Kamuzinzi areba ifoto yafotowe atabizi mu myaka 24 ishize

Hashize imyaka 3 abonye agafoto yafotowe icyo gihe afite imyaka 13 akavuga ko iyo akabonye yibuka urugendo agereranya n’inzira y’inzitane banyuzemo kugeza Jenoside ihagaritswe n’inkotanyi.

Muri Jenoside yakorewe Abatutsi mu Rwanda, Kamuzinzi Eric yari mu mbaga y’Abatutsi bari muri stade Kamarampaka (Ubu yitwa stade Rusizi) aho bamaze hafi ukwezi kose.

Yinjiyemo ari kumwe n’umuryango we wose urimo se na nyina n’abandi bavandimwe be batanu. Bamaze kugeramo babayeho ubuzima bukomeye cyane.

Agira ati “Twabonaga bwije bugacya gusa, nta cyo kurya, kuryama nta byo hakaniyongeraho ko twabaga tutazi niba turamuka.”

Avuga ko yiboneraga uburyo abicanyi bazanaga lisite bakoresheje indangururamajwi bagasoma amazina y’abo bashaka bakabasohora bakajya kubicira ahitwa mu Gatandara.

Iyi foto yayifotowe mu gihe cya Jenoside ariko mu 2015 nibwo yamenye iby’iyo foto ayibonye kuri internet

Se umubyara wari umwalimu muri icyo gihe bakaba na we ari ko bamujyanye maze uba umunsi we wa nyuma wo kureba izuba.

Ati “Twari duhagararanye, baza gusoma amazina na we basomamo irye baba baramujyanye, ntitwongeye kumubona.”

Ku myaka 13 y’amavuko, Kamuzinzi wari mukuru mu bana b’iwabo yagumanye na barumuna be 5 na nyina ubabyara bakomeza guhangayikira muri iyi stade n’abandi bahigwaga, kugera tariki ya 16 Kamena 994 ubwo batwarwaga mu Nkambi ya Nyarushishi.

Byiswe ko ari ukubahungisha nyamara inyuma yabyo hari hihishe umugambi wo kujya kubicira kure y’umujyi. Buri munsi aha Nyarushishi ni ko hagezwaga abantu bavuye imihanda yose. Aho buri tsinda ryerekwaga ko ari ho rizaba, ryahitaga izina bakurikije uko bagiye bahagera.

Yagize ati “Aho nabaga hitwaga muri Stade ya Mbere, abaje ku nshuro ya kabiri bavuye muri stade hakitwa stade ya kabiri gutyo gutyo. Inkambi yose ikaba yararindwaga n’abajandarume bayobowe na Coloneli witwaga Bavugamenshi.”

Kamuzinzi ubu ni umugabo ariko abenshi babonye iyo foto ntawabikekaga

Ubuzima bwarakomeje muri iyi Nkambi yarimo abantu barenga ibihumbi 10. Ariko Kamuzinzi avuga ko atazibagirwa ubuzima babayemo aho yahoraga yibaza iby’ejo hazaza bikamurenga n’ubwo yari akiri mu myaka yo hasi.

Avuga ko mu mezi bahamaze, interahamwe zatwikaga bamwe mu bantu zafatiraga hakurya bagiye gushaka inkwi. Icyakora ngo ntazibagirwa na none uwo yise Padiri Oscar n’umuryango utabara imbabare Croix Rouge babagaburiraga, bakabavura bakanabaha inkwi.

Umunsi umwe, yambaye agakabutura gato konyine yagiraga n’agakoti ko mu bwoko bwa Jaketi yarengeje ku gapira korohereye imbere, yicaye yitegereza utuzu tw’inkambi babagamo, byaje kumenyekana nyuma ko hari uwamufotoye ariko ntiyahise abimenya ubwo.

Ati “Nafotowe n’umuntu ntazi ndetse n’igihe nafotorewe ntacyo nzi. Icyo nibuka ni uko aho hakundaga kugenda abantu benshi barimo n’abanyamakuru.”

Aha niho ngo yakundaga kwicara atekereza ku hazaza he

Uko agaragara kuri iyi foto, avuga ko ariko buri gihe babaga bameze bategereje ko hari uwaza kubatabara cyangwa kubakura muri ubwo buzima. Imodoka yose bumvaga birukaga bajya kureba ko ari uje kubatabara.

Abafaransa baje kuhabasanga barahaba bavuga ko baje kubarinda, ariko mbere y’uko abo bahagera interahamwe zigeze kuza zigota inkambi kugira ngo Abafaransa bazasange zabatsembye. Gusa ngo amakuru bamenye ni uko icyo gihe zaje guhagarikwa na wa mu koloneri Bavugamenshi wari uyoboye abari barinze iyi nkambi avuga ko ngo bakererewe kubica, ubwo uwo munsi baba bararusimbutse.

Abafaransa bahageze mu kwezi kwa 6. Ariko na bo ngo nta gakiza bari bazanye kuko ngo bakoraga ibisa no korohereza interahamwe kubona abantu.

Ati “Cyane cyane ababaga basohotse mu nkambi bagiye nko gushaka udukwi, Abafaransa bitwazaga ko barenze urubibi, amahirwe ariko nta musirikari wigeze yinjira mu nkambi.”

Avuga ko icyo gihe hari abasirikare benshi b’Abafaransa

Inkotanyi zageze mu nkambi ya Nyarushishi mu mpera z’ukwezi kwa Nyakanga 1994 ni ko kurokokana n’abavandimwe be n’umubyeyi wabo bakurwa muri iyo nkambi mu kwezi kwa cyenda.

Tugarutse kuri ya foto igaragaza ubuzima bugoye Kamuzinzi yabagamo mu nkambi, yavuze ko yaje kuyivumbura mu mwaka wa 2015 ayikuye kuri Google.

Utwenda yambaye kuri iyo foto yibuka ko ari yo myenda yambaraga mu mwaka wa mbere w’amashuri yisumbuye muri seminaire kuko Jenoside yabaye ari bwo yari agitangira ikaba ari na yo myenda yonyine yari afite muri iyi nkambi kuva mu kwezi kwa kane kugera muri Nzeri bahavuye.

Ati “Nkibona iyi foto byaranshimishije kuko yanyibukije amateka nkibuka ko navuye kure.”

Izi ni zimwe mu ngabo z’Abafaransa ubwo ziteguraga kujya i Nyarushishi

Kamuzinzi yaje kujya kwiga, maze arangiza kaminuza mu mwaka wa 2005, ubu ni umugabo wubatse, afite umugore n’umwana umwe akaba ari umukozi w’umurenge wa Nkanka i Rusizi ushinzwe Imibereho myiza.

Aka gafoto yafotowe muri Jenoside avuga ko ari ifoto y’amateka ye. Yemeza ko n’ubwo ari amateka asharira ariko ko atamubujije kuba uwo ari we ubu kandi afite icyizere cy’ahazaza.

Ariko icyo ashyira imbere cyane ni ukubana n’abantu bose amahoro kuko ngo kuri we ubuzima ni ishuri.

Emmanuel Bagambiki wahoze ari Perefe wa Cyangugu yagize uruhare rukomeye mu gukangurira Interahamwe gutsemba Abatutsi

Ishyamba rya kimeza rya Kibirizi muri Nyanza ni rimwe mu 107 akenewe kwitabwaho

Amashyamba ni kimwe mu mutungo kamere u Rwanda rufite, ariko by’umwihariko kuba rugifite amashyamba ya kimeza bikaba akarusho kuko bifasha mu kubungabunga urusobe rw’ibinyabuzima.

Kubera ubukana bw’iyangirika ry’amashyamba cyane cyane aya kimeza, hanashyizweho iteka rya Minisitiri w’intebe rirengera bene ayo mashyamba adafite kirengera.

Iri tegeko ryaje gushyigikira irigenga ibidukikije rigaragaza neza ubwoko bw’ibiti bigomba kurindwa kandi rikanatunga agatoki aho biherereye, ku buryo n’umuntu wafatwa abitema ahita akurikiranwa.

Rumwe muri izo ngero ni ibiti byitwa “Umushikiri” byari byibasiwe mu minsi ishize, aho byavugwaga ko bitanga imibavu. Ariko nyuma yo gukaza itegeko abafashwe bagakurikiranwa n’ubutabera byaracitse.

Ishyamba rya Nyungwe naryo ni kimeza ariko ricunzwe neza kubera icyayi n’andi mashyamba yatewe ku nkengero zaryo

Igisigaye ni amashyamba mato aherereye hirya no hino mu gihugu ariko atitaweho nk’uko bikwiye. Ayo mashyamba abarirwa muri 107 ko ari yo asigaye mu Rwanda ariko MINILAF ikaba yarahagurukiye kuyarinda ngo atazimira.

Ishyamba rya Kibirizi riteye kuri hegitari 183 ni rimwe muri aya mashyamba arinzwe n’iteka rya Minisitiri. Iri shyamba riherereye mu Karere ka Nyanza mu Ntara y’Amajyepfo na ryo riri mu ryakunze kwibasirwa kubera ibiti by’imishikiri bihateye.

Ariko kuva Guverinoma yahagurukira iki kibazo ba rushimusi b’ibiti baragabanutse, kandi n’ingamba zo kurinda amashyamba nk’aya zarakajijwe.

Zimwe muri izo ngamba zirimo kongera imyumvire y’abaturage ku kurinda aya mashyamba ariko hanashyirwaho n’uburyo bwo kubafasha kwiteza imbere banayarinda.

Ku ikubitiro amashyamba 20 ni yo yashyizwe muri gahunda yo kuzitabwaho ariko n’andi akagenda yitabwaho uko ubushobozi buboneka, nk’uko bitangazwa na Dr. Emmanuel ukuriye igice gishinzwe kubungabunga amashyamba muri MINILAF.

Agira ati “Hari gahunda y’uko ibiti bivangwa n’imyaka cyane cyane ahegereye ya mashyamba ariko umwihariko uzashyirwa ahantu hegereye amashyamba akeneye kurindwa.

“Hahandi hegereye amashyamba hagiye haboneka ibiti bituma abaturage babona ibiti bakeneye hafi y’aho batuye, ntago bizajya bibafata umwanya kugira ngo baze mu ishyamba nkiri baze kuryangiza.”

Avuga ko umukandara w’ishyamba cyangwa ibihingwa bizazengurutswa aya mashyamba, bizaba bigizwe ahanini n’imbuto bishinzwe kongera ubuzima bwiza bw’abaturage.

Gahunda nk’iyi yo kurengera amashyamba karemano bakoresheje umukandara w’andi mashyamba agirira abaturage akamaro, isa n’iyagize akamaro ku baturiye ishyamba rya Nyungwe riherereye mu gice cya Kitabi mu Karere ka Nyamagabe.

Guverinoma yafashije abaturage bangizaga iri shyamba ibashyiriraho umukandara w’ishyamba rizengurutse irya kimeza rya Nyunge. Muri iki gice bemerewe gukoreraho imikorwa bibateza imbere, harimo gutashya no kororeramo inzuki.

Hakizimana ukorera ubworozi bw’inzuki mu nkengero z’ishyamba rya Nyungwe

Hakizimana Vincent ni umwe mu baturage biteje imbere kubera ubuvumvu akorera mu mukandara w’iri shyamba. Anahagarariye koperative y’abavumvu bakorera muri Nyungwe.

Ati “Twari ba rushimusi, twangiza ishyamba n’inyamanswa ziririmo, nta terambere byatugezagaho ariko ikigo cy’igihugu cy’iterambere (RDB) cyaje kutwigisha, kidufasha kwibumbira mu makoperative ndetse duhabwa n’ubumenyi.

“Ubu byabaye ishoramari rikomeye twateye imbere kandi tunabera amaso Pariki ya Nyungwe, turi mu bayirinda aho kuyangiza".”

Emmanuel Uwizeye avuga ko gahunda yo gukangurira abaturage kurinda amashyamba kimeza ishobora gufata imyaka iri hejuru y’itanu kugira ngo abaturage babe basobanukiwe neza akamaro k’amashyamba kimeza.

Kugeza ubu ubuso buhinzeho amashyamba mu Rwanda, bungana na 29.6% ubariyemo n’aya kimeza yose. Gahunda ya leta igaragaza ko bugomba kwiyongera bukagera kuri 30% muri 2020.

Babitangarije mu biganiro impande zombi zahuriyemo, mu rwego rwo kubafasha kurebera hamwe icyatuma aba bahinzi batera imbre ariko n’ibigo by’imari ntibibihomberemo. Ibiganiro byabaye kuri uu wa Kane tariki 22 Gashyantare 2018.

Bamwe mu bahinzi bgize amakoperative y’ubuhinzi bw’ibigori, bavuga ko ibigo by’imari bikibarebera mu ishusho y’ubujiji, bigatuma babasiragiza ku nguzanyo babyakamo, nk’uko byatangajwe na Simbabura Jean Bosco ukuriye koperative COAMUNYA ikorera mu Karere ka Gatsibo.

Yagize ati “Koperative ziba zisanzwe zikorana na mabanki, ibikorwa byose tubifatanya, imyaka bayireba mu mirima ariko bakagenda bashyiraho inzitizi zituma tutabona amafaranga cyangwa ngo tuyabonere igihe.”

Simbabura Jean Bosco ukuriye koperative COAMUNYA ikorera mu Karere ka Gatsibo.

Aba bahinzi bavuga ko amabanki ababwira ibikenewe bakabitegura bakabijyana, ariko kugira ngo bazabasubize bikaba ikibazo.

Ati “Turabibaha bakagenda bikabayo! Wababaza aho bigeze bakakubwira ko hagisigaye akantu gato, ukajya kugashaka waza hagashira ikindi cyumweru. Bikarangira n’iyo nguzanyo uyizinutswe, bigasoza amafaranga uyabuze n’icyo wayashakiraga kikanga.”

Abahagarariye koperative z’ubuhinzi bw’ibigori bose bahuriza kuri iki kibazo, bakongeraho ko banki n’ibigo by’imari bikwiye kubegera kugira ngo babafashe gutera imbere.

Nyiratambe Saverine, umucungamari wa Duterimbere/Gatsibo

Nyiratambe Saverine, umucungamari mu kigo cy’imari Duterimbere ikorera mu Karere ka Gatsibo, ntiyemeranya n’ibyo abakuriye koperative bashinja za banki, we akemeza ko kwimwa inguzanyo bierwa no gutinda gutanga imishinga yabo.

Ati “Hari igihe batajya bamenya ngo dukeneye amafaranga gihe ki ugasanga batangiye kugeza igihe cyo guhinga umuhinzi nibwo azanye dosiye ye kandi urumva ntago wamufatira umwanzuro uwo mwanya ngo umuhereze amafaranga kuko ubanza kugomba kumusura.”

Avuga ko iyo bigenze gutyo bagasanga nta gihe bafite cyo kuba bagenzuye ibisabwa ari byo bituma babima inguzanyo, kugira ngo zitabata mu bihombo birenzeho.

Birasa Patrick ukuriye umushinga ugamije guteza imbere abahinzi b’ibigori muri ICCO Cooperation

Birasa Patrick ukuriye umushinga ugamije guteza imbere abahinzi b’ibigori mu kigo ICCO Cooperation cyateguye aa mahugurwa, avuga ko uyu mushinga ugamije guhuza abahinzi n’abafatanyabikorwa barimo ibigo by’imari na Leta kugira ngo baganire ku cyateza imbere izo nzego zose.

Ati “Ikibazo cyo kugera ku mari kiracyari ikibazo. Twasanze aho kugira ngo abantu bashinjanye ubusa ahubwo baganire aho ingorane ziri. Twabonye ko hari ingorane haba ari mu batanga imari hari abdafite amafaranga ahagije cyangwa ubumenyi buhagije bwo kumva ubuhinzi, abo bose turabafasha.”

Yavuze ko abahinzi nabo babafasha kunoza ubuhinzi bwabo no gukora imishinga, byose mu rwego rwo gushaka uko bahaza isoko.

ICCO Cooperation mu Rwanda ikorana n’abahinzi bato bagera ku bihumbi 44 bibumbiye mu makoperative 11.

Abayobozi ba AIF ubwo bamurikiraga abanyamakuru ifu y’igikoma ya "Nootri Papa"

Mu minsi ishize abantu batandukanye bakoresheje imbuga nkoranyambaga bashyenga ko hakenewe ifu y’abagabo.

Byatangiye ubwo amafu atandukanye arimo "Nootri Toto" yagenewe abana na "Nootri Mama" yagenewe abagore batwite agiriye ku isoko.

Gusa hari impungenge bamwe bahise bagaragaza ko abagabo mu Rwanda nta muco bafite wo kunywa igikoma. Ariko ubuyobozi bwa AIF buvuga ko babanje kubikoraho ubushakashatsi.

Jorshi Darshana ushinzwe ubucuruzi muri AIF yavuze ko badatewe impungenge z’uko mu Banyarwanda hari imvugo ko nta mugabo unywa igikoma.

Yagize ati “Iyi fu ni iy’umuryango wose kandi twanakoze ubushakashatsi no ku bagabo, ku buryo n’abadakunda igikoma batubwiye ko bakunze uburyo kiryoha.”

Prosper Ndayiragije, umuyobozi wa AIF yemeye ko icyo kibazo gihari ariko yizeza ko ku bufatanye n’abafatanyabikorwa bazakomeza guhindura imyumvire mu bagabo.

Ati “Biragoye koko guhindura imyumvire y’abagabo ariko tuzakomeza gukora ibiganiro ahantu hose twibutsa ko n’abaga o bakwiye guhindura imyumvire ku mirire harmo no kugabanya inzoga bakanywa igikoma.”

Uruganda rwa AIF nirwo rwegukanye igihembo cy’umushoramari witwaye neza muri 2017, cyatanzwe n’Ikigo cy’Igihugu cy’Iterambere (RDB).

AIF ivuga ko yishimira gukorera ku isoko ryo mu Rwanda kugira no irufashe mu kugira umuryango ufite ubuzima bwiza nk’umusingi wo gutera imbere.

Kuri ubu AIF imaze kugira abakozi 300 ikoresha mu ruganda rwayo, mu mwaka umwe imaze itangiye gukorera ku isoko ryo mu Rwanda.

Umwihariko w’ifu y’igikoma cya AIF ni uko iba igizwe n’Ibigori na Soya ariko hakagenda hongerwamo intungamubiri bitewe n’ikigero cy’abantu yagenewe.

Perezida Kagame yunamiye Intwari zishyinguye ku gicumbi cy’Intwari

Iki gikorwa asanzwe agikora buri mwaka aho asura igicumbi cy’Intwari giherereye i Remera, akunamira intwari ziharuhukiye, akanahashyira indabo.

Kuri uyu wa Kane tariki 1 Gashyantare 2018, nabwo aherekejwe n’abandi bayobozi bunamiye intwari zihashyinguye.

Muri iki gicumbi haruhukiye Intwari zirimo Gen. Maj Fred Gisa Rwigema n’umusirikare utazwi bari mu cyiciro cy’Intwari z’Imanzi.

Abo mu muryango wa Fred Gisa Rwigema bashyira indabo ku mva ye

Harimo kandi Umwami Mutara III Rudahigwa, Rwagasana Michel, Uwiringiyimana Agathe, Niyitegeka Félicité n’Abanyeshuri b’i Nyange banze kwitandukanya ubwo baterwaga n’abacengezi mu 1997. Aba bari mu cyiciro cy’Intwari z’Imena.

Insanganyamatsiko y’uyu mwaka igira iti "Dukomeze Ubutwari, Twubake u Rwanda twifuza."

Mu mirenge yose igize u Rwanda naho abaturage bizihije uyu munsi, hakaba hari n’aho bagiye bashimira abaturage bagiye bagaragaza ubutwari.

Kureba andi mafoto kanda AHA

Perezida Kagame ubwo yafunguraga ku mugaragaro isoko rimwe ku ndege muri Afurika, kuri uyu wa Mbere tariki 29 Mutarama 2018

Tariki 28 Mutarama 2018, i Addis Ababa muri Ethiopia hateraniye inama ya 30 y’Umuryango wa Afurka yunze Ubumwe (AU). Iyi nama yemeje itangira rya gahunda yo gufungura ingendo zo mu kirere.

Iyi gahunda izwi nka “Single African Air Transport Market (SAATM)”, yahise yitabirwa n’ibihugu 23 byiyemeje gukorera hamwe nta mbogamizi mu bucuruzi bw’ingendo zo mu kirere.

Iyi gahunda yari imaze imyaka itatu yaremejwe ariko itarashyirwa mu bikorwa, ije gukuraho amananiza akenshi yatumaga ibihugu bya Afurika bidatahiriza umugozi umwe.

Ibihugu byitabiriye iyi gahunda, ubwabyo bifite ½ kirenga cy’abatuye Afurika, bakagira 80% by’abakoresha ingendo zo mu kirere zikora muri Afurika.

Igitangaje ni uko amakompanyi y’indege Nyafurika ari yo afite ibihombo ugereranyije n’andi mpuzamahanga ahakorera.

Kompanyi z’indege zo muri Afurika zifite gusa 20% by’isoko ryose rya Afurika. 80% bisigaye bifitwe n’amasosiyete mpuzamahanga.

Muri 2017, amasosiyete mpuzamahanga akorera muri Afurika yose hamwe yungutse miliyari 29 z’amadolari ya Amerika, mu gihe amasosiyete Nyafurika yose yagize igihombo cya miliyoni 800 z’Amadolari ya Amerika.

Rwandair nk’imwe muri kompanyi Nyafurika zirimo guhindura isura y’imitanigire ya serivisi zo mu kirere, yinjiranye ku isoko impinduramatwara zo gukuraho imvugo y’uko serivisi z’indege Nyafurika zidashoboye ku isoko.

Ibuye ry’ifatizo ry’ikimenyetso cyo gushyiraho isoko rimwe ku ndege zo muri Afurika

Rwandair imaze gufungura ingendo zigera mu bihugu 18 bya Afurika, hakiyongeraho izindi enye zijyamuri Aziya n’i Burayi.

Gusa ntibyayibujije gukumirwa kuri amwe mu masoko yo muri Afurika, mu gihe kompanyi mpuzamahanga zoherezwa kuri ayo masoko.

Umwaka ushize, Minisitiri w’Ububanyi n’amahanga Mushikiwabo yavuze ko kwangira Rwandair ibyangombwa byo gukorera mu gihugu kimwe ariko ukabiha umunyamahanga, biterwa no kudashyira hamwe hagati y’Abanyafurika.

Ibi bisa n’ibyo Perezida Kagame yibanzeho ubwo yakiraga inshingano zo kuyobora umuryango wa Afurika yunze Ubumwe, kuri iki Cyumweru tariki 28 Mutarama 2018.

Umuyobozi wa Rwandair, Col Chance Ndagano n’ikipe ya Rwandair bari bitabiriye itangizwa ry’iyi gahunda

Yavuze ko Afurika yasigaye inyuma ariko atanga n’umuti watuma ijya ku murongo w’iterambere.

Ati “Igihe cyatugendanye ariko tugomba guhindura imikorere ubu ngubu kugira ngo dukize Afurika ubukene karande. Tugomba gushyiraho isoko rusange duhuriyeho, ibikorwa remezo byacu bigahuzwa kandi ikoranabuhanga rikaza imbere mu guteza imbere ubukungu bwacu."

Yunzemo ati "Nta gihugu cyangwa akarere kakora konyine ngo gatere imbere. Dukwiye kurangwa no gukora kandi tugakorera hamwe.”

Igenzura ryakozwe n’Ishyirahamwe Mpuzamahanga ry’ingendo zo mu Kirere (IATA) rigaragaza ko ibihugu 12 gusa bya Afurika bihagije kugira ngo bihindure isura y’ubucuruzi muri Afurika.

IATA ivuga ko habonetse ibihugu 12 bigafungura isoko ry’ingendo zo mu kirere, byatanga imirimo mishya igera ku bihumbi 155, kandi bikongera miliyari 1.3 z’amadolari ya Amerika ku bukungu bw’ibyo bihugu.

Indege za Rwandair ziri muri zimwe mu ndege zihagazeho muri Afurika

Iyi gahunda igomba gutangira mbere y’uko uyu mwaka urangira, ifatwa nk’igerageza ry’uko nishyirwa mu bikorwa bizaha inzira n’andi mavugurura ajyanye n’icyerekezo cya 2063 Afurika Yunze Ubumwe yihaye, ajyanye n’uko ingendo zo mu kirere zigira uruhare rufatika mu bukungu bw’ibihugu bigize uyu muryango.

Perezida Kagame nawe yizera ko iyi gahunda niyubahirizwa izaba ari intambwe ikomeye itewe n’Abanyafurika.

Ati “Nitwiyemeza tugakuraho izi nzitizi tuzaba dutanze ubutumwa kuri Afurika no ku isi ko tuzanye impinduka mu mikorere yacu."

Hagati aho, Rwandair yo ikomeje kwagura ingendo no hanze ya Afurika, aho nyuma y’ingendo zo mu Buhinde, u Bwongereza n’u Bubiligi, yitegura gutangiza ingendo mu Bushinwa na Amerika.

Perezida Kagame avuga ijambo nyuma yo kugirwa Umuyobozi Mukuru wa AU

Ibihugu bigize umugabane wa Aziya byari mu bihugu bikennye mu myaka 50 ishize. Ariko kubera kwishyira hamwe no gukora amavugurura agamije iterambere kuri ubu bifite iterambere ryihuta ku isi.

Ibihugu bigize Aziya byishyize hamwe bigenda bizamurana, ibyari biyoboye ibindi byiswe "Asia Tigers", bigizwe n’Ikirwa cya Hong Kong, Singapore, Korea y’Amajyepfo na Taiwan bifasha ibyacumbagiraga nabyo bitera imbere kandi mu buryo bwihuse.

Perezida Kagame we asanga Afurika idakwiye gukurikiza iyo nzira kuko yatinze bihagije, ahubwo hari andi mahirwe ifite utasanga ahandi akwiye kwitabwaho.

Yabitangaje ubwo yatangiraga inshingano zo kuyobora Umuryango wa Afurika yunze Ubumwe (AU), kuri iki Cyumweru tariki 28 Mutarama 2018.

Yagize ati “Imbogamizi Afurika ifite ni ugushyiriraho abaturage bacu inzira zibaganisha ku bukire, cyane cyane abakiri bato. Ahandi babigezeho kubera guteza imbere inganda. Ariko urugendo Aziya yanyuzemo ngo itere imbere ntirwaba rugishobotse kuri Afurika. Twe twaratinze.”

Yavuze ko guhera aho ikoranabuhanga ryadukiye ryoroheje kandi ryihutisha ibintu, ku buryo byagora Afurika guhita ifatira aho abandi bageze ubu.

Ati "Igihe cyatugendanye ariko tugomba guhindura imikorere ubu ngubu kugira ngo dukize Afurika ubukene karande. Tugomba gushyiraho isoko rusange duhuriyeho, ibikorwa remezo byacu bigahuzwa kandi ikoranabuhanga rikaza imbere mu guteza imbere ubukungu bwacu.

"Nta gihugu cyangwa akarere kakora konyine ngo gatere imbere. Dukwiye kurangwa no gukora kandi tugakorera hamwe.”

Perezida Kagame yavuze ko Afurika ifite imyihariko ibiri utasanga ahandi, Abanyafurika bashobora kwifashisha bagatera imbere.

Umwihariko wa mbere ni uko hari ibikenewe byose n’imbaraga kugira ngo icyo bifuza cyose bakigereho. Icya kabiri ni uko bishyiriyeho umuryango wa AU kandi ukaba ugaragaramo ubumwe.

Perezida Kagame yashimiye Perezida wa Guinea Alpha Conde, asimbuye kuri uyu mwanya kubera akazi yakoze, avuga ko yamwigiyeho byinshi.

Yanashimiye abayobozi bose ba Afurika bamugiriye ikizere, abizeza ko bazafashanya mu gutuma Afurika itongera kwitwa “umutwaro” mu ruhando rw’amahanga.

Perezida Kagame ari i Addis Ababa aho yitabiriye inama ya 30 ya AU

Perezida Kagame amaze kwigaragaza mu mahanga kubera kurangwa n’imvugo ngiro yo “gukorera hamwe” no “kwishakamo ibisubizo”.

Iyi mvugo iri mu zo yakunze kugarukaho mu myaka yashize, akangurira Abanyarwanda kumva ko nta wundi uzabakura mu bukene barimo uretse bo ubwabo no kwishyira hamwe.

Ibyo avuga ntibigarukira mu magambo gusa kuko mu myaka 24 ishize u Rwanda ruvuye muri imwe muri Jenoside mbi zabayeho ku isi, aho Abaturage bishe abaturanyi babo muri Jenoside yakorewe Abatutsi mu 1994, u Rwanda rugashobora kwiyubaka mu buryo bwatunguye amahanga.

Bamwe babifata n’ibitangaza ariko kuri Perezida Kagame ni amahitamo y’Abanyarwanda yo kwishyira hamwe batitaye ku bibatanya no kwishakamo ibisubizo ku bibazo bibaranga.

Imitekerereze nk’iyi n’imiyoborere ye, yatumye Perezida Kagame ashingwa kuyobora komisiyo yari ishinzwe gukora amavugurura mu muryango w’Afurika yunze Ubumwe, ku buryo amwe muri ayo mavugururwa yatangiye gushyirwa mu bikorwa.

Amwe muri yo ni ajyanye no kuba uyu muryango ugomba kwishakamo amafaranga atuma ukora ibikorwa bya buri munsi. Ayo mafaranga akaba agomba kuva mu misoro ingana na 0.2% by’ayinjira muri buri gihugu kigize uyu muryango.

Uretse ibyo Perezida Kagame yatanze ibiganiro byinshi ku isi, ahabwa ibihembo bitabarika, ariko akomeza gushimangira ko uruhare rw’abaturage mu bibakorerwa ruruta ruruta kure ibituruka hanze bigamije "kubagirira neza."

Kuri uyu wa Gatandatu tariki 27 Mutarama 2018, Perezida Kagame yongeye gusaba abayobozi b’ibihugu by’Afurika kurangwa no gukorera hamwe hatitawe ku bibatandukanya kugira ngo bateze ibihugu byabo n’umugabane muri rusange imbere.

Yari yitabiriye inama ya AU igamije ubufatanye hagati y’ibihugu bya Afurika (NEPAD), inama yabanjirije inama rusange y’uyu muryango.

Yavuze ko intego nkuru ya NEPAD ari ugufasha umugabane w’Afurika gutera imbere, ari yo mpamvu hakenewe kwiga uburyo yakomeza gukora neza kugira ngo igire uruhare rw’icyo yashyiriweho.

Yagize ati “Uburyo abakuru b’ibihugu bagira uruhare mu ishyirwa mu bikorwa by’ibyemeranyijweho, bigaragaza agaciro babiha (…) Niyo mpamvu ari ngombwa ko higwa uburyo twese tugabana inshingano ariko tutiyibagije ko kuri uyu mugabane buri wese afite imikorere ye.”

Iyi nama irakurikirwa n’inama y’akanama ka AU kagamije kurebera hamwe uko umutekano uhagaze muri Afurika, nayo yitabirwa n’abakuru b’ibihugu bigize uyu muryango.

Perezida Kagame na Perezida Trump

Perezida Kagame uri mu nama yiga ku bukungu bw’isi i Davos mu Busuwisi, yagiranye ikiganiro na Perezida Trump nawe wayitabiriye, kuri uyu wa Gatanu tariki 26 Mutarama 2018.

Perezida Kagame yavuze ko Amerika yaherekeje u Rwanda mu bikorwa byose by’iterambere rwatangiye.

Yagize ati “U Rwanda rwungukiye mu nkunga ya Amerika mu bice byinshi, Amerika yatubaye hafi iradushyigikira nko mu bukungu, ubucuruzi no mu ishoramari.”

Yanamwizeje ko ibihugu byose biri mu muryango w’Afurika yunze Ubumwe byiteguye gukorana neza n’Amerika. Avuga ko amavugururwa ari kuba muri uyu muryango azafasha mu kunoza imikorere y’Afurika n’ibihugu bisigaye byo ku isi.

Perezida Trump we yabwiye Perezida Kagame ko ari inshuti nziza ya Amerika, amwizeza gukomeza ubwo bufatanye.

Iki kiganiro cyari kitezwe na benshi nyuma y’amagambo Trump yatangaje kuri Afurika mu ntangiriro z’uyu mwaka.

Aya magambo "aharabikana" yateje impaka mu bihugu byinshi by’Afurika, bimwe bimusaba gusaba imbabazi n’ubwo we yabihakanye.

Reba Video Perezida Kagame na Perezida Donald Trump babwira itangazamakuru icyo ibiganiro byabo byibanzeho

Minisitiri Wang nawe azakomeza umuco wo gukorera uruzinduko rwa mbere muri Afurika mu ntangiriro z’umwaka

Kuri uyu wa Gatandatu tariki 13 Mutarama 2018, Minisitiri Wang Yi yatangiye uruzindo ari gukorera muri Afurika, uru ruzinduko akaba yarutangiriye mu Rwanda ahura na Perezida Paul Kagame wamwakiriye mu biro bye.

Minisitiri Wang yavuze ko uruzinduko rwe muri Afurika rushimangira uburyo igihugu cye gifata Afurika nk’umugabane w’ibanze ariko u Rwanda rukaba umwihariko bitewe n’imikoranire iri hagati y’abayobozi b’ibihugu byombi.

Yagize ati “Buri mwaka dukora ingendo zitandukanye ku isi ariko dukora ibishoboka byose tugahera muri Afurika kugira ngo twerekane ko Afurika tuyifata nk’ingenzi mu mibanire yacu.

“By’umwihariko twizera ko ku buyobozi bw’abaperezida bombi (u Rwanda n’u Bushinwa) tuzagira umubano ugira inyungu kuri bose. Turi gushyiraho ubufatanye bwihariye bushingiye ku cyizere muri politiki, kwagura ubufatanye, gufasha abaturage b’ibihugu byombi kwagura imikoranire no guhuza neza ibyo dukora byose.”

Miniitiri Mushikiwabo we yavuze ko kuri ubu u Bushinwa ari kimwe mu bihugu bifasha u Rwanda mu iterambere mu bintu by’ingenzi mu iterambere.

Ati “U Bushinwa budufasha cyane mu bikorwa remezo nk’ubu twavuga inyubako batwubakiye izakorerwamo inzego zitandukanye zirimo Ibiro bya Minisitiri w’Intebe, budufasha mu buzima nk’ibitaro bya Masaka bari kutwubakira ndetse no kudufasha mu iterambere ry’inganda.”

Minisitiri Wang kandi ari mu Rwanda mu rwego rwo gutumira Perezida Kagame mu nama ihuza u Bushinwa n’Afurika izwi nka China Forum on Africa Cooperation izabera i Beijing muri Nzeri 2018.

Minisitiri Wang arava mu Rwanda yerekeza mu bindi bihugu bya Afurika nka Angola Gabon no mu birwa bya Sao Tome na Principe.

Perezida Kagame na William Gelling bafata ifoto y’urwibutso

Yabitangaje kuri uyu wa Kane tariki 11 Mutarama 2017, ubwo yasezeraga kuri Perezida Paul Kagame nyuma y’imyaka ine yari amaze mu Rwanda.

Yagize ati “Mu bice bikuru bigize ubutwererane navuga iterambere ry’ubucuruzi hagati y’ibihugu byombi ariko by’umwihariko gutangiza ingendo zo mu kirere hagati y’u Rwanda n’u Bwongereza nicyo cyanshimishije kurushaho, hakaza n’ubufatanye mu bya gisirikare. Umwaka ushize hari abasirikare b’Abongereza baje kwitoreza ino kandi twizera ko bizakomeza.”

Yavuze ko yanyuzwe n’umusanzu yatanze ku Rwanda

Ku buyobozi bwe ni bwo u Rwanda rwatangije ingendo za Rwandair zijya mu Bwongereza zitagize aho zihagarara, igikorwa cyafunguye amahirwe y’ubucuruzi n’ubuhahirane ku batuye ibihugu byombi.

Ubwongereza, bubinyujije mu kigega cyabwo cy’ubutwererane (DFID), butera inkunga mu bikorwa bitandukanye birimo uburezi, ubuhinzi, ubucuruzi n’ibindi bijyanye no guha amacumbi abaturage.

Ybanje kugirana ikiganiro na Perezida Kagame

Banahanye impano nyuma y’ibiganiro

William Gelling na Madame we hamwe na Minisitiri Mushikiwabo bafata ifoto hamwe na Perezida Kagame

Nyamara bimaze kugaragara ko ubana nayo akabasha kwiyakira, akanakurikiza neza inama za muganga abaho neza ntaho atandukaniye n’abatarwaye, akabasha kwigirira akamaro akakagirira umuryango we ndetse n’igihugu.

Ibi birahamywa na Mukanoheri Véstine, umwe mu babana na Virusi itera Sida bibumbiye mu ishyirahamwe ryitwa Impuhwe z’Imana, riherereye mu Kagari ka Mpenge, Umurenge wa Muhoza, Akarere ka Musanze mu Ntara y’amajyaruguru, aho atangaza ko kwiyakira ukamenya ko ubuzima bwawe buhindutse ugahindukana nabwo, aricyo cyamufashije kuba akiriho akomeye, ubu akaba afitiye akamaro gakomeye umuryango we, bagenzi be ndetse n’igihugu.

Mukanoheri, umubyeyi ufite abana babiri bakuru ubu biga muri Kaminuza mu bihugu by’i Burayi, arashishikariza bagenzi be bahuje ikibazo cyane cyane abatarabasha kwiyakira gutera ikirenge mu cye, kuko ariyo nzira yonyine yabonye bakwiye gucamo kugira ngo babashe kubaho kandi neza.

Aragira ati “Kubana na Virusi itera Sida, ni ubuzima busanzwe nk’ubundi bwose, cyane cyane iyo umuntu abashije kwiyakira agakurikiza n’inama za Muganga. Ubwo nabonaga ibisubizo by’uko nanduye Sida mu mwaka wa 2003, nahise mbyakira niremamo icyizere cyane cyane ko naharaniraga kubaho, mparanira ko abana banjye bari bakiri bato bagomba gukura kandi bakiga amashuri’’.

Mukanoheri avuga ko yakiriye ko yanduye Sida yiremamo icyizere aharanira kubaho.

Mukanoheri avuga ko n’ubwo akibimenya yagize uburwayi akaremba ndetse agashyirwa mu bitaro, bitatinze akoroherwa akava mu bitaro agataha, agahita afatanya na bagenzi be gutangiza ishyirahamwe “Impuhwe z’Imana” ryo gukorera ubuvugizi no gufasha abafite ikibazo nk’icye badafite ubushobozi bwo kwivugira, abifashijwemo n’akanama ka Diyoseze gatorika ya Ruhengeri muri komisiyo y’ubutabera n’ amahoro.

Aragira ati “Tukimara gushinga iri shyirahamwe “Impuhwe z’ Imana”, Umupadiri wari ukuriye aka gashami k’ubutabera n’amahoro witwa Gregoire Hakizimana, yadushakiye inkunga mu bagiraneza b’abahorandi ingana na Miliyoni icumi zo gushyigikira umushinga twari twakoze wo korora inkoko ndetse tunahinga imboga, kugira ngo abanyamuryango b’ishyirahamwe bagera ku munani babashe kugira inyunganizi ndetse no kunoza imirire yabo, iyo nkunga inadufasha kubaka icyicaro cyacu dukoreramo, aho kugeza ubu tudakodesha aho dukorera ibikorwa byacu bya buri munsi”.

Mukanoheri yaje no gukomeza amashuri arangiza kaminuza

Mukanoheri wari umwarimu mu mashuri abanza icyo gihe yamenyaga ko yanduye Sida, ntibyamuciye intege kuko yaje gusaba ba baterankunga b’abahorandi babafashaga mu mushinga wo korora inkoko ngo bamufashe gukomeza amashuri, kuko icyo gihe yari afite amashuri atandatu yisumbuye mu nderabarezi.

Aragira ati “Namaze kubona ko kwigisha abana bo mu mashuri abanza bisaba imbaraga nyinshi ntafite kubera uburwayi nari maze kugira, ngira igitekerezo cyo gusaba ba baterankunga b’abahorandi kumfasha gukomeza amashuri, kugira ngo nzabashe kubona akandi kazi keza nakora kamfasha gukomeza gutera imbere, nkishyurira abana amashuri, ndetse no kubaho neza kugira ngo mbashe guhangana n’uburwayi bwansabaga imyitwarire idasanzwe”.

Aha Mukanoheri yari yabaye umunyeshuri w’indashyikirwa mu bashoje amashuri muri INES-Ruhengeri.

Icyo gitekerezo Mukanoheri yagize yakigejeje kuri abo baterankunga bacyakira neza, bamubonera inkunga yo kumwishyurira imyaka ibiri yambere muri kaminuza ya INES Ruhengeri, mu gashami k’ Ubukungu n’iterambere ry’icyaro arabyiga, nyuma y’imyaka ibiri akomeza gutekereza uburyo yazabona inkunga yo kumufasha kurangiza indi ibiri yari isigaye.

Mukanoheri akirangiza iyo myaka ibiri ya Kaminuza, we na bagenzi be baje gukomeza gutunganya uwo mushinga wabo w’ubworozi bw’inkoko, aho waje gusurwa n’icyitwaga CNLS (Inama y’igihugu ishinzwe kurwanya Sida) igashima ibikorwa byabo, ikabemerera ko nihagira inkunga iboneka bazabazirikana bakayibagezaho kugira ngo ibikorwa byabo bibashe gutera imbere byaguke.

Mu mwaka wa 2009, Mukanoheri atangaza ko ikigega cya Global Fund cyaje guhitamo ishyirahamwe ryabo “Impuhwe z’Imana” nka bamwe mubo CNLS yasanze bafite ibikorwa by’indashyikirwa, ikabaha gushyira mu bikorwa umushinga wa Global Fund witwa Round Seven, aho bakoraga ubukangurambaga ku bijyanye no kwirinda sida, kuboneza urubyaro ndetse no kwihangira imishinga, mu Karere ka Nyamasheke.

Ubwo bukangurambaga bakoraga mu Karere ka Nyamasheke ku bufatanye na Global Fund, baje gukuramo ubushobozi bwaje gufasha Mukanoheri gukomeza amashuri ya Kaminuza, ayarangiza mu mwaka wa 2011 ari mu banyeshuri b’indashyikirwa bo muri INES Ruhengeri, n’amanota 15.4 anabiherwa ibihembo ku rwego rw’ikigo.

Mukanoheri arangije Kaminuza ntiyarekeye aho kuko bwa bukangurambaga bari bagikorera mu Karere ka Nyamasheke mu mushinga witwa Round seven bafashwagamo na Global Fund, waje kugera ku musozo, bakorewe igenzura basanga bakoze neza cyane, Global Fund yemeza gukomeza ubwo bukangurambaga ibucishije mu wundi mushinga yise SSF-HIV, aho bahise bamugira umuhuzabikorwa w’uwo mushinga kuko yari amaze no kurangiza kaminuza afite impamyabumenyi imwemerera uwo mwanya.

Aragira ati “Maze kugirwa umuhuzabikorwa wa SSF-HIV, twakomeje gukorera mu Karere ka Nyamasheke ndetse tuza kwagura ibikorwa bigera no mu Karere ka Musanze dufasha amashyirahamwe agera kuri 48 kwiteza imbere, ariko ibyo byose nakoraga nari ngifite inyota yo gukomeza amashuri kuko numvaga uyu mushinga ugomba kuzarangira, umfashije kubona impamyabumenyi yo ku rwego rwa Master, izamfasha kujya gusaba akazi aho nize kuri INES”.

Mukanoheri, umuyobozi w’ishyirahamwe "Impuhwe z’Imana".

Mu mwaka wa 2012 yahise atangira kwiga icyiciro cya gatatu cya Kaminuza muri Kaminuza ya Mercule mu gihugu cy’ububirigi, akoresheje iya kure (Distance Learning), yiga agashami k’ubukungu n’iterambere, anabyiga ashyizeho umwete ndetse adatinda kuko yateganyaga ko uyu mushinga wa SSF-HIV wamufashaga kwishyura ayo mashuri wagombaga kuzarangira nawe yararangije icyiciro cya gatatu cya Kaminuza.

Kugeza uyu munsi Mukanoheri, abikesheje kuba yariyakiriye ntiyihebe agakora akazi n’imbaraga ndetse n’intumbero adapfusha ubusa amahirwe yagiye abona afatanyije na bagenzi be, byamufashije kurangiza icyiciro cya gatatu cya Kaminuza ubu akaba ategereje ko bamwoherereza impamyabumenyi, kuko ibizami n’ibindi byose bisabwa yabirangije kandi yabitsinze neza.

Umushinga SSF-HIV waje kurangira ariko ntibyamuteye ikibazo kuko yari amaze kubona impamyabumenyi imwemerera kuba yakwigisha muri Kaminuza, asabayo akazi aragahabwa, ubu akaba atangaza ko n’ubwo atarabona amasezerano y’akazi ku rwego rwa burundu, ubu yigisha muri INES Ruhengeri kandi afite icyizere cyo kuzayabona, akaba yishimira ko zimwe mu nzozi ze yari afite ari kugenda azisohoza abikesheje cyane cyane ko yabashije kwiyakira, no kuba yaramenye ko ubuzima bwe buhindutse agahindukana nabwo.

Kwitabira amashyirahamwe y’ababana na virusi itera sida byabafashije kwiyakira no kurwanya akato

Mukanoheri atangaza ko kwitabira amashyirahamwe y’ababana na virusi itera sida byabafashije kwiyakira, kuko mbere wasangaga umuntu ari mu bwigunge bikamutera kwiheba, ntawe umuhumuriza cyangwa ngo amugire inama, ugasanga bimuviriyemo no gupfa ku buryo bwihuse.

Aha yari yitabiriye amahugurwa yo guteza imbere amakoperative hanze y’u Rwanda.

Aragira ati “Hamwe na hamwe mu miryango wasangaga mbere hagaragaramo guheza ndetse no guha akato ababana na virusi itera sida, ugasanga ababana na virusi barihebye bategereje ko urupfu ruza rukabatwara kuko bumvaga ubuzima busa n’ubwarangiye, ariko kuva abantu batangira kwishyira hamwe bakagirana inama bagashyigikirana mu mishinga imwe imwe, bakabona imiti igabanya ubukana bwa virusi ndetse bakungurana ibitekerezo ku myitwarire umuntu yakurikiza kugirango abane na virusi itera sida abeho neza yigirire akamaro, akagirire umuryango ndetse n’igihugu, ubu akato karagabanutse ku buryo bugaragara”.

Akomeza agira ati “abantu byabarinze kwihugiraho basangira ubuzima n’abandi basanzemo, ku buryo nkanjye ku giti cyanjye kuva nakongera gutora akabaraga nahise nsubira mu mirimo yanjye bisanzwe kandi n’imyumvire yarahindutse ku babana na virusi itera sida ku buryo ubu ari abantu bifitiye akamaro kandi bangafitiye igihugu”.

Mukanoheri atangaza ko ubu ibibazo ahura nabyo mu buzima busanzwe ari ibibazo rusange nk’ibyo abandi bantu bose bahura nabyo mu buzima bwa buri munsi babamo.

Mukanoheri aragira Inama ababana na Virusi itera Sida ndetse n’abatinya kwipimisha ngo bamenye uko bahagaze

“Mu nama ya mbere isumba izindi ntahwema kugira bagenzi banjye babana na virusi itera sida ni ukwiyakira ntibihebe, bakamenya gukurikiza inama za muganga ibyo bababujije nk’inzoga, itabi, gukora imibonano mpuzabitsina idakingiye, kudasiba imiti no kuyinywera ku gihe, ndetse no kugerageza kurya indyo yuzuye, kuko iyo witwararitse kuri izo nama ari nazo muganga agarukaho, ntawe ushobora kugutandukanya n’utarwaye”.

Anabakangurira kandi kwitabira amashyirahamwe y’ababana na virusi itera sida kuko kuyitabira bibarinda kwiheba, ahubwo bigatuma bamwe babona uburyo abandi babashije kwiyakira bigatuma nabo bafata umugambi w’uko bagomba kubaho kandi bakabaho neza, bagakura amaboko mu mifuka bagakora, kandi anongeraho ko kwitabira amashyirahamwe bibafasha kubona imiti ku buryo bworoshye kuko no kwa muganga ubu kugira ngo uhabwe imiti bisaba ko uba ubarizwa mu ishyirahamwe runaka.

Mukanoheri kandi anakangurira abantu kwipimisha bakamenya uko bahagaze, aho kugira ngo abantu bajye bicwa cyangwa se bakomeze no gukwirakwiza agakoko gatera sida mu muryango nyarwanda.

Ishyirahamwe Impuhwe z’Imana ryabashije kubona inzu yo gukoreramo.

Aragira ati “Ntibikwiye ko muri iki gihe tugezemo haba hakiri abicwa na sida, cyangwa se ugasanga umuntu ararwara ariko akivuza amarozi kubera ubujiji kuko aba ataripimishije bikazamenyekana amazi yararenze inkombe ntacyo abaganga bakimumariye. Ni ngombwa ko abatinya kwipimisha babikora bakamenya uburyo babungabungamo ubuzima bwabo. Iyaba byashobokaga ahubwo ngo abantu bose bipimishe mu gihugu hose bamenye uko bahagaze, mbona byafasha mu igenamigambi ry’ubuzima, bikaba byanafasha mu gukumira burundu icyorezo cya Sida”.

Mukanoheri agira inama cyane ababana na virusi itera sida, abakangurira kwiyakira bakareka kwiheba, bagakurikiza inama za muganga nk’uko baba bazihawe, kandi bakigirira icyizere bibumbira mu mashyirahamwe ndetse n’amakoperative kugeza ubu babanamo n’abandi batabana n’ubwandu bagafatanya kwiteza imbere.

Ahamya ko kurwara sida atari iherezo ry’ubuzima ashingiye ku buzima yabayemo ko nta kabuza iyo witwararitse witeza imbere ugateza imbere umuryango wawe ndetse n’igihugu muri rusange.

Roger Marc Rutindukanamurego

Perezida Kagame na Mme Jeannette Kagame bafatanyije n’abana gukata umutsima

Abo bana baturutse mu turere twose tw’igihugu uko ari 30, bakiriwe mu busitani bwo mu biro bya Perezida mu “Urugwiro”, kuri iki Cyumweru tariki 3 Ukuboza 2017.

Madame Jeannette Kagame waje aherekeje Perezida Kagame, bafatanije mu kugenera abo impano no gusabana na bo.

Perezida Kagame yaboneyeho kubifuriza umwaka mwiza anabasaba kwitwara neza no gukurana uburere bukwiye kugira ngo bazavemo abantu bakorera igihugu,babe n’abayobozi beza b’ejo hazaza.

Yagize ati “Impamvu turi aha ni ukugira ngo tubifurize Noheli nziza n’umwaka mushya muhire. Turabifuriza gukura neza kugira ngo muzavemo abayobozi beza b’ejo hazaza. Kugira ngo igihugu kigire abayobozi beza bisaba ko kigira abantu bafite uburezi bwiza nk’ubwanyu.”

Umwe mu bana utareba yagaragaje ubuhanga mu muvugo uhamagarira ababyeyi guha amahirwe angana abana

Yabibukije ko bashobora kuba icyo bifuza cyose mu minsi iri imbere, mu gihe bakoresheje impano bafite.

Uwase Claudine w’imyaka 11 waturutse mu Karere ka Rutsiro,yari inshuro ya mbere ageze muri Kigali. Yavuze ko guhura na Perezida imbonankubone byamwongereye imbaraga zo kwiga akazatsinda ibizami akazagera ku nzozi ze.

Ati “Umwaka utaha nzaba ndi mu wa gatandatu w’amashuri abanza, ibyo Perezida yambwiye nzabikurikiza kugira ngo ngere ku nzozi zanjye zo kuba umuganga.”

Hari imyidagaduro y’ubwoko bwose yagenewe abana

Madame Jeannette Kagame ategura icyo gikorwa buri mwaka, aho atumira abana bari hagati y’imyaka 7 na 12 kugira ngo basangire. Hatumirwa abana bo mu bice byose by’igihugu ndetse n’abana baturuka mu miryango ikennye cyane barahagararirwa.

Perezida Kagame na Mme Jeannette Kagame banageneye impano aba bana

Abana basizwe amarangi mu maso, imwe mu mikino bishimira

Uwo mwana yari yatwawe no guhuha muri ako gakinisho kazana ibipurizo

Uwo mwana yari yatwawe no guhuha muri ako gakinisho kazana ibipurizo

Aba bavandimwe ntibasiganaga. Umukuru ni umuhungu, umuto ni umukobwa

Abantu bakuru nabo bafashe akanya baridagadura

Dore andi mafoto yaranze iki gikorwa

Amafoto: Plaisir Muzogeye

Ikigo cyo muri Amerika Fadors giha ba mukerarugenda amakuru abayobora ku hantu hatandukanye baba bashaka gutemberera, muri 2013 cyanditse inkuru ku mpamvu 12 zatera buri wese kwifuza gutemberera mu Rwanda.

Ni mu gihe kandi u Rwanda rwari rumaze imyaka rwihariye intsinzi ku rwego rw’isi mu imurikabikorwa ngarukamwaka rinini ku isi ry’ubukerarugendo ribera mu Budage (ITB Berlin).

Televiziyo rutura yo muri Amerika, CNN, muri Mutarama 2017, na yo yashyize u Rwanda mu hantu Nyaburanga haryoheye ijisho n’ubuzima ku isi, buri wese yakwiye kugira inzozi zo gutemberera.

Ubwo Ikigo Mpuzamahanga, Condé, gitwara ba mukererarugendo b’abaherwe baba bifuza kwinezeza, cyashyiraga ku rutonde ahantu ho gusohokera no kwinezereza kurusha ahandi muri Afurika, u Rwanda na bwo rwagaragaye kuri uru rutonde.

Uko imyaka itaha ni ko u Rwanda rurushaho kugira uburanga ku buryo isura yarwo itungura abanyamahanga barugendamo.

Byongeye, n’imibereho y’Abanyarwanda ubwabo igenda irushaho kuba myiza, bityo bagakenera ahantu hatandukanye bashobora gutemberera bakinezeza, aho bashobora kwimukira bagatura kuko haryoheye ijisho cyangwa bakahaba mu minsi yabo y’iza bukuru.

Kigali Today, yabahitiyemo ahantu hatandukanye hirya no hino mu Rwanda, ugera ukumva utatava bitewe n’uburanga bwaho.

Urutonde ruriho ahantu 10 hatandukanye hatwara umutima na roho kuko ruriho ingeri zose z’ubukerarugendo haba mu myemerere, imyidagaduro ndetse no mu buryo bwo kuruhuka.

Indake yo ku Mulindi yacumbikiye Perezida Kagame mu rugamba rwo kwibohora

Ku wa 12 Mata 1994, Gen Paul Kagame yatangaje ko amasezerano y’Arusha ntacyo akimaze, aha amabwiriza Inkotanyi kwambarira urugamba zigahagarika Jenoside yari irimo gukorerwa Abatutsi.

Ibyemezo bikakaye byafashije ingabo za RPF gutsinda ingabo za Leta yarimo gushyira mu bikorwa Jenoside byafatirwaga muri iyo ndake, yari ku burebure bwa kilometer0 3 na metero 48 (10ft) iyo hasi mu butaka.

Iyi ndake iri mu Murenge wa Mulindi mu Karere ka Gicumbi, yacukuwe mu 1992 hashize imyaka ibiri gusa urugamba rwo kubora igihugu rutangiye. Aha ni ho uwari umuyobozi w’ingabo za RPF yahuriraga n’abasirikare bakuru ku rugamba bagakora ubucurabwenge bwose bw’urugamba rwo kubohora u Rwanda.

Muri iyo ndake hari intebe imwe n’ameza amwe bibaje mu giti. Nyamara aho iterambere ry’u Rwanda rigeze ubu, ryose rifite isoko kuri iyo ndake. Muri 2012, iyo ndake yashyizwe mu nzu Ndangamurage z’u Rwanda.

Ni indake yubatse ahantu hari ikirere cyiza ku gasozi hakaba n’ubuhinzi bw’icyayi, ibintu bihashyira mu hantu Nyaburanga hakurura abantu benshi bifuza gutembera.

Ku mucanga w’Ikiyaga cya Kivu n’imijyi igikikije

Ikiyaga cya Kivu na cyo kiri mu bikurura ba mukerarugendo ku bantu bakunda gusohokera ku mucanga, kandi kikaba n’ahantu hari ikirere n’isura nziza. Ufatiye nko ku Mujyi wa Rubavu wubatse ku nkuka zacyo, kuhagera uturutse i Kigali ni amasaha ane mu modoka.

Kubera ko ari no ku mupaka na Repubulika iharanira Demokarasi ya Kongo (DRC), usanga Abanyarwanda n’Abanyekongo banyuranamo bambuka ku mpande zombi. Nyamara, ibi byari bigoye mu myaka mike ishize.

Kuri ubu, ku mucanga (beach) uva mu Rwanda werekeza muri DRC usanga ari urujya n’uruza rw’abantu bagiye kwinezeza. Ku ruhande rw’u Rwanda, Ikivu gikomeza kerekeza mu Karere ka Karongi kigakomeza i Rusizi. Muri ibi bice byegereye Ikivu usanga abantu banakoresha cyane ururimi rw’Igiswahili.

Ku Kivu uhasanga abantu bari mu bikorwa byinshi birimo imikino mu mazi, gutwara ubwato, kuhaca indaro (camping) ndetse n’abakeneye amahoteli baba bashobora kubona amacumbi mu mahoteli meza kandi akomeye nka Bethanie, Rwiza Village (igizwe n’imyubakire ya Kinyarwanda), Moriah ndetse bakaba baba bashobora no gutemberera ku Kirwa cy’Amahoro no mu bindi bice Nyaburanga by’Ikivu.

Ugeze ku Kivu, ubasha no kwibonera imashini z’u Rwanda zibyaza amashanyarazi muri gazi metani zireremba hejuru y’amazi. Ni ibintu abahanga mu ikoranabuhanga bibazaho cyane, kuko ubundi hari abahanga mu bya siyansi bari baraburiye u Rwanda bavuga ko gucukura iyo gazi bishobora guteza ibyago bikomeye.

Nyamara, u Rwanda rwagaragaje ko ibyo bibwiraga ko bidashoboka bishoboka none kugeza ubu, igice cya mbere cy’uwo mushinga cyamaze kuzura gitanga MegaWatt 26 z’amashanyarazi, Abanyarwanda bakayifashisha mu mirimo yabo ya buri munsi yo kwiteza imbere.

Muri ibyo bice bikikije Ikivu, ushobora no kumva ku cyanga cy’udufi duto bita Isambaza dukunzwe cyane. Gusa, haba n’amafi yo mu bwoko bwa tilapiya na yo mato ariko aryoha cyane iyo akaranze ukayarisha ifiriti.

Umujyi wa Kigali utohagiye kandi urangwa n’isuku utapfa kubona ahenshi ku isi

Iyo ubajije umunyamahanga ugeze mu Rwanda uko yagusobanurira Kigali mu magambo ye, akubwira ko ari umujyi wuje uburanga, muto, ufite isuku, utohagiye kandi wateye imbere mu ikoranabuhanga.

Ni umujyi ukiri muto kuko washinzwe n’Umudage w’umukoloni witwa Richard Kandt mu myaka 100 ishize. Inzu Kandt yari atuyemo mu Karere ka Nyarugenge iracyahari ndetse yanahinduwe inzu Ndangamurage y’ibinyabuzima.

Kigali kuri ubu yarakuze iva ku isura y’icyaro igira isura ikurura amaso y’isi yose, ndetse yuje ibikorwa remezo bigezweho ku buryo ibigo mpuzamahanga biharanira kuyikoreramo ikanakira inama n’ibikorwa byinshi mpuzamahanga.

“World Travel Guide”, ikigo mpuzamahanga kiyobora ba mukerarugendo, muri 2015 cyashyize Umujyi wa Kigali ku mwanya wa gatatu mu hantu heza kigira inama abantu kuba batemberera. Kuri ubu, harimo kubakwa ubusitani bwa “Eco Park” i Nyandungu aho abantu bashobora kujya bagasura ibikorwa Nyaburanga bitandukanya cyangwa bakanaruhukira.

Ikindi kiryohera cyane umunyamahanga ukandagiye mu Rwanda, ni ugutembera wisanzuye, nta nkomyi na ntoya nijoro mu Mujyi wa Kigali. Usanga ahantu hose habona neza kubera amatara yo ku mihanda ndetse n’umutekano ari wose ku buryo abenshi usanga banakora siporo, biruka mu masaha y’ijoro mu tuyira twagenewe abanyamaguru.

Ikiyongera kuri ibyo ni uko imihanda yose ifite nimero ku buryo nta muntu ushobora gupfa kuyoba aho ajya. Iyo mibare usanga ibanzirizwa n’inyuguti ebyiri-KN, KG, KK aho K isobanura Kigali naho inyuguti ziyikurikira zikaba zigenda zibanziriza amazina y’uturere uko ari dutatu tw’Umujyi wa Kigali (Nyarugenge, Gasabo na Kicukiro).

Hari ni igice cyahariwe abanyamaguru gusa (car free zone) kugira ngo kibafashe gutembera nta nkomyi mu Mujyi rwagati wa Kigali. Ni umujyi kandi ufite amahoteli afite amazina akomeye nka Marriot, Serena, Radisson Blue na Park Inn.

Habamo n’amangazini akomeye y’imideri ikorerwa mu Rwanda “Made in Rwanda” nka House of Tayo, Inzuki, Haute Bause, Izi, Kaplaki. Ushobora kandi no gusura inzu Ndangamurage y’i Kanombe abenshi bita kwa Habyarimana (Presidential Museum).

Bongeye, ingendo mu Mujyi wa Kigali zifashisha ikoranabuhanga ku buryo abantu bakoresha amakarita aho kwitwaza amafaranga, kandi aho ugeze hose muri Kigali ahantu hahurira abantu benshi uhasanga internineti inyaruka cyane bita 4G.

Nyungwe-Ikiraro kigufasha kwitemberera hejuru y’ishyamba

Pariki y’Igihugu ya Nyungwe, ubu na yo yiyongereye ku rutonde rw’ahantu utagombye kurenza amaso kuko iri mu duce dufite uburanga buhebuje mu Rwanda. Iri shyamba riri mu misozi iri hagati y’Akarere ka Rusizi, Nyamasheke na Nyamagabe, ricumbikiye urosobe rw’ibinyabuzima byinshi birimo inyamaswa n’ibimera.

Baryubatsemo ikiraro kireremba mu kirere gituma ucyambuka aba yitegeye amashyamba n’icyibaya by’iyo pariki areba aniyumvira umunyenga.

Kabone n’iyo waba wihitira udafite amafaranga ahagije agufasha gusura ibice bitandukanye bya pariki, uko wahagera kose ntubura kunezezwa n’urusobe rw’ibinyabuzima usanga muri Nyungwe. Muri iryo shyamba, ku bashaka kwinezeza bakarara, bahasanga na hotel yo ku rwego rwo hejuru y’inyenyeri eshanu ndetse n’amacumbi.

Ni ishyamba ririmo indabyo nziza cyane z’umwimerere zifite impumuro ikurura cyane inzuki, ku buryo Nyungwe yabaye ikigega cy’ubuki mu Rwanda. Abavumvu usanga bahugurirwa uburyo bagomba guhakura batangiza ibidukikije, dore ko gutwika amashyamba mu Rwanda ari icyaha gihanirwa n’amategeko.

Iyo ugeze muri Nyungwe kandi, ubona ingunge n’inkima zitembera cyangwa zurira ibiti, ndetse muri iryo shyamba ukahasanga n’igishanga cya Kamiranzovu abantu bavuga ko cyamize inzovu.

Ugisohoka muri Nyungwe ugaruka i Kigali, ushobora guhita uta umuhanda mugari ukuzana ukikatira iburyo bwawe ugafata umuhanda werekeza i Kibeho ukirebera ku Butaka Butagatifu, kwa Bikiramariya Nyina wa Jambo.

Kibeho-Ubutaka Butagatifu buhuruza imihanda yose y’isi

Amateka y’u Rwanda yuzuyemo byinshi bitangaje. Mu 1983, Umubyeyi Bikiramariya yabonekeye abanyeshuri batatu bigaga i Kibeho, ubu ni mu Karere ka Nyaruguru. Kuva icyo gihe, ibihumbi n’ibihumbi by’abantu baturutse imihanda y’isi bahakorera urugendo rutagatifu buri mwaka kugira ngo bahavome umugisha wihariye.

Imibare igaragaza ko buri mwaka nibura abantu ibumbi 500 bakorera urugendo rutagatifu i Kibeho. Ayo mabonekerwa y’abo bana batutu b’abakobwa yatumye Papa Yohani Pawulo wa II mu 2001 yemeza ko Kibeho igizwe Ubutaka Butagatifu.

Kuri aka gasozi ka Kibeho, hari n’iriba ry’amazi bahawe n’Umubyeyi Bikiramariya ku buryo amazi yaryo abakirisitu bayafata nk’amazi y’umugisha, ku buryo bemera ko uyanyweyeho wese abona ibitangaza mu buzima bwe.

Bivugwa ko ubukerarugendo bushingiye ku iyobokamana ari bwo bwa mbere bwabanjirije ubundi bukerarugendo, aho ibihumbi n’ibihumbi by’abantu bagenda basura ahantu hajyanye n’imyemerere yabo, bakajya kuhashakira imigisha. Kibeho yatumye ubukerarugenda nk’ubu bufata intera yo hejuru mu Rwanda mu gihe gito.

Kugeza ubu, Ikiliziya cya Kibeho ahabereye ayo mabonekerwa ni ahantu abakirisitu bose mu Rwanda ndetse n’abaturutse hanze usanga berekeza umunsi ku munsi. Gusa, nubwo ari Ubutaka Butagatifu, Kibeho yahuye n’amarorerwa arenze ukwemera muri Jenoside yakorewe Abatutsi muri Mata 1994. Cyakora mu myaka 23 ishize, Kibeho yahinduye ipaji iba igicumbi cy’icyizere n’iterambere ryihuse.

Bugesera yafatwaga nk’agace kavumwe yahindutse nka paradizo

Mu myaka mike ishize, Bugesera yari mu duce twa mbere dukennye mu Rwanda kandi twanahuye n’amateka ashaririye cyane. Ni ho ha mbere Jenoside yakorewe Abatutsi yageragerejwe, nyamara, uyu munsi ni umujyi urabagirana kandi ibyiza byinshi ni bwo bitangiye kuza.

Mu minota 45 gusa uturutse i Kigali uba ugeze mu mirambi ibereye amaso, udusozi twiza n’ibiyaga bya Bugesera.

Bitewe n’imiterere yaho n’udusozi duhari, Bugesera yatoranyijwe nk’igice kibereye amarushanwa ya siporo ku buryo kuri ubu abaturage baho bashobora kwirebera isiganwa ku magare rya “Tour du Rwanda” risigaye riri mu marushanwa azwi cyane muri Afurika. Bashobora kandi no kureba isiganwa ry’imodoka “Rwanda Mountain Gorilla Rally” n’isiganwa kuri moto.

Mu minsi mike, mu Bugesera haraba hanuzuye n’ikibuga mpuzamahanga cy’indege kuko biteganyijwe ko kizuzura muri 2018. Iki kibuga ni kimwe mu byitezweho kuzamura ubucuruzi muri aka karere no kurushaho gukurura abashoramari.

I Musanze, ingagi zo mu Birunga zikurura benshi

Kubera uburyo zikundwa, Bill Gates, umuherwe wa mbere ku isi, na we aherutse kuza mu Rwanda mu muhango Ngarukamwaka wo “Kwita Izina” ndetse anita izina imwe muri izo ngagi.

Iyo uri i Musanze, ubona ibirunga bitatu bishoreranye bikwitegeye kandi bibereye ijisho. Hari kandi n’ibiyaga nka Burera na Ruhondo ndetse n’ubuvumo bumaze imyaka irenga ibihumbi icumi burimo n’ubufite km zirenga ebyiri.

Ku bafite agatubutse, Musanze ni hamwe mu hantu hari amahoteli akomeye mu Rwanda nka Sabyinyo Silverback Lodge, iyi ni hotel y’inyenyeri 5 ariko yigonderwa n’abifite koko. Gusa uyigiyemo aba yitegeye imisozi y’Amajyaruguru y’u Rwanda mu buryo bunogeye ijisho.

Huye ifatwa nk’igicumbi cy’urukundo mu Rwanda

Byakugora gutangira gutereta cyangwa guteretwa ukazarinda ugera ku munsi w’ubukwe utarumva Huye. Uyu ni umujyi ufatwa nk’umujyi w’urukundo kuko ari isoko y’impeta z’urudashira.

Uretse impeta za zahabu zikorerwa ku gasozi ka Gihindamuyaga mu kigo cy’abihayimana b’Abagatorika, iki kigo kizwiho kuba kinatangirwamo imyiherero ikubiyemo inyigisho zitandukanye zirimo n’iz’urukundo, ariko by’umwahiriko hakaba n’ahantu abagikora ubukwe bajya kuruhukira mu kwezi kwa buki.

Hari inzu nziza ituje ikikijwe n’ubusitani n’ibidukikije byuje amahumbezi, ku buryo byakugora gutekereza ikindi kitari urukundo wahasohakanye n’uwawe. Usibye iby’urukundo, Huye ifatwa nk’Umujyi w’Umuco n’Ubwenge kuko ari ho havukiye Kaminuza Nkuru y’u Rwanda mu 1963, imfura muri kaminuza n’amashuri makuru muri iki gihugu.

By’umwihariko, ni na ho hari umunyeshuri wafashe nimero ya mbere muri iyo kaminuza mu ishami ry’ubuvuzi bw’abantu. Kuri ubu, uwo musaza witwa Ntabomvura Vénant ari mu kiruhuko cy’izabukuru.

Iyi kaminuza kandi ikikijwe n’ishyamba ry’ Arboretum rihogoza buri wese ukandagiye i Huye. Ni ishyamba ryatewe kandi kuri ubu ririmo inkende nkinshi usanga zikinira iruhande rw’abanyeshuri baba barimo gusubiramo amasomo yabo bicaye mu ntebe ziteye muri iryo shyamba.

Ni umujyi kandi wiganjemo imiryango myinshi y’abihayimana b’Abagatorika. Muri uwo mujyi ni ho hari n’inzu Ndangamurage nini yerekana imibereho y’Abanyarwanda, uko abakurambere babagaho, umuco wabo, intsinzi zabo mu ntambara zitandukanye n’ibindi.

Muhazi- Ahantu haryoheye ikiruhuko cy’izabukuru

Abakurikirana imiterere y’inkengero za Muhazi, ntibashidikanya guhamya ko mu myaka nka 20 iri imbere hazaba hari mu hantu heza cyane hasumbje ahandi uburanga mu Rwanda. Ni hafi ya Kigali kuko ari isaha gusa kugira ngo uhagurutse uvuye mu Murwa Mukuru w’Igihugu uri mu modoka uhagere.

Ni ikiyaga gifite imiterere yihariye kuko gikikijwe n’udusozi duteye amabengeza mu turere twose tune tugikikije ari two Rwamagana, Kayonza, Gatsibo na Gicumbi.

Abaturage bakikije iki kiyaga bari muri bake basigaranye inka gakondo ziteze amahembe zizwi ku izina ry’Inyambo. Imiterere yo kuri iki kiyaga ituma abenshi bata imijyi bakoreramo bakajya kuhakorera inama abandi bakamara iminsi n’amajoro mu mahoteli yaho biyumvira amahumbezi yo muri Muhazi.

Nyanza-Umurwa Mukuru wa mbere w’u Rwanda

Uyu Mujyi wa Nyanza uzwiho kuba ari ho Ingoma ya nyuma ya Cyami yakoreraga. Ni ho hari ubwami n’ingoro y’Ubwami ndetse n’umwani wa nyuma w’u Rwanda, Kigeli V Ndahindurwa ni ho yashyinguwe muri Mutarama 2016.

Ushaka kumenya amateka y’ubwami mu Rwanda rero wanyarukira i Nyanza. Amateka yagaragaje ko umwami w’u Rwanda yari afite imyumvire iteye imbere cyane kuko yari yaranavuye mu nzu gakondo akimukira mu nzu igezweho irimo ibyangombwa byose nk’ibyo tubona mu mazu meza y’iki gihe.

Mu ngoro y’abami mu Rukari i Nyanza wahasanga amateka y’ukuntu abami b’u Rwanda bagiye bava mu myumvire gakondo binjira mu myumvire igezweho. Mu nzu za cyera z’abami, hari igice umuntu utari uw’ibwami atemerewe gukandagiramo kandi buri wese akaba agomba kugira ibanga ibyo yumvuse mu cyumba umwami yibikiriragamo.

Umwami Mutara III Rudahigwa kandi yari yarubatse ibigega i Nyanza byo guhunikamo imyaka y’ibinyampeke. Ibi bigega biracyagaragara ku muhanda i Nyanza.

I Nyanza mu Rukari kandi uhasanga inka z’umwimerere z’inyarwanda zitwa Inyambo zagaragaraga mu birori by’ibwami ziteze amahembe meza cyane.

Nubwo ingoma ya cyami yarangiye mu 1959, Nyanza yakomeje gukomeza gutera imbere kuko irimo ibikorwa remezo byose biranga umujyi kandi biragaragara ko ubucuruzi bwaho bugenda burushaho gutera imbere.

By’umwihariko, Nyanza ifatwa nka hamwe mu hantu hatatu mu Rwanda higaje Abayisilamu kuva mu 1930 ubwo Abarabu bageraga mu Rwanda.

Perezida Kagame yibukije Abanyarwanda ko bagomba gukomera mu rugendo barimo ruva mu mateka mabi rugana aheza

Yabitangaje mu ijambo yagejeje ku bari bitabiriye amasengesho y’abayobozi yabaye kuri iki cyumweru tariki 10 Nzeri 2017.

Afatiye ku rugero rw’ubuhamya yigeze kumva ku mwana wacitse ku icumu rya Jenoside yakorewe Abatutsi, yavuze ko muri Jenoside na nyuma yaho gato abantu bibazaga aho Imana yari yagiye kandi byari bizwi ko “Imana yirirwa ahandi igataha mu Rwanda.”

Yagize ati “Amateka y’Abanyarwanda yagize u Rwanda igihugu kitararwamo n’Imana, irarutinya.”

Yavuze ko kuba abanyamadini bagira uruhare mu isanamitima n’iterambere ry’igihugu muri rusange bidahagije, kuko bafite n’inshingano zo gutuma ibyagezweho bitazasubira inyuma.

Perezida Kagame yavuze ko gushima Imana ari byiza ndetse hagomba no gushimirwa abemera ikabakoresha ibyiza

Perezida Kagame yanagarutse ku ruhare rw’abayobozi bakuru mu guha inshingano abakiri bato, avuga ko ari cyo gihe ariko asaba abakiri bato kwiga no kurangwa n’uburere bwiza kugira ngo nibahabwa izo nshingano bazabe bazi akazi kabategereje.

Ati “Kwiga biguha ubumenyi ariko ntibiguha inshingano. Ugomba kubikorera.”

Iri sengesho rikorwa buri mwaka, uyu munsi hizihizwaga imyaka 22 abanyamadini batangiye kurikora.

Amasengesho yaranzwe no’indirimbo zo gushimira Imana

Abanyarwanda bamaze kumenyera gukoresha uburyo bwa Tap&Go mu kwishyura ingendo muri Kigali.

Ubu buryo buje guca burundu ibibazo bituruka ku ihererekanya mafaranga, harimo gutakara cyangwa kwiba, nk’uko ubuyobozi bwa sosiyete AC Group ishyira mu bikorwa iyi gahunda bubitangaza.

Gukoresha amakarita ya Tap&Go ryari rigeze ku kigero cya 97% mu mihanda yo muri Kigali. Ariko ubu igice cya Remera kigana i Ndera cyamaze nacyo kugezwamo ubu buryo. Imihanda ishamikiye kuri uyu muhanda nk’uwa Cumi na gatanu nayo zizajya zikoreshwamo.

Patrick Buchana, umuyobozi wa AC Group, yavuze ko uyu muhanda uje wuzuza intego bari barihaye yo gukwirakwiza ubu buryo mu mujyi hose bitarenze uyu mwaka.

Yavuze ko bijyanye na gahunda ya leta yo kugira ubukungu bukoresha ihererekanyamafaranga mu ikoranabuhanga.

Yagize ati “Tap&Go yagiriyeho guha serivisi nziza abakiriya. Ibigo bitwara abagenzi bishobora gukusanya amafaranga menshi kubera ubu buryo hatabayeho uburiganya, bikabafasha gukomeza gushora imari no kongera serivisi batanga. Na gahunda za leta ku bwikorezi zikarushaho kugenda neza.”

Bamwe mu batwara abagenzi mu nzira za Remera - Ndera bakoresha ubu buryo bwa Tap&Go, bavuga ko byabafashije mu gukora neza akazi kabo kandi bagakorera ku gihe, nk’uko bitangazwa n’umwe mu bayobozi ba KBS (Kigali Bus Services).

Ati “Ubu dusigaye dushobora gukusanya amafaranga neza, bituma tubasha gukora neza no kongera serivisi duha abakiriya.”

AC Group yatangiye gukora mu 2015, ifite intego yo gufasha Afurika kugira imijyi ikoresha ikoranabuhanga muri gahunda zayo za buri munsi. Uretse gukorera mu Rwanda, yatangije uburyo bwa Tap&Go mu mijyi nka Yaoundé na Douala muri Camroun.

Hon. Andrew Mitchell asanzwe ari inshuti y’u Rwanda, ni nawe watangije "Project Umubano"

Yabitangaje ku mugoroba wo kuri uyu wa gatanu tariki 11 Kanama 2017, ubwo hizihizwaga isabukuru y’imyaka 10 hashyizweho umubano wihariye hagati y’abaturage b’Abongereza bo mu ishyaka ry’Abakonserivateri n’Abanyarwanda wiswe “Project Umubano”.

Iri ryari naryo herezo ry’uyu mushinga waje ugamije gufasha u Rwanda kwiyubaka, hifashishijwe inararibonye z’abakorerabushake z’Abongereza, zafashaga abaturage mu mibereho myiza, mu bucuruzi no mu buvuzi.

Perezida Kagame yashimye uburyo u Bwongereza bwabaye hafi y’u Rwanda, kuva aho ruviriye muri Jenoside yakorewe Abatutsi mu 1994, bukarufasha kwiyubaka ku buryo bufatika.

Yagize ati “Inkunga twatewe n’u Bwongereza mu guhindura ubuzima bw’Abanyarwanda ni nini cyane. Tugirana ubufatanye n’ibihugu byinshi ariko ubwo dufitanye n’u Bwongereza ni ubw’agaciro kanini kuri twe.

Dushyigikira ubufatanye n’ubucuti nk’ubwo twabonye mu ’Umubano Project’, kandi twizeyeko bizakomeza no mu bihe bikomeye.”

Yashimye uruhare rwa buri umwe mu bakorerabushake waje mu Rwanda, ndetse n’abateganya kuza mu Rwanda mu bundi buryo, abasezeranya ko icyo bifuriza u Rwanda kijyanye n’iterambere kizagerwaho kandi kikagerwaho mu buryo bubereye Abanyarwanda.

Hon. Andrew Mitchell watangije uyu mushinga, akaba aturuka mu ishyaka ry’Abakonserivateri, yavuze ko mu myaka 10 hakozwe ibikorwa bitandukanye ariko icy’ingenzi cyabashimishije ni uko uyu mushinga wamamaye mu nteko ishinga amategeko y’u Bwongereza.

Yavuze ko bimwe mu bikorwa basize bakoze harimo kubaka ivuriro rifasha abaturage mu kwivuza rya Kinyinya Community Center, bagize uruhare mu gukusanya amafaranga y’ikibuga mpuzamahanga cya Criket kiri kubakwa mu Bugesera, bubaka n’ishuri ryitiriwe “Umubano School”.

Muri ibi birori aba bakorerabushake 80 biganjemo abadepite abanyeshuri n’abakozi bo mu ishyaka ry’Abakonserivateri, bagejeje kuri Perezida Kagame ubutumwa bumwifuriza intsinzi buturutse kuri Minisitiri w’Intebe w’u Bwongereza Theresa May.

Ubu butumwa kandi bwanashimangiraga akamaro k’umubano w’abaturage b’u Rwanda n’u Bwongereza.

Iyi ni imwe mu makamyo azajya akoreshwa mu kugemura sima ahari kubakwa nta zindi nzira inyuzemo.

Ibi bizakuraho imirongo y’abantu batondaga bagura sima nyinshi mu mifuka, ugasanga bidindije imikorere, bifashe umwanya munini kubera gupakira no gupakurura, hakaba hanavamo ubujura bw’imwe mu mifuka.

Ariko kuri ubu umuntu azajya agura ibiro yifuza, bishyirwe mu ikamyo yabugenewe bihite byoherezwa ahubakwa. Ubu buryo bukaba bwahise butangira gukoreshwa ahari kubakwa Ikibuga cy’Indege cya Bugesera.

Bheki Mthembu, umuyobozi wa Cimerwa, yavuze ko ubukungu bw’u Rwanda bugeze ku rwego ku buryo, hakenewe uburyo bugezweho kandi bwihutisha imikorere, nk’uko yabitangaje ubwo ubu buryo bwatangizwaga ku mugaragaro kuri uyu wa gatanu tariki 11 Kanama 2017.

Bheki Mthembu (ubanza ibumoso) umuyobozi wa Cimerwa hamwe n’abandi bayobozi bakuru b’uru ruganda.

Yagize ati “Iterambere ry’ubukungu bw’u Rwanda rigeze ku rwego aho gucunga ibiro 50 bya sima bigoranye. Ubu ni uburyo bwizewe buzafasha guhangana n’ibibazo nk’ibyo.”

Mthembu yavuze ko nubwo abakiriya ba Cimerwa bishimira ubwiza bwa cima y’uru ruganda, ariko bahoraga bifuza ko igihe ibagereraho cyagabanuka.

Umwe mu bitabiriye iki gikorwa, ukora mu kigo gishinzwe gupima ubutaka no kugirai nama abafite imishinga y’ubwubatsi, yavuze ko aho bakorera hose nta kibazo cy’bantu banenga sima ya Cimerwa bahura nacyo.

Ati “Turakangurira abantu gukoresha sima Nyarwanda. Iraramba kandi ibipimo bitwereka ko nta yindi iyihiga ku isoko.”

Muri 2015, Cimerwa yari yihaye gahunda yo kongera ubwinsi bwa sima ikora, ikava kuri toni ibihumbi 100 ikagera kuri toni ibihumni 600 ku mwaka.

Perezida Kagame yasobanuriye aba bashoramari inzira y’u Rwanda mu bukungu kugera iki gihe.

Umuyobozi wa Pharo Guillaume Fonkell, yabitangaje mu biganiro bagiranye na Perezida Kagame, kuri uyu wa mbere tariki 17 Nyakanga 2017.

Yagize ati “.Dusanzwe dushora imari mu Rwanda mu bikorwa bitandukanye, haba mu kubaka inzu, mu mitungo no mu mpapuro z’agaciro, kandi turashaka gukomeza gushora imari mu bikorwa by’iterambere mu Rwanda.”

Aba bashoramari bamaze kugira ibikorwa byinshi henshi ku isi, babajije ibibazo bitandukanye Perezida Kagame.

Pharo ifite ishoramari rigera kuri miliyari 9Frw, imaze kugira imigabane ingana na 10% mu nyubako ya Kigali Heights, baguze zimwe mu mpapuro z’agaciro (Tresury Bonds) u Rwanda ruherutse gushyira ku isoko.

Minisitiri w’Imari n’Igenamigambi Amb. Claver Gatete, yavuze ko iri tsinda rigizwe n’abashoramari 60 ryaje mu Rwanda mu rwego rwo kumenya neza amateka ya rwo n’aho bagomba kongera ingufu mu ishoramari.

Biyemeje gukomeza gushora imari mu bikorwa by’iterambere.

Ati “Bafite amafaranga bacunga y’abantu bakize n’abandi baba bifuza ko amafaranga yabo yabyara umusaruro. Ni muri urwo rwego rero bahisemo kuza mu Rwanda kandi bamaze kugira ishoramari mu Rwanda ryinshi.”

Pharo yashinzwe mu mwaka wa 2000, kuri ubu ikorera mu mijyi itatu ikomeye ku isi ari yo, New York, London na Hong Kong. Ikanagira ishoramari mu bihugu nka Nigeria, Kenya na Ghana.

Yankurije Odette warahiriye kuba Umuvunyi mukuru wungirije.

Yankurije yarahiriye imbere ya Perezida Kagame ko azuzuza inshingano ze nk’Umuvunyi wungirije, mu muhango wabaye kuri uyu wa gatanu tariki 7 Nyakanga 2017.

Yagize ati “Nzashyira imbaraga mu gukumira akarengane kugira ngo turwanye aho gaturuka hose aho gutegereza ko kavuka ngo tukarwanye.

Perezida Kagame yasabye abayobozi bashya n’abasanzwe gukomeza gukorera abaturage neza.

Nakoraga muri Minisiteri y’Ubutabera, by’umwihariko nakoraga muri serivisi zishinzwe ibibazo by’abaturage harimo n’akarengane, twakoranaga bya hafi n’Urwego rw’Umuvunyi cyane cyane ko izo nzego zombi zibarizwa mu rwego rw’ubutabera.”

Yankurije yagizwe Umuvunyi wungirije ushinzwe kurwanya akarengane, avuye muri MINIJUST aho naho yari ashinzwe kurwanya akarengane.

Niyitegeka (ibumoso) mu muhango wo kurahira imbere ya Perezida, mu nteko ishinga amategeko.

Perezida Kagame yasabye abarahiye, barimo n’umudepite mushya, Niyitegeka Winifilda, gushaka uburyo bwose bwo gukorera Abanyarwanda uko bikwiye.

Ati “Ndizera ko imirimo izakorwa nk’uko bikwiye no ku bayobozi bashya babyumva ari n’abasanzwe ko icyo twumva ari ugushyiraho uburyo bw’imikorere n’imikoranire ku buryo dukorera Abanyarwanda uko bikwiye.”

Abayobozi bo nzego zitandukanye bari bitabiriye uwo muhango.

Yankurije yasimbuye Kanzayire Bernadette wasoje manda ye. Naho Niyitegeka we yasimbuye Nyakwigendera Mukayisenga Françoise witabye Imna muri Kamena 2017.

Perezida kagame yakiriye Dr. Matshidiso Moeti, umuyobozi wa OMS ushinzwe Akarere k’Afurika.

Yabitangaje nyuma y’ibiganiro yagiranye na Perezida Paul Kagame, wamwakiriye mu biro bye kuri uyu wa kane tariki 29 Kamena 2017.

Yagize ati “Igihugu cyanyu cyashyizeho uburyo bwiza bw’ubwisungane mu buvuzi mwita "mituweli de sante", kandi (abayobozi)bashobora gushyiraho uburyo bufasha abandi bantu bo mu bindi byiciro kugera kuri ubwo bwisungane.”

Dr. Matshidiso yasabye Perezida Kagame kwigisha bagenzi be bo mu bindi bihugu uko akorana n’abafatanyabikorwa.

Dr. Matshidiso yavuze ko byabahaye igitekerezo cyo kugeza iyi gahunda mu bindi bihugu bigifite ingorane zo gufasha abaturage kwivuza, kuko niba mu Rwanda byarashobotse n’ahandi hose byashoboka.

ati "Perezida Kagame yanabishimangiye avuga ko iyo umuturage wo hasi abona gahunda y’ubwisungane mu buvuzi imugeraho, bituma ayiyumvamo."

Dr. Matshidiso avuga ko icyabatangaje ari uburyo umuturage w’umukene,kugeza no k’u wo mu cyiciro cyo hasi ashobora kwivuza.

Perezida Kagame yakira itsinda rya OMS ryari rimazi iminsi mu Rwanda mu nama.

Polisi y’Igihugu yizihije imyaka 17 yishimira ubufatanye n’abaturage.

Kuri uyu wa gatanu tariki 16 Kamena 2017, ni umunsi ukomeye kuri Polisi y’igihugu yishimira ko imaze imyaka 17 ibonye izuba. Yavutse nyuma y’imyaka itandatu Jenoside yakorewe Abatutsi ihagaritswe.

Mbere y’icyo gihe hariho ikitwaga Police Communale, yari Polisi yakoreraga muri buri komini (twagereranya n’uturere tw’iki gihe). Habagaho na Police Judiciaire yakoraga akazi k’ubugenzacyaha, hakabaho na Gendarmerie yari Polisi ikorera mu muhanda.

Abapolisi barangije amasomo bakoze akarasisi kashimishije benshi.

Uyu munsi Polisi yizihiza ihuzwa ry’izo nzego zahindutse Polisi y’Igihugu, yaje no guhindura imikorere igatangira gushyira abaturage ku isonga ryo gutanga amakuru no gucunga umutekano.

Polisi yatangije icyo yise “Community Policing” iha abaturage inshingano zo kwirindira umutekano.

Iyi gahunda yakorwanye ubwitonzi n’ubushishozi ni nayo yaje kubyara impinduramyumvire y’uko kuri ubu “Umunyarwanda wese yumva ko umutekano umureba mbere y’uko ureba Polisi.”

Abakobwa 33 bahawe ipeti rya ofisiye.

Gaspard Nzabonimpa, umuturage wo muri Nyamirambo, avuga ko kuri iki gihe iyo habaye ikibazo abaturage batarigeze batanga amakuru bibatera ipfunwe, kuko baba bazi neza ko Polisi iba ibakeneyeho kuyibera ijisho.

Agira ati “Kera twabaga tuzi neza ko iyo habaye ikibazo twigirayo Polisi igakora akazi kayo ariko ubu byarahindutse ahubwo iyo habaye ikibazo ni twe babaza bwa mbere, kuko tuba tuzi neza ko baturagije izo nshingano.

Uba uzi neza ko wumvikanye na Polisi kureba ibitagenda aho utuye. Urumva rero nk’iyo umugabo yishe umugore we cyangwa umugore akica umugabo kandi wari umaze igihe uzi neza ko bafitanye amakimbirane ntubivuge, icyo gihe urigaya.”

Ubufatanye nk’ubu ni bwo bushyira u Rwanda ku myanya y’imbere mu bihugu bifite umutekano ku isi, aho abaturage bidegembya nta kibazo.

Perezida Kagame yakiranwe urugwiro n’abaturage bari bitabiriye uyu muhango.

Perezida Kagame yibukije Abanyarwanda na Polisi ko iterambere ry’u Rwanda rishingiye ku bufatanye bwabo bombi.

Ubufatanye nk’ubu kandi ni bwo bukurura ishoramari na ba mukerarugengo, nk’uko Perezida Paul Kagame yabiciyemo amarenga mu ijambo yagejeje ku bapolisi bitabiriye umuhango wo kwizihiza iyi sabukuru.

Ati “Akazi ka Polisi kagenda neza kurushaho iyo Polisi ifatanije n’Abanyarwanda. Iyo hari umutekano buri wese akora ibyo ashatse, akabikora ashyize umutimwa hamwe.

Abapolisi bahawe ipeti rya ofisiye basabwe gukoresha ibyo bize ariko bakibuka no kurangwa n’imico myiza.

Tuzi aho igihugu cyacu kiva, aho kigeze n’aho kijya. Dufatanye guha igihugu n’akarere dutuyemo umutekano usesuye.”

Yabyibutsaga abapolisi abapolisi 363 basoje amasomo y’icyiciro cyo guhabwa ipeti ry’aba-ofisiye, ababwira ko ubumenyi gusa budahagije, ahubwo ko bakwiye kubijyanisha n’imico myiza.

Ati “Duharanire kurangwa n’imyitwarire myiza no kwiyubaha no kubaha abandi no gukora cyane kugira ngo igihugu cyacu kirusheho gutera imbere. Abanyarwanda tubarememo icyizere batinyuke Polisi, bayibonemo kandi bayigane bityo natwe tubakorere ibyo bifuza.”

Polisi kandi yashoboye kubaka icyizere mu baturage, kubera ibikorwa bifasha abatishoboye igenda igiramo uruhare. Urugero muri Police Week basoje, bakoze ibikorwa byo gufasha abaturage mu minsi 30.

Polisi yakoze ibikorwa birimo guha ingo 600 mu gihugu hose, amazi meza ingo 700, ubwisungane mu kwivuza, bahaye ibitaro 20 mu gihugu hose umuriro w’amashanyarazi, baha abaturage 3400 umuriro ukomoka ku mirasire y’izuba.

Yakoze n’ubukangurambaga mu kwirinda ibyaha mu baturage ibihumbi 14, bafasha abanyeshuri ibihumbi 94 kujya mu ma "clubs" yo kurwanya ibyaha, bigisha n’abamotari ibihumbi 14 kurwanya ibyaha no kubahiriza amategeko mu muhanda.

Reba andi mafoto hano

Kureba andi mafoto menshi y’ibi birori kanda AHA

Bari bishimiye iki gikorwa kuko na morale yari yose.

Mu gitondo cyo kuri uyu wa gatandatu tariki 03 Kamena 2017, abanyamuryango 833 b’umuryango FPR-Inkotanyi bahuriye mu matora yo kwamamaza umukandida bifuza ko azabahagararira mu matora yegereje.

Bidatunguranye uko bari bitabiriye uyu muhango, bose uko bitabiriye, 100% bemeje ko bongeye kugirira icyizere Perezida Kagame wenda gusoza manda ye, kugira ngo akomeze abahagararire, bazanamutore ku munsi w’amatora.

Buri cyiciro, kuva ku rubyiruko, abacuruzi, abagore n’abandi bagize uyu muryango bagendaga batangaza umukandida bifuza, bakanasobanura icyo bashingiraho kumwamaza.

Abagore bo muri aka karere nibo bahize abandi mu kugaragaza ibigwi bya Perezida Kagame, bavuga ko bifuza ko byakomeza.

Byagaragaraga ko bishimye banabyina

Umurungi Josephine, umupfakazi washoboye kwiteza imbere ubu akaba anahagarariye urugaga r’abagore bikorera mu Murenge wa Rusororo, yavuze ko atigeze atekereza ko yashobora gukora ubucuruzi kugeza aho asigaye yohereza abana be kwiga muri kaminuza zo muri Amerika.

Yagize ati “Ndihira abana banjye batanu. Uwa mbere afite PHD yavanye muri Leta zunze Ubumwe z’Amerika, umuhererezi afite icyiciro cya kaminuza yavanye muri IPRC. Kandi nanjye ntuye iwanjye mfite umutekano usesuye.

Ikintu nsaba Paul Kagame ni ukutazatezuka ku nshingano, agakomeza kuba intwari nk’uko yabaye intwari kandi ndabyizeye. Agakomeza kumva ko tumuri inyuma.”

Mukamazimpa Yvonne we yavuze ko ku buyobozi bwa Perezida Kagame, abagore bashoboye kwigarurira icyizere, avuga ko nubwo bamutoye batazamutererana kuko bazakomeza gushyigikira gahunda yashyizeho.

Agira ati “Mutezeho iterambere kandi mwigiraho byinshi kandi nizera ko dufatanyije hari aho dushobora kugeza u Rwanda. Nkanjye ngiye gushyira ingufu mu kwegera bagenzi banjye cyane cyane abakiri hasi bakitinya, mbabwire ko dufite umuyobozi udushyigikiye.”

Umuyobozi w’Akarere ka Gasabo Rwamurangwa Steven

Rwamurangwa Steven, yavuze ko igikorwa cyabaye uyu munsi ari igishimangira icyo bakoze bavugurura itegeko nshinga.

Agira ati “Abagore bafite inkuru zitangaje zo kuvuga cyane cyane mu miyoborere myiza ya Paul Kagame.”

Hazakurikiraho kwamamaza umukandida uzahagararira umuryango wa FPR ku rwego rw’akarere, uteganyijwe muri iki cyumweru tariki 04 Kamena 2017.

Rusizi

Uko niko i Rusizi byari byifashe

Abanyamuryango ba RPF-Inkotanyi mu Karere ka Rusizi nabo batoye Perezida Paul Kagame ngo azabahagararire mu matira ya Perezida wa Repubulika.

Yagize amajwi yose 100% aho abatoye uko ari 607 bose ari we batoye nta wifashe nta n’impfabusa.

Bamwe mu banyamuryango ba RPF-Inkotanyi bakaba bavuze ko bamwitezeho kongera ibikorwaremezo birimo amazi n’amashanyarazi aho ataragera banamushimira byinshi yabagejejeho.

Mu byo yabagejejeho harimo gukomeza guha umugore agaciro, gushakira igihugu inshuti zigikwiye no kubungabunga amahoro mu gihugu n’ahandi mu mahanga.

Kirehe

Byari ibyishimo i Kirehe nyuma y’amatora

Mu Karere ka Kirehe naho abanyamuryango ba RPF-Inkotanyi batiye Perezida Paul Kagame ngo azabahagararire mu matora ya Perezida wa Repubulika. Yatowe ku majwi 923 y’abatoye bose.

Aba bagaragazaga ibyiza Perezida Kagame yabagejejeho birimo iterambere

Minisitiri Louise Mushikiwabo avuga ijambo muri iyi nama

Yabitangarije mu nama ihuje inzego zishinzwe iperereza n’ubutasi muri Afurika, iteraniye i Kigali kuva kuri uyu wa Gatandatu tariki 26 kugeza 27 Gicurasi 2017.

Yagize ati "Kuba abantu bava mu gihugu kimwe bajya mu kindi, ntago abantu bakwiye guhita babyitiranya n’ikibazo cy’umutekano. Icyo twebwe twemera nk’u Rwanda ni uko umutekano ari ngombwa. Ugomba kubanza gutegurwa mbere y’uko abantu bafugura imipaka yabo.

Ariko gufunga imipaka ukabuza abandi Banyafurika kwinjira mu gihugu ntago bivuga ko uzaba ufite umutekano ijana ku ijana."

Minisitiri Mushikiwabo yasobanuye ko umuti w’iki kibazo ari uko buri gihugu, cyaba igifite ibibazo by’umutekano n’ikitabifite, bikwiye gukorera hamwe mu kuwubungabunga.

Ati "Ati umutekano ntukwiye kuba urwitwazo cyangwa ikintu kidashobora gukemuka, kugira ngo kizitire abazana iterambere n’ubundi buhahirane."

Brig. Gen. Joseph Nzabamwita, umuyobozi w’Urwego rushinzwe iperereza n’Ubutasi mu Rwanda (NISS), yabisobanuye neza, avuga ko umutekano muke utazanwa n’intambara gusa, harimo nk’ibyorezo n’ikibazo cy’ubukungu.

Ati "Nabizeza ko kuva twafungura imipaka yacu mu 2008, u Rwanda ntirwigeze rugira ikibazo cy’umutekano mucye cyagwa ngo rusubire inyuma mu bukungu. Niba u Rwanda rwarabikoze n’ibindi bihugu byabikora."

Brig. Gen. Joseph Nzabamwita avuga ko ubukene nabwo buteza umutekano muke

Shimsles W. Semayat, umunyamabanga nshingwabikorwa w’ishyirahamwe ry’inzego zishinwe iperereza n’ubutasi muri Afurika (CISSA), yavuze ko aya mahugurwa azafasha ibihugu 51 by’Afurika kumva neza akamaro Afurika ifite mu koroshya urujya n’uruza rw’Abanyafurika.

Ku bizibandwaho cyane, ni uburyo ikoreshwa rya pasiporo Nyafurika ryava mu mpapuro rigishyirwa mu bikorwa.

Ikindi kizibandwaho ni ugutandukanya ibibazo nyabyo biterwa n’urujya n’uruza n’ibibazo abantu bishyiramo mu by’ukuri bidahari.

Bafashe ifoto y’Urwibutso nyuma yo gusoza kiyi nama

Iyi nama yitabiriwe n’abashinzwe inzego z’ubutasi muri Afurika

Perezida Kagame amaze guhura n’abanyeshuri bo muri Wharton Business School.

Aba banyeshuri 30 biga mu Ishuri ryigisha ibijyanye n’ubucuruzi rya Wharton (Wharton Business School), bari mu Rwanda mu kunononsora isomo ryiga ku makimbirane, ubuyobozi n’impinduka (Conflict, Leadership and Change).

Iri somo ryibanda ku Rwanda by’umwihariko, ni naryo ryari ingingo y’ibanze mu kiganiro bagiranye na Perezida Kagame, wabakiriye mu Rugwiro ku gicamunsi cyo kuri uyu wa kane tariki 25 Gicurasi 2017.

Iki ni icyikiro cya gatandatu kivuye mu ishuri rya Wharton, cyakiriwe na Perezida Kagame.

Katherine J. Klein, ushinzwe igice gikora ibikorwa byo gufasha abaturage muri iri shuri, ari nawe uhagarariye iri tsinda, yavuze ko icyari kibashishikaje cyane ari ukwiga imiyoborere ya Perezida Kagame yafashije igihugu kugera aho kigeze ubu.

Yagize ati “Mu minsi Abanyeshuri bamaze inaha biboneye iterambere, kandi batahanye ubumenyi ku miyoborere ya Perezida Kagame, uko ashyiraho abamufasha, imbogamizi n’amahirwe biri mu Rwanda.”

Katherine Klein waje uyoboye aba banyeshuri yavuze ko kubereka u Rwanda ari ukugira ngo bazahagaruke nyuma y’amasomo.

Klein yavuze ko kuzana abanyeshuri biga muri iri shuri, bibafasha kugira ubumenyi kugira ngo ababishaka babe baza kuhakorera, abandi bahashore imari cyangwa bakore n’ibindi bikorwa byafasha u Rwanda.

Clare Akamanzi, umuyobozi w’Ikigo cy’Igihugu gishinzwe Iterambere (RDB), asanga ari amahirwe ku Rwanda kwakira abanyeshuri nk’aba, kuko bagira uruhare mu kuvuga neza u Rwanda kandi bakavuga amakuru nyayo iwabo.

Byari ibyishimo kuri aba banyeshuri, mbere yo guhura na Perezida Kagame.

Ati “Bavuye ku migabane yose, bivuze ko abantu mu bihugu bitandukanye bazi u Rwanda. Ni byiza ko batumenyekanisha mu buryo twebwe tutashobora gukora nk’igihugu. Ayo ni yo mahirwe ya mbere tubonamo.”

Iki cyiciro ni icya gatandatu cyaje mu Rwanda kandi kikakirwa na Perezida Kagame, kugira ngo bamubaze ibijyanye n’iterambere ry’u Rwanda.

Perezida Kagame kandi yatanze ikiganiro ku Rwanda cyari cyateguwe n’iri shuri ku bufatanye na Kaminuza ya Pennsylvania mu 2015.

Abo banyeshuri bari mu Rwanda kuva tariki 23 kugeza 27 Gicurasi 2017, bazabonana n’abakora mu bijyanye n’imari mu Rwanda yaba abikorera ndetse n’abakorera Leta.

Perezida Kagame mu biganiro n’abandi bayobozi b’ibihugu bitandukanye

Mu myaka itanu ishize u Rwanda rwatangije igitekerezo cyo guhuza Afurika hifashishijwe ikoranabuhanga mu kiswe “Smart Africa Initiative” cyaje guhinduka “Smart Africa Alliance”. Kuva icyo gihe habaye inama ebyiri zagendaga zishishikariza ibindi bihugu kwiyunga kuri uyu muryango.

Izo nama uko ari ebyiri, harimo iyo mu 2013 na 2015 zashoboye guhuza abanyamuryango (ibihugu) 18 muri Smart Africa Alliance, zinashyiraho amategeko agenga iri huriro, ariko muri zose ntayigeze ihiga iya 2017 isigiye u Rwanda n’Abanyafurika isura y’Afurika n’ikoranabuhanga mu minsi iri imbere ibihugu byose biramutse bishyize hamwe.

Dr. Hamadoun Touré, umuyobozi wa Smart Africa Alliance, kimwe n’abandi bakuru b’ibihugu bitabiriye iyi nama, bibajije impamvu Afurika idatera imbere kandi ifite iby’ibanze byatuma igera ku iterambere yifuza ryose.

Dr Hamadoun Touré umuyobozi wa Smart Africa Alliance

Perezida Kagame yavuze ko zimwe mu mpamvu zidindiza Afurika ari ubushake buke bw’abayobozi bwo kudakora ibyo bagakwiye kuba bashyira mu bikorwa. Asaba abayobozi b’Abanyafurika guhera ku bishoboka nko gushyiraho politiki zinoze no kubahiriza ibyemeranijweho ibindi bikazikora.

Yagize Ati “Guhuza Afurika mu ikoranabuhanga ntibyadindijwe n’ibikorwa remezo ahubwo byadindijwe no kutagira ubwira bwo gukora ibyo twagakwiye gukora.”

Abaperezida nka Mahamadou Issoufou wa Niger na Perezida Boubacar Keita wa Mali, bombi bemeje ko ubuyobozi bwa Perezida Kagame no kureba kure kwe, ari bimwe mu byafasha Afurika kugera ku ntego zo guhuriza Afurika mu ikoranabuhanga.

Iyi nama isize ubushake n’umwete biganisha Afurika ku iterambere rishingiye ku ikoranabuhanga yifuza, ariko inasize bimwe mu bimenyetso bifatika byerekana impinduka mu mitekerereze y’Abanyafurika.

1. Hasinywe amasezerano ya miliyoni 50 z’Amadolari yo gushyira mu bikorwa gahunda ya “Smart Cities”

Abantu batandukanye muri Transform Africa

Gahunda ya Smart Cities ni yo yari ingingo nkuru muri iyi nama ya 2017, hagombaga kwigwa uburyo bwafasha mu gutuma imijyi ya Afurika igira ikoranabuhanga, ntiyangize ibidukikije kandi igatanga amahirwe kuri bose ku buryo byihutisha iterambere.

Isinywa ry’ayo masezerano ryafashwe nk’imwe mu ntambwe z’ingenzi mu gusatira iyo gahunda ishobora kuzahindura ahazaza h’imijyi Nyafurika, mu gihe yaramuka ishyizwe mu bikorwa.

Amwe muri aya masezerano yasinywe ni hagati ya Smart Africa Alliance na sosiyete yitwa Anteverti, izafasha mu gutanga ubumenyi no guhugura abazakora ishyirwa mu bikorwa rya gahunda ya “Smart Cities”, hari andi Leta y’u Rwanda yagiye isinyana n’abafatanyabikorwa batandukanye barimo Niger na Inmarsat. Leta y’u Burusiya nayo yiyemeje gushyigikira Afurika muri uru rugendo.

2. Urubyiruko rwarashyigikiwe

Ibihumbi 45 by’Amadolari y’Amerika yashowe mu mishinga y’urubyiruko rwagaragaje imishinga yahize indi mu ikoranabuhanga, muri gahunda yiswe “Face the Gorillas.”

Abayobozi basezeranaho ianama irangiye

3. Umubare w’abitabiriye nawo wariyongereye

Mu nama za Transform Africa zabanje ubwitabire bwabarirwaga mu bihumbi bitatu ariko uyu mwaka habaye impinduka zidasanzwe kuko abitabiriye bageze ku bihumbi bine. Aba biyongeraho abanyamakuru basaga 200 baje gutara amakuru, baturutse hirya no hino ku isi.

4. Abanyamuryango bashya

Abanyamuryango ba “Smart Africa Alliance” bavuye ku bihugu 18 bigera kuri 21, nyuma y’uko Afurika y’Epfo, Cameroun na Tunisia byamaze kuwinjiramo. Ibindi bibiri ari byo Nigeria na Sao Tome nabyo biri mu biganiro.

5. Ibindi bikorwa bishya biteganijwe mu minsi izaza

Muri iyi nama hari ibindi bikorwa bishya byavutse umuntu akwiye gutegereza mu minsi izaza. Muri byo harimo amarushanwa ya Miss Geek Afurika. Ayo marushanwa yakorwaga ku rwego rw’igihugu ariko ubu yagizwe Nyafurika, ku nshuro ya mbere yegukanywe n’Umunyakenya.

Kigali Africa Smart Women Declaration. Aya ni amasezerano agena uburyo ibihugu byose bya Afurika bikwiye guha agaciro umugore n’umukobwa, kugira ngo agaragaze uruhare rwe mu ikoranabuhanga.

Nyuma yo gusoza inama ya Transform Africa

Ishusho mbonera y’Imijyi Nyafurika yubahiriza ikoranabuhanga no kutangiza ibidukikije “Blue Print Book”. Iki gitabo nacyo kizaba gikubiyemo uburyo ibihugu byo muri Afurika bigomba kubaka imijyi ijyanye n’icyerekezo, itangiza ikirere, ifite ibikorwaremezo byorohereza ikoranabuhanga, ikanatanga amahirwe.

Inama ya Transform Africa yasojwe

Inama ya Transform Africa izajya iba buri mwaka, aho kuba rimwe mu myaka ibiri nk’uko byari bisanzwe, inama y’ubutaha iteganijwe ku itariki 9 kugeza 11 Gicurasi 2018.

Madame Jeannette Kagame avuga ko abantu bose bakwiye kugerwaho n’impinduramatwara zazanywe n’ikoranabuhanga

Yabitangaje mu ijambo ryo gutangiza ibiganiro by’abagore mu ikoranabuhanga "Women Summit", mu nama ya Transform Africa iteraniye i Kigali kuri uyu wa gatanu tariki 12 Gicurasi 2017.

Yagize ati "Twese hamwe dukore ku buryo nta wusigara inyuma muri izi mpinduramatwara zazanywe n’ikoranabuhanga , kuko zifite ubushobozi bwo gufasha imiryango yose, ikanazamura imibereho ya benshi ku isi."

Yasabye abitabiriye iyi nama ya Transform Africa gukorera ikoranabuhanga ubuvugizi, rigafatwa nka kimwe mu bikoresho biteza imbere uburinganire.

Yatanze urugero rw’u Rwanda twatangije gahunda ya mudasobwa kuri buri mwana "One laptop per Child", kuri ubu imaze gutanga mudasobwa ku bana bagera ku bihumbi 270.

Yavuze kandi ko, u Rwanda, rurangajwe imbere na Perezida Kagame, rwiyemeje gukuraho intera iri hagati y’abakobwa n’abahungu bitarenze umwaka wa 2020.

Abantu batandukanye bari mu nama ya Transform Africa

Minisitiri w’Umuryango n’Uburinganire (MIJEPROF), Esperance Nyirasafari, yavuze ko kugira ngo ibyaganiriweho muri iyi nama byubahirizwe hagomba kubaho ubukangurambaga no guha abakobwa amahirwe.

Ati "Hakwiye kubaho guha bose amahirwe, guhugura abakobwa n’abagore bafite ubumuga no guhanahana ubumenyi."

Muri iryo huriro ry’abagore kandi hahembwe umukobwa wahize abandi mu ikoranabuhanga mu marushanwa ya Miss Geek Africa, abaye ku nshuro ya mbere, kuko ubusanzwe ryari irushanwa rya Miss Geek mu Rwanda gusa.

Abayobozi batandukanye hamwe n’abakobwa bahataniraga Miss Geek

Ruth Waiganjo wo muri Kenya niwe wegukanye igihembo cya mbere aza akurikiwe n’Abanyarwanda babiri, Leah Akimana waje ku mwanya wa kabiri na Delphine Micomyiza waje ku mwanya wa gatatu.

Ruth Waiganjo wo muri Kenya yegukanye umwanya wa mbere muri Miss Geek

Leah yegukanye umwanya wa kabiri muri Miss Geek

Micomyiza Delphine niwe waje ku mwanya wa gatatu muri Miss Geek

Jack Ma urugendo azagirira mu Rwanda nirwo rwa mbere azaba agiriye muri Afurika

Jack Ma yamenyekanye kubera gutanga ibiganiro ku buzima bwe n’uko yinjiye mu by’ubucuruzi ari umukene ariko kubera kwihangana ubu akaba ari umwe mu bakire bo mu Bushinwa.

Yashinze urubuga rwa interineti rwitwa "Alibaba" rukorerwaho ubucuruzi bw’ibintu bitandukanye. Urwo rubuga rumaze kumenyekana muri Aziya, mu Burayi n’Amerika.

Urugendo Jack Ma azagirira mu Rwanda nirwo rwa mbere azaba akoreye ku mugabane wa Afurika.

Minisitiri w’Urubyiruko n’Ikoranabuhanga, Jean Philibert Nsengimana yabwiye abitabiriye ikiganiro cya Youth Connekt, kimwe mu biganiro byitabiriwe mu nama ya Transform Africa iteraniye i Kigali, ko Youth Connekt yamaze kugirwa ihuriro Nyafurika.

Yagize ati “Ndagira ngo mbonereho kubabwira ko kuva uyu mwaka Youth Connekt izajya yitwa Youth Connekt Africa Summit, kuko yamaze kujya ku rwego rw’Afurika. Uyu mwaka tuzahabwa ibiganiro na Perezida Paul Kagame na Jack Ma.”

Yavuze ko gutumira Perezida Kagame n’umuherwe Jack Ma muri iyi nama izaba tariki 19 kugeza 21 Nyakanga 2017, ari uburyo bwo kwagura imitekerereze no guhuza urubyiruko rwo muri Afurika.

Minisitiri Nsengimana yatangaje ko Jack Ma azaza mu Rwanda ubwo yari ari kiganiro cya Youth Connekt, kimwe mu biganiro byitabiriwe mu nama ya Transform Africa iteraniye i Kigali

Lamin Maneh, umuyobozi wa ONE UN, umwe mu baterankunga ba Youth Connekt Africa Summit, nawe watanze ikiganiro, yavuze ko urubyiruko rwo muri Afurika ruzungukira byinshi mu guhuzwa kw’amahirwe atangwa n’abikorera.

Agira ati “Twese tugomba gufatanya kugira ngo iyi nama izagere ku ntego, kuko yaba ari imwe mu bisubizo urubyiruko ruhura nabyo ku mugabane.”

Youth Connekt ni gahunda ya tangijwe muri 2012 na Minisiteri y’Urubyiruko n’Ikoranabuhanga (MYICT).

Youth Connekt Africa Sammit izaba muri Nyakanga 2017

Ihuza urubyiruko rutandukanye rwo mu gihugu, rukaganira ku bibazo birwugarije, rukanishakamo ibisubizo, bafatanije n’abayobozi batandukanye n’abafatanyabikorwa.

Muri iyi gahunda kandi hahembwa urubyiruko rwagaragaje imishinga ifitiye igihugu akamaro, bagahabwa inkunga yo kuyiteza imbere. Urubyiruko rwitabira Youth Connekt ni uruhagarariye urundi aho ruturuka.

Jack Ma niwe watangije urubuga rwa interineti rwa Alibaba rukorerwaho ubucuruzi bw’ibintu bitandukanye

Perezida kagame mu biganiro n’abandi baobozi b’ibihugu bitandukanye

Yabitangaje mu kiganiro cyahuje abakuru b’ibihugu byitabiriye inama ya Transform Africa iteraniye i Kigali, kuri uyu wa kane tariki 11 Gicurasi 2017.

Iki kiganiro kikaba cyari kitabiriwe na Perezida Kagame, Perezida wa Djibouti, Perezida wa Mali, Perezida wa Niger, Minitiri w’Intebe wa Sao Tome, Visi Perezida wa Zambia hamwe na ba Minisitiri b’Intebe ba Gabon na Guinea Equatorial.

Perezida Kagame mu ijambo rye yagize Ati “Guhuza Afurika mu ikoranabuhanga ntibyadindijwe n’ibikorwa remezo ahubwo byadindijwe no kutagira ubwira bwo gukora ibyo twagakwiye gukora.”

Icyo gitekerezo yagihurijeho na Minisitiri w’Intebe w’Ibirwa bya Sao Tome Patrice Emery Trovoada, wavuze ko u Rwanda ari urugero rw’igihugu cyashyize imbaraga mu guhindura isura yacyo rwifashishije ikoranabuhanga.

Ati “Nta handi hantu habereye gukorerwa ibiganiro nk’ibi (biganisha ku guhindura Afurika umugabane w’ikoranabuhanga) nka hano i Kigali, kubera ubuyobozi no
kureba kure by’abayobozi baho.”

Abantu batandukanye muri Transform Africa

Muri icyo kiganiro kandi Perezida Kagame yabajijwe na Minisitiri w’Ikoranabuhanga n’Itumanaho muri Uganda, Frank Tumwebaze ikibazo kijyanye n’uburyo mu byaro hagezwa ikoranabuhanga, mu gihe mu mijyi myinshi yo muri Afrika harimo na Kampala bikigoranye kurihageza, kubera ko imyinshi yubatswe nta gishushanyombonera.

Perezida Kagame amusubiza yagaragaje ko atari umwihariko wa Kampala, ahubwo Imijyi myinshi ibisangiye, ariko bitabuza gushaka uburyo bw’Ikoranabuhanga bwateza imbere abayituye.

Ati “Na Kigali kugira ngo ibe umujyi ntekereza ko byabaye ku bw’impanuka, Kuko nta bahanga bigeze bawukorera igishushanyombonera mbere y’uko utangira kubakwa. Ariko ibyo ntibyatuma hatabaho uburyo bw’ikoranabuhanga bwateza imbere abawutuye.”

Perezida Kagame yavuze no ku Buringanire

Perezida Paul Kagame yavuze ko asanga nta cyahagarika iterambere rya Afrika, mu gihe ibihugu bifite politiki itanga amahirwe angana ku bahungu n’abakobwa mu burezi.

Aha yavugaga ku bidindiza iterambere ry’ikoranabuhanga muri Afurika, agasobanura ko byose bituruka kuri politiki ziba zidatanga amahirwe angana ku bitsina byombi.

Yagize ati “Iyo hari politiki iha amahirwe angana abagabo n’abagore, bose bakagira uburenganzira bungana, ibisigaye birizana. Iyo uhaye uburezi abana bawe utitaye ku muhungu n’umukobwa, intera mu ikoranabuhanga ntiyongera kuba ikibazo.”

Yongeyeho ko Afurika ikwiye gushyira imari itubutse mu ngufu z’amashanyarazi, kandi ikanazamura imikoranire hagati y’abikorera n’inzego za Leta.

Strive Masiyiwa, umushoramari wo muri Zimbabwe nawe yagaragaje imbogamizi zituma Afurika itihuza, zirimo kudakorana ubucuruzi hagati y’ibihugu.

Ati “Iyo urebye uko ibihugu by’Afurika bikorana ubucuruzi hagati yabyo, imibare iracyari hasi kuko ikiri munsi ya 15% ugereranije no ku yindi migabane iri hejuru ya 40%.”

Aya masezerano yiswe ”Kigali Africa Smart Women and Girls Declaration" azasinyirwa i Kigali

Ayo masezerano yiswe ”Kigali Africa Smart Women and Girls Declaration", azasinywa kuri uyu wa Gatanu tariki 12 Gicurasi 2017.

Ayo masezerano yemejwe nyuma yo gukorerwa ubugororangingo, mu biganiro byahuje abagore batandukanye bitabiriye inama ya Transform Africa, kuri uyu wa kane tariki 11 Gicurasi 2017.

Gasingirwa Marie Christine, umuyobozi mukuru w’Ushinzwe siyansi,ikoranabuhanga n’ubushakashatsi muri Minisiteri y’Uburezi ni umwe mu batanze ikiganiro muri ibi biganiro.

Yavuze ko muri ibi biganiro aya masezersno yabanje kuganirwaho, kugira ngo azasinywe nta gitekerezo gisigaye inyuma kandi yakorewe ubugororangingo buhagije.

Yagize ati "Aya masezerano twamaze kuyaganiraho kugira ngo ejo nitumara kuyasinya abo bireba bazahita bajya gutangira kubishyira mu bikorwa iwabo.

Twemeje ko nituva aha bitagiye kuba amasigaracyicaro kandi umwaka utaha tuzageraho dusuzume ibikorwa niba ibyo twiyemeje twarabigezeho."

Gasingirwa Marie Christine umuyobozi mukuru ushinzwe siyansi, tekinoloji n’ubushakashatsi muri Minisiteri y’Uburezi (w’ikoti ritukura) mu kiganiro

Batete Redempta, ushinzwe urwego rw’uburinganire muri Minisiteri y’Umuryango n’Uburinganire (MIGEPROF), yavuze ko aya masezerano akubiyemo imyanzuro itatu izatuma ibihugu byose bihagurukira ikibazo cy’ubusumbane hagati y’abahungu n’abakobwa mu ikoranabuhanga.

Ati "Icya mbere twemeje y’uko ibihugu byose bigiye gushakisha uburyo bwo kongera amahirwe kugira ngo ubusumbane muri tekinoloji bwibasira abakobwa bukurweho.

Icya kabiri ni uko abikorera n’imiryango itegamiye kuri leta yiyemeje kongera ingufu mu guha ubumenyi buhagije abakobwa n’abagore. Icya gatatu n’abakora politike bagiye kwita ku zita ku mwana w’umukobwa n’umugore."

Abantu batandukanye bitabiriye ikiganiro kivuga ku masezerano yiswe ”Kigali Africa Smart Women and Girls Declaration"

Batete yasobanuye ko iyi myanzuro izafasha mu gukuraho imbogamizi zikunda kugaragara, cyane cyane mu bagore n’abakobwa bo mu byaro ni uko umugore n’umukobwa batitabira kwiga ibijyanye na siyansi na tekinike.

Ubushakashatsi bugaragaza ko abagore mu Rwanda bagihura n’imbogamizi mu kubona inguzanyo, aho ubushakashatsi buheruka muri 2012 bwagarahaje ko abagera kuri 36% gusa aribo bagerwagaho n’inguzanyo z’amabanki.

Mu gukemura iki kibazo, mu Rwanda hari gahunda zimwe na zimwe zatangijwe, zigamije guteza imbere abakobwa mu ikoranabuhanga.

Muri izo harimo iAccelerator, gahunda y’Umuryango Imbuto Foundation ifasha abakobwa bahanze udushya mu gukora ubukangurambaga mu buzima bw’imyororokere. Bane ba mbere bahabwa amadorali ibihumbi 10 buri umwe n’amahugurwa.

Gasana Jerome umuyobozi w’ikigo cy’igihugu gishinzwe ubumeyingiro nawe yari yitabiriye iki kiganiro

Hari na Miss Geek, irushanwa riha urubuga abana b’abakobwa bahanze udusbya mu ikoranabuhanga. Iri rushanwa ryamaze gushyirwa ku rwego rw’Afurika, batatu ba mbere baryegukanye bahabwa miliyoni 3Frw yo kwagura imishinga yabo.

Minisitiri Philbert Nsengimana mu nama ya Transform Africa

Minisitiri w’Urubyiruko yabitangaje kuri uyu wa Gatatu tariki 10 Gicurasi 2017, mu nama y’iminsi itatu ya Transform Africa iteraniye i Kigali.

Yavuze ko icyo gitabo kizayobora imijyi y’ibihugu bigize umuryango wa Smart Africa uko imijyi igomba kuba iteye.

Yagize ati “Imijyi igomba kuba ihujwe na internet inyaruka kandi iri hose, ikaba ifite uburyo bunoze bwo guhangana n’ibibazo by’ibanze birimo umutekano n’ibikorwa byangiza ikirere.
Ikindi umujyi ugomba kuba ufite iterambere rirambye, ryoroshya ishoramari.”

Muri iyi nama kandi ibigo bitandukanye byashyize umukono ku masezerano y’imikoranire n’ubuyobozi bwa Smart Africa Alliance. Ibi bikazafasha mu itegurwa n’ishyirwa mu bikorwa rya gahunda z’iri huriro.

Dr. Hamadoun Touré umuyobozi wa Smart Africa Alliance, yavuze ko bagiye gutura u Rwanda umutwaro wo kuba ari rwo rwonyine rwishakagaho amafaranga yo gutegura iyi nama, kuko abafatanyabikorwa bagenda baboneka.

Mu nama ya Transform Africa

Ati “U Rwanda ni rwo rwari rusanzwe rutegura iyi nama ku mafaranga yarwo ijana ku ijana ariko ubu abafatanyabikorwa barimo abikorera baduteye inkunga ubu dufire amafaranga yo gushyira mu mishinga n’andi yo kubika.”

Yanaboneyeho gutangaza ko inama ya Transform Africa igiye kujya iba buri mwaka aho kuba rimwe mu myaka ibiri nk’uko byagendaga.

Iri huriro rigizwe n’ibihugu 18 byiyemeje gushyira mu bikorwa gahunda ya “Smart Cities”. Iyi nama yitabiriwe n’abakuru b’ibihugu icyenda n’abahagarariye imijyi 300 n’abandi bahagarariye imiryango itandukanye.

Transform Africa yitabiriwe n’abantu batandukanye

Perezida Kagame avuga Ijambo mu nama ya Transform Africa

Perezida Paul Kagame yibukije abayobozi ba Afurika ko guhindura Afurika kwiza bigomba kujyana no gushyiraho uburyo buha abaturage imitekerereze ishaka ibisubizo.

Ibihugu 18 bya Afurika byatangiye urugendo rwo guhindura Afurika, umugabane ugendera ku miyoborere n’imitangire ya serivisi byifashisha ikoranabuhanga.

Iyo gahunda ni yo ibyo bihugu birimo n’u Rwanda byise "Smart Africa Alliance".

Ni n’aho byahereye bitegura inama yiswe "Transform Africa summit", u Rwanda rwakiriye kuva kuri uyu wa Gatatu tariki 10 kugera 12 Gicurasi 2017.

Perezida kagame n’abandi bayobozi batandukanye

Perezida Kagame wayifunguye ku mugaragaro, yavuze ko guhindura Afurika bikenewe bigomba guhera mu myumvire y’abaturage.

Yagize ati "Guhindura Afurika bivuze guhindura Abanyafurika ukabaha ububasha n’ubushobozi bwo gukemura ibibazo n’ubushobozi bwo guhanga."

Yabivuze ashingiye ku mibare igaragaza ko muri Afurika abakoresha internet batarenze 20% ugereranyije n’icyerekezo cyo kugera kuri 50% ubuyobozi bwari bwihaye.

Perezida Kagame yavuze ko kugirango icyo cyerekezo kigerweho hagomba kubahirizwa ihame ry’uko tekinoloji igera kuri bose aho kugera kuri bamwe.

Perezida Kagame yanakomoje ku mpamvu nyamukuru insanganyamatsiko yagizwe "Smart Cities, asobanura ko Afurika ifite imijyi yihuta mu iterambere kuruta ahandi ku isi.

Ati "Mu gihe abakobwa n’abagore bakiri inyuma mu ikoreshwa rya tekinoliji ntaho tugana.

Gukwirakwiza tekinoloji kandi bigomba kugera kuri bose nta kurobanura abakene cyangwa abakire no mu mijyi cyangwa mu byaro.

Iyi nama yitabiriwe n’abantu baturutse muri Afurika ndetse no ku yindi migabane

Jared Cohon umwarimu muri Kaminuza ya Carnegie Mellon, yavuze ko kimwe mu byakwihutisha iterambere ry’imijyi mu ikoranabuhanga "Smart Cities" ari uko leta zaha urubuga za kaminuza no kugira imikoranire ya hafi nazo.

Phumzile Mlambo-Ngcuka umuyobozi wa UN Women we yifuje ko abagore baba mu byaro bakangurirwa kandi bagahabwa uburyo bwo gukoresha ikoranabuhanga.

Ibiganiro biri kuganirwa biri gukora ku mitima ya benshi

Amafoto menshi hano

Umujyi wa Kigali ufite umuvuduko udasanzwe mu ikoranabuhanga.

“Smart Cities” ni gahunda ya Smart Africa yatangijwe n’u Rwanda, igamije guhindura imijyi yo muri Afurika imijyi yifashisha ikoranabuhanga mu miyoborere no mu mitangire ya serivisi.

Smart Africa ifite intego yo guteza imbere itumanaho n’ikoranabuhanga mu guteza imbere imibereho myiza y’abaturage.

Nk’uko u Rwanda ari rwo rwazanye iki gitekerezo, ni narwo ruri imbere mu ishyirwa mu bikorwa ryo kugira Kigali nk’umwe mu mijyi yateye imbere mu gutanga serivisi n’imiyoborere bishingiye ku ikoranabuhanga.

Hari aho Umujyi wa Kigali wavuye hari n’aho wageze mu kugirwa Umujyi w’ikoranabuhanga. Ariko se kugeza ubu ihagaze ite muri serivisi n’imiyoborere bishingiye ku ikoranabuhanga.

U Rwanda kandi rwashoye imari itubutse mu muyoboro wa internet yihuse (Fiber Optic). Umurambararo w’ibihumbi bitatu mu gihugu hose watumye ibigo 317 bigerwaho n’uyu muyoboro wa internet.

Abakoresha telefoni zigendanwa nabo bageze kuri 71.6%, hakaba hari na gahunda yo kongera umubare w’abakoresha internet kugera ku kigero cya 95%.

Irembo

Kuva rwashyirwaho, urubuga Irembo rwafashije benshi mu bifuza serivisi za leta.

Imyaka ibiri igiye gushira Leta itangije urubuga rwa internet rwa Irembo (www.irembo.rw) rwaje guca umurongo w’abasaba serivisi mu buyobozi, ikaborohereza kwishyura no gusaba serivisi z’ingenzi zikenerwa na benshi.

Uru rubuga rwatangiranye na serivisi 17 umuntu ashobora gusabira kuri internet akanishyura akoresheje uburyo bwa Mobile Money, ruteganya ko mu myaka itatu ruzaba rumaze kugira serivisi zigera ku gihumbi umuntu ashobora kurusabiraho.

Zimwe muri serivisi zitangirwa ku Irembo harimo kwiyandikisha ku bizami bihesha impushya zo gutwara ibinyabiziga, icyangombwa cy’uko wafunzwe cyangwa utafunzwe no kwishyura izindi serivisi zitandukanye.

WIFI mu modoka zitwara abagenzi n’ahantu hahurirwa na benshi

Mu ntangiriro za 2016, Leta yafasha icyemezo cyo gushyira internet yihuta (WIFI) mu modoka zitwara abagenzi n’ahantu hahurira abantu nk’ahategerwa hazwi nka gare, ku Kibuga cy’indege, Car free zones.

Byari mu rwego rwo gufasha abaturage batabona internet kuyibona mu buryo buboroheye.

Minisitiri w’Urubyiruko n’Ikoranabuhanga Jean Philbert Nsengimana, yatangaje ko icyo gikorwa kigamije guhindura isura y’ubukungu bw’igihugu, bugashingira kuri serivisi n’ikoranabuhanga.

yagize ati “Ikoranabuhanga rigomba kwinjira mu buzima bw’Abanyarwanda, rikabuhindura, rikabugira bwiza, rikihutisha ibikorwa byose dukora, kugira ngo iterambere ry’igihugu cyacu rirusheho kwihuta.”

Ku ikubitiro imodoka zitwara abagenzi 487 zahise zishyirwamo internet yihuta, kandi igikorwa kigakomereza ku izindi n’andi masosiyete azagenda aza.

Ahantu nka Car Free Zone naho hashyizwe internet ifasha urubyiruko mu bushakashatsi no muri gahunda zabo. Ahandi usanga internet y’ubuntu ni muri Gare yo mu Mujyi, mu isomero rya Kigali (Kigali Public Library) no ku Kibuga cy’indege.

Kugeza ubu kandi mu tubari n’amahoteli, amaresitora n’ahandi hantu hakorera abikorera batanga serivisi hashyizwe internet y’ubuntu, nyuma yo kubikangurirwa na leta.

Kwishyura hifashishijwe ikoranabuhanga

Minisitiri John Rwangombwa ubwo yafunguraga ku mugaragaro gahunda ya MTN Tap&Pay.

Ubukungu bushingiye ku kwishyura no guhererekanya amafaranga hifashishijwe ikoranabuhanga (Mobile Money) bwakomeje gutera imbere mu Rwanda mu myaka itanu ishize, nyuma y’uko butangijwe n’amasosiyete y’itumanaho nka MTN, TIGO na Airtel.

Uretse kwishyura n’ikarita za VISA Cards na Master Cards zamamaye mu Rwanda, hiyongereyeho uburyo bwa MTN Tap&Pay bufasha umuntu ufite amafaranga kuri telefoni ye kwishyura akojeje terefone ku kuma kabugenewe ubundi amafaranga akikuraho.

Mu gutwara abagenzi uburyo bwo kwishyura hakoreshejwe ikarita izwi nka Tap&Go bwatangiye gushyirwa mu bikorwa.

Hafi kimwe cya kabiri cy’amasosiyete atwara abagenzi muri Kigali akoresha ubu buryo, aho umugenzi ashyira amafaranga ye ku ikarita ubundi akajya akoza ahabugenewe mu gihe yinjiye mu modoka, amafaranga ikivanaho.

Kigali Innovation City

Igice cya mbere cya Kigali Innovation Village cyatangiye kubakwa.

Kugeza ubu K Lab ni imwe muri gice cyari gisanzwe kigira uruhare mu kuzamura impano z’urubyiruko mu dushya

Muri Leta y’u Rwanda ibinyujije mu Kigo cy’Igihugu gishinzwe Iterambere (RDB), yatangije ikigo kiswe Kigali Innovation Village (KIC). Iki kigo kizaba nk’ihuriro rizajya rihangirwamo udushya twose mu gihugu. Iki ni igice cy’umushinga munini leta ifite, uzaba ufite ibikenewe byose kugira ngo Kigali ube umujyi w’icyitegererezo.

Igice cyayo kiri kubakwa mu Karere ka Gasabo, mu gice cy’inganda kizwi nka Free Trade Zone, kikazatwara agera kuri miliyoni 150 z’amadolari.

U Rwanda rwatangiye gusatira urundi rwego rw’ikoranabuhanga, nk’ikoreshwa rya Drones. Ubu u Rwanda rukaba rufite intego yo kugera ku ikoreshwa ry’amarobo, ubwenge budasanzwe bw’imashini (Artificial intelligence), ikoreshwa rya 3D printings.

Uretse kuba igeragezwa rya Drones mu buvuzi ryarakoreshejwe bwa mbere mu Rwanda, zikoreshwa no mu ifatwa ry’amafoto.

Imashini-ya-3D-printer-ifite-ubushobozi-bwo-gusohora-ikintu-gifatika,-yakwifashishwa-mu-nganda.-Ubu-nabwo-ni-uburyo-butaratera-imbere-mu-Rwanda.

Ibyo gukorwa biracyari byinshi

Ikibazo cy’ibikorwaremezo mu Rwanda no muri Afurika kiracyari ingorabahizi na politiki zitaranozwa.

Nubwo mu Rwanda bigaragara ko hari itambwe yatewe, haracyari byinshi byo gukorwa kugira ngo u Rwanda rugere ku rugero rw’ikoranabuhanga rwifuza cyane cyane mu bikorwaremezo n’ubumenyi.

Perezida Kagame, yemeza ko imbogamizi zose zizakurwaho no gukorana kandi abantu bose bagahagurukira kumenya ibijyanye n’ikoranabuhanga.

Ati “Kugira ngo tugere ku ntego zo kugira amazu yacu, ibiro, amashuri n’imijyi byose bikorera mu ikoranabuhanga, tugomba kubyaza umusaruro ikoranabuhanga tubona ryatugirira akamaro.”

Yabitangarije mu nama y’ubuyobozi ya Smart Africa, asanzwe anakuriye, yateranye mu ntangiriro z’uyu mwaka yateraniye i Addis Ababa muri Ethiopia.

Perezida Kagame yavuze ko u Rwanda rutangiza gahunda ya Smart Cities ibihugu birindwi ari byo byonyine byatangiye byiyemeza kuyijyamo ariko ubu bikaba bimaze kugera kuri 17. Ibyo bigatanga amahirwe y’ubucuruzi hagati y’abaturage miliyoni 360 babigize.

Perezida Kagame avuga ko nta wundi uzaha Abanyafruka iterambere n’amahoro bifuza atari bo ubwabo.

Perezida Kagame yabitangarije mu nama nyunguranabitekerezo yagiranye n’Abaminisitiri n’abahagarariye ibihugu byabo, bari muri komisiyo ishinzwe iby’ivugurura ry’Umuryango w’Afurika yunze Ubumwe, yabahuje kuri iki cyumweru tariki 07 Gicurasi 2017.

Yagize ati “Igihe kirageze ko twicara tukabwizanya ukuri, tukibaza tuti kare kose twari dutegereje nde? Turaza gusanga nta wundi ari twe twaburaga. Birababaje gukomeza kuvuga uko Afurika imeze ubu, mu gihe tutayobewe aho twakabaye tugeze.”

Iyi nama yitabiriwe n’abahagarariye ibihugu byose bya Afurika uko ari 54.

Ibyo yabitangaje nyuma y’aho abitabiriye inama bahagarariye ibihugu byabo uko ari 54 bifuje ko buri gihugu cyajya kigena umusanzu bitewe n’ibicuruzwa gitumiza mu mahanga.

Ni ukuvuga ko buri gihugu kitatanga angana n’ay’ikindi kuko cyajya gitanga umusanzu muri Afurika yunze Ubumwe ungana na 0.2%.

Uyu mwanzuro kandi wafashwe mu gihe ibihugu byinshi bihuriye muri uyu muryango byari byarananiwe kuzuza inshingano zo gutanga umusanzu wabyo, kandi ayo mafaranga ari yo afasha mu gukora ibikorwa biteza Afurika imbere.

Musa Faki Mahamat,Umuyobozi mukuru w’Umuryango w’Afurika yunze Ubumwe, yavuze ko amezi asigaye y’uyu mwaka akwiye kuba nk’inzibacyuho, kugira ngo umwaka wa 2018 uzatangire ibyemeranijweho muri iyi nama bihita bishyirwa mu bikorwa.

Donald Kaberuka (ubanza) na Strive Masiyiwa umushoramari ukomeye muri Zimbabwe.

Yaboneyeho no kwibutsa ko bamwe mu baterankunga bari baratangiye kwibaza iby’imikorere y’uyu muryango, bavuga ko bidafututse.

Ati “Hari abaterankunga baduha agera kuri 80% by’ingengo y’imari bari baratangiye kwibaza ibibazo ku bijyanye n’imikorere yacu.”

Yavuze ko ivugurura rishya (reforms) rizaba rifite imishinga 900 izashyirwa mu bikorwa n’Umuryango w’Afurika yunze Ubumwe.

Yaboneyeho no gusaba Perezida Kagame gutekereza ku bantu b’inararibonye bazashyira mu bikorwa iyo mishinga.

Ku bijyanye no gushaka amafaranga, hatekerejwe komite y’Abaminisitiri 10 bazaba bashinzwe ibijyanye n’amafaranga no gukora ku buryo ikigega cy’Afurika yunze Ubumwe gicungwa neza.

Donald Kaberuka wahoze ayobora Banki Nyafurika itsura Amajyambere (BAD), yavuze ko amahanga yatangiye gushyigikira icyemezo cy’uko komisiyo y’Umuryango w’Afurika yunze Ubumwe yakwishakamo ubushobozi binyuze mu misoro baka.

Ati “Uretse Amerika ibindi bihugu nk’ibigize Umuryango w’Ubumwe bw’u Burayi byagaragaje ko bidushyigikiye, binemera ubufasha bwose bukenewe kugira ngo imishinga dufite ishyirwe mu bikorwa.”

Kaberuka yavuze ko atari ubwa mbere komisiyo y’Afurika yunze Ubumwe yaba igiye gushaka amafaranga atuma ikora,iyakuye mu misoro y’ibyinjizwa kuko no mu myaka yashize byigeze kubaho.

Gusa yavuze ko zimwe mu mbogamizi iyi komisiyo izahura na zo ari uko ibihugu by’Afurika byose bitisanzura mu bucuruzi (Free Trade Zone), aho byasaba ko hari bimwe mu bihugu byajya bisoreshwa ibindi ntibisoreshwe.

Ati “Ubu tuvugana ariko icyo kibazo cyakemutse. Ibihugu byose byasabwe gushaka uburenganzira bubyemerera kujya mu gice gikorerwamo ubucuruzi bwisanzuye kandi n’igihe ntarengwa cyashyizweho buri gihugu kikaba cyabyubahirije. Ikibazo gisigaye ni ukwibaza uko twaba tubigenza hagati aho.”

U Rwanda ni rwo rwatanzweho urugero rwa kimwe mu bihugu by’Afurika byavuye mu icuraburindi, rukaba ruri gusatira ubukungu bufatika.

Kuri iyo ngingo, Perezida yibukije abitabiriye iyi nama ati “Ntawaduha amahoro, ubukungu n’ubwigenge n’agaciro (byose nitwe tugomba kubyishakamo).”

Imwe mu myanzuro yafashwe hashingiwe ku miterere ya Afurika, ni uko hatezwa imbere ubucuruzi hagati y’ibihugu by’Afurika.

Strive Masiyiwa, Umushoramari mu by’ikoranabuhanga ukomoka muri Zimbabwe akaba no muri iyi komisiyo ishinzwe iby’ivugurura ry’Afurika yunze Ubumwe yavuze ko Afurika ibarirwa ku musaruro mbumbe (DGP) wa tiriyoni 30 z’Amadolari y’Amerika, bikiyongeraho ko, 60% by’Abanyafurika ari urubyiruko ruri munsi y’imyaka 30.

Nta makuru menshi arashyirwa hanze kuri iyi filime ariko yitezwe na benshi mu bakunzi ba sinema.

Iyi filime yiswe “Rampage” igaragaza "The Rock" nk’umushakashatsi ku bwoko bw’ibikoko byo mu bwoko bw’ingangi nk’inkende (Primate), wari uhagarariye itsinda rishinzwe kurwanya ubushimusi bw’ingagi mu Rwanda.

Iyo filime igaragaza ko mu kazi ke yaje kugirana ubucuti budasanzwe n’imwe mu ngagi zo mu Birunga yitwa George, ariko yari ifite indwara yo kuba nyamweru.

Muri iyi filime berekanamo uburyo ubucuti bwabo bombi bwaje kurangira bitewe nuko iyo ngagi George yaje kuba ingome kandi inakurana ubugome igashaka kurimbura isi.

Iyo filime igaragaza kandi ko The Rock yakoze ubushakashatsi agasanga hari bamwe mu batarishimiraga imikorere ye bashatse kumukoma mu nkokora, nawe niko gutangira kubahiga.

Ni ukwitega iyo filime hakarebwa niba azashobora gukiza iyo ngagi yatewe imiti, dore ko abo bagizi ba nabi banayiteye mu ngona n’ikirura (Wolf) bagamije ko bigirira nabi abatuye isi.

The Rock aheruka gukina muri filime "San Andreas" nayo yaje gukundwa cyane.

Iyi filime yahise ijya ku zitegerejwe cyane ku rwego rw’isi, kubera ubuhanga The Rock amaze kugaragaza mu gukina muri film mu myaka ishize. Rampage yatangiye gukinwa muri uku kwa kane ikazasohoka umwaka utaha tariki 28 Mata 2018.

Iyi Filime ifite ngengo y’imari y’umurengera nubwo itaratangazwa, izagaragaramo ibihangange muri sinema nka Naomi Harris wakinnye muri James Bond: Sky Fall na Spectre.

Hazagaragaramo kandi na Jeffrey Dean Morgan, uzwi muri filime z’uruhererekane “The Walking Dead” ndetse na Malin Akerman uzwi cyane muri filime zisekeje nka “The Heart Break.” The Rock we azwi cyane muri Filme nka San Andreas, Fast and Furious na Moana.

Si ubwa mbere ingagi zo mu Birunga zifashishwa muri filime za Hollywood nubwo akenshi bitamenyekana.

Filime “Rise of the Planet of the Apes” yasohotse mu 2011 ivuga ku nkuru y’ingagi n’inkende zahawe ubwenge bikaza kurangira zigaruriye isi, yakinwe hifashishijwe imyitwarire y’ingagi zo mu Birunga.

Icyo gihe mu Rwanda haje impuguke muri sinema ziturutse Hollywood zimara ukwezi ziga uburyo ingagi zibanamo n’imyitwarire yazo. Ibyo nibyo bahereyeho bazikinisha muri iyi filime iza kwamamara.

Perezida Kagame yavuze ko gukorera hamwe nk’Abanyafurika ari yo nzira yo kugera ku iterambere.

Perezida Kagame yabitangarije mu nama nyunguranabitekerezo ku mivugururire y’Umuryango Nyafurika, iteraniye muri Guinea Conakry, kuri uyu wa mbere tariki 24 Mata 2017.

Yagize ati “Dukeneye kwihutisha imyanzuro yo guha ubushobozi AU, tugendeye ku misoro y’ibyinjira. Ntabwo twakwihanganira gukomeza kuguma hamwe nk’abaheze mu byondo.

Umwuka w’impinduka uragaragara kandi dufite gahunda ifatika. Mureke dukomereze ku byo twari tumaze kugeraho.”

Perezida Kagame na Perezida Conde mu ama yiga uko AU yavugururwa ikarushaho gutanga umusaruro.

Perezida Kagame yabwiye abitabiriye iyo nama ko ibyo bizagerwaho ari uko Abanyafurika bavuze ururimi rumwe kandi bakanamenya uko bakorana n’abafatanyabikorwa b’abanyamahanga.

Ibyo kandi bikagendana n’uko abanyamuryango ba AU bose bubahiriza ibyemezo bifatwa.

Ati “Mureke dukorere hamwe mu kwiyubakira ahazaza twifuza.”

Perezida Kagame niwe wahawe inshingano zo gushyira mu bikorwa ivugururwa rya AU.

Perezida Kagame niwe wahawe inshingano zo kuyobora ivugurura ry’Umuryango w’Afurika yunze Ubumwe. Yitabiriye iyo nama yari iyobowe na Perezida Alpha Conde wa Guinea Conakry

Perezida Kagame yakiriye ambasaderi w’u Bushinwa mu Rwanda, Rao Hongwei.

Kuri uyu wa kane tariki 13 Mata 2017, Perezida Paul Kagame yakiriye inyandiko zemerera ambasaderi Rao Hongwei, guhagararira u Bushinwa na ambasaderi Ravi Shankar guhagararira u Buhinde mu Rwanda.

Ambasaderi Hongwei yavuze ko imibanire y’u Rwanda imaze imyaka 46, aho iki gihugu gikorana n’u Rwanda mu kurufasha mu buzima, ubuhinzi, uburezi n’ibikorwaremezo. Yavuze ko gukorana n’u Rwanda bizagira inyungu ku mpande zombi.

U Bushinwa buvuga ko Abanyarwanda bahuje imico n’Abashinwa mu gukunda umurimo.

Yagize ati “U Rwanda ni igihugu gifite umuvuduko mu iterambere, Ubushinwa nabwo buri gusiganwa no kugera ku ntego z’ubukungu kihaye bw’imyaka 20. Gukorana rero bizafasha buri gihugu, kuko abaturage b’ibihugu byombi bahuriye ku gukunda akazi no kureba kure.”

Ambasaderi Shankar we yavuze ko iki gihugu kiteguye gukorana n’u Rwanda kandi kikaba kiteguye gutega u Rwanda amatwi mu gihe cyose rwaba rufite umushinga rwifuza gukorana n’u Buhinde.

Pereezida Kagame yakiriye kandi ambasaderi w’u Buhinde mu Rwanda.

Perezida Kagame yagiye mu Buhinde, mu ntangiriro za Mutarama 2017 nyuma yaho muri Gashyantare 2017 Visi Perezida w’Ubuhinde nawe yaje mu Rwanda.

Mu biganiro abayobozi bombi bagiranye, havuyemo gutangiza ingendo za RwandAir mu Buhinde no kwagura imikorere muri buzinesi.

U Bushinwa bufite icyicaro cy’Ambasade yacyo mu Rwanda, mu gihe u Buhinde buteganya gutangiza Ambasade yabwo mu Rwanda. Kuri ubu ambasaderi w’u Buhinde mu Rwanda akorera i Kampala.

Simon Mutangana umwe mu barokokeye i Murambi

Mu byumweru bibiri nyuma y’uko indege ya Habyarimana ihanurwa, muri komini Mudasomwa, ubu yabaye Akarere ka Nyamagabe ubwicanyi bwakorwaga mu byiciro.

Ibyo byaterwaga n’uko ubuyobozi bwariho icyo gihe buyobowe na Burugumesitiri Nteziryayo Emmanuel n’abakuriye ingabo za Ex-Far ndetse na Perefe wa Gikongoro, barimo begeranya abaturage ahantu hamwe kugira ngo ubwicanyi buzorohe.

Ku ikubitiro Abatutsi ba mbere bagerageje kubahuriza kuri Segiteri, ariko abari berekezayo babitahura bakiri mu nzira bakwira imishwaro, abandi babatema umugenda.

Simon Mutangana, umwe mu barokotse ubu bwicanyi bwategurirwaga kuri Segiteri, yahungiye ku ishyamba kugeza aho ahungiye ku mashuri ya Murambi.

Yahasanze abandi Batutsi bagera ku bihumbi 50 bahahurijwe na Perefe n’umukuru w’ingabo muri Perefegitura ya Gikongoro.

Mu buhamya yasangije abitabiriye umuhango wo kwibuka Jenoside yakorewe Abatutsi mu 1994 wabereye ku rwibutso rwa Murambi, yavuze ko bari bazi ko batazarindwa ariko ntibemera gupfa batarwanye.

Yagize ati "Mu minsi ibiri ya mbere interahamwe zazaga zishaka kutugabaho ibitero ariko tukazitera amabuye, zigasubirayo kubera ubwinshi bwacu."

Avuga ko nyuma yo kuza ubugira kabiri badashobora kugira uwo bica, ku munsi wa gatatu bazanye abajandarume bitwaje amagerenade n’amasasu.

Ati "Uwo munsi niho twishwe ku bwinshi kuko twarabegeraga bakaturasamo, bakadutera za gerenade hagapfamo nk’igihumbi.

Umunsi wagiye kurangira twacitse intege, kubera abacu twabonaga bishwe na za gerenade, abacitse amaboko, abavuyemo amaso n’abashwanyaguritse."

Kuba Murambi iri mu kibaya byatumaga nta Mututsi ubasha gucika interahamwe

Avuga ko kuri uwo mugoroba ari bwo interahamwe zashoboye kwinjira mu kigo cya Murambi, batangira kwica uwo bahuye nawe wese.

Ngo aho bananiriwe,baratashye mu gitondo bagaruka baje kwica abagore n’abana. Ibyo byose yabireberaga aho yari yihishe mu masaka.

Ati "Uwo munsi biriwe bica, bukeye bwaho niho bazanye katiripulari yo gucukura n’ibikamyo byo gutunda imibiri."

Muri iki kigo ubu cyahindutse urwibutso rwa Jenoside rwa Murambi, ubu hashyinguwemo imibiri y’Abatutsi irenga ibihumbi 50 yagiye iboneka.

Iyo utembereye muri uru rwibutso uhasanga amateka yagiye aharanga mu gihe cya Jenoside.

Muri ayo mateka harimo uko ingabo z’Abafaransa zahahungiye nyuma yo gutsindwa n’Inkotanyi, zubatse ibibuga by’imipira hejuru y’ibyobo byari byatawemo imibiri y’abishwe.

Muri uru rwibutso kandi hari amateka y’ubwicanyi ndengakamere bwakorewe abana, impinja n’abagore batwite.

Minisitiri w’Intebe Anastase Murekezi, yemeza ko nubwo hashize imyaka 23 Jenoside ihagaritswe n’ingabo za RDF, kuryoza abagize uruhare muri yo bizakomeza.

Minisitiri w’intebe Anastase Murekezi yunamira Abazize Jenoside yakorewe Abatutsi i Murambi

Ati "Abagize uruhare muri Jenoside bose bagomba kubiryozwa. Urugamba ni urwacu twese kugira ngo duharanire kuba mu gihugu cyiza."

Abitabiriye uyu muhango bavuga ko umubare w’abahungabanye kuri uyu munsi wo kwibuka wari mucye ugereranyije n’imyaka yashize n’ubwo ibikomere bigihari.

Ariko inzira yo kubyomora no kugera ku bwiyunge nyakuri nibyo Abanyarwanda bakangurirwa gushyiramo imbaraga, nk’uko Minisitiri Murekezi yongeye kubisaba mu ijambo rye.

Amwe mu mateka y’u Rwanda agaragazwa mu rwibutso rwa Murambi

Ahamanikwaga ibendera ry’Ubufaransa igihe cya Operation Turquoise

Ibibuga Abafaransa bakiniragaho bari barakoze hejuru y’imyobo yatawemo imibiri y’Abatutsi

Minisitiri w’intebe Anastase Murekezi mu gikorwa cyo kwibuka abazize Jenoside yakorewe Abatutsi i Murambi

Minisitiri Anastase Murekezi arasaba abanyarwanda gukomeza guharanira ubumwe n’ubwiyunge

Benjamin Abtan, Perezida wa EGAM, avuga ko hari abakumira ko u Bufaransa bwemera uruhare rwabwo muri Jenoside yakorewe Abatutsi.

Amakuru leta y’u Bufaransa ifite kuri Jenoside yakorewe Abatutsi mu 1994 n’uruhare rwa bamwe mu bayobozi bayoboraga mu gufasha Leta yateguye ikanashyira mu bikorwa Jenoside, atandukanye kure n’ayo abaturage basanzwe bazi.

“Mu Bufaransa hari ikibazo cy’uko abaturage batazi Jenoside. Iyo ubivuze twe twumva ‘Umututsi, Umuhoro.’” Icyo ni igisubizo Chloe Deverly atanga iyo abajijwe ku cyo we na bagenzi be batekereza kuri Jenoside.

Yongeraho ati “Ntabwo twigeze tubona abaduha ubuhamya, ntabwo tuzi uko byagenze. Mbese ni ibintu bidasobanutse. Nari nziko habaye ibintu bibi birenze ukwemera, ariko sinari nziko nzasanga birenze kure, binafite ubukana kuruta uko nabitekerezaga.”

Deverly w’imyaka 18, avuga ko benshi mu baturage b’Abafaransa batazi uko byagenze muri Jenoside yakorewe Abatutsi.

Develry w’imyaka 18, ni umwe mu Bafaransa bazanywe n’umuryango EGAM, umuryango wiyemeje kumenyekanisha ukuri no kotsa igitutu leta y’u Bufaransa ikemera uruhare yagize muri Jenoside.

Avuga ko nyuma y’icyumweru yamaze azenguruka igihugu, aganira n’abaturage byamuhumuye.

Ati “Ibyo namenye byatumye ndushaho gutekereza kuri Afurika, bitandukanye n’abandi Banyaburayi baba batekereza ko nta nyungu n’imwe bashobora kugira kuri Afurika.”

Yiyemeje kuzakora ubukangurambaga kuri bagenzi be nasubira iwabo, haba mu biganiro no mu gitabo gisoza amasomo ya kaminuza ateganya kwandika kuri Jenoside yakorewe Abatutsi.

Kuri we yumva kumenya amateka hagati y’Afurika n’u Burayi ari imwe mu nzira zo gufasha isi kugana aheza.

Bamwe mu Bafaransa baje kwifatanya n’Abanyarwanda kwibuka.

Gusa bishobora kutazamworohera mu gihe byemezwa ko hari abantu bakomeye mu Bufaransa batishimira ko iki gihugu gishyirwa ku isonga rya Jenoside yahitanye Abatutsi barenga miliyoni mu minsi 100 gusa.

Benjamin Abtan, Perezida wa EGAM, umuryango ugamije kurwanya ivanguraruhu n’akarengane ku mugabane w’u Burayi, avuga ko baterwa ubwoba bakanabuzwa kuzamura ijwi iyo hajemo ibirebana na Jenoside yakorewe Abatutsi.

Ati “Hari abantu mu Bufaranga bateye inkunga leta yakoze Jenoside bagakwiye kuba baragejejwe mu butabera ariko bakora ibishoboka byose bakabirwanya. Icyo bakora ni uguhimba ibinyomba, bagahakana Jenoside kuko badashaka kujyanwa mu butabera.”

Avuga ko ariko uyu muryango EGAM wafashe ingamba zo gukorana n’itangazamakuru n’imiryango itegamiye kuri leta, kugira ngo bikomeze byotse igitutu leta y’u Bufaransa igeze abakekwaho uruhare bose imbere y’ubutabera.

Umuryango EGAM buri mwaka wifatanya n’Abanyarwanda mu bikorwa byo kwibuka. Buri mwaka bohereza itsinda ry’abantu batandukanye mu Rwanda, mu rwego rwo kubafasha gusobanukirwa n’ibyabaye.

Uyu mwaka hajemo abanyeshuri, umudepite, abakora mu miryango itegamiye kuri leta n’impuguke muri politiki.

EGAM kandi yanagize uruhare rwo gutegura ibikorwa bitandukanye byo gusobanura amateka ya Jenoside n’uruhare rwa leta y’u Bufaransa.

Muri ibyo bikorwa harimo icyo bise Tour de France - Imbere heza, urugendo rwari rugamije kuzenguruka iki gihugu basobanurira amateka n’uruhare by’ingabo z’Abafaransa mu mateka ya Jenoside.

Babivugiye mu biganiro byateguwe n’ihuriro ry’abafite ubumuga mu Rwanda (NUDOR), byabaye mu mpera z’icyumweru gishize, aho baganiriye n’inzego zinyuranye ku bibazo abafite ubumuga muri rusange bahura na byo mu matora cyane ko yegereje.

Bifuza ko habaho uburyo bukoresha amajwi bwafasha abantu bafite ubumuga bwo kutabona ngo batore bisanzuye

Ubusanzwe abafite ubumuga bwo kutabona bemererwa kujyana n’umwana muto ubafasha gutora, mu gihe ngo hashyizweho icyuma, cyababwira abakandinda bityo nabo bakivugira uwo bahisemo kigafata ayo majwi akaza kubarurwa, ari byo byakwizerwa kurushaho.

Umwe mu bafite ubu bumuga, yagarutse ku bibazo bakunze guhura na byo bijyanye no kutamenya amakuru yerekeye amatora.

Yagize ati “Kuri site y’itora akenshi haba hari imiryango myinshi, ugasanga bitugora kumenya aho dutorera kuko abo muri buri Kagari n’Umudugudu baba bafite umuryango wabo.

Ibi bigaterwa n’uko amakuru y’ibanze y’uburyo amatora agiye gukorwa tutaba tuyazi”.

Simbarikure Theogène, umukozi w’Akarere ka Nyamasheke ushinzwe kwinjiza abafite ubumuga muri gahunda z’igihugu, avuga ko icyuma gikoresha amajwi gikenewe ku batabona.

Ati “Abafite ubumuga ntabwo bize cyane kubera amateka, bityo n’ubwo hakoreshwa bwa buryo bwo gusomesha intoki (Braille) mu matora, hari benshi batatora uko babyifuza kuko ubu buryo nabwo busaba ko umuntu aba yarize. Bishobotse rero haboneka uburyo bukoresha amajwi bwafasha abantu batabona gutora”.

Mutabazi Théodore, ushinzwe Sosiyete sivile mu rwego rw’Igihugu rw’Imiyoborere (RGB), avuga ko igitekerezo ku cyatuma abafite ubumuga batora bisanzuye cyakiriwe neza.

Ati “Icyifuzo batanze ni cyiza kuko kiganisha ku cyafasha abafite ubumuga bwo kutabona bakora amatora mu bwisanzure kandi mu buryo bugezweho. Mu gihe nta kibazo cy’amikoro duhuyenacyo, nta shiti ibi bikoresho byashakwa bityo buri Munyanrwanda agatora uko abyifuza”.

Mutabazi Théodore, ushinzwe Sosiyete sivile mu rwego rw’Igihugu rw’Imiyoborere (RGB)

Akomeza avuga ko n’Ikigo cy’igihugu cy’amatora (NEC), cyiteguye kwakira ibitekerezo byose byatuma amatora agenda neza kandi akanogera buri wese ari yo mpamvu ngo hagomba kuba ubufatanye bw’inzego zitandukanye kugira ngo bigerweho.

Perezida yakiriye abanyeshuri 22 biga muri Kaminuza ya Stanford yo muri Leta zunze Ubumwe z’Amerika.

Aba banyeshuri bavuye muri Kaminuza ya Stanford yo muri Leta zunze Ubumwe z’Amerika, bakiriwe na Perezida Kagame mu biro bye, mbere y’uko basubira ku masomo. Bagiranye ibiganiro na Perezida kuri uyu wa mbere tariki 3 Mata 2017.

Neha Samdaria, uhagarariye aba banyeshuri biga muri kaminuza imwe ariko bakomoka mu bihugu bitandukanye, yavuze ko bifuje kumenya uburyo u Rwanda rwashoboye kwiteza imbere, ariko bakaba bari bafite amatsiko y’uko byakozwe kandi buri muturage akabyibonamo.

Aba banyeshuri bavuze ko bishimiye kuganira na Perezida Kagame.

Yagize ati “Twaganiriye na Perezida Kagame tumubaza uburyo bakora kugira ngo iterambere rigere ku baturage, tumubaza uko ihame ry’iterambere ridaheza rishyirwa mu bikorwa. Twabajije Perezida Kagame ingamba afite mu myaka iri imbere, aradusobanurira.”

Minisitiri w’uburezi Dr. Musafiri Papias Malimba, yavuze ko kwakira aba banyeshuri mu Rwanda bituma bavamo abavugizi b’igihugu n’ibyo cyagezeho kandi bakabivuga nk’uko babibonye.

Perezida Kagame yaganiriye n’aba banyeshuri biga muri kaminuza ya Stanford ku bijyanye n’ubukungu bw’u Rwanda.

Yavuze ko zimwe muri gahunda beretswe zo guteza imbere abaturage, ari gahunda za Girinka, guhuza ibihingwa n’uburezi kuri bose.

Aba banyeshuri baje mu Rwanda bavuye muri Kenya.

Perezida Kagame yakiriye abagize itsinda ry’Abanya-Australia n’Abanya-Amerika barebaga aho bashora imari.

Aba bashoramari ni bamwe mu bagize itsinda rimaze iminsi itanu mu Rwanda, guhera ku itariki 27 kugeza kuri uyu wa gatanu tariki 31 Werurwe 2017, ubwo bakirwaga na Perezida Kagame mu biro bye.

Iri tsinda risanzwe rifite ubunararibonye mu bice bitandukanye, nk’ubuhinzi, itumanaho n’ikoranabuhanga no mu bwubatsi bw’inzu ziciriritse, rigize ihuriro rizwi nka “Australia Davos Convention (ADC)”, nk’uko byatangajwe na Michaek Roux uhagarariye inyungu z’u Rwanda i Melbourne, wari unayoboye iryo tsinda.

Perezida Kagame yasobanuye byinshi ku cyerekezo cy’u Rwanda.

Yagize ati “Nyuma y’urugendo tumazemo iminsi dukora rwagenze neza, bamwe mu bagize iri tsinda bahise bafungura sosiyete enye, abandi batazifunguye nabo biyemeje gukomeza gukorana n’u Rwanda nko mu burezi no mu guteza imbere imitangire ya serivisi.”

Yavuze ko izo sosiyete zafunguwe, imwe ari iyo kubaka inzu ziciriritse, indi ikaba ari iy’ubucukuzi bw’amabuye y’agaciro, indi ikaba iy’ubuhinzi n’ubworozi naho iya kane ikaba iy’ubuzima.

Michael Roux wari uyoboye itsinda ryakiriwe na Perezida Kagame mu Rugwiro.

Minisitiri Musoni James ushinzwe ibikorwa-remezo, yavuze ko abashinze sosiyete y’ubwubatsi bw’inzu ziciriritse bafite gahunda yo guhita batangira. Ku ikubitiro bakazubaka mu Busanza, mu Karere ka Kicukiro, mu mushinga bazakoranamo na Banki y’Iterambere y’u Rwanda (BRD).

Umubano w’u Rwanda na Australia wagiye uzamuka mu myaka yashize kuva aho byashyiraho umubano ku mugaragaro mu 2005, ibihugu byombi bikanashyiraho za ambasade zihagarariye impande zombi. Uhagarariye u Rwanda muri Australia afite icyicaro muri Singapore naho uhagarariye Australia mu Rwanda akaba afite icyicaro i Nairobi muri Kenya.

Ubucuruzi ku mpande zombi nabwo bugenda bwiyongera, kuko nk’ibyo u Rwanda rwatumije muri Australia kuva mu mwaka wa 2012-2016 byari bifite agaciro ka Miriyari 28.4 z’Amadorari y’Amerika, mu gihe u Rwanda rwohereje ibicuruzwa muri icyo gihugu bifite agaciro kagera kuri Miliyoni 3.3 z’Amadorari y’Amerika.

Microsoft yafatanyije na Leta y’u Rwanda mu gukwirakwiza mudasobwa mu mashuri abanza n’ay’ayisumbuye.

Avuga ko uburezi bw’u Rwanda bwazamutse mu myaka 10 ishize, kuva aho Microsoft ikoranye na Leta y’u Rwanda mu burezi, binyuze muri gahunda yayo y’abatanyabikorwa mu kwigisha n’uburezi bigamije impinduka.

Yagize ati “Iyi gahunda ifasha Minisiteri y’Uburezi gusuzuma byimbitse uburyo ikoranabuhanga ryahindura imyigire kugira ngo ijyane n’ireme rikenewe ku banyeshuri bo mu kinyejana cya 21.”

Kugeza ubu mudasobwa ibihumbi 130 zamaze gukorwa, muri zo ibihumbi 60 zagejejwe mu mashuri.

Sebuh Haileleul, umuyobozi wa Microsoft muri Afurika y’Iburasirazuba n’iy’uburengerazuba.

Haileleul yavuze ko intego y’iyi gahunda ya Mirosoft igamije impinduramatwara mu burezi, ari ugufasha abanyeshuri kongera ubumenyi muri tekinoloji nabo bakihangira udushya.

Ati “Intego ni ukongera udushya no kongera ubumenyi buzahanga imirimo mu banyeshuri n’abarezi. Bizagerwaho abarezi n’abayobozi b’ibifo nibafashwa guhuza no gukorana neza.”

Microsoft yazanye mu Rwanda n’uburyo bwa Microsoft Innovative Educator (MIE) Trainer Academy, bufasha abarezi kwihugura bifashishije ikoranabuhanga. Kugeza ubu abarezi ku rwego rw’ikirenga 21 barahuguwe, nabo bahugura abarimu bagera ku bihumbi 60.

Haileleul avuga ko Microsoft yiteguye gukomeza kuzamura uburezi, inyuze no mu zindi gahunda nk’iya School Broadband connectivity, izafasha abanyeshuri biga za siyansi na tekinoloji n’imibare kwiga mu buryo bworoshye.

Abahuguwe n’abarimu n’abayobozi ba Kigali Today bafata ifoto y’urwibutso.

Abasoje amahugurwa yo gufotora ni abahungu n’abakobwa harimo abasanzwe ari abanyamakuru, abanyeshuri n’abikorera bagize abanyeshuri 122 bamaze guhugurwa kugeza ubu kuva iki kigo cy’amahugurwa cya Kigali Today cyatangira muri 2015.

Jean Pierre Twizeyeyezu, umwe mu banyeshuri basoje aya mahugurwa usanzwe ari umunyamakuru ukenera amafoto mu kazi ka buri munsi, yavuze ko uretse kumenya gufotora bya kinyamwuga, yanize uko yitwara iyo ari gushaka amafoto. Afite gahunda yo gukora akazi ke neza agatanga amafoto asobanutse.

Jea Charles Kanamugire, umuyobozi wa Kigali Today.

Yagize ati “Ubu twizeye gukora akazi neza, kuko twamenye ibikenerwa byose kugira ngo umuntu agire ifoto nziza. Ikirenzeho ni uko batwigishije ikinyabupfura nuko umuntu atagongana n’abandi bashinzwe umutekano ushaka amafoto.”

Jean Charles Kanamugire, umuyobozi wa Kigali Today, yavuze ko kampani ayobora yasanze ikibazo cy’abafotozi ari kimwe mu cyo bagiraga, biyemeza guhugura abanyamakuru b’umwuga mu bufotozi ariko badasize n’ababo.

Gaby umwe mu barimu bamaze igihe kirekire batoza abafotozi b’umwuga.

Ati “Kugeza ubu umusaruro uragaragara uhereye ku bo dukoresha, ikibazo twagiraga mbere cy’amafoto ubu cyarakemutse kandi twizeye ko n’aba twahuguye bazagenda hanze bakagira uruhare mu guhindura isura y’uko abantu babona amafoto.”

Kanamugire yasobanuye ko kuba bamaze kugera ku byiciro bitandatu, ari uko babonye ko hari ikibazo gikomeye mu Rwanda mu mwuga w’ubufotozi.

Kandi bakaba biteguye gukomeza iyi gahunda, kuko icyigo cy’amahugurwa cya Kigali Today gifite gahunda yo kongera igihe cyo guhugura ukwezi bahuguraga kukongerwa.

Bamwe mu bakobwa binjiye mu mwuga wo gufotora by’umwuga.

Nzabandora Abdallah uhagarariye gahunda ya NEP-Korawigire y’Ikigo cy’igihugu gishinzwe Ubumenyingiro (WDA), yavuze ko iyi gahunda ari imwe muri gahunda za leta zo kugabanya ubushomeri mu rubyiruko.

Ati “Niyo mpamvu izi gahunda zigenda zitegurwa kugira ngo twongerere ubumenyi Abanyarwanda mu nzego zitandukanye tugire abantu bafite ubushobozi bunganire gahunda y’ubuyobozi yari isanzwe ihari.”

Uretse aba bahuguwe n’iki kigo cy’amahugurwa, hari n’abandi batekinisiye ba radiyo cyahuguye bagera kuri 60.

Ubuyobozi bwa Kigali Today buvuga ko izi gahunda zizakomeza ariko hakazakomeza no kurebwa gahunda zikenewe mu gihugu zigifite icyuho.

Bamwe mu bagana gishe za BK bemeza ko ziri mu za mbere zihuta kwakira abakiriya mu Rwanda.

Kuri uyu wa mbere tariki 23 Mutarama 2017, nibwo Banki ya Kigali (BK) yizihije isabukuru y’imyaka 50, bituma ari yo banki ya kabiri mu Rwanda imaze igihe kirekire ishinzwe, nyuma y’icyahoze ari Banki y’Ubucuruzi (BCR) ubu yabaye I&M Bank.

Bamwe mu bakiriya b’iyi banki banayimazemo igihe kirekire, bemeza ko ari imwe mu ma banki make mu gihugu azi icyo umukiriya yifuza harimo no kuba yorohereza abakiriya mu kubona serivisi zitandukanye.

Sindikubwabo avuga ko yahawe inguzanyo bimworoheye kandi bitarenze icyumweru.

Sindikubwabo Theobard, umwe mu banyamuryango ba BK, avuga ko yatangiye ubucuruzi abikesha inguzanyo yahawe na BK nyuma yo guhagarika akazi k’umushahara.

yagize ati “BK yampaye inguzanyo kandi iyimpa mu buryo bwiza. Mu bwoko bw’inguzanyo zitandukanye igira ubwo wahisemo iyo ubyujuje ku rupapuro bahita babikora vuba cyane. Ikindi nshima ni uburyo yihutisha abantu ku ma gishe ugasanga nta bantu batinda cyane.”

Umuyobozi w’icyubahiro wa BK Marc Holtzman n’umuyobozi mukuru Diana Karusisi bakata gato y’isabukuru y’imyaka 50.

Uwimana Ephrem we akorera sosiyete y’ubucuruzi ikorera mu Mujyi wa Kigali, aho ashinzwe kubitsa amafaranga, avuga ko yumvise amakuru kuri bagenzi be ko bagiye baborohereza ku nguzanyo, ndetse n’umukoresha we akaba abihamya.

Ati “Ariko mu buryo bwo kwiyegereza abantu bakuraho ya 500Frw baca abantu y’imisoro, kugira ngo bifatwe nko gufata ababagana neza.”

Umuyobozi mukuru wa BK, Diana Karusisi, yavuze ko inyungu no gukora neza bagezeho babikesha ubuyobozi buriho, kuko urebye mu myaka 20 ishize ari bwo iyi banki yagize ibikorwa bikomeye.

BK izakorana na Minisiteri y’Ubutegetsi bw’igihugu mu gukwirakwiza izi paneaux solaire.

Ati “Iyi ni intangiriro y’ibyiza kuko dufite gahunda nyinshi, ariko navuga ko mu minsi iri imbere tugiye gushyira ingufu mu korohereza abakiriya, ntibazongere gukora ingendo baza kuri za gishe gukora ihererekanyamafaranga ahubwo bakifashisha ikoranabuhanga aho bari.”

Mu kwizihiza iyi sabukuru, BK irateganya gukora ibikorwa bitandukanye byo kwitura abaturage, birimo guha umuriro ingo 500 mu gihugu no gutera ibiti mu Karere ka Nyagatare.

Dixie State University ishaka gukorana n’abifuza kwiga muri Amerika.

U Rwanda, Kenya na Nigeria ni bimwe mu bihugu byo muri Afurika iyi kaminuza yashyiriyeho amahirwe kubera uburyo biri kwigaragaza ku ruhando mpuzamahanga, nk’uko Peter Gitau, umuyobozi wungirije ushinzwe ibikorwa bigenewe abanyeshuri yabitangaje, kuri uyu wa kabiri tariki 10 Mutarama 2017.

Yagize ati “Nizera ko Abanyarwanda benshi batekereza nk’uko ntekereza ko uburezi ari wo murage wa mbere. Nubwo abenshi nta bushobozi bafite ariko ni cyo kintu umubeyi yaraga umwana we kikazamugeza kure. U Rwanda rero ukurikije uburyo rwiyubaka n’uburyo ruhagaze ku ruhando rw’isi ndetse n’amahirwe ahari wahita wemeza ko abaturage bashyize imbere uburezi.”

Peter Gitau, afite impamyabushobozi ya PHD akaba n’umuyobozi wungirije uhagarariye ibikorwa bireba abanyeshuri.

Yavuze ko iyi kaminuza yahisemo kuza gukorera ubukangurambaga mu Rwanda, kuko bahabona icyizere cy’ahazaza ku buryo hazakenerwa abantu bafite ubumenyi bukarishye, cyane cyane nk’ubw’amakaminuza yo muri Amerika ari ku rwego mpuzamahanga.

Amahirwe Gitau avuga ko ari ho ni uko umunyeshuri ubashije kwishyura amafaranga y’ishuri y’umwaka cya mbere angana n’amadolari 2,250, abasha kurihirwa agera ku madolari 4,500, ariko akaba agomba uba yagize byibura amanota ari ku kigero cya GPA kingana na 3.2.

Gitau azahura n’abanyeshuri batandukanye mu rwego reo kubasobanurira ibyo kubona amahirwe yo kwiga muri iyi kaminuza. Ikiganiro kizabera kuri Beausejour Hotel, kuri uyu wa gatatu no kuwa kane tariki 11 na 12 Mutarama 2017.

Dixie State University iherereye muri Leta ya Utah muri Leta zunze Ubumwe z’Amerika. Yashinzwe mu 1911, ikaba itanga amasomo atandukanye mu cyiciro cy’amashuri bitandukanye na kaminuza agera kuri 20.

Harimo ibikoresho byinshi kuva ku myambaro. byose bikorerwa mu Misiri.

Iri murikagurisha ryari ryatangiye tariki 30 Ugushyingo 2016, ryagombaga kurangira tariki 13 Ukuboza ariko abariteguye bavuze ko Abanyarwanda bashimishijwe n’ibyo bateguye ku buryo bahisemo kongera iminsi.

Mohamed Khahlil Mahmoud uyobora sosiyete Egyptian House, yavuze ko iki gikorwa ari intangiriro kuko bifuza kuzana ibikorwa byinshi mu Rwanda, kubera ukuntu igihugu cyorohereza abashoramari.

Mahmoud (wambaye ishati itukura) uyobora Egyitian House na Mohamed (wambaye ishati y’umukara) hamwe nabo bakorana.

Yagize ati “U Rwanda turufata nk’igihugu cyacu cya kabiri kubera umutekano n’uburyo Abanyarwanda bakira ababagana. Twifuza ko ubuzima bwacu bwose bwakwibera aha, kandi tugatanga umusanzu wacu mu gutuma abaturage babaho neza duhanga imirimo.”

Yavuze ko kugeza ubu ntacyo yanenga leta kuko yabafashije mu bishoboka byose, ariko agasaba Abanyarwanda ko bakwiye gukora cyane kugira ngo biteza imbere, kuko ari ho hantu honyine ubona badashyiramo ingufu.

Ibikoresho byo mu gikoni nabyo ubisanga muri iri murikagurisha.

Mugezi we Ayiman Mohamed, we umaze imyaka umunani mu Rwanda, yavuze ko asanzwe afite ibikorwa byinshi by’ubucuruzi hirya no hino ku isi ariko akaba yifuza kubyimurira mu Rwanda, bitewe n’urugwiro yasanganye Abanyarwanda.

Ati “U Rwanda ni igihugu kuva ku mukuru w’igihugu kugera ku mutage wa nyuma usanga buri kimwe kiba cyorohejwe bitandukanye n’ahandi usanga buri kimwe kiba cyakomejwe. Ibyo bituma nkatwe twifuza gushora imari bitworohera kuko uba wizeye ko igoshoboro cyawe kitazangirika.”

Fulgence Hakizuwera, umwe mu baguze inkweto muri iri murikagurisha, yavuze ko abantu bakunda ibikorwa by’Abanyamisiri kuko biba ari umwimerere kandi bikomeye ugereranyije n’abandi baza kumurika mu Rwanda.

Hari gahunda ko iri murikagurisha riri kubera i Remera i ruhande rwa Stade ya FERWAFA, ryazajya riba byibura gatatu mu mwaka, bikazatangira umwaka utaha.

Zimwe mu ntebe zituruka mu Misiri.

Minisitiri Uwacu ni umwe mu bayobozi bari batumiwe gutanga ibitekerezo.

Mu bushakashatsi Save the Children yamuritse kuri uyu wa gatanu tariki 25 Ugushyingo 2016, bwagaragaje ko mu bantu 74 babajijwe mu turere dutatu tw’igihugu abana bashishikajwe no kumenya ibiri mu bitabo by’inkuru n’ubwo hariho imbogamizi zo kuba batuye ahantu bigoranye kubibagezaho, kuba bitari mu Kinyarwanda no kuba ibyandikwa biba bidahuje n’ibyo bifuza.

Sofia Cozzolino, umujyana w’umushinga Mureke Dusome, yavuze ko batumije abanditsi b’inkuru z’abana, kugira ngo babumvishe akamaro ko gukora ibitabo abakiri bato biyumvamo ariko banarebere hamwe imbogamizi zihari.

Save the Children yaganiraga n’abanditsi b’ibitabo by’abana uko bakora mu kongera ubwiza bw’ibyo bakora.

Yagize ati “Aba banditsi ni Abanyarwanda kandi bazi neza ukuri ku muryango Nyarwanda. Ni ingenzi rero ko twita ku bandika mu Rwanda kuruta uko twashyira imbaraga ku banditsi mpuzamahanga.”

Umushinga Mureke Dusome ubu uri mu turere 12 tw’ gihugu, aho ukora ibikorwa byo gukangurira abaturage gutoza abana babo umuco wo gusoma, ukanakwirakwiza ibitabo by’inkuru mu mahuriro yo gusoma y’abana ku buryo byorohera abana kubigeraho.

Vincent Twagiramungu, ukora mu icapiro rya Iga Publishers akaba yungirije n’umuyobozi w’ishyirahamwe ry’abanditsi b’ibitabo, yavuze ko bishimiye uburyo imiryango nka Save the Children, USAID na Leta y’u Rwanda byiyemeje kubafasha kugira ngo bageze ibitabo byinshi ku isoko.

Ati “Twifuza ko hanashyirwaho urwego rushinzwe gusuzuma ibitabo kugira ngo babashe kudufasha kugira ibitabo byinshi kandi ku giciro gishobokera buri wese.”

Aba banditsi ariko banagaragaje zimwe mu mbogamizi bahura nazo zirimo kuba bamwe mu batanga amasoko muri leta batumva neza inkuru zagenewe abana. Umwe ati “Hari igihe muri leta baguha isoko ryo gukora igitabo wamara kukirangiza ukumva arakubajije ati ‘nta nka yambara ipantaro’.”

Minisitiri w’umuco na Siporo, Julienne Uwacu, wari umushyitsi mukuru muri ibi biganiro, yibukije abanditsi uruhare rwabo mu gufasha igihugu kurera abayobozi b’ejo hazaza. Ati “Tubashimira ubwitabire n’umuhate mugaragaza mu kazi kanyu kuko abasoma ubu ni bo bazavamo abayobozi b’ejo.”

Ubu bushakashatsi bwagaragaje ko ari ingenzi ku babyeyi gufatanya n’abarezi kugira ngo abana bakurane umuco wo gusoma kuko ari wo musingi uhamye wo kuvoma ubumenyi bw’ingirakamaro kuri ejo hazaza habo. Muri ubwo buryo harimo kubarira abana inkuru ku babyeyi batazi gusoma no gusomera abana inkuru zitandukanye ku babyeyi bazi gusoma.

Ubu bushakashatsi bwakorewe ku bantu 74 baturutse mu turere dutatu dutandukanye. Muri bo harimo 22.7% baturuka mu mujyi, 14.8% baturuka mu gace kegereye umujyi naho 62.5% baturutse mu gace k’icyaro.

Igice cyahiye ni igikorerwamo Bar na Resitora abagana Bambino biyakiriramo.

Umwe mu bapolisi bakuru utifuje ko amazina ye atangazwa, wari uhari ubwo imodoka yagenewe kuzimya inkongi z’umuriro yari itangiye akazi, yatangarije Kigali Today ko amwe mu makuru batangiye kwegeranya harimo n’iyi "transformateur" (icyuma cyongera cyangwa kikagabanya ingufu z’amashanyarazi) yari iri mu byakuwe ahahiye.

Yavuze ko iyo "transformateur" igaragara ko ari inkorano, ari kimwe mu byo bazifashisha bareba icyateye iyi nkongi.

Transformateur ikekwa na Polisi kuba mu ntandaro z’iyi nkongi.

Hahiye inzu yakoreragamo "Bar" na Resitora abagannye "Bambino Super City" biyakiriramo. Ibyahiriyemo birimo ibyuma bikonjesha ( firigo, Congerateurs) ibyuma biteka (Cuisiniers) n’ibikoresho byifashishwa muri restora, nk’amasahani n’intebe; nk’uko umuyobozi w’iki kigo Gatarayiha Augustin yabitangaje.

Yagize ati “Ibyo ari byo byose bishoboke kuba ari amashanyarazi, kuko nta muriro wacanwe, nta muntu wakoraga, nta n’umuntu wari urimo. Hari hazimye hose uretse ama-congerateurs n’amafirigo biba bicometse.”

Yavuze ko inkongi yatangiye ahagana mu ma saa 10h10, ubwo bari mu mirimo y‘ubwubatsi, bagahuruzwa ko Bar na Resitora bihiye. Yavuze ko ubusanzwe ayo masaha nta kazi kaba kahakorerwa, uretse amafirigo aba acometse.

Ati “Nta muntu wakomeretse n’abaje gutabara bose batangiye gusakambura ariko ntihagira ukomereka.”

Kizimyamoto ya Polisi yaje icubya umuriro.

Yavuze ko hakiri kare ku buryo bahita babarura ibyangiritse nubwo yemeza ko ari byinshi hakiyongeraho n’inyubako yasenyutse bayizimya. Ariko yizeza abakiliya babo ko izindi serivisi zose batanga uretse aho biyakirira zizakomeza nk’uko bisanzwe mpera z’icyumweru (week-end).

Yavuze ko ari bwo bwa mbere bahura n’ikibazo cy’inkongi mu myaka igera kuri 10 bamaze batangiye gukorera muri iki kigo giherereye mu Karere ka Kicukiro mu Murenge wa Masaka.

Bambino bisobanura umwana mu rurimi rw’Igitaliyani. Bambino Super City yatangiye imirimo yayo mu mwaka wa 2008.

Isanzwe ihuriramo abana bidagadura kandi bakiyungura ubumenyi, binyuze mu mikino no kwidagadura.

Andi mafoto

Nubwo bari bazimije umuriro ariko wakomeje gucumbeka.

Abakozi bakoze uko bashoboye mu gukiza ibikoresho byari mu nyubako.

Gatarayiha, umuyobozi wa Bambino, asobanurira Polisi yaje kuzimya uko babonye inkongi itangira.

Ibyo biti byari inkingi z’ahari iyi Bar na Resitora.

Eran Feinstein, umuyobozi wa DPO.

Iki cyemezo kizwi nka Payment Card Industry Data Security Standard (PCI DSS), ni cyo cyemezo gikuru gihabwa ibigo bikora muri serivisi zo guhererekanya amafaranga, igaragaza ko ikigo kigifite kiba kizewe.

Byabaye nyuma yo gukora isuzuma ryakorewe ku kicaro cy’iyi sosiyete giherereye muri Afurika y’Epfo nu ku bindi byicaro ifite mu bihugu bitandukanye birimo Kenya, Tanzania, Uganda, Ethiopia, Namibia, Nigeria, Rwanda, Botswana, Ghana, Zambia, Malawi na Zimbabwe.

Ibigo bikomeye ku isi mu guhererekanya amafaranga hifashishijwe ikoranabuhanga nka Visa, MasterCard na American Express nibyo byashyizeho iki cyemezo.

Eran Feinstein, umuyobozi wa DPO, yavuze ko iki cyemezo bagihawe kubera intego bihaye yo gukorera ku bipimo byemewe ku isoko mpuzamahanga, kandi bakifuza ko amafaranga y’abakiriya babo acungwa mu mutekano.

Yagize ati “Twakira tukanakwirakwiza amafaranga aturuka mu bice bitandukanye birimo ayoherezwa kuri telefone, amakarita kandi mu buryo butekanye. Iki cyemezo kirerekana ko turi ku rwego mpuzamahanga.”

Offer Gat, umuyobozi mukuru wa DPO, we yavuze ko guhabwa iki cyemezo bigaragaza ko bakoreye ku rwego ruhanitse mu isoko ryo guhererekanya amafaranga mu ikoranabuhanga.

Ati “Duha serivise amahoteri, amakompanyi y’indege, ibigo by’ubukerarugendo, amashuri, ubwishingizi n’ubucuruzi bukoresha amafaranga mu ikoranabuhanga, niyo mpamvu tugomba kugaragaza ubudasa mu bijyanye n’ayo mafaranga n’ayo makuru.”

Uretse iki cyemezo Direct Pay Online ifite uburyo bukomeye bwo kwirinda kwibwa amafaranga iyi sosiyete yakoreye isoko ry’Afurika. Ubu buryo kandi bukorana na Visa, Mastercard, American Express, M-PESA, Airtel Money, MTN Money, Tigo na mVisa.

Batanu mu bakobwa batsindiye kugera finale.

Ni muri urwo rwego iyi kaminuza yateguye irushanwa rya Nyampinga na Rudasumbwa 2016, kugira ngo bayifashe gushyigikira ihame ry’uburinganire, nk’uko Callixte Kabera, umuyobozi mukuru wa UTB yabitangarije abanyamakuru kuri uyu wa kabiri tariki 26 Nyakanga 2016.

Yagize ati “Ni igikorwa duha agaciro kuko tumaze amezi hafi atatu gitegurwa kandi twanatanze isoko. Ubu ingengo y’imari twakigeneraga twayikubye kabiri, cyane cyane ko hari n’ishami rya Rubavu.

Abahungu batanu bazahatanira kuba ba Rudasumbwa.

Uburemere tugiha rero ni uko tugaragaza abo banyeshuri barangije bakitinyuka, bakajya hanze bagaseruka, bakavuga ibyo bazi, ubumenyi, umuco Nyarwanda. Bakavuga intego zabo n’ibyo bazamarira umuryango Nyarwanda.”

Yavuze ko umusaruro bagiteganyamo ni uko abagiye banyura muri aya marushanwa bagiye bazamura amazina yabo, bakabona akazi keza bitewe no kwigaragaza. Yongeraho ko bizanongera imikoranire yabo n’abaturage bigirire akamaro igihugu.

Uko ari 10 bose bagiye kujya muri Boot camp mbere ya finale.

Kugeza ubu 10 bazahatanira ikamba rya Nyampinga na Rudasumbwa UTB 2016 baramenyekanye.

Bagiye gukurikizaho guhurizwa hamwe bigishwe indangagaciro n’umuco wa Kinyarwanda, bitegura finale izaba tariki 6 Kanama 2016, mbere y’uko amasomo y’umwaka utaha atangira tariki 12 Nzeri 2016.

Umunyamabanga nshingwabikorwa w’uyu murenge, Karamuzi Godfrey, yabitangarije mu mugoroba wo kwibuka, kuri iki cyumweru tariki 10 Mata 2016, nyuma y’uko muri iki cyumweru cyo kwibuka hari uwagaragaye avuga amagambo apfobya ibikorwa byo kwibuka.

Abaje kwibuka ababo bamarwa n’agahinda.

Yagize ati “Uwe mu baturage yaravuze ati “Ese turibuka twibuka iki! Ubu se tuzibuka kugeza ryari!?” bigaragara ko yapfobyaga. Icyo twakoze twashyikirije raporo Polisi ngo ibikurikirane.

Ntago muri uyu murenge tuzihanganira umuntu ushaka kuzana ingengabitekerezo mu bandi kuko azahanwa bikomeye. Ikindi tugerageza kuganiriza urubyiruko rutazi amateka ya Jenoside kugira ngo narwo rutagwa muri uwo mutego.”

Gitifu w’Umurenge wemeza ko bazakomeza kurwanya ingengabitekerezo ya Jenoside

Yavuze ko hibutswe Abatutsi bashyinguye mu Rwibutso rwa Kibagabaga bari hagati y’ibihumbi 23 na 25 babashije kubona ariko abiciwe muri aka gace bakaba babarirwa mu bihumbi 30 kuko hari indi mibiri itaraboneka.

Nyuma y’imyaka 21 abatuye Kimironko baharokokeye baracyakomeje intambwe y’ubwiyunge, kandi bakaba babifashwamo na gahunda za leta z’ubwiyunge na “Ndi umunyarwanda”, nk’uko bitangazwa n’uwitwa Sizeri Marcelin uhakomoka wanaharokokeye.

Abayobozi mu nteko bashyira indabo ku mva.

Avuga ko yari afite umuryango munini ariko abarokotse ni mbarwa, kuko abenshi baguye mu kiliziya kandi bari bizeye ko ari ho bari bubone ubuhungiro. Avuga ko we yarokowe n’inkotanyi azisanze muri Stade Amahoro aho zarokoye n’abandi.

Umwihariko wo muri Kimironko ni uko abantu benshi biciwe mu nsengero kuko ari ho bari bizeye kurokokera, kandi ubwicanyi bukaba bwarakozwe ku itegeko rya Kabuga Felicien, ufatwa nk’umwe mu banogeje umugambi wa Jenoside, wari uhatuye.

Habanje urugendo rwo kwibuka.

Iri murika yise “The conscious mind” rizaba kuri uyu wa gatandaturariki 26 Werurwe 2016, riri mu rwego rwo gukomeza gukundisha Abanyarwanda ibihangano by’ubugeni, nk’uko yabitangarije Kigali Today.

Imurikabugeni rya Buregeya rizaba kuri uyu wa gatandatu.

Agira ati “Iyo witegereje ibihangano ugira amaranga mutima atandukanye bitewe n’uburyo bikozemo, amarangi, amabara atandukanye. Ubutumwa aho rero niho umutima nama nashatse gukoraho uherereye.”

Avuga ko iri murika rigammije kandi kwerekana ubugeni by’umwuga hakoreshejwe amarangi, bikubiyemo ubwiza n’ubutumwa. Akaba ari ho ahera yemeza ko ubugeni bukozwe neza bwafasha abene gihugu kwerekana ibyiza umuco, amateka, ubutwali by’Umunyarwanda.

Buregeta mu kazi ashushanya.

Kuri we n’ubwo ubugeni butaramenyerwa mu Rwanda ku buryo bwakwinjiriza menshi ubukora, avuga ko abantu bakwiye kubufata nk’akandi kazi kose bakakubaha. Akongeraho ko kandi bugaragaza ibyiza by’igihugu cyane cyane iyo yagiye gukora imurika hanze yacyo.

Naho ku kibazo gikunze kwibazwa na benshi niba imyuga nk’iyi ishobora gutunga nyirayo, Buregeya avuga ko nta kabuza byatunga ubikora mu gihe abishyizemo umwuga.

Aho akorera usanga amashusho menshi agurishwa ari hagati y’ibihumbi 200Frw n’ibihumbi 40Frw. Abenshi mu baguzi b’ubugeni Nyarwanda ni abanyamahanga n’abanyamahoteli akorera imbere mu gihugu.

Mu kiganiro bagiranye cyanitabiriwe na Romeo Dallaire wari uhagarariye ingabo za Loni mu gihe cya Jenoside, Perezida Kagame yababwiye ko ntawe ukwiye kurebera Afurika mu isura ya ruswa kuko iri hose ku isi, ahubwo ko igikwiye ari uguhangana na yo aho yaturuka hose.

YPO ihuriyemo abayobozi b’ibigo bikomeye ku isi bakiri bato mu myaka ariko bashobora gufata ibyemezo bikomeye.

Perezida yasabye abayobozi bakiri bato kutareba Afurika nk’umugabane wamunzwe na ruswa kuko iri ku isi hose.

Izi ntumwa zari mu itsinda ry’abantu 23 zari mu Rwanda kuva tariki 8 kugeza 10 Gashyantare 2016, aho zarebaga uko u Rwanda rwitwara mu bijyanye no gutegura no kohereza abasirikare n’abapolisi mu butumwa bw’amahoro.

Gen. Nyamvumba yabasobanuriye ko u Rwanda rufite ubushake bwo gukomeza kubungabunga amahoro ku isi.

Mu biganiro bisoza uru ruzinduka zagiranye n’umugaba mukuru w’ingabo w’u Rwanda, General Patrick Nyamvumba, zatangaje ko u Rwanda rugaragaza ubwitange mu kubungabunga amahoro ku isi.

Nyuma yo kwerekwa ibikobwa bitandukanye by’ingabo z’igihugu, harimo n’Ishuri rya Gako, Rick Martin, umuyobozi mukuru ushinzwe Icungamari yanditse mu gitabo cy’abashyitsi, avuga ko u Rwanda rugaragaza ubunyamwuga mu gukora ibishoboka byose ngo amahoro arindwe.

Yagize ati “Ibyo u Rwanda rukora muri iri shuri bigaragaza ubwitange n’ubunyamwuga mu gutegura ubutumwa bw’amahoro ari nabyo bishimangira ikizere Umuryango w’Abibumbye ufitiye u Rwanda mu bikorwa byo kubungabunga amahoro.”

Gen Nyamvumba, yijeje izi ntumwa ko Ingabo z’u Rwanda zizakomeza kugira uruhare mu bikorwa byo kubungabunga amahoro.

Izi ntumwa nazo zatangaje ko zashimye ubwitange u Rwanda rugaragaza mu gutegura abajya kurinda amahoro.

Ati “Igihugu gifite ubushake bwo gukomeza gutanga umusanzu mu bikorwa byo kubungabunga amahoro. Tuzi neza ko iki gikorwa habamo ingorane, ari nayo mpamvu dutegura abasirikare kugira ngo bajye mu kazi basobanukiwe ko ari ubwitange.”

Muri uru ruzinduko izi ntumwa zaganiriye n’Ubuyobozi bwa RDF na Polisi y’igihugu ibijyanye n’ibikoresho, uburyo byishyurwa n’imbogamizi mu gihe cyo gutegura no mu bikorwa nyir’izina byo kubungabunga amahoro, nk’ibijyanye n’imibereho myiza y’abasirikare n’abapolisi boherezwa mu butumwa.

U Rwanda ubu ni igihugu cya gatanu mu bifite umubare munini w’abasirikare n’abapolisi mu butumwa bw’amahoro hirya no hino ku Isi. Ubu rufite abasirikare n’abapolisi 6,596 bari mu butumwa.

Banasuye ikigo cya Gisirikare cya Gako birebera uko imyitozo itandukanye itangwa.

Kuva mu 2004 kugeza ubu u Rwanda rumaze kujya mu butumwa 14 butandukanye, aho rumaze kohereza abasirikare 44,883 n’abapolisi 3,894 hirya no hino ku Isi.

Iki kiganiro yatanze kuri uyu wa Kabiri, tariki 9 Gashyantare 2016 nyuma y’umunsi umwe iyi nama itangiye, Perezida Kagame yibanze ku buryo u Rwanda rufata inkunga n’uburyo zirufasha mu kwiyubaka.

Perezida Kagame yatanze ikiganiro ku Rwanda n’ahazaza harwo.

Yagize ati “Inkunga si ikintu twifuza guhora dutezeho amaso iteka. Twifuza kuzikoresha mu kubaka ubukungu bwacu n’inzego z’igihugu cyacu.

Yakomeje agira ati “Icyerekezo cyacu ni uko tuzagera aho twifasha ubwacu kandi tugateza imbere igihugu cyacu, tugakurura abashoramari kandi tugakora n’ubucuruzi.”

Perezida Kagame yanakomoje ku matora ya referandumu aherutse kuba, avuga ko icya ngombwa ari ibyo Abanyarwanda bifuza kandi batekereza, ari na byo bashyize mu bikorwa.

Perezida Kagame ni umwe mu bari bategerejwe gutanga ikiganiro.

Yavuze ko Abanyarwanda batima amatwi abatarishimiye referandumu ariko ahamya ko uko byagenda kose ari amahitamo y’Abanyarwanda azakurikizwa kuko ari ahazaza habo.

Ikiganiro cya Perezida Kagame ni kimwe mu byari bitegerejwe muri iyi nama, kimwe na Perezida wa Amerika, Barack Obama na Minisitiri w’Intebe wa Misiri, Sherif Ismail.

Iyi nama iriga ku miyoborere ya za guverinoma n’uburyo zishyiraho gahunda ziteza imbere kandi ziha demokarasi abaturage.

Ikigo gishinzwe amakoperative mu Rwanda (RCA) cyahaye uburenganzira sosiyete ya MobiCash isanzwe ikora ibiyanye n’ihererekanya mafaranga ryifashisha kuri telefoni, bwo gufasha abakiriya ba za SACCO aho bari hose kujya babikuza, kubitsa no kohereza amafaranga batiriwe bagana SACCO.

Ubusanzwe uwakeneraga amafaranga muri SACCO yasabwaga kujya ku murenge ariko ubu bazajya babikuza bifashishije telefoni aho aba agents za MobiCash bari.

Francisca Mukakarangwa, ushinzwe ishami rihuza ibikorwa by’Imirenge SACCO muri RCA, avuga ko ubu buryo buzagira uruhare mu kongera ubukungu ari nako buca kugendana amafaranga mu ntoki.

Agira ati “Ubwo SACCO zigiye gutangira kwegera abantu kugera ku rwego rwo hasi, bizaborohera gukoresha ikoranabuhanga rya MobiCash mu koherezanya no kubitsa amafaranga nko kwishyura muri Rwanda revenue mu buryo buboroheye.”

Yongeraho ko gukoresha MobiCash bizafasha za SACCO kwegera abatari bafitemo amakonti kandi zinakashobora kugira imibare nyayo y’uburyo abazigana bazikoresha.

Ati “Turakangurira abantu gukoresha ikoranabuhanga muri SACCO kugira ngo bashobore kugera kuri serivise bifuza z’amafaranga.”

Kugeza ubu mu Rwanda hari ibigo bya SACCO 416 mu mirenge yose, 122 muri byo byamaze kwemera kuzakoresha ubu buryo bukoresha telefoni ari ko butagize umurongo n’umwe wa telefoni bushamikiyeho.

Pascal Nyagahene, umuyobozi wa MobiCash mu Rwanda, avuga ko abazajya bakoresha ubu buryo bazajya babasha kwishyura serivisi zitandukanye z’ibanze, nka RRA, amafaranga ya VISA, umuriro, ikarita ya telefoni no kohereza no kwakira amafaranga. Ati “Dushaka ko abantu benshi bakoresha MobiCash mu gukora ibibanogeye.”

Sosiyete ya MobiCash ibifite abakozi bagera kuri 250 birya no hino mu gihugu batanga serivisi z’amafaranga, aho bafasha abaturage gukoresha ubu buryo. Ubyifuza nta kindi asabwa uretse kwitwaza indangamuntu ye gusa, akajya abitsaho nk’ukoresha konti ya banki.

Kuri uyu wa mbere tariki 11 Mutarama 2015, bagendereye intara eshatu ari zo Uburasirazuba, Amajyepfo n’Amajyaruguru.

Umuyobozi wa Polisi, IGP Emmanuel K. Gasana yakoreye urugendo mu Ntara y’Iburasirazuba, mu gihe mu Ntara y’Amajyaruguru DIGP Dan Munyuza ushinzwe ibikorwa yari mu Majyepfo naho DIGP Juvenal Marizamunda ushinzwe ubuyobozi n’abakozi na we ari mu Majyaruguru, bose batanga ubutumwa bw’umwaka Perezida Kagame yageneye abapoisi.

Ifoto y’urwibutso y’abayobozi bakuru muri Polisi.

IGP Gasana asoma ubu butumwa aho yari mu ishuri rya Gishari yagize ati “Ibikorwa byanyu bya buri munsi bikwiye kurangwa no kumva inshingano mufite, kwitonda, ubunyamwuga kandi biherekejwe n’indangagaciro.

Kugira ngo dukomeze imihigo kandi tunarenzeho dukwiye kugendana n’igihe kandi tugakorana ingufu igihe cyose.”

Abapolisi bari gusomerwa ubutumwa bw’umwaka Perezida Kagame yabageneye.

Muri ubu butumwa abayobozi ba Polisi basomera abapolisi bugira kandi buvuga no ku bigwi bya Polisi y’igihugu uyu munsi buti “Twabashije gushyiraho inite eshanu za Polisi zikorera muri Centre Afrique, Haiti na Sudani y’Epfo, dufite amashuri atatu ya Polisi ari ku rwego rwo hejuru n’ibikoresho bigezweho byifashishwa mu kazi ariko turacyifuza gukomeza kugera kure.”

Umujyi wa Kigali n’Intara y’Iburengerazuba nizo zitahiwe, bikazasurwa kuri uyu wa kabiri.

Tariki 17 na 18 Ukuboza 2015 nibwo abaturage bitabiriye aya matora ya kamarampaka (referandumu), yagombaga kwemeza niba rubanda rushyigikiye ko Perezida Kagame yakongera kwiyamamaza nyuma y’uko manda ye ari nayo ya nyuma isoreje mu 2017.

Itanagzo NEC yashyize ahagagara.

Ibi byaje bikurikira ubusabe bw’abaturage bagera kuri miliyoni enye bandikiye inteko ishinga amategeko basaba ko itegeko nshinga ryavugururwa Perezida Kagame agakomeza kuyobora, bitewe ahanini n’obyo bashima bagezeho ku buyobozi bwe.

Kugeza ubu itegeko nshinga ryamaze guhindurwa cyane cyane ku ngingo zivuga kuri manda z’umukuru w’igihugu n’izindi ngingo zitandukanye zitari zinoze muri iri tegeko nshinga. Hagati aho haracyategerejwe ijambo rya nyuma rya Perezida Kagame niba azemeza ko azongera kwiyamamaza.

Amasezerano yashyizweho umukono kuri uyu wa kabiri tariki 15 Ukuboza 2015, ni inyongera ku muryango The Clinton Development Initiative (CDI), wa washinzwe n’uwahoze ari Perezida wa Leta zunze ubumwe z’Amerika Bill Clinton.

Ubu buryo bwitezweho guhuza abaguzi n’abahinzi bifashishije ikoranabuhanga mu kwishyurana.

Uyu muryango wihaye intego yo gufasha abahinzi, baba abahinga ku giti cyabo n’abakorera mu makoperative, yo kubafasha kugira ubuzima bwiza binyuze mu mahugurwa, kubahuza n’amasoko no kubahuza n’abandi bakora muri iki gice cy’ubuhinzi mu Rwanda.

Visa nayo muri aya masezerano ikazagira uruhare rwo gushyiraho uburyo bunoze bwo gutuma kwishyurana hakoreshejwe ikoranabuhanga bigenda neza, bityo bigabanye amafaranga ahererekanywa mu ntoki.

Ubu buryo bwashyizweho bitewe n’ubwiyongere bw’ikoreshwa rya telefoni zigendanwa muri Afurika yo munsi y’ubutayu bwa Sahara. Uretse kugabanya ibyago byo kugendana amafaranga menshi, bizanafasha kwegereza abahinzi amabanki bagire umuco wo kubitsa.

Walker Morris, umuyobozi mukuru wa CDI, yagize ati “Dushyirai ngufu mu kongerera ingufu abahinzi mu Rwanda, tubaha ubumenyi n’ubushobozi bwo kongera umusaruro wabo, bikabafasha kongera inyungu no kuzamura imibereho yabo.

Ububuryo twakoranyemo na Visa buzatuma ubukungu bwiyongera bunagabanye imihangayiko abahinzi bagiraga. Abahinzi kandi bazahugurwa banahabwe amahugurwa yo kwishyura bifashishije ikoranabuhanga, bibahuze n’ubukungu bwiyongera bw’igihugu.”

Stephen Kehoe, Visi Perezida wungirije muri Visa we yagize ati “Imbogamizi ya mbere yo kongera umusaruro mu bahinzi bikorera ni ukubura igishoro. Iya kabiri ni iyo kuba bakwishyurwa vuba ku musaruro wabo. Dutekereza ko izi mbogamizi zose twazikemura turamutse dushyira kwishyura no kwishyurwa mu ikoranabuhanga tukigisha abahinzi nk’uko ari cyo ubu bufatanye bwagiriyeho.”

Urugero rw’ubu ubu buryo buzakoresha ni nk’igihe umucuruzi yagurishije akaba agomba kwishyurwa cyangwa igihe umuguzi nawe yaguze agomba kwishyura umuhinzi.

Ubu bufatanye buzakorwa mu bice bibiri, naho imbanziriza mushinga yo ikazakorerwa mu turere twa Kayonza na Gatsibo.

Ibi birori byabaye kuri iki cyumweru tariki 13 Ukuboza 2015, bihuje abana bagera kuri 200 baturutse mu turere dutandukanye tw’igihugu bari hagati y’imyaka 7-12.

Madame Jeannette Kagame yahaye abana umutsima wa Gato abifuriza noheli nziza n’ubunani.

Madame Jeannette Kagame yababwiye ko iki gikorwa Imbuto Foundation ifatanyije na Unity Club buri mwaka mu rwego rwo kwifuriza abana ibiruhuko byiza.

Bamwe mu bana bagaragaje impano yo kuvuga imivugo.

Yagize ati “Mudutahirize ababyeyi mubabwire ko tubifuriza mwaka mwiza wa noheli.”

Aba bana bagaragaje uburyo bishimiye ibi birori babinyujije mu mpanuro batanze no mu mpanuro batanze.

Abana bari banezerewe cyane.

Jeovanis Nayituriki wiga mu karere ka Gasabo, yavuze ko bafite indoto zo kuzamera nka Jeannette Kagame, kuko ari we bafatiraho urugero rwiza.

Inama y’Abaminisitiri yemeje ko Referendum mu gihugu izaba kuwa gatanu tariki 18 Ukuboza 2015, naho ku Banyarwanda baba hanze bakazatora umunsi umwe mbere, ari ho kuwa kane tariki 17 Ukuboza 2015.

Yabyemeje ubwo yateranaga kuri uyu wa kabiri tariki 8 Ukuboza 2015.

Iyi referendum izaba yemeza cyangwa ihakana niba perezida Kagame yemerewe gukomeza kuyobora nyuma ya 2017.

PRIMATURE yabitangaje ibinyujje muri Twitter.

Byemerejwe mu nama nyunguranabitekerezo iki kigo cyagiranye n’abafatanyabikorwa bacyo batandukanye tariki 4 Ukuboza 2015.

Abitabiriye inama nyunguranabitekerezo ku isoko ry’imari n’imigabane ku rwego rw’akarere.

Celestin Rwabukumba, umuyobozi wa RSE, yavuze ko inyigo bakoze yo gushyira iki kigo mu rwego rwa karere itunganye ndetse n’ibizakenerwa byose bikaba biri bihari kandi bikazakorwa mu bufatanye bwa leta n’abikorera mu karere.

Yagize ati “Twemeje ko nta mpamvu yo guhora mu nyigo nk’abafatanyabikorwa ba za leta twemeza ko isoko ry’imari n’imigabane mu karere ryahuzwa amahuriro y’ubucuruzi atandukanye aho kugira ihuriro rimwe.”

Rwabukumba yanashimye akazi ikipe yari ishinzwe gushyira mu bikorwa iyi nyingo yakoze, muri abo harimo abaturutse mu karere k’Afurika y’iburasirazuba, mu mabanki no mbigo bishinzwe kureba ubuziranenge.

Yavuze ko imikoranire nk’iyo ari yo izatuma habaho umutekano mu ruhererekane rw’amafaranga n’ubwishyu mu karere, bigatuma habaho isoko rikomeye rya EAC.

Sammy Mulang’a, umuvugizi w’ibijyanye n’imari wavuze mu ijambo ry’umunyamanga nshingwabikorwa wa EAC, yashimye igitekerezo cya RSE, avuga ko bazafasha mu kubisakaza mu bihugu bigize akarere kugira ngo bizakorwe neza.

Yabibukije akamaro ko kugira iterambere ry’ibigo by’imari mu karere, ko bifitiye akarere inyungu kandi bikaba ari imwe mu byasinywe ku masezerano ashyiraho uyu muryango.

Yavuze ko mu karere ibigo by’imari n’imigaba by’umwihariko bimaze gutera imbere, kandi bikaba byaranagize uruhare mu gutuma ibihugu birushaho kwiyumva no kwegerana mu muryango.

RSE yashinzwe tariki 7 Ukwakira 2005, ifite inshingano zo gukora ibijyane n’isoko ry’imari n’imigabane mu Rwanda, itangira gukora ku mugaragaro tariki 31 Mutarama 2011.

Ubu ifite ibigo birindwi byemewe n’amategeko ikagira n’impapuro z’agaciro 10 ku isoko. Inshingano yayo ya mbere ni uguteza imbere isoko ry’imari n’imigabane mu Rwanda buri wese yibonamo.

Abaturage bo mu murenge wa Nkombo barasaba kwegerezwa isoko

Aba baturage bavuga ko kutagira isoko bituma hafi ya bose bajya gushakira imibereho mu burobyi bw’amafi n’isambaza bakorera mu kiyaga cya Kivu.

Abo baturage batuye kuri icyo kirwa kiri mu kiyaga cya Kivu rwagati bavuga ko isoko rya hafi bajya guhahiramo barigeraho bakoze urugendo rw’amasaha ane; nkuko Bamporiki Emmanuel abivuga.

Agira "Tugera hano hepfo ku mazi tugafata ubwato tukambuka dutanze 200RWf, wagera ku musozi ugafata moto ya 1500RWf ikakugeza mu mujyi (Kamembe) waba udafite amafaranga ukagenda n’amaguru icyo gihe bitwara amasaha ane."

Akomeza avuga ko amasoko bahahiramo ari mu mirenge ya Kamembe na Nkanka bahana imbibi.

Bamporiki avuga ko begerejwe isoko byatuma bihangira indi mirimo ijyanye n’ubundi bucuruzi aho gukora gusa uburobyi.

Agira ati "Ino umuntu abona ibihumbi magana atatu (ibihumbi 300RWf) akorera mu mazi (mu burobyi) kandi wabona yanabona umugisha wo kuba yakorera mu isoko.

H afi yatwese 80% ibitekerezo byahereye mu mazi kubera ko ntahandi twakorera. Icyo twifuza ni isoko kuko abenshi bari inyuma kubera kutagira isoko."

Mugenzi we witwa Mukabange Françoise we avuga ko usibye agasoko gato k’isambaza gusa nta handi hafi babona ho guhahira ibindi bifuza.

Agira ati "Ako gasoko ni akabadamu ko guhahiramo isambaza gusa, Telefoni ntiwayibona ino , Radio ntiwayibona ino, umwenda mwiza ntiwawubona ino turifuza ko baduha isoko rwose."

Umuyobozi w’Akarere ka Rusizi arizeza abaturage ba Nkombo ko niba ikibanza gihari bazubakirwa isoko

Umuyobozi w’akarere ka Rusizi, Harerimana Frederic avuga ko ibyifuzo by’abaturage ari byo bigenderwaho mu gushyira mu bikorwa ingengo y’imari.

Abwira abaturage ko niba hari ubutaka bwo gushyiraho isoko, baba batangiye kubutunganya mu igihe akarere kari gushakisha ubushobozi bwo kubaka.

Agira ati "Ibyo abaturage bifuza nibyo duhuriza hamwe tukareba ibikomeye kurusha ibindi tugahuza n’ingengo y’ imari ikibazo tukaba tuzagenda tugikemura bitewe n’ubushobozi.

Niba hari ubutaka buhari bwo gushyiraho isoko abaturage batangira kugira ibikorwa bimwe babukoreraho natwe tugasigara dushaka ubushobozi buhagije bwo gukemura ikibazo."

Ibi bizatuma inyungu bakura kuri iki gihingwa ziyongere, nk’uko byatangajwe n’ubuyobozi bw’umushinga PSDAG (Private Sector Driven Agricultural Growth), kuri uyu wa kane tariki 10 Ukuboza 2015.

Abahagarariye amakoopertive atandatu yatoranyijwe bari baje gusinya amasezerano y’imikoranire n’umushinga PSDAG.

Uyu mushinga w’ikigo cy’Abanyamerika kita ku iterambere mpuzamahanga (USAID), ugiye gutangiza porogaramu y’ikoranamubuhanga yitwa Farmbook (Igitabo cy’umuhinzi) cyakorewe gufasha abahinzi kwongera umusaruro n’amahirwe yo guhangana ku masoko, mu rwego rwo gufasha imikorere myiza y’ aya makusanyirizo.

Byagaragajwe ko zimwe mu nzitizi zibasiye abahinzi b’ibirayi harimo kutabona cyangwa kutabonera ku gihe amukuru y’ibiciro ku masoko, kugira ngo abahinzi bashobore kugurisha umusaruro ku igiciro kiboneye.

Innocent Twizerimana uhagarariye koperative COAPEB ashyira umukono ku masezerano.

Mu gukemura ibyo bibazo, amakusanyirizo y’ibirayi ateganyije guca akajagari mu icuruzwa ry’icyo gihingwa, agashimangira amasezerano y’imikoranire hagati y’abahinzi n’abacuruzi.

Igitabo cy’umuhinzi kitezweho kongerera ama Koperative ubushobozi bwo gucunga neza amakusanyirizo no gufata neza umusaruro, bityo binongerere inyungu abahinzi b’ibirayi.

Mu gutangiza Igitabo cy’Umuhinzi “Farmbook” Umushinga PSDAG uzafatanya ibikorwa n’amakoperative atandatu afite amakusanyirizo 10 mu turere twa Musanze, Burera, na Nyabihu mu gufasha abahinzi b’ibirayi bagera ku 2,347.

Mugorozi Fabien, uhagarariye Koperative CVMB mu karere ka Burera, yagize ati “Abanyamuryango bacu bishimiye igikorwa cy’amakusanyirizo mu kugabanura ihinduagurika ry’ibiciro by’ibirayi, iki Gitabo cy’Umuhinzi rero kizadufasha byimazeyo gufata ibyemezo bikwiye mu bucuruzi bwacu bw’ibirayi.”

Umushinga PSDAG watangiye muri 2014, ufite imyaka itanumu Rwanda. Ugamije guteza imbere abahinzi baciriritse binyuze mu gushishikariza abikorera ku giti cyabo gushora imari mu buhinzi no kwagura amahirwe ateza imbere ubukungu bw’abahinzi baciriritse binyuzemu bikorwa byongerera umusaruro agaciro ku isoko.