Iki gitaramo cyiswe ‘Ingamba mu nganzo’, kizitabirwa n’abahanzi batandukanye barimo Dauphin, Orchestre Les Fellows na Orchestre Impala, kikaba kizabera kuri ’Luxury Garden’ (Norvege), Tariki ya 27 Ukuboza 2025,

Aganira na Kigali Today, Cyusa Ibrahim yavuze ko yiteguye gushimisha Abanyarwanda abinjiza mu mwaka mushya wa 2026

Agira ati “Kimwe mu byo nishimira ni ugusoza umwaka nishimanye n’inshuti n’abavandimwe n’Abanyarwanda muri rusange, ndetse nkabaha ibyishimo”

Cyusa Ibrahim amaze kubaka izina rikomeye mu njyana ya Gakondo, aho amaze gukora indirimbo nyinshi zikunzwe n’abatari bake, harimo nka Muhoza wanjye, Marebe yasubiyemo n’izindi nka Imparamba, ndetse zicurangwa no mu birori bitandukanye nko mu bukwe n’ahandi hatandukanye.

Hazaba ahari kandi Orchestre Impala na Les Fellows zimenyerewe mu bisope ahantu hatandukanye, hahurira abantu ngo bishimishe.

Adolphe Higiro wateguye iki gitaramo, yavuze ko abantu bakwiye kucyitabira kuko bateguriwe udushya twinshi.

Ati “Muzitabire muri benshi twishimane mu gutangira umwaka wa 2026, cyane ko twabateguriye udushya mu gitaramo”.

Akomeza asaba abantu kugura amatike ku hakiri kare, kuko ku munsi nyirina w’Igitaramo ashobora kuzaba yashize.

Biteguye gushimisha abazitabira iki gitaramo

iKON Activate Kigali, iri mu byateguwe muri uyu mwaka hirya no hino muri Afurika, kikazaba ari igikorwa cya kane nyuma y’ibyabereye muri Nigeria, Kenya na Uganda.

Ibihembyo bya iKON 2026 bizatangwa umwaka utaha, bizaba bifite insanganyamatsiko igira iti ‘Hirya y’Imbibi’.

Ni ibihembo bigamije kugaragaza impano mu gukora Sinema no gukomeza guteza imbere uruganda rw’ubuhanzi, binyuze mu bufatanye bwo ku mugabane wose.

Humphrey Nabimanya, Umuyobozi Mukuru wa iKON Awards, agira ati: “Turashaka kuvuga inkuru za Afurika binyuze mu bufatanye n’ibirimo gukorerwa, kandi bifite uruhare runini mu kugeza inkuru za Afurika ku Isi, nk’uko byagenze mu nganda zateye imbere”.

Ati “Kigali ni umwe mu Mijyi igenda iba igicumbi cy’ikorwa rya filime muri Afurika y’Iburasirazuba, ifite inkuru nyinshi nyafurika zo kuvuga. Byongeye, ifite ibikorwa remezo byiza n’ahantu hatandukanye ho gufatira amashusho, bityo hakaba hari amahirwe yo kubyifashisha mu guteza imbere uru ruganda.”

Ibikorwa bya Activate bihuriza hamwe abakora filime, inzego za Leta n’abikorera kugira ngo baganire, ndetse bashyireho ubufatanye bwiza n’amahirwe yo gushora imari.

Igikorwa cya mbere cyabereye muri Nigeria cyahuje abakora filime bakomeye bo muri iki gihugu na Uganda, amashyirahamwe y’inganda z’ubuhanzi n’abafatanyabikorwa barimo Uche Agbo (Perezida wa DGN), Patrick Lee (Viva Cinemas Nigeria), ubuyobozi bwa FDAN, n’umukinnyi akaba n’umuyobozi wa filime Ramsey Nouah.

Ibi bihembo bigamije kandi guha icyubahiro no gushimira impano zidasanzwe, imishinga n’umusanzu w’abantu bateza imbere uru ruganda, haba mu gihugu no ku rwego mpuzamahanga, nk’uko byagarutsweho n’ababitegura ubwobahuriraga i Kigali ku wa Gatanu tariki 19 Ugushyingo 2025.

Alexis Dusabe

Alexis Dusabe, umuhanzi wakunzwe na benshi mu myaka ya 2000, azamurika Alubumu ya kane yise Amavuta y’Igiciro, igizwe n’indirimbo 12 zamaze gukorerwa amajwi, ziri mu ndimi zitandukanye zirimo Ikinyarwanda, Igiswahili, Icyongereza n’Igifaransa, icyo gitaramo kikazaba tariki ya 14 Ukuboza 2025 muri Camp Kigali.

Ni igitaramo yatumiyemo abahanzi bakunzwe mu muziki wa Gospel barimo Bosco Nshuti wamamaye mu ndirimbo ‘Ibyo Ntunze’ ndetse n’abandi.

Alexis Dusabe afata iki gitaramo nk’umunsi w’amateka wo gushima Imana yabanye na we mu myaka 25 amaze mu muziki.

Ati "Ni igitaramo nzizihirizamo imyaka 25 maze mu muziki kuko mu 2000 nibwo nakoze indirimbo yanjye ya mbere nise ‘Umuyoboro’, ari na yo mpamvu nayicyitiriye.”

Amatike yo kwinjira muri iki gitaramo yamaze gushyirwa ahabona, aho abayagura bakoresheje Airtel Money bagabanyirizwa 10% ku giciro cy’itike bahisemo.

Ku wa 14 Nzeri 2025, Alexis Dusabe yamuritse umusogongero w’iyi Album ye Amavuta y’Igiciro, mu gitaramo cyitabiriwe n’abahanzi batandukanye bo mu Rwanda n’abandi bakunda indirimbo ze.

Richard Ngendahayo yarahiriye gushimisha abakunzi be

Ngendahayo uzwi cyane mu ndirimbo zo kuramya no guhimbaza Imana, uri i Kigali, avuga ko iki gitaramo atari icy’umunsi umwe, ahubwo ari umurongo mushya atangiye mu muziki we nyuma y’igihe amaze muri Amerika.

Aganira n’abanyamakuru ku wa Kabiri tariki 25 Ugushyingo 2025, yavuze ko Album Niwe ari nayo yitiriye iki gitaramo kizaba ku ya 29 Ugushyingo 2025, kikabera muri BK Arena, atayitekerejeho igihe kirekire, ko ahubwo yayiherewe mu rugendo.

Ati “Album nayiherewe mu ndege. Impamvu Imana yayimpereye mu ndege ni yo yonyine ibizi.”

Richard Nick avuga ko iyi Album yakunzwe n’abantu benshi, akaba ariho ahera avuga ko iki gitaramo cye arimo ategura, kitazaba icyo kumurika Album nshya gusa, ahubwo kizaba umuhango wo gusoza paji ya ‘Niwe’ no gutangira indi nshya.

Abazitabira iki gitaramo bazumva indirimbo zose zo kuri iyi Album, mu mwimerere yakorewemo, kuko n’izindi nshya yasohoye zitarangiye neza, ahubwo zitegereje isura nshya nyuma y’iki gitaramo agiye gukora.

Ngendahayo yavuze ko iki gitaramo agiye gukorera i Kigali, ari intangiriro y’urugendo rushya rw’ibihe bikomeye ateganya mu karere n’ahandi ku Isi.

Richard Nick avuga ko Niwe ishobora kuba ikirango kizakurikira ibitaramo byose azajya akora mu bihugu byinshi byamaze kumutumira, harimo Amerika, Canada, Australia, Afurika n’u Burayi, gusa agasoza agira ati “Imana ni yo izajya ibyemeza.”

Uyu muhanzi ari mu Rwanda kuva ku ya 3 Ugushyingo 2025, aho yazanye n’umugore we, nyuma y’imyaka 17 batahagera.

Ni ibitaramo bizajya biba buri cyumweru mu turere dutandukanye, hatangwamo ubutumwa bugamije guteza imbere umuco wo gukunda Igihugu, gukora, gusigasira gahunda za Leta ziteza imbere umuturage n’Igihugu muri rusange, bikazatangirira i Gatsibo ku itariki 25 Ukwakira 2025.

Senderi yavuze ko intego y’ibi bitaramo ari ugukomeza guteza imbere umuco wo kuririmba indirimbo zifite ubutumwa bwubaka, aho ari kwibanda ku ndirimbo ze zizwi cyane mu burezi, mu itorero, mu mugoroba w’ababyeyi ndetse no mu bikorwa bitandukanye by’ubukangurambaga.

Ati “Twishimira ko nk’abahanzi dukora indirimbo zifasha abato n’abakuru, zidukangurira gusigasira ibyagezweho, gukunda Igihugu, gukora, kugira isuku n’umutekano, kandi umuturage akaguma ku isonga."

Mbere y’igitaramo, hazajya hategurwa umuganda aho Senderi n’abaturage, Ingabo na Polisi, basibura imihanda nibura ibilometero bitatu cyangwa bine muri buri karere.

Senderi ataramira abaturage bakizihirwa

Mu bufatanye na HDI Rwanda, hazajya habaho ibikorwa byo gupima SIDA ku bushake, aho ibisubizo bitangwa mu ibanga kandi bigakorwa ku buntu.

Hanategurwa kandi gahunda yo kuboneza urubyaro ku babyifuza, hagamijwe gufasha urubyiruko n’imiryango kugira ejo heza.

Mu bashyigikira uru rugendo rw’ibitaramo bya Senderi by’imyaka 20 ari mu buhanzi, harimo Ministeri y’Urubyiruko n’Iterambere ry’Ubuhanzi, Minisiteri y’Ubutegetsi bw’Igihugu n’abandi.

Urugendo rw’ibi bitaramo ruzanyura mu turere 12 twatoranyijwe turimo: Nyagatare (Rukomo), Gatsibo (Ngarama), Kirehe (Gahara), Musanze (Vunga), Rubavu (Busasamana), Nyabihu (Bigogwe), Nyamasheke (Kirambo), Nyaruguru (Kumunini), Gisagara (Ndora), Kamonyi (Bishenyi), Nyarugenge (Noruveje), Kicukiro (Mugahoromani) ndetse na Gasabo (Rutunga).

Senderi yavuze ko ibi bitaramo bizasozwa ku munsi wa Noheli, aho azashimira Imana yamufashije mu rugendo rwe rw’imyaka 20, akerekana ko umuziki ushobora kuba igikoresho cyubaka, gihuza kandi gihindura imibereho y’abantu.

Zimwe mu ndirimbo zamamaye za Senderi Hit ni Ibidakwiriye Nzabivuga, Abanyarwanda Twaribohoye, Twambariye gutsinda, Intore ntiganya ishaka ibisubizo n’izindi nyinshi.

Ibitaramo bye bibanzirizwa n’umuganda

Hatangirwa ubutumwa butandukanye

Abaturage bafatanya n’Inzego z’Umutekano gukora umuganda mbere y’Igitaramo

Em Murinzi

Ni indirimbo ikubiyemo ubutumwa bushishikariza abantu kwizera no kwiringira Imana muri ibi bihe.

Izina rye ry’ubuhanzi rifite ibisobanuro byihariye, kuko ‘Em’ ngo rikomoka ku inota ryamworoheye mu kurifata ubwo yigaga Gitari, ndetse rikaba impine y’izina Emmanuel, naho Murinzi risobanura Umurinzi mu Kinyarwanda, rikibutsa uburyo Imana ihora irinda ndetse yita ku bantu yaremye.

Mu kiganiro na Kigali Today, yagarutse ku rugendo rwe mu guhanga indirimbo zo kuramya ndetse n’icyamuteye guhitamo kuririmba indirimbo zo kuramya Imana.

Ati "Natangiye urugendo rw’umuziki nk’umuhanzi mu mwaka wa 2024, kandi nk’uko bigenda kuri buri wese utangira, ntibyari byoroshye ariko ku bw’ubuntu n’Umugisha w’Imana, byarashobotse ko ntangira. Inzitizi zose zabaye amasomo, buri ntambwe nto yabaye ikimenyetso cy’uko nta kintu kidashoboka iyo umuntu afite ukwizera n’ubushake”.

Akomeza avuga ko gukorera Imana atari iby’abaririmbyi gusa, byakabaye ari iby’umuntu wese, bitewe n’uko buri wese yifitemo impano yo kubikora kuko hari uburyo bwinshi bwo gukorera Imana mu isengesho, mu mirimo, mu gufasha abandi cyangwa mu gukoresha impano zacu.

Ati "Jyewe, gukoresha uburyo bwo kuririmba indirimbo z’Imana ni bumwe muri bwinshi bwo gukorera no gusakaza ineza, urukundo n’ibindi byinshi byiza by’Imana. Nshishikariza buri wese, cyane cyane urubyiruko rwo mu gihe cyanjye n’abato ndetse n’abakuze, gushaka uburyo bwo gukorera Imana, si ngombwa kuririmba kuko buriwe se mu mpano ye yayikorera kandi neza”.

Avuga ku butumwa buri mu ndirimbo ze agira ati "Indirimbo ya mbere nahereyeho yitwa ‘Murinzi’ (Protector), ikaba isobanura ko Imana ari Umurinzi wacu ku Isi nta cyagukoraho ufite Imana. Iboneka ku mbuga zose zicururizwaho umuziki. Indirimbo nkunda cyane ni ivuga ko Yesu ari we Murinzi, kuko buri wese hari ibyo anyuramo, abamo, ariko wabireba neza ukabona ko Imana yaturindiye muri ibyo byinshi tubamo”.

Uyu muhanzi ubu yashyize hanze indirimbo ya kabiri yitwa ‘Wiringire Uwiteka’, ikubiyemo ubutumwa bushishikariza abantu kwizera no kwiringira Imana muri ibi bihe.

Reba indirimbo ’Wiringire Uwiteka’

Ni igitaramo Kirikou azahuriramo n’abahanzi b’Abanyarwanda

Ibyo yabitangarije mu kiganiro n’itangazamakuru cyabaye ku wa Kane tariki 16 Ukwakira 2025, cyagarukaga ku gitaramo ‘Let’s Celebrate’, giteganyijwe kuba ku Cyumweru tariki ya 19 Ukwakira 2025.

Kirikou yavuze ko yishimiye gukorana n’abahanzi nyarwanda, kandi ko indirimbo ziteguye zitazatenguha abakunzi b’umuziki nyarwanda ndetse n’uw’u Burundi.

Yagize ati “Aba bahanzi bose bari hano twakoranye indirimbo ziraje vuba”.

Kirikou yashimangiye ko gukorana na Bushali, Davis D na Yampano bizamufasha kurushaho kugera ku bafana benshi, no gushyira imbere umuco w’ubusabane mu muziki.

Igitaramo Let’s Celebrate kizahuza abahanzi bo mu Rwanda n’abo mu Burundi, ni n’urubuga rwo kumvikanishirizaho indirimbo nshya za Kirikou Akili n’abandi, bikaba biteganyijwe ko iki gitaramo kiba ngarukakwezi.

Umuhanzi Ross Khana yiyongereye ku bandi bahanzi bazaririmbamo, harimo Kirikou Akili, Davis D, Bushali, Yampano, Diez Dolla ndetse Dj Brianne akaba ariwe uzavanga imiziki.

Kirikou ni uri iburyo

Muri iki gitaramo, Inganzo Ngari izaba yizihirizamo imyaka 19 imaze ishinzwe, kikazaba n’umwanya wo kuzirikana no guha agaciro ibyagezweho n’u Rwanda mu rugendo rw’imyaka 31 ishize rubohowe n’Inkotanyi.

Icakanzu Contente, umwe mu bagize Itorero Inganzo Ngari uba muri Leta Zunze Ubumwe za Amerika, yavuze ko umuco w’u Rwanda ugomba kogera no mu mahanga, aho bagiye gufata iya mbere mu gutegura ibitaramo bizagera no mu mahanga.

Ati “Turatekereza uko twagera ku Banyarwanda bose, yaba abari mu gihugu cyangwa hanze. Twifuza kwagura ibitaramo byacu tukagera ku mitima y’Abanyarwanda bose.”

Nahimana Serge, Umuyobozi w’Itorero Inganzo Ngari, avuga ko iki gitaramo kizahurizwamo amateka y’u Rwanda, ndetse hishimirwa intambwe Abanyarwanda bamaze gutera mu rugendo rw’iterambere.

Yagize ati “Abanyarwanda baganuraga ibyagezweho mu buhinzi, ubworozi n’umutekano. Ubu turaganura impinduka nziza twagezeho mu bice byose by’iterambere: umuco, uburezi, ikoranabuhanga, ubumwe n’ubwiyunge. Ni na byo tuzagaragaza ku rubyiniro binyuze mu mbyino, indirimbo n’imivugo.”

Akomeza agira ati “Urwego ubushize twariho ntabwo ari ko tumeze ubu, yaba mu mitegurire, mu myambarire no mu buryo igitaramo kizanyuzwa imbere y’Abanyarwanda. Ntabwo uzabibona tubivuze gusa, uzabibona uhageze.”

Itorero Inganzo Ngari rimaze kuba ikimenyabose, kubera imitegurire y’Ibitaramo byaryo mu Rwanda ndetse no muri Diaspora.

Baganira n’abanyamakuru

Amatike yo kwinjira mu gitaramo yamaze kujya ku isoko, hakabaho ibyiciro bitatu: Indende: 10,000Frw, Inyamarere: 20,000Frw ndetse n’Abaterambabazi: 30,000Frw.

Senderi Hit ashimisha benshi mu bitaramo bye

Ibi bitaramo bizatangirira i Kirehe ku wa 5 Nyakanga 2025 ku ivuko mu Murenge wa Nyarubuye, bisorezwe ku ya 1 Kanama 2025 mu Mujyi wa Kigali.

Senderi avuga ko kuba agiye gutangirira gutarama ku ivuko, bifite igisobanuro gikomeye kuri we, kuko ari ho inzozi ze zatangiriye.

Ati “Nifuza gutangirira aho navukiye kugira ngo niyibutse aho navuye, ndetse nkomeze kwereka urubyiruko ko aho umuntu avuka atari ho honyine abonera ubuzima”.

Senderi avuga ko muri iyi myaka 20 amaze ari umuhanzi, abakunzi b’umuziki we bamugaragarije urukundo.

Yagize ati “Ndashimira cyane Imana yamfashije kubigeraho. Uyu ni umwanya wo gushimira abafana no gusubiza urukundo bangaragarije.”

Ibi bitaramo bizabera mu bice bitandukanye by’Igihugu, aho azaririmba indirimbo ze zakunzwe cyane kuva mu 2005 kugeza ubu.

Mu myaka 20 amaze mu muziki, Senderi yasohoye album eshatu ari zo ‘Twaribohoye’ iriho indirimbo 10, ‘Icyomoro’ iriho indirimbo 15 ndetse na ‘Intimba y’Intore’ iriho indirimbo 18 zo kwibuka Jenoside yakorewe Abatutsi mu 1994.

Afite ibigwi by’uko yataramiye kandi mu Ntara zose z’u Rwanda no mu Mujyi wa Kigali, mu bikorwa byakurikiraga uruzinduko rwa Perezida Paul Kagame.

Senderi yatwaye ibihembo bitari bike

Yitabiriye irushanwa rya Primus Guma Guma Superstar inshuro eshatu zikurikiranya, anegukana ibihembo bitatu bya Salax Awards nk’umuhanzi mwiza mu njyana ya Afrobeat.

Senderi yahawe kandi Karisimbi Awards eshatu nk’umuhanzi ukunzwe n’abaturage, ndetse anahabwa igihembo cy’Umujyi wa Kigali cy’isuku n’umutekano.

Uyu muhanzi yaririmbye mu matora ya Perezida wa Repubulika mu 2010, 2017 na 2024, ndetse yitabira umuhango wo Kwita Izina inshuro eshatu.

Senderi ni we muhanzi wa mbere waririmbye mu muhango wo gutaha Stade Amahoro ivuguruye, imbere y’Abakuru b’ibihugu barenga 20.

Afite indirimbo nyinshi yahimbiye amakipe atandukanye y’umupira w’amaguru, kandi afite agahigo ko kuba ari we muhanzi wenyine waririmbiye mu mirenge yose y’u Rwanda.

Senderi yungamo ko yabaye umuhanzi utanga n’ubutumwa, ati “Ntabwo naririmbaga urukundo gusa cyangwa kwinezeza, ahubwo naririmbye kugira ngo nubake Igihugu, dutere imbere twese. Ndabikomeje.”

Umuhanzi Gauchi

Iyi ndirimbo ibaye iya kabiri bakoranye nyuma y’indi bigeze gukorana yifashishijwe mu bikorwa by’amatora. Gauchi yavuze ko kongera gukorana na Sean Brizz byaturutse ku buhanga amubonamo, impano ndetse no ku mubano wabo wihariye.

Aganira n’itangazamakuru, Gauchi yavuze ko iyi ndirimbo ishingiye ku nkuru mpamo yabwiwe n’inshuti ye.

Ati "Ni umukobwa wo mu cyaro, wamenyerewe mu kwima abasore bamusabaga urukundo, ariko nyuma akaza guterwa inda n’umusore udafite ubushobozi, kugeza ubwo yanamwihakanye ubuzima bukamukomerana".

Uyu muraperi yavuze ko kwifashisha abakinnyi ba filime bazwi mu Rwanda byaturutse ku bushuti bafitanye, avuga ko yashakaga ko ubutumwa buri muri iyi ndirimbo bugera kure kurushaho.

Ati “Iyi ndirimbo ifite ubutumwa bukomeye, ni yo mpamvu nashatse ko bufata indi ntera binyuze mu buryo bw’amashusho bufite ubuhanga".

Abakinnyiba filime bagaragara mu ndirimbo Bazanga

Gauchi amaze igihe agaragara nk’umwe mu bahanzi bashyigikira bagenzi babo, aho yagiye anatera inkunga ibikorwa by’abandi barimo Yverry, ndetse mu myaka icumi ishize, yagiye agaragara mu bikorwa byo gutunganya indirimbo, cyane cyane afatanyije na Sean Brizz.

Reba indirimbo Bazanga:

Prince Salomon

Agira ati “Nanditse iyi ndirimbo mfite umutima wuzuye ishimwe. Hari byinshi Imana yankoreye, sinshobora kubiterura byose, ariko umutima wanjye waravuze urashimira Imana. Nahisemo kwandika indirimbo kugira ngo mbikore mu buryo butazibagirana, nshime Uwiteka mu ijwi ryanjye n’umuziki wanjye.”

Iyi ndirimbo ivuga by’umwihariko ku rukundo rw’Imana no kuyishimira nubwo ubuzima bushobora kutaba butunganye. Ni indirimbo ifite umwihariko kuko yibutsa buri wese ko gushima Imana bidategerezwa kuba mu byishimo gusa, ahubwo no mu bihe bigoye umuntu ashobora kwibuka ko hari byinshi Imana yakoze.

Prince Salomon akomeza agira ati “Ndashaka ko iyi ndirimbo yibutsa abantu ko gushimira Imana bidategerezwa kuba igihe byose byagenze neza gusa. Ahubwo no mu gihe turi mu rugamba, twibuke ko hari byinshi Imana yakoze. Iyo ushoboye guhumeka, ubasha kugenda, ukagira amahoro, ibyo byose ni impamvu yo kuvuga ‘God Thank You’.”

Amashusho y’iyi ndirimbo na yo agaragaza urugendo rwo kwizera, Prince Salomon avuga ko atari ibintu byoroshye kuyategura.

Ati “Nabanje gutekereza ko bitazashoboka, ariko narasenze, mvuga nti ‘Mana, niba iyi ndirimbo ari wowe wayinteye ku mutima, uzayitunganya’, kandi koko Imana yarabikoze.”

Indirimbo God Thank You iri kuri YouTube, ndetse no ku zindi mbuga zicururizwaho umuziki nka Spotify na Apple Music.

Prince Salomon mu butumwa agenera abakunzi b’indirimbo zo kuramya Imana, agira ati “Ushobora kuba ufite byinshi ubura, ariko se ibyo ufite urabibona? Wigeze gushimira Imana? Iyi ni indirimbo igufasha kubona impamvu yo kuvuga uti “God, Thank You”.

Uyu muhanzi yaririmbye izindi ndirimbo zirimo La vie, Bindimo, Kare n’izindi, aho hariizo yagiye afatanya n’abandi bahanzi.

Indirimbo
God Thank You:

Bosco Nshuti

Uyu muhanzi ubarizwa i Burayi, nyuma yo gutaramira mu Budage no muri Suwede ategerejwe muri Finland mu mpera z’iki cyumweru, tariki 7-8 Kamena 2025, ndetse azasubira gutaramira muri Suwede nyuma yaho, muri Poland, asoze urugendo rwe mu bitaramo bibiri azakorera muri Denmark.

Akimara kugera muri Finland yanditse ku rubuga rwe rwa Instagram ati “Mwakoze cyane ku bwo kunyakira mu buryo bushimishije, Imana ibahe umugisha utagabanyije. Nishimiye kuzafatanya namwe mu kuramya no guhimbaza Imana muri iyi weekend, ubwo tuzaba twibuka urukundo rwayo rudacogora binyuze mu muziki.”

Nyuma yo kuzenguruka u Burayi, azagaruka mu Rwanda mu gitaramo cy’amateka yise Unconditional Love - Season 2, kizaba tariki 13 Nyakanga 2025 muri Camp Kigali.

Iki gitaramo yagihuje no kwizihiza isabukuru y’imyaka icumi amaze mu muziki, kuko indirimbo ye ya mbere yasohotse mu 2015. Azaba anamurika Album ya kane yise ‘Ndahiriwe’.

Bosco Nshuti yasabye abakunzi be n’abakunzi b’umuziki wa Gospel muri rusange, kuzifatanya na we bagatambira Imana ku bw’urukundo rwayo.

Amatike yo kwinjira muri iki gitaramo cyo mu Rwanda yamaze kugera hanze, akaba ari kuboneka ku rubuga rwe www.bosconshuti.com.

Ku wa 30 Gicurasi 2025 ni bwo Bosco Nshuti yemeje ko Ben na Chance bazaririmba mu gitaramo cye. Mu butumwa yanyujije ku rubuga rwe rwa Instagram, yagize ati "Shalom! Ben na Chance tuzaba turi kumwe nabo muri "Unconditional Love - Season 2" muri Camp Kigali".

Bosco Nshuti yageze muri Finland

Bosco Nshuti yatangiye kumenyekana mu muziki wo kuramya Imana mu 2015, ubwo yasohoraga indirimbo ‘Ibyo ntunze’. Akunzwe cyane binyuze mu ndirimbo zirimo ‘Yanyuzeho’, ‘Ukwiye amashimwe’, ‘Inyembaraga’, ‘Umusaraba’, ‘Ibyo ntunze’ n’izindi.

Amaze gutunganya Album eshatu: ‘Ibyo Ntunze’, ‘Umutima’, ‘Ni muri Yesu’, akaba yitegura gusohora Album ya kane yise ‘Ndahiriwe’.

Richard Nick yasohoye indirimbo yise Amenya

Amenya, yasohotse uyu munsi tariki 30 Gicurasi 2025, ikaba iboneka ku mbuga zose zicururizwaho umuziki.

Iyi ndirimbo ikurikiye ‘Uri Byose Nkeneye, imaze gufasha imitima ya benshi binyuze mu butumwa bukomeye bwo kwiyegurira Imana.

Richard yagaragaje ibyishimo byo gusangiza abatuye Isi ubutumwa bw’Imana binyuze muri iyi ndirimbo nshya.

Yanatangaje ko igitaramo Ni we Healing Live Concert, kizaba ku wa 23 Kanama 2025 muri BK Arena i Kigali, aho yatumiwe na Sosiyete ya Fill the Gap.

Ni igitaramo kinini cyateguwe nk’umwanya udasanzwe wo kuramya, gusenga no kwakira gukiza kw’Imana ku buryo bw’umwihariko.

Richard agira ati “Nishimiye gusangiza abantu ubutumwa bw’Imana buri muri iyi ndirimbo nshya.”

Richard Nick Ngendahayo yatangiye kuririmba mu 2000, yamenyekanye cyane mu ndirimbo nka ‘Ni we’, ‘Ibuka’, ‘Si Umuhemu’, ‘Yambaye Icyubahiro’, ‘Sinzakwitesha’, n’izindi nyinshi.

Mu 2010 ni bwo yafashe icyemezo cyo kwimukira muri Leta Zunze Ubumwe za Amerika, aho yakomereje umurimo w’Imana binyuze mu muziki no kwigisha ijambo ry’Imana mu matorero atandukanye. Nubwo atari akigaragara mu ruhame mu Rwanda, indirimbo ze zakomeje kubaho nk’umurage.

Indirimbo Amenya ya Richard Nick Ngendahayo

Icyo kibazo gishobora kumvwa nk’icyoroheje, ariko igisubizo cyacyo gifite agaciro gakomeye, ku giti cyawe no ku gihugu cyawe. Abanyarwanda benshi baragenda bahitamo gukoresha izina rya domaine .RW, ari ryo rizwi ku mugaragaro nk’aderesi ya Internet y’u Rwanda. Kandi ibi ntibishingiye gusa ku ikoranabuhanga – ni ibyerekeye umwirondoro, ishema, no kwitabira ejo hazaza h’ikoranabuhanga ry’u Rwanda.

Izina rito rifite igisobanuro kinini

Iyo urebye ku ikarita y’Afurika, ubonamo igihugu gito giherereye hagati – ni u Rwanda. Gishobora kuba gito, ariko gifite igikomeye: imbaraga, amahoro, iterambere n’ubumwe. U Rwanda rwahinduye amateka y’ububabare ruyagira inkuru y’icyizere n’iterambere. Ubu, u Rwanda ruhagaze ku ruhando rw’isi. Muri iki gihe cy’ikoranabuhanga, iryo somo n’iryo shema birakomeza binyuze muri .RW – indangamuntu y’ikoranabuhanga y’u Rwanda.

Guhitamo domaine .RW si ugushaka urubuga gusa, ni uburyo bwo kwerekana inkomoko yawe n’ibyo uhagazeho. Waba ari umudozi i Nyamirambo, umuhinzi i Musanze cyangwa umwarimu i Huye – inkuru yawe ikwiye kumvwa kuri murandasi, kandi .RW ni ahantu heza ho kuyitangariza.

Iyo urubuga rwawe rurangizwa na .RW, ntuba wubatse gusa umwanya kuri murandasi, uba winjiye mu muryango w’Abanyarwanda bishimira kuvuga bati: “Aha ni iwanjye. Ni njye. Kandi ndabyishimiye.”

Kubaka ubukungu bw’ikoranabuhanga bw’u Rwanda dufatanyije

U Rwanda rurimo gushyira imbaraga mu iterambere ry’ubukungu bushingiye ku ikoranabuhanga. Dufite Internet irushaho kwaguka, serivisi za kijyambere, n’ibigo byinshi bishya by’ikoranabuhanga. Ariko kugira ngo iri terambere rikomeze, dukeneye ko Abanyarwanda benshi barigiramo uruhare.

Buri gihe umuntu yandikisha domaine .RW, bifasha igihugu mu buryo bwinshi: bigabanya igihe n’amafaranga byifashishwa kubera amakuru y’inshuti, birinda umwirondoro w’igihugu kuri murandasi, kandi bifasha guhanga imirimo no guteza imbere serivisi z’imbere mu gihugu. Guhitamo .RW si icyemezo cy’umuntu ku giti cye gusa – ni uburyo bwo gushyigikira iterambere ry’u Rwanda.

Umunyarwanda aho ari hose: Kuri murandasi no hanze yayo

U Rwanda ruzwi kubera imisozi y’icyatsi, abantu b’inyangamugayo, ndetse n’ikawa yarwo idasanzwe. Iyo kawa ikundwa ku isi yose kubera ubuziranenge bwayo kandi ko ari "Nyarwanda".

Nka kawa, izina rya domaine .RW ryerekana ubuziranenge n’ishema. Ni ryiza, rigezweho, rifite imbaraga – kandi rerekana ko uri umwe mu bagize inkuru y’u Rwanda.

Domaine .RW si aderesi y’urubuga gusa – ni igice cy’impinduka nini. U Rwanda ni igihugu gito, ariko dufite inzozi nini. Ahazaza hacu ni ah’ikoranabuhanga. Iyo wandikishije domaine .RW, ntuba winjiye gusa kuri murandasi – uba uri gushyigikira igihugu cyawe, kurinda izina ryawe, no kujya mu rugendo rw’iterambere ry’u Rwanda.

Gira ishema ryawe. Ugaragare. Hitamo .RW
Waba uri umunyeshuri wandika blog, umukobwa utangiza ibijyanye n’imideli, cyangwa rwiyemezamirimo mutoya uri kugenda waguka – uwo uri we wese, niba uri Umunyarwanda cyangwa ukunda u Rwanda, .RW ni iyawe.

Iyi ni amahirwe yo kurinda izina ryawe, kuvuga inkuru yawe, no kwishimira uwo uri we. Ntuzasigare inyuma. Jya mu rugendo rw’iterambere ry’ikoranabuhanga ry’u Rwanda.

Iyi gahunda yagaragayemo ku nshuro ya mbere abanyabugeni benshi bakomoka mu cyiciro cya gatatu cya Art Rwanda-Ubuhanzi.

Uru rubuga rutanga amahirwe ku bahanzi yo kuzamura impano zabo biciye mu bufatanye n’abaririmbyi b’umuziki wa live, abahanzi b’imideli bari gutangira, ndetse n’abahanzi b’ikoranabuhanga. Ibi bibaha amahirwe yo kugerageza udushya ku rubyiniro mu buryo bwagutse bwo kwiyerekana no kumenyekana mu mwuga.

Abategura iyi gahunda bavuga ko “icyuma gityaza ikindi cyuma” kandi ko ubuhanzi ari ururimi mpuzamahanga, kuko bushobora guhuza ikiremwamuntu n’ikoranabuhanga, bukaba ururimi rw’umutima, amahoro byose biterwa n’icyerekezo buhabwa nyamara, impano nyinshi ziburirwa irengero kubera imbogamizi zo mu muryango, cyane cyane ibitekerezo bitari byiza n’amarangamutima apfukirana ubuhanzi.

Chris Hirwa, umwe mu bitabiriye, yagaragaje imbyino ye yitwa "Pulses of Change", ivuga ku mukinnyi w’imbyino uri mu rugendo rwo kwimenya hagati y’inzozi ze bwite n’ibyo sosiyete imwifuzaho. Mu guhangana n’amakenga n’impungenge z’abantu, imbyino ze zerekana intambara ikomeye hagati y’irari n’umurava.

Hirwa avuga ko umuhanzi agomba guhangana n’icyo umuryango, sosiyete n’abamukikije bamwifuzaho, ibyo byose bikamuremera igitutu cyo kugerageza kwigira uko batifuza.

Samuel Irabizi, umubyinnyi w’Intore, yavuze ko akiri umwana yifuzaga kubyina gakondo nubwo atari azi neza icyo ari cyo kandi nta n’umwe wamushyigikiraga. Yakundaga kwiba telefone ya nyina akareba imbyino gakondo ari wenyine.

Ati: "Umunsi umwe nijoro ubwo bose bari baryamye, baranyumvise ndimo kubyina mu cyumba bukeye banyemerera gutangira kubyina by’ukuri. Ikintu cyangoye cyane ni ukwiga kuzungurutsa umutwe (guca umugara). Igihe nabikoze bwa mbere, nababaye umutwe iminsi ibiri. ariko nyuma y’umwaka w’imyitozo, nari maze kuba Intore byemewe."

Yakomeje agira ati: "Igihe cyanshimishije cyane ni ubwo nambaye imyambaro yose y’Intore bwa mbere. Nahise nsimbuka nsohoka njya kuyerekana mu muhanda. Mama yaratangaye arambona, ndamubyinira araseka. Imbyino yatumye menya ikinyabupfura n’imico myiza. Ubu ndigisha abandi, nanjye nshobora kwitunga. Ibyo byanyugururiye amarembo y’ibyo ntatekerezaga kugeraho."

Ati: "Igihe cyose ndi ahantu nkumva ijwi ry’‘Amayugi’ (impeta zambarwa ku maguru n’Intore), umubiri wose urakanguka, numva nishimye nk’uwinjiye mu isi yanjye – isi y’imbyino."

Frank Niyonkuru, abinyujije mu mbyino ye "The Face I Hide", yerekanye intambara y’imbere mu mutima hagati y’isura abantu babona n’iyo yihishe mu mwijima w’imitima yacu. Uyu mukinnyi avuga ko yavukanye “amasura abiri, imwe yubatse kugira ngo yemerwe na sosiyete, indi ikubiyemo irari n’ukuri atashoboye kugaragaza.

Niyonkuru asobanura ubuzima bwe nk’imirimo yo guhimba ishusho y’ibyishimo hanze, mu gihe imbere ahanganye n’agahinda n’irari ry’ibitagaragaye. Umubiri we uba urubuga rw’iyo ntambara, ariko imbyino ikaba ubuhungiro bumuzamura.

Hope Azeda, washinze akanaba Umuyobozi Mukuru wa Mashirika Performing Arts and Media Company, yavuze ko iyi gahunda nshya izamura umuco wo gutekereza binyuze mu buhanzi,

Agira ati: "Turashaka ko ubuhanzi bukora icyo bugomba gukora kuko ikiremwamuntu kiri kuribwa n’ikoranabuhanga."

Yakomeje agira ati: "Ni amahirwe ku mpano nshya kwigaragaza mu bijyanye no kuvuga inkuru kuko haracyari icyuho kinini. Turifuza ko baba abavuga inkuru zabo, bubaka umwimerere wabo. Tubahuza n’ab’inararibonye mu buhanzi bw’u Rwanda kugira ngo
babone amahirwe yo gukorana n’abandi, kwinjira mu bikorwa no kubona akazi."

Yakanguriye ababyeyi gushyigikira abana babo igihe cyose bagaragaje impano, kuko "ibitekerezo bibi" bimaze gupfukirana impano nyinshi zitabashije kumurikira isi.

Yagize ati:"Ubuhanzi buragoye kubupima. Ntabwo bufatika – ni ubuzima bwo mu mutima, niyo mpamvu benshi butabagirira icyizere. Iyo umubyeyi adashyigikiye umwana we, bitera ipfunwe, kwigunga, rimwe na rimwe bikabyara imyitwarire mibi bitewe n’ukwangwa. Ibyo bigomba guhagarara."

Richard Nick Ngendahayo yiteguye kongera gutaramira Abanyarwanda

Natacha Haguma uhagarariye sosiyete ya Fill The Gap yatumiye uyu muhanzi, mu kiganiro n’abanyamakuru yavuze ko iki gitaramo kigiye kuba kuko igihe cyacyo cyari kigeze, cyane ko yajyaga atumirwa ariko ntibikunde ko aza.

Ati “Byahuriranye n’igihe cy’Imana, dusanga Ngendahayo ari mu gihe cyo kugaruka mu gihugu. Wenda ibyananije abandi hari aho twahuriye na we tubasha kubyumvikanaho. Igihe iyo kigeze ibintu byose birikora.”

Ati “Twagize amahirwe muri bwa buntu dusanga ibyananije aba mbere, hari aho twahuriye biba byiza ko abona ibyo tumugomba arabyemera, kuko byari muri cya gihe kimwerera kugaruka. Ibyo twumvikanye byarakozwe, n’ibyo yadusabye twarabikoze ari yo mpamvu yatwemereye. Byakubitanye n’igihe cy’Imana”.

Richard Nick Ngendahayo yatangiye kuririmba mu 2000, yamenyekanye cyane mu ndirimbo nka ‘Ni we’, ‘Ibuka’, ‘Si Umuhemu’, ‘Yambaye Icyubahiro’, ‘Sinzakwitesha’, n’izindi nyinshi.

Mu 2010 ni bwo yafashe icyemezo cyo kwimukira muri Leta Zunze Ubumwe za Amerika, aho yakomereje umurimo w’Imana binyuze mu muziki no kwigisha ijambo ry’Imana mu matorero atandukanye. Nubwo atari akigaragara mu ruhame mu Rwanda, indirimbo ze zakomeje kubaho nk’umurage.

Haguma yavuze ko indirimbo Ngendahayo aheruka gusohora yise ‘Uri Byose Nkeneye’, yari iyo guteguza iki gitaramo cye, akaba ategerejwe mu Rwanda mu minsi mike iri imbere.

Igitaramo kizaba muri Kanama

Haguma asobanura iby’iki gitaramo

Lionel usanzwe ubarizwa mu Bubiligi yageze ku kibuga cy’indege Mpuzamahanga cya Kigali kuri iki Cyumweru tariki 16 Werurwe, ari kumwe n’umugore we ndetse n’umwana babyaranye.

Aganira n’Itangazamakuru , Lionel Sentore yavuze ko agenzwa no kumurika Album ye no kongera gusabana n’inshuti ze.

Ati “Ni igitaramo turi gutegura neza cyane, ariko si igitaramo kinini cyane, gusa ni uguhura n’abakunzi banjye, nkabasogongeza Album yanjye, ubundi nkabataramira.”

Yavuze ko Album ye iriho indirimbo 12, ndetse bifashe igihe cy’umwaka umwe kugirango ibe irangiye. Kuri Album ye yakoranye n’abahanzi barimo Elysee Bigirimana, Mike Kayihura ndetse na Angel basanzwe ari inshuti ze.

Igitaramo cya Sentore kizaba tariki 27 Werurwe 2025 kuri Atelier du Vin, kandi yitezeho azifatanya n’abandi bahanzi. Lionel Sentore yavuze ko kwitirira Album ye indirimbo ‘Uwangabiye’ bituruka mu kuba yarahinduye amateka ye.

Israel Pappy azwiho ubuhanga mu gucuranga Saxophone

Uyu muhanzi amazina ye asanzwe ni Israel Kubwimana, amenyerewe mu muziki nyarwanda, aho akunze gutaramira abantu bakishima kubera ubuhanga bwe mu gucura Saxophone, arateganya gusohora iyo album mu kwezi kwa gatatu k’uyu mwaka, akavuga ko agaseke kazapfundurirwa abakunzi be nta gushidikanya kazabashimisha.

Israel Pappy wize mu ishuri rya Muzika rya Nyundo, yasojeyo amasomo mu 2015, ahamya ko yahavuye azi kuririmba, gutunganya umuziki (music production), kwandika indirimbo ndetse no gucuranga bya kinyamwuga.

Israel Pappy azwi cyane mu gucuranga Saxophone kuko ari yo yatumye amenyekana, gusa azi no gucuranga Gitari, Piano n’ibindi, aho akunze kwiyambazwa mu bitaramo binyuranye cyangwa mu bukwe, ari na ho akura ubushobozi bwo kumufasha mu mishinga ye.

Uyu muhanzi agaragara cyane mu ndirimbo zo guhimbaza no kuramya Imana, aho yakoranye n’abahanzi bakomeye nka Israel Mbonyi, Chryso Ndasingwa, Papi Clever n’abandi. Pappy kandi azwi no mu njyana za Kinyarwanda, aho akunda guhurira mu bitaramo n’ibyamamare nka Masamba Intore, Jules Sentore n’abandi.

Israel Pappy avuga ko yitoje cyane Saxophone mu gihe cya Guma mu Rugo, ubwo mu Rwanda hadukaga Covid19. Aha ngo yabonye umwanya uhagije wo kuyimenya neza, azamura urwego rwo kuyicuranga, ku buryo mu 2024 yacuranze mu bitaramo i Burayi mu bihugu nk’Ubufaransa, Ububiligi na Pakistan muri Asia, aho yari kumwe n’itsinda rya Mashirika.

Israel Pappy arateganya gukomeza kwagura umuziki we, akaba afite na gahunda yo gutaramira muri ‘Institut Français’, nyuma yo gusohora album ye.

Ubu arimo no gukora ku mishinga mishya y’indirimbo za Saxophone, ndetse n’ibindi bihangano bishya bizafasha abantu kuryoherwa n’injyana y’icyo gicurangisho gikundwa na benshi.

Kuri ubu, Israel Pappy akorera muri Zacu Entertainment, imwe mu nzu zitunganya filime nyarwanda, akaba ashinzwe gutunganya umuziki ukoreshwa mu mafilime (music soundtracks), aho yakoreye umuziki filime nka City Maid, Seburikoko n’izindi.

Azi gucuranga n’ibindi byuma bya muzika

Israel Pappy asubiramo Rwanda Nziza na Saxophone gusa:

Jonathan Niyo

Umuramyi Jonathan Niyo yavuze ko indirimbo ishingiye ku ijambo riboneka muri Bibiliya, muri 1 Samweli 15:22, rigira riti “Samweli aramusubiza ati mbese Uwiteka yishimira ibitambo byoswa n’ibindi bitambo kuruta uko yakwishimira umwumviye? Erega kumvira kuruta ibitambo, kandi kwitonda kukaruta ibinure by’amasekurume y’intama”.

Ati “Nayise Nguhaye Umutima, kugira ngo abantu mbibutse ko Imana icyo ibifuzaho ari ukuyiha imitima yabo, kugira ngo ibayobore inabahumurize mu gihe bari mu makuba.”

Mu gusobanura impamvu yahisemo gukorana indirimbo na Obed Zawadi, yagize ati “Bwa mbere iyi ndirimbo nari narayikoze, ariko umunsi mpura na Obed, umutima wo gukorera Imana namusanganye, byatumye numva nkwiriye gukorana na we”.

Yavuze ko uyu mwaka ari uwe wo gukora, kuko ubu afite indirimbo 14, zirimo eshatu yakoranye n’abandi (collabo).

Yungamo ati “Abakunzi banjye banyitege, buri kwezi nzajya nsohora indirimbo imwe, ifite na video. Banyitegeka buri kwezi.”

Jonathan Niyo ni umuhanzi akaba n’umukozi w’Imana, akunzwe n’urubyiruko ndetse n’ingeri zose kubera indirimbo aririmba zibafasha gutegura imitima yabo mu kwegera Imana.

Jonathan Niyo yamenyekanye cyane mu ndirimbo zitandukanye zirimo Amahoro yanjye, Safari, na Ewe Getsemane zikaba ziri muri album yise ‘Ewe Getsemane’.

Kayirebwa ufatwa nk’icyitegererezo mu bahanzi nyarwanda kubera ijwi n’injyana byanyuze benshi mu myaka irenga mirongo itatu y’ubuhanzi, yari ategerejwe nk’umushyitsi mukuru mu gitaramo cyo ku Bunani kuri ’LUXURY GARDEN’ (Norvege) cyateguwe na Rusakara Entertainment.

Mu gihe igitaramo cyari kinikije, abakunzi be bamubuze mu bahanzi bari bategerejwe, maze batangira kwijujuta. Abateguye igitaramo bahise bamushyira ku ndangururamajwi maze bamuhamagara bose bumva.

Kayirebwa yabasubije asaba imbabazi agira ati " Maze iminsi ntameze neza cyane mfite umunaniro mwinshi natewe ahanini n’ibihe by’iminsi mikuru. Nagerageje uko nshoboye ngo mbe nakwitabira igitaramo ariko intege ziba nke. Ndasaba imbabazi abitabiriye cyane kuko mba mbakumbuye kandi mbahoza ku mutima."

Kayirebwa yabasobanuriye ko kubera umunaniro atashoboraga kubageraho ngo basabane nk’umutaramyi wabo bisanzwe.

Abateguye igitaramo bamubwiye ko hari benshi bababaye kuko batamubonye, dore ko nabo ubwabo ngo bari biteguye gusabana na we, ndetse no kumuha impano bamugeneye.

Mu kubabwira ko hari ubundi buryo bashobora gusabana, yagize ati "nabizeza ko uwakenera kunsura muri iyi minsi ikurikiyeho yansura kuko namwakirana yombi. N’iyo baza ari abashyitsi benshi mu matsinda twagira umwanya wo kwisanzura, nta kibazo namwakirana yombi."

Iki gitaramo cyiswe "Ab’ubu n’ab’ejo" cyitabiriwe n’abacuranga indirimbo zigezweho ndetse n’iza gakondo. Ryari ihuriro ry’urubyiruko n’abakuze barimo Orchestre Impala, Le Fellows, Dauphin, n’Umuhanzi Jado Famous.

Icyamamare Makanyaga Abdul nawe yari mu b’imbere.

Makanyaga Abdul

Iki gitaramo kizitabirwa n’Umuhanzi Cecile Kayirebwa nk’umushyitsi w’imena uheruka kwizihiza imyaka 30 amaze muri muzika. Kizabera kuri ’LUXURY GARDEN’ (Norvege) Tariki ya 01 Ukwakira 2024.

Ni igitaramo cyiswe "Abubu n’ab’ejo" bisobanuye ko hazacurangwamo indirimbo zigezweho ndetse n’iza gakondo ku buryo kizitabirwa n’urubyiruko hamwe n’abakuze.

Hazaririmbamo Orchestre Impala, Le Fellows, Dauphin, n’Umuhanzi Jado Famous.

Orchestre Impala

Makanyaga avuga ko yishimira gutaramira abanyarwanda uko umwaka utashye.

Agira ati’’ Kimwe mu byo nishimira ni ugusoza umwaka nishimanye n’inshuti n’abavandimwe ndetse n’Abanyarwanda muri rusange."

Cecile Kayirebwa

Makanyaga na Kayirebwa ni bamwe mu bahanzi bakuru batangiye injyana ya gakondo mu myaka ya kera ndetse n’ubu bakaba bakiririmba, banakunzwe cyane kubera ijwi rihebuje n’ubuhanga buhanitse.

Tonzi arasaba abashoramari gutekereza ku bagore bari mu ruganda rwa muzika

Tonzi yatangaje ibi mu mpera z’icyumweru gishize ubwo yari mu biganiro byaganirwaga ku bibazo abagore bahura na byo mu ruganda rw’ibihangano, mu nama yateguwe na Ikirenga Arts and Culture Promotion Organization.

Tonzi yagize ati, "Abagore baracyari inyuma mu ruganda rw’imyidagaduro, si uko nta mpano zihari mu Rwanda, ahubwo ni uko dufite ikibazo cy’ubushobozi bwo gushora imari mu bihangano byacu. Abacuruzi bakwiye gutekereza ku ishoramari mu ruganda rw’ubugeni kugira ngo uruganda rw’ibihangano mu Rwanda rurusheho gukura,"

Yakomeje avuga ko abagore benshi bava mu ruganda rw’ubugeni n’ubuhanzi muri rusange, mbere y’uko babasha kugaragaza impano zabo ku Isi, kubera kubura amafaranga yo kwishyura amahoteri n’ahandi hakorerwa imyidagaduro.

Abitabiriye inama yateguwe na Ikirenga Arts and Culture Promotion Organization

Tonzi hamwe n’abandi bagore bari mu ruganda rw’ubuhanzi, bahuriye muri gahunda yateguwe na Ikirenga Arts and Culture Promotion Organization, kugira ngo baganire ku bibazo abagore bahura na byo mu ruganda rw’imyidagaduro n’uburyo byakemurwa.

Nk’uko byatangajwe n’umuyobozi w’Ikirenga Arts and Culture Promotion, Pierre Hakizimana, harakenewe gukangurira abacuruzi kumva agaciro ko gushora imari mu ruganda rw’ubugeni nk’ubucuruzi burimo kuzamuka bwa turizimi niba buhagaze neza.

Yagize ati "Abafite ubucuruzi bakwiye gukomeza kugirana ibiganiro n’abantu bo mu ruganda rw’ubugeni. Abenshi muri bo baracyafite ibitekerezo bike ku bwiza bw’uruganda rw’ibihangano n’uko rwunganira ubukungu bw’Igihugu."

Umuyobozi wa Ikirenga Arts and Culture Promotion Organization

Ikirenga Arts and Culture, mu bihe bishize yari yarateguye iserukiramuco ryari rikubiyemo ibirori no kugaragaza ibyiza by’ubukererugendo mu Rwanda, ariko riza gusubikwa ku munota wa nyuma bitewe n’icyorezo cya Marburg.

Tonzi wavukiye i Goma muri Repubulika Iharanira Demokarasi ya Congo, ni umubyeyi w’abana babiri, yatangiye kuririmba afite imyaka 10 mu rusengero rw’Abadivantiste b’Umunsi wa Karindwi.

Ni umwe mu bagize itsinda ry’Abanyarwandakazi baririmba indirimbo za gospel bise ’The Sisters’ hamwe na Aline Gahongayire, Gabby Kamanzi na Fanny.

Iri tsinda ryaje gutandukana muri 2007, maze Tonzi atangira urugendo rwo kuririmba ku giti cye. Tonzi amaze kugira indirimbo zirenga 100 kuva yatangira kuririmba, harimo n’izo yakoranye n’abandi baririmbyi ba gospel.

Alyn Sano, Bushali na Papa Cyangwe bazataramira abazitabira Festival y’umuco n’ubukerarugendo

Iri serukiramuco rya 2024 ryateguwe na Ikirenga Art and Culture Promotions, ribaye ku ku nshuro ya Gatatu rizahuriza hamwe abahanzi, ba mukerarugendo, abayobozi bashinzwe umuco, ndetse n’abashyitsi baturutse mu bihugu bitandukanye mu rwego rwo kugaragaza no kwishimira umuco utajegajega w’u Rwanda.

Iki gikorwa gisanzwe giteza imbere umuco Nyarwanda, ndetse no guhuza u Rwanda n’ibindi bihugu mu bijyanye n’ubugeni, umuco, n’ubukerarugendo, ndetse wabaye umwanya mwiza w’icyitegererezo mu bikorwa by’umuco n’ubuhanzi mu Rwanda, aho buri mwaka rihuza abahanzi batandukanye no mu njyana zitandukanye n’abakunzi b’umuco baturutse impande zose z’isi.

Mu minsi irindwi rizamara, abazaryitabira bazabona ibikorwa byinshi bitandukanye bigamije kugaragaza ubukungu gakondo y’u Rwanda, binyuze mu mbyino za Kinyarwanda, imurikagurisha ry’ubugeni, ibiribwa gakondo, ndetse n’ibiganiro by’ubumenyi bushingiye ku muco.

Muri icyo cyumweru kandi kizaba umwanya mwiza wo guhuza imico itandukanye, aho igihugu cya Angola kizaba ari umuyobozi w’iri serukiramuco nk’Igihugu ’Umubyeyi w’Iserukiramuco’, Pakistan nayo izitabira nk’umushyitsi naho Uganda ikazaba ari Igihugu cy’Icyubahiro muri iri serukiramuco.

Alyn Sano ni umwe mu bazasusurutsa abazitabira iri serukiramuco

Hakizimana Pierre (Musinguzi Peter), uyobora Ikirenga Art and Culture Promotions, yavuze ko iri serukiramuco atari uburyo gusa bwo kwizihiza umuco wa kera, ahubwo ari uburyo bwo gukomeza guhanga ibishya, no gutanga isura y’ubukerarugendo bushingiye ku muco.

Yagize ati, "Dufite ishema ryo kugaragaza umuco n’amateka yacu binyuze muri iri serukiramuco, ndetse no kwerekana ubuhanga bw’abahanzi bacu hamwe n’uburyo dushobora kubyaza umusaruro umuco mu iterambere ry’ubukungu bw’igihugu."

Iserukiramuco ry’Umuco n’Ubukerarugendo, rizatangizwa n’ibirori bikomeye bya karnavali aho abahanzi baturutse mu bihugu bitandukanye bazerekana umuco wabo binyuze mu mbyino n’indirimbo. Iyi karnavali izahuza imbyino za gakondo n’imbyino zigezweho mpuzamahanga, ari nako abaririmbyi, ababyinnyi, n’abanyamuziki bahuza ubushobozi bwabo mu gususurutsa abitabiriye.

Abakunda imbyino gakondo, hateganyijwe ibitaramo bikomeye by’imbyino gakondo zo mu Turere dutandukanye tw’u Rwanda, aho ababyinnyi bazerekana uburyo imbyino za Kinyarwanda zifite amateka akomeye kandi akurura ba mukerarugendo bifuza kumenya byinshi ku muco Nyarwanda. Naho abashyitsi baturutse mu bihugu by’amahanga bazatarama mbyino zabo zishimangira imikoranire mu buhanzi n’ubucuti hagati y’ibihugu.

Bushali, umuraperi ugezweho muri iyi minsi ari mubazatarama muri iri serukiramuco

Hateganyijwe kandi n’imurikagurisha ry’ubugeni, aho abasanzwe babarizwa muri iki gice baturutse hirya no hino bazerekana ibikorwa yabo bijyanye n’ibyo bakora. Hazabaho n’umwanya ku bazaryitabira wo kuganira n’abahanzi ku buhanga bwabo ndetse no kumenya uko umuco nyarwanda n’ubuhanzi bigenda byinjira mu isi mpuzamahanga y’ubugeni.

Hateguwe n’ibikorwa bigamije kumenyekanisha imirire gakondo y’u Rwanda, aho abantu bazaryoherwa n’ibiryo bitandukanye bya Kinyarwanda nk’ibitoki, umutsima w’ibigori, ubugari, n’ibindi. Hazanabaho kandi amafunguro yo mu bihugu byatumiwe, mu gufasha abazitabira gusobanukirwa uburyo indyo ishobora kuba igice cy’umuco nyamukuru.

Mu bindi biteganyijwe muri iyi festival harimo amahugurwa n’ibiganiro bihuza impuguke mu by’umuco n’ubukerarugendo. Aha abantu bazahugurirwa uburyo bwo kubyaza umusaruro umuco mu iterambere ry’ubukungu, ndetse no kwiga ku mikoreshereze ya gakondo mu buvugizi no mu iterambere ry’imibereho myiza.

Muri iri serukiramuco hazaba igikorwa kihariye kigamije guha icyubahiro abagore, aho bazaba bafite umwanya wo gusangira, guha agaciro ibyo bagezeho mu rugendo rwabo rwo guteza imbere umuco n’ubukerarugendo. Uyu munsi uzibanda ku kurebera hamwe imbogamizi n’amahirwe abagore bafite mu gutanga umusanzu wabo mu iterambere ry’umuco.

Umuraperi Papa Cyangwe

Musanze nk’Umujyi w’ubukerarugendo, hazabaho umwanya ku bashyitsi wo gusura ahantu nyaburanga, harimo Pariki y’Igihugu y’Ibirunga izwiho kuba iwabo w’Ingagi zibumbatiye ubukerarugendo bw’u Rwanda ndetse n’utundi duce twa Musanze dufite amateka akomeye. Iri serukiramuco rizaba urubuga rwiza ku bakunda umuco n’ibidukikije.

Iri serukiramuco rifite intego yo guhuza abantu batandukanye, gusangira umuco, no guha agaciro umuco n’ubuhanzi. Musinguzi Peter yagize ati: "Twifuza ko buri wese azahakura isomo ry’uburyo umuco wacu ushobora kuba urufunguzo rw’iterambere, binyuze mu guhanga udushya no guhana ubumenyi n’ibihugu bitandukanye."

Iri serukiramuco ry’umuco n’ubukerarugendo ritegurwa na Ikirenga Art and Culture Promotions, rizaba rikinguye ku bantu bose, yaba Abanyarwanda cyangwa abatuye mu bindi bihugu. Ni icyumweru cyuzuye umunezero, aho abazitabira bazasangira, bungurana ibitekerezo, kandi bakishimira ibihangano n’umuco mwiza w’u Rwanda.

Ikibaya cy’Urugezi cyagaragajwe nk’ahantu hafite agaciro mpuzamahanga hakeneye kubungabungwa

Ubushakashatsi ku Kibaya cy’Urugezi, bwagaragaje ko ari ahantu hafite agaciro gahambaye ku rwego mpuzamahanga bityo hakaba hakenewe ubufatanye mu kukibungabunga.

Faustin Munyazikwiye, umuyobozi Mukuru wungirije wa REMA, yavuze ko Guverinoma yashyizeho gahunda yo gusubiranya iki kibaya mu gihe cy’imyaka ine kuva mu 2006 kugeza mu 2010, kuko byari ngombwa kugira ngo kibungabungwe.

Yagize ati: “Iyo guverinoma idafata ibyo byemezo, ntabwo twari kuba dufite iyi nkuru uyu munsi. Iki gishanga si ngombwa gusa mu kuyungurura amazi, ahubwo ni ingenzi no ku rwego mpuzamahanga.”

Faustin Munyazikwiye, umuyobozi Mukuru wungirije wa REMA

Yasoje avuga ko bari gukorana nk’itsinda ngo basubiremo ahantu hatarengewe mu gishanga cy’Urugezi, kuko hashyizweho muri 2009, kandi bafite intego yo kwinjiza abaturage mu iterambere ry’umushinga.

Dr. Olivier Nsngimana, washinze kandi akaba ari umuyobozi Mukuru wa RWCA, yasobanuye uko ubushakashatsi bwateguwe nuko bwakozwe ku bufatanye na Guverinoma n’imikoranire n’amatsinda yabigizemo uruhare.

Ygaragaje ko itsinda ry’abashakashatsi ryaririgizwe 99% by’Abanyarwanda, hamwe n’Umunyakenyakazi umwe, ndetse n’abandi barimo abarimu.

Hasobanuye uko ubushakashatsi bwateguwe nuko bwakozwe ku bufatanye na Guverinoma

Yagize ati: “Turashimira cyane ubufatanye bwatumye ubu bushakashatsi bushoboka, harimo inkunga ya Guverinoma y’u Rwanda, National Geographic Society, abashakashatsi, abayobozi b’inzego z’ibanze, ndetse cyane cyane abaturage bafite ubumenyi bw’aho batuye, batubaye hafi mu rugendo rwose rw’ubushakashatsi. Ibi byerekana ko ubumenyi n’uburyo bwo kubungabunga ibidukikije bidashobora gutsinda ntaruhare rw’abaturage.”

Yakomeje avuga ati: “Twaragerageje ku buryo buri tsinda rigira umushakashatsi mukuru n’abashakashatsi bakiri bato. Ibi ni byo bizadufasha kubaka urubyiruko rw’abashakashatsi n’abakora mu kubungabunga ibidukikije mu gihe kizaza.”

Yagaragaje akamaro k’ubu bushakashatsi bwakorewe mu Rwanda, kandi ko isesengura ry’amakuru rikomeje, rigaragaza ibintu bimwe bishimishije.

Ni igikorwa kandi cyahuriranye n’ibirori byiswe Rugezi Marsh Unveiled

Yagaragaje gahunda yo gukorana na Guverinoma, REMA na Minisiteri y’Ibidukikije kugira ngo hashyirweho gahunda yo gucunga amakuru y’Ikibaya cy’Urugezi no gucunga byimbitse ubwoko bw’ibinyabuzima byihariye bikibarizwamo kugira ngo bitibagirana.

Iki gikorwa cyo kugaragaza amwe mu makuru y’ibanze ku bushakashatsi bwakorewe muri iki Kibaya, cyahuriranye n’ibirori byiswe ’Rugezi Marsh Unveiled’, ku wa Gatandatu tariki 21 Nzeri 2024.

Faustin Munyazikwiye, umuyobozi Mukuru wungirije wa REMA, yavuze ko guverinoma y’u Rwanda ishimira cyane imikoranire n’amashyirahamwe nka RWCA kuko ibyavuye muri ubwo bushakashatsi biteye ishema.

Iki Kibaya kirimo ibinyabuzima bikeneye kubungwabungwa

Yagize ati: “Ubushakashatsi bwa RWCA ku rusobe rw’ibinyabuzima ntibwongereye gusa ubumenyi ku byerekeye Ikibaya cy’Urugezi, ahubwo bwateye inkunga ubushobozi bw’abashakashatsi b’Abanyarwanda. Ibyavuye muri ubwo bushakashatsi byateye ishema ndetse byerekanye akamaro ko kurinda no kubungabunga Urugezi ku bizaragwa ibisekuru bizaza.”

Yibukije ikibazo cy’umuriro cyabaye mu mwaka wa 2001-2002 kubera gutunganya nabi Ikibaya cy’Urugezi, agaragaza ko guverinoma y’u Rwanda, nyuma yo gusuzuma kwangirika kw’Ikibaya cyatangaga amazi ku ruganda rw’amashanyarazi, yafashe ibyemezo bitatu.

Muri ibyo byemezo harimo gushyira iki kibaya mu byanya byemewe na Ramsar mu mwaka wa 2005, bikakigira ahantu harinzwe byimazeyo, bivuze ko abahatuye batagombaga kongera kwinjiramo bakora ibyo bishakiye nk’uko byahoze.

Ikibaya cy’Urugezi ni iwabo w’imisambi ingana na kimwe cya kane cy’ibarizwa mu Rwanda hose

Mu mwaka wa 2023, RWCA yagiranye ubufatanye n’abashakashatsi bo mu Rwanda n’abo muri Afurika y’Iburasirazuba mu gukora ubushakashatsi bwimbitse ku rusobe rw’ibinyabuzima mu Kibaya cya Rugezi.

Ubu bushakashatsi bwibanze ku matsinda atandukanye y’ibinyabuzima birimo ibimera, inyamaswa, inyoni, inzoka, ibinyamibu, amafi, ndetse n’udukoko. Ku mpande z’ibanze z’ibyavuye mu bushakashatsi, itsinda ryashoboye kumenya ubwoko 638 bw’ibinyabuzima bitandukanye, harimo n’ibyanditswe bwa mbere 433 bitari byarigeze byandikwa mu Kibaya cya Rugezi.

Itsinda kandi ryavumbuye ubwoko bubiri bw’ibinyabuzima butari bwarigeze bwandikwa mu Rwanda; Inyenzi yo ku murizo w’Ikiyaga (Parapoynx diminutalis) n’igihingwa giterera (Zehneria tridactyla).

Mu gishanga cya Rigezi habonetse amoko arenga 14 y’Imitibu

Byongeye kandi, ubu bushakashatsi bwagaragaje ubwoko 9 bw’ibinyabuzima biri mu byugarijwe ku rwego mpuzamahanga nk’uko bigaragazwa na IUCN Red List, ndetse n’ubwoko 14 bw’ibinyabuzima byihariye mu gace k’imisozi ya Albertine Rift, bikaba biteganyijwe ko hazakorwa isesengura rya gihanga ndetse n’ubushakashatsi bwisumbuyeho.

Ubu bushakashatsi bwanagaragaje ubwoko 14 bw’ibikururanda muri iki Kibaya cy’Urugezi, harimo ubwoko bushya 8, n’ubwoko 13 bw’inzoka, n’ibikeri ubwoko bushya 10. Uretse ibyo, muri Kibaya cya Rugezi handitswe ubwoko 127 bw’inyoni, harimo 28 bwanditswe bushya.

Umubare w’ubwoko bw’inyoni zagaragajwe mu gace ka Rugezi warazamutse ugera kuri 222 bitewe n’inyandiko nshya. Hagaragajwe kandi ubwoko 53 bw’inyamaswa, harimo n’ubwoko bushya 51, ndetse n’ubwoko 22 bw’ibiguruka bifite ibisekuru 40% by’ubwoko bwose buzwi mu Rwanda.

Umubare munini w’abakoze ubu bushakashatsi ni Abanyarwanda

Bimwe mu bikoresho byifashishwaga n’abashakashatsi muri icyo Kibaya

Minisitiri Bizimana yagaraje ko indangagaciro na kirazira byagize uruhare mu mibanire y’Abanyarwanda

Ni ingigo yagarutseho kuri uyu wa Gatandatu tariki ya 21 Nzeri 2024, ubwo u Rwanda rwifatanyaga n’Isi muri rusange mu kwizihiza Umunsi Mpuzamahanga w’Amahoro. Ni umunsi u Rwanda rwizihiza kuva mu 2011.

Kuri iyi nshuro uyu munsi w’amahoro wahawe insanganyamatsiko igira iti ‘Indangagaciro na kirazira by’umuco Nyarwanda mu kwimakaza amahoro’.

Yibukije urubyiruko by’umwihariko ko indangagaciro na kirazira by’umuco Nyarwanda bifite uruhare rukomeye mu kugena imibereho n’imibanire yabo, byo soko y’amahoro arambye.

Urubyiruko rwitabiriye kwizihiza umunsi mpuzamahanga w’amahoro

Ati ’’Nta kindi gihugu kigeze kibohorwa n’igice kimwe cy’abenegihugu bacyo bari baragizwe ibicibwa, bakakibohora bahereye aho bari barahungiye, aho bari baraciriwe, bishyize hamwe, bagahangana n’iyo Leta yakoraga ibyo bibi kugeza bayitsinze bagatangira kubaka Igihugu, kikiyubaka kikagera ku iterambere, kikagera ku gipimo nk’icyo u Rwanda rugezeho. Nagerageje kwitegereza niba hari ikindi gihugu cyagize ayo mateka usibye u Rwanda ndakibura. Ibyo Abanyarwanda tubikesha ubudasa bwacu bwo kwishakamo ibisubizo, tubusigasire."

Yanenze Leta ya DRC iherutse kugaragaza ubushake bwo kwakira Abanyarwanda batandatu bahoze mu butegetsi bwagize uruhare muri Jenoside yakorewe Abatutsi.

Minisitiri Bizimana yagaragaje ko ibyo u Rwanda rugezeho uyu munsi rubikesha ubudasa no kwishakamo ibisubizo

Aba barimo Sagahutu Innocent, Nzuwonemeye François Xavier, Mugiraneza Prosper, Nteziryayo Alphonse, Ntagerura André na Zigiranyirazo Protais, bakaba bari barahamijwe ibyaha bya Jenoside n’Urukiko Mpuzamahanga Mpanabyaha rwashyiriweho u Rwanda (TPIR).

bakurikiranwaga n’Urukiko Mpuzamahanga mpanabyaha rwashyiriweho u Rwanda, ICTR, bamwe muri bo bafunguwe nyuma yo kurangiza igifungo bakatiwe ubwo bahamwaga no kugira uruhare muri Jenoside yakorewe Abatutsi mu 1994, harimo kandi n’abagizwe abere.

Yagize ati ’’U Rwanda rwakoze ibishoboka byose ngo hatagira Umunyarwanda witwa impunzi, ariko RDC igashaka kwakira abo bantu kugirango ibashyigikire mu mu gambi wo guhungabanya umutekano w’Abanyarwanda, kandi imiryango y’abo bose, abana babo bishyurirwa amashuri bakiga bagatsinda bakabaho neza."

U Rwanda rwatangiye kwizihiza umunsi mpuzamahanga w’amahoro kuva mu 2011

Mnisitiri Bizimana yakomeje asaba uruyiruko kwirinda ikintu cyose cyagarura amacakubiri mu Banyarwanda, bityo bikaba byasubiza Igihugu ahabi.

Yasabye kandi urubyiruko kugira inshingano yo guharanira ko abo bose bari hirya no hino bagerageza kurwanya ibyo u Rwanda rwagezeho no kutagira uwo ari we wese baha urwaho wifuza kubuza u Rwanda amahoro.

Bien Baraza yavuze ko yahoze yifuza gukorana indirimbo n’umuhanzi wo mu Rwanda

Ibi Bien-Aimé Baraza yabitangaje ubwo yageraga i Kigali kuri uyu wa kabiri, tariki 27 Kanama 2024.

Yakiriwe ku kibuga cy’indege Mpuzamahanga cya Kigali i Kanombe na Itahiwacu Bruce Melodie, bateganya gufatanya mu mishinga itandukanye y’indirimbo bazahuriramo ndetse no gukora amashusho yazo.

Bien-Aimé Baraza yashimye cyane uburyo ahabwa ikaze i Kigali, avuga ko mu Rwanda iyo ahageze yumva ari mu rugo rwa kabiri.

Aganira n’itangazamakuru yavuze ko kuba agiye gukorana na Bruce Melodie ari ibintu by’agaciro cyane kuri we, kuko amufata nk’umuhanzi ukomeye ufite impano idasanzwe.

Bien Baraza yakiriwe ku kibuga cy’indege na Bruce Melodie

Yagize ati: “Gukorana na Bruce Melodie bisobanuye buri kimwe kuri njye. Nahoze nifuza gukorana indirimbo n’umuhanzi wo mu Rwanda.”

Yongeyeho ko yashimye uburyo Bruce Melodie yemeye gukorana na we, ndetse avuga ko amufata nk’umuhanzi mpuzamahanga ufite impano itangaje.

Bien-Aimé Baraza, uri mu banyamuziki bakunzwe cyane muri Kenya, yagaragaje ko hari abandi bahanzi bo mu Rwanda akunda kandi ashaka gukorana nabo mu gihe kizaza, barimo Mike Kayihura na Kivumbi King.

Esther Niyifasha yataramiye mu iserukiramuco ry’i Kölbingen

Igitaramo cya mbere cyabereye muri Kölbingen Festival, ku wa Gatandatu taliki 24 Kanama 2024.

Iki gikorwa ni kimwe mu bikorwa by’umuco by’ingenzi muri ako karere ka Kölbingen. Bimwe mubyo abitabiriye iri serukiramuco bakundiye Esther ni umwihariko mu guhuza umudiho gakondo nk’umwihariko we.

Ku Cyumweru tariki 25 Kanama 2024, yongeye kujya ku rubyiniro mu gitaramo yakoreye i Marzhausen mu buryo bwihariye, nk’amahirw yo kugaragaza ubuhanga bwe mu gukirigita inanga ndetse anaboneraho umwanya wo gusabana n’abakunze ibihangano bye.

Esther avuga ko yishimiye cyane ibi bitaramo yakoreye mu Budage, agira ati, “Nishimiye cyane gukora ibitaramo hanze y’u Rwanda ku nshuro ya mbere. Niteguriye gusangiza umuziki wanjye abafana bashya no kugeza umuco w’u Rwanda mu Budage ndetse n’ahandi hose.”

Ibi bitaramo ni ibya mbere umuhanzi Esther akoreye mu mahanga akaba avuga ko yiteguye kuzakomeza gukora ibitaramo no mu bindi bihugu bitandukanye.

Esther Niyifasha azwi mu ndirimbo zirimo ’Urashoboye’, ’Tumurikire’, ’Laurrete’ ya Kamaliza yasubiyemo n’izindi.

Esther Niyifasha ni mushiki w’Umukirigitananga Deo Munyakazi akaba umuhererezi mu muryango wabo. Yacuranze mu bitaramo byinshi bikomeye birimo African Exchange (CAX) mu iserukiramuco rya Rabagirana n’ibindi bitandukanye

Imwe mu modoka biteganyijwe ko igaragara muri ibi birori

Tag Team ni itsinda rimaze kwigarurira imitima y’abakunzi b’umuziki kubera ukuntu bavanga imiziki banavuza ingoma zaka umuriro, bikaryohera abatari bake.

‘Kigali Auto Show’ ni ibirori bigiye kuba ku nshuro ya kabiri. Biba bigamije kumurika imodoka na moto bifite umwihariko, uretse izimurikwa, hanabera ibirori byo kugaragaza ubuhanga mu gutwara.

Ibirori bya ‘Kigali Auto Show’ byitezwe ko bizabera ahitwa Tuza Inn i Nyamata tariki 3 Kanama 2024. Ni ibirori bigiye kuba ku nshuro ya kabiri nyuma y’uko bitangijwe mu 2023 bikitabirwa n’imodoka na moto zifite umwihariko, byose hamwe birenga 100.

Kuri iyi nshuro ibi birori byitezwemo udushya twinshi turimo n’imyiyereko y’imodoka 100 zizahagurukira rimwe mu Mujyi wa Kigali zerekeza i Nyamata.

RIB yerekanye batanu bakekwaho ubujura bwa telefone

Umuvugizi wa RIB Dr Murangira B. Thierry yaburiye abagifite imigambi yo kwiba amatelefone ko bakwiye kubireka kuko ntaho bazacikira ubutabera.

Yagize ati “Ububasha, ubushobozi n’ubuhanga bwo gutahura ibyaha turabufite. Abagitsimbaraye ku gukora ibyaha bakwiye kubireka cyangwa se bakitegura kugongana n’itegeko”.

Umuvugizi wa RIB, Dr. Murangira B. Thierry

Dr Murangira yasabye Abanyarwanda kujya bagira amakenga bakarinda neza ibikoresho byabo birimo telefone na mudasobwa zabo kugira ngo babirinde abajura, asaba n’abacuruza za telefoni kwirinda kugura ibijurano kuko ubiguze afatwa nk’umufatanyacyaha w’uwabyibye.

Dr Murangira kandi yanasabye abantu kwirinda kugura ama telefoni abonetse yose bahuye nayo bayita imari kuko ahendutse, kubera ko bagwa mu bihombo iyo zifashwe.

Hasubijwe telefone 193 zari zaribwe

Abafashwe barimo Mutabazi Jean Bosco, usanzwe ukora akazi ko gutwara abantu kuri moto, Mugisha Irene usanzwe ari umucuruzi, Mihigo Lanndry ukuramo zimwe muri Applications zo mu matelefone, Ntare Fabrice ukora akazi k’ubutekinisiye ndetse na Mutabazi Samson.

Abibwe telefone bazisubijwe

Reba ibindi muri iyi Video:

Igitaramo "Migabo" cya Cyusa Ibrahim

Yabigarutseho mu kiganiro yagiranye n’itangazamakuru kuwa 5 Kamena 2024, agaruka muri rusange uko imyiteguro y’igitaramo cye iri kugenda igana kumusozo.

Cyusa yavuzeko ashimira abantu bakomeje kumufasha barimo Muyoboke Alexis wamuhaye igitekerezo cyo gutegura igitaramo cye yise "Migabo".

Cyusa yavuze ko imyiteguro ayigeze kure ku buryo imirimo yose isa n’iyarangiye ndetse ko ku ruhande rwe biteguye gususurutsa Abanyarwanda.

Cyusa yashimye Alexis Muyoboke

Ati, "Mfite amatsiko ko umunsi ugera, ngira ngo abahanzi bose muri kubabona hano abo tuzakorana bose bitabiriye, rero nibaza ko nta gisigaye uretse kuba abantu bazaza ku bwinshi tugatarama.”

Iki gitaramo byitezwe ko kizabera muri Camp Kigali ku wa 8 Kamena 2024. Cyusa yakitiriye album ye ya mbere yise ‘Migabo’ akaba yarayitiriye indirimbo yatuye Perezida Kagame.

Ni igitaramo byitezwe ko kizaririmbamo abahanzi nka Mariya Yohana, Ruti Joel, Inganzo Ngari na Cyusa Ibrahim nyiracyo

Hibutswe ku nshuro ya 30, abunganira abandi mu mategeko bazize Jenoside yakorewe Abatutsi

Byagarutsweho mu butumwa bwatangiwe ku rwibutso rwa jenoside rwa kigali ruri gisozi, mu muhango wo kwibuka abari abunganizi mu mategeko bazize Jenoside yakorewe abatutsi, wateguwe n’urugaga rw’aba avoka mu Rwanda.

Uyu muhango ukaba waritabiriwe n’abanyacyubahiro batandukanye biganje abakora mu runana rw’Ubutabera, Umushinjacyaha Mukuru ndetse na Minisitiri w’Ubutabera akaba n’Intumwa Nkuru ya Leta Dr Ugirashebuja Emmanuel.

Me Nkundabarashi Moïse, Umuyobozi w’Urugaga rw’abavoka mu Rwanda avuga kwibuka Jenoside yakorewe Abatutsi ku nshuro ya 30 bivuze ko hashize imyaka 30 ayo mateka abaye mu Rwanda agasiga ibibazo bitagira ingano ariko kandi nanone kika ari igihe cyo kwibuka ko ayo mateka yahinduwe akanahindurwa n’Abanyarwanda.

Abo mu miryango y’abunganiraga abandi mu mategeko bashyira indabo ku mva

Yavuze ko kuba u Rwanda rwari rufite abakora umwuga w’ubw’avoka bake batari banibumbiye mu rugaga nkuko amahame mpuzamahanga abisaba, ariko n’abo bake hakagira abicwa bigaragaza ko igihugu cyari gifite ikibazo gikomeye cyane, gusa agaragaza ko gushyiraho urugaga byabaye igisubizo mu gufatanya n’Abanyarwanda mu kubaka Igihugu.

ati ”Kimwe rero mu byihutiwe nyuma ya Jenoside yakorewe Abatutsi ni ugushyiraho urugaga, uru rugaga rukaba rufatanya n’abanyarwanda gukomeza kubaka igihugu mu ngeri zitandukanye no mu buryo butandukanye hashingiwe ku byo rugenda rugeraho uko imyaka ishira n’indi itaha."

Me Nkundabarashi Moïse

Akomeza agira ati: "Urugaga rwakoze byinshi bitandukanye mu gukomeza guhangana n’ingaruka za Jenoside yakorewe Abatusti aho mu bushobozi uruga rufite rwagiye rufatanya na n’imiryango nka AVEGA na IBUKA mu bikorwa birimo kwishyurira abanyeshuri barokotse Jenoside batari bafite ubushobozi, gutanga ubwisungane mu kwivuza, koroza abacitse no gufasha urugo rw’intwaza rwa nyamata.”

Mu butumwa yagajeje ku bitabiriye uyu muhango Minisitiri w’Ubutabera akaba n’Intumwa Nkuru ya Leta Dr Ugirashebuja Emmanuel, yagaragje ko kwibuka atari uguha icyubahiro gusa abazize Jenoside ahubwo ari n’umusanzu ukomeye mu guharanira ko ibyabaye bitazongera.

Ati ”Iyo twibuka ntituba duhaye icyubahiro gusa abazize Jenoside ahubwo tuba tunatanze umusanzu wacu mu guharanira ko Jenoside itazongera kubaho.”

Minisitiri Ugirashebuja yagaragaje ko umuryango mpuzamahanga wirengagije nkana guhagarika Jenoside

Yagaragaje kandi ko habaye kunanirwa k’Umuryango mpuzamahanga wanze kumva ijwi ry’Abatutsi batabazaga kugeza bishwe, nyamara hari ibimenyetso byinshi bikomeye byagaragaza ko Jenoside yarimo gutegurwa.

Minisitiri Ugirashebuja, yifashihsa urugero rwa Romeo Dallaire wamenyesheje umuryango w’abibumbye cyane akanama gashinzwe kubungabunga amahoro ko interahamwe ziri gukora ubukangurambaga bwo kwica Abatusti, asaba ubufasha bwo gushakisha no gufata imipanga yose n’intwaro zari zarahawe intehamwe gusa yimwa uruhushya rwo gukora ibyo yasabaga ngo kuko yaba arenze ku nshingano ze ahubwo asabwa gutanga ayo makuru kuri leta y’u Rwanda nyamara ariyo yari inyuma y’ibyo bikorwa byose byo gutegura Jenoside.

Yagize ati "Ibimenyetso byose biburira byarirengagijwe, bishimangira ko umuryango mpuzamahnga wananiwe nkana gukumira no guhagarika Jenoside yakorewe Abatutsi mu 1994.”

Bamwe mu bavoka bazize Jenoside yakorewe Abatusti mu 1994, bibukwa harimo Me Hitiyise Pascal, Me Kamananga Ignace, Me Kayijuka Jean Marie Vianey, Me Ndibwami Joseph, Me Ngango Felicien, Me Ngimbanyi Octave, Me Niyoyita Aloys, Me Nsanzabaganwa, Me Nyemazi, Me Rurangirwa Pierre Claver, Me Rusangiza Oscar, Me Ruzindana Augustin, Me Niyitegeka, Me Rutayisire Albert na Me Kalisa Canisius.

Me Nkundabarashi Moïse, yatangaje ko hagikomeje gukorwa ubushakashatsi kugirango hamenyekane niba nta bandi baba barakoraga uyu mwuga bazize Jenoside yakorewe Abatutsi.

Amwe mu mazina y’abunganiraga abandi mu mategeko bishwe muri Jenoside yakorewe Abatutsi

Hacanwe urumuri rw’icyizere

Ubwo hatangwaga ubuhamya, Otto Ahmed warokokeye mu Bitaro bya CHUK i Kigali yavuze ko ubwo interahamwe zateraga abari barwariye muri ibi bitaro nyina yishwe n’umuganga wamuvuraga.

Ati “Jenoside yakorewe Abatutsi yatangiye ndi muri ibi Bitaro bya CHUK aho nari ndwaje umubyeyi wanjye umbyara ari naho bamwiciye. Bamwishe ndeba, bamwicishije umugozi wa serumu kugeza ashizemo umwuka.”

Yavuze ko mu minsi ya mbere atifuzaga kugera mu Bitaro bya CHUK kuko yahatakarije umubyeyi kandi akicwa areba.

Otto Ahmed warokokeye muri CHUK, umubyeyi we akicwa n’abaganga

Ati “Ubundi ntabwo nari mfite ingufu zo kuhaza, ariko kubera ko maze gukomera maze kwiyubaka, ubu byabaye ngombwa ko nza nkavuga n’ibyahabereye. Nyuma y’uko mama amaze kwicwa, narabirebaga ibindi byabereye hano. Uburyo Abatutsi bavanwaga mu mihanda yose yo muri Kigali bamaze kwicwa kandi byabaga mpari.”

Dr Mpunga Tharcisse uyobora ibitaro bya CHUK, yagaragaje ko bibabaje kubona abari bashinzwe gutanga ubuzima baragize uruhare mu kubwambura abarwayi mu gihe cya Jenoside.

yavuzeko nyuma y’imyaka 30 Jenoside yakorewe Abatutsi ihagaritswe, iki kigo ayobora na cyo cyiyubatse bikomeye.

Dr Mpunga Tharcisse, Umuyobozi w’Ibitaro bya CHUK

Ati “Muri urwo rugendo rero na CHUK yariyubatse, ntabwo ikiri uko yari imeze mbere. Ubu irakataje mu kugira abakozi b’abahanga, bashyira uburenganzira bw’ikiremwamuntu imbere kandi batanga n’ubuvuzi bugezweho.”

Yagaragaje ko kandi bazakomeza gushyira imbaraga mu bikorwa byo kwibuka kuko bateganya uko hakubakwa urwibutso rujyanye n’igihe ku buryo abahiciwe bose bakomeza guhabwa agaciro.

Amwe mu mafoto y’abiciwe muri CHUK mu gihe cya Jenoside yakorewe Abatutsi

Urwibutso rwa Murambi basuye rufite umwihariko wo kugaragaza uruhare rw’ubutegetsi bubi mu mateka mabi y’itotezwa n’ubwicanyi byakorewe Abatutsi, bikagera kuri Jenoside yakorewe Abatutsi mu 1994.

Mu ijambo rye, Umuyobozi Wungirije wa Mbere wa Unity Club Intwararumuri, Kayisire Marie Solange, yagaragaje ko Abanyarwanda bakwiye kumenya, gusobanukirwa neza no kurinda amateka yabo; guhora basubiza amaso inyuma bakareba imiyoborere mibi yaranze Igihugu ari na yo yakigejeje kuri Jenoside; bakamaganira kure icyo ari cyo cyose cyakurura amacakubiri n’umwiryane mu Banyarwanda.

Kayisire Marie Solange yasabye Abanyarwanda gusigasira ubumwe no kwirinda icyagarura amacakubiri hagati yabo

Aha yashimangiye uruhare rw’ubuyobozi, agira ati: “Kwibuka nk’abayobozi, ni inshingano zacu kugira ngo dukomeze guharanira imiyoborere myiza yimakaza Ubumwe n’Ubudaheranwa bw’Abanyarwanda."

Uyu mwihariko ni na wo watumye Abanyamuryango ba Unity Club, nk’Abayobozi kandi nk’Intwararumuri, bahitamo gusura uru Rwibutso mu rwego rwo kwibuka no kunamira abazize Jenoside yakorewe Abatutsi basaga ibihumbi 50 baruruhukiyemo, banarushaho kuzirikana uruhare rw’ubuyobozi bubi mu mateka mabi y’u Rwanda ndetse n’uruhare rwabo nk’abayobozi mu kubaka u Rwanda rwiza rwunze ubumwe.

Reba ibindi muri iyi Video:

Chrys yiyemeje gushimisha abakunzi be mu gitaramo yise ‘Wahozeho’

Ku mugoroba wo ku wa Mbere tariki 29 Mata 2024, mu kiganiro yagiranye n’itangazamakuru, hatangajwe ko amatike akomeje kugurishwa hirya no hino mu Mujyi wa Kigali, ku bifuza kwitabira icyo gitaramo.

Ishami Kevis, ukurikirana iby’igurishwa ry’amatike, yagize ati “Amatike amaze kugurishwa ni 60% by’ayari atenganyijwe kugurishwayose.”

Umuhanzi Chryso yijeje abazitabira igitaramo cye ko yifitiye icyizere cy’uko azuzuza inyubako y’imyidagaduro ya BK Arena.

Abari kumwe na Chryso mu kiganiro n’itangazamakuru

Ati “Nta mpungenge mfite, BK Arena izuzura kuko ibereyeho twe. Twese ibyo dukora ni ingaruka z’icyizere twifitiye. Ntihazagire uguca intege, tuzagira umwanya mwiza wo kunezerwa.”

Umuhanzi Chryso yamenyekanye mu ndirimbo zirimo Wahozeho ari na yo yitiriye umuzingo w’indirimbo 18 agiye kumurika muri icyo gitaramo yise Wahozeho ndetse akazabaririmbira n’izindi.

Bamwe mu bahanzi bazamufasha mu gitaramo Wahozeho, harimo itsinda Asaph Music International, Papi Clever & Dorcas, Aimé Uwimana, Josh Ishimwe na True Promises.

Abagore bibukijwe gukorana n’ibigo by’imari kugira ngo bongere umusaruro

Ni nyuma yuko hasohotse raporo y’Urwego rw’Igihugu rushinzwe kugenzura iyubahirizwa ry’ihame ry’Uburinganire n’Ubwuzuzanye (GMO), ku miterere y’Uburinganire n’Ubwuzuzanye mu Rwanda, igaragaza ko abagore ari bo bafite ubutaka bwinshi kurusha abagabo, ariko ntibubyazwe umusaruro uhagije.

Mu gihe hakigaragara ubutaka budakoreshwa neza bityo ntibutange umusaruro, abahinzi batandukanye bavuga ko bamaze gusobanukirwa akamaro k’ubuhinzi, ariko bakavuga ko bagifite imbogamizi mu ikoranabunga,bagasaba ko bahabwa amahugurwa ndetse hagashyirwaho gahunda zifasha mu buhinzi kugira ngo bagere ku musaruro uhagije.

Mukansanga wahuguwe mu buhinzi, avuga ko bishimiye ikoranabuhanga bahawe, aho rigiye kubafasha mu kumenya amakuru y’aho bakura amafumbire ndetse bibafashe no guhuriza hamwe, bakizigamira mu matsinda yabo, bakaba banashishikarizwa gukoresha ikoranabuhanga rya telefone mu kwizigamira.

Abashinzwe ubuhinzi bavuga ko gahunda yo kwitabira gufata inguzanyo ku bahinzi n’aborozi, ari bimwe mu bigiye kubazamura mu iterambere.

Abeho Hategekimana Sabine

Abeho Hategekimana Sabine, Umuyobozi muri Minisiteri y’Ubuhinzi n’Ubworozi (MINAGRI), ushinzwe ibirebana no kugeza umusaruro ku isoko, avuga ko ibi bizabafasha muri gahunda ya Leta y’Ubuhinzi n’Ubworozi yitwa ‘Tekana muhinzi mworozi’, ikazabafasha mu bwishingizi bw’ubuhinzi n’ubworozi bwabo, ku buryo hagize impanuka bakwishyurwa kuko ari gahunda Leta yabashyiriyeho.

Akomeza ashimira abafatanyabikorwa baba bitanze bagafasha abahinzi n’aborozi kubona inguzanyo, kugira ngo babashe kwiteza imbere, akavuga ko iki gikorwa kizatanga umusaruro urambye.

Hategekimana yungamo ko barimo gushishikariza abahinzi n’aborozi kugira ngo bitabire gahunda zo gufata inguzanyo zabagenewe, banagabanyirizwe inyungu ku bwishyu, aho bazajya bishyura 8% gusa.

Placide Shema ukuriye umushinga Opportunity International Organisation, uhuza imishinga n’ibigo by’imari, asaba abagore kwitinyuka bakegera ibigo by’imari.

Ati “Hakenewe kongera ubumenyi ku bijyane n’imari. Abagore bafite ubutaka bw’ubuhinzi kurusha abagabo, ariko hakewe kongera umusaruro ku bwinshi, biturutse ku kubona imari ihagije ku nyungu nkeya.”

Yongeyeho ko byibuze abahinzi-borozi bato 12,000 bazabona inguzanyo zidahenze, bongere ubushobozi bwabo bwo kubona inyongeramusaruro nziza, zituma umusaruro wiyongera.

Ingabire Josiane wahuguwe mu ikoranabuhanga mu buhinzi, yishimira ko rizamufasha kongera umusaruro

Niyo Bosco ku rubyiniro

Ubwo hasozwaga Tour du Rwanda yabaye ku nshuro ya 16, ku Cyumweru tariki 25 Gashyantare 2024, hateguwe igitaramo cyahuriyemo abahanzi batandukanye, aho bashimishimije Abanyarwanda ku munsi w’isozwa ry’irushanwa rya Tour du Rwanda 2024.

Ibyamamare bitandukanye byashimishije abitabiriye icyo gitaramo, harimo umuhanzi Bushali, Bwiza, Danny Vumbi, Kenny Sol, Niyo Bosco Eric Senderi.

Ibi byagaragaje ko abo mu Gisimenti, abahagenda n’abahataramira, bari bakumbuye kongera kuhabona igitaramo kihashyushya, kuko cyakurikiwe n’abantu benshi.

Bwiza yashimishije benshi

Senderi na we yasusurukije abo mu Gisimenti

Ni ibirori byabereye muri Hoteli ya Marriot byaranzwe no kumurika amafunguro ya Kinyarwanda, ndetse no kwerekana imideli n’imyambaro y’abahanzi b’Abanyarwanda yibanze ku muco.

Kigali Triennial ni iserukiramuco ryitabiriwe n’abahanzi 200 baturutse mu bihugu 25. Muri ibi birori by’imideli, herekanywe imyambaro y’abahanzi batatu b’Abanyarwanda. Abo ni Niyigena Maurice ufite inzu y’imideli yamuritsemo imyambaro yakozwe na Matheo Studio yashinze.

Hakurikiyeho imyambaro yiswe ‘Umutware w’Imongi’, igaragaza umuco nyarwanda by’umwihariko umwambaro gakondo, n’uburyo ‘umushanana’ ushobora kwambarwa mu buryo bugezweho. Iyi yahanzwe na Inkanda House yatangijwe na Muhire Patrick.

Herekannywe indi myambaro yiswe ‘Mugongo wahetse Intore’ yakozwe na Masa Mara Africa, uva muri Afurika y’Epfo.

Iri serukiramuco ryatangiye guhera tariki 16 Gashyantare 2024 rirasozwa kuri iki Cyumweru tariki ya 25 Gashyantare 2024.

Reba ibindi muri iyi Video:

Bashimye ubuhanga bw’ababataramiye

Ku munsi wa Kabiri w’iryo serukiramuco, abaryitabiriye basusurukijwe n’ibyamamare nka Hendrickx Ntela, ufite ubwenegihugu bw’u Bubiligi akaba n’umubyinnyi wabigize umwuga, yafatanyije na Carine Poet, Umunyarwandakazi ukora ibihangano mu buryo bw’imivugo mu mukino bise Ninjye.

Hakurikiyeho icyamamare Eddy Ekete, ufite inkomoko muri Repubulika iharanira Demokarasi ya Congo, umenyerewe mu buhanzi bw’Imideli ishingiye ku bugeni, wakinnye umukino witwa Cans Men.

Muri ibyo birori hagaragajwe impano zitandukanye, ndetse banerekana uburyo bwo kubungabunga ibidukikije, aho amacupa atagikenewe akoreshwa ibindi aho kuyajugunyaaho umuntu abonye.

Mu gihe iri serukiramuco rizamara, hateganyijwe ibitaramo birenga 60 mu Rwanda birimo indirimbo, imbyino, ikinamico, sinema, imideli, ubuvanganzo n’ubugeni. Abazasusurutsa Abanyarwanda bazaturuka mu bihugu 25.

Ibikorwa bijyanye n’iryo serukiramuco birikubera mu Mujyi wa Kigali, mu Karere ka Rubavu n’aka Musanze.

Basabwe kwitabira uburyo bugezweho bubafasha kuzamura umusaruro

Ubu butumwa bwatanzwe n’Umuyobozi Mukuru ushinzwe kuvugurura ubuhinzi muri Minisiteri y’Ubuhinzi n’Ubworozi (MINAGRI), Dr. Karangwa Patrick, ubwo hasozwaga amahugurwa yagenewe abahinzi.

Ni abahinzi bagera ku 117 bo mu Turere twa Gisagara, Huye na Nyanza, bari bamaze igihe kingana n’ukwezi bahabwa ubumenyi bugamije kubafasha guhinga by’umwuga.

Aya mahugurwa yateguwe na Yalla Yalla Group, igizwe n’urubyiruko rwize ubuhinzi muri Kaminuza zo mu Rwanda, nyuma rukomereza muri Israel, Koreya y’Epfo, Misiri, u Buhinde n’u Bushinwa.

Dr. Karangwa Patrick

Dr. Karangwa yagaragarije abahinzi ko bikwiye ko bahabwa amahugurwa kugira ngo barusheho kunguka ubumenyi, bityo bibafashe kuvugurura ubuhinzi bwabo babukore kinyamwuga.

Yagize ati “Uko ujya gukoresha ifumbire ya kijyambere n’imbuto za kijyambere, ni ko bigendana n’ubumenyi. Ntabwo ari uguhinga nk’uko ba sogokuruza babigenzaga. Ubuhinzi si uguhinga gusa ngo urekere aho."

Yongeyeho ko kugira ngo ubuhinzi bakora bubyare umusaruro, bisaba ko bagira ubumenyi mu gufata neza umusaruro, bagasaba ubwishingizi mu bigo by’imari, bagahinga bagamije kwihaza bagasagurira isoko.

Umwe mu bahinzi bo mu Murenge wa Musha mu Karere ka Gisagara, witwa Uwizeyimana Jean Damascène, nyuma yo guhabwa ayo mahugurwa yavuze ko hari icyo agiye guhindura ku buhinzi yakoraga.

Ati “Twigishijwe uko twatoranya tukanahinga imbuto nziza, gukoresha amafumbire ajyanye n’ubutaka no kurwanya isuri. Ngomba guhindura uko nakoraga ubuhinzi, ngahinga igihingwa kimwe nkanamenya ikigomba kugisimbura."

Bahawe seritifika

Mugenzi we ti “Mbere twakoraga ubuhinzi bwa gakondo, tukavanga ibihingwa ntacyo twitayeho ariko ubu twize ubuhinzi bunoze, gutunganya ubutaka, gushaka imbuto nziza, kudasesagura amazi mu kuhira no gukoresha neza imiti irwanya ibyonnyi n’indwara.”

Umuyobozi wungirije wa Yalla Yalla Group, Ishimwe Emmanuel, yasabye abahuguwe kuzagaragaza umwihariko bagahinga kinyamwuga, ndetse bagahugura na bagenzi.

Yagize ati “Iyo umuhinzi yize akamenya icyo akora neza akakigira umwuga, abasha kwiteza imbere akanateza imbere Igihugu cye. Tubitezeho umusaruro aho bagenda bakadufasha guhugura bagenzi babo.”

Yabasabye kudahagarika guhinga imirima yabo, kugira ngo bayibyaze umusaruro no kuyihinga kinyamwuga, no kwitabira kugera ku nguzanyo ziciriritse ziri ku nyungu ntoya, serivisi z’ubwishingizi, kwagura ubuhinzi no gukoresha ikoranabuhanga.

Dr Karangwa yashimiye Yalla Yalla Group ishyira mu bikorwa umushinga wo kubungabunga, gufata neza no kubyaza umusaruro ibyanya byuhirwa mu turere twa Nyanza, Huye, Gisagara, Nyamagabe, Nyaruguru, Nyamasheke na Rusizi.

Yalla Yalla Group itanga serivisi z’iyamamazabuhinzi buvuguruye, kandi burimo ikoranabuhanga hagamijwe kongera umusaruro no gufasha abahinzi gukora ubuhinzi hakoreshejwe imashini. Ifasha kandi abahinzi kubona uburyo bwo kuhira, gukora ubuhinzi bukorerwa mu mazu, serivisi z’ubworozi, gupima ubutaka, gutunganya ibishanga no kubifata neza.

Madamu Jeannette Kagame yitabiriye iserukiramuco Kigali Triennial

Mu gice cya mbere, uyu mukino ugaragaza impamvu abirabura bizerera mu Mana, bazaniwe n’ababahemukiye.

Igice cya kabiri kigizwe n’abantu bane barwanira amafaranga, ava mu mavuta yo mu bihugu bya Afurika.

Mu bakurikiye uyu mukino kandi harimo Umunyamabanga wa Leta muri Ministeri y’Urubyiruko n’Iterambere ry’Ubuhanzi, Umutoni Sandrine; Meya w’Umujyi wa Kigali Dusabiyumva Samuel n’abandi.

Iserukiramuco Kigali Triennial ryatangijwe n’ikinamico

Hari abahanzi nka Andy Bumuntu, Mani Martin, Kaya Byinshi, Cedric Mizero n’abandi ndetse na ba nyampinga b’u Rwanda harimo Miss Muheto Divine.

Umuyobozi w’Umujyi wa Kigali, Samuel Dusengiyumva, yavuze ko iri serukiramuco rizajya riba buri myaka itatu mu Rwanda, ndetse ko ari kimwe mu bigomba kuzamura imyidagaduro, ubukerarugendo n’iterambere ry’Igihugu muri rusange, kandi ko u Rwanda rwiteguye kwakira abashyitsi neza nk’ibisanzwe.

Iri serukiramuco ryatangiye guhera ku wa 16 Gashyantare rikazangira ku ya 25 Gashyantare 2024. Abahanzi barenga 200 bazatanga ibyishimo ku Banyarwanda.

Hateganyijwe ibitaramo birenga 60 mu Rwanda birimo indirimbo, imbyino, ikinamico, sinema, imideli, ubuvanganzo n’ubugeni. Abazasusurutsa Abanyarwanda bazaturuka mu bihugu 25

Ibikorwa bijyanye n’iryo serukiramuco bizabera mu Mujyi wa Kigali, mu Karere ka Rubavu n’aka Musanze.

Iri serukiramuco ryateguwe n’Umunyarwanda Rugamba Dorcy uyobora Rwanda Arts Initiative, afatanyije na Minisiteri y’Urubyiruko n’Iterambere ry’Ubuhanzi ndetse n’Umujyi wa Kigali.

Umuyobozi w’Umujyi wa Kigali, Samuel Dusengiyumva

Reba ibindi muri iyi video:

Rwanda Gospel Stars Live itegurwa kugira ngo ihurize hamwe abahanzi b’ibyamamare, mu muziki wo kuramya no guhimbaza Imana.

Kuri iyi nshuro hateguwe igikorwa cyo kuzenguruka Igihugu hashakishwa abanyempano bashya, kikazabera mu turere dutandatu aritwo Musanze, Rubavu, Rusizi, Huye, Rwamagana n’Umujyi wa Kigali, nk’uko bitangazwa na Gahunzire Arstide, ushinzwe ibikorwa bya Rwanda Gospel Stars Live.

Icyo gikorwa kizatangirira mu Karere ka Rusizi ku wa 2 Werurwe 2024, gikomereze i Musanze ku wa 16 Werurwe 2024.

Ku wa 30 Werurw, iki gikorwa kizabera mu Karere ka Rubavu, ni mu gihe ku wa 20 Mata 2024 hazaba hatahiwe ab’i Huye.

Biteganyijwe ko ku wa 4 Gicurasi iri rushanwa rizabera i Rwamagana naho i Kigali ribe ku wa 18 Gicurasi 2024.

Muri buri Ntara hazatoranywamo abanyempano ba mbere bazashyirwa mu mwiherero i Kigali, aba batoranywemo batatu bazahembwa.

Abategura Rwanda Gospel Stars Live, bavuga ko abatsinze bazahabwa ibihembo bitandukanye, nk’uko bisobanurwa na Gahunzire.

Ati "Uwa mbere azahembwa Miliyoni 3Frw n’amasezerano yo gufashwa mu gihe cy’Umwaka, Uwakabiri ahembwe Miliyoni 2Frw, uwa gatatu ahabwe Miliyoni 1Frw. Batatu bazaba batsinze bazakorerwa n’indirimbo bazaririmba mu gitaramo kinini kizasoza Rwanda Gospel Stars Live Season 2".

Biteganyijwe ko Rwanda Gospel Stars Live Season 2, izasozwa n’igitaramo gikomeye kizahuza abahanzi bakomeye mu muziki wo kuramya no guhimbaza Imana.

Meddy na Adrien Misigaro

Ni indirimbo yakoranye n’umuhanzi Adrien Misigaro, ikaba yasohotse ku wa Mbere tariki 15 Mutarama 2024, ikaba ije mu gihe benshi mu bafana be bamushyiraga ku gitutu, bibaza niba koko yiyeguriye ubuhanzi bw’indirimbo zo kuramya no guhimbaza Imana.

Ni mu gihe kari yari amaze hafi umwaka adasohora indirimbo, dore ko iyaherukaga ari iyo yise ‘Grateful’ yasohoye mu kwa mbere k’umwaka ushize wa 2023.

Indirimbo ‘Niyo Ndirimbo’ ikimara kujya hanze yakiranywe amatsiko, dore ko mu masaha 12 yari imaze kurebwa inshuro ibihumbi 190 kuri YouTube.

Reba video ya ‘Niyo Ndirimbo’ ya Meddy na Misigaro

Alain Mukuralinda

Ni mu gihe u Burundi tariki 11 Mutarama 2024 bwafunze imipaka yose ibuhuza n’u Rwanda, nyuma yo kurushinja gufasha umutwe wa RED Tabara. Ni ibintu bitatunguranye cyane, dore ko na Perezida w’u Burundi Evariste Ndayishimiye, yari aherutse kubicamo amarenga mu mbwirwaruhame ze aho yibasiraga u Rwanda na Perezida Kagame.

Muri iki kiganiro, Umuvugizi Wungirije wa Guverinoma y’u Rwanda, Alain Mukuralinda, arasobanura byinshi ku mubano w’u Rwanda n’u Burundi udahagaze neza muri iyi minsi.

Ni igitaramo cyabaye ku itariki ya 25 Ukuboza 2023, amatike yose y’abashakaga kucyitabira akaba yari yashize ku isoko mbere y’uko umunsi nyirizina ugera.

Ni igitaramo cya kabiri ahakoreye nyuma y’ikindi yahakoreye kuri Noheli y’umwaka ushize na bwo akandika amateka yo kuba umuhanzi wa mbere wujujje BK Arena mu bakora umuziki uhimbaza Imana.

Ubwitabire bwari hejuru mu ngeri zose haba abakuru, urubyiruko ndetse n’abana bari baje gusoza Noheli bahimbaza Imana hamwe na Mbonyi wanafashe umwanya uhagije ku rubyiniro.

Umuhanzi Yvan Ngenzi ni we winjije abakunzi ba Israel Mbonyi mu gitaramo mu bihangano bitandukanye by’umwuka.

Yinjiriye ku rubyiniro mu ndirimbo ‘Hari Impamvu’ ya Israel Mbonyi, Ndacyafite Impamvu’. ya Apollinaire Habonimana na Shemeza na ‘Victory Belongs To Jesus’ ya Todd Dulaney.

Yakurikijeho indirimbo ya Jules Sentore ‘Warakoze’ n’izindi za Kiliziya Gatolika nka ‘Ni iki cyatuma ntagushimira Nyagasani’.

Cyaranzwe no kubyinira Imana aho ibihumbi birenga 10 by’Abanyarwanda n’abanyamahanga bari baje kwirebera uyu muhanzi umaze kwamamara ku rwego mpuzamahanga.

The Ben uherutse gukora ubukwe ari mu byamamare byari muri iki gitaramo

Ibi bifitanye isano n’indirimbo zitandukanye uyu muhanzi aheruka gusohora mu rurimi rw’Igiswahili harimo iyitwa ‘Nina Siri’ zakunzwe n’abanyamahanga biganjemo abo muri Kenya bityo zizamura izina rye ku rwego mpuzamahanga.

Uretse ‘Nina Siri’ izindi ndirimbo zakoze ku marangamutima y’abantu harimo ‘Nitaamini’, Baho, Nk’Umusirikare, Hari Ubuzima, Karame, Ibihe, Nzi Ibyo Nibwira, Intashyo n’izindi zinyuranye.

Uko Israel Mbonyi yatangiraga indi ndirimbo ku rubyiniro, yakirwaga n’imbaga y’abitabiriye igitaramo, harimo n’abavuzaga amafirimbi nk’uburyo butamenyerewe muri BK Arena.

Iki gitaramo cyashimishije abantu mu buryo bukomeye, bigaragaza ko bari bakumbuye kumubona abataramira.

Bimwe mu byamamare byitabiriye iki gitaramo harimo The Ben uherutse kurushingana na Uwicyeza Pamela, Ommy Dimpoz,Intore Massamba, Muyoboke Alex, Uncle Austin, Aristide Gahonzire, Marina, Sherry Silver wamamaye mu kubyina, hamwe n’abandi batandukanye.

Iki gitaramo cyarangiye abakitabiriye bagifite inyota yo guhimbaza Imana hamwe na Israel Mbonyi.

Uyu muhanzi ari mu bamaze kwerekana ko umuziki wo kuramya no guhimbaza Imana ukunzwe kandi akaba amaze kwagura ibikorwa bye kuko amaze kugira abafana batari bake harimo n’abakoresha ururimi rw’Igiswahili nko mu bihugu bya Tanzania na Kenya.

The Ben hamwe n’umuhanzi Ommy Dimpoz wo muri Tanzania

Ibi byatangarijwe mu Nama y’Inteko Rusange y’abagize Urugaga rw’Abavoka mu Rwanda yateraniye muri Kigali Convention Centre tariki 15 Ukuboza 2023.

Perezida w’uru rugaga, Me Nkundabarashi Moїse, yavuze ko mu rugendo rwo kwigira mu bushobozi bw’amafaranga hari aho bamaze kugera bishakamo ibisubizo ndetse bakaba bafite icyizere ko mu myaka iri imbere bizaba byakemuye ibibazo by’amikoro adahagije bagiraga.

Ati: “Abavoka ni urwego rumaze gukomera kandi rufite ingengo y’imari rukoresha buri mwaka. Muri iyi myaka ibiri ishize twafashe ingamba z’uko iyo ngengo y’imari twajya tuyikoresha neza tugakora ibikorwa by’ingezi ndetse tukagira uburyo twizigamira”.

Yakomeje agira ati: “Tumaze kugira aho tugera kuko ikompanyi dukorana ndetse n’urugaga tumaze kubona inyungu ya miliyoni 40Rwf mu myaka ibiri hashingiwe ku bwizigame twakoze bugera kuri miliyoni 550Rwf. Ariko dushaka kuba urugaga rw’umufatanyabikorwa wa Leta aho kugira ngo abe ari twe tujya kwaka amafaranga muri Leta”.

Perezida w’urugaga rw’Abavoka, Me Nkundabarashi Moїse

Me Nkundabarashi yongeyeho ko ubwo bwizigame bwunganira abari muri uru rugaga mu bihe by’ubukungu butifashe neza nko mu gihe cya Covid-19 Isi ikubutsemo kandi ko bizeye ko mu myaka itanu iri imbere iyi ntumbero y’ubwizigame izaba imaze gukemura ibibazo by’ubushobozi buke ku banyamuryango. Na none kandi ubu bwizigame bufasha mu iterambere ry’Igihugu kuko imisanzu itangwa Leta iyifashisha mu ishoramari rifitiye akamaro abaturage benshi.

Muri iyi Nama y’Inteko Rusange kandi, Minisitiri w’Ubutabera akaba n’Intumwa Nkuru ya Leta, Dr Ugirashebuja Emmanuel, yasabye abakora umwuga wo kunganira abantu mu bijyanye n’amategeko gukora kinyamwuga kuko hari ahagiye hagaragara imikorere idahwitse.

Ati: “Dukwiye kugira ibanga mu byo dukora, iyo ufite umukiliya biba byiza ko ibyo muganiriye bitajya ku karubanda”.

Minisitiri w’Ubutabera akaba n’Intumwa Nkuru ya Leta, Dr Ugirashebuja Emmanuel

Yatanze urugero agira ati: “Hari imanza tujya tugira mu gihe zitarashyirwa mu ikoranabuhanga ry’ubutabera ugasanga birimo kuganirwa mu itangazamakuru. Umurimo wa mbere wanyu ni ukugira ngo ubutabera buboneke ariko hari abarenga kuri izi nshingano harimo n’inzira yo kubeshya kugira ngo umukiliya we atsinde”.

Iyi nama y’Inteko Rusange yitabiriwe n’Abavoka 1000 n’abandi basaga 800 bari bayikurikiye mu buryo bw’ikoranabuhanga.

Ni igitaramo cyitabiriwe na Minisitiri w’Urubyiruko w’u Rwanda, Dr Abdallah Utumatwishima, n’Abayobozi ba Ambasade y’u Rwanda muri Canada ndetse n’abandi banyacyubahiro hamwe n’urubyiruko rurenga ibihumbi bibiri rubarizwa muri Canada.

Minisitiri Utumatwishima yashimiye abitabiriye ‘Rwanda Youth Convention” ababwira ko nta kintu na kimwe cyaguhesha agaciro kuri iyi si kuruta Igihugu cyawe.

Yongeye kwibutsa urubyiruko amahitamo atatu yafashwe na Leta kugira ngo u Rwanda rutere imbere, ari yo: Kuba umwe, Gutekereza byagutse (Thinking big), Kubazwa inshingano (accountability).

Ati’ ’Wirengagije amateka yose wabayemo, wirengagije ibyakubayeho, ugomba kugira icyo utanga ngo tube umwe, twubaka u Rwanda rukomeye twifuza. U Rwanda ni Igihugu gito mu buso ariko kigomba kuba kinini mu mitekerereze no mu mikorere."

Iyi nama yiswe ‘The 2023 Rwanda Youth Convention’, iri kubera mu mijyi ya Ottawa na Gatineau yo muri Canada, ikaba ibaye ku nshuro yayo ya karindwi.

Yateguwe n’Ihuriro Mpuzamahanga ry’Urubyiruko rw’Abanyarwanda (International Rwanda Youth for Development-IRYD) ku bufatanye n’Ihuriro ry’Abanyarwanda baba mu mahanga, RCA ndetse n’iry’Abanyarwanda baba muri Leta Zunze Ubumwe za Amerika na Canada na Guverinoma y’u Rwanda.

Iyi nama iba igamije guhuriza hamwe urubyiruko rw’Abanyarwanda baba mu mahanga aho rwigishwa umuco w’Igihugu cyarwo ndetse no kuganira ku ngingo zitandukanye zigamije kuzamura iterambere ry’u Rwanda n’iry’ibihugu byarwakiriye.

Imaze kubera mu Rwanda inshuro eshatu kuva yashingwa, aho ingingo y’ubumwe bw’Abanyarwanda iba iri mu za mbere zigarukwaho.

Ni urugo mbonezamikurire rwatashywe ku mugaragaro ku itariki ya 26 Ukwakira 2023. Mbere y’uko rwubakwa, ababyeyi batuye mu Kagari ka Ruyenzi bari bafite imbogamizi z’uko abana babo badafite aho bahererwa serivisi mbonezamikurire ku buryo bukwiye. Gusa ubu baravuga ko iki kibazo cyamaze kubonerwa umuti.

Umwe mu baganiriye n’itangazamakuru yavuze ko byamugoraga kubona aho asiga umwana mu gihe agiye gukora ibikorwa by’ubuhinzi aho byatumaga ajyana n’umwana mu murima yabuze aho amusiga.

Akomeza avuga kandi ko mbere kugira ngo agere ku kigo mbonezamikurire byamutwaraga isaha yose ariko ubu bikaba bimutwara igihe kitarenze iminota itanu.

Yongeyeho ati: “Ndashimira abadutekerejeho bose mu kutwegereza urugo mbonezamikurire. Ubu bigiye kudufasha kwiteza imbere ndetse no kubyaza umusaruro aya mahirwe”.

Umuyobozi w’Akarere ka Bugesera wungirije ushinzwe imibereho myiza y’abaturage, Imanishimwe Yvette, avuga ko ingo mbonezamikurire z’abana bato mu Karere ka Bugesera zifasha muri serivisi z’ubuzima, uburezi, isuku n’isukura, umutekano w’umwana no gukangura ubwonko bw’umwana.

Avuga ko izo serivisi zose zituma abana batagwingira, ntibagire imibereho mibi, ndetse zikanabafasha mu kubategura kumenyera imibereho yo ku ishuri.

Visi Meya Imanishimwe yongeyeho ko kugeza ubu mu Karere ka Bugesera igwingira riri ku ijanisha rya 20,1%.

Mu Karere ka Bugesera habarurwa ingo mbonezamikurire (ECDs) zigera 1843 zivuye kuri 751 zariho mu 2019. Muri izo harimo 10 zimaze kubakwa n’umuryango nterankunga wa Help a Child.

Umuyobozi Mukuru wa Help a Child mu Rwanda, Nshimiyimana Jean Claude

Umuyobozi Mukuru wa Help a Child mu Rwanda, Nshimiyimana Jean Claude, avuga ko kugira ngo umwana akure neza bisaba uruhare rw’umubyeyi, kuko abanza akaba intangarugero, akita ku mwana we mbere na mbere.

Ati: “Ibi bikurikirwa no kumujyana ku rugo mbonezamikurire kugira no ahabwe ubundi bufasha busabwa ababyigiye. Icyo dusaba ababyeyi ni uko bakohereza abana bakaza hano”.

Urugo mbonezamukurire rwatashywe, rwuzuye rutwaye agera kuri miliyoni 40Rwf ku bufatanye n’inzego zitandukanye zirimo imiryango nka Help a Child, uwa African Evangelistic Enterprise Rwanda (AEE) ndetse n’Akarere ka Bugesera.

Umuyobozi Mukuru wa RFL, Dr. Charles Karangwa ashyikirizwa igihembo

Ibi bihembo bitegurwa n’Ikigo Kalisimbi Events n’abafatanyabikorwa bacyo, harimo ikigo cy’u Rwanda cy’Ibimenyetso bishingiye ku bumenyi n’ubuhanga bikoreshwa mu butabera (Rwanda Forensic Institute/RFI), byatanzwe mu ijoro ryo ku wa 7 Nzeri 2023.

Umuyobozi wa Kalisimbi Events, Mugisha Emmanuel, yavuze ko impamvu yo gutegura ibi bihembo ari ugushimira ibigo bikomeje guhesha isura nziza u Rwanda, bitanga serivisi nziza ku babigana.

Umuyobozi Mukuru wa RFI, Dr Charles Karangwa, ubwo bahabwaga igihembo cya Recognition Award, ku bwo gutanga serivisi zihariye kandi zigatangwa neza, yavuze ko igihembo bahawe kibongereye imbaraga mu guha abantu serivisi nziza, kandi bigatera umuhate wo kurushaho gukora neza.

Ati ’’Ibi bihembo duhabwa bitwongererera imbaraga mu kurushaho kumenyekanisha ibyo dukora, ndetse no kurushaho gutanga serivisi nziza ku batugana kuko umukiriya ari umwami”.

Uko ibigo n’abantu bahembwe

Ikigo cyahize ibindi mu mitangire ya serivisi (Special Recognition Award)

– Rwanda Forensic Institute RFI

Sosiyete ya Betting y’umwaka (Betting Company of the Year)

– Premier Bet

Ikigo cy’Ubukerarugendo cyahize ibindi (Travel Agency of the Year)

– Dream Holiday Agency

Ibitaro by’amaso by’umwaka (Eye Hospital of the Year)

– Dr Agarwals Eye Hospital

Banki y’umwaka (Commercial Bank of the Year)

– Access Bank Rwanda

Ikigo cy’ubwishingizi cyahize ibindi (Insurance Company of the Year)

– Sanlam Rwanda

Ukoresha imbuga nkoranyambaga w’umwaka (Social Media influencer of the Year)

– Rukundo Patrick [Patycope]

Umunyamakuru w’umwaka (Journalist of the Year)

– Ndekezi Jonhson Kaya (Umuseke)

Umuryango utegamiye kuri Leta wahize iyindi (Local NGO of the Year)

– Tabisha

Ahantu h’abana ho kwidagadurira (Kids recreation of the Year)

– Summer Palace Rwanda (Nyamata)

Resitora y’umwaka (Restaurant of the Year)

– Tung Chinese Cuisine

Uruganda rw’amazi yo kunywa rwahize izindi (Drinking Water of the Year)

– Jibu

Ikigo gikora ibijyanye no gusohora inyandiko (Printing company of the Year)

– Truth Media

Ikigo cyazanye udushya (Enterprise solution Provider of the Year)

– Robotics Solution ltd

Akazi ka massage bahawe bagakora uko bikwiye nubwo batabona

Aba bafite ubumuga bwo kutabona bakorera mu kigo kibahugura mu gukora ubuvuzi bwo kunanura imitsi buzwi nka ‘massage’, ndetse no mu ikoranabuhanga, gikorera mu Mujyi wa Kigali. Mu buhamya bwabo bivugira ko bakora massage neza nk’abandi, ndetse bikaba bimaze kubafasha gutera intambwe mu mibereho yabo.

Ni mu gihe benshi bafataga abantu bafite ubumuga nk’abadashoboye, bityo bakabima amahirwe yo kwigaragaza. Iyi myumvire uru rubyiruko ruvuga ko ihabanye n’ukuri, kuko ufite ubumuga bw’urugingo uru n’uru aba afite indi mikorere ihambaye y’ingingo zisigaye, ku buryo abasha gukora neza nk’abandi imirimo runaka.

Mpawenimana Honorine ushinzwe imishinga muri iki kigo, afite ubumuga bwo kutabona kuva ari umwana w’imyaka itatu y’amavuko. Na we ni umukozi muri iki kigo watangiye amasomo yo gukora massage ayabangikanya n’aya kaminuza mu 2020, arasobanura uko abikora ndetse n’icyo bimaze kumugezaho.

Ati “Mudasobwa nkoresha ni izisanzwe n’abandi bakoresha, ariko aho bitandukaniye ni uko njye iyo nkoresha haba harimo porogaramu y’ijwi; idufasha kumenya buri kintu turimo gukora ikagenda idusomera. Kuri mudasobwa nkoresha intoki nandika nk’abandi, ariko nkakoresha cyane n’amatwi kuko ngenda numva buri kintu irimo kumbwira. Aka kazi kamaze kungeza kuri byinshi cyane kuko simbana n’umuryango ndicumbikira, mbasha kwishyura inzu, kurya, kwambara, kujya aho nshatse no kwizigamira”.

Gahimbare Jean Claude wagize ubumuga bwo kutabona ubwo yigaga mu wa kane w’amashuri abanza, ubu yasoje icyiciro cya kabiri cya kaminuza muri Koleji y’Uburezi ya Kaminuza y’u Rwanda. Avuga ko gukora massage byari inzozi ze ariko atazi uko azabona uburyo azishyira mu bikorwa, nyuma aza kumenya Seeing Hands Rwanda.

Ati: “Impinduka byangizeho ni nyinshi, narabimenye kandi mbasha gukorera abakiriya bakishima, kuko biri mu byatumye mbyiga ndetse bishobora kuntunga kuko iyo nabonye abakiriya bimfasha muri byinshi”.

Uwamahoro Gloria wari uminuje mu Ishami ry’Uburezi ariko atarabona akazi, avuga ko umushinga Seeing Hands Rwanda wamufashije kwiga gukora massage, ndetse umuha akazi’; ibyo byamukuye mu bushomeri ndetse binamuteza imbere mu buryo bunyuranye.

Ati “Ubu nifitiye ikizere kandi nahahuriye na bagenzi banjye tuva mu bwigunge. Ntabwo badufataga nk’abantu basanzwe nyamara ubu ni ibitangaza kuri bo. Ubu mbasha kwigurira icyo nkeneye ndetse ngafasha n’abo mu muryongo wanjye mu gihe bibaye ngombwa”.

Bakora akazi kabo kinyamwuga

Uwamahoro asaba ababyeyi bafite abana bafite ubumuga, kutabahisha ahubwo bakabashyigikira bakiga kuko kugira ubumuga bidakuraho ubushobozi bafite mu zindi ngingo zikora neza.

Umuyobozi wa Seeing Hands Rwanda, Beth Gatonyi, avuga ko yatangije uyu mushinga nyuma yo kubona ko benshi bafite ubumuga, basoza kaminuza ariko bagera ku isoko ry’umurimo ntibabashe kubona akazi nk’abandi, bityo ahitamo gushaka ikindi yabafasha gukora.

Kuva uyu mushinga watangira mu 2017, avuga ko wafashije benshi ndetse ugenda unabafungurira andi marembo akomeye.

Avuga ko kuva mu myaka itanu ishize aba bafite ubumuga bahugurwa mu gukora massage no mu ikoranabuhanga, bagafashwa kubona akazi hirya no hino, abatakabonye bagakomereza muri icyo kigo nk’abakozi be.

Ati “Hari abaza kuko bumvise uko abandi byabafashije. Abarenga 50 bafite ubumuga bwo kutabona kugeza ubu tumaze kubahugura mu ikoranabuhanga kandi harimo ababonye akazi mu mishinga y’ikoranabuhanga nko muri GIZ, USAID ndetse no muri Ambasade ya Amerika [mu Rwanda]. Hari n’abandi twafashije kubona akazi ko gukora massage muri za hoteli kandi abakoresha babo barabishimira cyane, ntawe ubanenga kuko bafite ubumuga bwo kutabona”.

Ababakoresha bahamya ko akazi kabo bagakora neza

Gatonyi akomeza avuga ko iki kigo hari imikoranire cyatangiye kugirana n’abandi bafatanyabikorwa, bazafasha mu guhugura abafite ubumuga bwo kutabona benshi, bityo amahirwe akazagera ku mubare munini.

Avuga ko kugira ubumuga bidakuraho ubushobozi bityo agasaba umuryango mugari, kurinda abafite ubumuga gusabiriza, bitwaje ubwo bumuga nyamara hari ibindi bakora bakitunga bakanateza imbere Igihugu.

Ati “Imwe mu mbogamizi twagize ni abakoresha banga guha abo bantu akazi kubera ubwo bumuga. Hari n’abavuga ngo kubaha akazi si ikintu cyiza mu bucuruzi. Icyo dukwiriye gukora ni ukwigisha, kuko ikintu cy’ingenzi abakoresha batazi ni uko guha akazi umuntu ufite ubumuga bigaragaza isura nziza kuri kompanyi. Byerekana ko mushyigikiye ukudaheza kandi ibyo turabikeneye mu muryango mugari”.

Umuhanzi Umuhanzi Platini P (ibumoso) na Kirenga Gad

Ni indirimbo ikangurira urubyiruko kwigira kuri Perezida Kagame, kandi ikarukangurira kumushyigikira mu rugendo ayoboyemo u Rwanda.

Iyo ndirimbo abo bahanzi bombi bayikoreye mu bice bitandukanye by’Umujyi wa Kigali, harimo no ku kibuga cya Basketball i Nyamirambo, ahazwi nko kuri Club Rafiki.

Muri iyi ndirimbo hari aho baririmba bati "Ndashaka kuba Kagame imuhira iwacu mu Rwanda. Ndashaka kuba Kagame aho mba ndetse n’aho nkorera”.

Platini P

Bakongera bati "Ndashaka kuba Kagame mu guharanira iterambere rya Afurika. Ndashaka kwitonda, ndashaka guca bugufi, ndashaka kuba focused mu kazi kanjye."

Kirenga Gad yavuye imuzi aho igitekerezo cyavuye, nyuma yo kumva ubuhamya bw’umusore bari kumwe mu nama. Yavuze ko uyu musore yagarutse ku buryo urubyiruko rw’iki gihe rwijanditse mu mico mibi, bityo bikaba byaba byiza babivuyemo bakiha intego yo gukora bagatera imbere.

Kirenga Gad

Reba indirimbo ‘Ijana ku Ijana’

Umuhanzi Christian Irimbere yashimishije benshi

Ni igitaramo uwo muhanzi yise yise ‘Ndi Hano Worship Concert’ cyabereye kuri Christian Life Assembly i Nyarutarama mu Mujyi wa Kigali, cyitabiriwe n’abantu benshi, ndetse hakaba hari harimo n’abahanzi bagenzi nka Alexis Dusabe, Ndayishimiye Christophe ndetse na Tuyiringire Arsène.

Abitabiriye iki giterane cyasusurukijwe n’umuhanzi Christian Irimbere, bashimye ubuhanga bwe kubera indirimbo zinyura amatwi bumvise, bamushmira kuba yaje kubafasha guhimbaza Imana kuri uwo munsi.

Muri icyo gitaramo cyashimishije benshi, Christian Irimbere yashimiye abantu batandukanye bamufashije mu muziki, barimo umubyeyi we, anahamagara umugore we Semutakirwa Cheline, amushimira uruhare agire mu iterambere ry’umuziki we.

Umuyobozi w’Itorero Evangelical Restoration Church mu Rwanda, Apôtre Yoshua Masasu Ndagijimana, yashimiye umuhanzi Christian Irimbere, kuba yaje kubatamira mu ndirimbo nziza, ndetse no kuba yitwara nk’umukristu nyawe n’ubwo ari umuhanzi, atishyiraho cyangwa yambare ibituma abantu bamwibazaho, nk’uko biba ku bandi.

Israel Mbonyi ni we watwaye igihembo cya mbere

Umuhuzabikorwa wa Rwanda Gospel Stars Live, Aristide Gahunzire aha ibihembo abatsinze, yasabye imbabazi mu izina ry’abo bakorana, yizeza ko ibitaragenze neza babyigiyemo byinshi bagiye gukosora ubutaha.

Umuhanzi wa mbere mu batsindiye ibihembo ni Israel Mbonyi, akaba yahawe ibahasha ya Miliyoni 7Frw, anahabwa igikombe n’icyemezo cy’ishimwe nk’uwegukanye ‘Rwanda Gospel Stars Live’ Season 1.

Uwa kabiri yabaye Aline Gahongayire, umuhanzikazi ubimazemo igihe kirekire, muri iri rushanwa akaba yahembwe Miliyoni ebyiri z’Amafaranga y’u Rwanda.

Gisubizo Ministries babaye aba gatatu muri iri rushanwa bahembwe Miliyoni imwe y’Amafaranga y’u Rwanda, naho Rata Jah NayChah wahawe uwa kane ahabwa ibihumbi 500Frw, igihembo cy’Umuhanzi urimo kuzamuka neza mu muziki wo guhimbaza no kuramya Imana.

Aline Gahongayire ashyikirizwa igihembo cye

Gahunzire yashimiye abahanzi bose bitabiriye irushanwa, abasaba kwihangana kuko hari haciye iminsi bamwe bibaza ko batakibonye ibihembo byabo.

Mu ijambo rye ati “Dukeneye amaboko ya buri wese, muduhe ibitekerezo n’inyunganizi, duhari kugira ngo dukomeze gufasha abaramyi kwagura ibikorwa byabo.”

Yavuze ko iki ari igikorwa kibimburiye ibindi byose by’icyiciro cya kabiri, biteguye gutangira mu ntangiriro z’umwaka utaha.

Mbere yo gutangira icyo gikorwa, hafashwe umwanya wo kwibuka umuhanzikazi Gisèle Precious wamenyekanye mu ndirimbo zihimbaza Imana witabye Imana, ku ya 15 Nzeri 2022 ndetse na Pasiteri Théogène Niyonshuti wari uzwi nk’Inzahuke, baherutse kwitaba Imana.

Habayeho kwibuka Gisèle Precious

Herekanywe kandi umushinga wa nyakwigendera Gisèle Precious yari afite, mu irushanwa rya Rwanda Gospel Stars Live, icyiciro cya mbere ndetse umuryango we uhabwa Impano.

Biteganyijwe ko Rwanda Gospel Stars Live season 2, izaba mu ntangiriro z’umwaka utaha, aho iri rushanwa rizagera mu Ntara zose z’Igihugu, hashakishwa impano nshya mu muziki wo kuramya no guhimbaza Imana.

Bibutse kandi Pasiteri Théogène Niyonshuti

Umuhanzi Christin Irimbere (iburyo) agiye gukorera igitaramo i Kigali

Iki gitaramo cyiswe ‘Ndi Hano Worship Concert’, giteganyijwe ku itariki 10 Nzeri 2023, kikazabera kuri Christian Life Assembly i Nyarutarama.

Ni cyo gitaramo cya mbere Christian Irimbere agiye gukora, nyuma y’imyaka irindwi atangiye umuziki nk’umuhanzi kugiti cye.

Aganira na Kigali Today, Christian Irimbere yavuze ko yamaze gushyira ku murongo ibizakenerwa muri iki gitaramo yifuje guhuriramo n’abandi baramyi ndetse n’abakunda ibihangano bye bari hirya no hino.

Iki gitaramo cyitiriwe indirimbo ye yitwa ‘Ndi Hano’, imaze kurebwa inshuro zirenga miliyoni imwe ku rubuga rwa YouTube.

Alexis Dusabe aherutse gukora igitaramo cy’amateka cyiswe ‘East African Gospel Festival’ cyabaye ku wa 21 Gicurasi muri uyu mwaka wa 2023, yari yatumiyemo Apôtre Apollinaire w’i Burundi, David Nduwimana wo muri Australia, Aimé Uwimana na Prosper Nkomezi.

Alexis Dusabe akaba ari umwe mu bahanzi bishimirwa na benshi binyuze mu ndirimbo zirimo ‘Umuyoboro’, ‘Mfite umukunzi’, ‘Umwami Yesu’, ‘Ni nde wamvuguruza’, n’izindi nyinshi.

Iki gitaramo yatumiwemo, azagihuriramo na Tuyiringire Arsène [Tuyi], usengera hamwe na Irimbere mu Itorero rya ‘Evangelical Restoration Church (ERC)’ ndetse bakaba babana mu itsinda ryo kuramya no guhimbaza Imana.

Arsène Tuyi azwi mu ndirimbo zirimo ‘Umujyi w’amashimwe’ na ‘Icyaremwe Gishya”’ yanitiriye album ze zakunzwe.

Iki gitaramo kandi kirimo abandi bahanzi, barimo Ndayishimiye Christophe, na we utangiye kwamamara.

Christian Irimbere yakoze indirimbo zitandukanye zirimo izamuzamuriye igikundiro nka ‘Ni umugabo’, ‘Obrigado’, ‘Ndi hano’, ‘Ndashikamye’ ‘Ntuhemuka’ na ‘Ni Yesu’, yashyize hanze mu minsi mike ishize.

Uyu mugabo usengera muri Evangelical Restoration Church i Masoro, yatangiye gukora umuziki nk’umuhanzi wigenga mu buryo bw’umwuga mu 2016.

Kwinjira muri “Ndi Hano Worship Concert” ni 5000Frw mu myanya isanzwe, 10.000 Frw mu y’icyubahiro mu gihe abazashyigikira uyu muhanzi no gutera inkunga ivugabutumwa akora bazatanga 50.000 Frw.

Imyiteguro ya Trace Awards & Festival irarimbanyije

Ibi birori bizaba mu kwezi k’Ukwakira uyu mwaka, ndetse hakazanaba iserukiramuco ariko atari umuziki gusa, kuko hazaba harimo kwerekana imideri n’ibindi, hanatangwa n’ibyo bihembo.

Byatangarijwe mu gikorwa cyabaye ku wa Gatanu tariki 25 Kanama 2025, cyitabiriwe n’abanyamakuru, abahanzi barimo Abanyarwanda barimo guhatana muri Trace Awards, nka Bwiza ndetse na Ariel Wayz.

Ibi bihembo birimo abahanzi baturuka mu bihugu birenga 30, Abanyarwanda bahawe umwihariko bashyirirwaho icyiciro cyabo.

Mu bahanzi b’Abanyarwanda bahatanye harimo Bruce Melodie, Kenny Sol, Ariel Wayz, Bwiza na Chriss Eazy, bikavugwa ko habayeho kubatoranya hagendewe ku buryo indirimbo zabo zakinwe cyane, cyangwa se zasabwe cyane ku murongo (Channel) wa Trace Music.

Bwiza na Ariel Wayz bari mu bahatanye

Valerie Alexia ushinzwe itumanaho mu itsinda rya Trace Awards, yavuze ko hari ibintu byinshi byagendeweho hemezwa ko ibi bihembo bizabera mu Rwanda, kuko mbere na mbere u Rwanda ni umutima wa Afurika, ndetse iterambere ryarwo ririmo kugaragara kandi ku muvuduko uri hejuru mu ngeri zose.

Avuga ko u Rwanda ari kimwe mu bihugu bishyigikira ndetse bikanateza imbere urubyiruko, nka bamwe mu mbaraga z’Igihugu.

Yongeraho ko u Rwanda kuri ubu rufite inzu zikomeye z’ibikirwa by’imyidagaduro, nka BK Arena ishobora guhatana ku rwego mpuzamahanga.

Ibi bihembo bigamije kugaragariza abahanzi ba Afurika, ko nabo bashoboye guhatana ku rwego mpuzamahanga.

Muri ibi bihembo hazaba hahatanyemo abahanzi barenga 150, gusa ariko harateganywa abahanzi basaga 50 bakomeye muri Afurika, kuba aribo bazabyitabira, kandi buri wese azanaririmba.

Danny ukuri Trace Africa muri EAC

Reba ibindi muri izi video:

Mugisha Felix, Mulix

Uyu muhanzi ukiri muto, avuga ko yari yaratangiye kuririmba, ariko aza kubihagarika ku mpamvu z’amasomo, none ubu aho asoreje amashuri yisumbuye, akaba yagarutse mu ruhando rw’abahanzi, kugira ngo na we ashyire itafari rye kuri muzika nyarwanda.

Mugisha Felix cyangwa Mulix nk’izina ry’ubuhanzi, avuga ko yiyemeje kuzagira uruhare mu kubaka no guteza imbere umuziki nyarwanda, afatanyije na bakuru be bawumutanzemo.

Reba indirimbo Stress Free

Abayobozi batandukanye mu gutangiza imirimo yo kubaka ECD ya Kimisagara

Ni umuganda wabaye ku wa Gatandatu tariki 29 Nyakanga 2023, witabirwa n’Abayobozi bahagarariye Ambasade zitandukanye mu Rwanda, zirimo iya Maroc, Qatar, Sudani, Algeria, Libya, Egypt, hakaba haranaje Minisitiri wa Siporo wa Mali, bifatanya n’abaturage ndetse na bamwe mu bagize sendika y’abafundi ya STECOMA, bazakomeza kubaka iryo rerero.

Umuyobozi w’Umujyi wa Kigali, Pudence Rubingisa, yavuze ko intego nyamukuru yo kubaka amarerero mu Mujyi wa Kigali, ari ukugira ngo ababyeyi bajye bajyanayo abana babo mu gihe bagiye mu yindi mirimo.

Ati “Intego ni ukugira amarerero menshi kugira ngo ababyeyi bajye babona aho bajyana abana babo, ndetse bahabwe uburere bwiza n’indyo yuzuye, kugira ngo babashe kurwanya igwingira mu bana, banabone uko bajya mu mirimo yabo”.

Minisitiri wa Siporo muri Mali, Mr. Habib Sissoko, yavuze ko anejejwe cyane n’igikorwa cy’Umuganda rusange, ko azakiganiriza abandi bayobozi iwabo bityo babe bagitangiza.

Ati “Nishimiye kuba ndi mu Rwanda, ni inshuro ya mbere mpageze nka Minisitiri wa Siporo muri Mali. Igikorwa cy’umuganda nzakijyana iwacu kugira ngo kidufashe kongera kwiyubaka no guteza imbere Igihugu cyacu”.

Minisitiri Sissoko ari mu Rwanda aho yaje aherekeje ikipe ya Mali y’abakobwa, iri mu irushanwa rya AfroBasket ririmo kubera mu Rwanda.

Uhagarariye Leta zunze Ubumwe z’Abarabu mu Rwanda, H.E. Hazza Mohammed Falah Kharsan AlQahtani, yavuze ko yishimiye kwifatanya n’Abaturage mu gikorwa cy’umuganda, aho igihugu cye cyatanze inkunga y’imifuka 140 ya sima.

Ati “Twishimiye kuba dutanze umusanzu duteza igihugu imbere duhereye ku bana. Igikorwa cy’umuganda ni cyiza cyane, ibihugu byinshi bikwiye kucyigiraho kuko gishyira abantu hamwe, ndetse bigateza imbere umuryango”.

Yakomeje ashimira Perezida Paul Kagame nk’Umuyobozi w’indashyikirwa, wabashije gushyira Abanyarwanda hamwe agahindura ibibi bikaba ibyiza, akagaragaza ko gukorera hamwe bituma umuryango utera imbere.

Umuyobozi w’Umujyi wa Kigali, Pudence Rubingisa

Umunyamabanga Nshingwabikorwa w’Umurenge wa Kimisagara, Kalisa Jean Sauveur, yavuze ko nta marerero yabarizwaga muri uwo murenge,

Ati “Twubaka irerero yari gahunda yo gufasha abana batarajya muri za ‘gardiennes’, kuko ari benshi batuye Kimisagara, cyane ko nta marerero yari ahari. Ubu ababyeyi bakaba babonye aho bazajya basiga abana mu gihe bagiye gushakisha, Ababyeyi kandi bazahabonera izindi serivisi zijyanye n’Ubuzima harimo gukingiza abana nizindi, rikazaba ari irerero ry’Icyitegererezo.

Iri rerero rigizwe n’Ibyumba bitatu n’ibibuga byo kwidagaduriraho, rikaba rikazatwara Miliyoni 30 z’Amafaranga y’u Rwanda.

Nyuma y’umuganda, hamuritswe bimwe mu byo Umurenge wa Kimisagara wagezeho, birimo imodoka wiguriye ku bufatanye n’abaturage bawutuye, izabafasha mu mirimo inyuranye, hari kandi na moto z’abahoze mu bikorwa by’urugomo, zitezweho kuzabateza imbere bakigirira akamaro bakanakagirira Igihugu.

Minisitiri wa Siporo muri Mali, Mr. Habib Sissoko yashimye ibikorwa by’umuganda

Umurenge wa Kimisagara wamuritse ibyagezweho wishimira

Abatanze ubuhamya, bavuze ko urwo ruganda rwari rufite abayobozi babi, bari buzuye ubugome, ari yo mpamvu bicishije Abatutsi bose bari bahari, cyane ko ngo hari hari ububiko bw’imbunda n’imihoro byari bihamaze igihe, byagombaga gukoreshwa muri ubwo bwicanyi.

Makuza Gérard, warokokeye Jenoside mu Murenge wa Muhanda, agaruka ku bugome bwaranze ubuyobozi n’abakozi b’urwo ruganda mu gihe cya Jenoside.

Agira ati “Uwari umuyobozi w’uruganda yari mubi cyane, wari warabaswe n’ivangura. Aha mu ruganda hari ububiko bukomeye bw’imbunda n’imipanga, byari byarateguwe kuva kera ngo bizakoreshwe mu kwica Abatutsi, bakundaga kuva kera guhungura ku musozi wa Kesho hafi y’uruganda”.

Ati “Indege ya Habyarimana imaze guhanuka, interahamwe zari zimaze iminsi zitoza kwica, zahise zijya ku ruganda baziha za mbunda n’imihoro maze zitwiraramo aho twari ku musozi wa Kesho, hagwa benshi”.

Icyakora ubu Makuza ngo afite icyizere cy’ubuzima, kuko ku ruganda rwa Rubaya ubu hari abayobozi beza batavangura, ngo ufite icyo ashoboye gukora ahabwa akazi agakora agahembwa akiteza imbere, agashimira Leta y’Ubumwe bw’Abanyarwanda yabahaye umutekano.

Umuyobozi w’uruganda rwa Rubaya Tea Factory, Mutabazi Havugimana Jean, avuga ko muri urwo ruganda habereye ibintu bibi muri Jenoside, cyane ko hanyuze n’abarindaga Habyarima.

Ati “Hano mu ruganda hari habitse imbunda n’izindi ntwaro zicishijwe Abatutsi. Ikindi ni uko umurambo w’uwari umukuru w’Igihugu bawunyujije hano, abamurindaga bafatanyize n’interahamwe mu gutsemba Abatutsi, cyane ko aho bari ku musozi wa Kesho bari babanje kwirwanaho, nyuma baterwamo amabombe, harokotse mbarwa”.

Mutabazi ashimira Ingabo zari iza RPA zahagaritse Jenoside, ndetse zibohora Igihugu kikaba ubiu kiyobowe neza.

Ati “Turashimira Ubuyobozi bw’Igihugu ku isonga hari Nyakubahawa Perezida Paul Kagame, ndetse n’Ingabo zari iza RPA, babashije guhagarika Jenoside, bakubaka Igihugu buri wese yibonamo. Ubu hano mu ruganda, umuntu ahabwa akazi hagendewe ku byo ashoboye, mu gihe mbere atari ko byari biri”.

Umuyobozi w’Akarere ka Ngororero wungirije ushinzwe imibereho myiza y’abaturage, Mukunduhirwe Benjamine, ashimira ubuyobozi bw’uruganda rwa Rubaya, uko rukomeje gufasha abarokotse Jenoside.

Ati “Uru ruganda ruradufasha cyane mu iterambere ry’akarere, cyane cyane mu gufasha abacitse ku icumu rugira abo rugabira inka muri mwaka, zikabafasha kwiteza imbere. Buri mwaka kandi rugira abaturage batishoboye rwishyurira mituweli, baba abakora mu ruganda n’abatarukoramo, bityo bakagira imibereho myiza”.

Yakomeje asaba abakozi b’urwo ruganda kugira ubumwe hagati yabo, bagatandukana n’abarukoreraga mbere bijanditse mu bwicanyi, ahubwo bagafatanya n’abandi kubaka Igihugu.

Ubuyobozi bw’uruganda rwa Rubaya buvuga ko buzakomeza gahunda zo gufasha abacitse ku icumu, cyane ko no kuri uwo munsi hari abahawe inka n’ibindi bakenera mu buzima bwa buri munsi.

Mu Karere ka Ngororero habarirwa inzibutso zirindwi ziruhukiyemo imibiri isaga ibihumbi 60, y’Abatutsi bishwe muri Jenoside.

Ibikoresho bivugwa cyane cyane ni amacupa, amakanya, ibiyiko, ibikombe, amasahane, imiheha n’ibindi bikozwe muri pulasitiki bikoreshwa rimwe bikajugunywa, abantu bose bakaba bahamagarirwa kubirwanya.

Iyo siporo kandi ifite insanganyamatsiko igira iti “Gira uruhare mu ngamba zo kurwanya ihumana rikomoka ku bikoresho bya pulasitiki, cyane cyane ibikoreshwa rimwe bikajugunywa”.

Mu butumwa bwatanzwe na Minisitiri w’Ibidukikije, Dr Mujawamariya Jeanne d’Arc, yagize ati “Hakwiriye gukoreshwa amacupa adasaza aho gukoresha aya pulasitiki zikoreshwa inshuro imwe. Turasaba ko ahafatirwa amafunguro hatakoreshwa ibikoresho bikoze muri pulasitiki, mu nama hajya hakoreshwa ibirahure, hashyizweho igicupa kinini cy’amazi abantu bakivomera. Ibikoresho bya pulasitiki bitwara amafaranga menshi kubera ko bikoreshwa rimwe bikajugunywa”.

Yakomeje agira ati “Nugera ahantu bakaguha Fanta cyangwa umutobe bashyizemo umuheha wa pulasitiki ujye uwanga, ubabwire uti nshobora kunywa ntafite umuheha. Dukoresha ibikoresho bya pulasitiki kubera kwanga guhinduka, si ngombwa buri gihe ko tunywesha umuheha, imbuto cyangwa inyanya si ngombwa ko zishyirwa mu gasashe ka pulasitiki, hari ibindi bintu byo guhahiramo bitari pulasitiki”.

Minisitiri Mujawamariya yasabye inzego z’ibanze gushiraho uburyo buboneye, buzafasha abaturage mu kurwanya ihumana rikomoka ku bikoresho bya Pulasitiki bikoreshwa inshuro imwe.

Umunsi Mpuzamahanga w’Ibidukikije wizihizwa buri mwaka tariki ya 05 Kamena. Uwo munsi washyizweho n’Umuryango w’Abibumbye (UN) mu mwaka wa 1972, akaba ari imwe mu nzira uwo muryango wifashisha mu gushishikariza Isi yose, cyane cyane abafata ibyemezo kwitabira ibikorwa bigamije kurengera ibidukikije no guhangana n’imihindagurikire y’ibihe.

Buri mwaka, u Rwanda rwizihiza Umunsi Mpuzamahanga w’Ibidukikije, ukabanzirizwa n’Icyumweru cyahariwe Kwita ku Bidukikije mu Rwanda.

Umunsi Mpuzamahanga w’Ibidukikije ni uburyo kandi bwo gushimangira intambwe zatewe mu kurengera ibidukikije,no guhangana n’imihindagurikire y’ibihe.

Abitabiriye iyo siporo bahawe amacupa ya pulasitiki aramba bazajya bifashisha mu kunywa amazi, mu rwego rwo kugaragariza n’abandi ko amacupa ya pulasitiki akoreshwa rimwe akajugunywa bagomba kuyareka, banasabwa ko abayafite mu rugo bayajyana aho bagiye kumenyeshwa kugira ngo azanagurwe.

Minisitiri w’Ibidukikije yashimiye abafatanyabikorwa muri iyi gahunda yo kurwanya pulasitiki zikoreshwa rimwe, harimo Minisiteri y’Ubutegetsi bw’Igihugu, Minisiteri y’Ubuzima, Umujyi wa Kigali na Polisi y’u Rwanda.

Maître Sinzi Tharcisse aganiriza abitabiriye iki gikorwa

Ni mu mpanuro yahaye abakina Karate baturutse mu makipe 40, bitabiriye amarushanwa yo Kwibuka ku nshuro ya 29, abakarateka ndetse n’abakinnyi muri rusange, bazize Jenoside yakorewe Abatutsi, ayo marushanwa yabaye ku wa 28 Gicurasi 2023.

Sinzi yagize ati “Mbere ya Jenoside yakorewe Abatutsi, muri Karate habagamo ivangura rikomeye, ku buryo mu kwiyandikisha muri Club, mu mwirondoro w’umukinnyi hashyirwagamo n’amoko”.

Sinzi yakomeje avuga ko uwo muco mubi w’ivanguramoko wageze no muri Siporo, ari wo waje gutuma umuco mwiza w’urukundo ubusanzwe ruranga abakinnyi utakara, inzangano zishingiye ku moko zirimakazwa, bituma n’abakinnyi muri rusange biroha mu bwicanyi.

Yakomeje agira ati “Mukwiye kurangwa n’urukundo mukimakaza ubumwe mu buzima bwa buri munsi, kandi mukabyaza umusaruro amahirwe mufite y’uko ubu u Rwanda rufite ubuyobozi bwiza. Mubwumvire kandi mugendere mu nzira nziza buyoboyemo Igihugu, bizatuma tugira imbere heza hazira Jenoside nk’iyakorewe Abatutsi, twibuka kuri uyu munsi”.

Abakarateka basabwe kurangwa n’Ubumwe n’Urukundo

Perezida w’Urugaga ruhuza Amashyirahamwe y’Abakina Karate mu Rwanda (FERWAKA), Niyongabo Damien, yatangaje ko yanejejwe cyane n’urwego ruri hejuru yabonye mu bakarateka, avuga ko bagiye kubashakira amarushanwa menshi, kugira ngo mu gutoranya Ikipe y’Igihugu bazabone abakinnyi benshi kandi batyaye.

Ati “Ndashimira cyane ubwitabire bwagaragaye muri iri rushanwa, kandi ndanashimira urwego nabonye kuri benshi mu bakarateka, bikaba byaduhaye umukoro wo kubashakira amarushanwa ahagije, yaba ayo mu gihugu ndetse no hanze yacyo, kugira ngo tuzagire ikipe y’Igihugu ityaye kandi itwara ibikombe, mu marushanwa mpuzamahanga dufite imbere”.

Aya marushanwa yakozwe mu byiciro bibiri birimo icyo kurwana kizwi nka Kumite, mu nyito ya Karate, ndetse n’icyiciro cy’imyiyereko kizwi nka Kata.

Uku ni ko amakipe n’abakinnyi ku giti cyabo barushanyijwe:

Kata: Abakobwa bakinnye ku giti cyabo barushanyijwe gutya:

1. Uwase Lazia (Zen Karate Do Rubavu): Or

2. Yezakuzwe Lucie (Flying Eagles): Argent

3. Abayisenga Palemonique (The Champions Karate Academy) na Umulisa Yvette (SHITO RYU KARATE DO): Bronze

Kata: Abahungu bakinnye ku giti cyabo barushanijwe gutya:

1. Munyaburanga Jean Claude (Zen Karate Do Rubavu): Or

2. Niyitanga halifa (The Champions Karate Academy): Argent

3. Usengimana Omar (APR Karate Do) & Gusenga Yves Bertrand (Police Karate Club): Bronze

Kumite: Abakobwa bakinnye ku giti cyabo barushanijwe kuri ubu buryo:

1. Yezakuzwe Lucie (Flying Eagles): Or

2. Uwase Lazia (Zen Karate Do Rubavu): Argent

3. Ingabire Solange (APR Karate Do) & Mbabazi Seraphine (UR Huye Campus) : Bronze

Kata: Abahungu barushanwe mu Makipe:

1. Zen Karate Do Rubavu & The Champions Karate Academy: Or

2. UR Huye Campus A: Argent

3. Flying Eagles: Bronze

Kumite: Amakipe y’Abahungu yarushanyijwe atya:

1. APR Karate Do: Or

2. UR Huye Campus A: Argent

3. Zen Karate Do Rubavu & The Champions Karate Academy: Bronze

Reba ibindi muri iyi video:

Babitangaje ku wa Gatanu tariki 26 Gicurasi 2023, ubwo basuraga urwibutso rwa Jenoside rwa Kigali ruri ku Gisozi, ndetse n’Ingoro y’amateka yo guhagarika Jenoside yakorewe Abatutsi mu 1994, iri mu Nteko Ishinga Amategeko y’u Rwanda ku Kimihurura.

Ni igikorwa cyabashimishije, cyane ko hari abatari barahasura, nk’uko bigarukwaho na Mutangana Lambert wiga muri iyo kaminuza, ufite ubumuga bw’ingingo.

Agira ati “Byanshimishije cyane kuba nabashije gusura urwibutso rwa Jenoside n’iyi ngoro y’amateka yo kuyihagarika, mpigiye byinshi. Mbonye ubutwari bw’Inkotanyi, imbaraga zakoresheje ngo zikize abicwaga bazira ubusa. N’ubwo mfite ubumuga, nzakorasha imbuga nkoranyambaga mu kurwanya abagifite ingengabitekerezo ya Jenoside, bityo ntizongere ukundi”.

Ati “Ndahamagarira urubyiruko ahanini ruri mu mahanga rukibaswe n’ingengabitekerezo rushyirwamo n’ababyeyi barwo, kubima amatwi. Baze mu Rwanda birebere, bazasanga rutandukanye n’urwa kera rwarangwaga n’ivangura”.

Prisca Nyiranteziryayo na we avuga ko kwiga ayo mateka n’ubwo atari ubwa mbere, bimufasha kongera imbaraga mu kurwanya abapfobya Jenoside.

Ati “Aya mateka anyigisha kutemera umuntu wese wagarura amacakubiri mu Rwanda, amfasha kandi gutanga amakuru yizewe bityo abahakana Jenoside mbereke ukuri, bumve ko yabayeho kandi yateguwe. Ni ukubabwira nabo bagasura inzibuto za Jenoside, kuko amateka aranditse, amashusho arahari, bibonere uko byagenze bityo nabo bave muri uwo murongo mubi”.

Akomeza avuga ko we na bagenzi be bazifashisha imbuga nkoranyambaga mu gusubiza abagoreka amateka ya Jenoside, kugeza ubwo bazava ku izima bakumva ukuri, bagahindura imvugo.

Umuyobozi wa Kaminuza Gatolika y’u Rwanda, iherereye i Huye, Padiri Ntaganda Laurent wari waherekeje abo banyeshuri, avuga ko ubundi bajyaga bibukira Jenoside mu kigo, ariko bakaba barahisemo gusohoka bagasura inzibutso zibitse amateka, bityo bifashe abanyeshuri.

Ati “Iki gikorwa ni n’abanyeshuri ubwabo bagihisemo, dusanga byabagirira akamaro kuko bibafasha kumenya amateka y’Igihugu, kumenya uko Jenoside yateguwe, uko yakozwe n’ingaruka zayo. Bizatuma bayirinda ubwabo, ndetse banabashe kurwanya abapfobya n’abahakana Jenoside, kuko bazaba bazi amateka nyayo”.

Uwo muyobozi yunzemo ko ibi bikorwa bizakomeza, aho bazajya bajyana abanyeshuri gusura izindi nzibutso zo mu gihugu, bityo bibonere amateka yagiye aranga buri gace, kugira ngo bagire amakuru yuzuye kuri Jenoside, bizaborohere no kuyasobanurira abandi, aho bazaba bari birya no hino ku Isi.

Abo banyeshuri bashimira byimazeho Ingabo zari iza RPA Inkotanyi, zagaragaje ubutwari budasanzwe, zirokora Abatutsi bicwaga bazira uko bavutse, zibohora Igihugu none kikaba kirimo amahoro kandi gitera imbere ubutitsa.

Bruce Melodie

Ni ibirori byitabiriwe na bamwe mu byamamare bikomeye mu ruhando rw’imyidagaduro mu Rwanda, aho babanzaga kunyura ku itapi itukura (red carpet).

Bruce Melodie yatwaye ibihembo bibiri, aribyo Indirimbo y’umwaka ifite amashusho meza yise ‘Funga Macho’, ndetse n’igihembo cy’Umuhanzi w’umwaka mu Rwanda.

Abatwaye ibihembo bitandukanye

– Amashusho y’indirimbo y’umwaka (video of the year): Funga Macho ya Bruce Melodie

– Uhanga imideli w’umwaka (fashion designer of the year): Joyce Fashion Designer

– Umubyinnyi w’umwaka (dancer of the year): Jojo Breezy

– Umukinnyi wa filime w’umwaka (actress of the year): Miss Nyambo

– Iconic Award: Mukansanga Salima

– Umuhanzi w’indirimbo zihimbaza imana w’umwaka (gospel artist of the year): Israel Mbonyi

Israel Mbonyi

– Uwayoboye amashusho y’indirimbo w’umwaka (video director of the year): Gad

– Umukinnyi w’umwaka: Bigirimana Abedi

– Umuhanzi mushya (new artist): Afrique

– Umukinnyi wa filime w’umugabo w’umwaka (male actor): Niyitegeka Gratien (Papa Sava)

– Umuhanzikazi w’umwaka (female artist of the year): Alyn Sano

DJ Brianne

– Uvanga imiziki w’umwaka (DJ of the year): DJ Brianne

Ibi bihembo bigamije kwereka abakora umuziki, abakinnyi ba filimi, ababyinnyi n’abakinnyi bo muri siporo zitandukanye n’abandi bafite aho bahurira n’imyidagaduro ko bashyigikiwe.

Parfait Busabizwa, Umunyamabanga uhoraho muri Minisiteri y’Urubyiruko, yashimye Isibo TV itegura ibi birori, ndetse anasaba abahanzi n’abandi bafite aho bahuriye n’ibijyanye n’imyidagaduro, gukomeza gukora cyane, anagaragaza amahirwe urubyiruko rufite ndetse anarusaba kwegera iyo Minisiteri, kugira ngo rufashwe kwiteza imbere.

Papa Sava

Aaliyah Cool

Jojo Breezy

Parfait Busabizwa, Umunyamabanga uhoraho muri Minisiteri y’Urubyiruko

Abiganjemo urubyiruko baturutse mu ishuri rikuru ry’ubuforomo n’ububyaza rya Ruli, ibitaro by’Akarere ka Gakenke, inzego z’ibanze, abikorera n’abanyamadini bo muri ako karere, basuye urwibutso rwa Jenoside yakorewe abatutsi rwa Kigali ruri ku Gisozi, ku wa 19 Mata 2023, basobanurirwa uko Jenoside yateguwe ikanashyirwa mu bikorwa.

Ndayishimiye Murara Samuel w’imyaka 22, agira ati “Ni ku nshuro ya mbere nsuye urwibutso. Nyuma yo gusobanurirwa amateka ya Jenoside yakorewe Abatutsi, nsanze byari ngombwa kuza hano. Ubu ngiye gushyira imbaraga mu gukoresha imbuga nkoranyambaga, mu rwanya abahakana bakanapfobya Jenoside”.

Mwizerwa Yvonne na we ati “Gusura inzibutso zibitse amateka ya Jenoside yakorewe Abatutsi ni ingenzi, kuko tuhungukira byinshi nkatwe twavutse nyuma yayo. Ubu menye uko Jenoside yateguwe ndetse ikanashyirwa mu bikorwa, bizatuma tubasha guhangana n’ingengabitekerezo yayo”.

Abayobozi batandukanye bari kumwe n’urwo rubyiruko muri icyo gikorwa, bavuga ko gusura uru rwibutso byari bikenewe, nk’uko bisobanurwa na Padiri Innocent Dushimiyimana, umuyobozi w’ishuri rikuru ry’ubuforoma n’ububyaza rya Ruli.

Ati “Urubyiruko turarusaba kugira uruhare mu kurwanya abahembera ingengabitekerezo ya Jenoside bakoresheje imbuga nkoranyambaga. Ku ishuri baba bafite ibikenewe, ku buryo basubiza abagoreka amateka ya Jenoside, bakabwira ay’ukuri, gusura urwibutso nk’uru rero ni ingenzi”.

Umuyobozi w’akarere ka Gakenke wungirije ushinzwe imibereho myiza y’abaturage, Uwamahoro Marie Thérèse, yasabye urwo rubyiruko rwabashije gusura urwibutso rwa Kigali, gusangiza abandi ibyo bungutse.

Yagize ati “ABagize amahirwe yo gusura uru rwibutso, bakamenya amateka ya Jenoside yakorewe Abatutsi mu 1994, turabasaba kuyasangiza bagenzi babo kugira ngo na bo bagire ubwo bumenyi, hanyuma bafatanye guhangana n’abapfobya Jenoside bakanayihakana, babaha amakuru y’ukuri”.

Aba biganjemo urubyiruko rwavutse nyuma ya Jenoside baturutse mu Karere ka Gakenke, banasuye Ingoro Ndangamateka y’urugamba rwo kubohora u Rwanda, basobanurirwa uko urwo rugamba rwagenze kugeza ubwo Ingabo zahoze ari iza RPA zirutsinze, zihagarika Jenoside.

Ni ubukwe bwabereye i Gikondo mu Mujyi wa Kigali ahitwa 248 Events, umwe mu bahanzi babwitabiriye ni Cyusa Ibrahim uririmba inyana ya Gakondo.

B. Threy akoze ubukwe arimo gutegura igitaramo kimurika EP (Extended Play) yise ‘For Life’, ateganya gusohora ku wa 16 Werurwe 2023, kuri Institut Français Kigali, nk’uko birimo gucicikana ku mbuga nkoranyambaga.

Uyu muraperi amaze kwigarurira imitima ya benshi mu bakunzi ba Kinyatrap, bikaba byarazamuye izina rye.

Amaze kugira album eshatu zirimo ‘Nyamirambo’, agace yakuriyemo kanatumye amenyekana, aho usanga hose indirimbo ze zikinwa buri kanya. Aheruka gusohora kandi EP yise ‘Shwiii dah!’ yasohoye mu 2020.

Ni umuraperi wazamukiye mu nzu itunganya umuziki yitwa Green Ferry Music, iyoborwa na Nganji.

Igitaramo nticyitabiriwe

Abahanzi barimo Bushali wanabanje ku rubyiniro, Deejay Pius, Kivumbi, Ariel Wayz, Sintex, Spax, Dee RUG, Bishanya na Davy Ranks nibo bagituniwemo.

Abavanze umuziki bari Dj Marnaud, Dj Infinity, Dj Tyga, Dj Kagz, Nep Djs, cyayobowe n’abashyushyarugamba aribo Ange na MC Nario.

Benshi mu bacyitabiriye, bavugaga ko iki gitaramo cyazize kutamamazwa nk’ibindi, bigaragara ko uyu muhanzi atari yateguye bihagije mu Rwanda.

Demarco

Ubusanzwe mu bitaramo biheruka kubera muri BK Arena yakubitaga ikuzura, mu gihe uyu muhanzi we bidasubirwaho akuye agahinda i Kigali.

Ubusanzwe iyo hari igitaramo giteganyijwe muri BK Arena, guhera mu masaha ya ku manywa haba hari urujya n’uruza rw’abantu i Remera, ariko nta n’inyoni yatambaga kugera mu masaha y’ijoro igitaramo gisoje.

Ubwitabire bwari bwiganjemo abanyamakuru n’abari bashinzwe imirimo muri icyo gitaramo.

Iki gitaramo Cyateguwe na Diamond League Entertainment.

Ariel Wayz

Mu kiganiro yagiranye n’itangazamakuru, kuri uyu wa Gatanu tariki ya 6 Mutarama, Umuvugizi wa Polisi y’u Rwanda, CP John Bosco Kabera, yavuze ko bagiye bafatwa biturutse ku makuru yavuye mu iperereza.

Yagize ati “Mu iperereza ryakozwe kuva muri Kamena kugeza mu mpera z’Ukuboza 2022, byagaragaye ko bariya basivili babiri bakora nk’abakomisiyoneri kuko ni abarimu mu mashuri yigisha gutwara ibinyabiziga. Bagiye bakorana na bariya bapolisi mu bihe bitandukanye, babazanira abantu kugira ngo baborohereze kubona uruhushya rwo gutwara ibinyabiziga rwa burundu cyangwa se urw’agateganyo.”

Yunzemo ati “Byaragaragaye rero ku buryo budashidikanywaho ko bariya bapolisi bane babigizemo uruhare, bakorana na bariya barimu. Abifuzaga uruhushya batangaga amafaranga babinyujije muri bariya barimu, batahageze ndetse n’inzira babinyuzagamo nazo ziramenyekana, niyo mpamvu bafashwe ndetse n’ibimenyetso birahari.”

Iperereza kandi rigaragaza ko hari abantu 8 bamaze guhabwa uruhushya rwo gutwara ibinyabiziga rw’agateganyo, batigeze bagera ahabereye ikizamini, nk’uko byatangajwe ku rubuga rwa Internet rwa Polisi y’u Rwanda.

Umuvugizi wa Polisi y’u Rwanda yatanze ubutumwa ku muntu uwo ari we wese hatagendewe ku cyo akora, waba atekereza kwishora mu nzira nk’izi kuzirinda no guhindura icyerekezo atarahura n’ingaruka zazo.

Ati “Ubutumwa ni uko uwo ari we wese washaka gukorana n’abapolisi muri izi nzira, guca ukubiri nabyo. Turasaba amashuri yigisha amategeko y’umuhanda no gutwara ibinyabiziga gukora inshingano zayo zo kwigisha abakandida. Abapolisi nabo bafite inshingano zo gutanga ibizamini ariko mu gihe hajeho kurengera buri umwe agakora ibitamureba, binyuranyije n’amategeko azafatwa. Ababikoze ubu, abateganya kubikora n’ababitekereza bamenye y’uko kurwanya ruswa ari gahunda ikomeye cyane muri Polisi ndetse no ku rwego rw’igihugu.”

Abafashwe bose bashyikirijwe Urwego rushinzwe ubugenzacyaha (RIB) kugira ngo iperereza ku byaha bakurikiranyweho rikomeze, mu gihe hakomeje gushaka abafite aho bahurira n’ibi bikorwa binyuranyije n’amategeko bose.

Itegeko no 54/2018 ryo kuwa 13/08/2018 rirwanya ruswa ingingo yaryo ya 4 ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose. Iyo abihamijwe n’urukiko, ahanishwa igifungo kirenze imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

Ingingo ya 276 yo mu itegeko riteganya ibyaha n’ibihano muri rusange ivuga ko , Umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha

Umuntu wese, ku bw’uburiganya, wandika, wandikisha ibintu bidahuye n’ukuri cyangwa ukora imenyekanisha ritari ryo afatwa nk’uwakoze icyaha cyo gukora ibihimbano.

Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.

Ni ubukwe bwabereye muri Leta ya Texas, ahari hakoraniye inshuti n’abavandimwe b’uyu muhanzi.

Ni ibirori byabaye mu buryo bw’ibanga rikomeye, kuko na bake bari batumiwe basabwe kudafata amafoto.

Ageze muri Leta Zunze Ubumwe za Amerika, Iyamuremye n’umukunzi we bahise batangira imyiteguro y’ubukwe bwabo.

Iyamuremye ni umwe mu bahanzi bakomeye mu ndirimbo zikunzwe zo guhimbaza Imana, nka ‘Yesu agarutse’ yakoranye na James & Daniella, ‘Biramvura’, ‘Urugendo’ yakoranye na Israel Mbonyi n’izindi nyinshi zitandukanye yamenyekaniyeho.

Bruce Melody amaze kugera ku rubyiniro

Ni igitaramo cyitabiriwe n’abahanzi bo mu Rwanda gusa, kikaba cyaritabiriwe n’urubyiruko rwinshi hizihizwa Umwaka mushya wa 2023.

N’ubwo ubwitabire butari bwinshi mu ntangiriro, uko amasaha yagiye yicuma, abantu bagiye biyongera.

Ni igitaramo cyarimo abahanzi nka Bruce Melody, King James, Riderman, Afrique, Ish Kevin, okkama, Ariel Ways, Juno Kizigenza, Niyo Bosco n’abandi benshi.

Iki gitaramo cyashyuhijwe n’umushyushyarugamba Anita Pendo, ubwo yajyaga ku rubyiniro agiye kwakira abahanzi bakuru, bityo abitabiriye babona kuryoherwa n’igitaramo neza.

Saa 22:21 ni bwo Symphony Band yatangiye gusuzuma ibicurangisho, mu gihe abahanzi bakuru mu gitaramo biteguraga kuza ku rubyiniro.

Niyokwizerwa Bosco bitirira imashini y’umuziki yaserukanye abasore baterura ibyuma. Yahereye ku ndirimbo yise ‘Ubigenza ute’ imwe mu zatumye yiyegurira imitima ya benshi mu bakunzi b’umuziki.

King James yaririmbanye na Ariel Wayz

Saa 22:40 Umuhanzikazi Ariel Wayz yakiriwe n’imbaga yari iteraniye muri BK Arena n’amashyi menshi. Yazanye ku rubyiniro n’ababyinnyi bamugaragiye mu myambaro y’umweru.

Ariel Ways yaririmbye indirimbo ze zikunzwe anezeza abafana bitabiriye igitaramo aho benshi muri BK Arena banyeganyeze.

Yakurikiwe na Nel Ngabo watunguranye, aho yakiriwe n’abafana n’urusaku rwinshi mu ndirimbo ‘Nywe’.

Fireman na we yinjiye ku rubyiniro atunguranye, afatanya na Nel Ngabo kuririmba indirimbo bakoranye yitwa ‘Muzadukumbura’.

Aline Sano akigera ku rubyiniro hamwe n’ababyinnyi be

Nyuma ye hakurikiyeho umuhanzi Alyne Sano, wabyinnye kakahava aho yaririmbye zimwe mu ndirimbo ze zigezweho muri iyi minsi harimo ‘Radio’, ‘Fake G’ n’izindi zashimishije benshi mu bitabiriye igitaramo.

Hakurikiyeho Umuhanzi Platini P waserukanye igisa n’ikanzu. Ageze ku rubyiniro yahereye ku ndirimbo aheruka gusohora yitwa ‘Shumuleta’, yaserukanye n’inkumi y’ikimero yabyinishije ku rubyiniro.

Ageze hagati, Platini P yagize ati “Uyu mwaka twabuze abahanzi bagenzi bacu dukunda, Yvan Buravan na Jay Polly! Yahise asaba abafana kuririmbana indirimbo y’umuhanzi Jay Polly yitwa ‘Mumutashye’ indirimbo yazamuye amarangamutima y’abitabiriye igitaramo maze inyubako ya BK Arena iratigita.

Hakurikiyeho Umuhanzi Davis D ahagana Saa 21:50, aho yatangiranye zimwe mu ndirimbo nka ‘Micro’, Biryogo n’izindi.

Ni umuhanzi wagaragaje ko akunzwe n’inkumi ku rwego rwo hejuru, kandi indirimbo ze zashyuhije abitabiriye igitaramo.

King James ataramira abitabiriye igitaramo cya EAP

Hagezeho Umuhanzi Riderman Saa 12:30, muri Arena bihindura isura. Gatsinzi Emery [Riderman] wari uherekejwe n’umuraperi Siti True Karigombe, batangiye babyinisha abakunzi b’umuziki bahereye ku ndirimbo ‘Cugusa’, ‘Mambata’, ‘Igicaniro’ n’izindi.

Yageze kuri ‘Holo’ n’Abanyabirori’, maze izi ndirimbo zizamura umurindi wa benshi babyinana na we asoza batabishaka.

Ruhumuriza James uzwi nka King James wari ukumbuwe na benshi mu bitaramo yakiriwe ku rubyiniro, yanzika mu ndirimbo ‘Birandenga’ nyuma yakira Ariel Wayz baririmbana ‘Ndakumbuye’ indirimbo bakoranye mu 2021.

Umuhanzi P-Fla yasanze King James ku rubyiniro baririmbana indirimbo ’Nisubiyeho’ bakoranye

King James yahamije ko ijwi rye ndetse n’abafana be ntaho bagiye. Ubwo yari ageze ku ndirimbo ‘Nisubiyeho’, King James yahise ahamagara Umuhanzi P-Fla.

Bruce Melody ni we washyize akadomo kuri iki gitaramo cyarangiye Saa 02:30.

Melodie wagisoje, yaririmbye indirimbo zirimo ‘Katerina’, ‘Saa moya’, ‘Ikinyafutu’, ‘Ikinya’, ‘Nyoola’ ‘, ‘Sawa Swa’, ‘Kungola’, ‘Bado’, ‘Henzapu’, ‘Uzandabure’ n’izindi ze zikunzwe na benshi muri iyi minsi.

Iki gitaramo cyari kibaye kunshuro ya 14.

Bamwe mu bari bahari haba iyo mpanuka batifuje ko amazina yabo atangazwa, babwiye Kigali Today ko inkongi yatewe n’uwari arimo gusudira hanyuma ibishashi bigatarukira mu mpapuro, kuko ahahiye hasanzwe harimo ‘papeterie’, hahita hagurumana, uwateje iyo nkongi akaba yahise atoroka aburirwa irengero.

Bavuze kandi ko abaturage bari hafi bahise batabara, batangira kuzimya uwo muriro bifashishije umucanga kugeza uzimye neza.

Nyiri aho hahiye utifuje kuvugana n’itangazamakuru, byaje kumenyekana ko yitwa Mukamana, ni ryo zina ryonyine ryamenyekanye.

Umuvugizi wa Polisi y’u Rwanda, CP John Bosco Kabera, yabwiye Kigali Today ko yamenye ko hahiriyemo Amafaranga asaga miliyoni ebyiri, ndetse n’ibindi bikoresho bitandukanye byarimo.

Muri ibyo bikoresho byahiriyemo harmo mudasobwa zifashishwaga mukazi hatamenyekanye umubare, impapuro n’ibindi byifashishwa muri iyo papeterie.

Yakomeje agira inama abacuruzi kuba hafi y’ibikorwa byabo, dore ko hasudiriwe nyiraho adahari nk’uko tubikesha ababyiboneye biba.

Israel Mbonyi yagiriye inama abakiri bato yo kwakira agakiza

Ni igitaramo cyabaye ku mugoroba wa Noheli ya 2022.

Mu butumwa yatanze, yavuze ko yavukiye mu muryango ukijijwe bamutoza kumenya Imana, ahishura ko hari ubwo uwabigishaga yababwiye ko niba bataratura ngo bavuge ko Yesu ari umwami n’umukiza mu buzima bwabo, ubwo batarakizwa.

Yakomeje abwira urubyiruko ati “Bagenzi banjye basanzwe bari bazi ko ndi umukirisitu uhamye, ariko uwo munsi nagize isoni zo kwatura kugira ngo abandi banyeshuri batambona nk’utari ukijijwe”.

Yavuze uburyo yabwiye bagenzi be ko agiye gukizwa bagatangara kandi bari bazi ko ari umukozi w’Imana.

Ati “Nagize isoni z’ukuntu mvuga ngo ngiye gukizwa kandi bazi ko ndi umukozi w’Imana. Naragiye niherera ahantu inyuma ahabaga ubwiherero ndavuga ngo Mana niba biriya uriya mugabo yavugaga ari byo nanjye ndashaka gukizwa”.

Ni ijambo ryakurikiwe n’isengesho rigufi yakoze asengera abari bamaze gufata icyemezo cyo kwakira agakiza.

Uyu muhanzi yibukije urubyiruko ko kwakira agakiza ukiri muto bitabuza kubaho ubuzima buryoheye abakiri bato.

Itsinda ryitwa ‘Aba chou Band’ rigizwe n’inkumi ni ryo ryamucurangiye, ndetse rikaba ari na ryo risigaye rimucurangira mu bitaramo bitandukanye.

Nyuma yo gutaramira abitabiriye icyo gitaramo, uyu muhanzi n’itsinda rye bavuye ku rubyiniro basimburwa n’itsinda rya ‘Soul Nativez’.

Iri tsinda rizwiho kuvanga indirimbo ariko banazicuranga bikanyura abatari bake.

Iri tsinda ry’abacuranzi ubwo riheruka i Kigali ryacuranze mu gitaramo ‘Intore Sundays’.

Iki gitaramo cyabaye nyuma yo gucurangira bwa mbere mu Rwanda ubwo bari bitabiriye iserukiramuco rya ‘Kivu Fest’ ryabaye muri Nyakanga 2022.

Mu butumwa buherekeje iyo foto, Bruce Melodie yagize ati “Birampagije kwizera ko ubu jye nawe turiho! Uwantwaye ubusore mugabiye n’ubusaza”!

Ni amagambo yakunzwe n’abamukurikira ku mbuga nkoranyambaga, bishimiye iki cyemezo yafashe cyo kuzabana akaramata n’umugore we.

Ibi abigarutseho nyuma y’imyaka myinshi uyu muhanzi adakunda ko umugore we agaragara mu ruhame.

Minisitiri Musabyimana ashyikiriza umuturage inzu yubaliwe na Polisi

Polisi y’u Rwanda yateye inkunga ibikorwa biteza imbere imibereho myiza y’abaturage, bifite agaciro k’asaga Miliyari 2Frw mu gihugu hose, mu kwezi kwahariwe ibikorwa byayo (Police Month), mu rwego rwo kwizihiza isabukuru y’imyaka 22 imaze ishinzwe.

Ni ibikorwa birimo gucanira ingo 7,500 hifashishijwe ingufu zikomoka ku mirasire y’izuba, inzu 65 zubakiwe imiryango itishoboye ndetse n’amarerero 30 y’abana bato (ECD), yubatswe mu turere twose tw’Igihugu byashyikirijwe ku mugaragaro abagenerwabikorwa, ku wa Gatanu tariki 16 Ukuboza.

Polisi kandi yubatse ubwogero 16 bw’inka, itanga inkunga ya Miliyoni 35Frw ku makoperative, igenera ubwishingizi mu kwivuza abagera ku 2000, inagabira inka enye imiryango yo mu Murenge wa Gishari mu Karere ka Rwamagana.

Uyu mwaka, ukwezi kwahariwe ibikorwa bya Polisi kwahawe insanganyamatsiko igira iti: “Imyaka 22 y’ubufatanye n’abaturage mu bikorwa by’Umutekano n’Iterambere rirambye”.

Minisitiri Gasana na we yitabiriye icyo gikorwa

Gusoza ukwezi kwahariwe ibikorwa bya Polisi, ku rwego rw’Igihugu byabereye mu Karere ka Nyamagabe mu Ntara y’Amajyepfo, aho Minisitiri w’Ubutegetsi bw’Igihugu, Musabyimana Jean Claude, yavuze ko mu myaka 22 ishize serivisi za Polisi y’u Rwanda zabaye ingirakamaro ku baturarwanda.

Yagize ati “Imyaka 22 ishize ifite icyo isobanuye ku mutekano n’ituze rusange Abanyarwanda bishimira muri iki gihe, kandi ibi bikorwa bya Polisi biteza imbere ubukungu n’imibereho myiza. Ni umusaruro w’ubufatanye butanga icyizere hagati y’inzego z’igihugu n’abaturage."

Ingo 2407 zo mu Ntara y’Amajyepfo zacaniwe hifashishijwe ingufu z’amashanyarazi akomoka ku zuba, 459 murizo ziri mu Karere ka Nyamagabe kandi mu Ntara y’Amajyepfo hubatswe inzu 16 n’amarerero umunani.

Minisitiri Musabyimana yavuze ko umutekano ari umusingi w’iterambere n’imibereho myiza y’abaturage, hagamijwe impinduka zirambye, kandi ko inzu, amarerero n’ingufu zikomoka ku zuba bibafasha kwikura mu bukene.

Yagize ati "Ubu bufatanye no gukorana bya hafi hagati ya Polisi n’abaturage ni umurongo wa Nyakubahwa Perezida wa Repubulika, kuko Polisi idashobora kugera ku nshingano zayo idakoranye n’abaturage. Ubukene butangirira mu bitekerezo; intwaro yo gutsinda ubwo bukene ni uguhindura uko utekereza kandi uharanira kwiteza imbere ugahindura urwego uriho. "

Yongeyeho ati “Gucunga Umutekano no kurwanya ibyaha ni uguhozaho, urugendo ruracyakomeza, dufatanye twese kurwanya icyahungabanya umutekano n’iterambere Igihugu cyacu kimaze kugeraho bigatuma dusubira inyuma. Dutangire amakuru ku gihe ku cyahungabanya umutekano cyose.”

Umuyobozi Mukuru wa Polisi y’u Rwanda (IGP), Dan Munyuza, yavuze ko ukwezi kwa Polisi kwagenewe ibikorwa by’iterambere ry’Igihugu, guteza imbere imibereho myiza y’Abanyarwanda no gukangurira abaturarwanda gukumira no kurwanya ibyaha, u Rwanda rugakomeza kugira umutekano.

Yagaragaje ko akarere ka Nyamagabe kari mu turere dufite ibyaha bicye, aho ibyinshi muri byo bijyanye n’ubucuruzi bwa magendu, amakimbirane mu miryango ndetse n’ibyaha byo kwangiza ibidukikije.

Umuyobozi Mukuru wa Polisi yashimiye abaturage ba Nyamagabe uburyo bitabiriye kurwanya imitwe yitwaje intwaro, yagerageje guhungabanya umutekano wabo mu bihe byashize.

Ati "Kubera umutima wo gukunda Igihugu no gufatanya n’inzego z’umutekano, twabashije kumenya no gufata abagize uruhare mu bikorwa by’ubugizi bwa nabi mubigizemo uruhare. Turabashimira ubwo bufatanye mukomeje kugaragaza kandi turabasaba gukomeza gukorana n’inzego z’igihugu."

Uko byari byifashe mu Mujyi wa Kigali

Ku rwego rw’Umujyi wa Kigali, iki gikorwa cyitabiriwe na Minisitiri w’Umutekano, Alfred Gasana, aho yasabye abaturage bahuriye mu Murenge wa Mageragere, mu Karere ka Nyarugenge, ahatanzwe inzu ebyiri, gukomeza gusigasira no kongera ibyagezweho, birinda gusubira inyuma.

Ati “Iyi myaka 22 Polisi y’u Rwanda imaze ishyizweho, yabaye iyo gukora no gutanga icyizere kirambye mu bantu. Icyo cyizere gishingiye ku gihugu gifite umutekano usesuye, tukaba tubikesha ubufatanye bw’abaturage muri rusange n’izindi nzego z’Igihugu cyacu.”

Ati “Murasabwa gukomeza kugaragaza ubufatanye mu bikorwa byo gukumira no kurwanya ibyaha, guteza imbere ibikorwa bizamura imibereho myiza, munafata neza ibikorwa mwahawe n’ibindi bikorwaremezo mu rwego rwo guharanira kugira Igihugu gitekanye kandi kizira icyaha bikaba intego ya buri wese.”

Abagenerwabikorwa byabashimishije

Mukandori Veneranda w’imyaka 70 utuye mu Mudugudu wa Gasharu, Akagari ka Nyabivumu, Umurenge wa Gasaka mu Karere ka Nyamagabe, yagize ati "Ntaho nari mfite ho kuba nyuma y’imyaka 2 mvuye muri Kongo. Nakoraga ibiraka byo guhingira amafaranga kugira ngo mbone amaramuko n’amafaranga yo kwishyura, ubukode ariko ubu nezejwe no kugira ahitwa iwanjye. Ngiye gutekana cyane.”

Mukeshimana Alphonsine ufite imyaka 35 y’amavuko ati, “Sinabona uko mbashimira kuko ibintu nkorewe birahambaye. Ubu ngiye kujya nsurwa n’inshuti n’abavandimwe kuko mfite aho bansanga kandi hahagije.”

Ni irushanwa ngarukamwaka ryateguwe na Minisiteri y’Ikoranabuhanga na inovasiyo ku bufatanye n’Urwego rw’Igihugu rw’iterambere (RDB), rigamije guteza imbere imishinga y’ikoranabuhanga yitezweho impinduka.

Ni igihembo Polisi yahawe mu rwego rwo gushyigikira gahunda yatangije yo gukoresha Kamera zigenzura umuvuduko w’ibinyabiziga bakunze kwita ’Sophia’, zashyizwe ku mihanda hirya no hino mu gihugu.

Icyo gihembo cyatanzwe n’uhagarariye Banki y’Isi, Rolande Simone Pryce, ari kumwe n’uhagarariye ishami ry’Umuryango w’Abibumbye rishinzwe gahunda z’iterambere (UNDP), Maxwell Gomera, gishyikirizwa Umuyobozi Mukuru wa Polisi wungirije ushinzwe imiyoborere n’abakozi, DIGP Jeanne Chantal Ujeneza.

Kamera zashyiriweho kugenzura umuvuduko w’ibinyabiziga zari ku rutonde rumwe n’indi mishinga, irimo uw’Ubutaka App, uwo muri Minisiteri y’ubuzima n’uw’ikigo cy’igihugu cyita ku bidukikije (REMA).

Polisi yifashisha Kamera mu byiciro bitandukanye birimo kugenzura amakosa akorwa mu muhanda n’abayobozi b’ibinyabiziga, nko kugendera ku muvuduko urenze uwagenwe, amakosa akorerwa mu masangano y’imihanda ahari ibyapa bimurika, kuvugira kuri telefone utwaye n’andi makosa atandukanye.

Ni uburyo bw’ikoranabuhanga bubasha kugaragaza nyir’ikinyabiziga cyaba moto cyangwa imodoka, gikoze rimwe mu makosa yavuzwe haruguru n’amande ajyanye naryo.

Umuvugizi wa Polisi y’u Rwanda, CP John Bosco Kabera, yavuze ko uru rwego rushinzwe umutekano rwashyize imbere ikoranabuhanga, nk’igikoresho cy’ingenzi mu rwego rwo koroshya imitangire ya Serivisi.

Yagize ati "Kamera zigenzura umuvuduko ni zimwe mu bikoresho by’ikoranabuhanga Polisi yifashisha mu rwego rwo kunoza imitangire ya serivisi no kwihutisha akazi."

Yakomeje agira ati "Polisi yifashisha ikoranabuhanga no mu zindi serivisi nko mu kwiyandikisha no kwishyura ku bashaka gukorera impushya zo gutwara ibinyabiziga, gukorera uruhushya rwo gutwara ibinyabiziga rw’agateganyo hifashishijwe mudasobwa, gusaba ko ikinyabiziga gikorerwa igenzura ry’ubuziranenge, gutanga ibirego no guhamagara ku mirongo itishyuzwa yashyiriweho kumenyekanisha ibibazo by’abaturage."

Yavuze ko ubu buryo bw’ikoranabuhanga bwagiye bworoshya serivisi za Polisi, bugatuma zihuta kandi bugafasha mu gukumira, gutahura ndetse no kurwanya ibyaha muri rusange, nk’uko bigaragara ku rubuga rwa Internet rwa Polisii y’u Rwanda.

Ni inkuru dukesha Polisi y’u Rwanda

Iraguha Peace Ndoli ashyikirizwa igihembo cy’umushinga wahize indi

Ni ikigo cyashinzwe na Iraguha Peace Ndoli, hagamijwe gufasha mu guhangana n’indwara zitandura binyuze mu gutanga inama n’ubumenyi bw’ibanze, mu kwiyitaho mu buzima bwa buri munsi. Icyakora hari n’abandi bahembwe kubera imishinga yabo yashimwe.

Minisitiri w’ikoranabuhanga na Inovasiyo, Ingabire Paula, mu ijambo rye rikubiyemo n’ubutumwa bw’Umukuru w’Igihugu, yavuze ko Guverinoma ishyigikiye urwo rubyiruko.

Yagize ati “Umwaka ushize twari kumwe n’Umukuru w’Igihugu utabashije kuboneka uyu munsi ariko yampaye ubutumwa yari yabageneye. Uru rugendo mutangiye ni inzira y’ubuzima kuri mwe, ni ahantu ho gutekereza inzira nshya zikenewe mu Isi irimo gutera imbere, uburezi bwubaka ibyiza kuri mwe, kandi Guverinoma yashyizeho uburyo bubaha amahirwe bukanabashyigikira.”

Ubutumwa bwa Perezida Kagame yabukomeje asaba urubyiruko ko buri wese muri bo, afite amahitamo n’imbaraga zo gukomeza gutsinda no kwaguka kurenza aho abantu batekerezaga.

Minisitiri Ingabire yashimiye abafatanyabikorwa batandukanye ba Hanga PitchFest kuva yatangira, ndetse n’abitabiriye iri rushanwa muri rusange.

Abahembwe bose kimwe n’abandi basabwe kwagura ibikorwa byabo

Umuyobozi Mukuru w’Inama y’Ubutegetsi y’Urwego rw’Igihugu rw’Iterambere (RDB), Fisher Itzhak, yishimiye ko Hanga PitchFest yagenze neza haba ku nshuro ya mbere mu 2021 no ku ya kabiri.

Yavuze ko u Rwanda rwateye imbere mu ikoranabuhanga mu nzego zitandukanye, ndetse asaba ko hakomeza ubufatanye mu rwego rwo kuryimakaza mu bakiri bato.

Uko indi mishinga yakurikiranye mu gutsindira ibihembo

Huuza Quest LTD ni wo mushinga Iradukunda Marie Grace wegukanye umwanya wa gatanu muri aya marushanwa atahana asaga miliyoni 12.5Frw. Ugamije kugaragaza umuco n’amateka by’u Rwanda na Afurika, binyuze mu buryo bw’imikino itandukanye yo kuri Internet.

Mulika Farms wegukanye umwanya wa kane uhabwa ibihumbi asaga Miliyoni 12.5Frw. Ni umushinga ugamije gufasha abahinzi bo mu Rwanda bagikomwa mu nkokora no kugeza umusaruro ku isoko.

School Nest wa Karegeya Jean Marie Vianney, wegukanye umwanya wa gatatu. Ni umushinga w’ikoranabuhanga ugamije gukemura ibibazo n’imbogamizi zinyuranye zikigaragara mu burezi, wegukanye asaga miliyoni 15Frw.

Paying Note ni umushinga wa Munezero Brenda na Turatsinze, wegukanye umwanya wa Kabiri uhembwa Miliyoni asaga 20Frw, bahisemo gukora umushinga wo gufasha abantu bifuza kubona inguzanyo, n’uburyo bworoshye bwo kuzishyura by’umwihariko abacuruzi bato badafite ababishingira.

Uyu mushinga ugamije kugira uruhare mu kugabanyiriza umutwaro abantu mu kwishyura inguzanyo.

Polisi y’u Rwanda mu irushanwa rya Hanga Pitchfest 2022, yegukana igihembo ku bwo guteza imbere ikoranabuhanga muri serivisi z’umutekano wo mu muhanda, ihize ibindi bigo byose bya Leta.

Guverineri kandi yashimiye Urubyiruko rw’Abakorerabushake ba Karere ka Gicumbi ku bikorwa by’indashyikirwa rwakoze biteza imbere aka Karere.

Umunyamabanga Uhoraho muri MINUBUMWE Munezero Clarisse, yavuze ko kwizihiza Umunsi w’ubwitange n’ubukorerabushake ari umwanya mwiza wo kongera kuzirikana, gutekereza no gushimira abakorerabushake batandukanye bagira uruhare mu ishyirwa mu bikorwa rya gahunda zitandukanye zigamije iterambere ry’igihugu.

Yongeyeho ko n’ubwo ubukoloni bwashenye indangagaciro z’umuco bikatuviramo Jenoside yakorewe Abatutsi mu 1994, ngo mu bwitange ni ho hongera kugaragaramo indangagaciro y’ubumwe, ubufatanye, urukundo, gukorera ku gihe, kugira intego, n’Umurimo unoze.

Umunyamabanga Uhoraho muri MINUBUMWE Munezero Clarisse

Ati: “Ku muntu ukorera ubushake, nta gihembo kiruta kubona uwari ubabaye yishimye, anyuzwe n’imirimo myiza wamukoreye. Mu bikorwa mwakoze, mwubakiye abatishoboye amazu, uturima tw’igikoni; by’umwihariko mwatangiye gukoresha ikoranabuhanga mu kurwanya ingengabitekerezo ya Jenoside, igihugu cyirabibona kandi kirabashimira.”

Mu kwizihiza uyu munsi, habaye ibikorwa binyuranye birimo kuremera utishoboye wahawe amabati 40 ndetse n’intama ebyiri.

Umuhanzi Joe Boy (ufite indabo) yageze mu Rwanda

Icyo gitaramo kizaba ku wa Gatandatu tariki 3 Ukuboza 2022, mu nyubako y’imyidagaduro ya BK Arena.

Ni ubwa mbere agiye kuririmbira muri BK Arena, kuko ubwo aheruka i Kigali muri Gashyantare 2020, yatanze ibyishimo mu gitaramo yakoreye ahazwi nka Camp Kigali.

Akigera mu Rwanda mu ijoro ryo ku wa Kane, Joe Boy yabajijwe niba hari abahanzi bo mu Rwanda yaba azi, asubiza ko azi cyane umuraperi Ish Kevin ndetse na Bruce Melodie.

Ni ubwa mbere Joe Boy agiye kuririmbira muri BK Arena

Yavuze ko n’ubwo atumva neza ibyo baririmba, ariko abakundira uburyo bitwara mu ndirimbo (ibizwi nka Vibes).

Joe Boy wakunzwe mu ndirimbo zirimo nka ‘Alcohol’, avuga ko aba baririmbyi bombi bagiranye ibiganiro biganisha ku gukorana indirimbo.

Joeboy ati “Yego! Nanyuzwe na Ish Kevin ndetse na Bruce Melodie. Ntabwo numva neza ibyo aririmba ariko nakunze ‘vibes’ ze. Yego! Ndi mu biganiro na bo”.

Minisitiri Sabin Nsanzimana yijeje ko azakorana n’abandi bakorera hamwe nk’ikipe kandi bita ku mitangire ya serivisi inoze.

Reba uko umuhango wagenze muri iyi video:

Umuyobozi wungirije wa Carousel Ltd ifite mu nshingano Inzozi Lotto, Nshuti Thierry, yavuze ko ari uburyo bushya bugiye gufasha abakiriya gutega bidasabye kuva aho bari.

Ati “Twazaniye abakiriya bacu uburyo bushya bwo gutegera aho bari hose, aho bazajya batega bakoresheje Airtel Money ndetse banatsinda ibihembo byabo bakakibona kuri Airtel Money mu buryo bwihuse”.

Inzozi Lotto ni umushinga ukorwa na sosiyeti ya Carousel Ltd, ukaba ufitemo imikino y’amahirwe itandukanye nka Quick Lotto, Impamo Jackpot, Quick 10 ndetse na Igitego Lotto.

Umuyobozi Mukuru wa Airtel Money, Gaga Jean Claude, yavuze ko ari serivisi nshya bazaniye abakiriya bayo.

Yavuze ko ari serivise nziza bazaniye abafatabuguzi ba Airtel kugira ngo boroherezwe gutega batavuye aho bari ahubwo bakoresheje Airtel Money bakanda *240#.”

Umuyobozi Mukuru wa Airtel Money, Gaga Jean Claude

Yavuze ko ari uburyo bwizewe cyane kuko habanza kugenzurwa niba ugiye gutega yujuje imyaka y’ubukure.

Ku bashaka gukina imikino ya Inzozi Lotto, bakanda *240# bagakurikiza amabwiriza ndetse banasura urubuga rwa www.inzozilotto.rw cyangwa bakegera abakozi ba Inzozi Lotto bari hirya no hino mu Gihugu.

Umuyobozi wungirije wa Carousel Ltd ifite mu nshingano Inzozi Lotto, Nshuti Thierry

Reba ibindi muri iyi video:

Ni nyuma y’aho mu gitondo cyo kuri uyu wa Mbere tariki 28 Ugushyingo, mu bikorwa bya Polisi, ishami rishinzwe umutekano wo mu muhanda (TRS) byakorewe mu mihanda yo mu Mujyi wa Kigali, hafashwe imodoka 60 zitari zifite icyemezo cy’ubuziranenge gitangwa nyuma yo gusuzumisha imiterere y’ikinyabiziga.

Bamwe mu bashoferi bagiye bagaragaza ko akenshi bituruka ku burangare bwa ba nyir’ibinyabiziga batwara, batabikurikirana mu gihe bo baba babamenyesheje bimwe mu bibazo imodoka zabo zifite ndetse n’uko icyemezo cy’ubuziranenge cyazo cyarangije igihe.

Umwe mu bashoferi batwara imodoka zijyana abanyeshuri ku ishuri, yavuze ko yari asanzwe abizi ko icyemezo cyayo cy’ubuziranenge cyarangije igihe kuko yari yaranabimenyesheje umukoresha we ntiyabyitaho.

Yagize ati:”Icyemezo cy’ubuziranenge bw’imodoka natwaraga cyarangiye ku itariki ya 11 Ugushyingo, nari narabibwiye umukoresha wanjye ntiyagira icyo abikoraho. Nafatiwe ku Kimironko ntwaye abanyeshuri ku ishuri. Nari mbizi ko ari ikibazo kuba ntafite icyemezo cy’ubuziranenge ariko byabayeho kubera ko ari undi nkorera. Numvaga nanjye bimbangamiye bitewe n’uko yirengagije gufata umwanzuro ariko tuba twanga ko batwirukana kuko hari igihe atekereza ku mafaranga cyane ukabona batabyakira neza kujya kuyikoresha.”

Kimwe na mugenzi we utwara imodoka ya sosiyete itwara abagenzi rusange nawe yavuze ko imodoka atwara icyemezo cy’ubuziranenge cyayo cyari cyararangiye abimenyesha umukoresha we amubwira ko azakora imenyekanisha agasaba itariki yo kuyikorera igenzura ariko kugeza n’ubu akaba yafashwe ntacyo arabikoraho.

Umuvugizi w’Ishami rya Polisi rishinzwe umutekano wo mu muhanda, Senior Superintendent of Police (SSP) René Irere, yavuze ko gutwara ikinyabiziga kidafite icyemezo cy’ubuziranenge igihe cyose bishobora guteza ibyago by’impanuka bityo ko bidashobora kwihanganirwa.

Yagize ati:” Ibi ni bimwe mu bikorwa bisanzwe bikorwa hagamijwe kunoza umutekano wo mu muhanda hirindwa impanuka, ariko by’umwihariko nyuma y’uko bigaragaye ko hari abashoferi batwara ibinyabiziga badafite icyemezo cy’ubuziranenge, uyu munsi twari tugamije kureba ahanini imodoka zikora ubwikorezi, zaba izitwara abagenzi, izitwara abanyeshuri, izitwara ibicuruzwa n’iz’isuku.”

Yakomeje agira ati:”Twafashe imodoka 199 muri iki gitondo ziganjemo amakamyo n’imodoka zitwara abagenzi bigaragara ko zari zifite icyemezo cy’ubuziranenge cyarangije igihe n’izindi zagiye ziregwa amakosa aho kujya kuyakosora bagakomeza kuzikoresha mu muhanda.”

Gusuzuma imiterere y’ibinyabiziga biteganywa n’iteka rya Perezida No. 85/01 ryo ku wa 02/09/2002 rishyiraho amabwiriza rusange agenga imihanda n’uburyo bwo kuyigendamo.

Ibinyabiziga bigenewe gutwara abagenzi muri rusange, ibigenewe gutwara ibintu birengeje toni 3,5 n’ibinyabiziga bigenewe ibigo byigisha gutwara, bisuzumwa buri mezi atandatu mu gihe ku bindi binyabiziga bisigaye isuzuma rikorwa mu gihe cy’umwaka.

SSP Irere yasabye ba nyir’ibinyabiziga kujya bumva inama bahabwa n’abashoferi babo mu gihe bababwiye ko ibinyabiziga byabo bidakora neza cyangwa ko icyemezo cy’ubuziranenge cyarangiye bakihutira gukora imenyekanisha no kubisuzumisha hakiri kare kugira ngo ibikorwa byabo bidahagarara kandi bikaba byateza impanuka zishobora gutwara ubuzima bw’abakoresha umuhanda n’abashoferi bazo ubwabo.

Ni inkuru dukesha Polisi y’u Rwanda

Hahembwe imishinga itatu yahize indi, irimo umushinga witwa Anda Studio wo mu cyiciro cya Filimi no Gufata Amafoto, Himba Empire wamuritswe mu cyiciro cy’Indirimbo n’Imbyino na Growth Art Foundation wo mu cyiciro cy’Ubugeni.

Abahanzi bahize abandi muri ArtRwanda-Ubuhanzi bashimwe ndetse bahabwa sheki ya miliyoni 1Frw kuri buri muntu.

Barimo Ihirwe Jovite mu cyiciro cy’Indirimbo n’Imbyino, Niyomugabo Josue mu cyiciro cy’Ubusizi n’Ubuvanganzo, Ishimwe Diane mu cyiciro cy’Ubugeni.

Abandi bahanzi bahembwe nk’abahize abandi muri ArtRwanda-Ubuhanzi ni Tuyishime Anaclet mu cyiciro cy’Imideli, Ishimwe Samuel watsinze mu cyiciro cya Filimi no Gufata Amafoto na Mukingambeho Henriette watsinze mu cyiciro cy’Ikinamico n’Urwenya.

Ni mu gihe bose hamwe uko ari 60 bagiye kumara umwaka bahugurwa ku buryo bakwagura impano zabo, uko bazishakira ubushobozi ndetse no kuzibyaza umusaruro.

Umuyobozi Mukuru wa Imbuto Foundation, Umutoni Sandrine

Umuyobozi Mukuru wa Imbuto Foundation, Umutoni Sandrine yabwiye aba bahanzi ko bakwiye kujya bazirikana ko bagomba kubyaza umusaruro amahirwe adasanzwe bashyiriweho n’ubuyobozi bw’Igihugu.

Yagize ati “Tujye tuzirikana amahirwe yo kugira Igihugu; gitekanye, cyunze ubumwe, kandi giha amahirwe buri wese. Ubuyobozi bwacu bwaduhaye urubuga.”

Minisitiri w’Urubyiruko n’Umuco, Rosemary Mbabazi

Minisitiri w’Urubyiruko n’Umuco, Rosemary Mbabazi yashimiye Madamu Jeannette Kagame udahwema guharanira iterambere ry’urubyiruko by’umwihariko ateza imbere impano zarwo.

Yagize ati “Munyemerere mwese, dufatanye gushimira Nyakubahwa Madamu First Lady, Umuyobozi mukuru wa Imbuto Foundation, ku muhate we uhoraho mu guteza imbere urubyiruko. Usibye gusa na ArtRwanda, yateje imbere gahunda nyinshi ziteza imbere urubyiruko.

Kureba andi mafoto, kanda HANO

Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascène, yasobanuye Urugerero mu mateka y’Abanyarwanda mu gusigasira Ubumwe n’Ubudaheranwa, uburyo kubura indangagaciro z’umuco byashenye Igihugu, n’uburyo kugira politiki ishingiye ku muco nyarwanda, byongeye kugarura izo ndangagaciro mu Banyarwanda.

Mu ijambo rye, Dr Bizimana yibukije Intore ko Urugerero ari gahunda y’Igihugu yihitiwemo n’Abanyarwanda, binyuze mu Itegeko Nshinga rya 2003 ryavuguruwe muri 2015. Intego y’Inkomezabigwi 10 ni “Duhamye umuco w’Ubutore ku rugerero, twimakaza Ubumwe n’Ubudaheranwa bw’Abanyarwanda”.

Minisitiri Dr Bizimana yashimiye abitabiriye gahunda yo gutangiza Urugerero by’umwihariko ababyeyi bashyigikiye abana babo bakanabaherekeza.

Ati "Uko dutangiye, ntihazabeho gucogora." Yasobanuye kandi ko Urugerero ari gahunda y’Igihugu iri mu Itegeko Nshinga ryitorewe n’abaturage.

Intore yo ku mukondo, Uwamahoro Nadine, avuga ko mu mihigo bahize kandi biteguye kwesa harimo kurwanya isuri, kurandura ibibazo bibangamiye imibereho myiza y’abaturage, kurwanya ingengabitekerezo ya Jenoside hakoreshejwe ikoranabuhanga, kurwanya ubuzererezi n’ibiyobyabwenge n’ibindi.

Umunyamabanga Nshingwabikorwa w’Intara y’Amajyepfo, Parfait Busabizwa yashimye kuba urugerero rwatangirijwe muri iyo Ntara, rukazitabirwa n’intore 5931. Arashishikariza urubyiruko kubyaza aya mahirwe umusaruro, kandi impanuro z’abatoza zikazababera impamba mu mibereho yabo.

Minisitiri Bizimana aganiriza abitabiriye icyo gikorwa

Minisitiri w’Intebe wa Tanzania, Kassim Majaliwa (wambaye indorerwamo) ari mu bashimiye uyu musore

Iyo mpanuka yari ikomeye, dore ko yahitanye abagenzi 19 mu bari mu ndege.

Igikorwa cyo kuyamushyikiriza cyari cyitabiriwe na Minisitiri w’ Intebe wa Tanzania, Kassim Majaliwa, kikaba cyabereye i Bukoba kuri Stade ya Kaitaba, aho abazize impanuka bunamiwe bakanashyikirizwa imiryango yabo.

Usibye kuba uwo musore yashyikirijwe iryo shimwe, Perezida wa Tanzania Samia Suluhu yahise amuha n’akazi mu itsinda rishinzwe kurwanya inkongi z’umuriro ndetse amusabira kujya kwihugura kugira ngo yongere ubumenyi.

Umurobyi Jackson Majaliwa yashimwe kubera ubutwari yagaragaje mu gutabara abari mu kaga

Uwo murobyi Jackson Majaliwa wabonye iyo mpanuka iba, yavuze yari ari mu kazi ke k’uburobyi, nuko abona indege ita icyerekezo cy’aho yaganaga, ijya mu kiyaga cya Victoria.

Ngo yahise akora kuri bagenzi be batatu bahita bihutira gufungura umuryango w’indege ahawe ikimenyetso n’uwari utwaye iyo ndege, gusa byarangiye uyoboye indege n’umwungirije bo baguye mu mpanuka, abo barobyi babasha kurokora abagenzi 24.

Ni impanuka yababaje abatuye muri Tanzania no hanze yayo. Perezida w’u Rwanda Paul Kagame yihanganishije ababuze ababo muri iyi mpanuka mu butumwa yanyujije ku rubuga rwa Twitter.

Iyo mpanuka ikimara kuba, bivugwa ko yatewe n’uko ikirere cyari kibi, abagera kuri 26 bararohowe bakiri bazima bajyanwa mu bitaro bya Kagera, nk’uko byatangajwe n’Umuyobozi wa Polisi waho, Albert Chalamila.

Iyo ndege ifite ibirango PW 494 -5H-PWF, isanzwe ikora ingendo hagati ya Dar es Salaam n’imijyi ya Bukoba na Mwanza, ikaba yari irimo abantu 43 bose hamwe.

Wari umuziki w’imbaturamugabo witabiriwe cyane

Ni ibirori byarimo ibyamamare nka; Miss Ingabire Grace, Kenny Sol, itsinda rya Juda Muzik, Dj Infinity, Jack B n’abandi benshi.

Byatangijwe na Dj Shooter, saa yine z’ijoro, akurikirwa na Dj Toxxyk, waririmbye inyamahanga ndetse n’izo mu Rwanda.

Dj Marnaud

Itsinda rya Major League Djs ryahise rifata urubyiniro bugwate, batangira gushyushya abakunzi b’umuziki bari bitabiriye ibi birori ku bwinshi. Batangiye gucuranga saa tanu n’iminota 41, basoza ahagana saa saba mbere yo gusigira urubyiniro DJ Marnaud.

Ibi birori byasojwe na DJ Marnaud na we washyuhije Abanya-Kigali babyitabiriye, bikaba byasojwe saa cyenda n’igice z’igicuku .

Impanga Major League Djs

Dj Toxxy

Ian Kagame

Ian Kagame aherutse gusoza amasomo mu Ishuri rya Gisirikare ry’Ubwami bw’u Bwongereza, Royal Military Academy aho yahawe ipeti rya Sous Lieutenant.

Mbere yo kujya mu gisirikare, yari yaranasoje amasomo mu 2019 mu cyiciro cya Gatatu cya Kaminuza mu Bukungu, akaba yarize muri Kaminuza ya Williams College yo muri Leta Zunze Ubumwe za Amerika.

Byari ibyishimo ku barangije amasomo barimo Ian Kagame (Video):

Inkuru bijyanye:

Madamu Jeannette Kagame na Ange Kagame bari mu bitabiriye ibirori bya Ian Kagame

Perezida Kagame yahaye ipeti rya Sous Lieutenant abasirikare 568

Umuhanzi Niyo Bosco

Ibyo Niyo Bosco ashinja MI Empire ni ukuba batamukorera ibihangano nk’uko biri mu masezerano, ikindi avuga ni uko kuva batangira gukorana atarahabwa 30% by’amafaranga aturuka ku mbuga nkoranyambaga zirimo na You Tube.

Asezeye nyuma yiminsi amaze yandika ku mbuga nkoranyambaga ze, agaragaza ko atishimiye imikoranire ye na MIE.

Mu ibaruwa yagize ati “Ntabwo ndi gukunda uwo ndi kuba we, ntabwo byumvikana nk’ibisanzwe ariko nkumbuye ahahise hanjye kuruta ejo hazaza. Ndumva nacitse intege cyane”.

Uyu ni umuhanzi umaze kwandikira indirimbo abahanzi benshi bakomeye mu Rwanda, impano ye ikaba idashidikanywaho.

Abanyamuryango ba FPR-Inkotanyi batishoboye bishyuriwe mituweli

Byakorewe mu Nteko rusange y’uyu muryango yabereye mu Kagari ka Busanza, ihuza abaturutse mu Midugudu igize ako kagari.

Chairman wa FPR-Inkotanyi mu Kagari ka Busanza, Nkiranuye Theophile, yavuzeko iki gikorwa mu muryango kivuze kwishakamo ibisubizo.

Ati “Abanyamuryango bishyuriwe mituweli ni abatishoboye, batabonaga uko bivuza, bagenzi babo bari mu Nteko baravuga bati reka twishakemo ibisubizo, natwe Abanyamuryango bacu tubishyurire mituweli”.

Bimwe mu byo abo banyamuryango ba FPR-Inkotanyi bateganya gukora harimo kubaka Akagari k’icyitegererezo.

Rugira Hormy Mirage uyobora aka Kagari, yavuzeko kuba bakorera mu Kagari katajyanye n’igihe, bituma abaturage badahabwa serivisi nziza.

Yagize ati “Hari ubwo abaturage bifuza kugirana ibiganiro n’ubuyobozi ahantu hisanzuye, ugasanga icyumba ni gito, hari abakozi b’Akagari bahurira mu biro bimwe, ugasanga rero mu gihe twagira Akagari kubatswe mu buryo bugezweho, bizihutisha na serivisi zatangwaga.”

Muri iyi Nteko rusange ya FPR-Inkotanyi mu Kagari ka Busanza, hakiriwe abantu 28 bemeye kuba Abanyamuryango bashya.

Perezida w’Urukiko rw’Ikirenga, Dr Ntezilyayo Faustin, yasabye Abavoka kurwanya ruswa mu Butabera

Yavuze ko ko inzego z’ubutabera harimo na RBA zikwiye kuzamura inzego zazo kugira ngo babashe guhangana n’ibibazo bitandukanye bya tekinike hongerwa ubumenyi n’amahugurwa, kandi abanyamategeko n’abacamanza bakaba biteguye ku buryo buhagije.

Ni byo Dr Ntezilyayo Faustin yasobanuye, ati “Hakenewe kongerwa ingufu mu kurwanya ruswa kuko yonona imikorere myiza y’urwego rw’abanyamategeko.”

Yasabye Urugaga rw’Abavoka gukorana n’izindi nzego z’ubutabera mu kurandura burundu ruswa ivugwa mu butabera.

Yongeyeho ko gukorera hamwe bizafasha kubaka umuco w’ubutabera ari ryo shingiro ryo kwihutisha umutekano n’iterambere u Rwanda rwifuza.

Umuyobozi w’Urugaga rw’Abavoka mu Rwanda, Me Nkundabarashi Moïse, yagaragaje ko n’ubwo hari byinshi byakozwe mu myaka 25 urugaga rumaze rushinzwe, hakiri imbogamizi mu bigendanye n’imyitwarire igenga umwuga, aho bakomeje gufasha abavoka bato binyuze mu mahugurwa no kubagira inama.

Umuyobozi w’Urugaga rw’Abavoka mu Rwanda, Me Nkundabarashi Moïse

Yagaragaje kandi ko imibereho myiza y’abavoka itaragera ku rugero rushimishije bityo ko bateganya kugirana imikoranire myiza n’ibigo by’imbere mu gihugu kuko bafite umubare munini w’abanyamuryango.

Zimwe mu mbogamizi yagaragaje ni ku bavoka bunganira abadafite amikoro bishyurirwa na Leta, aho abavoka babunganira bahabwa ibihumbi 500 Frw buri kwezi ariko akiri make ugereranyije n’ibikorwa.

Yasobanuye ko ari make kubera ko usanga ashobora guhabwa imanza 30 mu kwezi kandi ziri mu bice bitandukanye by’igihugu bityo ko hakenewe ko Guverinoma yakongera ingengo y’imari itangwa ariko kandi n’ibigo by’imari bishobora kubigiramo uruhare.

Ati “Ni inshingano y’urugaga na Leta ko igihe cyose hari umuntu ufite urubanza cyangwa ikibazo cyo mu nkiko akeneye umwavoka agomba kumuhabwa amaze kugaragaza ko abarizwa mu cyiciro cya mbere cy’ubudehe. Icyo dushaka kunoza ni uburyo bwo gufasha aba bantu babikora.”

Me Nkundabarashi yavuze ko bishimira kuba kuri ubu uru rugaga rufite aho rukorera, rukanagira imitungo yarwo bwite igiye gufasha mu kunoza neza imitangire y’imisanzu ndetse no kwishyura abagiye mu kiruhuko cy’izabukuru.

Yasabye abavoka bato gukomeza gukora cyane kuko ari bo hazaza h’urugaga n’ubutabera buboneye ku Banyarwanda.

Kuva yajya hanze, uyu muhanzi amaze iminsi atagaragara mu itangazamakuru nyuma yo kuva mu bitaramo yakoreye i Burundi akaba yaranahafungiwe ashinjwa ubwambuzi.

Ni umuhanzi ufite indirimbo zikunzwe n’abiganjemo urubyiruko, akaba akomeje kugaragaza gahunda yo kugeza umuziki we ku rwego mpuzamahanga.

Miss Aurore yasubijwe amafaranga ye yari yibwe

Ni amafaranga yakuwe mu modoka ya Mutesi Aurore ubwo yari yayasizemo. Yahise amenyesha RIB itangira gushakisha abibye ayo mafaranga.

Umuvugizi wa RIB, Dr Murangira B. Thierry, yabwiye itangazamakuru ko umuntu wese utwara iby’abandi atazihanganirwa kandi atazacika ubutabera.

Yakomeje asaba abantu kwitondera gusiga ibintu aho babonye, kuko bishobora kwibwa isaha iyo ari yo yose. Yanagiriye inama abajura ko bakura amaboko mu mifuka bakareka ubujura, kuko amaherezo baba bazafatwa.

Miss Mutesi Aurore yashimiye RIB avuga ko bamufashije byihuse.

Miss Aurore asinyira ko yakiriye ayo mafaranga, yanashimiye RIB

Miss Aurore yabaye nyampinga w’u Rwanda mu mwaka wa 2012, akaba yarahise ajya gutura muri Amerika, ubu akaba ari mu Rwanda aho ari mu bikorwa bye bitandukanye.

Abakurikiranywe bafungiwe kuri sitasiyo ya RIB Kicukiro, mu gihe iperereza rigikomeje ngo dosiye yabo ishyikirizwe Ubushinjacyaha.

Reba ibindi muri iyi video:

Sauti Sol baririmbye indirimbo zabo zakunzwe zirimo ‘Insecure’, ‘Short N Sweet’ bahuriyemo n’umuhanzi Nyashinski ndetse n’iyo bise ’Kuliko Jana’.

Ni igitaramo cyitabiriwe ku rwego rwo hejuru aho urubyiruko n’abakuze bacyitabiriye ku bwinshi BK ARENA iruzura.

Ni igitaramo cyahurije hamwe abakunzi b’umukino wa Basketball n’abakunzi b’umuziki muri rusange, ibi birori bikaba bitegurwa n’Ishyirahamwe ry’Umukino wa Basketball mu Rwanda (FERWABA).

Ish Kevin

Mu gitaramo ku rubyiniro habanje umuhanzi Ish Kevin umenyerewe mu njyana ya Trap (Drill) Aho yageze ku rubyiniro abitabiriye bakamwakirana ubwuzu bose basubiramo indirimbo ze nka "Amakosi" yatumye akundwa cyane n’izindi zitandukanye zigikunzwe n’urubyiruko ku rwego rwo hejuru. Nyuma yafashe umwanya asaba abafana kwibuka Buravan witabye Imana.

Christopher

Hakurikiyeho umuhanzi Christopher na we washimishije abitabiriye ibirori Aho yaririmbye zimwe mu ndirimbo ze zikunzwe muri iyi minsi nka ’Mi Casa’ n’izindi, ageze ku yo aheruka gushyira hanze yitwa #HashTag abari muri BK ARENA Bose bahagurutse bamwereka urukundo barayiririmbana, abasohokanye n’abakunzi bagerageza kwerekana ibyishimo ndetse babyina bishimanye.

Element

Yahamagaye Mugisha Fred Robinson uzwi ku izina rya Element utunganya indirimbo, aririmba indirimbo imaze igihe ikunzwe n’urubyiruko aherutse gusohora yitwa "Kashe", yishimirwa n’abafana ku rwego ruri hejuru.

Dj Marnaud

Hakurikiyeho Dj Marnaud uvanga imiziki akaba n’umuhanzi wateguzaga kuza kwa Sauti Sol ku rubyiniro.

Yashyuhije abafana mu ndirimbo ze nk’iyitwa "Bahabe" yakoranye n’umuhanzi Bushali yakunzwe cyane, urubyiruko rwose rwitabiriye rwayisubiragamo.

Sauti Sol

Abahanzi bagize itsinda rya Sauti Sol ku rubyiniro baririmbye indirimbo zabo zakunzwe zirimo ‘Insecure’, ’Short N Sweet’ bahuriyemo n’umuhanzi ‘Nyashinski’ ndetse n’iyo bise ’Kuliko Jana’.

Ubwo bageraga kuri iyi ndirimbo ‘Kuliko Jana’ abitabiriye iki gitaramo bafatanyije na bo kuyiririmba ndetse abenshi wabonaga bishimye cyane. Iyi ndirimbo iri kuri album yabo bise ‘Live and Die in Africa’ yamenyekanye cyane. Iri tsinda Sauti Sol ni inshuro ya mbere bari bataramiye muri BK Arena

Bageze ku ndirimbo ‘Suzana’ inkumi n’abakuze barirekura barayibyina. Ni indirimbo yari itegerejwe na benshi ku buryo bayibyinnye ku rwego rwo hejuru. Iyi ndirimbo yagiye hanze mu 2020.

Iki gitaramo cyarangiye ahagana saa munani z’ijoro mu rukerera.

Umuyobozi w’Umujyi wa Kigali, Rubingisa Pudence, yavuzeko iyi gahunda yashyizweho mu rwego rwo gufasha abana kugira ibiruhuko byiza, ndetse ntibarangare cyangwa ngo bishore mu biyobyabwenge.

Yasabye ababyeyi gukomeza kuba hafi y’abana babo mu gihe baje mu biruhuko, ndetse bakabashishikariza kwitabira iyo gahunda, cyane ko itazajya iba mu biruhuko gusa ahubwo izakomeza no muyindi minsi, ati "ni gahunda izakomeza mu minsi isanzwe nko ku wa gatatu nimugoroba, cg mu minsi itari imibyizi ndetse ababyeyi bakajya baherekeza abana babo.

Umusaruro w’iyi gahunda wagaragaje ko hagabanutse ubuzererezi mu bana ndetse n’inda zitateganyijwe ku bangavu.

Umujyi wa Kigali wafashe gahunda yo kurwanya guta ishuri ndetse no gukura abana mu muhanda, bakaza mu bandi nabo bakiyungura ubumenyi ati "Bana musoje aya mahugurwa mukwiye gusangiza bagenzi banyu ibyiza muhakuye, kugira ngo murusheho kwitabira muri benshi.

Umunyamabanga Nshigwabikorwa w’Akarere ka Nyarugenge, Ngabonziza Emmy, yasabye abana kurangwa n’indangagaciro zo gukunda igihugu, kurwanya ibiyobyabwenge ndetse no gukomeza kubaha ababyeyi.

Akomeza avugako ibyo bungukiye muri iki gikorwa ari ingirakamaro, ndetse ashimira ababyeyi babaye hafi abana babo, anashimira abayobozi batandukanye b’ibigo by’urubyiruko bagize uruhare rukomeye muri icyo gikorwa.

Umuyobozi wa Maison des Jeunes Kimisagara, Jeannette Uwingabire, yavuzeko bibanze mu kwigisha abana ikoranabuhanga, indimi (Icyongere, Igishinwa, Igiswahili N’Igikoreya), ndetse akomeza avuga ko higishirizwa imishinga itandukanye nko gutunganya imisatsi, ubudozi, gutunganya ubwiza, amahoteli, guhanga umurimo ndetse n’imikino itandukanye

Akomeza ashimira Umujyi wa Kigali ndetse n’abandi bafatanyabikorwa, babafasha kugira ngo bigerweho.

Muhayimana Clarise, Umwe mu bohereje abana muri iyi gahunda avuga ko byatanze umusaruro kuko byamurindiye umwana kuba yakwishora mu ngeso mbi, kuba yajya mu biyobyabwe cyangwa ibindi birangaza bitandukanye, ashishikariza n’abandi babyeyi kwitabira iyi gahunda kuko ari ingirakamaro mu kurera abana babo.

Munyagitero Ivan Chris, umwe mu bana bitabiriye iyi gahunda yavuzeko byamushimishije cyane ndetse ko yungutse impano nyinshi atari ,kubona avuga ko nasubira ku ishuri yiteguye gukoresha ubumenyi yakuye muri aya ma hugurwa, cyane cyane mu gusoma.

Ni igikorwa cyaranzwe no guhemba abanyeshuri bitwaye neza mu buryo butandukanye nko gusoma , kubyina, imikino itandukanye ndetse nibindi bikorwa byahakorerwaga.

Umuhanzi Nsabimana Gisèle Precious wamamaye ku izina rya Precious mu ndirimbo zihimbaza zikanaramya Imana mu itorero rya ADEPR, yitabye Imana ku wa Kane tariki 15 Nzeri 2022, afite imyaka 27 y’amavuko.

Ni urupfu rwatunguranye, aho byavuzwe ko yafashwe n’isereri ubwo yari agiye mu bwogero (douche) kwiyuhagira. Icyo gihe inkuru y’urupfu rwe yahise isakara ku mbuga nkoranyambaga, bibabaza benshi cyane cyane abari bamuzi ndetse n’abakundaga ibihangano bye.

Umuhanzi Nsabimana Gisèle Precious yatangaga icyizere cy’ahazaza

Umuhanzi Precious yasize umwana w’imfura ye ndetse n’umugabo.

Uwo muhanzi yamenyekanye mu ndirimbo zihimbaza Imana zakunzwe cyane nka Imbaraga z’amasengesho, Urampagije, Niwe, Inzira zayo, Umusaraba, n’izindi.

Inkuru bijyanye:

Umuhanzi Precious yitabye Imana

Ni igikorwa cyatangiriye mu Kagari ka Kigarama mu Murenge wa Kigarama mu Karere ka Kicukiro aho abaturage bashishikarijwe kwitabira gahunda ya Ejo Heza. Ni igikorwa kizakomereza no mu tundi tugari.

Alain Numa, umuyobozi wa AMERWA yakomeje abwira abaturage ko gahunda y’uyu muryango igamije guhuriza hamwe abagore bakajya mu matsinda bakitabira gahunda ya Ejo Heza bakabasha kwiteza imbere.

Alain Numa

Uwimana Marie Claire uhagarariye urugaga rw’abagore rushamikiye ku muryango wa RPF Inkotanyi mu kagari ka Kigarama yashimiye Banki ya Kigali na AMERWA kuri gahunda nziza ya Ejo Heza abagore ba Kigarama bazaniwe ndetse izabafasha kwiteza imbere.

Ati "Twari dukeneye amahirwe nk’aya, tugiye kuyifashisha mu kwiteza imbere ndetse tunibumbira mu matsinda kugira ngo bizatworohere kwiteza imbere.

Alain Numa

Bakomeje bavuga ko gahunda ya Ejo Heza ari igisubizo kirambye ku iterambere ry’abagore bo mu kagari ka Kigarama.

Nahayo Thacien wari uhagarariye Umuyobozi w’Umurenge wa Kigarama

Reba ibindi muri iyi video:

Amakuru aturuka muri Tunisia aravuga ko Mugunga yagize ikibazo cyo mu ivi ry’ibumoso. Umukino uhuza amakipe yombi ari n’uwo kwishyura, urabera muri Tunisia kuri iki Cyumweru tariki 18 Nzeri 2022, ku isaa kumi zo mu Rwanda.

Umukino wabanje APR FC yatsinze US Monastir igitego kimwe ku busa cya Mugunga Yves, ukaba awarabereye kuru Stade mpuzamahanga ya Huye.

Umuhanzi Precious yitabye Imana

Ni urupfu rwatunguranye, aho hari abakomeje kuvugwa ko yaba yaguye mu bwogero, nk’uko amakuru yasakaye ku mbuga nkoranyambaga ku mugoroba wok u wa kane yabigarutseho.

Umuhanzi Precious wari umaze igihe gito akoze ubukwe, bivugwa ko asize umwana w’imfura ye ndetse n’umugabo.

Uwo muhanzi yamenyekanye mu ndirimbo zihimbaza Imana zakunzwe cyane nka Imbaraga z’amasengesho, Urampagije, Niwe, Inzira zayo, Umusaraba n’izindi.

Gisèle Precious yatangiye kuririmba mu buryo bugaragara mu mwaka wa 2017, muri ADEPR yo mu Gatenga mu Karere ka Kicukiro mu Mujyi wa Kigali, ariko ngo akaba yitabye Imana aguye i Rubavu aho bari batuye.

Bishimiye inzu bimukiyemo

Kanyabugingo Paul wari utuye muri Kangondo ya mbere, ni umwe mu bafashe icyemezo hamwe n’umuryango we, cyo kwimukira mu Busanza.

Agira ati “Ibiganiro twagiranye n’abayobozi ubwo badusuraga mu minsi ishize, byatumye mpindura imyumvire nemera kwimuka. Ku giti cyanjye sinimuwe na Leta, ahubwo nasobanuriwe akamaro ko kwimukira mu Busanza niyemeza kuhaza”.

Tumusange Emmanuel yashimye inzu yahawe, avuga ko haribamwe mu babahaga amakuru atariyo, ndetse kuba yahigereye yumiwe. Akomeza avuga ko aho bari batuye nta byangombwa bari bafite ndetse ko izo nzu zo mu Busanza zidasanzwe, ati “naribeshye baranshuka, ndumiwe! Ntabwo nari nzi ko hari imihanda nk’iyi”.

Ni inzu z’amagorofa

Mukeshimana Laurence ni umwe mu bahatujwe uhamaze imyaka ibiri, n’ubwo akorera ubucuruzi bwe muri Kangondo ahazwi nka Bannyahe. Aganira na Kigali Today, yavuze ko ari uwambere mu muryango we wumvise gahunda ya Leta igitaraganya, y kwimurwa akava muri Kangondo.

Ashimira Umukuru w’Igihugu wakomeje kubatekerezaho, n’abandi bayobozi ku mpamvu z’umutekano w’ubuzima bw’abahatuye, ati “Ndashimira Perezida Kagame udasiba kureberera inyungu z’abaturage. Nyuma y’uko nsuye amagorofa yo mu Busanza, numvise nicujije umwanya nataye numva abangira inama mbi, maze kuhigerera nasanze narabeshwe gusa”.

Abahasanzwe bishimiye kwakira bagenzi babo

Uwera Anna, Umunyamabanga Nshingwabikorwa w’Akagari ka Karama mu Murenge wa Kanombe, yatangiye aha ikaze iyi miryango yafashe umwanzuro wo kwimukira mu Busanza.

Avuga ko abaturage ba Kangondo bakomeza kubeshwa ndetse ko bamwe bababwira ko batuye mu gishanga, mu rufunzo haba ingona, ariko abamaze kuhasura biboneye ko ari ibinyoma gusa.

Ati “Ubu mu guha umuturage inzu hashingirwa ku igenagaciro inzu yari afite ihagaze, kugira ngo ahabwe inzu mu igorofa mu Busanza. Aha hari hasanzwe hatuye imiryango 614, iyo 12 yiyongereye ku yihasanzwe ikaba ibaye 626”.

Babakirije imbyino n’indirimbo babereka ko babishimiye

Akomeza ashishikariza n’abandi batarahindura imyumvire kuza kwihera ijisho uko abo bahoranye bameze neza.

Mu Busanza abana barisanzura, cyane ko bafite ibibuga bakiniraho

Ibindi mwareba muri iyi video:

Ni amahugurwa yahuje abagera kuri 357 baturutse mu mujyi wa Kigali bahagarariye abandi mu Turere 03 tugize umujyi wa Kigali ari two Gasabo, Kicukiro na Nyarugenge.

Aya mahugurwa yari afite insanganyamatsiko igira iti:" Uruhare rw’urubyiruko mu iterambere n’imibereho myiza y’abaturage.”

Asoza ku mugaragaro aya mahugurwa, Umuyobozi Mukuru wa Polisi y’u Rwanda (IGP) Dan Munyuza, yashimiye ubuyobozi bw’umujyi wa Kigali bwateguye amahugurwa nk’aya, anashimira abahuguwe ko ari abafatanyabikorwa beza ba Polisi y’ u Rwanda.

IGP Dan Munyuza

IGP Munyuza Yashimye umusanzu uru rubyiruko rutanga muri gahunda z’umutekano kugirango igihugu gitekane.

Yagize ati:" Murasabwa kubyaza umusaruro amahirwe Igihugu cyabahaye mukiteza imbere, mukirinda ibyabarangaza kandi mugaharanira ubumwe. Murasabwa kurangwa n’ikinyabupfura, kandi ntimugire ipfunwe ryo guhashya umwanzi aho ari hose cyane cyane abasebya u Rwanda.”

IGP Munyuza yabasabye kwirinda ibyaha birimo; ubujura, ubusinzi, gucuruza ibiyobyabwenge na magendu anabibutsako ko bagomba kubungabunga ibidukikije, bakagira isuku bityo tukabona isano iri hagati y’isuku n’umutekano kandi bakirinda ruswa.

Umuyobozi w’Umujyi wa Kigali Pudence Rubingisa

Umuyobozi w’umujyi wa Kigali Pudence Rubingisa, yashimiye urubyiruko rwahuguwe ko rwagaragaje ubushake n’umuhate muri aya mahugurwa bamazemo iminsi itanu, anashimira uruhare rwa Polisi kugirango aya mahugurwa agende neza.

Yagize ati: “Turashima uburyo mwitwaye muri aya mahugurwa kandi tubitezeho kuzahanga udushya mukorana neza n’inzego za Leta. Tuzababa hafi dufatanye mu mpande zose kugirango dusenyere umugozi umwe.”

Yakomeje avuga ko abahuguwe bize amasomo atandukanye arimo kwihangira imirimo, kubungabunga umutekano, kubaka igihugu bakumira ibyaha bitandukanye, birimo ubujura, kunywa no gucuruza ibiyobyabwenge ndetse bigishijwe na gahunda ya Ndi Umunyarwanda, banahugurwa ku mateka y’igihugu ashingiye ku ho twavuye n’aho tugana, bakunda igihugu ndetse bakanakitangira.

Urubyiruko rwahuguwe rukaba rwahize imihigo igera kuri 23 rugomba kuzesa harimo kuzakora inteko z’urubyiruko no gukora ubukangurambaga bakongera abanyamuryango.

Abakoze amahugurwa kandi bakaba bahawe icyemezo cy’uko bayasoje uko bikwiye (Certificat).

Urubyiruko rw’abakorerabushake mu gukumira no kurwanya ibyaha, ni itsinda ry’urubyiruko ryashinzwe n’urubyiruko mu mwaka wa 2013, rukaba rukora ibikorwa by’ubukorerabushake birimo gukumira no kurwanya ibyaha mu bufatanye na Polisi y’u Rwanda n’inzego z’ibanze n’ibindi bikorwa bigamije iterambere ry’imibereho myiza y’abaturage birimo kubakira no gusanira amazu abatishoboye, gukora imihanda, uturima tw’igikoni no gutera ibiti.

Ni inkuru dukesha Polisi y’u Rwanda

Abitabiriye icyo gitaramo bagaragaje ibyishimo nyuma y’uko arekuwe ndetse igitaramo kikaba, bagaragaza ko bakunda cyane indirimbo z’uyu muhanzi.

Abacuranzi be bari Symphony Band yanyuze Abarundi ku rwego rwo hejuru .

Iki gitaramo cyitabiriwe n’abantu b’ingeri zose baba abakuru n’abato. Mu majwi ya benshi bati “Turemeye.”

Umuhanzi Bruce Melodie nyuma yo kuva aho yari afungiye, yahise atungurana ajya ku rubyiniro gukora ‘Sound Check’ kureba niba ibyuma bimeze neza. Ijambo yahereyeho akigera ku rubyiniro ati “ntacyabuza Impala gucuranga.”

Iki gitaramo cyabaye mu ijoro ryo ku itariki ya 02 Nzeri 2022, nyuma y’amasaha make Bruce Melodie arekuwe, akaba yari yarafashwe tariki 31 Kanama 2022 akigera mu Burundi, arekurwa amaze kwishyura abarirwa muri Miliyoni 29 z’Amafaranga y’u Rwanda, biturutse ku witwa Toussaint wamushinjaga ko yamutumiye mu gitaramo mu myaka ishize ariko ntajyeyo, ndetse n’amafaranga yari yishyuwe ya ‘avance’ ntayasubize.

Ni igitaramo cyarimo abanyarwenya bakomeye bo mu Burundi nka Kigingi, Sen Micka na Santanna na bo bakaba bashimishije abacyitabiriye.

Kubera ko uwo muhango wateguwe mu ibanga rikomeye, abatumiwe ntabwo bari bemerewe kwinjirana telefone, hirindwa abafata amafoto ngo asakare mu itangazamakuru no ku mbuga nkoranyambaga.

Urukundo rwa The Ben na Pamela rumaze igihe rugaragazwa ku mbuga nkoranyambaga, aho mu kiganiro The Ben aherutse gukora, yavuze ko nta gitutu akwiye gushyirwaho kugira ngo arongore Pamela.

Mu kwezi k’Ukwakira 2021, ni bwo The Ben yambitse Pamella impeta y’abakundana (fiançaille), bivuze ko bombi bari bemeranyijwe ko babana, none babihamije kuri uyu wa Gatatu tariki 31 Kanama 2022 basezerana mu mategeko.

The Ben na Pamella batangiye gukundana mu 2019, ariko ntibakunze kubisakaza, gusa bacishagamo bagasohokana, bakohererezanya ubutumwa burimo amagambo y’urukundo binyuze ku mbuga nkoranyambaga, ku buryo urukundo rwabo rwacaga amarenga ko ruzakomera.

Abo bombi baje kugaragaza amafoto yabo ku mbuga nkoranyambaga, bari mu birwa bya Maldives bakunze kwita ‘Ibirwa by’urukundo’ aho bari basohokeye.

Youssou N’Dour

Nyuma ni bwo hazaba igitaramo kimenyerewe kizwi nka Kwita Izina Gala Dinner, abahanzi bazasusurutsa abazacyitabira bakaba bamenyekanye, barimo na Youssou N’Dour, ndetse uyu mwaka kizabera ku Intare Arena.

Iki gitaramo kizaba ku itariki ya 4 Nzeri 2022, cyateguwe n’Urwego rw’Igihugu rw’Iterambere (RDB), abahanzi bazakiririmbamo akaba ari Massamba Intore, Mike Kayihura na Ruti Joel.

Massamba Intore

Uretse abahanzi bo mu Rwanda, icyo gitaramo kizanitabirwa na Youssou N’Dour, umuririmbyi wo mu guhugu cya Sénégal akaba n’umunyapolitiki kuko kuva muri Mata 2012 kugeza Nzeri 2013, yari Minisitiri w’Ubukerarugendo mu gihugu cye. Ni umwe mu banyabigwi bakomeye mu ruhando rwa muzika bo ku Mugabane wa Afurika.

Ruti Joel

Umubiri wa Yanga wakuwe mu buruhukiro bw’ibitaro bya Kacyiru mu gitondo cyo kuri uyuwa Mbere, ugezwa mu rugo aho yasezeweho bwa nyuma. Umuryango n’inshuti za Yanga bagiye kumusabira mu isengesho ryabereye mu rusengero rwa ‘New Life Bible Church’.

Nyuma bakomereje mu irimbi rya Rusororo aho umubiri we wagombaga gushyingurwa.

Yanga yitabye Imana ku wa 17 Kanama 2022 aguye muri Afurika y’Epfo, azize Kanseri y’umwijima nk’uko byatangajwe n’umuryango we.

Abitabiriye umuhango wo kumusezeraho mu rugo iwe i Ntarama, mu magambo yuzuye agahinda bavuze ko ntawe bazabona umusimbura, cyane cyane urubyiruko.

Madamu Jeannette Kagame yifatanyije na Kaminuza ya UGHE mu gutanga impamyabumenyi

Mu bandi bitabiriye uwo muhango harimo Minisitiri w’Uburezi, Dr Uwamariya Valentine n’abayobozi batandukanye ba Kaminuza ya Global Health Equity ndetse n’Umuryango wita ku buzima, Partners In Health.

Aba banyeshuri bagizwe n’abakobwa 26 bagize 60% n’abagabo 18 batututse mu bihugu 11 binyuranye byo hirya no hino ku Isi.

Umuyobozi wa Kaminuza ya Global Health Equity, Prof Agnes Binagwaho, yavuze ko bishimye kuberako bongeye gutanga impamyabumenyi bari hamwe ku nshuro ya mbere kuko Covid-19 mu gihe gishize itatumye bishoboka.

Yagarutse ku gahinda Kaminuza yatewe n’urupfu rwa Dr. Paul Farmer wanayishinze, avuka ko yari umuntu w’intangarugero.

Prof Binagwaho yakomeje abwira abahawe impamyabumenyi kuguma kubana nk’umuryango n’ubwo bafite inshingano z’akazi zitandukanye, yibukije ko gushinga iyi Kaminuza ari igitekerezo cyavuye ku nzozi zo guharanira ko ubuvuzi n’ubuzima bwiza bigera kuri bose no gufashasha abandi badafite amikoro ahagije, ariyo mpamvu Dr Paul Farmer yahisemo kubaka mu gice cy’icyaro aho serivisi z’ubuzima n’ubuvuzi zikenewe cyane.

Yasabye abanyeshuri basoje amasomo kwirinda kwihererana ibibazo kuko umuryango wa Global Health Equity uzakomeza kubaba hafi, mu buryo bushoboka bwose.

Ati “Ubumenyi mukuye hano muzabubyaze umusaruro. Ntimugatinye kuduhamagara, guhamagarana no guhamagara inshuti.”

Evelyn Bigini uhagarariye abasoje amasomo, ukomoka muri Leta zunze Ubumwe za Amerika, yavuzeko inama bahawe by’umwihariko mu biganiro bya Paul Farmer, bizababera impamba y’urugendo.

Umuyobozi w’Inama y’Ubutegetsi y’Umuryango Partners in Health, Ophelia Dahl, yasabye aba banyeshuri guharanira kwiga no kugera ku mpinduka nziza muri sosiyete n’ibihugu baturukamo.

Mu ndirimbo ze zakunzwe na benshi twavuga nka Missounwa, Okaman, 900kg d’Amour, Yélélé, méfiez-vous, Baye n’izindi nyinshi.

Monique Séka yatunguye abari bitabiriye igitaramo cye, maze aririmba no mu Kinyarwanda ari nako anyuzamo akabyina bya Kinyarwanda.

Itsinda ryacurangaga, Shauku Band, ubwo bari bagiye kugera ku musozo bafashe umunota wo kwibuka umuhanzi Yvan Buravan, baririmba indirimbo ye ‘Oya’ bayisozanya na Lion Manzi wabunganiye bagira bati “Ruhukira mu mahoro Dushime Burabyo Yvan Buravan”.

Shauku Band

Mike Kayihura ageze ku rubyiniro mu ndirimbo zitandukanye, na we yaririmbye indirimbo yatuye Yvan Buravan.

Monique Séka ni umuhanzi ukomoka muri Côte d’Ivoire, yavutse ku ya 22 Ugushyingo 1965 akaba yaratangiye umuziki akiri muto. Yahawe akazina k’akabyiniriro ka ‘La reine de la musique Afro-zouk’, akaba azwi cyane ku ijwi rye ridasanzwe kandi ryihariye.

Monique Séka wihebeye injyana ya Zouk, akomoka mu muryango w’abahanzi, kuko na we akomora ubuhanzi kuri se, Okoi Séka, wigeze kwamamara mu muziki mu myaka ya 1970.

Lionel Imanzi

Mu bitaramo birimo kuba muri iyi minsi mu Rwanda, abahanzi bakomeje guha icyubahiro Burabyo Buravan witabye imana mu minsi ishize, azize indwara ya kanseri y’impindura.

Mike Kayihura

Kuza kwa Lick Lick byagizwe ibanga rikomeye, mu gusohoka ku kibuga cy’indege i Kanombe yirinze kuganira n’itangazamakuru birangira arinyuze mu rihumye.

Lick Lick ubu ni umuhanga mu gufata amashusho ya Meddy n’abandi bahanzi bakomeye muri Amerika, yatangiye gukora indirimbo mu buryo bw’amajwi zabahanzi bakomeye mu myaka ya mbere ya 2010. Aho agereye muri Leta Zunze Ubumwe za Amerika mu 2012 yatangiye ibyo gutunganya amashusho y’indirimbo, aho yakoreshaga camera zari zigezweho nka Canon 5D Mark IV.

Nyuma y’igihe kinini atagera mu Rwanda yitabiriye umuhango wo gushyingura umubyeyi wa Meddy mu cyubahiro.

Meddy na The Ben ni bamwe mu bamufashije kugera muri Amerika kugira ngo akomeze gufatanya nabo mu gutunganya indirimbo mu buryo bw’amajwi, ubu akaba amaze kuba ikirangirire mu gutunganya amashusho y’indirimbo.

Lick Lick yubatse izina mu ruhando rwa muzika nyarwanda, aho yakoze zimwe mu ndirimbo z’abahanzi bari bakomeye mu myaka ya mbere ya 2010, harimo iz’injyana ya HIP HOP, RNB. Bamwe mu bahanzi bubatse izina yakoreye harimo Meddy, Diplomate, The Ben, Urban Boys, Dreamboys n’abandi bagiye bigarurira imitima y’ Abanyarwanda.

Yagize ati “Mbere y’uko tuza muri iyi nzu mwatwubakiye, twari tubayeho ariko kwiyubaka byaratugoraga. Uyu munsi turabona ibiraka bitandukanye, hari n’ibiva muri Pariki y’Akagera, ndetse n’ahandi.

Urwego rw’Igihugu rw’Iterambere (RDB) ruvuga ko nyuma y’icyorezo cya COVID-19 inyungu iva mu bukerarugendo mu mwaka ushize yazamutseho 25%, iva kuri miliyoni 131 z’Amadolari ya Amerika zinjiye mu 2020 igera kuri miliyoni 164 mu mwaka wa 2021.

Umuyobozi ushinzwe Ubukerarugendo muri RDB, Ariella Kageruka, yatangaje ko kwiyongera kw’amafaranga ava mu bukerarugendo byatumye batera inkunga imishinga 72 ituriye Pariki zitandukanye ibarizwa mu turere 12 duturiye Pariki zitandukanye.

Akomeza avuga ko kuri ubu bongereye amafaranga y’urwunguko bagenera abaturiye Pariki z’Igihugu aho yavuye kuri miliyari imwe na miliyoni 900 Frw akagera kuri miliyari 2 Frw.

Umunyamabanga Nshingwabikorwa w’Intara y’Iburasirazuba, Dr Nyirahabima Jeanne, yasabye abaturage gukomeza gusigasira pariki, babungabunga urusobe rw’ibinyabuzima ari nako ibabyarira inyungu.

Reba ibindi muri iyi video:

Urupfu rwa Dushime Burabyo Yvan Buravan rwatangajwe n’abo mu muryango we ku ya 17 Kanama 2022, aho bavuze ko yazize indwara ya kanseri y’impindura (Pancreatic Cancer), akaba yaraguye mu Buhinde aho yari yaragiye kwivuriza.

Yvan Buravan yanshenguye imitima ya benshi, bikaba byagaragaye none ubwo yasezerwagaho bwa nyuma, aho yaherekejwe n’imbaga y’abantu b’ingeri zose.

Ubwo yasezerwagaho ku itariki 23 Kanama 2022, byahamije igikundiro yari afitiwe, ku myaka 27, abakomeye n’aboroheje bose bakaba barashenguwe n’agahinda.

Mu bamuherekeje harimo Minisitiri w’Urubyiruko n’umuco, Rosemary Mbabazi, wavuze ko igihugu kibuze umuntu w’ingirakamaro kandi wiyoroshyaga.

Yagize ati “Yari umwana w’Igihugu ukunda abantu, yakundaga Imana. Yacaga bugufi bidasanzwe”.

Umubyeyi we, Burabyo Michael yongeyeho ko yamubonaga nk’umwana ufite icyerekezo gikomeye uzagera kure.

Ati “Ibi bihe byo kumusezeraho bitweretse ko yari afite inshuti koko, gusa yanakundaga umuco”.

Yvana Buravan wari umaze igihe kitari gito mu muziki, yamenyekanye cyane mu ndirimbo nka Malaika, This is love, Ninjye nawe, Oya, Just a dance, Garagaza, canga Irangi, Si belle n’izindi zakunzwe na benshi.

Imana imwakire mu bayo.

Reba muri iyi video uko umuhango wo kumushyingura wagenze:

Ni ibirori byitabiriwe n’abiganjemo urubyiruko ruzwi mu kumurika imideli, ndetse n’ibyamamare bitandukanye byo muri East Africa nka Hamissa Mobeto, Eddy Kenzo, Sheila Gashumba, Abryanz n’abandi batandukanye.

Ni ibirori byatangiye ahagana saa tanu z’ijoro, aho ku rubyiniro habanje Symphony Band yasusurutsaga ababyitabiriye, hakurikiraho umuhanzi Aline Sano wahagurukije imbaga mu ndirimbo ze zigezweho.

Umuhanzi Eddy Kenzo yanyuze abitabiriye Bianca Fashion Hub

Hakurikiyeho umuhanzi Bwiza ahagana saa Sita zuzuye, na we wanyuze abitabiriye, cyane ku ndirimbo (Ndi Serieux ) yaririmbanye n’umuhanzi Afrique ugezweho muri iyiminsi.

Nyuma hakurikiyeho umuhanzi Eddy Kenzo uturuka muri Uganda, aho yahagurukije abitabiriye Bianca Fashion Hub bose mu ndirimbo ze zikunzwe nka Weekend, nyuma yaje guhamagara umuhanzi Platini ku rubyiniro aho bafatanyije kuririmba indirimbo bakoranye.

Hakurikiyeho igikorwa cyo guhemba abitwayeneza mu myambarire.

Ni ibitaramo isanzwe itegurira abakunzi b’umuziki wabo cyane cyane mu bihe bya Noheli, iki kikaba kiri mu bitaramo bike Antoine Cardinal Kambanda yitabiriye kuva yagirwa Karidinali mu Kwakira 2020. Iki gitaramo cyatangijwe n’abaririmbyi b’iyi korali bahereye ku ndirimbo z’amajwi aryoheye amatwi.

Baririmbye zimwe mu ndirimbo zirimo ‘Jingle Bells’ iyi ikaba iri mu zizwi cyane muri Kiliziya Gatolika, ikaba kandi ari na yo yafashije abitabiriye igitaramo kujya mu mwuka wacyo neza.

Abaririmbyi baririmbye bayobowe n’umucuranzi Murengezi Dieudonné, akaba asanzwe ari umucuranzi ukomeye wa Chorale de Kigali.

Mu isengesho ryabimburiye igitaramo, Karidinali Kambanda yasabye Imana kurinda Abanyarwanda muri iyi minsi mikuru, asaba Imana kurinda abantu ikibi cyose, cyane cyane muri ibi bihe Isi yugarijwe n’icyorezo cya Covid-19.

Iki gitaramo cyitabiriwe n’abantu benshi bo mu ngeri zose, ni ukuvuga urubyiruko ndetse n’abakuze.

Uyu muhango wabereye kuri Romantic Garden kuri iki Cyumweru tariki 19 Ukuboza 2021 ku Gisozi mu Mujyi wa Kigali.

Bamwe mu bahanzi bitabiriye uyu muhango harimo Simon Kabera, Serge Iyamuremye na Prosper Nkomezi.

Patient Bizimana akimara guhabwa umugeni yamuhobeye ubundi amwambika impeta y’urukundo.

Bakomereje mu rusengero rwa Restoration Church i Masoro aho basezeraniye imbere y’Imana.

Bamwe mu bashyushyarugamba bazaba bahari harimo MC Ange uzaba ari kumwe na MC Tino mu gususurutsa abantu mu gihe umuziki wo uzaba uvangwa na DJ Phil Peter afatanyije na Dj Ira.

Ubuyobozi bwa Show Makerz bwateguye iki gitaramo bwijeje abakunzi b’umuziki kuzitabira igitaramo kuko kizaba gishimishije, kikaba kizabera ahazwi nka Canal Olympia Rebero.

Iri serukiramuco rikaba rizaba ku nshuro ya mbere mu Rwanda by’umwihariko ku munsi wo kwizihiza umunsi mukuru wa Noheli aho rizakomeza kuba ngarukamwaka.

Abariteguye bavuga ko hazaba hari ibikinisho by’abana, aho gufatira amafunguro ndetse n’aho kugura ibyo kunywa byaba iby’abana ndetse n’abantu bakuru.

Abari gutegura iri serukiramuco bavuze ko bazakora ibishoboka byose rikaba ku buryo amabwiriza yo gukumira ikwirakwira rya Covid-19 azubahirizwa.

Arthur Nkusi yemeza ko gukira bifite akamaro kanini mu buzima bw’umwana

Binyuze mu makuru y’ingenzi ndetse n’imyitozo, ayo mahugurwa yateguwe mu buryo buha abayitabiriye umwanya wo kwinjira ndetse no kumva neza ingingo zibanzweho, kandi yari anagamije guha abanyamakuru urugero rw’inkuru bashobora gukora zigafasha ababakurikira kumva akamaro ko gukina mu buzima bw’abana ndetse bigafasha n’ababyeyi bo hirya no hino mu gihugu n’abandi barera abana kugira uruhare mu mikino abana bakina.

Umwe mu bahuguwe, Antoinette Niyongira, yavuze ko agiye kujya ashyiramo imbaraga akabona umwanya uhagije wo gukina n’abana be.

Agira ati “Gukina ni byiza ku bana kuko bituma ubwonko bwabo bukora neza bakiri bato bityo n’ibyo biga bakabifata bitabagoye. Nsanzwe nkina n’abana ariko ngiye kujya mbashakira umwanya uhagije dukine, iby’akazi mbe mbishyize ku ruhande, kuko gukina bifite akamaro gakomeye mu mikurire y’umwana”.

Arthur Nkusi, umwe mu batoza mu mahugurwa ya Kina Rwanda, avuga ko gukina bifite uruhare runini mu buzima bw’umwana.

Ati “Intego ya Kina Rwanda ni ukwagura ubukangurambaga bugaragaza akamaro gukina bigira mu buzima bw’abana, kandi mu gukorana n’itangazamakuru twizera ko abanyamakuru hari umusanzu munini batanga mu kugeza ubu bukangurambaga hose mu gihugu.”

Muri ayo mahugurwa abanyamakuru barenga 30 baturutse mu bitangazamakuru bitandukanye birimo radiyo, televisiyo, blog ndetse n’ibitangazamakuru bikorera ku mbuga nkoranyambaga, bahuguwe kandi bagira n’umwanya wo gukora imyotozo.

Amahugurwa yafashije abanyamakuru kumva uko gukina bigira akamaro mu myigire y’abana bakiri bato, kandi abaha n’umwanya wo gukina imikino irimo Jenga, Saye, biye, ikibariko n’indi.

Benshi mu bakunda kugura imbuto bavuga ko imineke iryoha cyane, tukaba tugiye kureba umumaro wo kurya nibura umuneke umwe ku munsi, nk’uko bigaragara ku rubuga www.everydayhealth.com rwandika ku buzima.

Imineke ifasha kugabanya agahinda gakabije (depression)

Agahinda gakabije gaterwa na ‘serotonim’ iba yabaye nyinshi mu bwonko, mu mineke habamo ‘tryptophan’ ibasha kugabanya cyangwa gukuraho ibimenyetso by’agahinda gakabije.

Igabanya ibyago byo kurwara asthma

Ubushakashatsi bwakorewe mu Bwongereza bwagaragaje ko abana barya nibura umuneke umwe ku munsi bibagabanyiriza 34% byo kuba barwara asthma.

Imineke ni ingenzi mu buzima bwa buri munsi kuko yiganjemo intungamubiri zifasha umubiri kumererwa neza. Ni byiza gushyira imineke muri buri funguro ryacu kugira ngo turusheho kugira ubuzima buzira umuze.

Kurya imineke bituma amagufa amererwa neza

Intungamubiri ziboneka mu mineke zubaka amagufa ndetse zikayakomeza ku buryo atavunagurika uko yiboneye kose.

Irinda umubiri kurwaragurika

Mu mineke habamo ‘antioxydants’ nyinshi zikarema utunyangingo twinshi turwanya ikintu cyose cyatera indwara mu mubiri, nk’indwara y’umutima, diyabete na kanseri.

Ifasha ubwonko gukora neza

Imineke ikungahaye kuri potasium na magnesium, iyo myunyu ngugu ifasha ubwonko kugira icyerekezo kizima no gukora neza.

Kurya imineke bifasha mu kugabanya ibiro

Ku bantu bashaka kugabanya ibiro, imineke ni amahitamo meza cyane kuko ifasha mu gushongesha ibinure, bityo hehe no guhura n’umubyibuho ukabije.

Furaha yahawe inka yiswe iy’Ubumanzi

Uwizeyimana Eric, umuhuzabikorwa w’urubyiruko rukorera mu Karere ka Kicukiro aganira na Kigali Today yavuze ko ari igikorwa ngarukamwaka kuva muri 2013 urwo rwego rwajyaho, aho bagira ukwezi ko gukora ibikorwa ngarukamwaka by’ubwitange bigahurirana n’itariki ya 01 Ukwakira 2021, hizihizwa umunsi wo gukunda igihugu.

Akomeza agira inama urubyiruko yo gukomeza gusigasira igihango, rutera intambwe mu ya bakuru barwo babohoye igihugu.

Furaha wahawe iyo nka yashimiye Nyakubahwa Perezida wa Repubulika y’u Rwanda, Paul Kagame, ndetse na Komisiyo ishinzwe gusubiza mu buzima busanzwe Ingabo zavuye ku rugerero, yo yamwubakiye inzu ndetse akaba yaramaze kugarura ikizere cy’ubuzima.

Mu Kwizihiza uwo munsi, Hon Izabiriza Mediatrice na we wawitabiriye, yatanze ikiganiro cyibanze ku nsanganyamatsiko igira iti "Umuco w’ubwitange mu murage w’ubudaheranwa", aho yasabye urubyiruko gukomeza kwitanga mu bikorwa by’iterambere ry’igihugu rukagera ikirenge mu cy’abitanze bakabohora igihugu.

Batanze na mituweri ku baturage 166 batishoboye

Kwizihiza umunsi wo gukunda igihugu ku rwego rw’Akarere ka Kicukiro byabereye mu Mudugudu w’icyitegererezo wa Ayabaraya mu Murenge wa Masaka, bihurirana no gutangiza ukwezi kwahariwe ibikorwa by’ubukorerabushake n’ukwezi kwahariwe kuzirikana ubumwe n’ubwiyunge.

Inka urwo rubyiruko rwahaye Furaha ifite agaciro k’ibihumbi 700 by’Amafaranga y’u Rwanda, bakaba ndetse bishyuriye ubwisungane mu kwivuza abantu 166, buhagaze ibihumbi 500.000Frw.

Reba uko iki gikorwa cyagenze muri iyi video:

Manny Pacquiao

Yagize ati “Ndagira ngo nshimire isi yose by’umwihariko abaturage ba Philippines kuba baranshyigikiye nkaba mfashe uyu mwanya nkabamenyesha ko nsezeye umukino w’Iteramakofe (boxing).”

Manny Pacquiao asezeye ku myaka 42 y’amavuko, akaba yakomeje agira ati “Birankomereye kwakira ko nsezeye kuri uyu mukino w’Iteramakofe.”

Pacquiao yari amaze imyaka 26 muri uyu mukino. Yarwanye inshuro 72 atsindamo 62, atsindwa imikino 8, ananganya 2. Mu mikino 62 yatsinze, 39 yari (KnockOut) hanyuma 23 yayitsinze ku mwanzuro w’umusifuzi.

Yatwaye imikandara 12 ku rwego rw’Isi akaba ari we wenyine mu mateka y’Isi watwaye imikandara mu mikino 8 y’abafite ibiro byinshi mu iteramakofe.

Uyu mugabo w’imyaka 42 yemejwe nk’umukandida mu matora y’umukuru w’Igihugu n’ishyaka PDP Laban ryiyomoye ku rya Rodrigo Duterte uri ku butegetsi kuri ubu.

Kuri ibyo bigwi yagezeho ku Isi nk’umwe mu bateramakofe beza, Pacquiao asanzwe ari umusenateri mu Nteko Ishinga Amategeko ya Philippines.

BullDogg na Jay Polly bari inshuti kuva kera

Abitabiriye uyu muhango bahuriye aho yari atuye i Kibagabaga bamusabira ku Mana.
Benshi mu bafashe ijambo muri uyu muhango, bagarutse ku mateka ya Jay Polly bamushimira ibikorwa yakoze akiri ku Isi ari nako bamusabira kuruhukira aheza.

Uwera Jean Maurice mukuru wa Jay Polly , yashimiye buri muntu wese wabatabaye kuko byabafashije kumuherekeza mu cyubahiro.

Jean Maurice yahaye abana ba nyakwigendera inyemezabwishyu y’umwaka wose w’ishuri mu mafaranga yaturutse mu bakunzi ba Jay Polly.

Mu ijambo umuhanzi BullDogg yavuze nk’umuntu batangiranye itsinda rya Tuff Gang, yasabye ko ibihangano bye byabungabungwa, amafaranga azakomeza kuvamo akazafasha umuryango we n’abana be.

BullDogg yasabye ko abakunzi be bakwiye gukomeza gutanga umusanzu mu rwego rwo gufasha umuryango n’abana be kugeza bakuze.

Bikurikire uko yabisobanuye muri iyi video:

Kumara igihe nta ndirimbo ye nshya ijya hanze byatumye atangira kwibazwaho na benshi mu bakurikira ibikorwa bye.

Uyu musore uri mubatangiye umuziki kera, ndetse akaba n’umwe mu bafite abakunzi batari bake mu Rwanda no mu mahanga, yaganiriye na KT Radio, avuga byinshi ku buzima bwe no ku muziki akora by’umwihariko.

Bikurikire muri iki kiganiro:

Reba indirimbo ‘Mi casa’ ya Christopher

Mu rukerera rwo kur wa Kane tariki 02 Nzeri 2021 nibwo inkuru yamenyekanye ko uyu muhanzi yitabye Imana, akaba yari amaze iminsi afungiye muri Gereza ya Mageragere akurikiranyweho ibyaha birimo ibyerekeranye n’ikoreshwa ry’ibiyobyabwenge.

Mu masaha ya nijoro ngo nibwo yarembye, ajyanwa kwa muganga ariko aza guhita ashiramo umwuka.

Twaganiriye na bamwe mu bahanzi babanye na Jay Polly bya hafi batubwira uko bakiriye urupfu rwe, uko bamufataga n’icyuho asize muri muzika nyarwanda.

Bikurikire muri iki kiganiro:

By’umwihariko Abanyarwanda bishimye kubera amasezerano iyi kipe isanzwe ifitanye n’u Rwanda mu kwamamaza ubukangurambaga bwa Visit Rwanda bugamije kumenyekanisha igihugu cy’u Rwanda ndetse no gushishikariza abanyamahanga gusura u Rwanda.

Aba ni bamwe mu batangarije Kigali Today uko bakiriye kuza kwa Messi muri Paris Saint-Germain.

Kurikira uko iki gikorwa cyagenze muri iyi Video:

Ugize ibyago ukajugunywa muri iryo shyamba ntuzirirwe wigora ushakisha aho usohokera ngo uvemo, kuko ubunini bwaryo ni inshuro 17 ugereranije n’igihugu cy’u Bwongereza ugateranyaho n’ibirwa bya Ireland.

Amazon ni ishyamba riherereye muri America y’Amajyepfo, rikaba rikora kubihugu icyenda bya America y’amajyepfo ari byo Brazil, Peru, Colombia, Ecuador, Bolivia, Venezuela, Guyana, Suriname na French Guyana ariko kinini cy’iri shyamba giherereye muri Brazil.

Amazon ni ishyamba ryuzuye ibiti by’inzitane byugarijwe n’umwijima ku buryo hagati mw’ishyamba hahora ari ninjoro, abashakashatsi bemeje ko 1% by’urumuri rw’izuba arirwo rubasha gucengera mu biti by’iryo shyamba.

Iyo imvura iguye mw’ishyamba rya AMAZON bifata iminota irenga 10 kugira ngo ibitonyanga bitangire gucengera bigere hasi.

Hagati muri Amazon hanyuramo uruzi runini rwa "Amazon River" rufite uburebure bwa Km 6400,
niwo mugezi wa kabiri mu bunini kw’isi nyuma y’uruzi rwa Nile.

Amazon River ni uruzi rufite amazi menshi cyane hakabamo n’ibiremwa byinshi bitangaje byiberamo birimo inzoka nini cyane utigeze ubona zo mu bwoko bwa Anaconda.

Mu ishyamba rya Amazon harimo inyamaswa nyinshi zitangaje, nk’umuserebanya abashakashatsi bise "Jesus Lizard" ukaba ufite ubushobozi bwo kugendera hejuru y’amazi. Ushobora kandi guhagarara ku maguru abiri nk’umuntu, ubundi ukavuduka cyane hejuru y’amazi ukambukiranya imigezi yose kandi nta kwibira na gato, ibintu bidakorwa n’ikindi kiremwa hano kw’isi.

Ikindi gitangaje muri iryo shyamba ni ibikeri bifite uruhu rw’ikirahure (rubonerana), ku buryo iyo urebye icyo gikeri uhita ubona ibice biri mu nda yacyo byose kuko habonerana.

Ubushakashatsi bwakozwe n’abahanga mu mwaka wa 2006 bugaragaza ko umugezi uri muri Amazon, kera amazi yawo yavaga mu burasirazuba bwa America y’Epfo ahagana Iburengerazuba, ariko mu myaka 100 yakurikiyeho byaje guhinduka amazi akajya agenda ikinyumanyuma kugeza ubu agenda asubira inyuma (rewind), bitandukanye n’uko Imana yari yarabiremye.

Amazon kandi ifite n’indi migezi minini harimo nk’uhorana amazi aserura nk’ayo kwarika ubugari, ayo mazi hari igihe ashyuha kugeza ku gipimo cya Dogre 93, ku buryo n’iyo wanyura iruhande rw’umugezi utangira kubira ibyuya. Ibikeri, inzoka n’utundi dukoko dusuzugura iyo twinyujijemo usanga tureremba hejuru twapfuye.

Mu ishyamba rya Amazon harimo ibiti bitangaje ku buryo bimwe bigenda, ari byo bita "Working palms". Ibyo biti ntabwo bigenda nk’abantu ahubwo bigenda buhoro buhoro kandi mu gihe kire kire ku buryo iyo igiti gishaka kumera imizi yacyo itangira kugenda ishakisha urumuri rw’izuba mbere y’uko igiti kizamuka, ku buryo gishobora kuva muri metero 1 kikajya kumerera muri metero 20.

Muri Amazon huzuyemo inzoka zitwa Anaconda

Ni inzoka nini cyane kw’isi kandi zitinyitse, bivugwa ko izo nzoka zatangiye kuba kw’isi mu myaka irenga ibihumbi yashize. Izo nzoka za nta bumara zigira ahubwo zitinyitse kubera imbaraga n’ubunini bwazo.

Inzoka za Anaconda ziri mu bwoko bwinshi kandi ziteye ubwoba, ariko izizwi cyane ni Iz’icyatsi kibisi. Anaconda niyo nzoka ipima ibiro byinshi kw’isi kuko iyo ikuze ishobora gupima ibiro bisaga 250 ikagira n’uburebure bwa metero 10.

Nugira ibyago ugahura nayo byaba byiza wirukankiye ku butaka kuko igenda buhoro, ariko wibeshye ukajya mu mazi bizaba bikurangiranye burundu, umuvuduko wa Anaconda mu mazi ni nk’umwambi urashwe kure.

Anaconda yikundira kurya ingurube z’ishyamba n’utundi tunyamaswa, ariko bikaba gake cyane ko iyo nzoka irya umuntu dore ko batanahura kenshi. Iyo iriye ikintu igahaga imara ukwezi kose nta kindi kintu irya kuko ifite uburyo ibika munda.

Inzoka ya Anaconda ibona neza iyo hari umwijima ukabije kandi izi kwihisha cyane ku buryo ishobora kwigira nk’ibuye cyangwa umugina ukagenda ukicaraho utabizi. Ni zimwe mu nzoka ziboneza urubyaro kuko zimyanya mu kwezi kwa 5 n’ukwa 6 zikabika amagi mu nda, ikabyara nyuma y’amezi 6 kandi mu buzimabwayo ibyara hagati y’ibyana 30 na 40.

Mu ishyamba rya Amazone rifite intozi zitangaje ku buryo iyo uriwe n’urutozi ugira ububabare bungana no kuraswa isasu mu kaguru, kandi izo ntozi zifite ubumara butuma ubyimba umubiri wose.

Harimo kandi isamaki bita "Electric eel", ni isamaki nini ishobora gupima ibiro 21 ariko igitangaje iyi samaki iba yifitemo amashanyarazi mu ruhu rwayo. Iyo ukoze ku gice cy’umurizo cyayo ukubitwa n’umuriro udasanzwe w’amashanyarazi kuko uba ufite Volt hagati ya 300-650.

Icyakora izo samaki ntabwo zishotorana ariko iyo ingona igerageje kuyirya cg kuyifataho ihura n’ikibatsi cy’amashanyarazi igataha yimyiza imoso.

Muri Amazon habamo ubwatsi bwitwa "Victoria amazonica", ni ubwatsi bunini bumeze nk’urufunzo akenshi usanga bureremba hejuru y’imigezi. Ibyo byatsi kandi bishobora gukoreswa nk’ubwato ku buryo n’iyo wakwicara hejuru yabyo ukomeza kureremba nta kibazo.

Umugezi munini uri mw’ishyamba rya Amazon nubwo huzuyemo inzoka za Anaconda hakabamo isamaki zifite amashanyarazi n’ibindi bikoko biteye ubwoba, hari umugabo waciye agahigo yoga mu mugezi umwe arawambuka.

Uwo mugabo yitwa "Martin Strey", mu mwaka wa 2007 yakoze ibintu bitangaje yidumbaguza mu mugezi wa Amazon mu minsi 66 ariko ashyirwa arangije umugezi wose. Yakoreshaga amasaha 10 ku munsi yoga agana imbere kandi abizi neza ko habamo ibiremwa biteye ubwoba anyuramo kugeza ashoje.

Isi yose ikura ingofero

Nubwo iryo shyamba riteye ubwoba, bivugwa ko rituwemo n’ubwoko 400 bw’abantu baryiberamo hagati kandi bakabona ibyo bifuza byose, gusa bamwe mu batuye muri Amazon babayeho batazi iby’iyi si dutuyemo.

Ikibabaje ni uko abashakashatsi bagaragaza ko mu myaka 40 iri imbere iryo shyamba rizaba ritagihari kubera uburyo ikiremwa muntu cyangiza ibidukikije. Ibyo byose bigaragara ukurikije uburyo abantu kw’isi hose barimo gutema ibiti byinshi ariko bagatera bicye cyane.

Ibyo bituma hakekwa ko ishyamba rya Amazon rifatwa nk’ibihaha by’isi naryo rishobora kwangizwa n’ikiremwa muntu mu myaka iri imbere kuko 20% by’umwuka duhumeka kw’isi uturuka muri Amazon, ndetse na 30% by’umwuka wanduye uva mu nganda no mu bindi bihumanya umwuka kw’isi ujya muri Amazon bigatuma abatuye isi bagira ubuzima bwiza.