabereye kuri Kigali Péle Stadium i Nyamirambo.

Ni umukino ikipe ya APR FC yari imaze iminsi ititwara neza yatangiye igaragaza ishyaka ryo gutsinda, iza no kubona igitego mu gice cya mbere, cyatsinzwe na Lamine Bah ku munota wa 39, ni ku mupira wari uvuye kuri Mugisha Gilbert.

Mu gice cya kabiri, Tuyisenge Arsene wari winjiye mu kibuga asimbuye, yakoreweho penaliti mu rubuga rw’amahina n’umunyezamu Arakaza Mac Arthur, iza kwinjizwa neza na Niyibizi Ramadhan ku munota wa 78.

Umukino waje kurangira APR FC yegukanye intsinzi y’ibitego 2-0, iba intsinzi yayo ya kane muri shampiyona yatumye ijya ku mwanya gatandatu n’amanota 14, ivuye ku mwanya wa 10.

APR FC irasubira mu kibuga tariki 01/12 ikina na AS Kigali, ikazongera gukina na Police FC ku wa Gatatu w’icyumweru gitaha, mbere yo gukina na Rayon Sports ku wa Gatandatu tariki 07/12 kuri Stade Amahoro.

Uyu muryango wa Carlos Takam Foundation ugamije guteza imbere Umukino w’Iteramakofe muri Afurika ariko ukagira icyicaro mu Rwanda, waguze ibikoresho bigezweho mu Busuwisi, bikazaba ari byo gutangiza iri shuri "Takam Academy"

Ni igikorwa cyagizwemo uruhare cyane na Léon Rukundo SALA, Umujyanama wa Carlos Takam Foundation akaba n’umukinnyi wa Judo uhagararira u Rwanda mu mikino mpuzamahanga, akaba yaratangaje ko yishimiye iki gikorwa bagezeho

"Kuba twabonye ibi bikoresho ni intambwe ikomeye mu guteza imbere imikino njyarugamba mu Rwanda ndetse n’iterambere rya Fondasiyo yacu"

Léon Rukundo SALA, Umujyanama wa Carlos Takam Foundation Akaba n’umukinnyi wa Judo uhagararira u Rwanda mu mikino mpuzamahanga

Bimwe mu bikoresho bahawe harimo punching bags (Ibifuka batera ibipfunsi,) MMA cage (Ururwaniro rw’imikino njyarugamba), ibikoresho birinda umukinnyi (kasike,ibirinda amenyo,..), amatapi bakiniraho Judo n’ibindi bikoresho bitandukanye.

Bimwe mu bikoresho bitegerejwe mu Rwanda

Iri shuri (Academy) rizaba rifite ibikoresho bigezweho

Ibi bikoresho bikazafasha kuzamura impano z’abakiri bato muri Afurika by’umwiharimo mu Rwanda, guhera mu mwaka wa 2025, mu mikino nk’iteramakofe, Judo, MMA na jiu-jitsu.

Ibi bikoresho ndetse n’ururwaniro rw’iteramakofe (boxing ring) bizagezwa mu Rwanda muri Mata 2025, ubwo hazahita hanatangira Centre yigisha umukino w’iteramakofe ya Takam Academy, izaba irimo ibikoresho bijyanye n’igihe.

Carlos Takam yabaye umukinnyi ukomeye ku isi muri uyu mukino

Kuri Carlos Takam, wabaye umukinnyi ukomeye ku isi mu mukino w’iteramakofe,avuga ko nyuma y’urugendo rukomeye yanyuzemo, yifuza guha amahirwe urubyiruko rwo muri Afurika batigeze bo babona mu gihe cyabo.

"Ibikoresho byiza, abatoza beza, itsinda ryiza ry’abaganga, abakinnyi babigize umwuga bazava mu bafite impano bo ku mugabane wacu. Inzozi zanjye ni ukuzabona byibura umukinnyi wo muri Acacdemy tugiye gutangiza abaona itike y’imikino Olempike Los Angeles muri Amerika"

Carlos Takama wabaye umukinnyi ukomeye w’iteramakofe, ubu yashinze Carlos Takam Foundation

Bamwe mu bateye inkunga uyu munshinga harimo Ishyirahamwe ry’umukino w’iteramakofe ku isi by’umwihariko Perezida waryo Mauricio Sulaimán washyigikiye cyane uyu mushinga, ikazagira n’uruhare mu gutangiza Iyi Academy muri 2025.

Abagize ya APR HC mu mwiherero

Kuri iki cyumweru tariki ya 24/11/2024, abatoza n’abakinnyi ba APR HC bahuriye mu mwiherero w’umunsi umwe wabereye mu Karere ka Rwamagana, ku nkengero z’ikiyaga cya Muhazi, ahazwi nka "Ma Champagne Resort"

Bunguranye ibitekerezo baniha intego zo kwitwara neza muri uyu mwaka w’imikino

Ni umwiherero wabereye ku nkengero z’ikiyaga cya Muhazi

Intego nyamukuru y’uyu mwiherero kwari ukurebera hamwe uko umwaka w’imikino washize wagenze ndetse no gufata ingamba nshya zijyanye n’umwaka mushya watangiye wa 2024/2025, aho abatoza n’abakinnyi bagize igihe gihagije cyo kuganira no guhiga ibyo bazakora mu mwaka mushya.

Abakinnyi bashya mu ikipe nabo kandi bahawe ikaze kandi batangaza ko bishimiye kuba mu ikipe ya APR HC.

Abakinnyi bashya ni Bananimana Samuel wavuye muri Police HC, Lam Anthony Muzay wavuye muri UPDF ya Uganda, Ndayishimiye Jean Pierre wavuye muri Gicumbi HT na Bazimaziki Jean Damascene wavuye muri Gicumbi HT.

Bananimana Samuel, ni umunyezamu wavuye muri Police HC ariko akaba yarigeze no gukinira APR HC

Bimwe mu bikorwa bahigiye kwitwaramo neza ni shampiyona y’icyiciro cya mbere "National Handball League"ikomeje, ndetse n’irushanwa rya ECAHF Senior Club Championship riteganyijwe kubera mu Rwanda kuva tariki ya 14-22/2024 rizitabirwa n’amakimbe yatwaye ibikombe iwayo mu bihugu byabyo mu karere ka Africa y’i Burasirazuba no hagati.

Iri rushanwa rizabera mu Rwanda ku nshuro ya 41, ubwo riheruka kubera mu mu gihugu cya Kenya, mu bagabo igikombe cyatwawe na National Cereals Board yo muri Kenya, ikurikiwe na Gicumbi HT ndetse na Police HC zo mu Rwanda.

Abatoza n’abakinnyi basoje umwiherero bashimira ubuyobozi bwa Minadef na Club muri rusange budahwema kubashyigikira bubaha ibyo bakeneye byose kugira ngo babashe gusohoza inshingano zabo neza.

Niyonkuru Kharim, umwe mu bakinnyi ba APR HC

Abakinyi n’abatoza ba APR HC mu mwiherero

Niyonteze Ephron, umwe mu batoza ba APR HC

Bunguranye ibitekerezo baniha intego zo kwitwara neza muri uyu mwaka w’imikino

Karenzi Yannick, Muhumure Elyse, Hagenimana Fidel (Machine) na Bananimana Samuel

Muhumure Elyse, Anaclet Bagirishya (umutoza mukuru), Uwayezu Arsene na Karenzi Yannick

Abagize ya APR HC mu mwiherero

Nyuma y’umwiherero kandi abakinnyi ba APR HC basuye amashuri abiri abanza (GS Gishari na EP Nyagahinga) ubwo yari mu mikino ihuza amashuri "Amashuri Kagame Cup" mu mukino wa Handball ku rwego rw’umurenge wa Gishari mu karere ka Rwamagana

Umutoza mukuru wa APR HC Bagirishya Anaclet aganiriza abana

Kiyovu Sports itsinzwe imikino 7 ikurikirana, irifuza kwihimurira kuri Etincelles

Ikipe ya Kiyovu Sports igiye gukina umunsi wa 10 wa shampiyona, aho mu mikino umunani imaze gukina yatsinzemo umwe gusa, itsindwa imikino itandatu mu gihe ifite ikirarane kimwe itarakina.

Kugeza ubu Kiyovu Sports imaze igihe ivugwamo ibibazo by’amikoro ndetse no kuba itarabasha kubona bamwe mu bakinnyi yari yasinyishije kubera ibihano yafatiwe na FIFA, irifuza kuba yakongera kubona intsinzi ihereye ku ikipe ya Etincelles.

Ku ruhande rwa Etincelles, iyi kipe nayo mu mukino uheruka kuyihuza na Rayon Sports igatsindwa igitego 1-0, iyi kipe itaranyuzwe n’ibyavuye muri uyu mukino aho ivuga ko itasifuriwe neza, nayo yifuza kubona amanota atatu kugira ngo itazongera kurwana no kutamanuka nk’uko byagenze umwaka ushize mu mikino ya nyuma.

Gorilla vs Rayon Sports: Umukino w’umunsi uvuze byinshi

Ni amakipe abiri akurikirana ku rutonde rwa shampiyona, aho Rayon Sports iruyoboye n’amanota 20, Gorilla ikaza ku mwanya wa kabiri n’amanota 18, aho mu mikino itanu buri kipe iheruka gukina aya makipe yose nta n’imwe yayitsinzwe.

Umukino wa Rayon Sports na Gorilla ni umukino usigaye urangwa no guhangana

Muri iyi mikino itanu buri kipe iheruka gukina, Rayon Sports yayitsinze yose iyikuramo amanota 15 kuri 15 ndetse ikaba nta gitego na kimwe yatsinzwemo, mu gihe Gorilla FC yatsinzemo imikino ibiri inganya itatu. Aya makipe yombi izabasha gutsinda uyu mukino izahita ifata umwanya wa mbere.

APR FC irakira Muhazi United, igihe cyiza cyo kwiyunga n’abafana?

Kuri uyu wa Gatandatu kuri Kigali Pele Stadium, APR FC iheruka kunganya na Rutsiro, irakira ikipe ya Muhazi United, mu mukino APR FC n’abafana bayo bifuza gutsinda nyuma yo gutangira shampiyona nabi aho iyi kipe kugeza ubu iri ku mwanya wa 11 n’amanota umunani.

Ikipe ya Muhazi United nayo kugeza ubu iri ku mwanya wa 9 n’amanota 10, iyi nayo ikaba imwe mu makipe yagowe n’iminsi ya nyuma ya shampiyona iheruka, ikaba yifuza kuba yabona amanota atatu mu kwirinda guhura nk’ibyabaye umwaka ushize.

Gahunda y’imikino yose y’umunsi wa 10 wa shampiyona

Urutonde rw’abakinnyi batemerewe gukina umunsi wa 10 wa shampiyona

LETHABO MATHABA (Musanze FC) : Amakarita atatu y’umuhondo
MUHINDO COLLIN (Gasogi United): Amakarita atatu y’umuhondo
MUDERI AKBAR (Gasogi United): Amakarita atatu y’umuhondo
IRAKOZE DARCY ( Gorilla FC): Ikarita y’umutuku
NDAYISHIMIYE EDUARD (Amagaju FC): Amakarita atatu y’umuhondo
SUNZU BONHEUR (Mukura VS): Ikarita y’umutuku
NISINGIZWE CHRISTIAN (Mukura VS): Amakarita atatu y’umuhondo
NDIKUMANA EDGARD (VISION FC): Amakarita atatu y’umuhondo

Uyu mukino wabereye kuri Stade y’Akarere ka Ngoma

Kuri uyu wa Kane tariki 20/11/2024 kuri Stade y’Akarere ka Ngoma habereye umukino wa gicuti wahuje Diviziyo ya gatanu y’ingabo z’u Rwanda (RDF), na Brigade ya 202 y’ingabo za Tanzania (TPDF).

Abafana bari benshi kuri Stade ya Ngoma

Uyu mukino wari witabiriwe n’abafana benshi, barimo n’ingabo z’ u Rwanda

Uyu mukino wari ubaye ku nshuro ya gatatu uhuje izi mpande zombi, waje kurangira ikipe ya Diviziyo ya gatanu y’Ingabo z’u Rwanda yegukanye intsinzi y’ibitego 2-0.

Umuyobozi wa Diviziyo ya 5 y’Ingabo z’u Rwanda, Brig Gen Pascal Muhizi, yavuze ko yishimira uko umubano ukomeza kwiyongera hagati y’u Rwanda na Tanzania.

Yagize ati "Uyu mukino ntugamije kwishimisha gusa, ahubwo unakomeza umubano ndetse n’ubufatanye mu buryo butandukanye. Uzamura kandi ubufatanye mu bikorwa duhuriyeho byo kubungabunga umutekano w’umupaka duhuriyeho".

Brig Gen Pascal Muhizi(uri iburyo) yakurikiranye uyu mukino

Colonel William Joshua Lovukenya wavuze ku ruhande rw’ingabo za Tanzania, yavuze ku kamaro k’iyi mikino karimo no kuzamura ubucuti buri hagati y’ibihugu byombi.

Ikipe y’Ingabo z’u Rwanda ishyikirizwa igikombe

Uyu muhango wasojwe n’ibirori byo gutanga ibihembo aho amakipe yombi yambitswe imidali, Diviziyo ya gatanu y’Ingabo z’u Rwanda inahabwa igikombe yatsindiye.

Uyu mukino uje ukurikira indi mikino ibiri yabaye mu Ugushyingo 2023 ndetse na Mata 2024, aho intsinzi yari yegukanywe n’ingabo za Tanzania.

Abakinnyi ba Diviziyo ya 5 y’ingabo z’u Rwanda

Abakinnyi ba Brigade ya 202 y’ingabo za Tanzania bambikwa imidali

Umukino wasifuwe n’abasifuzi babigize umwuga

Iyi mikino ikomeje kuzamura umubano n’ubufatanye hagati y’ibihugu byombi

Ni umukino waranzwe n’ishyaka ku mpande zombi, ariko urangira u Rwanda rutsinze

Kuri uyu wa Mbere u Rwanda rwakinnye umukino wa nyuma wo gushaka itike yo kwerekeza mu gikombe cya Afurika kizabera muri Maroc umwaka utaha.

Ni umukino wahuje Amavubi y’u Rwanda na Super Eagles ya Nigeria, aho Amavubi yasabwaga gutsinda, ariko akanategereza ko Libya yatsinda Benin ngo abe yabona itike ya CAN.

Amavubi yakoze ibyo yasabwaga atsinda Nigeria ibitego 2-1, aho Nigerika yafunguye amazamu ku munota wa 55 ku gitego cya Samuel Chukueze wari ucenze abakinnyi batatu b’u Rwanda, ni nyuma yo kujya mu kibuga asimbuye.

Ku munota wa 75 Mutsinzi Ange yatsindiye Amavubi igitego cya mbere nyuma y’akazi kari kamaze gukorwa na Kwizera Jojea, ku munota wa 77 gusa Nshuti Innocent ahita atsinda igitego cya kabiri.

Umukino warangiye Amavubi atsinze ibitego 2-1, ariko Libya nayo iwayo inganya na Benin ubusa ku busa, bihesha Benin itike yo kuzakina igikombe cya Afurika.

Amavubi asoje imikino y’amatsinda ari ku mwanya wa gatatu n’amanota 8, aho iyanganya na Benin, ariko harebwa imikino yabahuje Amavubi agasigara kuko yatsinzwe na Benin ibitego bitatu ku busa mu mukino ubanza, yo agatsinda Benin ibitego 2-1 mu mukino wo kwishyura.

Kuri iki cyumweru ni bwo hasojwe isiganwa Rwanda Mountain Gorilla Rally 2024, isiganwa ryari rimaze iminsi itatu ribera mu Rwanda.

Ni isiganwa riri ku ngengabihe ya shampiyona ya Afurika yo gusiganwa mu modoka, ari nabyo bituma yitabirwa n’ibihangange biba bihatanira amanota yo kwegukana shampiyona ya Afurika.

Muri ibi bihangange kugeza ubu harimo Karan Patel wegukanye iyi shampiyons ya 2023, ubu akaba yaramaze no kugwiza amanota yo kwegukana shampiyona y’uyu mwaka.

Umunya-Kenya Karan Patel ukinana na Khan Tauseef begukanye isiganwa, bafata ifoto na Minisitiri wa Siporo Nyirishema Richard

Nyuma y’uyu munsi, Karan Patel ukoresha imodoka ya Skoda Fabia R5 ari nawe wanahabwaga amahirwe menshi yo kwegukana iri siganwa, yasoje ku mwanya wa mbere muri rusange ahita anegukana "Rwanda Mountain Gorilla Rally 2024"

Queen Kalimpinya na Sandrine Isheja bahawe ishimwe nka pilote na co-pilote b’abanyarwandakazi bitwaye neza

Queen Kalimpinya nk’umunyarwandakazi waje imbere yashimiwe , aho akina afashwa na na Ngabo Olivier

Abakunzi b’uyu mukino bari babukereye ari benshi

Reba ibindi muri iyi video:

Amafoto: Eric Ruzindana

Video: Richard Kwizera & Salomo George

Kuri uyu wa Gatandatu mu bice by’akarere ka Bugesera hakiniwe umunsi wa kabiri wa Rwanda Mountain Gorilla Rally 2024, umunsi wasize umunya-Kenya Karan Patel ukinana na KHAN Tauseef ari bo bari ku mwanya wa mbere, aho bakoresheje iminota 58 n’amasegonda 46, bakurikirwa na MUKULA Micheal na KIYINGI Edward bakoresheje 01h07’03".

Abanyarwandakazi bitabiriye isiganwa ry’imodoka rya Rwanda Mountain Gorilla rally

Ni umunsi waranzwe n’udushya twinshi...

Bari babukereye..

Ni umukino ukurikirwa n’ingeri zose

Ni umukino ufite abakunzi benshi, aho by’umwihariko hagaragayemo itsinda ry’abafana baturutse mu gihugu cya Uganda bitwa "Rally Hunters", aba bakaba bari bizaniye bisi nini, bitwaza ibyo kurya bibisi babitekera ahaberaga isiganwa, ndetse n’ibyo kunywa birimo Inturire bavanye Uganda.

Umubare w’abagore umaze kwiyongera

Mu gihe mu myaka itatu ishize abagore babimburiwe na Qeen Kalimpinya ukina atwaye imodoka (Pilote), ubu umubare w’igitsina gore umaze kuzamuka aho kugeza ubu irisiganwa ry’uyu mwaka ryitabiriwe n’abagore batandatu barimo Queen Kalimpinya ukina atwaye ndetse nabandi batanu bakina bafasha abandi kuyobora (Co-Pilote) barimo Isheja Sandrine, Anita Pendo, Djamila Niwemugore n’abandi.

Queen Kalimpinya ni we wabimburiye abandi bakobwa, ubu bamae kwiyongera

Isheja Sandrine, Umuyobozi wungirije wa RBA amaze kumenyerwa muri Rally

Niwemugore Djamila, ni umwe mu bagore bari gukina uyu mukino , iyi ikaba ari inshuro ya mbere yitabiriye

Andi mafoto yaranze umunsi wa kabiri wa Rwanda Mountain Gorilla Rally 2024

Umukunzi wa rally akora ibishoboka byose ariko akihera ijisho

Amafoto: Eric Ruzindana

Video: Richard Kwizera & George Salomo

Ni isiganwa ryatangijwe ahagana i Saa munani z’amanywa, ritangirizwa imbere y’inyubako ya Kigali Convention Center ari naho abasiganwa bakiniye mu mihanda ikikije iyi nyubako.

Buri wese aba ashaka gutahana amashusho y’uko isiganwa ryagenze

Iri siganwa ryitabiriwe n’amazina akomeye ku mugabane wa Afurika arimo Karan Patel ukinira Kenya, akaba ari nawe wegukanye shampiyona ya Afurika yo gusiganwa mu mamodoka y’umwaka ushize wa 2023.

Harimo kandi umunya-Uganda Yasin Nasser, Giancarlo Davite ukinira u Rwanda, hakabamo na Gakwaya Claude ukinana na Mugabo Claude.

Ni isiganwa kandi igitsina gore kitatanzwe aho harimo Umuyobozi wa RBA wungirije ari we Isheja Sandrine, hakabamo Miss Queen Kalimpinya ndetse n’umunyamakuru akaba n’umushyushyarugamba Anita Pendo.

Karan Patel yigaruriye imitima y’abakunzi b’uyu mukino

Mu gace k’uyu munsi ahanini kaba kagamije gushimisha abafana no guhatanira imyanya y’uko bazahaguruka ku munsi w’ejo, Umunya-Kenya Karan Patel ni we waje ku mwanya wa mbere akurikirwa na Giancarlo Davite ukinana na Isheja Sandrine.

Isheja Sandrine, Umuyobozi wungirije wa RBA yongeye kwitabira iri siganwa

Anita Pendo mu bitabiriye iri siganwa

Miss Queen Kalimpinya ni umwe mu bakobwa bamaze kumenyekana muribuyu mukino

Abakinnyi batanu baje ku myanya ya mbere n’ibihe bakoresheje

1. Karan Patel (Kenya)/Khan Tauseef (Kenya): 01’52"
2. Giancarlo Davite (Rwanda) & Isheja Sandrine (Rwanda): 02’20"
3. Yasin Nasser (Uganda) &Katumba Ali (Uganda): 02’41"
4. Prince Nyerere Charise (Tanzania) & Rutabingwa Fernand (Rwanda): 02’47"
5. Sachania Nikhil (Kenya) & Deep Patel (Kenya): 02’57"

Andi mafoto yaranze iri siganwa

Amafoto: Eric Ruzindana

Reba uko byari byifashe muri iyi videwo

Ku munsi w’ejo u Rwanda rwakinnye umukino wa nyuma mu gikombe cya Afurika cya Handball cy’abatarengeje imyaka 20 cyaberaga mu mujyi wa Madhia muri Tunisia, umukino wari uwo guhatanira kuva ku mwanya wa 5-6.

U Rwanda rwahabwaga amahirwe nturwabashije gutsinda Guinea

U Rwanda rwatsinzwe na Guinea ibitego 35 kuri 32 mu gihe igice cya mbere cyarangiye u Rwanda rwatsinze Guineaa ibitego 14 kuri 12.

Ikipe ya Guinea yahise yegukana umwanya wa 5, u Rwanda rusoreza ku mwanya wa 6. Ku mwanya wa 7 haje Libya, uwa 8 haza igihugu cya Mali.

Uyu munsi harakinwa umukino wa nyuma (Final) ihuza Egypt na Tunisia, naho umwanya wa 3 Algeria na Maroc.

Kugeza ubu ibihugu bine ari byo Egypt, Tunisia, Algeria na Maroc byamaze kubona itike y’igikombe cy’isi kizabera muri Pologne umwaka utaha, mu gihe hategerejwe kumenya niba umubare w’ibihugu bihagararira umugabane wa Afurika byiyongera nk’uko byari byagenze mu gikombe cy’isi giheruka.

Jean Fidele Uwayezu wari umaze imyaka ine ari Perezida w’umuryango wa Rayon Sports yeguye kuribizo nshingano, mu gihe haburaga iminsi mike ngo asoze manda ye.

Ni amakuru yatangajwe ku mugoroba wo kuri uyu wa Gatanu, binyuzwa ku mbuga nkoranyambaga z’ikipe ya Rayon Sports, aho batangaje ko impamvu zatumye afata uyu mwanzuro ari impamvu z’uburwayi.

Uwayezu yatorewe kuyobora Rayon Sports tariki 24 Ukwakira 2020 kuri manda y’imyaka ine, aho hari hanatowe Kayisire Jacques nka Visi Perezida wa mbere ndetse na Ngoga Roger nka Visi Perezida wa kabiri.

Ku mugoroba wo kuri uyu wa Gatatu mu mujyi wa Madhia wo mu gihugu cya Tunisia, ni bwo hasojwe imikino y’amatsinda mu gikombe cya Afurika cy’abatarengeje imyaka 20, igikombe kiri gukinwa ku nshuro ya 31.

U Rwanda rwabonye intsinzi ya mbere

Ikipe y’igihugu y’u Rwanda nyuma yo gutsindwa imikino ibiri ya mbere aho yatsinzwe na Algeria ndetse na Tunisia, rwaraye rubonye intsinzi ya mbere nyuma yo gutsinda igihugu cya Libya.

U Rwanda rwatsinze Libya ibitego 43 kuri 36

Ni umukino wabanje gukomera mu gice cya mbere cy’umukino aho cyarangiye u Rwanda nabwo ruyoboye n’ibitego 17 kuri 15. Mu gice cya kabiri cy’umukino ikipe y’u Rwanda yagarutse yakosoye amakosa yo mu gice cya mbere, umukino urangira u Rwanda rutsinze Libya ibitego 43 kuri 36.

Kuri uyu wa Gatanu guhera Saa kumi za Tunisia (17h00 za Kigali), u Rwanda rurakina umukino wa 1/4 na Maroc yabaye iya kabiri mu itsinda rya mbere.

Nyuma y’iyi mikino ya 1/4, amakipe azatsinda azahita abona itike ya 1/2, ariko ahite anabona itike yo gukina imikino ya nyuma y’igikombe cy’isi kizabera muri Pologne/Poland umwaka utaha.

Kuri uyu wa Mbere tariki 09/09/2024 mu mujyi wa Madhia mu gihugu cya Tunisia hatangiye igikombe cya Afurika cy’abatarengeje imyaka 20 kiri gukinwa ku nshuro ya 31.

Ikipe y’igihugu y’u Rwanda yakinnye umukino wayo wa mbere na Algeria ku i Saa Sita za Tunisia ari zo Saa Saba za Kigali. Ikipe ya Algeria ni yo yatangiye iyoboye umukino itsinda u Rwanda ibitego 3-0 mu minota ya mbere, ariko u Rwanda ruza kuzamuka banganya ibitego 7-7.

Amakipe yombi yakomeje kugendana ariko mu minota ya nyuma y’igice cya mbere Algeria isiga u Rwanda, igice cya mbere kirangira ari ibitego 19 kuri 15.

Mu gice cya kabiri cy’umukino, u Rwanda rwagerageje gukuramo ikinyuranyo ariko umukino urangira Algeria itsinze u Rwanda ibitego 38 kuri 35.

Kuva tariki 17/08/2024, mu nkambi y’impunzi ya Mahama iherereye mu karere ka Kirehe, haberaga irushanwa rihuza inkambi mu mikino itandukanye.

Mahama yegukanye igikombe mu mupira w’amaguru, inatwara ibindi bihembo

Ni imikino yahuzaga abakinnyi basaga 600 bari baturutse mu nkambi za Mahama, Kigeme, Mugombwa, Nyabiheke na Kiziba, bakaba barahatanga mu mikino ya Football, Basketball, Volleyball, Karate na Seatball.

Kuri uyu wa Gatatu tariki 21/08/2024, ni bwo iyi mikino yasojwe hanatangwa ibihembo ku makipe yitwaye neza, aho amakipe yagiye ahembwa kugera no kuri Miliyoni y’amafaranga y’u Rwanda.

Muri Basketball mu bagabo, igikombe cyatwawe Mahama I itsinze Nyabiheke ku manota 41 kuri 39, naho mu bagore gitwarwa naho gitwarwa na Mahama I itsinze Mahama II ku manota 34 kuri 23.

Mu mukino wa Volleyball ni hamwe mu hagaragayemo abakinnyi bakiri bato kandi bafite impano

Muri Volleyball, igikombe cyatwawe n’inkambi ya Mugombwa yo mu karere ka Gisagara, itsinze Kigeme yo mu karere ka Nyamagabe amaseti 3-1.

Mu mupira w’amaguru ari nawo wasoje indi mikino, ikipe y’inkambi ya Mahama I yatsinze inkambi ya Kigeme igitego 1-0, ihita itwara igikombe inahembwa 1,000,000 Frws.

Iyi mikino ikaba yari igamije gukangurira urubyiruko ruba mu nkambi kwirinda kujya mu bikorwa bitemewe n’mategeko, kwirinda inda z’indaro n’ibindi

Andi mafoto yaranze iyi mikino

.

Ku wa Gatandatu tariki 17/08 no ku Cyumweru tariki 18/08 hakinwe shampiyona y’igihugu mu kukino wo gusiganwa ku magare, aho ku wa Gatadatu hakinwe agace ko gusiganwa umuntu ku giti cye (Individual Time Trial), mu gihe ku Cyumweru hakinwe gusiganwa mu muhanda muri rusange (Road Race).

Ku munsi wo ku wa Gatandatu, Mugisha Moise wa Benediction Club ni we wegukanye umwanya wa mbere akoresheje iminota 29’49", akurikirwa na Etienne Tuyizere ndetse na Patrick Byukusenge ba Java Innovotec. Mu bagore, ku mwanya wa mbere haje Ingabire Diane, akurikirwa na Neza viollette Irakoze wa Komera Cycling Team ndetse na Mukashema Josiane wa Benediction Club.

Masengesho Vainqueur wa Benediction Club yegukanye iyi shampiyona mu bagabo

Ku munsi wo ku Cyumweru ni bwo hakinwe umunsi wa kabiri, aho abasiganwa banwe o bamwe bahagurukiye i Kanyinya abandi bahagarukukira kuri Base mu karere Rulindo, bazamuka umusozi wa Tetero mu karere ka Gicumbi.

Bakomereje mu duce twa Gicumbi baninjira mu mujyi waho, banyura mu Rukomo bagaruka mu mujyi wa Kigali aho basoreje i Batsinda mu karere ka Gasabo k’Umujyi wa Kigali. Ni isiganwa ahanini ryaranzwe no guhangana hagati y’abakinnyi ba Benediction Club y’abakinnyi nka Mugisha Moise waje no kugera aho asiga abandi iminota irenga irindwi, ihanganye na Java Innovotec irimo abakinnyi nka Areruya Joseph, Patrick Byukusenge n’abandi.

Abakinnyi bagiye kugera i Kigali Mugisha Moise bamaze kumushikira dnetse baramusiga, isiganwa riza kurangira ku muvuduko wo hejuru ngo batanguranwe kwambuka umurongo, maze Masenegsho Vainqueur wa Benediction Club asoza ku mwanya wa mbere akoresheje 03h20’41".

Ku mwanya wa kabiri haje Niyonkuru Samuel wa Team Amani yo muri Kenya aho yakoresheje 03h20’42", mu gihe ku mwanya wa gatatu haje Etienne Tuyizere wa Java Innotec nawe wakoresheje 03h20’42".

Ingabire Diane yegukanye iyi shampiyona ku nshuro ya gatatu yikurikiranya

Mu bagore (Women/Elite) ku mwanya wa mbere haje Ingabire Diane wakinaga ku giti cye, aho yakoresheje 03h02’34", ku mwanya wa kabiri haje Neza Violette Irakoze wa Komera Cycling Women 03h05’24", naho ku mwanya wa gatatu haje Josiane Mukashema wa Benediction Club wakoresheje 03h05’24".

Kuri iki Cyumweru mu karere ka Rubavu habereye isiganwa mpuzamahanga "Ironman 70.3", isiganwa ryakinwaga ku nshuro ya gatatu mu Rwanda.

Ni isiganwa rikomatanya imikino itatu irimo koga mu mazi, gusiganwa ku maguru ndetse no gusiganwa ku magare.

Isiganwa ryatangiye ku i Saa mbili za mu gitondo zuzuye aho abasiganwa babanje gusiganwa mu mazi ku ntera ya kilometero 1.9.

Ni isiganwa ryitabiriwe n’abakinnyi barenga 200 bava mu bihugu 28 birimo n’u Rwanda, hakabamo ibyo ku mugabane w’i Burayi, Amerika n’ahandi ku isi.

Mu bagore, Umuholandikazi Barber Kramer ni we wegukanye iri siganwa "Ironman 70.3", mu byiciro byose (koga, kunyonga igare no gusiganwa ku maguru, bikaba ari n’inshuro ya gatatu aritwaye yikurikiranya kuva ryatangira kubera mu Rwanda.

Mu bagabo, Umwongereza Raoul Metcalfe ni we wanikiye abandi aho yaryegukanye akoresheje 4h35’07’’.

Raoul Metcalfe wegukanye umwanya wa mbere

Abanyarwanda begukanye umwanya wa mbere mu bakina nk’ikipe.

Usibye abakinnyi bakinaga buri umwe ku giti aho yakinaga imikino itatu wenyine, habayemo no gukina nk’ikipe aho abakinnyi batatu bakinanaga ariko buri wese agakina umukino umwe muri itatu agasimbura mugenzi we.

Ikipe y’abanyarwanda yari igizwe na Twibanire Damascène wakinnye koga, Ngendahayo Jérémie wakinnye gusiganwa ku igare na Mutabazi Emmanuel wasiganwe ku maguru ni yo yasoje ari iya mbere, bakaba bakoresheje amasaha ane, iminota irindwi n’amasegonda 25.

Mu kiganiro n’itangazamakuru cyabaye kuri uyu wa Mbere ku cyicaro cy’umuterankunga wayo mu Nzove, hamuritswe imyambaro iyi kipe izakoresha mu marushanwa atandukanye muri uyu mwaka w’imikino 2024-2025.

Umwambaro izajya yambara mu rugo

Umwambaro wa kabiri

Umwambaro wa gatatu

Umwambaro wa mbere Rayon Sports izambara uzaba urimo amabara y’ubururu bwiganje nk’ibisanzwe, umwambaro wa kabiri ukazaba urimo ibara ry’umweru ndetse n’amahembe y’inka z’inyambo zizwi mu karere ka Nyanza aho Rayon Sports ikomoka.

Umwambaro wa gatatu Rayon Sports izambara usa n’ibara risa na pink, ukaba ari umwambaro ufite atandukanye n’amabara ari mu birango bya Rayon Sports, ukaba wakenerwa cyane igihe cyane igihe bahuye n’ikipe bahuje amabara.

Ni umukino wari ufite ubusobanuro bukomeye kuko amakipe yombi yanganyaga imikino yatsinze , aho ikipe ya APR HC yari yatsinze umukino wa mbere nyuma yo gutera mpaga Police HC yikuye mu kibuga, naho umukino wa kabiri ikipe ya Police HC irawutsinda bivuze ngo ikipe yari gutsinda uyu mukino yari guhita yegukana Igikombe.

APR HC yegukanye igikombe cya shampiyona

Igice cya mbere cy’umukino cyatangiye amakipe yombi yiganaho by’umwihariko mu minota itanu ya mbere gusa ikipe ya Police HC igenda imbere ya APR HC mu bitego ibifashijwemo na Rwamaynwa Viatuer ndetse na Kayijamahe Yves.

Nyuma yaho guhera ku munota wa 10 APR HC yisanze mu mukino nayo iyobora iminota 10 kuko Muhumure Elysee ndetse na Shumbusho Mariyamungu bafashije APR kuyobora uyu mukino by’umwihariko muri iki gice cya mbere kuko igice cya mbere cyarangiye ari ibitego 15 bya APR kuri 12 bya Police (15-12).

Iki gice Kandi cyaranzwe n’ishyaka ridasanzwe ku mpande zombi , kuko umuto

za Bagirishya Anaclet wa APR HC yahawe ikarita y’umuhondo ku munota wa 10 kubera kubwira umukinnyi wa Police HC amagambo mabi, muri aka gace ubwo Police HC yari ihindukiranye APR , abakinnyi ba APR HC bashwanye abarimo Muhumure Elysee ndetse na Niyonkuru Shaffy Kapiteni wa APR HC.

Mu gice cya kabiri cy’umukino umutoza wa Police HC yatangiranye impinduka yinjiza mu kibuga abarimo Akayezu Andrew ndetse na Paccy gusa ntibyagira icyo bitanga kuko n’igice cy’ umukino APR yayoboye mu bitego kuko ntaho Police HC yabashije gutsinda ngo inyure kuri APR , igikomeye yakoze byari ugukuramo ikinyuranyo hagasigaramo ibitego 2.

Abakinnyi ba APR HC barimo Muhumure Elysee, Musoni Albert, Iragena Emmanuel ndetse n’umunyezamu Uwayezu Arsene ni bo bafashije iyi kipe kwitwara neza muri uyu mukino .

Umukino warangiye APR HC yegukanye Igikombe kuko yatsinze ibitego 30-25 bya Police HC. Akaba ari Igikombe APR yaherukaga mu mwaka wa 2017.
APR yegukanye Igikombe cya Shampiyona yahawe Imidali ndetse inagenerwa Miliyoni imwe y’amafaranga y’u Rwanda (1000000 Frw).

APR HC yegukanye igikombe cya shampiyona

Police HC yabaye iya kabiri, yahawe amafaranga ibihumbi magana atanu ( 500,000 Frw) naho ikipe ya Gicumbi Handball Team yabaye iya gatatu akaba ari yo kipe yari isanganywe iki gikombe ihabwa amafaranga ibihumbi magana atatu (300,000 Frw).
Biteganyijwe ko Indi Shampiyona y’umwaka utaha izatangira mu Ugushyingo 2024.

Kuri iki Cyumweru ni bwo hasojwe isiganwa Huye Rally ryari rimaze iminsi itatu ribera mu bice bya Huye na Gisagara, isiganwa rigamije kwibuka Gakwaya Claude, wahoze akina uyu mukino, aza kwitaba Imana mu 1986 azize impanuka.

Isiganwa ry’uyu mwaka ryasojwe imodoka ya Gakwaya Claude na Mugabo Claude ari yo ije ku mwanya wa mbere, aho yakoresheje amasaha abiri, iminota irindwo n’amasegonda 35.

Gakwaya Claude na Mugabo Claude begukanye iri siganwa baherukaga gutwara muri 2019

Ku mwanya wa kabiri haje abanya-Uganda Fred Kitaka Busulwa na Joseph Bongole bakoresheje 02h11’45”, ku mwanya wa gatatu haza Queen kalimpinya na Ngabo Olivier bakoresheje 02h29’42”.

Queen Kalimpinya na Ngabo Olivier baje ku mwanya wa gatatu

Mu batarabashije kurangiza isiganwa kubera ibiibazo bitandukanye birimo n’iby’imodoka harimo Giancarlo Davite wafatanyaga na Isheja Sandrine, ndetse na Adolff Nshimiyimana wafatanyaga na Anitha Pendo.

Andi mafoto yaranze umunsi wa nyuma wa Huye Rally

Reba ibindi muri iyi Video:

Video: Eric Ruzindana

Ni isiganwa ngarukammwaka rigamije kwibuka Gakwaya Claude, wahoze akina uyu mukino, aza kwitaba Imana mu 1986 azize impanuka. Isiganwa ry’uyu mwaka ryakinwe kuva ku wa Gatanu tariki 14/06 kugera kuri iki Cyumweru tariki 16/06/2024.

Umwiyereko wa Moto zisimbuka uri mu byasusurukije Huye Rally

Umunsi wa mbere wakinwe nijoro

Ni umunsi hakinwaga agace k’isiganwa gakinwa nijoro (Classification Stage) kari no mu bikunze kuba umwihariko wa Rally ya Huye, aho abasiganwa baba baniyereka abakunzi b’uyu mukino bakata mu bice by’umujyi wa Huye.

Kuri iyi nshuro hagaragayemo bamwe mu banyamakuru b’abagore bakaba n’abashyushyarugamba (MCs) ari bo Anita Pendo wari ‘Co-Pilote’ ni ukuvuga uwakinaga afasha Adolf Nshimiyimana, ndetse na Isheja Sandrine wakinaga afasha Davite Giancarlo usanzwe cyane muri uyu mukino.

Isheja Sandrine, Umunyamakuru wa Kiss FM ari mu bitabiriye Huye Rally 2024

Isheja Sandrine ari gufatanya na Giancarlo Davite

Anita Pendo na we yitabiriye Huye Rally 2024

Moto ziri mu byasusurukije iri siganwa

Ku wa Gatandatu tariki 15 Kamena 2024, mbere y’uko isiganwa rikomereza mu bice by’akarere ka Gisagara, habanje kuba umwiyereko wa Moto zisimbuka udusozi twari twakozwe harundarundwa ibitaka, ibi nabyo bikba mu bikunze kuranga Rally ya Huye.

Ku wa Gatandatu, abatuye ku Gisagara n’abandi bakunzi ba Rally birebeye isiganwa

Isiganwa kuri uyu wa Gatandatu ryakomereje mu bice by’akarere ka Gisagara

Reba ibindi muri iyi Video:

Video: Eric Ruzindana/Kigali Today

Ni umukino ugomba kuba kuri uyu wa Gatandatu tariki 15/06/2024, ukaba umukino wa mbere uzaba ubereye kuri iyi Stade muri gahunda yiswe "Umuhuro mu Mahoro", gusa umukino wo gufungura Stade Amahoro ku mugaragaro uzaba tariki 04/07/2024.

Muri uyu mukino wo kuri uyu wa Gatandatu, kwinjira bizaba ari amafaranga igihumbi (1000 Frws) ahasigaye hose, mu gihe mu myanya y’icyubahiro (VIP) ari 10,000 Frws.

Kuri uyu wa Gatanu muri Ethiopia hasojwe irushanwa IHF Trophy ryahuzaga ibihugu bigize Zone 5 mu mukino wa Handball, mu batarengeje imyaka 18 ndetse n’abatarengeje imyaka 20, aho amakipe yose y’u Rwanda yari yageze ku mukino wa nyuma.

Mu batarengeje imyaka 18, u Rwanda ntirwabashije kwegukana igikombe, aho rwatsinzwe na Ethiopia ibitego 36 kuri 25, rusoreza ku mwanya wa kabiri.

Mu batarengeje imyaka 20, u Rwanda rwegukanye igikombe nyuma yo gutsinda Uganda mu mukino utari woroshye, aho igice cya mbere cyarangiye Uganda iyoboye n’ibitego 13 kuri 11.

Mu gice cya kabiri u Rwanda rwaje gukosora amakosa maze rusoza umukino rwegukanye intsinzi n’ibitego 26 kuri 25, ruhita runabona itike yo kuzahagararira Zone 5 ku rwego rwa Afurika ahahurira abegukanye ibikombe mu mazones.

Kuri uyu wa Kane i Addis Abeba muri Ethiopia, hakinwe imikino ya 1/2 mu irushanwa rihuza ibihugu bigize akarere ka gatanu k’imikino muri Afurika (Zone 5).

Abatarengeje imyaka 18 batsinze Kenya bagera ku mukino wa nyuma

Mu batarengeje imyaka 18, ikipe y’igihugu y’u Rwanda yakinnye n’igihugu cya Kenya, igice cya mbere kirangira u Rwanda ruyoboye n’ibitego 14 kuri 12.

Igice cya kabiri kigitangira Kenya yatsinze ibitego bine u Rwanda rutaratsinda na kimwe, gusa abasore b’u Rwanda n’ubwo bari batakaje kapiteni wabo wagize ikibazo akajyanwa mu bitaro, baje kwihagararaho birangira batsinze Kenya ibitego 27 kuri 24.

U Rwanda rwageze ku mukino wa nyuma

Mu batarengeje imyaka 20, nabo baje gukora akazi gakomeye nyuma yo gusoza igice cya mbere batsinzwe na Ethiopia 16 kuri 13, ariko baza gusoza umukino batsinze Ethiopia yari imbere y’abafana bayo ibitego 29 kuri 28.

Kuri uyu wa Gatanu harakinwa imikino ya nyuma aho abatarengeje imyaka 18 u Rwanda rukina na Ethiopia ku i Saa ine zo mu Rwanda, naho abatarengeje imyaka 20 u Rwanda rukine na Uganda ku i Saa munani n’igice zo mu Rwanda

Addis Abeba muri Ethiopia hakomeje kubera irushanwa IHF Trophy rihuza amakipe agize akarere ka 5 k’imikino muri Afurika mu mukino wa Handball, aho uyu munsi hasozwaga imikino y’amatsinda.

U Rwanda rwanyagiye u Burundi

Mu batarengeje imyaka 20 ari nabo batangiye mbere, bihereranye u Burundi babunyagira ibitego 38 kuri 25, mu gihe igice cya mbere cyarangiye ari 19 kuri 11.

U Rwanda rwahise rusoza iyi mikino ku mwanya wa mbere aho rukina na Ethiopia muri 1/2 kuri uyu wa Kane.

Mu batarengeje imyaka 18, u Rwanda rwakinnye umukino ukomeye na Ethiopia yari imbere y’abafana bayo, umukino waje kurangira amakipe yombi anganyije ibitego 29 kuri 29.

U Rwanda mu batarengeje imyaka 18 rurakina na Kenya muri 1/2, nyuma y’uko u Rwanda rwasoje ku mwanya wa mbere.

Gahunda y’imikino ya 1/2 kuri uyu wa Kane

Abatarengeje imyaka 20

13h30 (12h30 amasaha ya Kigali): Rwanda vs Ethiopia
15h30: Uganda vs Burundi

Ikibuga: Ethiopian Sports Academy

Abaterengeje imyaka 18 (U18)

11h00: Burundi vs Ethiopia
13h30 (12h30 Amasaha ya Kigali): Rwanda vs Kenya

Ikibuga : 4 Killo Hall

Rayon Sports ni yo kipe bivugwa ko ifite abafana benshi mu Rwanda

Ubwo hasozwaga amarushanwa ‘Umurenge Kagame Cup 2024’ ku Cyumweru tariki 05 Gicurasi 2024, umuyobozi wa RGB, Dr Usta Kaitesi, yagiranye ikiganiro n’itangazamakuru, ariko by’umwihariko aza kubazwa uko abona ikipe ya Rayon Sports.

Dr Usta Kaitesi yabanje kuvuga uko ibibazo bya Rayon Sports byatangiye, avuga uko abona kugeza ubu ikipe ya Rayon Sports ihagaze haba mu rwego rw’imiyoborere ndetse no mu kibuga ari naho akenshi abafana bareba.

Yagize ati "Umukino ni umukino, ikipe ku byo tubona, ibihe ikipe yarimo icyo gihe, amakimbirane yari ahari, mujye mwibuka ko byanabaye muri Covid nta mikino ihari , ni nacyo kibigira ikibazo cy’imiyoborere, ntabwo abantu bakinaga, abantu kugirana ikibazo kuri ruriya rwego badakina bikubwira ko icyo bapfaga kitari umupira,"

"Uyu munsi uko ikipe ihagaze n’uko umupira umera, ibyo ni ibibera mu kibuga, ariko icyari kigamijwe cyane ni ukugira ngo ikipe igira ubuyobozi bwita ku nyungu z’ikipe kandi zitarimo urujijo, kirya gihe twari dufite abantu bamwe bavuga ngo ni abayobozi bandi nabo ngo ni abayobozi, ciyo twakemuye rero cyari ikibazo cy’imiyoborere kandi nk’uko ubivuze hari abagiye batubwira ko ibibazo ikipe ifite nta kibazo cy’imiyoborere ifite."

Yagarutse cyane kuri Rayon Sports nk’umuryango utari uwa Leta.....

"Ntabwo nzi abitwa ba nyirikipe, umuryango utari uwa Leta ntugira ba nyirawo bitwa amazina bwite, uba ari umuryango, ushingiye ku nyungu rusange, akibaza yabajije ngo ikipe y’abaturage, ni ukuvuga ngo niba ari ikipe y’abaturage ikibazo yari ifite cyari ubuyobozi, abayobozi b’ikipe ntabwo ari ba nyirayo, ntabwo ari umutungo bwite w’ikipe, birashoboka ko hari umuntu wari ufite inyungu akura mu ikipe wabangamiwe n’inyungu bwite yakuraga mu ikipe, n’ubundi abagize ikipe ya Rayon Sports ni bo batubwiye ibibazo by’imiyoborere yari ihari baratwandikiye, bandikira Nyakubahwa Perezida wa Republika, tuza kwiga ikibazo kiri mu ikipe, tugikemura mu buryo bw’imiyoborere"

Uko hagiyeho ubuyobozi....

Dr Usta Kaitesi yakomeje agira ati "Umuyobozi wa Rayon Sports uriho, RGB yashyizeho komite y’agateganyo igizwe n’abantu bari batowe n’abo bose bavuga ko ari ba nyirikipe, komite y’agateganyo inoza amategeko ya Rayon Sports ishyiraho inteko itora itavuka buri munsi hagiye kujyaho amatora, ivuga uburyo abagize ziriya clubs z’abafana ari nazo zitora zijyaho, hanyuma Clubs z’abafana zitora ubuyobozi bwa Rayon Sports, kuba wabyitirira urwego rw’imiyoborere (RGB) ubundi izo ni zo nshingano zacu, inshingano z’urwego rw’imiyoborere ni ugutuma imiyoborere ishoboka, ariko igihe cyose iyo tubikoze dushaka abari muri uwo muryango, tukabafasha kwishakira umuti w’ikibazo, kandi iyo ni yo nzira yakoreshejwe kuri Rayon Sports."

"Birashoboka rero ko wenda ikipe yari yaratakaje kuba ikipe y’abanyarwanda bayikunda rusange, yarabaye iy’abantu bwite, iyo urebye abafana ba Rayon Sports uko bangana, ntabwo nkeka ko abavuga ko bari ba nyirayo, ari abo banyarwanda rusange, kuko abanyarwanda rusange ba Rayon Sports bari baradusabye kotubakemurira ikibazo, kandi twagikemuye mu buryo bw’imiyoborere kubera buriya Rayon Sports ni ikipe y’umuryango utari uwa Leta nyarwanda, umuryango utari uwa Leta nyarwanda ugira uburyo ujyaho, ugira uburyo abayobozi bawo bajyaho, ni nabwo buryo bwakoreshejwe, nta bundi buryo bwakoreshejwe usibye uburyo bw’amategeko bw’uburyo ubuyobozi bw’imiryango itari iya Leta bujyaho."

Abajijwe niba babona Jean Fidèle yakomeza kuyobora Rayon Sports, ati “Abatoye ubuyobozi ni na bo bafite uburenganzira butora abandi, ni na bo bashaka abakandida, ngira ngo nk’umuyobozi wa Rayon Sports n’abo ayobora muri rusange n’abandi bahari muri Rayon Sports ni uburenganzira bwabo kureba aho ikipe ijya n’icyo bayifuzaho, bagatoranya abo bagira abayobozi.”

Kuri iki Cyumweru mu karere ka Rubavu hasorejwe amarushanwa "Umurenge Kagame Cup" yari amaze igihe abera mu gihugu hose aho yatangiriye mu turere, ahakinwaga imikino irimo umupira w’amaguru, Volleyball, Basketball, Sitball, gusiganwa ku maguru no ku magare, gusimbuka urukiramende ndetse n’igisoro.

Mu mupira w’amaguru, Rubengera yegukanye igikombe

Mu mukino wa nyuma wari witabiriwe n’abafana benshi kuri Stade Umuganda, ikipe y’Umurenge wa Rubengera ni yo yaje kwegukana igikombe itsinze uwa Kimonyi wo muri Musanze.

Umukino ugitangira, ikipe y’umurenge wa Rubengera yahise ihabwa ikarita y’umutuku ku munota wa 27, gusa ntiyacitse intege kuko ku munota wa 44 yaje guhita ibona igitego cya mbere.

Rubengera yishimira igitego

Ku munota wa 77 ikipe ya Kimonyi nayo yaje guhabwa ikarita y’umutuku amakipe yombi asigarana abakinnyi 10 kuri buri yose, maze ku munota wa 87 Rubengera ibona igitego cya kabiri, umukino urangira ari ibitego 2-0.

Perezida wa Federasiyo y’Iteramakofe mu Rwanda, Kalisa Vick, yavuze ko gusinya aya masezerano ari aintwambwe ikomeye nyuma y’uko bari bafite abaterankunga babiri gusa, bikaba bigiye kuzamura ibikorwa byabo

Umuryango Carlos Takam Foundation wasinyanye amasezerano y’imyaka itatu n’ishyirahamwe ry’umukino w’iteramakofe mu Rwanda

Uyu muryango wa Carlos Takam Foundation ni umuryango ugamije guteza imbere Umukino w’Iteramakofe muri Afurika, ukaba waramaze kwinjira mu mikoranire n’ishyirahamwe ry’umukino w’iteramakofe mu Rwanda, aho mu gihe cya vuba bahera ku gutangiza Ishuri ryawo (Academy) riri ku rwego rw’uyu Mugabane, rikazatangira gukorera mu Rwanda muri uyu mwaka wa 2024.

"Ni amasezerano y’imyaka itatu ariko ashobora kuzongerwa, twaburaga abafatanyabikorwa aba mberedufite ni MINISPORTS na CNOSR none twungutse undi uvuye hanze y’u Rwanda, bizadufasha kuzamura impano z’abakinnyi ndetse n’ibikorwa dutegura. "Hazabaho kongerera ubunararibonye ku mikinire ndetse no mu nashuri, kuko hagiye gushyirwaho Takam Academy"

Perezida wa Federasiyo y’Iteramakofe mu Rwanda, Kalisa Vick

Mu byemeranyijweho muri aya masezerano, ni uko hagiye gutegurwa irushanwa mu mukino w’iteramakofe rizahuza abakinnyi baturutse mu bihugu byo mu karere birimo u Rwanda rushobora kuryakira, Tanzania, Uganda n’ibindi bihugu byo muri Afurika y’Iburasirazuba.

Hazubakwa ishuri ry’iteramakofe riri ku rwego mpuzamahanga

Muri aya masezerano yashyizweho umukono kuri uyu wa kabiri tariki 23/04/2024, harimo gushyira Ishuri ry’Umukino w’Iteramakofe i Kigali riri ku rwego mpuzamahanga, nk’uko byanemejwe na Ntoudi Mouyelo wari uhagarariye Carlos Takam Foundation

Yagize ati “Carlos Takam ni icyerekezo kuri Afurika, yashakaga aho yubaka icyo cyerekezo cye. Yahisemo ko u Rwanda rwaba igicumbi cy’icyerekezo cye. Kuri Foundation, byari ingenzi ko isinyana amasezerano na Federasiyo kugira ngo bifatanye kuzamura Iteramakofe mu Rwanda no muri Afurika.”

Ntoudi Mouyelo wari uhagarariye Carlos Takam Foundation

Yakomeje agira ati “Kimwe mu bikorwa dushaka gukorana na Federasiyo ni ukwigisha abakina umukino n’urubyiruko, dushaka ko abakinnyi bagira urwego ruri hejuru mu byo bakora kandi turashaka kugira ‘Académie’ hano, izazamura impano nziza hano ku Mugabane [wa Afurika], kugira ngo tuzagira abakinnyi benshi bakina Imikino Olempike batorejwe hano mu Rwanda.”

Bashyize indabo ku rwibutso rwa Nyanza

Ni igikorwa cyatangiye Saa munani z’amanywa, cyitabirwa n’abayobozi, abakinnyi, abatoza n’abafana b’amakipe ya Rayon Sports mu bagabo n’abagore.

Iki gikorwa cyatangijwe n’urugendo rwatangiriye i Nyanza ya Kicukiro ku rusengero rwa New Bible Life, berekeza ku Rwibutso rwa Jenoside rwa Nyanza ya Kicukiro, aho bunamiye inzirakarengane zirenga ibihumbi 100 ziharuhukiye.

Bageze ku rwibutso, basobanuriwe amateka ya Jenoside yakorewe Abatutsi, bibutswa ko bagomba kwamagana ingengabitekerezo ya Jenoside, banamagana abapfobya Jenoside yakorewe Abatutsi.

Perezida wa Rayon Sports, Uwayezu Jean Fidèle, yashimiye abitabiriye iki gikorwa bose, anashimira ingabo zari iza FPR-Inkotanyi zahagaritse Jenoside. Uwayezu kandi yanashimiye by’umwihariko abanyamahanga babarizwa muri Rayon Sports, bifatanyije n’Abanyarwanda kuri uyu munsi, abasaba ko bagomba guharanira ko abantu baba umwe, ndetse n’Abanyafurika bose bagaharanira kuba umwe.

Banakoze urugendo rwo kwibuka

Amakuru atugeraho avuga ko ubwo bari bagiye kumufata bagiye mu myitozo basanze atagihumeka , hakaba hategerejwe raporo ya muganga.

Ubutumwa bwa APR FC ku rubuga rwa Twitter (X)

"N’akababaro kenshi, Ubuyobozi Bwa APR FC buratangaza ko umutoza wayo wari ushinzwe kongerera abakinnyi imbaraga Dr Adel Zirane yitabye Imana.

Impamvu z’urupfu rwe ntiziramenyekana.

Twihanganishije umuryango we ndetse n’abakunzi ba APR FC, Imana imuhe iruhuko ridashira!"

N’akababaro Kenshi, Ubuyobozi Bwa APR FC Buratangaza ko Umutoza Wayo Wari Ushinzwe Kongerera Abakinnyi Imbaraga Dr Adel Zirane Yitabye Imana.

Impamvu Z’urupfu rwe Ntiziramenyeka.

Twihanganishe Umuryango we Ndetse N’abakunzi ba APR FC, Imana Imuhe Iruhuko Ridashira! pic.twitter.com/VM9annZZWV

— APR F.C. Official (@aprfcofficial) April 2, 2024

Kuri uyu wa Kane ikipe y’igihugu y’u Rwanda "Amavubi" iherereye i Antanarivo muri Madagascar, yakoze imyitozo ya nyuma yitegura umukino wa mbere wa gicuti uzayahuza Na Botwanda ku i Saa Cyenda z’amanywa zo kuri uyu wa Gatanu.

Abakinnyi b’Amavubi mu myitozo yo kuri uyu wa Kane

Ni imyitozo yakozwe n’abakinnyi bose ndetse ikorwa mu mvura yagwaga muri kiriya gihugu. Umutoza w’Amavubi. Ku mutoza w’Amavubi yishimira ko babashije kubona iyi mikino ya gicuti izabafasha kwitegura iyo gushaka itike y’igikombe cy’isi ndetse n’itike ya CHAN.

Yakomeje avuga ko kandi yishimiye kuba barabonye umwanya uhagije wo kuba bari kumwe n’abakinnyi bakina hanze muri iyi myitozo, anavuga ko kimwe nk’intego ya buri mutoza gahunda ari ugushaka intsinzi muri iyi mikino.

Kapiteni w’Amavubi Djihad Bizimana nawe yunze mu ry’umutoza, aho yavuze ko aya ari amahirwe babonye yo kwitegura imikino n’andi marushanwa bafite imbere.

Yagize ati "Izi matches za gicuti ni nziza, twari tumaze igihe tutazikina, ibi rero bizadufasha binafashe umutoza. Nk’Abanyarwanda rero nababwira ngo intsinzi irafasha, turabasaba gushyiraho imbaraga no gukorera hamwe kuko intsinzi ni yo iba yatumye dukora ingendo zireshya gutya, it’s a process, let’s trust the process.

Umunyezamu Maxime Wenssens Union Saint Gilloise mu Bubiligi

Myugariro Manzi Thierry

Mu gitondo cyo kuri uyu wa Mbere abakinnyi b’ikipe y’igihugu Amavubi bakina imbere mu gihugu, batangiye umwiherero wo gutegura imikino ibiri ya gicuti u Rwanda ruzakina na Botswana ndetse na Madagascar.

Niyomugabo Claude, Kapiteni wa APR FC

Hakizimana Muhadjili wa Police FC

Biteganyijwe ko aba bakinnyi baza guhita batangira imyitozo nyuma ya Saa Sita aho izajya ikorerwa kuri Stade ya Kigali i Nyamirambo, nyuma hakaziyongeramo abakinnyi bakina hanze bahamagawe.

Biteganyijwe ko Amavubi azakina umukino wa mbere na Botswana tariki 22/03, agakina umukino wa kabiri na Madagascar tariki 25/03/2024, imikino yombi izabera muri Madagascar.

Mugenzi Bienvenu, rutahizamu wa Police FC

Kwitonda Alain Bacca wa APR FC

Mitima Isaac, myugariro wa Rayon Sports

Akayezu Jean Bosco wa AS Kigali yagiriwe icyizere

Niyonzima Olivier Sefu wa Kiyovu Sports

Abakinnyi bamaze kugera mu mwiherero

Urutonde rw’abakinnyi bose bahamagawe

Ikipe ya Rayon Sports na APR FC zamaze kumenyeshwa ko umukino wabo uzaba kuri uwo munsi saa cyenda z’amanywa, mu gihe ubusanzwe ku ngengabihe isanzwe umukino wari uteganyijwe saa kumi n’ebyiri z’umugoroba.

Umukino washyizwe ku manywa

Kugeza ubu Rayon Sports nk’ikipe izakira umukino ntirasubiza iyi baruwa mu gihe yari yaramaze kumenyesha abakunzi bayo ko umukino uzaba saa kumi n’ebyiri z’umugoroba.

Si Rayon Sports gusa kuko na APR FC izakirwa na yo ku mbuga nkoranyambaga zayo yari yamaze kumenyesha abafana ko uyu mukino uzaba saa kumi n’ebyiri, ndetse n’amatike yatangiye gucuruzwa yanditseho ayo masaha.

Kuri uyu wa Gatandatu kuri Kigali Pele Stadium hateganyijwe umukino ufatwwa nk’umukino ukomeye kurusha iyindi mu Rwanda, umukino uzahuza Rayon Sports na APR FC guhera i Saa kumi n’ebyiri z’umugoroba (18h00).

Ni umukino ugiye kuba ikipe ya APR FC isa nk’aho yamaze kwizera igikombe cya shampiyona, aho nyuma gutsinda ikirarane yari ifitanye na Etoile de l’Est, yasihe irusha Rayon Sports iyikurikiye amanota 10, gusa ntibikuraho gukomera k’umukino nk’uko bisanzwe.

Umukino uhuza Rayon Sports na APR FC, ni umukino akenshi na mbere yaweo abantu baba bibaza abazawusifura dore ko nabyo bikunda guteza ubwumvikane buke, aho abafana kuri buri ruhande baba bafite umusifuzi/abasifuzi bashinja kubogamira ku ruhande runaka.

Ishimwe Jean Claude ni we uzasifura umukino wa Rayon Sports na APR FC

Umusifuzi mpuzamahanga Ishimwe Jean Claude ni we watoranijwe ngo azabe ari we uyobora uyu mukino mu kibuga hagati, akazafashwa n’abandi basifuzi bo ruhande ari bo Ishimwe Didier na Ndayisaba Said, mu gihe Twagirumukiza Abdulkharim azaba ari umusifuzi wa kane, naho Munyangoga Appolinaire azaba ari komiseri w’umukino.

Abazasifura indi mikino iteganyijwe mu mpera z’iki cyumweru

Inyubako z’imikino zikomeje kuvugururwa mu gice cya Remera, ahasanzwe habarizwa Stade Amahoro, BK Arena, Petit Stade ndetse n’inyubako y’imikino y’abafite ubumuga.

Kuri uyu wa Kane twasuye inyubako izwi nka Petit Stade, ubusanzwe iberamo imikino y’intoki nka Handball, Volleyball, Basketball n’indi.

Iyi nyubako kugeza ubu ibikorwa by’ingenzi byamaze kurangira, nk’aho abafana bicara hamaze gushyirwamo intebe, ikibuga cyaratunganyijwe ndetse n’ikibaho cyandikwaho ibitego cyamaze kugezwamo.

Mu mafoto, uku ni ko inyubako ya Petit Stade imeze kugeza ubu

Ni isiganwa ryatangiye Saa tanu zuzuye imbere ya Kigali Convention Center, ritangizwa na Minisitiri wa Siporo Munyangaju Aurore Mimosa.

Ni isiganwa ryatangiye abakinnyi bacungana, ariko by’umwihariko ikipe ya Israel Premier-Tech irimo Blackmore wambaye Maillot Jaune igenzura ko bataza kuyitakaza.

Bakigenda ibirometero bya mbere, abakinnyi 7 bagerageje gusiga abandi ariko igikundi gihita kibagarura bidatinze.

Grmay wa CMC, yaje kongera kuva mu gikundi ngo ayobore isiganwa ndetse abasha no kumara umwanya munini ayoboye wenyine. Abanyarwanda Byukusenge Patrick na Niyonkuru Samuel nabo baje gusohoka mu gikundi ariko nyuma cyongera kubagarura.

Ubwo bendaga gusoza umusozi wa Mont Kigali barenze ahazwi nka Norvege, abakinnyi bose bari bari hamwe, ariko ubwo batangiraga kumanuka i Nyamirambo berekeza Kimisagara, Dostiyev (wa kabiri ku rutonde rusange), Lecerf (wa 4 ku rutonde rusange) ndetse na Gomez bahise bava mu gikundi bajya imbere y’abandi ariko ntibyabahira.

Bazamuka ahazwi nko kwa Mutwe, Blackmore wambaye Maillot Jaune yahise atangira gusiga abandi, akurikirwa na Restrepo Valencia ariko aza gusigara.

Blackmore yakomeje kuyobora isiganwa wenyine ndetse ageraho anashyiramo ikinyuranyo cy’amasegonda 30.

Blackmore w’imyaka 21, yakomeje kuyobora isiganwa wenyine kugera kuri Kigali Convention Centre, yegukana agace k’uyu munsi ndetse ahita anegukana Tour du Rwanda 2024.

Umunyarwanda waje imbere ku rutonde rusange ni Manizabayo Eric wasorereje ku mwanya wa 15 aho arushwa n’uwa mbere iminota 5 n’amasegonda 13 (5’13"), mu gihe Areruya Joseph ku rutonde rusange ari we waje ku mwanya wa nyuma mu bakinnyi 63 babashije gusoza.

Uko bakurikiranye uyu munsi

Urutonde rusange nyuma y’iminsi 8

Itamar Einhorn ukinira Israel-Premier Tech nyuma yo kwegukana agace k’uyu munsi

Kuri uyu wa Gatandatu ni bwo hakimwe agace kabanziriza aka nyuma ka Tour du Rwanda, ari nako gace gasumba utundi twose dore ko kareshya na Kilometero 158. Abakinnyi 74 ni bo bahagurutse mu Rukomo mu karere ka Gicumbi, babanza kugenda Kilometero 2.3 zitabarwa, ubundi isiganwa nyirizina ritangira kubarwa Saa tanu n’iminota itanu.

Abakinnyi 10 ari bo A.Mayer na Rougier Lagane ba Mauritius, Vadic na Ourselin ba TotalEnergies, Meens (Bingoal-WB), Kino (Soudal-QuickStep), Glivar (UAE), Dorn (Bike Aid), Geary (South Africa) na Niyonkuru Samuel wa Team Rwanda, bahise bava mu gikundi ubwo bari bageze ahitwa Kagamba.

ABa bakomeje kuyobora isiganwa ariko igikundi kirimo uwambaye maillot jaune Joseph Blackmore wa Israel-Premier Tech gikomeza kubacungira hafi ndetse kiza no kubashikira bageze ahitwa Nyagahanga.

Ubwo abasiganwa bageraga Kiramuruzi

Nyuma yaho abakinnyi Berlin (Bike Aid), Vadic (TotalEnergies), Mugisha (Java-Inovotec), Glivar na Ravbar ba UAE, Grmay (CMC) na Donie (Lotto) bashatse guca mu rihumye abandi ngo bayobore isiganwa ariko igikundi gihita kibagarura.

Ubwo abasiganwa basatiraga Mishenyi n’Urugano, abakinnyi babiri Teugels wa Bingoal-WB) na Dorn wa Bike Aid, basohotse mu gikundi, nyuma Van de Wynkele wa Lotto-Dstny aza kubiyungaho bayobora isiganwa ari batatu.

Mbere gato yo kugera mu mujyi wa Nyagatare, abandi bakinnyi batatu bashyikiriye batatu b’imbere, isiganwa ritangira kuyoborwa n’abakinnyi batandatu ari bo Ourselin (TotalEnergies), Einhorn (Israel-Premier Tech), Teugels (Bingoal-WB), Dorn (Bike Aid), Van de Wynkele (Lotto-Dstny) na Glivar (UAE).

Aba bakomeje kuyobora isiganwa kuva Nyagatare-Ryabega-Karangazi gukomeza no mu karere kaGatttsibo aho bari banashyizemo ikinyuranyo cy’iminota ine, bakomeza kuyobora ariko uko basatira akarere ka Kayonza ahagombaga gusorezwa isiganwa ikinyuranyo gitangira kugabanuka.

Abakinnyi batandatu bayoboye isiganwa igihe kinini

Itamar Einhorn ukinira Israel-Premier Tech wari wanegukanye agace ka kabiri ka Tour du Rwanda ka Muhanga - Kibeho, ni we waje guhita yegukana aka gace ka karindwi ka Tour du Rwanda 2024.

Itamar Einhorn ukinira Israel-Premier Tech nyuma yo kwegukana agace k’uyu munsi

Umunyarwanda wageze i Kayonza aho basoreje ni Nsengiyumva Shemu waje ku mwanya wa 46, ariko akaba yahageranye n’igikundi rusange cyari cyasizwe n’uwa mbere amasegonda 47. Umunyarwanda uzi imbere ku rutonde rusange kugeza ubu ni Eric Manizabayo uri ku mwanya wa 15, akarushanwa n’uwa mbere iminota 4’20.

Uko bakurikiranye mu gace Rukomo-Kayonza

Urutonde rusange nyuma y’umunsi wa 7

Abakinnyi 75 ni bo bahagurutse imbere y’isoko rya Musanze ku i Saa tanu zuzuye. Bagiye kugera Rusenge, Byukusenge Patrick na Teugels wa Bingoal-WB bari bagerageje gusiga abandi ariko igikundi gihita kibagarura.

Bageze mu Kivuruga, abakinnyi 15 bahise basohoka mu gikundi bayobowe n’ikipe ya TotalEnergies, ariko bari kumwe na Lecerf wambaye Maillot Jaune, baza kwiyongeraho abandi batanu bayobora ari 20.

Abakinnyi babanje kuyobora ni Latour na Doubey (TotalEnergies), Torres (UAE), Lecerf (Soudal-QuickStep), Blackmore na Kretschy (Israel-Premier Tech), Gomez (Polti-Kometa), Meens (Bingoal-WB), Dostiyev (Astana), Yemane na Mattheis (Bike Aid), Donie na Currie (Lotto-Dstny), Rolland (Groupama-FDJ)
Masengesho (Rwanda), Aman (CMC) na Arefayne (Eritrea).

Abakinnyi ubwo bazamukaga agasozi ka Gako, igikundi cyari cyamaze gucikamo ibice bibiri, aho icya mbere cy’abakinnyi 18 cyari kirimo Lecerf ndetse na Masengesho Vainqueur.

Blackmore yasesekaye Mont Kigali ari uwa mbere

Bageze mu mujyi wa Kigali abandi bakinnyi batandatu batangiye kuyobora isiganwa barimo Dostiyev, Masengesho, Restrepo, Araya, Doubey, Gomez na Meens, ariko na Merhawi Kudus agerageza kubakurikira ariko ntibyakunda.

Abakinnyi bazamutse i Nyamirambo berekeza Mont Kigali imbere hari abakinnyi bane, ariko umwongereza Blackmore abiba umugono asoza isiganwa ari uwa mbere.

Nyuma yo kugorwa no kuzamuka kwa Mutwe ndetse n’agasozi ka Mont Kigali, Lecerf wari ufite Maillot Jaune yahise ayitakaza ifatwa na Joseph Blackmore.

Umunyarwanda waje imbere kuri uyu munsi ni Manizabayo Eric waje ku mwanya wa 15, akaba ku rutonde rusange ari nawe uri imbere aho yaje ku mwanya wa 10 kugeza ubu.

Uko bakurikiranye uyu munsi

Urutonde rusange nyuma y’iminsi 6

Kuri uyu wa Gatandatu isiganwa rirakomeza aho abasiganwa bahagurukira mu Rukomo mu karere ka Gicumbi ku i Saa tanu zuzuye, bakaza gusoreza mu karere ka Kayonza ku ntera ya Kilometero 158 ari narwo rugendo rurerure ruri muri Tour du Rwanda 2024.

Uko abakinnyi bakurikiranye mu gace Musanze-Kigali

1. 44 Peter Jospeh BLACKMORE IPT GBR 2h12’44’’
2. 75 Jhonatan RESTREPO VALENCIA PTK COL ’’
3. 5 Ilkhan DOSTIYEV AQD KAZ +5’’
4. 164 Zeray Nahom ARAYA ERI ERI +8’’
5. 71 German Dario GOMEZ BECERRA PTK COL +18’’
6. 52 Dawit YEMANE BAI ERI +40’’
7. 45 Moritz KRETSCHY IPT GER +43’’
8. 85 Pablo TORRES ARIAS* UAZ ESP +45’’
9. 113 Logan CURRIE LDD NZL +49’’
10. 63 Eric MANIZABAYO RWA RWA +53’’
11. 161 Merhawi KUDUS ERI ERI ’’
12. 22 Fabien DOUBEY TEN FRA +57’’
13. 163 Aklilu AREFAYNE* ERI ERI ’’
14. 11 William Junior LECERF SQD BEL ’’
15. 102 Brieuc ROLLAND CGF FRA +1’24’’
16. 64 MASENGESHO RWA RWA +1’29’’
17. 53 Oliver MATTHEIS BAI GER +1’36’’
18. 21 Pierre LATOUR TEN FRA +1’45’’
19. 174 Johan MEENS BWB BEL +2’10’’
20. 171 Lennert TEUGELS BWB BEL +3’20’’
21. 41 Christopher FROOME IPT GBR +5’21’’
22. 51 Antoine BERLIN BAI MON +7’56’’
23. 72 Andrea GAROSIO PTK ITA +7’58’’
24. 23 Paul OURSELIN TEN FRA +8’03’’
25. 152 Awet AMAN CMC ERI +8’07’’
26. 61 Samuel NIYONKURU RWA RWA +8’10’’
27. 195 Moise MUGISHA JIT RWA +8’15’’
28. 194 Patrick BYUKUSENGE JIT RWA +8’25’’
29. 184 Christopher ROUGIER LAGANE MRI MRI ’’
30. 132 Azzedine LAGAB ALG ALG ’’
31. 141 Shemu NSENGIYUMVA MSR RWA ’’
32. 165 Yafiet MULUGETA* ERI ERI +8’28’’
33. 162 Metkel EYOB ERI ERI ’’
34. 24 Julien SIMON TEN FRA ’’
35. 104 Ronan AUGE* CGF FRA +8’38’’
36. 151 Tsgabu GRMAY CMC ETH +8’44’’
37. 175 Giacomo VILLA BWB ITA +8’45’’
38. 2 Nil AGUILERA JORBA* AQD ESP +8’48’’
39. 115 Lorenz VAN DE WYNKELE LDD BEL +8’49’’
40. 111 Milan DONIE* LDD BEL ’’
41. 114 Kamiel EEMAN* LDD BEL ’’
42. 81 Gal GLIVAR UAZ SLO +8’55’’
43. 55 Vinzent DORN BAI GER ’’
44. 83 Jasim Saif Abdulla JASIM AL-ALI UAZ UAE ’’
45. 4 Simone ZANINI* AQD ITA +9’11’’
46. 34 Dillon GEARY RSA RSA +9’13’’
47. 62 Eric MUHOZA RWA RWA +9’23’’
48. 133 Ayoub SAHIRI ALG ALG +9’27’’
49. 25 Baptiste VADIC TEN FRA +9’49’’
50. 173 Sébastien VAN POPPEL BWB BEL +9’52’’
51. 3 Alessandro ROMELE AQD ITA +9’58’’
52. 84 Anze RAVBAR* UAZ SLO +10’29’’
53. 73 Manuel PENALVER ANIORTE PTK ESP +11’11’’
54. 125 Amir Jafare TAHA* ETH ETH +11’37’’
55. 65 Didier MUNYANEZA RWA RWA +11’54’’
56. 14 Jan KINO SQD BEL +12’06’’
57. 32 Daniel LOUBSER RSA RSA +12’38’’
58. 12 Jonathan VERVENNE SQD BEL +13’18’’
59. 172 Alexander SALBY BWB DEN +13’35’’
60. 43 Gay SAGIV IPT ISR +13’51’’
61. 42 Itamar EINHORN IPT ISR +14’41’’
62. 112 Tars POELVOORDE* LDD BEL +15’28’’
63. 121 Solomon MEKURIA* ETH ETH +15’48’’
64. 1 Alexandre VINOKUROV AQD KAZ +15’53’’
65. 183 Henri Alexandre MAYER MRI MRI ’’
66. 15 Jelle HARTEEL SQD BEL +15’55’’
67. 13 Pepijn REINDERINK SQD NED +16’01’’
68. 144 Viachaslau SHAPKOUSKI* MSR *** +16’07’’
69. 33 Eric KRÖS RSA RSA +16’38’’
70. 185 Gregory MAYER MRI MRI +19’14’’
71. 191 Joseph ARERUYA JIT RWA +20’29’’
72. 35 Tyler LANGE RSA RSA +20’35’’
73. 105 Ben ASKEY* CGF GBR +20’45’’
74. 181 William PIAT MRI MRI +20’49

Urutonde rusange nyuma y’umunsi wa (Ibihe basigwa n’uwa mbere) 6
1. Peter Jospeh BLACKMORE IPT GBR 12h00’25’’
2. Ilkhan DOSTIYEV AQD KAZ +11’’
3. Jhonatan RESTREPO VALENCIA PTK COL +13’’
4. William Junior LECERF SQD BEL +55’’
5. German Dario GOMEZ BECERRA PTK COL +1’00’’
6. Fabien DOUBEY TEN FRA +1’04’’
7. Moritz KRETSCHY IPT GER +1’07’’
8. Logan CURRIE LDD NZL +1’14’’
9. Brieuc ROLLAND CGF FRA +2’06’’
10. Dawit YEMANE BAI ERI +2’21’’
11. Aklilu AREFAYNE* ERI ERI +2’25’’
12. Pierre LATOUR TEN FRA +2’38’’
13. Oliver MATTHEIS BAI GER +2’46’’
14. Johan MEENS BWB BEL +3’48’’
15. Eric MANIZABAYO RWA RWA +4’20’’
16. MASENGESHO RWA RWA +4’40’’
17. Merhawi KUDUS ERI ERI +5’03’’
18. Lennert TEUGELS BWB BEL +5’19’’
19. Gal GLIVAR UAZ SLO +10’31’’
20. Kamiel EEMAN* LDD BEL +10’46’’
21. Giacomo VILLA BWB ITA +10’55’’
22. Moise MUGISHA JIT RWA +11’38’’
23. Andrea GAROSIO PTK ITA +12’08’’
24. Yafiet MULUGETA* ERI ERI ’’
25. Julien SIMON TEN FRA +12’15’’
26. Paul OURSELIN TEN FRA +12’38’’
27. Christopher FROOME IPT GBR +12’50’’
28. Antoine BERLIN BAI MON +13’38’’
29. Awet AMAN CMC ERI +14’10’’
30. Nil AGUILERA JORBA* AQD ESP +14’18’’
31. Metkel EYOB ERI ERI +14’31’’
32. Pablo TORRES ARIAS* UAZ ESP +14’49’’
33. Samuel NIYONKURU RWA RWA +15’23’’
34. Jasim Saif Abdulla JASIM AL-ALI UAZ UAE +15’49’’
35. Tsgabu GRMAY CMC ETH +15’54’’
36. Pepijn REINDERINK SQD NED +17’43’’
37. Azzedine LAGAB ALG ALG +19’23’’
38. Simone ZANINI* AQD ITA +21’03’’
39. Milan DONIE* LDD BEL +21’43’’
40. Vinzent DORN BAI GER +21’52’’
41. Alessandro ROMELE AQD ITA +23’05’’
42. Eric MUHOZA RWA RWA +24’19’’
43. Didier MUNYANEZA RWA RWA +26’43’’
44. Jonathan VERVENNE SQD BEL +26’44’’
45. Jan KINO SQD BEL +26’57’’
46. Zeray Nahom ARAYA ERI ERI +27’38’’
47. Patrick BYUKUSENGE JIT RWA +28’12’’
48. Lorenz VAN DE WYNKELE LDD BEL +29’06’’
49. Anze RAVBAR* UAZ SLO +29’20’’
50. Alexander SALBY BWB DEN +29’30’’
51. Baptiste VADIC TEN FRA +30’31’’
52. Sébastien VAN POPPEL BWB BEL +32’07’’
53. Christopher ROUGIER LAGANE MRI MRI +34’36’’
54. Amir Jafare TAHA* ETH ETH +35’29’’
55. Shemu NSENGIYUMVA MSR RWA +37’23’’
56. Ronan AUGE* CGF FRA +39’18’’
57. Manuel PENALVER ANIORTE PTK ESP +42’09’’
58. Itamar EINHORN IPT ISR +42’20’’
59. Ben ASKEY* CGF GBR +43’26’’
60. Tars POELVOORDE* LDD BEL +44’14’’
61. Dillon GEARY RSA RSA +46’10’’
62. Alexandre VINOKUROV AQD KAZ +46’23’’
63. Daniel LOUBSER RSA RSA +48’23’’
64. Eric KRÖS RSA RSA +52’06’’
65. Gay SAGIV IPT ISR +55’52’’
66. William PIAT MRI MRI +56’36’’
67. Henri Alexandre MAYER MRI MRI +58’25’’
68. Ayoub SAHIRI ALG ALG +58’51’’
69. Jelle HARTEEL SQD BEL +59’16’’
70. Tyler LANGE RSA RSA +1h06’42’’
71. Solomon MEKURIA* ETH ETH +1h09’36’’
72. Gregory MAYER MRI MRI +1h13’22’’
73. Joseph ARERUYA JIT RWA +1h18’19’’
74. Viachaslau SHAPKOUSKI* MSR *** +1h36’25’

Andi mafoto yaranze isiganwa

Kuri uyu wa Kane mu karere ka Musanze hakiniwe agace ka gatanu ka Tour du Rwanda, aho kari agace kihariye kuko byari ugusiganwa n’igihe umukinnyi akina ku gihe.

Ni isiganwa ryatangiye ku i Saa Saba, aho umukinnyi umwe umwe yahagurukaga imbere y’isoko rya Musanze bagasoreza mu Kinigi ahasanzwe habera umuhango wo Kwita Izina, ku ntera ya Kilometero 13.

Umufaransa Pierre Latour ukinira ikipe ya TotalEnergies, ni we wegukanye agace k’uyu munsi akoresheje iminota 23’31"79"’, akurikirwa na William Junior LECERF yasizeho amasegonda 34, mu gihe umunyarwanda waje imbere ari MASENGESHO Vainqueur wahageze nyuma y’iminota 2 n’amasegonda 30.

Umubiligi William Junior Lecerf ukinira ikipe ya Soudal-QuickStep ni we waje guhita yambara Maillot Jaune nk’umukinnyi uyoboye urutonde rusange.

umufaransa Pierre Latour wegukanye agace k’uyu munsi

William Junior LECERF yahise yambara Maillot Jaune

Uko bakurikiranye mu gace k’uyu munsi

1. Pierre LATOUR TEN FRA 23’31’’
2. William Junior LECERF SQD BEL +34’’
3. Peter Jospeh BLACKMORE IPT GBR +36’’
4. Ilkhan DOSTIYEV AQD KAZ +42’’
5. Fabien DOUBEY TEN FRA +43’’
6. Jhonatan RESTREPO VALENCIA PTK COL +49’’
7. Moritz KRETSCHY IPT GER +1’00’’
8. Logan CURRIE LDD NZL +1’01’’
9. Milan DONIE* LDD BEL +1’11’’
10. German Dario GOMEZ BECERRA PTK COL +1’18’’
11. Brieuc ROLLAND CGF FRA ’’
12. Dawit YEMANE BAI ERI +1’32’’
13. Oliver MATTHEIS BAI GER +1’39’’
14. Aklilu AREFAYNE* ERI ERI +2’04’’
15. Jonathan VERVENNE SQD BEL +2’07’’
16. Pablo TORRES ARIAS* UAZ ESP +2’09’’
17. David Joshua GOLLIKER* CGF GBR ’’
18. Julien SIMON TEN FRA +2’11’’
19. Gal GLIVAR UAZ SLO +2’12’’
20. Johan MEENS BWB BEL +2’14’’
21. Pepijn REINDERINK SQD NED +2’18’’
22. MASENGESHO RWA RWA +2’30’’
23. Paul OURSELIN TEN FRA +2’32’’
24. Kamiel EEMAN* LDD BEL +2’33’’
25. Lennert TEUGELS BWB BEL +2’35’’
26. 161 Merhawi KUDUS ERI ERI +2’37’’
27. Giacomo VILLA BWB ITA +2’46’’
28. Dillon GEARY RSA RSA +3’03’’
29. Vinzent DORN BAI GER +3’05’’
30. Eric MANIZABAYO RWA RWA +3’06’’
31. Shemu NSENGIYUMVA MSR RWA ’’
32. Metkel EYOB ERI ERI +3’14’’
33. Awet AMAN CMC ERI ’’
34. Tsgabu GRMAY CMC ETH ’’
35. Nil AGUILERA JORBA* AQD ESP +3’18’’
36. Antoine BERLIN BAI MON +3’30’’
37. Yafiet MULUGETA* ERI ERI ’’
38. Andrea GAROSIO PTK ITA +3’37’’
39. Simone ZANINI* AQD ITA +3’38’’
40. Jan KINO SQD BEL +3’39’’
41. Eric MUHOZA RWA RWA +3’40’’
42. Patrick BYUKUSENGE JIT RWA +3’41’’
43. Amir Jafare TAHA* ETH ETH +3’43’’
44. Alexander SALBY BWB DEN +3’46’’
45. Jasim Saif Abdulla JASIM AL-ALI UAZ UAE +3’48’’
46. Baptiste VADIC TEN FRA ’’
47. Alessandro ROMELE AQD ITA +3’49’’
48. Samuel NIYONKURU RWA RWA +3’52’’
49. Moise MUGISHA JIT RWA ’’
50. Eric KRÖS RSA RSA +3’58’’
51. Zeray Nahom ARAYA ERI ERI +4’00’’
52. Sébastien VAN POPPEL BWB BEL +4’01’’
53. Daniel LOUBSER RSA RSA ’’
54. Didier MUNYANEZA RWA RWA
55. Itamar EINHORN IPT ISR +4’09’’
56. Jelle HARTEEL SQD BEL +4’22’’
57. Christopher ROUGIER LAGANE MRI MRI +4’28’’
58. Christopher FROOME IPT GBR ’’
59. Henri Alexandre MAYER MRI MRI +4’30’’
60. Lorenz VAN DE WYNKELE LDD BEL +4’34’’
61. Gay SAGIV IPT ISR +4’39’’
62. William PIAT MRI MRI +4’42’’
63. Manuel PENALVER ANIORTE PTK ESP +4’44’’
64. Solomon MEKURIA* ETH ETH +4’46’’
65. Alexandre VINOKUROV AQD KAZ +4’48’’
66. Gregory MAYER MRI MRI ’’
67. Ronan AUGE* CGF FRA +4’50’’
68. Tyler LANGE RSA RSA +4’54’’
69. Azzedine LAGAB ALG ALG +4’58’’
70. Ayoub SAHIRI ALG ALG +5’07’’
71. Tars POELVOORDE* LDD BEL +5’14’’
72. Viachaslau SHAPKOUSKI* MSR *** +5’17’’
73. Ben ASKEY* CGF GBR +5’18’’
74. Anze RAVBAR* UAZ SLO +5’21’’
75. Joseph ARERUYA JIT RWA +5’36’’

Abaje igihe cyarenze

OTL 54 Yoel HABTEAB* BAI ERI
OTL 122 Hailemelekot HAILU ETH ETH
OTL 143 Dawid TEWELDBRHAN MSR ERI
OTL 192 Etienne TUYIZERE JIT RW

Urutonde rusange nyuma y’umunsi wa gatanu

1. William Junior LECERF SQD BEL 9h47’39’’
2. Peter Jospeh BLACKMORE IPT GBR +2’’
3. Ilkhan DOSTIYEV AQD KAZ +8’’
4. Fabien DOUBEY TEN FRA +9’’
5. Jhonatan RESTREPO VALENCIA PTK COL +15’’
6. Moritz KRETSCHY IPT GER +26’’
7. Logan CURRIE LDD NZL +27’’
8. German Dario GOMEZ BECERRA PTK COL +44’’
9. Brieuc ROLLAND CGF FRA ’’
10. Pierre LATOUR TEN FRA +55’’
11. Oliver MATTHEIS BAI GER +1’12’’
12. Aklilu AREFAYNE* ERI ERI +1’30’’
13. Gal GLIVAR UAZ SLO +1’38’’
14. Johan MEENS BWB BEL +1’40’’
15. Dawit YEMANE BAI ERI +1’43’’
16. Pepijn REINDERINK SQD NED +1’44’’
17. Kamiel EEMAN* LDD BEL +1’59’’
18. Lennert TEUGELS BWB BEL +2’01’’
19. Giacomo VILLA BWB ITA +2’12’’
20. MASENGESHO RWA RWA +3’13’’
21. Moise MUGISHA JIT RWA +3’25’’
22. Eric MANIZABAYO RWA RWA +3’29’’
23. Yafiet MULUGETA* ERI ERI +3’42’’
24. Julien SIMON TEN FRA +3’49’’
25. Andrea GAROSIO PTK ITA +4’12’’
26. Merhawi KUDUS ERI ERI ’’
27. Paul OURSELIN TEN FRA +4’37’’
28. Nil AGUILERA JORBA* AQD ESP +5’32’’
29. Antoine BERLIN BAI MON +5’44’’
30. Metkel EYOB ERI ERI +6’05’’
31. Awet AMAN CMC ERI ’’
32. Jasim Saif Abdulla JASIM AL-ALI UAZ UAE +6’56’’
33. David Joshua GOLLIKER* CGF GBR ’’
34. Tsgabu GRMAY CMC ETH +7’12’’
35. Samuel NIYONKURU RWA RWA +7’15’’
36. Christopher FROOME IPT GBR +7’31’’
37. Azzedine LAGAB ALG ALG +11’00’’
38. Simone ZANINI* AQD ITA +11’54’’
39. Milan DONIE* LDD BEL +12’56’’
40. Vinzent DORN BAI GER +12’59’’
41. Alessandro ROMELE AQD ITA +13’09’’
42. Jonathan VERVENNE SQD BEL +13’28’’
43. Pablo TORRES ARIAS* UAZ ESP +14’06’’
44. Didier MUNYANEZA RWA RWA +14’51’’
45. Jan KINO SQD BEL +14’53’’
46. Eric MUHOZA RWA RWA +14’58’’
47. Alexander SALBY BWB DEN +15’57’’
48. Anze RAVBAR* UAZ SLO +18’53’’
49. Patrick BYUKUSENGE JIT RWA +19’49’’
50. Lorenz VAN DE WYNKELE LDD BEL +20’19’’
51. Baptiste VADIC TEN FRA +20’44’’
52. Sébastien VAN POPPEL BWB BEL +22’17’’
53. Ben ASKEY* CGF GBR +22’43’’
54. Amir Jafare TAHA* ETH ETH +23’54’’
55. Christopher ROUGIER LAGANE MRI MRI +26’13’’
56. Zeray Nahom ARAYA ERI ERI +27’32’’
57. Itamar EINHORN IPT ISR +27’41’’
58. Tars POELVOORDE* LDD BEL +28’48’’
59. Shemu NSENGIYUMVA MSR RWA +29’00’’
60. Alexandre VINOKUROV AQD KAZ +30’32’’
61. Ronan AUGE* CGF FRA +30’42’’
62. Manuel PENALVER ANIORTE PTK ESP +31’00’’
63. Eric KRÖS RSA RSA +35’30’’
64. Daniel LOUBSER RSA RSA +35’47’’
65. William PIAT MRI MRI +35’49’’
66. Dillon GEARY RSA RSA +36’59’’
67. Gay SAGIV IPT ISR +42’03’’
68. Henri Alexandre MAYER MRI MRI +42’34’’
69. Jelle HARTEEL SQD BEL +43’23’’
70. Tyler LANGE RSA RSA +46’09’’
71. Ayoub SAHIRI ALG ALG +49’26’’
72. Solomon MEKURIA* ETH ETH +53’50’’
73. Gregory MAYER MRI MRI +54’10’’
74. Joseph ARERUYA JIT RWA +57’52’’
75. Viachaslau SHAPKOUSKI* MSR *** +1h20’20

Saa tanu n’igice zuzuye ni bwo abakinnyi bari bahagurutse mu mujyi wa Karongi, babanza kugenda kilometero 1.7 itabarwa, isiganwa nyirizina ritangira kubarwa bageze ahitwa Bupfune.

Bageze ahitwa Fuwaye ubwo bari bamaze kugenda kilometero 2, umunya-Eritrea Araya yabimburiye abandi kuva mu gikundi bahita bamugarura, akurikirwa na Azzedine Lagab wa Algeria ariko na we bahita bamugarura.

Nyuma yaho Chris Froome yahise ava mu gikundi asiga abandi, ayobora kilometero eshanu ari imbere wenyine ndetse anashyiramo amasegonda 10, ariko na we baza kumufata.

Bageze ahitwa Fuwaye, Umufaransa Pierre Latour ukinira TotalEnergies yaje nawe kuva mu gikundi, atangira kuyobora isiganwa ari wenyine imbere, azamuka umusozi wa Rutsiro ayoboye, akomeza Gisiza, Nyoto, Nkomero, Gacaca na Kinihira akiyoboye, aho yagezeho anashyiramo ikinyuranyo cy’umunota 1’55.

Ku kilometero cya 62, umufaransa Brieuc Rolland ukinira ikipe ya Groupama-FDJ, yaje nawe gutoroka igikundi aragenda asatira Latour ndetse aza no kumucaho.

Pierre Latour wari wayoboye isiganwa isaha irenga ndetse na Kilometero zigera kuri 50, yaje gushyikirwa n’igikundi cya kabiri, Rolland akomeza kuyobora wenyine, ubwo basatiraga kwinjira mu mujyi wa Rubavu.

Habura kilometero 2.5 gusa, Brieuc Rolland nawe igikundi kiyobowe na Restrepo Valencia ndetse na Maillot Jaune cyahise kimushyikira.

Umubiligi William Junior Lecerf ukinira ikipe ya Soudal-QuickStep ni we waje guhita abarusha umuvuduko abatanga kwambuka umurongo usoza isiganwa, aba yegukanye agace ka Karongi-Rubavu, mu gihe Maillot Jaune yagumanye Reinderink

Umubiligi William Junior Lecerf ukinira ikipe ya Soudal-QuickStep ni we wegukanye agace ka Karongi-Rubavu, mu gihe Maillot Jaune yagumanye Reinderink

Umunyarwanda waje imbere ni Mugisha Moise nk’uko byari byagenze ku munsi wabanje, akaba yaje ku mwanya wa 18 akoresheje ibihe bingana n’uwa mbere, ku rutonde rusange akaba ari uwa 17, naho Manizabayo Eric akaza ku mwanya wa 21 asigwa amasegonda 57.

Uko abakinnyi bakurikiranye mu gace Karongi-Rubavu

1. William Junior LECERF (Soudal - Quick-Step Devo Team) BEL 2h19’22’’
2. Jhonatan RESTREPO VALENCIA PTK COL ’’
3. Julien SIMON TEN FRA ’’
4. Giacomo VILLA BWB ITA ’’
5. Pepijn REINDERINK SQD NED ’’
6. Peter Jospeh BLACKMORE IPT GBR ’’
7. Ben ASKEY* CGF GBR ’’
8. Merhawi KUDUS ERI ERI ’’
9. Johan MEENS BWB BEL ’’
10. Aklilu AREFAYNE* ERI ERI ’’
11. Brieuc ROLLAND CGF FRA ’’
12. Logan CURRIE LDD NZL ’’
13. Lennert TEUGELS BWB BEL ’’
14. Kamiel EEMAN* LDD BEL ’’
15.Oliver MATTHEIS BAI GER ’’
16.Gal GLIVAR UAZ SLO ’’
17. Fabien DOUBEY TEN FRA ’’
18. Moise MUGISHA JIT RWA ’’
19. Ilkhan DOSTIYEV AQD KAZ ’’
20. Moritz KRETSCHY IPT GER ’’
21. Simone ZANINI* AQD ITA ’’
22. German Dario GOMEZ BECERRA PTK COL ’’
23. Yafiet MULUGETA* ERI ERI +30’’
24. Antoine BERLIN BAI MON ’’
25. Paul OURSELIN TEN FRA ’’
26. Nil AGUILERA JORBA* AQD ESP ’’
27. Dawit YEMANE BAI ERI ’’
28. Metkel EYOB ERI ERI ’’
29. Eric MANIZABAYO RWA RWA ’’
30. Awet AMAN CMC ERI ’’
31. Alexander SALBY BWB DEN +1’02’’
32. Andrea GAROSIO PTK ITA ’’
33. Patrick BYUKUSENGE JIT RWA ’’
34. MASENGESHO RWA RWA ’’
35. David Joshua GOLLIKER* CGF GBR ’’
36. Pablo TORRES ARIAS* UAZ ESP ’’
37. Samuel NIYONKURU RWA RWA ’’
38. Jasim Saif Abdulla JASIM AL-ALI UAZ UAE ’’
39. Pierre LATOUR TEN FRA ’’
40. Alessandro ROMELE AQD ITA ’’
41. Christopher FROOME IPT GBR +1’19’’

William Junior LECERF wegukanye agace k’uyu munsi

Urutonde rusange nyuma y’umunsi wa 4 wa Tour du Rwanda 2024

1. Pepijn REINDERINK SQD NED 9h23’34’’
2. William Junior LECERF SQD BEL ’’
3. Jhonatan RESTREPO VALENCIA PTK COL ’’
4. Giacomo VILLA BWB ITA ’’
5. Peter Jospeh BLACKMORE IPT GBR ’’
6. Aklilu AREFAYNE* ERI ERI ’’
7. Brieuc ROLLAND CGF FRA ’’
8. Johan MEENS BWB BEL ’’
9. Lennert TEUGELS BWB BEL ’’
10. Gal GLIVAR UAZ SLO ’’
11. Fabien DOUBEY TEN FRA ’’
12. Logan CURRIE LDD NZL ’’
13.5 Ilkhan DOSTIYEV AQD KAZ ’’
14. Moritz KRETSCHY IPT GER ’’
15. Kamiel EEMAN* LDD BEL ’’
16. German Dario GOMEZ BECERRA PTK COL ’’
17.Moise MUGISHA JIT RWA +7’’
18.Oliver MATTHEIS BAI GER ’’
19.Dawit YEMANE BAI ERI +45’’
20.Yafiet MULUGETA* ERI ERI +46’’
21. Eric MANIZABAYO RWA RWA +57’’
22.Andrea GAROSIO PTK ITA +1’09’’
23.MASENGESHO RWA RWA +1’17’’
24.Pierre LATOUR TEN FRA +1’29’’
25.Merhawi KUDUS ERI ERI +2’09’’
26.Julien SIMON TEN FRA +2’12’’
27.Paul OURSELIN TEN FRA +2’39’’
28.Nil AGUILERA JORBA* AQD ESP +2’48’’
29. Antoine BERLIN BAI MON ’’
30.Awet AMAN CMC ERI +3’25’’
31.Metkel EYOB ERI ERI ’’
32.Christopher FROOME IPT GBR +3’37’’
33.Jasim Saif Abdulla JASIM AL-ALI UAZ UAE +3’42’’
34. Samuel NIYONKURU RWA RWA +3’57’’
35. Tsgabu GRMAY CMC ETH +4’32’’
36.David Joshua GOLLIKER* CGF GBR +5’21’’
37.Azzedine LAGAB ALG ALG +6’36’’
38. Simone ZANINI* AQD ITA +8’50’’
39. Alessandro ROMELE AQD ITA +9’54’’
40. Vinzent DORN BAI GER +10’28’’
41.Didier MUNYANEZA RWA RWA +11’24’’
42. Jan KINO SQD BEL +11’48’’
43. Eric MUHOZA RWA RWA +11’52’’
44. Jonathan VERVENNE SQD BEL +11’55’’
45.Milan DONIE* LDD BEL +12’19’’
46.Pablo TORRES ARIAS* UAZ ESP +12’31’’
47.Alexander SALBY BWB DEN +12’45’’
48. Yoel HABTEAB* BAI ERI +13’13’’
49. Anze RAVBAR* UAZ SLO +14’06’’
50. Lorenz VAN DE WYNKELE LDD BEL +16’19’’
51. Patrick BYUKUSENGE JIT RWA +16’42’’
52. Baptiste VADIC TEN FRA +17’30’’
53. Ben ASKEY* CGF GBR +17’59’’
54. Sébastien VAN POPPEL BWB BEL +18’50
55. Amir Jafare TAHA* ETH ETH +20’45’’
56. Christopher ROUGIER LAGANE MRI MRI +22’19’’
57. Itamar EINHORN IPT ISR +24’06’’
58. Zeray Nahom ARAYA ERI ERI ’’
59. Tars POELVOORDE* LDD BEL +24’08’’
60. Alexandre VINOKUROV AQD KAZ +26’18’’
61. Ronan AUGE* CGF FRA +26’26’’
62. Shemu NSENGIYUMVA MSR RWA +26’28’’
63. Manuel PENALVER ANIORTE PTK ESP +26’50’’
64. William PIAT MRI MRI +31’41’’
65. Eric KRÖS RSA RSA +32’06’’
66. Daniel LOUBSER RSA RSA +32’20’’
67. Dillon GEARY RSA RSA +34’30’’
68. Gay SAGIV IPT ISR +37’58’’
69. Henri Alexandre MAYER MRI MRI +38’38’’
70. Jelle HARTEEL SQD BEL +39’35’’
71. Tyler LANGE RSA RSA +41’49’’
72. Etienne TUYIZERE JIT RWA ’’
73. Ayoub SAHIRI ALG ALG +44’53’’
74. Hailemelekot HAILU ETH ETH +49’38’’
75. Solomon MEKURIA* ETH ETH ’’
76. Gregory MAYER MRI MRI +49’56’’
77. Joseph ARERUYA JIT RWA +52’50’’
78. Dawid TEWELDBRHAN MSR ERI +1h13’23’’
79. Viachaslau SHAPKOUSKI* MSR *** +1h15’37’

REINDERINK Pepijn ukinira Soudal - Quick-Step Devo Team ni we wahise wambara Maillot Jaune

Ku i Saa tanu zuzuye ni bwo abakinnyi 95 bari bahagurutse mu mujyi wa Muhanga berekeza i Kibeho mu karere ka Nyaruguru.

Bamaze kugenda kilometero ebyiri, abakinnyi batatu bahise basohoka mu gikundi ari bo
Alexander Meyer (Mauritius), Nsengiyumva Shemu (May Stars) na Munyaneza Didier (Rwanda), banakomeje kuyobora isiganwa kugera mu karere ka Huye aho bari banasize abandi iminota 7.

Abakinnyi batatu b’imbere bakomeje gukorana neza, ariko igikundi cya kabiri cyari kiyobowe n’ikipe ya Soudal-QuickStep batangiye kubasatira aho barenze umujyi wa Huye hasigayemo ikinyuranyo cy’iminota 4.

Bageze mu karere ka Huye bakomeje berekeza kuri Kaminuza y’u Rwanda aho bakomeza mu murenge wa Mukura ndetse no ku Kanyaru hafi y’umupaka.

Mu bilometero 20 bya nyuma by’isiganwa, abakinnyi batatu bari bayoboye isiganwa igikundi cyaje kubashikira, isiganwa ritangira kuyoborwa na Milan Donie wo mu ikipe ya Lotto-Dstny, ariko acungirwa hafi na Alexander Meyer wa Mauritius.

Habura ibilometero 13, Manizabayo Eric yasohotse mu gikundi abanza gusiga abandi amasegonda 12, ariko Teugels wa Bingoal ahita amukurikira aramushikira.

Habura kilometero 5, igikundi cyaje gushyikira babiri bari bayoboye, nyuma hatangira kubaho gucungana ngo hatagira ubanyura mu rihumye. Mu bilometero 4 bya nyuma, Pierre Latour wa TotalEnergies wanakinnye Tour de France , na Zeray Araya wa Eritrea basohotse mu gikundi.

Ntibyabahiriye kuko igikundi cyaje kubashikira, abakinnyi bagera aho basoreza begeranye ariko Umunya-Israel Itamar Einhorn (Israel-Premier Tech) abatanga kurenga umurongo, yegukana agace Muhanga-Kibeho.

Umunya-Israel Itamar Einhorn wegukanye agace Muhanga-Kibeho

---

]]>

Kuri iki Cyumweru tariki 18/02, ni bwo hatangiye isiganwa mpuzamahanga Tour du Rwanda, ryakinwaga ku nshuro ya 16.

Ku munsi wa mbere w’isiganwa, hakinwe agace ko gusiganwa n’igihe mu makipe, hakarebwa ibihe buri kipe yakoresheje, aho ikipe yahagurukaga buri minota itatu.

Areruya Joseph ukinira Java Inovotec

Ikipe ya May Stars yo mu Rwanda iri gukina iri siganwa ku nshuro ya kabiri, ni yo kipe yahagurutse bwa mbere, gusa ku rutonde rusange yaje kuba iya nyuma.

Abasiganwa bahagurukiye kuri BK Arena

Ikipe ya Soudal-Quickstep yo mu Bubiligi ni yo yaje ku mwanya wa mbere ikoresheje iminota 20 n’amasegonda 32, ikurikirwa na Israel Premier Tech yakoresheje iminota 21 n’amasegonda 8.

Jonathan Vervenne wa Soudal QuickStep ni we wahise yambara Maillot Jaune

Uko amakipe yakurikiranye muri rusange

1.SOUDAL-QUICKSTEP: 20’32’’
2. ISRAEL-PREMIER TECH: 21’08’’
3.LOTTO-DSTNY: 21’24’’
4.UAE : 21’26’’
5.TOTAL ENERGIES: 21’27’’
6.ERITREA : 21’39’’
7.ASTANA : 21’43’’
8.GROUPAMA-FDJ: 21’52’’
9.RWANDA: 21’56’’
10.POLTI-KOMETA : 22’02
11.BINGOAL-WB: 22’08’’
12.SOUTH AFRICA : 22’43’’
13.JAVA-INOVOTEC: 22’47’’
14.BIKE AID 22’50’’
15.CMC AFRICA : 23’07’’
16.MAURITIUS : 23’10’’
17.ALGERIA : 24’00’’
18.ETHIOPIA : 24’02’’
19.MAY STARS: 25’31’’

Kuri uyu wa Mbere, abasiganwa barahagurukira mu karere ka Muhanga ku i Saa tanu zuzuye, bakasoreza i Kibeho mu karere ka Nyaruguru, aho bazakora intera ya kilometero 129.4.

Kuri iki Cyumweru tariki 18 Gashyantare 2024, mu Rwanda haratangira isiganwa mpuzamahanga rizenguruka u Rwanda ’Tour du Rwanda’, rizaba rikinwa ku nshuro ya 16 kuva mu mwaka wa 2008 ritangiye kuba mpuzamahanga.

Tour du Rwanda iratangira kuri iki cyumweru, iyi ni inzira y’agace ka mbere

Isiganwa ry’uyu mwaka rizaba ririmo amakipe akomeye ndetse n’abakinnyi bakomeye, barangajwe imbere na Chris Froome wegukanye Tour de France inshuro 4, ndetse n’abandi bakinnyi barindwi bakinnye Tour de France mu bihe bitandukanye.

Areruya Joseph, Valens Ndayisenga na Samuel Mugisha ni bamwe mu banyabigwi ba Tour du Rwanda

Kugeza ubu Umunyarwanda Valens Ndayisenga, n’umunya-Eritrea Tesfatsion Natnael ni bo bamaze kuyegukana kenshi, aho buri wese yayitwaye inshuro ebyiri, gusa iyi nshuro muri bombi nta n’umwe uzitabira.

Valens Ndayisenga amaze kwegukana Tour du Rwanda inshuro ebyiri

Abamaze kwegukana Tour du Rwanda inshuro nyinshi

1 Ndayisenga Valens 2 (2014, 2016)
2 Tesfatsion Natnael 2 (2020, 2022)
3 Girdlestone Dylan 1 (2013)
4 Areruya Joseph 1 (2017)
5 Nsengimana Jean Bosco 1 (2015)
6 Rodríguez Cristián 1 (2021)
7 Mugisha Samuel 1 (2018)
8 Mulubrhan Henok 1 (2023)
9 Kudus Merhawi 1 (2019)
10 Reijnen Kiel 1 (2011)
11 Lill Darren 1 (2012)
12 Jelloul Adil 1 (2009)
13 Teklehaimanot Daniel 1 (2010)

Abamaze kwitabira Tour du Rwanda inshuro nyinshi

1 Nsengimana Jean Bosco 12 2012 2023
2 Byukusenge Patrick 11 2013 2024
3 Eyob Metkel 10 2012 2024
4 Hategeka Gasore 9 2009 2017
5 Lagab Azzedine 8 8 2013 2022
6 Byukusenge Nathan 8 2009 2016
7 Kangangi Suleiman 8 (2011-2020)
8 Uwizeyimana Bonaventure 8 (2012-2019)
9 Mugisha Samuel 7 (2016-2022)
10 Ndayisenga Valens 7 (2013-2019)
11 Ruhumuriza Abraham 7 (2009-2016)
12 Uwizeye Jean Claude 7 (2014-2020)
13 Hadi Janvier 6 (2011-2018)
14 Buru Temesgen 6 (2013-2020)
15 Areruya Joseph 6 (2015-2021)
16 Mwangi Samwel 6 (2009-2016)
17 Niyonshuti Adrien 6 (2009-2018)
18 Biziyaremye Joseph 6 (2011-2016)
19 Munyaneza Didier 6 (2017-2024)
20 Mugisha Moise 6 (2018-2024)
21 Manizabayo Eric 6 (2018-2023)

Abamaze kwegukana agace (Etapes/Stages) inshuro nyinshi

1. RESTREPO Jhonatan Valencia 6
2. NDAYISENGA Valens 5
3. EYOB Metkel 5
4. NSENGIMANA Jean Bosco 5
5. BOILEAU Alan 4
6. LAGAB Azzedine 4
7. DEBESAY Mekseb 4
8. REIJNEN Kiel 4
9. KUDUS Merhawi 3
10. RUGG Timothy 3

IMIBARE Y"INGENZI KURI TOUR DU RWANDA 2024

Muri iyi Tour du Rwanda ya 2024, abakinnyi 57 mu 100 bahwanye na 60% bazayitabira bazaba ari bashya, bivuze ko ari ubwa mbere bazaba bakinnye Tour du Rwanda, mu gihe umwaka ushize wa 2023 abakinnyi bashya bari 70.5%.

Umugabane wa Afurika ni wo uzaba ufitemo abakinnyi benshi (46) barimo 14 bakomoka mu Rwanda, u Burayi buzaba bufite abakinnyi 41, Asie Océanie abakinnyi batanu (5), naho Amerika ikagira batatu (3).

Mu gihe kuva mu mwaka wa 2009 Tour du Rwanda imaze kwitabirwa n’abakinnyi 754, uyu mwaka ubwenegihugu (nationalités) bushya buzagaragaramo ni butatu (UAE, Biélorussie na Monaco), mu gihe abazitabira uyu mwaka muri rusange bakomoka mu bihugu 24 bitandukanye.

Amakipe 7 mashya azagaragara muri Tour du Rwanda 2024, ari yo Astana Qazaqstan Development (Kazakhstan), Team Polti-Kometa (Italie), UAE Team Emirates Gen Z (UAE), Groupama-FDJ Conti (France), Lotto DSTNY Development (Belgique), Bingoal WB (Belgique) na Java-Inovotec (Rwanda), mu gihe 2023 amashya yari amakipe 9, naho 2022 yari 5.

Ibihugu bifite abakinnyi benshi

Rwanda (14)
U Bubiligi (11)
Erythrée (9)
France (8)
Ethiopie (7)

Ibihugu byagize abakinnyi benshi kuva muri 2009 kugeza 2024:

1. Rwanda : 226
2. France : 99
3. Erythrée : 93
4. Afrique du Sud : 77
5. Ethiopie : 60
6. Kenya : 57
7. Algérie : 49
8. Belgique : 43
9. USA : 33
10. Cameroun : 32

Mu gihe Jean-Bosco Nsengimana ari we mukinnyi umaze kwitabira Tour du Rwanda inshuro nyinshi ariko ubu akaba atazakina, mu bakinnyi bazitabira ubu bafite inshuro nyinshi ni Patrick Byukusenge (11), Metkel Eyob (10), Azzedine Lagab (9), Joseph Areruya (7) na Eric Manizabayo (7).

Igihugu cya Eritrea ni cyo kimaze kwegukana uduce (etape) twinshi (26), igakurikirwa n’u Rwanda (19), u Bufaransa (11), Afurika y’Epfo na Maroc (9), Colombie na USA (8).

Abakinnyi batadatu muri aba begukanye uduce, ni bo gusa bazakina iyi Tour du Rwanda ari bo: Jhonatan Restrepo, Metkel Eyob, Azzedine Lagab, Moise Mugisha, Merhawi Kudus na Joseph Areruya.

Ku myaka 20 n’amezi 8, Samuel Mugisha ni we wegukanye Tour du Rwanda akiri muto mu mwaka wa 2018, agakurikirwa na Natnael Tesfazion wayitwaye afite imyaka 20 n’amezi 9 mu mwaka wa 2020, mu gihe ku myaka 18 n’amezi 10, Merhawi Kudus ari we watwaye etape akiri muto mu mwaka wa 2012.

Harimo abakinnyi benshi bakinnye Tour de France barangajwe imbere na Chris Froome

Mu bakinnyi bazitabira Tour du Rwanda 2024, abakinnyi 8 babashije gukina isiganwa "Tour de France" ari bo: Chris Froome (inshuro 10 anayitwara inshuro 4), Julien Simon (8), Pierre Latour (5), Tsgabu Grmay (3), Merhawi Kudus (1), Paul Ourselin (1) na Fabien Doubey (1).

Tour du Rwanda 2024 iratangira mu minsi ine

Mu gihe habura iminsi ine gusa ngo hatangire Tour du Rwanda 2024, urutonde rw’abakinnyi bazitabira iri siganwa mpuzamahanga rizenguruka u Rwanda, rigiye gukinwa ku nshuro ya 16.

Chris Froome wishimwe n’abatari bake agiye kongera gukina Tour du Rwanda

Ni urutonde ruyobowe na VINOKUROV Alexandre uzaba wambaye no1, akaba akinira ikipe ya Astana Qazaqstan Development Team y’iwabo muri Kazakstan. Harimo kandi abakinnyi nka Chris Froome wegukanye Tour de France inshuro 4, akazaba yambaye no 41.

Abakinnyi 100 bazakina Tour du Rwanda batangajwe

Urutonde rw’abakinnyi bose

Astana Qazaqstan Development Team (CT)

1. VINOKUROV Alexandre
2. AGUILERA Nil
3. ROMELE Alessandro
4. ZANINI Simone
5. DOSTIYEV Ilkhan

– 
Soudal - Quick-Step Devo Team (CT)

11. LECERF William Junior
12. VERVENNE Jonathan
13. REINDERINK Pepijn
14. KINO Jan
15. HARTEEL Jelle

21. LATOUR Pierre
22. DOUBEY Fabien
23. SIMON Julien
24. OURSELIN Paul
25. VADIC Baptiste

– 
South Africa (NAT)

31. CRAUSE Pedri
32. LOUBSER Daniel
33. KROS Eric
34. GEARY Dillon
35. LANGE Tyler

Israel - Premier Tech (PRT)

41. FROOME Chris
42. EINHORN Itamar
43. SAGIV Guy
44. BLACKMORE Joseph
45. KRETSCHY Moritz

BIKE AID (CT)

51. BERLIN Antoine
52. YEMANE Dawit
53. MATTHEIS Oliver
54. HABTEAB Yoel
55. DORN Vinzent

– 
Rwanda (NAT)

61. NIYONKURU Samuel
62. MUHOZA Eric
63. MANIZABAYO Eric
64. MASENGESHO Vainqueur
65. MUNYANEZA Didier

Team Polti Kometa (PRT)

71. GÓMEZ Germán Darío
72. GAROSIO Andrea
73. PEÑALVER Manuel
74. SERRANO Javier
75. RESTREPO Jhonatan

UAE Team Emirates Gen Z (CT)

81. GLIVAR Gal
82. COLE Owen
83. JASIM AL-ALI Abdulla
84. RAVBAR Anže
85. TORRES Pablo

Development Team dsm-firmenich PostNL (CT)

91. BARHOUMI Ilian Alexandre
92. VLOT Mees
93. BUSH Jacob
94. PEACE Oliver
95. GAL Ryan

Equipe continentale Groupama-FDJ (CT)

101. SAVIOZ Colin
102. ROLLAND Brieuc
103. GOLLIKER Joshua
104. AUGÉ Ronan
105. ASKEY Ben

Lotto Dstny Development Team (CT)

111. DONIE Milan
112. POELVOORDE Tars
113. CURRIE Logan
114. EEMAN Kamiel
115. VAN DE WYNKELE Lorenz

– 
Ethiopia (NAT)

121. MEKURIA Solomon
122. HAILU Hailemelekot
123. REDAE Bizay Tesfu
124. TEKLEHAYMANOT Tesfay
125. TAHA Jafar

– 
Algeria (NAT)

131. REGUIGUI Youcef
132. LAGAB Azzedine
133. N’HARI Mohamed Amine
134. AMARI Hamza
135. MANSOURI Islam

– 
May Stars (CT)

141. NSENGIYUMVA Shemu
142. NGENDAHAYO Jeremie
143. HAKIZIMANA Felicien
144. SHPAKOUSKI Viachaslau
145. MUGALU Shafik

UCI WCC Men’s Team (CLUB)

151. GRMAY Tsgabu
152. AMAN Awet
153. FERKOUS Ayoub
154. SHYAKA Janvier
155. ROGORA Kiya

Eritrea (NAT)

161. KUDUS Merhawi
162. EYOB Metkel
163. AREFAYNE Aklilu
164. ZERAI Nahom
165. MULUGETA Yafiet

Bingoal WB (PRT)

171. SALBY Alexander
172. TEUGELS Lennert
173. VAN POPPEL Sébastien
174. MEENS Johan
175. VILLA Giacomo

Mauritius (NAT)

181PIAT William
182MATOMBE Hanson
183MAYER Alexandre
184ROUGIER-LAGANE Christopher
185MAYER Gregory

Java - Inovotec Pro Team (CT)

191. ARERUYA Joseph
192. TUYIZERE Etienne
193. TUYIZERE Hashimu
194. BYUKUSENGE Patrick
195. MUGISHA Moise

Ikibuga n’aho kwicara hararangiye, ubu hari gukorwa tapis yo gusiganwa izengurutse ikibuga

Ikibuga cy’umupira w’amaguru kizaba kigizwe n’ubwatsi bugezweho buzwi nka Hybrid, bukaba ari ubwatsi bukubiyemo ubwatsi kimeza ndetse n’ubwatsi bw’ubukorano, bukaba ari na bwo buri ku kibuga cy’imyitozo kiri inyuma ya Stade Amahoro.

Iyi Stade izaba irimo ikibuga cyagenewe gukorerwaho amasiganwa (running track), bikazaba ari na ko bimeze ku kibuga cy’imyitozo cy’inyuma ya Stade, na cyo kikazaba gifite amatara ku buryo cyazajya kinakoreshwa mu masaha y’ijoro.

Usibye ikibuga cy’imyitozo cy’umupira w’amaguru, inyubako izwi nka Petit Stade na yo yamaze kuvugururwa ishyirwamo intebe zijyanye n’igihe, ndetse n’igisenge kirazamurwa kugira ngo kijyane n’ibipimo mpuzamahanga bisabwa ku mikino y’intoki, ikazaba yo yakira abantu 1000.

Iruhande rwa Petit Stade, na ho havuguruwe inyubako isanzwe ikinirwamo imikino y’abafite ubumuga, iyi na yo ibikorwa by’ingenzi bikaba byararangiye.

Mu gihe kubaka Stade Amahoro n’izindi nyubako ziyishamikiyeho bigeze ku kigero cya 87%, biteganyijwe ko nibura mu kwezi kwa 5/2024 ibikorwa byose bizaba byarangiye, hagategerezwa igihe izatangira gukoresherezwa.

Ibikorwa by’ingenzi byararangiye

Intebe zamaze kugera muri Stade yose

Aho abafana bicara hose haratwikiriye

Ubwatsi bw’ikibuga bunogeye ijisho

Stade Amahoro ubu irimo ubwatsi bugezweho

Ahazajya hacururizwa ibyo kunywa no kurya na ho hari kurangira

Urebeye muri Stade Amahoro imbere, aha ni ahari ikibuga cy’imyitozo

Ikibuga cyimyitozo kizaba gifite ubwatsi nk’ubwa Stade Amahoro, nacyo cyamaze gukorwa

Usibye ikibuga cy’umupira w’amaguru cy’imyitozo, hari no gukorwa ibindi bibuga by’imikino y’intoki

Patit Stade izajya yakira abantu 1000

Inyubako ya Petit Stade na yo isa nk’iyarangiye

Igisenge cya Petit Stade cyarongerewe

Imirimo iragana ku musozo muri Petit Stade

Aho abafana bazajya bazamukira bajya mu byicaro byabo muri Petit Stade

Stade Amahoro na Petit Stade, imbere yazo hari kubakwa parking

Petit Stade Amahoro izajya abantu 1000

Inyubako ya Petit Stade iri kugana ku musozo

Kuri uyu wa Gatandatu tariki 27/01/2024, i Cairo mu Misiri hasojwe igikombe cya Afurika cya Handball cyakinwaga ku nshuro yacyo ya 26.

Ubwo iki gikombe cyasozwaga, habayeho umuhango wo gushyikiriza u Rwanda ibendera ry’impuzamashyirahamwe y’umukino wa Handball muri Afurika, nk’igihugu kizakira igikombe cya Afurika.

Igikombe cya Afurika cya 2026 kizabera mu Rwanda

Iki gikombe cya Afurika kizaba gikinwa ku nshuro ya 27, kikazabera mu Rwanda mu mujyi wa Kigali, u Rwanda rukazaba ari inshuro ya kabiri rugikinnye nyuma y’icyasojwe uyu munsi i Cairo mu Misiri.

Mu gikombe cya Afurika cya Handball kiri kubera i Cairo mu Misiri, u Rwanda rwabonye intsinzi ya kabiri nyuma yo kwihererana ikipe y’igihugu ya Kenya.

U Rwanda rwakinnye na Kenya nyuma y’uko rwari rwatsinzwe n’ikipe y’igihugu ya Gabon, naho Kenya igatsindwa n’igihugu cya Cameroun.

Muri uyu mukino wo guhatanira imyanya kuva ku wa 13 kugera ku wa 16, u Rwanda rwitwaye neza rutsinda Kenya ibitego 32 kuri 24, mu gihe igice cya mbere cyari cyarangiye u Rwanda rutsinze ibitego 19-10.

Muri uyu mukino kandi, umunyarwanda Samuel Mbesutunguwe ni we watowe nk’umukinnyi mwiza ari nawe wanatsinze ibitego byinshi (12), kikaba ari igihembo ahawe ku nshuro ya kabiri.

Mbesutunguwe Samuel yatowe nk’umukinnyi mwiza ku nshuro ya kabiri

U Rwanda rurasubira mu kibuga kuri uyu wa Gatanu tariki 26/01 ruhura n’ikipe ya Congo Brazzaville, izatsinda ikazaba ari yo yegukana umwanya wa 13.

Kuri uyu wa Gatatu muri Cote D’Ivoire haraza gukinwa imikino ya nyuma y’imikino y’amatsinda, ahasigaye gukina matsinda abiri ya nyuma kugira ngo hamenyekane amakipe 16 agomba kwerekeza muri 1/8 cy’irangiza.

Ku i Saa moya zuzuye ku masaha yo mu Rwanda, ku kibuga cy’ubwatsi bw’umwimerere cyizwo nka San Pedro-Stade Laurent Pokou, haraza gukinirwa umukino uhuza ikipe ya Mali na Namibia.

Samuel Uwikunda arasifura umukino wa kabiri ari mu kibuga hagati

Ni umukino uza kuyoborwa n’umunyarwanda Samuel Uwikunda uza gusifura mu kibuga hagati, aho uza kuba ubaye umukino wa kabiri muri aya marushanwa nyuma y’uwa Equatorial Guinea na Guinea-Bissau.

Samuel UWIKUNDA si we munyarwanda wenyine uza kugaragara kuri uyu mukino, aho ahubwo aza kuba anari kumwe n’umunhyarwandakazi Salima Mukansanga uza kuba ari mu basifuzi bunganira abandi hifashishimwe amashusho (VAR).

Salima Mukansanga araba ari ku mashusho ya VAR

Abasifuzi b’uyu mukino

Samuel Uwikunda: Umusifuzi wo hagati

Adou Hermann Desiré N’GOH (Côte D’ivoire): Umusifuzi wo ku ruhande wa mbere
Nouho QUATTARA (Côte D’ivoire): Umusifuzi wo ku ruhande wa kabiri
Ibrahim Kalilou TRAORE (Côte D’ivoire): Umusifuzi wa kane
LAHLOU BENBRAHAM (Algérie): Video Assistant Referee
Salima Rhadia MUKANSANGA (Rwanda): Assistant VAR

Ni umukino witezwe na benshi, barangajwe imbere na Côte D’ivoire

Muri iri tsinda rya gatanu (E), kugeza ubu ntibirasobanuka kuko amakipe yose aracyafite amahirwe yo kuzamuka muri 1/8, aho Mali ari iya mbere n’amanota 4, Afrika y’Epfo iya 2 n’amanota 3 n’ibitego bibiri izigamye, Namibia iya 3 n’amanota 3 ariko ikagira umwenda w’ibitego 3, naho Tunisia ikaba iya 4 n’inota rimwe.

Usibye amakipe aba aya mbere mu itsinda, amakipe ane yitwaye neza mu makipe 6 yabaye aya gatatu mu itsinda, nayo araza kubona itike ya 1/8 cy’irangiza, aho muri iri tsinda buri kipe yose igifite amahirwe. Ikipe ya Côte D’ivoire yakiriye iri rushanwa nayo nyuma yo kunyagirwa ku munsi wa nyuma w’amatsinda na Guinea, ni imwe mu makipe ategereje kureba uko ikipe ya gatatu muri iri tsinda isoza imikino yayo ihagaze, kugira ngo imenye niba ikomeza cyangwa isezererwa.

Rutahizamu ukomoka mu gihugu cy’u Burundi Shabani Hussein Tchabalala, yamaze kugaruka muri shampiyona y’u Rwanda aho yongeye kwerekeza mu ikipe ya AS Kigali, ikipe yagiriyemo ibihe byiza birimo kwegukana igikombe cy’Amahoro.

Tchabalala yasubiye muri AS Kigali

Shabani Hussein Tchabalala wakiniye ikipe ya AS Kigali kuva mu mwaka wa 2020, yaje kuyivamo yerekeza mu ikipe ya Al Ta’awon, aho yakinanaga n’umunyarwanda Haruna Niyonzima banakinanye muri AS Kigali.

Nyuma yo gukinira iyi kipe yo muri Libya imikino itanu gusa aho yayitsindiye igitego agatanga n’imipira ibiri yavuyemo ibitego, iyi kipe yamaze gutandukana nayo agaruka mu Rwanda, aho ikipe ya AS Kigali ibinyujije ku mbuga nkoranyambaga zayo yamaze kumuha ikaze.

The King of Goals is Back ⚽👊

North to south, East to West home is the Best

Welcome back home Tchaba💫#Citizens. #HigherthanAclub pic.twitter.com/CnK7MBYCx8

— AS KIGALI (@AS_KigaliFC) January 23, 2024

Shabani Hussein Tchabalala yanyuze mu makipe y’i Burundi arimo Flambeau de l’Est na Vital’o, ahava aza mu Rwanda mu ikipe y’Amagaju, nyuma yerekeza muri Rayon Sports yayifashije kugera mu matsinda na 1/4 bya CAF Champions League.

Nyuma Rayon Sports yayivuyemo yerekeza muri Afurika y’Epfo mu ikipe ya Baroka ariko ntiyahagirira ibihe byiza kuko atabashije gukina, nyuma yagiye muri Ethiopian Coffee yo muri Ethiopia, avamo agaruka muri Bugesera ndetse akomereza muri AS Kigali

Ku munsi wa nyuma w’imikino y’amatsinda, Ikipe y’igihugu y’u Rwanda ya Handball yatsinze umukino wa mbere mu gikombe cy’Afurika, itsinze Zambia ibitego 36-25.

U Rwanda rwatsinze umukino wa mbere

Ni umukino wabereye mu nyubako ya kabiri ya Cairo Stadium, aho amakipe yombi yahataniraga umwanya wa gatatu mu itsinda.

Umukino ugitangira mu munota wa mbere u Rwanda rwabonyemo ikarita y’umuhondo n’igihano cy’iminota ibiri yahawe Kubwimana Emmanuel, naho igitego cya mbere kiboneka ku munota wa 3 gitsinzwe na Zambia.

Zambia yatangiye kugenda igenda imbere y’u Rwanda kugeza ku munota wa 10 ubwo ikipe y’igihugu y’u Rwanda yari yamaze kujya imbere ifite ibitego 6-4.

U Rwanda rwatangiye kuyobora umukino rubifashijwemo n’abakinnyi nka Mbesutunguwe Samuel na Kubwimana Emmanuel bagoye cyane ikipe ya Zambia, igice cya mbere kirangira u Rwanda rutsinze ibitego 18 kuri 12.

Mu gice cya kabiri, u Rwanda rwugariraga neza rwanakomeje kuyobora umukino, uza kurangira u Rwanda rubonye intsinzi y’ibitego 36 kuri 25 bya Zambia.

Mbesutunguwe Samuel w’u Rwanda wahize abandi mu gutsinda ibitego byinshi, ni nawe watowe nk’umukinnyi mwiza w’umunsi (MVP).

Mbesutunguwe Samuel yatowe nk’umukinnyi mwiza

Nyuma yo gusoza imikino y’amatsinda ku mwanya wa gatatu, u Rwanda ruzakina na Gabon yabaye iya kane mu itsinda C, bahatanira imyanya mu irushanwa ryiswe President’s Cup.

Kuri uyu wa Gatanu mu nyubako y’imikino y’intoki ya Cairo Stadium, habereye umukino wa kabiri mu itsinda A, aho u Rwanda rwahuraga na DR Congo.

U Rwanda ni rwo rwatangiye ruyobora umukino aho rwatsinze ibitego bine (4) DR Congo itarabona igitego, byatsinzwe na Mbesutunguwe Samuel, Kayijamahe Yves na Kubwimana Emmanuel.

Ikipe ya DR Congo yaje kwinjira mu mukino itsinda ibitego bibiri, u Rwanda rutsinda ikindi kimwe biba ibitego 5-2. DR Congo yaje guca ku Rwanda ndetse itangira kuyobora umukino, nyuma y’uko banganyaga 7-7.

DR Congo yakomeje kuyobora umukino, aho igice cya mbere cyaje kurangira DR Congo itsinze ibitego 18-11. Igice cya kabiri nacyo u Rwanda rwagitangiye rutuzuye, aho Muhumure Elysé w’u Rwanda yari yahawe igihano cy’iminota ibiri.

Mu minota 10 ya mbere y’igice cya kabiri ibitego DR Congo yari ifite ibitego 25 kuri 14, umukino uza kurangira DR Congo itsinze u Rwanda ibitego 38-20.

Nyuma yo gutsinda uyu mukino, u Rwanda rwatakaje amahirwe yo kugera muri 1/4, rukazakina umukino wa nyuma w’amatsinda na Zambia ku Cyumweru tariki 21/01/2024.

Nyuma y’imikino y’amatsinda amakipe abiri ya mbere mu itsinda arerekeza muri 1/4, mu gihe iya 2 n’iya 3 zizakomeza mu mikino yo guhatanira imyanya izwi nka President’s Cup mu mukino wa Handball.

Kuri uyu wa Gatatu i Cairo mu Misiri hatangiye igikombe cya Afurika mu bagabo, igikombe kiri gukinwa ku nshuro ya 26, kikaba cyaritabiriwe n’ibihugu 16 birimo n’u Rwanda.

Igihugu cy’u Rwanda ni ubwa mbere cyitabiriye iki gikombe cya Afurika, kikaba cyatangiye imikino y’amatsinda gikina n’ikipe ya Cap Vert yabaye iya kabiri mu gikombe cya Afurika giheruka kuba mu mwaka wa 2022.

Ni ubwa mbere u Rwanda rwitabiriye igikombe cya Afurika

Ikipe ya Cap-Vert yatsinze u Rwanda mu mukino wa mbere

Ikipe y’u Rwanda yatangije umupira ni nayo yatsinze igitego cya mbere ariko Cap Vert iza guhita icyishyura ndetse itangira no kuyobora umukino, igice cya mbere kiza kurangira Cap Vert itsinze u Rwanda ibitego 24 kuri 13.

Muhawenayo Jean Paul, Kapiteni w’ikipe y’igihugu y’u Rwanda

Umukino waje kurangira ikipe y’igihugu ya Cap-Vert itsinze u Rwanda ibitego 52 kuri 27, ikipe ya Cap-Vert ihita inayobora itsinda by’agateganyo nyuma y’umunsi wa mbere w’imikino y’amatsinda. Paulo Moreno wa Cap-Vert ni we watoranyijwe nk’umukinnyi witwaye neza (Player of the Match) aho ari nawe watsinze ibitego byinshi (7) kimwe na bagenzi be, Pina Delcio na Araujo Demilson watsinze ibitego bose batsinze 7.

Ku ruhande rw’u Rwanda abakinnyi batsinze ibitego byinshi ni Kubwimana Emmanuel, Kayijamahe Yves na Mbesutunguwe Samuel (waje kuvunika) batsinze ibitego bine (4) kuri buri wese, mu gihe Muhawenayo Jean Paul na Muhumure Elyse batsinze ibitego 3 buri wese.

Mu itsinda rya mbere u Rwanda ruherereyemo ikipe y’igihugu ya Republika iharanira Demokarasi ya Congo yatsinze ikipe ya Zambia ibitego 40 kuri 21. Imikino yo mu itsinda A izakomeza ku wa Gatanu tariki 19/01/2024 u Rwanda ruhura na Republika iharanira Demokarasi ya Congo.

Andi mafoto yaranze umukino w’u Rwanda na Cap-Vert

Ikipe ya AS Kigali iheruka gutandukana n’umutoza Casa Mbungo André, yamaze gushyiraho Guy Bukasa ukomoka muri DR Congo nk’umutoza mukuru.

Guy Bukasa

Welcome to the AS Kigali family coach Guy BUKASA 🌟#Citizens #HigherThanAclub pic.twitter.com/nIqzIu20Fq

— AS KIGALI (@AS_KigaliFC) December 28, 2023

Warren Zaïre-Emery, ni umwe mu bakinnyi bakiri bato isi ihanze amaso, dore ko ku myaka 17 yamaze kuba umwe mu bakinnyi iyi kipe igenderaho, nyuma yo gutangira gukina mu makipe yayo y’abakiri bato kuva afite imyaka 8.

Warren Zaïre-Emery akigera mu Rwanda

Uyu musore ukina mu kibuga hagati yaje mu Rwanda yaraye akinnye umukino ikipe ye ya Paris Saint-Germain yatsinzemo Metz FC ibitego 3-1.

Warren Zaïre-Emery yahuye n’abana bo muri Academy ya Paris Saint-Germain

Akigera mu Rwanda yabanje kuganira n’itangazamakuru aho yatangaje ko yishimiye kugera mu Rwanda, akaba yishimiye gusura ibyiza bitatse u Rwanda birimo ingagi zo mu birunga, ikiyaga cya Kivu, ndetse akanasobanukirwa amateta yaranze u Rwanda.

Nyuma yaho yahise yerekeza kuri Kigali Pele Stadium aho yahuriye n’abana babarizwa mu ishuri ry’umupira w’amaguru rya Paris Saint-Germain, bakinana umupira, baraganira ndetse banifitoza amafoto y’Urwibutso.

Warren Zaïre-Emery kandi nyuma yaje kwerekeza ku rwibutso rwa Jenoside yakorewe Abatutsi mu mwaka wa 1994, ruherereye i Gisozi mu mujyi wa Kigali, asobanurirwa amateka y’u Rwanda kuva mbere ya Jenoside, anunamira inzirakarengane zishyinguye mur uru rwibutso.

Ibyo wamenya kuri Warren Zaïre-Emery

Warren Zaïre-Emery ni umukinnyi w’umufaransa w’imyaka 17 kugeza ubu, akaba yaravutse tariki 08/03/ 2006, akurira i Paris ari naho yatangiriye gukina umupira w’amaguru. Ku myaka 8 yinjiye mu ikipe ya Paris Saint-Germain ahereye mu bakiri bato nyuma aza no kujya mu ikipe nkuru.

Tariki 06/08/2022, ubwo yari afite imyaka 16 yinjiye mu mateka yo kuba umukinnyi ukiri muto ukiniye ikipe ya Paris Saint-Germain, aza kandi no gukora andi mateka tariki 18/11/2023 yo kuba umukinnyi ukiri muto utsindiye ikipe y’igihugu, anaba umukinnyi ukiri muto uyikiniye.

Reba ibindi muri izi Videwo:

Videwo: Eric Ruzindana/Kigali Today

Mu gitondo cyo kuri uyu wa Kane tariki 14/04/2023, ni bwo myugariro wa Arsenal Jurriën Timber yageze mu Rwanda muri gahunda y’amasezerano Leta y’u Rwanda ifitanye n’ikipe ya Arsenal, arimo kwamamaza ubukerarugendo bw’u Rwanda.

Nyuma yo kugera mu Rwanda, Jurriën Timber wanazanye n’umukunzi we basuye Urwibutso rwa Jenoside yakorewe Abatutsi mu mwaka wa 1994 ruri ku Gisozi mu mujyi wa Kigali, anasobanuriwa amateka y’u Rwanda.

Yasuye Urwibutso rwa Jenoside yakorewe Abatutsi rwa Kigali ruri ku Gisozi

Nyuma yaho, yerekeje kuri Stade ya Kigali i Nyamirambo aho yahuye na bamwe mu bafana b’ikipe ya Arsenal mu Rwanda, ndetse anaganira n’abakinnyi b’ikipe y’abakiri bato ya AS Kigali.

Jurriën Timber yahuye n’abafana ba Arsenal mu Rwanda

Yanasuye AS Kigali y’abakiri bato

Nyuma yaho uyu myugariro Jurriën Timber yerekeje i Remera asura ahari kubakwa Stade Amahoro, Stade biteganyijwe ko imirimo yo kuyubaka izasozwa mu mwaka utaha wa 2024, ikazajya yakira abantu 45,000 bicaye neza.

Reba ibyaranze uruzinduko rwa Jurrien Tumber ku munsi wa mbere

Ku Cyumweru tariki 10 Ukuboza 2023 muri BK Arena habereye ibirori byo gusoza iminsi 16 yo kurwanya ihohoterwa rishingiye ku gitsina, bikaba byarabayemo ubukangurambaga ku rubyiruko rwitabiriye, haba umukino wahuje APR WVC ndetse Police WVC, hanahembwa abantu 13 bakoze ibikorwa by’indashyikirwa muri Siporo.

Ibi birori byari byitabiriwe n’abandi bayobozi mu mashyirahamwe y’imikino itandukanye

Queen Kalimpinya

Ni umwe mu bakobwa bafashe iya mbere mu gukina umukino wo gusiganwa mu mamodoka, aho yatangiye yitabira amasiganwa arimo irya Nyirangarama Sprint Rally, Huye Rally na Rwanda Mountain Gorilla Rally amaze kwitabira inshuro ebyiri.

Queen Kalimpinya yinjiye mu mukino wo gusiganwa mu mamodoka mu mwaka wa 2019

Salima Mukansanga

Ni umusifuzi wakoze amateka muri Afurika no ku isi, aho yakoze amateka yo kuba umugore wa mbere usifuye umukino mu gikombe cya Afurika cyabereye muri Cameroun 2021. Yasifuye kandi igikombe cy’isi cy’abagore cyabereye mu Bufaransa 2019 ndetse n’icyabereye Australia uyu mwaka ndetse n’igikombe cy’isi cy’abagabo cyabereye Qatar 2022.

Liliane Mukobwankawe

Liliane Mukobwankawe, Kapiteni w’ikipe y’igihugu ya Sitting Volleyball

Ni kapiteni w’ikipe y’igihugu ya Volleyball y’abagore ikinwa n’abafite ubumuga (Sitting Volleyball), Hamwe n’ikipe ayoboye bitabiriye imikino Paralempike yabereye I Rio muri Brazil muri 2016 n’iyabereye i Tokyo 2020. muri 2015 yabaye umukinnyi mwiza ugarura imipira (Best Receiver) na 2019 aba umukinnyi mwiza wugarira (Best defender) hombi muri shampiyona nyafurika.

Ishimwe Henriette

Ishimwe Henriette ku myaka 20 amaze kuba umukinnyi wa Cricket uzwi ku rwego mpuzamahanga

Ni umukinnyi w’imyaka 20 akaba akina umukino wa Cricket, aho yabashije gukina igikombe cy’isi muri uyu mukino, aza no guhabwa igihembo muri Werurwe 2023 n’ishyirahamwe ry’umukino wa Cricket ku isi, ahabwa n’igihembo cy’umukinnyi w’ukwezi ku isi.

Joselyne Umulisa

Yabaye umwe mu bakinnyi ba Tennis bakomeye mu Rwanda aho yegukanye amarushanwa atandukanye arimo Genocide Memorial Tournament muri 2019 ndetse na Heroes Cup ya 2020. Nyuma yaho usibye kuba ari n’umutoza wa Tennis, ubu yashinze ikigo cyitwa Tennis Rwanda Childrens Foundation.

Frėre Camille Karemera Rudasingwa

Frėre Camille Karemera Rudasingwa azwi ko kuba ikigo cye cyarazamuye impano nyinshi mu mukino wa Volleyball by’umwihariko abakobwa

Ni umugabo uzwi cyane mu ishuri rya GS St Aloys Rwamagana, aho iri shuri ari rimwe mu bazamuye impano nyinshi z’abakobwa mu mukino wa Volleyball, akaba na we yarashimiwe ibikorwa by’indashyikirwa mu kuzamura siporo y’abakobwa.

Tufaha Uwihoreye

Tufaha Uwihoreye ni umwe mu bashimiwe

Yamenyekanye nk’umukinnyi ukina umukino wo kurwanisha inkota “Fencing” , akaba ayarabey uwa mbere wakinnye igikombe cy’isi inshuro ebyiri mu Burusiya na Egypt, akina shampiyona Nyafurika inshuro ebyiri. Tufaha wize muri Academy d’Arme d’Alageir, ubu yashinze ikipe yitwa Dreams Fencing Club.

Soeur Nyirahuku Philomene

Sr. Nyirahuku Philomene yashimiwe gushyigikira abakobwa bakina Basketball

Azwi ko kuzamura umukino wa Basketball w’abakobwa by’umwihariko mu ishuri rya GSND de Karubanda, aho ari umuyobozi w’abarimu.

Zura Mushambokazi

Izina Zura Mushambokazi, ni izina rizwi muri siporo y’u Rwanda by’umwihariko umukino wa Taekwondo

Iri ni izina rizwi cyane mu mukino wa Taekwondo mu Rwanda n’ahandi, aho Zura Mushambokazi yegukanye imidali ibiri ya zahabu muri “World Taekwondo Hanmdang”, Zura knadi mu mwaka wa 2015 yegukanye igihembo ku isi “Female MVP Award”, ubu akaba ari umutoza wanashinze ikipe ye, ndetse akaba n’umusifuzi wa Taekwondo.

Ingabire Gashagaza Solange

Ingabire Solange ukina akanatoza Karate

Ni umukinnyi, yegukanye umudali wa Bronze nyuma yo kuba uwa gatatu muri shampiyona ya Afurika yabereye muri Senegal, ndetse no muri Tunisia aba uwa 3 mu bakiri bato. Ubu usibye gukina akaba ari umutoza, agasifura ndetse akaba afite n’ishuri rya karate ryitwa Victory Karate Academy. Yitabriye kandi shampiyona y’isi ya Karate i Madrid muri Espagne 2014, ndetse na Bremen mu Budage mu mwaka wa 2013.

Tetero Odile

Ni umwe mu bakinnyi bakiri bato bakina Basketball, akaba akinira ikipe y’igihugu aho mu mwaka wa 2022/2023 yabaye umukinnyi mwiza (MVP) muri shampiyona y’u Rwanda, aba umukinnyi mwiza muri Africa Women Basketball League ya 2023 yabereye mu Rwanda.

Munezero Valentine

Ni kapiteni w’ikipe y’igihugu y’abakobwa ya Volleyball y’abakuru aho yanabaye kapiteni w’ikipe y’igihugu y’abatarengeje imyaka 20. Usibye gujina Volleyball isanzwe anakina Volleyball yo ku mucanga “Beach Volleyball”, aho yegukanye umudali wa Bronze mu mikino ya “youth Commonwealth Games 2017”yabereye Bahamas, ndetse n’umudali wa Silver muri Algeria mu mikino nyafurika y’abakiri bato.

Munezero Valentine, kapiteni w’ikipe y’igihugu ya Volleyball

Muri gikombe cya Afurika cyabereye muri Cameroun uyu mwaka wa 2023, ikipe y’igihugu yari abereye kapiteni yaje ku mwanya wa kane, mu gihe Munzero we yahembwe nk’umukinnyi mwiza uzi gukora service (Best Server).

Ingabire Diane

Ni umukinnyi w’umukino w’amagare ndetse ni nawe umaze iminsi yiharira ibihembo mu marushanwa yose akinirwa mu Rwanda. Muri uyu mwaka wa 2023 yegukanye Tour de Burundi, yegukana umudali wa zahabu muri shampiyona y’Afurika y’amagare ku batarengeje imyaka 23.

Kugeza ubu ni umwe mu bakinnyi babigize umwuga u Rwanda rufite aho akinira ikipe ya Canyon//SRAM Generation yo mu Budage, akaba akina amarushanwa atandukanye ku mugabane w’i Burayi.

Mu bari muri BK Arena hari higanjemo urubyiruko

Hahembwe n’andi makipe yitwaye neza

Ni imikino yatangiye tariki 08 Ukuboza 2023 kuri Kigali Péle Stadium, ikaba iri kuba ku nshuro ya 13, aho u Rwanda ruyakiriye ku nshuro ya 3.

Nyuma y’uko u Rwanda runganyije na EALA mu mukino wa mbere, uyu munsi hari hategerejwe umukino wahuje Abadepite b’u Rwanda n’aba Uganda.

Abadepite ba Uganda batsinze u Rwanda

Mu minota 5 ya mbere y’umukino, ikipe ya Uganda byagaragaraga ko irusha iy’u Rwanda yari imaze kubona ibitego bibiri.

Ikipe ya Uganda yari iyobowe na Moses Magogo wari kapiteni wayo, akaba ubu asanzwe ari Perezida wa Federasiyo y’umupira w’amaguru muri Uganda (FUFA), yasoje igice cya mbere ifite ibitego 6-0.

Ikipe y’u Rwanda yari iyobowe na Philbert Uwiringiyimana nka kapiteni wayo, yari inafitemo abakinnyi bandi barimo Harerimana Mussa Fazil, Bugingo Emmanuel, Barikana Eugene, Muhakwa Valens, Evode Uwizeyimana n’abandi.

Ikipe ya Uganda ibifashijwemo n’abarimo Charles Matovu, Mohamed Nsereko, Peter Matovu, Denis Obua n’abandi, yasoje umukino itsinze u Rwanda ibitego 12-0.

Abakinnyi babanje mu kibuga

Rwanda

EMMANUEL KAREMERA
PHILBERT UWIRINGIYIMANA
NYABYEΝDΑ DAMIEN
BUGINGO EMMANUEL
HARERIMANA MUSSA FAZIL
MUHAKWA VALENS
BARIKANA EUGENE
NIZEYIMANA PIO
NDORIYOBIJYA EMMANUEL
UWIZEYIMANA EVODE
KARINIJABO BARTHELEMY

Abasimbura

NDAGIJIMANA LEONARD
HABINEZΑ FRANK
MUNYANGEYO. JEREMY
MURARA JEAN DAMASCENE
THEOGENE NIYORUREMA
NKURUNZIZA INNOCENT
MINANI DEOGRATIAS

Uganda

Moses Magogo
Kamira Hassan, Peter Mugema, Nsanja Patrick, Kagabo,
Charles Matovu, Martin Muzaale,
Obua Dennis, Nsereko Muhamad, Asuman Basaliwa.

AMAFOTO: Eric Ruzindana/Kigali Today

Ni ku nshuro ya gatatu u Rwanda rugiye kwakira iyi mikino, aho rwaherukaga kuyakira mu mwaka wa 2015, ubu ikaba igiye kuba ku nhsuro ya 13 aho yitabiriwe n’ibihugu bitandatu bizakina mu bagabo n’abagore.

Usibye u Rwanda ruzaba rwakiriye iyi mikino, harimo u Burundi, Kenya, Tanzania, Uganda na Sudani y’Epfo bakazakina umupira w’amaguru (abagabo gusa), Netball (Abagore gusa) , Volleyball, Basketball, Imikino Ngororamubiri, Tag of Wall, Golf na Darts ikinwa n’abafite ubumuga ndetse na Walk of Race.
`
Iyi mikino biteganyijwe ko itangizwa ku mugaragaro kuri uyu wa Gatanu guhera ku i Saa Sita z’amanywa kuri Kigali Pele Stadium i Nyamirambo, ahateganyijwe n’umukino uza guhuza Inteko Ishinga Amategeko y’u Rwanda n’ikipe ya EALA.

Ni imikino imara iminsi 10

Aganira n’itangazamakuru, Perezida w’inteko Ishinga Amategeko y’u Rwanda Umutwe w’Abadepite , Mukabalisa Donatille yasabye abanyarwanda kuzitabira iyi mikino ndetse by’umwihariko bagashyigikira amakipe ahagarariye u Rwanda.

Yagize ati “Imikino ibanzirizwa n’inama dutangamo ikaze, tukaganira ku bijyanye no kwishyira hamwe k’Umuryango wa Afurika y’Iburasirazuba, tukavuga ku bijyanye n’icyo twiteze muri iyi mikino ndetse tukareba n’aho uru rugendo rwo kwishyira hamwe nk’abanyamuryango ba EAC bigeze.”

Perezida w’Inteko Ishinga Amategeko y’Umuryango wa Afurika y’Iburasirazuba (EALA), Ntakirutimana Joseph

Nk’uko bisanzwe buri mwaka, iyi mikino iba ifite insanganyamatsiko; iaho iy’uyu mwaka igira iti ‘Umuryango wa Afurika y’Iburasirazuba utera imbere, utekanye kandi udaheza’.

Yakomeje agaragaza ikiba kigamijwe muri iyi mikino

Yagize ati "Ikiba kigamijwe ni ukugira ngo Inteko zishinga AMategeko za EAC n’abagize EALA tubashe gusabana nk’abahagarariye abaturage, tubashe kuganira, kungurana ibitekerezo bifasha abaturage, kumenya birushijeho ibijyanye na EAC, ibyiza byo kwishyira hamwe no kumenya ibyiza bakuramo, babyaza umusaruro amahirwe arimo.”

Yakomeje kandi avuga ko ari amahirwe ku Rwanda kwakira imikino nk’iyi kuko abitabiriye bituma ibyiza bitatse u Rwanda, bakamenya amateka y’igihugu, aho ndetse biteganyijwe ko abitabiriye bazasura Urwibutso rwa Jenoside yakorewe Abatutsi mu mwaka wa 1994 rwa Gisozi.

Perezida w’Inteko Ishinga Amategeko y’Umuryango wa Afurika y’Iburasirazuba (EALA), Ntakirutimana Joseph, yavuze ko bataba baje gusa gukina iyi mikino, ahubwo

"Turamutse tugeze mu gihugu ntituje gukina umupira gusa, tuje kugira ngo igihugu kirimo kitubone natwe tukimenye, tukiyumvemo nacyo kitwiyumvemo. Nicyo gituma twebwe nk’iminsi tumaze hano nka EALA, twabonye ibintu byinshi byatunejeje twashimye,uburyo abanyarwanda mufite umutima wo kwakira abashyitsi"

Perezida w’inteko Ishinga Amategeko y’u Rwanda Umutwe w’Abadepite , Mukabalisa Donatille

Yashimangiye ko intego y’iyi mikino atari ugutsinda gusa

Ati “Dutegura iyi mikino dufite icyo dushaka kugeraho; si ugutsinda, si ugutsindwa. Yego bibaho, ariko twashatse gushyira hamwe Abagize Intego Zishinga Amategeko kugira ngo bahure, bamenyane, bahurire mu mikino n’imico yabo kugira ngo akarere kacu dushobore kugateza imbere kurushaho.”

Yatangaje ko kandi mu mikino y’uyu mwaka umwihariko urimo ari uko abazakina bose ari abagize Intego Zishinga Amategeko gusa.,bitandukanye no mu myaka ishize aho hari umubare w’abandi bakozi bemererwaga gukina.

Ishyirahamwe ry’umupira w’amaguru mu Rwanda “FERWAFA” ryatangaje zimwe mu mpinduka zakozwe ku ngengabihe ya shampiyona y’icyiciro cya mbere mu mupira w’amaguru, by’umwihariko imikino itatu izabera I Nyamirambo.

Ku wa Garandatu tariki 09/12/2023, hateganyijwe imikino itatu igomba kubera kuri Stade ya Kigali I Nyamirambo, aho ku ngengabihe isanzwe umukino wa Gasogi na Mukura, n’uwa Kiyovu na Etincelles yose yari ipanze ku isaha imwe ya Saa Cyenda, naho uwa rayon Sports na AS Kigali ukaba I Saa kumi n’ebyiri.

Umukino wa AS Kigali na Rayon Sports uzaba Saa moya z’ijoro

Gahunda ivuguruye ya FERWAFA yahinduye amasaha aho umukino wa Kiyovu na Etincelles washyizwe Saa Saba z’amanywa (13h00), uwa Gasogi na Mukura washyizwe I Saa Kumi (16h00), naho uwa AS Kigali na Rayon Sports ushyirwa Saa moy z’ijoro (19h00).

Ku i Saa ine za mu gitondo ku masaha yo mu Rwanda, ni bwo hari hatangiye umukino wa 1/2 cy’irangiza, umukino wahuzaga ikipe y’igihugu y’u Rwanda ndetse na Uganda.

Ikipe y’igihugu y’u Rwanda AAAmavubi y’abatarengeje imyaka 18