Mu masaha ya saa tanu n’igice z’ijoro zo ku wa 31 Ukuboza 2023, Abanyakigali benshi bari mu mihanda berekeza mu bice bitandukanye byari byateguriwe kuberamo ibirori bizwi nko kurasa umwaka.

Uretse abari bahisemo kuwusoreza mu nsengero na Kiliziya biragiza Imana, abandi benshi cyane bahisemo kuwusoreza ahatandukanye mu Mujyi wa Kigali hari hateguriwe kurasira umwaka.

Kuri KCC ni hamwe mu hahurira abantu benshi mu birori byo kurasa umwaka

Aho Kigali Today yabashije kwerekeza kuri Kigali Convention Centre (KCC), nibura saa tanu n’igice ahagenewe guparikwa imodoka hose mu nkengero z’iyo nyubako hari hamaze kuzura, mu gihe mu mihanda ho abantu bari benshi berekeza kuri iyi nyubako.

Ku isaha y’isaa tanu n’iminota 40 z’ijoro abiganjemo urubyiruko bari bamaze kuzura ahari hateguriwe kurasirwa ibishashi by’umuriro bizwi nka ‘fireworks’ bibinjiza mu mwaka mushya wa 2024 ari na ko bafite morale yo ku rwego rwo hejuru.

Ubwo ni na ko byahaga akazi katoroshye inzego z’umutekano ziyushye akuya ngo icyo gikorwa kibashye kugenda neza.

Buri wese yashakaga gucyura urwibutso rw’amafoto na videwo

Ubwo umwaka wa 2024 wari umaze kwiyandika ahari hateguwe mu kirere, ibishashi bigatangira guturitswa, imbaga yari iteraniye kuri KCC yaranzwe n’ibyishimo bidasanzwe abenshi banacinya akadiho mu mbyino zinyuranye.

Imwe mu ndirimbo zabyinwe cyane n’abiganjemo urubyiruko ni izo kwamamaza Umukuru w’Igihugu mu matora ataha aho baririmbaga bati: “Tuzamutora” abandi bati: “Muzehe wacu ni wowe”.

Uwineza Claire ufite imyaka 20 waturutse mu Bugesera waganiriye na Kigali Today nyuma y’iki gikorwa, yagize ati: “Ndashima Imana kuko ni ubwa mbere mbonye barasa umwaka. Urabona ko ari urubyiruko rwiganje hano Imana izadushoboze uyu mwaka tuwurangize neza”.

Undi witwa Temistocles we yagize ati: “Nishimiye kuba naje hano gusoza umwaka. Umwaka wa 2023 nagiye mpanga gahunda zimwe ntizigende neza, ariko nizeye ko uyu mwaka wa 2024 ibitaragenze neza ngomba kubishyira ku murongo”.

Umujyi wa Kigali uyu mwaka wari wateguye ahantu hatandatu ho guturikiriza ibishashi by’umuriro ari ho ku musozi wa ‘Mont Kigali’ mu Karere ka Gasabo, kuri Canal Olympia i Rebero mu Karere ka Kicukiro, ku musozi wa Bumbogo mu Karere ka Gasabo, kuri Kigali Convention Centre ndetse no kuri Kigali Serena Hotel mu Karere ka Nyarugenge.

Abenshi mu bari baje kuri Kigali Convention Centre (KCC) biganjemo urubyiruko, bamwe bakaba bakiri no mu biruhuko muri iyi minsi. Nyuma yo kurasa umwaka, bagaragazaga ko bagikeneye umwanya wo kwidagadura babyina umuziki, ku buryo ubutaha baramutse bashyiriweho uburyo bwo gukomereza aha hantu bidagadura byarushaho kubashimisha.

Reba uko byari byifashe muri iyi Video:

Video: Richard Kwizera & Eric Ruzindana/Kigali Today

Imigoongo ni imitako ikomoka mu muco gakondo by’umwihariko ku gikomangoma Kakira ka Kimenyi wari umwami w’i Gisaka.

Ifite umwihariko wo kuba ikoze mu binyampande n’inziga bipimye neza bigatuma igira umwihariko wo kunogera ijisho.

Abenshi bazi ko ari imitako y’imigongo ariko Inteko y’Umuco ivuga ko ahubwo ari imigoongo (soma nk’uko usoma imihaango).
Impamvu ni uko iri zina rikomoka mu Gisaka cy’Imigoongo mu Ntara y’Iburasirazuba ubu ari na ho ubu buryo bwo gutaka bukomoka.

Tugarutse ku mateka gato, Inteko y’Umuco ivuga ko imigoongo yatangiye gukoreshwa mu kinyejana cya 18 yadukanywe n’Igikomangoma Kakira ka Kimenya wari utuye ku gasozi ka Nyarutunga mu Gisaka u Rwanda rutarakiyomekaho (ubu ni mu karere ka Kirehe).
Kimenyi wari utwaye I Gisaka icyo gihe mu myaka y’1800, amateka avuga ko umuhungu we Kakira yari umunyesuku cyane ndetse aza no gutaka inzu ya se akoresheje uburyo bw’imigoongo burakundwa buramamara bukwira u Rwanda.

Kakira yashushanyaga ku nkuta ibimeze nk’imihiro cyangwa inziga akoresheje ibumba rivanze n’amase nyuma agasigaho ingwa bikaba umutako.

Ibyo bivuze ko imigoongo ari uburyo bwo gutaka ariko bwamara kujya ku gikoresho iki n’iki nk’urubaho cyangwa icyuma byifashishwa cyane uyu munsi ubwo bikitwa umutako.

Kuri ubu imigoongo imaze kuba kimwe mu birango by’umuco bimaze kwamamara cyane haba mu gihugu no hanze yacyo.

Ahanini biterwa n’uko ubu buryo bw’imigongo ubu bukoreshwa ku bintu binyuranye bigaragaza iterambere ry’Igihugu harimo nka Gahunda yo kureshya ba mukerarugendo ya Visit Rwanda, ku kirango cy’Ibikorerwa mu Rwanda, ku nyubako zitandunaye harimo BK Arena na Sitade Amahoro iri kuvugururwa n’ahandi hanyuranye.

Ibi, biri mu byatumye ubu buryo bwo gutaka buri kwamara cyane muri iyi minsi ndetse umuntu akaba yagira amatsiko y’uko bucunzwe n’icyo bisaba ngo wemererwe kubukoresha.

Umushakashatsi mu Nteko y’Umuco, Ntagwabira André yabwiye Kigali Today ko hari icyo bakoze ku migoongo mu rwego rwo gusigasira ubu buryo nka kimwe mu bigize umuco ariko ko hari n’ibyo bagikurikirana.

Ati: “Twanditse igitabo ku migoongo mu 2019 tujya kucyandikisha muri RDB dushaka no kwandikisha ubu buryo bw’imigoongo.

Batubwiye ko mu buryo bandika ibihangano buri bara ryandikwa ukwaryo noneho ku bijyanye n’uko (ayo mabara akoreshwa) ho tukandikisha gutaka ibikuta cyangwa se ikindi kintu kigendanwa ukoresheje uburyo bw’imigoongo”.

Arakomeza ati: “Ibyo batubwiye turacyabikurikirana kuko bisaba kubishakaho amakuru mu nyandiko no gukorana n’izindi nzego nk’uko babitugiriyemo inama”.

Mu gihe ibyo bitarakorwa ariko, magingo aya imigoongo icunzwe na MINUBUMWE ari na ho Inteko y’Umuco ibarizwa ndetse iyi Minisiteri ni na yo yabaye iyandikishije muri RDB nk’uko uru rwego rubishimangira.

Muri RDB bati: “Uburenganzira bwo kuyikoresha busabwa muri MINUBUMWE ari na yo yandikishije imigoongo muri RDB. Itegeko rirengera umutungo bwite mu by’ubwenge riteganya ko yandikwa nk’umutungo w’Igihugu ari yo mpamvu inzego cyangwa ibigo bya Leta ari byo biyikoresha mu buryo busesuye mu kwamamaza u Rwanda”.

Barakomeza bati: “Gusa itegeko riteganya ko n’umuntu ku giti cye ashobora kuyikoresha mu bikorwa bye, ariko akabanza kubisabira uburenganzira (license).
Kugira ngo abuhabwe akaba abanza kwishyura amafaranga”.

Barakomeza bati: “Nta mafaranga runaka yateganyijwe. Icyakora hateganyijwe uburyo bwo kumvikana hagamijwe gukoresha ibihangano gakondo n’inyungu zivamo. Abakoresha ibihangano gakondo mu nyungu y’ubucuruzi ni bo itekego rireba nk’abantu bafitemo inyungu. Mu gihe umuntu ukoresha ibihangano gakondo mu gutaka inzu ye bwite cyangwa muri gahunda itagamije inyungu adateganijwe mu bantu bagomba kumvikana n’ubuyobozi.

Impamvu nyamukuru ni uko umutungo bwite cyangwa umutungo rusange iyo ubyazwa umusaruro mu bucuruzi bibangamira nyirawo mu gihe uburenganzira bwo kuwukoresha butatazwe”.

Urwego rw’Iterambere rusoza ruvuga ko kuba imigoongo ubu ikoreshwa ku bikorwa bimenyekanisha u Rwanda bitavuze ko ari ikirango cy’Igihugu ariko ikaba ibarirwa mu bimenyetso ndangamuco w’Igihugu bishobora kucyamamaza bikaninjiriza amafaranga Abanyarwanda.

Gusa nubwo itegeko rigenga umutungo bwite mu by’ubwenge riteganya ko gukoresha ibihangano ndangamuco w’Igihugu harimo n’imigoongo bisaba kubanza kwishyura amahoro mu nzego zibifitiye ububasha, hari umwihariko kuri iyi mitako.
Aha RDB igira ati: “Itegeko ry’umutungo bwite mu by’ubwenge riteganya ko ibikubiye n’imingendekere yo kurengera ibihangano gakondo bizaba biteganyijwe mu itegeko ryihariye ritari iry’umutungo bwite mu by’ubwenge”.

Gusa magingo aya ingingo ya 43 y’Itegeko no28/2016 ryo kuwa 27/07/2016 rigena ibungwabungwa ry’umurage ndangamuco n’ubumenyi gakondo igira iti: “Nyiri ubumenyi gakondo (Leta) wabwandikishije mu buyobozi bubifitiye ububasha, ashobora guha ububasha ushaka gukoresha ubwo bumenyi gakondo bwe babanje kugirana amasezerano yanditse.

Urwego rubifitiye ububasha rushobora guha umuntu uwo ari we wese, uburenganzira bwo gukoresha ubumenyi gakondo bw’umurage w’Igihugu binyuze mu masezerano y’ubufatanye”.

AFP dukesha iyi nkuru ivuga ko iki cyogajuru cyiswe ‘Pregrine’ kizahagurukira ahagurukirizwa ibyogajuru i Florida ku itariki ya 24 Ukuboza uyu mwaka kikazagera ku kwezi ku itariki 25 Mutarama 2024 nyuma y’iminsi 33 y’urugendo mu isanzure. Ibi biri gutegurwa n’ikigo cy’Abanyamerika cyitwa Astrobotic binyuze muri gahunda yiswe Artemis. Iyi ni gahunda y’Ikigo cya Amerika gishinzwe ibijyanye n’isanzure (NASA) igamije gusubiza umuntu ku kwezi kuva mu 1972 ubwo icyogajuru Apollo 17 cyabashaga kugera ku kwezi kirimo n’abantu ari bwo bwa mbere mu mateka y’Isi.

Umuyobozi wa Astrobotic, John Thornton, yavuze ko iki cyogajuru kizaba kirimo ibikoresho bya NASA kizitwaza bikazifashishwa mu rwego rwo gukora ubushakashatsi ku miterere yo ku kwezi n’andi makuru yaho nk’uko bikubiye mu mushinga wa NASA.

Uyu muyobozi yagize ati “Hafi nka kimwe cya kabiri gusa cy’ubutumwa bwerekeza ku kwezi ni bwo bwagenze neza. Nta gushidikanya ko ari akazi katoroshye. Gusa ngiye kubihangayikira ariko kandi nzishimira buri ntambwe izaba itewe kuri iyi nshuro”.

Iki cyogajuru cya Pregrine nta muntu uzaba ukirimo gusa muri gahunda ikomeza ya NASA ikaba iteganya ko izanohereza ku kwezi umugore wa mbere n’umwirabura wa mbere ku kwezi. Abazajyayo bazakora ubushakashatsi bwimbitse bushobora gutuma no ku mubumbe wa Mars hoherezwa umuntu wa mbere bitewe n’imiterere yaho.

Muri Mata uyu mwaka u Buyapani na bwo bwari bwagerageje kohereza icyogajuru cyabwo cya mbere ku kwezi cyitahawe izina ariko cyaje gushwanyukira mu nzira cyenda kuhagera. Mu 2019 na bwo igihugu cya Israel cyari cyagerageje uyu mushinga ariko ku munota wa nyuma icyogajuru cyiswe Beresheet kigira ibibazo bya moteri iza guhagarara kitaragerayo. Muri rusange, ibihugu bine gusa ni byo bimaze kohereza ibyogajuru ku kwezi ari byo: Leta Zunze Ubumwe za Amerika mu 1969, u Burusiya mu 1955 ari na bwo bwa mbere mu mateka y’Isi, u Bushinwa mu 2013 ndetse n’u Buhinde buheruka muri Kanama uyu mwaka.

Ubwo yari abajijwe aho uyu mushinga ugeze Rwangombwa yagize ati: “Twarangije gukora inyigo ya mbere yo kureba niba ari ngomba ko dushyiraho amafaranga koranabuhanga. Inyigo yagaragaje ko ari ngombwa bishobora gukorwa kandi ko bikenewe”.

Rwangombwa yakomeje avuga ko hari ibyo BNR iri kuvugana n’andi mabanki akoresha aya mafaranga ariko ko yanaganiriye n’inzego z’imari zitandukanye kuri uwo mushinga hakanakorwaho raporo igashyikirizwa Guverinoma na yo ikaba igomba kuyiganiraho mbere yo kuyitangariza rubanda.c

Yakomeje ati: “Ibyo nibirangira, tuzakora igerageza ry’uko uyu mushinga washyirwa mu bikorwa ndetse n’ikoranabuhanga dushobora gukoresha. Ni umushinga ugikomeza ushobora gufata nko mu myaka ibiri mbere y’uko dutangira gukoresha ifaranga koranabuhanga rya
BNR”.

Gusa BNR igaragaza ko uyu mushinga bitavuze ko uzaba unemerera mu buryo bwemewe ikoreshwa ry’andi mafaranga koranabuhanga ya ‘cryptocurrency’ kuko hari
benshi yagiye ateza ibihombo bikomeye.

Ubwo John Rwangombwa yagarukaga ku aya magaranga mu 2022 yagize ati: “Crypto currency ni ikintu kigoye cyane, tugira inama abantu kubyirinda, harimo amanyanga menshi cyane, mwumvise ikigo cyahirimye muri Amerika muri Bahamas, gihirimana za miliyari ibihumbi by’amadolari by’abantu benshi, cyarabahombeje."

Kuki u Rwanda rushaka gukoresha amafaranga koranabuanga?

Mu 2021 Banki Nkuru y’Igihugu ni bwo yatangiye inyigo igamije kwerekana niba imari n’ubukungu bw’u Rwanda byashobora gukorana n’aya mafaranga, inyungu ku benegihugu ndetse n’uburyo yakoreshwamo.

Ni inyigo yarangiye umwaka ushize yemeje uyu mushinga nyuma y’uko ikoranabuhanga muri serivisi z’imari ari urwego ruri gutera imbere cyane ariko ahanini hakazamo umwihariko w’uko igihugu kibishyizemo ingufu, by’umwihariko u Rwanda rukaba rushyize imbere ikoranabuhanga.

Ubwo yagarukaga kuri nyigo bakiyikora, Visi Guverineri wa BNR, Hakuziyaremye Soraya yagize ati: “Ubu turi mu cyiciro cy’ubushakashatsi mu gusesengura inyungu Abanyarwanda bashobora kugira cyangwa ingaruka ifaranga koranabuhanga rya BNR byagira atari ku bukungu bwacu gusa, ahubwo no muri urwo rwego bitewe n’ubwoko bw’ifaranga twaba tugiye gutangiza”.

Mu 2022 Muhiza Rwamugabo Maurice ukora mu Ishami ry’Umuryango w’Abibumbye rishinzwe Iterambere yabwiye The New Times ati: “Mu by’ukuri, niba u Rwanda rushaka gushyira imbere serivisi z’imari no kuba mu mwanya mwiza mu bukungu bw’Isi mu gihe kiri imbere, rugomba gusuzuma no kwiga neza intambwe zikenewe mu gutangiza ifaranga ryarwo koranabuhanga rya Banki Nkuru”.

Ku Isi hose, ibihugu bimaze gutangiza aya mafaranga ni 11 harimo Bahamas ari na yo yabibanje, Jamaica, u Bushinwa ndetse n’ibindi birimo na Nigeria ari yo yonyine
muri Afurika.

Ese iri faranga rikora rite?

Mbere na mbere ifaranga koranabuhanga (digital currency) ni ifaranga ridafatika mu note n’ibiceri rigenzurwa na Banki Nkuru y’Igihugu runaka. Rikoreshwa
mu kurihererekanya hifashishijwe ibikoresho nka
mudasobwa na telefoni.

Aho ritandukaniye n’asanzwe ni uko yo ashobora guhererekanywa mu buryo bw’ikoranabuhanga ariko akanajya mu note n’ibiceri mu gihe ryo riguma mu ikoranabuhanga mu mibare gusa.

Iri faranga (digital currency) ritandukanye n’irindi ryitwa ‘cryptocurrency’ kuko ryo rikoreshwa mu ikoranabuhanga ariko ritagenzurwa na banki nkuru cyangwa Leta iyo ari yo yose. Muri ‘cryptocurrency’ zizwi cyane harimo nka Bitcoin, Ethereun, Tether USDt n’ayandi atandukanye.

Ni izihe nyungu zo gukoresha ifaranga koranabuhanga?

Impuguke mu by’ubukungu zivuga ko mu Isi y’ikoranabuhanga amafaranga ari mu noti n’ibiceri hari serivisi zimwe na zimwe atoroshya cyangwa se ntizibe zihendutse.

Teddy Kaberuka uzobereye iby’ubukungu avuga ku kamaro k’iri faranga ku Gihugu yabwiye Igihe ati: “Ni ifaranga rishobora gukemura bimwe mu bibazo ifaranga rifatika rifite, urugero nk’iyo ugiye kugura ibintu hanze, niba ufite Amanyarwanda iyo ugiye mu Bushinwa si yo ujyana urabanza ukayavunjisha, akenshi usanga uvunjisha inshuro ebyiri, ukavunjisha mu Madorali ukabona kuvunjija mu yo mu Bushinwa”.

Yakomeje agira ati: “Ariko iri faranga koranabuhanga, riba ari ifaranga rimwe abantu bahuriraho, urumva ko ririmo inyungu. Ikindi hari n’ikiguzi kijyana no gucunga ifaranga, haba mu kuyakora ndetse no kuyacungira umutekano”.

Abatunze aya mafaranga aba yizewe nk’andi yose itandukaniro rikaba gusa kuba yo adashobora gufatika mu ntoki. Ahererekanywa akenshi mu buryo bw’amakarita yishurirwaho ibintu binyuranye cyangwa akoherezwa ava ku mashini imwe ajya ku yindi.

Kaberuka yashimangiye ko nta mpungenge biteye ku kuba andi mafaranga asanzwe yaba agiye gucika kuko azakoreshwa bibangikanye nk’uko n’ubundi ubu hari abishyurana mu ikoranabuhanga abandi bagakomeza gukoresha amafaranga afatika bitewe n’impamvu zinyuranye.

Muri zo harimo ababa batabifiteho bumenyi buhagije cyangwa se batazi gusoma no kwandika ahubwo kandi na bo ubuhahirane bugomba gukomeza badasigajwe inyuma. Ariko amaherezo, ni uko Isi iri kugenda igana mu gukoresha aya mafaranga gusa kuko hamwe mu bihugu biteye imbere uburyo bwo kwishyurana ku makarita ari bwo bukoreshwa cyane kurusha mu ntoki.

Inama isanzwe ya 23 y’abakuru b’ibihigu binyamuryango bya EAC yateraniye Arusha muri Tanzaniya ku itariki ya 23 Ugushyingo 2023 ni yo yemeje Somaliya nk’umunyamuryango mushya.

Ni inama yari yitabiriwe na Minisitiri w’Intebe w’u Rwanda, Dr Edouard Ngirente wari ahagarariye Perezida Paul Kagame.

Mu butumwa bugufi uyu muryango wanyujije ku rubuga rwa X wagize uti: “Inama y’abakuru b’ibihugu b’Umuryango wa Afurika y’Iburasirazuba yakiriye Repubulika ya Somaliya nk’umunyamuryango wa munani hashingiwe ku ngingo ya gatatu y’amasezerano ashyiraho EAC”.

Nyuma y’ubutumwa bwa Perezida wa Tanzaniya, Samia Suluhu Hassan buha ikaze mugenzi we wa Somaliya, Hassan Sheikh Mohamud, na we yanditse ku rukuta rwa X rwa EAC ati: “Abaturage ba Somaliya bishimiye kuba muri EAC! Ni ikimenyetso cy’ibyiringiro kuri twe. Ibyiringiro by’ahazaza h’amahirwe n’ubusugire kuri Somaliya binyuze mu bufatanye bw’Akarere”.

Iyi nama kandi yanasize Perezida wa Sudani y’Epfo, Salva Kiir agizwe Umuyobozi Mukuru w’uyu muryango mu gihe cy’umwaka ugiye kuza akaba yasimbuye kuri uyu mwanya Perezida Evariste Ndayishimiye w’u Burundi.

Kugirwa umunyamuryango wa EAC, igihugu cya Somalia kibyitezeho kuzungukira mu isoko rusange ry’Akarere mu kugabanya ibiciro by’ibicuruzwa kuko amategeko mu bijyanye n’ubucuruzi muri iki gihugu yahujwe n’ay’umuryango ndetse kikazungukirwa no gufatanya n’abandi banyamuryango guhashya imitwe y’iterabwoba ikunze kwibasira iki gihugu
Iyi ingingo y’isoko ryagutse mu bucuruzi bw’Akarere izungukira impande zombi kuko Somaliya ikora ku Burasirazuba bwo hagati; ibyo bikazoroshya ubuhahirane hagati ya EAC n’u Burayi na Amerika ndetse n’ahandi ku Isi.

Perezida wa Somalia Hassan Sheikh Mohamud

Ibi bishingira ku kuba Somaliya ifite ubutaka buri ku nkombe bungana n’ibilometero 3000 muri Afurika, buhuza Afurika n’Umwigimbakirwa wa Arabian Peninsula; agace k’ubucuruzi kabarizwamo ibihugu birimo Bahrain, Kuwait, Oman, Qatar, Saudi Arabia, United Arab Emirates, Yemen na Iraq.

Abaturage b’ibihugu binyamuryango bya EAC bungukira mu buryo bunyuranye bw’ubufatanye harimo iyoroherezwa mu bucuruzi n’ubuhahirane, koroherezwa mu mitangire ya serivisi imbere mu bihugu binyamuryango, ubufatanye mu guhangana n’ibibazo by’umutekano muke n’ibindi bitandukanye.

Umuryngo wa Afurika y’Iburasirazuba wavutse mu mwaka wa 1967 u Rwanda ruwinjiramo muri 2007. Ufite icyicaro i Arusha muri Tanzania ubu ugize abakaba ugize abaturage barenga miliyoni 317 bo mu bihugu umunani binyamuryango ari byo u Rwanda, Uganda, Tanzania, Kenya, u Burundi, RDC, Sudani y’Epfo na Somaliya yinjiyemo uyu munsi.

Al Jazeera yanditse ko nubwo imibare y’abandura iyi ndwara itaratangazwa n’inzego zibishinzwe mu Bushinwa, ibitaro byo mu murwa mukuru Beijing byagaragaje ko abarwayi bari kwiyongera cyane cyane abana ku buryo buri munsi bari kwakira abagera ku 1,200 bafite ubu burwayi butaramenyekana ndetse hari n’aho ubushobozi bwo kwakira abarwayi bashya bwabaye bukeya.

Iki cyorezo biravugwa ko cyibasira cyane cyane abakiri bato

Hari kandi n’ubwiyongere buri hejuru mu banyeshuri bo muri Beijing ku buryo hari n’ikigo cyahagaritse amasomo mu gihe cy’icyumweru, abana baba basubiye mu rugo ndetse n’ababyeyi babo basabwa kwitwararika cyane.

Nta makuru ajyanye n’ibimenyetso by’iyi ndwara yari yatangazwa ndetse inzego z’ubuzima zihangayikishijwe n’igihe cy’ubukonje u Bushinwa bwinjiyemo kuko bakeka ko cyazagira uruhare mu kwiyongera kw’iyi ndwara kuko ubukonje ubusanzwe bwongera bene izo ndwara z’ubuhumekero.

Ubu bwiyongere budasanzwe bw’imibare y’abandura bwatumye OMS isaba u Bushinwa gutanga amakuru bwaba bufite ndetse n’ingamba zatuma ubwandu bushya bukomeza kwiyongera. Nubwo icyateye iyi ndwara kitaramenyekana, hari inzobere mu buzima zimwe na zimwe zivuga ko bishoboka ko ibyo byaba ari ingaruka zidahoraho za gahunda ya Guma mu Rugo nk’uko byagenze mu Bwongereza, ariko ibyo ntibyahurirwaho hose mu muri icyo gihugu ndetse bamwe bakaba bari kuyihuza n’imiterere ya Covid-19 mu minsi ya mbere.

Mu minsi ishize Komisiyo ishinzwe ubuzima muri iki gihugu yari yatangaje ko indwara z’ubuhumekero muri rusange ziri kwiyongera, ndetse hanatangira gushakwa amakuru ajyanye n’iyi ndwara ariko nta kirayitangazwaho na kimwe. Uduce twibasiwe harimo umurwa mukuru Beijing, ndetse no mu Majyaruguru y’u Bushinwa mu mujyi wa Liaoning uherereye mu birometero 800 uvuye mu murwa mukuru.

Mu gihe iyi ndwara yaba idashingiye ku ngaruka za Gahunda ya Guma mu rugo, kandi nta makuru yizewe arayitangwaho, hari inzobere zikeka ko yaba ari indwara iterwa n’agakoko ka pathogen kihinduranyije mu miterere no mu bimenyetso.

Kaminuza yigisha Ubuvuzi n’Ikoranabuhanga (UMST) y’i Khartoum ni imwe mu zikomeye muri Sudani

Ubuyobozi bw’iyi kaminuza buvuga ko bushaka gufasha abanyeshuri bayo bahagaritse amasomo kuyarangiza ndetse ibiganiro n’uruhande rw’u Rwanda bikaba bigeze kure.

Abanyeshuri b’iyi Kaminuza barenga 7000 ubu ntibari kwiga, bakaba bazagenda bazanwa mu Rwanda gukomeza amasomo yabo nyuma yo kwemeranya iyi gahunda kw’impande zombi.

Umuyobozi wungirije wa UMST kuri ubu utuye mu Rwanda, Dr. Suzan Homeida, yabwiye The New Times ko ibiganiro bikomeje kandi bigeze kure hagati y’iyi kaminuza n’Inama y’Amashuri Makuru na Kaminuza mu Rwanda (HEC) ndetse n’abandi bafatanyabikorwa.

Yagize ati: “Gahunda ni iyo kwimura kaminuza yacu. Tubifashijwemo n’abayobozi muri Leta y’u Rwanda, ubu turi kuganira na HEC kugira ngo turebe uko kaminuza yacu yakwimuka. Ni uburyo bushyize mu gaciro kandi HEC yagiye idushyigikira cyane kugeza aho bigeze ubu”.

Hari abanyeshuri bamaze kugera mu Rwanda

Mu gihe iyo gahunda yo kwimurira kaminuza mu Rwanda ikiri mu biganiro, mu Rwanda hari abanyeshuri ba kaminuza bo muri Sudani bahakomereje amasomo ndetse hakomeje no kuza abandi. Ibi biri muri gahunda yo kohereza aba banyeshuri yatangiye muri Kanama uyu mwaka ubwo hazaga icyiciro cya mbere cyabo.

Dr. Homeida yakomeje avuga ko icyiciro cya kabiri cy’abanyeshuri bo muri Sudani biteganyijwe ko bazagera Rwanda vuba bitegura umwaka w’amashuri utaha uzatangira ku itariki ya 28 Ugushyingo uyu mwaka.

Mu banyeshuri 180 bateganyijwe kuza muri icyo cyiciro, nibura abarenga 150 bamaze kwemeza ko bazaza kandi ko biteguye.

Ati: “Twatangiye kwakira bamwe mu banyeshuri kandi abenshi biteganyijwe ko bahagera kuri uyu wa Gatanu tariki ya 24 Ugushyingo 2023”.

Aba banyeshuri bari kuza muri iki cyiciro cya kabiri, bakurikiye abandi 160 baje mu Rwanda mu cyiciro cya mbere muri Kanama uyu mwaka. Muri abo 160, abarenga 20 muri bo ubu bamaze gusoza amasomo yabo muri Kaminuza y’u Rwanda (UR) mu mashami y’ubuvuzi yiganjemo kuvura amenyo. Abo bazatangira amasomo muri uku kwezi bazaba ari abo mu mwaka wa mbere gusa biganjemo abari hagati y’imyaka 18 na 19.

Aba banyeshuri bose bari kuza, na bo bazoherezwa kwiga muri UR- Koleji y’Ubuvuzi n’Ubuzima mu Ishami ryayo rya Huye riri mu birometero birenga 120 uvuye mu Mujyi wa Kigali. Gusa Dr. Homeida avuga ko aho ishuri riri nta kibazo cyaho kuko hasanzwe ari igicumbi cy’uburezi n’ihuriro ry’abanyeshuri baturuka mu bihugu bitandukanye.

Uyu muyobozi yasoje avuga ko hari kaminuza nyinshi muri Sudani zishaka imikoranire na UMST ngo ibafashe kohereza abanyeshuri gukomereza amasomo yabo mu Rwanda yahagaritswe n’intambara ariko ko hari imbogamizi y’ubushobozi.

Ati: “Ibyifuzo by’izindi kaminuza zo muri Sudani byo kuduha abanyeshuri bazo biriyongera, ariko ubushobozi dufite ni imbogamizi kuri twe. Kandi birumvikana kuko nta ho ababyeyi bakura ubushobozi kuko benshi badafite akazi bitewe n’ibibazo bihari ubu. Ariko ni ikintu dukomeje gukurikiranira hafi”.

Kaminuza ya UMST ifite amashami arenga 14 ikanaba mu za mbere zikomeye cyane mu zigisha ubuvuzi muri Sudani. Yafunguwe mu 1995 kandi mu 2017 yari muri kaminuza ziikomeye mu zigisha ubuvuzi ku mugabane wa Afurika.

Imirwano yaje kuvamo intamabra muri Sudani ari na yo yatumye ibirimo n’amashuri bifunga imiryango, yadutse ku itariki 15 Mata, 2023 hagati y’Ingabo za Leta zishyigikiye Gen Abdel Fattah al-Burhan uyoboye akanama ka gisirikare kahiritse ubutegetsi muri Sudani n’igice cy’Inkeragutabara zahoze ari inyeshyamba ziyobowe na Gen Mohamed Hamdan Dagalo.

Aba bombi bafatanyije guhirika ubutegetsi bwa Omar el Bashir mu 2019, baza gushwana bapfa ko ingabo za Dagalo zangiwe kwinjira mu gisirikare.

Abanduye iyi indwara bagira ibiheri ku ruhu ndetse no kubyimba ibirenge bikurikirwa no gupfa nta gihe kinini bamaranye uburwayi.

Ishami ry’Umuryango w’Abibumbye ryita ku Buzima (WHO) n’inzego z’ubuzima muri ako Karere bari gufatanya mu gushaka amakuru y’ibanze kuri iyi ndwara. By’umwihariko Minisiteri y’Ubuzima ya Uganda yafashe ibizamini kuri bamwe mu bahitanywe n’iyi ndwara mu cyumweru gishize ariko ntiharatangazwa ibyavuye muri ubwo bushakashatsi.

Abashinzwe ubuzima muri ako Karere bavuga ko abarwayi bamwe barwaye iyi ndwara bashakaga kujya kwivuriza ku bavuzi gakondo aho kujya ku bigo nderabuzima kandi ko bikigoye kubibabuza mu gihe iyi ndwara itaramenyakekana. Bavuga kandi ko ibimenyetso by’iyi ndwara bidatandukanye cyane n’ibyigeze kugaragara ku barwayi mu Mudugudu wa Kyanika A na Kyanika B mu gihe cyashize.

Umwe mu barokotse iyi indwara, Joseph Mazzi, yabwiye Daily Monitor ati: “Nagize ibiheri mu biganza ariko nyuma y’iminsi itatu, ukuboko kwanjye kwari kumaze kwikuba inshuro eshatu mu bunini ku buryo ntashoboraga kwambara ishati y’amaboko maremare. Nagiye ku bavuzi gakondo mu cyumweru gishize kandi imiti yabo yaramfashije nizeye ko nzakira kuko ntacyumva ububabare”.

Ibitaro bya Al-Quds byahagaritse kwakira abandi barwayi

Ibi bitaro ni ibya Al-Shifa n’ibya Al-Quds bikaba ari byo bikomeye muri Gaza mu kwakira abantu benshi. Ku itariki ya 12 Ugushyingo 2023, ibitero bya Israel kuri ibi bitaro byari bimaze guhitana abaganga batatu n’abarwayi 12, harimo n’abana batatu bari bavutse badakuze ndetse bihagarika kwakira abandi barwayi, kuko hari ikibazo cyo kubura imiti n’umuriro w’amashanyarazi n’ibindi nkenerwa by’ibanze.

Ikinyamakuru Al Jazeera cyanditse ko muri ibi bitaro harimo abarwayi ndetse n’abandi bakozi babyo babuze uko bahunga, kandi bari mu mibereho mibi imbere mu bitaro.

Dr Nidal Abu Hadrous, umwe mu baganga bakora mu biatro bya Al-Shifa, yavuze ko hakenewe ubutabazi bwihuse mu kurengera ubuzima bw’ababirimo buri kurushaho kujya mu kaga ku bwo kubura amazi, amashanyarazi n’uburyo bwo gusohoka.

Ati “Ntabwo ibi bishobora kumara igihe kinini. Hakenewe ubutabazi bwihuse bwo gufasha abakozi n’abarwayi barimo”.

Umuyobozi w’Ishami ry’Umuryango w’Abibumbye ryita ku Buzima, Dr Tedros Adhanom Ghebreyesus, yagize ati “Isi ntishobora gukomeza guceceka mu gihe mu bitaro hasanzwe harengera ubuzima harimo kubera ubwicanyi, kwangirika no gutakaza ikizere. Muhagarike kurasa nonaha”.

Uyu muyobozi yongeyeho ko ibitaro bya Al-Shifa bitarimo gutangirwamo serivisi z’ubuvuzi nk’uko byari bisanzwe, kuko iminsi ibaye itatu nta mashanyarazi, murandasi n’ibindi by’ingezi.

Uruhande rw’igisirikare cya Israel, ku itariki 12 Ugushyingo 2023 rwavuze ko rwahungishije abana bari bavutse, ndetse rukazana litiro 300 z’ibitoro mu bitaro mu rwego rwo kurengera ubuzima, ariko umutwe wa Hamas wamaganiye kure ayo makuru uvuga ko iyo ari poropaganda ya Israel yo kujijsha Isi, ko icyo yakoze muri ibyo bitaro ahubwo ari ukurasa ahantu hose.

Umuryango WHO uvuga ko muri rusange muri Gaza, habarurwa abarwayi 600-650, abakozi mu bitaro 200-500 ndetse n’ababarirwa mu 1,500 bahungiye mu bitaro ariko bose bakaba ubu bari mu byago byo kubura uburyo bwo guhunga.

Ni mu gihe ibitaro 35 muri Gaza byahagaritse gukora kuva intamabara yatangira ku itariki 7 Ukwakira 2023, naho Abanyapalestina bagera ku 11,078 bamaze kuyigwamo nk’uko Minisiteri y’Ubuzima muri iyi ntara ibitangaza.

Muri abo barwayi habarwamo abana b’impinja 36 bari mu byago byo kubura ubuzima, kuko bari basanzwe bitabwaho kuko bavutse badakuze nk’uko inzego z’ubuzima muri Gaza zibivuga.

Kuva mu myaka 30 ishize, u Rwanda ruharanira kwigira ku ngengo y’imari aho ubu arenga 60% yayo ari amafaranga akomoka imbere mu Gihugu.

Ni intambwe nziza imaze guterwa mu kwigira ku ngengo y’imari, aho igihugu kireka guhanga amaso amahanga n’imiryango nterankunga.

Nubwo bimeze gutyo ariko, Raporo y’Ibiro by’Umugenzuzi Mukuru w’Imari ya Leta (OAG) igaragaza imibare iteye impungenge ku ikoreshwa nabi ry’iyi ngengo y’imari iba igenewe guteza imbere rubanda ariko bamwe bakayikoresha nabi.

Mu myaka itatu ishize y’ingengo y’imari, kuva mu 2019 kugeza mu 2022, Umugenzuzi Mukuru w’Imari ya Leta yagaragaje ko hari amafaranga yagiye asohoka ariko hatagaragara icyo yakoreshejwe, ayasohotse ari menshi ariko agakoreshwa ibikorwa bikeya, ayasesaguwe ndetse n’andi yagiye akoreshwa mu buriganya.

Amafaranga ya Leta yanyerejwe n’ayakoreshejwe nabi muri rusange ni miliyari eshatu na miliyoni 200 z’amafaranga y’u Rwanda mu 2022 mu gihe mu 2020 yari miliyari eshanu na miliyoni 600 naho mu 2019 yari miliyari umunani na miliyoni 600.

Iyi mibare iragaragaza ko amafaranga apfa ubusa agenda agabanuka, gusa umuntu ntiyabura kwibaza uburyo arenga miliyari eshatu yavuye mu misoro ya rubanda ashobora kuribwa n’abo atagenewe.

Abagize Inteko Ishinga Amategeko bagaragaza ko aya mafaranga agenda apfa ubusa iyo aramuka akoreshejwe neza, yari kugira uruhare runini mu kuzamura inzego zinyuranye zihanzwe amaso cyane nk’uburezi, ubuhinzi, ndetse n’ubuzima nk’uko binashyizwe imbere mu ntego z’Icyerekezo 2030 na 2050.

Urugero, ziriya miliyari eshatu na miliyoni 200 zakoreshejwe nabi andi akanyerezwa, iyo zikoreshwa neza mu mwaka ushize, yashoboraga gufasha mu kugaburira abana ku ishuri aho nibura abagera ku 32,653 biga mu bigo bya Leta bari kubona ifunguro cyangwa se akavamo igi rimwe buri munsi ku banyeshuri 250,306 biga mu mashuri abanza.

Muri iyi gahunda yo kugaburira abana ku ishuri, nibura Leta itanga igiteranyo cy’amafaranga y’u Rwanda 8,775 ku munyeshuri umwe buri gihembwe angana na 89% by’amafaranga 9,750 agenewe umunyeshuri ku gihembwe, mu gihe umubyeyi we atanga amafaranga 975 asigaye, ahwanye na 11%.

Ziriya miliyari zirenga eshatu kandi zashoboraga gukoreshwa mu gukemura ikibazo cy’ibura ry’ibitabo by’isomo ry’Imibare ku biga mu myaka ya mbere y’amashuri abanza. Raporo y’Umugenzuzi Mukuru w’Imari ya Leta y’umwaka ushize yerekanye ko ibitabo bidahagije ku masomo y’Icyongereza n’Imibare ku banyeshuri n’abarimu bo mu mashuri abanza.

Igitabo kimwe kigura 1,625Rwf, nibura 3,200,733,068 yanyerejwe andi agakoreshwa nabi umwaka ushize yashoboraga kugurwamo ibitabo bigera kuri 1,969,675.

Iyi raporo ya 2022 igaragaza ko wasangaga mu mashuri abanza ibitabo by’amasomo amwe umubare udahagije aho abanyeshuri kuva ku 10 kugeza ku 176 babaga basaranganya igitabo kimwe.

Hagati aho, Leta yari yateguye gukoresha amafaranga miliyari ibihumbi 2,585, 2 mu mwaka w’ingengo y’imari wa 2018/2019 ariko muri uwo mwaka Raporo y’Umugenzuzi Mukuru w’imari igaragaza ko miliyari umunani na miliyoni 600Rwf yanyerejwe andi agakoreshwa nabi.

Hamwe mu hari hakenewe kwitabwaho icyo gihe ni uguhanga imirimo aho nibura igiteranyo cy’imirimo 213,198 yagombaga guhangwa ndetse ikanaterwa inkunga y’ibikoresho ku nguzanyo.

Ni ibikoresho byagombaga gutangwa ku banyeshuri 3,000 bari basoje amasomo y’imyuga n’ubumenyingiro nko kubafasha kwisanga ku isoko ry’umurimo bakora imishinga mito.

Urugero, hari nk’uwari gutangira umushinga uciriritse wo gusana ibikoresho by’ikoranabuhanga agakenera imashini yo gukoresha n’ibiyigize bigura 214,546Rwf.

Ibi bivuze ko za miliyari umunani na miliyoni 600 zashoboraga kugurira ibikoresho byo gutangira imishinga abanyeshuri 40,112 bari kurangiza mu myaka itatu tugendeye ku mubare w’babahiga uyu mwaka bangana na 13,172.

Mu gukwirakwiza amashanyarazi aho ubu u Rwanda rugeze kuri 73% mu gihugu hose, ibi byashoboraga gufasha ba banyeshuri bari basoje amasomo. yo bahabwa ibikoresho bashoboraga gukora imishinga mito mu cyaro bityo bikagira uruhare kuri gahunda Leta yo guhanga imirimo miliyoni 1.5 muri 2024 hagamijwe kugira ubukungu bushingiye ku bumenyi.

Miliyari eshanu na miliyoni 600 mu 2020 yo yashoboraga gukora iki?

Mu mwaka w’ingengo y’imari wa 2020 /21 5,664,068,116Rwf ni yo yanyerejwe andi akoreshwa nabi. Ni mu gihe Leta yari yateguye kunoza serivisi z’ubuzima, kuzamura imibereho myiza no kurwanya ubukene hibanzwe ku gufasha ingo zikennye bikabije gusohoka muri ubwo bukene.

Bimwe mu bikorwa by’ingenzi byari bishyizwe imbere mu gushyigikira iyo gahunda byari ukugura inka 6,363 zigahabwa imiryango ikennye muri Gahunda ya Gira Inka, gutanga inkunga y’ingoboka no kubakira abacitse ku icuma rya Jenoside bakeneye amazu.

Kuri ubu inka ya kijyambere igura 500,000 ugereranije. Iyo aya mafaranga akoreshwa mu kugurira inka kuri buri muryango mu Rwanda, hari kuvamo inka mliliyoni 11.2 zo gutangwa buri rugo rukajya ruhabwa inka enye.

Ubwo ibigo byitabaga Komisiyo Ishinzwe ingengo y’imari mu Nteko Ishinga Amategeko, Visi Perezida wayo Hon Nyirabazayire Angélique mu kwezi gushize yavuze ko nubwo igabanuka ry’imikoreshereze mibi y’imari ya Leta rigaragara ariko hakiri ikibazo cyo gusesea amasezerano no gutanga amasoko mu buryo bunyuranyije n’amategeko nkana.

Ni mu gihe Hon Rwaka Pierre Claver we avuga ko mu myaka runaka habaye impinduka zifatika mu buryo amafaranga y’ingengo y’imari akoreshwa ariko ko ibyo bidahagije, ahubgu hakwiye no kubaho gusobanura iby’ayanyerejwe n’ayakoreshejwe nabi.

Iyi nkuru dukesha KT Press ivuga ko usibye amafaranga yacunzwe nabi, raporo z’Umugenzuzi Mukuru w’Imari ya Leta zerekana kandi ko hari amafaranga amwe agenewe iterambere ry’imibereho myiza n’ubukungu aba agomba gushyirwa kuri konti ariko na yo ntashyirweho.

Perezida wa Komisiyo imikoreshereze y’imari n’Umutungo bya Leta (PAC), Hon Muhakwa Valens avuga ko komisiyo nta bubasha ifite bwo gufata ibyemezo ku buyobozi babishinzwe, ariko ko inzego zibishinzwe zishobora gukurikirana ibi bibazo mu nkiko.

Muri izo harimo Minisiteri y’Ubutabera,NPPA, ndetse n’Urwego rw’Igihugu rw’Ubugenzacyaha runakurikirana uko inzego zatumijwe na PAC zitanga ibisobanuro.

Inzu yahoze ari iy’imyidagaduro muri Kaminuza y’u Rwanda Ishami rya Huye ‘Théâtre de Verdure’

Rukaburandekwe Alphonse uyobora Ikigo cy’Igihugu cy’Imiturire (RHA), avuga ko hari gahunda yo kubyaza umusaruro inyubako za Leta zitagikoreshwa, izindi zigasenywa.

Ati “Twabaruye inyubako za Leta zitagikoreshwa ndetse dusuzuma uko zimeze. Ubu turi gusuzuma izishobora kuvugururwa zikongera gukoreshwa, mu gihe izindi zishobora gusenywa kugira ngo ubutaka zari ziriho bube bwakoreshwa mu bundi buryo”.

Ibi bigiye gukorwa nyuma y’uko ku itariki ya 2 Ugushyingo 2023, Abadepite bagaragaje ko hari inyubako za Leta zigera ku 1000 zidakoreshwa mu Gihugu hose.

Hon. Uwanyirigira Gloriose, umwe mu Badepite bagize Komisiyo ishinzwe kugenzura imikoreshereze y’ingengo y’imari ya Leta (PAC), yatunguwe no kubona ko mu nyubako za Leta 49,937 zasuzumwe, hejuru ya 950 zidakoreshwa kandi zinashaje cyane nk’uko bigaragara muri Raporo y’Umugenzuzi Mukuru w’Imari ya Leta, y’umwaka w’ingengo y’imari wa 2021/2022.

Imwe mu nzu zakorerwagamo na Komini Buringa ubu ni mu Murenge wa Mushishiro

Hon. Uwanyiligira ati “Ikibazo cy’inyubako za Leta zidakoreshwa kigomba kwitabwaho byihutirwa. Ikigo gishinzwe imiturire mu Rwanda kigomba kwerekana uburyo bunoze bwo gukemura iki kibazo”.

Abadepite bemeza ko kuvugurura izo nyubako bishobora kugabanya cyane amafaranga yakoreshwaga n’ibigo bya Leta mu gukodesha ibiro. Kugeza ubu Leta ikodesha ahantu hangana na metero kare 85,000 hakorera ibiro by’inzego n’ibigo byayo 35 harimo n’inkiko. Kugira ngo uwo muzigo ugabanuke, Leta ifite gahunda yo kugira inyubako zayo zakoreramo ibyo bigo n’inzego.

Visi Perezida wa PAC, Hon. Beline Uwineza, yagize ati “Inyubako ya RURA iracyafite ahantu hadakoreshwa kandi yarubatswe hagamijwe kugabanya umutwaro w’amafaranga, ku bigo bya Leta bigikodesha ibiro. Ibibazo bituma aho hantu hadakoreshwa bigomba gukemurwa mu gihe cy’amezi atatu”.

Nk’uko Abadepite babitangaza, mu Mujyi wa Kigali hari inyubako za Leta 61 zidakoreshwa, 301 mu Ntara y’Amajyepfo, 252 mu Ntara y’Iburengerazuba, 245 mu Ntara y’Amajyaruguru na 181 mu Ntara y’Iburasirazuba.

Inzu yahoze ari iy’imyidagaduro muri Kaminuza y’u Rwanda Ishami rya Huye ‘Théâtre de Verdure’

Ikigo gishinzwe guteza imbere Ubuhinzi N’Ubworozi mu Rwanda, RAB, gifite inyubako 52 zimeze neza, 308 zikeneye kuvugururwa, na 68 zigomba gusenywa kuko gusanwa kwazo bidashoboka. Izi nyubako ziherereye mu bigo by’ubushakashatsi by’iki kigo biherereye mu Rubirizi, i Ngoma, i Nyamagabe, muri Gishwati, i Musanze, i Rubona, i Muhanga, i Nyagatare n’ahandi mu Gihugu.

Izindi nyubako zidakoreshwa harimo iz’ahahoze ari Ishuri ry’Indimi muri Kaminuza y’u Rwanda (EPLM) ku Taba mu Karere ka Huye, ahahoze ari Urukiko rwa Kanto mu Karere ka Gakenke, ahahoze ari inzu y’imyidagaduro muri Kaminuza y’u Rwanda hazwi nka ‘Théâtre de Verdure’, ndetse n’izindi zitandukanye zirimo ahahoze ibiro bya za komini, amacumbi y’abayobozi n’izindi.

Abagize Inteko Ishinga Amategeko bagaragaza impungenge z’uko amafaranga yiyongera, ajyanye no gukodesha ibiro by’inzego n’ibigo bya Leta. Urugero, Urukiko rw’Ikirenga rukorera mu nyubako ikodeshwa agera kuri Miliyoni 117 z’Amafaranga y’u Rwanda ku kwezi, yose hamwe akaba angana na Miliyari 1.4 z’Amafaranga y’u Rwanda buri mwaka.

Inyubako RURA ikoreramo ifite ibyumba byinshi bidakoreshwa

Ibi yabivugiye mu muhango wo gufungura ku mugaragaro Norrsken House Kigali, kuri uyu wa Gatatu tariki 08 Ugushyingo 2023. Ni umuhango wabereye mu Mujyi wa Kigali rwagati ahubatse iki kigo gikoreramo amakompanyi atandukanye akora ibijyanye n’ikoranabuhanga kikanabafasha kubahuza n’abandi hagamijwe kubagira inama mu kurushaho kwagura imishinga bafite.

Norrsken Kigali House ni ikigo cy’umuryango Norrsken Foundation ku mugabane wa Afurika ndetse kikaba ari na ryo shami ryawo rya mbere nyuma y’icyicaro gikuru giherereye muri Sweden.

Mu kiganiro yagiranye n’Umuyobozi Mukuru wa Norrsken Foundation, Niklas Adalberth, Perezida Kagame yavuze ko abashoramari bakwiye kumenya ko Afurika ari umugabane ufite byinshi byashorwamo imari bitandukanye n’abawufiteho imyumvire itari yo mu kuhakorera.

Yagize ati: “Simbona impamvu Afurika nk’ahandi hose ku Isi abantu bafite ubwenge n’izindi mpano twese twaremanywe haba ahantu hihariye aho buri kintu giteshwa agaciro cyangwa kigafatwa uko kitari. Abashoramari bagomba gushyira mu mutwe ko Afurika ifite buri kintu kiri nk’ahandi ku Isi ndetse ku bwinshi. Kandi n’iyo tugeze ku bantu, twibona nk’abareshya n’abandi bari ahandi ku Isi. Kandi n’indi mitungo itari abantu, dushobora kwerekanamo uruhare rwacu tugatera imbere tugakorana n’abandi ku Isi mu nyungu zacu ariko n’iz’Isi muri rusange”.

Yongeyeho kandi ko abashoramari badakwiye kubona Afurika nk’ahantu hari isoko rinini ry’abatuye umugabane gusa ko ahubwo ari n’ahantu hari gutera imbere kandi ko ibyo ari andi mahirwe ku bahashora imari.

Agaruka ku gushora imari mu Rwanda, yagize ati: “Mu Rwanda turashishoza mu bijyanye no gushaka uburyo budufasha kugera ku byo dushaka kugeraho. Muri uwo mujyo ntibivuze Abanyarwanda gusa by’umwihariko ahubwo bivuze Afurika cyangwa undi w’aho ari ho hose ku Isi ushaka gushora imari cyangwa gukorana ubucuruzi natwe. Iyo mitekerereze idufasha kugabanya ibyago umuntu ashobora guhura na byo mu gihe twakoranye akatwizera. Rero dukora ibintu nk’ibyo bikagenda uko twari tubyiteze mu bijyanye no gufatana urunana tugatera imbere”.

Minisitiri w’Ikoranabuhanga na Inovasiyo, Ingabire Paula

Minisitiri w’Ikoranabuhanga na Inovasiyo, Ingabire Paula, yavuze ko ubu ari igihe cyiza cyo gushora imari mu ikoranabuhanga ku mugabane kuko harimo inyungu zigaragara nk’umugabane uri gutera imbere. Yanashimiye ubuyobozi bwa Norrsken Foundation kuba bwarahisemo u Rwanda mu kubaka ishami ryabo rya mbere muri Afurika kandi ko Igihugu cyizabyaza aya mahirwe umusaruro kikaba igicumbi cy’imishinga y’ikoranabuhanga ku mugabane.

Norrsken Kigali House ni ikigo cyatangiye kubakwa mu 2021 ahahoze hakorera Ecole Belge mu Mujyi rwagati. Gihagaze ishoramari rya miliyoni 20 z’Amadolari ya Amerika, kikaba ari cyo kigo cya mbere muri Afurika gikora imishinga yo guhuza ba rwiyemezamirimo mu by’ikoranabuhanga.

Julia Simpson asanga Perezida Kagame ari umwe mu bayobozi bakomeye ku Isi

Ni inama ya ‘World Travel & Tourism (WTTC)’ yasojwe ku wa Gatanu tariki 3 Ugushyingo 2023, isiga Greg O’Hara agizwe Chairman mushya w’iki kigo asimbuye Arnold Donald, wari kuri uyu mwanya kuva mu 2021 wanashimiwe ubwitange yagaragaje mu nshingano ze mu gihe cy’icyorezo. Igihugu cya Australia cyatangajwe nk’ikizakira iyi nama ngarukamwaka mu 2024, ubwo izaba ibaye ku nshuro yayo ya 24.

Mu ijambo rye asoza iyi nama, Perezida akanaba Umuyobozi wa WTTC, Madamu Julia Simpson, yashimiye abitabiriye iyi nama bose by’umwihariko avuga ko ari umugisha kuba yari irimo abayobozi bakuru batatu b’ibihugu bya Afurika, kuko ari inshuro ya mbere ibyo bibaye muri iyi nama.

Yashimiraga Perezida wa Tanzania, Samia Suluhu Hassan na Visi Perezida w’u Burundi, Prosper Bazombanza ndetse na Perezida Paul Kagame bayitabiriye.

Uhereye ibumoso, Julia Simpson, Perezida Samia Suluhu Hassan, Perezida Paul Kagame na Prosper Bazombanza

Agaruka ku Mukuru w’Igihugu yagize ati “Mu by’ukuri ntabwo mfite amagambo nabivugamo. Ndashaka gushimira by’umwihariko Nyakubahwa Perezida Paul Kagame watwakiriye. Ndatekereza ko ari umwe mu bayobozi bakomeye ku Isi twari kumwe”.

Madamu Simpson yashimiye uburyo abitabiriye iyi nama bakiriwe mu gihugu agira ati “Urwego rw’Igihugu rw’Iterambere rwagize uruhare ntagereranywa muri iyi nama, kandi rukorana ubunyamwuga. Baduhaye ikaze neza mu Rwanda kandi ibyo byaratworohereje cyane. Ndashaka kandi gushimira abo dukorana muri WTTC, umurava mwinshi bagaragaje ndetse n’urukundo. Mwarakoze cyane”.

Yakomeje agira ati “Tugomba gusobanukirwa uko Abanyarwanda babikoze. Ni ukurengera, kurinda no gukunda umuryango mugari wacu. Ndashaka gushimira nanone Urwego rw’Igihugu rw’Iterambere ku mubano ukomeye twagiranye. Mu by’ukuri nizeye ko iyi nama izazana umurage muri WTTC, ariko by’akarusho dushaka kugira umurage w’u Rwanda. Ndabizi neza ko ibyo bigiye kuba”.

Abitabiriye WTTC bashimye uburyo bakiriwe mu Rwanda

Umuyobozi w’Urwego rw’Igihugu rw’Iterambere (RDB), Dr Francis Gatare, yavuze ko ibyavugiwe muri iyi nama u Rwanda rwabyigiyeho byinshi, ashimira abayitabiriye ndetse abaha n’ubutumwa batahana.

Ati “Twizeye ko mwagiriye ibihe byiza mu Rwanda kandi mu by’ukuri muzagaruka mutari abakerugendo gusa ahubwo munaje nk’abanshoramari, inshuti cyangwa abafatanyabikorwa mu bucuruzi. Mu ijwi riranguruye mugende mubwire inshuti n’abaturanyi ko mu [Rwanda] amarembo afunguye mu kwakira abashyitsi kandi ko dufite ibyiza by’umwihariko bikurura ba mukerugendo muri iki gihugu!”

Yakomeje agira ati “Ibyo si ku Rwanda gusa ahubwo ni kuri Afurika, kuko dutewe ishema no kwakira bwa mbere inama yo ku rwego rw’Isi ya WTTC. Twizeye ko atari iya nyuma ibereye kuri uyu mugabane. Nizeye ko ibihugu byinshi bya Afurika, inzego n’ibigo by’ubucuruzi bigiye kuba abanyamuryango ba WTTC. Ibyo bizatuma tubona ibihugu byinshi bya Afurika byakira iyi nama yo ku rwego rw’Isi mu myaka iri imbere”.

Ubwo Perezeda Kagame yagezaga ijambo ku bitabiriye WTTC

Greg O’Hara yagizwe Chairman mushya wa WTTC

Muri iyi nama haganiriwe ku ngingo zinyuranye

Kureba andi mafoto, kanda HANO

Amafoto: Moise Niyonzima

Imbuto Foundation ifite intego yo gufasha abana bo mu miryango ikennye b’abahanga kubona uko biga

Amasezerano y’imikoranire hagati ya Imbuto Foundation na Ambasade y’u Bushinwa, agaragaza ko aya mafaranga y’ishuri n’ibindi nkenerwa bizishyurirwa abana bo mu miryango ikennye ariko b’abahanga, mu mwaka w’amashuri wa 2023/24.

Iyi nkunga inyuzwa muri Gahunda ya Edified Generation ya Imbuto Foundation, yatangiye mu 2002 igamije gutera inkunga uburezi bw’abana b’abahanga bava mu miryango itishoboye, kugira ngo badata ishuri.

Ambasade y’u Bushinwa mu Rwanda yatangiye gukorana na Imbuto Foundation muri iyi gahunda, kuva mu 2013 aho buri mwaka itera inkunga abana babarirwa mu 100.

Uyu mwaka uyu mushinga uzishyurira abagenerwabikorwa bawo amafaranga y’ishuri, kongeraho Amadolari 400 kuri buri mwana, azabafasha mu kubona ibikoresho by’ishuri, imibereho ku ishuri, kujya mu ihuriro ngarukamwaka n’ibindi bakenera ku ishuri.

Umuyobozi Mukuru w’Agateganyo wa Imbuto Foundation, Vugayabagabo Jackson na Lin Hang wari uhagarariye Ambasade y’u Bushinwa mu Rwanda, ubwo basinyaga ayo masezerano bavuze ko bagamije kwagura ubufatanye bw’impande zombi, mu rwego rwo kongerera amahirwe abagenerwabikorwa.

Kugeza ubu, Imbuto Foundation ifasha abana bagera kuri 787 biga mu mashuri yisumbuye mu gihugu hose, ndetse buri mwaka bahurizwa hamwe bakungurana ibitekerezo banasangira ubumenyi ku iterambere ry’Igihugu.

Ambasade y’u Bushinwa mu Rwanda, isanzwe ari umufatanyabikorwa mwiza wa Leta mu mishinga itandukanye y’iterambere, harimo n’iy’uburezi. Muri uru rwego, ibihugu byombi bifitanye imikoranire myiza mu guteza imbere amashuri y’imyuga n’ubumenyingiro, amasomo ajyanye n’indimi, gutanga buruse zo kwiga mu Bushinwa, gutanga amahugurwa n’ibindi binyuranye.

Abana hagera igihe bagahurizwa hamwe bakaganirizwa

Kuva mu myaka 10 ishize, nibura abarenga 1000 bamaze koherezwa kwiga mu Bushinwa, binyuze muri ubwo bufatanye, haba abiga ubumenyingiro n’abiga andi masomo ya kaminuza n’amashuri makuru mu Rwanda.

Imbuto Foundation, yatangijwe na Madamu Jeanette Kagame mu 2001, ari gahunda yari igamije gukusanya ubushobozi bwo gukoresha mu kurwanya Virusi itera SIDA, by’umwihariko ku bayirwaye bayandujwe mu gihe cya Jenoside yakorewe Abatutsi. Icyo gihe wari umushinga witwaga ‘PACFA: Protection and Care of Families against HIV/AIDS’, ariko uza kugenda waguka mu 2007 witwa Imbuto Foundation, ndetse na gahunda wibandaho ziba umunani harimo izijyanye n’uburezi, ubuzima, urubyiruko n’iterambere ry’ubukungu.

Perezida Kagame ageza ijambo ku bitabiriye WTTC

Ibi Umukuru w’Igihugu yabivuze kuri uyu wa 2 Ugushyingo 2023, mu nama Mpuzamahanga y’iminsi ibiri iteraniye i Kigali mu Rwanda. Ni inama yo ku rwego rw’Isi iteraniye muri Afurika ku nshuro ya mbere, ikaba yiga ku bukerugendo aho ihurije hamwe abarenga 800 baturutse hirya no hino ku Isi, n’abandi benshi bayikurikiye mu buryo bw’iyakure.

Mu bayitabiriye harimo abanyacyubhiro batandukanye barimo Perezida wa Tanzania, Samia Suluhu Hassan ndetse na Visi Perezida w’u Burundi, Prosper Bazombanza n’abandi barimo abayobozi ba WTTC itegura iyi nama.

Mu ijambo rye, Perezida Kagame yashimye Umukuru w’Igihugu cya Tanzania na Visi Perezida w’u Burundi, kuba babashije kwitabira imbonankubone, ashimira n’ibindi bihugu bihagarariwe by’umwihariko ibyo mu karere ndetse n’abari mu buryo bw’iya kure.

Yashimiye abateguye iyi nama kuba barahisemo u Rwanda kandi ku nshuro ya mbere muri Afurika, kandi ko ibyo bihuza uyu mugabane n’Isi muri rusange. Yavuze ko u Rwanda n’ibindi bihugu byo mu karere hari ibyiza nyaburanga bikurura ba mukererugendo, ku buryo usuye u Rwanda aba ahawe ikaze no mu bihugu bituranyi.

Ni inama yitabiriwe n’abaturutse hirya no hino ku Isi

Avuga ku kamaro k’iyi nama, Perezida Kagame yagize ati “Mu myaka hafi 30 ishize, u Rwanda rwanyuze mu bihe bikomeye. Twari ahantu abantu bahungaga. Ibintu byatumye Isi itwirengagiza ariko ntidushaka kureka ngo amateka abe ari yo asobanura abo turi bo. Ibi bivuze ko twubatse Igihugu aho Abanyarwanda bose babayeho mu mahoro n’ubudakemwa. Ikindi kandi twahaye isura u Rwanda ituma buri muntu ku Isi yifuza kurusura”.

Yakomeje agira ati “Ubukerarugendo busobanurwa nk’inkingi ya mwamba mu iterambere ry’ubukungu no kubona akazi. Buri mwaka duha ikaze ba mukerarugendo baza mu Rwanda baje kwishimira ubwiza karemano bw’umwihariko, kwitabira ibikorwa bya siporo cyangwa inama nk’izi. Ibi ni ishema n’ikizere bitizanye”.

Umukuru w’Igihugu yongeyeho ko kurengera ibidukikije bifite akamaro muri gahunda y’u Rwanda, yo kubaka ahazaza harambye ndetse bikaba bishimishije kuba Pariki y’Igihugu ya Nyungwe ubu yaramaze gushyirwa mu murage w’Isi. Yongeho kandi ko Igihugu cyashoye imari mu kubaka ibikorwa remezo bya siporo, bifasha mu kwakira amarushanwa akomeye.

Perezida wa Tanzania, Samia Suluhu Hassan na we yitabiriye iyi nama

Akomoza ku mbogamizi zigihari yagize ati “Ku Isi hose urwego rw’ubukerarugendo rwarazahutse bigaragara. Ariko igiciro kikiri hejuru ku kugera muri Afurika imbere, biracyari umutwaro. Ishyirwa mu bikorwa ry’ubwikorezi bwo mu kirere buhuriweho muri Afurika ntirishyirwa mu byihutirwa dukeneye”.

Perezida Kagame yongeyeho ko u Rwanda rwakuyeho imbogamizi za visa ku banyafurika bose bashaka kwinjira mu gihugu, ndetse n’abandi hanze y’umugabane, asaba ibindi bihugu gushyigikira iyo gahunda mu rwego rwo kubyaza umusaruro amahirwe yose ari mu batuye uyu mugabane.

Yasoje avuga ko abona Afurika nk’igicumbi mu bukerugendo bw’ahazaza ku Isi, ariko ko bikeneye ko umugabane wose ukorera hamwe ubwawo n’abafatanyabikorwa batandukanye ngo ibyo bigerweho.

Iyi nama ni ubwa mbere ibereye muri Afurika

Julia Simpson, Perezida akaba n’Umuyobozi wa WTTC

Arnold Donald, Chairman wa WTTC

Kureba andi mafoto, kanda HANO

Amafoto: Niyonzima Moise

Ni inama itegurwa n’ikigo Africa Business Heroes cy’umuherwe Jack Ma giteza imbere ba rwiyemezamirimo Nyafurika bafite imishinga izamura umuryango mugari no kwihangira umurimo muri rusange.

Iyi nama yitezweho guhuriza hamwe ba rwiyemezamirimo n’abashoramari barenga 1,000 baturutse hirya no hino muri Afurika n’abandi bazaba bayikurikiye mu buryo bw’ikoranabuhanga. Na none kandi izitabirwa n’abavuga rikijyana ku mugabane, abanyamuziki n’ibindi byamamare mu myidagaduro bizasusurutsa abazitabira nk’uko abayitegura babigaragaza. Aba bose bazaba baganirira hamwe ku iterambere ryo kwihangira umurimo mu buryo buzamura Abatuye uyu mugabane ndetse banasangira ubunariribonye butandukanye n’ibyiciro binyuranye bizaba biyiteraniyemo.

Inama ya Africa Business Heroes izabera muri Kigali Convention Center ku itariki ya 23 na 24 Ugushyingo 2023 kandi abantu bose babishaka bayitumiwemo ariko babanje kwiyandikisha baciye ku rubuga rw’iki kigo.

Inama y’umwaka ushize, yabereye i Johannesburg muri Afurika y’Epfo ariko igice cyo kwemeza ba rwiyemezamirimo 10 bagera ku gice cya nyuma cy’irushanwa cyabereye mu Rwanda.

Izanatangirwamo ibihembo kuri ba rwiyemezamirimo batatu bazaba bahize abandi mu rutonde rw’abagera ku 10 babashije guhatana kugera ku kiciro cya nyuma. Muri abo icumi harimo babiri bakomoka muri Ghana, babiri bakomoka muri Afurika y’Epfo, n’abandi umwe bakomoka muri Nigeria, Côte d’Ivoire, Misiri, Maroc, Uganda, Tanzania na Munyarugendo Albert wo mu Rwanda. Ba rwiyemezamirimo baba bahatanyemo, bahabwa umwanya wo kumurika no gusobanura imishinga y’ibyo bakora baba baratanze muri iryo rushanwa.

Uwa mbere azahembwa ibihumbi 300 by’Amadolari, uwa kabiri ibihumbo 250 by’Amadolari naho uwa gatatu ahabwe ibihumbi 150 by’Amadolari. Barindwi basigaye muri abo 10 baba bageze ku kiciro cya nyuma buri umwe ahabwa ibihumbi 100 by’Amadolari hanyuma ibindi bihumbi 100 by’Amadolari bikabasaranganywa bose muri gahunda z’amahugurwa zikurikira iryo rushanwa.

Kuri iyi nshuro ya gatanu bigiye gutangwa hahatanyemo Munyarugendo Albert, nyiri ikompanyi ya Vuba Vuba Africa ikora ubucuruzi bwo gushyira abantu ibyo kurya mu ngo mu mwanya wo kuba bakwigira muri resitora.

Munyarugendo kandi abaye Umunyarwanda wa gatanu ubashije kugera ku kiciro cya nyuma kuva ibi bihembo byatangira gutangwa mu 2019. Ba rwiyemezamirimo Nyarwanda bamubanjirije muri iri rushanwa habarwa ko bakuyemo 385$, ni ukuvuga miliyoni 455Rwf.

Ikompanyi ya Vuba Vuba yatangiye ibikorwa byayo mu 2020 mu gihe cya Covi-19 nka kimwe mu bisubizo byafashaga mu gukomeza kubona serivisi nkenerwa umuntu atavuye aho ari. Ikorera mu Mujyi wa Kigali, uwa Musanze n’uwa Rubavu.

Imirimo yo kubaka iyi nzira iramara ibyumweru bitatu

Ubuyobozi bw’Umujyi wa Kigali bwatangaje ko mu byumweru bitatu biri imbere uyu muhanda wa kabiri uzaba na wo umaze gushyirwamo ‘tapis’ mu rwego rwo korohereza abakora siporo yo kwiruka bari basanzwe bifashisha inzira y’abanyamaguru.

Uyu muhanda wa Kimihurura wari ukunze gukoreshwa cyane n’abakora siporo yo kwiruka mu gihe cya mugitondo na nimugoroba. Unyura ku biro bya Minisitiri w’Intebe ugakomeza kuri Minisiteri y’Ingabo n’iy’Ububanyi n’Amahanga ukagera ku kigo cy’Igihugu gishinzwe Imisoro n’Amahoro.

Mu nkengero hazashyirwa intebe rusange zo kwicaraho

Iyi nzira ireshya n’ikilometero kimwe niyuzura izaba ibaye iya kabiri mu Mujyi wa Kigali, nyuma y’indi yubatse i Nyarutarama izenguruka ku kibuga cy’umukino wa Golf. Iyo nzira ifite uburebure bw’ibilometro bibiri na metero 400 ndetse n’ubugari bwa metero enye.

Yorohereza abakora siporo yo kugenda n’amaguru bahanyura, ndetse ubuyobozi buvuga ko kubaka izi nzira ari gahunda ngari Umujyi uzakomeza gushyira mu bikorwa mu rwego rwo korohereza abakora siporo no kuyikundisha abandi muri rusange.

Umuhanda wa Kimihurura urimo gutunganywa uje wiyongera ku wa Nyarutarama

Intare zaje ari eshanu, zimaze kurenga 100

Mu nyigo iyi pariki yakoze mu cyumweru cya mbere cya Kanama ya 2022 n’iy’uyu mwaka wa 2023, imibare y’ibanze igaragaza ko umubare w’inyamaswa muri Pariki y’Akagera wiyongereye ku kigero cya 127% uhereye mu 2010 ubwo hakorwaga indi nyigo yagaragaje ko harimo inyamaswa zitageze ku bihumbi bitanu (5000).

Inyamaswa zabaruwe mu duce tw’iyi pariki zose hamwe ni 11,338 harimo inzovu 142, imparage 1,153, ifumberi 782 n’imvubu 1,820 n’andi moko atandukanye. Babaze kandi ibisamagwe bitatu n’impyisi esheshatu ariko ubuyobozi bw’iyi pariki bukaba buvuga ko inyigo igikomeza kuko hagereranywa ko muri rusange harimo ingwe ebyiri hagati ya 60 na 80 ndetse n’impyisi ziri hagati ya 120 na 150.

Ubuyobozi bw’iyi pariki buvuga ko izi nyamaswa zikomeza kwiyongera by’umwihariko izagiye zongerwamo zikuwe hanze y’u Rwanda ku bufatanye n’inzego zitandukanye. Urugero ni indi nyigo yakozwe n’Umuryango wita ku kurengera udusumbashyamba igaragaza ko muri Pariki y’Akagera twiyongeye tukaba 110 tuvuye ku 100 twariho mu mwaka ushize wa 2022. Utu dusumbashyamba twiyongereye twakomotse ku twari twazanywe muri iyi pariki dukuwe muri Kenya mu 1986.

Gutera imbere kw’iyi pariki, binajyana no kuzamura imibereho y’abayituriye binyuze mu gutera inkunga imishinga ifasha abaturage kuzamuka. Abaturage bo mu turere dutatu dukikije Pariki y’Igihugu y’Akagera muri uyu mwaka w’ingengo y’imari hitezwe ko ku mafaranga yinjizwa n’ubukerugendo bw’iyi pariki bazahabwaho arenga miliyoni 900 z’Amafaranga y’u Rwanda mu rwego rwo gushyigikira imishinga yatoranyijwe ibateza imbere.

Kuva mu 2005, Pariki y’Igihugu y’Akagera imaze gutanga miliyoni 3,500 z’Amadolari ya Amerika, ni ukuvuga arenga miliyari enye z’Amanyarwanda mu gutera inkunga imishinga irenga 200 ikorerwa hafi yayo harimo ijyanye n’ibikorwa remezo, ubuvumvu, uburobyi, ubuhinzi n’ibindi.

Ifoto: Keyvan Amigh

Imparage ziri mu ziganje muri Pariki y’Akagera (Keyvan Amigh)

Habarizwamo n’inyoni z’amoko menshi (Ifoto: Keyvan Amigh)

Ifoto: Keyvan Amigh

Ifoto: Keyvan Amigh

Imbogo ziri mu nyamaswa ziboneka muri Pariki y’Akagera (Ifoto: Keyvan Amigh)

Udusumbashyamba na two tumaze kurenga 100 (Ifoto: Keyvan Amigh)

Ifoto: Keyvan Amigh

Iyi pariki igira uruhare mu guteza imbere abayituriye (Ifoto: Keyvan Amigh)

Radio Okapi dukesha iyi nkuru ibinyujije ku rubuga rwayo rwa X yanditse iti “Amakamyo ya WFP yari arimo ibiribwa by’abantu bavanywe mu byabo, yatwitswe mu gitondo cyo ku wa Kabiri n’insoresore zo mu mujyi wa Oicha muri ya Kivu ya ruguru”.

Yakomeje ivuga ko izi nsoresore zari zariye karungu, bitewe n’uko polisi yari ibabujije gutwara imirambo y’abaguye mu gitero cyagabwe ku basivili, n’umutwe witaje intwaro wa ADF ku wa mbere.

Amakamyo atatu y’ibiribwa hafi ya byose byari bigenewe aba baturage bavanywe mu byabo, yahiye arakongoka nk’uko amashusho yakwirakwiye ku mbunga nkoranyambaga abigaragaza.

Iki gitero izo nsoresore zagize urwitwazo rwo gutwika aya makamyo, ibiro ntaramakuru by’Abongereza, Reuters, byanditse ko cyagabwe mu ijoro ryo ku wa Mbere ku itariki ya 23 Ukwakira 2023, gihitana abasivili bagera kuri 26 bicishijwe imihoro. Muri abo bishwe harimo abana 12 bari munsi y’imyaka 18 n’abandi 14 bakuru.

Iki gitero bikekwa ko cyagabwe n’umutwe w’iterabwoba wa ADF, cyanakomerekeyemo abantu bane bajyanwa mu bitaro nk’uko Meya w’Umujyi wa Oicha, Nicolas Kikuku yabitangaje.

Umuvugizi w’igisirikare cyo muri ako gace, Antony Mwalushayi, yavuze ko icyo gitero cyagabwe ku baturage bo mu mujyi wa Oicha, bivugwa ko ari ukwihorera ku bitero igisirikare cya RDC giherutse kugaba kuri ADF.

Abagabye icyo gitero bakoze ubwo bwicanyi bakoresheje ibyuma aho kuba imbunda, kugira ngo urusaku rw’amasasu rutumvwa n’abasirikare ba Leta bakambitse hafi y’aho iri bara ryabereye.

Aka gace ka Beni kuva mu 2021 karushijeho kuba isibaniro ry’intambara, ishamikiye ku makimbirane amaze igihe mu burasirazuba bwa Congo. Muri Beni Leta ya Congo ivuga ko hakenewe imbaraga mu guhashya umutwe wa ADF wibasira abasivili, aho nibura abarenga ibihumbi 40 bamaze kuvanwa mu byabo abandi bakaba barishwe kuva mu 2021.

Uganda na Congo byatangije ibikorwa bya gisirikare mu myaka ibiri ishize, kugira ngo bigerageze kurandura burundu abarwanyi ba ADF, aho mu kwezi gushize, igisirikare cya Uganda cyatangaje ko nibura kimaze guhitana abarwanyi barenga 560 ndetse cyanasenye inkambi zabo.

Amacupa abanza kuyoza mbere yo kuyasubiza ku ruganda

Ni akazi akorera mu Kagari ka Rwabutenge kari mu Murenge wa Gahanga ari na ho atuye. Mu kiganiro yagiranye na Kigali Today, Niragire yasobanuye uburyo umurimo akora umaze kumuteza intambwe ifatika.

Mu buhamya bwe, avuga ko we n’uwo bashakanye bahoraga mu makimbirane adashira ashingiye ku bukene bukabije, ariko mu 2016 aza kunguka igitekerezo cyo kujya yoza amacupa y’ibirahure aba yatawe n’abayamazemo inzoga abenshi bita ‘ibyuma’ nyuma akayagurisha n’inganda zenga izo nzoga.

Ati: “Twahoraga mu makimbirane n’umugabo ntegereje ngo arazana ikilo cy’ubugari ntikiboneke. Rimwe ngiye ku muhanda mpura n’umusaza uri kunywa icyuma arampereza ngo ninsomeho. Narakiriye ariko ngira amatsiko y’aho ibyo bintu bikorerwa. Nimero ya telefone nasanzeho ni yo yabaye urufunguzo rwa’aka kazi”.

Akomeza avuga ko icyo gihe yakoraga akazi ko guhingira abantu bakamwishyura ariko akaba yarabonaga bene ayo macupa yuzuye aho babaga bahinga. Ibyo ni byo byaje kumuha igitekerezo cyo guhamagara za nimero zari ku icupa maze asaba ku ruganda rw’izo nzoga ko yajya abatoragurira amacupa akayatunganya bakayamugurira, baza kumwemerera.

Avuga ko yatangiye kubikorana n’umugabo we n’abana bayatoragura ariko ari ay’uruganda rumwe mu zenga izo nzoga mu Rwanda. Nyuma yaje kongeramo abakozi batatu bamufasha kuyatunganya ari na ko yemererwa n’izindi nganda kujya azigurisha amacupa yazo yatunganyije.

Yegeranya akanatunganya amacupa y’inganda zigera muri eshanu

Aya macupa ubu we ntakiyatoragura ahubwo akorana n’abantu batandukanye bayakusanya bakayazana akayabagurira kuri make, abakozi be bakayatunganya, na we yamara kugwira akavugana n’inganda zikaza kuyapakira ku giciro kiriho inyungu.

Ati: “Nkoresha abakozi umunani bahoraho bakorera umwe hagati ya 2500Rwf na 3000Rwf ku munsi bitewe n’uko yakoze”.

Akomeza asobanura ko icupa rimwe aryishyura hagati ya 15Rwf na 20Rwf kuritunganya bigatwara amafaranga 3.5Rwf hanyuma ku ruganda akaribagurisha 45Rwf cyangwa munsi yayo gato bitewe n’uko bumvikanye.

Mu myaka igera muri irindwi Niragire amaze muri aka kazi avuga ko kamufashije kuzahura umuryango we wari ufite amikoro make cyane, hakaboneka ibiwutunga, abana bakiga ndetse akabafasha no kubona igishoro ubu na bo bakaba bafite ibyo bakora.

Bamwe mu bakorera Niragire bavuga ko na bo biri kubateza imbere

Akomoza ku mafaranga akorera, yagize ati: “Mpamagara imodoka nkurikije amacupa mfite. Ku kwezi imari yabonekeye igihe ntabwo nakorera ari munsi ya 250,000Rwf cyangwa arenga nahembye abakozi nishyuye n’ibindi byose”.

Bamwe muri abo bakozi akoresha, ni abakobwa nibura umwe utunganya amacupa hagati ya 750 na 900 y’inganda zigera muri eshanu zitandukanye ku munsi. Bavuga ko akazi bakora kabafasha kubona ibyo bakeneye badategeye amaboko uwo ari we wese, ndetse bamwe banatangiye kuvanamo amikoro yo gukora imishinga yoroheje.

Nkundimana Antoni washakanye na Niragire yemeza ko gufatanya n’umugore we byateje imbere umuryango wabo bikanagarura ituze mu rugo.

Ati: “Abagabo bakwiye kugira icyo bakora n’abagore bakagira icyo bakora urugo rugatera imbere; iyo ruteye imbere ya makimbirane ntiyongera kuboneka”.

Nkundimana yemeza ko gufatanya mu rugo bigabanya amakimbirane

Niragire avuga ko afite intego yo gushaka igishoro kinini akagura umushinga we ndetse akaba yaranatangiye gukorana n’ibigo by’imari ngo bimufashe kuzamuka kurushaho.

Ashimira kandi ubuyobozi bwiza Igihugu gifite burangajwe imbere na Perezida Paul Kagame ku bw’umutekano usesuye no gusuzubiza abagore ijambo bakiteza imbere, agasaba na bagenzi be kubyaza umusaruro ayo mahirwe.

Niragire ashima ubuyobozi bwiza bw’Igihugu bwahaye abagore ijambo kandi bukabashyigikira mu bikorwa by’iterambere

Amacupa amaze gutunganywa arapakirwa akagurishwa ku nganda z’inzoga

Reba ibindi muri iyi video:

Korali Merry Melody Family igiye kumurikira alubumu

Ni igitaramo cyiswe ‘Sinzahwema Concert’ giteganyijwe kubera ku rusengero rw’Abandivantisiti rwa Kigali Bilingual, ruherereye i Remera mu Mujyi wa Kigali.

Kizaba ku itariki ya 18 Ugushyingo 2023 saa munani z’amanywa, kimurikirwemo alubumu ya 10 n’iya 11 ziri mu buryo bw’amajwi ndetse, n’iya gatanu itunganyijwe mu buryo bw’amajwi n’amashusho (DVD).

Mukunzi Schadrack ushinzwe kumenyekanisha Merry Melody, yabwiye Kigali Today ko nka Korali yashinzwe mu 1995, ikorera ubutumwa bwayo mu banyeshuri ba Kaminuza yazanye iki gitaramo i Kigali, mu rwego rwo kwagurira ubutumwa n’ahatari mu muryango mugari wa Kaminuza bigamo.

Nanone kandi avuga ko nka korali ifite indirimbo zirenga 100, bagamije gusabana n’abandi bagize uruhare muri uwo muririmo mu bihe bitandukanye, ariko amasomo yarangira bakaza i Kigali.

Yakomeje agira ati “Ntabwo tuzishyuza kuko ibi tubikorera gukwirakwiza ubutumwa hose. Si uko no mu kwishyuza butakwira hose, ariko tuba twabigize ubuntu kugira ngo abantu bose baze kwitabira, na wa wundi udafite amafaranga abashe gutahana ubutumwa bwiza”.

Yongeyeho ko izo alubumu zizamurikwa uko ari eshatu bazihaye amazina ashingiye ku ndirimbo ziriho, iya 10 ikaba yitwa ‘Muri Kumwe’, iya 11 yo ikitwa ‘Ishuri’ na ho DVD ya gatanu ikaba yitwa ‘Morodekayi’.

Mu yandi makorali azayifasha muri iki gitaramo harimo Victorious Melody na Send Us God. Zimwe mu ndirimbo za korali Merry Melody Family zakunzwe cyane harimo Ishuri ry’Imana, Mutima, Inshuti, Imana Ni Urukundo n’izindi zinyuranye.

Abahuguwe na BK Academy biyemeje gushyira umukiriya ku isonga

Ni ibyatangarijwe mu muhango ngarukamwaka wo gusoza ayo amahugurwa, wabaye ku mugoroba wo ku wa 19 Ukwakira 2023.

Abahuguwe bose hamwe ni 49 barimo abari abanyeshuri bagisoza amasomo atandukanye muri kaminuza zo mu Rwanda no hanze, ndetse n’abandi basanzwe ari abakozi b’iyi banki.

Abari basoje muri kaminuza bahawe ubumenyi ngiro bw’ibanze ku mikorere y’amabanki n’iya BK by’umwihariko, nka banki ya mbere ikomeye mu Gihugu. Bakoze n’ingendoshuri ahantu hatandundukanye mu rwego rwo kubigisaha guhuza serivisi z’imari n’ibindi by’ingenzi byuzuzanya na zo.

Abasanzwe ari abakozi bo bahuguwe mu bijyanye n’imiyoborere na serivisi zitandukanye zijyanye n’amabanki, no gukora mu buryo bujyanye n’igihe.

Bishimiye ko ibyo bize bizabafasha mu kazi kabo

Aba bo bavuga ko amahugurwa basoje yabongereye ubumenyi mu bijyanye n’imiyoborere mu byo gucunga imari n’amabanki bagiye kwifashisha mu kurushaho guteza imbere Banki ya Kigali bakorera.

Tuyiringire Jean Pierre usanzwe akorera BK ati “Ikintu twigiye muri aya mahugurwa gikomeye ni ugukorera hamwe, ku buryo niba tugiye gushyira hanze serivisi nshya, umukiriya agomba kuba ari ku isonga tugakora ibyo ashaka kurusha ibyo twe dushaka”.

Arakomeza ati “Abakiriya bazishimira serivisi zacu kurenza uko bazibonaga. Aya mahugurwa nk’abantu bari basanzwe bakora, aradufasha gukosora bimwe mu bibazo byari bihari”.

Mugenzi we Agnes Kagwisagye yagize ati “Twize ko gukora biba byiza iyo mukoze nk’itsinda, kuko mu itsinda habamo abantu baba bafite imbaraga nkeya n’abafite imbaraga nyinshi, iyo murimo gukorana bibasaba gukorera hamwe kugira ngo ibintu bigende neza”.

Dr Diane Karusisi, Umuyobozi Mukuru wa BK

Abari basanzwe ari abanyeshuri bo bavuga ko bungutse ubumenyi ngiro butandukanye batari barahawe mu ishuri, kandi bigaragara ko bukenewe ku isoko ry’umurimo. Ibyo bavuga ko bazabyifashisha mu gusakaza serivisi z’imari zibereye bose.

Sacrée Luminaire Umutoneshwa wanahembwe nk’uwahize abandi bose yagize ati “Nk’umuntu wize ibaruramari hari ibintu byinshi hano nasubiyemo, ariko hano mbyiga mu bumenyi ngiro bitari ku mpapuro gusa mbyumva kurushaho. Banki ya Kigali ni iya buri muntu wese ntabwo tureba abantu bamwe cyangwa ibigo binini gusa”.

Ibi binashimangirwa na Rubayiza Danny agira ati “Twagiye twiga ibintu bitandukanye ariko ugasanga twese dushaka guhindura imibereho y’Abanyarwnda, ari cyo cyatuzanye muri banki. Tugamije guhuriza hamwe tukubaka itsinda Banki ya Kigali ishaka, rijya guhindura uko ibintu byari bisanzwe bikorwa”.

Umuyobozi Mukuru wa BK, Dr Diane Karusisi, yashimiye cyane aba bahuguwe ku mwanya bamaze bahabwa amasomo, kandi ko Banki ayoboye ibitezeho byinshi bizayizamura kurushaho, ndetse bikubaka ejo habo heza. Yavuze kandi ko kuba barahuguwe bafite ubumenyi mu bintu binyuranye ari byiza, bikaba bizabagira abakozi beza ku isoko ry’umurimo muri rusange.

Abayobozi batandukanye bitabiriye icyo gikorwa

BK Academy ni ikigo gikorera ahari Ishami rya Banki ya Kigali riherereye mu cyanya cyahariwe inganda i Masoro, cyafunguwe umwaka ushize. Gitanga amahugurwa ku banyeshuri bagize amanota meza mu kiciro cya kabiri cya Kaminuza mu masomo yiganjemo atandukanye ndetse abitwaye neza bagahabwa akazi muri iyi banki.

Icyo kigo kinahugura abasanzwe ari abakozi ba BK, mu bijyanye no gucunga serivisi zitandukanye z’imari ndetse no kujyana n’imikorere igezweho.

Abasoje aya mahugurwa uyu mwaka ni abanyeshuri 24, kikaba ari icyiciro cya kabiri cyiswe Inganji, mu gihe abasanzwe ari abakozi bo ari 25 bakaba ari ikiciro cya kane. Nanone umwaka ushize hari hahuguwe abandi banyeshuri 25 mu cyiciro cya mbere cyiswe Isonga.

Sacrée Luminaire Umutoneshwa yahembwe nk’uwahize abandi muri ayo masomo

Bagaragaraje inyungu u Rwanda ruzakura mu kwakira Trace Awards

Ni ibihembo bigiye gutangirwa mu Rwanda ku nshuro ya mbere mu myaka 20 bimaze bitangwa ku bahanzi nyafurika. Bizatangwa ku itariki ya 21 Ukwakira 2023 muri BK Arena, ariko bizabanzirizwa n’iserukiramuco ry’iminsi ibiri ryo rizabera muri KCEV yahoze ari Camp Kigali.

Mu kiganiro n’itaganzamakuru cyabereye muri BK Arena kuri uyu wa 17 Ukwakira 2023, RDB yagaragaje ko uretse uruganda rw’imyidagaduro, kwakira iri tangwa ry’ibihembo bizafasha mu kumenyekanisha ubukerugendo bugana mu Rwanda, harimo n’ubushingiye ku kwakira inama n’ibindi birori.

Umuyobozi w’Ishami ry’Ubukerarugendo no Kubungabunga Pariki z’Igihugu muri RDB, Ariella Kageruka yagize ati “Kwakira iki gikorwa ni ikintu ntagereranywa kuri Afurika ariko no ku Rwanda, kandi turishimira ko baduhisemo ngo twakire iki gikorwa cy’ingirakamaro. Twe n’abafatanyabikorwa bose duhuje intego yo kugira u Rwanda ahantu heza ho kwakira inama n’ibindi birori, ibyo bikoroshya ubukerugendo n’ishoramari”.

Ariella Kageruka uyobora Ishami ry’Ubukerarugendo no Kubungabunga Pariki z’Igihugu muri RDB

Yakomeje ati “Ni yo mpamvu ubu u Rwanda rugamije kuba ahantu heza ho kubera inama n’ibindi birori, ubu Kigali iri ku mwanya wa kabiri muri Afurika, kandi ibyo ntabwo byikoze, twarabikoreye dushoramo imari. Uruganda rw’ubuhanzi rukorana bya hafi n’ubukerugendo. Ntabwo ubukerugendo bwakunda hatabayeho ibitaramo nk’ibi bizana abantu bavuye mu bihugu bitandukanye”.

Kageruka yongeyeho ko kwakira iki gikorwa bizaha urubuga abahanzi nyarwanda, bakagura ibikorwa byabo ndetse bikanashimangira gahunda u Rwanda rufite yo guhuza Abanyafurika batandukanye, mu kuganira ku iterambere ry’uyu mugabane.

Umuyobozi ushinzwe Itumanaho no gushaka amasoko muri RwandAir, Habba Adijah Kamwesiga yagize ati “Birumvikana turimo kubikoreramo amafaranga menshi, ariko imikoranire yacu n’abatanga ibi bihembo irenze kwinjiza amafaranga. Tugamije kuzamura izina rya RwandAir nka kompanyi y’ubwikorezi bwo mu kirere mu gihugu. Ibyo birenze kwinjiza amafaranga kuko bikomeza no mu gihe kizaza”.

Yakomeje ati “Nko muri Kamena twakoranye n’abatanga ibihembo bya Trace ubwo twatangizaga ingendo zerekeza i Paris. Icyo gihe twakoreye amafaranga menshi, ingendo zinjya i Paris ubu zihagaze neza. Turashimira Trace kuko ntibyari koroha kubigeraho tudafatanyije. Nk’ikompanyi y’ubwikorezi bwo mu kirere byadufashije kugira umwanya mwiza mu kujya mu bihugu bya Afurika n’i Burayi. Ibyo biratuzamura nka kompanyi ariko n’Igihugu muri rusange”.

Habba Adijah Kamwesiga

Olivier Laouchez uyobora Trace akanaba umwe mu bayishinze, yavuze ko ibi birori bimaze gutumirwamo abahanzi barenga 60 bazasusurutsa abazabyitabira. Bamwe mu bo bamaze kwemeranya harimo Abanyarwanda nka Bruce Melody, Chris Eazy na Bwiza. Hari n’abafite izina rikomeye muri Afurika nka Davido, Diamond Platnumz, Yemi Alade, Mr Eazi n’abandi benshi bakora umuziki nyafurika.

Abahanzi nyarwanda bari mu bahataniye ibi bihembo harimo Bruce Melodie, Bwiza, Chriss Eazy, Kenny Sol na Ariel Wayz.

Iri rushanwa, kimwe n’andi mpuzamahanga akomeye ntiritanga amafaranga ku batsindiye ibihembo gusa, abaritegura bavuga ko bazatanga agahimbazamusyi ku bazaryitabira bose.

Biteganyijwe ko ibi birori bizitabirwa n’ababarirwa hagati ya 7,000 na 10,000 barimo ibyamamare ku migabane itandukanye yose ku Isi. Ibi bihembo bitegurwa n’igitangazamakuru cya Trace cyibanda ku muziki Nyafurika, ari na wo abahatana muri ibi bihembo baba bakora.

Olivier Laouchez uyobora Trace akanaba n’umwe mu bayishinze

Uyu mwaka abahanzi bahatanyemo bakomoka mu bihugu birenga 30 byiganjemo iby’Afurika. Bibera mu bihugu bitandukanye ku Isi, iby’uyu mwaka bikaba bizabera i Kigali ariko binakurikiwe n’abantu Miliyoni 500 bo mu bihugu 190 mu buryo bw’iyakure biciye kuri Televiziyo za Trace.

Uyu mwaka bigiye kubera mu Rwanda binyuze mu bufatanye bwa Visit Rwanda ya RDB na Trace Group itegura ibi bihembo. Itike zo kwinjira muri ibi birori zigura amafaranga y’u Rwanda ibihumbi 20, 25 na 30 kuzageza saa kumi n’ebyiri z’umugoroba w’itariki ibihembo bizatangwaho.

Igishushanyo mbonera cy’iyo nyubako yari kuba irimo ibiro bikomatanyije

Uyu mushinga wari wamuritswe muri Nyakanga ya 2019 Ubuyobozi bw’Akarere ka Musanze buvuga ko mu mwaka wari gukurikiraho ibi biro byagombaga kuba byatangiye gukorerwamo.

Ku gishushanyo mbonera cyamuritswe yari inyubako nini yari kuba irimo ibiro by’inzego enye z’ibanze ndetse hakiyongeraho n’Icyicaro cy’Intara y’Amajyaruguru nk’uko ubuyobozi bw’iyi ntara bubivuga.

Mu kiganiro Guverineri w’Amajyaruguru, Mugabowagahunde Maurice yagiranye na Kigali Today yagize ati: “Kwari ukugira ngo tugire inyubako imwe yakoreramo intara, akarere, umurenge, ndetse hakabamo n’akagari n’umudugudu”.

Amakuru yatangwaga n’Akarere ka Musanze kamurika uwo mushinga mu 2019 agaragaza ko uwo umurenge wari kuhakorera ari uwa Muhoza n’ubundi usanzwe wubatsemo aho aka karere gakorera n’Ikicaro cy’Intara y’Amajyaruguru.

Akomoza ku cyatumye ibyo bidakorwa Guverineri Mugabowagahunde ati: “Umushinga warasuzumwe woherezwa mu nzego zo hejuru igishushanyo cyirakorwa, n’uko inyubako izubakwa byose birasuzumwa. Ariko kugeza ubu nturabonerwa amafaranga. Muri LODA twateganyaga kwaka amafaranga batubwiye ko bizatazashoboka kuko uyu mwaka nta yahari… Kugeza ubu ikibazo kiracyari mu ngengo y’imari”.

Aho karere ka Musanze gakorera ubu hari kuvugururwa by’agateganyo

Abajijwe icyateye uyu mushinga kumara icyo gihe cyose udakorwa kandi inyigo yari yararangiye, Guverineri Yavuze ko utashyira umushinga mu bikorwa nta mafaranga ufite. Gusa byumvikana ko umushinga wadindiye ahubwo ushingiye ku gihe umaze n’ibyo uyu muyobozi yasobanuye.

Ati: “Uyu mwaka twashakaga guhindura tugashyira ingufu cyane cyane mu tugari. Tugiye kubakira utugari tutari dufite ibiro; twakodeshaga aho dukorera n’utwari dushaje tudufashe kuvugurura... Ubwo umushinga nushoboka n’ubundi turacyabyigaho ubwo akagari kari kujyamo ko kazajyamo bizaterwa”.

Idindira ry’uyu mushinga rinagaragazwa no kuba akarere ka Musanze karemerewe n’Ubuyozi bw’Intara kuba kavugurura inyubako gakoreramo kuko iri mu zari zisigaye mu Majyaruguru zitakijyanye n’igihe tugezemo.

Abajijwe ku gihe uyu mushinga wazuzurira yagize ati: “Reka twe kuvuga amatariki tutaratangira umushinga. Reka tuwunoze tumenye tuti ese abari bawutekereje mbere ibyo bari batekereje biracyakwiye”. Yongeyeho kandi ko n’ingengo y’imari nshya watwara magingo aya itarakorwa dore ko mu gihe ubwo wamurikwaga mu 2019 wabarirwaga arenga miliyari eshatu z’Amafaranga y’u Rwanda.

Ubuyobozi bw’yi ntara buvuga ko uyu mushinga wari watekerejwe hagamijwe kwegereza umuturage serivisi bikamufasha kuzigama igihe n’amafarnga. Igitekerezo cyari cyashingiwe ku Ntara y’Iburasirazuba aho ibiro byayo bikorera hamwe n’iby’Akarere ka Rwamagana.

Aho ibiro by’Intara y’Amajyaruguru bikorera ubu ngubu

Guverineri akomeza avuga ko mu turere dutanu tugize Intara y’Amajyaruguru, udufite ibiro bigezweho ari aka Gicumbi na Gakenke.

Ibiro by’imirenge byo, Guverineri Mugabowagahunde avuga ko muri iyi ntara imyinshi ari ifite ibiro bigezweho ariko ko n’isigaye yasabwe kubyihutisha.

Ubusanzwe kubaka ibiro bishya ku nzego za Leta, biri mu bigize gahunda yo guha serivisi nziza abaturage bazihererwa mu nyubako zijyanye n’igihe kandi zihesha agaciro Umunyarwanda.

Ibiro by’Umurenge wa Muhoza biri mu byagombaga kwimukira muri iyo nyubako

Gusa, hari hamwe na hamwe mu gihugu abaturage basaba ko hajya hitabwa ku biro bishaje kurusha ibindi kuko biba bibatera ipfunwe bitewe n’uko byubatswe mu myaka ya kera kandi bisa nabi.

Kuri iyi nshuro ya karindwi yaburanaga ku kimenyetso gishya cy’amashusho agaragaza Titi arimo kubyinana n’uwo ashinjwa guhohotera.

Mbere yo kuburana kuri ayo mashusho ubushinjacyaha bwabanje kongeramo indi ngingo yo kuregera indishyi ku muryango w’uwo bivugwa ko yahohotewe ariko uruhande rw’uregwa rugaragaza ko ibyo ari ugutinza urubanza ahubwo bakomeza iburanisha ku mashusho yazanywe n’ubushinjacyaha nk’ikimenyetso gishya.

Mu iburanisha ry’uyu munsi umunyamategeko wunganira urega yasabye ko urubanza rwakomereza mu muhezo mu rwego rwo kurengera ubuzima bwite bw’umukiriya we.

Titi Brown yateye utwatsi iki cyifuzo cy’uruhande rw’urega, avuga ko urubanza rwabera mu ruhame bitewe n’uko kuva mu ntangiriro ari ko byari bimeze anongeraho ko abanyarwanda bafite uburenganzira bwo kumenya ibibera muri uru rubanza.

Nyuma yo kumva impande zombi, inteko iburanisha yemeje ko ubusabe bwo kuburanira mu muhezo nta shingiro bufite, gusa ivuga ko hari bukoreshwe impine z’amazina y’uwahohotewe.

Urubanza rwahise rutangira maze ubushinjacya bugaragaza ko ayo mashusho ashimangira ibyo Titi ashinjwa maze na we mu kwiregura avuga ko ayo mashusho atayemera kuko atazi igihe yafatiwe n’uwayafashe. Ndetse anongeraho ko nk’umubyinnyi yabyinanye n’abantu benshi kandi nta kigaragaza ko uwo amashusho yerekana babyina ari we barimo kuburana.

Ni urubanza kandi rwagarutse ku bizamini bya ADN byafashwe hapimwa inda yakuyemo bigahuzwa n’ibya Titi Brown ariko ibisubizo bikerekana ko Titi ntaho ahuriye n’iyo nda yakuwemo.

ibi ariko, Ubushinjacyaha bwabiteye utwatsi buvuga ko nta gereranya ryabayeho kuko ngo byafashwe mu buryo butari bwo ku buryo bitagaragaza neza niba Titi Brown ari we se w’umwana.

Ubushinjacyaha bwasabye ko raporo ya muganga itahabwa agaciro, ahubwo busaba Urukiko guha agaciro dosiye yatanzwe mbere bwongera gusabira Titi Brown igifungo cy’imyaka 25.

Gusa Titi n’umunyamategeko we bavugako ibizamini byafashwe na muganga byizewe cyane ndetse kandi bikaba byarafashwe na nyina w’umwana ahari.

Nyuma yo kumva impande zombi umucamanza yabwiye abari aho ko urubanza ruzasomwa ku itariki ya 10 Ugushyingo 2023

U Rwanda ruri gushyira mu bikorwa imikoreshereze y’ubutaka iboneye kandi ijyanye n’ubuso bwa kilometero kare 26, 338 Igihugu gifite. Ibyo bizatuma ubutaka bubasha gukoreshwa neza bifashe mu gusigasira itermbere rirambye ndetse no ku bisekuru bizaza.

Igishushanyo mbonera cy’imikoreshereze y’ubutaka ku rwego rw’Igihugu ni cyo nkingi ya mwamba kuri izo ngamba z’imikoreshereze inoze y’ubutaka.

Ni imikoreshereze y’ubutaka yateguwe neza mu gihugu hose ikubiyemo uburyo bwose ubutaka bugomba gukoreshwa kugeza mu Cyerekezo 2050. Yuzuzanya no gusigasira iterambere rirambye haba mu bukungu, imibereho myiza ndetse n’ibidukikije.

Gusa hagiye hari n’igishushanyo mbonera ku rwego rwa buri karere ku mikoreshereze y’ubutaka bwaho by’umwihariko. Kigabanyijemo ibice bibiri, icya mbere cyatangiye gushyirwa mu bikorwa mu 2020 kikazageza mu 2035 ikindi gihere aho kigeze mu 2050.

Imikoreshereze y’ubutaka mu karere ka Muhanga yatangiye gushyirwa mu bikorwa hitawe cyane ku miterere yumujyi ndetse no kuba uri mu yunganira Kigali.

Muhanga kuri ubu abayituye bari ku ijansha rya 25% ariko mu 2050 bakazaba bageze kuri 70% ndetse ikaba iri no mu itsinda ry’imijyi itatu y’ibanze yunganira Kigali nyuma na Nyamata na Rwamagana mu Ntara y’Iburasirazuba.

Umujyi wa Muhanga uri mu masangano y’imihanda iva mu byerekezo binyuranye. Hanyuzwa cyangwa hakazanwa ibicuruzwa biva mu Ntara y’Amajyepfo binyuze mu karere ka Huye ndetse n’ibinyuzwa ku mupaka w’u Rwanda n’u Burundi.

Umujyi wa Muhanga kandi uri ku masangano y’imihanda yerekeza mu Ntara y’Iburengerazuba mu turere twa Rusizi, Rubavu na Karongi duhana imbibi na Repubulika Iharanira Demokarasi ya Kongo ihahirana bikomeye n’u Rwanda mu karere.

Urebye ibikorwa nyamukuru by’ubukungu biteganyijwe muri aka karere n’utundi byegeranye, ubona igishushanyo mbonera cyarageneye Muhanga ibikorwa by’ubucuruzi n’ubucukuzi bw’amabuye y’agaciro. Aka karere kandi kabereye inganda ndetse n’ahantu heza ho gukorera inama n’ibindi birori.

Ruzindana Ernest ukuriye itsinda ry’abategura igishushanyo mbonera cya Muhanga avuga ko muri aka karere uduce dukungahaye cyane ku mutungo kamere harimo imisozi ya Ndiza, Kibangu, Mushishiro na Kabacuzi ndetse hakiyongeraho n’utundi turere tuyikikije.

Ati: “Uturere twa Ngororero, Rutsiro, Gakenke na Rulindo na two dukungahaye ku mabuye y’agaciro. Muhanga kuba iri hagati biyigira ahantu heza ho gutunganyiriza amabuye y’agaciro ku rwego rw’Igihugu.

Muhanga kandi ifite igice cyahariwe inganda kiri ku buso bwa hegitari 67. Kitezweho kuzunganira ibyanya by’ingada z’i Kigali ndetse harimo n’inganda zatangiye kuhakorera harimo n’urwa sima ruherutse gufungurwa.

Ni uruganda rwa Anjia Prefabricated Construction Rwanda Company Ltd rubarirwa mu gaciro ka miliyoni 100 z’amadolari rukora sima n’ibindi ibikoresho by’ubwubatsi. Hitezwe ko buri mwaka ruzajya rutanganya toni zisaga miliyoni imwe za sima.

Umuyobozi wa Muhanga One Stop Center, Nzabonimpa Onesphore yagize ati: “Uruganda rwa sima rwatangiye gukora kandi hazaza n’izindi nyinshi harimo urukora ibikoresho by’isuku, uruganda rushongesha amabuye y’agaciro, uruganda rukora imyenda ndetse n’urukora ibikoresho byo mu gikoni”.

Arakomeza ati: “Izi nganda zose zabonye ubutaka mu cyanya cyahariwe inganda. Minisiteri y’Ubucuruzi n’Inganda yatangiye kwimura abaturage kugira ngo ibone igice gisigaye ngo yuzuze hegitari 67”.

Mu bindi bizubakwa muri aka karere kandi hari Sitade ya Muhanga izajya ku buso bwa hegitari 10 irimo imyanya y’abantu bibihumbi 40 bicaye neza. Twibukiranye ko Sitade Amahoro igiye kuzura irimo imyanya y’abantu ibihumbi 45 bicaye neza. Iyi Sitade ya Muhanga izubakwa mu murenge wa Shyogwe, mu mudugudu wa Kigarama.

Iyi stade izubakwa ku bufatanye n’Ishyirahamwe ry’Umupira w’Amaguru mu Rwanda (FERWAFA) n’Impuzamashyirahamwe y’Umupira w’Amaguru Nyafurika (CAF) mu mushinga ifite wo kubaka sitade 10 ku mugabane wa Afurika.
Ubuyobozi buvuga ko kwimura abari batuye ahazakorerwa uwo mushinga byatwaye Amafaranga y’u Rwanda arenga miliyoni 800 kandi iyi sitade ikaba yitezweho kuzazamura isura nziza y’aka karere.

Na none hazubakwa hoteri igezweho y’inyenyeri eshanu izubakwa kuri hegitari 17 mu murenge wa Shyogwe. Ni umushinga uhuriweho n’Urwego rw’Igihugu rw’Iterambere (RDB) n’uturere dutatu twihujije dushinga ikompanyi yitwa RMK (Ruhango, Muhanga, Kamonyi) igizwe n’igice cyahoze ari Perefegitura ya Gitarama.

Muri uyu mushinga uruhare rwa Muhanga rwari ugutanga ikibanza, aho kwimura abari bahatuye byatwaye agera kuri miliyoni 350 z’Amafaranga y’u Rwanda. Kamonyi na Ruhango bo bakazatanga umusanzu ungana ariko Muhanga iracyashakisha abashoramari bazafasha mu gushyira mu bikorwa uwo mushinga.

Muhanga-cement-factory

Ku bijyanye n’amazu y’ubucuruzi, ubuyobozi buvuga ko bushishikariza abashoramari kubaka amazu yujuje ibisabwa ku rwego rw’Igihugu ijyanye no guteza imbere imijyi.

Muri gahunda y’imyaka itanu iri kugana ku musozo ijyanye n’ igenamigambi rinoze n’imicungire y’imijyi mu Mujyi wa Kigali no mu Mijyi itandatu iwunganira hagamijwe kwegereza abaturage serivisi n’imibereho myiza, Muhanga ivuga ko imaze gukoresha hafi miliyari 17Rwf. Muri aya mafarnga, Muhanga imaze kubakamo imihanda ya kaburimbo y’imindererano ifite ibirometero 21 hagamaijwe imibereho myiza y’abaturage no kureshya ishoramari.

Ese ibibanza muri Muhanga bihagaze bite?

Akarere ka Muhanga na ko kagenewe kubahriza gahunda y’imiturire Igihugu cyateganyije aho nibura mu 2050 abaturage bagera kuri 70% bazaba batuye mu mijyi naho 30% batuye mu bice by’icyaro. Iyi gahunda itandukanye cyane n’imibare yo mu 2019 aho abagera kuri 19% bonyine ari bo bari batuye mu mijyi naho 81% batuye mu bice by’icyaro.

Ibarura Rusange ryo mu 2022 rigaragaza ko abatuye Muhanga bari 414,883 bakazaba bageze ku 510,625 mu 2035 naho mu 2050 bakazaba bageze ku 550,000.

Aba bazaba batuye mu gice cy’umujyi cyiswe Remera Rurban Center mujyi wa ndetse no mu yindi midugudu igera ku 135.

Muri hegitari 3,904 zo guturamo mu bice by’icyaro, Umurenge wa Kabacuzi ni wo ufitemo imidugudu myinshi igera 18, Umurenge wa Rugendabari wo ifite igera kuri 17. Umurenge wa Rongi ufitemo imidugudu 15 indi isigaye ikagabanwa n’indi mirenge igize aka karere.

Mu rwego rwo gufasha abaturage kugira uruhare mu bibakorerwa, Akarere ka Muhanga gahuriza hamwe abatuye mu mujyi, kugira ngo bafatanye gutegura igenamigambi ry’imiturire, rigamije guca burundu gutura mu kajagari.

Nzabonimpa Onesphore ati: “Abaturage bariyegeranya bakishyura ubakorera inyigo; hanyuma umutekinisiye akabereka ahantu hagenewe imihanda n’ibindi bikorwa rusange akanabereka ahakaswe ibibanza”.

Ni muri urwo rwego ibyo byamaze gukorwa mu midugudu ya Karama na Musezero yo mu murenge wa Shyogwe ndetse hakaba hatahiwe uwa Nyarusiza n’uwa Nyarutovu yo mu murenge wa Nyamabuye ubu igeze ku kiciro cyo kwemezwa.

Ibi biheri byatangiye kwiyongera bikabije muri Nyakanga uyu mwaka, cyane cyane ahahurira abantu benshi nko muri za gare, muri za gariyamoshi, ahabera ibirori n’ahandi.

Ku mbuga nkoranyambaga Abafaransa batandukanye n’abasura iki gihugu, bagiye bashyiraho amafoto bariwe n’ibiheri ndetse hari na bamwe mu bagiye mu kiruhuko cy’uburwayi, bitewe n’utwo dukoko.

Ubusanzwe ibiheri ni udukoko dutoya twagereranya n’ikirondwe, dukunda kwihisha mu biryamirwa tukarumana mu gihe cya nijoro tunyunyuza amaraso.

Hari abahuza kwibasirwa n’ibiheri n’isuku nke, ariko inzego inzego z’ubuzima mu Bufaransa zirabihakana. Ikigo gishinzwe ibiribwa, ibidukikije n’umutekano ku kazi mu Bufaransa (ANSES), kivuga ko iki kibazo ntaho gihuriye n’isuku nke. Ni mu gihe raporo zigaragaza ko hagati y’imyaka ya 2017 na 2022, nibura urugo rumwe mu icumi mu Bufaransa rwibasiwe n’ibiheri.

Iki kibazo cyatumye ubwo Abadepite bari mu Nteko mu cyumweru gishize, uwitwa Mathilde Panot abwira Minisitri w’Intebe Elisabeth Borne ati “Ese tugomba gutegereza ko n’ibiro byanyu byibasirwa kugira ngo mugire icyo muvuga?” Icyo gihe Minisitiri w’Intebe yamubwiye ko Guverinoma ayoboye yiteguye gukora ibishoboka byose ngo ihangane n’iki kibazo.

Ku wa gatanu w’icyumweru gishize Minisitiri w’Uburezi, Gabriel Attal, yavugiye kuri Televiziyo y’u Bufaransa ko hamaze gufungwa ibigo by’amashuri byibasiwe cyane.

Yazize ati: Mu bice bitandukanye by’igihugu hari ikibazo cy’imperi. Ntekereza nk’ibigo 17, ariko ubu ibigera kuri birindwi byafunzwe kubera iyo mpamvu”.

Guverinoma y’u Bufaransa imaze gukora inama zitandukanye kuri iki kibazo, mu rwego rwo gusuzuma umubare w’abarwayi barumwe n’imperi mu gihe u Bufaransa buri kwakira igikombe cy’Isi cya Rugby, ndetse no kureba niba bukomeza kwitegura imikino Olempike izabera i Paris mu 2024 hari mu hibasiwe cyane.

Umuyobozi wungirije w’Umujyi wa Paris, Emmanuel Gregoire, yagize ati “Leta ikeneye gushyira mu byihutirwa gahunda y’ibikorwa yo kurwanya iki kibazo, mu gihe u Bufaransa buri kwitegura kwakira imikino Olempike na Paralempike mu 2024”.

Mu mpera z’icyumweru gishize, Rwanda FDA yahagaritse ku isoko ry’u Rwanda ibinini itagaragaje amazina yabyo n’andi makuru y’ibanze abyerekeyeho, byakoreshwaga mu kuboneza urubyaro.

Mu kiganiro na Kigali Today, ubuyobozi bw’iki kigo bwavuze ko impamvu hatatanzwe andi makuru y’ibanze ari kuri ibi binini, ari uko bakiyakusanya kuko byinjiye mu gihugu mu buryo butemewe ndetse n’amakuru yanditseho akaba atari mu rurimi rwemewe.

Umuyobozi w’Agashami gashinzwe gukurikirana ubuziranenge bw’ibiribwa n’imiti iri ku isoko muri Rwanda FDA, Ntirenganya Lazarre yagize ati “Twaburiraga abantu ko hari imiti iri gukoreshwa mu buryo butemewe yaninjiye ku isoko ry’u Rwanda. Ubusanzwe iyo twakuye umuti ku isoko turavuga tuti ni umuti uyu n’uyu wakozwe n’uru ruganda, ufite nomero iwuranga iyi n’iyi… Ibyo rero ntibyagaragaye mu itangazo kuko uririmi ruri kuri iyo miti ntibyoroshye kurusoma, ndetse ntiruri mu ndimi zemewe zikoreshwa mu Rwanda”.

Yavuze ko ibi binini byahagaritswe byafashweho impagararizi zikaba ziri gupimirwa muri Laboratwari za Rwanda FDA, ngo hamenyekane amakuru ahagije kuri byo. Iki kigo kivuga ko ibi binini bitigeze bihabwa ibyangombwa ngo binyuzwe mu nzira zemewe zo gucuruza imiti mu Rwanda.

Ibyo byatumye ubwo bamenyaga amakuru barabifashe nka magendu, bahita babihagarika kugira ngo barinde ubuzima bw’ababikoreshaga bataza ko bitemewe.

Asobanura ku byo benshi bakunze kwitiranya ku kuboneza urubyaro no gukuramo inda, Ntrirenganya yagize ati: “Imiti yo kuboneza urubyaro irimo amoko atandukanye, kandi na byo bigenwa na muganga ushingira ku buzima bw’umuntu akavuga ati uburyo bumubereye bwo kuboneza urubayro ni ubu. Hari itangwa mu buryo bw’inshinge, ubw’agapira hari n’ubw’ibinini. Hari n’ibinini bigurwa muri farumasi ngo birinde abantu gusama nk’igihe bakoze imibonano mpuzabitsina idakingiye bakeka ko baba basamye”.

Rwanda FDA isaba abantu gukoresha gusa imiti bandikiwe n’abaganga cyangwa iyaguzwe muri farumasi zemewe, kuko itujuje ubuziranenge akenshi usanga ari yo iboneka ahatemewe.

Ibi binini byakuwe ku isoko, nyuma yo gukorerwa isuzuma hazatangazwa amakuru ajyanye na byo, ndetse n’ingaruka ku buzima bw’abantu bashobora kuba babikoreshaga.

Itegeko riteganya ibyaha n’ibihano mu Rwanda ryo mu 2018, no mu iteka rya Minisitiri w’Ubuzima ryo mu 2019, rivuga ko gukuramo inda bitemewe, gusa harimo ingingo iteganya impamvu zemewe n’amategeko umuganga ashobora gushingiraho akuriramo umuntu inda.

Gusa ibi bitandukanye n’ibinini birinda gusama kuko byo byemewe ndetse binakoreshwa bitarenze amasaha 72, umuntu ukeka ko yasamye akoze imibonano idakingiye.

Mu kiganiro kigufi Ignatius Kabagambe uvugira iyi kaminuza yagiranye na Kigali Today, yavuze ko iyi graduation yari iteganyijwe ku itariki ya 20 Ukwakira yimuriwe ku itariki ya 17 Ugushyingo 2023 ku mpamvu ziremereye ariko badashobora gutangaza.

Yagize ati:” Hari impamvu zikomeye zatumye tuyimura ariko tutiteguye gutangariza abantu. Ntabwo rero twajyaga kuzirengaho kuko byose birashoboka guhindura itariki kandi impinduka ziri mu nyungu z’igihugu, ni n’inyungu z’abanyeshyli… Turabasaba kubyihanganira“.

Abajijwe ku kuba gutinda gukora graduation bitinza abakeneye impamyabumenyi yagize ati:” Iyo haje impamvu zikomeye ibyo by’iminsi ihinduka n’ubwo na byo tuba tutabyirengagije biba bibaye impamvu ntoya. Na twe nka kaminuza hari imyiteguro twari turimo ariko twihanganira izo mpinduka “.

Yongeyeho ko mu gihe graduation itaraba iyi kaminuza ifasha abanyeshuri bayo kubona ibyangombwa bifashisha ku isoko ry’umurimo.

Gusa ibyo bifite imbogamizi zo kuba hari ahaba hakenewe gusa impamyabushobozi ariko yavuze ko ibyo bitashoboka ko bazibona gradution itaraba.
Ibi byatumye tumubaza impamvu itangwa ry’impamyabushobozi muri UR rifata igihe kirekire nyuma y’amasomo avuga ko igihe baba bafite nk’ubuyobozi kiba gito bakongeraho andi mezi atari agenwe.

Ati:” Hagati yo kwiga no gukora graduation hari ibintu byinshi harimo gokosora ibizamini, kureba abazakora graduation no gukorana n’izindi nzego. Inzira bicamo zose rero ntibikunda ko bimara amezi abiri bijya bifata nk’amezi atatu cyangwa ane “.

Iyi graduation yimuwe, ku itariki 12 Nzeri ni bwo abanyeshuri bari bamenyeshejwe ko bazayikora ku itariki 20 Ukwakira. Icyo gihe ubusabe bwari bumaze igihe ari bwinshi ku rubuga rwa X ngo babwirwe iyo tariki kuko bavugaga ko bamaze igihe bategereje.

Ubwo butumwa bwimura iyi graduation bwajyaga hanze bamwe babutanzeho ibitekerezo basabaga ko bishobotse bahabwa impamyabushobozi zabo kuko bakeneye kuzikoresha.

Gusa ubuyobozi n’ubundi bwasobanuye ko n’ibyo bidashoboka mbere y’itariki gahunda yimuriweho, cyakora ngo ababyifuza babaha inyandiko igaragaza ko bari ku rutonde rw’abazagraduatinga.

Minisitiri Dr Emmanuel Ugirashebuja (hagati), ubwo bafunguraga icyo kigo

Iki kigo cyatashywe ku ya 6 Ukwakira 2023, cyiswe ‘Regional Cybercrimes Investigation Center of Excellency’. Cyafunguwe ku mugaragaro na Minisitiri Ugirashebuja, gishamikiye kuri Polisi y’u Rwanda, kikazarera ku Kacyiru mu Mujyi wa Kigali ahasanzwe hari Icyicaro gikuru cya Polisi.

Umuhango wo kugitaha ku mugaragaro wari witabiriwe n’abayobozi b’inzego nkuru z’umutekano ku rwego rw’Igihugu, harimo Minisitiri w’Ubutabera, Minisitiri w’Umutekano w’Imbere mu Gihugu, Gasana Alfred, Umuyobozi wa Polisi, IGP Félix Namuhoranye.

Hari kandi Ambasaderi w’u Buyapani mu Rwanda, Isao Fukushima, Umunyamabanga Mukuru wa Polisi Mpuzamahanga (Interpol), Jürgen Stock n’abandi.

Minisitiri w’Ubutabera yavuze ko kuba u Rwanda ruhagaze neza mu kurwanya ibyaha bikorerwa mu ikoranabuhanga, ndetse ko kuba icyicaro cy’iki kigo, bisobanuye ko rugiye gukomereza kubihashya ku rwego rw’Akarere ruherereyemo.

Minisitiri Ugirashebuja yavuze ko u Rwanda rugiye gukomereza guhashya ibyaha by’ikoranabuhanga

Yagize ati “Kuba iki kigo gishyizwe mu Rwanda bigaragaza ko Igihugu cyacu cyashyize imbere kurwanya ibi byaha bigendanye n’ikoranabuhanga. Byagiye biganirwaho kuva mu 2014 bahitamo ko u Rwanda ari rwo ruzagira iki kigo cy’icyitegererezo. U Rwanda ruhagaze neza mu guhashya ibi byaha. Kimwe mu bibigaragaza ni uko bareba aho uhagaze nk’Igihugu, basanga ari neza bakumva ko nk’Igihugu hari umumaro wagirira abandi mu Karere, bagahitamo gushyiramo ikigo nk’iki cy’icyitegererezo”.

Umunyamabanga Mukuru wa Polisi Mpuzamahanga ku Isi (Interpol), Jürgen Stock, we yavuze ko ibyaha bikorewe mu ikoranabuhanga ari kimwe mu bikomeye Isi ihanganye na byo uyu munsi, bikeneye ubufatanye mu kubihashya, ndetse ashimira u Rwanda kuba rwaharaniye kuba ikicaro cyo kurwanya ibi byaha mu Karere.

Ati “Ibyaha bikorewe mu ikoranabuhanga ni kimwe mu mbogamizi zikomeye Isi, twabibonye by’umwihariko mu gihe cy’icyorezo. Birasaba ubufatanye bukomeye ku rwego rw’igihugu mu nzego za Leta n’iz’abikorera, ku rwego rw’Akarere ndetse no ku rwego rw’Isi. Ndashimira u Rwanda, urwego rwa Polisi mu Karere ndetse na Polisi Mpuzamahaga, ku bw’iyi ntambwe ikomeye yo gufungura iki kigo.”

Ni ikigo cyitezweho guhashya ibyaha by’ikoranabuhanga

Iki kigo kigizwe n’ibice bitatu by’ingenzi, hari ikizibanda ku guhuza ibikorwa by’umutekano w’ikoranabuhanga, gusesengura amakuru ajyanye n’ibyaha by’ikoranabuhanga ndetse no guhanahana amakuru abyerekeye.

Harimo kandi igice cya Laboratwari izajya yifashishwa mu kugenzura no gucukumbura ibyaha by’ikoranabuhanga, ndetse n’icy’ahazatangirwa amahugurwa ku bashinzwe kurwanya ibi byaha mu karere, mu rwego rwo kubaka ubushobozi. Mu muhango wo kugitaha kandi hanatewe ibiti mu rwego rwo kwita no kurengera ibidukukikije.

Iki kigo cyubatswe ku bufatanye bwa Leta y’u Rwanda, Ambasade y’u Buyapani mu Rwanda, Urwego rwa za Polisi mu muryango wa Afurika y’Iburasirazuba (EAPCCO), Interpol n’abandi bafatanyabikorwa batandukanye.

Mu mwaka w’ingengo y’imari ushize, Urwego rw’Ubugenzacyaha mu Rwanda rwakiriye ibirego 711 bijyanye n’ibyaha bikorerwa kuri murandasi, byari bikurikiranywe ku bantu 930. Ibyo byaha bikaba byabarirwaga mu mafaranga y’u Rwanda 810,830,245, Amayero ibihumbi 27 na 900 ndetse n’Amadorali 370,741.

Josh Ishimwe

Uyu muhanzi uherutse kumurika Album ye ya mbere iririmbye mu njyana gakondo, aganira na Kigali Today yavuze ko yishimira kuba abakunzi b’umuziki we babarizwa mu matorero atandukanye, kuko umurimo w’Imana utagira umupaka.

Yavuze ko kuba akora umuziki asubiramo indirimbo z’abandi abifa nk’umwihariko mu miririmbire ye, kandi bikaba bituma ibihangano asubiyemo koko bikundirwa kuba byihariye.

Ati “Buri muntu wese agira uko atwaramo ibintu bye, ntabwo uburyo buzahora ari bumwe ngo umuntu kuko abaye umuhanzi azane indirimbo nshya runaka. Ni nk’uko mu kwigisha Ijambo ry’Imana umuntu ashobora kuzana ikibwirizwa gisa n’icyo undi yigishije, ariko akacyigisha mu buryo bwe”.

Yakomeje ati “Si ugusubiramo gusa ahubwo hari igihe indirimbo zongera zikabera nshya abantu bazumvishe. Umuntu akumva ni bwo yakiriye gukira kuri iyo ndirimbo. Nshobora kuririmba inshyashya nanditse ikaba itakora umurimo nk’uwo izi zisanzwe zikora. Ntabwo nabireka kuko ni umuhamagaro”.

Gusa uyu muhanzi yongeyeho ko nubwo magingo aya yashyize hanze gusa indirimbo yasubiyemo mu buryo bwa gakondo, ariko ateganya no kuzakora ize ku giti cye mu gihe kizaza.

Yongeyeho ko ubu yari asanzwe amenyerewe mu ndirimbo za Kiliziya n’iz’abarokore, ariko akaba ubu yaratangiye no gusubiramo iz’Abadivantisiti b’Umunsi wa Karindwi, ahereye ku yitwa Ntacyo Ngushinja.

Josh Ishimwe yanakomoje ku by’aho akura gukora umuziki atitaye cyane ku madini.

Ati “Itorero nakuriyemo nanabatirijwemo ni ADEPR, ni na ho natangirije umurimo wo kuririmba muri korali kandi n’ubu ni ho nkiri. Gusa nize i Kibeho ku butaka butagatifu rero twaririmbaga indirimbo za Kiliziya buri gitondo mu misa. Ikindi kandi mu muryango wa papa ni Abagatolika, njye na mama tukaba abarokore”.

Uyu muhanzi ubu ari kwitegura kuzaririmba mu gitaramo cya Chorale Christus Regnat, cyiswe i Bweranganzo gitegenyijwe ku itariki 19 Ugushyingo 2023, ndetse aheruka no kwitabira ikindi cy’abarokore cyakusanyirijwemo inkunga yo gufasha abanyeshuri.

Yinjiye mu muziki wo guhimbaza Imana mu 2020 ubu akaba amaze gukora albumu imwe, yamuritse muri Kanama uyu mwaka. Gusa amaze kugwiza igikundiro mu muziki uhimbaza Imana mu Rwanda no mu Burundi.

Ni ibihembo byiswe ‘Rwanda Disability Inclusion Awards’ iki kigo kikaba gisobanura ko ikiciro cy’abafite ubumuga hamwe gikunda guhezwa muri ghunda ziteza imbere abantu ariko ko hari bamwe barenze iyo myumvire bakemera gukorana n’abafite ubumuga cyangwa se ababafasha mu buryo bunyuranye bwo kwisanga mu gukora nk’abandi bose.

Nathan Offo Ntaganzwa uyobora 1000 Hills Events yavuze ko bagize icyo gitekerezo bagamije ko abafite ubumuga biyumvamo ukudahezwa mu muryango mugari nk’uko inyito y’ibi bihembo ibivuga.

Nathan Offo Ntaganzwa (ufite indangururamajwi) yasobanuye iby’icyo gikorwa

Yakomeje ati: “Intego nyamkukuru ni ukugira ngo dushishikarize abikorera ko badakwiriye guheza abafite ubumuga. Leta ifite ibyo ikora ariko na twe nk’abikorera hari ibyo twakora ngo tuyishyigikire. Tuzahemba n’ibigo bifasha Leta muri gahunda yo kudaheza abafite ubumuga kugira ngo n’bandi babonereho. Bifite inyungu nyinshi harimo no gufasha abafite ubumuga kwitinyuka bagahanga akazi mu gihe bashyigikiwe kandi sosiyete nziza ni izamukiye rimwe”.

Twagirimana Eugène ushinzwe ubuvugizi n’ubushakashatsi mu Ihuriro ry’Imiryango y’Abafite Ubumuga mu Rwanda (NUDOR) avuga ko ibi bihembo ari igikorwa cyiza gishimangira ihame ryo kutagira usigazwa inyuma kuko afite ubumuga. Avuga ko kandi bizafasha umuryago mugari by’umwihariko abikorera kumva ko ubumuga budakuraho ubushobozi ubufite afite kandi ko ari uburengnzira bwabo guhabwa amahirwe nk’ay’abandi bose mu kazi.

Abanyamakuru n’abandi bahagarariye inzego zitandukanye basobanuriwe ibyerekeranye no gushimira abateje imbere abafite ubumuga

Akomoza ku mpamvu ikigo 1000 Hills Events cyateguye iki gikorwa, yavuze ko ari uguha agaciro abantu bazirikanye gukorana n’abafite ubumuga aho gushyira imbere inyungu ziheza uruhande rumwe. Bivuze ko icya mbere kizaba kigamijwe ari ugushimira abo bantu ku bw’iyo ntambwe bamaze gutera.

Iki gikorwa kinakubiyemo ubukangurambaga giteganyijwe gusozwa ku itariki ya 1 Ukuboza 2023 gisozanywe n’icyumweru cyahariwe abafite ubumuga kizaba cyatangiye kuri 27 Ugushyungo kirimo ibikorwa bitandukanye bishimangira umunsi ngarukamwaka mpuzamahanga w’abantu bafite ubumuga uzizihizwa ku itariki ya 3 Ukuboza 2023.

Clare Akamanzi aherutse gukurwa ku buyobozi bwa RDB

Mu ntangiriro za Gashyantare 2017 nibwo Clare Akamanzi yatangiye inshingano zo kuyobora RDB asimbuye Francis Gatare bagiye kongera gusimburana n’ubundi kuri uyu mwanya. Ni ukuvuga ko yari amaze imyaka itandatu n’amezi atandatu ayobora uru rwego.

Nk’urwego rushinzwe Iterambere mu Rwanda rufatanya n’inzego zindi mu mishinga izamura Igihugu, kongeraho no kuba uruyobora yarongewe mu bagize Guverinoma kuva mu 2013. Reka turebere hamwe bimwe mu byakozwe bigateza imbere Igihugu ndetse n’ibyanenzwe ubwo Akamanzi yari ayoboye RDB.

Clare Akamanzi muri RDB yahakoze igihe kirekire mbere y’uko abera uru rwego Umuyobozi Mukuru. Yabanje kuba Umuyobozi Mukuru Wungirije ushinzwe ibikorwa by’Ubucuruzi na Serivisi uru rwego rugitangira mu 2008.

Nyuma nabwo yaje kuba Umuyobozi ushinzwe Ibikorwa ndetse mu 2012 aza no kuba Umuyobozi Mukuru w’Agateganyo w’uru rwego ubwo John Gala wari usanganywe izo nshingano icyo gihe yari yimuriwe muri Komisiyo ishinzwe kuvugurara amategeko.

Mu 2017 Akamanzi yagarutse muri RDB nk’Umuyobozi Mukuru avuye ku kuba Umuyobozi w’Ishami rishinzwe Ingamba na Politiki mu Biro by’Umukuru w’Igihugu, Village Urugwiro. Dore bimwe mu byakozwe mu gihe yari amaze muri RDB.

Gahunda ya Visit Rwanda

Ni Gahunda yatangijwe na Leta y’u Rwanda muri Gicurasi 2018, aho ku ikubitiro Urwego rw’Igihugu rw’Iterambere rwasinyanye amasezerano yo kwamamaza ubukerugendo mu Rwanda binyuze mu Ikipe y’Umupira w’Amaguru yo mu Bwongereza, Arsenal ndetse na Paris Saint-Germain (PSG) yo mu Bufaransa.

Iyi gahunda yatangiye bamwe batumva neza umusaruro izazanira Abaturarwanda, ariko RDB ivuga ko gahunda ya Visit Rwanda yatumye ba mukerarugendo baza mu gihugu biyongeraho 56% mu myaka itanu ishize. Bamwe mu bakora mu rwego rw’ubukerarugendo na bo bashimangira ko gahunda ya Visit Rwanda yatumye inyungu babona ziyongera.

RDB itangaza ko mu 2018 honyine gahunda ya Visit Rwanda yatumye abarenga ibihumbi 140 babona akazi mu bikorwa by’ubukerarugendo bavuye ku bihumbi 90 mu mwaka wari wabanje iyi gahunda itaratangira.

Mu gice cya kabiri cy’iyi gahunda, muri Kanama uyu mwaka, RDB yasinyanye n’indi Kipe y’Umupira w’Amaguru yo mu Budage, Bayern Münich, amasezerano y’imyaka itanu n’u Rwanda agamije guteza imbere umupira w’amaguru n’ubukerarugendo binyuze mu kwamamaza gahunda ya Visit Rwanda.

Bimwe mu bikubiye muri aya masezerano harimo gufatanya na Minisiteri ya Siporo y’u Rwanda gushyiraho ishuri ry’umupira w’amaguru mu rwego rwo guteza imbere umupira w’amaguru uhereye mu bakiri bato nk’uko bimeze ku ikipe ya PSG ifite iryo shuri i Huye.

Bamwe mu banyamahanga bagenderera u Rwanda bagaragaza iyi gahunda nk’iyatumye barushaho kumenya Igihugu kugeza aho bamwe bagize n’igitekerezo cyo kuba bashora imari mu Rwanda.

Iterambere ry’ubukerarugendo

Nubwo hari Ikigo gishinzwe by’umwihariko ubukerarugendo bushingiye ku nama, Urwego RDB na rwo rwashyize ingufu mu bikorwa bigamije gukurura ba mukerarugendo nka Visit Rwanda twavuzeho, ariko hari n’ibyakozwe imbere mu gihugu.
Haguzwe inyamaswa nk’intare n’inkura mu rwego rwo kuzongera muri Pariki y’Akagera. Ni gahunda yatangiye mu 2010 igamije kugarura inyamaswa zari zarazimye, hakaba harimo intare n’inkura harimo izaje mu 2015, mu 2017 no mu 2019. Kuva izo nyamaswa zagarurwa muri pariki y’Akagera, byazamuye umubare wa ba mukerarugendo, ku buryo mbere ya Covid-19 pariki yinjizaga miliyoni ebyiri z’Amadolari ku mwaka, ayo agafasha pariki n’abaturage bayituriye.

Hari kandi umushinga watangiye wo kongera 20% by’ubuso kuri Pariki y’Igihugu y’Ibirunga ndetse no kongera ingano y’amafaranga agenerwa ibikorwa biteza imbere abaturiye za pariki.

Ntitwakwibagirwa kandi ko ku bufatanye bwa RBD na Pariki y’Akagera kuva muri Mutarama umwaka ushize, Ikigo Royal Balloon Rwanda cyatangiye gutanga serivisi zidasanzwe, aho gitembereza ba mukerarugendo muri Pariki y’Akagera, bigakorwa hifashishijwe umutaka munini uzwi nka ‘Hot Air Balloon’ ugenda mu kirere aho kuba imodoka ndetse n’ibindi binyuranye byakozwe mu bukerarugendo.

Raporo y’uru rwego ivuga ko mu mwaka wa 2022 ubukerarugendo bwinjirije u Rwanda miliyoni 445$ avuye kuri miliyoni 164$ yinjiye mu 2021, ni ukuvuga ko yiyongereye ku gipimo cya 171%. Mu gihe mu mezi atandatu ya mbere y’uyu mwaka ho bumaze kwinjiza agera kuri miliyoni 247$

Amasezerano y’imikoranire na BAL

Muri Gicurasi 2021 nibwo Urwego rw’Igihugu rw’Iterambere rwasinyanye amasezerano ya mbere y’ubufatanye y’imyaka itatu n’irushanwa rya Basketball Africa League (BAL) riterwa inkunga na NBA, binyuze muri gahunda ya Visit Rwanda, hagamijwe guteza imbere Siporo n’ubukerarugendo buyishingiyeho. Iyo mikino itangiye yasusurukije Kigali ndetse ininjiza amafaranga mu myaka ibiri yakurikiyeho ndetse bituma na none muri Kamena uyu mwaka RDB na BAL bongera amasezerano y’ubufatanye kugeza mu mwaka wa 2028.

Aya masezerano y’imyaka itanu yongerewe yemerera u Rwanda kwakira imikino yo gushaka itike y’imikino ya nyuma muri 2025 na 2027 no kwakira imikino ya nyuma ya 2024, 2026 na 2028.

Muri aya masezerano kandi, u Rwanda rwemerewe kwakira ibindi bikorwa bitegurwa na BAL. Icyo gihe, Clare Akamanzi yavuze ko imyaka ibiri yabanje u Rwanda rwakira imikino ya nyuma ya BAL Igihugu cyungutse arenga miliyoni 9 z’amadolari ya Amerika.

Amasezerano y’ubufatanye n’Ishyirahamwe ry’Imikino y’Abakanyujijeho ku Isi

Urwego rw’Igihugu rw’Iterambere binyuze muri gahunda ya Visit Rwanda, ku itariki ya 20 Werurwe 2023, rwasinyanye amasezerano n’Ishyirahamwe ry’Imikino y’Abakanyujijeho ku Isi, azatuma u Rwanda rwakira amarushanwa atatu y’abakanyujijeho ku Isi muri Ruhago.Urwego rwa RDB rwatangaje ko iyi mikino izatangira mu 2024 izatuma u Rwanda ruba hamwe mu hantu harimo kwitabirwa kurusha ahandi ku Isi, mu gukorerwamo ubukerarugendo bushingiye ku mikino.

Nubwo bimeze bityo ariko bimwe mu bitaranogejwe mu gihe Akamanzi yayoboraga RDB harimo imitangire ya serivisi mu mahoteli aho hagiye hagaragara ingero nyinshi ndetse na Perezida ntahweme kunenga ayo mahoteli, asaba ababishinzwe kubyitaho kuva mu myaka myinshi ishize.

Muri izo ngero harimo n’uruheruka rwa hoteli yagaburiye urubyiruko amafunguro akarugiraho ingaruka ubwo rwari rwitabiriye inama iruhuza na Perezida ya Youth Connekt.

Na none kandi abantu ntibishimiye amabwiriza RDB iherutse gushyiraho ajyanye no kugabanya amasaha yo gucuruza mu tubari, utubyiniro n’amahoteli ndetse banumvikanye mu itangazamakuru basaba uru rwego ko rwayasubiramo cyangwa rukayakuraho.

Ikindi cyari cyanenzwe RDB mu ntagiriro z’uyu mwaka na Perezida Paul Kagame, ni imikorere ya gahunda igamije guhuriza hamwe serivisi zatangirwaga ahanyuranye zigatangirwa hamwe (One Stop Center) y’uru rwego, gusa nyuma rwaje kubikosora ruranabitangaza.

Uruganda Gasabo Gold Refinery ruhereye i Masoro mu cyanya cyahariwe inganda, ni rumwe mu zitunganyiriza amabuye y’agaciro mu Rwanda by’umwihariko zahabu kuva mu 2019.

Uru ruganda rugenzurwa n’Ikigo cy’Igihugu gishinzwe Mine, Peteroli na Gaz (RMB), rwubahiriza amabwiriza ajyanye n’ubucukuzi bw’amabuye y’agaciro, ajyanye no kuyatunganya ndetse n’ajyanye no kuyacuruza.

Kayobotsi Bosco uyobora uru ruganda arasobanura aho bakura zahabu batunganya.

Ati: “Tubona zahabu yo gutunganya ivuye ku bakiriya bacu batandukanye bayicukura imbere mu gihugu ndetse n’ab’ahandi muri Afurika bafite amakompanyi ayicukura kandi abifitiye impushya. Nyuma yo kuyitunganya, dukuramo zahabu yuzuye na ‘silver’ bitandukanyije”.

Kayobotsi avuga ko batemera zahabu iva mu birombe byo mu duce turimo amakimbirane. Yatanze urugero ko uruganda ayoboye rutakira zahabu yo muri Repubulika Iharanira Demokarasi ya Kongo nka hamwe mu hantu hakungahaye ku mabuye y’agaciro. Avuga ko impamvu ari uko haba hari amategeko agenga imitunganyirize y’amabuye y’agaciro nka zahabu kandi ko na bo bayubahiriza yose.

Akomoza ku mitunganyirize ya zahabu, Kayobotsi yavuze ko ari kimwe mu byo bitondera cyane kandi ntibihanganire ikosa ryose kuko hatagomba kubaho igihombo nibura cy’amagarama arenze 0.5 ku kilo kimwe yatakara.

Ati: “Kuri buri cyiciro cyo gutunganya, tugenzura impande zose kugira ngo tumenye neza ko nta gace ako ari ko kose katakaye”. Yongeyeho ko n’igarama rimwe rya zahabu rivuze ikintu cyinini cyane, rikaba ritagomba gutakara.

Uru ruganda rufite ubushobozi bwo gutunganya ibiro 480 bya zahabu mu masaha 30 cyangwa toni hagati y’umunani n’icumi za zahabu yuzuye ku kwezi.

Gusa uru ruganda ruracyatunganya zahabu nkeya ugereranyije n’ubushobozi bwarwo.

Kayobotsi ati: “Turacyatunganya kugeza kuri 30% by’ubushobozi bwacu. Turimo gukora ubukangurambaga mu bihugu bya Afurika bifite ibirombe bitari mu duce tw’amakimbirane tubisaba kohereza zahabu mu Rwanda ngo tuyitunganye”.

Uyu muyobozi asoza avuga ko hari ibyiza byinshi byo kuba uru ruganda rukorera ku butaka bw’u Rwanda harimo n’igiciro cyiza cy’ubwikorezi cya RwandAir mu gutwara umusaruro rushyira ku isoko.

Aho batunganya zahabu birinda ko hagira n’igarama rimwe ritakara

zahabu yatunganyijwe ifite ishusho nk’iy’ibinyampeke

Zahabu yamaze gutunganywa neza. Uduce tubiri twombi dupima ibiro icumi

Iyi nkuru yashyizwe mu Kinyarwanda hifashishijwe iya KT Press yanditswe na Jean De La Croix Tabaro

CG Emmanuel K. Gasana

Perezida Kagame kandi yanashyize mu kiruhuko cy’izabukuru abandi bapolisi bo ku rwego rwa Ofisiye Bakuru batanu, abo ku rwego rwa Ofisiye bato 28 n’Abapolisi bato 60. Hanasezerewe kandi Abapolisi barindwi ku mpamvu z’uburwayi ndetse n’abandi batandatu ku mpamvu zitandukanye.

Aba bapolisi bagiye mu kiruhuko cy’izabukuru bakoze imirimo igiye itandukanye mu gipolisi no mu zindi nshingano bamwe bakirimo. Harimo CG Emmanuel K. Gasana wigeze kuyobora Polisi y’u Rwanda kuva muri 2009 kugeza muri 2018, kuri ubu akaba ari Guverineri w’Intara y’Iburasirazuba kuva muri Werurwe 2021.

Hari kandi CP Emmanuel Butera wari Komiseri ushinzwe ibikorwa bya Polisi y’u Rwanda no kugarura ituze ndetse akaba yaranabaye umuyobozi ushinzwe ibikorwa bya Polisi mu butumwa bw’amahoro bwa ONU muri Sudani y’Epfo (UNMISS). Yanabaye kandi umuyobozi w’ Ikigo cya Polisi y’u Rwanda gitangirwamo Amahugurwa yo kurwanya iterabwoba (CTTC) cya Mayange muri Bugesera tutibagiwe ko yabaye umuyobozi w’ikipe ya Polisi FC kuva mu 2005 ndetse yanagize izindi nshingano zinyuranye muri iyi kipe.

CP Vianney Nshimiyimana asanzwe ari Umuyobozi w’Ishami rishinzwe Intwaro Ziciriritse n’Ubutwererane Mpuzamahanga muri Minisiteri y’Umutekano mu Gihugu kuva muri Mutarama uyu mwaka. Mu 2016 yabaye kandi Umuyobozi w’ibikorwa bya polisi zo mu bihugu binyuranye byari mu Butumwa bw’Umuryango w’Abibumbye bwo kugarura amahoro muri Côte d’Ivoire (UNOCI) ndetse anayobora Ishuri Rikuru rya Polisi (NPC) riri i Musanze n’izindi nshingano zinyuranye yagize.

CP Bruce Munyambo we yabaye Umuyobozi w’ibikorwa bya Polisi y’u Rwanda mu Butumwa bwa Loni bwo Kugarura Amahoro muri Sudani Y’epfo (UNAMISS) ndetse aba na Komiseri muri Polisi y’Igihugu ushinzwe ibikorwa no kugarura ituze tutibagiwe no kuba Umuyobozi mu Ishuri ry’Amahugurwa rya Polisi y’u Rwanda rya Gishari.

Abakuriye ishyaka PDI nyuma y’inama

Mu itangazo ryashyizweho umukono na Perezida wa PDI, Sheikh Mussa Fazil Harerimana ku wa 23 Nzeri 2023, rivuga ko bishimiye kuba Umukuru w’Igihugu azongera kuba umukandida mu matora ataha. Rivuga ko yasubije ubusabe bw’Abanyarwanda akemera gukomeza kubajya imbere mu gusigasira ibyagezweho mu iterambere ry’Igihugu.

Iri shyaka rivuga ko kuva mu 2003 ryiyemeje kuba inyuma ya Perezida Kagame, mu gihe cyose yatanga kandidatire ye ku mwanya w’Umukuru w’Igihugu.

Bati “Igihe cyose Nyakubahwa Paul Kagame azatanga kandidatire ku myanya wa Perezida wa Repubulika, PDI izamushyigikira kugira ngo akomeze kubumbatira ubumwe bw’Abanyarwanda, kurinda ubusugire bw’Igihugu no guhesha agaciro Igihugu binyuze mu iterambere na demokarasi yumvikanyweho kandi itagira uwo iheza”.

Iri tangazo risohotse mu gihe hagati muri iki cyumweru, Perezida Paul Kagame yemeje ko aziyamamariza manda ya kane nk’Umukuru w’Igihugu mu matora ateganyijwe mu 2024.

Aganira n’Ikinyamakuru Jeune Afrique yarabishimangiye agira ati “Mumaze kubyivugira ko ari ibintu bigaragarira amaso ya bose. Ni na ko bimeze. Ndishimye ku bw’icyizere Abanyarwanda bamfitiye. Nzakomeza kubakorera uko nshoboye. Yego, rero ndi umukandida”.

Ni igitaramo kizabera kuri Dove Hotel iri ku Gisozi mu Mujyi wa Kigali saa kumi n’imwe z’umugoroba, ariko kikaba kiri kubanzirizwa n’ivugabutumwa rikorewe ku muhanda.

Mu kiganiro n’itangazamakuru, Ndahiriwe Mandela wari uhagarariye abateguye iki gitaramo yagize ati “Muri iki cyumweru hari ibikorwa turimo gukora byo kujya tubwiriza abantu ku muhanda. Turabizi ko hari abantu ubutumwa bugeraho bagakizwa, kuko intego y’ibi bikorwa byose ni ugutuma abantu bakira agakiza.”

Yakomeje agira ati “Muri iki gitaramo harimo imyihariko myinshi itandukanye, hazaba harimo gusengera abanyeshuri ndetse natwe ubwacu tunisengera, kugira ngo dukomeze tugendane n’Umwami kuko buriya hari igihe umuntu aba yumva ko ari we wigize ariko si byo”.

Ikindi kizaranga Tujyane Mwami Live Concert, ni ugushaka abanyeshuri batishoboye bavuye mu matorero atandukanye, bazishyurirwa amafaranga y’ishuri muri uyu mwaka w’amashuri bagiye gutangira.

Kwinjira muri iki gitaramo bizaba ari 15,000Frw ku munyeshuri, 30,000Frw ku muntu umwe ndetse na 40,000Frw kuri ‘couple’ (umugabo n’umugore).

Baganira n’itangazamakuru

Ikompanyi ya KSquare yagiteguye ivuga ko uretse gutarama kizanarangwa no gusangira n’abazaba bitabiriye bose. Ndahiriwe Mandela yavuze ko ibiciro bidahanitse ahubwo ari ko hakubiyemo n’amafunguro.

Ati “Ibiciro nahoze numva hari abavuga ko bihanitse ariko buriya muzirikane ko hazaba umwanya wo gusangira, kandi amafunguro yo muri hoteli namwe murabizi ibiciro byayo, rero ntabwo bihenze urebye ku bikorwa bizaba biri mu gitaramo”.

Abaririmbyi bazakitabira ni True Promises, Josh Ishimwe, James&Daniella, Mutabazi Danny ndetse na Musinga Joe.

Perezida wa PAC, Muhakwa Valens, yabajije RURA impamvu iyo ugeze muri gare zitegerwamo imodoka hirya no hino, usanga hari imirongo miremire cyane y’ababuze imodoka zijya mu cyerekezo runaka, ariko hirya ukahabona n’undi murongo w’imodoka zijya mu kindi cyerekezo ariko zabuze abagenzi.

Ibyo byatumye bibaza uko ibyerekezo bihabwa ba nyiri ibigo bitwara abagenzi n’ibishingirwaho, ariko RURA ntiyabashije gutanga ibisobanuro byimbitse kuri icyo kibazo.

Nanone RURA yabajijwe uko kuva mu 2015 hashyirwaho uburyo bushya bwo gukora ubwikorezi rusange, hari imyamya y’imodoko igera ku 2000 ariko ikaba yaragiye igabanuka kuri ubu ikaba igeze ku 1900 aho kwiyongera.

Ibi byafashwe nk’intandaro yo kuba koko hari abagenzi babura imodoka, kuko abaturage bagenda biyongera.

Umuyobozi wa RURA, Rugigana Evariste, yavuze ko ibi byatewe n’ibiciro biri hasi kuko hashyirwamo nkunganire ya Leta kuri buri mugenzi, ibyo bikaba hari abashoramari bica intege.

Ikijyanye n’ibiciro cyatumye Abadepite bibaza impamvu bitavuguruwe, ngo bishyirwe ku rwego bishobora gukemura ikibazo cy’imirongo miremire y’abagenzi.

Ikindi cyagoye RURA gusobanura ni uburyo abagenzuzi bayo baba bari muri za gare, bakabona ibibazo bihari umunsi ku wundi maze bagahitamo nko guhana utwaye umugenzi atabifitiye uruhushya, nyamara imyaka ikaba ibaye umunani batabwira Leta ibibazo bihari ngo bishakirwe umuti kandi byaragiye bigaragazwa.

Hon Depite Mukabalisa Germaine ati “Kuki kuva 2015 dufite iki cyuho, mwatinze kubwira Leta ko harimo ibibazo ubu akaba ari bwo murimo kugura amabisi. Kuki byabatwaye iyi myaka yose ari mwe mureberera Leta muri uru rwego, kandi mu ngendo z’Inteko Ishinga Amategeko zose ibibazo twarabyakiraga tukabigaragaza”.

Ibibazo by’ubwikorezi bimaze kuba uruhuri mu Nteko, Rugigana Evariste unamaze igihe gito ayobora RURA, yavuze ko hari gukorwa uburyo bushya bwo kunoza ubwikorezi rusange; ibyo bikazaterwa ingabo mu bitugu n’imodoka nshya ziri bugufi kugera mu Rwanda, aho zizakorera muri uwo murongo mushya.

Baganizi Patric Emile wahoze ayobora RURA, we yemeye ko impamvu ibyo bibazo byose bimaze imyaka umunani ari n’imikorere mibi y’uru rwego.

Ati “Ikibazo cyagiye kibaho ni igenamigambi ritanoze ritagaragaje impamvu imodoka zigabanuka abantu bakiyongera, ndetse n’igisubizo cyashobokaga icyo gihe”.

Umuti wakuwe ku isoko ry’u Rwanda

Uyu muti usanzwe ukorwa n’uruganda PenCe Pharma GmbH rwo mu Budage, hahagaritswe nimero yawo ya 27296, iya 27297 n’ya 27298 zakozwe muri Kamena 2022, zagombaga kuzarangira muri Kamena 2025.

Itangazo rya Rwanda FDA rihagarika iyi miti rivuga ko byatewe no kuba no mu Budage yari yahagaritswe ku isoko, kuko yari yaratakaje ubuziranenge yakoranywe, kimwe mu biyigize bikagabanuka.

Ubugenzuzi bwakozwe na Rwanda FDA mu gihugu, bwagaragaje ko iyo miti yari yarinjiye ku isoko ry’u Rwanda ihita ihagarikwa ku mavuriro yose no ku binjiza imiti mu gihugu, abayicuruza bose n’abandi muri rusange.

Rwanda FDA ihagaritse iyi miti, nyuma y’igihe gito ishyize ahagaragara urutonde rwa’amavuta yo kwisiga n’ibindi by’ubwiza birenga 100, bitemewe ku isoko ry’u Rwanda.

Iki kigo kvuga ko bitujuje ubuziranenge bitewe n’imwe mu misemburo ibigize, yangiza uruhu rw’ubikoresha cyane cyane uwitwa Hydroquinone uboneka muri byinshi.

Icyo gitaramo cy’iserukiramuco bise ‘Shalom Gospel Festival’ cyabaye ku Cyumweru tariki ya 17 Nzeri 2023. Iri serukiramuco rikubiyemo ibikorwa bitandukanye byateguwe mu gufasha iyi korali kwizihiza imyaka 40 imaze ikora ubutumwa. Ibindi bikorwa byakozwe hagati muri uku kwezi ni ukuganiriza imbaga y’urubyiruko rwo muri ADEPR ku isura nyayo ikwiye kururanga ndetse no gutanga ubufasha ku bakobwa babyariye iwabo, bibera kuri ADEPR Kinyinya.

Abitabiriye iki gitaramo bishimiye gufatanya n’abaririmbyi kuramya Imana. Iyi korali yaserutse neza kandi inyura cyane abitabiriye mu ndirimbo zayo zakunzwe yaririmbye mu gice cya mbere n’icya kabiri cy’iki gitaramo.

Umuhanzi Isarel Mbonyi na we yashimishije bikomeye abakunzi be bamuherukaga mu gitaramo cye yakoreye muri BK Arena kuri Noheli y’umwaka ushize. Bafatanyije na we kuririmba ndetse bishimira cyane kumva ko azakorera ikindi gitaramo gikomeye muri iyo nzu kuri Noheli y’uyu mwaka.

Uretse kuririmba no kumva ubuhamya mu ijambo ry’Imana, hari n’abakiririye agakiza. Hanumviswe kandi ubuhamya bwa bamwe mu bahawe n’iyi korali ibikoresho byo kudoda, bayishimira cyane ko byatangiye kubafasha kwikenura.

Muri iki gitaramo kandi haririmbwe indirimbo ziri mu buryo bunyuranye harimo izo mu mahanga zitari mu Kinyarwanda ariko zaririmbwe zikaryohera benshi. Iyi korali yanafataga indirimbo zayo mu buryo bw’amajwi n’amashusho kuko yari ifite ibikoresho bihagije.

Ubuyobozi bw’Itorero rya ADEPR mu Mujyi wa Kigali ndetse no ku rwego rw’Igihugu na bwo bwari bwaje gushyigikira Shalom Choir ndetse bunayishimira umusanzu wayo mu itorero. Ubuyobozi bwa korali na bwo bwashimiye abagize uruhare mu gitaramo cyane cyane abitabiriye ndetse bunashimangira gahunda yatangijwe yo gufasha abatishoboye yiswe ‘Shalom Charity’ izajya ikorwa gatatu mu gihembwe (mu gihe cy’amezi atatu).

Iyi korali yanafashijwe n’andi makorali atandukanye ivuga ko iki gitaramo kigiye kuba ngarukamwaka mu rwego rwo kwamamaza ubutumwa bwiza.

Shalom Choir igizwe n’abaririmbyi barenga 140 ikaba ari imwe muri korali za ADEPR zihagaze neza mu Mujyi wa Kigali ndetse no ku rwego rw’Igihugu.

Amafoto: Moise Niyonzima/Kigali Today

Niyonzima Oreste

Ibi bitabo bizamurikirwa mu gitaramo gitegenyijwe kubera muri Grand Legacy Hotel ku itariki ya 1 Ukwakira 2023. Hazamurikwa Igitabo cy’uyu muhanzi yise ‘Nyakira Ndaje’, kirimo indirimbo ze bwite 100 harimo izisanzwe ndetse n’inshyashya, hanamurikwe n’ikindi yise ‘Nyagasani Wanshengeyemo’, kiriho Zaburi 123 zikoreshwa muri Kiliziya uyu muhanzi yakoreye amanota ziririmbwamo.

Azanamurika kandi Album ye ya mbere yise Ubuzima na Yezu, iriho indirimbo ze zigera kuri 25 harimo izizwi n’inshyashya.

Iki gitaramo kizatangira i saa kumi n’ebyiri z’umugoroba, hanaririmbemo abandi bahanzi nka The Bright Five Singers, Salome & Roberto, Cyuzuzo Gloria ndetse n’abandi.

Uyu muhanzi ukomatanya kwandika indirimbo, kuzicuranga, kuziyobora no kuziririmba, yabwiye Kigali Today ko yari amaze kugira ibihangano byinshi, agahitamo kubibumbira hamwe.

Ati “Hari abantu benshi bambazaga indirimbo zanjye nkasanga mbuze nk’aho nzikura. Ndavuga nti reka nzegeranye abazikeneye babone aho bazikura, nanjye mbashe kwisuzuma menye ngo umuziki wanjye uri gutera imbere gute. Kubikora uri umwe ntibyoroshye, nagize abampa ibitekerezo kuko nazihimbye mu myaka umunani, kuzishyira hamwe mbikora mu myaka itatu”.

Niyonzima yavuze ko ku giti cye asanga umuziki wa Classique mu Rwanda, uri gukorwa biteye imbere kandi udatakaje umwimerere, ahubwo ufungurira amarembo n’abandi batabarizwa mu idini Gatolika, kugira ngo ubutumwa butangwa bugere kure cyane.

Niyonzima Oreste afite impamyabumenyi ya ‘Advanced Diploma (A1)’ mu Gashami k’Ubuforomo yakuye muri Kaminuza y’u Rwanda, ndetse akaba n’umukozi muri MINISANTE. Ni umuhanzi mu muziki wa Classique watangiye kubikora mu 2015. Afasha amakorali menshi ariko aririmba mu itsinda ryitwa The Bright Five Singers, muri Korali Christus Reignat ndetse no mu rindi ryitwa Choeur International de Kigali, ririmbamo abahanzi b’ingeri zinyuranye.

Ni igitaramo giteganyijwe kubera ahazwi nka Camp Kigali ku itariki ya 17 Nzeri 2023 guhera i saa munani z’amanywa, kwinjira bikazaba ari ubuntu, kizaba kigamije gukusanya inkunga yo kubaka urusengero rw’Abadivantisiti b’Umunsi wa Karindwi rwa Remera mu Mujyi wa Kigali, aho iyi korali isanzwe ibarizwa.

Muri iki gitaramo, Korali Ambassadors of Christ izataramira abazitabira, ariko hanakusanywa inkunga (fundraising) yo kubaka uru rusengero. Gusa hanateguwe mbere uburyo bwo gutanga inkunga hifashishijwe ikoranabuhanga, nk’uko bigaragara ku butumwa bwamamaza iki gikorwa.

Korali Ambassadors of Christ, yatangiye gukora nyuma ya Jenoside yakorewe Abatutsi mu 1994, ikaba ikorera mu Rwanda ndetse ikajya mu butumwa hanze y’Igihugu. Iyi korali ivuga ko yashinzwe mu gihe Abanyarwanda benshi bari bakeneye ihumure n’ikizere nyuma ya Jenoside, bituma iyo iba intego yabo y’ibanze mu butumwa batanga.

Kugeza ubu ni yo korali ya mbere ikomeye mu itorero ibarizwamo, ndetse ikaba n’imwe mu zikomeye ku rwego rw’Igihugu no mu Karere u Rwanda ruherereyemo.

AmaG The Black

Uyu muhanzi wamuritse iyi Album ye nshya bwa mbere mu ntangirio za Nyakanga i Kigali, i Musanze arayihamurikira kuri uyu wa Gatanu tariki 8 Nzeri 2023 kuri Sitade Ubworoherane guhera isaa tanu z’amanywa. Ni mu gitaramo azanafashwamo n’umuhanzi Rafiki Coga, ndetse n’umunyarwenya Dogiteri Nsabi nk’uko bigaragara ku butumwa bwamamaza iki gikorwa.

AmaG The Black yabwiye Kigali Today ko Album ye Ibishingwe ari iya gatandatu ashyize hanze, ikaba iriho indirimbo 12 harimo iz’amajwi n’iz’amajwi n’amashusho. Album ye yayise Ibishingwe ayitiriye imwe mu ndirimbo ziyiriho bitewe n’uburyo yamuvunnye kurusha izindi akayikunda.

Akomoza ku mpamvu atazishyuza abazitabira ndetse n’impamvu yakomereje kumurika iyi Album i Musanze yagize ati “Nasanze hari abantu bakunda umuziki ariko badafite ubushobozi bwo kuza mu bitaramo kandi ntabwo umuziki ari uw’abanyamafaranga gusa. Nashatse abaterankunga bamfasha kuko icya mbere ni ugushimisha abantu baba bagufana”.

Yakomeje ati “Hari abantu baba bagufana ariko badashobora kuza i Kigali bitewe n’impamvu runaka. Ni ukwegera abafana bacu kuko hari hashize igihe tudakora ibitaramo binini. Nimara gukorera i Musanze nzakomereza n’i Rubavu ndetse n’ahandi mu Ntara”.

Amag The Black wari umaze igihe atacyumvikana cyane mu muziki nko myaka yashize, avuga ko ubu agarukanye imbaraga nyinshi ndetse akaba anateganya imikorere mishya, irimo kugira umujyanama umufasha mu bikorwa bye by’ubuhanzi.

Aba ni bo bahanzi bazaririmba muri Iwacu Muzika Festival

Ni ibitaramo bizenguruka Intara zose zigize Igihugu ndetse no mu Mujyi wa Kigali. Byaherukaga gukorwa imbonakubone mu 2019 mbere ya Covid-19, ari na bwo byari bitangiye ariko nyuma byarakomeje bikajya bikorerwa kuri Televiziyo.

Ibi bitaramo biteganyijwe gutangirira i Musanze mu Majyaruguru ku ya 23 Nzeri bikomereze i Huye mu Majyepfo ku ya 30 Nzeri 2023.

Mu kwezi k’Ukwakira bizerekeza i Ngoma mu Ntara y’Iburasirazuba ku itariki 7 nyuma hakurikireho i Rubavu mu Burengerazuba ku itariki ya 14 Ukwakira 2023, bikazasozwa n’igitaramo cyo mu Mujyi wa Kigali, kizaba ku itariki ya 25 Ugushyingo 2023.

Kompanyi ya East African Promoters (EAP) itegura ibi bitaramo, yagaragarije itangazamakuru abahanzi bazifashiswha. Hatangajwe abazaririmba mu bitaramo bine byo mu Ntara ari bo Bruce Melody, Bwiza, Riderman, Chris Eazy, Niyo Bosco, Alyn Sano, Afrique ndetse na Bushari.

Abakuriye iki gikorwa basobanura uko kizagenda

Mu rwego rwo kuzamura muzika nyarwanda muri rusange, abazitabira ibi bitaramo bicara mu myanya y’icyubahiro bazishyuzwa, ndetse umwaka utaha kompanyi ya EAP ikazafatanya n’umuterankunga w’iki gikorwa gutegura uburyo bwo kwishyuza abazajya bitabira bose.

Reba ibindi muri iyi video:

Abazajya muri iki gitaramo muri BK Arena bazinjira ku buntu

Ni igitaramo giteganyijwe ku itariki 17 Nzeri 2023 guhera i saa munani z’amanywa kugeza saa moya z’umugoroba. Shalom Choir izaba yanditse amateka yo kuba iya mbere yo mu Itorero ADEPR ikoreye igitaramo muri BK Arena, ndetse ikaba n’iya kabiri mu makorali muri rusange kuko indi yahataramiye ari Chorale de Kigali.

Umuyobozi wa Shalom Choir, Ndahimana Gaspard, yabwiye Kigali Today ko bahisemo muri BK Arena bashaka guha ikaze buri wese n’abadasengera muri ADEPR. Nanone kandi abazitabira bakazinjirira ubuntu mu rwego rwo kugeza ubutumwa bwiza ku mbaga nyamwishi, hatajemo imbogamizi y’ubushobozi.

Ati “Hari abantu batajya baza mu nsengero kandi na bo bakeneye ubutumwa bwiza, hakaba n’abandi bakunda ibitaramo bibera ahantu heza, abo bose turabakeneye kuko abo mu nsengero iwacu bo turabahorana. Twakuyeho ibintu byo kwishyuza kugira ngo abantu babashe kuza ari benshi. Buri wese aratumiwe kuko ni yo mpamvu tatakoreye mu rusengero, kugira ngo abantu batumva bireba abo muri ADEPR gusa.

Shalom Choir ivuga ko kuva mu mwaka ushize yatangiye gahunda y’imyaka 15 ikubiyemo ibitaramo, harimo ibyo ikorera mu ntara hirya no hino, no gufatanya na Leta muri gahunda zifasha mu mibereho myiza y’abaturage, nko kwishyurira ubwisungane mu kwivuza abatishoboye, kubaka uturima tw’igikoni n’ibindi.

Kimwe mu byo yakoze mu ntangiriro z’uyu mwaka, ni ukwishyurira abaturage batishoboye 100 ubwisungsne mu kwivuza, ubwo bari basoje umuganda rusange wari wabereye muri Nyabihu wanitabiriwe na Minisitiri w’Ubutegetsi bw’Igihugu, Musabyimana J. Claude washimye cyane ubwo bwitange.

Iyi korali yashinzwe mu 1986 ari iy’abana, ariko nyuma iza kuba iy’abakuru ndetse igenda inyura mu bihe bitandukanye, by’umwihariko mu 2016 ubwo yatangiraga imikorere mishya.

Icyo gihe yashyize imbaraga mu kuvugurura imikorere maze mu 2016 bituma iza gukora igitaramo gikomeye, cyabereye muri Kigali Convention Center isanzwe ari inzu yihagazeho mu gukoreramo ibirori. Magingo aya, ifite alubumu enye harimo ebyiri zitunganyijwe mu buryo bw’amajwi, n’izindi ebyiri zitunganyijwe mu majwi n’amashusho.

Bagira n’ibikorwa byo gufasha abatishoboye

Abatega imodoka rusange barasaba ko ibiciro by’ingendo bitazamuka

Ibi babitangaje mu gihe Leta iherutse kuvuga ko mu rwego rwo gukemura mu buryo burambye, ikibazo cy’ibirarane bya nkunganire, umugenzi azajya yiyishyurira igiciro cy’urugendo ijana ku ijana.

Umunyamabanga wa Leta muri Minisiteri y’Ibikorwa Remezo, Eng. Uwase Patricie, yasobanuye ko gukemura ikibazo cy’ibirarane Leta ibereyemo ba nyiri ibigo bitwara abagenzi bitinda hashakwa amikoro, ariko ko gukemura icyo kibazo mu buryo burambye ari ukureka umugenzi akajya yiyishyurira ijana ku ijana nk’uko byahoze.

Aganira na RBA, Eng. Uwase yavuze ko habaho gutinda hashakwa amikoro ariko ko ubu Leta igiye kwishyura ibirarane by’amezi atatu yari ibereyemo ba nyiri ibigo bitwara abagenzi.

Gusa avuga ko umuti urambye wo gukemura ibibazo bishamikira kuri ubwo bukererwe, ari ukuzamura igiciro kandi abagenzi bakacyiyishyurira cyose.

Ati “Uburyo burambye ubundi bwo kubikosora, ni ugushyiraho igiciro nyacyo cy’urugendo nk’uko byari bimeze mbere ya Covid. Ubundi ni ko bizinesi igomba kuba igenda, kuko n’impamvu mbere ya Covid abantu batabonaga ibibazo nk’ibyo tubona uyu munsi, ni uko bishyuraga igiciro kiriho, hanyuma bakishyura n’umushoramari bityo agakoresha imodoka, ibintu bikihuta”.

Ati “Leta yiyemeje kuba itwaye uwo mutwaro, tubimazemo igihe kigera ku myaka itatu; ni igihe rero umuntu agomba kugeraho akagicutsa, kugira ngo dukomeze dukore n’ibindi”.

Abagenzi baganiriye na Kigali Today ku wa 29 Kanama 2023, bavuze ko batiteguye kuba ibiciro by’ingendo byakwiyongera, kuko hakiri ibibazo by’ubukungu bitandukanye.

Nsabamariya Agnès ati “Umuntu utega buri munsi byamugora itike bayongereye, nkanjye nta bushobozi bwo gutega nabona itike iramutse yiyongereye. Nakwifuza ko ibiciro byaguma uko byari biri”.

Undi utifuje ko amazina ye atangazwa ati “Bongereye itike byatugora kuko nk’uyu munsi iyo ushyize 500Frw ku ikarita akugeza hano mu mujyi akanagusubiza aho wavuye. Ubwo urumva niba bazayongera umuntu azajya akoresha nka 1000Frw ku hantu hatatu honyine. Binabaye ntibazabizamure ngo bikabye kuko ibintu byose byarahenze ku isoko nta bushobozi dufite”.

Mwunguzi Theonest uyobora Ishyirahamwe ry’Ibigo bitwara abagenzi mu Rwanda (ATPR), avuga ko ku ruhande rw’ibigo bitwara abagenzi, basanga koko bikwiye ko bajya bishyurirwa ku gihe kuko ari byo binoza imitangire ya serivisi, ariko ko nanone Leta yazita ku bushobozi bw’abagenzi mu gihe itike izaba izamuwe.

Ati “Ushobora gusanga cya giciro bashyizeho umuturage atagishobora bitewe n’aho ibintu byageze. Nk’ubu tuvuge itike iva i Kigali igera i Rubavu, byari 3,300Frw birazamutse bigeze muri 6,000 wenda ari cyo giciro kigiyeho, na yo yavuna umugenzi”.

Mwunguzi akomeza avuga ko habanza gusuzumwa igiciro nyacyo gikwiye gushyirwaho ariko hakarebwa n’ubushobozi ku bagenzi, ubundi bakabona kwemeza igiciro nyacyo.

Kugeza ubu, ibiciro by’ingendo bikurikizwa kuva mu Kwakira 2020, ni amafaranga y’u Rwanda 21 ku kilometero kimwe ku ngendo zo mu ntara, ndetse na 22 ku kilometero mu Mujyi wa Kigali. Byashyizweho na Leta bisimbuye ibyari bimaze gushyirwaho ariko byinubirwa n’abaturage, kuko byari biri hejuru y’ibi kandi ubukungu bwifashe nabi bitewe na Covid-19, ibituma Leta iba igomba kwishyura Miliyari enye buri kwezi za nkunganire.

Iri shami rishya ryafunguwe i Nyabugogo, riri muri gahunda ngari bafite yo kwegera abakiriya babo. Mu Mujyi wa Kigali bateganya kuhafungura andi mashami atatu mashya harimo irya Giporoso ryamaze kuzura ndetse nyuma bakazakomereza no mu Ntara gusa aho hose bakaba basanzwe bahafite abakozi babahagarariye wabarizaho serivisi zabo.

Banafite kandi gahunda yo gufungura za kiosks za inzozi Lotto ndetse na application ya mudasobwa na telephone byose bigamije korohereza abakiriya babo kubona serivisi vuba.

Mu gufungura iri shami rishya, hanatanzwe moto eshatu n’ibyangombwa byazo zatsindiwe n’abakiriya mu byumweru bishize.

Abatsindiye moto bazihawe

Kalisa Chris Dylain ushinzwe gushaka amasoko no gucuruza muri Inzozi Lotto, yabwiye Kigali Today impamvu bari kwagura ibikorwa begera abakiriya ndetse akomoza no ku mukino mushya batangije.

Yagize ati: “Twasanze hari abakiriya benshi badusaba kubegereza serivisi zacu; bamwe bakaza ku cyicaro ariko hakaba n’abo habera kure. Turavuga tuti reka dutangire gufungura amashami duhereye ku hantu hagati hahurira abantu benshi n’abava mu Ntara”.

Akomoza ku mukino mushya na wo wamuritswe, yagize ati: “Ni umukino witwa Colour Keno; ni twe tuwufite twenyine mu Rwanda. Ni wo mukino ukubiye cyane kuko dukuba inshuro zigeze hafi ku 5000 kandi imikino yacu yose iya make ni 100Rwf amenshi akaba 500Rwf, ntabwo ari amafaranga menshi”.

Kugeza ubu kompanyi ya Carousel Ltd ni yo ifite Inzozi Lotto ikaba igiye kuzuza imyaka ibiri ikorera mu Rwanda. Umwihariko wayo ni uko ifitanye imikoranire na Leta y’u Rwanda binyuze muri Minisiteri ya Siporo aho kuri buri mukino umuntu akinnye havaho amafaranga ajya gushyigikira iterambere rya siporo mu Gihugu.

Imikino yabo yose ibasha gukinwa hifashishijwe telephone igendanwa ukanze *240# ugakurikiza amabwiriza, gusura urubuga rwabo rwa interineti, kwegera ababahagarariye hirya no hino mu gihugu ndetse no gusura amashami yabo mu nyubako ya CHIC na Nyabugogo muri Kigali.

Mu mikino bagira harimo iya buri munsi aho abanyamahirwe batatu buri wese atsindira miliyoni, iya buri minota itanu n’iya buri cyumweru. Batanga ibihembo by’amafaranga ndetse na moto hamwe na telephone za iPhone biherutse kongerwamo.

Abana bo kwa Gisimba bahawe imfashanyo y’ibikoresho by’ishuri

Ni igikorwa cyabaye ku wa 31 Kanama 2023, kibera i Nyamirambo ahahereye iki kigo. Imfashanyo yatanzwe ni ibikoresho by’ishuri bizifashishwa n’aba bana baturuka mu miryango itishoboye, ubwo bazaba basubiye ku ishuri.

Mbere yo gutanga izi mfashanyo, abaturutse muri Zuri Luxury babanje gusobanurirwa amateka y’ikigo cyo kwa Gisimba, ndetse banatemeberezwa ibice bitandukanye byacyo, aho abana birirwa muri iyi minsi y’ibiruhuko.

Aba bana bamwe baba mu bikorwa baguriramo impano bifitemo nka siporo, kwigishwa no gukora ibikorwa binyuranye harimo iby’ubugeni, kubyina, kuririmba ndetse no gucuranga. Ibyo bituma ubasuye bamususurutsa mu mpano nyinshi bifitemo, kandi ukabona na bo bafite ikizere cy’ejo hazaza.

Nyuma y’iki gikorwa, Gisela Van Houche Mudumbi washinze Zuri Luxury Ltd, yabwiye Kigali Today ko uretse ubucuruzi, bakora n’ibikorwa bifitiye akamaro umuryango mugari, nko gufasha abababaye, ndetse asaba buri wese gufasha abandi.

Ati “Ubu ni uburyo nka kampani budufasha kugira uruhare mu muryango mugari, twita kuri aba abana ngo babashe gukura neza kandi bumve bigiriye ikizere. Natangiye business kuko nabonaga nta bagore b’abirabura bari bari mu myanya ifata ibyemezo muri ubu ubucuruzi, mbona rero uburyo bwiza mu gufasha ari ugutangirira mu burezi ku bana bato, kugira ngo babashe kwigirira icyo izere cy’ahazaza”.

Yunzemo ati “Iki ni igikorwa nashishikariza buri wese gukora, kuko uko tukibamo benshi ari ko bifasha aba bana kubona uburezi bakwiriye”.

Rutikanga Patrick uyobora ikigo cyo kwa Gisimba, yavuze ko ari igikorwa cyiza kuba abana baturuka mu miryango itishoboye bakwerekwa urukundo, kuko bibatera imbaraga mu myigire yabo no kwagura impano zindi bifitemo; ibyo bikazabafasha kugera ku nzozi zabo.

Iyi kompanyi isanzwe itanga serivisi n’ibicuruzwa by’ubwiza mu Rwanda no mu mahanga kuva mu 2016. Yashinzwe na Gisela Van Houche Mudumbi ukomoka muri RDC, akavuga ko yinjiye no mu bikorwa by’ubugiraneza kandi ko ari urugendo rugikomeza.

Mu 2021, ni bwo abunganizi mu mategeko bo mu Rwanda n’u Burundi, bari bahagaritswe gukorera muri Kenya, nyuma y’ubugenzuzi bw’Akarere ka Afurika y’Iburasirazuba.

Inteko Ishinga Amategeko ya Kenya ishaka kwemeza itegeko rivuguruye, ryemerera aba bavoka bo mu bihugu byombi gukora nk’uko abo muri Kenya bakora, cyangwa abakomoka muri Tanzania na Uganada bari muri iki gihugu.

Intego y’iri tegeko riri kuvugururwa, ni uguha uburenganzira busesuye abaturage b’u Rwanda n’u Burundi baba muri Kenya, bafite impamyabushobozi mu bijyanye n’amategeko, kuba bapiganira imyanya mu Rukiko Rukuru rwa Kenya, nk’uko byanditswe na The New Times.

Iri tegeko kandi rigamije guha uburenganzira bungana abaturage bo mu bihugu biri mu Muryango wa Afurika y’Iburasirazuba (EAC), nk’uko ku bavoka bo muri Tanzania na Uganda bahari bakora nta nkomyi.

Umuryango w’Amategeko muri Afurika y’Iburasirazuba (EALS), wari wamaganye cyane Kenya ku guhagarika abavoka bo mu Rwanda n’u Burundi, kuko amategeko uyu muryango ugenderaho ateganya ko nta zindi mbogamizi zishobora kubuza umuturage w’igihugu kinyamuryango, gukorera ku butaka bw’ikindi mu gihe yujuje ibisabwa birimo n’impamyabushobozi.

Bahamya ko iki kigo kizagirira akamaro kanini Afurika

Ni inama y’iminsi ibiri yateranye ku matariki ya 23 na 24 Kanama 2023, yahurije hamwe abahagarariye ibigo 55 bikora ubugenzuzi bw’imiti mu bihugu bya Afurika, n’izindi nzego zinyuranye z’ubuzima.

Hagaragajwe ko kugeza ubu ibihugu 26 bya Afurika byonyine ari byo byemeje amasezerano ashyiraho Ikigo Nyafurika cy’Imiti (Africa Medicnes Agency/AMA) mu gihe ibindi bigihanganye n’ingingo z’amategeko yabyo, nyamara iki kigo bigaragara ko gikenewe cyane.

Ishyirwaho rya AMA ni imwe mu ntego ziri mu cyerekezo cy’Umuryango wa Afurika yunze Ubumwe cy’ubuzima cya 2030. Iyo ntego igamije kugabanya gutegereza imiti itumizwa hanze y’umugabane wa Afurika, kugabanya amafaranga ayigendaho ndetse no gukorera ku masezerano y’Isoko Rusange rya Afurika (AfCFTA).

Inama zabanjirije iyi zagize uruhare runini mu kuzamura ubugenzuzi bw’imiti, ku mugabane no kubahiriza ibipimo byemewe ku rwego mpuzamahanga, ndetse no kubaka umusingi uhamye kandi ukinakomeje wo gushyiraho Ikigo Nyafurika cy’Imiti.

Gusa nubwo ishyirwaho ry’iki kigo rizafasha Abanyafurika koroherwa n’uburyo bw’ubuvuzi, hagaragajwe ibikigomba gukorwa ku rwego rwa buri gihugu.

Dr Ahamada Said Fazul uyobora iyi nama akanaba umuyobozi w’ikigo cy’ubugenzuzi bw’imiti mu birwa bya Comores, yagize ati “Ubu hashize imyaka icyenda kandi turacyafite urugendo rurerure, ariko nibura ibihugu bitanu byageze ku rwego rwiza rwo gukorera imiti muri Afurika. Ishyirwaho ry’Ikigo Nyafurika cy’Imiti ni umwenda ku bikorwa byacu, ariko tugomba no gushyiramo ingufu kugira ngo ibihugu birenga 26 byemeze amasezerano agishyiraho”.

Muri iyi nama hatangajwe uburyo bushya bwatangiye gukoreshwa, mu rwego rwo kwihutisha ishyirwaho ry’iki kigo.

Urwego rw’Umuryango wa Afurika yunze Ubumwe Rushinzwe Iterambere (AUDA-NEPAD), rwatangaje ko hari ibigo bine by’ubugenzuzi byamaze gushyirwa muri Afurika ku rwego rw’uturere, bizafasha ibindi bihugu kubaka ubushobozi n’ibindi bikenewe ngo iki kigo gishyirwego. Ibyo bigo biri muri Tanzania, muri Afurika y’Epfo, mu Misiri no muri Ghana.

AUDA-NEPAD yavuze ko mu mpera z’umwaka utaha 2024, iki kigo kizaba cyatangiye gukora kuko inzego z’imiyoborere n’amategeko bikigenga bizaba byamaze kujyaho.

Hazajyaho kandi n’ishuri rishamikiye kuri iki kigo rizaba rishinzwe gufasha abagikoramo kubaka ubushobozi ndetse no kwigira ku bunararibonye bw’ibindi bigo birimo Ikigo Nyaburayi cy’Imiti (EMA).

Kugeza ubu u Rwanda ni rwo ruzaba ikicaro cy’Ikigo Nyafurika cy’Imiti, ndetse amazeserano abyemeza hagati ya Leta n’Umuryango wa Afurika yunze Ubumwe, yashyizweho umukono muri Kamena 2023.

Umuyobozi w’Ikigo cy’Igihugu gishinzwe Kugenzura Ibiribwa n’Imiti (Rwanda FDA), Dr Emile Bienvenu, yavuze ko u Rwanda ruzungukira mu kuba ikicaro cy’ahakorerwa imiti ku mugabane, by’umwihariko ku muhate rufite wo kwikorera inkingo z’ibanze zikenerwa.

Ishami ry’Umuryango w’Abibumbye ryita ku Buzima hamwe n’Ikigo Nyafurika gishinzwe Kurwanya no Gukumira Indwara, muri iyi nama bemeye ko mu gushyiraho iki kigo, bazatanga inkunga y’amafaranga n’iy’ibya tekiniki hagamijwe guteza imbere gahunda z’ubuzima ku mugabane.

Dr Murangira B. Thierry uvugira RIB, yagaragaje imiyoboro ya YouTube itangaza ibitemewe asaba ba nyirayo kubikuraho nta yandi mamaniza bitaba ibyo bagakurikiranwa mu mategeko.

Yagize ati: “Mutekereze neza ko aya ari mahirwe yanyu ya nyuma yo gukemura iki kibazo. Hari ibintu byinshi byiza mushobora gusangiza abantu ariko bidashishikariza gukora uburaya n’ibiterasoni. Turabasaba guhita musiba ibintu nk’ibi ku miyoboro yanyu kandi mugahindura byinshi ku byo mutangaza mukora ibizima”.

Imiyoboro yasabwe gukuraho ibiganiro nta yandi mananiza harimo Uburyohe TV, Rwanda Eye News TV, Isiri TV, Gift TV, Ghetto 250, Amabanga Yurugo TV, Love 250, Bibaho TV, Lucky Rehema TV, Amahumbezi TV, Home Town TV, Agasobanuye TV, Humble TV, Kigali Love Zone TV, Drop Out 250 TV, Star Max TV n’indi myinshi.

Ashimangira uku kwihanangiriza ba nyiri iyi miyoboro, Dr Murangira yongeyeho ati: “Nka RIB, imwe mu nshingano zacu z’ibanze ni uburezi. Abahisemo kwirengagiza uku kwihanangirizwa bazirengera ingaruka. Turizera ko abo bigenewe bamaze gusobanukirwa uburemere bw’iki kibazo”.

Yavuze ko ibi bitangazwa bigira ingaruka ku bakiri bato kandi ko nta buryo buba buhari bwo kubarinda kubigeraho mu gihe byamaze gutangazwa.

Abagishora abana mu bikorwa bifitanye isano n’imibonano mpuzabitsina kuri YouTube no ku zindi mbuga nkoranyambaga na bo baburiwe kandi batangiye gukurikiranwa kuko muri Nyakanga uyu mwaka hatawe muri yombi abasangiza ibyo bakora kuri YouTube bane bafatanye isano n’icyo cyaha.

Mu itegeko rya 2018 ryerekeye kurengera abana, rivuga ko umuntu wese ufata amashusho cyangwa amajwi y’ibiterasoni ku mwana mu buryo ubwo aribwo bwose aba akoze icyaha gikomeye.

Ingingo ya 35 y’iryo tegeko igira iti: “Iyo abihamijwe n’urukiko, uwakoze icyaha ahaniswa gufungwa igihe kitari munsi y’imyaka itanu ariko kitarenze imyaka irindwi hamwe n’ihazabu y’amafaranga y’u Rwanda kuva kuri miliyoni 7 kugeza kuri miliyoni 10”.

Na none kandi iryo tegeko ribuza mu buryo bwose kwerekana, kugurisha, gukodesha, cyangwa gukwirakwiza ibiterasoni bigaragaramo abana nk’amashusho, amafoto, filime n’ibindi byose bitanga ubutumwa.

Iyo ubikukiranyweho ahamwe n’icyo cyaha, ahanishwa igifungo kuva ku myaka itanu kugeza kuri irindwi n’ihazabu y’amafaranga y’u Rwanda kuva kuri miliyoni 15 kugeza kuri miliyoni 20.

Hari bamwe mu bagenzi biyambaza izindi modoka kubera ubuke bw’izitwara abagenzi mu buryo bwa rusange (Ifoto: Inyarwanda)

Hashize iminsi itari mike urwego rwo gutwara abantu mu buryo bwa rusange by’umwihariko mu Mujyi wa Kigali rwinubirwa n’abagenerwabikorwa batandukanye.

Ibibazo birimo ahanini bishingiye ku gihe kinini cyane abagenzi bamara ku byapa bategereje imodoka cyane cyane mu masaha ya mu gitondo na nimugoroba. Ikibazo ntikiri i Kigali gusa kuko abajya n’abava mu Ntara zitandukanye z’Igihugu na bo hari igihe babura imodoka zibatwara, ndetse n’izibonetse zikongera ibiciro.

Gusa kuri iki kibazo cy’abo mu Ntara, RURA iherutse kubwira itangazamakuru ko abafashwe bongereye amafaranga y’urugendo babihanirwa iyo abagenzi batanze ayo makuru.

Mu mujyi wa Kigali ho, hari umuti Leta yatangiye kuvugutira iki kibazo wo gutumiza bisi nshya 305 aho uyu mwaka uzasiga nibura izigera ku 100 zarageze mu Rwanda mu rwego rwo gukemura iki kibazo.

Muri urwo ruhurirane rw’ibura ry’imodoka, ni ho usanga bamwe bahisemo gutega iz’abantu ku giti cyabo zitagenewe gutwara abagenzi mu buryo bw’ubucuruzi ndetse abandi bakaka lifuti ngo barebe ko bava ku nzira. Urwego Ngenzuramikorere, RURA, rwavuze ko gutanga lifuti nta kibazo bijteje ariko ko abishyuza kandi imodoka bafite zitabigenewe bo babihanirwa n’amategeko.

RURA yagize iti: “Iyo imodoka ifashwe turagenzura neza tukaganira n’umugenzi, ndetse n’umushoferi. Iyo dusanze ari lifuti yamuhaye biba nta kibazo kibirimo. Hahanwa uwatwaye abagenzi akabishyuza kandi nta ruhushya afite rumwemerera gukora uwo murimo”.

Ubuyobozi muri Tanzania bwatangaje ko bukeneye inkunga yo gukomeza kwita kuri izo mpunzi, nyuma y’itangazo ryatanzwe n’Umuryango Ushinzwe Ibiribwa ku Isi, rivuga ko ibiribwa wageneraga iki gihugu byo kwita ku mpunzi bizagabanuka kubera ibibazo by’ubukungu.

Umuyobozi w’ishami rishinzwe serivisi z’impunzi muri Minisiteri ishinzwe Gahunda z’imbere mu Gihugu, Sudi Mwakibasi, yavuze ko iki gihugu gikeneye inkunga yihutirwa y’impunzi zaje mu nkambi za Nyarugusu, iherereye mu gace ka Kigoma.

Mwakibasi yatangaje ko muri uyu mwaka, Tanzania yakiriye impunzi zibarirwa mu bihumbi 11 zaturutse muri RDC, ariko ko nta nkunga yatanzwe n’abafatanyabikorwa mu kuzitaho.

Uyu muyobozi yongeyeho kandi ko kubura ubushobozi bw’amafaranga byakomye mu nkora itahuka ry’impunzi ku bushake, harimo iza RDC n’izo mu Burundi zari zisanzwe zihabwa ubushobozi bwo gusubira mu bihugu byazo.

Ishami ry’Umuryango w’Abibumbye ryita ku Mpunzi (UNHCR), rivuga ko rikeneye nibura miliyoni 700 z’Amadolari, nk’ingengo y’imari kugira ngo ribashe gushyigikira gahunda zaryo muri Tanzania.

Abayobozi ba Leta ya Tanzania bavuga ko impunzi z’Abanyekongo, zibarirwa mu magana batangiye kwinjira muri Tanzaniya gushaka ubuhungiro, zinyuze mu gace ka Kigoma no mu kiyaga cya Tanganyika zigakoresheje ubwato buto, hagati ya Nzeri 2022 na Mutarama 2023.

Izi mpunzi zahungaga intamabara iri mu Burasirazuba bwa DRC, hagati y’imitwe yitwaje intwaro na Leta. Abenshi muri bo bacumbikiwe mu nkambi y’impunzi ya Nyarugusu, hafi y’umupaka wa Tanzania na DRC.

Ikinymakuru The East African cyanditse ko ukwiyongera kw’impunzi ziva muri RDC, bibaye mu gihe ingabo z’Umuryango w’Abibumbye zari zimaze igihe mu butumwa bwo kugarura amahora muri icyo gihugu, byemejwe ko zigiye kuhava, ibishobora guteza umutekeno muke kurushaho.

Tanzania ni kimwe mu bihugu byo mu karere bikunze kwakira impuzi nyinshi z’ibihugu bituranyi, zihunga ibibazo by’umutekano muke ahanini bishingiye ku mitwe yitwaje intwaro.

Ibi bikubiye muri raporo y’izusuma yashyizwe ahagaragara ku wa 18 Kanama 2023 n’Ikigo gishinzwe Imiturire.

Uturere twa Karongi, Nyamasheke, Rubavu, Rusizi na Rutsiro mu Ntara y’Iburengerazuba na Nyamagabe mu Majyepfo ni two tuza mu cyiciro cya mbere mu kwibasirwa n’ibiza mu buryo bukabije.

Ni mu gihe utuza mu cyiciro cya kabiri; ni ukuvuga utwibasirwa n’ibiza mu buryo budakabije cyane ari Gasabo, Kicukiro na Nyarugenge two mu Mujyi wa Kigali na Bugesera, Gatsibo, Kayonza, Kirehe, Ngoma na Rwamagana turi mu Ntara y’Iburasirazuba.
Icyiciro cya gatatu ari cyo kirimo Uturere twibasirwa n’ibiza mu buryo bugereranyije harimo Nyagatare, Burera, Gakenke, Gicumbi, Musanze, Rulindo, Gisagara, Huye, Kamonyi, Muhanga, Nyanza, Ruhango, Ngororero na Nyabihu turi mu Ntara enye z’Igihugu.

Ikigo gishinzwe imiturire muri iyi raporo gisobanura ko yakozwe hagamijwe kubungabunga ibidukikije hanozwa ibishushanyo mbonera by’imikoreshereze y’ubutaka. Nanone kandi amakuru ari muri iyi raporo azashingirwaho mu mabwiriza agenga imyubakire mu Rwanda ari kuvugururwa akaba azatangira gukurukizwa mu mwaka utaha.

Raporo igira iti: “Aho u Rwanda ruherereye mu Burengerazuba bwa Rift Valley, hakunze kwibasirwa n’imitingito. Nk’Igihugu kiri kugira imijyi yaguka cyane, ingaruka ziterwa n’ibiza zariyongereye zigabanya iyubahirizwa ry’ingamba zikwiriye za gahunda z’imijyi ndetse n’ibikorwa by’ubwubatsi. Ubugenzuzi n’amabwiriza bugamije kumenya neza niba inyubako zishoboye guhangana n’ingaruka z’ibiza; ibyo bikarengera ubuzima bw’abantu kandi bakanagabanya igihombo mu by’ubukangu”.

Ibyiciro byashyizwemo Uturere bitewe n’aho duherereye bizajya bigira uruhare mu kugena uko inyubako zihubakwa ziba ziteye, igiciro cyazo ndetse n’amikoro akenewe ngo ubwubatsi bukorwe.

Iyi raporo ikomeza igira iti: “Gushyira mu bikorwa izo mpinduka bizashimangira imikorere y’amabwiriza yacu yo kubaka nk’uburyo bwahangana n’ibibazo bihari no kubahiriza amabwiriza, kurengera ibidukikije ndetse n’ubukungu burambye”.

Imiterere y’inyubako muri buri gace izajya igenwa habanje kugenzurwa neza igishushanyo mbonera n’imiterere y’ubutaka bwaho kandi byemezwe n’ababifitiye ububasha.

Iyi raporo yakozwe ku bufatanye n’impuguke zo mu nzego zinyuranye harimo iza Minisiteri y’Ibikorwa Remezo,Minisiteri y’Ibikorwa by’Ubutabazi, Kaminuza y’u Rwanda, Urugaga rw’Abikorera, Ikigo gishinzwe Ubuziranenge, Urugaga rw’Abubabatsi mu Rwanda n’izindi zitandukanye.

Peter Mathuki

Ubwo yaganiraga n’abanyamakuru i Arusha muri Tanzania nyuma y’inama ya EAC, Peter Mathuki yavuze ko yizeye ko uyu mwaka uzarangira Somalia yamaze kuba umunyamuryano wa munani winjiye muri uyu muryango nyuma ya RDC na Sudani y’Epfo byaherukaga kwinjiramo.

Yavuze ko hari izindi nama za EAC ziteganyijwe kuzabera i Nairobi kandi ko kugira Somalia umunyamuryango biri mu ngingo z’ibanze zizaganirwaho.

Ati: “Umuryango wa Afurika y’Iburasirazuba wakoze igenzura ngo urebe niba Somalia yiteguye kwinjiramo kandi raporo yarabisuzumye neza isangizwa ibihugu byose binyamuryango. Ibiganiro ku kubyemeza bizatangira ku itariki ya 22 Kanama kugeza ku itariki ya 5 Nzeri 2023.

Somalia yasabye kwinjira muri EAC mu mwaka wa 2012 ariko ubugenzuzi bwo kureba ko yiteguye kuba umunyamuryango mushya bwatangiye muri Mutarama 2023.

Raporo y’itsinda ryashinzwe gukora ubwo bugenzuzi yemerejwe n’Abakuru b’Ibihugu bya EAC i Bujumbura muri Kamena 2023 maze iha ububasha Inama y’Abaminisitiri n’Ubunyamabanga by’uyu muryango gutangira ibiganiro na Somalia.

Dr Abdusalam Omer, wahoze ari Minisitiri w’Ububanyi n’Amahanga wa Somalia, ubu akaba ari intumwa idasanzwe ya Perezida wa Somalia mu Muryango wa Afurika y’Iburasirazuba, yabwiye ikinyamakuru The East African ko amahame yo kwishyira hamwe kwa EAC azasuzumwa agahuzwa n’amategeko ya Somalia kandi ko ibyo bizaba inyungu ku gihugu cye.

Yavuze ko Somalia yiteze kuzungukira mu isoko rusange ry’Akarere mu kugabanya ibiciro by’ibicuruzwa ndetse no kurwanya iterabwoba rikunze kwibasira igihugu cye.

Yongeyeho ati: “Hari byinshi Somalia yizeye kungukira mu kuba umunyamuryango ariko kandi n’Akarere gafite byinshi kazungukira kuri Somaliya kuko ikora ku Burasirazuba bwo hagati binoroshye ubuhahirane n’u Burayi, Amerika n’ahandi hose”.

Umuryngo wa Afurika y’Iburasirazuba wavutse mu mwaka wa 1967 u Rwanda ruwinjiramo muri 2007. Ufite icyicaro i Arusha muri Tanzania ukaba ubumbiye hamwe abaturage barenga miliyoni 300 bo mu bihugu birindwi binyamuryango ari byo u Rwanda, Uganda, Tanzania, Kenya, u Burundi, RDC na Sudani y’Epfo.

Amarushanwa ya FEASSSA y’uyu mwaka yatangiye ku itariki ya 17 Kanama 2023, akaba arimo kubera mu turere twa Huye na Gisagara kugeza ku wa 27 Kanama 2023. Gusa umuhango wo kuyatangiza ku mugaragaro uteganyijwe ku itariki ya 19 Kanama 2023, ukazakorwa na Minisitiri w’Uburezi mu Rwanda, Dr Uwamariya Valentine.

Aya marushanwa aba agizwe n’imikino 13 itandukanye harimo football, basketball, netball, handball, rugby, tennis, athletic, kogo n’iyindi. Yitabiriwe n’abanyeshuri ibihumbi 2,924 baturutse mu Rwanda, Tanzania, Kenya, Uganda na Zanzibar.

MINEDUC ivuga ko aya marushanwa agamije gufasha abanyeshuri bo mu karere, kumenya ibice bitandukanye byo mu bindi bihugu ariko baniga imico itandukanye yaho. Amakipe yitabira ni abiri aba yitwaye neza ku rwego rwa buri gihugu muri buri mukino, ukinwa muri aya marushanwa.

Imikino ya FEASSSA ibera buri mwaka mu bihugu bigize Umuryango wa Afurika y’Iburasirazuba, kuva yatangira gukinwa mu 2001 uretse mu 2020 na 2021 itabaye bitewe n’icyorezo cya Covid-19. Ibyo bihugu binyamuryango bya FEASSSA ni u Rwanda, Kenya, Tanzania, Uganda, u Burundi, Sudani y’Epfo ndetse n’Ikirwa cya Zanzibar.

U Rwanda rwabaye umunyamuryango wa FEASSA mu 2005, runitabira imikino yose yakurikiyeho ndetse na rwo rwakira ayo marushanwa, ubu iyi ikaba ari inshuro ya kane.

Mu 2008 rwayakiriye ku nshuro ya mbere abera i Kigali, mu 2015 abera i Huye, mu 2018 abera i Musanze. Aya 2019 ari na yo aheruka yabereye i Arusha muri Tanzania.

Iyi miyoboro y’amazi yangijwe ni iyo mu mirenge ya Muhura na Gasange mu tugari twa Taba, Viro, Kigabiro, na Bibare. Umuyobozi w’Akarere ka Gatsibo, Gasana Richard, yatangaje ko abacukuzi batemewe bangije iyi miyoboro ari itsinda rizwi ku izina ry’Imparata.

Yakomeje agira ati: “Abacukuzi batemewe n’amategeko bangije imiyoboro yajyanaga amazi meza muri iyo mirenge yombi mu gihe bakora ibikorwa byabo by’ubucukuzi butemewe. Abaturage barashishikarizwa gukomeza guhanahana amakuru kuri iri tsinda ry’abacukuzi batemewe”.

Hari imbaraga ziri gushyirwa mu guhangana n’iki kibazo iyi miyoboro igasanwa ku bufatanye n’Ikigo gishinzwe Amazi, Isuku n’Isukura (WASAC).

Mu rwego rwo guhangana n’abangiza iyo miyoboro, ubuyobozi buvuga ko ababarirwa muri 20 bo mu mirenge ya Rugarama na Kiziguro mu karere ka Gatsibo batawe muri yombi kubera uruhare bakekwaho mu bucukuzi bw’amabuye y’agaciro mu mashyamba ya Leta ndetse no mu mirima y’abaturage.
Aka karere kavuga ko kandi gakomeje gahunda yo gushakisha abandi bantu bakekwaho gucukura amabuye y’agaciro mu buryo butemewe.

Guverineri w’Intara y’Iburasirazuba, Gasana Emmanuel, yatangaje ko mu cyumweru gitaha hazatangizwa ubukangurambaga bugamije guhangana n’ubucukuzi butemewe n’amategeko mu turere twose two mu Ntara y’Iburasirazuba.

Igikorwa cyo gukumira ubucukuzi butemewe gihuriweho n’abayobozi b’inzego z’ibanze ndetse n’Urwego rw’Igihugu rw’Ubugenzacyaha (RIB). Uru rwego rugaragaza ko ubucukuzi butemewe bugira uruhare rukomeye mu gukura abana mu mashuri bahabwa akazi mu birombe bicukurwamo ndetse bukananduza amazi y’imigezi.

Inkuru dukesha The New Times ivuga ko muri Kamena 2023, Urwego rushinzwe Mine, Peteroli na Gazi mu Rwanda (RMB) rwasohoye itegeko ryo gufunga byihutirwa ibirombe 89 bitemewe mu gihugu hose, nyuma y’urupfu rw’abagwiriwe n’ikirombe kitemewe mu Karere ka Huye no mu tundi turere.

Dushimimana Narcisse ukuriye ubugenzuzi bw’ibirombe muri RMB, yatangaje ko Intara y’Iburasirazuba irimo umubare munini w’ibirombe bitemewe bigomba gufungwa, byose hamwe bikaba ari 32. Intara y’Amajyepfo ni yo ya kabiri aho irimo ibirombe 20 bitemewe n’amategeko bizafungwa, igakurikirwa n’Intara y’Amajyaruguru irimo ibigera kuri 18 n’Intara y’Iburengerazuba irimo 17 aho hose bigomba gufungwa. Umujyi wa Kigali ni wo urimo ibirombe bibiri gusa bitemewe na byo bigomba gufungwa.

Uyu muyobozi yongeyeho ko guhera ku itariki ya 16 Kanama 2023 RMB yatangiye gukorana n’inzego z’ibanze hamwe n’iz’umutekano kugira ngo iki kibazo cy’ubucukuzi butemewe gikemuke.

Mu Rwanda ubucukuzi bw’amabuye y’agaciro butemewe mu myaka itanu ishize bwateye impanuka zahitanye abagera kuri 429 abandi 272 barakomereka.

Aba bagabo bombi bahuriye ku kunyura mu bihe by’intambara, ubu butumwa babutangiye muri BK Arena mu gice cy’Iserukiramuco rya Giants of Africa, cyiswe ‘The Dream Big Educational and Leadership.

Iri serukiramuco ririmo kubera i Kigali mu Rwanda kuva ku itariki ya 13 rikazageza ku ya 19 Kanama 2023, rikubiyemo ibikorwa bitandukanye mu rwego rwo kwizihiza isabukuru y’imyaka 20 rimaze muri Afurika. Ni ibikorwa bigamije guha urubyiruko urubuga rwo kunguka ubumenyi n’ubushobozi, bivuye ku bantu bakomeye mu nzego zitandukanye zirimo siporo, imyidagaduro, ubucuruzi na politiki.

Gen (Rtd) Dallaire ukomoka muri Canada akaba yari Umuyobozi w’Ubutumwa bw’Umuryango w’Abibumbye bwo kubungabunga amahoro mu Rwanda (MINUAR), mu gihe cya Jenoside yakorewe Abatutsi, yabwiye uru rubyiruko ko rufite mu biganza byarwo urugendo rwo kugera ku ntego bafite, badategereje undi ubibakorera.

Umwanditsi w’ibitabo, Beah uvuka muri Sierra Leone akanaba impirimbanyi y’Uburenganzira bwa Muntu, we yavuze ko nta muntu n’umwe urubyiruko rukwiye kwemerera ko arubwira ko rudashoboye, ahubwo ko rugomba guharanira impinduka ku Isi.

Yanatanze kandi ubuhamya bw’uburyo yabaye impunzi ari umwana muto w’imyaka 13 gusa, ubwo iwabo hagabwaga ibitero n’inyeshyamba ndetse icyo gihe agahatirwa kujya mu gisirikare.

Beah yavuze ko kujya ku rugamba uri umwana w’imyaka 13 atari ikintu cyamworoheye na mba, gusa ngo yakoze uko ashoboye kugira ngo yerekane itandukaniro.

Mu 2007 ni bwo Beah yasohoye igitabo cye cya mbere yise ‘A Long Way Gone (Inzira Ndende), icya kabiri yise ‘Radiance of Tomorrow (Imirasire y’Ahazaza) gisohoka muri Mutarama 2014 mu gihe igiheruka cyitwa ‘Little Family’ (Umuryango Muto) cyasohotse muri Mata 2020.

Lt Gen Dallaire wahoze ari n’Umusenateri muri Canada, na we yanditse ibitabo bitandukanye birimo icyasohotse muri 2003, kivuga kuri Jenoside yakorewe Abatusi kitwa ‘Shake Hands with the Devil’ tugenekerereje mu Kinyarwanda bivuze Kuramukanya na Sekibi.

Hagati aho ibikorwa bitandukanye bizaranga iri serukiramuco birakomeje i Kigali, aho nyuma y’igice cy’ibiganiro kuri uyu wa 16, amakipe 29 ya Basketball avuye mu bihugu 16 bya Afurika atangira kurushanwa kugeza ku wa Gatanu habonetse abegukana Giants of Africa 2023.

Ku musozo w’iri rushanwa ku wa Gatanu, abaryitabiriye bazataramirwa n’umuhanzi Nyarwanda, Bruce Melody na Tayla wo muri Afurika y’Epfo, mu gihe ku musozo w’Iserukiramuco ku wa Gatandatu hazaririmba umuhanzi Davido na Tiwa Savage bo muri Nigeria.

Gen (Rtd) Romeo Dallaire na Ishmael Beah

The Bright Five Singers bashimishije abitabiriye igitaramo cya Asomusiyo

Ni igitaramo bise ‘Assumption Day Concert’ cyabereye muri Hoteli Sainte Famille, ku mugoroba ubanziriza Assomption. Cyaranzwe n’indirimbo Gatolika zisingiza Bikira Mariya; ibyanyuze cyane abari bacyitabiriye.

Mu majwi n’umuziki uryoheye amatwi wo mu buryo bwa ‘live’, indirimbo nka Tuzabyina Neza, Indabo za Mariya, Dore Inyange Yera De ziri mu zaryoheye abantu barahaguruka barataramana. Banaririmbye kandi iz’abandi bahanzi ziri mu zindi ndimi harimo Our Father ya Don Moen na Raise Me Up n’izindi nyinshi bashyize mu njyana ya Classic, isanzwe igira umuziki mwiza mu buryo bwa live.

Nyuma y’iki gitaramo, Umuyobozi wa The Bright Five Singers, Karangwa Kwizera Fabrice, yabwiye Kigali Today ko bazirikanye Asomusiyo nk’umunsi udakunze gukorwaho ibitaramo, kandi ntibishyuze kugira ngo buri wese yisangemo.

Yagize ati “Akenshi tumenyereye ibitaramo bya Noheli, ibya Pasika se cyangwa kwizihiza Umwaka Mushya. Iyi yaje ari gahunda nshya kugira ngo dutaramane n’abakirisitu. Ntabwo twari gutaramira umubyeyi twishyuza; twavuze tuti reka dutarame yaba n’abatabashije kubona ayo mafaranga baze bataramire umubyeyi”.

Itsinda The Bright Five Singers ryatangiye mu 2015, kuri ubu rikaba rigizwe n’abaririmbyi b’abasore batandatu. Gusa abaritangije bamwe bagiye basimburwa n’abandi, kuri ubu rikaba ririmo Karangwa Kwizera Fabrice unariyoboye, Mugwaneza Jean Marie, Niyonkuru Fabrice, Pacis Eusèbe Ndahiro, Micomyiza Rukundo Augustave na Niyonzima Oreste. Rimaze gukora Album ebyiri ziriho indirimbo zirenga 20.

Polisi y’icyo gihugu ivuga ko iyi mpanuka yabaye saa kumi n’imwe za mu gitondo kuri iki Cyumweru tariki ya 13 Kanama 2023, aho bsi ya Jaguar ifite plaque UBF 736G, yavaga mu Rwanda yarenze umuhanda igeze mu gace ka Kajumiro kari ku muhanda wa Maddu-Ssembabule.

Polisi yagize ati “Bivugwa ko ubwo bisi yari igeze i Kajumiro ku muhanda Maddu-Ssembabule, yarenze umuhanda abantu batatu barimo umushoferi wayo, David Asiimwe barapfa, ndetse hakomereka abandi umunani b’abagenzi”.

Impanuka ikimara kuba abakomeretse bahise bajyanwa mu kigo nderabuzima cya Maddu III kugira ngo bavurwe, mu gihe imirambo yajyanywe mu bitaro bya Gomba.

Polisi ya Uganda yongeyeho ko iyi bisi yahise ijyanwa kuri sitasiyo yayo ya Kanoni, kugira ngo igenzurwe mu gihe icyateye iyi mpanuka kitaramenyekana, ariko iperereza rikaba ryatangiye gukorwa. Kugeza ubu nta kiratangazwa ku bwenegihugu bw’ababuriye ubuzima muri iyi mpanuka.

Banditse bati “Mu gukomeza guhamya gahunda y’Intore mu biruhuko, mu Mujyi wa Kigali harimo gukorwa gahunda ya ‘Holiday Sports Camp’ irimo kubera kuri Club Rafiki, mu Gatenga kuri Don Bosco na Kimironko Community Court, aho bigishwa umukino wa Basketball. Ababyeyi barashishikarizwa gufasha abana kwitabira”.

Iyi gahunda, itangira mu gitondo saa mbiri n’igice (8:30) kugeza saa sita (12:00) kuri Club Rafiki no mu Gatenga, naho kuri Kimironko Community Court igatangira saa saba (13:00) kugeza saa kumi n’imwe (17:00) z’umugoroba. Abitabiriye bakina imikino inyuranye, bakagaragaza izindi mpano bifitemo ndetse bakanaganirizwa n’inzego zitandukanye, ku ngingo zibubaka muri iki gihe cy’ibiruhuko.

Ubwo Minisitiri wa Siporo, Munyangaju Aurore Mimosa yasubizaga ku kibazo cy’abana babura aho bidagadurira mu gihe cy’ibiruhuko, na we yijeje ababyeyi ko hari ikirimo gukorwa ngo bikemuke.

Yagize ati “Turimo gukorana n’inzego bireba kugira ngo umwana atazajya aba ari mu biruhuko, agahura n’ikibazo bari basanzwe bahura na cyo, cyo kuba abazamu bafunga ibigo bababwira ko bitemewe. Ubu ntabwo ibigo bya Leta bizongera gufunga kubera ko abana badahari”.

Yongeyeho ko mu mashuri hari umwihariko wo guhuza ibigo by’amashuri bikajya bisangira ibibuga, ndetse no korohereza abana kubasha gukoresha ibibuga by’abikorera by’ubucuruzi.

Gahunda yo gufasha abanyeshuri bari mu biruhuko, igamije kubatoza indangagaciro z’Abanyarwanda, kwishakamo ibisubizo, gukuza impano zabo zitandukanye ndetse no kubarinda ibishuko n’ihohoterwa, bashobora guhura na byo mu mezi abiri baba bagiye kumara batari mu masomo.

Ibi biganiro bigiye kuba nyuma y’imyigaragambyo yari iherutse guhagarikwa na Raila Odinga utavuga rumwe n’ubutegetsi bwa Kenya kuva mu myaka myinshi ishize. Ni nyuma kandi y’umwaka umwe wuzuye Perezida Ruto atsinze amatora yari ahanaganyemo bikomeye na Raila Odinga kuri ubu uhagarariye ishyaka ry’abatavuga rumwe n’ubutegetsi rya ‘Zimio la Umoja’.

Ku wa Mbere w’iki cyumeru Perezida Ruto yari yagaragaje ko yiteguye kuganira n’abatavuga rumwe n’ubutegetsi nyuma y’ibibazo byose byagaragaye bishingiye ku kutagira guverinoma ihuriweho n’izo mpande zombi.

Uruhande rw’abashyigikiye Perezida Ruto ruvuga ko bagomba kugnira n’abatavuga rumwe n’ubutegetsi ku bibazo bitanu ari byo: kuvugurura Komisiyo yigenga ishinzwe Amatora n’imipaka (IEBC), ishyirwa mu bikorwa ry’amategeko agenga bibiri bya gatatu by’uburinganire mu myanya y’ubuyobozi, ishyirwaho ry’Ikigega gishinzwe Iterambere mu turere (CDF), ishyirwaho no kugena inshingano z’umuyobozi w’abatavuga rumwe n’ubutegetsi no kunoza imikorere y’Umunyamabanga wa Guverinoma ya Kenya.

Ku rundi ruhande, ishyaka rya Odinga rya ‘Azimio la Umoja’, ryo ryashimangiye ko hagomba kuganirwa ku mibereho ihanitse yo muri Kenya, kugenzura ibyavuye mu matora y’Umukuru w’Igihugu yo mu 2022, kuvugurura Komisiyo yigenga ishinzwe Amatora n’imipaka ((IEBC), ingamba zo gukumira kwivanga mu mashyaka ya politiki n’ibibazo mu Itegeko Nshinga bijyanye n’imiyoborere hamwe no kugenzura bihagije no gukemura ibibazo bijyanye n’imipaka.

Nk’uko Minisiteri y’Ikoranabuhanga na Inovasiyo yabitangaje, yahamagariye ba rwiyemezamirimo babishoboye gutangira ipiganwa rizarangira ku itariki ya 13 Nzeri 2023.

Uyu mushinga uzaterwa inkunga ya miliyoni ijana z’Amadorali kuri buri muterankunga zizatangwa n’ibigo bibiri bitandukanye nk’inguzanyo. Ibigo bihuriye ku kuzatanga izi nguzanyo ni Banki y’Isi ndetse na Banki ishinzwe Ishoramari ry’Ibikorwa Remezo muri Aziya (AIIB).

U Rwanda rwari rwaratangije gahunda yo kwandika abana bavuka mu irangamimerere, mu buryo bw’ikoranbuhanga mu 2020. Intego yari uko mu mpera za 2022 abana bavuka mu gihugu hose baba bandikwa muri ubwo buryo ku kigero cya 100%.

Ikigo RISA gisobanura ko uyu mushinga uzakusanya ukanabika neza amakuru yose y’irangamimerere, yo kuva mu 1962 u Rwanda rubona ubwigenge kugeza mu 2020, ubwo abana bavutse batangiraga kwandikwa mu ikoranabuhanga.

Bati “Amakuru azashyirwa mu ikoranabuhanga azajya agerwaho binyuze mu buryo bwa ‘Civil Registration and Vital Statistics’, ajye akoreshwa mu gushakisha amakuru yanditse mu irangamimierere mu buryo bworoshye. Uyu mushinga witezweho kandi kugabanya ibitabo byinshi biri mu mirenge ndetse rimwe rimwe usanga bihateza umwanda n’akavuyo”.

Habarurwa nibura ibitabo hagati y’ibihumbi 40 na 45 bibitswe ahantu 418, bikaba kibubiyemo inyandiko zibarirwa hagati ya miliyoni 10 na 12.

Umushinga wo gushyira amakuru mu ikoranabuhanga ugamije koroshya uburyo bwo kubona amakuru na serivisi zitangirwa mu ikoranabuhanga, ndetse no gushimangira umujyo wa inovasiyo mu ikoranabuhanga Igihugu cyashyizemo ingufu.

Ugizwe n’ibice bine ari byo kwegeranya amakuru mu ikoranabuhanga no kuyageraho, gutangira serivisi za Leta mu ikoranabuhanga, udushya mu ikoranabuhanga no guhanga imirimo ndetse n’igice cyo gucunga imishinga.

Yvan Buravan agiye kwibukwa nyuma y’umwaka atabarutse

Mu butumwa umuryango Yvan Buravan Foundation watangaje, bavuze ko uyu muhango utegenyijwe kubera ku cyicaro cyawo ku mugoroba w’itariki ya 17 Kanama 2023, ubwo umwaka uzaba wuzuye neza uyu muhanzi atabarutse.

Banditse bati “Mu gihe twese dukomeje gukumbura ubuzima butangaje bwa Yvan Buravan, twishimiye ubuzima, amasomo n’umurage yasize. Muzifatanye natwe ku itariki ya 17 Kanama 2023 mu kwizihiza ubuzima bwe bwiza, kandi tunishimira inzibutso nziza zose yadusigiye”.

Umuhanzi Yvan Buravan yitabye Imana muri Kanama umwaka ushize azize indwara ya kanseri y’urwagashya. Hari haherutse gutangizwa ishuri ryo gusigasira umurage yasize, mu rwego rwo gukundisha abakiri bato indangagaciro ziri mu muco nyarwanda.

Ibiro Ntaramakuru by’Abanyamerika, Associated Press, byanditse ko uyu mwiyahuzi yaturikirije iki gisasu mu majyaruguru ashyira uburengerazuba bwa Pakistan mu karere ka Bajur, hegereye umupaka wa Afghanistan mu gace kahozemo abarwanyi b’Abatalibani.

Bakomeje bandika ko iyi nama yari ihurije hamwe abarwanashyaka babarirwa muri 400, b’ishyaka rya Kiyisilamu ryitwa Jumiat Ulema Islam, bari mu cyumba abandi bari mu mahema yari yongeweho kugira ngo bahakwirwe.

Ubuyobozi bw’intara ibi byago byabereyemo, bwavuze ko ubwo Abdul Rasheed uyobora iri shyaka yari ahageze, aribwo umwiyahuzi kabuhariwe mu gutera bombe zagiye zihitana abantu muri Pakistan yateye icyo gisasu.

Uyu mwiyahuzi wari ufite icyo gusasu mu myenda yari yambaiye, yagiturikirje imbere muri iyo cyumba cy’inama hafi y’ahari hicaye abayobozi b’ishyaka, abagera kuri 44 bahasiga ubuzima abandi barakomereka. Amafoto yakwirakwiye hirya no hino agaragaza imbangukiragutabara zitunda imirambo n’inkomere zakurwaga mu maraso menshi cyane ahabereye iryo bara.

Iperereza ry’ibanze rya polisi rivuga ko iki gitero cyaba cyagabwe n’umutwe wa Leta ya Kisilamu wo muri Afughanistan, udacana uwaka n’Abatalibani bo muri icyo gihugu ukoreramo.

Adam Khan w’imyaka 45 wakomerekeye mu gitero yagize ati “Hari umukungugu mwinshi n’umwotsi kandi nari munsi y’inkomere. Icyagaragaraga gusa ni akavuyo n’abantu bakwira imishwaro”.

Iki gisasu cyaturitse mbere y’amasaha make ngo Minisitiri w’Intebe wungirije w’u Bushinwa, He Lifeng agere muri Pakistan, mu birori byo kwizihiza ubufatanye bw’ibi bihugu byombi.

Iki gitero cyamaganywe n’inzego zinyuranye, ni kimwe muri byinshi byibasiye amajyaruguru ashyira uburengerazuba bwa Pakistan kuva mu 2014, aho abagera kuri 321 babiburiyemo ubuzima harimo abagiye bagabwaho ibitero bari mu misigiti.

Ibi Senateri Uwizeyimana yabitangarije mu Nteko rusange y’Abasenateri yateranye muri iki cyumweru, ubwo Minisitiri w’Ibikorwa Remezo, Dr Nsabimama Ernest, yatangaga ibisobanuro mu magambo, ahagarariye Minisitiri w’Intebe.

Yagize ati “Twaganiriye n’abafite bene izo mpushya zitemewe, batubwira ko uruhushya rwo gutwara imodoka mu Rwanda rubona umugabo rugasiba undi”.

Senteri Uwizeyima yanagarutse ku kizamini cya ‘démarrage’, avuga ko kitagombye gushyirwa mu byo abazatwara imodoka zigezweho za ‘automatique’ bazakora, mu gihe bizaba byatangiye.

Avuga ko gishyizwemo byatuma kubona impushya za burundu bikomeza kugorana, bigatera bamwe gushugurika mu bihugu bituranyi izitemewe n’amategeko.

Senateri Uwizeyimana ati “Mu bihugu biteye imbere démarrage ku modoka automatique mumbwire ahantu bayikoresha? Ntabwo ibizamini bidakorwa ahandi kuko bitagezweho bikwiye kuba bikorwa ahangaha. Icyo kizamini cya démarrage bazajye bagikoresha umuntu ufite imodoka ya manuel”.

Minsitiri Nsabimama asobanurira Inteko Ishinga Amategeko, Umutwe wa Sena, ingamba zihari mu kurwanya no gukumira impanuka zo mu muhanda zikomeje kwiyongera, icyo kibazo na cyo yakigarutseho.

Yavuze ko hari umushinga w’itegeko utararangiye ngo ushyirwe mu bikorwa, wateganyaga impinduka zinyuranye harimo n’uburyo ikizamini cya perimi gikorwa. Icyitwa démarrage cyagombaga gukurwaho ku modoka za automatique, kuko zimwe mu zikorwa ubu ibyo ahubwo bishobora kuzangiza.

Senateri Uwizeyimana avuga ko ibyo bikozwe, mu mutekano wo mu muhanda hajya habaho kugenzura niba umuntu adatwaye imodoka iri ‘manuel’ kandi urushya afite rumwemerera gutwara iri automatique, akaba yabihanirwa ariko hatabayeho kubavunika hakorwa ibizamini hamwe bitari ngombwa.

Mu kumusubiza, Minisitiri Nsabimana yavuze ko umushinga w’itegeko wari watanzwe urimo kwihutishwa n’inzego zitandukanye ngo urangire. Gusa yongeyeho ko mu gihe ibyo bitarakorwa hari ikigo cyuzuye mu Busanza, kirimo ibya ngomba byose byifashishwa mu gukora ibizamini byo gutwara ibinyabiziga kandi bigezwho.

Yavuze ko bamaze gukorana inyigo na Polisi ishinzwe umutekano wo mu muhanda, ku buryo ibizamini byajya bihakorerwa ku modoka za automatique n’iza manuel, kandi ko mu minsi ya vuba bizatangira gukorwa.

Ikindi cyagarutsweho mu gutwara ibinyabiziga, ni uko Senateri Nsengiyumva Fulgence wari wabajije impamvu hari ibigo byigisha amategeko y’umuhanda mu Rwanda, nyamara ibizamini byo gutwara ibinyabiziga bigakoreshwa na Polisi kandi aho higishirizwa, niba hujuje ibisabwa hakanatanze ibyo bizamini.

Minisitiri Nsabimana yasubije ko koko hari ibihugu bigira ibigo bikoresha ibizamini byo gutwrara ibinyabiziga, hanyuma Polisi yo ikagenzura gusa uko amategeko y’umuhanda yubahirizwa.

Gusa yavuze ko mu Rwanda ibyo na ho byashoboka uko ubushobozi bwagenda buboneka, ndetse bikabanza kuganirwaho n’inzego bireba bikanozwa.

Gatera Edmond

Mu butumwa bumuha ikaze, ubuyobozi bw’iyi kipe bwamugeneye banditse bati “Twishimiye kubamenyesha ko Bwana Gatera Edmond ari Umuvugizi wacu n’umukozi ushinzwe Itumanaho”.

Uyu Gatera Edmond ni umunyamakuru ubimazemo igihe, aho akorera Radio Huye ihereye na yo mu Karere ka Huye mu Ntara y’Amajyepfo. Akora mu biganiro by’imikino kuri Radio Huye, gusa akunze no kumvikana mu byegeranyo bigufi by’amakuru ya siporo kuri Radio Rwanda, ndetse no kogeza imikino yabereye kuri Stade Mpuzamahanga ya Huye. Yanabaye kandi Umunyamabanga Mukuru w’ikipe ya Gisagara Volleyball Club.

Mukura VS isanzwe ikina mu cyiciro cya mbere muri shampiyona y’u Rwanda, ndetse yanegukanye umwanya wa gatatu mu gikombe cy’Amahoro giheruka itsinze Kiyovu Sports igitego kimwe ku busa.

Itanze akazi kuri uyu mwanya mu gihe yitegura kwizihiza isabukuru y’imyaka 60 imaze ikinira ku butaka bw’u Rwanda. Ibi birori bizaba ku itariki ya 5 Kanama 2023, biteganyijwe ko bizabanzirizwa n’umukino wa gicuti uzayihuza na Geita Gold FC yo mu gihugu cya Tanzania.

Louise Mushikiwabo

Iyi mikino irimo kubera i Kinshasa muri Repubulika Iharanira Demukarasi ya Kongo kuva ku itariki ya 28 Nyakanga 2023.

Mu butumwa yanyujije ku rubuga rwe rwa Twitter iyi mikino imaze umunsi imwe itangiye, yifurije urubyiruko ruyirimo kuzaryoherwa na yo ariko bakanasangira indangagaciro zo mu bihugu byabo bikoresha Igifaransa.

Yagize ati “Ku rubyiruko rwacu rukoresha Igifaransa: mbifurije kugira imikino myiza ya La Francophonie i Kinshasa! Nibabere umwanya mwiza wo gusangira ibyo dutandukaniyeho no gusangira indangagaciro zo mu bihugu byacu bikoresha Igifaransa. Ariko hejuru ya byose, nimwigaragaze mu marushanwa yose kandi mubyaze umusaruro ushoboka iki gikorwa cyabahariwe. Turi Kumwe”.

Iyi mikino ngororamubiri ihuza ibihugu binyamuryago bya OIF, Umunyamabanga Mukuru w’uyu muryango ntiyabashije kwitabira ibirori byo kuyitangiza, ahubwo yohereje abamuhagararira.

Biteganyijwe ko Perezida Félix Tshisekedi azafatanya na Louise Mushikiwabo gutangiza imikino ya La Francophonie

Ni imikino yitabirwa n’amakipe yo mu bihugu binyamurwango bya OIF ikaba igiye kuba ku nshuro ya cyenda. Iyi mikino izatangira ku itariki ya 28 Nyakanga kugeza ku ya 6 Kanama 2023, gusa hari bimwe mu bihugu bitazitabira iyi mikino bitewe n’impamvu zifitanye isano n’umutekano muke muri RDC.

Mu kiganiro Minisitiri w’Itangazamakuru akaba n’Umuvugizi wa Guverinoma ya RDC, Patrick Muyaya, yaraye agiranye n’itangazamakuru, yemeje ko Mushikiwabo azitabira umuhango wo gutangiza imikino ngororamubiri ya La Francophonie.

Yagize ati: “Iyi mikino yateguwe na OIF rero nta wabura kuvuga ko Umunyamabanga Mukuru wa OIF azaza hano i Kinshasa nk’umwe mu bayiteguye”.

Minisitiri w’Umutekano muri RDC, Peter Kezadi na we yabishimangiye agira ati: “Ingamba zose z’umutekano zizaba zakajijwe kugira ngo Mushikiwabo azabe atekanye byuzuye”.

Iby’uru rugendo byanagarutsweho na Isidore Kwandja Ngembo uhagarariye Komisiyo ishinzwe imikino ya La Francophonie muri Congo. Kwandja yavuze ko iyi mikino itegurwa ku bufatanye bwa OIF n’igihugu cyayakiriye bityo ko Perezida Félix Antoine Tshisekedi azafatanya n’Umunyamabanga Mukuru wa OIF mu muhango wo gutangiza iyi mikino

Bakora imipira ikinishwa amaguru kandi ikunzwe

Musaniwabo Devotha, umwe mu bakorera muri iki kigo yari amaze imyaka ibiri mu kuboha ibiseke no kudoda imyenda iciriritse, hamwe no kudoda imipira (ballon) ikinwa mu mupira w’amaguru. Gusa mu mezi ane ashize Musaniwabo yiyunze kuri bagenzi be barindwi mu kigo ‘Women Opportunity Center’, yiga uko ashobora kwikorera umupira wo gukina akoresheje intoki ze.

Iki kigo gifunguye ku bagore bose biyumvamo umwuga wabateza imbere, cyamubereye nk’icyambu ubwo ubumenyi yahakuye mu gukora imipira, bumugeza ku kugurisha umwe muri yo agera kuri Miliyoni y’Amanyarwanda.

Uyu mupira waguzwe na Gianni Infantinho uyobora Impuzamashyirahamwe y’Umupira w’Amaguru ku Isi (FIFA), ubwo yari mu nama y’Inteko Rusange ya 73 y’iyi mpuzamashyirahamwe, yabereye mu Rwanda muri Werurwe 2023.

Icyo gihe Infantino yashishikarije buri munyamuryango wa FIFA kugura umupira ku giciro na we yawuguzeho mu rwego rwo gushyigikira umushinga wa FIFA, wo guteza imbere impano z’umupira w’amaguru muri Afurika ndetse n’umuryango mugari.

Aba bagore barashimirwa ibyo bagezeho

Musaniwabo icyo gihe yishimiye cyane intambwe yari ateye mu buzima bwe. Kugeza ubu, we na bagenzi be bamaze gukora imipira yo gukina irenga 140 bacururiza ku muhanda muremure uva mu Rwanda ujya muri Tanzania, aho iduka ry’ibyo bakora riherereye. Umupira umwe bawugurisha nibura 50,000Frw.

Ibi bikorwa bikomeye bamaze kugeraho byaramamaye mu bitangazamakuru byaba mpuzamahanga n’iby’imbere mu gihugu, ubwo bamurikaga imishinga yabo mu nama ya ‘Women Deliver’ iherutse kubera mu Rwanda. Byamuritswe nk’imwe mu mishinga myiza y’abagore babashije kwiteza imbere mu Rwanda.

Binyuze mu nkunga y’umuryango w’abagore udaharanira inyungu witwa ‘Women for Women, ikigo Women Opportunity Center, gifasha abandi bagore bari mu bukene bo muri Kayonza n’ahandi kwiteza imbere mu mibereho myiza n’ubukungu badashingiye ku bagabo.

Iki kigo cya Musaniwabo na bagenzi be, cyafunguwe mu 2013 kugira ngo gifashe abagore kwitinyuka mu gukora imyuga inyuranye, ndetse ibyo bakoze bakabigurisha bakabona amafaranga.

Baboha amatapi

Gusa kuri ubu, iki kigo cyaragutse kiva ku buboshyi n’ubudozi kigera ku gutunganya amata y’abana azwi nka ‘yoghurt’, kuboha amatapi n’ibindi.

Iyo usuye iki kigo uhasanga byinshi bitandukanye aho bakorera, nko kuba hubatswe kandi hatatswe mu buryo bw’umuco wa Kinyarwanda kandi na byo byarakozwe n’abagore. Ibyo bakora banasobanurira ba mukerarugendo babasura uko bikorwa.

Diane Hensen, mukerarugendo ukomoka muri Denmark yeretswe uko baboha ibikoresho binyuranye arabyishimira cyane, nubwo bwose ageze iwabo bitamworohera na we kubikora.

Yagize ati “Ni ubugeni butera imbaraga zo kumenya icyo umugore ashobora gukora. Nzabigerageza rwose ningera iwacu nubwo bigoye kubona ibikoresho nakenera”.

Mu bijyanye no kudoda, iki kigo gikoreshsha abagore n’abakobwa barenga 10 bari bafite ubushobozi buke. Irafasha Clenia, ni umwe muri abo w’imyaka 21. Yasoje amashuri yisumbuye akavuga ko kuva mu 2022 yashoboye kwibeshaho abikesha amafaranga akorera muri iki kigo. Umushinga wo kuboha amatapi batangiye mu 2022, wo ukoresha abagore 40 baboha kuri komande bahawe.

Umuyobozi Mukuru wa ‘Women Opportunity Center’, Kayihura Kayitesi Vivian, avuga ko iki kigo cyahaye imbaraga abagore kandi ko imishinga myinshi ibyara inyungu bakora, yitezweho kuzamura umusaruro.

Ati “Twakoze gahunda irambye izadufasha kongera umusaruro. Yoghurt ni kimwe mu bicuruzwa byacu bigenda neza kandi uko tuzamuka dushaka no kujya tugemura amata i Kigali”.

Mu butumwa bw’ibiruhuko yageneye abanyeshuri, ababyeyi ndetse n’abarezi, Minisitiri Uwamariya yabibukije ko atari igihe cyo kwicara ngo bibagirwe inshingano zabo.

Minisitiri w’Uburezi, Dr. Uwamariya Valentine

Yagize ati: “Igihe ni iki ngo mwicarane n’abana banyu, mwungurane ibitekerezo, mubarinde ikintu icyo ari cyo cyose gishobora kubashora mu ngeso mbi kandi mubafashe gusubiramo amasomo yabo kugira ngo bazagaruke ku ishuri bafite imbaraga”.

Abanyeshuri bo yabasabye kurangwa n’imyitwarire inoze muri ibi biruhuko, birinda ingeso zirimo nko kubatwa n’ibiyobyabwenge.

Ati: “Banyeshuri, iki ni igihe cyo kuruhuka, mumarana umwanya n’imiryango yanyu, mwiga indangagaciro zo mu muryango zirimo ubupfura n’urukundo, mwirinda ingeso mbi zose nko kwishora mu biyobyabwenge n’ibisindisha. Muharanire gusubiramo amasomo yanyu, musoma ibitabo kandi mwihugure mu bumenyi munarangwe n’umuco wo kugira isuku ariko hejuru y’ibyo mukore imyitozo ngororamubiri”.

Muri ubwo butumwa bwanyujijwe ku mbuga nkoranyambaga za Minisiteri y’Uburezi, Dr Uwamariya yasabye umuryango nyarwanda ubufatanye mu kubaka umunyarwanda ufite indangagaciro n’ibitekerezo biganisha ku bumenyi n’ubushobozi biteza imbere Igihugu.

Abanyeshuri batangiye ibiruhuko, ni abiga mu mashuri abanza ndetse n’abiga mu myaka ikomeza y’icyiciro rusange n’icya kabiri cy’amashuri yisumbuye n’ay’imyuga. Abiga mu myaka isoza ibyiciro byombi by’amashuri yisumbuye n’ay’imyuga, bazatangira ibiruko ku itariki ya 4 Kanama nyuma yo gusoza Ikizamini cya Leta bazatangira tariki 25 Nyakanga 2023.

Hashize iminsi bamwe mu bagenzi batega imodoka rusange mu Karere ka Musanze bavuga ko birengagizwa n’abashoferi kuko bahitamo gutwara abishyura mu ntoki. Abaramukiye muri gare ya Kinigi ku wa 22 Nyakanga 2023 berekeza mu bice bitandukanye bya Musanze n’ahandi, mu masaha y’igicamunsi bari bagihari nyamara abishyuraga mu ntoki bo babonaga imodoka zemera kubatwara.

Aba bagenzi batangaje ko bagiye birengagizwa n’abashoferi bitewe n’uko bo bari bamaze gushyira amafaranga y’urugendo ku makarita.

Umwe muri bo witwa Ndayahoze Fidèle yagize ati: “Twageze hano saa kumi n’ebyiri za mu gitondo hari n’abandi twahasanze benshi ariko amafaranga twayashyize ku makarita tugomba kugenderaho. Ariko hano havuye imodoka eshanu, abashoferi bari kuza bagatwara abagenzi bakabishyura 1000Rwf cyangwa 500Rwf bagatwara abo, wa wundi ufite ikarita bakamwanga”.

Undi yagize ati: “Nageze hano saa mbili ubwo imodoka igaturuka i Musanze yagera hano mu Kinigi ikazenguruka ikajya gufata abagenzi inyuma bagaca 500Rwf, umuntu washyize amafaranga ku ikarita bakamuheza mu nzira”.

Aba bagenzi baravuga ko impamvu abashoferi babirengagiza ari uko mbere bataratangira kwishyura bakoresheje amakarita batangaga 300Rwf mu ntoki ariko ku ikarita bakaba bishyura 220Rwf. Barasaba ko inzego bireba zabafasha bakabasha kwishyura ku ikoranabuhanga bose nk’uko byashyizweho cyangwa se bose bakongera kujya bishyura mu ntoki ariko ntibakerererwe mu nzira.

Urwego Ngenzuramikorere (RURA) ruvuga ko iki kibazo rwakimenye rukaba rwatangiye kugikurikirana ngo gikemuke.

Umuyobozi w’Urwego Ngenzuramikorere, RURA, Patrick Emile Baganizi, yabwiye Kigali Today ko ibyo biri gukorwa n’abashoferi bihanwa n’amategeko.

Yagize ati: "Ibyo ntibyemewe kandi ababifatirwamo bose barabihanirwa nk’uko biteganywa n’amategeko".

Iki kibazo si muri gare ya Kinigi kigaragara gusa kuko no muri gare ya Musanze kirahari ku bagenzi berekeza mu Murenge wa Cyanika wo muri Burera ndetse n’uwa Vunga muri Nyabihu.

Aha i Musanze kimwe n’ahandi mu Gihugu kandi hakunze kugaragara ikibazo cy’abagenzi bagura itike, bakwishyura mu ntoki, abatanga amatike ntibabagarurire ibiceri bakavuga ko ntabyo bafite.

Kwishyura amafaranga y’urugendo hifashishijwe ikarita, ni gahunda yatangirijwe mu Mujyi wa Kigali mu 2015 hagamijwe kunoza ikoranabuhanga ryo kwishyurana, iyi gahunda ikaba ikomeje kwagukira no mu yindi mijyi yo mu Ntara cyane cyane mu yunganira Kigali.

Iri tangazo ryasohotse nyuma y’iryatanzwe na FARDC ku wa 19 Nyakanga 2023, rivuga ko bafite amakuru y’uko Igisirikare cy’u Rwanda cyiteguye kugaba ibitero ku butaka bwa Kongo. Rivuga ko ayo makuru riyashingira ku rindi tangazo RDF yasohoye ku wa 18 Nyakanga 2023, nyamara iri tangazo ritarigeze ritangwa, yewe nta n’iryigeze ribaho.

Ibiro by’Umuvugizi wa Guverinoma y’u Rwanda, muri iri tangazo bihakana ko nta tangazo ryigezwe ritangwa n’u Rwanda rivuga ko ruteganya gushoza intambara ku butaka bwa Kongo.

Rigira riti “Ibi FARDC ivuga ni urwitwazo rwo gushoza intambara no gushakisha impamvu zo kugaba igitero ku butaka bw’u Rwanda, ari na ko ikomeza guha intwaro, gutera inkunga no gukorana n’umutwe wa FDLR wasize ukoze Jenoside mu Rwanda”.

Ryanzura rivuga ko nk’uko byakomeje gushimangirwa, u Rwanda ruzakomeza gukora ibikorwa bigamije kurinda ubusugire bwarwo ku butaka no mu kirere, kandi rugahangana n’icyo ari cyo cyose cyaterwa n’intambara iri mu Burasirazuba bwa Congo.

Ibi bibaye mu gihe ku itariki ya 11 Nyakanga 2023, u Rwanda rwari rwabeshyuje amakuru y’ibihuha yavugaga ko rugiye gutangiza intambara i Kinshasa, bukeye bwaho ku itariki ya 12 Nyakanga. Icyo gihe RDF yanyomoje ayo makuru ivuga ko ari ibihuha.

Mu butumwa uyu muryango wanyujije kuri Twitter ku gicamunsi cyo kuri uyu wa 18 Nyakanga 2023, wavuze ko ibyo birori by’iyimikwa byabaye ku itariki ya 9 Nyakanga uyu mwaka.

Hashingiwe kuri icyo gikorwa giherutse kuba, FPR Inkotanyi yaboneyeho kwibutsa abanyamuryango bose ko n’ubwo hari intambwe nini imaze guterwa mu kubaka Ubumwe bw’Abanyarwanda, hakiri bikwiye gukosorwa byaba intandaro yo gusenya ibyagezeweho.

Abanyamuryango bose bibukijwe ko ari nshingano za buri wese kurwanya imitekerereze, imigirie n’imyitarire nk’iyo isubiza inyuma ibimaze kugerwaho mu kubumbatira ubumwe bw’Abenegihugu.

Nanone kandi basabwe gutunga agatoki icyo ari icyo cyose gishobora gukoma mu nkokora intambwe yatewe, kandi ko buri wese agomba kubazwa inshingano ze mu gihe habaye ikibi, ntacyamagane ngo yitandukanye na cyo.

Uyu muryango FPR Inkotanyi wasoje usaba gukomeza gusigasira ubumwe no guha urubyiruko ikizere cy’ejo hazaza, mu Gihugu Abanyarwanda babanyemo neza.

Kunywa inzoga nyinshi byangiza ubuzima

Mu butumwa MINISANTE yatanze muri izi mpera z’icyumweru, yavuze ko kutanywa inzoga ari bwo buryo bwonyine bwakurinda ibyango n’ingaruka ziterwa nazo. Gusa na none buri ngano y’ibisindisha umuntu anywa bigira ingaruka zitandukanye bitewe n’iyo ngano.

Ku bantu banywa hagati y’icupa rimwe rya santilitiro 33 (cl 33) n’amacupa abiri mu cyumweru bagirwaho ingaruka nke ziterwa no gufata ibisindisha, ariko nabo bafite ibyago byo kurwara indwara zitandura zitandukanye.

Abantu banywa hagati y’amacupa atatu n’atandatu rimwe rya cl 33 mu cyumweru bafite ibyago biri hejuru, byo kurwara indwara zitandura harimo kanseri zitandukanye, umuvuduko ukabije w’amaraso, diyabete n’izindi.

MINISANTE yagaragaje kandi ko abantu banywa hejuru y’amacupa atandatu ya cl 33 mu cyumweru, ubuzima bwabo buri mu kaga gakomeye ko kurwara za kanseri, indwara z’umutima, diyabete, stroke, kubatwa n’inzoga, uburemba ndetse n’indi myitwarire ishyira ubuzima mu kaga. Muri iyo myitwarire harimo nko gukora imibonano mpuzabitsina idakingiye, amakimbirane avamo gukomeretsa cyangwa kwica n’ibindi.

Abagore batwite, abana bari munsi y’imyaka 18, abarwaye indwara zimwe na zimwe ndetse n’abari guhangana no kureka inzoga ntibemerewe kuzinywa.

Ibi MINISANTE ibitangaje mu gihe Ikigo cy’Igihugu gishinzwe Ubuzima (RBC), ubushasahatsi cyakoze mu 2022 bugaragaza ko Abanyarwanda biyongeyeho ijanisha rya 6.8% mu myaka icyenda ishize, kuko abagera kuri 48.1% by’Abanyarwnda bose banywa inzoga. Ibi ni imwe mu ntandaro zongera ibyago byo kurwara indwara zitandura. Iyi mibare igaragaza ko abagore banywa inzoga mu Rwanda bari ku ijanisha rya 34% mu gihe abagabo bo ari 61.9%.

Gusa nanone ubushakashatsi bugaragaza ko abanywa inzoga zikabije (ubusinzi), bagabanutseho 8% mu myaka icyenda ishize, bava kuri 23.5% bagera kuri 15.2%.

Minisiti w’Ubuzima, Dr Nsanzimana Sabin, aherutse gutangiza ubukangurmbaga cyane cyane mu rubyiruko rukoresha Twitter, bwiswe ‘#TunyweLess’ bivuze tunywe nkeya, bugamije gushishikariza abantu kunywa inzoga nkeya. Ibi yabitangije nyuma yo gusanga urubyiruko runywa inzoga z’umurengera, zishobora gushyira ubuzima bwarwo mu kaga.

Ubwo yaganiraga na RBA ku wa 15 Nyakanga 2023, Minisitiri w’Ubuzima yongeye gushimangira ko atari byo ku babyeyi banywa inzoga bonsa, babeshywa ko zongera amashereka kandi ahubwo zibangiza.

Prezida Kagame ubwo yaganiraga na RBA mu ntagiriro z’uku kwezi, na we yavuze ko ibisindisha bimunga ubukungu bw’umuryango, aho usanga hari ababona ubushobozi bwo kunywa inzoga z’umurengera nyamara ibikenewe mu rugo bijyanye n’amafunguro ntibibashe kuboneka uko bikwiye.

Aya mabwiriza mashya atandukanye n’ayari asanzwe yo mu 2014 kuko yo yasabaga gusa abo bireba kwirinda urusaku rukabaije hakoreshwa ibikoresho nkumirarusaku. Aya yo agaragaza ibipimo ntarengwa by’urusaku n’igihe rutarenza ahaurira abantu benshi nko mu nsengero, mu bigo by’amashuri, mu bitaro n’ahandi.

Azanakurikizwa kandi ahakorerwa imirimo itandukanye y’ubucuruzi nko mu mahoteri, resitora, abamamaza bakoresheje indangururamajwi, ahakorerwa ibijyanye n’ubwubatsi, no mu nganda. Hateganyijwe kandi ibihano ku batazabfatwa barenze kuri aya mabwiriza.

Minisitiri w’Ibidukikije, Mujawamariya Jeanne d’Arc, yavuze ko aya mabwiriza yateguwe mu rwego rwo guhangana n’ibibazo bikomeje kwiyongera bishingiye ku rusaku rukabije kandi bigira ingaruka ku buzima bw’Abaturarwanda.

Aya mabwiriza mashya asobanura urusaku nk’ingano y’ijwi rirenze urugero rukaba rupimwa mu bytwa ‘decibel’(dB). Decibel ikaba ari uburyo bukoreshwa mu gupima urusaku hashingiwe ku ngano y’ijwi risohoka byarenga ikigero cyagenwe bikitwa urusaku.

Ibipimo byatangajwe bishingiye ku masaha y’umunsi aho ku manywa na nijoro bitandukanye. Amanywa yasobanuwe nk’igihe gitangira saa kumi n’ebyiri (6:00) za mu gitondo kugeza saa tatu (9:00) za nijoro mu gihe ijoro ryo ari uguhera saa 9:00 za nijoro kugeza saa 6:00 za mu gitondo.

Ikindi kandi cyitaweho ni uko ahantu hafatwa nk’ahatuje, mu nsisiro, ahacururizwa no mu duce tw’inganda hafite ibipimo ntarengwa by’urusaku byihariye.
Ahantu hatuje hasobanuwe nko mu ntera ya metero 100 uvuye ku ivuriro, ku mashuri, ku masomero, ku nkiko ndetse no ku biro rusange.

Mu nsisiro cyangwa se ahatuwe cyane ingano y’ijwi ntigomba kurenga decibels 55 ku manywa na 45 nijoro. Mu duce tw’ubucuruzi ingano y’ijwi ntigomba kurenga decibels 65 ku manywa na 55 nijoro.

Mu duce tw’inganda, ingano y’ijwi ntigomba kurenza decibels 75 ku manywa na 70 mu gihe cya nijoro.

Mu gihe ahantu hatuje, ingano y’ijwi ntigomba kurenga decibels 50 ku manywa na 40 nijoro.

Mu itangazo rukubiyemo aya mabwiriza, Minisitiri Mujawamariya yagize ati: “Ahantu hatuje hagomba kuguragazwa kandi hagashyirwaho ibimenyetso ku bufatanye n’inzego zibishinzwe. Nta matangazo akoresha indangururamajwi, amahoni y’ibinyabiziga, cyangwa urundi rusaku urwo ari rwo rwose byemewe ahantu hatuje”.

Inzu zisengerwamo, ahabera ibikorwa by’imyidagaduro, utubari na za resitora, ingano y’ijwi igomba kuba iri hagati ya decibels 88 na 91.
Aya mabwiriza kandi asobanura ingano y’ijwi ryemewe imbere no hanze ndetse n’igihe ritagomba kurenza.

Urugero, niba ingano y’amajwi mu musigiti cyangwa mu rusengero ijwi ritagomba kurenza decibels 85 mu gihe cy’amasaha umunani, iyo zigeze kuri 88 amasaha aragabanuka akaba ane. Na none kandi ibi bireba ahabera ibikorwa by’imyidagaduro gusa aho hose iyo bigeze ku ngano y’ijwi rurenze decibels 91 amasaha aramanuka akaba abiri. Ibyo ni na ko bimeze kuri resitora n’utubari.

Ingano y’amajwi ntarengwa hanze y’ahakorerwa ibyo bivuzwe haruguru igomba gushingira ku bipimo byo kuba agace kahakikije gatuje, ari urusisiro, ahakorerwa ubucuruzi cyangwa ahakorera inganda.

Minisitiri Mujawamariya ati: “Nta muntu n’umwe wemerewe kuguma mu gace karimo urusaku rukabije rurenga decibels 70 umunsi wose. Kandi nta gikorwa na kimwe gikwiye gutuma umuntu yumva urusaku rurengeje decibels 85 mu gihe kirenze amasaha umunani”.

Imbonerahamwe igaragaza ingano y’amajwi n’igihe atagomba kurenza ihera ku ngano ya decibels 85 ikageza ku 140; hejuru ya decibels 140 nta wemerewe guteza cyangwa kujya hari urwo rusaku kuko rwakwangiza ubuzima bwe.

Abarebwa n’ishyirwa mu bikora ry’aya mabwiriza cyane cyane abashoramari na ba nyiri ibikorwa byavuzwe haruguru barakangurirwa kwihugura no gushakisha ubumenyi bujyanye no kumva ndetse no gupima ingano y’amajwi y’ibyo bakora.

Na ho ku bikorwa by’ubwubatsi bishobora kubyara urusaku rurenze ingano y’uruteganyijwe, abashoramari bagomba kwaka uruhushya rwihariye mbere yo gutangira ibyo bikorwa bakaruhererwa hamwe n’mpushya zo kubaka.

Yvan Buravan

Mu itangazo YB Faundation yanyujije kuri Twitter none ku wa 13 Nyakanga 2023, bavuze ko iri shuri batangije rizibanda ku kwigisha no gukundisha abana bari hagati y’imyaka ine na 18 umuco Nyarwanda, Ikinyarwanda, kubyina ndetse n’amateka y’Igihugu.

Bakomeje bati “Iri shuri rije nka kimwe mu bikorwa nyakwigendera Yvan Buravan yifuzaga gukora, mu rwego rwo gukomeza gusigasira no gukundisha abakiri bato umuco Nyarwanda”.

Kwiyandikisha muri iri shuri bikorerwa kuri website ya YB Foundation, ndetse no ku cyicaro cyayo giherereye mu Kiyovu mu Mujyi wa Kigali.

Umuhanzi Yvan Buravan agiye kuzuza umwaka yitabye Imana, kuko urupfu rwe rwabaye ku itarika ya 17 Kanama 2022. Ni inkuru yabaye incamugongo ku Banyarwanda benshi, ahanini bitewe n’uko uyu munyempano itangaje yagiye akiri muto, ku myaka 27 gusa.

Uyu muhanzi yinjiye mu muziki Nyarwanda byeruye mu 2015, ahita yigarurira abakunzi benshi b’umuziki ku bw’ubuhanga bwe.

Yvan Buravan yazamutse neza mu muziki Nyarwanda kandi vuba ku buryo mu 2018, yahise atwara Igihembo Mpuzamahanga (Prix Découverte) gitangwa na Radio y’Abafaransa, RFI, aba Umunyarawanda wa mbere uciye ako gahigo. Ni irushanwa ryamuhesheje amahirwe adasanzwe kuko yazengurutse mu bihugu 12 bikoresha ururimi rw’Igifaransa muri Afurika, akora ibitaramo.

Iki gihembo yaje no kugihabwa muri 2022 nyuma yo kwitaba Imana, mu rwego rwo kumuha icyubahiro we n’umuryango we.

Yitabye Imana amaze gukora Albums ebyiri ndetse n’iya gatatu yagombaga kujya hanze muri Nyakanga 2022, ikazitirwa n’uburwayi bwe. Yazize kanseri y’urwagashya (pancreatic cancer) apfa akiri ingaragu.

Ikompanyi ya Jali Transport isanzwe itwara abagenzi mu byerekezo bigana muri gare yo mu Mujyi rwagati, Nyabugogo, Kimironko, Batsinda n’ibindi byerekezo byiyongera kuri ibi muri Kigali.

Iyi kompanyi iteganya kugura izindi bisi 20 za Yutong zikorerwa mu Bushinwa, hagamijwe kugabanya umurongo w’abatega bisi cyane cyane mu masaha ya mu gitondo na nimugoroba.

Umuyobozi Mukuru wa Jali Transport, Innocent Twahirwa, yavuze ko izi modoka nshya zigezweho kandi ko zizakora neza kurusha izo basanganywe, nk’uko yabitangarije The New Times.

Ati "Zimeze nk’izisanzwe ariko zo zigezweho. Gusa zikoze mu buryo bugezweho butandukanye nko kuba ari nziza, zitekanye kandi zibasha gukora neza”.

Igiraneza Elyse utwara bisi muri Kigali, abona ko ibyo bizakemura ibibazo by’ubushobozi kandi bikanoza imikorere y’uburyo bwo gutwara abantu, nko kugabanya ubucucike n’umurongo muremure w’abagenzi bibangamiye benshi.

Igiraneza ufite uburambe bw’imyaka irenga 10 mu bijyanye n’ubwikorezi rusange, yatangaje ko igihe kirekire cyo gutegereza abagenzi n’ubucucike ari impamvu zikomeye zitera serivisi mbi mu makompanyi atwara abagenzi. Gusa akizera ko kuzana izindi bisi bizagira uruhare mu gutanga serivisi zizewe kandi zinoze.

Mugisha Nshuti Christian wiga muri kaminuza akaba atuye i Kigali, na we yavuze ko izo modoka zindi zizaba igisubizo ku bibazo biri mu bwikorezi rusange.

Aati “Ndizera ko serivisi izaba inoze kandi yubahiriza igihe. Ndashaka kuvuga ko abantu batazategereza igihe kirekire, ubusanzwe bituma barambirwa kandi twihanganye igihe kirekire”.

Yongeyeho ati “Gusa ibyo bishobora kuzateza umuvundo w’ibinyabiziga mu muhanda, ndasaba abayobozi gushyiraho ingamba zinoze nk’uko basanzwe babikora kugira ngo ibintu bigende neza”.

Ubwo yaganiraga n’Urwego rw’Igihugu rw’Itangazamakuru (RBA) mu ntagiriro z’uku kwezi, Perezida Kagame yijeje Abanyarwanda ko hari bisi nyinshi zatumijwe, ndetse zimwe zikaba zaramaze no kugera mu Rwanda mu rwego rwo gukemura ikibazo cy’ingendo.

Ni amasezerano yashyiriweho umukono i Kigali ku wa 11 Nyakanga 2023 hagati y’Umuyobozi Mukuru wa SFD, Sultan Abdulrahman Al-Marshad na Minisitiri w’Imari n’Igenamigambi mu Rwanda, Dr Uzziel Ndagijimana.

Mu gusinya aya masezerano, Sultan Abdulrahman Al-Marshad uhagarariye SFD yagize ati: “Dushingiye ku bufatanye, turizera ko uyu mushinga uzaba isoko y’iterambere kandi ukazanira inyungu u Rwanda n’abaturage barwo kugira ngo bagere ku ntego z’iterambere rirambye”.

Iyi nguzanyo izishyurwa hiyongeyeho inyungu ya 1%, mu gihe cy’imyaka 25 harimo imyaka itanu u Rwanda ruzaba rusonewe kwishyura .

Aya mafaranga azafasha mu kugera kuri gahunda igamije kwihutisha iterambere ry’ubukungu ya NST1 irimo ingamba zitandukanye zigomba kurangira mu mwaka utaha harimo no kuba Abanyarwanda babonye amashanyarazi ku kigero cy’100%.

Mu karere ka Kamonyi kuri ubu bageze kuri 58.9% by’ingo zifite umuriro w’amashanyarazi. Uyu mushinga nurangira, hakazaba hiyongereyeho 6.8% muri aka karere.

Umuyobozi Mukuru w’Ikigo gishinzwe Guteza Imbere Ingufu (EDCL), Felix Gakuba yavuze ko mu mpera z’uyu mwaka, binyuze mu mishinga inyuranye, u Rwanda ruzacanira ingo nshya zigera ku 450. 000 zizasiga Igihugu kigeze ku kigero cya 70% mu gutanga amashanyarazi.

Ikigega cya Soudi Arabia gishinzwe Iterambere gisanzwe gitera inkunga imishinga itandukanye na gahunda z’iterambere mu Rwanda.

Kuva mu 1976, iki kigega cyateye inkunga imishinga 12 ifite agaciro ka miliyoni hafi 141 z’amadolari ya Amerika kandi gifasha mu guteza imbere ubukungu n’imibereho myiza biganisha ku Ntego z’Iterambere Rirambye (SDGs).

Uru rugomero rwitezweho kugabanya ubukana bw’amazi ya Sebeya

Umugezi wa Sebeya ukora ku Mirenge ya Kanama, Rugerero na Nyundo muri Rubavu ariko amazi awutembamo aturuka muri Ngororero, Nyabihu, Rutsiro na Rubavu. Ibi bituma wangiza byinshi mu gihe cy’imvura by’umwihariko ibyayabaye muri Gicurasi uyu mwaka, birimo n’abahaburiye ubuzima.

Ku wa 10 Nyakanga 2023, ikigo RWB cyavuze ko amazi y’umugezi wa Sebeya uru rugomero rwubatse mu Murenge wa Kanama muri Rubavu, ruzagabanya umuvuduko yariho ari wo wakundaga guteza umwuzure ku bawuturiye.

RWB iti “Intego ya mbere y’uru rugomero ni ugufata ingano y’amazi yatembaga, rukayarekura atemba ku muvuduko muto. Rugamije kugabanya ibyangizwaga n’umwuzure wibasiraga isantere ya Mahoko n’izindi ngo zituriye umugezi wa Sebeya”.

Mu rwego rwo gushaka umuti urambye ku baturiye umugezi wa Sebeya, mu 2021 ni bwo hatangiye kubakwa ingomero ebyiri ngo zifashe kurwanya umwuzure, wakunze kwangiza byinshi mu bihe bitandukanye.

Ikindi cyakozwe ni ukwimurirara abaturage Sebeya yasenyeye, mu Mudugudu w’Ikitegererezo wa Muhira watashywe ku munsi hizihizwa ku nshuro ya 29 kwibohora.

Nubwo bimeze gutyo ariko, mu 2019 hatangiye umushinga wo kubungabunga icyogogo cy’Umugezi wa Sebeya urangira mu 2022. Uyu mushinga wari ugizwe ahanini no kubaka amaterasi y’indinganire, gutera amashyamba n’ibiti bivangwa n’imyaka, kubaka inkuta hamwe na hamwe kuri uwo mugezi ndetse n’ibindi harimo n’ibirebana no kujijura abaturage no kubaha imirimo ijyanye no kuwubungabunga.

Uyu mushinga wakorerwaga mu turere twa Rutsiro, Ngororero, Nyabihu na Rubavu hashorwamo akayabo ka Miliyari 22Frw, ariko ntibyabujije ko muri Gicurasi 2023 uyu mugezi wongera gutera imyuzure mu baturage, bamwe bahaburira ubuzima n’ibyabo birangirika, ari yo mpamvu hakomeje gushakishwa icyatuma icyo kibazo gikemuka burundu.

Iri hagarikwa rije rikurukira icyegeranyo gicukumbuye BBC Arabic yakoze, ku bucuruzi bw’ibiyobyabwenge muri Syria iragitangaza. Muri icyo cyegeranyo igaragazamo isano ubwo bucuruzi bubarirwa mu mamiliyoni y’Amadorali bufitanye n’igisirikare cya Syria, ndetse n’abo mu muryango wa Perezida Bashar al Assad uyobora iki gihugu.

Itangazo ryashyizwe ahagaragara rigira riti “Bitewe n’uko igitangazamakuru cyananiwe kubahiriza amahame y’umwuga, ahubwo gitsimbarara ku gutanga amakuru abogamye kandi ayobya, Minisiteri y’Itangazamakuru yafashe icyemezo cyo guhagarika umunyamakuru wa BBC n’ushinzwe gufafata amafoto”. Iri tangazo kandi ryongeraho ko rihagaritse Radiyo BBC muri Syria.

Igihigu cya Syria kivuga ko kuva mu 2011 cyinjira mu ntambara ya gisivili, cyakomeje kwihanangiriza igitangazamakuru cya BBC ku gutangaza amakuru abogamye ariko nticyikosore.

Uruhande rwa BBC ruvuga ko kuri iri hagarikwa mu buryo buziguye, ryatangaje ko ari igitangazamakuru cyigenga gitangaza amakuru cyabanje kuvugana n’inzego zose bireba kandi ko kizakomeza gutangaza ayo makuru, ku bumva Icyarabu bari hirya no hino ku Isi.

Guhagarika ibitangazamakuru mpuzamahanga muri Syria ni ibintu bikunze gukorwa, by’umwaihariko muri iki gihe cy’intamabara aho Abanyamakuru benshi bagiye bahitamo kuva muri icyo gihugu, bitewe no kutavuga rumwe na Leta.

Nk’uko itangazo ryasinyweho n’ubuyobozi bukuru bwa Rwanda FDA ribivuga, uyu muti wakumiwe ni uwakozwe muri Werurwe 2022 wagombgaga kuzarangira muri Gashyantare 2025. Ufite inomero iwuranga ya E22053 ukaba ukorwa n’uruganda rwa FRAKEN rwo mu Buhinde.

Itangazo rikomeza rivuga ko abana 12 uwo muti ukekwaho guhitana nyuma yo kuwukoresha babanzaga kugira ibibazo by’impyiko nyuma bigakurikirwa n’urupfu.

Nyuma y’igenzura iki kigo cyakoze mu Rwanda ku miti yinjiye mu gihugu cyasanze uyu muti utarigeze winjira mu Rwanda kandi ko utari no ku rutonde rw’imiti yemerewe kwinjira mu gihugu.

Abinjiza imiti mu gihugu basabwe kudatumiza uyu muti wa NATURACOLD ndetse no gukomeza kubahiriza andi amahame yose agenga ibijyanye no kwinjiza imiti mu Rwanda.

Nk’uko Ingengo y’Imari y’u Rwanda y’uyu mwaka turimo ibigaragaza, yatangiye gukoreshwa ku itariki ya 1 Nyakanga 2023.

Muri miliyari ibihumbi 5,030 na miliyoni 100 ziyigize izigera kuri miliyari 265 na miliyoni zirenga 999 ni yo Ngengo y’Imari igenewe Umujyi wa Kigali.

Bimwe mu bizakorwa mu nkingi y’ubukungu hazakomeza gushyirwa mu bikorwa umushinga mugari wo kubaka imihanda wiswe ‘Kigali Infrastructure Project’ harimo gukomeza gutanga inyunganizi ya 70% ku baturage biboneye 30% by’amafaranga yo kwiyubakira imihanda ya kaburimbo y’imigendererano.

Hazakomeza gahunda yo kubaka ibiraro mu bice bitandukanye ndetse no kurangiza imirimo yo kubaza za ruhurura zatangiye.

Hazatangizwa kandi imirimo yo kuvugurura imiturire mu murenge wa Rwezamenyo mu karere ka Nyarugenge no Kagari ka Kagugu mu murenge wa Kinyinya wo muri Gasabo.

Mu bijyanye n’ubwikorezi Umujyi wa Kigali uvuga ko hazakomeza kunozwa gahunda zo gutwara abantu n’ibintu hanakomeza ikorwa ry’inyigo yo kuvugurura gare ya Nyabugobgo.

Hazubakwa kandi ibilometero 20 by’imihanda zizashyirwaho amatara ndetse hubakwe ubundi bwiherero rusange.

Perezida Kagame ahabwa igihembo nk’uteza imbere Gender, mu 2016

Iyi nama ihuriza hamwe abantu b’ingeri zinyuranye ku Isi yose, kugira ngo baganire ku mbogamizi abagore bagihura nazo hagamijwe gusahaka ibisubizo bifatika, mu gufasha umugore kudahezwa no kubaka umuryango utarimo ubusumbane ku Isi.

Nk’imwe mu nama zikomeye mu zihuza abantu b’ingeri nyinshi, izitabirwa n’abagera ku 6,000 imbonakubone ndetse n’abasaga 200,000 mu buryo bw’ikoranabuhanga.

Uyu mwaka inama ya Women Deliver izibanda ku ngingo nyinshi zirimo kwimakaza ibikorwa rusange bigamije guteza imbere uburinganire, kurushaho kubaza abayobozi inshingano, gushyira imbaraga muri gahunda ya Feminism n’iya ‘Who Lead’ n’izindi ngingo. Iyi nama igiye kubera i Kigali bwa mbere, igiye kuba ku nshuro ya gatatandatu kuko iziheruka zabereye i Londres, Washington DC, Kuala Lumpur, Vancouver no muri Denmark.

Abategura iyi nama bavuga ko atari impanuka kuyizana mu rw’Imisozi Igihumbi.

Batangaje bati “U Rwanda ruhagaze neza ku Isi ndetse no ku mugabane wa Afurika, mu buryo abagore bahagarariwe mu myanya ifata ibyemezo”.

Kimwe mu byo ibi byagejejeho u Rwanda mbere ya byose, ni ishyirwaho ry’inzego ziteza imbere uburinganire aho umugore abona umwanya n’urubuga akoreramo.

Muri izo nzego harimo Minisiteri y’Uburinganire n’Iterambere ry’Umuryango (MIGEPROF), Inama y’Igihugu y’Abagore (NWC), Urwego rushinzwe Iyubahirizwa ry’Uburinganire n’Ubwuzuzanye (GMO) n’Ihuriro ry’Abanyarwandakazi bari mu Nteko Ishinga Amategeko (FFRP).

Mu rwego rw’amategeko, ibyagezweho bigaragara ni uko mu nzego zifata ibyemezo hagomba kubamo nibura 30% by’abagore, nk’uko biteganywa n’Itegeko Nshinga rya Repubulika y’u Rwanda.

Mu rwego rw’amategeko kandi, ateganya uburenganzira bungana mu gihe cy’amatora, aho yaba umugabo cyangwa umugore bombi bashobora gutora, gutorwa no kuba indorerezi mu mtora.

Ibi ni na ko biteganyijwe kandi ku burenganzira ku by’imari hagati y’abagore n’abagabo, ndetse no kwitabira ibikorwa by’imitwe ya politiki.

Nanone kandi u Rwanda ni u rwa mbere ku Isi mu kugira abagore benshi mu myanya y’ubuyobozi, aho mu Nteko Ishinga Amategeko ari 61.3% kandi ruza no ku mwanya wa gatandatu ku Isi, mu kuziba icyuho mu buringanire nk’uko raporo ya ‘Global Gender Gap, 2022 ibigaragaza.

Mu nzego z’ibanze, abagore b’Abunzi barimo bangana na 44.3% ndetse abandi 48% bagera kuri serivisi z’Urwego rufasha abaturage mu by’Amategeko (MAJ). Umwe mu bakozi ba MAJ muri buri karere aba ashinzwe ibibazo by’ihohoterwa rishingiye ku gitsina n’irikorerwa abana.

Nanone kandi bagore muri serivisi z’imari bariyongereye bava kuri 63% bagera kuri 74%, mu gihe abagabo bavuye kuri 74% bagera kuri 81%.

Raporo ngarukamwaka ya RDB iheruka, yerekana ko abagore bakora ubucuruzi biyongereye bava kuri 27% mu 2017 bagera kuri 34% mu 2022, bikaba bigaragaza intambwe imaze guterwa iganisha ku buringanire hagati y’abikorera.

Mu bindi byakozwe mu kurwanya ihohoterwa rishingiye ku gitsina, Leta yashyizeho ibigo bya Isange One Stop Center mu bitaro byose by’uturere bigera kuri 44 mu gihugu hose. Ibi bifasha abakorerwa ihohoterwa rishingiye ku gitsina, kubonera icyarimwe serivisi zose zo kubarenganura batiriwe basiragira.

Uretse ibyo kandi na serivisi z’ubutabera ku bakorerwa ihohoterwa rishingiye ku gitsina, zegerejwe abaturage aho Minisiteri y’Ubutabera iherutse kugena ko abakozi ba MAJ, bagomba no gukorera ku bigo bya Isange One Stop Center.

Ibyo ni byo abategura Women Deliver y’uyu mwaka bagendeyeho bahitamo yakirwa n’u Rwanda.

Iri tegeko ryatowe nyuma yo gusobanura ibikubiye muri raporo Visi Perezida w’Umutwe w’Abadepite, Edda Mukabagwiza, yagejeje ku bandi badepite. Iyi raporo yakozwe na Komisiyo ihuriweho n’imitwe yombi y’Inteko Ishinga Amategeko, ikubiyemo isuzuma ku bugororangingo bwakozwe n’Umutwe wa Sena ku mushinga wo kuvugurura Itegeko Nshinga.

Iri Tegeko Nshinga ryatowe ku mpamvu zo guhuza amatora ya Perezida n’ay’Abadepite azaba umwaka utaha. Guhuza aya matora yombi bizagabanya ingengo y’imari yari kuzatwara iyo akorwa ukubiri kandi bigabanye n’igihe byatwaraga.

Komisiyo y’Igihugu y’Amatora igaragaza ko nibura amatora ya Perezida n’ay’Abadepite yombi atwara arenga Miliyari 14Frw. Bivuze ko Igihugu cyari kuzakoresha Miliyari zirindwi mu matora y’Abadepite yari ateganyijwe uyu mwaka, kikazongera gukoresha izindi nk’izo mu ya Perezida ateganyijwe umwaka utaha wa 2024.

Mu Mpinduka ziri muri iri Tegeko Nshinga ryatowe, harimo ingingo nshya yongewemo ivuga ko ‘Abadepite bari mu myanya igihe iri Tegeko Nshinga rivuguruye ritangiye gukurikizwa, bakomeza imirimo yabo kugeza igihe cy’iseswa ry’Umutwe w’Abadepite, ku mpamvu z’amatora’. Ibi bivuze ko Umutwe w’Abadepite uzaba wongerewe umwaka umwe kuri manda y’imyaka itanu usanzwe wemerewe.

Umunyamabanga wa Leta ushinzwe Itegeko Nshinga n’andi mategeko muri Minisiteri y’Ubutabera, Nyirahabimana Solina, yavuze ko muri iri Tegeko Nshinga harimo ingingo zanogejwe mu kugira ngo imikorere n’imikoranire y’inzego yorohe kurushaho, ndetse hagira n’izindi ngingo zikurwamo kuko zitari zigikenewe.

Ivugururwa ry’Itegeko Nshinga rishobora gukorwa ritangijwe na Perezida wa Repubulika, umwe mu mitwe y’Inteko Ishinga Amategeko cyangwa abaturage. Iri Tegeko Nshinga ryatowe, ivugururwa ryaryo ryatangijjwe n’Umukuru w’Igihugu, Paul Kagame.

Itegeko Nshinga rya Repubulika y’u Rwanda ryaherukaga kuvugururwa binyuze muri Referandumu yakozwe mu 2015, cyane cyane mu ngingo yaryo y’101 ivuga ku bijyanye na manda z’Umukuru w’Igihugu.

Umupaka mushya uhuza u Rwanda na Uganda

Uyu mupaka mushya ufunguwe nyuma y’uwa Gatuna wongeye gufungurwa muri Mutarama 2022, nyuma yo kumara imyaka hafi ine ufunze bitewe n’agatotsti kari karaje mu mubano w’u Rwanda na Uganda.

Icyo gihe Minisiteri y’Ububanyi n’Amahanga y’u Rwanda, yavuze ko kongera gufungura umupaka wa Gatuna bikozwe mu rwego rwo koroshya, kwihutisha no kwerekana ubushake Igihugu cyari gufite mu kuzahura umubano, no gukemura ibibazo byari hagati y’Ibihugu byombi.

Muri Werurwe 2022 na bwo hongeye gufungurwa uwa Cyanika mu Karere ka Burera, nyuma y’imyaka isaga ibiri na wo wari umaze ufunze. Abanyarwanda bawuturiye bavuze ko bishimiye kongera guhahirana n’abaturanyi, kuko bizamura iterambere n’imibereho myiza yabo.

Ubwo iyi mipaka yari igifunze byagize ingaruka ku bihugu byombi mu mibanire, kuko nk’ibihugu bituranye kandi by’inshuti hari imiryango yabaga ifite benewabo mu baturanyi batari bagihura. Uretse mu mibanire ariko byanagize ingaruka zikomeye ku bucuruzi, bwavuye ku gaciro ka Miliyoni 250 z’Amadorali bukagera ku gaciro ka Miliyoni 10 z’Amadorali gusa, muri icyo gihe imipaka ifunze.

Perezida Kagame yabitangaje ku wa 4 Nyakanga 2023 ku munsi wo Kwibohora, mu kiganiro yagiranye n’Urwego rw’Igihugu rw’Itangazamakuru (RBA). Ni ikiganiro cyibanze ku ngingo zinyuranye harimo izo mu karere u Rwanda ruherereyemo ndetse n’imbere mu Gihugu. Cyaranzwe kandi no kwakira ibitekerezo binyuranye binyuze mu ikoranabuhanga, ku bari bagiteze amatwi banyuranye.

Ubwo Umukuru w’Igihugu yabazwaga ku kibazo cyo kwihaza mu biribwa, yavuze ko kuboneka k’umusaruro udahagije imbere mu Gihugu bituma hari bimwe mu biribwa bitumizwa hanze, bigatuma igiciro cyabyo gikomeza kuzamuka.

Ati “Kongera umusaruro muri buri kintu cyose dukora ni ngombwa, ari abahinzi, ari aborozi, ari abashoramari mu gihugu bigomba kwiyongera. Igihe umusaruro utazamuka ndetse ku muvuduko wo hejuru, tuzahora dufite icyo tubuze kuko ibiciro bizamurwa n’uko hari ibikenewe ku isoko bidahari”.

Ati “Twese nidukomeza gushyira hamwe umusaruro uzazamuka. Umusaruro rero uzazamuka ari ku ruhande rwa Leta gushyiramo ishoramari, ari abikorera, ari n’abaturage bose bashyiramo imbaraga. Ntago umusaruro ushobora kuva ku ruhande rumwe gusa ntibishoboka”.

Ku ruhande rwa Leta, Perezida Kagame yavuze ko hari ibirimo gukorwa nko gushyira imbaraga mu kuhira, mu rwego rwo guhangana n’imihindagurikire y’ikirere, ikukunze kuzahaza umusaruro w’ubuhinzi.

Gusa yanenze abatubahiriza inshingano zabo uko bikwiye, ngo izo gahunda zirusheho gutanga umusaruro.

Ati “Hari ababishinzwe ku nzego za Leta badakora ibyo bakwiye kuba bakora, kandi bafitiye n’ubushobozi. Ku rundi ruhande rw’abakwiye kuba babikoresha cyangwa se bakora ibyo bikabunganira nabo hari benshi badakora ibya ngombwa”.

Yakomeje ati “Urugamba ruriho rero ni uguhora tugerageza kubivuga ariko no kubaza abantu niba ibyo bakwiriye kuba bakora babyuzuza. Ibyo rero iteka ntabwo bigenda nk’uko umuntu abyifuza. Ni uguhozaho abantu bagerageza kuzamura ibishoboka”.

Akomoza ku bigaragaza ko hari intambwe iterwa mu guhangana n’ubukene yagize ati “Ariko iyo ugiye kureba nk’ukuntu ubukungu bwazamutse muri iki gihembwe cya mbere cy’umwaka, bwazamutse hejuru ya 9%, nta handi biri nta n’ubwo ari muri Afurika gusa n’ahandi nta hantu bimeze gutyo. Biriya ni ibyerekana ko hari igikorwa n’ubwo ku rundi ruhande uzahura n’abantu kandi bishingiye ku kuri bakubwira ko hari ibikibuze hano”.

Ubwo yabazwaga ku bindi bibazo byakomeje kubazwa na benshi nk’ibibangamiye imibereho myiza, Perezida Kagame yavuze ko nko mu bwikorerezi hatumijwe bisi nyinshi ziri hafi kugera mu Rwanda, ndetse ko hari n’izamaze kuhagera mu rwego rwo gukemura ikibazo cy’ingendo.

Ni mu kigo ngororamuco giherereye mu kiyaga cya Kivu ku kirwa cya Iwawa hagati y’u Rwanda na Repubulika Iharanira Demokarasi ya Kongo (DRC).

Muri iki kigo hajyanwa cyane cyane urubyiruko rw’inzererezi n’abanywa ibiyobyabwenge bakagororwa banahabwa amasomo atandukanye. Bamwe bahabwa amasomo asanzwe yo mu ishuri abandi imyuga ariko bagahurira ku nyigisho zubaka imitekerereze igamije kubasubiza mu buzima busanzwe butarimo ibiyobyabwenge kuko byica ahazaza h’urubyiruko.

Mugiraneza King David umaze amezi arenga atatu kuri iki kirwa avuga ko urupfu rwa nyina ari rwo rwabaye intandaro yo kwisanga mu biyobyabwenge kugeza ubwo yisanze mu kigo ngaroramuco.

Agira ati: “Mama amaze gupfa, nagize agahinda gakabije ntangira kunywa ibiyobyabwenge birimo urumogi. Umuryango wanjye umaze kumenya ko natangiye gukoresha ibiyobyabwenge, bagerageje uko bashoboye kugira ngo babinkuremo ariko biba iby’ubusa. Byabaye ngombwa ko bitabaza abashinzwe umutekano kuko babonaga ko nkeneye ubufasha”.

Akihagera, Mugiraneza ku myaka ye ntiyorohewe no kwakira kuba mu buzima nk’ubw’umunyeshuri wiga aba mu kigo ariko uko iminsi ihira yagiye amenyera gahunda za buri munsi z’iki kigo.

Ubu ikiciro kiri Iwawa ni urubyiruko rugera ku 5,182. Aba babyuka kare buri munsi bakitegura bakanywa igikoma nyuma bagahabwa amabwiriza y’umunsi mbere yo kwerekeza mu masomo anyuranye bahabwa.

Ibyo bigira muri iki kigo ngororamuco cya Iwawa harimo ibijyanye n’ubwubatsi, ubuhinzi, ubudozi, ububaji n’amategeko y’umuhanda.

Muri ibyo, Mugiraneza we yahisemo amategeko y’umuhanda ngo azamufashe kuhava afite uruhushya rwe rwo gutwara ibinyabiziga.

Nyuma ya saa sita, aba bagororwa noneho bajya guhabwa amasomo ajyanye n’imitekerereze kugeza ku mugoroba.

Mugiraneza agira ati: "Iyo inzobere mu by’imitekerereze ya muntu zitateganijwe, dukomeza ibiganiro byigisha uburere mboneragihugu ku ngingo zitandukanye.

Iyo ibyo birangiye muri uwo mugoroba bakomereza muri gahunda zibaruhura ziganjemo siporo nyuma bagafata amafunguro ya nijoro ubundi bakaryama.

Mu mpera z’icyumweru, Mugiraneza na bagenzi be baba bari mu imirimo y’isuku harimo nko kumesa imyenda ndetse bagakora n’ibindi bikorwa bibaruhura by’imyidagaduro.

Bamwe bajya gusenga abandi bakerekana impano bafite. Hari n’abajya gukina kuko hari ibibuga byo gukiniraho imikino inyuranye nk’umupira w’amaguru, basketball, volleyball, karate kwiruka n’ibindi.

Mugiraneza avuga ko hari urubyiruko rwinshi rufite ibibazo bikomeye kumurusha bikaba byaratumye yiyakira abasha guhangana n’intimba yatewe no kubura nyina.

Ati: “Rimwe na rimwe usanga ikibazo cyawe ari gito ugereranyije n’abandi. Abahanga mu mitekerereze bacu badufasha kurwanya intimba n’agahinda gakabije. Nizeye ko ninsubira mu rugo, ntazongera kunywa ibiyobyabwenge ukundi”.

Mu gusoza aha inama bagenzi be agira ati: “Ndagira inama inshuti zanjye zikomeje kunywa ibiyobyabwenge kureka gusenya ejo hazaza habo. Nk’uwahoze ari umukozi n’umunyeshuri mu kiciro cya gatatu cya kaminuza, nzi intambwe nini nateye mu guhinduka”.

Abadepite bakurikiye ibisobanuro ku cyifuzo cya RDB

Ibikubiye muri uwo mushinga w’itegeko byamurikiwe Inteko Ishinga Amategeko ku wa 29 Kamena 2023. Umuyobozi Mukuru wa RDB, Clare Akamanzi yavuze ko hakenewe impinduka mu itegeko rigenga uru rwego, kugira ngo rubashe gusohoza neza inshingano rufite.

Akamanzi yavuze ko uburyo inzego z’ubuyobozi za RDB zubatse bikwiye guhinduka, kugira ngo babashe gusohoza inshingano zagutse ndetse n’Inama y’Ubutegetsi igahabwa ubushobozi n’uburenganzira, bwo gukora impinduka muri uru rwego zijyanye no guhangana n’imbogamizi ziboneka, uko ibijyanye n’ubukungu n’ubucuruzi bihinduka.

Iby’ingenzi uyu mushinga uteganya guhindura no kongera mu itegeko rigenga RDB, harimo kugira iki kigo ‘Urwego rwihariye’, nk’uko kuri bimwe mu bigo bihuje sitati na RDB bimeze.

Akamanzi yagize ati “Ikigamijwe ni uguha RDB sitati iyifasha guhangana n’imbogamizi ihura nazo, zikabangamira ubushobozi n’imbaraga zayo mu gusohoza nshingano ifite”.

Ubusanzwe, urwego rwahawe inshingano rushobora guhabwa sitati yihariye nk’uko biteganywa cyane cyane n’Igika cya gatanu, cy’Ingingo ya 139 y’Itegeko Nshinga rya Repubulika y’u Rwanda ryo mu 2003 ryavuguruwe mu 2015.

Uyu mushinga w’itegeko usaba Inteko Ishinga Amategeko guha RDB sitati yihariye, ugomba no kubanza guca muri ‘Primature’ ukemezwa nk’Iteka rya Minisitiri w’Intebe.

Nanone kandi uyu mushinga w’itegeko uteganya guha Inama y’Ubutegetsi ya RDB ububasha bwo gushyiraho abayobozi b’amashami n’imishahara, hamwe n’izindi nyungu zigenewe abakozi.

Akamanzi yavuze ko ibyo biterwa n’uko Inama y’Ubutegetsi idafite uburyo bworoshye, bwo guha akazi abantu bakora imirimo imwe n’imwe no kugirana ibiganiro ku mishinga ikomeye n’abahugukiwe ibintu runaka, kuko badashobora kubahembera kuri sitati isanzwe y’itangwa ry’imishahara muri RDB.

Ati “Iyo bigeze ku masezerano yihariye n’ibigo binini nka NBA, Trace TV na Time Magazine dushaka kugirana imikoranire, dusanga tubakeneye kuruta uko badukeneye bityo bakeneye gusonerwa bimwe mu bisabwa, kandi batanyuranyije n’amategeko ya Leta ”.

Bijyanye n’umujyo Leta y’u Rwanda irimo wo kuzamura ubucuruzi n’ishoramari RDB irifuza kureka gukorera gusa ku kicaro gikuru ahubwo igafungura amashami hanze ya Kigali no hanze y’u Rwanda bibaye ngombwa.

Itegeko rigenga RDB ubu ntirigaragaza urwego rufite ububasha bwo kwemerera iki kigo kuba cyakwimurira ikicaro gikuru aho ari ho hose mu gihugu.

Akamanzi yagize ati “Rero ni ngombwa kugaragaza urwego rufite ubwo bubasha. Kubera iyo mpamvu, turasaba ko bigomba kwemezwa n’Inama y’Abaminisitiri”.

Kuri iyi ngingo yo kwimura ibiro cyangwa gufungura andi mashami, RDB yasabye ko byazashyirwa mu bubasha bw’abagize Inama y’Ubutegetsi y’uru rwego, kuko itegeko bagenderaho ubu ritabibemerera. Gusa, ibi byazanyuzwa mu iteka rya Minisitiri w’Intebe rizashyirwaho.

Uyu mushinga w’itegeko watowe woherezwa muri komite y’Inteko Ishinga Amategeko, kugira ngo usuzumwe mbere yo kwemezwa.

Iryo tangazo rikomeza rivuga ko hashingiwe ku biteganywa n’Itegeko nomero 065/2021 ryo ku wa 09/10/2021 rigenga Akarere cyane cyane mu ngingo yaryo ya 29, Inama Njyanama y’akarere ka Rutsiro isheshwe, hakaba hashyizweho Bwana Mulindwa Prosper, nk’Umuyobozi w’Akarere by’agateganyo.

Ku wa Mbere tariki 26 Kamena 2023 ni bwo RwandAir yatangaje ko igiye kujya ikora ingendo, Kigali-Paris gatatu mu cyumweru mu rwego rwo kurushaho kunoza imigenderanire y’ibihugu byombi, kuruta uko byari bimeze binyuze muri uwo muyoboro mushya.

Mu ntangiriro za Mata uyu mwaka ni bwo RwandAir yatangaje ko iteganya gutangira ingendo zerekeza mu Bufaransa zidaciye mu kindi gihugu, bihita bigira Kigali-Paris icyerekezo cya 25 iyi kompanyi ijyanamo abagenzi.

Icyo gihe RwandaAir yaratangaje iti “Ingendo nshya zerekeza mu Mujyi wa Paris zizajya zikorwa gatatu mu cyumweru, zizaha abakiriya uburyo bworoshye bwo kugera muri umwe mu mijyi myiza kandi ishimishije mu Burayi, ndetse zinahuze u Bufaransa na Kigali mu mutima wa muri Afurika”.

Iyi kompanyi yakomeje itangaza ko indege zerekeza i Paris zizajya zihaguruka i Kigali saa sita n’igice z’ijoro (00:30)buri wa Kabiri, ku wa Kane no ku Gatandatu zigere ku kibuga cy’indege cya Charles de Gaulle mu Bufaransa saa tatu (9:00) za mugitondo. Mu ngendo zigaruka zo, indege izajya ihaguruka i Paris saa tatu n’igice z’ijoro (21:30) buri wa Kabiri, ku wa Kane no ku wa Gatandatu, hanyuma igere i Kanombe saa kumi n’ebyiri (6:00) za mu gitondo bukeye bwaho.

Umuyobozi Mukuru wa RwandAir, Yvonne Manzi Makolo, icyo gihe yavuze ko icyerekezo cya Paris gisobanuye byinshi muri gahunda yo kwagura ibyerekezo by’iyi kompanyi.

Yaragize ati “Gutangiza ingendo zacu za mbere zijya i Paris ni intambwe ishimishije mu rugendo rwo kwaguka rwa RwandAir, ndetse ni ikintu cy’ingenzi ku mubano w’u Bufaransa n’u Rwanda. U Bufaransa ni isoko rikomeye kuri RwandAir kuko ari uguhuza umugabane wa Afurika n’uw’u Burayi binyuze iwacu i Kigali, muri iki cyerekezo gishya cya Paris nka hamwe mu hantu hakurura ba mukerarugendo ku Isi”.

Uyu muyobozi yongeyeho ko abagenzi b’Abafaransa bahawe ikaze mu rugendo rwa mbere, kandi ko bazakomeza kwishimira imikorere ya RwandaAir uko imigenderanire izakomeza, ndetse inagura ubucuti hagati y’ibihugu byombi.

RwandAir ivuga ko abagenzi bajya mu Bufaransa bavuye muri Afurika banyuze i Kigali mu Rwanda, ubu bizajya bibasaba amasaha atarenze umunani n’iminota 30 gusa. Ibi bizajya bibaha umwanya uhagije wo kumara mu mujyi nyaburanga wa Paris kandi ukungahaye ku muco.

Nanone kandi izi ngendo nshya eshatu mu cyumweru zizorohereza abagenzi bava mu Bufaransa berekeza mu majyepfo ya Afurika kugera mu Rwanda, basure ibyiza nyaburanga nk’inyamaswa zo muri parike nk’igagi ndetse n’ibindi binyuranye.

Iyi kompanyi kandi isanzwe ikora ingendo zijya mu bindi byerekezo bya Afurika zidahagaze, zijya mu bihugu nka Ghana, Kenya, Nigeria na Afurika y’Epfo. Magingo aya ifatwa nk’imwe muri kompanyi z’ingendo zirimo kuzamuka neza ku mugabane wa Afurika.

UR yasubukuye gahunda yo gutanga mudasobwa

Itangazo ryatanzwe n’Umuyobozi Mukuru wa UR, Dr Kayihura Muganga Didas ku wa 24 Kamena 2023, rivuga ko abanyeshuri barebwa n’iyi gahunda ari abo kuva mu mwaka w’amashuri 2019/20 kugeza ku baherutse gutangira kuhiga.

Iyi gahunda izaba ifunguye kuva ku wa Mbere tariki ya 26 Kamena 2023, aho gusaba (application) bizakorwa hifashishijwe urubuga rwa Minuza, rusanzwe rubaho amakuru ajyanye n’inguzanyo z’abanyeshuri.

Iyi guhunda yo gutanga mudasobwa kuri ubu ntizaba ari itegeko ku banyeshuri biga ku nguzanyo ya Leta, kuko mudasobwa izajya ihabwa uyikeneye kandi wayatse. Undi mwihariko ni uko umunyeshuri azajya ahabwa mudasobwa ifite ubushobozi bujyanye n’ibyo yiga; aha hakaba hagaragajwe ibyiciro bine by’ubwoko bw’izitwa Lenovo zifite ubushobozi butandukanye.

Bamwe mu banyeshuri b’iyi kaminuza bagaragaje kwishimira iyi gahunda bamwe bari bamaze igihe bategereje, babinyujije ku mbuga nkoranyambaga by’umwihariko urwa Twitter.

ISHIMWE Samauel wiga mu Ishami ry’Amategeko mu mwaka wa kane, yabwiye Kigali Today ko bashimishijwe n’yo makuru kuko byabagoraga kwiga badafite mudasobwa.

Yagize ati “Byari ibihe bikomeye cyane mu bijyanye n’imyigire. Abenshi kandi twigira ku matelefone urumva rero ku bantu babaga batayafite byarabagoraga cyane kugira ngo babe bakwiga. Byasabaga ko batira bagenzi babo ugasanga uwo atiye na we ari mu bindi bikorwa”.

Yakomeje agira ati “Twishimiye ko Leta yatwumvise nk’uko twahoze tubisaba. Izi mashini zije kugira ikintu gifatika zidufasha kuko umwaka wa nyuma usaba kwandikamo ibitabo tugakora cyane dushakisha amakuru. Ni ikintu cy’ingenzi kije kudushyigikira mu kurangiza amasomo yacu neza”.

Uyu munyeshuri yasoje asaba ko izi mudasobwa zitazashyirwa ku guciro cyo hejuru, mu gihe cyo kuzishyura ugereranyije n’ayo zisanzwe zigura.

Gahunda yo guha mudasobwa abiga ku nguzanyo ya Leta muri UR yatangiye mu 2016, hagamijwe gufasha abanyeshuri kunonza imyigire yabo. Gusa iyi gahunda yaje guhagarara mu 2019 ubwo amasezerano iyi Kaminuza yari ifitanye n’uruganda rwa Positivo rwazitangaga mbere yarangiraga ariko ntavugururwe.

Mu ntangiriro z’uyu mwaka, ubuyobozi bw’iyi kaminuza bwari bwavuze ko gahunda yo gutanga izi mudasobwa itareba abatangiye kuyigamo mu 2019 muri porogaramu y’imyaka itatu, kuko ubu basoje amasomo yabo.

Nshobozwabyosenumukiza yagoye Abarundi

Ni umukino wabereye ku kibuga cya Benjamin Mkapa i Dar es Salaam muri Tanzaniya, ku wa 23 Kamena 2023.

Iyi ntsinzi ikipe y’Igihugu yayegukanye nyuma y’uko umukino wa nyuma mu itsinda irimo, yari yawutsinzwe ku manota 52 kuri 53 y’ikipe y’u Burundi, ku itariki 21 Kamena 2023.

Muri uyu mukino u Rwanda rwacyuyemo intsinzi, abasore b’umutoza Cheikh Sarr bitwaye neza mu duce twinshi tw’umukino, kuko basozaga bari imbere. Mu minota ya mbere mu gace ka mbere abakinnyi bakoresheje imbaraga nyinshi bagasoza bafite amanota 27 kuri 11 y’ikipe y’u Burundi.

Mu gace ka kabiri amakipe yombi yakoresheje imbaraga ariko karangira aguye miswi ku manota 16-16, gusa kuko u Rwanda rwari rwasoje agace ka mbere ruri imbere, ubwo igice cya mbere rugisoza ruyoboye n’amanota 43-27.

Agace ka gatatu u Burundi bwagaragajemo kwiharira umukino, ariko abasore b’u Rwanda bagaragaza ishyaka ryinshi mu kugarira aho bagasoje bari imbere ku manota 13-12 y’u Burundi.

Agace ka kane na ko kegukanywe n’abasore b’u Rwanda n’amanota 13-9. Ibi byahise bibahesha igiteranyo cy’amanota 70-48 mu mukino wose, baba begukanye intsizni no kuzahagararira Akarere ka Gatanu mu Mikino Nyafurika ihuza abakinnyi ba Basketball bahakinira.

Umukinnyi William Robeyns ni we witwaye neza aho yafashije u Rwanda kwinjiza amanota 19, aburizamo imipira itanu yashoboraga kuvamo amanota y’u Burundi, ndetse atanga pase eshatu zavuyemo amanota.

Umukino w’umwanya wa gatatu mu itsinda, wegukanywe na Sudani y’Epfo yatsinze Tanzania iwayo amanota 75-51.

U Rwanda ruje rusanga andi makipe y’ibihugu yakatishiije itike kuva mu 2019, ari yo Repubulika Iharanira Demokarasi ya Congo, Kenya, Angola ndetse na Maroc.

Andi makipe yamaze gukatisha itike, ni Cameroon izahagararira Akarere ka Kane na Mozambique izahagararira Akarere ka Gatandatu.

Iri rusanwa ribaye ku nshuro ya kabiri, irya mbere ryabaye mu 2019 ribera i Bamako muri Mali, ryegukanwa na RDC. Gusa kubera icyorezo cya Covid-19 ryaherukaga kuba icyo gihe. Iry’uyu mwaka rizabera muri Angola kuva tariki 8-16 Nyakanga 2023.

Mu bigenga iri rushanwa, ryemerera amakipe y’ibihugu gukinisha abakinnyi babiri gusa baturutse hanze ya Afurika, abandi icumi basigaye bakaba baturutse imbere ku mugabane.

Ni ikiraro cyo mu kirere cyatashywe tariki 22 Kamena 2023 kikaba cyubatse hagati y’Akagari ka Rukatsa mu Murenge wa Kagarama ndetse n’aka Kagasa mu Murenge wa Gahanga. Mbere y’uko cyubakwa, abahaturiye bavuga ko ubuhahirane bwari bugoye ndetse rimwe na rimwe abana bagasiba ishuri mu gihe cy’imvura bitewe n’ubunyereri.

Umuyobozi Nshingwabikorwa w’Akarere ka Kicukiro, Mutsinzi Antoine, yabwiye Kigali Today ko iki kiraro cyubatswe hagamijwe kurengera abaturage bagituriye, bityo agasaba ko bakibungabunga.

Yagize ati: “Bajyaga bubaka ibiraro by’ibiti biriho nk’ibiti bibiri cyangwa bitatu ku buryo wabonaga hari ibyago by’uko abana bashobora kugwamo. Twahisemo kuhubaka ikiraro kuko iyo imvura yagwaga bamwe [mu banyeshuri] ntibabonaga aho banyura. Icyo bizadufasha, abo bana ntibazongera gusiba ishuri kubera kubura aho banyura. Abaturage bavaga i Gahanga baza muri Kagarama by’umwihariko baje gushaka serivisi ku rwego rw’Akarere na bo ni inzira izajya ibafasha cyane ndetse n’abarema amasoko”.

Yongeyeho ati: “Hari bamwe bajya bangiza ibikorwa remezo ni yo mpamvu hashyizweho komite ishinzwe gucunga umutekano w’iki kiraro. Twakangurira abaturage bose kumva ko bakwiye kukirinda kugira ngo ejo batazatangira kucyangiza”.

Mutsinzi yanavuze ko hateganywa kubakwa ikindi kiraro na cyo kizaba gikora ku Murenge wa Gahanga mu ngengo y’imari itaha mu rwego rwo gufasha byuzuye abaturage kunoza ubuhahirane, boroherwa no gukora ingendo.

Mutsinzi Antoine yasabye abubakiwe ikiraro kugifata neza kuko kizaborohereza ingendo

Abubakiwe iki kiraro na bo bacyishimiye. Uwitwa Turacyayisenga Petronille utuye mu Kagari ka Rukatsa yagize ati : "Turashimira Leta y’Ubumwe kuri ibi bikorwa by’iterambere, ubu abana bacu bazajya batambuka nta mpungenge kuko bamwe bajyaga basiba ishuri kubera kubura aho kunyura cyane cyane mu bihe by’imvura".

Bishimiye ikiraro cyo mu kirere bubakiwe

Iki kiraro cyatashywe cyubatswe n’ibyuma kandi gishobora gukoreshwa n’abanyamaguru, amagare ndetse na moto. Kibarirwa uburambe bw’imyaka 15 mu gihe gifashwe neza. Cyantangiye kubakwa muri Werurwe 2023 kikaba cyaratwaye agera kuri miliyoni 85 z’amafaranga y’u Rwanda. Cyubatswe ku bufatanye bw’Umujyi wa Kigali ndetse n’umuryango witwa Bridge to Prosperity.

Amafoto: Akarere ka Kicukiro

Iyi puderi yahagaritswe ku isoko ry’u Rwanda

Itangazo ryasinyweho na Dr Emile Bienvenue uyobora Rwanda FDA, rivuga ko puderi ya ‘Johnson’s baby powder’ ikoze mu kinyabutabure cya ‘talcum’, yahagaritswe mu ngano y’amacupa yose yari isazwe icururizwamo. Abanyarwanda basabwe guhagarika kugura no gukoresha iyo bari baraguze yose. Abayicuruzaga bose basabwe kuyisubiza aho bayiranguye, uhereye igihe itangazo ryasohokeye, tariki 17 Kameana 2023.

Ikigo Rwanda FDA kandi cyategetse abinjiza mu gihugu ibinoza n’ibisukura umubiri bose, kugiha raporo mu gihe kitarenze iminsi 10 itangazo risohotse, igaragaza uko gukuzanya iyi puderi bihagaze ndetse n’ingano y’iyo bari bagifite.

Impavu yatanzwe kuri iki cyemezo, ngo byatwewe n’ibaruwa Rwanda FDA yandikiwe n’ubuyobozi bw’uruganda rwa Johnson & Johnson rukora iyi puderi, ivuga ko bahagaritse gukora iyi puderi y’abana ikoze mu kinyabutabire cya ‘Talcum’, kugira ngo batangire gukora ikoze mu bikomoka ku bigori.

Nanone kandi iyi puderi ya ‘Johnson’s baby powder’ imaze gukurwa ku masoko y’ibindi bihugu bitandukanye.

Ubwo Minisitiri w’Imari n’Igenamigambi, Dr Uzziel Ndagijimana yamurikiraga Inteko Ishinga Amategeko ibikubiye mu mushinga w’iyi ngengo y’imari, yavuze ko amafaranga azaturuka imbere mu gihugu, mu bihugu by’inshuti ndetse no mu miryango mpuzamahanga. Amafaranga azaturuka imbere mu gihugu ni miliyari 2,956 Rwf na miliyoni imwe angana na 63% by’ingengo y’imari yose mu gihe inguzanyo zo zizaba zingana na miliyari 1, 225 Rwf na miliyoni imwe angana na 24%. Inkunga ziturutse hanze zizagera kuri miliyari 652 Rwf na miliyoni imwe bingana na 13% by’ingengo y’Imari yose.

Dore imishinga inyuranye u Rwanda ruzashoramo ayo mafaranga muri uyu mwaka w’Ingengo y’Imari utangirana n’ukwezi kwa Nyakanga 2023.

Mu Iterambere ry’Ubukungu

Umushinga wo gukwirakwiza amashanyarazi hirya no hino mu gihugu uzakorwa ku bufatanye na Banki y’Isi n’Ikigo gishinzwe Iterambere mu Bufaransa (ADF). Ibyo bigo bizatanga agera kuri miliyari 74,3 Rwf . Muri Banki Nyafurika itsura Amajyambere (BAD) hazaturuka miliyari 25,1Rwf ndetse na miliyari 18,5 Rwf yo gukwirakwiza amashanyarazi ku baturage.

Ibikorwa byo gukwirakwiza amashanyarazi biri mu bizibandwaho

Muri gahunda ya Leta y’u Rwanda yo kwihutisha iterambere mu cyiciro cyayo cya mbere (NST1), Igihugu cyiyemeje ko kigomba kugeza umuriro ku baturage bose bitarenze umwaka utaha wa 2024. Ibarura rusange rya gatanu ku baturage n’imiturire riheruka gukorwa muri Nyakanya 2022, ryerekanye ko Abanyarwanda bagerwaho n’umuriro bangana na 61,0% harimo 47% bagerwaho n’umuriro w’amashanyarazi ufatiye ku muyoboro mugari, ndetse na 14% bakoresha izindi ngufu cyane cyane imirasire y’izuba.

Umushinga wo kubaka urugomero rwa Nyabarongo ya kabiri ku bufatanye n’Igihugu cy’u Bushinwa uzatwara miliyari 10,1 Rwf.

Mu rwego rwo guhangana n’izamuka ry’ibiciro by’ibikomoka kuri peteroli ku rwego rw’Isi, u Rwanda rurateganya kubaka ibigega bya litiro miliyoni 60 z’ibikomoka kuri peteroli i Rusororo mu mujyi wa Kigali. Uyu mushinga uzatwara agera kuri miliyari 13,5 Rwf.

Muri NST1 nanone u Rwanda rwiyemeje gukwirakwiza amazi meza ku baturage bose bitarenze umwaka utaha wa 2024. Ibarura rusange riheruka rigaragaza ko nibura Abanyarwanda 57% bonyine ari bo bagerwaho n’amazi meza bakoze urugendo rutarenze iminota 30 uvuye aho batuye. Ni mu gihe raporo y’Umugenzuzi Mukuru w’Imari ya Leta iheruka igaragaza ko inganda zitunganya amazi 11 muri 25 zigenzurwa na WASAC zitanga amazi ku kigero cya 75% cy’ayo zakabaye zitanga bitewe n’uko zirindwi muri zo ari iza kera zubatswe mbere ya 1988.

Ni muri urwo rwego Leta iteganya kubaka uruganda rutunganya amazi rwa Muvumba ku bufatanye na BAD rukazatwara miliyari 20,8 Rwf. Iyi banki kandi izatanga miliyari 44 Rwf mu mishinga yo gukwirakwiza amazi meza n’isuku n’isukura mu gihe kongerera ubushobozi uruganda rw’amazi rwa Karenge byo bizatwara miliyari 5,8 Rwf ku bufatanye n’Igihugu cya Hongiriya.

Umusaruro w’ubukerarugendo mu mwaka ushize wiyongereye ku ijanisha rya 171% uva kuri miliyoni 164 z’amadolari wariho mu 2021 ugera kuri miliyoni 445 z’amadolari kandi harateganywaga miliyoni 350 z’amadolari nk’uko raporo y’ Urwego rw’Iterambere mu Rwanda (RDB) iheruka ibigaragaza.

Ibyo bizatuma umushinga wo guteza imbere ubukerarugendo bushingiye ku kwakira inama mpuzamahanga n’amamurikabikorwa ushyirwamo miliyari 11,3 Rwf.

Mu buhinzi no kwihaza mu biribwa

Mu mishinga igamije guteza imbere ubuhinzi n’umusaruro ubuvamo, hateganyijwe gushorwa agera kuri miliyari 19,9 Rwf mu guteza imbere kuhira hibanzwe ku bihingwa byoherezwa hanze. Umushinga wo guteza imbere ubuhinzi no kwihaza mu biribwa wo, uzakorwa ku bufatanye na Banki y’Isi izatanga miliyari 11,4 Rwf. Nanone hateganyijwe icyiciro cya kabiri cy’umushinga wo kuhira no gufata neza ibishanga mu Karere ka Kayonza uzakorwa ku bufatanye n’Ikigega Mpuzamahanga gishinzwe Iterambere ry’Ubuhinzi (IFAD) kizatanga miliyari 6,5 Rwf.

Iki kigega kandi kizatanga agera kuri miliyari 4,6 Rwf mu mushinga wo guteza imbere abacuruzi bato bohereza ibikomoka ku buhinzi mu mahanga. Umushinga wo guhunika ibinyampeke uzatwara miliyari 13,6 Rwf mu gihe uwo kuzamura umusaruro w’ubuhinzi ugamije gutanga intuburamusaruro uzatwara miliyari 37,7 Rwf naho uwo guteza imbere ubuhinzi bugamije ubucuruzi no kongera ishoramari ry’amabanki mu buhinzi Banki y’Isi iwutangeho agera kuri miliyari 45,5 Rwf.

Mu bwikorezi no kurengera ibidukikije

Muri iyi ngengo y’Imari hateganyijwe kwagurwa k’umuhanda Nyabugogo-Jabana-Mukoto bizatwara miliyari 12,8 Rwf. Naho guteza imbere imihanda inyuranye ifasha kugeza umusaruro w’ubuhinzi ku masoko Banki y’Isi izabitangaho agera kuri miliyari 35,5 Rwf. Undi muhanda uzagurwa ni uwa Ngoma-Nyanza agace ka Kibugabuga –Gasoro aho Banki y’Isi izatanga miliyari 18,9 Rwf naho agace ka Ngoma-Ramiro kakazatwara miliyari 18,4 Rwf ku bufatanye n’Igihugu cy’u Buyapani.

Minisitiri w’Imari n’Igenamigambi, Dr Uzziel Ndagijimana aherutse kumurika ibikubiye mu ngengo y’imari y’umwaka wa 2023-2024

Umushinga wo guteza imbere ibikorwa remezo byifashishwa mu bwikorezi bwo mu mazi wagenewe miliyari 23,8 Rwf naho ibikorwa remezo by’imihanda muri Kigali n’imijyi iyunganira bigenerwa miliyari 45,5 Rwf azatangwa na Banki y’Isi.

Umushinga wo guteza imbere ibikorwa remezo bibungabunga ibidukikije ku bufatanye na Banki y’Isi uzatwara miliyari 9,9 Rwf naho guhangana n’imihindagurikire y’ikirere mu Ntara y’Amajyaruguru bitware miliyari 6 Rwf.

Umushinga wo guhangana n’imihindagurikire y’ikirere mu gace k’ibirunga wagenewe miliyari 1,6 Rwf naho gutera amashyamba mu Ntara y’Iburasirazuba mu rwego rwo guhangana n’imihindagurikire y’ikirere ku bufatanye n’u Bubiligi bigenerwa miliyari 91,9 Rwf.

Mu mibereho myiza y’Abaturage

Mu bikorwa bigamije kuzamura imibereho myiza y’Abaturarwanda, hateganyijwe kubaka no gusana ibyumba by’amashuri hirya no hino mu gihugu bizatwara miliyari 11,8 Rwf. Kongera ibikorwa remezo mu gutanga ibikoresho by’amashuri y’imyuga n’ay’ubumenyi ngiro byagenewe miliyari 19,4 Rwf mu gihe kubaka ibikorwaremezo bitandukanye no gutanga ibikoresho muri Kaminuza y’u Rwanda byo bizatwara miliyari 6,4 Rwf.

Umushinga wo kurwanya igwingira n’imirire mibi mu bana uzatwara miliyari 22,2 Rwf naho gutanga ibiryo bikungahaye ku ntungamubiri ku bana batarengeje amezi 23 no kwita ku babyeyi batwite n’abonsa byagenewe miliyari 12,2 Rwf. Banki y’Isi kandi izatanga miliyari 21,8 Rwf mu guteza imbere imibereho myiza y’abaturage, yongere itange miliyari 22,4 Rwf mu mushinga wo kwita ku mpunzi n’abaturiye inkambi zazo. Umushinga wo gutanga ibikoresho by’urwego rw’ubuzima wo uzatwara agera kuri miliyari 12,1 Rwf naho ibikorwa bwo gukomeza kurwanya Malaria bitware agera kuri miliyari 72,4 Rwf.

Mu Miyoborere Myiza

Muri uru rwego hateganyijwe umushinga wo gukoresha ikoranabuhanga mu gutanga serivisi z’inzego za Leta wagenewe miliyari 4,8 Rwf, ndetse n’uwo gutanga ubumenyi bw’ibanze mu ikoranabuhanga mu baturage uzatwara miliyari 3,3 Rwf. Gucunga umutekano w’amakuru y’ikoranabuhanga (Cyber security) byagenewe miliyari 1,3 Rwf.

Umushinga wo kubaka Igororero rya Nyamasheke uzatwara miliyari 1,1 Rwf naho uwo kuvugurura inzu ya Telecom House ku Kacyiru utware miliyari 6,4 Rwf. Gutanga ibikoresho kuri Laboratwari y’Igihugu ishinzwe Gupima Ibimenyetso byifashishwa mu Butabera (RFL) bizatwara miliyari 2 Rwf. Umushinga wo guteza imbere gahunda zigenewe urubyiruko uzatwara miliyari 3,2 Rwf azatangwa n’Ishami ry’Umuryango w’Abibumbye rishinzwe Gahunda z’Iterambere, UNDP.

Mu ruzinduko rwe mu Rwanda, Visi Perezida wa Banki y’Isi yagiranye ibiganiro na Perezida Kagame

Madamu Kwakwa waherukaga mu Rwanda mu myaka 14 ishize avuga ko habayeho impinduka zikomeye mu mibereho myiza y’abaturage n’ubukungu bitewe n’ingamba zihuriweho na Leta, abafatanyabikorwa mu iterambere ndetse n’urwego rw’abikorera bashora imari mu mishinga igamije impinduka ku mibereho y’abaturage.

Uyu muyobozi yabashije gusura imishinga inyuranye mu gihugu yatewe inkunga na Banki y’Isi. Banki y’Isi ni umwe mu bafatanyabikorwa bakomeye mu iterambere ry’u Rwanda batanga inkunga y’ingenzi mu nzego zitandukanye zirimo ibikorwa remezo, ubuhinzi, uburezi, guteza imbere ubumenyi, kuzamura imibereho myiza y’abaturage n’ibindi.

Ku itariki ya 16 Kamena 2023, Kwakwa yahuye kandi agirana ibiganiro na Perezida Paul Kagame muri Village Urugwiro aho baganiriye ku gukomeza gukwirakwiza amashanyarazi mu gihugu hose ndetse n’indi mishinga Banki y’Isi iteganya mu Rwanda yo kwibanda ku guteza imbere ishoramari ry’abikorera no kugabanya ubukene nk’uko ibiro by’Umukuru w’Igihugu bibitangaza.

Mu biganiro yari yagiranye na Minisitiri w’Intebe, Dr Edouard Ngirente, Kwakwa yavuze ko uruzinduko rwe mu Rwanda rwari nko kugaruka mu rugo ndetse n’umwanya wo kwibonera intambwe Igihugu kimaze gutera kuva igihe yahaherukiraga.

Kwakwa yagiranye ibiganiro na Minisitiri w’Intebe Dr. Edouard Ngirente

Yagize ati: “Nabaga mu Rwanda hagati ya 2006 na 2009. Rero, kuri njye, uru ruzinduko ni ukugaruka iwacu. Mu minsi mike maze hano, rwose natangajwe n’ibyo u Rwanda rumaze kugeraho mu myaka 14 ishize”.

Yongeyeho ati: “Mu nguni zinyuranye, hari impinduka zikomeye zabaye. Ku bijyanye no gutanga umuriro, u Rwanda rwavuye ku ijanisha rya 6% gusa rugera hejuru ya 60% mu gukoresha amashanyarazi bihoraho. Ibyo bivuze itandukaniro rinini kandi ibihugu bike cyane ni byo bigera ku iterambere nk’iri bigashoboka”.

Kwakwa yasuye ibice bitandukanye mu gihugu, cyane cyane mu turere two mu cyaro nka Burera, aho yasuye ikigo cy’amashuri cyahawe umuriro w’amashanyarazi na mudasobwa abana bakoresha.

Yasuye kandi ibigo nderabuzima na byo byagejejweho umuriro w’amashanyarazi kugira ngo bikomeze kubika neza inkingo ndete bihabwa na mudasobwa zirimo murandasi ifasha mu kubika neza amakuru mu buryo bw’ikoranabuhanga.

Avuga ko hari imishinga mito y’ubucuruzi abaturage babashaije gukora ngo biteze imbere biturutse ku guhabwa umuriro w’amashanyarazi. Anashimira Leta y’u Rwanda imbaraga ishyira mu guteza imbere uburezi ndetse n’umuturage ushoboye.

By’umwihariko, Visi Perezida wa Banki y’Isi yavuze ko yashimishijwe no kubona Ibigo Mbonezamikurure y’Abana bato (ECDs), aho ababyeyi n’abandi bita ku bana mu mirire bakabasha gukura neza.

Victoria Kwakwa aha yari yasuye ikigo ECD cyita ku mikurire y’abana

Mu mishinga y’ubuhinzi Kwakwa yasuye yavuze ko ishoramari ryakozwemo mu bijyanye no kuhira imyaka, gufata neza amazi, gutanga imbuto nziza n’ifumbire ku bahinzi ritanga umusaruro.

Yagize ati: “Nanone kandi, ibi bivuze ko bishoboka kuzamura umusaruro w’ubuhinzi ku buryo bishobora gutera imbere kandi bigafasha n’abakene”.

Iterambere rirambye ry’imijyi

Uretse imishinga ijyanye n’ubuhinzi ndetse no gusura uduce tw’icyaro, Visi Perezida wa Banki y’Isi yavuze ko mu ruzinduko rwe yagenzuye bimwe mu bikorwa byo guteza imbere imijyi bikorerwa mu Rwanda, agaragaza ko kimwe mu byamushimishije ari uburyo Igihugu kirimo kuzamura iterambere ry’imijyi irwanya akajagari.

Victoria Kwakwa yatemberejwe agace ka Biryogo kahariwe abanyamaguru

Yasuye kandi agace ka Biryogo mu Murenge wa Nyamirambo mu Karere ka Nyarugenge ahashyizwe agace katanyuramo imodoka abantu bashobora gutemberamo n’amaguru bagamije kuruhuka no kwishimisha. Yagaragaje ko imbaraga nk’izo zituma iterambere ry’umujyi riramba, yongeraho ko asoje uruzinduko rwe, ashimishijwe cyane n’ibyo Igihugu kiri gukora.

Kwakwa yagize ati: “Natangajwe cyane n’ibyo u Rwanda rumaze kugeraho mu gihe gito, kandi twe nka Banki y’Isi, rwose dufite amahirwe kandi dutewe ishema no kuba dushobora gukorana uru rugendo n’u Rwanda”.

Byinshi byo gukorwa

Nubwo hamaze guterwa intambwe igaragara, Kwakwa yavuze ko hakiri byinshi byo kunoza mu nzego zimwe na zimwe harimo kugeza amashanyarazi kuri bose, gushora imari mu mishinga ifasha abaturage kwigira no kuzamura umusaruro w’ubuhinzi.

Kwakwa yavuze ko yasuye kamwe mu duce two mu Ntara y’Amajyaruguru kibasiwe n’ibiza byo muri Gicurasi byibasiye ibice bitandukanye by’Igihugu, agaragaza ko Banki y’Isi ishaka gutera inkunga u Rwanda mu bikorwa byo gusubiza abaturage mu buzima busanzwe no guhangana n’ibiza.

Yanavuze ko kandi barimo gukora ku mushinga wo guhangana n’imihindagurikire y’ikirere mu gace k’ibirunga mu Majyaruguru y’Igihugu, harimo gushyiraho uburyo bwo kuburira hakiri kare ndetse no kureba ko ibikorwa remezo byubatswe bikomeye ku rwego byahangana n’ingaruka z’ibiza.

Kwakwa yasuye imishinga y’ubuhinzi muri Rulindo

Igitero cyabereye hafi y’umupaka wa Uganda na DRC

Polisi ya Uganda yatangaje ko abo barwanyi bo mu mutwe w’iterabwoba wa ‘Allied Democratic Force (ADF), bagabye icyo gitero ku wa Gatanu tariki 16 Kamena 2023 ku ishuri riherereye i Mpondwe mu gace ka Kasese mu Burengerazuba bwa Uganda, ku birometero bibiri uvuye ku mupaka wa Uganda na Repubulika Iharanira Demokarasi ya Congo, ari na ho abo barwanyi bafite ibirindiro. Abo barwanyi batwitse inzu iraramo abanyeshuri (dortoir) ndetse basahura n’ibiribwa byari biri mu bubiko.

Umuvugizi wa Polisi ya Uganda, Fred Enanga yavuze ko imirambo y’abaguye muriicyo gitero yakuwe mu kigo ijyanwa mu bitaro bya Bwera. Abandi bakomeretse na bo ngo bari kuvurwa ariko hakaba hari higanjemo abarembye.

Umutwe wa ADF uhungabanya umutekano mu bihugu bya Uganda na Congo (DRC) wabayeho kuva mu myaka ya 1990 ukaba waragiye urangwa n’ibikorwa by’ubugizi bwa nabi bikanahitana ubuzima bw’abasivili.

Igitero nk’iki ku kigo cy’ishuri si icya mbere muri Uganda kigabwe na ADF kuko no mu 1998 abanyeshuri 80 na bwo batwikiwe mu nzu bararamo (dortoir) barapfa, abandi barenga 100 barashimutwa ubwo uyu mutwe wabibasiraga mu ishuri rya Kichwamba Technical Institute riherereye hafi y’umupaka wa Uganda na RDC.

Ingabo za Uganda ziyemeje guhiga abarwanyi ba ADF bakaryozwa ibyo bakoze

Muri Werurwe uyu mwaka Leta zunze Ubumwe za Amerika zashyizeho igihembao cya miliyoni eshanu z’amadolari ya Amerika ku muntu watanga amakuru yatuma umuyobozi wa ADF atabwa muri yombi.

Mu 2021 na bwo Uganda na RDC bari bashyizeho umutwe w’ingabo uhuriweho n’ibihugu byombi mu kurwanya inyeshyamba za ADF ariko nta musaruro byigeze bitanga mu gutsinsura aba barwanyi.

Abanyarwanda ba mbere baminuje mu bucuruzi bwo kuri murandasi bahawe impamyabumenyi

Aba banyeshuri basoje ikiciro cya kabiri cya kaminuza (Bachelor’s Degree) mu bucuruzi mpuzamahanga, agashami k’Ubucuruzi bukorerwa kuri Murandasi (e-commerce), bakaba baratangiye amasomo mu 2019.

Ni cyo cyiciro cya mbere cyoherejwe binyuze mu masezerano y’ubufatanye hagati ya Leta y’u Rwanda na Alibaba Group yasinywe mu 2018, ashamikiye kuri gahunda ya ‘eWPT: Electronic World Trade Platform’.

Muri uyu muhango, Umujyanama wa kabiri muri Ambasade y’u Rwanda mu Bushinwa, Rwanyagatare Virgile, yavuze ko uku guha impamyabumenyi abanyeshuri b’Abanyarwanda bigaragaza indi ntambwe ikomeye mu mibanire myiza, hagati y’u Rwanda n’u Bushinwa, cyane cyane mu bijyanye n’ubucuruzi bukorerwa kuri murandasi.

Yagize ati “Ubu bufatanye bwatanze umusaruro ushimishije mu kwihutisha ubukungu bw’u Rwanda, bushingiye ku ikoranabuhanga binyuze mu guteza imbere ubucuruzi bwambukiranya imipaka, ibijyanye n’imari, kubaka ubushobozi n’ibindi”.

Rwanyagatare Virgile

Yakomeje agira ati “Abahawe impamyabumenyi uyu munsi ni abagenerwabikorwa bemerewe kwiga binyuze muri gahunda duhuriyeho ya ‘eWTP’, kandi baragaragaza umusaruro mwiza muri ubu bufatanye bugikomeza”.

Umuyobozi Mukuru wa Alibaba Business School aba banyeshuri bigagamo, yavuze ko aba Banyarwanda n’abandi bo mu bindi bihugu bashyikirijwe impamyabumenyi, bahawe ubumenyi bw’ingirakamaro mu by’ubucuruzi bwo kuri murandasi, buzabafasha guteza imbere aho bakomoka.

Ku ruhande rwabo, aba banyeshuri barangije bagaragaje ko bishimiye ayo mahirwe, yo kwiga muri kaminuza ikomeye mu bucuruzi bwo kuri murandasi. Bashimangiye ko bashishikajwe no gukoresha ubumenyi bwabo no kugira uruhare mu iterambere mu bucuruzi. Ubumenyi bafite bugamije kugira uruhare rugaragara mu guteza imbere ubucuruzi bwo kuri murandasi mu Rwanda n’iterambere muri rusange.

Kuva gahunda ya ‘eWTP’ yatangizwa yagiye itanga amahugurwa mu by’ubucuruzi bwo kuri muranadsi ku bayobozi, ba nyiri ibigo by’ubucuruzi, ba rwiyemezamirimo, ndetse no ku barimu ba kaminuza baturutse mu Rwanda. Magingingo aya hari abandi banyeshuri bakiri gukurikirana amasomo yabo muri uru rwego.

Abanyarwanda ba mbere baminuje mu bucuruzi bwo kuri murandasi bahawe impamyabumenyi

Bamwe mu bayobozi bitabiriye iyo nama

Ibi byatangarijwe mu nama y’iminsi ibiri yateraniye i Kigali kuva ku wa 13-14 Kamena, ikaba ihuje abaturutse muri Afurika y’Iburasirazuba, BioNTech n’abandi banyuranye, bagamije gushakira hamwe uburyo haboneka ishoramari mu by’imiti n’inkingo, rizashamikira kuri uru ruganda kugira ngo rubashe kubera ingirakamaro uyu mugabane.

Umunyamabanga wa Leta muri Minisiteri y’Ubuzima mu Rwanda, Dr Yvan Butera, yashimiye abafatanyabikorwa ku musanzu wabo ku Rwanda, anasaba ubufatanye mu gukemura ibibazo bigomba kwigwaho birimo ibikorwa remezo, ubushobozi bw’amafaranga, ubumenyi muri tekiniki ndetse n’ibijyanye n’ubushakashatsi.

Dr Butera yavuze ko u Rwanda ruteganya gutangira gukora imiti n’inkingo mu mpera z’uyu mwaka, kandi ko iyi nama ari umwanya mwiza mu gushakira hamwe ibisubizo Afurika ikeneye, ari byo kubaka ubushobozi bwo gukora ibijyanye n’ubuvuzi bifasha kwita ku buzima bw’abayituye.

Ku munsi wa mbere w’iyi nama habonetse amakompanyi mpuzamahanga akora mu bijyanye n’ubuvuzi, azashora imari mu Rwanda agakorana n’urwo ruganda.

Muri ayo harimo UVU Bio, ikomoka muri Afurika y’Epfo izobereye mu by’ikoranabuhanga mu buvuzi kuri uyu mugabane.

Iyi kompanyi yashyize umukono ku masezerano y’ubufatanye n’u Rwanda azashyiraho Laboratwari y’iyi kompanyi izaba ibarirwa mu gaciro ka Miliyoni 2-5 z’Amayero, nyuma y’indi iri i Cape Town muri Afurika y’Epfo. Iyi Laboratwri izafasha mu bijyanye n’ubushakashatsi mu by’imiti n’ikingo, gukoresha ikoranabuhanga, kuzamura ireme ry’ubumenyi n’ubushobozi mu by’ubuvuzi.

Indi kompanyi ni iyitwa Zodel Biotec ikora nk’indi yitwa Tecan iri ku ku isonga ku Isi mu gukwirakwiza za Laboratwri n’ibikoresho byazo, cyane cyane izifashishwa mu bushashatsi ku gituntu na kanseri.

Imibare yari isanzwe igaragaza ko nibura amakompanyi ageze kuri atanu yamaze kwemera kuzakorera mu Rwanda no gusangiza ubunararibonye bwayo bujyanye n’imbogamizi zihari n’ibisubizo bishoboka.

Akagera Medicines, ni kompanyi nyarwanda y’ikigo cy’ubwiteganyirize bw’abakozi mu Rwanda (RSSB), yashinzwe mu 2018 ikaba yarashyizweho n’indi yitwa Delaware. Akagera Medecines ifite laboratwari i Boston n’i San Francisco, kandi kuva mu 2022 yafunguye ishami i Kigali rizakora ibijyanye n’ibikenerwa mu buvuzi.

Umuyobozi w’Inama y’Ubutegetsi ya Akagera Medicine, Michael Fairbanks, yavuze ko kugeza ubu bamaze gushora Miliyoni 16 z’Amadolari mu myaka ine ishize, kugira ngo batangire gutanga imiti irimo iy’igituntu n’iya virusi itera SIDA, n’ibindi bateganya gushoramo atari munsi ya Milyari eshanu z’Amadorali.

Umushoramari w’Umunya-Bangladesh, Dr. AA Faruque, umwe mu bashinze akanaba Umuyobozi wa kompanyi yitwa Apex Biotech ifite farumasi nini mu Rwanda, yavuze ko ibyo biyemeje ari ukuba indashyikirwa no guhanga udushya mu bijyanye n’ubuvuzi mu Rwanda, binyuze mu ishoramari ariko anasobanura impamvu mu Rwanda ari ho hakwiriye.

Dr. Faruque yavuze ko nibatangira gushyira ku isoko imiti, Apex izatanga imirimo igera kuri 200, ibyo bikagira uruhare mu guha akazi Abanyarwanda, ndetse no kubona isoko ry’ibyo bakora mu karere no muri Afurika y’Iburengerazuba.

Ikigo gishinzwe gukumira indwara n’ibyorezo (CDC) cyerekana ko 99% by’inkingo Afurika ikenera, zitumizwa mu mahanga mu gihe isoko ry’uyu mugabane ritanga agera kuri Miliyari 30 z’Amadorari, mu kugura inkingo n’ibindi bijyanye n’ubuvuzi.

Isoko ryo muri Afurika y’Iburasirazuba ryonyine ryerekana ko agera kuri Miliyari esheshatu z’Amadorari amaze gukoreshwa mu gutumiza inkingo hanze ya Afurika muri uyu mwaka wa 2023.

Igihugu cya Kenya ni cyo kiri imbere aho kimaze gukoresha agera kuri Miliyoni 557 z’Amadorari, Tanzaniya Miliyoni 384 z’Amadorari, Uganda Miliyoni 300 z’Amadorari, u Rwanda Miliyoni 79 z’Amadorari, u Burundi Miliyoni 53 z’Amadorari, hagaheruka Sudani y’Epfo na Miliyoni 16 z’Amadorari.

Kugira ngo ibyo byuho bikemuke, BioNTech ivuga ko igihe ari iki ngo hubakwe uruganga runini rukora inkingo muri Afurika, ku buryo byagabanya igiciro zisanzwe zigurwaho, ari rwo rugiye gutangira gukorera i Kigali mu Rwanda.

Aba baje biyongera ku rutonde rurerure rw’Abanyarwanda batumwe bagasohoza ku rwego rw’Isi n’urw’umugabane wa Afurika, rwaherukaga kwiyongeraho Louise Mushikiwabo, Antoine Cardinal Kambanda na Monique Nsanzabaganwa. Reka turebe bamwe mu batorewe imyanya ikomeye muri bo.

Yvonne Manzi Makolo

Yvonne Manzi Makolo

Duhereye ku bakiri mu nshingano hari Madamu Yvonne Manzi Makolo, watangiye kuyobora Inama y’Ubutegetsi y’Ikigo Mpuzamahanga gishinzwe ingendo zo mu kirere (IATA), ku itariki ya 5 Gicurasi 2023. Ni inshingano yari yatorewe muri Kamena 2022 mu Nteko Rusange y’uyu muryango yabereye i Doha muri Qatar.

Uyu mugore wanditse amateka yo kuba ari we mugore wa mbere utorewe izi nshingano kuva mu 1945 iki kigo cyashingwa, yari asanzwe mu nama y’ubutegetsi y’iki kigo kuva mu 2020. Ni umuyobozi wa 81 uhawe izi nshingano muri iki kigo kigenzura ibigo by’indege 290 byo mu bihugu 120 ku Isi hose, kikaba gifite icyicaro muri Canada. Izi nshingano azihawe nyuma y’imyaka ine ayobora kompanyi y’ubwikorezi bwo mu kirere mu gihugu, RwandAir.

Dr Sabin Nsanzimana

Dr Sabin Nsanzimana

Ku itariki 2 Kamena 2023 ni bwo Dr Nsanzimana Sabin yagizwe Umuyobozi Wungirije w’Ikigega gishinzwe gukumira, kurinda no guhangana n’ibyorezo ku Isi. Ni ikigega gishamikiye kuri Banki y’Isi cyashyizweho mu 2022 bivuye ku gitekerezo cy’ibihugu 20 bikize ku Isi (G20).

Kigamije gukusanya ubushobozi bwo gufasha ibihugu guhangana n’indwara z’ibyorezo cyane cyane ibikiri mu nzira y’amajyambere. Kigizwe n’ibihugu binyamuryango bitandukanye byo ku migabane yose harimo n’u Rwanda, ndetse n’imiryango mpuzamahanga inyuranye. Dr Nsanzimana asanzwe ari Minisitiri w’Ubuzima mu Rwanda kuva mu mwaka ushize. Mu gihe cya Covid-19 yayoboraga Ikigo cy’Igihugu cy’Ubuzima (RBC), kiri mu byagize uruhare runini mu guhangana n’iki cyorezo mu gihugu.

Dr Daniel Ngamije

Dr Daniel Ngamije

Ku itariki 8 Mata ni bwo Dr Daniel Ngamije Madandi, yatangiye kuyobora Porogaramu yo kurandura no kurwanya Malaria ku Isi ibarizwa mu ishami ry’Umuryango w’Abibumbye ryita ku Buzima (OMS). Uyu mugabo afite uburambe bw’imyaka irenga 25 mu rwego rw’ubuzima yakoreye imbrere mu gihugu, mu karere ndetse no ku rwego mpuzamahanga.

Mu Rwanda by’umwihariko yayoboye Minisiteri y’Ubuzima mu gihe cy’icyorezo cya Civid 19, aho hamwe n’izindi nzego hashyizweho ingamba zatumye abahitanywe n’iki cyorezo bataba benshi, ndetse no guhangana n’ubwandu bushya muri rusange bigakorwa neza. Muri OMS Dr Ngamije yasanze imibare igaragaza ko muri 2022 hagaragaye abanduye Malariya bagera kuri miliyoni 214 ku Isi, muri abo abagera ku bihumbi 627 irabahitana. Ijanisha rirenga 90% ry’ubu bwandu n’abahitanywe n’iyi ndwara, ni abo ku mugabane wa Afurika.

Louise Mushikiwabo

Louise Mushikiwabo

Abakuru b’Ibihugu na za Guverinoma bo mu muryango Mpuzamahanga w’Ibihugu bikoresha Igifaransa (OIF), ku itariki ya 19 Ugushyingo 2022 batoreye manda ya kabiri Louise Mushikiwabo nk’Umunyambanga Mukuru w’uyu muryango. Uyu mwanya yari yarawutorewe bwa mbere mu 2019.

Muri manda ye ya mbere, uyu Munyamabanga Mukuru wa OIF yakoze byinshi birimo amavugurura y’uyu muryango yari agamije gutuma ugera ku bisubizo bihamye by’ibibazo byugarije Isi. Muri manda nshya Mushikiwabo yavuze ko hari kwibandwa ku mishinga iteza imbere uburezi, ikoranabuhanga, ubucuruzi n’ubukungu bifasha mu guhanga imirimo y’urubyiruko. Madamu Mushikiwabo izi nshingano yazigiyeho nyuma yo kuyobora Minisiteri y’Ububanyi n’Amahanga n’Ubutwererane mu Rwanda hafi imyaka 10.

Dr Nsanzabaganwa Monique

Dr Nsanzabaganwa Monique

Ku itariki 6 Gashyantare 2021 ni bwo Dr Nsanzabaganwa Monique, yatorewe kuba Umuyobozi wungirije wa Komisiyo y’Umuryango wa Afurika yunze Ubumwe. Uyu mwanya ni we mugore wa mbere wari uwugiyeho kuva uyu muryango washingwa mu 1999.

Dr Nsanzabaganwa yavuze ko ari umwanya mwiza ku Rwanda kandi ko yimirije imbere imikorere inyuze mu mucyo muri uyu muryango, no kwihutisha impinduka cyane ko biri mu byo yatorewe. Uyu mwanya yawugiyeho nyuma yo kuba Guverineri wungirije wa Banki Nkuru y’Igihugu kuva mu 2011, ndetse n’indi myanya inyuranye yagiye agira muri Guverinoma.

Antoine Cardinal Kambanda

Antoine Cardinal Kambanda

Umushumba wa Kiliziya Gatolika ku Isi, Papa Francis, ku itariki ya 25 Ukwakira 2020 ni bwo yatangaje ko Musenyeri wa Arikidiyosezi ya Kigali, Antoine Kambanda agizwe Karidinali. Ni inshingo zari zihawe Umunyarwanda wa mbere kuva Kiliziya Gatolika y’u Rwanda yashingwa mu 1900. Nyuma mu 2022 Antoine Cardinal Kambanda yaje no kugirwa na Papa Francis, Umuyobozi wa Bazilika yitiriwe Mutagatifu Sixte i Roma.

Perezida Paul Kagame

Mu bakiri mu nshingano harimo na Perezida Paul Kagame kuri ubu uyoboye Umuryango w’Ibihugu bikoresha ururimi rw’Icyongereza, Commonwealth. Ni inshingano yaherewe mu Rwanda mu mwaka ushize ubwo hari hateraniye inama y’Abakuru b’Ibihugu n’aba za Guverinoma b’uyu muryango izwi nka CHOGM.

Perezida Paul Kagame

Inshingano yagiye abangikanya no kuba Umukuru w’Igihugu ni nyinshi, harimo kuyobora Umuryango wa Afurika y’Iburasirazuba mu bihe binyuranye. Yayoboye kandi Umuryango wa Afurika yunze Ubumwe (AU) muri 2017; manda yaranzwe n’amavugurura akomeye muri uyu muryango. Kuri iyi ngingo y’amavugurura muri AU, Perezida Kagame yahawe inshingano mu 2016 zo gutegura no gukurikirana amavugurura akenewe mu muryango azageza ku cyerekezo wihaye muri 2063.

Izi nshingano yafashijwemo n’inararibonye icyenda yitoranyirije, kimwe mu bikomeye zimaze kugezaho ni Isoko Rusange rya Afurika (AfCFTA) kuva muri Mutarama 2021. Umukuru w’Igihugu kandi aherutse gusoza manda ye yo kuyobora akanama k’Abakuru b’Ibihugu, kiga ku cyerekezo cy’Urwego rw’Umuryango wa Afurika yunze Ubumwe rushinzwe Iterambere (AUDA-NEPAD).

Madamu Jeanette Kagame

Madamu Jeannette Kagame

Madamu Jeanette Kagame washinze akanayobora Umuryango Imbuto Faundation mu Rwanda, ni umwe mu bafasha b’Abakuru b’Ibihugu bafite ijambo muri Afurika. Mu 2021, Jeanette Kagame yatorewe kuyobota Inama nshingwabikorwa ya Kaminuza Mpuzamahanga y’Ubuvuzi (UGHE), inafite ishami mu Rwanda. Ni Inama Nshingwabikorwa yo ku rwego rwa Afurika, ishinzwe kuzamura ireme ry’abakozi mu by’ubuzima muri Afurika, guteza imbere ukwigira kwa Afurika mu by’Ubuzima n’Ibindi. Mu 2013 na bwo kandi yatorewe kuba Visi Perezida w’Ihuriro ry’Abafasha b’Abakuru b’Ibihugu Nyafurika baharanira Kurwanya SIDA (OAFLA).

Prof. Romain Murenzi

Prof. Romain Murenzi

Prof. Romain Murenzi wahoze ari Minisitiri w’Uburezi mu Rwanda hagati ya 2001 na 2006, ubu ni Umuyobozi Nshingwabikorwa w’Ikigo Mpuzamahanga giteza Imbere Ubumenyi (TWAS). Ni ikigo gikorera i Trieste mu Butaliyani kuva mu 1983, kikaba kibumbiye hamwe abahanga mu bya siyansi 1,000 bo mu bihigu 70 byo hirya no hino ku Isi bagamije kuzamura ireme ry’ubumenyi.

Prof. Murenzi kandi yahawe izi nshinago nyuma yo gukora nk’ushinzwe iby’ubumenyi mu Ishami ry’Umuryango w’Abibumbye ryita ku Burezi, Ubumenyi n’Umuco (UNESCO).

Dr Agnes Kalibata

Dr Agnes Matilda Kalibata ni Umunyarwandakazi w’inzobere mu bijyanye n’Ububinzi. Kuva mu 2014 kugeza ubu yagizwe Umuyobozi w’Umuryango Nyafurika uteza Imbere Ubuhinzi (AGRA). Uyu muyobozi ashimirwa umuhate we mu guteza imbere ubuhinzi muri Afurika binyuze muri AGRA. Ni inshingano yahawe nyuma y’indi myanya inyuranye yakozemo muri Guverinoma y’u Rwanda.

Dr Agnes Kalibata

Abasoje inshingano

Mu bagiye basohoza inshingano bahawe twavugamo nka Donald Kaberuka wayoboye Banki Nyafurika itsura Amajyambere (BAD) kuva mu 2005-2015. Hari kandi madamu Valentine Rugwabiza, mu 2005 wabaye umugore wa mbere utorewe kuba Umuyobozi Wungirije w’Ishami ry’Umuryngo Mpuzamahanga w’Ubucuruzi ku Isi, (World Trade Organisation/WTO).

Muri 2003 na bwo Umunyarwanda Patrick Mazimhaka yagizwe Umuyobozi Mukuru wungirije wa Komisiyo y’Umuryango wa Afurika yunze Ubumwe kugeza 2008. Na none kandi Dr Aisa Kirabo Kacyira wigeze kuyobora Umujyi wa Kigali mu 2011, yagiriwe ikizere na Ban Ki-moon wayoboraga Umuryango w’Abibumbye, amugira Umuyobozi Mukuru w’ishami ryawo rishinzwe imiturire. Kuri ubu ni Umuyobozi w’Ibiro by’Umuryango w’Abibumbye muri Somalia, kuva muri Gashyantare uyu mwaka.

Abahawe inshingano bo ni benshi hari n’abakoze imirimo inyuranye ku rwego rwa Afurika y’Iburasirazuba, nka Martin Ngonga na Dr Ugirashebuja Emmanuel, kuri ubu uyobora Minisiteri y’Ubutabera. Hari n’abagiye bayobora ubutumwa bw’Umuryango w’Abibumbye mu bihugu binyuranye bya Afurika, nka Gen. Patrick Nyamvumba, Mutaboba Joseph, Frank Mushyo Kamanzi n’abandi bagiye bakora mu nzego mpuzamahanga zikomeye kandi bakitwara neza.

USAID ikomeje gufasha u Rwanda mu guteza imbere urwego rw’ubuzima

Ni inkunga ingana na Miliyoni 25 z’Amadorali zizongerwa muri gahunda ya ‘Rwanda Integrated Health Systems Activity’ (RIHSA), igamije kuzamura ireme rya serivisi z’ubuzima zitangwa.

Aya mafaranga azakoreshwa mu kuzuzaza ibyo iyi gahunda yari imaze kugeraho kuva muri Mata 2020, ubwo yaterwaga inkunga ya mbere na USAID ingana na Miliyoni 9.8 z’Amadolari, yagombagaga kurangirana n’uku kwezi.

Muri iyi myaka itatu ishize gahunda ya RIHSA yibanze ku kwegeranya amakuru, gutanga amakuru, kubaka sisitemu z’imari mu rwego rw’ubuzima hagamijwe kongera icungamari, ndetse no kwagura uburyo bwo kugera kuri serivisi z’ubuzima zifite ireme.

Mu byakozwe harimo kunoza icungamari mu mavuriro n’ubwishingizi bw’ubuzima ndetse no kurushaho kwegereza abaturage serivisi z’ubuzima hongerwamo inzego z’abikorera, nanone kandi hatejwe imbere uburyo bw’ikoranabuhanga bwifashishwa mu gutanga ibisubizo bikenewe mu rwego rw’ubuzima.

Ibi byazamuye ubwishingizi bw’ubuzima bugera ku ijanisha rya 90.4% muri 2023 ugereranije na 80% bwariho mu mwaka w’ingengo y’imari wa 2019/20, igihe iyi gahunda yatangiraga. Nanone byagabanyije igihe byafataga amavuriro yishyuza amafaranga y’ubwishingizi uruhande rwa Leta rutanga, biva ku minsi 91 iba 41.

Ingengo y’imari ishyirwa mu buzima muri rusange na yo yariyongereye, iva kuri Miliyari 189 z’Amafaranga y’u Rwanda mu mwaka w’ingengo y’imari wa 2016/17, igera kuri Miliyari 260 Frw muri 2022/23.

Mu muhango wo gusoza ikiciro cya mbere cy’iyi nkunga wabereye i Kigali ku ya 8 Kamena 2023, Umuyobozi w’Intumwa za USAID mu Rwanda, Jonathan Kamin, yavuze ko iyi gahunda nshya izashyigikira kandi igashimangira gahunda z’ubuzima zisanzweho kugeza mu 2030.

Umuyobozi Mukuru wa gahunda ya RIHSA, Dr Solange Hakiba, yavuze ko iyi gahunda yafashije gutanga serivisi z’ubuzima zifite ireme, kwitabira gukoresha ubwishingizi bw’ubuzima ndetse n’uburyo bwo kwishyuza amafaranga y’ubwishingizi Leta itanga bukihuta.

Minisitiri w’Ubuzima, Dr Sabin Nsanzimana, yashimye Leta ya Amerika ku nkunga yayo mu guteza imbere serivisi z’ubuvuzi bw’ibanze, ariko asaba abafatanyabikorwa kuziba icyuho kigihari cyane cyane mu kugabanya umubare w’abana bapfa bavuka n’ababyeyi bapfa babyara, n’ubwo hari ibimaze gukorwa.

Dr. Nsanzimana yasabye abakora mu rwego rw’ubuzima gushakira umuti ikibazo kigihari, aho u Rwanda rwagabanyije impfu z’ababyeyi ziva ku barenga 1200 bapfaga babyara rugera kuri 203 ku babyeyi ibihumbi 100, nyamara hakaba hakiri uturere dufite imibare ikiri hejuru mu gihe hari n’utundi izo mpfu ziri kuri zeru.

Ati “Nta gisubizo mfite ariko tugomba gushaka igisubizo cyo kugabanya izo mpfu, byibura tukagera kuri 70”.

Dr. Violette Ayingeneye, uhagarariye abayobozi b’ibitaro mu Rwanda akaba n’Umuyobozi w’Ibitaro by’Akarere ka Karongi, yavuze ko iki kibazo gishobora gukemurwa no kongera uburezi bw’ubuzima bw’ibanze n’ubukangurambaga, by’umwihariko ku bagore bagisama baba bakeneye gukurikiranwa hakiri kare.

Ku itariki ya 4 Kamena 2023, ni bwo ibaruwa yasinyweho n’Umuyobozi Mukuru wa Kaminuza y’u Rwanda, Dr Kayihura Muganga Didas, yagiye ahabona. Iyi baruwa yimuragaga abanyeshuri ba Koleji ya CBE mu mwaka wa kabiri bigiraga i Nyagatare, mu gihe itariki abanyeshuri bose bagombaga kugera aho bigira yari bukeye bwaho kuri 5 Kamena 2023.

Aba banyeshuri bavuga ko bari bamaze kwitegura kwigira i Nyagatare, ndetse bamwe banahageze ariko bagatungurwa no kwimurwa ku munota wa nyuma.

Umwe mu baganiriye na Kigali Tody utifuje ko amazina ye atangazwa, yavuze ko byamugoye kwakira kwimurwa ari mu nzira agenda.

Yagize ati “Ubundi mbere bari batubwiye ko tuzajya i Huye turitegura, ariko habura nk’ibyumweru biriri ngo itariki yo gutangira igere bavuga ko tuzaguma i Nyagatare, turabyakira. Ejo ku Cyumweru ndimo kugenda ubwo abandi tubana bari bagezeyo bati ‘garukiraho badusubije i Huye’, mbanza kugira ngo ni bihuha ariko nza kubona itangazo rya kaminuza ritubwira ko tugomba gusubira i Huye. Mfata umwanzuro wo gusubira mu rugo”.

Yakomeje agira ati “Tumaze amezi hafi abiri n’igice turi mu kiruhuko. Ingengabihe n’inama ziga ku iyimurwa ry’abanyeshuri n’ibindi byarakozwe, ibyari byitezwe birahindurwa byongera guhindurwa kandi ubu uyu munsi twari dufite isomo. Ibyo bintu byisubiramo cyane bikabangamira imyigire, turifuza ko bajya bamenyesha abanyeshuri ku gihe”.

Undi atis “Twatunguwe cyane nk’abava mu bice byose by’Igihugu bari bageze hano Nyagatare n’ibikoresho babihagejeje. Twishyuye inzu amezi abiri, hari n’abishyuye atatu noneho bagahita batubwira ngo nimwimukire i Huye ako akanya. Ni ibintu bigoranye cyane”.

Umuvugizi wa Kaminuza y’u Rwanda, Kabagambe Ignatius, aganira na Kigali Today yavuze ko iki cyemezo cyafashwe hagamijwe kwegereza aba banyeshuri abandi, kugira ngo imyigishirize izorohe.

Ati “Amasomo yigishwa muri Koleji y’Ubucuruzi n’Ubukungu abenshi mu balimu bayo bari i Huye. Abatangira mu wa Mbere na bo barajya i Huye ntago bajya i Nyagatare, kandi abo mu mwaka wa Gatatu barangije; ni ukuvuga ngo abiga mu mwaka wa kabiri bari bagiye gusigara bonyine i Nyagatare. Bajyanywe i Huye kugira ngo babone hafi abarimu babigisha”.

Avuga ku cyo barimo gufashwa yagize ati “Kubibabwira byegereje gutangira kw’amasomo byo ni imbogamizi ariko ibyo na byo byarebweho. Ntabwo amasomo yabo azatangira mbere yo ku Mbere utaha, iki Cyumweru cyose bagihawe kugira ngo bimuke kandi kwimuka baraza kubifashwamo, bahabwe imodoka kuko benshi bari bamaze kugerayo. N’amacumbi ya kaminuza ari i Huye barimo kwibandwaho, ndetse no kwiyandikisha [barimurwa]. Buri kintu cyerekeye kuborohereza kirimo gukorwa ku buryo bushoboka”.

Agaruka ku bimuriwe i Kigali bakagira ikibazo cyo kubura amacumbi imbere muri kaminuza, Kabagambe yavuze ko abanyeshuri bose bakeneye amacumbi imbere mu kigo batayabona, kuko ubwo bushobozi budahari, ahubwo abasaba gushyiraho akabo bagashaka uburyo bashobora gucumbikamo.

Iyimurwa ry’abanyeshuri ba Kaminuza y’u Rwanda muri uyu mwaka w’amashuri, ryabaye kuri aba bakuwe i Nyagatare, abigaga ibijyanaye n’Ubugeni (Creative Design) bose bazanywe i Kigali bavuye i Huye ndetse n’abandi batandukanye bo mu mwaka wa Mbere bagiye gutangirara i Huye atari ho bari basanzwe batangirira.

Mu mwaka w’amashuri ushize na bwo hari himuwe abigaga mu mwaka wa Kabiri w’agashami k’Ibarura ka Koleji y’Ubucuruzi n’Ubukungu, bakurwa i Huye bazanwa i Kigali.

Abiga muri iyi Kaminuza bavuga ko hakenewe uburyo bunoze ibi byajya bikorwamo bitabahungabanyije, cyane cyane kubimenyeshwa kare bakabyitegura.

Itangazo iki kigo cyashyize ahagaragara rivuga ko Lisansi igura amafaranga y’u Rwanda 1,517 kuri litiro. Ni mugihe igiciro cya Mazutu ari amafaranga y’u Rwanda 1,492 kuri litiro.

Ibi biciro bisimbuye ibyari byashyizweho mu ntangiriro za Mata uyu mwaka ari na byo byakurikizwaga, aho litiro ya lisansi yaguraga amafaranga y’u Rwanda 1,528, mu gihe litro ya Mazutu yaguraga 1, 518. Ibi bivuze ko Lisansi yagabanutseho amafaranga y’u Rwanda 11 mu gihe Mazutu yagabanuteho agera kuri 26 kuri litiro.

RURA ivuga ko iri gabanuka ry’ibiciro rishingiye ahanini ku igabanuka ry’ibikomoka kuri peteroli ku isoko mpuzamahanga.

ITANGAZO: Ibiciro BISHYA by'ibikomoka kuri peteroli by'amezi ya Kamena na Nyakanga; bizatangira kubahirizwa guhera tariki ya 02 Kamena 2023.#RwOT pic.twitter.com/CfsOLxgC19

— Rwanda Utilities Regulatory Authority - RURA (@RURA_RWANDA) June 1, 2023

Kigali yashyizwe ku mwanya wa kabiri mu mijyi ibereye kwakira inama muri Afurika

Uru rutonde rushingiye ku nama n’ibindi birori byabaye mu 2022, rugiye ahagaragara nyuma y’imyaka ibiri iki kigo kitabasha kurukora bitewe n’icyorezo cya Covid-19. Muri uwo mwaka ushize habarwa ko nibura inama n’ibindi birori bigera hafi kuri 85% ku rwego rw’Isi, byakozwe imbonankubone ari na byo uru rutonde rwahereyeho rukora.

Uyu mwanya Umujyi wa Kigali wawegukanye harebwe ku nama 21 zinyuranye zahabeye mu mwaka wa 2022. Ibi ni umusaruro mwiza wa gahunda ya Leta yo guteza imbere ibikorwa by’ubukerarugendo bushingiye ku nama n’ibindi birori, ibizwi nka ‘Meeting, Incentives Conferences and Exhibitions (MICE).

Abasaga ibihumbi 35 mu 2022 bitabiriye inama n’ibindi birori bigera ku 104 byabereye i Kigali, byinjiza agera kuri Miliyoni 62.4 z’Amadolari, nk’uko bigaragazwa na raporo y’Urwego rw’Igihugu rw’Iterambere (RDB), yasohotse mu ntangiriro z’uku kwezi kwa Gicurasi.

Mu 2021 na bwo u Rwanda rwari rwashyizwe ku mwanya wa karindwi, ku rutonde rw’ahantu 21 heza ho gutemberera ku rwego rw’Isi muri uwo mwaka rwitwa ‘Forbes Bucket List Travel’ rukorwa n’ikinyamakuru Forbes.

Na none muri Werurwe uyu mwaka ikigo ‘Brand Finance’, cyashyize u Rwanda ku mwanya wa karindwi muri Afurika n’uwa 85 ku Isi, mu bihugu bikomeye ku rutonde rwitwa ‘Global Soft Power Index’ rwa 2023. Ni urutonde rukorwa hagendewe ku bipimo bitandukanye by’iterambere Igihugu gifite ndetse n’ijambo gifite ku rwego rw’Isi.

Ni mu gihe kandi n’Umujyi wa Musanze uherutse gushyirwa mu hantu heza by’umwihariko ho gutemberera muri 2023. Ni urutonde rwakozwe na TIME, rukaba rugizwe n’ahantu 50 heza ku rwego rw’Isi watemberera uyu mwaka ukahagirira ibihe by’umwihariko.

Muri uwo mujyo wo kwakira inama n’ibindi ibirori, u Rwanda muri byinshi bimaze kuhabera uyu mwaka harimo irusanwa rya Basket ku rwego rwa Afurika, rihuza amakipe ahagaze neza muri Basketball ya Afurika (BAL), rikaba ribereye i Kigali ku nshuro ya gatatu.

Mu bindi biteganyijwe kuhakirirwa uyu mwaka, harimo izindi nama zikomeye ndetse n’imikino y’Igikombe cya Afurika cy’Abagore muri Basketball, kizaba muri Nyakanga. Ibi bikaba bikubiye mu masezerano Minisiteri ya Siporo mu Rwanda, iherutse gusinyana n’Ishyirahamwe ry’Umukino wa Basketball ku Isi (FIBA).

Hotel Materi Boni Consilii

Ibi bibaye nyuma y’uko muri Werurwe uyu mwaka, CAF yamenyesheje Ishyirahamwe ry’umupira w’amaguru mu Rwanda (FERWAFA), ko Sitade ya Huye itari yemerewe kuberaho umukino wo kwishyura wahuje u Rwanda na Bénin. Ibi byatumye Ikipe y’Igihugu yerekeza mu mukino ubanza wabereye i Cotonou itaramenya umwanzuro wagombaga kuva mu bujurire FERWAFA yari yatanze, ariko umwnzuro uza kuba ko umukino wo kwishyura ubera kuri Kigali Pelé Sitadium i Nyamirambo.

Icyemezo izi hoteli zahawe n’Urwego rw’Igihugu rw’Iterambere (RDB) ku itariki ya 26 Gicurasi uyu mwaka, kigaragaza ko zigiye kumara imyaka ibiri iri imbere ari Hoteli z’inyenyeri enye.

Hotel Credo

Iki cyemezo gitanzwe nyuma y’iminsi izi hoteli zivugururwa, ngo zishyirwe ku rwego ruzemerera kwakira amakipe mpuzamahanga yaje gukinira i Huye. Hoteli Credo iherereye hafi ya Kaminuza y’u Rwanda Ishami rya Huye, ikaba yaravuguruwe bimwe mu bice biyigize kandi isanganywe pisine.

Materi Boni Consilii yo yavuguruye inyubako yo gukoreramo siporo (gyms), ahafatirwa amafunguro, gusigwa amarange ndetse n’ibindi. Gusa iyi hoteli nta pisine ifite ariko abazacumbikamo bakaba bazifashisha iy’indi hoteli bituranye yitwa Four Steps, izwi cyane nka ‘Petit Prince’.

Ubusanzwe CAF iteganya ko kugira ngo stade yemererwe kwakira imikino mpuzamahanga, kimwe muri byinshi igomba kuba yijuje, harimo no kuba yegerewe na hoteli nibura eshatu z’inyenyeri enye.

Ibi bivuze ko hoteli Credo, Materi Boni Consilii na Four Steps ari zo zazifashishwa mu gucumbikira abazitabira umukino wo gushaka itike y’Igikombe cya Afurika, uzahuza u Rwanda na Mozambique ku itarki ya 18 Kamena 2023, mbere yo guhura na Sénégal ku itariki 4 Nzeri 2023.

Hotel Four Steps

Abakristo ba ADEPR bari buzuye Stade ya ULK

Uyu munsi mukuru wizihijwe ku Cyumweru tariki 28 Gicurasi 2023 kuri sitade ya ULK ku Gisozi mu Mujyi wa Kigali ahari hateraniye imbaga y’abayoboke ba ADEPR ku rwego rw’Umujyi.

Uyu munsi mukuru waranzwe no gutaramirwa n’amakorari menshi y’iri torero mu Mujyi wa Kigali ndetse n’ibyigisho binyuranye bijyanye n’uyu munsi. Muri iki giterane Abakristu bahembuwe ndetse abandi bashya barenga 80 bemera kwakira Yesu nk’Umwami n’Umukiza.

Iki giterane cyari kirimo ubuyobozi bukuru bwa ADEPR mu Rwanda ndetse n’ubwo ku rwego rw’Ururembo rw’Umujyi wa Kigali haba abari mu nshingano n’abari mu kiruhuko cy’izabukuru. Umunyamabanga Mukuru w’itorero rya Pentekote muri Kenya akaba anahagarariye umuryango witwa ‘Africa Pantecostal Mission’, Bishop Eli Rop ni we watanze ikibwirizwa cy’umunsi cyahembukiyemo benshi, abandi bakira Yesu nk’Umwami n’Umukiza.

Bishop Eli Rop uturuka muri Kenya ni we wigishije mu giterane cya Pentekote

Umuvugizi akanaba Umushumba Mukuru w’Itorero rya ADEPR mu Rwanda, Rev. Ndayizeye Isaïe yavuze ko iki iki giterane cyabimburiye ibindi byinshi iri torero riteganya mu minsi iri imbere harimo n’ibizitabirwa n’ibindi bihugu.

Uyu mushumba yakomeje avuga ko ibyo itorero rikora bifasha abakristu mu buryo bw’umwuka ariko ko no muri gahunda zigamije iterambere ry’imibereho myiza y’abaturage bigira akamaro.

Ati: “Hamwe mu ho ubu turi gushyira imbaraga mu ivugabutumwa ni mu magororero, ahandi ni aho abantu bakorera. Na ho hari ibikorwa by’ivugabutumwa byatangiye muri gahunda twise ‘itorero ryo mu murima’ aho dusanga abantu aho batuye n’aho bakorera tukabahuza mu buhinzi bakora, tukabigisha guhinga kijyambere ariko tukanabafasha kwiga ijambo ry’Imana”.

Yakomeje ati: “Ibyo binajyana n’ibikorwa by’ivugabutumwa ryo kurwanya ibiyobyabwenge mu rubyiruko, abana bataye amashuri kubagarura. Hari na gahunda zo kurwanya ingeso z’uburaya harimo no gufasha abahuye n’ingaruka zivuye muri ubwo buraya, ariko tugakomeza n’ivugabutumwa n’inyigisho zirinda zinakumira abana b’abakobwa baterwa inda bakiri batoya”.

Amwe mu makorari yafashije abari bitabiriye gutarama harimo Jehovah Jireh, Amahoro, Rehoboth, Ukuboko kw’Iburyo, Horebu, n’andi 17 yari yatoranyijwe mu rurembo rw’Umujyi wa Kigali. Mu rurembo rw’Umujyi wa Kigali, habariwa amatorero ya ADEPR 160 akubiye mu ma paruwasi 12 hakaba habarizwamo amakorari arenga 600. Ubusanzwe ijambo Pentekote risobanura umunsi wa 50 ndetse uyu munsi ukaba wizihizwa mu madini ya gikristu huzuye iminsi 50 Pasika ibaye.

Uwari uyoboye iki gikorwa (MC)

Umuvugizi akanaba n’Umushumba Mukuru w’Itorero rya ADEPR mu Rwanda, Rev. Ndayizeye Isaïe

Korari Jehovah Jireh ULK

Korari Siloam ya ADEPR Kumukenke

Pasiteri Cleophas Barore (iburyo) akaba n’umunyamakuru wa RBA

Kaminuza y’u Rwanda ishami rya Huye

Itangazo ryashyizweho umukono kuri uyu wa 28 Gicurasi 2023 na Dr Mukankomeje Rose uyobora HEC, rivuga ko ibyavuye mu busabe bw’inguzanyo uyu mwaka biboneka umunyeshuri anyuze kuri ‘link’ ikurikira: https://mis.hec.gov.rw/bursary/check-result

Kugira ngo uwasabye inguzanyo abone igisubizo cye, asabwa kwinjiza ahabugenewe umubare umuranga (Registaration number) aba yarahawe asaba kwiga muri Kaminuza.

Iri tangazo rikomeza rivuga ko ibyagendeweho mu gutanga izi nguzanyo ari amanota umunyeshuri yagize mu kizamini cya Leta, gisoza amashuri yisumbuye hamwe n’ibyo yasabye kwiga muri kaminuza, aho ibyo byombi biba biri ku ijanisha rya 50% buri kimwe.

Abagize amahirwe yo guhabwa inguzanyo basabwa kutazahindura ibyo bahawe kwiga na Kaminuza y’u Rwanda, kuko ibyo bishobora gutuma batakaza inguzanyo bari bemerewe bityo bakaziga biyishyurira byose.

Ku bijyanye n’ubujurire bamwe mu basabye inguzanyo bakenera gutanga, bizakorwa kuva ku wa mbere tariki ya 29 Gicurasi kugeza ku itariki ya 7 Kamena 2023 ku biro by’uru rwego, ndetse no kubwohereza mu buryo bw’ikoranabuhanga rya Email.

Aya makuru asohotse mu gihe HEC yari iherutse gutangaza ko uyu mwaka abemerewe inguzanyo na Leta bazagabanuka, bitewe n’igabanuka ry’ingengo y’imari yagenewe Minisiteri y’Uburezi uyu mwaka.

Dr Mukankomeje yaragize ati “Ni ukuvuga ngo umubare w’abo twishyuriraga uzaba muto ugereranyije n’uwo twari dufite. Kandi mu by’ukuri abarangije amashuri yisumbuye bujuje ibisabwa byo kujya muri kaminuza ni ibihumbi 46. Amafaranga baduhaye ntabwo dushobora kwishyurira na 15%”.

Mu gihe nibura Leta yaba yishyuriye abo 15% mu basabye inguzanyo, bivuze ko abangana n’ibihumbi 6900 gusa ari bo bahabwa inguzanyo; ni ukuvuga ko haba harimo ikinyuranyo cy’ibihumbi 39 basigara.

Ibi kandi byiyongereye ku kuba n’abari basabye kwiga muri Kaminuza y’u Rwanda na bo haremerewe bake, dore ko mu bagera hafi ku bihumbi 22 bari babisabye uyu mwaka hemerewe abatarenga bihumbi umunani, nk’uko ubuyobozi bwayo bubivuga. Gusa hasobanuwe ko ibi byose byatewe n’ubushobozi bw’iyi kaminuza butabasha kwakira umubare munini w’abasabye kuyigamo basabye ari benshi, bitewe n’uko n’abagize amanota meza uyu mwaka babaye benshi.

Iyi raporo ikomeza ivuga ko muri Koreya ya Ruguru, abafatanywe Bibiliya nk’igitabo Nyobokamana cy’Abakiristu, bakatirwa igihano cy’urupfu ndetse imiryango yabo harimo n’abana, bo bagakatirwa igifungo cy’ubuzima bwabo bwose. Mu 2022 gusa iyi raporo ivuga ko Abakristu bagera ku bihumbi 70 muri iki gihugu, bafunzwe ndetse hakiyongeraho n’abo mu yindi myizerere itanduakanye.

Uyu mwana w’umuhungu wagizwe imfubyi, afungiwe muri gereza kuva 2009 hamwe n’abandi benshi kubera imihango ya gikristu irimo no gutunga Bibiliya.

Abakirisitu bafungiye muri iyi gereza bafatwa nabi mu buryo butandukanye bubabaza umubiri. Iyi raporo ivuga ko Minisiteri y’Umutekano muri Koreya ya Ruguru, ari yo nyirabayazana wa 90% by’ihonyorwa ry’uburenganzira bwa muntu rikorerwa abayoboke b’imyemerere ya Shaman ndetse n’Abakiristu.

Umuryango udaharanira inyungu wo muri iki gihugu witwa ‘Korea Future’, uvuga ko Leta ya Koreya ya Ruguru itoteza abantu bakora ibikorwa bishingiye ku myemerere, abatunze ibikoresho by’imyemerere, abafite amadini, abafite aho bahurira n’abanyamadini ndetse n’abantu basangiza imyizerere yabo.

Abo bantu baba bashobora gutabwa muri yombi bagafungwa batotezwa, bagakorerwa iyicarubozo, guhatirwa gukora imirimo runaka, kwimwa uburenganzira ndetse no gukorerwa ihohoterwa rishingiye ku gitsina.

Leta zunze Ubumwe za Amerika na Koreya ya Ruguru nta mubano zifitanye mu bya dipolomasi, gusa mu Kuboza 2021, Amerika yashyigikiye umwanzuro w’Umuryango w’Abibumye wamagana ibikorwa byayo bikabije, byo guhonyora uburenganzira bwa muntu.

Abadepite bifatanyije n’abaturage mu muganda nyuma bagirana ibiganiro

Itangazo ryatanzwe n’abadepite kuri uyu wa Gatandatu, rivuga ko batangiye gusura abaturage mu turere twose tw’Intara enye z’Igihugu kuva kuri iyi tariki ya 27 Gicurasi kugeza ku itariki ya 3 Kamena uyu mwaka.

Ibikorwa bazibandwaho muri izi ngendo, ni ugusura inganda nto n’izicirirtse zifasha mu guteza imbere ibyoherezwa mu mahanga, ndetse n’ibikorwa byerekeye ubukerugendo. Abatuye mu Mujyi wa Kigali bo bazasurwa ku matariki ya 10-11 Kamena uyu mwaka.

Perezida w’Umutwe w’Abadepite, Hon Mukabalisa Donatille, yavuze ko izi ngengo batangiye ari umwanya mwiza wo kwifatanya n’abaturage mu muganda, banabaganiriza ku kwita ku isuku.

Ibi bizanaha abaturage urubuga rwo gutanga ibyifuzo n’ibibazo bafite ku bagize Inteko Ishinga Amategeko, kugira ngo bikorerwe ubuvugizi haboneke umuti wabyo.

Abadepite basura abaturage nibura kabiri mu mwaka hagamijwe kumenya no kugenzura ibikorwa bya Guverinoma, kumenya ibibazo abaturage bafite, kubagira inama ndetse no kumenya uruhare bagira mu iterambere.

Izi ngengo zatangiye none zizakorerwa mu mirenge imwe n’imwe izaba yatoranyijwe mu turere twose.

ibitaro byitiriwe Umwami Faisal byabashije gusimburiza impyiko abarwayi batatu

Itangazo rya MINISANTE ryagiye ahagaragara kuri uyu wa 26 Gicurasi 2023, rigaragaza ko iki gikorwa cyo gusimbuza impyiko cyakozwe n’abaganga bo mu bitaro byitiriwe Umwami Faisal, ku bufatanye n’itsinda ry’abaganga baturutse muri Amerika.

Abarwayi batatu babashije kubagwa neza impyiko zabo zari zirwaye, zisimbuza izindi bahawe n’abagiraneza. Iyi Minisiteri ivuga ko iyi gahunda yatangiye izakomeza gukorerwa muri ibi bitaro ku bufatanye n’iri tsinda ry’abaganga baturutse muri Amerika, mu gihe cy’imyaka ibiri iri imbere.

Nyuma y’iyo myaka, iki gikorwa kizakomeza kujya gikorwa n’inzobere z’abaganga bo mu Rwanda, bazaba bamaze kugira ubunararibonye buhagije bwo kugikora neza.

Ibitaro byitiriwe Umwami Faisal mu Rwanda kandi, ku bufatanye na Kaminuza y’u Rwanda, Ishuri ry’Ubuganga n’iby’Imiti, bitanga amasomo y’igihe gito ku banyeshuri barusha abandi mu gashami k’ubuvuzi bw’impyiko no kuzisimbuza, mu rwego rwo kongera inzobere muri ubwo buvuzi.

Kuva mu myaka irenga 67 ishize, habarwa ko abarwaye impyiko mu Rwanda bagiye kuzisimbuza hanze y’Igihugu, byatawaye nibura akabakaba miliyoni 900 z’Amanyarwanda.

Ibitaro byitiriwe Umwami Faisal bisanzwe bibarizwamo inzobere zivura indwara zinyuranye, hagamijwe gutanga ubuvuzi buri ku rwego rw’akarere n’Isi muri rusange.

Bifite ibikoresho bigezweho n’ikoranabuhanga ribifasha gutanga ubuvuzi bw’inzobere bunyuranye, mu rwego rwo kubungabunga ubuzima n’imibereho myiza y’ababigana. Ubuyobozi bwabyo bushima imbaraga Leta y’u Rwanda ishyira mu guteza imbere urwego rw’ubuzima.

Kayishema Fulgence (Ifoto: AFP)

Itangazo ryatanzwe n’Umujyanama wihariye wa UNOSAPG, Alice Wairimu Nderitu, rivuga ko uyu muryango wishimiye ifatwa rya Kayishema Fulgence ryabereye muri Afurika y’Epfo mu gace ka Paarl rigizwemo uruhare n’inzego zinyuranye. Inzego zagize uruhare muri iri fatwa harimo Urwego rwasimbuye Urukiko Mpuzamahanga rwa Arusha (IRMCT) ndetse n’inzego z’ubuyobozi za Afurika y’Epfo.

Madamu Alice Wairimu Nderitu yanditse ati: “Nishimiye amakuru y’iri tabwa muri yombi kandi nizeye ko biranashimisha abacitse ku icumu n’imiryango y’abazizize Jenoside yakorewe Abatutsi mu Rwanda mu 1994”.

Iri tangazo rikomeza rivuga ko Fulgence Kayishema akekwaho kugira uruhare mu rupfu rw’abantu barenga 2000 harimo abagore, abagabo n’abana bari bahungiye kuri Kilizya Gatolika ya Nyange mu gihe cya Jenoside yakorewe Abatutsi. Muri 2001 Urukiko Mpuzamahanga Mpanabayaha Rwashyiriweho u Rwanda (ICTR) Rwamureze kandi rumukurikiranaho icyaha cya Jenoside, umugambi wo gukora Jenoside, ubufatanyacyaha muri Jenoside, ibyaha byibasiye inyokomuntu bishingiye ku bwicanyi n’ibindi byaha byakorewe mu cyahoze ari Komini Kivumu muri Perefegitura ya Kubuye mu 1994.

Uyu mujyanama avuga ku myaka irenga 20 Kayishema amaze ashakishwa yanditse ati: ”Guta muri yombi abakukiranyweho ibyo bakoze ni intambwe y’ingenzi yerekeye ibikorwa nyuma ya Jenoside”.

Yakomeje ati: “Iyo abakurikiranyweho ibyaha bikomeye bakoze badatawe muri yombi, tuba twatsinzwe dushobora kubona amateka yisubiramo”.

Yasoje avuga ko iyo ubutabera butanzwe bitagira uruhare gusa mu gukumira insubiracyaha ahubwo ko bigira n’uruhre mu bwiyunge ndetse no gukira ihungabana riterwa na Jenoside n’ibindi byaha bikomeye. Ibyo bifasha mu gusubiza agaciro abambuwe ubzima ndetse n’imiryango yabo. Abagishakishwa ku bw’uruhare bagize muri Jenoside yakorewe Abatutsi muri Mata 1994, Alice Wairimu Nderitu yabasabye kumanika amaboko bakishyikiriza ubutabera bakabazwa ibyo bakoze.

Mbere y’icyorezo cya Covid-19, imibare igaragaza ko ubukerarugendo mu Rwanda bwari bugeze ku gipimo kiza cyo kwinjiriza Igihugu agatubutse. Nko mu 2019, uru rwego rwinjije agera kuri miliyoni 500 z’Amadolari, ari na yo menshi cyane rwigeze kwinjiza ariko mu 2020 yaramanutse cyane agera kuri miliyoni 121 gusa, bitewe n’icyorezo cya Covid-19. Iyi mibare igaragaza ko muri rusange ubukerarugendo mu Rwanda, bumaze kuzahuka kugera ku ijanisha rya 89.3% ugereranyije n’ibihe bya mbere y’icyorezo.

Iyi raporo ikomeza igaragaza ko uretse ba mukerarugendo b’imbere mu gihugu, mu 2022 u Rwanda rwakiriye abashyitsi barenga miliyoni n’ibihumbi 105, harimo 60% baturutse ku mugabane wa Afurika.

Muri abo abasaga ibihumbi 35 baje bitabiriye ibikorwa by’ubukerarugendo bishingiye ku nama n’ibindi birori, ibizwi nka ‘Meeting, Incentives Conferences and Exhibitions (MICE)’, bigera ku 104 byabaye mu mezi atandukanye, byinjiza agera kuri miliyoni 62.4$.

Dore bimwe muri byo:

CHOGM

Ni inama ihuza Abakuru b’Ibihugu n’aba za Guverinoma z’ibihugu byo muryango w’abakoresha ururimi rw’Icyongereza. Iyi inama yabereye muri ‘Kigali Conventin Center’ muri Kamena 2022, yitabirwa n’abantu basaga 4000, yinjiza miliyoni 17$.

Uretse gutera ikimwaro abanzi b’u Rwanda batifuzaga ko ruyakira, iyi nama yasigiye Igihugu umusaruro ushimishije mu nzego nyinshi, binyuze mu biganiro hagati y’Abakuru b’Ibihugu, abayobozi b’ibigo by’ubucuruzi n’imiryango mpuzamahanga.

Hashyizwe umukono ku masezerano y’ibikorwa n’imishinga mu ngeri zitandukanye zirimo ubukungu, ubucuruzi, ubuhinzi n’ubworozi, uburezi, ubuzima n’umubano mu bya politiki hagati y’u Rwanda n’amahanga. Bimwe muri ibyo byemeranyijwe byanatangiye gushyirwa mu bikorwa.

Inama ya YouthConnekt Africa

Ni inama yateguwe n’umuryango YouthConnekt Africa, Leta y’u Rwanda n’Ishami ry’Umuryango w’Abibumbye ryita ku Iterambere (UNDP). Iba buri mwaka igahuza abashyiraho za politiki, abacuruzi, abafatanyabikorwa mu iterambere na sosiyete sivile, hagamijwe gushakira umuti ibibazo byugarije urubyiruko Nyafurika na rwo rubigizemo uruhare.

Iya 2022 yabereye i Kigali muri BK Arena ku matariki ya 13-15 Ukwakira, yitabirwa n’u rubyiruko rusaga 9000 rwo hirya no hino muri Afurika. Icyo gihe, Perezida Paul Kagame ayifungura yasabye uru rubyiruko gukorera ku ntego bakarangwa n’umwete n’ikinyabupfura mu byo bakora byose, kugira ngo bagere ku iterambere ryabo n’iry’umugabane muri rusange.

Irushanwa Nyafurika rya BAL 2022

Mu rwego rw’ubukerarugendo bushingiye ku nama n’ibindi birori (MICE), hinjiye miliyoni 6$ avuye muri BAL, angana na 13% by’ayinjijwe muri MICE yose umwaka ushize. Iri rushanwa rihuza amakipe ya Basketball aba yarabaye aya mbere iwayo muri Afurika, ryari ribereye mu Rwanda ku nshuro ya kabiri nyuma y’iry’amajonjora ryabaye mu 2021.

Mu muri aya majonjora, ikipe ya REG BBC yari ihagagariye u Rwanda yitwaye neza isoza ari iya mbere mu itsinda, ariko mu mikino ya nyuma 2022 yaserewe muri ¼ na FAP BBC yo muri Cameroon ku manota 66 kuri 63.

Izo nshuro zombi ryabereye muri BK Arena, irya 2022 rikaba ryaregukanywe na US Monastir yo muri Tunisia ihigitse Petro de Luanda ya Angola.

Mu irushanwa hagati ku itariki 25 Gicurasi, BAL yanifatanyije n’Abanyafurika kwizihiza ishingwa ry’Umuryango wa Afurika yunze Ubumwe, bishimira ibyagezweho.

Inama y’Ihuriro Nyafurika ku Iterambere ry’Ubuhinzi (AGRF)

Iyi nama ya ‘African Green Revolution Forum Summit (AGRF)’ ihuza bamwe mu bakuru b’Ibihugu Nyafurika, abashakashatsi, abayobozi b’ibigo mpuzamahanga n’abahinzi bakigira hamwe icyakorwa, mu kuzahura uruhererekane rw’ibiribwa muri Afurika.

Iya 2022 yari ibaye ku nshuro ya 12, yabaye ku matarika ya 5-9 Nzeri ikaba yaritabiriwe n’abantu bagera ku 6,467. Kuva u Rwanda rwagirwa igicumbi cy’iyi nama, ni ubwa mbere yari ibaye mu buryo bw’imbonankubone bitewe n’icyorezo cya Covid-19.

Inama y’Ihuriro Mpuzamahanga ry’Itumanaho ku Isi (ITUWTDC)

Ni inama yari ibaye ku nshuro ya munani ikaba yaritabiriwe n’ibihugu bisaga 100. Itegurwa n’Ihuriro Mpuzamahanga ry’Itumanaho (ITU), inama yo ikaba yitwa ‘World Telecommunication Development Conference (WTDC)’.

Yateraniye i Kigali kuva tariki 6-16 Kamena 2022, ikaba yari uruhurirane rurimo uduce tw’inama zitandukanye zivuga ku iterambere ry’itumanaho. Icyo gihe, Perezida Paul Kagame yavuze ko u Rwanda kimwe n’ibindi bihugu ku Isi, icyorezo cya Covid-19 cyatumye bibyaza umusaruro ikoranabuhanga, ariko ko hakiri imbogamizi zashakirwa umuti. Iyi nama yasize hakusanyijwe agera kuri miliyari 18.5$, ngo akoreshwe mu gukwirakwiza ikoranabuhanga rya murandasi by’umwihariko mu bihugu rikiri hasi cyane.

Kwita Izina

Iki ni igikorwa ngarukamwaka kimaze kubaka izina mu Rwanda no ku ruhando mpuzamahanga. Hari hashize imyaka ibiri uyu muhango wo guha amazina abana b’ingagi, uba mu buryo bw’ikoranbuhanga. Ku itariki ya 2 Nzeri 2022, ni bwo wongeye kwitabirwa imbonankubone mu Kinigi mu Karere ka Musanze.

Uyu muhango wari ubaye ku nshuro ya 18, witabiriwe n’abayobozi mu nzego zinyuranye za Leta, ibyamamare mu ngeri zinyuranye mu Rwanda n’andi bashyitsi baturutse imihanda yose y’Isi, harimo abayobozi n’ibyamamare binyuranye. Bise amazina abana 20 b’ingagi bari baherutse kuvuka.

Guverinoma y’u Rwanda yatangaje ko izashora miliyoni 2$ mu guteza imbere abaturage baturiye Pariki z’Igihugu mu rwego rwo gusangira inyungu ziva mu bikorwa by’ubukerarugendo, bukorerwa hirya no hino mu gihugu.

Banku Nkuru y’u Rwanda

Itangazo ryashyizweho umukono na Guverineri wa Banki Nkuru y’Igihugu, John Rwangombwa, rivuga ko ubuhuza mu by’ubwishingizi ari umurimo ugenzurwa na Banki ayoboye, nk’uko biteganywa n’amategego. Rikomeza rivuga ko amategeko ari yo agena ibigenderwaho mu kwemerera abahuza mu bwishingizi gukora, ndetse n’ibindi basabwa kugira ngo bemererwe gukora uwo murimo.

Igika cya gatatu gikomeza kigira kiti “Ni muri urwo rwego Banki Nkuru y’u Rwanda ishingiye ku mategeko yavuzwe ndetse n’amabwiriza rusange, iburira abantu bose ko ikigo cyitwa ‘Placier en Assurance Ltd’, kitemerewe gukora ubuhuza mu by’ubwishingizi. Bityo, umuntu wese uzabirengaho agakorana n’iki kigo azirengera ingaruka zabyo”.

Banki Nkuru y’Igihugu kandi iributsa abantu bose gukorana n’ibigo by’imari byemewe, harimo ibigo by’ubwishingizi, abahuza mu bwishingizi bigenga, ibigo by’ubwiteganyirize bwa pansiyo, amabanki ndetse n’ibigo by’imari iciriritse bibika amafaranga.

Ibindi bigo BNR yasabye abantu gukorana nabyo byemewe, ni ibitanga serivisi zo kwishyurana, ibiro by’ivunjisha, abatanga serivisi zo gucunga iby’abandi mu bwizerane ndetse n’ibigo by’imari bitanga inguzanyo gusa.

Iyi banki isoza ivuga ko urutonde rw’ibigo by’imari byemewe na yo biboneka ku rubuga rwayo rwa murandasi www.bnr.rw.

Ibi byatangajwe tariki 18 Gicurasi 2023 mu nama yateranyije inzego zinyuranye zifite aho zihuriye n’ubuzima ku Isi mu gusuzuma aho u Rwanda rugeze mu ishyirwa mu bikorwa ry’izo ngamba. Ni inama ngarukamwaka izwi nka ‘International Conference on Population and Development (ICPD)’ iy’uyu mwaka ikaba yarabereye i Kigali mu Rwanda.

Kuri iyi nshuro uruhare rw’ urubyiruko rurakenewe mu guhangana n’ibibazo bishamikiye ku buzima bw’imyororokere bikunze gutera ingimbi n’abangavu gutera no guterwa inda zitateganyijwe.

Evode Niyibizi, Umuyobozi wa AfriYan mu Rwanda

Umuyobozi w’ihuriro ry’urubyiruko , AfriYan ryita ku buzima bw’imyororokere, uburinganire no kurwongerera ubushobozi mu Rwanda, Evode Niyibizi, yagaragaje ko igihe kigeze n’urubyiruko rukisanga muri izi ngamba.

Ati: “Uyu munsi twaje kureba uburyo urubyiruko rwafata iya mbere kugira ngo rutange umusanzu wo guhangana n’ibyo bibazo bahura na byo. Mu gihe cyashize wasangaga byinshi bikorwa na Leta n’indi miryango; abantu bakuru ari bo bafata ibyemezo bafata imyanzuro y’igikorwa. Ariko kuri iyi nshuro tubona ko twafashe iya mbere; hari byinshi twikemurira”.

Ishami ry’Umuryango w’Abibumbye ryita ku Buzima bw’Imyororokere (UNFPA) ryo rivuga ko rifatanyije na Leta y’u Rwanda rishyira ingufu mu gusuzuma impamvu z’ibanze zigitera abangavu gutwara inda zitateganyijwe zikabakururira ibibazo.

Madamu Renata Tallarico, Umuyobozi wungirije wa UNFPA mu Rwanda

Madamu Renata Tallarico, Umuyobozi wungirije wa UNFPA mu Rwanda, yagize ati “Kuri ubu UNFPA ifatanyije na IPAR ku bufatanye na Leta y’u Rwanda, iri gukora ubushashatsi mu turere 30 ku birebana n’inda ziterwa abangavu, kandi intego ni ukumenya neza mu by’ukuri urwego iki kibazo kiriho, ariko na none tukamenya umuzi w’ikibazo kugira ngo duhagurukire rimwe tuyobowe na Leta y’u Rwanda dushakire iki kibazo igisubizo”.

Minisitiri w’Ubuzima mu Rwanda, Dr Nsanzimana Sabin, asanga hari uturere twamaze gutera intambwe ishimishije tugomba kubishimirwa ariko hakabaho no gukebura utundi turere tukiri kure mu gushaka umuti urambye.

Ati: “Hari uturere tugera ku 10 cyangwa se ibitaro by’uturere bigera ku 10 aho impfu z’ababyeyi zagabanutse, hari n’aho ushobora kumara imyaka ibiri nta kibazo kirahaba ariko ugasanga ahandi bishobora no kuba byakwikuba inshuro ebyiri. Aho rero hakabije hari ibibazo ni nk’iturere hafi 10. Mu turere 30 hari uturere 10 ubona tugomba gushyiramo imbaraga zidasanzwe, utundi 10 usanga ibintu bimezze neza ahubwo bakaba bakwigisha abandi uko bakora”.

Minisitiri w’Ubuzima mu Rwanda, Dr Nsanzimana Sabin

Minisitiri Dr. Nsanzimana akomeza avuga ko ibyo biterwa n’umuhate udahagije w’abaganga, ibikorwa remezo nk’imihanda igora imbangukiragutabara kubera imiterere y’imisozi n’ibindi.

Avuga ku ntego Igihugu gifite, yagize ati: “Intego ihari ni uko tujya munsi y’impfu 100 ku babyeyi ibihumbi 100. Ubu twari turi kuri 203 ku mbyaro ibihumbi 100 ziba zabayeho. N’ubwo ibihugu byose byihaye iyo ntego yo kuba munsi y’impfu 100 ariko, twebwe tugiye no kuri zeru byaba ari byiza kuko hari impfu dushobora kubuza kubaho”.

Ingamba esheshatu u Rwanda rwiyemeje kugeraho ni ukugabanya umubare w’ababyeyi bapfa babyara ndetse n’abana bapfa bavuka, kongera gahunda zigenewe ingimbi n’abangavu ku buzima bw’imyororokere n’imibonano mpuzabitsina, kuzamura gahunda zo kuboneza urubyaro no kugabanya umubare w’abatarayoboka ubu buryo, kunoza uburyo Leta yajya ishingira ku makuru yizewe, kurwanya indwara ziterwa na virusi ndetse no kwita ku buzima bw’umubyeyi utwite.

Mu rwego rwo gushyigikira izi gahunda, ingengo y’imari ishyirwa mu rwego rw’ubuzima mu Rwanda yariyongereye iva kuri miliyari 166 mu mwaka wa 2020/21 igera kuri miliyari 232.7 muri 2021/22, bingana na 61.7% by’ingengo y’imari y’uru rwego yose.

Abitabiriye batanze ibitekerezo ku ngingo zitandukanye

Abitabiriye inama bafashe ifoto y’urwibutso

Ibi byanyujijwe mu itangazo ryashyizwe hanze ku wa 15 Gicurasi n’Umuvugizi wa M23 mu bya Politiki, Lawrence Kanyuka. Iryo tangazo rivuga ko nta bitero uyu mutwe wigeze ugaba mu gace ka Kanyarucinya ku itariki ya 13 Gicurasi 2023 ndetse no mu gace ka Rusayo ku itariki 15 Gicurasi 2023. Uyu mutwe uvuga ko ibyo ari uguharabika isura yawo ndetse bikaba urwitwazo rwa Congo kugira ngo yongere ibagabeho ibitero nk’uko byagenze muri Mata umwaka ushize mu gace ka Bugusa.

Iri tangazo rikomeza rivuga ko Umutwe wa M23 wongeye gusubiramo ko uri ku ruhande rw’ubufatanye bw’Akarere mu gushakira hamwe igisubizo cyagarura amahoro mu Burasirazuba bwa Congo. Gusa uyu mutwe wavuze ko ugifite uburenganzira bwo kwirwanaho no kurinda abaturagae b’abasivili n’ibyabo. Uyu mutwe wibukije ingabo zihuriweho z’Akarere (EACRF) n’abandi bafatanyabikorwa ko ushinja ingabo za Repubulika Iharanira Demukarasi ya Congo gukomeza kwigarurira uduce uyu mutwe wavuyemo no gukomeza kwitegura kuwugabaho ibitero.

M23 yavuze ko hari inka zirenga 800 z’abaturage zashimuswe n’ingabo za Congo ndetse n’abaturage bagakurwa mu byabo, abandi baturage baricwa, bamwe baranashimutwa mu duce twa Muyange, Nturo, Mushaki na Rushengo. M23 ivuga ko ibi byabaye kuva ku itariki ya 12 Gicurasi 2023 kugeza ku wa Mbere tariki ya 15 Gicurasi 2023.

Uyu mutwe ugaragaza ko uretse kuba Leta ya Congo yarirengagije imyanzuro y’Akarere mu gushaka amahoro, imyitwarire yayo y’ubushotoranyi ikomeje kuba nyirabayazana w’umubare munini w’abakurwa mu byabo. Umuryango wa Afurika y’Iburasirazuba ndetse n’imiryango yita ku bikorwa by’ubutabazi bahamagariwe kwita ku baturage barenga ibihumbi 11 bavuye mu byabo mu gace ka KILORIRWE.

Hashize iminsi mike Kaminuza y’u Rwanda isohoye urutonde rw’abemerewe kuyigamo mu mwaka w’amshuri wa 2023, uzatangira mu kwezi gutaha. Bimwe mu bitekerezo byakomeje gutangwa n’abanyeshuri hamwe n’ababyeyi, ni ukutiyumvisha uburyo umunyeshuri yuzuza ariko ntahabwe umwanya muri UR.

Mu kiganiro abayobozi muri Kaminuza y’u Rwanda bagiranye na Televiziyo y’Igihugu, ku wa Mbere, tariki 15 Gicurasi 2023, Umuyobozi Mukuru wa Kaminuza y’u Rwanda, Dr Kayihura Muganga Didas, yavuze ko impamvu nyamukuru yatumye hatoranywa abanyeshuri bake, ugereranyije n’abari babisabye ari ubushobozi.

Ati “Iyo tuvuze ubushobozi tuba tuvuga ibyumba by’amashuri aho abanyeshuri bashobora kwigira, ariko tuba tuvuga n’ubushobozi mu bijaynye n’abarimu n’ibindi bikoresho bishobora gutuma bwa burezi buba koko uburezi bufite ireme. Sinavuga ko dufite ubushobozi buhambaye. Amahirwe ni uko dufite amashami atandukanye, bituma imibare isa n’aho isaranganywa muri utwo dushami twose”.

Ati “Hari imibare ijya ikorwa y’aho umunyeshuri yigira, umubare w’abanyeshuri bagomba kuba bari ahongaho n’umubare w’abarimu, igaragaza ko muri rusange Kaminuza y’u Rwanda iba ikwiye gufata hagati y’ibihumbi bitanu na bitandatu buri mwaka”.

Uyu muyobzi yakomeje avuga ko uyu mubare ari wo wari ukwiye gufatwa, gusa ko hashingiwe ku busabe bwinshi n’amanota meza, umubare w’abanyshuri buri koleje yari yemerewe hongeweho 10% bituma hafatwa abageze hafi ku bihumbi umunani.

Dr Kayihura yavuze ko abanyeshuri basoje amashuri yisumbuye bagize amanota meza, yatangaga ikizere cyo kwemererwa kwiga ari benshi. Gusa yanasobanuye ibyagendeweho bamwe bemererwa umwanya abandi bagasigara, harimo n’abari bagize impuzandengo y’amanota ya mbere (kuzuza).

Amanota umunyeshuri yagize ari na yo aba afite uruhare runini mu guhabwa umwanya, basobanuye ko bahera ku bafite menshi kurusha abandi, ariko ko abujuje bitavuze ko baba bagize 100%, ahubwo ko na bo bagira uko basumbanya, ari cyo gishobora gutuma harimo abashobora kubura imyanya cyangwa bagahabwa ibyo batasabye.

Dr Kayihura yavuze ko umunyeshuri wagize impuzandengo (aggregate) ya 60 bivugwa ko aba yujuje, nyamara Ikigo cy’Igihugu gishinzwe Ubugenzuzi bw’Amashuri n’Ibizamini bya Leta (NESA), cyo kigena ko hejuru y’ijanisha rya 70% y’amanota umunyeshuri yagize, ubwo aba yujuje akagira impuzandengo ya 60/60.

Ati “Iyo bavuga kuzuza, umunyeshuri aba avuga ngo yabonye 60/60 ubwo yujuje. Ariko uko ni ukuzuza yabonye gutyo; ya 60 avuze iki? Muri NESA bafashe ko buri muntu wese wabonye 70% (kuzamura) ubwo afite 60/60 ariko ni ikigereranyo kuko hagati 70% na 100%, harimo benshi”.

Yavuze ko basabye NESA kubaha intonde z’uko abanyeshuri bagiye barushanwa amanota batarayashyira ku mpuzandengo, kugira ngo babone uko bahera ku wagize menshi mu by’ukuri.

Ati “Wa wundi ubona yarabonye 60/60 yarasabye wenda nk’amategeko ntayahabwe, ni uko ashobora kuba yaragize nka 70% cyangwa 71%, hari uwabonye 99% cyangwa 100%. Ubwo abo ni bo duheraho”.

Hari abatunguwe no guhabwa ibyo batasabye

Umukozi ushinzwe kwandika abanyeshuri muri UR, Uwizeye Judith, yasobanuye ko iyo hamaze gusuzumwa ibintu bitatu bigenderwaho mu guha umwanya umunyeshuru, hari abashyirwa ku rutonde rw’agateganyo ariko mu mashami batasabye.

Mu gutanga imyanya, hagenderwa ku manota umunyeshuri yagize aho aba asabwa kuba yaratsinze neza nibura amsomo abiri y’ingenzi (two principal passes), muri atanu akorwa mu kizamini cy’abiga mu burezi rusange, hakaba ishami yasabye kwigamo ndeste n’ubushobozi bwo kwakira iryo shami rifite.

Uwizeye yasobanuye ko abanyeshuri bemerewe ibyo basabye ari bo bashyirwa ku rutonde rusanzwe, ariko hakaba n’abashyirwa ku rutonde rw’agateganyo (provisionally admitted), kuko kaminuza yabahitiyemo ibyo bakwiga batari basabye.

Ati “Iyo rero tumanutse kuri ya manota tukajya ku ishami rya kabiri wasabye n’irya gatatu, tugasanga hari abantu bagiye bakurusha amanota biba ngombwa ko abo bana bari muri icyo kiciro tubashakira ibindi bijynaye n’ibyo bize mu yisumbuye, kandi binajyanye n’amashami yacu abakwiriye”.

Akomeza avuga ko abari muri icyo kiciro cy’agateganyo, ari uburenganzira bwabo kureba niba ibyo kaminuza yabahitiyemo bashobora kubyiga, bakabyemeza cyangwa se bakishakira ahandi.

Aba bayobozi basabye abanyeshuri bashya gukurikiza andi mabwiriza akurikiraho ku gihe, harimo kwemeza niba koko umwanya wahawe uzawigamo, kuko bituma uvuze ko utabyemera aha amahirwe abandi batari bahawe umwanya ariko babishaka. Bavuze ko kandi bari gukorana bya hafi n’Inama Nkuru ya Kaminuza n’Amashuri Makuru (HEC), igenzura ibyo gutanga inguzanyo z’abanyeshuri bamaze kwemererwa umwanya, kugira ngo ibyihutishe.

Abanyeshuri biga mu myaka ikomeza, bo bamenyeshejwe ko bazakomeza kwigira kuri ‘campus’ basanzweho, gusa hakaba harakozwe impinduka ku bazaza mu mwaka wa mbere, aho bo bagiye bahabwa ahanyuranye n’aho abo biga bimwe bigiraga.

Dr Kayihura yasoje avuga ko harimo gukorwa ibishoboka byose kugira ngo ubushobozi bw’iyi kaminuza bwiyongere, bityo ijye ibashe kwakira umubare munini w’abifuza kuyigamo.

Ku mugoroba w’itariki ya 2 Gicurasi, Nteziyaremye yavuye mu kazi asanzwe akora ko gucuruza amagi n’ubunyobwa mu mudugudu wa Mahoko mu Murenge wa Kanama i Rubavu.

Yatashye asanga umugore we yakundaga guhamagara Mama David, rikomoka ku muhungu wabo ari na we mwana rukumbi bari bafitanye. Muri iyo minsi uyu mubyeyi yari ari koroherwa n’uburwayi; ibyatumaga umugabo we agomba kumwitaho by’umwihariko akaba yamufasha imwe mu mirimo yo mu rugo.

Nteziyaremye ahetse umwana we umugore yamusigiye

Nteziyaremye asobanura umwuka yasanze iwe mu rugo kuri uwo mugoroba, yagize ati: "Twari dufite ibishyimbo bike bihiye mu rugo, ariko nahise mubaza nti: ‘ese ngutekere iki?’ na we ati: ‘ntekera ibirayi’ ”.

Yarakomeje ati: “Nahise njya kuri butike iri hakurya y’umuhanda maze nishyura amafaranga 490 y’ikilo cy’ibirayi, hanyuma ngura n’isukari n’amakara y’amafaranga 100. Natetse ibya nimugoroba vuba nuko ngaburira umugore wanjye nakundaga”.

Nyuma ubwo bagiye kuryama nta kibazo kugeza saa 2:30’ za nijoro ubwo Nteziyaremye yakangukaga imvura yatangiye kugwa cyane.

Ati: “Nagiye hanze mbona amazi y’imvura atemba bisanzwe nsubira mu nzu ariko numva hari amabuye manini ari kwisekura ku nzu. Nitegereje neza mbona ni isuri irimo amabuye manini. Nafashe umuhungu wacu w’amezi atandatu ndamuheka ngerageza gusohoka ariko amazi yari amaze kuba menshi cyane, umugore wanjye we yarimo atabaza. Napfumuye mu gisenge ngo ngerageze gufata ku ishami ry’igiti cyari mu mbuga ariko birananira”.

Ibyo bimaze kwanga, Nteziyaremye yagarutse mu nzu ariko abaturanyi babo bari babashije kubona uko bikura mu nzu bahunga umwuzure bashatse uko babaha igiti kirekire ngo bakifashishe basohoka. Gusa, umuraba mwinshi w’amazi wakubise uwari uje kubatabara ahitamo kurekura cya giti kiragenda aho kubura ubuzima bwe.

Ubwo Nteziyaremye, umugore we n’umuhungu wabo bakomeje kuguma muri uwo mwuzure mu nzu, icyizere cyo kurokoka gishira bakireba.

Umugabo amaze kubona ko uburyo bwo kurokoka bwanze, yagiriye inama umugore we ko basenga amasengesho ya nyuma.

Ati: "Nabwiye umugore wanjye ko twakwihana ibyaha byacu kuko igihe cyacu cyegereje”. Ubwo turangije inzu yacu yahise igwa maze umugore wanjye agerageza gufata ku idirishya na ryo riragwa amazi ahita amutwara. Ni bwo mperuka kumubona ari muzima”.

Nteziyaremye yaganirije umunyamakuru wa KT Press uko ibiza byamutwaye umugore we

Umugore we amaze kumubura amureba, Nteziyaremye yakomeje guhangana n’amazi, ariko yari yibagiwe ko afite umwana mu mugongo, kugeza ubwo ibyo yari amuhetsemo bitangira gupfunduka.

Ati: “Najishe umwana wange ndakomeza ubundi dukomeza kurwanya kugeza nambutse njya ku bitaro mfite agahinda ko kubura umugore wanjye nakundaga. Numvaga arira amazi amutwaye ariko nta mbaraga nari mfite zo kumutabara”.

Umwuzure watwaye umugore wa Nteziyaremye nyuma umurambo we uza kuboneka mu Iseminari Nto yitiriwe Mutagatifu Piyo X aho umwuzure na ho wakoze amarorerwa ariko ho nta wahaburiye ubuzima.

Mu gahinda kenshi yagize ati: “Mbonye umurambo we, narapfukamye nsenga Imana mvuga nti: ‘Oh! Nyagasani! Uzi uburyo mukunda, ariko wamukunze kundusha’".

Mu rwego rwo gufata mu mugongo abashegeshwe n’ibiza, ku itariki ya 4 Gicurasi intumwa za Guverinoma ziyobowe na Minisitiri w’Intebe, Dr Edouard Ngirente zerekeje i Rubavu mu muhango wo gushyingura abantu 13 baburiye ubuzima muri ibi biza harimo n’umugore wa Nteziyaremye.

Icyo gihe, aba bayobozi bunamiye abahitanywe n’ibiza ndetse bahumuriza imiryango yabo banatanga imfashanyo.

Na none kandi ku wa Gatanu tariki ya 12 Gicurasi 2023, Perezida wa Repubulika, Paul Kagame yasuye abaturage bo mu Karere ka Rubavu by’umwihariko abaheruka kugirwaho ingaruka n’ibiza byibasiye Intara y’Iburengerazuba, Amajyaruguru n’Amajyepfo.

Ubu, Nteziyaremye afite impungenge zo kuba adashobora gusiga umwana we w’amezi atandatu kugira ngo abone uko ashaka amaramuko kandi ntazi uko ejo hazaza he hazamera nk’umugabo. Gusa Leta yashyizeho uburyo rusange bwo gutera inkunga abashegeshwe n’ibiza muri rusange kandi byatangiye gukorwa.

Reba ubuhamya bwa Nteziyaremye Feza muri iyi Video:

Perezida Kagame yasuye abibasiwe n’ibiza, ababwira ko ubuyobozi buzakomeza kubaba hafi

Madamu Jeannette Kagame

Ubutumwa yanyujije ku mbuga nkoranyambaga butangira bwifuriza umunsi mwiza ababyeyi b’abagore ndetse bukanabashimira umutima w’urukundo n’ubwitange bagaragaza mu miryango yabo no mu bihe bigoye.

Ubwo butumwa bugira buti: “Umunsi mwiza ku babyeyi b’abagore! Babyeyi, muri isoko y’urukundo n’ubwitange ku miryango yanyu, haba mu byishimo no mu bihe bigoye. Tubashimiye umutima wanyu uhora uzirikana ineza”.

Ni ubutumwa bwakurikiwe n’ibitekerezo binyuranye bimushimira, ndetse na we bumwifuriza ko uyu munsi wamubera mwiza.

Umunsi Mpuzamahanga wahariwe umubyeyi w’umugore wizihizwa mu bihugu birenga 50 ku Isi hose ku matariki atandukanye akenshi yo muri Gicurasi mu rwego rwo kuzirikana akamaro k’ababyeyi b’abagore mu muryango.

Gusa igihe cyemejwe wizihizwaho ni ku Cyumweru cya kabiri muri Gicurasi buri mwaka. Uyu munsi warushijeho kwamamara cyane mu 1914 ubwo Woodrow Wilson wabaye Perezida wa 28 wa Leta zunze Ubumwe za Amerika yawugiraga umunsi w’ikiruhuko mu gihugu hose.

Kaminuza y’u Rwanda ishami rya Huye

Itangazo rijyanye na byo ryashyizweho umukono n’Umuyobozi Mukuru wa Kaminuza y’u Rwanda, Dr Kayihura Muganga Didas, rikavuga ko abanyeshuri bemerewe kwiga muri Kaminuza y’u Rwanda, bashobora kureba amakuru ajyanye n’ibyo bemerewe kwiga bifashishije ‘link’ ya efiling.ur.ac.rw

Iri tangazo rikomeza rivuga ko abanyeshuri batabashije kwemererwa kwiga mu mashami basabye, bahawe andi ajyanye n’ibyo bize ariko kandi ko bo n’abandi bose bemerewe umwanya, bagomba kwemeza ko baziga muri iyi kaminuza mu buryo bwateganyijwe.

Andi makuru ajyanye n’ubusabe bwo kwiga muri uyi kaminuza uyu mwaka, harimo nk’abatanze amakuru nabi babisaba, abagize amanota atabemererera n’ibindi bigaragazwa ku rubuga rw’iki kigo.

Nyuma yo kwemererwa umwanya muri Kaminuza y’u Rwanda, ababa bashaka kuzarihirwa na Leta, bisaba no kwemererwa inguzanyo. Gusa kuri iyi nshuro Ubuyobozi bw’iyi Kaminuza, buherutse gutangaza ko muri uyu mwaka harimo impinduka.

Buvuga ko umunyeshuri ushaka kwiga ku nguzanyo, azajya asaba kimwe cyangwa byose mu byo akeneye guhabwaho inguzanyo, ari byo amafaranga y’ishuri, amafaranga atunga umunyeshuri (bourse) ndetse na mudasobwa imukwiriye bitewe n’ibyo aziga. Ibi bitandukanye n’uko byakorwaga mbere, aho uwasabaga kwiga ku nguzanyo ya Leta yabaga asabye icyarimwe ibyo bitatu, kandi mudasobwa zatangwaga zikaba zari ubwoko bumwe.

Iyi kaminuza imaze imyaka 10 igizwe iya mbere nini mu Gihugu, ubwo Perezida Paul Kagame yagiriraga uruzinduko mu Ishami ryayo rya Huye umwaka ushize, yasezeranyije impinduka zigamije kuyinoza kurushaho. Zimwe muri zo, biteganyijwe ko zizatangirana n’uyu mwaka w’amashuri uzatangira ku itariki 5 Kamena 2023.

UR is pleased to inform all students who applied for undergraduate admission for Academic year 2023 that the results of their applications are now available, as detailed below. Those wishing to study Graphic Arts will be able to apply next week. Best wishes. ⁦@KabagambeI⁩. pic.twitter.com/xuWmiI5Ofp

— University of Rwanda (@Uni_Rwanda) May 12, 2023

Muri Seminari ya Nyundo Hntu hose hari huzuye icyondo

N’ubwo nta munyeshuri cyangwa umukozi wa Diyoseze ibi biza byahitanye ariko, ahandi muri Rubavu byambuye ubuzima abagera kuri 27 wakongeraho n’abandi bo mu tundi turere bakaba 131. Iri sanganya ryabaye mu ijoro ry’itariki ya 2 ishyira iya 3 Gicurasi 2023.

Umugezi wa Sebeya wisuka mu kiyaga cya Kivu uciye ku bice byinshi bya Rubavu harimo n’ahari ibikorwa remezo bya Diyoseze Gatolika ya Nyundo. Impfu z’abantu, amatungo n’ibindi byangiritse muri aka karere ibyinshi bishamikiye kuri uyu mugezi.

By’umwihariko muri Seminari nto ya Nyundo, umugezi wa Sebeya wakunze kubibasira mu bihe bitandukanye, maze umwuzure ukahangiza byinshi. Muri ibyo bihe byashize uyu mugezi watezaga umwuzure ukamara amasaha runaka ukaza gushira ariko uwo mu cyumweru gishize waje ari rurangiza. Ubuzima bw’abantu, amatungo, imyaka n’ibindi bikorwa remezo byinshi byarahatikiriye ku rwego rukomeye.

Padiri Hakizayezu Emmanuel ushinzwe umutungo wimukanwa muri Diyosezi ya Nyundo, ni umwe mu bantu biboneye n’amaso uburyo Sebeya ikora ibara kuva ku munota wa mbere.

Ibiryamirwa by’abanyeshuri byarangiritse

Aganira na KT Press yagize ati “Saa cyenda za mu gitondo, abarinzi barankanguye bambwira ko Sebeya yaduteye. Nkangutse, amazi yari yatangiye kwangiza ibintu byari hasi kandi yiyongera vuba kugeza igihe nasabwaga gusimbuka nciye hejuru y’akabati”.

Ubwo amazi yaje kuzura mu kigo hose maze yirara mu biro, ibyumba by’ububiko, igikoni, amacumbi, mu mashuri, muri shapeli n’ahandi.

Ibikoresho birimo mudasobwa, imashini zicapa, ibitabo byari mu isomero, imashini zidoda, ibikoresho by’ububaji n’imyenda byarangiritse ibindi bitwarwa n’amazi, ariko hari n’ibyapfuye burundu ku buryo bidashobora gusanwa.

Yararakomeje ati “Ni ubwa mbere twari tubibonye aho Sebeya yatwaye intebe z’abanyeshuri izikuye mu mashuri tukazibura burundu. Sebeya yinjiye muri shapeli itwara intebe zose za. Ni igitangaza! Icyicaro cya Diyosezi kiba hano, ariko Sebeya yangije byose”.

Ntabwo byarangiriye aho kuko uyu mwuzure ukomeye winjiye no mu gikoni uhasenya muvero zatekerwagamo, ukomereza mu bubiko uhangiza akawunga, umuceri, ibishyimbo, isukari n’ibindi biribwa.

Ibitabo bitandukanye byarangiritse burundu

Kuri uyu munsi, Sebeya ntiyemereye haba abakuru n’abato gufata ifunguro rya saa sita. Muhayimana Aimé Serge ni umunyeshuri wiga mu mwaka wa Gatandatu mu Iseminanari nto ya Nyundo.

Ati “Nta n’umwe washoboraga no gutekereza ku biryo. Twese twibazaga ibizakurikiraho, kubera ko twatekerezaga ko imvura izadusanga no mu igorofa ryo hejuru”.

Gusa uyu munsi wari uteye ubwoba ku itariki 3 Gicurasi, Ubuyobozi bwa Diyosezi bwimuriye abanyeshuri mu macumbi y’ahazwi nka ‘Centre Pastorale’, ariho hatari hibasiwe n’umwuzure.

Bamaze kugezwayo amafunguro baje kuyahabwa i Saa kumi z’umugoroba. Muri aya macumbi barahagumye kugeza ku ya 7 Gicurasi 2023, ubwo bimurirwaga mu rindi shuri rya ‘Saint Fidele’ riri mu mujyi wa Gisenyi, mu gihe ubuyobbozi bukora ibishoboka byose ngo butunganye aho bigiraga bazahagaruke.

Ibikoresho byo mu biro nabyo ntibyasigaye

Imfashanyigisho zabo batazongera kubona!

Ku itariki 8 Gicurasi, abanyeshuri bashoboye gusubira ku ishuri bafite ibikoresho bishya, Muhayimana ati “Ibi bisa nk’umunsi wacu wa mbere ku ishuri. Imfashanyigisho zacu zose zatwawe na Sebeya. Twese twanditse ku rupapuro rwa mbere mu makayi mashya uyu munsi. Ibuka ko mu bizamini bya Leta tugomba gusubiramo amasomo y’imyaka itatu, ariko ntituzi uko tuzabikora kandi imfashanyigisho zacu zaratembanywe n’amazi”.

Muhayimana, uretse gutakaza imfashanyigisho ze zose muri Sebeya, yanatakarijemo ikarita ndangamuntu ye.

Aha ku ishuri rya Saint Fidele, bamwe mu banyeshuri biga bambaye impuzankano abandi imyenda isanzwe, kandi biremewe kuko indi yatwawe n’amazi.
Icyo kibazo kimaze kuba, Ubuyobozi bw’ishuri bwihutiye kumenyesha ababyeyi busaba kubafasha, maze ku Cyumweru tariki ya 7 Gicurasi bazana bimwe mu bikoresho by’ibanze abana bakeneye.

Ku wa mbere tariki ya 8 Gicurasi 2023, abakozi, abaturanyi ndetse n’abaturage bose ba Diyosezi ya Nyundo, bateraniye muri iryo shuri no muri Diyosezi, kugira ngo bakureho icyondo cyasaga n’icyuzuye ahantu hose.

Muhayimana avuga ko ibyababayeho biteye agahinda

Ubwo bari muri uyu muganda, umubikira umwe yagize ati "Ntekereza ko hari umuntu warakaje Sebeya, ni yo mpamvu nayo yaturakariye”.

Sebeya ni umuturanyi n’umwanzi mubi

Usibye ibice bya wa Diyosezi Gatolika ya Nyundo n’abandi baturage bibasiwe, bavuma Sebeya ariko bakanatanga igisubizo babona cyakemura iki kibazo.

Ncamubandi Frederic wo mu Kagari ka Kabirizi mu Murenge wa Rugerero na we yatakaje umutungo we muri Sebeya, ariko nanone agira amahirwe yo kurokoka.

Ati “Inyubako zose zasenyutse tuzireba. Naburiyemo ingurube icumi n’inkoko 25 utaretse n’ibindi bikoresho byinshi”.

Ncamubandi ufite impamyabumenyi mu by’Ubumenyi bw’Isi, yakuye muri Kaminuza y’u Rwanda, yavuze ko Sebeya ishobora kongererwa ubujyakuzimu n’ubugari ikabona umwanya uhagije, bityo ntikomeze kujya iteza umwuzure mu bayituriye.

Ati “Bishobotse yakongerwaho nibura urukuta rwa metero imwe. Iki cyaba igisubizo kirambye ku muturanyi wacu mubi Sebeya”.

Ncamubandi kandi yavuze ko uyu mugezi udakwiye gutuma bafata icyemezo cyo kwimura abawuturiye, kuko ari ibisanzwe no mu bindi bihugu ko abantu baturana n’inzuzi mu gihe bihawe umurongo unoze.

Ati “Dusanzwe tuzi umwanzi wacu Sebeya. Aho kwimura abaturage wahungabanyije, ahubwo wacunga umugezi”.

Yatanze urugero ati “Kinshasa na Congo Brazzaville ni imijyi ibiri inyurwamo n’umugezi wa Congo kandi ibyangizwa na wo ntabwo ari byinshi. Dushobora ahubwo gucunga uyu mugezi natwe”.

Abanyeshuri bashakiwe ahandi baba bari mu gihe ibigo byabo byangijwe na Sebeya bigitunganywa

Reba ibindi muri iyi video:

Ni inkuru ya Jean de la Croix Tabaro/KT Press yashyizwe mu Kinyarwanda

Amafoto: Moise Niyonzima/Kigali Today

Minisitiri w’Ubutegetsi bw’Igihugu, Musabyimana Jean Claude

Ni amarushanwa mpuzamahanga yabaye ku nshuro ya 10 ategurwa n’Umuryango w’Abayisilamu mu Rwanda.

Mu butumwa bwatangiwe muri iki gikorwa, Mufti w’u Rwanda, Sheikh Salim Hitimana yavuze ko ibigize Korowani Ntagatifu bigira uruhare mu mibanire y’abantu kandi ko umuco wo kwitoza kuyisoma mu Rwanda uri kugenda utera imbere.

Mufti w’u Rwanda, Sheikh Salim Hitimana

Yagize ati “Gufata Korowani mu mutwe byubaka imico myiza bikanateza imbere imibanire myiza y’umuntu n’abandi. Mu mwaka wa 2016 hano iwacu mu Rwanda twari dufite gusa abasomyi 40 bafashe Korowani mu mutwe. None uyu mwaka tumaze kugira abana 250 b’Abanyarwanda bafashe mu mutwe Korowani Ntagatifu”.

Yasoje agira ati: “U Rwanda ni Igihugu cyimakaje imiyoborere myiza yubahiriza ubwisanzure n’uburenganzira bwa buri wese mu guhitamo no kugaragaza imyemerere ye nk’uko biri mu Itegeko Nshinga rya Repubulika y’u Rwanda”.

Minisitiri w’Ubutegetsi bw’Igihugu, Musabyimana Jean Claude, wari uhagarariye Umukuru w’Igihugu muri iki gikorwa, yasabye abari bateraniye muri BK Arena ko Leta y’u Rwanda yahisemo kubaka ubufatanye bugamije imibereho myiza y’Abanyarwanda bigizwemo uruhare n’abafatanyabikorwa batandukanye barimo n’abanyamadini.

Ati: “Igihugu cyacu giha ubwisanzure amadini yose harimo n’idini ya Islam, ubwisanzure bwo gusenga no gukora amateraniro mu ruhame.”

Yashimye uruhare rw’idini ya Islam mu Rwanda mu bikorwa binyuranye mu gihugu ndetse abaha umukoro wo gukomeza kubishyiramo ingufu hamwe n’andi madini.

Minisitiri w’Urubyiruko, Dr. Utumatwishima Abdallah, na we yari yitabiriye iyi gahunda

Ati: “Amadini n’amatorero akorera mu Gihugu cyacu nk’abafatanyabikorwa ba Guverinoma y’u Rwanda arasabwa gukomeza kugira uruhare mu ishyirwa mu bikorwa rya gahunda zitandukanye zigamije guteza imbere imibereho myiza y’Abanyarwanda.

Ati “By’umwihariko tuboneyeho gushima amadini n’amatorero ku bikorwa by’ubutabazi tumazemo iminsi by’Abanyarwanda bahuye n’ibiza, tukaba dusaba amadini n’amatorero gukomeza kudufasha gukemura ibibazo bikibangamira umuryango nyarwanda.”

Amarushanwa mpuzamahanga yo gusoma no gufata mu mutwe Korowani abereye mu Rwanda ku nshuro ya 10 ategurwa n’Umuryango w’Abayisilamu mu Rwanda. Kuri iyi nshuro yitabiriwe n’ibihugu 39 muri 40 byari byatumiwe abarushanwaga bakaba bari abana 64. Uwa mbere wagize amanota 98.9% ni Umunya-Uganda, Abdu Rahman Yassin wahembwe ibihumbi bitanu by’Amadolari ($5000), ni ukuvuga asaga miliyoni 5.7 z’Amanyarwanda. Umwanya wa kabiri watsindiwe n’abantu batatu banganyije amanota 98.6%. Abo ni Umunya-Tchad, Adama Hussein Youssouf, Umunya-Somalia, Abdisame Abdirahman Hussein n’Umunya-Kenya, Abdullah Abdu Rahman Mussa.

Bamwe mu batangaga amanota ku barushanwaga gusoma Korowaniok

Muri abo buri wese yahembwe $3500; ni ukuvuga hafi miliyoni 4 z’Amanyarwanda naho uwabakurikiye ku mwanya wa gatatu ahabwa $2,500 asaga miliyoni ebyiri n’ibihumbi 850 by’Amanyarwanda. Aya marushanwa akorwa urushanwa avuga bimwe mu bice bigize Korowani adasoma kandi adategwa.

Abahize abandi mu gusoma Korowani bahawe ibihembo, umwana wo muri Uganda witwa Abdu Rahman Yassin ahabwa igihembo kiruta ibindi nk’uwahize abandi bose bitabiriye ayo marushanwa

Hatanzwe imfashanyo y’ibiribwa n’amafaranga

Ni ibiza byahitanye abagera ku 131 ndetse hanangirika imitungo n’ibikorwa remezo byinshi, bizasanwa n’agera kuri Miliyari 130Frw, nk’uko Minisiteri y’Ibikorwa by’Ubutabazi ibigaragaza.

Muri byinshi byangiritse harimo n’inganda enye zitunganya amazi mu gihugu hose, zahagaritse ibikorwa nyuma y’umwuzure w’umugezi wa Sebeya watumye amasoko y’amazi izo nganda zakoreshaga yandura. Uturere twibasiwe cyane ni Rubavu, Rutsiro, Karongi, Ngororero na Nyabihu mu Ntara y’Iburengerazuba.

Muri Rubavu na Nyabihu aho imihanda yangiritse cyane ndetse hagasenyuka inzu nyinshi z’abaturage, ni ho ikompanyi ya CRBC ishami ry’u Rwanda, yatangiriye ibikorwa by’ubutabazi itanga abakozi ndetse n’ibikoresho byo kwifashisha.

Iyi kompanyi yabashije gusibura igice cy’umuhanda cyari cyaragwiriwe n’inkangu, isura abakozi bahungabanyijwe n’ibiza, isuzuma imiterere y’ibyangiritse ndetse itanga imfashanyo.

Mu itangazo rya CRBC banditse bati "Abakozi bacu basigaye badafite aho baba kubera ibiza bahawe 5000Frw, kuri buri muntu ndetse n’ibiro bibiri by’ifu y’ibigori”.

Nanone kandi iyi kompanyi yatangiye ibikorwa by’ubujyanama mu by’imitekerereze, no guhumuriza abasizwe iheruheru hamwe n’imiryango yabo.

Icyo kibazo kikiba, Perezida Paul Kagame yoherereje ubutumwa bw’ihumure abagizweho ingaruka bose, ndetse abizeza ko Guverinoma y’u Rwanda ikomeza kubaba hafi, na we ubwe by’umwhariko. Yanashimiye kandi abatandukanye bari mu bikorwa by’ubutabazi bitandukanye ku basizwe iheruheru.

Bafashije mu gusibura imihanda

Minisitiri w’Intebe Dr. Edouard Ngirente, na we yasuye uduce twibasiwe cyane muri Nyabihu ndetse no mu Karere ka Rubavu, ahegereye umupaka w’u Rwanda na RDC, aho yitabiriye gushyingura bamwe mu bahitanywe n’ibyo biza.

Mu rwego rwo gutera inkunga abaturage bibasiwe, Guverinoma yatanze toni 60 z’ibiribwa n’ibindi bikoresho kandi ikaba izakomeza kubashyigikira.

Nanone kandi Minisiteri y’Ubutabazi yashyizeho uburyo bwo kunyuzamo inkunga ku bari imbere mu gihugu no hanze yacyo, bashaka gutanga ubufasha bwabo.

Ni ubutumwa iyi Minisiteri yanyujije ku rubuga rwayo rwa Twitter, bwaje no gukurikirwa n’ubundi bukubiyemo imibare mishya y’abahitanywe ndetse n’ibyangirikiye mu biza by’imvura yaguye mu ijoro ryo ku wa kabiri rishira ku wa gatatu w’iki Cyumweru. Iyi mvura yateje umwuzure ukabije wibasira cyane Intara y’Iburengerazuba, iy’Amajyaruguru n’Amajyepfo y’Igihugu.

Ubu butumwa bugaragaza uburyo bwo gutanga inkunga y’amafaranga binyuze kuri konti eshatu ziri muri Banki Nkuru y’Igihugu, ndetse n’uburyo busanzwe bukoreshwa bwo kohereza amafaranga binyuze mu masosiyete y’itumanaho akorera mu Rwanda.

Ku bazanyuza inkunga muri Banki Nkuru, ishobora gutangwa mu mafaranga y’u Rwanda kuri konti 100005653, Amadolari kuri konti 10000277703 ndetse n’Ama-Euro kuri konti 1000054557.

Ku bazifashisha telefone ngendanwa hatanzwe kode zizakoreshwa nka konti mu kohereza, zikaba zanditse mu mazina ya Minisiteri y’Ibikorwa by’Ubutabazi mu rurimi rw’Icyongereza (Ministry in Charge of Emergency Management), ari zo *182*8*071111# ku bakoresha MTN na *182*8*1*050050# ku bakoresha Airtel.

Iyi Minisiteri itangaje ibi mu gihe Abanyarwanda batuye mu Bushinwa, bo bamaze gukusanya inkunga ya miliyoni eshatu z’Amanyarwanda, yo gufata mu mugongo abasizwe iheruheru n’ibiza.

Muri icyo gikorwa cyabaye tariki 28 Mata 2023, abayobozi n’abakozi ba NESA basobanuriwe amateka y’abazize Jenoside bashyinguye muri uru rwibutso, barabunamira ndetse bashyira indabo ku mva, mu rwego rwo kubibuka no kubaha icyubahiro.

Umuyobozi wa NESA, Dr. Bahati Bernard, yavuze ko bakozwe ku mutima cyane n’ibyo babonye i Murambi bigatuma bafata ingamba zo kubaka Igihugu cyiza, gifite ejo heza, hazira amacakubiri, kandi ko gusura inzibutso bizajya biba igikorwa ngarukamwaka.

Yongeyeho ko bahisemo kuremera abantu batandatu mu barokotse Jenoside mu rwego rwo kubafasha gukomeza kwiyubaka. Ati: “Twumvise bidahagije kugira ngo tuze dusure uru rwibutso hanyuma tugende. Urwibutso aho ruri mu Karere haba harimo abarokotse Jenoside yakorewe Abatutsi kandi batishoboye. Dukurikije ukwitanga kw’abakozi ba NESA twaje gusanga bariya batandatu ari bo twabasha gufasha tukabashyikiriza ibyo kurya mu bushobozi bwacu hanyuma tukababonera n’uburyo babona icyo kwambara”.

Umuyobozi wa NESA, Dr. Bahati Bernard

Abarokotse Jenoside yakorewe Abatutsi baremewe, bavuze ko bishimiye cyane ubufasha bagenewe na NESA.

Umwe muri bo witwa Nsabimana Callixte yagize ati: “Ndishimye cyane pe! Hari igihe umuntu aba aryamira aho ariko nk’ubu muba mudukoreye, umuntu akabasha kubona icyo gushyira mu nda. Imana ijye ibaha umugisha rwose”.

Abaremewe bishimiye inkunga bahawe

Umuyobozi w’Akarere ka Nyamagabe wungirije Ushinzwe Imibereho myiza y’Abaturage, Uwamariya Agnès, yashimiye cyane ubuyobozi bwa NESA, ndetse avuga ko kwibuka binyuze mu gusura inzibutso bitanga ubutumwa bukomeye mu kumenya ukuri.

Uwamariya yanenze cyane abagihakana bakanapfobya Jenoside yakorewe Abatutsi ariko agaragaza ko Igihugu kiticaye ubusa.

Ati: “Birababaje cyane kuba umuntu uzi ubwenge kugeza ubu akaba atarumva umurongo mwiza Ighugu kirimo wo kubaka ubumwe bw’Abanyarwanda ngo na we abashe guhinduka. Ariko n’ubwo bwose bimeze gutyo, dushima cyane Leta y’ubumwe irangajwe imbere na Nyakubahwa Perezida Paul Kagame ko hariho imbaraga z’uko dukumira ibyo byose.”

Visi Meya Uwamariya Agnès yashimiye ubuyobozi bwa NESA

Yongeyeho ati “Ni yo mpamvu dushyira imbaraga mu kwigisha urubyiruko ayo mateka bakayamenya, n’utarabashije kuba muri ayo mateka nk’urubyiruko iyo abibonye arasobanukirwa kandi iyo abisobanukiwe avanamo isomo ko nta kintu cyaruta ubumwe bw’Abanyarwanda”.

Basuye ibice binyuranye bigize urwibutso rwa Murambi

Uru rubyiruko rwahawe umukoro wo kuzana bagenzi babo bagafatanya kubaka Igihugu

Ubu butumwa bwatanzwe ku wa 23 Mata 2023, ubwo Minisiteri y’Ubutegetsi bw’Igihugu (MINALOC) na Polisi y’Igihugu, basuraga urubyiruko rw’abakorerabushake banyuranye muri aka karere.

Uru rubyiruko rwibukijwe ko ubukorerabushake n’ubwitange ari umuco ukomoka ku ngabo za RPF Inkotanyi, zabashije kubohora Abanyarwanda mu bushobozi buke zari zafite, ariko zifitemo ubushake bwo gukunda Igihugu.

MINALOC yashimiye cyane urubyiruko rw’abakorerabushake b’aka karere, kuba bari ku isonga mu kugira umubare munini ku rwego rw’Igihugu, kandi ko bakwiye kwifashisha ayo mahirwe mu kwimakaza imibereho myiza y’Abaturarwanda muri rusange.

Akarere ka Ngororero ni ko gafite abakorerabushake benshi ku rwego rw’Igihugu

Umuyobozi w’Akarere ka Ngororero, Nkusi Christophe, yabwiye uru rubyiruko ko iki Gihugu cyabohowe n’urundi rubyiruko, ayo akaba ari amahirwe yo kubakiraho iterambere rirambye.

Ati “Iki Gihugu kugira ngo tube tugifite mu by’ukuri ni urubyiruko rw’Inkotanyi rwakoze ibishoboka byose rukakibohora, ndetse rugahagarika Jenoside. Ubu dufite Igihugu cyiza gifite imiyoborere ihamye kandi iha agaciro urubyiruko. Ni amahirwe rero dufite kugira ngo tuyabyaze umusaruro bityo twiteze imbere mu buryo burambye”.

Mayor Nkusi yabatumye ku rundi rubyiruko agira ati “Gahunda yo kongera umubare w’abakorerabushake twese tujyanemo, kugira ngo abatari baba ‘youth volunteers’ baze, twese tugire imtumbero imwe. Urubyiruko rwose rw’Akarere ka Ngororero rugera ku bihumbi 92, twese tugomba kuba mu itsinda ry’abakorerabushake tugatera ikirenge mu cya bakuru bacu b’Inkotanyi”.

Ubuyozi ku nzego zinyuranye bwabashimiye umurava n’ubwitange

Akarere ka ngororero gatuwe n’abaturage basaga ibihumbi 407, muri abo abasaga gato ibihumbi 92 bakaba ari urubyiruko rururi hagati y’imyaka 16-30. Mu mwaka w’ingengo y’imari urimo kugana ku musozo (2022-23), uru rubyiruko rwibumbiye mu rwego rw’abakorerabushake, mu nama y’Igihugu y’Urubyiruko, urushamikiye ku muryango RPF Inkotanyi ndetse n’urwo mu Muryango uhuza Abiga muri za Kaminuza n’Amashuri Makuru, babashije kubaka ibikorwa remezo byose hamwe 1,203 birimo inzu, ubwiherero n’uturima tw’igikoni.

Hanasanwe ibibuga by’umupira bitandukanye, ndetse hanakorwa n’ubukangurambaga ku ngingo zireba cyane urubyiruko n’imibereho myiza y’abaturage.

Adam Bradford

Uru rubyiruko rwisanga rugomba gufata umwanzuro nyuma yo kubona imibereho yarwo iri kurushaho kuba mibi, kuko amikoro yose baba bayamariye mu gutega.

Iyi mikino igera n’aho ituma bamwe bamariramo nk’amafaranga y’ishuri, ay’ubukode bw’inzu cyangwa ubwizigame bwose, kubera gushaka gukira vuba ariko amahirwe ntabasekere, ahubwo ugasanga benshi birangira bisanze mu gihombo gikabije, kugeza ku rwego hari n’abatekereza kwiyambura ubuzima.

Munyabugingo Emery wiga muri kaminuza, ni umwe mu bigeze gushyira amafaranga yagombaga kwishyura ishuri yose mu gutega, birangira abuze intama n’ibyuma.

Yagize ati “Umwaka ushize muri Nzeri nateze kimwe cya kabiri cy’amafaranga yanjye y’ishuri, mu mikino inyuranye nizeye ko nzayagaruza. Ariko umwe mu mikino ine ntiwagenze nk’uko nabishakaga”.

Yongeyeho ati “Naratsinzwe! Nongeye gushyiramo amafaranga yari asigaye nizeye kugaruza ibyo nari maze gutakaza; uko ni ko nayamaze yose. Sinashoboraga kubibwira ababyeyi banjye ariko amaherezo naje kubabwiza ukuri”.

Ububata bwo gukina imikino y’amahirwe rwose ni ikibazo gikomeye, kandi ikibabaje kurushaho ni uko abayikina bagenda bangirika bucece, bagatinya kuvuga ko barushaho kugenda baba imbata zabyo.

Iki ni cyo cyahagurukije Adam Bradford w’imyaka 30 y’amavuko. Ni Rwiyemezamirimo w’Umwongereza wiyemeje gutangiza gahunda yo gufasha kurwanya ububata bwo gutega; ikintu benshi batazi ko ari ikibazo gikomeye.

Ubwo Bradford yari afite imyaka 21, yiyemeje gukemura ikibazo cy’umwenda w’ibihumbi 500 by’ama-Euro se umubyara yari amaze kugeramo kubera gutega ariko bitazwi. Nyuma nibwo yaje kubaka gahunda ya mudasobwa (Application) yafasha abantu bafite ibibazo byo kubatwa no gutega nka se. Yayise ‘BetProtect’.

Amaze kwigira ku byo yiboneye, Bradford wanigeze gutsindira igihembo cy’umunyempano ukiri muto cy’Umwamikazi, yiyemeje kurushaho kumenyekanisha ibijyanye no kurwanya ububata mu gutega. Uko, ni na ko yerekeje mu Rwanda.

Urubyiruko ruri mu babaswe n’imikino y’amahirwe

Ubwo yari akiri muto, Bradford yamenye ko ubwo se yari yarabaswe yigeze gufungwa azira kwiba sebuja ibihumbi 50 by’ama-Euro.

Iyi gahunda ya mudasobwa ya ‘BetProtect’ amaze kuyubaka neza, yaje kuyigurisha n’ikompanyi mpuzamahanga yitwa ‘Crucial Compliance’ ikomeye mu bijyanye no gutega. Amafaranga bamuhaye ni yo yifashisha mu gukora ubukangurambaga bwo kurwanya ububata mu gutega ku Isi hose, ubu akaba ageze ku mugabane wa Afurika.

Uyu rwiyemezamirimo kandi muri ubwo buryo bwo gufasha urubyiruko kutabatwa, anabahugura ku kuba ba rwiyemezamirimo bafite intego mu rwego rwo gukira neza ubwo bubata.

Gutangira gukorera mu Rwanda

Bradford yizera ko gutangiza ‘BetProtect’ mu Rwanda biziye igihe, cyane cyane mu bice by’icyaro aho gutega byahindutse nk’inzira y’ubusamo yo gukira, bigatuma urubyiruko rushoramo amafaranga yose rubonye.

Yagize ati “Turashaka kubishyira ahagaragara nk’igikoresho cyo kuvura kizatanga ubujyanama mu by’ikoranabuhanga ku bantu bashobora kuba bafite ikibazo. Turimo kandi dukoresha amahuriro hamwe n’amakompanyi yo muri uru rwego, kugira ngo tubafashe gusobanukirwa ukubatwa no gutega”.

Bradford yongeyeho ko mu mezi make ari imbere bazatangiza serivisi mu baturage, ahazaba hagaragaye ibibazo, bibanze mu rubyiruko rwo mu cyaro.

Ese iyi ‘Application’ ikora ite?

Nk’uko nyiri ukuyubaka abitangaza, iyi ‘Application’ igengwa na kompanyi ya ‘Crucial Compliance’, ikaba ikoresha ubwenge bw’ubukorano mu kwitegereza uko umuntu atega harimo igihe n’inshuro bikorwa ndetse n’amafaranga akoreshwa.

Bradford agira ati “Byose bigamije kurinda ububata bwibasira umuntu muri iyo mitekerereze”.

Nk’umuntu watsindiye igihembo cyitiriwe Umwamikazi Elizabeth II, kigenerwa urubyiruko rwabaye indashyikirwa, Bradford yihaye intego yo guhindura Isi ahantu heza, binyuze mu bikorwa mbonezamubano ndetse n’ubugiraneza bwibanda ku gufasha abatitabwaho cyane. Yizera ko hari byinshi byakorwa mu kurwanya ububata bw’imikino y’amahirwe.

Adam Bradford yaje bwa mbere mu Rwanda mu nama y’Abakuru b’Ibihugu na za Guverinoma bigize Umuryango wa Commonwealth, CHOGM, mu mwaka ushize. Icyo gihe yahahuriye n’inshuti ye ya kera Emmanuel Nshimiyimana, ukomoka mu Rwanda, baganira ku mahirwe aboneka imbere mu gihugu, ndetse banafatanya gukora ibikorwa bitandukanye biha imbaraga urubyiruko.

Hamwe na hamwe bafasha abatuye mu cyaro kwiga gusoma no kwandika, ndetse babaha ubumenyi bwo kwihangira imirimo hifashishjwe ikoranabuhanga.

Bradford yivugira ko yatangajwe n’ibyo u Rwanda rwakoraga, kandi ko yifuzaga kubigiramo uruhare.

Bradford yatangiye gukorana n’imiryango itandukanye mu rwego rwo kongerera ubushobozi ba rwiyemezamirimo

Ubwo yaganiraga n’ikinyamakuru cyo mu Bwongereza, yagize ati “Nashimishijwe n’ibyo u Rwanda rukora kubera ko twagendaga buri gihe duhanze amaso aho gutanga amahirwe, gushyigikira igisekuru kizaza kandi dushaka guhugura no gutanga inkunga. Hanyuma hari ikintu cyankoze ku mutima, nahise mfata icyemezo mu masaha 48”.

Uyu mugabo yizera ko imyumvire y’u Rwanda ku bari hanze usanga hari aho idahuye n’ukuri, ariko ko Igihugu gifite ejo hazaza heza mu nzego nyinshi, zirimo ikoranabuhanga, ubuhinzi no mu zindi nzego.

Ati “Ntekereza ko Abanyarawanda ari bamwe mu bantu b’imfura ku Isi yose, kandi nagenze henshi! Ni abagwaneza cyane kandi ni inshuti, bashobora gukora buri kimwe cyose kubera wowe”.

Uyu rwiyemezamirimo wavukiye i Sheffield mu Bwongereza, asoza avuga ko hari ibihuha byinshi bivugwa ku Rwanda n’abarutuye, ariko we nk’umuntu wahigereye akaba ahamya ko ari Igihugu yakunze kandi cyiza.

Kagame Hotel Ltd, imaze imyaka irenga 15 muri Tanzaniya

Perezida Kagame, ni umwe mu bamaze kugira izina rihambaye mu mateka y’u Rwanda, muri Afurika ndetse no ku Isi muri rusange. Mu ngendo mpuzamahanga ajyamo usanga yakirwa yishimiwe n’abaturage mu buryo bugaragara, cyane cyane muri Afurika. Ahanini ibi bikomoka ku bigwi bye kuri uyu mugabane mu bikorwa byo kugarura amahoro ndetse na gahunda z’iterambere zigamije kuzamura Abanyafurika.

Mu Rwanda by’umwihariko Perezida Kagame afatwa nk’Intwari, ku bwo kuyobora urugamba rwahagaritse Jenoside yakorerwaga Abatutsi mu 1994, ndetse no kongera kubaka Igihugu kikaba kimaze gutera intambwe igaragara ku ruhando mpuzamahanga.

Ubwo Umukuru w’Igihugu yatangiraga urugendo rw’akazi mu Burengerazuba bw’Afurika, abatuye ibihugu bya Bénin, Guinée Bissau na Guinée Conakry bagaragaje kumwishimira bidasanzwe. Muri Bénin, i Cotonou imihanda yari yuzuye abaturage baje kumwakirana ubwuzu we na Madamu Jeanette Kagame, ageze muri Guinée Bissau yambikwa umudari w’ikirenga naho muri Guinée Conakry yitirirwa ikiraro kiri ku muhanda munini.

Iki kiraro cyiswe ‘Pont Paul Kagame’, cyatashwe ku mugaragaro ku itariki 18 Mata 2023, na Perezida w’u Rwanda afatanyije na Mugenzi we w’Inzibacyuho wa Guinée Conakry, Col. Mamadi Doumbouya.

Ikiraro cyiswe Pont Paul Kagame

Ni ikiraro cyubatse mu mujyi wa Kagbélen, muri Perefegitura ya Dubréka mu Murwa Mukuru Conakry. Cyubatse ku muhanda muremure uhuza uyu mugi n’ibindi bice by’icyo gihugu.

Cyatangiye kubakwa mu 2019, cyubakwa na ikompanyi y’ubwubatsi y’Abashinwa yitwa ‘CIBITEC’. Ni umwe mu mishinga yatangiye ku ngoma y’uwari Perezida w’iki gihihugu, Alpha Condé, binyuze mu masezerano hagati ya Guinée Bissau n’u Bushinwa. Mu kugitaha ubuyobozi bw’iki gihugu bwavuze ko ari intangiriro y’ibikorwa remezo byinshi biteganyijwe kubakwa kugeza mu 2036.

Pont Paul Kagame kiri mu mugi wiganjemo ibikorwa remezo birimo n’inganda, ndetse ukaba unafite icyambu, bikazoroshya ubuhahirane no kunoza ubwikorezi bukorewe mu mazi.

Nanone, ubwo Perezida Kagame yagiriraga uruzinduko rw’iminsi itatu mu gihugu cya Malawi ku ngoma ya Bingu wa Mutharika mu Murwa Mukuru Lilongwe hatashywe, umuhanda wiswe ‘Paul Kagame Road’.

Uyu muhanda tugenekereje mu Kinyarawanda wiswe Umuhanda wa Paul Kagame, watashywe ku itariki 3 Nzeri 2007, ukaba ufite uburebure bw’ibilometero 3.5. Muri Lilongwe, ‘Paul Kagame Road’ ni wo muhanda wa mbere ugezweho ufite ibice bine wari uhubatswe, ukaba uhuza uyu mugi n’Akarere ka Mzimba.

Paul Kagame Road ni umuhanda uri i Lilongwe muri Malawi kuva 2007

Nyuma y’imyaka icyenda uyu muhanda utashywe, Abanyarwanda batuye muri Malawi bavuze ko ukomeje kubatera ishema, kandi ko wahinduye isura Umunyarawanda yabonwagamo muri icyo gihugu.

Uretse Abanyarwanda n’abandi batuye muri Malawi bashishikariye kumenya Perezida Kagame, n’iterambere rivugwa mu Rwanda kuva uwo muhanda wamwitirirwa.

Igitekerezo cyo kwitirira Perezida Kagame uyu muhanda cyakomotse ku kuba u Rwanda rwarihutaga mu Ntego z’Ikinyagihumbi (MDGs), ndetse rufite ubuyobozi bushishikariza abaturage kwigira no kwihesha agaciro.

Hafi muri Afurika y’Iburasirazuba mu gihugu cya Tanzaniya, na ho hari hoteli yitiriwe Umukuru w’Igihugu. Iherereye mu Mujyi wa Dar es Salaam ku muhanda wa Njilima ikaba ari Hoteli y’inyenyeri eshatu ihamaze imyaka irenga 15. Iyi yiswe ‘Kagame Hotel Ltd’ ku bw’imiyoborere ye myiza.

Abanyarwanda na bo bifuza kumwitirira ibikorwa remezo

Hari abifuza ko Stade Amahoro yakwitirirwa Perezida Kagame

Uku kugwiza igikundiro muri Afurika k’Umukuru w’Igihugu, kuri ubu Abanyarwanda bamwe bamaze kugaragaza inyota ishimangira wa mugani ugira iti: “Ujya Gutera Uburezi Arabwibanza”.

Nyuma y’uko Minisiteri ya Siporo ifunguye amarushanwa ku banyabugeni ngo bakore ikirango cya Stade Amahoro nshya, Jimmy Mulisa wakanyujijeho muri ruhago hambere akanaba Umutoza wungirije mu Ikipe y’Igihugu, yifuje ko iyi Stade yakwitiriwa Perezida Paul Kagame.

Mu butumwa yanyujije ku rubuga rwe rwa Twitter ku itariki 17 Mata 2023 yaranditse ati “Sitade nziza yagakwiye kwitwa Paul Kagame”.

Nyuma y’ubu butumwa bamwe mu babutanzeho ibitekerezo bagaragaje ko bashyigikiye icyo cyifuzo.

Gusa, Umunyamabanga Uhoraho muri Minisiteri ya Siporo, Niyonkuru Zephanie, yatangaje ko nka Minisiteri badateganya guhindura inyito ya Stade Amahoro mu gihe izaba yuzuye, uretse gusa igihe haba habonetse umushoramari wemera gutanga amafaranga akayitirirwa.

Uretse muri Afurika, ku mugabane w’u Burayi mu Bufaransa, muri Gicurasi 2021 Perezida Kagame yafunguye ku mugaragaro inzu mberabyombi yiswe ‘Auditorium President Paul Kagame’. Iyi nzu ni iy’Ikigo cy’Ubushakashatsi mu kurwanya Kanseri y’Inzira y’igogora mu Bufaransa (IRCAD).

Ikigo cy’urubyiruko kiri kubakwa mu Murenge wa Muhoza

Umujyi wa Musanze ni umwe mu mijyi yo guhangwa amaso muri iyi gahunda ahanini bitewe no kuba ubereye ubukerarugendo.

Uyu mujyi ukora ku Mirenge ya Musanze ari yo Muhoza, Cyuve, Kinigi, Kimonyi, Nyange n’uwa Gacaca mu Karere ka Musanze mu Ntara y’Amajyaruguru. Uyu mujyi witegeye Pariki y’Igihugu y’Ibirunga icumbikiye ingagi ziboneka hake ku Isi. Ikirere cyaho cyuje amahumbezi kiri mu bituma uba ihuriro ry’ubukerarugendo.

Uyu mujyi ni umwe mu yigenda irushaho gutera imbere mu gihugu ndetse iyi gahunda ikaba igomba gusiga ubaye ahantu ho gusurwa na buri wese uje mu Rwanda.

Umwe mu mishinga yatangiye gukorwaho mu rwego rwo kongerera agaciro uyu mujyi, harimo uwitwa ‘Volcano Community Resilience Project’; umushinga ugamije kwagura Pariki y’Igihugu y’Ibirunga, gufata amazi y’imvura amanuka mu Birunga mu rwego rwo kurwanya isuri, n’ibindi. Uyu mushinga uhuriweho n’Urwego rw’Igihugu rw’Iterambere (RDB), Minisiteri y’Ibidukikije ndetse n’ikigo cyitwa ‘Africa Wildlife Conservation’. Byitezwe ko inyigo yawo izaba yarangiye muri Kamena uyu mwaka.

Undi ni uwa ‘Volcano Belt Water Supply System’ ugamije kurushaho gukwirakwiza amazi meza ku batuye hafi ya Pariki mu mirenge y’imisozi miremire nka Gataraga, Kinigi, n’uwa Shingiro.

Ikigo cy’urubyiruko kiri kubakwa mu Murenge wa Muhoza ku bufatanye n’Ikigo Enabel gishinzwe Iterambere mu Bubiligi, kigeze ku kigero cya 73% kikaba kizarangira muri Kamena uyu mwaka gitwaye agera kuri miliyari imwe na miliyoni 700 z’Amanyarwanda.

Umuyobozi w’Akarere ka Musanze Wungirije ushinzwe Iterambere ry’Ubukungu, Rucyahana Andrew avuga kuri iki kigo yagize ati: "Kizaba kirimo ibibuga by’imikino ndetse n’ahigishirizwa ikoranabuhanga rigamije gushishikariza kwihangira imirimo muri urwo rwego”. Na none kandi hazaba harimo aho urubyiruko rushobora kwifashisha mu kwihangira imirimo ndetse n’imurikagurisha.

Hari umushinga wo kuvugurura isoko ry’ibiribwa rya Kariyeri

Undi mushinga mugari uri gukorwa kandi, ni ukuvugurura isoko ry’ibiribwa rya Kariyeri rigomba kuzura uyu mwaka ritwaye agera miliyari 4 na miliyoni 100 z’amafaranga y’u Rwanda. Na none kandi iguriro ry’ibiribwa riri kubakwa ahateganye na Hotel Migano rikaba rigomba kuzura na ryo muri uyu mwaka ritwaye agera kuri miliyoni 600 z’amafaranga y’u Rwanda ku nkunga ya Enabel.

Na none uturutse ku isoko rya kijyambere rya GOICO hatangiye kubakwa agace k’ubucuruzi ka Musanze (Commercial Business District) kagizwe n’amazu y’ubucuruzi n’andi azakoreshwa mu buryo bunyuranye. Aka gace kazakomereza ku Musigiti wo mu Ibereshi rya Gatandatu hafi ya Silverback Hotel werekeza Latienda. Inyubako za Musanze CBD zigomba kuba inyubako z’amagorofa ane cyangwa atatu nibura.

Visi Meya Rucyahana avuga ko akarere kari gufatanya n’abikorera muri uyu mushinga.

Icyiciro cya mbere cy’uyu mushinga, atangaza ko kigizwe n’inyubako zigera kuri 20, kandi kikaba kigeze kuri 70%. Icyiciro cya kabiri nacyo cyamaze gutangira kikazaba na cyo kigizwe n’inyubako 20.

Ati: “Itsinda ryo muri PSF ni ryo rigena ibyiciro; dushobora kuzaba dufite ibyiciro bitatu bizakorerwamo n’abacuruzi bavuye mu Murwa Mukuru Kigali no mu bindi bice by’Igihugu”.

Rucyahana yemera ko impinduka zose zishobora gutera ukutagenda neza mu gihe gito ariko ko umusaruro w’igihe kirambye uzaba mwiza.

Ahabera umuhango wo Kwita Izina abana b’ingagi hazavugururwa

Uyu muyobozi kandi yavuze ko nk’ahantu hasanzwe habera umuhango n’ibijyanye no Kwita Izina ingagi ubu hatangiye gukusanywa ubushobozi bwo kuhavugurura ndetse n’ibijyanye na ho.

Munyaneza Etienne ushinzwe Igenamigambi ry’Umujyi mu kigo gishinzwe Imicungire y’Ubutaka mu Rwanda akanaba mu bakoze igishushanyo mbonera cy’imikoreshereze y’ubutaka mu karere ka Musanze yagarutse ku nyungu zitezwe kuri yi gahunda.

Ati: “Ibi bikorwa bizunganira inzu ya Kigali Convention Center mu kwakira inama nyinshi kuko abazitegura bashobora guhitamo kuzikorera mu nkengero za parike”.

Undi mushinga uzashyirwa mu bikorwa ku bufatanye n’Ikigo gishinzwe Kurengera Ibidukikije mu Rwanda, ni ‘Mukungwa Leisure Park’, umushinga uzakorerwa mu marembo y’Umujyi wa Musanze ku muntu uturutse i Kigali.

Visi Meya Rucyahana avuga ko bateganya gutunganya ako gace bakagaruramo ibimera karemano bagendeye ku buryo byakozwe muri Pariki yo kurengera Ibidukikije ya Nyandungu.

Yongeyeho ko uwo umushinga uzaterwa inkunga na ‘Nile Bassin Initiative’ ukazatwara miliyoni 10 z’Amadolari by’agateganyo.

Ati: “Ni intambwe nziza mu kubungabunga ibidukikije, uburyo bw’ubukerarugendo burimo kureba inyoni, koga, ahacururizwa ikawa no gutembera byo kwishimisha. Byose nibigenda neza, tuzatangira kubishyira mu bikorwa umwaka utaha”.

Rucyahana akomeza avuga ko hari icyizere cyo kugera ku cyerekezo 2050 ku Karere ka Musanze gishingiye ku byatangiye gukorwa ndetse n’ingufu bishyirwamo.

Ibi byose birimo kubakwa biziyongeraho imihanda y’imigenderano izashamikira ku muhanda munini igahuza Umujyi wa Musanze n’uduce tuwegereye.

Icyerekezo 2050 kandi kigaragaza ko Umujyi wa Musanze numara gutunganywa uzaba ugizwe n’igice cy’umujyi wuzuye n’ikindi gice cy’umujyi ariko ukorerwamo ibikorwa by’icyaro.

Umujyi umwe uzaba ari Byangabo uri ku muhanda munini Musanze - Rubavu ndetse na Kampala & Kinkware mu gace ka Nyakinama.

Mu Byangabo

Mu Byangabo, hazubakwa gare y’imodoka zitwara abagenzi hamwe n’agakiriro, ibyo bikaba bizajyana no kwagura isoko rya Byangabo kugira ngo rishyirwe ku rwego rwo gukorerwamo ubucuruzi bugezweho.

Inzu z’ubucuruzi zizaba ziri mu Byangabo ku muhanda munini biteganyijwe ko zizaba zigeretse gatatu nibura.

Na none kandi Musanze izubakwamo imidugudu 81 y’icyaro; ibi bikaba bizabanza kuganirwaho n’inzego nyinshi bireba ndetse n’abaturage ku rwego rw’imidugudu.

Munyaneza Etienne ushinzwe Igenamigambi ry’Umujyi mu kigo gishinzwe Imicungire y’Ubutaka mu Rwanda ati: “Twasuye buri Murenge, buri Kagari na buri Mudugudu ugize Akarere ka Musanze, dukusanya ibitekerezo bya buri wese. Ku rwego rw’imidugudu urugero, dushobora kwemerera umuturage kutubwira aho batekereza umudugudu ushobora kubakwa. Ibitekerezo byabo ahanini byadufashije uko tubigena”.

Hagati aho, imirenge ya Rwaza, Gacaca, na Remera izaba ifite imidugudu myinshi aho umurenge umwe muri iyo uzaba ufite 12, uzagira 11 n’undi uzagira 9. Ni mu gihe Umurenge wa Kinigi uzaba ari wo ufite umudugudu umwe ugakurikirwa na Kimonyi na Muhoza izagira imidugudu ibiri ibiri.

Ukeneye ikibanza cy’i Musanze? Dore ibyo wamenya

Igishushanyo mbonera cy’imikoreshereze y’ubutaka mu Rwanda cyatanze ibisobanuro byose bisabwa kuri buri kintu cyose mu mikoreshereze y’ubutaka, bityo i Musanze, hari ubucucike bugenwe ku bantu bashaka kuhubaka no kuhatura.

Ubucucike bugenwe bugaragaza ingano y’ikibanza umuntu ashobora kwemererwa kubaka mu gace runaka ko guturamo i Musanze.

Muri rusange gahunda yo gukoresha ubutaka bwo guturaho mu Karere ka Musanze ishingiye ku bintu bitatu ari byo: ubucucike buri hasi, ubucucike bugereranyije n’ubucucike buri hejuru.

Ku bucucike buri hasi bwajyaho ubwoko butatu bw’inzu zo guturamo, ntibugomba kurenza inyubako 10 kuri hegitari, mu gihe ku bucucike buciriritse hagenewe inyubako zigera ku 100 kuri hegitari naho ku bucucike bwo hejuru hagenewe inyubako ziri hagati ya 80 na 120 kuri hegitari.

Ku wakenera ikibanza kinini gishobora kujyaho inzu, ikidendezi, n’ibindi nk’ibyo, agenewe kubaka ku bucucike bwo hasi ariko nk’ushaka gushora mu kubaka amazu yo kubamo akodeshwa ku bucucike buciriritse n’uburi hejuru ni ho ashobora kugura ibibanza yubakaho.

Munyaneza yagize ati: "Gahunda dushyira mu bikorwa igamije ko abantu bose babona ahantu habo mu mujyi. Nta n’umwe duheza”.

Akarere ka Musanze kazaba gakeneye amazu 128.000 yo guturamo kugira ngo azacumbikire abaturage 640.000 kazaba gafite muri 2035.

Gusa na none ku bigo rusange nk’insengero, ibitaro, ibigo nderabuzima n’amashuri, Musanze izemera gusa inyubako zigeretse. Diyosezi Gatolika ya Ruhengeri ishobora kuvugururwa na yo izubahiriza aya mabwiriza.

Ni inkuru ya Jean de la Croix Tabaro/KT Press yashyizwe mu Kinyarwanda

Iyi ni imwe mu nzu zo muri uwo mudugudu iherutse gusenyuka

Kuva mu kwezi gushize kwa Werurwe ubwo Perezida Kagame yavugaga ku kibazo cy’Umudugudu w’Urukumbuzi, cyatangiye kuvugwa cyane mu itangazamakuru. Iki kibazo ni icy’umudugudu wubatswe mu 2015 ariko inzu ziwugize zikaba zitujuje ubuziranenge, kuko hari n’izatangiye kwangirika byashyira ubuzima bw’abantu mu kaga.

Mu kiganiro Ubuyobozi bw’Umujyi wa Kigali bwagiranye n’itangazamakuru ku wa 17 Mata 2023, bwavuze ko bwamaze kumvikana n’abaturage uburyo bwo kwimuka.

Umuyobozi w’Umujyi wa Kigali, Rubingisa Pudence, yavuze ko hakozwe isuzuma ku nzu 121 zigize uwo mudugudu, harimo 114 zitageretse n’izindi zirindwi zigeretse, bakanzura ko abatuye muri zimwe muri izo nzu bagomba kuba bimutse, kuko hari izigomba gusanwa izindi zikubakwa bundi bushya.

Ati “Muri ubwo bugenzuzi bwakozwe n’inzego zibifite mu nshingano zifatanyije, zagaragaje ko muri ayo mazu 114 yo hasi harimo 54 agomba gusanwa, ariko ikibazo gikomeye twagisanze ku mazu ageretse. Ubugenzuzi bwakozwe buratanga umurongo w’icyakorwa, ba enjeniyeri bazabikosora amazu akubakwa cyangwa agakosoka bushya, kugira ngo abe yujuje bwa buziranenge tugenderaho kugira ngo inzu ibe yaturwamo”.

Abatuye uyu mudugudu basabwe kwimuka kuko utujuje ubuziranenge

Yakomeje avuga ko Ubuyobozi bw’Umujyi bwamaze kumvikana n’abari batuye muri izo nzu ku bufasha baba bagenewe, mu gihe bacyisuganya kuko batunguwe no kwimuka.

Ati “Nka Leta rero ireberera abaturage yafashe ingamba ko imiryango igomba kuba yimutse ndetse tukanayishakira aho yaba icumbetse ku giciro kizishyurwa na Leta ukwezi kumwe, kugira ngo babe bisuganya, nk’abo babapangayi barebe ukuntu babigenza”.

Yanavuze ko uretse gusana no kubakaka bushya zimwe mu nzu, hari n’ibizakorwa mu kuvugurura umudugudu ubwawo, kugira ngo urusheho kumera neza ku bawutuye.

Rubingisa yongeyeho ko n’ubwo hafashawe izo ngamba, ariko ubuyobozi bw’Umujyi wa Kigali bugomba gushakisha nyirabayazana w’ikibazo, agakurikiranwa ndetse akaryozwa amakosa yose yagaragayemo.

Umuyobozi w’Umujyi wa Kigali, Rubingisa Pudence

Ikibazo cy’Umudugudu y’Urukumbuzi cyagarutsweho na Perezida Paul Kagame, ubwo yasozaga Itorero rya ba Rushingwangerero, rigizwe n’Abanyamabanga Nshingwabikorwa b’Utugari, ku itariki 28 Werurwe 2023.

Yagize ati “Hari n’ibya vuba aha by’inzu mwubakiye abantu, bakagenda bakazimurika ngo wubatse inzu abantu bakwiye kuba babamo, zikabagwa hejuru, haba habaye iki?”

Iperereza ririmo gukorwa ryagaragaje ko inzu zubatswe zitubahirije ibisabwa, ikindi kimaze kugaragara ni uko bakoresheje ibikoresho bitujuje ubuziranenge.

Reba ibindi muri iyi video:

Ariko uyu mwaka by’umwihariko imbuga nkoranyambaga ni umwe mu miyoboro yakoreshejwe cyane n’abiganjemo ibyamamare n’urubyiruko mu bikorwa byo kwibuka.

Ubwo icyumweru cyo kwibuka cyatangiraga ku itariki 7 Mata 2023 ibyamamare mu ngeri zose bari mu bifashishije itangazamkuru n’imbuga nkoranyambaga mu gusakaza ubutumwa bw’ihumure.

Ku mwanya w’ibihangano bishya, abahanzi bakoze mu nganzo batanga ubutumwa buhumuriza Abanyarwanda, ubusingiza Inkotanyi zahagaritse Jeonoside n’ubundi bujyanye no kwibuka muri rusange. Muri abo bahanzi harimo Senderi Eric (Senderi Hit), Muyango, Munyanshoza Dieudonné (Mibilizi) Gisa Cyinganzo, Danny Nanone, Junior Rumaga, Allain Moïse, Afrique, Jowest n’abandi.

Ikindi kiciro kirimo abahanzi n’ubundi, abakinnyi ba fililime, ababaye ba Nyampinga, Abanyamideli ibyamamare muri siporo n’abo mu zindi ngeri na bo bifashishije itangazamakuru n’imbunga nkoranyambaga zabo bafata mu mugongo u Rwanda muri iki gihe. Muri abo harimo abahanzi nka Riderman, Marina, Igor Mabano, Danny Vumbi, Gentil Misigaro, Fireman n’abandi benshi.

Harimo kandi Mutesi Jolly, Kayibanda Mutesi Aurore, Bahavu Jeanette, Junior Giti, Umufite Anipha, Mukansanga Salima n’abandi bagiye banyuranye.
Ubutumwa batanze bwakwirakwiye mu basanzwe babakurikira ku mbuga nkoranyambaga no mu itangazamakuru muri rusange.

Abandi batanze umusanzu wabo mu kwibuka ku nshuro ya 29 ni abakoresha imbuga nkoranyambaga by’umwihariko urwa Twitter na Tik Tok. Ku itariki 12 Mata uyu mwaka bamwe mu bakoresha urubuga nkoranyambaga rwa Tik Tok ruri mu zikunzwe cyane muri iyi minsi basuye Urwibutso rwa Jenoside rwa Kigali ruri ku Gisozi.

Aba bari biganjemo abasore n’inkumi basobanuriwe amateka ya Jenoside yakorewe Abatutsi ndetse bunamira inzirakarengane zishyinguye mu rwibutso rwa Kigali. Biyemeje gukomeza kuba inkingi ya mwamba mu kurwanya ihakana n’ipfobya rya Jenoside rinyuzwa ku mbuga nkoranyambaga by’umwihariko urwa Tik Tok bisangaho.

Na none kandi kuri iyo tariki ya 12 abandi bantu barenga ijana bakoresha Urubuga rwa Twitter, abahanzi n’abanyamakuru basuye Urwibutso rwa Jenoside rwa Ntarama ruri mu karere ka Bugesera. Na bo bacyuye umukoro wo kubera imboni imbaga barangaje imbere mu kubaka u Rwanda ruzira Jenoside.

Urubyiruko nka bamwe mu bagize impuzandengo nini y’Abanyarwanda bose bashishikarizwa kuba ku ruhembe rw’umuheto mu kurwanya Jenoside n’ingengabitekerezo yayo.

By’umwihariko abafite umubare w’ababakurikira ibyo bakora basabwa gukangurira iyo mbaga kubaka u Rwanda ruzira Jenoside n’ingengabitekerezo yayo kuko baba basanzwe bavuga rikumvikana.

Ibi byagarutsweho mu muhango wo gusoza icyumweru cyo kwibuka ku nshuro ya 29 Jenoside yakorewe Abatutsi, wabereye ku rwibutso rwa Rebero mu Mujyi wa Kigali, hibukwa Abanyapolitiki bazize Jenoside yakorewe Abatutsi. Hashyizwe indabo ku mva z’Abanyapolitiki 13 bashyinguye mu rwibutso rwa Rebero mu rwego rwo kubibuka no kubaha icyubahiro.

Dr Bizimana Jean Damascène uyobora Minisiteri y’Ubumwe bw’Abanyarwanda n’Inshingano Mboneragihugu, yavuze ko amashyaka yagiye ashingwa ashingiye ku bwoko aho gushingira ku kubaka ubumwe bw’Abanyarwanda bose. Hanashyizweho kandi politiki zitandukanye zigamije kwibasira abo mu bwoko bw’Abatutsi muri Repubulika zombi.

Yatanze urugero ko ubwo hashingwaga ishyaka MDR Parmehutu, uwari Perezida Kayibanda Grégoire yavuze ko rije gushyira imbere inyungu z’Abahutu mu Rwanda.

Minisitiri Dr Bizimana Jean Damascène

Ati: “Ishyaka ryacu rirareba inyungu z’Abahutu. Tugomba kuba urumuri rwa rubanda nyamwishi. Tugomba gusubiza Igihugu bene cyo; Igihugu ni icy’Abahutu”.

Ibi kandi byiyongereyeho politiki mbi zinyuranye ziheza Abatutsi harimo kubambura uburenganzira ku mitungo y’abari barahunze, ndetse no kubashyiriraho amananiza muri gahunda nyinshi zigenewe abenegihugu.

Ibi byagiye bitiza umurindi ukudasenyera umugozi umwe kw’Abanyapolitiki ahubwo bakomeza kubiba urwango mu gihe kirenga imyaka 20 ari rwo rwagejeje mu 1994 ubwo Jenoside yakorewe Abatutsi yabaga.

Perezida wa Sena, Dr Kalinda François Xavier

Perezida wa Sena y’u Rwanda, Dr Kalinda François Xavier, yavuze ko Leta izirikana uruhare rw’Abanyapolitiki bibukwa ku bwo kwitandukanya n’ikibi ndetse bakanabizira mu gihe cya Jeonside. Yavuze ko iyo haza kuboneka Abanyapolitiki benshi bahakana urwango rwari rwarimitswe Jenoside iba itarashobotse kuko yahagarikiwe n’abandi banyapolitiki b’urwango bari benshi icyo gihe.

Yavuze ko Leta y’u Rwanda ubu yatangiye icyerekezo gishya cy’imiyoborere myiza igamije ubumwe, iterambere ridaheza ndetse na Demokarasi. Na none ariko yasabye Abanyarwanda gusigasira iyo ntambwe imaze guterwa kuko uyu munsi hari abacyifuza ko Igihugu gisubira mu mateka mabi cyanyuzemo.

Ati: “Ibikorwa byo guhakana no gupfobya Jenoside yakorerewe Abatutsi n’ingengabitekerezo yayo biracyagaragara hamwe na hamwe mu gihugu ndetse bikomeje kwiyongera mu Karere u Rwanda ruherereyemo. Abagize uruhare muri Jenoside yakorerewe Abatutsi barakidegembya. Umutwe w’Iterabwoba wa FDLR ukomeje gukwirakwiza ingengabitekerezo ya Jenoside, ukaba utarareka n’umugambi wo kongera gukora Jenoside mu Rwanda. Buri wese rero arasabwa kurwanya abo bose batifuriza u Rwanda amahoro”.

Kureba andi mafoto, kanda HANO

Reba ibindi muri iyi Video:

Amafoto: Moise Niyonzima/Kigali Today

Video: Eric Ruzindana/Kigali Today

Nyuma yo kumara imyaka 27 ahangayikishijwe no kutamenya inkomoko ye, ubu afite umunezero udasanzwe nyuma yo kubonana n’abo mu m uryango we.

Mu ijwi rituje cyane, Kankindi avuga ko yakirana urugwiro buri mukiriya umugana kuko bimubera impamvu yo kongera kwishima.
Iyo muganira agaragaza ko amateka ye by’umwihariko gutandukana n’abagize umuryango we ari kimwe mu byamuteye ibikomere cyane mu buzima bwe.

Avuga ko izina Kankindi Liliose ari ryo ry’umwimerere yahawe n’ababyeyi be, ariko nyuma aza kwitwa n’umuryango wamureze Uwamahoro Rosine.
Hari nyuma yo gutabarwa agakurwa mu mirambo ahahoze ari muri ETO Kicukiro (IPRC Kicukiro ubu) aho abari kumwe na we bicwaga ariko ku bw’amahirwe we akarokoka.

Amateka ye ashaririye, atangira ubwo yari akiri umwana muto maze we na se umubyara bakazana i Kigali ngo asure Nyirasenge wari uhatuye. Icyo gihe baje baturutse ku ivuko mu Ntara y’Amajyepfo mu karere ka Gisagara Umurenge wa Save Umududgudu wa Munazi.

Ubwo Jenoside yatangiraga, se wa Kankindi yari yarasubiye mu rugo kandi ntibyari koroha ko agaruka i Kigali kumutwara.

Kankindi yibuka neza ubwo yari kumwe na Nyirasenge mu cyahoze ari ETO Kicukiro bari barahungiye bo n’abandi benshi. Ikibabaje ariko ni uko Nyirasenge ari umwe mu bishwe ku ikubitiro ubwo ingabo z’Abafaransa zahagarikaga ubutumwa bwo kubungabunga amahoro mu gihe Jenoside yari ikomeje.

Ibyo byahise biha icyuho Interahamwe cyo kwirara mu Batutsi bari barahungiye ahanyuranye harimo no muri ETO Kicukiro zirabica.

N’ubwo yari akiri muto cyane, Kankindi, agerageza kongera kwibuka, akina n’abandi bana muri ETO ku Kicukiro ndetse n’uburyo abasirikare b’Abazungu bari babarinze binjiye mu modoka bagenda bakabasiga mu maboko y’abicanyi.

Ati: “Ngerageza kwibuka igihe cyari giteye ubwoba ubwo nabonaga abantu twarikumwe biruka, umukungugu uzamuka mu kirere ubwo Interahamwe zatangiraga ubwicanyi bukabije ndetse n’abicwaga batakamba basaba ubufasha”.

Ubwo Nyirasenge yari amaze kwicwa, Kankindi yatangiye gufata kuri buri mugore umwegereye amutakira ngo amufashe atekereza ko umugore uwo ari we wese ashobora kuba nyina.

Nyuma ni bwo yaje kwiyumvisha uburemere bwo kuba atakiri kumwe n’abagize umuryango we.

Amaze gusigara nta n’umwe wo mu murygo we bari kumwe, Kankindi yafashwe n’umubyeyi w’umugore na we wari wahungiye muri ETO ariko na we nyuma za kwicwa yongera kwisanga ari wenyine. Nyuma ya Jeoside yaje kubona undi mubyeyi amujyana mu murenge wa Bumbogo mu karere ka Gasabo.

Ubuzima bwe nyuma ya Jenoside

Uko igihe cyagendaga gihita, wa muryango wamureraga waje kubwira Kankindi ko atari uwabo kandi nta n’akanunu k’aho umuryango we uherereye.
Kankindi yababaye akiri muto, nyuma yo kubwirwa ukuri n’umubyeyi wamureze, ni bwo yinjiye mu gihe cyo kwemera kuba impfubyi yumva nta n’mahirwe yo kuzamenya inkomoko ye.

Agira ati: “Cyari igihe kitoroshye, kubera ko ubufasha nahabwaga ubwo ari bwo bwose bwashingiraga ku myifatire y’umuntu wishyize mu mwanya wanjye.
Kubera ko rimwe na rimwe babonaga ko ndi umukobwa watakaye ku buryo hatanabaho gikurikirana y’ako kanya ivuye kuri umwe mu bagize umuryango”.

Ubwo buzima bushariye yakomeje kubucamo agerageza gushaka uko yajya mu ishuri ngo yige. Byaramugoye kuko byamusabye kugera ku ngo zinyuranye bamusezeranyaga kumwishyurira ishuri.

Bamwe baramurihiriraga ariko nyuma bagahagarara, noneho aza kwimukira mu wundi muryango yari yizeye mu murenge wa Bumbogo. Icyo gihe yabashije kurangiza nibura Ikiciro cya Mbere cy’Amashuri Yisumbuye (Tronc-Commun) ariko abona nta yindi nkunga yabasha kubona ngo imufashe gukomeza kwiga.

Ati: “Ubuzima bwanjye bwaranzwe no kwigunga, intimba iteye ubwoba, nibaza impamvu nasigaye jyenyine. Nakundaga gusangira ibitekerezo byanjye n’abantu twabanaga, ariko bamwe barantengushye, bavuga ko nkwiye kureka gutwarwa n’ibitekerezo ku muryango wanjye”.

Ikindi cyamucaga intege, kwari ukubona abandi bana bahabwa ibyo bakeneye byose mu rugo no mu ishuri, usibye we.

Ati: “Ndibuka ababyeyi baza gusura abana babo ku ishuri, usibye njye. Nakundaga kujya mu ishyamba rihegereye nkarira, hanyuma nkagaruka nyuma nasibanganyije agahinda kanjye”.

Yavuze kandi ku buryo byamugoye ubwo yaburaga amafaranga y’urugendo amugeza mu rugo bikaba ngombwa ko agenda n’amaguru amasaha arenga atatu kandi yari atwaye ivarisi. Icyo gihe yageze iwabo w’inshuti ye ibirenge byabyimbye!

Ibi bihe byose by’interagahinda yakomeje kubicamo atekereza gushakisha umuryango we i Kigali kuko yumvaga ko haba ari ho yakomokaga mbere ya Jenoside. Yagerageje no kugaruka mu cyari ETO Kicukiro ngo arebe ko yahabona ibimenyetso byerekeye umuryango we ariko byose biba iby’ubusa.

Urugendo rwo gushakisha umuryango we

Ati: “Nagize ishavu n’intimba byo kubura inkomoko yanjye, niyemeza gushaka umuryango wanjye uko byagenda kose. Muri buri gihe cyo kwibuka, nakundaga gutekereza ku mimerere yanjye kandi buri gihe nisangaga ndi mu isi ya ngenyine. Nifuzaga nibura kumenya aho umuryango wanjye uherereye, kabone n’iyo yari kuba imva y’aho abo mu muryango wanjye bashyinguwe”.

Muri Mata 2021, ni bwo yigiriye inama yo kwegera itangazamakuru atangaza amazina ya bamwe mu bo mu muryango we yibukaga ndetse na tumwe mu duce two muri Gisagara nk’ahantu yavukiye n’ubwo atibukaga aho ari ho.

Nyuma yo gukwirakwiza ubuhamya bwe binyuze mu bitangazamakuru, Kankindi yahamagawe na telefoni yo hanze ahagana mu ma saa munani z’ijoro, ahamagawe n’umuntu wavuze ko ari mubyara we ndetse amuhamagara mu izina nyaryo Kankindi.

Uyu mubyara we yamuhamagaye ari muri Leta zunze Ubumwe za Amerika amusezeranya ko bene wabo mu Rwanda bariho bazaza kumureba kandi, bwari bwo bwa mbere yumvise ko nyina akiri muzima.

Ati: “Bwari bwo bwa mbere mu buzima bwanjye ibitekerezo byange byerekeje ku kintu kiza. N’ubwo byari nk’inzozi simbihe uburemere cyane, nagiye hanze nsakuza cyane, ariko mfite ubwoba ko ndakangura abaturanyi bakeka ko ngize ihungabana”.

Nyuma gato y’uwo mubyara we, ntibyatinze undi muntu wavuze ko ari Nyirasenge aramuhamagara. Ibi ngo byaramuhumurije cyane kumva umuntu wo mu Rwanda ushishikajwe no kumenya aho aherereye.

Bukeye bwaho, nyirasenge yafashe urugendo aherekejwe n’abandi bo mu muryango baza kumureba. Kankindi ahamya ko iyi ari itariki atazigera yibagirwa. Hari ku ya 12 Mata 2021.

Nyuma yo kubitegura mu buryo bwose, Nyirasenge wa Kankindi n’abandi bo mu muryango bamujyanye guhura na nyina i Gisagara. Bajyanye n’abayobozi bo mu nzego z’ibanze hamwe n’abakozi ba Sosiyete y’Itumanaho akorera. Yari afite impungenge zo guhura n’umuntu atashoboraga kwibuka, ariko kumubura kwe bikaba byarakoze ku buzima bwe bwose.

N’amarangamutima menshi ati: “Byarantunguye cyane mu buzima bwanjye, paradizo yanjye ya mbere ku isi! Nari naratakaje icyizere cyo kubona umuryango wanjye, by’umwihariko mama nkunda cyane. Nizeraga ko yapfuye, kuko buri shusho y’umugore waguye ahahoze ari muri ETO Kicukiro buri gihe yatumaga ntekereza ko umwe muri bo yari mama, kandi nk’umwizera, ibyiringiro byanjye kwari ukuzahurira mu ijuru”.

Kwakirwa kwa Kankindi mu rugo byari byuzuye amarangamutima menshi ndetse n’ibyishimo, kubera ko izina rye ryari ryanditswe ku mva z’abishwe, bibwira ko na we yapfuye. Buri gihe cyo kwibuka hashyirwagaho indabyo kugira ngo bunamire abishwe muri Jenoside yakorewe Abatutsi na we arimo.

Ubu ari mu ntangiriro y’ubuzima bushya

Nyuma yo kugerageza indi mishinga mito mito y’ubucuruzi harimo ubudozi, mu ntangiriro z’uyu mwaka wa 2023, undi mubyara wa Kankindi ni bwo yamutangirije ahantu handi ho gukorera i Nyamata ari naho ubu akorera ibijyanye no gutanga serivise z’itumanaho.

Ubwo yari atuye i Bumbogo, Kankidi yahawe ikibanza aho arimo agerageza kucyubaka ariko akaba agishaka ibyangombwa bijyanye no kabaka.

Yakomeje avuga ko gushaka umuryango bidahagije, kubera ko umuntu akeneye gushyira ingufu mu gukoresha inkunga nkeya yabonye, kugira ngo atere indi ntambwe, abifashijwemo n’amasengesho.

Mu bucuruzi bwe, yifuza kubona igishoro kinini kugira ngo abashe guhaza abakiriya benshi yakira burimunsi.

Ubu afite ikizere kandi afite umutekano kuko ubuzima buracyakomeza. Anashishikariye gufata iya mbere mu gukangurira abaturage kwirinda ingengabitekerezo iyo ari yo yose iganisha kuri Jenoside.

Kankindi Liliose kandi kuri ubu ashinzwe imibereho myiza mu muryango witwa ‘Child of Rwanda Family’. Ukaba waratangiye muri 2019 ugamije guteza imbere ubuvugizi ku bana nka we bagishakisha imiryango yabo babuze muri Jenoside yo mu 1994. Uyu muryango ugizwe n’abantu 50 kandi kugeza ubu umaze gufasha abagera kuri 7 kubona imiryango yabo bari baraburanye.

Muri ibyo bibazo byose yahuye na byo, Kankindi ashima inkunga yahawe n’umuryango Avega Agahozo kuko yamufashije kudaheranwa.
Iradukunda Kalisa Kevin uyobora umuryango ‘Child of Rwanda Family’ ashimangira ko bakeneye inkunga mu guteza imbere ubuvugizi, ku buryo abanyamuryango babo cyane cyane abana batagira aho bahurira n’imiryango yabo bafashwa bigatuma babona ababo.

Yongeyeho ko hari gushyirwa imbaraga mu gukorana n’inzego zitandukanye harimo na Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) kandi ko biteze ko bizatanga umusaruro ku banyamuryango.

Iyi ni inkuru ya KT Press yashyizwe mu Kinyarwanda

D’Amour Selemani

Mu kiganiro cyatangajwe n’Umuyoboro wa YouTube wa X Large Ku itariki 7 Mata uyu mwaka, uyu mukinnyi wa filime wabigize umwuga, yasobanuye uko yinjiye mu Nkotanyi kugeza zitsinze urugamba zigahagarika Jenoside yakorerwaga Abatutsi mu 1994.

Mbere ya Jenoside, Selemani avuga ko yari atuye iwabo mu cyahoze ari Komine Ngarama mu Mutara, kuri ubu hakaba ari mu Karere ka Gatsibo mu Ntara y’Iburasirazuba. Mu mwaka 1990 ubwo urugamba rwo kubohora Igihugu rwatangizwaga na RPF-Inkotanyi, yari umusore w’imyaka 15 wasoje amashuri abanza, ariko ntiyabasha gukomeza bitewe n’imibereho y’icyo gihe.

Acyiga avuga ko mu ishuri barangwaga no gukorerwaho ibikorwa by’ivangura, ariko bataramenya neza ikigamijwe. Urugamba rutangira nk’umuntu wari utuye mu Mutara aho rwatangiriye bararwumvaga, ndetse aho bari batuye hari hegeranye n’inkambi y’ingabo za Leta icyo gihe (Ex FAR).

Nyuma mu 1992 Selemani yaje kuza i Kigali kwa Nyirarume arahaguma, ari naho umugambi wo kwinjira mu Nkotanyi watangiriye. Akimara kumenyera aho bari batuye mu Murenge wa Gatsata, yatangiye guhura n’urungano batangira kuganira ku byo babonaga birimo ubusahuzi n’ubundi bugizi bwa nabi bwakoraga ubutegetsi burebera.

Bagize umugambi wo kujya mu gisirikare cy’Inkotanyi ngo batange umusanzu wabo mu kubohora Igihugu, ariko nta buryo bworoshye bwo kubikora bari bafite, icyo gihe we yari agize imyaka 17 y’amavuko.

Ati “Turavuga tuti rero nkatwe nk’urubyiruko reka tujye mu gisirikare, ariko dusanga kugira ngo tuzagere mu Nkotanyi byari bigoye pe! Bati nta yindi nzira usibye guca mu Burundi, cyangwa se ugaca muri Tanzaniya cyangwa se muri Kongo ni bwo wagera muri Uganda.

Akomeza avuga ko nta bushobozi bw’amafaranga bari bafite ndetse ko byari binagoye gusohoka Igihugu, kuko byakekwaga ko ugiye mu Nkotanyi ukagirirwa nabi. We na bagenzi be batandatu biyemeje guca mu Burundi n’ubwo batari bizeye uko mu nzira bizagenda. Gusa bakoze uko bashoboye bagurisha utwo bari bafite turimo inkweto n’amagare y’abana, ubundi basezera imiryango banzika urugendo.

At “Ndibuka twazamutse uno muhanda wa Nyamirambo tujya gutegera muri gare hariya hubatse ‘City Tower’, tuba dufashe bisi ya ONATRACOM. Tugeze i Butare muri gare yaho tuvamo dutangira urugendo rw’amaguru kugira ngo tugere ku Kanyaru”.

Baciye mu duce turimo Kigembe, Kansi na Nyaruteja mu Karere ka Gisagara, bageze ku mupaka w’u Rwanda n’u Burundi bizeye ko bazabona uburyo bazagera ku Nkotanyi bazegurutse bagaca muri Tanzaniya.

Ati “Hari mu gitondo mu rukerera twaraye mu ishyamba hafi y’Akanyaru. Tubona umuntu w’umuturage tumuha ibihumbi bibiri aratwambutsa. Twari turi muri ‘risk’ (ibyago) byo kuba twanapfa, baravugaga bati interahamwe nizibafata cyangwa abapolisi bakamenya ko muri muri iri shyamba barabica. Tuba turambutse tugeze i Burundi.

Selemani avuga ko bakigerayo bahisemo kwiyita impunzi za politiki kuko n’ubundi hari hasanzwe izindi mpunzi zavaga mu Rwanda. Baje kwakirwa mu nkambi nk’impunzi zari zimaze no kuba nyinshi cyane z’Abanyarwanda, zagiye zijyayo kuva mu 1959 ndetse hakomeza kuza n’abandi barimo n’urubyiruko.

Asobanura uko we na bagenzi be binjiye mu gisirikare yagize ati “Habagaho rero abo bita abakada; ubwo ni abantu babaga bakorana n’Inkotanyi baje gukura abantu mu nkambi z’impunzi. Bakabanza kutwigisha amahame y’Icyama, bakatubwira bati ni ukubohoza Igihugu cyacu, tugomba gutaha. Igihe kikagera bakazana imodoka bakadufata tugashiduka twageze ahaberega imyitozo ya gisirikare. Ni uko nagiye mu gisirikare kugeza igihe indege ya Habyarimana yahanukiye, turataka turarwana turinda tubohora Igihugu”.

We n’abandi bamaze kugera mu gihugu ubwo Jenoside yakorewe Abatutsi yarimo ikorwa, avuga ko ari mu batozaga abasirikare bagenzi be iby’urugamba, kuko we yabyumvaga cyane. Bidatinze Inkotanyi zatangiye gufata uduce tw’Igihugu kamwe ku kandi zitwambuye umwanzi, maze zigera ku ntsinzi ubwo Jenoside zirayihagarika.

Mu rugamba rugikomeza rwo kubaka Igihugu no kwiteza imbere, uyu mukinnyi wa filime yibutsa urubyiruko ko aya amahoro n’iterambere bitizanye bityo, ko buri wese akwiye kuyishimira ariko agakora icyatuma bisugira, kandi na we akiteza imbere abikuye muri icyo gishoro.

Mwizerwa Eric

Mwizerwa Eric yavuze ko ubwo Jenoside yatangiraga yari umwana usoje amashuri abanza, akaba yarabanaga n’umuryango we mu cyahoze ari Komini Bicumbi muri Rwamagana. Mbere y’uko Jenoside iba, Mwizerwa yavuze ko we n’umuryango we bari baragiye bakorerwaho ibindi bikorwa by’urwango by’igerageza rya Jenoside.

Ku itariki 7 Mata 1994 ubwo Jenoside yatangiraga mu gitondo, Mwizerwa n’umuryango we batekerezaga ko ari umunsi wabo wa nyuma, ariko baza guhungira hafi aho ku kigo cy’amashuri abanza cyariho izindi mpunzi hafi 200 baraharara, Interahamwe zibasomera amazina y’abagombaga kwicwa.

Ku munsi wakurikiyeho ku itariki 8 Mata, bimukiye ahari urusengero rw’Abangilikani rw’ahitwa i Ruhanga bahizeye ubuhungiro. Bigeze ku itariki ya 12 Mata, bari bamaze kugera ku bantu ibihumbi 15 bahahungiye. Uwo munsi haje Abajandarume babasaba ko abasore bafite intwaro gakondo ko bazirekura maze bakabasha kurindwa, ariko barabyanga kuko ngo wari umugambi mubisha wo kugira ngo bazabone uko babica badashobora kwirwanaho. Abo bajandarume bagiye bavuga ko izo mpunzi zirinzwe n’inyenzi zavuye muri CND ariko ntibyari byo.

Ku itariki ya 14 Mata 1994 Interahamwe zivuye muri Komine Bicumbi, Rubungo, Gikomero na Gikoro nibwo zagerageje kubiraramo ngo zibice. Ati: “Twarwanye na bo ku itariki 14 kuva mu gitondo kugera saa kumi n’imwe. Ariko batinye kwinjiramo imbere kuko bari bazi ko turi Inyenzi zavuye muri CND basubirayo, batanga raporo ko i Ruhanga hadashobora guterwa kuko harinzwe n’Inyenzi zavuye muri CND”.

Arakomeza ati: “Ku itariki 15 ni yo yari imperuka y’aho twari turi. Twabyutse dusanga aho twararaga huzuye abasirikare bagose noneho bongeraho na za Nterahamwe zavuye mu ma komine. Twumvaga ari ibisanzwe dutera amabuye ariko mu kanya gato hahita haza kajugujugu ya gisirikare itangira kuturasamo amasasu. Baraturasa tugenda twisungana bamwe binjira mu mashuri abandi bajya mu rusengero”.

Mwizerwa yakomeje avuga ko ubwo bamwe bamaze kwinjira mu mashuri hari umugabo na we warokotse wahise ufunga urusengero n’amashuri barimo n’ingufuri arangije ariruka. Abicaga bashatse uko babona imfunguzo ariko ntibyashoboka bahitamo gusiga bishe banatwikiye mu nzu umuryango w’umupasiteri w’Umuhutu bazakaga wari utuye hafi aho.

Ati: “Bahita baza rero bakubita inzugi binjiramo imbere, bakora ibyo bakora bararasa, bateramo ibisongo. Ariko ntibashirwa baravuga bati aba bantu binjiye hano ni benshi ntabwo twaba tubishe bose, binjiramo ariko basiga ikindi gikundi hanze, baratubwira bati muhaguruke n’uwakomeretse buhoro nahaguruke turahaguruka. Cya gikundi rero cyari inyuma gihita kinjira n’imbunda n’intwaro kiti twababonye mugume aho ngaho. Nta n’ikintu nari nabaye ngewe hanyuma bafatamo abasore barababwira bati mugende mufate iriya mirambo muyikoremo ibirundo nk’uko barunda amasiteri kugira ngo turebe koko niba nta muntu ukiriho”.

Nyuma bongeye kubatondesha imirongo ibiri, umwe ari uw’abafite amafaranga bagombaga kuraswa naho uw’abatayafite bagomba gutemwa.

Ati: “Nge rero nta mafaranga nari mfite ariko Imana irinda umuntu igira uko imurinda. Naravugaga nti ndirukanka bandase ariko ntabwo ndi buhagarare ngo banteme. Ubwo mbona umumama wari uhagaze ku murongo yari ahetse umwana afite amafaranga igihumbi mu ntoki ndagenda muhagarara imbere. Bati wowe ufite amafaranga, nti mama arayafite. Ahita yishyura bahita bamurasa. Mperuka ibyo ngibyo kuko nahise nta ubwenge. Hari nko mu ma saa yine imirambo igenda ingwa hejuru myinshi hanyuma barangije bazana lisansi basuka kuri ya mirambo baratwika”.

Akomeza avuga ko byageze nka saa munani akazanzamuka agasohoka mu mirambo abicaga bagiye, ubwo we n’abandi batari bishwe bafatanya kurokorana no kongera guhunga. Bamwe bahunze ukwabo, ariko we n’abo bahunganye berekeje kuri CND ariko bageze mu nzira bongera gutangirwa n’Interahamwe zirabatangatanga barihisha ariko ntibabica bose, yongera kurokoka atyo.

Bongeye kwibasirwa n’abo bari bahunganye bwa kabiri ariko na bwo yongera korokoka. Ati: “Turahava turagenda tubona akazu k’ibyatsi kari gafunze turavuga tuti aka ngaka wasanga ari abahunze turakica twinjiramo. Nka saa kumi n’imwe za mu gitondo uwo twari duhunganye aratubwira ati wowe fata abo bana ubajyane mwihishe hariya mu nsina twe gusohokera icyarimwe batatubona nange ndasigarana n’aka gakobwa tugaheke kananiwe, ubwo mushiki wange aragaheka. Nkivamo nyiri inzu araza asanga inzu irakinguye yari inzu y’umwicanyi. Avuza induru baragaruka [abo bari bari kwicana] bahita babatwikiramo na bo barapfa. Nsigara ndi mukuru [kandi] CND ntago nari mpazi[…]. Ndavuga nti reka noneho mbajyane [ba bana nari nihishanye na bo mu nsina] iwacu ho ndahazi”.

Akomeza avuga ko mu nzira asubira iwabo na ho yagiye ahura n’ibigeragezo babiri mu bana bari kumwe bakaza kwicwa undi akaza kurokoka ukwe bikarangira asigaye wenyine.

Ati: “Hasigara ngewe noneho w’igihangange nsohoka noneho nange ntifite baramfata. Barankubita bihagije bansimburanaho. Hanyuma uwari perezida w’interahamwe aho ngaho arababwira ati nimurekere aho ngaho mukampereze yari ari kurya burusheti bamwokereje y’inka.

Ati reka nkicarire ndarangiza izi burusheti kapfuye. Anyicaraho ku gikanu numva ngiye guturika. Ariko sinzi ukuntu mu mutwe byaje [nibuka ko] kera hari konseye witwaga Athanase. Yari afite umuhungu we twiganye mu wa Gatandatu witwaga Jean Paul abarimu baratwitiranyaga ntibari bazi kudutandukanya.

Ndamubwira nti ariko nubwo unyishe ndi Umuhutu mwene wanyu mama wange ni we mututsi. Ati gute? Nti ndi umuhungu wa Athanase konseye. Ati wowe uri nde? Nti ndi Jean Paul rero nunyica uraba wishe mwene wanyu. Arahaguruka ati twikoze mu nda, arampagurutsa abwira uwari aho ngaho ati uyu mwana mumumuherekeze mumugeze kwa se Athanase”.

Mwizerwa nyuma yafashe inzira ijya aho kwa Athanase ariko aza guhura n’Interahamwe yari yarishe mukuru we imuzi neza. Yayibwiye ko imukoza icyo ishaka ni uko iramushorera iramujyana ngo ijye kumwicira mu rugo ariko bahageze Mwizerwa ahahurira na nyina wari warokotse ubundi bwicanyi na we yazanywe ngo yicirwe aho.

Ati: “Tuhageze arambwira ati uriya ni nde? Ndamubwira nti ni mama. Ati reka duhagarare turebe noneho. Turahagarara, ibyo yavugaga twarabyumvaga mpagararana n’uwo mugabo unzanye kunyica. Aramubaza [umubyeyi wange] ati nta kindi wongeraho ati nta cyo cyakora mpa umwanya nsenge. Arangije haza umugore aravuga ati ntimumwicane ibi bitenge ni bishyashya ndabishaka abimukuraho arabitwara byose baramwica”.

Asoza ubuhamya bwe avuga ko nyina bamaze kumumwicira mu maso ye bamubwiye ko na we nta rupfu ruruta urwo ko ahubwo akwiye kuhava akazicwa n’urundi, nuko ajya kwihisha mu itongo amaramo icyumweru nyuma aza guhura n’Inkotanyi ziramurokora.

Nyuma yo kurokoka, Mwizerwa Eric avuga ko ubuzima bwakomeje aza no kugira amahirwe harimo kwitabira amahugurwa muri Afurika y’Epfo muri 2006 ariko agifite ipfunwe riterwa n’uko abantu bafataga u Rwanda icyo gihe mu isura ya Jenoside. Nyuma muri 2016 yaje kongera kugira amahirwe ajya muri Singapore ariko bwo asanga amahanga yaramaze kubona u Rwanda mu isura nziza, ndetse bimutera ishema n’amahirwe anyuranye mu minsi yakurikiyeho.

Kuri ubu yashinze ikompanyi y’ubukerugendo imufasha kumuteza imbere ndetse igateza imbere n’Igihugu muri rusange.

Umva ubuhamya bwose bwa Mwizerwa Eric muri iyi Video:

Leonardo na Eden

Leonardo usanzwe uri mu byamamare bivugwa mu nkundo nyinshi n’abakobwa, inkuru ye n’uyu munyamideli witwa Eden Polani yatangiye kuba kimomo mu cyumweru gishize nyuma yuko aba bombi bagaragaye bajyanye mu birori byo kumurika ikizwi mu muziki nka ‘Extended Play’(EP) y’uwitwa Ebony Riley i Los Angeles muri Leta California.

Ikinyamakuru TMZ cyanditse ko Leonardo yasobanuye ko ifoto imwerekana ari hamwe na Eden bicaye bakurikirana, ntaho ihuriye no kuba bari mu rukundo cyangwa kuba yaba amutereta.

Leonardo DiCaprio kuri ubu agize imyaka 48 y’amavuko. Kuva yatangira kwamamara, yavuzwe kenshi mu rukundo n’abakobwa batandukanye harimo n’umuhanzikazi Rihanna muri 2015.

Umukobwa waherukaga kuba mu rukundo n’iki cyamamare muri filime z’urukundo, ni Camila Morrone w’imyaka 25. Uyu bamaze imyaka ine bari mu munyenga w’urukundo ariko ruza gushyirwaho akadomo umwaka ushize wa 2022.

Leonardo muri filime

Kuva icyo gihe, yavuzwe kenshi n’abandi bakobwa batandukanye ariko byo bikaba bitaragiye ku mugaragaro.

Uyu mugabo yamamaye cyane muri Filime y’ibihe byose y’urukundo, Romeo na Juliet aho yakinnye yitwa Romeo ndetse no mu yitwa Titanic aho yakinnye yitwa Jacques n’izindi zinyuranye. Yagiye atwara ibihembo binyuranye muri sinema harimo n’icyitwa Oscar, gifatwa nk’ikiruta ibindi muri uyu mwuga yatwaye muri 2016.

Uyu muhanzi wanakoreye ibitaramo bikomeye muri Kenya no mu Burundi mu mwaka ushize, yaherukaga gutaramira i Huye muri Gashyantare 2020 mu gitaramo gikomeye yahuriyemo na Israel Mbonyi na Serge Iyamuremye.

Mu kiganiro yagiranye na Kigali Today ku itariki 9 Gashyantare 2023, Prosper Nkomezi yavuze ko iki gitaramo yise ‘Live Concert in Huye’ giteganyijwe ku itariki 12 Gashyantare 2023, imyiteguro yacyo ikaba igeze kure cyane ndetse avuga n’abandi bahanzi bazafatanya.

Yagize ati “Urebye imyiteguro tuyigeze kure, navuga ko tugeze kuri 90%. Twariteguye bihagije tuzaba turi kumwe na Papi Clever hamwe na Dorcas n’uwitwa Christian Irimbere. Twizeye ko igitaramo kizagenda neza”.

Uyu muhanzi w’indirimbo zihimbaza Imana yanagarutse ku mpamvu yahisemo gukorera igitaramo cye i Huye by’umwihariko mu Ishami rya Kaminuza y’u Rwanda.

Ati “Nasanze ibitaramo byinshi tubikorera i Kigali, ntabwo i Huye bakunze kubona ibitaramo. Turagira ngo tubataramire bya bindi duha Abanyakigali na bo babibone kuko badutumiye kenshi ntibikunde ko tujyayo. Si igitaramo cy’abanyeshuri, n’abantu bo hanze bemerewe kuza gutarama. Ni uko ari ho twabonye sale nziza haba ari abanyeshuri n’abo bantu bo hanze tugataramira ahantu heza kandi hagutse”.

Uyu muhanzi yasoje avuga ko amatike yo kwinjira agurishirizwa i Huye kandi ko imiryango izaba ifunguye kuva saa munani, igitaramo kigatangira saa kumi n’imwe z’umugoroba.

Prosper Nkomezi, ni umuhanzi umaze gukora Album ebyiri z’indirimbo zihimbaza Imana. Akunzwe cyane mu ndirimbo nka Urarinzwe, Ibasha Gukora, Nzakomeza ndetse n’izindi zinyuranye.

Igitaramo cye cya mbere yagikoreye muri Serena Hotel i Kigali mu mpeshyi ya 2019, aho na cyo cyari cyitabiriwe cyane.

Mukanzabarushimana akurikiranyweho kugira uruhare mu rupfu rw’umwana yari abereye mukase

Ukurikiranyweho iki cyaha yitwa Mukanzabarushimana Marie Chantal akaba yarabanaga mu rugo na nyakwigendera, Akeza Rutiyomba Elisie wari ufite imyaka itanu, akaba yari amubereye mukase.

Ku itariki ya 14 Mutarama 2022 nibwo nyakwigendera Akeza yasanzwe mu kidomoro cy’amazi yapfuye aho bari batuye mu Kagari ka Busanza, mu Murenge wa Kanombe ho muri Kicukiro.

Nyuma uyu mugore yaje gutabwa muri yombi kuko iperereza ry’ibanze ryagaragazaga ko hari impamvu zikomeye zituma bikekwa ko ashobora kuba afite uruhare mu rupfu rw’uwo mwana.

Urupfu rw’uyu mwana rwababaje benshi

Ikinyamakuru The New Times dukesha iyi nkuru cyanditse ko mu iburanisha ryabaye ku itariki ya 9 Gashyantare 2023, umucamanza yategetse ko urubanza rusubikwa nyuma y’uko uregwa abisabye kugira ngo abanze abone undi umwunganira mu mategeko.

Uregwa ntabwo yari yitabiriye iburanisha imbonankubone kuko yakoreshaga ikoranabuhanga rya ‘Skype’. Icyakora, uwari usanzwe amwunganira mu mategeko we yari mu rukiko aho iburanisha ryaberaga. Uyu munyamategeko yabwiye urukiko ko adashobora gukomeza kunganira umukiriya we kuko hari ibyo bumvikanye bitubahirijwe gusa ntiyagaragaje ibyo bitubahirijwe ibyo ari byo.

Umucamanza yabajije Mukanzabarushimana uregwa niba ashobora gukomeza adafite umwunganira, avuga ko adashobora gukomeza nta mwunganizi ahubwo asaba ko urubanza rusubikwa.

Ubushinjacyaha bwemeje ko urubanza rusubikwa kugeza ku itariki ya 18 Mata 2023, busobanura ko uregwa afite uburenganzira bwo kugira umwunganira mu gihe cy’iburanisha.

Mu iburanisha riheruka ryabaye ku itariki ya 7 Ukuboza 2022 na bwo urubanza rwarasubitswe ubwo hari hateganyijwe gutangira iburanisha mu mizi. Uregwa yari yitabye urukiko ariko umwunganira mu mategeko na bwo ntiyaboneka bituma abwira abacamanza ko atiteguye kuburana atunganiwe.

Mu iburanisha ryabaye ku ya 27 Mutarama 2022, ubushinjacyaha bwavuze ko bufite ibimenyetso byerekana ko uregwa yapanze urupfu rwa Akeza, harimo n’ibishingiye ku makuru yatanzwe n’wari umukozi we wo mu rugo wavuze ko uyu wari nyirabuja yamutumye inshuro nyinshi ku maduka kugira ngo abashe kugumana na nyakwigendera bonyine mu rugo.

Umushinjacyaha kandi yari yavuze ko bafite andi makuru ko Mukanzabarushimana yari afitanye amakimbirane n’umugabo we ashingiye ku mibanire ye n’abandi bagore babyaranye. Gusa Mukanzabarushimana avuga ko nta ruhare yagize mu rupfu rwa Akeza ngo kuko icyo gihe ruba na we yari mu bitaro bityo ko nta ho ahuriye na byo.

Akeza Rutiyomba Elisie yavutse kuri Agathe Niragire na Florian Rutiyomba ariko batarashyingiranywe. Nyuma yaje kurererwa kwa se na mukase Mukanzabarushimana Marie Chantal ari na ho yaje yaje kuburira ubuzima.

Kigali: Urupfu rw’umwana bivugwa ko yaguye mu mazi rwababaje benshi

Ibi yabitangaje ejo ku itariki ya 7 Gashyantare 2022 ubwo yari mu nteko rusange y’abagize Inteko Nshingamategeko Umutwe w’abadepite asubiza ibibazo bigendanye n’ikoranabuhanga bigaragara hirya no hino mu gihugu nk’uko The New Times ibivuga.

Ibi bibaye mu gihe hamaze iminsi humvikana kwijujutira gukora nabi kwa murandasi mu itangwa rya serivisi zitandukanye nk’iz’Irembo.

Ababyinubira bavuga ko bijya bibagora gushyiraho amakuru mashya, gusabiraho ibyangombwa bya Leta ndetse na murandasi idahagije hirya no hino mu gihugu.

Minisitiri Ingabire asobanura uko bimeze yagize ati: “Duhereye ku isuzuma twakoze umwaka ushize, dukeneye imiyoboro igera kuri 300 yo gushyira mu bice bitandukanye by’Igihugu. Ariko iyo dusubiye ku ngengo y’imari yacu, dusanga nibura tutarenza iri hagati ya 50 na 70 ku mwaka bitewe n’ingengo y’imari yacu”.

Yakomeje agaragaza ko bagerageje gushaka ibindi bisubizo birimo gushaka inkunga mu ma sosiyete y’itumanaho no kureba ubushobozi Igihugu gifite kugira ngo iyo miyoboro 300 ibashe kubakirwa rimwe.

N’ubwo Leta hari ibyo yakoze bigaragara mu guteza imbere ikwirakwizwa rya murandasi mu gihugu, haracyari byinshi byo gukemura kugira ngo intego igihugu cyihaye y’iterambere rishingiye ku ikoranabuhanga igerweho.

Impuguke, mu bihe bitandukanye zagiye zigaragaza ubushobozi bwo kugera ku ikoranabuhanga nk’imwe mu mbogamizi zo kwitabwaho, gusa haracyakenewe n’ubumenyi ku by’ikoranabuhanga mu bice murandasi yagezemo kugira ngo intego Igihugu kihaye igerweho.

Icyuho mu mikoreshereze ya murandasi, kibarwa harebwe umubare w’abantu badashobora gukoresha serivise za murandasi igendanwa kandi batuye mu gace kashyizwemo umuyoboro mugari wa murandasi.

Inyigo iheruka yakozwe na ‘Global Systems Mobile telecommunications Association’ igaragaza ko u Rwanda rufite ibikorwa remezo bya murandasi bigera kuri 61.5%, ubushobozi bwo kubyigondera bungana na 30.3% mu gihe abantu 42.1% ari bo biteguye kubikoresha.

Umuyoboro mugari wa murandasi mu Rwanda, ugera ku bantu 60.6% by’abatuye Igihugu bose mu gihe interineti igendanwa igera ku bantu 81.4% ku ijana, nk’uko amakuru aheruka abigaragaza.

Guteza imbere ikoranabuhanga rishingiye kuri murandasi mu Rwanda, bivuze ko muri iki gihe abantu benshi bifashisha murandasi bakora ibintu bitandukanye bakoroherwa kandi bakabasha kubyaza umusaruro amahirwe ari mu kubaka ubukungu bushingiye ku gutanga serivisi.

Ibi, Perezida Kim yabitangaje ejo ku wa Mbere, Kim ubwo yari ayoboye inama ya Komisiyo Nkuru ya Gisirikare y’ishyaka ry’abakozi riri ku butegetsi muri Koreya ya Ruguru.

Iyi nama ibaye mu gihe hari ibimenyetso muri Koreya ya Ruguru ko iri gutegura imyiyereko ya gisirikare yo kwerekana ibikoresho bigezweho by’intwaro za kirimbuzi zigenda ziyongera igamije gutera impungenge Amerika ndetse n’abambari bayo bo muri Aziya.

Abagize iyo komisiyo ikomeye ya gisirikare baganiriye ku bikorwa bitandukanye bigamije kuzana “impinduka zikomeye” mu gisirikare cy’iki gihigu ndetse no gukaza umurego mu myitozo yo kunoza imyiteguro y’intambara.

Mu cyumweru gishize, Koreya ya Ruguru yavuze ko izarwanya ingabo za Amerika yifashishije intwaro kirimbuzi nyinshi cyane kuko yamaganye gahunda y’iki gihugu bidacana uwaka yo kwagura imyitozo ya gisirikare no gutanga ubwirinzi ihuriyeho na Koreya yepfo.

Koreya ya Ruguru mu mwaka ushize wa 2022 yarashe ‘misille ballistiques’ zirenga 70 harimo n’izishobora kuba zifite ingufu za kirimbuzi zagenewe guterwa muri Koreya y’Epfo no ku butaka bwa Amerika.

Iki gihigu gisobanura ko ibi byakozwe mu rwego rwo kwamagana imyitozo yaguye y’ingabo z’Amerika hamwe na Koreya y’Epfo, yari yaragabanutse ku butegetsi bwa Donald Trump.

Mu butumwa yanyujije ku rukuta rwe rwa Instagram bukavugwaho cyane n’abamukurikira, uyu muhanzi yavuze ko uyu ari umwaka mushya ukwiriye wo kwibaruka undi mwana.

Abinyujije mu rurimi rw’Igiswahili yanditse ati “Ubu ni umwaka n’igihe gikwiye cyo kongeraho undi mwana. Amina. Insahallah”.

Uyu muhanzi umaze kuba icyamamare, abandi bana afite bazwi cyane harimo babiri yabyaranye n’umuherwekazi Zari Hassan, uwo yabyaranye na Hamisa Mobeto ndetse n’uwo yabyaranye na Tanasha Donna. Gusa hari n’abandi bamwitirira ariko atemera ko ari abe.

Ubwo yaganiraga na Radio Wasafi FM mu ntangirio z’umwaka wa 2021, uyu muhanzi yiyemereye ko afite abana batanu ariko akaba atari abizi.

Yagize ati “Iki ni cyo gihe ngo mvugishe ukuri, mfite abana batanu. Umwana wanjye wa mbere aba i Mwanza, nanjye ntabwo nari mbizi nibwiraga ko umwana wanjye mukuru ari Latiffah, naje kumenya ko mfite undi mwana mukuru na we w’umukobwa”.

Yakomeje agira ati “Uwo twabyaranye yarabimbwiye, umwana nza kumwereka Mama, ntacyo yarengejeho yarambwiye ngo uyu mwana ni uwawe. Uwo we ntitwigeze tujya no gufatisha ibizamini by’isano y’amaraso”.

Ntiharamenyekana inkumi yaba itwitiye Diamond kuri iyi nshuro, gusa kuva yatandukana na Tanasha Donna nk’umugore n’umugabo, uyu muhanzi yavuzwe mu zindi nkundo zitandukanye.

Muri Nyakanga umwaka ushize yemeje ko ari mu rukundo n’Umuhanzikazi Zuhura Othman Soud wamamaye nka Zuchu maze na we aza kubyemeza mu Ugushyingo k’uwo mwaka.

Associated Press yanditse ko nibura ibihugu 13 biri muryango w’Ubumwe bw’u Burayi bimaze kwemerera no kohereza ubutabazi butandukanye muri Turukiya na Siriya.

Muri ubwo butabazi harimo abahanga mu by’ubwubatsi bw’amazu, abasirikare, inkeragutabara, imbwa kabuhariwe mu gushakisha ndetse n’ibindi bitandukanye harimo n’icyogajuru cy’uyu muryango gikora ubutabazi bwo kugaragaza ahantu ku ikarita.

Igihugu cya Leta zunze Ubumwe za Amerika na cyo cyagennye ubutabazi bwihuse ku byangijwe n’uyu mutindito.

Amatsinda y’abantu bakora ibikorwa byo gushakisha no gutabara, abashinzwe kuzimya umuriro bo mu mujyi wa Los Angeles bagera ku 100, abahanga mu by’ubwubatsi, n’imbwa esheshatu zatojwe bidasanzwe byoherejwe gutabara muri Turukiya.

Minisiteri y’Ibiza mu Burusiya nayo yohereje amatsinda y’abakora ubutabazi muri Syria aho imitwe y’ingabo 10 igizwe n’abasirikare 300 yamaze kugerayo ngo itange ubutabazi ndetse hakaba n’ubundi bufasha iki gihugu cyageneye Turukiya.

Ingabo za Isiraheli zohereje itsinda rikora ubutabazi rigizwe n’abantu 150, abaganga n’abandi bakozi batanga imfashanyo zirokora ubuzima muri Turukiya.

Ibindi bihugu byatanze ubutabazi harimo, u Bugiriki, Koreya y’Epfo, u Buhinde, Pakistan, u Budage, u Buyapani n’ibindi bitandukanye.

Tubibutse ko uyu mutingito ukomeye wabaye ejo ku wa mbere wibasiye Amajyaruguru ashyira Uburengerazuba bwa Siriya no mu gihugu cya Turukiya rwagati. Ikinyamakuru Al Jazeera kimaze gutangaza ko ababuriye ubuzima muri uyu mutingito bamaze kurenga ibihumbi bitanu mu bihugu byombi.

Perezida wa Turukiya, Recep Tayyip Erdogan, yatangaje iminsi irindwi y’icyunamo mu gihugu hose.

Igihugu cya Siriya gisanzwe cyugarijwe n’intambara cyahamagariye Umuryango w’Abibumbye n’abanyamuryango bawo gufasha mu bikorwa byo gutabara, serivisi z’ubuzima ndetse n’imfashanyo y’ibiribwa.

Benshi baravuga ko Neymar yaba yarasubiranye n’umukobwa bahoze bakundana

Ubutumwa bw’urukundo bw’umukobwa witwa Bruna Biancardi wahoze ari umukunzi wa Neymar ndetse n’amafoto y’aba bombi, ni bimwe mu byatumye abenshi bakeka ko baba basubiye mu munyenga w’urukundo.

Ku wa Mbere tariki 06 Ugushyingo 2023, ni bwo amafoto agaragaza Neymar ari gusomona n’umukobwa bahoze bakundana mu myaka yashize yagiye hanze.

Ikinyamakuru The Sun cyanditse ko uyu mukobwa na we yari ari mu birori byo kwizihiza isabukuru y’uyu mukinnyi, ndetse bananditse ko bishoboka ko baba basubiye mu rukundo bitewe n’amafoto ndetse n’amagambo Bruna Biancardi yanditse kuri Instagram ye ikurikirwa n’abarenga miliyoni ebyiri, yifuriza Neymar isabukuru nziza y’amavuko.

Bruna Biancardi yaranditse ati “Isabukuru nziza, nakubwiye byinshi kuri uyu munsi. Mfashe uyu mwanya muto kugira ngo nandike. Umwaka wawe mushya uzabe igitangaza kandi uguhire! Ntukabure impamvu zituma wishima, inshuti ku ruhande rwawe, ibyo wagezeho ndetse n’intego nyinshi mu buzima. Imana ikomeze gukingira umubano wacu. Ndagukunda! Buri gihe unyizere”.

Bruna Biancardi w’imyaka 27 asanzwe ari umunyamideri uturuka muri Sao Paulo ndetse azwi cyane ku mbuga nkoranyambaga.

Aba bombi batangiye gukundana muri 2021 ariko babigira ibanga, gusa batandukanye mu mpeshyi y’uwo mwaka ubwo uyu mukobwa yabyitangarizaga abinyujije kuri Instagram. Bruna yashinjaga Neymar ku muca inyuma akarengera.

Neymar ukinira Paris Saint-Germain n’ikipe y’igihugu ya Brazil, ni umwe mu bakinnyi bakunze kuvugwa mu rukundo n’abakobwa benshi.

Uyu mukinnyi yavutse tariki 5 z’ukwezi kwa Gashyantare mu 1992 ubwo bivuze ko ejo bundi hashize ari bwo yizihizaga isabukuru y’amavuko y’imyaka 31 amaze avutse.

Ibikorwa by’iyi kompanyi biteganijwe gutangira mu ntagiriro z’uyu mwaka wa 2023 bikaba bigomba gusiga u Rwanda rufite ihuzanzira rya murandasi igera hose mu gihugu kandi iri ku muvuduko wo hejuru.

Iyi kompanyi ya Starlink ni ishami ry’ikigo rutura cya SpaceX gikora ibyogajuru cyashinzwe n’umuherwe Elon Musk.

Umuyobozi Mukuru wa RSA, Francis Ngabo, aganira na The New Times yagize ati: “Starlink irateganya gutangiza serivisi zayo mu Rwanda mu gihembwe cya mbere cy’uyu mwaka, [u Rwanda] ruzaba rubaye Igihugu cya kabiri muri Afurika gitangirwamo serivisi z’iki kigo ku mugaragaro”.

Ngabo yakomeje avuga ko uburenganzira bwahawe ikompanyi ya Starlink buhuje n’icyerekezo Igihugu cyihaye mu guteza imbere ikoranabuhanga.

Yagize ati: "Ibi bihuye n’inshingano zacu zo gukoresha ubushobozi bw’ikirere mu iterambere ry’Igihugu tugira uruhare mu ntego rusange yo gushyiraho umuyoboro mpuzamahanga wa murandasi no kuyikwirakwiza muri rusange”.

Aya masezerano n’u Rwanda, yemerera ikompanyi ya Starlink gutanga serivisi za murandasi ku baturage mu gihugu binyuze mu muyoboro wayo w’icyogajuru wa ‘Low Earth Orbit’ utanga murandasi iri ku muvuduko mwinshi kandi yagutse ugereranije n’iyari isanzweho.

Kugeza mu Kuboza kwa 2022, Starlink yari ifite ibyogajuru birenga 3.500 bikoresha umuyoboro wa ‘Low Earth Earth Orbit’.

U Rwanda ni cyo gihugu cya kane muri Afurika gitanze uburenganzira bwo gukorana n’ikompanyi ya Starlink nyuma ya Mozambique, Nigeria na Malawi.

Mbere yo gutanga ubu burenganzira, u Rwanda rwari mu bihugu bike byahawe amahirwe yo kugeragerezamo itangwa rya murandasi ya Starlink muri Afurika.
Nk’uko RSA ibitangaza, ikoranabuhanga rya Starlink rizazamura cyane ubushobozi bwa murandasi mu duce tw’ibyaro turi kure aho ibikorwaremezo bindi by’ikoranabuhanga byari bigoye kubihageza.

Iki kigo ariko kivuga ko uwo muyoboro wa murandasi y’icyogajuru utagamije gukuraho ubundi buryo bwari busanzweho bwo gukwirakwiza murandasi ahubwo ko ari ukuzuza no kuzamura ubwo buryo ndetse no kugera ku duce tutari dusanzwemo ibikorwaremezo bya murandasi.

Minisitiri w’Ikoranabuhanga na Inovasiyo, Ingabire, Paula yavuze ko hitezwe umusaruro mwiza uzava muri uyu mushinga.

Yagize ati: "Turizera ko tuzabona umuvuduko mwinshi no kugabanya gukora nabi kwa murandasi byajyaga bigaragara. Ibi rero bizagirira akamaro kanini abenegihugu, ubucuruzi ndetse n’igihugu muri rusange”.

Bafakulera Robert

Ubutumwa bwanyujijwe ku rukuta rwa Twitter rwa PSF buvuga ko Bafakulera yeguye ku mpamvu ze bwite kandi ko yabimenyesheje Inteko Nyobozi y’uru rwego.

Banditse bati:”Umuyobozi Mukuru wacu Bwana Robert Bafakulera yeguye uyu munsi ku mpamvu ze bwite”.

Bakomeje bagira bati: ”Yatangaje ubwegure bwe mu nama y’Inteko Nyobozi yabaye uyu munsi ku itariki 3 Gashyanyare 2023”.

Bafakulera Robert ni umucuruzi akaba n’umushoramari. Yari Umuyobozi Mukuru w’Urugaga rw’Abikorera mu Rwanda (PSF) kuva mu mwaka wa 2018 ubwo yatorwaga kuyobora manda ye ya mbere y’imyaka itatu asimbuye Gasamagera Benjamin. Muri Werurwe 2022 Bafakulera Robert yongeye gutorerwa kuyobora PSF mu gihe cy’indi myaka 3 ariko akaba yeguye iyi manda itaragera ku musozo.

Uyu mushoramari, ni umwe mu bacuruzi bakomeye mu Rwanda, aho yashoye cyane mu rwego rw’ubukerarugendo n’amahoteli. Afite hoteli zitandukanye mu Rwanda zirimo Ubumwe Grande Hotel. Anagaragara kandi mu rwego rw’ubwikorezi ndetse n’ubucuruzi bw’umuceri n’amavuta yo guteka.

Urugaga PSF yari ayoboye, rwashinzwe mu 1999 nk’urugaga ruhuza abikorera bo mu Rwanda. Icyo gihe rwari rusimbuye icyahoze ari ‘Rwanda Chamber of Commerce and Industry’. Intego yarwo ni uguharanira inyungu z’ubucuruzi bw’Abanyarwanda no kurebera hamwe uko abikorera bagira uruhare mu iterambere ry’Igihugu.

Ibi Umukuru w’Igihugu yabitangaje ku wa Kane mu nama ya kabiri yiga ku Ishoramari mu Bikorwaremezo ku Mugabane wa Afurika iri kubera i Dakar muri Sénégal.

Iyi nama y’iminsi itatu iyobowe na Perezida Macky Sall wa Senegal, igamije gushakira hamwe ubushobozi bw’imishinga yo guteza imbere ibikorwa remezo ku rwego rw’Akarere binyuze muri gahunda zo guteza imbere ibikorwa remezo muri Afurika zishamikiye ku muryango wa Afurika yunze Ubumwe.

Perezida Kagame, akanaba Umuyobozi Mukuru wa Komite y’Abakuru b’Ibihugu na za Guverinoma ishinzwe gutanga icyerekezo muri gahunda ya AUDA-NEPAD ishamikiye ku muryango wa Afurika yunze Ubumwe, yagaragaje ko hakenewe byihutirwa amikoro yo gutera inkunga imishinga itandukanye y’ibikorwa remezo ihuza umugabane wa Afurika no kuzamura ubucuruzi.

Umukuru w’Igihugu yagaragaje ko nubwo hari ibikorwa by’iterambere byagezweho mu myaka yashize ariko hakiri icyuho kinini mu bigomba gukorwa.

Ati: “Mu myaka ishize, hari intambwe nziza yatewe. Ibyo ntitubishidikanyaho. Ariko icyuho mu bikorwaremezo Nyafurika kiracyagaragara. Kugira ngo tuzibe icyo cyuho mu buryo bwiza, kwegeranya ubushobozi bwa hano iwacu ni ingenzi cyane”.

Yakomeje avuga ko ari yo mpamvu gahunda ya AUDA-NEPAD muri 2017 yatangije Gahunda ya 5% k’ibikorwa byo kongera ishoramari ry’ibigo byubaka ibikorwa remezo bya Afurika.

Ati: “Iyi nama ni umwanya wo kongerera ubu bushobozi duhuriyeho, mu gufatanya n’abikorera, kugira ngo ibikorwa remezo byacu birusheho gukorana n’amabanki. Ibyo bizatuma tugira ibikorwaremezo byuzuye, byizewe kandi birambye”.

Yakomeje agira ati: “Kuri Afurika, bivuze kugabanya ikiguzi cyo gukora ubucuruzi, kuzamura ubucuruzi bwa hano iwacu, no kurushaho guhangana na birantega zo mu gihe kiri imbere. Icyo nasorezaho, ibikorwaremezo ni inzira igana ku iterambere n’amahirwe ku baturage bacu”.

Perezida Kagame yagaragaje ko na none, kubaka ibikorwa remezo bya Afurika bisaba gukorana bya hafi, nka leta ndetse n’abikorera. Ibi bikaba bifasha guhuriza hamwe ubushobozi bufatika bwo koroshya ubucuruzi ku mugabane wa Afurika.

Ati: “Ni bimwe mu byerekezo byacu byagutse, nk’uko bigaragara muri Gahunda ya 2063, kugira ngo twubake Afurika itekanye kandi itere imbere kuri twese. Reka dufate uyu mujyo, kugirango dutere imbere byihuse tugana ku ntego dusangiye”.

Iyi nama ifite insanganyamatsiko igira iti “Gukomeza umujyo w’ibikorwaremezo byo ku rwego rw’Isi muri Afurika. Iya mbere na yo yigaga ku ishoramari mu bijyanye n’ibikorwaremezo muri Afurika yabereye i Dakar muri Sénégal yakirwa na Perezida Macky Sall muri Kamena 2014.

Perezida Kagame na bamwe mu bayobozi bitabiriye iyi nama bafashe ifoto y’urwibutso

Iy’uyu mwaka, ibaye mu gihe umugabane wa Afrika ukomeje guhangana n’ibyuho byo kutagira ibikorwaremezo bihagije. Kugeza ubu, abantu miliyoni 600 ku mugabane wa Afurika ntibagerwaho n’amashanyarazi mu gihe Abanyafurika 28% bonyine ari bo gusa bagerwagaho na murandasi mu mpera za 2020.

Ni nyuma y’uko iri bara yakoze ryabangamiye cyane ibindi binyabiziga byari mu muhanda bigateza ibizwi nka ambutiyaje.

Ikinyamakuru The Citizen dukesha iyi nkuru cyanditse ko ibi byabereye mu muhanda w’ahitwa Roysambu unyura mu gace k’ubucuruzi ka Thika.

Gusa ntibiramenyekena neza igihe uyu mugore n’umugabo bari kumwe baterewe muri yombi ndetse n’impamvu yabateye kwiha akabyizi bari mu muhanda rwagati hari batitaye ku kuba hari izindi modoka babujije kugenda.

Ubushinjacyaha bwamenyesheje urukiko ko ushinjwa yatawe muri yombi n’abashinzwe umutekano bakorera kuri sitasiyo ya Polisi ya Kasarani bari ku umuhanda hafi y’Iguriro rya Thika.

Abo bapolisi bakimara kubona ibinyabiziga byinshi bimaze gutonda umurongo bitagenda bahise bihutira kumenya nyirabayazana w’icyo kibazo.

Ubwo bageraga hafi y’imodoka aba bombi barimo mu muhanda hagati, aba bapolisi batunguwe no gusanga bibereye mu gikorwa cy’urukundo batitaye ku bibakikije.

Mu kinyabupfura, abo bombi basabwe gushyira imodoka yabo ku ruhande kugira ngo batange inzira y’ibindi binyabiziga bari bamaze umwanya bafunze gusa ngo ibi babikoranye uburakari n’umujinya.

Umushinjacyaha abisobanura yagize ati: “Yarakajwe cyane n’ubusabe bwa polisi bwo gushyira imodoka ku ruhande, [umugore] ushinjwa yatangiye gutuka abapolisi gusa bari bitwaje imbunda bivugwa ko yatumye batinyuka no gushaka kurasa”.

Ibyo byaje gutuma aba bapolisi batanga amakuru y’uko byifashe ku babakuriye maze hahita hoherezwa abandi babafasha kubata muri yombi.

Uyu mugore ushinjwa, mu rubanza yemeye icyaha anagisabira imbabazi ndetse avuga ko atazongera gukora ibyo bikorwa.

Gusa ibyo ntibyabujije kumukatira igihano cy’amezi atandatu mu gihome cyangwa agatanga ihazabu y’ibihumbi 20 by’Amashiringi ya Kenya (173,000 Rwf).

Impanuka imwe ni iya bisi itwara abagenzi yahanutse ku kiraro yikubita hasi irashya irakongoka, indi ni iy’ubwato bwari butwaye abanyeshuri bwarohamye mu mazi. Gusa iyi mibare ikaba ishobora guhinduka bitewe n’abandi barokotse ariko bakaba bameze nabi.

Al Jazeera dukesha iyi nkuru itangaza ko abantu bagera kuri 41 bahise bapfa ubwo bisi yari itwaye abagenzi bose hamwe 48 igashya igakongoka. Ibi bikaba byabereye mu majyaruguru y’umujyi wa Bela mu karere ka Lasbela mu ntara Balochistan.

Ubuyobozi bw’ibanze bw’aho iyi mpanuka ya bisi yabereye, bwavuze ko imodoka yavaga mu murwa mukuru wa Balochistan, Quetta, yerekeza mu mujyi wa Karachi uherereye mu majyepfo ya Pakistan.

Ubwo hakorwaga ubutabazi, abayobozi bavuze ko imirambo y’abantu 40 yakuwe mu bisigazwa bya bisi yahiye igakongoka ndetse hakaba n’undi umwe mu bari bakomeretse bikabije, wapfuye hagikorwa ubwo butabazi. Abarokotse na bo bari bameze bameze nabi cyane.

Umuyobozi w’agace impanuka yebereyemo, Hamza Anjum yagize ati: “Biteye ubwoba kuko umushoferi ashobora kuba yari yatwawe n’ibitotsi”. Akomeza avuga ko binashoboka ko yari afite umuvuduko mwinshi kandi uru rugendo rwari rurerure.

Indi mpanuka y’ubwato yabereye mu ntara ya Khyber Pakhtunkhwa, ubwo bwai butwaye abanyeshuri bwarohamaga mu mazi. Uretse abana 10 bamaze kubarurwa ko bayiburiyemo ubuzima, Umuyobozi wa Polisi muri ako gace, Mir Rauf yatangarije Ibiro ntaramakuru, AFP, ko abantu bagera ku icyenda bari bagishakishirizwa mu mazi mu bikorwa by’ubutabazi. Ubu bwato, bwari butwaye abanyeshuri bari hagati ya 25 na 30 ubwo bari bavuye ku ishuri batashye.

Inkuru dukesha The East African ivuga ko iyi kaminuza isaba arenga miliyari imwe y’Amashiringi ya Tanzania buri mwaka, kugira ngo ibashe gukora ariko ko na miliyoni zigera kuri 400 z’amashiringi ihabwa buri mwaka kuva imirimo yo kuyubaka yarangira, zidakoreshwa mu kwigisha.

Mu ruzinduko Komisiyo ishinzwe Gahunda z’Iterambere n’Imibereho myiza mu Nteko Ishinga Amategeko y’iki gihugu yahagiriye, yasanze biteye agahinda kuba amafaranga yose Leta igenera iyi kaminuza buri mwaka asaranganywa nk’imishahara y’abarimu n’abayobozi bagera kuri 80, kandi badakora.

Bamwe mu badepite bagize iyo komisiyo barakajwe cyane n’igihe cyose gishize abakozi bahemberwa imirimo batakoze, kandi bakishyurwa akayabo k’amashiringi.

Hon. Husna Sekiboko yagize ati “Wowe Muyobozi Mukuru wa kaminuza n’abakozi bawe, mumaze igihe kinini mudutera agahinda kuva iki kigo cyashyirwa muri Butiama, iyi myaka yose kandi nta banyeshuri mufite. Biteye agahinda rwose”.

Hon. Salome Makamba we yavuze ko iki kibazo cyateje igihombo kinini, agaragaza ko hari umukozi ufite impamyabumenyi ya Professor woherejwe muri iyi kaminuza ngo akore nk’Umuyobozi Mukuru Wungirije, ariko yarinze ajya mu kiruhuko cy’izabukuru nyuma y’imyaka umunani nta somo na rimwe ritanzwe kuri manda ye!

Ati “Abantu bagenerwa ingengo y’imari y’imishahara n’ibindi bakenera buri kwezi, kandi kaminuza itarigeze itanga serivisi!”

Minisitiri Wungirije ushinzwe Uburezi, Ubumenyi n’Ikoranabuhanga muri Tanzania, Omary Kipanga, yavuze ko kimwe mu bintu byatumye iyi kaminuza idatangira imirimo ari ukubura abakozi babishoboye.

Ati “Ikibazo cya mbere cyadindije itangwa rya serivisi ni ukubura abakozi babigize umwuga”.

Akomeza avuga ko kutagira abalimu bafite impamyabumenyi zibashoboza kwigisha ku rwego rw’iyi kaminuza, ari byo byabaye nyirabayazana y’idindira ry’amasomo.

Umunyamabanga Uhoraho w’iyi Minisiteri, Francis Michael, we ati “Kaminuza yahawe icyemezo cy’gateganyo, kiyibuza kwakira abanyeshuri kugeza igihe abalimu bayo barenga 50 bazaba bamaze kuminuza ku rwego rwa PhD”.

Icyakora, Michael yongeyeho ko benshi muri abo barimu barangije amasomo yabo nk’uko babisabwaga, kandi ko iyi kaminuza noneho ishobora gutangira kwakira abanyeshuri mu mwaka utaha.

N’ubwo uyu munyamabanga avuga ibi ariko, Urwego rutanga impushya kuri za kaminuza, ‘Tanzania Commission for Universities’ rubinyujije kuri Twitter rwavuze ko rutanga icyemezo cya burundu, mu gihe ikigo gifite ibikorwa remezo bifatika, cyarateguye gahunda y’imiyoborere n’amasomo, integanyanyigisho ndetse n’abakozi.

Iyi komisiyo yatanze iki cyifuzo ku itariki 19 Mutarama 2023, ubwo abagize Inteko Ishinga Amategeko Umutwe w’Abadepite baganiraga kuri raporo iheruka y’Umugenzuzi Mukuru w’imari ya Leta, kuri gahunda yo kurwanya malariya mu Rwanda kuva muri Nyakanga 2017 kugeza muri Kamena 2021.

Ubwo yasobanuriraga abagize Inteko ibikubiye muri iyo raporo, Hon. Uwamariya akanaba Perezida wa Komisiyo y’Imibereho myiza y’Abaturage mu nteko, yavuze ko mu Karere ka Nyagatare hagaragaye ubwiyongere bwa malariya. Ibi bikaba biterwa n’uko hari abantu benshi bakora imirimo ibasaba kumara igihe kinini hanze, bigatuma bagira ibyago byisumbuye byo kwibasirwa n’imibu.

Hon. Uwamariya yavuze ko muri aba bantu harimo abarobyi, abashumba, ababumba amatafari n’abandi. Aba, nibo byagaragajwe ko bakwifashisha indi miti y’amavuta ishobora guhashya imibu ikunganira uburyo bwo kuryama mu nzitiramibu mu rwego rwo kurwanya malariya.

Yagize ati “Turasaba ko Minisiteri y’Ubuzima yongera ikoreshwa ry’inzitiramibu kandi ikanatekereza ku miti y’amavuta yo gufasha abari hanze barumwa n’imibu”.

Ubu bwoko bw’imiti y’amavuta Hon. Uwamariya yavuze ko kuri ubu hari irimo gukorerwa mu Rwanda, ariko ko hari n’indi itumizwa mu mahanga. Yongeyeho ko Minisiteri y’Ubuzima igomba gushakisha uburyo bwo kuyikwirakwiza ku baturage batishoboye, mu gihe indi ishobora kujya igurirwa muri farumasi zibanogeye.

Yerekanye ko arenga miliyoni 261 z’Amadolari (hafi Miliyari 280Frw), yakoreshejwe muri gahunda yo kurwanya malariya hagati ya Nyakanga 2017 na Kamena 2022. Iyo gahunda yari igizwe n’ibikorwa bitandukanye byo kurwanya malariya birimo no gushaka ibikoresho bikenewe.

Malariya n’impfu ziyikomokaho, byaragabanutse muri icyo gihe ariko iyo raporo yerekana ko hari uturere yiyongereye harimo aka Bugesera, Gisagara na Nyagatare mu mwaka 2021.

Muri iyo gahunda y’imyaka ine icyari kigamijwe kwari uguhashya malaria ikagera ku kigero cy’abantu 199 mu bantu 1000, ivuye ku bantu 428 mu bantu 1000 yariho muri 2017. Gusa iyi intego yabashije kugerwaho ndetse irarenga kuko iyi indwara yagabanutse ikagera ku bantu 113 mu bantu 1000 mu mwaka 2021.

Minisiteri y’ubuzima yasobanuye ko umubare w’abandura malariya wagabanutse ukava kuri miliyoni 4.8 muri 2017 ukagera munsi ya miliyoni imwe muri 2021, binyuze mu ngamba zinyuranye zashyizweho.

Muri izo ngamba harimo gukurikirana abarwayi ba malariya mu ngo binyuze mu bajynama b’ubuzima, gukomeza gutanga inzitiramibu no gutera mu mazu imiti irwanya imibu mu turere twiganjemo malariya. Ibi byiyongeraho gusuzuma no kuvura ku buntu abarwayi bo mu miryango itishoboye, nk’uko bigaragara mu nkuru ya The New Times.

Ibi byabaye mu gitero inzego z’umutekano zagabye kuri abo barwanyi ku itariki 19 Mutarama 2023, aho hishwe abarwanyi bagera ku 10 hakavumburwa za roketi zirasa gerenade n’ibindi bikoresho byifashishwa mu gutega ibiturika, mu mirwano ikomeye yabereye mu gace ka Galmagalla ko mu ntara ya Garissa.

Umuyobozi wungirije w’agace ka Bura y’Uburasirazuba, Thomas Bett aganira n’ibiro ntaramakuru, Reuters, yagize ati "Igikorwa cyo kwirukana umutwe w’abarwanyi ba Al- Shabab muri kariya gace cyakozwe n’itsinda ryacu ry’ibigo bitandukanye, kandi ryashoboye kwivugana intagondwa 10 z’abarwanyi b’umutwe wa Kisilamu no kubambura intwaro”.

Gusa abavugizi b’umutwe wa Al-Shabab ntibashoboye kuboneka ngo batange amakuru kuri ibyo uruhande rwa Kenya rutangaza.

Al-Shabab ni umutwe w’iterabwoba ushamikiye kuri Al-Qaeda, ukaba umaze imyaka ibarirwa mu icumi ugaba ibitero by’iterabwoba kuri Kenya. Uyu mutwe wakoze ibi nko kwihimura kuri iki gihugu nyuma y’uko cyohereje abasirikare mu mutwe w’ingabo zihuriweho, zishinzwe kubungabunga amahoro zirwanya uyu mutwe muri Somalia.

Al-Shabab yibasira inzego z’umutekano, amashuri, imodoka, imijyi n’ibikorwaremezo by’itumanaho mu burasirazuba bwa Kenya, n’ubwo ibi bitero byagabanutse mu myaka ishize.

Nko muri 2013, igitero cyagabwe ku nzu nini y’ubucuruzi ya Westgate mu murwa mukuru Nairobi, cyahitanye abantu 67.

Mu cyumweru gishize Polisi yatangaje ko nanone izi ntagondwa zishe abantu 5 mu ntara ya Garissa, harimo abakozi 4 b’ikigo gishinzwe imihanda muri Kenya bapfuye ubwo imodoka yabo yagongaga igisasu cyari giteze ku muhanda, n’undi muntu umwe wahitanywe na gerenade iterwa na roketi.

Al-Shabab imaze imyaka irenga icumi irwanira guhirika Guverinoma ya Somaliya ngo ishyireho ubutegetsi bwayo bushingiye ku mahame ya Kisilamu.

Uyu Dmitry Medvedev ukora nk’Umuyobozi wungirije mu nama y’Umutekano y’u Burusiya, yatangaje ibi ejo ku wa kane mu butumwa yanyujije ku rubuga rwa Telegram.

Yaranditse ati “Gutsindwa mu ntambara isanzwe bishobora gukurura intambara y’ingufu kirimbuzi za nuclear”.

Yongeyeho ati “Ingufu kirimbuzi ntizigeze zitakaza ubukana zifitemo, ari bwo ugukomera kwazo gushingiyeho”.

Uyu muyobozi kandi yakomoje ku nama iteganyijwe kubera mu Budage, ku ngingo y’ubufasha bwa gisirikare bukomeza guhabwa Ukraine. Yibukije abo mu Burengerazuba bw’Isi bayitabira ko bakwiye no gutekereza ku ngaruka ubwo bufasha batanga bugira ku mirongo migari ya politiki yabo.

Ibiro bya Perezida w’u Bursiya, Kremlin byihutiye gushimangira ko ibyatangajwe na Medvedev bihuje n’amategeko iki gihugu kigenderaho. Aya, yemerera u Burusiya kugaba ibitero hifashishijwe intwaro kirimbuzi mu gihe iki gihugu cyarwana intambara irimo intwaro zisanzwe ariko gisumbirijwe.

Medvedev, yabaye Perezida kuva mu 2008 kugeza 2012, kuri ubu akaba afite imyaka 57 y’amavuko.

Kuva u Burusiya bwatera Ukraine muri Gashyantare umwaka ushize, Medvedev yagiye yumvikana kenshi asa n’utera ubwoba Uburengerazuba bw’Isi, ku kuba iki gihugu gifite ibitwaro bya kirimbuzi kandi byakoreshwa mu gihe bibaye ngombwa.

Kugeza ubu, u Burusiya na Amerika bifite hafi 90% by’ibitwaro kirimbuzi byose biri ku Isi.

Ikigo cy’Abanyamerika cy’Abahanga mu bya Siyansi kivuga ko u Burusiya buza ku isonga mu kugira ibitwaro kirimbuzi byinshi ku Isi, aho bufite ibigera ku 5977, Amerika ikagira 5428, u Bushinwa 350, u Bufaransa 290 naho u Bwongereza bukagira ibigera kuri 225.

N’ubwo bimeze gutya ariko, ubutegetsi bwa Washington ntiburagaragaza icyakorwa mu gihe koko Perezida Putin yategeka ikoreshwa ry’izi ntwaro kirimbuzi mu ntambara. Biramutse bibaye byaba ari ubwa mbere zongeye gukoreshwa nyuma ya ‘bombe atomique’ Amerika yasutse ku mijyi ya Hiroshima na Nagasaki y’u Buyapani mu 1945, ari zo zaje no gushyira iherezo ku Ntamabara ya Kabiri y’Isi.

Ni igitaramo cyabaye ku Mugoroba tariki 14 Mutarama 2023 kikaba cyitabiriwe bigaragara n’ingeri nyinshi, by’umwihariko abandi bahanzi bari baje gushyigikira iri tsinda n’abakunzi baryo.

Mu ma saa moya z’umugoroba ni bwo iri tsinda rimaze kubaka izina, by’umwiahariko mu kuririmba indirimbo zo mu gitabo ryari rigeze ku rubyiniro. Byasaga n’ibirori bibereye ijisho kuko kuva ku myambabarire, abandi baririmbyi babafashaga, abashyushyarugamba n’ibindi byanyuze cyane abari muri Camp Kigali.

Papi Clever n’umugore we batangiriye ku ndirimbo n’ubundi zakoze ku marangamutima y’abari aho, zirimo nk’iyitwa Mu Ijuru ndetse na Dushake Uwo Mwuka Wera. Kimwe mu byashimishije benshi ni ukwerekana abana babo babiri b’abakobwa muri icyo gitaramo.

Ubwo babaga bikije, bakorerwaga mu ngata n’abandi bahanzi na bo banyuze benshi cyane cyane mu ndirimbo zifasha gusirimba. Umuramyi Prosper Nkomezi mu ndirimbo Nzavuga Iyo Neza, Josh Ishimwe wamamaye muri gakondo ihimbaza Imana ndetse n’tsinda rya Pasiteri Ben na Chance, bari mu bafashije bikomeye abitabirye iki gitaramo gutambira Imana.

Igitaramo kigana ku musozo, Papi Clever ndetse na Dorcas bamuritse bwa mbere umuzingo w’indirimbo 300 z’agakiza n’izo gushimisha Imana. Uyu muzingo ukozwe mu buryo bw’amajwi watewe inkunga mu buryo bunyuranye, kuko bafite na gahunda yo gushyira uyu muzingo mu ndimi z’Igiswahili, Igifaransa n’Icyongereza kandi bakawukorera n’amashusho.

Bamwe mu batanze ibibwirizwa n’ijambo banyuranye bashimye cyane uburyo Papi Clever na Dorcas bahembuye imitima y’abantu mu gihe cya Covid-19, by’umwihariko muri Guma mu rugo.

Yavuze yego live concert, ni igitaramo cyanatambukaga imbonankubone kuri Youtube mu rwego rwo gufasha abari mu mahanga n’abandi batabashije kuhagera kugikurikira. Hari n’imyanya igera kuri 200 y’abinjiye batishyuye mu rwego rwo gufasha ab’ubushobozi budahagije kwitabira.

Abandi bahanzi bakomeye mu muziki wo kuramya no guhimbaza Imana bari baje gushyigikira iri tsinda harimo Simon Kabera, Bosco Nshuti, Jado Sinza, Vestine na Dorcas, Alex Dusabe n’abandi benshi.

Reba ibindi muri iyi video:

Ibi Rwanda FDA isobanura bikubiye mu itangazo ryasinyweho n’Umuyobozi w’iki kigo ku itariki 30 Ukuboza 2022, ariko risohoka ku itariki 5 Mutarama 2023. Rigaragaza kandi rigakura ku isoko ry’u Rwanda ubwoko butatu bw’imiti ari bwo: Ngetwa 3, Dawa ya kupanua uume ukorerwa muri Tanzania na Delay spray for men.

Abaguzi b’iyo miti basabwe guhagarika kuyikoresha ahubwo bakayisubiza aho bayiguze kuko itujuje ubuziranenge.

Umuyobozi w’Agashami gashinzwe kugenzura ingaruka z’imiti n’ibiribwa muri Rwanda FDA, Ntirenganya Lazare aganira na Kigali Today yasobanuye impamvu iyi miti yahagaritswe ku isoko ry’u Rwanda.

Yagize ati “Hari imiti igera kuri itatu Rwanda FDA yakoreye ubugenzuzi iyifataho icyemezo. Harimo uwo bita Dawa ya kupanua uume ukaba ufite ibintu byinshi bigaragaza rwose ko utujuje ubuziranenge. Ntabwo ugaragaza ibiwugize, uko ufatwa n’uruganda rwawukoze. Ibyo ni ibintu by’ibanze biba bigomba no kugaragara ku byo umuti upfunyitsemo”.

Akomeza agira ati “Umuti wa kabiri witwa ‘Ngetwa 3, na wo byanditseho ko uvura indwara nyinshi. Mu by’ukuri mu bijyanye n’ubugenzuzi bw’imiti cyangwa se amategeko n’amabwiriza agenga iby’imiti, ubundi biba bisabwa ko uvuga indwara uwo muti uvura bishingiye ku biwugize. Ntugaragaza igihe wakorewe n’igihe uzarangirira, ibyo biba bishyize mu byago ubuzima bw’abantu”.

Undi muti wa gatatu wahagaritswe ni uwitwa ‘Delay spray for men’ na wo wanditseho ko wongera ingano y’igitsina cy’abagabo, ukuba uvugwaho ko urimo Vitamin E, uyu na wo ufite ibibazo nk’iby’uwa mbere.

Uyu muyobozi kandi asaba abantu kwitondera imiti batandikiwe n’abaganga ahubwo bakagana ubuvuzi bwemewe.

Ati “Ku isoko dufite imiti itandukanye, iyo ufite ikibazo muganga aragufasha akakwandikira umuti na wo ugomba kubonwa ahantu habugenewe nka farumasi. Twibutse ko Rwanda FDA yakomeje kwihanangiriza abantu biriwa bamamaza imiti, inyunganiramirire n’ibiribwa batabifitiye uburenganzira”.

Ntirenganya ashishikariza Abanyarwanda muri rusange kudakurikira ibintu nk’ibi ahubwo bakajya muri gahunda y’ubuvuzi bakivuza, aho kuyoboka ibintu bizarangira bigize ingaruka ku buzima birimo imiti iba itasuzumwe.

Impuguke mu buzima zivuga ko habaho imiti cyangwa ubuvuzi bwo kongera igitsina cy’umugabo, mu gihe bigaragaye ko uyihabwa afite igitsina gito ugereranyije n’imyaka ye. Ariko nanone ibyo bikorwa ku muntu ugifite imyaka yo gukura kuko iyo abaye mukuru biba bitagishoboka.

Umuvugizi wa Polisi muri ako gace, Captain Sam Tselanyane, yemeje aya makuru ndetse yongeraho ko iperereza ryatangiye kuri urwo rupfu.

Captain Sam Tselanyane yavuze ko byabaye ku wa gatandatu w’icyumweru gishize, mu masaha ya nyuma ya saa sita.

Yagize ati "Bivugwa ko icyo gihe bari bakupiwe umuriro, ubwo umugore wa nyakwigendera yari inyuma y’inzu yumva imbwa ziramotse. Gusa ntabwo yahise ajya kureba ikibazo cyaba kibaye kuko inzu yabo iherereye ku muhanda, hakunze guca imbwa zimoka kandi hanumvikana urusaku rw’abagenzi n’imodoka”.

Yakomeje avuga ko uyu mugore yagiye kureba icyabaye ubwo umuriro wari ugarutse, ariko atungurwa no gusanga umugabo we aryamye mu busitani atanyegenyega, abonye ko yapfuye ahita yihutira kubimenyesha ubuyobozi.

Uru rugo rwari rusanzwe rworoye imbwa eshatu harimo ebyiri z’indwanyi. Gusa iri bara rikimara kuba, zose zahise zikurwa mu rugo n’urwego rwitwa SPCA.

Uru rupfu rwabaye nyuma y’uko abaturage muri Afurika y’Epfo bari basabwe guhagarika korora imbwa z’indwanyi mu ngo zabo, nyuma y’urugomo zagiye zigaragaza hirya no hino mu gihugu muri 2022.

Nko mu Gushyingo umwaka ushize, abatuye ahitwa Phomolong muri Free State, bararakaye bicisha imbwa y’indwanyi amasuka n’amabuye barangije barayitwika bitewe n’urugomo rwayo.

Byabaye ku wa Mbere tariki 9 Mutarama 2023, hahise hakomereka abana 25, umushoferi n’umwarimu. Iyi mpanuka yabaye ubwo bari mu nzira berekeza ku ishuri ryitwa ‘Path to Success’.

Benshi mu banyarwanda babajwe cyane n’iyi mpanuka barimo n’Umukuru w’Igihugu, Paul Kagame. Mu butumwa yanyujije ku rubuga rwe rwa Twitter, yavuze ko yamenye amakuru y’iyi mpanuka akaba yifuriza abo bana gukira vuba, kandi ko barimo gukora ibishoboka byose ngo bitabweho uko bikwiye.

Umuvugizi wa Polisi y’u Rwanda, Ishami rishinzwe umutekano wo mu muhanda, SSP Irere René, yabwiye Kigali Today ko umwana umwe ari we witabye Imana bitewe n’iyi mpanuka, yagize at “Hari uwaraye yitabye Imana wari ufite imyaka 12 y’amavuko”.

Abakomerekeye muri iyi mpanuka bose barimo kwitabwaho mu bitaro bitandukanye byo mu Mujyi wa Kigali. Kugeza ubu, icyateye iyi mpanuka ntikiramenyekana ariko hakekwa ko imodoka yari itwaye aba bana yabuze feri bituma irenga umuhanda.

Iyo mpanuka yabaye mu gihe abanyeshuri bari bagiye gutangira igihembwe cya kabiri cy’uyu mwaka w’amashuri.

Inkuru bijyanye:

Abanyeshuri 25 bakomerekeye mu mpanuka

Kuva mu mpera z’umwaka ushize abanyeshuri ba Kaminuza y’u Rwanda, bari mu rungabangabo rwo kumenya niba amakuru avugwa ko itangira ry’umwaka w’amashuri utaha riteganyijwe muri Nzeri uyu mwaka, ari yo cyangwa byaba ari bihuha.

Bamwe muri bo bari baranatangiye kubyakira no kubyizera, gusa bategereje ko hazasohoka inyandiko y’ubuyobozi bwa Kaminuza y’u Rwanda yemeza aya amakuru.

Kuva mu mpera z’iki cyumweru turimo gusoza, ku mbuga nkoranyambaga by’umwihariko Twitter, ni bwo impaka zatangiye kuba ndende ku itangira ry’amashuri muri iyi Kaminuza, nyuma y’ubutumwa bwari bwanditswe n’umwe mu bakoresha uru rubuga. Bamwe bibazaga uburyo habaho amezi 9 y’ikiruhuko aza yiyongera ku mwaka w’icyorezo cya Covid-19 wiyongeye ku bagikomeje amasomo.

Mu gukura urujijo kuri ibi byari byabaye impaka, Ubuyobozi bw’iyi Kaminuza bubinyujije ku rubuga rwa Twitter, bwavuze ko gahunda yo kuruhuka amezi icyenda nta yihari ahubwo ko ingengabihe igaragaza uko umwaka mushya w’amashuri uteye isohoka vuba.
Ubutumwa bwanyujijwe kuri Twitter ya Kaminuza y’u Rwanda bugira buti “Mu gukuraho urujijo: Nta munyeshuri wa Kaminuza y’u Rwanda uzaba utari ku ishuri mu gihe cy’amezi 9 nk’uko byatangajwe uko bitari ku mbuga nkoranyambaga. Ingengebihe y’amasomo igiye gukorwa vuba nyuma yo guhungabana kwatewe na Covid-19. Tuzatangaza ingengabihe nshya nisohoka”.

Ubu butumwa busoza busaba kwirengagiza ibigargara ku amafoto abiri ari hasi yabwo yerekanaga ko itangira ry’amasomo riteganyijwe muri Nzeri uyu mwaka.

Ubusanzwe ingengabihe Kaminuza y’u Rwanda irimo kugenderwaho igaragaza ko amasomo y’umwaka w’amashuri muri iyi kaminuza yatangiye ku itariki 16 Gicurasi 2022, akaba azarangira ku itariki 28 Gashyantare 2023, ku biga mu mwaka wa mbere n’uwa kabiri. Ni mu gihe abiga kuva mu wa gatatu kugeza mu wa gatanu bo iyi ngengabihe igaragaza ko umwaka w’amashuri wabo watangiye kuri 30 Gucurasi 2022, ukaba uzarangira ku itariki 8 Werurwe 2023.

Burera Beach Resort Hotel

Mu kwezi k’Ugushyingo 2022 ni bwo Inama y’Abaminisitiri yemeje umwanzuro wo gushyira mu maboko y’abikorera imitungo ya Leta yuzuye muri 2017, ariko ikaba itaratangira gukoreshwa bitewe n’uko nta bashoramari bo kuyicunga ifite.

Muri uko kwezi ikompanyi yitwa La Paillotte yahise igura Hoteli Burera Beach Resort, nyuma y’imyaka itanu yuzuye ariko idakorerwamo.

La Paillotte yaguze iyi hoteli kuri miliyoni 530Frw, nyuma yuko akarere katabashije kuyibonera isoko mu matangazo atatu y’ipiganwa yose yari amaze gutangwa. Gusa Urwego rw’Igihugu rw’Iterambere (RDB) rwarafashije mu isinywa ry’amasezerano n’iyo kompanyi.

Hatekerezwa kubaka Burera Bech Resort, wari umushinga ugamije guteza imbere ubukerarugendo muri aka karere, ukaba wari uhuriweho n’akarere ubwako ndetse n’ikigo cyitwa Burera College of Trade. Uyu mushinga wari ufite agaciro mbumbe ka miliyoni 770Frw, aho akarere katanzemo miliyoni 429.7Frw.

Umunyamabanga Nshingwabikorwa w’Akarere ka Burera, Frank Ibingira, yemereye KT Press ko amasezerano hagati ya Burera Beach Resort na La Paillotte yamaze gusinywa, kandi ko iyi hoteli igiye gufungura imiryango vuba.

Yagize ati “Ubu turimo gukorana na rwiyemezamirimo ngo turebe uko yatangira vuba bishoboka. Ubu barimo gukora imirimo ibanza (kuvugurura) bitegura gutangira”.

Iyi hoteli ya Burera Bech Resort, iherereye hafi y’ibiyaga bibiri bya Burera na Ruhondo. Izakingurira imiryango abashyitsi basura Akarere ka Burera, no kuba ahantu nyaburanga ho gusura ukanyurwa muri uyu mwaka. Iherereye kandi mu karere gahana imbibi n’aka Musanze, gasurwa cyane na ba mukerarugendo kandi kanaturanye n’igihugu cya Uganda.

Mu bihe bitandukanye intambara y’u Burusiya na Ukraine imaze, hagiye habaho gutanga agahenge ku ruhande rw’inagabo za Putin nko mu gihe cyo kureka abasivili ngo bahunge cyagwa korohereza ibikorwa by’ubutabazi mu duce tumwe na tumwe twa Ukraine.

Gusa iri tegeko rya Putin ni ryo rya mbere rigiye kubahirizwa rituma habaho kutarasa kw’ingabo z’u Burusiya muri Ukraine hose kuva muri Gashyantare 2022.

Perezida Putin asaba Ukraine kubahiriza ibyo guhagarika kurasana, yagize ati “Dushingiye ku kuba umubare munini w’abaturage b’aba–Orthodox baba mu turere turi kuberamo imirwano, turahamagarira uruhande rwa Ukraine gutangaza ko imirwano ihagaze mu rwego rwo kubaha amahirwe yo kwitabira ijoro rya Noheli hamwe n’umunsi w’ivuka rya Kristo”.

Gusa iri tegeko rya Perezida Putin ntirigaragaza neza niba imirwano yaba ihagaritswe mu buryo busesuye no mu gihe uruhande rwa Ukraine rwaba rukomeje kurwana.

Ntirisobanura neza niba u Burusiya bwakwirwanaho busubiza umwanzi inyuma cyangwa niba habaho kuzibukira mu gihe cy’umunsi n’igice Putin yavuze.

Uruhande rwa Ukraine rwo rwagaragaje kudashira amakenga ibyifuzo bya Putin rugaragaza ko rutahagarika intambara.

Perezida Zelenskyy yagize ati “Ubu barashaka gukoresha Noheli nk’iturufu kugira ngo bahagarike intambwe y’ingabo zacu muri Donbas maze babone uko bazana ibikoresho, intwaro no gukomeza kudusatira. Ibi se bizatanga iki? Cyaba ari nk’igihombo kiyongeye ku bindi”.

Serhiy Haidai, ukuriye ubuyobozi bw’igisirikare cy’akarere ka Luhansk, yatangarije Televiziyo ya Ukraine ati “Ku bijyanye n’aka gahenge, barashaka gusa kuruhuka umunsi umwe cyangwa ibiri, kugira ngo bisuganye maze bazane intwaro nyinshi”.

Uyu mugore w’imyaka 46 y’amavuko wahoze ari nyiri irimbi ryitwa Sunset Mes, yahamwe kandi yemera ko yakoze iki cyaha muri Nyakanga umwaka ushize wa 2022.

Ibiro Ntaramakuru Reuters bivuga ko Hess yakoresheje uburiganya ku bafite ababo bashyinguye mu irimbi rye, maze abasha gukata bimwe mu bice by’umubiri ku mirambo igera kuri 560 abigurisha n’abakeneye insimburangingo kandi nta ruhushya abifitiye.

Nyina wa Meghan w’imyaka 69, Shirley Koch, na we yemeye icyaha cy’ubufatanyacyaha muri ubwo buriganya maze akatirwa imyaka 15 y’igifungo.

Uruhare nyamukuru rwa Koch kwari ugukata ibyo bice ku mirambo nk’uko inyandiko z’urukiko zibyrekana.

Mu rukiko, umushinjacyaha Tim Neff yagize ati “Hess na Koch bifashishaga irimbi rimwe na rimwe bakiba ibice by’imibiri bitwaje ibikorwa by’insimburangingo. Imyitwarire ya Hess na Koch yababaje cyane amarangamutima y’imiryango n’abavandimwe y’abari barashyinguye ababo”.

Amakuru ajyanye n’aya marorerwa yakorerwaga abashyinguwe yatangiye kujya hanze muri 2018 atanzwe n’abakoraga muri iryo rimbi bituma Urwego rw’Iperereza imbere muri Amerika (FBI) rwinjira muri iki kibazo rushyira hanze amakuru ahagije.

Mu myanzuro y’urukiko, abashinjacyaha bashimangiye ko uru ari rumwe mu manza zikomeye baburanishije ku bice by’umubiri w’umuntu mu mateka ya vuba ya Amerika.

Kumusezeraho byatangiye ku wa mbere aho imbaga y’Abakirisitu yerekeje i Vatican ku cyicaro cya Kiliziya Gatolika kuri Bazilika yitiriwe Mutagatifu Petero ahari umubiri we.

Abantu be ba hafi babanje kujya kumusezeraho aho yari aruhukiye muri Shapeli y’urugo rw’ababikira rwa ‘Mater Ecclesiae’ i Vatican, mbere yo kuzanwa muri Basilika ngo imbaga y’Abakirisitu itangire kumusezera.

Umubiri we wari upfumbatishijwe ishapure mu biganza, uryamishije kandi useguye mu buryo bwatumaga abamusezeraho bamubona neza mu maso.

Ibiro ntaramakuru by’Abongereza ‘Reuters’ byanditse ko inzego z’umutekano mu Butaliyani zari ziteze nibura abantu bari hagati ya 25,000 na 30,000 ku munsi wa mbere wo gusezera.

Gusa ibi si ko byagenze kuko umunsi wa mbere bwije Papa Benedigito wa XVI asezeweho n’abarenga 65,000.

Umwe mu bamusezeyeho yavuze ko Papa Benedigito yari umuntu w’agaciro mu buzima bwe.

Filippo Tuccio w’imyaka 35, yavuze ko yaturutse mu mujyi wa Venice [Mu Butaliyani] ateze gari ya moshi kugira ngo agere i Vatican.

Yagize ati “Nifuzaga guha icyubahiro Benedigito kuko yagize uruhare runini mu buzima bwanjye no mu myigire yanjye. Yabaye ingirakamaro kuri njye, uko ndi, uko ntekereza ndetse n’indangagaciro zanjye”.

Biteganyijwe ko kumusezeraho bizakomeza kugeza ku wa 04 Mutarama 2023, aho iyi Bazilika izajya iba ifunguye kuva saa 09h00 kugeza saa 19h00 ku masaha y’i Roma.

Mbere y’uko Papa Francis asaba abantu gusengera Benedigito Vatikani yari yatangaje ko Benedigito yagize ikibazo gitunguranye cy’ubuzima, ariko ko ari kwitabwaho n’abaganga.

Ubwo yari mu misa iba buri wa Gatatu i Vatican, Papa Francis yasabye abantu gusengera Papa Benedigito wakoreye Kiliziya ariko ubu akaba atorohewe n’ubuzima.

Yagize ati "Ndashaka kubasaba mwese gusengera bidasanzwe Papa Emeritus Benedigito ukorera Kiliziya mu mutuzo. Reka tumwibuke. Ararwaye cyane, arasaba Uwiteka kumuhoza no kumukomeza mu rukundo yagiriye Kiliziya kugeza ku iherezo”.

Papa Francis wari uherutse gusura Benedigito yasimbuye, yakunze kumushimira avuga ko kuba agituye i Vatikani ari nko kugira sekuru mu rugo.

Gusa yavuze ko kuba we na Benedigito batuye hamwe ku kicaro cya Kiliziya rimwe na rimwe byagiye biba ikibazo.

Kugeza mu byumweru bike bishize, ababonye Papa Benedigito bavuze ko umubiri we wari ufite intege nke gusa ko yari akibasha gutekereza neza.

Imwe mu mafoto ya Benedigito iheruka, ni iyafashwe ku itariki ya 1 Ukuboza uyu mwaka ubwo yahuraga n’abatsindiye ibihembo nk’abahanga mu bya tewolojiya bamwitiriwe. Yari yicaye ariko agaragara nk’ufite intege nke cyane.

Papa Benedigito kuri ubu ufite imyaka 95, yayoboye Kiliziya asimbuye Papa Yohani Pawulo II kuva ku ya 19 Mata 2005 kugeza ku ya 28 Gashyantare 2013, ubwo yeguraga avuga ko atagifite imbaraga z’umubiri n’ibitekerezo bihagije byo kuyobora Kiliziya Gatolika.

Yasimbuwe ku ya 13 Werurwe 2013 na Papa Francis, akaba ari we Papa wa mbere ukomoka muri Amerika y’Epfo.

Yibanze ku ngingo za politiki harimo n’izikomeye zasiga impinduka ziremereye ku rwego rw’isi ziramutse zibaye.

Dmitry Medvedev ibi yabitangarije ku mbuga nkoranyamabaga mu butumwa burebure yatanze ku munsi ukurikira Noheli ku itarika ya 26 Ukuboza 2022.

Kuri urwo rutonde rw’ibintu 10, bibanzirizwa n’uko ibiciro bya peteroli bizatumbagira bikagera ku $150 ku kagunguru, ibya gaz bikagera ku $5.000 kuri metero kibe 1.000.

Ni ibiciro byaba bihanitse cyane, kuko ubu akagunguru ka peteroli kari ku $84, mu gihe ibiciro bya gaz kuri uyu wa kabiri byageze kuri $892 kuri metero kibe 1,000.

Ikindi yakomojeho ni uko u Bwongereza buzasubira mu muryango w’Ubumwe bw’u Burayi (EU), umuryango bwivanyemo guhera ku wa 1 Gashyatare 2020.

Ingingo ya gatatu ni uko EU izasenyuka u Bwongereza bumaze kuyisubiramo; ndetse n’ifaranga rya Euro rikavaho. Mu bindi bishobora kuba, ngo Pologne na Hongrie bizafata ibice by’uburengerazuba bwa Ukraine.

Icya gatanu, Medvedev yavuze ko hazavuka icyo yise Fourth Reich kizaba kigizwe n’u Budage n‘ibihugu byishyize hamwe bya Pologne, Baltic states ( Estonia, Latvia, na Lithuania), Czechia, Slovakia na Repubulika ya Kiev.

Iki yise ‘Fourth Reich’ yaba ikurikiye ‘Third Reich’, inyito yahawe u Budage bwayoborwaga n’aba Nazi, hagati ya 1933 na 1945.

Medvedev yakomeje avuga ko hazaduka intambara hagati y’u Bufaransa na Fourth Reich ndetse u Burayi bugacikamo ibice.

Ingingo ya karindwi ni uko Ireland y’Amajyaruguru iziyomora ku Bwongereza, ikihuza na Repubulika ya Ireland.

Iyi ngingo imaze iminsi igibwaho impaka, ndetse hari abasaba ko hakwiye gutegurwa kamarampaka abaturage bakagaragaza aho bahagaze, kuko benshi batishimiye kuva mu Bumwe bw’u Burayi hamwe n’u Bwongereza.

Medvedev yakomeje ati “Hazavuka intambara muri Leta zunze ubumwe za Amerika, irangire California na Texas bibaye Leta zigenga. Texas na Mexico bizarema leta imwe. Elon Musk azatsinda amatora ya Perezida muri Leta nyinshi”.

Muri icyo gihe, ingingo ya cyenda ni uko amasoko manini n’ibikorwa by’imari bizava muri Leta zunze ubumwe za Amerika n’u Burayi, byimukire muri Aziya.

Ingingo ya nyuma ni uko uburyo busanzwe bukoreshwa mu gucunga ibijyanye n’imari ku isi (Bretton Woods) buzasenyuka, bigatuma Ikigega Mpuzamahanga cy’Imari (IMF) na Banki y’Isi bihirima.

Medvedev yakomeje ati “Euro n’Idolari bizahagarara gukoreshwa nk’amafaranga y’ubwizigame bw’ibihugu ku isi. Hazatangira gukoreshwa amafaranga yo mu ikoranabuhanga.”

Dmitry Medvedev w’imyaka 57 ni umuntu ukomeye mu Burusiya kuko yabaye Perezida w’icyo gihugu kuva mu 2008 kugeza mu 2012, Minisitiri w’Intebe ari Vladimir Putin.

Nyuma yaho, Putin yabaye perezida, Medvedev aba Minisitiri w’Intebe kuva mu 2012 kugeza mu 2020.

Kuva icyo gihe ni Umuyobozi wungirije w’Inama y’Igihugu ishinzwe umutekano, yungirije Putin, akanamwungiriza muri komisiyo iheruka gushyirwaho ishinzwe gukurikirana iby’inganda za gisirikare.

Uyu mugabo atangaje ibi mu gihe igihugu ke cy’u Burusiya gikomeje intambara kuri Ukraine aho kinafite imigambi yo gukaza umurego mu ntangiriro za 2023. Iyi ntambara ni imwe mu ngingo zatumye umubano w’u Burusiya n’amahanga by’umwihariko Amerika n’ibihugu by’Uburayi uzamo kutumvikana no gusubiranamo mu buryo bwa politiki n’mibanire.