Amaze imyaka 37 adakoza amazi ku mubiri we ndetse ntanogoshe umusatsi

9-05-2012 - 14:53' | Ibitekerezo ( 15 )

Umugabo w’umuhinzi wo mu gihugu cy’Ubuhinde witwa Kailash Singh amaze imyaka 37 atarakoza amazi ku mubiri we cyangwa ngo yiyogosheshe umusatsi, ubu ureshya na metero imwe na centimetero umunani (1,8 m) z’uburebure.

Kailash Singh w’imyaka 65 abikora mu rwego rwo kugira ngo azabashe kubyara umwana w’umuhungu. Ngo umupadiri yamutegetse ko niba ashaka kubyara umuhungu atazigera na rimwe yikoza amazi ku mubiri we cyangwa se ngo yogoshe ubwanwa bwe nk’uko bitangazwa n’ikinyamakuru Daily Mail.

Kugeza ubu Kailash afite abana 7 b’abakobwa ariko arashakisha n’umwana w’umuhungu. Singh yiberaho mu buhinzi bwe nta kintu kijyanye n’isuku akorera umubiri we uretse kota gusa. Mu rwego rwo kwishimisha, abyina azenguruka umuriro.

Umuryango we wemeza ko wamuhatiye koga ariko akaza guhitamo guhunga akajya kwibera wenyine. Umugore we nawe ngo yagerageje kumwangira kurarana nawe niba atoze, ariko aza gusanga inshingano ze zitamwemerera kumuraza wenyine bityo birangira bongeye kurarana.