Mu rukerera rwo ku wa Gatanu tariki 01 Mutarama 2021, nibwo ababyaza ku kigo nderabuzima cya Nyarugunga giherereye i Kanombe bakiriye abana babiri b’abakobwa, nk’uko byatangajwe n’umuforomokazi, Turagara Sanyu Florence, waraye izamu ryakesheje umwaka wa 2020.

Umubyaza witwa Sanyu Florence

Turagara yagize ati: “umwe muri abo babyeyi yabyaye nka saa kumi n’imwe z’igitondo undi na we abyaye mu kanya saa tatu, bose babyaye abana b’abakobwa nta kibazo bafite bose bameze neza.”

Ubusanzwe ngo muri iki kigo nderabuzima bafite ubushobozi bwo kwakira ababyeyi 5 ku munsi, ariko ngo iyo babaye benshi bagerageza uburyo bwose babafasha bakoresheje ibindi byumba biri kwa muganga.

Ku munsi w’Ubunani mu mwaka ushize wa 2020 ngo havutse abana batanu, ariko ngo mu yindi myaka iheruka havukaga abana barenze 5.

Celine ni umwe mu babyeyi bibarutse umwana w’umukobwa amwita Izere Welcome Winnie kubera ko yavutse mu gihe ababyeyi be bafite icyizere cyo kubaho muri 2021 bitewe n’ibyo baciyemo mu mwaka wa 2020 wavuzwemo cyane icyorezo cya COVID-19.

Celine ati: “Tugomba kugira icyizere kubera ko gutwita ku badamu biba ari urugamba rukomeye, noneho muri iki gihe turimo cya COVID nawe urabona biragoye kugera ku mudamu utwite byari ikibazo ntabwo kuyirokoka (COVID-19) byari byoroshye.”

Nubwo Celine yari atwite mu gihe cya COVID-19 kuva mu kwezi kwa 3 kugeza aho yibarutse uyu mwana, ngo yakomeje kuva mu rugo agendagenda ashakisha amaramuko afite ubwoba ko yakwandura COVID-19 bikamuviramo urupfu n’uwo atwite.

Celine ati: “Byarashobokaga ko nayandura ariko ubu hari icyizere cy’ubuzima, ni yo mpamvu twamwise IZERE.”

Ubusanzwe uyu mubyeyi wari uherekejwe n’umugabo we ngo afite abandi bana 3 b’abahungu ariko kuba abonye undi w’umukobwa ngo ni amahirwe y’inyongera kuri icyo cyizere cyo kubaho neza muri 2021.

Alice Uwamahoro yibarutse umwana wa Gatatu

Alice Uwamahoro na we wari mu cyumba cy’ababyeyi (maternité) nyuma yo kwibaruka umukobwa muri iki gitondo, umunyamakuru wa Kigali Today yamusanze afite umunaniro ariko arihangana aravuga, agaragaza ko na we yishimye kandi nubwo yari atarashaka izina ry’umwana ngo arabona ko afite icyizere muri 2021.

Uwamahoro ati: “Ndishimye kubyara neza kandi kuri iyi tariki, umwaka ushize Imana yaturinze icyorezo kuba umuntu abyaye. Iyo utwite uba ufite ubwoba, mbese kubona urokotse wabyaye ni ibyo gushimira Imana rwose.”

Ku bitaro bya Nyagatare abana icyenda ni bo bavutse ku bunani

Guhera saa sita z’ijoro kugera saa mbili z’igitondo kuri uyu wa Gatanu tariki 01/01/2021 mu bitaro bya Nyagatare havutse abana icyenda.

Ibitaro bya Nyagatare

Umuyobozi w’ibitaro bya Nyagatare Doctor Major Ernest Munyemana avuga ko havutse abakobwa batandatu n’abahungu batatu.

Akomeza avuga ko abana bameze neza ndetse n’ababyeyi babo ari uko.

Abana bavutse ku itariki ya mbere y’ukwezi kwa mbere buri mwaka bakunze kwitwa ba Bunani.

Kubyara kuri iyi tariki benshi mu babyeyi usanga babifata ko ari umugisha cyane cyane iyo babyaye neza.

Musanze: Bishimiye kwibaruka ku munsi utangira umwaka

Ababyeyi bibarutse abana tariki ya 1 Mutarama 2021 bo mu Karere ka Musanze, ngo ibyishimo byiyongereye mu miryango yabo, nyuma y’aho bibarutse kuri uyu munsi abantu bishimira gutangira umwaka mushya.

Aha ni ku kigo nderabuzima cya Muhoza kiri mu mujyi wa Musanze, abahabyariye bafite akanyamuneza ko kwibaruka ku bunani

Umwe muri bo yagize: “Nabyakiriye neza kuba turangije umwaka mu mahoro, noneho hakaba hiyongereyeho kwakira uyu mwana mu muryango wacu kuri iyi tariki. Saa tanu z’amanwa nibwo nibarutse umuhungu, ntabwo nari niteze ko biba uyu munsi; kubera ibi byishimo nafashe umwanzuro wo kongera izina Bunani mu yandi nari narateguye kumwita, kuko aje mu gihe abantu bose twishimiye kwinjira mu mwaka mushya, turya, tunywa.Ubu iwacu impundu ni zose kuko twungutse undi muntu mu muryango”.

Undi mubyeyi yagize ati: “Biranejeje kuko naje mbabara umugongo nziko ariwo nje kwivuza. Nahageze abaganga barebye uko meze basanga ngejeje igihe cyo kubyara. Nanjye nabyaye umwana w’umuhungu uje akurikira undi w’umukobwa. Nukuri Imana yo mu ijuru ihabwe icyubahiro! Ntacyo nayishinja, kuko yaranditse mu gihe nari mutwite, none n’igihe cyo kubyara abaforomo bamfashije bampa serivisi nziza, Imana yo mu ijuru izabazamure mu ntera”.

Uretse kuba ababyeyi baganiriye na Kigali Today bishimira kwibaruka ku ku munsi nk’uyu, banejejwe n’uko ari n’igihe imyaka bahinze yeze, ubu bakaba bari gusarura.

Hari uwagize ati: “Uyu mwana avutse mu bihe byiza kuko ibyo twahinze byeze,tukaba turi kubisarura, bimwe tubihunika ibindi tujyana ku masoko, ntabwo ari mu gihe cy’inzara mbese ni uburumbuke nk’uko na Perezida w’igihugu cyacu yaraye abivuze! Mbese ubu ni ukurya ibitonore, imboga, imbuto n’ibindi biribwa bizatuma mbona amashereka yuzuye intungamubiri, ubuzima bw’umwana burusheho kuba bwiza”.

Mu Karere ka Musanze habarirwa ibigo nderabuzima 16 bishamikiye ku bitaro bikuru bya Ruhengeri. Ibi byose bitanga serivisi zo kubyaza ababigana. Aho Kigali Today yabashije kugera mu gicamunsi cyo kuri uyu wa gatanu mu bitaro bikuru bya Ruhengeri, abana 11 ni bo bari bamaze kuhavukira kuri iyi tariki ya 1 Mutarama 2021, mu gihe abandi bane bavukiye mu Kigo nderabuzima cya Muhoza.

Ni inkuru yegeranyijwe na Daniel Sabiiti, Sebasaza Gasana Emmanuel na Ishimwe Rugira Gisèle

Muri Gare ya Remera ni uko abagenzi basabwaga kuba bahagaze mbere yo kwinjira mu modoka

Iyo mirimo yemerewe gusubukura yatangiye kuri uyu wa Mbere tariki ya 04 Gicurasi 2020, nk’uko Inama y’Abaminisitiri yari yabyanzuye.

Kuba imirimo imwe n’imwe harimo iy’ubucuruzi ndetse n’ingendo byemerewe gusubukura ariko, ntibivuga ko icyorezo cya COVID-19 cyarangiye mu Rwanda, ari na yo mpamvu abantu basabwa gusubukura imirimo ariko bakubahiriza amabwiriza yo kwirinda.

Hirya no hino mu gihugu abantu bazindutse bajya mu mirimo yabo, ndetse bamwe ku mugoroba wo ku Cyumweru tariki ya 03 Gicurasi bari batangiye gusukura no gutegura aho bari basanzwe bakorera.

Mu mafoto atandukanye, Kigali Today irakwereka uko hirya no hino abantu bazindukiye mu mirimo yabo.

Mu modoka zitwara abagenzi umubare w’abasanzwe bagendamo wagabanutse

Mbere yo kwinjira muri Gare ni ukubanza gukaraba

Jeremie Nyandwi, umucuruzi w’amavuta yo kwisiga i Kanombe mu Mujyi wa Kigali. Ku mugoroba yabanje gukora isuku yitegura gutangira akazi uyu munsi

Umucuruzi Nyandwi yaraye akoze isuku ngo azinduke afungura iduka

I Muhanga ahitwa mu Cyakabiri, ku mugoroba nta rujya n’uruza rwahagaragaraga

Uyu munsi i Muhanga imodoka zazindutse zitwara abagenzi

Iyi modoka yari ipakiye abagenzi nk’uko bisanzwe, Polisi ibakuramo inahana umushoferi

Gukaraba no9 guhana intera birubahirizwa muri Muhanga

Uyu mucuruzi w’i Muhanga yari amaze iminsi 46 adacuruza. Acuruza imyenda

Uyu yaje gufungura asanga umunsi we ni B. Na we acururiza i Muhanga

Muhanga

Mu Kivoka i Muhanga abenshi nta dupfukamunwa bambaye

Tugarutse mu Mujyi wa Kigali rwagati, mu gitondo cyo kuri uyu wa Mbere, mu masaha ya kare nta bantu benshi bari barimo.

Mu Mujyi wa Musanze, naho kimwe n’ahandi urujya n’uruza rwongeye kugaragara mu mihanda, mu masoko no mu maduka acuruza.

Imodoka kandi ziri gutwara abagenzi, abubaka bakomeje imirimo, ariko byose bigakorwa hubahirizwa amabwiriza yo kwirinda COVID-19.

Mu modoka amabwiriza yo guhana intera arubahirizwa

Abacuruzi bashyiriyeho abakiriya aho bahagarara mu guhana intera

Abubaka basubukuye imirimo

Mu Mujyi wa Kigali kandi, ahenshi ku byapa bigeterwaho imodoka imirongo yari miremire, abantu bategereje izibajyana mu kazi.

Aha ni Rwandex

Polisi yatangije ubukangurambaga bwa ’Gerayo Amahoro’ mu itorero ry’Abadventiste b’umunsi wa Karindwi

Mu Mujyi wa Kigali, ubwo bukangurambaga bwatangiwe i Remera ku rusengero ry’Abadiventiste.

Umuvugizi wa Polisi y’u Rwanda, CP John Bosco Kabera, watangije ubufatanye muri gahunda ya Gerayo Amahoro n’itorero ry’abadiventiste b’umunsi wa karindwi kuri uyu wa 14 Gashyantare 2020, yasabye abakiristu ko ubutumwa buyikubiyemo babugira ubwabo kuko impanuka itarobanura, bityo bakabugeza no ku bandi Banyarwanda.

Yibanze cyane ku batega moto bakererewe gahunda zabo bagategeka umumotari kwirukanka, ko bakwiye kubicikaho kuko ari ukwishyira mu kaga gashobora guhitana ubuzima bwabo.

CP John Bosco Kabera, Umuvugizi wa Polisi y’u Rwanda

Rubavu

Mu Karere ka Rubavu, Umuvugizi wa Polisi mu Ntara y’Iburengerazuba CIP Twizere Karekezi, ni we witabiriye gutanga ubutumwa mu rusengero.

CIP Twizere Karekezi avuga ko Gerayo Amahoro igamije gukumira impanuka zo mu muhanda, aho mbere yayo mu mwaka wa 2018 habaye impanuka zibarirwa mu bihumbi bitanu, ariko mu mwaka wa 2019 hakaba harabonetse izibarirwa mu bihumbi bine.

Avuga ko abanyamaguru bagomba kubahiriza inzira bagenewe mu ruhande rw’ ibumoso rwabo batabangamiye abakoresha umuhanda, kuko ugendera ibumoso bwe ikinyabiziga kimusanga akireba cyajya kumugonga akakibererekera.

Yibukije abanyamaguru ko ugendera mu ruhande ikinyabiziga kimuri inyuma, aba agenda mu nzira itari yo, naho ku bashaka kwambuka umuhanda bakaba bagomba gushishoza iburyo n’ibumoso mbere yo kwambuka.

CIP Twizere Karekezi kandi yibutsa abatwara ibinyabiziga kutavugira kuri telefone kuko bitera uburangare.

SP Roger Muhodali, uyobora Police mu Karere ka Rubavu, avuga ko nubwo babwiriza abantu kwirinda impanuka zo mu muhanda, ababyeyi bakwiye kwita ku buzima bw’abana barindwa imirimo ivunanye.

Abitabiriye gahunda ya Gerayo Amahoro muri aka Karere ka Rubavu bavuga ko Polisi igomba gufasha abanyamagare kugabanya umuvuduko kuko habamo n’abatagira ubwisungane mu kwivuza.

Musanze

Mu Karere ka Musanze, gahunda ya Gerayo Amahoro yabereye mu itorero ry’Abadventiste b’umunsi wa karindwi rya Kigombe.

ACP Revelien Rugwizangoga, Umuyobozi wa Polisi mu Ntara y’Amajyaruguru ni we wagejeje ku bakirisitu b’iri torero ubutumwa bujyanye no kubungabunga umutekano wo mu muhanda.

Yabasabye kuba ab’imbere mu kuwubungabunga bubahiriza amategeko, kurangwa n’imyitwarire irimo kutavugira kuri telefoni igihe hari utwaye ikinyabiziga, kwambara umukandara, kwirinda kurenza ibipimo byagenwe by’umvuduko w’ikinyabiziga no kwirinda ubusinzi.

ACP Rugwizangoga kandi yibukije abo mu itorero ryAbadventiste b’umunsi wa karindwi ko bari mu bakoresha umuhanda bagenda n’amaguru.

Yabasabye kwirinda uburangare, no kugendera mu nzira zashyizweho z’abanyamaguru, ababyeyi basabwa gutoza abana bato kutarangara no kudakinira mu muhanda igihe bajya ku mashuri.

Huye

Gahunda ya Gerayo Amahoro i Huye yabereye mu rusengero rwo kuri Kaminuza y’u Rwanda.

Umuyobozi wa Polisi mu Ntara y’Amajyepfo yagize ati “Banyamaguru, mujye muzirikana ko mu muhanda atari mu ntabire iwanyu. Babyeyi, gupakira abana batatu bane, ntibikwiye kuri moto”.

Pasitoro Ruhongeka Abidan, uyobora Abadivantisiti mu Turere twa Huye, Nyamagabe, Gisagara, Nyanza na Nyaruguru, na we yahaye umuyobozi wa polisi n’umuvugizi wayo mu Majyepfo impano z’ibitabo ‘Rengera ubuzima’ na ‘Kugana Yesu’, kuko ngo utashyika amahoro utarengeye ubuzima kandi na none ngo “ubuzima bwiza tubugezwaho no kugana Yesu tukamwisunga”.

Inkuru bijyanye:

Irinde ‘Nakererewe reka mfate akamoto’ - CP Kabera

Ni amakosa ajyanye no kwaka amafaranga y’umurengera abahinga mu bishanga, mu gihe Leta ubusanzwe iteganya ko umuntu uhinga mu gishanga atanga amafaranga ibihumbi bine (4000Frw) kuri Hegitare.

Abayobozi b’uturere basabwe ibisobanuro ni Ngoma, Bugesera, Karongi, Ngororero, Rutsiro, Nyamasheke, Burera, Gicumbi, Nyaruguru, Nyamagabe, Gakenke, Nyanza, Ruhango, Rusizi, Kirehe na Musanze.

Ibaruwa Minisitiri w’Ubutegetsi bw’Igihugu yashyizeho umukono ivuga ko utwo turere tugomba gutanga ibisobanuro hashingiwe ku myanzuro y’umwiherero wa 16 w’abayobozi bakuru wabereye i Gabiro kuva tariki ya 8 kugeza ku itariki ya 11 Werurwe 2019 aho iki kibazo cy’amafaranga acibwa abahinga mu bishanga cyaganiriweho kandi kigahabwa umurongo.

Ingingo ya 10 y’Iteka rya Perezida No. 25/01 ryo ku wa 09/07/2012 rishyiraho urutonde n’ibipimo ntarengwa by’amahoro n’andi mafaranga yakirwa n’inzego z’ibanze cyane cyane amahoro yakwa abahinga ibishanga, ko atagomba kurenga ibihumbi bine kuri hegitari (Ha) mu gihe cy’umwaka. Ariko ubugenzuzi iyi Minisiteri yakoze muri Mutarama 2020, bwagaragaje ko utu turere twaciye aba bahinzi amafaranga arenze ateganywa n’iri teka.

Ubugenzuzi bwakozwe na Minisiteri y’Ubutegetsi bw’igihugu bwakozwe muri Mutarama 2020 bwagaragaje ko uturere duca amafaranga aruta ateganywa n’iteka rya Perezida wa Repubulika.

Minisitiri w’Ubutegetsi bw’Igihugu asaba abayobozi b’uturere gutanga ibisobanuro bitarenze tariki ya 15 Werurwe 2020, bakagaragaza uburyo aya mafaranga yaciwe binyuranyije n’amategeko yasubizwa abahinga ibishanga.

Ni ibisobanuro bisabwe mbere y’uko umwiherero w’abayobozi utangira, iki kibazo kikaba gishobora kuzongera kukaganirwaho hagenzurwa uko imyanzuro y’umwiherero wa 16 yashyizwe mu bikorwa.

Abanyamakuru ba Kigali Today bavuganye n’abayobozi babashije kuboneka ba tumwe mu turere tuvugwa muri iki kibazo.

Umuyobozi w’Akarere ka Rutsiro mu Ntara y’Uburengerazuba, Ayinkamiye Emerance, yabwiye umunyamakuru Sylidio Sebuharara ko bashyizwe mu makosa n’abakozi b’akarere.

Ayinkamiye avuga ko hari aho bacaga ibihumbi ijana na mirongo itanu kuri hegitare bitewe n’uko ubutaka bwera.

Yagize ati “Twari twarabyitiranyije na wa musoro w’ubutaka usanzwe, gukodesha byo byajyaga byemezwa na njyanama tugashyiraho igiciro abaturage bacu bashobora kwishyura, hari aho bishyuraga ibihumbi 200, ahandi bishyura ibihumbi 160 ku mwaka bitewe n’uko ahantu hera, ni confusion (kubyitiranya) yari yajemo, twemeje ko tugiye gusubiza abaturage amafaranga mu mwaka umwe, kuko byari bimaze imyaka myinshi natwe twabisanzeho ahubwo icyo twakoze ni ukongera amafaranga.”

Amajyaruguru:

Umunyamakuru Mutuyimana Servilien, yavuganye na bamwe mu bayobozi b’uturere mu Majyaruguru bamubwira icyabateye gukora ibinyuranyije n’ibiteganywa.

Umuyobozi w’Akarere ka Gicumbi, Ndayambaje Felix, yavuze ko ibwiriza batangiye kuryubahiriza n’ubwo batinze kurishyira mu bikorwa kubera impamvu zinyuranye.

Ngo ikibazo bagize ni uko abaturage bari bafite amasezerano bakoreraho arangirana n’ukwezi kwa Mutarama 2020, mu kwezi kwa Werurwe igihembwe cyo gusora (Saison) gitangiye bagatangirana n’amasezerano mashya. Ngo ni yo mpamvu batanga ku mpamvu yo kutubahiriza iryo bwiriza.

Yasobanuye uburyo mbere y’ibwiriza gusoresha ibishanga byakorwaga, agira ati “Mbere uko byakorwaga, abahinzi cyangwa abakoresha ibishanga bakodeshwaga n’akarere, ariko akarere kagakoresha abayobozi b’imirenge akaba ari bo bakira uwo musanzu.

Avuga ko batangiye kubikosora aho ubu umusoro ujyanye n’amategeko agenga ibwiriza ryo mu mwiherero ati “Rwose twatangiye kubikosora, ibisobanuro turi gutanga ni uko twatinze gushyira mu ngiro iryo bwiriza aho twazitiwe n’ayo masezerano, ubu twatangiye kubahiriza iryo bwiriza turi gusoresha atarenze ibihumbi bine”.

Kuri icyo kibazo, Umuyobozi w’Akarere ka Musanze Nuwumuremyi Jeannine, na we yavuze ko amakosa yabaye kandi ko bihutiye kuyakosora.

Agira ati “Batwandikiye, ni byo koko twarasuzumye dusanga harabayeho amakosa, icyo twakoze ni uguhita tuyakosora kandi twatangiye gushyira mu ngiro iryo bwiriza”.

Meya Nuwumuremyi avuga ko hashobora kuba harabayeho kurangara ati “Bikorwa sinari mpari, ndakeka ko habayeho kurangaraho gato bagakoresha itegeko ryari rihari ubushize, ariko twatangiye kubikosora”.

Kuri icyo kibazo kandi Umuyobozi w’akarere ka Gakenke Nzamwita Déogratias yavuze ko ku ruhande rumwe na Kampani ishinzwe gusoresha yagiye ibigiramo uruhare, aho bagendaga bandika ibinyuranye n’umusoro ukwiye gutangwa.

Ati “Abantu bo muri Ngali dukoresha hari aho bagiye bandika nabi, aho bandikaga gusoresha ibishanga kandi atari byo, bagaca n’amafaranga atari yo aho hari aho bavuganaga n’abasoreshwa rimwe bakabaca ibihumbi bine ubundi bikarengaho bikaba bitanu, bitandatu.”

Akomeza agira ati “Ikibazo ni icya Ngali, ariko hashobora kuba hari na bake mu mirenge bagiye basoresha, twari twandikiye n’imirenge. Turabikosora turayasubiza, ubu twatangiye kubahiriza ibwiriza aho ubu dusoresha ibihumbi bine bitarengaho”.

Umuyobozi w’Akarere ka Burera, Uwanyirigira Marie Chantal, avuga ko mu Karere abereye umuyobozi basoreshaga mu kwezi kwa Mata, imyanzuro y’umwiherero isohoka mu kwezi kwa Nyakanga, ariko baramaze gusoreshwa mu kwezi kwa kane.

Meya Uwanyirigira, yavuze ko amafaranga yasoreshejwe ari miliyoni 120 n’ibihumbi 797 n’amafaranga 360, aho yemeza ko muri ayo mafaranga bazasigarana ayo bagombaga kubona bafatiye ku mafaranga ibihumbi bine agengwa n’itegeko, andi bakazayasubiza Koperative z’abahinzi b’ibishanga.

Kirehe:

Umuyobozi w’Akarere ka Kirehe Muzungu Gerald yabwiye umunyamakuru Sebasaza Gasana Emmanuel ko bo bamaze gusubiza abahinzi ayo mafaranga. Ngo bayaciye umwaka ushize bataramenya itegeko aho umuhinzi yacibwaga amahoro y’amafaranga 600 kuri Are ariko ngo nyuma yo kumenya itegeko bihutiye kuyasubiza abahinzi. Kuri bo ngo iki kibazo cyararangiye.

Nyamagabe:

Umuyobozi w’Akarere ka Nyamagabe, Bonaventure Uwamahoro, yabwiye umunyamakuru Marie Claire Joyeuse ko aho baboneye ariya mabwiriza bitongeye, ariko ko koperative imwe yo mu Murenge wa Tare yarishye menshi yari yarayarishye mbere kuko yari yarishye ay’imyaka ibiri. Icyakora ngo barateganya kuzayabasubiza

Ngororero na Nyanza: Asaga Miliyoni 13 ni yo azasubizwa abahinzi

Ubuyobozi bw’uturere twa Ngororero na Nyanza bwabwiye umunyamakuru Ephrem Murindabigwi wa Kigali Today ko Miliyoni zisaga 13frw ari zo zizasubizwa abahinzi bakodesha ibishanga muri utwo turere.

Umuyobozi w’Akarere ka Ngororero avuga ko amafaranga yarenze ku yari ateganyijwe azasubizwa abaturage abarirwa muri Miliyoni eshanu, mu gihe mu Karere ka Nyanza agomba gusubizwa abaturage abarirwa muri miliyoni umunani.

Ibaruwa ya Minisitiri w’Ubutegetsi bw’Igihugu yandikiwe abayobozi b’uturere 16 ibasaba gutanga ibisobanuro ku mafaranga yaciwe abaturage bahinga mu bishanga, igaragaza ko ayo mafaranga yaciwe hirengagijwe iteka rya Perezida wa Repubulika No. 25/01 ryo ku wa 09 Nyakanga 2012 mu ngingo yaryo ya 10.

Iryo teka rishyiraho urutonde n’ibipimo ntarengwa by’amahoro n’andi mafaranga yakwa n’inzego z’ibanze cyane cyane amahoro yakwa abahinga ibishanga ko atagomba kurenga 4.000frw kuri Ha1 ku mwaka.

Mu kurenga kuri iryo teka, Inama Njyanama z’Uturere twavuzwe haruguru zagiye zishyiraho amahoro acibwa abo bahinzi ku buryo nko mu Karere ka Nyanza bacibwaga ibihumbi 100frw kuri Hegitari.

Icyakora ngo nyuma yo kuganira kuri icyo kibazo, inzego z’uturere zatangiye kuganira n’abahinzi ku buryo bazasubizwa ayo mafaranga bavuga ko atari menshi kuko ngo yagiye atangwa n’abahinzi ahanini bakererewe kwishyura amahoro bityo bagakomeza kwishyura nka mbere y’uko biganiriweho.

Umuyobozi w’Akarere ka Ngororere Ndayambaje Godefroid avuga ko hari abantu bishyuye nyuma y’ukwezi kwa mbere n’ukwa kabiri bigatuma bishyura amafaranga bari basanzwe bishyura yagenwe n’inama Njyanama y’akarere ariko abishyuriye igihe bo ngo nta kibazo bafite.

Agira ati, “Byatewe na bamwe mu baje kwishyura nyuma, naho ubundi umwanzuro twari twarawushyize mu bikorwa biza guterwa n’abo baje kwishyura nyuma batabajije, ariko twiteguye kuyabasubiza. Ubuso duhingaho mu bishanga ni buto bazasubizwa arengaho gato miliyoni eshanu twamaze no kubiganiraho”.

Umuyobozi w’Akarere ka Nyanza Ntazinda Erasme na we asobanura ko inama Njyanama yagennye ibihumbi 100 kuri Hegitari imwe, mu gihe iteka rya perezida rigena ibihumbi bine gusa kuri Hegitari imwe ariko abishyuye bakaba ngo ari bake kandi ngo si ukubigirizaho nkana.

Agira ati, “Twamaze kuganira icyo iteka rivuga bityo n’abahinzi bishyuye arenga bazayahabwa habanje kurebwa ayo bishyuye n’igihe basabwaga kwishyura ibihumbi bine, tuyabasubize nta kibazo gihari twamaze kubaganiriza ubu abishyura barabikora neza nta kibazo”.

Iyi baruwa yandikiwe abayobozi habura iminsi ine gusa ngo hongere kuba umwiherero w’abayobozi uteganyijwe gutangira kuri uyu wa mbere tariki ya17 Gashyantare 2020.

Umwiherero uheruka wabaye tariki ya 11 Werurwe 2019 wari wafatiwemo umwanzuro w’uko hongerwa imbaraga mu bikorwa byo kongera umusaruro w’ubuhinzi hibandwa cyane cyane ku bikorwa by’iyamamazabuhinzi, no gukemura imbogamizi zituma ibikomoka ku buhinzi imbere mu gihugu bihenda kurusha ibiva hanze.

Muri uwo mwiherero kandi hari hanzuwe ko hasuzumwa imisoro n’amahoro bitangwa mu rwego rw’ubuhinzi.

Iyi ni yo baruwa MINALOC yandikiye uturere 16 idusaba ibisobanuro:

Mufti w’u Rwanda, Sheihk Saalim Hitimana yemereye Polisi y’u Rwanda ko idini ya Islam ifite igihe gihagije cyo kwigisha gahunda ya ’Gerayo Amahoro’ igamije gukumira impanuka zibera mu muhanda.

Kuri uyu wa gatanu (witwa ijumaa), umunsi ukomeye ku Bayisilamu kuko ari wo bakoreraho amasengesho arambuye, Polisi y’u Rwanda yagiye mu misigiti itandukanye yo mu Rwanda kwigisha ’Gerayo amahoro’.

Ubwo yari amaze kwakira Umuvugizi wa Polisi mu musigiti wa Madinat mu Mujyi wa Kigali, Sheihk Saalim Hitimana, yavuze ko mu nyigisho bagira buri munsi gahunda ya ‘Gerayo amahoro’ itazaburamo.

Sheihk Hitimana agira ati "Iki ni igikorwa dutangije kandi kizakomeza, dufite umwanya uhagije cyane kuko tugira inyigisho rimwe na rimwe nyuma y’amasengesho, muzi ko dusenga gatanu ku munsi.

Icyo twemeranyijwe na Polisi ni uko izi nyigisho tuzakomeza kuzibwira abantu mu misigiti, idini ya Islam nk’uko mubizi ni idini ibungabunga ikiremwa muntu, ntabwo yemera ko umuntu yagira ikintu cyose cyamuhutariza ubuzima nk’izo modoka n’amagare.Buri muntu wese iyo hari ahantu agiye, aba afite intego yo kugerayo amahoro”.

Ku rundi ruhande, Umuvugizi wa Polisi y’u Rwanda, CP John Bosco Kabera, yakomeje kwigisha Abayisilamu ko Abanyarwanda ubwabo bafite uruhare rugera kuri 80% mu kwirinda ibitera impanuka.

Muri byo hari uburangare n’umuvuduko ukabije by’utwaye ikinyabiziga cyangwa ugenda n’amaguru, ubusinzi ndetse no kutagira ubumenyi buhagije ku buryo bwo kugendera mu muhanda.

CP John Bosco Kabera agira ati "Nyuma y’ibyumweru 38 tumaze dukora ubu bukangurambaga, ikigereranyo cya 17% cy’impanuka kimaze kugabanuka, ariko noneho ku bijyanye n’impamvu bwite zahitanaga ubuzima bw’abantu, zo zimaze kugabanuka ku gipimo cya 42%.

Turumva ko uko tugenda tugera ku bantu benshi, bituma bagenda babiganiraho kugera n’aho Polisi itari ngo itange ubwo butumwa, turumva umusaruro uzagenda uboneka”.

Kiliziya gatolika na ADEPR byamaze gukorerwamo ubukangurambaga bwa ’Gerayo Amahoro’, bivuga ko Abanyarwanda bagana insengero zabo batari munsi ya miliyoni 10, bose ngo bazagezwaho ubutumwa bukubiye muri iyo gahunda nk’uko abayobozi b’ayo madini babyizeza Polisi.

Sheihk Saalim avuga ko bafite igihe gihagije cyo kwigisha ’Gerayo Amahoro’ kuko bo basenga gatanu ku munsi

Mu musigiti wa Madinat mu Mujyi wa Kigali, aho Mufti w’u Rwanda yakiririye gahunda ya ’Gerayo Amahoro’

Umutekano wo mu muhanda ntugiharirwa abapolisi gusa

Gahunda ya ’Gerayo Amahoro’ yageze muri Islam

Umuyobozi wa Polisi mu Karere ka Muhanga Spt. Bahire, aratangaza ko kuva gahunda ya ’Gerayo Amahoro’ yatangira byatumye abaturage bamenya ko umutekano wo mu muhanda utareba abapolisi gusa.

Sheihk Ismael Kajeguhakwa, uyobora abayisiramu mu Karere ka Muhanga, avuga ko ubutumwa bwa ’Gerayo Amahoro’ bwabafashije, kuko wasangaga hari aba Islam bagiye bacikanwa na bimwe mu biganiro bitangirwa ahandi, ubu bakaba babashije kugerwaho n’ubwo butumwa.

Agira ati "Wasangaga hari ibyo batazi basobanukiwe muri ibi biganiro, uko wakwambutsa umwana umuhanda kuko bamenye byinshi batari bazi turashimira iyi gahunda polisi y’Igihugu yatugejejeho.

Nyagatare

Mu musigiti wa Nyagatare, SSP Claude Bizimana, Umuyobozi wa Polisi mu Karere ka Nyagatare yasabye Abayisilamu kwitwararika igihe bakoresha umuhanda.

Yasabye abanyamaguru kwambukiranya umuhanda babanje kureba ko nta kinyabiziga kibari inyuma cyangwa imbere. Yasabye abatwara ibinyabiziga kubahiriza amategeko y’umuhanda.

CIP Hamdoun Twizeyimana, Umuvugizi wa Polosi mu Ntara y’Iburasirazuba, avuga ko gutanga ubukangurambaga bwa ’Gerayo Amahoro’ mu nsengero ari mu rwego rwo kubugeza kuri benshi kugira ngo abantu bahindure imyumvire, kuko ari yo iteza impanuka.

Ikindi ngo ni ukugira ngo abayobora amadini n’amatorero bajye bahora babikangurira abayoboke babo.

Kirehe

ACP Emmanuel Hatari, Umuyobozi wa Polisi mu Ntara y’Iburasirazuba watangiye ubukangurambaga bwa ’Gerayo Amahoro’ mu musigiti wa Kirehe, we yasabye Abayisilamu gufasha Polisi mu gukumira impanuka babikangurira abayoboke babo buri munsi mu isengesho.

Rubavu: Abayisilamu bizeye impinduka mu kwirinda impanuka no kurinda abana

Abayisilamu bo muri Rubavu batangaza ko bizeye impinduka nyuma y’ibiganiro bagejejweho na Polisi y’u Rwanda mu kwirinda impanuka zo mu muhanda no kurinda abana imirimo ivunanye.

ACP Kajeguhakwa Jean Claude, ukuriye Polisi mu Ntara y’Uburengerazuba, atangaza ko bari bihaye ibyimweru 52 kandi bigiye kurangira hari umusaruro ugezweho mu kwirinda impanuka.

ACP Kajeguhakwa avuga ko Abanyarwanda bamenye ububi bwo gutwara ibinyabiziga banyoye ibisindisha, gutwara uvugira kuri telefoni, no kugendera ku muvuduko mwinshi, cyakora hakaba hagikenewe ko abantu bigishwa amategeko yo mu muhanda no kwigengesera mu gihe bari mu muhanda.

Ari mu musigiti mukuru wa Rubavu uherereye mu mujyi wa Gisenyi, yahamagariye abayisilamu kwirinda gutwara ibinyabiziga n’umuvuduko mwinshi no gutwara ibinyabiziga bavugira kuri telefoni.

Yagize ati “Mwe simbabwira kwirinda inzoga kuko n’ubundi ntimuzemera, ariko mufite inshuti zitwara ibinyabiziga kandi zinywa inzoga, ntibyemewe gutwara wanyoye inzoga, ndabashishikariza kwirinda gutwara ibinyabiziga muvugira kuri telefoni”.

ACP Kajeguhakwa avuga ko nk’ababyeyi bagomba kurinda abana gukinira mu muhanda, ati “Hari abana bagenda mu muhanda bakina, ndetse bagacukuramo igisoro abandi bakaryama, ntibyemewe, mubabwire ko mu muhanda atari aho gukinira”.

Uretse Gahunda ya ’Gerayo Amahoro’, Polisi y’u Rwanda itangaza ko yatangije indi gahunda ya ’Rengera Umwana’ asaba abayisilamu kugira uruhare mu kurwanya imirimo ivunanye ikoreshwa umwana, hamwe n’icyatuma umwana ita ishuri.

Mu Karere ka Rubavu abana bata amashuri kubera amakimbirane mu miryango bakajya gushaka akazi mu mujyi, abayisilamu bakaba basabwa kugira uruhare mu gusubiza mu ishuri abana baba baritaye.

Sheihk Mutarogera Godrah, uyobora Idiia ya Islam mu Ntara y’Uburengerazuba avuga ko amasomo bagejejweho na Polisi hari impinduka azatanga.

Agita ati “Turizera ko hari impinduka bizatanga kuko abayisilamu barumva kandi barumvira, impanuro zatanzwe zizashyirwa mu bikorwa, tubwirize abantu kwirinda gutwara ibinyabiziga banyoye ibisindisha, naho kubirebana no gahunda ya rengera umwana dusanzwe tuyifite, inama baduhaye tugiye gukomeza kuzitanga kandi zizagira umurimo”.

Musanze

Umuvugizi wa Polisi y’ U Rwanda mu Ntara y’Amajyaruguru yabwiye Kigali Today ko kimwe n’andi matorero n’amadini, abagize idini ya Islam na bo barebwa n’iyi gahunda, kuko mu mubare munini w’abakoresha umuhanda batwaye ibinyabiziga cyangwa bagenda n’amaguru abagize idini ya Islam na bo barimo.

Yagize ati "Turabaha ubutumwa nk’ubu bwo kwirinda nyirabayazana w’impanuka, kugira ngo murusheho kumva uburemere bw’ingaruka zibaho iyo umutekano wo muhanda wahungabanyijwe na zo. Igisobanuro cy’ibi ni cya gihe uzumva ngo ikinyabiziga iki n’iki gihitanye cyangwa gikomerekeje ubuzima bw’abantu. Ibikurikiraho ni icyuho mu miryango mu buryo bw’imibereho, ubukungu n’ibindi".

Polisi y’ u Rwanda ivuga ko mu Ntara y’Amajyaruguru kuri uyu wa Gatanu ubutumwa bwa ’Gerayo Amahoro’ bwatangiwe mu misigiti 32 mu turere twose.

Uwo muganda witabiriwe n’ababarirwa mu bihumbi 20 bo mu Murenge wa Nyamirambo na Kigali muri Nyarugenge, abawitabiriye bakaba batunganyije umuhanda w’ibirometero bisaga 3.5, banatunganya n’ubuso bubarirwa muri hegitari 62 buri ahantu habereye ibikorwa by’ubukerarugendo.

Uwo muhanda ufite agaciro ka miliyoni 88 z’amafaranga y’u Rwanda wakozwe ahanini biturutse ku gitekerezo cy’abaturage bahatuye, ndetse batanga uruhare rwabo bwite rubarirwa mu gaciro ka miliyoni 63 z’Amafaranga y’u Rwanda.

Minisitiri w’Ubutegetsi bw’Igihugu, Prof. Shyaka Anastase, yabwiye abaturage bo muri Mera Neza ko bagomba gukora ibishoboka bakabaho neza, izina ry’aho batuye rikajyana n’imibereho yabo.

Umuyobozi w’Akarere ka Nyarugenge, Kayisime Nzaramba, yavuze ko uyu muganda wibanze cyane cyane mu gukora umuhanda w’ibirometero bisaga 3.5 uhuza umudugudu w’ikitegererezo wa Rwesero na Nyamirambo. Ubutaka bwakozwemo uwo muhanda bukaba bwaratanzwe n’abaturage ku bushake bwabo nta ngurane kubera inyungu rusange.

Kureba andi mafoto y’umuganda wakozwe muri Mera Neza, kanda HANO

Rulindo:

Perezida wa Sena y’u Rwanda, Hon. Iyamuremye_Augustin, ari kumwe n’Abasenateri, yifatanyije n’abaturage bo mu Murenge wa Shyorongi mu Karere ka Rulindo mu gikorwa cy’Umuganda usoza ukwezi kwa Mutarama 2020.

Abitabiriye uwo muganda batunganyije umuhanda wa kilometero 3.5 uturutse hafi y’ishuri ryisumbuye rya Stella Matutina ugaca kuri Stade ya Shyorongi.

Nyamagabe:

Mu muganda usoza ukwezi kwa Mutarama 2020, abaturage bo mu Murenge wa Kamegeri mu Karere ka Nyamagabe biyubakiye inzu izatuzwamo imiryango ibiri (2 in 1), iyo miryango ikaba itari ifite aho kuba. Abaturage bafite intego yo gukomeza kwishakamo ibisubizo bibaganisha ku iterambere.

Muri uyu Murenge wa Kamegeri kandi, abaturage bitabiriye umuganda mu bindi bice, batera ibiti by’imiseke ku nkengero z’umugezi wa Mwogo, nyuma yaho batunganya neza imiyoboro y’amazi yo mu gishanga cya Mwogo mu rwego rwo gutunganya no kubungabunga ibishanga.

Burera:

Mu muganda rusange usoza ukwezi kwa Mutarama 2020 mu Murenge wa Rugarama mu Karere ka Burera, hashyizwe ibuye ry’ifatizo ku mushinga wo kurinda abaturage amazi aturuka mu birunga yabangiririzaga akanabasenyera.

Minisitiri w’Ibidukikije Mujawamariya Jeanne d’Arc na Guverineri w’Intara y’Amajyaruguru, Gatabazi JMV, bashyize ibuye ry’ifatizo ahagiye kubakwa inzira y’amazi ava mu birunga.

Ni umushinga wo kubaka imyuzi(imiyoboro y’amazi) 22 igiye gutwara amafaranga y’u Rwanda asaga miliyari 35.

Uwo mushinga wateguwe ku nkunga ya Leta y’u Rwanda aho ugiye kuyoborwa na Minisiteri y’Ibidukikije, ibikorwa by’uwo mushinga bikaba bimaze ukwezi bitangiye. Kanda HANO usome inkuru yose, urebe n’amafoto.

Gatsibo:

Umuganda rusange usoza ukwezi kwa Mutarama 2020 mu Mirenge 14 igize Akarere ka Gatsibo wibanze ku kubakira abaturage batishoboye no gusiza ibibanza bizubakwaho ubwanikiro bw’imyaka.

Ku rwego rw’Akarere wakorewe mu Murenge wa Kiziguro mu Kagari ka Mbogo mu Mudugudu wa Ryabihura. Hasijwe ikibanza cy’ubwanikiro buzakoreshwa na Cooperative BOMAFACO.

Gakenke:

Mu Karere ka Gakenke mu Murenge wa Kamubuga, Akagari ka Mbatabata, abitabiriye Umuganda bubatse amazu y’abatishoboye.

Ruhango:

Umuganda rusange wa Mutarama 2020 ku rwego rw’Akarere ka Ruhango wabereye mu Mudugudu wa Samba, Akagari ka Rwinyana mu Murenge wa Bweramana.

Umuyobozi w’Akarere wungirije ushinzwe iterambere ry’ubukungu, Rusilibana Jean Marie Vianney, Umuyobozi w’Imirimo rusange, Kampire Flora, abakozi bakorera ku cyicaro cy’Akarere, n’abagize urwego rwa DASSO bafatanyije n’abaturage gutunganya umuhanda w’ibirometero bikabakaba bibiri n’igice wari warasibye, no gutunda amabuye yo kubakira umusaza Rufaranga Célestin utishoboye kandi usembera.

Ngoma:

Umuganda rusange usoza ukwezi kwa Mutarama 2020 ku rwego rw’Akarere ka Ngoma wakorewe mu Murenge wa Rukumberi, Akagari ka Rubago, Umudugudu w’Akabungo. Abitabiriye uwo muganda babumbye amatafari yo kubaka inzu 20 z’abatishoboye ndetse batunganya ahazubakwa izo nzu, batema n’ibihuru.

Polisi y’u Rwanda iravuga ko ubukangurambaga bwiswe ‘Gerayo Amahoro’ bwigisha abantu kwirinda impanuka zibera mu muhanda, ngo buzagera ku Banyarwanda bose hifashishijwe amadini n’amatorero atandukanye.

Abayobozi b’amatorero y’Abapantekote mu Rwanda(ADEPR) bakiririye ubwo bukangurambaga mu nsengero zabo z’i Remera na Nyarugenge mu mujyi wa Kigali kuri iki cyumweru tariki 19 Mutarama 2020.

Ku cyumweru gishize Polisi y’u Rwanda yari yatanze ubutumwa bwa ‘Gerayo Amahoro’ muri Kiliziya Gatolika zitandukanye hirya no hino mu gihugu.

Mu gihe Kiliziya na ADEPR ubwabo bonyine baramuka bigishije ubu bukangurambaga mu nsengero zabo zose mu gihugu, bwagera ku bazisengeramo batari munsi ya miliyoni 10 nk’uko imibare ibigaragaza.

Ikigo cy’ibarurishamibare (NISR) kivuga ko Kiliziya gatolika ubwayo iganwa n’Abanyarwanda bakabakaba miliyoni zirindwi(56.9%), hakiyongeraho abagera hafi kuri miliyoni enye bajya gusengera muri ADEPR, nk’uko bisobanurwa n’Umuvugizi wayo, Rev Pasiteri Ephrem Karuranga.

Rev Karuranga yagize ati “Iyi gahunda ya ‘Gerayo amahoro’ ni iyanjye kandi ni iya buri wese, buri munsi mu nsengero zacu mu gihugu cyacu, ubutumwa bwa ‘gerayo amahoro’ bugomba kujya butangwa.

Tugomba guhora twibutsa abantu ko bagomba kujya bagendera mu mihanda ariko barengera ubuzima bwabo, twifuza ko umukristu yaza ku rusengero ariko agasubirayo amahoro, cyane cyane abana kuko twe turi mu matorero afite abana benshi, kandi baba bakora urugendo ruri hagati ya kirometero imwe n’ebyiri baza ku rusengero bongera gusubira iwabo.

Usanga umwana wo mu giturage yambuka umuhanda uko abonye, nta biranga umuhanda bihari, imihanda y’ibitaka yo usanga nta n’aho kuyambukira hahari, habera impanuka kuko hakorerayo za moto, amagare,… aho ni ho tuzashyira imbaraga, twe turi henshi kurusha aho Polisi yakagombye kuba iri”.

Umuvugizi wa Polisi y’u Rwanda, CP John Bosco Kabera yavuze ko kujya mu madini n’amatorero bizabafasha kugera ku Banyarwanda bose, ku buryo ngo kubahiriza amategeko y’umuhanda bitazaba bigifatwa nk’itegeko ahubwo ngo bizaba umuco.

Ati “Turashaka ko kubahiriza amategeko yo mu muhanda byava ku kubahiriza amategeko bikagera ku mahitamo, ndetse bikazageraho bikaba umuco.

Imbaraga z’amadini turazizeye kuko abakirisitu ni abantu bumva, niba bashobora gusoma bibiliya ya paje zingana kuriya(amagana n’amagana), ntabwo bananirwa kumenya ibintu nk’ 10 byatuma ubuzima bwabo bugenda neza”.

Mu byo Polisi isaba abagenzi, nk’utega moto, birimo kwirinda gutegeka umumotari kwihuta, kwirinda kugenda umuntu avugira kuri telefone cyangwa yandika, agomba kwambara neza ingofero yabugenewe kandi agasaba umumotari kugenda gahoro, akanagenzura niba uwo mumotari atanyweye ibisindisha.

Polisi isaba uwateze imodoka nawe kugenzura niba adatwawe n’umuntu wanyweye ibisindisha, akamusaba kubahiriza amategeko harimo iryo kutarenza umuvuduko wanditse ku byapa byo ku muhanda, kandi agomba kwambara umukandara.

Umuntu ugenda n’amaguru ategekwa kugendera ibumoso bw’umuhanda kugira ngo ajye abisikana n’imodoka ahura nazo azireba.

Ni mu gihe umushoferi w’imodoka we asabwa kugendera iburyo bw’umuhanda igihe cyose, keretse ashaka guca ku kindi kinyabiziga kiri imbere ye.

Polisi y’u Rwanda ivuga ko mbere yo gutangiza ubukangurambaga bwa ‘Gerayo Amahoro’ mu kwezi kwa Gicurasi k’umwaka ushize, ngo yabaruraga impanuka zirenga ibihumbi bitanu buri mwaka, zahitanaga abantu batari munsi ya 500.

Mu Karere ka Nyagatare, ubukangurambaga bwa ‘Gerayo Amahoro’ bwatangiwe muri EAR Paruwasi ya Nyagatare. CSP Alphonse Businge, Umuyobozi wa Polisi wungirije mu Ntara y’Iburasirazuba ni we watanze ubutumwa, aho yasabye abatwara ibinyabiziga kwirinda gucungana na Polisi, ahubwo bagatwara baharanira kurengera ubuzima bwabo.

Ati “Murabona hari camera ahantu hatandukanye kubera ko bamaze kuhamenya, baza bacungana na ho iyo bahageze wagira ngo imodoka ntigenda yaharenga imodoka ikava hasi kandi ibyo ntibihagarika impanuka.

Umuntu ntakwiye gukorera ku jisho, ukwiye gutwara ikinyabiziga utareba Polisi, utareba ibyuma biri ku muhanda (camera) ahubwo ureba wowe n’ahazaza hawe”.

CSP Alphonse Businge kandi yasabye ababyeyi kuba hafi y’abana babo igihe bagenda iruhande rw’umuhanda kandi bakibuka kwambukiranya umuhanda igihe bageze aho byagenwe (Zebra Crossing).

Abakirisito ba EAR Diyosezi Shyira bakanguriwe kubungabunga umutekano wo mu muhanda

Muri gahunda yubukangurambaga bw’umutekano wo mu muhanda ya “Gerayo amahoro” yateguwe na Polisi y’u Rwanda yabereye muri Katederari Yohani Umubatiza wera mu itorero Angilikani Diyosezi ya Shyira kuri iki cyumweru tariki 19 Mutarama 2020, abakirisito basabwe kwitwararika no kubahiriza amategeko yashyiriweho gukumira impanuka, kugira ngo bitume basigasira ubuzima bwabo.

CIP Alex Rugigana, Umuvugizi wa Polisi y’u Rwanda mu Ntara y’Amajyaruguru ubwo amateraniro yari ageze hagati yahawe umwanya atanga ubutumwa burebana n’uruhare rw’abakirisito mu kubungabunga umutekano wo mu muhanda no gukumira impanuka.

Yagize ati “Muri mwe hari abatwara ibinyabiziga bakwiye kwirinda uburangare, umuvuduko ukabije n’indi myitwarire ituma habaho impanuka. Ku banyamaguru na bo, hari inzira zabashyiriweho zo kwambukiramo mu mihanda(Zebra crossing), iyo wambuka ukwiriye kwirinda kurangarira telefoni cyangwa ibindi bintu kuko bituma utabona uko wigengesera mu gihe wambuka; tuributsa buri wese ko afite uruhare mu kwitwararika igihe ari mu muhanda yaba atwaye cyangwa agenda n’amaguru”.

Mu bindi yakomojeho birimo kwirinda kuvugira kuri telefoni umuntu atwaye ikinyabiziga, kwambara umukandara wabugenewe no gukoresha isuzuma ry’ibinyabiziga. Ku banyamaguru bo bibukijwe kugendera mu gice cy’umuhanda i bumoso aho imodoka iza bayireba, yaba igenda nabi bakaba kuyihunga.

Mu Ntara y’Amajyaruguru mu Ugushyingo n’Ukuboza umwaka ushize nta mpanuka zigeze zihitana ubuzima bw’abantu uretse abakomeretse gusa. Yagize ati: “Impamvu ibi twabigezeho ni ubufatanye bwa Polisi n’abaturage mu guhagurukira ibikorwa byo kuzikumira binyuze muri iyi gahunda ya Gerayo amahoro, twifuza ko mutagoheka muri uru rugamba turimo rwo kurwanya mpanuka”.

Bamwe mu bakirisito babwiye Kigali Today ko ubutumwa bahawe bwabakanguye, biyemezaa gukaza ingamba zo gukumira imyitwarire igira uruhare mu guteza impanuka zo mu muhanda, bubaha uburenganzira bw’abatwara ibinyabiziga n’ubw’abanyamaguru.

Nizeyimana Jean Baptiste yagize ati “Ubu butumwa bwankebuye, hari ibintu ntahaga agaciro, nko kugendera mu gice cy’ibumoso numvaga atari ngombwa ku banyamaguru, hari igihe nageraga muri zebra crossing nkigendera uko nshatse, hari n’igihe nigeze kubihanirwa na Polisi ntwaye imodoka. Kuba Polisi yongeye kutwibutsa ibyo dusabwa bitumye ntahana umugambi wo kwigengesera igihe cyose”.

Umushumba w’Itorero Anglicani Diyosezi ya Shyira Rev. Samuel Mugiraneza Mugisha, yashimiye iki gikorwa anemeza bagiye kurushaho kwifashisha ivugabutumwa mu gukumira impanuka zo mu muhanda, by’umwihariko bakangurira ababyeyi kwigisha abana uburyo bwo kwitwararika mu muhanda mu gihe bajya cyangwa bava ku mashuri.

Yagize ati “Turashimira Polisi yafashe iya mbere ikwigisha abakirisito imyitwarire yabafasha gukumira impanuka. Hari impanuka zabaga inaha muri Musanze ariko zaragabanutse, ariko turacyafite urugamba rukomeye rwo kuzirinda abana, kuko hano muri Musanze usanga hari amagare menshi yirirwa abisikana n’abana bajya cyangwa bava ku mashuri, izo mpanuka zikigaragara usanga zibera ahari abana bataragera ku rwego rwo gusobanukirwa byimbitse uko bitwara mu mihanda. Turakora iyo bwabaga ngo dufatanye dukwirakwize ubutumwa bwibutsa abantu bose kugira uruhare mu gusigasira umutekano wo mu muhanda”.

Gahunda y’Ubukangurambaga bwa “Gerayo amahoro” imaze ibyumweru 36 itangijwe mu gihe biteganywa ko izasozwa yujuje ibyumweru 52. CIP Alex Rugigana avuga ko kuyigisha abakiristo mu nsengero bidakwiye kubabera amasigaracyicaro, ahubwo ari umwanya wo kuyisakaza mu bandi, kugira ngo umubare munini w’abantu bamenye ibyo basabwa mu kubungabunga umutekano wo mu muhanda.

‘Gerayo Amahoro’ mu kiliziya no mu nsengero si ukwivanga- Musenyeri Gasatura

Musenyeri Nathan Gasatura, umushumba wa Diyosezi ya Butare mu itorero ry’abangirikani mu Rwanda, avuga ko kuba polisi itangira ubutumwa bwa Gerayo Amahoro mu kiliziya no mu nsengero atari ukwivanga.

Yabitangaje nyuma y’uko polisi yatangiye ubu butumwa muri katedarari y’abangirikani y’i Butare, tariki 19 Mutarama 2020.

Yagize ati “Aba bakiristo, ni bo baturage b’u Rwanda, ni bo Leta yacu y’ubumwe iyobora, ni bo musenyeri ayobora, ni bo Meya na Guverineri bayobora. Ni bo baturage polisi n’igisirikare [bakorera]. Ntitubahuriyeho”?

Yunzemo ati “Nta kwivanga rero. Keretse iyo biba ku gahato kandi nta karimo. Kandi ni rwa rubuga twese duhuriyeho”.

Musenyeri Gasatura kandi yavuze ko n’ubundi basanzwe bigisha amahoro, bityo na Gerayo Amahoro bakazakomeza kuyivugaho kuko na yo ireba ubuzima.

Kandi ngo nk’uko basanzwe bavuga no ku zindi gahunda za Leta, na Gerayo Amahoro bigiye kuba uko.

Ati “Twibutsa abantu gutanga umusoro, gushaka mituweri, kujyana abana mu ishuri,… ibyo byose ni ibintu tubibutsa kandi tukabisengera. Ubu rero badutije umubyizi, kandi tuzakomerezaho”.

Kuba polisi yatangiye ubutumwa bwa Gerayo Amahoro mu rusengero, hari n’abakirisito bo mu itorero ry’abangirikani bavuze ko ntacyo bitwaye, ahubwo ari byiza.

Eric Nkurunziza ati “Mu nsengero haba harimo abantu benshi bakoresha umuhanda. Haba harimo abana, haba harimo abashoferi ndetse n’abazaba abashoferi. Bose baba bakeneye kumenya uko umuhanda ukoreshwa”.

Anafite icyizere ko iyi Gerayo Amahoro mu nsengero no muri za kiliziya izatanga umusaruro ufatika mu kugabanya impanuka.
Umuvugizi wa polisi mu Ntara y’Amajyepfo, CIP Sylvestre Twajamahoro, avuga ko iki cyumweru ari icya 36 kuva Gerayo Amahoro yatangira. Kimwe na Nkurunziza kandi yizeye ko izatanga umusaruro.

Ati “Ubu nta mibare mishyashya mfite, ariko mu nama y’umushyikirano iheruka umuyobozi wa polisi mu Rwanda yari yavuze ko Gerayo Amahoro yagabanyije impanuka ho 14%”.

Tugarutse ku butumwa bwa Gerayo Amahoro nyir’izina mu rusengero rw’Abangirikani kuri uyu wa 19 Mutarama 20220, Umuyobozi wungirije wa polisi mu Ntara y’Amajyepfo, Athanase Nshuti, yibukije abagenda n’amaguru kudashyira écouteurs mu matwi bari mu muhanda no kwitodera ibinyabiziga banyura ahabugenewe.

Yanibukije abatwara ibinyabiziga kwirinda impanuka batwara batanyoye batanavugira kuri terefone, kudatwara abana imbere mu modoka no kutabemerera guhagarara mu modoka igihe imodoka iri kugenda, kuko byateza impanuka.

Mu Mujyi wa Kigali icyo gikorwa cyabereye kuri Katederali Mutagatifu Mikayire (Saint Michel) mu Kiyovu.

Umuvugizi wa Polisi y’u Rwanda, CP John Bosco Kabera, yigishije Abakirisitu Gatolika muri Kiliziya ya Saint Michel

Kwigisha ‘Gerayo Amahoro’ mu Kiliziya ntaho bibangamira ijambo ry’Imana - Padiri Hakuziyaremye

Padiri Hakuziyaremye Celce wo muri Diosezi ya Kabgayi aravuga ko gahunda ya ‘Gerayo Amahoro’ yatangiye kwigishwa mu nsengero no mu kiliziya ntacyo ibangamiyeho kwigisha ijambo ry’Imana kuko n’ubundi Abakirisitu bakwiye kumenya uko birinda impanuka zo mu muhanda.

Yabivuze kuri uyu wa 12 Mutarama 2020 ubwo yatangaga ubutumwa kuri Gerayo Amahoro muri Bazilika ya Kabgayi, ubutumwa bwari buhagarariwe n’umuyobozi wa Polisi mu Karere ka Muhanga.

Nyuma y’amatangazo asanzwe ya Kiliziya, mbere y’uko umusaseridoti asoza igitambo cya Misa ya mbere muri Bazilika ya Kabgayi nibwo hatanzwe ubutumwa bwa Polisi y’igihugu bwa ‘Gerayo Amahoro’, bwa mbere buhagarariwe n’inzego z’umutekano.

Padiri Hakuziyaremye wari wayoboye igitambo cya misa, yavuze ko nyuma yo kuganira hagati y’inzego za Polisi y’igihugu n’Abepisikopi, hemejwe ko kuri iki cyumweru mu gihugu hose hatangwa ubwo butumwa mu rwego rwo gukangurira Abanyarwanda kwirinda impanuka zo mu Muhanda.

Padiri Celce Hakuziyaremye avuga ko na we hari ibishya yungukiye muri iyi gahunda ku buryo n’abakirisitu bakwiye kubyitwararikaho nko ku bagenda n’amaguru bashaka kubisikana n’ibinyabiziga.

Yagize ati “Nanjye ubwanjye hari ibyo nungutse ko iyo imodoka iri imbere yawe mu mukono w’iburyo, ugendera mu gice uyireberamo i bumoso aho ugenda uyireba uko na yo iza”.

Padiri Celce Hakuziyaremye avuga ko gutangira ubutumwa mu Kiliziya nta kibazo biteye ku mirimo isanzwe ihakorerwa, kuko byabanje kumvikanwaho n’inzego za Kiliziya na Polisi y’Igihugu kandi ko umwanya watanzwe ntacyo ubangamiyeho ijambo ry’Imana risanzwe ritangirwamo.

Agira ati “Polisi yaganiriye n’Abepisikopi bemeranya ko Abakirisitu bose barebwa n’umutekano wo mu muhanda ku buryo bagera amahoro aho bajya, bemeranya ko ubwo butumwa bwatangirwa ahagera abantu benshi”.

“Birumvikana ni imikoranire n’ubundi abakirisitu bumva ibyo tubabwiye, kandi n’ubundi ubutumwa turabutanga, n’ibindi byose bijyanye n’umutekano turabibibutsa nta kibazo kirimo”.

Umuyobozi wa Polisi mu Karere ka Muhanga Superintendent of Police (SP) Bahire Anastase, avuga ko kuba ubutumwa bwagejejwe ku mbaga y’abakirisitu kandi butanzwe na Padiri byongera icyizere ko burushaho kumvikana kurusha gutegereza kuzabutangira mu miganda, n’izindi nama ntoya zigenda ziba hirya no hino, iki gikorwa kikaba kizakomeza.

Agira ati “Kubona ubutumwa bwageze ku mbaga y’abantu ingana gutya biratanga icyizere kuko babwiherewe n’umuntu usanzwe abaha ubutumwa kandi bakabwumva, turizera ko hamwe n’iyi gahunda impanuka zizakomeza kugenda zigabanuka”.

Abasengera kuri Bazilika ya Kabgayi mu Mujyi wa Muhanga bavuga ko hari n’ubumenyi bungutse bwo gukoresha umuhanda ku banyamaguru kuko bapfaga kugenda bazi ko gukoresha inzira y’abanyamaguru bihagije.

Nyirabagenzi Clemence w’imyaka 65 asanzwe abona impanuka z’ibinyabiziga mu muhanda, ariko ngo ni ubwa mbere yumvise gahunda ya ‘Gerayo Amahoro’, bityo ko ashimira polisi y’igihugu yabagejejeho ubutumwa.

Agira ati “Numviyemo ko abantu bagomba kwirinda mu kwambukiranya umuhanda batabanje kureba hirya no hino. Ni ubwa mbere numvise iyi gahunda, nko muri Rondpoint ya Gitarama mu mujyi usanga abantu baba bivanga n’ibinyabiziga, numvise kandi ko abana bato tugomba kubafata akaboko tukabambutsa cyangwa tukanabaherekeza”.

Yankurije Cecile avuga ko ashimira Polisi y’igihugu kuba yaje kubibutsa ibyo bari basanzwe bafiteho ubumenyi buke, ku buryo umuntu atahoraga abizirikana.

Agira ati, “Nanjye nungutse ikijyanye no kugenda mu muhanda ureba umukono imodoka iturukamo ugereranyije n’aho werekeza, nta mpanuka irambaho ku myaka 63, ariko abantu bakwiye kubanza gushishoza kugira ngo na bo bazarambe”.

Yankurije anasaba Polisi ko gahunda ya ‘Gerayo Amahoro’ yakwita no ku batwara abagenzi buriza ibiciro binyuranyije n’ibyagenwe kuko usanga bihereranwa n’abashoferi, by’umwihariko mu gihe cy’iminsi mikuru n’igihe cy’abanyeshuri bava cyangwa bajya kwiga kuko ari ho habera akarengane.

Musanze:

Muri Diyosezi Gatolika ya Ruhengeri, ubutumwa burebana n’ubukangurambaga bwa Polisi y’igihugu bwa Gerayo Amahoro bwabimburiwe n’igitambo cya Misa yaturiwe muri Paruwasi Gatolika Katedarali ya Ruhengeri aho Kiliziya yakira abagera mu bihumbi bitanu by’abakirisitu yari yakubise yuzuye abandi bumvira Misa hanze.

Mu gusoza igitambo cya Misa ya mbere, ubwo abakirisitu bari bategereje ko Padiri Dr Hagenimana Fabien wasomye iyo Misa abaha umugisha bagataha, babonye Umukuru wa Polisi ahawe ijambo atanga ubutumwa bwa Gerayo Amahoro bakiranye ibyishimo.

Umuyobozi wa Polisi mu Ntara y’Amajyaruguru, ACP Rugwizangoga Révelien, mu ijambo rye, yatangiye ageza ubutumwa ku bakirisitu bujyanye na gahunda y’umutekano wo mu muhanda.

Yavuze ko kubungabunga umutekano wo mu muhanda biri mu nshingano za buri mukirisitu, avuga ko ari yo mpamvu Polisi y’u Rwanda muri gahunda ya Gerayo Amahoro ku bufatanye n’inama y’Abepisikopi gatolika b’u Rwanda bakangurira abakirisitu bose ubutumwa bwa Gerayo Amahoro.

Ati “Icya mbere, abanyamaguru bagomba kugendera mu gice cy’ibumoso bw’umuhanda aho ibinyabiziga biza bituruka babireba, kwambukira mu mirongo yagenewe abanyamaguru kandi batambaye ekuteri mu matwi, ukambuka kandi wihuta ariko utiruka”.

Kubireba abashoferi, ACP Rugwizangoga na bo yabahaye ubutumwa agira ati “Ku mushoferi, irinde kuvugira kuri telefoni utwaye ikinyabiziga, irinde gutwara ikinyabiziga wanyoye ibisindisha, irinde kurenza umuvuduko wateganyijwe, ubaha uburenganzira bw’abanyamaguru”.

Abamotari n’abo batwara na bo yababwiye ati “Igihe uri kuri moto, ambara ingofero yabugenewe neza, kandi nawe mugenzi wirinde kwirukansa umumotari bitewe n’impamvu zawe bwite. Wirebera amakosa y’ugutwaye, haba mu modoka cyangwa kuri moto. Iri tangazo ryasinyweho na Musenyeri Servilien Nzakamwita, Umushumba wa Diyosezi Gatolika ya Byumba”.

ACP Rugwizangoga kandi yamenyesheje abakirisitu ko Polisi igiye gutangiza indi gahunda yitwa Rengera Umwana ku itariki 21 Mutarama 2020, aho ubwo bukangurambaga buzakorwa ku nsanganyamatsiko yitwa ‘Rengera Umwana’ bukazakorwa mu gihugu hose, muri gahunda yo guca no guhana abahohotera abana.

Bamwe mu bakirisitu baganiriye na Kigali Today nyuma y’igitambo cya Misa, bavuze ko ubukangurambaga bwa Polisi muri gahunda ya Gerayo Amahoro bubakanguye, kandi ko burabafasha kurwanya impfu zikomoka ku mpanuka zo mu muhanda.

Kanyabuzige Denys yagize ati “Ibi bahora babivuga ku maradiyo rimwe na rimwe ntitubihe agaciro, ariko tubonye Afande ahagurutse mu Kiliziya aratubwiriza twumva ko bya bintu nta mikino irimo. Baradukanguye cyane ni byiza pe, twiteguye gufatanya na Polisi gukumira impanuka zo mu muhanda”.

Rubangura Jean Nepomsene w’imyaka 77 ati “Tubyakiriye neza cyane, batwibukije ko ubuzima bukomeye. Ni yo mpamvu tugomba gukumira ikintu cyose cyabuhungabanya. Ntibisanzwe ko Polisi iza kutubwiriza mu Kiliziya birashimishije cyane. Abapolisi ni abacu bashinzwe umutekano wacu kandi bashinzwe n’umutekano w’Abakirisitu, ni yo mpamvu twabyakiriye neza”.

Guverineri Gatabazi

Iyo gahunda ya Gerayo amahoro mu Kiliziya yitabiriwe kandi na Guverineri Gatabazi JMV wavuze ko kuba Polisi yahawe umwanya wo gutanga ubutumwa mu Kiliziya, ari kimwe mu buryo bwo guha abantu benshi bari hamwe ubutumwa mu buryo bworoshye.

Agira ati “Burya Abakirisitu bemera Misa cyane, kandi amakuru menshi bakura mu Misa bayafata nk’ihame. Ubu ni uburyo bwo guha abantu benshi ubutumwa tutabasha kubonera hamwe, ubu butumwa hari inyongeragaciro buzanye mu bukangurambaga Polisi yatangiye. Ikindi kidushimishije ni uko Polisi igiye gutangiza ubukangurambaga bwo kurengera umwana”.

Emmanuel Ndagijimana, Padiri mukuru wa Paruwasi Gatolika Katedarali ya Ruhengeri, yavuze ko abakirisitu badakwiye kumva ko kurwanya impfu zikomoka ku mpanuka bireba Polisi gusa, avuga ko na Kiliziya ifite inshingano zo kwigisha abakirisitu kwirinda impanuka.

Avuga ko hari abantu benshi abapadiri bajya guherekeza bishwe n’impanuka akabona ko ari ikibazo giteye inkeke ati “Ni kenshi duherekeza abitabye Imana bazize impanuka ugasanga amarira ni menshi mu miryango, hakagira impfubyi zisigara, hakagira imiryango igira ibibazo.

Dufite abakirisitu bacu baba bagenda mu mihanda, bagahura n’impanuka bamwe bakitaba Imana abandi bakahakura ubumuga bukomeye. Ibi byose biri mu nshingano za Kiliziya, biri no mu butumwa bwayo. Murumva ko bifite aho bihurira n’iki gikorwa Polisi irimo cya Gerayo Amahoro”.

Gahunda ya Gerayo Amahoro muri Diosezi Gatolika ya Ruhengeri yabereye muri Paruwasi Gatolika Katedarali ya Ruhengeri. Guverineri Gatabazi n’Umuyobozi wa Polisi mu Ntara y’Amajyaruguru bayitabiriye

Iyi gahunda ya Gerayo Amahoro inyujijwe muri Kiliziya Gatolika mu gihe igeze mu cyumweru cya 35 mu byumweru 52 izamara.

Ubuyobozi bwa Polisi buvuga ko Impamvu iyo gahunda yigishijwe mu Kiliziya ari uko ari ahantu hahurira abaturage benshi.

CIP Alexis Rugigana Umuvugizi wa Polisi mu ntara y’Amajyaruguru, avuga ko iyi gahunda yo kwigisha Gerayo Amahoro mu Kiliziya izatanga umusaruro aho izagabanura impanuka, ngo biteguye ko iyo gahunda izava mu rwego rwa Diyosezi ikagera mu miryango remezo byaba na ngombwa ikagera no mu yandi madini n’amatorero.

Rubavu:

Mu Karere ka Rubavu, Kiliziya Gatolika yijeje ubufasha Polisi y’u Rwanda mu kurwanya ibyaha n’ubujiji.

Igisonga cya Musenyeri Nsengumuremyi Jean Marie Vianney n’Umuyobozi wa Polisi mu Burengerazuba ACP Kajeguhakwa Jean Claude bitabiriye ubukangurambaga bwa Gerayo Amahoro

Ni ibikorwa bigiye gutangirira muri gahunda ya ‘Gerayo amahoro’, aho ubutumwa bushishikariza abakirisitu kwirinda kwica amategeko yo mu muhanda bwasomewe muri Kiliziya hose, naho abatwara ibinyabiziga bya Kiliziya bakazajya bahabwa amabwiriza yo kubahiriza gahunda ya Gerayo Amahoro.

Mu Ntara y’Iburengerazuba byatangiriye mu Karere ka Rubavu muri Kiliziya ya Nyundo mu misa ya mbere. Nsengumuremyi Jean Marie Vianney, igisonga cya Musenyeri, yavuze ko babishyigikiye kubera ko barwanya icyagirira nabi ikiremwa-muntu bagashyigikira ikimugirira akamaro.

Yagize ati “Ikintu cyose kireba muntu cyaba ikireba umuyoboke wacu n’utari we, cyaba kiza tukagishyigikira naho ikibi tukirwanya twivuye inyuma, icya kabiri dufite gahunda yo kurwanya ubujiji aho buturuka hose, no guhugura abantu ibyo bagomba gukora. Polisi yadusabye kuba abafatanya bikorwa kandi turabyemera, kuko tubibwira abantu bikabageraho, duhereye ku bana n’abakuru ndetse n’abashoferi badutwara.”

Igisonga cya Musenyeri kivuga ko bazigisha abantu kumenya amategeko y’umuhanda no kwirinda icyahutaza umutekano w’abantu birinda ibisindisha n’uburangare. Ati “Tuzabyigisha mu makoraniro kandi ntituzabihagarika kugeza igihe abantu bamenye inyungu yo gukoresha umuhanda neza.”

Umuyobozi wa Polisi mu Ntara y’Iburengerazuba ACP Kajeguhakwa Jean Claude avuga ko gahunda ya Gerayo Amahoro imaze ibyumweru 35 kandi yagiye itanga umusaruro, bakaba bari kugeza ubumenyi ku Banyarwanda bwo gukoresha umuhanda no kubahiriza amategeko y’umuhanda.

ACP Kajeguhakwa avuga ko Kiliziya nk’umufatanyabikorwa yatanze ubutumwa bwa gahunda ya Gerayo Amahoro mu kiliziya hose mu gihugu, kandi bakaba bafite ubundi bufatanye bagiye gutangiza tariki 21 Mutarama.

Yagize ati “Tariki 21 Mutarama 2020 tuzatangira gahunda ya Rengera Umwana izamara ibyumweru 52. Turasaba Kiliziya ko yadufasha kurengera umwana arindwa imirimo imuvunisha, arindwa kujyanwa mu tubari, guta amashuri no gucuruzwa kuko umwana w’umunyarwanda ni we muyobozi w’ejo hazaza.”

Ubutumwa bwa Gerayo amahoro ku bufatanye bwa Polisi na Kiliziya gaturika bwatangiwe mu Kiliziya abakirisitu basabwa kumenya kubahiriza amategeko y’umuhanda no kwirinda guteza impanuka.

Ni nako byagenze ku wa gatandatu tariki 28 Ukuboza 2019, ubwo hirya no hino mu gihugu hakorwaga umuganda rusange usoza Ukuboza 2019, ukaba ari na wo wa nyuma muri uyu mwaka.

Umuganda wabereye ku rwego rwa buri mudugudu, wibanda ku bikorwa byateguwe n’ubuyobozi bw’inzego z’ibanze.

Mu turere twabayemo ibiza, umuganda wibanze ku bikorwa byo gukumira no gukemura ibibazo byatewe n’ibiza birimo kubakira abatishoboye amacumbi n’ubwiherero, gusana amashuri n’imihanda, gusibura inzira z’amazi (rigoles), amateme n’ibiraro no gusiba ibinogo by’amazi.

Huye:

Ubuyobozi bw’Akarere ka Huye, abaturage, inzego z’umutekano n’abandi batandukanye, bifatanyije n’abatuye mu Murenge wa Mbazi, Akagari ka Rusagara mu Mudugudu wa Gitwa mu gikorwa cyo kubaka ibiro by’Akagari ka Rusagara byashenywe n’ibiza.

Muri ako Kagari ka Rusagara kandi hatunganyijwe umuhanda ureshya n’ibirometero bibiri (2Km).

Banubakiye umuturage udafite aho kuba. Aya matafari ni ayo kumwubakira.

CHUB:

Mu bitaro bya Kaminuza by’i Butare (CHUB) bakoze umuganda wo gukuraho ibyatsi n’ibihuru mu nkengero zaho. Ni umuganda bakoze babishishikarijwemo n’abakinnyi bagize ikipe y’umupira yaho.

Nyuma y’umuganda batanze impano z’ibyo kurya ku baharwariye bakennye, ndetse n’ibisuguti (biscuits) hamwe na bonbons ku bana bose bahari.

Ibi ngo babikoze mu rwego rwo kwifuriza Noheli nziza n’Ubunani abarwayi badafite amikoro.

Gisagara:

Mu Karere ka Gisagara, ubuyobozi bw’akarere bwifatanyije n’abatuye mu Murenge wa Muganza mu Kagari ka Rwamiko mu gikorwa cyo gusiza ibibanza bizubakwamo inzu 16 z’abatishoboye.

Ngororero:

Umuganda ku rwego rw’Akarere wabereye mu Murenge wa Muhanda, abitabiriye umuganda basiza ibibanza byo kubakamo inzu z’abatishoboye, hatunganywa n’imihanda yangijwe n’imvura.

Gasabo:

Abakozi n’abayobozi muri Banki ya Kigali (BK) bitabiriye Umuganda rusange wabereye mu Murenge wa Rusororo mu Kagari ka Nyagahinga, Umudugudu wa Kigarama.

Uwo muganda wanitabiriwe n’abayobozi batandukanye bo mu Mujyi wa Kigali n’uturere tuwugize, ndetse na Visi Perezida w’Inteko Ishinga Amategeko umutwe w’Abadepite, Hon. Edda Mukabagwiza.

Abawitabiriye batunganyije hegitari imwe y’amaterasi yiyongera ku yindi imwe yamaze gukorwa, intego ngo ikaba ari ugukora hegitari 10 ku musozi uri mu Kagari ka Nyagahinga, mu rwego rwo kurwanya isuri yabangirizaga byinshi birimo n’umuhanda wa kaburimbo.

Biteganyijwe kandi ko hazaterwa ibiti 4000 by’imbuto ziribwa kugira ngo barwanye imirire mibi ndetse bongere n’ubwiza bw’umujyi, bakuraho ibihuru abajura bihishagamo bagateza umutekano muke.

Usibye gukora umuganda, Banki ya Kigali yatanze amafaranga y’u Rwanda miliyoni enye n’ibihumbi magana ane, azifashishwa mu kwishyurira mituweli abaturage 1470 batishoboye bazatoranywa mu turere dutatu two mu Mujyi wa Kigali.

Nyagatare:

Umuganda usoza Ukuboza 2019 wakorewe mu Mudugudu wa Ntoma, Akagari ka Ntoma, Umurenge wa Musheri, ahabumbwe amatafari yo kubakira imiryango 70 itishoboye mu Murenge wose wa Musheri.

Rwamagana:

Ku rwego rw’Akarere ka Rwamagana, Umuganda rusange usoza ukwezi k’Ukuboza wakorewe mu Murenge wa Munyiginya, Akagari ka Nkomangwa, Umudugudu wa Bakannyi, hakaba harimo kubakwa inzu z’abaturage batishoboye bo mu cyiciro cya mbere cy’ubudehe.

Mu karere kose, muri uyu mwaka w’ingengo y’imari wa 2019/2020, hazubakwa inzu 467 z’abatishoboye batagiraga aho kuba. Mu Murenge wa Munyiginya by’umwihariko, hazubakwa inzu 39.

Muri izi nzu zose, inzu 32 benezo bamaze kuzitaha, inzu 380 zimaze gusakarwa zikaba zirimo gukorerwa isuku, izindi na zo zikaba zirimo kuzamurwa.

Iyi nzu yakoreweho umuganda irimo kubakirwa Nyagashumba Thacien. Ntiyishoboye kandi afite ikibazo cy’uburwayi bwo mu mutwe. Iyi nzu ikaba yarazamuriwe rimwe n’igikoni ndetse n’ubwiherero.

Ngoma:

Guverineri w’Intara y’Iburasirazuba Mufulukye Fred, ari kumwe n’Umuyobozi w’Ingabo muri iyi Ntara n’Umujyi wa Kigali Gen. Mubarak Muganga, Umuyobozi w’Inkeragutabara, Col Mukasa, Umuyobozi wa Polisi mu Ntara ACP Emmanuel Hatari n’abandi, bifatanyije n’Ubuyobozi n’abaturage b’Akarere ka Ngoma muganda wo kubakira inzu abaturage batishoboye bo mu Kagari ka Gahima, Umurenge Kibungo.

Muri uyu muganda rusange usoza Ukuboza 2019, Abayobozi bafatanyije n’abaturage batangije ibikorwa byo kubakira inzu (kuzamura inzu 2, gucukura imisingi no gusiza ibibanza) imiryango 6 y’abatishoboye yo muri uyu Murenge wa Kibungo itari ifite aho gutura.

Musanze:

Umuganda usoza Ukuboza wabereye mu Murenge wa Rwaza, Akagari ka Nturo. Umuyobozi w’Akarere wungirije ushinzwe iterambere ry’ubukungu yifatanyije n’abaturage kubagara ishyamba riri ku buso bwa Hegitari enye n’igice mu rwego rwo kubungabunga ibidukikije no gukumira ibiza.

Aha kandi abaturage bakoze igikorwa cyo gutunda amabuye azakoreshwa mu kubaka inzu y’umuntu utishoboye utuye muri aka gace.

Mu Murenge wa Busogo muri ako karere ka Musanze na ho bakozwe umuganda aho abawitabiriye bahomye, basakara, banabumba amatafari azubakishwa inzu enye z’abatishoboye mu Kagari ka Gisesero.

Umuyobozi w’Akarere ka Musanze wungirije ushinzwe imibereho myiza y’abaturage, Kamanzi Axelle, ni we wifatanyije n’Abaturage.

Gatsibo:

Hirya no hino mu Karere ka Gatsibo hakozwe Umuganda rusange usoza Ukuboza 2019. Ku rwego rw’Akarere umuganda wabereye mu Mudugudu wa Kiyovu mu Kagari ka Gakoni mu Murenge wa Kiramuruzi.

Hasibuwe umuferege uyobora amazi y’imvura ashobora gusenyera abaturage mu gihe cy’imvura nyinshi.

Muhanga:

Umuganda rusange usoza umwaka wabereye ku rwego rw’Akarere mu Murenge wa Kibangu mu Kagari ka Rubyiriro Umudugudu wa Gakurwe aho Umuyobozi w’Akarere yifatanyije n’abaturage mu kubumba amatafari yo kubaka ibiro by’Umudugudu.

Kirehe:

Umuganda rusange muri Kirehe wibanze ku bikorwa byo kubakira abatishoboye no gufasha abahuye n’ibiza kubera imvura.

Ku rwego rw’Akarere wakorewe mu Murenge wa Nasho mu Kagari ka Ntaruka, Umudugudu wa Kabusunzu.

Kamonyi:

Kimwe n’ahandi mu gihugu, abaturage b’Akarere ka Kamonyi bitabiriye umuganda rusange wibanze ahanini ku gukumira ibiza, kubakira abatishoboye no kwita ku bikorwa remezo.

I Muganza mu Murenge wa Runda, ni ho habereye umuganda ku rwego rw’Akarere wibanze ku gucukura imirwanyasuri muri Nyagacyamu kugira ngo harengerwe isuri ishobora kwibasira igishanga cya Kamiranzovu.

Iki gikorwa cyitabiriwe na Guverineri w’Intara y’Amajyepfo CG Emmanuel Gasana ari kumwe n’Umuyobozi w’Ingabo mu turere twa Kamonyi, Muhanga, Ruhango na Nyanza Col. Rugazola Emmanuel, Umuyobozi w’Akarere ka Kamonyi Madame Kayitesi Alice, Umuyobozi wungirije w’Akarere ushinzwe ubukungu bwana Tuyizere Thaddée na DM BUSHAYIJA Fred.

Hari kandi umuyobozi wa Polisi mu Karere Supt. Prorais Rwiyemaho, Umuyobozi w’Abinjira n’abasohoka ndetse n’Umuyobozi wa RIB mu Karere, Umuyobozi wa NISS n’Umuyobozi wa DASSO mu Karere.

Guverineri Gasana mu butumwa bwe yashimiye Abesamihigo ba Kamonyi kubera ibikorwa byiza n’ubufatanye bibaranga. Yabasabye gukomeza kwita ku bikorwa byo gukumira ibiza kuko ibiza bigira ingaruka mbi ku mibereho y’abaturage.

Umuyobozi w’Ingabo yaganiriye n’abaturage ku ruhare rwabo ku kwicungira umutekano hitabwa ku ikorwa ry’amarondo kandi akagenzurwa kugira ngo buri wese yumve ko gukora irondo bimureba.

Yasabye kandi abaturage kwirinda ubucukuzi bukozwe mu kajagari, ahubwo bagakurikiza amategeko.

Nyamagabe:

Mu Murenge wa Uwinkingi hakozwe umuganda rusange wibanze ku kubakira inzu abatishoboye basembera 7, kubakira abahuye n’ibiza 2, kubaka ubwiherero 4, ibikoni 2 n’ibiraro by’amatungo 2.

Avuga ko mu minsi isanzwe y’umwaka habagwa inka zitarenga 100 ku munsi. Iri bagiro ni ryo rikuru mu gihugu, rikaba rikorera abantu serivisi zo kubabagira amatungo baba barizaniye.

Mugire avuga ko ihene n’intama ziza kubagwa kuri Noheli zishobora kugera kuri 200.

Ikilo cy’inyama ku ibagiro rya Nyabugogo kirangura amafaranga 2,400 kikagurishwa amafaranga 3,500 ku muntu ugura ku kilo.

Nyagatare

Guhera ku munsi ubanziriza Noheli no kuri Noheli nyir’izinahabazwe inka 40 ku ibagito rya Nyagatare.

Ihene zimaze kubagwa ni 14 ku munsi wabanjirije Noheli,naho kuri Noheli, kugeza mu masaha ya saa mbili za mugitondo, hari hamaze kubagwa eshanu.

Gusa abaturage bakavuga ko Noheli y’uyu mwaka itameze neza kuko igeze akaboga (inyama) gahenze.

Iroti ni amafaranga 3, 200 ku kilo, imvange ni 2,600, izo munda ni 1,800, naho umwijima 2000frs ku kilo.

Amatungo yavuzwe ni ayabagiwe mu mujyi wa Nyagatare gusa, hatarimo ayabagiwe mu ngo ku bifite, cyangwa mu bindi bice bigize ako karere.

Musanze

Ntitwabashije kumenya umubare w’amatungo yabazwe ku munsi ubanziriza Noheli no kuri Noheli nyir’izina, gusa umunyamakuru wa Kigali Today uri yo, yavuze ko abakeneye inyama za roti batazibonaga ku munsi ubanziriza Noheli, kuko mu ma saa sita zari zamaze gushira, hasigaye imvange gusa.

Icyakora igiciro cyazo nticyigeze gihinduka kuko inyama z’imvange zaguraga amafaranga 2,200.

Gakenke

Ku ibagiro rya kijyambere rya Gakenke, ku munsi ubanziriza Noheli byabaye ngombwa ko bongera inka basanzwe babaga, aho zavuye kuri 12 babaga 35 mu rwego rwo gufasha abakeneye inyama kutazibura ku masoko.

Rubavu

Mu karere ka Rubavu ku ibagiro rimwe ryegereye umupaka kuva ku munsi ubanziriza Noheli kugeza kuri Noheli mu ma saa yine n’igice, hari hamaze kubagwa inka 461, zabaiwe mu mabagiro atatu: irya Rubavu 236, Mahoko 45, naho COADU 180.

Muri izo zose, 20 ni zo zaguzwe n’Abanyarwanda, izindi zoherejwe mu Mujyi wa Goma muri Repubulika ya Demukarasi ya Kongo.

Ikilo cy’inyama muri Rubavu ni amafaranga 2,500, ariko ibindi biribwa ni bikeya.

Muhanga

Mu Karere ka Muhanga, ubusanzwe habagwa inka 20 mu minsi isanzwe, ariko ku munsi ubanziriza Noheli gusa, habazwe izira hagati ya 50 na 60. Habazwe kandi ihene zibarirwa muri 400 n’ingurube zibarirwa muri 60, nk’uko bivugwa n’umuyobozi ushinzwe ubuvuzi bw’amatungo muri ako karere.

Huye

Mu Karere ka Huye, ku munsi ubanziriza Noheli hari habazwe inka 38. Ku munsi wa Noheli, habazwe inka 30, ingurube esheshatu n’ ihene eshatu.

Aya matungo ariko ni ayabagiwe ku ibagiro rya Matyazo, ari na ryo bagiro rikuru mu karere ka Huye, gusa hirya no hino mu Karere, hari ahandi habagiwe andi matungo, tutabashije kumenya umubare.

Akenshi kubera imirimo inyuranye abantu birirwamo, hari abibuka guhaha ibi byose ku munota wa nyuma. Kigali Today yaguteguriye amwe mu mafoto agaragaza ibikorwa byo guhahira Noheli ya 2019, cyane cyane mu mugoroba ubanziriza Noheli.

Hari abibutse kugura imyenda ya Noheli ku munota wa nyuma

Urujya n’uruza ku mugoroba wo kuwa 24 Ukuboza

Inyama ziri mu bigurwa cyane mu minsi mikuru. Aha ni mu Karere ka Gakenke

Amatungo yo kubaga kuri Noheli na yo ari mu bigurwa cyane

Uko bamwe bahaha, ni ko abandi bategereje amafaranga ngo na bo bahahe

Hari abakora urugendo bajya guhahira Noheli. Aba baturutse mu murenge wa Nyarusange muri Muhanga, baza guhahira mu Mujyi wa Muhanga

Abo mu muryango Friends of Jesus Gatenga bari bagiye guhaha iby’umunsi mukuru

Amashaza ari mu bihahwa cyane mu minsi mikuru

Bamwe bahaha kare ngo babone n’umwanya wo gutega imodoka bataha

Muri aya matora hari ahatowe abayobozi b’Uturere, ndetse hakaba n’ahatowe abayobozi b’ Inama Njyanama z’uturere, ndetse n’ahatowe abajyanama buzuza Inama Njyanama aho zitari zuzuye.

Burera

Uwanyiligira Marie Chantal arahirira kuyobora Akarere ka Burera

Mu Karere ka Burera, Uwanyiligira Marie Chantal ni we watorewe kuba umuyobozi w’akarere, asimbuye Florence Uwambajemariya, uherutse kugirwa Umunyamabanga Nshingwabikorwa w’Intara y’Uburengerazuba.

Uwanyiligira yagize amajwi 155 ku bantu 204 batoye. Yari ahanganye na Niwewanjye Yvette, wagize amajwi 49 kuri 204.

Uyu Uwanyiligira watorewe kuba Umuyobozi w’Akarere ka Burera, yari asanzwe ari umuyobozi w’ishami ry’uburezi muri ako Karere.

Izamuhaye Jean Claude, yatorewe kuba Perezida w’Inama Njyanama y’Akarere ka Burera

Mu Karere ka Burera kandi hatowe Perezida w’Inama Njyanama, Izamuhaye Jean Claude aba ari we utorwa, asimbura Dr Faustin Habineza wabaye Senateri.

Rubavu

Mu Karere ka Rubavu ho, hatowe Perezida w’Inama Njyanama hamwe na Visi Perezida w’Inama Njyanama.

Nyirurugo Côme Degaule yatorewe kuba Perezida w’Inama Njyanama ya Rubavu

Nyirurugo Côme Degaule wari usanzwe ari Visi Perezida w’Inama Njyanama ni we watorewe kuba Perezida, asimbura Dr. Dushimimana Lambert watorewe kujya muri Sena. Mbere yo kwiyamamariza uyu mwanya ariko, yabanje kwegura ku mwanya wa Visi Perezida.

Nyirurugo yatorewe uyu mwanya n’amajwi 18 ku majwi atatu (3) ya Muhire Josiane bari bahanganye.

Nyirurugo asanzwe ari umuyobozi mu ruganda rw icyayi cya Pfunda. Afite icyiciro cya kabiri cya Kaminuza A0 mu mibanire y’abantu.

Nizeyimana Partick yatorewe kuba Visi Perezida w’Inama Njyanama ya Rubavu

Ku mwanya wa Visi Perezida w’Inama Njyanama, hatowe Nizeyimana Partick wari usanzwe ari umujyanama, akaba ayobora kaminuza ya UTB ishami rya Gisenyi.

Gatsibo

Mu karere ka Gatsibo, uwatowe muri 30% kujya muri njyanama y’Akarere muri 30% bahagarariye abagore, ni Mugirasoni Clotilde watowe ku majwi 89 kuri 116.

Huye

Mukagashugi Marie Chantal

Mu karere ka Huye na ho hatowe umujyanama wuzuza Inama Njyanama y’akarere, muri 30% yagenewe abagore. Uwatowe ni Mukagashugi Marie Chantal, n’amajwi 67 kuri 37 ya Uwiragiye Vestine bari bahanganye.

Mukagashugi ni umuyobozi w’ishuri ribanza rya Matyazo, mu Murenge wa Ngoma, Akarere ka Huye.

Nkuzumuremyi Valentine wasimbuwe mu Nama Njyanama ni umucungamutungo wa Sacco ya Mbazi.

Mukagashugi na Nkuzumuremyi Valentine yasimbuye

Yasezeye kuri uyu mwanya kubera ko ubundi umurimo akora w’ubucungamutungo muri Sacco utamwemerera kuba mu nzego z’ibanze nk’uko byasabwe na Banki nkuru y’u Rwanda.

Kayonza

Mu Karere ka Kayonza na ho hatowe Visi Perezida w’Inama Njyanama. Kuri uyu mwanya hatowe Alphonse Zigira, n’amajwi 17. Yatsinze Udahemuka Jean de Dieu wabonye amajwi abiri (2), na Emmanuel Hagenimana wagize ijwi rimwe (1), bari bahanganye.

Zigira yari asanzwe akuriye komisiyo y’ubukungu mu Nama Njyanama y’Akarere ka Kayonza.

Zigira Alphonse yatorewe kuba Visi Perezida w’Inama Njyanama y’Akarere ka Kayonza

Ubusanzwe akora mu Kigo cy’Igihugu gishinzwe Ikoranabuhanga mu Itumanaho n’Isakazabumenyi (RISA).

Umuganda bawukoreye mu mujyi wa Kigali, mu karere ka Gasabo mu murenge wa Kimihurura, ahari hateraniye abandi baturage benshi b’uwo murenge n’abayobozi batandukanye.

Uwo muganda wibanze ku gutunganya umuhanda wa kaburimbo urimo gukorwa ku nkunga abaturage bishatsemo. Hatunganyijwe imiyoboro y’amazi, abandi bari mu muganda batema ibihuru byari aho hafi.

Nyagatare:

Umuganda usoza Ugushyingo wakozwe hatemwa ibihuru no gusibura imiyoboro y’amazi ku mihanda Nyagatare- Rwempasha- Tabagwe. Hari Minisitiri w’Urubyiruko n’umuco, Rosemary Mbabazi na bamwe mu bayobozi b’ibigo bitandukanye bya Leta.

Minisitiri w’Urubyiruko n’umuco Rosemary Mbabazi avuga ko ubumwe bw’Abanyarwanda aribwo buzatuma habaho ubufatanye buzageza igihugu ku iterambere. Yasabye abaturage kandi kuba maso ku mutekano w’igihugu bamenya ababinjiramo n’ikibagenza kuko bashobora guhungabanya umutekano.

Gicumbi:

Umuganda rusange usoza Ugushyingo ku rwego rw’Intara y’Amajyaruguru wabereye mu Murenge wa Bwisige mu Karere ka Gicumbi.

Hatunganyijwe umuhanda uhuza umurenge wa Bwisige n’uwa Ruvune ahasibuwe imiyoboro y’amazi yari yarasibamye ikangiza umuhanda.

Uwo muganda witabiriwe na Guverineri Gatabazi, abadepite barimo Mpembyemungu Winifride; Ndoriyobijya Emmanuel na Basigayabo Marceline.

Muhanga:

Umuganda usoza ukwezi ku rwego rw’Akarere wabereye mu Murenge wa Cyeza mu Kagari ka Nyarunyinya ahubakwa ibiro by’Umudugudu wa Gasovu. Abitabiriye umuganda babumbye amatafari, baharura imihanda, abandi bubaka uturima tw’igikoni.

Bugesera:

Perezida wa Sena Dr Iyamuremye Augustin n’abandi basenateri bari mu mwiherero w’iminsi itatu mu Karere ka Bugesera, bari kumwe na Guverineri Mufulukye Fred, inzego z’umutekano n’abandi batandukanye, bifatanyije n’abaturage b’Umurenge wa Ruhuha mu Karere ka Bugesera mu muganda rusange usoza Ugushyingo.

Muri uyu muganda, hatunganyijwe imihanda ya kilometero enye, hasiburwa imihanda iri mu gishushanyo mbonera cy’umujyi wa Ruhuha mu Kagari ka Kindama.

Iyi site iri ku buso bwa Hegitari 20, ikaba iherereye mu gice kizanyuramo umuhanda wa Kaburimbo uzahuza Akarere ka Ngoma mu Burasirazuba na Nyanza yo mu Majyepfo.

Ruhango:

Umuganda rusage usoza Ugushyingo 2019 ku rwego rw’Akarere ka Ruhango wabereye mu Mudugudu wa Ruhamagariro, Akagari ka Gafunzo mu Murenge wa Mwendo.

Wibanze ku gutunganya ikibuga cy’umupira w’amaguru: hakozwe ibikorwa byo gusiza, no kurandura ibishyitsi n’amabuye.

Umuyobozi w’Akarere wungirije ushinzwe iterambere ry’ubukungu, Rusilibana Jean Marie Vianney (wambaye umupira w’ibara ry’ubururu bw’ijuru n’ingofero y’ubururu bwijimye), umuyobozi wa Polisi mu Karere (DPC), Marc Minani, Umunyamabanga Nshngwabikorwa w’Umurenge, Ntivuguruzwa Emmanuel, abakozi bakorera ku Kicaro cy’Akarere, n’abaturage benshi bitabiriye umuganda.

Nyanza:

Umuganda ku rwego rw’Akarere wabereye mu Murenge wa Busasamana, mu tugari tunyuramo inzira za ba mukerarugendo (Cultural Trails). Izi nzira zikaba zaratunganyijwe ku bufatanye n’inzobere yo mu Budage yitwa Achim Laub, zikaba zizatahwa ku mugaragaro tariki 4/12/2019.

Izi nzira zikazaba zizahabwa icyemezo (certified) na Perezida w’Ikigo giteza imbere ubukerarugendo bw’Amaguru ku isi (World Hiking Institute) witwa Klaus.

Izi nzira zikaba zihuza site ndangamurage zitandukanye ndetse n’ingoro ndangamurage.

Ngororero:

Umuganda ngarukakwezi wabereye mu murenge wa Gatumba akagari ka Rusumo. Witabiriwe na Minisitiri w’uburinganire n’iterambere ry’umuryango Nyirahabimana Solina. Habayeho gusiza ikibanza, gutunda amabuye n’umucanga byo kubaka amazu y’imiryango umunani yasenyewe n’ibiza.

Kamonyi:

Kimwe n’ahandi hose mu gihugu, abaturage b’Akarere ka Kamonyi na bo bitabiriye umuganda wibanze ku iyubakwa ry’ibyumba by’amashuri, kubakira imiryango y’abatishoboye no kwita ku bikorwa remezo.

Ku rwego rw’Akarere, umuganda wabereye mu Murenge wa Rukoma, akagari ka Taba ahashijwe ikibanza kizubakwamo ibyumba by’amashuri 5 kuri EP Nyarusave.

Ni umuganda witabiriwe na Perezida w’Urukiko rw’Ikirenga mu Rwanda akaba na Perezida w’Inama Nkuru y’Ubucamanza Prof. Sam Rugege.

Hari kandi Perezida wa komisiyo y’Igihugu y’Uburenganzira bwa Muntu Madamu Nirere Madeleine, umuganda witabiriwe na bwana Samuel Dusengiyumva Umunyamabanga Uhoraho muri Minisiteri y’ubutegetsi bw’Igihugu n’Umunyamabanga Nshingwabikorwa w’Intara y’Amajyepfo bwana Jabo Paul.

Ibi bikorwa by’umuganda i Rukoma witabiriwe n’umuyobozi w’Akarere Madamu Alice Kayitesi n’abandi bagize komite nyobozi, abagize inzego z’umutekano n’abandi bafatanyabikorwa mu nzego zitandukanye.

Perezida w’Urukiko rw’Ikirenga Prof. Sam Rugege nyuma y’umuganda yaboneyeho gushyikiriza imiryango 16 y’abacitse ku icumu muri Taba umuriro w’amashanyarazi akomoka ku mirasire y’izuba.

Perezida w’Urukiko rw’ikirenga yanatangirije hano ku Kamonyi ku rwego rw’Igihugu icyumweru cyahariwe ibikorwa by’uburenganzira bwa muntu.

Umuvugizi wa Polisi CP John Bosco Kabera yasabye abagenzi kudahishira abashoferi bakoresha telefoni batwaye ibinyabiziga

Mu butumwa yatanze, umuvugizi wa Polisi y’u Rwanda, CP John Bosco Kabera, ubwo yagendaga aganiriza abagenzi mu modoka zitwara abagenzi, yabasabye gutinyuka bakamenyesha polisi ko hari umushoferi uri kubashyira mu kaga k’urupfu ari kuvugira kuri telefoni ndetse anandika ubutumwa bugufi, cyangwa ari kugendera ku muvuduko ukabije.

Muri gare nkuru iri mu mujyi wa Kigali na ho yagiye yinjira muri modoka imwe ku yindi, akaganira n’abaturage abasaba kuba aba mbere kugaragaza uwabateza impanuka cyane ko ari bo baba bagerwaho n’ingaruka zikomeye zaturuka ku mpanuka, abasaba kutajenjeka ku magara yabo.

Uretse kandi muri iyi gare bakomeje no mu zindi gare nka Nyabugogo muri ubu bukangurambaga buri mu Rwanda hose muri iyi gahunda yo gukumira impanuka yitwa ‘Gerayo Amahoro’.

Mu karere ka Karongi, intara y’Uburengerazuba na ho ubukangurambaga bwakozwe

Mu Ntara y uburengerazuba mu karere ka Karongi ni ho iyi gahunda yabereye, yitabirwa na Guverineri w Intara y uburengerazuba Munyantwali Alphonse, wasabye abakoresha umuhanda kwirinda impanuka, avuga ko uretse abatwara ibinyabiziga, n’abagenda n’amaguru bagomba kwitonda mu gihe bakoresha umuhanda.

Umuyobozi wa Police mu Ntara y uburengerazuba CP Roger Rutikanga yavuze ko abatwara ibinyabiziga basabwa kwirinda kuvugira kuri telephone batwaye ibinyabiziga, avuga ko gahunda ya ‘Gerayo Amahoro’ yatanze umusaruro mu byumweru 27 imaze itangiye, kuko impanuka zagabanutse.

Mu karere ka Huye, intara y’Amajyepfo

Mu karere ka Huye na ho ubukangurambaga bwa ‘Gerayo Amahoro, bwibukijwe abashoferi n’abanyamaguru, basabwa kutavugira kuri telefoni batwaye (abashoferi), no kudashyira utwuma dutanga umuziki (écouteur) mu matwi cyangwa ngo bahugire kuri telefoni igihe bari mu muhanda(abanyamaguru).

I Musanze mu ntara y’Amajyaruguru

No mu ntara y’Amajyaruguru hakomerejwe ubukangurbaga bwa ‘Gerayo Amahoro’ ku bufatanye bwa Polisi na MTN.

Abashoferi bibukijwe ko bagomba kujya bibwira abagenzi kandi banagirana amasezerano y’imikorere mu rugendo, mbere yuko batsa imodoka ngo batware abagenzi.

Mu byo bagomba kwibutsa abaturage mbere y’urugendo harimo kubereka nomero bahamagaraho batabaza inzego zibishinze mu gihe shoferi atandukiriye amasezerano arimo kuvugira kuri telefoni, umuvuduko ukabije n’ibindi.

Nk’uko tubikesha abanyamakuru ba Kigali Today bari hirya no hino mu turere, dore amwe mu mafoto agaragaza uko abaturage n’abayobozi bitabiriye igikorwa cy’umuganda usoza ukwezi k’Ukwakira 2019.

Mu karere ka Nyaruguru

Umuganda ku rwego rw’Akarere wakorewe ahitwa i Kanyinya mu Murenge wa Cyahinda.

Nubwo imvura yari nyinshi, hatewe ibinyomoro, hakorwa n’uturima tw’igikoni tunaterwaho imboga, banatangira kubakira umuturage utishoboye.

Uyu muganda ni kimwe mu bikorwa byo gutegura umunsi mukuru uzavuga ku bijyanye n’uburinganire n’ubwuzuzanye hagati y’abagabo n’abagore ‘Gender accountability day’ uzabera mu Karere ka Nyaruguru tariki 30 z’uku kwezi.

Uyu muganda kandi witabiriwe n’Abadepite 18 bo mu nteko ishinga amategeko y’u Rwanda.

Mu karere ka Musanze

Umuganda wakorewe mu kagari ka Kaguhu mu murenge wa Kinigi, aho Minisitiri w’ubuhinzi n’ubworozi Dr. Gerardine Mukeshimana, Visi Perezida w’inteko ishinga amategeko umutwe w’abadepite Sheikh Moussa Fazil Harerimana n’itsinda ry’abadepite 15 baifatanyije n’abaturage kubakira inzu ebyiri imwe mu miryango y’abaheruka kwicwa mu gitero cy’abagizi ba nabi giheruka kugabwa mu karere ka Musanze.

Mu karere ka Kayonza

Minisitiri w’Ubutegetsi bw’Igihugu Prof. Shyaka Anastase ari kumwe na Guverineri w’intara y’Uburasirazuba Mufulukye Fred, ubuyobozi bw’Akarere ka Kayonza, bifatanyije n’abaturage b’umurenge wa Mukarange, mu akagari ka Bwiza, umudugudu wa Kinyemere mu muganda wo kubakira abaturage batishoboye batari bafite amacumbi.

Hatangijwe imirimo yo kubaka inzu yo mu bwoko bwa ‘two in one’, izatuzwamo i miryango ibiri uwa Mukamuzungu Madina n’uwa Rwabukumba Camille.

Muri aka Karere ka Kayonza, uyu mwaka wa 2019/2020 hateganyijwe kubakira inzu, imiryango 271 itari ifite aho iba ndetse hanasanwe inzu 1419.

Mu muganda abaturage banifatanyije n’Abayobozi b’itorero ry’aba Luteriyani bari mu Rwanda. Hanatewe ibiti by’imbuto muri uyu mudugudu.

Mu karere ka Gatsibo

Ku muganda rusange usoza ukwezi k’Ukwakira 2019, abagize Inama Njyanama y’Akarere ka Gatsibo bifatanyije n’abaturage b’umurenge wa Nyagihanga, akagari ka Mayange gusana ikiraro gihuza imidugudu ya Rweza na Mpangare I y’akagari ka Mayange.

Perezida w’inama njyanama y’Akarere ka Gatsibo yavuze ko hatangijwe icyumweru cy’Umujyanama kizamara ukwezi kuva taliki ya 26/10 kugeza 30/11/2019.

Mu karere ka Nyagatare

Umuyobozi w’akarere ka Nyagatare wungirije Rurangwa Stephen, ari kumwe n’abahagarariye ubuyobozi bw’inzego z’umutekano zikorera mu karere n’abandi bayobozi, bifatanyije n’abaturage b’umurenge wa Mimuli (Utugari twa Mimuli, Rugari na Mahoro), mu muganda wo gutera ibiti bivangwa n’imyaka 4,000 mu kibaya cya Nyabugogo ku buso bwa hegitari 20.

Umuganda usoza ukwezi kwa Nzeri 2019, wakozwe kuri uyu wa gatandatu tariki 28.

Kigali Today yabakusanyirije amafoto agaragaza ibyakozwe mu bice bitandukanye by’igihugu. Ni amakuru Kigali Today ikesha bamwe mu bashinzwe itangazamakuru mu nzego z’ubuyobozi ahabereye umuganda.

Gatsibo

Umuganda rusange usoza ukwezi kwa Nzeri 2019 ku rwego rw’akarere ka Gatsibo wakorewe mu kagari ka Rwankuba, Umurenge wa Murambi.

Hakozwe igikorwa cyo gusiza ikibanza cyo kubakamo isoko ry’akagari ka Rwankuba.

Kayonza

Umuganda rusange usoza ukwezi kwa Nzeri ku rwego rw’akarere ka Kayonza wakorewe mu murenge wa Rukara, akagari ka Kawangire.

Hubatswe ibyumba by’amashuri ku ishuri ribanza rya Kawangire Protestant.

Abaturage bifatanyije na Minisitiri ushinzwe imirimo y’inama y’abaminisitiri Kayisire Marie Solange, akaba n’imboni ya Guverenoma mu karere ka Kayonza.

Kirehe

Umuganda wakorewe mu murenge wa Gahara, hakorwa igikorwa cyo gusiza ikibanza cyo kubakiramo uwitwa Faro Celestin utishoboye, utuye mu kagari ka Nyakagezi umudugudu wa Susuruka.

Abaturage bifatanyije na Guverineri w’intara y’Iburasirazuba Mufulukye Fred hamwe n’inzego z’umutekano, abasirikare n’abapolisi hamwe n’ubuyobozi bw’akarere ka Kirehe muri rusange.

Nyagatare

Umuganda usoza ukwezi kwa Nzeri wakorewe mu mudugudu wa Rwabiharamba, akagari ka Ndama umurenge wa Karangazi, mu mudugudu w’ikitegererezo, aharimwe amasinde no kuyacoca, nyuma haterwa ubwatsi buzagaburirwa inka zizahabwa abatujwe mu mudugudu w’ikitegererezo.

Abaturage 16 batishoboye batujwe mu mudugudu w’ikitegererezo nibo bazahabwa inka.

Ubwatsi buzazitunga buzahingwa ku buso bwa hegitari ebyiri. Hegitari imwe itunga inka umunani zidasohoka kandi mu kwezi kumwe n’igice butangira gusarurwa.

Nyarugenge

Umuyobozi w’Umujyi wa Kigali Rubingisa Pudence yakoreye umuganda mu Karere ka Nyarugenge, umurenge wa Nyakabanda, akagari ka Nyakabanda ya II.

Babanje gucukura imirwanyasuri ku musozi wa Kigali (Mont Kigali), kugira ngo bakumire amazi ajya gusenyera abatuye imirenge ya Kimisagara na Nyakabanda.

Muhanga

Umuganda rusange usoza ukwezi kwa Nzeri wabereye mu murenge wa Cyeza, mu Kagari ka Nyarunyinya aho umuyobizi w’akarere mushya Kayitare Jacqueline yifatanyije n’abaturage kubaka ibiro by’umudugudu Ntangarugero, gutunda amatarafi no kubaka uturima tw’igikoni.

Gisagara

Umuganda usoza ukwezi kwa Nzeri wakorewe mu mudugudu w’Agasharu, akagari ka Runyinya, umurenge wa Mukindo. Hakozwe igikorwa cyo kubakira abakene.

Bamwe bubakaga, abandi bagatunda amatafari, abandi bagasiza, abandi bakabumba amatafari, abandi bagakata icyondo, abandi na bo bakabazanira amazi.

Minisitiri Isaac Munyakazi yifatanyije n’abaturage bo muri Gisagara.

Nyaruguru

Mu karere ka Nyaruguru umuganda rusange wakozwe hatunganywa umuhanda wa kilometero ebyiri ahazashyirwa umudugudu.

Abakozi ba Horizon express bitabiriye bifatanyije n’abaturage ba Nyaruguru mu gukora umuganda, ndetse nyuma y’umuganda batangira mituweri abaturage 333.

Rutsiro

Minisitiri w’ibikorwa by’ubutabazi Kamayirese Germaine, yifatanyije n’abanyarutsiro mu gikorwa cy’umuganda ngarukakwezi. Hashijwe ibibanza bine mu rugamba rwo kubonera amacumbi abatishoboye.

Gakenke

Umuganda wabereye mu murenge wa Nemba, aho abaturage bifatanyije n’ubuyobozi bw’akarere guhanga umuhanda wa kilometero umunani, no gutinda ikiraro mu mudugudu wa Kiryamo mu kagari ka Mucaca.

Ruhango

Umuganda rusange ku rwego rw’akarere ka Ruhango wabereye mu mudugudu wa Gitwa, akagali ka Rutabo, umurenge wa Kinazi.

Hakozwe ibikorwa byo gutunganya imihanda y’imigenderano muri uyu mudugudu washyizwe muri gahunda y’imidugudu ntangarugero, ukaba utuwe n’ingo zigera muri 500.

Hakozwe n’igikorwa cyo gutunganya igisenge cy’inzu yubakirwa umusaza utishobiye witwa Magaruka Léopold, wubakirwa muri gahuda ya ‘Ruhango ikeye’ igamije gukemura ibibazo bibangamiye imibereho myiza y’abaturage.

Musanze

Umuganda wabereye mu murenge wa Muko, akagari ka Mburabuturo, umudugudu wa Kabindi.

Komite nyobozi nshya yifatanyije n’abaturage kubumba amatafari yo kwifashisha mu kubaka inzu z’abatishoboye.

Nyagatare

Umuganda usoza ukwezi kwa Kanama wakorewe ku muhanda Nyagatare-Rwempasha, ahatemwe ibihuru bikikije uwo muhanda.

Nyuma y’umuganda hakurikiyeho inama, àbaturage babuzwa guhinga ibigori mu mujyi.

Ruhango

Umuganda rusange usoza ukwezi kwa Kanama 2019 ku rwego rw’Akarere ka Ruhango wabereye ku Ishuri ribanza rya Gishari riri mu Mudugudu wa Gishari, Akagari ka Gisanga, mu Murenge wa Mbuye.

Umuyobozi w’Akarere, Habarurema Valens, abahagarariye inzego z’umutekano (Ingabo na Polisi) ku rwego rw’Akarere n’abakozi b’Akarere bakorera ku cyicaro cy’Akarere bafatanyije n’abaturage b’Umurenge wa Mbuye muri uyu muganda.

Hakozwe ibikorwa birimo gusiza ikibanza no gucukura umusingi w’ibyumba bitatu bizubakwa kuri iri shuri muri uyu mwaka w’ingengo y’imari 2019-2020; gutunda amabuye y’umusingi no kuyegereza ku kibanza; no gukora (guhanga) umuhanda wa metero 100 uzafasha imodoka kugeza ibikoresho ku kibanza.

Gakenke

Abaturage bitabiriye umuganda bifatanyije n’Ubuyobozi mu gikorwa cyo gusiza ikibanza cy’ahagiye kuzubakwa ibyumba by’amashuri 8 n’ubwiherero 6 ku ishuri ribanza rya Gatoki riri mu mudugudu wa Karambi, Umurenge wa Busengo.

Umuyobozi w’Akarere, Nzamwita Deogratias, ari kumwe n’izindi nzego zikorera muri aka karere, abashinzwe umutekano n’Abaturage bifatanyije muri iki gikorwa.

Burera

Guverineri w’Intara y’Amajyaruguru, Gatabazi JMV ari kumwe n’Abaturage n’inzego zishinzwe umutekano ku rwego rw’iyi ntara, ndetse n’Umuyobozi wa Sosiyete y’u Rwanda ishinzwe Ingufu (REG) batunganyije amaterasi ku musozi wa Bitukura uri mu mudugudu wa Bitukura Akagari ka Gashanje mu Murenge wa Kivuye.

Amaterasi ari gutunganywa kuri uyu musozi azaba ari ku buso bwa Ha 30.

Musanze

Mu Karere ka Musanze mu Murenge wa Muhoza mu Kagari Ka Kigombe, mu Mudugudu wa Nyamuremure, igikorwa cy’umuganda cyibanze ku kubumba amatafari ya rukarakara yiyongera ku yandi yamaze kubumbwa asaga ibihumbi mirongo itandatu na bibiri (62,000).

Hateganyijwe kubumbwa amatafari y ’inkarakara ibihumbi magana abiri (200,000) azakoreshwa mu mukubaka inzu z’abatishoboye batagira aho kuba ndetse n ’ubwiherero ku batabugira.

Abitabiriye umuganda bafatanyije kubumba amatafari mashya no gutunda ayamaze kuma, bayashyira hamwe kugira ngo azakoreshwe.

Nyanza

Urubyiruko rwibumbiye mu muryango Youth for Rwanda rwifatanyije n’abaturage b’Umurenge wa Nyagisozi n’Umuyobozi w’Akarere ka Nyanza mu muganda wo kubakira umukecuru utishoboye utagiraga aho kuba.

Bahereye ku kubumba amatafari, bakazubaka iyi nzu kugeza yuzuye aho bazanayisakara.

Uyu mukecuru ni we urwo rubyiruko rwaje kubakira

Muhanga

Abitabiriye umuganda rusange usoza ukwezi kwa Kanama bawukoreye mu Kagari ka Mbare mu Murenge wa Shyogwe. Batunganyije ikibaza kizubakwaho ibyumba bibiri by’amashuri ku ishuri ribanza rya Rubugurizo. Ni Umuganda kandi witabiriwe n’Umuyobozi w’Akarere ka Muhanga, Uwamariya Béatrice.

Ngororero

Hakozwe umuganda wo gusiza ikibanza cyo kubakamo ibyumba 8 by’amashuli mu Murenge wa Ngororero Akagari ka Kaseke. Uwo muganda witabiriwe n’Umuyobozi w’Akarere, Ndayambaje Godefroid, inzego z’umutekano (Ingabo, Polisi, RIB, DASSO), n’abaturage.

Mwebwe umuganda mwawukoreye he? Mwakoze iki?

Umuganura wo muri uyu mwaka wa 2019 wizihijwe tariki 02 Kanama, wizihirizwa i Nyanza mu Ntara y’Amajyepfo ku rwego rw’Igihugu, ariko ibirori byabereye n’ahandi hirya no hino mu gihugu nk’uko aya mafoto Kigali Today yabakusanyirije abigaragaza.

Ni umunsi kandi waranzwe n’imvura nyinshi nubwo ari mu gihe cy’impeshyi, bamwe babifata nk’umunsi udasanzwe, w’umugisha.

Nyanza (Amafoto: Primature)

Minisitiri w’Intebe Dr. Edouard Ngirente yifatanyije n’abaturage ndetse n’abayobozi batandukanye mu birori byo kwizihiza umuganura byabereye i Nyanza mu Ntara y’Amajyepfo.

Gasabo

Ibirori byo kwizihiza umuganura ku rwego rw’Akarere ka Gasabo byabereye mu Murenge wa Bumbogo mu Kagari ka Mvuzo, Bumbogo ikaba ibitse ibimenyetso byinshi by’amateka yo hambere.

Uhasanga ibigabiro bigenda bikuyobora ahahoze urugo rw’umwami Kigeri IV RWABUGIRI kwa Kanjogera.

Abaturage bahuriye hamwe baganura ku byo bejeje. Baremeye kandi bagenzi babo batabashije kugira icyo beza muri uyu mwaka kugira ngo na bo mu muganura w’ubutaha bazabashe kugira icyo batanga.

Umuyobozi w’Akarere ka Gasabo yasabye abaturage kwishimira uyu munsi ufatwa nko kugaragaza ibyo umuturage yigejejeho. Yabasabye kwishimira igihembo akarere kahawe ku rwego rw’igihugu nk’Akarere kagize "Umusaruro mwiza mu nganda".

Gisozi

Ubwo hizihizwaga Umugamura, Umuyobozi w’Inkeragutabara mu Karere ka Gasabo, Lt Col Eugene Mugabo, yafunguye inzu abaturage biyukabikiye kugira ngo bajye baganiriramo gahunda za Leta. Ni inzu y’ibiro by’Umudugudu wa Byimana mu Kagari ka Musezero mu Murenge wa Gisozi. Uwo muyobozi yasabye abaturage kwirinda amakuru y’ibihuha bagenda bumvira ku matelefone cyangwa ku mbuga nkoranyambaga.

Gakenke

Ibirori by’umuganura ku rwego rw’Intara y’Amajyaruguru byabereye mu Murenge wa Muhondo mu Karere ka Gakenke. Minisitiri Evode Uwizeyimana ni we wari umushyitsi mukuru muri uwo muhango.

Ibirori byabimburiwe n’itorero ry’ishuri rikuru ry’ubuvuzi rya Ruli

Aha berekanaga uko byagendaga ibwami

Umwami atanze imbuto

Musanze

Mu Kagari ka Cyabagarura, Umurenge wa Musanze mu Karere ka Musanze na ho bizihije umunsi mukuru w’umuganura. Abitabiriye umuganura basangiye ku byo bejeje bishimira ibyagezweho.

Huye

Mu Murenge wa Rwaniro bizihije umuganura babanje gusezeranya mu mategeko imiryango 11.

Ku rwego rw’igihugu, ibikorwa byo kwibuka byatangiriye ku Rwibutso rwa Jenoside rwa Kigali, ahacanywe urumuri rw’ikizere, ubundi bikomereza muri Kigali Convention Center, ahavugiwe amagambo atandukanye aganisha ku mateka ya Jenoside, intambwe yatewe ndetse no gufata ingamba ngo ntizongere kugira ahandi iba, bisozwa n’urugendo rwo kwibuka (Walk to Remember), ndetse n’umugoroba wo kwibuka wabereye kuri Sitade Amahoro.

Rusizi

Ibikorwa byo gutangiza icyumweru cy’icyunamo byatangiriye kuri stiade y’akarere Ka Rusizi mu murenge wa Kamembe. Iyi Stade yagiye ukusanyirizwamo Abatutsi bababeshya ko bagiye kubacungira umutekano ariko biza kurangira abantu benshi bayiguyemo.

Rubavu

Umunyamakuru Sylidio Sebuharara yifatanyije n’abatuye umurenge wa Busasamana, bakora urugendo rugana kuri paruwasi ya Busasamana ahiciwe Abatutsi bagera kuri 3000.

I Busasamana ni iwabo wa Bikindi Simon uzwi mu guhanga indirimbo zashishikarije kwica Abatutsi.

Musanze

Umuhango wo gutangiza icyumweru cy’icyunamo ku nshuro ya 25 muri aka Karere, wabimburiwe no gucana urumuri rw’icyizere ahubatswe urukuta ruriho amazina y’Abatutsi biciwe mu rukiko rukuru, urugereko rwa Musanze.

Abitabiriye uyu muhango bakomereje ku rwibutso rwa Muhoza rwa Musanze ruruhukiyemo imibiri ikabakaba 800 y’inzirakarengane zishwe muri Jenoside yakorewe Abatutsi.

Gakenke

Umuhango wo kwibuka ku nshuro ya 25 Jenoside yakorewe Abatutsi mu mwaka wa 1994 ku rwego rw’Akarere ka Gakenke wabereye mu murenge wa Mugunga mu kagari ka Rwamambe umudugudu wa Gashubi ahafunguwe urwibutso ruto (monima) yanditseho amazina y’Abatutsi 61 bajugunywe mu mugezi wa Mukungwa. Hanashyizwe indabo mu mugezi wa Mukungwa ahiciwe izo nzirakarengane.

Nyagatare

Kwibuka ku nshuro ya 25 Jenoside yakorewe Abatutsi byatangirijwe ku rwibutso rwa Jenoside rwa Rwentanga umurenge wa Matimba ahashyinguye imibiri y’Abatutsi bishwe mu mwaka wa 1990, akaba ari naho hatangirijwe Jenoside, ubwo urugamba rwo kubohora igihugu rwatangiraga. Umunyamakuru Sebasaza Gasana Emmanuel yavuze ko mu mwaka w’ 1979 aha Rwentanga hatujwe abantu bavuye mu ntara y’Amajyaruguru barahawe umugambi wo kuzica Abatutsi bari batuye mu Mutara.

Gasabo

Umunyamakuru Simon Kamuzinzi yifatanyij

e n’abatuye umudugudu wa Kabeza, akagari ka Kabuga, umurenge wa Rusororo, ahamaze kuboneka imibiri irenga ibihumbi 31 kuva mu mwaka ushize kugeza ubu.
Uwarokokeye mu Gahoromani (i Kabuga), Sumwiza Jeannette avuga ko yakomeje kuburira abantu ko mu Gahoromani hari ibyobo, ariko ngo bakomeje kumwirengagiza.

Ati "nkavuga ni ’nyamara mu Gahoromani hari icyobo bakangira umusazi, ariko niyemeje gukomeza kubivuga", kugeza ubwo ibyo byobo bibonetse nyuma y’imyaka 24.

Rwamagana

Guverineri Mufulukye n’abandi bayobozi batandukanye bifatanyije n’abanyarwamagana mu kwibuka ku nshuro ya 25 Jenoside yakorewe Abatutsi mu 1994.

Iyi gahunda yatangirijwe ku rwibutso rwa Jenoside rwa Ruhunda mu murenge wa Gishari, aharuhukiye imibiri 6,261.

Mugabo Egide warokokeye muri Ruhunda yavuze nubwo yari muto afite imyaka 7, ariko yibuka neza ko ku itariki 13 aribwo bageze ku biro bya Komini Muhazi ariho ubu hakorera Umurenge wa Gishari, barahirirwa baraharara, maze ku itariki ya 14 Mata 1994, Interahamwe zatangira kuzana intwaro zitangira kwica kuri uwo munsi ariko kubera ukuntu banganaga ndetse nabo birwanaho, interahamwe zagiye gushaka umusada ku ngabo za Habyarimana.

Yagize ati "Ku itariki ya 15/04/1994 twagiye kubona tubona hakurya iKabare ingabo zari iza Habyarimana zirimo kugenda zishinga imbunda batangira kurasa abaturage, ukabona uwo mwari kumwe arapfuye, bamwe bagacika amaguru, abandi amaboko".

Gatsibo

Perezida wa Ibuka mu Karere ka Gatsibo Sibomana Rwema Jean Nepo yasabye ababyeyi bagifite urwango n’ingengabitekerezo ya Jenoside kutaroga abana b’u Rwanda kugirango bazavemo abafitiye Igihugu umumaro.

Gasana Richard, Umuyobozi w’Akarere ka Gatsibo wari n’Umushyitsi mukuru muri uyu muhango yakomeje abacitse ku icumu anagaruka ku ngaruka mbi za Jenoside yakorewe abatutsi ku banyarwanda muri rusange.

Muhanga

Umuhango wo kwibuka ku nshuro ya 25 Jenoside yakorewe Abatutsi, wabereye ku mugezi wa Nyabarongo, ahari amateka adasanzwe kuko harohwaga Abatutsi baturutse hirya no hino mu misozi ya Ndiza ndetse hari n’Abatutsi bavanwaga i Kabgayi bapakiwe amabisi, bakazanwa kujugunywa muri Nyabarongo. Senateri Mukasine n’abadepite baturuka mu Karere ka Muhanga bifatanyije n’abaturage bo mu Murenge wa Rugendabari gushyira indabo muri Nyabarongo.

Nyanza

Kwibuka ku nshuro ya 25 jenoside yakorewe Abatutsi mu Karere ka Nyanza byatangirijwe mu murenge wa Rwabicuma, Akagari ka Gacu, Umudugudu wa Nyamiyaga ku Rwibutso rwa Nyamiyaga rushyinguwemo imibiri 5,281.

Muri Rwabicuma Jenoside yakoranywe ubukana bwinshi kuko benshi mu Batutsi bagiye bicwa bajugunywe mu mazi by’umwihariko mu mugezi wa Mwogo. Nkuko bitangazwa na perezida wa Ibuka muri Rwabicuma Isaac Ntakirutimana, umwihariko wa Jenoside yakorewe Abatutsi by’umwihariko muri Rwabicuma kugeza ubu ni uko imiryango 159 yazimye burundu.

Ruhango

Umuhango wo gutangiza Icyumweru cyo kwibuka ku nshuro ya 25 Jenoside yakorewe Abatutsi mu Rwanda wabimburiwe n’urugendo rwo kwibuka rwatangiriye hafi ya BK ishami rya Ruhango, rusorezwa ku Rwibutso rw’Akarere ruherereye mu Mudugudu wa Nyarusange I, Akagali ka Nyamagana, Umurenge wa Ruhango.

Aha hantu hatangirijwe Icyumweru cyo kwibuka ku nshuro ya 25 ku rwego rw’Akarere ka Ruhango hafite umwihariko w’uko hiciwe ibihumbi byinshi by’Abatutsi bari bahahungiye bizeye ko ubuyozi buzabarinda kuko hari ku biro by’icyahoze ari Superefegitura (Sous Préfecture) ya Ruhango. Nyamara siko byagenze kuko abagombaga kubarinda ari bo babagabije abicanyi.

Ngororero

Kwibuka ku nshuro ya 25 Jenoside yakorewe Abatutsi mu karere ka Ngororero byatangiriye mu murenge wa Kabaya ahari urwibutso rushyinguwemo imibiri 191. Aha ku Kabaya niho Léon Mugesera yavuze ngo Abatutsi babice babarohe muri Nyabarongo ibijyanye muri Abysinie (Ethiopia y’ubu).

Umuhango witabiriwe n’inzego zitandukanye zirimo umuyobozi w’Akarere Bwana Ndayambaje Godefroid, inzego z’umutekano n’imbaga y’abaturage b’umurenge wa Kabaya

Kirehe

Gutangiza icyumweru cyo kwibuka ku Nshuro ya 25 Jenoside yakorewe Abatutsi byabereye mu murenge wa Gahara, Akagari ka Muhamba, Umudugudu wa Murama ku Kayaga ka Nyabugongwe ahatawemo Abatutsi mu gihe cya Jenoside. Depite Emma Rubagumya hamwe n’abandi bayobozi batandukanye.

Depite Emma Rubagumya yagize ati "Amabuye baguteye uzayakoreshe mu kubaka urufatiro ruhamye".

Iriya ntebe umwiryane wari warahawe mu Rwanda tugomba kubica burundu.

Nyanza:

Mu Karere ka Nyanza, hamwe mu hakorewe umuganda ni mu Murenge wa Muyira mu Kagari ka Nyundo. Habayeho igikorwa cyo kwimura imibiri irenga ibihumbi 26 yari iri mu mva rusange.

Iyi mibiri igiye gutunganywa kugira ngo izashyingurwe ku itariki 30 Kamena 2019 mu rwibutso rushya rurimo kubakwa hafi y’izo mva rusange.

Umukozi w’Akarere ka Nyanza ushinzwe gutangaza amakuru avuga ko muri uru rwibutso rurimo kubakwa i Muyira hazashyingurwa imibiri irenga ibihumbi 90 ivanywe hirya no hino mu gace k’Amayaga.

Mu bayobozi bitabiriye iki gikorwa cyabereye i Nyanza harimo Umuyobozi w’Inteko ishinga Amategeko, umutwe w’Abadepite, Hon. Mukabalisa Donatille na Minisitiri w’Urubyiruko, Rosemary Mbabazi.

Nyuma yo kwimura imibiri y’Abatutsi bishwe muri Jenoside, urubyiruko rwarokotse iyo Jenoside ruri mu mashuri(AERG) rwagabiye inka bamwe mu batishoboye.

Nyagatare:

Umuganda usoza ukwezi wakorewe mu midugudu ya Bihinga, Nkonji na Gakirage ahasibwe ibinogo mu muhanda w’umugenderano ureshya na Kilometero eshatu uhuza utugari twa Cyabayaga na Gakirage.

Hifashishijwe imodoka za Company ya STECOL ikora umuhanda uzashyirwamo kaburimbo wa Nyagatare-Rukomo mu gutunda itaka ryo gusiba ibinogo.

Mu butumwa bwatanzwe nyuma y’umuganda, Mushabe David Claudian, umuyobozi w’Akarere ka Nyagatare, yasabye abaturage ba Gakirage na Cyabayaga kuzitabira icyumweru cyo kwibuka Jenoside yakorewe Abatutsi muri Mata 1994 ndetse bakirinda ibikorwa bigamije kugirira nabi abarokotse ahubwo bagakora ibibubaka.

Mushabe David yanakomoje kuri Mituweli, avuga ko umuyobozi w’umudugudu udafasha umuturage kwishyura Mituweli aba amwishe.

Yemeza ko umuturage ayoborwa kandi akubaha umuyobozi bityo umuyobozi utamuhora hafi ni we uba ufite ikibazo.

Ati "Wowe uyobora umudugudu abaturage bawe ntibatange Mituweli uba ubica. Umuturage ntiyakunanira kandi si uko bakennye."

Mushabe avuga ko mu myaka ya mbere akagari ka Gakirage na Cyabayaga bahoraga imbere mu kwishyura ubwisungane mu kwivuza.

Agira ati " Ndabizi umudugudu wa Nyakabuye na Urumuri umwaka wa mituweli warangiraga mwamaze kwishyurira undi, ubu byagenze gute?"

Yabasabye kongera kwikubita agashyi bagakorera abaturage.

Akagari ka Gakirage abaturage 68% ni bo bamaze kwishyura mutuelle naho Cyabayaga ni 58%.

Hari uwafatanywe urumogi

Aha mu Karere ka Nyagatare, uwitwa Ngendahimana Cyprien yaje mu muganda yitwaje urumogi. Polisi yamuketse ihita imufata bamusatse bararumusangana.

Kirehe:

Umuganda rusange wo gusoza ukwezi kwa Werurwe 2019 mu Karere ka Kirehe wakorewe mu Kagari ka Nyarutunga mu Murenge wa Nyarubuye ku rwibutso rwa Nyarubuye mu rwego rwo kuhakorera isuku hitegurwa kwibuka ku nshuro ya 25.

Senateri Musabeyezu Narcisse na Senateri Karimba Zephyrin bifatanyije n’Abanyakirehe muri uwo muganda.

Umuyobozi w’Akarere yibukije abaturage ko impamvu y’uyu muganda ari ukugira ngo hategurwe neza gahunda yo kwibuka ku nshuro ya 25 Jenoside yakorewe Abatutsi , kugira ngo kandi ku nzibutso hazabere igikorwa cyo kwibuka hameze neza.

Umuyobozi wa Polisi mu Karere ka Kirehe, SP John Nsanzimana, yatanze ikiganiro ku kurwanya ibiyobyabwenge hamwe no kwirinda gutanga cyangwa kwakira ruswa kuri serivisi zihabwa abaturage.

Ngororero:

Umuganda rusange ngarukakwezi wabereye mu Murenge wa Ngororero, ahibanzwe ku gusukura inzibutso za Jenoside yakorewe Abatutsi mu 1994.

Urubyiruko rwawitabiriye by’umwihariko, rwifatanije na Hon Depite Clarisse Maniriho, abagize komite nyobozi y’Akarere, inzego z’umutekano n’abaturage.

Ruhango:

Umuganda rusange ku rwego rw’Akarere ka Ruhango wabereye mu Mudugudu wa Mirambi, Akagali ka Burima, Umurenge wa Kinazi.

Abawitabiriye basukuye urwibutso rwa Jenoside yakorewe Abatutsi rw’i Kinazi, hatunganywa ubusitani bw’uru rwibutso no gutunganya imihanda irukikije.

Uyu muganda witabiriwe n’umuyobozi w’Akarere, Habarurema Valens, umuyobozi w’Inkeragutabara, Maj. Tom Mugabo, abagize Komite y’Abarokotse Jenoside yakorewe Abatutsi mu cyahoze ari Komini Ntongwe baba i Kigali, na bamwe mu barokotse Jenoside yakorewe Abatutsi mu cyahoze ari Komini Ntongwe baba i Kigali.

Gatsibo:

Kuri uyu wa gatandatu taliki ya 30 Werurwe 2019, Perezida wa Sena y’u Rwanda, Bernard Makuza yifatanyije n’Abaturage b’Akarere ka Gatsibo mu Murenge wa Remera mu gikorwa cy’umuganda usoza ukwezi kwa Werurwe 2019.

Hasukuwe urwibutso rwa Jenoside yakorewe abatutsi rwa Remera/Rwarenga, hubakwa ikiraro cy’inka ya Rwiyamirira Vincent warokotse Jenoside, abawitabiriye basura n’ikigo nderabuzima cya Remera/Bugarura.

Perezida wa Sena Bernard Makuza, yasabye abaturage kwima amatwi icyakongera gutanya Abanyarwanda, abasaba gukomeza kubungabunga neza amateka ya Jenoside hitabwa ku nzibutso zishyinguyemo imibiri mu cyubahiro.

Yasabye urubyiruko kwirinda ibiyobyabwenge, akangurira abaturage kurwanya inda zitateguwe mu bana b’abangavu.

Ubwo Perezida wa Sena yasuraga uwo muturage wacitse ku icumu witwa Rwiyamirira Vincent utuye mu Kagari ka Rwarenga, mu Mudugudu wa Kigarama, yamwemereye gusanirwa inzu igashyirwamo n’umuriro w’amashanyarazi.

Umuganda usoza ukwezi kwa Werurwe 2019 mu Karere ka Gatsibo witabiriwe n’abo mu nzego zitandukanye barimo abasenateri,Umunyamabanga Nshingwabikorwa w’Intara y’Iburasirazuba, Umuyobozi w’ingabo mu Ntara y’Iburasirazuba n’Umujyi wa Kigali, ubuyobozi bw’Akarere n’abaturage.

Muhanga:

Umuganda wabereye mu Murenge wa Cyeza, ahatunganyijwe imihanda ahangana na 1,5 km hanakurungirwa inzu z’abatishoboye eshatu.

Witabiriwe n’Umuyobozi w’Akarere ushinzwe ubukungu, n’Umuyobozi w’Inkeragutabara (Reserve Force) mu Karere n’abaturage.

Kamonyi:

Mu Karere ka Kamonyi, mu Murenge wa Gacurabwenge na ho habereye ibikorwa by’umuganda rusange usoza ukwezi kwa Werurwe 2019.

Ku rwego rw’Akarere, umuganda wabereye ku rwibutso rwa Jenoside yakorewe Abatutsi mu 1994 rwa Kamonyi.

Uyu muganda rusange witabiriwe n’abayobozi batandukanye barimo Minisitiri Ndagijimana Uzziel wa Minisiteri y’Imari n’Igenamigambi (MINECOFIN), akaba n’imboni y’Akarere ka Kamonyi.

Witabiriwe kandi na Madame Kayitesi Alice, Umunyamabanga Nshingwabikorwa w’Intara, bwana Mushayija Geoffrey, Perezida w’Inama Njyanama, Bwana Nyoni Emilien Lambert, Umuyobozi w’Akarere wungirije ushinzwe iterambere ry’Ubukungu, bwana Tuyizere Thaddée, Umuyobozi w’Akarere wungirije ushinzwe Imibereho Myiza, Madame Uwamahoro Prisca, n’Umunyamabanga Nshingwabikorwa w’Akarere, bwana Bahizi Emmanuel.

Umuganda witabiriwe n’abagize inzego z’umutekano n’abandi bashyitsi batandukanye.

Umuganda wibanze ku gukora isuku ku rwibutso hibandwa ku gutunganya ubusitani bwaho n’umuhanda werekeza ku rwibutso, no gukora isuku imbere mu rwibutso.

Musanze:

Umuganda ku rwego rw’Akarere ka Musanze wakorewe mu Kagari ka Ruhengeri, mu Mudugudu wa Susa ahubatswe uturima tw’igikoni tw’abatuye muri uyu mudugudu w’ubumwe n’ubwiyunge watujwemo abarokotse Jenoside yakorewe Abatutsi.

Abaturage n’inzego z’ubuyobozi bifatanyije muri icyo gikorwa cyo kubaka uturima tw’igikoni turindwi no gusana inzu zangiritse zatujwemo abarokotse.

Burera:

Abitabiriye umuganda wabereye mu Murenge wa Kagogo, mu Kagari ka Kayenzi bateye insina zuzuje ubuziranenge bazisimbuza urutoki rwo muri uwo Murenge zangijwe n’indwara ya kirabiranya.

Iyo mibyare y’insina yatewe ku butaka buhuje bwa Hegitari 40. Umushyitsi mukuru yari Hon. Francis Karemera.

Mu butumwa bwatanzwe nyuma y’umuganda, Umuyobozi w’Ingabo mu Ntara y’Amajyaruguru, Brigadier General Eugène Nkubito yashimiye abitabiriye umuganda, agaya abatawitabiriye kandi ari igikorwa cyo kubaka igihugu, abibutsa akamaro ko kubungabunga umutekano.

Brig. Gen. Nkubito yibukije abaturage ko bagomba kwitondera kujya mu gihugu cya Uganda kuko bigaragara ko abagiyeyo bahohoterwa, abasaba kubungabunga umutekano banirinda ubucuruzi butemewe bunabateza ibibazo.

Umuyobozi wa Polisi mu Ntara y’Amajyaruguru ACP JB Ntaganira yasabye abaturage cyane cyane urubyiruko kwirinda ibiyobyabwenge birimo kanyanga n’inzoga zitemewe, urumogi n’ibindi, kuko biteza urugomo , dore ko abakoreshwa mu kuzambutsa benshi ari urubyiruko.

Guverineri w’Intara y’Amajyaruguru, Gatabazi JMV, yashimiye abaturage ko bamaze kumva akamaro k’umutekano, bakirinda kujya mu gihugu cya Uganda binabaviramo guhohoterwa, abasaba gukomeza kwirinda abantu babashora mu biyobyabwenge kuko bibagiraho ingaruka, kandi ababibashyizemo bo nta kibazo bafite.

Depite Francis Karemera wari uyoboye itsinda ry’Abadepite bakoreye umuganda mu Karere ka Burera yashimiye abaturage uburyo bitabiriye umuganda bakiterera urutoki, abasaba kuzakomeza kurubungabunga maze bakihaza mu biribwa bakanasagurira amasoko.

Rusizi:

Umuganda Ku rwego rw’akarere ka Rusizi wabereye mu Murenge wa Bweyeye ahakozwe imirimo y’isuku ku rwibutso rwa Jenoside yakorewe Abatutsi no gusiza ikibanza kizubakirwamo umuturage utishoboye.

Nyuma yawo, hatashwe ku mugaragaro imodoka ya Ritco igiye gutangiza ingendo muri uyu murenge.

Ni igikorwa cyishimiwe n’abaturage cyane kuko bari bamaze igihe batagira imodoka ibafasha gukora ingendo, ubu bakaba bavuga ko bagiye kuva mu bwigunge.

Huye:

Umuganda rusange usoza ukwezi kwa Werurwe 2019 mu mirenge yose. Ku rwego rw’Akarere wabereye mu Murenge wa Ngoma kuri sites 3. Muri izo sites harimo ku rwibutso rwa Jenoside yakorewe Abatutsi no mu nkengero zarwo, hakorwa isuku mu rwego rwo kwitegura #Kwibuka25.

Mu Murenge wa Huye, mu Kagari ka Rukira, mu Mudugudu w’Agahenerezo na ho habereye umuganda wo kubumba amatafari yo kuzuza inzu y’umuntu utishoboye ufite inzu ariko ikaba yari yaramusenyukiyeho.

Bugesera:

Mu gikorwa cy’umuganda mu Karere ka Bugesera mu Ntara y’Iburasirazuba hari Abasenateri; Hon. Uwimana Consolée na Hon. Niyongana Gallican.

Bifatanyije n’abaturage bo mu Murenge wa Ruhuha, basukura urwibutso rwa Ruhuha mu myiteguro yo #Kwibuka25 Jenoside yakorewe Abatutsi mu 1994.

Gakenke:

Umunyamabanga wa Leta muri Minisiteri y’Ubutabera ushinzwe itegeko Nshinga n’andi mategeko, Evode Uwizeyimana, yifatanyije n’abaturage b’Akarere ka Gakenke mu Murenge wa Gashenyi, Akagari ka Rutenderi mu muganda rusange ngarukakwezi mu gikorwa cyo gukora umuhanda werekeza ku kigo nderabuzima cya Rutenderi.

Kigali Today yakugereye mu bice bitandukanye by’igihugu ikurebera uko uyu munsi wizihijwe.

Nyamasheke:

Umunsi mpuzamahanga w’umugore ku rwego rw’igihugu wizihirijwe muri aka karere, mu murenge wa Kagano. Umushyitsi mukuru muri uyu muhanga ni Madame Jeannette Kagame.

Madame Jeannette Kagame mu munsi mpuzamahanga w’umugore mu karere ka Nyamasheke

Gasabo

Mu Karere ka Gasabo, bimwe mu bikorwa byamuritswe kuri uyu munsi mpuzamahanga w’umugore ku rwego rw’akarere ka Gasabo, harimo n’uburyo bwo guteka butangiza ibidukikije.

Banki ya Kigali yasangiye umunsi mukuru n’abagore bakoramo hamwe n’abakiliya.

Musanze

Umunyamakuru wa Kigali Today Ishimwe Rugira Gisele, yanyarukiye mu murenge wa Cyuve, ahizihirijwe umunsi mpuzamahanga w’umugore ku rwego rw’akarere ka Musanze.

Abagore bamuritse bimwe mu bikorwa bakora bakabasha kwiteza imbere. Senateri Uwimana Consolee n’umuyobozi wungirije ushinzwe imibereho myiza mu karere ka Musanze nibo bifatanyije n’abaturage mu kwizihiza uyu munsi.

Muhanga

Umunsi mpuzamahanga w’umugore mu karere ka Muhanga, wizihijwe hakinwa umupira w’amaguru hagati y’amakipe ya GS Gitarama yo mu karere ka Muhanga na GS Masaka yo mu Karere ka Kamonyi, amakipe yombi avanze abahungu n’abakobwa.

Kuvanga abahungu n’abakobwa ngo bisobanuye gukorera hamwe bose bagamije gutsinda.

Nyuma y’ibirori hakurikiyeho guha abana amata, kuremera abagore batishoboye bahabwa ihene, no gusura imurikabikorwa ry’abagore. Hon. Rwaka ni we wayoboye umuhango wo guha Abana amata.

Nyagatare

Umunsi mpuzamahanga w’umugore wabereye mu mudugudu wa Gasinga akagari ka Gasinga umurenge wa Rwempasha. Umushyitsi mukuru muri uyu muhango ni Depite Mutesi Anita.

Abagore basinyiye guca ikibazo cy’abana baterwa inda kigikomeje guhangayikisha benshi.

Kirehe

Umunsi mpuzamahanga w’umugore, ku rwego rw’Akarere wizihirijwe mu Murenge wa Kigina, Akagari ka Ruhanga ku kibuga Kiri hafi y’isoko rya Nyakarambi, Ku nsanganyamatsiko iragira iti “Dufatane Urunana, twubake umuryango utekanye.”

Umushyitsi mukuru muri uyu muhango yari Honorable Bugingo Emmanuel. Ni igikorwa cyabanjirijwe no kumurika ibikorwa bitandukanye byakozwe n’abagore.

Iyi nyubako y’akarere ka Gasabo ihagaze Miliyari zirenga eshanu z’amanyarwanda

Muri iyi nkuru igizwe ahanini n’amafoto, turagereranya inyubako tumwe mu turere twakoreragamo ubwo twabaga 30, ndetse n’uko bimeze ubu. Tumwe twakoreraga mu nyubakozo zahoze ari iz’amakomini, utundi tugakorera mu nzu zinkodeshanyo, hakaba na duke twaritwarubatse inyubako ziri ku rwego rwo hasi zitajyanye n’igihe igihugu kigezemo.

Mu turere 30 twinshi twamaze kubaka inyubako nshya, utundi turi kubaka mu gihe hari utugifite ibyo kubaka mu bitekerezo.

Gasabo: Akarere ka Gasabo karacyakorera mu nyubako itajyanye n’igihe gusa bari kubaka inzu nziza cyane ku Gishushu.

Inyubako ishaje y’akarere ka Gasabo

Akarere ka Gasabo kavuga ko kazimukira muri iyi nyubako ifite etaje zirindwi bitarenze ukwezi kwa Kamena 2019. Ubuyobozi bw’aka karere buvuga ko izuzura ifite agaciro ka Miliyari 5,5 z’amafaranga y’u Rwanda.

Nyarugenge:

Aho akarere ka Nyarugenge kahoze gakorera

Aka karere gakorera mu nzu ikorerwamo n’ibiro by’umujyi wa Kigali (Kigali City Hall). Ni inzu ifite etaje esheshatu, ikaba ihagaze miliyari 8.8 z’amafaranga y’u Rwanda.

Inyubako Kigali City Hall, ikorerwamo n’ibiro by’umujyi wa Kigali ndetse n’akarere ka Nyarugenge ihagaze amafaranga miliyari 8.8

Kicukiro:

Ibi ni ibiro by’akarere ka Kicukiro bya kera. Izindi nyubako zarasenywe hubakwa ibishya

Ni kamwe mu turere twubatse mbere kakaba karatashwe tariki 01 Kamena 2013, kakaba karuzuye gatwaye amafaranga agera kuri 726,295,752. Ni inzu yubatswe mu murenge wa Kagarama.

Ibiro by’akarere ka Kicukiro bishya byuzuye bitwaye asaga miliyoni 700

Nyamagabe:

Aka karere gakorera mu nyubako nziza yatashywe tariki 19 Gashyantare 2016. Iyi nyubako yuzuye itwaye amafaranga asaga miliyoni 788.

Ibiro bishya by’Akarere ka Nyamagabe byatashywe muri 2016

Kamonyi: Inyubako yahoze ikorerwamo n’ ahahoze Akarere ka Kamonyi ubu ni ibiro by’Umurenge wa Rukoma.

Aha ni ho ibiro by’akarere ka Kamonyi byahoze bikorera

Inyubako nshya y’akarere ka Kamonyi igeretse kabiri. Ni inyubako yatashwe muri Mutarama 2016, ikaba yaruzuye itwaye amafaranga miliyari imwe. Imirimo yo kuyubaka yatangiye mu 2014.

Ibiro bishya by’akarere ka Kamonyi byuzuye bitwaye amafaranga Miriyari imwe

Ruhango:

Aha ni ho akarere ka Ruhango kahoze gakorera

Ibiro bishya by’akarere ka Ruhango Byatangiye gukorerwamo mu mpera z’ Ukuboza 2015. Bifite ibiro 24, icyumba cy’ikoranabuhanga, n’icyumba cy’inama. Buri etage igife umwanya w’ ubwiherero bw’abagore n’ubw’abagabo.

Ibiro bishya by’Aka karere byuzuye bitwaye amafaranga 601,671,380.

Muhanga :

Ibyahoze ari ibiro by’akarere ka Muhanga

Gusana ibiro by’Akarere, byatwaye amafaranga agera kuri miliyoni 455 frw. Ni ibiro byatashwe muri Mutarama 2016.

Aho akarere ka Muhanga gakorera haravuguruwe

Uwari umuyobozi w’Akarere ka Muhanga Yvonne Mutakwasuku yavuze ko hari impavu eshatu zatumye Akarere kavugururwa harimo kuba inyubako ya mbere yari isakaje amabati yo mu bwoko bwa Fiburosima afite uburozi, kunoza isuku no kwagura ibyumba byari bitoya.

Nyanza:

Ahahoze hakorera akarere ka Nyanza

Ibiro bishya by’akarere ka Nyanza bifite ibiro byo gukoreramo bigera kuri 34, bikagira ibyumva by’inama bibiri, ahabikwa inyandiko hamwe.

Ibiro bishya by’akarere ka Nyanza

Byatangiye gukorerwamo tariki 25 Kanama 2017. Byuzuye bitwaye amafaranga asaga miliyari imwe na miliyoni 100. Ibi biro kandi bifite umwanya w’inama hejuru ku nyubako wakwakira abantu 500. Ahari ihema hakwakira abantu 200 naho ahadatwikiriye hakakira abantu 300.

Kayonza:

Ibyari ibiro by’akarere ka Kayonza

Iyi nyubako yatashwe muri Kamena 2017, ikaba yaruzuye itwaye miliyoni 750 z’amafaranga y’u Rwanda.

Ibiro bishya by’akarere ka Kayonza

Gatsibo:

Ibiro bishya by’akarere ka Gatsibo

Inyubakako nshya ibiro by’aka karere bikoreramo byuzuye bitwaye amafaranga y’u Rwanda miliyoni 900.

Rwamagana:

Ibyahoze ari ibiro by’akarere ka Rwamagana

Aka karere gakorera mu nyubako inakorerwamo n’intara y’Uburasirazuba, mu murenge wa Kigabiro. Ni inyubako ishobora gukorerwamo n’abakozi bagera ku 140, ikagira icyumba cy’inama cyakwakira abantu 300, ikanagira na parikingi yakwakira imodoka zisaga 100.

Iyi nyubako inakorerwamo n’ibiro by’Intara y’Uburasirazuba niyo ikorerwamo n’akarere ka Rwamagana ubu

Kirehe:

Iyi niyo nyubako ikorerwamo n’akarere ka Kirehe ubu ariko ngo barateganya kubaka inzu nyir’izina y’akarere

Kirehe n’ubwo ngo bimutse bakava mu nzu bakoreragamo mbere ngo ntibyakwitwa inyubako y’akarere nshya kuko yari yarubakiwe ibiiro by’ubutaka mu 2011. Ngo baracyabuze ingengo y’imari yo kubaka akarere.

Nyagatare: Akarere ka Nyagatare ntabwo karubaka ibiro by’akarere bigezweho. Kuri ubu gakorera mu nyubako eshatu zitandukanye.

Bugesera:

Inyubako yahoze ari akarere ka Bugesera

Inyubako nshya y’akare ka Bugesera yatangiye gukorerwamo mu 2014, ikaba yaruzuye itwaye amafaranga miliyari 1 na miliyoni 50.

Inyubako nshya y’akarere ka Bugesera

Nyamasheke:

Ibyahoze ari ibiro by’akarere ka Nyamasheke

Ibiro by’akarere ka Nyamasheke bishya byuzuye bitwaye amafaranga agera kuri miliyari 1,5. Ni ibiro byatashwe mu Gushyingo mu 2017.

Ibiro bishya by’akarere ka Nyamasheke

Rutsiro:

Aka ni ko kahoze ari akarere ka Rutsiro

Inyubako nshya y’akarere ka Rutsiro, ni inyubako igeretse kabiri, ikaba yaruzuye itwaye amafaranga miliyori 750. Yatashwe muri Kamena 2016.

Inyubako nshya y’akarere ka Rutsiro

Nyabihu:

Ahahoze hakorera akarere ka Nyabihu

Akarere ka Nyabihu gakorera mu nyubako igeretse kabiri, ihagaze amafaranga miliyoni 800.

Ibiro bishya by’akarere ka Nyabihu

Ngororero:

Ibi ni byo byari ibiro by’akarere ka Ngororero

Inyubako akarere ka Ngororero gakoreramo iravuguruye. Yatwaye amafaranga miliyoni 150 ngo ivugururwe.

nyuma yo kuvugurura uku ni ko akarere ka Ngororero kameze

Intara y’Amajyaruguru yihariye umwihariko wo kuba idafite akarere na kamwe muri dutanu tuyigize kajyanye n’igihe. Uturere twose turacyakora mu nyubako zishaje, uretse rurindo yagerageje kwagura, yubakiraho izindi nyubako ariko nazo zitari ku rwego rw’uturere nka Gasabo cyangwa Nyamagabe dufite inyubako zifite agaciro ka za miliyoni magana.

Ibiro by’akarere ka Gicumbi

Imirimo yo kubaka inyubako nshya y’ibiro by’akarere ka Gicumbi igeze kuri 84%

Ibiro by’akarere ka Gakenke ntabwo biravugururwa

Akarere ka Burera nako ntikarubaka ibiro bishya

Igishushanyo mbonera cy’ibiro by’akarere bigiye kubakwa cyamaze gushyirwa ahagaragara

Ahahoze hakorera perefegitura ya Ruhengeri ni ho akarere ka Musanze kagikorera

Yakozwe kandi ibikorwa byo kubaka igihugu nko kubakira abatishoboye, gushinga amapoto y’amashanyarazi, gusibura no guhanga imihanda n’ibindi.

Abanyamakuru batandukanye ba Kigali Today banyarukiye hirya no hino mu gihugu batumenyera uko icyo gikora cyagenze.

Nyagatare

Umuganda usoza ukwezi kwa Gashyantare wakorewe mu kagari ka Gihengeri umurenge wa Mukama ahashinzwe amapoto y’amashanyari hagamijwe kwegereza abahatuye umuriro. Ni umiriro uzaturuka mu murenge wa Nyagihanga akarere ka Gatsibo ukazagera Port Ngoma.

Muri aka karere kandi umunyamakuru Sebasaza Gasana Emmanuel yakurikiranye umuganda mu murenge wa Musaza mu Kagari ka Nganda mu mudugudu wa Nyamiyaga ahubakiwe Nsabiyera Jean Damascene umaze imyaka 10 afite ubumuga bwizanye ubu akaba afite imyaka 20.
Ni umuganda wanitabiriwe na Visi Prezida wa Sena Jeanne d’Arc Gakuba, umuyobozi w’Akarere ka Kirehe Bwana Muzungu Gerald Umuyobozi w’Ingabo n’umuyobozi wa Polisi, n’abandi.

Huye

Uyu muganda wabereye ku i Taba iruhande rwa Hotel Mater Boni consili na Ecole Autonome. Umunyamakuru Marie Claire Joyeuse wari uhatubereye yatubwiye ko hatunganyijwe imihanda, hatemwa ibihuru byari bihari hanasiburwa inzira z’amazi.

Gatsibo

Umuganda wabereye ku kibuga cya Ngarama akagari ka Ngarama umurenge wa Ngarama, ahatewe Pasiparumu mu kibuga cy’umupira. Mu bitabiriye uyu muganda harimo Depite Musolini Eugene na Bugingo Emmanuel.

Butare James, ushinzwe itumanaho muri Gatsibo yatubwiye ko umuganda urangiye, ba Depite Musolini Eugene na Bugingo Emmanuel basabye abaturage kwandikisha mu bitabo by’irangamimere abana bavutse no kwandukuza abitabye Imana, Kumenya ubuzima bw’imyororokere n’ibindi. Gasana Richard umuyobozi w’akarere ka Gatsibo yasabye abaturage kwirinda ibiyobyabwenge no kwishyura ubwisungane mu kwivuza.

Muhanga

Umunyamakuru Ephrem Murindabigwi yifatanyije mu muganda rusange usoza ukwezi kwa Gashyantare n’abatuye umurenge wa Kiyumba ku Rwego rw’Akarere, aho Depite Uwanyirigira Marie Florence yifatanyije n’abayobozi b’Akarere n’abaturage bo mu Kagari ka Remera mu Mudugudu wa Cyakabiri guharura umuhanda.

Nyamasheke

Umuganda rusange usoza ukwezi kwa Gashyantare, wabereye mu mudugudu wa Winkamba mu kagari ka Buvungira umurenge wa Bushekeri.

Umuganda wibanze ku gikorwa cyo Guhanga Umuhanda witwa Burumba-Winkamba ureshya na Kilometero 3,5. Ni Umuhanda uzafasha korohereza abahinzi b’icyayi kugeza umusaruro Ku isoko no korohereza abanyeshuri b’urwunge rw’amashuri rwa Gisakura kugera ku ishuri.

Uyu muhanda wahanzwe uzahuza imidugudu ya Yove, Butangata, Cyinzovu, gisakura na Winkamba.

Ngoma

Guverineri Fred Mufulukye w’intara y’Uburasirazuba ari kumwe n’Abayobozi b’inzego z’umutekano, Ubuyobozi bw’Akarere n’abandi bafatanyabikorwa batandukanye bifatanyije n’Abatuye mu Murenge wa Mutenderi, Akagari ka Nyagasozi Akarere ka Ngoma mu muganda wo kubaka imwe mu nzu zirimo kubakirwa imiryango itishoboye muri aka Karere.

Muvunyi Eric ushinzwe itumanaho mu ntara y’Uburasirazuba yatubwiye ko iyi inzu yubakiwe Umuryango wa Muhawenimana Speransiya na Deogratias Nsekanabo, bafite abana 4, bari basanzwe batuye mu kazu kabi k’amabati atandatu ubu barimo kubakirwa inzu y’amabati 23. Ni mu bikorwa biteganyijwe mu mihigo y’Akarere y’uyu mwaka yo kubakira abatishoboye binyuze mu muganda. Hateganyijwe kubakwa inzu 137 mu Karere kose.

Musanze

Umunyamakuru Ishimwe Rugira Gisele, yanyarukiye mu mudugudu wa Rugeyo akagari ka Cyabagarura umurenge wa Musanze aho akarere kifatanyije n’abadepite mu nteko ishinga amategeko kubaka ubwiherero bw’abaturage babiri batishoboye aribo Nyiramuhanda Thelesa ufite ubumuga, na Zaninka Beatrice.
Abakora umuganda batunze amatafari, amabuye n’icyondo biri byo kubwubaka.

Nyanza

Mu Karere ka Nyanza umuganda rusange usoza ukwezi wabereye mu Murenge wa Mukingo, Akagari ka Gatagara, ahubatswe uturima tw’igikoni tubiri, ubwiherero ndetse hanatunganywa umuhanda ureshya na Kilometero ebyiri.

Uyu muhanda wa Muhororo uhuza akagari ka Gatagara muri Mukingo n’aka Gasoro muri kigoma.

Ni umuganda wanitabiriwe na Minisitiri Soraya Hakuziyaremye n’abadepite barimo Nyirabega Eutalie na Niyorurema Jean Rene.

Ruhango

Umuganda wabereye mu Mudugudu wa Muhororo ya II, Akagali ka Buhoro, Umurenge wa Ruhango.
Hakozwe ibikorwa byo gutunganya umuhanda wa metero 600. Hakozwe ibikorwa byo kuwuhanga, ikindi gice cyawo gikorwa mo ibikorwa byo kuwufata neza.
Hakozwe kandi ibikorwa byo gutunganya ubusitani imbere y’amazu, haterwa ibyatsi ( pasiparumu)

Ni umuganda kandi wanitabiriwe n’umuyobozi w’akarere, Habarurema Valens na depite Murara Jean Damascène.

Kicukiro

Akarere ka Kicukiro kizihirije umunsi w’Intwari mu mudugudu w’ikitegererezo w’Ayabaraya mu murenge wa Masaka akarere ka Kicukiro, aho imiryango 32 itishoboye yahawe inzu zigezweho zirimo ibyangombwa byose bikenerwa mu nzu.

Rusizi

Mu Karere Ka Rusizi uyu munsi wizihirijwe mu kibaya cya Bugarama ahahuriye abaturage b’imirenge ya Bugarama na Muganza.

Aba baturage bishimiye ubutwari bwaranze ingabo z’u Rwanda zabohoye igihugu maze bavuga ko bazakomeza gukora ibishoboka byose ngo bakomeze gusigasira icyo gihango.

Mu butumwa bw’abayobozi banyuranye, basabye aba baturage gukomeza kwishakamo ibisubizo cyane cyane bashingiye ku mahirwe ari mu gihugu aho gusiganwa bambuka imipaka dore ko aka karere kari mu dukora ku mipaka myinshi.

Rubavu

Mukarere ka Rubavu ibirori byo kwizihiza umunsi w intwari ku rwego rw akarere byabereye mu murenge wa Kanzenze agace kahoze kitwa Bigogwe .

Abaturage bashima ingabo zabatabaye zigahagarika Jenoside zikanabohora igihugu.
Aha mu bigogwe kandi, ni kamwe muduce twageragerejwemo Génocide yakorewe abatutsi mbere y’1994.

Umuyobozi w akarere ka Rubavu Habyarimana Gilbert yagarutse ku mateka yaranze Intwari z’Igihugu mu bihe bitandukanye adaba kuzigiraho.Umuco wo gukunda igihugu no kucyitangira bakorana umurava muri byose bigamije iterambere cy’Igihugu.

asaba urubyiruko kwirinda ibiyobyabwenge n’ubwomanzi ahubwo bagaharanira kurangwa n’indangagaciro z’ubutwari bw’abanyarwanda.

Nyaruguru

Umunyamakuru wa Kigali Today Marie Claire Joyeuse yifatanyije n’abatuye i Ngera mu Akarere ka Nyaruguru mu birori byo kwizihiza umunsi w’Intwari.

Musanze

Ishimwe Rugira Gisele, umunyamakuru wa Kigali Today na KT Radio yizihirije umunsi w’intwari mu karere ka Musanze, Umurenge wa Kimonyi, Akagari ka Kaburamira, Umudugudu wa Kamugeni.

Vice Perezida w’Inteko ishinga amategeko Umutwe w’Abadepite, Hon Musa Fazil Harelimana ari kumwe na Guverineri w’Intara y’Amajyaruguru Gatabazi JMV n’abandi bayobozi bifatanyije n’abaturage mu kwizihiza uyu munsi.

Muhanga

Ibirori byo kwizihiza umunsi w’Intwari bibumburiwe n’’umupira w’amaguru uhuza ikipe y’ingabo z’igihugu zikorera mu Karere ka Muhanga n’ikipe y’abatuage ya Muhanga

Nyagatare

Umunsi w’intwari wizihirijwe mu kagari ka Gihengeri umurenge wa Mukama. Ni ahantu hagati y’uturere twa Nyagatare, Gatsibo na Gicumbi. Umushyitsi mukuru muri ibi birori yari Guverineri Mufulukye Fred.

Abarinzi b’igihango 3 ku rwego rw’akagari bahawe imidari na certificat umwe ntiyabashije kuboneka.

Kigali Today yakugereye hirya no hino mu gihugu igufatira amafoto y’uko uyu muganda wanitabiriwe n’abayobozi bakuru b’igihugu batandukanye.

Rusizi

Umunyamakuru Euphrem Musabwa wa Kigali Today yatugereyeye ku kirwa cya Nkombo ahabereye umuganda ku rwego rw’Akarere Ka Rusizi. Umushyitsi mukuru yari Perezida wa Sena Bernard Makuza.

Huye

Umunyamakuru Marie Claire Joyeuse yatugereye ku musozi wa Rwimbeba, mu Kagari ka Kamwambi, umurenge wa Rwaniro ahari gukorwa umuganda wo gusibura imirwanyasuri.

Musanze

Umuganda rusange wabereye mu mudugudu wa Mugara akagari ka Kigombe mu murenge wa Muhoza ahakozwe amaterasi ndinganire ku musozi wa Mugara mu ishyamba rya Leta. Umushyitsi mukuru yari Minisitiri Dr Mukeshimana Gerardine.

Nyagatare

Umuganda rusange usoza ukwezi kwa Mutarama wakorewe mu mudugudu wa Rwahi akagari ka Rwempasha umurenge wa Rwempasha. Umunyamakuru Sebasaza Gasana Emmanuel yatugereye aho wabereye, ahasibwe ibinogo no gutema ibihuru bikikije umuhanda. Ni umuhanda uva Rwahi kugera Kazaza ureshya n’ibirometero bitatu.

Kigali

Umunyamakuru Jean Claude Munyantore yifatanyije n’abaturage ba Gitega na Kimisagara muri Nyarugenge barimo gukora isuku basibura ahari harengewe n’umugezi wa Mpazi hafi y’urutindo ruri hagati y’imirenge yombi.

Ingufu z’amazi ya Mpazi mu mvura iheruka kugwa yatumye ibyuma byo kuri urwo rutindo biriduka babitoragura epfo.

Aabatari bacye bari ku mavi basenga Imana ngo izabane nabo umwaka utaha kandi irusheho kubaha imigisha no kubarinda mu mwaka mushya dutangiye.

Aha ni mu itorero Bethesida Holy Church

Ubusanzwe Hoteli ni ahantu hakundwa cyane mu minsi y’ibirori ariko kuri bonane abantu baba ari ntabo. Umwe mu bakorera Hoteli yagize ati "Insengero ziba zadutwaye abantu tugasigara hano twenyine nk’abakozi"

Mu bice bine by’umugi wa Kigali nka KCC (kigali Convention Center), ku musozi wa Rebero, ku musozi wa Kigali no ku musozi wa Bumbogo haturikirijwe indimi z’imiriro zishimisha benshi zizwi nka Fireworks cyangwa se Feu d’artifice.

Aha ni kuri KCC

Video ya Fireworks cg se feu d’artifice

Musanze: Diaspora nyarwanda baturutse mu bihugu binyuranye bitabiriye umuganda mu kagari ka Mugari, umurenge wa Shingiro akarere ka Musanze. Ni ku bw’umubano mwiza w’ubufatanye bafitanye n’intara y’Amajyaruguru.

Nyagatare: Umuganda usoza ukwezi k’Ukuboza wakorewe mu mudugudu wa Gacundezi ya 2 akagari ka Gacundezi umurenge wa Rwimiyaga. Harakurungirwa amazu ya bamwe mu banyarwanda birukanywe Tanzaniya.

Mu ntara y’Uburengerazuba, umunyamakuru wacu yatugereye mu karere ka Rubavu Mu murenge wa Bugeshi aho abaturage n’ingabo z’igihugu bahuriye mu bikorwa by’umuganda mu kagari ka Buringo.

Kigali y’ubu itandukanye n’iya kera.

Iyo wumvise umunyamahanga atangarira isuku n’uburyo ibintu byose mu Rwanda biri ku murongo, ushobora kugira ngo ni amakabyankuru. Ariko abageze mu bihugu by’abaturanyi bahita bumva neza icyo bisobanuye.

Muri iyi nkuru turibanda cyane mu Mujyi wa Kigali, kuko ari wo uhurirwamo n’urujya n’uruza rw’abaturage n’abanyamahanga baturutse hirya no hino.

Raporo zitandukanye zikomeza kugenda zishyira Kigali ku mwanya wa mbere w’imijyi ifite isuku muri Afurika. Ariko ibyo birenze isuku kuko bigera no ku myitwarire y’abawutuye, uko bitwara n’ingufu bagerageza gushyira mu gutuma Umujyi wa Kigali urushaho gusa neza.

No mu yindi Mijyi uyu muco warahageze, uyu ni umujyi wa Musanze ugaragara ko ukeye

Twabahitiyemo bimwe mu byo twise ingeso zabagaho kera, ariko ubu zikaba zaracitse kubera ingufu leta yashyize mu kwigisha abantu kugira isuku no kuyigirira aho batuye.

Hari ibyo uri busange bitarashize ijana ku ijana, ariko niba warabaye muri Kigali mu myaka ya za 1999 na 2000 urahita umenya intambwe yatewe kugira ngo Kigali ibe igeze aho igeze ubu.

*Gucira cyangwa kunyara ku karubanda bisigaye bitera ikimwaro

Kunyara ku muhanda byabaye amateka mu Banyarwanda

Ninde wibuka igihe wabaga ugenda mu muhanda ukabona umuntu aciriye ari mu madoka, bikaba bikuguyeho kubera umuyaga?

Ninde wibuka igiti cyari imbere y’umuhanda ugana CHUK cyari cyarabaye umweru kubera kukihagarikaho?

Izo ni zimwe mu ngero nyinshi zagaragazaga isuku nke yabaga muri Kigali, aha wasangaga ahanditse icyapa kigira kiti “Birabujijwe kwihagarika aha” ahubwo ukagira ngo aho niho hemewe kwihagarika!

Byatera isoni uwo ari we wese gucira hasi aho abonye hose mu gihe hakubuwe n’umukozi ubishinzwe.

Mu myaka 17 gusa,byinshi byarahindutse kugeza aho ubu uretse no gucira umuntu asigaye agira isoni zo guta agacupa k’amazi cyangwa agashishwa ka shikarete aho abonye hose.

Ibyo ntibyizanye byasabye imbaraga z’ubuyobozi, kuko byatangiye bamwe babyinuba.

Ubu uciriye mu ruhame cyangwa ukihagarika aho ubonye n’ubwo ntawakubwira nabi ariko nawe uba wigaya mu mutima.

*Kutambara inkweto ufatwa nk’umuntu utuzuye mu mutwe

Kera abitwa abakarani ntibakozwaga iby’inkweto ariko kuri iki gihe nawe niba ugenda mu mujyi waba umuhamya w’impinduka.

N’umuntu ufite ubumuga bwo mu mutwe asigaye yambara inkweto kuri iki gihe. Kwambara inkweto ntibigifatwa nk’umurimbo cyangwa nk’ibidasanzwe, ahubwo byinjiye mu Banyarwanda kuko bitoroshye kubona umuntu wambaye ibirenge muri Kigali.

Mu myaka yashize kwambara ibirenge byari ibintu bisanzwe.

Mu giturage naho uyu muco wagiye ubacengera, kuko mu minsi mikuru n’abagiye kurema isoko usanga bakarabye bakambara inkweto.

Ubu nta mwana ushobora gukandagira mu ishuri yambaye ibirenge aho ari ho hose mu Rwanda. Mu myaka yashize siko byari bimeze.

Mu myaka yashize abazwi nk’abakarasi cyangwa bamwe bikorera imizigo wasanganga batambara inkweto. Bamwe ntibanabikore kuko batabikunda ahubwo bazambara bakavuga ko zibabangamira kuko batari babimenyereye.

*Kutambara kasike kuri moto cyangwa umukandara mu modoka, ni nde wabitinyuka!?

Kubera abantu batakangwaga n’umutekano wa moto wasangaga bayikoresha mu birori nta na kasike, ariko kuri ubu ntiwahirahira winjira muri kaburimbo nta yo wambaye.

Hari kera ubwo umuntu yashoboraga kuba ahagaze kuri Yamaha (Ugana Nyabugogo) ashaka kujya mu mujyi rwagati yakererewe gahunda, agahagarika moto yarangiza akibuka kwambara kasike.

Byabaga impaka ndende kwibutsa umugenzi kwambara umukandara muri tagisi (iyo nawe yabaga yabyibutse) bikarangira rimwe na rimwe atanawambaye.

Impanuka icyo gihe zahitanaga benshi, dore ko n’ingamba mu kurinda umutekano wo mu muhanda zari zitarakazwa nk’iki gihe.

Si moto nkuru zisabwa kwifashisha kasike mu ngendo, kuko na za velo moteri ni itegeko.

*Gutendeka muri taxi, ntiwakira urusaku rw’abagenzi

Ntitwava ku mutekano wo mu muhanda no gutwara abagenzi tutavuze ku kintu cyo “gutendeka”. Abatabizi ni kwa kundi imodoka itwara umubare w’abagenzi iba yaragenewe,ariko “Convoyeur” akiyongereramo umuntu kuri buri ntebe.

Hari n’uwongeragaho abarenze babiri ku ntebe yagenewe gutwara abantu bane.

Reba ukuntu abagenzi bacucikiranye muri imwe muri tagisi (Hiace) yakoreraga muri kamwe mu gace ka Kigali.

Icyo gihe byari nko mu burenganzira bwa shoferi n’umufasha we (Convoyeur), kuko abagenzi ntacyo bashoboraga kubikoraho, usibye kwimyoza gusa.

Nk’uko twabivuze haruguru, icyo gihe nta ngamba zikarishye zariho zirengera uburenganzira bw’abagenzi,ugasanga n’abagenzi ubwabo ntibitabira guharanira uburenganzira bwabo nabo ubwabo.

*Kuririmbira ibendera, ubikoze abantu bagira ngo nibwo ugihunguka

Kuririmbira ibendera byari umuco mbere ya Jenoside ariko kuri ubu ntibigikorwa. Hari abibaza icyo kuririmbira ibendera byari bimaze!

Mbere ya Jenoside yakorewe Abatutsi mu 1994 na nyuma y’aho gato, iyo saa mbiri zageraga abantu n’ibinyabiziga byarahagararaga, hakabaho umwanya wo kuririmba indirimbo yubahiriza igihugu hazamurwa ibendera.

Ibyo byakorwaga ahantu aho ariho hose hari ibendera ry’igihugu, haba ku bigo by’amashuri, ibigo bya leta, ku mavuriro n’ahandi hantu hose hashinze ibendera ry’igihugu.

Uwarengaga ku mabwiriza akaba yakomeza kugenda cyangwa agakomeza kugendesha ikinyabiziga byashoboraga kumuviramo igihano kigera no ku gifungo.

Kuri ubu byarashize, ibendera ry’igihugu rihora rizamuye uretse mu gihe cy’icyunamo. Hari n’abatibukaga ko ibyo byabayeho. Gusa kuri iki gihe iyo usubije amaso inyuma wibaza icyo uwo muhango wari umaze n’inyungu zawo!

*Itabi ry’igikamba mu bukwe iyo ryaburaga ntibwatahaga

Iri tabi ryo mu bibabi iyo wajyaga mu bukwe utarijyanye wasubizwaga mu rugo

Bamwe mu bakuze bazi iby’Umuco wa Kinyarwanda bavuga ko itabi ry’igikamba mu Rwanda rwa kera ryari rifite akamaro kanini, kuburyo ryashoboraga gutuma umuntu abura umugeni.

Iyo ababyeyi bajyaga gusabira umusore ngo bagombaga kuryitwaza rikaza guhabwa sebukwe. Iyo barimusabaga akaribura nta mugeni bamuhaga nk’uko umukecuru witwa Mukansanga yabisobanuye.

kubera iterambere ry’igihugu rijyana n’iterambere ry’Umuco ubu mu bukwe bw’ubu itabi ntibakiryikoza, wagira ngo nta n’iryigeze mu misango y’ubukwe bwa Kinyarwanda.

*Nyakatsi, abenshi ntibanayibuka

Nyakatsi zagiye gucika bigoranye, kuko uretse ubukene hari n’abari bafite imyumvire igoranye yo kuzivamo.

Nyakatsi n’ubwo yacitse mu Rwanda ariko ntizigera yibagirana mu mitwe y’Abanyarwanda ku buryo bworoshye.

Amateka ya Nyakatsi mu Rwanda ni maremare kuko kugira ngo icike habayemo ingufu z’ubuyobozi.

Ku batazi Nyakatsi,zari inzu zisakaje ibyatsi bizwi nka Nyakatsi. Kubakisha nyakatsi byafatwaga nko kuba uri umukene wa nyuma udashobora kwibonera ibindi wasakaza(amabati cyangwa amategura).

Aya niyo mazu y’icyitegererezo agenda yubakirwa abatishoboye hirya no hino mu gihugu.

Gahunda izwi nka “Bye Bye Nyakatsi” ya Minisiteri y’Ubutegetsi bw’Igihugu (MINALOC), yagize uruhare rukomeye mu gukangurira Abanyarwanda guhuriza hamwe bagaca “Nyakatsi”.

Hakozwe imiganda, hatangwa inkuga byose bigamije kubakira abatishoboye, birangira gahunda itanze umusaruro.

*Ibimoteri kuri kaburimbo

Mu myaka yashize wasangaga ibimoteri bimeze gutya byuzuye henshhi mu mijyi no mu nkengero zayo.

Ibimoteri ku nkengero z’imihanda, amazi y’ibiziba mu mpande z’umujyi, amashashi n’ibipapuro hirya no hino, mayibobo zirirwaga zitoragura imyanda muri ibyo bimoteri, iyo niyo yari isura wasanganizwaga iyo winjiraga mu Mujyi wa Kigali mu myaka itageze kuri 20 ishize.

Itandukaniro Umujyi wa Kigali ugaragaza muri iki gihe ni umusaruro w’ingufu nyinshi zashyizwe mu guca umwanda mu Mujyi wa Kigali. Kuri ubu twishimira aho tugeze mu isuku ariko biroroshye kwibagirwa aho twavuye mu myaka 15 ishize.

Imirenge ikangurirwa isuku ikanahabwa ibiyifasha mu kuyubahiriza.

Kuri ubu Kigali iracyeye ku buryo uretse abanyamahanga bayitangarira, abandi bakayivuga ibigwi,nawe bigutera isoni guta agapapuro cyangwa agacupa k’amazi aho ubonye hose.

Bamwe mu banyamahanga batamenyereye mu Rwanda bavuga ko iyo bagenda muri Kigali baba bumva hari ijiho ribareba, nta kindi uretse umuco wamaze kugera mu Banyarwanda wo kutihanganira uwakwangiza ibyo bagezeho.

Muri make uko wifashe niko abandi bagufata. Nta waza mu nzu yawe ngo asange isa neza nawe atangire ayanduze. Ahubwo akora nk’ibyo ahasanze. Iryo ni ryo tandukaniro mu Rwanda bagaragaje.

*Kuragira ku gasozi, amatungo ntiwayatahana

Mu myaka yashize wasangaga inka zandagaye ku misozi hose, bikaba byatuma zanduzanya indwara.

Mu bihe bishize iyo wageraga ku dusozi dutandukanye two mu byaro ndetse na hamwe na hamwe mu Mujyi wa Kigali, wasangaga benshi mu borozi baragirira inka mu nzuri ndetse no mu dusozi dutandukanye.

Hari n’aho ubwatsi bwabaga bwabuze mu gace kamwe, abashumba bagashorera inka bakajya kuzishakira ubwatsi aho bukiri, bakabyita kugishisha inka.

Ubu nta nka ikiragirirwa ku gasozi n’iyo bagiye gutwara barayitegera.

Ubu kubera impamvu z’ubuzima no kwirinda guhererekanya indwara mu nka, kuragira kugasozi byaraciwe, inka zororerwa mu biraro, zikahirirwa ndetse zikanaherwa amazi mu biraro.

Ikindi kandi Inka ntizigikoreshwa ingendo ndende zishorewe, kuko hagennwe uburyo zitwarwa mu madodoka zikurwa mu gace kamwe zijyanwa mu kandi.

*Gusangirira ku muheha umwe cyangwa mu kibindi kimwe

Gusangirira ku muheha umwe bishobora gutera indwara zandurira mu kanwa.

Imyaka igiye kuba 13 Minisiteri y’Ubuzima (MINISANTE) iciye kumugaragaro ikoreshwa ry’umuheha umwe mu gihe abantu basangira, cyangwa kunywera mu kibindi kimwe abantu bagahurizamo imiheha myinshi.

MINISANTE yasabye ko ahubwo abantu bajya bahabwa ibikombe buri wese, cyangwa umuntu agahabwa agacuma ke. Ntibyari byoroshye guca uwo muco ku bantu cyane cyane ko ari ibintu byakorwaga mu izina ry’umuco kandi byarakozwe kuva mu myaka ya kera.

Gusangira ku muheha umwe byafatwaga nk’umugenzo w’ingenzi mu mibanire y’Abanyarwanda.

MINISANTE yabikoze mu rwego rwo guca indwara zandurira mu macandwe nk’igitunu, kuko hari igihe indwara z’ibituntu zari zarabaye nyinshi. Nubwo gusangira ku muheha byakundwaga na benshi ndetse bikaba nk’ikimenyetso cyo gusabana ariko kubica byagabanyije imibare minini y’abanduraga indwara zandurira mu macandwe n’ubuhumekero.

Ingabo zifatanya n’abaturage guhinga igishanga kizaterwamo ibitunguru

Tariki 21 Mata 2018 ingabo z’igihugu zatangiye amezi agera kuri atatu yo gufasha abaturage mu bikorwa bitandukanye b’iterambere n’ubuzima bwiza.

Muri ibyo bikorwa ziri gukora byiganjemo ibijyanye no kubafasha mu buhinzi, mu buvuzi no mu gusana ibikorwaremezo, byose hamwe bigamije kubunganira mu rugendo rw’iterambere.

Kuri uyu wa Mbere tariki 24 Mata 2018, ibi bikorwa byakomereje mu ntara y’Amajyepfo, aho ingabo zifatanyije n’abatuye uturere twa Kamoni, Ruhango na Huye mu bikorwa by’ubuhinzi.

Hazahingwa hegitari zigera kuri 76

Utu turere dukungahaye mu bishanga bihingwamo imyaka ariko ugasanga umusaruro uhera ari mucye ugereranyije n’uwakavuyemo

Mu Karere ka Kamonyi ingabo zakoreye ibikorwa mu gishanga cya Kavunja giherereye ku Mugina.

Minisitiri w’Ubuhinzi n’Ubworozi Geraldine Mukeshimana n’Umugaba w’Ingabo zirwanira ku butaka, Lt Gen Jacques Musemakweli, bari bifatanyije n’ingabo n’abaturage mu guhinga ubuso bugera kuri hegitari 76 zizahingwaho ibitunguru n’ibigori.

Minisitiri Mukeshimana yerekwa imbuto z’ibitunguru zizahingwa muri iki gishanga

Perezida wa Koperative COALFKA, Nsabimana Pierre-Damien avuga ko kuri toni zirenze 800 z’ibitunguru basarura, haziyongeraho toni 400 bitewe n’uko igishanga cyatunganijwe.

Umusaruro w’Ibigori nawo ngo ugomba kwikuba gatatu ukava kuri toni 100 zabonetse mu gihembwe cy’ihinga gishize ukarenga toni 300, nk’uko Nsabimana akomeza kubisobanura.

Ati “Tweza muri iki gishanga ibitunguru bibarirwa muri toni 800 n’igihumbi. Turizeza ko umusaruro ko uzikuba gatatu bitewe n’uko imyuzure itazongera kudutwarira imyaka.”

Mu Karere ka Ruhango mu Murenge wa Ntongwe ho, abaturage bafashijwe guharura imirwanyasuri ku buso bwa Hegitari esheshatu mu bikorwa by’ingabo z’igihugu mu iterambere ry’abaturage byatangijwe muri aka Karere.

Maj. General Jerome Ngendahimana (iburyo) yari yaje kwifatanya n’abaturage mu bikorwa by’ingabo z’igihugumu iterambere ry’abaturage

Abaturage bavuga ko bashima ingabo z’u Rwanda babona mu isura nshya yubaka igihugu, Kuko mu minsi yabo yahise umusirikare bamufatanga nk’umuntu udasabana kandi utagera abaturage.

Umufasha myumvire mu buhinzi Mbarushimana Sylvestre avuga ko bari bafite ubuso bugari nka hegitari 10 bari bagerageje kurwanyaho isuri birabananira kubera imbaraga nke. Uyu munsi ku bufatanye n’ingabo z’igihugu barizera ko noneho ubutaka bwabo bagiye kububyaza umusaruro.

Yagize ati “Urabona ko aha hantu hari hakenewe ingengo y’imari nyinshi cyane,ntabwo twari kuba twabasha kuharwanya isuri kandi dore ubu RDF iduhaye inkunga, turashimira perezida kagame watwohererje ingabo.”

Inzego za Polisi na DASSO na zo zari zaje kwifatanya n’abaturage

Mu Karere ka Huye ingabo zafatanyije n’abaturage guhinga hegitari umunani mu gishanga cya Ruhoboba, hanaterwa imboga kuri hegitari enye mu mirima y’abari bafite ifumbire n’imbuto.

Ingabo z’igihugu zanubatse amateme atatu ahuza imirenge ya Simbi na Maraba. Muri iki cyumweru zikaba zizanuzuza Ivuriro rya Nyakagezi mu Murenge wa Huye, zari zatangiye kubaka mu bikorwa by’umwaka ushize ntirangire.

Igishanga cya Ruhoboba cyo mu Karere ka Huye nacyo kiri mu byo ingabo zakozemo akazi

Umuyobozi w’Akarere ka Huye n’abandi bayobozi bakuru mu ngabo bahinga mu gishanga

Abaturage bavuwe, amashuri arubakwa hanaterwa imyaka

Kuri uyu wa Gatanu tariki 20 Mata 2018 ni ho ibi bikorwa byatangijwe ku mugaragaro ariko bikazakomereza mu turere dutandukanye.

Minisitiri Gen. Kabarebe n’itsinda ryari rimuherekeje, batangirije iki gikorwa mu Karere ka Nyabihu, ahatewe imbuto z’ibirayi ku buso bungana na hegitari 20. Izo hegitari zizaterwaho Toni 40 z’Ibirayi zikazatanga umusaruro wa Toni 500.

Minisitiri w’Ingabo Gen Kabarebe James mu gutangiza ibikorwa by’ingabo mu iterambere ry’Abaturage i Nyabihu

Ibindi bikorwa nabyo byabereye mu Karere ka Gasabo, mu Murenge wa Kagugu, aho batangije kubaka ibyumba by’amashuri 12 ku Rwunge rw’Amashuri rwa Kagugu.

Ibi byumba by’amashuri bitegerejweho kugazagabanya ubucucike bw’amashuri byubatswe ku bufatanye n’abaturage.

Ishuri rya GS Kagugu ubusanzwe rigira abanyeshuri benshi, iki ngo kikaba ari igisubizo nk’uko byatangajwe n’umuyobozi w’akarere ka Gasabo, Stephen Rwamurangwa.

Yagize ati “Muri iri shuri impuzandengo mu cyumba kimwe ni abana 76 bakagombye kuba 46 ariko hari aho usanga bagera no ku 100 bikagira ingaruka ku ireme ry’uburezi.

Ubu rero turasubijwe, abana bagiye kwiga bisanzuye kuko mu gihe kitarenga amezi atatu aya mashuri azaba yuzuye.”

Iri shuri ryagaragaragamo ubucucike bukabije bw’Abanyeshuri bikabangamira ireme ry’uburezi

Kuri iri shuri hagiye kubakwa ibyumba 12 bakazubaka bajya hejuru, Minisiteri y’Ingabo yarateye inkunga yo kubaka ibyumba umunani naho Minisiteri y’uburezi itanga inkunga yo kubaka ibyumba bine.

Hatangijwe kubaka ibyumba 12 bizakemura ikibazo cy’Ubucucike muri iki kigo cy’amashuri

Ingabo kandi zakoze n’ibikorwa byo kuvura abaturage mu Karere ka Rwamagana, aho abaturage bavuwe indwara zitandukanye.

Umuturage witwa Sibomana Roger urwaye mu kanwa, yavuze ko serivisi yahawe atashimishijwe n’uko yayiherewe ubuntu ahubwo ari uburyo yayihawe atarinze gusiragira yaka randevu.

Ati “Kwa muganga baguhaga randevu ngo ‘genda uzagaruke’, byaba ngombwa bakongera bakagusubizayo ukwezi kugashira ukibirukaho, ariko abasirikare bambereye igisubizo kuko serivisi zabo zihuta kandi zigakorwa neza.”

Mukashema Faina we avuga ko yari yarabuze amafaranga ibihumbi bitatu yasabwaga, kugira ngo yivuze amenyo amaze imyaka irenga ibiri amuraza adasinziriye.

Rwamagana havuwe indwara nyinshi zirimo izo mu kanwa

Umuvugizi w’Ingabo z’u Rwanda, Lt Col Innocent Munyengango avuga ko umwaka ushize wa 2017 warangiye ibikorwa by’Ingabo mu iterambere ry’abaturage bifashije Leta kuzigama miliyari 71Frw.

Mu karere ka Nyagatare ingabo zahuriye n’abaturage mu gishanga cya Rwangingo giherereye mu Murenge wa Katabagemu, basibura imiyoboro y’amazi yuhira imyaka.

Abahinzi bahise batangira kubyinira ku rukoma kubera iki gishanga kibafatiye runini, kuko ari cyo gituburirwamo imbuto y’ibigori, nk’uko byemezwa n’umuturage witwa Kalisa Eugene.

Ati “Imyaka yari yuzuyemo amazi ariko ubu bwo imiyoboro isibuwe ntigipfuye ndetse n’udukoko twazanwaga n’ibigunda turadukize, twiteguye kuzafatanya n’ingabo zacu kuko ziratwifuriza ubukire kandi natwe nibwo duharanira.”

Umuyoboro wasibuwe ureshya n’ibirometero bibiri, wakozwe hibanzwe gusibura aho amazi yabuze inzira akareka mu mirima y’abaturage.

Umuyoboro wasibuwe ureshya n’ibirometero bibiri

Ubuyobozi bw’aka karere kandi bwishimira ibikorwa by’ingabo z’igihugu, kuko umwaka ushize byasigiye abana 500 amashuri bibarinda ingendo ndende.

Mu Ntara y’Amajyaruguru ibi bikorwa byatangirijwe mu Karere ka Musanze, mu mudugudu wa Gacinyiro, Akagari ka Garuka mu Murenge wa Musanze.

Iki gikorwa cyatangijwe na Min Kaboneka Francis afatanyije na Gen Nyamvumba bikorwa hasanwa inzu enye z’abaturage babaga mu birangarira.

Min Kaboneka yibukije aba baturage ba Musanze ko ingabo ari abavandimwe babo, ari nayo mpamvu zidahwema kubafasha mu bikorwa bitandukanye by’iterambere.

Ati" Ibi bikorwa mubigire ibyanyu. Niba ingabo zigufasha kukubakira nyuma y’umwaka umwe tugasanga inzu zasenyutse zuzuye umwanda, urugi bagushyiriyemo bagasanga warugurishije wagiye kunywa ibikwangari, bareteta cyangwa ibyo mwita umumanurajipo, uzaba utatiye igihango cy’ iterambere ry’igihugu. Ntimuzagere kuri urwo rwego ngo mube ibigwari."

in Kaboneka na Gen Nyamvumba nibo batangije ibikorwa by’ingabo mu iterambere ry’abaturage muri Musanze

Yabasabye kutazatatira igihango bagiranye n’ingabo bagafata nabi izi nyubako bubakiwe

Ingabo hirya no hino mu gihugu zabukereye mu gufatanya n’abaturage mu bikorwa bibateza imbere

Ibi bikorwa ubusanzwe biba byiganjemo ubuvuzi bw’indwara ubusanzwe zihenze ku baturage, kubakira abaturage ibikorwa remezo, ndetse no kubafasha mu kuvugurura ubuhinzi bakora kugira ngo bubashe kubageza ku musaruro uhagije.

Ibi byose bikaba bikorwa n’ingabo z’igihugu ku buntu, mu gihe cy’amezi atatu bigasozwa hizihizwa umunsi ngarukamwaka wo kwibohora uba buri mwaka tariki ya 4 Nyakanga.

Dore mu mafoto uko ibi bikorwa byatangijwe hirya no hino mu gihugu

1. NYABIHU

Mu karere ka Nyabihu byabereye mu Murenge wa Muringa mu kagari ka Mwiyanike, Umudugudu wa Gitebe. Minisitiri w’ingabo Gen Kabarebe James afatanyije n’abaturage bateye imbuto y’Ibirayi mu mirima.

2. MUSANZE

Min Kaboneka Francis afatanyije na Gen Nyamvumba ni bo batangije ibi bikorwa mu Ntara y’Amajyaruguru. Byatangirijwe mu Karere ka Musanze, mu mudugudu wa Gacinyiro, Akagari ka Garuka mu Murenge wa Musanze hasanwa inzu enye z’abaturage babaga mu birangarira.

3. RWAMAGANA

Ministre Diane Gashumba niwe waje gutangiza ibi bikorwa by’Ingabo mu iterambere ry’abaturage. Byatangirijwe mu bitaro bya Rwamagana abaturage bavurwa indwara zitandukanye zari zarananiranye .

4.NYAGATARE

Ibikorwa by’ingabo mu iterambere ry’igihugu byabereye mu Murenge wa Katabagemu mu gishanga cya Rwangingo. Byibanze mu gusibura imiyoboro y’amazi.

5. KIGALI

Ibikorwa by’Ingabo mu iterambere ry’abaturage byatangirijwe kuri GS Kagugu mu murenge wa Kinyinya muri Gasabo.

Hagiye kubakwa ibyumba by’amashuri 12 bizakemura ikibazo cy’ubucucike iri shuri ryari rifite.

Mu cyumba kimwe cy’ishuri ngo higiramo abana 86 bakagombye kuba 46, ariko hagiye kubakwa etaje .

Igikomangoma cy’Ubwongereza Harry niwe wagizwe umuyobozi wa Africa Parks

Iyo nkuru yantangajwe na Radio ya BBC yitwa Radio 4 mu kiganiro cyayo cyitwa Today, cyatambutse kuri uyu wa gatatu tariki ya 27 Ukuboza 2017.

Iyo nkuru igaragaza ko mu nshingano ze nshya, Prince Harry azakarona na African Parks mu mirimo itandukanye igamije kugenzura no kurinda za Pariki z’ibihugu no gushyigikira ibikorwa byo kurengera ibidukikije ku isi hose.

African Parks nayo yatangaje ko yagize umugisha wo gukorana na Prince Harry ubwo yari ari muri Malawi muri Nyakanga 2016, aho yabafashaga mu kazi ko gushakisha inzovu mu mashyamba kugira ngo zishyirwe ahantu harinzwe.

Muri Gicurasi 2017, Pariki y’Akagera yagaruwemo inkura nyuma y’imyaka 10 zicitsemo. Muri 2015 nabwo yagaruwemo intare. Ibyo byose bituma iyo Pariki ikomeza gusurwa na ba mukerarugendo benshi.

Igikomangoma cy’Ubwongereza Harry gikurura Inkura

Igikomangoma Harry cyagizwe umuyobozi wa Africa Parks nyuma y’ukwezi atangaje ko agiye kurushinga n’icyamamare muri sinema ya Amerika (USA), Meghan Mackle.

Bitetanijwe ko abo bombi bazakora ubukwe ku itariki ya 19 Gicurasi 2018.

Meghan Mackle, uzwi cyane muri filime zo muri Amerika nk’iy’uruhererekane yitwa “Suits”, amaze kuza mu Rwanda inshuro eshatu mu bikorwa bitandukanye byo gufasha abatishoboye.

Ibyo byose yabikoraga nk’intumwa y’ishami ry’Umuryango w’abibumye ryita ku bagore (UN Women) n’umuryango wita ku batishoboye witwa “World Vision”.

Intare zagaruwe muri Pariki y’Akagera mu mwaka wa 2015

Kuri Rond Point i Kigali ni uku hatatse ,uri iyi minsi ya Noheri. Uku ni ko hagaragara nijoro.

Mu gitaramo cyo kwitegura Noheri usanga bamwe bitabira insengero bajya gushima Imana, abandi bagataramira mu tubari dutandukanye bishimana na bagenzi babo.

Mu mugoroba nk’uyu kandi usanga ahenshi ababyeyi bafite ubushobozi baboneraho gusangiza abana babo Noheli babaha impano zitandukanye.

Abagiraneza ku munsi nk’uyu nabo baboneraho gusangira Noheri n’abana batishoboye biganjemo abo mu muhanda bakabereka urukundo, ndetse bakanabakangurira gusubira mu Miryango.

Icyarangaga ahantu hose wageraga ni imitako ndetse n’amatara ashashagirana mu mpande zose, agaragaza ibyishimo ndetse n’umunezero ri kuranga Abanyarwanda, muri iyi minsi mikuru barimo.

Dore mu mafoto uko hirya no hino mu gihugu umugoroba n’igitaramo cya Noheri byagenze .

Muhanga

Mudacyahwa Bertin uzwi nka Ras Bertin inshuti y’abana, yateguriye abana bo ku muhanda ibirori byo kwizihiza Noheli. Aba bana basaga 100, yabakanguriye kuva mu muhanda bamwizeza ko umwaka utaha bazagaruka mu birori nk’ibi bavuye mu miryango aho kuba ku muhanda.

Hirya no hino mu tubari two muri uyu Mujyi wa Muhanga naho hari ibirori.

Nyagatare

Nyagatare amaduka ntiyajyaga arenza saa moya agifunguye ariko mu ijoro rya Noheli yafunze ahagana mu ma saa sita. Gusenga ntibyitabiriwe nk’uko byari bisanzwe.

Eagle Vision Evangelical Mnistries abakirisitu bagaragaye ari bake ugereranyije n’imyaka ishize

Huye

Mu Mujyi wa Huye imitako ya Noheri yagaragaye ahantu hacye , cyane cyane kuri alimentation Huye Center Market yaraye ijoro ryose icruza, ariko ntibyabujije abifatira agatama kwinywera bishimiye Noheri.

Nzeyimana JMV yacuruje ageraho atanga n’impano ku bakiriya bamugannye

Ku rundi ruhande mu Rusengero rwa Ste Thérèse abakirisitu bishimiye Noheri Nyuma ya misa abana bahabwa Ibisuguti na Bombo

Kamonyi

NOheri yizihijwe cyane cyane n’abana bitabiriye urusengero bakigishwa ku myitwarire myiza ubundi bahabwa impano baranidagadura bifotoreza ku birugu nk’imitako yibutsa abana ivuka rya Yezu.

Rusizi

Muri Zion Temple Rusizi igitaramo cya Noheri cyari cyitabiriwe cyane n’abakirisitu bakubise bakuzura mu rusengero

Amaduka menshi yafunze hafi mu gitondo agikomeje gucuruza kuko abakiriya bayaganaga ku bwinshi

Musanze

kuri Stade Ubworoherane habereye ibirori byo gusangira Noheri hagati y’ Abayobozi b’Akarere ka Musanze n’abana baturuka mu miryango itishoboye bo mu Mirenge igize Akarere

Remera

Christus i Remera mu Karere ka Gasabo Chorale Christus Vincit yatanze Noheri imurika Albumu yayo ya mbere, yayimurikiye i Remera muri Cntre Christus

Nyabugogo

Muri Deluxe night club Nyabugogo habereye ibirori bikomeye umudiho wari wose bizihiza Noheri, ka Manyinya bakanyoye biratinda

Muri gare ya Nyabugogo hari abataryohewe n’igitaramo cya Noheri kubera kubura amamodoka , bituma barara muri Gare

Kicukiro

Muri Landmark ibirori byari byinshi abantu bishimira Noheri

Ababyeyi baboneyeho no gutemberana n’abana babo babaha Impano zitandukanye za Noheri

Biryogo & Nyamirambo

Muri utu duce hasaga n’aho ari ku manywa kuko abantu bari rujya n’uruza bagana mu birori bya Noheri, abashonje bakihina ku ruhande barya ka Capati n’isosi bikunze kugaragara muri aka gace.

Ku rusengero rwitiriwe Mutagatifu Karoli Lwanga (Saint Andre), habaye igitaramo cya Noheri aho abakirisitu bari bitabiriye ku bwinshi

Ku rundi ruhande abandi bari mu ma Salon de Coiffure batunganya imisatsi ngo Noheri ibasange bakeye

Imitako mu Mujyi yari iryoheye ijisho

Guhera kuri RDB Kimihurura, ukagera mu Mujyi rwa Gati mu masaha y’ijoro kuhagenda mu masaha y’ijoro ntiwakwifuza gutaha

Dr Mugesera nta burwayi afite nk’uko amakuru yatangajwe na La Presse abivuga

Iyo nkuru ya La Presse ifite umutwe ugira uti “la santé de Léon Mugesera se détériorerait de jour en jour, bivuze ngo umunsi ku wundi, ubuzima bwa Mugesera bwaba burushaho kumera nabi.

Jean-Thomas Léveilllé wayanditse, avuga ko ayo makuru ayakesha uwunganira Dr Mugesera, Me Jean Felix Rudakemwa, ndetse n’umugore we Gemma Uwamariya uri muri Canada.

Uwo munyamakuru anavuga ko uburwayi bwa Dr Leon Mugesera burimo gutakaza ijwi bugenda burushaho gukomera, kandi ngo yimwe uburenganzira bwo kujya kwivuriza mu bitaro byitiriwe Umwami Faisal.

Me Jean Felix Rudakemwa wunganira Dr Leon Mugesera, yanatangarije icyo kinyamakuru ko atemererwa kumugeraho, atanga urugero rw’uko ku wa kabiri ku itariki 28 Ugushyingo 2017 Saa kumi n’iminota 45 yangiwe kumugeraho.

Kigali Today yifuje kumenya ukuri kuri iyo nkuru, yegera ubuyobozi bw’Urwego rw’Igihugu rushinzwe imfungwa n’abagororwa (RCS), isaba gusura Dr Mugesera ngo ikareba uko ameze.

RCS yemereye Kigali Today kumusura, Umunyamakuru wayo yerekeza i Nyanza mu Ntara y’Amajyepfo, ajya muri gereza Dr Mugesera afungiyemo, asaba kubonana na we bamutumaho.

Mu kiganiro cy’amasaha arenga abiri Umunyamakuru wa Kigali Today yagiranye na Dr Mugesera, arabagezaho ibigikubiyemo.

Agira ati” Aza kunganiriza yaje yigenza nta muntu umurandase ku buryo byagaragaza ko koko arembye. Tumaze kuramukanya twicara ku ntebe y’urubaho dutangira ikiganiro.

Mu mwanya twamaranye, sinigeze numva ijwi rye risaraye cyangwa ririmo amakaraza nk’umuntu ufite ikibazo cy’ijwi. Sinigeze numva akorora ndetse sinigeze mubona yegamira urukuta nk’ikimenyetso cy’umuntu ufite intege nke.

Mubajije uko ubuzima bwe buhagaze, nta kibazo gikomeye yantangarije, gusa ngo ku itariki 25 Ugushyingo 2017 yari yarwaye ijwi ridasohoka neza, ariko ngo ivuriro ryo muri gereza ryamuhaye imiti ubu ameze neza.“

Dr Mugesera mu mvugo no mu isura nta burwayi bumugaragaraho

Icyo yambwiye atishimiye ngo ni uko gereza itamuha umugati witwa “Pain de Ble’ entier“ugurirwa muri La Galette na Simba Super Market, kandi ari ifunguro ryategetswe n’abaganga.

Uyu niwo mugati Dr Leon Mugesera yifuza guhabwa

Ngo ntiyishimiye kandi no kuba ataragiye kuvurirwa mu bitaro byitiriwe Umwami Faisal, akavurirwa muri gereza kandi ari ho yari yiteze ireme ry’ubuvuzi yifuzaga.
Mugesera anavuga kandi ko atanyuzwe no kuba umwunganizi we Me Jean Felix Rudakemwa yaraje kumusura akangirwa kubonana na we. Ngo nubwo yahageze yakererewe bagombaga kugira ubumuntu, bakamureka bakabonana.”

Ku bijyanye n’urubanza rwe rugeze mu bujurire, Dr Mugesera yanze kugira byinshi atangaza, ngo bitazagira ingaruka ku bujurire bwe.

Yagize ati” Nakatiwe n’Urukiko rukuru ku itariki 15 Mata 2016, mpita njurira ako kanya. Icyo cyemezo cy’Urukiko rukuru rero ntabwo kigifite agaciro kugeza igihe Urukiko rw’ikirenga ruzacira urubanza. Ngize byinshi mvuga kuri ibi bishobora kuzagora avoka wanjye kubisobanura mu bujurire”.

Kigali Today yegereye RCS igira icyo ivuga ku byo Dr Mugesera avuga

Mu Kiganiro n’ Umuvugizi wa RCS, CIP Sengabo Hillary yatangaje ko inkuru yanditswe n’ikinyamakuru “La Presse” ari igihuha, ndetse ko nta gaciro abantu bakwiye guha ibitangazwa na Dr Mugesera, umugore we n’umwunganizi we, kuko nta shingiro bifite.

Yagize ati” Iyo utigereye ku muntu ngo umenye amakuru ye umenye ko ibimuvugwaho ari ukuri cyangwa ibinyoma, iyo nkuru iba ari igihuha. Ngira ngo mwabonye ko Mugesera ari muzima atarwaye, kandi atabuzwa kujya kwivuza.”

Akomeza agira ati” Mu cyumweru gishize yarwaye ‘grippe’ ashaka kujya kuyivuriza Faisal. Abaganga ba gereza bahisemo kumuvurira mu ivuriro rya gereza kandi yarakize neza nk’uko mwabibonye. Icyabiteye ni uko grippe ari indwara yoroheje itatuma umuntu arenga ibindi bitaro ngo ajyanwe muri Faisal”.

Mu mwaka amaze muri Gereza amaze kwiyongeraho ibiro bine

Umuyobozi w’ivuriro rya gereza ya Nyanza, Evariste Ntirenganya ashimangira ibivugwa na CIP Sengabo, aho avuga ko Dr Mugesera nta burwayi bukomeye yagize bwari gutuma ajya kwivuriza muri Faisal.

Ati” Mu mwaka n’igice amaze ageze hano, amaze kwiyongeraho ibiro bine. Ibyo avuga ko akaneye umugati wo muri La Galette na Simba ni ibinyoma, kuko nk’abaganga nta mwihariko mu bigize uwo mugati bitari mu yindi migati”.

Ubuyobozi bwa gereza ya Nyanza na bwo buvuga ku ihezwa ry’uwunganira Dr Mugesera, bwavuze ko nta mpamvu bari kwemerera Me Jean Felix Rudakemwa kumusura, kuko yahageze yakererewe gereza yari yamaze gufunga imiryango.

Mu kwezi kwa Mutarama k’umwaka wa 2012, nibwo Leta ya Canada yohereje Leon Mugesera mu Rwanda, uwo musaza ufite imyaka 65, ashinjwa ibyaha bya Jenoside, birimo ‘imbwirwaruhame (discours) y’ivangura’ yavugiye ahitwa ku Kabaya mu mwaka wa 1992.

Kigali Gasabo

Muhanga

Kamony

Rusizi

Karongi

Senateri Tito Rutaremara afite ubuzima butangaje iyo atari muri politike

Rutaremara ufite imyaka 73 y’amavuko,ni umunyapolitiki ubimazemo igihe,akaba n’umwe mu bagize Sena y’u Rwanda muri iki gihe.

Azwi cyane ku kuba ari we wabaye Umuvunyi wa mbere w’u Rwnda, umwanya uhabwa umuntu uzwiho ubunyangamugayo, agahabwa inshingano zo gukurikirana aho ubutabera butatanzwe neza.

Rutaremara ni umwe mu bashinze umuryango wa FPR-Inkotanyi, akaba ari n’umwe mu bakada (Cadres) bakiriho.

Nyuma y’inshingano za politiki, Rutaremara ni umuntu ufite ubuzima busanzwe,utatekereza ko umuntu wakinnye politiki yabonera umwanya.

Abanyamakuru ba Kigali Today, baramusuye kugira ngo abaganirize ku kindi gice cy’ubuzima bwe abantu batazi.

Ku myaka 73 afite, Rutaremara yemeza ko kureba filimi z’uruhererekane zizwi nka “series”, biri mu bintu bimuruhura mu mutwe igihe afite ibibazo n’umunaniro. Agira ati “Filime z’uruhererekane zigusigira amatsiko yo gushaka gukurikira ikindi gice gikurikiraho.”

“The promise” ni imwe muri filime z’uruhererekane zikinwa n’Abahinde avuga ko akunda gukurikirana mu minsi y’ikiruhuko nka wikendi. Mu minsi isanzwe Rutaremara avuga ko akunda gukurikirana izindi filime na zo z’uruhererekane zinyura kuri shene ya Telemundo yo muri Amerika y’Epfo.

Gukunda filime si ibintu bishya kuri we, kuko ngo akiga no ku mugabane w’Uburayi muri gahunda ze ntiyaburaga uko areba filime nka kabiri mu cyumweru.

Avuga ko akiri ingimbi yanakundaga gusohokera mu tubyiniro cyane. Mu mvugo yuje ibitwenge ati “Ku wa Gatandatu ni wo wari umunsi nakundaga kujya mu kabyiniro”

Gusa ibyo byose ntibyashoboraga kumurutira urukundo yakundaga umupira w’amaguru. Hashize imyaka 30 Rutaremara ari umufana ukomeye w’ikipe ya Manchester United yo mu Bwongereza.

Yatangiye gufana Manchester United mu 1985, avuye kuri Liverpool yaretse gufana nyuma gato y’impanuka yabereye muri stade ya Heysel mu Bubiligi.

Iyo mpanuka yabaye ku itariki 29 Gicurasi 1985, ubwo abafana bahungaga imvururu bagwiriwe n’urukuta. Hari ku mukino wa nyuma w’igikombe gihuza amakipe yitwaye neza ku mugabane w’Uburayi, wendaga guhuza Juventus yo mu Butaliyani na Liverpool yo mu Bwongereza.

Muri iyo mpanuka haguyemo abafana 39, biganjemo Abataliyani, abandi 600 barakomereka.

Rutaremara byose arabyibuka, ati “Yari impanuka ya kinyamaswa bituma mpita mva kuri Liverpool ntangira gufana Manchester United cyane cyane ko imijyi yombi yari yegeranye.”

Kuva yatangira gufana Manchester, iyi kipe nayo imaze kuba ubukombe mu makipe yo mu Bwongereza, kuko imaze kwegukana ibikombe 42 ikarusha Liverpool igikombe kimwe.

Ati “Sir Alex Ferguson (wayoboye Manchester kuva mu 1986 kugeza 2013) yayishyize ku rundi rwego mu gihe yayiyoboraga… nizera ko José Mourinho (uyiyobora ubu) nawe ari gushakisha inzira zo kugarura ibyo bigwi.”

Ku mugabane w’Uburayi kandi anafana ikipe ya FC Barcelone yo muri Esipanye. Ati “Nafannye FC Barcelone igihe kirekire kubera uburyo bakina umupira.”

Mu gihe cy’igikombe cy’isi, Senateri Rutaremara afana ikipe ya Brazil ariko akaba n’umufana ukomeye w’ikipe y’Abadage.

Mu Rwanda Senateri Rutaremara avuga ko afana bikomeye ikipe ya APR FC, ikipe yemeza ko afite ku mutima kubera amateka yayo. Ati “Ndi umwe mu batangiye iriya kipe. Urumva ko rero ari ikipe yanjye ngomba gufana”

Senateri Rutaremara yasuye abakobwa bahatanira ikamba rya Miss Rwanda

Gusa avuga ko n’andi makipe yose yo mu Rwanda ayafana. Ati “Mu Rwanda birenze kuba umufana. Uba ugomba gufana amakipe yose kugira ngo biyafashe kuva ku rwego rumwe ajya ku rundi.”

Injyana za Reggae, Rock n Roll ntizizigera zimuva mu matwi

Mu muziki, Rutaremara yemeza ko akunda injyana ya Reggae na Rock n Roll. Yajyaga mu tubyiniro cyane akiri ingimbi ariko yemeza ko “Uko umuntu agenda akura agenda ahindura injyana agakunda izituje.”

Mu njyana zo mu Rwanda, Rutaremara akunda abahanzi barimo Mariya Yohana wamenyekanye mu ndirimbo “Intsinzi”. Iyi ndirimbo yayisohoye nyuma gato ya Jenoside yakorewe Abatutsi mu 1994 , ubwo ingabo zari iza FPR zari zimaze gutsinda urugamba.

Rutaremara avuga kandi ko,akurikirana irushanwa rya ‘Primus Guma Guma’ rihuza abahanzi bakomeye mu Rwanda. ati “Irushanwa riheruka itsinda Urban Boys ryegukanye niryo nakurikiye cyane.”

Avuga ko ashoboye kwitabira ibitaramo bya Guma Guma bibera hirya no hino mu gihugu yabikora ariko imyaka afite ntibimwemerera.

Avuga ko kwitabira ibyo bitaramo bifite aho bihuriye no gushyigikira urubyiruko, ati “Ni kwa kundi uba wumva ushaka gushyigikira abakiri bato kugira ngo bumve ko bafite ubufasha bwose bwo kugeza umuziki ku rundi rwego nka ba Bob Marley n’abandi bashimishije isi.”

Afite umwana yatoraguye arera

Mu minsi isanzwe Rutaremara akunda kuryama mu gicuku ariko ntiyarenza isa moya za mu gitondo atarabyuka. Ariko mu minsi ishize gahunda ye yarahindutse bitewe n’umwana arera abifashijwemo na mubyara we.

Uwo mwana ubu ufite imyaka itatu, yiga mu incuke ku ishuri rya Les Hirondelles riherereye mu Mujyi wa Kigali. Ati “Uyu mwana abyuka mu cya kare bigatuma twese tubyuka. Byatumye nsigaye mba ndi kureba amakuru kuri internet kugeza saa mbiri ngiye ku kazi.”

Igitangaje nk’uko abyivugira, Rutaremara avuga ko kubera ubucuti afitanye n’uwo mwana asigaye yinywera igikoma mu masaha y’ikiruhuko cya saa Yine.

Uburyo uwo mwana yageze mu rugo kwa Rutaremara nabwo buratangaje kandi buteye n’agahinda iyo abivuga.

Byahereye mu masengesho yari ayobowe n’umwe mu bapadiri ba Kiriziya Gatulika bakomeye mu Rwanda witwa Ubald Rugirangoga, aho umwe mu bari bitabiriye ayo masengesho yataye uwo mwana ku bushake.

Aho niho mubyara wa Rutaremara babana yatoreye uwo mwana amuzana mu rugo. Rutaremara avuga ko yabahinduriye ubuzima. Ati “Ntitwashobora kumara umunsi n’umwe uyu mwana wacu adahari.”

Ubusanzwe Senateri Rutaremara avuga ko afatira amafunguro ya saa Sita mu rugo bitewe na gahunda iri mu nteko.

Yitabira inama za komisiyo zihera saa tatu kugeza saa Sita, akajya mu kiruhuko cya saa Sita akagaruka saa Cyenda mu nama rusange y’abagize Sena.

Akunda telefone ya ‘iPhone’

Senateri Rutaremara ni umufana ukomeye wa telefone yo mu bwoko bwa iPhone. Ubu atunze iPhone ariko yo mu zo hambere, nyuma y’uko iyo yari afite yibwe. Ati “Nari naguze telefone y’ibihumbi 800Frw nari nafashe ku nguzanyo ariko iza kwibwa ubwo nari nagiye mu bukwe nari natumiwemo.”

Senateri Rutaremara amaze imyaka irenga 20 muri politiki kandi afatwa nk’umwe mu bantu b’ikitegererezo ku bakiri bato

Amateka magufi ya Senateri Rutaremara

Rutaremara yavukiye mu Karere ka Gatsibo mu Ntara y’Uburasirazuba, yigira amashuri abanza mu ishuri ribanza rya Kiziguro ryari riherereye mu birometero bine uvuye iwabo.

Senateri Narcisse Musabyeyezu, ni umwe mu nshuti ze biganye mu mashuri abanza, ubu banakorana muri Sena. Nyuma y’amashuri abanza Musabyeyezu yasanze Rutaremara muri Uganda mu kigo cy’amashuri abanza ya Ibanda aho bakoze akazi ko kwigisha.

Rutaremara yize amashuri y’ikirenga i Burayi, anamara igihe kinini mu Bufaransa yiga. Kuva mu 1987, Rutaremara ntiyigeze ahabwa akazi ariko yaje kuba umwe mu batangije umuryango wa RPF Inkotanyi.

Akazi ka mbere yakoze kamuhembaga ibihumbi 45Frw, icyo gihe hari mu 1995 ubwo yahise ajya mu Nteko ishinga amategeko yabanjeho.

Icyo gihe Rutaremara yari afite abana bari hagati ya 25 na 30 yareraga. Abo bana bari abarokotse Jenoside yakorewe Abatutsi harimo n’abo mu muryango we.

Mu rugamba rwo kubohora igihugu, Rutaremara ntiyigeze arasa isasu ahubwo yagize uruhare rukomeye mu rugamba, aho yahuzaga abakada bashinzwe ibya politiki akanagira uruhare mu gushaka inkunga yo gufasha abari ku rugamba.

Mu buzima bwe, umuntu umwe niwe Rutaremara avuga ko yemera “mu bantu bareba kure”, ari we Paul Kagame. Inama atanga yo kuba umuyobozi mwiza mu kuyobora igihugu ni “Ukuba umunyakuri, ukihugura kandi ugakunda abantu.”

Bimwe mu byo yakoze

– 1987-1993: Umunyamabanga mukuru wa Rwandase Patriotic Front (RPF)
– 1994-2000: Umwe mu bari bagize Inteko ishinga amategeko y’inzibacyuho (Transitional National Assembly)
– 2000-2003: Umuyobozi mukuru w’amategeko na komisiyo ishinzwe itegeko nshinga
– 2003-2011: Umuvunyi mukuru

Kicukiro mu murenge wa Gahanga:
Hatangijwe igikorwa cyo kubaka ishuri

Perezida Kagame yifatanyije n’abaturage mu muganda i Gahanga

Gasabo

Umuganda wabereye mu Murenge wa Gikomero, haterwa ibiti by’ishyamba 13000.

Nyagatare:

Minisitiri w’intebe Ngirente Eduard imvura ntiyamubujije gukora umuganda

Kimihurura:

Karongi:

Burera:

Huye:

Muhanga:

Rusizi:

Andi mafoto y’umuganda wabereye i Gahanga:

https://www.flickr.com/photos/kigali-today/albums/72157689919356846

Umwe mu babeshyewe ko Yishwe n’inzego z’umutekano z’u Rwanda afungiye muri Gereza ya Rubavu

Ni raporo yasohotse muri Nyakanga 2017 ihabwa umutwe ugira uti"All Thieves must be killed".

Iyi raporo ivuga ko hari Abanyarwanda 43 bishwe n’inzego z’umutekano zirimo abasirikare, abapolisi na DASSO.

Ababeshyewe ko bishwe ndetse n’abo mu miryango yabo, batanze ubuhamya bubeshyuza ibikubiye muri iyo raporo ya Human Right Watch.

Dore mu mashusho ubuhamya bwabo :

Iyo midugudu yatashywe ubwo hakorwaga umuganda usoza ukwezi kwa Nzeli, ku wa gatandatu tariki ya 30 Nzeli 2017.

Imwe muri iyo midugudu yatangiye gutuzwamo abaturage ariko naho bataratuzwamo haracyashyirwamo ibikoresho kugira ngo bayatuzwemo bidatinze.

Iyo midugudu irimo n’ibindi bikorwa remezo birimo amashuri, amavururo aciriritse, udukiriro, ibiraro by’inka hari n’ahari inzu z’imyifagaduro.

Mu ngengo y’imari y’umwaka wa 2017-2018, u Rwanda rwateganyije miliyari 15RWf yo kubaka imidugudu y’icyitegererezo mu gihugu hose.

Ayo mafaranga aje asanga andi miliyari 22RWf yari yashyizwe mu ngengo y’imari y’umwaka wabanje yo gufasha uturere kubaka inzu ibihumbi 30 zizimurirwamo abatuye mu manegeka.

Kigali

Uwo niwo mudugudu wa Gikomero ugizwe n’inzu 64

Mu murenge wa Gikomero mu Karere ka Gasabo ho mu mujyi wa Kigali hatashywe inzu 64 ziri mu mudugudu w’icyitegererezo, zatujwemo abaturage bakuwe mu manegeka ahantu hatandukanye mu mujyi wa Kigali hamwe n’abandi batishoboye.

Buri nzu igizwe n’ibyumba bitatu n’uruganiriro n’igikoni. Abaturage banahawe ibikoresho by’ibanze birimo ibiryamirwa, ibirirwa, intebe, imifariso ibiri kuri buri rugo.

Izi nzu zatashywe na Minisitiri w’ubutegetsi bw’igihugu Francis Kaboneka

Burera

Muri ako karere hatashywe inzu 19 zizatuzwamo imiryango 76 izimurwa mu kirwa cya Birwa kiri rwagati mu kiyaga cya Burera. Zubatse mu Kagari ka Rurembo mu murenge wa Rugarama.

Buri inzu yubatswe mu buryo bw’inzu enye muri imwe cyangwa "4 in 1". Buri nzu kandi ifite ibyumba bitatu n’uruganiriro, ubwiherero n’igikoni. Zuzuye zitwaye arenga miliyoni 540RWf.

Zimwe zatangiye gutuzwamo abantu ariko izindi ziracyakorerwa isuku zinashyirwamo ibikoresho ngo zituzwemo abandi baturage.

Minisitiri w’ubuzima Dr Gashumba Diane afatanyije n’abandi bayobozi bo muri Burera nibo batashye uwo mudugudu

Gatsibo

Muri ako karere hatashywe umudugudu w’icyitegererezo ugizwe n’inzu eshanu, zubatswe mu buryo bw’enye muri imwe cyangwa "4 in 1".

Zizatuzwamo imiryango 20 y’abatishoboye na bamwe mu Banyarwanda birukanwe muri Tanzania.

Uwo mudugudu kandi ufite inzu mberabyombi, ivuriro riciriritse, isoko n’ibiraro by’inka. Uwo mudugudu wose wuzuye utwaye miliyoni 420RWf.

Inzu mberabyombi

Isoko

Ikiraro cy’inka

Huye

Mu Karere ka Huye, mu murenge wa Simbi mu Kagari ka Busanza hatashywe umudugudu w’icyitegererezo urimo inzu eshanu zubatse mu buryo bwa enye muri imwe cyangwa "4 in 1".

Uwo mudugudu watashywe na Prezida wa sena y’u Rwanda, Bernard Makuza urimo ishuri ry’incuke n’ikiraro cy’inka. Abawuturiye bawise Yeruzalemu. Wuzuye utwaye miliyoni 293RWf.

Gisagara

Muri ako karere mu murenge wa Mamba hatashywe umudugudu w’icyitegererezo urimo inzu 72 zizatuzwamo imiryango itishoboye isaga 130. Uwo mudugudu watashywe n’umunyamabaganga wa Leta muri Minisiteri y’ubuhinzi, Fulgence Nsengiyumva.

Rutsiro

Mu Karere ka Rutsiro mu Murenge wa Mushubati hatashywe umudugudu w’icyitegererezo ugizwe n’inzu umunani zubatse mu buryo bw’enye muri imwe cyangwa "4 in 1". Buri nzu yuzuye itwaye miliyoni 42RWf.

Izo nzu zizatuzwamo abatishoboye, zatashywe n’umunyamabanga wa Leta ushinzwe iterambere ry’abaturage mu Minisiteri y’Ubutegetsi bw’igihugu, Harerimana Cyriaque.

Ngororero

Muri ako karere mu murenge wa Matyazo hatashywe umudugudu w’icyitegererezo wiswe Kigali ugizwe n’inzu 25 zubatswe mu buryo bw’inzu enye muri imwe cyangwa "4 in 1". Uzatuzwamo abatishoboye 100.

Wubatsemo kandi irerero, ivuriro riciriritse, n’inshuri. Uwo mudugudu wabanje gutuzwamo imiryango umunani. Uwo mudugudu wose uzuzura utwaye arenga miliyari 1RWf.

Muhanga

Muri ako Karere mu Murenge wa Rongi hatashywe umudugudu w’icyitegererezo wa Muyebe urimo inzu 10 zubatse mu buryo bw’inzu ebyiri muri imwe cyangwa "2 in 1", zizatuzwamo imiryango 20.

Izo nzu zuzuye zitwaye miliyoni 140RWf, zatashywe na Dr Vincent Biruta, Minisitiri w’ibidukikije.

Rwamagana

Mu Karere ka Rwamagana, mu murenge wa Nyakariro hatashywe umudugudu w’icyitegererezo wa Rwimbogo uzubakwamo inzu 85 zo mu buryo bwa "4 in 1" n’izindi nzu 31 za "2 in 1".

Izo nzu zizubakwa mu gihe cy’imyaka itanu, zizura zitwaye miliyoni 800RWf kuko muri uwo mdugudu hazanashyirwamo ivuriro, amashuri, agakiriro, ikibuga n’ikigo cy’ikoranabuhanga.

Gusa ariko habanje gutahwa inzu ebyiri zatujwemo imiryango itishoboye umunani, zuzuye zitwaye miliyoni 86RWf.

Kirehe

Muri ako karere hatashywe umudugudu w’icyitegererezo urimo inzu 32 zubatswe mu buryo bwa "4 in 1", mu murenge wa Mpanga, mu Kagari ka Nasho. Izo nzu zizatuzwamo abaturage bari batuye mu manegeka.

Ambasaderi Donald Yamamoto, uhagarariye inyungu z’Amerika ku mugabane w’Afurika, yavuze ko inshingano za mbere z’Amerika ku Rwanda ari ukurufasha mu rugendo rw’iterambere

Kuri uyu kane tariki 28 Nzeli 2017, uwo mwanya barawuhawe banahabwa umwanya uhagije wo kuvuga ibibazo bafitanye na Leta y’u Rwanda. Ihurizo rya mbere bahuye na ryo ni uko komite bagombaga kugezaho ikibazo cyabo yari igizwe n’abadepite babiri gusa.

Ubusanzwe iyo Komite y’Inteko ishinga amategeko ya Amerika ishinzwe uburenganzira bwa muntu muri Afurika, iba igizwe n’abadepite icyenda (9) bashinzwe gukurikirana buri dosiye bahawe.

Irindi hurizo bahuye na ryo ni uko n’ubwo bahabwa umwanya imyanzuro ifatiwe muri iyo komisiyo, idashobora guhita ishyirwa mu bikorwa kuko bibanza gusaba izindi nzira n’iperereza byimbitse.

Ibiganiro byatangiye biyobowe na Depite witwa Chris Smith wari uherekejwe n’undi Mudepite ukomeye witwa Karen Bass.

Guverinoma ya USA yari ihagarariwe na Ambasaderi Donald Yamamoto, Umunyamabanga wa Leta w’agateganyo ushinzwe Afurika, nk’uko itegeko ribigena.

Abandi batumiwe banitabira ibyo biganiro harimo umuryango utegamiye kuri Leta witwa "Search for Common Ground", ukorera mu Biyaga bigari mu bijyanye ahanini no gukemura amakimbirane na "Amnesty International"umuryango uharanira uburenganzira bwa muntu.

Ambasaderi Yamamoto yibukije abitabiriye ibyo biganiro ko politike y’ibanze ya Leta Zunze ubumwe z’Amerika ku Rwanda, ari ukurufasha gukomeza gutera imbere mu gihe rugihanganye n’ingaruka za Jenoside yakorewe Abatutsi mu 1994.

Yagize ati “Icyizere Guverinoma n’Abanyarwanda bifitemo kirakwiye kuko igihugu gikomeje kubaka ahazaza heza hashingiwe k’ukubaka amahoro n’ubukungu.”

Kuri Himbara na Higiro bari batumiwe muri ibyo biganiro, wari umwanya mwiza kuri bo wo gukora ibishoboka byose bakagaragaza isura itari nziza ku Rwanda. Bwari ubwa kabiri bagarutse imbere y’iyo komite kuko no mu mwaka wa 2015 batanze ibindi birego.

Mu nkuru yacu iheruka twababwiye uko abo bagabo babifashijwemo na Rujugiro bishyuye miliyoni zisaga 372Frw (Amadorari y’Amerika ibihumbi 440), Kompanyi yitwa "Podesta Group" ivuganira abashaka gutambutsa ijwi ryabo mu buyobozi bw’Amerika.

Podesta Group ni yo yagombaga kubafasha kugera imbere y’Inteko ishinga amategeko y’icyo gihugu bagatanga ibirego byabo.

Mu birego Himbara yatanze muri icyo kiganiro harimo ikijyanye n’inzu y’ubucuruzi ya Rujugiro izwi nka UTC yambuwe. Iyo nzu ikaba iherutse gutezwa cyamunara kubera ibirarane by’imisoro Rujugiro abereyemo Ikigo cy’igihugu gishinzwe Imisoro (RRA).

Mike Jobbins, wari uhagarariye “Search for Common Ground” yateye utwatsi ibyavugwaga na Himbara na Higiro, asaba ko Leta y’Amerika yakomeza gufasha u Rwanda n’akarere ruherereyemo.

Depite Smith ni we wasaga nk’aho ashaka ko Himbara na Higiro bagaragaza akababaro kabo ariko Depite Bass bari kumwe ntiyabishyigikira, asa n’ugaragaza ko ibirego by’abo bagabo nta shingiro bifite.

Ntibanatinze kuko Depite Bass yahise ava muri ibyo biganiro avuga ko agiye mu yindi gahunda, ariko asiga avuze ko ibyo abo bagabo baregamo Leta y’u Rwanda nta shingiro bifite.

Depite Bass yabishingiye ku kuba ibyo bavuze nta cyiza na kimwe bagaragaje kuri Leta y’u Rwanda, avuga ko abifata nk’umwanya wo gushaka inzira yo gukinira politiki muri Amerika.

Mu bushakashatsi Kt Press yakoze, yagaragaje ko ayo mafaranga n’ubwo yishyuwe na Himbara ariko yagiye atangwa na Tribert Ayabatwa Rujugiro, umwe mu baherwe bakomeye mu Rwanda ariko uba mu buhungiro muri Leta zunze ubumbwe za Amerika kuva mu 2008.

Amashuri yasenyutse mu Karere ka Rwamagana mu Murenge wa Muhazi

Ni nyuma y’aho uturere dutandukanye duhuriye n’ibiza, bigasenya inzu nyinshi, kandi hose bigaragara ko harimo n’ikibazo cy’imyubakire, aho ibisenge biba bitaziritse uko bikwiye.

Minisitiri De Bonheur ubwo yasuraga imiryango 26 yo mu Murenge wa Mukura mu Karere ka Huye,yasenyewe n’imvura irimo umuyaga mwinshi yaguye mu cyumweru gishize, yavuze ko hari uburyo bwo kubikumira.

Yavuze ko iyo inzu zabo ziba ziziritse ibisenge, zitari kugurukanwa n’umuyaga,akaba ari yo mpamvu mu rwego rwo kubirwanya, iyo Minisiteri igiye gutangiza gahunda yo kwigisha abaturage uburyo bwo kubaka birinda ibiza.

Yagize ati”Turateganya gukumira twigisha abaturage kuzirika ibisenge,kuko twabonye ko inzu nyinshi zigurukanwa n’umuyaga bitewe n’uko zitaziritse ibisenge, kandi nta n’imvura nyinshi iratangira kugwa.”

Yungamo ati “Umuyaga uragira utya ukaza ukagurukana ibisenge,bivuze ko ibisenge bidakomeye.Hazabaho kwigisha abaturage kuzirika ibisenge,kugira ngo nyine bibe bikomeye,amabati afashe ku nzu neza”.

Uwo muyobozi avuga ko ubu abafundi bazafasha abaturage kuberekera uko ibyo bikorwa, bamaze gutoranywa,bakaba bagiye gutangira kwigishwa hanyuma nabo bakazigisha abaturage.

Inyinshi mu nzu zatwawe n’umuyaga n’abaturage bemeza ko ari izari zubatse mu buryo budakomeye,kandi zari zifite ibisenge bitaziritse.

Munyemana Jean Claude wo mu Karere ka Huye,avuga ko inzu ye yagurutse adahari,ariko akemera ko igisenge cyayo kitari kiziritse,ku buryo nawe yemeza ko byaba ari byo byatumye itwarwa n’umuyaga.

Ibisenge bitaziritse ni byo bitwarwa n’umuyaga

Mu Karere ka Huye hasenyutse inzu 119, harimo ibyumba by’amashuri n’inyubako z’ubuyobozi.

Akarere ka Rwamagana kibasiwe n’ibiza kuri uyu wa 27 Nzeli,hasenyuka inzu 126, hangirika hegitari 2 z’urutoki n’amapoto y’amashanyarazi ane.

Utundi turere twahuye n’icyo kibazo harimo, Rusizi, Ngoma, Burera, Kayonza n’ahandi.

Imibare itangwa na Minisiteri ishinzwe gukumira ibiza no gucyura impunzi (MIDIMAR), igaragaza ko muri uku kwezi kwa Nzeli mu gihugu hose inzu zasenywe n’ibiza ari 1463, Hegitari 838 z’imyaka zirangirika, amatungo 95 arapfa n’aho abantu 39 barakomereka.

Ishuri ryisumbuye rya Kansi

Kigali Today yavuganye n’Umuvugizi wa Polisi y’igihugu mu ntara y’Amajyepfo, IP Emmanuel Kayigi, ayitangariza ko mu iperereza ryakozwe nyuma y’inkuru ya Kigali Today, nta bimenyetso byagaragaye byemeza ko icyo kibazo gihari cyangwa cyaba cyarabaye.

Muri icyo kiganiro, umuvugizi wa Police yahamirije Kigali Today ko mu iperereza bakoze nyuma yo kubona iyo nkuru mu itangazamakuru, basanze nta bimenyetso bifatika bigaragaza ukuri kw’ibyatangajwe.

IP Kayigi yagize ati: “Mu iperereza ryakozwe na Polisi nta bimenyetso byagaragaye ko icyo kibazo gihari hagati y’abana b’abahungu n’uwo muyobozi,ndetse yewe n’abana babajijwe basobanuye ko nta kibazo bafitanye n’uwo muyobozi wabo usibye ko ngo abikundira gusa akabafata neza.”

Twabibutsaga ko muri iyo nkuru ya Kigali Today yari yanditswe hashingiwe cyane cyane ku buhamya yari yahawe na bamwe mu banyeshuri ndetse n’umwe mu babyeyi baharerera, aho bavugaga ko bwana Théophile Ndagijimana yaba aryamana na bamwe muri abo banyeshuri b’abahungu.

Gusa nyuma y’isohoka ry’iyo nkuru, Théophile Ndagijimana yagaragarije Urwego rw’Abanyamakuru bigenzura (RMC) ko ibyamwanditsweho atemeranywa na byo ndetse agana ubuyobozi bwa Kigali Today abugaragariza ko atemera na gato ibyamuvuzweho. Kigali Today yamwemereye ko igiye gukomeza icukumbura ngo imenye ukuri nyako kuri iyo nkuru.

Muri iyo nkuru, Théophile nawe yari yabajijwe ariko arahakana aratsemba ko atigeze abikora. Gusa hari bamwe mu bana ndetse n’umubyeyi bari baganiriye n’umunyamakuru bemeza ayo makuru bituma yizera inkomoko y’ayo makuru (source).

Nyuma y’icukumbura rindi ryagaragaje ukuri nyako, Kigali Today iboneyeho kwisegura kuri Theophile Ndagijimana, ku kibazo cyose yaba yaratewe n’ibyamwanditsweho n’undi wese waba yarakomerekejwe n’iyo nkuru.

Uwo muganda wabaye kuri uyu wa gatandatu tariki ya 26 Kanama 2017, waranzwe no gukora imihanda no kubakira abatishoboye.

Huye

Umuganda usoza Kanama mu Karere ka Huye wabereye mu Mudugudu wa Nyagasozi, Akagari ka Mugobore, umurenge wa Simbi.

Abaturage bafatanyije n’ubuyobozi bakoze umuganda wo guhomera inzu ziri kubakirwa abatishoboye bari bacikanywe ubwo hubakirwaga abakuwe muri nyakatsi. Mu Murenge wa Simbi hari kubakirwa abantu 51.

Karongi

Mu Karere ka Karongi umuganda wakorewe mu Kagali ka Shyembe, umurenge wa Murambi, ahakozwe amateme hakanaharurwa umuhanda.

Muhanda

Abaturage n’abayobozi bakoreye umuganda mu Kagari ka Gifumba mu Murenge wa Nyamabuye. Baharura imihanda asana n’amateme mu mihanda y’imigenderano.

Nyagatare

Umuganda rusange wabereye mu mudugudu wa Urukundo, Akagari ka Gahurura umurenge wa Rukomo, ahakozwe umuhanda ugana ku ishuri ribanza rya Gahurura. Banashije ikibanza cy’ahazubakwa ishuri ribanza.

Nyarugenge

Umuganda mu Karere ka Nyarugenge wakorewe ku Mudugudu w’icyitegererezo wa Rugendabari mu murenge wa Mageragere.

Wakozwe n’abaturage b’umurenge wa Mageragere, abakozi b’Ikigo cy’igihugu gikwirakwiza amashanyarazi n’Iterero ry’Abanyamakuru "Impamyabigwi II".

Umudugudu w’Icyitegererezo wa Rugendabari ugizwe n’amazu 40 ya "4 in 1", ibiro by’Akagari, Ivuriro n’ishuri ry’incuke.

Impamyabigwi II banishyuriye Mitiweri abaturage ba Mageragere 100 batishoboye.

Rusizi

Urubyiruko rugera kuri 70 rwibumbiye mu itsinda ryitwa Intumwa z’amahoro mu karere k’ibiyaga bigari (RD Congo,u Rwanda n’Uburundi) bafatanyije n’abaturage bo mu mudugudu Wa Mont Cyangugu mu muganda aho bafatanyije gusibura umuhanda uhuza imidugudu ya Mont Cyangugu na Kadasomwa.

Urwo rubyiriko rwibumbiye mu muryango w’Aba-Scouts n’Aba-Guides bo muri ibyo bihugu.

Rubavu

Umuganda wakorewe mu murenge wa Busasamana mu kagari ka Nyacyonga ahahomwe amazu atatu yubakiwe abatishoboye.
Nyuma y’umuganda ubuyobozi bwakanguriye abaturage gukomeza kugira uruhare mu kwicungira umutekano kuko ariwo shingiro ry’iterambere, kwitabira ubwisungane mu kwivuza bazirikana ko ntacyo bageraho badafite ubuzima bwiza.

Abanyarwanda batuye Atlanta bizihije intsinzi bakora ibirori baranabyina

Ibyo birori byabaye ku itariki ya 19 Kanama 2017, byitabiriwe n’Abanyarwanda barimo abanyamuryango ba ARC (Atlanta Rwandan Community) n’inshuti zabo.

Godfrey Biravanga, umwe mu bajyanama ba ARC ni we wafunguye ibirori, ashimira abantu uburyo babyitabiriye kandi anasengera u Rwanda na Perezida Paul Kagame kuri manda ye y’imyaka irindwi yatorewe.

Muri uwo muhango icyakunze kugarukwaho ni ugushimira abanyamuryango ba FPR-Inkotanyi n’Abanyarwanda muri rusange icyizere bagiriye umukandida wabo n’uburyo bitabiriye amatora.

Bavuga ko bifuje kwizihiza iyo intsinzi mu rwego rwo kwifuriza Perezida Kagame kuzasoza inshingano ze neza,banamwizeza kuzamushyigikira no kumuba hafi mu bikorwa bye na gahunda ateganyiriza u Rwanda muri ino manda atangiye y’imyaka irindwi.

Abanyamuryango ba FPR-Inkotanyi muri Atlanta bizihije intsinzi ya Perezida Kagame

Madame Leila Gaju Kabanda, uhagarariye Abanyarwanda baba muri Atlanta (ARC) yavuze ko gushyira hamwe kw’Abanyarwanda ari byo bizatuma u Rwanda rurushaho gutera imbere.

Agira ati “Uyu munsi turi kumwe twese hamwe twizihiza intsinzi ya Perezida Paul Kagame ntawe uhejwe cyangwa ngo arobanurwe mu bandi. Nizera ntashidikanya ko iyo imiryango n’inshuti bishyize hamwe bagamije intego runaka, ntacyabananiza kuyigeraho.

Ugushyira hamwe ni ipfundo ry’ iterambere rirambye ku gihugu cyacu. Kandi ubu bumwe tugaragaje uyu umunsi burahamya ko tuzatahiriza umugozi umwe mu kuba inyuma Perezida Paul Kagame mu gushoza inshingano twamutoroye.”

Madame Raissa Irakoze Cunningham, uhagarariye Diaspora ya Atlanta akaba yungirije Madamu Leila Kabanda, yahamagariye abari bateraniye aho gukomeza kubaka u Rwanda.

Agira ati "Ibyiza biri imbere, dukomeze twubake igihugu cyacu, twiyubakira kandi tuzirikana ko n’ubwo tuba mu mahanga, intego yacu ari imwe gusa, yo gukomeza guteza imbere igihugu cyacu, duharanira gushyira hamwe nk’Abanyarwanda kandi tuzirikana ubunyarwanda bwacu aho turi hose.”

Byari ibyishimo kuri uwo munsi

Mu bindi byaganiriweho muri ibyo birori ni uko abanyamuryango ba FPR-Inkotanyi muri Atlanta biyemeje gukomeza guharanira iterambere mu bikorwa by’umuryango.

Biyemeje kandi gushishikariza abandi banyamuryango bo muri Amerika kuzakomeza umurava wo gukorera u Rwanda no guharanira gukomeza kwihesha agaciro aho bari hose nk’Abanyarwanda baba mu mahanga.

Ni ubwa mbere abanyamuryango ba FPR-Inkotanyi muri Amerika bahuriye hamwe ariko ngo si bwo bwa nyuma.

Imvura yaguye yateje umwuzure muri santere y’ubucuruzi ya Kabuga

Iyaguye mu Kagari ka Kabuga I mu murenge wa Rusororo mu Karere ka Gasabo niyo yateye umwuzure muri santere y’ubucuruzi ya Kabuga bigabanya urujya n’uruza rw’abantu n’ibinyabiziga.

Bamwe mu bakorera muri iyo santere bavuga ko iyo mvura batari bayiherutse. Bakabavuga ko yaguye batari bayiteguye kuburyo yababujije gukora imirimo; nkuko Uwimana Felicien akora akazi ko kunyonga abivuga.

Agira at “Iyi mvura yabangamiye ubu santeri yose ni amazi ku buryo ubu gutwara abagenzi bidashoboka."

Mukamana Emelita wahanyuze agenda n’amaguru yagize ati "Natwe abanyamaguru yatubangamiye. Yego imvura ni umugisha ariko ubu urabona ko navanyemo inkweto."

Iyo mvura kandi yaguye no mu Karere ka Rusizi mu Mujyi wa Rusizi ariko ho yari iringaniye. Muri Rwamagana naho yaguye iringaniye.

Andi mafoto

Rusizi

Rwamagana

Ambasaderi w’u Rwanda muri Amerika Mukantabana Mathilde na Amabasaderi Dr. Arikana, Chihombori-Quao, uhagarariye AU muri Amerika (USA) muri ibyo birori

Ibyo birori byateguwe na Ambasade y’u Rwanda muri Amerika, byabereye i Washington, D.C. ku itariki ya 11 Kanama 2017, nyuma y’iminsi mike Perezida Kagame atorewe kuyobora u Rwanda.

Amabasaderi Dr. Arikana, Chihombori-Quao, uhagarariye Umuryango wa Afurika yunze ubumwe (AU) muri Amerika (USA) na Ambasaderi w’u Rwanda muri Amerika, Mukantabana Mathilde nibo bari abashyitsi bakuru.

Bahuriye n’abandi bantu bagera ku 120 mu rugo rwiswe Africa House, ahatuye uhagarariye umuryango wa Afurika yunze ubumwe muri Amerika bose babyina insinzi ya Perezida Kagame.

Amabasaderi Mukantabana yashimiye abitabiriye ibi birori, ko kuba bitabiriye kwishimira intsinzi ya Perezida Kagme ari ikimenyetso cyuko u Rwanda rubanye neza n’andi mahanga, kandi rwubatse icyizere no muri Afurika.

Agira ati “Aya matora agaragaza inzira twahisemo muri demokarasi. Abanyarwanda bahisemo uwo bashaka, kandi byanyuze mu nzira ya demokarasi, nta gitutu cy’amahanga.”

Yibukiye abari bitabiriye ibi birori ko mu myaka ibiri ishize, Abanyarwanda ari bo bitoreye “Yego” muri Referandumu bihitiramo ko Perezida Kagame akomeza kubayobora.

Bishimiye intsinzi babyina imbyino gakondo zo mu Rwanda

Yavuze ko bongeye kubigaragaza bamamaza umukandida wabo, babyemeza neza banamutora, byose kandi bikaba byarakozwe mu byishimo bidasanzwe, amahoro n’umutuzo, kubera uguhitamo kwabo.

Amabasaderi Chihombori-Quao yongeyeho ko abavuga ko Perezida Kagame yashatse kugundira ubutegetsi bibeshya kuko ntawe ukwiye kwivanga mu by’Abanyafurika kandi ko Afurika ari yo izishakira umuti w’ibibazo ifite.

Akomeza avuga ko iterambere u Rwanda rwagezeho ku buyobozi bwa Paul Kagame, ririmo no gusubiza agaciro abagore, ubutabera bunoze, ibikorwa remezo n’iterambere ryihuse, aribyo byashingiweho bamuha inshingano zo kuvugurura Politiki ya AU.

Ambasaderi Chihombori-Quao wari umushyitsi mukuru muri ibyo birori, yasoje avuga ko ibiri kubera mu Rwanda birimo gukangura benshi.

Mu bandi bashyitsi bari bitabiriye ibi birori harimo umuhanzi w’umunyamerika witwa Mary Millben wasusurukije abashyitsi anashimira ababyitabiriye.

Abari aho bose basangiye ibyo kurya no kunywa banabyina imbyino gakondo zo mu Rwanda.

Ayo matora ateganyijwe kuba kuri uyu wa gatanu tariki ya 04 Kanama 2017. Dore uko hirya no hino biteguye.

Amafoto

Gisagara

Kamonyi

Kirehe

Nyagatare

Nyamagabe

Rusizi

Nyanza

Ngororero

Twagiramungu ni umwe mu batavuga rumwe na Leta y’u Rwanda kuri ubu, ariko wigeze kuba Minisitiri w’Intebe nyuma gato y’aho ingabo zari iza FPR zibohoreye igihugu.

Mu 1995 yaje guhita yegura, ahita anahunga igihugu ajya mu Bubiligi. Yagarutse mu Rwanda mu 2003 aje kwiyamamaza mu matora ariko atsinzwe asubira mu Bubiligi ari naho yatangarizaga amagambo asebya Leta.

Kagame yakomoje kuri Twagiramungu, ubwo yiyamamarizaga mu Karere ka Nyamasheke kuri uyu wa Gatandatu tariki 29 Nyakanga 2017, nyuma y’ubuhamya bwa Senateri Makuza Bernard wavuze ko Kagame atigeze yifuza kuyobora igihugu nubwo ari we wari uyoboye urugamba.

Makuza yavuze ko Kagame nk’umuntu wari umaze gutsinda urugamba yari afite uburenganzira bwo guhita ayobora igihugu, nk’uko ahandi henshi bigenda ku isi, ariko we yahisemo guhamagara amashyaka yari ariho icyo gihe akayagisha inama ku wayobora igihugu.

Yagize ati “Ndibuka ko muri kwa gufatanya mwahamagaye amashyaka ya politiki nanjye icyo gihe nagize amahirwe yo kuba mpari. Abantu bakumva ko ari ukutubwira bati Perezida ni uyu “Paul Kagame” ni ibyo. Muravuga muti ariko byagenda n’ukundi. Ntago twabyumvaga.

Ndetse harimo n’abanyapolitiki bamwe bashaje banduranya muzi bavugira iyo i Bwotamasimbi, nibo babivugaga. Bati ni wowe ugomba kuba Perezida wa Repubulika byanze bikunze. Uti ariko byagenda n’ukundi. Icyo tutari tuzi ni uko nubwo icyemezo cyafatirwaga muri FPR ntabwo mwigeze muharanira kuba Perezida w’igihugu n’ubwo nabo babishakaga.”

Makuza yavuze ko FPR yasabye ko harebwa undi wayobora, kuko Kagame yari yabyanze. Ati “Ibyo bintu ntabwo bisanzwe ubundi iyo ibintu bigenze gutyo nta n’uwirirwa abaza utsinze urugamba, uyoboye urugamba umukuru w’izo ngabo niwe uhita aba umukuru w’igihugu.”

Kagame yavuze ko n’ubwo Twagiramungu yahunze igihugu, Leta yamusabye gutahuka, ariko nta kintu yigeze abisubizaho.

Ati “Makuza yababwiye abantu bazanye kundeba,twubaka inzego zigiye gukurikira igihe cy’intamabara, irangiye dushyiraho leta y’Ubumwe n’ibindi, yabatsinze ntiyabavuze n’amazina harimo ba Twagiramungu ngira ngo ni we yigeze kuvugaho uba hanze, ariko duhora dutumira ngo atahe nawe.

Icyantangazaga ni uko icyo gihe bazana ari itsinda rinini harimo aba PL, PSD, harimo MDR niyo Twagiramungu yari ayoboye. Icyo gihe tubasobanurira ibigiye gukorwa, icyantangaje ni uko uwo Makuza yavugaga yambwiraga ngo ni njye ukwiye kuba Perezida ariko hashize igihe gito arabihindura.”

Iyo atahuka, Twagiramungu yari kuba yiyongereye kuri bamwe mu bigeze kuba abayobozi bakuru nyuma ya Jenoside yakorewe Abatutsi mu 1994, bagahunga ariko nyuma bagatahuka bakanasaba imbabazi.

Muri bo harimo nka Pierre Celestin Rwigema wabaye Minisitiri w’Intebe, wasimbuye Twagiramungu. Yahungiye muri Amerika ariko agaruka mu Rwanda mu 2011, asaba imbabazi avuga ko yitiranije ibibazo bye bwite n’ubuyobozi.

Hari kandi Jenerali Paul Rwarakabije, wahoze mu ngabo za Ex-Far akaza no kuyobora umutwe wa FDRL nyuma yo gutsindwa urugamba agahungira muri Congo.

We yivugiye ko yafashe icyemezo cyo gutahuka nyuma y’uko yahamagawe na Jenerali James Kabarebe wamuhamagaye aho yari ari muri Congo amubwira ko ahawe ikaze mu gihugu cye.

Frank Habineza

Habineza yiyamamarije mu Karere ka Ngororero n’aka Kamonyi. Yahereye muri Ngororero, yakirirwa n’abaturage babarirwa muri 300.

Habineza ubwo yiyamamarizaga muri Ngororero

Imigabo n’imigambi yabagejejeho ni imwe nk’iyo asanzwe ageza ku baturage, aho ajya kwiyamamaza hose.

Gusa ariko ab’i Ngororero yababwiye ko natorerwa kuyobora u Rwanda azakora ku buryo amazi y’umugezi wa Nyabarongo asa neza.

Yahavuye akomereza mu Karere ka Kamonyi yakirwa n’abaturage bagera ku 1000.

Nta gishya yahavugiye kuko ibyo yabwiye abaturage baho byose bisa n’ibyo abwira abandi aho ajya kwiyamamaza hose birimo kuzamura ubuhinzi no kugaburira abana ku ishuri.

Mpayimana Philippe

Mpayimana yiyamamarije mu Karere ka Kirehe, Ngoma na Kayonza. Muri Kirehe yahereye, yakiriwe n’abaturage bagera kuri 400.

Mpayimana ubwo yiyamamarizaga muri Ngoma

Yahavuye akomereza mu Karere ka Ngoma naho yakirwa n’abaturage bagera ku 100. Yahavuye akomereza mu Karere ka Kayonza.

Muri ako karere yamaze igihe kitagera no ku minota 30. Yiyamamarije ku muhanda yakirwa n’abantu bagera kuri 70.

Muri two turere twose yababwiye imigabo n’imigambi imeze kimwe. Irimo kugeza amazi meza ku baturage bose.

Habineza ngo azongera buruse y’abiga kaminuza

Frank Habineza yabanje kwiyamamariza mu Karere ka Rwamagana, yakirwa n’abaturage babarirwa mu bihumbi 3000.

Yababwiye ko natorerwa kuyobora u Rwanda azakora ku buryo abanyeshuri biga muri za Kaminuza boroherezwa kwiga.

Habineza ubwo yiyamamazaga mu karere ka Kayonza

Avuga ko ubwo yigaga mu yahoze ari Kaminuza nkuru y’u Rwanda yahabwaga buruse ingana na n’ibihumbi 25RWf buri kwezi. Nubwo ngo yari make ariko yamufasha kwiga neza.

Akomeza avuga ko natorwa azongera iyo buruse ikagera ku bihumbi 100RWf. Ahamya ko ayo mafaranga azafasha abanyeshuri kwiga bakabasha kwishyura amacumbi, restora no kugura ibindi bikoresho bitandukanye bakeneye.

Habineza avuga ko kandi iyo buruse y’ibihumbi 100RWf izatuma abanyeshuri b’abakobwa batiyandarika ngo bajye mu ngeso mbo zirimo ubusambanyi.

Habineza yavuye mu Karere ka Rwamagana ajya kwiyamamariza mu Karere ka Kayonza, mu murenge wa Mukarange.

Habineza yavuze ko azongera buruse y’abiga muri kaminuza

Ahageze yakiriwe n’abaturage babarirwa mu 3000. Yababwiye ko naramuka atorewe kuyobora u Rwanda azashyiraho gahunda yo koroza abana amatungo magufi kugira ngo bizabarinde ubukene.

Yavuze ko kandi azagabanya ubusumbane bw’imishahara. Agira ati “Sinshaka ko umuntu azajya ahembwa miliyoni 4RWf ku kwezi ngo undi ahembwe ibihumbi 300RWf gusa."

Yakomeje avuga ko azashyiraho ikigo gihuza abashaka akazi n’abagatanga. Gusaba akazi ngo bizajya bikorerwa ku rwego rw’akagari bityo abagasabye babahuze n’icyo kigo batagombye gusiragira mu nzira.

Mpayimana ngo azakuraho imvugo “gusubira ku isuka”

Mpayimana yabanje kwiyamamaza mu Karere ka Gicumbi mu mujyi wa Byumba. Yakiriwe n’abaturage babarirwa muri 500.

Mpayimana ubwo yiyamamarizaga mu Karere ka Gicumbi

Yabwiye abo baturage ko nibaramuka bamutoreye kuyobora u Rwanda, azakuraho imvugo “gusubira ku isuka” mu rwego rwo guha ubuhinzi agaciro.

Agira ati “Ijambo gusubira ku isuka rigomba kuvaho, kuko imirimo yose tugomba kuyihesha agaciro, umuntu umurimo akoze wose ukamunyura kuko uzaba umubyarira umusaruro uhagije.

Ntibikwiye ko umuntu azajya abona akazi keza, kahagarara akavuga ko agiye gusubira ku isuka! Oya! Tugomba kumva ko ubuhinzi ari umurimo nk’indi kandi tukawuha imbaraga kuko ubukungu bwacu ahanini niho bushingiye.”

Akomeza avuga ko muri Gicumbi azahashyira imbaraga zihagije mu buhinzi, abaturage bakeza cyane umusaruro ukikuba inshuro nyinshi.

Ikindi Mpayimana yijeje abaturage ba Gicumbi ni uko umujyi wabo azabafasha kuwagura, abantu bakubaka amazu menshi meza agerekeranye, kuko ngo uyu mujyi ntujya ukura.

Yavuye i Gicumbi ku mu goroba akomeza ibikorwa ko kwiyamamaza mu mujyi wa Nyagatare. Yakiriwe n’abaturage bagera muri 250, abagezaho imigano n’imigambi ye.

Habineza yiyamamarije mu Karere ka Bugesera. Yagombaga no kwiyamamariza mu Mujyi wa Kigali ariko ntiyahageze. Mpayimana we yiyamamarije mu Karere ka Ngororero n’aka Muhanga.

Habineza azazamura gahunda yo kuhira imyaka mu Bugesera

Ku isaha ya saa yine za mu gitondo nibwo umukandida Frank Habineza yageze mu Karere ka Bugesera mu Mujyi wa Nyamata, aho yazengurutse asuhuza abaturage bari muri uwo mujyi.

Frank Habineza ubwo yiyamamarizaga mu Karere ka Bugesera

Ntiyahatinze kuko urugendo rwe yahise arukomereza mu Murenge wa Juru mu Kagari ka Kabukuba aho yasanganiwe n’abaturage basaga 200.

Yababwiye ko naramuka atorewe kuyobora u Rwanda azaca burundu amapfa n’inzara bikunda kwibasira Akarere ka Bugesera, akoresha gahunda yo kuhira imyaka mu mirima.

Avuga ko ibyo azabigeraho yifashishije amazi y’ibiyaga n’inzuzi biri muri Bugesera. Yabwiye abaturage ko azabagezaho amazi meza ku buryo ingo eshanu zizajya zisangira ivomero rimwe.

Ku i saa saba zirengaho iminota mike, nibwo yavuye mu Murenge wa Juuu ajya mu Mujyi wa Nyamata, nabwo asuhuza abaturage.

Ntezimana Jean Claude, umunyamabanga w’ishyaka Democratic Green Party of Rwanda avuga ko aho hose biyamamarije bakiriwe n’abaturage barenga 3500.

Ku buyobozi bwa Mpayimana,abayobozi bakosa ngo ntibazajya bakurwaho

Mpayimana yiyamamarije mu Karere ka Ngororero, ahantu hatatu. Abaturage bamwakiriye bose ubateranyije, babarirwa mu 1000.

Yavuye muri Ngororero akomereza mu Karere ka Muhanga. Naho yiyamamarije ahantu hatatu, aho hose akaba yakiriwe n’abaturage babarirwa muri 400.

Yabwiye abaturage imigabo n’imigambi ye, akayisubiramo aho agiye hose.

Mpayimana ubwo yiyamamariza mu Karere ka Muhanga

Gusa ariko yavuze ko naramuka atorewe kuyobora u Rwanda nta muyobozi uzongera kwirukanwa ngo ni uko yakosheje.

Agira ati “Ibintu byo gukuraho Gitifu bya hato na hato ngo ni uko atujuje imihigo ntibizongera ku ngoma yanjye."

Yakomeje avuga kandi ko, abakomisiyoneri barangira abantu ibintu bitandukanye birimo inzu zo guturamo cyangwa gukoreramo nabo azajya abasoresha.

Ati “Abakomisiyoneri bagomba kujya batanga imisoro kuko na bwo ni ubucuruzi kandi bwunguka.”

Yakomeje avuga kandi ko, azongera ibyiciro by’ubudehe bikarenga bitanu kuko ngo nta mpamvu yo kugira ngo umuntu ufite miliyoni 5RWf ajye hamwe n’umuntu ufite miliyoni 1RWf.

Habineza yiyamamarije mu Karere ka Nyaruguru naho Mpayimana yiyamamariza mu Karere ka Nyarugenge, Kicukiro n’aka Gasabo.

Frank Habineza yizeje abatuye i Nyaruguru kuzabubakira umuhanda wa kaburimbo

Habineza yiyamamarije mu Karere ka Nyaruguru i Kibeho. Yakiriwe n’abaturage babarirwa muri 200. Yababwiye imigabo n’imigambi ye asanzwe ageza ku baturage aho agiye kwiyamamaza hose.

Frank Habineza ubwo yiyamamarizaga muri Nyaruguru

Gusa ariko ab’i Nyaruguru yabasezeranije ko naramuka atorewe kuyobora u Rwanda, azashyira kaburimbo mu muhanda uturuka i Huye ukagera i Kibeho ugakomeza n’ahandi muri Nyaruguru.

Yababwiye kandi ko,azateza imbere ubukerarugendo bushingiye ku iyobokamana.

Yagombaga kuva muri Nyaruguru yerekeza mu Karere ka Huye kwiyamamaza ariko byarangiye atagiyeyo, avuga ko hari ‘ibibazo tekiniki afiye’ atifuje gutangaza.

Mpayimana ngo azashakira urubyiruko imirimo

Ubwo Mpayimana yiyamamarizaga muri Nyarugenge, yatangiriye mu Biryogo-Tarinyota mu Murenge wa Nyarugenge.

Mpayimana ubwo yiyamamarizaga muri Kicukiro

Yakiriwe n’abantu bagera ku 100, baje ari uko ahageze. Biganjemo abakanishi n’abacuruza ibyuma by’imodoka bagizwe n’urubyiruko.

Yabagejejeho gahunda ye irimo gushakira urubyiruko imirimo, kugabanya imisoro cyane cyane iy’ubutaka.

Yahavuye yerekeza Kicukiro-Centre aho yiyamamarije imbere y’abantu bakabakaba 200.

Nyuma y’aho yiyamamarije i Gikondo-Merez, ahari abantu bakabakaba muri 50, biganjemo abamotari.

Yahavuye ajya i Nyarugunga akomereza i Remera mu Karere ka Gasabo. Aho hose imigabo n’imigambi yasubiragamo ni imwe, yarangizaga kwiyamamaza agaha ijambo abamwakiriye bakamubaza ibibazo.

Frank Habineza ngo azashyiraho ikigo gitanga akazi ku bize n’abatarize

Uyu mukandida w’ishyaka Democratic Green Party of Rwanda yiyamamarije mu Karere ka Nyamagabe n’aka Nyanza.

Frank Habineza ubwo yiyamamariza i Nyamagabe

Muri Nyamagabe yiyamamarije mu murenge wa Gasaka. Yakiriwe n’abaturage bakabaka mu 1000.

Yabwiye abaturage ko naramuka atorewe kuyobora u Rwanda azavugurura ubuhinzi ku buryo buri wese azajya ahinga icyo ashaka kandi hashyirweho umuntu ushinzwe ubuhinzi ku rwego rw’akagari.

Yakomeje avuga ko itangazamakuru ryigenga azarivugurura kurushaho kandi ashyireho n’ikigega gifasha ibinyamakuru byandika byigenga ( Rwanda Media Development Fund).

Habineza ngo natorwa azafasha urubyiruko kurwanya ubushomeri. Ahamya ko azashyiraho ikigo cy’igihugu gitanga akazi ku bize n’abatarize.

Frank Habineza ubwo yiyamamarizaga i Nyanza

Yavuye muri Nyamagabe akomereza ibikorwa byo kwiyamamaza mu Karere ka Nyanza. Yakiriwe n’abaturage 250, ababwira ko naramuka atorewe kuyobora u Rwanda azateza imbere ubuhinzi kandi akageza n’amazi meza ku batayafite.

Yakomeje avuga ko izo gahunda zose afite azazishyira mu bikorwa guhera mu kwezi kwa cyenda 2017.

Mpayimana ngo azemera ibizava mu matora

Mpayimana yiyamamarije mu Karere ka Kamonyi na Nyarugenge. Yabanje kwiyamamariza muri Kamomyi mu mirenge wa Musambira na Rukoma. Ugereranije abantu bitabiriye aho hombi, babarirwa mu 150.

Mpayimana ubwo yiyamamarizaga muri Kamonyi

Yabwiye abaturage ko naramuka atorewe kuyobora u Rwanda azavugurura ubukungu bw’igihugu bugashingira ku rugo. Ahamya ko urugo rugomba kubaho rukagira ikirurengera ibyo bikaba inshingano z’igihugu.

Yavuze kandi ko, azashyiraho ikigo gifasha abaturage kwihangira imirimo. Ku rwego rw’imirenge ngo hazabaho serivisi ishinzwe gushakira abantu imirimo.

Yavuye muri Kamonyi ahita ajya kwiyamamariza muri Karere ka Nyarugenge, mu murenge wa Kimisagara. Yakiriwe n’abaturage babarirwa mu 100.

Mpayimana ubwo yiyamamarizaga muri Nyarugenge

Uyu mukandida wigenga yatangaje ko azemera ibizava mu matora, kandi ngo nta pfunwe atewe n’abantu bake bitabira kwiyamamaza kwe.

Agira ati "Nta pfunwe binteye, icy’ingenzi ni uko abantu bumva imigambi ya buri wese wiyamamaza, jye niyamamarije mu duce twinshi turenga 70, kugira ngo ubyumvise wese agende abibwire abandi. Naje jyenyine ngera ku kibuga cy’indege jyenyine, none reba abantu turi kumwe hano.

Nta mpungenge mfite (zo gutsindwa amatora); kuza kw’abantu bake biterwa n’ingamba nafashe zo kujya mu baturage."

Akomeza avuga ko uburyo amatora arimo gutegurwa ngo biha icyubahiro buri wese. Ku buryo ngo uzatsinda amatora wese azabyakira.

Frank Habineza ubwo yiyamamarizaga mu Karere ka Gisagara

Habineza niwe mukandida wenyine wiyamamaje kuri uwo munsi. Yiyamamarije mu Ntara y’AMajyepfo, mu karere ka Gisagara n’aka Ruhango.

Ubwo yiyamamarizaga mu murenge wa Musha muri Gisagara yakiriwe n’abaturage babarirwa mu 130. Yababwiye ko naramuka atorewe kuyobora u Rwanda azavugurura ubuhinzi bwo mu bishanga.

Habineza yababwiye ko kandi azabaha umuhanda wa kaburimbo uva i Save ukagera ku mupaka uhuza u Rwanda n’u Burundi.

Yababwiye ko kandi azakemura ikibazo cy’amazi meza kuburyo ngo nibura ingo eshanu zizajya zisangira ivomero rimwe. Yakomeje avuga ko kandi azazana uruganda rutanga amashanyarazi akomoka ku mirasire y’izuba.

Yavuye mu Karere ka Gisagara ajya kwiyamamariza mu Karere ka Ruhango, aho yakiriwe n’abaturage babarirwa muri 200. Naho yabagejejeho imigabo n’imigambi ye irimo kubagezaho amazi meza.

Frank Habineza

Uyu mukandida w’ishyaka Democratic Green Party of Rwanda yiyamamarije mu Karere ka Karongi n’aka Muhanga.

Frank Habineza ubwo yiyamamarizaga muri Karongi

Muri Karongi yagombaga kugerayo ku isaha ya saa mbiri za mu gitondo ariko yahageze saa sita n’iminota 40. Yakiriwe n’abaturage babarirwa mu 120 barimo abagize itsinda ry’abarwanashyaka be yazanye nabo.

Habineza yijeje Abanya-Karongi ko naramuka atorewe kuyobora u Rwanda, guhera mu kwezi kwa cyenda 2017, bose bazaba bafite amazi meza.

Yahavuye ajya mu Karere ka Muhanga, muri Santere ya Nyarusange. Yakiriwe n’abaturage babarirwa mu 2000; nk’uko ushinzwe ibikorwa byo kwamamaza Habineza, Ntezimana Jean Claude abivuga. Gusa ariko abitabiriye biganjemo abanyeshuri.

Frank Habineza ubwo yiyamamarizaga i Muhanga

Ubwo yabagezagaho ijambo, yabanje kubabwira ko aho i Nyarusange ariho avuka.

Yakomeje avuga ko mbere y’uko ajya muri Politiki yari akuriye ikigo gishinzwe kubungabunga umugezi wa Nyabarongo.

Agahamya ko n’ubwo yagiye muri politiki agikunda ibidukikije bityo ngo naramuka atorewe kuyobora igihugu azaharanira gutera ibiti bivangwa n’imyaka.

Avuga ko azazamura umushahara wa mwarimu, akubaka amashuri meza ndetse akanashyiraho gahunda ihamye y’uburezi idahindagurika.

Akomeza avuga kandi ko,azashyiraho gahunda ya “Gira Inzu Mupolisi” na “Gira Inzu Musirikare”.

Philippe Mpayimana

Uyu mukandida wigenga yiyamamarije mu Karere ka Rubavu na Nyabihu.

Muri Rubavu ahantu yiyamamarije hose yakiriwe n’abaturage 14 kuko hari aho yageraga akabura abantu, agasanga hari intebe zihateretse zonyine.

Hari aho Mpayimana yageraga aje kwiyamamaza akabura abantu

Ubwo yageraga muri ako karere yatemberejwe ahari amashyuza. Yavuze ko natorerwa kuyobora u Rwanda, azateza imbere ubuvuzi gakondo harimo no gukoresha uruhereko mu gufata abajura kandi akongerera agaciro ubukerarugendo gakondo.

Yakomeje avuga ko ku itariki ya 30 Nyakanga 2017, ari bwo azagaragaza gahunda ze, aganire n’abantu abasubize kuri interineti.

Avuye i Rubavu yahise akomereza i Nyabihu. Yari yateguriwe kwiyamamariza ku kibuga cy’Akagari ka Jaba mu murenge wa Mukamira ariko we yaje kubihindura yiyamamariza ku muhanda.

Yavuye aho ku Mukamira yerekeza mu Murenge wa Rambura yiyamamariza mu Gasiza.

Mu migabo n’imigambi yagarararije mu mirenge ya Mukamira na Rambura yavuze ko azashyiraho itegeko rigena ko buri muryango utagomba kurenza abana batatu.

Agira ati “Ku buyobozi bwanjye nta bana bazajya babura ibikoresho by’ishuri bitewe n’ubukene, kuko muri buri mu miryango hazajya havuka abana igihugu gishoboye kwitaho aho kubyara abo imiryango ishobora kurera.”

Muri Nyabihu yabonye abantu bamwakira

Mu Murenge wa Mukamira yakiriwe n’abaturage babarirwa muri 30 hatabariwemo abana bato bahanyuraga bajya kwiga, bagahagarara bakareba.

Mu Gasiza yakiriwe n’abantu babarirwa muri 200. Yabashimiye uburyo bamwakiriye avuga ko ari bwo bwa mbere yakiriwe n’abantu benshi kuva yatangira kwiyamamaza.

Perezida wa komisiyo y’igihugu y’amatora (NEC) Kalisa Mbanda yagaragaye aho Mpayimana yiyamamarizaga muri Rubavu

Frank Habineza

Uyu mukandida w’ishyaka Democratic Green Party of Rwanda yiyamamarije mu Karere ka Rulindo n’aka Nyabihu ariko ubwo yavaga i Rulindo ajya kwiyamamariza muri Nyabihu yashatse kwiyamamariza muri Musanze kandi bitemewe, ubuyobozi burahagaboboka buramubuza.

Frank Habineza ubwo yiyamamarizaga i Rulindo

Ku isaha ya saa sita n’iminota 10 nibwo Habineza yari ageze ku kibuga cy’umupira w’amaguru yiyamamarijeho muri Rulindo.

Uwo mukandida yahageze akererewe ugereranije n’amasaha yari ategerejweho, yakiriwe n’abantu bagera mu 100.

Habineza wari uri kumwe n’umugore we, Kabirira Judith, yijeje Abanya-Rulindo ko nibamutora azabubakira ibitaro by’icyitegererezo akanakuraho imisoro y’ubutaka.

Yakomeje ababwira ko azazamurira imishahara abarimu ndetse n’ururimi rw’ikinyarwanda rukarushaho kubahwa nk’ururimi gakondo rw’Abanyarwanda.

Yongeye gushaka kwiyamamariza ahatemewe

Mu ma saa cyenda ubwo yageraga ahitwa ku Kabaya urenze gato Umujyi wa Musanze agiye kwiyamamariza muri Nyabihu, yashatse kuhiyamamariza mu buryo butemewe kuko atariho yari yateganije kwiyamamaza.

Frank Habineza ubwo yiyamamarizaga i Nyabihu

Abayoboke b’ishyaka rye bari bamuherekeje bageze ku Kabaya batangira gutanga ibirango biriho ibendera rya Democratic Green Party of Rwanda.

Umuyobozi w’Umurenge wa Muhoza, Manzi Jean Pierre yahise ahagera, ababuza gukora ibyo bikorwa bakomeza bajya i Nyabihu aho bagombaga kwiyamamariza.

Bageze i Nyabihu bakirwa n’abantu babarirwa mu 150, Habineza ababwira imigabo n’imigambi ye irimo gukuraho imisoro y’ubutaka, nibaramuka bamutoye.

Ni ubwa kabiri umukandida Frank Habineza ashatse kwica amategeko yo kwiyamamaza kuko ubwo yajyaga kwiyamamariza muri Nyagatare nabwo yashatse kwiyamamariza ahabera isoko ariko ubuyobozi buramubuza.

Frank Habineza yiyamamarije i Rulindo

Amabwiriza ya Komisiyo y’igihugu y’amatora (NEC) avuga ko nta mukandida wemerewe kwiyamamariza ahantu hahuriye abantu bari muri gahunda zabo nko mu isoko, ku nsengero, ku bigo by’amashuri n’ahandi.

NEC ikomeza ivuga ko ukomeje kurenga kuri ayo mabwiriza yandikirwa ibaruwa imuburira, yabisubira akaba yahagarikwa ntakomeze kwiyamamaza.

Mpayimana Philippe

Uwo mukandida wigenga yiyamamarije mu Karere ka Karongi na Rutsiro. Yageze mu Karere ka Karongi ku isaha ya saa saba zibura iminota 10, yakirwa n’abaturage babarirwa mu 170.

Mpayimana ubwo yiyamamariza i Karongi yakiriwe n’abaturage babarirwa mu 170

Yakomereje mu Karere ka Rutsiro mu masaha ya nimugoraba yakirwa n’abaturage babarirwa muri 40.

Aho yiyayamarije hose yagejeje ku baturage ibyo azashyira mu bikorwa naramuka atorewe kuyobora u Rwanda.

Yagize ati “Kugira ngo tugere ku iterambere ni uko nzabanza kuvugurura uburyo ba gitifu bashyirwaho kugera k’umurenge.Tuzajya tubatora kandi no k’umudugudu tuzabashyiraho.”

Yakomeje avuga ko ikirango cye ari Ingazi (Escaliers) bivuga ko Abanyarwanda bagomba gutera intambwe ijya imbere.

Mpayimana ubwo yiyamamarizaga i Rutsiro

Buri munsi bagena umurenge bajyamo, bagahurirayo mu masaha ya nyuma ya saa sita ubundi bagakora ibikorwa bitandukanye byamamaza umukandida wabo.

Kuri uyu wa kabiri tariki ya 18 Nyakanga 2017, nabwo bahuriye hamwe bariyereka, bararirimba banabyina indirimbo zamamaza Paul Kagame.

Reba amafoto

Burera

Kwamamaza umukandida wa FPR-Inkotanyi byabereye mu Murenge wa Rugengabari.

Gatsibo

Gicumbi

Kwamamaza umukandida wa FPR-Inkotanyi byabereye mu Murenge wa Kageyo.

Karongi

Musanze

Kwamamaza umukandida wa FPR-Inkotanyi byabereye mu Murenge wa Kinigi.

Nyamasheke

Kwamamaza umukandida wa FPR-Inkotanyi byabereye mu Murenge wa Bushenge.

Nyanza

Kwamamaza umukandida wa FPR-Inkotanyi byabereye mu Murenge wa Busoro.

Rubavu

Kwamamaza umukandida wa FPR-Inkotanyi byabereye mu Murenge wa Rugerero.

Frank Habineza

Frank Habineza yiyamamarije mu Karere ka Kirehe n’aka Ngoma. Mu Karere ka Kirehe yahageze mu masaha ya mbere ya saa sita yakirwa n’abanyeshuri biga mu mashuri abanza babarirwa muri 150 n’abaturage babarirwa muri 60.

Habineza ubwo yiyamamarizaga i Kirehe

Yabwiye abanyakirehe ko naramuka atorewe kuyobora u Rwanda azabaha umuhanda wa kaburimbo uhuza Kirehe n’ibihugu baturanye mu rwego rwo koroshya ubuhahirane.

Akimara kuvuga imigabo n’imigambi ye yahise akomereza mu Karere ka Ngoma. Yahageze saa 15h30 yakirwa n’abanyamurango b’ishyaka rye “Democratic Green Party of Rwanda” n’abandi baturage bose babarirwa mu 100.

Yabwiye abatuye Ngoma ko naramuka atorewe kuyobora u Rwanda azakuraho imisoro. Ati “Amafaranga yavaga kuri iyo misoro ntago tuzabura aho tuyakura."

Akomeza avuga ko natorwa azashyigikira Mitiweri ariko ngo ikore neza kurushaho ku buryo azashyiraho ikigega gifasha abayifite kwivuza bakabona imiti myiza nk’abandi bafite ubundi bwishingizi.

Frank Habineza ubwo yiyamamarizaga mu Karere ka Ngoma

Kubera iyo mpamvu ngo azanashyiraho ikigo nderabuzima muri buri kagari anashyigikire abavuzi gakondo.

Mpayimana Philippe

Mpayimana Philippe yiyamamarije mu Karere ka Rusizi na Nyamasheke. Muri Rusizi yahageze mu masaha ya mu gitondo yakirwa n’abaturage babarirwa muri 60.

Abanyarusizi nabo yababwiye ko naramuka atowe azashyiraho ikigo gifasha abashomeri kubona imirimo anagabanye inyungu amabanki yaka ku nguzanyo.

Mpayimana ari kwiyamamariza mu Karere ka Rusizi

Mpayimana yijeje abaturage b’i Rusizi ko azabafasha kubona imirima y’ibishanga akazanongera imishahara mu nzego z’ibanze mu rwego rwo guca ruswa.

Avuye i Rusizi, yakomereje kwiyamamaza i Nyamasheke. Yiyamamarije hafi y’ibiro by’ako karere ariko abura abantu biba ngombwa ko afata impapuro zanditseho ubutumwa bwe agenda aziha abaturage mu nzira.

Mpayimana ari kwiyamamariza i Nyamasheke

Iyo Fuso yari yikoreye amabuye ibura feri irenga umuhanda igwa hejuru y’iyo nzu irayisenya

Iyo mpanuka yabaye mu ma saa tatu za mu gitondo, kuri uyu wa kabiri tariki ya 18 Nyakanga 2017, yabereye mu muhanda umanuka, urenze ku kigo nderabuzima cya Kinyinya.

Ababonye iyo mpanuka iba bavuga ko yatewe no kuba iyo kamyo yabuze feri. Umushoferi wari uyitwaye ngo yabanje kurwana nayo agonga ipoto y’amatara yo ku muhanda ariko ntiyahagarara.

Iyo kamyo ifite puraki RAB 175R, yahise ikomeza irenga umuhanda, igwa munsi yawo hejuru y’inzu irayisenya, yinjiramo imbere.

Iyo kamyo mbere yo kurenga umuhanda yabanje kugonga ipoto y’amashanyarazi yo ku muhanda

Ku bw’amahirwe ariko iyo nzu nta bantu bari bayirimo. Abari hafi bahise bakora ubutabazi bakuramo umushoferi byagaragaraga ko atakomeretse inyuma. Bahise bamujyana mu kwa muganga.

Insinga z’amashanyarazi zahise zijya mu muhanda

Abantu bahise baza gutabara

Ni muri gahunda ubuyobozi bw’uturere bwihaye yo kuzenguruka imirenge itandukanye, bamamaza umukandida wa FPR-Inkotanyi.

Kuri uyu wa mbere tariki ya 17 Nyakanga 2017, abanyamuryango ba FPR-Inkotanyi bo mu turere bakoze icyo gikorwa.

Bahuriye hamwe, bakora imyiyereko, barabyina banaririmba indirimbo zitandukanye zamamaza umukandida wabo, Paul Kagame ari nako bishimira ibyo amaze kubagezaho.

Burera

Kwamamaza umukandida wa FPR-Inkotanyi byabereye mu Murenge wa Bungwe.

Gicumbi

Kwamamaza umukandida wa FPR-Inkotanyi byabereye mu Murenge wa Rwamiko.

Karongi

Kwamamaza umukandida wa FPR-Inkotanyi byabereye mu Murenge wa Mubuga.

Kirehe

Ruhango

Rubavu

Kwamamaza umukandida wa FPR-Inkotanyi byabereye mu Murenge wa Kanzenze.

Frank Habineza

Frank Habineza yagombaga kwiyamamariza mu Karere ka Nyagatare ariko agezeyo ntiyiyamamaza kuko ngo bamwangiye kwiyamamariza ahantu habereye isoko.

Ubundi uwo mukandida w’ishyaka Democratic Green Party of Rwanda yari yasabye kwiyamamariza mu Murenge wa Rwimiyaga, Akagari ka Rwimiyaga muri santere ahabera isoko ry’amatungo.

Ubwo Frank Habineza yiyamamarizaga mu Karere ka Gatsibo

Yaje kwangirwa aho hantu kubera ko umunsi yasabaga wahuriranye n’isoko, yandikirwa ibaruwa imusaba gushaka ahandi. Banditse basaba ahitwa Gacundezi, ariko naho ngo bahabakuye babajyana ahitwa Bugaragara.

Ntezimana Jean Claude, umunyamabanga w’ishyaka Democratic Green Party of Rwanda akaba ari nawe ushinzwe ibikorwa byo kwamamaza umukandida waryo, avuga ko ibyo byose ari byo byatumye bataziyamamariza muri Nyagatare kuko ngo babona ubuyobozi bwaho bwabahakaniye.

Ruboneka Sylver, umunyamabanga nshingwabikorwa w’Umurenge wa Rwimiyaga avuga ko aho i Bugaragara ariho bari bumvikanye.

Amabwiriza ya Komisiyo y’igihugu y’amatora (NEC) avuga ko abakandida biyamamariza kuyobora igihugu batemerewe kwiyamamariza ahantu hateraniye abantu bari muri gahunda zabo, aho ni nko mu isoko, ku Kiliziya cyangwa ku nsengero ku bigo by’amashuri n’ahandi.

Ayo mabwiriza akomeza avuga ko kandi umukandida ubirenzeho yandikirwa ibaruwa imuburira, yakomeza akaba yashobora guhagarikwa ntakomeze kwiyamamaza.

Nyuma yo kutiyamamariza i Nyagatare, Frank Habineza yakomereje ibikorwa bye byo kwiyamamaza mu Karere ka Gatsibo aho yageze nyuma ya saa sita akakirwa n’abayoboke be n’abandi baturage.

Frank Habineza yatangarije abo baturage ko naramuka atorewe kuyobora igihugu, azazamura umusaruro w’ibiribwa ku buryo ngo abaturage bose bazabona ibyo barya. Yavuze kandi ko ngo azagabanya umusoro ukava kuri 18% ukagera kuri 12%.

Ntezimana avuga ko aho umukandida wabo yiyamamarije yakiriwe n’abaturage babarirwa mu 1000.

Mpayimana Philippe

Umukandida Mpayimana Philippe yagombaga kwiyamamariza mu Karere ka Nyamagabe na Rusuzi.

Ubwo Mpayimana yiyamamarizaga i Nyamagabe

Ubwo yageraga mu Mujyi wa Nyamagabe yakiriwe n’abaturage babarirwa muri 500; nk’uko abitangaza.

Yababwiye ko naramuka atorewe kuyobora u Rwanda azaca ikibazo cy’ubushomeri ku buryo ngo mu gihe cy’imyaka ibiri hazajya hahangwa imirimo miliyoni.

Yavuze ko nta mukozi ukora imirimo ifitiye igihugu akamaro wakagombye gukorera ubushake, aho yatanze urugero rw’abayobozi b’imidugudu. Naramuka atowe ngo azaharanira ko ibyo bivaho nabo bakajya bahembwa.

Yavuze ko muri rusange azaharanira icyatuma Abanyarwanda bose babona amafaranga bityo ntabe umugani kuri bamwe.

Mpayimana yavuze ko ubwo yiyamamarizaga i Rusizi yakiriwe n’abaturage babarirwa muri 500

Kuri iki cyumweru tariki ya 16 Nyakanga 2017, abanyamuryango ba FPR-Inkotanyi muri two turere tundi bahuriye hamwe, bararirimba baranabyina mu rwego rwo kwamaza umukandida wabo, Paul Kagame.

Bamwe mu baturage bafashe ijambo bagaragaza iterambere bamaze kugeraho babikesha FPR-Inkotanyi n’umukandida wayo.

Gicumbi

Kwamamaza umukandida wa FPR-Inkotanyi byabereye mu murenge wa Nyankenke.

Karongi

Kwamamaza umukandida wa FPR-Inkotanyi byabereye mu murenge wa Murambi.

Kicukiro

Kwamamaza umukandida wa FPR-Inkotanyi byabereye i Gikondo.

Muhanga

Kwamamaza umukandida wa FPR-Inkotanyi byabereye mu murenge wa Mushishiro.

Nyarugenge

Kwamamaza umukandida wa FPR-Inkotanyi byabereye i Nyakabanda

Nyamasheke

Rubavu

Kwamamaza umukandida wa FPR-Inkotanyi byabereye mu murenge wa Cyanzarwe.

Uwo muhango wabaye mu masaha ya nyuma ya saa sita kuri uyu wa gatandatu tariki ya 17 Nyakanga 2017, waranzwe n’ibikorwa bitandukanye birimo kwiyereka no kubyina indirimbo zamamaza Paul Kagame.

Bamwe mu baturage bafashe ijambo berekana iterambere bamaze kugeraho babikesha FPR-Inkotanyi n’umukandida wayo, Paul Kagame.

Gasabo

Gatsibo