Perezida Kagame yakiriye mugenzi we wa Angola

Perezida wa Angola, Manuel Gonçalves João Lourenço, akaba ari n’umuhuza mu biganiro bireba umutekano muri Repubulika Iharanira Demokarasi ya Congo (DRC) yakiriwe na mugenzi we w’u Rwanda, Paul Kagame.

Ibiro by’Umukuru w’Igihugu (Village Urugwiro) byatangaje ko Perezida Kagame yakiriye mugenzi we wa Angola wageze mu Rwanda ku wa Gatanu tariki 11 Ugushyingo 2022, bakaba baganiriye ku birebana n’umutekano mu Karere.

Minisitiri w’Ububanyi n’Amahaga wa Angola, Téte António wageze mu Rwanda mu ijoro ryo ku wa Kane, yatangaje ko abanjirije Perezida Lourenço uri buze kuganira n’umuvandimwe, Perezida Kagame.

Ku rukuta rwe rwa Twitter Minisitiri Tete yagize ati "Nageze i Kigali kuri uyu mugoroba, mbere y’uruzinduko rwa Nyakubahwa João Manuel Gonçalves Lourenço, Perezida wa Repubulika ya Angola, rwo guhura n’umuvandimwe we Nyakubahwa Paul Kagame."

Minisitiri Tete yaje avuye i Goma muri DRC kuganira n’abasirikare bagize itsinda ryitwa ‘Expanded Joint Verification Mechanism(EJVM)’ rishinzwe kugenzura iyubahirizwa ry’imipaka hagati ya DRC n’u Rwanda.

EJVM y’Ibihugu bigize Inama y’Akarere k’Ibiyaga Bigari (ICGLR), iyobowe n’Umunya-Angola Lt Gen Nassone João.

ADVERTISEMENT
rkad1
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka