DIGP/AF Jeanne Chantal Ujeneza niwe watangije aya mahugurwa

Umuhango wo gufungura ku mugaragaro aya mahugurwa wayobowe n’umuyobozi wa Polisi wungirije ushinzwe imari n’ubutegetsi, DIGP/AF Jeanne Chantal Ujeneza, hari uhagarariye ambasaderi w’Igihugu cy’Ubudage mu Rwanda Renate Charlotte Lehner, umuyobozi w’ishuri rya Polisi riri i Musanze (NPC), Commissioner of Police (CP) Christopher Bizimungu.

Ubwo yafunguraga ku mugaragaro aya mahugurwa, DIGP/AF Ujeneza yongeye kwibutsa abitabiriye amahugurwa ko mu bice bimwe na bimwe byo ku Isi hakigaragara abahohotera abana bakabashora mu bikorwa by’intambara aho binjizwa mu gisirikare bagahabwa intwaro.

Avuga ko nka Polisi y’u Rwanda igomba guhaguruka ikarwanya ahakigaragara bene ibyo bikorwa bihabanye n’amahame n’amategeko y’umuryango mpuzamahanga.

Ati” U Rwanda nk’umunyamuryango wa Loni (UN) ndetse tukaba dufite abapolisi bajya mu butumwa bw’umuryango w’abibumbye mu kubungabunga amahoro tugomba kurwanya ibikorwa byo kwinjiza abana mu gisirikare ndetse no kubakoresha mu mitwe yitwaje intwaro.

U Rwanda rubinyujije mu nzego zarwo harimo na Polisi y’u Rwanda rwiyemeje kubahiriza amahame yo kubaha uburenganzira bwa muntu turengera abasivili ahagaragara ihohotera n’amakimbirane.”

Yakomeje agaragaza ko abana aribo bakunze guhohoterwa iyo hari amakimbirane n’intambara avuga ko ariyo mpamvu u Rwanda rugomba guhugura abapolisi barwo kugira ngo aho bazajya mu butumwa bwo kubungabunga amahoro bazabashe kurengera abana.

Ati” Mwebwe mugiye guhugurwa, mu minsi iri imbere muri mubazajya bajya mu butumwa bwo kubungabunga amahoro ahabaye intambara n’amakimbirane. Ni ngombwa ko mugira ubumenyi bw’ibanze mu gukemura ibibazo bijyanye n’ihohotera rikorerwa abana mu bihe by’intambara aho usanga bashorwa mu ntambara.

Aya mahugurwa mugiye guhabwa namwe muzayageze ku bandi kugira ngo tugire abapolisi bari hano mu gihugu babisobanukiwe ndetse n’abagiye mu butumwa mu mahanga nabo bagende babisobanukiwe.”

Bamwe mu bitabiriye aya mahugurwa

Ambasade y’Ubudage mu Rwanda yari ihagarariwe na Renate Charlotte Lehner, mu ijambo rye yavuze ko abana bafite uburenganzira bungana bwo kubaho batekanye kandi barinzwe. Yavuze ko ku Isi yose abana benshi badafite umutekano kubera impamvu zitandukanye ariko cyane cyane zishingiye ku bukene.

Yavuze ko abana bari mu kigero cy’imyaka 9 barimo kwinjizwa mu gisirikare no mu mitwe yitwaje intwaro, yashimangiye ko atari bishya muri iki gihe kuko mu gihe cy’intambara ya kabiri y’Isi yose byarabaye ndetse no mu 1994 mu gihe cya Genoside yakorewe abatutsi mu Rwanda byaragaragaye. Yavuze ko ubu bigomba guhinduka kuko abapolisi n’abasirikare barimo guhugurirwa uko barwanya ibyo bintu.

Ati” Mu gihe cy’intambara ya kabiri y’Isi binjizaga abana mu gisirikare ndetse bakanakoreshwa mu bikorwa by’intambara, no mu 1994 mu gihe cya Genoside yakorewe Abatutsi mu Rwanda byarabaye.

Ariko se itandukaniro ry’uyu munsi ni irihe? Uyu munsi dufite abapolisi n’abasirikare nkamwe muri hano murimo guhugurirwa ku kurwanya ibikorwa byo kwinjiza abana mu gisirikare no mu makimbirane. Hano muzahakura ubumenyi bujyanye no kwambura abana intwaro no kubarinda ku buryo bazumva batekanye kubera mwebwe.”

Renate Charlotte Lehner Wari uhagarariye Ambasade y’Ubudage

Yakomeje agaragaza ko kuri ubu ku imibare y’abana bashorwa mu bikorwa bya gisirikare no mu ntambara igenda irushaho kwiyongera aho ubu bagera mu bihumbi 250 hirya no hino ku Isi. Yavuze ko bamwe muri abo bana bari mu kigero cy’imyaka 9 usanga bakoreshwa imirimo yo mu rugo, abakoreshwa nk’intasi ndetse n’abazamu barinda ingo abandi usanga bakoreshwa mu bikorwa by’ubwiyahuzi biturikirizaho ibisasu.

Renate Charlotte Lehne yasoje avuga ko yizeye umusaruro uzava mu mahugurwa arimo gutangwa ku bufatanye bwa Polisi y’u Rwanda n’ikigo cya Romeo Dallaile kigamije kwita ku bana, amahoro n’umutekano.

Ati” Rwose ndizera ko binyuze muri ibi bikorwa by’amahugurwa muzaba urugero rwiza ku yandi mahanga. Nshobora kubwira umuhungu wanjye, dushobora kubwira abana bacu, abuzukuru bacu ko batekanye , ko nta bana bagomba kuzongera kurwana mu ntambara ukundi.”

Bafashe ifoto y’Urwibutso batangiza aya mahugurwa

Yavuze ko yizera cyane ubushobozi bw’abapolisi n’abasirikare b’u Rwanda bahugurirwa kujya mu butumwa bw’umuryango w’abibumbye ku mugabane w’Afurika n’ahandi. Avuga ko batagomba kuba abajyanama gusa ko ahubwo bagomba kuba ubuhungiro bw’abana babahungiraho bashaka gucika abashaka kubinjiza ku gahato mu gisirikare.

Umwarimu yajyanywe kuri Sitasiyo ya RIB ya Kinyinya

Ibi byabereye mu Karere ka Gasabo, Umurenge wa Kimironko, Akagari ka Kagugu, Umudugudu wa Gicikiza.

Nkurikiyimfura afungiye kuri Sitasiyo ya RIB ya Kinyinya mu gihe iperereza rikomeje kugira ngo hakorwe dosiye ishyikirizwe Ubushinjacyaha.

Dr Murangira B Thierry Umuvugizi w’Umusigire wa RIB, yabwiye Kigai Today ko uyu Nkurikiyimfura akurikiranyweho icyaha cyo “Gusambanya Umwana” gihanwa n’ingingo ya 133 y’Itegeko No68/2018 ryo ku wa 30 Kanama 2018 riteganya ibyaha n’ibihano muri rusange.

Yagize ati “Urukiko nirumuhamya iki cyaha azahanishwa Igifungo kitari munsi y’imyaka 20 ariko kitarenze 25.

Yakomeje agira ati “RIB iributsa abaturarwanda ko itazihanganira uwo ari we wese uzafatwa akora cyangwa yakoze icyaha nk’iki cyo gusambanya umwana, inakangurira abantu gukomeza kucyirinda kuko ari icyaha gihanwa n’amategeko.

Amazi arimo guhabwa aba baturage ari mu byiciro bibiri, hari ari mu bigega Polisi y’u Rwanda ishyira abaturage aho batuye n’andi anyura mu miyoboro y’amazi (Nayikondo). Igikorwa cyo gushyikiriza aba baturage amazi cyari kiyobowe n’umuyobozi w’itsinda ry’abapolisi b’u Rwanda bari mu murwa mukuru wa Central Africa (FPU-1), Chief Superintendent of Police (CSP) Claude Bizimana.

CSP Bizimana yavuze ko Polisi y’u Rwanda kwegereza abaturage amazi biri mu rwego rwo kubacungira umutekano kugira ngo harindwe ingaruka zaterwa no kujya gushaka amazi kure bakaba bagirirwa nabi, harimo no kurinda abana n’abagore kujya muri ibyo bikorwa bibashora mu mirimo yatuma bahura n’ihohoterwa, nk’uko bigaragara ku rubuga rwa Internet rwa Polisi y’u Rwanda.

Yagize ati” Iki gikorwa cyo gutanga amazi kiri mu rwego rwo gukomeza gucungira umutekano aba baturage kuko byabasabaga kujya gushaka amazi kure nyamara bashobora kuhahurira n’inyeshyamba zikaba zabagirira nabi. Aya mazi kandi ari mu rwego rwo kuzamura imibereho myiza yabo kuko ni meza aratuma bagira isuku.”

CSP Bizimana yakomeje abwira aba baturage ko ibikorwa bya Polisi bitazajya bigarukira mu kurinda izi mpunzi gusa ko ahubwo bazakomeza gufatanya no mu bindi bikorwa by’iterambere n’imibereho myiza birimo umuganda gufatanya mu burezi, kuboneza imirire bubaka uturima tw’igikoni, ubuvuzi n’ibindi. Yabasabye kuzajya bafata neza amazi bahawe ntibayapfushe ubusa kuko amazi ari ubuzima.

Yvas Tarcosuss Kola umwe mubahawe amazi yashimiye Polisi y’u Rwanda uburyo ibitaho mu buryo bwose ntibagarukire mu kubacungira umutekano mu nkambi gusa ahubwo bakabafasha kwiyubaka mu bundi buzima. Yavuze ko bakoraga ibirometero byinshi bajya gushaka amazi kandi nayo atari meza.

Ati”Twari dufite ikibazo cy’amazi kidukomereye, byadusabaga kuva mu nkambi tukajya kuyashaka hanze kandi naho ni mu mugenzi ntabwo ari meza. Twabaga dufite ibyago byo kuba twahurira mu nzira n’abagizi ba nabi bakatugirira nabi cyane cyane abagore n’abakobwa.”

Yakomeje ashimira abapolisi b’u Rwanda ukuntu barangwa n’ikinyabupfura no gukora kinyamwuga kuko bazirikana ko impunzi bashinzwe kurinda zidakeneye umutekano gusa kuko bagerekaho no kubagezaho ibikorwa bibahindurira ubuzima nko kubafasha kwicungira umutekano no kuzamura imibereho myiza.

Si ubwa mbere abapolisi b’u Rwanda bakoze igikorwa nk’iki cyo gushyikiriza abaturage amazi meza kuko no mu mwaka wa 2019 irindi tsinda ry’abapolisi b’u Rwanda bari bahaye abaturage amazi meza impuzi ziri mu murwa wa Bangui ahitwa ahitwa Saint Paul I.

Mu mwaka wa 2020 nibwo abapolisi b’u Rwanda bari mu butumwa bwo kubungabunga amahoro muri Central Africa mu Mujyi wa Bangui batangiye umushinga mugari wo kwegereza abaturage amazi meza.

Madame Jeannette Kagame yabwiye uru rubyiruko ko intwaro ikomeye izabafasha gutsinda uwo mukoro wo kubaka amateka mashya ari Ukwimakaza Ubunyarwanda, bashyira imbere iterambere no guharanira agaciro k’Abanyarwanda.

Yagize ati “Iyo urebye igihe Abakoroni bazaga mu Rwanda, ari na cyo gihe twatangiriye kubura Ubunyarwanda, usanga abari abana icyo gihe, bamwe baragize uruhare mu bwicanyi bwo mu 1959, 60, 61, 62 na 63.

Abari abana muri za 60, bamwe bagize uruhare rukomeye mu itotezwa n’iyirukanwa ry’Abatutsi mu 1973. Abari bakiri bato muri 73, nabo muri 90-94 bari bamaze kuba bakuru, bagize uruhare rukomeye muri Jenoside yakorewe Abatutsi”.

Yakomeje abwira urwo rubyiruko ati “Uyu munsi, mufite ingero z’abakiri bato bapfobya bakanahakana Jenoside yakorewe Abatutsi kandi batarayikoze, bataranayibonye. Nk’urubyiruko rwa Nyuma ya Jenoside mukwiye gukuramo isomo ryo guhindura ayo mateka mabi yagiye yandikwa n’urwo ruhererekane”.

Madame Jeannette Kagame yasabye urubyiruko kuzirikana ko mu gihugu cyiyubaka, cyabayemo Jenoside ifite umwihariko nk’uw’u Rwanda, gutsinda urwo rugamba bisaba urubyiruko rwinshi, rufite imyumvire isobanutse kandi yagutse, bagaharanira ikibahuza kuruta ikibatanya.

IGP Dan Munyuza yagiranye ibiganiro na mugenzi we wa Tanzaniya

Uru uruzinduko rwari rugamije gukomeza gushimangira imikoranire isanzwe hagati ya Polisi z’ibihugu byombi kuko kuva mu mwaka wa 2012 Polisi zombi zasinyanye amasezerano y’imikoranire hagamijwe kurwanya ibyaha byambukiranya imipaka.

IGP Munyuza yashimiye mugenzi we wa Tanzaniya kuba yamuboneye umwanya bakagirana ibiganiro. Yanashimiye ubuyobozi bwa Leta ya Tanzaniya muri rusange uko babakiriye muri iki gihugu.

IGP Munyuza yashimangiye ko Polisi y’u Rwanda ndetse na Leta y’u Rwanda muri rusange bafite ubushake bwo kurwanya ibyaha byambukiranya imipaka y’ibihugu byombi.

Yagize ati" Polisi y’u Rwanda ndetse na Leta y’u Rwanda muri rusange dufite ubushake n’umuhate mu kurwanya ibyaha byambukiranya ibihugu byacu byombi. Guhanahana amakuru, guhuza ibikorwa ku mipaka, guhanahana amahugurwa n’imyitozo, gukorana inama kenshi mu byiciro byose ni bimwe mu bizadufasha gushyira mu bikorwa amasezerano y’ubufatanye dufitanye."

Ubwo yafunguraga ku mugaragaro ibiganiro byahuje IGP Dan Munyuza n’intumwa yari ayoboye ndetse n’abandi bayobozi muri Polisi ya Tanzaniya, IGP Simon Nyakoro Sirro yashimiye umuyobozi wa Polisi y’u Rwanda kuba yigomwe umwanya we akaza muri Tanzaniya. Yavuze ko ibihugu byombi bisangira byinshi harimo no gufatanya kurwanya ibyaha.

Yagize ati" Ibi bihugu byacu bisangira byinshi harimo kurwanya ibyaha, ariko cyane cyane hakenewe imbaraga n’ubufatanye mu kurwanya ibyaha byambukiranya imipaka, tugomba gukorera hamwe mu gushimangira umutekano ku mipaka yacu mu rwego rwo kugabanya ibyaha byambukiranya ibihugu byaciyemo. Ibi tugomba kubigeraho dushyira mu bikorwa amasezerano y’ubufatanye asanzwe hagati ya Polisi zacu y’u Rwanda na Tanzaniya."

Izi nzego zombi zemeranyije guhanahana amakuru ku bijyanye n’iterabwoba n’ibindi byaha byambukiranya imipaka, gufatanya kugenzura umutekano wo ku mipaka hagamijwe kugabanya ibibazo byateza umutekano muke, guhanahana abanyabyaha, gushyiraho gahunda yo kurwanya ubutagondwa no gushyiraho ikigo gifasha abagizweho ingaruka n’ibikorwa by’iterabwoba n’ibindi byaha.

Aba bapolisi 140 bafite inshingano zo kurinda abayobozi bakuru muri Repubulika ya Central Africa, harimo Minisitiri w’intebe n’abandi banyacyubahiro.

Umuhango wo kubashyikiriza izi seritifika wabereye mu biro bya Minisitiri w’intebe mu murwa mukuru Bangui. Minisitiri w’intebe Ngrebada yashimiye abapolisi b’u Rwanda ku murava n’ubunyamwuga bikomeje kubaranga kuva bahabwa inshingano zo kumurinda muri Mutarama 2020.

Yagize ati” Uyu munsi ndabashimira ubwitange bwanyu, ikinyabupfura n’ubunyamwuga bibaranga mu kazi kanyu ka buri munsi ndetse no mu ngendo twagiranye mu bice bitandukanye by’iki gihugu.Ndabashimira uburyo mukorana nk’ikipe kandi ndanabashimira uburyo mukorana n’abasirikare bacu mu gusohoza inshingano zabo.”

Mu izina rya Perezida w’Igihugu cya Repubulika ya Central Africa no mu izina ry’abaturage b’iki gihugu Minisitiri w’intebe yashimiye leta y’u Rwanda ku mbaraga u Rwanda rukoresha mu kugarura umutekano n’iterambere mu gihugu cya Repubulika ya Central Africa.

Yagarutse ku ruhare rw’abapolisi b’u Rwanda mu kubungabunga umutekano mu bihe by’amatora aherutse kuba muri iki gihugu, yavuze ko ubufatanye bwaranze abapolisi b’u Rwanda n’izindi nzego z’umutekano muri iki gihugu cya Central Africa byatumye imitwe yitwaje intwaro itabona icyuho cyo guhungabanya umutekano mu matora. Minisitiri w’intebe yifurije ibihe byiza abapolisi b’u Rwanda no kuzakomeza umurava bagira igihe cyose bazaba barasubiye mu gihugu cyabo.

Umuyobozi w’itsinda ry’abapolisi b’u Rwanda bashinzwe kurinda abayobozi muri iki gihugu cya Repubulika ya Central Africa, Chief Superintendent of Police (CSP) Valens Muhabwa yashimiye Minisitiri w’intebe wa Central Africa ku bw’ishimwe yageneye abapolisi bamurinda.

Yagize ati” Dufashe uyu mwanya kugira ngo tugushimire ku bufasha bwanyu n’imikoranire myiza kuva twatangira gukorana mu mwaka wa 2020 kugeza uyu munsi. Izi seritifika zisobanuye byinshi kuri twe nk’itsinda, turashimira itsinda ryose ryo mu biro byanyu ndetse n’abaturage b’iki gihugu kuko ubufatanye bwanyu natwe nibwo butuma tubasha gusohoza inshingano zacu.”

CSP Muhabwa yasezeranyije ko Polisi y’u Rwanda izakomeza ubufatanye n’imikoranire myiza mu bintu bitandukanye mu bijyanye n’umutekano n’imibereho myiza mu baturage ba Repubulika ya Central Africa.

Igitabo Kayitesi yasohoye mu rurimi rw’Icyongereza kuri uyu wa mbere

Kayitesi ubu utuye mu gihugu cy’Ubudage, yatangaje ibi kuri uyu wa mbere tariki ya 3 Gicurasi 2021 ubwo muri icyo Gihugu hamurikwaga igitabo yanditse ku mateka ye asharira yo muri Jenoside yakorewe Abatutsi , icyo gitabo akaba yaracyise “ A broken Life”, ugenekereje mu Kinyarwanda wavuga ko ari “Ubuzima bwavunaguwe ”.

Avuga ku cyamuteye kwegura ikaramu akandika ku mateka ye ya Jenoside, yavuze ko usibye no kuba ari uburyo abona bwo guhangana n’abagoreka ukuri ku byabaye muri Jenoside yakorewe Abatutsi, ari n’uburyo bwo gusigasira amateka ye kugira ngo hatazagira ubwira abana be, amateka ye ahabanye n’ukuri kw’ibyamubayeho.

Ati “Mu buzima bw’Abanyarwanda, ibyago bibi biruta ibindi umuntu yashoboraga kugira ni ugupfa atabyaye. Nibwo bavugaga ko umuntu azimye kuko nta rwibutso asize.

Maze kubyara nibwo numvise igisobanuro cyabyo. Kubyara ni umugisha cyane, kuko Kabarari data umbyara ntiyazimye kuko ndi ijwi rye. Nanjye maze kubyara nagize ijwi kuko abana banjye uko ari batatu ubu bazambera ijwi.

Gusa naribajije nti , aba bana bazamvugira bate batazi amateka yanjye? Ndavuga, nti reka nandike, n’iyo napfa abana banjye bazabe bafite amateka yanjye bityo ntihazagire ubabwira ibitari ukuri. Uko niko natangiye ariko sinahise nsoza iki gitabo.”

Kayitesi akomeza agira ati “ Nyuma y’uko abana banjye batangiye gukura bagatangira kumbaza byinshi ku mateka yanjye, byanteye imbaraga zo kwandika kugira ngo hatazagira undi ubabwira amateka yanjye, mu Gushyingo 2019 nsohora iki gitabo mu rurimi rw’Ikidage, ariko kuri uyu wa mbere cyasohotse mu Cyongereza”.

Kayitesi yaratemwe bikomeye muri Jenoside yakorewe Abatutsi

Kayitesi avuga ko iki gitabo gikubiyemo amateka n’ubuzima bwe haba mbere , mu gihe ndetse na nyuma ya Jenoside yakorewe Abatutsi. Yashimangiye ko kizafasha mu gucubya abapfobya Jenoside yakorewe Abatutsi, kuko gikubiyemo amateka nyakuri, y’ibyamubayeho bisa n’ibyabaye ku batutsi benshi muri Jenoside.

Ati “Muri Jenoside yakorewe Abatutsi naratemwe. Ni nde uzihandagaza ngo avuge ko Abatutsi batatemwaga areba ibyambayeho? Ubu twahagurukiye kuvuga amateka yacu tukanayerekana kandi bituma abapfobya babura icyo bavuga kuko ukuri kw’ibyadukorewe kuba kwigaragaza”.

Kayitesi yanakanguriye abandi barokotse Jenoside yakorewe Abatutsi kutihererana amateka y’ibyababayeho, ngo kuko kuyandika bifasha kuruhuka ku mutima ndetse bikanafasha umuntu mu nzira yo gukira ibikomere, akabasha kurwana n’ubuzima akiyubaka akanubaka igihugu.

Judence Kayitesi ni umubyeyi w‘abana batatu akaba atuye mu gihugu cy‘ u Budage, ahitwa Karlsruhe.

Yavukiye ahitwaga muri Perefegitura ya Kigali-Ngari, Komine Rutongo, Segiteri: Cyuga, ubu uyu munsi ni mu Mujyi wa Kigali, Akarere ka Gasabo, Umurenge wa Jali.

Se yitwa Kabarari Callixte naho nyina ni Mugorewabera Genevieve.

Bavukanaga ari abana batanu, bivuze ko umuryango wabo wari uw’abantu barindwi ariko barokotsemo ari batatu, we na basaza be babiri.

Jay Polly na bagenzi be berekwa Itangazamakuru

Dr.Murangira B Thierry Umuvugizi w’Umusigire wa RIB yabwiye Itangazamakuru ko iri suzuma ryakozwe mu rwego rwo gukusanya ibimenyetso bizifashishwa mu gukora dosiye, rikaba ryarakozwe na Rwanda Forensic Laboratory.

Yagize ati "Uko ari 12 bose boherejwe gupimwa muri Rwanda Forensic Laboratory, ibipimo bigaragaza ko bane muri bo bafite urumogi mu maraso yabo ku kigero kiri hejuru."

Dr Murangira yavuze ko Jay Polly na bagenzi be bakurikiranyweho icyaha cyo gukoresha ibiyobyabwenge, uwo Urukiko rwazagihamya itegeko rimugenera igifungo kitari munsi y’umwaka umwe ariko kitarenze imyaka ibiri cyangwa imirimo y’inyungu rusange.

Mu izina ry’Ikigo abereye Umuvugizi yanibukije Abanyarwanda ko ku bufatanye n’izindi nzego badateze kuzihanganira abantu bose bishora mu biyobyabwenge, ababicuruza cyangwa se ababinywa.

Ati “Urumogi ruri mu biyobyabwenge bihambaye. Kurutunda, kurubika no kuruhinga ni icyaha gikomeye gihanishwa gufungwa burundu. Tubyirinde tubirinde n’abandi kandi abakeka ko babinywa bagasibanganya ibimenyetso baribeshya, kuko u Rwanda kugera ubu rufite laboratoire ishobora gupima ingano y’ibiyobyabwenge biri mu maraso n’ibyo umuntu yanyoye mu minsi 90 ishize.’’

Aba basore uko ari batatu bafashwe tariki 21 n’iya 24 Mata 2021, bakaba bakurikiranyweho icyaha cyo gusambanya umwana n’ubufatanyacyaha mu gusambanya umwana w’umukobwa w’imyaka 17.

Ibi byaha bakurikiranyweho babikoreye muri Kicukiro na Nyarugenge ku matariki atandukanye 18-19 Mata 2021, ubu bakaba bafungiye kuri Sitasiyo ya RIB ya Nyamirambo mu gihe iperereza rikomeje kugira ngo hakorwe dosiye ishyikirizwe Ubushinjacyaha.

Umuvugizi w’Umusigire wa RIB, Dr Murangira B Thierry yabwiye Kigali Today ko Iki cyaha cyo gusambanya umwana gihanwa N’ingingo YA 133 y’Itegeko No68/2018 ryo ku wa 30 Kanama 2018 riteganya ibyaha n’ibihano muri rusange.

Uwo iki cyaha gihamye Dr Murangira yavuze ko ahabwa igihano cy’ Igifungo kitari munsi y’Imyaka 20 ariko kitarenze 25.

Mu butumwa RIB itanga Dr Murangira yagize ati” RIB ntizihanganira Umuntu wese uzasambanya Umwana, kandi abantu bamenye kandi bibuke ko uwo amategeko yita umwana ari umuntu wese utarageza imyaka 18 y’amavuko”

Yakomeje agira ati “ Ubukure ntibureberwa mu gihagararo cyangwa ikimero. Nta rwitwazo rwagombye kubaho, igihe cyose umwana atarageza imyaka 18 amategeko azakomeza kumurengera. Dufatanye twese kurinda umwana gusambanywa”

Umuvugizi wa RIB yanasabye Abanyarwanda gukumira no kutarebera icyaha nk’iki, abasaba ko uwabona aho cyabereye yatanga amakuru kuri RIB ahamagara imirongo ya RIB itishyurwa ari yo 166, 116 cyangwa se akanyura ku rubuga rwa Interineti (website) rwa RIB E-Menyesha akayatanga kugira ngo ibyaha nk’ibi bikumirwe n’ababikoze bahanwe.

Uyu muhango wabaye hakoreshejwe ikoranabuhanga, ukaba wahuriyemo abayobozi bahagararariye ibihugu byabo muri Congo, abahagarariye imiryango mpuzamahanga, inshuti z’u Rwanda ndetse n’abanyarwanda baba mu bihugu biri mu nshingano ya Ambasade y’u Rwanda muri Congo Brazzaville aribyo Gabon, centrafrika,Cameroun na Repubulika ya Congo.

Mu kiganiro cyatanzwe na Dr Bideri Diogène, Umujyanama mu by’amategeko wa Komisiyo y’Igihugu yo Kurwanya Jenoside (CNLG), yagarutse ku nshingano ya buri wese mu kurwanya ihakana, ipfobya ndetse n’ingengabitekerezo ya jenoside mu rwego rwo kwirinda ko yazongera kubaho ahariho hose.

Nyakubahwa Mutsindashyaka Théoneste, Ambasaderi w’u Rwanda muri ibyo bihugu, yagize ati: " Kurwanya ihakana ndetse n’ingengabitekerezo ya jenoside ntabwo ari inshingano z’abanyarwanda bonyine. Ni inshingano zacu twese, nk’ikiremwa muntu, nk’abaturage b’isi. Tugomba gukoresha uburyo bwose kugira ngo guhakana no gupfobya jenoside bitabona umwanya mu bihugu byacu kandi n’ababiguzemo uruhare bagahanwa."

Ambasaderi Mutsindashyaka yanashimiye ibihugu birimo gukora iperereza no gukurikirana abantu bagize uruhare muri Jenoside yakorewe Abatutsi mu 1994, anashishikariza ibindi bihugu bitarabikora, gukora iperereza, guta muri yombi, gukurikirana cyangwa kohereza mu Rwanda abagize uruhare muri Jenoside, kugirango bahanwe. Yagize ati: " nta cumbi rikwiye kubaho ku basize bakoze jenoside ndetse n’abagifite ingengabitekerezo ya jenoside, kubera ko ubutabera bugomba kubakurikirana"

Amb. Mutsindashyaka yasoje yibutsa abitabiriye, uyu muhango, gukomeza guharanira ko Jenoside itazongera kubaho ukundi.

Mu ijambo rye, Ministiri w’umuco n’ubugeni muri Republika ya Congo, Dieudonné Moyongo, waruhagarariye leta ya Congo muri uyu muhango, yavuze ko hagendewe ku mateka bikwiriye ko amahanga ahuza imbaraga mu kurwanya ipfobya, ihakana ndetse n’ingengabitekerezo ya Jenoside.

Yanashimiye kandi u Rwanda n’abanyarwanda ku kuba bataraheranywe n’agahinda k’ibyabaye, ahubwo bikaba byaratumye bagira imbaraga zo kongera kwiyubakira igihugu cyabo bashingiye ku bumwe n’ubwiyunge.

Tom Ndahiro Umushakashatsi kuri Jenoside waganiriye na Shabakaka Vincent

Iyi nyandiko ya Shabakaka, twamenyanye tukaganira kenshi, yayanditse hari Jenoside yakorwaga mu karere k’Ubugesera.

Ako kababaro yavuze ko gahari ni akahe? Ati :

•Ni ukuvuka i Rwanda abo muva inda imwe bakagutoteza;
•Ni ukuba nyiramukubitwa utagira uwo yitabaza;
•Ni ugukubitwa ibirenge kugeza aho inzara zivamo;
•Ni ugukubitwa ikamba umubiri wose;
•Ni ugukubitwa imigeri mu ruhago ukituma indubaruba;
•Ni ugukubitwa inyundo ahari ingingo hose;
•Ni ugukubitwa imihini bakakuvuna ruseke;
•Ni ugukubitwa mu matwi ntuzongere kwumva;
•Ni uguta igihugu cyawe ukagana ishyanga;
•Ni ugufatwa ugafungwa utazi icyo uzira;
•Ni ugushingwa ibikwasi ku bugabo bwambaye ubusa;
•Ni uguterwa ipasi ku nda no ku mugongo;
•Ni ugutanga umubiri wawe bakawushanyaraza;
•Ni ukumenya kunywesha igikoma inkweto;
•Ni ukwambarira ubusa amaso y’abashinyaguzi;
•Ni ugukurura izuru bakaritema ntutake;
•Ni ugutega ijosi bakarigesa nk’intama igiye mu ibagiro;
•Ni ukujombwa inshinge mu moko y’ibere;
•Ni ukwihanganira gukandwa ubugabo ugahinduka inkone;
•Ni ukumeneka amaso ngo utabona ibibi bakora;
•Ni ugukambakamba nk’igitambambuga;
•Ni ukuba ifunguro ry’ibiheri n’imbaragasa;
•Ni ukuba nduhirabandi ukamenya ko ibyo utunze ugomba kubita ugahunga;
•Ni ugutanga umwari wawe bakamwambika ubusa ureba;
•Ni ukubona inka zawe bazitera imirwi;
•Ni ukurohwa mu ruzi uziritse ikibuye ku ijosi;
•Ni ukubona bagutwikira inzu ntushobore kuyizimya;
•Ni ukubona bagutemera abana bakabata mu musarani;
•Ni ukubona usahurwa ntusobanukirwe;
•Ni ukwifuza ubugumba kandi uri umubyeyi;
•Ni ukubona Fiancee wawe bamwica urw’agashinyaguro;
•Ni ukubona inka zawe bazitera imirwi;
•Ni ugutanga umwari wawe bakamwambika ubusa ureba;
•Ni ukubona umugabo wawe bamushahura ugashinyiriza;
•Ni ukurara butunda, utabuze icyo wiyorosa;
•Ni ukurara rwantambi utabuze iwawe;
•Ni ukwambara ubusa kandi utabuze umwenda;
•Ni ukwicwa n’inzara kandi warahinze nk’abandi;
•Ni ukurota nabi bukarinda bucya;
•Ni ukwishimira uko wavutse kubera ko nta kundi byagenda;

Ni uguhorwa inzigo utazi inkomoko yayo.

Twibuke Vincent Shabakaka wanditse ibi bintu. Ni ibintu byari byarabaye, kandi bigikomeza. Hari iyicarubozo ryakorewe Abatutsi babita ibyitso by’inyenzi.

Vincent Shabakaka

Abagogwe n’Abatutsi bo mu Cyingogo, bari barishwe mu mpera z’umwaka wa 1990 n’intangiriro za 1991. Kangura yari yarasohoye amategeko 10 y’abahutu, irya 8 ribategeka kutagirira impuwe Umututsi.

Abangara bo bari benshi mu mahanga guhera mu mwaka wa 1959. Na bo kandi babayeho nabi cyane igihe kirekire.

Abahakana n’abapfobya Jenoside, ntibagira isoni zo kuvuga ko Jenoside yakorewe Abatutsi mu mwaka wa 1994, yatewe n’ihanurwa ry’indege ya Perezida Habyarimana.

Shabakaka yanditse uko Abatutsi bari babayeho, imyaka ibiri n’ibyumweru nka bibiri mbere y’ihanuka ry’indege. Nk’uko Shabakaka yabyanditse icyo gihe, muri make Umututsi yari yarapfuye ahagaze.

Gupfa uhagaze ni ukwitwa ko uriho, ukabaho nta burenganzira. Uburenganzira ubuvutswa na Leta yakakurengeye nta kindi uzira uretse kuba uri icyo uri cyo. Uzira uko wavutse.

Iyi nkuru yateguwe na Tom Ndahiro, Umwanditsi akaba n’Umushakashatsi kuri Jenoside yakorewe Abatutsi ndetse n’izindi Jenoside zabayeho ku isi.

Aba bafashwe nyuma y’uko ku mugoroba wo ku wa Gatandatu abandi 43 bafatiwe muri Cenetra Hotel iherereye mu Murenge wa Rusororo, na bo bakoze ubukwe butubahirije amabwiriza yo kwirinda COVID-19.

Aba bose bafashwe baracibwa amande, bipimishe COVID-19 biyishyuriye bamenye uko bahagaze. Amahoteli ndetse na resitora bafatiwemo zirafungwa ukwezi kandi buri yose yishyure amande y’ibihumbi ijana na mirongo itanu by’Amafaranga y’u Rwanda (150,000Frw).

Umuvugizi wa Polisi y’u Rwanda, CP John Bosco Kabera, yavuze ko Polisi itazatezuka gufata no guhana abarenga ku mabwiriza yo kwirinda COVID-19, kugeza igihe iki cyorezo kizatsindwa burundu.

Reba video umenye ibyabaye ku bakoze ubukwe butubahirije amabwiriza yo kwirinda covid19

Mu Itangazo RIB yashyize hanze muri iki gitondo, irasaba buri wese kwirinda ibi byaha bikurikira yibutsa ko bihanwa n’amategeko.

Iryo tangazo riragira riti “Abanyawanda birinde Ingengabitekerezo ya Jenoside, guhakana no gupfobya Jenoside yakorewe Abatutsi, guha ishingiro Jenoside Yakorewe Abatutsi, kuzimiza cyangwa gutesha agaciro ibimenyetso cyangwa amakuru kuri Jenoside yakorewe Abatutsi.”

Rikomeza rigira riti “Abanyarwanda kandi birinde kwiba cyangwa kwangiza imibiri y’abazize Jenoside yakorewe Abatutsi, gusenya cyangwa konona Urwibutso rwa Jenoside cyangwa se ahashyinguye imibiri y’abazize Jenoside yakorewe Abatutsi, no guhohotera uwazize Jenoside yakorewe Abatutsi.”

Muri iri tangazo kandi RIB yasabye Abanyarwanda gufatanya bakamagana indi mico mibi ikunze kugaragaza ingengabitekerezo ya Jenoside.

Ubutumwa RIB yageneye abaturarwanda mu gihe cyo #Kwibuka ku nshuro ya 27 Jenoside yakorewe Abatutsi.#Kwibuka27 @RwandaRemembers pic.twitter.com/CGrdpZKlLZ

— Rwanda Investigation Bureau (@RIB_Rw) April 2, 2021

Muri iyo mico, ikunze kugaragara ni ugutema amatungo ndetse n’imyaka y’abarokotse Jenoside yakorewe Abatutsi, hagamijwe kumuhombya ndetse no kumusubiza mu bihe bikomeye bya Jenoside yanyuzemo.

Kuzimiza cyangwa konona ibirango bigaragaza Jenoside, no gukoresha imvugo zitoneka imitima y’abarokotse Jenoside yakorewe Abatutsi, nabyo biri mu byo RIB yasabye abantu kwirinda; muri ibi bihe Abanyarwanda bagiye kwinjira mu bihe byo kwibuka Jenoside yakorewe Abatutsi ku nshuro ya 27.

RIB yagize icyo isaba abakoresha imbuga nkoranyambaga

Dr Murangira B Thierry Umuvugizi w’Umusigire wa RIB

Ku bakoresha imbuga nkoranyambaga, RIB yabasabye gusesengura neza imvugo bagiye gukoresha , kugira ngo hatazagira ugwa mu byaha nk’ibi kandi yaraburiwe.

Uramutse uhuye n’Ibi byaha, RIB yakanguriye Abanyarwanda kutabihishira, ivuga ko wahita uhamagara ku murongo utishyurwa wa 166, cyangwa se ukanyura ku rubuga rwayo rwa www.rib.gov.rw, ukinjira ahanditse online servise, kagera ahanditse E- Menyesha ukahakanda, ukagera ahanditse Tanga amakuru ku cyaha, ubundi ukuzuza ifishi uhasanze.

Imibare y’ibirego RIB yakiriye ikanagenza, igaragaza ko ibyaha by’Ingengabitekerezo ya Jenoside n’ibiyishamikiyeho byagabanutse bivuye kuri 542 mu mwaka wa 2018, bigera kuri 530 mu mwaka wa 2020.

Ibi ngo bigaragaza imbaraga Leta yashyize mu guhangana n’ibi byaha, hanatangwa ubukangurambaga buhoraho mu baturage, kugira ngo ingengabitekerezo ya jenocide iranduke, nk’uko Umuvugizi wa RIB Dr. Murangira B. Thierry yabitangarije
Kigali Today.

Ingingo ya 4 y’Itegeko nº 59/2018 ryo ku wa 22/8/2018 ryerekeranye n’icyaha cy’Ingengabitekerezo ya jenoside n’ibyaha bifitanye isano na yo ivuga ko umuntu ukorera mu ruhame igikorwa, byaba mu magambo, mu nyandiko, mu mashusho cyangwa ku bundi buryo, kigaragaza imitekerereze yimakaza cyangwa ishyigikira kurimbura abantu bose cyangwa bamwe muri bo bahuriye ku bwenegihugu, ubwoko, ibara ry’uruhu cyangwa ku idini aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi y’ibihumbi magana atanu (500.000 frw) ariko atarenze miliyoni imwe (1.000.000 fr).

Amandine Umukesha, Impuguke mu by’amazi n’isukura mu Ishami rya BAD rikorera mu Rwanda, yavuze ko iyi banki ifasha ibigo bya za guverinoma n’ibyigenga ibitera inkunga ku mishanga bifite ijyanye n’itangwa ry’amazi. Yavuze ko BAD inafasha muri gahunda yoguhangana n’ingaruka zigendana n’imihindagurikire y’ikirere. Ngo mu byo ibafasha harimo no kugera ku nkunga y’amafaranga yo gushyira mubikorwa imishinga yabo.

Yabitangaje kuwa Gatatu Tariki 24 Werurwe 2021, ubwo yasubizaga ikibazo kijyanye n’ibiri gukorwa kugira ngo abantu barenga miliyari ebyiri bagikeneye amazi meza bayabone. Iki kibazo cyatangiwe mu nama nyunguranabitekerezo y’umuryango WaterAid East Africa yari igamije kwiihiza umunsi mpuzamahanga wahariwe amazi.

Uyu munsi mpuzamahanga ufasha mu gutuma abatuye isi bamenya ko hari abantu bagera kuri miliyari 2,2 batuye isi badagerwaho n’amazi meza.

Insanganyamatsiko y’iyi nama yari yateguwe na WaterAid East Africa vugaga ku kongera amazi meza isuku n’isukura: Ihuriro hagati y’Imihindagurikire y’Ikirere, isuku n’ubuzima bwiza. Iyi nsanganyamatsiko yakomozaga ku nsanganyamatsiko nyamukuru y’umunsi wahariwe amazi ku isi yavugaga ku “Guha agaciro amazi”. Insanganyamatsiko ya WaterAid East Africa kandi yanahuzaga kampanye y’uyu muryango yatangiye ku rwego rw’isi izwi nka “Isuku ku buzima bwiza” ndetse na “Amazi ndetse n’imihindagurikire y’Ikirere”.

Mu gutangiza ibiganiro by’inama ya WaterAid East Africa, Maurice Kwizera, umuyobozi wa WaterAid mu Rwanda, yabajije ati “Ni gute twakora ku buryo kuboneka kw’amazi muri Afurika biza ku isonga ry’iterambere rya Afurika cyane cyane muri iki gihe isi igihangana n’ingaruka z’icyorezo cya (Covid-19)?”

Mu gusubiza iki kibazo, Umukesha yagaragaje uburyo icyorezo cyagaragaje uburyo hakenewe kuvugurwa ibikorwaremezo by’amazi n’isukura muri Afurika no kurengera ibikorwa bitanga amazi. Yifuje ko hakorwa ibikorwa bihuriweho mu rwego rw’akarere bigamije guhangana n’ibura ry’ibikorwaremezo, gutera inkunga no kubirengera.

Ati “Banki (BAD) yitegure gukorana n’abafatanyabikorwa bayo mu iterambere nka WaterAid n’abandi mu kongera ibikorwa bitanga amazi, isuku n’isukura. Kubitera inkunga bizaterwa n’ibikenewe, ariko banki irahamagarira WaterAid kutwegera, ku buryo tugeza ibisubizo ku baturage.”

Yagaragaje ko abafata ibyemezo bakwiye kwishyira mu mwanya w’abaturage bafite ikibazo cy’amazi, kugira ngo ibikorwa bigere ku ntego.

Ati “Abayobozi bakwiye kumva neza ikibazo cy’amazi, haba buryo ataboneka, indwara ziyaturukaho ndetse n’abantu bicwa no kutagira amazi meza.”

Ahereye ku rugero rwo mu Rwanda, yavuze ko BAD ifasha guverinoma ibinyujije mu mishanga ishyirwa mu bikorwa na WASAC mu rwego rwo kwegereza amazi mezaabaturage ndetse no gukuraho imbogamizi ziterwa n’ibyago bituruka ku mihindagurikire y’ikirere.

Abari bitabiriye iki kiganiro bemeranyije ko hakwiye kwita ku buringanire, gukorana n’urubyiruko, guhanga udushya no, kongera ingengo y’imari, gukoresha abaturage mu gucunga no gufata neza ibikorwaremezo by’amazi, isuku n’isukura.

Christopher Tumwine, umukorerabushake wa gahunda y’isuku n’isukura no guhangana n’ingaruka z’imihindagurikire y’ikirere muri. Uganda, yavuze ko kuva mu bwana abantu bigishwa gukaraba intoki ariko bigenda byibagirana. Akemeza ko iyo abayobozi baba barashyize ingufu mu kongera ubukangurambaga isi yari kuba ifite amahirwe yo guhangana na COVID-19

Ati “Abashinzwe gushyiraho za politiki bakwiye gukoresha ihanga ry’udusha mu rubyiruko mu gushyira mu bikorwa gahunda y’amazi, isuku n’isukura kuko urubyiruko ni imbaraga, rwifitemo ibisubizo kandi rufite n’igihe cyo kugera ku byo biyemeje.”

Adekemi Ndieli, wungirije umuyobozi wa UN Women muri Uganda, yavuze ko abagore n’abakobwa bagerwaho cyane n’ingaruka zo kubura amazi n’isukura ndetse n’ingaruka z’imihindagurikire y’ikirere.

Yavuze ko amazi ari uburenganzira bwa muntu, ku bw’ibyo abashyiraho gahunda z’iterambere bose bagombwa gushyiraho uburyo bwo kubahiriza ubwo burenganzira. Yavuze ko imiryango igera kuri 80% idafite amazi meza, itegereza ko abagore n’abakobwa ari bo bayashaka.

Olutayo Bankole-Balawole, umuhuzabikorwa wa WaterAid mu Karere ka Afurika y’Iburasirazuba, yavuze ko urubyiruko ruri mu mahuriro y’ibibazo byose ndetse n’abagore bakaba ari bo bayoboye iminduka zose isi yifuza kugeraho. Yongeyeho ko abantu badakwiye kurekeraho gushaka udushya, ndetse ko bakwiye gukomeza kwishakamo ibisubizo mu rwego rwo kugera ku ntego z’amazi meza isuku n’isukura, guhangana n’imihindagurikire y’ikirere ndetse no kugera ku buzima bwiza.

Aba bose bafatiwe mu inzu imwe basenga

Nyiri iyi nzu yafatiwemo abantu 41, ngo ni umugabo wihinduye umupasiteri akora urusengero mu rugo iwe, akaba atari ubwa mbere abantu bafatiwe iwe mu masengesho nk’uko umuyobozi w’Umurenge wa Kimisagara Havuguziga Charles yabitangaje.

Yagize ati" Hari insengero zemewe kandi Imana ntaho itaba, abaturage nibave mu buyobe bareke kwishiga abantu nk’aba babayobya, basengere ahemewe."

Havuguziga Charles Umuyobozi w’Umurenge wa Kimisagara

Uyu mugabo wari wahurije abantu mu rugo iwe yabwiye itangazamakuru ko yicuza kuba yahurije abantu benshi iwe yirengagije amabwiriza yashyizweho n’Inzego z’ubuzima yo kwirinda Covid19, asaba imbabazi,avuga ko atazabyongera ukundi."

Ati "Imana imbabarire kandi n’abayobozi bambabarire sinzabisubira ukundi, ndanatanga Inama z’uko abantu batareka gusenga, ariko bagasengera mu ngo zabo mu rwego rwo kwirinda iki cyorezo"

Liberte Nestor bivuga ko yihinduye pasiteri agashyira urusengero mu rugo iwe

Muri uru rugo rwahinduwe urusengero, hasengeramo abantu batandukanye biganjemo abagore bafite abana, ariko icyagaragaye ni uko abenshi muri abo batanahuje amadini.

Umwe muri aba ukomoka mu idini ya Islam, yavuze ko we mu myemerere ye nubwo ari umwisiramo adahejwe gusengera mu yandi madini ngo dore ko yose aba avuga Imana.

Aba bose basengera mu madini atandukanye

Umuvugizi wa Polisi CP JB Kabera yabwiye itangazamakuru ko nyiri uru rugo agomba gushyikirizwa ubugenzacyaha akaryozwa iki cyaha cy’uko afashwe ku nshuro ya kabiri yigometse ku mabwiriza ya Leta yo kwirinda icyorezo cya covid19, anongeraho ko aba bose bagomba kwipimisha Covid19 biyishyuriye bakamenya uko bahagaze ndetse bakanacibwa amande.

Yakomeje agira ati" Police ntizatezuka mu gufata abantu nk’aba, kugera igihe tuzatsindira iki cyorezo’’

CP John Bosco Kabera avuga ko Polisi itazatezuka mu gufata abarenga ku mabwiriza yo kwirinda Covid19

Kwanga kwitaba iburanisha ryo kuri uyu wa Gatatu bikaba byagaragaye muri raporo y’Umuyobozi wa Gereza ya Nyarugenge, CSP Michel Kamugisha ivuga ko yanze kwitaba urukiko ku bushake bwe.

Muri iyi Raporo kandi CSP Kamugisha yavuze ko Rusesabagina wanze kwitabira iburanisha yahamagajwemo mu buryo bwemewe n’amategeko, yanavuze ko n’ikindi gihe azaba yahamagajwe kuburanira muri uru rukiko atazarwitaba ngo kuko nta butabera arutezemo.
Ubushinjacyaha butangaje ko ari uburenganzira bw’uregwa guhitamo kutitabira iburanisha, buvuga ko nta gikwiye kubuza ko urubanza rukomeza ngo nuko ataje, ahubwo amategeko akwiye gukurikizwa akaba yaburanishwa nk’aho yari ahari kuko yari yamenyeshejwe

Bunashingiye kandi ku ngingo ya 128 y’Itegeko rigena imiburanishirize y’Imanza Nshinjabyaha, ivuga ko iyo umuntu atitabye iburanisha ku bushake kandi yaratumiwe mu buryo bwemewe n’amategeko, uwo muburanyi aburanishwa adahari, busaba urukiko ko ko iburanisha rikwiye gukomeza.

Urukiko rumaze kwiherera rufashe umwanzuro w’uko Iburanisha rikomeza adahari, rushingiye ku kuba Rusesabagina ari we ubwe wiyambuye uburenganzira bwo kwitabira iri buranisha.

Mu iburanisha riheruka ku itariki ya 12 Werurwe uyu mwaka, Paul Rusesabagina na Me Jean Felix Rudakemwa umwunganira mu mategeko, bari bavuze ko Risesabagina nta butabera ategereje mu rukiko rurimo kumuburanisha, bityo ko atazongera kwitabira uru rubanza.

Ibyo Rusesabagina yabitangaje nyuma y’uko Urukiko rwari rumaze kwanga ubusabe bwe bwo gusubika uru rubanza igihe cy’amezi atandatu, rutegeka ko rukomeza we akaziregura nyuma.

Rusesabagina n’umwunganizi we Me Jean Felix Rudakemwa bavuze ko basaba igihe gikwiriye kingana n’amezi atandatu kubera impamvu zitandukanye, zirimo kuba atarabasha gusoma neza dosiye ikubiyemo ibyo aregwa.

Ubushinjacyaha bwavuze ko uruhande rwa Rusesabagina rurimo gukora uburyo bwose bwo gutinza urubanza.

Ubushinjacyaha bwasabye ko urubanza rudakwiye gusubikwa kuko abandi 20 bareganwa na Rusesabagina baba bimwe uburenganzira bwo kuburana kubera umuntu umwe.

Nyuma yo kwiherera umwanya munini, icyo gihe urukiko rwanzuye ko rukomeza kuburanisha abandi bareganwa na Rusesabagina, we akazagarukwaho bitaba binyuranyije n’amategeko.

Nkusi Jean Bosco watawe muri yombi akekwaho ubujura

Muri iri tangazo kandi Ubuyobozi bwa RPD Rwanda buvuga ko nyuma yo kumenya amakuru y’itabwa muri yombi rya Nkusi biyambaje Polisi y’Igihugu ndetse n’Urwego rw’Igihugu rw’Ubugenzacyaha (RIB), ariko bakaba batabashije kumenya aho uwo Murwanashyaka wabo yajyanywe.

Mu kiganiro n’Umuvugizi w’Urwego rw’Igihugu rw’Ubugenzacyaha (RIB), Dr Murangira Thierry, yatangarije Kigali Today ko Nkusi Jean Bosco yatawe muri yombi ku mugoroba wo ku Cyumweru, akaba akekwaho ubujura we na bagenzi be batanu bakoreye umucuruzi w’ibitanda ukorera mu Gakinjiro mu Murenge wa Gisozi.

Yagize ati “Ku wa 03 Werurwe 2021 twakiriye umucuruzi waregaga abantu batandatu atabashije kumenya, bamusanze ku kazi tariki ya 02 Werurwe 2021 aho acururiza. Aba bantu biyitaga abakozi ba Rwanda Revenue Authority na Polisi, bamukangisha ko atishyura imisoro”.

Aba bagabo ngo baramufashe bamushyira mu modoka bamuzungurukana muri Kigali, bamusaba amafaranga, bamubwira ko natabaha miliyoni icumi (Frw 10,000,000) bamwica. Icyo gihe ngo baje kumvikana miliyoni imwe (Frw 1,000,000) ayabikuza muri Mobile Money.

Dr Murangira Thierry Umuvugizi wa RIB

Nyuma y’Iperereza Dr Murangira avuga ko ku ikubitiro hafashwe aba bakurikira:

1. MUHIRE Théogène: wirukanwe muri Police kubera imyitwarire mibi akaba ari nawe wakoreshe amapingu (yari yaribye).

2.MUGWANEZA Ismaël: Wari utwaye imodoka ari nayo yatwaye uyu mucuruzi bari kumutera ubwoba bamwaka amafaranga.

3.KABAYABAYA François: Umushoferi warutwaye Toyota pickup muri icyo gikorwa cy’ubujura.

NKUSI Jean Bosco we yaje gufatwa nyuma, tariki 21/02/2021, afatirwa mu murenge wa Nyarugenge, Akagali ka Kiyovu.
 

Dr Murangira yatubwiye ko aba bose bamaze gufatwa ubu bafungiwe kuri Sitasiyo ya RIB Kimironko na Kicukiro. Ndetse n’izo modoka bakoreshaga mu kwiba zikaba ziri Kicukiro na Kimironko, iperereza rikaba rikomeje hashakwa n’abandi bari bafatanyije.

Ikindi ngo ni uko uyu Nkusi Jean Bosco yari yarigeze gukurikiranwaho icyaha cyo kunyereza Umutungo w’Ikigo yakoreraga, aza gufatwa arafungwa mu kwezi ku Ukuboza 2019.

Mu Itegeko riteganya Ibyaha n’Ibihano muri rusange Ingingo ya 168, ivuga ko Ibihano ku bujura bukoreshejwe kiboko cyangwa ibikangisho aba bagabo bakekwaho babihamijwe n’Urukiko banishwa igifungo kiri hagati y’imyaka itanu n’irindwi.

Bazanahanishwa kandi Ingingo ya 281 y’Iki gitabo ivuga ku Kwiyitirira urwego rw’umwuga, impamyabushobozi, impamyabumenyi cyangwa ubushobozi buhabwa umuntu wujuje ibyangombwa.

Iki cyaha kikaba gihanishwa igifungo kitari munsi y’ukwezi kumwe ariko kitageze ku mezi atandatu n’ihazabu itari munsi ya 500.000 Frw ariko atarenze miliyoni imwe, cyangwa kimwe gusa muri ibyo bihano.

Koza amenyo buri gihe umaze gufata ifunguro, ukaza no kwibuka gukoresha akadodo (Dental Floss) kugira ngo imyanda iba yahagamye hagati y’amenyo ivemo, ni imwe mu nama z’ingenzi muganga Bitwayiki Léandre atanga.

Byinshi ku bijyanye n’isuku yo mu kanwa, uko ikorwa neza, igihe ikorerwa n’ibindi urabisanga muri iyi Video:

Dr Kayumba Christopher ushinjwa Gushaka gusambanya uwari umunyeshuri we

Muri ubu buhamya Kamaraba avuga ko iki gikorwa cy’ubugome cyakorewe mugenzi we cyabaye mu 2017, ariko mugenzi we akaba yifuje kubishyira ku ka rubanda, nyuma y’uko abonye ko Dr Kayumba atangaje ko ashinze ishyaka riharanira Demokarasi yise Rwandese Platform for Democracy, akabona ko umuntu ukora ibikorwa nk’ibyo bigayitse, adakwiye kugaragara mu ruhando rwa Politiki mu Rwanda.

Muri ubu buhamya kandi, Kamaraba avuga ko uyu mugenzi we wahohotewe yaje kugeza ikirego ku rwego rw’Igihugu rw’Ubugenzacyaha (RIB), ariko ntagaragaza uko cyakiriwe n’icyo yafashijwe.

Ni muri urwo rwego Kigali Today yaganiriye na Dr. Murangira B. Thierry, Umuvugizi w’Umusigire wa RIB, atugezaho byimbitse ibijyanye na dosiye y’iki kirego, n’aho igeze ubu.

Yagize ati “RIB yakiriye ikirego mu ntangiriro z’ukwezi kwa Werurwe uyu mwaka. Kayumba yaregwaga Ubwinjiracyaha bwo gukoresha undi imibonano Mpuzabitsina ku gahato uwari umunyeshuri we". Iperereza riri gukorwa, ibimenyetso biri gukusanywa.”

Twifuje kumenya niba iki cyaha cyakozwe muri 2017 kikaba cyaragejejwe mu bugenzacyaha nyuma y’imyaka ine uwahohotewe ataratinze kugitanga kikaba cyarashaje.

Dr Murangira yadusubije agira ati “Iki cyaha ubusanzwe cyitwa Ubwinjiracyaha bwo gukoresha undi imibonano mpuzabitsina ku gahato (Attempt to rape). Ni icyaha cy’ubugome gisaza nyuma y’imyaka 10, tukaba twaracyakiriye kuko kitarasaza.”

Dr Murangira B Thierry avuga ko Ikirego cy’uwo mukobwa cyakiriwe kandi kitarasaza

Avuga ku buhamya bw’uyu mukobwa uvuga ko yahohotewe, Dr Kayumba yatangaje ko ibi ari ibinyoma bigamije kumuharabika, anahita afunga (Ablocka) Kamaraba kuri Twitter, bivuze ko ari we, ari na Kamaraba ntawe uzongera kubona ibyo undi yanditse kuri Twitter.

Ubusanzwe uwo urukiko ruhamije icyaha cyo gusambanya umuntu ku gahato, ahanishwa igifungo cy’imyaka iri hagati ya 10 na 15.

Ubwinjiracyaha bwo gukoresha undi imibonano mpuzabitsina ku gahato (Attempt to rape) cyo gihanishwa icya kabiri cy’iyo myaka bitewe n’iyo urukiko rwakase (hagati ya 5 na 7.5).

Lomami nahamwa n’icyaha cyo guhoza ku nkeke umugore we ashobora gufungwa Umwaka

Lomami usanzwe akora akazi k’Ubutoza mu Ikipe ya Gorilla FC yo mu Cyiciro cya Mbere cy’Umupira w’Amaguru mu Rwanda, RIB isobanura ko atari ubwa mbere ibi yafungiwe biyigezeho; ngo kuko no ku wa 13 Ukwakira 2020 umugore we yayigejejeho ikirego nk’icyo; RIB imukorera Dosiye iyishyikiriza ubushinjacyaha, Lomami akurikiranwa adafunze.

Dr Murangira B Thierry Umuvugizi wa RIB, yavuze ko Lomami ubu ufungiye kuri Sitasiyo ya RIB ya Nyarugenge, yakoze ibi bikorwa byo guhoza ku Nkeke umugore we tariki ya 12 Weurwe 2021 bituma umugore we afata icyemezo cyo kongera kumurega RIB iramufata iramufunga, ubu ngo iperereza rirakomeje kugira ngo dosiye ye yuzuzwe ishyikirizwe ubushinjacyaha.

Yagize ati “ Inama RIB itanga ni uko igihe abashakanye bagiranye ibibazo bakumva badashobora kubyikemurira, bajya begera inzego za Leta zikabafasha kubikemura aho kuguma muri ayo makimbirane ashobora gutuma hakorwa ibindi byaha biremereye nk’ubwicanyi.’’

Yavuze kandi ko RIB yihanangiriza abantu bose bahohotera abo bashakanye, ati “Ntibikwiye ko umuntu ahohotera uwo bashakanye”. Yongeye gusaba abaturage bose gufatanya mu kurwanya icyaha cyo guhohoterana no kwirinda kugihishira kugira ngo gicike burundu.

Dr Murangira avuga ko RIB itazihanganira na rimwe uwo ari we wese uhohotera uwo bashakanye

Urukiko niruramuka ruhamije Lomami icyaha, cyo guhoza ku nkeke Umugore we Dr Murangira yavuze ko Itegeko riteganya kuri icyo cyaha igihano cy’ igifungo kitari munsi y’umwaka umwe ariko kitarenze imyaka ibiri.

Icyaha cyo gukubita cyangwa gukomeretsa ku bushake cyo itegeko ritaganya ko uwo gihamye ahanishwa igifungo kitari munsi y’imyaka itatu ariko kitarenze imyaka itanu n’ihazabu y’amafaranga y’u Rwanda atari munsi y’ibihumbi 500 Frw ariko atarenze miliyoni 1 Frw.

Urumogi rubarirwa mu biyobyabwenge bihambaye

Yabitangaje nyuma y’ uko kuwa 13 Werurwe 2021 RIB yataye muri yombi abantu batatu bakekwaho icyaha cy’Uruhererekane rw’Ubucuruzi bw’Ibiyobyabwenge(Urumogi) bagemurirwaga n’umuntu wo mu Karere ka Rubavu atifuje kuvuga amazina kuko iperereza rigikomeje.

Mu bafashwe harimo Hakizimana Jean Paul w’Imyaka 45 wafatanywe utubure 1000 tw’Urumogi afatirwa mu Murenge wa Gatsata akagali ka Karuruma. Harimo kandi uwitwa Yankurije Angelique w’Imyaka 30 wafatanywe utubure 1015, i Rurindo mu Murenge wa Shyorongi.

Mu bafashwe harimo na Mukanyandwi Ashura w’Imyaka 27, nawe wafatiwe i Shyorongi afite utubure 1000, tw’Urumogi, bose bakaba bafungiye ku cyicaro cya RIB cya Gasabo, mu gihe hagikorwa iperereza kugira ngo amadosiye yabo azashyikirizwe ubushinjacyaha.

Dr Murangira B Thierry Uvugira RIB avuga ko RIB itazatezuka mu gufata abakoresha n’abakwirakwiza ibiyobyabwenge

Dr Murangira yavuze ko Iteka rya Minisitiri w’Ubuzima Numero 01/MOH/2019 ryo ku wa 4 Werurwe 2019 rigena urutonde rw’ibiyobwabwengenge n’ibyiciro byabyo, rishyira urumogi mu cyiciro cya mbere cy’ibiyobyabwenge bihambaye, bityo ngo uhamijwe icyaha cyo gukora, guhinga, kubika, no gutunda urumogi arukwirakwiza muri sosiyete ahanishwa igifungo cya burundu.

Yakomeje agira ati “RIB ifite ubushake, ubushobozi, ubumenyi ndetse n’imikoranire myiza hagati y’izindi nzego ndetse n’abaturage mu gutahura abakwirakwiza ibiyobyabwenge. Udashaka kubicikaho wese azafatwa kandi ahanwe byihanukiriye.”

Iri teka rya Minisitiri w’Ubuzima rigaragaza ko Ibiyobyabwenge, urusobe rw’imiti ikoreshwa nka byo, ibyifashishwa mu ikora ry’ibiyobyabwenge n’ibinyobwa bitemewe bifatwa nk’ibiyobyabwenge bishyizwe mu byiciro bitatu (3) bikurikira:

1. Ibiyobyabwenge Bihambaye;
2. Ibiyobyabwenge Bikomeye;
3. Ibiyobyabwenge Byoroheje;

icyiciro cy’ibiyobyabwenge bigambaye kikaba kigizwe n’ibi biyobyabwenge bikurikira:

1° Kokayine
2° Heroyine
3° Urumogi
4° Mugo

Iki gikorwa cyahereye muri gereza ya Mageragere kizagezwa no mu zindi gereza hakingirwe abasaga ibihumbi 12, nk’Uko umuyobozi w’Urwego rw’Igihugu rushinzwe imfungwa n’abagororwa yabitangaje.

Abakingiwe bavuze imyato Leta

Reba Video y’Uko iki gikorwa cyose cyagenze

Ugiye guhabwa serivise yo gukingirwa abanza gusinya ko yemeye kuyihabwa

Ni muri urwo rwego Minisitiri w’Ubuzima Dr Daniel Ngamije amaze gukingirwa kuri uyu wa gatanu, yavuze ko gusinya mbere yo guhabwa serivise ari agaciro umurwayi ahabwa kwa Muganga, ntaho bihuriye no kuba Inkingo abantu bahabwa.

Minisitiri Ngamije avuga ko gusabwa gusinya ko wemeye serivise ugiye gukorerwa kwa muganga ari ibisanzwe mu buvuzi ahubwo bitari bimenyerewe mu nkingo, akavuga ko biri gushyirwa muri serivise zose kugira ngo Umurwayi ahabwe agaciro na muganga kandi amuhe serivise bemeranyijeho.

Yagize ati “ Nta gitangaza kirimo, ubu turi kugenda duha umurwayi, uburenganzira bwe bwose. Gusobanurira umuntu serivise ugiye kumuha ukanamusaba kuyemera, ni ukumuha agaciro.”

Minisitiri Ngamije nawe yabanje gusinya mbere yo gukingirwa

Iyumvire Minisitiri Ngamije avuga byimbitse Impamvu basinya mbere yo gukingirwa covid19

Ifoto y’Urwibutso nyuma yo gusoza amasomo

Aya masomo kandi agamije gutegura abofisiye bari ku rwego ruto kugira ngo barusheho kunoza imirimo yabo ya buri munsi mu bijyanye n’imiyoborere. Asoza aya mahugurwa ku mugaragaro, umuyobozi wa Polisi wungirije ushinzwe abakozi n’imiyoborere DIGP/AP Juvenal Marizamunda yashimiye aba bofisiye uburyo bitwaye neza mu gihe cy’amezi ane bari bamaze bahabwa amasomo kandi bakaba barayakurikiye neza n’ubwo hari mu bihe bigoye by’icyorezo cya COVID-19.

Yavuze ko Polisi y’u Rwanda ihora iharanira kongerera ubumenyi abapolisi kugira ngo babashe kurushaho kunoza imirimo bashinzwe ya buri munsi.

Ati "Muri icyiciro cya 10 cy’abapolisi b’abofisiye mumaze guhabwa aya masomo muri Polisi y’u Rwanda, ikigamijwe ni ukubategura gukora inshingano neza mu mirimo mukora buri munsi. Twashyize imbaraga mu kubaka igipolisi cy’umwuga kijyanye n’igihe binyuze mu mahugurwa.”

DIGP/AP Marizamunda yakomeje avuga ko kubaka igipolisi cy’umwuga bitagarukira mu gutanga amahugurwa gusa ko ahubwo hanongerwa umubare w’ibikorwaremezo cyane cyane hibandwa ku ikoranabuhanga. Yavuze ko kuri ubu isi yabaye nk’umudugudu kubera ikoranabuhanga bityo n’abakora ibyaha barimo kurushaho kubikora bifashishije iryo koranabuhanga.

Ati” Kuri ubu bitewe n’umuvuduko isi ifite mu iterambere rishingiye ku ikoranabuhanga, abanyabyaha nabo barimo guhuriza hamwe bagakora ibyaha aho umwe ashobora kwicara mu gihugu kimwe agacura umugambi wo gukora icyaha afatanyije na mugenzi we uri mu kindi gihugu. Tujya duhura n’ingeri zitandukanye z’abantu nk’abo , niyo mpamvu natwe tugomba guhugura abapolisi mu mikoreshereze y’ikoranabuhanga mu gutahura abo banyabyaha.”

Abasoje amasomo bahabwa impamyabumenyi

Umuyobozi wungirije muri Polisi y’u Rwanda ushinzwe abakozi n’imiyoborere yakomeje asaba abahuguwe kuzakoresha neza ibyo bigishijwe ntibizabe amasigaracyicaro. Yabasabye guhora barangwa n’ikinyabupfura nk’uko gisanzwe kiranga Polisi y’u Rwanda, yabasabye gukomeza kwirinda icyorezo cya COVID-19 kandi bafasha n’abaturage kukirinda.

Umuyobozi w’ishuri rikuru rya Polisi riri i Musanze , Commissioner of Police (CP) Christopher Bizimungu yashimiye ubuyobozi bwa Polisi y’u Rwanda buhora buharanira kongerera ubumenyi n’ubushobozi abapolisi. Yanashimiye abapolisi uburyo bitwaye mu bihe by’amezi 4 bari bamaze biga.

Yagize ati “ Hari mu bihe bigoye by’icyorezo cya COVID-19 ariko mwabyitwayemo neza mukurikira neza amasomo kandi mwubahiriza amabwiriza yo kwirinda icyorezo. Ni ibyo kwishimira kuko mwaranatsinze mwese nta wagize ikibazo mu myigire, turashimira n’abarimu bababaye hafi bakabigisha umunsi k’uwundi.”

Chief Inspector of Police (CIP) Celine Benimana ni umwe mu bahuguwe, yavuze ko amahugurwa yari amazemo amezi ane hari byinshi amwunguye mu bijyanye n’akazi akora ka buri munsi.

Yagize ati “Aya mahugurwa ni ingenzi k’umupolisi wo mu cyiciro cyacu cy’abofisiye bato kuko mu kazi kacu tuba dufite inshingano zo kuyobora abandi bapolisi ndetse n’abaturage aho dukorera mu mashami ya Polisi, muri za sitasiyo za Polisi no mu turere. Ndushijeho kwiyungura mu bijyanye no gutegura akazi no kugatunganya hanyuma nkanagenzura ko karimo gukorwa nk’uko nagateguye, twabihuguwemo ariko noneho ubu tugiye kubishyirab mu ngiro.”

Chief Inspector of Police (CIP) John Twizerimana yavuze ko ubusanzwe yakoreraga mu ishami rya Polisi rishinzwe kurwanya ubucuruzi bwa magendu n’ibyaha byagambiriwe (Anti-Smuggling and organized Crimes). Kuri we ngo amahugurwa yahawe yayungukiyemo byinshi kuko mu kazi ke ka buri munsi asabwa kuba asobanukiwe n’amategeko.

Aba bofisiye bahawe amahugurwa ajyanye n’imirimo ikorerwa mu biro ndetse n’imirimo ikorerwa hanze y’ibiro. Bahawe amasomo ajyanye no guhosha imyigaragambyo, amategeko, gucunga umutekano w’abantu n’ibyabo, ubumenyi ku mbunda, gutegura ibikorwa bya Polisi n’ibindi bijyanye nabyo.

Minisitiri Ngamije nyuma yo gukingirwa yahumurije abaturage bagifite impungenge zo kwikingiza, ababwira ko urukingo rwa Covid-19 nta ngaruka rufite ko n’uwo rwagiraho ingaruka ari izisanzwe kandi yahita yitabwaho n’abaganga agakira.

Ati “Ubu meze neza maze iminota 30 nkingiwe kandi nta ngaruka numva.”

Yanibukije kandi abakingiwe ko bitavuze ko bagomba guhagarika kubahiriza amabwiriza, ngo kuko hakiri umubare munini wo gukingirwa kugira ngo abantu babashe gusubira mu buzima busanzwe.

Kimwe n’ahandi hose mu gihugu kuri uyu wa Gatanu, ku bitaro bya Masaka haratangwa inkingo 1776, zihere ku bakozi b’ibitaro, abajyanama b’ubuzima, abakuze batoranyijwe, ndetse n’inzego z’umutekano.

Zizahabwa kandi n’abakorera ku mipaka y’u Rwanda ngo kuko babarirwa mu baba bafite ibyago byo kwandura iki cyorezo.

Reba video Minisitiri w’Ubuzima akingirwa covid19

Ubu bukangurambaga buzazigama Miliyari zisaga ebyiri zatakaraga ku mashanyarazi

Ni muri urwo rwego Ikigo cy’Igihugu cyo Kubungabunga Ibidukikije (REMA), ku bufatanye n’Ishami ry’Umuryango w’Abibumbye Rishinzwe Kurengera Ibidukikije (UNEP) binyuze muri gahunda yitwa “United for Efficiency” batangije ubukangurambaga bugamije gukangurira Abaturarwanda gukoresha ibikoresho bikonjesha bizigama umuriro kandi bitangiza ikirere.

Ubu bukangurambaga ni kimwe mu byiciro bigize gahunda y’imikoreshereze y’ibikoresho bikonjesha, binyuze muri gahunda yiswe “Rwanda Cooling Initiative (RCOOL)” igamije gushyira mu bikorwa ingamba zo gukonjesha habungabungwa ibidukikije.

Gahunda yo gukoresha ibikoresho birondereza umuriro kandi ntibyangize ikirere izafasha mu iterambere rirambye, nk’uko u Rwanda rwabyiyemeje mu Masezerano ya Montreal yavugururiwe i Kigali mu mwaka wa 2016. Bizafasha kandi gushyira mu bikorwa Amasezerano y’i Paris ajyanye n’imihindagurikire y’ikirere.

Juliet Kabera, Umuyobozi Mukuru wa REMA avuga ko ari ngombwa ko Leta, abafatanyabikorwa n’abikorera bahuza imbaraga mu guhagarika ikoreshwa ry’imyuka yangiza ikirere ya “Hydrofluorocarbons” no gufasha abantu kubona ibikoresho birondereza umuriro bitangiza ikirere.

Muri gahunda ya RCOOL hatekerejwe uburyo bworoshye kandi buhendutse, buzafasha abaturage kubona ibikoresho birondereza umuriro ntibinangize ikirere.

Kabera yagize ati: “Gushyira imbaraga mu kubona ibikoresho bitanga ubushyuhe n’ubukonje ku biribwa n’imiti ni ingenzi ku buzima, imibereho myiza n’iterambere ry’ubukungu bw’Igihugu.”

Yakomeje agira ati: “Gutunga firigo igufasha kubika neza ibintu ntibyangirike kandi ikoresha umuriro muke cyangwa kugira icyuma gitanga ubuhehere mu nyubako ukishyura amafaranga make ku muriro ukoresha uba wungutse kabiri; bigufasha kwizigamira amafaranga no kurengera ibidukikije.”

Umuyobozi Mukuru wa REMA kandi yasabye abagura ibikoresho byifashishwa mu gukonjesha kujya bagenzura ingano y’umuriro bikoresha by’akarusho bakareba ko bidafite imyuka ihumanya ikirere, akavuga ko “bizafasha mu kurengera ibidukikije”

Ubu bukangurambaga bw’igihe kirekire buzibanda ku bantu bakoresha ibikoresho bikonjesha, mu ngo, mu nyubako z’ubucuruzi, ahacururizwa imbuto, utubari n’amahoteri mu rwego rwo kubafasha kubona ibikoresho bikonjesha birondereza umuriro kandi bitangiza ikirere.

Mu 2016, mu Rwanda hateraniye ibihugu 200 byemeza amasezerano azafasha Isi kugabanya ubushyuhe ku kigero cya 0.5°C, ibi bikaba bigomba gukorwa mbere y’uko ikinyejana cya 21 kirangira. Aya masezerano yiswe “The Kigali Amendment to the Montreal Protocol”.

U Rwanda rwabaye Igihugu cya 39 cyemeje aya masezerano ndetse mu rwego rwo kuyashyira mu bikorwa rwashyizeho ingamba zihamye z’imikoreshereze y’ibikoresho bikonjesha, kuko mu Rwanda hakomeje gukenerwa ibikoresho byinshi bikonjesha ndetse n’ibyinjiza ubuhehere mu nyubako zitandukanye.

Ikigo cy’Igihugu cyo Kubungabunga Ibidukikije (REMA), kivuga ko u Rwanda rwagabanyije imyuka yangiza akayunguruzo k’imirasire y’izuba ku gipimo cya 54% mu rwego rwo kuba Igihugu kizaba cyubahirije Amasezerano ya Montreal mu 2030. Gusa urugendo ruracyari rurerure kandi hakenewe gukomeza gushyiramo imbaraga nyinshi.

Mu rwego rwo guteza imbere ikoreshwa ry’ibikoresho bikonjesha bikoresha umuriro muke kandi bitangiza ikirere, u Rwanda rwatangiye gukumira firigo n’ibindi bikoresho bikonjesha birimo imyuka yangiza ikirere.

Aba bagabo bane bacuruzaga mukorogo beretswe itangazamakuru

Umwe muri aba bagabo bafatiwe mu Murenge wa Gatenga bagafatanwa n’ayo mavuta atemewe, yabwiye itangazamakuru ko yamenye ko aya mavuta atemewe yaramaze kuyarangura, ariko kubera kwanga guhomba agahitamo kuyacuruza akarangira.

Ati "Nateganyaga kuyacuruza akarangira nkahita ndekeraho kuzongera kuyarangura, ariko birangiye mfashwe ntarayamara, nkaba mbisabira imbabazi kuko nacuruzaga ibintu bitemewe."

Aya mavuta ntiyemewe gucuruzwa mu Rwanda kuko yangiza uruhu

Undi waganiriye n’Itangazamakuru yemeye icyaha agisabira n’imbabazi, anavuga ko nagirirwa imbabazi, azaba umukangurambaga wo kurwanya ubucuruzi bwa Mukorogo kuko nawe ngo yemera ko ari mbi kandi yangiza uruhu, nubwo yayicuruzaga.

Uyu yemeye icyaha asaba imbabazi avuga ko nababarirwa azaba umukangurambaga mu kurwanya icuruzwa rya mukorogo

Ntirenganya Lazaro, Umukozi w’Ikigo cy’Igihugu cyita ku buziranenge bw’Imiti FDA, yakanguriye abacuruza aya mavuta ndetse n’abayakoresha kubicikaho, kuko agira ingaruka zikomeye ku ruhu zirimo kuba atuma uruhu rutabasha guhangana n’imirasire y’izuba, ndetse no kuba rutakaza ubudahangarwa ku ndwara zitandukanye aho bishobora no gutera umuntu uburwayi bwa Kanseri.

Ntirenganya Lazari ushinzwe ishami rigenzura ingaruka z’imiti muri FDA

CP John Bosco Kabera, yongeye kuburira abacuruza aya mavuta atemewe ko Polisi itazahwema kubafata, abasaba gucuruza ibyemewe, anabibutsa ko icyaha nk’iki cyo gucuruza ndetse no gukoresha ibitemewe bihanwa n’Ingingo ya 266 yo mu gitabo cy’amategeko ahana y’u Rwanda.

Iyi ngingo ivuga ko Umuntu wese ukora, ugurisha, utanga ibintu bibujijwe bikurikira:

1 º umuti;
2 º ibintu bihumanya;
3 º ibintu binoza cyangwa bisukura umubiri;
4 º ibindi bikomoka ku bimera;aba akoze icyaha.

Iyo abihamijwe n’urukiko, ahanishwa igifungo kitari munsi y’umwaka umwe (1) ariko kitarenze imyaka ibiri (2) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

Ugirimpuhwe Fidele, Umunyamategeko mu kigo cy’igihugu cy’ubuziranenge, RSB, yabwiye Kigali Today ko nubwo aba bacuruzi batahanwa bagendeye ku gitabo cy’amategeko ahana mu Rwanda, bashobora guhanwa bagendeye no ku mategeko asanzwe y’ubucuruzi.

CP Kabera avuga ko Polisi itazahwema gufata abantu nk’aba

Ati" Itegeko Nº 36/2012 ryo kuwa 21/09/2012 rigenga ihiganwa mu bucuruzi no kurengera abaguzi, ingingo yaryo ya 49 ivuga ko Iyo ikigo cy’ ubucuruzi kigejeje ibicuruzwa byangiza cyangwa byangiritse ku isoko, bishobora kwangiza ubuzima bw’abantu, bitujuje ibisabwa n’amabwiriza y’ubuziranenge cyangwa bidahuje n’ibyo umuguzi yari ategereje, Urwego ngenzuramikorere rufata ibyemezo bikwiye byo kurengera umuguzi harimo ibi bikurikira:

1° gukura ku isoko ibyo bicuruzwa;
2° kumenyesha abantu bose cyangwa icyiciro cy‟abantu runaka amakuru y‟ingenzi kuri ibyo bicuruzwa;
3° gusana ibicuruzwa uretse igihe amabwiriza agaragaza ko ibiranga ibicuruzwa bishobora kwangiza ubuzima;
4° gusimbuza ibicuruzwa;
5° kwishyura ikiguzi cy‟ibyo bicuruzwa;
6° kugabanyirizwa igiciro cy‟igicuruzwa iyo kitangiza;
7° gukurikiranwa n‟inkiko.

Urwego ngenzuramikorere kandi Ugirimpuhwe yatubwiye ko rushobora gufatira ikigo cy’ubucuruzi kitubahirije ibiteganywa n’iri tegeko ibihano by’ihazabu yo mu rwego rw’ubutegetsi iri hagati ya gatanu ku ijana (5%) n’icumi ku ijana (10%) y’amafaranga icyo kigo cyacuruje mu gihe cy’umwaka.

Amakosa avugwa muri iri tegeko akozwe n’umuntu cyangwa ikigo cy’ubucuruzi batabasha kugaragaza amafaranga yacurujwe ku mwaka bahanishwa ihazabu yo mu rwego rw’ubutegetsi iri hagati y’amafaranga y’u Rwanda ibihumbi makumyabiri (20.000 frw) na miliyoni eshanu (5 000 000 frw).

Aba bose bafashwe biganjemo urubyiruko

Muri aba basore n’inkumi harimo 27 bafatiwe mu rugo rumwe, aho bari bateraniye bakina filime, ikintu gifatwa nk’ikitemewe mu mabwiriza yo kwirinda ikwirakwizwa rya covid19.

Baremera ko bakosheje banasaba imbabazi

Abandi 10 bafatiwe mu rundi rugo baruhinduye akabari, banafatwa mu masaha akuze bigaragara ko bari bararengeje amasaha yagennwe yo kuba abantu bageze aho batuye.

Urugo rwari rwahindutse akabari

CP John Bosco Kabera yabwiye itangazamakuru ko Polisi itazahwema gufata abarenga ku mabwiriza yo kwirinda iki cyorezo, anakangurira urubyiruko kwirinda amakosa nk’aya.

Yagize ati" Ibyaha nk’ibi usibye ko ari n’ibyaha bihanirwa, ushobora no kubijyamo ukahandurira covid19, niyo mpamvu tutazahwema gufata ababijyamo amategeko akabakurikirana."

Yanibukije ko aba bose uko ari 37 bapimwa covid19 bakiyishyurira, nyuma yaho bakanacibwa amande aho buri wese atanga 25,000Frw, uwateguye ibirori cyangwa se nyiri urugo bahuriyemo agacibwa amande ya 200,000Frw.

CP JB Kabera yihanangirije abandi bafite ibitekerezo nk’ibi ko Polisi itazahwema kubafata

Reba Video aba basore n’inkumi berekwa Polisi

Aba basore batatu nibo bakekwaho gucura impushya z’Impimbano

Abakekwaho gukoresha inyandiko mpimbano barimo umukomvayeri wa coaster yari itwaye abagenzi bavuye i Kigali bagiye mu Ntara y’Iburasirazuba akoresheje uruhushya rwa Polisi bigaragara ko ari uruhimbano cyangwa rwongeweho inyandiko zitari ziriho.

Abakekwaho ubwambuzi bukoresha uburiganya ni uwibaga abantu amafaranga akoresheje amayeri yo kubavunjira akabaha amadolari adahwanye n’amafaranga bamuhaye.

Abakurikiranyweho icyaha cyo gukoresha inyandiko mpimbano, uri ku isonga ni umukomvayeri w’imodoka yafatiwemo abantu barenga 20 afite uruhushya rwa Polisi yasabye anyuze ku mu mukozi w’Irembo, rwari rugenewe umuntu umwe ariko we akiyongereraho abandi abifashijwemo n’undi mu agent wa Irembo wamusohoreraga impapuro yabanje gushyiraho andi mazina.

Aba ni abacuruzi bahawe ibyangombwa by’ibihimbano bagiye kurema isoko i Gatsibo

Komvayeri yemera icyaha, umukozi w’Irembo we akavuga ko yatanze service nk’ibisanzwe atazi ikigamijwe, naho undi mu agent w’Irembo wafashije kongeramo amazina nawe avuga ko yabikoze ari service ahaye uje amugana.

Undi weretswe itangazamakuru ni umugabo ukurikiranyweho icyaha cyo kwihesha iby’abandi akoresheje uburiganya, uyu akaba yarafashwe n’ubundi amaze igihe gito avuye muri gereza azira kuvunjira abantu akabaha amadolari adahwanye n’amafaranga bamuhaye.

Uyu akurikiranyweho ubujura bwifashishije ubutekamutwe

Icyo cyaha na we ubwe yiyemerera, yagikoraga atanga amadolari mashya, yapangaga hamwe, hejuru agashyiraho inote y’amadolari ijana, hagati agapangamo utunote twinshi tw’idolari rimwe, hanyuma munsi akarenzaho indi noti y’ijana. Avuga ko yabikoze umuntu umwe gusa.

Nyuma yo guta muri yombi abo bagabo, umuvugizi wa Polisi y’u Rwanda CP John Bosco Kabera ybwiye abaturage ko bagomba kunyura mu nzira zemewe n’amategeko niba hari serivise bakeneye, bakirinda kunyura mu nzira z’ubusamo kuko zibaviramo gushukwa no gutekerwa imitwe.

CP JB Kabera yasabye abantu kujya basabira serivise mu nzego zibishinzwe

Hahati aho umuntu uhamwe n’icyaha cyo kwihesha ikintu cy’undi hakoreshejwe uburiganya, ahanishwa igifungo kitari munsi y’imyaka 2 ariko kitarenze imyaka 3 n’ihazabu y’amafaranga atari munsi ya miliyoni 3 ariko atarenze miliyoni 5.

Naho uhamwe n’icyaha cyo guhimba, guhindura inyandiko cyangwa gukoresha inyandiko mpimbano, ahanisha igifungo kitari munsi y’imyaka 3 ariko kitarenze imyaka 7, n’ihazabu ya frw atari munsi ya miliyoni 3 ariko atarenga miliyoni 5 cyangwa kimwe muri ibyo bihano.

Na none kandi umuntu wese uzi ko inyandiko ari impimbano, akayikoresha ku buryo ubwo ari bwo bwose, aba akoze icyaha. Iyo abihamijwe n’urukiko ahanishwa ibihano biteganyijwe mu gika kibanziriza iki.

Reba video Polisi yerekana aba bakekwaho ibyaha

Dr Murangira B Thierry uvugira RIB avuga ko RIB itazihangananira abahishira ibyaha byo gusambanya abana

Ntivuguruzwa wigishaga kuri Groupe Scolaire Ruyumba, yafunzwe tariki ya 26 Gashyantare 2021, akaba akekwaho gusambanya umwana w’imyaka 17 wiga mu mwaka wa kane, n’undi w’imyaka 15 wiga mu mwaka wa Gatatu.

Umuvugizi w’Umusigire w’Urwego rw’Igihugu rw’Ubugenzacyaha RIB, Dr Murangira Thierry, yabwiye Kigali Today, ko uyu mugabo usanzwe atuye mu Karere ka Kamonyi , Umurenge wa Nyamiyaga, Akagari ka Kabashumba. Nahamwa n’iki cyaha azahabwa igihano cy’igifungo cy’Imyaka iri hagati ya 20 na 25.

Mu butumwa umuvugizi wa RIB yageneye Abanyarwanda, yagize ati RIB irihanangiriza abantu bagifite imico mibi yo gusambanya abana. Uwo ari we wese uzafatirwa muri ibi byaha amategeko azakurikizwa abiryozwe.”

Dr Murangira kandi yongeye gushishikariza abantu bose bafite mu nshingano kurera abana ko ntawe ukwiye guhishira ibyaha nk’ibi byo gusambanya abana, abibutsa ko uzahishira icyaha nk’iki na we amategeko azamukurikirana nk’umuntu wahishiriye icyaha cy’ubugome.

Aba bagabo uko ari barindwi barakekwaho kwiba no gucuruza ibijurano

Muri aba bagabo harimo abitwikiraga ijoro bakifashisha ibikoresho bica amadirishya mu ngo z’abantu, bakiba televiziyo bakajya kuzigurisha.

Harimo abazigemurirwaga n’abo bajura bakazigurisha hakabamo n’umwe muri bo wari ushinzwe kuzigeza ku bazicuruza yaba mu mujyi wa Kigali ndetse no mu Ntara.

Ibi ni ibikoresho bifashisha bamena amadirishya

Umwe muri abo bakekwaho ubwo bujura witwa Bayingana Jean Paul, ushinjwa na bagenzi be kuba ari we waboherezaga kwiba izo televiziyo akaba yari afite iduka yazigurishagamo, yemereye itangazamakuru koko ko yaguraga ibyibano, akaba anabisabira imbabazi.

Yagize ati "Natangiye ngurisha aya mateleviziyo ntazi ko ari amajurano (ibyibano), ariko aho mbimenyeye ubu nabicitseho, n’abo nari nzi bagurisha ibijurano ubu nabashyikirije inzego z’umutekano bamaze gufatamo babiri abandi bari gushakishwa."

Bayingana wari umucuruzi w’izi televiziyo

zimwe muri za Flat Screen zibwe

Umuvugizi wa Polisi y’Igihugu, CP John Bosco Kabera, yavuze ko Polisi itazahwema gufata abajura no kubashyira ahabona, kugira ngo uyu muco mubi wo kwiba bawucikeho.

Yanasabye ko abaturage bibwe izi televiziyo baza ku cyicaro cya Polisi cya Remera bakazisura bakareba ko nta yabo irimo mu zafashwe.

Ati "Abantu nibakore akandi kazi kwiba nta kintu kibamo, kandi n’abagura ibintu birinde ibitagira fagitire. Ikindi kandi abaturage bakore ibishoboka byose kugira ngo barusheho kurinda ibyabo abajura."

CP John Bosco Kabera asaba abaturage kongera imbaraga mu gucunga ibyabo

Ingingo ya 166 yo mu gitabo cy’Amategeko ahana y’u Rwanda ivuga ko umuntu wese uhamijwe n’urukiko icyaha cyo kwiba , ahanishwa igifungo kitari munsi y’umwaka umwe ariko kitarenze imyaka ibiri, n’ihazabu y’amafaranga y’u Rwanda atari munsi ya miliyoni imwe ariko atarenze miliyoni ebyiri, imirimo y’inyungu rusange mu gihe cy’amezi atandatu cyangwa kimwe gusa muri ibyo bihano.

Reba Video uko aba bajura beretswe Itangazamakuru

Mu tubari dutatu two mu Gatsata Polisi yagenzuye hafatiwemo abantu bagera kuri 56 banywaga inzoga , mu gihe kunywera inzoga mu tubari byari byarakuweho kuko dufunze.

Mu kabari kamwe kagenzuwe ka Nyabugogo kasanzwemo abantu bagera kuri 47, bari bagacucitsemo banywa inzoga, bahita bajyanwa kuri stade ya Remera kugirwa inama no guhanwa.

Abandi 16 basanzwe muri Sauna ikorera i Kanombe , na bo bajyanwa kuri Stade Amahoro.

Abandi bantu 10 bafatiwe i Kagugu mu nzu icumbikira abagenzi (maison de passage) bari mu birori bizwi nka b‘aby shower’ bose hamwe baba 129.

CP John Bosco Kabera

Umuvugizi wa Polisi y’Igihugu CP John Bosco Kabera, yabwiye itangazamakuru ko hashize amezi 11 abantu bakangurirwa kubahiriza amabwiriza yo kwirinda iki cyorezo cyugarije u Rwanda, bityo bakaba bagomba kuyubahiriza 100% cyangwa se bakiyemeza guhanwa.

Aba bafatiwe muri Sauna muri Glads Apartments i Kanombe

Aba bari muri iyi maison de passage muri Baby shower

Dore uko iki gikorwa cyakozwe muri Video

Miss Viviane yazahajwe na covid19 umwaka ushize

Iki gikorwa cyo kurenga ku mabwiriza yo kwirinda ikwirakwizwa ry’icyorezo cya Covid-19, cyabereye mu rugo rwa Bazatsinda Bonfils wemera ko koko bakoze amakosa, akaba anabisabira imbabazi.

Yagize ati "Polisi yadufashe turi kunywera byeri mu rugo iwanjye mu ma saa mbili n’igice z’ijoro, twari umunani twicaye mu ntebe, nkaba narimo mbagurishaho byeri kugira ngo ndebe ko nabona ibirayi."

Bazatsinda yanavuze ko Miss Viviane asanzwe ari inshuti ye, basanzwe basurana kandi basangira, akaba yari anyuze iwe gato ngo amuramutse basangira agacupa.

Yanasabye imbabazi avuga ko agiye kwisubiraho ibyo gukora ubu bucuruzi akabihagarika, agategereza ko icyorezo cya Covid-19 gitanga agahenge, ubuzima bugakomeza agasubukura ibikorwa bye.

Bazatsinda arasaba imbabazi z’aya makosa bafatiwemo

Miss Viviane yahakanye ko aziranye n’uyu mugabo uvuga ko basanzwe baziranye banasangira, avuga ko yageze muri urwo rugo agiye muri gahunda z’akazi zo gukangurira abantu kugana ikigo cy’ubwishingizi akorera atari yagiyeyo kunywa inzoga, akaba yafatiwe mu nzira ataha

Miss Viviane kandi yatangaje ko muri iki gitondo nyuma yo gusobanurira Polisi aho yari avuye akanerekana ko yari afite n’uruhushya rwo gukora ingendo yarekuwe agataha.

Ubusanzwe Miss Viviane, atuye mu Murenge wa Gatenga, Akarere ka Kicukiro. Mu mwaka ushize ni umwe mu bazahajwe na Covid-19, kuko ni we munyarwanda wa mbere wongerewe umwuka ariko akaza kugira amahirwe yo kuvurwa agakira agataha iwe.

Viviane yanze kwiyereka itangazamakuru

Miss Viviane icyo gihe akaba yaranduriye Covid-19 mu rugo iwe aho yari yarahahinduye akabari mu gihe cya Guma mu Rugo ya mbere yabaye umwaka ushize, nk’uko byatangajwe na Minisitiri w’Ubuzima Dr Daniel Ngamije.

Miss Viviane yakirutse covid anahabwa icyemezo cy’uko yakize

Ubusanzwe abafatiwe muri aya makosa yo guhindura urugo akabari, buri wese atanga amande ya 25,000Frw, nyiri urugo agatanga ibihumbi 200, ndetse bagasabwa kwipimisha Covid-19 biyishyuriye kugira ngo banamenye uko ubuzima bwabo buhagaze, banareba niba ntawaba yahumanyije abo bari kumwe.

Bamwe mu bafatiwe mu rugo Miss Viviane yari avuyemo bagomba gucibwa amande

Reba Video y’abafashwe basobanura uko byagenze

Ibiro 410 by’urumogi byatwitswe

Umuyobozi w’Akarere ka Nyabihu Mukandayisenga Antoinette, yatangaje ko ibi biyobyabwenge bifite agaciro ka Miliyoni 87 z’Amafaranga y’u Rwanda, asaba abaturage gufata iya mbere mu kwicungira umutekano batungira agatoki inzego z’umutekano uwo bakekaho kwijandika mu bucuruzi bw’ibiyobyabwenge.

Iki gikorwa cyakozwe ku bufatanye hagati ya Polisi, RIB n’Inzego z’Ibanze

Lt Gen Jacques Musemakweri witabye Imana

Umuvugizi w’Ingabo z’u Rwanda, Lt Col Ronald Rwivanga, yabwiye Kigali Today ko ayo makuru ari yo.

Lieutenant General Jacques Musemakweli yagizwe Umugenzuzi w’Ingabo z’igihugu, tariki 9 Mata 2018, avuye ku mwanya w’Umugaba Mukuru w’Inkeragutabara.

Lt Gen Musemakweli akaba yaranabaye Umugaba Mukuru w’Ingabo zirwanira ku Butaka, avuye ku buyobozi bw’Ingabo zishinzwe kurinda Umukuru w’Igihugu mu 2016.

Imana Imuhe Iruhuko ridashira.

Lt Gen Musemakweli wa mbere iburyo

Lt Gen Musemakweli yanayoboye Ingabo zishinzwe Umutekano wa Perezida wa Repubulika

Lt Gen Musemakweli n’Umuryango we bari baje kumushyigikira yarahiriye Inshingano z’Ubugenzuzi bwa RDF

Abacuruzi ngo babapakiriraga ibicuruzwa bakabibashyira ahantu bumvikanye bajya kureba kuri konti bagasanga nta mafaranga ariho, cyangwa se bashyizeho make babaha ‘bordereaux’ bakayihindura bagashyiraho amafaranga menshi.

Nyuma y’uko Polisi ibimenye, yahise ita muri yombi aba batatu, Polisi ikaba ikomeje gushaka abandi.

Izi ni bordereaux z’impimbano bakoreshaga biba

Aya makuru ngo yabonetse kubera amakuru yatanzwe n’abaturage, umuvugizi wa Polisi, CP John Bosco Kabera akaba ashimira abaturage bakomeje gutanga aya makuru anaburira abacuruzi abasaba kurushaho kwirinda abajura nk’aba, abagira inama yo kuzajya bagemurira umuntu ibicuruzwa bizeye neza ko amafaranga yabyo yamaze kugera kuri konti.

CP John Bosco Kabera avuga ko abajura nk’aba ntaho bazanyura Polisi

Ingingo ya 174, n’iya 276 zo mu gitabo cy’amategeko ahana y’u Rwanda igaragaza ko aba bagabo biyemerera ibyaha bagiye gukurikiranwaho ibyaha bibiri birimo, Kwihesha ikintu cy’undi hakoreshejwe uburiganya, ndetse n’icyo guhimba , guhindura inyandiko cyangwa gukoresha inyandiko mpimbano.

Ingingo ya 174 ivuga ko umuntu wese wihesha umutungo w’undi, imari ye cyangwe se igice cyayo mu buryo bw’Uburiganya yiyitiriye izina ritari ryo cyangwa umurimo adagitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha.

Iyo abihamijwe n’Urukiko ahanishwa igifungo kitari munsi y’imyaka ibiri ariko kitarenze imyaka itatu, n’ihazabu y’amafaranga y’u Rwanda atari munsi ya Miliyoni eshatu, ariko atarenze miliyoni eshanu.

Iya 276 yo ivuga ko umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditsweho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha.

Iyo abihamijwe n’Urukiko, ahanishwa igifungo kitari munsi y’imyaka itanu ariko kitarenze irindwi, n’ihazabu y’amafaranga y’u Rwanda atari munsi ya Miliyoni eshatu ariko atarenga miliyoni eshanu cyangwa kimwe gusa muri ibyo bihano.

Irebere byinshi kuri aba bajura muri iyi video

Mpirirwa Hubert n’urumogi yafatanywe

Mpirirwa Hubert, yavuze ko mbere y’uko azanira uwamutumye urwo rumogi yari yamwijeje ko azamwishyura ibihumbi bisaga 200 Frw.

Yafatanywe umufuka w’urumogi ufite 20kg

Umuvugizi wa Police CP John Bosco Kabera avuze ko ingingo ya 263 y’igitabo cy’amategeko ahana mu Rwanda, iteganya ko uyu mugabo nahamwa n’iki cyaha cyo kugemura no kugurisha ibiyobyabwenge mu kindi gihugu azahanishwa igifungo cy’imyaka iri hagati ya 20-25, ndetse n’ihazabu ya Miliyoni ziri hahati ya 15-20 .

CP John Bosco Kabera avuze ko uyu muntu azahanwa bikomeye

Gare yo mu Mujyi wa Kigali nta mugenzi wiriwe mo

Kigali Today ibicishije mu ishami ryayo ry’amashusho yatembereye hirya no hino mu Mujyi wa Kigali, ibona ibintu bitatu by’umwihariko byaranze uyu munsi wa mbere wo kuva mu rugo.

Icya mbere cyagaragaye ni ukubura kw’abagenzi muri Gare ya Nyabugogo ndetse n’iyo mu Mujyi wa Kigali. Mu baganiriye na Kigali Today bamwe bavuze ko bari bamaze iminsi bari mu rugo bakaba nta mafaranga yo kwishyura ingendo bari bafite.

Hari abandi bavuze ko bari bakumbuye imihanda y’i Kigali bakaba bahisemo kuhatembera n’amaguru kugira ngo barebe uko hasa nyuma y’ibyumweru bitatu bari mu rugo.

Ntibisanzwe kubona Gare ya Nyabugogo imeze itya mu bihe bisanzwe

Hari n’abivugira ko mu gihe cyabimburiye Guma mu Rugo ndetse n’ibyumweru bitatu bayimazemo, bakoreshaga amaguru mu ngendo, ubu bakaba bamenyereye kugenda n’amaguru kuburyo bazajya batega rimwe na rimwe bananiwe cyangwa se bagiye mu Ntara.

Imodoka zabuze abagenzi zirigendera hazagamo imwe nko mu masaha atatu yumvise ko hari umugenzi waba abonetse

Ikindi cyagaragariye Umunyamakuru wa Kigali Today ni Ukuntu abamotari bari bakumbuye imihanda, aho wabonaga ko bazindutse kandi biteguye gutwara abagenzi, kandi bubahiriza amabwiriza yo kwirinda Covid19.

Abamotari bari bakumbuye gutwara bari mu kazi kandi bikwije

Ikindi cyagaragaye mu mihanda mu masoko mu maduka n’ahandi ni urujya n’uruza rw’abantu wabonaga ko bakumbuye kujya ku murimo, ariko bakaba banakajije ingamba zo kurwanya ikwirakwizwa rya Covid19 imajije Abanya Kigali mu byumweru bitatu bya Guma mu Rugo.

Gukaraba byashyizwemo imbaraga zirenze izisanzwe ntawaca mu rihumye abakorerabushake

Chic amamodoka yongeye gukubita aruzura

Dore mu mafoto uko byari byifashe hirya no hino muri Kigali ku munsi wa mbere wo kuva mu rugo

Gare zarimo abazikoreramo gusa imodoka n’abagenzi bagerwaga ku mashyi

Abakorerabushake muri gare bashomereye

Amamoto yari akimbuye imihanda n’abagenzi bayakumbuye

Imirimo yari ikimbuwe kuri benshi

Dore disi abantu sinjye urota ngeze ku bakiriya banjye

Isuku no gupimwa umuriro byongerewemo imbaraga

Photo: Muzogeye Plaisir

Abafashwe bajyanywe muri Stade ya Bugesera kugirwa inama no guhanwa

Mu bafashwe harimo abacuruza inzoga mu tubari mu gihe utubari twafunzwe, hakabamo abajya muri za resitora bakarirayo kandi resitora zarasabwe kujya zitanga amafunguro ku bayatahana gusa.

Abo bose bafatiwe mu tubari dutandukanye turimo akitwa Kwa Celestin, ahitwa Hilton Hotel, ku Gahembe ndetse no mu tundi tubari dutandukanye muri aka Karere.

Abafashwe bararenga 100 bakaba bose bajyanywe muri sitade ya Bugesera. Mu bafatiwe mu tubari na resitora i Bugesera harimo n’abari baturutse i Kigali.

Abafatiwe muri ibi bikorwa hamwe na ba nyiri utubari bafatiwemo bose, bahuriza mu kwemera amakosa yo kurenga ku mabwiriza yo kwirinda ikwirakwiza ry’icyorezo cya Covid19, bakavuga ko kuba bafashwe byabahwituye bakaba bizeza Abanyarwanda ko bagiye gukurikiza amabwiriza nk’uko yateganyijwe mu byemezo by’Inama y’abaminisitiri.

Meya wa Bugesera Richard Mutabazi

Richard Mutabazi uyobora Akarere ka Bugezera, yabwiye Kigali Today ko mu bafashwe abenshi atari ubwa mbere bafashwe, bakaba bagiye kubafatira ibyemezo bikarishye, ngo kuko bigaragara ko bigometse ku mabwiriza yo guhangana n’iki cyorezo.

Ati “ Ubu tugiye kongera imbaraga mu guhana aba bantu kuko bose ntanumwe uvuga ko atari azi aya mabwiriza kandi abenshi si n’ubwa mbere bafashwe.”

CP JB Kabera Umuvugizi wa Polisi y’Igihugu

CP John Bosco Kabera, Umuvugizi wa Polisi y’Igihugu yatangaje ko iki gikorwa cyagaragaje ko hari andi makosa menshi ari gukorwa muri ibi bihe, Polisi ikaba igiye kuyahagurukira.

Yagize ati” Twasanze hari abasaba impushya babeshya aho bagiye kandi bazisaba bagatanga lifuti, ni yo mpamvu guhera ubu ntawe uzongera gutwara umuntu udafite uruhushya mu modoka. Umuntu uzajya utwara abantu badafite uruhushya mu modoka tukabafata tuzajya tubasigarana we akomeze.”

Yakomeje agira ati” Polisi ntizatezuka mu kugenzura iyubahirizwa ry’aya mabwiriza kandi ntizatezuka no guhana abatayubahiriza. Abanyarwanda bamenye ko aho waba uri hose ntaho Polisi itagusanga.”

Muri aba harimo 9 bari baturutse i Kigali

Yakuwe mu modoka ateruwe na bagenzi be mu maboko, icyo ashobora ari ukwicara hasi no kuharyama gusa.

Usibye iyicarubozo avuga ko yakorewe, icyamushavuje cyane ngo ni umwana we yabuze kuko yatandukanye na we agifatwa akaba atazi aho uwo mwana aherereye.

Byinshi ku byamubayeho yabisobanuye muri iki kiganiro yahaye abanyamakuru:

Perezida Kagame yunamira Intwari z’igihugu umwaka ushize

Ubusanzwe ibi birori byo kwizihiza Intwari z’u Rwanda, byabimbutirwaga n’Umuhango wo kunamira izo Ntwari ubera ku gicumbi cyazo, uwo muhango ukaba ukorwa na Perezida wa Repubulika, Paul Kagame.

Muri uyu mwaka uyu muhango ntiwakunze, kubera ingamba zo kwirinda ikwirakwizwa ry’icyorezo cya Covid19, ndetse na Guma mu Rugo u Rwanda rurimo muri iyi minsi.

Nubwo uyu muhango utabaye, Perezida Kagame yageneye ubutumwa Abanyarwanda bubifuriza umunsi mwiza w’Intwari ndetse anabakangurira gutera ikirenge mu cy’Intwari zitangiye igihugu zikakigeza aheza hifuzwa na benshi.

Mbifurije umunsi mwiza w’Intwari. Intwari twizihiza, ni Abanyarwanda bagaragaje kwitangira u Rwanda batizigama. Batubereye urugero rw'ibishoboka. Ubu u Rwanda rukaba ari imbuto z'ubutwari bwabo. Uwo muco ugomba kuba uruhererekane tuzakomeza kuraga abato.

— Paul Kagame (@PaulKagame) February 1, 2021

Intwari z’u Rwanda zibukwa buri gihe kuri iyi tariki, ziri mu byiciro bitatu birimo , Imanzi, Imena, Ingenzi.

Mu Ntwari z’Imanzi harimo Maj Gen Fred Gisa Rwigema, ndetse n’Umusirikare utazwi uhagarariye abandi baguye ku rugamba rwo kubohora Igihugu.

Umuryango wa Maj Gen Fred Gisa Rwigema Ushyira Indabo ku gituro cye umwaka ushize

Igituro cy’Umusirikare utazwi gihabwa icyubahiro

Mu Ntwari z’Imena harimo Umwami Mutara wa III Rudahigwa, Rwagasana Michel, Uwiringiyimana Agathe, Niyitegeka Felicite ndetse n’Abanyeshuri bigaga Inyange banze kwivangura bikaviramo bamwe kwicwa abandi ubu bakaba barahamugariye.

Aba babyeyi ni abo mu Muryango wa Mutara III Rudahigwa bashyira Indabo ku gituro cye Umwaka ushize

Abo mu muryango wa Uwiringiyimana Agathe bashyira Indabo ku gituro cye Umwaka ushize

Abo mu muryango wa Rwagasana Michel Bashyira Indabo ku gituro cye umwaka ushize

Abahagarariye Intwari z’Inyange bashyira Indabo ku gituro cya bagenzi babo umwaka ushize

Abari mu cyiciro cy’Ingezi ntibaramenyekana kuko hakirimo gukorwa ubushakashatsi ngo hamenyekane abazashyirwamo.

Dore mu mafoto uko Perezida Kagame yunamiye Intwari z‘u Rwanda, umwaka ushize

Perezida Kagame buri mwaka yunamira Intwari zitangiye u Rwanda

Uyu muhango ubimburirwa n’umunota wo Kwibuka Intwari z’u Rwanda

Ukuriye abahagarariye ibihugu byabo mu Rwanda yari yitabiriye uwo muhango umwaka ushize

Minisitiri w’Umuco n’Urubyiruko ni we wakiriye Perezida Kagame muri uyu muhango

Ingabo z’u Rwanda itsinda ricuranga imiziki y’ibirori ryari muri uyu muhango

Dore uko Intwari z’u Rwanda zunamiwe umwaka ushize muri video

Photo: Archives Kigali Today

Dr Bitwayiki avuga ko nk’umuganga yahisemo kutazongera gushaka umuganga w’amenyo ahubwo ategura uburyo bwo kubyikorera, nk’uko bigaragara muri iyi Video:

Ndayisaba Fabrice wari ugonze abantu ( ibumoso) witiriwe Ndayisaba Fabrice Eto’O wa NFF Rwanda

Ndayisaba Fabrice Eto’O yavuze ko benshi mu bakunzi b’ibikorwa bye, bamwe mu bayobozi bakuru b’igihugu, ndetse n’abaterankunga ba Fondasiyo abereye umuyobozi, bakimara kumva itangazo rya Police ry’uko uwitwa Ndayisaba Fabrice yatawe muri yombi akekwaho icyo cyaha, batangiye kumuhamagara abandi bakamwoherereza ubutumwa bumunenga, bamubwira ko batunguwe n’iyo myitwarire mu gihe bamufataga nk’umwana w’indashyikirwa.

Ati “ Kuva uyu mugabo yatabwa muri yombi ndimo ndisobanura cyane pe. Abangaya bazi koko ko ari njye, abambaza niba koko ari njye nkabasobanirira ko ari uwo twitiranwa, ndetse hakaba hari n’abandi bari guhererekanya ubutumwa kuri whatsaap, bavuga ko batangajwe n’imyitwarire idakwiye umuyobozi wa Fondasiyo.”

Yakomeje agira ati “ Icyo nabwira abantu bose banyitiranyije n’uyu mugabo ni uko Njye Ndayisaba Fabrice, nsanzwe nshishikariza urubyiruko imyitwarire myiza, ubunyangamugayo n’ikinyabupfura, by’umwihariko muri iyi minsi nkaba narahagurukiye kubashishikariza kubahiriza amabwiriza yo kwirinda Covid19. Ikindi kandi sinywa inzoga . Ntabwo rero ari njye warenga kuri ibyo nkakora ayo makosa rwose si njye ni uwo twitiranwa”.

Fabrice Eto’O yihebeye ibikorwa byo kwita ku bana bato batishoboye akabahindurira ubuzima

Ubutumwa butandukanye bwohererejwe Ndayisaba Fabrice Eto’O

Ndayisaba Fabrice Eto’O yanongeye gukangurira Urubyiruko kurushaho kubaha no kubahiriza amabwiriza yo guhangana n’ikwirakwizwa ry’Icyorezo cya Covid19, anabibutsa ko Covid19 yica n’abana bityo bakaba bagomba kuyirinda kugira ngo gahunda zo kuyirwanya zihute icyorezo gitsindwe, abantu basubire mu buzima busanzwe.

Ndayisaba Fabrice wari uhitanye abantu n’imodoka

Uyu mugabo wamaze gutabwa muri yombi na Polisi y’igihugu, itungiwe agatoki n’umuturage washyize video kuri Twitter y’uburyo uyu mugabo yari agonze abantu Imana igakinga akaboko, yemereye itangazamakuru ko koko yari atwaye imodoka yanyoye inzoga, kandi yanarengeje amasaha yo gutaha yari yemerewe ku ruhushya rwo kugenda muri ibi bihe bya Guma mu Rugo.

Yagize ati: “Navuye mu kazi ntinze, nasomye ku kayoga kandi narengeje amasaha yari ku ruhushya nahawe rwo kugenda muri ibi bihe bya Guma mu Rugo. Byatumye ntaha narengeje umuvuduko ngeze ku mushumba mwiza ni ho nahuriye n’abantu benshi mu muhanda ndikanga, nshaka gusubira inyuma ngwa mu muferege, ngira amahirwe mvamo mbonye inzira ndakomeza ndataha."

Dore muri iyo Twitter uko uyu mugabo yari ahitanye abantu

Mwiriwe @Rwandapolice Imodoka ifite plaque RAC 176 H . Ubu uwari uyitwaye ntakuntu yakurikiranwa ko mbona ari ikibazo mu muhanda ? pic.twitter.com/ZacfBH88rD

— YEGOB 🇷🇼 (@Yegobofficial) January 26, 2021

Umuvugizi wungirije wa Polisi y’Igihugu, CSP Africa Sendahangarwa Apollo, yabwiye itangazamakuru ko uyu mugabo yari agonze abantu barimo bishimira intsinzi y’Amavubi nubwo na bo barenze ku mabwiriza yo kwirinda covid-19 na Guma mu Rugo, bakirunda mu mihanda.

Yatanze Inama ku bafite iyo myitwarire anavuga ko ubu hatangiye Iperereza ku rukomatanye rw’ibyaha uyu mugabo yakoze ngo hatangire gahunda yo kumukurikirana akabihanirwa.

Ati’’ Tuributsa abaturage ko kwishima muri ibi bihe by’icyorezo ntibikwiye kumera nk’uko abaturage babikoze bahura ndetse banasabana nk’uko babikoze, kandi tuributsa n’abatwara ibinyabiziga kurushaho gukurikiza amategeko yo gutwara ibinyabiziga bize, kuko kutabikurikiza byabateza ingaruka nyinshi zirimo kubabuza kongera gutwara ibinyabiziga mu buryo bwa burundu."

Umuvugizi wungirije wa Polisi CSP AS Apollo

Muri iri joro nyuma y’Umupira wahuje Ikipe y’Igihugu Amavubi n’Ikipe ya Togo, u Rwanda rugatsinda ibitego bitatu kuri bibiri bya Togo, abaturage ibyishimo byabarenze bibibagiza ko bari muri Guma mu Rugo birara mu mihandababyina iyo Ntsinzi yashyize ikipe y’u Rwanda muri 1/4 cy’Amarushanwa y’Igikombe cy’Afurika cy’Abakinnyi bakina mu bihugu byabo rizwi nka CHAN.

Iki gikorwa nacyo kiri mu byo Polisi y’Igihugu yagaye isaba abaturage gucika kuri uwo muco, ushobora gutuma icyorezo cya Coronavirus kibasiye cyane cyane Umujyi wa Kigali kirushaho kongera ubukana bityo Umujyi wa Kigali ukaguma mu bihe bidasanzwe.

Reba video uyu mugabo asobanura ibyamubayeho n’uburyo yafashwe

Icyakora inzego z’umutekano zabashishikarije gusubira mu ngo, zibabwira ko batagomba kwishima ngo bibagirwe ingamba ziriho zo gukumira ikwirakwira ry’icyorezo cya Coronavirus.

Reba amashusho agaragaza uko byari bimeze:

Uko ari 15 bafatiwe mu Ngo ebyiri zituranye bari mu birori

Babiri muri bo baganiriye n’itangazamakuru bemera ko barenze ku mabwiriza yo kwirinda ikwirakwizwa ry’icyorezo cya Coronavirus kimaze iminsi cyaribasiye cyane Umujyi wa Kigali, bakavuga ko babirenzeho babizi ariko batazabisubira.

Kamaro Felicien umwe mu bateguye ibirori murugo iwe

Umuhoza we ngo yari yateguye ikirori cyo kwizihiza isabukuru y’amavuko ya Mugenzi we

Umuvugizi wungirije wa Polisi y’Igihugu CSP Afrika Sendahangarwa Apollo yavuze ko Polisi itazahwema gufata aba bantu barenga ku mabwiriza yo kwirinda ikwirakwira rya Covid-19, anashimira abaturage badahwema gutanga amakuru y’aba bantu bagafatwa.

Ati "Aba bantu uko ari 15, barapimwa Covid-19 kandi biyishyurire ibipimo, ubundi bacibwe amande nk’uko amabwiriza y’Umujyi wa Kigali abivuga."

Aya mabwiriza avuga ko abarenze ku mabwiriza yo kwirinda ikwirakwira rya Covid-19 muri ubu buryo bacibwa amande y’amafaranga ibihumbi 25 ( 25,000 Frw), uwateguye ibirori mu rugo agacibwa ibihumbi 200 Frw.

Umuvugizi wungirije wa Police CSP AS Apollo avuga ko Polisi ishimira abaturage batanga amakuru ku barenga ku mabwiriza bagafatwa

CSP Afrika Sendahangarwa yongeye kwibutsa abaturage ko icyorezo cya Coronavirus kidakwiye kujenjekerwa kuko kirimo gutwara ubuzima bw’Abanyarwanda benshi, asaba abantu gusubira mu mabwiriza yo kukirinda yashyizweho n’Inama y’Abaminisitiri bakayafata mu mutwe, ndetse bakanayakurikiza kugira ngo Abanyarwanda cyane cyane Abanyakigali bari mu bihe bidasanzwe babe babasha kubivamo amahoro.

Aba bose barapimwa corona biyishyurire ubundi bacibwe amande

Baranagirwa inama zizabafasha kutongera kugwa muri aya makosa

Itangazamakuru ryitabiriye igikorwa cyo kwerekwa aba bantu ngo rikangurire abandi kubicikaho

Abaturage bavuga ko imirimo yagabanutse cyane

Njye n’itsinda ry’Abanyamakuru bo mu ishami ry’amashusho twajyanye, twasanze muri aka gace, urujya n’uruza rw’abantu biganjemo abajya n’abava guhaha, ndetse n’abandi birengangije gahunda ya Guma mu rugo , barimo bitemberera mu muhanda, abandi biyicariye nk’aho ntacyabaye.

Mu mihanda ya Rwarutabura n’uku hifashe

Ikindi twabonye giteye impungenge cyane, ni ubucucike mu bacuruza ibiribwa, aho bigaragara ko bacuruza bahekeranye cyane bo ubwabo, ndetse bakanahekerana n’abaza kubagurira bamwe batambaye agapfukamunwa, abandi bakambaye nabi.

Abacuruza ibiribwa baregeranye cyane

Umubyigano hagati yabagura n’abagurisha bamwe batambaye udupfukamunwa watuma banduzanya Covid19

Bamwe mu baturage batubonaga batambaye udupfukamunwa wabonaga ntacyo bibabwiye, babona tubatunze camera ngo dufate amashusho bagatanguranwa bashaka aho bagashyize ngo bakambare, abandi bakiruka batwihisha.

Kwambara udupfukamunwa neza ni ibihuha kuri bamwe

Uyu we agapfukamunwa akumva kuri Radiyo

Ibi bigaragaza rero ko hakwiye gushyirwa imbaraga mu gukangurira abatuye aka gace kubahiriza amabwiriza yo kwirinda iki cyorezo, kuko nk’uko mubibona mu mafoto akurikira, bigaragara ko basa n’abumva Covid-19 itabareba.

Aba bakora akazi ko gutwaza abantu imizigo bari mu kivunge tubatunze camera bariruka

Aba bo ngo Guma mu Rugo ntibareba

Mu gihe kudoda inkweto bitari muri serivise z’ingenzi we ari kubikora atanambaye agapfukamunwa

Twibukiranye ko kuri uyu wa Gatatu tariki ya 20 Mutarama 2021, mu Rwanda hagaragaye abarwayi bashya 312 ba Covid-19 barimo 186 babonetse i Kigali.

Muri Rwarutabura umenya Coronavirus itajya ifata abana

Twebwe rwose ibya corona ntitubizi

Iyizire twigire ku isoko mwana wanjye, ibya Corona n’iby’abakire

Aba bose babuze ibisobanuro bifatika by’iyo bagannye

Aba bo ngo nubundi ntibakunda mu rugo nimbaveho

Tujye kwiyambaza Polisi turabona aba bavandimwe batunaniye

Mu mihanda ya Rwarutabura n’uku hifashe

Aha ntibyoroshye ko wacuruza utabyiganye n’umuguzi

Hatagize igikorwa Rwarutabura yahinduka indiri ya Covid19

Reba Video uko byari byifashe:

Photo: Muzogeye Plaisir

Video: Salomon George

Bavuye guhaha aho gutaha bihagararira mu muhanda baraganira

Ikigaragara aho nagiye nca, nagiye nsanga hari aho abantu bibereye ku mihanda baganira, abitwaza kujya gushaka serivise zemewe bakaboneraho kuganira, abana bakinira mu muhanda nta dupfukamunwa, n’umubyigano mu bahaha.

Hari n’aho nabonye bacuruza inkweto mu gihe zo zitabarirwa muri serivise za ngombwa zikenewe muri iyi minsi ya Guma mu Rugo.

Uyu we yahisemo gucuruza inkweto mu gihe zitari mu byemewe gucuruzwa muri iki gihe cya Guma mu Rugo

Hari n’aho nabonye ababyeyi bacuruza imboga zitandukanye n’imbuto ku dutaro bagenda bakomanga kuri buri rugo bagurisha.

Bamwe mu bo twaganiriye bambwiye ko nubwo kugurira abo babyeyi ari amaburakindi, harimo no kubatera inkunga ngo na bo babeho. Icyakora ngo biteye inkeke n’impungenge, ngo kuko bashobora gukwirakwiza icyorezo cya Covid19 mu ngo banyuramo mu buryo bworoshye.

Aba babyeyi b’udutaro bagenda bakomanga kuri buri rugo bagurisha. Hari impungenge z’uko bakwirakwiza covid19 mu ngo banyuramo

Nanyuze no muri Gare ya Nyabugogo kureba niba abaturage Guma mu Rugo yasanze muri Kigali ariko bifuzaga gusubira iwabo kuhamara iyi minsi ya Guma mu Rugo, nshaka kureba niba bose barafashijwe gutaha.

Mbaza ngo wasanze bimeze bite? Nasanze aba baturage bose nk’uko Minisitiri w’Ubutegetsi bw’Igihugu Prof Shyaka Anastase yabisobanuye, barafashijwe gutaha ku munsi wa mbere wa Guma mu Rugo, ubu gare ya Nyabugogo ikaba yera de!

Gare ya Nyabugogo nta n’inyoni itambamo

Dore mu yandi mafoto uko bimeze:

Aba dore uko bimereye mu muhanda n’ukuntu bambaye agapfukamunwa

Uyu uhagaze yaje kugura M2u ariko byarangiye ahindutse umucuruzi wazo

Guma mu Rugo kuri bo ni Guma ku irembo

Aba nababajije aho bagannye ariko kugeza n’ubu nandika iyi nkuru ndacyategereje igisubizo

N’aba ni uko

Uyu we Guma mu Rugo yayihindiye Guma mu giti

Uyu ni umuzunguzayi w’imiti gakondo, nawe ngo ari muri serivisi z’ubuvuzi zemerewe gukora

Ku munsi wa kabiri wa Guma mu Rugo ngo bari bakumburanye

Abana bakinira mu muhanda nta dupfukamunwa bambaye bateye inkeke.

Mundebere namwe nk’aba bana rwose ukuntu bigabije umuhanda nta dupfukamunwa muri ibi bihe turimo

Aba bambwiye ko ari aba Marine, bari bicaye kwa Mutangana ngo bacunze urangara ngo bamukosore (Bamwibe)

Guhana intera mu isoko ryo kwa Mutangana ni ikizamini

Polisi n’abakorerabushake bari gufatanya gukangurira abaturage baje guhaha gushyira intera hagati yabo

Nubwo bitoroshye ariko icyizere ni cyose cy’uko iki cyorezo kizatsindwa ubuzima bugasubira mu buryo

Photo : Roger Marc Rutindukanamurego

Aba ni bo baraye basusurukije Abanyarwanda mu gitaramo cyitwa East African Party

Mu ntangiriro z’uyu mwaka wa 2021 iki gitaramo kikaba cyabaye mu buryo bwihariye, aho Abanyarwanda bagikurikiye kuri Televiziyo y’igihugu kubera gahunda yo kwirinda ikwirakwizwa ry’icyorezo cya CoronaVirus.

Iki gitaramo cyagaragayemo abahanzi gakondo barimo Cecile Kayirebwa, kigaragaramo Intore Masamba, kigaragaramo Cyusa Ibrahim umaze kwigarurira abakunzi muri iyi njyana ndetse na Muzehe Makanyaga Abdul wasoreje abandi ahagurutsa abantu bakurikiye iki gitaramo bari mungo bagafatanye guceza.

Aba bahanzi bose bakaba bibanze mu gukangurira cyane cyane urubyiruko kurushaho kwirinda icyorezo cya Coronavirus kimaze iminsi cyongereye ubukana, basaba abantu gukaza ingamba zo kwirinda, kugira ngo iki cyorezo gitsindwe vuba abantu babashe kuba basubira guhurira mu bitaramo imbona nkubone bagasabana.

Dore mu mafoto uko iki gitaramo cyari kimeze:

Cyusa Ibrahim yerekanye ko Gakondo amaze kuyigeza ku yindi ntera

Abakobwa b’Urukerereza bafashije Cyusa gususurutsa Abanyarwanda

Cecile Kayirebwa yakumbuje Abanyarwanda indirimbo ze za Kera ndetse n’izubu

Ange na Pamella Impanga zifite amajwi meza cyane zafashije Kayirebwa kuririmbira Abanyarwanda

Alouette ufite ijwi nk’irya Kayirebwa nawe yamubaye hafi

Masamba yatunguye abantu acuranga inanga

Yaneretse Abanyarwanda ko izina ari ryo muntu ari intore

Ruti Joel yatojwe na Masamba akaba amuhora hafi mu ngamba

Ruzima Bil umusore w’Impano idashidikanywaho yari ku ruhembe rw’iburyo rwa Masamba

Mu ndirimbo Umuhororo Masamba agira ati “Dore nteze amaboko, nyarambuye uko angana”

Muzehe Makanyaga Abdul yabiciye biracika

Ku myaka ye irenga 70 aracyabasha gucinya akadiho

Ijwi rye na ryo riracyameze nk’iry’abana bato

Uyu musaza yanejeje abantu cyane acinya akadiho

Ntawashidikanya ko yabaye umubyinnyi w’umunsi

Iki gitaramo cyayobowe na Uwimana Basile usanzwe ari Umunyamakuru

Photos: EAP

Rutaganira Etienne yahawe igihembo cya mudasobwa

Igihembo cya mudasobwa yo mu bwoko bwa HP cyahawe Rutaganira Etienne, umucuruzi umaze imyaka ibiri ari umukiriya wa Banki ya Kigali, akavuga ko byamuteye ishyaka ryo kurushaho gukoresha Mastercard kandi akaba agiye no kubikangurira bagenzi be.

Ati “Gukoresha Mastercard bikurinda gutora imirongo muri Banki bigatuma ukoresha neza igihe cyawe muri gahunda zawe zose. Kuba noneho mbiboneyemo igihembo binteye ishyaka ryo gukomeza kuyikoresha ndetse nkaba nzanabikangurira abandi.”

Uwineza Florence na we ni umukiriya wa Banki ya Kigali ukoresha Mastercard, akaba yegukanye igihembo cya moto, muri ubu bukangurambaga bwa Mu Munyenga na Mastercard.

Uwineza Florence yegukanye igihembo cya moto

Mu kiganiro yahaye Kigali Today,yavuze ko gukoresha Mastercard byamurinze kugendana amafaranga, kuko aho ari hose ashobora kugera ku mafaranga ye ari kuri konti muri Banki ya Kigali, atiriwe ajya ku ishami ryayo.

Ati “Mastercard yaturinze kugendana amafaranga, ubu waba uri mu Rwanda ndetse no mu mahanga ushobora gukoresha amafaranga yawe. Ndakangurira bagenzi banjye kugana Banki ya Kigali bagakoresha Mastercard bakoroherwa na serivise iyi banki itanga, kandi bakabasha no kwegukana ibihembo bitandukanye Banki ya Kigali yabashyiriyeho muri iyi minsi.”

Uwineza Florence yanavuze ko iyi moto yegukanye igiye kumufasha gukura umuntu mu bushomeri akamuha akazi akazajya ayitwara, akazajya agira amafaranga yinjiza mu rugo rwe, kandi na we ikamwinjiriza amafaranga.

Mu bukangurambaga bwa Mu Munyenga na Mastercard, Hateganyijwe ibihembo bitandukanye, birimo amatike yo guhaha, mudasobwa, amapikipiki, igihembo nyamukuru kikazaba ari imodoka yo mu bwoko bwa Mahindra KUV 100 NXT.

Byukusenge Tharcicie ushinzwe serivise y’amakarita muri Banki ya Kigali yongeye gukangurira abakiriya b’iyi banki ko kugira ngo umukiriya yinjire mu banyamahirwe bo kwegukana ibihembo bitandukanye asabwa guhaha ibicuruzwa bifite agaciro gahera ku bihumbi 25 kuzamura, akishyura akoresheje Mastercard agahita ajya ku rutonde rw’abanyamahirwe.

Yibukije abakiriya b’iyi banki gukoresha mastercard kuko ari bumwe mu buryo buri no gufasha mu kurwanya icyorezo cya Covid-19, kuko cyandurira cyane cyane mu guhererekanya amafaranga mu ntoki.

Ubukangurambaga bwa Mu Munyenga na Mastercard buzasozwa tariki ya 31 Mutarama 2021 hatangwa igihembo nyamukuru cy’imodoka ya Mahindra KUV 100 NXT.

Ababakobwa barenze ku mabwiriza yo kwirinda covid19 none bari kubiryozwa

Aba bakobwa bakaba bari barize amayeri yo gukoresha ibirori bacuranga umuziki udasohoka hanze, ibizwi nka silent Disco kugira ngo hatagira uwakumva urusaku rw’umuziki akabakekera gukora ibirori agahamagara inzego z’umutekano.

Bapimwe covid19

Umuvugizi wa Polisi y’Igihugu CP John Bosco Kabera yabwiye itangazamakuru ko aba bakobwa bafashwe nyuma y’uko amashusho yabo agaragaje ko bakoze ibirori bahuriye mu rugo kandi barenze ku mabwiriza yo kwirinda icyorezo cya Covid-19.

Aba bakobwa nyuma yo gutabwa muri yombi bapimwe icyorezo cya Covid-19, ubu bategereje ibisubizo, bakaba bagomba no gucibwa amande aho buri wese agomba gutanga 25,000Frw, uwateguye ibi birori ndetse n’uwabakiriye mu rugo bakaba bagomba gutanga 200,000Frw.

Bagomba no gucibwa amande

CP JB Kabera yatanze inama zo gucka ku muco mubi wo kwishora mu byabanduza covid19

Dore uko igikorwa cyo kwereka aba bakobwa itangazamakuru cyagenze

Ambasaderi Mandisi Bongani Mabut MPAHLWA wa Afurika y’Epfo mu Rwanda

Yabitangaje Kuri uyu wa Gatanu, nyuma yo gushyikiriza Perezida Kagame, impapuro zimwemerera guhagararira igihugu cye mu Rwanda.

Yagize ati “Afurika y’Epfo n’u Rwanda bifitanye umubano utari mubi nubwo wajemo agatotsi, nkaba nje guhagararira igihugu cyanjye kugira ngo ako gatotsi tukavanemo maze turusheho kubaka umubano uganisha mu iterambere ryacu twembi.”

Ambasaderi wa Suwede

Kuri uyu wa Gatanu kandi Perezida Kagame yakiriye abandi ba Ambasaderi babiri barimo; MS Johanna TEAGUE wa Suede, na Mr Doudou Sow wa Senegal.

Aba bose bakaba bashima u #Rwanda mu ntambwe rumaze gutera nyuma ya Jenoside yakorewe Abatutsi , bakaba banijeje ko bazarushaho gukomeza umubano w’U Rwanda n’ibihugu bahagrariye ukarushaho gutera imbere no guteza imbere abaturage muri rusange.

Ambasaderi wa Senegal

Mutimura Benjamin atangiza gahunda BK yise Mu munyenga na Mastercard

Muri ubwo bukangurambaga bwo gukangurira Abakiriya gukoresha ikoranabuhanga bahererekanya amafaranga, Banki ya Kigali yabashyiriyeho gahunda izamara iminsi 45 yo gukoresha Mastercard bahaha, bakazahabwa ibihembo bitandukanye birimo imodoka. Iyo gahunda ikaba yarahawe izina rya Mu Munyenga na Mastercard.

Iyi gahunda iratangira kuri uyu wa 15 Ukuboza 2020 izasoze tariki ya 31 Mutarama 2021 nk’uko Benjamin Mutimura ushinzwe ubucuruzi muri Banki ya Kigali yabitangaje kuri uyu wa mbere.

Yagize ati “Nubwo twahuye n’icyorezo cya Covid19 muri uyu mwaka, turashaka gufatanya n’abakiriya bacu kuwusoza bishimye. Iyi gahunda kugira ngo umukiriya wa BK yinjire mu banyamahirwe bo kwegukana ibihembo bitandukanye twateguye, arasabwa guhaha ibicuruzwa bifite agaciro gahera ku bihumbi 25 kuzamura, akishyura akoresheje Mastercard agahita ajya ku rutonde rw’abanyamahirwe.”

Mutimura akomeza agira ati” Uru rutonde ruzajya rutambuka ku ma radiyo atandukanye arimo na KT Radio ya Kigali Today, abatsinze bahabwe ibihembo bitandukanye birimo, Amapikipiki, Mudasobwa, amatike yo guhaha, ku munsi wa nyuma bakazatoranywamo uwegukana igihembo nyamukuru cy’imodoka yo mu bwoko bwa Mahindra KUV 100 NXT.”

Mahindra KUV 100 NXT.” Igihembo gikuru kizatangwa muri iyi gahunda

Mutimura yasabye Abakiriya ba BK badafite Mastercard kugana amashami yayo aho ari hirya no hino mu gihugu, bakazihabwa ubundi bakitabira kuyikoresha muri iyi gahunda, anabibutsa ko ubu hari n’ishami rya BK riri mu imurikagurisha i Gikondo, kuburyo bashobora kurigana bagahita bakorerwa iyi karita iboneka ako kanya bagahita bayitahana bakayibyaza umusaruro.”

Mastercard za Banki ya Kigali zirimo ubwoko bubiri burimo, Debit card ituma ukoresha amafaranga ufite kuri konti, hakabamo na Credit card yemerera nyirayo gukoresha amafaranga adafite akazajya yishyura buri kwezi

Iyi modoka yamurikiwe ku cyicaro cya BK kiri mu imurikagurisha rya 23 riri kubera i Gikondo

Banki ya Kigali ifite ikoranabuhanga rya Mobile Banking ushobora kwifashisha uhererekanya amafaranga, aho ukanda *334# kuri telefoni yawe ugakurikiza amabwiriza .

Ushobora kandi guhererekanya amafaranga wifashishije Irindi koranabuhanga rya BK rizwi nka BK App, ushyira muri Telefoni ndetse ni muri mudasobwa , ukabasha gukoresha kontibyawe utagiye gutonda umurongo kuri Banki.

Mastercard ya BK ikaba ifite ikoranabuhanga rituma utirirwa uyinjiza mu cyuma cyifashishwa mu kwishyura POS, aho uyegerezaho POS igahita ikuraho amafaranga wahahishije itagukoreye ku ikarita, ikaba ari indi ntambwe nziza yo kwirinda ikwirakwizwa rya Covid19

Abakozi ba BK mu imurikagurisha bari babukereye

Inzugi binjiriramo ziriho utwuma bashyiraho itike tukemeza ubuziranenge bwayo hanyuma umuntu akinjira

Iri murikagurisha (Expo) rizitabirwa n’ibigo byo mu Rwanda ndetse no mu mahanga bisaga 450, mu gihe mu bihe bitari ibya covid-19 babaga basaga 600.

Kubera gahunda zo gukumira ikwirakwira rya covid-19, hongerewe imiryango abantu binjiriramo ndetse n’iyo gusohokeramo ku buryo abinjira batazajya bagira aho bahurira n’abasohoka. Iki kikazakumira umubyigano wa hato na hato wajyaga ugaragara mu bihe bya expo mu myaka ishize.

Hubatswe kandi aho gukarabira hahagije hashobora kwakira abagera kuri 20 bahanye intera, ndetse banazirikana abafite ubumuga kuri uru rukarabiro.

Hateguwe urukarabiro rwakira abagera kuri 20 icyarimwe

Agace kakiraga imikino y’abana kakuwemo muri uyu mwaka ndetse hashyirwaho itegeko ry’uko iyi expo izitabirwa n’abana bari hejuru y’imyaka 12 . Abandi bazaguma mu rugo.

Iyi expo kandi ntizagaragaramo ibitaramo nk’uko byari bisanzwe mu myaka ishize mu rwego rwo gukumira ibyahuza abantu benshi, ikazanagaragaramo gusa za resitora, gusa abagana resitora bashobora gukenera icyo kunywa bakaba bazagihabwa.

Akandi gashya ni uko hazaba harimo abakorerabushake bazaba bakangurira abantu kubahiriza amabwiriza yo kwirinda covid-19 hakabamo na za camera zizajya zikurikirana uko amabwiriza yo kwirinda covid-19 akurikizwa ahagaragaye ikibazo bagatumaho ababishinzwe bakabikurikirana.

Ikindi abifuza kwitabira imurikagurisha bagomba kumenya ni uko izajya itangira saa tatu za mu gitondo igasoza zaa mbili z’umugoroba.

Aya mafoto aragaragaza uko imyiteguro irimbanyije

Camera zizajya zireba uburyo amabwiriza yo kwirinda Covid-19 akurikizwa, hanacungwa umutekano w’abantu n’ibyabo

Aha ni aho abagiye gusohoka bazajya basohokera kugira ngo badahura n’abinjira

Imyanya igenerwa abamurika (stands) yavuye kuri 600 igera kuri 450 mu rwego rwo gushakisha intera hagati y’abitabira imurikagurisha

Aka ni agace k’urukarabiro kagenewe abafite ubumuga

Reba Video isobanura uko imyiteguro ihagaze:

Imiryango 60 yo mu Karere ka Nyarugenge yafashijwe kwivana mu bukene

Iyi miryango igizwe n’abantu 434, yafashijwe muri gahunda zitandukanye zirimo kwigishwa imishinga ibyara inyungu, bakanaterwa inkunga y’igishoro cyo kuyitangiza.

Yatojwe kandi kuzigama no kwibumbira mu matsinda yo kwizigamira, itozwa isuku no kwitabira gukoresha ubwisungane mu buvuzi kugira ngo basigasire ubuzima bwabo.

Muri iyi gahunda kandi, Skol ku bufatanye na FXB bafashije abana bakomoka muri iyi miryango itari yishoboye bishyurirwa amafaranga y’ishuri abandi bigishwa imyuga irimo ubudozi, ubwubatsi, kubaka no gutunganya imisatsi.

Abana bo muri iyo miryango bafashijwe kwiga, none banahawe ibikoresho bizabafasha gushyira mu bikorwa ibyo bize

Mu muhango wo gusoza iyi gahunda, bamwe muri bo bakaba bahawe ibikoresho bizabafasha kwiteza imbere bashyira mu bikorwa ibyo bamaze igihe biga.

Aba baturage kandi mu buhamya batanze banavuze ko banatojwe kubyaza umusaruro akarima k’igikoni, bigishwa kugahingamo neza imboga zitandukanye, banatozwa gutegura neza indyo yuzuye kugira ngo barwanye indwara zikomoka ku mirire mibi muri bo no mu bana babakomokaho.

Thibault Relecom, Umuyobozi w’ishami rya Skol rikorera mu Rwanda, yavuze ko we ku giti cye n’Ikigo ayobora, batewe ishema no gukorana n’aba baturage, bakaba bazanabahora hafi kugira ngo babafashe guhindura ubuzima bwabo.

Umuyobozi wa Skol, Thibault Relecom, yahawe impano zitangukanye

Ati “Ni iby’agaciro kuri twe kuba twarabateye inkunga mukaba namwe mumaze gutera intambwe ishimishije muri iyi myaka itatu. Kubafasha ni ukwifasha, tuzakomeza kubaba inyuma kandi Imana ibahe umugisha”.

Rugazura Alexis wavuze mu izina ry’abafashijwe n’ibi bigo, yavuze ko batabona aho bahera bashimira Skol na FXB Rwanda, gusa bijeje ubuyobozi bw’ibi bigo ko bazakora uko bashoboye bagatera imbere kandi bakagira uruhare no mu kuzamura bagenzi babo batagezweho n’ubu bufasha.

Ati “Skol na FXB batumeneye ibanga ryo kubaho neza, banatwambutsa inyanja y’ubukene, Imana ibahe umugisha”.

Iyi gahunda y’imyaka itatu yatewe inkunga na Skool ikaba yasoje itwaye amadorali ya Amerika ibihumbi 200, ni ukuvuga asaga miliyoni 195 z’amanyarwanda.

Kigali Today yasuye Kaminuza ya Kigali ishami rikorera Kigali, inasura Kaminuza y’u Rwanda ishami ry’ubuvuzi riherereye ahahoze ishami ry’Uburezi KIE.

Kaminuza ya Kigali yatangiye kwakira abanyeshuri ikaba yaratweretse uburyo yakira abanyeshuri guhera ku marembo kugera mu ishuri, inatwereka icyumba yateguye cyashyirwamo uwaba yaketsweho ibimenyetso mu gihe bategereje ko inzego z’ubuzima zibageraho zikamwitaho.

Muri Kaminuza y’u Rwanda Ishami ry’Ubuvuzi, naho imyiteguro irarimbanyije aho igeze ku kigero cya 90%, bakaba baratweretse cyane cyane amashuri bimenyererezamo ubuvuzi, banatwereka aho bigishiriza bifashishije ikoranabuhanga ryashyizwemo ingufu cyane kugira ngo muri ibi bihe byo kwirinda icyorezo cya Covid19 abanyeshuri bagabanye guhurira mu mashuri ari benshi.

Dore mu mafoto uko muri izo kaminuza imyiteguro yo gukumira icyorezo cya Covid 19 yifashe:

Buri munyeshuri winjiye apimwa umuriro basanga uri mu gipimo cyemewe ( munsi ya 37) akoherezwa ahabugenewe mu gukaraba.

Nyuma yo gukaraba neza intoki bakoresheje amazi ndetse n’isabune, bahita begera abakorerabushake bo kuri iyi kaminuza, bakabashyira mu ikoranabuhanga bakoze rituma bakomeza kugenzura abahanyuze.

Ibi bikaba binagamije korehereza inzego z’ubuzima gukurikirana abageze muri iyi kaminuza baba abanyeshuri abarimu ndetse n’abashyitsi bayisura, igihe haba hari ubwandu bwa covid19 bugaragaye muri iyi kaminuza.

Mu Ishuri abanyeshuri biga bambaye udupfukamunwa, bahanye intera ya metero hagati yabo, kandi bateguriwe n’uducupa tw’umuti wo kwifashisha mu gusukura intoki igihe bagarutse mu ishuri bari basohotse. Niyo bari hanze biba ari uko.

Banashyiriweho kandi icyumba gishyirwamo uwagaragayeho umuriro mwinshi kugira ngo abe ashyizwe kure ya bagenzi be mu gihe bategereje ko inzego zubuzima zibageraho zikamwitaho

Muri Kaminuza y’u Rwanda ishami ry’Ubuvuzi ho imbaraga zashyizwe cyane mu mashuri bahuriramo bimenyereza cyane cyane ko ko ubwirinzi bw’Indwara usanga ari ibintu byabo.

Mu nzu mberabyombi ya Kaminuza nayo yamaze gushyirwamo ibimenyetso bigaragaza intera abayirimo bagomba guhana

Mu ishuri ry’Ikoranabuhanga aho abanyeshuri bazajya bahurira biga cyangwa se bakurikirana amasomo atangwa hifashishijwe ikoranabuhanga ndetse n’aho abarimo bahurira bategura amasomo naho hamaze gushyirwa intera kuburyo abanyeshuri bazajya biga bisanuye

Amafoto:Plaisir Muzogeye

Kigali ni Umujyi usukuye kandi utohagiye

Ubuyobozi bw’Uyu Mujyi ndetse n’Ubw’Igihugu muri rusange, ntibwahwemye gukangurira abawutuye gutera ibiti ahashoboka hose, kugira ngo uyu Mujyi ufite isuku, ube n’umujyi utoshye, urimo akayaga gahehereye kabereye abawutuye.

Uyu Mujyi kandi mu mwaka ushize ndetse no mu ntangiriro z’uyu mwaka wanahagurukiye kwimura abaturage batuye mu manegeka ubashakira aho kuba hatabashyira mu kaga, mu rwego rwo gusigasira ubuzima bw’abaturage batuzwa ahakwiriye.

Aho abo baturage bakuwe Umujyi wa Kigali ukaba waratangiye guteganya uburyo hazubakwa ibikorwa remezo bihakwiriye kandi biryoheye ijisho ku buryo hazarushaho kugaragaza neza umurwa mukuru w’u Rwanda.

N’ubwo ibyo gukora bikiri byinshi, ariko ibimaze gukorwa na byo birashimishije, ku buryo umusaruro wabyo ugaragarira buri wese.

Photo: Plaisir Muzogeye

Nyuma y’uko iki cyorezo kimaze kugenda gikumirwa buhoro buhoro, n’aho gisigaye hakaba ari ahantu hazwi ku buryo bitabangamira ubukerarugendo, Leta y’u Rwanda yasubukuye ubukerarugendo bwo hagati mu gihugu, ndetse inagabanya bimwe mu biciro byo gusura, kugira ngo Abanyarwanda benshi babashe kwitabira gusura ibyiza bitatse u Rwanda.

Aha ni hamwe mu ho Kigali Today yabagereye, nimurebe ukuntu u Rwanda ari rwiza maze muzahasure.

Utemberereye mu Kirere cya Rubavu ubona ibintu utazabona mu bindi bihugu

Muri Parike y’Igihugu y’Ibirunga urahareba ntuhahage, ugasusurutswa n’Ingagi

Muri Parike y’Igihugu y’Akagera ho urusobe rw’imyamaswa uhasanga rutuma wifuza kuharara

Muri Parike y’igihugu ya Nyungwe na ho ntiwakwicwa n’irungu aho utaramirwa n’Inkima

Photo: Plaisir Muzogeye

Karaba neza no hagati y’Intoki haba hari mo umwanda

Kuva Icyorezo cya Coronavirus cyagaragara mu Rwanda, uru rubyiruko rwigomwe umwanya warwo, rwiyemeza gufasha Abanyarwanda guhangana n’ikwirakwizwa ry’icyo cyorezo babakangurira gukaraba kenshi intoki igihe binjiye muri za gare aho bategera amamodoka, kwambara neza udupfukamunwa kandi dusukuye, ndetse no guhana intera igihe bari mu ruhame, kugira ngo iki cyorezo kitazagira aho kimenera.

Dore uko uru rubyiruko ruba rufanya abanyarwanda mu gukumira ikwirakwizwa rya Coronavirus.

Nugera mu rugo ubwire n’abandi ko ntaho banyura batabanje gukaraba

Mwihekerana nimuhane intera bavandi

Gukaraba amazi gusa ntibihagije ugomba no gukoresha iyo sabune ni cyo bayihashyiriye

Ejobundi mwagaragayemo abarwayi, nizereko byabakanguye mugakaza ubwirinzi

Basore na mwe nkumi ubutwari buraharanirwa nimukomereze aho

Intego ni ugukora neza bakatureberaho bakarushaho kwirinda iki cyorezo

Ntabe ari njye wambara nabi agapfukamunwa nkaba isoko ya Coronavirus mu muryango wanjye

Mubanze munyure hirya aho murahasanga umuntu twampaye kimwe abapime umuriro

Iyo bamaze kugupima unyura hariya ugakaraba ubundi ugakomeza ugana muri gare

Muhumure mwibyigana, mwese murabona imodoka, nimuhane intera rwose

Dore nkawe wambaye nabi agapfukamunwa banza ukambare neza upfuke n’amazuru

Namwe nimutandukane kandi ako gapfukamunwa kanapfuke amazuru

Wowe uraryamye? Mbega wowe!! Uzaze dufatanye gufasha Abanyarwanda gukumira Coronavirus ibyo si by’abantu basobanutse

Imyanya yemewe kwicaramo yarangiye, muragenda nikurikira

Intore ni Nkore neza bandebereho

Ohereza batatu nibo babura ngo yuzure

Ntako bisa gukorera igihugu cyakubyaye

Photo: Nyirishema Fiston

Aba bafashwe ni abantu 29 bafatiwe mu bikorwa bibujijwe, bakaba barimo barindwi bafatiwe mu ishuri ryigisha indimi n’amategeko y’umuhanda barimo kwiga, hakabamo abandi 22 bafatiwe ahantu hatandukanye harimo no mu misozi yo mu nkengero z’umujyi wa Kigali bari mu masengesho.

Mbabazi Joseline umwe mu bafatiwe mu ishuri bigisha, yavuze ko kutigisha yumvaga bireba gusa amashuri agengwa na Minisiteri y’Uburezi, akumva ko bo nk’abantu bikorera yumvaga bitabareba.

Mbabazi Joseline

Ati "Twumvaga twe bitatureba ariko nyuma y’uko dusobanuriwe neza, twasanze twakoze amakosa tukaba tuyemera kandi tunayasabira imbabazi, tunashishikariza abandi baba babikora kubicikaho.’’

Bimenyimana Théogène, umuvugabutumwa wafatiwe mu biro ari gusengana na bagenzi be batatu, yatangaje ko na bo nk’abakirisitu bababajwe no kuba barenze ku mabwiriza yo Kwirinda icyorezo cya Coronavirus, na bo bakaba babisabira imbabazi.

Bimenyimana Théogène

Ati "Twabonye hari ibikorwa bimwe na bimwe byemerewe gukora bituma natwe kwihangana bitunanira tujya mu biro turasenga, ariko turasaba imbabazi tunakangurira abandi bakirisitu kwihangana bagasengera mu rugo kuko hahagaritswe guteranira mu nsengero ariko ntihahagaritswe gusenga.’’

Umuvugizi wa Polisi y’Igihugu CP John Bosco Kabera, avuga ko Polisi y’Igihugu itazahwema gufata abantu barenga ku mabwiriza yo kwirinda iki cyorezo cyugarije u Rwanda ndetse n’isi muri rusange, abibutsa ko Polisi icyo igamije atari ukubafata no kubahana, ahubwo icyo igamije ari ugusigasira ubuzima bwabo.

Ati "Ntituzahwema gufata abantu nk’aba barenga ku mabwiriza yo guhangana n’iki cyorezo, tukabagira inama n’abo guhanwa bagahanwa. Abanyarwanda nibumve uburemere bw’iki cyorezo bakirinde bakirinde n’imiryango yabo, abazabirengaho bazafatwa kandi bazahanwa.’’

CP John Bosco Kabera

CP Kabera yibukije aba baturage ko icyo Polisi igamije atari ukubahana, ahubwo icyo ikeneye ari uko abaturage birinda, kandi bakirinda 100%, kandi bakumva ko umuntu umwe ashobora guteza ikibazo igihugu cyose, bityo bakitwararika .

Inama y’Abaminisitiri yateranye ku wa kabiri yariki ya 2 Kamena 2020, yasubukuye Ingendo zihuza Intara n’Umujyi wa Kigali, ukuyemo izijya n’iziva mu Karere ka Rusizi ndetse na Rubavu. Yanasubukuye kandi ingendo za Moto zikorwa hakurikizwa amabwiriza yo kwirinda ikwirakwizwa rya Coronavirus.

Mu bitarasubukuwe harimo insengero, amashuri, ndetse n’ibindi bikorwa byose bikorwa mu ruhame birimo inama, ibirori by’ubukwe n’ibindi.

Reba muri aya mashusho (Video) uko aba bafashwe bisobanura

Igisibo cya Ramadhan cy’uyu mwaka kikaba cyararanzwe n’umwihariko, kuko cyahuriranye n’ibihe bidasanzwe byo kubahiriza amabwiriza yashyizweho n’inzego z’ubuzima, agamije kwirinda ikwirakwizwa ry’icyorezo cya Coronavirus cyugarije isi.

Mu Kiganiro na Sheikh Mussa Sindayigaya Ushinzwe imari n’igenamigambi mu Muryango w’Aba Islam mu Rwanda, yatangaje uburyo aba Islam bitwaye muri iki gisibo, anavuga muri rusange icyo gisigiye Aba Islam .

Prof Laurent Nkusi yitabye Imana afite imyaka 70

Prof Laurent Nkusi witabye Imana afite imyaka 70, ni we wayoboye bwa mbere ishuri ry’itangazamakuru n’itumanaho, rishingwa bwa mbere mu cyahoze ari Kaminuza y’u Rwanda UNR, nyuma ya Jenoside yakorewe Abatutsi

Prof Laurent Nkusi wavutse tariki ya 20 Werurwe 1950. Iyi ni imwe mu mirimo yakoreye igihugu.

[1976-2000]: Prof Laurent Nkusi Umwarimu mu cyahoze ari Kaminuza Nkuru y’u Rwanda UNR, yigisha ubuvanganzo n’indimi, akaba yaraje no kuyobora ishuri ry’Itangazamakuru n’itumanaho ubwo ryatangizwaga bwa mbere muri iyi kaminuza.

[2000-2003]: Prof Laurent Nkusi yabaye Minisitiri w’ubutaka n’ibidukikije, ava muri iyo Minisiteri yerekeza muri Minisiteri y’Itangazamakuru yakoreraga mu biro bya Minisitiri w’Intebe, aza kusa ikivi mu 2008.

[2009-2011]: Prof Laurent Nkusi yabaye Umuyobozi ushinzwe amasomo mu Ishuri rikuru ryigisha ubuhinzi, uburezi n’ikoranabuhanga rya Kibungo, INATEK.

[2011-2019]: Prof Laurent Nkusi yabaye Umusenateri uhagarariye amashuri makuru na za kaminuza.

Imana imuhe iruhuko ridashira.

Bob Marley yibukwa buri mwaka tariki ya 11 Gicurasi

Uyu munsi Umuryango mugari w’Abarasta ku isi urizihiza imyaka 39, uyu mugabo wabaye icyamamare mu njyana ya Reggae amaze yitabye Imana.

Natty Dread, Umu Rasta w’Umunyarwanda ufitanye amateka na Bob Marley, mu kiganiro yagiranye na Kigali Today ku munsi nk’uyu mu mwaka ushize, yashimangiye ko uyu munsi Aba Rasta bawufata nka Noheli, ngo kuko aribwo buri wese yongera kumva umuziki wa Bob Marley akamwibuka nk’aho yaba akiri muzima.

Bob Marley wavutse Tariki 6 Gashyantare 1945 amaze imyaka 39 yitabye Imana, akaba yarapfuye ku itariki ya 11 Gicurasi 1981 (yari amaze imyaka 36 avutse).

Uyu munsi Kigali Today irongera kubagezaho icyegeranyo cy’Amateka y’uyu mugabo wabaye ikirangirire mu Njyana ya Reggae yiganjemo ubutumwa bw’amahoro n’urukundo.

Iyumvire icyo Cyegeranyo:

kuri Peage mu Gihe cya Guma mu rugo na Nyuma yayo

Dore mu mafoto uko hamwe na hamwe byari byibashe mu gihe cya Guma mu rugo ndetse no muri iki cyumweru imaze isubitswe.

Mu Mujyi muri Gare

Muri Corridor ya Downtown

Imbere y’Inyubako ya MIC

Umuhanda Uva mu Mujyi umanuka Muhima na Nyabugogo

Ku kiraro cya KInamba kigana Kacyiru

Imihanda igana muri Rond Point ya Kigali Convention Centre

Ku Gishushu

Ku gisimenti

Rond Point Gishushu

Remera- Kwa Rwahama

Mu muhanda Uhuza kwa Rwahama na Giporoso

Ku maduka acuruza imyenda ku giporoso

Kwa Rubangura

Hepfo ya KCT ugana Cartier Commercial

Mu Biryogo

Utuduka ducuruza inkweto twatangiye kubonekaho abantu

Photo:Muzogeye Plaisir

Udupfukamunwa abantu baduhinduye udupfuka kananwa, n’udupfukajosi

Icyagaragaye hirya no hino mu Mujyi wa Kigali ni uko bamwe mu baturage basubukuye ingendo bagana ku mirimo bari bambaye nabi udupfukamunwa, mu gihe bakanguriwe kenshi kutwambara kandi bakatwambara neza, kugira ngo birinde kandi barinde na bagenzi babo mu gihe bari mu ruhame ndetse no mu mirimo.

Minisitiri w’Ubuzima Dr Ngamije Daniel, aherutse gukangurira Abaturarwanda ko nubwo bemerewe gusubira mu mirimo bitavuze ko Coronavirus yamaze gutsindwa bityo bakaba bagomba gusubira mu kazi, ariko bakitwararika ku ngamba zashyizweho na Minisiteri y’Ubuzima zo guhangana n’ikwirakwizwa ry’iki cyorezo.

Muri urwo rwego rwo kwitwararika, Minisitiri w’Ubuzima yavuze ko byagaragaye ko kwambara agapfukamunwa, kandi ukakambara neza ku buryo buhoraho, ari imwe mu ngamba zizewe cyane mu guhashya icyorezo cya Covid-19.

Abaturage bagirwa inama yo kwambara agapfukamunwa neza cyane cyane mu ruhame ariko hari abatabikozwa

Yagize ati “Abantu bambare udupfukamunwa baba bari mu rugo cyangwa bagiye muri za gahunda zituma umuntu ava mu rugo, kuko bimaze kugaragara ko kukambara ku buryo buhoraho ari uburyo bwizewe bwo kwirinda”.

Inzego z’ubuzima mu Rwanda kandi zisobanura ko kwambara agapfukamunwa neza ari ukukambara ku buryo gapfuka umunwa n’amazuru, ukambaye akirinda kugakorakoraho, ndetse mu gihe akambara cyangwa agakuramo agafata ku dushumi twako gusa.

Bamwe barabikora ku bushake ariko abandi biraterwa no kutameya

Izo nzego z’Ubuzima (MINISANTE na RBC) zivuga ko kwambara agapfukamunwa nabi birutwa no kutakambara kuko gashobora gutera indwara ukambaye nabi.

Udupfukamunwa twizewe turi gukorerwa mu Rwanda, tukaba dukorwa n’inganda 26 aho dufite umwihariko w’uko tuzameswa.

Ni ukuvuga ko umuntu azajya akagura, akakambara amasaha atandatu hanyuma akakamesa kakuma akagatera ipasi akongera akazakambara kugeza ku nshuro eshanu, hanyuma akakajugunya kuko kazaba kamaze gusaza katabasha kongera kumurinda.

Ntibikwiye ko umuntu yambara agapfukamunwa mu ijosi

Ako gapfukamunwa kagura amafaranga 500 y’u Rwanda, kakarinda ukambaye ku kigero kiri hagati ya 45-65%, ariko ngo uko abantu benshi batwambara ni ko ubwirinzi bwiyongera, nk’uko bitangazwa n’Umuyobozi mukuru w’Ikigo cy’igihugu cyita ku buzima (RBC), Dr Sabin Nsanzimana.

Andi mafoto:

Photo:Roger Marc Rutindukanamurego

Gukangurira abaturage gukomeza kwirinda Coronavirus ntibiri buhagarare

Yabitangarije Kigali Today kuri uyu wa Gatandatu tariki ya 2 Gicurasi 2020, nyuma y’iminsi Guverinoma ikoze inama ikanzura ko imirimo imwe n’imwe yari yarahagaze yongera gukora, ariko igakorwa hubahirizwa amabwiriza yashyizweho na Minisiteri y’Ubuzima yo kwirinda ikwirakwizwa rya Coronavirus.

CP Kabera yatangaje ko nubwo Gahunda ya #GumaMuRugo muri rusange isa n’iyasubitswe kuri bamwe, mu gihe u Rwanda rukiri mu rugamba rwo guhangana n’iki cyorezo, nta kiri buhinduke muri gahunda za Polisi zo gukangurira abaturage guhangana n’iki cyorezo.

Umuvugizi wa Police y’U Rwanda CP Jean Bosco Kabera

Yagize ati "Guhera kuwa mbere abantu bazatangira gusubira mu mirimo yabo, ariko ibi ntibivuga ko icyorezo cya COVID-19 twagitsinze burundu. Ni cyo gituma dukomeza kuburira abaturarwanda kubahiriza amabwiriza yo kwirinda ikwirakwizwa rya Coronavirus."

Yakomeje agira ati "Tuzakomeza gukoresha uburyo bwose bushoboka burimo na za ndege nto zitagira abapilote (drones), kugira ngo dutange ubutumwa. Turagira inama abaturarwanda ko aho bari hose bakwiye kuzirikana ingamba zo kwirinda iki cyorezo. Niba utagiye mu kazi cyangwa gushaka serivisi za ngombwa, "Guma mu rugo".

Mu gihe cya #GumaMuRugo Polisi y’igihugu ntiyahwemye gukumira buri muturage wese wajyaga mu muhanda atagiye muri gahunda za ngombwa zirimo, guhaha, kwivuza , abakeneye serivise za banki n’abazitanga, abakora mu itumanaho, itangazamakuru, ndetse n’abacuruza ibiribwa ndetse n’ibikoresho by’isuku.

Abakoraga ingendo zitari ngombwa Polisi yabasubizaga mu rugo

Abemerewe kugenda na bo Polisi yashyizeho gahunda zo kubapima umuriro nka kimwe mu bimenyetso bya Coronavirus, kugira ngo uwaba afite icyo kimenyetso abe yashyikirizwa inzego z’ubuzima, kugira ngo zimusuzume nizisanga afite iki cyorezo yitabweho.

UYu basanze urugendo rwe ruri ngombwa bamupima Umuriro

Uyu ni mugrnzi we na we bapimye ngo barebe niba umuriro ari usanzwe

Basanze ameze neza bati Komeza urugendo

Hejuru y’ibyo kandi Polisi y’Igihugu yanashyizeho gahunda zo kugurutsa utudege tudafite aba Pilote (Drones) twagendaga dukangurira abaturage gahunda zo kwirinda iki cyorezo baguma mu rugo, bakaraba intoki neza kandi kenshi, kwambara udupfukamunwa igihe bagiye mu ruhame, ndetse no gusohoka igihe ari ngombwa gusa.

Izi gahunda CP Kabera akaba yatangaje ko nubwo hari abemerewe gusubira mu mirimo, abandi bakwiye gukomeza kwitwararika kuri izo gahunda bagasohoka mu gihe biri ngombwa kugira ngo urugamba rwo gutsinda Coronavirus rwihute.

Police yanifashishije utudege tudafite aba Pilote mu bukangurambaga bwo kwirinda ikwirakwizwa rya Coronavirus

Inzobere za Polisi mu kugurutsa utu tudege ni zo zatwoherezaga mu kirere

Aka kadege gafite Camera ndetse n’Indangururamajwi ituma ubutumwa gatanze busakara mu baturage

Utu tudege twakoraga amanywa n’ijoro

Amafoto: Muzogeye Plaisir

Ibi birayi ni byiza rwose, mbwira Numero yawe nkwishyure kuri Mobile Money

Mu mirimo yemewe gukorwa muri ibi bihe nk’uko amabwiriza yatanzwe na Leta y’u Rwanda abivuga harimo Ubuvuzi, Ubucuruzi bw’ibiribwa, itangazamakuru ndetse n’ibindi bifatwa nk’ibiri ngombwa mu mibereho ya muntu. Icyakora amabwiriza mashya yakomoreye n’indi mirimo imwe n’imwe izatangira gukorwa by’umwihariko guhera ku wa mbere tariki 04 Gicurasi 2020.

Nk’uko Kigali Today itahwemye kubatembereza hirya no hino mu Mujyi wa Kigali ibereka uko hifashe muri iyi minsi ya Guma mu rugo iri kugana ku musozo ku bikorwa bimwe na bimwe, iranabatembereza mu isoko rya Kimironko no mu nkengero zaryo, ibereka mu mafoto uburyo kuri uyu munsi w’umurimo aka gace kari kifashe.

Irebere amafoto hano :

Amabwiriza aracyari yayandi nta gutwara abantu

Umuriro mwinshi ni kimwe mu bimenyetso bya Coronavirus, reka ngupime ndebe

Mbonye umuriro ari sawa wakwikomereza, ugire umunsi mwiza

ReKa ndebe niba warahawe ubutumwa bukwemerera uruhushya rwo kugenda

Hakwiye gushyirwa Metero imwe hagati z’izi Kandagira ukarabe, urabona ukuntu twegeranye cyane!!!

Ibi bishyimbo ntibikeneye umuvugizi, birivugira

Reka mbe ntoranyiriza abakiriya banjye ibi bishyimbo basange nta tubuye tubirangwamo

Iki gisenda giteye apeti rwose

Uyu munsi w’Umurimo ngomba kwitekera rwose, reka mpahe vuba vuba

Inyanya zarabonetse ubu dupimira mu tubase

Reka nguhe urundi rusenda rwa Gatatu wuzuze 500Fr

Abakiriya nibabanguke bamare ibi birayi nanjye njye kwizihiza umunsi w’Umurimo imuhira

Aba bakiriya baraza ryari da?

Uyu muti niwo wica neza imibu kandi impumuro yawo ntitinda mu nzu

bambwiye ko izi nsenda ziryoha mpa n’urundi

Umurimo ni uguhinga koko!! iyo hatabaho abahinzi biba bikomeye

Aya mavuta ni ayanyuma nsigaranye, mu kanya nuguhamagare Murokore akandangurira andi

Boss akunda ibinyamafufu abe ari byo undebera

Nsigaje kugura iki harya?

OOOh ibi bihaza rwose binyibukije kwa Nyogokuru, Iki ni angahe?

Nanjye ndi gufasha Igihugu guhangana na Coronavirus, nkiza umwanda abanyagihugu

Ayo nari nsigaranye ngiye kuyagura akanyama, dore baturekuye ku wa mbere nzabona andi

Reka ntwaze umu boss nanjye arampa ku munsi w’Umurimo

Akanyama karacyarya umwe kagasiba undi pe

Ifunguro ryo kuri uyu munsi w’Umurimo riratugeraho bugorobye tu

Twebwe ko abakiriya batwinubira kubera Interineti mwebwe bihagaze bite?

Ndabona umubyizi nawucyuye rwose uyu munsi ni sawa

Niyigira Igare barandeberaga

Ingendo zanyu ndumva zitari ngombwa

Reka mvudukane aya mata ndabona amasaha ari gukura

Murasabwa kwirinda kwegerana, gukaraba intoki buri kanya, kwambara neza agapfukamunwa ndetse munirinda ingendo zitari ngomba kugira ngo duhashye iyi Coronavirus

Kureba andi mafoto menshi, kanda HANO

Amafoto: Muzogeye Plaisir

Agahanda ko ku Musigiti wo mu Biryogo nta n’inyoni itamba

Hari n’abavugaga batebya ko muri aka gace iyo abaturage basabwe kuguma mu rugo, buri wese ava mu rugo akaza kureba niba abandi bagumye mu rugo.

Nyuma yo kumva amatsiko ya benshi, Kigali Today yabagereye muri utu duce, ibagaragariza uburyo Guma mu rugo yubahirijwe.

Dore mu mafoto uko Biryogo - Nyamirambo hameze muri iki gihe:

Umuhanda uva Nyamirambo unyura Camp Kigali Ukagera Kuri Serena Hotel

Ahahoze ONATRACOM ubu hakorera RITCO, hegetseho ama Bus yabaye afashe akaruhuko

Ubusanzwe izi modoka ziba ziri mu muhanda zirimo abiga gutwara ariko ubu ziraparitse

Agahanda kinjira mu Biryogo ugana Nyamirambo ubusanzwe ntuba ureba muri Metero eshanu kubera abahisi n’abagenzi ndetse n’amamodoka

Kigali View Hotel ni yo Hotel ihagarariye izindi Rwagati mu Biryogo

Mu muhanda uturuka Nyamirambo ugana mu Mujyi

Aha ubusanzwe haba hari urujya n’uruza rw’Abakunzi ba Ka cyayi ariko ubu nikuhagera bakakagura bakagatahana

Aha ubusanzwe habaga urujya n’uruza rw’abakanishi n’abakoresha amamodoka

Amagaraje ubu yegetseho gahunda ni Guma mu Rugo

Aha naho ubusanzwe hazwiho urujya n’uruza rw’abacuruzi, ababitsa n’ababikuza, n’abandi bajya muri Cinema

Aha abakunda ibigezweho ( Inkweto n’imyenda babaga bahuzuye) ubu haradadiye

Iki ni Ikinamba cyo mu Biryogo ubusanzwe kiba cyuzuyemo imodoka zisukurwa

Abacuruza Metuyu na bo bari mu bemerewe gukora

Umuhanda ugana kwa Nyiranuma

Imbere y’Amaresitora haracyari aho ubanza gukarabira ugasaba icyo ushaka bakagupfunyikira ugataha

Biratangaje kubona nta muntu ucaracara kuri iyi nzu, uretse abashinzwe umutekano

Aha naho ubusanzwe hacururizwa ibikoresho bibarirwa mu bitari ngombwa cyane muri iyi minsi, ubu naho hegetseho

Ahacururizwa ibiribwa niho hapfa kugaragara abantu nabo batari benshi nk’ibisanzwe

Aha ho n’amamodoka y’abaturiye aka gace usanga bayifashisha baza guhaha

Inyamirambo ibiribwa birahari

Iri vuriro na ryo abaryitabira ni bake cyane , umenya mu rugo nta ndwara zihava

ku muhanda wo kwa Mutwe

Iyi Resitora iri mu zitabirwa cyane kande kenshi mu biryogo ariko ubu abantu babaye iyanga

Club Rafiki ubusanzwe yirirwa ikinirwamo imikino itandukanye ni uku imeze

Aha antu hari mu hakumbuwe na benshi i Nyamirambo

Aha ni mu isangano ry’utubari twinshi twakoraga 24 ku yandi, ariko do

Aha hantu iyo hadafungwa hari kuba aha mbere mu hakwirakwiza Corona i Nyamirambo kubera uburyo hitabirwa

Station ya RP yegeranye na BCR naho abahagaragara ni mbarwa

Inzira igana ku Mumena nayo abayinyuramo ni bake

Kwa King James niko hazwi

Kwa Muteteri nta nyoni itamba

Kwa Khadafi hasanzwe urujya n’uruza rw’abahiga abahakorera siporo n’abahasengera, ariko ubu ndorera

Hazwi nka Tapis Rouge ntibisanzwe kubona nta muntu uhari

Ikirere kiryoheye ijisho

Kuri Stade Regionale i Nyamirambo

Uhagarara ku ryanyuma ukabona Cosmos kubera Guma mu rugo

Dore muri video, uburyo abatuye Biryogo na Nyamirambo babashije Guma mu Rugo

Amafoto: Roger Marc Rutindukanamurego

Perezida Kagame, Madame Jeannette Kagame n’Abashyitsi bakuru bacana Urumuri rw’Icyizere mu Kwibuka25

Buri mwaka tariki ya 7 Mata , nibwo Icyumweru cyo Kwibuka gitangira ku rwego rw’igihugu kigasozwa ku ya 13 Mata, ariko Kwibuka muri rusange bigakomeza mu gihe cy’iminsi 100 iyi Jenoside yamaze mbere y’uko ihagarikwa n’Ingabo zahoze ari iza FPR -Inkotanyi.

Nyuma ya 1/4 cy’ Ikinyejana Jenoside yakorewe Abatutsi ihagaritswe, hari intambwe ikomeye Abanyarwanda bateye mu kubaka u Rwanda ruzira ivangura iryo ari ryo ryose.

Ubutumwa Perezida Kagame yatanze umwaka ushize bwakoze ku mitima ya benshi bari bitabiriye uwo muhango barimo abayobozi bakuru batandukanye b’ibihugu by’inshuti z’u Rwanda. Icyo gihe Umukuru w’Igihugu yavuze ko nubwo imitima y’Abanyarwanda yuzuye inkovu n’ibikomere, bahisemo kunga ubumwe, bituma u Rwanda rwongera kuba umuryango umwe.

Perezida Kagame ageza ijambo ku bitabiriye Umuhango wo Kwibuka25

Bumwe muri ubu butumwa bwakoze ku mitima ya benshi ni ubu bukurikira:

Ishimwe ku bacitse ku icumu rya Jenoside yakorewe Abatutsi

’’Biragoye kumva no gusobanura ukwigunga n’umujinya by’abarokotse Jenoside. Ariko kandi, ntidusiba kubasaba kwitanga kugira ngo Igihugu cyacu cyongere kigire ubuzima. Byabaye ngombwa ko amarangamutima n’ibyiyumviro tuba tubishyize ku ruhande".

"Hari umuntu wigeze kumbaza impamvu dukomeza kwikoreza abarokotse umutwaro wo kudufasha gukira ibikomere. Cyari ikibazo gikomeye kandi giteye agahinda. Ariko nasanze n’igisubizo cyoroshye, ndetse cyumvikana. Ni uko abacitse ku icumu ari bo bonyine bafite icyo batanga: imbabazi.”

"Ndagira ngo abacitse ku icumu mbabwire ngo: Mwarakoze cyane. Imbaraga, ubutwari no kwihangana byanyu, byerekana ko ntacyasenya Ubunyarwanda dusangiye twese."

Perezida Kagame ashimira abarokotse Jenoside ko gukomera kwabo kwatumye igihugu cyongera kunga ubumwe

Imana yagarutse imuhira kandi ntizongera kuhava

"Ubwo twari mu muhango wo Kwibuka Jenoside mu myaka yashije, umwana w’umukobwa yatugejejeho umuvugo watumye abantu benshi barira. Yagize ati: ’Byaravugagwa ngo Imana yirirwa ahandi igataha i Rwanda.’ Hanyuma arabaza ati: “Muri ariya majoro muri Jenoside, Imana yari hehe?
Iyo turebye u Rwanda uko rumeze uyu munsi, biragaragara ko Imana yagarutse imuhira, kandi izahaguma, ntizongera kuhava.

Perezida Kagame na Madame Jeannette Kagame bunamira Abatutsi bashyinguye mu Rwibutso rwa Jenoside rwa Kigali

Jenoside ntiyatewe n’ihanuka ry’indege, yarateguwe.

Jenoside ntabwo yatangiye ku munsi runaka. Ifite amateka.
Kuki se u Rwanda rwakomeje kugira impunzi nyinshi mu mahanga igihe kirekire?

Kuki abantu bamwe ari bo bakomeje gutotezwa no kwicwa guhera mu mpera ya za 1950 kugeza muri za 1990?

Kuki imibiri y’abishwe yagiye ijugunywa mu migezi, yoherezwa mu ruzi rwa Nili, ngo isubire iwabo kuko ngo ari ho baturutse?

Kuki ababyeyi bicaga abana babo babaziza isura yabo?
Nta na kimwe muri ibi byose byatewe n’ihanurwa ry’indege.

Jenoside yahitanye Abasaga Miliyoni Perezida Kagame ashimangira ko itatewe n’ihanuka ry’indege ahubwo yateguwe

Ishimwe ku barinzi b’igihango

"Muri ibi byatubayeho byose, twagize Abarinzi b’Igihango n’abandi bantu b’inyangamugayo. Kongera gusubiraho kw’Igihugu cyacu byavuye mu mbuto z’ibikorwa byabo."

"Umwana muto w’umukobwa ugaragara mu mukino tumaze kubona, yarenze ku byo ababyeyi be bamubuzaga, afata uruhinja rwarokotse, arera uwo mwana. Ibi ni ukuri byarabaye. Ubu bombi baratashye kandi bameze neza."

"Abanyeshuri b’i Nyange banze kwitandukanya, ngo Abahutu bajye ukwabo n’Abatutsi ukwabo. Ntabwo bigeze bahemukirana. Batandatu barishwe, mirongo ine barakomereka, bose ni intwari. Izi ni zimwe mu ngero z’Abanyarwanda batumye tutazima ngo tubure byose na bose."

Abakuru b’ibihugu by’inshuti z’u Rwanda bari baje kwifatanya n’u Rwanda mu kwibuka25

Inama ku rubyiruko

"Icyerekezo n’ibyifuzo byacu bishingiye kuri uru rungano rw’abato muri twe. Igiti kigororwa kikiri gito, kandi imbuto yo ishobora kuvamo ibintu byinshi bitandukanye."

"Urubyiruko rw’Abanyarwanda rufite ibyo rukeneye byose mu gukomeza guteza imbere Igihugu cyacu. Bafite inshingano yo gukomeza kugira ibintu ibyabo, kandi bakagira uruhare mu kubaka u Rwanda twifuza kandi rutubereye.
Ubu turi Abanyarwanda beza kurusha mu bihe byashize, ariko dushobora no kuba beza kurushaho."

Walk to Remember yitabirwa na 90% by’urubyiruko

Ntidukwiye kugwa mu mutego wo kurengwa

"Ni twe bantu ku isi badakwiye kugwa mu mutego wo kwijuta ngo twumve ko twageze iyo tujya, cyangwa ngo turebere ibikorwa nta ruhare tubigizemo. Akababaro twanyuzemo karahagije kugira ngo dukomeze umurava n’ubushake byo guharanira kubaho."

"Ntitwakwemera ko Igihugu cyacu kibaho uko bibonetse kose tutabigizemo uruhare. Tugomba kwiha icyerekezo kandi tugafata ibyemezo bihamye, tuyobowe n’ukwicisha bugufi, n’ibyiza byinshi biri mu mitima yacu. U Rwanda rugomba guhora imbere, naho ubundi ntacyo twaba turi cyo."

Buri munsi twiga kubabarira, ariko ntitwibagirwa na busa

Buri munsi twiga kubabarira, ariko ntabwo dushobora kwibagirwa bibaho. N’ubundi, mbere y’uko dusaba abandi kwihana, tugomba kubanza tukababarirana ubwacu.

Ntacyo dusaba abatugiriye nabi uretse guhindura imyumvire yabo. Naho abatagira isoni, banangiye, bakomeje kwanga kwicuza, ntabwo icyo ari ikibazo kitureba. Kandi ibi ntibizabuza u Rwanda gutera imbere. Habe na gato.

Abanyarwanda batojwe kubabarira ariko ntibibagirwa

Nta bandi bantu bakwiye kugira ibyago nk’ibyo u Rwanda rwagize

"Nta kintu na kimwe cyatuma Abanyarwanda bongera kuryana. Amateka yacu ntabwo twayasubiramo. Ibyo twarabyiyemeje."

"Icyo dusaba ni uko nta bandi bantu, cyane cyane abavandimwe bacu bo muri Afurika, bagira ibyago nk’ibyo twagize. Ntawe ukwiye kubyemera."

"Dukomeze turwanye abakwirakwiza urwango n’amacakubiri bihishe muri demokarasi, cyangwa bigira abakiza bacu. Ibyo duhuriyeho birenze kure ibidutandukanya. Nta muryango w’abantu usumba undi, cyangwa udashobora guhura n’akaga."

Isomo dukura mu mateka yacu

Urumuri rw’Icyizere rusobanura ko u Rwanda rwavuye mu mwijima

"Isomo dukura mu mateka yacu ni icyizere gihamye kuri iyi si yacu. Nta muryango wasenyuka ku buryo utakongera kwiyubaka, kandi agaciro k’abantu ntabwo gashobora kuzima burundu."

"Nyuma y’imyaka 25, turacyahari, dore aho tugeze. Twese twarakomeretse, kandi imitima yacu yashenguwe n’agahinda, ariko ntabwo twigeze dutsindwa,
Twihaye uburyo bwo gutangira bundi bushya. Nk’Abanyarwanda, duhora twibuka, buri munsi, mubyo dukora byose, kugira ngo tutazigera dutatira igihango cy’amahitamo yacu."

Zimwe muri izo ngamba harimo gukaraba intoki n’isabune buri gihe, kwirinda kuramukanya, gukoresha agatambaro gapfuka umunwa igihe umuntu yitsamura, gukoresha imiti isukura intoki, ndetse no gukoresha agapfukamunwa (masque) igihe uri mu ruhame rw’abantu ukeka ko bakwanduza.

Dore uko muri Kigali batangiye gushyira mu bikorwa inama zo kwirinda iki cyorezo

Photos: Nyirishema Fiston & Rutindukanamurego

Kureba andi mafoto kanda Hano

Iyi hoteli y’inyenyeri eshanu, Ifite ibyumba 21 biri mu byiciro bine, birimo icya mbere gifite ibyumba 10, icya kabiri kikagira ibyumba bine, icya gatatu bitanu naho icya nyuma kikagira ibyumba bibiri.

Ibyo byiciro bikaba bigenwa hakurikijwe ubwiza bwa byo, uko bingana ndetse n’ibiciro byabyo.

Ibyumba icumi biri mu cyiciro cya mbere, byishyurwa ibihumbi bitatu na magana atandatu (3600) by’amadolari ku ijoro rimwe (ni ukuvuga abarirwa muri miliyoni eshanu n’igice mu mafaranga y’u Rwanda).

Icyumba cya menshi ni ibihumbi icumi na magana atanu (10500) by’amadolari (hafi miliyoni icumi z’amafaranga y’u Rwanda)gishobora kwakira nk’abakuru b’ibihugu, ayo yose akaba akubiyemo ibyo kurya n’ibyo kunywa.

Ibintu byose byubatse ibyumba by’iyi hoteli bikozwe mu mbaho, ariko bifashwe n’ibyuma kuburyo bikomeye kandi bifite ubuziranenge. Bikaba birimo n’imitako ya Kinyarwanda yiganjemo imigongo.

Muri uyu muhango wo gutaha ku mugaragaro iyi Hotel witabiriwe na Mohammed Ibrahim Al Shaibani, ukuriye “Kerzner International” igenzura amahoteli ya One&Only, Perezida Kagame yashimye iri shoramari, avuga ko ribereye u Rwanda n’inshuti zarwo zarigizemo uruhare zo muri Leta Zunze Ubumwe z’Abarabu i Dubai.

Ati “Ndashaka kubashimira ku ishoramari ryanyu mwakoze hamwe natwe. Dufite inshingano zo guharanira ko twese twungukira muri iri shoramari.”

Yavuze ko iri shoramari riri ku rwego rwo hejuru rijyanye n’icyerekezo cy’u Rwanda cyo kugira ibikorwa remezo byiza nka One & Only zombi yaba iya Kinigi ndetse n’iyo muri Nyungwe.

Ati “Tuzabifata nk’ibyacu, nk’ibyanyu, kandi tuzakomeza kubyongerera agaciro mu buryo butandukanye.”

Iyi hoteli yubatse ku buso bungana na hegitari 35. Aho yubatse hahoze hari hoteli yitwa Gorilla’s Nest. Imirimo yo kuyubaka yamaze imyaka igera kuri ibiri, yuzura itwaye miliyoni 65 z’amadolari ya Amerika. Imaze gutanga akazi ku bantu 120 bahoraho barimo Abanyarwanda 100.

Mu Kwakira 2019 nibwo iyi hoteli yatangiye gukora ariko ntabwo yari yagafunguwe ku mugaragaro.

Kuva mu kwa gatanu kugera mu kwa cyenda, nibwo iba ifite abashyitsi benshi. Imboga zose zitekerwa abashyitsi muri iyi hoteli, zihinze mu bice byayo. Amoko y’ibyatsi ibihumbi 36 ni yo yatewe mu ishyamba ririmo iyi hoteli.

Dore Amwe mu mafoto agaragaza uburyo iyi nzira itohagiye.

Biraryoshye gusiganirwa muri aya mahumbezi

Muri iyi nzira hagaragayemo abafana b’amagare b’ingeri zitandukanye

Irekurwa ry’aba Banyarwanda barimo abagabo 10 n’abagore 3, ryatangajwe ku wa kabiri tariki 18 Gashyantare 2020, aho Leta ya Uganda yabarekuye ikabashyikiriza Ambasade y’u Rwanda muri Uganda, na yo igahita ibohereza mu Rwanda.

Muri aba 13 hiyongereyeho abandi babiri batari batangajwe, ku mupaka wa Kagitumba hakaba hagejejwe abanyarwanda 15.

Nyuma yo gushyikiriza aba Banyarwanda Ambasade y’u Rwanda, Minisitiri w’Ububanyi n’Amahanga wa Uganda, Sam Kutesa, yabwiye itangazamakuru ko kurekura abo Banyarwanda byakozwe mu rwego rwo kubahiriza amasezerano yashyizweho umukono n’abakuru b’ibihugu by’u Rwanda na Uganda agamije kugarura umubano mwiza hagati y’ibihugu byombi.

Abo Banyarwanda barekuwe biyongereye ku bandi icyenda bari barekuwe tariki 08 Mutarama 2020.

Urutonde rw’Abanyarwanda bari bafungiye muri Uganda bagejejwe mu Rwanda

Umwihariko uri muri aba 13 boherejwe muri iri joro, ni uko babiri muri bo, Kabayija Seleman na Nzabonimpa Fidel, bari mu baheruka kugaba igitero mu Kinigi mu Karere ka Musanze, igitero cyabaye mu Kwakira 2019 kigahitana abantu 14.

Aba ngo nyuma yo guteshwa n’ingabo z’u Rwanda bahungiye muri Uganda bakirwa n’inzego z’umutekano zaho.

Ubwo Abanyarwanda 9 barekurwaga, u Rwanda rwari rwavuze ko ari intambwe nziza Uganda iteye, ariko ruvuga ko batari bahagije kuko ari umubare muto ugereranyije n’Abanyarwanda benshi bafungiye muri Uganda, aho bakorerwa itotezwa n’iyicarubozo.

Abo Banyarwanda 13 barekuwe mu gihe habura iminsi itatu ngo indi nama ihuza abakuru b’ibihugu by’u Rwanda na Uganda hamwe n’abahuza b’impande zombi, ari bo Angola na Repubulika Iharanira Demokarasi ya Congo, iteranire ku mupaka wa Gatuna. Ni inama biteganyijwe ko izaba kuri uyu wa gatanu tariki 21 Gashyantare 2020.

Aba ni bo bivugwa ko bari mu baherutse kugaba igitero mu Kinigi

Kabayija Seleman Wari Sous Lieutenant mu Ngabo za RUD Urunana

Nzabonimpa Fidele umwe mu bagabye igitero mu Kinigi

Iyi nama y’Umwiherero ihuriramo abayobozi bakorera mu Rwanda, ndetse n’abahagarariye u Rwanda mu mahanga, ndetse n’inshuti z’u Rwanda. Aba bayobozi mbere yo kuganira ku iterambere ry’igihugu bafata akanya bagasabana, bagashirana urukumbuzi, bikanabafasha kwinjira mu kazi basusurutse.

Dore mu mafoto uko abayobozi bari mu mwiherero wa 17 ubera mu kigo cya Gisirikare cya Gabiro basabana

Mu nama y’Umwiherero iyoborwa na Perezida Paul Kagame, abayobozi banyuzamo bagatebya bakamwenyura

Photo: Kigali Today & Urugwiro Village

Bamwe mu bana bari bafungiye i Nyagatare bakoze ibizami bya Leta umwaka ushize

Byasohotse mu byemezo by’inama y’abaminisitiri idasanzwe, yateranye kuri uyu wa 28 Mutarama 2020, ikaba yari iyobowe na Perezida wa Repubulika Paul Kagame.

Ingingo ya 2 y’ibyemezo by’iyi nama iragira iti “Ashingiye ku bubasha ahabwa n’Amategeko, Nyakubahwa Perezida wa Repubulika yamenyesheje Inama y’Abaminisitiri ko yahaye imbabazi abana 18 bari bafungiye muri Gereza ya Nyagatare bitwaye neza kandi batsinze neza ibizamini bya Leta.”

Urwego rw’igihugu rushinzwe imfungwa n’abagororwa (RCS) ruvuga ko aba bana uko ari 18, barimo 12 bakoze ikizamini gisoza amashuri abanza, na batandatu bakoze igisoza icyiciro rusange bose batsinze ibizamini bya leta kandi neza.

Ibindi byemezo by’Inama y’Abaminisitiri

Ku wa Kabiri, tariki ya 28 Mutarama 2020, Inama y’Abaminisitiri idasanzwe yateraniye muri Village Urugwiro, iyobowe na Perezida wa Repubulika, Paul KAGAME.

1. Inama y’Abaminisitiri yemeje imyanzuro y’Inama y’Abaminisitiri yo ku itariki ya 28 Ugushyingo 2019.

3. Inama y’Abaminisitiri yemeje itangwa ry’impushya 42 zo gushakisha no gucukura amabuye y’agaciro na kariyeri.

4. Inama y’Abaminisitiri yemeje imishinga y’amategeko ikurikira:

– Umushinga w’Itegeko rihindura Itegeko N° 014/2019 ryo ku wa 30/06/2019 rigena ingengo y’imari ya Leta y’umwaka wa 2019/2020

– Umushinga w’Itegeko ryemera kwemeza burundu Amasezerano y’iyinjizwa ry’u Rwanda muri Africa Finance Corporation yashyizweho umukono ku wa 20 Kamena 2019, hagati ya Africa Finance Corporation na Leta y’u Rwanda;

– Umushinga w’Itegeko ryemera kwemeza burundu Amasezerano hagati ya Guverinoma y’u Rwanda na Guverinoma y’Uburusiya, ku bufatanye mu kubaka Ikigo cy’Ubumenyi n’Ikoranabuhanga mu bya Nikeleyeri ku butaka bw’u Rwanda, yashyiriweho umukono i Sochi, ku wa 24/10/2019;

– Umushinga w’Itegeko ryemera kwemeza burundu Amasezerano avuguruye yerekeye ishyirwaho ry’Ihuriro Mpuzamahanga ku mikoreshereze y’Izuba, yashyiriweho umukono i Kigali ku wa 7 Ukwakira 2019;

– Umushinga w’Itegeko rigenga serivisi z’umutekano zitangwa n’abikorera.

5. Inama y’Abaminisitiri yemeje amateka ya Perezida akurikira:

– Iteka rya Perezida rishyiraho amahoro yakwa kuri serivisi no ku byemezo bitangwa n’inzego z’imitegekere y’Igihugu zegerejwe abaturage;

– Iteka rya Perezida ryemerera Dr. NYEMAZI Jean Pierre, wari Umunyamabanga Uhoraho muri Minisiteri y’Ubuzima, guhagarika akazi mu gihe kitazwi.

– Iteka rya Perezida rizamura mu ntera Abofisiye Komiseri, Abofisiye bisumbuye n’Abofisiye bato cumi n’umunani (18) b’Urwego rw’Igihugu rushinzwe Imfungwa n’Abagororwa;

– Iteka rya Perezida ryirukana Ofisiye muto w’Urwego rw’Igihugu rushinzwe Imfungwa n’Abagororwa.

6. Inama y’Abaminisitiri yemeje amateka ya Minisitiri w’Intebe akurikira:

– Iteka rya Minisitiri w’Intebe ryirukana burundu mu bakozi ba Leta Bwana GAHUNGU Zacharie, wari Umujyanama wa Minisitiri w’Ubuzima, kubera amakosa akomeye yakoze mu kazi;
– Iteka rya Minisitiri w’Intebe ryirukana burundu mu bakozi ba Leta Dr. NDAYISABA Gilles François, wari Umuyobozi Mukuru w’Ishami rishinzwe indwara zitandura mu Kigo gishinzwe Ubuzima mu Rwanda (RBC) kubera amakosa akomeye yakoze mu kazi.

7. Inama y’Abaminisitiri yemeje amateka ya Minisitiri akurikira:

– Iteka rya Minisitiri ryerekeye ubugenzuzi bw’umurimo;

– Iteka rya Minisitiri rishyiraho urutonde rw’amakosa akomeye;

– Iteka rya Minisitiri rigena uburyo amahugurwa y’abakozi atangwa;
– Iteka rya Minisitiri ryerekeye intumwa z’abakozi;

– Iteka rya Minisitiri rigena serivisi zidahungabanywa zitagomba guhagarara mu gihe cy’ihagarikwa ry’imirimo cyangwa icy’ifungwa ry’ikigo;

– Iteka rya Minisitiri rigena uburyo amasaha y’akazi mu cyumweru yubahirizwa mu nzego z’abikorera;

– Iteka rya Minisitiri rigena amafaranga yo gushyingura n’ay’impozamarira ku mukozi;

– Iteka rya Minisitiri rigena iby’ingenzi bikubiye mu masezerano y’umurimo yanditse;

– Iteka rya Minisitiri rigena imiterere y’amasezerano yo kwitoza n’ayo kwimenyereza umurimo;

– Iteka rya Minisitiri riha Bwana NEMEYE Alphonse na Madamu INGABIRE Nadia, bombi bakorera Ikigo cy’Igihugu cy’Imisoro n’Amahoro (RRA) ububasha bwo kukiburanira mu Nkiko;

– Iteka rya Minisitiri riha Madamu UWERA Pacifique na Bwana KIBOGO Ndahiro Joseph, bombi bakorera Banki Nkuru y’u Rwanda (BNR), ububasha bwo kuyiburanira mu Nkiko;

– Iteka rya Minisitiri rizamura mu ntera Abasuzofisiye n’Abawada 74 b’Urwego rw’Igihugu rushinzwe Imfungwa n’Abagororwa;

– Iteka rya Minisitiri ryirukana Abasuzofisiye n’Abawada 8 b’Urwego rw’Igihugu rushinzwe Imfungwa n’Abagororwa.

8. Inama y’Abaminisitiri yemeje ko aba bakurikira bahagarira ibihugu byabo ku rwego rw’Abambasaderi n’Imiryango mpuzamahanga mu Rwanda:

A. Abambasaderi:

– Bwana Amadou S.O. TAAL: Ambasaderi wa Repubulika ya Gambiya mu Rwanda ufite icyicaro i Abuja, muri Nigeriya;

– Bwana MBODOU Seid: Ambasaderi wa Repubulika ya Tchad mu Rwanda, ufite icyicaro i Brazzaville, muri Repubulika ya Kongo;

– Madamu Elin ØstebØ Johansen: Ambasaderi w’Ubwami bwa Norvège mu Rwanda, ufite icyicaro i Kampala muri Uganda;

– Madamu SAQLAIN Syedah: Ambasaderi wa Repubulika ya Kisilamu ya Pakistan mu Rwanda, ufite icyicaro i Nairobi, muri Kenya.

B. Uhagarariye Umuryango Mpuzamahanga: Madamu Julianna LINDSEY: Uhagarariye Ishami ry’Umuryango w’Abibumbye ryita ku bana (UNICEF) mu Rwanda.

9. Inama y’Abaminisitiri yashyize mu myanya abayobozi ku buryo bukurikira:

– Bwana NGABONZIZA Prime: Umuyobozi Mukuru w’Ikigo gishinzwe Umutungo Kamere w’Amazi mu Rwanda;

– Dr. TWAGIRASHEMA Ivan: Umuyobozi Mukuru Wungirije w’Ikigo gishinzwe Mine, Peteroli na Gazi mu Rwanda.

10. Mu bindi.

A. Minisitiri w’Uburinganire n’Iterambere ry’Umuryango yamenyesheje Inama y’Abaminisitiri ko ku itariki ya 8 Werurwe 2020 u Rwanda ruzizihiza Umunsi Mpuzamahanga w’Umugore. Insanganyamatsiko ni: “Umugore ku ruhembe mu iterambere.” Ibirori byo kwizihiza uyu munsi bizabera ku rwego rw’Umudugudu, naho ku rwego rw’Igihugu bizabera muri Kigali Arena mu Karere ka Gasabo.

B. Minisitiri w’Urubyiruko n’Umuco yamenyesheje Inama y’Abaminisitiri ko:

– Ku itariki ya 1 Gashyantare 2020, hazizihizwa Umunsi w’Intwari z’Igihugu ku nshuro ya 26, uzizihirizwa ku rwego rw’Umudugudu. Insanganyamatsiko ni “Ubutwari mu Banyarwanda, Agaciro kacu”.

– Kuva mu Gushyingo 2019, hatangiye igikorwa cyo gutoranya urubyiruko 10 rwakoze ibikorwa by’indashyikirwa, kugira ngo ruzahabwe ibihembo muri YouthConnekt Champions and Celebrating Young Rwandan Achievers 2019 (YCC&CYRWA). Umuhango wo gutanga ibihembo uteganyijwe kuba tariki ya 29 Gashyantare 2020.

– Kuva tariki ya 30 Mutarama kugeza ku ya 27 Gashyantare 2020, Minisiteri y’Urubyiruko n’Umuco ifatanyije n’izindi nzego batangiye gutegura icyiciro cya kabiri cya gahunda “Rubyiruko Menya Amateka Yawe”. Iyi gahunda igamije gutoza urubyiruko indangagaciro zo Gukunda Igihugu, Ubumwe n’Ubworoherane.

– Icyiciro cya kabiri cya gahunda ya ArtRwanda-Ubuhanzi kizatangizwa ku mugaragaro tariki 25 Gashyantare 2020, kikazageza muri Kamena 2020. Gahunda yo gushakisha urubyiruko rufite impano mu Gihugu hose izakorerwa mu duce 6 twatoranyijwe: Kigali, Rubavu, Rusizi, Huye, Nyagatare na Musanze. Abahanzi b’indashyikirwa bazahabwa ibihembo bitandukanye.

– Ku itariki ya 21 Gashyantare 2020 u Rwanda ruzizihiza ku nshuro ya 17, Umunsi Mpuzamahanga w’Ururimi kavukire. Insanganyamatsiko ni “Dukoreshe Ikinyarwanda kinoze twese”. Ibirori byo kwizihiza uyu munsi ku rwego rw’Igihugu bizabera mu Karere ka Kirehe.

C. Minisitiri w’Ikoranabuhanga na Inovasiyo yamenyesheje Inama y’Abaminisitiri ko ubukangurambaga bwa Connect Rwanda, bwatangijwe tariki ya 21 Ukuboza 2019 buzamara amezi atatu kandi bukaba bugamije gukusanya nibura telefoni miliyoni imwe zigezweho (Smartphones). Igikorwa cyo gushyikiriza izo telefoni abazigenewe kizatangira mu cyumweru cya kabiri cya Gashyantare 2020.

D. Minisitiri w’Ibikorwaremezo yamenyesheje Inama y’Abaminisitiri ko kuva tariki ya 5 kugeza ku ya 7 Gashyantare 2020, muri Kigali Convention Center, hateganyijwe kubera Inama Nyafurika ku ndege nto zitagira abapilote (drones). Iyi nama izakurikirwa n’amarushanwa yo kugurutsa drones ku Kiyaga cya Kivu (Lake Kivu drone flying competition) ateganyijwe kuva tariki 8 kugeza ku ya 15 Gashyantare 2020 i Karongi.

Iri tangazo ryashyizweho umukono na KAYISIRE Marie Solange
Minisitiri mu Biro bya Minisitiri w’Intebe Ushinzwe Imirimo y’Inama y’Abaminisitiri

Hereman Nsengimana wasimbuye Nsabimana Callixte ku buvugizi bwa FLN

Nsengimana yerekaniwe rimwe na Mutarambirwa Theobard, wari Umunyamabanga Mukuru w’Ishyaka rya PS Imberakuri ryo ku ruhande rwa Ntaganda Bernard ritemewe.

Nsengimana na Mutarambirwa ni bamwe mu nyeshyamba 291 zafatiwe muri Repubulika ya Demukarasi ya Congo, zashyikirijwe u Rwanda ku mugoroba wo kuwa Mbere itariki 16 Ukuboza 2019, banyujijwe ku mupaka wa Rusizi.

Mutarambirwa Theobard wari Umunyamabanga Mukuru wa PS Imberakuri (Ritemewe)

Tariki ya 05 Gicurasi 2019, ni bwo ishyaka MRCD ritavuga rumwe n’u Rwanda, ari na ryo rifite umutwe w’ingabo wa FLN, ryasohoye itangazo rivuga ko Herman Nsengimana yasimbuye Nsabimana Callixte.

Herman Nsengimana yasimbuye Nsabimana na we wafashwe agashyikirizwa u Rwanda, ubu akaba ari gukurikiranwa n’ubutabera.

Nsengimana na Mutarambirwa beretswe itangazamakuru

Umuvugizi wa RIB, Umuhoza Marie Michelle, yagize ati “Aba bagabo uko ari babiri barakekwaho ibyaha by’iterabwoba bitandukanye, birimo kurema umutwe w’ingabo zitemewe, iterabwoba, gukora no kugira uruhare mu bikorwa by’iterabwoba, kugambana no gushishikariza abandi gukora iterabwoba, ubwicanyi, guhakana Jenoside yakorewe Abatutsi, ndetse n’ibindi”.

Yakomeje agira ati “Byari bimaze iminsi byandikwa muri bimwe mu bitangazamakuru ndetse n’imiryango mpuzamahanga imwe n’imwe ko aba bagabo bishwe, ariko murabibona ko atari byo ahubwo bari baragiye mu bikorwa byo gusenya igihugu”.

Yanaboneyeho gusaba Abanyarwanda bose kwima amatwi uwo ari we wese washaka kubashora mu bikorwa byo gusenya igihugu, abasaba guharanira gufatanya kucyubaka.

Umuhoza Marie Michelle, Umuvugizi wa RIB

Kuri iyi ngingo yagize ati “Turasaba Abanyarwanda kurushaho gusangira amakuru y’ibyaha ibyo ari byo byose, ndetse bagira aho babona umutekano utameze neza bakabigeza ku nzego z’umutekano kugira ngo bikumirwe bitaraba”.

Nubwo ibihano bazahanishwa ibi byaba nibiramuka bibahamye bitatangajwe, Umuvugizi wa RIB yaburiye uwaba yumva afite mu migambi guhemukira u Rwanda, ko bitazamuhira kuko amategeko ahari kugira ngo abakanire urubakwiye.

Aha bari bamaze kwambuka umupaka wa Gatuna binjiye mu Rwanda

Aba Banyarwanda bagejejwe mu Rwanda nyuma yo kurekurwa n’urukiko rwa gisirikare ku wa kabiri tariki ya 7 Mutarama 2020, nyuma y’uko ubushinjacyaha bwa Uganda buhagaritse kubakurikirana.

Umunyamabanga wa Leta y’u Rwanda muri Minisiteri y’Ububanyi n’amahanga, Ambasaderi Olivier Nduhungirehe, yabwiye itangazamakuru ko iki gikorwa Uganda yakoze cyo kurekura aba Banyarwanda ari intambwe nziza bakoze muri gahunda yo kugarura umubano mwiza hagati y’ibihugu byombi.

Byabagoye kwiyumvisha ko bageze mu Rwanda

Gusa yongeyeho ko bidahagije ngo kuko hakiri Abanyarwanda barenga 100 bagifungiye muri Uganda ku buryo bunyuranyije n’amategeko, u Rwanda rukaba rugisaba ko bose barekurwa nk’uko amasezerano yo kugarura umubano yashyizweho umukono n’abakuru b’ibihugu byombi i Luanda muri Angola abivuga.

Rutagungira René ni umwe mu banyarwanda babimburiye abandi gutabwa muri yombi n’inzego z’umutekano za Uganda.

We na Bagenzi be baganira n’itangazamakuru bavuze uburyo buri wese yafashwe n’uburyo yakorewe iyica rubozo, banashimira Leta y’u Rwanda ko yabakoreye ubuvugizi bakabasha kurekurwa , ubu bakaba bageze ku butaka bw’u Rwanda.

Yagize ati "Turashimira Leta y’u Rwanda yadufashije kuva muri kiriya gihugu tukaba tugeze iwacu. Yatugaragarije koko ko ari Leta ikunda abaturage bayo.”

René Rutagungira

Kimwe mu by’ingenzi aba banyarwanda bagomba gukorerwa ni ukujyanwa kwa muganga bagasuzuma uko ubuzima bwabo buhagaze, nyuma y’igihe kinini bari bamaze bafunze nabi banakorerwa iyicarubozo.

Abanyarwanda bagejejwe mu Rwanda ni:

1. Mr. René Rutagungira
2. Mr. Herman Nzeyimana
3. Mr. Nelson Mugabo
4. Mr. Etienne Nsanzabahizi
5. Mr. Emmanuel Rwamucyo
6. Mr. Augustine Rutayisire
7. Mr. Adrien Munyagabe
8. Mr. Gilbert Urayeneza
9. Mr. Claude Iyakaremye

Bakigera mu Rwanda hakozwe ihererekanya ry’ibyangombwa byabo bihabwa umuyobozi w’Ikigo cy’Abinjira n’abosohoka ku ruhande rw’u Rwanda

Abanyarwanda 15 basoje amahugurwa y’amezi abiri mu Buhinde

Rwanda Institute of cooperatives Entrepreneurship and Microfinance RICEM, ni ikigo gishinzwe guhugura amakoperative, ba rwiyemezamirimo n’ ibigo by’imari biciriritse, giherereye ku Kabusunzu mu Murenge wa Nyakabanda, Akarere ka Nyarugenge.

Aya mahugurwa abakozi bayo basoje yaberaga muri Leta ya Gujarat mu Mujyi wa Ahmedabad mu kigo gihuvvvgura ba Rwiyemezamirimo cyitwa Entrepreurship Development Institute Of India (EDII), akaba agamije kuzafasha aba bakozi gushinga ishami ryihariye rizakorera muri RICEM rizitwa Rwanda Entrepreneurship Development Center.

Mu muhango wo gushyikiriza impamyabushobozi aba Banyarwanda witabiriwe na Ambasadeli w’u Rwanda mu Buhinde Rwamucyo Ernest, Dr Sunil Shukla uyobora EDII , yasobanuye ko aya mahugurwa ari imwe muri gahunda nyinshi zemejwe hagati ya Leta y’u Rwanda n’igihugu cy’Ubuhinde, ubwo Ministre w’intebe w’Ubuhide yasuraga u Rwanda mu 2018,

Yagize ati” Ndashimira Leta y’u Rwanda muri rusange ku bufatanye bwatangiye hagati y’u Rwanda n’Ubuhinde, hahugurwa aba banyarwanda 15 basoje amahugurwa, kandi ndizera ko uyu mubano uzanakomeza hashyirwa mu bikorwa iki kigo Rwanda Entrepreneurship Development Center.

Akomeza agira ati” Byibura ba rwiyemezamiromo 18,000 bazafashwa hitawe cyane ku gutanga amahugurwa ku rubyiruko rufite ibitekerezo byiza rushaka guhanga imirimo mishya, ndetse no gufasha abasanzwe bafite ubucuruzi buto n’ubuciriritse kubuteza imbere.”

Dr Sunil Shukla anavuga ko muri iki kigo hazabamo na gahunda yo gutanga inama ku bigo binini bifite ubucurizi mu Rwanda, ku bigo bya leta y‘u Rwanda bifite aho bihuriye n’ubucurzi mu ngeri zose, ibigo by’imari n’ibindi, hagamijwe kongera umubare w’ibigo by’ubucurizi buto n’ibicirirtse bikora neza ku isoko ry’u Rwanda, ariko bishobora no kwagura ubucurizi mu karere u Rwanda ruherereyemo.

Dr Sunil Shukla uyobora EDII

Dr Mukurira Olivier Umuyobozi wa RICEM akaba ari no muri 15 bahawe aya mahugurwa, nawe yashimye ubu bufatanye, anavuga ko ubumenyi bahawe ari umusingi ukomeye mu ishyirwa mu bikorwa ry’amasezerano abayobozi b’ibihugu byombi basinye, anavuga ko adashidikanya ko aya mahugurwa azatanga umusaruro ugaragara ku bukungu bw’u Rwanda.

Ati” Nyuma y’aya mahugurwa, abayakurikiranye bazahugura abandi kugir ango haboneke umubare uhagije w’abafite ubushobozi mu gufasha ba rwiyemezamirimo kubaka ubucuruzi bugezweho kandi butanga umusaruro ku bukungu bw’u Rwanda.“

Dr Mukurira Olivier Umuyobozi wa RICEM

Ambasaderi w’u Rwanda mu Buhinde, Rwamucyo Ernest wari umushyitsi mukuru mu muhango wo gusoza aya mahugurwa, ashimangira ko Leta y’u Rwanda ishyize imbere guteza imbere urubyiruko binyuze mu kurufasha guhanga imirimo mishya.

Ati” Bakozi ba RICEM musoje aya mahugurwa, nimujyane impinduka i Kigali. Mugomba kumenya ko u Rwanda rukeneye guhanga imirimo irenga 1,500,000 mbere y’uko 2024.”

Ambasaderi Rwamucyo yanasabye abasoje aya mahugurwa gutekereza uburyo gahunda ya Made in Rwanda yakwihutishwa, kugira ngo itange umusaruro u Rwanda ruyitezeho, ari nako batekereza ku buryo bwo kwihutisha iterambere rishingiye ku guteza imbere ubucurizi cyane cyane bukorwa n’urubyiruko.

Ambasaderi w’u Rwanda mu Buhinde, Rwamucyo Ernest

Aya mahugurwa abakozi ba RICEM basoje kuri uyu wa Gatanu, yatangiye tariki ya 4 Ugushyingo 2019.

Dore mu Mafoto uko Made in Rwanda yiganje mu Mushyikirano wa 17

Ku munsi wa mbere w’Umushyikirano Perezida Kagame yari yambaye Made in Rwanda

Madame Jeannette Kagame yagaragaye mu mwambaro wa Made in Rwanda ku munsi wa Kabiri w’Umushyikirano

Dr Diane Karusisi Umuyobozi wa Banki ya Kigali

Meya w’Umujyi wa Kigali (Ibumoso), Guverineri w’Amajyepfo (hagati) na Guverineri w’Uburasirazubat (Iburyo)

Bosenibamwe Aime Umuyobozi w’Ikigo cy’Igihugu cy’Igororamuco

Minisitiri wa Siporo Aurore Mimosa Munyangaju

Minisitiri Hakuziyaremye Soraya

Minisitiri w’Ubutabera Johnston Busingye

Min Kayisire Solange ushinzwe ibikorwa by’Inama y’abaminisitiri

Min w’Ubuzima Dr Diane Gashumba

Dr Patrick Ndimubanzi Umunyamabanga wa Leta muri Minissante

Minisitiri w’Ingabo Maj Gen Murasira Albert wa kabiri ibumoso

Minisitiri ushinzwe ibikorwa by’ubutabazi uhagaze

Prof Phillip Cotton umuyobozi wungirije wa Kaminuza y’u Rwanda

Fidele Ndayisaba Umunyamabanga mukuru wa Komisiyo y’igihugu y’ubumwe n’ubwiyunge

Andi mafoto Kanda hano

Ku munsi wa mbere w’Umushyikirano w’uyu mwaka watangiye kuri uyu wa Kane tariki ya 19 ukazasoza ku ya 20 Ukuboza 2019, abawitabiriye bari buje urugwiro ndetse n’akanyamuneza kagaragara kuri buri wese.

Dore mu Mafoto uko byari bimeze

Perezida Kagame na Madame Jeannette Kagame bitabira Inama y’umushyikirano

Amafoto: Plaisir Muzogeye

Kureba andi mafoto, kanda HANO

Dore mu Mafoto uko ikirere cyasaga :

Abayobozi bakubita Inyundo Ruswa

Iki gikorwa cyo guhemba izi ndashyikirwa mu kurwanya Ruswa cyabimburiwe n’umuhango wo kumurika ikirango cy’ikiganza kigaragaza umucyo(Transparency) iki gikorwa kikaba cyari kiyobowe na Perezida Kagame ndetse na Sheikh Tamim bin Hamad al Thani .

Nyuma yo kumurika icyo kirango abayobozi barimo Perezida Paul Kagame; Perezida wa Namibia, Hage Gottfried Geingob, Umuyobozi w’Ikirenga wa Qatar (Emir) Sheikh Tamim bin Hamad al Thani, Perezida w’Ishyirahamwe ry’Umupira w’Amaguru ku Isi, Gianni Infantino; na Perezida wa Komisiyo y’Umuryango wa Afurika yunze ubumwe (AU), Moussa Faki Mahamat; bafashe utunyundo basenya ikirango cya Ruswa mu Rwego rwo kugaragaza ko Bakeneye ibihugu bitarangwamo ruswa.

Dore mu mafoto uko byari bimeze aba bayobozi basenya Ruswa

Ibirango bya Ruswa byakubiswe inyundo birasenywa

Ruswa imaze gusenywa himakajwe gukorera mu Mucyo bigaragazwa n’ikirango cy’Ikiganza

Kureba andi mafoto ya Anti Corruption, kanda hano

Abakozi ba RICEM n’abakozi ba EDII mu muganda

Rwanda Institute of cooperatives Entrepreneurship and Microfinance RICEM, ni ikigo gishinzwe guhugura amakoperative, ba rwiyemezamirimo n’ ibigo by’imari biciriritse, giherereye ku Kabusunzu mu Murenge wa Nyakabanda, Akarere ka Nyarugenge.

Ku bufatanye na Minisiteri y’Ubucuruzi, Minicom, abakozi ba RICEM boherejwe mu gihugu cy’Ubuhinde, mu mahugurwa yo kurushaho gufasha abashaka kuba ba rwiyemezamirimo, abasanzwe ari bo, ndetse no guhanga imirimo mishya biganisha mu kunoza ubucuruzi. Aya mahugurwa ari gutangirwa mu kigo cyitwa Entrepreurship Develeopment Institute of India (EDII).

Dr Mukurira Olivier umuyobozi wa RICEM, akaba ari nawe uyoboye abakozi bayo bari muri aya mahugurwa, avuga ko nk’uko basanzwe babikora mu Rwanda buri wa gatandatu wa nyuma w’ukwezi, bifuje kwifatanya na bagenzi babo b’Abahinde, kugira ngo babatoze umuco wo kugirira isuku aho batuye, batarinze kubitegereza ku buyobozi.

Yagize ati” Twifatanyije mu muganda n’abakozi ba EDII mu bikorwa by’isuku, byibanze mu gukubura mu kigo no gutoragura imyanda ikomoka kuri parasitike mu kigo no mu nkengero zacyo, nyuma y’umuganda tuboneraho guhura turasangira turasabana ndetse tunacinya akadiho.”

Dr Mukurira Olivier iburyo mu Muganda

Dr Mukurira yanafashe akanya asobanurira Abahinde akamaro k’umuganda mu iterambere ry’igihugu, anabereka byinshi umuganda wagejeje ku Banyarwanda, anabakangurira kuba nabo bawugira umuco kugira ngo nabo bajye bagira uruhare mu kwishakamo ibisubizo, aho guhora bateze ibisubizo bya buri kintu cyose kuri Leta.

Umuyobozi mukuru wa EDII, Dr. SNIL SHUKLA nawe wari muri uyu muganda, yashimiye cyane Abanyarwanda bateguye uyu muganda, anabizeza ubufatanye kuburyo nibanataha, iki gikorwa cy’umuganda kizakomeza muri iki kigo.

EDII ni ikigo gishinzwe gukangurira Abaturage kwihangira imirimo, kikanabafasha mu mahugurwa abongerera ubumenyi mu mirimo bahisemo, ndetse n’abongerera ubumenyi bwo kubyaza inyungu ibyo bakora.

Abahinde baryohewe n’Umuganda banahiga kuwushyira muri gahunda yabo ya buri mpera y’ukwezi

Guverinoma y’ Ubuhinde na Guverinoma y u Rwanda zifitanye umushinga wo gushyiraho ikigo India Rwanda Development Center( IR EDC), kizubakwa ahahoze Ikigo Iwacu ku kabusunzu, na cyo kikazaba gishinzwe gufasha abashaka kuba ba rwiyemezamirimo n’abasanzwe ari bo, gutera imbere babyaza umusaruro imishinga yabo.

Ni muri urwo rwego iri tsinda ry’abakozi ba RICEM, bari mu gihugu cy’Ubuhinde mu mahugurwa yatangiye tariki ya 4 Ugushyingo akazasoza tariki ya 28 Ukuboza, aho bazanaganira ku ishyirwa mu bikorwa ry’uwo mushinga.

Minisitiri w’Intebe Dr Eduard Ngirente n’umuyobozi wa Banki Nyafurika y’iterambere Dr Akinwumi A.Adesina

Mu ijoro ryo kuri uyu wa mbere, abitabiriye iyi nama barangajwe imbere na Minisitiri w’Intebe Dr Eduard Ngirente n’umuyobozi wa Banki Nyafurika y’iterambere Dr Akinwumi A.Adesina, bahuriye mu gitaramo cyabereye muri Camp Kigali, barasangira, bataramirwa n’urukerereza, ndetse banamurikirwa imideli itandukanye ikorerwa mu Rwanda.

Muri iki gitaramo kandi hahembwe abagore bane babaye indashyikirwa mu guhanga imishimga iteza imbere umugore, hakaba harimo abanyarwandakazi babiri barimo Umuziranenge Blandine ufite ikigo cyitwa Kosmotive, Ishimwe Yvette ufite ikigo cyitwa Iriba Water, n’Abanyakenya babiri.

Dore mu Mafoto uko iki gitaramo cyari kimeze:

Akanyamuneza kari kose muri iki gitaramo

Abitabiriye iki gitaramo bamurikiwe imideli ikorerwa mu Rwanda

Urukerereza rwabasusurukije mu mihamirizo

Blandine Umuziranenge ufite ikigo cyitwa Kosmotive niwe munyarwandakazi wahembwe

Ishimwe Yvette undi munyarwandakazi ufite ikigo cyitwa Iriba Water nawe yahembwe

Blandine, Yvette na bagenzi babo b’Abanyakenya bahembwe

Photo: Muzogeye Plaisir

Andi mafoto, kanda hano

Minisitiri Bamporiki na Visi Perezida wa Sena Esperance Nyirasafari bari bitabiriye igitaramo cya Social Mula

Bamporiki yamugabiye inka, amushimira ku buhanga yagaragaje muri iki gitaramo, aboneraho no kumwifuriza ishya n’ihirwe mu buhanzi bwe.

Yagize ati “Ntako bisa kwitabira igitaramo cy’umuhanga. Ndakwifuriza gutunga no gutunganirwa, kandi uwo umuntu abyifuriza aramugabira. Nguhaye inka, nuza gusura mama wawe ku wa kabiri w’icyumweru gitaha, izaba iri mu rwuri rwa mama wawe”.

Bamporiki agabira inka umuhanzi Social Mula

Bamporiki kandi yanijeje abahanzi ko mu bitaramo bitaha, Minisiteri abereye umunyamabanga izajya igira uruhare rufatika mu bitaramo byabo, kugira ngo birusheho kugenda neza kandi binungure abahanzi.

Muri iki gitaramo, Social Mula yasusurukije abakitabiriye mu ndirimbo ze zakunzwe cyane zirimo, Abanyakigali ni danje, Umuturanyi, Agakufi, Yayobye, amahitamo n’izindi nyinshi.

Iki gitaramo kandi yagifashijwemo n’abandi bahanzi bagenzi be, barimo King James, Bruce Melodie, Evry, Marina na Yvan Buravan, aho na bo banyuzagamo indirimbo zabo zikunzwe bacurangirwa na Band igezweho muri iyi minsi yitwa ‘Simphonie’ igizwe n’abanyeshuri bize umuziki ku Nyundo.

Dore mu mafoto uko iki gitaramo cyagenze:

Minisitiri Bamporiki na Visi Perezida wa Sena Esperance Nyirasafari bari bitabiriye igitaramo cya Social Mula

Mu minisi itatu gusa yashushanyije Social Mula

Uyu musore ufite impano ikomeye yo gushushanya, avuga ko kuva akiri umwana yabaye umufana ukomeye wa Social Mula, kugeza magingo aya akaba akiri umufana we ukomeye nubwo atakibasha kumubona nk’uko byahoze.

Ubwo Social Mula yamurikaga umuzingo (Album) we wa mbere yise ‘Ma vie’, Uwikunda yamushyikirije impano y’ifoto ye yashushanyije mu gihe cy’iminsi itatu, agamije kumugaragariza urukundo amukunda.

Uwo musore yagize ati “Ubusanzwe igishushanyo kintwara hagati y’ibyumweru bibiri na bitatu , ariko nkimenya ko Social azamurika iyi Album, sinasinziriye iki gishushanyo nagikoze mu minsi itatu gusa”.

Social Mula yakira iyi mpano yashimye cyane uyu musore, amwifuriza imigisha, anamutura indirimbo ye yise ‘super Star’ amwifuriza kuzatera intambwe akazavamo umuntu ukomeye mu bashushanyi n’ubwo atabona.

Dore amafoto Social Mula habwa impano yashushanyijwe na Uwikunda utabona:

Uwikunda yavuze uburyo akunda Social Mula kuva akiri muto

Ibi binagaragaza kandi ko hakenewe imbaraga nyinshi mu gusigasira iri terambere, ndetse no kurushaho kurigeza aho ritaragera, kugira ngo igihugu kirusheho gutera imbere.

Dore tumwe mu duce twa Kigali uko twari tumeze mu 2007, n’uko tumeze ubu:

Ahubatse Kigali Convention Center ubu

Sitade Amahoro muri 2007 no muri 2019

Sitade Amahoro muri 2007

Sitade Amahoro muri 2019

Sitade Regional Nyamirambo

Stade regional Nyamirambo 2007

Rond-Point yo mu mujyi

Rond-point yo mu mujyi 2019

Ikibuga mpuzamahanga cy’indege cya Kigali - Kanombe

Ikibuga mpuzamahanga cy’indege cya Kigali - Kanombe muri 2007

Ikibuga mpuzamahanga cy’indege cya Kigali - Kanombe muri 2019

Igishushanyo mbonera cy’ikibuga cy’indege cya Kigali - Kanombe mu minsi iri imbere

Ikibuga cy’indege cya Kanombe, urebeye kure

Ahahoze Top Tower Hotel na Imprimerie de Kigali

Ahahoze ikigo ORTPN ubu hubatse Ubumwe Grand Hotel

Ubumwe Grand Hotel

Ahubatse Pension Plaza ubu, uko hari hameze muri 2007

Pension Plaza

Ahubatse ibiro by’umujyi wa Kigali

Ibiro by’umujyi wa Kigali

Ahahoze inzu ndangamuco y’Ubufaransa

Ahahoze iposita na KBC

Iyi nyubako y’umweru ni KBC nshya

Kigali Heights

Inteko ishinga amategeko

Inteko muir 2007

Inteko muri 2019

Kwa Rubangura

Mu mujyi

Mu mujyi muri 2007

Makuza Peace Plaza

Munsi gato ya roind piont ahari Paroisse Sainte Famille

Nyabugogo

Nyabugogo

Urwibutso rwa Jenoside rwa Kigali

Urwibutso rwa Jenoside rwa Kigali

Urwibutso ni uko rwavuguruwe

Mu rwibutso hongerewemo ahantu hakorerwa imikino ndetse n’ibiganiro bigamije kwibuka ( Amphitheatre)

Inzira ijya kuri Amphitheatre ni uku imeze

Amafoto y’ubu yo ku rwibutso yafatiwe mu kirere

Uru rukiko rufashe uyu mwanzuro nyuma yo gusuzuma niba Bayigamba waregwaga n’ubushinjacyaha hari impamvu zikomeye zituma akekwaho ibi byaha ndetse rukanasuzuma niba koko ashobora gukurikiranwa afunze nk’uko ubushinjacyaha bwabimusabiraga.

Nyuma y’ubusesenguzi bw’urukiko, rwemeje ko nta mpamvu zikomeye zituma Bayigamba akekwaho gukora icyaha cyo kwihesha ikintu cy’undi hakoreshejwe uburiganya, runemeza ko nta mpamvu zikomeye zituma anakekwaho gukora icyaha cyo kugurisha ikintu cy ‘undi cyangwa kugitangaho ingwate, rutegeka ko afungurwa akazajya akurikiranwa adafunze.

Mu rubanza ku ifunga n’ifungurwa ry’agateganyo, ubushinjacyaha bwavugaga ko iyo mitungo Bayigamba aregwa ari ibibanza bitatu biri mu mujyi wa Kigali, Bayigamba yemeye kugurisha na Claude Hagenimana ku gaciro ka miliyoni 850 z’amafaranga y’u Rwanda.

Ku ikubitiro Hagenimana ngo yishyuye igice cya mbere kingana na miliyoni 220 z’amafaranga y’u Rwanda, andi akaba yaragombaga kuyishyura nyuma y’ukwezi amaze kubona inguzanyo yari yemerewe na banki.

Ubushinjacyaha bwavuze ko kugurisha ibyo bibanza na Hagenimana, Bayigamba yagurishije umutungo utari uwe, ngo kuko kimwe muri ibyo bibanza cyari ingwate ya ADEPR bari baragiranye amasezerano ya mbere y’ubugure, ariko ubugure ntibuze kuba, nubwo iri torero ngo ryari ryaramwishyuye igice cya mbere cya miliyoni 380.

Mu kwiregura, Bayigamba yemeye ko koko yagiranye amasezerano y’ubugure n’itorero rya ADEPR mu mwaka wa 2016 yo kugura ibibanza by’ahubatse ikigo cye cy’ubucuruzi cya Manumetal mu mujyi wa Kigali.

Iri torero ngo ryishyuye igice cya mbere gihwanye na miliyoni 380, ariko riza kunanirwa gukomeza kwishyura kubera ibibazo byarivutsemo, abayobozi bashya bakamubwira ko batagifite igitekerezo cyo kugura ibibanza.

Mu masezerano mashya Bayigamba yagiranye na ADEPR, hemejwe ko iri torero rimwemerera kugurisha ibibanza bibiri rikaba rigumanye kimwe cyagombaga gusubizwa hamaze kwishyurwa amafaranga ADEPR yari yamuhaye.

Aha ni ho umuguzi wa kabiri, Hagenimana Claude yinjiriye na we yumvikana na Bayigamba miliyoni 850 ndetse ahita yishyura miliyoni 220 z’ibanze.

Ibibazo byaje kuvuka ubwo Hagenimana yasabaga nyir’umutungo kumuha icyangombwa cy’uko atagira umwenda bikagaragara ko abereyemo umwenda ikigo cy’imisoro ndetse ko kimwe mu bibanza cyari ingwate ya ADEPR.

Robert Bayigamba ngo yandikiye Hagenimana amumenyesha ko asheshe amasezerano y’ubugure bari bafitanye ndetse amusaba ko yaza bakumvikana uko asubizwa igice yari yishyuye.

Bayigamba yabwiye urukiko ko yafashe iki cyemezo kuko Hagenimana yari yatangiye kumukwiza ahantu hose ko yagurishije ibibanza bye inshuro nyinshi.

Mu gushakisha umuguzi mushya, haje uwemera kwishyura miliyari imwe na miliyoni 200, Bayigamba avuga ko yari gukuramo igice cyo kwishyura imyenda y’abaguzi ba mbere.

Gusa aya masezerano na yo ntiyaje kurangira kuko iki kigo cyagaragaje impungenge z’amategeko nticyemere kwishyura nubwo hari hatangiye inzira yo kucyandikaho imitungo.

Hagenimana Claude yafashe icyemezo cyo gutanga ikirego avuga ko Bayigamba yamugurishije umutungo adafiteho uburenganzira.

Robert Bayigamba

Ubushinjacyaha bushingiye ku mpamvu zirimo kuba yatoroka ubutabera agasanga umuryango we (umugore n’abana) bamaze imyaka umunani baba mu gihugu cyo hanze, kitatangajwe mu iburana.

Indi mpamvu ubushinjacyaha bwashingiyeho ni uko Robert Bayigamba ukekwaho icyaha cyo kwihesha ikintu cy’undi hakoreshejwe uburiganya, ndetse n’icyaha cyo kugurisha ikintu cy’undi, ashobora kugera hanze agasibanganya ibimenyetso kuko ubushinjacyaha butarasoza iperereza.

Mu kwisobanura, Robert Bayigamba n’umwunganira bavuze ko Bayigamba usanzwe uhagarariye ikigo cy’ubucuruzi cya ‘Manumetal’, akaba ari na we nyiracyo, adashobora kugisiga ngo atoroke ubutabera, mu gihe amafaranga akurikiranyweho asaga miliyoni 850 z’amafaranga y’u Rwanda, ari munsi cyane y’agaciro k’icyo kigo, gifite agaciro k’asaga miiiyali eshatu z’amanyarwanda.

Hejuru y’ibyo Bayigamba yanavuze ko umuryango we uba hanze, kuko ari ho abana be biga, ndetse hakaba hari umwe mu bana be ufite uburwayi butavurirwa mu Rwanda, akaba ari no kuhavurirwa.

Abantu bari baje kumva urubanza rwa Bayigamba ari benshi

Bayigamba yatawe muri yombi tariki ya 22 Ukwakira 2019. Nyuma yo gutabwa muri yombi, Umuvugizi wa RIB, Umuhoza Marie Michelle, yabwiye itangazamakuru ko icyaha cyo kwihesha ikintu cy’undi hakoreshejwe uburiganya gihanwa n’ingingo ya 174 mu gitabo giteganya ibyaha n’ibihano mu Rwanda, icyo kugurisha ikintu cy’undi kigateganywa n’ingingo 176 y’icyo gitabo.

Bayigamba yasabiwe gufungwa iminsi 30 y’agateganyo

Urubanza ku ifunga n’ifungurwa ry’agateganyo ruzasomwa ku itariki ya 18 Ugushyingo 2019 saa kumi z’umugoroba.

Mugabo Na Gakwaya begukanye umwanya wa mbere guhera ku munsi wa kabiri w’iri siganwa, basoza umunsi wa gatatu ntawubashije kuwubakuraho, bahita baba Abanyarwanda ba mbere begukanye Rwanda Mountain Gorilla Rally mu myaka 10 iri siganwa rimaze rikinwa.

Ku mwanya wa kabiri hajeho Remezo Christian na Mungarurire Ngabo Olivier , ku mwanya wa gatatu haza Jean Jean Giesen na Kevin Mujiji na bo babarizwa muri Huye MotorSports.

Gakwaya Jean Claude, umwe mu begukanye iri siganwa, yabwiye Kigali Today ko barushije bagenzi babo imyiteguro myiza ndetse n’ubunararibonye bamaze kugira muri iri siganwa.

Yagize ati “Twafashe akanya twiga neza imihanda tuzanyuramo, tunabasha gutwara neza imodoka yacu mu irushanwa bidufasha kuryegukana nta n’ikibazo duhuye na cyo mu muhanda.”

Gakwaya Christian, umuyobozi w’Ishyirahamwe ry’umukino w’isiganwa ry’amamodoka mu Rwanda, avuga ko yishimiye uburyo ryagenze, anavuga ko biteye ishema kuba ryegukanywe n’Abanyarwanda.

Ati “Ni ishema kuba mu myaka iri siganwa rimaze rikinwa ari ubwa mbere Abanyarwanda baryegukanye. Ibi biragaragaza ko urwego rwo gusiganwa mu mamodoka ku banyarwanda rumaze kuzamuka, tukaba tugiye gukora ibishoboka rugakomeza gutera imbere.”

Mu modoka 10 zatangiye iri rushanwa , eshanu ni zo zabashije kurisoza. Muri izo eshanu zitabashije gusoza hakaba harimo iya Roshanali Mohamed Abbas na Tissarchontos Petros bari begukanye umwanya wa mbere ku munsi wa mbere w’isiganwa ndetse n’iya Giancarlo Davite na Demeester Jan bari begukanye umwanya wa gatatu ku munsi wa mbere w’irushanwa.

Dore mu Mafoto uko umunsi wa Gatatu w’iri rushanwa wagenze:

Gakwaya na Mugabo bakurikiwe na bagenzi babo b’Abanyarwanda Jean Jean Giesen na Kevin Mujiji baje ku mwanya wa kabiri, ku mwanya wa gatatu hazaho Umurundi witwa Remezo Christian ukinana na Mungarurire Ngabo Olivier w’Umunyarwanda.

Mu modoka 10 zari zatangiye iri rushanwa, enye ntizabashije kurangiza umunsi wa kabiri zirimo iya Giancarlo Davite na Demeester Jan bari babaye aba gatatu ku munsi wa mbere ndetse n’iya Roshanali Mohamed Abbas na Tissarchontos Petros bari batwaye umwanya wa mbere ku munsi wa mbere w’irushanwa.

Umunsi wa Nyuma wa Montain Gorilla Rally ukaba uri kubera mu duce twa Musha na Rugende kuri iki cyumweru.

Kigali Today iraza kubagezaho uko iri rushanwa ryasoje.

Dore mu madoto uko umunsi wa kabiri wa Rwanda Montain Gorilla Rally wagenze

Gakwaya Jean Claude

Aba Barundi bakurikiwe n’Abanyarwanda bamenyerewe cyane mu mukino w’isiganwa ry’amamodoka, ari bo Gakwaya Jean Claude na Mugabo Jean Claude.

Ku mwanya wa gatatu hajeho Umubiligi Giancarlo Davite ufatanya n’Umunyarwanda witwa Demeester Jan.

Ku birometero bitatu basiganwagaho bakabara igihe buri modoka yakoresheje, Abarundi begukanye umwanya wa mbere bakoresheje iminota ine n’isegonda rimwe. (4’:1”)

Gakwaya na Mugabo begukanye umwanya wa kabiri bakoresheje iminota ine n’amasegonda atatu (4’:3”), Giancarlo Davite na mugenzi we bakoresha iminota ine n’amasegonda icyenda (4’:9”).

Iri siganwa ryitabiriwe n’imodoka icyenda zirimo 5 z’Abanyarwanda, 2 z’Abarundi, imwe y’Umurundi ufatanyije n’Umunyarwanda ndetse n’iy’Umubiligi ufatanyije n’umunyarwanda.

Kuri uyu wa gatandatu ryakomereje mu Karere ka Bugesera, rikazasorezwa i Kigali kuri iki cyumweru.

Dore mu mafoto uko iri siganwa ryari rimeze:

Imodoka y’Abarundi babaye aba mbere ni iyo iri imbere

Gakwaya Jean Claude na Mugabo Jean Claude babaye aba kabiri

Umubiligi Giancarlo Davite ufatanya n’Umunyarwanda witwa Demeester Jan babaye aba gatatu

Hamwe mu hakorewe umwitozo ku buryo bwo kwakira umurwayi wa Ebola ni mu bitaro bya Faisal. Aba ni abatwaye umurwayi

Uwo mwitozo wabereye mu bitaro bitandukanye byo mu Mujyi wa Kigali birimo ibitaro byitiriwe Umwami Faisal, Ibitaro bya Masaka no mu bitaro bya Kibagabaga.

Muri uwo mwitozo, uwakoreshejwe nk’umurwayi yaje kwivuza bisanzwe arembye, ageze aho bakirira inkomere n’indembe, bamubonaho ibimenyetso bya Ebola ahita ashyirwa mu kumba kagenewe akato ku bafite icyorezo cyandura cyane.

Nyuma abaganga bahita bambara imyenda yabugenewe mu kujyana mu kato ababonyweho ibimenyetso bya Ebola, bamaze kuyambara uwaketsweho Ebola ahita ashyirwa ku gakoresho kameze nk’igitanda batwaraho abarwayi (brancard) ajyanwa mu cyumba kinini cyagenewe akato ari naho apimirwa bakareba niba koko Ebola bamuketseho ayifite.

Aba ni abaganga byatwaye umurwayi mu kato

Mu nzira igana kuri icyo cyumba cyagenewe akato, inyuma haza abandi baganga bafite imiti bagenda bamena mu nzira uyu murwayi yanyujijwemo kugira ngo barwanye ibisigisigi bya Ebola yaba yasize mu nzira kuko akenshi mu bimenyetso bya Ebola harimo kuruka no kuva amaraso.

Aba ni abanyura mu nzira aho umurwayi yaciye bahatera umuti

Uyu murwayi iyo agejejwe mu kato, akato bagashyiraho abashinzwe umutekano babuza abantu kukegera, ubundi agapimwa mu gihe cy’amasaha ari hagati ya 48 na 72 ibisubizo byasanga arwaye agatangira kuvurwa Ebola.

Iyi ni inzu y’akato

Hagati aho abaganga bazanye uyu murwayi mu kato, iyo basohoka na bo bamenwaho imiti yo kurwanya Virusi ya Ebola baba bakeka ko yaba yabasigayeho (Desinfiction) bakabona gusubira mu bandi.

Dr Nkusi Kagabe Emmy ukuriye abaganga mu bitaro byitiriwe Umwami Faisal, yabwiye Kigali Today ko imyitozo nk’iyi yo guhangana n’icyorezo cya Ebola, yatangiriye mu duce duhana imbibi n’igihugu cya Congo cyagaragayemo abanduye iyi ndwara, imyitozo ikaba ikomereje no mu bindi bitaro birimo na Faisal.

Ati "Ebola ni indwara yandurira mu matembabuzi, kuyirinda bikaba bisaba abantu kugabanya ibintu byo kwegeranya cyane cyane ibice by’umubiri bishobora guhererekanya amatembabuzi, ndetse bakitwararika bakaraba amasabune yabugenewe ashinzwe kwica udukoko dushobora guhererekanya iyi ndwara."

Dr Nkusi Kagabe Emmy ukuriye abaganga mu bitaro byitiriwe Umwami Faisal

Yakomeje yibutsa abantu ibimenyetso by’iyi ndwara anavuga ko ari byo bashingiraho kwa muganga bajyana uwaketsweho iyi ndwara, ndetse n’abagize aho bahurira na we mu kato bakabanza gupimwa.

Ati "Umuntu wagaragayeho umuriro mwinshi, gucika intege no kuruka amaraso cyangwa se akava amaraso mu bindi bice by’umubiri birimo amatwi n’amazuru, uwo ahita ashyirwa mu kato ndetse n’abagize aho bahurira na we bagapimwa abo basanze banduye bakavurwa.”

Dr Kagabe yanibukije ko urukingo rw’iyi ndwara ruhari kandi rukaba rwaratangiye guhabwa abaturiye inkengero z’igihugu cya Congo, ndetse rukaba runahabwa abahakorera igihe kinini.

Yaboneyeho no guhumuriza Abanyarwanda ko Ebola itaragera mu Rwanda, abasaba gukomeza gukurikiza ingamba zafashwe zo kuyirinda, anabizeza ko ubushobozi ndetse n’imyiteguro ikomeje gukazwa yo guhangana na yo igihe yaba igeze mu Rwanda.

Nyuma yo kwita ku murwayi, bakuramo imyenda bitonze kugira ngo batandura

Uyu muganga arimo gukaraba umuti wabugenewe kugira ngo abone uko asubira mu kazi ke gasanzwe

Amafoto: Plaisir Muzogeye

Kugira ngo urebe andi mafoto menshi ajyanye n’uyu mwitozo, kanda hano

Uyu mugabo ngo yari akuye magendu y’amabaro atanu y’imyenda muri Nyabugogo yerekeza ku Kinamba cya Muhima.

Polisi ikorera ku Kinamba cya Muhima imaze kumenya amakuru y’uko atwaye magendu, yamuhagaritse yanga guhagarara , ahubwo yongera umuvuduko ahunga, Polisi iramukurikira.

Polisi yakomeje kumukurikira ageze mu ikorosi rikata ku ruganda rwa UTEXRWA, rigana Nyarutarama ngo byamunaniye kurikata kubera umuvuduko munini yari afite imodoka ihita ibirinduka igwa mu muferege .

Iyi modoka isanzwe ikora akazi ko gutwara abagenzi (Taxi voiture) yahise ikurwa muri uwo muferege mu gihe uwari uyitwaye, utagize icyo aba yahise ajyanwa kuri sitasiyo ya Polisi ya Kacyiru.

Uwari utwaye iyo modoka yahise atabwa muri yombi nyuma y’impanuka

Uyu mugabo ukekwaho gutwara magendu we yahakanye ko ari magendu avuga ko ibyo yari atwaye byasoze, ahubwo avuga ko ari RURA yamuteje Polisi kuko hari ibyangombwa atujuje bimwemerera gukora akazi ko gutwara abagenzi.

Ikigo cy’Igihugu gishinzwe Imisoro n’Amahoro (RRA) ku wa kane tariki 25 Nyakanga 2019 cyasohoye itangazo rivuga ko mu rwego rwo kurwanya no gukumira ibikorwa bibi bya magendu ikinyabiziga kizafatwa gitwaye ibicuruzwa mu buryo bwa magendu n’ibindi byose bitwawe mu buryo butemewe n’amategeko, ibyo bicuruzwa n’ikinyabiziga kibitwaye bizafatirwa burundu kandi bitezwe cyamunara hakurikijwe amategeko abigenga.

Iryo tangazo kandi rivuga ko by’umwihariko, umushoferi w’icyo kinyabiziga azajya acibwa ihazabu ingana n’ibihumbi bitanu by’amadolari ya Amerika, ni ukuvuga abarirwa muri miliyoni enye n’igice z’amafaranga y’u Rwanda.

Iryo tangazo rinavuga ko nyiri ibicuruzwa n’umushoferi bazajya bakurikiranwa mu nkiko kubera ibyo byaha bya magendu.

Iyo modoka yari itwaye imyenda bivugwa ko itatangiwe imisoro

Umuvugizi wa Polisi ishinzwe umutekano wo mu muhanda, SSP Ndushabandi Jean Marie Vianney yavuze ko uwari utwaye iyo modoka kuba yanze guhagarara ahubwo akirukanka bigaragaza neza ko ibyo yari atwaye abitwaye mu buryo bunyuranyije n’amategeko.

Ngo yashatse gukata ngo asubire inyuma biramunanira, imodoka ayitura mu muferege. Icya mbere ahanirwa ngo ni ukuba abashinzwe umutekano wo mu muhanda bamuhagaritse akanga guhagarara.

SSP Ndushabandi avuga ko magendu basanze muri iyo modoka ishyikirizwa Ikigo cy’Igihugu cy’Imisoro n’Amahoro (RRA) kugira ngo icyo kigo gikurikize ibiteganywa n’amategeko.

Umuvugizi wa Polisi yagiriye inama abatwara ibinyabiziga ko bakwiye kujya bahagarara igihe cyose babahagaritse.

Ikindi yasabye abatwara ibinyabiziga ni ukwirinda kwishora mu bucuruzi budahesha agaciro umwuga wabo.

Ati “Niba ukora umwuga wa Taxi, reba niba ibyo utwaye byujuje ubuziranenge, cyangwa byujuje ibisabwa.”

Ati “Gutwara magendu ni inyungu zawe z’akanya gato ariko ni igihombo ku Banyarwanda, uba usubiza inyuma igihugu cyawe kuko imisoro ni yo yubaka igihugu.”

Reba Video y’uwo mushoferi wakoze impanuka agerageza guhunga Polisi

Dr Ntaganira Vincent uhagarariye ababyeyi bafite abana barererwa muri Stella Matutina

Ibi bituma akenshi usanga abana nta mubano bagirana n’ababyeyi babo ntibabisangeho, ahubwo ugasanga bawugirana n’abakozi bo mu rugo basigarana nabo, rimwe na rimwe ugasanga banatoye imico yabo kuko ari bo bamarana igihe.

Ubuyobozi bw’ikigo Stella Matutina giherereye mu Karere ka Rulindo, bugira inama ababyeyi yo gushaka umwanya Bagasabana n’abana mu mikino no mu myidagaduri, ngo kuko ari ryo banga ryonyine rituma abana barushaho kubatinyuka bakabibonamo, bigatuma babisangaho ntibagire icyo babahisha.

Ubuyobozi bw’iki kigo bwashyiriyeho abanyeshuri umunsi Ngarukamwaka, wo gusabana n’ababyeyi bakarushanwa mu mikino itandukanye ndetse bagasangira n’amafunguro baganira ndetse ababyeyi bakagira inama abana mu myigire yabo.

Muri uyu mwaka uyu munsi wabaye tariki ya 13 Nyakanga 2019.

Mbabazi Clara Ange uhagarariye abanyeshuri biga muri iki kigo avuga ko uyu munsi ubashimisha cyane ukanashimisha ababyeyi, kandi ukanabafasha kurushaho gutinyuka ababyeyi bakababwira ibibazo bafite.

Mbabazi Clara Ange uhagarariye abanyeshuri biga muri Stella Matutina (Doyenne)

Ati" Uyu munsi uratunezeza cyane nk’abana kandi udufasha cyane cyane kwisanga ku babyeyi tukabatinyuka tukababwira ibibazo byose duhura nabyo birimo ibyari kuzatuma twangirika mu mibereho yacu tutabonye abo tubigishamo inama."

Ibi bishimangirwa na Dr Ntaganira Vincent, uhagarariye ababyeyi bafite abana barererwa muri iri shuri, aho avuga ko kwegera abana no gusabana nabo bituma abana baba inshuti z’ababyeyi bityo bakaba ntacyo babahisha cyana kiza cyangwa ikibi.

Ati "Burya kurera abana si ukubabera intare. Ababyeyi nibegere abana babo, basabane bakine na bo bababere inshuti , kuko iyo umwana umugize inshuti akubwira byose. "

Dr Ntaganira anongeraho ko ababyeyi badakwiye kumva ko umwana arerwa n’amafaranga gusa, ahubwo aba akeneye abamuba hafi kugira ngo amafaranga ahabwa ajyanishwe n’uburere bumuganisha kuzavamo umuntu muzima.

Soeur Kankindi Christine uyobora Stella Matutina

Soeur Kankindi Christine uyobora Stella Matutina, avuga ko iki gikorwa cy’ubusabane n’ababyeyi gifasha cyane cyane mu kurera abana bafite roho nzima kandi ijyana n’umubiri muzima kuko baba banakora Siporo.

Anashimira ababyeyi b’abana bitabira iki gikorwa ari benshi, anabasaba kurusha kwimakaza ubufatanye bafite hagati yabo n’ubuyobozi bw’ikigo, butuma babasha kurera abana bazigirira akamaro bakakagirira igihugu ndetse n’isi muri rusange.

Stella Matutina ni ikigo cy’Ababikira kirera abana b’abakobwa ubu kikaba gifite abagera kuri 578.

Bakoze siporo z’uburyo butandukanye

Imwe mu modoka zitabiriye irushanwa mu mwaka wa 2018

Imodoka eshanu zitabashije gusoza umunsi wa mbere w’iri rushanwa zagize ibibazo bikomeye bya tekinike, izindi zikora impanuka zatumye abazitwaye basezera mu irushanwa.

Umunsi wa mbere w’iri rushanwa watangiye kuri uyu wa gatandatu tariki ya 29 Kamena 2019.

Muri 11 baritangiye harimo Abarundi bane, uwo muri Uganda umwe n’Abanyarwanda batandatu.

Jean Claude Gakwaya (ibumoso) na Mugabo Jean Claude umufasha gutwara imodoka

Batandatu basoje umunsi wa mbere harimo Abanyarwanda batatu barimo Gakwaya Jean Claude uraye ku mwanya wa mbere w’agateganyo muri iri rushanwa.

Umuyobozi w’ishyirahamwe ry’umukino wa Rally mu Rwanda, Gakwaya Christian, yatangaje ko iri siganwa rigamije cyane cyane kuzamura urwego rw’abakinnyi b’Abanyarwanda muri uyu mukino.

Gakwaya yagize ati "Turifuza kuzamura urwego rw’abana b’Abanyarwanda bakiri bato muri uyu mukino, kugira ngo mu minsi iri imbere bazajye babasha guhiganwa ku rwego mpuzamahanga kandi bafite amamodoka akomeye".

Gakwaya Christian Umuyobozi, w’ishyirahamwe ry’umukino wo gusiganwa ku mamodoka mu Rwanda

Isiganwa ryo kuri uyu wa gatandatu ryaciye muri izi nzira:

Rango-Gisagara : 39.5km
Gisagara- cathedrale :9.5km
Rango- Mbazi : 17.3 Km.

Umunsi wa kabiri w’iri rushanwa batandatu barisigayemo barasiganwa ibirometero 14.8 bava i Save bagana i Shyanda, ndetse n’ibirometero 14 kuva i Shyanda bagaruka i Save.

Irebere mu ncamake amashusho agaragaza uko isiganwa ryangenze ku munsi waryo wa mbere

Bamporiki Edouard uyobora Itorero ry’igihugu

Iri tegeko ngo rizakumira urubyiruko rutitabiraga ibi bikorwa biba biteganyijwe mu mezi atandatu, bigatuma imihigo baba bariyemeje itagerwaho.

Agira ati” Twabanje kwibwira ko urugerero rwabaye umuco ariko dusanga bitaragerwaho. Niyo mpamvu turi gukora itegeko ry’urugerero ibyo byose bizazamo, ku buryo uzaba atarugiyemo yagombaga kurujyaho azabihanirwa”.

Mugiraneza Jean Claude, ni umwe mu ntore z’Inkomezabigwi, ziri ku rugerero mu kagari ka Nyakabanda, mu murenge wa Musha, mu karere ka Rwamagana.

Avuga ko ½ cy’abo bagombaga gufatanya gushyira mu bikorwa imihigo biyemeje, batabonetse.

Agira, ati “mu kagari kacu twagombaga gukora urugerero turi 12 ariko ubu turi batandatu, abandi ntituzi amakuru ya bo.

Mbonyumuvunyi Rajab uyobora akarere ka Rwamagana

Abenshi bigiriye i Kigali, abandi barimo gufasha ababyeyi, hari n’ababonye imirimo. Imihigo twari twahize tuyikora twenyine byaba ngombwa tukiyambaza umuganda kugira ngo tubigereho”.

Mu rugerero rw’Inkomezabigwi, hakorwa ibikorwa by’imirimo y’amaboko birimo kubakira abatishoboye, gukora uturima tw’igikoni, gukurungira amazu, kubarura abaturage no gukora ubukangurambaga kuri gahunda za Leta.

Mugiraneza avuga ko gukora ari bake bibadindiza kuko iyo bahiga baba bateganya ko bazahurira mu guhigura.

Ati “ubundi twafataga imihigo bitewe n’abantu dufite. Urumva rero niba twarahize tuziko turi 12 mu kagari, tukaba dukora turi batandatu, nta cyizere ko byose tuzabigeraho kuko umwe akora aha babiri”.

Intore ku rugerero

Inkomezabigwi zikora urugerero kuva ku wa mbere kugeza ku wa kane, ku wa gatanu zigakora imyitozo ngororamubiri.

Umuyobozi w’akarere ka Rwamagana Mponyumuvunyi Radjab , ahamya ko ibikorwa bitandunye zikora byunganira ubuyobozi mu guteza imbere abaturage.

Avuga ko ikibazo cy’abadakora urugerero ubuyobozi bukizi, ariko ko ntacyo bwagikoraho kuko nta tegeko ribabuza kujya mu kazi cyangwa gukomeza amashuri batarangije urugerero.

Agira, ati “ikitatubabaza cyane ni uko abo bose ntibagenda ngo bajye mu muhanda cyangwa kwandagara. Abenshi baba babonye uturimo bakava mu karere, hari n’ababa babonye amashuri batarindiriye umwaka, nk’abajya muri kaminuza zigenga.

Icyaba cyiza kurushaho ni uko hazabaho itegeko kugira ngo umuntu ajye mu murimo cyangwa mu ishuri yerekanye ceritifika y’itorero. Ntabwo twabakumira rero kuko nta tegeko ribabuza kujya mu ishuri cyangwa mu mirimo badakoze Itorero”.

Gahunda y’Itorero ku banyeshuri barangije amashuri yisumbuye yatangiye mu mwaka wa 2010, isimbura ingando zakorwaga n’ababaga bemerewe kujya muri Kaminuza za Leta.

Umuyobozi w’Akarere ka Nyarugenge, Kayisime Nzaramba

Aragira ati “Muri Gitega hahoze ikibazo gikomeye cyo kutishyura umusanzu w’umutekano, ku buryo abakora irondo ry’umwuga bigeze no kumara amezi atatu badahembwa.”

Mu nkuru ya Kigali Today ifite umutwe ugira uti Gitega: Bahangayikishijwe n’abajura babategera mu nzira bakabambura ku manywa y’ihangu hagaragaramo ubuhamya bw’abatuye muri uyu murenge, bavuga ko ubu bujura bwageze no ku rwego rw’uko abaturage bamburwa utwabo ku manywa ndetse bamwe bakanahohoterwa.

Umuyobozi w’akarere avuga ko Itorero ry’umudugudu ryahinduye cyane imyumvire y’abawutuye, babasha kumva ko ari bo bagomba gufata iya mbere mu kwishakamo ibisubizo by’ibibazo bibugarije badategereje akava imuhana.

Ati “Mu masibo batorezwamo abaturage bahize ko batagomba kuba ibigwari ngo bananirwe gutanga umusanzu w’umutekano wabo. Ubu umusanzu bawutanga neza, bigafasha guhembera ku gihe abakora irondo ry’umwuga, asagutse bakayazigama kugira ngo bazabashe kwigurira indi modoka yifashishwa n’abanyerondo, igihe iyo bakoresha ubu izaba yarashaje.”

Akomeza avuga ko abaturage ba Gitega banashakiye abanyerondo ibikoresho bifashisha mu marondo birimo amakote meza, amatoroshi n’ibindi, bibafasha gukora akazi kabo neza, bityo bikaba bitanga icyizere cy’uko ntaho abajura bazongera kumenera.

Uretse Gitega, no mu yindi mirenge igize Akarere ka Nyarugenge Itorero ry’umugudu ngo ryahinduye imyumvire muri gahunda zitandukanye. Ubwitabire mu kwishyura umusanzu w’ubwisungane mu kwivuza buri ku kigero cya 100%, kuri ubu akarere kakaba ari aka mbere mu gihugu hose.

Tariki ya 11 Ukuboza 2018, ni bwo gahunda yo gutangira gutoreza intore mu midugudu yatangijwe ku rwego rw’igihugu.

Ubu Akarere ka Nyarugenge kabarirwamo imitwe y’Intore 47 ikorera mu tugari, kakagira amatorero 350 angana n’imidugudu ikagize, Intore zigatorezwa mu masibo angana na 3061.

Mugwiza Jean Claude avuga ko kubona ibyo batoza abana bitaborohera

Abatoza mu bigo by’amashuri ni abarezi basanzwe bigisha andi masomo na bo batojwe mu cyiciro cy’Indemyabigwi. Uretse ubumenyi n’umuco w’ubutore bavomye mu Itorero, nta mfashanyigisho bafite bareberaho ibyo batoza abana.

Mugwiza Jean Claude, umurezi akaba n’umutoza ku Rwunge rw’amashuri rwa Mayange A mu Karere ka Bugesera, avuga ko iyo ari imbogamizi ituma bagorwa no kubona ibyo batoza abana cyangwa se ugasanga bahora basubiramo ibintu bimwe.

Ati” Nta mfashanyigisho yo gutoza abana tugira, ngenda ntoza abana nshingiye ku buryo nanjye natojwe, ariko nkibanda cyane ku rwego abana bariho. Tubonye imfashanyigisho yanditse tukagira amasomo afatika buri shuri ryigishwa nk’uko andi masomo bimeze byadufasha cyane.”

Umuyobozi w’Itorero ry’Igihugu, Bamporiki Eduard, yemeza ko abatoza Intore mu mashuri nta mfashanyigisho koko bagira. Bamporiki avuga ko Itorero ry’igihugu rifatanyije na Minisiteri y’uburezi, barimo gutegura iyo mfashanyigisho ikazabageraho vuba.

Intore zihagarariye izindi mu ishuri rya Mayange mu Bugesera

Ati” Mu minsi yashize imitoreze mu mashuri yari itaranoga kuko Itorero ryari ritaranoza imikoranire na Minisiteri y’Uburezi, ariko hashize ukwezi dusinye amasezerano y’imikoranire ku buryo twanatangiye gutegura udutabo tuzayobora abatoza b’Intore mu mashuri tukazatubagezaho bidatinze.”

Bamporiki yongeraho ko mu gihe utu dutabo turimo gutegurwa, abatoza mu mashuri bajya bifashisha udutabo twifashishwa mu gutoza Itorero ry’ Umudugudu, bakavomamo ibyo bafashisha abana.

Abana bamenye gutandukanya ikibi n’icyiza kubera Itorero
Gahunda yo gutoza Indangagaciro na Kirazira abana bakiri mu mashuri bakazikurana imaze gutanga umusaruro ufatika, nk’uko umutoza Mugwiza abisobanura.

Agira ati” Mu mwaka tumaze dutoza aba bana mu mashuri, ubona ko bamaze kumva akamaro k’ishuri kandi bafite ishyaka ryo kwiga bakamenya. Bigaragara kandi ko bafite isuku, ikinyabupfura ni cyose, kandi ikiruta ibindi abana bose bamaze kumenya gutandukanya ikibi n’icyiza. Bitanga icyizere cy’uko dufite Abanyagihugu beza b’ejo hazaza.”

Umunyeshuri uhagarariye bangenzi be witwa Bagabe Elyse avuga ko gutozwa umuco w’ubutore byabafashije kurushaho kumenya indangagaciro ziranga umuntu muzima, kandi bakaba baranasobanukiwe uruhare rwabo mu gukunda igihugu no kugikorera

Itorero mu mashuri ryatangiye tariki ya 20 Gashyantare 2014. Mu karere ka Bugesera ku kigo cy’amashuri cya Mayange A, buri shuri rigira amasaha abiri mu cyumweru yo gutozwa, ari ku ngengabihe nk’ayandi masomo.

Abana batorezwa mu ishuri

Inama y’inteko rusange yari iyobowe n’umuyobozi w’inama y’ubutegetsi, Dr James Ndahiro na Minisitiri w’Ingabo, Gen. Major Murasira Albert

Ubusanzwe Zigama CSS ifite amashami 19 mu gihugu.

Dr Ndahiro avuga ko gukoresha ikoranabuhanga bizihutisha serivisi kandi bikanagabanyiriza abanyanyamuryango umwanya bakoreshaga bagana ishami rya banki, bityo ubuyobozi bukaba busanga kongera umubare w’amashami ya banki nta kamaro babibonamo.

Yagize ati “Abanyamuryango turabakangurira gukoresha ikoranabuhanga kuko ribafasha kugabanya igiciro cya serivisi bahabwa, kandi bikanagabanya umwanya yakoreshaga agana ishami rya banki ".

Yakomeje agira ati “Ubu ushobora kwiyicarira iwawe mu rugo ukishyura imyenda, ugasaba amafaranga ndetse ukaba wanakora ishoramari utavuye imuhira" .

Uyu muyobozi yanatangaje kandi ko hari serivise zegerejwe abanyamuryango ba Zigama CSS mu mashami yayo yose mu gihugu, mu gihe abazikeneraga byabasabaga kuza ku cyicaro gikuru.

Abanyamuryango bitabiriye inama

Muri izo serivise ngo harimo cyane cyane izijyanye no gusaba inguzanyo nini, aho byasabaga umunyamuryango kuza ku cyicaro gikuru kugira ngo yandikishe ibijyanye n’ingwate.

Zigama CSS ni banki ikorana n’abanyamuryango bakorera inzego z’umutekano zirimo Ingabo, Polisi y’igihugu, abacungagereza, ikigo cy’igihugu gishinzwe ubugenzacyaha(RIB), ndetse n’abakozi ba Laboratwari y’u Rwanda y’ibimenyetso bishingiye ku bumenyi n’ubuhanga bikoreshwa mu butabera bemejwe nk’abanyamuryango bashya, mu nama rusange yabaye kuri uyu wa 15 Werurwe 2019.

Dr Ndahiro yatangaje ko iyi banki mu mwaka wa 2018 yungutse asaga Miliyari 9 na Miliyoni zisaga 600, inyungu ikaba iri mu kigero gisaga 115% ugereranyije n’iyari yagenwe n’inteko rusange.

Bakora bahabwa n’ubumenyi butandukanye

Iri shuri ryiswe MOPAS Film Academy ryatangijwe mu mwaka wa 2016, mu rwego rwo gushyigikira gahunda ya Leta y’u Rwanda yo guteza imbere amasomo y’imyuga n’ubumenyingiro, nk’uko Jean Claude Niyibizi urihagarariye abivuga.

Ati” Abanyeshuri basohoka muri iki kigo baba bafite ubumenyi buri ku rwego rwo hejuru rwo gutegura ibijyanye na filime, gutunganya amajwi n’amashusho mu gihe gito.”

Avuga kandi ko mu barenga 50 iri shuri rimaze gushyira ku isoko ry’umurimo, barwanirwa n’ibigo bikenera aba bakozi nka za Televiziyo na za Radiyo zitandukanye, ndetse n’ibigo byigenga bikenera gukora ubucuruzi no kwamamaza binyuze mu mashusho.

Nkurunziza Alain ni umunyeshuri wize muri iri shuri, akaba yarafunguye ikigo cye gitunganya amafoto n’ama video mu Mujyi wa Kigali.

Mu kiganiro yagiranye na Kigali Today avuga ko iki kigo yashinze akesha ubumenyi MOPAS ubu kimutungiye umuryango kandi yanahaye akazi bagenzi be bane biganye ubu nabo bakaba bameze neza.

Ati “ Nditunze n’umuryango wanjye, kandi mbasha no kwishyura abakozi bane umushahara w’ibihumbi 250 ku kwezi. Ibi birumvikana ko ninjiza arenga Miliyoni mbikesha ubumenyi nakuye muri MOPAS.”

Ibyo bitambaro bizwi nka Chroma key

Niyibizi Jean Claude Uyobora MOPAS, avuga ko akarusho k’iri shuri ari uko ryagabanyirije urubyiruko rw’abakobwa amafaranga y’ishuri ku kigero cya 20%, mu rwego rwo kubashishikariza kwiga uyu mwuga kuko usanga abawitabira bakiri bake, kandi byaragaraye ko ufasha abawukora kwiteza imbere mu buryo bwihuse.

Mu gihe cy’amezi atatu bamara biga, abagabo bishyura 300,000 Frw, abagore bakishyura ukuyeho 20%, yayo angana na 240,000FRW.

Niyibizi avuga ko MOPAS Film Academy ni bimwe mu bizatuma gahunda ya Nyakubahwa Perezida wa Repubulika igerwaho mu guteza imbere ICT muri gahuda ya HeforShe.

Mopas Film Academy ije kuzuzanya na gahunda ya National Employement Program (NEP) mu guhanga umurimo ku rubyiruko mu bijyanye na Industrial Based Training (IBT).

Iri shuri riherereye Sonatube mu Mujyi wa Kigali ku muhanda ugana ku Gishushu (KG 600 no 80). Rifite ibikoresho n’inzu (studio) byo gufata no gutunganya amashusho n’amajwi byo mu rwego rwo hejuru nka camera zifata amashusho ya 4K cyangwa 1080 P, izifata amashusho ya “HD”, “chroma key” zitandukanye, ndetse n’urumuri rukenewe mu gutunganya no gufata amashusho akeye.

Intego nyamukuru ya MOPAS Film Academy ni ukuziba icyuho kiri mu Rwanda aho usanga abakozi b’umwuga mu gufata no gutunganya amashusho, amafoto n’amajwi bakiri bake, ibi bigatuma akazi kenshi muri uyu mwuga gatwarwa n’abanyamahanga.

Ikidasanzwe muri MOPAS FILM ACADEMY ni uko abanyeshuri baharangije abenshi babona akazi muri iki kigo, abandi bagashinga amakompanyi yabo bagatangira gukorera ifaranga mu buryo bwihuse.

Nyuma y’Amezi atatu gusa, MOPAS FILM ACADEMY itanga impamyabushobozi yemewe n’ikigo cya Leta gishinzwe guteza imbere Ubumenyingiro n’Imyigishirize y’Imyuga mu Rwanda (WDA).

Umuyobozi wa MFA akurikirana imyitwarire y’abanyeshuri

Aya ni amwe mu mafoto y’iki gikorwa.

Photo: Roger Marc Rutindukanamurego

GAERG imaze imyaka 15 ikaba ihuza abahoze ari abanyeshuri barokotse Jenoside yakorewe Abatutsi

Uyu muryango wavutse mu 2003, ufite intego yo kongerera ubushobozi imiryango y’abarokotse Jenoside yakorewe Abatutsi, gufatanya n’abandi Banyarwanda kurwanya Jenoside n’ayandi makimbirane,ndetse no kurushaho kubaka iterambere ry’u Rwanda.

Kuva ibayeho, GAERG yagize uruhare rukomeye mu kongerera icyizere cy’ubuzima abarokotse Jenoside, binyuze mu bikorwa bitandukanye bishingira ku bushakashatsi, cyane cyane mu bikorwa byo kwibuka Jenoside yakorewe Abatutsi.

Hashize imyaka 10 GAERG itegura igikorwa cyo Kwibuka Imiryango yazimye mu gihe cya Jenoside yakorewe Abatutsi, kigenda kibera hirya no hino mu gihugu, gifite insanganyamatsiko igira iti “Ntukazime Nararokotse”

GAERG hamwe na AERG banategura kandi igikorwa ngarukamwaka kuva mu 2015 cyitwa AERG – GAERG Week, kibanziriza igihe cy’icyunamo, gikubiyemo ibikorwa bitandukanye mu gihugu hose, bigamije gufasha abarokotse Jenoside kugira ngo batangire igihe cy’icyunamo bakomeye.

GAERG yongerera abanyamuryango bayo ubumenyi n’ubushobozi binyuze muri gahunda zitandukanye zibanda ku burezi, imibereho myiza, ubuvugizi, n’izindi.

Muri izo gahunda harimo iy’ Uruhongore, aho abana bakomoka ku banyamuryango ba GAERG bahura mu biruhuko bagasangira ubumenyi ku muco, gukunda igihugu, n’andi masomo y’ingirakamaro.

GAERG kandi, hamwe n’abafatanyabikorwa batandukanye, ihugura abanyamuryango bayo hamwe n’Abanyarwanda bose muri rusange kuri gahunda zo kwihangira umurimo no kwizigamira hagamijwe kuzamura imiberaho yabo.

Mu kwizihiza iyi sabukuru y’imyaka 15, GAERG yakoze ibikorwa bitandukanye byakorewe mu miryango mito iyigize (familles), byibandaga ahanini ku gufashanya no gufasha umuryango Nyarwanda.

Muri byo twavuga Hobera Ubuzima, aho twasuye ababyeyi b’intwaza mu midugudu, hagamijwe kongera kubafasha gusubirana icyizere cy’ubuzima.

Hari kandi na “We get together initiative”, yahuje abanyamuryango bose ba GAERG mu rwego rwo kurushaho kumenyana, gusangira, no kwidagadura mu mikino cyane cyane y’umupira w’amaguru.

Kuri ubu, GAERG igizwe n’abanyamuryango basaga ibihumbi bitatu, bibumbiye mu miryango (familles) 111.

Muri iyi sabukuru hazatangizwa ku mugaragaro imishinga ibiri irimo Aheza Healing and Career Center, G – Innovation Development Fund (GIDF).

Aheza Healing and Career Center ni urugo ruherereye i Ntarama mu karere ka Bugesera, rutanga ubujyanama ku buzima bwo mu mutwe (counseling).

G – Innovation Development Fund (GIDF) yo ikaba ari ikigega cy’ubwizerane cyashyizweho hakurikijwe amategeko y’u Rwanda agenga ibigega by’ubwizerane, kikaba kigamije gutera inkunga imishinga mito n’iciriritse y’abanyamuryango ba GAERG hagamijwe kwiteza imbere.

Mu ntego nyamukuru ya GAERG igira iti “Isi izira Jenoside”, GAERG izakomeza kugira uruhare mu gusigasira amateka ya Jenoside yakorewe Abatutsi, no kurwanya ingengabitekerezo ya Jenoside.

Kigali Today yakugereye Nyabugogo ahahurira abantu benshi bajya cyangwa bava mu ntara z’igihugu, kugira ngo igukurikiranire uko imyiteguro ya Noheri ihagaze>

Abantu ni uruvunganzoka muri Gare ya Nyabugogo

Bamwe ikizere cyagiye kiyoyoka ku buryo hari abibaza uko babigenza

Hamwe mu bafite abana bari bagiye kubereka ba sekuru na ba nyirakuru ariko amahirwe yo kubona imodoka ni make

Abo banyamahanga bo bumiwe

Uwo musore wari waguriye matera ababyeyi ariko ishobora kutabageraho iri joro

Hari ababyungukiyemo batangira gukorera ubucuruzi muri gare

Abatari butahe iwabo bo akazi kakomeje

Uwo we ati "Bajye kurya ayo bakoreye nsigare nkorera andi"

Inzoga zizanywebwa kuri Noheli zo zatangiye kugurwa

Hari abahahira abantu benshi kandi bakabyitwarira

Isoko rya Nyabugogo riruzuye

Abakunzi b’isombe nabo zari zihari ku bwinshi

Birashoboka cyane ko ayo mavuta azarangirana na Noheri n’ubunani

Uw’inkwakuzi yitahaniye inkoko ze

Imitako ya Noheri iri ahantu hose hacururizwa

Abakunda gutanga indabo nabo ntibari bubure izo batanga kuko abazicuruza baziranguye nziza

Andi mafoto kanda hano

Twagirayezu yashyikirijwe Polisi y’u Rwanda na yo imugeza kuri RIB

Kuri uyu wa Gatatu ku cyicaro cy’Ubushinjacyaha bwa Leta hakaba hateganyijwe ikiganiro n’abanyamakuru, kivuga birambuye ku iyoherezwa mu Rwanda ry’uyu mugabo nk’uko byatangajwe na Jean Bosco Siboyintore ushinzwe guhiga abakekwaho uruhare muri Jenoside bahungiye hirya no hino mu bihugu.

Dore mu Mafoto Twagirayezu agezwa ku kibuga cy’indege cya Kanombe

Yicajwe gato ku kibuga cy’Indege i Kanombe hategerejwe amasezerano yo kumuhererekanya n’u Rwanda

Uhagarariye Polisi ya Danemark na Siboyintore Jean Bosco basinya amasezerano yo guhererekanya Twagirayezu

Bahererekanya ayo masezerano

Bahise bamushyiraho amapingu

Bamuhaga imizigo yaje yitwaje

Imodoka ya RIB yari imutegereje

Ajyanwa mu modoka ya RIB

We n’imizigo ye ni aha bamutwaye bamukura ku Kibuga cy’indege cya Kanombe

Kuva Danemark aza mu Rwanda yaziye kuri Laissez Passer

Jean Bosco Siboyintore ushinzwe gukurikirana abakoze Jenoside bahungiye hirya no hino hanze y’igihugu hamwe n’abapolisi babiri ba Danmark bazajye Twagirayezu mu Rwanda

Photo: Ruti

Perezida Kagame mu myambaro ya gisirikare

Icyatunguranye ni uko yongeye kugaragara yambaye imyenda ya gisirikare, ibintu yaherukaga ahagana mu myaka ya 2.000.

Iyo myitozo yiswe "Exercise Hard Punch" yari imaze amezi atatu, isanzwe iba buri mwaka kandi Perezida Kagame niwe uyisoza ku mugaragaro buri gihe.

Iyo myitozo yasojwe hagaragazwa uburyo intwaro zitandukanye, inini n’intoya zakoreshwa mu gutanga umusanzu kuri diviziyo y’abasirikari bari guhangana n’umwanzi.

Hakoresheje intwaro zirasa mu buryo bwose, haba izirwanishirizwa mu kirere, izirwanishirizwa ku butaka, aho bishoboka hagakoreshwa n’izirwanishirizwa mu mazi.

Imyitozo yahabwaga ingabo zo muri Diviziyo ya gatatu y’ingabo z’u Rwanda ikorera mu Ntara y’Uburengerazuba iyoborwa na Maj. Gen. Alex Kagame.

Perezida Kagame yaherukaga mu myenda ya Gisirikare mu myaka isaga 17 ishize

Sully iryamye iruhande rw’Umurambo wa Muzehe Bush

Umuvugizi w’umuryango wa Nyakwigendera Bush, Jim McGrath, abicishije ku rubuga rwe rwa Instagram, yashyizeho ifoto ya Sully, ayishimira ko itatereranye muzehe Bush mu kazi yari ishinzwe ko kumufasha imirimo, kugeza umunsi Bush yitabye Imana.

Yagize ati" Sully, dutewe ishema no kugushimira ko wakoreye neza Perezida George H.W. Bush mu cyubahiro kandi ukaba usoje imirimo yawe neza."

Perezida George W.H. Bush azasezerwaho bwa nyuma kuri uyu wa 6 Ukuboza 2018, muri iki cyumweru bakaba bari mu kiriyo cye.

Mukankubito Immacullée umuyobozi wungirije muri Never Again Rwanda avuga ko bidakwiye ko kubwira abayobozi ibyo bashaka kumva gusa ari ugusenya igihugu

Kubwiza ukuri abayobozi ubagaragariza ibibazo byugarije abaturage ngo bizafasha abayobozi kubimenya, ndetse no gufatanya n’abaturage kubishakira ibisubizo nk’uko bivugwa na Mukankubito Immacullée umuyobozi wungirije muri Never Again Rwanda.

Yagize ati" Kubwira abayobozi ibyo bashaka kumva gusa ukirengagiza ukuri kw’ibibazo byugarije abaturage, ntabwo uba wubaka igihugu."

Mukankubito avuga ko guhugura abaturage ku miyoborere myiza ari ingirakamaro, ngo kuko imiyoborere myiza ari ryo shingiro ryo kubaka amahoro arambye mu muryango.

Anavuga ko nyuma yo guhugura aba baturage bababumbira mu matsinda y’imiyoborere myiza, bakazajya bagena iminsi yo guhura baganira ku ruhare rwabo mu bibakorerwa, ndetse no ku bibazo muri rusange bibugarije bakabyikemurira, ibyo badashoboye bakiyambaza ubuyobozi bukabibafashamo.

Ati" Iyi gahinda izafasha kubaka imiyoborere myiza idaheza kandi buri muturage yibonamo, inafashe abaturage gusobanukirwa uruhare rwabo mu miyoborere ibakwiye kandi ibaganisha aheza bifuza."

Bimenyimana Deogratias avuga ko amatsinda yabafashije no kwiteza imbere

Bimenyimana Deogratias, ni umuturage utuye mu Karere ka Gasabo mu Murenge wa Gikomero, Akagali ka Minini, akaba yarahuguwe mu cyiciro cya mbere.

Avuga ko Amatsinda y’imiyoborere myiza yabagiriye akamaro gakomeye, agashimira ubufatanye bwa Never Again na Leta mu kurushaho kubaka imiyoborere inogeye abaturage.

Ati" Mu itsinda tuba turi abantu 30 b’inyangamugayo, tukaba duterana rimwe mu kwezi tuganira ku nsanganyamatsiko nyinshi zigamije iterambere ryacu. Iyo dusanze hari igikeneye ubuvugizi twegera Umunyamabanga Nshingwabikorwa w’umurenge akadufasha kukibonera igisubizo."

Anavuga ko itsinda ryabafashije kurushaho kwibonanamo cyane, bakirengagiza ibyabatanya, ahubwo bagatekereza ku mishinga yo kwizigamira ubu imaze gutuma bbamwe muri bo batera imbere.

Mu muhango wabereye mu Murenge wa Bumbogo kuri uyu wa 28 Ugushyingo 2018, abo baturage bo mu mirenge ya Bumbogo, Gasyata na Rutunga, bahise baremwamo amatsinda atatu y’imiyoborere myiza.

Aba baturage bakomoka mu turere dutatu turimo Gatsata, Rutunga na Bumbogo

Umwe mu bahuguwe wo mu itsinda rya Gatsata, yavuze ko aya matsinda azabafasha cyane kujya hari ibibazo bazajya bikemurira ubwabo batarinze kwitabaza ubuyobozi.

Yanavuze kandi ko aya matsinda azajya afasha abayobozi kumenya ibibazo byugarije abaturage bigakemurwa mu buryo bwihuse, bityo bikazanatuma babasha kwesa imihigo n’amanota menshi.

Perezida Paul Kagame yageze muri Argentine mu nama ya G20

Muri iyi nama Perezida Kagame azageza ijambo ku bayitabiriye, abaganiriza ku nsanganyamatsiko ivuga ku ikoranabuhanga, imirimo ku rubyiruko ndetse no kongerera ubushobozi abagore.

Kuri iyi nsanganyamatsiko Perezida Kagame akaba azibanda ku gushyira abaturage imbere muri gahunda zose.

Iyi nama y’iminsi ibiri, ikazahuza abayobozi b’ibihugu 19 ndetse n’Umuryango w’Ubumwe bw’Uburayi (EU), hamwe n’ibihugu biyoboye imiryango ikomeye ku migabane itandukanye y’isi nk’u Rwanda ruyoboye Umuryango w’Ubumwe bw’Afurika, Singapore iyoboye ASEAN, Senegal iyoboye NEPAD ndetse na Jamaica iyoboye CARICOM.

Muri iyi nama, abayobozi bazabona umwanya wo kuganira ku bibazo bikomereye isi kuri ubu no kubishakira umuti.

Mbere y’iyi nama kandi, biteganyijwe ko perezida Kagame azaganira na ba Perezida Cyril Ramaphosa w’ Afurika y’Epfo ari kumwe na Macky Sall perezida wa Senegal, akaba n’umuyobozi wa NEPAD.

Bimwe mu bireba umugabane w’Afurika bizaganirwa muri iyi nama harimo ukuzamura urwego rw’imikoranire hagati y’umugabane w’Afurika n’umuryango w’ibihugu 20 bikize kurusha ibindi ku isi, kongerera imbaraga ibyemezo bireba Afurika umuryango G20 wiyemeje ku birebana na gahunda y’Afurika 2063, ndetse no kuzamura uburyo Afurika igira uruhare mu bukungu bw’isi.

Ba minisitiri b’ububanyi n’amahanga b’u Rwanda na Argentine basinye kandi amasezerano y’imikoranire mu nama yahuje ibihugu 20 bikize ku isi I Buenos Aires mu kwezi kwa gatanu uyu mwaka wa 2018.

Rtd Capt Intaramirwa Dafhrosa umwe mu babyeyi bagize uruhare mu rugamba rwo kubohora igihugu

Gusiga abana be batanu n’umugabo muri Uganda akaza ku rugamba rwo kubohora u Rwanda ntibyashimishije benshi. Ariko we yirengagije abamushinjaga kutita ku muryango, akurikiza icyo umutima we wamubwiraga ko cyari gikwiye.

Abageze ku ngoro y’amateka y’urugamba rwo guhagarika Jenoside yakorewe Abatutsi, babona ifoto y’umugore wambaye umwambaro wa gisirikare (Mukotanyi) ateruye umwana.

Mu kwezi kwa Kamena 2018, Kigali Today yaramushakishije, uwo musirikare, imusanga mu Karere ka Nyagatare, Umurenge wa Nyagatare, Akagari ka Barija, Umudugudu wa Barija B.

Rtd Capt Intaramirwa Dafhrosa ubu atuye mu Karere ka Nyagatare , Umurenge wa Nyagatare, Akagari ka Barija, Umudugudu wa Barija B

Rtd Captain Daphrose Intaramirwa ni umubyeyi w’abana bane, kuko umwe yitabye Imana igihe yari ku rugamba. Kuri ubu ni umuyobozi w’umudugudu wa Barija B atuyemo.

Avuga ko yatangiye urugamba rwo kubohora igihugu mu 1990. Kujya ku rugamba yabanje kubyumvikanaho n’umugabo we kandi anamwemerera gusigarana abana.

Yagiye ku rugamba rwo kubohora igihugu kandi nta wundi muntu wo mu muryango we ubizi uretse umugabo we.

Igihe Jenoside yakorerwaga Abatutsi yatangiraga mu 1994, Captain Daphrose Intaramirwa yakuwe ku rugamba ahabwa inshingano zo kurera abana batoragurwaga hirya no hino, aho babaga basigaye nyuma y’uko ababyeyi babo bishwe.

Avuga ko atibuka umubare w’abana yareze ariko ngo barengaga ijana.

Agira ati “Igihe cya Jenoside yakorewe Abatutsi, jye bankuye ku rugamba mpabwa inshingano zo kurera abana batoragurwaga hirya no hino ababyeyi babo bishwe n’interahamwe, bamwe babaga kuri hoteri Urumuri abandi bari i Kageyo.”

Rtd Captain Intaramirwa iyo yibutse abo bana afatwa n’ikiniga, bitewe n’uko yababonaga icyo gihe, ngo hari n’abari bakeneye ibere.

Ati “Hari abo nashukishaga ibere, gusa ikinshimisha benshi bariho, bamwe ni abagabo abandi ni abagore bubatse ingo zabo.”

Yemeza ko akivugana na bo kandi ahora abaremamo icyizere cy’imibereho myiza, kuko igihugu cyabonetse kandi ari cyiza.

Umwana uri ku ifoto yitabye Imana

Buri wese wageze mu ngoro ndangamateka y’Urugamba rwo guhagarika Jenoside yakorewe Abatutsi,ataha yibaza iby’iyi foto. Uyu ni Rtd Capt Intaramirwa uhagatiye uruhinja

Avuga ko yababajwe cyane n’umwana ugaragara ku ifoto amuteruye kuko ngo yitabye Imana azize uburwayi.

Agira ati “Uwo mwana namusigiwe na se umubyara ajya ku rugamba. Rurangiye yaraje ndamumuha ariko nyuma naje kumva ko yapfuye azize uburwayi.”

Yemeza ko hari n’abana yareze batari ab’Abatutsi bicwaga, kuko umwana wese bahuraga na we udafite umubyeyi atamucagaho.

Ku bwe ngo icyo ni icyemeza ko FPR Inkotanyi yatangiye urugamba rwo kubohora igihugu igamije gukiza Abanyarwanda ubutegetsi bubi.

Ati “Ntabwo twaje tugamije ubutegetsi, twaje gukiza Abanyarwanda ubutegetsi bubi. Niyo mpamvu igihe cya jenoside tutihutiye gufata ubutegetsi ahubwo twarokoraga Abanyarwanda bicwaga hirya no hino mu gihugu.”

Avuga ko akunda by’umwihariko Perezida wa Repubulika Paul Kagame kubera imiyoborere ye myiza.

Ati “Afande yatuyoboye neza ku rugamba n’ubu atuyobora neza. Njye ndamukunda by’umwihariko n’ibitaragerwaho tuzabigeraho.

Urwaza bwaki ni ubushake bwe, inka ziratangwa, abana bariga, isuku, iterambere n’ibindi.”

Yifuza kuzongera guhura na Perezida Kagame

Uyu mubyeyi arifuza kuzongera guhura na Perezida Kagame ngo amuheruka ku rugamba

Yifuza ko rimwe yazongera guhura na Perezida Kagame imbonankubone kuko amuheruka igihe cy’urugamba.

Ku myaka 68 y’amavuko avuga ko n’ubu yiteguye guhangana n’uwashaka guhungabanya ibimaze kugerwaho.

Ashingiye ku kuba we n’abandi bakobwa n’abagore bararwanye intambara ikomeye bagahagarika Jenoside, yemeza ko abana b’abakobwa na bo bashoboye kandi ntacyo abagabo bakora ngo kinanire abagore.

Avuga ko urubyiruko rukwiye guhora rwigishwa kandi rugatozwa ubugwaneza, urukundo rw’igihugu kuko ari bo bayobozi b’ejo.

Abayobozi barya ruswa abanga urunuka, kuko ngo uretse gutambamira gahunda nziza Leta ishaka kugeza ku baturage, ngo basenya igihugu bakananyunyuza imitsi y’Abanyarwanda bashaka gutera imbere.

Irebere ikiganiro kirambuye Rtd Capt Daphrosa yagiranye na Kigali Today

Hon Jean Baptiste Rucibigangio avuga ko amafaranga 100 adashobora gutunga umuntu mu gihe tugezemo

Ibi ngo birasabwa Minisiteri y’abakozi ba leta n’umurimo, MIFOTRA, bigasabwa Minisiteri y’imari n’igenamigambi MINECOFIN, ndetse n’ibigo by’abikorera nk’uko umuyobozi mukuru w’iri shyaka, Hon Rucibigango Jean Baptiste abitangaza.

Ubusanzwe umushahara remezo fatizo, usobanurwa nk’amafaranga umukozi adashobora kujya munsi ku kazi ku munsi, kugira ngo ashobore kubaho.

Kuba uyu mushahara fatizo ugenwa n’itegeko ukingana n’amafaranga 100 guhera mu mwaka wa 1974, ubuyobozi bw’ishyaka PSR butangaza ko bifite ingaruka mbi ku igenwa ry’imishahara mu bigo by’igenga, mu kugena indishyi mu bigo by’ubwishingizi, ndetse no mu itangwa ry’ubwishingizi ku bagiye mu kiruhuko cy’izabukuru.

Hon Rucibigango kuri iyi ngingo agira ati” Abakoresha bagomba kwibuka ko uko uhembye umukozi wawe umushahara ushimishije bimutera ishyaka ryo gukora neza bigatuma nawe wunguka n’igihugu kikungukiramo.”

Ubuyobozi bwa PSR kandi bugaragaza ko hari imibare yerekana ko 93% by’abakozi mu Rwanda batunzwe n’imyuga itanditswe, bagatanga urugero rw’abakozi bo mu rugo.

Muri urwo rwego PSR isaba inzego za Leta zifite mu nshingano iyi myuga, gushyiraho amategeko atuma abakozi bakora iyo myuga babona ubwishingizi bwo kwivuza, n’ubwimpanuka bahurira nazo mu kazi ndetse n’ubwabagiye mu kiruhuko cy’izabukuru.

PSR kandi ivuga ko hashingiwe ku itegeko numero 13/2014 ryo kuwa 20/05/2014 rigena ubucuruzibw’amabuye y’agaciro na kariyeri igika cyaryo cya mbere, isaba abakoresha bo muri za mine gushyiraho uburyo bwo guca burundu imbogamizi ku mutekano n’impanuka bibera mu birombe by’ubucukuzi bw’amabuye y’agaciro na kariyeri.

PSR ni ishyaka rikunze kugira uruhare mu gukangurira Abanyarwanda kurushaho kugira umurava mu mirimo bashinzwe.

Ni ishyaka kandi rikunze kugaragara mu bikorwa byo guhugura urubyiruko rukongererwa ubumenyi kugira ngo rubashe kuva mu bujiji rwihangire imirimo rubashe kubona ibirutunga.

Iri shyaka kandi rinakorana cyane n’amasendika y’abakozi, bakabasha kubonera abashomeri imirimo ndetse bakanavuganira abakozi igihe bagiriye akarengane mu kazi bakarenganywa n’abakoresha.

Nkunda Amahoro akiri muto yagaragaraga nk’umukobwa

Abize mu mashuri abanza mu Rwanda cyane cyane abize mbere ya Jenosideyakorewe Abatutsi, muribuka amakayi y’ibifuniko byera bishushanyijeho ishusho y’umwana useka uteretse umusatsi ’Afro’.

Nyuma yo gucukumbura no gukora ubushakashatsi mu bantu bazi uwo mwana, by’umwihariko abanyabugeni, twaje kumenya ko uwo mwana ubu yavuyemo umusore mwiza cyane.

Hari abajyaga bibaza ko uriya mwana ari umukobwa, ukurikije uko agaragara ku ifoto.

Dore Nkunda Amahoro uko asigaye angana

Nkunda amahoro yarakuze

Uyu mugore yaririmbye iyi ndirimbo ubwo Abayapani baba mu Rwanda bizihizaga umunsi w’Umwami w’Abami w’u Buyapani, ku mugoroba wo kuri uyu wa Kabiri tariki 5 Ukuboza 2017.

Uyu mugore usanzwe uri inararibonye muri ubu buryo bwo kuririmba buzwi nka ‘Mozart Style’ niwe waririmbye indirimbo zubahiriza u Buyapani n’u Rwanda.

Si ubwa mbere aririmbye iyi ndirimbo mu buhanga butangaje, kuko n’umwaka ushize niwe waririmbye mu gitaramo cyabereye i Tokyo mu Buyapani, cyari cyahuje abahanzi bo mu Buyapani n’abo mu Rwanda. biteganyijwe ko n’umwaka utaha muri 2018 azongera akaririmba.

Mu bindi byaranze ibi birori, Ambasade y’u Buyapani yageneye impano ya tapi 400 zo kukiniraho umukino wa Karate, zagenewe ishyirahamwe rya Karate mu Rwanda.

Takayuki Mayishita, Ambasaderi w’u Buyapani mu Rwanda, yavuze ko izi mpano zijyanye no kwizihiza isabukuru y’umwami w’Abami w’u Buyapani uzuza imyaka 84, zizagezwa mu Rwanda umwaka utaha.

Yagize ati “Iyo tubona ubuhanga Abanyarwanda bakinisha Karate biradushimisha. Nkaba ntangaje ko iyi nkunga izateza imbere Karate n’imibanire hagati y’ibihugu byombi.”

MMin Kamayiresi Germaine wari umushyitsi mukuru muri uyu muhango na Ambasaderi Takayuki

Buri mwaka Ambasade y’u Buyapani itegura irushanwa rihuza urubyiruko rukina karate rugera mu bihumbi bitatu mu Rwanda.

Umubano w’u Rwanda n’u Buyapani uhagaze neza harimo n’uko kuva mu myaka ine ishize abanyeshuri 12 bahawe buruse zo kwiga muri iki gihugu mu bijyanye n’uburezi na siyansi.

Perezida wa Estonia, Kersti Kaljulaid yunamiye imibiri y’abazize Jenoside yakorewe Abatutsi ishyinguye mu Rwibutso rwa Jenoside rwa Gisozi

Nyuma yo kwerekwa ibice bigize urwo rwibutso no gusobanurirwa amateka yaranze Jenoside yakorewe Abatutsi, Perezida Kersti yashimye ubutwari Abanyarwanda bagaragaje mu komora ibikomere batewe na Jenoside.

Yagize ati "Mu izina ry’abaturage ba Estonia nihanganishije Abanyarwanda, abarokotse n’imiryango y’abarokotse Jenoside yakorewe Abatutsi. Ndashimira ubutwari Abanyarwanda bagaragaje mu gukira ibikomere."

Nyuma yo gusura urwibutso rwa Jenoside rwa Gisozi yahise ajya guhura na Perezida wa Repubulika, Paul Kagame.

Dore amwe mu mafoto yaranze uruzinduko yagiriye ku gisozi:

Yaherekejwe na Clare Akamanzi uyobora RDB na Dr Bizimana Jean Damascene uyobora Ikigo cy’igihugu cyo kurwanya Jenoside CNLG

Bamaze kumwakira bamuherekeje ajya gusura urwibutso rwa Jenoside yerekwa amateka mabi yaranze Jenoside yakorewe Abatutsi n’uburyo Abanyarwanda babashije kuyikuramo amahanga yabatereranye

Nyuma yo gusura Urwibutso yanditse ubutumwa bwihanganisha Abanyarwanda

We n’abamuherekeje bagiye gushyira indabo ku mva ishyinguyemo abasaga ibihumbi 250 bazize Jenoside yakorewe Abatutsi

Bafashe umunota wo kubibuka

Nyuma yo kunamira abazize Jenoside yakorewe Abatutsi bamuherekeje

Reba Video Perezida wa Estonia asura Urwibutso rwa Jenoside rwa Kigali

Photo : Roger Marc Rutindukanamurego

Indaya zishaje zijya gutura muri utu tuzu two muri Bannyahe, ari na two zicururizamo abana bato

Kigali Today yakoze ubushakashatsi ku gikomeje kuza ku isonga mu gutuma uburaya bwiyongera muri Kigali.

Mu gihe kingana n’icyumweru ishakisha imwe mu ndaya zimaze igihe kirekire muri uyu mwuga, umunyamakuru wa Kigali Today yaje guhura na Lily (izina twamwise ku bw’impamvu z’umutekano we).

Yaganiriye na Kigalitoday.com mu buryo burambuye uburyo ukwivugurura kwa ba maraya buterwa n’uko iyo bamwe bashaje, bashora inshuti, abaturanyi ndetse na barumuna babo basize mu cyaro mu buraya, bakabacuruza ku bagabo bakabungukamo.

Agira ati “Ubusanzwe udukobwa tw’utwangavu n’abakobwa b’inkumi nibo abakiriya baza bashaka. Aba bakiriya baba biganjemo abagabo n’abasore bagimbutse. Iyo babuze utwo dukobwa ni bwo usanga bagura twe dusaziye mu kazi, kuko tuba turi ku giciro gito.”

Lily ari mu kigero cy’imyaka irenga 40, imyaka ubundi idakurura abagabo bishora mu ndaya. Atuye mu Murenge wa Remera aho bita mu Migina.

Avuga ko umuntu geze mu myaka ye nta bakiriya benshi akibona, binamuviramo kuva mu Migina akajya gutura mu mazu akodeshwa 5000Frw ku kwezi, aherereye hafi y’akabande gatandukanya Remera na Nyarutarama, ahazwi ku izina rya “Bannyahe.”

Ati “Biba bigoye ariko abo bana bashya mu mwuga nibo natwe turiraho. Umurangira uwahoze ari umukiriya wawe, akaguha akantu n’umukobwa nawe akaguha akantu ubuzima bugakomeza.”

Abo bana b’abakobwa bashya ngo ni abaturuka mu byaro bahamagawe n’aba baba bamenyereye “amaseta” ngo baze babereke uko bashaka amafaranga muri Kigali.

Abenshi ngo ntibaba bazi akazi kabazanye kubera ingorane bahura nazo bakigera i Kigali, bikaba ngombwa ko bakora ibyo bazaniwe kabone nubwo baba batabishaka.

Ariko ngo nyuma y’igihe gito baramenyera, na bo bagakomeza kwigurisha, batanga icya cumi kuri uwo baba bafata nka mukuru wabo mu mwuga.

Lily abyaye kabiri, ariko akemeza ko hari bagenzi be bafite abana bakuru cyane kuko baba barabyaye ari bato. Muri abo bana bakaba barimo n’abakurikije ba nyina ubu bigurisha kandi bakiri bato.

Abajijwe niba nawe afite abakobwa ariraho ati “Ndabafite benshi niba ushaka umwana ucyeye umbwire. Kandi nta gihendo na bitanu uramubona ariko nanjye umbariremo.”

Uyu mugore ariko ahanaka ko muri ibyo akora hatarimo gucuruza urumogi dore ko narwo ruvugwa muri aba bakora ako kazi.

Ati “Urumogi oya, ntarwo ducuruza pe! ni ukwigurisha gusa nagira amahirwe nkabona nanjye uwo turyamana akanyishyura biba ari ibyo.”

Ku ndaya ishaje nkawe, ibiciro ngo biterwa n’umukiliya uko agaragara, ariko ngo ntabwo we ajya munsi y’igihumbi cy’amanyarwanda.

Ariko ngo iyo abonye uhagaze neza ngo ntatinya kuguca na bitanu cyangwa 10. Bigaterwa kandi n’igihe mumarana, niba urara iwe cyangwa umujyana iwawe, mbese byose ngo ni ubwumvikane cyane cyane.

Uyu mugore avuga ko atazi niba yabasha kureka uburaya, ngo kuko ntakandi kazi yigeze akora kuva yaba we.

Ati “Cyakora yenda bampaye nk’amafaranga afatika ngo ntangire nk’ubucuruzi nabivamo yenda kuko njya numva ngo hari abandi babiretse, ariko ko ntawe duturanye ndabona areka uburaya ra?.”

Impungenge ku muryango Nyarwanda

Igiteye ubwoba ni urwo ruhererekane rw’indaya zishaje zizana abana b’abakobwa zibavanye mu byaro bagata amashuri n’imiryango, ngo baje gukorera amafaranga bacuruza imibiri yabo.

Umwe mu babyeyi waganiriye na Kigali Today, avuga ko inzego zinyuranye cyane cyane izifite abari n’abategarugori mu nshingano zikwiye guhagurukira gukumira uru ruhererekane rw’indaya zishaje ziriho zizana abana bo kuzisimbura.

Yongeraho ko izo nzego zikwiye gufata ingamba zo gukumira icyo kintu haherewe kuri abo bana bava mu byaro cyangwa se izo ndaya zishaje zibazana.

Ati “Ababishinzwe bagire icyo bakora kuko usibye kuba indaya zikora akazi kadakwiye, zinanduriramo virusi ya Sida igakwirakwizwa mu bazigana barimo abafite ingo n’abakibyiruka, ugasanga bavuga ngo umubare w’abanduye SIDA muri Kigali uri hejuru kuruta ahandi.”

Abafite mu nshingano umwali n’umutegarugori, babivugaho iki?

Mu Rwanda kimwe n’ahandi hose ku isi, bagira ibigo bishinzwe kuvuganira ndetse no guteza imbere umwali n’umutegarugori.

Umunyamabanga uhoraho muri Minisiteri ishinzwe Uburinganire n’iterambere ry’Umuryango (MIGEPROF) yadutangarije ingamba bafite mu guhangana n’icyo kibazo .

Ati ’”Dufatanyije na Polisi, twatangije igikorwa cyo guhangana n’icuruza ry’abana b’abakobwa ryambukiranya imipaka, aho bajyanwaga gukoreshwa imirimo nk’iyo y’uburaya hanze y’igihugu.

“Tuzanakomeza gufatanyatunongereho n’itangazamakuru muri rusange, mu gutahura abo bashora abana mu busambanyi bababeshya ko babazanye mu mujyi kubashakira imirimo, tukabarwanya twivuye inyuma.”

Yanatangaje kandi ko nka Minisiteri ishinzwe iterambere ry’Umunyarwandakazi, badahwema gukangurira abakora uwo mwuga ugayitse udahesha ishema umunyarwandakazi kuwuvamo.

Babakangurira kwibumbira mu mashyirahamwe bagatozwa imyuga imwe n’imwe yatuma babasha kwibeshaho ndetse bakanabeshaho imiryango yabo, batiyandaritse cyangwa ngo bashore abana babo cyangwa barumuna babo mu buraya.

Uku gucuruza abana bato bakuwe mu cyaro, babeshywa ko baje gushakirwa imirimo cyangwa se amashuri ari nabyo bituma uburaya bwiyongera umunsi ku wundi, ni ibyo gukumira abantu bivuye inyuma, ndetse n’ababikora bagahabwa ibihano bikarishye.

Ibi ngo bizatuma uyu muco wo kwandarika abana b’abakobwa bagakwiye kuzagirira imiryango yabo akamaro ndetse n’igihugu muri rusange ucika burundu.

Dr Rutangarwamaboko Modeste umuyobozi w’ikigo Nyarwanda cy’ubuzima bushingiye ku muco, akaba n’umuganga w’inararibonye mu mitekerereze, imigirire n’imyitwarire y’abantu (Psycologue) mu kiganiro na Kigalitoday, yatangaje imyitwarire yarangaga umwari ndetse n’umusore wa Kera, anerekana bimwe mu bibatera gusamara no gutandukira indangagaciro zabarangaga mu gihe cya kera.

Yagize ati: “Mu gihe cya kera umwari yarangwaga no kwigengesera ntasamare ngo yiyandarike, akarangwa n’ibikorwa byiza, birimo gutegura mu rugo, kuboha ibiseke, koza ibyansi agatunganya uruhimbi n’ibindi bikorwa byiza byatumaga bamuranga, bakamurangira undi muryango bashingiye ku bikorwa bye by’ubupfura, bakaza kumurambagiriza umusore wabo, atanamuzi”.

Mu gihe cya kera kandi nkuko Dr Rutangarwamaboko abivuga, umusore nawe yarigengeseraga agakomera ku bumanzi bwe ntasambane, aho ibikorwa by’umukobwa ndetse n’ingeso nziza ze yabwirwaga n’abaranga, arizo zamukururaga, akajya gushaka nyirabyo.

Dr Rutangarwamaboko yanongeyeho kandi ko mu gihe cya kera umwari warengaga kuri ubu burere yahabwaga n’ababyeyi ndetse naba nyirasenge, akishora mu mibonano mpuzabitsina bikamuviramo gutwara inda y’indaro yarohwaga, kugirango bigaragarire umuryango wose ko yakoze amahano, adakwiye mu muryango Nyarwanda.

Dr Rutangarwamaboko Modeste avuga ko kutiyandarika k’umukobwa byafatwaga nk’iby’agaciro bikamuheshaga amahirwe yo kubona umugabo mwiza.

Yanatangaje kandi ko impamvu mu muco wa Kinyarwanda usanga ntacyo ukunze kuvuga ku muhungu wagaragayeho ayo makosa atari uko baba bamushyigikiye dore ko kera byari binagoye kumumenya, ahubwo umukobwa aba yarahawe impanuro na Nyina na Nyirasenge zihagije z’uko agapfundikiye gatera amatsiko, umukobwa nka nyiragaseke akaba agomba kugahoza gapfundikiye, akazagapfundura nyirako aje akamukwa.

Impamvu zitera abahungu n’abakobwa kwishora mu mibonano mpuzabitsina mbere yo kurushinga

Mu gihe cy’ubu bigaragara ko gukora imibanano mpuzabitsina mbere yo ku rushinga bimaze kuba ibintu bisanzwe, kuko ibarura mibare ryakozwe hamwe na hamwe mu mirenge ndetse no mu masengero asezeranya abantu kuva mu kwa mbere 2006 kugeza mu kwa gatatu 2013, ryerekana ko hejuru ya 25% bazaga gusezerana batwite inda nkuru zigaragarira buri wese.

Dr Rutangarwamaboko akaba agaragaza impamvu nyamukuru yabonye, agendeye ku biganiro yagiye agirana n’urubyiruko rutandukanye rw’abasore n’inkumi.

Yagize ati: “Akenshi abakobwa bakunze kutavuga cyane ku bijyanye n’imibonano mpuzabitsina, ariko muri rusange cyane cyane mu rubyiruko naganiriye narwo, usanga mu myumvire yabo ari ukwirata ko barongoye cyangwa se bahaye abantu runaka b’igitangaza ko nuwo kanaka agiye gutwara, cyangwa ugiye kurongora runaka ariwe wamubanje, bigatuma abandi bumva ko uwakoze ibyo bintu ari umuntu w’umugabo ukwiye kwiganwa”.

Rutangarwamaboko atangaza ko ibyo bikorwa akenshi usanga biterwa n’urwiganwa rw’urubyiruko, aho usanga baba bavuga ko bacitswe n’ibyo abandi baba birata, hatirengagijwe ko abakobwa bashorwa mu mibonano mpuzabitsina bashukishwa amafaranga, imirimo n’utundi tuntu dutandukanye bitewe n’ubukene, ubushomeri no kubabeshya ko babakunda bishakira imibonano mpuzabitsina gusa.

Kuki mu gihe cy’ubu imibonano mpuzabitsina itagombye gukorwa mbere yo gushinga urugo?

Abanyarwandakazi kuko ingaruka zabyo aribo zigaragaraho mbere y’abagabo ; ntibakagombye gukora imibonano mpuzabitsina mbere yo kurushinga, atari impamvu yo kwica umuco w’abakurambere gusa ahubwo ari no ku mpamvu yo kwiyubaha cyangwa kwirinda kwiyandarika.

Umwe mu bakobwa baganiriye na Kigalitoday utashatse ko izina rye ritangazwa, yatangaje ko iyo umukobwa yagaragayeho imibonano mpuza bitsina atararushinga afatwa nka biri hanze, akaba iciro ry’imigani, agata icyubahiro cyose cy’umwari agafatwa nk’umuntu wo kwiyambaza kugirango akemurire akabazo k’iminota ingahe umugabo, cyangwa umusore.

Akomeza avuga ko ikibabaje ari uko uwo yakemuriye ako kabazo atamwiyambaza ngo bashinge urugo kuko aba azi ko ari biri hanze uko yakamukemuriye, ari nako agakemurira n’abandi. Ibi bikaba byamukururira kutabona uwo bashingana urugo kubera isura aba afite hanze.

Yavuze kandi ko iyo umukobwa akoranye imibonano mpuzabitsina n’uwo bakundana batararushinga ; urukundo n’icyizere aba amufitiye bidakomeza kuzamuka ahubwo biragabanuka kuko ubusanzwe agapfundikiye gatera amatsiko, iyo ugapfunduye nta matsiko kaba kagiteye.

Ivara (voile) ryambarwa n’umugeni rifatwa nk’ikimenyetso cyerekana ko akiri isugi.

Umwe mu bahungu baganiriye na Kigalitoday nawe utashatse ko amazina ye ajya ahabona, yatangaje ko nta cyamwizeza ko uwo mukobwa uko akwemerera, atanemerera n’abandi, aribyo bituma rimwe na rimwe usanga abantu bakundana igihe kinini bagera igihe cyo gushinga urugo ugasanga birahindutse umwe aciye ukwe undi ukwe.

Abakobwa ubwabo kandi bemeza ko iyo umukobwa wamenyereye gukora imibonano mpuzabitsina mbere yo kurushinga abonye umugabo; aguma amugereranya na babandi yamenyereye kuryamana nabo kuburyo bituma ashobora no kuba yaca inyuma umugabo we akajya kwishakira babandi yamenyereye, kuko umugabo we aba atamuhagije.

Abanyamadini babivugaho iki?

Benshi mu bagize umuryango nyarwanda babarizwa mu madini, kandi inyinshi mu nyigisho ziyatangirwamo, zirimo no kwirinda ubusambanyi cyane cyane kubatarashinga urugo, ndetse zinashishikariza ubudahemuka no kudacana inyuma, kubarushinze.

Ariane Mukankusi Umudiyakoni mu idini ry’Abadivantisiti b’umunsi wa Karindwi mu kiganiro na Kigalitoday, yatangaje ko uretse no mu idini, no mu muco bifuriza abari b’u Rwanda, bitagakwiye kuba bigaragaramo.

Yagize ati: “Twe mu badivantisiti, turabizira tukabiziririza gukora imibonano mpuzabitsina mbere yo kurushinga nk’uko Imana ibiziririza mu mategeko yayo icumi, ndetse n’ubwo bitoroshye gutahura abasambanye utabafatiye mu cyuho, twashyizeho ivuriro ry’abadivantisite, ridufasha gupima abifuza kurushinga kugirango nidusanga hari utwite twe kubasezeranya”.

Amadini menshi yashyizeho ingamba zo kugenzura ko umugeni ugiye gusezerana adatwite.

Ibi Mukankusi yabihurijeho na Pasiteri Kaberuka Celestin ubarizwa mu itorero rya Restoration Church, aho nawe atangaza ko ibi bidakwiye umwari w’u Rwanda ndetse n’umukobwa muri rusange, ko n’ababikora badakunze guhirwa mu rugo rwabo, kuko bigaragaza ko urukundo rwabo ruba rushingiye ku gitsina gusa, aho usanga bidatinze bamaze kurwubaka usanga abenshi bacana inyuma.

Iyo ikaba ariyo mpamvu, nabo babirwanya cyane cyane mu nyigisho batanga, ndetse banakangurira abakirisitu bo muri iri torero gukurikiza amategeko y’Imana ndetse no gukurikiza ingero z’abagiye batsinda iryo rari, banditse muri bibiriya.

Sheick Bishokaninkindi Daudi yatangaje ko muri Islam hari itegeko riziririza gukora imibonano mpuzabitsina mbere yo ku rushinga, ndetse ko iyo ufashwe n’abantu bane bizeweho ubunyangamugayo, wowe n’uwo mwakoranye ubwo busambanyi mukubitwa ibiboko 80, 80, kugirango bigaragarire buri wese ko, icyo gikorwa muba mwakoze ari amahano mu idini ya Islam.

Amategeko yo abivugaho iki?

Amategeko, ni kimwe mu gikoresho cyifashishwa mu gutuma igihugu n’abagituye bigira umurongo ngenderwaho unogeye buri wese. Umuryango nyarwanda nawo ukaba ufite amategeko agenga imyitwarire n’imibarire y’abantu, mu rwego rwo kurwanya umwiryane wakomoka mu mibanire yabo.

Vital Migabo umunyamabanga nshingwabikorwa w’Umurenge wa Kinazi ho mu Karere ka Huye mu kiganiro na Kigalitoday, yatangaje ko ku rwego rw’ubuyobozi badashyigikira imibonano mpuzabitsina na gato ku batarashinga urugo ari byo abanyamadini bita ubusambanyi, ahubwo bashishikariza cyane abaturage ndetse n’amadini kongera imbaraga mu gutanga uburere bukwiye umwari w’u Rwanda.

Yakomeje atangaza ko bibutsa abana b’abakobwa ko mu muco umwari yiyubahaga akirinda gusamara no kwiyandarika, ntabe biri hanze, kuburyo azagera igihe cyo ku rushinga yarahesheje ishema n’agaciro umuryango we.

Kubera impamvu zitandukanye, hari abagabo n’abagore benshi babana batarasezeranye Leta y’u Rwanda ikaba ibashishikariza gusezerana.

Vital Migabo yanibukije kandi ko amategeko agena ko abagiye ku rushinga bagomba kuba bipimishije agakoko gatera sida kugirango hatazagira uwanduza mugenzi we, ndetse anibutsa ko ubu amategeko anemerera gusezerana abasazwe babana, ariko batarasezeranye ku rwego rw’amategeko.

Ibi byose bigaragaza ko nta cyiza kiri mu gukora imibonano mpuzabitsina mbere yo kurushinga, kuko tutaretse n’ibyo twavuze haruguru hari n’abakora imibonano mpuzabitsina n’abakobwa bakabatera inda, nyuma bakabitakana, ibi bikagira ingaruka cyane cyane ku bakobwa, abahungu bigaramiye kandi akenshi ari bo ba nyirabayazana.

Mureke twimakaze urukundo nyarwo, twimike ubudahemuka turwaye gusamara no kwiyandarika, maze umwari w’u Rwanda asubire kuba umutereka amata, umususurutsa ruhimbi, asubire kuba wa mwari wari nk’amata, utarasogongerwaga.

Roger Marc Rutindukanamurego

Legacy Clinic iherereye ahazwi nko kuri 15 ku muhanda ugana i Kabuga mu Mujyi wa Kigali

Iri vuriro riherereye ahazwi nko Kuri 15 mu Murenge wa Nyarugunga ku muhanda ugana i Kabuga mu Mujyi wa Kigali, ryagenewe iki gihembo n’ikigo cyitwa Business Initiative Directions (BID) cyo muri Espagne, kireba uburyo ibigo bigira udushya mu gutanga serivisi nziza zinogeye ababigana.

Iki gihembo cyatangiwe i New York muri Leta Zunze ubumwe za Amerika ku itariki ya 29 Gicurasi 2017

Umuyobozi wa Legacy Clinic, Jean Malic Kalima wakiriye iki gikombe, akimurikira abakozi ba Legacy Clinic kuri uyu wa 18 Kamena 2017, yavuze ko iki gikombe kigomba kubatera ishyaka ryo kurushaho kunoza imikorere yabo, kugira ngo ireme rya serivisi zihatangirwa ntirizigere risubira inyuma.

Yagize ati “Iki gihembo cyaradushimishije kandi cyaduteye imbaraga zo gukomeza gukora cyane, kugira ngo ibyo baduhereye igikombe dukomeze kubigaragaza.”

Igihembo Legacy Clinic yahawe kubera ireme rya serivise iha abayigana

Dr Subira Manzi ukuriye abaganga bakora muri iri vuriro, yavuze ko iki gikombe bagikesha imbaraga bashyize mu kwakira neza abarwayi bagana ibi bitaro, ndetse no ku ireme ry’ubuvuzi abaganga b’ibi bitaro batanga kuko bose ari inzobere mu byo bakora.

Anagira inama abandi baganga kurushaho kwita ku mahame n’ amabwiriza agenga abaganga yaba mu Rwanda ndetse no ku rwego mpuzamahanga, ngo kuko ari yo nkingi izabafasha mu gutera imbere no guteza mbere umwuga w’Ubuvuzi mu Rwanda muri rusange.

Umuyobozi mukuru wa Legacy Clinic Malik Kalima ahereza igikombe batsindi Umuyobozi w’abaganga Dr Subira Manzi

Legacy Clinic itanga serivise mu byiciro bitatu birimo kwakira abarwayi bakeneye inzobere mu buvuzi bwihariye, aribyo bita Speciality Clinic.

Banatanga kandi serivise zijyanye no gupima indwara zitandukanye, ndetse no gufotora ibice by’umubiri bifashoshije ibikoresho bigezweho, bakabasha kubona icyo umuntu arwaye. Iyo serivise yitwa Diagnostics Lab.

Iri vuriro rinafite Serivise z’ubuvuzi bw’Amenyo (Dental Services) aho ubu buvuzi bwose bukorwa ku bufatanye bwa Legacy Clinics/Rwanda na SL Diagnostics yo mu Buhinde.

Nyuma y’ibi bice bigize Legacy Clinic, Umuyobozi wayo yavuze ko bateganya kwagura inyubako bakubaka n’ibitaro, ku buryo abarwayi bazajya bakirwa ari benshi kandi bakabasha kwitabwaho kurushaho bacumbikiwe.

CT Scan kimwe mu bikoresho bigezweho byifashishwa muri iri vuriro mu gupima abarwayi indwara zo mu mubiri kibafotora

Imwe mu mbangukiragutabara zifashishwa muri iri vuriro

X Ray Machine nayi ni imashini igezweho bafite yifashishwa mu gufotora mu mubiri hakamenyekana ikibazo kirimo

Iyi mashini yitwa Mamo yifashishwa mu gupima kanseri mu mabere cyane cyane y’abagore

Imodoka yaguye mu Kabande ka shyorongi

Umusore wo mu kigero cy’imyaka 30 ni umwe mu babashije kurokoka iyi mpanuka, aho yayisimbutse itaragwa mu kabande akomereka byoroheje, aho yahise ajyanwa kwa muganga ngo yitabweho.

Umusore warokotse iyi mpanuka

Ababonye iyi Mpanuka iba batangaje ko yatewe n’Umuvuduko ukabije w’uwaruyitwaye, aho yabanje kugonga izindi modoka zari mu muhanda, imodoka ye igacika intege igahita imanuka mu kabande .

Polisi y’Igihugu yahise itabara, ubu bari kureba uburyo bakura iyo
modoka mu Kabande.
ikaba yatangaje ko imaze kubarura abagera kuri 15 bahitanywe n’iyo mpanuka

Quaster yabanje kugonga iyi modoka mbere yo kugwa mu kabande

Izi filime ziswe Agasobanuye zirakerekanwa hamwe na hamwe mu nzu ziciriritse berekaniramo filime, ndetse n’amwe mu ma Televiziyo akorera mu Rwanda.

Yanga watangije filime zisobanuye ziswe Agasobanuye

Muri izi filime harimo amagambo ajimije Yanga (Younger) akoresha agakundwa cyane n’urubyiruko.

Ariko kuba aya magambo atarakundwaga n’abakuze, byatumaga bamwe batibona muri izi filime, bakanabuza abana babo kuzireba.

Amwe muri ayo magambo ni aya akurikira:

Tipe: Iri jambo ryakoreshwaga ahanini ku mukinnyi nyir’izina wa filime (acteur principal/main actor).

Debande: Uyu yabaga akenshi ari wa wundi ugomba gupfa ahanini yishwe na Tipe.

Kuri finale: Aha ni iyo filime yabaga iri hafi kurangira aho Tipe yabaga ari kurwana na Debande.

Kwa Myasiro: Muri resitora

Imikasiro: Ibibazo

Gashibutisi: Iki cyari igitutsi ariko mu by’ukuri nta gisobanuro gihamye gifite

Gashirikoko: Ni kimwe na gashibutisi

Umucango: Ni tekinike zo kurwana zihambaye

Agaki? : Umuntu yajyaga kubaza icyo atumvise neza, agakoresha iri jambo ati ‘agaki?’

Karatangira kanakomeza: aya ni amagambo akoreshwa mu buryo bwo gukangura cyangwa se kureshya abakurikiye filime ngo batarambirwa

Akabuno ku ntebe amaso kuri ekara: Muri cya gihe filime iba itangiye, hagaragazwa amazina y’abagize uruhare mu ikinwa ryayo; abasobanura usanga bavugaga bati “kurikira agafilime, akabuno ku ntebe amaso kuri ekara”.

Bagenzi (Bagenzi niyo ndoro, ni nayo ngendo) ijambo bagenzi ni ijambo rikunda kugaruka muri menshi akoreshwa muri filime zisobanuye!

Ibyacu ntibitinda: Ibi byavugwaga iyo habaga hagiyeho indi scene ukabona uwari muri scene ivuyeho ari no mu ikurikiyeho.

Intoryi: Iri jambo ryakoreshwaga iyo umugabo yabaga ukubiswe umugeri cyangwa ikindi kintu hagati y’amaguru.

umusini: Aha ijambo “umusini” ryashakaga kuvuga igiceri cya 50.

Gutambaza: Gutanga cyangwa se kwishyura.

Inzego: Iri jambo ryavugaga umukobwa

Imbeshu :Ni ijambo ryakoreshwaga rishaka kuvuga umukobwa ukina uburaya muri filime

Umumbweti cyangwa Umutimbwe: Ni Imbwa

Niba hari andi magambo tutabagejejeho wibuka wayasangiza abasomyi ba Kigali Today.

---

]]>