Inkuru dukesha Slate Afrique iravuga ko umwana w’umuhungu uba mu gace ka Zogona aherutse kubwira bagenzi be ko abuze igitsina cye. Yashinjije umusaza usabiriza wari uri hafi aho ko ari we umwibye.

Ibyo byabaye mu gihe hari hashize iminsi abatuye umujyi wa Ouwagadougou bashinja abanyamahanga kubibira ibitsina by’abana babo b’abahungu. Ibi kikorwa biranavugwa mu bihugu bya Benin, Mali na Gabon.

Kugirango wizere umutekano w’igitsina cyawe muri ibi bihugu byibasiwe n’ubwo bujura, ngo ugomba kugenda ufasheho. Ibi bikaba bifasha nyir’urugingo rw’umubiri rushakishwa kuko amenya aho yamburiwe ndetse n’igihe byabereye bityo bikamufasha gutabaza no kumenya umwibye n’ubwo biba bigoye ngo uwibwe asubizwe ibye.

Iki kibazo giteye inkeke kuko giteza umutekano mucye muri ibyo bihugu kuko ukekwaho ubwo bujura akubitwa ndetse akanicwa. Ubu umubare utabarika w’abantu ukaba umaze kuhatakariza ubuzima.

Ubwo bujura bw’ibitsina burashinjwa cyane ubwoko bw’abahoussas buturuka muri Nigeri na Nigeriya hamwe n’ubwoko bw’abayoruba.

SlateAfrique ivuga ko ubu bujura nibukomeza bizatera ikibazo mu bijyanye no kororoka kwa muntu.

Imana ifashe abahuye n’ibyo bibazo ariko kandi ibirinde aho bitaragera.

Anne Marie Niwemwiza