Evode Uwizeyimana (ibumoso) na Dr. Isaac Munyakazi (iburyo) ntibakiri Abanyamabanga ba Leta

Dr. Isaac Munyakazi yari Umunyamabanga wa Leta muri Minisiteri y’Uburezi ushinzwe amashuri abanza n’ ayisumbuye naho Evode Uwizeyimana yari Umunyamabanga wa Leta muri Minisiteri y’ Ubutabera ushinzwe itegeko nshinga n’andi mategeko.

Ku wa 12 Gashyantare 2020, Nyakubahwa Minisitiri w’Intebe Dr. Edouard Ngirente yamenyesheje abari Abanyamabanga ba Leta, Bwana Evode Uwizeyimana na Dr. Isaac Munyakazi, ko Nyakubahwa Perezida wa Repubulika yemeye ukwegura kwabo.

— Office of the PM | Rwanda (@PrimatureRwanda) February 13, 2020

Ku mugoroba wo ku wa kane tariki 06 Gashyantare 2020, nibwo Ibiro bya Minisitiri w’Intebe byatangaje ko Minisitiri w’Intebe Dr. Edouard Ngirente yakiriye ubwegure bw’abo bari Abanyamabanga babiri ba Leta, ubwo bwegure, Minisitiri w’Intebe akaba yaragombaga kubushyikiriza Perezida wa Repubulika.

Minisitiri Munyakazi biravugwa ko yaba yareguye biturutse ku buriganya mu mitsindire y’abanyeshuri. Naho kuri Evode Uwizeyimana, we birakekwa ko ukwegura kwe kwaba gufite aho guhuriye n’ibiherutse kumuvugwaho byo guhutaza umugore.

Urwego rw’Igihugu rw’Ubugenzacyaha (RIB) icyo gihe rwatangaje ko rwatangiye iperereza ku bivugwa kuri Evode Uwizeyimana ushinjwa guhohotera umugore wari mu kazi ko gusaka abinjira mu nyubako ya Grand Pension Plaza.

Minisitiri Uwizeyimana yasabye imbabazi ku rubuga rwa Twitter, ariko ntibyabujije abantu gukomeza kumunenga kubera indi myitwarire ye mibi abakoresha Twitter bahise bagaragaza.

Bivugwa ko no ku nyubako ya Kigali Heights naho yigeze guhutaza umuntu ushinzwe umutekano wari wamwitiranyije n’umuturage usanzwe, bikanavugwa ko yigeze gukubita umushinwa bari bagiranye ikibazo mu muhanda.

Yigeze kumvikana kandi yita abanyamakuru imihirimbiri, aya magambo akaba atarashimwe n’abayumvise.

Ingingo ya kane y’itegeko rigenga imyitwarire y’abayobozi ryo muri 2013 ivuga ko umuyobozi by’umwihariko uwo ku rwego rw’igihugu abujijwe gukoresha umwanya afite mu guhohotera abaturage cyangwa guhonyora amategeko.

Iryo tegeko kandi ribuza abayobozi kujya mu bikorwa by’imicungire mibi y’inzego bayobora no gushaka kuremera kurusha izo nzego, rikanababuza kujya mu bikorwa bibatesha agaciro cyangwa ibigatesha urwego bayobora nk’uko bigaragara mu ngingo ya 12, iya 13 n’iya 14 z’iryo tegeko.

Biravugwa ko imyitwarire nk’iyi ivugwa muri iri tegeko ari yo yatumye aba bayobozi bombi begura.

Inkuru bijyanye:

Minisitiri w’Intebe yakiriye ubwegure bwa Dr. Isaac Munyakazi na Evode Uwizeyimana

RIB yatangiye iperereza kuri Evode Uwizeyimana uvugwaho guhutaza umugore

Ubwo bwegure, Minisitiri w’Intebe ngo azabushyikiriza Nyakubahwa Perezida wa Repubulika.

Dr Isaac Munyakazi (Ifoto: Internet)

Kuri uyu mugoroba, Minisitiri w’Intebe Dr. Edouard Ngirente yakiriye ubwegure bw'Abanyamabanga ba Leta Evode Uwizeyimana wo muri Minisiteri y’Ubutabera na Dr Isaac Munyakazi wo muri Minisiteri y’Uburezi, azashyikiriza Nyakubahwa Perezida wa Repubulika.

— Office of the PM | Rwanda (@PrimatureRwanda) February 6, 2020

Evode Uwizeyimana (Ifoto: Internet)

Minisitiri Munyakazi biravugwa ko yaba yeguye biturutse ku buriganya mu mitsindire y’abanyeshuri. Naho kuri Evode Uwizeyimana, we birakekwa ko ukwegura kwe kwaba gufite aho guhuriye n’ibiherutse kumuvugwaho byo guhutaza umugore.

Urwego rw’Igihugu rw’Ubugenzacyaha (RIB) ruherutse gutangaza ko rurimo gukora iperereza ku bivugwa kuri Evode Uwizeyimana ushinjwa guhohotera umugore wari mu kazi ko gusaka abinjira mu nyubako ya Grand Pension Plaza.

Umuvugizi wa RIB, Marie Michelle Umuhoza, yemereye KT Press ko RIB yari irimo gukora iperereza kuri icyo kibazo.

Minisitiri Uwizeyimana yasabye imbabazi ku rubuga rwa Twitter, ariko ntibyabujije abantu gukomeza kumunenga kubera indi myitwarire ye mibi abakoresha Twitter bahise bagaragaza.

Bivugwa ko no ku nyubako ya Kigali Heights naho yigeze guhutaza umuntu ushinzwe umutekano wari wamwitiranyije n’umuturage usanzwe, bikanavugwa ko yigeze gukubita umushinwa bari bagiranye ikibazo mu muhanda.

Yigeze kumvikana kandi yita abanyamakuru imihirimbiri, aya magambo akaba atarashimwe n’abayumvise.

Ingingo ya kane y’itegeko rigenga imyitwarire y’abayobozi ryo muri 2013 ivuga ko umuyobozi by’umwihariko uwo ku rwego rw’igihugu abujijwe gukoresha umwanya afite mu guhohotera abaturage cyangwa guhonyora amategeko.

Iryo tegeko kandi ribuza abayobozi kujya mu bikorwa by’imicungire mibi y’inzego bayobora no gushaka kuremera kurusha izo nzego, rikanababuza kujya mu bikorwa bibatesha agaciro cyangwa ibigatesha urwego bayobora nk’uko bigaragara mu ngingo ya 12, iya 13 n’iya 14 z’iryo tegeko.

Biravugwa ko imyitwarire nk’iyi ivugwa muri iri tegeko ari yo yatumye aba bayobozi bombi begura.

Evode Uwizeyimana yasabye imbabazi. Gusa RIB na yo yatangiye kugenzura ibimuvugwaho byo guhohotera umugore

Umuvugizi wa RIB, Marie Michelle Umuhoza, yemereye KT Press ko RIB irimo gukora iperereza kuri icyo kibazo.

Evode Uwizeyimana asanzwe ari Umunyamabanga wa Leta muri Minisiteri y’Ubutabera ushinzwe Itegeko nshinga n’andi mategeko.

Ku cyumweru mu masaha yo ku manywa nibwo uwitwa Hakuzwumuremyi Joseph, abinyujije kuri Twitter, yatangaje ko Minisitiri Uwizeyimana yahiritse umukobwa wo muri Kompanyi ya ISCO icunga umutekano yitura hasi. Uwo mukobwa ngo yari mu kazi ko gusaka abinjira muri iyo nyubako ya Grand Pension Plaza.

Hakuzwumuremyi ati “Uwo mukobwa ashobora kuba atari yamenye Nyakubahwa, amusabye kunyura mu cyuma gisaka (scanner) nk’abandi undi ahita amuhirika yitura hasi. So Sad (birababaje).”

Min @EvodeU mu kanya ahiritse umukobwa wo muri @isco ushinzwe gusaka abinjira muri Grande Pension Plaza yikubita hasi! Umukobwa ushobora kuba utari wamenye Nyakubahwa amusabye kunyura mu cyuma gisaka (scanner) nk'abandi undi ahita amuhirika yitura hasi. So Sad #RwOT

— Hakuzwumuremyi Joseph (@HAKUZWUMUREMYI) February 3, 2020

Umuvugizi wa RIB, Marie Michelle Umuhoza, yirinze gutangaza byinshi byerekeranye n’iryo perereza rikomeje, dore ko atanemeje niba Minisitiri Uwizeyimana azahamagazwa kugira ngo yisobanure ku bimuvugwaho.

Mu bindi RIB ivuga igomba kubanza kugenzura ngo ni amashusho yafashwe n’ibyuma bifata amashusho (CCTV Cameras) byo kuri iyo nyubako, aho ibyo byabereye.

Nyuma y’akanya gato kari gashize bitangajwe kuri Twitter ko Minisitiri Evode Uwizeyimana ahohoteye uwo mugore, na we yihutiye kubinyuza kuri Twitter asaba imbabazi, avuga ko yasabye n’imbabazi uwo mugore.

I deeply regret what happened. It should not have happened to me as a leader and public official. I already apologized to the ISCO staff and I now do so publicly and apologize to the public as well. https://t.co/QtTeeId1Hn

— Evode Uwizeyimana (@EvodeU) February 3, 2020

Iyi nteko rusange izamara iminsi ine, yatangiye tariki ya 15 Ukwakira ikazarangira tariki ya 18 Ukwakira 2019. Iyi nama izibanda ku kurebera hamwe uko hashakirwa umuti ikibazo k’ibyaha birimo kuba muri iki gihe ndetse n’ibishobora kuzaba mu bihe bizaza, hibandwa ku kibazo k’iterabwoba.

U Rwanda ni kimwe mu bihugu binyamuryango muri INTERPOL, mu mwaka wa 2015 rukaba rwarakiriye inteko rusange y’uyu muryango ya 84.

Muri iyi minsi ine iyi nama izamara, abahagarariye ibihugu byabo bagera kuri 900 barimo abayobozi ba Polisi mu bihugu bitandukanye, baturutse mu bihugu 162 bazaganira ku kurebera hamwe uko bahuriza hamwe ibikorwa bya Polisi ku isi yose.

Hazanarebwa inyungu ziri mu kuba mu muryango wa INTERPOL, ndetse n’uko itsinda riri muri uyu muryango rishinzwe gutabara ahabaye ibyaha ririmo kugenda rifasha ibihugu binyamuryango.

Urugero muri uyu mwaka iri tsinda ryohereje abapolisi mu bihugu biherutse guterwa n’ibyihebe nko mu bihugu bya Kenya na Sri Lanka ndetse no mu minsi yashize iri tsinda ryafashe umubare munini w’ibiyobyabwenge byafatiwe mu bihugu bya Guinea Bissau na Maldives, iri tsinda rikaba ryaragize uruhare runini mu gukora iperereza kuri ibi byaha.

Muri iyi nama kandi biteganyijwe ko hazarebwa no ku ngengo y’imari y’uyu muryango n’izindi gahunda, harimo no kongera gutora bwana Jürgen Stock nk’umunyamabanga mukuru w’umuryango wa INTERPOL kuri manda ye ya kabiri ari na yo ya nyuma izamara imyaka itanu (5).

Atangiza ku mugaragaro imirimo y’iyi nama, Perezida w’igihugu cya Chile, Sebastián Piñera yavuze ko muri iki gihe ibyaha bigenda bihindagurika kandi bigakomeza kurushaho kwiyongera, asaba ko habaho uburyo burambye bwo kubirwanya.

Yagize ati: “Twese dutewe ishema no kuba tubarirwa mu muryango wa Polisi mpuzamahanga, umuryango uhuza ibihugu byose byishyize hamwe kugira ngo birwanye ibyaha n’iterabwoba.”

Perezida w’umuryango wa INTERPOL, Kim Jong Yang yavuze ko nubwo isi igenda ihindagurika, n’umuryango wa INTERPOL ugenda utera imbere ariko ko intego z’uyu muryango z’uko umutekano w’ isi ubumbatirwa zo zidateze guhinduka.

Yagize ati: “Isi igenda ihindagurika, INTERPOL na yo irarushaho gutera imbere, kubera izo mpamvu intego yacu ni uko isi yakomeza kugira umutekano ntuhinduke. Tuzakomeza guhuza amaboko kugira ngo iyubahirizwa ry’amategeko ryogere ku isi yose.”

Jürgen Stock, Umunyamabanga mukuru wa INTERPOL, yagaragaje ko kuva mu mwaka wa 2014 hari ubutumwa bugera kuri miliyoni 82 bwagiye buhererekanywa hagati y’ibihugu bitandukanye, n’120% y’ubwiyongere bw’abagerageza kwinjira mu ikoranabuhanga rya INTERPOL mu buryo butemewe.

Imibare y’abagaragayeho kuba bakora iterabwoba (terorrist profiling) wariyongereye uva ku gihumbi (1,000) ugera ku bihumbi (50,000). INTERPOL kandi yafashije mu kumenya abana bakorewe ihohoterwa rishingiye ku gitsina bagera ku 12,374.

Yigishije abana bo mu wa mbere gusoma

Uwizeyimana Evode umunyamabanga wa Leta muri minisiteri y’ubutabera ushinzwe itegeko nshinga n’andi mategeko avuga ko Leta yifuza ko abantu bafunzwe bafungurwa bajya kwigirira akamaro kandi batandukanye n’uko baje bameze.

Yabasabye kudahora bihebye kuko hari abantu bafunzwe bafungurwa bakagirira akamaro igihugu.

Yabibukije ko gereza atari imva umuntu ashobora kuyishokamo akigirira akamaro akakagirira n’igihugu.

Ati “Twabibutsaga ko igihugu gikunze kandi bakigirira akamaro, ko gereza atari imva, umuntu ashobora kuva hano akigirira akamaro ndetse akakagirira n’igihugu.”

Yabitangaje kuri uyu wa 20 Werurwe, ubwo yasuraga abana bafungiye muri gereza y’abana ya Nyagatare muri gahunda y’icyumweru cy’ubutabera aho yumvaga ibibazo byabo no kubishakira ibisubizo.

Mu bibazo yagejejweho harimo iby’ifungwa rinyuranije n’amategeko n’ibindi.

Umuyobozi wa gereza y’abana asobanurira abayobozi imiterere ya gereza n’ibihakorerwa.

Urugero ni umwana wafashwe muri Mata 2018 ashinjwa kwinjiza ibiyobyabwenge mu gihugu, agafungwa amezi 2 muri Transit nyuma agakurwamo ashyirwa muri kasho ya Polisi ashinjwa kwica umuntu.

Yagize ati “Rwose nkeneye kurenganurwa, nafungiye muri Transit amezi 2 nshinjwa Zebra, bakomeje kurekura abandi mbajije bambwira ko nishe umuntu bansubiza kuri Polisi ingeza mu rukiko.”

Uyu mwana ubu amaze amezi 9 afunze ku minsi 15 yari yahawe mu kuburana ku ifungwa n’ifungurwa by’agateganyo.

Minisitiri Uwizeyimana Evode yasabye inzego z’ubuyobozi, iza Parike na MAJ kumenya icyo kibazo kandi kigakemurwa vuba.

Ku rundi ruhande ariko bashingiye ku mpanuro bahawe, abana biyemeje kutazongera gusubira mu byaha ahubwo bazasohoka bafite intego yo gufatanya n’abandi mu kubaka igihugu.

Gereza y’abana ya Nyagatare ifungiyemo abana 393, 67% mu bayifungiyemo bakaba bazira icyaha cyo gusambanya abana.

Intara y’Uburasirazuba niyo ifitemo abana benshi kuko ufitemo 148 mugihe umujyi wa Kigali ariwo ufitemo bacye bangana na 26.

Me Uwizeyimana Evode, umunyamabanga wa Leta muri Minisiteri y’Ubutabera ushinzwe Itegeko Nshinga n’andi mategeko

Yabivugiye mu Nteko ishinga amategeko ubwo yari kumwe na Komisiyo ya Politiki n’uburinganire mu gikorwa cyo kwiga ku mushinga mushya w’amategeko ahana y’u Rwanda, kuri uyu wa mbere tariki ya 27 Ugushyingo 2017.

Dipite Kayiranga Alfred Rwasa, ukuriye iyo komisiyo avuga ko usanga hirya no hino mu gihugu abagore batandukanye bafatwa ku ngufu n’abo bashakanye. N’ubwo ngo nta mibare ihari ariko mu miryango imwe n’imwe birahari.

Agira ati “Niba hari icyaha gifite uburemere muri iki gihugu ariko kitavugwa, ni abagore bafatwa ku ngufu. Guhana abagabo bakora ibi ndumva ari ngombwa!”

Me Evode yagaragaje ko bigoye kumenya ko umuntu yafashwe ku ngufu n’uwo bashakanye bitewe n’uko imibonano mpuzabitsina isanzwe mu nshingano bafite.

Bityo rero ngo umucamanza akaba ari we ugomba gusuzuma ahereye ku bimenyetso byatanzwe n’urega, ari nayo mpamvu icyo cyaha kidashobora kugenerwa ingingo yacyo.

Agira ati “Ubwo abantu bavugaga ngo dukore itegeko ryihariye rijyanye n’icyaha cyo gufata ku ngufu uwo mwashakanye, iyo turebye mu bijyanye no gufata ku ngufu, mbere na mbere bigizwe no kuba haba hatabayeho kumvikana, niyo mpamvu byitwa gusambanya ku gahato.

Akomeza agira ati “Twajya ku bashakanye, tugasanga umugore yaremeye gukora imibonano mpuzabitsina by’igihe cyose. Iyo umugore afashe ibendera, aba arahiriye gukora imibonano mpuzabitsina imyaka yose azamarana n’uwo muntu.”

Akomeza avuga aho kuvuga ko umugore yafashwe ku ngufu n’umugabo we ahubwo byavugwa ko yahohotewe.

Ati “Byakwinjira mu gice cy’ihohoterwa kuko umugabo n’umugore ni abantu kumvikana bitajya birangira, kuko habanje kubaho guhohoterwa, ni kimwe no kwangiza umutungo mutabyumvikanyeho.”

Dipite Kayiranga Alfred Rwasa, ukuriye Komisiyo ya Politiki n’uburinganire

Ingingo ya 147 muri uyu mushinga mushya ivuga ko umuntu wese ukoresha undi ibikorwa bikurikira nta bwumvikane bubayeho, hakoreshejwe imbaraga, iterabwoba, uburiganya, ububasha amufiteho cyangwa abikoze ku bw’intege nke z’uwakorewe icyaha, aba akoze icyaha cyo gukoresha undi imibonano mpuzabitsina ku gahato.

Ibyo bikorwa ni ugushyira igitsina mu gitsina, mu kibuno cyangwa mu kanwa k’undi muntu, gushyira urugingo urwo ari rwo rwose rw’umubiri w’umuntu cyangwa ikindi kintu icyo ari cyo cyose mu gitsina cyangwa mu kibuno by’undi muntu.

Iyo ngingo ivuga kandi ko umuntu wese uhamijwe n’urukiko gukoresha imibonano mpuzabitsina ku gahato, ahanishwa igifungo kitari munsi y’imyaka icumi n’ihazabu y’amafaranga y’u Rwanda atari munsi ya miliyoni imwe.

Inavuga ko iyo ibikorwa bivugwa mu gika cya mbere cy’iyi ngingo bikozwe hagati y’abashyingiranywe, nabyo bifatwa nko gukoresha undi imibonano mpuzabitsina ku gahato.

Igihano kiba igifungo cya burundu iyo gukoresha imibonano mpuzabitsina ku gahato byakozwe n’abantu barenze umwe, byateye urupfu uwabikorewe, byakozwe ku muntu bafitanye isano kugeza ku gisanira cya kabiri bikaba kandi byakozwe hagamijwe kumwanduza indwara idakira.

Me Evode Uwizeyimana ahamagarira abanyaruhango guteza imbere akarere kabo

Me Uwizeyimana yatangaje ibi mu nama nyunguranabitekerezo y’Abanyaruhango yateraniye i Kigali tariki 18 Ukuboza 2016.

Iyo nama yigaga ku ngamba zatuma iterambere ry’ako karere rirushaho kwihuta. By’umwihariko n’Abanyaruhango batuye i Kigali bakagira uruhare mu ishyirwa mu bikorwa ry’imihigo.

Me Uwizeyimana, na we uvuka mu Ruhango yavuze ko nyuma abanyaruhango bakwiriye gushyira hamwe bagafasha akarere kabo mu gushyirwa mu bikorwa ry’imihigo.

Yagize ati “Buri wese agire icyo atanga. Si ukuvuga ngo ni mu buryo bw’amafaranga [gusa]. Niba dushobora gufasha abaturage batagira mituweli kuzibona, niba dushobora kujya dukangurira abaturage kuboneza urubyaro.

Tuzamanuka tureke kwicara hano i Kigali, tujye mu karere tuganire n’abaturage twumve ibibazo byabo; aho ikibazo cyabaye tube twakimenya tugikemure.”

Abavuka muri Ruhango baba i Kigali bari bateraniye mu nama ibahuza

Muri iyi nama, Abanyaruhango bakorera muri Kigali n’ahandi, bahise biyemeza gukusanya umusanzu w’amafaranga yo kurihira ubwisungane mu kwivuza abaturage b’ako karere bagera ku bihumbi 29.

Ubuyobozi bw’Akarere ka Ruhango bweretse abakavukamo batuye muri i Kigali, amahirwe mu ishoramari ririmo ubucuruzi, inganda, ubuhinzi n’ubworozi, ubukerarugendo n’ubwikorezi n’ibikorwa remezo nko kubaka amacumbi.

Bakomeza bagaragaza ikibazo gikomeye cy’uburwayi bw’imyumbati bwibasiye aka karere kaza ku isonga mu kweza icyo gihingwa.

Ibyo ngo byagize ingaruka z’ubukene ku baturage benshi bari batunzwe n’imyumbati. Biturutse kuri iyo mpamvu, bamwe bananiwe gutanga umusanzu w’ubwisungane mu kwivuza.

Umuyobozi w’Akarere ka Ruhango, Mbabazi Francois Xavier avuga ko gahunda y’imihigo ari inkingi ikomeye mu iterambere ry’akarere, bityo guhuriza hamwe imbaraga z’Abanyaruhango batuye muri Kigali bikihutisha ibikorwa.

Agira ati “Gutera imbere kw’akarere guca mu nzira nyinshi, ariko inzira y’ibanze ni imihigo, cyane cyane tureba uruhare aba Banyaruhango batuye, bakorera hano i Kigali, bagira mu guteza imbere akarere no kwesa imigiho ku gipimo gishimishije.”

Abavuka mu Ruhango biyemeje kurihira abaturage ubwisungane mu kwivuza

Madame Agatha Rushemeza, umunyaruhango utuye muri Canada ariko wari waje mu Rwanda mu nama y’umushyikirano, avuga ko yishimiye kubona abantu bashyize hamwe ngo bateze imbere akarere kabo.

Uyu mugore yabwiye Kigali Today ko nasubirayo azafatanya n’abandi Banyarwanda bo muri Diaspora, na bo bagashakisha uko bahuza imbaraga zo guteza imbere akarere.

Umuyobozi w’Akarere ka Ruhango Mbabazi Francois Xavier atanga ikaze muri iyi nama

Rwigema Pierre Celestin umudepite muri EALA nawe ni umunya Ruhango

Nyuma y’inama bafashe ifoto y’Urwibutso

Me Evode Uwizeyimana avuga ko kuvugurura igitabo cy’amategeko ahana kizafasha gukumira ibyaha.

Mu bushakashatsi iyi komisiyo iherutse gushyira ahagaragara ku bijyanye n’uko abaturage babona amategeko abashyirirwaho, ngo bagaragaje ko hari ibihano bijenjetse bihabwa abakoze ibyaha, by’umwihariko mu nzego z’abunzi.

Me Evode Uwizeyimana, Umuyobozi Wungirije wa RLRC, avuga ko muri ubu bushakashatsi bwarakorewe mu turere 10 two hirya no hino mu gihugu, abaturage bagaragaje ko hari ibyaha bishyirwa mu bunzi, imikemukire yabyo ntibanyure.

Ati “Hari ibyaha byari biri mu bunzi nko gukubita, gukomeretsa ndetse no kwiba, wasangaga ibihano bidasobanutse ariko ubu mu ivugururwa ry’igitabo cy’amategeko, ibi byaha byashyizwe mu bubasha bw’inkiko.”

Avuga kandi ko muri iki gitabo kikiri mu Nteko Ishinga Amategeko, hari ibindi bizavugururwa bijyanye n’ibihano bitandukanye byahabwaga abantu bahamwe n’icyaha kimwe.

Me Uwizeyimana ati “Hari aho umucamanza yabaga yemerewe gutanga igihano cy’igifungo kiri hagati y’imyaka ibiri n’icumi ku cyaha runaka. Ibi bigatuma umuntu umwe amukatira imyaka ibiri, yaba anayimaze muri gereza agahita yitahira mu gihe undi bakoze icyaha kimwe yamukatiye imyaka icumi, bigateza urujijo.”

Yongeraho ko ubu bwinyagamburiro bugari bwari hagati y’igihano kiri hejuru n’ikiri hasi ku cyaha kimwe bwagabanyijwe cyane kuko ngo bwahaga umucamanza kuba yabogama bitewe n’impamvu zitandukanye zirimo na ruswa yavugwaga muri uru rwego.

RLRC ivuga ko hari ibyaha bigenda bigaragara bitari biri mu gitabo cy’amategeko ahana nk’ibikorerwa kuri “Internet”, ibijyanye no gucuruza abantu n’iby’abangiza ibidukikije, bikaba bizongerwamo mu rwego rwo kubikumira.

Ubu bushakashatsi bwamuritswe bwakorewe ku bantu 236 bo mu turere 10 two mu ntara zose z’u Rwanda, bukaba bwarerekanye ko 36% by’ababajijwe babona ko amategeko akoze ku buryo bukwiye, mu gihe 64% bo bavuga ko akoze mu buryo buringaniye.

Aka kazi Me Evode Uwizeyimana yagahawe n’inama y’abaminisitiri b’u Rwanda yateranye kuwa gatanu tariki ya 28/03/2014 nk’uko itangazo ryashyizweho umukono na minisitiri Stella Ford Mugabo ushinzwe Imirimo y’Inama y’Abaminisitiri ribitangaza.

Mu kiganiro Evode Uwizeyimana yagiranye n’itangazamakuru kuwa 23/02/2014 yemeje ko ngo atashye mu Rwanda ngo atange umusanzu we mu kubaka igihugu.

Uyu Evode Uwizeyimana yamenyekanye cyane nk’inzobere mu mategeko ariko akaba yarakunze kunenga cyane leta y’u Rwanda ku maradiyo n’ibitangazamakuru mpuzamahanga nka BBC n’Ijwi ry’Amerika VOA, aho yanengaga cyane amwe mu mategeko n’ibyemezo byafatwaga na Leta y’u Rwanda mu gukemura ibibazo bitandukanye.

Me Uwizeyimana Evode amaze kugera mu Rwanda yatangarije itangazamakuru ko yiyemeje gutaha mu gihugu cye, ngo atange umusanzu mu kucyubaka mu kiganiro yagiranye n’ibitangazamakuru binyuranye ku cyumweru tariki ya 23/02/2014.

Me Evode Uwizeyimana asimbuye kuri uwo mwanya uwitwa Havugiyaremye Aimable wagizwe umuyobozi mukuru w’ikigo cyo kwigisha no guteza imbere Amategeko ILPD mu Rwanda gifite icyicaro mu karere ka Nyanza.

Uyu munyamategeko Evode Uwizeyimana, yavuye mu Rwanda mu mwaka wa 2007, aho yari yarabaye umucamanza mu nkiko z’u Rwanda. Yavuye mu Rwanda ajya kuba umwarimu n’umushakashatsi muri kaminuza zo mu gihugu cya Canada kugeza agarutse mu Rwanda mu minsi ishize.

Izindi mpinduka zabaye mu bayobozi banyuranye, harimo ko uwahoze ari umuyobozi mukuru ushinzwe ubukerarugendo no kubungabunga ibidukikije mu kigo cy’u Rwanda gishinzwe iterambere RDB, madamu Rica Rwigamba yasimbujwe ambasaderi Karitanyi Yamina, wari uhagarariye u Rwanda mu gihugu cya Kenya.

Ambasaderi Yamina Karitanyi yashinzwe guteza imbere ubukerarugendo mu Rwanda, asimbura Rica Rwigamba.

Kenya isanzwe izwiho kuba ku isonga mu kwakira ba mukerarugendo no kumenya kubaha serivisi nziza mu bihugu by’Afurika y’Uburasirazuba EAC, kandi ibihugu by’u Rwanda, Uganda na Kenya biherutse kwemeza uburyo buzajya butuma umukerarugendo wese ahabwa visa imwe muri ibyo bihugu igihe ashaka kubisura byose.

Abandi bahinduriwe imirimo barimo Ambasaderi Kayihura Eugene, wasabiwe guhagararira u Rwanda i Dar-Es-Salaam mu gihugu cya Tanzaniya, aho azasimbura Ambasaderi Dr. Ben Rugangazi utatangajwe indi mirimo yahawe.

Hari kandi madamu Kalihangabo Isabelle wagizwe umunyamabanga uhoraho muri minisiteri y’Ubutabera, asimbura Bizimana Ruganintwali Pascal wari ufite uwo mwanya, nawe woherejwe mu kigo cy’u Rwanda gishinzwe imisoro n’amahoro RRA, Rwanda Revenue Authority, aho yagizwe komiseri mukuru wungirije ushinzwe imirimo rusange.

Uretse aba, inama y’abaminisitiri yo kuwa 28/03/2014 yashyize mu myanya abandi bayobozi batandukanye bagera kuri 36, ifata n’ibyemezo birimo kwemeza politiki ivuguruye y’ubwisungane mu kwivuza no kuyegurira mu kigo cy’ubwiteganyirize mu Rwanda RSSB, Rwanda Social Security Board, kugena imiterere y’inama njyanama y’akagari n’imitunganyirize n’imikorere by’inzego
z’ubuyobozi bw’umudugudu, amafaranga n’ibindi bihabwa abagize njyanama bitabiriye inama, uburyo bwo gutegura amasezerano inzego za leta zigirana na ba rwiyemezamirimo, amabwiriza agena imyandikire yemewe y’Ikinyarwanda n’ibindi.

Ahishakiye Jean d’Amour

Me Evode Uwizeyimana, yavuye mu Rwanda mu mwaka w’2007, nyuma yo kuba umucamanza mu nkiko z’u Rwanda, nyuma ahava yerekeza mu gihugu cya Canada. Akimara kugera muri iki gihugu, Me Evode Uwizeyimana yakunze kuvugira ku maradiyo nka BBC na VOA, akenshi anenga cyane amwe mu mategeko n’ibyemezo byafatwaga na Leta y’u Rwanda mu gukemura ibibazo bitandukanye.

Hari n’ibindi biganiro bitandukanye ndetse n’inyandiko Me Evode yagiye asohora mu bitangazamakuru bitandukanye byaba ibyandikwa n’abatavuga rumwe na Leta y’u Rwanda ndetse n’ibindi bitandukanye.

Me Evode Uwizeyimana mu kiganiro n’abanyamakuru.

Gutahuka kwa Me Evode Uwizeyimana, kwatangiye kuvugwa mu itangazamakuru rya hano mu gihugu mu minsi ishize. Ni nyuma y’aho Me Uwizeyimana yagaragaye mu karere ka Bugesera aho yatangaga ikiganiro ku mategeko agenga uburenganzira bw’ikiremwa muntu.

Kuva icyo gihe, ibitangazamakuru n’amaradiyo atandukanye bya hano mu Rwanda, byatangiye gukwirakwiza amakuru y’itahuka rye, bimwe binibaza byinshi kuri we, hari ndetse n’ibyandika ko yaba agiye guhabwa umwanya ukomeye muri Minisiteri y’ubutabera.

Akimara kugera mu Rwanda, abatavuga rumwe na Leta bakorera mu mahanga bakomeje kwandika inyandiko nyinshi zirimo gusenya Me Uwizeyimana, ndetse banagarura bimwe mu biganiro yagiye agirana n’amaradiyo atandukanye.

Ni muri urwo rwego, abifashijwemo n’ibiro bishinzwe itumanaho muri minisiteri y’ubutabera, kuri iki cyumweru tariki 23/02/2014 Me Uwizeyimana Evode yagiranye ikiganiro n’abanyamakuru kuri La Pallisse Nyandungu, iki kiganiro kikaba cyari kigamije ahanini gusobanukirwa n’itahuka rya Me Uwizeyimana ndetse n’ibimaze iminsi bimuvugwaho.

“Nifuje ko tubonana uyu munsi tukaganira kugira ngo mbasobanurire neza byinshi bimaze iminsi bimvugwaho ndetse bimwe na mwe ubwanyu mwanyanditseho. Ndabizi havuzwe byinshi haba mu mashyaka atavuga rumwe na Leta cyane cyane nka RNC n’abandi.

Ndagirango mbamenyeshe ko nagarutse mu gihugu cyanjye ku mpamvu zingenzi arizo; kuza gutanga umusanzu w’ubwenge mfite nkafatanya n’abandi kubaka igihugu cyacu, ikindi ni uko numvaga nkumbuye n’igihugu cyange”; Me Evode Uwizeyimana.

Me Evode Uwizeyimana yemeza ko yagarutse mu Rwanda gutanga umusanzu wo kurwubaka.

Me Uwizeyimana yakomeje avuga ko ngo usibye kuba kuza mu Rwanda kwe kwaravuzwe mu minsi ishize, ngo we yari amaze igihe aza mu Rwanda guhera umwaka ushize.

Ati “Nari maze igihe nza mu Rwanda. Ubushize nari hano mu kwezi kwa cumi mu bushakashatsi. Nubu rero nagarutse kandi noneho mfite na kontaro y’akazi muri Minisiteri y’ubutabera. Aka kazi ndagirango mbamenyeshe ko nagapiganiwe nk’Umunyarwanda ubifitiye uburenganzira kandi ngahabwa kuko nkashoboye. Ni kontaro izamara amezi atandatu ariko ishobora no kuzongerwa.”

Ngo gukorana n’abatavuga rumwe na Leta ntibyari ku nyungu za politiki

Asubiza abanyamakuru ku bibazo yabajijwe byerekeranye nuko yaba aje mu Rwanda kandi yarakunze kugaragara akorana n’abatavuga rumwe na Leta, Me Evode Uwizeyimana yabashubije muri aya magambo:

“Niba mwarakurikiranye neza ibiganiro nagiye ngirana n’amaradiyo atandukanye, jye navugaga nk’inzobere mu mategeko mpuzamahanga. Yewe nta na rimwe nigeze nkorana n’abanyapolitiki ngamije inyungu za politiki, ahubwo nakoranye nabo nk’umujyanama mu by’amategeko kandi narabihemberwaga.

Me Evode Uwizeyimana yari amaze imyaka myinshi ataba mu Rwanda.

Ngira ngo murabizi neza ko mu mwaka w’2003 nabaye umuyobozi wari ushinzwe kwamamaza Faustin Twagiramungu, ariko nabikoraga mbizi ko ari akazi mpemberwa kandi mumubaze neza sinari umuyoboke w’ishyaka rye. Usibye n’ibyo kandi, Twagiramungu nawe arabizi ibyo twahoraga dupfa. Yewe nanahoraga mwita akabyiniriro ka ‘Petit Dictateur (Umunyagitugu muto)’.”

Amashyaka atavuga rumwe na Leta akorera hanze y’u Rwanda ninka za Boutique

Me Uwizeyimana yakomeje avuga ko bimwe mu bitari bumutwarire umwanya yifatanya n’amashyaka atavuga rumwe na Leta akorera hanze y’u Rwanda ngo ari uko nta kerekezo kizima agira, ngo ahubwo ashingira ku marangamutima, kandi ngo agasanga aya mashyaka ari nka za ‘Boutique’ ziri hafi guhomba zigasenyuka burundu.

Yabisobanuye atya: “Ariya mashyaka atavuga rumwe na Leta ni nka za Boutique (Amaduka). Avuka buri munsi kandi ikibabaje yose agendera ku marangamutima.

Hafi ya bariya bayobozi bayo bose iyo ubegereye usanga nta cyerekezo bafite usibye gukwirakwiza ibinyoma. Icyo gusa na none ikibazo Leta igomba gushakira umuti ni uko bafite ubushobozi bwo gukomeza kwangiza byinshi mu gihugu harimo nko gutera za Grenade n’ibindi.”

Me Evode Uwizeyimana ngo gukorana n’abatavuga na Leta nti byari mu nyungu za politike.

Abanyamakuru kandi banabajije Me Uwizeyimana niba ntacyo yavuga kijyanye n’amagambo atandukanye benshi bakomeje kuvuga ko atari meza yagiye avuga, abasubiza ko byinshi yagiye avuga byari ibitekerezo bye mu by’amategeko, ariko anisegura ku wo amagambo ye yaba yarahungabanyije.

Dan Ngabonziza